(1)

L-Artikolu 13(6) tar-Regolament (UE) 2019/787 jirrikjedi li l-operazzjonijiet tal-invekkjament tax-xorb spirituż isiru taħt superviżjoni tat-taxxa ta’ Stat Membru jew superviżjoni li tipprovdi garanziji ekwivalenti.

(2)

Għal dan il-għan, kull Stat Membru għandu jaħtar il-korpi responsabbli biex jissorveljaw tali proċessi ta’ invekkjament u jinformaw lill-Kummissjoni b’dan sabiex tkun tista’ tistabbilixxi reġistru pubbliku li jelenka dawk il-korpi maħtura.

(3)

Għal dan il-għan, huwa xieraq li jiġu stabbiliti regoli dwar l-istabbiliment ta’ dan ir-reġistru pubbliku.

(4)

Jenħtieġ li dan ir-Regolament japplika mill-25 ta’ Mejju 2021, f’konformità mal-Artikolu 51(3) tar-Regolament (UE) 2019/787,

(1)

L-Artikolu 13(6) tar-Regolament (UE) 2019/787 jeħtieġ li l-operazzjonijiet biex jiġi invekkjat ix-xorb spirituż isiru taħt is-superviżjoni tad-dħul ta’ Stat Membru jew superviżjoni li tipprovdi garanziji ekwivalenti.

(2)

Għal dan il-għan, l-Istati Membri għandhom jaħtru l-korpi responsabbli għas-superviżjoni ta’ tali proċessi ta’ invekkjament u jinfurmaw lill-Kummissjoni b’dan sabiex tkun tista’ tistabbilixxi reġistru pubbliku li jelenka dawk il-korpi maħtura.

(3)

L-Artikolu 43(1) tar-Regolament (UE) 2019/787 jistipula li l-Istati Membri huma responsabbli għall-kontrolli tax-xorb spirituż. Huma jridu jieħdu l-miżuri neċessarji sabiex jiżguraw il-konformità ma’ dak ir-Regolament u għandhom jinnominaw l-awtoritajiet kompetenti responsabbli li jiżguraw li jkun hemm konformità ma’ dak ir-Regolament.

(4)

Bil-ħsieb li jiġu żgurati komunikazzjonijiet effiċjenti bejn il-Kummissjoni u l-korpi responsabbli għas-superviżjoni tal-proċessi ta’ invekkjament u l-awtoritajiet kompetenti responsabbli għall-iżgurar tal-konformità mar-Regolament (UE) 2019/787, huwa xieraq li l-Istati Membri jintalbu jinnotifikaw id-dettalji ta’ kuntatt tal-korpi rispettivi tagħhom responsabbli għas-superviżjoni tal-proċessi ta’ invekkjament u l-awtoritajiet kompetenti responsabbli għall-iżgurar tal-konformità ma’ dak ir-Regolament lill-Kummissjoni.

(5)

Sabiex jiġi żgurat li l-komunikazzjonijiet mill-Istati Membri lill-Kummissjoni jsiru b’mod sempliċi u effiċjenti, huwa xieraq li jkun meħtieġ li, meta Stat Membru jaħtar aktar minn korp wieħed li jissorvelja l-proċessi ta’ invekkjament għax-xorb spirituż jew aktar minn awtorità kompetenti waħda responsabbli għall-iżgurar tal-konformità mar-Regolament (UE) 2019/787, dak l-Istat Membru jaħtar korp ta’ kollegament bħala punt ta’ kuntatt uniku għall-Kummissjoni. L-Istati Membri jeħtiġilhom għalhekk jinnotifikaw ukoll id-dettalji ta’ kuntatt tal-korpi ta’ kollegament tagħhom lill-Kummissjoni.

(6)

Sabiex tiġi żgurata komunikazzjoni effiċjenti ta’ informazzjoni bejn l-Istati Membri u l-Kummissjoni, jeħtieġ li jiġu stabbiliti wkoll regoli dwar il-forma u l-iskadenzi għal tali komunikazzjonijiet.

(7)

Dan ir-Regolament jeħtieġ li japplika mill-25 ta’ Mejju 2021, skont l-Artikolu 51(3) tar-Regolament (UE) 2019/787.

