(1)

F’konformità mal-Artikolu 50(2)(a) tar-Regolament (UE) Nru 1151/2012, l-applikazzjoni ta’ Franza biex l-isem “Huile de noix du Périgord” jiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Il-Kummissjoni ma rċeviet l-ebda dikjarazzjoni ta’ oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li l-isem “Huile de noix du Périgord” tiġi rreġistrata,

(1)

F’konformità mal-Artikolu 50(2)(a), tar-Regolament (UE) Nru 1151/2012, l-applikazzjoni tal-Kroazja għar-reġistrazzjoni tal-isem “Rudarska greblica” ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Il-Kummissjoni ma rċeviet l-ebda dikjarazzjoni ta’ oppożizzjoni f’konformità mal-Artikolu 51 tar-Regolament (UE) Nru 1151/2012, u għalhekk jenħtieġ li l-isem “Rudarska greblica” jiġi rreġistrat,

(1)

Id-Deċiżjoni ta’ Implimentazzjoni tal-Kummissjoni (UE) 2018/1137 (3) tipprevedi li għandhom isiru kontrolli tas-saħħa tal-pjanti u li għandhom jittieħdu miżuri rigward il-materjal ta’ imballaġġ tal-injam għat-trasport ta’ komoditajiet speċifikati li joriġinaw mill-Belarussja u miċ-Ċina, u kienet applikabbli sat-30 ta’ Ġunju 2020. Dawk ir-regoli applikaw flimkien mar-regoli tar-Regolament Delegat tal-Kummissjoni (UE) 2019/2125 (4) dwar kontrolli uffiċjali speċifiċi tal-materjal ta’ imballaġġ tal-injam.

(2)

Il-kontrolli tas-saħħa tal-pjanti mwettqa mill-Istati Membri abbażi tad-Deċiżjoni ta’ Implimentazzjoni (UE) 2018/1137 urew li l-immarkar tal-materjal ta’ imballaġġ tal-injam użat fit-trasport ta’ ċerti komoditajiet li joriġinaw mill-Belarussja u miċ-Ċina mhux dejjem jikkonforma mar-Regolament (UE) 2016/2031. Barra minn hekk, il-kontrolli tas-saħħa tal-pjanti mwettqa mill-Istati Membri abbażi tal-valutazzjonijiet tar-riskju tagħhom, irreġistrati fi TRACES u, qabel, fis-sistema EUROPHYT-Interceptions ibbażata fuq l-Internet, urew li l-immarkar tal-materjal ta’ imballaġġ tal-injam użat fit-trasport ta’ ċerti komoditajiet li joriġinaw mill-Indja mhux dejjem jikkonforma ma’ dak ir-Regolament.

(3)

In-nuqqasijiet ta’ konformità li identifikaw l-Istati Membri juru li hemm riskju li jiġu introdotti pesti ħajjin permezz tal-materjal ta’ imballaġġ tal-injam użat fit-trasport ta’ ċerti komoditajiet minn dawk it-tliet pajjiżi ta’ oriġini, jiġifieri l-Belarussja, iċ-Ċina u l-Indja, u li dawk il-prodotti jenħtieġ li jkunu soġġetti għal kontrolli speċifiċi.

(4)

Sabiex jiġu evitati l-konsegwenzi ta’ tali nuqqas ta’ konformità fil-futur, jenħtieġ li jiġu adottati miżuri fir-rigward tal-materjal ta’ imballaġġ tal-injam għat-trasport ta’ ċerti komoditajiet li joriġinaw mill-Belarussja, iċ-Ċina u l-Indja.

(5)

Sabiex jiġi żgurat li l-awtoritajiet li jwettqu l-verifiki rispettivi tas-saħħa tal-pjanti jkunu jistgħu jħejju ruħhom aħjar, jenħtieġ li l-awtoritajiet kompetenti jew l-operaturi involuti fl-importazzjoni tal-komoditajiet speċifikati li jkollhom magħhom materjal ta’ imballaġġ tal-injam, hekk kif ikunu jafu bil-wasla ta’ dak il-materjal ta’ imballaġġ tal-injam, javżaw bil-quddiem lill-awtorità kompetenti tal-post ta’ kontroll fuq il-fruntiera tal-ewwel wasla.

