(1)

L-Unjoni hija Parti Kontraenti għall-Ftehim Internazzjonali dwar il-Kawkaw tal-2010 (ICA) skont id-Deċiżjoni tal-Kunsill 2012/189/UE (1) u membru tal-Organizzazzjoni Internazzjonali tal-Kawkaw (ICCO).

(2)

F’konformità mal-Artikolu 7 tal-ICA, il-Kunsill Internazzjonali tal-Kawkaw (ICC) iwettaq jew iħejji għat-twettiq ta’ dawn il-funzjonijiet kollha li jkunu meħtieġa biex l-ICA jiġi implimentat. F’konformità mal-Artikolu 12 tiegħu, id-deċiżjonijiet tal-ICC fil-prinċipju jittieħdu b’kunsens. Fin-nuqqas ta’ kunsens, id-deċiżjonijiet jittieħdu permezz ta’ vot speċjali.

(3)

F’konformità mal-Artikolu 10 tal-ICA, il-membri tal-ICCO b’kollox għandhom 2000 vot fl-ICC. Kull membru għandu għadd speċifiku ta’ voti li kull sena jiġi aġġustat skont il-kriterji stipulati f’dak l-Artikolu.

(4)

Huwa fl-interess tal-Unjoni li tipparteċipa fi ftehim internazzjonali dwar il-kawkaw, meta titqies l-importanza ta’ dak is-settur għal għadd ta’ Stati Membri u għall-ekonomija tas-settur Ewropew tal-kawkaw.

(5)

Grupp ta’ ħidma tekniku magħmul mill-membri tal-ICCO kemm mill-pajjiżi produtturi kif ukoll minn dawk esportaturi wettaq ħidma sostanzjali sabiex jippreżenta proposti konkreti għall-emendar tal-ICA. Il-membri tal-ICCO ġew mistiedna jressqu kwalunkwe suġġeriment biex tinbeda din l-analiżi teknika, kif għamlet l-Unjoni. L-ICC jeħtieġ jiftaħ negozjati għal reviżjoni parzjali tal-ICA ferm qabel l-iskadenza tal-validità tal-ICA, jiġifieri, it-30 ta’ Settembru 2022, taħt il-gwida tal-Konferenza tan-Nazzjonijiet Uniti dwar il-Kummerċ u l-Iżvilupp (UNCTAD). Kwalunkwe qasam tal-ICA li għandu jiġi rieżaminat jeħtieġ li jkun is-suġġett ta’ negozjati formali. Tali negozjati għandhom jiġu konklużi mhux aktar tard mit-30 ta’ Settembru 2022.

(6)

Jenħtieġ li kull emenda miftiehma fin-negozjati formali tiġi adottata skont il-proċedura stabbilita fl-Artikolu 63 tal-ICA. Skont dak l-Artikolu, l-ICC jista’, b’kunsens jew jekk le b’vot speċjali, jirrakkomanda emenda għall-ICA lill-Partijiet Kontraenti tal-ICA. L-emenda ssir effettiva skont l-Artikolu 63(1) tal-ICA, li jeħtieġ in-notifika ta’ aċċettazzjoni minn ċertu perċentwal ta’ Partijiet Kontraenti tal-ICA. Bħala membru tal-ICCO u Parti Kontraenti għall-ICA, f’konformità mal-Artikolu 4 tiegħu, jenħtieġ li l-Unjoni tkun tista’ tipparteċipa fin-negozjati bil-għan li jiġi emendat l-ICA.

(7)

Huwa għalhekk xieraq li l-Kummissjoni tkun awtorizzata tidħol f’negozjati għar-reviżjoni parzjali tal-ICA,

(1)

Wara talba minn Malta fis-7 ta’ Awwissu 2020, fil-25 ta’ Settembru 2020 il-Kunsill ta assistenza finanzjarja lil Malta fil-forma ta’ self li jammonta għal massimu ta’ EUR 243 632 000 b’maturità medja massima ta’ 15-il sena, bil-ħsieb li tikkomplementa l-isforzi nazzjonali ta’ Malta biex tindirizza l-impatt tat-tifqigħa tal-COVID-19 u twieġeb għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża minn Malta biex jiġu ffinanzjati l-iskemi ta’ xogħol b’ħinijiet iqsar, miżuri simili u miżuri relatati mas-saħħa msemmija fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1352 (2).

(3)

It-tifqigħa tal-COVID-19 għadha qed tipparalizza parti sostanzjali mill-forza tax-xogħol f’Malta. Dan wassal għal żieda f’daqqa u qawwija fin-nefqa pubblika f’Malta fir-rigward tal-miżura msemmija fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1352.

(4)

It-tifqigħa tal-COVID-19 u l-miżuri straordinarji implimentati minn Malta fl-2020 u l-2021 biex titrażżan dik it-tifqigħa u l-impatt tagħha kemm soċjoekonomiku kif ukoll dak marbut mas-saħħa kellhom u qed ikomplu jkollhom impatt qawwi fuq il-finanzi pubbliċi. Skont it-tbassir tal-ħarifa 2020 tal-Kummissjoni, Malta kienet mistennija li jkollha defiċit u dejn tal-amministrazzjoni pubblika ta’ 9,4 % u 55,2 % tal-prodott domestiku gross (PDG) rispettivament sa tmiem l-2020. Fl-2021, id-defiċit tal-amministrazzjoni pubblika ta’ Malta huwa mbassar li jonqos għal 6,3 % tal-PDG filwaqt li d-dejn huwa mbassar li jiżdied għal 60,0 % tal-PDG. Skont it-tbassir proviżorja tax-xitwa 2021 tal-Kummissjoni, il-PDG ta’ Malta huwa proġettat li jiżdied b’4,5 % fl-2021.

(5)

Fl-10 ta’ Marzu 2021, Malta talbet assistenza finanzjarja ulterjuri mill-Unjoni ta’ EUR 177 185 000, bil-ħsieb li tkompli tikkomplementa l-isforzi nazzjonali tagħha li wettqet fl-2020 u l-2021 biex tittratta l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema u għal dawk li jaħdmu għal rashom. B’mod partikolari dan jikkonċerna l-miżuri stabbiliti fil-premessa (6).

(6)

L-‘Att dwar il-Korporazzjoni għall-Intrapriża ta’ Malta (Kap. 463 tal-Liġijiet ta’ Malta)’/‘Malta Enterprise Act (Cap. 463 of the Laws of Malta)’ u n-‘Notifikazzjoni tal-Gvern Nru 389 tat-13 ta’ April 2020’/‘Government Notice No. 389 of 13 April 2020’, li huma msemmija fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1352, introduċew suppliment għall-pagi tal-COVID-19, li jkopri lill-impjegati u lil dawk li jaħdmu għal rashom, biex jiġi indirizzat it-tfixkil ikkawżat mit-tifqigħa tal-COVID-19. Fil-perijodu minn Marzu sa Ġunju 2020, impjegati full-time li jaħdmu fis-setturi l-aktar milquta mill-kriżi, elenkati fl-Anness A, imsemmija fin-Notifikazzjoni tal-Gvern Nru 389 kienu eliġibbli għal għajnuna fuq il-paga ta’ EUR 800 fix-xahar. F’setturi inqas affettwati, elenkati fl-Anness B imsemmija fin-Notifikazzjoni tal-Gvern Nru 389, l-impjegati full-time kienu eliġibbli biex jirċievu EUR 160 fix-xahar. Kien hemm ukoll appoġġ għall-impjegati part-time b’ammont aktar baxx. F’Lulju 2020 il-listi tas-setturi inklużi fiż-żewġ annessi ġew riveduti. Setturi li qabel kienu appoġġati permezz tal-iskema iżda mhux inklużi fl-Anness A jew B riveduti ġew megħjuna b’suppliment għall-pagi ta’ EUR 600 għall-impjegati full-time. L-iskema li tagħti dawk il-kondizzjonijiet ġiet estiża sa tmiem l-2020. Minn Jannar 2021, id-daqs tas-suppliment għall-pagi jirrifletti tnaqqis fil-bejgħ fuq sitt xhur bejn Marzu u Ottubru 2020 meta mqabbel mal-fatturat iddikjarat fuq sitt xhur bejn Marzu u Ottubru 2019. Fejn ma jkun hemm l-ebda rekords tal-VAT disponibbli, is-suppliment għall-pagi jitħallas fuq il-bażi tal-kriterji applikabbli fl-2020. L-iskema hija maħsuba biex tibqa’ għaddejja sa tmiem l-2021. Fit-tieni nofs tal-2021, l-appoġġ jibqa’ effettiv għall-attivitajiet ta’ akkomodazzjoni u forniment tal-ikel b’mod konformi mal-parametri stabbiliti. Għal attivitajiet eliġibbli oħra, l-appoġġ ser jonqos għal 66 % fit-tielet kwart tal-2021 u mbagħad jonqos ulterjorment għal 33 % fl-aħħar kwart tas-sena. L-iskema ser tibqa’ disponibbli biss għal dawk l-intrapriżi li kienu diġà eliġibbli għall-appoġġ taħt l-iskema oriġinali. Bħalissa l-iskema hija applikata fil-prattika minn ‘Malta Enterprise’ u ser ikun speċifikat f’Notifikazzjoni tal-Gvern li għad irid jinħareġ. Skont ir-regoli l-ġodda, l-iskema ser tkopri wkoll is-sostituzzjoni ta’ impjegati (jiġifieri s-sostituzzjoni ta’ dawk li volontarjament ikunu temmew l-impjieg tagħhom wara Ġunju 2020), sakemm ma jinqabiżx l-għadd ta’ impjegati fit-tmiem ta’ Mejju 2020. Il-parti biss tan-nefqa pubblika relatata mal-impjegati li kienu kontinwament f’impjieg intalbet mill-awtoritajiet, eskluża l-parti għall-impjegati ingaġġati ġodda.

(7)

Malta tissodisfa l-kundizzjonijiet biex tkun tista’ titlob assistenza finanzjarja kif stabbilit fl-Artikolu 3 tar-Regolament (UE) 2020/672. Malta pprovdiet lill-Kummissjoni evidenza xierqa li n-nefqa pubblika attwali u ppjanata żdiedet b’EUR 427 961 805 mill-1 ta’ Frar 2020 minħabba l-miżuri nazzjonali li ttieħdu biex jiġu ttrattati l-effetti soċjoekonomiċi tat-tifqigħa tal-COVID-19. Dan jikkostitwixxi żieda f’daqqa u qawwija minħabba li huwa direttament relatat mal-estensjoni ta’ miżuri nazzjonali eżistenti dwar l-impjiegi simili għal skema ta’ xogħol b’ħinijiet iqsar li tkopri proporzjon sinifikanti tal-impriżi u tal-forza tax-xogħol f’Malta. Malta ffinanzjat EUR 7 144 805 tal-ammont miżjud fin-nefqa pubblika permezz tal-fondi tagħha stess.

(8)

Il-Kummissjoni kkonsultat lil Malta u vverifikat iż-żieda f’daqqa u qawwija fin-nefqa pubblika attwali u ppjanata direttament relatata ma’ miżura simili għal skema ta’ xogħol b’ħinijiet iqsar kif imsemmija fit-talba ta’ Malta tal-10 ta’ Marzu 2021, skont l-Artikolu 6 tar-Regolament (UE) 2020/672.

(9)

Għalhekk, jenħtieġ li tingħata assistenza finanzjarja bil-għan li Malta tiġi megħjuna tittratta l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(10)

Jenħtieġ li Malta u l-Kummissjoni jqisu din id-Deċiżjoni fil-ftehim ta’ self imsemmi fl-Artikolu 8(2) tar-Regolament (UE) 2020/672.

(11)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(12)

Jenħtieġ li Malta tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn Malta tkun implimentat dik in-nefqa.

(13)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija ta’ Malta, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(3)

l-Artikolu 4 huwa sostitwit b’dan li ġej:

(1)

Wara talba mingħand il-Latvja fis-7 ta’ Awwissu 2020, fil-25 ta’ Settembru 2020 il-Kunsill ta assistenza finanzjarja lil-Latvja fil-forma ta’ self li jammonta għal massimu ta’ EUR 192 700 000 b’maturità medja massima ta’ 15-il sena, bil-ħsieb li tikkomplementa l-isforzi nazzjonali tal-Latvja biex tindirizza l-impatt tat-tifqigħa tal-COVID-19 u tirrispondi għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża mil-Latvja biex tiffinanzja l-iskemi ta’ xogħol b’ħinijiet iqsar, miżuri simili u miżuri relatati mas-saħħa, kif imsemmi fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1351 (2).

