17.12.2020

Il-Ġurnal Uffiċjali tal-Unjoni Ewropea

L 427/1

IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/2108

tas-16 ta’ Diċembru 2020

li jemenda l-Anness II tar-Regolament ta’ Implimentazzjoni (UE) 2019/627 fir-rigward tal-marka tas-saħħa li għandha tintuża għal ċertu laħam maħsub għall-konsum mill-bniedem fir-Renju Unit fir-rigward tal-Irlanda ta’ Fuq

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (1), u b’mod partikolari l-frażi introduttorja u l-punt (e) tal-Artikolu 18(8) tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2019/627 (2) jistabbilixxi arranġamenti prattiċi uniformi għat-twettiq ta’ kontrolli uffiċjali fir-rigward tal-produzzjoni ta’ prodotti li joriġinaw mill-annimali maħsuba għall-konsum mill-bniedem. L-Anness II ta’ dak ir-Regolament ta’ Implimentazzjoni jistabbilixxi l-arranġamenti prattiċi għall-marka tas-saħħa li, inter alia, tindika kemm il-laħam huwa tajjeb għall-konsum mill-bniedem.

(2)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, ir-Regolament (UE) 2017/625 kif ukoll l-atti tal-Kummissjoni bbażati fuqu, se jkomplu japplikaw għar-Renju Unit u fih fir-rigward tal-Irlanda ta’ Fuq wara l-perjodu ta’ tranżizzjoni. Għal dik ir-raġuni, jeħtieġ li jiġu emendati r-rekwiżiti stabbiliti fl-Anness II ta’ dak ir-Regolament li jikkonċerna l-marka tas-saħħa li jenħtieġ tintuża fir-Renju Unit fir-rigward tal-Irlanda ta’ Fuq.

(3)	Għalhekk, l-Anness II tar-Regolament ta’ Implimentazzjoni (UE) 2019/627 jenħtieġ li jiġi emendat skont dan.

(4)	Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, dan ir-Regolament jenħtieġ li japplika mill-1 ta’ Jannar 2021.

(5)	Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness II tar-Regolament ta’ Implimentazzjoni (UE) 2019/627 huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2021.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta’ Diċembru 2020.

Għall-Kummissjoni

Il-President

Ursula VON DER LEYEN

(1) ĠU L 95, 7.4.2017, p. 1.

(2) Ir-Regolament ta’ Implimentazzjoni tal-Kummissjoni (UE) 2019/627 tal-15 ta’ Marzu 2019 li jistabbilixxi arranġamenti prattiċi uniformi għat-twettiq ta’ kontrolli uffiċjali fuq prodotti mill-annimali maħsuba għall-konsum mill-bniedem skont ir-Regolament (UE) 2017/625 tal-Parlament Ewropew u tal-Kunsill u li jemenda r-Regolament tal-Kummissjoni (KE) Nru 2074/2005 fir-rigward tal-kontrolli uffiċjali (ĠU L 131, 17.5.2019, p. 51).

ANNESS

Fl-Anness II tar-Regolament ta’ Implimentazzjoni (UE) 2019/627, il-paragrafu 1(a) huwa sostitwit b’dan li ġej:

“(a)

l-isem tal-pajjiż li fih jinsab l-istabbiliment, li jista’ jinkiteb sħiħ b’ittri kbar jew muri bħala kodiċi b’żewġ ittri f’konformità mal-kodiċi ISO rilevanti. Madankollu, fil-każ tal-Istati Membri (*1), dawn il-kodiċi huma BE, BG, CZ, DK, DE, EE, IE, GR, ES, FR, HR, IT, CY, LV, LT, LU, HU, MT, NL, AT, PL, PT, RO, SI, SK, FI, SE u UK(NI);

(*1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.””

17.12.2020

Il-Ġurnal Uffiċjali tal-Unjoni Ewropea

L 427/4

ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2109

tas-16 ta’ Diċembru 2020

li temenda d-Deċiżjonijiet 93/52/KEE,2003/467/KE, 2004/558/KE u 2008/185/KE fir-rigward tal-elenkar tal-Istati Membri u r-reġjuni tagħhom rikonoxxuti bħala uffiċjalment ħielsa minn diversi mard tal-annimali terrestri

(notifikata bid-dokument C(2020) 9301)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u b’mod partikolari l-Artikoli 9(2) u 10(2) tagħha,

Wara li kkunsidrat id-Direttiva tal-Kunsill 91/68/KEE tat-28 ta’ Jannar 1991 dwar il-kondizzjonijiet tas-saħħa tal-annimali li jirregolaw il-kummerċ intra-Komunitarju tan-nagħaġ u tal-mogħoż (2), u b’mod partikolari t-Taqsima II tal-Kapitolu 1 tal-Anness A tagħha,

Billi:

(1)

Id-Direttiva 64/432/KEE tistabbilixxi l-kundizzjonijiet tas-saħħa tal-annimali li jirregolaw il-kummerċ tal-annimali bovini u porċini fl-Unjoni. Hija tistabbilixxi l-kundizzjonijiet li skonthom l-Istati Membri jew ir-reġjuni tagħhom jistgħu jiġu rikonoxxuti bħala uffiċjalment ħielsa mit-tuberkulożi, mill-bruċellożi, mil-lewkożi enzootika bovina u mir-rinotrakeite bovina infettiva fir-rigward tal-merħliet bovini, u l-marda ta’ Aujeszky fir-rigward tal-merħliet porċini.

(2)

Għalkemm iċ-Channel Islands u Isle of Man, bħala dipendenzi interni awtonomi tal-Kuruna Brittanika, mhumiex parti mill-Unjoni, huma għandhom relazzjoni speċjali u limitata mal-Unjoni. Għaldaqstant, ir-Regolament (KEE) Nru 706/73 tal-Kunsill (3) jipprevedi li għall-fini tal-applikazzjoni tar-regoli li jikkonċernaw, fost l-oħrajn, il-leġiżlazzjoni dwar is-saħħa tal-annimali, ir-Renju Unit, iċ-Channel Islands u Isle of Man għandhom jitqiesu bħala Stat Membru uniku.

