1.   Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta' Fuq, min-naħa l-oħra, huwa b'dan approvat f'isem l-Unjoni fir-rigward ta' kwistjonijiet għajr dawk li jaqgħu taħt it-Trattat Euratom. (3)

2.   Il-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta' Fuq dwar il-proċeduri ta' sigurtà għall-iskambju u għall-protezzjoni ta' informazzjoni klassifikata huwa b'dan approvat f'isem l-Unjoni. (4)

3.   It-testi awtentiċi u definittivi tal-Ftehimiet li ħadu post ab initio l-verżjonijiet iffirmati tal-Ftehimiet huma mehmuża ma’ din id-Deċiżjoni.

1.   Il-Kummissjoni għandha tirrappreżenta lill-Unjoni fil-Kunsill ta' Sħubija, fil-Kumitat ta' Sħubija tal-Kummerċ, fil-Kumitati Speċjalizzati fil-Kummerċ u l-Kumitati Speċjalizzati stabbiliti skont l-Artikoli 7 u 8 tal-Ftehim dwar il-Kummerċ u l-Kooperazzjoni, kif ukoll fi kwalunkwe Kumitat Speċjalizzat fil-Kummerċ addizzjonali jew Kumitat Speċjalizzat li jkun stabbilit f'konformità mal-punt (g) tal-Artikolu 7(4) jew il-punt (g) tal-Artikolu 8(2) tal-Ftehim dwar il-Kummerċ u l-Kooperazzjoni.

Kull Stat Membru għandu jkun jista' jibgħat rappreżentant wieħed biex jakkumpanja lir-rappreżentant tal-Kummissjoni, bħala parti mid-delegazzjoni tal-Unjoni, fil-laqgħat tal-Kunsill ta' Sħubija u ta' korpi konġunti oħra stabbiliti skont il-Ftehim dwar il-Kummerċ u l-Kooperazzjoni.

2.   Sabiex il-Kunsill ikun f'pożizzjoni li jeżerċita b'mod sħiħ il-funzjonijiet tiegħu ta' tfassil ta' politiki, ta' koordinazzjoni u ta' teħid ta' deċiżjonijiet f'konformità mat-Trattati, b'mod partikolari bl-istabbiliment tal-pożizzjonijiet li għandhom jittieħdu f'isem l-Unjoni fil-Kunsill ta' Sħubija, fil-Kumitat ta' Sħubija tal-Kummerċ, fil-Kumitati Speċjalizzati fil-Kummerċ u l-Kumitati Speċjalizzati, il-Kummissjoni għandha tiżgura li l-Kunsill jirċievi l-informazzjoni u d-dokumenti kollha relatati ma' kull laqgħa ta' dawk il-korpi konġunti jew ma' kull att li għandu jiġi adottat permezz tal-proċedura bil-miktub fi żmien suffiċjenti qabel dik il-laqgħa jew dak l-użu tal-proċedura bil-miktub, u fi kwalunkwe każ mhux aktar tard minn tmien ġranet tax-xogħol qabel dik il-laqgħa jew dak l-użu tal-proċedura bil-miktub.

Il-Kunsill għandu wkoll jiġi informat fi żmien opportun dwar id-diskussjonijiet u l-eżitu tal-laqgħat tal-Kunsill ta' Sħubija, il-Kumitat ta' Sħubija tal-Kummerċ, il-Kumitati Speċjalizzati fil-Kummerċ u l-Kumitati Speċjalizzati u dwar l-użu tal-proċedura bil-miktub, u għandu jirċievi l-abbozz ta' minuti u d-dokumenti kollha relatati ma' tali laqgħat jew użu tal-proċedura.

3.   Il-Parlament Ewropew għandu jitqiegħed f'pożizzjoni li jeżerċita b'mod sħiħ il-prerogattivi istituzzjonali tiegħu matul il-proċess kollu f'konformità mat-Trattati.

4.   Għal perijodu ta' ħames snin mill-1 ta' Jannar 2021, il-Kummissjoni għandha tirrapporta kull sena lill-Parlament Ewropew u lill-Kunsill dwar l-implimentazzjoni u l-applikazzjoni tal-Ftehim dwar il-Kummerċ u l-Kooperazzjoni. Dak ir-rapport annwali għandu jsemmi kif xieraq kwalunkwe evoluzzjoni rilevanti fil-liġi tar-Renju Unit relatata mal-oqsma tal-kontroll tas-sussidji u t-tassazzjoni koperti mit-Titolu XI tal-Ewwel Intestatura tat-Tieni Parti tal-Ftehim dwar il-Kummerċ u l-Kooperazzjoni, kif ukoll kwalunkwe evoluzzjoni rilevanti fil-livelli ta' protezzjoni tal-istandards tax-xogħol u dawk soċjali, tal-ambjent u tal-klima koperti minn dak it-Titolu. Wara dak il-perijodu inizjali ta' ħames snin, il-Kummissjoni għandha tirrapporta regolarment, u mill-inqas kull sentejn, lill-Parlament Ewropew u lill-Kunsill.

1.   Sakemm jidħol fis-seħħ fl-Unjoni att leġiżlattiv speċifiku li jirregola l-adozzjoni tal-miżuri elenkati fil-punti (a) sa (k) ta' dan il-paragrafu, kwalunkwe deċiżjoni mill-Unjoni biex tieħu t-tali miżuri għandha tittieħed mill-Kummissjoni, f'konformità mal-kondizzjonijiet stabbiliti fid-dispożizzjonijiet korrispondenti tal-Ftehim dwar il-Kummerċ u l-Kooperazzjoni, fir-rigward:

2.   Il-Kummissjoni għandha tinforma b'mod sħiħ lill-Kunsill fi żmien opportun dwar l-intenzjoni tagħha li tadotta l-miżuri msemmija fil-paragrafu 1 bil-ħsieb li tippermetti skambju ta' fehmiet sinifikanti fil-Kunsill. Il-Kummissjoni għandha tagħti l-akbar kunsiderazzjoni lill-fehmiet espressi. Il-Kummissjoni għandha tinforma wkoll lill-Parlament Ewropew, kif xieraq.

3.   Fejn ikun hemm it-tħassib partikolari ta' Stat Membru wieħed jew aktar, dak jew dawk l-Istat(i) Membru/i, jista'/jistgħu jitlob/jitolbu lill-Kummissjoni biex tadotta l-miżuri msemmija fil-paragrafu 1. Jekk il-Kummissjoni ma tweġibx b'mod pożittiv għal tali talba, din għandha tinforma lill-Kunsill fi żmien opportun bir-raġunijiet tagħha.

4.   Il-Kummissjoni tista' tadotta wkoll miżuri li jistabbilixxu mill-ġdid id-drittijiet u l-obbligi taħt il-Ftehim dwar il-Kummerċ u l-Kooperazzjoni kif kienu jeżistu qabel l-adozzjoni tal-miżuri msemmija fil-paragrafu 1. Il-paragrafi 2 u 3 għandhom japplikaw mutatis mutandis.

5.   Jekk, minħabba diverġenzi sinifikanti persistenti, il-miżuri ta’ riekwilibriju kif imsemmija fil-punt (c) tal-paragrafu 1idumu aktar minn sena, Stat Membru wieħed jew aktar jistgħu jitolbu lill-Kummissjoni tattiva l-klawżola ta’ rieżami prevista fl-Artikolu 411 tal-Ftehim dwar il-Kummerċ u l-Kooperazzjoni. Il-Kummissjoni għandha teżamina din it-talba fi żmien opportun u għandha tikkunsidra li tgħarraf kif xieraq lill-Kunsill ta’ Sħubija dwar dik il-kwistjoni, skont id-dispożizzjonijiet stabbiliti fil-Ftehim dwar il-Kummerċ u l-Kooperazzjoni. Jekk il-Kummissjoni ma tweġibx b'mod pożittiv għal tali talba, din għandha tinforma lill-Kunsill fi żmien opportun bir-raġunijiet tagħha.

6.   Qabel ma jiġi adottat att leġiżlattiv speċifiku li jirregola l-adozzjoni tal-miżuri msemmija fil-paragrafu 1, u fi kwalunkwe każ mhux aktar tard mill-1 ta' Jannar 2022, il-Kunsill għandu jwettaq rieżami tal-arranġamenti li jinsabu f'dan l-Artikolu.

1.   Il-Kummissjoni għandha tkun awtorizzata li tieħu, f'isem l-Unjoni, kwalunkwe deċiżjoni biex:

2.   Għandhom japplikaw il-paragrafi 2, 3 u 4 tal-Artikolu 3.

1.   L-Istati Membri għandhom is-setgħa li jinnegozjaw, jiffirmaw u jikkonkludu l-arranġamenti msemmija fl-Artikolu 419(4) tal-Ftehim dwar il-Kummerċ u l-Kooperazzjoni, soġġett għall-kondizzjonijiet li ġejjin:

Għandha tapplika l-proċedura stabbilita fl-Artikolu 8 ta' din id-Deċiżjoni.

2.   L-Istati Membri għandhom is-setgħa li jagħtu l-awtorizzazzjonijiet imsemmija fl-Artikolu 419(9) tal-Ftehim dwar il-Kummerċ u l-Kooperazzjoni soġġett għat-termini tiegħu u f'konformità mad-dispożizzjonijiet applikabbli tal-liġi tal-Unjoni u dik nazzjonali. Meta jagħtu dawk l-awtorizzazzjonijiet, l-Istati Membri m'għandhomx jiddiskriminaw bejn it-trasportaturi tal-ajru tal-Unjoni.

3.   L-Istati Membri għandhom is-setgħa li jinnegozjaw, jiffirmaw u jikkonkludu l-arranġamenti msemmija fl-Artikolu 419(9) tal-Ftehim dwar il-Kummerċ u l-Kooperazzjoni, soġġett għall-kondizzjonijiet li ġejjin:

Għandha tapplika l-proċedura stabbilita fl-Artikolu 8 ta' din id-Deċiżjoni.

1.   Kull Stat Membru li jkollu l-intenzjoni li jinnegozja arranġament bilaterali kif imsemmi fl-Artikolu 6(1) u (3) jew ftehim bilaterali kif imsemmi fl-Artikolu 7 għandu jżomm lill-Kummissjoni informata dwar in-negozjati mar-Renju Unit dwar tali arranġamenti jew ftehimiet u, fejn xieraq, jistieden lill-Kummissjoni biex tipparteċipa fin-negozjati bħala osservatur.

2.   Malli jitlestew in-negozjati, l-Istat Membru kkonċernat għandu jippreżenta l-abbozz tal-arranġament jew ftehim li jirriżulta lill-Kummissjoni. Il-Kummissjoni għandha tinforma lill-Parlament Ewropew u lill-Kunsill dwar dan mingħajr dewmien.

3.   Fi żmien tliet xhur mir-riċezzjoni tal-abbozz ta' arranġament jew ftehim, il-Kummissjoni għandha tieħu deċiżjoni dwar jekk il-kondizzjonijiet stabbiliti fl-ewwel subparagrafu ta', rispettivament, l-Artikolu 6(1) jew (3) jew l-Artikolu 7 jkunux sodisfatti. Jekk il-Kummissjoni tiddeċiedi li dawk il-kondizzjonijiet ikunu ssodisfati, l-Istat Membru kkonċernat jista' jiffirma u jikkonkludi l-arranġament jew il-ftehim inkwistjoni.

4.   L-Istat Membru kkonċernat għandu jipprovdi kopja tal-arranġament jew tal-ftehim lill-Kummissjoni fi żmien xahar mid-dħul fis-seħħ tiegħu jew, fejn l-arranġament jew il-ftehim għandu jiġi applikat b'mod proviżorju, fi żmien xahar mill-bidu tal-applikazzjoni proviżorja tiegħu.

1.   Jekk l-Unjoni u r-Renju Unit jikkonkludu ftehimiet bilaterali oħra bejniethom, dawn il-ftehimiet għandhom jikkostitwixxu ftehimiet supplimentari għal dan il-Ftehim sakemm ma jkunx previst mod ieħor f’dawk il-ftehimiet. Dawn il-ftehimiet supplimentari għandhom ikunu parti integrali mir-relazzjonijiet bilaterali kumplessivi kif regolati minn dan il-Ftehim u għandhom jiffurmaw parti mill-qafas ġenerali.

2.   Il-paragrafu 1 japplika wkoll għal:

1.   Il-Partijiet għandhom, b’rispett reċiproku sħiħ u in bona fide, jassistu lil xulxin fit-twettiq tal-kompiti li jirriżultaw minn dan il-Ftehim u minn kull ftehim supplimentari.

2.   Dawn għandhom jieħdu l-miżuri xierqa kollha, ġenerali jew partikolari, biex jiżguraw li jkunu jissodisfaw l-obbligi li jirriżultaw minn dan il-Ftehim u kull ftehim supplimentari, u għandhom joqogħdu lura minn kull miżura li tista’ tipperikola l-kisba tal-objettivi ta’ dan il-Ftehim jew ta’ kull ftehim supplimentari.

1.   Id-dispożizzjonijiet ta’ dan il-Ftehim u ta’ kull ftehim supplimentari għandhom jiġu interpretati in bona fede fis-sens ordinarju tagħhom fil-kuntest tagħhom u fid-dawl tal-oġġettiv u l-iskop tal-ftehim f’konformità mar-regoli konswetudinarji ta’ interpretazzjoni tad-liġi internazzjonali pubblika, inkluż dawk kodifikati fil-Konvenzjoni ta’ Vjenna dwar il-Liġi tat-Trattati, magħmula fi Vjenna fit-23 ta’ Mejju tal-1969.

2.   Għal aktar ċertezza, la dan il-Ftehim u lanqas xi ftehim supplimentari ma jistabbilixxu obbligu li d-dispożizzjonijiet tagħhom jiġu interpretati skont il-liġi domestika ta’ xi waħda mill-Partijiet.

3.   Għal aktar ċertezza, interpretazzjoni ta’ dan il-Ftehim jew ta’ xi ftehim supplimentari ieħor li ssir mill-qrati ta’ xi Parti ma għandhiex tkun vinkolanti fuq il-qrati tal-Parti l-oħra.

1.   Mingħajr preġudizzju għall-Artikolu SSC.67 tal-Protokoll dwar il-Koordinazzjoni tas-Sigurtà Soċjali u bl-eċċezzjoni, fir-rigward tal-Unjoni, tat-Tielet Parti ta' dan il-Ftehim, xejn f’dan il-Ftehim jew f’xi ftehim supplimentari ma għandu jiġi interpretat li jagħti drittijiet jew jimponi obbligi fuq persuni għajr dawk maħluqa bejn il-Partijiet skont il-liġi internazzjonali pubblika, jew li jippermetti li dan il-Ftehim jew xi ftehim supplimentari jiġu invokati direttament fis-sistemi ġuridiċi domestiċi tal-Partijiet.

2.   Parti ma għandhiex tipprevedi dritt ta’ azzjoni skont il-liġi tagħha kontra l-Parti l-oħra għax il-Parti l-oħra tkun aġixxiet bi ksur ta’ dan il-Ftehim jew ta’ xi ftehim supplimentari.

1.   Għall-finijiet ta’ dan il-Ftehim u ta’ kull ftehim supplimentari, u sakemm ma jkunx speċifikat mod ieħor, japplikaw id-definizzjonijiet li ġejjin:

2.   Kwalunkwe referenza għal "l-Unjoni", "Parti" jew "Partijiet" f’dan il-Ftehim jew f’xi ftehim supplimentari għandha tinftiehem li ma tinkludix lill-Komunità Ewropea tal-Enerġija Atomika, sakemm ma jkunx speċifikat mod ieħor jew ħlief fejn il-kuntest jeżiġi mod ieħor.

1.   B’dan qed jiġi stabbilit Kunsill ta’ Sħubija. Dan għandu jkun magħmul minn rappreżentanti tal-Unjoni u tar-Renju Unit. Il-Kunsill ta’ Sħubija jista’ jiltaqa’ f’konfigurazzjonijiet differenti skont il-kwistjonijiet li jkunu qed jiġu diskussi.

2.   Il-Kunsill ta’ Sħubija għandu jkun kopresedut minn Membru tal-Kummissjoni Ewropea u minn rappreżentant tal-Gvern tar-Renju Unit fil-livell Ministerjali. Għandu jiltaqa’ meta jintalab mill-Unjoni jew mir-Renju Unit, u fi kwalunkwe każ mill-inqas darba fis-sena, u għandu jistabbilixxi l-iskeda tal-laqgħat tiegħu u l-aġenda tiegħu b’kunsens reċiproku.

3.   Il-Kunsill ta’ Sħubija għandu jissorvelja l-kisba tal-objettivi ta’ dan il-Ftehim u ta’ kull ftehim supplimentari. Għandu jissorvelja u jiffaċilita l-implimentazzjoni u l-applikazzjoni ta’ dan il-Ftehim u ta’ kull ftehim supplimentari. Kull Parti tista’ tirreferi lill-Kunsill ta’ Sħubija kull kwistjoni relatata mal-implimentazzjoni, l-applikazzjoni u l-interpretazzjoni ta’ dan il-Ftehim jew ta’ xi ftehim supplimentari.

4.   Il-Kunsill ta’ Sħubija għandu jkollu s-setgħa li:

5.   Il-ħidma tal-Kunsill ta’ Sħubija għandha tkun regolata mir-regoli ta’ proċedura stabbiliti fl-Anness 1. Il-Kunsill ta’ Sħubija jista’ jemenda dan l-Anness.

1.   Il-Kumitati li ġejjin huma b’dan stabbiliti:

2.   Rigward il-kwistjonijiet relatati mat-Titoli minn I sa VII, il-Kapitolu 4 tat-Titolu VIII, it-Titoli IX sa XII tal-Ewwel Intestatura tat-Tieni Parti, is-Sitt Intestatura tat-Tieni Parti u l-Anness 27, il-Kumitat ta’ Sħubija Kummerċjali msemmi fil-paragrafu 1 ta’ dan l-Artikolu għandu jkollu s-setgħa li:

3.   Rigward il-kwistjonijiet relatati mal-qasam ta’ kompetenza tagħhom, il-Kumitati Speċjalizzati għall-Kummerċ għandu jkollhom is-setgħa li:

4.   Rigward il-kwistjonijiet relatati mal-qasam ta’ kompetenza tagħhom, il-Kumitati Speċjalizzati għandu jkollhom is-setgħa li:

5.   Il-Kumitati għandu jkollhom rappreżentanti ta’ kull Parti. Kull Parti għandha tiżgura li r-rappreżentanti tagħha fil-Kumitati jkollhom l-għarfien espert xieraq b’rabta mal-kwistjonijiet diskussi.

6.   Il-Kumitat ta’ Sħubija Kummerċjali għandu jkun kopresedut minn rappreżentant għoli tal-Unjoni u minn rappreżentant tar-Renju Unit b’responsabbiltà dwar kwistjonijiet relatati mal-kummerċ, jew nominati tagħhom. Għandu jiltaqa’ meta jintalab mill-Unjoni jew mir-Renju Unit, u fi kwalunkwe każ mill-inqas darba fis-sena, u għandu jistabbilixxi l-iskeda tal-laqgħat tiegħu u l-aġenda tiegħu b’kunsens reċiproku.

7.   Il-Kumitati Speċjalizzati għall-Kummerċ u l-Kumitati Speċjalizzati għandhom ikunu kopreseduti minn rappreżentant tal-Unjoni u minn rappreżentant tar-Renju Unit. Sakemm ma jkunx previst mod ieħor f’dan il-Ftehim, jew sakemm il-kopresidenti ma jiddeċidux mod ieħor, dawn għandhom jiltaqgħu mill-inqas darba fis-sena.

8.   Il-Kumitati għandhom jistabbilixxu l-iskeda u l-aġenda tal-laqgħat tagħhom b’kunsens reċiproku.

9.   Il-ħidma tal-Kumitati għandha tiġi regolata bir-regoli ta’ proċedura stabbiliti fl-Anness 1.

10.   B’deroga mill-paragrafu 9, Kumitat jista’ jadotta u sussegwentement jemenda r-regoli tiegħu stess li għandhom jirregolaw il-ħidma tiegħu.

1.   Il-Gruppi ta’ Ħidma li ġejjin huma b’dan stabbiliti:

2.   Il-Gruppi ta’ Ħidma għandhom, taħt is-superviżjoni tal-Kumitati, jassistu lill-Kumitati fit-twettiq tal-kompiti tagħhom u, b’mod partikolari, iħejju l-ħidma tal-Kumitati u jwettqu l-kompiti assenjati lilhom minn dawn tal-aħħar.

3.   Il-Gruppi ta’ Ħidma għandhom ikunu magħmula minn rappreżentanti tal-Unjoni u tar-Renju Unit u għandhom ikunu kopreseduti minn rappreżentant tal-Unjoni u minn rappreżentant tar-Renju Unit.

4.   Il-Gruppi ta’ Ħidma għandhom jistabbilixxu r-regoli ta’ proċedura, l-iskeda u l-aġenda tal-laqgħat tagħhom b’kunsens reċiproku.