(3)

It-tifqigħa tal-COVID-19 kompliet tipparalizza parti sostanzjali tal-forza tax-xogħol fil-Latvja. Dan wassal għal żieda għal għarrieda u qawwija fin-nefqa pubblika fil-Latvja fir-rigward ta’ miżuri ġodda, jiġifieri l-benefiċċji ta’ għajnuna għall-mard għall-ġenituri u l-indokraturi u l-primjums għall-prattikanti mediċi u l-impjegati li jittrattaw il-kriżi tal-COVID-19 u miżuri msemmija fl-Artikolu 3, il-punti (a) (c) (d) (f) u (g) tad-Deċiżjoni ta’ Implimentazzjoni (UE) 2020/1351.

(4)

It-tifqigħa tal-COVID-19 u l-miżuri straordinarji li implimentat il-Latvja fl-2020 u fl-2021 biex trażżan dik it-tifqigħa u l-impatt soċjoekonomiku kif ukoll dak relatat mas-saħħa tagħha kellhom u qed ikomplu jkollhom impatt drammatiku fuq il-finanzi pubbliċi. Skont it-tbassir tal-ħarifa 2020 tal-Kummissjoni, kien mistenni li l-Latvja jkollha defiċit u dejn tal-amministrazzjoni pubblika ta’ 7,4 % u 47,5 % tal-prodott domestiku gross (PDG) rispettivament sa tmiem l-2020. Fl-2021, id-defiċit u d-dejn tal-amministrazzjoni pubblika tal-Latvja huma mbassra li jonqsu għal 3,5 % u 45,9 % tal-PDG, rispettivament. Skont it-tbassir proviżorju tax-xitwa 2021 tal-Kummissjoni, il-PDG tal-Latvja huwa proġettat li jiżdied bi 3,5 % fl-2021.

(5)

Fil-11 ta’ Marzu 2021, il-Latvja talbet assistenza finanzjarja ulterjuri mill-Unjoni ta’ EUR 112 500 000, bil-ħsieb li tkompli tikkomplementa l-isforzi nazzjonali tagħha li wettqet fl-2020 u fl-2021 biex titratta l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema u għal dawk li jaħdmu għal rashom. B’mod partikolari, dan jikkonċerna l-miżuri stabbiliti fil-premessi (6) sa (8).

(6)

‘Ir-Regolament tal-Kabinett Nru 709 “Regolamenti Rigward l-Għotja għall-Inattività għall-Kontribwenti għall-Kontinwità tal-Attività tagħhom fiċ-Ċirkustanzi tal-Kriżi tal-COVID-19”’ (adottat fl-24 ta’ Novembru 2020 (3) u emendat fit-12 ta’ Jannar 2021 (4)) estenda u emenda skema għall-kumpens taż-żmien inattiv għall-ħaddiema, kif imsemmi fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1351. Dik l-iskema tapplika għall-kumpaniji, għall-persuni li jaħdmu għal rashom u għall-pagaturi tat-tariffa tal-liċenzja, li l-introjtu tagħhom mill-attività ekonomika naqas b’mill-inqas 20 %, meta mqabbel ma’ Awwissu-Ottubru 2020 bħala medja. L-iskema tħallas lill-impjegati assenti bil-permess jew lill-persuni li jaħdmu għal rashom kumpensi ta’ 50 % jew 70 % tas-salarji jew l-introjti tagħhom, skont ir-reġim tat-taxxa li joperaw fih. Il-livell minimu ta’ appoġġ huwa stabbilit għal EUR 500 u l-massimu għal EUR 1 000 għal kull impjegat għal kull xahar kalendarju. Mehmuż ma’ din l-iskema għall-kumpens taż-żmien inattiv għall-ħaddiema hemm il-bonus tal-ħaddiema għat-tfal, kif imsemmi fl-Artikolu 3, il-punt (c), tad-Deċiżjoni ta’ Implimentazzjoni (UE) 2020/1351.

Il-bonus ta’ EUR 50 fix-xahar għal kull wild jagħti appoġġ addizzjonali lill-ħaddiema inattivi li huma intitolati għal ħelsien mit-taxxa fuq l-introjtu personali għad-dipendenti. Il-miżura ta’ appoġġ ġiet estiża bl-’Ordni tal-Kabinett Nru 706 tal-1 ta’ Diċembru 2020 “Rigward l-Allokazzjoni ta’ Fondi mill-Programm tal-Baġit tal-Istat ‘Fondi għal Avvenimenti Imprevisti’ ” ’  (5) u l-‘Ordni tal-Kabinett Nru 15 tal-11 ta’ Jannar 2021 “Rigward l-Allokazzjoni tal-Fondi mill-Programm tal-Baġit tal-Istat ‘Fondi għal Avvenimenti Imprevisti’ ” ’  (6). Il-miżura tista’ titqies bħala miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, billi tipprovdi appoġġ għall-introjtu għall-impjegati u għal dawk li jaħdmu għal rashom.

(7)

L-iskema għas-sussidji tal-pagi tagħti appoġġ għall-impjegaturi li jiffaċċjaw tnaqqis fid-dħul ta’ mill-inqas 20 % minn kwalunkwe attività ekonomika. L-iskema tammonta għal 50 % tal-paga grossa medja fix-xahar, iżda mhux aktar minn EUR 500 għal kull xahar kalendarju. L-impjegaturi benefiċjarji huma obbligati jżommu l-impjieg tal-ħaddiema appoġġati u li jissupplimentaw is-sussidju tal-pagi għall-paga regolari sħiħa. L-iskema ġiet stabbilita mir-‘Regolament tal-Kabinett Nru 675 dwar “Regolamenti Rigward l-Għoti ta’ Għajnuna lill-Kontribwenti għall-Kontinwazzjoni tal-Attività tagħhom fiċ-Ċirkustanzi tal-Kriżi tal-COVID-19”’(adottati fl-10 ta’ Novembru 2020 (7) u emendati fit-12 ta’ Jannar 2021 (8)) u l-‘Ordni tal-Kabinett Nru 128 tas-26 ta’ Frar 2021“Rigward l-Allokazzjoni ta’ Fondi mill-Programm tal-Baġit tal-Istat ‘Fondi għal Avvenimenti Imprevisti’” (9). Il-miżura testendi l-iskema għas-sussidji tal-pagi għall-industriji tat-turiżmu u tal-esportazzjoni, kif imsemmi fl-Artikolu 3, il-punt (d), tad-Deċiżjoni ta’ Implimentazzjoni (UE) 2020/1351, u tespandi l-kopertura għall-impjegaturi kollha eliġibbli.

(8)

Il-benefiċċji ta’ għajnuna għall-mard għall-ġenituri u l-indokraturi jagħtu appoġġa lill-impjegati li ma jistgħux jaħdmu mill-bogħod u li jkollhom jieħdu ħsieb tfal taħt l-età ta’ 10 snin jew persuni b’diżabilità meta l-iskejjel u ċ-ċentri ta’ kura matul il-jum jingħalqu minħabba t-tifqigħa tal-COVID-19. Il-miżura tista’ titqies bħala miżura simili għall-iskemi ta’ xogħol b’ħinijiet iqsar, kif imsemmi fir-Regolament (UE) 2020/672, billi din tagħti appoġġ għall-introjtu lill-ġenituri u lill-indokraturi u tgħin biex jiġu ppreservati l-impjiegi billi tipprevjeni lill-ġenituri u lill-indokraturi li jkollhom jieħdu ħsieb lil uliedhom jew lil persuni b’diżabilità meta l-iskejjel u ċ-ċentri ta’ kura matul il-jum ikunu magħluqin mill-ħtieġa li jtemmu r-relazzjoni ta’ impjieg. Il-benefiċċji ta’ għajnuna għall-mard huma previsti fl-‘Emenda tal-Liġi “Dwar l-Assigurazzjoni tal-Maternità u tal-Mard” tas-26 ta’ Novembru 2020’ (10) u l-‘Ordni tal-Kabinett Nru 707 tal-1 ta’ Diċembru 2020“Rigward l-Allokazzjoni ta’ Fondi mill-Programm tal-Baġit tal-Istat ‘Fondi għal Avvenimenti Imprevisti’”’ (11) u l-‘Ordni tal-Kabinett Nru 13 tal-11 ta’ Jannar 2021“Rigward l-Allokazzjoni ta’ Fondi mill-Programmr-Riżorsi Finanzjarji għall-programm tal-Baġit tal-Istat ‘Fondi għal Avvenimenti Imprevisti’”’ (12).

(9)

Il-Latvja kompliet testendi u tintroduċi wkoll sensiela ta’ miżuri relatati mas-saħħa biex tindirizza l-kriżi tal-COVID-19. B’mod partikolari, dan jikkonċerna l-miżuri stabbiliti fil-premessi (10) sa (12).

(10)

Estensjoni sat-30 ta’ Ġunju 2021 tal-benefiċċji tal-mard relatati mal-COVID-19 kif imsemmija fl-Artikolu 3, il-punt (g), tad-Deċiżjoni ta’ Implimentazzjoni (UE) 2020/1351 ġiet stabbilita bl-‘Emendi tal-Liġi “Dwar l-Assigurazzjoni tal-Maternità u tal-Mard” tat-12 ta’ Novembru 2020’ (13). Il-miżura tipprovdi benefiċċji tal-mard imħallsa mill-Istat għal dawk li kellhom jitilfu x-xogħol minħabba l-obbligu ta’ awtoiżolament jew awtokwarantina, filwaqt li normalment parti mill-benefiċċju tal-mard jinqasam mal-impjegatur.

(11)

Huwa pprovdut appoġġ addizzjonali għan-nefqa relatata mas-saħħa fuq it-tagħmir protettiv personali, kif imsemmi fl-Artikolu 3, il-punt (f), tad-Deċiżjoni ta’ Implimentazzjoni (UE) 2020/1351. In-nefqa kienet diġà implimentata fl-2020, inkluż dik stabbilita mir-‘Regolament tal-Kabinett Nru 380 tad-9 ta’ Ġunju 2020“Regolamenti dwar ir-Riżorsi biex tiġi Żgurata s-Sikurezza Epidemjoloġika Meħtieġa għall-Istituzzjonijiet Inklużi fil-Lista ta’ Istituzzjonijiet u Ħtiġijiet ta’ Prijorità”’ (14).

(12)

Il-primjums għall-prattikanti mediċi u l-impjegati li jittrattaw il-kriżi tal-COVID-19 minn 20 % sa 100 % tas-salarji fix-xahar jippremjaw il-ħidma mwettqa f’kundizzjonijiet ta’ żieda fir-riskju u żieda fl-ammont ta’ xogħol, kif previst fl-‘Ordnijiet tal-Kabinett Nru 136 tas-27 ta’ Marzu 2020 u Nru 656 tas-6 ta’ Novembru 2020“Rigward l-Allokazzjoni ta’ Fondi mill-Programm tal-Baġit tal-Istat ‘Fondi għal Avvenimenti Imprevisti’”’ (15), l-‘Ordni tal-Kabinett Nru 743 tat-8 ta’ Diċembru 2020“Emendi tal-Ordni tal-Kabinett Nru 655 tas-6 ta’ Novembru 2020 Dwar id-Dikjarazzjoni ta’ Stat ta’ Emerġenza”’ (16) u l-‘Ordni tal-Kabinett Nru 37 tal-21 ta’ Jannar 2021 Rigward l-Allokazzjoni ta’ Fondi mill-Programm tal-Baġit tal-Istat ‘Fondi għal Avvenimenti Imprevisti’’” (17). Dawk il-primjums huma addizzjonali għall-primjum massimu stabbilit fil-‘Liġi Dwar ir-Remunerazzjoni tal-Uffiċjali u l-Impjegati tal-Awtoritajiet Statali u tal-Gvern Lokali’. Il-miżura tappoġġa l-impjiegi billi tiżgura s-sikurezza tas-saħħa tal-impjegati u l-kontinwità tas-servizzi pubbliċi essenzjali.

(13)

Il-Latvja tissodisfa l-kundizzjonijiet għat-talba ta’ assistenza finanzjarja kif stabbilit fl-Artikolu 3 tar-Regolament (UE) 2020/672. Il-Latvja pprovdiet lill-Kummissjoni b’evidenza xierqa li n-nefqa pubblika reali u ppjanata żdiedet b’EUR 405 297 901 mill-1 ta’ Frar 2020 minħabba l-miżuri nazzjonali li ttieħdu biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li hija relatata kemm ma’ miżuri ġodda kif ukoll ma’ estensjoni ta’ miżuri eżistenti direttament relatati mal-iskemi ta’ xogħol b’ħinijiet iqsar u miżuri simili li jkopru proporzjon sinifikanti tal-impriżi u tal-forza tax-xogħol fil-Latvja. Il-Latvja beħsiebha tiffinanzja EUR 100 097 901 tal-ammont miżjud tan-nefqa pubblika permezz tal-fondi tagħha stess.

