1.   Għall-fini tal-applikazzjoni tal-Artikolu 8 tad-Deċiżjoni (UE, Euratom) 2020/2053, il-bilanċ għal sena finanzjarja partikolari għandu jikkonsisti fid-differenza bejn id-dħul kollu miġbur fir-rigward ta’ dik is-sena finanzjarja u l-ammont ta’ pagamenti magħmula għal approprjazzjonijiet għal dik is-sena finanzjarja miżjuda bl-ammont tal-approprjazzjonijiet għall-istess sena finanzjarja riportati skont l-Artikolu 12 tar-Regolament (UE, Euratom) 2018/1046 tal-Parlament Ewropew u tal-Kunsill (6) (“ir-Regolament Finanzjarju”).

Din id-differenza għandha tkun miżjuda jew imnaqqsa bl-ammont nett tal-approprjazzjonijiet riportati mis-snin finanzjarji preċedenti li jkunu ġew ikkanċellati. B’deroga mill-Artikolu 8(1) tar-Regolament Finanzjarju, id-differenza għandha wkoll tiġi miżjuda jew imnaqqsa b’dan li ġej:

2.   Il-Kummissjoni għandha, qabel l-aħħar ta’ Ottubru ta’ kull sena finanzjarja, tagħmel stima tar-riżorsi proprji miġbura għas-sena sħiħa, fuq il-bażi tad-data li jkollha għad-dispożizzjoni tagħha f’dak iż-żmien. Kwalunkwe differenza konsiderevoli fir-rigward tal-istimi oriġinali tista’ twassal għal ittra emendatorja għall-abbozz tal-baġit għas-sena finanzjarja sussegwenti jew baġit emendatorju għas-sena finanzjarja attwali.

1.   Ir-riżorsi proprji msemmija fl-Artikolu 2(1) tad-Deċiżjoni (UE, Euratom) 2020/2053 għandhom jiġu spezzjonati kif speċifikat f’dan ir-Regolament, mingħajr preġudizzju għar-Regolament (KEE, Euratom) Nru 1553/89 u r-Regolament (UE) 2019/516 tal-Parlament Ewropew u tal-Kunsill (7).

2.   L-Istati Membri għandhom jieħdu l-miżuri kollha li huma meħtieġa biex jassiguraw li r-riżorsi proprji msemmijin fl-Artikolu 2(1) tad-Deċiżjoni (UE, Euratom) 2020/2053 jitqiegħdu għad-dispożizzjoni tal-Kummissjoni.

3.   Meta l-miżuri ta’ kontroll u ta’ superviżjoni jikkonċernaw ir-riżorsi proprji tradizzjonali msemmijin fil-punt (a) tal-Artikolu 2(1) tad-Deċiżjoni (UE, Euratom) 2020/2053:

4.   Fil-każijiet li fihom il-miżuri ta’ kontroll u ta’ superviżjoni jkunu jikkonċernaw ir-riżorsa proprja bbażata fuq il-VAT imsemmija fil-punt (b) tal-Artikolu 2(1) tad-Deċiżjoni (UE, Euratom) 2020/2053, l-ispezzjonijiet tal-Kummissjoni għandhom jitwettqu flimkien mal-awtoritajiet kompetenti tal-Istat Membru kkonċernat. Matul dawk l-ispezzjonijiet, il-Kummissjoni għandha tivverifika, b’mod partikolari, li l-operazzjonijiet biex tiġi kkalkulata l-VAT totali nett miġbura jkunu twettqu kif suppost. Għandha tikkonferma wkoll li d-data użata tkun adegwata, u li l-kalkoli li jkunu saru biex ikun iddeterminat l-ammont ta’ dik ir-riżorsa proprja kif imsemmija fl-Artikolu 3(1) tar-Regolament (KEE, Euratom) Nru 1553/89 ikunu konformi ma’ dak ir-Regolament.

5.   Meta miżuri ta’ kontroll u superviżjoni jikkonċernaw ir-riżorsa proprja bbażata fuq l-iskart mill-imballaġġ tal-plastik li ma jiġix irriċiklat imsemmija fil-punt c tal-Artikolu 2(1) tad-Deċiżjoni (UE, Euratom) 2020/2053, il-Kummissjoni għandu jkollha aċċess għad-dokumenti relatati mal-proċeduri u mad-data msemmija fid-Direttiva tal-Parlament Ewropew u tal-Kunsill 94/62/KE (8) u fid-Deċiżjoni tal-Kummissjoni 2005/270/KE (9). L-ispezzjonijiet tal-Kummissjoni għandhom jitwettqu flimkien mal-awtoritajiet kompetenti tal-Istat Membru kkonċernat. Matul dawk l-ispezzjonijiet, il-Kummissjoni għandha tivverifika li l-operazzjonijiet biex jiġi kkalkulat il-piż tal-iskart mill-imballaġġ tal-plastik li ma jiġix ir-riċiklat kif imsemmi fit-tieni subparagrafu tal-Artikolu 2(2) tad-deċiżjoni (UE. Euratom) 2020/2053 jkunu twettqu kif suppost.

