Artikolu 1

Suġġett

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)	“tip ta’ vettura” tfisser sett ta’ vetturi kif definit fil-Parti B tal-Anness I tar-Regolament (UE) 2018/858;

(2)	“tip ta’ vettura fir-rigward tal-marki statutorji” tfisser vetturi li ma jvarjawx bejniethom f’aspetti essenzjali bħalma huma: (a) il-kompożizzjoni tan-numru ta’ identifikazzjoni tal-vettura; (b) il-karatteristiċi u l-post tal-marki statutorji;

(3)	“pjanċa statutorja” tfisser pjanċa jew tabella, imwaħħla mill-manifattur fuq vettura li tipprovdi l-karatteristiċi tekniċi ewlenin meħtieġa għall-identifikazzjoni tal-vettura u li tipprovdi lill-awtoritajiet kompetenti bl-informazzjoni rilevanti dwar il-mases massimi mgħobbija permissibbli;

(4)	“numru ta’ identifikazzjoni tal-vettura (VIN)” tfisser il-kodiċi alfanumeriku assenjat lil vettura mill-manifattur sabiex tiġi żgurata l-identifikazzjoni xierqa ta’ kull vettura;

(5)

“tip ta’ vettura fir-rigward tal-ispazju għall-immuntar u t-twaħħil tal-pjanċi tar-reġistrazzjoni” tfisser vetturi li ma jvarjawx fl-aspetti essenzjali bħal: (a) id-dimensjonijiet tal-ispazju għall-immuntar u għat-twaħħil tal-pjanċi tar-reġistrazzjoni ta’ quddiem u ta’ wara; (b) il-post tal-ispazju għall-immuntar u għat-twaħħil tal-pjanċi tar-reġistrazzjoni ta’ quddiem u ta’ wara; (c) il-forma tal-wiċċ għall-immuntar u għat-twaħħil tal-pjanċi tar-reġistrazzjoni ta’ quddiem u ta’ wara;

(6)	“tip ta’ vettura fir-rigward tas-sistema tal-wajper u tal-woxer tal-windskrin” tfisser vetturi li ma jvarjawx bejniethom f’aspetti essenzjali bħalma huma l-karatteristiċi tas-sistema tal-wajpers u tal-woxer jew il-forma, id-daqs u l-karatteristiċi tal-windskrin u l-immuntar tiegħu;

(7)

“tip ta’ sistema tal-woxer tal-windskrin” tfisser grupp ta’ sistemi tal-woxer tal-windskrin li ma jvarjawx bejniethom f’aspetti essenzjali bħalma huma l-prestazzjoni tal-pompa, il-materjali użati, il-kapaċità ta’ ħżin, l-għadd ta’ żennuni, id-daqsijiet, il-ħxuna tal-ħajt jew il-forma tas-sistema tal-woxer;

(8)	“sistema tal-wajpers tal-windskrin” tfisser is-sistema li tikkonsisti minn apparat biex jintmesaħ il-wiċċ ta’ barra tal-windskrin, flimkien mal-aċċessorji u l-kontrolli meħtieġa sabiex jitħaddem u jitwaqqaf l-apparat;

(9)	“sistema tal-woxer tal-windskrin” tfisser is-sistema li tikkonsisti minn apparati għall-ħżin, għat-trasferiment u għall-immirar tal-fluwidu lejn il-wiċċ ta’ barra tal-windskrin, flimkien mal-kontrolli meħtieġa sabiex jitħaddem u jitwaqqaf l-apparat;

(10)

“tip ta’ vettura fir-rigward tal-parafangi” tfisser vetturi li ma jvarjawx bejniethom f’aspetti essenzjali bħalma huma l-karatteristiċi tal-parafangi jew id-daqsijiet minimi u massimi tat-tajers u tar-roti xierqa biex jitwaħħlu fuq il-vettura, filwaqt li jitqiesu l-envelops tat-tajers, id-daqsijiet tar-rimmijiet u l-offsets tar-roti applikabbli;

(11)

“tip ta’ vettura fir-rigward tas-sistemi għat-tneħħija tas-silġ u tat-titpin” tfisser vetturi li ma jvarjawx bejniethom f’aspetti essenzjali bħalma huma: (a) il-karatteristiċi tas-sistemi għat-tneħħija tas-silġ u tat-titpin; (b) il-forom u l-arranġamenti esterni u interni fiż-żona ta’ viżibbiltà ta’ quddiem ta’ 180o tas-sewwieq li jistgħu jaffettwaw il-viżibbiltà; (c) il-forma, id-daqs, il-ħxuna u l-karatteristiċi tal-windskrin u l-immuntar tiegħu; (d) l-għadd massimu ta’ postijiet bilqiegħda;

(12)	“sistema għat-tneħħija tas-silġ” tfisser is-sistema maħsuba biex telimina s-silġ jew il-ġlata minn fuq il-wiċċ ta’ barra tal-windskrin;

(13)	“sistema għat-tneħħija tat-titpin” tfisser is-sistema maħsuba biex telimina t-titpin fuq il-wiċċ ta’ ġewwa tal-windskrin;

(14)	“tip ta’ vettura fir-rigward tal-apparat tal-irmonk” tfisser vetturi li ma jvarjawx bejniethom f’aspetti essenzjali bħall-karatteristiċi tal-apparat tal-irmonk;

(15)	“apparat tal-irmonk” tfisser apparat fl-għamla ta’ ganċ, ħolqa jew forma oħra, li miegħu tista’ titwaħħal parti ta’ konnessjoni, bħal żbarra tal-irmonk jew ħabel tal-irmonk;

(16)

“tip ta’ vettura fir-rigward tas-soppressjoni tat-titjir” tfisser vetturi kompluti, mhux kompluti jew kompletati, li ma jvarjawx bejniethom fir-rigward tal-aspetti li ġejjin: (a) it-tip ta’ tagħmir għas-soppressjoni tat-titjir installat fil-vettura; (b) id-deżinjazzjoni tat-tip ta’ sistema tas-soppressjoni tat-titjir tal-manifattur;

(17)

“tip ta’ tagħmir għas-soppressjoni tat-titjir” tfisser apparati li ma jvarjawx bejniethom fir-rigward tal-karatteristiċi ewlenin li ġejjin: (a) il-prinċipju fiżiku adottat għat-tnaqqis tal-emissjonijiet (assorbiment tal-ilma-enerġija, separatur tal-arja/ilma); (b) il-materjali; (c) il-forma; (d) id-dimensjonijiet, sa fejn dawn jistgħu jinfluwenzaw l-imġiba tal-materjal;

(18)	“sistema tas-soppressjoni tat-titjir” tfisser sistema li tnaqqas il-pulverizzazzjoni ta’ ilma li jintefa’ ’l fuq mit-tajers ta’ vettura miexja u li hija magħmula minn mudguard, parakwi tax-xita u fradal mgħammra b’tagħmir għas-soppressjoni tat-titjir;

(19)	“tagħmir għas-soppressjoni tat-titjir” tfisser parti mis-sistema tas-soppressjoni tat-titjir li tista’ tinkludi separatur tal-arja/ilma u assorbitur tal-enerġija;

(20)

“tip ta’ vettura fir-rigward tal-indikatur tat-tibdil tal-ger (GSI)” tfisser vetturi li ma jvarjawx bejniethom f’aspetti essenzjali bħalma huma l-karatteristiċi funzjonali tal-GSI u l-loġika użata mill-GSI sabiex jiġi determinat il-punt meta għandu jinbidel il-ger, inkluż: (a) tibdil għal ger ogħla indikat f’veloċitajiet speċifikati tal-magna; (b) tibdil għal ger ogħla indikat meta l-mapep speċifiċi tal-konsum tal-fjuwil mill-magna juru li titjib speċifikat tal-konsum tal-fjuwil minimu jinkiseb fl-ogħla ger; (c) tibdil għal ger ogħla indikat meta d-domanda tat-torque tista’ tintlaħaq fl-ogħla ger;

(21)	“karatteristiċi funzjonali tal-GSI” tfisser is-sett ta’ parametri tal-input, bħall-veloċità tal-magna, id-domanda għall-enerġija, it-torque u l-varjazzjoni tagħhom fil-ħin, li jiddeterminaw l-indikazzjoni tal-GSI u d-dipendenza funzjonali tal-indikazzjonijiet tal-GSI fuq dawn il-parametri;

(22)	“tip ta’ vettura fir-rigward tal-aċċess għall-vettura” tfisser vetturi li ma jvarjawx bejniethom f’aspetti essenzjali bħalma huma l-karatteristiċi ta’ skaluni, imqabad u stafef tal-bibien;

(23)	“tip ta’ vettura fir-rigward tal-moviment tar-rivers” tfisser vetturi li ma jvarjawx bejniethom f’aspetti essenzjali bħalma huma l-karatteristiċi tal-apparat tar-rivers;

(24)	“tip ta’ vettura fir-rigward tal-mases u d-dimensjonijiet” tfisser vetturi li ma jvarjawx bejniethom i kwalunkwe wieħed minn dawn l-aspetti: (a) l-isem jew il-marka kummerċjali tal-manifattur tagħhom; (b) il-klassifikazzjoni; (c) il-funzjoni ewlenija;

(25)	“apparat u tagħmir ajrudinamiku” tfisser apparat jew tagħmir iddisinjat biex inaqqas ir-reżistenza ajrudinamika tal-vetturi tat-triq bl-eċċezzjoni ta’ kabini tawwalin;

(26)

“tip ta’ sistema għall-ħżin tal-idroġenu” tfisser grupp ta’ komponenti li ma jvarjawx bejniethom f’aspetti essenzjali bħall-istat tal-fjuwil tal-idroġenu maħżun jew tal-gass ikkompressat, il-pressjoni tat-tħaddim nominali, l-istruttura, il-materjali, il-kapaċità u d-dimensjonijiet fiżiċi tal-kontenitur kif ukoll l-istruttura, il-materjali u l-karatteristiċi essenzjali tal-mekkaniżmu għat-tnaqqis tal-pressjoni, tal-valvi unidirezzjonali u tal-valvi iżolanti;

(27)	“tip ta’ vettura fir-rigward tas-sikurezza tal-idroġenu” tfisser grupp ta’ vetturi li ma jvarjawx bejniethom f’aspetti essenzjali bħalma huma l-konfigurazzjoni bażika u l-karatteristiċi ewlenin tas-sistema tal-fjuwil tal-idroġenu tal-vettura;

(28)	“tip ta’ komponent tal-idroġenu” tfisser grupp ta’ komponenti tal-idroġenu li ma jvarjawx bejniethom f’aspetti essenzjali bħall-istat tal-fjuwil tal-idroġenu maħżun jew tal-gass ikkompressat, il-funzjoni tal-komponent u l-istruttura, il-materjali u d-dimensjonijiet fiżiċi tiegħu.

Artikolu 3

Applikazzjoni għall-approvazzjoni tat-tip

Artikolu 4

Għoti tal-approvazzjoni tat-tip

Artikolu 5

Applikazzjoni għall-approvazzjoni tat-tip tal-UE ta’ tip ta’ vettura fir-rigward ta’ ċerti sistemi ta’ vetturi

Artikolu 6

Għoti tal-approvazzjoni tat-tip tal-UE ta’ tip ta’ vettura fir-rigward ta’ ċerti sistemi tal-vetturi

Artikolu 7

Applikazzjoni għall-approvazzjoni tat-tip tal-UE ta’ unitajiet tekniċi separati fir-rigward ta’ sistemi u ta’ tagħmir

L-applikazzjonijiet għall-approvazzjoni tat-tip tal-UE ta’ unitajiet tekniċi separati fir-rigward ta’ kull sistema u tagħmir segwenti għandhom jitfasslu f’konformità mal-mudell rispettiv tad-dokument ta’ informazzjoni kif imsemmi fl-Artikolu 24(1)(a) tar-Regolament (UE) 2018/858:

(a)	is-sistema tal-woxer tal-windskrin, billi tuża l-mudell li fih l-informazzjoni elenkata fit-Taqsima A tal-Parti 1 tal-Anness IV;

(b)	is-sistema tas-soppressjoni tat-titjir, billi jużaw il-mudell li fih l-informazzjoni elenkata fit-Taqsima B tal-Parti 1 tal-Anness VIII;

(c)	is-sistema ta’ protezzjoni ta’ quddiem, bl-użu tal-mudell li fih l-informazzjoni elenkata fil-Parti 1 tal-Anness XII;

(d)	l-apparat jew it-tagħmir ajrudinamiku, bl-użu tal-mudell li fih l-informazzjoni elenkata fit-Taqsima B tal-Parti 1 tal-Anness XIII.

Artikolu 8

Għoti tal-approvazzjoni tat-tip tal-UE ta’ unità teknika separata

Artikolu 9

Applikazzjoni għall-approvazzjoni tat-tip tal-UE ta’ komponent

L-applikazzjonijiet għall-approvazzjoni tat-tip tal-UE ta’ komponent fir-rigward tal-komponenti tal-idroġenu li ġejjin għandhom jitfasslu f’konformità mal-mudell rispettiv tad-dokument ta’ informazzjoni kif imsemmi fl-Artikolu 24(1)(a) tar-Regolament (UE) 2018/858 u jkun fihom l-informazzjoni elenkata fit-Taqsima B tal-Parti 1 tal-Anness XIV:

(a)	is-sistemi ta’ ħżin tal-idroġenu likwifikat (LHSS), inklużi l-kontenituri tagħhom, it-tagħmir għat-tnaqqis tal-pressjoni u t-tagħmir iżolanti, fir-rigward tal-prestazzjoni tas-sikurezza u l-kompatibbiltà materjali tagħhom;

(b)	is-sistemi ta’ ħżin tal-idroġenu kkompressat (CHSS), inklużi l-kontenituri u l-apparat tal-għeluq primarju tagħhom, li jinkludu t-TPRD, il-valv unidirezzjonali u l-valvi iżolanti awtomatiċi, fir-rigward tal-kompatibbiltà materjali tagħhom.

Artikolu 10

Għoti tal-approvazzjoni tat-tip tal-UE ta’ komponenti

Artikolu 11

Marka tal-approvazzjoni tat-tip

Artikolu 12

Dispożizzjoni tranżitorja

Artikolu 13

Provvista ta’ informazzjoni

Għall-fini tal-evalwazzjoni tal-ħtieġa għal żviluppi ulterjuri, il-manifatturi u l-awtoritajiet tal-approvazzjoni tat-tip għandhom iqiegħdu għad-dispożizzjoni tal-Kummissjoni, fuq talba, l-informazzjoni stabbilita fil-Parti 1, 2 u 3 tal-Anness IX. L-informazzjoni għandha tiġi trattata b’mod kunfidenzjali mill-Kummissjoni u mir-rappreżentanti tagħha.

Artikolu 14

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mis-6 ta’ Lulju 2022.

ANNESS I

APPROVAZZJONI TAT-TIP F’ŻONI KOPERTI MINN REGOLAMENTI TAN-NU

PARTI 1

Dokument ta’ informazzjoni

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura fir-rigward ta’ sistema / komponent / unità teknika separata (1) fir-rigward tar-Regolament tan-NU Nru …, kif emendat minn … serje ta’ emendi / kif emendat mis-suppliment … għal … serje ta’ emendi (1), li jikkonċerna … abbażi ta’ u b’format f’konformità man-numerazzjoni tal-oġġetti tal-Anness I tar-Regolament ta’ Implimentazzjoni tal-Kummissjoni (UE) 2020/683 (2)

L-informazzjoni li ġejja, fejn applikabbli, għandha tiġi pprovduta fi tliet kopji u trid tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

ĠENERALI

0.1.

Għamla (l-isem kummerċjali tal-manifattur):

0.2.

Tip:

0.2.1.

Isem/ismijiet kummerċjali (jekk disponibbli):

0.3.

Mezz ta’ identifikazzjoni tat-tip, jekk immarkat fuq il-vettura / komponent / unità teknika separata (1) (3):

0.3.1.

Pożizzjoni ta’ dik il-marka:

0.4.

Il-kategorija tal-vettura (4):

0.5.

Isem tal-kumpanija u indirizz tal-manifattur:

0.8.

Isem/ismijiet u indirizz(i) tal-impjant(i) tal-assemblaġġ:

0.9.

Isem u indirizz tar-rappreżentant tal-manifattur (jekk ikun hemm):

1.

IL-KARATTERISTIĊI ĠENERALI TAL-KOSTRUZZJONI TAL-VETTURA

1.1.