1.   Id-deċiżjonijiet adottati mill-Kunsill ta’ Sħubija jew, skont il-każ, minn Kumitat, għandhom ikunu vinkolanti għall-Partijiet u għall-korpi kollha stabbiliti skont dan il-Ftehim u skont xi ftehim supplimentari, inkluż it-tribunal tal-arbitraġġ imsemmi fit-Titolu I tas-Sitt Parti. Ir-rakkomandazzjonijiet ma għandu jkollhom l-ebda forza vinkolanti.

2.   Il-Kunsill ta’ Sħubija jew, skont il-każ, xi Kumitat, għandu jadotta deċiżjonijiet u jagħmel rakkomandazzjonijiet b’kunsens reċiproku.

1.   Il-Parlament Ewropew u l-Parlament tar-Renju Unit jistgħu jistabbilixxu Assemblea ta’ Sħubija Parlamentari magħmula minn Membri tal-Parlament Ewropew u minn Membri tal-Parlament tar-Renju Unit, bħala forum għall-iskambju tal-fehmiet dwar is-sħubija.

2.   Meta tiġi stabbilita, l-Assemblea ta’ Sħubija Parlamentari:

1.   Kull Parti għandha tikkonsulta, dwar il-kwistjonijiet koperti minn dan il-Ftehim u minn xi ftehim supplimentari, lil grupp jew gruppi konsultattivi domestiċi ġodda jew eżistenti tagħha, magħmulin minn rappreżentanza ta’ organizzazzjonijiet indipendenti tas-soċjetà ċivili, inklużi organizzazzjonijiet nongovernattivi, organizzazzjonijiet tan-negozju u ta’ min iħaddem, kif ukoll trade unions, attivi fil-qasam ekonomiku, soċjali, tal-iżvilupp sostenibbli, tad-drittijiet tal-bniedem, ambjentali u oħrajn. Kull Parti tista’ tlaqqa’ lill-grupp jew gruppi konsultattivi domestiċi tagħha f’konfigurazzjonijiet differenti biex jiddiskutu l-implimentazzjoni ta’ dispożizzjonijiet differenti ta’ dan il-Ftehim jew ta’ xi ftehim supplimentari.

2.   Kull Parti għandha tikkunsidra l-fehmiet jew ir-rakkomandazzjonijiet ippreżentati mill-grupp jew il-gruppi konsultattivi domestiċi tagħha. Ir-rappreżentanti ta’ kull Parti għandhom jimmiraw li jikkonsultaw mal-grupp jew il-gruppi konsultattivi domestiċi mill-inqas darba fis-sena. Il-laqgħat jistgħu jsiru b’mezzi virtwali.

3.   Biex tippromwovi l-għarfien pubbliku tal-gruppi konsultattivi domestiċi, kull Parti għandha tagħmel ħilitha biex tippubblika l-lista tal-organizzazzjonijiet li jipparteċipaw fil-grupp jew il-gruppi konsultattivi domestiċi tagħha kif ukoll il-punt ta’ kuntatt għal dak il-grupp jew għal dawk il-gruppi.

4.   Il-Partijiet għandhom jippromwovu l-interazzjoni bejn il-gruppi konsultattivi domestiċi rispettivi tagħhom, inkluż bi skambju meta possibbli tad-dettalji ta’ kuntatt tal-membri tal-gruppi konsultattivi domestiċi tagħhom.

1.   Il-Partijiet għandhom jiffaċilitaw l-organizzazzjoni ta’ Forum tas-Soċjetà Ċivili biex imexxi djalogu dwar l-implimentazzjoni tat-Tieni Parti. Il-Kunsill ta’ Sħubija għandu jadotta linji gwida operazzjonali għat-tmexxija tal-Forum.

2.   Il-Forum tas-Soċjetà Ċivili għandu jiltaqa’ mill-inqas darba fis-sena, sakemm ma jkunx miftiehem mod ieħor mill-Partijiet. Il-Forum tas-Soċjetà Ċivili jista’ jiltaqa’ b’mezzi virtwali.

3.   Il-Forum tas-Soċjetà Ċivili għandu jkun miftuħ għall-parteċipazzjoni ta’ organizzazzjonijiet indipendenti tas-soċjetà ċivili stabbiliti fit-territorji tal-Partijiet, inkluż il-membri tal-gruppi konsultattivi domestiċi msemmija fl-Artikolu 13. Kull Parti għandha tippromwovi rappreżentanza bilanċjata, inkluż ta’ organizzazzjonijiet nongovernattivi, organizzazzjonijiet tan-negozju u ta’ min iħaddem, u trade unions, attivi fil-qasam ekonomiku, soċjali, tal-iżvilupp sostenibbli, tad-drittijiet tal-bniedem, ambjentali u oħrajn.

1.   Parti ma tistax tadotta jew iżżomm xi dazju, taxxa jew imposta oħra ta’ kwalunkwe tip imposti fuq l-esportazzjoni ta’ oġġett lejn il-Parti l-oħra, jew b’rabta magħha; jew kwalunkwe taxxa interna jew imposta oħra fuq oġġett esportat lejn il-Parti l-oħra li taqbeż it-taxxa jew l-imposta li jkunu imposti fuq oġġetti simili meta jkunu destinati għall-konsum domestiku.

2.   Għall-fini ta’ dan l-Artikolu, it-terminu "imposta oħra ta’ kwalunkwe tip" ma jinkludix tariffi jew imposti oħra li huma permessi skont l-Artikolu 23.

1.   It-tariffi u l-imposti l-oħra li jiġu imposti minn Parti fuq importazzjoni jew esportazzjoni ta’ oġġett tal-Parti l-oħra, jew b’rabta magħhom, għandhom ikunu limitati fl-ammont għall-kost approssimattiv tas-servizzi mogħtija, u ma għandhomx jirrappreżentaw protezzjoni indiretta għall-prodotti lokali jew xi taxxa fuq l-importazzjoni jew l-esportazzjoni għal raġunijiet fiskali. Parti ma għandhiex timponi tariffi jew imposti oħra fuq l-importazzjoni jew l-esportazzjoni, jew b’rabta magħhom, fuq bażi ad valorem.

2.   Kull Parti tista’ timponi imposti jew tirkupra kostijiet biss meta jingħataw servizzi speċifiċi, b’mod partikolari, iżda mhux limitati għal, dawn li ġejjin:

3.   Kull Parti għandha tippubblika minnufih it-tariffi u l-imposti kollha li timponi b’rabta mal-importazzjoni jew mal-esportazzjoni, fuq sit web uffiċjali b’mod li l-gvernijiet, in-negozjanti u partijiet interessati oħra jkunu jistgħu jsiru midħla tagħhom. Din l-informazzjoni għandha tinkludi r-raġuni għat-tariffa jew l-imposta għas-servizz ipprovdut, l-awtorità responsabbli, it-tariffi u l-imposti li se jiġu applikati, u meta u kif għandu jsir il-ħlas. Ma għandhomx jiġu imposti tariffi u imposti ġodda jew emendati sakemm tiġi ppubblikata u tkun disponibbli faċilment informazzjoni skont dan il-paragrafu.

4.   L-ebda Parti ma għandha teżiġi tranżazzjonijiet konsulari, inklużi tariffi u imposti relatati, b’rabta mal-importazzjoni ta’ xi oġġett tal-Parti l-oħra.

1.   L-ebda Parti ma għandha tapplika dazju doganali għal xi oġġett, irrispettivament mill-oriġini tiegħu, li jerġa’ jidħol fit-territorju doganali tal-Parti wara li dak l-oġġett ikun ġie esportat temporanjament mit-territorju tagħha lejn it-territorju tal-Parti l-oħra għat-tiswija.

2.   Il-paragrafu 1 ma japplikax għal oġġett importat f’bond, f’żoni ta’ kummerċ ħieles, jew fi status simili, li sussegwentement jiġi esportat għat-tiswija u li ma jiġix importat mill-ġdid f’bond, f’żoni ta’ kummerċ ħieles, jew fi status simili.

3.   Parti ma għandhiex tapplika dazju doganali għal xi oġġett, irrispettivament mill-oriġini tiegħu, li jkun ġie importat temporanjament mit-territorju tal-Parti l-oħra għat-tiswija.

1.   Parti ma għandhiex tagħti trattament lil oġġetti rimanifatturati tal-Parti l-oħra li jkun inqas favorevoli minn dak li tagħti lil oġġetti ekwivalenti f’kundizzjoni ġdida.

2.   L-Artikolu 26 japplika għal projbizzjonijiet jew restrizzjonijiet fuq l-importazzjoni u l-esportazzjoni tal-oġġetti rimanifatturati. Jekk Parti tadotta jew iżżomm projbizzjonijiet jew restrizzjonijiet fuq l-importazzjoni u l-esportazzjoni ta’ oġġetti użati, din ma għandhiex tapplika dawn il-miżuri fuq l-oġġetti rimanifatturati.

3.   Parti tista’ teżiġi li l-oġġetti rimanifatturati jiġu identifikati bħala tali għad-distribuzzjoni jew il-bejgħ fit-territorju tagħha u li dawn ikunu jissodisfaw ir-rekwiżiti tekniċi applikabbli kollha li japplikaw għal oġġetti ekwivalenti f’kundizzjoni ġdida.

1.   L-ebda Parti ma għandha tadotta jew iżżomm xi projbizzjoni jew restrizzjoni fuq l-importazzjoni ta’ xi oġġett tal-Parti l-oħra jew fuq l-esportazzjoni jew il-bejgħ għall-esportazzjoni ta’ xi oġġett destinat għat-territorju tal-Parti l-oħra, skont l-Artikolu XI tal-GATT 1994, inklużi n-Noti u d-Dispożizzjonijiet Supplimentari tiegħu. Għal dak il-għan, l-Artikolu III tal-GATT 1994 u n-Noti u d-Dispożizzjonijiet Supplimentari tiegħu huma inkorporati u integrati f’dan il-Ftehim, mutatis mutandis.

2.   Parti ma għandhiex tadotta jew iżżomm:

1.   Kull Parti għandha tiżgura li l-proċeduri kollha ta’ liċenzjar għall-importazzjoni applikabbli għall-kummerċ tal-merkanzija bejn il-Partijiet ikunu newtrali fl-applikazzjoni u jiġu amministrati b’mod ġust, ekwitabbli, nondiskriminatorju u trasparenti.

2.   Parti waħda għandha tadotta jew iżżomm biss proċeduri ta’ liċenzjar bħala kundizzjoni għall-importazzjoni fit-territorju tagħha mit-territorju tal-Parti l-oħra, jekk ma jkunux raġonevolment disponibbli proċeduri xierqa oħra biex jintlaħaq skop amministrattiv.

3.   Parti ma għandhiex tadotta jew iżżomm xi proċedura mhux awtomatika ta’ liċenzjar għall-importazzjoni, sakemm din ma tkunx meħtieġa għall-implimentazzjoni ta’ xi miżura konsistenti ma’ dan il-Ftehim. Parti li tadotta tali proċedura mhux awtomatika ta’ liċenzjar għall-importazzjoni għandha tindika b’mod ċar il-miżura implimentata permezz ta’ dik il-proċedura.

4.   Kull Parti għandha tintroduċi u tamministra kwalunkwe proċedura ta’ liċenzjar għall-importazzjoni skont l-Artikoli 1 sa 3 tal-Ftehim dwar il-Liċenzjar għall-Importazzjoni tad-WTO ("il-Ftehim dwar il-Liċenzjar għall-Importazzjoni"). Għal dak il-għan, l-Artikoli 1 sa 3 tal-Ftehim dwar il-Liċenzjar għall-Importazzjoni huma inkorporati u integrati f’dan il-Ftehim, mutatis mutandis.

5.   Kull Parti li tintroduċi jew timmodifika xi proċedura ta’ liċenzjar għall-importazzjoni għandha tagħmel l-informazzjoni rilevanti kollha disponibbli fuq sit web uffiċjali online. Dik l-informazzjoni għandha tkun disponibbli, kull meta jkun prattikabbli, mill-inqas 21 jum qabel id-data tal-applikazzjoni tal-proċedura ta’ liċenzjar il-ġdida jew modifikata u fi kwalunkwe każ sa mhux aktar tard mid-data tal-applikazzjoni. Din l-informazzjoni għandha tinkludi d-data meħtieġa skont l-Artikolu 5 tal-Ftehim dwar il-Liċenzjar għall-Importazzjoni.

6.   Fuq it-talba tal-Parti l-oħra, Parti għandha tipprovdi minnufih kull informazzjoni rilevanti rigward kwalunkwe proċedura ta’ liċenzjar għall-importazzjoni li jkun beħsiebha tadotta jew iżżomm, inkluż l-informazzjoni msemmija fl-Artikoli 1 sa 3 tal-Ftehim dwar il-Liċenzjar għall-Importazzjoni.

7.   Għal aktar ċertezza, xejn f’dan l-Artikolu ma jeżiġi li Parti tagħti liċenzja għall-importazzjoni, jew tipprevjeni lil Parti milli timplimenta l-obbligi jew l-impenji tagħha skont ir-Riżoluzzjonijiet tal-Kunsill tas-Sigurtà tan-Nazzjonijiet Uniti, jew skont reġimi multilaterali ta’ nonproliferazzjoni u arranġamenti ta’ kontroll tal-importazzjoni.

1.   Kull Parti għandha tippubblika kull proċedura ġdida ta’ liċenzjar għall-esportazzjoni, jew kull modifika għal xi proċedura eżistenti ta’ liċenzjar għall-esportazzjoni b’mod li l-gvernijiet, in-negozjanti u partijiet interessati oħra jkunu jistgħu jsiru midħla tagħhom. Din il-pubblikazzjoni għandha ssir, kull meta jkun prattikabbli, fi żmien 45 jum qabel ma tidħol fis-seħħ il-proċedura jew il-modifika, u fi kwalunkwe każ sa mhux aktar tard mid-data meta din il-proċedura jew il-modifika tidħol fis-seħħ u, meta xieraq, il-pubblikazzjoni għandha ssir fuq sit web governattiv rilevanti.

2.   Il-pubblikazzjoni tal-proċeduri ta’ liċenzjar għall-esportazzjoni għandha tinkludi l-informazzjoni li ġejja:

3.   Fi żmien 45 jum wara d-data tad-dħul fis-seħħ ta’ dan il-Ftehim, kull Parti għandha tinnotifika lill-Parti l-oħra dwar il-proċeduri eżistenti tagħha ta’ liċenzjar għall-esportazzjoni. Kull Parti għandha tinnotifika lill-Parti l-oħra b’kull proċedura ġdida ta’ liċenzjar għall-esportazzjoni u b’kull modifika għall-proċeduri eżistenti ta’ liċenzjar għall-esportazzjoni fi żmien 60 jum mill-pubblikazzjoni. In-notifika għandha tinkludi referenza għas-sorsi fejn tiġi ppubblikata l-informazzjoni meħtieġa skont il-paragrafu 2 u għandha tinkludi, meta xieraq, l-indirizz tas-siti web governattivi rilevanti.

4.   Għal aktar ċertezza, xejn f’dan l-Artikolu ma jobbliga li Parti tagħti liċenzja għall-esportazzjoni, jew tipprevjeni lil Parti milli timplimenta l-impenji tagħha skont ir-Riżoluzzjonijiet tal-Kunsill tas-Sigurtà tan-Nazzjonijiet Uniti, kif ukoll skont reġimi multilaterali ta’ nonproliferazzjoni u arranġamenti ta’ kontroll tal-esportazzjoni inkluż il-Ftehim ta’ Wassenaar dwar il-Kontrolli tal-Esportazzjoni għal Armi Konvenzjonali u Prodotti u Teknoloġiji b’Użu Doppju, il-Grupp Awstralja, il-Grupp tal-Fornituri Nukleari, u r-Reġim ta’ Kontroll tat-Teknoloġija tal-Missili, jew milli tadotta, iżżomm jew timplimenta reġimi ta’ sanzjonijiet indipendenti.

1.   Għall-fini tal-monitoraġġ tal-funzjonament ta’ dan il-Ftehim u tal-kalkolu tar-rati ta’ użu ta’ preferenzi, kull sena l-Partijiet għandhom jiskambjaw l-istatistika tal-importazzjoni għal perjodu ta’ 10 snin li jibda sena wara d-dħul fis-seħħ ta’ dan il-Ftehim. Sakemm il-Kumitat ta’ Sħubija Kummerċjali ma jiddeċidix mod ieħor, dan il-perjodu għandu jiġi estiż awtomatikament għal ħames snin, u minn hemm 'il quddiem il-Kumitat ta’ Sħubija Kummerċjali jista’ jiddeċiedi li jestendih aktar.

2.   L-iskambju tal-istatistika dwar l-importazzjoni għandu jkopri d-data relatata mal-aktar sena riċenti disponibbli, inkluż il-valur u, meta applikabbli, il-volum, fil-livell tal-linja tariffarja għall-importazzjonijiet tal-merkanzija tal-Parti l-oħra li jibbenefikaw minn trattament preferenzjali tad-dazju skont dan il-Ftehim u għal dawk li jirċievu trattament nonpreferenzjali.

1.   Il-Partijiet jaffermaw id-drittijiet u l-obbligi tagħhom skont l-Artikolu VI tal-GATT 1994, il-Ftehim Antidumping, il-Ftehim SCM, l-Artikolu XIX tal-GATT 1994, il-Ftehim dwar is-Salvagwardji, u l-Artikolu 5 tal-Ftehim dwar l-Agrikoltura.

2.   Il-Kapitolu 2 ta’ dan it-Titolu ma japplikax għal investigazzjonijiet u miżuri antidumping, kumpensatorji u ta’ salvagwardja.

3.   Kull Parti għandha tapplika miżuri antidumping u kumpensatorji skont ir-rekwiżiti tal-Ftehim Antidumping u l-Ftehim SCM, u bi proċess ġust u trasparenti.

4.   Dment li ma ddewwimx bla bżonn l-andament tal-investigazzjoni, kull parti interessata f'investigazzjoni antidumping jew kumpensatorja (1) għandha tingħata l-opportunità kollha li tiddefendi l-interessi tagħha.

5.   L-awtorità investigattiva ta’ kull Parti tista’, skont il-liġi tal-Parti, tikkunsidra jekk l-ammont tad-dazju antidumping li jrid jiġi impost għandux ikun il-marġni sħiħ ta’ dumping jew ammont iżgħar.

6.   L-awtorità investigattiva ta’ kull Parti għandha, skont il-liġi tal-Parti, tikkunsidra l-informazzjoni pprovduta dwar jekk l-impożizzjoni ta’ dazju antidumping jew kumpensatorju tkunx fl-interess pubbliku.

7.   Parti ma għandhiex tapplika jew iżżomm, fir-rigward tal-istess oġġett, fl-istess ħin:

8.   It-Titolu I tas-Sitt Parti ma japplikax għall-paragrafi 1 sa 6 ta’ dan l-Artikolu.

1.   Il-prodotti li joriġinaw f’Parti waħda ma għandhomx ikunu eliġibbli li jiġu importati fil-Parti l-oħra skont il-kwoti tar-rati tariffarji ("TRQs") eżistenti tad-WTO kif definit fil-paragrafu 2. Dan għandu jinkludi t-TRQs mqassma bejn il-Partijiet f'konformità mal-Artikolu XXVIII tan-negozjati tal-GATT mibdija mill-Unjoni Ewropea fid-dokument tad-WTO G/SECRET/42/Add.2 u mir-Renju Unit fid-dokument tad-WTO G/SECRET/44 u kif stabbilit fil-leġiżlazzjoni interna rispettiva ta’ kull Parti. Għall-finijiet ta’ dan l-Artikolu, l-istatus oriġinarju tal-prodotti għandu jiġi determinat abbażi tar-regoli tal-oriġini nonpreferenzjali applikabbli fil-Parti importatriċi.

2.   Għall-finijiet tal-paragrafu 1, "TRQs eżistenti tad-WTO" tfisser dawk il-kwoti tar-rati tariffarji li huma konċessjonijiet tad-WTO tal-Unjoni Ewropea inklużi fl-abbozz tal-iskeda ta’ konċessjonijiet u impenji tal-UE28 skont il-GATT 1994 ppreżentati lid-WTO fid-dokument G/MA/TAR/RS/506 kif emendat mid-dokumenti G/MA/TAR/RS/506/Add.1 u G/MA/TAR/RS/506/Add.2.

1.   Il-Partijiet għandhom jikkooperaw fil-prevenzjoni, fis-sejbien u fil-ġlieda kontra ksur jew ċirkomvenzjoni tal-leġiżlazzjoni doganali, skont l-obbligi tagħhom skont il-Kapitolu 2 ta’ dan it-Titolu u l-Protokoll dwar l-assistenza amministrattiva reċiproka f'materji doganali. Kull Parti għandha tieħu miżuri xierqa u komparabbli biex tipproteġi l-interessi finanzjarji tagħha stess u tal-Parti l-oħra rigward l-impożizzjoni ta’ dazji fuq merkanzija li tidħol fit-territorji doganali tar-Renju Unit jew tal-Unjoni.

2.   Soġġett għall-possibbiltà ta’ eżenzjoni għal negozjanti konformi skont il-paragrafu 7, Parti tista’ tissospendi temporanjament it-trattament preferenzjali rilevanti tal-prodott jew tal-prodotti kkonċernati skont il-proċedura stabbilita fil-paragrafi 3 u 4 jekk:

3.   Il-Parti li tkun waslet għal konstatazzjoni kif imsemmi fil-paragrafu 2 għandha tinnotifika lill-Kumitat ta’ Sħubija Kummerċjali u għandha tidħol f’konsultazzjonijiet mal-Parti l-oħra fil-Kumitat ta’ Sħubija Kummerċjali biex tinstab soluzzjoni aċċettabbli għaż-żewġ naħat.