(8)

Il-miżuri stipulati f’dan ir-Regolament huma skont l-opinjoni tal-Kumitat għax-Xorb Spirituż,

(1)

Minħabba l-pandemija tal-COVID-19 u r-restrizzjonijiet estensivi ta’ moviment stabbiliti fl-Istati Membri, l-Istati Membri kollha kellhom diffikultajiet amministrattivi eċċezzjonali fir-rigward tal-ippjanar u tal-eżekuzzjoni tal-verifiki f’waqthom fuq il-post skont l-għadd rikjest. Dawk id-diffikultajiet jirriskjaw li jitfgħu it-twettiq tal-verifiki lura u allura anki l-pagament tal-għajnuna sussegwenti. Fl-istess ħin, il-bdiewa huma vulnerabbli għat-turbulenzi fl-ekonomija li kkawżat il-pandemija u qegħdin iġarrbu diffikultajiet finanzjarji u problemi ta’ fluss tal-flus.

(2)

Fid-dawl tan-natura bla preċedent ta’ dawk iċ-ċirkostanzi, il-Kummissjoni adottat ir-Regolament ta’ Implimentazzjoni tal-Kummissjoni (UE) 2020/532 (4) sabiex dawk id-diffikultajiet jittaffew billi tingħata deroga minn Regolamenti ta’ Implimentazzjoni differenti applikabbli fil-qasam tal-Politika Agrikola Komuni fir-rigward ta’ ċerti verifiki amministrattivi u fuq il-post f’termini taż-żmien u l-għadd tagħhom. Meta titqies l-estensjoni tad-diffikultajiet minħabba l-kontinwazzjoni tal-pandemija tal-COVID-19 fl-2021, ikun xieraq li jiġu previsti wkoll miżuri simili fis-sena 2021.

(3)

Ir-Regolament ta’ Implimentazzjoni tal-Kummissjoni (UE) Nru 809/2014 (5) jistabbilixxi regoli dwar, inter alia, iż-żmien tal-verifiki fuq il-post, ir-rati ta’ kontroll ta’ ċerti verifiki fuq il-post fis-sistema integrata, inkluż għall-iskemi ta’ għajnuna għall-annimali, u ż-żieda fir-rata ta’ kontroll fir-rigward ta’ ċerti skemi. Barra minn hekk, dak ir-Regolament jinkludi regoli dwar il-verifiki fuq il-post relatati mal-kriterji ta’ eliġibbiltà, mal-impenji u ma’ obbligi oħra fir-rigward tal-applikazzjonijiet għall-għajnuna għall-bhejjem u t-talbiet għall-pagament skont il-miżuri ta’ appoġġ relatati mal-annimali, tar-rati ta’ kontroll għall-miżuri tal-iżvilupp rurali mhux relatati maż-żona u mhux relatati mal-annimali, u tar-rati ta’ kontroll minimi relatati mal-kundizzjonalità.

(4)

L-Artikoli 24(4), 48(5), 49(1), 52(1), 60(2) u 71(3) tar-Regolament ta’ Implimentazzjoni (UE) Nru 809/2014 jistabbilixxu ċerti regoli li l-awtorità kompetenti trid tosserva biex twettaq verifiki amministrattivi jew fuq il-post. Fid-dawl taċ-ċirkostanzi kkawżati mill-pandemija tal-COVID-19, huwa xieraq li jitħeġġeġ it-twettiq ta’ dawn il-verifiki bit-telerilevament u bl-użu ta’ teknoloġiji ġodda bħal pereżempju s-sistemi tal-ajru mingħajr bdot abbord, ritratti ġeottaggjati, ir-riċevituri tas-sistema globali ta’ navigazzjoni bis-satellita (GNSS) ikkombinati mas-Sistema Ewropea ta’ Navigazzjoni b’Kopertura Ġeostazzjonarja (EGNOS) u ma’ Galileo, id-data miġbura mis-satelliti ta’ Copernicus Sentinels u evidenza dokumentata rilevanti oħra li trid tintuża biex tiġi vverifikata l-konformità mal-kriterji ta’ eliġibbiltà, mal-impenji jew ma’ obbligi oħra għall-iskema ta’ għajnuna jew il-miżura ta’ appoġġ ikkonċernata kif ukoll il-konformità mar-rekwiżiti u mal-istandards rilevanti għall-kundizzjonalità.