(6)

Jenħtieġ li l-materjal ta’ imballaġġ tal-injam tal-kunsinni tal-komoditajiet speċifikati jkun soġġett għal kontrolli tas-saħħa tal-pjanti fuq bażi regolari. Abbażi tar-riskju identifikat għas-saħħa tal-pjanti, ir-rata ta’ dawk il-kontrolli jenħtieġ li ma tkunx ta’ inqas minn 15 % tal-materjal ta’ imballaġġ tal-injam importat tal-komoditajiet speċifikati, sabiex jiġi żgurat li jsir kontroll fuq kampjun rappreżentattiv.

(7)

Jenħtieġ li l-materjal ta’ imballaġġ tal-injam, kif ukoll il-komoditajiet speċifikati, ikunu soġġetti għar-regoli tal-Unjoni dwar is-superviżjoni doganali sakemm jitlestew dawn il-kontrolli tas-saħħa tal-pjanti, sabiex jiġi żgurat li l-moviment liberu tagħhom fit-territorju tal-Unjoni ma jintroduċi l-ebda riskju fitosanitarju.

(8)

Il-verifiki tas-saħħa tal-pjanti jenħtieġ li jsiru fil-post ta’ kontroll fuq il-fruntiera tal-ewwel wasla fit-territorju tal-Unjoni jew fil-punti ta’ kontroll imsemmija fil-punt (a) tal-Artikolu 53(1) tar-Regolament (UE) 2017/625, sabiex jiġi żgurat li dawk il-verifiki jitwettqu fl-aktar faċilitajiet xierqa.

(9)

Għall-finijiet taċ-ċarezza ġuridika, jenħtieġ li d-Deċiżjoni ta’ Implimentazzjoni (UE) 2018/1137 titħassar u tiġi sostitwita b’dan ir-Regolament, sabiex jitqiesu r-Regolamenti (UE) 2016/2031 u (UE) 2017/625, li ilhom applikabbli mill-14 ta’ Diċembru 2019.

(10)

Sabiex l-Istati Membri jkollhom żmien biex jadattaw għar-rekwiżiti previsti f’dan ir-Regolament, jenħtieġ li dan japplika mill-1 ta’ Marzu 2021.

(11)

Dan ir-Regolament jenħtieġ li japplika sal-31 ta’ Diċembru 2023 sabiex ikun hemm żmien biżżejjed biex tiġi mmonitorjata s-sitwazzjoni u tiġi ddeterminata l-konformità tal-materjal ta’ imballaġġ tal-injam u tal-kunsinni rispettivi ma’ dan ir-Regolament u mar-Regolament (UE) 2016/2031.

(12)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

“materjal ta’ imballaġġ tal-injam” tfisser il-prodotti kollha tal-injam f’għamla ta’ cases għal ippakkjar, kaxxi, ċestuni, ċilindri u kontenituri simili, palits, palits tal-kaxxi u boards oħrajn tat-tagħbija, għenuq tal-palits, dunnage, kemm jekk fil-fatt jintużaw fit-trasport ta’ oġġetti ta’ kull tip kif ukoll jekk le; injam mhux ipproċessat ta’ ħxuna ta’ 6 mm jew inqas, injam prodott permezz ta’ proċessi li fihom jintużaw kolla, sħana u pressjoni, jew taħlita tagħhom, u dunnage li jsostni kunsinni ta’ injam u li jkun magħmul minn injam tal-istess tip u kwalità bħall-injam fil-kunsinna, huwa eskluż;

(2)

“komoditajiet speċifikati” tfisser komoditajiet li jissodisfaw dan kollu li ġej:

(1)

l-awtoritajiet kompetenti jew l-operaturi li huma responsabbli għall-introduzzjoni tal-materjal ta’ imballaġġ tal-injam ikkonċernat jew li jkunu jafu bil-wasla tiegħu fit-territorju tal-Unjoni, jinnotifikaw minn qabel lill-awtorità kompetenti tal-post ta’ kontroll fuq il-fruntiera tal-ewwel wasla li l-materjal ta’ imballaġġ tal-injam ikkonċernat se jiġi introdott fit-territorju tal-Unjoni;

(2)

il-kontrolli tas-saħħa tal-pjanti previsti fil-punt (a) tal-Artikolu 4(1) ta’ dan ir-Regolament juru li l-materjal ta’ imballaġġ tal-injam ikkonċernat jissodisfa r-rekwiżiti tal-punti (a) u (b) tal-Artikolu 43(1) tar-Regolament (UE) 2016/2031.

(1)

F’konformità mal-Artikolu 16(1) tar-Regolament (UE) Nru 1306/2013, il-limitu massimu annwali għan-nefqa tal-Fond Agrikolu Ewropew ta’ Garanzija (FAEG) għas-snin 2021 sa 2027 għandu jkun kostitwit mill-ammonti massimi tas-sublimitu massimu għan-nefqa relatata mas-suq u l-pagamenti diretti stipulati fl-Anness I tar-Regolament tal-Kunsill (UE, Euratom) 2020/2093 (2).

(2)

F’konformità mat-tielet subparagrafu tal-Artikolu 11(6) tar-Regolament (UE) Nru 1307/2013 tal-Parlament Ewropew u tal-Kunsill (3), bosta Stati Membri nnotifikaw lill-Kummissjoni bid-deċiżjoni tagħhom dwar it-tnaqqis tal-ammont tal-pagamenti diretti skont l-Artikolu 11(1) ta’ dak ir-Regolament u tal-prodott stmat riżultanti tat-tnaqqis għas-sena kalendarja 2020. F’konformità mal-Artikolu 7(2) ta’ dak ir-Regolament, il-prodott stmat tat-tnaqqis tal-pagamenti jrid ikun disponibbli bħala appoġġ tal-Unjoni ffinanzjat permezz tal-Fond Agrikolu Ewropew għall-Iżvilupp Rurali (FAEŻR).

(3)

F’konformità mas-sitt subparagrafu tal-Artikolu 14(1) tar-Regolament (UE) Nru 1307/2013, diversi Stati Membri nnotifikaw lill-Kummissjoni bid-deċiżjoni tagħhom li jagħmlu disponibbli bħala appoġġ addizzjonali taħt l-FAEŻR, fis-sena finanzjarja 2021, ċertu perċentwal tal-limitu massimu nazzjonali annwali tagħhom għall-pagamenti diretti għas-sena kalendarja 2020.

(4)

F’konformità mas-sitt subparagrafu tal-Artikolu 14(2) tar-Regolament (UE) Nru 1307/2013, diversi Stati Membri nnotifikaw lill-Kummissjoni bid-deċiżjoni tagħhom li jagħmlu disponibbli bħala pagamenti diretti għas-sena kalendarja 2020 ċertu ammont ta’ appoġġ li jrid jiġi ffinanzjat permezz tal-FAEŻR fis-sena finanzjarja 2021.

(5)

Il-limiti massimi nazzjonali rilevanti stipulati fl-Annessi II u III tar-Regolament (UE) Nru 1307/2013 ġew adattati kif meħtieġ.

(6)

F’konformità mal-Artikolu 2(1) tar-Regolament (UE, Euratom) 2020/2093, il-limitu massimu għan-nefqa relatata mas-suq u l-pagamenti diretti tal-qafas finanzjarju pluriennali stipulat fl-Anness I ta’ dak ir-Regolament għandu jiġi aġġustat skont l-aġġustament tekniku previst fl-Artikolu 4 ta’ dak ir-Regolament wara li jsiru t-trasferimenti bejn l-FAEŻR u l-pagamenti diretti.

(7)

Huwa għalhekk meħtieġ li jiġi aġġustat il-bilanċ nett disponibbli għan-nefqa tal-FAEG għas-snin finanzjarji 2021 sa 2027. Għal raġunijiet ta’ ċarezza, jenħtieġ li l-ammonti li għandhom jitqiegħdu għad-dispożizzjoni tal-FAEŻR jiġu ppubblikati wkoll,

(1)

Id-Direttiva tal-Kummissjoni 2008/127/KE (2) daħħlet l-estratt tat-tewm bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Is-sustanzi attivi elenkati fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (4).

(3)

Kif stipulat fil-Parti A tal-Anness tar-Regolament ta’ Implimentazzjoni (UE) Nru 540/2011, l-approvazzjoni tas-sustanza attiva estratt tat-tewm tiskadi fil-31 ta’ Awwissu 2021.

(4)

Tressqet applikazzjoni għat-tiġdid tal-approvazzjoni tas-sustanza attiva estratt tat-tewm f’konformità mal-Artikolu 1 tar-Regolament ta’ Implimentazzjoni tal-Kummissjoni (UE) Nru 844/2012 (5) fil-perjodu taż-żmien previst f’dak l-Artikolu.

(5)

L-applikant ressaq il-fajls addizzjonali meħtieġa f’konformità mal-Artikolu 6 tar-Regolament ta’ Implimentazzjoni (UE) Nru 844/2012. L-Istat Membru relatur sab li l-applikazzjoni kienet sħiħa.

(6)

L-Istat Membru relatur ħejja abbozz tar-rapport ta’ valutazzjoni għat-tiġdid b’konsultazzjoni mal-Istat Membru korelatur u fit-28 ta’ Marzu 2019 ippreżentah lill-Awtorità Ewropea dwar is-Sigurtà fl-Ikel (minn hawn ’il quddiem, “l-Awtorità”) u lill-Kummissjoni.

(7)

L-Awtorità qiegħdet is-sommarju tal-fajl addizzjonali għad-dispożizzjoni tal-pubbliku. L-Awtorità ċċirkolat ukoll l-abbozz tar-rapport ta’ valutazzjoni tat-tiġdid lill-applikant u lill-Istati Membri għall-kummenti tagħhom, u nediet konsultazzjoni pubblika dwaru. L-Awtorità għaddiet il-kummenti li rċeviet lill-Kummissjoni.

(8)

Fis-16 ta’ April 2020, l-Awtorità kkomunikat lill-Kummissjoni l-konklużjoni tagħha (6) dwar jekk jistax ikun mistenni li l-estratt tat-tewm jissodisfa l-kriterji tal-approvazzjoni previsti fl-Artikolu 4 tar-Regolament (KE) Nru 1107/2009. Fis-16. u fis-17 ta’ Lulju 2020, il-Kummissjoni ppreżentat rapport għat-tiġdid tal-estratt tat-tewm lill-Kumitat Permanenti dwar il-Pjanti, l-Annimali, l-Ikel u l-Għalf u abbozz ta’ Regolament li jipprevedi t-tiġdid tal-approvazzjoni ta’ dik is-sustanza attiva fl-4 ta’ Diċembru 2020.

(9)

Rigward il-kriterji biex jiġu identifikati l-proprjetajiet li jfixklu s-sistema endokrinali introdotti bir-Regolament tal-Kummissjoni (UE) 2018/605 (7), l-Awtorità kkonkludiet li l-estratt tat-tewm jitqies li ma jissodisfax il-kriterji għat-tħarbit endokrinali għall-bnedmin u għall-organiżmi mhux fil-mira, kif stabbilit rispettivament fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605.

(10)

Il-Kummissjoni stiednet lill-applikant iressaq il-kummenti tiegħu dwar il-konklużjoni tal-Awtorità u, f’konformità mat-tielet paragrafu tal-Artikolu 14(1) tar-Regolament ta’ Implimentazzjoni (UE) Nru 844/2012, dwar ir-rapport għat-tiġdid. L-applikant ippreżenta l-kummenti tiegħu, u dawn ġew eżaminati bir-reqqa.

(11)

Dwar użu rappreżentattiv wieħed jew aktar ta’ mill-inqas prodott wieħed tal-protezzjoni tal-pjanti li fih is-sustanza attiva estratt tat-tewm, ġie stabbilit li l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009 huma ssodisfati.

(12)

Il-valutazzjoni tar-riskju għat-tiġdid tal-approvazzjoni tas-sustanza attiva estratt tat-tewm hija bbażata fuq għadd limitat ta’ użi rappreżentattivi, li madankollu ma jillimitawx l-użi li għalihom jistgħu jiġu awtorizzati l-prodotti għall-protezzjoni tal-pjanti li fihom l-estratt tat-tewm.

(13)

Għalhekk jixraq li tiġġedded l-approvazzjoni tal-estratt tat-tewm.

(14)

Għaldaqstant jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

(15)

Ir-Regolament ta’ Implimentazzjoni tal-Kummissjoni (UE) 2020/1160 (8) estenda l-perjodu ta’ approvazzjoni tal-estratt tat-tewm sal-31 ta’ Awwissu 2021 sabiex il-proċess tat-tiġdid ikun jista’ jitlesta qabel ma jiskadi l-perjodu ta’ approvazzjoni ta’ dik is-sustanza attiva. Madankollu, peress li laħqet ittieħdet deċiżjoni dwar it-tiġdid qabel dik id-data ta’ skadenza estiża, dan ir-Regolament għandu japplika mill-1 ta’ Marzu 2021.

(16)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament tal-Kummissjoni (KE) Nru 798/2008 (3) jistabbilixxi r-rekwiżiti dwar iċ-ċertifikazzjoni veterinarja għall-importazzjoni lejn l-Unjoni u t-tranżitu minnha, inkluż il-ħżin waqt it-tranżitu, tat-tjur u l-prodotti tat-tjur (“il-prodotti”). Jipprevedi li l-komoditajiet jistgħu biss jiġu importati fl-Unjoni jew jgħaddu minnha bi tranżitu, mill-pajjiżi terzi, it-territorji, iż-żoni jew il-kompartimenti elenkati fil-kolonni 1 u 3 tat-tabella fil-Parti 1 tal-Anness I tiegħu.

(2)

Ir-Regolament (KE) Nru 798/2008 jistabbilixxi wkoll il-kundizzjonijiet biex pajjiż terz, territorju, żona jew kompartiment ikunu jistgħu jitqiesu ħielsa mill-influwenza tat-tjur b’patoġeniċità għolja (HPAI).

(3)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttivi 2002/99/KE u 2009/158/KE, kif ukoll l-atti tal-Kummissjoni bbażati fuqhom, japplikaw għar-Renju Unit u fih fir-rigward tal-Irlanda ta’ Fuq wara t-tmiem tal-perjodu ta’ tranżizzjoni previst fil-Ftehim dwar il-ħruġ.

(4)

Għalhekk, ir-Renju Unit, għajr għall-Irlanda ta’ Fuq, qed jiġi elenkat fil-Parti 1 tal-Anness I tar-Regolament (KE) Nru 798/2008 bħala pajjiż terz li minnu huma awtorizzati l-importazzjoni fl-Unjoni u t-tranżitu minnha ta’ ċerti prodotti tat-tjur tal-irziezet minn ċerti partijiet tat-territorju proprju skont il-preżenza tal-HPAI. Dik ir-reġjonalizzazzjoni tar-Renju Unit hi stabbilita fil-Parti 1 tal-Anness I tar-Regolament (KE) Nru 798/2008, kif emendat bir-Regolament ta’ Implimentazzjoni (UE) 2021/24 (4).

(5)

Fis-27 ta’ Jannar 2021, ir-ir-Renju Unit ikkonferma il-preżenza tal-HPAI tas-sottotip H5N8 f’azjendi tat-tjur fil-Gżira ta’ Anglesey f’Wales.

(6)

L-awtoritajiet veterinarji tar-Renju Unit stabbilew żona ta’ kontroll ta’ 10 km madwar l-azjenda affettwata u implimentaw politika ta’ qerda sabiex tiġi kkontrollata l-preżenza tal-HPAI u titrażżan il-firxa ta’ dik il-marda. Barra minn hekk, l-awtoritajiet veterinarji tar-Renju Unit ikkonfermaw li ssospendew minnufih il-ħruġ ta’ ċertifikati veterinarji għall-kunsinni ta’ komoditajiet maħsuba għall-esportazzjoni lejn l-Unjoni mit-territorju kollu tar-Renju Unit, għajr għall-Irlanda ta’ Fuq.

(7)

Ir-Renju Unit ippreżenta lill-Kummissjoni informazzjoni dwar il-qagħda epidemjoloġika fit-territorju tiegħu u dwar il-miżuri li ħa għall-prevenzjoni ta’ aktar tixrid tal-HPAI, u l-Kummissjoni evalwatha. Abbażi ta’ dik l-evalwazzjoni, jixraq li jitqiegħdu restrizzjonijiet fuq l-introduzzjoni fl-Unjoni tal-komoditajiet miż-żona f’Wales affettwata mill-HPAI, li l-awtoritajiet veterinarji tar-Renju Unit qiegħdu taħt restrizzjoni minħabba t-tifqigħa attwali.

(8)

Għaldaqstant, jenħtieġ li l-entrata għar-Renju Unit fit-tabella fil-Parti 1 tal-Anness I tar-Regolament (KE) Nru 798/2008 tiġi emendata biex titqies il-qagħda epidemjoloġika attwali f’dak il-pajjiż terz.

(9)

Għalhekk, jenħtieġ li l-Anness I tar-Regolament (KE) Nru 798/2008 jiġi emendat skont dan.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-Anness III tar-Regolament (KE) Nru 1210/2003 jelenka korpi pubbliċi, korporazzjonijiet u aġenziji u persuni fiżiċi u ġuridiċi, korpi u entitajiet tal-gvern preċedenti tal-Iraq koperti mill-iffriżar ta’ fondi u ta’ riżorsi ekonomiċi li kienu jinsabu barra mill-Iraq nhar it-22 ta’ Mejju 2003 skont dak ir-Regolament.

(2)

Wara rieżami tekniku tal-Anness III tar-Regolament (KE) Nru 1210/2003, jenħtieġ li waħda mill-entitajiet titneħħa mil-lista ta’ persuni u entitajiet li jenħtieġ li l-iffriżar ta’ fondi u ta’ riżorsi ekonomiċi japplika għalihom.

(3)

Għaldaqstant jenħtieġ li l-Anness III tar-Regolament (KE) Nru 1210/2003 jiġi emendat skont dan,