(3)

Id-Direttiva 91/68/KEE tistabbilixxi l-kundizzjonijiet tas-saħħa tal-annimali li jirregolaw il-kummerċ tan-nagħaġ u tal-mogħoż fl-Unjoni. Din tistabbilixxi l-kundizzjonijiet li skonthom l-Istati Membri jew ir-reġjuni tagħhom jistgħu jiġu rikonoxxuti bħala uffiċjalment ħielsa mill-bruċellożi (B. melitensis) fir-rigward tal-merħliet tan-nagħaġ u tal-mogħoż.

(4)

L-Artikolu 2 tad-Deċiżjoni tal-Kummissjoni 93/52/KEE (4) jipprevedi li l-Istati Membri elenkati fl-Anness I tagħha huma rikonoxxuti bħala uffiċjalment ħielsa mill-bruċellożi (B. melitensis) fir-rigward tal-merħliet tan-nagħaġ u tal-mogħoż, f’konformità mal-kundizzjonijiet stabbiliti fid-Direttiva 91/68/KEE. Ir-Renju Unit huwa elenkat fl-Anness I ta’ dik id-Deċiżjoni bħala uffiċjalment ħieles mill-bruċellożi (B. melitensis).

(5)

L-Artikolu 1 tad-Deċiżjoni tal-Kummissjoni 2003/467/KE (5) jipprevedi li r-reġjuni tal-Istati Membri elenkati fil-Kapitolu 2 tal-Anness I tagħha huma ddikjarati uffiċjalment ħielsa mit-tuberkulożi fir-rigward tal-merħliet ta’ annimali bovini, f’konformità mal-kundizzjonijiet stabbiliti fid-Direttiva 64/432/KEE. Fir-rigward tar-Renju Unit, it-territorji tal-Iskozja u ta’ Isle of Man huma elenkati bħala reġjuni uffiċjalment ħielsa mit-tuberkulożi.

(6)

L-Artikolu 2 tad-Deċiżjoni 2003/467/KE jipprevedi li r-reġjuni tal-Istati Membri elenkati fil-Kapitolu 2 tal-Anness II tagħha huma ddikjarati uffiċjalment ħielsa mill-bruċellożi fir-rigward tal-merħliet ta’ annimali bovini, f’konformità mal-kundizzjonijiet stabbiliti fid-Direttiva 64/432/KEE. Fir-rigward tar-Renju Unit, it-territorji tal-Ingilterra, l-Iskozja u Wales, l-Irlanda ta’ Fuq u Isle of Man huma elenkati bħala reġjuni uffiċjalment ħielsa mill-bruċellożi.

(7)

L-Artikolu 3 tad-Deċiżjoni 2003/467/KE jipprevedi li l-Istati Membri u r-reġjuni tagħhom elenkati fl-Anness III tagħha huma ddikjarati uffiċjalment ħielsa mil-lewkożi enzootika bovina fir-rigward tal-merħliet ta’ annimali bovini, f’konformità mal-kundizzjonijiet stabbiliti fid-Direttiva 64/432/KEE. Fil-Kapitolu 1 tal-Anness III tad-Deċiżjoni 2003/467/KE, ir-Renju Unit huwa elenkat bħala Stat Membru uffiċjalment ħieles mil-lewkożi enzootika bovina, u fil-Kapitolu 2 ta’ dak l-Anness, Jersey u Isle of Man huma elenkati bħala reġjuni uffiċjalment ħielsa mil-lewkożi enzootika bovina.

(8)

Id-Deċiżjoni tal-Kummissjoni 2004/558/KE (6) telenka l-Istati Membri u r-reġjuni tagħhom li huma awtorizzati japplikaw garanziji addizzjonali għar-rinotrakeite bovina infettiva f’konformità mal-Artikoli 9 u 10 tad-Direttiva 64/432/KEE. Jersey huwa elenkat fl-Anness II ta’ dik id-Deċiżjoni bħala reġjun li fih japplikaw garanziji addizzjonali għar-rinotrakeite bovina infettiva f’konformità mal-Artikolu 10 tad-Direttiva 64/432/KEE.

(9)

Id-Deċiżjoni tal-Kummissjoni 2008/185/KE (7) tistabbilixxi garanziji addizzjonali għall-movimenti tal-ħnieżer bejn l-Istati Membri. Dawk il-garanziji huma marbuta mal-klassifikazzjoni tal-Istati Membri jew tar-reġjuni tagħhom skont l-istatus tal-mard tagħhom għall-marda ta’ Aujeszky. Ir-Renju Unit huwa elenkat fl-Anness I ta’ dik id-Deċiżjoni bħala uffiċjalment ħieles mill-marda ta’ Aujeszky. Il-punt 2(d) tal-Anness III ta’ dik id-Deċiżjoni jelenka l-istituti responsabbli għall-verifika tal-kwalità tal-metodu ELISA f’kull Stat Membru. Fost l-istituti elenkati hemm wieħed fir-Renju Unit. F’konformità mat-taqsima 36 tal-Anness 2 tal-Protokoll dwar l-Irlanda/l-Irlanda ta’ Fuq, ir-referenzi għal-laboratorji nazzjonali ta’ referenza fl-atti elenkati f’dik it-taqsima ma għandhomx jinqraw bħala li jinkludu l-laboratorju ta’ referenza fir-Renju Unit.

(10)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttivi 64/432/KEE u 91/68/KEE, kif ukoll l-atti tal-Kummissjoni bbażati fuqhom, japplikaw għar-Renju Unit u fih fir-rigward tal-Irlanda ta’ Fuq wara t-tmiem tal-perjodu ta’ tranżizzjoni previst fil-Ftehim dwar il-ħruġ. Għal dik ir-raġuni, ir-referenzi għar-Renju Unit fl-Anness I tad-Deċiżjoni 93/52/KEE, fil-Kapitolu 2 tal-Anness II tad-Deċiżjoni 2003/467/KE kif ukoll fil-Kapitolu 1 tal-Anness III tagħha u fl-Anness I tad-Deċiżjoni 2008/185/KE, jenħtieġ li jiġu sostitwiti b’referenzi għar-Renju Unit fir-rigward tal-Irlanda ta’ Fuq.

(11)	Barra minn hekk, jeħtieġ jitħassru r-referenzi għar-Renju Unit mill-Kapitolu 2 tal-Anness I tad-Deċiżjoni 2003/467/KE, kif ukoll mill-Kapitolu 2 tal-Anness III ta’ dik id-Deċiżjoni, mill-Anness II tad-Deċiżjoni 2004/558/KE u mill-Anness III tad-Deċiżjoni 2008/185/KE.