(5)

L-Artikoli 26(4) u 42(1) tar-Regolament ta’ Implimentazzjoni (UE) Nru 809/2014 jinkludu regoli dwar il-verifiki fuq il-post biex ikun żgurat li l-kriterji kollha ta’ eliġibbiltà, l-impenji u obbligi oħra jkunu ssodisfati u jkopru l-annimali kollha li għalihom ikunu tressqu l-applikazzjonijiet għall-għajnuna u t-talbiet għall-pagament skont l-iskemi ta’ għajnuna għall-annimali, jew skont il-miżuri ta’ appoġġ relatati mal-annimali li għandhom jiġu ċċekkjati. Fid-dawl tas-sitwazzjoni attwali, huwa xieraq li jkun previst li meta l-Istati Membri ma jkunux f’pożizzjoni li jwettqu dawk il-verifiki fuq il-post kif jeżiġu dawk id-dispożizzjonijiet, u l-evidenza alternattiva ma tkunx disponibbli, l-Istati Membri jistgħu jiddeċiedu li jwettqu dawk il-verifiki fir-rigward tas-sena tat-talba 2021 jew tas-sena kalendarja 2021 fi kwalunkwe żmien tas-sena, diment li dawn xorta jkunu jippermettu l-verifika tal-kundizzjonijiet tal-eliġibbiltà.

(6)

Bosta obbligi skont ir-Regolament (UE) Nru 1306/2013 fir-rigward tal-kundizzjonalità u tar-Regolament (UE) Nru 1307/2013 tal-Parlament Ewropew u tal-Kunsill (6) b’rabta mal-iskemi ta’ għajnuna relatati mal-annimali u mal-miżuri ta’ appoġġ jiddependu fuq perjodi taż-żmien speċifiċi u differenzjati biex jiġu ssodisfati, u għalhekk jeħtieġu li l-verifiki fuq il-post isiru f’dawk l-oqfsa. Il-miżuri tal-Istati Membri stabbiliti biex jindirizzaw il-pandemija tal-COVID-19 jaffettwaw il-fattibbiltà li l-verifiki fuq il-post meħtieġa jitwettqu b’mod preċiż u fil-limitu taż-żmien li jikkorrispondi ma’ dawk l-obbligi. Xi tipi ta’ verifiki jista’ lanqas ikun possibbli li jitwettqu bl-użu tat-teknoloġiji ġodda, li jissostitwixxu ż-żjarat fuq il-farm. Jeħtieġ għalhekk li fir-rigward ta’ ċerti verifiki li għandhom jitwettqu fl-2021, issir deroga mill-Artikoli 30 sa 33, 40a, 50, 52 u l-Artikolu 68(1) tar-Regolament ta’ Implimentazzjoni (UE) Nru 809/2014 u li titnaqqas ir-rata minima tal-verifiki fuq il-post meta mqabbla mar-rati normali ta’ kontroll għall-iskemi ta’ għajnuna relatati maż-żona u mal-annimali u mal-miżuri ta’ żvilupp rurali minbarra dawk taħt is-sistema integrata ta’ amministrazzjoni u kontroll u l-obbligi ta’ kundizzjonalità, rispettivament. Sabiex tiġi żgurata l-effiċjenza massima tal-possibbiltà li tiġi limitata l-popolazzjoni ta’ kontroll, huwa xieraq ukoll li ssir deroga mill-Artikolu 35 u l-Artikoli 50(5) u 68(4) tar-Regolament ta’ Implimentazzjoni (UE) Nru 809/2014 u li l-Istati Membri jitħallew jipposponu ż-żieda fir-rati ta’ kontroll li jeżiġu dawk id-dispożizzjonijiet, inkluż ir-rati ta’ kontroll li jirriżultaw mid-derogi previsti fl-Artikolu 4(4), fl-Artikolu 7, it-tieni paragrafu, u fl-Artikolu 9, it-tieni paragrafu tar-Regolament ta’ Implimentazzjoni (UE) 2020/532.

(7)

Jenħtieġ li d-derogi mir-Regolament ta’ Implimentazzjoni (UE) Nru 809/2014 previsti f’dan ir-Regolament jippermettu lill-Istati Membri jevitaw dewmien fil-miżuri ta’ kontroll u fl-ipproċessar tal-applikazzjonijiet għall-għajnuna, u b’hekk jiġi evitat id-dewmien fil-pagamenti lill-benefiċjarji għas-sena 2021. Madankollu, huwa essenzjali li dawn id-derogi ma jfixklux il-ġestjoni finanzjarja tajba u r-rekwiżit ta’ livell suffiċjenti ta’ assigurazzjoni. Għaldaqstant, l-Istati Membri li jagħmlu użu minn dawk id-derogi għandhom ir-responsabbiltà li jieħdu l-miżuri kollha meħtieġa biex jiżguraw li jiġu evitati pagamenti żejda u li jkun instigat l-irkupru ta’ ammonti mhux dovuti. Barra minn hekk, jenħtieġ li l-użu ta’ dawn id-derogi jkun kopert mid-dikjarazzjoni tal-ġestjoni msemmija fl-Artikolu 7(3), l-ewwel subparagrafu, il-punt (b) tar-Regolament (UE) Nru 1306/2013 għas-snin finanzjarji 2021 u 2022.