Ritratti, stampi u/jew tpinġijiet ta’ vettura/komponent/unità teknika separata rappreżentattiva (1):

Kull oġġett u informazzjoni sussegwenti rilevanti għall-vettura, għall-komponent jew għall-unità teknika separata għandhom jiġu pprovduti bi ftehim mas-servizz tekniku u mal-awtorità tal-approvazzjoni tat-tip responsabbli mill-għoti tal-approvazzjoni tat-tip tal-UE li għaliha ġiet sottomessa l-applikazzjoni. Tista’ tkun ibbażata fuq mudell għal dokument ta’ informazzjoni jekk ipprovdut fir-Regolament tan-NU Nru …, inkella għandha tkun ibbażata, sa fejn ikun prattikabbli, fuq in-numerazzjoni tal-oġġetti tal-Anness I tar-Regolament ta’ Implimentazzjoni tal-Kummissjoni (UE) 2020/683 (jiġifieri l-lista sħiħa ta’ informazzjoni għall-finijiet tal-approvazzjoni tat-tip tal-UE ta’ vetturi, komponenti u unitajiet tekniċi separati) u kwalunkwe informazzjoni jew dettall addizzjonali meħtieġa għall-approvazzjoni skont ir-Regolament Nru … għandhom jiġu inklużi.

Noti ta’ spjegazzjoni

In-numerazzjoni tad-dokument ta’ informazzjoni f’konformità mal-mudell stabbilit fl-Anness I tar-Regolament (UE) 2018/858

(1)	Ħassar fejn mhux applikabbli.

(2)

Jekk parti (eż. komponent jew unità teknika separata) tingħata l-approvazzjoni tat-tip, dik il-parti ma hemmx għalfejn tiġi deskritta jekk issir referenza għal din l-approvazzjoni. Bl-istess mod, parti ma għandhiex għalfejn tiġi deskritta jekk il-kostruzzjoni tagħha hija evidenti b’mod ċar mid-dijagrammi jew mit-tpinġijiet mehmuża. Għal kull oġġett li għalih tpinġijiet, stampi jew ritratti għandhom ikunu mehmuża, agħti n-numri tad-dokumenti korrispondenti mehmuża.

(3)

Jekk il-mezz ta’ identifikazzjoni tat-tip ikun fih karattri mhux rilevanti biex jiddeskrivu l-vettura, il-komponent jew it-tipi ta’ unitajiet tekniċi separati koperti minn dan id-dokument ta’ informazzjoni, tali karattri għandhom ikunu rrappreżentati fid-dokumentazzjoni bis-simbolu “?” (eż. ABC??123??).

(4)	Klassifikazzjoni skont id-definizzjonijiet stabbiliti fil-Parti A tal-Anness I tar-Regolament (UE) 2018/858.

PARTI 2

MUDELL

Format: A4 (210 × 297 mm)

ĊERTIFIKAT TAL-APPROVAZZJONI TAT-TIP

Identifikazzjoni tal-awtorità tal-approvazzjoni tat-tip

Komunikazzjoni dwar l-għoti / l-estensjoni / ir-rifjut / l-irtirar (1) ta’ approvazzjoni tat-tip ta’ tip ta’ vettura fir-rigward ta’ sistema / komponent / unità teknika separata (1) konformi mar-rekwiżiti stabbiliti fir-Regolament tan-NU Nru … kif emendat minn … serje ta’ emendi / kif emendat mis-Suppliment … għas-serje … ta’ emendi (1), fir-rigward tar-Regolament (UE) 2019/2144, kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (1):

TAQSIMA I

0.

ĠENERALI

0.1.

Għamla (l-isem kummerċjali tal-manifattur):

0.2.

Tip:

0.2.1.

Isem/ismijiet kummerċjali (jekk disponibbli):

0.3.

Mezz ta’ identifikazzjoni tat-tip, jekk immarkat fuq il-vettura / komponent / unità teknika separata (1):

0.3.1.

Pożizzjoni ta’ dik il-marka:

0.4.

Il-kategorija tal-vettura (2):

0.5.

Isem u indirizz tal-manifattur:

0.8.

Isem/ismijiet u indirizz(i) tal-impjant(i) tal-assemblaġġ:

0.9.

Isem u indirizz tar-rappreżentant tal-manifattur (jekk ikun hemm):

1.

IL-KARATTERISTIĊI ĠENERALI TAL-KOSTRUZZJONI TAL-VETTURA

1.1.

Ritratti u/jew tpinġijiet ta’ vettura rappreżentattiva:

TAQSIMA II

1.

Informazzjoni addizzjonali (fejn applikabbli): ara l-Addendum.

2.

Is-servizz tekniku responsabbli mit-twettiq tat-testijiet:

3.

Data tar-rapport tat-test:

4.

Numru tar-rapport tat-test:

5.

Rimarki (jekk ikun hemm): ara l-Addendum.

6.

Post:

7.

Data:

8.

Firma:

Dokumenti annessi:

—	Pakkett ta’ informazzjoni

—	Rapport tat-test

—	Formola ta’ komunikazzjoni mimlija li tikkonforma mal-mudell rilevanti fir-Regolament tan-NU applikabbli, għalkemm mingħajr ma jissemma l-għoti jew l-estensjoni tal-approvazzjoni tan-NU kif ukoll mingħajr ma jissemma numru tal-approvazzjoni tat-tip tan-NU

---

(1)  Ħassar fejn mhux applikabbli.

(2)  Klassifikazzjoni skont id-definizzjonijiet stabbiliti fil-Parti A tal-Anness I tar-Regolament (UE) 2018/858.

(3)  Ħassar fejn mhux applikabbli.

ANNESS II

PJANĊA STATUTORJA U NUMRU TA’ IDENTIFIKAZZJONI TAL-VETTURA

PARTI 1

Dokument ta’ informazzjoni għall-approvazzjoni tat-tip tal-UE għall-vetturi bil-mutur u t-trejlers tagħhom fir-rigward tal-pjanċa statutorja u n-numru ta’ identifikazzjoni tal-vettura (VIN)

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura fir-rigward tal-pjanċa statutorja tal-vettura u n-numru ta’ identifikazzjoni tal-vettura.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.1.

0.2.

0.2.1.

0.3.

0.3.1.

0.4.

0.5.

0.6.

0.6.1.

0.6.2.

0.8.

0.9.

1.

1.1.

9.

9.17.

9.17.1.

9.17.2.

9.17.3.

9.17.4.

9.17.4.1.

9.17.4.2.

9.17.4.3.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

Taqsima A

Speċifikazzjonijiet tekniċi

1.   Pjanċa statutorja tal-manifattur

1.1.

Dispożizzjonijiet ġenerali:

1.1.1.

Kull vettura għandha tkun mgħammra bi pjanċa statutorja tal-manifattur deskritta f’din it-taqsima

1.1.2.

Il-pjanċa statutorja tal-manifattur għandha titwaħħal mill-manifattur tal-vettura jew mir-rappreżentant tal-manifattur tal-vettura.

1.1.3.

Il-pjanċa statutorja tal-manifattur għandha tkun magħmula minn waħda minn dawn li ġejjin: (a) folja rettangolari tal-metall; (b) tabella rettangolari li teħel waħidha.

1.1.4.

Pjanċi metalliċi għandhom jitwaħħlu b’imsiemer irbattuti jew l-ekwivalenti.

1.1.5.

It-tabelli għandhom juru kull tbagħbis possibbli, ikunu reżistenti għall-frodi u awtodistruttivi f’każ li jkun hemm tentattiv li titneħħa t-tabella.

1.2.

Informazzjoni li għandha tissemma fuq il-pjanċa statutorja tal-manifattur.

1.2.1.

L-informazzjoni li ġejja għandha tiġi stampata b’mod li ma titħassarx fuq il-pjanċa statutorja tal-manifattur fl-ordni elenkata: (a) l-isem tal-kumpanija tal-manifattur; (b) in-numru sħiħ tal-approvazzjoni tat-tip tal-vettura; (c) l-istadju tat-tlestija, fil-każ tat-tieni stadju u l-istadji sussegwenti ta’ vetturi mibnija f’diversi stadji kif imsemmi fil-punt 4.2. tal-Anness IX tar-Regolament (UE) 2018/858; (d) in-numru ta’ identifikazzjoni tal-vettura; (e) il-massa massima mgħobbija teknikament permissibbli; (f) il-massa massima teknikament permissibbli tal-kombinament; (g) il-massa massima teknikament permissibbli fuq kull fus elenkat bl-ordni minn quddiem għal wara.

1.2.2.

L-għoli tal-karattri msemmija fil-punt 1.2.1.(d) ma għandux ikun inqas minn 4 mm.

1.2.3.

L-għoli tal-karattri tal-informazzjoni msemmija fil-punt 1.2.1., minbarra n-numru ta’ identifikazzjoni tal-vettura, ma għandux ikun inqas minn 2 mm.

1.3.

Dispożizzjonijiet speċifiċi

1.3.1.

Trejlers

1.3.1.1.

Fil-każ ta’ trejler, għandu jissemma l-massa vertikali statika massima teknikament permissibbli fuq il-punt tal-akkoppjament.

1.3.1.2.

Il-punt tal-akkoppjament għandu jitqies bħala fus. Dan il-fus għandu jkun enumerat “0”.

1.3.1.3.

L-ewwel fus għandu jkun innumerat “1”, it-tieni “2” u l-bqija, separati b’sing.

1.3.1.4.

Il-massa tal-kombinament msemmija fil-punt 1.2.1.(f) għandha titħalla barra.

1.3.2.

Vetturi tqal

1.3.2.1.

Fir-rigward ta’ vetturi tal-kategorija N3, O3 jew O4, għandha tissemma l-massa massima teknikament permissibbli fuq grupp ta’ fusien. L-entrata li tikkorrispondi għal “Grupp ta’ fusien” għandha tiġi identifikata bl-ittra “T”, segwita b’sing.

1.3.2.2.

Fir-rigward ta’ vetturi tal-kategorija M3, N3, O3 jew O4, il-manifattur jista’ jsemmi fuq il-pjanċa statutorja tal-manifattur il-massa massima mgħobbija permissibbli tar-reġistrazzjoni/fl-użu prevista.

1.3.2.2.1.

Il-parti tal-pjanċa statutorja tal-manifattur fejn il-mases huma msemmija għandha tiġi suddiviża f’żewġ kolonni: il-mases massimi permissibbli tar-reġistrazzjoni/fl-użu previsti għandhom jissemmew fil-kolonna tax-xellug u l-mases massimi mgħobbija teknikament permissibbli fil-kolonna tal-lemin.

1.3.2.2.2.

Il-kodiċi b’żewġ ittri tal-pajjiż fejn il-vettura tkun maħsuba biex tiġi rreġistrata għandu jiġi indikat bħala intestatura tal-kolonna tax-xellug. Il-kodiċi għandu jkun f’konformità mal-Istandard ISO 3166-1: 2006.

1.3.2.3.

Ir-rekwiżiti tal-punt 1.3.2.1. ma għandhomx japplikaw meta: (a) il-massa massima teknikament permissibbli fuq grupp ta’ fusien hija s-somma tal-massa massima teknikament permissibbli fuq il-fusien li huma parti minn dak il-grupp ta’ fusien; (b) l-ittra “T” tiżdied bħala suffiss mal-massa massima fuq kull fus li jkun parti minn dak il-grupp ta’ fusien; u (c) meta r-rekwiżiti tal-punt 1.3.2.2. jiġu applikati, il-massa massima permissibbli tar-reġistrazzjoni/fl-użu fuq il-grupp ta’ fusien hija s-somma tal-massa massima permissibbli tar-reġistrazzjoni/fl-użu fuq il-fusien li huma parti minn dak il-grupp ta’ fusien.

1.4.

Informazzjoni addizzjonali

1.4.1.

Il-manifattur jista’ jindika informazzjoni addizzjonali hawn taħt jew maġenb l-iskrizzjonijiet preskritti, barra r-rettangolu mmarkat b’mod ċar li għandu jinkludi biss l-informazzjoni msemmija fil-punti 1.2 u 1.3.

1.5.

Mudelli tal-pjanċa statutorja tal-manifattur

1.5.1.

Eżempji tad-diversi mudelli possibbli tal-pjanċa statutorja tal-manifattur huma mogħtija fit-Taqsima B.

1.5.2.

Id-data mogħtija dwar il-mudelli hija fittizja.

1.6.

Rekwiżiti għal post fuq il-vettura

1.6.1.

Il-pjanċa statutorja tal-manifattur għandha tiġi mwaħħla fis-sod f’pożizzjoni li tidher tajjeb u li tkun aċċessibbli faċilment.

1.6.2.

Il-post għandu jintgħażel b’tali mod li l-parti li fuqha tkun imwaħħla ma tkunx soġġetta għal sostituzzjoni waqt l-użu.

2.   Numru ta’ identifikazzjoni tal-vettura (VIN)

2.1.

Il-VIN għandu jkun magħmul mit-tliet taqsimiet li ġejjin u ċifra ta’ kontroll: (a) l-identifikatur tal-manifattur dinji (WMI); (b) it-taqsima tad-deskrizzjoni tal-vettura (VDS); (c) it-taqsima tal-indikatur tal-vettura (VIS).

2.2.

Il-WMI għandu jkun magħmul minn kodiċi assenjat lill-manifattur tal-vettura sabiex dak il-manifattur ikun jista’ jiġi identifikat.

2.2.1.

Il-kodiċi għandu jkun magħmul minn tliet karattri alfanumeriċi, ittri Rumani kbar jew numri Għarab, li għandhom jiġu assenjati mill-awtorità kompetenti fil-pajjiż fejn jinsab il-post prinċipali tan-negozju tal-manifattur.

2.2.2.

L-awtorità kompetenti għandha taġixxi f’konformità mal-organizzazzjoni internazzjonali msemmija fl-Istandard ISO 3780: 2009 dwar “Vetturi tat-triq – Kodiċi tal-identifikazzjoni tal-manifattur dinji (WMI)”.

2.2.3.

Meta l-produzzjoni globali tal-manifattur tkun inqas minn 500 vettura fis-sena, it-tielet karattru għandu dejjem ikun “9”. Sabiex jiġu identifikati manifatturi bħal dawn, l-awtorità kompetenti msemmija fil-punt 2.2. għandha tassenja t-tielet, ir-raba’ u l-ħames karattru tal-VIS.

2.3.

Il-VDS għandha tkun magħmula minn ħames karattri alfanumeriċi, ittri Rumani kbar jew figuri numeriċi Għarab, li għandhom jgħinu biex jindikaw il-karatteristiċi ġenerali tal-vettura. Fejn il-manifattur ma jużax wieħed jew aktar mill-ħames karattri, l-ispazji li ma jintużawx għandhom jimtlew b’karattri alfanumeriċi fid-diskrezzjoni tal-manifattur biex in-numru totali tal-karattri meħtieġa jkun ħamsa.

2.4.

Id-disa’ pożizzjoni tal-VIN għandha tkun ċifra ta’ kontroll li hija korretta matematikament f’konformità mal-formula speċifikata fit-Taqsima C.

2.5.

Il-VIS għandha tkun magħmula minn tmien karattri alfanumeriċi, ittri Rumani kbar jew figuri numeriċi Għarab, li minnhom l-aħħar erbgħa għandhom ikunu magħmula minn ċifri biss. Il-VIS għandha tipprovdi, flimkien mad-WMI u l-VDS, identifikazzjoni ċara tal-vettura partikolari. Kwalunkwe spazju mhux użat għandu jimtela biċ-ċifra “0” sabiex in-numru totali tal-karattri jkun tmienja.

2.6.

L-għoli tal-karattri tal-VIN immarkat fuq ix-xażi ma għandux ikun inqas minn 7 mm.

2.7.

Ma għandu jkun hemm l-ebda spazju bejn il-karattri.

2.8.

L-użu tal-ittri “I”, “O” jew “Q” ma għandux ikun permess.

2.9.

Il-bidu u t-tmiem tal-VIN għandu jkun limitat b’simbolu wieħed skont l-għażla tal-manifattur. Dak is-simbolu la għandu jkun ittra kapitali Rumana u lanqas numru Għarbi.

2.9.1.

Ir-rekwiżit fil-punt 2.9. jista’ jitneħħa meta l-VIN ikun immarkat fuq linja waħda.

2.9.2.

Meta l-VIN ikun immarkat fuq żewġ linji, ir-rekwiżit fil-punt 2.9. għandu japplika għal kull linja.

2.10.

Rekwiżiti għall-post tal-VIN fuq vettura

2.10.1.

Il-VIN għandu jkun immarkat fuq linja waħda.

2.10.1.1.

Fejn, għal raġunijiet tekniċi bħal nuqqas ta’ spazju, il-VIN ma jkunx jista’ jiġi mmarkat fuq linja waħda, l-awtorità nazzjonali tista’, fuq talba tal-manifattur, tippermetti li l-VIN ikun immarkat fuq żewġ linji. F’każ bħal dan, it-taqsimiet imsemmija fil-punt 2.1. ma jistgħux jiġu interrotti.

2.10.2.

Il-VIN għandu jkun immarkat permezz ta’ timbru jew b’martellar mekkaniku fuq ix-xażi, qafas jew struttura simili oħra.

2.10.3.

Tekniki li huma ppruvati li joffru l-istess livell ta’ inalterabbiltà kontra t-tbagħbis jew il-falsifikazzjoni bħall-martellar mekkaniku jistgħu jintużaw minflok dik it-teknika.

2.10.4.

Il-VIN għandu jkun immarkat f’post li jkun viżibbli b’mod ċar u aċċessibbli faċilment, b’mod li l-immarkar ma jkunx jista’ jitħassar jew jiddeterjora.

2.10.5.

Il-VIN għandu jitqiegħed fuq in-naħa tal-lemin tal-vettura.

Taqsima B

Mudell ta’ pjanċa statutorja

1.   MUDELL A

għall-vetturi tal-kategorija M1 u N1

JERMY CLARKFILS AUTOMOBILES S.A. e2*2018/858*11460 VRZUA5FX29J276031 1 850  kg 3 290  kg 1 - 1 100  kg 2 - 880 kg

Eżempju ta’ pjanċa statutorja tal-manifattur għal vettura tal-kategorija M1 b’approvazzjoni tat-tip minn Franza.

2.   MUDELL B

għall-vetturi tal-kategorija M2, M3, N2 u N3

DEMURO VEICOLI COMMERCIALI S.P.A. e3*2018/858*52288 ZCFC35A3405850414
(IT) 17 990  kg 40 000  kg 1 - 7 100  kg 2 - 11 500  kg T - kg	17 990  kg 44 000  kg 1 - 7 100  kg 2 - 11 500  kg T - kg

Eżempju ta’ pjanċa statutorja tal-manifattur għal vettura tal-kategorija N3 li jkollha approvazzjoni tat-tip mill-Italja.

Nota:

il-kolonna fuq in-naħa tax-xellug mhijiex obbligatorja

3.   MUDELL C

għall-vetturi tal-kategorija O1 u O2

KAPITÅN SLØW e5*2018/858*11460 YSXFB56VX71134031 1 500  kg 0 - 100 kg 1 - 1 100  kg 2 - 880 kg

Eżempju ta’ pjanċa statutorja tal-manifattur għal vettura tal-kategorija O2 li jkollha approvazzjoni tat-tip mill-Iżvezja.

4.   MUDELL D

għall-vetturi tal-kategorija O3 u O4

Jalo Pnik CO. TD e8*2018/858*10036 2T0YX646XX7472266
(CZ) 34 000  kg 0 - 8 000  kg 1 - 9 000  kg 2 - 9 000  kg 3 - 9 000  kg T - 27 000  kg	37 000  kg 0 - 8 000  kg 1 - 10 000  kg 2 - 10 000  kg 3 - 10 000  kg T - 30 000  kg

Eżempju ta’ pjanċa statutorja tal-manifattur għal vettura tal-kategorija O4 li jkollha approvazzjoni tat-tip fir-Repubblika Ċeka.

Nota:

il-kolonna fuq in-naħa tax-xellug mhijiex obbligatorja

5.   MUDELL E

pjanċa addizzjonali għal vetturi mibnija f’diversi stadji (f’konformità mal-punt 4.2. tal-Anness IX tar-Regolament (UE) 2018/858)

Konverżjonijiet HaMsTeR LLP e49*2018/858*01912 Fażi 3 VRZUA5FX29J276031 1 900  kg kg 1 - 1 200  kg 2 - kg

Eżempju ta’ pjanċa statutorja tal-manifattur għal vettura b’diversi stadji tal-kategorija N1 li jkollha approvazzjoni tat-tip minn Ċipru. Il-massa teknikament permissibbli tissemma fuq din il-pjanċa, jiġifieri tkun inbidlet fl-istadju attwali tal-approvazzjoni. Il-massa massima teknikament permissibbli tal-kombinament mhijiex imsemmija fuq din il-pjanċa, jiġifieri ma nbidlitx fl-istadju attwali tal-approvazzjoni. Barra minn hekk, l-entrata “0” mhijiex imsemmija li jfisser li l-vettura hija permessa li tirmonka trejler. Il-massa massima teknikament permissibbli fuq l-ewwel fus hija msemmija fuq din il-pjanċa, jiġifieri din inbidlet fl-istadju attwali tal-approvazzjoni. Il-massa massima teknikament permissibbli fuq it-tieni fus ma tissemmiex fuq din il-pjanċa, u dan ifisser li ma nbidlitx fl-istadju attwali tal-approvazzjoni.

Taqsima C

Iċ-ċifra ta’ kontroll

1.   Iċ-ċifra ta’ kontroll għandha tiġi kkalkulata billi jitwettaq il-kalkolu matematiku speċifikat fil-punti 1.1. sa 1.4.

1.1.

Assenja lil kull numru fil-VIN il-valur matematiku attwali tiegħu u assenja għal kull ittra l-valur speċifikat hawn taħt: A = 1 J = 1 S = 2 B = 2 K = 2 T = 3 C = 3 L = 3 U = 4 D = 4 M = 4 V = 5 E = 5 N = 5 W = 6 F = 6 P = 7 X = 7 G = 7 R = 9 Y = 8 H = 8   Z = 9

1.2.

Immultiplika l-valur assenjat għal kull karattru fil-VIN bil-fattur tal-ponderazzjoni tal-pożizzjoni speċifikat hawn taħt: l-ewwel = 8 l-għaxar = 9 it-tieni = 7 il-ħdax = 8 it-tielet = 6 it-tnax = 7 ir-raba’ = 5 it-tlettax = 6 il-ħames = 4 l-erbatax = 5 is-sitt = 3 il-ħmistax = 4 is-seba’ = 2 is-sittax = 3 it-tmien = 10 is-sbatax = 2 id-disa’ = ċifra ta’ kontroll

1.3.

Żid il-prodotti li jirriżultaw u ddividi t-total bi 11.

1.4.

Iċ-ċifra ta’ kontroll (in-numru 0 sa 9 jew l-ittra X) hija bbażata jew fuq il-kumplament frazzjonali jew fuq il-kumplament deċimali ekwivalenti (imqarreb għall-eqreb elf) kif imniżżel fit-tabella ta’ hawn taħt. Iċ-ċifra ta’ kontroll Kumplament frazzjonali Il-kumplament deċimali ekwivalenti 0 0 0 1 1/11 0,091 2 2/11 0,182 3 3/11 0,273 4 4/11 0,364 5 5/11 0,455 6 6/11 0,545 7 7/11 0,634 8 8/11 0,727 9 9/11 0,818 X 10/11 0,909

PARTI 3

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (1) tal-approvazzjoni tat-tip ta’ tip ta’ vettura fir-rigward tal-pjanċa statutorja u n-numru ta’ identifikazzjoni tal-vettura f’konformità mar-rekwiżiti stabbiliti fl-Anness II tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (1):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

---

(1)  Ħassar fejn ma jkunx applikabbli.

ANNESS III

SPAZJU GĦALL-IMMUNTAR U T-TWAĦĦIL TA’ PJANĊI TA’ REĠISTRAZZJONI TA’ QUDDIEM U TA’ WARA

PARTI 1

Dokument ta’ informazzjoni għall-approvazzjoni tat-tip tal-UE ta’ vetturi bil-mutur u t-trejlers tagħhom fir-rigward tal-ispazju għall-immuntar u t-twaħħil ta’ pjanċi ta’ reġistrazzjoni ta’ quddiem u ta’ wara

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura bil-mutur jew trejler fir-rigward tal-ispazju għall-immuntar u għat-twaħħil ta’ pjanċi ta’ reġistrazzjoni ta’ quddiem u ta’ wara.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

0.1.

0.2.

0.2.1.

0.3.

0.3.1.

0.4.

0.5.

0.8.

0.9.

1.

1.1.

2.

2.4.

2.4.2.

2.4.2.3.

2.6.

9.

9.14.

9.14.1.

9.14.2.

9.14.3.

9.14.4.

9.14.5.

9.14.5.1.

9.14.5.2.

9.14.5.3.

9.14.5.4.

9.14.6.

9.14.7.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

SPEĊIFIKAZZJONIJIET TEKNIĊI

1.

Għall-finijiet ta’ dan l-Anness, għandhom japplikaw id-definizzjonijiet li ġejjin:

1.1.

“wiċċ kważi ċatt” tfisser wiċċ ta’ materjal solidu, li jista’ jkun magħmul ukoll minn disinn tal-malji jew gradilja, b’raġġ ta’ kurvatura ta’ mill-inqas 3 000 mm;

1.2.

“wiċċ bid-disinn tal-malji” tfisser wiċċ li jkollu forom mifruxin b’mod ugwali bħal forom tondi, ovali, djamanti, toqob rettangolari jew kwadri mifruxa b’mod indaqs f’intervalli ta’ mhux aktar minn 15-il mm;

1.3.

“wiċċ ta’ gradilja” tfisser wiċċ li jkun magħmul minn vireg paralleli li huma mifruxin b’mod indaqs u li għandhom distanza minn xulxin ta’ mhux aktar minn 15-il mm;

1.4.

“wiċċ nominali” tfisser il-wiċċ teoretiku ġeometrikament perfett mingħajr ma jitqiesu l-irregolaritajiet bħal sporġenzi jew għafsiet;

1.5.

“pjan lonġitudinali medjan tal-vettura” tfisser il-pjan ta’ simetrija tal-vettura jew, jekk il-vettura ma tkunx simetrika, il-pjan lonġitudinali vertikali li jgħaddi minn nofs il-fusijiet tal-vettura;

1.6.

“inklinazzjoni” tfisser il-grad tad-devjazzjoni angolari fir-rigward tal-pjan vertikali.

2.

Rekwiżiti tekniċi

2.1.

Il-vetturi għandhom ikunu mgħammra bi spazju għall-immuntar u t-twaħħil tal-pjanċi tar-reġistrazzjoni ta’ wara.

2.1.1.

Minbarra dan, il-vetturi bil-mutur tal-kategoriji M u N għandhom ikunu mgħammra bi spazju għall-immuntar u għat-twaħħil tal-pjanċi tar-reġistrazzjoni ta’ quddiem.

2.1.2.

Il-vetturi tal-kategorija O2, O3 u O4 għandhom ikunu mgħammra b’żewġ spazji separati għall-immuntar u t-twaħħil tal-pjanċi ta’ reġistrazzjoni ta’ wara (jiġifieri li jippermettu l-identifikazzjoni fakultattiva ta’ vettura tal-irmonk fejn meħtieġ minn awtorità nazzjonali).

2.2.

Forma u dimensjonijiet tal-ispazju għall-immuntar ta’ pjanċa tar-reġistrazzjoni

2.2.1.

L-ispazju magħżul għall-immuntar għandu jinkludi żona rettangolari bid-dimensjonijiet minimi li ġejjin: jew (“pjanċa wiesgħa”) wisa’: 520 mm għoli: 120 mm jew (“pjanċa twila”) wisa’: 340 mm għoli: 240 mm.

2.3.

L-immuntar u t-twaħħil ta’ pjanċi ta’ reġistrazzjoni ta’ quddiem u ta’ wara.

2.3.1.

L-ispazju għall-immuntar ta’ pjanċa tar-reġistrazzjoni ta’ quddiem jew ta’ wara għandu jinkludi wiċċ rettangolari ċatt jew virtwalment ċatt.

2.3.1.1.

Adapter f’forma ta’ pjanċa jew bracket jistgħu jifformaw il-bażi tal-ispazju għall-immuntar ta’ pjanċa tar-reġistrazzjoni meta din tkun ipprovduta bħala tagħmir standard. Dan jista’ jkun iddisinjat b’tali mod li jkun jista’ jitwaħħal fuq il-vettura, flimkien ma’ pjanċa tar-reġistrazzjoni biss.

2.3.1.2.

Il-manifattur tal-vettura jista’ jipprovdi spazji għall-pjanċi tar-reġistrazzjoni fakultattivi jew alternattivi fuq il-vettura, sakemm ikunu konformi mar-rekwiżiti.

2.3.2.

Il-wiċċ li għandu jiġi mgħotti bi pjanċa tar-reġistrazzjoni ta’ quddiem jew ta’ wara jista’ jkollu toqob jew spazji; madankollu dawk it-toqob jew spazji ma għandhomx ikunu għoljin aktar minn 75 mm, mingħajr ma jitqies il-wisa’ tagħhom.

2.3.3.

Il-wiċċ li jenħtieġ jitgħatta mill-pjanċa tar-reġistrazzjoni ta’ quddiem jew ta’ wara jista’ jkollu l-isporġenzi, sakemm dawn ma jisporġux aktar minn 5,0 mm mill-wiċċ nominali. Kuxxinetti ta’ materjali rotob ħafna, bħal fowm jew feltru biex iwaqqfu l-pjanċa tar-reġistrazzjoni milli tivvibra, ma għandhomx jitqiesu.

2.3.4.

L-ispazju għall-immuntar ta’ pjanċa tar-reġistrazzjoni ta’ quddiem jew ta’ wara għandu jkun tali li, bi pjanċa tat-test, kif definita fil-punt 3.4, imwaħħla f’konformità mal-istruzzjonijiet tal-manifattur, l-karatteristiċi li ġejjin ikunu ssodisfati:

2.3.4.1.

Il-pożizzjoni tal-ispazju għall-immuntar ta’ pjanċa tar-reġistrazzjoni ta’ quddiem jew ta’ wara:

2.3.4.1.1.

L-ispazju għall-immuntar ta’ pjanċa tar-reġistrazzjoni fuq in-naħa ta’ quddiem tal-vettura għandu jkun tali li l-pjanċa tkun tista’ titqiegħed kompletament bejn iż-żewġ pjani vertikali lonġitudinali paralleli li jgħaddu minn ġol-estremitajiet ta’ barra tal-vettura, mingħajr ma jitqies l-ebda apparat għall-viżjoni indiretta. L-ispazju magħżul ma għandux jifforma l-aktar punt wiesa’ tal-vettura.

2.3.4.1.2.

L-ispazju għall-immuntar ta’ pjanċa tar-reġistrazzjoni fuq in-naħa ta’ wara tal-vettura għandu jkun tali li l-pjanċa tkun tista’ titqiegħed kompletament bejn iż-żewġ pjani vertikali lonġitudinali paralleli li jgħaddu minn ġol-estremitajiet ta’ barra tal-vettura, mingħajr ma jitqies l-ebda apparat għall-viżjoni indiretta. L-ispazju magħżul ma għandux jifforma l-aktar punt wiesa’ tal-vettura.

2.3.4.1.3.

Il-pjanċi tar-reġistrazzjoni ta’ quddiem u ta’ wara għandhom ikunu perpendikulari (± 5°) mal-pjan medjan lonġitudinali tal-vettura, imkejla fiċ-ċentru tal-pjanċa.

2.3.4.2.

Pożizzjoni tal-pjanċa ta’ quddiem u ta’ wara fir-rigward tal-pjan trasversali vertikali:

2.3.4.2.1.

Il-pjanċa tista’ tkun inklinata mal-vertikali mhux inqas minn – 5° u mhux aktar minn 30°, sakemm l-għoli tat-tarf ta’ fuq tal-pjanċa ma jkunx aktar minn 1 500 mm mill-wiċċ tal-art.

2.3.4.2.2.

Il-pjanċa tista’ tkun inklinata mal-vertikali mhux inqas minn – 15° u mhux aktar minn 5°, sakemm l-għoli tat-tarf ta’ fuq tal-pjanċa jkun aktar minn 1 500 mm mill-wiċċ tal-art.

2.3.4.3.

Għoli tal-pjanċa ta’ quddiem u ta’ wara minn wiċċ l-art:

2.3.4.3.1.

It-tarf ta’ isfel tal-pjanċa ta’ quddiem ma għandux ikun inqas minn 100 mm mill-wiċċ tal-art.

2.3.4.3.2.

It-tarf ta’ isfel tal-pjanċa ta’ wara ma għandux ikun inqas minn 200 mm mill-wiċċ tal-art.

2.3.4.3.3.

L-għoli tat-tarf ta’ fuq tal-pjanċa ta’ quddiem u ta’ wara minn wiċċ l-art ma għandux ikun aktar minn 1 500 mm.

2.3.4.3.3.1.

Għal vetturi bi skop speċjali, fejn ma jkunx prattikabbli li jkun hemm konformità mad-dispożizzjoni tal-għoli għall-ispazju tal-pjanċa tar-reġistrazzjoni ta’ quddiem u ta’ wara minħabba l-bini tal-vettura, l-għoli massimu jista’, b’deroga mill-punt 2.3.4.3.3., ikun aktar minn 1 500 mm sakemm ikun qrib dak il-limitu skont ma jippermettu l-karatteristiċi tal-kostruzzjoni tal-vettura.

2.3.4.4.

Viżibbiltà ġeometrika:

2.3.4.4.1.

Il-pjanċi ta’ quddiem u ta’ wara għandhom ikunu jidhru fl-ispazju kollu fil-limiti tal-erba’ pjani li ġejjin: (a) iż-żewġ pjani vertikali li jmissu maż-żewġt itruf laterali tal-pjanċa u li jiffurmaw angolu mkejjel ’il barra lejn ix-xellug u lejn il-lemin tal-pjanċa ta’ 30° mal-pjan lonġitudinali medjan tal-vettura; (b) il-pjan li jmiss it-tarf ta’ fuq tal-pjanċa u li jifforma angolu mkejjel ’il fuq ta’ 15° mal-pjan orizzontali; (c) il-pjan orizzontali sat-tarf ta’ taħt tal-pjanċa, f’każ li l-għoli tat-tarf ta’ fuq tal-pjanċa mill-wiċċ tal-art ma jkunx aktar minn 1 500 mm; (d) il-pjan li jmiss it-tarf ta’ taħt tal-pjanċa u li jifforma angolu mkejjel ’l isfel ta’ 15° ma’ dak orizzontali, f’każ li l-għoli tat-tarf ta’ fuq tal-pjanċa minn wiċċ l-art ikun aktar minn 1 500 mm. Il-pjanċa ta’ quddiem għandha tkun viżibbli lejn in-naħa ta’ quddiem tal-vettura u l-pjanċa ta’ wara għandha tkun viżibbli lejn in-naħa ta’ wara tal-vettura.

2.3.4.4.2.

L-ebda element strutturali, anki meta jkun trasparenti għalkollox, ma għandu jitpoġġa fl-ispazju deskritt hawn fuq.

2.3.4.5.

L-ispazju bejn it-truf ta’ pjanċa tar-reġistrazzjoni mmuntata u mwaħħla u l-wiċċ attwali tal-ispazju tal-pjanċa ma għandux ikun aktar minn 5,0 mm tul il-kontorn sħiħ tal-pjanċa.

2.3.4.5.1.

Dan l-ispazju ma jistax ikun akbar jekk jitkejjel f’toqba jew fi spazju fil-wiċċ bid-disinn tal-malji jew bejn il-vireg paralleli f’wiċċ ta’ gradilja.

2.3.5.

Il-pożizzjoni u l-forma attwali tal-pjanċa tat-test immuntata u mwaħħla kif stabbilit hawn fuq, b’mod partikolari r-raġġ tal-kurvatura tagħha li jirriżulta, għandhom jitqiesu għall-finijiet tar-rekwiżiti tal-apparat tat-tidwil tal-pjanċa tar-reġistrazzjoni ta’ wara.

2.4.

Rekwiżiti oħra

2.4.1.

Il-preżenza ta’ pjanċa tar-reġistrazzjoni ma għandhiex tifforma l-bażi jew parti mill-bażi għat-twaħħil, l-immuntar jew l-ikklippjar ta’ kwalunkwe parti, komponent jew apparat ieħor tal-vettura magħha (eż. appoġġi għall-apparat tat-tidwil ma jistgħux jitwaħħlu ma’ pjanċa tar-reġistrazzjoni).

2.4.2.

L-ebda parti, pjanċa ta’ adaptor, komponent jew apparat tal-vettura ma għandha tinħall jew tinqala’ minn postha b’riżultat tat-tneħħija ta’ pjanċa tar-reġistrazzjoni.

2.4.3.

Meta jkun hemm pjanċa tar-reġistrazzjoni mwaħħla, il-viżibbiltà tagħha ma għandhiex tonqos f’kundizzjonijiet normali ta’ użu minħabba, b’mod partikolari, il-vibrazzjonijiet u forzi dinamiċi bħall-forzi tar-riħ waqt is-sewqan.

2.4.4.

Mhuwiex permess li tiġi pprovduta pożizzjoni għall-immuntar tal-pjanċa tar-reġistrazzjoni li tista’ ddur ’il fuq u/jew ’l isfel lil hinn mill-angoli stipulati fil-punti 2.3.4.2.1. u 2.3.4.2.2. fir-rigward tal-istruttura tal-vettura f’kundizzjonijiet normali ta’ sewqan (jiġifieri bil-bibien jew bil-pannelli tal-aċċess magħluqa).

2.4.5.

Meta jiġi ddikjarat mill-manifattur tal-vetturi li vettura bil-mutur hija xierqa għall-irmonk ta’ tagħbijiet (il-punt 2.11.5. tad-dokument ta’ informazzjoni msemmi fl-Artikolu 24(1) tar-Regolament (UE) 2018/858) u kwalunkwe parti minn apparat ta’ akkoppjament mekkaniku xieraq, kemm jekk tkun imwaħħla kif ukoll jekk le mat-tip ta’ vettura bil-mutur, tista’ tostor (parzjalment) l-ispazju għall-immuntar u t-twaħħil tal-pjanċa ta’ reġistrazzjoni ta’ wara, għandu japplika dan li ġej: (a) l-istruzzjonijiet għall-utent tal-vettura bil-mutur (eż. il-manwal tas-sid, il-ktejjeb tal-vettura) għandhom jispeċifikaw biċ-ċar li l-installazzjoni ta’ apparat ta’ akkoppjament mekkaniku li ma jistax jinqala’ jew jinbidillu postu faċilment mhijiex permessa, (b) l-istruzzjonijiet għandhom jispeċifikaw biċ-ċar ukoll li apparat ta’ akkoppjament mekkaniku, meta jkun imwaħħal, għandu dejjem jitneħħa jew jinbidillu postu meta ma jkunx qiegħed jintuża; u (c) fil-każ ta’ approvazzjoni tat-tip ta’ sistema ta’ vettura f’konformità mar-Regolament tan-NU Nru 55 (1), għandu jiġi żgurat li d-dispożizzjonijiet tat-tneħħija, il-bdil tal-post u/jew it-tqegħid f’pożizzjoni alternattiva huma rispettati bis-sħiħ fir-rigward tal-installazzjoni tat-tidwil u l-ispazju għall-immuntar u t-twaħħil tal-pjanċa ta’ reġistrazzjoni ta’ wara.

3.

Il-proċedura tat-test

3.1.

Determinazzjoni tal-inklinazzjoni vertikali u l-għoli tal-pjanċa tar-reġistrazzjoni tat-test mill-wiċċ tal-art.

3.1.1.

Il-vettura għandha titqiegħed fuq wiċċ lixx orizzontali. Ir-roti direzzjonali għandhom ikunu ppuntati fil-pożizzjoni dritta ’l quddiem u l-massa tal-vettura għandha tiġi aġġustata għal dik tal-massa fi stat ta’ tħaddim, iżda mingħajr is-sewwieq, qabel ma jsir il-kejl.

3.1.2.

Jekk il-vettura tkun mgħammra b’sospensjoni idropnewmatika, idrawlika jew pnewmatika jew b’apparat li jista’ jiġi aġġustat skont it-tagħbija, din għandha tiġi ttestjata bis-sospensjoni jew b’apparat fil-kundizzjoni normali tat-tħaddim, kif speċifikat mill-manifattur.

3.1.3.

Jekk in-naħa primarja u viżibbli tal-pjanċa tar-reġistrazzjoni tat-test tkun tħares ’l isfel, il-kejl tal-inklinazzjoni għandu jiġi espress bħala angolu negattiv (minus).

3.2.

L-isporġenzi għandhom jitkejlu b’mod perpendikolari u direttament lejn il-wiċċ nominali li jkun se jiġi mgħotti mill-pjanċa tar-reġistrazzjoni.

3.3.

L-ispazju bejn it-tarf tal-pjanċa tar-reġistrazzjoni tat-test immuntata u mwaħħla u l-wiċċ għandhom jitkejlu b’mod perpendikulari u direttament lejn il-wiċċ attwali li għandu jkun mgħotti bil-pjanċa.

3.4.

Il-pjanċa tar-reġistrazzjoni użata għall-kontroll tal-konformità għandu jkollha wieħed miż-żewġ daqsijiet kif speċifikat fil-punt 2.2.1. u ħxuna ta’ mhux aktar minn 4,0 mm. Il-kantunieri għandu jkollhom raġġ ta’ 10 mm.

PARTI 3

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (2) tal-approvazzjoni tat-tip ta’ tip ta’ vettura fir-rigward tal-ispazji tal-pjanċi tar-reġistrazzjoni f’konformità mar-rekwiżiti stabbiliti fl-Anness III tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (2):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

---

(1)  Ir-Regolament Nru 55 tal-Kummissjoni Ekonomika għall-Ewropa tan-Nazzjonijiet Uniti (NU/ECE) — Dispożizzjonijiet uniformi dwar l-approvazzjoni tal-komponenti tal-akkoppjament mekkaniku ta’ kombinazzjonijiet ta’ vetturi (ĠU L 153, 15.6.2018, p. 179).

(2)  Ħassar fejn ma jkunx applikabbli.

ANNESS IV

SISTEMI TAL-WAJPERS U TAL-WOXER TAL-WINDSKRIN

PARTI 1

Taqsima A

Dokument ta’ informazzjoni għall-approvazzjoni tat-tip tal-UE ta’ vetturi bil-mutur fir-rigward tas-sistemi tal-wajpers u tal-woxer tal-windskrin tagħhom

MUDELL

Dokument ta’ informazzjoni Nru … li jirrigwarda l-approvazzjoni tat-tip tal-UE ta’ vettura bil-mutur fir-rigward tas-sistemi tagħha tal-wajpers u tal-woxer tal-windskrin.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

0.1.

0.2.

0.2.1.

0.3.

0.3.1.

0.4.

0.5.

0.8.

0.9.

1.

1.1.

3.

3.2.

3.2.1.8.

3.2.5.

3.2.5.1.

3.2.5.2.

3.2.5.2.1.

3.2.5.2.2.

3.3.

3.3.1.1.

3.3.1.2.

3.3.2.

3.3.2.3.

3.4.

3.4.1.

3.4.2.

3.4.4.

3.4.4.5.

3.4.4.6.

4.

4.7.

9.

9.2.

9.4.

9.4.1.

9.5.

9.5.1.

9.5.1.1.

9.5.1.2.

9.5.1.3.

9.5.1.4.

9.5.1.5.

9.6.

9.6.1.

9.7.

9.7.1.

9.8.

9.8.2.

9.10.

9.10.3.

9.10.3.5.

9.10.3.5.1.

9.10.3.6.

9.10.3.6.1.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

Taqsima B

Dokument ta’ informazzjoni għall-approvazzjoni tat-tip tal-UE ta’ sistemi tal-woxer tal-windskrin bħala unitajiet tekniċi separati

MUDELL

Dokument ta’ informazzjoni Nru … dwar l-approvazzjoni tat-tip tal-UE bħala unità teknika separata ta’ sistemi tal-woxer tal-windskrin.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija għandha tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

Meta s-sistemi, il-komponenti jew unitajiet tekniċi oħra msemmija f’dan id-dokument ta’ informazzjoni jkollhom kontrolli elettroniċi, għandha tiġi pprovduta informazzjoni dwar il-prestazzjoni tagħhom.

0.

0.1.

0.2.

0.3.

0.3.1.

0.4.

0.5.

0.7.

0.8.

0.9.

9.7.

9.7.1.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

SPEĊIFIKAZZJONIJIET TEKNIĊI

1.

Għall-finijiet ta’ dan l-Anness, għandhom japplikaw id-definizzjonijiet li ġejjin:

1.1.

“żona tal-wajpers” tfisser iż-żona/i fuq il-windskrin li tintmesaħ mix-xafra/xfafar tal-wajper(s) meta s-sistema tal-wajpers tkun qed taħdem f’kundizzjonijiet normali;

1.2.

“tħaddim intermittenti tas-sistema tal-wajpers” tfisser modalità tat-tħaddim awtomatiku u mhux kontinwu tas-sistema tal-wajpers, fejn wara kull ċiklu komplet ikun hemm perjodu li matulu l-wajpers ikunu weqfin f’pożizzjoni waħda speċifika magħżula ta’ waqfien;

1.3.

“kontroll tal-woxer” tfisser l-apparat li bih is-sistema tal-woxer tiġi attivata jew diżattivata b’mod manwali;

1.4.

“pompa tal-woxer” tfisser apparat għat-trasferiment tal-fluwidu mill-kompartiment tal-ħżin tas-sistema tal-woxer għall-wiċċ ta’ barra tal-windskrin;

1.5.

“żennuna” tfisser apparat li jservi biex jidderieġi l-fluwidu għal fuq il-windskrin;

1.6.

“sistema pprajmjata għalkollox” tfisser sistema li tkun ġiet attivata b’mod normali għal perjodu ta’ żmien u fejn il-fluwidu jkun ġie trasferit minn ġol-pompa, il-pajpijiet u jkun ħareġ miż-żennuna/i;

1.7.

“żona mnaddfa” tfisser iż-żona preċedentement maħmuġa li ma jkollha l-ebda traċċa ta’ qtar u fdal ta’ ħmieġ wara li tkun nixfet għalkollox;

1.8.

“żona ta’ viżibbiltà A” tfisser żona tat-test A kif definita fil-paragrafu 2.2. tal-Anness 21 tar-Regolament tan-NU Nru 43 dwar id-dispożizzjonijiet uniformi li jikkonċernaw l-approvazzjoni ta’ materjal tal-ħġieġ tas-sikurezza u l-installazzjoni tiegħu fuq il-vetturi (1);

1.9.

“żona ta’ viżibbiltà B” tfisser żona mnaqqsa tat-test B kif definita fil-paragrafu 2.4. tal-Anness 21 tar-Regolament tan-NU Nru 43, mingħajr l-esklużjoni taż-żona definita fil-paragrafu 2.4.1. (jiġifieri ż-żona ta’ viżibbiltà A hija inkluża);

1.10.

“sistema ta’ referenza tridimensjonali” tfisser grilja ta’ referenza kif deskritta fl-Anness 1 tar-Riżoluzzjoni Konsolidata dwar il-Kostruzzjoni tal-Vetturi (R.E.3);

1.11.

“swiċċ ta’ kontroll prinċipali tal-vettura” tfisser apparat li permezz tiegħu, is-sistema tal-elettronika abbord il-vettura tgħaddi minn modalità mitfija, bħal fil-każ fejn vettura tkun ipparkjata mingħajr il-preżenza tas-sewwieq, għal dik ta’ tħaddim normali.

2.

Rekwiżiti tekniċi

2.1.

Sistema tal-wajpers tal-windskrin.

2.1.1.

Kull vettura li tkun mgħammra b’windskrin għandha tkun mgħammra b’sistema tal-wajpers tal-windskrin li tkun kapaċi tiffunzjona meta l-iswiċċ ta’ kontroll prinċipali tal-vettura jkun ġie attivat, mingħajr ebda azzjoni mis-sewwieq għajr il-bdil tal-kontroll tat-tħaddim, meħtieġ biex tinxtegħel u titwaqqaf is-sistema tal-wajpers tal-windskrin, għall-pożizzjoni mixgħula.

2.1.1.1.

Is-sistema tal-wajpers tal-windskrin għandha tkun magħmula minn driegħ wieħed jew aktar ta’ wajpers li għandu jkollhom xfafar tal-wajpers li jkunu jistgħu jinbidlu faċilment.

2.1.2.

Iż-żona tal-wajpers tal-windskrin għandha tkopri mill-inqas 98 % taż-żona ta’ viżibbiltà A.

2.1.3.

Iż-żona tal-wajpers tal-windskrin għandha tkopri mill-inqas 80 % taż-żona ta’ viżibbiltà B.

2.1.4.

Iż-żona tal-wajpers tal-windskrin għandha tissodisfa r-rekwiżiti tal-punt 2.1.2. u 2.1.3. meta s-sistema tkun qed topera fi frekwenza tal-mesħiet li tikkorrispondi mal-punt 2.1.5.1., u għandha tiġi ttestjata fil-kundizzjonijiet stabbiliti fil-punti 3.1.10. sa 3.1.10.3.

2.1.5.

Is-sistema tal-wajpers tal-windskrin għandu jkollha mill-anqas żewġ settings tal-frekwenza tal-mesħiet:

2.1.5.1.

Frekwenza ta’ mhux inqas minn 10 u mhux aktar minn 55 ċiklu kull minuta.

2.1.5.2.

Frekwenza ta’ mhux inqas minn 45 ċiklu komplet kull minuta.

2.1.5.3.

Id-differenza bejn l-ogħla setting tal-frekwenza tal-mesħiet u frekwenza aktar baxxa għandha tkun ta’ mill-anqas 15-il ċiklu kull minuta.

2.1.5.4.

It-tħaddim intermittenti tas-sistema tal-wajpers tal-windskrin jista’ jintuża għall-konformità mar-rekwiżiti tal-punti 2.1.5.1. sa 2.1.5.3.

2.1.6.

Il-frekwenzi msemmija fil-punti 2.1.5. sa 2.1.5.3. għandhom jiġu ttestjati fil-kundizzjonijiet stabbiliti fil-punti 3.1.1. sa 3.1.6. u 3.1.8.

2.1.7.

Meta s-sistema tal-wajpers tal-windskrin titwaqqaf bħala riżultat ta’ bdil tal-kontroll tat-tħaddim għall-pożizzjoni mitfija, id-driegħ/dirgħajn u x-xafra/xfafar tal-wajper(s) għandhom jerġgħu lura għall-pożizzjoni tagħhom ta’ mistrieħ.

2.1.8.

Is-sistema tal-wajpers tal-windskrin għandha tkun kapaċi tiflaħ waqfien għal mill-anqas 15-il sekonda. Jistgħu jintużaw apparati awtomatiċi ta’ protezzjoni taċ-ċirkwiti, bil-kundizzjoni li għall-issettjar mill-ġdid ma tkun meħtieġa l-ebda azzjoni ħlief it-tħaddim tal-kontroll tat-tħaddim tal-wajpers tal-windskrin.

2.1.9.

Il-kapaċità ta’ reżistenza għall-waqfien tas-sistema tal-wajpers tal-windskrin imsemmija fil-punt 2.1.8. għandha tiġi ttestjata fil-kundizzjonijiet stabbiliti fil-punt 3.1.7.

2.1.10.

Fejn il-pożizzjoni ta’ mistrieħ tad-driegħ/dirgħajn jew xafra/xfafar tal-wajper(s) tal-windskrin ma tkunx barra miż-żona ta’ viżibbiltà B, għandu jkun possibbli li d-driegħ/dirgħajn tal-wajper(s) jiġi/jiġu spostat/spostati b’tali mod li x-xafra/xfafar tal-wajper(s) tista’/jistgħu titneħħa/jitneħħew mill-pożizzjoni tagħha/tagħhom fuq il-windskrin biex ikun permess li l-windskrin jitnaddaf manwalment.

2.1.11.

Is-sistema tal-wajpers tal-windskrin għandha tkun kapaċi taħdem għal 120 sekonda fuq windskrin xott f’temperatura ambjentali ta’ – 18 °C, mingħajr degradazzjoni tal-prestazzjoni.

2.1.12.

Il-prestazzjoni tas-sistema tal-wajpers tal-windskrin f’temperatura ta’ – 18 °C għandha tiġi ttestjata fil-kundizzjonijiet stabbiliti fil-punt 3.1.11.

2.1.13.

Is-sistema tal-wajpers tal-windskrin għandha tkompli tissodisfa r-rekwiżiti tal-punt 2.1.2. mingħajr ebda degradazzjoni tal-effiċjenza, meta tkun qed taħdem bi frekwenza massima u meta l-vettura tkun soġġetta għal veloċità tal-arja relattiva ugwali għal 80 % tal-veloċità massima tad-disinn tal-vettura jew 160 km/h, liema minnhom tkun l-aktar baxxa. Iż-żona ta’ viżibbiltà A tal-windskrin għandha titħejja f’konformità mal-punti 3.1.8. u 3.1.9. L-effetti ajrudinamiċi assoċjati mad-daqs u l-forma tal-windskrin, id-driegħ/dirgħajn tal-wajper(s) u x-xafra/xfafar tal-wajper(s) għandhom jiġu vverifikati f’dawn il-kundizzjonijiet, filwaqt li jitqies ukoll il-punt 3.1.9.1. Matul it-test, ix-xafra/xfafar tal-wajper(s) iridu jibqgħu jmissu mal-windskrin u ma għandux ikun permess irfigħ komplet. Ix-xafra/xfafar tal-wajper(s) għandhom jibqgħu f’kuntatt sħiħ mal-windskrin fiż-żona kif stabbilit fil-punt 2.1.2. għal kull ċiklu sħiħ u l-irfigħ parzjali ’l fuq kif ukoll ’l isfel ma għandux ikun permess.

2.2.

Sistema tal-woxer tal-windskrin.

2.2.1.

Kull vettura li tkun mgħammra b’windskrin għandha tkun mgħammra b’sistema ta’ woxer tal-windskrin li tkun kapaċi tiffunzjona meta jkun ġie attivat l-iswiċċ ta’ kontroll prinċipali tal-vettura, u li tkun kapaċi tiflaħ tagħbijiet u pressjonijiet li jirriżultaw meta ż-żennuni jkunu pplakkjati u s-sistema tiġi attwata f’konformità mal-proċedura stabbilita fil-punti 3.2.1.1. sa 3.2.1.1.2.

2.2.2.

Il-prestazzjoni tas-sistema tal-woxer tal-windskrin ma għandhiex tiġi affettwata ħażin mill-esponiment għaċ-ċikli tat-temperatura f’konformità mal-punti 3.2.1. sa 3.2.5.

2.2.3.

Is-sistema tal-woxer tal-windskrin għandu jkollha l-kapaċità li traxxax il-fluwidu lejn iż-żona fil-mira tal-windskrin, mingħajr ebda traċċa ta’ tnixxija, skonnettjar ta’ kwalunkwe pajp u funzjonament ħażin ta’ kwalunkwe żennuna, f’kundizzjonijiet normali meta tiġi soġġetta għal temperaturi ambjentali ta’ bejn – 18 °C u 80°C. Barra minn hekk, meta ż-żennuni jkunu mblukkati, is-sistema ma għandha turi l-ebda sinjal ta’ tnixxija jew skonnettjar ta’ kwalunkwe pajp.

2.2.4.

Is-sistema tal-woxer tal-windskrin għandha tkun kapaċi tipprovdi biżżejjed fluwidu biex tnaddaf mill-inqas 60 % taż-żona ta’ viżibbiltà A, fil-kundizzjonijiet kif stabbiliti fil-punti 3.2.6. sa 3.2.6.4.

2.2.5.

Is-sistema tal-woxer tal-windskrin tista’ tiġi attivata manwalment permezz tal-kontroll tal-woxer. Barra minn hekk, l-attivazzjoni u d-diżattivazzjoni tas-sistema tista’ tiġi wkoll ikkoordinata u kkombinata ma’ kwalunkwe sistema oħra tal-vettura.

2.2.6.

Il-kapaċità tal-kompartiment li jkun fih il-likwidu għandha tkun ≥ 1.0 litru.

3.

Il-proċedura tat-test

3.1.

Kundizzjonijiet tat-test tas-sistema tal-wajpers tal-windskrin.

3.1.1.

It-testijiet deskritti hawn taħt għandhom jitwettqu fil-kundizzjonijiet kif iddikjarat fil-punti 3.1.2. sa 3.1.5. sakemm ma jkunx speċifikat mod ieħor.

3.1.2.

It-temperatura ambjentali għandha tkun bejn 5°C u 40°C.

3.1.3.

Il-windskrin għandu jinżamm imxarrab b’mod kostanti.

3.1.4.

Fil-każ ta’ sistema ta’ wajpers tal-windskrin li taħdem bl-elettriku, għandhom jiġu ssodisfati l-kundizzjonijiet li ġejjin.

3.1.4.1.

Il-batteriji kollha għandhom jiġu ċċarġjati kompletament fil-bidu tat-test.

3.1.4.2.

Il-magna, jekk tkun imwaħħla, għandha taħdem b’veloċità li ma taqbiżx it-30 % tal-veloċità li tikkorrispondi mal-output massimu prodott tagħha. Madankollu, fejn dan ikun ippruvat li mhuwiex prattikabbli minħabba strateġiji speċifiċi ta’ kontroll tal-magna, pereżempju fil-każ ta’ vetturi elettriċi u ibridi, xenarju realistiku li jqis il-veloċitajiet tal-magna, l-assenza perjodika jew l-assenza sħiħa ta’ magna li taħdem waqt kundizzjonijiet normali ta’ sewqan, għandha tiġi ddeterminata. Meta s-sistema tal-wajpers tal-windskrin tkun tista’ tissodisfa r-rekwiżiti mingħajr ma titqabbad il-magna, il-magna ma jkollhiex għalfejn titqabbad.

3.1.4.3.

Il-fanali ta’ quddiem b’raġġi baxxi jridu jkunu mixgħula.

3.1.4.4.

Is-sistemi kollha tat-tisħin, tal-ventilazzjoni, tat-tneħħija tal-ġelu u t-titpin li jkun hemm imwaħħla (irrispettivament mill-pożizzjoni fil-vettura) iridu jkunu qegħdin jaħdmu bil-konsum massimu tal-elettriku.

3.1.5.

Is-sistemi tal-wajpers tal-windskrin li jaħdmu bl-arja kkompressata jew b’vakwu jridu jkunu kapaċi jaħdmu bil-frekwenzi preskritti tal-mesħiet, irrispettivament mill-veloċità tal-magna u t-tagħbija tal-magna jew il-livelli minimi u massimi taċ-ċarġ tal-batterija speċifikati mill-manifattur għall-ħidma normali.

3.1.6.

Il-frekwenzi tal-mesħiet tas-sistema tal-wajpers tal-windskrin għandhom jikkonformaw mar-rekwiżiti tal-punti 2.1.5. sa 2.1.5.3. wara ħin ta’ tħaddim preliminari ta’ 20 minuta fuq windskrin imxarrab.

3.1.7.

Ir-rekwiżiti tal-punt 2.1.8. għandhom jitqiesu bħala ssodisfati meta d-dirgħajn tal-wajpers jitrażżnu f’pożizzjoni li tikkorrispondi għal nofs ċiklu, għal perjodu ta’ 15-il sekonda bil-kontroll tal-wajpers tal-windskrin issettjat fil-frekwenza massima tal-mesħiet.

3.1.8.

Il-wiċċ ta’ barra tal-windskrin għandu jkun imnaddaf sew minn żjut permezz ta’ spirtu metilizzat jew ta’ xi prodott sgrassanti ekwivalenti. Wara li jinxef, għandha tiġi applikata soluzzjoni ta’ ammonijaka ta’ mhux inqas minn 3 % u mhux aktar minn 10 %. Il-wiċċ għandu jitħalla jinxef għal darba oħra u mbagħad jintmesaħ b’ċarruta xotta tal-qoton.

3.1.9.

Kisja tat-taħlita tal-ittestjar, f’konformità mal-ispeċifikazzjonijiet kif stabbiliti fil-punt 4., għandha tiġi applikata b’mod uniformi fuq il-wiċċ ta’ barra tal-windskrin u titħalla tinxef.

3.1.9.1.

Meta l-wiċċ ta’ barra tal-windskrin ikun ġie ppreparat f’konformità mal-punti 3.1.8. u 3.1.9., is-sistema tal-woxer tal-windskrin tista’ tintuża matul it-testijiet applikabbli.

3.1.10.

Iż-żona tal-wajpers tas-sistema tal-wajpers tal-windskrin, kif imsemmi fil-punt 2.1.4., għandha tiġi ddeterminata kif ġej.

3.1.10.1.

Il-wiċċ ta’ barra tal-windskrin għandu jiġi ttrattat f’konformità mal-punti 3.1.8. u 3.1.9.

3.1.10.2.

Sabiex jiġi vverifikat li r-rekwiżiti tal-punti 2.1.2. u 2.1.3. huma ssodisfati, is-sistema tal-wajpers tal-windskrin għandha tiġi attivata, filwaqt li jitqies il-punt 3.1.9.1., u għandha ssir traċċa taż-żona tal-wajpers li għandha titqabbel ma’ traċċa taż-żoni ta’ viżibbiltà A u B.

3.1.10.3.

Is-servizz tekniku jista’ jaqbel li ssir proċedura tat-test alternattiva (eż. ittestjar virtwali) biex jiġi vverifikat li r-rekwiżiti tal-punti 2.1.2. u 2.1.3. huma ssodisfati.

3.1.11.

Ir-rekwiżiti tal-punt 2.1.11. għandhom jiġu ssodisfati f’temperatura ambjentali ta’ – 18 ± 3°C li fiha l-vettura tkun inħażnet għal minimu ta’ erba’ sigħat. Il-vettura għandha tkun lesta topera fil-kundizzjonijiet stabbiliti fil-punti 3.1.4. u 3.1.5. Matul it-test, is-sistema tal-wajpers għandha taħdem b’mod normali, iżda fil-frekwenza massima tal-mesħiet. Iż-żona tal-wajpers ma għandhiex għalfejn tiġi osservata.

3.2.

Kundizzjonijiet tat-test tas-sistema tal-woxer tal-windskrin.

3.2.1.

Test Nru 1 Is-sistema tal-woxer tal-windskrin għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ 20 ± 2°C għal mill-anqas erba’ sigħat. L-ilma għandu jiġi stabbilizzat f’dik it-temperatura.

3.2.1.1.

L-iżbokki kollha taż-żennuna għandhom jiġu pplakkjati fil-post fejn il-fluwidu joħroġ minn dawk iż-żennuni u l-kontroll tal-woxer tal-windskrin għandu jiġi attwat sitt darbiet f’minuta, kull darba għal mill-inqas tliet sekondi.

3.2.1.1.1.

Meta s-sistema tal-woxer tal-windskrin titħaddem bl-enerġija tal-muskoli tas-sewwieq, il-forza applikata għandha tkun bejn 11,0 u 13,5 daN f’każ ta’ pompa li titħaddem bl-idejn. Il-forza applikata għandha tkun bejn 40,0 u 44,5 daN fil-każ ta’ pompa mħaddma bis-saqajn.

3.2.1.1.2.

Fil-każ tal-pompi tal-elettriku, il-vultaġġ tat-test ma għandux ikun inqas mill-vultaġġ nominali u ma għandux ikun aktar mill-vultaġġ nominali miżjud b’2 Volts.

3.2.1.2.

Il-prestazzjoni tas-sistema tal-woxer tal-windskrin fl-aħħar tat-test għandha tkun f’konformità mal-punt 2.2.3.

3.2.2.

Test Nru 2 Is-sistema tal-woxer tal-windskrin għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ – 18 ± 3°C għal mill-anqas erba’ sigħat. L-ilma ma għandux għalfejn jiġi stabbilizzat f’din it-temperatura.

3.2.2.1.

Il-kontroll tal-woxer tal-windskrin għandu jiġi attwat sitt darbiet f’minuta, kull darba għal mill-inqas tliet sekondi, f’konformità mal-punti 3.2.1.1.1. u 3.2.1.1.2. Is-sistema mbagħad għandha titpoġġa f’temperatura ambjentali ta’ 20 ± 2°C sakemm is-silġ ikun inħall għalkollox. L-ilma ma għandux għalfejn jiġi stabbilizzat f’din it-temperatura. Il-prestazzjoni tas-sistema tal-woxer tal-windskrin imbagħad għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2.

3.2.3.

Test Nru 3 Test ta’ esponiment f’ċiklu ta’ temperatura baxxa

3.2.3.1.

Is-sistema tal-woxer tal-windskrin għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ – 18 ± 3°C għal mill-inqas erba’ sigħat sabiex il-massa totali tal-ilma fis-sistema tal-woxer tiġi ffriżata. Imbagħad, is-sistema għandha titpoġġa f’temperatura ambjentali ta’ 20 ± 2°C sakemm is-silġ ikun inħall għalkollox, iżda fi kwalunkwe każ għal mhux iżjed minn erba’ sigħat. Dan iċ-ċiklu ta’ ffriżar/ħall tas-silġ għandu jiġi ripetut sitt darbiet. Fl-aħħarnett, meta s-sistema tal-woxer tal-windskrin titqiegħed f’temperatura ambjentali ta’ 20 ± 2°C u s-silġ ikun inħall għalkollox, għalkemm l-ilma ma għandux għalfejn jiġi stabbilizzat f’din it-temperatura, il-prestazzjoni tas-sistema tal-woxer tal-windskrin għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2.

3.2.3.2.

Is-sistema tal-woxer tal-windskrin għandha timtela u tiġi pprajmjata għalkollox bi fluwidu ta’ temperatura baxxa għall-woxer tal-windskrin li jkun magħmul minn 50 % soluzzjoni ta’ metanol, jew inkella alkoħol isopropil, f’ilma b’ebusija ta’ mhux aktar minn 205 mg/l (Ca). Is-sistema għandha titqiegħed f’temperatura ambjentali ta’ – 18 ± 3°C għal mill-inqas erba’ sigħat. Il-fluwidu ma għandux għalfejn jiġi stabbilizzat f’din it-temperatura. Il-prestazzjoni tas-sistema tal-woxer tal-windskrin imbagħad għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2.

3.2.4.

Test Nru 4 Test ta’ esponiment għal ċikli ta’ temperatura għolja

3.2.4.1.

Jekk xi parti mis-sistema tal-woxer tal-windskrin tkun pożizzjonata fil-kompartiment tal-magna, is-sistema għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ 80 ± 3°C għal mill-anqas tmien sigħat. L-ilma ma għandux għalfejn jiġi stabbilizzat f’din it-temperatura. Il-prestazzjoni tas-sistema tal-woxer tal-windskrin imbagħad għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2.

3.2.4.2.

Jekk l-ebda parti mis-sistema tal-woxer tal-windskrin ma tkun pożizzjonata fil-kompartiment tal-magna, is-sistema għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ 80 ± 3°C għal mill-anqas tmien sigħat. L-ilma ma għandux għalfejn jiġi stabbilizzat f’din it-temperatura. Sussegwentement, is-sistema titqiegħed f’temperatura ambjentali ta’ 20 ± 2°C. Meta t-temperatura tal-ilma tkun stabbilizzata, il-prestazzjoni tas-sistema tal-woxer tal-windskrin għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2. Wara dan, is-sistema għandha timtela bl-ilma, tiġi pprajmjata għalkollox, u titpoġġa f’temperatura ambjentali ta’ 60 ± 3°C għal mill-anqas tmien sigħat. L-ilma ma għandux għalfejn jiġi stabbilizzat f’din it-temperatura. Il-prestazzjoni tas-sistema tal-woxer tal-windskrin imbagħad għandha tiġi vverifikata billi s-sistema tiġi attwata f’konformità mal-punti 3.2.1.1. u 3.2.1.2. Inkella, il-manifattur jista’ jitlob li s-sistema tal-woxer tal-windskrin tiġi ttestjata fil-kundizzjonijiet stabbiliti fil-punt 3.2.4.1.

3.2.5.

It-testijiet tal-woxer tal-windskrin kif stabbiliti fil-punti 3.2.1. sa 3.2.4.2. għandhom jitwettqu f’sekwenza fuq l-istess sistema tal-woxer tal-windskrin. Is-sistema tista’ jew tiġi ttestjata kif installata fuq it-tip ta’ vettura li għalih qed tintalab l-approvazzjoni tat-tip tal-UE, jew separatament. F’każ li tintalab approvazzjoni tat-tip tal-UE għal unità teknika separata, is-sistema għandha tiġi ttestjata separatament.

3.2.6.

Test Nru 5 Test tal-kapaċità tas-sistema tal-woxer tal-windskrin

3.2.6.1.

Is-sistema tal-woxer tal-windskrin għandha timtela bl-ilma u għandha tiġi pprajmjata għalkollox. Bil-vettura wieqfa u bl-ebda effett sinifikanti tar-riħ, iż-żennuna/i tista’/jistgħu tiġi/jiġu aġġustata/i biex tiġi/jiġu ppuntata/i lejn iż-żona fil-mira fuq il-wiċċ ta’ barra tal-windskrin.

3.2.6.2.

Il-wiċċ ta’ barra tal-windskrin għandu jiġi ttrattat kif stabbilit fil-punti 3.1.8. u 3.1.9.

3.2.6.3.

Is-sistema tal-woxer tal-windskrin għandha tiġi attwata f’konformità mal-istruzzjonijiet tal-manifattur, filwaqt li jitqiesu l-punti 3.2.1.1.1. u 3.2.1.1.2. Id-dewmien totali tat-test ma għandux ikun itwal minn 10 ċikli kompleti ta’ tħaddim awtomatiku tas-sistema tal-wajpers tal-windskrin li tkun qiegħda taħdem bil-frekwenza massima tal-mesħiet.

3.2.6.4.

Sabiex jiġi vverifikat li r-rekwiżiti tal-punt 2.2.4. huma ssodisfati, għandha ssir traċċa taż-żona mnaddfa rilevanti li għandha titqabbel ma’ traċċa taż-żona ta’ viżibbiltà A. Jekk ikun ovvju għall-osservatur li r-rekwiżiti ġew issodisfati, ma jkunx hemm għalfejn li jitħejjew it-traċċi.

3.2.7.

It-test kif stabbilit fil-punti 3.2.6. sa 3.2.6.4. għandu dejjem isir fuq it-tip ta’ vettura li għalih qed tintalab l-approvazzjoni tat-tip tal-UE, anki fil-każ meta unità teknika separata approvata tiġi installata fuq il-vettura.

4.

Speċifikazzjonijiet tat-taħlita tat-test għall-ittestjar tas-sistemi tal-wajpers u tal-woxer tal-windskrin.

4.1.

It-taħlita tat-test imsemmija fil-punt 3.1.9. għandha tkun magħmula minn dawn li ġejjin:

4.1.1.

Ilma, b’ebusija ta’ inqas minn 205 mg/l (Ca): 92,5 % skont il-volum.

4.1.2.

Melħ saturat fl-ilma (klorur tas-sodju), soluzzjoni: 5,0 % skont il-volum.

4.1.3.

Trab, f’konformità mal-ispeċifikazzjonijiet tal-punti 4.1.3.1. sa 4.1.3.2.6. ta’ hawn taħt: 2,5 % skont il-volum.

4.1.3.1.

Speċifikazzjonijiet tal-analiżi tat-trab tat-test

4.1.3.1.1.

68 ± 1 % SiO2 skont il-massa

4.1.3.1.2.

4 ± 1 % Fe2O3 skont il-massa

4.1.3.1.3.

16 ± 1 % Al2O3 skont il-massa

4.1.3.1.4.

3 ± 1 % CaO skont il-massa

4.1.3.1.5.

1,0 ± 0,5 % MgO skont il-massa

4.1.3.1.6.

4 ± 1 % Alkali skont il-massa

4.1.3.1.7.

2,5 ± 0,5 % Telf tal-ignixin skont il-massa

4.1.3.2.

Speċifikazzjonijiet tad-distribuzzjoni tad-daqs tal-partikoli fi trab oħxon

4.1.3.2.1.

12 ± 2 % b’daqs tal-partikoli minn 0 sa 5 μm

4.1.3.2.2.

12 ± 3 % b’daqs tal-partikoli minn 5 sa 10 μm

4.1.3.2.3.

14 ± 3 % b’daqs tal-partikoli minn 10 sa 20 μm

4.1.3.2.4.

23 ± 3 % b’daqs tal-partikoli minn 20 sa 40 μm

4.1.3.2.5.

30 ± 3 % b’daqs tal-partikoli minn 40 sa 80 μm

4.1.3.2.6.

9 ± 3 % b’daqs tal-partikoli minn 80 sa 200 μm

PARTI 3

Taqsima A

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (2) tal-approvazzjoni tat-tip ta’ tip ta’ vettura fir-rigward tas-sistemi tal-wajpers u tal-woxer tal-windskrin, f’konformità mar-rekwiżiti stabbiliti fl-Anness IV tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (2):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

Taqsima B

ĊERTIFIKAT TAL-APPROVAZZJONI TAT-TIP TAL-UE (UNITÀ TEKNIKA SEPARATA)

Komunikazzjoni dwar l-għoti / l-estensjoni / ir-rifjut / l-irtirar (3) tal-approvazzjoni tat-tip ta’ STU fir-rigward tat-tip ta’ sistemi tal-woxer tal-windskrin f’konformità mar-rekwiżiti stipulati fl-Anness IV tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (3):

TAQSIMA I

(Għandha timtela skont it-Taqsima I tal-Mudell C fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell C fl-Anness III tar-Regolament ta’ Implimentazzjoni tal-Kummissjoni (UE) 2020/683)

Taqsima C

MARKA TA’ APPROVAZZJONI TAT-TIP TAL-UE TA’ UNITÀ TEKNIKA SEPARATA

1.

Il-marka tal-approvazzjoni tat-tip tal-UE għal unitajiet tekniċi separati msemmija fl-Artikolu 38(2) tar-Regolament (UE) 2018/858 għandha tkun magħmula minn dan li ġej:

1.1.

Rettangolu li jiċċirkonda l-ittra żgħira “e” segwit min-numru distintiv tal-Istat Membru li ta l-approvazzjoni tat-tip tal-UE għal komponent jew unità teknika separata f’konformità ma’ dan li ġej: 1 għall-Ġermanja 2 għal Franza 3 għall-Italja 4 għan-Netherlands 5 għall-Iżvezja 6 għall-Belġju 7 għall-Ungerija 8 għar-Repubblika Ċeka 9 għal Spanja     13 għal-Lussemburgu 12 għall-Awstrija 17 għall-Finlandja 18 għad-Danimarka 19 għar-Rumanija 20 għall-Polonja 21 għall-Portugall 23 għall-Greċja 24 għall-Irlanda 25 għall-Kroazja 26 għas-Slovenja 27 għas-Slovakkja 29 għall-Estonja 32 għal-Latvja 34 għall-Bulgarija 36 għal-Litwanja 49 għal Ċipru 50 għal Malta

1.2.

Qrib ir-rettangolu, żewġ ċifri li jindikaw is-serje ta’ emendi li jistabbilixxu r-rekwiżiti li magħhom jikkonformaw dawn l-unitajiet tekniċi separati, bħalissa “00”, segwiti minn spazju u n-numru ta’ ħames ċifri msemmi fil-punt 2.4. tal-Anness IV tar-Regolament (UE) 2018/858.

2.

Il-marka tal-approvazzjoni tat-tip tal-UE tal-unitajiet tekniċi separati għandha tkun tista’ tinqara b’mod ċar u ma tkunx tista’ titħassar.

3.

Eżempju ta’ marka tal-approvazzjoni tat-tip tal-UE għal unità teknika separata huwa muri fil-Figura 1.

Figura 1

Eżempju ta’ marka tal-approvazzjoni tat-tip tal-UE għal unità teknika separata

Nota ta’ spjegazzjoni

Tifsira

L-approvazzjoni tat-tip ta’ unità teknika separata tal-UE nħarġet min-Netherlands bin-numru 00406. L-ewwel żewġ ċifri “00” jindikaw li l-unità teknika separata kienet approvata f’konformità ma’ dan ir-Regolament.

---

(1)  Ir-Regolament Nru 43 tal-Kummissjoni Ekonomika għall-Ewropa tan-Nazzjonijiet Uniti (NU/ECE) — Dispożizzjonijiet uniformi li jikkonċernaw l-approvazzjoni ta’ materjal tal-ħġieġ tas-sikurezza u l-installazzjoni tiegħu fuq il-vetturi (ĠU L 42, 12.2.2014, p. 1).

(2)  Ħassar fejn mhux applikabbli.

(3)  Ħassar fejn mhux applikabbli.

ANNESS V

PARAFANGI

PARTI 1

Dokument ta’ informazzjoni għall-approvazzjoni tat-tip tal-UE ta’ vetturi fir-rigward tal-parafangi

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura fir-rigward tal-parafangi.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

0.1.

0.2.

0.2.1.

0.3.

0.3.1.

0.4.

0.5.

0.8.

0.9.

1.

1.1.

1.3.

1.3.2.

1.3.3.

2.

2.3.

2.3.1.

2.3.2.

2.3.3.

2.3.4.

2.4.

2.4.1.

2.4.1.2.

2.4.1.3.

2.4.2.

2.4.2.2.

2.4.2.3.

2.6.

6.

6.2.1.

6.6.

6.6.1.

6.6.1.1.

6.6.1.1.1.

6.6.1.1.2.

eċċ.

6.6.4.

9.

9.16.

9.16.1.

9.16.2.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

Speċifikazzjonijiet tekniċi

1.

Għall-finijiet ta’ dan l-Anness, għandhom japplikaw id-definizzjonijiet li ġejjin:

1.1.

“envelop tat-tajer” tfisser il-wisa’ massima tas-sezzjoni u d-dijametru ta’ barra ta’ tajer, inkluż it-tolleranzi, kif approvati u speċifikati skont l-approvazzjoni tal-komponent tiegħu;

1.2.

“apparat għat-trazzjoni fuq il-borra” tfisser katina għall-borra jew xi apparat ekwivalenti ieħor li jipprovdi trazzjoni fuq il-borra, li jista’ jiġi mmuntat fuq il-kombinament ta’ tajer/rota tal-vettura u li mhux tajer għall-borra, tajer għax-xitwa, tajer għall-istaġuni kollha jew kwalunkwe tajer ieħor għalih.

2.

Rekwiżiti tekniċi

2.1.

Dispożizzjonijiet ġenerali

2.1.1.

Il-vettura għandha tiġi pprovduta b’parafangu għal kull rota.

2.1.2.

Il-parafangu jista’ jkun magħmul minn partijiet tal-karozzerija jew minn mudguards separati u għandu jkun iddisinjat b’mod li jipproteġi lill-utenti tat-triq, kemm jista’ jkun, minn titjir ta’ ġebel, tajn, silġ, borra u ilma u biex inaqqas il-perikli minħabba l-kuntatt mar-roti li jduru.

2.2.

Rekwiżiti speċifiċi

2.2.1.

Il-parafangi għandhom jissodisfaw ir-rekwiżiti mill-punt 2.2.1.1. sa 2.2.1.4. bil-massa tal-vettura aġġustata għal dik tal-massa ddikjarata mill-manifattur fi stat ta’ tħaddim b’passiġġier wieħed addizzjonali fuq l-ewwel ringiela bilqiegħda, jekk applikabbli, u kwalunkwe rota direzzjonali fil-pożizzjoni dritta ’il quddiem.

2.2.1.1.

Fil-parti magħmula mill-pjani radjali f’angolu ta’ 30° ’il quddiem u 50° lura lejn iċ-ċentru tar-roti (ara l-Figura 1), il-wisa’ totali (q) tal-parafangu għandu jkun mill-inqas suffiċjenti biex ikopri l-wisa’ kollu tat-tajer (b) filwaqt li jitqies l-envelopp tat-tajer kif ukoll l-estremitajiet tal-kombinazzjoni(jiet) ta’ tajer/rota kif speċifikat mill-manifattur. Fil-każ ta’ roti doppji, għandhom jitqiesu l-envelops tat-tajer u l-wisa’ totali taż-żewġ tajers (t).

2.2.1.1.1.

Għall-finijiet tad-determinazzjoni tal-wisgħat imsemmija fil-punt 2.2.1.1., it-tikkettar (l-immarkar) u d-dekorazzjonijiet, il-faxex ta’ protezzjoni jew strixxi fuq il-ħitan tal-ġenb tat-tajers ma għandhomx jitqiesu.

2.2.1.2.

Il-parti ta’ wara tal-parafangu ma għandhiex tieqaf ’il fuq minn pjan orizzontali li jkun 150 mm ’il fuq mill-assi tar-rotazzjoni tar-roti, u barra minn hekk:

2.2.1.2.1.

Fil-każ ta’ roti singoli, l-intersezzjoni tat-tarf ta’ wara tal-parafangu mal-pjan orizzontali kif imsemmi fil-punt 2.2.1.2. (ara l-Figura 1, punt A) għandha tkun ’il barra mill-pjan lonġitudinali medjan tat-tajer.

2.2.1.2.2.

Fil-każ ta’ roti doppji, l-intersezzjoni tat-tarf ta’ wara tal-parafangu mal-pjan orizzontali kif imsemmi fil-punt 2.2.1.2. (ara l-Figura 1, il-punt A) fir-rota ta’ barra għandha tkun ’il barra mill-pjan lonġitudinali medjan tat-tajer ta’ barra.

2.2.1.3.

Il-kontorn u l-pożizzjonament ta’ kull parafangu għandhom ikunu b’mod li jkunu kemm jista’ jkun qrib it-tajers. B’mod partikolari fi ħdan il-parti ffurmata mill-pjani radjali msemmija fil-punt 2.2.1.1., għandhom jiġu ssodisfati r-rekwiżiti li ġejjin:

2.2.1.3.1.

Il-fond (p) tal-ispazju li jinsab fil-pjan wieqaf tal-assi tat-tajer, imkejjel mit-truf ta’ barra u ta’ ġewwa tal-parafangu mal-pjan lonġitudinali vertikali li jgħaddi miċ-ċentru tat-tajer fuq ġewwa tal-parafangu, għandu jkun ta’ mill-inqas 30 mm. Dak il-fond (p) jista’ jonqos progressivament għal żero lejn l-uċuħ radjali speċifikati fil-punt 2.2.1.1.

2.2.1.3.2.

Id-distanza (c) bejn it-trufijiet l-aktar baxxi tal-parafangu u l-fus li jgħaddi miċ-ċentru tad-tidwir tar-roti ma għandhiex tkun aktar minn 2 × r, fejn ir-raġġ (r) huwa r-raġġ statiku tat-tajer.

2.2.1.4.

Fil-każ ta’ vetturi li jkollhom għoli aġġustabbli tas-sospensjoni, ir-rekwiżiti fil-punti 2.2.1.3.1. u 2.2.1.3.2. għandhom jiġu ssodisfati meta l-vettura tkun fil-pożizzjoni normali ta’ sewqan kif speċifikat mill-manifattur tal-vettura.

2.2.2.

Il-parafangi jistgħu jkunu magħmula minn diversi komponenti, kemm-il darba ma jkunx hemm il-vojt bejn jew fi ħdan il-partijiet individwali meta jitwaħħlu fuq il-vettura.

2.2.3.

Il-parafangi għandhom jitwaħħlu fis-sod. Madankollu, huwa permess li dawn ikunu jistgħu jinqalgħu jew bħala unità jew f’partijiet.

2.3.

L-użu ta’ apparati għat-trazzjoni fuq il-borra

2.3.1.

Fil-każ ta’ vetturi fejn żewġ roti biss ikunu motorizzati, il-manifattur għandu jiċċertifika li l-vettura hija ddisinjata b’mod li mill-inqas tip wieħed ta’ apparat għat-trazzjoni fuq il-borra jista’ jintuża fuq mill-inqas wieħed mit-tipi ta’ kombinamenti ta’ tajer u rota approvati għall-fus motorizzat tal-vettura. L-apparat ta’ trazzjoni fuq il-borra u l-kombinament(i) ta’ tajer/rota adatti għat-tip ta’ vettura għandhom jiġu speċifikati mill-manifattur fil-punt 6.6.4. tad-dokument ta’ informazzjoni.

2.3.2.

Fil-każ ta’ vetturi fejn ir-roti kollha jkunu motorizzati, inklużi vetturi fejn il-fusien motorizzati jistgħu jiġu diżattivati bl-idejn jew awtomatikament, il-manifattur għandu jiċċertifika li l-vettura tkun iddisinjata b’mod li mill-inqas tip wieħed ta’ apparat ta’ trazzjoni fuq il-borra jista’ jintuża fuq mill-inqas wieħed mit-tipi ta’ kombinamenti ta’ tajer u rota approvati għall-fus motorizzat, li ma jistax jiġi diżattivat, tal-vettura. L-apparat ta’ trazzjoni fuq il-borra u l-kombinament(i) ta’ tajer/rota adatti għat-tip ta’ vettura għandhom jiġu speċifikati mill-manifattur fil-punt 6.6.4. tad-dokument ta’ informazzjoni.

2.3.3.

Il-manifattur tal-vettura għandu jinkludi struzzjonijiet rilevanti dwar l-użu korrett tal-apparati ta’ trazzjoni fuq il-borra speċifikati fl-istruzzjonijiet għall-utent tal-vettura bil-mutur (eż. il-manwal tas-sid, il-manwal tal-vettura).

Figura 1

Dijagramma ta’ parafangu

Nota ta’ spjegazzjoni

(1)

Il-wisa’ tat-tajer (b) tiġi ddeterminata fil-parti ta’ fuq tat-tajer (il-wisa’ tas-sezzjoni tat-tajer bejn il-pjani radjali kif imsemmi fil-punt 2.2.1.1.).

PARTI 3

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (1) tal-approvazzjoni tat-tip ta’ tip ta’ vettura fir-rigward tal-parafangi f’konformità mar-rekwiżiti stipulati fl-Anness V tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (1):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

---

(1)  Ħassar fejn mhux applikabbli.

ANNESS VI

SISTEMI TAT-TNEĦĦIJA TAL-ĠELU U T-TITPIN MINN MAL-WINDSKRIN

PARTI 1

Dokument ta’ informazzjoni għall-approvazzjoni tat-tip tal-UE ta’ vetturi bil-mutur fir-rigward tas-sistemi tat-tneħħija tal-ġelu u t-titpin minn mal-windskrin

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura bil-mutur fir-rigward tas-sistemi tat-tneħħija tal-ġelu u t-titpin minn mal-windskrin.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa jenħtieġ li tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

0.1.

0.2.

0.2.1.

0.3.

0.3.1

0.4.

0.5.

0.8.

0.9.

1.

1.1.

1.6.

1.8.

3.

3.1.

3.1.1.

3.2.

3.2.1.

3.2.1.1.

3.2.1.2.

3.2.1.3.

3.2.1.6.

3.2.1.8.

3.2.2.

3.2.2.1.

3.2.5.

3.2.5.1.

3.2.5.2.

3.2.5.2.1.

3.2.5.2.2.

3.2.7.

3.2.7.1.

3.2.7.2.

3.2.7.2.1.

3.2.7.2.2.

3.2.7.2.3.

3.2.7.2.3.1.

3.2.7.2.3.2.

3.2.7.2.4.

3.2.7.2.5.

3.2.7.3.

3.2.7.3.1.

3.2.7.3.2.

3.2.7.3.2.1.

3.2.7.3.2.2.

3.3.

3.3.1.

3.3.1.1.1.

3.3.1.2.

3.3.2.

3.3.2.1.

3.3.2.2.

3.3.2.3.

3.3.2.4.

3.4.

3.4.1.

3.4.2.

3.4.3.

3.4.3.1.

3.4.3.1.1.

3.4.3.1.2.

3.4.3.1.3.

3.4.4.

3.4.4.1.

3.4.4.2.

3.4.4.3.

3.4.4.4.

3.4.4.5.

3.4.4.6.

3.6.

3.6.1.

3.6.1.1.

3.6.1.2.

3.6.1.2.1.

3.6.1.2.2.

3.6.2.

3.6.3.

9.

9.1.

9.2.

9.3.

9.3.1.

9.4.

9.4.1.

9.4.2.

9.5.

9.5.1.

9.5.1.1.

9.5.1.2.

9.5.1.3.

9.5.1.4.

9.5.1.5.

9.6.

9.6.1.

9.7.

9.7.1.

9.8.

9.8.1.

9.8.2.

9.10.

9.10.1.

9.10.1.1.

9.10.1.3.

9.10.3.

9.10.3.1.

9.10.3.1.1.

9.10.3.5.

9.10.3.5.1.

9.10.3.6.

9.10.3.6.1.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

Speċifikazzjonijiet tekniċi

1.   Għall-finijiet ta’ dan l-Anness, għandhom japplikaw id-definizzjonijiet li ġejjin:

1.1.

“żona mnaddfa mill-ġelu” tfisser iż-żona tal-windskrin li jkollha l-wiċċ ta’ barra xott jew il-wiċċ ta’ barra miksi bil-ġelu mxarrab imdewweb jew parzjalment imdewweb li jista’ jitneħħa permezz tas-sistema tal-wajpers tal-windskrin tal-vettura;

1.2.

“titpin” tfisser saff ta’ kondensat fuq il-wiċċ ta’ ġewwa tal-wiċċ tal-ħġieġ tal-windskrin;

1.3.

“żona li tneħħielha t-titpin” tfisser il-parti tal-windskrin, li qabel kienet miksija bit-titpin, li jkollha wiċċ ta’ ġewwa niexef, mingħajr ebda taqtir jew sinjali ta’ ilma;

1.4.

“żona ta’ viżibbiltà A” tfisser iż-żona tat-test A kif definita fil-paragrafu 2.2. tal-Anness 21 tar-Regolament 43 tan-NU;

1.5.

“żona ta’ viżibbiltà B” tfisser żona mnaqqsa tat-test B kif definita fil-paragrafu 2.4. tal-Anness 21 tar-Regolament tan-NU Nru 43, mingħajr l-esklużjoni taż-żona definita fil-paragrafu 2.4.1. (jiġifieri ż-żona ta’ viżibbiltà A hija inkluża);

1.6.

“swiċċ ta’ kontroll prinċipali tal-vettura” tfisser apparat li permezz tiegħu, is-sistema tal-elettronika abbord il-vettura tgħaddi minn modalità mitfija, bħal fil-każ fejn vettura tkun ipparkjata mingħajr il-preżenza tas-sewwieq, għal modalità ta’ tħaddim normali;

2.   Rekwiżiti tekniċi

2.1.   Tneħħija tal-ġelu minn mal-windskrin

2.1.1.

Kull vettura li tkun mgħammra b’windskrin għandha tkun mgħammra b’sistema tat-tneħħija tal-ġelu u s-silġ mill-wiċċ tal-ħġieġ ta’ barra tal-windskrin. Is-sistema tat-tneħħija tal-ġelu minn mal-windskrin għandha tkun effettiva biżżejjed biex tiżgura viżibbiltà adegwata mill-windskrin f’temp kiesaħ.

2.1.2.

L-effiċjenza tas-sistema għandha tiġi verifikata billi tiġi determinata ż-żona mnaddfa mill-ġelu tal-windskrin perjodikament wara li titqabbad, wara li l-vettura tkun tħalliet f’kamra kiesħa għal ċertu ammont ta’ żmien.

2.1.3.

Ir-rekwiżiti tal-punti 2.1.1. u 2.1.2. għandhom jiġu ċċekkjati bl-użu tal-metodu stabbilit fil-punt 3.1.

2.1.4.

Għandhom jiġu ssodisfati r-rekwiżiti li ġejjin:

2.1.4.1.

20 minuta wara l-bidu tal-perjodu tat-test, 80 % taż-żona ta’ viżibbiltà A għandha titnaddaf mill-ġelu;

2.1.4.2.

25 minuta wara l-bidu tal-perjodu tat-test, iż-żona mnaddfa mill-ġelu tal-windskrin fuq in-naħa tal-passiġġier għandha tkun komparabbli mal-erja msemmija fil-punt 2.1.4.1. għan-naħa tas-sewwieq;

2.1.4.3.

40 minuta wara l-bidu tal-perjodu tat-test, 95 % taż-żona ta’ viżibbiltà B għandha titnaddaf mill-ġelu.

2.2.   Tneħħija tat-titpin minn mal-windskrin

2.2.1.

Kull vettura li tkun mgħammra b’windskrin għandha tkun mgħammra b’sistema li tneħħi t-titpin mill-wiċċ tal-ħġieġ ta’ ġewwa tal-windskrin.

2.2.2.

Is-sistema li tneħħi t-titpin għandha tkun effettiva biżżejjed biex terġa’ tinkiseb il-viżibbiltà mill-windskrin f’każ li jkun imtappan biċ-ċpar. L-effiċjenza tagħha għandha tiġi vverifikata f’konformità mal-proċedura deskritta fil-punt 3.2.

2.2.3.

Għandhom jiġu ssodisfati r-rekwiżiti li ġejjin:

2.2.3.1.

Iż-żona ta’ viżibbiltà A għandu jkun tneħħielha 90 % tat-titpin f’10 minuti;

2.2.3.2.

Iż-żona ta’ viżibbiltà B għandu jkun tneħħielha 80 % tat-titpin f’10 minuti.

3.   Il-proċeduri tat-test

3.1.   Tneħħija tal-ġelu minn mal-windskrin

3.1.1.

It-test għandu jitwettaq b’temperatura ta’ – 8 ± 2 °C jew – 18 ± 3 °C, skont l-għażla tal-manifattur.

3.1.1.1.

It-test għandu jitwettaq f’kamra kiesħa kbira biżżejjed li tkun tesa’ l-vettura kompluta u mgħammra biex tinżamm waħda mit-temperaturi msemmija fil-punt 3.1.1. fil-kamra matul it-test u biex tiġi ċċirkolata l-arja kiesħa. Il-kamra l-kiesħa għandha tinżamm fit-temperatura speċikata għat-test jew f’temperatura aktar baxxa għal mhux inqas minn 24 siegħa qabel ma jibda l-perjodu li matulu l-vettura tiġi esposta għall-ksieħ.

3.1.2.

Qabel it-test, l-uċuħ ta’ ġewwa u ta’ barra tal-windskrin għandhom jitnaddfu għalkollox minn żjut permezz ta’ spirtu metilizzat jew ta’ xi prodott sgrassanti ekwivalenti. Wara li jinxef, għandha tiġi applikata soluzzjoni ta’ ammonijaka ta’ mhux inqas minn 3 % u mhux aktar minn 10 %. Il-wiċċ għandu jitħalla jinxef għal darb’oħra u mbagħad jintmesaħ b’ċarruta tal-qoton xotta.

3.1.3.

Il-vettura għandha tintefa u trid tinżamm fit-temperatura tat-test għal mhux inqas minn 10 sigħat qabel ma jibda t-test.

3.1.3.1.

Fejn ikun possibbli li jiġi ċċekkjat jekk il-likwidu għat-tkessiħ tal-magna u l-lubrikant humiex stabbilizzati fit-temperatura tat-test, il-perjodu msemmi fil-punt 3.1.3. jista’ jitqassar.

3.1.4.

Wara l-perjodu ta’ esponiment stipulat fil-punt 3.1.3., għandu jiġi applikat saff uniformi ta’ silġ ta’ 0,044 g/cm2 fuq il-wiċċ ta’ barra kollu tal-windskrin permezz ta’ spray gun tal-ilma li jaħdem bi pressjoni operattiva ta’ 3,5 ± 0,2 bar.

3.1.4.1.

Iż-żennuna tat-traxxix, aġġustata b’mod li tinkiseb l-aktar għamla ta’ mrewħa wiesgħa u bi fluss massimu, għandha tinżamm b’mod perpendikulari f’distanza ta’ bejn 200 u 250 mm mill-wiċċ tal-ħġieġ, u għandha tkun diretta b’mod li tifforma saff uniformi ta’ silġ mal-windskrin kollu min-naħa għall-oħra.

3.1.4.1.1.

Spray gun b’żennuna li jkollha dijametru ta’ 1,7 mm u b’rata ta’ fluss tal-likwidu ta’ 0,395 l/min, u li kapaċi jipproduċi għamla ta’ mrewħa b’dijametru ta’ 300 mm fuq il-wiċċ tal-ħġieġ f’distanza ta’ 200 mm minn dak il-wiċċ, jista’ jintuża sabiex jiġu ssodisfati r-rekwiżiti tal-punt 3.1.5. Kwalunkwe apparat ieħor li permezz tiegħu jistgħu jiġu ssodisfati r-rekwiżiti, għandu jkun permess ukoll.

3.1.5.

Wara li jiġi fformat is-silġ fuq il-windskrin, il-vettura għandha tinżamm fil-kamra kiesħa għal perjodu addizzjonali ta’ mhux inqas minn 30 minuta u għal mhux aktar minn 40 minuta.

3.1.6.

Wara li jgħaddi l-perjodu msemmi fil-punt 3.1.5., wieħed jew żewġ osservaturi għandhom jidħlu fil-vettura, u sussegwentement il-kontroll tal-operazzjoni ewlenija tal-vettura jista’ jinxtegħel u kull magna tista’ titqabbad, jekk ikun hemm bżonn b’xi mezzi esterni. Il-perjodu tat-test għandu jibda malli jiġi attivat is-swiċċ tal-kontroll prinċipali tal-vettura.

3.1.6.1.

Jekk il-vettura tkun mgħammra b’magna, il-veloċitajiet tal-magna jistgħu jiġu aġġustati f’konformità mal-ispeċifikazzjoni tal-manifattur rakkomandata għat-tisħin meta tistartja f’temp kiesaħ, matul l-ewwel ħames minuti tal-perjodu tat-test.

3.1.6.2.

Matul l-aħħar 35 minuta tal-perjodu tat-test (jew matul il-perjodu tat-test kollu jekk ma tiġix segwita l-proċedura ta’ tisħin ta’ ħames minuti) għandu japplika dan li ġej:

3.1.6.2.1.

Il-magna, jekk tkun imwaħħla, għandha taħdem b’veloċità ta’ mhux aktar minn 50 % tal-veloċità li tikkorrispondi għall-output tal-potenza massima. Madankollu, jekk jiġi ppruvat li dan mhuwiex prattikabbli minħabba strateġiji speċifiċi ta’ kontroll tal-magna, pereżempju fil-każ ta’ vetturi ibridi tal-elettriku, għandu jiġi ddeterminat l-agħar xenarju realistiku possibbli. Ix-xenarju għandu jqis il-veloċitajiet tal-magna, l-assenza perjodika jew l-assenza sħiħa ta’ magna li taħdem f’kundizzjonijiet ta’ sewqan normali f’temperatura ambjentali ta’ – 8°C jew – 18°C, skont liema tkun intgħażlet mill-manifattur bħala t-temperatura tat-test magħżula. Jekk is-sistema tissodisfa r-rekwiżiti tat-tneħħija tal-ġelu mingħajr ma titqabbad il-magna, il-magna ma jkollhiex għalfejn titqabbad.

3.1.6.3.

Il-batteriji kollha għandhom jiġu ċċarġjati kompletament fil-bidu tat-test. Madankollu, il-batteriji b’vultaġġ għoli ta’ vetturi b’sistema tal-motopropulsjoni elettrika għandhom ikunu ċċarġjati > 60 %.

3.1.6.4.

Matul it-test, il-vultaġġ fit-terminali tal-apparat tat-tneħħija tal-ġelu ma jistax ikun aktar minn 20 % ogħla mir-rata nominali tas-sistema.

3.1.6.5.

It-temperatura fil-kamra li fiha jsir it-test għandha titkejjel fil-livell taċ-ċentru tal-windskrin, f’punt mhux affettwat b’mod sinifikanti mis-sħana li tiġi mill-vettura li qed tiġi ttestjata.

3.1.6.6.

Il-komponent orizzontali tal-veloċità tal-arja li tkessaħ il-kamra, imkejjel minnufih qabel it-test, fil-wiċċ medjan tal-vettura f’punt li jkun 300 mm quddiem il-bażi tal-windskrin u f’nofs triq bejn il-bażi u l-parti ta’ fuq tal-windskrin, għandu jkun l-aktar baxx possibbli u fi kwalunkwe każ inqas minn 8 km/h.

3.1.6.7.

Jekk ikunu mwaħħla, il-bonit tal-magna, is-saqaf, il-bibien kollha, it-twieqi u l-ventijiet tal-arja, għajr għad-dħul u l-iżbokki tas-sistema tat-tisħin u tal-ventilazzjoni, għandhom jibqgħu magħluqa; tista’ tinfetaħ tieqa waħda jew tnejn għal total ta’ distanza vertikali ta’ 25 mm jekk il-manifattur tal-vettura jirrikjedi dan.

3.1.7.8.

Il-kontrolli tas-sistema li tneħħi l-ġelu tal-vettura għandhom ikunu regolati skont kif irrakkomandat mill-manifattur tal-vettura għat-temperatura tat-test.

3.1.6.9.

Il-wajpers tal-windskrin jistgħu jintużaw matul it-test, iżda dan għandu jsir mingħajr l-ebda għajnuna manwali ħlief it-tħaddim ta’ kwalunkwe kontroll fuq ġewwa tal-vettura.

3.1.7.

L-osservatur(i) għandu/għandhom jiddisinjaw iż-żona mnaddfa mill-ġelu fuq il-wiċċ ta’ ġewwa tal-windskrin, f’intervalli ta’ ħames minuti mill-bidu tal-perjodu tat-test.

3.1.8.

Malli jitlesta t-test, il-profil taż-żona mnaddfa mill-ġelu fuq il-wiċċ ta’ ġewwa tal-windskrin kif mitlub mill-paragrafu 3.1.7 għandu jiġi nnotat u mmarkat biex jiġu identifikati ż-żoni ta’ viżibbiltà A u B tal-windskrin.

3.2.   Tneħħija tat-titpin minn mal-windskrin

3.2.1.

Qabel it-test, l-uċuħ ta’ ġewwa u ta’ barra tal-windskrin għandhom jitnaddfu sewwa minn żjut permezz ta’ spirtu metilizzat, jew permezz ta’ xi prodott sgrassanti ekwivalenti. Wara li jinxef, għandha tiġi applikata soluzzjoni ta’ ammonijaka ta’ mhux inqas minn 3 % u mhux aktar minn 10 %. Il-wiċċ għandu jitħalla jinxef għal darb’oħra u mbagħad jintmesaħ b’ċarruta tal-qoton xotta.

3.2.2.

It-test għandu jitwettaq f’kamra ambjentali kbira biżżejjed li tesa’ l-vettura sħiħa u kapaċi tipproduċi u żżomm temperatura tat-test ta’ – 3 ± 1°C tul il-perjodu kollu tat-test.

3.2.2.1.

It-temperatura fil-kamra li fiha jsir it-test għandha titkejjel fil-livell taċ-ċentru tal-windskrin, f’punt mhux affettwat b’mod sinifikanti mis-sħana li tiġi mill-vettura li qed tiġi ttestjata.

3.2.2.2.

Il-komponent orizzontali tal-veloċità tal-arja li tkessaħ il-kamra, imkejjel minnufih qabel it-test, fil-wiċċ medjan tal-vettura f’punt li jkun 300 mm quddiem il-bażi tal-windskrin u f’nofs triq bejn il-bażi u l-parti ta’ fuq tal-windskrin, għandu jkun l-aktar baxx possibbli u fi kwalunkwe każ inqas minn 8 km/h.

3.2.2.3.

Jekk ikunu mwaħħla, il-bonit tal-magna, is-saqaf, il-bibien kollha, it-twieqi u l-ventijiet tal-arja, għajr għad-dħul u l-iżbokki tas-sistema tat-tisħin u tal-ventilazzjoni, għandhom jibqgħu magħluqa; sa mill-bidu tat-test ta’ tneħħija tat-titpin tista’ tinfetaħ tieqa waħda jew tnejn għal total ta’ distanza vertikali ta’ 25 mm, jekk il-manifattur tal-vettura jirrikjedi dan.

3.2.3.

It-titpin għandu jiġi prodott permezz tal-ġeneratur tal-fwar deskritt fl-Appendiċi 4 tal-Anness II. Il-ġeneratur għandu jkun fih biżżejjed ilma biex jiġġenera mill-inqas 70 ± 5 g/h ta’ fwar għal kull pożizzjoni bilqiegħda indikata mill-manifattur, f’temperatura ambjentali ta’ – 3°C.

3.2.4.

Il-wiċċ ta’ ġewwa tal-windskrin għandu jitnaddaf kif stabbilit fil-punt 3.2.1. ladarba l-vettura titqiegħed fil-kompartiment ambjentali. It-temperatura tal-arja ambjentali għandha mbagħad titbaxxa u tiġi stabbilizzata f’– 3 ± 1°C. Il-vettura għandha tintefa u għandha tinżamm fit-temperatura tat-test għal mhux inqas minn 10 sigħat qabel ma jibda t-test. Jekk ikun possibbli li jiġi ċċekkjat jekk il-likwidu għat-tkessiħ tal-magna u l-lubrikant humiex stabbilizzati fit-temperatura tat-test, dak il-perjodu jista’ jitqassar.

3.2.5.

Il-ġeneratur tal-fwar għandu jitqiegħed bl-iżbokki tiegħu fil-pjan lonġitudinali medjan tal-vettura f’għoli ta’ 580 ± 80 mm ’il fuq mill-punt R jew mill-punt ta’ referenza tas-sedil għas-sedil tas-sewwieq (jiġifieri l-punt tad-disinn definit mill-manifattur tal-vettura fir-rigward tas-sistema tridimensjonali ta’ referenza definita fil-punt 1.10. fil-Parti 2 tal-Anness IV). Normalment għandu jitqiegħed wara s-sedili ta’ quddiem, madankollu, meta d-disinn tal-vettura jipprekludi dan, il-ġeneratur jista’ jitqiegħed fl-eqreb pożizzjoni konvenjenti ’l quddiem minn dik imsemmija hawn fuq.

3.2.6.

Wara li l-ġeneratur ikun ilu jaħdem għal ħames minuti fil-vettura, osservatur wieħed jew tnejn għandhom jidħlu malajr fil-vettura, u jiftħu kull bieb ta’ aċċess għal tul totali ta’ mhux aktar minn 8 sekondi, u joqogħdu bilqiegħda fuq il-pożizzjoni(jiet) bilqiegħda ta’ quddiem, wara li l-output tal-ġeneratur jitnaqqas b’70 ± 5 g/h għal kull osservatur.

3.2.7.

Minuta wara li l-osservatur(i) ikun/jkunu daħal/daħlu fil-vettura, il-kontroll tal-operazzjoni prinċipali tal-vettura jista’ jinxtegħel u kwalunkwe magna tista’ titqabbad, jekk meħtieġ b’xi mezz estern. Il-perjodu tat-test għandu jibda malli jiġi attivat is-swiċċ tal-kontroll prinċipali tal-vettura.

3.2.7.1.

Meta l-vettura tkun mgħammra b’magna, din għandha taħdem b’veloċità ta’ mhux aktar minn 50% tal-veloċità li tikkorrispondi għall-output tal-potenza massima. Madankollu, jekk jiġi ppruvat li dan mhuwiex prattikabbli minħabba strateġiji speċifiċi ta’ kontroll tal-magna, pereżempju fil-każ ta’ vetturi ibridi tal-elettriku, għandu jiġi ddeterminat l-agħar xenarju realistiku possibbli. Ix-xenarju għandu jqis il-veloċitajiet tal-magna, l-assenza perjodika jew l-assenza sħiħa ta’ magna li taħdem f’kundizzjonijiet ta’ sewqan normali f’temperatura ambjentali ta’– 1°C. Jekk is-sistema tista’ tissodisfa r-rekwiżiti tat-tneħħija tat-titpin mingħajr ma titqabbad il-magna, il-magna ma jkollhiex għalfejn titqabbad.

3.2.7.2.

Il-kontrolli tas-sistema li tneħħi t-titpin tal-vettura għandhom jiġu rregolati skont kif rakkomandat mill-manifattur tal-vettura għat-temperatura tat-test.

3.2.7.3.

Il-batteriji kollha għandhom ikunu ċċarġjati kompletament fil-bidu tat-test. Madankollu, il-batteriji b’vultaġġ għoli ta’ vetturi b’sistema tal-motopropulsjoni elettrika għandhom ikunu ċċarġjati > 60o%.

3.2.7.4.

Il-vultaġġ fit-terminali tal-apparat li jneħħi t-titpin ma jistax ikun aktar minn 20 % ogħla mir-rata nominali tas-sistema.

3.2.8.

Malli jintemm it-test, il-profil taż-żona mnaddfa mit-titpin għandu jiġi rreġistrat, innotat u mmarkat biex jiġu identifikati ż-żoni ta’ viżibbiltà A u B tal-windskrin.

4.   Il-karatteristiċi tal-ġeneratur tal-fwar.

4.1.

Il-ġeneratur tal-fwar użat għat-test għandu jkollu l-karatteristiċi ġenerali li ġejjin:

4.1.1.

Il-kontenitur tal-ilma għandu jkun jesa’ mill-inqas 2.25 litru.

4.1.2.

It-telf tas-sħana fil-punt tat-togħlija ma għandux ikun aktar minn 75 W f’temperatura ambjentali ta’ – 3 ± 1°C.

4.1.3.

Il-fann għandu jkollu kapaċità ta’ 0.07 sa 0.10 m3/min fi pressjoni statika ta’ 0.5 mbar.

4.1.4.

Sitt toqob għall-iżbokk tal-fwar għandhom jitqiegħdu fin-naħa ta’ fuq tal-ġeneratur, madwar il-perimetru u mbegħdin indaqs minn xulxin (ara l-Figura 1)

4.1.5.

Il-ġeneratur għandu jkun ikkalibrat għal – 3 ± 1°C biex jagħti qari għal kull output ta’ 70 ± 5 g/h sa massimu ta’ n darbiet din iċ-ċifra, fejn n huwa n-numru massimu ta’ pożizzjonijiet bilqiegħda indikati mill-manifattur. Figura 1 Dijagramma tal-ġeneratur tal-fwar

4.2.

Il-partijiet speċifikati għandu jkollhom il-karatteristiċi dimensjonali u materjali li ġejjin:

4.2.1.

Żennuna

4.2.1.1.

Dimensjonijiet:

4.2.1.1.1.

Tul 100 mm.

4.2.1.1.2.

Dijametru intern 15 mm.

4.2.1.2.

Materjal:

4.2.1.2.1.

Ram isfar.

4.2.2.

Kamra tad-dispersjoni

4.2.2.1.

Dimensjonijiet:

4.2.2.1.1.

Dijametru ta’ barra tal-pajp 75 mm.

4.2.2.1.2.

Ħxuna tal-ħitan 0,38 mm.

4.2.2.1.3.

Tul 115 mm.

4.2.2.1.4.

Sitt toqbiet imbegħdin indaqs minn xulxin b’dijametru ta’ 6,3 mm, 25 mm ’il fuq mill-qiegħ tal-kamra tad-dispersjoni.

4.2.2.2.

Materjal:

4.2.2.2.1.

Ram isfar.

PARTI 3

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (1) tal-approvazzjoni tat-tip ta’ tip ta’ vettura fir-rigward tas-sistema tat-tneħħija tal-ġelu u t-titpin minn mal-windskrin f’konformità mar-rekwiżiti stipulati fl-Anness VI tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (1):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

---

(1)  Ħassar fejn mhux applikabbli.

ANNESS VII

APPARATI TAL-IRMONK

PARTI 1

Dokument ta’ informazzjoni għall-approvazzjoni tat-tip tal-UE ta’ vetturi bil-mutur fir-rigward tal-apparati tal-irmonk

MUDELL

Dokument ta’ informazzjoni Nru … dwar l-approvazzjoni tat-tip tal-UE ta’ vettura bil-mutur fir-rigward tal-apparati tal-irmonk.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kwalunkwe tpinġija jew stampa għandha tiġi pprovduta fi skala xierqa u b’dettall suffiċjenti fuq karta ta’ daqs A4, jew fuq folder ta’ format A4. F’każ li jkun hemm xi ritratti, dawn għandhom ikunu dettaljati biżżejjed.

0.

0.1.

0.2.

0.2.1.

0.3.

0.3.1.

0.4.

0.5.

0.8.

0.9.

1.

1.1.

2.

2.8.

2.11.5.

12.

12.3.

12.3.1.

12.3.2.

12.3.3.

Noti ta’ spjegazzjoni

Dan id-dokument ta’ informazzjoni huwa bbażat fuq il-mudell stabbilit fl-Anness I tar-Regolament ta’ Implimentazzjoni tal-Kummissjoni (UE) 2020/683 u għandu jimtela bl-informazzjoni rilevanti taħt in-numri tal-punti elenkati hawn fuq kif definit f’dak il-mudell.

PARTI 2

Speċifikazzjonijiet tekniċi

1.   Rekwiżiti tekniċi

1.1.   Għadd minimu ta’ apparati.

1.1.1.

Il-vetturi kollha bil-mutur għandu jkollhom apparat tal-irmonk imwaħħal fuq quddiem.

1.1.2.

Il-vetturi fil-kategorija M1, kif iddefiniti fil-Parti A tal-Anness I tar-Regolament (UE) 2018/858, għajr għal dawk il-vetturi li mhumiex adattati għall-irmonk ta’ kwalunkwe tagħbija, għandhom ikunu mgħammra wkoll b’apparat tal-irmonk fuq wara.

1.1.3.

Apparat tal-irmonk fuq wara jista’ jiġi sostitwit b’apparat ta’akkoppjament mekkaniku, kif stabbilit fir-Regolament Nru 55 tan-NU, sakemm ir-rekwiżiti fil-punt 1.2.1. ikunu ssodisfati.

1.2.   Tagħbija u stabbiltà

1.2.1.

Kull apparat tal-irmonk imwaħħal mal-vettura għandu jkun jiflaħ forza statika ta’ trazzjoni u kompressjoni ekwivalenti għall-forza tal-gravità li taġixxi fuq mill-anqas nofs il-massa massima mgħobbija teknikament permissibbli tal-vettura.

2.   Il-proċedura tat-test

2.1.

It-tagħbijiet għall-ittestjar kemm ta’ trazzjoni kif ukoll ta’ kompressjoni għandhom jiġu applikati fuq kull apparat tal-irmonk li jitwaħħal fuq il-vettura.

2.2.

It-tagħbijiet għall-ittestjar għandhom jiġu applikati fid-direzzjoni lonġitudinali orizzontali, fir-rigward tal-vettura.

PARTI 3

ĊERTIFIKAT TAL-APPROVAZZJONI TAT-TIP TAL-UE (SISTEMA TAL-VETTURA)

Komunikazzjoni dwar l-għoti / l-estensjoni / ir-rifjut / l-irtirar (1) tal-approvazzjoni tat-tip ta’ tip ta’ vettura fir-rigward tal-apparati tal-irmonk f’konformità mar-rekwiżiti stabbiliti fl-Anness VII tar-Regolament (UE) 2021/535 [Jekk jogħġbok daħħal ir-referenza għal dan ir-Regolament], kif emendat l-aħħar bir-Regolament (UE) Nru …/…

Numru taċ-ċertifikat tal-approvazzjoni tat-tip tal-UE:

Raġuni għall-estensjoni / ir-rifjut / l-irtirar (1):

TAQSIMA I

(Għandha timtela skont it-Taqsima I tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

TAQSIMA II

(Għandha timtela skont it-Taqsima II tal-Mudell B fl-Anness III tar-Regolament ta’ Implimentazzjoni tal-Kummissjoni (UE) 2020/683)

---

(1)  Ħassar fejn mhux applikabbli.