(12)	Għaldaqstant, id-Deċiżjonijiet 93/52/KEE, 2003/467/KE, 2004/558/KE u 2008/185/KE jenħtieġ li jiġu emendati skont dan.

(13)	Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021.

(14)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness I tad-Deċiżjoni 93/52/KEE, il-Kapitolu 2 tal-Anness II u l-Kapitolu 1 tal-Anness III tad-Deċiżjoni 2003/467/KE u l-Anness I tad-Deċiżjoni 2008/185/KE huma emendati kif stabbilit fl-Anness I ta’ din id-Deċiżjoni.

Artikolu 2

Il-Kapitolu 2 tal-Anness I u l-Kapitolu 2 tal-Anness III tad-Deċiżjoni 2003/467/KE, l-Anness II tad-Deċiżjoni 2004/558/KE u l-Anness III tad-Deċiżjoni 2008/185/KE huma emendati kif stabbilit fl-Anness II ta’ din id-Deċiżjoni.

Artikolu 3

Din id-Deċiżjoni għandha tapplika mill-1 ta’ Jannar 2021.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, is-16 ta’ Diċembru 2020.

Għall-Kummissjoni

Stella KYRIAKIDES

Membru tal-Kummissjoni

(1) ĠU 121, 29.7.1964, p. 1977/64.

(2) ĠU L 46, 19.2.1991, p. 19.

(3) Ir-Regolament (KEE) Nru 706/73 tal-Kunsill tat-12 ta’ Marzu 1973 li jikkonċerna l-arranġamenti tal-Komunità applikabbli għall-Channel Islands u l-Isle of Man għal kummerċ fi prodotti agrikoli (ĠU L 68, 15.3.1973, p. 1).

(4) Id-Deċiżjoni tal-Kummissjoni 93/52/KEE tal-21 ta’ Diċembru 1992 li tieħu nota tal-konformità ta’ ċerti Stati Membri jew reġjuni mal-kundizzjonijiet li jirrigwardaw il-bruċellosi (B.melitensis) u li tagħtihom l-istatus ta’ Stat Membru jew reġjun uffiċjalment ħieles mill-marda (ĠU L 13, 21.1.1993, p. 14).

(5) Id-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-istatus ta’ xi Stati Membri u reġjuni fl-Istati Membri bħala uffiċjalment ħielsa mit-tuberkolosi, bruċellosi u lewkosi bovina enżootika fir-rigward tal-merħliet ta’ annimali bovini (ĠU L 156, 25.6.2003, p. 74).

(6) Id-Deċiżjoni tal-Kummissjoni 2004/558/KE tal-15 ta’ Lulju 2004 li timplimenta d-Direttiva tal-Kunsill 64/432/KEE li tirrigwarda garanziji addizzjonali għan-negozju intra-Komunitarju ta’ annimali bovini relatati mar-rinotrakeite bovina infettiva u l-approvazzjoni tal-programmi ta’ qerda ppreżentati minn ċerti Stati Membri (ĠU L 249, 23.7.2004, p. 20).

(7) Id-Deċiżjoni tal-Kummissjoni 2008/185/KE tal-21 ta’ Frar 2008 dwar garanziji addizzjonali f’kummerċ intra-Komunitarju tal-majjal rigward il-marda ta’ Aujeszky, u kriterji sabiex jipprovdu informazzjoni dwar din il-marda (ĠU L 59, 4.3.2008, p. 19).

ANNESS I

Parti 1

Fl-Anness I tad-Deċiżjoni 93/52/KEE, it-tabella hija sostitwita b’dan li ġej:

“Kodiċi ISO	Stat Membru (*1)
BE	Il-Belġju
CZ	Iċ-Ċekja
DK	Id-Danimarka
DE	Il-Ġermanja
EE	L-Estonja
IE	L-Irlanda
CY	Ċipru
LV	Il-Latvja
LT	Il-Litwanja
LU	Il-Lussemburgu
HU	L-Ungerija
NL	In-Netherlands
AT	L-Awstrija
PL	Il-Polonja
RO	Ir-Rumanija
SI	Is-Slovenja
SK	Is-Slovakkja
FI	Il-Finlandja
SE	L-Iżvezja
UK(NI)	Ir-Renju Unit (l-Irlanda ta’ Fuq)

Parti 2

Il-Kapitolu 2 tal-Anness II tad-Deċiżjoni 2003/467/KE huwa emendat kif ġej:

(1)

It-titolu huwa sostitwit b’dan li ġej:

“Reġjuni tal-Istati Membri uffiċjalment ħielsa mill-bruċellożi (*2)

(*2) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.”"

(2)

l-entrata li tikkonċerna r-Renju Unit hija sostitwita b’dan li ġej:

“Fir-Renju Unit (l-Irlanda ta’ Fuq):

—	l-Irlanda ta’ Fuq.”

Parti 3

Fil-Kapitolu 1 tal-Anness III tad-Deċiżjoni 2003/467/KE, it-tabella hija sostitwita b’dan li ġej:

“Kodiċi ISO	Stat Membru (*3)
BE	Il-Belġju
CZ	Iċ-Ċekja
DK	Id-Danimarka
DE	Il-Ġermanja
EE	L-Estonja
IE	L-Irlanda
CY	Ċipru
LV	Il-Latvja
LT	Il-Litwanja
LU	Il-Lussemburgu
HU	L-Ungerija
NL	In-Netherlands
AT	L-Awstrija
PL	Il-Polonja
RO	Ir-Rumanija
SI	Is-Slovenja
SK	Is-Slovakkja
FI	Il-Finlandja
SE	L-Iżvezja
UK(NI)	Ir-Renju Unit (l-Irlanda ta’ Fuq)

Parti 4

L-Anness I tad-Deċiżjoni 2008/185/KE huwa emendat kif ġej:

(1)

It-titolu huwa sostitwit b’dan li ġej:

“L-Istati Membri (*4) jew ir-reġjuni tagħhom li huma ħielsa mill-marda ta’ Aujeszky u fejn il-vaċċinazzjoni hija pprojbita

(*4) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.”"

(2)

l-entrata li tikkonċerna r-Renju Unit hija sostitwita b’dan li ġej:

“UK(NI)

Ir-Renju Unit (l-Irlanda ta’ Fuq)

l-Irlanda ta’ Fuq.”