(8)

Ir-Regolamenti ta’ Implimentazzjoni tal-Kummissjoni (UE) Nru 180/2014 (7) u (UE) Nru 181/2014 (8) jipprevedu r-rati ta’ kontroll għall-verifiki ta’ miżuri speċifiċi għall-agrikoltura fir-reġjuni ultraperiferiċi tal-Unjoni u fil-gżejjer minuri tal-Eġew. Minħabba l-miżuri stabbiliti biex jindirizzaw il-pandemija tal-COVID-19 li jaffettwaw ukoll ir-reġjuni ultraperiferiċi tal-Unjoni u l-gżejjer minuri tal-Eġew, huwa xieraq li jingħataw derogi minn dawk ir-Regolamenti billi tiġi estiża l-possibbiltà li jintużaw teknoloġiji ġodda bħala sorsi alternattivi ta’ evidenza fir-rigward tal-verifiki u tal-adattament tar-rati ta’ kontroll tal-verifiki fuq il-post għas-sena 2021.

(9)

L-Artikolu 24 tar-Regolament ta’ Implimentazzjoni tal-Kummissjoni (UE) 2017/892 (9) jipprevedi li l-Istati Membri għandhom jiċċekkjaw, inkluż fuq il-post, il-kriterji tar-rikonoxximent tal-organizzazzjonijiet tal-produtturi jew tal-assoċjazzjonijiet tal-organizzazzjonijiet tal-produtturi fis-settur tal-frott u l-ħxejjex. Minħabba l-miżuri stabbiliti biex jindirizzaw il-pandemija tal-COVID-19, jenħtieġ li l-verifiki fuq il-post rigward il-kriterji tar-rikonoxximent ma jkunux japplikaw fis-sena 2021.

(10)

L-Artikolu 27(2) tar-Regolament ta’ Implimentazzjoni (UE) 2017/892 jistabbilixxi l-kampjun għall-kontrolli annwali fuq il-post ta’ mill-inqas 30 % tal-għajnuna totali li ssir applikazzjoni għaliha u jipprevedi li kull organizzazzjoni tal-produtturi jew assoċjazzjoni tal-organizzazzjonijiet tal-produtturi fis-settur tal-frott u l-ħxejjex li timplimenta programm operazzjonali għandha ssirilha mill-inqas żjara waħda kull 3 snin. L-Artikolu 27(7) ta’ dak ir-Regolament jipprevedi wkoll li l-azzjonijiet implimentati fuq azjendi individwali ta’ membri ta’ organizzazzjonijiet tal-produtturi koperti mill-kampjun imsemmi fl-Artikolu 27(2) ta’ dak ir-Regolament għandhom ikunu soġġetti għal mill-inqas żjara waħda biex tiġi vverifikata l-eżekuzzjoni tagħhom. Minħabba l-miżuri stabbiliti biex jindirizzaw il-pandemija tal-COVID-19, l-Istati Membri jaf ma jkunux jistgħu jissodisfaw dawn ir-rekwiżiti u għalhekk jenħtieġ li jitħallew iwettqu perċentwal iżgħar minn dawk il-verifiki fis-sena 2021 mingħajr ma jkunu soġġetti għar-rekwiżiti fuq il-frekwenza taż-żjarat fl-organizzazzjonijiet tal-produtturi fis-sena 2021.