4.   Jekk il-Partijiet jonqsu milli jaqblu dwar soluzzjoni aċċettabbli għaż-żewġ naħat fi żmien tliet xhur mid-data tan-notifika, il-Parti li tkun waslet għal konstatazzjoni tista’ tiddeċiedi li tissospendi temporanjament it-trattament preferenzjali rilevanti tal-prodott jew tal-prodotti kkonċernati. F’dan il-każ, il-Parti li tkun waslet għal konstatazzjoni għandha tinnotifika s-sospensjoni temporanja, inkluż il-perjodu li matulu beħsiebha tapplika s-sospensjoni temporanja, lill-Kumitat ta’ Sħubija Kummerċjali mingħajr dewmien.

5.   Is-sospensjoni temporanja għandha tapplika biss għall-perjodu meħtieġ biex jiġu miġġielda l-ksur jew iċ-ċirkomvenzjoni u jitħarsu l-interessi finanzjarji tal-Parti kkonċernata u fi kwalunkwe każ għal mhux aktar minn sitt xhur. Il-Parti kkonċernata għandha żżomm is-sitwazzjoni taħt rieżami u, meta tiddetermina li s-sospensjoni temporanja ma għadhiex meħtieġa, għandha ttemmha qabel tmiem il-perjodu notifikat lill-Kumitat ta’ Sħubija Kummerċjali. Jekk il-kundizzjonijiet li wasslu għas-sospensjoni jippersistu mal-iskadenza tal-perjodu notifikat lill-Kumitat ta’ Sħubija Kummerċjali, il-Parti kkonċernata tista’ tiddeċiedi li ġġedded is-sospensjoni. Kwalunkwe sospensjoni għandha tkun soġġetta għal konsultazzjonijiet perjodiċi fil-Kumitat ta’ Sħubija Kummerċjali.

6.   Kull Parti għandha tippubblika, f’konformità mal-proċeduri interni tagħha, notifiki lill-importaturi dwar kull deċiżjoni li tikkonċerna s-sospensjonijiet temporanji msemmija fil-paragrafi 4 u 5.

7.   Minkejja l-paragrafu 4, jekk importatur ikun jista’ jissodisfa lill-awtorità doganali tal-importazzjoni li dawn il-prodotti huma konformi bis-sħiħ mal-leġiżlazzjoni doganali tal-Parti importatriċi, mar-rekwiżiti tal-Ftehim, u ma’ kull kundizzjoni xierqa oħra relatata mas-sospensjoni temporanja stabbilita mill-Parti importatriċi skont il-liġijiet u r-regolamenti tagħha, il-Parti importatriċi għandha tippermetti lill-importatur japplika għal trattament preferenzjali b’mod retroattiv u jirkupra kwalunkwe dazju mħallas b’eċċess tar-rati tariffarji preferenzjali applikabbli meta l-prodotti jkunu ġew importati.

1.   Il-Partijiet għandhom jikkooperaw biex jiffaċilitaw ir-ritorn ta’ proprjetà kulturali mneħħija illegalment mit-territorju ta’ Parti, filwaqt li jqisu l-prinċipji minquxa fil-Konvenzjoni tal-UNESCO dwar il-Mezzi ta’ Projbizzjoni u Prevenzjoni tal-Importazzjoni, l-Esportazzjoni u t-Trasferiment Illeċitu tas-Sjieda tal-Proprjetà Kulturali ffirmata f’Pariġi fis-17 ta’ Novembru 1970.

2.   Għall-finijiet ta’ dan l-Artikolu, japplikaw id-definizzjonijiet li ġejjin:

3.   L-awtoritajiet kompetenti tal-Partijiet għandhom jikkooperaw bejniethom b’mod partikolari billi:

4.   Kull Parti għandha tidentifika punt ta’ kuntatt responsabbli għall-komunikazzjoni mal-punt ta’ kuntatt tal-Parti l-oħra fir-rigward ta’ kull kwistjoni li tinqala’ skont dan l-Artikolu, inkluż fir-rigward tan-notifiki u t-talbiet imsemmija fil-punti (a) u (b) tal-paragrafu 3.

5.   Il-kooperazzjoni prevista bejn il-Partijiet għandha tinvolvi lill-awtoritajiet doganali tal-Partijiet responsabbli għall-ġestjoni tal-proċeduri tal-esportazzjoni għall-proprjetà kulturali, kif xieraq u meħtieġ.

6.   It-Titolu I tas-Sitt Parti ma japplikax għal dan l-Artikolu.

1.   Għall-fini tal-applikazzjoni tat-trattament tariffarju preferenzjali minn Parti għall-merkanzija oriġinarja tal-Parti l-oħra f’konformità ma’ dan il-Ftehim, dment li l-prodotti jkunu jissodisfaw ir-rekwiżiti applikabbli l-oħra kollha ta’ dan il-Kapitolu, il-prodotti li ġejjin għandhom jitqiesu li joriġinaw fil-Parti l-oħra:

2.   Jekk prodott ikun kiseb status oriġinarju, il-materjali mhux oriġinarji użati fil-produzzjoni ta’ dak il-prodott ma għandhomx jitqiesu bħala mhux oriġinarji meta dak il-prodott jiġi inkorporat bħala materjal fi prodott ieħor.

3.   L-akkwist ta’ status oriġinarju għandu jitħaddem mingħajr interruzzjoni fir-Renju Unit jew fl-Unjoni.

1.   Prodott li joriġina f’Parti għandu jitqies li hu oriġinarju fil-Parti l-oħra jekk dak il-prodott jintuża bħala materjal fil-produzzjoni ta’ prodott ieħor f’dik il-Parti l-oħra.

2.   Il-produzzjoni mwettqa f’Parti fuq materjal mhux oriġinarju tista’ titqies sabiex jiġi determinat jekk prodott joriġinax fil-Parti l-oħra.

3.   Il-paragrafi 1 u 2 ma jkunux japplikaw jekk il-produzzjoni mwettqa fil-Parti l-oħra ma tmurx lil hinn mill-operazzjonijiet imsemmija fl-Artikolu 43.

4.   Biex esportatur jimla d-dikjarazzjoni dwar l-oriġini msemmija fil-punt (a) tal-Artikolu 54(2) għal prodott imsemmi fil-paragrafu 2 ta’ dan l-Artikolu, l-esportatur għandu jikseb dikjarazzjoni tal-fornitur mingħand il-fornitur kif previst fl-Anness 6 jew dokument ekwivalenti li jkun fih l-istess informazzjoni li tiddeskrivi l-materjali mhux oriġinarji kkonċernati f’dettall suffiċjenti biex ikunu jistgħu jiġu identifikati.

1.   Il-prodotti li ġejjin għandhom jitqiesu bħala miksuba kompletament f'Parti:

2.   It-termini "bastiment ta’ Parti" u "vapur fabbrika ta’ Parti" fil-punti (h) u (i) tal-paragrafu 1 ifissru bastiment u vapur fabbrika li:

1.   Jekk prodott ma jissodisfax ir-rekwiżiti stabbiliti fl-Anness 3 minħabba l-użu ta’ materjal mhux oriġinarju fil-produzzjoni tiegħu, dak il-prodott għandu madankollu jitqies bħala li joriġina f’Parti, dment li:

2.   Il-paragrafu 1 ma japplikax jekk il-valur jew il-piż tal-materjali mhux oriġinarji użati fil-produzzjoni ta’ prodott jaqbeż kwalunkwe wieħed mill-perċentwali għall-valur jew il-piż massimu tal-materjali mhux oriġinarji kif speċifikat fir-rekwiżiti stabbiliti fl-Anness 3.

3.   Il-paragrafu 1 ta’ dan l-Artikolu ma japplikax għal prodotti miksuba kompletament f’Parti skont is-sens tal-Artikolu 41. Jekk l-Anness 3 ikun jeżiġi li l-materjali użati fil-produzzjoni ta’ prodott ikunu miksuba kompletament, japplikaw il-paragrafi 1 u 2 ta' dan l-Artikolu.

1.   Minkejja l-punt (c) tal-paragrafu 1 tal-Artikolu 39(1), prodott ma għandux jitqies li joriġina f’Parti jekk il-produzzjoni tal-prodott f’Parti tikkonsisti biss minn waħda jew aktar mill-operazzjonijiet li ġejjin imwettqa fuq materjali mhux oriġinarji:

2.   Għall-finijiet tal-paragrafu 1, l-operazzjonijiet għandhom jitqiesu sempliċi jekk ma jkunu meħtieġa la ħiliet speċjali u lanqas makkinarji, apparati jew tagħmir manifatturati jew installati speċjalment għat-twettiq ta’ dawk l-operazzjonijiet.

1.   Għall-finijiet ta’ dan il-Kapitolu, l-unità ta' kwalifika għandha tkun il-prodott partikolari li jitqies bħala l-unità bażika meta l-prodott jiġi kklassifikat taħt is-Sistema Armonizzata.

2.   Fil-każ ta’ kunsinna li tkun tikkonsisti f’għadd ta’ prodotti identiċi klassifikati fl-istess intestatura tas-Sistema Armonizzata, kull prodott għandu jitqies b’mod individwali fl-applikazzjoni tad-dispożizzjonijiet ta’ dan il-Kapitolu.

1.   L-aċċessorji, spare parts, għodod u materjali tal-istruzzjoni jew materjali oħra ta’ informazzjoni għandhom jitqiesu bħala prodott wieħed bil-biċċa tagħmir, magna, apparat jew vettura inkwistjoni jekk:

2.   L-aċċessorji, l-ispare parts, l-għodod u materjali tal-istruzzjoni u ta’ informazzjoni oħra msemmija fil-paragrafu 1 ma għandhomx jitqiesu meta tiġi determinata l-oriġini tal-prodott, ħlief għall-finijiet tal-kalkolu tal-valur ta’ materjali mhux oriġinarji jekk il-prodott ikun soġġett għal valur massimu ta’ materjali mhux oriġinarji skont l-Anness 3.

1.   Materjali funġibbli oriġinarji u mhux oriġinarji jew prodotti funġibbli għandhom jiġu ssegregati fiżikament waqt il-ħżin biex jinżamm l-istatus oriġinarju u mhux oriġinarju tagħhom.

2.   Għall-finijiet tal-paragrafu 1, "materjali funġibbli" jew "prodotti funġibbli" tfisser materjali jew prodotti li huma tal-istess tip u kwalità kummerċjali, bl-istess karatteristiċi tekniċi u fiżiċi, u li ma jkunux jistgħux jiġu distinti minn xulxin għall-finijiet ta’ oriġini.

3.   Minkejja l-paragrafu 1, materjali funġibbli oriġinarji u mhux oriġinarji jistgħu jintużaw fil-produzzjoni ta’ prodott mingħajr ma jiġu segregati fiżikament waqt il-ħażna jekk jintuża metodu ta’ segregazzjoni tal-kontabbiltà.

4.   Minkejja l-paragrafu 1, prodotti funġibbli oriġinarji u mhux oriġinarji kklassifikati fil-Kapitoli 10, 15, 27, 28, 29, l-intestaturi minn 32.01 sa 32.07, jew l-intestaturi minn 39.01 sa 39.14 tas-Sistema Armonizzata] jistgħu jinħażnu f’Parti qabel l-esportazzjoni lejn il-Parti l-oħra mingħajr ma jkunu fiżikament segregati, sakemm jintuża metodu ta’ segregazzjoni tal-kontabbiltà.

5.   Il-metodu ta’ segregazzjoni tal-kontabbiltà msemmi fil-paragrafi 3 u 4 għandu jiġi applikat f’konformità ma’ metodu ta’ ġestjoni tal-inventarju skont il-prinċipji kontabilistiċi li jiġu ġeneralment aċċettati fil-Parti.

6.   Il-metodu ta’ segregazzjoni tal-kontabbiltà għandu jkun kwalunkwe metodu li jiżgura li fi kwalunkwe ħin ma jkunx hemm aktar materjali jew prodotti li jirċievu status oriġinarju milli kieku l-materjali jew il-prodotti jkunu ġew segregati fiżikament.

7.   Parti tista’ titlob, bil-kundizzjonijiet stabbiliti fil-liġijiet u fir-regolamenti tagħha, li l-użu ta’ metodu ta’ segregazzjoni tal-kontabbiltà jkun soġġett għall-għoti ta’ awtorizzazzjoni preliminari mill-awtoritajiet doganali ta’ dik il-Parti. L-awtoritajiet doganali tal-Parti għandha tissorvelja l-użu tal-awtorizzazzjonijiet u tista’ tirtira xi awtorizzazzjoni jekk id-detentur jagħmel użu mhux xieraq tal-metodu ta’ segregazzjoni tal-kontabbiltà jew jonqos milli jissodisfa xi waħda mill-kundizzjonijiet stabbiliti f’dan il-Kapitolu.

1.   Prodott oriġinarju dikjarat għall-użu domestiku fil-Parti importatriċi ma għandux, wara l-esportazzjoni u qabel ma jiġi ddikjarat għal użu domestiku, ġie alterat, trasformat b’xi mod jew soġġett għal operazzjonijiet għajr dawk ta’ preservazzjoni f’kundizzjoni tajba jew ta’ żieda jew ta’ twaħħil ta’ marki, ta’ tikketti, ta’ siġilli jew ta’ xi dokumentazzjoni oħra biex tiġi żgurata l-konformità ma’ rekwiżiti domestiċi speċifiċi tal-Parti importatriċi.

2.   Il-ħżin jew il-wiri ta’ prodott jista’ jseħħ f’pajjiż terz dment li l-prodott jibqa’ fis-superviżjoni doganali f’dak il-pajjiż terz.

3.   Il-qsim tal-kunsinni jista’ jseħħ f’pajjiż terz jekk isir mill-esportatur jew taħt ir-responsabbiltà tal-esportatur, dment li dawn jibqgħu taħt superviżjoni doganali f’dak il-pajjiż terz.

4.   F’każ ta’ dubju dwar jekk ikunux rispettati r-rekwiżiti previsti fil-paragrafi 1 sa 3, l-awtorità doganali tal-Parti importatriċi tista’ titlob lill-importatur jipprovdi evidenza ta’ konformità ma’ dawk ir-rekwiżiti, li tista’ tingħata bi kwalunkwe mezz, inklużi dokumenti tat-trasport kuntrattwali bħal poloz ta’ kargu jew evidenza fattwali jew konkreta bbażata fuq il-kummerċjalizzazzjoni jew l-enumerazzjoni tal-pakketti jew ta’ kwalunkwe evidenza relatata mal-prodott innifsu.

1.   Il-Parti importatriċi għandha, mal-importazzjoni, tagħti trattament tariffarju preferenzjali lil prodott oriġinarju fil-Parti l-oħra, fis-sens ta’ dan il-Kapitolu, abbażi ta’ talba mill-importatur għat-trattament tariffarju preferenzjali. L-importatur għandu jkun responsabbli għall-korrettezza tat-talba għal trattament tariffarju preferenzjali u għall-konformità mar-rekwiżiti stabbiliti f’dan il-Kapitolu.

2.   Talba għal trattament tariffarju preferenzjali għandha tkun ibbażata fuq:

3.   L-importatur li jagħmel it-talba għal trattament tariffarju preferenzjali bbażat fuq dikjarazzjoni dwar l-oriġini kif issir referenza fil-punt (a) tal-paragrafu 2 għandu jżomm id-dikjarazzjoni dwar l-oriġini u, meta jkun meħtieġ mill-awtorità doganali tal-Parti importatriċi, jipprovdi kopja ta’ din lil dik l-awtorità.

1.   Talba għal trattament tariffarju preferenzjali u l-bażi għal dik it-talba kif imsemmi fl-Artikolu 54(2) għandhom jiġu inklużi fid-dikjarazzjoni doganali dwar l-importazzjoni f'konformità mal-liġijiet u mar-regolamenti tal-Parti importatriċi.

2.   B’deroga mill-paragrafu 1 ta’ dan l-Artikolu, jekk l-importatur ma jkunx għamel talba għal trattament tariffarju preferenzjali fil-mument tal-importazzjoni, il-Parti importatriċi tagħti trattament tariffarju preferenzjali u tħallas lura jew tibgħat lura kwalunkwe dazju doganali żejjed imħallas sakemm:

L-obbligi l-oħra applikabbli għall-importatur skont l-Artikolu 54 jibqgħu l-istess.

1.   Dikjarazzjoni dwar l-oriġini tista’ ssir minn esportatur ta’ prodott abbażi tal-informazzjoni li turi li l-prodott hu oriġinarju, filwaqt li dan jinkludi informazzjoni dwar l-istatus oriġinarju tal-materjali użati fil-produzzjoni tal-prodott. L-esportatur għandu jkun responsabbli għall-korrettezza tad-dikjarazzjoni dwar l-oriġini u tal-informazzjoni pprovduta.

2.   Dikjarazzjoni dwar l-oriġini għandha ssir billi tintuża waħda mill-verżjonijiet lingwistiċi stabbiliti fl-Anness 7 f’fattura jew xi dokument ieħor li jiddeskrivi l-prodott oriġinarju f’biżżejjed dettall biex dak il-prodott ikun jista’ jiġi identifikat. L-esportatur għandu jkun responsabbli biex jipprovdi biżżejjed dettall li jippermetti l-identifikazzjoni tal-prodott oriġinarju. Il-Parti importatriċi ma għandhiex teħtieġ li l-importatur jippreżenta traduzzjoni tad-dikjarazzjoni dwar l-oriġini.

3.   Dikjarazzjoni dwar l-oriġini għandha tkun valida għal 12-il xahar mid-data meta tkun saret jew għal tali perjodu itwal kif ipprovdut mill-Parti tal-importazzjoni sa massimu ta’ 24 xahar.

4.   Dikjarazzjoni dwar l-oriġini tista’ tapplika għal:

5.   Jekk, fuq it-talba tal-importatur, prodotti żarmati jew mhux armati fis-sens tar-Regola Ġenerali 2(a) għall-Interpretazzjoni tas-Sistema Armonizzata li jaqgħu fit-Taqsimiet minn XV sa XXI tas-Sistema Armonizzata jkunu importati ftit ftit, tkun tista’ tintuża dikjarazzjoni dwar l-oriġini waħda għal prodotti bħal dawn skont ir-rekwiżiti stabbiliti mill-awtorità doganali tal-Parti importatriċi.

1.   Għall-finijiet ta’ talba għal trattament tariffarju preferenzjali li ssir skont il-punt (b) tal-Artikolu 54(2), l-għarfien tal-importatur li prodott joriġina fil-Parti esportatriċi għandu jkun ibbażat fuq informazzjoni li turi li l-prodott joriġina u jissodisfa r-rekwiżiti previsti f’dan il-Kapitolu.

2.   Qabel ma jintalab it-trattament preferenzjali, fil-każ li importatur ma jkunx jista’ jikseb l-informazzjoni msemmija fil-paragrafu 1 ta’ dan l-Artikolu bħala riżultat tal-fatt li l-esportatur iqis li dik l-informazzjoni hija informazzjoni kunfidenzjali jew għal xi raġuni oħra, l-esportatur jista’ jipprovdi dikjarazzjoni dwar l-oriġini biex l-importatur ikun jista’ jitlob it-trattament tariffarju preferenzjali abbażi tal-punt (a) tal-Artikolu 54(2).

1.   Għal minimu ta’ tliet snin wara d-data tal-importazzjoni tal-prodott, importatur li jagħmel talba għal trattament tariffarju preferenzjali għal prodott importat fil-Parti importatriċi għandu jżomm:

2.   Esportatur li ppreżenta dikjarazzjoni dwar l-oriġini għandu, għal tal-anqas erba’ snin wara dik id-dikjarazzjoni dwar l-oriġini, iżomm kopja tad-dikjarazzjoni dwar l-oriġini u tar-rekords l-oħra kollha li juru li l-prodott jissodisfa r-rekwiżiti biex jinkiseb status oriġinarju.

3.   Ir-rekords li għandhom jinżammu skont dan l-Artikolu jistgħu jinżammu f’format elettroniku.

1.   B’deroga mill-Artikoli 54 sa 58, dment li l-prodott ikun ġie ddikjarat li jissodisfa r-rekwiżiti ta’ dan il-Kapitolu u l-awtorità doganali tal-Parti importatriċi ma jkollha l-ebda dubju dwar il-veraċità ta’ dik id-dikjarazzjoni, il-Parti importatriċi tagħti trattament tariffarju preferenzjali lil:

2.   Il-prodott li ġejjin huma esklużi mill-applikazzjoni tal-paragrafu 1 ta’ dan l-Artikolu:

3.   L-importatur għandu jkun responsabbli għall-korrettezza tad-dikjarazzjoni u għall-konformità mar-rekwiżiti stabbiliti f’dan il-Kapitolu. Ir-rekwiżiti taż-żamma tar-rekords stabbiliti fl-Artikolu 59 ma għandhomx japplikaw għall-importatur skont dan l-Artikolu.

1.   L-awtorità doganali tal-Parti importatriċi tista’ twettaq verifika dwar jekk prodott hux oriġinarju jew jekk ir-rekwiżiti l-oħra ta’ dan il-Kapitolu humiex sodisfatti, abbażi ta’ metodi ta’ valutazzjoni tar-riskju, li jistgħu jinkludu għażla aleatorja. Tali verifika tista’ ssir permezz ta’ talba għal informazzjoni mill-importatur li għamel it-talba msemmija fl-Artikolu 54, fil-ħin li tiġi ppreżentata d-dikjarazzjoni tal-importazzjoni, qabel ir-rilaxx tal-prodotti, jew wara r-rilaxx tal-prodotti.

2.   L-informazzjoni mitluba skont il-paragrafu 1 ma għandhiex tkopri aktar mill-elementi li ġejjin:

3.   Meta jipprovdi l-informazzjoni mitluba, l-importatur jista’ jżid kwalunkwe informazzjoni oħra li hu jqis li hi rilevanti għall-fini ta’ verifika.

4.   Jekk it-talba għal trattament tariffarju preferenzjali tkun ibbażata fuq dikjarazzjoni dwar l-oriġini, l-importatur għandu jipprovdi dik id-dikjarazzjoni dwar l-oriġini iżda jista’ jwieġeb lill-awtorità doganali tal-Parti importatriċi li l-importatur mhux f’pożizzjoni li jipprovdi l-informazzjoni msemmija fil-punt (b) tal-paragrafu 2.

5.   Jekk it-talba għal trattament preferenzjali tkun ibbażata fuq l-għarfien tal-importatur, wara li l-ewwel ikun talab informazzjoni skont il-paragrafu 1, l-awtorità doganali tal-Parti importatriċi li tagħmel il-verifika tista’ titlob lill-importatur li jipprovdi informazzjoni addizzjonali jekk dik l-awtorità doganali tqis li tkun neċessarja informazzjoni addizzjonali sabiex jiġi vverifikat l-istatus oriġinarji tal-prodott jew jekk ir-rekwiżiti l-oħra ta’ dan il-Kapitolu jkunu ġew sodisfatti. L-awtorità doganali tal-Parti importatriċi tista’ titlob dokumentazzjoni u informazzjoni speċifiċi mingħand l-importatur, jekk xieraq.

6.   Jekk l-awtorità doganali tal-Parti importatriċi tiddeċiedi li tissospendi l-għoti tat-trattament tariffarju preferenzjali lill-prodott ikkonċernat waqt li tistenna r-riżultati tal-verifika, din għandha toffri li tirrilaxxa l-prodotti lill-importatur soġġetta għal miżuri xierqa ta’ prekawzjoni li jinkludu l-garanziji. Kull sospensjoni tat-trattament tariffarju preferenzjali għandha tintemm malajr kemm jista’ jkun wara li l-awtorità doganali tal-Parti importatriċi tkun aċċertat l-istatus oriġinarju tal-prodotti kkonċernati, jew l-issodisfar tar-rekwiżiti l-oħra ta’ dan il-Kapitolu.

1.   Biex jiżguraw l-applikazzjoni xierqa ta’ dan il-Kapitolu, il-Partijiet għandhom jikkooperaw, permezz tal-awtorità doganali ta’ kull Parti, fil-verifika ta’ jekk prodott hux oriġinarju u konformi mar-rekwiżiti l-oħra previsti f’dan il-Kapitolu.

2.   Jekk it-talba għal trattament tariffarju preferenzjali kienet ibbażata fuq dikjarazzjoni dwar l-oriġini, kif xieraq wara li tkun talbet għall-ewwel darba l-informazzjoni skont l-Artikolu 61(1) u abbażi tat-tweġiba mill-importatur, l-awtorità doganali tal-Parti importatriċi li tkun qed twettaq il-verifika tista’ titlob ukoll informazzjoni mingħand l-awtorità doganali tal-Parti esportatriċi fi żmien perjodu ta’ sentejn wara l-importazzjoni tal-prodotti, jew mill-mument li t-talba ssir skont il-punt (a) tal-Artikolu 55(2), jekk l-awtorità doganali tal-Parti importatriċi li tkun qed tagħmel il-verifika tqis li tkun neċessarja informazzjoni addizzjonali sabiex tkun tista’ tivverifika l-istatus oriġinarju tal-prodott jew biex tivverifika li r-rekwiżiti l-oħra previsti f’dan il-Kapitolu jkunu sodisfatti. It-talba għall-informazzjoni għandha tinkludi dawn l-elementi li ġejjin:

Minbarra dan, l-awtorità doganali tal-Parti importatriċi tista’ titlob lill-awtorità doganali tal-Parti esportatriċi biex tipprovdi dokumentazzjoni u informazzjoni speċifiċi, fejn xieraq.

3.   F’konformità mal-liġijiet u mar-regolamenti tagħha, l-awtorità doganali tal-Parti esportatriċi tista’ titlob dokumentazzjoni jew eżaminazzjoni billi ssejjaħ għal kwalunkwe evidenza jew billi żżur il-bini tal-esportatur biex tirrieżamina r-rekords u tosserva l-faċilitajiet użati fil-produzzjoni tal-prodott.

4.   Mingħajr preġudizzju għall-paragrafu 5, l-awtorità doganali tal-Parti esportatriċi li tirċievi t-talba msemmija fil-paragrafu 2 għandha tipprovdi lill-awtorità doganali tal-Parti importatriċi l-informazzjoni li ġejja:

5.   L-awtorità doganali tal-Parti esportatriċi ma għandhiex tipprovdi l-informazzjoni msemmija fil-punti (a), (d) u (f) tal-paragrafu 4 lill-awtorità doganali tal-Parti importatriċi jekk dik l-informazzjoni titqies kunfidenzjali mill-esportatur.

6.   Kull Parti għandha tinnotifika lill-Parti l-oħra dwar id-dettalji ta' kuntatt tal-awtoritajiet doganali u għandha tinnotifika lill-Parti l-oħra dwar kwalunkwe bidla f’dawk id-dettalji ta’ kuntatt fi żmien 30 jum mid-data tal-bidla.

1.   Mingħajr preġudizzju għall-paragrafu 3, l-awtorità doganali tal-Parti importatriċi tista’ tiċħad trattament tariffarju preferenzjali, jekk:

2.   L-awtorità doganali tal-Parti importatriċi tista’ tiċħad it-trattament tariffarju preferenzjali għal prodott li għalih l-importatur jitlob trattament tariffarju preferenzjali meta l-importatur jonqos milli jikkonforma mar-rekwiżiti ta’ dan il-Kapitolu għajr dawk relatati mal-istatus oriġinarju tal-prodotti.

3.   Jekk l-awtorità doganali tal-Parti importatriċi jkollha biżżejjed informazzjoni biex tiċħad it-trattament tariffarju preferenzjali skont il-paragrafu 1 ta’ dan l-Artikolu, f’każijiet meta l-awtorità doganali tal-Parti esportatriċi tkun ipprovdiet opinjoni skont il-punt (b) tal-Artikolu 62(4) li fiha tikkonferma l-istatus oriġinarju tal-prodotti, l-awtorità doganali tal-Parti importatriċi għandha tinnotifika lill-awtorità doganali tal-Parti esportatriċi bl-intenzjoni tagħha li tiċħad it-trattament tariffarju preferenzjali fi żmien xahrejn mid-data tar-riċezzjoni ta’ dik l-opinjoni.

Jekk issir tali notifika, għandhom isiru konsultazzjonijiet fuq it-talba ta’ kwalunkwe waħda mill-Partijiet, fi żmien tliet xhur mid-data tan-notifika. Il-perjodu għall-konsultazzjoni jista’ jiġi estiż abbażi ta’ każ b’każ permezz ta’ ftehim reċiproku bejn l-awtoritajiet doganali tal-Partijiet. Il-konsultazzjoni tista’ ssir skont il-proċedura stabbilita mill-Kumitat Speċjalizzat għall-Kummerċ dwar il-Kooperazzjoni Doganali u r-Regoli tal-Oriġini.

Mal-iskadenza tal-perjodu għall-konsultazzjoni, jekk l-awtorità doganali tal-Parti importatriċi ma tkunx tista’ tikkonferma li l-prodott huwa oriġinarju, din tista’ tiċħad it-trattament tariffarju preferenzjali jekk ikollha ġustifikazzjoni suffiċjenti biex tagħmel dan u wara li tkun tat lill-importatur id-dritt li jinstema’. Madankollu, meta l-awtorità doganali tal-Parti esportatriċi tikkonferma l-istatus oriġinarju tal-prodotti u tipprovdi ġustifikazzjoni għal tali konklużjoni, l-awtorità doganali tal-Parti importatriċi ma għandhiex tiċħad it-trattament tariffarju preferenzjali lil prodott għar-raġuni unika li l-Artikolu 62(5) ġie applikat.

4.   Fil-każijiet kollha, ir-riżoluzzjoni tad-differenzi bejn l-importatur u l-awtorità doganali tal-Parti tal-importazzjoni għandha tkun skont il-liġi tal-Parti tal-importazzjoni.

1.   Kull Parti għandha żżomm, f’konformità mal-liġijiet u mar-regolamenti tagħha, il-kunfidenzjalità ta’ kwalunkwe informazzjoni pprovduta lilha mill-Parti l-oħra skont dan il-Kapitolu, u għandha tipproteġi dik l-informazzjoni li tkun żvelata.

2.   Fejn, minkejja l-Artikolu 62(5), tkun inkisbet informazzjoni kummerċjali kunfidenzjali mill-esportatur mill-awtorità doganali tal-Parti esportatriċi jew tal-Parti importatriċi bl-applikazzjoni tal-Artikoli 61 u 62, dik l-informazzjoni ma għandhiex tiġi żvelata.

3.   Kull Parti għandha tiżgura li informazzjoni kunfidenzjali miġbura skont dan il-Kapitolu ma għandhiex tintuża għal finijiet li mhumiex l-amministrazzjoni u l-eżekuzzjoni ta' ta’ deċiżjonijiet u determinazzjonijiet marbuta mal-oriġini u ma’ kwistjonijiet doganali, ħlief bil-permess tal-persuna jew Parti li tkun ipprovdiet l-informazzjoni kunfidenzjali.

4.   Minkejja l-paragrafu 3, Parti tista' tippermetti informazzjoni miġbura skont dan il-Kapitolu biex jintuża fi kwalunkwe proċedimenti amministrattivi, ġudizzjarji, jew kważi ġudizzjarji istitwiti għal nuqqas ta' konformità mal-liġijiet relatati mad-dwana li jimplimentaw dan il-Kapitolu. Parti għandha tinnotifika lill-persuna jew Parti li tkun ipprovdiet l-informazzjoni qabel ma tintuża.

1.   Għall-finijiet ta’ dan il-Kapitolu, fil-każ tal-Unjoni, it-terminu "Parti" ma jinkludix lil Ceuta u Melilla.

2.   Il-prodotti li joriġinaw fir-Renju Unit, meta jiġu importati f’Ceuta u Melilla, għandhom, f’kull aspett, ikunu soġġetti għall-istess trattament doganali skont dan il-Ftehim bħal dak li japplika għall-prodotti oriġinarji mit-territorju doganali tal-Unjoni skont il-Protokoll 2 tal-Att tal-Adeżjoni tar-Renju ta’ Spanja u tar-Repubblika Portugiża mal-Unjoni Ewropea. Ir-Renju Unit għandu jagħti lill-importazzjonijiet ta’ prodotti koperti minn dan il-Ftehim u li joriġinaw minn Ceuta u Melilla l-istess trattament doganali bħal dak li jingħata lil prodotti importati mill-Unjoni, u li joriġinaw minnha.

3.   Ir-regoli tal-oriġini u l-proċeduri tal-oriġini msemmija f’dan il-Kapitolu japplikaw mutatis mutandis għal prodotti esportati mir-Renju Unit lejn Ceuta u Melilla u għal prodotti esportati minn Ceuta u Melilla lejn ir-Renju Unit.

4.   Ceuta u Melilla għandhom jitqiesu bħala territorju wieħed.

5.   L-Artikolu 40 japplika għall-importazzjoni u għall-esportazzjonijiet ta’ prodotti bejn l-Unjoni, ir-Renju Unit u Ceuta u Melilla.

6.   L-esportaturi għandhom idaħħlu "ir-Renju Unit" jew "Ceuta u Melilla" fil-kamp 3 tat-test tad-dikjarazzjoni dwar l-oriġini, skont l-oriġini tal-prodott.

7.   L-awtorità doganali tar-Renju ta’ Spanja għandha tkun responsabbli għall-applikazzjoni u għall-implimentazzjoni ta’ dan il-Kapitolu f’Ceuta u Melilla.

1.   Dan il-Kapitolu japplika għall-miżuri SPS kollha ta’ Parti li jistgħu, direttament jew indirettament, jaffettwaw il-kummerċ bejn il-Partijiet.

2.   Dan il-Kapitolu jistabbilixxi wkoll dispożizzjonijiet separati fir-rigward tal-kooperazzjoni fit-trattament xieraq tal-annimali, fil-ġlieda kontra r-reżistenza għall-antimikrobiċi u fis-sistemi tal-ikel sostenibbli.

1.   Għall-finijiet ta’ dan il-Kapitolu, japplikaw id-definizzjonijiet li ġejjin:

2.   Għall-finijiet ta’ dan il-Kapitolu, japplikaw id-definizzjonijiet li ġejjin:

3.   Il-Kumitat Speċjalizzat għall-Kummerċ dwar il-Miżuri Sanitarji u Fitosanitarji jista’ jadotta definizzjonijiet oħra għall-finijiet ta’ dan il-Kapitolu filwaqt li jqis il-glossarji u d-definizzjonijiet tal-organizzazzjonijiet internazzjonali rilevanti, bħall-Codex, l-OIE u l-IPPC.

4.   Id-definizzjonijiet taħt il-Ftehim SPS jipprevalu sal-punt li jkun hemm inkonsistenza bejn id-definizzjonijiet adottati mill-Kumitat Speċjalizzat għall-Kummerċ dwar il-Miżuri Sanitarji u Fitosanitarji jew adottati fl-awspiċi tal-Codex, tal-OIE, tal-IPPC u d-definizzjonijiet skont il-Ftehim SPS. Fil-każ ta’ inkonsistenza bejn id-definizzjonijiet adottati mill-Kumitat Speċjalizzat għall-Kummerċ dwar il-Miżuri Sanitarji u Fitosanitarji u d-definizzjonijiet stabbiliti fil-Codex, l-OIE jew l-IPPC, għandhom jipprevalu d-definizzjonijiet stabbiliti fil-Codex, l-OIE jew l-IPPC.

1.   Il-Partijiet għandhom japplikaw miżuri SPS sabiex jiksbu l-livell xieraq ta’ protezzjoni tagħhom li huwa bbażat fuq valutazzjonijiet tar-riskju f’konformità mad-dispożizzjonijiet rilevanti, inkluż l-Artikolu 5 tal-Ftehim SPS.

2.   Il-Partijiet ma għandhomx jużaw miżuri SPS sabiex joħolqu ostakli mhux ġustifikati għall-kummerċ.

3.   Fir-rigward tal-proċeduri u tal-approvazzjonijiet SPS relatati mal-kummerċ stabbiliti skont dan il-Kapitolu, kull Parti għandha tiżgura li dawk il-proċeduri u l-miżuri SPS relatati:

4.   Il-Partijiet ma għandhomx jużaw il-proċeduri msemmija fil-paragrafu 3 jew kwalunkwe talba għal informazzjoni addizzjonali, biex idewmu l-aċċess għas-swieq tagħhom mingħajr ġustifikazzjoni xjentifika u teknika.

5.   Kull Parti għandha tiżgura li kwalunkwe proċedura amministrattiva li teħtieġ, rigward il-kundizzjonijiet tal-importazzjoni dwar is-sikurezza tal-ikel, is-saħħa tal-annimali jew is-saħħa tal-pjanti ma tkunx aktar ta’ piż jew ta’ restrizzjoni fuq il-kummerċ milli meħtieġ biex tagħti lill-Parti importatriċi kunfidenza adegwata li dawn il-kundizzjonijiet huma sodisfatti. Kull Parti għandha tiżgura li l-effetti negattivi fuq il-kummerċ ta’ kwalunkwe proċedura amministrattiva jinżammu għall-minimu u li l-proċessi ta’ approvazzjoni jibqgħu sempliċi u veloċi filwaqt li jissodisfaw il-kundizzjonijiet tal-Parti importatriċi.

6.   Il-Parti importatriċi ma għandhiex tistabbilixxi xi sistema jew proċedura amministrattiva addizzjonali li tfixkel bla bżonn il-kummerċ.

1.   Jekk il-Parti importatriċi tkun teħtieġ ċertifikati uffiċjali, iċ-ċertifikati mudell għandhom ikunu:

2.   Il-Kumitat Speċjalizzat għall-Kummerċ dwar il-Miżuri Sanitarji u Fitosanitarji jista’ jaqbel dwar każijiet speċifiċi meta ċ-ċertifikati mudell imsemmija fil-paragrafu 1 ikunu stabbiliti biss għal parti jew għal partijiet tat-territorju tal-Parti esportatriċi. Il-Partijiet għandhom jippromwovu l-implimentazzjoni ta’ ċertifikazzjoni elettronika u ta’ teknoloġiji oħra sabiex jiġi ffaċilitat il-kummerċ.

1.   Mingħajr preġudizzju għad-drittijiet u għall-obbligi li jkollha kull Parti skont il-Ftehim SPS u dan il-Kapitolu, il-kundizzjonijiet tal-importazzjoni tal-Parti importatriċi għandhom japplikaw għat-territorju kollu tal-Parti esportatriċi b’mod konsistenti.

2.   Il-Parti esportatriċi għandha tiżgura li l-prodotti esportati lejn il-Parti l-oħra, bħal annimali u prodotti tal-annimali, pjanti u prodotti tal-pjanti, jew oġġetti oħra relatati, jissodisfaw ir-rekwiżiti SPS tal-Parti importatriċi.

3.   Il-Parti importatriċi tista’ teħtieġ li l-importazzjonijiet ta’ prodotti partikolari jkunu soġġetti għal awtorizzazzjoni. Tali awtorizzazzjoni għandha tingħata meta ssir talba mill-awtorità kompetenti rilevanti tal-Parti esportatriċi li oġġettivament turi, għas-sodisfazzjon tal-Parti importatriċi, li r-rekwiżiti tal-awtorizzazzjoni tal-Parti importatriċi jkunu sodisfatti. L-awtorità kompetenti rilevanti tal-Parti esportatriċi tista’ tagħmel talba għal awtorizzazzjoni fir-rigward tat-territorju kollu tal-Parti esportatriċi. Il-Parti importatriċi għandha tilqa’ talbiet bħal dawn fuq dik il-bażi, meta dawn jissodisfaw ir-rekwiżiti ta’ awtorizzazzjoni tal-Parti importatriċi kif stabbilit f’dan il-paragrafu.

4.   Il-Parti importatriċi ma għandhiex tintroduċi rekwiżiti ta’ awtorizzazzjoni li huma addizzjonali għal dawk li japplikaw fi tmiem il-perjodu ta’ tranżizzjoni, sakemm l-applikazzjoni ta’ tali rekwiżiti għal prodotti ulterjuri ma tkunx ġustifikata biex jittaffa riskju sinifikanti għas-saħħa tal-bniedem, tal-annimali jew tal-pjanti.

5.   Il-Parti importatriċi għandha tistabbilixxi u tikkomunika lill-Parti l-oħra l-kundizzjonijiet tal-importazzjoni għall-prodotti kollha. Il-Parti importatriċi għandha tiżgura li l-kundizzjonijiet tal-importazzjoni tagħha jiġu applikati b’mod proporzjonat u mhux diskriminatorju.

6.   Mingħajr preġudizzju għall-miżuri proviżorji skont l-Artikolu 5(7) tal-Ftehim SPS, għal prodotti, jew oġġetti oħra relatati, li għalihom ikun jeżisti tħassib fitosanitarju, il-kundizzjonijiet tal-importazzjoni għandhom ikunu ristretti għal miżuri li jipproteġu kontra pesti regolati tal-Parti importatriċi u għandhom ikunu applikabbli għat-territorju kollu tal-Parti esportatriċi.

7.   Minkejja l-paragrafi 1 u 3, fil-każ ta’ talbiet għal awtorizzazzjoni tal-importazzjoni għal prodotti speċifiċi, meta l-Parti esportatriċi tkun talbet li tiġi eżaminata biss għal parti jew għal ċerti partijiet tat-territorju tagħha (fil-każ tal-Unjoni, Stati Membri individwali), il-Parti importatriċi għandha tipproċedi minnufih bl-eżami ta’ dik it-talba. Jekk il-Parti importatriċi tirċievi talbiet fir-rigward tal-prodott speċifiku minn aktar minn parti waħda tal-Parti esportatriċi jew, jekk jaslu talbiet ulterjuri fir-rigward ta’ prodott li jkun diġà ġie awtorizzat, il-Parti importatriċi għandha tħaffef it-tlestija tal-proċedura ta’ awtorizzazzjoni, filwaqt li tqis ir-reġim SPS identiku jew simili applikabbli fil-partijiet differenti tal-Parti esportatriċi.

