ISSN 1977-074X |
||
Il-Ġurnal Uffiċjali tal-Unjoni Ewropea |
L 94 |
|
Edizzjoni bil-Malti |
Leġiżlazzjoni |
Volum 64 |
|
|
Rettifika |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
18.3.2021 |
MT |
Il-Ġurnal Uffiċjali tal-Unjoni Ewropea |
L 94/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/464
tas-17 ta’ Marzu 2021
dwar in-nonapprovazzjoni tal-estratt tal-cayenne Capsicum annuum L. var. annuum, tal-grupp longum, bħala sustanza bażika f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 23(5) flimkien mal-Artikolu 13(2) tiegħu,
Billi:
(1) |
Fl-14 ta’ Marzu 2018, il-Kummissjoni rċeviet applikazzjoni mill-kumpanija Bio Natural Protect għall-approvazzjoni tal-estratt tal-cayenne, Capsicum annuum L. var. annuum, tal-grupp longum, bħala sustanza bażika għall-użu bħala repellent għall-mammiferi u l-għasafar li jieklu ż-żerriegħa. Dik l-applikazzjoni riveduta, li waslet fit-23 ta’ Mejju 2019, kellha magħha l-informazzjoni meħtieġa skont it-tieni subparagrafu tal-Artikolu 23(3) tar-Regolament (KE) Nru 1107/2009. |
(2) |
Il-Kummissjoni talbet lill-Awtorità Ewropea dwar is-Sigurtà fl-Ikel (minn hawn ’il quddiem imsejħa “l-Awtorità”) għall-għajnuna xjentifika. Fil-31 ta’ Marzu 2020, l-awtorità pprovdiet lill-Kummissjoni b’rapport tekniku dwar l-estratt tal-cayenne Capsicum annuum L. var. annuum, tal-grupp longum (2). L-Awtorità kkonkludiet li l-ispeċifikazzjonijiet l-estratt tal-cayenne Capsicum annuum L. var. annuum, tal-grupp longum propost, inkluż il-komponent attiv ewlieni tiegħu kapsaiċina, ma kinux definiti sew. Barra minn hekk, skont l-Awtorità, id-destin u l-proprjetajiet tal-imġiba fl-ambjent previsti għal xi wħud mill-komponenti tal-estratt possibbli, inkluż il-kapsajċina, kienu inċerti u kienu meħtieġa studji addizzjonali dwar it-tossiċità għall-ispeċijiet kollha mhux fil-mira. L-Awtorità nnutat li kien hemm ukoll evidenza pprovduta minn kumpaniji lill-Aġenzija Ewropea għas-Sustanzi Kimiċi li l-komponenti tal-estratt tal-cayenne Capsicum annuum L. var. annuum, tal-grupp longum jista’ jkollhom jiġu kklassifikati bħala li jikkawżaw ħsara serja lill-għajnejn, ta’ ħsara jekk jinbelgħu u wkoll bħala kawża ta’ irritazzjoni tal-ġilda. |
(3) |
Barra minn hekk, il-Kumitat Xjentifiku dwar l-Ikel identifika l-potenzjal ġenotossiku tal-kapsaiċina (3). |
(4) |
Ma saret disponibbli ebda evalwazzjoni, imwettqa f’konformità mal-leġiżlazzjoni l-oħra tal-Unjoni kif imsemmija fl-Artikolu 23(2) tar-Regolament (KE) Nru 1107/2009. |
(5) |
Fis-17 ta’ Lulju 2020, il-Kummissjoni ppreżentat ir-rapport ta’ rieżami (4) u l-abbozz ta’ dan ir-Regolament dwar in-nonapprovazzjoni tal-estratt tal-cayenne Capsicum annuum L. var. annuum, tal-grupp longum lill-Kumitat Permanenti dwar il-Pjanti, l-Annimali, l-Ikel u l-Għalf. |
(6) |
Il-Kummissjoni stiednet lill-applikant iressaq il-kummenti tiegħu dwar ir-rapport tekniku tal-Awtorità u dwar l-abbozz tar-rapport ta’ rieżami tal-Kummissjoni. L-applikant ressaq il-kummenti tiegħu, li ġew eżaminati bir-reqqa. |
(7) |
Madankollu, minkejja l-argumenti mressqa mill-applikant, it-tħassib relatat mas-sustanza ma jistax jiġi eliminat. |
(8) |
B’riżultat ta’ dan, kif stabbilit fir-rapport ta’ rieżami tal-Kummissjoni, ma ġiex stabbilit li r-rekwiżiti stipulati fl-Artikolu 23 tar-Regolament (KE) Nru 1107/2009 huma ssodisfati. Għalhekk huwa xieraq li l-estratt tal-cayenne Capsicum annuum L. var. annuum, tal-grupp longum ma jiġix approvat bħala sustanza bażika. |
(9) |
Dan ir-Regolament ma jippreġudikax is-sottomissjoni ta’ applikazzjoni oħra għall-approvazzjoni tal-estratt tal-cayenne Capsicum annuum L. var. annuum, tal-grupp longum bħala sustanza bażika f’konformità mal-Artikolu 23(3) tar-Regolament (KE) Nru 1107/2009. |
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Is-sustanza tal-estratt tal-cayenne Capsicum annuum L. var. annuum, tal-grupp longum mhix approvata bħala sustanza bażika.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Marzu 2021.
Għall-Kummissjoni
Il-President
Ursula VON DER LEYEN
(1) ĠU L 309, 24.11.2009, p. 1.
(2) EFSA (l-Awtorità Ewropea dwar is-Sigurtà fl-Ikel), 2020. Technical report on the outcome of the consultation with Member States and EFSA on the basic substance application for approval of Capsicum annuum L. var. annuum, longum group, cayenne extract to be used in plant protection as repellent to seed-eating mammals and birds. Pubblikazzjoni ta’ sostenn tal-EFSA 2020:EN-1838. 77pp. doi:10.2903/sp.efsa.2020.EN-1838.
(3) Opinjoni tal-Kumitat Xjentifiku dwar l-Ikel dwar il-Kapsaiċina (adottata fis-26 ta’ Frar 2002); https://ec.europa.eu/food/sites/food/files/safety/docs/fs_food-improvement-agents_flavourings-out120.pdf.
(4) https://ec.europa.eu/food/plant/pesticides/eu-pesticides-db_en.
DEĊIŻJONIJIET
18.3.2021 |
MT |
Il-Ġurnal Uffiċjali tal-Unjoni Ewropea |
L 94/3 |
DEĊIŻJONI TAL-KUNSILL (UE) 2021/465
tas-16 ta’ Marzu 2021
li taħtar membru tal-Kumitat Ekonomiku u Soċjali Ewropew
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 300(2) u l-Artikolu 302 tiegħu,
Wara li kkunsidra d-Deċiżjoni tal-Kunsill (UE) 2019/853 tal-21 ta’ Mejju 2019 li tiddetermina l-kompożizzjoni tal-Kumitat Ekonomiku u Soċjali Ewropew (1),
Wara li kkunsidra l-proposta li saret mir-Repubblika Ċeka,
Wara li kkonsulta lill-Kummissjoni Ewropea,
Billi:
(1) |
Il-mandat tal-membri tal-Kumitat Ekonomiku u Soċjali Ewropew skada fl-20 ta’ Settembru 2020. |
(2) |
Fit-2 ta’ Ottubru 2020, il-Kunsill adotta d-Deċiżjoni (UE) 2020/1392 (2) li ħatret il-membri tal-Kumitat Ekonomiku u Soċjali Ewropew għall-perijodu mill-21 ta’ Settembru 2020 sal-20 ta’ Settembru 2025, u li ħassret id-Deċiżjoni tal-Kunsill li ħatret il-membri ta’ dak il-Kumitat għall-istess perijodu. Fit-22 ta’ Ottubru 2020, fit-30 ta’ Ottubru 2020 u fit-13 ta’ Novembru 2020, il-Kunsill adotta tliet Deċiżjonijiet oħra li ħatru membri ta’ dak il-Kumitat għal dak il-perijodu (3). Baqa’ vakanti siġġu wieħed fil-Kumitat Ekonomiku u Soċjali Ewropew għar-Repubblika Ċeka u jeħtieġ li jimtela’ b’deċiżjoni ta’ ħatra sussegwenti. |
(3) |
Permezz ta’ ittra tas-7 ta’ Diċembru 2020, ir-Repubblika Ċeka kkonfermat in-nomina tas-Sur Jaroslav UNGERMAN għall-ħatra bħala membru tal-Kumitat Ekonomiku u Soċjali Ewropew għall-perijodu mill-21 ta’ Settembru 2020 sal-20 ta’ Settembru 2025. Dak il-membru jenħtieġ li jinħatar għall-bqija tal-mandat kurrenti, li jiddekorri sal-20 ta’ Settembru 2025, |
ADOTTA DIN ID-DEĊIŻJONI:
Artikolu 1
Is-Sur Jaroslav UNGERMAN, konsulent u analist speċjalizzat fl-ekonomija u l-ippjanar strateġiku, huwa b’dan maħtur membru tal-Kumitat Ekonomiku u Soċjali Ewropew għall-bqija tal-mandat kurrenti, li jiddekorri sal-20 ta’ Settembru 2025.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-16 ta’ Marzu 2021.
Għall-Kunsill
Il-President
A. P. ZACARIAS
(1) ĠU L 139, 27.5.2019, p. 15.
(2) Id-Deċiżjoni tal-Kunsill (UE) 2020/1392 tat-2 ta’ Ottubru 2020 li taħtar il-membri tal-Kumitat Ekonomiku u Soċjali Ewropew għall-perijodu mill- 21 ta’ Settembru 2020 sal-20 ta’ Settembru 2025, u li tħassar u tissostitwixxi d-Deċiżjoni tal-Kunsill li taħtar il-membri tal-Kumitat Ekonomiku u Soċjali Ewropew għall-perijodu mill- 21 ta’ Settembru 2020 sal-20 ta’ Settembru 2025 adottata fit-18 ta’ Settembru 2020 (ĠU L 322, 5.10.2020, p. 1).
(3) Id-Deċiżjoni tal-Kunsill (UE) 2020/1555 tat-22 ta’ Ottubru 2020 li taħtar membru tal-Kumitat Ekonomiku u Soċjali Ewropew għall-perijodu mill-21 ta’ Settembru 2020 sal-20 ta’ Settembru 2025 (ĠU L 355, 26.10.2020, p. 1), id-Deċiżjoni tal-Kunsill (UE) 2020/1636 tat-30 ta’ Ottubru 2020 li taħtar membru tal-Kumitat Ekonomiku u Soċjali Ewropew għall-perijodu mill-21 ta’ Settembru 2020 sal-20 ta’ Settembru 2025 (ĠU L 369, 5.11.2020, p. 1) u d-Deċiżjoni tal-Kunsill (UE) 2020/1709 tat-13 ta’ Novembru 2020 li taħtar żewġ membri tal-Kumitat Ekonomiku u Soċjali Ewropew għall-perijodu mill-21 ta’ Settembru 2020 sal-20 ta’ Settembru 2025 (ĠU L 385, 17.11.2020, p. 16).
Rettifika
18.3.2021 |
MT |
Il-Ġurnal Uffiċjali tal-Unjoni Ewropea |
L 94/5 |
Rettifika għar-Regolament Delegat tal-Kummissjoni (UE) 2020/1749 tas-7 ta’ Ottubru 2020 li jemenda r-Regolament tal-Kunsill (KE) Nru 428/2009 li jistabbilixxi reġim Komunitarju għall-kontroll tal-esportazzjonijiet, it-trasferiment, is-senserija u t-tranżitu ta’ oġġetti b’użu doppju
( Il-Ġurnal Uffiċjali tal-Unjoni Ewropea L 421 tal-14 ta’ Diċembru 2020 )
Fil-paġna 94, il-punti 2B206.c.1 u 2B206.c.2 jinbidlu b’dan li ġej:
“1. |
Li fihom ‘laser’; kif ukoll |
2. |
Li kapaċi jżommu, mill-inqas għal 12-il siegħa, f’temperatura ta’ ± 1 K (± 1 °C); madwar temperatura standard u pressjoni standard, dan kollu li ġej:
|
Fil-paġna 142, il-punti 3B001.f.3 sa 3B001.g jinbidlu b’dan li ġej:
“3. |
Tagħmir iddisinjat apposta għall-produzzjoni ta' maskri li għandu dan kollu li ġej:
|
4. |
Tagħmir iddisinjat għall-ipproċessar ta' apparat li juża metodi ta' kitba diretti, li għandu dan kollu li ġej:
|
Fil-paġna 160, il-punti 5E001.d sa 5E001.e.2 jinbidlu b’dan li ġej:
“d. |
‘Teknoloġija’ skont in-Nota Ġenerali dwar it-Teknoloġija għall-‘iżvilupp’ jew il-‘produzzjoni’ ta’ amplifikaturi b’Ċirkwit Integrat Monolitiku b’Microwaves (‘MMIC’) iddisinjati apposta għat-telekomunikazzjoni u li huma xi wieħed/waħda minn dawn li ġejjin: Nota Teknika: Għall-finijiet ta’ 5E001.d., il-parametru tal-ogħla output ta’ enerġija saturata jista’ jissemma’ wkoll fuq karti tad-data dwar il-prodott bħala output ta’ enerġija, output ta’ enerġija saturata, output ta’ enerġija massima, l-ogħla output ta’ enerġija, jew l-ogħla output ta’ enerġija output.
|
e. |
‘Teknoloġija’ skont in-Nota Ġenerali dwar it-Teknoloġija għall-‘iżvilupp’ jew il-‘produzzjoni’ ta’ apparat elettroniku u ċirkwiti, iddisinjati apposta għat-telekomunikazzjoni u li fihom komponenti mmanifatturati minn materjali ‘superkonduttivi’, iddisinjati apposta għal tħaddim f’temperaturi taħt ‘it-temperatura kritika’ ta’ mill-anqas wieħed mill-kostitwenti ‘superkonduttivi’, u li għandhom xi wieħed/waħda minn dawn li ġejjin:
|
Fil-paġna 175, il-punti 6A002.a.1.a sa 6A002.a.1.d jinbidlu b’dan li ġej:
“a. |
Detetturi ottiċi kif ġej:
|
Fil-paġna 179, il-punti 6A002.b sa 6A002.f jinbidlu b’dan li ġej:
“b. |
‘Sensuri monospettrali li juru l-immaġni’ u ‘sensuri multispettrali li juru l-immaġni’, iddisinjati għal applikazzjonijiet ta’ telerilevament u li għandhom xi wieħed/waħda minn dawn li ġejjin:
|
c. |
Tagħmir għall-immaġni ta’ ‘viżjoni diretta’ li jinkorpora xi wieħed/waħda minn dawn li ġejjin:
|
d. |
Komponenti ta’ sapport speċjali għas-sensuri ottiċi, kif ġej:
|
e. |
Mhux użat. |
f. |
‘Ċirkwiti integrati tal-qari’ (Read-out integrated circuits, ‘ROIC’) ddisinjati apposta għal ‘matriċijiet fuq il-pjan fokali’ speċifikati f’6A002.a.3. Nota: 6A002.f. ma jikkontrollax ‘ċirkwiti integrati tal-qari’ ddisinjati b’mod speċjali għall-applikazzjonijiet awtopropulsivi ċivili. Nota Teknika: ‘Ċirkwit integrat tal-qari’ (‘ROIC’) huwa ċirkwit integrat iddisinjat biex ikun sottostanti għal ‘matriċi fuq il- pjan lokali’ (focal plane array, ‘FPA’) jew marbut miegħu, u jintuża biex jaqra (jiġifieri jislet u jirreġistra) sinjali prodotti mill-elementi tad-detettur. Mill-inqas, ir-‘ROIC’ jaqra ċ-ċarġ mill-elementi tad-detettur billi jislet iċ-ċarġ u japplika funzjoni ta’ multiplexing b’mod li jżomm il-pożizzjoni spazjali relattiva u l-informazzjoni tal-orjentazzjoni tal-elementi tad-detettur għall-ipproċessar fir-‘ROIC’ u barra minnu.”. |