(*3) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq”

ANNESS II

Parti 1

Fil-Kapitolu 2 tal-Anness I tad-Deċiżjoni 2003/467/KE, titħassar l-entrata li tikkonċerna r-Renju Unit.

Parti 2

Fil-Kapitolu 2 tal-Anness III tad-Deċiżjoni 2003/467/KE, titħassar l-entrata li tikkonċerna r-Renju Unit.

Parti 3

Fl-Anness II tad-Deċiżjoni 2004/558/KE, titħassar l-entrata li tikkonċerna r-Renju Unit.

Parti 4

Fil-punt 2(d) tal-Anness III tad-Deċiżjoni 2008/185/KE, titħassar l-entrata li tikkonċerna r-Renju Unit.

17.12.2020

Il-Ġurnal Uffiċjali tal-Unjoni Ewropea

L 427/10

ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2110

tas-16 ta’ Diċembru 2020

li temenda l-Parti C tal-Anness I tad-Deċiżjoni 2009/177/KE fir-rigward tal-istatus ta’ ħelsien mill-mard tar-Renju Unit fir-rigward tal-Irlanda ta’ Fuq għal ċertu mard tal-annimali akkwatiċi

(notifikata bid-dokument C(2020) 9303)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2006/88/KE tal-24 ta' Ottubru 2006 dwar il-ħtiġiet tas-saħħa tal-annimali għall-annimali tal-akkwakultura u l-prodotti tagħhom, u dwar il-prevenzjoni u l-kontroll ta' ċertu mard f'annimali akkwatiċi (1), u b'mod partikolari l-Artikoli 49(1), 50(2)(a), 50(3), 51(2) u 61(3) tagħha,

Billi:

(1)

Id-Deċiżjoni tal-Kummissjoni 2009/177/KE (2) timplimenta d-Direttiva 2006/88/KE dwar programmi ta’ sorveljanza u qerda u status ta’ ħelsien minn mard ta’ Stati Membri, żoni u kompartimenti. It-tieni u r-raba’ kolonna tat-tabella fil-Parti C tal-Anness I ta’ dik id-Deċiżjoni telenka dawk l-Istati Membri li ġew iddikjarati ħielsa mill-mard skont l-Artikolu 49(1) tad-Direttiva 2006/88/KE, u dawk iż-żoni u l-kompartimenti li ġew iddikjarati ħielsa mill-mard skont l-Artikolu 50(3) ta’ dik id-Direttiva. Il-marda li għaliha japplika dan l-istat ta’ ħelsien mill-mard hija stabbilita fl-ewwel kolonna tal-istess tabella.

(2)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttiva 2006/88/KE, kif ukoll l-atti tal-Kummissjoni bbażati fuqu, japplikaw għar-Renju Unit u ġewwa fih fir-rigward tal-Irlanda ta’ Fuq wara l-perjodu ta’ tranżizzjoni li hemm previst fil-Ftehim dwar il-Ħruġ. Għal dik ir-raġuni, ir-referenzi għar-Renju Unit fil-Parti C tal-Anness I tad-Deċiżjoni 2009/177/KE jenħtieġ li jiġu sostitwiti b’referenzi għar-Renju Unit fir-rigward tal-Irlanda ta’ Fuq.

(3)	Għaldaqstant, jenħtieġ li l-Anness I tad-Deċiżjoni 2009/177/KE jiġi emendat skont dan.

(4)	Peress li l-perjodu ta’ tranżizzjoni previst fil-Ftehim dwar il-Ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021.

(5)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

Fl-Anness I tad-Deċiżjoni tal-Kummissjoni 2009/177/KE, il-Parti C tinbidel bit-test stabbilit fl-Anness ta' din id-Deċiżjoni.

Artikolu 2

Din id-Deċiżjoni għandha tapplika mill-1 ta’ Jannar 2021.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, is-16 ta’ Diċembru 2020.

Għall-Kummissjoni

Stella KYRIAKIDES

Membru tal-Kummissjoni

(1) ĠU L 328, 24.11.2006, p. 14.

(2) Id-Deċiżjoni tal-Kummissjoni 2009/177/KE tal-31 ta' Ottubru 2008 li timplimenta d-Direttiva tal-Kunsill 2006/88/KE dwar programmi ta' sorveljanza u qerda u status ta' ħelsien minn mard ta' Stati Membri, żoni u kompartimenti (ĠU L 63, 7.3.2009, p. 15).

ANNESS

“PARTI C

Stati Membri (*1) żoni u kompartimenti ddikjarati ħielsa mill-mard

Marda

Stat Membru

Kodiċi ISO

Demarkazzjoni ġeografika taż-żona ħielsa mill-mard (Stati Membri, żoni jew kompartimenti)

Settiċemija virali emorraġika (VHS)

id-Danimarka

It-territorju kontinentali sħiħ

l-Irlanda

It-territorju kollu

Ċipru

Iż-żoni kontinentali kollha fit-territorju tiegħu

il-Finlandja

Iż-żoni kontinentali u kostali kollha ġewwa t-territorju tagħha, ħlief il-Provinċja ta’ Åland

l-Iżvezja

It-territorju kollu

ir-Renju Unit (l-Irlanda ta’ Fuq)

UK(NI)

l-Irlanda ta’ Fuq

Nekrożi ematopojetika infettiva (IHN)

id-Danimarka

It-territorju kollu

l-Irlanda

It-territorju kollu

Ċipru

Iż-żoni kontinentali kollha fit-territorju tiegħu

il-Finlandja

It-territorju kollu, ħlief il-kompartiment kostali f’Ii, Kuivaniemi, u ż-żoni li ġejjin fejn jinġabar l-ilma: 14.72 Virmasvesi, 14.73 Nilakka, 4.74 iż-żona ta’ Saarijärvi u 4.41 iż-żona Pielinen

l-Iżvezja

It-territorju kollu

ir-Renju Unit (l-Irlanda ta’ Fuq)

UK(NI)

l-Irlanda ta’ Fuq

Il-marda tal-virus tal-erpete tal-koi (KHV)

l-Irlanda

It-territorju kollu

ir-Renju Unit (l-Irlanda ta’ Fuq)