(11)

L-Artikolu 29(2) tar-Regolament ta’ Implimentazzjoni (UE) 2017/892 jipprevedi li l-verifiki tal-ewwel livell fuq l-operazzjonijiet tal-irtirar għandhom ikopru 100 % tal-kwantità tal-prodotti irtirati mis-suq, minbarra l-prodotti maħsuba għad-distribuzzjoni libera, li għalihom, skont l-Artikolu 29(3) ta’ dak ir-Regolament, l-Istati Membri jistgħu jivverifikaw perċentwal iżgħar, iżda mhux inqas minn 10 % tal-kwantitajiet ikkonċernati matul is-sena tal-kummerċjalizzazzjoni ta’ organizzazzjoni partikolari tal-produtturi. Minħabba l-miżuri stabbiliti biex jindirizzaw il-pandemija tal-COVID-19, l-Istati Membri jaf ma jkunux jistgħu jissodisfaw dan ir-rekwiżit, u jenħtieġ li fis-sena 2021 jitħallew iwettqu perċentwal iżgħar tal-verifiki, iżda mhux inqas minn 10 % tal-kwantitajiet ikkonċernati matul is-sena tal-kummerċjalizzazzjoni ta’ organizzazzjoni partikolari tal-produtturi anki għal kull prodott irtirat ieħor, irrispettivament mid-destinazzjoni maħsuba tagħhom.

(12)

L-Artikolu 30(3) tar-Regolament ta’ Implimentazzjoni (UE) 2017/892 jipprevedi li kull verifika għandha tinkludi kampjun li jirrappreżenta mill-inqas 5 % tal-kwantitajiet irtirati mill-organizzazzjoni tal-produtturi matul is-sena tal-kummerċjalizzazzjoni. Minħabba l-miżuri stabbiliti biex jindirizzaw il-pandemija tal-COVID-19, l-Istati Membri jaf ma jkunux jistgħu jissodisfaw dan ir-rekwiżit, u jenħtieġ li fis-sena 2021 jitħallew jużaw kampjuni li jirrappreżentaw mill-inqas 3 % tal-kwantitajiet irtirati mill-organizzazzjoni tal-produtturi matul is-sena tal-kummerċjalizzazzjoni 2020.

(13)

Minħabba l-miżuri stabbiliti biex jindirizzaw il-pandemija tal-COVID-19, se jibqa’ materjalment impossibbli għall-Istati Membri li jwettqu fl-2021 verifiki fuq il-post sistematiċi u bbażati fuq kampjuni għall-applikazzjonijiet għall-għajnuna annwali, l-ewwel u t-tieni livell ta’ verifiki fuq l-operazzjonijiet ta’ rtirar u l-verifiki fuq il-ħsad bikri u n-nuqqas ta’ ħsad kif stabbilit fl-Artikoli 27(7), 29(2), 30(3) u 31(1) u (2) tar-Regolament ta’ Implimentazzjoni (UE) 2017/892 rispettivament. Għalhekk, jenħtieġ li l-Istati Membri jitħallew jiddefinixxu l-verifiki li huma ekwivalenti għall-verifiki fuq il-post sistematiċi bħal ritratti ġeottaggjati, ritratti datati, rapporti datati ta’ sorveljanza bid-droni, verifiki amministrattivi jew vidjokonferenzi mal-benefiċjarji.

(14)

Minħabba l-miżuri stabbiliti biex jindirizzaw il-pandemija tal-COVID-19, kien u se jkun materjalment impossibbli għall-Istati Membri biex fl-2020 u fl-2021 rispettivament, iwettqu verifiki fuq il-post sistematiċi u bbażati fuq kampjuni għall-operazzjonijiet appoġġati skont l-Artikoli 45 sa 52 tar-Regolament (UE) Nru 1308/2013 tal-Parlament Ewropew u tal-Kunsill (10). Għaldaqstant, ġiet introdotta deroga mill-Artikoli 32(1) u 42(3) tar-Regolament ta’ Implimentazzjoni tal-Kummissjoni (UE) 2016/1150 (11) għas-sena finanzjarja 2020 u jenħtieġ li din tinżamm fir-rigward tas-sena finanzjarja 2021 biex l-Istati Membri jkunu jistgħu jiddefinixxu kontrolli li huma ekwivalenti għall-verifiki fuq il-post sistematiċi, bħal ritratti datati, rapporti datati tas-sorveljanza bid-droni, verifiki amministrattivi jew vidjokonferenzi mal-benefiċjarji, u jiggarantixxu li r-regoli tal-leġiżlazzjoni relatata mal-programmi ta’ appoġġ fis-settur tal-inbid ikunu rispettati qabel isiru l-pagamenti.