6.   Meta l-miżuri ta’ kontroll u ta’ superviżjoni jikkonċernaw ir-riżorsa proprja bbażata fuq id-dħul nazzjonali gross (DNG) imsemmija fil-punt (d) tal-Artikolu 2(1) tad-Deċiżjoni (UE, Euratom) 2020/2053:

7.   Il-verifiki u l-inkjesti msemmija f’dan l-Artikolu għandhom ikunu mingħajr preġudizzju għal dan li ġej:

8.   Għall-finijiet tal-miżuri ta’ kontroll u ta’ superviżjoni skont il-paragrafi 3 sa 6, il-Kummissjoni tista’ titlob lill-Istati Membri biex jibagħtulha d-dokumenti jew ir-rapporti rilevanti li jirrigwardaw is-sistemi wżati biex jinġabru r-riżorsi proprji jew li jqiegħdu dawn id-dokumenti jew ir-rapporti għad-dispożizzjoni tal-Kummissjoni.

1.   Il-Kummissjoni għandha speċifikament taħtar għall-fini tat-twettiq tal-ispezzjonijiet imsemmija fl-Artikolu 2 ċerti uffiċjali jew aġenti oħra minn tagħha (“aġenti awtorizzati”).

Għal kull spezzjoni, il-Kummissjoni għandha tipprovdi lill-aġenti awtorizzati bit-termini ta’ referenza bil-miktub li jiddikjaraw l-identità u l-kapaċità uffiċjali tagħhom.

L-esperti sekondati lill-Kummissjoni mill-Istati Membri bħala esperti nazzjonali jistgħu jipparteċipaw fl-ispezzjonijiet.

Bil-ftehim espliċitu u minn qabel tal-Istat Membru kkonċernat, il-Kummissjoni tista’ tfittex l-għajnuna ta’ uffiċjali minn Stati Membri oħra bħala osservaturi. Il-Kummissjoni għandha tiżgura li dawn l-uffiċjali jikkonformaw mal-paragrafu 3.

2.   Matul l-ispezzjonijiet imsemmija fl-Artikolu 2, l-aġenti awtorizzati għandhom jaġixxu b’mod kompatibbli mar-regoli applikabbli għall-uffiċjali tal-Istat Membru kkonċernat. Għandhom ikunu marbuta bis-segretezza professjonali, skont il-kundizzjonijiet stipulati fil-paragrafu 3 ta’ dan l-Artikolu.

Il-Kummissjoni għandha tirrispetta l-prinċipju tal-kunfidenzjalità tal-istatistika kif stabbilit fir-Regolament (KE) Nru 223/2009 tal-Parlament Ewropew u tal-Kunsill (10).

Aġent awtorizzat jista’, jekk ikun meħtieġ, jikkuntattja lid-debituri, iżda biss fil-kuntest tal-ispezzjonijiet tar-riżorsi proprji tradizzjonali, u permezz biss tal-awtoritajiet kompetenti li l-proċeduri tagħhom tal-ġbir tar-riżorsi proprji jkunu s-suġġett tal-ispezzjoni.

3.   L-informazzjoni kkomunikata jew miksuba skont dan ir-Regolament, fi kwalunkwe għamla, għandha tkun soġġetta għas-segretezza professjonali u tirċievi l-protezzjoni mogħtija għal informazzjoni simili skont il-liġi nazzjonali tal-Istat Membru li fih tkun inġabret u skont id-dispożizzjonijiet korrispondenti applikabbli għall-istituzzjonijiet tal-Unjoni.

L-informazzjoni msemmija fl-ewwel sottoparagrafu ma għandha tiġi kkomunikata lil ħadd, għajr lil dawk il-persuni fl-istituzzjonijiet tal-Unjoni jew fl-Istati Membri li d-dover tagħhom huwa li jkunu jafu dik l-informazzjoni, u lanqas ma għandha tintuża għal finijiet oħra minbarra dawk stabbiliti f’dan ir-Regolament mingħajr il-kunsens minn qabel tal-Istat Membru li fih tkun inġabret.

L-ewwel u t-tieni sottoparagrafu għandhom japplikaw għall-uffiċjali u għall-aġenti l-oħra tal-Unjoni, u għall-esperti nazzjonali sekondati.

4.   Il-Kummissjoni għandha tiżgura li l-aġenti awtorizzati u persuni oħra li jaġixxu taħt l-awtorità tagħha jikkonformaw mar-Regolament (UE) 2016/679 tal-Parlament Ewropew u tal-Kunsill (11)u mar-Regolament(UE) 2018/1725 tal-Parlament Ewropew u tal-Kunsill (12) u ma’ regoli oħra tal-Unjoni u nazzjonali dwar il-protezzjoni tad-data personali.