UK(NI)

l-Irlanda ta’ Fuq

Anemija infettiva tas-salamun (ISA)

il-Belġju

It-territorju kollu

il-Bulgarija

It-territorju kollu

ir-Repubblika Ċeka

It-territorju kollu

id-Danimarka

It-territorju kollu

il-Ġermanja

It-territorju kollu

l-Estonja

It-territorju kollu

l-Irlanda

It-territorju kollu

il-Greċja

It-territorju kollu

Spanja

It-territorju kollu

Franza

It-territorju kollu

l-Italja

It-territorju kollu

Ċipru

It-territorju kollu

il-Latvja

It-territorju kollu

il-Litwanja

It-territorju kollu

il-Lussemburgu

It-territorju kollu

l-Ungerija

It-territorju kollu

Malta

It-territorju kollu

in-Netherlands

It-territorju kollu

l-Awstrija

It-territorju kollu

il-Polonja

It-territorju kollu

il-Portugall

It-territorju kollu

ir-Rumanija

It-territorju kollu

is-Slovenja

It-territorju kollu

is-Slovakkja

It-territorju kollu

il-Finlandja

It-territorju kollu

l-Iżvezja

It-territorju kollu

ir-Renju Unit (l-Irlanda ta’ Fuq)

UK/NI

l-Irlanda ta’ Fuq

Infezzjoni bil-Marteilia refringens

l-Irlanda

It-territorju kollu

ir-Renju Unit (l-Irlanda ta’ Fuq)

UK/NI

Il-kosta kollha tal-Irlanda ta' Fuq, minbarra Belfast Lough u l-Bajja ta' Dundrum

Infezzjoni bil-Bonamia ostreae

l-Irlanda

Il-kosta kollha tal-Irlanda, ħlief:

1.	Cork Harbour

2.	Galway Bay

3.	Ballinakill Harbour

Clew Bay

5.	Achill Sound

6.	Loughmore, Blacksod Bay

7.	Lough Foyle

8.	Lough Swilly

9.	Kilkieran Bay

ir-Renju Unit (l-Irlanda ta’ Fuq)

UK(NI)

Il-kosta kollha tal-Irlanda ta’ Fuq minbarra Lough Foyle u Strangford Lough

Il-marda tat-tikka bajda”

17.12.2020

Il-Ġurnal Uffiċjali tal-Unjoni Ewropea

L 427/14

ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2111

tas-16 ta’ Diċembru 2020

li temenda l-Anness I tad-Deċiżjoni 2010/221/UE fir-rigward tar-referenza għar-Renju Unit fir-rigward tal-Irlanda ta’ Fuq għall-approvazzjoni ta’ miżuri nazzjonali biex jiġi limitat l-impatt ta’ ċertu mard fl-annimali tal-akkwakultura u annimali akkwatiċi selvaġġi f’konformità mal-Artikolu 43 tad-Direttiva tal-Kunsill 2006/88/KE

(notifikata bid-dokument C(2020) 9302)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2006/88/KE tal-24 ta’ Ottubru 2006 dwar il-ħtiġiet tas-saħħa ta’ l-annimali għall-annimali ta’ l-akkwakultura u l-prodotti tagħhom, u dwar il-prevenzjoni u l-kontroll ta’ ċertu mard f’annimali akkwatiċi (1), u b’mod partikolari l-Artikolu 43(2) tagħha,

Billi:

(1)	Id-Deċiżjoni tal-Kummissjoni 2010/221/UE (2) tapprova miżuri nazzjonali biex jiġi limitat l-impatt ta’ ċertu mard fl-annimali tal-akkwakultura u annimali akkwatiċi selvaġġi f’konformità mal-Artikolu 43 tad-Direttiva 2006/88/KE.

(2)	It-territorju tar-Renju Unit huwa elenkat fit-tieni kolonna tat-tabella stabbilita fl-Anness I tad-Deċiżjoni 2010/221/UE, bħala ħieles mill-mard elenkat fl-ewwel kolonna ta’ dik it-tabella.

(3)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttiva 2006/88/KE kif ukoll l-atti tal-Kummissjoni bbażati fuqha, japplikaw għar-Renju Unit u fih fir-rigward tal-Irlanda ta’ Fuq wara l-perjodu ta’ tranżizzjoni previst fil-Ftehim dwar il-ħruġ. Għal dik ir-raġuni, ir-referenzi għar-Renju Unit fl-Anness I tad-Deċiżjoni 2010/221/UE jenħtieġ li jiġu sostitwiti b’referenzi għar-Renju Unit fir-rigward tal-Irlanda ta’ Fuq.

(4)	Għalhekk, l-Anness I tad-Deċiżjoni 2010/221/UE jenħtieġ li jiġi emendat skont dan.

(5)	Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021.

(6)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness I tad-Deċiżjoni 2010/221/UE huwa sostitwit bit-test stabbilit fl-Anness ta’ din id-Deċiżjoni.

Artikolu 2

Din id-Deċiżjoni għandha tapplika mill-1 ta’ Jannar 2021.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, is-16 ta’ Diċembru 2020.

Għall-Kummissjoni

Stella KYRIAKIDES

Membru tal-Kummissjoni

(1) ĠU L 328, 24.11.2006, p.14.

(2) Id-Deċiżjoni tal-Kummissjoni 2010/221/UE tal-15 ta’ April 2010 li tapprova miżuri nazzjonali biex jiġi limitat l-impatt ta’ ċertu mard fl-annimali tal-akkwakultura u annimali akkwatiċi selvaġġi b’konformità mal-Artikolu 43 tad-Direttiva tal-Kunsill 2006/88/KE (ĠU L 98, 20.4.2010, p. 7).

ANNESS

“ANNESS I

Stati Membri (*1) u żoni meqjusa ħielsa mill-mard elenkati fit-tabella u approvati biex jieħdu miżuri nazzjonali ħalli jevitaw l-introduzzjoni ta’ dak il-mard f’konformità mal-Artikolu 43(2) tad-Direttiva 2006/88/KE

