(1)

Fl-14 ta’ Frar 2020, il-Kummissjoni Ewropea (“il-Kummissjoni”) bdiet investigazzjoni anti-dumping fir-rigward tal-importazzjonijiet ta’ estrużjonijiet tal-aluminju li joriġinaw mir-Repubblika tal-Poplu taċ-Ċina (“iċ-Ċina” jew “il-pajjiż ikkonċernat”) abbażi tal-Artikolu 5 tar-Regolament bażiku.

(2)

Il-Kummissjoni bdiet l-investigazzjoni wara lment ippreżentat fit-3 ta’ Jannar 2020 (l-“ilment”) mill-assoċjazzjoni European Aluminium (“l-ilmentatur”). L-ilmentatur jirrappreżenta aktar minn 25 % mill-produzzjoni totali tal-Unjoni ta’ estrużjonijiet tal-aluminju. L-ilment kien fih evidenza ta’ dumping u ta’ dannu materjali li jirriżulta minnu.

(3)

Wara talba mill-ilmentatur appoġġata mill-evidenza meħtieġa, il-Kummissjoni għamlet l-importazzjonijiet tal-prodott ikkonċernat soġġetti għal reġistrazzjoni, skont l-Artikolu 14(5) tar-Regolament bażiku, bir-Regolament ta’ Implimentazzjoni tal-Kummissjoni (UE) 2020/1215 (2). Ir-reġistrazzjoni tal-importazzjonijiet waqfet bid-dħul fis-seħħ tal-miżuri proviżorji msemmija fil-premessa (5).

(4)

F’konformità mal-Artikolu 19a tar-Regolament bażiku, fit-22 ta’ Settembru 2020, il-Kummissjoni pprovdiet lill-partijiet b’sommarju tad-dazji proposti u dettalji dwar il-kalkolu tal-marġni tad-dumping u l-marġni adegwati biex jitneħħa d-dannu għall-industrija tal-Unjoni. Il-partijiet interessati ġew mistiedna jikkummentaw dwar l-akkuratezza tal-kalkoli fi żmien tlett ijiem.

(5)

Fit-12 ta’ Ottubru 2020, il-Kummissjoni imponiet dazju anti-dumping proviżorju fuq l-importazzjonijiet ta’ estrużjonijiet tal-aluminju li joriġinaw miċ-Ċina bir-Regolament ta’ Implimentazzjoni tal-Kummissjoni (UE) 2020/1428 (3) (“ir-Regolament proviżorju”).

(6)

Kif iddikjarat fil-premessa (29) tar-Regolament proviżorju, l-investigazzjoni tad-dumping u tad-dannu kopriet il-perjodu mill-1 ta’ Jannar 2019 sal-31 ta’ Diċembru 2019 (“il-perjodu ta’ investigazzjoni” jew il-“PI”) u l-eżami tax-xejriet rilevanti għall-valutazzjoni tad-dannu kopra l-perjodu mill-1 ta’ Jannar 2016 sa tmiem il-perjodu ta’ investigazzjoni (“il-perjodu kkunsidrat”).

(7)

Wara r-rivelazzjoni tal-fatti u l-kunsiderazzjonijiet essenzjali li abbażi tagħhom ġie impost dazju anti-dumping proviżorju (ir-“rivelazzjoni proviżorja”), l-ilmentatur, diversi utenti u importaturi tal-prodott ikkonċernat, diversi fornituri ta’ materja prima għall-industrija tal-Unjoni, il-Gvern tar-Repubblika tal-Poplu taċ-Ċina (il-“GTĊ”) u seba’ produtturi esportaturi Ċiniżi ppreżentaw sottomissjonijiet bil-miktub li fihom taw il-fehmiet tagħhom dwar is-sejbiet proviżorji sal-iskadenza prevista mill-Artikolu 2(1) tar-Regolament proviżorju.

(8)

Il-punti mqajma mill-partijiet interessati huma miġbura fil-qosor f’dan ir-Regolament sa fejn hu possibbli. Fil-fatt, diversi punti mqajma ma kinux ċari u mhux dejjem seta’ jiġi stabbilit għal liema Artikolu tar-Regolament bażiku kienu relatati. Il-partijiet interessati ġew mistiedna jiċċaraw kwalunkwe argument li huma jqisu rilevanti, sa fejn dawn ma ġewx indirizzati fir-rivelazzjoni finali.

(9)

Wara r-rivelazzjoni proviżorja, żewġ importaturi oħra ppreżentaw ruħhom, meta l-eżerċizzju tat-teħid ta’ kampjuni kien diġà konkluż. Il-kontribut tagħhom ġie kkunsidrat sal-punt possibbli minħabba l-istadju proċedurali tal-investigazzjoni.

(10)

Wara l-impożizzjoni tal-miżuri provviżorji, il-partijiet interessati li talbu dan ingħataw l-opportunità li jinstemgħu. Is-seduti saru ma’ Decora S.A., Vis Promotex d.o.o., Alstom S. A., O. Wilms GmbH & Co, Airoldi Metalli S.p.A (imsieħba ma’ O. Wilms GmbH, Kastens & Knauer GmbH & Co. International KG u Alpha Metall GmbH), Haomei Group (Guangdong Haomei New Materials Co., Ltd. u Guangdong King Metal Light Alloy Technology Co., Ltd.) u PMI Group (Press Metal International Ltd. u Press Metal International Technology Ltd.).

(11)

Airoldi Metalli S.p.A (Airoldi) talbet laqgħa mal-industrija tal-Unjoni skont l-Artikolu 6(6) tar-Regolament bażiku, li ma ġietx aċċettata minn din tal-aħħar. Għamlet seduta wkoll mal-Uffiċjal tas-Seduta tad-Direttorat Ġenerali għall-Kummerċ (DĠ Kummerċ), li ċaħad l-argument tal-kumpanija li n-nuqqas ta’ informazzjoni rivelata lilha fil-qafas ta’ żvelar minn qabel stipulat fl-Artikolu 19a tar-Regolament bażiku kiser id-drittijiet tad-difiża tagħha, għar-raġunijiet spjegati fir-rapport iddedikat tal-Uffiċjal tas-Seduta.

(12)

Wara r-rivelazzjoni finali, Airoldi kkontestat l-interpretazzjoni tal-Uffiċjal tas-Seduta tal-Artikolu 19a tar-Regolament bażiku, billi sostna li kien meħtieġ qari speċifiku ta’ dik id-dispożizzjoni. Madankollu, meta wieħed iżomm f’moħħu li Airoldi ma speċifikatx aktar xi kwistjoni biex issostni l-punt tagħha, u r-rekwiżit espliċitu tal-Artikolu msemmi li jiġu rispettati l-obbligi ta’ kunfidenzjalità li jinsabu fl-Artikolu 19, il-Kummissjoni żammet il-pożizzjoni tagħha dwar il-kwistjoni.

(13)

Kif spjegat aktar ’l isfel, wara l-impożizzjoni tal-miżuri proviżorji, saru żewġ kontroverifiki addizzjonali mhux minn fuq il-post ma’ Alstom S.A. u Airoldi biex jiġu aċċertati kwistjonijiet importanti fil-kuntest tad-determinazzjoni definittiva. Il-Kummissjoni kellha wkoll l-intenzjoni twettaq kontroverifika addizzjonali mhux minn fuq il-post għal kumpanija importatriċi oħra, li ma kienx possibbli minħabba r-restrizzjonijiet ta’ din tal-aħħar.

(14)

Il-Kummissjoni għarrfet lill-partijiet interessati kollha dwar il-fatti u l-kunsiderazzjonijiet essenzjali li abbażi tagħhom kienet beħsiebha timponi dazju anti-dumping definittiv fuq l-importazzjonijiet ta’ estrużjonijiet tal-aluminju li joriġinaw miċ-Ċina (ir-“rivelazzjoni finali”). Il-partijiet kollha ngħataw perjodu li matulu setgħu jikkummentaw dwar ir-rivelazzjoni finali.

(15)

Waslu kummenti minn għadd ta’ partijiet, inkluż il-Gvern taċ-Ċina, il-produtturi esportaturi Ċiniżi, l-importaturi tal-Unjoni, l-utenti, il-produtturi tal-Unjoni, il-fornituri tagħhom u diversi assoċjazzjonijiet rappreżentattivi.

(16)

Wara r-rivelazzjoni finali ċerti partijiet interessati ngħataw l-opportunità li jinstemgħu skont id-dispożizzjonijiet fil-punt 5.7 tan-Notifika ta’ bidu. Saru seduti ta’ smigħ ma’ Decora S.A., Airoldi (flimkien ma’ O. Wilms GmbH, Amari Metals BV u Alpha Metall GmbH), Bash-tec GmbH, STAKO Sp. z o.o. u Haomei Group. Barra minn hekk, ġie organizzat smigħ mill-Uffiċjal tas-Seduta tad-DĠ Kummerċ biex jismal-punti mqajma minn Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd.

(17)

B’appoġġ għal estensjoni addizzjonali għat-tweġiba għar-rivelazzjoni finali, Airoldi talbet kopja tad-Dokument ta’ Rivelazzjoni Ġenerali bit-Taljan, u sostniet li n-nuqqas ta’ forniment tad-dokument bil-lingwa Taljana kkostitwixxa ksur tar-Regolament Nru 1/1958 (4) moqri flimkien mal-Artikolu 21, 22 u 41 tal-Karta tad-Drittijiet Fundamentali. Il-Kummissjoni ma qablitx ma’ din l-interpretazzjoni, u wieġbet bil-miktub li Airoldi kienet qajmet din il-kwistjoni biss fi stadju tard ħafna tal-investigazzjoni, u li sa dak l-istadju, kemm Airoldi kif ukoll l-avukati tagħha użaw l-Ingliż b’suċċess, u fit-tul, kemm f’komunikazzjonijiet bil-miktub kif ukoll verbali (5). Dan intwera wkoll f’kuntatti estensivi mal-Kummissjoni matul il-każ kollu. Il-Kummissjoni fakkret in-natura ta’ dak id-dokument, li mhuwiex Regolament ta’ implimentazzjoni, u kkonfermat il-pożizzjoni tagħha. Madankollu, il-Kummissjoni pprovdiet estensjoni addizzjonali lil Airoldi, abbażi tal-approċċ tagħha li tagħmel kull użu mid-dispożizzjonijiet tan-Notifika ta’ bidu tal-każ li huwa kompatibbli mat-tlestija tal-investigazzjoni filwaqt li jiġu rispettati l-iskadenzi statutorji. Wara r-rivelazzjoni finali addizzjonali, Airoldi talbet traduzzjoni ta’ dan id-dokument bit-Taljan. Din it-talba, li ma wrietx kif ġie affettwat id-dritt ta’ difiża ta’ Airoldi, ma setgħetx tiġi aċċettata għall-istess raġunijiet imsemmija hawn fuq.

(18)

Fit-8 ta’ Frar 2021, il-Kummissjoni għamlet divulgazzjoni finali addizzjonali lill-partijiet interessati sabiex tirrifletti l-fatt li l-EU28 kienet saret l-EU27. Il-Kummissjoni għarrfet lill-partijiet interessati kollha dwar il-fatti u l-kunsiderazzjonijiet essenzjali li abbażi tagħhom kienet beħsiebha tirrevedi s-sejbiet tal-kawża inkluż id-dazju anti-dumping definittiv biex tiġi riflessa din il-bidla (ir-“rivelazzjoni finali addizzjonali”). Il-partijiet kollha ngħataw perjodu li matulu setgħu jikkummentaw dwar ir-rivelazzjoni finali addizzjonali. Waslu kummenti mingħand Haomei Group, Airoldi u Euranimi, li ppreżentaw ruħhom bħala parti interessata wara r-rivelazzjoni finali.

(19)

Wara r-rivelazzjoni finali ċerti partijiet interessati ngħataw l-opportunità li jinstemgħu skont id-dispożizzjonijiet fil-punt 5.7 tan-Notifika ta’ bidu. Saru seduti ta’ smigħ mal-Grupp Haomei, Airoldi u Euranimi. Barra minn hekk, fit-18 ta’ Frar 2021, l-Uffiċjal tas-Seduta organizza seduta għas-smigħ tal-punti mqajma minn Airoldi. F’dik l-okkażjoni, is-servizzi tal-Kummissjoni tennew li l-approċċ speċifiku segwit f’din l-investigazzjoni kien xieraq fid-dawl tan-nuqqas ta’ impatt tat-tneħħija tar-Renju Unit mis-sejbiet (kwistjoni kkonfermata aktar mill-industrija tal-Unjoni u mhux ikkontestata minn xi parti interessata). Ġie kkonfermat ukoll li r-rivelazzjoni finali addizzjonali kien fiha l-ispjegazzjonijiet meħtieġa biex il-partijiet interessati jiddefendu lilhom infushom.

(20)

Fin-nuqqas ta’ kummenti dwar it-teħid ta’ kampjuni, il-premessi (8) sa (20) tar-Regolament proviżorju ġew ikkonfermati.

(21)

Fil-premessa (19) tar-Regolament proviżorju, il-Kummissjoni rreferiet għall-kampjun magħżul inizjalment ta’ tliet gruppi ta’ produtturi esportaturi li kkooperaw u li kien jirrappreżenta 28,1 % tal-esportazzjonijiet totali. Fil-premessa (24) tar-Regolament proviżorju, il-Kummissjoni rreferiet għall-kampjun finali ta’ żewġ gruppi ta’ produtturi esportaturi, wara l-fatt li Liaoning Zhongwang Group ma ppreżentax tweġiba għall-kwestjonarju. Dak il-kampjun ta’ żewġ gruppi kien jirrappreżenta 20,9 % tal-esportazzjonijiet totali.

(22)

Fil-premessi (206) sa (210) ta’ dan ir-Regolament il-Kummissjoni tispjega kif stabbiliet il-livell emendat tal-importazzjonijiet totali miċ-Ċina għall-PI. Wara din il-bidla, il-livell stmat ta’ importazzjonijiet ta’ estrużjonijiet tal-aluminju miċ-Ċina naqas. Konsegwentement, il-kampjun magħżul inizjalment ta’ tliet gruppi ta’ produtturi esportaturi li kkooperaw kien jirrappreżenta 45,3 %, u l-kampjun finali ta’ żewġ gruppi ta’ produtturi esportaturi kien jirrappreżenta 33,7 % tal-importazzjonijiet stmati ġodda.

(23)

Żewġ produtturi esportaturi addizzjonali debitament issostanzjaw it-talbiet tagħhom biex jiġu inklużi fil-lista ta’ produtturi esportaturi li kkooperaw.

(24)

Wara li tqiesu l-kummenti tagħhom, il-Kummissjoni aġġornat l-Anness tar-Regolament proviżorju kif xieraq u żiedet iż-żewġ entitajiet mal-lista ta’ produtturi esportaturi li kkooperaw fl-Anness ta’ dan ir-Regolament.

(25)

Produttur esportatur li kkoopera kkummenta li kien żgħir wisq biex jintgħażel għall-kampjun. Sostna li ġie kkastigat minħabba d-daqs tiegħu billi ġie suġġett għall-ogħla dazju.

(26)

Il-Kummissjoni nnutat li dan il-produttur esportatur ma kienx soġġett għall-ogħla dazju. L-ogħla dazju jiġi applikat biss għall-kumpaniji li ma kkooperawx fl-istadju inizjali tal-investigazzjoni u għalhekk ma kinux elenkati fl-Anness bħala kumpaniji li kkooperaw. Id-dazju għall-kumpaniji li kkooperaw imma li ma kinux fil-kampjun, bħall-produttur esportatur li jagħmel din l-asserzjoni huwa fil-fatt anqas minn dazju ta’ wieħed mill-produtturi esportaturi fil-kampjun billi ġie kkalkulat bħala medja ponderata tal-marġni tad-dumping stabbiliti għall-produtturi esportaturi fil-kampjun. Fl-aħħar, il-kampjun tal-produtturi esportaturi ntgħażel skont ir-rekwiżiti tar-Regolament bażiku. Għalhekk, il-Kummissjoni ċaħdet din l-affermazzjoni.

(27)

Wara r-rivelazzjoni finali Airoldi kkummentat li d-drittijiet tad-difiża tagħha kienu ġew affettwati mill-fatt li d-dettalji tal-RCCs għand il-produtturi tal-Unjoni ma kinux tqiegħdu għad-dispożizzjoni tagħhom. Madankollu, id-dettalji msemmija minn Airoldi huma kunfidenzjali għan-negozju. Bl-istess mod, il-produtturi tal-Unjoni ma kisbux aċċess għal dettalji kunfidenzjali tan-negozju tal-RCC imwettaq ma’ partijiet interessati oħra. Barra minn hekk, verżjoni “miftuħa għall-partijiet interessati” ta’ dawn l-RCCs tqiegħdet għad-dispożizzjoni ta’ Airoldi fil-fajl tal-każ. Għaldaqstant, il-Kummissjoni ssostni li d-drittijiet tad-difiża ta’ Airoldi ġew irrispettati b’mod sħiħ.

(28)

Xi partijiet interessati qajmu elementi ġodda wara l-iskadenza għas-sottomissjoni ta’ informazzjoni fattwali mogħtija fin-Notifika ta’ bidu, u l-iskadenza għas-sottomissjoni ta’ kummenti għar-rivelazzjoni finali, li kienet diġà ġiet estiża għal partijiet li talbu estensjoni sa sebat (7)ijiem.

(29)

B’mod partikolari, Airoldi ppreżentat briefing ta’ wara s-smigħ b’ċerti allegazzjonijiet dwar l-allegat impatt fuq l-investigazzjoni tal-ħruġ tar-Renju Unit tal-Gran Brittanja u l-Irlanda ta’ Fuq (“UK”) mill-Unjoni Ewropea u t-tmiem tal-perjodu ta’ tranżizzjoni. Dawn l-affermazzjonijiet ma kinux saru matul is-seduta.

(30)

Dan id-dokument ta’ informazzjoni ġie ppreżentat kemm wara l-iskadenza għas-sottomissjoni tal-informazzjoni fattwali mogħtija fin-Notifika ta’ bidu, kif ukoll l-iskadenza għas-sottomissjoni tal-kummenti għar-rivelazzjoni finali, li kienet diġà ġiet estiża għal Airoldi b’sebat (7) t’ijiem. Ta’ min ifakkar li la s-seduti ta’ smigħ u lanqas is-sessjonijiet ta’ informazzjoni ta’ wara s-smigħ ma jistgħu jintużaw biex tiġi ppreżentata informazzjoni fattwali jew elementi li għadhom mhumiex fil-fajl, u għalhekk ma jestendux l-iskadenza biex jitressqu aktar fehmiet. Il-kumpanija għamlet diversi sottomissjonijiet addizzjonali li kienu wkoll lil hinn mill-iskadenzi statutorji u għalhekk ma setgħux jiġu kkunsidrati.

(31)

L-istess japplika għal Haomei Group, li ssottometta żewġ settijiet ta’ kummenti wara l-iskadenza statutorja, li waħda minnhom tikkonċerna l-allegat impatt fuq l-investigazzjoni tal-ħruġ tar-Renju Unit tal-Gran Brittanja u l-Irlanda ta’ Fuq (“UK”) mill-Unjoni Ewropea u t-tmiem tal-perjodu ta’ tranżizzjoni.

(32)

Barra minn hekk, Euranimi ssottomettiet kummenti lil hinn mill-iskadenzi meħtieġa biex twieġeb għar-rivelazzjonijiet u għalhekk ma setgħux jitqiesu lil hinn minn aspetti li jirreferu għad-divulgazzjoni finali addizzjonali.

(33)

Fir-rigward ta’ dawk l-elementi li tqajmu barra mill-qafas ta’ żmien biex il-Kummissjoni twettaq din l-investigazzjoni kif suppost, il-Kummissjoni tinnota li s-sejbiet li saru fl-istadju proviżorju kif ukoll fir-rivelazzjoni finali saru abbażi tad-data tal-EU28 peress li dawn saru qabel l-1 ta’ Jannar 2021. L-iskadenza għall-preżentazzjoni tal-informazzjoni fattwali mogħtija fin-Notifika ta’ bidu skadiet fit-28 ta’ Ottubru 2020, jiġifieri dawk is-sejbiet kienu saru ferm qabel tmiem il-perjodu ta’ tranżizzjoni tal-ħruġ tar-Renju Unit. Dan jirfed il-validità ta’ dawk is-sejbiet.

(34)

Barra minn hekk, l-ebda parti fi ħdan il-firxa tal-iskadenzi statutorji mogħtija mill-investigazzjoni ma ddikjarat (u wisq inqas tat prova) li l-miżuri kienu (jew saħansitra setgħu) ikunu differenti b’mod sinifikanti li kieku kienu bbażati fuq informazzjoni li teskludi r-Renju Unit.

(35)

Minkejja dan, il-Kummissjoni rrevediet l-informazzjoni fil-fajl biex tivvaluta jekk is-sejbiet li saru abbażi tal-EU28 jibqgħux applikabbli f’kuntest tal-EU27. Għal aspetti tal-investigazzjoni mhux imsemmija hawn taħt, is-sejbiet tal-EU28 huma kkonfermati li huma xierqa wkoll għall-EU27, peress li l-Kummissjoni assigurat lilha nnifisha li l-informazzjoni miksuba matul l-investigazzjoni kienet għadha rappreżentattiva tal-Unjoni fuq il-bażi tal-EU27, l-impatt, jekk ikun hemm, ikun minimu.

(36)

Wara r-rivelazzjoni finali addizzjonali, Airoldi sostniet li l-kummenti tagħha rigward il-ħruġ tar-Renju Unit mill-Unjoni waslu fil-ħin, peress li t-tmiem tal-perjodu ta’ tranżizzjoni u d-definizzjoni finali tar-relazzjonijiet kummerċjali mar-Renju Unit kienu jikkostitwixxu “fatt ġdid”. Dan huwa diffiċli biex jiġi rikonċiljat mal-fehma ddikjarata tal-kumpanija stess li “kien magħruf sew li l-Brexit u l-ħruġ finali tar-Renju Unit kellhom iseħħu fl-1 ta’ Jannar 2021”. Fi kwalunkwe każ, il-kumpanija kienet f’pożizzjoni li teżerċita bis-sħiħ id-drittijiet legali tagħha li tikkummenta dwar din il-kwistjoni sal-11 ta’ Jannar 2021, l-iskadenza sa meta kienu dovuti l-kummenti għar-rivelazzjoni finali. Il-fatt li l-Kummissjoni, f’eżerċizzju ta’ flessibbiltà proċedurali, estendiet din l-iskadenza b’sebat (7) ijiem ipprovda opportunità addizzjonali għall-kumpanija biex tagħmel dan. Madankollu, dan ma kienx il-każ, peress li l-kummenti li talbu r-rieżami tal-investigazzjoni fuq il-bażi tal-EU27 waslu biss fl-20 ta’ Jannar — ferm wara l-iskadenza estiża. Għaldaqstant, l-argument ma jistax jintlaqa’. Fi kwalunkwe każ, il-Kummissjoni eżaminat mill-ġdid il-kwistjoni, kif deskritt hawn fuq.

(37)

Wara r-rivelazzjoni finali addizzjonali, Haomei ressqet talba tard wara l-iskadenza estiża għall-kummenti u tenniet il-kummenti li tressqu qabel. Għaldaqstant, is-sottomissjoni tardiva mhijiex ammissibbli. Il-kummenti li jinsabu fiha fi kwalunkwe każ diġà ġew indirizzati fil-premessi (196), (259) u (270).

(38)

Żewġ produtturi esportaturi, Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd. ikkummentaw, fir-rigward tal-fatt li l-Kummissjoni ma eżaminatx b’mod individwali dawk iż-żewġ kumpaniji, minkejja li talbuha tagħmel dan u ppreżentaw it-tweġibiet għall-kwestjonarju. Iż-żewġ kumpaniji asserixxew li għandhom jingħataw rata ta’ dazju ta’ 0 % li tirriżulta mit-tweġiba tagħhom għall-kwestjonarju.

(39)

Fl-istadju tar-Regolament proviżorju, il-Kummissjoni qalet li kienet se tiddeċiedi jekk tagħtix eżami individwali fl-istadju definittiv tal-investigazzjoni. Madankollu, instab li l-eżami ta’ dawn it-talbiet kien ikun ta’ piż u ma kienx jippermetti li l-investigazzjoni titlesta fil-perjodu ta’ żmien stabbilit fir-Regolament bażiku. Barra minn hekk, il-perjodu ta’ żmien addizzjonali bejn il-fażijiet proviżorji u definittivi ma kienx biżżejjed biex jippermetti lill-Kummissjoni tikkunsidra sew dawn it-talbiet. Għalhekk, il-Kummissjoni kkonfermat id-deċiżjoni tagħha li ma tilqax it-talbiet għal eżami individwali.

(40)

Wara r-rivelazzjoni finali, l-istess żewġ produtturi esportaturi, Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd. tennew il-kummenti tagħhom dwar il-fatt li ma ngħatawx eżami individwali u kkummentaw dwar l-ispjegazzjoni pprovduta mill-Kummissjoni fil-premessa (39). B’mod partikolari, huma argumentaw li żewġ talbiet għal eżami individwali ma jistgħux jitqiesu bħala numru kbir ħafna ta’ esportaturi li huma ta’ piż żejjed għall-Kummissjoni u jipprevjenu t-tlestija tal-investigazzjoni fi żmien xieraq.

(41)

Fir-rigward tal-eżami ta’ talbiet addizzjonali li huma ta’ piż u li ma jippermettux li l-investigazzjoni titlesta fil-ħin, il-Kummissjoni tixtieq tenfasizza li fil-proċess ta’ eżami tal-produtturi fil-kampjun, Haomei Group u l-PMI Group, il-Kummissjoni, kif imsemmi fil-premessa (22) tar-Regolament proviżorju, eżaminat erba’ produtturi esportaturi: Guangdong Haomei New Materials Co., Ltd.; Guangdong King Metal Light Alloy Technology Co., Ltd; Press Metal International Ltd. u Press Metal International Technology Ltd.

(42)

Barra minn hekk, il-valutazzjoni ta’ kemm hija ta’ piż l-eżaminazzjoni tal-produtturi esportaturi addizzjonali tinkludi l-aspetti kollha ta’ dan il-każ kumpless ħafna u tqis ir-restrizzjonijiet imposti mill-pandemija tal-COVID-19. Ir-rapport tas-seduta tat-13 ta’ Jannar 2021 mill-Uffiċjal tas-Seduta disponibbli fil-fajl tal-każ jipprovdi aktar dettalji f’dan ir-rigward.

(43)

Il-kummenti għamlu wkoll referenza għall-Artikolu 9(6) tar-Regolament bażiku li jiddikjara li d-dazju anti-dumping applikat għall-produtturi esportaturi li kkooperaw ma għandux jaqbeż il-marġni medju ponderat tad-dumping, stabbilit fir-rigward tal-partijiet fil-kampjun. F’dan ir-rigward, il-Kummissjoni tikkonferma li dan huwa l-każ, u huwa r-raġuni għaliex id-dazju anti-dumping applikat għall-produtturi esportaturi li kkooperaw huwa aktar baxx mil-livell ta’ dazju anti-dumping ta’ wieħed miż-żewġ produtturi esportaturi fil-kampjun.

(44)

Kumpanija importatriċi, Airoldi, irritornat għall-kwistjoni tas-sospensjoni tal-investigazzjoni kif diskuss fil-premessi (27) u (28) tar-Regolament proviżorju, li kien ukoll is-suġġett ta’ lment lill-Ombudsman Ewropew u miċħud minn dan tal-aħħar. Il-kumpanija importatriċi sostniet li r-Regolament bażiku kien qed jikser id-drittijiet fundamentali tal-partijiet (b’mod partikolari d-dritt li jinstemgħu, id-dritt għal amministrazzjoni tajba, il-prinċipju tal-ugwaljanza u d-dritt għall-protezzjoni tas-saħħa), billi ma kienx jippreskrivi għal sospensjoni tal-investigazzjoni f’każijiet ta’ emerġenza bħall-pandemija attwali.

(45)

Barra minn hekk, Airoldi sostniet li r-Regolament bażiku, interpretat fid-dawl tal-Ftehim dwar l-Anti-dumping tad-WTO (“ADA”), kellu jipprovdi perjodi ta’ żmien itwal għat-tlestija tal-investigazzjoni fid-dawl taċ-ċirkostanzi. Skont il-parti, ir-Regolament bażiku huwa miżura ta’ implimentazzjoni tal-ADA u billi l-Artikolu 5(10) tal-ADA jippermetti li l-investigazzjonijiet jiġu konklużi f’perjodu massimu ta’ 18-il xahar, l-Unjoni Ewropea tkun intitolata li tidderoga mill-iskadenzi tal-investigazzjoni u tapplika l-limiti ta’ żmien imsemmija fl-ADA. Skont ir-raġunament propost, id-DĠ Kummerċ b’applikazzjoni tal-Artikolu 57 tal-Konvenzjoni ta’ Vjenna dwar il-liġi tat-trattati (“Sospensjoni tal-operat ta’ Trattat skont id-dispożizzjonijiet tiegħu jew bil-kunsens tal-partijiet”), kellu jitlob ukoll lill-awtoritajiet Ċiniżi rilevanti għall-qbil tagħhom għal sospensjoni tal-investigazzjoni minħabba ċ-ċirkostanzi.

(46)

L-approċċ issuġġerit, madankollu, ma kienx legalment possibbli minħabba li l-investigazzjoni attwali twettqet fl-eżerċizzju tas-setgħat ta’ implimentazzjoni mogħtija lill-Kummissjoni permezz tar-Regolament bażiku. Għal din ir-raġuni, il-Kummissjoni ma tistax tiddevja mill-iskadenzi preskritti fihom. Barra minn hekk, skont il-ġurisprudenza tal-qrati Ewropej, l-ADA jista’ jingħata effett dirett biss f’ċirkostanzi limitati ħafna li ma ntwerewx f’dan il-każ u għalhekk ma jistgħux f’dan il-każ jieħdu preċedenza fuq ir-Regolament bażiku.

(47)

Bi tweġiba l-parti interessata sostniet li ma kienx hemm bżonn ta’ emenda leġiżlattiva biex jinbidlu l-iskadenzi tal-investigazzjoni, u b’appoġġ ta’ din l-asserzjoni ssemmi r-Regolament Delegat tal-Kummissjoni (UE) 2020/1173 (6), li jemenda r-Regolament bażiku biex jinbidel it-tul ta’ żmien tad-divulgazzjoni preliminari minn tlieta għal erba’ ġimgħat. Madankollu, dan il-preċedent ma huwiex adattat minħabba li l-Kummissjoni adottat ir-Regolament UE 2020/1173 fl-eżerċizzju u fil-limiti tas-setgħat delegati lilha bir-raba’ paragrafu tal-Artikolu 7(1) tar-Regolament bażiku. Fin-nuqqas ta’ tali setgħa speċifika, id-dispożizzjonijiet speċifiċi tar-Regolament bażiku fir-rigward tal-iskadenzi obbligatorji biex titlesta l-investigazzjoni ma jistgħux jinbidlu jew tingħata deroga minnhom.

(48)

Barra minn hekk, fir-rigward ta’ din l-asserzjoni, it-talba għal sospensjoni kienet fi kwalunkwe każ meqjusa sproporzjonata fiċ-ċirkostanzi preżenti, peress li s-servizzi tal-Kummissjoni setgħu jwettqu l-investigazzjoni, u l-partijiet setgħu jipparteċipaw fiha b’mod sinifikanti minkejja r-restrizzjonijiet imposti mill-pandemija tal-COVID-19. Dan l-allegat ksur tad-drittijiet fundamentali ġie ppreżentat ukoll minn Airoldi fil-forma ta’ lment lill-Ombudsman Ewropew, li nnota li l-Kummissjoni kienet estendiet l-iskadenzi għall-ammont massimu possibbli sabiex tqis l-isfidi ppreżentati mill-kriżi tal-COVID-19. L-Ombudsman Ewropew innota wkoll li l-estensjoni tal-iskadenzi setgħet iddgħajjef ukoll il-kapaċità tal-Kummissjoni li tissodisfa l-obbligi tagħha li tlesti l-investigazzjoni anti-dumping sal-iskadenzi legali li hija marbuta bihom. Għalhekk, l-Ombudsman Ewropew ikkonkluda li l-Kummissjoni aġixxiet b’mod raġonevoli u għalaq il-każ billi sab li ma kien hemm l-ebda amministrazzjoni ħażina (7).

(49)

Wara r-rivelazzjoni finali, Airoldi sostniet li l-Kummissjoni kienet żbaljata meta rrifjutat it-talba tagħha biex tissospendi l-investigazzjoni. Madankollu, meta wieħed iżomm f’moħħu li ma tqajjem l-ebda argument ġdid, il-Kummissjoni tikkonferma li d-dikjarazzjoni ma tistax tiġi aċċettata.

(50)

Il-kumpanija importatriċi talbet ukoll aċċess għal xi dokumenti interni tal-Kummissjoni, skont ir-Regolament (KE) Nru 1049/2001 tal-Parlament Ewropew u tal-Kunsill (8). It-talba u t-tweġiba għaliha jsegwu d-dispożizzjonijiet ta’ dak ir-Regolament u għalhekk ma jiffurmawx parti minn din l-investigazzjoni.

(51)

Wara r-rivelazzjoni finali, Haomei Group indika li l-Kummissjoni ħabbret il-konklużjoni fil-prinċipju tan-negozjati għal Ftehim Komprensiv dwar l-Investiment bejn l-UE u ċ-Ċina (“CAI”). Huma argumentaw li l-investigazzjoni għandha tiġi posposta biex il-partijiet involuti fil-proċediment ikunu jistgħu jiksbu informazzjoni usa’ dwar is-CAI u jagħtu kontribut xieraq bil-miktub dwar l-effetti tiegħu fuq il-proċedura pendenti. Dan l-argument huwa irrilevanti, peress li s-CAI huwa ftehim li jkopri kwistjonijiet ta’ investiment li bl-ebda mod ma jbiddlu jew jaffettwaw l-applikazzjoni ta’ strumenti għad-difiża tal-kummerċ, u għalhekk mhuwiex aċċettat.

(52)

Wara r-rivelazzjoni finali addizzjonali, Haomei Group tenna u espanda fuq l-argumenti tiegħu biex jipposponi l-investigazzjoni, iżda dawn l-argumenti ma biddlux il-konklużjoni indikata fil-premessa (51) li l-argumenti huma irrilevanti. Barra minn hekk, it-tennija tal-punt minn Haomei Group ma kellha l-ebda rilevanza għar-rivelazzjoni finali addizzjonali u għalhekk kienet barra mill-iskadenzi meħtieġa.

(53)

Wara r-rivelazzjoni finali addizzjonali, Haomei Group sostna wkoll li l-investigazzjoni għandha tingħalaq minħabba s-saħħa tal-argumenti tagħhom dwar id-dumping, il-ħsara u l-kawżalità. Madankollu, billi dawn l-argumenti ġew irrifjutati f’dan ir-Regolament, il-Kummissjoni kkonfermat li ma hemm l-ebda raġuni biex l-investigazzjoni tingħalaq.

(54)

Fin-nuqqas ta’ kummenti rigward il-perjodu ta’ investigazzjoni u l-perjodu kkunsidrat, il-premessa (29) tar-Regolament proviżorju kienet ikkonfermata.

(55)

Produttur esportatur wieħed issuġġerixxa li ssir valutazzjoni tad-dumping u tad-dannu għal kull segment tas-suq.

(56)

Kif spjegat fir-Regolament proviżorju, inter alia fil-premessi (43) sa (47), u f’din it-Taqsima, dawn il-prodotti tal-aluminju li komunament jissejħu estrużjonijiet tal-aluminju għandhom l-istess karatteristiċi fiżiċi, tekniċi u kimiċi bażiċi u għalhekk jappartjenu għall-prodott ikkonċernat. Għalkemm l-estrużjonijiet speċifiċi jistgħu jintużaw biss għal applikazzjoni speċifika, dan huwa r-riżultat tal-fatt li dawn il-prodotti huma personalizzati u espressament prodotti għall-użu maħsub tagħhom. Il-prattika kummerċjali introduċiet għadd ta’ distinzjonijiet, inkluż bejn ligi ibsin u dawk rotob, profili ta’ daqs medju u kbir, profili standard u speċjali u estrużjonijiet li jintużaw għal applikazzjoni speċifika. L-investigazzjoni wriet li filwaqt li ħafna produtturi huma preżenti f’bosta minn dawn il-kategoriji, huma jipproduċu skont il-karatteristiċi tekniċi tal-magni tagħhom u abbażi tar-rekwiżiti tad-diversi klijenti tagħhom. Barra minn hekk, fir-rigward tal-ligi, l-investigazzjoni wriet li jeżistu għadd ta’ ligi tal-aluminju, u ligi differenti jistgħu jkunu adatti għal ċerta applikazzjoni. Barra minn hekk, kif spjegat fil-premessa (197) ta’ dan ir-Regolament, partijiet differenti asserixxew li s-suq għandu jkun differenzjat skont il-kriterji msemmija hawn fuq. Minkejja dan, minħabba n-nuqqas ta’ linja ċara ta’ diviżjoni jew ta’ kriterju li jiddistingwi bejn il-prodotti differenti, il-valutazzjoni tad-dumping u tad-dannu għandha ssir għall-industrija tal-Unjoni kollha kemm hi, filwaqt li tiġi żgurata l-komparabbiltà xierqa tal-prodotti. Għalhekk, din l-asserzjoni dwar is-segmentazzjoni ġiet miċħuda.

(57)

Kumpanija importatriċi waħda (Airoldi) asserixxiet li d-definizzjoni u l-ambitu tal-kodiċi NM 7610 90 90 kienu impreċiżi, u li l-Kummissjoni żbaljat meta inkludiet l-importazzjonijiet li jaqgħu taħt dan il-kodiċi fl-istatistika tal-importazzjoni għall-prodott ikkonċernat.

(58)

L-ewwel nett, id-definizzjoni ta’ kodiċi NM, u l-prodotti inklużi fih, mhijiex fl-ambitu ta’ din l-investigazzjoni, u lanqas tal-leġiżlazzjoni tad-difiża tal-kummerċ, iżda ssegwi r-regoli tal-klassifikazzjoni tal-UE. Imbagħad, dwar l-inklużjoni ta’ prodotti li jaqgħu taħt il-kodiċi NM 7610 90 90 fl-investigazzjoni preżenti, kif spjegat fir-Regolament proviżorju fil-premessi (218) sa (223), il-Kummissjoni kienet diġà indikat li l-proporzjon tal-prodott ikkonċernat inkluż f’dan il-kodiċi seta’ jkun aktar baxx minn dak stmat inizjalment mill-ilmentaturi. Dan ma jaffettwax il-fatt li l-prodott ikkonċernat attwalment jaqa’ notevolment taħt il-kodiċi msemmi qabel bħala kwistjoni ta’ klassifikazzjoni doganali. Id-determinazzjoni finali dwar din il-kwistjoni tinsab fl-analiżi u fil-konklużjonijiet irrappurtati fil-premessi (206) sa (210) ta’ dan ir-Regolament.

(59)

Airoldi reġgħet lura għall-kwistjoni msemmija fil-premessa preċedenti wara r-rivelazzjoni finali. Il-kumpanija tenniet l-argumenti tagħha u semmiet li jeżistu bosta BTIs taħt il-kodiċi NM inkwistjoni. Madankollu, l-eżistenza ta’ BTIs bħal dawn ma timplikax li ċerti importazzjonijiet taħt il-kodiċi ma jaqgħux taħt il-prodott ikkonċernat. Din il-kwistjoni hija kkunsidrata aktar fil-kapitolu 4.3 “Importazzjonijiet mill-pajjiż ikkonċernat”.

(60)

Wara r-rivelazzjoni proviżorja, utent wieħed (Alstom) asserixxa li l-Kummissjoni, meta rrifjutat l-asserzjoni tiegħu għall-esklużjoni tal-prodott, naqset milli tifhem il-kumplessità tal-karatteristiċi tal-prodotti li jimporta, peress li l-estrużjonijiet tal-aluminju ferrovjarji jikkostitwixxu prodott b’karatteristiċi bażiċi differenti mill-prodotti l-oħra tal-aluminju li jaqgħu fl-ambitu tal-proċedimenti. Il-prodotti jsegwu standards speċifiċi u jridu jissodisfaw il-karatteristiċi esiġenti meħtieġa għall-użu maħsub tagħhom, inklużi t-tolleranza, il-mikrostruttura, l-għażla ta’ ligi li jistgħu jintużaw, ir-rekwiżiti tar-reħja, il-ħxuna, l-ittestjar, il-konformità tal-proprjetajiet mekkaniċi u s-solidità tal-ħjata tal-estrużjonijiet, b’impatt dirett fuq il-prodott biex tiġi żgurata s-sikurezza aħħarija tal-passiġġieri. Dan ikun kuntrarju għal prodotti oħra fuq talba, fejn il-karattru personalizzat ikun relatat biss ma’ talbiet dwar karatteristiċi li jaffettwaw id-dehra tal-prodott bħat-tul, il-wisa’, il-piż jew l-irfinitura tiegħu (pereż. maqtugħ skont id-daqs, illustrat, eċċ.), u ma jaffettwawx il-karatteristiċi intrinsiċi tal-prodotti. Il-konformità mar-rekwiżiti differenti tal-prodott tkun tinvolvi linja ta’ diviżjoni bejn prodotti speċifiċi għall-ferroviji u prodotti għal użi oħra. Fl-aħħar nett, l-utent sostna li f’każijiet preċedenti l-Kummissjoni eskludiet prodotti minn investigazzjoni abbażi tal-użu u l-proċess tal-produzzjoni tagħhom (b’mod partikolari, il-parti tirreferi għall-miżuri fuq ċertu kkastjar (9) u l-investigazzjoni li nfetħet reċentement dwar prodotti tal-aluminju rromblati ċatti li joriġinaw miċ-Ċina (10)).

(61)

Anke jekk dawn l-asserzjonijiet kellhom jiġu ssostanzjati biżżejjed, il-Kummissjoni ma tikkontestax il-kumplessità ta’ ħafna estrużjonijiet tal-aluminju, inklużi dawk tas-settur ferrovjarju, u lanqas il-fatt li tipi differenti ta’ prodotti jista’ jkollhom karatteristiċi, użi jew proċessi ta’ produzzjoni speċifiċi differenti; li jistgħu jsegwu standards differenti tal-prodott; jew li l-interkambjabbiltà tista’ ma tkunx universali bejn kull wieħed minn dawn it-tipi. Madankollu, fi ħdan il-marġni ta’ diskrezzjoni tagħha, il-Kummissjoni trid teżamina kull każ fuq il-merti speċifiċi tiegħu u b’mod partikolari fir-rigward tal-kriterju ewlieni ta’ jekk tipi differenti għandhomx l-istess karatteristiċi fiżiċi, kimiċi u tekniċi bażiċi. F’dan il-każ, l-informazzjoni pprovduta dwar l-ispeċifiċitajiet relatati mat-tip ma neħħietx il-fatt li t-tipi inkwistjoni għandhom il-karatteristiċi bażiċi deskritti fir-Regolament proviżorju, irrispettivament mis-settur li jintużaw fih. Barra minn hekk, kemm il-produtturi esportaturi kif ukoll l-industrija tal-Unjoni jipproduċu u jbigħu estrużjonijiet tal-aluminju biex iservu s-settur ferrovjarju. L-estrużjonijiet tal-aluminju għas-settur tal-ferroviji għalhekk jappartjeni fl-ambitu tal-investigazzjoni li għalih ġew ivvalutati l-kunsiderazzjonijiet ta’ dumping, ta’ dannu u ta’ interess tal-Unjoni. Għalhekk, il-pretensjonijiet ma setgħux jiġu aċċettati.

(62)

Fir-rigward tal-estrużjonijiet għas-settur ferrovjarju, żewġ produtturi esportaturi (Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd.) talbu wkoll l-esklużjoni ta’ dawn il-prodotti mill-ambitu tal-prodott. L-argumenti mressqa minn dawn il-produtturi kienu jikkonċernaw l-eżistenza ta’ standards u proċessi ta’ produzzjoni speċifiċi u aktar eżiġenti minn dawk għall-applikazzjonijiet ġenerali. Kif spjegat hawn fuq, il-prodotti inklużi fl-ambitu tal-prodott, jiġifieri dawk imsemmija fil-premessi (38) sa (41) tar-Regolament proviżorju, għandhom l-istess karatteristiċi bażiċi minkejja l-konformità addizzjonali tagħhom mal-istandards applikabbli għal ċerti applikazzjonijiet jew setturi.

(63)

Wara r-rivelazzjoni finali assoċjazzjoni waħda tal-Unjoni (UNIFE), utent wieħed (Alstom) u żewġ produtturi esportaturi (Jilin Qixing u Shandong Nollvetec) tennew il-punti li għamlu biex jappoġġaw l-esklużjoni tal-estrużjonijiet fis-settur ferrovjarju.

(64)

Alstom sostniet ukoll li l-Kummissjoni ma kinitx ikkunsidrat b’mod adegwat jekk kinitx teżisti relazzjoni kompetittiva bejn il-prodotti fil-valutazzjoni tagħha tat-talba għall-esklużjoni tal-prodott. Barra minn hekk, kif imsemmi fil-premessa (61) kemm il-produtturi esportaturi kif ukoll l-industrija tal-Unjoni jipproduċu u jbigħu estrużjonijiet tal-aluminju biex iservu s-settur ferrovjarju. Għalhekk huma f’kompetizzjoni ma’ xulxin. L-investigazzjoni kkonfermat ukoll l-impatt ta’ prattiki kummerċjali inġusti fuq il-produzzjoni ta’ tipi ta’ prodotti addizzjonali għas-settur, u l-kapaċità tal-Unjoni li tagħmel dan fil-kuntest ta’ kundizzjonijiet kummerċjali ġusti. Għaldaqstant, din il-pretensjoni ġiet irrifjutata.

(65)

Alstom sostniet ukoll li l-Kummissjoni ma kinitx ikkunsidrat il-ġurisprudenza b’mod xieraq. Fir-rigward tal-każ rigward ċertu kkastjar, Alstom sostniet li l-eżistenza ta’ standard EN kienet parti mill-ġustifikazzjoni għall-esklużjoni tal-prodotti. Fil-każ attwali, Alstom sostniet li l-Kummissjoni ma elaboratx għaliex l-eżistenza ta’ standard EN ma kinitx fattur rilevanti. Kif indikat fil-premessa (61) il-Kummissjoni ma tikkontestax li kull industrija utenti tixtri prodotti b’karatteristiċi speċifiċi. Madankollu, dan it-tip ta’ differenzjazzjoni japplika għas-setturi kollha tal-utenti u huwa relatat mar-rekwiżiti tekniċi tas-settur. Għal darba oħra l-eżistenza ta’ normi EN fis-settur ferrovjarju ma taffettwax il-fatt li l-estrużjonijiet koperti min-norma għandhom l-istess karatteristiċi bażiċi bħall-prodotti għal applikazzjonijiet oħra. Fir-rigward tal-każ taż-żraben (11), ċerti prodotti ġew esklużi mill-ambitu tal-investigazzjoni mhux l-inqas minħabba li l-karatteristiċi bażiċi ma kinux l-istess. Dan mhuwiex il-każ hawnhekk, peress li l-karatteristiċi bażiċi huma l-istess. Biex jintwera eżempju wieħed, fil-każ taż-żraben, differenzi bħal dawn irriżultaw f’xejriet differenti tal-importazzjoni u tal-prezzijiet — lanqas ma saret dikjarazzjoni f’dan ir-rigward. Fil-qosor, huwa kkonfermat li dan l-argument ma setax jiġi aċċettat.

(66)

Utent ieħor (Carl Prinz), manifattur ta’ soluzzjonijiet teknoloġiċi għall-kisi tal-art, sostna li, minħabba l-istandards fis-seħħ u t-tolleranzi mnaqqsa meħtieġa, kif ukoll il-ħtieġa għal preses speċifiċi u għodod oħra tal-manifattura fil-produzzjoni, il-prodotti li jimportaw ma setgħux jitqabblu mal-prodotti importati li huma aktar standard u għalhekk għandhom jiġu esklużi mill-investigazzjoni.

(67)

Bl-istess mod bħal fil-każ tal-utent preċedenti, dan l-argument ma setax jiġi aċċettat. L-ewwel nett, il-produtturi esportaturi u l-industrija tal-Unjoni biegħu varjetà kbira ta’ prodotti; madankollu, id-diviżjoni skont it-tipi ta’ prodotti żgurat li t-tqabbil tal-prezzijiet sar fuq prodotti komparabbli. It-tieni, irrispettivament mir-rekwiżiti tekniċi li jagħmlu ċertu prodott u l-użu tiegħu speċifiċi ħafna, xorta waħda għandhom il-karatteristiċi bażiċi tal-prodott ikkonċernat.

(68)

Produttur esportatur minnhom (Fuyao) talab li l-estrużjonijiet għall-prodotti aċċessorji relatati mal-vetturi għandhom jiġu esklużi mill-investigazzjoni. Il-produttur esportatur asserixxa li l-Kummissjoni ma qisitx li dawn l-estrużjonijiet kienu differenti minn estrużjonijiet oħra użati, pereżempju, fis-settur tal-kostruzzjoni. B’appoġġ għall-pretensjoni tiegħu, il-produttur esportatur iddikjara li skont il-ġurisprudenza tal-Qorti tal-Ġustizzja, il-Kummissjoni tista’ tqis “bosta fatturi, bħall-karatteristiċi fiżiċi, tekniċi u kimiċi tal-prodotti, l-użu tagħhom, l-interkambjabbiltà tagħhom, il-perċezzjoni li l-konsumaturi għandhom tagħhom, il-mezzi ta’ distribuzzjoni, il-proċess tal-manifattura, l-ispejjeż tal-produzzjoni u l-kwalità” (12). Għal din ir-raġuni, il-produttur esportatur sostna li l-prodotti li esporta għandhom jiġu esklużi billi jservu użu aħħari differenti minn dawk l-oħrajn soġġetti għall-miżuri. Barra minn hekk, b’appoġġ għall-pretensjoni tiegħu, il-produttur esportatur semma li l-Kummissjoni, fil-premessa (41) tar-Regolament proviżorju, eskludiet mingħajr ma tagħti r-raġunijiet serje ta’ prodotti mill-investigazzjoni (bħal subassemblaġġi, tubi u pajpijiet iwweldjati u kittijiet ta’ oġġetti lesti).

(69)

Fir-rigward ta’ dawn l-asserzjonijiet, kif ġie nnutat fil-premessa (56), għalkemm l-estrużjonijiet speċifiċi jistgħu jintużaw biss f’settur partikolari tas-suq għal applikazzjoni speċifika, dan huwa r-riżultat tal-fatt li dawn il-prodotti huma personalizzati u espressament prodotti għall-użu maħsub tagħhom. L-investigazzjoni wriet li ma hemmx linja ta’ diviżjoni jew kriterju ċar li jiddistingwi bejn il-prodotti differenti, li jiġġustifika analiżi tas-segment. Il-Kummissjoni kkonkludiet li l-aktar approċċ xieraq għall-valutazzjoni tad-dumping u tad-dannu għall-industrija tal-Unjoni huwa li jitqiesu t-tipi kollha ta’ prodotti flimkien, filwaqt li tiġi żgurata l-komparabbiltà tal-prodotti kollha meta mqabbla. Fir-rigward tal-esklużjonijiet imsemmija fil-premessa (41) tar-Regolament proviżorju, dawn huma definiti mill-ilmentaturi fl-għażla tagħhom tal-ambitu xieraq tal-prodott li sofra l-effetti ta’ dumping dannuż. Dawn il-pretensjonijiet għalhekk ġew miċħuda.

(70)

Utent wieħed (Stako Sp. z o.o.) li jimporta pajpijiet tal-aluminju taħt is-sospensjoni tariffarja awtonoma għall-użu fil-manifattura ta’ reċipjenti taħt pressjoni għolja sostna li l-eżistenza tal-imsemmija sospensjoni tariffarja tkun teħtieġ l-esklużjoni tal-prodotti mill-ambitu tal-miżuri. Din il-pretensjoni tressqet b’mod sinifikanti wara l-iskadenza għas-sottomissjoni ta’ talbiet bħal dawn, jiġifieri 10 ijiem wara d-data tan-Notifika ta’ bidu. Din il-kumpanija sostniet li, minħabba n-nuqqas ta’ produzzjoni tal-prodotti importati fl-Unjoni, dawn l-importazzjonijiet b’definizzjoni ma setgħux ikkawżaw dannu lill-industrija tal-Unjoni u għalhekk għandhom jiġu esklużi.

(71)

Barra minn hekk, l-ilmentatur identifika produttur wieħed tal-Unjoni li huwa indika li jkun kapaċi u lest li jipproduċi u jforni l-prodott.

(72)

Wara r-rivelazzjoni finali, dan l-utent ikkummenta li t-tubi ffurmati bil-fluss ikkonċernati ma setgħux jiġu fornuti mill-produttur tal-Unjoni msemmi jew minn kwalunkwe produttur ieħor tal-Unjoni u setgħu jinkisbu biss miċ-Ċina. Għalhekk l-utent talab lill-Kummissjoni biex teżenta dawn it-tipi ta’ tubi.

(73)

European Aluminium imbagħad ikkummentat li produttur ieħor tal-Unjoni li juża proċess komparabbli huwa kapaċi jforni prodott xieraq u indika li l-produtturi tal-Unjoni huma kapaċi jipproduċu kwalunkwe prodott ta’ estrużjoni.

(74)

Il-Kummissjoni nnotat li Stako ppreżentat ruħha tard fl-investigazzjoni u ma kienx possibbli għaliha li tikkonkludi dwar l-utilità tal-proċess komparabbli fiż-żmien li kien fadal. Barra minn hekk, fis-seduta ma’ Stako ġie kkonfermat li l-proċess ta’ formazzjoni tal-fluss jitwettaq fl-Unjoni.

(75)

Barra minn hekk, il-prodotti soġġetti għas-sospensjoni tat-tariffi għandhom l-istess karatteristiċi bażiċi bħall-prodott ikkonċernat.

(76)

Għal dawn ir-raġunijiet, it-talba għall-esklużjoni ma ġietx aċċettata.

(77)

Utent wieħed (Bi Silque S.A.) qed jimporta profili vojta taħt is-sospensjoni tariffarja awtonoma għall-użu fil-frejms talab ukoll l-esklużjoni ta’ dawn il-prodotti mill-ambitu tal-miżuri, għalkemm b’mod sinifikanti wara l-iskadenza għas-sottomissjoni ta’ talbiet bħal dawn. Din il-kumpanija sostniet li kien hemm nuqqas ta’ provvista fis-suq tal-Unjoni u għalhekk dawn l-importazzjonijiet għandhom jiġu esklużi mill-ambitu tal-prodott. Kumpanija importatriċi mhux relatata ikkummentat ukoll dwar din il-kwistjoni u appoġġat il-pretensjoni.

(78)

Madankollu, l-ilmentatur identifika erba’ produtturi tal-Unjoni li huma kapaċi u lesti li jipproduċu u jfornu prodotti bħal dawn. F’dan il-każ, il-prodotti importati minn dan l-utent jidhru li għandhom l-istess karatteristiċi bażiċi tal-prodott ikkonċernat u, għal din ir-raġuni, it-talba għall-esklużjoni għandha tiġi miċħuda.

(79)

Utent tal-Unjoni (Forest Group Nederland B.V.) sostna li l-fornitur Ċiniż tiegħu jew il-prodott li jbigħ għandhom jiġu esklużi mill-investigazzjoni peress li nbiegħu bi prezzijiet li ma humiex l-oġġett ta’ dumping. Din il-pretensjoni ġiet ippreżentata sew wara l-iskadenza biex jiġu ppreżentati t-tali talbiet. Fi kwalunkwe każ il-pretensjoni tidher li ġejja minn nuqqas ta’ fehim tal-proċedimenti anti-dumping. Anke meta produttur esportatur wieħed jinstab li ma kienx qed jagħmel dumping (li ma huwiex il-każ hawnhekk peress li l-produttur esportatur inkwistjoni ma kkooperax fl-investigazzjoni), dan ma jikkostitwixxix raġuni għall-esklużjoni ta’ prodott mill-ambitu tal-investigazzjoni. Għalhekk, din il-pretensjoni kellha tiġi miċħuda.

(80)

Talba għal eżenzjoni mid-dazji anti-dumping waslet f’isem produttur esportatur (Match Foshan Sanshui Hardware Products Company Ltd.) fuq il-bażi li l-kumpanija hija dipendenti ħafna fuq l-esportazzjonijiet tagħhom għall-vijabbiltà ekonomika tagħhom u li ma setgħetx tipprova li ma kinitx qed tagħmel dumping billi ma kinitx inkluża fil-kampjun. Din il-pretensjoni ġiet ippreżentata sew wara l-iskadenza biex jiġu ppreżentati t-tali talbiet. Peress li dawn l-elementi ma jikkostitwixxux raġuni għall-esklużjoni, it-talba għandha tiġi miċħuda.

(81)

Kumpanija importatriċi waħda (O. Wilms GmbH & Co) talbet li l-prodott li timporta jiġi eskluż mill-ambitu tal-prodott peress li jeħtieġ finitura speċjali, proċess ta’ approvazzjoni twil, u jinbiegħ lill-Unjoni bi prezzijiet għoljin. Din il-pretensjoni ġiet ippreżentata sew wara l-iskadenza biex jiġu ppreżentati t-tali talbiet. Peress li dawn l-elementi ma jikkostitwixxux raġuni għall-esklużjoni u l-prodott għandu l-istess karatteristiċi bażiċi bħall-prodott ikkonċernat, it-talba għandha tiġi miċħuda.

(82)

Kumpanija li tuża l-prodott ikkonċernat biex tipproduċi inkwatri tar-ritratti fl-Unjoni (Mavanti B.V.) asserixxiet li b’riżultat tal-miżuri se ġġarrab żieda fil-kostijiet li se tpoġġi lill-kumpanija tagħha fi żvantaġġ kompetittiv mal-prodotti lesti (jiġifieri inkwatri tar-ritratti) miċ-Ċina li mhux se jkunu soġġetti għal dazji anti-dumping. Għalhekk, dan l-utent ippropona li l-ambitu tal-prodott jiġi estiż biex ikopri prodotti lesti oħra bħal inkwatri tar-ritratti. Din il-pretensjoni ġiet ippreżentata sew wara l-iskadenza biex jiġu ppreżentati t-tali talbiet. Peress li l-ambitu tal-prodott jeskludi l-prodotti lesti u ma jkunx xieraq li l-ambitu tal-prodott jiġi estiż wara l-bidu tal-investigazzjoni, lanqas din it-talba ma tista’ tiġi aċċettata.

(83)

Bħala konklużjoni, il-Kummissjoni ddeterminat li ma kienet teżisti l-ebda raġuni biex jiġu esklużi l-prodotti soġġetti għat-talbiet ta’ hawn fuq mill-ambitu tal-prodott tal-investigazzjoni.

(84)

Wara r-rivelazzjoni finali żewġ utenti oħra (Decora u Bash tec) indikaw li l-prodotti li jimportaw għandhom jiġu esklużi mill-investigazzjoni minħabba l-karatteristiċi speċifiċi tagħhom, in-nuqqas ta’ provvista mill-produtturi tal-Unjoni jew il-prezzijiet għoljin mill-produtturi tal-Unjoni.

(85)

Dawn l-utenti pprovdew dettalji tad-diskussjonijiet inizjali li kellhom mal-produtturi tal-Unjoni sabiex jippruvaw jiksbu estrużjonijiet tal-aluminju minnhom.

(86)

European Aluminium tenniet li l-utenti m’għandhomx jistennew li jkomplu jibbenefikaw minn dumping dannuż kif kellhom fil-passat. Huma rrimarkaw ukoll li l-estrużjonijiet isiru skont l-ordni u li l-industrija tal-Unjoni għandha kapaċità żejda. European Aluminium identifikat produtturi tal-Unjoni li kapaċi jissodisfaw l-ispeċifikazzjonijiet meħtieġa.

(87)

Il-Kummissjoni nnotat li dawn l-utenti kienu fl-istadji bikrija tad-diskussjonijiet ma’ fornituri potenzjali tal-Unjoni u li l-utenti jinsabu fil-proċess li jadattaw għall-eżistenza tal-miżuri. Għalhekk, ma jistax jiġi konkluż li hemm nuqqas ta’ kapaċità jew rieda li jiġu fornuti t-tipi ta’ prodotti msemmija hawn fuq min-naħa tal-industrija tal-Unjoni.

(88)

Il-Kummissjoni, għalhekk, issostni l-pożizzjoni tagħha li t-talbiet għall-esklużjoni tal-prodotti ta’ dawn l-utenti ma jistgħux jiġu aċċettati.

(89)

Utent wieħed (Mat-Inter) iddikjara li d-definizzjoni tal-prodott ma kinitx ċara u li kien jirriskja li l-prodotti tiegħu jiġu kklassifikati bħala prodott ikkonċernat. Minkejja l-fatt li l-utent ma pprovdiex argument ċar dwar il-karatteristiċi tal-prodotti tiegħu u r-raġunijiet għall-klassifikazzjoni inċerta tagħhom (inkluż il-fatt li huwa semma fir-raġunament tiegħu s-Subkapitolu 7904 tan-nomenklatura magħquda li huwa barra mill-ambitu tal-investigazzjoni), ta’ min ifakkar li d-definizzjoni tal-prodott hija rrapportata wkoll fil-parti operattiva ta’ dan ir-Regolament u li l-implimentazzjoni prattika tagħha hija l-kompetenza tal-awtoritajiet doganali tal-Istat Membru fejn isseħħ l-importazzjoni.

(90)

Diversi partijiet għamlu mistoqsijiet dwar jekk l-esportazzjonijiet tagħhom kinux jaqgħu taħt il-prodott ikkonċernat. Sabiex tipprovdi kjarifika u tnaqqas ir-riskju ta’ klassifikazzjoni ħażina, il-Kummissjoni tipprovdi aktar dettalji dwar l-esklużjonijiet mill-ambitu tal-prodott, speċifikament is-“subassemblaġġi” u l-“kittijiet tal-oġġetti lesti”, kif deskritt fil-premessa (41) tar-Regolament proviżorju.

(91)

Il-prodotti mwaħħla (eż. bl-iwweldjar jew bil-qfieli) biex jiffurmaw “subassemblaġġi” ma humiex parti mill-ambitu tal-prodott. Il-prodotti huma tipikament ippreżentati fis-subassemblaġġi biss fejn is-subassemblaġġ huwa ddisinjat biex jiġi assemblat f’entità akbar bħal prodott finali jew assemblaġġ, u fejn teżisti ġustifikazzjoni ekonomika suffiċjenti biex il-prodotti jinbiegħu b’dan il-mod.

(92)

Bl-istess mod, irid ikun hemm ġustifikazzjoni ekonomika suffiċjenti biex jinbiegħu prodotti f’“kittijiet tal-oġġetti lesti”, li jinkludu l-karatteristiċi essenzjali kollha tal-prodott lest li jirriżultaw mill-assemblaġġ tal-“kitt”, u huma direttament lesti u kompluti għall-użu intenzjonat finali tagħhom (l-assemblaġġ ta’ dan il-prodott finali).

(93)

Biex tiġi ffaċilitata l-klassifikazzjoni ta’ tali prodotti u kontroll doganali, se jinħolqu kodiċijiet TARIC speċifiċi għaż-żewġ esklużjonijiet.

(94)

L-aspetti l-oħra kollha tar-Regolament proviżorju rigward il-prodott li qed jiġi investigat, il-prodott ikkonċernat, il-prodott simili u l-ambitu tal-prodott huma kkonfermati.

(95)

Bosta partijiet interessati u l-GTĊ ikkummentaw dwar in-nuqqas ta’ distorsjonijiet sinifikanti fiċ-Ċina.

(96)

Fil-kummenti tiegħu dwar ir-Regolament proviżorju, Haomei Group argumenta li huwa pprovda evidenza li tiġġustifika l-applikazzjoni tal-Artikolu 2(1) tar-Regolament bażiku għall-kalkolu tal-valur normali. B’mod partikolari, Haomei Group irrifjuta l-eżistenza ta’ distorsjonijiet sinifikanti għall-kumpaniji tiegħu u insista li huwa kien ipprovda biżżejjed evidenza li turi li jissodisfa l-kundizzjonijiet stabbiliti fl-Artikolu 2(6a) tar-Regolament bażiku, b’mod partikolari n-nuqqas ta’ distorsjonijiet fil-qasam tal-kostijiet lavorattivi, tal-kreditu u tal-enerġija.

(97)

Kif spjegat fid-dettall fil-premessi (77) u (79) u wara tar-Regolament proviżorju, il-Kummissjoni tenniet li skont l-Artikolu 2(6a)(b) hija tqis l-impatt potenzjali ta’ wieħed jew aktar mill-elementi elenkati f’din id-dispożizzjoni, inklużi l-kostijiet lavorattivi, il-kreditu u l-enerġija, iżda mhux limitat għalihom. Kif iċċarat ukoll fl-istess premessi, il-punt tat-tluq huwa l-eżistenza ta’ distorsjonijiet sinifikanti u l-impatt tagħhom fuq il-prezzijiet u l-kostijiet huwa stabbilit fil-livell tal-pajjiż kollu minflok għal kull kumpanija. Fl-istess ħin, kif iddikjarat fil-premessa (81) tar-Regolament proviżorju, is-sorsi biex jinħadem il-valur normali meta tiġi applikata l-metodoloġija skont l-Artikolu 2(6a), is-subparagrafu (2), it-tielet sing jistgħu jinkludu l-kostijiet domestiċi, iżda biss sal-punt li jiġi aċċertat li mhumiex distorti, abbażi ta’ evidenza preċiża u xierqa. Għalhekk, anki jekk l-evidenza sottomessa wriet li dawn il-partijiet ma kinux affettwati minn distorsjonijiet fil-qasam tal-kostijiet lavorattivi, il-kostijiet tal-kreditu, u l-enerġija - quod non - dan ma affettwax l-applikazzjoni tal-metodoloġija skont l-Artikolu 2(6a) bħala tali. Fi kwalunkwe każ, kif spjegat fil-premessi (82) sa (83) tar-Regolament proviżorju, u fin-nuqqas ta’ evidenza rilevanti addizzjonali fil-livell tal-pajjiż kollu, id-dikjarazzjonijiet ta’ Haomei Group dwar in-nuqqas ta’ distorsjonijiet ma kinux sostanzjati b’xi evidenza fattwali u għalhekk il-konklużjonijiet fil-premessi (77), (79), (81) u (83) tar-Regolament proviżorju huma kkonfermati.

(98)

It-tieni, Haomei Group osserva li r-Regolament proviżorju jikkritika s-sistema ekonomika Ċiniża, jagħmel dikjarazzjonijiet ġenerali dwar l-influwenza tal-Gvern Ċiniż fuq l-industriji ewlenin, u jimplika li l-ippjanar li sar mill-awtoritajiet ċentrali u provinċjali jwassal għal faċilitazzjoni finanzjarja għall-kumpaniji Ċiniżi permezz tas-sistema bankarja. L-ewwel nett, Haomei Group enfasizza li l-Gvernijiet Ewropej jagħtu wkoll benefiċċji lill-produtturi Ewropej, li għandhom jiġu kkunsidrati. It-tieni, Haomei Group innota li l-ebda wieħed mill-fatturi elenkati fl-Artikolu 2(6a)(b) tar-Regolament bażiku u kkwotati fil-punt (70) tar-Regolament proviżorju ma kien japplika għalih, minħabba li Haomei Group hu kompletament privat, mhux soġġett għal xi forma ta’ kontroll jew direttiva mill-Gvern Ċiniż u/jew mill-Partit Komunista Ċiniż (“CCP”). Barra minn hekk, l-ebda membru tal-istituzzjonijiet imsemmija hawn fuq ma kien jinsab fil-bordijiet ta’ Haomei Group.

(99)

Fir-rigward tal-ewwel argument, il-Kummissjoni nnotat fil-premessa (71) tar-Regolament proviżorju li skont l-Artikolu 2(6a)(b) tar-Regolament bażiku l-impatt potenzjali ta’ wieħed jew aktar mill-elementi distorsivi elenkati f’dik id-dispożizzjoni huwa analizzat fir-rigward tal-prezzijiet u tal-kostijiet fil-pajjiż esportatur. L-istruttura tal-kost u l-mekkaniżmi tal-formazzjoni tal-prezzijiet fi swieq oħra, inklużi kwistjonijiet relatati ma’ appoġġ finanzjarju ġeneriku u mhux sostanzjat, bħall-allegat appoġġ ġeneriku mogħti fl-UE, ma għandhom l-ebda rilevanza fil-kuntest ta’ dan il-proċediment (13). It-tieni, kif spjegat fil-premessi (77) u wara, u fil-premessa (103) tar-Regolament proviżorju, iż-żewġ produtturi esportaturi kienu eliġibbli għal forom differenti ta’ appoġġ, irrispettivament minn jekk kinux entitajiet privati jew pubbliċi.

(100)

Barra minn hekk, il-Kummissjoni tosserva li l-argument ta’ Haomei Group li ż-żewġ kumpaniji huma ħielsa minn kwalunkwe influwenza tal-gvern jew tal-partit ma jikkorrispondix mar-realtà. Il-Kummissjoni l-ewwel tfakkar dwar il-korp sostanzjali ta’ evidenza u l-konklużjonijiet li jinsabu fil-premessi (86) sa (90), u fit-Taqsimiet 3.2.1.3 - 3.2.1.5 tar-Regolament proviżorju, li juru l-firxa u t-tixrid tal-influwenza tal-gvern u tas-CCP fl-ekonomija Ċiniża, inkluż is-settur tal-aluminju. La Haomei Group, u lanqas xi parti interessata oħra ma pprovdew evidenza li tirribatti jew iddgħajjef dawn is-sejbiet. Dan diġà jkun biżżejjed biex anke mil-lat sostantiv ineħħu dawn l-argumenti. Fi kwalunkwe każ, skont ir-riċerka mwettqa mill-Kummissjoni, fis-sit web ta’ Haomei Group hemm irreklamat li l-kumpanija hija involuta fl-attivitajiet tal-bini tal-partit, bħal attivitajiet edukattivi għall-impjegati dwar “il-ħsibijiet ta’ Xi Jinping dwar is-Soċjaliżmu b’Karatteristiċi Ċiniżi fl-Era l-Ġdida, mill-Kostituzzjoni, mill-Kostituzzjoni u r-Regolamenti tal-Partit, mill-ispirtu tad-19-il Kungress Nazzjonali tal-Partit Kommunista taċ-Ċina, mill-ispirtu tar-Raba’ Sessjoni Plenarja tad-19-il Kumitat Ċentrali tal-Partiti, mill-ispirtu tal-istruzzjonijiet importanti ta’ Xi Jinping dwar Guangdong […].” (14) Barra minn hekk, il-kumpanija tippreżenta lilha nnifisha bħala “intrapriża bi żvilupp ta’ kwalità għolja ggwidata mill-bini tal-Partit” fuq is-sit web ta’ Foshan Nanhai Aluminium Profile Industry Association, fejn Haomei Group huwa deskritt aktar b’dan il-mod: “Haomei New Materials baqgħet tkun iggwidata għal żmien twil mill-ħsibijiet ta’ Xi Jinping dwar is-Soċjaliżmu b’Karatteristiċi Ċiniżi fl-Era l-Ġdida, baqgħet tistudja u timplimenta fil-fond l-ispirtu tad-19-il Kungress Nazzjonali tal-Partit Komunista taċ-Ċina, armata bit-teorija; kompliet tippromwovi l-ħidma tal-kumpanija fil-bini tal-Partit u ttrasformat il-vantaġġi tal-ħidma fil-bini tal-Partit f’vantaġġi għall-iżvilupp tal-intrapriża.” (15) Kif jidher fil-kuntest tal-gvern Ċiniż u l-influwenza tal-partit kif deskritt bir-reqqa fil-premessi u t-taqsimiet imsemmija tar-Regolament proviżorju, din l-evidenza tkompli ddgħajjef l-argument imressaq minn din il-parti.

(101)

It-tielet, il-produtturi esportaturi jqisu li l-prinċipju tal-legalità (16) inkiser mis-sejbiet fil-premessa (77) tar-Regolament proviżorju, fejn il-Kummissjoni ddikjarat li ż-żewġ produtturi kienu eliġibbli għal appoġġ finanzjarju, anki jekk ma rċevewhx. Skont Haomei Group, b’din id-dikjarazzjoni l-Kummissjoni taqleb l-oneru tal-provi u r-responsabbiltà impliċita għal atti ta’ persuna oħra. Fir-rigward tal-finanzjament mill-Istat, dan għandu jiġi miċħud kompletament minħabba li Haomei Group jitqies responsabbli għas-sempliċi fatt li huwa magħmul minn kumpaniji Ċiniżi, anke jekk qatt ma ngħataw finanzjament pubbliku u/jew sussidji.

(102)

Il-Kummissjoni tfakkar li l-Artikolu 2(6a)(b) jiddikjara li, meta tivvaluta l-eżistenza ta’ distorsjonijiet sinifikanti, il-Kummissjoni trid tikkunsidra l-“impatt potenzjali” tal-elementi elenkati f’dak l-Artikolu. Is-sejbiet fit-taqsima 3.2.1.8 b’rabta mat-taqsima 3.2.1.5 tar-Regolament proviżorju juru li l-produtturi tal-aluminju Ċiniżi għandhom aċċess preferenzjali għall-finanzjament mill-Istat u li hemm distorsjonijiet mal-pajjiż kollu fir-rigward tal-aċċess għall-finanzjament. Għalhekk, anki jekk Haomei Group fil-fatt ma rċieva l-ebda finanzjament mill-Istat huwa stess, il-preżenza ta’ tali distorsjonijiet fis-settur hija rilevanti għall-valutazzjoni tal-eżistenza ta’ distorsjonijiet skont l-Artikolu 2(6a)(b). Il-Kummissjoni tfakkar ukoll li irrispettivament mill-produtturi esportaturi li fil-fatt jirċievu finanzjament mill-Istat, il-fornituri tagħhom jew atturi oħra involuti fis-swieq upstream jew downstream tal-produzzjoni tal-prodott ikkonċernat setgħu bbenefikaw mill-aċċess preferenzjali għall-finanzjament, li huwa indikatur addizzjonali li l-prezzijiet jew il-kostijiet ma humiex ir-riżultat tal-forzi tas-suq ħieles. Fuq din il-bażi, l-asserzjonijiet ta’ dawn il-kumpaniji diġà jistgħu jiġu miċħuda.

(103)

Madankollu, il-Kummissjoni kompliet tagħmel riċerka dwar il-preċiżjoni tal-asserzjonijiet magħmula minn Haomei Group fir-rigward tas-sitwazzjoni tiegħu. Għall-kuntrarju ta’ dak li sostna Haomei Group, skont l-informazzjoni pubblika deher li ż-żewġ kumpaniji fil-fatt ibbenefikaw minn self mogħti minn, fost l-oħrajn, banek tal-Istat, inkluż self mill-Bank of Communications u Guangfa Bank (17). Barra minn hekk, Haomei tinsab fiż-Żona ta’ Teknoloġija Avvanzata ta’ Qingyuan, li skont is-sit web uffiċjali tal-gvern tal-belt ta’ Qingyuan toffri appoġġ lill-kumpaniji li jinsabu fiha: “F’dawn l-aħħar snin, iż-Żona ta’ Teknoloġija Avvanzata ta’ Qingyuan appoġġat b’mod vigoruż l-elenkar tal-intrapriżi li jinsabu fiż-żona, li jissodisfaw il-ħtiġijiet tal-iżvilupp tal-intrapriżi permezz ta’ kanali multipli bħall-appoġġ politiku u l-garanziji ta’ finanzjament, u li jitqassar iż-żmien biex l-intrapriżi jsiru pubbliċi. Wara dan, hija se tkompli tikkoltiva u tespandi l-intrapriżi fil-ġuriżdizzjoni tagħha, tieħu diversi miżuri biex tippromwovi t-trasformazzjoni u t-titjib ta’ dawn l-intrapriżi, ittejjeb il-kompetittività tagħhom, u tħaffef il-pass tal-iżvilupp tagħhom.” (18)

(104)

Il-Kummissjoni sabet ukoll li Haomei hija rikonoxxuta bħala Ċentru Nazzjonali tat-Teknoloġija tal-Intrapriżi (19), status marbut ma’ ċerti benefiċċji bħal premji finanzjarji ta’ darba (20), u politiki tat-taxxa preferenzjali biex jappoġġaw l-innovazzjoni teknoloġika skont ir-regolamenti nazzjonali rilevanti (21). Barra minn hekk, skont il-Miżuri ta’ Ġestjoni għar-Rikonoxximent bħala Ċentru Nazzjonali tat-Teknoloġija tal-Intrapriżi ppubblikati mill-GTĊ, għadha teżisti relazzjoni mill-qrib bejn l-Istat u l-intrapriżi rikonoxxuti bħala Ċentri Nazzjonali tat-Teknoloġija tal-Intrapriżi. L-Artikolu 1 ta’ dak id-dokument jiddikjara: “Il-miżuri attwali huma stabbiliti skont il-Liġi Ċiniża dwar il-Progress fix-Xjenza u t-Teknoloġija, sabiex […] tkompli tissaħħaħ il-pożizzjoni ewlenija tal-intrapriżi fl-innovazzjoni teknoloġika […].” Skont l-Artikolu 3 tal-istess dokument: “L-Istat jinkoraġġixxi u jappoġġa intrapriżi li jibnu Ċentri tat-Teknoloġija, jinvolvi intrapriżi fl-innovazzjoni teknoloġika bħala atturi ewlenin u jibni mekkaniżmu istituzzjonali komprensiv għat-teknoloġija tal-industrija u r-riċerka u l-iżvilupp immexxija mill-intrapriżi. […] l-Istat […] jagħti appoġġ ta’ politika, kif ukoll iħeġġeġ u jiggwida l-intrapriżi ewlenin biex iżidu l-kapaċità tagħhom li jixprunaw il-progress fl-industrija tat-teknoloġija u l-innovazzjoni.” (22) Fuq il-bażi ta’ dawn l-elementi kollha, li jissupplimentaw is-sejbiet tas-sussidji mogħtija lil Haomei Group kif dettaljat fil-premessa (103) tar-Regolament proviżorju, huwa ċar li l-kumpanija bbenefikat minn politiki preferenzjali, aċċess għall-finanzjament u s-sussidji, li kollha jikkontradixxu l-asserzjonijiet tal-kumpanija li mhijiex affettwata mill-elementi rilevanti li jagħtu prova ta’ distorsjonijiet sinifikanti. Għalhekk, dawn il-pretensjonijiet iridu jiġu miċħuda wkoll bħala li ma jikkorrispondux għar-realtà.

(105)

Ir-raba’, Haomei Group argumenta li ma kien hemm l-ebda konfutazzjoni preċiża tal-evidenza pprovduta matul l-investigazzjoni dwar in-nuqqas ta’ distorsjonijiet. Il-produtturi esportaturi jsostnu li t-Taqsimiet 3.2.1.1 sa 3.2.1.10 tar-Regolament ivvalutaw iċ-Ċina globalment, mingħajr referenzi speċifiċi għal Haomei Group. Dan, skont Haomei Group jikser id-drittijiet difensivi tagħhom skont l-Artikolu 6 tal-KEDB dwar id-dritt għal proċess ġust u l-Artikolu 47 tal-Karta tad-Drittijiet Fundamentali tal-Unjoni Ewropea dwar id-dritt għal rimedju effettiv u għal proċess ġust u jikkostitwixxi nuqqas serju ta’ motivazzjoni skont il-prinċipju ġenerali tal-effikaċja u l-Artikolu 19 tat-Trattat dwar l-Unjoni Ewropea.

(106)

Il-Kummissjoni fakkret li, għall-kuntrarju ta’ dawn l-asserzjonijiet, is-sejbiet ta’ distorsjonijiet huma bbażati fuq korp sostanzjali ta’ evidenza u valutazzjoni legali kif dettaljat fit-Taqsima 3.2.1 kollha tar-Regolament proviżorju. Il-produtturi esportaturi u l-partijiet kollha kellhom biżżejjed opportunità mill-bidu tal-proċediment biex jipprovdu argumenti u evidenza dwar l-eżistenza jew l-impatt ta’ distorsjonijiet sinifikanti fiċ-Ċina kollha, u/jew li l-kostijiet domestiċi tagħhom mhumiex distorti skont l-Artikolu 2(6a)(a), it-tieni subparagrafu, it-tielet sing. Iż-żewġ produtturi esportaturi għamlu użu minn din il-possibbiltà billi għamlu rappreżentazzjonijiet dwar dawn il-kwistjonijiet, li huma s-suġġett ta’ din il-valutazzjoni. Kif spjegat f’din it-taqsima, minbarra dikjarazzjonijiet ġenerali mhux sostanzjati jew mhux veri, huma naqsu milli jippreżentaw xi evidenza sostanzjali dwar in-nuqqas ta’ distorsjonijiet fil-pajjiż kollu u/jew li fattur speċifiku wieħed jew aktar tal-produzzjoni ma kinux distorti fil-każ tagħhom. Għalhekk, din l-asserzjoni ġiet miċħuda.

(107)

Il-ħames, l-istess żewġ produtturi esportaturi argumentaw li s-sussidji rrappurtati koperti fil-premessa (103) tar-Regolament proviżorju kienu premji lil Haomei Group għall-implimentazzjoni ta’ titjib ekoloġiku u teknoloġiku. Huma sostnew ukoll li l-ammonti tagħhom kienu negliġibbli meta mqabbla mad-dħul tal-kumpaniji, jiġifieri madwar EUR 1 miljun f’kontribuzzjoni kontra madwar EUR 330 miljun ta’ dħul. Haomei Group tenna li l-gwadanji mogħtija lilu mhux biss iridu jiġu vvalutati billi jitqies l-ammont limitat tagħhom iżda, fuq kollox, għandhom jiġu mqabbla ma’ inċentivi simili mogħtija lill-industriji Ewropej, fi ħdan analiżi komparattiva bil-għan li jiġi vvalutat jekk għandhomx jitqiesu bħala distorsjoni sinifikanti jew le. Barra minn hekk, id-dikjarazzjoni mill-prospett tal-Offerta Pubblika Inizjali (“IPO”) li n-nuqqas ta’ sussidji jkun jikkostitwixxi impatt fuq il-fluss tal-flus u r-riżultati operattivi tal-intrapriża, kif ikkwotat fil-premessa (103) tar-Regolament proviżorju, tirrappreżenta klawżola standard li l-kumpaniji Ċiniżi li jwettqu IPO jridu jinkludu fid-dokumenti diretti lejn abbonati potenzjali skont il-liġijiet u r-regolamenti Ċiniżi.

(108)

Il-Kummissjoni fakkret li, kif diġà ġie spjegat fil-premessa (102), l-Artikolu 2(6a) huwa applikabbli f’każ li l-Kummissjoni tistabbilixxi l-eżistenza u l-impatt tad-distorsjonijiet fil-pajjiż esportatur fil-livell tal-pajjiż kollu. Għalhekk, din l-asserzjoni diġà tista’ tiġi miċħuda fuq din il-bażi. Madankollu, il-Kummissjoni tinnota li l-elementi addizzjonali kif dettaljati fil-premessa (103) u (104) ta’ dan ir-Regolament juru li din il-kumpanija tibbenefika minn politiki preferenzjali u aċċess għall-finanzi, u għalhekk anki din l-asserzjoni ma tirriflettix l-verità. Fir-rigward tad-daqs tal-benefiċċju, ma hemm l-ebda rekwiżit li l-Kummissjoni tinvestiga l-iskala tal-benefiċċji finanzjarji elenkati mill-produtturi esportaturi. Fi kwalunkwe każ, kif spjegat fid-dettall fil-premessa (103) tar-Regolament proviżorju dawn it-trasferimenti jammontaw għal perċentwal apprezzabbli tal-profitt tal-kumpanija, u bl-ammissjoni tal-kumpanija stess, in-nuqqas ta’ sussidji governattivi fil-futur jista’ jkollu impatt fuq il-fluss tal-flus u r-riżultati operattivi tal-kumpanija. Għalhekk, din l-asserzjoni hija infondata anke peress li ma tikkorrispondix għar-realtà tas-sitwazzjoni. Fl-aħħar, kif spjegat ukoll fil-premessa (99) ta’ dan ir-Regolament, il-paragun mas-sitwazzjoni tal-kumpaniji Ewropej huwa kompletament irrilevanti minn perspettiva legali fid-dawl tal-Artikolu 2(6a) tar-Regolament bażiku, minbarra li huwa ġeneriku u mhu ssostanzjat mill-ebda evidenza.

(109)

Il-GTĊ issottometta għadd ta’ kummenti għar-Regolament proviżorju. L-ewwel nett, fir-rigward tad-Dokument ta’ Ħidma tal-Persunal tal-Kummissjoni dwar Distorsjonijiet Sinifikanti fl-Ekonomija tar-Repubblika tal-Poplu taċ-Ċina (23) (minn hawn ’il quddiem “ir-Rapport”), il-GTĊ argumenta li dokument ta’ ħidma tal-persunal ma kienx adegwat għall-fini li jiġu ppruvati distorsjonijiet. Dan għaliex, l-Artikolu 2(6a) tar-Regolament bażiku kien jeħtieġ li l-Kummissjoni tipproduċi rapport dwar l-eżistenza ta’ distorsjonijiet sinifikanti f’ċertu pajjiż jew f’ċertu settur f’dak il-pajjiż. Madankollu, skont il-GTĊ, dokument ta’ ħidma tal-persunal ma ssodisfax dan ir-rekwiżit, billi ma kien hemm l-ebda evidenza li tindika li d-dokument ġie approvat jew ikkonfermat mill-Kummissjoni mal-pubblikazzjoni tiegħu jew wara. Għalhekk, il-GTĊ sostna li kien hemm dubji serji dwar jekk tali dokument jistax jitqies bħala l-pożizzjoni uffiċjali tal-Kummissjoni u jekk l-istatus legali tiegħu kienx jissodisfa r-rekwiżit tar-Regolament bażiku 2(6a) tal-Kummissjoni li tagħmel, tippubblika u taġġorna r-rapporti. Il-GTĊ fakkar ukoll li t-tweġiba tal-Kummissjoni għal mistoqsija simili fil-każ anti-dumping dwar il-pjanċi tal-azzar inossidabbli llaminati bis-sħana ma speċifikatx jekk tali dokument ta’ ħidma setax jirrappreżenta l-pożizzjoni uffiċjali tal-UE u ma ċċarax in-natura legali tiegħu.

(110)

Il-Kummissjoni nnotat li l-Artikolu 2(6a)(c) tar-Regolament bażiku ma jippreskrivix format speċifiku għar-rapporti dwar distorsjonijiet sinifikanti, u dik id-dispożizzjoni lanqas ma tiddefinixxi xi kanal għall-pubblikazzjoni. Il-Kummissjoni fakkret li r-rapport huwa dokument tekniku bbażat fuq il-fatti użat biss fil-kuntest tal-investigazzjonijiet għad-difiża tal-kummerċ. Għalhekk, ir-rapport jinħareġ b’mod xieraq bħala dokument ta’ ħidma tal-persunal tal-Kummissjoni peress li huwa purament deskrittiv u ma jesprimi l-ebda opinjoni, preferenza jew ġudizzju politiku. Dan ma jaffettwax il-kontenut tiegħu, jiġifieri s-sorsi oġġettivi ta’ informazzjoni dwar l-eżistenza ta’ distorsjonijiet sinifikanti fl-ekonomija Ċiniża rilevanti għall-fini tal-applikazzjoni tal-Artikolu 2(6a)(c) tar-Regolament bażiku.

(111)

Il-Kummissjoni nnutat ukoll li s-sorsi oġġettivi ta’ informazzjoni li jinsabu fir-Rapport jistgħu jintużaw bħala evidenza rilevanti fis-sejbiet tal-Kummissjoni fl-investigazzjonijiet anti-dumping fil-kuntest tal-applikazzjoni tal-Artikolu 2(6a) tar-Regolament bażiku, flimkien ma’ kwalunkwe element u evidenza rilevanti oħra li ma jinsabux fir-Rapport. L-eżistenza ta’ rapport li jkopri pajjiż jew settur ma hijiex rekwiżit legali għall-applikazzjoni tal-Artikolu 2(6a) tar-Regolament bażiku. Dak li jgħodd f’dan ir-rigward huwa l-eżistenza ta’ evidenza affidabbli, kemm jekk tinsab f’Rapport dwar il-pajjiż jew dwar settur jew xi mkien ieħor, sakemm tkun rilevanti għas-sejbiet li jikkonċernaw l-eżistenza ta’ distorsjonijiet sinifikanti. Għalhekk, anke minn dan il-lat, in-natura u l-forma tar-Rapport ma humiex rilevanti għas-sejbiet attwali dwar id-distorsjonijiet sinifikanti skont l-Artikolu 2(6a) tar-Regolament bażiku.

(112)

F’din l-investigazzjoni, ir-rapport, inkluż l-evidenza li hemm fih, huwa parti mill-evidenza fil-fajl li jiġġustifika l-applikazzjoni tal-Artikolu 2(6a). Il-Kummissjoni użat evidenza addizzjonali sostanzjali speċifika għall-investigazzjoni u l-asserzjonijiet imressqa mill-partijiet mhux inklużi fir-rapport. Aktar importanti minn hekk, il-GTĊ ma pprovda l-ebda evidenza li l-informazzjoni fir-rapport ma kinitx valida jew mhux applikabbli għal din l-investigazzjoni. Fi kwalunkwe każ, il-Kummissjoni tfakkar li l-eżistenza ta’ rapport tal-pajjiż mhijiex kundizzjoni meħtieġa għall-applikazzjoni tal-Artikolu 2(6a). Dak li jgħodd għall-applikazzjoni tal-metodoloġija skont l-Artikolu 2(6a) tar-Regolament bażiku huma s-sejbiet li d-distorsjonijiet sinifikanti huma rilevanti fil-każ inkwistjoni, kif inhu l-każ f’din l-investigazzjoni. Għalhekk, din l-asserzjoni ġiet miċħuda.

(113)

It-tieni, il-GTĊ qal li l-kontenut tar-rapport dwar iċ-Ċina u l-modi kif jintuża kellhom nuqqasijiet fattwali u legali serji. Skont il-GTĊ, il-kontenut ma kienx rappreżentattiv, kien unilaterali, u ma kienx jirrifletti r-realtà. Id-dokument ta’ ħidma ttratta l-vantaġġi kompetittivi leġittimi tal-kumpaniji Ċiniżi u d-differenzi istituzzjonali normali bejn iċ-Ċina u l-Ewropa bħala l-bażi għad-determinazzjoni ta’ distorsjoni sinifikanti tas-suq. Barra minn hekk, il-GTĊ sostna li bl-aċċettazzjoni tal-applikazzjoni għall-investigazzjoni ppreżentata mill-industriji domestiċi bbażata fuq ir-rapport tal-pajjiż, il-Kummissjoni pprovdiet lill-industrija tagħha b’vantaġġi inġusti, li kienu ugwali għal għoti ta’ sentenza qabel ma jitlesta l-proċess. Barra minn hekk, il-GTĊ sostna li s-sostituzzjoni tal-investigazzjonijiet b’rapporti ma kinitx konformi mal-ispirtu legali fundamentali tal-ekwità u l-ġustizzja.

(114)

Bi tweġiba għad-dikjarazzjoni dwar difetti fattwali fir-rapport tal-pajjiż, il-Kummissjoni nnotat li r-rapport tal-pajjiż huwa dokument komprensiv ibbażat fuq evidenza oġġettiva estensiva, inklużi leġiżlazzjoni, regolamenti u dokumenti uffiċjali oħra ta’ politika ppubblikati mill-GTĊ, rapporti ta’ partijiet terzi minn organizzazzjonijiet internazzjonali, studji akkademiċi u artikli minn akkademiċi, u sorsi indipendenti affidabbli oħra. Dan sar disponibbli għall-pubbliku f’Diċembru 2017 u għalhekk kwalunkwe parti interessata jkollha biżżejjed opportunità biex tirribatti, tissupplimenta jew tikkummenta dwaru u dwar l-evidenza li fuqha huwa bbażat. Il-GTĊ qagħad lura milli jipprovdi kwalunkwe tali tweġiba jew kumment dwar is-sustanza u l-evidenza li tinsab fir-rapport sa minn meta ħareġ f’Diċembru 2017.

(115)

Rigward l-argument tal-GTĊ li jissuġġerixxi li l-ħruġ ta’ rapport tal-pajjiż issostitwixxa l-investigazzjoni attwali, il-Kummissjoni fakkret li skont l-Artikolu 2(6a)(e), jekk il-Kummissjoni tqis li l-evidenza sottomessa mill-ilmentatur dwar id-distorsjonijiet sinifikanti hija suffiċjenti, hija tista’ tibda l-investigazzjoni fuq din il-bażi. Madankollu, id-determinazzjoni dwar l-eżistenza u l-impatt attwali ta’ distorsjonijiet sinifikanti u l-użu konsegwenti tal-metodoloġija preskritta mill-Artikolu 2(6a) (a) iseħħu fiż-żmien tad-divulgazzjoni proviżorja u/jew definittiva bħala riżultat ta’ investigazzjoni. L-eżistenza u l-impatt ta’ distorsjonijiet sinifikanti mhumiex ikkonfermati fl-istadju tal-bidu kif iddikjarat mill-GTĊ, iżda biss wara investigazzjoni fil-fond, u b’hekk dan l-argument huwa miċħud.

(116)

It-tielet, il-GTĊ ikkummenta li l-Kummissjoni ħarġet biss dokumenti ta’ ħidma tal-persunal għal ftit pajjiżi magħżula, li kien biżżejjed biex iqajjem tħassib dwar it-trattament tan-nazzjon l-aktar iffavorit u t-trattament nazzjonali (“TN”). F’termini tan-nazzjon l-aktar iffavorit, irrispettivament minn jekk il-persunal tal-Kummissjoni kienx qed jikkunsidra li jfassal dokumenti simili għal pajjiżi oħra, sa dan il-punt, il-persunal tal-Kummissjoni abbozza biss id-dokumenti rigward is-suq Ċiniż u dak Russu. Barra minn hekk, il-GTĊ asserixxa li l-Kummissjoni qatt ma ppubblikat standard ċar u prevedibbli għall-għażla tal-pajjiżi jew tas-setturi biex tippubblika r-rapporti.

(117)

Il-Kummissjoni fakkret li, kif previst fl-Artikolu 2(6a)(c) tar-Regolament bażiku, għandu jiġi prodott rapport tal-pajjiż għal kwalunkwe pajjiż biss fejn il-Kummissjoni jkollha indikazzjonijiet fondati sew ta’ eżistenza possibbli ta’ distorsjonijiet sinifikanti f’ċertu pajjiż jew settur f’dak il-pajjiż. Wara l-approvazzjoni tad-dispożizzjonijiet il-ġodda tal-Artikolu 2(6a) tar-Regolament bażiku f’Diċembru 2017, il-Kummissjoni kellha dawn l-indikazzjonijiet ta’ distorsjonijiet sinifikanti għaċ-Ċina. Il-Kummissjoni ppubblikat ukoll rapport dwar id-distorsjonijiet fir-Russja u ma teskludix li jsegwu rapporti oħra. Peress li l-maġġoranza tal-każijiet tal-investigazzjoni għad-difiża tal-kummerċ (“TDI”) kienu jikkonċernaw iċ-Ċina u peress li kien hemm indikazzjonijiet serji ta’ distorsjonijiet f’dak il-pajjiż, kien l-ewwel pajjiż li għalih il-Kummissjoni abbozzat rapport. Ir-Russja hija l-pajjiż bit-tieni l-aktar każijiet ta’ TDI, għalhekk kien hemm raġunijiet oġġettivi għall-Kummissjoni biex tħejji rapporti dwar dawk iż-żewġ pajjiżi f’din l-ordni.

(118)

Barra minn hekk, kif intqal hawn fuq, ir-rapporti mhumiex obbligatorji biex jiġi applikat l-Artikolu 2(6a). L-Artikolu 2(6a)(c) jiddeskrivi l-kundizzjonijiet biex il-Kummissjoni toħroġ rapporti tal-pajjiżi, madankollu skont l-Artikolu 2(6a)(d) l-ilmentaturi ma humiex obbligati jużaw ir-rapport u, skont l-Artikolu 2(6a)(e), lanqas l-eżistenza ta’ rapport tal-pajjiż ma hija kundizzjoni biex tinbeda investigazzjoni skont l-Artikolu 2(6a). Fil-fatt, skont l-Artikolu 2(6a)(e), evidenza suffiċjenti li turi distorsjonijiet sinifikanti fi kwalunkwe pajjiż miġjuba mill-ilmentaturi li jissodisfaw il-kriterji tal-Artikolu 2(6a)(b) hija biżżejjed biex tinbeda l-investigazzjoni fuq dik il-bażi. Għalhekk, ir-regoli li jikkonċernaw distorsjonijiet sinifikanti speċifiċi għall-pajjiż japplikaw għall-pajjiżi kollha mingħajr ebda distinzjoni, irrispettivament mill-eżistenza ta’ rapport tal-pajjiż. Għalhekk, skont id-definizzjoni, ir-regoli dwar id-distorsjonijiet tal-pajjiżi ma jiksrux it-trattament tan-nazzjon l-aktar iffavorit. Għalhekk il-Kummissjoni ċaħdet dawn l-asserzjonijiet.

(119)

Il-GTĊ żied li f’termini ta’ TN, il-kunċett ta’ distorsjonijiet tas-suq jew standards korrispondenti ma kienx jeżisti fil-leġiżlazzjoni tal-UE dwar is-suq intern jew dwar il-kompetizzjoni minbarra fir-Regolamenti bażiċi. Għalhekk, il-GTĊ argumenta li l-Kummissjoni ma kellha l-ebda awtorità f’termini tad-dritt internazzjonali u lanqas ebda leġiżlazzjoni u prattika taħt il-kompetenza esklussiva tagħha fis-suq intern jew ir-regolament tal-kompetizzjoni biex tinvestiga d-distorsjonijiet fiċ-Ċina.

(120)

Il-Kummissjoni bbażat il-metodoloġija tagħha f’din l-investigazzjoni fuq id-dispożizzjoni tal-Artikolu 2(6a) tar-Regolament bażiku dwar l-anti-dumping. Peress li kull regolament, ladarba jiġi approvat formalment mill-Parlament Ewropew u mill-Kunsill, huwa legalment vinkolanti u l-Kummissjoni hija obbligata li tapplikah fl-intier tiegħu għax ikun jifforma parti mill-acquis. Huwa legalment irrilevanti li liġijiet Ewropej oħra ma jużawx il-kunċett ta’ distorsjonijiet sinifikanti, peress li dan huwa speċifiku għall-qasam tal-anti-dumping. Għalhekk, din l-asserzjoni ġiet miċħuda.

(121)

Barra minn hekk, il-GTĊ ikkummenta li l-Kummissjoni applikat regoli u standards diskriminatorji kontra kumpaniji Ċiniżi meta kienu f’sitwazzjonijiet simili bħall-kumpaniji tal-UE, inklużi iżda mhux limitati għal standards inġusti ta’ evidenza u l-oneru tal-prova. Fl-istess ħin, il-Kummissjoni ma evalwatx jekk l-UE jew l-Istati Membri kellhomx distorsjonijiet fis-suq. Dan is-sett ta’ prattiki affettwa serjament l-affidabbiltà u l-leġittimità tal-analiżi u l-konklużjonijiet tal-Kummissjoni dwar il-kwistjonijiet ewlenin fl-investigazzjonijiet anti-dumping fir-rigward tad-dumping u tal-kalkolu tad-dannu. Għalhekk, huwa biżżejjed li jitqajjem tħassib dwar ksur potenzjali tal-obbligi ta’ trattament nazzjonali skont ir-regoli tad-WTO.

(122)

Il-GTĊ ma pprovda l-ebda evidenza li turi li l-kumpaniji tal-UE jkunu soġġetti għal distorsjonijiet paragunabbli ma’ dawk tal-kompetituri Ċiniżi tagħhom u għalhekk li huma f’sitwazzjoni simili. Fi kwalunkwe każ, il-kunċett ta’ distorsjonijiet sinifikanti huwa rilevanti fil-kuntest tad-determinazzjoni tal-valur normali għad-determinazzjoni tad-dumping, filwaqt li dan il-kunċett huwa legalment irrilevanti għall-industrija tal-Unjoni fil-kuntest speċifiku tal-investigazzjonijiet anti-dumping. Għalhekk, din l-asserzjoni tqieset bħala mhux issostanzjata u legalment irrilevanti.

(123)

Is-sitt, il-GTĊ sostna li d-dispożizzjonijiet tal-Artikolu 2(6a) tar-Regolament bażiku huma inkonsistenti mal-Artikolu 2.2 tal-ADA, li jipprovdi lista eżawrjenti ta’ sitwazzjonijiet fejn il-valur normali jista’ jinbena u d-distorsjonijiet sinifikanti mhumiex inklużi fih. Il-GTĊ sostna wkoll li l-użu ta’ data minn pajjiż rappreżentattiv xieraq jew prezzijiet internazzjonali biex jinbena l-valur normali skont l-Artikolu 2(6a) kien ukoll inkonsistenti mal-Artikolu 6.1(b) tal-GATT u mal-Artikolu 2.2 tal-ADA, speċjalment mal-Artikolu 2.2.1.1. Il-GTĊ argumenta wkoll li r-regoli tad-WTO kienu jeħtieġu l-użu tal-kost tal-produzzjoni fil-pajjiż tal-oriġini flimkien ma’ ammont raġonevoli għall-kostijiet amministrattivi, tal-bejgħ u ġenerali u għall-profitti meta jinbena l-valur normali. Madankollu, l-Artikolu 2(6a) tar-Regolament Bażiku wessa’ l-ambitu tas-sorsi ta’ data biex jinkludi l-kostijiet ta’ produzzjoni u bejgħ f’pajjiż rappreżentattiv xieraq, jew prezzijiet, kostijiet jew valuri referenzjarji internazzjonali. Dan kien lil hinn mill-ambitu tar-regoli tad-WTO skont il-GTĊ. Għalhekk, irrispettivament minn jekk ir-Regolament bażiku tal-UE 2(5) huwiex konformi mar-regoli tad-WTO jew le, il-Kummissjoni jenħtieġ li ma tibnix il-valur normali meta jkun hemm l-hekk imsejħa “distorsjoni tas-suq” abbażi tal-awtorizzazzjoni tar-Regolamenti bażiċi Artikolu 2(6a).

(124)

Il-Kummissjoni tqis li d-dispożizzjoni tal-Artikolu 2(6a) hija konsistenti mal-obbligi tad-WTO tal-Unjoni Ewropea. Hija l-fehma tal-Kummissjoni li, kif iċċarat f’DS473 UE-Bijodiżil (l-Arġentina), id-dispożizzjonijiet tar-Regolament bażiku li japplikaw b’mod ġenerali fir-rigward tal-Membri kollha tad-WTO, b’mod partikolari t-tieni subparagrafu tal-Artikolu 2(5), jippermettu l-użu ta’ data minn pajjiż terz, aġġustata kif xieraq meta tali aġġustament ikun meħtieġ u ssostanzjat. Għalhekk, il-Kummissjoni ċaħdet din l-asserzjoni.

(125)

Il-GTĊ qal li f’dan il-każ, il-Kummissjoni injorat direttament ir-rekords tal-esportaturi Ċiniżi, u dan huwa inkonsistenti mal-Artikolu 2.2.1.1 tal-ADA. Il-GTĊ argumenta li l-Korp tal-Appell fl-UE-Bijodiżil (l-Arġentina) (DS473) u l-bord fil-Metodoloġiji tal-Aġġustament tal-Ispejjeż tal-UE II (ir-Russja) (DS494) affermaw li skont l-Artikolu 2.2.1.1 tal-Ftehim dwar l-Anti-Dumping, sakemm ir-rekords miżmuma mill-esportatur jew il-produttur taħt investigazzjoni kienu jikkorrispondu - f’limiti aċċettabbli - b’mod preċiż u affidabbli, għall-kostijiet reali kollha mġarrba mill-produttur jew mill-esportatur partikolari tal-prodott investigat, l-awtorità tal-investigazzjoni għandha tuża dan ir-rekord biex tiddetermina l-kost tal-produzzjoni tal-produtturi investigati.

(126)

Il-Kummissjoni fakkret li t-tilwim DS473 u DS494 ma kienx jikkonċerna l-applikazzjoni tal-Artikolu 2(6a) tar-Regolament bażiku, li huwa l-bażi legali rilevanti għad-determinazzjoni tal-valur normali f’din l-investigazzjoni. Dak it-tilwim kien jikkonċerna wkoll sitwazzjonijiet fattwali differenti mis-sitwazzjoni fattwali li tikkonċerna l-eżistenza ta’ distorsjonijiet sinifikanti. Għalhekk, din l-asserzjoni ġiet miċħuda.

(127)

It-tmien, il-GTĊ sostna li l-investigazzjoni mwettqa mill-Kummissjoni abbażi tal-Artikolu 2(6a) tar-Regolament bażiku f’dan il-każ kellha standards doppji. Skont il-GTĊ, il-Kummissjoni rrifjutat li taċċetta d-data tal-kost tal-esportaturi Ċiniżi minħabba li kien hemm distorsjonijiet sinifikanti tas-suq fis-suq Ċiniż, iżda aċċettat id-data tal-pajjiż rappreżentattiv u użatha biex tissostitwixxi d-data tal-produtturi Ċiniżi mingħajr ebda evalwazzjoni dwar jekk jistax ikun hemm distorsjonijiet tas-suq li jaffettwaw din id-data ta’ sostituzzjoni. Dan, skont il-GTĊ, huwa prova ta’ “standards doppji”. Il-GTĊ sostna li dan l-approċċ naqas milli jiggarantixxi l-affidabbiltà tal-kostijiet rilevanti fil-pajjiż rappreżentattiv magħżul. Barra minn hekk, kien impossibbli li verament jiġi rifless il-kost tal-produtturi fil-pajjiż tal-oriġini.

(128)

Il-Kummissjoni fakkret li matul l-investigazzjoni l-Kummissjoni tikkunsidra jekk hemmx elementi fil-fajl li jindikaw l-eżistenza ta’ kwalunkwe distorsjoni fil-pajjiżi rappreżentattivi, jiġifieri wkoll fir-rigward tal-materja prima ewlenija użata għall-produzzjoni tal-prodott ikkonċernat, pereżempju jekk hijiex soġġetta għal restrizzjonijiet fuq l-esportazzjoni. Barra minn hekk, matul l-investigazzjoni hemm opportunità biżżejjed biex il-partijiet kollha jargumentaw dwar l-adegwatezza tal-pajjiżi rappreżentattivi potenzjali kkunsidrati mill-Kummissjoni. B’mod partikolari, il-Kummissjoni tippubblika żewġ noti għall-fajl dwar l-adegwatezza tal-pajjiżi rappreżentattivi possibbli u għażla preliminari ta’ pajjiż xieraq għall-investigazzjoni. Dawn in-noti huma disponibbli għall-partijiet kollha għall-kummenti tagħhom. F’dan il-każ ukoll, il-GTĊ u l-partijiet l-oħra kollha kellhom il-possibbiltà li jagħtu prova li l-pajjiżi rappreżentattivi possibbli kkunsidrati kienu affettwati minn distorsjonijiet sinifikanti u għalhekk ma kinux adattati għall-investigazzjoni. Għalhekk, din l-asserzjoni kienet infondata u ġiet miċħuda.

(129)

B’reazzjoni għas-sottomissjoni mill-GTĊ, Airoldi sussegwentement issottomettiet kummenti dwar is-sottomissjoni mill-GTĊ. Airoldi enfasizzat l-approvazzjoni tagħha rigward l-argumenti taċ-Ċina dwar il-legalità tad-dokument ta’ ħidma tal-persunal. L-ewwel nett, Airoldi ssottomettiet li l-Artikolu 2(6a)(c) tar-Regolament bażiku jistipula r-rekwiżit li d-dokument inkwistjoni jrid ikun rapport u jrid jiġi adottat b’mod formali mill-Kummissjoni Ewropea. Hija argumentat ukoll li r-rapport kellu jsir pubbliku u jiġi aġġornat. Għalhekk, skont Airoldi, id-dokument li serrħet fuqu f’din l-investigazzjoni u ppubblikat fuq is-Sit tal-Internet tad-DĠ Kummerċ, ma ġiex aġġornat, u kien sempliċi dokument ta’ ħidma tal-persunal tal-Kummissjoni u ma kellux il-karatteristiċi formali u sostantivi biex jitqies bħala rapport formali tal-Kummissjoni Ewropea. Barra minn hekk, bħala kwistjoni tal-liġi istituzzjonali tal-UE, tali rapport kellu jiġi ppubblikat fil-lingwi uffiċjali kollha tal-Unjoni Ewropea f’Il-Ġurnal Uffiċjali tal-Unjoni Ewropea. Barra minn hekk, Airoldi talbet li DĠ Kummerċ jipprovdilha verżjoni Taljana ta’ dan id-dokument u l-ħarġa ta’ Il-Ġurnal Uffiċjali tal-Unjoni Ewropea fejn ġie ppubblikat. Fl-istess ħin, Airoldi nnotat li r-rapport dwar iċ-Ċina kien ippubblikat fuq is-Sit tal-Internet ta’ DĠ Kummerċ bil-lingwa Ingliża biss. Għalhekk, ir-rapport dwar iċ-Ċina kellu jiġi injorat u r-regolament proviżorju bbażat fuq ir-rapport għandu jitħassar. Barra minn hekk, Airoldi għamlet talba speċifika għar-rivelazzjoni fil-proċediment anti-dumping attwali għad-dokumenti preparatorji kollha fi kwalunkwe forma relatata mal-proċedura interna segwita fi ħdan il-Kummissjoni Ewropea biex jiġi adottat ir-rapport dwar iċ-Ċina.

(130)

Kif diġà ġie spjegat b’mod partikolari fil-premessi (110) sa (112) dwar il-valur tar-rapport taċ-Ċina, id-dispożizzjonijiet tal-Artikolu 2(6a)(c) ma jippreskrivux format speċifiku li fih jeħtieġ li jiġi ppubblikat rapport tal-pajjiż, u lanqas il-kanal tal-pubblikazzjoni tiegħu. Għalhekk il-pubblikazzjoni tar-rapport taċ-Ċina bħala dokument ta’ ħidma tal-persunal, tip ta’ dokument li ma jeħtieġx traduzzjoni fil-lingwi Ewropej kollha, u lanqas pubblikazzjoni formali f’Il-Ġurnal Uffiċjali tal-Unjoni Ewropea, tikkonforma mar-regoli rilevanti. Bi tweġiba għal dawn l-asserzjonijiet, il-Kummissjoni tinnota li r-rapport kien ilu pubblikament disponibbli minn Diċembru 2017 u għalhekk kwalunkwe parti interessata jkollha opportunità biżżejjed biex tirribatti, tissupplimenta jew tikkummenta dwaru u l-evidenza li fuqha huwa bbażat. L-ebda evidenza ma ġiet ipprovduta minn Airoldi, jew minn kwalunkwe parti interessata oħra, li kienet turi li r-rapport huwa skadut. Għalhekk, dan l-argument ġie miċħud. Fir-rigward tat-talba għar-rivelazzjoni tad-dokumenti preparatorji, il-Kummissjoni tirreferi għall-premessa (50) ta’ hawn fuq.

(131)

It-tieni, Airoldi sostniet li bħala konsegwenza tal-argumenti ta’ hawn fuq (il-fatt li r-rapport taċ-Ċina huwa dokument ta’ ħidma tal-persunal, ippubblikat fuq is-sit web tad-DĠ Kummerċ bil-lingwa Ingliża biss), ir-rapport dwar iċ-Ċina kien dokument illegali. Għalhekk, Airoldi targumenta li tali evidenza għandha tiġi injorata u kien meħtieġ li l-ilment jiġi ddikjarat infondat. Barra minn hekk, ir-Regolament proviżorju li kien jiddependi fuq ir-rapport dwar iċ-Ċina kellu jitħassar minnufih.

(132)

Dan l-argument huwa tennija tal-kummenti tal-GTĊs fil-premessa (109). Il-Kummissjoni wieġbet għal dan il-kumment fil-premessi (110) sa (112).

(133)

Wara r-rivelazzjoni finali, Haomei Group ippreżenta sett ta’ kummenti dwar l-eżistenza ta’ distorsjonijiet sinifikanti li prinċipalment itennu l-argumenti li saru qabel matul l-investigazzjoni. L-ewwel nett Haomei Group tenna li ma jaqbilx li r-Rapport tal-pajjiż huwa evidenza komprensiva biżżejjed u suffiċjenti tal-eżistenza ta’ distorsjonijiet. Barra minn hekk, Haomei Group tenna li ma kien soġġett għall-ebda intervent tal-gvern, irċieva self b’rata tal-imgħax mingħajr distorsjoni u li s-sussidju riċevut kien ta’ valur minuri. Barra minn hekk Haomei Group argumenta li ma kienx affettwat minn termini ta’ self ta’ benefiċċju u inċentivi finanzjarji oħra pprovduti mill-gvern u s-sejbiet tal-Kummissjoni dwar il-krediti kienu ġeneriċi u mhux applikabbli għal Haomei Group.

(134)

Fir-rigward tal-oġġettività tar-rapport u l-idoneità tiegħu bħala evidenza, il-Kummissjoni nnotat kif diġà’ spjegat fil-premessa (114) hawn fuq li r-rapport tal-pajjiż huwa dokument komprensiv ibbażat fuq evidenza oġġettiva estensiva, inklużi leġiżlazzjoni, regolamenti u dokumenti uffiċjali oħra ta’ politika ppubblikati mill-GTĊ, rapporti ta’ partijiet terzi minn organizzazzjonijiet internazzjonali, studji akkademiċi u artikli minn akkademiċi, u sorsi indipendenti affidabbli oħra.

(135)

Dwar il-benefiċċji, bħal self orħos u sussidji, il-Kummissjoni ttenni, kif diġà ddikjarat fil-premessi (97), (99) u (102), u ta’ dan ir-regolament u fil-premessi (77) u (79) u wara tar-Regolament proviżorju, li skont l-Artikolu 2(6a)(b), fil-valutazzjoni tal-eżistenza ta’ distorsjonijiet sinifikanti, għandu jitqies, inter alia, l-impatt potenzjali ta’ wieħed jew aktar mill-elementi elenkati f’din id-dispożizzjoni. Għalhekk, huwa kruċjali li jiġi vvalutat jekk il-produtturi tal-estrużjonijiet tal-aluminju għandhomx, tal-inqas potenzjalment, aċċess għal finanzjament irħas u kundizzjonijiet aktar favorevoli mill-kontropartijiet tagħhom fi bnadi oħra. Peress li l-industrija tal-aluminju hija soġġetta għal bosta pjanijiet u direttivi mill-gvern, il-Kummissjoni sabet fil-premessi (77) u (79) u wara tar-Regolament proviżorju, li l-produtturi tal-estrużjonijiet tal-aluminju, inkluż Haomei Group, huma mill-inqas potenzjalment affettwati mid-distorsjonijiet fis-settur tal-estrużjonijiet tal-aluminju fiċ-Ċina.

(136)

It-tieni, Haomei Group sostna li l-attivitajiet ta’ bini tal-partit imsemmija mill-Kummissjoni fil-premessa (100) ta’ dan ir-Regolament huma fatti kulturali iżda ma jammontawx għal evidenza ta’ distorsjoni politika.

(137)

Il-Kummissjoni kkwotat xi eżempji ta’ attivitajiet ta’ bini tal-partit eżerċitati minn Haomei Group bi tweġiba għall-kumment tiegħu fil-premessa (98), li fih Haomei Group iddikjara li kien ħieles minn interferenza mill-partit jew mill-gvern. Kif ikkwotat fil-premessa (100) ta’ dan ir-Regolament, Haomei Group iddikjara b’mod ċar li hu ggwidat mill-“Bini tal-Partit”, kif ukoll iggwidat minn “Il-ħsibijiet ta’ Xi Jinping tas-Soċjaliżmu b’Karatteristiċi Ċiniżi fl-Era l-Ġdida, […] u jimplimenta l-ispirtu tad-19-il Kungress Nazzjonali tal-Partit Komunista taċ-Ċina”. Anki jekk, kif sostna Haomei Group, m’hemmx membri tas-CCP fil-bord tad-diretturi taż-żewġ kumpaniji ta’ Haomei Group, xorta hu taħt l-influwenza tal-gvern u, kif iddikjarat hawn fuq, jippreżenta ruħu b’mod attiv bħala li jimplimenta l-politika tal-gvern u jsegwi l-aġenda uffiċjali tiegħu. Ma ġiet prodotta l-ebda prova kuntrarja.

(138)

Haomei Group sostna li l-prezzijiet tiegħu ma kinux distorti, li huwa ppruvat mill-fatt li l-prezzijiet tiegħu kienu allinjati mal-prezzijiet Ewropej.

(139)

Il-Kummissjoni tfakkar li skont l-Artikolu 2(6a)(a) tar-Regolament bażiku, jekk ma jkunx xieraq li jintużaw prezzijiet u kostijiet domestiċi fil-pajjiż esportatur minħabba l-eżistenza ta’ distorsjonijiet sinifikanti f’dak il-pajjiż, il-valur normali għandu jinħadem esklussivament abbażi tal-kostijiet tal-produzzjoni u tal-bejgħ li jirriflettu prezzijiet jew punti ta’ riferiment mingħajr distorsjoni. F’dan il-każ, il-Kummissjoni sabet l-eżistenza ta’ distorsjonijiet sinifikanti fis-settur tal-estrużjonijiet tal-aluminju fiċ-Ċina, kif spjegat fit-taqsima 3.2.1. tar-Regolament proviżorju. Għalhekk, il-livell tal-prezzijiet tal-produtturi esportaturi Ċiniżi mhuwiex rilevanti f’dan il-każ.

(140)

Wara r-rivelazzjoni finali Haomei Group issottometta li huwa kien ikkunsidrat responsabbli mhux għall-imġiba tiegħu stess iżda għall-karatteristiċi tal-ekonomija Ċiniża vvalutati b’mod ġeneriku.

(141)

Is-sejbiet speċifiċi tad-dumping u r-rati taż-żewġ kumpaniji jirriflettu d-data mressqa mill-kumpaniji nfushom, ikkalkulata skont id-dispożizzjonijiet tar-Regolament bażiku, b’mod partikolari l-Artikolu 2(6a). Kif spjegat fil-premessa (106), l-eżistenza ta’ distorsjonijiet sinifikanti hija mifruxa mal-pajjiż kollu u, ladarba jintwerew distorsjonijiet, dik il-metodoloġija tapplika fil-prinċipju għall-kumpaniji kollha. L-ebda waħda mill-kumpaniji ma wriet li d-distorsjonijiet misjuba mill-Kummissjoni ma jaffettwawx il-kostijiet tagħhom. Għalhekk, il-marġni finali tad-dumping jirriflettu l-imġiba tal-kumpaniji, filwaqt li titqies l-eżistenza ta’ distorsjonijiet sinifikanti fiċ-Ċina, fejn joperaw.

(142)

Fir-Regolament proviżorju, il-Kummissjoni għażlet lit-Turkija bħala l-pajjiż rappreżentattiv skont l-Artikolu 2(6a) tar-Regolament bażiku.

(143)

Il-GTĊ sostna li l-Kummissjoni b’mod żbaljat issostitwiet id-data tal-produtturi mingħajr ebda evalwazzjoni dwar jekk jistax ikun hemm distorsjonijiet tas-suq li jaffettwaw din id-data sostitwita.

(144)

Il-Kummissjoni stiednet kummenti mingħand il-partijiet interessati dwar l-għażla tat-Turkija bħala l-pajjiż rappreżentattiv fi proċess trasparenti li jinvolvi żewġ noti dwar is-sorsi għad-determinazzjoni tal-valur normali (tas-16 ta’ Marzu 2020 u tal-25 ta’ Ġunju 2020). Il-Kummissjoni eliminat għadd ta’ pajjiżi rappreżentattivi potenzjali oħra. Peress li l-Kummissjoni ma sabitx distorsjonijiet tas-suq fit-Turkija li jagħmluh mhux xieraq bħala pajjiż rappreżentattiv, hija kkonkludiet li t-Turkija kienet l-aktar pajjiż rappreżentattiv xieraq.

(145)

Airoldi tenniet il-kumment tagħha dwar l-għażla tat-Turkija bħala l-pajjiż rappreżentattiv fir-rigward tad-differenzjazzjoni bejn ligi ibsin u dawk rotob. Kif spjegat fil-premessa (164) tar-Regolament proviżorju, it-tipi ta’ prodotti ma humiex determinanti għall-għażla ta’ pajjiż rappreżentattiv xieraq. Il-Kummissjoni għalhekk sostniet li t-Turkija kienet l-aktar pajjiż rappreżentattiv xieraq f’dan il-każ.

(146)

Wara r-rivelazzjoni finali, Airoldi tenniet il-kumment tagħha dwar l-għażla tat-Turkija bħala pajjiż rappreżentattiv. Airoldi żiedet elementi ġodda fil-kummenti tagħha kontra l-għażla tat-Turkija li kienet tikkonċerna żewġ argumenti ewlenin: l-Unjoni Doganali tat-Turkija mal-Unjoni, u li t-Turkija ma ssodisfatx l-istandards tal-protezzjoni soċjali u ambjentali.

(147)

Airoldi naqset milli tispjega għaliex l-Unjoni Doganali tagħmel lit-Turkija pajjiż rappreżentattiv mhux xieraq. Kif spjegat fir-Regolament, il-Kummissjoni qieset id-dazji doganali sabiex tistabbilixxi l-valur għal kull fattur tal-produzzjoni. Dan isir sabiex wieħed jasal għall-prezz tal-fattur tal-produzzjoni fil-pajjiż rappreżentattiv. Il-fatt li hemm unjoni doganali huwa irrilevanti għad-determinazzjoni ta’ dan il-prezz. Anki jekk l-argument ta’ Airoldi kien korrett, quod non, il-valur normali jiġi sottovalutat u, b’riżultat ta’ dan, il-marġni ta’ dumping ikun inqas, u għalhekk ikun ta’ benefiċċju pjuttost milli għad-detriment tal-importatur. Fir-rigward tal-istandards soċjali u ambjentali, kif spjegat fit-Tieni Nota dwar is-Sorsi għad-Determinazzjoni tal-Valur Normali tal-25 ta’ Ġunju 2020 it-Turkija nstabet li kienet l-aktar pajjiż rappreżentattiv xieraq f’dan il-każ abbażi tad-disponibbiltà u l-kwalità tad-data. Fin-nuqqas ta’ kwalunkwe allegazzjoni li tinvalida dik il-konstatazzjoni, analiżi ta’ dawk l-istandards ma kinitx iġġustifikata.

(148)

Wara r-rivelazzjoni finali, Haomei Group ikkontesta l-valur normali “kkostruwit skont il-parametri Torok, speċjalment fid-dawl tal-valuri meqjusa bħala punt ta’ riferiment, li la huma reali (huma mill-2016), u lanqas preċiżi […]”.

(149)

L-uniku fattur tal-produzzjoni bbażat fuq data mill-2016 użat fil-kalkolu kien il-kost lavorattiv. Dan kien spjegat b’mod ċar fin-Nota tas-16 ta’ Marzu 2020. Il-valur tal-2016 kien “aġġustat għall-inflazzjoni bl-użu tal-indiċi tal-prezzijiet tal-produtturi domestiċi (24) ppubblikat mill-istitut tal-istatistika Tork”. Għalhekk, mhux biss il-fatturi l-oħra kollha kienu bbażati fuq data reċenti disponibbli, iżda l-unika waħda li Haomei Group jidher li qed jirreferi għalih fil-kummenti fil-fatt ġie aġġustat. Għalhekk, il-kumment ta’ Haomei Group ġie miċħud bħala fattwalment skorrett.

(150)

Haomei Group sostna wkoll li t-Turkija ma kinitx għażla xierqa ta’ pajjiż rappreżentattiv minħabba differenza fil-popolazzjoni tagħha meta mqabbla maċ-Ċina.

(151)

F’dan ir-rigward, il-Kummissjoni tinnota li l-livell ta’ żvilupp u mhux id-daqs tal-popolazzjoni huwa fundamentali fl-għażla tal-pajjiż rappreżentattiv. It-Turkija għandha l-istess livell ta’ żvilupp taċ-Ċina skont il-klassifikazzjoni tal-Bank Dinji (dħul medju superjuri) u għalhekk hija pajjiż rappreżentattiv xieraq għall-fini tal-Artikolu 2(6a) tar-Regolament bażiku. Għalhekk l-affermazzjoni ta’ Haomei Group ġiet miċħuda.

(152)

Għalhekk, għar-raġunijiet spjegati fir-Regolament proviżorju, il-Kummissjoni tikkonferma l-għażla tagħha tat-Turkija bħala l-pajjiż rappreżentattiv peress li ma tressqu l-ebda argumenti konvinċenti kontra l-għażla tat-Turkija wara l-adozzjoni tar-Regolament proviżorju.

(153)

Kif spjegat fil-premessi (166) sa (184) tar-Regolament proviżorju, il-Kummissjoni identifikat is-sorsi li ġejjin biex jiġu stabbiliti l-kostijiet mingħajr distorsjoni: il-Global Trade Atlas, l-istatistika nazzjonali inkluż l-Istitut Statistiku tat-Turkija biex jiġu stabbiliti l-kostijiet tax-xogħol, il-kostijiet tal-elettriku u l-kostijiet tal-gass u l-OECD għall-prezzijiet tad-diżil. Wara r-rivelazzjoni tas-sejbiet proviżorji, il-Kummissjoni ma rċeviet l-ebda asserzjoni ssostanzjata dwar id-distorsjonijiet tas-suq li jaffettwaw id-data u s-sorsi użati.

(154)

Fin-nuqqas ta’ kummenti ulterjuri fir-rigward tas-sorsi użati biex jiġu stabbiliti l-kostijiet mhux distorti, il-Kummissjoni żżomm dawk is-sorsi elenkati fir-Regolament Provviżorju.

(155)

Il-livell kombinat ta’ SG&A u l-profitt użat fir-Regolament Proviżorju kien ibbażat fuq data għas-sena 2018. Il-Kummissjoni vverifikat id-disponibbiltà ta’ data aktar reċenti għall-SG&A u l-profitt fil-pajjiż rappreżentattiv għall-2019. Din id-data wriet li l-livell kombinat ta’ SG&A u l-profitti żdiedu biss marġinalment fl-2019. Dan ma jkollux impatt notevoli fuq il-kalkoli. Fid-dawl ta’ dan, u fin-nuqqas ta’ kummenti mill-partijiet interessati fir-rigward tal-kostijiet ġenerali tal-manifattura, il-livelli tal-SG&A u tal-profitt elenkati fir-Regolament Proviżorju, il-Kummissjoni żammet dawk il-livelli.

(156)

Wara r-rivelazzjoni finali, Haomei Group ikkontesta li l-“prezz mitlub” mill-kumpaniji Torok “jista’ jkun element ta’ tqabbil”. Il-Kummissjoni spjegat fid-dettall il-mod kif jiġi kkalkulat il-marġni tad-dumping fir-rivelazzjoni individwali tal-produttur esportatur, iżda wkoll fiż-żewġ noti dwar is-sorsi għad-determinazzjoni tal-valur normali li tqiegħdu għad-dispożizzjoni tal-partijiet kollha fil-fajl tal-każ. Fl-ebda wieħed minn dawn id-dokumenti, il-Kummissjoni ma għamlet referenza għall-prezzijiet mitluba minn xi waħda mill-kumpaniji Torok biex jintużaw fi kwalunkwe stadju tad-determinazzjoni tal-Valur Normali. Il-kumpaniji Torok intużaw biss bħala s-sors tal-SG&A u l-valuri tal-profitt. Għalhekk, id-dikjarazzjoni ta’ Haomei Group hija fattwalment żbaljata.

(157)

Wara r-rivelazzjoni finali, l-ilmentatur tenna d-dikjarazzjoni tiegħu li l-Kummissjoni għandha teskludi mill-kalkolu tal-marġni ta’ profitt medju ż-żewġ kumpaniji Torok bl-inqas profitt, peress li dawn kienu ’l bogħod mill-marġni ta’ profitt ta’ 16 % li sar minn produttur wieħed tal-UE fin-nuqqas ta’ importazzjonijiet oġġett ta’ dumping.

(158)

Kif spjegat fil-premessa (171) tar-Regolament proviżorju, il-Kummissjoni eskludiet lil dawk il-kumpaniji li ma rrappurtaw l-ebda profitt. Il-kumpaniji profittabbli kollha ġew ikkunsidrati, irrispettivament mil-livell ta’ profitt tagħhom, sakemm ma kinux qed jagħmlu telf. Il-livell ta’ profittabbiltà miksub minn wieħed mill-produtturi tal-Unjoni mhuwiex rilevanti meta jiġi ddeterminat il-livell ta’ profitt xieraq għall-kostruzzjoni tal-valur normali abbażi ta’ data mingħajr distorsjoni fil-pajjiż rappreżentattiv. Għalhekk, il-Kummissjoni ċaħdet din l-asserzjoni.

(159)

Il-Kummissjoni rċeviet kummenti mingħand produttur esportatur, PMI Group, dwar il-bidliet fir-rati tal-VAT matul il-perjodu ta’ investigazzjoni. Il-Kummissjoni aġġustat il-kalkolu tal-Valur Normali wara dan il-kumment, kif deskritt f’aktar dettall fil-premessi (185) sa (187). Barra minn hekk, il-kalkoli l-oħra kollha rigward il-valur normali fir-Regolament proviżorju huma kkonfermati.

(160)

Wara r-rivelazzjoni finali, Haomei Group issottometta dikjarazzjoni mhux ċara li tidher li tikkontesta l-livell tar-rata tal-imgħax applikata bħala konċessjonijiet għall-bejgħ bl-esportazzjoni ta’ Haomei Group. Il-Kummissjoni tinnota li r-rati applikati bħala allowance kienu bbażati fuq ir-rati tal-imgħax ipprovduti minn Haomei Group innifsu u vverifikati matul il-kontroverifika remota.

(161)

Haomei Group tenna li l-metodu tal-kalkolu tal-prezz medju li jikkonċerna l-estrużjonijiet Ewropej allegatament kien difettuż minħabba li qiegħed “prodotti eteroġeni fl-istess basket f’termini ta’ karatteristiċi u prezz”.

(162)

Wara r-rivelazzjoni finali addizzjonali, Haomei Group tenna l-kumment tiegħu li minħabba d-distinzjoni bbażata fuq ligi, fabbrikazzjonijiet u speċifikazzjonijiet differenti, il-Kummissjoni ma tridx tqis il-prodott investigat bħala prodott uniku.

(163)

Kif spjegat fid-dettall fil-premessi (232) sa (234) tar-Regolament provviżorju, it-tqabbil tal-prezz imsemmi sar fuq livell ta’ tranżazzjoni tip b’tip, fejn in-numri dettaljati tal-kontroll tal-prodott żguraw tqabbil ġust. Ir-raġuni għal dan kienet preċiżament li jsir it-tqabbil ta’ prodotti simili, u dan kien l-għan li n-numru ta’ kontroll tal-prodott jinkludi elementi bħall-forma, serje ta’ ligi, tul, dimensjoni trasversali massima, tip ta’ finituri, tip ta’ fabbrikazzjoni u tpinġija. L-allegazzjoni magħmula minn Haomei Group ma kinitx ġustifikata u għalhekk ġiet miċħuda.

(164)

Kif deskritt fil-premessa (196) tar-Regolament proviżorju, il-Kummissjoni għamlet aġġustament skont l-Artikolu 2(9) tar-Regolament bażiku għall-bejgħ għall-esportazzjoni permezz ta’ negozjanti relatati lil klijenti indipendenti fl-Unjoni.

(165)

PMI Group ikkummenta li l-marġni ta’ profitt użat tal-importatur biex jinbena l-prezz tal-esportazzjoni għall-bejgħ indirett permezz ta’ importaturi relatati kien għoli wisq, u staqsa jekk ġiex ivverifikat b’mod adegwat. Il-Kummissjoni kkonfermat li l-marġni użat fl-istadju proviżorju kien korrett ibbażat fuq informazzjoni disponibbli dak iż-żmien, u li din oriġinat mill-importaturi fil-kampjun. Fi kwalunkwe każ, wara l-kontroverifika mill-bogħod, dan il-marġni żdied bi ftit u d-dettalji tad-data riveduta użata tqiegħdu għad-dispożizzjoni tal-kumpanija kkonċernata. Dan il-marġni rivedut intuża wkoll biex jiġi kkalkulat mill-ġdid it-twaqqigħ tal-prezz u l-livell ta’ eliminazzjoni tad-dannu muri hawn taħt.

(166)

Il-Kummissjoni għalhekk aġġustat il-kalkolu tal-marġni tad-dumping għal wieħed mill-gruppi ta’ produtturi esportaturi bħala riżultat tar-reviżjoni ta’ hawn fuq. Il-kalkoli l-oħra kollha rigward il-prezz tal-esportazzjoni fir-Regolament proviżorju huma kkonfermati.

(167)

Wara r-rivelazzjoni finali, Haomei Group sostna li l-Kummissjoni użat b’mod żbaljat il-kost tat-trasport marittimu li “mil-lum” kien ferm aktar għali. Il-Kummissjoni tfakkar li l-kalkoli kollha huma bbażati fuq il-perjodu ta’ investigazzjoni. Fir-rigward tad-dumping, il-kalkoli huma bbażati fuq il-kostijiet reali pprovduti mill-Haomei Group. Il-fatt li l-kostijiet tat-trasport bil-baħar, skont Haomei Group, żdiedu bi 300 % wara l-perjodu ta’ investigazzjoni mhuwiex rilevanti; bl-istess mod għall-kostijiet l-oħra kollha, il-kost tat-tbaħħir matul il-perjodu ta’ investigazzjoni huwa dak li għandu jintuża.

(168)

Qabel ir-rivelazzjoni finali, produttur esportatur Ċiniż esprima interess li jissottometti offerta ta’ impenn volontarju, iżda ma għamilx dan fit-termini li huma permissibbli skont l-Artikolu 8 tar-Regolament bażiku.

(169)

Wara r-rivelazzjoni finali, sal-iskadenza speċifikata fl-Artikolu 8(2) tar-Regolament bażiku, tliet produtturi esportaturi ppreżentaw offerti għal impenn fuq il-prezz: Haomei Group, Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd.

(170)

Skont l-Artikolu 8 tar-Regolament anti-dumping bażiku, l-offerti ta’ impenn fuq il-prezz iridu jkunu adegwati biex jeliminaw l-effett dannuż tad-dumping u l-aċċettazzjoni tagħhom ma għandhiex titqies bħala mhux prattika. Il-Kummissjoni vvalutat l-offerti fid-dawl ta’ dawn il-kriterji u qieset li l-aċċettazzjoni tagħhom ma tkunx prattika għar-raġunijiet li ġejjin.

(171)

L-offerta mressqa minn Haomei Group, jekk tiġi aċċettata, ma teliminax l-effett dannuż tad-dumping. Barra minn hekk, l-offerta ma kienx fiha l-element essenzjali ta’ impenn: prezz minimu tal-importazzjoni (“PMI”) li taħtu timpenja ruħha li ma tbigħx. L-offerta hija għalhekk inkompatibbli mal-prinċipji sottostanti ta’ impenn.

(172)

Haomei Group għandu għadd ta’ kumpaniji relatati direttament involuti fil-produzzjoni jew fil-bejgħ tal-prodott li qed jiġi investigat. Haomei Group ibigħ il-prodott direttament u indirettament.

(173)

Struttura ta’ grupp kumplessa bħal din iġġorr riskji għoljin ta’ kumpens trasversali. Il-Kummissjoni ma tkunx tista’ timmonitorja u tiżgura l-konformità mal-impenn tal-bejgħ indirett permezz tal-kumpanija relatata f’Hong Kong u possibbilment permezz tal-kumpaniji relatati l-oħra. Dan, waħdu, jagħmel l-offerta mhux prattika.

(174)

Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd. offrew PMI soġġett għal indiċjar.

(175)

Iż-żewġ kumpaniji jipproduċu u jbigħu diversi tipi ta’ prodotti b’differenzi sinifikanti fil-prezzijiet. Il-marġni tad-dannu medju ponderat użat għall-kalkolu tal-prezz minimu tal-importazzjoni jkun taħt il-prezz mhux dannuż għall-maġġoranza tat-tipi ta’ prodotti esportati lejn l-Unjoni minn dawk il-kumpaniji. Għalhekk, il-livell tal-PMI propost ma kienx biżżejjed biex jitneħħa l-effett dannuż tad-dumping.

(176)

Barra minn hekk, Shandong Nollvetec Lightweight Equipment Co., Ltd. għandha għadd kbir ta’ kumpaniji relatati fiċ-Ċina, li ħafna minnhom huma direttament involuti fil-produzzjoni u l-bejgħ tal-prodott investigat fis-suq domestiku. L-istruttura tal-kumpanija żżid ir-riskji ta’ ċirkomvenzjoni.

(177)

It-tipi u l-mudelli tal-estrużjoni tal-aluminju ma jistgħux jintgħarfu faċilment minn xulxin permezz ta’ spezzjoni fiżika. B’mod partikolari, ikun diffiċli ħafna li s-serje ta’ ligi tiġi vvalutata biss permezz ta’ spezzjoni fiżika. Mingħajr analiżi dettaljata tal-laboratorju, l-awtoritajiet doganali ma jkunux jistgħu jiddeterminaw jekk il-prodott importat jikkorrispondix ma’ dak li qed jiġi ddikjarat.

(178)

L-għadd kbir ta’ tipi ta’ prodotti jinvolvi riskju għoli ta’ kumpens reċiproku fost it-tipi differenti ta’ prodotti, b’tipi ta’ prodotti aktar għaljin li possibbilment jiġu ddikjarati ħażin bħala tipi ta’ prodotti orħos ukoll soġġetti għall-impenn. Dan jirrendi l-impenn mhux infurzabbli u għalhekk mhux prattiku skont it-tifsira tal-Artikolu 8 tar-Regolament bażiku.

(179)

Il-Kummissjoni bagħtet ittri lir-rikorrenti, fejn esponiet ir-raġunijiet għaċ-ċaħda tal-offerti ta’ impenn.

(180)

It-tliet applikanti elenkati fil-premessa (169) ippreżentaw il-kummenti tagħhom. Dawn il-kummenti tqiegħdu għad-dispożizzjoni tal-partijiet interessati fil-fajl tal-każ.

(181)

Shandong Nollvetec Lightweight Equipment Co., Ltd. u Jilin Qixing Aluminium Industries Co., Ltd. ma qablux mal-konklużjoni tal-Kummissjoni li l-PMI propost ma kienx biżżejjed biex jitneħħa l-effett dannuż tad-dumping. Il-partijiet ipproponew ukoll li jissostitwixxu r-referenzi tal-prezzijiet ippubblikati miShanghai Metals Market b’referenzi ppubblikati mill-Borża tal-Metall ta’ Londra (London Metal Exchange). Madankollu, il-kummenti u l-bidliet proposti ma neħħewx l-elementi li jagħmlu l-offerta tal-impenn mhux infurzabbli.

(182)

Haomei Group, la ppropona li jelimina l-effett dannuż tad-dumping u lanqas ma żied xi elementi essenzjali ta’ impenn, kif spjegat fil-premessa (171). Għalhekk, l-offerta baqgħet inkompatibbli mal-prinċipji sottostanti ta’ impenn.

(183)

Wara r-rivelazzjoni finali addizzjonali, Haomei Group tenna t-talba tiegħu fejn ħeġġeġ lill-Kummissjoni tikkunsidra l-offerta ta’ impenn tiegħu, mingħajr ma ressaq elementi ġodda, la fir-rigward tal-eliminazzjoni tal-effett dannuż tad-dumping, u lanqas tal-elementi neqsin spjegati fil-premessa (171). Minflok, il-fehma ta’ Haomei Group kienet li, peress li l-miżuri ma jkunux jifilħu għall-iskrutinju tal-Qorti, l-impenji għandhom jiġu aċċettati. Il-Kummissjoni tfakkar li l-Unjoni hija État de Droit fejn l-amministrazzjonijiet jieħdu deċiżjonijiet skont id-dispożizzjonijiet tal-liġi, li mhumiex is-suġġett ta’ tpartit jew negozjar.

(184)

Il-Kummissjoni qieset l-offerti ta’ impenn mhux infurzabbli u għalhekk mhux prattiċi skont it-tifsira tal-Artikolu 8 tar-Regolament bażiku, għar-raġunijiet stabbiliti fil-premessi (171) sa (183) u għalhekk irrifjutat l-offerti.

(185)

Kif deskritt fil-premessa (199) tar-Regolament proviżorju, il-Kummissjoni għamlet aġġustament skont l-Artikolu 2(10)(b) tar-Regolament bażiku għad-differenza fit-taxxi indiretti bejn il-bejgħ għall-esportazzjoni miċ-Ċina lejn l-Unjoni u l-valur normali fejn ġew esklużi t-taxxi indiretti bħall-VAT.

(186)

Il-kummenti ta’ PMI Group kienu jikkonċernaw prinċipalment il-fatt li r-rati tal-VAT fiċ-Ċina nbidlu darbtejn mill-2018 u r-rata ta’ 17 % użata fil-kalkolu tal-aġġustament tal-VAT. Dawn il-bidliet seħħew fl-1 ta’ Mejju 2018 u fl-1 ta’ April 2019 meta r-rati tal-VAT inbidlu għal 16 % u 13 % rispettivament.

(187)

Wara li qieset il-kumment ta’ hawn fuq, il-Kummissjoni aġġustat il-kalkolu għaż-żewġ gruppi ta’ produtturi esportaturi inklużi fil-kampjun.

(188)

Fuq din il-bażi, il-marġnijiet medji ponderati ta’ dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(189)

Minbarra l-bejgħ għall-esportazzjoni lejn ir-Renju Unit tal-produtturi esportaturi fil-kampjun, li għadhom jirrappreżentaw 20 % tal-esportazzjonijiet totali lejn l-Unjoni, il-marġnijiet tad-dumping huma kif ġej:

(190)

Għall-produtturi esportaturi li kkooperaw u li mhumiex inklużi fil-kampjun, il-Kummissjoni kkalkulat il-marġni tad-dumping medju ponderat, f’konformità mal-Artikolu 9(6) tar-Regolament bażiku. Dan il-marġni ġie kkalkulat bħala medja ponderata fuq il-bażi tal-marġnijiet stabbiliti għall-produtturi esportaturi fil-kampjun, u b’hekk jammonta għal 22,1 %. Il-Kummissjoni tqis xieraq li tkompli tistabbilixxi d-dazju residwu fil-livell tal-ogħla marġni tad-dumping stabbilit abbażi tad-data tal-produtturi esportaturi li kkooperaw, jiġifieri 32,1 %, eskluża d-data tar-Renju Unit.

(191)

Wara r-rivelazzjoni finali addizzjonali, Haomei Group talab spjegazzjoni dwar għaliex il-marġini ta’ produtturi esportaturi oħra naqsu b’mod konsiderevoli filwaqt li d-differenza fil-marġni tiegħu kienet żgħira. Il-kumpanija kkunsidrat dawn id-differenzi u d-dazju tad-dumping il-ġdid tagħha bħala diskriminatorji. Hija sostniet ukoll li ma kienu ġew ipprovduti l-ebda kalkoli dettaljati u ddedikati lill-partijiet interessati.

(192)

L-ewwel nett huwa mfakkar li Haomei Group innifsu kkontesta s-sejbiet tal-Kummissjoni fuq il-bażi tal-EU28. Haomei Group sostna li peress li r-Renju Unit ma kienx għadu parti mill-Unjoni Ewropea, il-Kummissjoni kellha twettaq eżami tal-EU27. Din id-dikjarazzjoni ġiet indirizzata hekk kif il-Kummissjoni kkalkulat mill-ġdid il-marġni tad-dumping għall-produtturi esportaturi kollha (u vvalutat mill-ġdid id-dannu u l-kawżalità) skont dan.

(193)

Fil-premessi (185) sa (190), il-Kummissjoni spjegat il-metodoloġija tal-kalkolu tal-marġni tad-dumping, u dik il-metodoloġija kienet eżattament l-istess meta ġie kkalkulat il-marġni tad-dumping li jeskludi d-data tar-Renju Unit. Ir-rivelazzjoni finali ta’ Haomei Group kienet tinkludi dokumenti kunfidenzjali addizzjonali, ħafna aktar dettaljati, dwar il-kalkolu u l-metodoloġija tal-marġni tad-dumping u tad-dannu. Ir-raġuni għall-effett ogħla fuq il-Grupp PMI kienet marbuta ma’ differenzi fl-ipprezzar, id-destinazzjoni, it-taħlita tal-prodotti u kwistjonijiet oħra speċifiċi għall-kumpanija. Il-kalkolu mill-ġdid tal-marġnijiet tad-dumping kollha tal-kumpaniji fil-kampjun irriżulta wkoll fil-bidla tad-dazji tad-dumping għall-produtturi esportaturi l-oħra kollha, kif spjegat fil-premessa (190). Dan fil-fatt ġie spjegat lill-kumpanija waqt seduta li saret fit-12 ta’ Frar.

(194)

Barra minn hekk, it-talba ta’ Haomei Group għall-iżvelar tal-kalkolu tad-dumping tal-produttur esportatur l-ieħor fil-kampjun għandha tiġi miċħuda. Il-kalkolu huwa bbażat fuq informazzjoni kunfidenzjali u jista’ jiġi rivelat biss lill-kumpanija li jirreferi għaliha. Dan huwa wkoll il-każ tal-kalkoli ta’ Haomei Group, li ma ġewx żvelati lil xi parti interessata oħra f’din l-investigazzjoni.

(195)

Wara r-rivelazzjoni finali addizzjonali, Haomei Group għamel għadd ta’ kummenti li jirreferu għad-differenzi fid-data u l-metodoloġija għall-kalkoli tad-dannu meta mqabbel mal-kalkoli tad-dumping.

(196)

Dawn id-differenzi jirriżultaw mill-fatt li d-determinazzjoni tad-dumping u d-determinazzjoni tad-dannu huma differenti. Iż-żewġ metodoloġiji huma deskritti f’żewġ Artikoli separati tar-Regolament bażiku (l-Artikolu 2 u l-Artikolu 3 tar-Regolament bażiku, rispettivament). Il-premessi (187) sa (200) tar-Regolament provviżorju jiddeskrivu fid-dettall il-metodoloġija tal-kalkolu tal-valur normali għad-determinazzjoni tad-dumping. Il-premessi (330) sa (345) tar-Regolament provviżorju jiddeskrivu fid-dettall il-metodoloġija tal-kalkolu tal-prezz mhux dannuż għad-determinazzjoni tal-marġni adegwat biex jitneħħa d-dannu lill-industrija tal-Unjoni. L-allegazzjonijiet li saru minn Haomei Group ma kinux ġustifikati u għalhekk ġew miċħuda.

(197)

Ċerti partijiet interessati asserixxew li l-analiżi proviżorja tad-dannu u l-kawżalità kienet bla bażi minħabba li ma analizzatx ċerti partijiet tas-suq b’mod separat. B’mod aktar speċifiku ġie asserit li kienu meħtieġa analiżijiet separati għal-ligi ibsin u dawk rotob, profili ta’ daqs medju u kbir, profili standard u speċjali u skont is-segment tas-suq. Madankollu, għar-raġunijiet imsemmija hawn fuq fil-premessi (55) sa (56), il-Kummissjoni kkonfermat li l-prodott investigat għandu jiġi ttrattat bħala prodott uniku. Barra minn hekk, minħabba n-numru ta’ kriterji proposti u l-fatt li ma teżisti l-ebda distinzjoni ċara għal ħafna minnhom, analiżi tad-dannu li ssegwi metodoloġija bħal din ma tkunx prattikabbli u xierqa. Barra minn hekk, l-industrija tal-Unjoni hija attiva fil-partijiet kollha tas-suq imsemmija hawn fuq, u tiffaċċja kompetizzjoni minn importazzjonijiet Ċiniżi li huma l-oġġett ta’ dumping għal dawn it-tipi kollha tal-prodott. Barra minn hekk, kemm il-produtturi tal-Unjoni kif ukoll dawk Ċiniżi jistgħu jipproduċu għadd ta’ tipi tal-prodott u jistgħu jiddeċiedu li jikkonċentraw fuq xi wħud minnhom meta l-kundizzjonijiet tas-suq jippermettu. Għal din ir-raġuni, il-produtturi Ċiniżi jeżerċitaw pressjoni fuq il-prezzijiet fil-firxa kollha tal-prodott, inkluż għal prodotti li l-industrija tal-Unjoni tista’ tipproduċi fuq talba. Għalhekk, il-Kummissjoni kkonfermat li l-analiżi tagħha tad-dannu f’din l-investigazzjoni saret għall-prodott sħiħ li qed jiġi investigat kif definit fit-Taqsima 2 ta’ dan ir-Regolament, u għall-industrija tal-Unjoni kollha kemm hi. Wara r-rivelazzjoni finali, Haomei Group ikkontesta l-approċċ imsemmi hawn fuq rigward il-prodott ikkonċernat li qed jiġi ttrattat bħala prodott uniku wieħed. Skont dan il-produttur esportatur, dan l-approċċ huwa kruċjali biex jiġi ddeterminat it-twaqqigħ tal-prezz u/jew il-bejgħ taħt il-prezz tiegħu. Kif spjegat fil-premessa li ġejja u fil-premessi (246) sa (249), ma hemm l-ebda rabta bejn id-determinazzjoni tal-prodott bħala prodott uniku, u t-tqabbil tal-prezzijiet, li jitwettqu fuq bażi tat-tip ta’ prodott. Haomei Group tenna dan l-argument wara r-rivelazzjoni finali addizzjonali. Minħabba li l-metodu għall-kalkolu ma nbidilx fl-analiżi tal-EU27, dan il-kumment ukoll ma jistax jiġi aċċettat għall-istess raġunijiet enfasizzati hawn fuq.

(198)

Wara r-rivelazzjoni finali addizzjonali Airoldi u Euranimi ddikjaraw li l-analiżi unika tal-prodott għall-indikaturi tad-dannu ma ġietx segwita fir-rigward tal-importazzjonijiet miċ-Ċina. Madankollu, dan l-argument huwa fattwalment inkorrett; kif jidher fit-Tabelli 1bis u 2bis fejn l-importazzjonijiet totali miċ-Ċina ġew ikkalkulati u l-impatt tagħhom ġie vvalutat fuq dik il-bażi. Airoldi u Euranimi ddikjaraw ukoll li l-Kummissjoni kellha tanalizza l-impatt tad-diversi kodiċijiet NM (bħal 7608 20 89) individwalment. Madankollu, il-Kummissjoni tikkonferma li wettqet analiżi waħda għar-raġunijiet spjegati fil-premessi (55) sa (56).

(199)

Il-Kummissjoni kkonfermat ukoll li fir-rigward tal-marġnijiet tat-twaqqigħ tal-prezz u tal-bejgħ taħt il-prezz, it-tqabbil tal-prezzijiet sar abbażi ta’ kriterji oġġettivi fuq bażi ta’ tip b’tip, kif spjegat fil-premessa (234) tar-Regolament proviżorju. Għal aktar minn 95 % tal-importazzjonijiet Ċiniżi nstab tip ta’ prodott li jaqbel direttament u li jinbiegħ mill-produtturi tal-Unjoni fil-kampjun.

(200)

Fin-nuqqas ta’ kwalunkwe kumment fir-rigward tad-definizzjoni tal-industrija tal-Unjoni u tal-produzzjoni tal-Unjoni, il-konklużjonijiet stabbiliti fil-premessi (208) sa (209) tar-Regolament proviżorju huma kkonfermati.

(201)

Fl-istadju proviżorju ħareġ każ ċar ta’ dannu sinifikanti permezz tal-prezzijiet. Pressjoni kontinwa kienet eżerċitata minn prezzijiet Ċiniżi baxxi wisq, li kienu ferm anqas mill-prezzijiet tal-industrija tal-Unjoni (twaqqigħ tal-prezz) u mill-kostijiet flimkien mal-profitt fil-mira (bejgħ taħt il-prezz). Permezz tal-mekkaniżmi tas-suq deskritti fil-premessi (279) u (280) tar-Regolament proviżorju, din il-pressjoni kellha implikazzjonijiet multipli: inter alia, rażżnet il-prezzijiet tal-industrija tal-Unjoni, impedixxiet dawk il-prezzijiet milli jirriflettu ż-żieda internazzjonali fil-prezzijiet tal-materja prima (l-aluminju), u naqqset il-profittabilità b’tali mod li pperikolat l-eżistenza tal-industrija tal-Unjoni — ippreveniet lil din tal-aħħar milli tagħmel l-investimenti meħtieġa biex tkompli t-tranżizzjoni ’l fuq fis-suq u milli tipprovdi soluzzjonijiet personalizzati għal utenti speċjalizzati. Biex iseħħ dan id-dannu mhumiex meħtieġa volumi kbar ta’ importazzjonijiet - anki importazzjonijiet relattivament modesti, jew saħansitra l-eżistenza ta’ ammont sinifikanti ta’ importazzjonijiet bi prezz baxx (bħal f’dan il-każ b’mod inkontestabbli) huma biżżejjed biex jiġi stabbilit limitu ta’ prezz baxx li jaffettwa s-suq kollu. L-investigazzjoni sabet li din id-dinamika, li tant hija karatteristika tal-industrija tal-aluminju b’intensità għolja fil-kapital, kienet applikata għall-prodott li qed jiġi investigat.

(202)

Kif indikat fir-Regolament proviżorju, il-kwantifikazzjoni preċiża tal-volumi tal-importazzjonijiet Ċiniżi kienet teħtieġ aktar analiżi. Il-prodott investigat bħalissa jaqa’ taħt disa’ kodiċijiet NM (25), u kien hemm fehmiet konfliġġenti dwar wieħed minnhom - il-Kodiċi NM 7610 90 90, li jkopri wkoll prodotti barra mill-ambitu tal-investigazzjoni. B’mod partikolari, il-fehmiet varjaw fir-rigward ta’ liema frazzjoni tal-importazzjonijiet kienet tabilħaqq il-prodott ikkonċernat. Dan il-kodiċi kien jammonta għal madwar nofs it-total tal-volumi tal-importazzjonijiet Ċiniżi tal-prodott ikkonċernat kif stabbilit b’mod proviżorju.

(203)

F’dan il-każ il-volumi tal-importazzjonijiet ma kinux fattur deċiżiv għad-dannu, li seħħ prinċipalment permezz tal-kanali tal-prezzijiet. Anki li kieku l-Kummissjoni kellha tinjora kompletament dan il-kodiċi, il-penetrazzjoni Ċiniża xorta kienet tibqa’ sinifikanti, u kienet tammonta għal 5,3 % tas-sehem mis-suq fil-perjodu ta’ investigazzjoni, u kienet tkun żdiedet b’48 % mill-2016. Minbarra l-aġġustamenti nominali li jirriżultaw fl-ishma mis-suq tal-atturi l-oħra kollha tas-suq, dan ma kien jinvolvi l-ebda bidla fl-istampa tad-dannu. B’mod kruċjali, kieku l-volumi taħt il-Kodiċi NM 7610 90 90 kellhom jiġu esklużi totalment, il-prezzijiet Ċiniżi medji ponderati jibqgħu fl-istess livelli baxxi b’mod anormali li nstabu li jikkawżaw dannu fl-istadju proviżorju. Dan ta’ hawn fuq huwa spjegat f’aktar dettall hawn taħt.

(204)

Fi kwalunkwe każ, biex taċċerta tali volumi kif indikat fil-premessa (223) tar-Regolament proviżorju, il-Kummissjoni segwiet tliet direzzjonijiet.

(205)

Fil-premessa (223) tar-Regolament proviżorju, il-Kummissjoni spjegat is-sejbiet proviżorji li jikkonċernaw il-metodoloġija proviżorja u talbet lill-partijiet interessati biex jippreżentaw kwalunkwe informazzjoni rilevanti dwar il-kwistjoni. European Aluminium ipprovdiet kjarifika addizzjonali tal-ġustifikazzjoni tagħha għall-istima tagħha ta’ 95 %. Diversi partijiet interessati kkontestaw dan l-estimu fuq il-bażi tal-esperjenza tal-kumpanija tagħhom tal-kodiċi NM 7610 90 90. Ċerti partijiet qablu ma’ European Aluminium li l-prodott li qed jiġi investigat kien qed jiġi importat taħt dan il-kodiċi. Oħrajn ma qablux billi sostnew li jew l-estimu ta’ 95 % kien għoli wisq jew li l-ebda importazzjoni ma kienet importata taħt il-kodiċi. Xi partijiet għamlu kumment addizzjonali li l-użu tal-prezz bħala ġustifikazzjoni ma kienx affidabbli. Madankollu, il-corpus ta’ informazzjoni miġbur ma kienx komprensiv biżżejjed u ssostanzjat biex jipprovdi gwida konklużiva.

(206)

Wara r-rivelazzjoni proviżorja, il-Kummissjoni setgħet tlesti l-eżami tagħha tal-informazzjoni sottomessa mid-DĠ TAXUD u l-Awtoritajiet Doganali Nazzjonali. L-informazzjoni mid-DĠ TAXUD kienet lista kompluta permezz tad-dikjarazzjoni doganali, iżda ma tatx deskrizzjoni aktar ċara tal-prodotti li qed jiġu importati.

(207)

Barra minn hekk, l-informazzjoni li waslet mingħand tmien Stati Membri (Franza, il-Ġermanja, l-Italja, in-Netherlands, il-Polonja, Spanja, l-Iżvezja u r-Renju Unit) kienet rappreżentattiva ħafna, peress li kienet tkopri 84 % tal-importazzjonijiet tal-Kodiċi NM 7610 90 90 fil-perjodu tal-investigazzjoni, kif ukoll informazzjoni dettaljata skont id-dikjarazzjoni doganali u d-deskrizzjoni tal-prodott importat kif irrappurtat mill-importaturi fid-Dokument Amministrattiv Uniku (“SAD”) tagħhom. L-analiżi granulari fuq din il-bażi wasslet għall-konklużjonijiet ippreżentati hawn taħt.

(208)

Kif jidher fit-Tabella 1, proporzjon sinifikanti tal-esportazzjonijiet taħt dan il-Kodiċi NM instabu li jappartjenu għall-prodott ikkonċernat, fuq bażi konservattiva. Tabilħaqq, intużaw biss dawk it-tranżazzjonijiet li d-deskrizzjonijiet tal-prodotti tagħhom kienu dettaljati biżżejjed biex jippermettu determinazzjoni preċiża li l-prodott importat kien il-prodott ikkonċernat.

Tabella 1

Importazzjonijiet miċ-Ċina taħt il-kodiċi NM 7610 90 90

(209)

Għal parti mill-volumi fit-Tabella 1, id-deskrizzjoni ma kinitx ċara biżżejjed biex tiddetermina jekk il-volumi tal-importazzjonijiet marbuta mat-tranżazzjonijiet rilevanti kinux jaqgħu taħt il-prodott ikkonċernat. Għalhekk, fuq bażi konservattiva, dawn il-volumi tqiesu li ma kinux importazzjonijiet tal-prodott ikkonċernat.

(210)

Il-Kummissjoni qieset din bħala stima raġonevoli peress li kienet ibbażata fuq informazzjoni b’rappreżentanza għolja.

(211)

Wara r-rivelazzjoni finali Airoldi kkummentat li l-metodoloġija biex jiġu identifikati l-importazzjonijiet taħt il-kodiċi NM 7610 90 90 ma kinitx ġiet spjegata. Il-paragrafi (118) sa (122) tad-dokument ta’ rivelazzjoni finali u n-nota 22 f’qiegħ il-paġna jispjegaw il-metodoloġija użata. Għaldaqstant din it-talba ma ntlaqatx.

(212)

Matul dak il-proċess, Airoldi talbet li d-data ppreżentata lill-Kummissjoni mill-Istati Membri tintbagħatilha. Madankollu, l-iskambji ta’ informazzjoni bejn l-Istati Membri u l-Kummissjoni huma kunfidenzjali, skont l-Artikolu 19(5) tar-Regolament bażiku. Barra minn hekk, meta wieħed iżomm f’moħħu li d-data hija relatata ma’ dikjarazzjonijiet doganali individwali, u fiha data sensittiva ħafna dwar il-prezzijiet, din id-data hija b’mod ċar sensittiva għan-negozju. Għalhekk, din it-talba ġiet miċħuda.

(213)

Filwaqt li s-sehem mis-suq Ċiniż ġie rivedut ’l isfel bħala riżultat, l-importazzjonijiet baqgħu sinifikanti u ġiet osservata l-istess xejra ta’ tkabbir bħal fl-istadju proviżorju.

(214)

Airoldi kkummentat wara r-rivelazzjoni finali dwar il-volum tal-importazzjonijiet stabbilit taħt il-kodiċi NM 7610 90 90 bħala l-prodott ikkonċernat. Airoldi ddikjarat li l-metodoloġija mhijiex rappreżentattiva peress li tinvolvi l-awtoritajiet doganali ta’ 8 Stati Membru biss. Madankollu, meta wieħed iżomm f’moħħu li dawn l-Istati Membri jirrappreżentaw aktar minn 83 % tal-importazzjonijiet, il-metodoloġija hija rappreżentattiva u għalhekk dan l-argument huwa miċħud.

(215)

Airoldi tenniet ukoll l-argument tagħha li l-importazzjonijiet tal-prodott ikkonċernat taħt il-kodiċi NM 7610 90 90 għandhom ikunu żero u rreferiet għall-eżistenza ta’ bosta BTIs. Il-Kummissjoni ma setgħetx taċċetta dan l-argument minħabba li l-eżistenza tal-BTIs b’mod ċar ma tipprekludix li prodotti oħra, inkluż il-prodott ikkonċernat, jistgħu jaqgħu taħt dan il-kodiċi. L-analiżi tal-Kummissjoni ta’ dan il-kodiċi bl-użu tad-data tal-awtoritajiet doganali wriet li dan huwa l-każ.

(216)

Airoldi indikat ukoll li jekk l-importazzjonijiet taħt il-kodiċi NM 7610 90 90 jiġu esklużi mill-investigazzjoni, l-investigazzjoni għandha tintemm mingħajr ebda impożizzjoni ta’ dazji. Madankollu, kif spjegat fil-premessa (219), anki jekk dawn il-volumi ta’ importazzjoni jiġu esklużi, dawn jibqgħu f’livelli sinifikanti. Għalhekk, il-pretensjoni ma tistax tiġi aċċettata.

(217)

Għaldaqstant, u fuq il-bażi deskritta hawn fuq, l-importazzjonijiet mill-pajjiż ikkonċernat żviluppaw kif ġej:

Tabella 2

Volum tal-importazzjonijiet (tunnellati) u s-sehem mis-suq

(218)

Barra minn hekk, fuq il-bażi tal-volumi tal-importazzjoni aġġustati, jistgħu jiġu osservati livelli sinifikanti ta’ importazzjonijiet kemm f’termini relattivi kif ukoll f’termini assoluti, li jilħqu 6,2 % tas-sehem mis-suq fil-perjodu ta’ investigazzjoni. F’ċifri assoluti, l-importazzjonijiet mill-pajjiż ikkonċernat żdiedu b’49 % matul il-perjodu kkunsidrat. B’mod parallel, is-sehem totali mis-suq tal-importazzjonijiet oġġetti ta’ dumping żdied b’41 % matul il-perjodu kkunsidrat.

(219)

Kif innutat fil-premessa (203) hawn fuq, anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-volumi ta’ importazzjoni jibqgħu sinifikanti u jammontaw għal sehem mis-suq ta’ 5,3 % fil-perjodu ta’ investigazzjoni, u jiżdiedu bi 48 % mill-2016.

(220)

Kumpanija importatriċi sostniet li l-livell taż-żieda fis-sehem mis-suq tal-importazzjonijiet Ċiniżi ma ġġustifikax id-dazji anti-dumping kif imsemmija fir-Regolament proviżorju. Il-limitu biex jiġu imposti miżuri f’termini tas-sehem mis-suq fil-każ preżenti qabeż b’mod sinifikanti matul il-perjodu kollu kkunsidrat il-limitu ta’ 1 % tal-Artikolu 5(7) tar-Regolament bażiku u ma jistax jitqies bħala “negliġibbli” skont l-Artikolu 9(3). Barra minn hekk, is-sehem Ċiniż mis-suq żdied b’41 % matul il-perjodu kkunsidrat. Minħabba n-natura sinifikanti tal-importazzjonijiet f’termini assoluti u relattivi kif ukoll ix-xejriet assoluti u relattivi, il-kunsiderazzjonijiet fil-premessa (201) ta’ hawn fuq u l-kunsiderazzjonijiet tal-prezz fit-Tabella 3 hawn taħt, din l-asserzjoni ġiet miċħuda.

Tabella 3

Prezzijiet tal-importazzjoni (EUR/tunnellata)

(221)

Il-prezzijiet aġġustati juru livell u xejriet simili bħal fir-Regolament proviżorju, u jikkonfermaw id-determinazzjoni li saret fih.

(222)

Kif innutat f’(203) hawn fuq, jekk il-volumi taħt il-Kodiċi NM 7610 90 90 jiġu totalment esklużi mill-analiżi, il-prezzijiet medji tal-importazzjoni jkunu aktar baxxi u jsegwu xejra simili matul il-perjodu kkunsidrat.

(223)

Kif spjegat fil-premessa (230) tar-Regolament proviżorju dawn il-prezzijiet għandhom jitqiesu fid-dawl taż-żidiet fil-kostijiet tal-materja prima ta’ 10 % u saru f’perjodu fejn is-suq kien jitlob aktar valur miżjud u prodotti personalizzati.

(224)

Il-marġnijiet stabbiliti tat-twaqqigħ tal-prezz fil-premessa (232) tar-Regolament proviżorju (aktar minn 25 %) ġew ikkonfermati. Ċerti partijiet interessati kkummentaw li l-importazzjonijiet tagħhom mill-pajjiż ikkonċernat ma waqqgħux il-prezz b’aktar minn 25 %. Fil-fatt, Haomei Group iddikjara li l-prodotti tiegħu jistgħu ma jibqgħux kompetittivi fis-suq tal-Unjoni skont iċ-ċaqliq fir-rati tal-kambju. Madankollu, il-kalkoli tat-twaqqigħ tal-prezz tal-Kummissjoni koprew il-kampjun kollu ta’ produtturi esportaturi bl-użu ta’ metodoloġija dettaljata tip b’tip u tranżazzjoni bi tranżazzjoni għall-perjodu ta’ investigazzjoni. Barra minn hekk, il-kalkoli dettaljati, inkluża l-metodoloġija tagħhom, ġew divulgati lill-produtturi esportaturi inkluż il-Haomei Group. Il-Kummissjoni kkonfermat li l-metodoloġija użata biex jiġi kkalkulat it-twaqqigħ tal-prezz tat riżultati kemm preċiżi kif ukoll rappreżentattivi.

(225)

Fin-nuqqas ta’ kwalunkwe kumment ieħor fir-rigward tal-importazzjonijiet mill-pajjiż ikkonċernat, il-konklużjonijiet li baqa’ u li huma stabbiliti fil-premessi (217) sa (234) tar-Regolament proviżorju huma kkonfermati.

(226)

Iċ-ċifri tal-konsum tal-Unjoni ġew riveduti ’l isfel bħala konsegwenza tar-reviżjoni għall-volumi tal-importazzjoni mill-pajjiż ikkonċernat spjegata fil-premessi (202) sa (213). Fuq din il-bażi, il-konsum fis-suq ħieles tal-Unjoni żviluppa kif ġej:

Tabella 4

Konsum tal-Unjoni (tunnellati)

(227)

Matul il-perjodu kkunsidrat, il-konsum tas-suq ħieles tal-Unjoni żdied b’6 %. Iż-żieda kienet prinċipalment dovuta għal żieda fid-domanda fl-industriji downstream ewlenin.

(228)

Kif innutat fil-premessa (203) hawn fuq, anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-konsum kien ikun f’livelli simili ħafna u xorta waħda kien jiżdied b’6 %. Fin-nuqqas ta’ kummenti ulterjuri fir-rigward tal-konsum tal-Unjoni, il-konklużjoni stabbilita fil-premessa (216) tar-Regolament proviżorju hija kkonfermata.

(229)

Is-sehem mis-suq tal-bejgħ fis-suq ħieles tal-industrija tal-Unjoni żviluppa kif ġej b’riżultat tar-reviżjoni tal-importazzjonijiet mill-pajjiż ikkonċernat imsemmija hawn fuq, u ċ-ċifri tal-konsum riveduti msemmija fit-Tabella 4.

Tabella 5

Is-sehem mis-suq

(230)

Għandu jiġi nnotat li, għalkemm is-sehem mis-suq tal-industrija tal-Unjoni ġie vvalutat mill-ġdid f’livell kemxejn ogħla fil-perjodu kkunsidrat wara r-reviżjoni dwar il-volumi tal-importazzjonijiet mill-pajjiż ikkonċernat, l-ishma mis-suq xorta naqsu bi 3,2 punti perċentwali jew 4 %.

(231)

Kif innutat fil-premessa (203) hawn fuq, anki jekk il-volumi skont il-Kodiċi NM 7610 90 90 kienu totalment esklużi mill-analiżi, is-sehem mis-suq tal-industrija tal-Unjoni kien ikun f’livelli simili ħafna u kien jonqos bi 3 %

(232)

Airoldi kkummentat li s-sors għat-Tabelli 4 u 5 jikkwota kemm lil European Aluminium kif ukoll l-Eurostat. Airoldi staqsiet jekk kinitx ġiet ipprovduta data ġdida minn European Aluminium. Madankollu, dawn it-Tabelli kienu meħtieġa biex jirreġistraw iċ-ċifri riveduti għall-konsum u s-sehem mis-suq (202) sa (215) minħabba r-reviżjoni tal-importazzjonijiet miċ-Ċina. Ma ġiet ipprovduta l-ebda data ġdida minn European Aluminium. L-importatur Airoldi għamel talba dwar it-Tabella 7 (Prezzijiet tal-bejgħ fl-Unjoni) tar-Regolament proviżorju. L-importatur allega li l-London Metal Exchange (“LME”), minħabba s-sjieda tiegħu f’Hong Kong, ma kienx referenza affidabbli għall-prezzijiet tal-aluminju u li għalhekk id-data ppreżentata fir-Regolament proviżorju fit-Tabella 7 ma kinitx xierqa. Madankollu, l-LME intużat mill-produtturi kollha tal-Unjoni fil-kampjun bħala referenza fil-kuntratti tagħhom, u hija kkwotata fil-pubblikazzjonijiet kummerċjali relatati mal-aluminju. L-investigazzjoni kkonfermat li hija sors affidabbli għall-prezzijiet tal-aluminju fl-Unjoni. Barra minn hekk, dan l-importatur ma ssostanzjax kif is-sjieda tal-LME tagħmlu sors mhux affidabbli għall-iskop użat fit-Tabella 7 tar-Regolament proviżorju. Għalhekk, din l-asserzjoni ġiet miċħuda.

(233)

L-istess kumpanija importatriċi għamlet allegazzjoni oħra li tikkonċerna ż-żidiet fil-kostijiet fl-istess tabella. Dawn iż-żidiet fil-kostijiet huma ż-żidiet reali fil-kostijiet irrappurtati mill-produtturi tal-Unjoni u kkontrollati matul il-Kontroverifika Remota (“RCC”). L-asserzjoni allegat li l-Kummissjoni ma spjegatx tajjeb ir-raġunijiet għal tali żidiet. Madankollu, l-analiżi tal-Kummissjoni, fil-premessa (232) tar-Regolament proviżorju, offriet iż-żewġ raġunijiet ewlenin għaż-żidiet fil-kostijiet. Waħda minnhom kienet tikkonċerna ż-żieda fil-kostijiet assoċjati mad-domandi tas-suq għal aktar prodotti b’valur miżjud. It-tieni raġuni kienet iż-żidiet fil-billets tal-aluminju li jiffurmaw il-materja prima ewlenija għall-produzzjoni tal-prodott li qed jiġi investigat. Dawn is-sejbiet kienu bbażati fuq l-evidenza pprovduta matul l-investigazzjoni mill-produtturi tal-Unjoni, ivverifikati matul l-RCCs u kontroverifikati mal-informazzjoni pprovduta minn European Aluminium. Għalhekk, il-Kummissjoni ċaħdet l-allegazzjoni li dawn iż-żidiet ma kinux spjegati.

(234)

L-istess kumpanija importatriċi għamlet ukoll pretensjoni li tikkonċerna t-Tabella 9 tar-Regolament proviżorju dwar l-inventarji. Il-pretensjoni kkontestat l-analiżi tal-Kummissjoni li ż-żieda fil-ħażniet ta’ 26 % ma kinitx tirrappreżenta indikatur importanti tad-dannu. Madankollu, l-analiżi tal-Kummissjoni kienet fid-dawl tal-fatt li l-ħażniet bħala perċentwal tal-produzzjoni kienu baxxi peress li l-industrija topera primarjament fuq bażi ta’ produzzjoni skont l-ordni. Barra minn hekk, iż-żieda fil-ħażniet spiss hija sinjal li l-prodotti, li ma kinux prodotti skont l-ordni, iżda għas-suq tad-distribuzzjoni, ma setgħux jinbiegħu. Dan indika sitwazzjoni ta’ dannu. Barra minn hekk, meta mqabbel mal-livell tal-produzzjoni, il-ħażniet baqgħu relattivament baxxi matul il-perjodu kkunsidrat, u jammontaw għal madwar ġimagħtejn ta’ produzzjoni. Għalhekk, il-Kummissjoni żammet il-konklużjoni proviżorja tagħha u ċaħdet l-asserzjoni.

(235)

L-istess kumpanija importatriċi għamlet ukoll asserzjonijiet li jikkonċernaw it-Tabella 10 tar-Regolament proviżorju dwar il-profittabilità. Waħda mill-asserzjonijiet kienet li ċertu produttur tal-Unjoni ma ġarrabx tnaqqis kbir fil-profittabilità, u t-tieni waħda ddikjarat li l-produtturi tal-Unjoni ta’ tipi ta’ prodotti b’liga iebsa kienu aktar profittabbli mill-produtturi b’liga ratba. Madankollu, il-Kummissjoni ttenni li l-profittabilità, bħall-indikaturi kollha tad-dannu, għandha tiġi eżaminata billi tintuża l-industrija tal-Unjoni kollha kemm hi, jew kampjun rappreżentattiv kif inhu l-każ u mhux kumpaniji jew tipi ta’ prodotti individwali. Barra minn hekk, is-sors ikkwotat għall-profittabilità tal-produttur imsemmi għamilha ċara li kien relatat mal-kumpanija kollha mhux mal-prodott li qed jiġi investigat. Għalhekk il-Kummissjoni ċaħdet dawn l-asserzjonijiet.

(236)

Wara r-rivelazzjoni finali Airoldi u importaturi oħra tennew l-argumenti tagħhom relatati mal-profittabbiltà tal-industrija tal-Unjoni, li kienu diġà ġew indirizzati fil-premessa preċedenti. Dawn il-partijiet estendew ir-riċerka tagħhom dwar il-profittabbiltà tal-kumpaniji li jipproduċu estrużjonijiet fl-Unjoni. Il-partijiet ikkummentaw li l-livelli ta’ profittabbiltà kienu jvarjaw. Irrispettivament mill-ammissibbiltà ta’ tali informazzjoni minħabba l-istadju tard li fih ġiet ipprovduta, il-fatt li din kienet tapplika biss għal Stat Membru wieħed, u li ma kinitx sostanzjata, bħala medja, l-evidenza pprovduta ssuġġeriet livell baxx ta’ profittabbiltà għall-kumpaniji tal-industrija tal-Unjoni koperti mir-riċerka, f’konformità mal-eżiti tal-premessi msemmija hawn fuq.

(237)

L-istess kumpanija importatriċi għamlet asserzjoni oħra li tikkonċerna t-Tabella 10 tar-Regolament proviżorju dwar l-investiment. L-asserzjoni allegat li l-Kummissjoni ma spjegatx kif xieraq ir-raġunijiet għaż-żidiet fl-investiment. L-analiżi tal-Kummissjoni kienet relatata mal-investimenti li saru mill-produtturi tal-Unjoni inklużi fil-kampjun, li wrew żieda ta’ 72 % fl-2019 meta mqabbla mal-2016. Din id-data ġiet diskussa u vverifikata mal-produtturi inklużi fil-kampjun matul l-RCCs. Barra minn hekk, il-Kummissjoni spjegat li ż-żidiet fl-investiment kienu meħtieġa biex tiżdied l-effiċjenza u biex tingħata aktar attenzjoni lill-klijent fid-dawl tad-domanda tas-suq għal aktar soluzzjonijiet ta’ valur miżjud. Fil-premessa (332) sa (340) tar-Regolament proviżorju, il-Kummissjoni għamlet aktar rimarki biex turi l-importanza ta’ livelli għoljin ta’ investiment għall-futur tal-industrija tal-Unjoni. Għalhekk, il-Kummissjoni ċaħdet l-asserzjoni li l-investimenti ma ġewx spjegati b’mod adegwat.

(238)

L-istess kumpanija importatriċi sostniet ukoll li l-Kummissjoni aċċettat d-data tal-industrija tal-Unjoni bil-valur fuq il-wiċċ. Kif diġà ġie spjegat fil-premessi (25) u (26) tar-Regolament proviżorju, l-istess bħall-informazzjoni pprovduta mill-produtturi esportaturi fil-kampjun, it-tweġibiet għall-kwestjonarju tal-erba’ produtturi tal-Unjoni fil-kampjun ġew kontroverifikati b’mod remot mad-dokumentazzjoni tal-kumpanija tas-sors u, fejn possibbli, kontra sorsi disponibbli pubblikament. Għalhekk, din l-asserzjoni ġiet miċħuda.

(239)

Wara r-rivelazzjoni finali, Airoldi ma qablitx mal-kummenti tal-Kummissjoni fiż-żewġ premessi preċedenti dwar is-sors u l-verifika tad-data riċevuta. B’mod partikolari, Airoldi kkontestat li d-data invokata matul l-investigazzjoni anti-dumping inkwistjoni kienet xierqa fis-sens li ttieħdet minn sorsi ta’ kumpaniji u mhux minn sorsi pubblikament disponibbli. Fir-rigward ta’ dan, il-Kummissjoni tikkonferma li, f’konformità mal-prattika tagħha ta’ kontroverifika tad-data sensittiva tal-kumpaniji fil-qafas ta’ investigazzjoni, jintużaw ukoll sorsi pubblikament disponibbli fejn xieraq.

(240)

Barra minn hekk, fir-rigward tal-investimenti, Airoldi ssostni li l-konstatazzjoni tal-Kummissjoni dwar il-fatt li l-investimenti huma meħtieġa sabiex iżidu l-effiċjenza u jipprovdu konċentrazzjoni ikbar fuq il-klijenti hija ġenerika u ma tidhirx li hija marbuta mal-kuntest tal-investigazzjoni anti-dumping inkwistjoni. Fir-rigward ta’ dan il-punt, il-Kummissjoni ttenni l-fatt li l-affermazzjoni tiddeskrivi b’mod xieraq is-sitwazzjoni tal-industrija li tipproduċi l-prodott investigat.

(241)

Wara r-rivelazzjoni finali, dwar il-paragrafu (234), Airoldi affermat ukoll li jkun żbaljat li tikkorrelata l-preżenza ta’ livell adegwat ta’ stokkijiet ma’ sejba ta’ dannu. L-istess importatur sostna wkoll li livell ta’ 26 % tal-istokkijiet huwa assolutament normali fis-suq tal-estrużjoni tal-aluminju. Fir-rigward ta’ dan l-argument, l-ewwel nett għandu jitfakkar li l-kunsiderazzjoni tal-istokkijiet bħala indikatur tad-dannu hija rekwiżit legali mir-Regolament bażiku. Barra minn hekk, kien l-istess importatur li fl-istadju provviżorju ddikjara li dan l-indikatur ikun rilevanti. Fir-rigward ta’ dan il-punt, il-Kummissjoni ssostni l-konklużjoni preliminari tagħha li, kif deskritt fil-premessa (264) tar-Regolament proviżorju, l-inventarji għandhom inqas importanza fl-analiżi tad-dannu minħabba li l-produzzjoni ssir prinċipalment fuq bażi ta’ ordni. Kif deskritt fil-paragrafu (234), jekk jiġu kkunsidrati, huma jindikaw xenarju dannuż.

(242)

L-istess kumpanija importatriċi sostniet ukoll li t-telf tas-sehem mis-suq tal-industrija tal-Unjoni deskritt fit-Tabella 5 tar-Regolament proviżorju jista’ jiġi rkuprat malajr anke mingħajr impożizzjoni ta’ miżuri anti-dumping. Din l-asserzjoni ma ġietx issostanzjata ulterjorment. Ma ngħatat l-ebda raġuni konvinċenti kif it-tnaqqis kontinwu esperjenzat matul il-perjodu kkunsidrat se jitreġġa’ lura mingħajr l-impożizzjoni ta’ dazji anti-dumping, b’mod partikolari minħabba l-marġnijiet għoljin ta’ twaqqigħ tal-prezzijiet tal-esportazzjonijiet Ċiniżi li nstabu li huma ta’ aktar minn 25 %, kif spjegat fil-premessa (232) tar-Regolament proviżorju u kkonfermat fil-premessa (224). Għalhekk, din l-asserzjoni ġiet miċħuda.

(243)

L-istess kumpanija importatriċi għamlet kummenti ulterjuri dwar il-kwistjoni diskussa fil-premessa (316) tar-Regolament proviżorju. Il-kumpanija importatriċi tenniet l-allegazzjoni tagħha li l-industrija tal-Unjoni kienet qiegħda tabbuża mill-pożizzjoni allegatament dominanti tagħha fis-suq. European Aluminium ikkummentat li allegazzjonijiet bħal dawn kienu frivoli. L-allegazzjonijiet huma primarjament fil-kompetenza tad-DĠ COMP, li kkonferma, wara rivelazzjoni proviżorja, li ma jeżisti l-ebda każ tan-natura sostnuta. Madankollu, il-Kummissjoni tixtieq tiġbed l-attenzjoni għall-fatt li l-industrija tal-Unjoni hija magħmula minn aktar minn 200 produttur. Il-Kummissjoni ssostni l-fehma tagħha li l-kumpanija importatriċi ma pprovdiet l-ebda analiżi jew evidenza biex issostni dawn l-allegazzjonijiet, jew biex tispjega r-rilevanza tagħhom fil-kuntest tar-Regolament bażiku. Dawn l-asserzjonijiet, għalhekk, ġew miċħuda u l-konklużjonijiet fit-Taqsimiet 4.6 u 4.7 tar-Regolament proviżorju huma kkonfermati.

(244)

Wara r-rivelazzjoni finali, Airoldi ssottomettiet dokument deskritt bħala artiklu tal-gazzetta li juri li rappreżentant minn produttur tal-Unjoni kien ikkummenta dwar kwistjonijiet ta’ kompetizzjoni fis-suq tal-Unjoni. Barra minn hekk importaturi oħra u Haomei Group ikkummentaw li l-miżuri jsaħħu l-pożizzjoni dominanti ta’ ċerti produtturi tal-Unjoni fis-suq tal-Unjoni. Fir-rigward ta’ dan l-allegat artiklu fil-gazzetta, l-ewwel nett għandu jiġi enfasizzat li d-dokument ipprovdut huwa fir-realtà materjal promozzjonali tal-kumpanija (li qed jiġi ppreżentat bħala “informazzjoni promozzjonali”). Barra minn hekk, il-produttur tal-Unjoni inkwistjoni ma kkummentax dwar kwistjonijiet ta’ kompetizzjoni b’mod ġenerali iżda pjuttost dwar il-prodotti speċjali ħafna li jipproduċi, skont il-materjal promozzjonali tiegħu stess. Minħabba l-kamp ta’ applikazzjoni limitat ħafna tal-affermazzjoni u t-tip ta’ pubblikazzjoni, il-Kummissjoni għalhekk tqis li la l-allegat artiklu tal-gazzetta u lanqas id-dikjarazzjoni mhux sostanzjata tal-importaturi u Haomei Group ma għandhom jaffettwaw il-konklużjonijiet tagħha milħuqa fil-premessa preċedenti.

(245)

Barra minn hekk, wara r-rivelazzjoni finali, Haomei Group ikkummenta dwar id-dannu mġarrab mill-industrija tal-Unjoni bl-użu tar-riċerka tagħha stess dwar il-profittabbiltà ta’ erba’ produtturi tal-Unjoni. Haomei Group ikkummenta li r-riċerka tiegħu wriet li l-industrija tal-Unjoni kienet aktar profittabbli milli kienet murija mill-Kummissjoni fit-Tabella 10 tar-Regolament proviżorju. Madankollu, id-data pprovduta fis-sottomissjoni ta’ Haomei Group kienet relatata mal-profittabbiltà totali tal-kumpaniji magħżula minnhom u għalhekk ma tirrigwardax il-prodott li qed jiġi investigat. Barra minn hekk, il-kampjun tal-Kummissjoni ntgħażel skont l-Artikolu 17 tar-Regolament bażiku fi Frar 2020. F’dak l-istadju, ma wasal l-ebda kumment mingħand Haomei Group. B’kont meħud tar-rekwiżiti tal-Artikolu 17 u l-fatt li d-data ta’ Haomei Group ma tirrigwardax biss il-prodott investigat, il-Kummissjoni tiċħad din il-pretensjoni.

(246)

Importatur u l-GTĊ ikkummentaw dwar il-metodoloġija użata mill-Kummissjoni biex tivvaluta l-ħsara materjali. L-asserzjoni li saret argumentat li l-analiżi tad-dannu kienet bla bażi minħabba li ħafna indikaturi juru żvilupp pożittiv u kien sostnut li l-Kummissjoni qagħdet biss fuq ċerti indikaturi biex issostni l-konklużjoni tagħha. Ġie sostnut ukoll li diversi fatturi ta’ dannu kienu evidenza ta’ ebda dannu lill-industrija tal-Unjoni minħabba li x-xejriet ma kinux negattivi. Madankollu, dawn il-pretensjonijiet kienu bbażati fuq valutazzjoni tal-indikaturi fuq bażi individwali, mingħajr ma tqies il-kuntest – bħal żieda fid-domanda u żieda fil-kostijiet. Il-pretensjonijiet ġew miċħuda billi l-konklużjoni proviżorja dwar id-dannu kienet ibbażata fuq valutazzjoni tal-indikaturi kollha u l-ebda wieħed minn dawk l-indikaturi ma ta neċessarjament gwida deċiżiva. Kif diġà deskritt fil-premessi (271) sa (274) tar-Regolament proviżorju, ikkonfermat hawnhekk, filwaqt li ċerti indikaturi tabilħaqq urew żvilupp pożittiv, kien sostanzjat b’mod adegwat kif is-sejba ta’ dannu materjali ntlaħqet meta jitqiesu l-indikaturi kollha tad-dannu.

(247)

Airoldi u O. Wilms iddikjaraw, wara r-rivelazzjoni finali, li l-Kummissjoni kienet bidlet is-sejbiet tagħha dwar id-dannu sabiex tirrifletti t-tnaqqis tal-importazzjonijiet taħt il-kodiċi NM 7610 90 90 kif deskritt hawn taħt. Ġie ddikjarat li d-dannu fl-istadju provviżorju kien prinċipalment iġġustifikat mill-indikaturi tal-volum u li fir-rivelazzjoni finali dan inbidel sabiex id-dannu nħass l-aktar fir-rigward tal-indikaturi tal-prezzijiet. Madankollu, il-premessi (271) sa (274) tar-Regolament provviżorju jikkonċentraw fuq id-dannu fil-prezz li ġarrbet l-industrija tal-Unjoni. Barra minn hekk, il-premessa (280) tar-Regolament provviżorju spjegat kif kienet seħħet ħsara materjali meta xi partijiet qiesu l-kwantitajiet tal-importazzjonijiet Ċiniżi u s-sehem mis-suq bħala limitati. Ir-Regolament provviżorju indika li d-dimensjoni tal-importazzjonijiet miċ-Ċina se tiġi investigata aktar — din hija parti integrali minn kwalunkwe investigazzjoni tad-difiża tal-kummerċ, li tirfina l-konklużjonijiet tagħha hekk kif tavvanza, li tippermetti apprezzament sod tal-fatti stabbiliti b’mod definittiv. Wara li tlesta dan il-proċess, il-konklużjonijiet tiegħu jikkonfermaw l-eżiti enfasizzati fir-Regolament proviżorju. Il-Kummissjoni għalhekk ma tistax taċċetta d-dikjarazzjoni li biddlet l-approċċ tagħha.

(248)

Barra minn hekk, wara r-rivelazzjoni finali O. Wilms ikkummentat dwar l-iżviluppi fir-rigward tal-volumi mibjugħa fis-suq tal-Unjoni mill-produtturi Ċiniżi, Torok u tal-Unjoni. Peress li l-industrija tal-Unjoni kienet żiedet il-bejgħ, O. Wilms ikkontestat il-fatt li l-industrija tal-Unjoni sofriet dannu. Argument simili tqajjem ukoll minn Haomei Group. Madankollu, kif spjegat fit-taqsima 4.7, is-sejba ta’ dannu materjali tirriżulta l-aktar mit-trażżin tal-prezzijiet u l-impatt tiegħu fuq l-indikaturi tal-prestazzjoni. Barra minn hekk, minkejja ż-żieda modesta fil-volum tal-bejgħ fis-suq tal-Unjoni, l-industrija tal-Unjoni tilfet sehem mis-suq matul il-perjodu kkunsidrat.

(249)

Barra minn hekk, wara r-rivelazzjoni finali, il-Haomei Group ikkontesta d-dannu mġarrab mill-industrija tal-Unjoni minħabba li l-paraguni tal-prezzijiet imwettqa mill-Kummissjoni ma kinux xierqa. B’mod partikolari, Haomei Group sostna fis-sottomissjoni tiegħu li Haomei Group qatt ma għamel ħsara lill-industrija tal-aluminju tal-Unjoni peress li l-prezzijiet taż-żewġ esportaturi kienu allinjati meta ma kinux superjuri għal dawk tal-kompetituri Ewropej. Din l-allegazzjoni ma tistax tiġi aċċettata. L-investigazzjoni wriet li meta jwettqu tqabbil fuq bażi ta’ tip ta’ prodott, il-prezzijiet ta’ dawn l-esportaturi kienu qed iwaqqgħu l-prezzijiet tal-industrija tal-Unjoni b’marġni sinifikanti, u b’hekk irriżultaw mhux biss allinjati iżda aktar baxxi b’mod sensibbli. Haomei Group issuġġerixxa wkoll li l-prezzijiet tal-importatur jintużaw bħala sors għat-tqabbil tal-prezzijiet. Madankollu, kif imsemmi fil-premessa (234) tar-Regolament proviżorju, il-Kummissjoni bbażat it-tqabbil tal-prezzijiet tagħha fuq bażi oġġettiva bl-użu ta’ metodoloġija u kalkoli dettaljati li ġew żvelati lil Haomei Group. Din il-metodoloġija qabblet il-prodotti fuq bażi ta’ tip b’tip bl-użu ta’ diversi kriterji oġġettivi u għalhekk kienet l-aktar metodu rappreżentattiv disponibbli għall-Kummissjoni. Il-Kummissjoni għalhekk tiċħad il-pretensjoni li dan it-tqabbil ma kienx xieraq u anki d-dikjarazzjoni li din il-metodoloġija għawġet il-valutazzjoni tad-dannu.

(250)

Iċ-ċifri tal-importazzjoni għall-pajjiż ikkonċernat ġew riveduti u l-impatt tagħhom fuq il-konsum u l-ishma tas-suq, u l-konklużjoni dwar id-dannu ġiet ivvalutata mill-ġdid fl-istadju definittiv.

(251)

Ix-xejra fil-volumi tal-importazzjonijiet uriet żieda ta’ 49 %. Is-sehem mis-suq ta’ dawn l-importazzjonijiet żdied b’41 % matul il-perjodu kkunsidrat. Is-sehem mis-suq tal-industrija tal-Unjoni wera wkoll tnaqqis sinifikanti (- 4 %).

(252)

Għandu jiġi nnotat li l-indikaturi ewlenin, li juru d-dannu f’din l-investigazzjoni jibqgħu dannużi anke jekk l-importazzjonijiet Ċiniżi jiġu vvalutati mingħajr il-Kodiċi NM 7610 90 90.

(253)

Meta wieħed iqis is-sejbiet riveduti flimkien mal-indikaturi l-oħra tad-dannu li ma nbidlux u spjegati fid-dettall fir-Regolament proviżorju, ġie kkonfermat b’mod definittiv li l-industrija tal-Unjoni ġarrbet dannu materjali fil-perjodu ta’ investigazzjoni. Din is-sitwazzjoni kienet primarjament ikkawżata minn prezzijiet dannużi li waqqgħu b’mod sinifikanti dawk tal-industrija tal-Unjoni, rażżnu l-prezzijiet fis-suq tal-Unjoni u evitaw żidiet suffiċjenti fil-prezzijiet. Dan l-impatt ġie aggravat bil-fatt li l-importazzjonijiet Ċiniżi sinifikanti żdiedu f’termini assoluti u kisbu sostanzjalment sehem mis-suq matul il-perjodu kkunsidrat. L-industrija tal-Unjoni tinsab fil-proċess li tadatta għall-bidliet fis-suq tal-Unjoni fejn iż-żieda fl-investimenti hija vitali biex tiżgura s-sopravivenza tagħha fit-tul. Madankollu, il-profittabilità baxxa, li hija r-riżultat tal-prezzijiet tas-suq imnaqqsa, hija b’mod ċar baxxa wisq biex tiġġenera l-finanzjament ta’ investimenti bħal dawn. Dan jipperikola l-futur fit-tul tal-industrija li timpjega madwar 40 000 impjegat dirett u ħafna aktar indirettament fil-katina tal-provvista tal-aluminju.

(254)

Abbażi ta’ dan ta’ hawn fuq u fin-nuqqas ta’ kwalunkwe kumment ieħor dwar il-kwistjoni, il-konklużjoni tas-sitwazzjoni tal-industrija tal-Unjoni kif deskritta fil-premessi (271) sa (274) tar-Regolament proviżorju ġiet ikkonfermata.

(255)

Qed issir referenza għall-premessa (35).

(256)

Rigward id-definizzjoni tal-industrija tal-Unjoni, il-fatt li assoċjazzjoni li tirrappreżenta produtturi tal-Unjoni fiha wkoll membri minn pajjiżi mhux tal-UE ma jaffettwax il-locus standi ta’ tali assoċjazzjoni biex tirrappreżenta lill-produtturi tal-Unjoni u lanqas ir-rappreżentattività tagħha f’konformità mal-Artikolu 4 tar-Regolament bażiku. Ta’ min ifakkar ukoll li l-produtturi tal-Unjoni ħarġu prokuri speċifiċi għal European Aluminium biex jirrappreżentaw l-interessi tagħhom fil-proċediment attwali. Għal din ir-raġuni, l-affermazzjonijiet li saru minn Airoldi wara rivelazzjoni finali addizzjonali li xeħtu dubju fuq il-pożizzjoni tal-industrija tal-Unjoni, li reġgħet ġiet ikkonfutata minn European Aluminium billi ddikjarat li l-kapaċità tagħha li tirrappreżenta l-industrija tal-Unjoni ilha fil-fajl mill-bidu tal-investigazzjoni, ma jistgħux jiġu aċċettati.

(257)

L-informazzjoni fil-fajl tindika wkoll li l-produzzjoni tal-prodott simili fir-Renju Unit hija inqas minn 3 % tat-total tal-EU28. L-ilmentaturi, li ma jipproduċux fir-Renju Unit, għalhekk ikomplu jissodisfaw il-kriterji tal-Artikolu 5(4) tar-Regolament bażiku.

(258)

Minbarra l-produtturi fir-Renju Unit, il-prodott simili kien immanifatturat minn madwar 200 produttur fl-Unjoni matul il-perjodu ta’ investigazzjoni. Dawn jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku.

(259)

Minbarra l-importazzjonijiet fir-Renju Unit, iċ-ċifri għall-Kodiċi NM 7610 90 90 huma kif ġej.

Tabella 1bis

Importazzjonijiet miċ-Ċina taħt il-kodiċi NM 7610 90 90 - bażi EU27

(260)

Wara r-rivelazzjoni finali addizzjonali, Airoldi tenniet id-dikjarazzjoni tagħha li l-metodoloġija biex tinkiseb data dwar l-importazzjonijiet mill-awtoritajiet doganali nazzjonali għall-kodiċi NM 7610 90 90 u biex tiżdied mal-importazzjonijiet l-oħra miċ-Ċina ma ġietx spjegata. European Aluminium wieġbet li din il-metodoloġija kienet ċara ħafna għaliha. Wara r-rivelazzjoni finali addizzjonali, Haomei Group talab li d-data użata mill-Kummissjoni fl-istabbiliment tal-importazzjonijiet Ċiniżi tiġi ppreżentata lilu. Fir-rigward tad-data tal-Eurostat, dawn iċ-ċifri huma pubbliċi. Fir-rigward taċ-ċifri pprovduti lill-Kummissjoni mill-awtoritajiet doganali tal-Istati Membri, għandu jiġi mfakkar li l-iskambji ta’ informazzjoni bejn l-Istati Membri u l-Kummissjoni huma kunfidenzjali, skont l-Artikolu 19(5) tar-Regolament bażiku. Fir-rigward tal-ispjegazzjoni tal-approċċ użat, il-Kummissjoni tfakkar l-ispjegazzjoni tal-approċċ tagħha fil-premessi (203) sa (219) u n-noti ta’ qiegħ il-paġna rilevanti, li japplikaw mutatis mutandis għall-analiżi tal-EU27.

(261)

Airoldi assoċjat ruħha mas-sottomissjoni ta’ Haomei Group imsemmija qabel u tenniet l-affermazzjoni tagħha stess. Huwa mfakkar li sottomissjoni b’reazzjoni għal sottomissjoni ta’ parti oħra ma tistax tintuża biex jiġu proposti elementi jew talbiet ġodda. Fi kwalunkwe każ, japplikaw it-tweġibiet sostantivi fil-premessa preċedenti. Ta’ min ifakkar ukoll li l-Kummissjoni spjegat ripetutament lill-kumpanija kif l-importazzjonijiet ġew ikkalkulati u vverifikati, u ttenni li d-dikjarazzjonijiet tagħha huma bla bażi mhux l-inqas peress li ma ġiet ippreżentata l-ebda evidenza biex tikkonfuta l-konklużjonijiet tal-analiżi tal-Kummissjoni.

(262)

Għaldaqstant, u fuq il-bażi deskritta hawn fuq, l-importazzjonijiet mill-pajjiż ikkonċernat żviluppaw kif ġej:

Tabella 2bis

Il-volum tal-importazzjoni (tunnellati) u s-sehem mis-suq - fuq il-bażi EU27

(263)

Barra minn hekk, fuq il-bażi tal-volumi tal-importazzjoni aġġustati, jistgħu jiġu osservati livelli sinifikanti ta’ importazzjonijiet kemm f’termini relattivi kif ukoll f’termini assoluti, li jilħqu 5 % tas-sehem mis-suq fil-perjodu ta’ investigazzjoni. F’ċifri assoluti, l-importazzjonijiet mill-pajjiż ikkonċernat żdiedu b’56 % matul il-perjodu kkunsidrat. B’mod parallel, is-sehem totali mis-suq tal-importazzjonijiet oġġetti ta’ dumping żdied b’48 % matul il-perjodu kkunsidrat.

(264)

Anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-volumi ta’ importazzjoni jibqgħu sinifikanti u jammontaw għal sehem mis-suq ta’ 4,2 % fil-perjodu ta’ investigazzjoni, u jiżdiedu b’57 % mill-2016.

Tabella 3bis

Prezzijiet tal-importazzjoni (EUR/tunnellata) - bażi tal-EU27

(265)

Il-prezzijiet aġġustati juru xejriet simili fil-prezzijiet bħal dawk rivelati qabel, u jikkonfermaw l-istess konklużjonijiet.

(266)

Jekk il-volumi taħt il-Kodiċi NM 7610 90 90 jiġu totalment esklużi mill-analiżi, il-prezzijiet medji tal-importazzjoni jkunu aktar baxxi u jsegwu xejra simili matul il-perjodu kkunsidrat.

(267)

Wara l-metodoloġija żvelata qabel, il-marġnijiet tat-twaqqigħ tal-prezz esklużi l-importazzjonijiet lejn ir-Renju Unit jammontaw għal 23,6 %, li jikkonferma l-konklużjonijiet żvelati preċedentement.

(268)

Wara r-rivelazzjoni finali addizzjonali Airoldi kkummentat li l-importaturi, inkluż Airoldi, ma importawx prodotti estrużi taħt il-kodiċi NM 7610 90 90 u li l-Kummissjoni ma talbitx lill-importaturi għal kjarifika dwar dan il-kodiċi. Filwaqt li dan il-kumment kien tard u jinjora l-valutazzjoni definittiva tal-Kummissjoni dwar il-kalkolu tal-importazzjonijiet taħt dan il-kodiċi, il-Kummissjoni talbet il-kooperazzjoni mill-partijiet kollha fil-premessa (223) tar-Regolament provviżorju. Għalhekk, dawn l-affermazzjonijiet ġew miċħuda.

(269)

Wara r-rivelazzjoni finali addizzjonali, Airoldi kkummentat li l-prezzijiet medji tal-importazzjonijiet Ċiniżi taħt il-kodiċi NM 7610 90 90 żdiedu bħala riżultat tar-rivalutazzjoni tal-każ fuq bażi tal-EU27. Il-Kummissjoni kkonfermat li dan huwa r-riżultat tal-esklużjoni tal-bejgħ tar-Renju Unit miċ-ċifri.

(270)

Wara r-rivelazzjoni finali addizzjonali, Haomei Group ikkummenta li ċerti aspetti tal-metodoloġija għall-kalkoli tad-dannu inkluż is-sors tad-data ma kinux ċari għalih. Il-Kummissjoni tikkonferma li l-metodoloġija għall-kalkoli tad-dannu ġiet żvelata lil Haomei Group fl-istadji provviżorji u definittivi tal-investigazzjoni. Fl-istadju ta’ rivelazzjoni finali addizzjonali ġie spjegat li l-istess metodoloġija għall-kalkoli tad-dannu kienet ġiet applikata ħlief li d-data tar-Renju Unit kienet tneħħiet. Il-Kummissjoni għalhekk ikkunsidrat li l-metodoloġija ċara tagħha ġiet spjegata b’mod sħiħ. Barra minn hekk, tali punti kellhom jitqajmu fl-istadju provviżorju aktar milli wara r-rivelazzjoni finali addizzjonali.

(271)

Iċ-ċifri tal-konsum tal-Unjoni ġew riveduti bħala konsegwenza tar-reviżjoni għall-volumi tal-importazzjoni mill-pajjiż ikkonċernat spjegata hawn fuq u l-volumi tal-importazzjoni riveduti minn pajjiżi terzi oħra lejn l-UE27. Fuq din il-bażi, il-konsum fis-suq ħieles tal-Unjoni żviluppa kif ġej:

Tabella 4bis

Il-konsum tal-Unjoni (tunnellati) (*1) - bazi tal-EU27

(272)

Matul il-perjodu kkunsidrat, il-konsum tas-suq ħieles tal-Unjoni żdied b’6 %.

(273)

Anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-konsum kien ikun f’livelli simili ħafna u kien jiżdied ukoll, u dan jikkonferma l-konklużjonijiet żvelati preċedentement.

(274)

Wara r-rivelazzjoni finali addizzjonali, Airoldi sostniet li l-Kummissjoni ma spjegatx il-bażi għad-determinazzjoni tas-suq ristrett. Fir-rigward ta’ din id-dikjarazzjoni, is-sejbiet tal-Kummissjoni relatati mas-suq ristrett kienu diġà ntwerew fis-sejbiet provviżorji (il-premessa (248) tar-Regolament provviżorju). Barra minn hekk, dan il-kumment huwa tard ħafna peress li kellu jitqajjem fi żmien l-iskadenza għall-kummenti dwar is-sejbiet provviżorji. Din il-pretensjoni ma ntlaqgħetx.

(275)

Is-sehem mis-suq tal-bejgħ fis-suq ħieles tal-industrija tal-Unjoni żviluppa kif ġej b’riżultat tar-reviżjoni tal-importazzjonijiet mill-pajjiż ikkonċernat imsemmija hawn fuq, u ċ-ċifri tal-konsum riveduti msemmija fit-Tabella 4.

Tabella 5bis

Sehem mis-suq  (*2) — Bażi tal-EU27

(276)

Għalkemm is-sehem mis-suq tal-industrija tal-Unjoni ġie vvalutat mill-ġdid għal livell kemxejn ogħla fil-perjodu kkunsidrat, l-ishma mis-suq xorta waħda naqsu bi kważi 3,0 punti perċentwali.

(277)

Anki jekk il-volumi skont il-Kodiċi NM 7610 90 90 kienu totalment esklużi mill-analiżi, is-sehem mis-suq tal-industrija tal-Unjoni kien ikun f’livelli simili ħafna u kien jonqos, li jikkonferma l-konklużjonijiet divulgati qabel.

(278)

Abbażi tal-informazzjoni kkonfermata pprovduta mill-produtturi tal-Unjoni, il-volumi tal-bejgħ mill-industrija tal-Unjoni lis-suq tar-Renju Unit ġew ivvalutati għal madwar 2 % tal-bejgħ totali fl-EU28. Volum bħal dan ma jista’ jkollu l-ebda impatt materjali fuq l-indikaturi ekonomiċi tal-industrija tal-Unjoni. Għalhekk, l-indikaturi l-oħra kollha żvelati preċedentement fit-Taqsima 6 huma wkoll rappreżentattivi għall-EU27 u huma kkonfermati, kif inhuma wkoll il-konklużjonijiet li joħorġu minnhom.

(279)

Wara rivelazzjoni finali addizzjonali Airoldi kkummentat li l-Kummissjoni missha kisbet sett ġdid ta’ data tal-EU27 mill-industrija tal-Unjoni sabiex twettaq l-analiżi tad-dannu tagħha tal-EU27, kif kienet għamlet f’investigazzjoni oħra tad-difiża tal-kummerċ. Madankollu, dan ma kienx meħtieġ peress li l-informazzjoni fil-fajl diġà ppermettiet analiżi tal-EU27, kif spjegat hawn fuq. Dan ġie kkonfermat minn European Aluminium, li wieġbet għad-dikjarazzjoni ta’ Airoldi billi indikat li l-produtturi fir-Renju Unit irrappreżentaw inqas minn 3 % tal-produzzjoni, li l-attività kummerċjali tal-industrija tal-Unjoni fir-Renju Unit kienet baxxa, u li għalhekk kwalunkwe impatt fuq l-indikaturi tad-dannu kien minimu. Għaldaqstant, din l-affermazzjoni ġiet irrifjutata.

(280)

Wara r-rivelazzjoni finali addizzjonali Airoldi u Euranimi kkummentaw li s-sehem mis-suq tal-industrija tal-Unjoni, li kien aktar minn 85 % fil-perjodu ta’ investigazzjoni ma kienx indikatur dannuż. Dawn il-partijiet irreferew għal Sentenza tal-Qorti tal-Ġustizzja tal-Unjoni Ewropea tal-4 ta’ Frar 2021 fil-Kawża C-324/19, Eurocylinder Systems AG li huma sostnew kienet timplika li d-dannu ma setax jeżisti b’tali sehem mis-suq. Haomei Group ikkummenta wkoll dwar dan il-punt, fejn sostna li, skont diversi kawżi tal-Qorti, is-sehem mis-suq ta’ 85 % jimpedixxi d-determinazzjoni tad-dannu. Madankollu, il-Kawża C-324/19 kienet tikkonċerna t-theddida ta’ ħsara u l-evalwazzjoni tal-fatturi li jiddeterminawha. F’dan il-każ, ta’ min ifakkar li d-determinazzjoni tad-dannu tirrigwarda prinċipalment l-effetti tal-prezzijiet, kif spjegat fil-premessa (252), fatt li ma jinbidilx mill-bidliet limitati ħafna fl-ishma tas-suq, li fi kwalunkwe każ naqsu bi 3 % għall-industrija tal-Unjoni matul il-perjodu kkunsidrat. Għaldaqstant, din l-affermazzjoni ġiet irrifjutata.

(281)

Wara r-rivelazzjoni finali addizzjonali Airoldi kkummentat li l-produzzjoni tal-industrija tal-Unjoni kienet żdiedet u li s-sehem tagħha relattiv għall-konsum kien żdied ukoll. Airoldi sostniet li dan wera nuqqas ta’ ħsara. L-argumenti fil-premessa preċedenti huma mfakkra. Barra minn hekk, kif spjegat fil-premessa (242) tar-Regolament proviżorju, għalkemm il-produzzjoni tal-Unjoni żdiedet bi 2 % matul il-perjodu kkunsidrat, l-industrija tal-Unjoni tilfet sehem b’mod relattiv għall-konsum. Għaldaqstant din it-talba ma ntlaqatx.

(282)

Wara r-rivelazzjoni finali addizzjonali, Airoldi tenniet id-dikjarazzjonijiet tagħha msemmija fil-premessi (235) u (236) mingħajr ma pprovdiet l-ebda evidenza addizzjonali, li għalhekk ġew miċħuda għar-raġunijiet sostantivi msemmija fil-premessi msemmija qabel.

(283)

Wara r-rivelazzjoni finali Airoldi kkummentat ukoll dwar il-fatt li l-LME jinsab barra mill-Unjoni, u ma għandux jintuża bħala sors ta’ referenza għall-prezzijiet tal-aluminju. Japplikaw l-istess argumenti bħal fil-premessa (232) u d-dikjarazzjoni mhijiex aċċettata.

(284)

Għalhekk, abbażi tal-informazzjoni fil-fajl fuq il-bażi tal-EU27, il-Kummissjoni kkonkludiet li l-industrija tal-Unjoni ġarrbet dannu materjali skont it-tifsira tal-Artikolu 3(5) tar-Regolament bażiku.

(285)

L-effett tal-importazzjonijiet li huma l-oġġett ta’ dumping ġie deskritt fit-Taqsima 5.1 tar-Regolament proviżorju. Diversi partijiet interessati sostnew li d-dannu ma setax jiġi attribwit lill-importazzjonijiet li huma l-oġġett ta’ dumping mill-pajjiż ikkonċernat u li fatturi oħra kienu qed jattenwaw ir-rabta kawżali. Xi wħud mill-asserzjonijiet kienu sempliċiment tennija tal-pretensjonijiet diġà diskussi fir-Regolament proviżorju mingħajr ebda element ġdid. Il-kummenti li ma tqajmux qabel huma analizzati hawn taħt flimkien ma’ valutazzjoni ta’ data addizzjonali miġbura wara r-rivelazzjoni proviżorja, fejn xieraq.

(286)

Bħala riżultat tar-reviżjoni tal-importazzjonijiet mill-pajjiż ikkonċernat deskritta fil-premessi (202) sa (216), il-konsum u s-sehem mis-suq tal-industrija tal-Unjoni u l-importazzjonijiet mill-pajjiż ikkonċernat ġew riveduti. Is-sehem mis-suq Ċiniż żdied minn 4,4 % għal 6,2 % (minflok minn 6,9 % għal 9,6 % kif jidher fit-Tabella 2 tar-Regolament proviżorju) filwaqt li s-sehem mis-suq tal-industrija tal-Unjoni fis-suq ħieles naqas minn 87,6 % għal 84,4 % (minflok 85,1 % għal 81,1 % kif jidher fit-Tabella 5 tar-Regolament proviżorju). Konsegwentement, dawn it-Tabelli tar-Regolament proviżorju ġew emendati kif xieraq. L-impatt ta’ tali bidliet kellu ftit jew l-ebda impatt f’termini tax-xejriet jew tal-livell sinifikanti tal-importazzjonijiet, peress li wara r-reviżjoni, inter alia, il-volum tal-importazzjonijiet mill-pajjiż ikkonċernat fil-fatt żdied 49 % (minflok 48 %), u x-xejra tas-sehem mis-suq tiegħu tiżdied minn 41 % (minflok 39 %). Għalhekk, iċ-ċifri riveduti tal-importazzjonijiet u tas-sehem mis-suq ma affettwawx b’mod materjali l-analiżi tal-kawżalità deskritta fil-premessi (276) sa (283) tar-Regolament proviżorju.

(287)

Ċerti importaturi ddikjaraw li parti żgħira biss mill-esportazzjonijiet Ċiniżi madwar id-dinja nbiegħu lis-suq tal-Unjoni (13 % biss) u li l-importazzjonijiet Ċiniżi kienu faċilment assorbiti fis-suq tal-Unjoni mingħajr ma kkawżaw ħsara. Madankollu, dan il-kumment iffoka fuq ċerti kwistjonijiet ta’ volum, u injora l-fatt li l-aktar parti importanti tad-dannu mġarrab mill-industrija tal-Unjoni kienet relatata mal-prezz, minħabba l-pressjoni sinifikanti fuq il-prezzijiet eżerċitata minn dawn l-importazzjonijiet bi prezz baxx li waqqgħu l-prezzijiet tal-industrija tal-Unjoni b’aktar minn 25 %. Dawn l-importaturi sostnew ukoll li l-importazzjonijiet Ċiniżi kibru biss għad-detriment tal-importazzjonijiet minn pajjiżi terzi. Dan l-argument huwa fattwalment żbaljat, kif muri fit-Tabella 6 hawn taħt. Barra minn hekk, l-informazzjoni fit-Tabella 4 turi biċ-ċar li l-industrija tal-Unjoni sofriet ukoll dannu fil-volum u tilfet sehem mis-suq matul il-perjodu kkunsidrat minħabba l-importazzjonijiet li huma l-oġġett ta’ dumping mill-pajjiż ikkonċernat. Għalhekk, dawn l-asserzjonijiet ġew miċħuda.

(288)

Wara r-rivelazzjoni finali, Haomei Group ikkontesta d-dannu mġarrab mill-industrija tal-Unjoni fuq il-bażi li l-importazzjonijiet mis-sorsi kollha ma kinux żdiedu matul il-perjodu mill-2017 sal-2020. Madankollu, ta’ min ifakkar li l-valutazzjoni tal-Kummissjoni tal-ħsara hija bbażata ħafna fuq il-prezzijiet. Barra minn hekk, din l-investigazzjoni wriet li s-sehem mis-suq tal-industrija tal-Unjoni naqas matul il-perjodu kkunsidrat (2016–2019). Matul l-istess perjodu l-importazzjonijiet miċ-Ċina żdiedu kemm f’termini assoluti kif ukoll fir-rigward tas-sehem mis-suq. Meta wieħed iqis dawn il-kwistjonijiet, u l-fatt li l-valutazzjoni tal-volumi ta’ Haomei kopriet l-importazzjonijiet kollha, u ma kinitx ristretta għall-perjodu kkunsidrat, il-Kummissjoni tiċħad l-argument li sar.

(289)

L-importazzjonijiet minn pajjiżi terzi żviluppaw kif ġej matul il-perjodu kkunsidrat.

Tabella 6

Importazzjonijiet minn pajjiżi terzi

(290)

Il-volumi tal-importazzjoni ta’ pajjiżi terzi nbidlu kemxejn minħabba r-reviżjonijiet statistiċi msemmija qabel. Is-sehem mis-suq ta’ dawn l-importazzjonijiet kien affettwat ukoll b’riżultat tar-reviżjoni għall-importazzjonijiet mill-pajjiż ikkonċernat deskritta fil-premessi (202) sa (213). Madankollu, dawn il-bidliet kienu żgħar u kellhom saħansitra inqas impatt f’termini ta’ xejra. Is-sehem mis-suq tal-pajjiż terz wara r-reviżjoni żdied minn 8,0 % għal 9,4 % (minflok minn 8,0 % għal 9,3 % fit-Tabella 11 tar-Regolament proviżorju). Għalhekk, dawn il-bidliet minuri għaċ-ċifri tal-importazzjonijiet u tas-sehem mis-suq ta’ pajjiżi terzi ma affettwawx materjalment l-analiżi tal-kawżalità deskritta fil-premessi (284) sa (288) tar-Regolament proviżorju.

(291)

Carl Prinz ikkummentat dwar il-premessa (286) tar-Regolament proviżorju li tgħid li fl-esperjenza tagħha tal-prezzijiet fl-2020, il-prezzijiet mit-Turkija ma kinux ogħla b’mod sinifikanti meta mqabbla mal-pajjiż ikkonċernat. Madankollu, din l-informazzjoni kienet relatata mal-informazzjoni sussegwenti għall-perjodu ta’ investigazzjoni, u ma ngħatat l-ebda informazzjoni dwar il-perjodu ta’ investigazzjoni. Barra minn hekk, ma tressqet l-ebda evidenza li turi li l-analiżi fil-premessa (286) tar-Regolament proviżorju kienet skorretta.

(292)

Filwaqt li tqis id-data riveduta murija fit-Tabella 6 u wara li analizzat il-kummenti riċevuti relatati mal-premessi (284) sa (287) tar-Regolament proviżorju, il-Kummissjoni tikkonferma l-konklużjoni tal-impatt tal-importazzjonijiet minn pajjiżi terzi fil-premessa (288) tar-Regolament proviżorju.

(293)

Kif innutat fil-premessa (203), anki kieku l-volumi taħt il-Kodiċi NM 7610 90 90 kienu totalment esklużi mill-analiżi, il-volumi ta’ importazzjoni minn pajjiżi terzi ma jinbidlux u jkun hemm biss bidliet minimi fl-ishma tagħhom mis-suq. Il-konklużjoni dwar il-kawżalità mill-importazzjonijiet minn pajjiżi terzi fir-Regolament proviżorju mhijiex affettwata u għalhekk hi kkonfermata.

(294)

Wara r-rivelazzjoni finali, Airoldi kkummentat li l-premessa preċedenti ddefiniet il-loġika. Madankollu, ma kienx ċar għaliex Airoldi kienet waslet għal din il-konklużjoni. Il-valutazzjoni tal-Kummissjoni li l-impatt tal-importazzjonijiet minn pajjiżi terzi jkompli jkun ta’ ħsara jekk l-importazzjonijiet taħt il-kodiċi NM inkwistjoni ma jitqisux hija valida. Dan għaliex il-volum assolut tal-importazzjonijiet minn pajjiżi terzi ma jkunx affettwat u s-sehem mis-suq tagħhom jinbidel biss marġinalment. Għalhekk il-Kummissjoni tikkonferma l-analiżi tagħha.

(295)

Iċ-ċifri riveduti relatati mal-konsum fil-premessi (226) sa (228) ma kellhomx impatt materjali fuq il-konklużjoni milħuqa fil-premessa (294) tar-Regolament proviżorju. Kif innutat fil-premessa (203), anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-konsum fis-suq ħieles kien ikun f’livelli simili ħafna u kien jiżdied b’6 %. Il-konklużjoni fil-premessa (294) tar-Regolament Proviżorju hija għalhekk ikkonfermata. Fil-kummenti tagħha wara r-rivelazzjoni finali, Airoldi sostniet li r-raġunament ta’ din il-premessa “jdgħajjef kwalunkwe loġika” peress li jistrieħ b’mod mhux ġustifikat fuq l-importanza f’termini kwantitattivi tal-importazzjonijiet ta’ prodotti klassifikabbli f’tali kodiċi. Fir-rigward ta’ dan il-kumment, il-Kummissjoni tinnota li r-raġunament ta’ hawn fuq jenfasizza (għall-kuntrarju) li anki jekk wieħed ma jiddependix fuq il-prodotti importati taħt dan il-kodiċi (li mhuwiex il-metodu xieraq peress li dan il-kodiċi jinkludi wkoll proporzjon sinifikanti tal-prodott ikkonċernat), is-sejbiet tad-dannu ma jiġux affettwati.

(296)

Airoldi għamlet ukoll dikjarazzjoni li l-kostijiet għoljin tal-investiment irrapportati fit-Tabella 10 tar-Regolament proviżorju kkawżaw dannu lill-industrija tal-Unjoni. Il-konklużjoni tal-Kummissjoni dwar l-investimenti kienet li dawn kienu meħtieġa f’livelli dejjem jiżdiedu biex jibqgħu rilevanti fis-suq. L-investimenti kienu meħtieġa biex tiżdied l-effiċjenza u tingħata aktar attenzjoni lill-klijent fid-dawl tad-domanda tas-suq għal aktar soluzzjonijiet ta’ valur miżjud. Il-premessi (332) sa (340) tar-Regolament proviżorju ddiskutew kemm huma importanti livelli għoljin ta’ investiment għall-futur tal-industrija tal-Unjoni. Il-Kummissjoni ċaħdet l-asserzjoni bħala żgwidata u mhux issostanzjata.

(297)

Il-GTĊ irrefera għar-rapport ta’ Reuters ta’ Jannar 2014 li l-liġijiet tax-xogħol u dawk ambjentali fl-Unjoni kif ukoll il-kostijiet għoljin tal-enerġija jagħmlu l-produzzjoni ta’ metalli mhux maħduma, bħall-aluminju fl-Unjoni kważi mhux profittabbli. Madankollu, din l-asserzjoni kienet relatata mal-produzzjoni tal-aluminju bħala materja prima. L-asserzjoni ma setgħetx tiġi aċċettata, meta wieħed iżomm f’moħħu li dan ir-rapport ma għandux x’jaqsam mal-industrija tal-Unjoni li hija industrija downstream, u ma tqisx l-iżviluppi fl-industrija tal-aluminju tal-Unjoni fil-perjodu kkunsidrat.

(298)

Airoldi sostniet li l-prestazzjoni tal-bejgħ tal-industrija tal-Unjoni kienet affettwata minn deċiżjoni tan-negozju biex jitwaqqaf il-bejgħ lid-distributuri. Madankollu, kien ċar mid-data miġbura fit-tweġibiet għall-kwestjonarju tal-industrija tal-Unjoni inkluża fil-kampjun li b’mod ġenerali huma ma waqqfux il-bejgħ lid-distributuri. Fil-fatt, il-Kummissjoni sabet li l-bejgħ tal-Unjoni lid-distributuri kien naqas minħabba l-pressjoni fuq il-prezzijiet minn importazzjonijiet Ċiniżi li huma l-oġġett ta’ dumping. Barra minn hekk, it-tweġiba għall-kwestjonarju ta’ Airoldi li taġixxi bħala importatur u distributur uriet li xtrat kwantitajiet sinifikanti mill-industrija tal-Unjoni. Għalhekk, din l-asserzjoni ġiet miċħuda.

(299)

Ir-reviżjoni tal-volumi tal-importazzjonijiet mill-pajjiż ikkonċernat fissret li l-konklużjoni dwar il-kawżalità kellha tiġi vvalutata mill-ġdid fl-istadju definittiv tal-investigazzjoni. Il-volumi tal-importazzjonijiet u l-ishma mis-suq riveduti fis-suq tal-Unjoni deskritti hawn fuq ma kellhom l-ebda impatt materjali fuq l-analiżi tal-kawżalità u kellhom impatt saħansitra iżgħar meta ġew eżaminati x-xejriet. L-istess japplika jekk il-Kodiċi NM 7610 90 90 jiġi eskluż għalkollox.

(300)

Fil-premessi (280) sa (282) tar-Regolament proviżorju, il-Kummissjoni spjegat kif l-importazzjonijiet Ċiniżi, li kellhom sehem mis-suq ħafna iżgħar mill-industrija tal-Unjoni, mhux biss ippenetraw is-suq tal-Unjoni, żiedu s-sehem tagħhom mis-suq b’mod stabbli biex jikkawżaw dannu fil-volum iżda, b’mod aktar serju rażżnu l-prezzijiet tas-suq u kkawżaw lill-industrija tal-Unjoni tagħmel livelli ta’ profitt imnaqqsa u inadegwati matul il-perjodu kkunsidrat. Dawn il-premessi jibqgħu validi fil-livelli tal-importazzjonijiet Ċiniżi kemm f’termini assoluti kif ukoll f’termini relattivi murija fit-Tabella 2 hawn fuq, u, arguendo, jekk il-Kodiċi NM 7610 90 90 jiġi eskluż għalkollox.

(301)

Barra minn hekk, l-ebda wieħed mill-kummenti magħmula mill-partijiet interessati ma bidel il-valutazzjoni tal-fatturi li saret fl-istadju proviżorju u ma sar l-ebda kumment validu wara l-impożizzjoni ta’ miżuri proviżorji li setgħu jispjegaw id-dannu materjali lill-industrija tal-Unjoni stabbilit f’din l-investigazzjoni.

(302)

Abbażi ta’ dak li ntqal hawn fuq u fin-nuqqas ta’ xi kummenti oħra, il-Kummissjoni kkonkludiet li l-ebda wieħed mill-fatturi l-oħra eżaminati fl-istadju proviżorju kif ukoll fl-istadju definittiv ma kien kapaċi jkollu xi impatt rilevanti fuq is-sitwazzjoni dannuża tal-industrija tal-Unjoni. Barra minn hekk, l-ebda fattur, analizzat individwalment jew b’mod kollettiv, ma dgħajjef ir-rabta kawżali bejn l-importazzjonijiet li huma l-oġġett ta’ dumping u d-dannu mġarrab mill-industrija tal-Unjoni fis-sens li tali rabta ma tkunx għadha ġenwina u sostanzjali, li jikkonferma l-konklużjoni fil-premessi (302) u (303) tar-Regolament proviżorju.

(303)

B’riżultat tar-reviżjonijiet imsemmija hawn fuq, il-konsum u s-sehem mis-suq tal-industrija tal-Unjoni u l-importazzjonijiet mill-pajjiż ikkonċernat ġew riveduti. Is-sehem mis-suq Ċiniż żdied minn 3,4 għal 5 % filwaqt li s-sehem mis-suq tal-industrija tal-Unjoni fis-suq ħieles naqas minn 88,4 % għal 85,4 % matul il-perjodu kkunsidrat. Il-bidliet mill-analiżi tal-EU28 għall-EU27 kellhom ftit jew l-ebda impatt f’termini tax-xejriet jew tal-livell sinifikanti tal-importazzjonijiet, peress li wara r-reviżjoni, inter alia, il-volum tal-importazzjonijiet mill-pajjiż ikkonċernat fil-fatt żdied b’56 % u x-xejra tas-sehem mis-suq tiegħu żdiedet bi 48 %. Għalhekk, iċ-ċifri riveduti tal-importazzjoni u tas-sehem mis-suq ma affettwawx materjalment l-analiżi tal-attribuzzjoni divulgata preċedentement.

(304)

L-importazzjonijiet minn pajjiżi terzi żviluppaw kif ġej matul il-perjodu kkunsidrat.

Tabella 6bis

Importazzjonijiet minn pajjiżi terzi lejn l-EU27

(305)

Il-volumi tal-importazzjoni ta’ pajjiżi terzi nbidlu kemxejn minħabba r-reviżjonijiet imsemmija qabel. Is-sehem mis-suq ta’ dawn l-importazzjonijiet kien affettwat ukoll b’riżultat ta’ dan. Madankollu, dawn il-bidliet kienu żgħar u kellhom saħansitra inqas impatt f’termini ta’ xejra. Is-sehem mis-suq tal-pajjiżi terzi wara r-reviżjoni żdied minn 8,2 għal 9,6 %. Dawn il-bidliet minuri ma jaffettwawx materjalment l-analiżi tal-kawżalità kif rivelata qabel.

(306)

Anki kieku l-volumi taħt il-Kodiċi NM 7610 90 90 kienu totalment esklużi mill-analiżi, il-volumi ta’ importazzjoni minn pajjiżi terzi ma jinbidlux u jkun hemm biss bidliet minimi fl-ishma tagħhom mis-suq. Il-konklużjoni dwar il-kawżalità mill-importazzjonijiet minn pajjiżi terzi mhijiex affettwata u għalhekk ikkonfermata.

(307)

Wara r-rivelazzjoni finali addizzjonali, Haomei Group ikkummenta li s-sehem mis-suq tal-importazzjonijiet miċ-Ċina sempliċiment żdied għad-detriment tal-importazzjonijiet minn pajjiżi terzi, minflok ma kellu impatt fuq is-sehem mis-suq tal-industrija tal-Unjoni. Madankollu, din id-dikjarazzjoni hija fattwalment skorretta, u ma setgħetx tiġi aċċettata, meta wieħed iżomm f’moħħu li s-sehem mis-suq tal-industrija tal-Unjoni naqas bi 3 % kif muri fit-Tabella 5bis.

(308)

Wara r-rivelazzjoni finali addizzjonali, Haomei Group u Airoldi kkummentaw li s-sehem mis-suq Ċiniż u l-volumi ta’ importazzjoni kienu naqsu fuq il-bażi tal-EU27 sal-punt li s-sitwazzjoni ma setgħetx tkun dannuża għall-industrija tal-Unjoni u li, min-naħa l-oħra s-sehem mis-suq tal-industrija tal-Unjoni baqa’ fuq il-85 % fil-PI. Saret referenza għall-premessi (201) u (280) u għat-Tabella 5bis hawn fuq. Barra minn hekk, il-fatt li, il-volumi tal-importazzjoni f’termini assoluti huma aktar baxxi f’din id-determinazzjoni finali milli stmat fl-ilment u fl-istadju proviżorju, jirrifletti n-natura stess tal-investigazzjonijiet għad-difiża tal-kummerċ, li hekk kif javvanzaw jirfinaw l-analiżi tagħhom hekk kif l-informazzjoni mill-partijiet tinġabar, tiġi pproċessata u vverifikata progressivament. Tabilħaqq, dan ta’ hawn fuq ma għandu l-ebda impatt fuq ir-rata ta’ tkabbir tal-importazzjonijiet, li tibqa’ sinifikanti. Tabilħaqq, ta’ min ifakkar li s-sehem mis-suq tal-importazzjonijiet Ċiniżi kien żdied bi 48 % matul il-perjodu kkunsidrat u t-tnaqqis żgħir fis-sehem mis-suq Ċiniż ma għandux impatt materjali fuq id-dannu misjub, mhux l-inqas fid-dawl tal-elementi tad-dannu fil-prezz imsemmija fil-premessa (253). Għaldaqstant, din l-affermazzjoni ġiet irrifjutata.

(309)

Barra minn hekk, wara r-rivelazzjoni finali addizzjonali, Haomei Group ikkummenta, bl-użu ta’ data estratta mir-Rapporti Annwali Konsolidati tal-Grupp Hydro, li s-sehem mis-suq tal-Grupp Hydro kien żdied. Madankollu, is-sehem mis-suq tal-produtturi tal-Unjoni naqas matul il-perjodu kkunsidrat kif muri fit-Tabella 5bis hawn fuq. Is-sehem mis-suq ta’ produtturi individwali tal-Unjoni jew ta’ gruppi ta’ produtturi mhuwiex kwistjoni rilevanti għal din l-analiżi tal-kawżalità. Għaldaqstant, dan il-punt ġie rifjutat.

(310)

Iċ-ċifri riveduti relatati mal-konsum ma kellhom l-ebda impatt materjali fuq il-konklużjoni żvelata qabel. Anki jekk il-volumi taħt il-Kodiċi NM 7610 90 90 kienu totalment esklużi mill-analiżi, il-konsum fis-suq ħieles kien ikun f’livelli simili ħafna u kien jiżdied. Il-konklużjonijiet żvelati qabel huma għalhekk ikkonfermati.

(311)

Peress li l-aspetti l-oħra kollha żvelati preċedentement huma applikabbli bl-istess mod fil-kuntest tal-EU27, il-konklużjonijiet dwar il-kawżalità kif rivelati preċedentement huma kkonfermati.

(312)

Il-kontroverifiki remoti addizzjonali msemmija fil-premessa (13) ipprovdew opportunità utli biex ikomplu jiġu eżaminati l-kwistjonijiet rilevanti tal-interess tal-Unjoni.

(313)

Erba’ fornituri tal-aluminju fl-Unjoni wrew l-appoġġ tagħhom għall-impożizzjoni tal-miżuri. Dawn il-kummenti kienu appoġġati minn European Aluminium, li indikat li kważi 30 % tal-output ta’ dawn il-fornituri nbiegħ lill-industrija tal-Unjoni għall-użu fil-manifattura tal-prodott li qed jiġi investigat. Għalhekk, kien evidenti li l-eżitu tal-investigazzjoni se jkollu impatt pożittiv ukoll fuq il-katina kollha tal-valur tal-aluminju fl-Unjoni.

(314)

Barra minn hekk, skont studju tal-OECD (36), il-produtturi tal-aluminju fl-Unjoni jużaw aktar materja prima riċiklata u metodi ta’ produzzjoni aktar sostenibbli minn dawk Ċiniżi. B’mod partikolari, filwaqt li l-Ewropa hija waħda minn ta’ quddiem nett fir-riċiklaġġ tal-aluminju, b’sehem għoli ta’ materjal riċiklat, iċ-Ċina tiddependi prinċipalment fuq il-produzzjoni tal-aluminju primarju, li hija attività intensiva ħafna fl-enerġija. Għal din ir-raġuni, ir-rekord ambjentali tal-produtturi Ewropej jippermetti lill-Unjoni timxi b’mod aktar deċiżiv lejn l-għan ta’ ekonomija nadifa u ċirkolari, kif indikat fil-Komunikazzjoni tal-Kummissjoni dwar Patt Ekoloġiku Ewropew (37).

(315)

Wara r-rivelazzjoni finali O. Wilms ikkontestat ir-rilevanza tal-kwistjoni tar-riċiklaġġ imsemmija hawn fuq għal din l-investigazzjoni. Madankollu, il-Kummissjoni tqis li r-riċiklaġġ tal-aluminju huwa rilevanti għall-Patt Ekoloġiku Ewropew.

(316)

Wara r-rivelazzjoni finali Alstom u UNIFE kkummentaw li l-industrija tal-Unjoni mhux se tibbenefika mill-miżuri (imposti fuq l-industrija tat-trasport ferrovjarju) minħabba li dawn l-importazzjonijiet huma biss parti żgħira tal-prodott ikkonċernat (stmat mill-UNIFE għal madwar 1,3 %). Madankollu, il-Kummissjoni tqis li meta wieħed iżomm f’moħħu li xi produtturi tal-Unjoni jbigħu kwantitajiet sinifikanti f’dan is-settur li tali produtturi tabilħaqq jibbenefikaw mill-impożizzjoni ta’ miżuri, mhux l-inqas billi fin-nuqqas ta’ kummerċ inġust x’aktarx li jespandu l-bejgħ tagħhom għal dan is-settur.

(317)

Fin-nuqqas ta’ kummenti oħra rigward l-interess tal-industrija tal-Unjoni, il-konklużjonijiet stabbiliti fil-premessi minn (305) sa (309) tar-Regolament proviżorju huma kkonfermati.

(318)

Qed issir referenza għall-premessa (9) fejn wara r-rivelazzjoni proviżorja żewġ importaturi ppreżentaw ruħhom biex jagħmlu l-kummenti tagħhom. Fir-Regolament proviżorju, ġie indikat li l-importaturi mhux relatati li ppreżentaw formola tal-kampjunar sabiex jikkooperaw mal-investigazzjoni rrappreżentaw madwar 2 % tal-importazzjonijiet miċ-Ċina. Wara r-Regolament proviżorju, żewġ importaturi oħra ppreżentaw ruħhom, meta l-eżerċizzju tal-kampjunar kien diġà magħluq, mingħajr ma bagħtu tweġiba għall-kwestjonarju. Bħala riżultat tal-livell ikkoreġut tal-importazzjonijiet miċ-Ċina msemmi fil-premessa (208), il-perċentwal tal-importazzjonijiet irrappreżentat mill-importaturi mhux relatati li ssottomettew il-volumi tal-importazzjonijiet fil-formola tal-kampjunar huwa ta’ 3,6 %.

(319)

Importatur wieħed, Airoldi, sostna li kien hemm differenza bejn produtturi ta’ ligi ibsin u dawk rotob fl-Unjoni, u li fil-parti tal-ligi ibsin tas-suq ikun hemm riskju ta’ skarsezza u ta’ prezzijiet għoljin, kif muri miż-żmien itwal ta’ stennija għax-xiri fis-suq tal-Unjoni. European Aluminium enfasizzat li l-industrija tal-Unjoni kienet impenjata lejn is-suq tal-ligi ibsin, u identifikat diversi produtturi li investew ħafna fil-produzzjoni tal-ligi ibsin, billi jingħata l-eżempju tal-preses tal-estrużjoni installati reċentement minn erba’ produtturi tal-Unjoni. European Aluminium innotat ukoll li, anke mingħajr dawn l-għażliet ta’ provvista żejda, kien hemm kompetizzjoni ħarxa bejn il-produtturi tal-UE u kapaċità disponibbli liberament suffiċjenti.

(320)

Il-Kummissjoni eżaminat il-kwistjoni tal-ligi ibsin u dawk rotob, li d-distinzjoni tagħhom hija simplifikazzjoni kummerċjali bbażata l-aktar fuq il-kompożizzjoni kimika tal-liga tal-aluminju. L-investigazzjoni wriet li diversi produtturi tal-Unjoni jipproduċu ż-żewġ tipi ta’ ligi. It-tieni, l-evalwazzjoni tal-eżempji taż-żmien ta’ stennija pprovduti mill-kumpanija importatriċi tista’ tirrifletti ċ-ċirkostanzi partikolari tan-negozju u n-negozjati bejn il-partijiet u ma indikatx xejra konsistenti ta’ żmien ta’ stennija li joħolqu tfixkil fil-konfront tal-miżuri. Filwaqt li huwa possibbli li għal xi prodotti aktar sofistikati d-disponibbiltà tal-produtturi u l-prodotti tkun aktar baxxa milli għal estrużjonijiet aktar standard, madankollu, huwa meqjus li t-tfixkil potenzjali jkun biss temporanju u l-eżistenza tal-miżuri tagħti lill-produtturi tal-Unjoni l-opportunità li jinvestu biex jissodisfaw id-domanda, mingħajr ir-riskju li jiġu kompromessi b’importazzjonijiet bi prezz baxx inġust.

(321)

L-istess importatur argumenta wkoll li l-eżistenza ta’ kwoti tariffarji awtonomi (38) u s-sospensjonijiet tariffarji (39) għal xi prodotti limitati tikkostitwixxi evidenza ta’ nuqqas ta’ provvista ta’ dawn il-prodotti fis-suq Ewropew. F’dan ir-rigward, l-għoti ta’ dawn is-sospensjonijiet tariffarji ma jidhirx li huwa l-konsegwenza ta’ nuqqas ta’ provvista iżda pjuttost ir-riżultat ta’ proċess li fih European Aluminium ma kenitx tieħu sehem. Tabilħaqq, matul il-perjodu ta’ investigazzjoni l-volum totali tal-importazzjonijiet mill-pajjiż ikkonċernat taħt is-sospensjonijiet u l-kwoti tariffarji eżistenti kien jammonta biss għal madwar 1 % tal-importazzjonijiet tal-prodott ikkonċernat, u għal anqas minn 0,1 % tal-konsum. Għalhekk, ir-rilevanza tal-prodotti li jibbenefikaw minn dawn il-miżuri, meta mqabbla mal-interess ġenerali tan-negozji fl-Unjoni, hija minima. Barra minn hekk, l-għadd ta’ produtturi Ewropej (aktar minn 200) u l-kapaċità mhux użata disponibbli tal-industrija tal-Unjoni (madwar terz tal-kapaċità installata), jindikaw li wara li jitneħħa mis-suq l-impatt tal-prezzijiet inġustament baxxi, il-produtturi tal-Unjoni jkollhom l-inċentiv li jaqdu lil dawn l-applikazzjonijiet speċjalizzati.

(322)

L-istess importatur sostna wkoll li l-Kummissjoni ma kinitx intitolata twettaq test “negattiv” tal-interess tal-Unjoni u tikkonkludi, bħal fil-premessa (329) tar-Regolament proviżorju, li ma kien hemm l-ebda raġuni konvinċenti biex jiġi deċiż li ma kienx fl-interess tal-Unjoni li jiġu imposti miżuri proviżorji fuq l-importazzjonijiet tal-prodott ikkonċernat. Barra minn hekk, l-istess parti sostniet li l-Kummissjoni ma qisitx kif xieraq li l-kumpanija importatriċi introduċiet il-prodott ikkonċernat fis-suq tal-Unjoni, għall-kuntrarju tal-importaturi li jbigħu l-prodotti rilevanti lil pajjiżi terzi, u naqset milli tibbilanċja dan l-interess fil-konfront ta’ partijiet Ewropej oħra. Fir-rigward ta’ dan l-argument, l-investigazzjoni ma wriet l-ebda evidenza ta’ importaturi li jesportaw ulterjorment mill-ġdid il-prodott ikkonċernat lejn pajjiżi terzi. Barra minn hekk, it-test tal-interess tal-Unjoni skont l-Artikolu 21(1) tar-Regolament bażiku huwa b’mod inerenti test negattiv, u li f’dan il-każ l-interessi rilevanti kollha fl-Unjoni ġew ikkunsidrati fit-twettiq ta’ tali test.

(323)

Rigward l-impatt tal-miżuri fuq l-importaturi, il-kontroverifika remota msemmija fil-premessa (13) ikkonfermat id-determinazzjonijiet proviżorji. Kumpanija importatriċi waħda sostniet li qatt ma rrapportat il-marġni ta’ profitt imsemmi fil-premessa (317) tar-Regolament proviżorju, li t-trasferiment tad-dazju lill-utenti jkun ta’ detriment għall-interess tal-utenti u li l-bidu tal-investigazzjoni min-naħa tal-ilmentaturi kkostitwixxa abbuż tad-drittijiet bil-għan li tissaħħaħ oligopolija fis-suq. Fir-rigward tal-marġni tal-profitt, l-investigazzjoni kkonfermat li l-marġni tal-profitt imsemmi fil-premessa (317) tar-Regolament proviżorju kien dak xieraq meta jitqies il-bejgħ mill-ġdid tal-prodott ikkonċernat fl-Unjoni. Barra minn hekk, filwaqt li l-interess tal-utenti huwa kkunsidrat fit-taqsima rilevanti tar-Regolament preżenti, kif diġà ġie asserit fil-premessa (316) tar-Regolament proviżorju, ma ġiet ipprovduta l-ebda evidenza li turi l-eżistenza ta’ oligopolji abbużivi u lanqas ta’ mġiba antikompetittiva. Barra minn hekk, ma għadha għaddejja l-ebda investigazzjoni rilevanti. Fi kwalunkwe każ, l-għadd ta’ seba’ fornituri għal ċerti prodotti ma huwiex partikolarment baxx f’dawn iċ-ċirkostanzi, speċjalment meta wieħed iżomm f’moħħu li xi produtturi kienu kbar u kellhom kapaċità żejda.

(324)

Wara l-impożizzjoni tal-miżuri proviżorji, bosta importaturi mhux relatati ppreżentaw ruħhom u nstemgħu individwalment u/jew ingħataw seduta ta’ smigħ konġunta. Fil-qafas ta’ dawn is-seduti ta’ smigħ, l-argumenti mqajma kienu n-nuqqas ta’ provvista suffiċjenti fis-suq tal-Unjoni, speċjalment ta’ prodotti ta’ ligi ibsin, kif ukoll il-livell għoli tar-rati tad-dazju proviżorju, li jagħmel l-importazzjonijiet mhux aktar vijabbli kummerċjalment. Kif spjegat fil-premessa (321), l-argument dwar provvista insuffiċjenti ma jistax jiġi aċċettat. Fir-rigward tal-livelli tal-prezzijiet qabel l-impożizzjoni tal-miżuri, il-prezzijiet inġustament baxxi pprattikati mill-produtturi esportaturi Ċiniżi ħolqu possibbiltà abbundanti ta’ bejgħ mill-ġdid għall-importaturi, kif juru l-marġnijiet ta’ profitt għoli tal-importaturi inklużi fil-kampjun, li jaqbżu b’mod sinifikanti l-marġnijiet ta’ profitt miksuba mill-industrija tal-Unjoni. Madankollu, billi l-investigazzjoni sabet li dawn il-prezzijiet huma r-riżultat ta’ prattiki inġusti ta’ dumping, l-aċċess għall-prodotti b’dawn il-prezzijiet ma jistax jitqies bħala sitwazzjoni normali tas-suq.

(325)

Kumpanija importatriċi oħra, O. Wilms GmbH, asserixxat li l-impożizzjoni tal-miżuri fuq prodott li huwa importa jkollha impatt sinifikanti fuq il-klijent tagħhom, li huwa l-utent tal-prodott, minħabba n-nuqqas ta’ fornituri alternattivi fl-Unjoni. Il-kumpanija importatriċi sostniet li l-impożizzjoni tal-miżuri tirriskja li tikkawża r-rilokazzjoni tal-proċess imwettaq mill-klijent tagħhom barra mill-Unjoni, bl-impatt negattiv konsegwenti fuq l-ekonomija u l-impjiegi. Fir-rigward ta’ dan, l-argument ma kienx sar mill-utent tal-prodott li jipproduċi l-prodott downstream, iżda mill-importaturi li jfornu lill-utent. Bħala tali, il-kredibbiltà tal-asserzjoni li tikkonċerna r-rilokazzjoni ma setgħetx tiġi stabbilita. Barra minn hekk, skont European Aluminium, l-industrija tal-Unjoni tista’ teknikament tforni l-prodotti kollha li jaqgħu fl-ambitu tal-investigazzjoni. Barra minn hekk, billi dan l-utent tal-prodott ikkonċernat la pprovda tweġiba għall-kwestjonarju u lanqas ma kkoopera mal-investigazzjoni, ma kienx possibbli li jiġi evalwat b’mod preċiż l-impatt tal-miżuri fuq in-negozju tiegħu.

(326)

Wara r-rivelazzjoni finali l-importatur O. Wilms u Haomei Group sostnew li l-industrija tal-Unjoni mhux se tibbenefika mill-miżuri minħabba li l-importazzjonijiet minn pajjiżi terzi se jissostitwixxu l-importazzjonijiet miċ-Ċina. Dan l-argument ma setax jiġi aċċettat minħabba li l-miżuri se jneħħu l-pressjoni fuq il-prezzijiet eżerċitata mill-importazzjonijiet Ċiniżi u jippermettu lill-industrija tal-Unjoni żżid il-prezzijiet, tinvesti u tikkompeti f’kundizzjonijiet normali tas-suq.

(327)

Barra minn hekk wara r-rivelazzjoni finali bosta importaturi fakkru li l-importazzjonijiet tagħhom kienu jikkonsistu prinċipalment fi staneg u vireg taħt il-kodiċi NM 7604 29 10 li għalihom hemm ħtieġa fis-suq tal-Unjoni u li l-importazzjonijiet totali mis-sorsi kollha taħt dan il-kodiċi kienu naqsu matul il-perjodu 2017-2019. Il-partijiet fakkru li l-importazzjonijiet miċ-Ċina kienu żdiedu biss sal-punt li kienu ħadu post l-importazzjonijiet mir-Russja u li għalhekk ma kinux dannużi. Il-Kummissjoni tfakkar fil-kummenti preċedenti tagħha rigward dawn il-kwistjonijiet u tinnota wkoll li dan l-argument, li jirrigwarda biss parti mill-perjodu kkunsidrat, jindika li l-importazzjonijiet miċ-Ċina żdiedu. Madankollu, ta’ min ifakkar li l-analiżi tal-Kummissjoni dwar il-ħsara u l-kawżalità twettqet għall-prodott ikkonċernat kollu kemm hu, irrispettivament mill-klassifikazzjoni doganali u analiżi parzjali ta’ kodiċi wieħed, ikunu xi jkunu s-sejbiet potenzjali tagħha, huma deċiżivi fir-rigward tal-analiżi ġenerali.

(328)

L-importaturi tennew ukoll id-dikjarazzjoni tagħhom li l-prezzijiet tal-importazzjonijiet miċ-Ċina taħt il-kodiċi NM 7604 29 10 ma kinux dannużi u kienu ta’ kwalità għolja. Għal darb’oħra, il-Kummissjoni tixtieq tindika li l-paraguni tal-prezzijiet tagħha msemmija fil-premessa (224) koprew il-kampjun sħiħ tal-produtturi esportaturi bl-użu ta’ metodoloġija dettaljata tat-tip u tat-tranżazzjoni skont it-tranżazzjoni għall-perjodu ta’ investigazzjoni. Il-Kummissjoni tikkonferma, għalhekk, li s-sejbiet tagħha dwar kwistjonijiet ta’ prezzijiet huma ċari, rappreżentattivi u preċiżi.

(329)

L-importaturi tennew id-dikjarazzjoni tagħhom li l-miżuri anti-dumping ma kinux meħtieġa minħabba li d-distanza ġeografika taċ-Ċina kienet ostaklu suffiċjenti għall-kummerċ. Fid-dawl tas-sejbiet tal-volum u tad-dannu fil-prezz ta’ din l-investigazzjoni, il-Kummissjoni tfakkar li d-distanza ġeografika la żammet lill-importazzjonijiet Ċiniżi milli jiksbu sehem mis-suq u lanqas milli jbigħu bi prezzijiet li waqqgħu bil-kbir il-prezzijiet tal-industrija tal-Unjoni. B’konsegwenza ta’ dan, huwa biss bl-impożizzjoni ta’ dazji li jistgħu jiġu stabbiliti mill-ġdid kundizzjonijiet ekwi.

(330)

L-importaturi u Haomei Group sostnew li l-impożizzjoni ta’ miżuri provviżorji żiedet iż-żmien ta’ tħejjija għal ċerti tipi ta’ prodotti u, ladarba d-domanda tal-Unjoni tirkupra, dan se jwassal għal problemi ta’ provvista għal ċerti tipi ta’ prodotti li jirriżultaw fi skarsezzi u prezzijiet ogħla. Madankollu, ta’ min ifakkar li l-miżuri anti-dumping huma mfassla biex iżidu l-prezzijiet tal-importazzjoni sabiex jiżguraw li terġa’ tiġi stabbilita l-kompetizzjoni ġusta. Huwa inevitabbli li jseħħ grad ta’ tfixkil fis-suq matul perjodu inizjali. Kif spjegat fil-premessa (320), l-effett ta’ tali tfixkil potenzjali ma jkunx sproporzjonat fid-dawl tal-benefiċċji li għandhom jinkisbu mill-impożizzjoni tal-miżuri.

(331)

Fid-dawl ta’ dawn il-kunsiderazzjonijiet, il-konklużjonijiet imsemmija fil-premessa (317) tar-Regolament proviżorju dwar l-impatt tal-miżuri fuq in-negozju tal-importaturi għandhom jiġu mantenuti.

(332)

Kif imsemmi fil-premessa (318) tar-Regolament proviżorju, il-prodott li qed jiġi investigat ġej minn diversi industriji tal-utenti, prinċipalment il-bini, it-trasport, l-inġinerija u għal diversi applikazzjonijiet oħra.

(333)

Rigward tliet setturi importanti tal-utenti, jiġifieri l-kostruzzjoni, il-karozzi u l-inġinerija, il-Kummissjoni ma rċeviet l-ebda kumment wara l-impożizzjoni tal-miżuri proviżorji.

(334)

Madankollu l-Kummissjoni rċeviet kummenti minn għadd ta’ utenti li jfornu prodotti għal applikazzjonijiet oħra. Dawn il-partijiet enfasizzaw tliet tipi ta’ problemi potenzjali: id-disponibbiltà tal-provvista, iż-żmien twil meħtieġ għall-akkwist tal-prodotti mill-produtturi tal-Unjoni u prezzijiet ogħla. Minbarra l-utent Alstom imsemmi fil-premessa (337), l-ebda parti oħra ma ssottomettiet tweġiba għall-kwestjonarju tal-utenti.

(335)

Xi partijiet sostnew ukoll li, bħala riżultat tal-kostijiet addizzjonali minħabba d-dazji, il-prodott lest li jipproduċu, u li juża l-prodott ikkonċernat bħala input, ibati minn kompetizzjoni addizzjonali minn prodotti lesti importati li diġà jinkludu l-prodott ikkonċernat fil-ħin tal-importazzjoni, u għalhekk ma jġarrbux dazji anti-dumping. Dan jista’ jikkawża effetti negattivi kritiċi għall-attivitajiet tal-kumpaniji.

(336)

Fejn il-Kummissjoni rċeviet data li tagħmilha possibbli li ssir analiżi tal-impatt tad-dazji, din l-analiżi wriet li l-impatt tad-dazji x’aktarx li jkun ġestibbli. Madankollu, minħabba s-sitwazzjonijiet u l-asserzjonijiet differenti ppreżentati mill-partijiet, aktar dettalji dwar kull asserzjoni huma pprovduti fil-paragrafi li ġejjin. Wara r-rivelazzjoni finali, importatur ikkontesta l-użu tal-kelma “ġestibbli” għaliex iqis li l-impatt fuq l-utenti finali u l-klijenti ma jistax jiġi kkwalifikat bħala tali. Madankollu, peress li ma pprovdiex elementi addizzjonali b’appoġġ għal din id-dikjarazzjoni, l-analiżi tal-paragrafi li ġejjin għandha tiġi kkonfermata.

(337)

Fir-rigward tal-industrija tat-trasport ferrovjarju, il-manifattur tal-ferroviji Alstom sostna li xi estrużjonijiet ma jkunux disponibbli biżżejjed fiż-żminijiet meħtieġa jekk jinxtraw mill-produtturi tal-Unjoni, u li fil-passat kien sofra minn rifjuti ta’ forniment. Fil-qafas tas-sottomissjoni tiegħu, Alstom ipprovda siltiet kunfidenzjali ta’ korrispondenza mal-produtturi tal-Unjoni, li fihom dawn il-produtturi allegatament irrifjutaw li jipprovdu ċerti prodotti jew li jissodisfaw ċerti speċifikazzjonijiet, jew li pproponew soluzzjonijiet alternattivi. Madankollu, Alstom indika li mill-anqas produttur wieħed tal-Unjoni huwa kapaċi jforni l-firxa sħiħa ta’ prodotti li jeħtieġ. Għalhekk, fis-sitwazzjoni li diġà teżisti, dan l-utent jista’ jakkwista l-prodotti kollha tiegħu mingħand il-produtturi tal-Unjoni. Fir-rigward taż-żmien twil ta’ stennija potenzjali, il-miżuri jippermettu lill-industrija tal-Unjoni twettaq l-investimenti meħtieġa, ladarba titneħħa l-kompetizzjoni inġusta fl-ipprezzar. Filwaqt li f’xi każijiet ma jistgħux jiġu esklużi żminijiet itwal ta’ stennija, l-investigazzjoni tindika li dan probabbilment ikun limitat għal perjodu inizjali, hekk kif l-utent (jerġa’) jibni r-relazzjoni teknika u kummerċjali meħtieġa mal-industrija tal-Unjoni, u hekk kif din tal-aħħar twettaq aktar investiment.

(338)

L-utent Alstom sostna wkoll li, jekk kellu jġarrab żieda fil-kostijiet bħala riżultat tal-miżuri, l-impatt ekonomiku li jirriżulta minnu jista’ jkun estremament negattiv għall-kompetittività tiegħu fis-suq għar-rolling stocks, b’mod partikolari minħabba l-marġnijiet ta’ profitt żgħar fis-settur ferrovjarju.

(339)

Id-disponibbiltà ta’ prodotti bi prezzijiet inġustament baxxi ma tistax titqies bħala sitwazzjoni normali tas-suq li fuqha wieħed jista’ jibbaża. Barra minn hekk, l-investigazzjoni ddeterminat li, anki jekk Alstom kellha tkompli tixtri l-istess proporzjon tal-prodott ikkonċernat mill-pajjiż ikkonċernat, l-impatt tad-dazji jkun ferm inqas minn 1 % tal-kost tal-produzzjoni tagħha ta’ vetturi ferrovjarji b’karozzerija tal-aluminju u inqas minn 0,1 % tal-fatturat totali tal-kumpanija. Dan la jaffettwa b’mod fundamentali l-profitti tal-kumpanija u lanqas il-kapaċità tagħha li tipparteċipa b’suċċess fl-offerti.

(340)

Bħala konklużjoni, l-analiżi dwar l-impatt possibbli tal-miżuri fuq dan l-utent ippermettiet lill-Kummissjoni tikkonkludi li dan l-impatt ma jkunx sproporzjonat anke fl-aktar xenarju sfavorevoli tant li jkollha titkompla l-importazzjoni tal-prodott ikkonċernat.

(341)

Wara r-rivelazzjoni finali, il-Kummissjoni qieset ukoll il-kummenti minn Alstom rigward l-impatt tal-miżuri fuq l-industrija tat-trasport ferrovjarju u l-Unjoni b’mod ġenerali. Alstom indikat li dawn jistgħu jiffaċċjaw problemi ta’ sigurtà tal-provvista minħabba li l-estrużjonijiet għal chassis tal-karrozzi jeħtieġ li jiġu fornuti minn produttur uniku.

(342)

Barra minn hekk, fis-sottomissjonijiet kunfidenzjali tagħha, Alstom għamlet dikjarazzjonijiet dwar il-fatt li l-possibbiltà ta’ provvista minn produttur wieħed tal-Unjoni kienet żbaljata minħabba informazzjoni kunfidenzjali relatata mal-akkwist ta’ Alstom u r-relazzjonijiet mal-fornituri. Irrispettivament mill-fatt li din il-pretensjoni ma ġietx irrapportata jew imqassra f’verżjoni mhux kunfidenzjali, mill-evidenza aneddotali mhux kompluta pprovduta, fi kwalunkwe każ ma kienx possibbli li tinsilet konklużjoni ġenerali dwar il-validità tal-pretensjoni.

(343)

Alstom sostniet ukoll li l-miżuri jaffettwaw il-kapaċità tagħha li tirbaħ kuntratti pubbliċi. Madankollu, il-Kummissjoni nnotat li kuntratti bħal dawn jingħataw abbażi ta’ diversi fatturi, mhux biss fuq il-prezz, u li l-impatti tal-prezzijiet mhux neċessarjament ikunu fattur deċiżiv.

(344)

Alstom sostniet ukoll li l-miżuri se jdewmu d-dħul fis-servizz ta’ mezz ta’ trasport tal-massa li ma jagħmilx ħsara lill-ambjent. Dan ifixkel il-kisba mill-Kummissjoni tal-għanijiet tagħha fis-settur tat-trasport peress li l-Gvernijiet x’aktarx idewmu jew jikkanċellaw l-investimenti fil-vetturi ferrovjarji.

(345)

Madankollu, b’kont meħud tal-valutazzjoni tal-impatt imsemmija fil-premessa (339) (340), il-Kummissjoni ssostni l-pożizzjoni tagħha li l-impożizzjoni tal-miżuri ma taggravax, sa ċertu punt, is-sigurtà tal-provvista ta’ Alstom jew il-kapaċità tagħha li tirbaħ kuntratti pubbliċi. Barra minn hekk, il-Kummissjoni tqis li l-kompetittività tal-industrija ma tkunx affettwata taħt il-kundizzjonijiet ġodda tas-suq ġust li jkunu japplikaw, u għalhekk, ma jkun hemm l-ebda impatt sinifikanti fuq l-għanijiet tal-Kummissjoni fis-settur tat-trasport.

(346)

L-UNIFE rrimarkat li s-settur ferrovjarju huwa strateġiku biex tinkiseb l-ambizzjoni tal-Unjoni li tkun newtrali għall-klima sal-2050 u li l-miżuri jipperikolaw id-dħul rapidu fis-servizz tal-vetturi ferrovjarji li jsiru mill-aluminju minħabba nuqqas ta’ provvista.

(347)

Madankollu, il-Kummissjoni ssostni li l-estrużjonijiet għall-industrija ferrovjarja għandhom ikunu disponibbli mill-industrija tal-Unjoni jew miċ-Ċina (bid-dazju anti-dumping imħallas) u li għalhekk in-nuqqas ta’ provvista, jekk ikun hemm, mhuwiex aggravat mill-miżuri.

(348)

UNIFE u Alstom sostnew ukoll li jkun hemm konsegwenzi ekonomiċi severi għas-settur ferrovjarju. Id-dikjarazzjonijiet ewlenin kienu li l-miżuri jipperikolaw l-impjiegi u l-għarfien espert, u jirriżultaw f’nuqqas ta’ kompetittività meta mqabbla mal-manifatturi tal-ferroviji barra mill-Unjoni. Madankollu, is-sejbiet tal-Kummissjoni fil-premessa (339) juru li l-miżuri mhux se jkollhom impatt sinifikanti fuq l-industrija ferrovjarja. Għalhekk, il-Kummissjoni tirrifjuta l-pretensjoni li l-miżuri se jkollhom impatt sinifikanti fuq il-kompetittività u l-impjiegi.

(349)

Bosta partijiet interessati, li jidhru li jimportaw profili tal-aluminju mill-istess produttur esportatur, ippreżentaw kummenti wara l-impożizzjoni tal-miżuri proviżorji, u sostnew li s-suq tal-Unjoni kien ġie mfixkel bil-miżuri proviżorji. Dawn l-utenti sostnew li l-impożizzjoni ta’ dazji mingħajr perjodu tranżizzjonali u f’nofs it-tfixkil ikkawżat mill-pandemija tal-COVID-19 tolqot lin-negozju tagħhom b’mod sinifikanti u tfixkel il-kapaċità tal-kumpaniji li jirrispettaw il-kuntratti li diġà daħlu għalihom. B’mod partikolari, huma sostnew li l-isforzi kollha użati fil-bini ta’ relazzjoni bejn il-klijent u l-fornitur jintilfu u jkollhom jiġu ripetuti. Għal dawn ir-raġunijiet, huma talbu jew perjodu tranżizzjonali biex jippermettilhom jaġġustaw għad-dazji jew determinazzjoni li ma kienx hemm dumping għall-produttur esportatur li jfornihom, billi nstab li ma kienx qed isir dumping f’investigazzjoni anti-dumping mill-awtoritajiet Awstraljani.

(350)

Fir-rigward ta’ dawn l-asserzjonijiet, is-sejba li ma kienx hemm dumping f’investigazzjoni f’pajjiż terz ma għandhiex impatt fil-każ preżenti. Il-fatt li kumpanija allegatament mhix qed tagħmel dumping fis-suq ta’ pajjiż terz ma jfissirx li ma tkunx qed tagħmel dumping tal-prodott ikkonċernat fis-suq tal-Unjoni. Din id-determinazzjoni trid titwettaq mill-awtoritajiet investigattivi ta’ kull ġuriżdizzjoni u s-sejbiet tagħhom ma jistgħux jorbtu lill-awtoritajiet ta’ xi pajjiż ieħor. Fir-rigward tal-impatt tal-miżuri fuq in-negozju tal-kumpaniji, filwaqt li l-bidla fil-fornitur tista’ tirrappreżenta ċerti sfidi għall-manifatturi żgħar u ta’ daqs medju, kif innutat hawn fuq, l-investigazzjoni tindika li dan x’aktarx ikun limitat għal perjodu inizjali, hekk kif l-utenti jibnu (mill-ġdid) ir-relazzjoni meħtieġa mal-industrija tal-Unjoni.

(351)

Minbarra d-dikjarazzjonijiet irrapportati fil-premessa (349), utent wieħed sostna li bħala riżultat tal-impożizzjoni tal-miżuri, il-prodotti lesti importati jissostitwixxu l-profili importati u l-Unjoni ssofri telf ta’ impjiegi fuq ix-xogħol tal-ipproċessar imwettaq minn din il-kumpanija. Barra minn hekk, peress li l-prodotti lesti prodotti f’pajjiż terz allegatament ma jsegwux l-istandards ambjentali stretti fis-seħħ fl-Unjoni, ikun hemm effett ambjentali negattiv bħala riżultat tal-impożizzjoni tad-dazji. Il-Kummissjoni tirrikonoxxi dawn il-possibbiltajiet; madankollu, minħabba l-fatt li dan l-utent ipprovda biss ittra u ma weġibx għat-tweġiba għall-kwestjonarju, ma huwiex possibbli li jiġi evalwat l-impatt tal-miżuri fuq in-negozju tiegħu.

(352)

Utent ieħor, minbarra d-dikjarazzjonijiet irrapportati fil-premessa (349), sostna li bħala riżultat tal-impożizzjoni tal-miżuri, il-produzzjoni ta’ prodotti lesti li jinkludu l-prodott ikkonċernat u li attwalment kienet qed isseħħ fi Stat Membru wieħed tal-Unjoni tista’ tiġi spostata lejn iċ-Ċina sabiex jiġu evitati d-dazji, b’telf sinifikanti ta’ impjiegi. Madankollu, skont l-informazzjoni pprovduta minn din il-kumpanija fil-kummenti tagħha, il-prodotti mibjugħa minnhom, li jinkludu l-prodott ikkonċernat, jirrappreżentaw biss [6 – 11 %] tal-fatturat tal-kumpanija. Il-kumpanija spjegat f’seduta ta’ smigħ li l-bejgħ ta’ dawn il-prodotti kien madankollu kruċjali għaliha minħabba li kien marbut ma’ firxa sħiħa ta’ prodotti li tforni lill-klijenti tagħha. Fi kwalunkwe każ, il-ħlas tad-dazji għal perjodu ta’ aġġustament filwaqt li jiġu esplorati sorsi oħra ta’ provvista jkun jirrappreżenta f’xenarju konservattiv ħafna (jiġifieri mingħajr ma jiġi kkunsidrat il-valur miżjud fuq il-prodotti importati) kost miżjud daqs [1 – 4 %] tal-fatturat, li ma jidhirx sproporzjonat. Madankollu, dan l-utent ma weġibx għat-tweġiba għall-kwestjonarju, u ma kienx possibbli li jiġi evalwat b’mod preċiż l-impatt tal-miżuri fuq in-negozju tiegħu.

(353)

Fl-aħħar nett, fir-rigward tal-utenti msemmija fil-premessi (349) sa (352), il-produttur esportatur li mingħandu dawn il-kumpaniji jiksbu l-estrużjonijiet tagħhom esporta biss volum limitat tal-prodott ikkonċernat matul il-perjodu ta’ investigazzjoni, ugwali għal [0,5–1,5 %] tal-importazzjonijiet tal-prodott ikkonċernat u [< 0,2 %] tal-konsum totali tal-Unjoni. Għalhekk, l-impatt tat-tfixkil potenzjali asserit mill-utenti fuq l-interess ġenerali tal-Unjoni għandu jitqies li jaffettwa biss parti żgħira ħafna tas-suq.

(354)

Utent li jipproduċi purtieri u sistemi tal-purtieri talab perjodu tranżizzjonali ta’ sentejn biex jippermetti aġġustament għad-dazji, peress li s-sejbien ta’ fornitur xieraq kien proċess twil, speċjalment għal produttur żgħir. Fir-rigward ta’ din l-asserzjoni, ladarba ssir determinazzjoni ta’ dumping dannuż, l-għoti ta’ perjodu tranżizzjonali ma huwiex fil-limiti legali tad-diskrezzjoni tal-Kummissjoni. Minħabba l-fatt li dan l-utent ma pprovdiex tweġiba għall-kwestjonarju, barra minn hekk ma huwiex possibbli li jiġi evalwat b’mod preċiż l-impatt tal-miżuri fuq in-negozji tiegħu.

(355)

Żewġ utenti li jimportaw prodotti taħt is-sospensjoni tariffarja awtonoma sostnew li ma jistgħux jakkwistaw il-prodotti li jeħtieġu mill-produtturi tal-Unjoni.

(356)

Rigward l-asserzjoni mill-ewwel kumpanija, Stako Sp. z o.o., madankollu, il-Kummissjoni tirreferi għall-premessa (71). Tabilħaqq, l-ilmentaturi identifikaw produttur wieħed tal-Unjoni li huwa kapaċi u lest li jipproduċi u jforni l-prodott. Barra minn hekk, skont l-informazzjoni pprovduta minn dan l-utent, jidher li xtara l-prodott li jeħtieġ kemm miċ-Ċina kif ukoll minn pajjiż terz ieħor, u l-importazzjonijiet minn dan il-pajjiż l-ieħor se jibqgħu mhux affettwati mill-miżuri u xorta jibbenefikaw mis-sospensjoni tariffarja, li tapplika għat-tariffi doganali mill-pajjiżi terzi kollha.

(357)

It-tieni utent li jimporta taħt is-sospensjoni tariffarja awtonoma, Bi Silque S.A., appoġġat fl-asserzjoni tiegħu minn kumpanija importatriċi mhux relatata (Airoldi Metalli), asserixxa wkoll li, b’riżultat tal-miżuri, in-negozju tiegħu se jkollu konsegwenzi negattivi f’termini ta’ telf ta’ kompetittività minħabba n-nuqqas ta’ atturi tal-Unjoni li jipproduċu l-prodotti importati. Fid-dawl tal-informazzjoni fil-fajl ipprovduta minn European Aluminium, fil-passat produttur tal-Unjoni offra li jipproduċi l-prodotti inkwistjoni iżda l-offerta tiegħu ġiet irrifjutata għal raġunijiet ta’ pprezzar. Barra minn hekk, European Aluminium tindika li bħalissa hemm mill-inqas erba’ produtturi tal-Unjoni li jistgħu u huma lesti li jipproduċu l-prodott, kif indikat fil-premessa (78).

(358)

Fir-rigward tal-impatt tal-miżuri fuq in-negozji ta’ dawn iż-żewġ kumpaniji li qed jibbenefikaw minn sospensjonijiet tariffarji, huwa rikonoxxut li l-bidla fil-fornitur li tista’ tkun meħtieġa bħala eżitu tal-miżuri tista’ tirrappreżenta ċerti sfidi u eventwalment żieda fil-kostijiet. Madankollu, id-disponibbiltà ta’ prodotti bi prezzijiet inġustament baxxi ma tistax titqies bħala sitwazzjoni normali tas-suq li fuqha wieħed jista’ jibbaża. Fl-aħħar nett, minħabba l-fatt li dawn l-utenti ma pprovdewx tweġiba għall-kwestjonarju, ma huwiex possibbli li jiġi evalwat b’mod preċiż l-impatt tal-miżuri fuq in-negozji tagħhom.

(359)

Utent li jipproduċi sistemi ta’ protezzjoni mill-insetti, pereż. għat-twieqi u l-bibien, argumenta li l-materjali ta’ input tagħhom kienu koperti mill-miżuri anti-dumping, filwaqt li l-prodott lest li jipproduċi ma kienx jaqa’ fl-ambitu tal-prodott. B’konsegwenza ta’ dan, sostna li l-impożizzjoni tad-dazji x’aktarx twassal lill-kumpanija għall-konklużjoni inevitabbli li jkollha ċċaqlaq il-produzzjoni kollha tal-prodott lest tagħha lejn pajjiżi terzi, b’telf konsegwenti ta’ impjiegi fl-Ewropa. Fir-rigward ta’ din l-affermazzjoni, il-Kummissjoni rċeviet indikazzjoni minn European Aluminium li l-industrija tal-Unjoni hija kapaċi tipproduċi t-tipi kollha ta’ prodotti attwalment importati. Barra minn hekk, dan l-utent ma speċifikax jekk il-konsegwenzi allegati li ddeskriva kinux ġejjin min-nuqqas ta’ disponibbiltà tal-provvista jew miż-żieda fil-kostijiet. Fir-rigward ta’ din l-aħħar possibbiltà, id-disponibbiltà ta’ prodotti bi prezzijiet inġustament baxxi ma tistax titqies bħala sitwazzjoni normali tas-suq li fuqha jistgħu jiddependu l-kumpaniji. Barra minn hekk, dan l-utent ma pprovdiex tweġiba għall-kwestjonarju, għalhekk ma huwiex possibbli li jiġi evalwat b’mod preċiż l-impatt tal-miżuri fuq in-negozju tiegħu.

(360)

Minn barra dan, dan l-utent sostna li ħafna produtturi fl-Unjoni ma humiex kapaċi jipproduċu l-estrużjonijiet delikati b’ħitan irqaq [< 1 mm] li kienu jeħtieġu. L-investigazzjoni madankollu stabbiliet li tabilħaqq hemm produtturi fl-Unjoni li jistgħu jipproduċu estrużjonijiet bi ħxuna ta’ ħitan saħansitra anqas minn dik meħtieġa minn dan l-utent.

(361)

Wara r-rivelazzjoni finali erba’ utenti għamlu sottomissjonijiet (Decora S.A., Bash-tec GmbH, Stako Sp. z o.o. u Mat Inter) biex jindikaw l-impatt tal-miżuri fuq il-kumpaniji tagħhom u fuq l-investimenti li saru, u biex jindikaw li ma kinux kapaċi jidentifikaw produttur tal-Unjoni biex iforni l-prodotti li kellhom bżonn. Żewġ utenti semmew ir-riskji tal-għeluq tal-operazzjonijiet tal-manifattura tagħhom abbażi tal-importazzjonijiet tal-prodott ikkonċernat, bil-konsegwenza ta’ telf ta’ impjiegi, minħabba li l-prodott lest li jipproduċu jitqiegħed fi żvantaġġ fir-rigward tal-prodott lest kompetittiv ta’ oriġini Ċiniża. Fis-sottomissjoni tiegħu, Haomei Group qajjem ukoll dan it-tħassib. European Aluminium wieġbet billi tenniet li l-produtturi tal-Unjoni kellhom kapaċità żejda u xi wħud minnhom ikunu jistgħu jfornu lill-utenti kkonċernati bi prodotti biex jissodisfaw ir-rekwiżiti tagħhom. Huma indikaw ukoll li l-utenti ma għandhomx jistennew li jibbenefikaw minn ipprezzar inġust. Il-Kummissjoni nnutat li l-impożizzjoni ta’ miżuri tista’ tinvolvi perjodu ta’ tfixkil fis-suq u teħtieġ il-bdil tal-fornituri, li jista’ jieħu xi żmien, jinvolvi kostijiet żejda u jirriżulta fi prezzijiet tax-xiri ogħla. L-erba’ utenti ma kinux importaturi ewlenin miċ-Ċina u xi wħud mill-provvisti tagħhom tal-prodott investigat inkisbu minn sorsi mhux Ċiniżi. Barra minn hekk, l-impatt tal-miżuri fuq dawn l-utenti ma kienx sostanzjat peress li ma kinux bagħtu tweġibiet għall-kwestjonarju kif previst fin-Notifika ta’ bidu u għalhekk, kwalunkwe informazzjoni finanzjarja inkluża fis-sottomissjonijiet tagħhom ma kinitx sostanzjata biżżejjed u ma setgħetx tiġi eżaminata mill-Kummissjoni għall-preċiżjoni. Wara r-rivelazzjoni finali addizzjonali, Decora ppreżentat kummenti ġodda li jtennu l-pożizzjoni tagħha dwar l-impatt tal-miżuri proposti għaliha. Il-kummenti mhumiex relatati ma’ xi sejbiet ġodda inklużi fir-rivelazzjoni finali addizzjonali, u s-sejbiet u l-konklużjonijiet milħuqa wara r-rivelazzjoni finali jibqgħu validi.

(362)

Fuq il-bażi ta’ dan ta’ hawn fuq u fin-nuqqas ta’ kummenti oħra, il-konklużjonijiet stabbiliti fil-premessa (329) tar-Regolament proviżorju ġew ikkonfermati.

(363)

Peress li l-aspetti kollha żvelati preċedentement huma applikabbli bl-istess mod fil-kuntest tal-EU27, il-konklużjonijiet kif rivelati preċedentement huma kkonfermati, mhux l-inqas peress li l-livell aktar baxx ta’ dazju propost inaqqas l-impatt, jekk ikun hemm, tal-miżuri fuq l-importaturi u l-utenti, filwaqt li jipprovdi l-protezzjoni meħtieġa lill-industrija tal-Unjoni.

(364)

Wara r-rivelazzjoni finali addizzjonali Airoldi u Euranimi kkummentaw li prezzijiet ogħla, żminijiet itwal u trasport ogħla kienu rriżultaw mill-impożizzjoni tal-miżuri. Dan il-punt ma għandu l-ebda validità fir-rigward speċifiku tar-rivelazzjoni li saret u l-impatti deskritti ma seħħewx fil-perjodu kkunsidrat. Għalhekk, dan l-argument ma jistax jiġi aċċettat. Tabilħaqq, ir-rivelazzjoni finali addizzjonali tissuġġerixxi dazji mnaqqsa u għalhekk, impatt saħansitra aktar baxx fuq l-importaturi u l-utenti fir-rigward tal-interess tal-Unjoni milli fix-xenarju tal-EU28.

(365)

Fid-dawl tal-konklużjonijiet li ntlaħqu fir-rigward tad-dumping, tad-dannu, tal-kawżalità u tal-interess tal-Unjoni, u f’konformità mal-Artikolu 9(4) tar-Regolament bażiku, għandhom jiġu imposti miżuri anti-dumping definittivi sabiex jiġi evitat dannu ulterjuri lill-industrija tal-Unjoni mill-importazzjonijiet li huma l-oġġett ta’ dumping tal-prodott ikkonċernat.

(366)

Il-Kummissjoni ddeterminat il-livell ta’ eliminazzjoni tad-dannu fuq il-bażi ta’ tqabbil tal-prezz medju ponderat tal-importazzjoni tal-produtturi esportaturi li kkooperaw, kif stabbilit għall-kalkoli ta’ twaqqigħ fil-prezzijiet, mal-prezz medju ponderat mhux inġurjuż tal-prodott simili mibjugħ mill-produtturi tal-Unjoni fil-kampjun fis-suq tal-Unjoni (EU27) matul il-perjodu ta’ investigazzjoni. Id-differenza li tirriżulta minn dan it-tqabbil ġiet espressa bħala perċentwal tal-valur CIF medju ponderat tal-importazzjoni.

(367)

F’termini tal-marġni residwu, il-Kummissjoni biħsiebha tibbaża l-marġni tal-bejgħ taħt il-prezz residwu fil-livell ta’ 56,1 %. Dan il-marġni ġie stabbilit fil-livell tal-ogħla marġni ta’ bejgħ taħt il-prezz stabbilit għal tip ta’ prodott mibjugħ fi kwantitajiet rappreżentattivi fl-EU27, fuq il-bażi tad-data tal-produtturi esportaturi li kkooperaw.

(368)

Utent ikkummenta li profitt fil-mira ta’ 16 % ma kienx realistiku għall-industrija tal-estrużjonijiet, filwaqt li European Aluminium ipprovdiet evidenza li l-marġni ta’ profitt użat għall-kalkolu tal-prezz mhux dannuż fil-premessa (339) tar-Regolament proviżorju ma kienx adegwat, li jindika li 16 % kien meħtieġ għas-sopravivenza tal-industrija. Filwaqt li ma tidħolx fl-adegwatezza ta’ dan l-argument, il-Kummissjoni nnotat li l-użu ta’ profitt fil-mira ogħla jkun irrilevanti peress li d-dazju huwa diġà stabbilit fil-livell tal-marġnijiet tad-dumping. Għalhekk, ma hemmx bżonn li jiġu kkalkulati mill-ġdid il-livelli tal-eliminazzjoni tad-dannu.

(369)

Abbażi ta’ dak li ntqal hawn fuq, ir-rati li bihom se jiġu imposti dawn id-dazji huma stabbiliti kif ġej:

(370)

Ir-rati tad-dazju anti-dumping tal-kumpaniji individwali speċifikati f’dan ir-Regolament ġew stabbiliti abbażi tal-konklużjonijiet ta’ din l-investigazzjoni. Għalhekk, dawn jirriflettu s-sitwazzjoni li nstabet matul din l-investigazzjoni fir-rigward ta’ dawn il-kumpaniji. Għalhekk dawn ir-rati tad-dazju huma applikabbli esklużivament għall-importazzjonijiet tal-prodott li qed jiġi investigat li joriġina mill-pajjiż ikkonċernat u magħmul mill-entitajiet ġuridiċi msemmija. L-importazzjonijiet tal-prodott ikkonċernat manifatturat minn kwalunkwe kumpanija oħra mhux imsemmija b’mod speċifiku fil-parti operattiva ta’ dan ir-Regolament, inklużi entitajiet relatati ma’ dawk imsemmijin b’mod speċifiku, ma jistgħux jibbenefikaw minn dawn ir-rati u għandhom ikunu soġġetti għar-rata ta’ dazju applikabbli għall-“kumpaniji l-oħrajn kollha”.

(371)

Kumpanija tista’ titlob l-applikazzjoni tar-rata ta’ dazju anti-dumping individwali tagħha jekk sussegwentement tibdel l-isem tal-entità tagħha. It-talba trid tkun indirizzata lill-Kummissjoni (40). It-talba jrid ikun fiha l-informazzjoni rilevanti kollha li turi li l-bidla ma taffettwax id-dritt tal-kumpanija li tibbenefika mir-rata ta’ dazju li tapplika għaliha.

(372)

Sabiex jiġu mminimizzati r-riskji ta’ ċirkomvenzjoni minħabba d-differenza fir-rati tad-dazju, hemm bżonn ta’ miżuri speċjali biex tiġi żgurata l-applikazzjoni xierqa tad-dazji anti-dumping individwali. Il-kumpaniji b’dazji anti-dumping individwali jridu jippreżentaw fattura kummerċjali valida lill-awtoritajiet doganali tal-Istati Membri. Il-fattura trid tikkonforma mar-rekwiżiti stipulati fl-Artikolu 1(3) ta’ dan ir-Regolament. Importazzjonijiet li ma jkunux akkumpanjati minn dik il-fattura għandhom ikunu soġġetti għad-dazju anti-dumping applikabbli għall-“kumpaniji l-oħra kollha”.

(373)

Filwaqt li l-preżentazzjoni ta’ din il-fattura hija meħtieġa sabiex l-awtoritajiet doganali tal-Istati Membri jkunu jistgħu japplikaw ir-rati tad-dazju anti-dumping individwali fuq l-importazzjonijiet, mhijiex l-uniku element li jrid jitqies mill-awtoritajiet doganali. Tabilħaqq, anke jekk jiġu ppreżentati b’fattura li tissodisfa r-rekwiżiti kollha stabbiliti fl-Artikolu 1(3) ta’ dan ir-Regolament, l-awtoritajiet doganali tal-Istati Membri għandhom iwettqu l-verifiki tas-soltu tagħhom u jistgħu, bħal fil-każijiet l-oħra kollha, jitolbu dokumenti addizzjonali (dokumenti tat-trasport, eċċ.) sabiex ikunu jistgħu jivverifikaw l-akkuratezza tad-dettalji li jkun hemm fid-dikjarazzjoni u biex jiżguraw li l-applikazzjoni sussegwenti tar-rata tad-dazju tkun ġustifikata, f’konformità mal-liġi doganali.

(374)

Jekk l-esportazzjonijiet minn waħda mill-kumpaniji li jibbenefikaw minn rati ta’ dazju individwali aktar baxxi jiżdiedu b’mod sinifikanti fil-volum, b’mod partikolari wara l-impożizzjoni tal-miżuri kkonċernati, tali żieda fil-volum tista’ titqies bħala waħda li fiha nnifisha tikkostitwixxi bidla fix-xejra tal-kummerċ minħabba l-impożizzjoni ta’ miżuri fis-sens tal-Artikolu 13(1) tar-Regolament bażiku. F’dawn iċ-ċirkostanzi, tista’ tinbeda investigazzjoni kontra ċ-ċirkomvenzjoni, diment li jiġu ssodisfati l-kundizzjonijiet biex isir dan. Din l-investigazzjoni tista’, inter alia, teżamina l-ħtieġa għat-tneħħija ta’ rata/i ta’ dazju individwali u l-impożizzjoni konsegwenti ta’ dazju għall-pajjiż kollu.

(375)

Biex jiġi żgurat infurzar xieraq tad-dazji anti-dumping, id-dazju anti-dumping għall-kumpaniji l-oħrajn kollha għandu japplika mhux biss għall-produtturi esportaturi li ma kkooperawx f’din l-investigazzjoni, iżda wkoll għall-produtturi li ma kellhomx esportazzjonijiet lejn l-Unjoni matul il-perjodu ta’ investigazzjoni.

(376)

Kif imsemmi fil-premessa (202), hemm fehmiet konfliġġenti dwar in-natura tal-prodotti ddikjarati taħt il-kodiċi NM 7610 90 90. Għalhekk, hemm riskju li l-operaturi jiddikjaraw il-prodott ikkonċernat bħala subassemblaġġi jew kittijiet tal-oġġetti lesti taħt il-kodiċi NM 7610 90 90 biex jevitaw il-miżuri. Għalhekk, il-Kummissjoni qieset li huwa xieraq li timmonitorja l-importazzjonijiet tas-subassemblaġġi u tal-kittijiet lesti tal-oġġetti sabiex tnaqqas ir-riskju.

(377)

Wara r-rivelazzjoni finali, European Aluminium appoġġat il-ħtieġa għal tali monitoraġġ u infurzar.

(378)

Fid-dawl tal-marġni tad-dumping li nstabu u minħabba l-livell tad-dannu kkawżat lill-industrija tal-Unjoni, l-ammonti ggarantiti permezz tad-dazji anti-dumping proviżorji, imposti bir-Regolament proviżorju, jenħtieġ li jinġabru b’mod definittiv sal-livelli stabbiliti skont dan ir-Regolament.

(379)

Kif imsemmi fit-Taqsima 1.2, wara talba mill-ilmentatur il-Kummissjoni għamlet l-importazzjonijiet ta’ estrużjonijiet tal-aluminju soġġetti għal reġistrazzjoni skont l-Artikolu 14(5) tar-Regolament bażiku.

(380)

Matul l-istadju definittiv tal-investigazzjoni, ġiet ivvalutata d-data miġbura fil-kuntest tar-reġistrazzjoni. Il-Kummissjoni analizzat jekk il-kriterji skont l-Artikolu 10(4) tar-Regolament bażiku kinux issodisfati għal ġbir retroattiv tad-dazji definittivi.

(381)

L-analiżi tal-Kummissjoni wriet li l-importazzjonijiet mill-pajjiż ikkonċernat naqsu bi 22 % fil-perjodu bejn Marzu u Ottubru 2020, fuq bażi ta’ kull xahar, meta mqabbel mal-perjodu ta’ investigazzjoni. Id-data li waslet mill-industrija tal-Unjoni wriet li, għalkemm il-produzzjoni u l-bejgħ tagħha fis-suq tal-Unjoni naqsu wkoll f’dan il-perjodu, hija ma kinitx tilfet sehem mis-suq u l-importazzjonijiet Ċiniżi ma kinux għamlu aktar żidiet sostanzjali fis-sehem mis-suq fix-xhur ta’ wara l-bidu ta’ din l-investigazzjoni.

(382)

Għalhekk, il-kundizzjoni skont l-Artikolu 10(4)(d) tar-Regolament bażiku ma ntlaħqitx la f’termini assoluti u lanqas f’termini relattivi.

(383)

Fuq din il-bażi, il-Kummissjoni kkonkludiet li l-ġbir retroattiv tad-dazji definittivi għall-perjodu li matulu l-importazzjonijiet ġew irreġistrati ma kienx iġġustifikat f’dan il-każ.

(384)

Fid-dawl tal-Artikolu 109 tar-Regolament (UE, Euratom) 2018/1046 tal-Parlament Ewropew u tal-Kunsill (41), meta ammont irid jiġi rimborżat wara sentenza tal-Qorti tal-Ġustizzja tal-Unjoni Ewropea, l-imgħax li għandu jitħallas għandu jkun ir-rata applikata mill-Bank Ċentrali Ewropew għall-operazzjonijiet ta’ rifinanzjament ewlenin tiegħu, kif ippubblikata fis-serje C ta’ Il-Ġurnal Uffiċjali tal-Unjoni Ewropea fl-ewwel jum kalendarju ta’ kull xahar.

(385)

Il-miżuri previsti f’dan ir-regolament huma f’konformità mal-opinjoni tal-Kumitat stabbilit mill-Artikolu 15(1) tar-Regolament (UE) 2016/1036,

(1)

Ir-Regolament ta’ Implimentazzjoni tal-Kummissjoni (UE) 2019/1715 (5) jistabbilixxi r-regoli għat-tħaddim tas-sistema ta’ ġestjoni tal-informazzjoni għall-kontrolli uffiċjali (IMSOC) u l-komponenti tas-sistema tagħha, jiġifieri s-sistema li timplimenta l-proċeduri għas-Sistema ta’ Twissija Rapida għall-Ikel u l-Għalf u l-Assistenza u l-Kooperazzjoni Amministrattiva (iRASFF), is-sistema għan-notifika u r-rapportar ta’ informazzjoni dwar mard tal-annimali (“ADIS”), is-sistema ta’ notifika ta’ konferma uffiċjali tal-preżenza ta’ pesti fil-pjanti u fil-prodotti tal-pjanti fit-territorju tal-Istati Membri (“EUROPHYT”) u s-Sistema tal-Kontroll tal-Kummerċ u tal-Esperti veterinarji għall-iskambju ta’ data, informazzjoni u dokumenti (“TRACES”). Dan jistabbilixxi wkoll regoli dwar ir-rabtiet meħtieġa bejn dawk il-komponenti.

(2)

Dan jistabbilixxi wkoll regoli għall-istabbiliment tan-network għat-tħaddim tal-ADIS u l-elenkar ta’ reġjuni ta’ notifika u rapportar għall-fini ta’ notifika tal-Unjoni u rapportar tal-Unjoni ta’ mard tal-annimali.

(3)

Sabiex jiġi żgurat l-użu uniformi tal-ADIS mill-Istati Membri, ir-Regolament ta’ Implimentazzjoni tal-Kummissjoni (UE) 2020/2002 (6) jistabbilixxi regoli dwar il-format u l-istruttura tad-data għan-notifiki tal-Unjoni u r-rapportar tal-Unjoni tal-mard li jrid jiddaħħal f’dik is-sistema, il-format u l-proċedura għar-rapportar kif ukoll l-iskadenzi u l-frekwenzi tan-notifiki u r-rapportar.

(4)

Regoli komuni għall-punti ta’ kuntatt tan-network tal-ADIS jenħtieġ li jiġu inklużi fir-Regolament ta’ Implimentazzjoni (UE) 2019/1715 fir-rigward tas-sottomissjoni tan-notifiki tal-Unjoni u r-rapportar tal-Unjoni f’konformità mar-Regolament ta’ Implimentazzjoni (UE) 2020/2002. Sabiex jikkonformaw mar-regoli tal-Unjoni dwar il-protezzjoni tad-data, dawk ir-regoli jenħtieġ li jinkludu wkoll dispożizzjonijiet dwar il-perjodu massimu ta’ ħżin ta’ data personali fl-ADIS.

(5)

Dan ir-Regolament jenħtieġ li jistabbilixxi wkoll regoli, li jridu jiġu inklużi fir-Regolament ta’ Implimentazzjoni (UE) 2019/1715, fir-rigward tar-rabtiet li huma meħtieġa bejn l-ADIS u t-TRACES bl-għan li jiġi żgurat li d-data rilevanti li tikkonċerna n-notifiki tal-Unjoni tiġi skambjata awtomatikament jew issir disponibbli fiż-żewġ sistemi, u li tiġi pprovduta informazzjoni rilevanti lill-membri tan-network.

(6)

Ir-Regolament ta’ Implimentazzjoni (UE) 2019/1715 jistabbilixxi regoli dwar l-użu ta’ TRACES għas-sottomissjoni lin-network ta’ interċettazzjoni tal-EUROPHYT ta’ notifiki ta’ interċettazzjoni ta’ kunsinni ta’ pjanti, prodotti tal-pjanti u oġġetti oħra minn Stati Membri oħra jew pajjiżi terzi li jistgħu jippreżentaw periklu imminenti ta’ introduzzjoni jew tixrid ta’ pesti. Dan jipprevedi li n-notifiki ta’ interċettazzjoni ta’ kunsinni nnegozjati fl-Unjoni jridu jiġu sottomessi mill-punt ta’ kuntatt tan-network ta’ interċettazzjoni tal-EUROPHYT, filwaqt li n-notifiki ta’ interċettazzjoni ta’ kunsinni li jidħlu fl-Unjoni jridu jiġu sottomessi mill-uffiċjal tas-saħħa tal-pjanti uffiċjali li jieħu d-deċiżjoni dwar dawk il-kunsinni.

(7)

Minħabba li n-notifiki ta’ kunsinni interċettati ta’ pjanti, prodotti tal-pjanti u oġġetti oħra nnegozjati fl-Unjoni jaqgħu fil-kamp ta’ applikazzjoni tan-notifiki dwar nuqqas ta’ konformità ta’ oġġetti koperti mir-Regolament (UE) 2017/625 u jridu jiġu skambjati fl-iRASFF bejn il-punti ta’ kuntatt tan-network ta’ twissija u kooperazzjoni, in-notifiki ta’ dawk il-kunsinni interċettati jenħtieġ li jsiru fl-iRASFF.

(8)

Sabiex jiġi żgurat ulterjorment li l-iRASFF tintuża wkoll biex jiġu skambjati notifiki ta’ kunsinni mhux konformi ta’ pjanti, prodotti tal-pjanti u oġġetti oħra nnegozjati fl-Unjoni li jistgħu jkunu ta’ riskju għas-saħħa tal-pjanti, huwa xieraq li tinkiteb mill-ġdid id-definizzjoni tat-terminu “notifika dwar nuqqas ta’ konformità” stabbilita fir-Regolament ta’ Implimentazzjoni (UE) 2019/1715.

(9)

B’mod parallel, sabiex tiġi evitata l-konfużjoni dwar it-tifsira tat-terminu “riskju” definit fir-Regolament ta’ Implimentazzjoni (UE) 2019/1715, jeħtieġ ukoll li titħassar dik id-definizzjoni, u minflok jiġu adattati ċerti definizzjonijiet ta’ notifiki fl-iRASFF u jiġu ċċarati f’dawk id-definizzjonijiet il-kategoriji differenti ta’ riskju.

(10)

Bl-istess mod, sabiex tiġi evitata l-konfużjoni dwar it-tifsira tat-termini definiti “network kontra l-frodi alimentari” u “notifika ta’ frodi alimentari” fir-Regolament ta’ Implimentazzjoni (UE) 2019/1715 u jiġi rifless aħjar il-kamp ta’ applikazzjoni tar-Regolament (UE) 2017/625 f’dawn it-termini definiti, huwa meħtieġ li l-isem ta’ dawn it-termini definiti jinbidel rispettivament għal “network kontra l-frodi” u “notifika ta’ frodi” u jiġu aġġustati d-dispożizzjonijiet kollha fir-Regolament ta’ Implimentazzjoni (UE) 2019/1715 relatati mal-frodi alimentari kif xieraq.

(11)

Ir-Regolament ta’ Implimentazzjoni (UE) 2019/1715 jipprevedi wkoll li l-informazzjoni dwar il-kunsinni interċettati li jidħlu fl-Unjoni trid tinkludi l-informazzjoni rreġistrata fid-dokument sanitarju komuni tad-dħul (CHED) mill-uffiċjal tas-saħħa tal-pjanti uffiċjali f’konformità mal-Artikolu 55(2) u l-Artikolu 56 tar-Regolament (UE) 2017/625, informazzjoni addizzjonali dwar il-miżuri meħuda dwar il-kunsinni interċettati u l-informazzjoni dwar il-kwarantina imposta.

(12)

Peress li s-CHED fih entrati għar-reġistrazzjoni ta’ informazzjoni dwar il-miżuri meħuda dwar il-kunsinni interċettati, inklużi każijiet fejn tiġi imposta kwarantina, mhuwiex meħtieġ li tiġi sottomessa notifika ta’ interċettazzjoni li fiha l-istess informazzjoni wkoll fit-TRACES. Għaldaqstant, l-obbligu li tiġi sottomessa notifika ta’ interċettazzjoni li jkun fiha dik l-istess informazzjoni fit-TRACES jenħtieġ li jitneħħa u jiġi sostitwit bl-obbligu li tiġi rreġistrata d-data ta’ interċettazzjoni fis-CHED.

(13)

Barra minn hekk, peress li kwalunkwe nuqqas ta’ konformità mar-regoli msemmija fl-Artikolu 1(2) tar-Regolament (UE) 2017/625 dwar il-kunsinni li jidħlu fl-Unjoni jew li jiġu nnegozjati fl-Unjoni jrid jiġi nnotifikat jew fit-TRACES jew fl-iRASFF, id-dispożizzjonijiet kollha relatati man-notifiki ta’ interċettazzjoni tal-EUROPHYT jenħtieġ li jitħassru mir-Regolament ta’ Implimentazzjoni (UE) 2019/1715.

(14)

Ir-Regolament ta’ Implimentazzjoni (UE) 2019/1715 jistabbilixxi regoli għall-użu tas-CHEDs elettroniċi u l-ħruġ ta’ ċertifikati elettroniċi għall-kunsinni ta’ annimali u oġġetti li jidħlu fl-Unjoni. Dawk ir-regoli jinkludu livelli għoljin ta’ assigurazzjoni relatati mal-prova ta’ identità tal-uffiċjali li jiċċertifikaw qabel ma tingħata l-kapaċità tal-firma elettronika u l-applikazzjoni ta’ kronogramma elettronika kwalifikata għall-firma elettronika ġġenerata minn parti terza fdata.

(15)

L-esperjenza wriet li dawk il-livelli għoljin ta’ assigurazzjoni mhumiex meħtieġa peress li l-mekkaniżmu ta’ awtentikazzjoni qabel il-login fit-TRACES, is-sistema nazzjonali ta’ Stat Membru, is-sistema ta’ ċertifikazzjoni elettronika ta’ pajjiż terz jew ta’ organizzazzjoni internazzjonali tipprovdi livell suffiċjenti ta’ assigurazzjoni tal-identità mitluba tal-firmatarju. Barra minn hekk, l-użu ta’ kronogramma mhuwiex meħtieġ. Il-fluss sikur tad-data fi ħdan u bejn is-sistemi u l-applikazzjoni ta’ siġill elettroniku kwalifikat imfassal biex juri b’mod affidabbli l-ħin, l-integrità u l-korrettezza korretti tad-data jipprovdu garanziji suffiċjenti li kwalunkwe alterazzjoni sussegwenti tad-data tkun tista’ tiġi individwata.

(16)

Għalhekk, dan ir-Regolament jenħtieġ li jintroduċi emendi għar-Regolament ta’ Implimentazzjoni (UE) 2019/1715 li jippermettu lill-veterinarji uffiċjali, lill-uffiċjali tas-saħħa tal-pjanti uffiċjali u lill-uffiċjali li jiċċertifikaw jużaw firem elettroniċi fis-CHEDs elettroniċi u ċertifikati b’livelli ta’ assigurazzjoni tal-identità aktar baxxi u mingħajr ma jirreġistraw kronogrammi, f’konformità mar-Regolament (UE) Nru 910/2014 tal-Parlament Ewropew u tal-Kunsill (7).

(17)

Dan ir-Regolament jenħtieġ li jinkludi wkoll emendi għar-regoli fir-Regolament ta’ Implimentazzjoni (UE) 2019/1715 fir-rigward tal-ħruġ ta’ ċertifikati elettroniċi jew dokumenti kummerċjali li jakkumpanjaw il-kunsinni ta’ annimali u ċerti oġġetti mċaqalqa bejn l-Istati Membri skont l-Artikolu 150, l-Artikolu 161(5), l-Artikolu 167(4), l-Artikolu 217 u l-Artikolu 223(5) tar-Regolament (UE) 2016/429, il-kunsinni ta’ ċerti prodotti sekondarji tal-annimali u prodotti derivati mill-annimali mhux maħsuba għall-konsum mill-bniedem u ttrasportati fl-Unjoni skont l-Artikolu 17 tar-Regolament tal-Kummissjoni (UE) Nru 142/2011 (8), u l-kunsinni ta’ pjanti, prodotti tal-pjanti u oġġetti oħra esportati jew esportati mill-ġdid mill-Unjoni skont l-Artikoli 100(5) u 101(6) tar-Regolament (UE) 2016/2031. Dawk ir-regoli jenħtieġ li jkunu simili għar-regoli għall-ħruġ ta’ ċertifikati elettroniċi għall-kunsinni ta’ annimali u oġġetti li jidħlu fl-Unjoni.

(18)

Peress li r-Regolament (UE) 2016/2031 jipprevedi li ċ-ċertifikati fitosanitarji elettroniċi għall-esportazzjoni jew għar-riesportazzjoni mit-territorju tal-Unjoni ta’ pjanti, prodotti tal-pjanti u oġġetti oħra jridu jiġu pprovduti biss permezz ta’, jew fi skambju elettroniku mal-IMSOC, dan ir-Regolament jenħtieġ li jipprevedi l-inkorporazzjoni fir-Regolament ta’ Implimentazzjoni (UE) 2019/1715 ta’ regoli għall-ħruġ ta’ tali ċertifikati f’konformità ma’ dak ir-Regolament.

(19)

Bl-għan li jissaħħaħ l-infurzar tar-regoli tal-Unjoni, ir-Regolament ta’ Implimentazzjoni (UE) 2019/1715 jipprevedi li l-punti ta’ kuntatt tan-network TRACES iridu jżommu u jaġġornaw il-listi tat-TRACES ta’ ċerta data ta’ referenza meħtieġa għat-tħaddim tajjeb tat-TRACES. Il-listi jinkludu stabbilimenti kummerċjali tal-ikel approvati f’konformità mar-Regolament (KE) Nru 852/2004 tal-Parlament Ewropew u tal-Kunsill (9) u stabbilimenti, impjanti u operaturi li jittrattaw prodotti sekondarji tal-annimali jew prodotti derivati mill-annimali, approvati jew reġistrati f’konformità mar-Regolament (KE) Nru 1069/2009 tal-Parlament Ewropew u tal-Kunsill (10).

(20)

Għall-istess għan, dan ir-Regolament jenħtieġ li jestendi aktar dawk il-listi ta’ data ta’ referenza biex jinkludu stabbilimenti u operaturi reġistrati u approvati msemmija fir-Regolament (UE) 2016/429 kif ukoll ċerti operaturi professjonali rreġistrati skont ir-Regolament (UE) 2016/2031, sa fejn ikunu involuti f’attivitajiet transfruntiera.

(21)

Bil-ħsieb li jingħata appoġġ għat-tħejjija tal-analiżijiet tar-riskju tal-Istati Membri għall-ispezzjonijiet jew għall-awditi rigward it-trasport ta’ annimali ħajjin, il-listi ta’ data ta’ referenza jenħtieġ li jinkludu wkoll postijiet ta’ kontroll approvati skont ir-Regolament tal-Kunsill (KE) Nru 1255/97 (11), kif ukoll trasportaturi awtorizzati, sewwieqa ċertifikati u akkumpanjaturi, u mezzi tat-trasport approvati skont ir-Regolament tal-Kunsill (KE) Nru 1/2005 (12).

(22)

Peress li r-Regolament (UE) 2016/429 japplika mill-21 ta’ April 2021, l-emendi li jikkonċernaw l-ADIS, ir-rabtiet meħtieġa bejn l-ADIS u t-TRACES, u l-estensjoni tal-listi ta’ data ta’ referenza biex jiġu inklużi stabbilimenti u operaturi reġistrati u approvati skont ir-Regolament (UE) 2016/429 jenħtieġ li japplikaw ukoll mill-21 ta’ April 2021.

(23)

Fid-dawl tal-importanza tad-data ta’ referenza għall-funzjonament tajjeb tat-TRACES, l-estensjoni tal-listi tad-data ta’ referenza mir-Regolamenti (KE) Nru 1255/97, (KE) Nru 1/2005 u (UE) 2016/2031 jenħtieġ li tapplika wkoll mill-21 ta’ April 2021.

(24)

Meta jitqies li huwa meħtieġ li jiġu żviluppati aktar is-sistemi tal-iRASFF u tat-TRACES fir-rigward tan-notifiki ta’ interċettazzjonijiet, id-data tal-applikazzjoni tal-emendi għat-Taqsima 3 tal-Kapitolu 3 tar-Regolament ta’ Implimentazzjoni (UE) 2019/1715 jenħtieġ li tiġi differita sal-1 ta’ Diċembru 2021.

(25)

L-Anness tad-Deċiżjoni tal-Kummissjoni 97/152/KE (13) jistabbilixxi l-informazzjoni li trid tiddaħħal fis-sistema TRACES ta’ kunsinni ta’ annimali jew prodotti tal-annimali minn pajjiżi terzi. Dik id-Deċiżjoni hija bbażata fuq l-Artikolu 12 tad-Deċiżjoni tal-Kunsill 92/438/KEE (14), li ġiet imħassra mill-Artikolu 146(1) tar-Regolament (UE) 2017/625 b’effett mill-14 ta’ Diċembru 2019. L-informazzjoni stabbilita fl-Anness tad-Deċiżjoni 97/152/KE issa hija inkluża fil-CHED-A u fil-CHED-P fit-Taqsimiet A u B tal-Parti 2 tal-Anness II tar-Regolament ta’ Implimentazzjoni (UE) 2019/1715. Għal raġunijiet ta’ ċarezza u konsistenza, id-Deċiżjoni 97/152/KE jenħtieġ li titħassar.

(26)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (15) u ta opinjoni fl-14 ta’ Jannar 2021.

(27)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf.

(1)

Fl-24 ta’ Settembru 2020, il-Kummissjoni Ewropea (“il-Kummissjoni”) ħabbret, permezz ta’ notifika ppubblikata f’Il-Ġurnal Uffiċjali tal-Unjoni Ewropea (2) (“in-Notifika ta’ bidu”), il-ftuħ ta’ proċediment antidumping fir-rigward ta’ importazzjonijiet ta’ kejbils ta’ fibra ottika li joriġinaw mir-Repubblika tal-Poplu taċ-Ċina (iċ-“Ċina”) wara lment imressaq minn Europacable (“l-ilmentatur”) f’isem il-produtturi li jirrappreżentaw aktar minn 25 % tal-produzzjoni totali tal-Unjoni tal-kejbils ta’ fibra ottika.

(2)

Il-prodott soġġett għal reġistrazzjoni jikkonsisti f’kejbils tal-fibra ottika b’modalità unika, magħmulin minn fibra waħda miksija individwalment jew aktar, b’kisi protettiv, li fihom kondutturi elettriċi jew le (“OFC”), li joriġina miċ-Ċina (“il-prodott ikkonċernat”). Il-prodotti li ġejjin huma esklużi: (i) kejbils li fihom il-fibri ottiċi huma mgħammra individwalment b’konnetturi operazzjonali f’estremità waħda jew fiż-żewġ estremitajiet; kif ukoll (ii) kejbils għall-użu taħt il-baħar. Il-kejbils għall-użu taħt il-baħar huma kejbils tal-fibra ottika insulati bil-plastik, b’konduttur tar-ram jew tal-aluminju, li fihom il-fibri huma f’modulu/i tal-metall.

(3)