8.   Kull Parti għandha tiżgura li l-proċeduri kollha ta’ kontroll, spezzjoni u approvazzjoni tal-SPS jinbdew u jitlestew mingħajr dewmien żejjed. Ir-rekwiżiti ta’ informazzjoni għandhom ikunu limitati għal dak li jkun meħtieġ għall-proċess ta’ approvazzjoni sabiex titqies l-informazzjoni diġà disponibbli fil-Parti importatriċi bħal dwar il-qafas leġiżlattiv u r-rapporti tal-awditjar tal-Parti esportatriċi.

9.   Ħlief f’ċirkostanzi debitament ġustifikati relatati mal-livell ta’ protezzjoni tagħha, kull Parti għandha tipprovdi perjodu ta’ tranżizzjoni bejn il-pubblikazzjoni ta’ kwalunkwe bidla fil-proċeduri ta’ approvazzjoni tagħha u l-applikazzjoni tagħha biex tippermetti lill-Parti l-oħra ssir familjari ma’ tali bidliet u tadatta għalihom. Kull Parti ma għandhiex ittawwal bla bżonn il-proċess ta’ approvazzjoni għall-applikazzjonijiet ippreżentati qabel il-pubblikazzjoni tal-bidliet.

10.   Fir-rigward tal-proċessi stabbiliti fil-paragrafi 3 sa 8, għandhom jittieħdu l-azzjonijiet li ġejjin:

11.   Il-Parti importatriċi għandha taċċetta kunsinni mingħajr il-ħtieġa li l-Parti importatriċi tivverifika l-konformità ta’ dawk il-kunsinni qabel it-tluq tagħhom mit-territorju tal-Parti esportatriċi.

12.   Parti tista’ tiġbor tariffi għall-kostijiet imġarrba sabiex twettaq kontrolli fil-fruntiera SPS speċifiċi, li jenħtieġ li ma jaqbżux l-irkupru tal-kostijiet.

13.   Il-Parti importatriċi għandu jkollha d-dritt li twettaq kontrolli tal-importazzjoni fuq prodotti importati mill-Parti esportatriċi għall-finijiet li tiżgura l-konformità mar-rekwiżiti tal-importazzjoni SPS tagħha.

14.   Il-kontrolli tal-importazzjoni mwettqa fuq prodotti importati mill-Parti esportatriċi għandhom ikunu bbażati fuq ir-riskju SPS assoċjat ma’ tali importazzjonijiet. Il-kontrolli tal-importazzjoni għandhom jitwettqu biss sa fejn ikunu meħtieġa sabiex jiġu protetti l-ħajja u s-saħħa tal-bniedem, tal-annimali jew tal-pjanti, mingħajr dewmien żejjed u b’effett minimu fuq il-kummerċ bejn il-Partijiet.

15.   L-informazzjoni dwar il-proporzjon ta’ prodotti mill-Parti esportatriċi ikkontrollati fuq l-importazzjoni għandha ssir disponibbli mill-Parti importatriċi fuq talba tal-Parti esportatriċi.

16.   Jekk il-kontrolli tal-importazzjoni jiżvelaw nuqqas ta’ konformità mal-kundizzjonijiet relevanti tal-importazzjoni, l-azzjoni li tieħu l-Parti importatriċi trid tkun ibbażata fuq valutazzjoni tar-riskju involut u ma għandhiex tkun ta’ restrizzjoni għall-kummerċ aktar milli jkun meħtieġ sabiex jinkiseb il-livell xieraq ta’ protezzjoni SPS tal-Parti.

1.   Kull meta jkun ġustifikat, il-Parti importatriċi tista’ żżomm lista ta’ stabbilimenti approvati li jissodisfaw ir-rekwiżiti tal-importazzjoni tagħha bħala kundizzjoni li tippermetti l-importazzjoni ta’ prodotti tal-annimali minn dawn l-istabbilimenti.

2.   Sakemm ma jkunx ġustifikat biex jittaffa riskju sinifikanti għas-saħħa tal-bniedem jew tal-annimali, il-listi ta’ stabbilimenti approvati għandhom ikunu meħtieġa biss għall-prodotti li għalihom ikunu ntalbu fi tmiem il-perjodu ta’ tranżizzjoni.

3.   Il-Parti esportatriċi għandha tinforma lill-Parti importatriċi bil-lista tagħha ta’ stabbilimenti li jissodisfaw il-kundizzjonijiet tal-Parti importatriċi li għandha tkun ibbażata fuq il-garanziji pprovduti mill-Parti esportatriċi.

4.   Jekk tintalab mill-Parti esportatriċi, il-Parti importatriċi għandha tapprova stabbilimenti li jinsabu fit-territorju tal-Parti esportatriċi abbażi ta’ garanziji pprovduti mill-Parti esportatriċi, mingħajr spezzjoni minn qabel ta’ stabbilimenti individwali.

5.   Sakemm il-Parti importatriċi ma titlobx informazzjoni addizzjonali u soġġett għall-għoti ta’ garanziji mill-Parti esportatriċi, il-Parti importatriċi għandha tieħu l-miżuri leġiżlattivi jew amministrattivi meħtieġa, skont il-proċeduri legali applikabbli tagħha, biex tippermetti l-importazzjonijiet minn dawk l-istabbilimenti mingħajr dewmien żejjed.

6.   Il-lista tal-istabbilimenti approvati għandha tkun disponibbli pubblikament mill-Parti importatriċi.

7.   Fejn il-Parti importatriċi tiddeċiedi li tirrifjuta t-talba tal-Parti esportatriċi biex taċċetta ż-żieda ta’ stabbiliment mal-lista ta’ stabbilimenti approvati, hija għandha tinforma lill-Parti esportatriċi mingħajr dewmien u għandha tippreżenta tweġiba, inkluża informazzjoni dwar in-nuqqasijiet ta’ konformità li wasslu għar-rifjut tal-approvazzjoni tal-istabbiliment.

1.   Kull Parti għandha tfittex it-trasparenza fir-rigward tal-miżuri SPS applikabbli għall-kummerċ u għal dawk il-finijiet għandha twettaq l-azzjonijiet li ġejjin:

2.   Fejn Parti tkun għamlet disponibbli l-informazzjoni fil-paragrafu 1 permezz ta’ notifika lir-Reġistru Ċentrali tan-Notifiki tad-WTO jew lill-korp internazzjonali rilevanti li jistabbilixxi l-istandards, f’konformità mar-regoli rilevanti tagħhom, ir-rekwiżiti fil-paragrafu, 1 kif japplikaw għal dik l-informazzjoni, ikunu ġew sodisfatti.

1.   Il-Partijiet għandhom jirrikonoxxu l-kunċett ta’ tqassim f’żoni inklużi żoni ta’ mard jew żoni ħielsa mill-pesti, żoni protetti u żoni bi prevalenza baxxa ta’ mard jew organiżmi ta’ ħsara u għandhom japplikawh għall-kummerċ bejn il-Partijiet, skont il-Ftehim SPS, inklużi l-linji gwida biex titmexxa ’l quddiem l-implimentazzjoni prattika tal-Artikolu 6 tal-Ftehim SPS (id-Deċiżjoni tal-Kumitat tad-WTO/SPS, G/SPS/48) u l-istandards ta’ rakkomandazzjonijiet rilevanti, u l-linji gwida tal-OIE u l-IPPC. Il-Kumitat Speċjalizzat għall-Kummerċ dwar il-Miżuri Sanitarji u Fitosanitarji jista’ jiddefinixxi aktar dettalji għal dawn il-proċeduri, filwaqt li jqis kwalunkwe standards, linji gwida jew rakkomandazzjonijiet rilevanti tal-Ftehim SPS, tal-OIE u tal-IPPC.

2.   Il-Partijiet jistgħu jaqblu wkoll li jikkooperaw fuq il-kunċett ta’ kompartimentalizzazzjoni kif imsemmi fil-Kapitoli 4.4 u 4.5 tal-Kodiċi tas-Saħħa tal-Annimali Terrestri tal-OIE u l-Kapitoli minn 4.1 u 4.2 tal-Kodiċi tas-Saħħa tal-Annimali Akkwatiċi tal-OIE.

3.   Meta jistabbilixxu jew iżommu ż-żoni msemmija fil-paragrafu 1, il-Partijiet għandhom jikkunsidraw fatturi bħall-pożizzjoni ġeografika, l-ekosistemi, is-sorveljanza epidemjoloġika u l-effettività tal-kontrolli SPS.

4.   Fir-rigward tal-annimali u tal-prodotti tal-annimali, meta tistabbilixxi jew iżżomm kundizzjonijiet tal-importazzjoni fuq it-talba tal-Parti esportatriċi, il-Parti importatriċi għandha tirrikonoxxi ż-żoni ħielsa mill-mard stabbiliti mill-Parti esportatriċi bħala bażi għall-kunsiderazzjoni għad-determinazzjoni jekk tiġix permessa jew tinżammx l-importazzjoni, mingħajr preġudizzju għall-paragrafi 8 u 9.

5.   Il-Parti esportatriċi għandha tidentifika l-partijiet tat-territorju tagħha msemmija fil-paragrafu 4 u, jekk tintalab, tipprovdi spjegazzjoni sħiħa u data ta’ sostenn abbażi tal-istandards tal-OIE, jew b’modi oħra stabbiliti mill-Kumitat Speċjalizzat għall-Kummerċ dwar il-Miżuri Sanitarji u Fitosanitarji abbażi tal-għarfien miksub permezz tal-esperjenza tal-awtoritajiet rilevanti tal-Parti esportatriċi.

6.   Fir-rigward tal-pjanti, tal-prodotti tal-pjanti, u ta’ oġġetti relatati oħra, meta tistabbilixxi jew iżżomm kundizzjonijiet fitosanitarji tal-importazzjoni fuq talba tal-Parti esportatriċi, il-Parti importatriċi għandha tirrikonoxxi ż-żoni ħielsa mill-pesti, il-postijiet tal-produzzjoni ħielsa mill-pesti, is-siti tal-produzzjoni ħielsa mill-pesti, iż-żoni ta’ prevalenza baxxa ta’ pesti u ż-żoni protetti stabbiliti mill-Parti esportatriċi bħala bażi għall-kunsiderazzjoni għad-determinazzjoni ta’ għoti ta’ permess għall-importazzjoni jew ta’ żamma tal-importazzjoni, mingħajr preġudizzju għall-paragrafi 8 u 9.

7.   Il-Parti esportatriċi għandha tidentifika ż-żoni ħielsa mill-pesti, il-postijiet tal-produzzjoni ħielsa mill-pesti, is-siti ta’ produzzjoni ħielsa mill-pesti u ż-żoni bi prevalenza baxxa ta’ pesti jew iż-żoni protetti. Jekk tintalab mill-Parti importatriċi, il-Parti esportatriċi għandha tipprovdi spjegazzjoni sħiħa u data ta’ sostenn ibbażata fuq l-Istandards Internazzjonali rilevanti għall-Miżuri Fitosanitarji żviluppati fl-IPPC, jew b’modi oħra kif stabbilit mill-Kumitat Speċjalizzat għall-Kummerċ dwar il-Miżuri Sanitarji u Fitosanitarji, abbażi tal-għarfien miksub permezz tal-esperjenza tal-awtoritajiet fitosanitarji rilevanti tal-Parti esportatriċi.

8.   Il-Partijiet għandhom jirrikonoxxu żoni ħielsa mill-mard u żoni protetti li jkunu fis-seħħ fi tmiem il-perjodu ta’ tranżizzjoni.

9.   Il-paragrafu 8 għandu japplika wkoll għal adattamenti sussegwenti għaż-żoni ħielsa mill-mard u ż-żoni protetti (fil-każ taż-żoni ħielsa mill-pesti tar-Renju Unit), ħlief f’każijiet ta’ bidliet sinifikanti fis-sitwazzjonijiet tal-mard jew tal-pesti.

10.   Il-Partijiet jistgħu jwettqu awditi u verifiki skont l-Artikolu 79 biex jiġu implimentati l-paragrafi 4 sa 9 ta’ dan l-Artikolu.

11.   Il-Partijiet għandhom jistabbilixxu kooperazzjoni mill-qrib mal-objettiv ta’ żamma tal-fiduċja fil-proċeduri fir-rigward tal-istabbiliment ta’ żoni ħielsa mill-mard jew mill-pesti, ta’ postijiet ta’ produzzjoni ħielsa mill-pesti, ta’ siti ta’ produzzjoni ħielsa mill-pesti u ta’ żoni bi prevalenza baxxa ta’ pesti jew ta’ mard u ta’ żoni protetti, bl-għan li jimminimizzaw it-tfixkil fil-kummerċ.

12.   Il-Parti importatriċi għandha tibbaża d-determinazzjoni tagħha tal-istatus tas-saħħa tal-annimali jew tal-pjanti tal-Parti esportatriċi jew ta’ partijiet minnha fuq l-informazzjoni pprovduta mill-Parti esportatriċi f’konformità mal-Ftehim SPS, mal-istandards tal-OIE u tal-IPPC, u tikkunsidra kwalunkwe determinazzjoni magħmula mill-Parti esportatriċi.

13.   Fejn il-Parti importatriċi ma taċċettax id-determinazzjoni magħmula mill-Parti esportatriċi kif imsemmi fil-paragrafu 12 ta’ dan l-Artikolu, il-Parti importatriċi għandha tiġġustifika u tispjega b’mod oġġettiv lill-Parti esportatriċi r-raġunijiet għal dak ir-rifjut u, jekk mitluba, tidħol f’konsultazzjonijiet, skont l-Artikolu 80(2).

14.   Kull Parti għandha tiżgura li l-obbligi stabbiliti fil-paragrafi 4 sa 9, 12 u 13 jitwettqu mingħajr dewmien żejjed. Il-Parti importatriċi għandha tħaffef ir-rikonoxximent tal-marda jew l-istatus tal-pesti meta l-istatus ikun ġie rkuprat wara tifqigħa.

15.   Fejn Parti tqis li reġjun speċifiku jkollu status speċjali fir-rigward ta’ marda speċifika u li jissodisfa l-kriterji stabbiliti fil-Kapitolu 1.2 tal-Kodiċi tas-Saħħa tal-Annimali Terrestri tal-OIE jew fil-Kapitolu 1.2 tal-Kodiċi tas-Saħħa tal-Annimali Akkwatiċi tal-OIE, hija tista’ titlob ir-rikonoxximent ta’ dan l-istatus. Il-Parti importatriċi tista’ titlob garanziji addizzjonali fir-rigward tal-importazzjoni tal-annimali ħajjin u l-prodotti tal-annimali li jkunu adegwati għall-istatus miftiehem.

1.   Il-Parti importatriċi tista’ twettaq awditi u verifiki ta’ dawn li ġejjin:

2.   Il-Partijiet għandhom iwettqu dawk l-awditi u l-verifiki f’konformità mad-dispożizzjonijiet tal-Ftehim SPS, b’kunsiderazzjoni tal-istandards internazzjonali, tal-linji gwida u tar-rakkomandazzjonijiet rilevanti tal-Codex, tal-OIE jew tal-IPPC.

3.   Għall-finijiet tat-twettiq ta’ tali awditi u verifiki, il-Parti importatriċi tista’ twettaq awditi u verifiki permezz ta’ talbiet għal informazzjoni mingħand il-Parti esportatriċi jew permezz ta’ żjarat ta’ awditjar u verifika fil-Parti esportatriċi, li jistgħu jinkludu:

4.   Il-Parti importatriċi għandha taqsam mal-Parti esportatriċi r-riżultati u l-konklużjonijiet tal-awditi u tal-verifiki mwettqa skont il-paragrafu 1. Il-Parti importatriċi tista’ tippubblika dawn ir-riżultati.

5.   Qabel il-bidu ta’ awditu jew verifika, il-Partijiet għandhom jiddiskutu l-għanijiet u l-ambitu tal-awditu jew tal-verifika, il-kriterji jew ir-rekwiżiti li fuqhom il-Parti esportatriċi se tiġi vvalutata, u l-itinerarju u l-proċeduri għat-twettiq tal-awditu jew tal-verifika li għandhom jiġu stabbiliti fi pjan ta’ awditu jew ta’ verifika. Sakemm ma jkunx miftiehem mod ieħor mill-Partijiet, il-Parti importatriċi għandha tipprovdi lill-Parti esportatriċi bi pjan ta’ awditu jew ta’ verifika mill-inqas 30 jum qabel il-bidu tal-awditu jew tal-verifika.

6.   Il-Parti importatriċi għandha tipprovdi lill-Parti esportatriċi bl-opportunità li tikkummenta dwar l-abbozz tar-rapport tal-awditu jew tal-verifika. Il-Parti importatriċi għandha tipprovdi rapport finali bil-miktub lill-Parti esportatriċi normalment fi żmien xahrejn mid-data tar-riċezzjoni ta’ dawk il-kummenti.

7.   Kull Parti għandha ġġarrab il-kostijiet tagħha stess assoċjati ma’ tali awditu jew verifika.

1.   Parti għandha tinnotifika lill-Parti l-oħra mingħajr dewmien żejjed rigward:

2.   Jekk Parti jkollha tħassib sinifikanti rigward is-sikurezza tal-ikel, is-saħħa tal-pjanti, jew is-saħħa tal-annimali, jew miżura SPS li l-Parti l-oħra tkun ipproponiet jew implimentat, dik il-Parti tista’ titlob li jsiru konsultazzjonijiet tekniċi mal-Parti l-oħra. Il-Parti rikjesta jenħtieġ li twieġeb għat-talba mingħajr dewmien żejjed. Kull Parti għandha tagħmel ħilitha sabiex tipprovdi l-informazzjoni meħtieġa bl-għan li jiġi evitat kull xkiel għall-kummerċ u, kif jista’ jkun il-każ, bl-għan li tintlaħaq soluzzjoni aċċettabbli għat-tnejn.

3.   Il-konsultazzjonijiet imsemmija fil-paragrafu 2 jistgħu jsiru permezz ta’ konferenza bit-telefown, permezz ta’ vidjokonferenza, jew bi kwalunkwe mezz ieħor ta’ komunikazzjoni miftiehem b’mod reċiproku mill-Partijiet.

1.   Jekk il-Parti importatriċi tqis li jkun hemm riskju serju għall-ħajja u għas-saħħa tal-bniedem, tal-annimali jew tal-pjanti, din tista’ mingħajr notifika minn qabel tieħu l-miżuri meħtieġa għall-protezzjoni tal-ħajja u tas-saħħa tal-bniedem, tal-annimali jew tal-pjanti. Għall-kunsinni li jkunu fi tranżitu bejn il-Partijiet, il-Parti importatriċi għandha tikkunsidra l-aktar soluzzjoni addattata u proporzjonata sabiex jiġi evitat kull tfixkil bla bżonn tal-kummerċ.

2.   Il-Parti li tieħu l-miżuri għandha tinnotifika lill-Parti l-oħra dwar miżura SPS ta’ emerġenza malajr kemm jista’ jkun wara d-deċiżjoni tagħha li timplimenta l-miżura u mhux aktar tard minn 24 siegħa wara li tkun ħadet id-deċiżjoni. Jekk Parti titlob sabiex isiru konsultazzjonijiet tekniċi għall-indirizzar tal-miżura SPS ta’ emerġenza, il-konsultazzjonijiet tekniċi jridu jsiru fi żmien għaxart (10) ijiem min-notifika tal-miżura SPS ta’ emerġenza. Il-Partijiet għandhom iqisu kull informazzjoni pprovduta permezz tal-konsultazzjonijiet tekniċi. Dawn il-konsultazzjonijiet għandhom isiru sabiex jiġi evitat tfixkil żejjed fil-kummerċ. Il-Partijiet jistgħu jqisu l-għażliet għall-faċilitazzjoni tal-implimentazzjoni jew tas-sostituzzjoni tal-miżuri.

3.   Il-Parti importatriċi għandha tikkunsidra, fi żmien xieraq, informazzjoni li tkun ġiet ipprovduta mill-Parti esportatriċi meta tieħu d-deċiżjoni tagħha fir-rigward ta’ kunsinni li, fil-mument tal-adozzjoni tal-miżura SPS ta’ emerġenza, ikunu qed jiġu ttrasportati bejn il-Partijiet sabiex jiġi evitat tfixkil bla bżonn għall-kummerċ.

4.   Il-Parti importatriċi għandha tiżgura li kull miżura ta’ emerġenza meħuda għar-raġunijiet imsemmija fil-paragrafu 1 ta’ dan l-Artikolu, ma tinżammx mingħajr evidenza xjentifika, jew, f’każijiet fejn l-evidenza xjentifika ma tkunx biżżejjed, tiġi adottata skont l-Artikolu 5(7) tal-Ftehim SPS.

1.   Għall-finijiet tal-implimentazzjoni ta’ dan il-Kapitolu, kull Parti għandha tqis dan kollu li ġej:

2.   Il-Partijiet għandhom jipprovdu lil xulxin, mingħajr dewmien, deskrizzjoni tal-awtoritajiet kompetenti tal-Partijiet għall-implimentazzjoni ta’ dan il-Kapitolu. Il-Partijiet għandhom jinnotifikaw lil xulxin bi kwalunkwe tibdil sinifikanti f’dawn l-awtoritajiet kompetenti.