(14)

Il-Kummissjoni kkonsultat lil-Latvja u vverifikat iż-żieda għal għarrieda u qawwija fin-nefqa pubblika reali u ppjanata direttament relatata mal-iskemi tax-xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tal-Latvja tal-11 ta’ Marzu 2021, f’konformità mal-Artikolu 6 tar-Regolament (UE) 2020/672.

(15)

Il-miżuri relatati mas-saħħa, kif imsemmija fit-talba tal-Latvja tal-11 ta’ Marzu 2021 u fil-premessi (10) sa (12), jammontaw għal EUR 22 304 365.

(16)

Għalhekk, jenħtieġ li tingħata assistenza finanzjarja bil-għan li l-Latvja tiġi megħjuna titratta l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, id-daqs u r-rilaxx tal-ħlasijiet parzjali u tas-segmenti f’kooperazzjoni mill-qrib mal-awtoritajiet nazzjonali.

(17)

Jenħtieġ li l-Latvja u l-Kummissjoni jqisu din id-Deċiżjoni fil-ftehim ta’ self imsemmi fl-Artikolu 8(2) tar-Regolament (UE) 2020/672.

(18)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(19)

Jenħtieġ li l-Latvja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Latvja implimentat dik in-nefqa.

(20)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Latvja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(3)

l-Artikolu 4 huwa sostitwit b’dan li ġej:

(1)

Wara t-talba mil-Litwanja tas-7 ta’ Awwissu 2020, fil-25 ta’ Settembru 2020, il-Kunsill ta assistenza finanzjarja lil-Litwanja fil-forma ta’ self li jammonta għal massimu ta’ EUR 602 310 000 b’maturità medja massima ta’ 15-il sena,, bil-ħsieb li tikkomplementa l-isforzi nazzjonali tal-Litwanja biex tindirizza l-impatt tat-tifqigħa tal-COVID-19 u twieġeb għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża mil-Litwanja biex tiffinanzja l-iskemi ta’ xogħol b’ħinijiet iqsar u miżuri simili msemmija fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1350 (2).

(3)

It-tifqigħa tal-COVID-19 għadha qed tipparalizza parti sostanzjali mill-forza tax-xogħol fil-Litwanja. Dan wassal għal żieda f’daqqa u qawwija fin-nefqa pubblika mil-Litwanja fir-rigward tal-miżuri msemmija fl-Artikolu 3, il-punt (a) u (b), tad-Deċiżjoni ta’ Implimentazzjoni (UE) 2020/1350.

(4)

It-tifqigħa tal-COVID-19 u l-miżuri straordinarji implimentati mil-Litwanja fl-2020 u l-2021 biex titrażżan dik it-tifqigħa u l-impatt tagħha kemm soċjoekonomiku kif ukoll dak marbut mas-saħħa kellhom u qed ikollhom impatt qawwi fuq il-finanzi pubbliċi. Skont it-tbassir tal-ħarifa 2020 tal-Kummissjoni, il-Litwanja kienet mistennija li jkollha defiċit u dejn tal-amministrazzjoni pubblika ta’ 8,4 % u 47,2 % tal-prodott domestiku gross (PDG) rispettivament sa tmiem l-2020. Fl-2021, id-defiċit u d-dejn tal-amministrazzjoni pubblika tal-Litwanja huma mbassra li jkunu 6,0 % u 50,7 % tal-PDG rispettivament. Skont it-tbassir proviżorju tax-xitwa 2021 tal-Kummissjoni, il-PDG tal-Litwanja huwa proġettat li jkun naqas bi 2,2 % fl-2021.

(5)

Fil-11 ta’ Marzu 2021, il-Litwanja talbet assistenza finanzjarja ulterjuri mill-Unjoni ta’ EUR 354 950 000, bil-ħsieb li tkompli tikkomplementa l-isforzi nazzjonali tagħha li wettqet fl-2020 u l-2021 biex tittratta l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema u għal dawk li jaħdmu għal rashom. B’mod partikolari dan jikkonċerna l-miżuri stabbiliti fil-premessi (6) sa (8).

(6)

Fil-‘Liġi dwar l-Impjiegi Nru XII-2470’ tal-21 ta’ Ġunju 2016, kif emendata fl-2020 (3), kif imsemmija fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1350, il-Litwanja introduċiet skema biex jitħallsu sussidji lil min iħaddem biex jiġu koperti l-pagi stmati għal kull persuna impjegata li tiffaċċja żmien bla xogħol, bħala appoġġ matul il-kwarantina u l-emerġenza tal-istat. Qabel l-1 ta’ Jannar 2021, min iħaddem kien jista’ jagħżel bejn sussidji li jkopru 70 % tas-salarju, sa massimu ta’ 1,5 darba l-paga minima, jew 90 % tas-salarju (100 % fil-każ ta’ impjegati ta’ 60 sena u aktar), sa massimu tal-paga minima. Mill-1 ta’ Jannar 2021, min iħaddem jista’ jirċievi sussidji biex ikopri 100 % tas-salarju, sa massimu ta’ 1,5 darba l-paga minima. Dawk li jħaddmu li jkunu pparteċipaw fl-iskema jridu jżommu mill-inqas 50 % tal-impjegati tagħhom għal mill-inqas tliet xhur wara li jintemm is-sussidju mħallas.

(7)

Skont il-‘Liġi dwar l-Impjieg Nru XII-2470’ tal-21 ta’ Ġunju 2016, kif emendata fl-2020, kif imsemmija fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1350, is-sussidji tħallsu wkoll għall-impjegati li jirritornaw wara żmien bla xogħol (4), għal perijodu sa massimu ta’ sitt xhur wara r-ritorn tagħhom għax-xogħol. Soġġett għal-limitu tal-paga minima jew darbtejn il-paga minima, li tiddependi fuq l-attività ekonomika mwettqa minn min iħaddem, l-ammont ta’ sussidji mħallsa fl-ewwel u fit-tieni xhur wara r-ritorn għax-xogħol jista’ jilħaq anki 100 % tas-salarju tal-impjegat, fit-tielet u r-raba’ xahar jista’ jilħaq 50 %, u fil-ħames u s-sitt xahar jista’ jilħaq 30 %. Dawk is-sussidji jistgħu jitqiesu bħala miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, billi għandhom l-għan li jipprovdu appoġġ għad-dħul għall-impjegati u jgħinu biex jinżammu r-relazzjonijiet ta’ impjieg eżistenti.

(8)

L-awtoritajiet introduċew ukoll benefiċċji għal dawk li jaħdmu għal rashom inklużi l-persuni li jaħdmu għal rashom li jeżerċitaw attività agrikola ma’ azjenda agrikola jew impriża agrikola ta’ mhux inqas minn erba’ unitajiet ta’ daqs ekonomiku, kif imsemmi fl-Artikolu 3, il-punt (b), tad-Deċiżjoni ta’ Implimentazzjoni (UE) 2020/1350. Dik il-miżura ġiet emendata fl-2020 (5). Fl-2020, il-benefiċċju ammonta għal EUR 257 u tħallas matul il-perjodu tal-kwarantina u tal-emerġenza tal-istat u fix-xahrejn ta’ wara. Fl-2021, il-benefiċċju jammonta għal EUR 260 u jitħallas matul il-perjodu tal-kwarantina u tal-emerġenza tal-istat u fix-xahar ta’ wara. Il-benefiċċji għal dawk li jaħdmu għal rashom jistgħu jitqiesu li huma miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, billi għandhom l-għan li jipproteġu lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(9)

Il-Litwanja tissodisfa l-kundizzjonijiet biex tkun tista’ titlob assistenza finanzjarja kif stabbilit fl-Artikolu 3 tar-Regolament (UE) 2020/672. Il-Litwanja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 1 101 607 198 mill-1 ta’ Frar 2020 minħabba l-miżuri nazzjonali li ttieħdu biex jiġu ttrattati l-effetti soċjoekonomiċi tat-tifqigħa tal-COVID-19. Dan jikkostitwixxi żieda f’daqqa u qawwija minħabba li huwa relatat ukoll ma’ estensjoni ta’ miżuri nazzjonali eżistenti relatati direttament mal-iskema ta’ xogħol b’ħinijiet iqsar u miżuri simili li jkopru proporzjon sinifikanti ta’ impriżi u tal-forza tax-xogħol fil-Litwanja. Il-Litwanja ffinanzjat EUR 144 347 198 tal-ammont miżjud tan-nefqa permezz tal-fondi tal-Unjoni.

(10)

Il-Kummissjoni kkonsultat lil-Litwanja u vverifikat iż-żieda f’daqqa u qawwija fin-nefqa pubblika attwali u ppjanata direttament relatata mal-iskemi tax-xogħol b’ħinijiet iqsar u miżuri simili, imsemmija fit-talba tal-Litwanja tal-11 ta’ Marzu 2021, skont l-Artikolu 6 tar-Regolament (UE) 2020/672.

(11)

Għalhekk, jenħtieġ li tingħata assistenza finanzjarja bil-għan li l-Litwanja tiġi mgħejuna titratta l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(12)

Jenħtieġ li l-Litwanja u l-Kummissjoni jqisu din id-Deċiżjoni fil-ftehim ta’ self imsemmi fl-Artikolu 8(2) tar-Regolament (UE) 2020/672.

(13)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa tal-Istati Membri li jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(14)

Jenħtieġ li l-Litwanja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Litwanja tkun implimentat dik in-nefqa.

(15)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Litwanja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(3)

l-Artikolu 4 huwa sostitwit b’dan li ġej:

(1)

Wara talba mingħand il-Greċja fis-6 ta’ Awwissu 2020, fil-25 ta’ Settembru 2020 il-Kunsill ta assistenza finanzjarja lill-Greċja fil-forma ta’ self li jammonta għal massimu ta’ EUR 2 728 000 000 b’maturità medja massima ta’ 15-il sena, bil-ħsieb li tikkomplementa l-isforzi nazzjonali tal-Greċja biex tindirizza l-impatt tat-tifqigħa tal-COVID-19 u twieġeb għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża mill-Greċja biex jiġu ffinanzjati l-iskemi ta’ xogħol b’ħinijiet iqsar u miżuri simili, kif imsemmija fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1346 (2).

(3)

It-tifqigħa tal-COVID-19 għadha qed tipparalizza parti sostanzjali mill-forza tax-xogħol fil-Greċja. Dan wassal għal żieda għal għarrieda u qawwija fin-nefqa pubblika mill-Greċja fir-rigward tal-miżuri msemmija fl-Artikolu 3, il-punti (a) u (b), tad-Deċiżjoni ta’ Implimentazzjoni (UE) 2020/1346.

(4)

It-tifqigħa tal-COVID-19 u l-miżuri straordinarji limplimentati mill-Greċja fl-2020 u l-2021 biex trażżan dik it-tifqigħa u l-impatt tagħha kemm soċjoekonomiku kif ukoll dak marbut mas-saħħa kellhom u qed ikomplu jkollhom impatt qawwi fuq il-finanzi pubbliċi. Skont it-tbassir tal-ħarifa 2020 tal-Kummissjoni, l-Greċja kienet mistennija li jkollha defiċit u dejn tal-amministrazzjoni pubblika ta’ 6,9 % u 207,1 % tal-prodott domestiku gross (PDG) rispettivament sa tmiem l-2020. Fl-2021, id-defiċit u d-dejn tal-amministrazzjoni pubblika tal-Greċja huma mbassra li jonqsu għal 6,3 % u 200,7 % tal-PDG, rispettivament. Skont it-tbassir proviżorju tax-xitwa 2021 tal-Kummissjoni, il-PDG tal-Greċja huwa proġettat li jkun żdied bi 3,5 % fl-2021.

(5)

Fid-9 ta’ Marzu 2021, il-Greċja talbet għal assistenza finanzjarja ulterjuri mill-Unjoni ta’ EUR 2 537 000 000 bil-ħsieb li tkompli tikkomplementa l-isforzi nazzjonali tagħha li wettqet fl-2020 u fl-2021 biex tittratta l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema. B’mod partikolari, dan jikkonċerna l-miżuri stabbiliti fil-premessi (6) u (7).