1.   F’komunikazzjoni ssostanzjata kif dovut, il-Kummissjoni għandha tagħti avviż ta’ spezzjoni fi żmien adegwat lill-Istat Membru li fih tkun ser issir l-ispezzjoni. L-aġenti tal-Istat Membru kkonċernat jistgħu jipparteċipaw f’din l-ispezzjoni.

2.   L-ispezzjonijiet għandhom jitwettqu mill-aġenti awtorizzati. Għall-finijiet tal-organizzazzjoni tal-ħidma, l-aġenti awtorizzati għandhom jistabbilixxu l-kuntatti meħtieġa mal-awtoritajiet kompetenti tal-Istati Membri.

3.   Għall-ispezzjonijiet li l-Kummissjoni tkun involuta fihom, l-organizzazzjoni tal-ħidma u r-relazzjonijiet mad-dipartimenti involuti fl-ispezzjoni għandhom jiġu żgurati mid-dipartiment innominat mill-Istat Membru kkonċernat.

4.   L-ispezzjonijiet fil-post li jirrigwardaw ir-riżorsi proprji tradizzjonali msemmija fil-punt (d) tal-Artikolu 2(3) għandhom jitwettqu mill-aġenti awtorizzati. Għall-finijiet tal-organizzazzjoni tal-ħidma u r-relazzjonijiet mad-dipartimenti u, fejn xieraq, id-debituri involuti fl-ispezzjoni, l-aġenti awtorizzati għandhom, qabel kull spezzjoni fil-post, jistabbilixxu l-kuntatti meħtieġa mal-uffiċjali nnominati mill-Istat Membru kkonċernat. Għal spezzjoni ta’ dan it-tip, it-termini ta’ referenza għandhom ikunu stabbiliti f’dokument li jindika l-għan u l-iskop tal-ispezzjoni.

5.   L-Istati Membri għandhom jiżguraw li d-dipartimenti jew l-aġenziji responsabbli mill-kalkolu, mit-twaqqif, mill-ġbir u mit-tqegħid għad-dispożizzjoni tar-riżorsi proprji, u l-awtoritajiet li lilhom ikunu taw struzzjonijiet biex jagħmlu l-ispezzjonijiet fuqhom, jagħtu lill-aġenti awtorizzati l-assistenza neċessarja għat-twettiq tad-doveri tagħhom.

Għall-finijiet l-ispezzjonijiet fil-post li jirrigwardaw ir-riżorsi proprji tradizzjonali msemmija fil-punt (d) tal-Artikolu 2(3), l-Istati Membri kkonċernati għandhom jgħarrfu lill-Kummissjoni fi żmien adegwat bl-identità u l-kapaċità tal-persuni maħtura biex jieħdu sehem f’dawn l-ispezzjonijiet u għandhom jipprovdu lill-aġenti awtorizzati kull assistenza meħtieġa għat-twettiq tad-doveri tagħhom.

6.   Ir-riżultati tal-kontrolli u tal-ispezzjonijiet imsemmija fl-Artikolu 2, għajr għall-ispezzjonijiet imwettqa mill-Istati Membri, għandu jsir jaf bihom l-Istat Membru kkonċernat permezz tal-kanali xierqa fi żmien perijodu ta’ tliet xhur. L-Istat Membru għandu jippreżenta l-osservazzjonijiet tiegħu fi żmien tliet xhur wara li jkun irċieva r-rapport. Madanakollu, għal raġunijiet issostanzjati kif dovut, il-Kummissjoni tista’ titlob lill-Istat Membru kkonċernat biex jippreżenta osservazzjonijiet dwar punti speċifiċi fi żmien perijodu ta’ xahar wara li jkun irċieva r-rapport. L-Istat Membru kkonċernat jista’ jirrifjuta li jwieġeb billi, f’komunikazzjoni, jiddikjara r-raġunijiet li ma jħalluhx iwieġeb għat-talba tal-Kummissjoni.

Ir-riżultati u l-osservazzjonijiet imsemmija fl-ewwel sottoparagrafu, flimkien mar-rapport ta’ sinteżi mħejji b’rabta mal-kontrolli fuq ir-riżorsi proprji msemmija fil-punti (b) u (c) tal-Artikolu 2(1) tad-Deċiżjoni (UE, Euratom) 2020/2053, għandhom isiru jafu bihom l-Istati Membri kollha.

Jekk l-ispezzjonijiet fil-post jew spezzjonijiet oħrajn li hija involuta fihom il-Kummissjoni, fejn l-ispezzjonijiet jikkonċernaw riżorsi proprji tradizzjonali, jidentifikaw il-ħtieġa għal emenda jew korrezzjoni tad-data fl-istqarrijiet jew fid-dikjarazzjonijiet mibgħuta lill-Kummissjoni fir-rigward ta’ riżorsi proprji, u l-korrezzjonijiet li jirriżultaw ikollhom isiru permezz ta’ stqarrija jew ta’ dikjarazzjoni għall-perijodu kurrenti, it-tibdiliet rilevanti għandhom ikunu identifikati, fl-istqarrija jew fid-dikjarazzjoni użata, permezz ta’ notamenti xierqa.

1.   Fi żmien xahrejn wara t-tmiem ta’ kull trimestru, l-Istati Membri għandhom jibgħatu lill-Kummissjoni deskrizzjoni tal-każijiet misjuba ta’ frodi u irregolaritajiet li jinvolvu intitolamenti ta’ ’l fuq minn EUR 10 000 li jikkonċernaw ir-riżorsi proprji tradizzjonali msemmija fil-punt (a) tal-Artikolu 2(1) tad-Deċiżjoni (UE, Euratom) 2020/2053.

Fi żmien il-perijodu msemmi fl-ewwel sottoparagrafu, kull Stat Membru għandu jagħti dettalji dwar il-pożizzjoni li tirrigwarda s-sitwazzjoni tal-każijiet ta’ frodi u ta’ irregolaritajiet diġà rrappurtati lill-Kummissjoni li l-irkupru, il-kanċellazzjoni jew in-nuqqas ta’ rkupru tagħhom ma jkunux ġew indikati qabel.

2.   Il-Kummissjoni għandha tadotta atti ta’ implimentazzjoni li jistabbilixxu dettalji tad-deskrizzjonijiet imsemmija fil-paragrafu 1 ta’ dan l-Artikolu. Dawn l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 7(2).

3.   Fir-rapport tal-Kummissjoni msemmi fl-Artikolu 325(5) TFUE, għandu jiġi inkluż sommarju tad-deskrizzjonijiet imsemmija fil-paragrafu 1 ta’ dan l-Artikolu.

1.   L-Istati Membri għandhom jippreżentaw rapporti annwali dettaljati lill-Kummissjoni dwar l-ispezzjonijiet tagħhom fir-rigward tar-riżorsi proprji tradizzjonali u r-riżultati ta’ dawn l-ispezzjonijiet, id-data ġenerali u kull kwistjoni ta’ prinċipju li tirrigwarda l-aktar problemi importanti li jirriżultaw mill-applikazzjoni tar-regolamenti rilevanti li jimplimentaw id-Deċiżjoni (UE, Euratom) 2020/2053 u, b’mod partikolari, il-materji disputati. Ir-rapporti għandhom jintbagħtu lill-Kummissjoni sal-1 ta’ Marzu tas-sena ta’ wara s-sena finanzjarja kkonċernata. Fuq il-bażi ta’ dawk ir-rapporti, il-Kummissjoni għandha tħejji rapport ta’ sinteżi, li għandhom isiru jafu bih l-Istati Membri kollha.

2.   Il-Kummissjoni għandha tadotta atti ta’ implimentazzjoni li jistabbilixxu formola għar-rapporti annwali tal-Istati Membri msemmija fil-paragrafu 1 ta’ dan l-Artikolu. Dawn l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 7(2).

3.   Il-Kummissjoni għandha tirrapporta kull tliet snin lill-Parlament Ewropew u lill-Kunsill dwar il-funzjonament tal-arranġamenti għall-ispezzjonijiet għar-riżorsi proprji tradizzjonali msemmija fl-Artikolu 2(3).

1.   Il-Kummissjoni għandha tkun assistita mill-Kumitat Konsultattiv dwar ir-Riżorsi Proprji (ACOR) u minn kumitati oħrajn fejn meħtieġ. L-ACOR u l-kumitati l-oħrajn għandhom ikunu kumitati fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

1.   Id-dokumenti ta’ sostenn relatati mar-riżorsa proprja bbażata fuq l-iskart tal-plastik mill-imballaġġ mhux riċiklat għandhom jinżammu mill-Istati Membri sal-31 ta’ Lulju tal-ħames sena wara s-sena finanzjarja inkwistjoni.

2.   Jekk il-verifika skont l-Artikolu 2(5) tar-Regolament tal-Kunsill (UE, Euratom) 2021/768 (10) tad-dokumenti ta’ sostenn imsemmija fil-paragrafu 1 ta’ dan l-Artikolu turi li tinħtieġ korrezzjoni jew aġġustament, dawk id-dokumenti għandhom jinżammu għal perijodu suffiċjenti wara l-limitu ta’ żmien previst fil-paragrafu 1 ta’ dan l-Artikolu sabiex il-korrezzjoni jew l-aġġustament ikunu jistgħu jsiru jew jiġu mmonitorjati.

3.   Fejn tilwima bejn Stat Membru u l-Kummissjoni li tikkonċerna l-obbligu ta’ tqegħid għad-dispożizzjoni ta’ ċertu ammont tar-riżorsa proprja bbażata fuq l-iskart tal-plastik mill-imballaġġ mhux riċiklat jew dwar allegazzjonijiet li jinvolvu spezzjonijiet jew in-nuqqas ta’ provvediment tad-data tiġi riżolta bi ftehim reċiproku, permezz ta’ deċiżjoni tal-Kummissjoni jew permezz ta’ deċiżjoni tal-Qorti tal-Ġustizzja tal-Unjoni Ewropea, l-Istat Membru għandu jibgħat id-dokumenti ta’ sostenn meħtieġa għas-segwitu finanzjarju lill-Kummissjoni fi żmien xahrejn wara dik ir-riżoluzzjoni.