(15)

Se jkun ukoll materjalment impossibbli għall-Istati Membri li jwettqu fir-rigward tas-sena finanzjarja 2021, u sal-iskadenzi stabbiliti mill-Artikolu 43(3) tar-Regolament ta’ Implimentazzjoni (UE) 2016/1150, il-verifiki fuq il-post sistematiċi għall-operazzjonijiet ta’ ħsad bikri appoġġati skont l-Artikolu 47 tar-Regolament (UE) Nru 1308/2013. Għalhekk, jenħtieġ li tiġi introdotta deroga biex tiġi posposta t-tlestija tal-verifiki sal-15 ta’ Settembru 2021.

(16)

L-Artikolu 27(3) tar-Regolament ta’ Implimentazzjoni tal-Kummissjoni (UE) 2018/274 (12) jistabbilixxi l-għadd ta’ kampjuni tal-għeneb frisk li jridu jittieħdu mill-vinji matul il-perjodu meta r-roqgħa inkwistjoni tiġi maħsuda għall-istabbiliment tal-bank tad-data analitiku tad-data isotopika msemmi fl-Artikolu 39 tar-Regolament Delegat tal-Kummissjoni (UE) 2018/273 (13). F’każijiet fejn il-miżuri stabbiliti biex jindirizzaw il-pandemija tal-COVID-19 jipprevjenu lill-Istati Membri milli jwettqu dawn il-verifiki, jenħtieġ li l-Istati Membri jitħallew jidderogaw mill-għadd minimu ta’ kampjuni.

(17)

L-Artikolu 31(2), il-punt (b) tar-Regolament ta’ Implimentazzjoni (UE) 2018/274 jipprevedi li l-Istati Membri jridu jwettqu kontrolli annwali fuq il-post f’mill-inqas 5 % tal-vitikulturi kollha identifikati fir-reġistru tal-vinji. Minħabba li l-miżuri stabbiliti biex jindirizzaw il-pandemija tal-COVID-19 jipprevjenu t-twettiq ta’ dawn il-verifiki f’diversi Stati Membri li jipproduċu l-inbid għal perjodu twil taż-żmien, dan il-perċentwal jenħtieġ li jitnaqqas għas-sena 2021. Għall-istess raġuni, jenħtieġ li l-Istati Membri jitħallew jissospendu temporanjament fis-sena 2021 il-kontrolli fuq il-post sistematiċi msemmija fl-Artikolu 31(2), il-punt (c), ta’ dak ir-Regolament li jridu jitwettqu fiż-żoni mħawlin bi dwieli li mhuma inklużi fl-ebda fajl tal-vitikultur.

(18)

Ir-Regolament ta’ Implimentazzjoni tal-Kummissjoni (UE) Nru 615/2014 (14) fir-rigward tal-programmi ta’ ħidma għall-appoġġ lis-setturi taż-żejt taż-żebbuġa u taż-żebbuġ tal-mejda jinkludi regoli dwar il-kontrolli fuq il-post biex jiġi vverifikat li l-kundizzjonijiet għall-għoti ta’ finanzjament tal-Unjoni huma ssodisfati. Il-miżuri stabbiliti biex jindirizzaw il-pandemija tal-COVID-19 jistgħu jwasslu għal diffikultajiet fit-twettiq ta’ dawk il-kontrolli kif jeżiġi l-Artikolu 6 ta’ dak ir-Regolament. Huwa għalhekk xieraq li tingħata flessibbiltà lill-Istati Membri billi tiġi permessa s-sostituzzjoni ta’ verifiki fuq il-post fis-sena kalendarja 2021 b’verifiki alternattivi.

(19)

Ir-Regolament ta’ Implimentazzjoni tal-Kummissjoni (UE) 2015/1368 (15) fir-rigward tal-għajnuna lis-settur tal-apikultura jinkludi regoli dwar il-monitoraġġ u l-verifiki fir-rigward tal-implimentazzjoni korretta tal-programmi nazzjonali tal-apikultura, tan-nefqa reali mġarrba u tal-għadd korrett ta’ duqqajs irrapportat minn dawk li jrabbu n-naħal. Skont l-Artikolu 8(3) ta’ dak ir-Regolament, l-Istati Membri għandhom jiżguraw li mill-inqas 5 % tal-applikanti għall-għajnuna fil-qafas tal-programmi tagħhom tal-apikultura jkunu soġġetti għall-verifiki fuq il-post. Il-miżuri li ddaħħlu fis-seħħ biex jindirizzaw il-pandemija tal-COVID-19 jistgħu jwasslu għal diffikultajiet fit-twettiq tal-għadd ta’ verifiki fuq il-post meħtieġa biex jissodisfaw dak il-livell limitu. Għalhekk, huwa xieraq li tingħata flessibbiltà lill-Istati Membri billi tiġi permessa deroga minn dak ir-rekwiżit. Madankollu jenħtieġ li din id-deroga ma twassalx biex jiżdied ir-riskju għal pagamenti mhux dovuti. Għalhekk, kull tnaqqis fl-għadd ta’ verifiki fuq il-post jenħtieġ li jiġi sostitwit kemm jista’ jkun b’kontrolli alternattivi.