(6)

B’mod aktar speċifiku, it-talba tal-Greċja tappartjeni għall-‘Att Legali tal-14 ta’ Marzu 2020’ (3), kif imsemmi fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1346, li introduċa allokazzjoni speċjali għall-impjegati tas-settur privat li l-kuntratti tax-xogħol tagħhom ġew sospiżi. Dik il-miżura għandha l-għan li tipproteġi l-impjiegi f’kumpaniji li jwaqqfu l-operazzjonijiet tagħhom permezz ta’ ordni pubblika jew li jappartjenu għal setturi ekonomiċi li huma affettwati b’mod qawwi mit-tifqigħa tal-COVID-19, u tikkonċerna l-għoti ta’ allokazzjoni speċjali kull xahar ta’ EUR 534 lill-impjegati li l-kuntratti tax-xogħol tagħhom ġew sospiżi. Il-prekundizzjoni biex wieħed jibbenefika mill-iskema hija li min iħaddem iżomm l-istess għadd ta’ impjegati (jiġifieri l-istess impjegati eżatti) għal perjodu li jkun daqs il-perjodu li għalih il-kuntratt tax-xogħol kien ġie sospiż. Il-miżura ġiet estiża sal-31 ta’ Marzu 2021 għall-ħaddiema regolari u sal-31 ta’ Ottubru 2021 għall-ħaddiema staġonali. Jistgħu japplikaw aktar estensjonijiet għal għadd iżgħar ta’ setturi ekonomiċi eliġibbli fix-xhur li ġejjin.

(7)

L-awtoritajiet introduċew ukoll il-finanzjament mill-Istat tal-kopertura tas-sigurtà soċjali tal-impjegati li jibbenefikaw mill-allokazzjoni speċjali msemmija fil-premessa (6), kif imsemmi fl-Artikolu 3, il-punt (b), tad-Deċiżjoni ta’ Implimentazzjoni (UE) 2020/1346. Il-prekundizzjoni biex wieħed jibbenefika mill-iskema hija li min iħaddem iżomm l-istess għadd ta’ impjegati (jiġifieri l-istess impjegati eżatti) għal perjodu li jkun daqs il-perjodu li għalih il-kuntratt tax-xogħol kien ġie sospiż.

(8)

Il-Greċja tissodisfa l-kundizzjonijiet biex tkun tista’ titlob assistenza finanzjarja kif stabbilit fl-Artikolu 3 tar-Regolament (UE) 2020/672. Il-Greċja pprovdiet lill-Kummissjoni evidenza xierqa li n-nefqa pubblika attwali u ppjanata żdiedet b’EUR 6 071 899 097 mill-1 ta’ Frar 2020 minħabba l-miżuri nazzjonali li ttieħdu biex jiġu ttrattati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li hija relatata ma’ estensjoni ta’ miżuri nazzjonali eżistenti direttament relatati mal-iskemi ta’ xogħol b’ħinijiet iqsar u miżuri simili li jkopru proporzjon sinifikanti tal-impriżi u tal-forza tax-xogħol fil-Greċja. Il-Greċja beħsiebha tiffinanzja EUR 806 899 097 tal-ammont miżjud tan-nefqa pubblika permezz tal-fondi tagħha stess.

(9)

Il-Kummissjoni kkonsultat lill-Greċja u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tal-Greċja tad-9 ta’ Marzu 2021, skont l-Artikolu 6 tar-Regolament (UE) 2020/672.

(10)

Għalhekk, jenħtieġ li tingħata assistenza finanzjarja bil-għan li l-Greċja tiġi megħjuna tindirizza l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(11)

Jenħtieġ li l-Greċja u l-Kummissjoni jqisu din id-Deċiżjoni fil-ftehim tas-self imsemmi fl-Artikolu 8(2) tar-Regolament (UE) 2020/672.

(12)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li l-Greċja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Greċja tkun implimentat dik in-nefqa.

(14)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Greċja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(1)

Wara talba minn Ċipru gis-6 ta’ Awwissu 2020, fil-25 ta’ Settembru 2020 il-Kunsill ta assistenza finanzjarja lil Ċipru fil-forma ta’ self li jammonta għal massimu ta’ EUR 479 070 000 b’maturità medja massima ta’ 15-il sena, bil-ħsieb li jikkomplementa l-isforzi nazzjonali ta’ Ċipru biex jindirizza l-impatt tat-tifqigħa tal-COVID-19 u jwieġeb għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża minn Ċipru biex jiffinanzja l-iskemi ta’ xogħol b’ħinijiet iqsar, miżuri simili u miżuri relatati mas-saħħa msemmi fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1344 (2).

(3)

It-tifqigħa tal-COVID-19 qed tkompli tipparalizza parti sostanzjali mill-forza tax-xogħol f’Ċipru. Dan wassal għal żieda f’daqqa u qawwija fin-nefqa pubblika minn Ċipru fir-rigward tal-miżuri msemmija fl-Artikolu 3, il-punti (a) sa (e), (g) u (h), tad-Deċiżjoni ta’ Implimentazzjoni (UE) 2020/1344.

(4)

It-tifqigħa tal-COVID-19 u l-miżuri straordinarji implimentati minn Ċipru fl-2020 u l-2021 biex titrażżan it-tifqigħa u l-impatt tagħha kemm soċjoekonomiku kif ukoll marbut mas-saħħa kellhom u qed ikomplu jkollhom impatt qawwi fuq il-finanzi pubbliċi. Skont it-tbassir tal-ħarifa 2020 tal-Kummissjoni, Ċipru kien mistenni li jkollu defiċit u dejn tal-amministrazzjoni pubblika ta’ 6,1 % u 112,6 % tal-prodott domestiku gross (PDG) rispettivament sa tmiem l-2020. Fl-2021, id-defiċit u d-dejn tal-amministrazzjoni pubblika ta’ Ċipru huma mbassra li jonqsu għal 2,3 % u 108,2 % tal-PDG rispettivament. Skont it-tbassir proviżorju tax-xitwa 2021 tal-Kummissjoni, il-PDG ta’ Ċipru huwa proġettat li jiżdied bi 3,2 % fl-2021.

(5)

Fl-10 ta’ Marzu 2021, Ċipru talab assistenza finanzjarja ulterjuri mill-Unjoni ta’ EUR 124 700 000 bil-ħsieb li jkompli jikkomplementa l-isforzi nazzjonali tiegħu biex jindirizza l-impatt tat-tifqigħa tal-COVID-19 fl-2020 u fl-2021 u jirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema u għal dawk li jaħdmu għal rashom. B’mod partikolari dan jikkonċerna l-miżuri stabbiliti fil-premessi (6) sa (13).

(6)

Il-‘Liġi 27(I)/2020’ (3), l-‘Liġi 49(I)/2020’ (4), il-‘Liġi 140(I)/2020’ (5) u l-‘Liġi 36(I)2021’ (6) kienu l-bażi għall-introduzzjoni ta’ għadd ta’ atti amministrattivi regolatorji ta’ kull xahar (7), li jiddeskrivu l-miżuri li jindirizzaw l-impatt tat-tifqigħa tal-COVID-19. Fuq il-bażi ta’ dawk il-liġijiet, l-awtoritajiet introduċew “skema ta’ liv speċjali”, kif imsemmi fl-Artikolu 3, il-punt (a), tad-Deċiżjoni ta’ Implimentazzjoni (UE) 2020/1344, li tipprovdi kumpens għall-paga lill-ġenituri li jaħdmu fis-settur privat li għandhom tfal sal-età ta’ 15-il sena jew tfal ta’ kwalunkwe età b’diżabilità. Dik l-iskema ta’ liv speċjali tista’ titqies li hija miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, billi tipprovdi appoġġ għall-introjtu lill-impjegati u jippreserva l-impjiegi, billi jiġi evitat li l-ġenituri li jkollhom jieħdu ħsieb it-tfal tagħhom waqt li l-iskejjel ikunu magħluqa jkollhom jitterminaw ir-relazzjoni tax-xogħol tagħhom. Il-miżura inizjalment kienet fis-seħħ għall-perjodu minn Frar 2020 sa Ġunju 2020 u sussegwentement ġiet estiża biex tkopri l-perjodu minn Jannar 2021 sa Lulju 2021.

(7)

Barra minn hekk, il-‘Liġi 27(I)/2020’, l-‘Liġi 49(I)/2020’, il-‘Liġi140(I)/2020’ u l-‘Liġi 36(I)2021’ u għadd ta’ atti amministrattivi regolatorji ta’ kull xahar (8) kienu l-bażi għal ‘skema li tappoġġa kumpaniji li kellhom jissospendu kompletament l-operazzjonijiet’, kif imsemmi fl-Artikolu 3, il-punt (b), tad-Deċiżjoni ta’ Implimentazzjoni (UE) 2020/1344. Dik l-iskema tipprovdi kumpens ta’ pagi għal 97 % tal-impjegati tan-negozji li kellhom jissospendu l-operazzjonijiet tagħhom, bil-kundizzjoni taż-żamma tal-impjieg. Il-kumpens ikopri 60 % tas-salarju tal-impjegat jew 60 % tal-kontribuzzjonijiet tal-assigurazzjoni soċjali tal-impjegat maqlugħin fl-2018 (2019 għall-perjodu minn Ġunju 2020 sa Awwissu 2020), skont liema jkun l-akbar ammont. Il-kumpens jinsab f’firxa ta’ bejn massimu ta’ EUR 1 214 u minimu ta’ EUR 360 fix-xahar. Il-miżura inizjalment kienet fis-seħħ għall-perjodu minn Marzu 2020 sa Awwissu 2020 u sussegwentement ġiet estiża biex tkopri l-perjodu minn Settembru 2020 sa Lulju 2021.

(8)

Barra minn hekk, il-‘Liġi 27(I)/2020’, il-‘Liġi 49(I)/2020’, il-‘Liġi140 (I)/2020’u l-‘Liġi 36(I)2021’ u għadd ta’ atti amministrattivi regolatorji ta’ kull xahar (9) kienu l-bażi għall-‘iskema li tappoġġa kumpaniji f’sospensjoni parzjali tal-operazzjonijiet’, kif imsemmi fl-Artikolu 3, il-punt (b), tad-Deċiżjoni ta’ Implimentazzjoni (UE) 2020/1344. Dik l-iskema tipprovdi kumpens ta’ pagi lill-impjegati ta’ negozji li qed jesperjenzaw tnaqqis fil-fatturat minħabba l-fil-kriżi tal-COVID-19, bil-kundizzjoni taż-żamma tal-impjieg. Il-kumpens ikopri 60 % tas-salarju tal-impjegat jew 60 % tal-kontribuzzjonijiet tal-assigurazzjoni soċjali tal-impjegat maqlugħin fl-2018, skont liema jkun l-akbar ammont. Il-kumpens jinsab f’firxa ta’ bejn massimu ta’ EUR 1 214 u minimu ta’ EUR 360 fix-xahar. Il-miżura inizjalment kienet fis-seħħ għall-perjodu minn Marzu 2020 sa Ġunju 2020 u sussegwentement ġiet estiża biex tkopri l-perjodu minn Jannar 2021 sa Lulju 2021.

(9)

Il-‘Liġi 27(I)/2020’, il-‘Liġi 49(I)/2020’, il-‘Liġi 140 (I)/2020’u l-‘Liġi 36(I)2021’ u għadd ta’ atti amministrattivi regolatorji (10) kienu l-bażi għall-‘iskema speċjali għal dawk li jaħdmu għal rashom’, kif imsemmi fl-Artikolu 3, il-punt (c), tad-Deċiżjoni ta’ Implimentazzjoni (UE) 2020/1344. Dik l-iskema tipprovdi kumpens għall-persuni li jaħdmu għal rashom u li ma jistgħu jwettqu l-ebda attività skont id-digriet tal-Ministeru tas-Saħħa jew deċiżjoni tal-Kunsill tal-Ministri. Il-miżura inizjalment kienet fis-seħħ għall-perjodu minn Marzu 2020 sa Ġunju 2020 u sussegwentement ġiet estiża biex tkopri l-perjodu minn Lulju 2020 sa Lulju 2021.

(10)

Il-‘Liġi 27(I)/2020’, il-‘Liġi 49(I)/2020’, il-‘Liġi140 (I)/2020’ u l-‘Liġi 36(I)2021’ u għadd ta’ atti amministrattivi regolatorji (11) kienu l-bażi għall-‘iskema speċjali għal unitajiet ta’ lukandi u akkommodazzjoni għat-turisti’, kif imsemmi fl-Artikolu 3, il-punt (d), tad-Deċiżjoni ta’ Implimentazzjoni (UE) 2020/1344. Dik l-iskema tipprovdi kumpens ta’ pagi biex jiġu appoġġati l-impjegati fl-industrija tal-lukandi u negozji oħra li jipprovdu akkomodazzjoni turistika u li l-impjegatur tagħhom issospenda għalkollox l-operazzjonijiet jew esperjenza tnaqqis ta’ aktar minn 40 % fil-fatturat. Il-parteċipazzjoni fl-iskema hija bil-kundizzjoni li jinżammu l-impjiegi. Il-miżura kienet inizjalment fis-seħħ għall-perjodu minn Ġunju 2020 sa Ottubru 2020 u sussegwentement ġiet estiża biex tkopri l-perjodu minn Novembru 2020 sa Mejju 2021.