1.   Kull Stat Membru għandu jinforma lill-Kummissjoni b’dan li ġej:

Il-Kummissjoni għandha tiġi infurmata immedjatament bi kwalunkwe bidla fl-ismijiet imsemmija fil-punt (a) tal-ewwel subparagrafu jew id-dispożizzjonijiet imsemmija fil-punt (b) tal-ewwel subparagrafu.

2.   Il-Kummissjoni għandha, fuq talba ta’ Stat Membru, tibgħat lill-Istati Membri kollha l-informazzjoni msemmija fil-paragrafu 1.

1.   Għall-finijiet tal-istabbiliment tar-rata uniformi kif imsemmija fl-Artikolu 5 tar-Regolament (UE, Euratom) Nru 609/2014, id-dħul imsemmi fil-punt (c) tal-Artikolu 2(1) tad-Deċiżjoni (UE, Euratom) 2020/2053 għandu jiżdied mad-dħul imsemmi fil-punti (a) u (b) tal-Artikolu 2(1) ta’ dik id-Deċiżjoni sabiex tiġi kkalkulata l-parti tal-baġit li għandha tiġi koperta mir-riżorsa proprja bbażata fuq id-DNG.

2.   It-tielet subparagrafu tal-Artikolu 6(3) u l-Artikolu 10a tar-Regolament (UE, Euratom) Nru 609/2014 għandhom japplikaw għat-tnaqqis gross fil-kontribuzzjonijiet annwali bbażati fuq id-DNG mogħti lid-Danimarka, il-Ġermanja, l-Awstrija, in-Netherlands u l-Iżvezja skont l-Artikolu 2(4) tad-Deċiżjoni (UE, Euratom) 2020/2053+.

1.   Il-kontijiet għar-riżorsa proprja bbażata fuq l-iskart tal-plastik mill-imballaġġ mhux riċiklat għandhom jinżammu mit-teżor ta’ kull Stat Membru jew minn entità pubblika li teżerċita funzjonijiet simili (“teżor”), jew mill-bank ċentrali nazzjonali ta’ kull Stat Membru.

2.   Għall-finijiet ta’ kontabbiltà tar-riżorsi proprji, ix-xahar għandu jintemm mhux qabel is-1 p.m. tal-aħħar jum tax-xogħol tax-xahar li matulu jkun sar il-kalkolu jew l-istabbiliment.

3.   Il-porzjonijiet ta’ wieħed minn tnax tar-riżorsa proprja bbażata fuq l-iskart tal-plastik mill-imballaġġ mhux riċiklat għandhom jiddaħħlu fil-kontijiet fl-ewwel jum tax-xogħol ta’ kull xahar.

Ir-riżultat tal-kalkolu msemmi fl-Artikolu 9 għandu jiġi rreġistrat kull sena.

4.   Sal-15 ta’ April ta’ kull sena, kull Stat Membru għandu jibgħat lill-Kummissjoni previżjonijiet tal-piż tal-iskart tal-plastik mill-imballaġġ li ma jkunx ser jiġi riċiklat għas-sena attwali u dik segwenti.

5.   Sal-31 ta’ Lulju ta’ kull sena, kull Stat Membru għandu jibgħat lill-Kummissjoni dikjarazzjoni annwali għas-sena, sentejn qabel is-sena attwali (“n-2”), filwaqt li jipprovdi data statistika dwar il-piż tal-iskart tal-plastik mill-imballaġġ iġġenerat fl-Istat Membru u dwar il-piż ta’ dak l-iskart tal-plastik mill-imballaġġ li jkun ġie riċiklat, bil-piżijiet li jingħataw f’kilogrammi, u dikjarazzjoni annwali għas-sena filwaqt li jipprovdi l-kalkolu tal-ammont tar-riżorsa proprja bbażata fuq l-iskart tal-plastik mill-imballaġġ mhux riċiklat f’konformità mal-Artikolu 6.

6.   Il-Kummissjoni għandha tadotta atti ta’ implimentazzjoni li jistabbilixxu formoli tad-dikjarazzjonijiet relatati mar-riżorsa proprja bbażata fuq l-iskart tal-plastik mill-imballaġġ mhux riċiklat imsemmija fil-paragrafu 5 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 14(2).

1.   Ir-riżorsa proprja bbażata fuq l-iskart tal-plastik mill-imballaġġ mhux riċiklat għandha tiġi kkalkulata kif stabbilit fil-punt (c) tal-Artikolu 2(1) tad-Deċiżjoni (UE, Euratom) 2020/2053. Il-piż tal-iskart tal-plastik mill-imballaġġ li mhux qed jiġi riċiklat għandu jiġi kkalkulat f’konformità mal-Artikolu 6a tad-Direttiva 94/62/KE u l-metodoloġija stabbilita fid-Deċiżjoni 2005/270/KE, u b’mod partikolari fl-Artikolu 6c tagħha.

2.   Għal kull Stat Membru, l-ammont tar-riżorsa proprja bbażata fuq l-iskart tal-plastik mill-imballaġġ għandu jiġi kkalkulat f’euro.

3.   L-ammont tar-riżorsa proprja bbażata fuq l-iskart tal-plastik mill-imballaġġ mhux riċiklat f’sena partikolari għandu jiġi determinat abbażi tal-previżjoni msemmija fl-Artikolu 5(4).

1.   L-ammonti kkalkulati f’konformità mal-Artikolu 6 għal kull sena kalendarja għandhom jiġu kkreditati fl-ewwel jum tax-xogħol ta’ kull xahar. Dawk l-ammonti għandhom ikunu wieħed minn tnax tat-totali rilevanti fil-baġit, ikkonvertiti f’muniti nazzjonali bir-rati tal-kambju tal-aħħar jum tal-offerta tas-sena kalendarja ta’ qabel il-perijodu bażi tal-kontijiet, kif ippubblikati f’Il-Ġurnal Uffiċjali tal-Unjoni Ewropea, serje C.

2.   L-ammonti msemmija fil-paragrafu 1 ta’ dan l-Artikolu għandhom jiddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014 fl-ewwel jum tax-xogħol tax-xahar.

3.   Kwalunkwe bidla fir-rata ta’ ġbir uniformi tar-riżorsa proprja bbażata fuq l-iskart tal-plastik mill-imballaġġ mhux riċiklat għandha tirrikjedi l-adozzjoni finali ta’ baġit emendatorju u għandha twassal għal riaġġustamenti tal-porzjonijiet ta’ wieħed minn tnax li jkunu ġew imdaħħla fil-kont imsemmi fl-Artikolu 9(1) tar-Regolament (UE, Euratom) Nru 609/2014 mill-bidu tas-sena finanzjarja.

Dawk ir-riaġġustamenti għandhom jitwettqu meta ssir l-ewwel entrata wara l-adozzjoni finali tal-baġit emendatorju jekk dan jiġi adottat qabel is-sittax tax-xahar. Inkella għandhom jitwettqu meta ssir it-tieni entrata wara l-adozzjoni finali. Permezz ta’ deroga mill-Artikolu 10 tar-Regolament (UE, Euratom) 2018/1046 tal-Parlament Ewropew u tal-Kunsill (11), dawk ir-riaġġustamenti għandhom jiddaħħlu fil-kontijiet fir-rigward tas-sena finanzjarja tal-baġit emendatorju inkwistjoni.

4.   Il-kalkolu tal-porzjonijiet ta’ wieħed minn tnax għal Jannar ta’ kull sena finanzjarja għandu jkun ibbażat fuq l-ammonti previsti fl-abbozz ta’ baġit, imsemmi fl-Artikolu 314(2) tat-Trattat dwar il-Funzjonament tal-Unjoni Ewropea u kkonvertit f’muniti nazzjonali bir-rata tal-kambju tal-ewwel jum ta’ offerta wara l-15 ta’ Diċembru tas-sena kalendarja li jippreċedi l-perijodu bażi tal-kontijiet; l-aġġustament għandu jsir mal-entrata għax-xahar li jmiss.

5.   Jekk il-baġit ma jkunx ġie adottat b’mod finali sa mhux aktar tard minn ġimagħtejn qabel l-entrata għal Jannar tas-sena finanzjarja li jmiss, l-Istati Membri għandhom jagħmlu entrata fl-ewwel jum tax-xogħol ta’ kull xahar, inkluż Jannar, ta’ porzjon ta’ wieħed minn tnax tal-ammont tar-riżorsa proprja bbażata fuq l-iskart tal-plastik mill-imballaġġ mhux riċiklat imdaħħal fl-aħħar baġit adottat b’mod finali; l-aġġustament għandu jsir fl-ewwel maturità wara l-adozzjoni finali tal-baġit jekk dan jiġi adottat qabel is-sittax tax-xahar. Inkella, l-aġġustament għandu jsir fit-tieni maturità wara l-adozzjoni finali tal-baġit.

1.   Abbażi tad-dikjarazzjoni annwali li tipprovdi l-kalkolu tal-ammont tar-riżorsa proprja bbażata fuq l-iskart tal-plastik mill-imballaġġ mhux riċiklat imsemmija fl-Artikolu 5(5), kull Stat Membru għandu, fis-sena ta’ wara dik li fiha tkun intbagħtet dik id-dikjarazzjoni, jiġi ddebitat jew ikkreditat b’ammont ikkalkulat bħala d-differenza bejn l-ammonti fil-previżjoni għal sena partikolari u l-ammonti reali fid-dikjarazzjoni għal dik l-istess sena.

2.   Għal kull Stat Membru, il-Kummissjoni għandha tikkalkula d-differenza bejn l-ammonti li jirriżultaw mill-aġġustamenti msemmija fil-paragrafu 1 u r-riżultat tal-multiplikazzjoni tal-ammonti totali ta’ aġġustamenti mal-perċentwal li d-DNG ta’ dak l-Istat Membri jirrappreżenta tad-DNG tal-Istati Membri kollha, kif applikabbli fil-15 ta’ Jannar tal-baġit fis-seħħ għas-sena ta’ wara dik li fiha tkun ġiet ipprovduta d-data għall-aġġustamenti (l-“ammont nett”).

Għall-finijiet tal-kalkolu msemmi fl-ewwel subparagrafu, l-ammonti għandhom jiġu kkonvertiti mill-muniti nazzjonali għall-euro bir-rata tal-kambju tal-aħħar jum ta’ offerta tas-sena kalendarju ta’ qabel is-sena tal-entrata fil-kontijiet, kif ippubblikati f’Il-Ġurnal Uffiċjali tal-Unjoni Ewropea, serje C.

Il-Kummissjoni għandha tinforma lill-Istati Membri dwar l-ammonti li jirriżultaw mill-kalkolu msemmi fl-ewwel subparagrafu ta’ dan il-paragrafu qabel l-1 ta’ Frar tas-sena ta’ wara dik li fiha tkun ġiet ipprovduta d-data għall-aġġustamenti. Kull Stat Membru għandu jagħmel entrata tal-ammont nett fil-kont imsemmi fl-Artikolu 9(1) tar-Regolament (UE, Euratom) Nru 609/2014 fl-ewwel jum tax-xogħol ta’ Ġunju ta’ dik l-istess sena.

3.   Kwalunkwe aġġustament tad-dikjarazzjonijiet imsemmija fl-Artikolu 5(5) ta’ dan ir-Regolament għas-snin finanzjarji ta’ qabel li jirriżulta minn spezzjonijiet għandu jwassal għal aġġustament partikolari tal-entrati fil-kont imsemmi fl-Artikolu 9(1) tar-Regolament (UE, Euratom) Nru 609/2014. Il-Kummissjoni għandha tinforma lill-Istat Membru kkonċernat f’ittra dwar l-aġġustament meħtieġ. L-ammont li jikkorrispondi għal dak l-aġġustament għandu jitqiegħed għad-dispożizzjoni fid-data speċifikata mill-Kummissjoni f’dik l-ittra.

4.   L-Istat Membru kkonċernat jista’ jitlob lill-Kummissjoni biex tirrevedi l-aġġustament ikkomunikat fl-ittra msemmija fil-paragrafu 3 fi żmien xahrejn mill-jum li fih tasal dik l-ittra. Ir-rieżami għandu jiġi konkluż b’deċiżjoni li għandha tiġi adottata mill-Kummissjoni mhux aktar tard minn tliet xhur mill-jum tal-wasla tat-talba tal-Istat Membru.

Fejn id-deċiżjoni tal-Kummissjoni tirrieżamina l-ammonti b’mod sħiħ jew parzjalment li jikkorrispondu għall-aġġustament ikkomunikat fl-ittra msemmija fil-paragrafu 3, l-Istat Membru għandu jagħmel disponibbli l-ammont korrispondenti. La t-talba tal-Istat Membru għal rieżami tal-aġġustament u lanqas azzjoni għal annullament kontra d-deċiżjoni tal-Kummissjoni ma għandhom jaffettwaw l-obbligu tal-Istat Membru li jagħmel disponibbli l-ammont korrispondenti għall-aġġustament.

5.   Il-Kummissjoni tista’ tadotta atti ta’ implimentazzjoni li jispeċifikaw aktar il-proċedura għar-rieżami msemmi fil-paragrafu 4 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 14(3).

6.   Wara l-31 ta’ Lulju tal-ħames sena wara sena finanzjarja partikolari, ma għandu jibqa’ jittieħed kont tal-bidliet, ħlief tal-punti nnotifikati f’dak il-limitu ta’ żmien, jew mill-Kummissjoni, inkella mill-Istat Membru.

7.   L-operazzjonijiet imsemmija f’dan l-Artikolu jikkostitwixxu operazzjonijiet tad-dħul fir-rigward tas-sena finanzjarja li fiha dawn għandhom jiddaħħlu fil-kont imsemmi fl-Artikolu 9(1) tar-Regolament (UE, Euratom) Nru 609/2014.

1.   Għall-ħtiġijiet speċifiċi ta’ ħlas tan-nefqa tal-Fond Agrikolu Ewropew ta’ Garanzija skont ir-Regolament (UE) Nru 1307/2013 tal-Parlament Ewropew u tal-Kunsill (12), u skont il-pożizzjoni tal-likwidità tal-Unjoni, l-Istati Membri jistgħu jiġu mistiedna mill-Kummissjoni jirriportaw, sa mhux aktar minn xahrejn fl-ewwel tliet xhur tas-sena finanzjarja, l-entrata ta’ porzjon ta’ wieħed minn tnax, jew frazzjoni minnu, tal-ammonti fil-baġit għar-riżorsa proprja bbażata fuq l-iskart tal-plastik mill-imballaġġ mhux riċiklat.

2.   Soġġett għal-paragrafu 3, għall-ħtiġijiet speċifiċi ta’ ħlas tan-nefqa tal-Fondi Strutturali u ta’ Investiment Ewropej skont ir-Regolament (UE) Nru 1303/2013 tal-Parlament Ewropew u tal-Kunsill (13), u skont il-pożizzjoni tal-likwidità tal-Unjoni, l-Istati Membri jistgħu jiġu mistiedna mill-Kummissjoni jirriportaw, fl-ewwel sitt xhur tas-sena finanzjarja, l-entrata ta’ mhux aktar minn nofs addizzjonali ta’ porzjon ta’ wieħed minn tnax tal-ammonti fil-baġit għar-riżorsa proprja bbażata fuq l-iskart tal-plastik mill-imballaġġ mhux riċiklat.

3.   L-ammont totali li l-Istati Membri jistgħu jiġu mistiedna jantiċipaw mill-Kummissjoni fl-istess xahar skont il-paragrafi 1 u 2 għandu, fi kwalunkwe każ, ma jaqbiżx ammont li jikkorrispondi għal żewġ porzjonijiet addizzjonali ta’ wieħed minn tnax.

4.   Wara l-ewwel sitt xhur, l-entrata ta’ kull xahar mitluba ma għandhiex taqbeż wieħed minn tnax tar-riżorsa proprja bbażata fuq l-iskart tal-plastik mill-imballaġġ mhux riċiklat, filwaqt li tibqa’ fil-limitu tal-ammonti li ddaħħlu fil-baġit għal dak il-għan.

5.   Il-Kummissjoni għandha tinnotifika l-Istati Membri b’dan minn qabel, mhux aktar tard minn ġimagħtejn qabel entrata mitluba skont il-paragrafi 1 u 2.

6.   Il-Kummissjoni għandha tinforma l-Istati Membri ferm qabel, u mhux aktar tard minn sitt ġimgħat qabel entrata mitluba skont il-paragrafu 2, bl-intenzjoni tagħha li titlob tali entrata.

7.   L-Artikolu 8(4), li jikkonċerna l-ammont li għandu jiddaħħal f’Jannar kull sena, u l-Artikolu 8(5), applikabbli jekk il-baġit ma jkunx ġie adottat b’mod finali qabel il-bidu tas-sena finanzjarja, għandhom japplikaw għall-entrati minn qabel imsemmija fil-paragrafi 1 u 2.

1.   Għar-riżorsa proprja bbażata fuq l-iskart tal-plastik mill-imballaġġ mhux riċiklat, l-interessi għandhom ikunu pagabbli biss b’rabta ma’ dewmien fl-entrati tal-ammonti li ġejjin:

Għall-finijiet tal-punt (d) tal-ewwel subparagrafu, l-interessi fuq l-aġġustamenti li jirriżultaw mill-korrezzjonijiet li jkunu saru minħabba n-nuqqas ta’ Stat Membri li jipprovdi data għandhom jiġu kkalkulati mill-ewwel jum tax-xogħol ta’ Ġunju tas-sena ta’ wara dik li fiha jkun skada l-limitu ta’ żmien stabbilit mill-Kummissjoni.

Stat Membru għandu jinħeles mill-obbligu li jħallas l-imgħax għan-nuqqas imsemmi fil-punt (d) tal-ewwel subparagrafu jekk dak in-nuqqas ikun ibbażat jew fuq raġunijiet ta’ force majeure jew fuq raġunijiet oħra li ma jistgħux jiġu attribwiti lill-Istat Membru kkonċernat.

It-tilwim bejn Stat Membru u l-Kummissjoni dwar jekk in-nuqqas allegat imsemmi fil-punt (d) tal-ewwel subparagrafu ta’ dan il-paragrafu jistax jiġi attribwit għall-Istat Membru għandu jiġi riżolt permezz tar-rieżami msemmi fl-Artikolu 9(4).

2.   Fejn Stat Membru jibda r-rieżami msemmi fl-Artikolu 9(4), l-interessi għandhom jiġu kkalkulati mid-data speċifikata mill-Kummissjoni f’konformità mal-Artikolu 9(3).

3.   Għandu jiġi rrinunzjat l-irkupru ta’ ammonti ta’ interessi li jkunu inqas minn EUR 500.

4.   L-interessi għandhom jiġu imposti bir-rati u l-kondizzjonijiet previsti fl-Artikolu 12(4) u (5) tar-Regolament (UE, Euratom) Nru 609/2014.

5.   Għall-ħlas ta’ interessi msemmi fil-paragrafu 1 ta’ dan l-Artikolu, għandu japplika mutatis mutandis l-Artikolu 9(2) u (3) tar-Regolament (UE, Euratom) Nru 609/2014.

1.   Il-Kummissjoni għandha tiġi assistita mill-kumitat stabbilit f’konformità mal-Artikolu 21(1) tad-Direttiva 94/62/KE. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.