(20)

Minħabba li l-miżuri previsti f’dan ir-Regolament huma meħtieġa biex l-Istati Membri jorganizzaw kampanji ta’ kontroll filwaqt li jirrispettaw il-miżuri stabbiliti biex jindirizzaw il-pandemija tal-COVID-19, jenħtieġ li dan ir-Regolament jidħol fis-seħħ fil-ġurnata tal-pubblikazzjoni tiegħu f’Il-Ġurnal Uffiċjali tal-Unjoni Ewropea u japplika b’mod retroattiv biex ikopri t-tul kollu tal-kampanji ta’ kontroll rispettivi: jenħtieġ li l-miżuri fil-Kapitoli I u II u l-Kapitolu III, it-Taqsimiet 3 u 4, japplikaw mill-1 ta’ Jannar 2021, li jikkorrispondu mas-sena tat-talba fis-sistema integrata ta’ amministrazzjoni u kontroll jew mas-sena kalendarja għall-miżuri ta’ appoġġ għall-iżvilupp rurali li mhumiex relatati maż-żona u mal-annimali u l-miżuri fis-settur tal-inbid; jenħtieġ li l-miżuri fil-Kapitolu III, it-Taqsimiet 1 u 2, japplikaw mis-16 ta’ Ottubru 2020, li jikkorrispondu mas-sena finanzjarja u jenħtieġ li l-miżuri fil-Kapitolu III, it-Taqsima 5, japplikaw mill-1 ta’ Awwissu 2020, li jikkorrispondu mas-sena tal-apikultura.

(21)

Il-miżuri previsti f’dan ir-Regolament huma f’konformità mal-opinjoni tal-Kumitat dwar il-Fondi Agrikoli, il-Kumitat għall-Pagamenti Diretti, il-Kumitat għall-Iżvilupp Rurali u l-Kumitat għall-Organizzazzjoni Komuni tas-Swieq Agrikoli,

(1)

Il-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi approvati skont ir-Regolament (KE) Nru 1107/2009.

(2)

Il-perjodu ta’ approvazzjoni tas-sustanza attiva flutriafol ġie estiż mill-31 ta’ Mejju 2021 sal-31 ta’ Mejju 2024 bir-Regolament ta’ Implimentazzjoni tal-Kummissjoni (UE) Nru 2018/1266 (3) u kif ukoll sal-31 ta’ Awwissu 2024 bir-Regolament ta’ Implimentazzjoni tal-Kummissjoni (UE) 2020/2007 (4). Il-perjodu ta’ approvazzjoni tas-sustanza attiva Adoxophyes orana granulovirus ġie estiż mill-31 ta’ Jannar 2023 sal-31 ta’ Jannar 2024 bir-Regolament ta’ Implimentazzjoni (UE) 2020/2007.

(3)

L-applikazzjonijiet għat-tiġdid tal-approvazzjoni tas-sustanzi attivi kkonċernati ġew sottomessi f’konformità mal-Artikolu 1 tar-Regolament ta’ Implimentazzjoni tal-Kummissjoni (UE) Nru 844/2012 (5). Madankollu, għas-sustanzi attivi Adoxophyes orana granulovirus u flutriafol, l-applikanti kkonfermaw li ma għadhomx jappoġġaw l-applikazzjoni għat-tiġdid tal-approvazzjoni.

(4)

Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, l-estensjonijiet tal-perjodi ta’ approvazzjoni għal dawk is-sustanzi attivi, previsti fir-Regolament ta’ Implimentazzjoni (UE) 2020/2007 ma għadhomx ġustifikati. Għalhekk huwa xieraq li jiġi previst li l-approvazzjonijiet tal-Adoxophyes orana granulovirus u tal-flutriafol jiskadu fid-dati li fihom jiskadu mingħajr l-estensjoni.

(5)

Għaldaqstant jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

(6)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Il-Konvenzjoni ta’ Minamata dwar il-Merkurju (il-“Konvenzjoni”) ġiet konkluża mill-Unjoni permezz tad-Deċiżjoni tal-Kunsill (UE) 2017/939 (1) u daħlet fis-seħħ fis-16 ta’ Awwissu 2017.

(2)

Taħt id-Deċiżjoni MC-1/1 dwar ir-Regoli ta’ Proċedura, adottata mill-Konferenza tal-Partijiet għall-Konvenzjoni (“COP”, Conference of the Parties) fl-ewwel laqgħa tagħha, il-Partijiet għall-Konvenzjoni (il-“Partijiet”) għandhom jagħmlu kull sforz biex jilħqu qbil b’konsensus dwar il-materji sostantivi kollha.

(3)

Taħt l-Artikoli 4(8) u 5(10) tal-Konvenzjoni, is-COP għandha, sas-16 ta’ Awwissu 2022, tirrevedi l-Annessi A u B tal-Konvenzjoni, filwaqt li tqis proposti mressqa mill-Partijiet taħt l-Artikoli 4(7) u 5(9) tal-Konvenzjoni, informazzjoni li s-Segretarjat tal-Konvenzjoni (is-“Segretarjat”) jagħmel disponibbli taħt l-Artikoli 4(4) u 5(4) tal-Konvenzjoni u d-disponibbiltà għall-Partijiet ta’ alternattivi teknikament u ekonomikament fattibbli mingħajr merkurju, filwaqt li jitqiesu r-riskji u l-benefiċċji għall-ambjent u għas-saħħa tal-bniedem.

(4)

L-Unjoni kkontribwiet b’mod sinifikanti għall-iżvilupp tad-dispożizzjonijiet tal-Konvenzjoni fir-rigward ta’ prodotti miżjudin bil-merkurju u proċessi ta’ manifattura li fihom jintużaw il-merkurju jew il-komposti tal-merkurju (“proċessi tal-merkurju”) u fil-ħidma esperta intersessjonali rilevanti varata mid-Deċiżjoni MC-3/1, li ġiet adottata mis-COP fit-tielet laqgħa tagħha.

(5)

L-Anness II tar-Regolament (UE) 2017/852 tal-Parlament Ewropew u tal-Kunsill (2), li jittrasponi l-Anness A tal-Konvenzjoni fid-dritt tal-Unjoni, jkopri aktar prodotti miżjudin bil-merkurju, u hemm prodotti oħrajn miżjudin bil-merkurju li huma soġġetti għal projbizzjoni fuq it-tqegħid fis-suq intern taħt il-leġiżlazzjoni tal-Unjoni.

(6)

Il-proposti għall-emendar tal-Anness A tal-Konvenzjoni għandhom l-għan li jestendu l-kamp ta’ applikazzjoni tagħha għal aktar prodotti miżjudin bil-merkurju b’dati assoċjati ta’ eliminazzjoni gradwali jew b’miżuri li jirregolaw il-merkurju.

(7)

L-Anness III tar-Regolament (UE) 2017/852, li jittrasponi l-Anness B tal-Konvenzjoni fid-dritt tal-Unjoni, jkopri aktar proċessi tal-merkurju u jistabbilixxi dati ta’ eliminazzjoni gradwali għall-proċessi kkonċernati kollha.

(8)

Il-proposta għall-emendar tal-Anness B tal-Konvenzjoni għandha l-għan li testendi l-kamp ta’ applikazzjoni tagħha billi tintroduċi data ta’ eliminazzjoni gradwali għal proċess tal-merkurju kopert minn dak l-Anness.

(9)

F’konformità mal-Artikolu 26(2) u mal-Artikolu 27 tal-Konvenzjoni, it-test ta’ kull emenda proposta għandu jkun ikkomunikat lill-Partijiet mis-Segretarjat tal-anqas sitt xhur qabel il-laqgħa tas-COP li matulha l-emenda tiġi proposta għall-adozzjoni. Is-Segretarjat għandu jikkomunika wkoll l-emenda proposta lill-firmatarji ta’ din il-Konvenzjoni u, għall-fini ta’ informazzjoni, lid-Depożitarju tal-Konvenzjoni. Peress li r-raba’ laqgħa tas-COP hija skedata li ssir mill-1 sal-5 ta’ Novembru 2021, jenħtieġ li l-Unjoni tippreżenta l-proposti tagħha għall-emendar tal-Annessi A u B tal-Konvenzjoni lis-Segretarjat sat-30 ta’ April 2021,