(11)

Il-‘Liġi 27 (I)/2020’, il-Liġi 49(I)/2020’, il-‘Liġi 140(I)/2020’ u l-‘Liġi 36(I)2021’ għadd ta’ atti amministrattivi regolatorji (12) kienu l-bażi għall-“iskema speċjali għall-appoġġ tan-negozji relatati mal-industrija tat-turiżmu jew affettwati mit-turiżmu jew assoċjati ma’ negozji li huma soġġetti għal sospensjoni totali obbligatorja”, kif imsemmi fl-Artikolu 3, il-punt (e), tad-Deċiżjoni ta’ Implimentazzjoni (UE) 2020/1344. Dik l-iskema tipprovdi kumpens tal-pagi lill-impjegati fl-industrija tal-lukandi u lil negozji oħra li jipprovdu akkomodazzjoni għat-turisti li ssospendew kompletament l-operazzjonijiet tagħhom jew li esperjenzaw tnaqqis fil-fatturat ta’ aktar minn 40 % meta mqabbel ma’ 55 % taħt l-iskema oriġinali, bil-kundizzjoni li jinżammu l-impjiegi. Il-miżura kienet inizjalment fis-seħħ għall-perjodu minn Ġunju 2020 sa Awwissu 2020 u ġiet estiża u emendata biex tkopri l-perjodu minn Settembru 2020 sa Lulju 2021.

(12)

Barra minn hekk, l-‘iskema ta’ sussidju’ stabbilita minn ‘Baġit supplimentari, Qafas temporanju għal miżuri ta’ għajnuna mill-Istat biex tiġi appoġġata l-ekonomija fit-tifqigħa attwali tal-COVID-19’, kif imsemmi fl-Artikolu 3, il-punt (g), tad-Deċiżjoni ta’ Implimentazzjoni (UE) 2020/1344, introduċiet sussidji għal intrapriżi żgħar u żgħar ħafna u għal dawk li jaħdmu għal rashom li jimpjegaw sa 50 impjegat. Ġiet mitluba biss dik il-parti tan-nefqa relatata mal-appoġġ għal dawk li jaħdmu għal rashom u għall-kumpaniji b’membru wieħed. Dawk is-sussidji jipprovdu għotja ta’ somma sħiħa biex tappoġġa l-ispejjeż operatorji ta’ intrapriżi żgħar u ta’ dawk li jaħdmu għal rashom. L-ammonti tal-għotjiet ta’ somma sħiħa ġew riveduti għal diversi kategoriji ta’ intrapriżi fuq il-bażi tal-għadd ta’ impjegati. Barra minn hekk, ġew miftiehma għotjiet għall-intrapriżi li ssospendew l-operazzjonijiet tagħhom minn Marzu 2020, b’ammont ta’ EUR 10 000 għal massimu ta’ 9 impjegati u EUR 15 000 għal aktar minn disa’ impjegati. L-iskema ta’ sussidjar tista’ titqies li hija miżura simili għall-iskemi ta’ xogħol b’ħinijiet iqsar, kif imsemmija fir-Regolament (UE) 2020/672, billi għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu. Il-miżura kienet inizjalment fis-seħħ għall-perjodu minn April 2020 sa Mejju 2020 u ġiet estiża u emendata għal Novembru 2020.

(13)

Ċipru estenda ulterjorment miżura relatata mas-saħħa biex tittrratta l-kriżi tal-COVID-19 prevista mil-‘Liġi 27 (I)/2020’, il-‘Liġi 49(I)/2020’, il-‘Liġi140(I)/2020’ u l-‘Liġi 36(I)2021’ u mill-atti amministrattivi regolatorji (13). B’mod partikolari, l-‘iskema ta’ benefiċċji tal-mard’, kif imsemmija fl-Artikolu 3, il-punt (h), tad-Deċiżjoni ta’ Implimentazzjoni (UE) 2020/1344, tipprovdi kumpens għall-pagi lill-impjegati tas-settur privat u lil dawk li jaħdmu għal rashom, bil-kundizzjoni li dawn jew jiġu kklassifikati bħala individwi vulnerabbli skont lista ppubblikata mill-Ministeru tas-Saħħa, li tqiegħdu fi kwarantina mill-awtoritajiet, jew li huma infettati mill-COVID-19. Il-miżura kienet inizjalment fis-seħħ għall-perjodu minn Marzu 2020 sa Ġunju 2020 u ġiet estiża biex tkopri l-perjodu minn Novembru 2020 sa Lulju 2021.

(14)

Ċipru jissodisfa l-kundizzjonijiet biex ikun jista’ jitlob assistenza finanzjarja kif stabbilit fl-Artikolu 3 tar-Regolament (UE) 2020/672. Ċipru pprovda lill-Kummissjoni evidenza xierqa li n-nefqa pubblika attwali u ppjanata żdiedet b’EUR 742 040 000 mill-1 ta’ Frar 2020 minħabba l-miżuri nazzjonali li ttieħdu biex jiġu ttrattati l-effetti soċjoekonomiċi tat-tifqigħa tal-COVID-19. Din jikkostitwixxi żieda f’daqqa u qawwija minħabba li hija relatata ma’ estensjoni ta’ miżuri nazzjonali eżistenti dwar l-iskemi ta’ xogħol b’ħinijiet iqsar u miżuri simili li jkopru proporzjon sinifikanti ta’ impriżi u tal-forza tax-xogħol f’Ċipru. Ċipru biħsiebu jiffinanzja EUR 138 270 000 tal-ammont miżjud tan-nefqa permezz ta’ fondi tal-Unjoni.

(15)

Il-Kummissjoni kkonsultat lil Ċipru u vverifikat iż-żieda f’daqqa u qawwija fin-nefqa pubblika attwali u ppjanata direttament relatata ma’ skemi ta’ xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa relatati mat-tifqigħa tal-COVID-19, imsemmija fit-talba ta’ Ċipru tal-10 ta’ Marzu 2021, skont l-Artikolu 6 tar-Regolament (UE) 2020/672.

(16)

Il-miżura relatata mas-saħħa, kif imsemmija fit-talba ta’ Ċipru tal-10 ta’ Marzu 2021 u fil-premessa (13), tammonta għal EUR 440 000.

(17)

Għalhekk jenħtieġ li tingħata assistenza finanzjarja bil-għan li Ċipru jiġi megħjun jittratta l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(18)

Jenħtieġ li Ċipru u l-Kummissjoni jqisu din id-Deċiżjoni fil-ftehim ta’ self imsemmi fl-Artikolu 8(2) tar-Regolament (UE) 2020/672.

(19)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata mad-distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet potenzjali ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(20)

Jenħtieġ li Ċipru jinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn Ċipru jkun implimenta dik in-nefqa.

(21)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija ta’ Ċipru, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(3)

l-Artikolu 4 jhuwa sostitwit b’dan li ġej:

(1)

Wara talba mill-Belġju fis-7 ta’ Awwissu 2020, fil-25 ta’ Settembru 2020, il-Kunsill ta assistenza finanzjarja lill-Belġju fil-forma ta’ self li jammonta għal massimu ta’ EUR 7 803 380 000 b’maturità medja massima ta’ 15-il sena, bil-ħsieb li jikkomplementa l-isforzi nazzjonali tal-Belġju biex jindirizza l-impatt tat-tifqigħa tal-COVID-19 u jwieġeb għall-konsegwenzi soċjoekonomiċi ta’ dik it-tifqigħa għall-ħaddiema u għall-persuni li jaħdmu għal rashom.

(2)

Is-self kellu jintuża mill-Belġju biex jiffinanzja l-iskemi ta’ xogħol b’ħinijiet iqsar, miżuri simili u miżuri relatati mas-saħħa msemmija fl-Artikolu 3 tad-Deċiżjoni ta’ Implimentazzjoni tal-Kunsill (UE) 2020/1342 (2).

(3)

It-tifqigħa tal-COVID-19 għadha qed tipparalizza parti sostanzjali mill-forza tax-xogħol fil-Belġju. Dan wassal għal żieda f’daqqa u qawwija fin-nefqa pubblika mill-Belġju fir-rigward ta’ miżura ġdida, jiġifieri skema ġdida ta’ appoġġ għall-intrapriżi ż-żgħar fir-Reġjun ta’ Brussell-Kapitali, u miżuri reġjonali eżistenti oħra, xi wħud minnhom estiżi, kif imsemmi fl-Artikolu 3(d), il-punti (i) sa (iv), tad-Deċiżjoni ta’ Implimentazzjoni (UE) 2020/1342.

(4)

It-tifqigħa tal-COVID-19 u l-miżuri straordinarji implimentati mill-Belġju fl-2020 u l-2021 biex titrażżan dik it-tifqigħa u l-impatt tagħha kemm soċjoekonomiku kif ukoll dak marbut mas-saħħa kellhom u qed ikomplu jkollhom impatt qawwi fuq il-finanzi pubbliċi. Skont it-tbassir tal-ħarifa 2020 tal-Kummissjoni, il-Belġju kien mistenni li jkollu defiċit u dejn tal-amministrazzjoni pubblika ta’ 11,2 % u 117,7 % tal-prodott domestiku gross (PDG) rispettivament sa tmiem l-2020. Fl-2021, id-defiċit u d-dejn tal-amministrazzjoni pubblika tal-Belġju huma mbassra li jkunu 7,1 % u 117,8 % tal-PDG rispettivament. Skont it-tbassir proviżorju tax-xitwa 2021 tal-Kummissjoni, il-PDG tal-Belġju huwa proġettat li jiżdied bi 3,9 % fl-2021.

(5)

Fil-11 ta’ Marzu 2021, il-Belġju talab assistenza finanzjarja ulterjuri mill-Unjoni ta’ EUR 394 150 000 bil-ħsieb li tkompli tikkumplimenta l-isforzi nazzjonali tiegħu li wettaq fl-2020 u l-2021 biex jindirizza l-impatt tat-tifqigħa tal-COVID-19 u jirreaġixxi għall-konsegwenzi soċjoekonomiċi ta’ dik it-tifqigħa għall-ħaddiema u għal dawk li jaħdmu għal rashom. B’mod partikolari dan jikkonċerna l-miżuri stabbiliti fil-premessi (6) u (7).

(6)

Dan jikkonċerna talba għal appoġġ għal estensjoni ta’ skemi ta’ appoġġ għall-introjtu reġjonali u komunitarji eżistenti msemmija fl-Artikolu 3(d), il-punti (i) sa (iv), tad-Deċiżjoni ta’ Implimentazzjoni (UE) 2020/1342, tar-Reġjun ta’ Brussell- Kapitali, ir-Reġjun Fjamming u l-Komunità Fjamminga, ir-Reġjun tal-Vallonja u l-Komunità Franċiża:

‘Arrêté du Gouvernement de la Région de Bruxelles-Capitale de pouvoirs spéciaux n° 2020/019 du 23 avril 2020/Bijzondere machtenbesluit van de Brusselse Hoofdstedelijke Regering nr. 2020/019 van 23 April 2020  (3) ’;

‘Arrêté du Gouvernement de la Région de Bruxelles-Capitale de pouvoirs spéciaux n° 2020/030 du 28 mai 2020/Bijzondere machtenbesluit nr. 2020/030 van de Brusselse Hoofdstedelijke Regering van 28 mei 2020  (4) ’, kif estiż mill-‘Arrêté du Gouvernement de la Région de Bruxelles-Capitale du 15 octobre 2020 relatif à une aide aux secteurs de l’événementiel, du monde de la nuit, du tourisme et de la culture dans le cadre de la crise sanitaire du COVID-19/Besluit van de Brusselse Hoofdstedelijke Regering van 15 oktober 2020 betreffende steun aan de evenementen-, uitgaans-, toeristische en culturele sector in het kader van de gezondheidscrisis COVID-19’ u ‘Arrêté du Gouvernement de la Région de Bruxelles-Capitale du 12 novembre 2020 relatif à une aide aux entreprises débits de boissons et restaurants dans le cadre de la crise sanitaire du COVID-19/Besluit van de Brusselse Hoofdstedelijke Regering van 12 november 2020 betreffende steun aan de eet- en drankgelegenhedenondernemingen in het kader van de gezondheidscrisis COVID-19’. Iż-żewġ skemi estiżi jipprovdu primjums ta’ kumpens għal dawk li jaħdmu għal rashom u għal kumpaniji b’persuna waħda f’setturi li kienu mġiegħla jagħlqu fil-kuntest tal-kriżi tal-COVID-19;

‘Notification de la réunion du conseil des ministres du gouvernement de la région de Bruxelles-Capitale du jeudi 14 mai 2020/Betekening van de vergadering van de Ministerraad van de Brusselse Hoofdstedelijke Regering van donderdag 14 mei 2020 ‘, kif trasposta mill-’Arrêté du Gouvernement de la Région de Bruxelles-Capitale du 24 juillet 2020 instaurant une aide exceptionnelle pour les travailleurs intermittents de la culture/Besluit van de Brusselse Hoofdstedelijke Regering van 24 juli 2020 houdende invoering van uitzonderlijke steun voor de cultuurwerkers (5) ’;

‘Besluit van de Vlaamse Regering van 20 maart 2020  (6) ’;

‘Besluit van de Vlaamse Regering van 10 April 2020  (7) ’;

‘Besluit van de Vlaamse Regering van 12 juni 2020  (8) ’ li jistabbilixxi ‘primjum ta’ appoġġ’ biex jipprovdi appoġġ ill-intrapriżi li huma miftuħa iżda li jesperjenzaw tnaqqis fil-fatturat ta’ mill-anqas 60 % ‘Besluit van de Vlaamse Regering van 7 augustus 2020 ’  (9), ‘Besluit van de Vlaamse Regering van 23 oktober 2020 ’  (10), u ‘Besluit van de Vlaamse Regering van 13 november 2020 ’  (11).

Dawk it-tliet Digrieti tal-Gvern Fjamming li jirreferu għal skemi, imsejħa wkoll ‘Mekkaniżmu ta’ Protezzjoni Fjamming 1,2 u 3’ rispettivament, li jemendaw xi wħud mid-digrieti msemmija hawn fuq jipprovdu appoġġ għall-intrapriżi li huma miftuħa iżda jesperjenzaw tnaqqis fil-fatturat ta’ mill-inqas 60 % jew li kellhom jagħlqu n-negozju tagħhom minħabba miżuri federali ta’ sikurezza u sigurtà;

‘Arrêté du Gouvernement de la Communauté française de pouvoirs spéciaux n° 4 du 23 avril 2020  (12) ’, ‘Arrêté du Gouvernement de la Communauté française du 7 avril 2020  (13) ’; ‘Arrêté ministériel du 8 avril 2020 portant exécution de l’arrêté du Gouvernement wallon du 20 mars 2020  (14) ’; ‘Arrêté du Gouvernement wallon du 19 juin 2020  (15) ’;

Il-miżuri msemmija qabel jappartjenu għal skemi li jipprovdu appoġġ għall-introjtu lil dawk li jaħdmu għal rashom, kumpaniji b’persuna waħda, u tipi oħra ta’ impjegati li ma jikkwalifikawx għal tipi oħra ta’ appoġġ għall-introjtu. B’mod partikolari, il-primjums ta’ kumpens għall-kumpaniji u għall-imprendituri fir-Reġjun ta’ Brussell-Kapitali, il-primjums ta’ inkonvenjent, kumpens u appoġġ fir-Reġjun Fjamming u l-Komunità Fjamminga, u l-primjum ta’ kumpens għall-għeluq tan-negozju fir-Reġjun ta’ Walloon jipprovdu appoġġ ġeneralizzat ta’ darba għall-kumpaniji u għal dawk li jaħdmu għal rashom li kellhom bżonn iwaqqfu l-attivitajiet tagħhom minħabba COVID-19 jew li kellhom iħabbtu wiċċhom ma’ tnaqqis sostanzjali fil-fatturat.

Fejn il-miżuri jimmiraw lejn firxa usa’ ta’ benefiċjarji, intalbu biss l-ammonti għan-nefqa relatata mal-appoġġ għal dawk li jaħdmu għal rashom u għall-kumpaniji b’persuna waħda. Miżuri oħra, (il-primjum ta’ kumpens għall-ħaddiema intermittenti fir-Reġjun ta’ Brussell-Kapitali, is-sovvenzjoni tan-nurseries u tal-operaturi kulturali fil-Komunità Franċiża tal-Belġju, l-attivitajiet ta’ taħriġ fir-Reġjun ta’ Walloon, u s-sovvenzjoni tal-operaturi kulturali u ta’ dawk li jaħdmu għal rashom jindirizzaw lil dawk li jaħdmu għal rashom u lill-ħaddiema mingħajr aċċess għall-iskema ta’ qgħad temporanju f’setturi speċifiċi (is-settur kulturali u tal-indukrar, l-attivitajiet ta’ taħriġ).

(7)

Qed jintalab ukoll appoġġ għal miżura ġdida mir-Reġjun ta’ Brussell-Kapitali. Tikkonċerna l-‘Arrêté du Gouvernement de la Région de Bruxelles-Capitale concernant l’octroi d’une subvention de 1 625 000,00 EUR à la SA Brusoc dans le cadre de l’octroi de micro-crédits de trésorerie pour les indépendants et les micro-entreprises en raison de la crise sanitaire du COVID-19/Besluit van de Brusselse Hoofdstedelijke Regering van 3 december 2020 betreffende de toekenning van micro-kaskredieten voor zelfstandigen en zko’s’. B’mod partikolari, il-miżura tipprovdi mikrokrediti lill-intraprendituri u lil kumpaniji b’persuna waħda fi Brussell Kapitali. Intalbet biss il-parti tan-nefqa pubblika relatata mat-telf mistenni fuq is-self. L-ammont mitlub għan-nefqa jirrigwarda biss l-appoġġ ta’ dawk li jaħdmu għal rashom u ta’ negozji b’persuna waħda.

(8)

Il-Belġju jissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Belġju pprovda lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 10 103 933 459 mill-1 ta’ Frar 2020 minħabba l-miżuri nazzjonali meħuda biex jiġu ttrattati l-effetti soċjoekonomiċi tat-tifqigħa tal-COVID-19. Dan jikkostitwixxi żieda f’daqqa u severa minħabba li huwa relatat kemm ma’ miżura ġdida kif ukoll ma’ miżuri eżistenti relatati direttament ma’ skemi ta’ xogħol b’ħinijiet iqsar u miżuri simili, xi wħud minnhom estiżi, li jkopru proporzjon sinifikanti ta’ impriżi u tal-forza tax-xogħol fil-Belġju. Il-Belġju biħsiebu jiffinanzja EUR 1 906 403 459 tal-ammont miżjud tan-nefqa pubblika permezz tal-fondi tiegħu stess.

(9)

Il-Kummissjoni kkonsultat lill-Belġjuu vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tal-Belġju tas-11 ta’ Marzu 2021, skont l-Artikolu 6 tar-Regolament (UE) 2020/672.

(10)

Għalhekk jenħtieġ li tingħata assistenza finanzjarja bil-għan li l-Belġju jiġi megħjun jitratta l-effetti soċjoekonomiċi tat-taqlib ekonomiku qawwi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(11)

Jenħtieġ li l-Belġju u l-Kummissjoni jqisu din id-Deċiżjoni fil-ftehim ta’ self imsemmi fl-Artikolu 8(2) tar-Regolament (UE) 2020/672.

(12)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li l-Belġju jinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Belġju implimenta dik in-nefqa.

(14)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Belġju, kif ukoll tat-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li ġew applikati l-prinċipji ta’ trattament ugwali, solidarjetà, proporzjonalità u trasparenza,

(1)

l-Artikolu 2 huwa emendat kif ġej:

(2)

l-Artikolu 3 huwa sostitwit b’dan li ġej:

(3)

l-Artikolu 4 huwa sostitwit b’dan li ġej:

(1)

Id-Deċiżjoni ta’ Implimentazzjoni tal-Kummissjoni (UE) 2016/715 (2) tistabbilixxi miżuri fir-rigward tal-frott tas-Citrus L., Fortunella Swingle, Poncirus Raf., u l-ibridi tagħhom, għajr il-frott tas-Citrus aurantium L. u tas-Citrus latifolia Tanaka (“il-frott speċifikat”), li joriġina mill-Arġentina, mill-Brażil, mill-Afrika t’Isfel jew mill-Urugwaj, biex jipprevjenu l-introduzzjoni u t-tixrid fit-territorju tal-Unjoni tal-Phyllosticta citricarpa (McAlpine) Van der Aa.

(2)

Fl-2020, l-Istati Membri, abbażi tal-ispezzjonijiet tal-importazzjonijiet tagħhom, innotifikaw total ta’ 90 interċettazzjoni tal-Phyllosticta citricarpa fuq il-frott tas-Citrus limon (L.) N. Burm.f. u tas-Citrus sinensis (L.) Osbeck li joriġina mill-Arġentina. Dak l-għadd bla preċedent ta’ nuqqasijiet ta’ konformità jixħet dubju fuq l-affidabbiltà tas-sistema ta’ ċertifikazzjoni tal-esportazzjonijiet tal-Arġentina.

(3)

B’riżultat ta’ dan, ġie adottat ir-Regolament ta’ Implimentazzjoni tal-Kummissjoni (UE) 2020/1199 (3), li jipprojbixxi l-introduzzjoni fit-territorju tal-Unjoni tas-Citrus limon (L.) N. Burm.f. u tas-Citrus sinensis (L.) Osbeck li joriġinaw mill-Arġentina sat-30 ta’ April 2021.

(4)

Waqt awditu mwettaq fi Frar 2021, l-Arġentina pprovdiet lill-Kummissjoni informazzjoni dettaljata dwar ir-raġunijiet għall-falliment tas-sistema tagħha ta’ ċertifikazzjoni tal-esportazzjonijiet taċ-ċitru fl-istaġun tal-esportazzjoni tal-2020, u dwar l-azzjonijiet tagħha biex tirrinforzaha għall-istaġun tat-tkabbir u tal-esportazzjoni tal-2021.

(5)

Minħabba li l-Arġentina ħadet azzjonijiet biex tirrinforza s-sistema tagħha, azzjonijiet li ġew ikkomunikati matul l-awditu, il-projbizzjoni temporanja tal-introduzzjoni fit-territorju tal-Unjoni tas-Citrus limon (L.) N. Burm.f. u tas-Citrus sinensis (L.) Osbeck li joriġinaw mill-Arġentina jenħtieġ li ma tiġix estiża. Fl-istess ħin, billi l-Arġentina għadha ma implimentatx bis-sħiħ dawk l-azzjonijiet kollha matul l-istaġun tat-tkabbir u tal-esportazzjoni, dawn jistgħu jkunu soġġetti għal reviżjoni għall-istaġuni futuri, u r-riskju tal-introduzzjoni fit-territorju tal-Unjoni tal-Phyllosticta citricarpa mill-frott speċifikat li joriġina mill-Arġentina għadu ma jistax jiġi vvalutat bis-sħiħ. Konsegwentement, jenħtieġ li jiġu stabbiliti miżuri dettaljati u bbażati fuq ir-riskju għall-introduzzjoni tal-frott speċifikat li joriġina mill-Arġentina fit-territorju tal-Unjoni.

(6)

Tali miżuri jenħtieġ li jikkonsistu fir-rekwiżit li l-għelieqi ta’ produzzjoni, u tal-unitajiet ta’ produzzjoni tagħhom, fl-Arġentina fejn jiġi prodott il-frott speċifikat, jiġu rreġistrati, li jiġu assenjati kodiċijiet uniċi ta’ identifikazzjoni (“kodiċijiet ta’ traċċabbiltà”) lil dawk l-għelieqi ta’ produzzjoni u l-unitajiet ta’ produzzjoni, fi spezzjonijiet uffiċjali biex jiġi kkonfermat li ma jkunx hemm il-Phyllosticta citricarpa f’dawk l-għelieqi ta’ produzzjoni u l-unitajiet ta’ produzzjoni, li jkun hemm aktar metodi ta’ kampjunar u tiġi kkomunikata minn qabel il-lista ta’ għelieqi approvati ta’ produzzjoni bl-unitajiet approvati ta’ produzzjoni tagħhom biex tiġi żgurata t-traċċabbiltà.

(7)

Tali miżuri jenħtieġ li jqisu wkoll ir-riżultati tal-kontrolli uffiċjali fuq il-kunsinni fil-punti tad-dħul fl-Unjoni, matul l-istaġun tal-esportazzjoni tas-sena rispettiva, u jenħtieġ li jippermettu l-introduzzjoni fit-territorju tal-Unjoni tal-frott speċifikat biss meta dan joriġina f’unità ta’ produzzjoni fejn ma jkunx instab il-Phyllosticta citricarpa abbażi ta’ dawk il-kontrolli uffiċjali. Tali miżura tkun konformi mal-prattika stabbilita tal-Arġentina, li infurmat uffiċjalment lill-Kummissjoni li tissospendi kull unità ta’ produzzjoni fejn il-preżenza tal-Phyllosticta citricarpa fuq il-frott speċifikat hija kkonfermata abbażi tal-kontrolli mwettqa fil-punti tad-dħul fl-Unjoni.

(8)

Jenħtieġ li l-miżuri jqisu wkoll ir-riżultati tal-investigazzjonijiet imwettqa mill-Arġentina fl-unitajiet approvati ta’ produzzjoni li jappartjenu għall-istess għalqa ta’ produzzjoni bħall-unità ta’ produzzjoni fejn il-preżenza tal-Phyllosticta citricarpa tkun ġiet ikkonfermata waqt spezzjonijiet imwettqa mill-Arġentina fil-faċilitajiet ta’ ppakkjar, u qabel l-esportazzjoni, kif ukoll waqt il-kontrolli uffiċjali mwettqa fuq kunsinni fil-punti tad-dħul fl-Unjoni. L-introduzzjoni fit-territorju tal-Unjoni tal-frott speċifikat li joriġina minn dawk l-unitajiet ta’ produzzjoni jenħtieġ li tiġi permessa biss wara li dawk l-investigazzjonijiet ikunu finalizzati u ma jkunx instab il-Phyllosticta citricarpa. Tali miżuri se jkunu konformi mal-prattika stabbilita tal-Arġentina, li infurmat uffiċjalment lill-Kummissjoni li , bħala miżura preventiva, tissospendi l-esportazzjonijiet lejn l-Unjoni tal-frott speċifikat li joriġina mill-unitajiet approvati ta’ produzzjoni li jappartjenu għall-istess għalqa ta’ produzzjoni bħall-unità ta’ produzzjoni fejn il-preżenza tal-Phyllosticta citricarpa fuq il-frott speċifikat tkun ġiet ikkonfermata abbażi ta’ spezzjonijiet li tkun wettqet fil-faċilitajiet ta’ ppakkjar, u qabel l-esportazzjoni, u abbażi tal-kontrolli uffiċjali mwettqa fil-punti tad-dħul fl-Unjoni, u li twettaq investigazzjonijiet f’dawk l-unitajiet ta’ produzzjoni u tippermetti li jerġgħu jibdew l-esportazzjonijiet minn dawn l-unitajiet biss meta jkunu kkonfermaw in-nuqqas tal-Phyllosticta citricarpa.

(9)

Jenħtieġ li l-miżuri jqisu wkoll ir-riżultati tal-ispezzjonijiet mwettqa fl-Arġentina u r-riżultati tal-kontrolli uffiċjali mwettqa fuq kunsinni fil-punti tad-dħul fl-Unjoni matul l-istaġun preċedenti tat-tkabbir u tal-esportazzjoni u jippermettu l-introduzzjoni fit-territorju tal-Unjoni tal-frott speċifikat li joriġina fl-unitajiet ta’ produzzjoni fejn ma jkunx instab il-Phyllosticta citricarpa matul dak l-istaġun preċedenti tat-tkabbir u tal-esportazzjoni. Tali miżuri huma mistennija li jkunu effettivi, peress li l-Arġentina infurmat uffiċjalment lill-Kummissjoni li tissospendi unità ta’ produzzjoni, meta matul l-istaġun preċedenti tat-tkabbir u tal-esportazzjoni l-preżenza tal-Phyllosticta citricarpa fuq il-frott speċifikat li ġej minnha tkun ġiet ikkonfermata fil-kontrolli mwettqa fil-punti tad-dħul fl-Unjoni.

(10)

Sabiex jiġi identifikat is-sors tal-frott speċifikat infettat, jenħtieġ li l-Istati Membri jipprovdu l-kodiċi ta’ traċċabbiltà tal-unità ta’ produzzjoni meta jinnotifikaw in-nuqqasijiet ta’ konformità rispettivi.

(11)

Sabiex l-awtoritajiet kompetenti u l-operaturi professjonisti tal-Arġentina jkunu jistgħu jadattaw ruħhom għar-rekwiżiti l-ġodda, jenħtieġ li din id-Deċiżjoni tibda tapplika mill-1 ta’ Mejju 2021.

(12)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(a)

L-Artikolu 5a huwa emendat kif ġej:

(b)

jiddaħħal l-Artikolu 5(b) li ġej:

(c)

fl-Artikolu 6, jiżdied il-paragrafu 4 li ġej:

(d)

fl-Artikolu 19, jiżdied il-paragrafu li ġej:

“Fil-każ ta’ nuqqas ta’ konformità tal-frott speċifikat li joriġina mill-Arġentina mal-Artikolu 5b, fin-notifika tan-nuqqasijiet ta’ konformità l-Istati Membri għandhom jipprovdu l-kodiċi ta’ traċċabbiltà tal-unità ta’ produzzjoni rispettiva msemmi fl-Artikolu 5b(1)(b).”

(1)

L-Aġenzija Eżekuttiva tal-Kunsill Ewropew għar-Riċerka (‘l-Aġenzija’) ġiet stabbilita mid-Deċiżjoni tal-Kummissjoni C(2013)9048 fid-dawl tal-prestazzjoni ta’ kompiti marbuta mal-implimentazzjoni tal-Programmi tal-Unjoni fil-qasam tar-riċerka fil-fruntieri tal-għarfien li tinkludi, b’mod partikolari, l-implimentazzjoni ta’ approprjazzjonijiet li ddaħħlu fil-baġit ġenerali tal-Unjoni (4).

(2)

Fil-qafas tal-funzjonament amministrattiv u operazzjonali tagħha, l-Aġenzija tista’ twettaq inkjesti amministrattivi, proċedimenti qabel dawk dixxiplinari, dawk dixxiplinari u ta’ sospensjoni f’konformità mar-Regolamenti tal-Persunal għall-Uffiċjali tal-Unjoni Ewropea u l-Kondizzjonijiet tal-Impjieg ta’ Aġenti Oħra tal-Unjoni Ewropea, stabbiliti fir-Regolament tal-Kunsill (KEE, Euratom, KEFA) Nru 259/68 (“ir-Regolamenti tal-Persunal”) (5) u mad-dispożizzjonijiet ta’ implimentazzjoni dwar it-twettiq ta’ inkjesti amministrattivi u proċedimenti dixxiplinari. Jekk meħtieġ, l-Aġenzija tista’ twettaq attivitajiet preliminari relatati ma’ każijiet ta’ frodi u irregolaritajiet potenzjali u tista’ tinnotifika każijiet lill-OLAF.

(3)

Il-membri tal-persunal tal-Aġenzija għandhom l-obbligu li jirrapportaw u jivvalutaw allegazzjonijiet ta’ attivitajiet potenzjalment illegali, inklużi l-frodi u l-korruzzjoni u mġiba xjentifika ħażina, li huma ta’ detriment għall-interessi tal-Unjoni. Il-membri tal-persunal huma obbligati wkoll jirrapportaw imġiba relatata mal-qadi ta’ dmirijiet professjonali li tista’ tikkostitwixxi nuqqas serju ta’ konformità mal-obbligi tal-uffiċjali tal-Unjoni. Dan huwa rregolat mir-regoli jew politiki interni dwar l-iżvelar ta’ informazzjoni protetta.

(4)

L-Aġenzija implimentat politika biex tipprevjeni u tittratta b’mod effettiv każijiet proprji jew potenzjali ta’ fastidju psikoloġiku jew sesswali fuq il-post tax-xogħol, kif previst fil-miżuri ta’ implimentazzjoni skont ir-Regolamenti tal-Persunal li jistabbilixxu proċedura informali li permezz tagħha l-allegata vittma tal-fastidju tista’ tikkuntattja lill-konsulenti “kunfidenzjali” tal-Aġenzija.

(5)

L-Aġenzija tista’ twettaq ukoll investigazzjonijiet ta’ sigurtà interni (IT) u dwar ksur potenzjali tar-regoli tas-sigurtà għal informazzjoni klassifikata tal-Unjoni Ewropea (“IKUE”).

(6)

L-Aġenzija hija soġġetta għal awditi kemm interni kif ukoll esterni li jikkonċernaw l-attivitajiet tagħha, inkluż dawk imwettqa mis-Servizzi tal-Awditjar Intern tal-Kummissjoni Ewropea u l-Qorti Ewropea tal-Awdituri.

(7)

L-Aġenzija tista’ tittratta talbiet mill-Uffiċċju tal-Prosekutur Pubbliku Ewropew (UPPE) u talbiet għal aċċess għall-fajls mediċi tal-membri tal-persunal tal-Aġenzija, u tista’ twettaq investigazzjonijiet mill-Uffiċjal tal-Protezzjoni tad-Data f’konformità mal-Artikolu 45(2) tar-Regolament.

(8)

Fil-kuntest ta’ tali inkjesti amministrattivi, awditi, investigazzjonijiet jew talbiet, l-Aġenzija tikkoopera ma’ istituzzjonijiet, korpi, uffiċċji u aġenziji oħra tal-Unjoni.

(9)

L-Aġenzija tista’ tikkoopera mal-awtoritajiet nazzjonali ta’ pajjiżi terzi u l-organizzazzjonijiet internazzjonali, jew fuq talba tagħhom jew fuq inizjattiva proprja.

(10)

L-Aġenzija tista’ tikkoopera wkoll mal-awtoritajiet pubbliċi tal-Istati Membri tal-UE, jew fuq talba tagħhom jew fuq inizjattiva proprja.

(11)

L-Aġenzija tista’ tkun soġġetta għal jew tirċievi lmenti, allegazzjonijiet, proċedimenti jew investigazzjonijiet permezz ta’ informaturi, ta’ partijiet terzi jew tal-Ombudsman Ewropew.

(12)

L-Aġenzija tista’ tkun involuta f’kawżi quddiem il-Qorti tal-Ġustizzja tal-Unjoni Ewropea meta jew tirreferi kwistjoni lill-Qorti, jew tiddefendi deċiżjoni li tkun ħadet u li tkun ġiet ikkontestata quddiem il-Qorti, jew tintervjeni f’kawżi rilevanti għall-kompiti tagħha. F’dan il-kuntest, l-Aġenzija jista’ jkollha bżonn tippreserva l-kunfidenzjalità tad-data personali li tinsab fid-dokumenti miksuba mill-partijiet jew l-intervenjenti.

(13)

Fil-kuntest tal-attivitajiet tagħha l-Aġenzija tipproċessa diversi kategoriji ta’ data personali, inkluż id-data ta’ identifikazzjoni ta’ persuni fiżiċi, l-informazzjoni ta’ kuntatt, ir-rwoli u l-kompiti professjonali, l-informazzjoni dwar l-imġiba privata u professjonali u dwar il-prestazzjoni, u data finanzjarja kif ukoll f’xi każijiet speċifiċi data sensittiva (eż. data dwar is-saħħa). Id-data personali tinkludi data “konkreta” fattwali (hard data) u data“soġġettiva” ta’ valutazzjoni (soft data).

“ Data konkreta” hija data fattwali oġġettiva, bħal data ta’ identifikazzjoni, data ta’ kuntatt, data professjonali, dettalji amministrattivi, metadata relatata ma’ komunikazzjonijiet elettroniċi u data dwar it-traffiku.

“ Data soġġettiva” tinkludi b’mod partikolari d-deskrizzjoni u l-valutazzjoni tas-sitwazzjonijiet u ċ-ċirkostanzi, l-opinjonijiet, l-osservazzjonijiet relatati mas-suġġetti tad-data, l-evalwazzjoni tal-imġiba u tal-prestazzjoni tas-suġġetti tad-data u r-raġunament wara d-deċiżjonijiet individwali relatati jew imressqa b’rabta mas-suġġett tal-proċedura jew l-attività mwettqa mill-Aġenzija f’konformità mal-qafas legali applikabbli.

Il-valutazzjonijiet, l-osservazzjonijiet u l-opinjonijiet jitqiesu bħala data personali skont it-tifsira tal-Artikolu 3(1) tar-Regolament.

(14)

Skont ir-Regolament, l-Aġenzija hija għalhekk obbligata li tipprovdi informazzjoni lis-suġġetti tad-data dwar dawk l-attivitajiet ta’ pproċessar u li tirrispetta d-drittijiet tagħhom bħala suġġetti tad-data.

(15)

L-Aġenzija hija impenjata li tirrispetta, sa fejn hu l-aktar possibli, id-drittijiet fundamentali tas-suġġetti tad-data, b’mod partikolari d-dritt għall-għoti ta’ informazzjoni, aċċess u rettifika, id-dritt għal tħassir, ir-restrizzjoni tal-ipproċessar, id-dritt għall-komunikazzjoni ta’ ksur ta’ data personali lis-suġġett tad-data jew għall-kunfidenzjalità tal-komunikazzjoni kif stabbiliti fir-Regolament. Madankollu, l-Aġenzija tista’ tkun meħtieġa wkoll li tillimita d-drittijiet u l-obbligi tas-suġġett tad-data sabiex tipproteġi l-attivitajiet tagħha u d-drittijiet fundamentali u l-libertajiet ta’ oħrajn.

(16)

Għalhekk l-Artikolu 25(1) u (5) tar-Regolament jagħti lill-Aġenzija l-possibbiltà li tillimita, b’mod kondizzjonali, l-applikazzjoni tal-Artikoli 14 sa 22, 35 u 36, kif ukoll l-Artikolu 4 tar-Regolament sa fejn id-dispożizzjonijiet tiegħu jikkorrispondu mad-drittijiet u l-obbligi previsti fl-Artikoli 14 sa 20, u dan għandu jkun ibbażat fuq regoli interni li għandhom jiġu adottati fl-ogħla livell tal-ġestjoni tal-Aġenzija u jkunu soġġetti għall-pubblikazzjoni f’Il-Ġurnal Uffiċjali tal-Unjoni Ewropea, fejn ma jkunux ibbażati fuq atti legali adottati abbażi tat-Trattati.

(17)

Ir-restrizzjonijiet jistgħu japplikaw għal drittijiet differenti tas-suġġett tad-data, inkluż l-għoti ta’ informazzjoni lis-suġġetti tad-data, id-dritt ta’ aċċess, ir-rettifika, it-tħassir, il-limitazzjoni tal-ipproċessar, il-komunikazzjoni ta’ ksur ta’ obbligi ta’ data personali lis-suġġett tad-data jew il-kunfidenzjalità tal-komunikazzjoni kif stabbiliti fir-Regolament.

(18)

L-Aġenzija tista’ tkun meħtieġa tirrikonċilja dawk id-drittijiet mal-objettivi tal-inkjesti amministrattivi, l-awditi, l-investigazzjonijiet u l-proċedimenti tal-qorti. Tista’ tkun meħtieġa wkoll tibbilanċja d-drittijiet ta’ suġġett tad-data mad-drittijiet fundamentali u l-libertajiet ta’ suġġetti tad-data oħrajn.

(19)

L-Aġenzija jista’ jkollha bżonn, pereżempju, li tillimita l-informazzjoni li tipprovdi lil suġġett tad-data dwar l-ipproċessar tad-data personali tiegħu matul il-fażi ta’ valutazzjoni preliminari ta’ inkjesta amministrattiva jew matul l-inkjesta nnifisha, qabel il-possibbiltà ta’ ċaħda tal-kawża jew fl-istadju qabel dak dixxiplinari. F’ċerti ċirkostanzi, l-għoti ta’ tali informazzjoni jista’ jaffettwa b’mod serju l-kapaċità tal-Aġenzija li twettaq l-investigazzjoni b’mod effettiv, pereżempju kull meta jkun hemm riskju li l-persuna kkonċernata teqred l-evidenza jew tinterferixxi ma’ xhieda potenzjali qabel dawn jiġu intervistati. L-Aġenzija jista’ jkollha bżonn ukoll tipproteġi d-drittijiet u l-libertajiet tax-xhieda kif ukoll dawk ta’ persuni oħra involuti.

(20)

L-Aġenzija jista’ jkollha bżonn ukoll li tipproteġi l-anonimità ta’ xhud, kollaboratur jew ta’ informatur li jkun talab li ma jiġix identifikat. F’każ bħal dan, l-Aġenzija tista’ tiddeċiedi li tillimita l-aċċess għall-identità, id-dikjarazzjonijiet u data personali oħra ta’ tali persuni jew tas-suspettat, sabiex tipproteġi d-drittijiet u l-libertajiet tagħhom.

(21)

L-Aġenzija jista’ jkollha bżonn tipproteġi l-informazzjoni kunfidenzjali dwar membru tal-persunal li jkun għamel kuntatt mal-konsulenti kunfidenzjali tal-Aġenzija fil-kuntest ta’ proċedura ta’ fastidju. F’każijiet bħal dawn, l-Aġenzija tista’ tiddeċiedi li tillimita l-aċċess għall-identità, id-dikjarazzjonijiet u data personali oħra tal-vittma allegata, tal-persuna allegata li tagħti l-fastidju u tal-persuni l-oħrajn involuti sabiex tipproteġi d-drittijiet u l-libertajiet tal-individwi kollha kkonċernati.

(22)

Fir-rigward tal-proċeduri tal-għażla u r-reklutaġġ, tal-evalwazzjoni tal-persunal u tal-akkwist pubbliku, id-dritt ta’ aċċess, ir-rettifika, it-tħassir u r-restrizzjoni jista’ jiġi eżerċitat biss f’ċerti punti fiż-żmien u taħt il-kondizzjonijiet previsti fil-proċeduri rilevanti sabiex jiġu mħarsa d-drittijiet ta’ suġġetti tad-data oħrajn u jiġu rrispettati l-prinċipji tat-trattament indaqs u s-segretezza tad-deliberazzjonijiet.

(23)

L-Aġenzija tista’ wkoll tillimita l-aċċess ta’ individwi għad-data medika tagħhom, pereżempju dik ta’ natura psikoloġika jew psikjatrika, minħabba s-sensittività potenzjali ta’ din id-data, u s-servizz mediku tal-Kummissjoni jista’ jkun irid jagħti lis-suġġetti tad-data aċċess indirett biss permezz tal-professjonist tal-kura tas-saħħa tagħhom. Is-suġġett tad-data jista’ jeżerċita d-dritt ta’ rettifika ta’ valutazzjonijiet jew opinjonijiet tas-Servizz Mediku tal-Kummissjoni billi jipprovdi l-kummenti tiegħu jew rapport ta’ tabib tal-għażla tiegħu.

(24)

L-Aġenzija, irrappreżentata mid-Direttur tagħha, taġixxi bħala l-kontrollur tad-data irrispettivament minn aktar delegazzjonijiet tar-rwol tal-kontrollur fl-Aġenzija biex tirrifletti r-responsabbiltajiet operazzjonali għal attivitajiet ta’ pproċessar ta’ data personali speċifiċi għal “kontrolluri tad-data delegati”.

(25)

Id-data personali tinħażen b’mod sigur f’ambjent elettroniku konformi mad-Deċiżjoni tal-Kummissjoni (UE, Euratom) 2017/46 (6) dwar is-sigurtà tas-sistemi ta’ komunikazzjoni u informazzjoni fil-Kummissjoni Ewropea jew fuq karti, biex jiġi pprevenut l-aċċess illegali jew it-trasferiment tad-data lil persuni li ma għandhomx bżonn li jkunu jafu. Id-data personali pproċessata tinżamm għal mhux aktar milli jkun meħtieġ u xieraq għall-finijiet li għalihom id-data tiġi pproċessata għall-perjodu speċifikat fl-avviżi dwar il-protezzjoni tad-data u r-rekords tal-Aġenzija.

(26)

L-Aġenzija għandha tapplika restrizzjonijiet biss meta dawn jirrispettaw l-essenza tad-drittijiet fundamentali u l-libertajiet, ikunu strettament meħtieġa u jkunu miżura proporzjonata f’soċjetà demokratika. L-Aġenzija għandha tagħti raġunijiet li jiġġustifikaw dawk ir-restrizzjonijiet u tinforma kif xieraq lis-suġġetti tad-data dwar dawk ir-raġunijiet u d-dritt tagħhom li jressqu lment quddiem l-EDPS kif previst fl-Artikolu 25(6) tar-Regolament.

(27)

F’applikazzjoni tal-prinċipju tar-responsabbiltà, l-Aġenzija għandha żżomm rekord tal-applikazzjoni tar-restrizzjonijiet tagħha.

(28)

Meta tipproċessa data personali skambjata ma’ organizzazzjonijiet oħra fil-kuntest tal-kompiti tagħha, l-Aġenzija u dawk l-organizzazzjonijiet għandhom jikkonsultaw lil xulxin dwar ir-raġunijiet potenzjali għall-impożizzjoni ta’ restrizzjonijiet u n-neċessità u l-proporzjonalità ta’ dawk ir-restrizzjonijiet, sakemm dan ma jfixkilx l-attivitajiet tal-Aġenzija.

(29)

Dawn ir-regoli interni għandhom għalhekk japplikaw għall-attivitajiet kollha ta’ pproċessar imwettqa mill-Aġenzija li jinvolvu data personali fit-twettiq ta’ inkjesti amministrattivi, proċedimenti dixxiplinari, attivitajiet preliminari relatati ma’ każijiet ta’ irregolaritajiet potenzjali rrappurtati lill-OLAF, investigazzjonijiet tal-Uffiċċju tal-Prosekutur Pubbliku Ewropew (UPPE), proċeduri ta’ żvelar ta’ informazzjoni protetta, proċeduri (formali u informali) għal każijiet ta’ fastidju, ipproċessar ta’ lmenti interni u esterni, talbiet ta’ aċċess għal jew rettifika ta’ fajls mediċi proprji, l-investigazzjonijiet imwettqa mill-Uffiċjal tal-Protezzjoni tad-Data f’konformità mal-Artikolu 45(2) tar-Regolament, l-investigazzjonijiet tas-sigurtà (IT) imwettqa internament jew b’involviment estern (eż. CERT-EU), awditi, proċedimenti quddiem il-Qorti tal-Ġustizzja tal-Unjoni Ewropea jew awtoritajiet pubbliċi nazzjonali, proċeduri ta’ għażla u reklutaġġ, evalwazzjoni tal-persunal u akkwist pubbliku, kif elenkati hawn fuq.

(30)

Dawn ir-regoli interni għandhom japplikaw għal attivitajiet ta’ pproċessar imwettqa qabel it-tnedija tal-proċeduri msemmija hawn fuq, matul dawn il-proċeduri u matul il-monitoraġġ tas-segwitu għall-eżitu ta’ dawn il-proċeduri. Jenħtieġ li jinkludu wkoll l-assistenza u l-kooperazzjoni pprovduti mill-Aġenzija lil Istituzzjonijiet tal-UE oħrajn, awtoritajiet nazzjonali u organizzazzjonijiet internazzjonali barra mill-investigazzjonijiet amministrattivi tagħha.

(31)

Skont l-Artikolu 25(8) tar-Regolament, l-Aġenzija hija intitolata li tiddifferixxi, tħalli barra jew tiċħad l-għoti ta’ informazzjoni dwar ir-raġunijiet għall-applikazzjoni ta’ restrizzjoni għas-suġġett tad-data jekk b’xi mod dan jikkanċella l-effett tar-restrizzjoni. L-Aġenzija għandha tivvaluta fuq bażi ta’ każ b’każ jekk il-komunikazzjoni tar-restrizzjoni tikkanċellax l-effett tagħha.

(32)

L-Aġenzija għandha tneħħi r-restrizzjoni malli l-kondizzjonijiet li jiġġustifikaw ir-restrizzjoni ma jibqgħux japplikaw, u għandha tivvaluta dawk il-kondizzjonijiet fuq bażi regolari.

(33)

Sabiex tiġi żgurata l-akbar protezzjoni tad-drittijiet u tal-libertajiet tas-suġġetti tad-data u f’konformità mal-Artikolu 44(1) tar-Regolament, l-Uffiċjal tal-Protezzjoni tad-Data tal-Aġenzija għandu jiġi kkonsultat fi żmien xieraq qabel ma tiġi applikata jew riveduta kwalunkwe restrizzjoni, u għandu jivverifika l-konformità tagħha ma’ din id-Deċiżjoni.

(34)

L-Artikoli 16(5) u 17(4) tar-Regolament jipprevedu eċċezzjonijiet għad-dritt tas-suġġetti tad-data għall-informazzjoni u d-dritt ta’ aċċess. Jekk japplikaw dawn l-eċċezzjonijiet, l-Aġenzija ma għandhiex għalfejn tapplika restrizzjoni skont din id-Deċiżjoni.