Marda	Stat Membru	Kodiċi	Demarkazzjoni ġeografika taż-żona ħielsa mill-marda (Stat Membru, żona, kompartiment)
Viremija tar-Rebbiegħa tal-karpjun (SVC)	Id-Danimarka	DK	It-territorju kollu
	L-Irlanda	IE	It-territorju kollu
	L-Ungerija	HU	It-territorju kollu
	Il-Finlandja	FI	It-territorju kollu
	L-Iżvezja	SE	It-territorju kollu
	Ir-Renju Unit (l-Irlanda ta’ Fuq)	UK(NI)	L-Irlanda ta’ Fuq
Marda batterika tal-kliewi (BKD)	L-Irlanda	IE	It-territorju kollu
Marda batterika tal-kliewi (BKD)	Ir-Renju Unit (l-Irlanda ta’ Fuq)	UK(NI)	L-Irlanda ta’ Fuq
Virus tan-nekrożi pankreatika infettiva (IPN)	Il-Finlandja	FI	Il-partijiet kontinentali tat-territorju
Virus tan-nekrożi pankreatika infettiva (IPN)	L-Iżvezja	SE	Il-partijiet kontinentali tat-territorju
Infezzjoni bil-Gyrodactylus salaris (GS)	L-Irlanda	IE	It-territorju kollu
	Il-Finlandja	FI	Iż-żoni tal-ġbir tal-ilma ta’ Tenojoki u Näätämönjoki; iż-żoni tal-ġbir tal-ilma ta’ Paatsjoki, Tuulomajoki, u Uutuanjoki huma meqjusa bħala żoni ta’ lqugħ
	Ir-Renju Unit (l-Irlanda ta’ Fuq)	UK(NI)	L-Irlanda ta’ Fuq
Ostreid herpesvirus 1 μvar (OsHV-1 μVar)	L-Irlanda	IE	Kompartiment 1: Il-bajja ta’ Sheephaven Kompartiment 3: Il-bajjiet ta’ Killala, Broadhaven u Blacksod Kompartiment 4: Il-bajja ta’ Streamstown Kompartiment 5: Il-bajjiet ta’ Bertraghboy u Galway Kompartiment A: Il-mafqas tal-bajja ta’ Tralee
Ostreid herpesvirus 1 μvar (OsHV-1 μVar)	Ir-Renju Unit (l-Irlanda ta’ Fuq)	UK(NI)	It-territorju tal-Irlanda ta’ Fuq għajr il-bajja ta’ Dundrum, il-bajja ta’ Killough, Lough Foyle, Carlingford Lough, Larne Lough u Strangford Lough
Infezzjoni bl-alfavirus tas-salmonidi (SAV)	Il-Finlandja	FI	Il-partijiet kontinentali tat-territorju

”

17.12.2020

Il-Ġurnal Uffiċjali tal-Unjoni Ewropea

L 427/17

ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2112

tas-16 ta’ Diċembru 2020

li temenda l-Annessi tad-Deċiżjonijiet 93/455/KEE, 1999/246/KE u 2007/24/KE fir-rigward tal-approvazzjoni tal-pjanijiet ta’ kontinġenza tar-Renju Unit fir-rigward tal-Irlanda ta’ Fuq għall-kontroll tal-marda tal-ilsien u d-dwiefer, tad-deni klassiku tal-ħnieżer, tal-influwenza avjarja u tal-marda ta’ Newcastle

(notifikata bid-dokument C(2020) 9307)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 92/66/KEE tal-14 ta’ Lulju 1992 li tintroduċi miżuri tal-Komunità għal kontroll tal-marda Newcastle (1),u b’mod partikolari l-Artikolu 21(3) tagħha,

Wara li kkunsidrat id-Direttiva tal-Kunsill 2001/89/KE tat-23 ta’ Ottubru 2001 dwar il-miżuri tal-Komunità għall-kontroll tal-marda tal-infafet vesikolari (deni klassiku) tal-ħnieżer (2),u b’mod partikolari l-Artikolu 22(3) tagħha,

Wara li kkunsidrat id-Direttiva tal-Kunsill 2003/85/KE tad-29 ta’ Settembru 2003 dwar miżuri tal-Komunità fuq il-kontroll tal-marda tal-ilsien u d-dwiefer li tirrevoka id-Direttiva 85/511/KEE u d-Deċiżjoni 89/531/KEE u 91/665/KEE u tammenda d-Direttiva 92/46/KEE (3), u b’mod partikolari l-Artikolu 72(7) tagħha,

Wara li kkunsidrat id-Direttiva tal-Kunsill 2005/94/KE tal-20 ta’ Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (4),u b’mod partikolari l-Artikolu 62(4) tagħha,

Billi:

(1)	Id-Deċiżjoni tal-Kummissjoni 93/455/KEE (5) tapprova l-pjanijiet ta’ kontinġenza għall-kontroll tal-marda tal-ilsien u d-dwiefer għall-Istati Membri elenkati fl-Anness tagħha.

(2)	Id-Deċiżjoni tal-Kummissjoni 1999/246/KE (6) tapprova l-pjanijiet ta’ kontinġenza għall-kontroll tad-deni klassiku tal-ħnieżer għall-Istati Membri elenkati fl-Anness tagħha.

(3)	L-Anness tad-Deċiżjoni tal-Kummissjoni 2007/24/KE (7) jistabbilixxi l-lista tal-Istati Membri li approvaw il-pjanijiet ta’ kontinġenza għall-kontroll tal-influwenza avjarja u tal-marda ta’ Newcastle.

(4)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttivi 92/66/KEE, 2001/89/KE, 2003/85/KE u 2005/94/KE kif ukoll l-atti tal-Kummissjoni bbażati fuqhom, japplikaw għar-Renju Unit u fih fir-rigward tal-Irlanda ta’ Fuq wara l-perjodu ta’ tranżizzjoni previst fil-Ftehim dwar il-ħruġ. Għal dik ir-raġuni, ir-referenzi għar-Renju Unit fl-Annessi tad-Deċiżjonijiet 93/455/KEE, 1999/246/KE u 2007/24/KE jenħtieġ li jiġu sostitwiti b’referenzi għar-Renju Unit fir-rigward tal-Irlanda ta’ Fuq.

(5)	Għalhekk, l-Annessi tad-Deċiżjonijiet 93/455/KEE, 1999/246/KE u 2007/24/KE jenħtieġ li jiġu emendati skont dan.

(6)	Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021.

(7)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni 93/455/KEE huwa sostitwit bit-test stabbilit fl-Anness I ta’ din id-Deċiżjoni.

Artikolu 2

Fl-Anness tad-Deċiżjoni 1999/246/KE, fil-lista, l-entrata għar-Renju Unit hija sostitwita b’dan li ġej:

“Ir-Renju Unit (l-Irlanda ta’ Fuq) (*)

Artikolu 3

L-Anness tad-Deċiżjoni 2007/24/KE huwa sostitwit bit-test stabbilit fl-Anness II ta’ din id-Deċiżjoni.

Artikolu 4

Din id-Deċiżjoni għandha tapplika mill-1 ta’ Jannar 2021.

Artikolu 5

Din id-Deċiżjoni hija indirizzata lill-Istati Membri.

Magħmul fi Brussell, is-16 ta’ Diċembru 2020.

Għall-Kummissjoni

Stella KYRIAKIDES

Membru tal-Kummissjoni

(1) ĠU L 260, 5.9.1992, p. 1.

(2) ĠU L 316, 1.12.2001, p. 5.

(3) ĠU L 306, 22.11.2003, p. 1.

(4) ĠU L 10, 14.1.2006, p. 16.

(5) Id-Deċiżjoni tal-Kummissjoni 93/455/KEE tat-23 ta’ Lulju 1993 li tapprova ċerti pjanijiet ta’ kontinġenza għall-kontroll tal-marda tal-ilsien u d-dwiefer (ĠU L 213, 24.8.1993, p. 20).

(6) Id-Deċiżjoni tal-Kummissjoni 1999/246/KE tat-30 ta’ Marzu 1999 li tapprova ċerti pjanijiet ta’ kontinġenza għall-kontroll tad-deni klassiku tal-ħnieżer (ĠU L 93, 8.4.1999, p. 24).

(7) Id-Deċiżjoni tal-Kummissjoni 2007/24/KE tat-22 ta’ Diċembru 2006 li tapprova l-pjanijiet ta’ kontinġenza għall-kontroll tal-influwenza tat-tjur u l-marda ta’ Newcastle (ĠU L 8, 13.1.2007, p. 26).

ANNESS I

“ANNESS

Il-pjanijiet ta’ kontinġenza għall-kontroll tal-marda tal-ilsien u d-dwiefer tal-Istati Membri (1) li ġejjin huma approvati:

Il-Belġju

Id-Danimarka

Il-Ġermanja

Il-Greċja

Spanja

Franza

L-Irlanda

L-Italja

Il-Lussemburgu

In-Netherlands

L-Awstrija

Il-Portugall

Il-Finlandja

L-Iżvezja

Ir-Renju Unit (l-Irlanda ta’ Fuq)

”

(1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.

ANNESS II

“ANNESS

Lista tal-Istati Membri (1) msemmija fl-Artikolu 3

Kodiċi	Pajjiż
AT	L-Awstrija
BE	Il-Belġju
BG	Il-Bulgarija
CY	Ċipru
CZ	Iċ-Ċekja
DE	Il-Ġermanja
DK	Id-Danimarka
EE	L-Estonja
EL	Il-Greċja
ES	Spanja
FI	Il-Finlandja
FR	Franza
HU	L-Ungerija
IE	L-Irlanda
IT	L-Italja
LV	Il-Latvja
LT	Il-Litwanja
LU	Il-Lussemburgu
MT	Malta
NL	In-Netherlands
PL	Il-Polonja
PT	Il-Portugall
RO	Ir-Rumanija
SE	L-Iżvezja
SI	Is-Slovenja
SK	Is-Slovakkja
UK(NI)	Ir-Renju Unit (l-Irlanda ta’ Fuq)

17.12.2020

Il-Ġurnal Uffiċjali tal-Unjoni Ewropea

L 427/21

ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2113

tas-16 ta’ Diċembru 2020

li temenda l-Anness I tad-Deċiżjoni 2004/3/KE li tawtorizza, fir-rigward tal-bejgħ ta’ patata taż-żrigħ fit-territorju kollu jew parti ta’ ċerti Stati Membri, miżuri aktar iebsa kontra ċertu mard barra minn dawk previsti fl-Annessi I u II tad-Direttiva tal-Kunsill 2002/56/KE, fir-rigward tal-entrata għar-Renju Unit

(notifikata bid-dokument C(2020) 9306)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2002/56/KE tat-13 ta’ Ġunju 2002 dwar il-bejgħ fis-suq tal-patata taż-żerriegħa (1),u b’mod partikolari l-Artikolu 17(2) tagħha,

Billi:

(1)

Id-Direttiva 2002/56/KE tipprevedi li fir-rigward tal-bejgħ tal-patata taż-żerriegħa fit-territorju kollu jew parti minnu ta’ Stat Membru wieħed jew aktar, il-Kummissjoni jeħtieġ tawtorizza miżuri iktar iebsa minn dawk previsti fl-Annessi I u II tagħha li jridu jittieħdu kontra l-organiżmi ta’ ħsara li ma jeżistux f’dawk ir-reġjuni jew li jidhru partikolarment ta’ ħsara għall-għelejjel f’dawk ir-reġjuni.

(2)

F’dak ir-rigward, id-Deċiżjoni tal-Kummissjoni 2004/3/KE (2) tawtorizza fir-rigward tal-bejgħ ta’ patata taż-żrigħ fit-territorju kollu jew parti minnu ta’ ċerti Stati Membri, miżuri aktar iebsa kontra ċertu mard barra minn dawk previsti fl-Annessi I u II tad-Direttiva tal-Kunsill 2002/56/KE. B’mod partikolari, id-Deċiżjoni 2004/3/KE tipprevedi li l-Istati Membri elenkati fil-kolonna 1 tal-Anness I tagħha, fir-rigward tal-bejgħ tal-patata taż-żrigħ fir-reġjuni elenkati maġenb isimhom fil-kolonna 2 ta’ dak l-Anness, huma awtorizzati jdaħħlu ċerti restrizzjonijiet fuq il-bejgħ tal-patata taż-żrigħ. Fir-rigward tar-Renju Unit, il-kolonna 2 tal-Anness I tad-Deċiżjoni 2004/3/KE attwalment telenka r-reġjuni ta’ Cumbria, Northumberland (l-Ingilterra), l-Irlanda ta’ Fuq u l-Iskozja għall-finijiet ta’ dik l-awtorizzazzjoni.

(3)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, id-Direttiva 2002/56/KE kif ukoll l-atti tal-Kummissjoni bbażati fuqha, japplikaw għar-Renju Unit u fih fir-rigward tal-Irlanda ta’ Fuq wara l-perjodu ta’ tranżizzjoni previst fil-Ftehim dwar il-ħruġ. Għal dik ir-raġuni, fi tmiem il-perjodu ta’ tranżizzjoni, l-Irlanda ta’ Fuq biss jenħtieġ li tiġi elenkata bħala reġjun fil-kolonna 2 tal-Anness I tad-Deċiżjoni 2004/3/KE.

(4)	Għalhekk, l-Anness I tad-Deċiżjoni 2004/3/KE jenħtieġ li jiġi emendat skont dan.

(5)	Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021.

(6)	Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness 1 tad-Deċiżjoni 2004/3/KE huwa sostitwit bit-test stabbilit fl-Anness ta’ din id-Deċiżjoni.

Artikolu 2

Din id-Deċiżjoni għandha tapplika mill-1 ta’ Jannar 2021.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, is-16 ta’ Diċembru 2020.

Għall-Kummissjoni

Stella KYRIAKIDES

Membru tal-Kummissjoni

(1) ĠU L 193, 20.7.2002, p. 60.

(2) Id-Deċiżjoni tal-Kummissjoni 2004/3/KE, tad-19 ta’ Diċembru 2003 li tawtorizza, fir-rigward tal-bejgħ ta’ patata taż-żrigħ fit-territorju kollu jew parti ta’ ċerti Stati Membri, miżuri aktar iebsa kontra ċerti mard barra minn dawk previsti f’Annessi I u II tad-Direttiva tal-Kunsill 2002/56/KE (ĠU L 2, 6.1.2004, p. 47).

ANNESS

“ANNESS I

Stat Membru (1)

Reġjun

Il-Ġermanja

—	Bundesland Mecklenburg-Vorpommern

—	Gemeinde Groß Lüsewitz

—	Ortsteile Lindenhof und Pentz der Gemeinde Metschow

—	Gemeinden Böhlendorf, Breesen, Langsdorf sowie Ortsteil Grammow der Gemeinde Grammow

—	Gemeinden Hohenbrünzow, Hohenmocker, Ortsteil Ganschendorf der Gemeinde Sarow sowie Ortsteil Leistenow der Gemeinde Utzedel

—	Gemeinden Ranzin, Lüssow und Gribow

—	Gemeinde Pelsin

L-Irlanda

It-territorju kollu

Il-Portugall

Azores (iż-żoni b’altitudni ta’ iktar minn 300 m)

Il-Finlandja

Il-muniċipalitajiet ta’ Liminka u Tyrnävä

Ir-Renju Unit (1)

L-Irlanda ta’ Fuq

”

		ISSN 1977-074X
Il-Ġurnal Uffiċjali tal-Unjoni Ewropea		L 427

Edizzjoni bil-Malti	Leġiżlazzjoni	Volum 63 17 ta' Diċembru 2020

Werrej		II Atti mhux leġiżlattivi	Paġna
		REGOLAMENTI
	*	Ir-Regolament ta’ Implimentazzjoni tal-Kummissjoni (UE) 2020/2108 tas-16 ta’ Diċembru 2020 li jemenda l-Anness II tar-Regolament ta’ Implimentazzjoni (UE) 2019/627 fir-rigward tal-marka tas-saħħa li għandha tintuża għal ċertu laħam maħsub għall-konsum mill-bniedem fir-Renju Unit fir-rigward tal-Irlanda ta’ Fuq ( 1 )	1
		DEĊIŻJONIJIET
	*	Id-Deċiżjoni ta’ Implimentazzojni tal-Kummissjoni (UE) 2020/2109 tas-16 ta’ Diċembru 2020 li temenda d-Deċiżjonijiet 93/52/KEE,2003/467/KE, 2004/558/KE u 2008/185/KE fir-rigward tal-elenkar tal-Istati Membri u r-reġjuni tagħhom rikonoxxuti bħala uffiċjalment ħielsa minn diversi mard tal-annimali terrestri (notifikata bid-dokument C(2020) 9301) ( 1 )	4
	*	Id-Deċiżjoni ta’ Implimentazzojni tal-Kummissjoni (UE) 2020/2110 tas-16 ta’ Diċembru 2020 li temenda l-Parti C tal-Anness I tad-Deċiżjoni 2009/177/KE fir-rigward tal-istatus ta’ ħelsien mill-mard tar-Renju Unit fir-rigward tal-Irlanda ta’ Fuq għal ċertu mard tal-annimali akkwatiċi (notifikata bid-dokument C(2020) 9303) ( 1 )	10
	*	Id-Deċiżjoni ta’ Implimentazzojni tal-Kummissjoni (UE) 2020/2111 tas-16 ta’ Diċembru 2020 li temenda l-Anness I tad-Deċiżjoni 2010/221/UE fir-rigward tar-referenza għar-Renju Unit fir-rigward tal-Irlanda ta’ Fuq għall-approvazzjoni ta’ miżuri nazzjonali biex jiġi limitat l-impatt ta’ ċertu mard fl-annimali tal-akkwakultura u annimali akkwatiċi selvaġġi f’konformità mal-Artikolu 43 tad-Direttiva tal-Kunsill 2006/88/KE (notifikata bid-dokument C(2020) 9302) ( 1 )	14
	*	Id-Deċiżjoni ta’ Implimentazzojni tal-Kummissjoni (UE) 2020/2112 tas-16 ta’ Diċembru 2020 li temenda l-Annessi tad-Deċiżjonijiet 93/455/KEE, 1999/246/KE u 2007/24/KE fir-rigward tal-approvazzjoni tal-pjanijiet ta’ kontinġenza tar-Renju Unit fir-rigward tal-Irlanda ta’ Fuq għall-kontroll tal-marda tal-ilsien u d-dwiefer, tad-deni klassiku tal-ħnieżer, tal-influwenza avjarja u tal-marda ta’ Newcastle (notifikata bid-dokument C(2020) 9307) ( 1 )	17
	*	Id-Deċiżjoni ta’ Implimentazzojni tal-Kummissjoni (UE) 2020/2113 tas-16 ta’ Diċembru 2020 li temenda l-Anness I tad-Deċiżjoni 2004/3/KE li tawtorizza, fir-rigward tal-bejgħ ta’ patata taż-żrigħ fit-territorju kollu jew parti ta’ ċerti Stati Membri, miżuri aktar iebsa kontra ċertu mard barra minn dawk previsti fl-Annessi I u II tad-Direttiva tal-Kunsill 2002/56/KE, fir-rigward tal-entrata għar-Renju Unit (notifikata bid-dokument C(2020) 9306) ( 1 )	21


	(1) Test b'rilevanza għaż-ŻEE.