3.   Kull Parti għandha tiżgura li l-awtoritajiet kompetenti tagħha jkollhom ir-riżorsi meħtieġa sabiex jimplimentaw dan il-Kapitolu b’mod effettiv.

1.   Il-Partijiet jirrikonoxxu li l-annimali huma ħlejqiet senzjenti. Huma jirrikonoxxu wkoll ir-rabta bejn it-trattament xieraq aħjar tal-annimali u sistemi sostenibbli tal-produzzjoni tal-ikel.

2.   Il-Partijiet jimpenjaw ruħhom li jikkooperaw f’fora internazzjonali sabiex jippromwovu l-iżvilupp tal-aħjar prattiki possibbli fit-trattament xieraq tal-annimali u l-implimentazzjoni tagħhom. B’mod partikolari, il-Partijiet għandhom jikkooperaw sabiex isaħħu u jwessgħu l-kamp ta’ applikazzjoni tal-istandards tal-OIE dwar it-trattament xieraq tal-annimali, kif ukoll l-implimentazzjoni tagħhom, b’enfasi fuq l-annimali tar-razzett.

3.   Il-Partijiet għandhom jiskambjaw informazzjoni, għarfien espert u esperjenzi fil-qasam tat-trattament xieraq tal-annimali, b’mod partikolari relatati mat-tnissil, maż-żamma, mal-immaniġġjar, mat-trasport u mat-tbiċċir ta’ annimali li jipproduċu l-ikel.

4.   Il-Partijiet għandhom isaħħu l-kooperazzjoni tagħhom fir-riċerka fil-qasam tat-trattament xieraq tal-annimali b’rabta mat-tnissil tal-annimali u mat-trattament tal-annimali fl-irziezet, matul it-trasport u waqt it-tbiċċir.

1.   Il-Partijiet għandhom jipprovdu qafas għal djalogu u għal kooperazzjoni bl-għan li jsaħħu l-ġlieda kontra l-iżvilupp tar-reżistenza għall-antimikrobiċi.

2.   Il-Partijiet jirrikonoxxu li r-reżistenza għall-antimikrobiċi hija theddida serja għas-saħħa tal-bniedem u tal-annimali. L-użu ħażin ta’ antimikrobiċi fil-produzzjoni tal-annimali, inkluż l-użu mhux terapewtiku, jista’ jikkontribwixxi għal reżistenza għall-antimikrobiċi li tista’ tirrappreżenta riskju għall-ħajja tal-bniedem. Il-Partijiet jirrikonoxxu li n-natura tat-theddida teħtieġ approċċ transnazzjonali u approċċ “Saħħa Waħda”.

3.   Bl-għan li jiġġieldu kontra r-reżistenza għall-antimikrobiċi, il-Partijiet għandhom jagħmlu ħilithom sabiex jikkooperaw fuq livell internazzjonali ma’ programmi ta’ ħidma reġjonali jew multilaterali sabiex inaqqsu l-użu mhux meħtieġ tal-antibijotiċi fil-produzzjoni tal-annimali u jaħdmu lejn il-waqfien tal-użu tal-antibijotiċi bħal promoturi tat-tkabbir fuq livell internazzjonali bil-għan li tiġi miġġielda r-reżistenza għall-antimikrobiċi f’konformità mal-approċċ “Saħħa Waħda”, u f’konformità mal-Pjan ta’ Azzjoni Globali.

4.   Il-Partijiet għandhom jikkollaboraw fl-iżvilupp ta’ linji gwida, ta’ standards, ta’ rakkomandazzjonijiet u ta’ azzjonijiet internazzjonali f’organizzazzjonijiet internazzjonali rilevanti li għandhom l-għan li jippromwovu l-użu prudenti u responsabbli tal-antibijotiċi fit-trobbija tal-annimali u fil-prattiki veterinarji.

5.   Id-djalogu msemmi fil-paragrafu 1 għandu jkopri, fost l-oħrajn:

1.   Dan il-Kapitolu japplika għall-preparazzjoni, għall-adozzjoni u għall-applikazzjoni tal-istandards, tar-regolamenti tekniċi, u tal-proċeduri ta’ valutazzjoni tal-konformità kollha, li jistgħu jaffettwaw il-kummerċ tal-merkanzija bejn il-Partijiet.

2.   Dan il-Kapitolu ma japplikax għal:

3.   L-Annessi ta’ dan il-Kapitolu japplikaw, minbarra dan il-Kapitolu, fir-rigward ta’ prodotti fil-kamp ta’ applikazzjoni ta’ dawk l-Annessi. Kwalunkwe dispożizzjoni f'Anness għal dan il-Kapitolu li standard jew korp jew organizzazzjoni internazzjonali għandhom jitqiesu jew jiġu rikonoxxuti bħala rilevanti ma għandhiex iżżomm lil standard żviluppat minn kwalunkwe korp ieħor jew organizzazzjoni oħra milli jitqies bħala standard internazzjonali rilevanti skont l-Artikolu 91(4) u (5).

1.   L-Artikoli 2 sa 9 u l-Annessi minn 1 u 3 tal-Ftehim dwar l-OTK huma inkorporati f’dan il-Ftehim u saru parti minnu, mutatis mutandis.

2.   It-termini msemmija f’dan il-Kapitolu u fl-Annessi ta’ dan il-Kapitolu għandu jkollhom l-istess tifsira li għandhom fil-Ftehim dwar l-OTK.

1.   Kull Parti għandha twettaq valutazzjonijiet tal-impatt tar-regolamenti tekniċi ppjanati f’konformità mar-regoli u mal-proċeduri rispettivi tagħha. Ir-regoli u l-proċeduri msemmija f’dan il-paragrafu u fil-paragrafu 8 jistgħu jipprevedu eċċezzjonijiet.

2.   Kull Parti għandha tivvaluta l-alternattivi regolatorji u mhux regolatorji disponibbli għar-regolament tekniku propost li jistgħu jilħqu l-objettivi leġittimi tal-Parti, f’konformità mal-Artikolu 2.2 tal-Ftehim dwar l-OTK.

3.   Kull Parti għandha tuża l-istandards internazzjonali rilevanti bħala bażi għar-regolamenti tekniċi tagħha ħlief meta tkun tista’ turi li tali standards internazzjonali jkunu mezz ineffettiv jew mhux xieraq għall-ilħuq tal-objettivi leġittimi segwiti.

4.   L-istandards internazzjonali żviluppati mill-Organizzazzjoni Internazzjonali għall-Istandardizzazzjoni (ISO), il-Kummissjoni Elettroteknika Internazzjonali (IEC), l-Unjoni Internazzjonali tat-Telekomunikazzjoni (ITU) u l-Kummissjoni Codex Alimentarius (Codex) għandhom ikunu l-istandards internazzjonali rilevanti skont it-tifsira tal-Artikolu 2, l-Artikolu 5 u l-Anness 3 tal-Ftehim dwar l-OTK.

5.   Standard żviluppat minn organizzazzjonijiet internazzjonali oħra jista’ wkoll jitqies bħala standard internazzjonali rilevanti fis-sens tal-Artikolu 2, l-Artikolu 5 u l-Anness 3 tal-Ftehim dwar l-OTK, dment li:

6.   Fejn Parti ma tużax l-istandards internazzjonali bħala bażi għal regolament tekniku, jekk tintalab mill-Parti l-oħra, hija għandha tidentifika kwalunkwe devjazzjoni sostanzjali mill-istandard internazzjonali rilevanti, tispjega r-raġunijiet għaliex dawn l-istandards ġew iġġudikati bħala mhux xierqa jew ineffettivi għall-objettiv segwit, u tipprovdi l-evidenza xjentifika jew teknika li fuqha kienet ibbażata dik il-valutazzjoni.

7.   Kull Parti għandha tirrieżamina r-regolamenti tekniċi tagħha sabiex iżżid il-konverġenza ta’ dawn ir-regolamenti tekniċi mal-istandards internazzjonali rilevanti, filwaqt li tqis, fost l-oħrajn, kwalunkwe żvilupp ġdid fl-istandards internazzjonali rilevanti jew kwalunkwe tibdil fiċ-ċirkustanzi li jkunu wasslu għal diverġenza minn kwalunkwe standards internazzjonali rilevanti.

8.   F’konformità mar-regoli u mal-proċeduri rispettivi tagħha u mingħajr preġudizzju għat-Titolu X ta' din l-Intestatura, meta tkun qed tiżviluppa regolament tekniku ewlieni li jista’ jkollu effett sinifikanti fuq il-kummerċ, kull Parti għandha tiżgura li jkunu jeżistu proċeduri li jippermettu lill-persuni jesprimu l-opinjoni tagħhom f’konsultazzjoni pubblika, ħlief meta jinqalgħu jew ikun hemm riskju li jinqalgħu problemi urġenti relatati mas-sikurezza, mas-saħħa, mal-ambjent jew mas-sigurtà nazzjonali. Kull Parti għandha tippermetti lill-persuni tal-Parti l-oħra jipparteċipaw f’tali konsultazzjoni f’termini mhux anqas favorevoli minn dawk mogħtija liċ-ċittadini tagħha stess, u għandha tagħmel ir-riżultati ta’ dawk il-konsultazzjonijiet pubbliċi.

1.   Kull Parti għandha tħeġġeġ lill-korpi ta’ standardizzazzjoni stabbiliti fit-territorju tagħha, kif ukoll lill-korpi ta’ standardizzazzjoni reġjonali li tagħhom tkun membru Parti jew il-korpi ta’ standardizzazzjoni stabbiliti fit-territorju tagħha:

2.   Il-Partijiet għandhom jiskambjaw informazzjoni dwar:

3.   Fejn isiru obbligatorji standards f’abbozz ta’ regolament tekniku jew proċedura ta’ valutazzjoni tal-konformità, permezz tal-inkorporazzjoni jew tar-referenza, għandhom japplikaw l-obbligi ta’ trasparenza stabbiliti fl-Artikolu 94 u fl-Artikolu 2 jew 5 tal-Ftehim dwar l-OTK.

1.   L-Artikolu 91 dwar it-tħejjija, l-adozzjoni u l-applikazzjoni ta’ regolamenti tekniċi għandu japplika wkoll għall-proċeduri ta’ valutazzjoni tal-konformità, mutatis mutandis.

2.   Fejn Parti tkun teħtieġ valutazzjoni tal-konformità bħala assigurazzjoni pożittiva li prodott ikun konformi ma’ regolament tekniku, hija għandha:

3.   Fejn Parti tkun teħtieġ valutazzjoni tal-konformità ta’ terza persuna bħala garanzija pożittiva li prodott ikun konformi ma’ regolament tekniku u hija ma tkunx irriżervat dan il-kompitu għal awtorità governattiva kif speċifikat fil-paragrafu 4, hija għandha:

4.   Xejn f’dan l-Artikolu ma għandu jipprekludi lil Parti milli teħtieġ li l-valutazzjoni tal-konformità fir-rigward ta’ prodotti speċifiċi titwettaq mill-awtoritajiet governattivi speċifikati tagħha. Jekk Parti teħtieġ li l-valutazzjoni tal-konformità titwettaq mill-awtoritajiet governattivi speċifikati tagħha, dik il-Parti għandha:

5.   Minkejja l-paragrafi 2 sa 4, kull Parti għandha taċċetta d-dikjarazzjoni ta’ konformità tal-fornitur bħala prova ta’ konformità mar-regolamenti tekniċi tagħha f’dawk l-oqsma ta’ prodotti fejn tagħmel dan fid-data tad-dħul fis-seħħ ta’ dan il-Ftehim.

6.   Kull Parti għandha tippubblika u żżomm lista tal-oqsma tal-prodott imsemmija fil-paragrafu 5 għal skopijiet ta’ informazzjoni, flimkien mar-referenzi għar-regolamenti tekniċi applikabbli.

7.   Minkejja l-paragrafu 5, kull Parti tista’ tintroduċi rekwiżiti għall-ittestjar jew għaċ-ċertifikazzjoni obbligatorji ta’ terza persuna għall-oqsma tal-prodotti msemmija f’dak il-paragrafu, dment li dawn ir-rekwiżiti jkunu ġġustifikati abbażi ta’ objettivi leġittimi u jkunu proporzjonati għall-iskop li jagħtu lill-Parti importatriċi kunfidenza adegwata li l-prodotti jikkonformaw mar-regolamenti jew mal-istandards tekniċi applikabbli, filwaqt li jitqiesu r-riskji li jkun joħloq in-nuqqas ta’ konformità.

8.   Parti li tipproponi li tintroduċi l-proċeduri ta’ valutazzjoni tal-konformità msemmija fil-paragrafu 7 għandha tinnotifika lill-Parti l-oħra fi stadju bikri u għandha tqis il-kummenti tal-Parti l-oħra fit-tfassil ta’ kwalunkwe tali proċedura ta’ valutazzjoni tal-konformità.

1.   Ħlief fejn jinqalgħu jew jheddu li jinqalgħu problemi urġenti ta’ sikurezza, tas-saħħa, ta’ ħarsien tal-ambjent jew tas-sigurtà nazzjonali, kull Parti għandha tippermetti lill-Parti l-oħra tipprovdi kummenti bil-miktub dwar ir-regolamenti tekniċi u l-proċeduri ta’ valutazzjoni tal-konformità proposti notifikati fi żmien perjodu ta’ mill-inqas 60 jum mid-data tat-trażmissjoni tan-notifika ta’ tali regolamenti jew proċeduri lir-Reġistru Ċentrali tan-Notifiki tad-WTO. Parti għandha tagħti kunsiderazzjoni pożittiva għal kull talba raġonevoli għall-estensjoni ta’ dak il-perjodu għall-kummenti.

2.   Kull Parti għandha tipprovdi l-verżjoni elettronika tat-test notifikat sħiħ flimkien man-notifika. F’każ li t-test notifikat ma jkunx miktub b’waħda mil-lingwi uffiċjali tad-WTO, il-Parti li tinnotifika għandha tipprovdi deskrizzjoni dettaljata u komprensiva tal-kontenut tal-miżura fil-format tan-notifika tad-WTO.

3.   Jekk Parti tirċievi kummenti bil-miktub dwar ir-regolament tekniku propost tagħha jew il-proċedura ta’ valutazzjoni tal-konformità mill-Parti l-oħra, din għandha:

4.   Kull Parti għandha tagħmel ħilitha sabiex tippubblika fuq sit web it-tweġibiet tagħha għall-kummenti li tirċievi wara n-notifika msemmija fil-paragrafu 1 mhux aktar tard mid-data tal-pubblikazzjoni tar-regolament tekniku adottat jew tal-proċedura ta’ valutazzjoni tal-konformità.

5.   Kull Parti għandha, fuq talba tal-Parti l-oħra, tipprovdi informazzjoni dwar l-objettivi, il-bażi ġuridika u l-ħsieb wara kwalunkwe regolament tekniku jew proċedura ta’ valutazzjoni tal-konformità, li l-Parti tkun adottat jew tkun qiegħda tipproponi li tadotta.

6.   Kull Parti għandha tiżgura li r-regolamenti tekniċi u l-proċeduri ta’ valutazzjoni tal-konformità li tkun adottat jiġu ppubblikati fuq sit web li jkun aċċessibbli mingħajr ħlas.

7.   Kull Parti għandha tipprovdi informazzjoni dwar l-adozzjoni u d-dħul fis-seħħ ta’ regolamenti tekniċi jew ta’ proċeduri ta’ valutazzjoni tal-konformità u tat-testi finali adottati permezz ta’ addendum għan-notifika oriġinali lid-WTO.

8.   Kull Parti għandha tħalli intervall raġonevoli bejn il-pubblikazzjoni ta’ regolamenti tekniċi u d-dħul fis-seħħ tagħhom sabiex l-operaturi ekonomiċi tal-Parti l-oħra jingħataw żmien biżżejjed sabiex jadattaw. "Intervall raġonevoli" tfisser perjodu ta' mill-inqas sitt xhur, sakemm dan ma jkunx ineffettiv sabiex jintlaħqu l-objettivi leġittimi segwiti.

9.   Parti għandha tqis b’mod pożittiv talba raġonevoli mill-Parti l-oħra, li tkun ġiet riċevuta qabel tmiem il-perjodu ta’ kummenti stabbilit fil-paragrafu 1, sabiex testendi l-perjodu ta’ żmien bejn l-adozzjoni tar-regolament tekniku u d-dħul fis-seħħ tiegħu, ħlief fejn id-dewmien ikun ineffettiv sabiex jintlaħqu l-objettivi leġittimi segwiti.

10.   Kull Parti għandha tiżgura li l-punt ta’ kuntatt għall-mistoqsijiet stabbilit taħt l-Artikolu 10 tal-Ftehim dwar l-OTK jipprovdi informazzjoni u tweġibiet f’waħda mil-lingwi uffiċjali tad-WTO għal domandi raġonevoli mill-Parti l-oħra jew mingħand persuni interessati tal-Parti l-oħra dwar regolamenti tekniċi u proċeduri ta’ valutazzjoni tal-konformità adottati.

1.   Ir-regolamenti tekniċi ta’ Parti jistgħu jinkludu jew jindirizzaw esklussivament rekwiżiti obbligatorji ta’ mmarkar jew ta’ tikkettar. F’każijiet bħal dawn, il-prinċipji tal-Artikolu 2.2 tal-Ftehim dwar l-OTK japplikaw għal dawn ir-regolamenti tekniċi.

2.   Fejn Parti teħtieġ immarkar jew tikkettar obbligatorju ta’ prodotti, għandhom japplikaw il-kundizzjonijiet kollha li ġejjin:

1.   Il-Partijiet jirrikonoxxu l-importanza tal-kooperazzjoni fis-sorveljanza tas-suq, fil-konformità u fis-sikurezza tal-prodotti mhux tal-ikel għall-faċilitazzjoni tal-kummerċ u għall-protezzjoni tal-konsumaturi u ta’ utenti oħra, u l-importanza tal-bini ta’ fiduċja reċiproka bbażata fuq informazzjoni kondiviża.

2.   Sabiex jiggarantixxu l-funzjonament indipendenti u imparzjali tas-sorveljanza tas-suq, il-Partijiet għandhom jiżguraw:

3.   Il-Partijiet għandhom jikkooperaw u jiskambjaw informazzjoni fil-qasam tas-sikurezza u tal-konformità tal-prodotti mhux tal-ikel, li tista’ tinkludi b’mod partikolari dan li ġej:

4.   Il-Kunsill ta’ Sħubija għandu jagħmel ħiltu kollha biex jistabbilixxi fl-Anness 16, mill-aktar fis possibbli u preferibbilment fi żmien sitt xhur mid-dħul fis-seħħ ta’ dan il-Ftehim, arranġament għall-iskambju regolari ta’ informazzjoni bejn is-Sistema ta’ Informazzjoni Rapida għall-prodotti mhux tal-ikel (RAPEX), jew is-suċċessur tagħha, u l-bażi tad-data relatata mas-sorveljanza tas-suq u mas-sikurezza tal-prodotti stabbilita skont ir-Regolamenti Ġenerali tal-2005 dwar is-Sikurezza tal-Prodotti, jew is-suċċessur tagħhom, dwar is-sikurezza ta’ prodotti mhux tal-ikel u miżuri preventivi, restrittivi u korrettivi relatati.

L-arranġament għandu jistabbilixxi l-modalitajiet li fihom:

5.   Il-Kunsill ta’ Sħubija jista’ jistabbilixxi fl-Anness 17 arranġament dwar l-iskambju regolari ta’ informazzjoni, inkluż l-iskambju ta’ informazzjoni b’mezzi elettroniċi, dwar miżuri meħuda fuq prodotti mhux tal-ikel mhux konformi, minbarra dawk koperti mill-paragrafu 4.

6.   Kull Parti għandha tuża l-informazzjoni miksuba skont il-paragrafi 3, 4 u 5 għall-iskop uniku tal-protezzjoni tal-konsumaturi, tas-saħħa, tas-sikurezza jew tal-ambjent.

7.   Kull Parti għandha tittratta l-informazzjoni miksuba skont il-paragrafi 3, 4 u 5 bħala kunfidenzjali.

8.   L-arranġamenti msemmija fil-paragrafi 4 u 5 għandhom jispeċifikaw it-tip ta’ informazzjoni li trid tiġi skambjata, il-modalitajiet għall-iskambju u l-applikazzjoni tar-regoli dwar il-kunfidenzjalità u l-protezzjoni ta’ data personali. Il-Kunsill ta’ Sħubija għandu jkollu s-setgħa li jadotta deċiżjonijiet sabiex jiddetermina jew jemenda l-arranġamenti stabbiliti fl-Annessi 16 u 17.

9.   Għall-finijiet ta’ dan l-Artikolu, "sorveljanza tas-suq" tfisser attivitajiet imwettqa u miżuri meħuda mill-awtoritajiet ta’ sorveljanza tas-suq u ta’ infurzar, inkluż l-attivitajiet imwettqa u l-miżuri meħuda f’kooperazzjoni ma’ operaturi ekonomiċi, abbażi tal-proċeduri ta’ Parti biex tippermetti lil dik il-Parti timmonitorja jew tindirizza s-sikurezza tal-prodotti u l-konformità tagħhom mar-rekwiżiti stabbiliti fil-liġijiet u fir-regolamenti tagħha.

10.   Kull Parti għandha tiżgura li kwalunkwe miżura meħuda mill-awtoritajiet tas-sorveljanza tas-suq jew tal-infurzar tagħha biex tirtira jew issejjaħ lura mis-suq tagħha jew biex tipprojbixxi jew tirrestrinġi t-tqegħid fis-suq tagħha ta’ prodott importat mit-territorju tal-Parti l-oħra, għal raġunijiet relatati man-nuqqas ta’ konformità mal-leġiżlazzjoni applikabbli, tkun proporzjonata, tiddikjara r-raġunijiet eżatti li fuqhom hija bbażata l-miżura u tiġi komunikata mingħajr dewmien lill-operatur ekonomiku rilevanti.

1.   Jekk Parti tqis li abbozz jew proposta ta’ regolament tekniku jew proċedura ta’ valutazzjoni tal-konformità tal-Parti l-oħra jista’ jkollha effett sinifikanti fuq il-kummerċ bejn il-Partijiet, din tista’ titlob diskussjonijiet tekniċi dwar il-kwistjoni. It-talba għandha ssir bil-miktub lill-Parti l-oħra u għandha tidentifika:

2.   Parti għandha tibgħat it-talba tagħha lill-punt ta’ kuntatt tal-Parti l-oħra ddeżinjat skont l-Artikolu 99.

3.   Fuq it-talba ta’ kwalunkwe waħda mill-Partijiet, il-Partijiet għandhom jiltaqgħu sabiex jiddiskutu t-tħassib imqajjem fit-talba, personalment jew permezz ta’ vidjokonferenza jew telekonferenza, fi żmien 60 jum mid-data tat-talba u għandhom jagħmlu ħilithom sabiex jirriżolvu l-kwistjoni malajr kemm jista’ jkun. Jekk Parti rikjedenti temmen li l-kwistjoni tkun urġenti, tista’ titlob li kwalunkwe laqgħa ssir f’perjodu iqsar ta’ żmien. F’każijiet bħal dawn, il-Parti li twieġeb għandha tagħti kunsiderazzjoni pożittiva għal tali talba.

1.   Il-Partijiet għandhom jikkooperaw fil-qasam tar-regolamenti tekniċi, l-istandards u l-proċeduri ta’ valutazzjoni tal-konformità, meta dan ikun fl-interess reċiproku tagħhom, u mingħajr preġudizzju għall-awtonomija tal-ordnijiet deċiżjonali u legali rispettivi tagħhom stess. Il-Kumitat Speċjalizzat għall-Kummerċ dwar l-Ostakli Tekniċi għall-Kummerċ jista’ jiskambja fehmiet fir-rigward tal-attivitajiet ta’ kooperazzjoni mwettqa skont dan l-Artikolu jew l-Annessi għal dan il-Kapitolu.

2.   Għall-finijiet tal-paragrafu 1, il-Partijiet għandhom ifittxu li jidentifikaw, jiżviluppaw u jippromwovu attivitajiet ta’ kooperazzjoni ta’ interess reċiproku. Dawn l-attivitajiet jistgħu, partikolarment, jirrigwardaw:

3.   Għall-finijiet ta’ dan l-Artikolu u tad-dispożizzjonijiet dwar il-kooperazzjoni skont l-Annessi ta’ dan il-Kapitolu, il-Kummissjoni Ewropea għandha taġixxi f’isem l-Unjoni.

1.   Mad-dħul fis-seħħ ta’ dan il-Ftehim, kull Parti għandha tiddeżinja punt ta’ kuntatt għall-implimentazzjoni ta’ dan il-Kapitolu u għandha tinnotifika lill-Parti l-oħra bid-dettalji ta’ kuntatt, għall-punt ta’ kuntatt, inkluża informazzjoni dwar l-uffiċjali rilevanti. Il-Partijiet minnufih għandhom jinnotifikaw lil xulxin dwar kwalunkwe tibdil f’dawk id-dettalji ta’ kuntatt.

2.   Il-punt ta’ kuntatt għandu jipprovdi kwalunkwe informazzjoni jew spjegazzjoni mitluba mill-punt ta’ kuntatt tal-Parti l-oħra fir-rigward tal-implimentazzjoni ta’ dan il-Kapitolu f’perjodu ta’ żmien raġonevoli u, jekk possibbli, fi żmien 60 jum mid-data tar-riċezzjoni tat-talba.

1.   L-awtoritajiet rilevanti tal-Partijiet għandhom jikkooperaw f’materji doganali bl-għan li jappoġġaw l-objettivi stabbiliti fl-Artikolu 101, filwaqt li jqisu r-riżorsi tal-awtoritajiet rispettivi tagħhom. Għall-fini ta’ dan it-Titolu, tapplika l-Konvenzjoni tal-20 ta’ Mejju 1987 dwar is-Simplifikazzjoni tal-Formalitajiet fuq il-Kummerċ fil-Merkanzija.

2.   Il-Partijiet għandhom jiżviluppaw kooperazzjoni, inkluż fl-oqsma li ġejjin:

3.   Mingħajr preġudizzju għal forom oħra ta’ kooperazzjoni previsti f’dan il-Ftehim, l-awtoritajiet doganali tal-Partijiet għandhom jipprovdu lil xulxin b’assistenza amministrattiva reċiproka fil-kwistjonijiet koperti minn dan il-Kapitolu f’konformità mal-Protokoll dwar l-assistenza amministrattiva reċiproka f’materji doganali.

4.   Kwalunkwe skambju ta’ informazzjoni bejn il-Partijiet skont dan il-Kapitolu għandu jkun soġġett għall-kunfidenzjalità u l-protezzjoni tal-informazzjoni stabbiliti fl-Artikolu 12 tal-Protokoll dwar l-assistenza amministrattiva reċiproka f'materji doganali, mutatis mutandis, kif ukoll għal kwalunkwe rekwiżit ta’ kunfidenzjalità stabbilit fil-leġiżlazzjoni tal-Partijiet.

1.   Kull Parti għandha tiżgura li d-dispożizzjonijiet u l-proċeduri doganali tagħha:

Jenħtieġ li kull Parti tirrieżamina perjodikament il-leġiżlazzjoni u l-proċeduri doganali tagħha. Il-proċeduri doganali jenħtieġ li jiġu applikati wkoll b’mod li jkun prevedibbli, konsistenti u trasparenti.

2.   Bl-għan li ttejjeb il-metodi ta’ ħidma, u tiżgura n-nondiskriminazzjoni, it-trasparenza, l-effiċjenza, l-integrità u l-ġustifikabbiltà tal-operazzjonijiet, kull Parti għandha:

1.   Kull Parti għandha tadotta jew iżżomm proċeduri doganali li:

2.   Bħala kundizzjoni għal tali rilaxx, kull Parti tista’ teħtieġ garanzija għal kwalunkwe ammont li jkun għadu ma ġiex determinat fil-forma ta’ avall, ta’ depożitu jew ta’ strument xieraq ieħor previst fil-liġijiet u fir-regolamenti tagħha. Tali garanzija ma għandhiex tkun akbar mill-ammont li l-Parti tkun teħtieġ sabiex tiżgura li l-pagament tad-dazji doganali, tat-taxxi, tat-tariffi u tal-imposti finalment dovuti għall-oġġetti koperti mill-garanzija. Il-garanzija għandha tiġi rilaxxata meta ma tibqax meħtieġa.

3.   Il-Partijiet għandhom jiżguraw li l-awtoritajiet doganli u awtoritajiet oħra responsabbli mill-kontrolli fuq il-fruntieri u l-proċeduri marbutin mal-importazzjoni, l-esportazzjoni u t-tranżitu ta’ oġġetti jikkooperaw ma’ xulxin u jikkoordinaw l-attivitajiet tagħhom sabiex ikun iffaċilitat il-kummerċ u jitħaffef ir-rilaxx tal-merkanzija.

1.   Kull Parti għandha taħdem favur is-simplifikazzjoni tar-rekwiżiti u tal-formalitajiet tagħha għall-proċeduri doganali sabiex tnaqqas iż-żmien u l-kostijiet tagħhom għan-negozjanti jew għall-operaturi, li jinkludu l-impriżi żgħar u ta’ daqs medju.

2.   Kull Parti għandha tadotta jew iżżomm proċeduri li jippermettu lin-negozjanti jew lill-operaturi li jissodisfaw il-kriterji speċifikati fil-liġijiet u fir-regolamenti tagħha jibbenefikaw minn simplifikazzjoni ulterjuri tal-proċeduri doganali. Dawn il-miżuri jistgħu jinkludu, fost l-oħrajn:

3.   Fejn Parti tagħżel li tadotta waħda minn dawn il-miżuri, hija toffri, fejn jitqies xieraq u prattikabbli minn dik il-Parti u skont il-liġijiet u r-regolamenti tagħha, dawn is-simplifikazzjonijiet lin-negozjanti kollha li jissodisfaw il-kriterji rilevanti.

1.   Għall-finijiet tal-Artikolu 20, għandha tapplika l-Konvenzjoni dwar Proċedura Komuni ta’ Tranżitu.

2.   Kull Parti għandha tiżgura l-faċilitazzjoni u l-kontroll effettiv ta’ operazzjonijiet ta’ trasbord u l-movimenti ta’ tranżitu mit-territorji rispettivi tagħha.

3.   Kull Parti għandha tippromwovi u timplimenta arranġamenti ta’ tranżitu reġjonali bl-għan li tiffaċilita l-kummerċ f’konformità mal-Konvenzjoni dwar Proċedura Komuni ta’ Tranżitu.

4.   Kull Parti għandha tiżgura l-kooperazzjoni u l-koordinazzjoni bejn l-awtoritajiet u l-aġenziji kkonċernati kollha fit-territorji rispettivi tagħhom sabiex tiffaċilita t-traffiku fi tranżitu.

5.   Kull Parti għandha tippermetti li l-oġġetti maħsuba għall-importazzjoni jitmexxew fit-territorju tagħha taħt kontroll doganali minn uffiċċju doganali tad-dħul għal uffiċċju doganali ieħor fit-territorju tagħha minn fejn kieku l-oġġetti jiġu rilaxxati jew żdoganati.

1.   Kull Parti għandha tadotta jew iżżomm sistema ta’ ġestjoni tar-riskji għall-kontrolli doganali bl-għan li tnaqqas il-probabbiltà u l-impatt ta’ avveniment li jkun jipprevjeni l-applikazzjoni korretta tal-leġiżlazzjoni doganali, jikkomprometti l-interess finanzjarju tal-Partijiet jew iġib miegħu theddida għas-sigurtà u għas-sikurezza tal-Partijiet u tar-residenti tagħhom, għas-saħħa tal-bniedem, tal-annimali jew tal-pjanti, għall-ambjent jew għall-konsumaturi.

2.   Il-kontrolli doganali, minbarra verifiki każwali, għandhom primarjament ikunu bbażati fuq analiżi tar-riskju tat-tekniki elettroniċi għall-ipproċessar tad-data.

3.   Kull Parti għandha tfassal u tapplika l-ġestjoni tar-riskju b’tali mod li jiġu evitati diskriminazzjoni arbitrarja jew mhux ġustifikabbli, jew restrizzjonijiet moħbija għall-kummerċ internazzjonali.

4.   Kull Parti għandha tikkonċentra l-kontrolli doganali u kontrolli rilevanti oħra fuq il-fruntieri fuq kunsinni ta’ riskju għoli u għandha tħaffef ir-rilaxx ta’ kunsinni b’riskju baxx. Kull Parti tista’ wkoll tagħżel il-kunsinni għal dawn il-kontrolli fuq bażi aleatorja bħala parti mill-ġestjoni tar-riskju tagħha.

5.   Kull Parti għandha tibbaża l-ġestjoni tar-riskju fuq il-valutazzjoni tar-riskju permezz ta’ kriterji ta’ selettività adegwati.

1.   Sabiex tħaffef ir-rilaxx tal-merkanzija, kull Parti għandha tadotta jew iżżomm awditu ta’ wara l-iżdoganar sabiex tiżgura l-konformità ma’ liġijiet u ma’ regolamenti doganali u oħrajn relatati.

2.   Kull Parti għandha tagħżel persuni u konsenji għall-awditi ta’ wara l-iżdoganar abbażi tar-riskju, u din l-għażla tista’ tinkludi l-użu ta’ kriterji ta’ selettività xierqa. Kull Parti għandha twettaq l-awditi ta’ wara l-iżdoganar b’mod trasparenti. Meta persuna tkun involuta fil-proċess tal-awditjar u jkunu nkisbu riżultati konklużivi, il-Parti għandha tinnotifika lill-persuna li r-rekord tagħha ġie awditjat bir-riżultat, bid-drittijiet u bl-obbligi tal-persuna u bir-raġunijiet għar-riżultati, mingħajr dewmien.

3.   L-informazzjoni miksuba fl-awditi ta’ wara l-iżdoganar tista’ tintuża fi proċedimenti amministrattivi jew ġudizzjarji ulterjuri.

4.   Il-Partijiet għandhom, kull meta jkun prattikabbli, jużaw ir-riżultati tal-awditjar ta’ wara l-iżdoganar għall-finijiet ta’ ġestjoni tar-riskju.

1.   Kull Parti għandha tmexxi programm ta’ sħubija għall-operaturi li jissodisfaw il-kriterji speċifikati fl-Anness 18.

2.   Il-Partijiet għandhom jirrikonoxxu l-programmi rispettivi tagħhom għall-Operaturi Ekonomiċi Awtorizzati skont l-Anness 18.

1.   Kull Parti għandha tiżgura li l-leġiżlazzjoni doganali tagħha u liġijiet u regolamenti oħra tagħha relatati mal-kummerċ kif ukoll il-proċeduri amministrattivi ġenerali tagħha u l-informazzjoni rilevanti ta’ applikazzjoni ġenerali li jirrigwardaw il-kummerċ, ikunu ppubblikati u disponibbli minnufih għal kwalunkwe persuna interessata b’mod faċilment aċċessibbli, inkluż, kif xieraq, permezz tal-Internet.

2.   Kull Parti għandha tippubblika minnufih leġiżlazzjoni ġdida u proċeduri ġenerali relatati ma’ kwistjonijiet doganali u ta’ faċilitazzjoni tal-kummerċ kmieni kemm jista’ jkun qabel id-dħul fis-seħħ ta’ kwalunkwe tali leġiżlazzjoni jew proċedura, u għandha tippubblika minnufih kwalunkwe bidla u interpretazzjoni ta’ tali leġiżlazzjoni u proċeduri. Tali pubblikazzjoni għandha tinkludi:

3.   Kull Parti għandha tiżgura li jkun hemm perjodu ta’ żmien raġonevoli bejn il-pubblikazzjoni ta’ leġiżlazzjoni, ta’ proċeduri u ta’ tariffi jew ta’ imposti ġodda jew emendati u d-dħul fis-seħħ tagħhom;

4.   Kull Parti għandha tagħmel dawn li ġejjin disponibbli permezz tal-internet:

Kull parti għandha tiżgura li d-deskrizzjonijiet, il-formoli, id-dokumenti u l-informazzjoni msemmija fil-punti (a), (b) u (c) tal-ewwel subparagrafu jinżammu aġġornati.

5.   Kull Parti għandha tistabbilixxi jew iżżomm punt ta’ kuntatt wieħed jew aktar għall-mistoqsijiet sabiex twieġeb għal mistoqsijiet mill-gvernijiet, min-negozjanti u minn partijiet interessati oħra dwar kwistjonijiet doganali u oħrajn relatati mal-kummerċ fi żmien raġonevoli. Il-Partijiet ma għandhomx jeħtieġu l-ħlas ta’ tariffa għat-tweġib tal-mistoqsijiet.

1.   Kull Parti għandha, permezz tal-awtoritajiet doganali tagħha, toħroġ deċiżjonijiet bil-quddiem fuq applikazzjoni mill-operaturi ekonomiċi li jistabbilixxu t-trattament li għandu jingħata lill-oġġetti konċernati. Dawn id-deċiżjonijiet għandhom jinħarġu bil-miktub jew f’format elettroniku f’limitu ta’ żmien u għandu jkun fihom l-informazzjoni kollha meħtieġa f’konformità mal-leġiżlazzjoni tal-Parti emittenti.

2.   Id-deċiżjonijiet bil-quddiem għandhom ikunu validi għal perjodu minimu ta’ tliet snin mid-data tal-bidu tal-validità tagħhom sakemm id-deċiżjoni ma tibqax konformi mal-liġi jew ikunu nbidlu l-fatti jew iċ-ċirkustanzi li jsostnu d-deċiżjoni oriġinali.

3.   Parti tista’ tirrifjuta li toħroġ deċiżjoni bil-quddiem jekk il-kwistjoni mqajma fl-applikazzjoni tkun is-suġġett ta’ rieżami amministrattiva jew għal stħarriġ ġudizzjarju, jew jekk l-applikazzjoni ma tkunx relatata ma’ xi użu maħsub tad-deċiżjoni bil-quddiem jew ma’ kwalunkwe użu maħsub ta’ proċedura doganali. Jekk Parti tonqos milli toħroġ deċiżjoni bil-quddiem, hija għandha mill-ewwel tinnotifika lill-applikant bil-miktub, u tistipula l-fatti rilevanti u fuq liema bażi tkun ħadet id-deċiżjoni tagħha.

4.   Kull Parti għandha tippubblika, tal-anqas:

5.   Jekk Parti tirrevoka, timmodifika, tinvalida jew tannulla deċiżjoni bil-quddiem, hija għandha tagħti avviż bil-miktub lill-applikant li fih tistipula l-fatti rilevanti u l-bażi għad-deċiżjoni tagħha. Parti għandha biss tirrevoka, timmodifika, tinvalida jew tannulla deċiżjoni bil-quddiem b’effett retroattiv, meta d-deċiżjoni tkun ittieħdet abbażi ta’ informazzjoni mhux kompluta, mhux korretta, falza, jew qarrieqa.

6.   Deċiżjoni bil-quddiem maħruġa minn Parti għandha tkun vinkolanti għal dik il-Parti fir-rigward tal-applikant li jkun fittixha. Il-Parti tista’ tistipula li d-deċiżjoni bil-quddiem tkun vinkolanti għall-applikant.

7.   Kull Parti għandha tipprovdi, wara talba bil-miktub tad-detentur, rieżami ta’ deċiżjoni bil-quddiem jew ta’ deċiżjoni li tirrevoka, timmodifika jew tinvalida deċiżjoni bil-quddiem.

8.   Kull Parti għandha tqiegħed għad-dispożizzjoni tal-pubbliku informazzjoni dwar id-deċiżjonijiet bil-quddiem, filwaqt li tqis il-ħtieġa li tiġi protetta informazzjoni personali u kummerċjalment kunfidenzjali.

9.   Għandhom jinħarġu deċiżjonijiet bil-quddiem fir-rigward ta’ dawn:

1.   Kull Parti għandha tipprovdi proċeduri effettivi, immedjati, mhux diskriminatorji u faċilment aċċessibbli sabiex tiggarantixxi d-dritt ta’ appell kontra azzjonijiet amministrattivi, sentenzi u deċiżjonijiet tal-awtoritajiet doganali jew ta’ awtoritajiet kompetenti oħra li jaffettwaw l-importazzjoni jew l-esportazzjoni ta’ oġġetti jew oġġetti fi tranżitu.

2.   Il-proċeduri msemmija fil-paragrafu 1 għandhom jinkludu:

3.   Kull Parti għandha tiżgura li, f’każijiet fejn id-deċiżjoni dwar l-appell jew ir-rieżami skont il-punt (a) tal-paragrafu 2 ma tingħatax fil-perjodu ta’ żmien previst fil-liġijiet u fir-regolamenti tagħha jew ma tingħatax mingħajr dewmien żejjed, il-petizzjonant ikollu d-dritt għal appell jew għal rieżami amministrattiv jew ġudizzjarju ulterjuri jew għal kwalunkwe rikors ieħor quddiem l-awtorità ġudizzjarja skont il-liġijiet u r-regolamenti ta’ dik il-Parti.

4.   Kull Parti għandha tiżgura li l-petizzjonant jingħata r-raġunijiet għad-deċiżjoni amministrattiva sabiex il-petizzjonant ikun jista’ jirrikorri għal proċeduri ta’ appell jew ta’ stħarriġ fejn ikunu meħtieġa.

1.   Kull Parti għandha tagħmel konsultazzjonijiet puntwali u regolari mar-rappreżentanti tal-kummerċ dwar proposti leġiżlattivi u proċeduri ġenerali relatati ma’ kwistjonijiet doganali u ta’ faċilitazzjoni tal-kummerċ. Għal dak il-għan, kull Parti għandha twettaq konsultazzjonijiet xierqa bejn l-amministrazzjonijiet u l-komunità tan-negozju.

2.   Kull Parti għandha tiżgura li r-rekwiżiti u l-proċeduri doganali rispettivi tagħha jibqgħu jissodisfaw il-ħtiġijiet tal-komunità tal-kummerċ, isegwu l-aħjar prassi, u jirrestrinġu l-kummerċ mill-inqas possibbli.

1.   Għall-finijiet ta’ dan l-Artikolu, "dħul temporanju" tfisser il-proċedura doganali li biha ċerta merkanzija, inkluż il-mezz tat-trasport, tkun tista' tiddaħħal f’territorju doganali eżentata b’mod kondizzjonali mill-pagament ta’ dazji u ta’ taxxi tal-importazzjoni u mingħajr l-applikazzjoni ta’ projbizzjonijiet fuq l-importazzjoni jew ta’ restrizzjonijiet ta’ karattru ekonomiku, bil-kundizzjoni li l-merkanzija tkun importata għal skop speċifiku u tkun maħsuba għall-esportazzjoni mill-ġdid f’perjodu speċifikat mingħajr ma tkun saritilha ebda bidla ħlief għal deprezzament normali minħabba l-użu magħmul minn dik il-merkanzija.

2.   Kull Parti għandha tikkonċedi d-dħul temporanju, b’ħelsien kondizzjonali totali mid-dazji u mit-taxxi tal-importazzjoni u mingħajr l-applikazzjoni ta’ restrizzjonijiet fuq l-importazzjoni jew projbizzjonijiet ta’ karattru ekonomiku, kif previst fil-liġijiet u fir-regolamenti tagħha, għat-tipi ta’ merkanzija li ġejjin:

3.   Kull Parti għandha, għad-dħul temporanju tal-merkanzija msemmi fil-paragrafu 2 u irrispettivament mill-oriġini tagħha, taċċetta carnet kif preskritt għall-finijiet tal-Konvenzjonijiet ATA u ta’ Istanbul maħruġa fil-Parti l-oħra, approvat hemmhekk u garantit minn assoċjazzjoni li tifforma parti mill-katina internazzjonali ta’ garanzija, iċċertifikat mill-awtoritajiet kompetenti u validu fit-territorju doganali tal-Parti importatriċi.

1.   B’rikonoxximent tal-volum għoli ta’ qsim bil-baħar u, b’mod partikolari, tal-volum għoli ta’ traffiku roll-on, roll-off bejn it-territorji doganali rispettivi tagħhom, il-Partijiet jiftiehmu li jikkooperaw sabiex jiffaċilitaw tali traffiku kif ukoll modi alternattivi oħra ta’ traffiku.

2.   Il-Partijiet jirrikonoxxu:

3.   Għal dan il-għan, il-Partijiet:

4.   Il-Partijiet jiftiehmu li jinkoraġġixxu l-kooperazzjoni bejn l-awtoritajiet doganali rispettivi tagħhom fuq rotot bilaterali ta’ qsim tal-baħar, u li jiskambjaw informazzjoni dwar il-funzjonament tal-portijiet li jittrattaw it-traffiku bejniethom u dwar ir-regoli u l-proċeduri applikabbli. Dawn se jippubblikaw, u jippromwovu l-għarfien mill-operaturi tal-informazzjoni dwar il-miżuri li għandhom fis-seħħ u l-proċessi stabbiliti mill-portijiet biex jiffaċilitaw tali traffiku.

1.   Il-Kumitat Speċjalizzat għall-Kummerċ dwar il-Kooperazzjoni Doganali u r-Regoli tal-Oriġini għandu:

2.   Il-Kumitat Speċjalizzat għall-Kummerċ dwar il-Kooperazzjoni Doganali u r-Regoli tal-Oriġini jista’ jadotta deċiżjonijiet jew rakkomandazzjonijiet:

1.   Il-Kunsill ta’ Sħubija jista’ jemenda:

2.   Il-Kumitat Speċjalizzat għall-Kummerċ dwar il-Kooperazzjoni Amministrattiva fil-VAT u fl-irkupru ta’ taxxi u ta’ dazji jista’ jemenda l-valur imsemmi fl-Artikolu 33(4) tal-Protokoll dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud u dwar l-assistenza reċiproka għall-irkupru ta’ pretensjonijiet relatati ma’ taxxi u ma’ dazji.

1.   Il-Partijiet jaffermaw l-impenn tagħhom li jistabbilixxu klima favorevoli għall-iżvilupp tal-kummerċ u tal-investiment bejniethom.

2.   Il-Partijiet itennu d-dritt tagħhom li jirregolaw fit-territorji tagħhom sabiex jiksbu l-objettivi ta’ politika leġittimi, bħal: il-protezzjoni tas-saħħa pubblika; is-servizzi soċjali; l-edukazzjoni pubblika; is-sikurezza; l-ambjent, li jinkludi t-tibdil fil-klima; il-moralità pubblika; il-protezzjoni soċjali u tal-konsumatur; il-privatezza u l-protezzjoni tad-data jew il-promozzjoni u l-protezzjoni tad-diversità kulturali.

3.   Dan it-Titolu ma japplikax għal miżuri li jaffettwaw persuni fiżiċi ta’ Parti li jfittxu aċċess għas-suq tax-xogħol tal-Parti l-oħra, u lanqas għal miżuri rigward in-nazzjonalità, iċ-ċittadinanza, ir-residenza jew l-impjieg fuq bażi permanenti.

4.   Dan it-Titolu ma għandux jimpedixxi lil Parti milli tapplika miżuri sabiex tirregola d-dħul jew is-soġġorn temporanju ta’ persuni fiżiċi fit-territorju tagħha, inklużi dawk il-miżuri neċessarji sabiex jipproteġu l-integrità tal-fruntieri tagħha, u sabiex jiżguraw il-moviment ordnat ta’ persuni fiżiċi bejniethom, dment li tali miżuri ma jiġux applikati b’tali mod li jxejjen jew ifixkel il-benefiċċji dovuti lill-Parti l-oħra skont it-termini ta’ dan it-Titolu. Il-fatt biss li tkun meħtieġa viża għall-persuni fiżiċi ta’ ċerti pajjiżi u mhux għal dawk ta’ pajjiżi oħra ma għandux jitqies li jxejjen jew idgħajjef il-benefiċċji skont dan it-Titolu.

5.   Dan it-Titolu ma japplikax għal:

6.   Dan it-Titolu ma japplikax għal kwalunkwe miżura ta’ Parti fir-rigward tal-akkwist pubbliku ta’ merkanzija jew ta’ servizzi mixtrija għal skopijiet governattivi, u mhux bl-għan ta’ bejgħ kummerċjali mill-ġdid jew bl-għan ta’ użu fil-forniment ta’ merkanzija jew ta’ servizz għall-bejgħ kummerċjali, kemm jekk l-akkwist ikun "akkwist kopert" fis-sens tal-Artikolu 277 kif ukoll jekk le.

7.   Ħlief għall-Artikolu 132, dan it-Titolu ma japplikax għal sussidji jew għal għotjiet ipprovduti mill-Partijiet, inklużi self, garanziji u assigurazzjoni appoġġati mill-gvern.

1.   Parti tista’ tiċħad il-benefiċċji ta’ dan it-Titolu u tat-Titolu IV ta' din l-Intestatura lil investitur jew lil fornitur ta’ servizz tal-Parti l-oħra, jew lil impriża koperta, jekk il-Parti li tiċħad tadotta jew iżżomm miżuri relatati maż-żamma tal-paċi u tas-sigurtà internazzjonali, inkluża l-protezzjoni tad-drittijiet tal-bniedem, li:

2.   Għal ċertezza akbar, il-paragrafu 1 huwa applikabbli għat-Titolu IV ta’ din l-Intestatura sa fejn jirrelata ma’ servizzi jew investiment li fir-rigward tagħhom Parti tkun ċaħdet il-benefiċċji ta’ dan it-Titolu.

1.   Bil-għan li jintroduċu t-titjib possibbli fid-dispożizzjonijiet ta’ dan it-Titolu, u b’mod konsistenti mal-impenji meħuda minnhom skont ftehimiet internazzjonali, il-Partijiet għandhom jirrieżaminaw il-qafas legali tagħhom relatat mal-kummerċ fis-servizzi u l-investiment, inkluż dan il-Ftehim, f’konformità mal-Artikolu 776.

2.   Il-Partijiet għandhom jagħmlu ħilithom biex, fejn xieraq, jirrieżaminaw il-miżuri mhux konformi u r-riżervi stabbiliti fl-Annessi 19, 20, 21 u 22 u l-attivitajiet għal viżitaturi kummerċjali għal żmien qasir imsemmija fl-Anness 21, bil-għan li jaqblu ma’ titjib eventwali fl-interess reċiproku tagħhom.

3.   Dan l-Artikolu ma għandux japplika fir-rigward tas-servizzi finanzjarji.

1.   Kull Parti għandha tagħti lill-investituri tal-Parti l-oħra u lill-impriżi koperti trattament xejn anqas favorevoli minn dak li tagħti, f’sitwazzjonijiet simili, lill-investituri tagħha stess u lill-impriżi tagħhom, fir-rigward tal-istabbiliment u tal-operat tagħhom fit-territorju tagħha.

2.   It-trattament mogħti minn Parti skont il-paragrafu 1 ifisser:

1.   Kull Parti għandha tagħti lill-investituri tal-Parti l-oħra u lill-impriżi koperti trattament xejn anqas favorevoli minn dak li tagħti, f’sitwazzjonijiet simili, lill-investituri ta’ pajjiż terz u lill-impriżi tagħhom, fir-rigward tal-istabbiliment fit-territorju tagħha.

2.   Kull Parti għandha tagħti lill-investituri tal-Parti l-oħra u lill-impriżi koperti trattament xejn anqas favorevoli minn dak li tagħti, f’sitwazzjonijiet simili, lill-investituri ta’ pajjiż terz u lill-impriżi tagħhom, fir-rigward tal-operat fit-territorju tagħha.

3.   Il-paragrafi 1 u 2 ma għandhomx jiġu interpretati bħala li jobbliga(w) lil Parti testendi għall-investituri tal-Parti l-oħra u għall-impriżi koperti l-benefiċċju ta’ kwalunkwe trattament li jirriżulta minn:

4.   Għal ċertezza akbar, it-"trattament" imsemmi fil-paragrafi 1 u 2 ma jinkludix proċeduri ta’ riżoluzzjoni tat-tilwim bejn investitur u stat previsti fi ftehimiet internazzjonali oħra.

5.   Għal ċertezza akbar, l-eżistenza ta’ dispożizzjonijiet sostantivi fi ftehimiet internazzjonali oħra konklużi minn Parti ma’ pajjiż terz, jew is-sempliċi traspożizzjoni formali ta’ dawk id-dispożizzjonijiet fil-liġi domestika sal-punt li jkun meħtieġ sabiex jiġu inkorporati fl-ordinament ġuridiku domestiku, minnhom infushom ma jikkostitwixxux it-"trattament" imsemmi fil-paragrafi 1 u 2. Il-miżuri ta’ Parti skont dawk id-dispożizzjonijiet jistgħu jikkostitwixxu tali trattament u b’hekk iwasslu għal ksur ta’ dan l-Artikolu.

1.   Parti ma għandhiex timponi jew tinforza xi rekwiżit jew tinforza xi impenn, b’rabta mal-istabbiliment jew mal-operat ta’ kwalunkwe impriża fit-territorju tagħha:

Dan il-punt ma japplikax meta l-kuntratt ta’ liċenzja jiġi konkluż bejn l-impriża u l-Parti. Għall-finijiet ta’ dan il-punt, "kuntratt ta’ liċenzja" tfisser kwalunkwe kuntratt li jikkonċerna l-liċenzjar ta’ teknoloġija, ta’ proċess tal-produzzjoni, jew ta’ għarfien proprjetarju ieħor.

2.   Parti ma għandhiex tikkondizzjona r-riċezzjoni jew il-kontinwazzjoni tar-riċezzjoni ta’ vantaġġ, b’rabta mal-istabbiliment jew mal-operat ta’ impriża fit-territorju tagħha, mill-konformità ma’ kwalunkwe wieħed mir-rekwiżiti li ġejjin:

3.   Il-paragrafu 2 ma għandux jiġi interpretat fis-sens li jimpedixxi lil Parti milli jikkondizzjona r-riċezzjoni jew il-kontinwazzjoni tar-riċezzjoni ta’ vantaġġ, b’konnessjoni mal-istabbiliment jew mal-operat ta’ kwalunkwe impriża fit-territorju tagħha, fuq il-konformità ma’ rekwiżit li l-produzzjoni, il-forniment ta’ servizz, it-taħriġ jew ir-reklutaġġ tal-ħaddiema, il-bini jew l-espansjoni ta’ faċilitajiet partikolari, jew it-twettiq ta’ riċerka u ta’ żvilupp, isiru fit-territorju tagħha.

4.   Il-punti (f) u (l) tal-paragrafu 1 ta' dan l-Artikolu ma japplikawx fejn:

5.   Il-punti (a) sa (c) tal-paragrafu 1 u l-punti (a) u (b) tal-paragrafu 2 ma japplikawx għar-rekwiżiti ta’ kwalifika għal merkanzija jew għal servizzi fir-rigward tal-parteċipazzjoni fil-promozzjoni tal-esportazzjoni u fi programmi ta’ għajnuna barranija.

6.   Għal ċertezza akbar, dan l-Artikolu ma jipprekludix l-infurzar mill-awtoritajiet kompetenti ta’ Parti ta’ kwalunkwe impenn mogħti bejn persuni għajr Parti li ma kinitx direttament jew indirettament imposta jew meħtieġa minn dik il-Parti.

7.   Għal ċertezza akbar, il-punti (a) u (b) tal-paragrafu 2 ma japplikawx għar-rekwiżiti imposti minn Parti importatriċi b’rabta mal-kontenut ta’ merkanzija neċessarja sabiex tikkwalifika għal tariffi preferenzjali jew għal kwoti preferenzjali.

8.   Il-punt (l) tal-paragrafu 1 ma japplikax jekk ir-rekwiżit jiġi impost jew infurzat, jew l-impenn jiġi infurzat, minn tribunal bħala remunerazzjoni ekwitabbli skont il-liġijiet tal-Parti dwar id-dritt tal-awtur.

9.   Parti la għandha timponi u lanqas tinforza xi miżura inkonsistenti mal-obbligi tagħha skont il-Ftehim dwar Miżuri ta’ Investiment Relatat mal-Kummerċ (TRIMs), anki meta tali miżura tkun ġiet elenkata minn dik il-Parti fl-Anness 19 jew 20.

10.   Għal ċertezza akbar, dan l-Artikolu ma għandux jiġi interpretat bħala li jirrikjedi li Parti tippermetti li jiġi pprovdut servizz partikolari fuq bażi transfruntiera fejn dik il-Parti tadotta jew iżżomm restrizzjonijiet jew projbizzjonijiet fuq tali forniment ta’ servizzi li jkunu konsistenti mar-riżervi, mal-kundizzjonijiet jew mal-kwalifiki speċifikati fir-rigward ta’ settur, ta’ subsettur jew ta’ attività elenkati fl-Anness 19 jew 20.

11.   Kundizzjoni għar-riċezzjoni jew għall-kontinwazzjoni tar-riċezzjoni ta’ vantaġġ imsemmija fil-paragrafu 2 ma tikkostitwixxix rekwiżit jew impenn għall-finijiet tal-paragrafu 1.

1.   L-Artikoli 128, 129, 130, 131 u 132 m'għandhomx japplikaw għal:

2.   L-Artikoli 128, 129, 130, 131 u 132 ma japplikawx għal miżura ta’ Parti li tkun konsistenti mar-riżervi, mal-kundizzjonijiet jew mal-kwalifiki speċifikati fir-rigward ta’ settur, ta’ subsettur jew ta’ attività elenkati fl-Anness 20.

3.   L-Artikoli 129 u 130 ta' dan il-Ftehim ma japplikaw għall-ebda miżura li tikkostitwixxi eċċezzjoni għall-Artikolu 3 jew 4 tal-Ftehim TRIPS, jew deroga minnhom, kif speċifikament previst fl-Artikoli 3 sa 5 ta’ dak il-Ftehim.

4.   Għal ċertezza akbar, l-Artikoli 129 u 130 ma għandhomx jinftiehmu bħala li jipprevjenu lil Parti milli tippreskrivi rekwiżiti ta’ informazzjoni, inkluż għal finijiet statistiċi, b’rabta mal-istabbiliment jew mal-operat ta’ investituri tal-Parti l-oħra jew ta’ impriżi koperti, dment li ma jkunux jikkostitwixxu mezz sabiex jiġu evitati l-obbligi ta’ dik il-Parti skont dawk l-Artikoli.

1.   Kull Parti għandha tagħti lis-servizzi u lill-fornituri ta’ servizzi tal-Parti l-oħra trattament xejn anqas favorevoli minn dak li tagħti, f’sitwazzjonijiet bħalhom, lis-servizzi u lill-fornituri ta’ servizzi tagħha stess.

2.   Parti tista’ tissodisfa r-rekwiżit tal-paragrafu 1 billi tagħti lis-servizzi u lill-fornituri ta’ servizzi tal-Parti l-oħra, trattament formalment identiku jew trattament formalment differenti għal dak li tagħti lis-servizzi u lill-fornituri ta’ servizzi simili tagħha stess.

3.   Trattament formalment identiku jew trattament formalment differenti għandu jitqies bħala anqas favorevoli jekk jimmodifika l-kundizzjonijiet tal-kompetizzjoni favur is-servizzi jew il-fornituri ta’ servizzi tal-Parti meta mqabbla ma’ servizzi jew ma’ fornituri ta’ servizzi tal-Parti l-oħra.

4.   Xejn f’dan l-Artikolu ma għandu jiġi interpretat li jeħtieġ li xi Parti tikkumpensa għal kwalunkwe żvantaġġ kompetittiv inerenti li jirriżulta mill-karattru barrani tas-servizzi rilevanti jew tal-fornituri rilevanti ta’ servizzi.

1.   Kull Parti għandha tagħti lis-servizzi u lill-fornituri ta’ servizzi tal-Parti l-oħra trattament xejn anqas favorevoli minn dak li tagħti, f’sitwazzjonijiet simili, lis-servizzi u lill-fornituri ta’ servizzi ta’ pajjiż terz.

2.   Il-paragrafu 1 ma għandux jiġi interpretat bħala li jobbliga lil Parti testendi għas-servizzi u għall-fornituri ta’ servizzi tal-Parti l-oħra l-benefiċċju ta’ kwalunkwe trattament li jirriżulta minn:

3.   Għal ċertezza akbar, l-eżistenza ta’ dispożizzjonijiet sostantivi fi ftehimiet internazzjonali oħra konklużi minn Parti ma’ pajjiż terz, jew sempliċi traspożizzjoni formali ta’ dawk id-dispożizzjonijiet fil-liġi domestika sal-punt li jkun meħtieġ sabiex jiġu inkorporati fl-ordinament ġuridiku domestiku, minnhom infushom ma jikkostitwixxux it-"trattament" imsemmi fil-paragrafu 1. Il-miżuri ta’ Parti skont dawk id-dispożizzjonijiet jistgħu jikkostitwixxu tali trattament u b’hekk iwasslu għal ksur ta’ dan l-Artikolu.

1.   L-Artikoli 135, 136, 137 u 138 m'għandhomx japplikaw għal:

2.   L-Artikoli 135, 136, 137 u 138 ma japplikawx għal kwalunkwe miżura ta’ Parti li tkun konsistenti mar-riżervi, mal-kundizzjonijiet jew mal-kwalifiki speċifikati fir-rigward ta’ settur, ta’ subsettur jew ta’ attività elenkati fl-Anness 20.

1.   Dan il-Kapitolu japplika għal miżuri ta’ Parti li jaffettwaw l-eżerċizzju ta’ attivitajiet ekonomiċi permezz tad-dħul u tas-soġġorn temporanju fit-territorju tagħha ta’ persuni fiżiċi tal-Parti l-oħra, li jkunu viżitaturi kummerċjali għall-finijiet ta’ stabbiliment, fornituri ta’ servizzi kuntrattwali, professjonisti indipendenti, ħaddiema bi trasferiment intra-ażjendali u viżitaturi kummerċjali għal żmien qasir.

2.   Sa fejn l-impenji mhumiex meħuda f’dan il-Kapitolu, ir-rekwiżiti kollha previsti fil-liġi ta’ Parti fir-rigward tad-dħul u tas-soġġorn temporanju ta’ persuni fiżiċi għandhom ikomplu japplikaw, inklużi l-liġijiet u r-regolamenti dwar it-tul tas-soġġorn.

3.   Minkejja d-dispożizzjonijiet ta’ dan il-Kapitolu, ir-rekwiżiti kollha pprovduti fil-liġijiet u fir-regolamenti ta’ Parti rigward ix-xogħol u l-miżuri tas-sigurtà soċjali għandhom ikomplu japplikaw, inklużi l-liġijiet u r-regolamenti li jirrigwardaw il-pagi minimi kif ukoll il-ftehimiet kollettivi dwar il-pagi.

4.   Impenji dwar id-dħul u s-soġġorn temporanju ta’ persuni fiżiċi għal finijiet kummerċjali ma japplikawx f’każijiet li fihom l-intenzjoni jew l-effett tad-dħul u tas-soġġorn temporanju jkun ta’ xkiel jew ta’ xi effett ieħor fi kwalunkwe tilwima jew negozjar relatat mal-impjiegi jew mal-ġestjoni, jew fl-impjieg ta’ kwalunkwe persuna fiżika li tkun involuta f’dik it-tilwima.

5.   Għall-finijiet ta’ dan il-Kapitolu: