(1)

L-Unjoni trid tiżgura protezzjoni effettiva tal-integrità u l-funzjonament xieraq tas-sistema finanzjarja tagħha u tas-suq intern mill-ħasil tal-flus u l-finanzjament tat-terroriżmu. Id-Direttiva (UE) 2015/849 tipprovdi li l-Kummissjoni jenħtieġ li tidentifika l-pajjiżi li jippreżentaw defiċjenzi strateġiċi fir-reġimi tagħhom dwar il-ġlieda kontra l-ħasil tal-flus u l-finanzjament tat-terroriżmu (“AML/CFT”) li huma ta’ theddid serju għas-sistema finanzjarja tal-Unjoni.

(2)

Ir-Regolament Delegat tal-Kummissjoni (UE) 2016/1675 (2) jidentifika l-pajjiżi terzi b’riskju kbir u li għandhom nuqqasijiet strateġiċi. Dan ir-Regolament jenħtieġ li jiġi rieżaminat fejn adatt fid-dawl tal-progress li jkun sar minn dawk il-pajjiżi terzi b’riskju kbir biex ineħħu n-nuqqasijiet strateġiċi fir-reġim dwar il-ġlieda kontra l-ħasil tal-flus u l-finanzjament tat-terroriżmu. Jenħtieġ li fil-valutazzjonijiet tagħha l-Kummissjoni tqis l-informazzjoni ġdida li tasal mingħand organizzazzjonijiet internazzjonali u entitajiet li jistabbilixxu l-istandards, bħal dawk maħruġa mit-Task Force ta’ Azzjoni Finanzjarja (FATF).

(3)

Minħabba l-livell għoli ta’ integrazzjoni tas-sistema finanzjarja internazzjonali, ir-rabta stretta tal-operaturi tas-suq, il-volum għoli ta’ tranżazzjonijiet transfruntiera lejn jew mill-Unjoni, kif ukoll il-livell ta’ ftuħ tas-suq, huwa kkunsidrat li kwalunkwe theddida tal-AML/CFT fuq is-sistema finanzjarja internazzjonali tirrappreżenta wkoll theddida għas-sistema finanzjarja tal-Unjoni.

(4)

B’konformità mal-kriterji stabbiliti fid-Direttiva (UE) 2015/849, il-Kummissjoni tqis l-iktar informazzjoni reċenti disponibbli b’mod partikolari l-Istqarriji Pubbliċi reċenti tal-FATF, id-dokumenti tal-FATF “Titjib tal-Konformità Globali tal-AML/CFT: Proċess li Għadu Għaddej”, u r-rapporti tal-FATF tal-Grupp ta’ Reviżjoni tal-Kooperazzjoni Internazzjonali fir-rigward tar-riskji maħluqa minn pajjiżi terzi individwali b’konformità mal-Artikolu 9(4) tad-Direttiva (UE) 2015/849.

(5)

F’Ottubru 2019, il-FATF identifikat il-Mongolja bħala ġuriżdizzjoni b’nuqqasijiet strateġiċi b’rabta mal-AML/CFT u li l-Mongolja żviluppat pjan ta’ azzjoni mal-FATF biex tindirizzahom. Fuq din il-bażi u skont l-informazzjoni relevanti l-aktar reċenti, l-evalwazzjoni tal-Kummissjoni f’Mejju 2020 kkonkludiet li l-Mongolia jenħtieġ li jitqies bħala ġuriżdizzjoni ta’ pajjiż terz li kellha defiċjenzi strateġiċi fir-reġim AML/CFT tiegħu li ippreżenta theddid sinifikanti għas-sistema finanzjarja tal-Unjoni b’konformità mal-kriterji stabbiliti fl-Artikolu 9 tad-Direttiva (UE) 2015/849. Kien ġie nnutat ukoll li l-Mongolja kienet ipprovdiet impenji politiċi ta’ livell għoli bil-miktub li jindirizzaw in-nuqqasijiet identifikati u li żviluppat pjan ta’ azzjoni mal-FATF.

(6)

Huwa tassew importanti li l-Kummissjoni twettaq monitoraġġ permanenti ta’ pajjiżi terzi u tivvaluta l-iżviluppi fil-qafas legali u istituzzjonali tagħhom, tas-setgħat u tal-proċeduri tal-awtoritajiet kompetenti, u tal-effettività tar-reġim tal-AML/CFT tagħhom, bil-għan tal-aġġornament tal-Anness tar-Regolament Delegat (UE) 2016/1675.

(7)

L-FATF laqgħet il-progress sinifikanti li għamlet il-Mongolja biex ittejjeb ir-reġim tal-AML/CFT tagħha u nnutat li dan il-pajjiż ħoloq il-qafas legali u regolatorju biex jissodisfa l-impenji tiegħu fil-pjan ta’ azzjoni tiegħu dwar in-nuqqasijiet strateġiċi li ġew identifikati mill-FATF. Għaldaqstant dan il-pajjiż ma għadux suġġett għall-proċess ta’ monitoraġġ tal-FATF skont il-proċess ta’ konformità globali dwar l-AML/CFT li jinsab għaddej. Dawn il-pajjiż se jissokta jaħdem mal-Korpi Reġjonali Simili għall-FATF biex ikompli jsir titjib fuq ir-reġim tal-AML/CFT tagħhom.

(8)

Il-Kummissjoni vvalutat l-informazzjoni dwar il-progress fl-indirizzar tan-nuqqasijiet strateġiċi tal-Mongolja.

(9)

L-analiżi tal-Kummissjoni kkonkluda li, meta wieħed iqis l-informazzjoni disponibbli, il-Mongolja ma għadx għandha nuqqasijiet strateġiċi fir-reġim tal-AML/CFT tagħha. Il-Mongolja saħħet l-effettività tar-reġim tal-AML/CFT tagħha u indirizzat in-nuqqasijiet tekniċi relatati biex tissodisfa l-impenji fil-pjan ta’ azzjoni tagħha dwar in-nuqqasijiet strateġiċi li kienu ġew identifikati mill-FATF. Dawn il-miżuri huma komprensivi biżżejjed u jissodisfaw ir-rekwiżiti meħtieġa biex jiġi kkunsidrat li n-nuqqasijiet strateġiċi li ġew identifikati skont l-artikolu 9 tad-Direttiva (UE) 2015/849 ġew indirizzati.

(10)

Għaldaqstant ir-Regolament Delegat (UE) 2016/1675 jenħtieġ li jiġi emendat skont dan,

(1)

Fil-konklużjonijiet tiegħu tas-16 ta’ Settembru 2019 relatati mar-reviżjoni tal-Pożizzjoni Komuni tal-Kunsill 2008/944/PESK (1), il-Kunsill jimpenja ruħu li jikkunsidra deċiżjoni dwar ċertifikati tal-utenti aħħarin għall-esportazzjoni ta’ armi ħfief u ta’ kalibru żgħir (SALW) u l-munizzjon tagħhom.

(2)

Il-Pożizzjoni Komuni 2008/944/PESK tiddikjara li l-liċenzji ta’ esportazzjoni iridu jingħataw biss abbażi ta’ tagħrif preċedenti affidabbli tal-użu aħħari fil-pajjiż tad-destinazzjoni finali. Il-Pożizzjoni Komuni 2008/944/PESK tiddikjara wkoll li dan ġeneralment jeħtieġ ċertifikat verifikat bir-reqqa tal-utent aħħari jew dokumentazzjoni xierqa u/jew xi forma ta’ awtorizzazzjoni uffiċjali maħruġa mill-pajjiż tad-destinazzjoni finali.

(3)

Approċċ komuni fl-Unjoni kollha għall-kontroll tal-utenti aħħarin għas-SALW ser inaqqas ir-riskju ta’ devjazzjoni, joħloq kondizzjonijiet ekwivalenti ta’ kompetizzjoni u jżid iċ-ċarezza għall-industrija tad-difiża u l-klijenti tagħha fir-rigward tar-rekwiżiti rilevanti.

(4)

Il-Gwida aġġornata għall-Utent għall-Pożizzjoni Komuni tal-Kunsill 2008/944/PESK, approvata mill-Kunsill fis-16 ta’ Settembru 2019, tipprovdi l-aħjar prattiki fil-qasam taċ-ċertifikati tal-utenti aħħarin.

(5)

Fl-Istrateġija tal-UE kontra l-armi tan-nar, armi ħfief u ta’ kalibru żgħir illeċiti u l-munizzjon tagħhom, adottata fid-19 ta’ Novembru 2018, il-Kunsill jimpenja ruħu li jikkunsidra deċiżjoni dwar ċertifikati tal-utenti aħħarin għall-esportazzjonijiet ta’ SALW, filwaqt li jqis il-ħidma tal-Organizzazzjoni għas-Sigurtà u l-Koperazzjoni fl-Ewropa f’dan ir-rigward.

(6)

Id-Deċiżjoni tal-Kunsill (PESK) 2020/979 (2) tappoġġa l-iżvilupp ta’ sistema rikonoxxuta internazzjonalment għall-validazzjoni tal-ġestjoni tal-armi u l-munizzjon li tippermetti validazzjoni jew ċertifikazzjoni indipendenti tal-konformità ma’ standards internazzjonali miftuħa dwar il-ġestjoni sikura u sigura tal-ħażniet nazzjonali ta’ SALW u munizzjon.

(7)

F’konformità mat-tieni subparagrafu tal-Artikolu 21(3) tat-Trattat dwar l-Unjoni Ewropea, l-Unjoni trid tiżgura l-konsistenza bejn l-oqsma differenti tal-azzjoni esterna tagħha. F’dan ir-rigward il-Kunsill jieħu nota, fost oħrajn, tar-Regolament tiegħu (KE) Nru 428/2009 (3) u tar-Regolamenti (UE) Nru 258/2012 (4) u (UE) 2019/125 (5) tal-Parlament Ewropew u tal-Kunsill.

(8)

Il-konklużjonijiet tal-Kunsill dwar pożizzjoni tal-UE dwar il-ġlieda kontra l-kummerċ illeċitu ta’ armi ħfief u ta’ kalibru żgħir, fid-dawl tat-Tielet Konferenza ta’ Reviżjoni biex tiġi riveduta l-implimentazzjoni tal-Programm ta’ Azzjoni tan-NU dwar is-SALW, adottati mill-Kunsill fit-28 ta’ Mejju 2018, jappellaw għall-promozzjoni tal-applikazzjoni ta’ ċertifikati tal-utenti aħħarin fil-kuntest tal-kontroll tal-esportazzjonijiet ta’SALW.

(9)

Fil-Programm ta’ Azzjoni tan-Nazzjonijiet Uniti (NU) għall-Prevenzjoni, il-Ġlieda Kontra u l-Qerda tal-Kummerċ Illeċitu ta’ Armi Ħfief u ta’ Kalibru Żgħir fl-Aspetti Kollha Tiegħu, adottat fl-20 ta’ Lulju 2001, l-Istati parteċipanti jimpenjaw ruħhom li jdaħħlu fis-seħħ u jimplimentaw liġijiet, regolamenti u proċeduri amministrattivi adegwati biex jiżguraw il-kontroll effettiv tal-esportazzjoni u t-tranżitu ta’ SALW, inkluż l-użu ta’ ċertifikati awtentikati tal-utenti aħħarin u miżuri legali u ta’ infurzar effettivi.

(10)

It-Trattat dwar il-Kummerċ tal-Armi, adottat mill-Assemblea Ġenerali tan-NU fit-2 ta’ April 2013, jiddikjara li l-Istat Parti esportatur irid jipprova jipprevjeni d-devjazzjoni tat-trasferiment ta’ armi konvenzjonali billi, fejn xieraq, jeżamina l-partijiet involuti fl-esportazzjoni, jitlob dokumentazzjoni, ċertifikati u assigurazzjonijiet addizzjonali, u billi ma jawtorizzax l-esportazzjoni jew miżuri xierqa oħra.

(11)

L-Aġenda 2030 għall-Iżvilupp Sostenibbli tan-NU tafferma li huwa meħtieġ li jiġi miġġieled il-kummerċ illeċitu ta’ SALW għall-kisba ta’ ħafna għanijiet ta’ żvilupp sostenibbli, fosthom dawk relatati mal-paċi, il-ġustizzja u l-istituzzjonijiet b’saħħithom, it-tnaqqis tal-faqar, it-tkabbir ekonomiku, is-saħħa, l-ugwaljanza bejn il-ġeneri u l-bliet sikuri. Għalhekk, fl-Għan ta’ Żvilupp Sostenibbli 16.4 ta’ dik l-Aġenda, l-Istati kollha tan-NU impenjaw ruħhom li jnaqqsu b’mod sinifikanti l-flussi illeċiti finanzjarji u tal-armi.

(12)

Fl-Aġenda għad-Diżarm tan-NU intitolata “Niżguraw il-Ġejjieni Komuni Tagħna”, ippreżentata fl-24 ta’ Mejju 2018, is-Segretarju Ġenerali tan-NU appella biex tiġi indirizzata l-akkumulazzjoni eċċessiva u l-kummerċ illeċitu ta’ armi konvenzjonali.

(13)

L-esportazzjoni mill-ġdid mhux awtorizzata tibqa’ sors ta’ devjazzjoni ta’ SALW u l-munizzjon tagħhom fis-suq illeċitu.

(14)

Iċ-ċertifikati tal-utenti aħħarin huma element importanti biex jiġu stabbiliti kontrolli effettivi għall-utenti aħħarin u biex jiġi minimizzat ir-riskju ta’ devjazzjoni mhux mixtieqa ta’ SALW u l-munizzjon tagħhom. Madankollu, tali ċertifikati mhumiex sostitut għal valutazzjoni sħiħa pre-ante tar-riskju, li ssir skont il-każ meta jiġi deċiż jekk tingħatax liċenzja,

(1)

“utent aħħari” tfisser id-destinatarju finali u s-sid tal-oġġetti esportati magħruf fiż-żmien tal-applikazzjoni għal-liċenzja ta’ esportazzjoni, skont it-termini kuntrattwali tat-tranżazzjoni;

(2)

“esportazzjoni” tfisser kwalunkwe ħruġ ta’ oġġetti mit-territorju doganali tal-Unjoni, inkluż il-ħruġ ta’ oġġetti li jeħtieġu dikjarazzjoni doganali u l-ħruġ ta’ oġġetti wara li jkunu ġew maħżuna f’żona ħielsa fit-tifsira tar-Regolament (UE) Nru 952/2013 tal-Parlament Ewropew u tal-Kunsill (6);

(3)

“esportatur” tfisser kwalunkwe persuna fiżika jew ġuridika jew sħubija residenti jew stabbilita fl-Unjoni li tippreżenta applikazzjoni għal liċenzja ta’ esportazzjoni jew li tiġi ppreżentata f’isimha applikazzjoni għal liċenzja ta’ esportazzjoni, jiġifieri l-persuna jew sħubija li, fil-mument li fih tiġi aċċettata l-applikazzjoni, jkollha kuntratt mad-destinatarju fil-pajjiż terz rilevanti u jkollha s-setgħa neċessarja li tiddeċiedi dwar l-esportazzjoni tal-oġġetti ’l barra mit-territorju doganali tal-Unjoni. Jekk ma jkun ġie konkluż l-ebda kuntratt ta’ dak it-tip jew jekk id-detentur ta’ dak il-kuntratt ma jaġixxix f’ismu proprju, “esportatur” tfisser il-persuna, l-entità jew il-korp li jkollhom is-setgħa meħtieġa li jiddeċiedu dwar it-twassil tal-oġġetti ’l barra mit-territorju doganali tal-Unjoni. Meta l-benefiċċju ta’ dritt li wieħed jiddisponi mill-oġġetti jappartjeni lil persuna, entità jew korp residenti jew stabbiliti barra mill-Unjoni skont dak il-kuntratt, “esportatur” tfisser il-parti kontraenti residenti jew stabbilita fl-Unjoni.

(a)

impenn mill-utent aħħari li jinnotifika lill-Istat Membru esportatur f’każ ta’ telf jew serq tal-oġġetti koperti miċ-ċertifikat tal-utent aħħari;

(b)

impenn mill-utent aħħari li jikkonferma l-wasla tal-oġġetti koperti miċ-ċertifikat tal-utent aħħari, inkluż il-kwantità eżatta tagħhom;

(c)

impenn mill-utent aħħari li jippermetti verifika fuq il-post wara l-konsenja tal-oġġetti esportati minn rappreżentanti tal-Istat Membru esportatur, inkluż dettalji tal-arranġamenti għaż-żjarat ta’ verifika;

(d)

assigurazzjonijiet mill-utent aħħari li juru l-kapaċità tiegħu għall-ġestjoni sikura u sigura tal-armi u l-munizzjon, inkluż il-kapaċità tiegħu għall-ġestjoni sikura u sigura tal-ħażniet fejn ser jinħażnu l-oġġetti;

(e)

impenn mill-utent aħħari dwar id-dekummissjonar ta’ tagħmir militari żejjed, inkluż: