ISSN 1977-074X |
||
Il-Ġurnal Uffiċjali tal-Unjoni Ewropea |
L 406 |
|
Edizzjoni bil-Malti |
Leġiżlazzjoni |
Volum 63 |
|
|
Rettifika |
|
|
|
||
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
3.12.2020 |
MT |
Il-Ġurnal Uffiċjali tal-Unjoni Ewropea |
L 406/1 |
REGOLAMENT DELEGAT TAL-KUMMISSJONI (UE) 2020/1816
tas-17 ta’ Lulju 2020
li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-ispjegazzjoni fid-dikjarazzjoni ta’ parametru referenzjarju dwar kif il-fatturi ambjentali, soċjali u ta’ governanza huma riflessi f’kull parametru referenzjarju pprovdut u ppubblikat
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1011 tal-Parlament Ewropew u tal-Kunsill tat-8 ta’ Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta’ fondi ta’ investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (1), u b’mod partikolari l-Artikolu 27(2b) tiegħu,
Billi:
(1) |
Il-Ftehim ta’ Pariġi adottat fil-kuntest tal-Konvenzjoni Qafas tan-Nazzjonijiet Uniti dwar it-Tibdil fil-Klima, approvat mill-Unjoni fil-5 ta’ Ottubru 2016 (2) (il-“Ftehim ta’ Pariġi”), għandu l-għan li jsaħħaħ ir-rispons għat-tibdil fil-klima, fost affarijiet oħra permezz ta’ flussi ta’ investiment li jkunu konsistenti mal-mixja lejn emissjonijiet ta’ gassijiet serra baxxi u żvilupp reżiljenti għall-klima. |
(2) |
Fil-11 ta’ Diċembru 2019, il-Kummissjoni adottat il-Komunikazzjoni tagħha lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni “Il-Patt Ekoloġiku Ewropew” (3). Il-Patt Ekoloġiku Ewropew jirrappreżenta strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u prosperuża, b’ekonomija moderna, effiċjenti fl-użu tar-riżorsi u kompetittiva fejn ma jkunx hemm emissjonijiet netti ta’ gassijiet serra fl-2050 u fejn it-tkabbir ekonomiku jkun separat mill-użu tar-riżorsi. L-implimentazzjoni tal-Patt Ekoloġiku Ewropew tirrikjedi li l-investituri jiġu offruti sinjali ċari fuq perjodu ta’ żmien twil biex jiġu evitati l-assi mhux rekuperabbli u biex jinġabru finanzi sostenibbli. |
(3) |
Ir-Regolament (UE) 2016/1011 jesiġi li l-amministraturi tal-parametri referenzjarji jispjegaw fid-dikjarazzjoni ta’ parametru referenzjarju kif il-fatturi ambjentali, soċjali u ta’ governanza (ESG - environmental, social and governance) huma riflessi f’kull parametru referenzjarju jew familja ta’ parametri referenzjarji li jkunu pprovduti u ppubblikati. |
(4) |
Jekk ikun hemm modi differenti ta’ kif jiġi spjegat kif il-fatturi ESG huma riflessi, dan iwassal għal nuqqas ta’ komparabbiltà bejn il-parametri referenzjarji u għal nuqqas ta’ ċarezza rigward il-kamp ta’ applikazzjoni u l-objettivi tal-fatturi ESG. Għaldaqstant huwa neċessarju li jiġi speċifikat il-kontenut ta’ dik l-ispjegazzjoni u li jiġi stipulat mudell li għandu jintuża. |
(5) |
Sabiex l-informazzjoni tiġi adattata aħjar għall-investituri, ir-rekwiżit li jiġi spjegat kif il-fatturi ESG huma riflessi f’kull parametru referenzjarju jew familja ta’ parametri referenzjarji li jkunu pprovduti u ppubblikati jeħtieġ li jikkunsidra l-assi sottostanti li fuqhom ikunu bbażati l-parametri referenzjarji. Jenħtieġ li dan ir-Regolament ma japplikax għall-parametri referenzjarji li ma għandhomx assi sottostanti li għandhom impatt fuq it-tibdil fil-klima bħall-parametri referenzjarji tar-rata tal-imgħax u l-parametri referenzjarji tal-kambju. |
(6) |
Jenħtieġ li l-ispjegazzjoni dwar kif inhuma riflessi l-fatturi ESG tkun tindika l-punteġġ korrispondenti tal-fatturi ESG rilevanti vis-à-vis il-parametru referenzjarju, f’valur medju ponderat aggregat. Jenħtieġ li tali punteġġ ma jiġix iddivulgat għal kull kostitwent tal-parametri referenzjarji. Fejn rilevanti u xieraq, jenħtieġ li l-amministraturi tal-parametri referenzjarji jkunu jistgħu jipprovdu informazzjoni ESG addizzjonali. |
(7) |
Minħabba l-karatteristiċi u l-objettivi tagħhom, jenħtieġ li jiġu stabbiliti rekwiżiti speċifiċi għad-divulgazzjoni tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi, u għall-parametri referenzjarji tal-ekwitajiet u tal-bonds ta’ importanza sinifikanti. |
(8) |
Sabiex l-utenti tal-parametri referenzjarji jingħataw informazzjoni preċiża u aġġornata, jenħtieġ li l-amministraturi tal-parametri referenzjarji jaġġornaw l-informazzjoni pprovduta biex tirrifletti kull bidla li ssir fid-dikjarazzjoni ta’ parametru referenzjarju, u jenħtieġ li jindikaw ir-raġuni u d-dati meta tkun ġiet aġġornata l-informazzjoni, |
ADOTTAT DAN IR-REGOLAMENT:
Artikolu 1
Definizzjonijiet
Għall-iskopijiet ta’ dan ir-Regolament, għandhom japplikaw id-definizzjonijiet li ġejjin:
(a) |
“ekwità” tfisser ishma kkwotati; |
(b) |
“introjtu fiss” tfisser titoli ta’ dejn ikkwotati, għajr dawk maħruġa minn emittent sovran; |
(c) |
“dejn sovran” tfisser titoli ta’ dejn maħruġa minn emittent sovran. |
Artikolu 2
Spjegazzjoni ta’ kif il-fatturi ESG huma riflessi f’kull parametru referenzjarju jew familja ta’ parametri referenzjarji
1. L-amministraturi tal-parametri referenzjarji għandhom jispjegaw fid-dikjarazzjoni ta’ parametru referenzjarju, billi jużaw il-mudell stipulat fl-Anness I, kif il-fatturi ambjentali, soċjali u ta’ governanza (ESG) elenkati fl-Anness II huma riflessi f’kull parametru referenzjarju jew familja ta’ parametri referenzjarji li jkunu pprovdew u ppubblikaw.
Ir-rekwiżit stabbilit fl-ewwel subparagrafu ma għandux japplika għall-parametri referenzjarji tar-rata tal-imgħax u tal-kambju.
2. L-ispjegazzjoni msemmija fil-paragrafu 1 għandha tinkludi l-punteġġ tal-fatturi ESG vis-à-vis il-parametru referenzjarju u l-familja ta’ parametri referenzjarji korrispondenti, f’valur medju ponderat aggregat.
3. Għall-parametri referenzjarji individwali, l-amministraturi tal-parametri referenzjarji jistgħu, minflok ma jipprovdu l-informazzjoni kollha meħtieġa mill-mudell stipulat fl-Anness I ta’ dan ir-Regolament, jissostitwixxu dik l-informazzjoni b’iperlink inkluż fid-dikjarazzjoni ta’ parametru referenzjarju, għal sit web li jkun fih dik l-informazzjoni kollha.
4. Fil-każijiet fejn il-parametri referenzjarji jamalgamaw assi sottostanti differenti, l-amministraturi tal-parametri referenzjarji għandhom jispjegaw kif il-fatturi ESG huma riflessi għal kull wieħed mill-assi sottostanti.
5. L-amministraturi tal-parametri referenzjarji għandhom jinkludu fl-ispjegazzjoni pprovduta referenza għas-sorsi tad-data u tal-istandards użati għall-fatturi ESG iddivulgati.
6. L-amministraturi tal-parametri referenzjarji li jiddivulgaw fatturi ESG addizzjonali f’konformità mal-Artikolu 1(4) tar-Regolament Delegat tal-Kummissjoni (UE) 2020/1817 (4) għandhom jinkludu l-punteġġ ta’ dawk il-fatturi ESG addizzjonali.
Artikolu 3
Aġġornament tal-ispjegazzjoni pprovduta
L-amministraturi tal-parametri referenzjarji għandhom jaġġornaw l-ispjegazzjoni pprovduta kull meta jsiru bidliet sinifikanti relatati mal-fatturi ESG u fi kwalunkwe każ fuq bażi annwali. Għandhom jiddikjaraw ir-raġunijiet għall-aġġornament.
Artikolu 4
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Lulju 2020.
Għall-Kummissjoni
Il-President
Ursula VON DER LEYEN
(1) ĠU L 171, 29.6.2016, p. 1.
(2) Id-Deċiżjoni tal-Kunsill (UE) 2016/1841 tal-5 ta’ Ottubru 2016 dwar il-konklużjoni, f’isem l-Unjoni Ewropea, tal-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (ĠU L 282, 19.10.2016, p. 1).
(3) COM(2019) 640 final.
(4) Ir-Regolament Delegat tal-Kummissjoni (UE) 2020/1817 tas-17 ta’ Lulju 2020 li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-kontenut minimu tal-ispjegazzjoni dwar kif il-fatturi ambjentali, soċjali u ta’ governanza huma riflessi fil-metodoloġija tal-parametri referenzjarji (ara paġna 12 ta’ dan il-Ġurnal Uffiċjali)..
ANNESS I
MUDELL GĦALL-ISPJEGAZZJONI TA’ KIF IL-FATTURI AMBJENTALI, SOĊJALI U TA’ GOVERNANZA (ESG) HUMA RIFLESSI FID-DIKJARAZZJONI TA’ PARAMETRU REFERENZJARJU
SPJEGAZZJONI TA’ KIF IL-FATTURI ESG HUMA RIFLESSI F’KULL PARAMETRU REFERENZJARJU |
|||
TAQSIMA 1 – KUNSIDERAZZJONI TAL-FATTURI ESG |
|||
Entrata 1. Isem l-amministratur tal-parametru referenzjarju. |
|
||
Entrata 2. Tip ta’ parametru referenzjarju jew familja ta’ parametri referenzjarji. Agħżel l-assi sottostanti rilevanti mil-lista pprovduta fl-Anness II. |
|
||
Entrata 3. Isem il-parametru referenzjarju jew familja ta’ parametri referenzjarji. |
|
||
Entrata 4. Fil-portafoll tal-amministratur tal-parametru referenzjarju hemm xi Parametri Referenzjarji tat-Tranżizzjoni Klimatika tal-UE, Parametri Referenzjarji tal-UE allinjati mal-Ftehim ta’ Pariġi, parametri referenzjarji li jfittxu li jiksbu l-objettivi ESG jew parametri referenzjarji li jqisu l-fatturi ESG? |
☐ Iva ☐ Le |
||
Entrata 5. Il-parametru referenzjarju jew il-familja ta’ parametri referenzjarji jfittxu li jiksbu l-objettivi ESG? |
☐ Iva ☐ Le |
||
Entrata 6. Meta t-tweġiba għall-Entrata 5 tkun pożittiva, ipprovdi d-dettalji (il-punteġġ) hawn taħt b’rabta mal-fatturi ESG elenkati fl-Anness II għal kull familja ta’ parametri referenzjarji fil-livell aggregat. Il-fatturi ESG għandhom jiġu ddivulgati f’valur medju ponderat aggregat fil-livell tal-familja ta’ parametri referenzjarji. |
|||
|
Dettalji dwar kull fattur: |
||
|
Dettalji dwar kull fattur: |
||
|
Dettalji dwar kull fattur: |
||
|
Dettalji dwar kull fattur: |
||
Entrata 7. Meta t-tweġiba għall-Entrata 5 tkun pożittiva, ipprovdi d-dettalji (il-punteġġ) hawn taħt għal kull parametru referenzjarju, b’rabta mal-fatturi ESG elenkati fl-Anness II, skont l-assi sottostanti rilevanti kkonċernat. Inkella, din l-informazzjoni kollha tista’ tiġi pprovduta fl-għamla ta’ iperlink għal sit web tal-amministratur tal-parametru referenzjarju li jiġi inkluż fid-dikjarazzjoni ta’ parametru referenzjarju. L-informazzjoni dwar is-sit web għandha tkun faċilment disponibbli u aċċessibbli. L-amministraturi tal-parametri referenzjarji għandhom jiżguraw li l-informazzjoni ppubblikata fuq is-sit web tagħhom tibqa’ disponibbli għal ħames snin. Il-punteġġ tal-fatturi ESG ma għandux jiġi ddivulgat għal kull kostitwent tal-parametru referenzjarju, iżda għandu jiġi ddivulgat f’valur medju ponderat aggregat tal-parametru referenzjarju. |
|||
|
Dettalji dwar kull fattur: |
||
|
Dettalji dwar kull fattur: |
||
|
Dettalji dwar kull fattur: |
||
|
Dettalji dwar kull fattur: |
||
Iperlink għall-informazzjoni dwar il-fatturi ESG għal kull parametru referenzjarju: |
|
||
Entrata 8. Id-data u l-istandards użati |
|||
|
|
||
|
|
||
TAQSIMA 2 – REKWIŻITI ADDIZZJONALI TA’ DIVULGAZZJONI GĦALL-PARAMETRI REFERENZJARJI TAT-TRANŻIZZJONI KLIMATIKA TAL-UE U L-PARAMETRI REFERENZJARJI TAL-UE ALLINJATI MAL-FTEHIM TA’ PARIĠI |
|||
Entrata 9. Meta parametru referenzjarju jkun denominat bħala “Parametru Referenzjarju tat-Tranżizzjoni Klimatika tal-UE” jew “Parametru Referenzjarju tal-UE allinjat mal-Ftehim ta’ Pariġi”, l-amministraturi tal-parametri referenzjarji għandhom jiddivulgaw ukoll l-informazzjoni segwenti: |
|||
|
|
||
|
|
||
|
|
||
TAQSIMA 3 – DIVULGAZZJONI TAL-ALLINJAMENT MAL-OBJETTIVI TAL-FTEHIM TA’ PARIĠI |
|||
Entrata 10. Mid-data ta’ applikazzjoni ta’ dan ir-Regolament, għall-parametri referenzjarji tal-ekwitajiet u tal-bonds ta’ importanza sinifikanti, għall-Parametri Referenzjarji tat-Tranżizzjoni Klimatika tal-UE u għall-Parametri Referenzjarji tal-UE allinjati mal-Ftehim ta’ Pariġi, l-amministraturi tal-parametri referenzjarji għandhom ukoll jiddivulgaw l-informazzjoni segwenti. Sal-31 ta’ Diċembru 2021, l-amministraturi tal-parametri referenzjarji għandhom, għal kull parametru referenzjarju jew, fejn applikabbli, għal kull familja ta’ parametri referenzjarji, jiddivulgaw l-informazzjoni segwenti: |
|||
|
☐ Iva ☐ Le |
||
|
|
||
|
|
||
|
|
||
|
|
||
Data meta l-informazzjoni ġiet aġġornata l-aħħar u r-raġuni għall-aġġornament: |
|
(1) Ir-Regolament Delegat tal-Kummissjoni (UE) 2020/1818 tas-17 ta’ Lulju 2020 li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-istandards minimi għall-Parametri Referenzjarji tat-Tranżizzjoni Klimatika tal-UE u għall-Parametri Referenzjarji tal-UE allinjati mal-Ftehim ta’ Pariġi (Ara paġna 17 ta’ dan il-Ġurnal Uffiċjali).
ANNESS II
FATTURI AMBJENTALI, SOĊJALI U TA’ GOVERNANZA (ESG) LI GĦANDHOM JITQIESU SKONT L-ASSI SOTTOSTANTI TAL-PARAMETRU REFERENZJARJU
Taqsima 1
EKWITÀ
FATTURI ESG |
DIVULGAZZJONIJIET |
Fatturi ESG ikkombinati |
Il-klassifikazzjoni ESG medja ponderata tal-parametru referenzjarju (fuq bażi fakultattiva). |
Il-klassifikazzjoni ESG kumplessiva tal-10 komponenti prinċipali tal-parametru referenzjarju skont il-ponderazzjoni fil-parametru referenzjarju (fuq bażi fakultattiva). |
|
Ambjentali |
Il-klassifikazzjoni ambjentali medja ponderata tal-parametru referenzjarju (fuq bażi fakultattiva). L-esponiment tal-portafoll tal-parametru referenzjarju għall-enerġija rinnovabbli kif imkejjel skont l-infiq kapitali (CapEx) f’dawk l-attivitajiet (bħala sehem tal-CapEx totali mill-kumpaniji tal-enerġija inklużi fil-portafoll) (fuq bażi fakultattiva). L-esponiment tal-portafoll tal-parametru referenzjarju għar-riskji fiżiċi relatati mal-klima, li jkejjel l-effetti ta’ avvenimenti estremi tat-temp fuq l-operat u l-produzzjoni tal-kumpaniji jew fuq l-istadji differenti tal-katina ta’ provvista (abbażi tal-esponiment tal-emittent) (fuq bażi fakultattiva). Il-grad tal-esponiment tal-portafoll għas-setturi elenkati fit-Taqsimiet minn A sa H u t-Taqsima L tal-Anness I tar-Regolament (KE) Nru 1893/2006 tal-Parlament Ewropew u tal-Kunsill (1) bħala perċentwal tal-piż totali fil-portafoll. L-intensità tal-gassijiet b’effett ta’ serra (GHG) tal-parametru referenzjarju. Il-perċentwal tal-emissjonijiet ta’ gassijiet b’effett ta’ serra rrapportati vis-à-vis dawk stmati. L-esponiment tal-portafoll tal-parametru referenzjarju għall-kumpaniji li l-attivitajiet tagħhom jaqgħu taħt id-Diviżjonijiet minn 05 sa 09, 19 u 20 tal-Anness I tar-Regolament (KE) Nru 1893/2006. L-esponiment tal-portafoll tal-parametru referenzjarju għall-attivitajiet inklużi fis-settur tal-prodotti u s-servizzi ambjentali, kif definiti fl-Artikolu 2, il-punt (5) tar-Regolament (UE) Nru 691/2011 tal-Parlament Ewropew u tal-Kunsill (2). |
Soċjali |
Il-klassifikazzjoni soċjali medja ponderata tal-parametru referenzjarju (fuq bażi fakultattiva). It-trattati u l-konvenzjonijiet internazzjonali, il-prinċipji tan-Nazzjonijiet Uniti jew, fejn applikabbli, id-dritt nazzjonali użati sabiex jiġi ddeterminat x’jikkostitwixxi “arma kontroversjali”. Il-perċentwal medju ponderat tal-komponenti tal-parametru referenzjarju fis-settur tal-armi kontroversjali. Il-perċentwal medju ponderat tal-komponenti tal-parametru referenzjarju fis-settur tat-tabakk. L-għadd ta’ komponenti tal-parametru referenzjarju soġġetti għall-ksur soċjali (l-għadd assolut u l-għadd relattiv diviżi bil-komponenti tal-parametru referenzjarju), kif imsemmi fi trattati u konvenzjonijiet internazzjonali, fil-prinċipji tan-Nazzjonijiet Uniti u, fejn applikabbli, fid-dritt nazzjonali. L-esponiment tal-portafoll tal-parametru referenzjarju għall-kumpaniji mingħajr politiki ta’ diliġenza dovuta dwar kwistjonijiet indirizzati mill-Konvenzjonijiet fundamentali tal-Organizzazzjoni Internazzjonali tax-Xogħol minn 1 sa 8. Il-medja ponderata tad-differenza bejn il-ġeneri fil-pagi. Il-proporzjon medju ponderat bejn il-membri nisa u rġiel tal-bordijiet. Il-proporzjon medju ponderat ta’ inċidenti, feriti, fatalitajiet. L-għadd ta’ kundanni u l-ammont ta’ multi għall-ksur tal-liġijiet kontra l-korruzzjoni u kontra t-tixħim. |
Governanza |
Il-klassifikazzjoni medja ponderata tal-governanza tal-parametru referenzjarju (fuq bażi fakultattiva). Il-perċentwal medju ponderat tal-membri tal-bordijiet li huma indipendenti. Il-proporzjon medju ponderat tal-membri tal-bordijiet nisa. |
Taqsima 2
INTROJTU FISS
FATTURI ESG |
DIVULGAZZJONIJIET |
Fatturi ESG ikkombinati |
Il-klassifikazzjoni ESG medja ponderata tal-parametru referenzjarju (fuq bażi fakultattiva). |
Il-klassifikazzjoni ESG kumplessiva tal-10 komponenti prinċipali tal-parametru referenzjarju skont il-ponderazzjoni fil-parametru referenzjarju (fuq bażi fakultattiva). |
|
Ambjentali |
Il-klassifikazzjoni ambjentali medja ponderata tal-parametru referenzjarju (fuq bażi fakultattiva). L-esponiment tal-portafoll tal-parametru referenzjarju għall-enerġija rinnovabbli kif imkejjel skont l-infiq kapitali (CapEx) f’dawk l-attivitajiet (bħala sehem tal-CapEx totali mill-kumpaniji tal-enerġija inklużi fil-portafoll) (fuq bażi fakultattiva). L-esponiment tal-portafoll tal-parametru referenzjarju għar-riskji fiżiċi relatati mal-klima, li jkejjel l-effetti ta’ avvenimenti estremi tat-temp fuq l-operat u l-produzzjoni tal-kumpaniji jew fuq l-istadji differenti tal-katina ta’ provvista (abbażi tal-esponiment tal-emittent) (fuq bażi fakultattiva). Il-grad tal-esponiment tal-portafoll għas-setturi elenkati fit-Taqsimiet minn A sa H u t-Taqsima L tal-Anness I tar-Regolament (KE) Nru 1893/2006 bħala perċentwal tal-piż totali fil-portafoll. L-intensità GHG tal-parametru referenzjarju. Il-perċentwal tal-emissjonijiet rrapportati vis-à-vis dawk stmati. L-esponiment tal-portafoll tal-parametru referenzjarju għall-kumpaniji li l-attivitajiet tagħhom jaqgħu taħt id-Diviżjonijiet minn 05 sa 09, 19 u 20 tal-Anness I tar-Regolament (KE) Nru 1893/2006. Il-perċentwal ta’ bonds ħodor fil-portafoll tal-parametru referenzjarju. |
Soċjali |
Il-klassifikazzjoni soċjali medja ponderata tal-parametru referenzjarju (fuq bażi fakultattiva). It-trattati u l-konvenzjonijiet internazzjonali, il-prinċipji tan-Nazzjonijiet Uniti jew, fejn applikabbli, id-dritt nazzjonali użati sabiex jiġi ddeterminat x’jikkostitwixxi “arma kontroversjali”. Il-perċentwal medju ponderat tal-komponenti tal-parametru referenzjarju fis-settur tal-armi kontroversjali. Il-perċentwal medju ponderat tal-komponenti tal-parametru referenzjarju fis-settur tat-tabakk. L-għadd ta’ komponenti tal-parametru referenzjarju soġġetti għall-ksur soċjali (l-għadd assolut u l-għadd relattiv diviżi bil-komponenti tal-parametru referenzjarju), kif imsemmi fi trattati u konvenzjonijiet internazzjonali, fil-prinċipji tan-Nazzjonijiet Uniti jew, fejn applikabbli, fid-dritt nazzjonali. L-esponiment tal-portafoll tal-parametru referenzjarju għall-kumpaniji mingħajr politiki ta’ diliġenza dovuta dwar kwistjonijiet indirizzati mill-Konvenzjonijiet minn 1 sa 8 tal-Organizzazzjoni Internazzjonali tax-Xogħol. Il-medja ponderata tad-differenza bejn il-ġeneri fil-pagi. Il-proporzjon medju ponderat bejn il-membri nisa u rġiel tal-bordijiet. Il-proporzjon medju ponderat ta’ inċidenti, feriti, fatalitajiet. L-għadd ta’ kundanni u l-ammont ta’ multi għall-ksur tal-liġijiet kontra l-korruzzjoni u kontra t-tixħim. |
Governanza |
Il-klassifikazzjoni medja ponderata tal-governanza tal-parametru referenzjarju (fuq bażi fakultattiva). |
Taqsima 3
DEJN SOVRAN
FATTURI ESG |
DIVULGAZZJONIJIET |
Fatturi ESG ikkombinati |
Il-klassifikazzjoni ESG medja ponderata tal-parametru referenzjarju (fuq bażi fakultattiva). |
Il-klassifikazzjoni ESG kumplessiva tal-10 komponenti prinċipali tal-parametru referenzjarju skont il-ponderazzjoni fil-parametru referenzjarju (fuq bażi fakultattiva). Il-perċentwal ta’ kumpaniji tal-ġestjoni tal-fondi sottostanti li ntrabtu bi standards internazzjonali. |
|
Ambjentali |
Il-klassifikazzjoni ambjentali medja ponderata tal-parametru referenzjarju (fuq bażi fakultattiva). L-esponiment tal-portafoll tal-parametru referenzjarju għar-riskji fiżiċi relatati mal-klima, li jkejjel l-effetti ta’ avvenimenti estremi tat-temp fuq l-operat u l-produzzjoni tal-kumpaniji jew fuq l-istadji differenti tal-katina ta’ provvista (abbażi tal-esponiment tal-emittent) (fuq bażi fakultattiva). L-ewwel għaxar u l-aħħar għaxar komponenti skont l-esponiment għal riskji fiżiċi relatati mal-klima (fuq bażi fakultattiva). L-intensità GHG tal-parametru referenzjarju. Il-perċentwal tal-emissjonijiet rrapportati vis-à-vis dawk stmati. Il-perċentwal ta’ bonds ħodor fil-portafoll tal-parametru referenzjarju. |
Soċjali |
Il-klassifikazzjoni soċjali medja ponderata tal-parametru referenzjarju (fuq bażi fakultattiva). L-għadd ta’ komponenti tal-parametru referenzjarju soġġetti għall-ksur soċjali (l-għadd assolut u l-għadd relattiv diviżi bil-komponenti tal-parametru referenzjarju), kif imsemmi fi trattati u konvenzjonijiet internazzjonali, fil-prinċipji tan-Nazzjonijiet Uniti u, fejn applikabbli, fid-dritt nazzjonali. Il-prestazzjoni medja tal-emittenti fir-rigward tad-drittijiet tal-bniedem (inkluż indikatur kwantitattiv u l-metodoloġija użata biex jiġi kkalkulat). Il-punteġġ medju tal-inugwaljanza fl-introjtu, li jkejjel id-distribuzzjoni tal-introjtu u l-inugwaljanza ekonomika fost il-parteċipanti f’ekonomija partikolari (inkluż indikatur kwantitattiv u l-metodoloġija użata biex jiġi kkalkulat). Il-punteġġ medju tal-libertà ta’ espressjoni li jkejjel sa fejn l-organizzazzjonijiet politiċi u ċivili tas-soċjetà jistgħu joperaw liberament (inkluż indikatur kwantitattiv u l-metodoloġija użata biex jiġi kkalkulat). |
Governanza |
Il-klassifikazzjoni medja ponderata tal-governanza tal-parametru referenzjarju (fuq bażi fakultattiva). Il-punteġġ medju tal-korruzzjoni li jkejjel il-livell perċepit ta’ korruzzjoni fis-settur pubbliku (inkluż indikatur kwantitattiv u l-metodoloġija użata biex jiġi kkalkulat). Il-punteġġ medju tal-istabbiltà politika, li jkejjel il-probabbiltà li r-reġim attwali se jitneħħa mill-poter bl-użu tal-forza (inkluż indikatur kwantitattiv u l-metodoloġija użata biex jiġi kkalkulat). Il-punteġġ medju tal-istat tad-dritt, ibbażat fuq in-nuqqas ta’ korruzzjoni, ir-rispett għad-drittijiet fundamentali, u l-istat tal-ġustizzja ċivili u kriminali (inkluż indikatur kwantitattiv u l-metodoloġija użata biex jiġi kkalkulat). |
Taqsima 4
KOMODITÀ
FATTURI ESG |
DIVULGAZZJONIJIET |
Ambjentali |
Il-grad ta’ esponiment tal-komoditajiet sottostanti għar-riskji fiżiċi relatati mal-klima, li jkejjel l-effetti ta’ avvenimenti estremi tat-temp fuq l-operat u l-produzzjoni tal-kumpaniji jew fuq l-istadji differenti tal-katina ta’ provvista (baxx, moderat jew għoli) (fuq bażi fakultattiva). Il-metodoloġija użata biex jiġu kkalkulati r-riskji fiżiċi relatati mal-klima (fuq bażi fakultattiva). Il-grad ta’ esponiment tal-komoditajiet sottostanti għar-riskji b’rabta mat-tranżizzjoni klimatika, li jkejjel l-impatti finanzjarji li jirriżultaw mill-effetti tal-implimentazzjoni ta’ strateġiji ta’ livell baxx ta’ emissjonijiet tal-karbonju (baxx, moderat jew għoli). |
Soċjali |
Il-grad ta’ esponiment tal-komoditajiet sottostanti għar-riskji soċjali (baxx, moderat jew għoli). |
Governanza |
Il-grad ta’ esponiment tal-komoditajiet sottostanti għar-riskji ta’ governanza (baxx, moderat jew għoli). Il-punteġġ medju tal-istat tad-dritt, ibbażat fuq in-nuqqas ta’ korruzzjoni, ir-rispett għad-drittijiet fundamentali u l-istat tal-ġustizzja ċivili u kriminali (inkluż indikatur kwantitattiv u l-metodoloġija użata biex jiġi kkalkulat). |
Taqsima 5
OĦRAJN
FATTURI ESG |
DIVULGAZZJONIJIET |
Fatturi ESG ikkombinati |
Il-klassifikazzjoni ESG medja ponderata tal-parametru referenzjarju (fuq bażi fakultattiva). |
Ambjentali |
Il-klassifikazzjoni ambjentali medja ponderata tal-parametru referenzjarju (fuq bażi fakultattiva). Il-grad tal-esponiment tal-portafoll għall-opportunitajiet relatati mal-klima, li jkejjel l-opportunitajiet ta’ investiment relatati ma’ soluzzjonijiet ta’ investiment ġodda u innovanti marbutin mat-tibdil fil-klima (fuq bażi fakultattiva). L-intensità GHG tal-parametru referenzjarju. Il-grad tal-esponiment tal-portafoll għas-setturi elenkati fit-Taqsimiet minn A sa H u t-Taqsima L tal-Anness I tar-Regolament (KE) Nru 1893/2006 bħala perċentwal tal-piż totali fil-portafoll. |
Soċjali |
Il-klassifikazzjoni soċjali medja ponderata għall-parametru referenzjarju (fuq bażi fakultattiva). It-trattati u l-konvenzjonijiet internazzjonali, il-prinċipji tan-Nazzjonijiet Uniti jew, fejn applikabbli, id-dritt nazzjonali użati sabiex jiġi ddeterminat x’jikkostitwixxi “arma kontroversjali”. Il-perċentwal medju ponderat tal-komponenti tal-parametru referenzjarju fis-settur tal-armi kontroversjali. Il-perċentwal medju ponderat tal-komponenti tal-parametru referenzjarju fis-settur tat-tabakk. |
Governanza |
Il-klassifikazzjoni medja ponderata tal-governanza tal-parametru referenzjarju (fuq bażi fakultattiva). Il-perċentwal ta’ fondi sottostanti b’politiki ta’ ġestjoni tajba (stewardship) fis-seħħ, inklużi miżuri għall-ippjanar u l-ġestjoni tar-riżorsi. |
(1) Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).
(2) Ir-Regolament (UE) Nru 691/2011 tal-Parlament Ewropew u tal-Kunsill dwar il-kontijiet ekonomiċi ambjentali Ewropej (ĠU L 192 22.7.2011, p. 1).
3.12.2020 |
MT |
Il-Ġurnal Uffiċjali tal-Unjoni Ewropea |
L 406/12 |
REGOLAMENT DELEGAT TAL-KUMMISSJONI (UE) 2020/1817
tas-17 ta’ Lulju 2020
li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-kontenut minimu tal-ispjegazzjoni dwar kif il-fatturi ambjentali, soċjali u ta’ governanza huma riflessi fil-metodoloġija tal-parametru referenzjarju
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1011 tal-Parlament Ewropew u tal-Kunsill tat-8 ta’ Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta’ fondi ta’ investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (1) u b’mod partikolari l-Artikolu 13(2a) tiegħu,
Billi:
(1) |
Il-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima, approvat mill-Unjoni fil-5 ta’ Ottubru 2016 (2) (“il-Ftehim ta’ Pariġi”), għandu l-għan li jsaħħaħ ir-rispons għat-tibdil fil-klima, fost mezzi oħra billi l-flussi ta’ investiment isiru konsistenti ma’ perkors lejn emissjonijiet baxxi ta’ gassijiet b’effett ta’ serra u żvilupp reżiljenti għat-tibdil fil-klima. |
(2) |
Fil-11 ta’ Diċembru 2019, il-Kummissjoni adottat Komunikazzjoni tagħha lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - “Il-Patt Ekoloġiku Ewropew” (3). Il-Patt Ekoloġiku Ewropea jirrappreżenta strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fl-użu tar-riżorsi u kompetittiva fejn ma jkunx hemm emissjonijiet netti ta’ gassijiet b’effett ta’ serra fl-2050 u fejn it-tkabbir ekonomiku jkun diżakkoppjat mill-użu tar-riżorsi. L-implimentazzjoni tal-Patt Ekoloġiku Ewropew tirrikjedi li l-investituri jiġu offruti sinjali ċari u fit-tul biex jevitaw l-assi mhux rekuperabbli u biex iżidu l-finanzi sostenibbli. |
(3) |
Ir-Regolament (UE) 2016/1011 jirrikjedi li l-amministraturi tal-parametri referenzjarji jispjegaw għal kull parametru referenzjarju fornut u ppubblikat, l-elementi ewlenin tal-metodoloġija tal-parametru referenzjarju, il-fatturi ambjentali, soċjali u ta’ governanza (“ESG” - environmental, social and governance). |
(4) |
Modi differenti ta’ spjegazzjoni għal kull parametru referenzjarju jew familja ta’ parametri referenzjarji kif l-elementi ewlenin tal-metodoloġija tal-parametru referenzjarju jirriflettu l-fatturi ESG, iwasslu għal nuqqas ta’ komparabbiltà bejn il-parametri referenzjarji u nuqqas ta’ ċarezza fir-rigward tal-ambitu u l-objettivi tal-fatturi ESG. Għalhekk huwa meħtieġ li jiġi stabbilit il-kontenut minimu ta’ dawn l-ispjegazzjonijiet kif ukoll mudell li għandu jintuża. |
(5) |
Sabiex l-informazzjoni għall-investituri tiġi adattata aħjar, ir-rekwiżit li jiġi spjegat kif l-elementi ewlenin tal-metodoloġija jirriflettu l-fatturi ESG għal kull parametru referenzjarju jew familja ta’ parametri referenzjarji pprovduti u ppubblikati għandhom iqisu l-assi sottostanti li fuqhom huma bbażati l-parametri referenzjarji. Jenħtieġ li dan ir-Regolament ma japplikax għall-parametri referenzjarji li ma għandhomx assi sottostanti li għandhom impatt fuq it-tibdil fil-klima bħall-parametri referenzjarji tar-rata tal-imgħax u l-parametri referenzjarji tal-kambju. Skont l-Artikolu 19 tar-Regolament (UE) 2016/1011, dan ir-Regolament ma għandux japplika għall-parametri referenzjarji tal-komoditajiet. |
(6) |
Jenħtieġ li l-ispjegazzjoni dwar kif l-elementi ewlenin tal-metodoloġija tal-parametru referenzjarju jirriflettu l-fatturi ESG isiru b’valur medju ponderat aggregat, u jenħtieġ li ma jiġux żvelati għal kull kostitwent tal-parametri referenzjarji. Fejn rilevanti u xieraq, jenħtieġ li l-amministraturi tal-parametri referenzjarji jkunu jistgħu jipprovdu informazzjoni ESG addizzjonali. |
(7) |
Sabiex l-utenti tal-parametri referenzjarji jingħataw informazzjoni preċiża u aġġornata, jenħtieġ li l-amministraturi tal-parametri referenzjarji jaġġornaw l-informazzjoni pprovduta fil-mudell biex tirrifletti kwalunkwe bidla li ssir fil-metodoloġija, u jenħtieġ li jindikaw ir-raġuni u d-dati li fihom l-informazzjoni ġiet aġġornata. |
(8) |
Sabiex l-investituri jiġu pprovduti bi trasparenza massima, jenħtieġ li l-amministraturi tal-parametri referenzjarji jiddikjaraw b’mod ċar jekk isegwux objettivi ESG jew le, |
ADOTTAT DAN IR-REGOLAMENT:
Artikolu 1
Spjegazzjoni dwar kif il-fatturi ESG huma riflessi fil-metodoloġija tal-parametru referenzjarju
1. L-amministraturi tal-parametri referenzjarji għandhom jispjegaw, billi jużaw il-mudell stabbilit fl-Anness ta’ dan ir-Regolament, liema mill-fatturi ambjentali, soċjali u ta’ governanza (ESG) imsemmijin fl-Anness II tar-Regolament Delegat tal-Kummissjoni (UE) 2020/1816 (4) qiesu meta fasslu l-metodoloġija tal-parametru referenzjarju tagħhom. Għandhom jispjegaw ukoll kif dawk il-fatturi huma riflessi fl-elementi ewlenin ta’ dik il-metodoloġija, inkluż għall-għażla tal-assi sottostanti, il-fatturi ta’ ponderazzjoni, il-metriċi u l-prokuri.
Ir-rekwiżit stabbilit fl-ewwel subparagrafu ma għandux japplika għall-parametri referenzjarji tal-komoditajiet.
2. Għall-parametri referenzjarji individwali, l-amministraturi tal-parametri referenzjarji jistgħu, minflok ma jipprovdu l-informazzjoni kollha meħtieġa mill-mudell stabbilit fl-Anness ta’ dan ir-Regolament, jissostitwixxu dik l-informazzjoni b’iperlink fl-ispjegazzjoni fornuta, għal sit web li jkun fih dik l-informazzjoni kollha.
3. Fil-każijiet fejn il-parametri referenzjarji jamalgamaw tipi differenti ta’ assi sottostanti, l-amministraturi tal-parametri referenzjarji għandhom jispjegaw kif il-fatturi ESG huma riflessi għal kull wieħed mill-assi sottostanti rilevanti.
4. Fl-ispjegazzjoni, l-amministraturi tal-parametri referenzjarji jistgħu jinkludu fatturi ESG addizzjonali u informazzjoni relatata.
5. L-amministraturi tal-parametri referenzjarji għandhom jiddikjaraw b’mod ċar, fl-ispjegazzjoni mogħtija jekk isegwux objettivi ESG jew le.
6. L-amministraturi tal-parametri referenzjarji għandhom jinkludu fl-ispjegazzjoni pprovduta referenza għas-sorsi tad-data u l-istandards użati għal kull fattur ESG divulgat.
Artikolu 2
Aġġornament tal-ispjegazzjoni provduta
L-amministraturi tal-parametri referenzjarji għandhom jaġġornaw l-ispjegazzjoni pprovduta kull meta l-metodoloġija tal-parametru referenzjarju tinbidel, u fi kwalunkwe każ fuq bażi annwali. Huma għandhom jiddikjaraw ir-raġunijiet għall-aġġornament.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Lulju 2020.
Għall-Kummissjoni
Il-President
Ursula VON DER LEYEN
(1) ĠU L 171, 29.6.2016, p. 1.
(2) Id-Deċiżjoni tal-Kunsill (UE) 2016/1841 tal-5 ta’ Ottubru 2016 dwar il-konklużjoni, f’isem l-Unjoni Ewropea, tal-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (ĠU L 282, 19.10.2016, p. 1).
(3) COM(2019) 640 final.
(4) Ir-Regolament Delegat tal-Kummissjoni (UE) 2020/1816 tas-17 ta’ Lulju 2020 li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-ispjegazzjoni fid-dikjarazzjoni tal-parametru referenzjarju ta’ kif il-fatturi ambjentali, soċjali u ta’ governanza huma riflessi f’kull parametru referenzjarju pprovdut u ppubblikat (Ara paġna 1 ta’ dan il-Ġurnal Uffiċjali).
ANNESS
MUDELL BIEX JIĠI SPJEGAT KIF L-ELEMENTI EWLENIN TAL-METODOLOĠIJA TAL-PARAMETRU REFERENZJARJU JIRRIFLETTU FATTURI AMBJENTALI, SOĊJALI U GOVERNATTIVI (ESG)
SPJEGAZZJONI TA’ KIF IL-FATTURI ESG HUMA RIFLESSI FL-ELEMENTI EWLENIN TAL-METODOLOĠIJA TAL-PARAMETRU REFERENZJARJU |
|||||||
Entrata 1. Isem l-amministratur tal-parametru referenzjarju. |
|
||||||
Entrata 2. Tip ta’ parametru referenzjarju jew familja ta’ parametri referenzjarji. Agħżel l-assi sottostanti rilevanti mil-lista pprovduta fl-Anness II tar-Regolament Delegat tal-Kummissjoni (UE) 2020/1816 |
|
||||||
Entrata 3. Isem il-parametru referenzjarju jew tal-familja ta’ parametri referenzjarji. |
|
||||||
Entrata 4. Il-metodoloġija tal-parametru referenzjarju għall-parametru referenzjarju jew għall-familja ta’ parametri referenzjarji tqis il-fatturi ESG? |
☐ Iva ☐ Le |
||||||
Entrata 5. Jekk it-tweġiba għall-Entrata 4 hija iva, jekk jogħġbok niżżel hawn taħt, għal kull familja ta’ parametri referenzjarji, dawk il-fatturi ESG li huma meqjusa fil-metodoloġija tal-parametru referenzjarju, bil-kunsiderazzjoni tal-fatturi ESG elenkati fl-Anness II tar-Regolament Delegat (UE) 2020/1816. Jekk jogħġbok spjega kif dawk il-fatturi ESG jintużaw għall-għażla, il-ponderazzjoni jew l-esklużjoni tal-assi sottostanti. Il-fatturi ESG għandhom jiġu divulgati f’valur medju ponderat aggregat fil-livell tal-familja ta’ parametri referenzjarji. |
|||||||
|
Għażla, ponderazzjoni jew esklużjoni: |
||||||
|
Għażla, ponderazzjoni jew esklużjoni: |
||||||
|
Għażla, ponderazzjoni jew esklużjoni: |
||||||
Entrata 6. Jekk it-tweġiba għall-Entrata 4 hija iva, jekk jogħġbok niżżel hawn taħt, għal kull parametru referenzjarju, dawk il-fatturi ESG li huma meqjusa fil-metodoloġija tal-parametru referenzjarju, bil-kunsiderazzjoni tal-fatturi ESG elenkati fl-Anness II tar-Regolament Delegat (UE) 2020/1816 skont l-assi sottostanti rilevanti konċernat. Jekk jogħġbok spjega kif dawk il-fatturi ESG jintużaw għall-għażla, il-ponderazzjoni jew l-esklużjoni tal-assi sottostanti. Il-fatturi ESG ma għandhomx jiġu divulgati għal kull kostitwent tal-parametru referenzjarju, iżda għandhom jiġu divulgati f’valur medju ponderat aggregat tal-parametru referenzjarju. Alternattivament, din l-informazzjoni kollha tista’ tingħata fil-forma ta’ iperlink għal sit web tal-amministratur tal-parametru referenzjarju inkluż f’din l-ispjegazzjoni. L-informazzjoni fuq is-sit web għandha tkun faċilment disponibbli u aċċessibbli. L-amministraturi tal-parametri referenzjarji għandhom jiżguraw li l-informazzjoni ppubblikata fuq is-sit web tagħhom tibqa’ disponibbli għal ħames snin. |
|||||||
|
Għażla, ponderazzjoni jew esklużjoni: |
||||||
|
Għażla, ponderazzjoni jew esklużjoni: |
||||||
|
Għażla, ponderazzjoni jew esklużjoni: |
||||||
Iperlink għall-informazzjoni dwar il-fatturi ESG għal kull parametru referenzjarju: |
|
||||||
Entrata 7. Data u standards użati |
|||||||
|
|
||||||
Iddeskrivi kif tiġi vverifikata d-data u kif tiġi żgurata l-kwalità ta’ dik id-data. |
|
||||||
Iddeskrivi l-istandards internazzjonali użati fil-metodoloġija tal-parametru referenzjarju. |
|
||||||
Id-data dwar liema informazzjoni ġiet aġġornata l-aħħar u r-raġuni għall-aġġornament: |
|
3.12.2020 |
MT |
Il-Ġurnal Uffiċjali tal-Unjoni Ewropea |
L 406/17 |
REGOLAMENT DELEGAT TAL-KUMMISSJONI (UE) 2020/1818
tas-17 ta’ Lulju 2020
li jissupplimenta r-Regolament (UE) 2016/1011 tal-Parlament Ewropew u tal-Kunsill fir-rigward tal-istandards minimi għall-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1011 tal-Parlament Ewropew u tal-Kunsill tat-8 ta’ Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta’ fondi ta’ investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (1), u b’mod partikolari l-Artikolu 19a(2) tiegħu,
Billi:
(1) |
Il-Ftehim ta’ Pariġi, adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima approvat mill-Unjoni fit-5 ta’ Ottubru 2016 (2) (“il-Ftehim ta’ Pariġi”), għandu l-għan li jsaħħaħ ir-rispons għat-tibdil fil-klima, billi jippermetti fost oħrajn li l-flussi ta’ investiment jkunu konformi ma’ perkors lejn emissjonijiet baxxi ta’ gassijiet serra u żvilupp reżiljenti għat-tibdil fil-klima. |
(2) |
Fil-11 ta’ Diċembru 2019 il-Kummissjoni adottat il-komunikazzjoni tagħha lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, “Il-Patt Ekoloġiku Ewropew” (3). Il-Patt Ekoloġiku Ewropew huwa strateġija ġdida ta’ tkabbir li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fl-użu tar-riżorsi u kompetittiva fejn fl-2050 ma jkunx hemm emissjonijiet netti ta’ gassijiet serra u fejn it-tkabbir ekonomiku ma jkunx marbut mal-użu tar-riżorsi. L-implimentazzjoni tal-Patt Ekoloġiku Ewropew tirrikjedi li l-investituri jiġu offruti sinjali ċari u fit-tul biex jevitaw l-assi mhux rekuperabbli u biex iżidu l-finanzi sostenibbli. |
(3) |
Ir-Regolament (UE) 2016/1011 jistabbilixxi l-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi. Il-metodoloġija ta’ dawn il-parametri referenzjarji hija bbażata fuq l-impenji stabbiliti fil-Ftehim ta’ Pariġi. Jeħtieġ li jiġu speċifikati l-istandards minimi applikabbli għaż-żewġ tipi ta’ parametri referenzjarji. Il-parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi jsegwu objettivi simili iżda jvarjaw fil-livell ta’ ambizzjoni tagħhom. Għalhekk, il-biċċa l-kbira tal-istandards minimi jenħtieġ li jkunu komuni għaż-żewġ tipi ta’ parametri referenzjarji, iżda l-limiti stabbiliti jenħtieġ li jvarjaw skont it-tip ta’ parametru referenzjarju. |
(4) |
Bħalissa ma hemmx biżżejjed data biex tiġi vvalutata l-impronta tal-karbonju li tirriżulta minn deċiżjonijiet li jittieħdu minn entitajiet sovrani. Għalhekk, jenħtieġ li l-ħruġ ibbażat fuq is-sovranità ma jkunx il-kostitwenti eliġibbli tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi. |
(5) |
Peress li l-metodoloġija tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi hija bbażata fuq l-impenji stabbiliti fil-Ftehim ta’ Pariġi, jeħtieġ li jintuża x-xenarju ta’ 1,5 °C, mingħajr l-ebda eċċess jew inkella eċċess limitat, imsemmi fir-Rapport Speċjali dwar it-Tisħin Globali ta’ 1,5 °C mill-Grupp Intergovernattiv ta’ Esperti dwar it-Tibdil fil-Klima (IPCC, Intergovernmental Panel on Climate Change) (4) (“ix-xenarju tal-IPCC”). Dan ix-xenarju tal-IPCC huwa konformi mal-objettiv tal-Kummissjoni li tilħaq emissjonijiet żero netti ta’ gassijiet serra (GHG) sal-2050, kif stabbilit fil-Patt Ekoloġiku Ewropew. Sabiex ikun hemm konformità max-xenarju tal-IPCC, jenħtieġ li l-investimenti jiġu riallokati minn attivitajiet dipendenti fuq il-fjuwils fossili għal attivitajiet ekoloġiċi jew rinnovabbli, u l-impatt fuq il-klima ta’ dawn l-investimenti jenħtieġ jitjieb sena wara sena. |
(6) |
Is-setturi elenkati fit-Taqsimiet minn A sa H u t-Taqsima L tal-Anness I tar-Regolament (KE) Nru 1893/2006 tal-Parlament Ewropew u tal-Kunsill (5), inklużi s-setturi taż-żejt, tal-gass, tal-minjieri u tat-trasport, huma setturi li jikkontribwixxu ħafna għat-tibdil fil-klima. Biex ikun żgurat li l-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi jipprovdu stampa realistika tal-ekonomija reali, inkluża dik ta’ setturi li jenħtieġ li jnaqqsu b’mod attiv l-emissjonijiet tal-GHG biex jintlaħqu l-objettivi tal-Ftehim ta’ Pariġi, l-esponiment ta’ dawn il-parametri referenzjarji għal dawn is-setturi ma għandux ikun inqas mill-esponiment tal-univers tal-investimenti sottostanti tagħhom. Madankollu, dan ir-rekwiżit jenħtieġ li japplika biss għall-Parametri Referenzjarji tat-Tranżizzjoni Klimatika tal-UE u għall-Parametri Referenzjarji tal-UE allinjati mal-Ftehim ta’ Pariġi li jkunu parametri referenzjarji ta’ ekwità, sabiex jiġi żgurat li l-investituri tal-ekwità li jappoġġaw l-objettivi tal-Ftehim ta’ Pariġi jżommu l-influwenza tagħhom, permezz tal-impenn u tal-vot, fuq it-tranżizzjoni tal-kumpanija lejn attivitajiet aktar sostenibbli. |
(7) |
Jenħtieġ li l-kalkolu tal-emissjonijiet tal-GHG jkun komparabbli u konsistenti. Huwa għalhekk meħtieġ li jiġu stabbiliti regoli dwar kemm-il darba dawn il-kalkoli jenħtieġ li jiġu aġġornati u, fejn applikabbli, dwar il-munita li għandha tintuża. |
(8) |
Id-dekarbonizzazzjoni bbażata biss fuq l-Ambitu 1 u l-Ambitu 2 tal-emissjonijiet tal-GHG tista’ twassal għal riżultati kontrointuwittivi. Għaldaqstant jenħtieġ li jiġi ċċarat li l-istandards minimi għall-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi ma għandhomx iqisu biss l-emissjonijiet diretti mill-kumpaniji, iżda wkoll l-emissjonijiet ivvalutati abbażi taċ-ċiklu tal-ħajja biex b’hekk jinkludu l-emissjonijiet tal-GHG tal-Ambitu 3. Madankollu, minħabba l-kwalità insuffiċjenti tad-data attwalment disponibbli għall-emissjonjiet tal-GHG tal-Ambitu 3, huwa meħtieġ li tiġi stabbilita skeda ta’ żmien xierqa għall-introduzzjoni gradwali u li jiġi permess l-użu ta’ riżervi ta’ fjuwils fossili għal perijodu limitat ta’ żmien. Din l-iskeda ta’ żmien għall-intorduzzjoni gradwali għandha tkun ibbażata fuq il-lista ta’ attivitajiet ekonomiċi stabbiliti fir-Regolament (KE) Nru 1893/2006. |
(9) |
L-amministraturi tal-parametri referenzjarji jenħtieġ li jkollhom il-possibbiltà li jagħtu aktar piż lill-kumpaniji abbażi tal-għanijiet ta’ dekarbonizzazzjoni stabbiliti minn dawn il-kumpaniji. Għalhekk jenħtieġ li jiġu stabbiliti regoli speċifiċi relatati mal-miri ta’ dekarbonizzazzjoni rrappurtati minn kumpaniji individwali. |
(10) |
Il-parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi jenħtieġ li juru li huma kapaċi jiddekarbonizzaw ruħhom minn sena għall-oħra. Din it-trajettorja tad-dekarbonizzazzjoni minima jenħtieġ li tiġi kkalkulata billi jintuża x-xenarju tal-IPCC. Barra minn hekk, sabiex jiġi evitat il-greenwashing, jenħtieġ li jiġu speċifikati l-kundizzjonijiet biex issir devjazzjoni mit-trajettorja tad-dekarbonizzazzjoni u l-kundizzjonijiet għad-dritt li il-parametru referenzjarju jibqa’ jingħata t-tikketta ta’ Parametru Referenzjarju tat-Tranżizzjoni Klimatika tal-UE jew ta’ Parametru Referenzjarju tal-UE allinjat mal-Ftehim ta’ Pariġi. |
(11) |
Il-parametru ewlieni għall-kalkolu tat-trajettorja tad-dekarbonizzazzjoni jenħtieġ li jkun l-intensità tal-GHG, peress li dan il-parametru jiżgura l-komparabbiltà bejn is-setturi u ma jkunx preġudikat favur settur partikolari jew ikun kontrih. Biex tiġi kkalkulata l-intensità tal-GHG, tkun meħtieġa l-kapitalizzazzjoni tas-suq tal-kumpanija kkonċernata. Madankollu, fejn il-parametri referenzjarji japplikaw għal strumenti korporattivi b’introjtu fiss, il-kapitalizzazzjoni tas-suq tista’ ma tkunx disponibbli għal kumpaniji li ma għandhomx titoli ta’ ekwità elenkati. Għaldaqstant jenħtieġ li jiġi stabbilit li fejn il-Parametri Referenzjarji tat-Tranżizzjoni Klimatika tal-UE jew il-Parametri Referenzjarji tal-UE allinjati mal-Ftehim ta’ Pariġi japplikaw għal strumenti korporattivi b’introjtu fiss, jenħtieġ li l-amministraturi tal-parametri referenzjarji jitħallew jużaw l-emissjonijiet tal-GHG kkalkulati fuq bażi assoluta, aktar milli abbażi tal-intensità tal-GHG. |
(12) |
Sabiex jiġu żgurati l-komparabbiltà u l-konsistenza tad-data dwar l-emissjonijiet tal-GHG, jenħtieġ li jiġu stabbiliti regoli dwar kif għandhom jiġu kkalkulati l-bidliet fl-intensità tal-GHG jew fl-emissjonijiet tal-GHG assoluti. |
(13) |
L-ilħuq tal-objettivi tal-Ftehim ta’ Pariġi jirrikjedi li kemm il-Parametri Referenzjarji tat-Tranżizzjoni Klimatika tal-UE kif ukoll il-Parametri Referenzjarji tal-UE allinjati mal-Ftehim ta’ Pariġi jkollhom tnaqqis ta’ referenza, bħala perċentwal, fl-esponiment għall-assi b’intensità ta’ GHG meta mqabbla mal-parametri referenzjarji standard tagħhom jew mal-univers tal-investiment sottostanti. Madankollu, jenħtieġ li dan it-tnaqqis perċentwali jkun aktar sinifikanti għall-Parametri Referenzjarji tal-UE allinjati mal-Ftehim ta’ Pariġi, li, min-natura tagħhom, huma aktar ambizzjużi mill-Parametri Referenzjarji tat-Tranżizzjoni Klimatika tal-UE. |
(14) |
Jenħtieġ li l-Parametri Referenzjarji tal-UE allinjati mal-Ftehim ta’ Pariġi ma jikkontribwixxux għall-promozzjoni ta’ investimenti fl-istrumenti finanzjarji maħruġa minn kumpaniji li jiksru l-istandards globali bħall-Prinċipji tal-Patt Globali tan-Nazzjonijiet Uniti (UNGC, United Nations Global Compact). Għalhekk huwa meħtieġ li jiġu stabbiliti kriterji ta’ esklużjoni speċifiċi li huma bbażati fuq kunsiderazzjonijiet relatati mal-klima jew ma’ kunsiderazzjonijiet oħra ambjentali, soċjali u ta’ governanza (ESG). Il-parametri referenzjarji tat-Tranżizzjoni Klimatika tal-UE jenħtieġ li jikkonformaw ma’ dawn il-kriterji ta’ esklużjoni sal-31 ta’ Diċembru 2022, skont l-iskeda ta’ żmien stabbilita fir-Regolament (UE) 2016/1011. |
(15) |
Sabiex jiġu appoġġati t-tnaqqis fl-użu tas-sorsi ta’ enerġija li jniġġsu u t-tranżizzjoni xierqa għal dawk rinnovabbli, huwa xieraq ukoll li l-kumpaniji li jdaħħlu aktar minn perċentwal stabbilit tal-introjtu tagħhom mill-faħam, miż-żejt jew mill-gass jiġu esklużi mill-Parametri Referenzjarji tal-UE allinjati mal-Ftehim ta’ Pariġi. Il-bidliet fis-sehem ta’ dawn is-sorsi tal-enerġija mill-provvista globali tal-enerġija primarja mill-2020 sal-2050, kif mistenni fix-xenarju tal-IPCC, jenħtieġ li jitqiesu biex jiġu stabbiliti dawn l-esklużjonijiet speċifiċi. B’mod partikolari, skont it-Tabella 2.6 tar-Rapport Speċjali tal-IPCC dwar tisħin globali ta’ 1,5 °C, bejn l-2020 u l-2050, l-użu tal-faħam huwa mistenni li jonqos bejn 57 % u 99 % u l-użu taż-żejt bejn 9 % u 93 %, filwaqt li l-użu tal-gass huwa mistenni li jiżdied b’85 % jew li jinżel bi 88 %. Il-gass jista’ jintuża matul it-tranżizzjoni għal ekonomija b’livell baxx ta’ emissjonijiet ta’ karbonju, b’mod partikolari bħala sostituzzjoni għall-faħam, li jispjega l-firxa wiesgħa mistennija ta’ evoluzzjoni tiegħu, għalkemm it-tnaqqis medjan mistenni tal-użu tiegħu huwa ta’ 40 %. Għall-istess raġuni, huwa meħtieġ li jiġu esklużi l-kumpaniji li jdaħħlu aktar minn perċentwal stabbilit tal-introjtu tagħhom mill-attivitajiet tal-ġenerazzjoni tal-elettriku. |
(16) |
Sabiex tiġi żgurata t-trasparenza għall-metodoloġija użata għall-Parametri Referenzjarji tat-Tranżizzjoni Klimatika tal-UE u għall-Parametri Referenzjarji tal-UE allinjati mal-Ftehim ta’ Pariġi, huwa xieraq li jiġu stabbiliti regoli dwar id-divulgazzjonijiet meħtieġa li għandhom x’jaqsmu mat-trajettorja tad-dekarbonizzazzjoni u s-sorsi tad-data għaż-żewġ kategoriji ta’ parametri referenzjarji. Għall-istess raġuni, huwa xieraq li jiġu stabbiliti rekwiżiti ta’ divulgazzjoni għall-amministraturi tal-parametri referenzjarji li jużaw stimi għad-data marbutin mal-emissjonijiet tal-gassijiet serra, kemm jekk ipprovduti minn fornituri tad-data esterni u kemm jekk le. |
(17) |
Sabiex tiġi appoġġata l-armonizzazzjoni tal-metodoloġija għall-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi, huwa xieraq li jiġu stabbiliti regoli dwar il-kwalità u l-akkuratezza tas-sorsi tad-data, |
ADOTTAT DAN IR-REGOLAMENT:
KAPITOLU I
DEFINIZZJONIJIET
Artikolu 1
Definizzjonijiet
Għall-iskopijiet ta’ dan ir-Regolament, għandhom japplikaw id-definizzjonijiet li ġejjin:
(a) |
“emissjonijiet tal-gassijiet serra (GHG)” tfisser emissjonijiet tal-gassijiet serra kif definit fl-Artikolu 3, il-punt (1) tar-Regolament (UE) 2018/842 tal-Parlament Ewropew u tal-Kunsill (6); |
(b) |
“emissjonijiet tal-gassijiet serra (GHG) assoluti” tfisser tunnellati ta’ ekwivalenti ta’ CO 2, kif definit fl-Artikolu 2, il-punt (7) tar-Regolament (UE) Nru 517/2014 tal-Parlament Ewropew u tal-Kunsill (7); |
(c) |
“intensità tal-gassijiet serra (GHG)” tfisser l-emissjonijiet tal-GHG assoluti diviżi bil-valur tal-intrapriża, inklużi l-flus, f’miljuni ta’ Euro; |
(d) |
“valur tal-intrapriża inklużi l-flus” jew “EVIC (enterprise value including cash)” tfisser is-somma, fi tmiem is-sena fiskali, tal-kapitalizzazzjoni tas-suq ta’ ishma ordinarji, tal-kapitalizzazzjoni tas-suq ta’ ishma privileġġati, u l-valur kontabilistiku ta’ dejn totali u tal-interessi nonkontrollanti, mingħajr it-tnaqqis ta’ flus jew ekwivalenti ta’ flus; |
(e) |
“univers tal-investimenti” tfisser il-ġabra tal-istrumenti kollha ta’ investiment fi klassi ta’ assi partikolari jew grupp ta’ klassijiet ta’ assi; |
(f) |
“sena bażi” tfisser l-ewwel waħda minn serje ta’ snin f’parametru referenzjarju. |
KAPITOLU II
STANDARDS MINIMI GĦAT-TFASSIL TAL-METODOLOĠIJA TAL-PARAMETRI REFERENZJARJI
TAQSIMA 1
STANDARDS MINIMI KOMUNI GĦALL-PARAMETRI REFERENZJARJI TAT-TRANŻIZZJONI KLIMATIKA TAL-UE U L-PARAMETRI REFERENZJARJI TAL-UE ALLINJATI MAL-FTEHIM TA’ PARIĠI
Artikolu 2
Ix-xenarju tat-temperatura ta’ referenza
L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi għandhom jużaw ix-xenarju ta’ 1,5 °C, mingħajr l-ebda eċċess jew inkella eċċess limitat, imsemmi fir-Rapport Speċjali dwar it-Tisħin Globali ta’ 1,5 °C mill-Grupp Intergovernattiv ta’ Esperti dwar it-Tibdil fil-Klima (IPCC, Intergovernmental Panel on Climate Change) bħala x-xenarju tat-temperatura ta’ referenza biex ifasslu l-metodoloġija biex isawru dawn il-parametri referenzjarji.
Artikolu 3
Restrizzjonijiet għall-allokazzjoni tal-ekwità
Il-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi li huma bbażati fuq titoli ta’ ekwità elenkati f’suq pubbliku fl-Unjoni jew f’ġuriżdizzjoni oħra, għandhom ikollhom esponiment aggregat għas-setturi elenkati fit-Taqsimiet minn A sa H u t-Taqsima L tal-Anness I tar-Regolament (KE) Nru 1893/2006 li jkun mill-inqas ekwivalenti għall-esponiment aggregat tal-univers tal-investimenti sottostanti ta’ dawn is-setturi.
Artikolu 4
Il-kalkolu tal-intensità tal-GHG jew tal-emissjonijiet tal-GHG assoluti
1. L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi għandhom jikkalkulaw l-intensità tal-GHG, jew fejn applikabbli, l-emissjonijiet tal-GHG assoluti ta’ dawk il-parametri referenzjarji li jużaw l-istess munita għall-assi sottostanti kollha tagħhom.
2. L-amministraturi tal-Parametri Referenzjarji tat-Tranżizzjoni Klimatika tal-UE u l-Parametri Referenzjarji tal-UE allinjati mal-Ftehim ta’ Pariġi għandhom jikkalkulaw mill-ġdid l-intensità tal-GHG u l-emissjonijiet tal-GHG assoluti ta’ dawn il-parametri referenzjarji fuq bażi annwali.
Artikolu 5
L-introduzzjoni gradwali tad- data dwar l-emissjonijiet tal-GHG tal-Ambitu 3 fil-metodoloġija tal-paramentri referenzjarji
1. Il-metodoloġija tal-parametri referenzjarji għall-Parametri Referenzjarji tat-Tranżizzjoni Klimatika tal-UE jew il-Parametri Referenzjarji tal-UE allinjati mal-Ftehim ta’ Pariġi għandhom jinkludu d-data dwar l-emissjonijiet tal-GHG tal-Ambitu 3 b’dan il-mod:
(a) |
Mit-23 ta’ Diċembru 2020, id-data dwar l-emissjonijiet tal-GHG tal-Ambitu 3 għal mill-inqas is-setturi tal-enerġija u tat-tħaffir fil-minjieri msemmijin fid-Diviżjonijiet minn 05 sa 09, 19 u 20 tal-Anness I tar-Regolament (KE) Nru 1893/2006; |
(b) |
fi żmien sentejn mit-23 ta’ Diċembru 2020, id-data dwar l-emissjonijiet tal-GHG tal-Ambitu 3 għal mill-anqas is-setturi tat-trasport, tal-kostruzzjoni, tal-bini, tal-materjali u s-setturi industrijali msemmijin fid-Diviżjonijiet minn 10 sa 18, minn 21 sa 33, 41, 42 u 43, minn 49 sa 53 u d-Diviżjoni 81 tal-Anness I tar-Regolament (KE) Nru 1893/2006; |
(c) |
fi żmien erba’ snin mit-23 ta’ Diċembru 2020, id-data dwar l-emissjonijiet tal-GHG tal-Ambitu 3 għas-setturi l-oħrajn kollha msemmija fl-Anness I tar-Regolament (KE) Nru 1893/2006. |
2. Għall-finijiet tal-paragrafu 1, il-punt (a), mit-23 ta’ Diċembru 2020 sal-31 ta’ Diċembru 2021, l-amministraturi tal-Parametri Referenzjarji tat-Tranżizzjoni Klimatika tal-UE u l-amministraturi tal-Parametri Referenzjarji tal-UE allinjati mal-Ftehim ta’ Pariġi jistgħu jużaw riżervi tal-fjuwils fossili, meta juru li ma jistgħux jikkalkulaw u lanqas jagħtu stima tad-data dwar l-emissjonijiet tal-GHG tal-Ambitu 3.
Artikolu 6
Il-kumpaniji li jistipulaw u jippubblikaw il-miri għat-tnaqqis tal-emissjonijiet tal-GHG.
L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi jistgħu jżidu f’dawn il-parametri referenzjarji il-piż mogħti lill-emittenti tat-titoli kostitwenti li jistabbilixxu u jippubblikaw il-miri għat-tnaqqis tal-emissjonijiet tal-GHG, meta jiġu ssodisfati l-kundizzjonijiet li ġejjin:
(a) |
l-emittenti tat-titoli kostitwenti jippubblikaw b’mod konsistenti u bir-reqqa l-emissjonijiet tal-GHG tal-Ambiti 1, 2 u 3; |
(b) |
l-emittenti tat-titoli kostitwenti jkunu naqqsu l-intensità tal-GHG tagħhom jew, fejn applikabbli, l-emissjonijiet tal-GHG assoluti tagħhom, inkluż l-emissjonijiet tal-GHG tal-Ambiti 1, 2 u 3 b’medja ta’ mill-inqas 7 % fis-sena għal mill-inqas tliet snin konsekuttivi. |
Għall-finijiet tal-ewwel subparagrafu, l-emissjonijiet tal-GHG tal-Ambitu 3 għandhom jinftiehmu f’konformità mal-perjodu ta’ implimentazzjoni gradwali stabbilit fl-Artikolu 5.
Artikolu 7
L-istabbiliment tat-trajettorja tad-dekarbonizzazzjoni
1. It-trajettorja tad-dekarbonizzazzjoni għall-Parametri Referenzjarji tat-Tranżizzjoni Klimatika tal-UE u għall-Parametri Referenzjarji tal-UE allinjati mal-Ftehim ta’ Pariġi għandu jkollha l-miri li ġejjin:
(a) |
għat-titoli ta’ ekwità elenkati f’suq pubbliku fl-Unjoni jew f’ġuriżdizzjoni oħra, tnaqqis ta’ mill-inqas 7 % tal-intensità tal-GHG bħala medja fis-sena; |
(b) |
għat-titoli ta’ dejn minbarra dawk maħruġa minn emittent sovran, fejn l-emittent ta’ dawn it-titoli tad-dejn ikollu titoli ta’ ekwità li huma elenkati f’suq pubbliku fl-Unjoni jew f’ġuriżdizzjoni oħra, tnaqqis ta’ mill-inqas 7 % fl-intensità tal-GHG bħala medja fis-sena jew tnaqqis ta’ mill-inqas 7 % tal-emissjonijiet tal-GHG assoluti bħala medja fis-sena; |
(c) |
għat-titoli ta’ dejn minbarra dawk maħruġa minn emittent sovran, fejn l-emittent ta’ dawn it-titoli ta’ dejn ma jkollux titoli ta’ ekwità li huma elenkati f’suq pubbliku fl-Unjoni jew f’ġuriżdizzjoni oħra, tnaqqis ta’ mill-inqas 7 % tal-emissjonijiet tal-GHG assoluti bħala medja fis-sena. |
2. Il-miri msemmija fil-paragrafu 1 għandhom jiġu kkalkulati b’mod ġeometriku u dan ifisser li t-tnaqqis minimu annwali ta’ 7 % tal-intensità tal-GHG jew tal-emissjonijiet tal-GHG assoluti għas-sena “n” għandhom jiġu kkalkulati abbażi tal-intensità tal-GHG jew tal-emissjonijiet tal-GHG assoluti għas-sena n-1, fi progressjoni ġeometrika mis-sena bażi.
3. Meta l-EVIC medju tat-titoli kostitwenti tal-parametru referenzjarju jkun żdied jew naqas matul l-aħħar sena kalendarja, l-EVIC ta’ kull kostitwent għandu jiġi aġġustat billi jiġi diviż b’fattur ta’ aġġustament għall-inflazzjoni tal-valur tal-intrapriża. Dan il-fattur ta’ aġġustament għall-inflazzjoni tal-valur tal-intrapriża għandu jiġi kkalkulat billi jiġi diviż l-EVIC medju tal-kostitwenti tal-parametru referenzjarju fi tmiem is-sena kalendarja bl-EVIC medju tal-kostitwenti tal-parametru referenzjarju fi tmiem is-sena kalendarja preċedenti.
4. L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi, għal kull sena li fiha l-miri stabbiliti fil-paragrafu 1 ma jintlaħqux, għandhom jagħtu kumpens għal dawk il-miri li ma ntlaħqux billi jaġġustaw ’l fuq il-miri tat-trajettorja tad-dekarbonizzazzjoni tagħhom għas-sena ta’ wara.
5. L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi ma għandhomx jibqgħu jimmarkaw il-parametri referenzjarji tagħhom bħala tali meta:
(a) |
il-miri stipulati fil-paragrafu 1 ma jintlaħqux f’sena partikolari u l-miri li ma jintlaħqux ma jiġux ikkumpensati fis-sena ta’ wara; jew |
(b) |
il-miri stabbiliti fil-paragrafu 1 ma jintlaħqux fi tliet okkażjonijiet waqt kwalunkwe perjodu konsekuttiv ta’ 10 snin. |
L-amministraturi tal-parametri referenzjarji jistgħu jerġgħu jimmarkaw parametru referenzjarju bħala Parametru Referenzjarju tat-Tranżizzjoni Klimatika tal-UE jew bħala Parametru Referenzjarju tal-UE allinjat mal-Ftehim ta’ Pariġi meta dan il-parametru referenzjarju jissodisfa l-mira tat-trajettorja tad-dekarbonizzazzjoni għal sentejn konsekuttivi wara li jitlef it-tikketta, dment li dan il-parametru referenzjarju ma jkunx tilef din it-tikketta darbtejn.
Artikolu 8
Bidla fl-intensità tal-GHG u fl-emissjonijiet tal-GHG assoluti
1. Il-bidla fl-intensità tal-GHG jew fl-emissjonijiet tal-GHG assoluti għandha tiġi kkalkulata bħala l-bidla perċentwali bejn, fuq naħa waħda, l-intensità medja ponderata tal-GHG jew tal-emissjonijiet tal-GHG assoluti tal-kostitwenti kollha tal-Parametru Referenzjarju tat-Tranżizzjoni Klimatika tal-UE jew il-Parametru Referenzjarju tal-UE allinjat mal-Ftehim ta’ Pariġi fl-aħħar tas-sena “n” u, min-naħa l-oħra, l-intensità medja ponderata tal-GHG jew tal-emissjonijiet tal-GHG assoluti tal-kostitwenti kollha tal-paramentri referenzjarji fl-aħħar tas-sena n-1.
2. L-amministraturi tal-parametri referenzjarji għandhom jużaw sena bażi ġdida kull meta jseħħu bidliet sinifikanti fil-metodoloġija ta’ kalkolu tal-intensità tal-GHG jew tal-emissjonijiet tal-GHG assoluti.
Għall-finijiet tal-ewwel subparagrafu, sena ta’ bażi ġdida għandha tfisser is-sena li fiha tiġi kkalkulata t-trajettorja tad-dekarbonizzazzjoni msemmija fl-Artikolu 7.
L-għażla ta’ sena bażi ġdida għandha tkun mingħajr preġudizzju għar-regoli stabbiliti fl-Artikolu 7(5).
TAQSIMA 2
L-ISTANDARDS MINIMI GĦALL-PARAMETRI REFERENZJARJI TAT-TRANŻIZZJONI KLIMATIKA TAL-UE
Artikolu 9
It-tnaqqis ta’ referenza tal-intensità tal-GHG jew tal-emissjonijiet tal-GHG assoluti għall-Parametri Referenzjarji tat-Tranżizzjoni Klimatika tal-UE.
L-intensità tal-GHG jew, fejn applikabbli, l-emissjonijiet tal-GHG assoluti għal Parametri Referenzjarji tat-Tranżizzjoni Klimatika tal-UE, inklużi l-Ambiti 1, 2 u 3 u l-emissjonijiet tal-GHG, għandhom ikunu mill-inqas 30 % inqas mill-intensità tal-GHG jew mill-emissjonijiet tal-GHG assoluti tal-univers tal-investimenti.
Għall-finijiet tal-ewwel subparagrafu, l-emissjonijiet tal-GHG tal-Ambitu 3 għandhom jinftiehmu f’konformità mal-perjodu ta’ implimentazzjoni gradwali stabbilit fl-Artikolu 5.
Artikolu 10
L-esklużjoni mill-Parametri Referenzjarji tat-Tranżizzjoni Klimatika tal-UE
1. L-amministraturi tal-Parametru Referenzjarju tat-Tranżazzjoni Klimatika tal-UE għandhom jiddivulgaw fil-metodoloġija tagħhom jekk jeskludux kumpaniji u kif jagħmlu dan.
2. Sal-31 ta’ Diċembru 2022, l-amministraturi tal-Parametri Referenzjarji tat-Tranżizzjoni Klimatika tal-UE għandhom jikkonformaw mar-rekwiżiti stabbiliti fl-Artikolu 12(1), il-punti (a), (b) u (c), u l-Artikolu 12(2).
TAQSIMA 3
L-ISTANDARDS MINIMI GĦALL-PARAMETRI REFERENZJARJI TAL-UE ALLINJATI MAL-FTEHIM TA’ PARIĠI
Artikolu 11
It-tnaqqis ta’ referenza tal-intensità tal-GHG jew tal-emissjonijiet tal-GHG assoluti għall-Parametri Referenzjarji tal-UE allinjati mal-ftehim ta’ Pariġi.
L-intensità tal-GHG jew, fejn applikabbli, l-emissjonijiet tal-GHG assoluti għal Parametri Referenzjarji tal-UE allinjati mal-ftehim ta’ Pariġi, inklużi l-Ambiti 1, 2 u 3 u l-emissjonijiet tal-GHG, għandhom ikunu mill-inqas 50 % inqas mill-intensità tal-GHG jew mill-emissjonijiet tal-GHG assoluti tal-univers tal-investimenti.
Għall-finijiet tal-ewwel subparagrafu, l-emissjonijiet tal-GHG tal-Ambitu 3 għandhom jinftiehmu f’konformità mal-perjodu ta’ implimentazzjoni gradwali stabbilit fl-Artikolu 5.
Artikolu 12
L-esklużjoni mill-Parametri Referenzjarji tal-UE allinjati mal-ftehim ta’ Pariġi
1. L-amministraturi tal-Parametri Referenzjarji tal-UE allinjati mal-Ftehim ta’ Pariġi għandhom jeskludu l-kumpaniji kollha li ġejjin minn dawn il-parametri referenzjarji:
(a) |
il-kumpaniji involuti fi kull attività relatata ma’ armi kontroversjali; |
(b) |
il-kumpaniji involuti fil-kultivazzjoni u l-produzzjoni tat-tabakk; |
(c) |
il-kumpaniji li l-amministraturi tal-parametru referenzjarju jaraw li jiksru l-prinċipji tal-Patt Globali tan-Nazzjonijiet Uniti (UNGC) jew tal-Linji Gwida tal-Organizzazzjoni għall-Kooperazzjoni u l-Iżvilupp Ekonomiċi (OECD) għall-Intrapriżi Multinazzjonali; |
(d) |
il-kumpaniji li jiksbu 1 % jew aktar tad-dħul tagħhom mill-esplorazzjoni, l-attivitajiet tal-minjieri, l-estrazzjoni, id-distribuzzjoni jew ir-raffinar tal-faħam u tal-linjite; |
(e) |
il-kumpaniji li jiksbu 10 % jew aktar tad-dħul tagħhom mill-esplorazzjoni, l-estrazzjoni, id-distribuzzjoni jew ir-raffinar tal-karburanti taż-żejt kombustibbli; |
(f) |
il-kumpaniji li jiksbu 50 % jew aktar tad-dħul tagħhom mill-esplorazzjoni, l-estrazzjoni, il-manifattura jew id-distribuzzjoni ta’ fjuwils gassużi; |
(g) |
il-kumpaniji li jiksbu 50 % jew aktar tad-dħul tagħhom mill-ġenerazzjoni tal-elettriku b’intensità tal-GHG ta’ aktar minn 100 g CO2 e/kWh. |
Għall-finijiet tal-punt (a), armi kontroversjali għandhom ifissru armi kontroversjali kif imsemmi fit-trattati u l-konvenzjonijiet internazzjonali, fil-prinċipji tan-Nazzjonijiet Uniti u, fejn applikabbli, fil-leġiżlazzjoni nazzjonali.
2. L-amministraturi tal-Parametri Referenzjarji tal-UE allinjati mal-Ftehim ta’ Pariġi għandhom jeskludu minn dawn il-parametri referenzjarji kwalunkwe kumpanija li tinstab jew li hija kkunsidrata minnhom jew mill-fornituri tad-data esterni bħala ta’ ħsara sinifikanti għal wieħed jew għal uħud mill-objettivi ambjentali msemmija fl-Artikolu 9 tar-Regolament (UE) 2020/852 tal-Parlament Ewropew u tal-Kunsill (8), f’konformità mar-regoli dwar l-istimi stabbiliti fl-Artikolu 13(2) ta’ dan ir-Regolament.
3. L-amministraturi tal-Parametri Referenzjarji tal-UE allinjati mal-Ftehim ta’ Pariġi għandhom jiddivulgaw fil-metodoloġija tal-parametru referenzjarju tagħhom kwalunkwe kriterju ta’ esklużjoni addizzjonali li jużaw u li huwa bbażat fuq fatturi relatati mal-klima jew fuq fatturi ambjentali, soċjali u ta’ governanza (ESG) oħra.
KAPITOLU III
TRASPARENZA U AKKURATEZZA
Artikolu 13
Ir-rekwiżiti ta’ trasparenza għall-istimi
1. Minbarra r-rekwiżiti stabbiliti fl-Anness III tar-Regolament (UE) 2016/1011, l-amministraturi tal-Parametri Referenzjarji tat-Tranżizzjoni Klimatika tal-UE jew tal-Parametri Referenzjarji tal-UE allinjati mal-Ftehim ta’ Pariġi għandhom jikkonformaw mar-rekwiżiti li ġejjin:
(a) |
l-amministraturi tal-Parametri Referenzjarji tat-Tranżizzjoni Klimatika tal-UE jew tal-Parametri Referenzjarji tal-UE allinjati mal-Ftehim ta’ Pariġi li jużaw stimi li mhumiex ibbażati fuq data pprovduta minn fornitur tad-data estern, għandhom jifformalizzaw, jiddokumentaw u jippubblikaw il-metodoloġija li fuqha huma bbażati dawn l-stimi, inkluż:
|
(b) |
l-amministraturi tal-Parametri Referenzjarji tat-Tranżizzjoni Klimatika tal-UE jew tal-Parametri Referenzjarji tal-UE allinjati mal-Ftehim ta’ Pariġi li jużaw stimi li huma bbażati fuq data pprovduta minn fornitur tad-data estern, għandhom jifformalizzaw, jiddokumentaw u jippubblikaw l-informazzjoni kollha li ġejja:
|
2. Għall-finijiet tal-Artikolu 12(2), l-amministraturi tal-Parametri Referenzjarji tal-UE allinjati mal-Ftehim ta’ Pariġi għandhom jikkonformaw mar-rekwiżiti li ġejjin:
(a) |
l-amministraturi tal-Parametri Referenzjarji tal-UE allinjati mal-Ftehim ta’ Pariġi li jużaw stimi li mhumiex ibbażati fuq data pprovduta minn fornitur tad-data estern, għandhom jifformalizzaw, jiddokumentaw u jippubblikaw il-metodoloġija li fuqha huma bbażati dawn l-stimi, inkluż:
|
(b) |
l-amministraturi tal-Parametri Referenzjarji tal-UE allinjati mal-Ftehim ta’ Pariġi li jużaw stimi li huma bbażati fuq data pprovduta minn fornitur tad-data estern, għandhom jifformalizzaw, jiddokumentaw u jippubblikaw l-informazzjoni kollha li ġejja:
|
Artikolu 14
Id-divulgazzjoni tat-trajettorja tad-dekarbonizzazzjoni
L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi għandhom jifformalizzaw, jiddokumentaw u jippubblikaw it-trajettorji tad-dekarbonizzazzjoni ta’ dawn il-parametri referenzjarji, is-sena bażi użata biex jiġu ddeterminati dawn it-trajettorji tad-dekarbonizzazzjoni, u meta ma jintlaħqux il-miri stabbiliti fit-trajettorja tad-dekarbonizzazzjoni, ir-raġunijiet għal dan in-nuqqas u l-passi li se jittieħdu biex tintlaħaq il-mira aġġustata msemmija fl-Artikolu 7(4).
Artikolu 15
L-akkuratezza tas-sorsi tad- data
1. L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi għandhom jiżguraw li d-data dwar l-emissjonijiet tal-GHG tal-Ambiti 1, 2 u 3 tkun preċiża, skont standards globali jew Ewropej, bħall-Impronta Ambjentali tal-Prodotti (PEF, Product Environmental Footprint), il-metodi (9) tal-Impronta Ambjentali tal-Organizzazzjoni (OEF, Organisation Environmental Footprint), l-Istandard (10) tal-Kontabilità u tar-Rapportar tal-Katina tal-Valur Korporattiva (l-Ambitu 3), l-EN ISO 14064 jew l-EN ISO 14069.
2. Għall-finijiet tal-paragrafu 1, l-amministraturi tal-Parametri Referenzjarji tat-Tranżizzjoni Klimatika tal-UE u l-amministraturi tal-Parametri Referenzjarji tal-UE allinjati mal-Ftehim ta’ Pariġi għandhom jiddivulgaw fil-metodoloġija tagħhom l-istandard li użaw.
3. L-amministraturi tal-Parametri Referenzjarji tat-Tranżizzjoni Klimatika tal-UE u tal-Parametri Referenzjarji tal-UE allinjati mal-Ftehim ta’ Pariġi għandhom jiżguraw li d-data tal-emissjonijiet tal-GHG hija komparabbli u ta’ kwalità.
KAPITOLU IV
DISPOŻIZZJONIJIET FINALI
Artikolu 16
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Lulju 2020.
Għall-Kummissjoni
Il-President
Ursula VON DER LEYEN
(1) ĠU L 171, 29.6.2016, p. 1.
(2) Id-Deċiżjoni tal-Kunsill (UE) 2016/1841 tal-5 ta’ Ottubru 2016 dwar il-konklużjoni, f’isem l-Unjoni Ewropea, tal-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (ĠU L 282, 19.10.2016, p. 1).
(3) COM(2019) 640 final.
(4) IPCC, 2018: It-tisħin Globali ta’ 1,5 °C. Rapport Speċjali tal-IPCC dwar l-impatti tat-tisħin globali ta’ 1,5 °C aktar mil-livelli preindustrijali u t-trajettorja tal-emissjonijiet globali tal-gassijiet serra, fil-kuntest tat-tisħiħ tar-rispons globali għat-theddida tat-tibdil fil-klima, l-iżvilupp sostenibbli u l-isforzi biex jinqered il-faqar.
(5) Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).
(6) Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26).
(7) Ir-Regolament (UE) Nru 517/2014 tal-Parlament Ewropew u tal-Kunsill tas-16 ta’ April 2014 dwar gassijiet fluworurati b’effett ta’ serra u li jħassar ir-Regolament (KE) Nru 842/2006 (ĠU L 150, 20.5.2014, p. 195).
(8) Ir-Regolament (UE) 2020/852 tal-Parlament Ewropew u tal-Kunsill tat-18 ta’ Ġunju 2020 dwar l-istabbiliment ta’ qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13).
(9) Ir-Rakkomandazzjoni tal-Kummissjoni 2013/179/UE tad-9 ta’ April 2013 dwar l-użu ta’ metodi komuni għall-kejl u l-komunikazzjoni tal-prestazzjoni ambjentali taċ-ċiklu tal-ħajja ta’ prodotti u ta’ organizzazzjonijiet (ĠU L 124, 4.5.2013, p. 1).
(10) Value Chain (Scope 3) Accounting and Reporting Standard (Settembru 2011) (L-Istandard tal-Kontabilità u tar-Rapportar tal-Katina tal-Valur (l-Ambitu 3)), li jissupplimenta l-GHG Protocol Corporate Accounting and Reporting Standard (l-Istandard Korporattiv tal-Kontabilità u tar-Rapportar għall-Protokoll tal-GHG).
3.12.2020 |
MT |
Il-Ġurnal Uffiċjali tal-Unjoni Ewropea |
L 406/26 |
REGOLAMENT TAL-KUMMISSJONI (UE) 2020/1819
tat-2 ta’ Diċembru 2020
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar l-użu tal-kuluri fis-sostituti tas-salamun
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 10(3) tiegħu,
Billi:
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel u l-kundizzjonijiet tal-użu tagħhom. |
(2) |
Din il-lista tista’ tiġi aġġornata f’konformità mal-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), fuq inizjattiva tal-Kummissjoni jew wara li ssir applikazzjoni. |
(3) |
Skont l-Anness II tar-Regolament (KE) Nru 1333/2008, kif emendat bir-Regolament tal-Kummissjoni (UE) Nru 232/2012 (3), il-kuluri Isfar Inżul ix-Xemx FCF/Isfar fl-Oranġjo S (E 110) u Ponceau 4R, Koċineal Aħmar A (E 124) fil-preżent it-tnejn huma awtorizzati bħala addittivi tal-ikel fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji” fil-livell massimu ta’ 200 mg/kg, għall-użu biss fis-sostituti tas-salamun magħmulin b’mod ewlieni minn ħut tal-ispeċijiet Theragra chalcogramma u Pollachius virens. Fil-15 ta’ Lulju 2014 u fit-23 ta’ Settembru 2009, l-Awtorità ħarġet l-opinjonijiet tagħha li fihom stabiliet id-doża aċċettabbli ta’ kuljum ta’ 4 mg/kg għall-Isfar Inżul ix-Xemx FCF/Isfar fl-Oranġjo S (E 110) (4) u d-doża aċċettabbli ta’ kuljum ta’ 0,7 mg/kg għall-Ponceau 4R, Koċineal Aħmar A (E 124) (5). Fl-opinjonijiet tal-15 ta’ Lulju 2014 u tal-21 ta’ April 2015 (6), l-Awtorità kkonkludiet li l-ebda waħda mill-istimi tal-esponiment għal dawk l-addittivi ma kienet taqbeż id-doża aċċettabbli ta’ kuljum rispettiva tagħhom, għal ebda grupp tal-popolazzjoni. |
(4) |
Fl-4 ta’ Frar 2019 tressqet applikazzjoni biex jiġu mmodifikati l-kundizzjonijiet tal-użu tal-Isfar Inżul ix-Xemx FCF/Isfar fl-Oranġjo S (E 110) u tal-Ponceau 4R, Koċineal Aħmar A (E 124) fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji”, biex jiġi awtorizzat l-użu ta’ dawk is-sustanzi fis-sostituti tas-salamun magħmulin b’mod ewlieni mill-ispeċi tal-ħut Clupea harengus. L-applikazzjoni titlob il-livell massimu attwali ta’ 200 mg/kg, iżda tispjega li l-livelli tal-użu reali huma ħafna inqas, u jvarjaw bejn wieħed jew tnejn minn għaxra tal-livell massimu għaż-żewġ sustanzi li huma. L-applikazzjoni ntbagħtet lill-Istati Membri skont l-Artikolu 4 tar-Regolament (KE) Nru 1331/2008. |
(5) |
Meta jintużaw bħala koloranti, l-Isfar Inżul ix-Xemx FCF/Isfar fl-Oranġjo S (E 110) u l-Ponceau 4R, Koċineal Aħmar A (E 124) jagħtu l-lewn stabbli mixtieq, itejbu l-proprjetajiet organolettiċi, u jagħtu dehra aktar attraenti lis-sostituti tas-salamun magħmulin bl-ispeċi tal-ħut Clupea harengus. |
(6) |
Skont l-Artikolu 3(2) tar-Regolament (KE) Nru 1331/2008, il-Kummissjoni trid titlob l-opinjoni tal-Awtorità Ewropea dwar is-Sigurtà fl-Ikel (“l-Awtorità”) biex taġġorna l-lista tal-Unjoni tal-addittivi tal-ikel stabbilita fl-Anness II tar-Regolament (KE) Nru 1333/2008, għajr meta l-aġġornament inkwistjoni x’aktarx ma jkollux effett fuq is-saħħa tal-bniedem. |
(7) |
L-Isfar Inżul ix-Xemx FCF/Isfar fl-Oranġjo S (E 110) u l-Ponceau 4R, Koċineal Aħmar A (E 124) huma awtorizzati għall-użu f’diversità kbira ta’ oġġetti tal-ikel. L-istimi tal-esponiment l-aktar riċenti li wettqet l-Awtorità, kif imsemmi fil-premessa 3, ikkonfermaw li l-esponiment globali huwa ħafna inqas mid-doża aċċettabbli ta’ kuljum tagħhom, anki f’xenarju l-aktar konservattiv tal-livelli massimi. F’dawk l-istimi tal-esponiment kienu inklużi l-użi awtorizzati fis-sostituti tas-salamun magħmulin bl-ispeċijiet tal-ħut Theragra chalcogramma u Pollachius virens. Billi s-sostituti tas-salamun magħmulin mill-Clupea harengus huma maħsubin bħala alternattiva għas-sostituti tas-salamun magħmulin mit-Theragra chalcogramma u mill-Pollachius virens, il-livell tal-konsum tas-sostituti tas-salamun mill-konsumaturi ma għandux jinbidel b’xi mod sinifikanti. Barra minn hekk, il-livelli tal-użu tal-Isfar Inżul ix-Xemx FCF/Isfar fl-Oranġjo S (E 110) u tal-Ponceau 4R, Koċineal Aħmar A (E124) li jridu jintlaħqu biex jinkiseb l-effett mixtieq fis-sostituti tas-salamun magħmulin bil-Clupea harengus huma sew inqas mil-livelli massimi awtorizzati. Għaldaqstant mhuwiex mistenni li l-użu propost ikollu xi impatt sinifikanti fuq l-esponiment globali tal-konsumatur għal dawk l-addittivi tal-ikel, li b’hekk x’aktarx jibqgħu inqas mid-doża aċċettabbli ta’ kuljum. |
(8) |
L-entrati għall-Grupp II, għall-Grupp III u għal-Likopene (E 160d) fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji” bħalissa jirreferu biss għas-“sostituti tas-salamun”. Biex ikun hemm ċarezza u ċertezza tad-dritt rigward din l-espressjoni, jenħtieġ li l-kliem f’dawk l-entrati jiġi emendat biex jindika li l-użu awtorizzat jikkonċerna s-“sostituti tas-salamun” magħmulin bl-ispeċijiet tal-ħut Theragra chalcogramma, Pollachius virens jew Clupea harengus. |
(9) |
Għalhekk jixraq li tiġi emendata l-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji” fil-Parti E tal-Anness II tar-Regolament (KE) Nru 1333/2008 biex jiġi awtorizzat l-użu tal-Isfar Inżul ix-Xemx FCF/Isfar fl-Oranġjo S (E 110) u tal-Ponceau 4R, Koċineal Aħmar A (E124) fis-sostituti tas-salamun magħmulin mill-ispeċi tal-ħut Clupea harengus, u li fl-entrati tal-Grupp II, tal-Grupp III, u tal-Likopene (E 160d) jiġu elenkati l-ispeċijiet tal-ħut li jistgħu jkunu magħmulin minnhom is-“sostituti tas-salamun”. |
(10) |
Għalhekk jenħtieġ li l-Anness II tar-Regolament (KE) Nru 1333/2008 jiġi emendat skont dan. |
(11) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) Ir-Regolament tal-Kummissjoni (UE) Nru 232/2012 tas-16 ta’ Marzu 2012 li jemenda l-Anness II mar-Regolament (KE) Nru 1333/2008 tal-Parlament Ewropew u tal-Kunsill dwar il-kundizzjonijiet tal-użu u l-livelli tal-użu tal-Isfar Kinolina (E 104), l-Isfar Inżul ix-Xemx FCF/Isfar fl-Oranġjo S (E 110) u l-Ponceau 4R, Koċineal Aħmar A (E 124) (ĠU L 78, 17.3.2012, p. 1).
(4) EFSA Journal 2014;12(7):3765.
(5) EFSA Journal 2009; 7(11):1328.
(6) EFSA Journal 2015;13(4):4073.
ANNESS
Il-Parti E tal-Anness II tar-Regolament (KE) Nru 1333/2008 dwar il-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji” hija emendata kif ġej:
(1) |
l-entrati tal-Grupp II, u tal-Grupp III, huma sostitwiti b’dan li ġej:
|
(2) |
l-entrata għall-Isfar Inżul ix-Xemx FCF/Isfar fl-Oranġjo S (E 110) hija sostitwita b’dan li ġej:
|
(3) |
l-entrata għall-Ponceau 4R, Koċineal Aħmar A (E 124) hija sostitwita b’dan li ġej:
|
(4) |
l-ewwel entrata għal-Likopene (E 160d) hija sostitwita b’dan li ġej:
|
3.12.2020 |
MT |
Il-Ġurnal Uffiċjali tal-Unjoni Ewropea |
L 406/29 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1820
tat-2 ta’ Diċembru 2020
li jawtorizza t-tqegħid fis-suq tal-Euglena gracilis imnixxfa bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,
Billi:
(1) |
Ir-Regolament (UE) 2015/2283 jipprevedi li l-ikel ġdid awtorizzat u inkluż fil-lista tal-Unjoni biss jista’ jitqiegħed fis-suq fl-Unjoni. |
(2) |
Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat. |
(3) |
Fl-20 ta’ Diċembru 2018, il-kumpanija Kemin Foods L.C. (“l-applikant”) ippreżentat applikazzjoni lill-Kummissjoni f’konformità mal-Artikolu 10(1) tar-Regolament (UE) 2015/2283 biex tqiegħed l-Euglena gracilis b’ċellola integrali mnixxfa fis-suq tal-Unjoni bħala ikel ġdid. L-applikazzjoni talbet biex l-Euglena gracilis b’ċellola integrali mnixxfa tintuża bħala ikel ġdid f’għadd ta’ kategoriji tal-ikel għall-popolazzjoni ġenerali kif ġej: bars tal-proteini, tal-granola u tal-kolazzjon; jogurt; xarbiet tal-jogurt; meraq tal-frott, smoothies u nettari, meraq tal-ħaxix; xarbiet bit-togħma tal-frott; xarbiet li jissostitwixxu l-ikel. L-applikant talab ukoll li l-Euglena gracilis b’ċellola integrali mnixxfa tintuża fis-supplimenti tal-ikel kif definiti fid-Direttiva 2002/46/KE tal-Parlament Ewropew u tal-Kunsill (3), ħlief is-supplimenti tal-ikel għat-trabi, u fis-sostituti tad-dieta kollha għall-kontroll tal-piż kif definit mir-Regolament (UE) Nru 609/2013 tal-Parlament Ewropew u tal-Kunsill (4), minbarra s-sostituti tad-dieta kollha għall-kontroll tal-piż għat-trabi. |
(4) |
L-applikant ippreżenta wkoll talba lill-Kummissjoni għall-protezzjoni tad-data riżervata għal għadd ta’ studji sottomessi bħala appoġġ għall-applikazzjoni jiġifieri, l-istudji tal-fermentazzjoni in vitro (5), it-test ta’ retromutazzjoni batterika (6), it-test tal-mikronukleu in vivo (7), l-istudju tat-tossiċità akuta fil-firien (8), l-istudju tal-palpabbiltà/tossiċità fid-dieta ta’ 14-il jum fil-firien (9), l-istudju tat-tossiċità fid-dieta ta’ 90 jum fil-firien (10). |
(5) |
F’konformità mal-Artikolu 10(3) tar-Regolament (UE) 2015/2283, fit-13 ta’ Mejju 2019 il-Kummissjoni kkonsultat lill-Awtorità Ewropea dwar is-Sigurtà fl-Ikel (“l-Awtorità”), u talbitha tagħti opinjoni xjentifika abbażi ta’ valutazzjoni tal-Euglena gracilis imnixxfa bħala ikel ġdid. |
(6) |
Fil-25 ta’ Marzu 2020, l-Awtorità adottat l-opinjoni xjentifika dwar is-“Safety of dried whole cell Euglena gracilis as a novel food pursuant to Regulation (UE) 2015/2283” (11). Dik l-opinjoni hija konformi mar-rekwiżiti tal-Artikolu 11 tar-Regolament (UE) 2015/2283. |
(7) |
F’dik l-opinjoni, l-Awtorità kkonkludiet li l-Euglena gracilis imnixxfa hija sikura fl-użi u fil-livelli tal-użu proposti. Għaldaqstant, l-opinjoni tal-Awtorità tagħti biżżejjed raġunijiet biex jiġi stabbilit li l-Euglena gracilis imnixxfa skont il-kundizzjonijiet tal-użu speċifiċi, tikkonforma mal-Artikolu 12(1) tar-Regolament (UE) 2015/2283. |
(8) |
Skont ir-Regolament Delegat tal-Kummissjoni (UE) 2017/1798 (12) is-sostitut tad-dieta totali għall-kontroll tal-piż huwa ikel maħsub għal adulti b’piż żejjed jew adulti obeżi b’saħħithom li beħsiebhom jiksbu tnaqqis fil-piż. Għalhekk, l-Euglena gracilis imnixxfa tista’ tiġi awtorizzata għall-użu f’sostituti tad-dieta totali għall-kontroll tal-piż għall-adulti biss, bl-esklużjoni tat-trabi, it-tfal u l-adolexxenti. |
(9) |
Fl-opinjoni tagħha, l-Awtorità kkunsidrat li d-data mill-istudju ta’ 90 jum dwar it-tossiċità djetetika fil-firien serviet bħala bażi biex tiġi stabbilita s-sikurezza tal-ikel ġdid. Għalhekk, ġie kkunsidrat li l-konklużjonijiet dwar is-sikurezza tal-Euglena gracilis imnixxfa ma setgħux jintlaħqu mingħajr id-data mir-rapport mhux ippubblikat ta’ dak l-istudju. |
(10) |
Il-Kummissjoni talbet lill-applikant biex jiċċara aktar il-ġustifikazzjoni pprovduta fir-rigward tal-pretensjoni proprjetarja tiegħu dwar l-istudju tat-tossiċità djetetika ta’ 90 jum fil-firien, u biex jiċċara t-talba tiegħu għal dritt esklużiv ta’ referenza għal dak l-istudju, kif imsemmi fl-Artikolu 26(2)(b) tar-Regolament (UE) 2015/2283. |
(11) |
L-applikant iddikjara li, fiż-żmien li ġiet ippreżentata l-applikazzjoni, kellu d-dritt proprjetarju u esklużiv ta’ referenza għal dak l-istudju skont il-liġi nazzjonali, u li għalhekk il-partijiet terzi ma jistgħux jaċċessaw jew jużaw b’mod legali dak l-istudju jew jirreferu għal dik id-data. |
(12) |
Il-Kummissjoni vvalutat l-informazzjoni kollha pprovduta mill-applikant u kkunsidrat li l-applikant wera biżżejjed li ġew issodisfati r-rekwiżiti stabbiliti fl-Artikolu 26(2) tar-Regolament (UE) 2015/2283. Għalhekk, jenħtieġ li l-istudju fil-firien tat-tossiċità djetetika ta’ 90 jum li jinsab fil-fajl tal-applikant ma jintużax mill-Awtorità għall-benefiċċju ta’ applikant sussegwentigħal perjodu ta’ ħames snin mid-data tad-dħul fis-seħħ ta’ dan ir-Regolament. Għaldaqstant, jenħtieġ li għal dak il-perjodu t-tqegħid fis-suq fl-Unjoni tal-Euglena gracilis imnixxfa ikun ristrett għall-applikant. |
(13) |
Madankollu, ir-restrizzjoni tal-awtorizzazzjoni tal-Euglena gracilis imnixxfa u tar-referenza għall-istudju li jinsab fil-fajl tal-applikant għall-użu uniku tal-applikant, ma twaqqafx lil applikanti oħra milli japplikaw għal awtorizzazzjoni għat-tqegħid fis-suq tal-istess ikel ġdid, dment li l-applikazzjoni tagħhom tissejjes fuq informazzjoni miksuba legalment li tappoġġa t-tali awtorizzazzjoni skont ir-Regolament (UE) 2015/2283. |
(14) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
1. L-Euglena gracilis imnixxfa kif speċifikata fl-Anness ta’ dan ir-Regolament għandha tiġi inkluża fil-lista ta’ ikel ġdid awtorizzat tal-Unjoni li ġiet stabbilita fir-Regolament ta’ Implimentazzjoni (UE) 2017/2470.
2. Għal perjodu ta’ ħames snin mid-data tad-dħul fis-seħħ ta’ dan ir-Regolament, l-Applikant inizjali biss:
— |
Kumpanija: Kemin Foods L.C.; |
— |
Indirizz: 2100 Maury Street Des Moines, IA 50317, USA, |
huwa awtorizzat li jqiegħed fis-suq fl-Unjoni l-ikel ġdid imsemmi fil-paragrafu 1, sakemm applikant sussegwenti ma jiksibx awtorizzazzjoni għall-ikel ġdid mingħajr referenza għad-data protetta skont l-Artikolu 2 ta’ dan ir-Regolament jew bi qbil ta’ Kemin Foods L.C/
3. L-entrata fil-lista tal-Unjoni msemmija fil-paragrafu 1 għandha tinkludi l-kundizzjonijiet tal-użu u r-rekwiżiti tat-tikkettar stipulati fl-Anness ta’ dan ir-Regolament.
Artikolu 2
Id-data li hemm fil-fajl tal-applikazzjoni li fuq il-bażi tagħha l-ikel ġdid msemmi fl-Artikolu 1 ġie vvalutat min-naħa tal-Awtorità, u li skont kif ġie ddikjarat mill-applikant hija riżervata u li mingħajrha l-ikel ġdid ma setax jiġi awtorizzat, ma għandhiex tintuża għall-benefiċċju ta’ applikant sussegwenti għal perjodu ta’ ħames snin mid-data tad-dħul fis-seħħ ta’ dan ir-Regolament mingħajr il-qbil ta’ Kemin Foods L.C.
Artikolu 3
L-Anness tar-Regolament ta’ Implimentazzjoni (UE) 2017/2470 huwa emendat f’konformità mal-Anness ta’ dan ir-Regolament.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
(3) Id-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
(4) Ir-Regolament (UE) Nru 609/2013 tal-Parlament Ewropew u tal-Kunsill tat-12 ta’ Ġunju 2013 dwar ikel maħsub għat-trabi u t-tfal żgħar, ikel għal skopijiet mediċi speċjali, u bħala sostitut tad-dieta kollha għall-kontroll tal-piż u li jħassar id-Direttiva tal-Kunsill 92/52/KEE, id-Direttivi tal-Kummissjoni 96/8/KE, 1999/21/KE, 2006/125/KE u 2006/141/KE, id-Direttiva 2009/39/KE tal-Parlament Ewropew u tal-Kunsill u r-Regolamenti tal-Kummissjoni (KE) Nru 41/2009 u (KE) Nru 953/2009 (ĠU L 181, 29.6.2013, p. 35).
(5) Effetti prebijotiċi ta’ smida tal-alka u l-glukan tal-alka. Eżami tal-profil tat-tkabbir tal-batterji probijotiċi fil-preżenza tas-smida tal-alga u l-glukan tal-alka. Kemin Corporation, 2016 (mhux ippubblikat).
(6) Alka mnixxfa (Euglena gracilis). Test ta’ Retromutazzjoni Batterika (Test Ames). Il-laboratorji tas-Sikurezza tal-Prodotti, 2015a (mhux ippubblikat.
(7) Alka mnixxfa (Euglena gracilis). Test tal-Mikronukleu tal-Erittroċiti tal-mammiferi (Demm Periferali, Ċitometrija tal-Fluss — Ġrieden). Il-laboratorji tas-Sikurezza tal-Prodotti, 2015b (mhux ippubblikat).
(8) Algamune™ Smida tal-Alga: Proċedura ta’ Tossiċità Orali fil-Firien. Il-laboratorji tas-Sikurezza tal-Prodotti, 2014 (mhux ippubblikat).
(9) Alka mnixxfa (Euglena gracilis). Studju ta’ 14-jum dwar it-tossiċità/il-palatabiltà fid-dieta fil-firien. Il-laboratorji tas-Sikurezza tal-Prodott, 2015c (mhux ippubblikat).
(10) Alka mnixxfa (Euglena gracilis). Studju djetetiku ta’ 90 jum fil-firien. Il-laboratorji tas-Sikurezza tal-Prodotti, 2015d (mhux ippubblikat).
(11) EFSA Journal 2020;18(5):6100.
(12) Ir-Regolament Delegat tal-Kummissjoni (UE) 2017/1798 tal-2 ta’ Ġunju 2017 li jissupplimenta r-Regolament (UE) Nru 609/2013 tal-Parlament Ewropew u tal-Kunsill fir-rigward tar-rekwiżiti speċifiċi dwar il-kompożizzjoni u l-informazzjoni għall-ikel għal sostitut tad-dieta totali għall-kontroll tal-piż (ĠU L 259, 7.10.2017, p. 2).
ANNESS
L-Anness tar-Regolament ta’ Implimentazzjoni (UE) 2017/2470 huwa emendat kif ġej:
(1) |
fit-Tabella 1 (Ikel ġdid awtorizzat), tiddaħħal l-entrata li ġejja:
|
(2) |
fit-Tabella 2 (Speċifikazzjonijiet), tiddaħħal l-entrata li ġejja:
|
(*1) Skont il-grupp tal-età li jkun maħsub għalih is-suppliment tal-ikel.
3.12.2020 |
MT |
Il-Ġurnal Uffiċjali tal-Unjoni Ewropea |
L 406/34 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1821
tat-2 ta’ Diċembru 2020
li jawtorizza t-tqegħid fis-suq ta’ estratt mill-Panax notoginseng u l-Astragalus membranaceus bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2017/2470
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,
Billi:
(1) |
Ir-Regolament (UE) 2015/2283 jipprevedi li l-ikel ġdid awtorizzat u inkluż fil-lista tal-Unjoni biss jista’ jitqiegħed fis-suq fl-Unjoni. |
(2) |
Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat. |
(3) |
Skont l-Artikolu 12 tar-Regolament (UE) 2015/2283, il-Kummissjoni trid tissottometti abbozz ta’ att ta’ implimentazzjoni li jawtorizza t-tqegħid fis-suq tal-Unjoni ta’ ikel ġdid u li jaġġorna l-lista tal-Unjoni. |
(4) |
Fis-7 ta’ Ġunju 2018, il-kumpanija NuLiv Science (“l-applikant”) ippreżentat applikazzjoni lill-Kummissjoni f’konformità mal-Artikolu 10(1) tar-Regolament (UE) 2015/2283 biex tqiegħed estratt mill-Panax notoginseng u l-Astragalus membranaceus fis-suq tal-Unjoni bħala ikel ġdid. L-applikant talab li estratt mill-Panax notoginseng u l-Astragalus membranaceus jintuża bħala ikel ġdid fis-supplimenti tal-ikel kif definiti fid-Direttiva 2002/46/KE tal-Parlament Ewropew u tal-Kunsill (3) għall-popolazzjoni adulta ġenerali, minbarra s-supplimenti tal-ikel għan-nisa tqal. L-applikant għamel ukoll talba lill-Kummissjoni għall-protezzjoni tad-data riżervata ppreżentata fl-applikazzjoni. |
(5) |
F’konformità mal-Artikolu 10(3) tar-Regolament (UE) 2015/2283, fit-22 ta’ Ottubru 2018 il-Kummissjoni kkonsultat lill-Awtorità Ewropea dwar is-Sigurtà fl-Ikel (“l-Awtorità”), u talbitha tagħti opinjoni xjentifika abbażi ta’ valutazzjoni ta’ estratt mill-Panax notoginseng u l-Astragalus membranaceus bħala ikel ġdid. |
(6) |
Fit-24 ta’ Marzu 2020, l-Awtorità adottat l-opinjoni xjentifika dwar “Is-sikurezza ta’ estratt botaniku derivat mill-Panax notoginseng u l-Astragalus membranaceus (AstraGinTM) bħala ikel ġdid skont ir-Regolament (UE) 2015/2283” (4). Dik l-opinjoni hija konformi mar-rekwiżiti tal-Artikolu 11 tar-Regolament (UE) 2015/2283. |
(7) |
Fl-opinjoni tagħha, l-Awtorità kkonkludiet li estratt mill-Panax notoginseng u l-Astragalus membranaceus huwa sikur f’livell ta’ konsum ta’ 0,5 mg/kg bw kuljum li jikkorrispondi għal konsum massimu ta’ 35 mg/jum għall-popolazzjoni fil-mira, jiġifieri adulti esklużi n-nisa tqal. |
(8) |
L-opinjoni tal-Awtorità tagħti biżżejjed raġunijiet biex jiġi stabbilit li l-estratt mill-Panax notoginseng u l-Astragalus membranaceus skont il-kundizzjonijiet tal-użu vvalutati jikkonforma mal-Artikolu 12(1) tar-Regolament (UE) 2015/2283. |
(9) |
Fl-opinjoni tagħha, l-Awtorità qieset id-data tossikoloġika mid-doża fl-istudju tat-tossiċità tal-gavage orali ripetuta għal 28 jum tal-AstraGinTM fil-firien (5), mit-test tar-retromutazzjoni batterjali (it-test Ames) għall-AstraGinTM (6), mid-doża ripetuta għal 90 jum fl-istudju tat-tossiċità orali tal-Astragin® fil-firien Wistar (7), l-estratt proprjetarju tal-Panax notoginseng: test in vitro tal-mikronukleu fiċ-ċelloli CHO-K1 (8), u l-estratt ta’ Astragalus membranaceus: test in vitro tal-mikronukleu fiċ-ċelloli CHO-K1 (9) serva bħala bażi biex tiġi stabbilita s-sikurezza tal-ikel ġdid. Għalhekk, huwa kkunsidrat li l-konklużjonijiet dwar is-sikurezza tal-estratt mill-Panax notoginseng u l-Astragalus membranaceus ma setgħux jintlaħqu mingħajr id-data mir-rapporti mhux ippubblikati ta’ dawk l-istudji. |
(10) |
Wara l-opinjoni tal-Awtorità, il-Kummissjoni talbet lill-applikant biex jiċċara aktar il-ġustifikazzjoni pprovduta fir-rigward tal-pretensjoni proprjetarja tiegħu dwar l-istudju dwar it-tossiċità tal-gavage orali b’doża ripetuta ta’ 28 jum b’AstraGin TM fil-firien, it-test ta’ retromutazzjoni batterjali (it-test Ames) għal AstraGinTM, l-istudju tat-tossiċità orali b’doża ripetuta ta’ 90 jum ta’ Astragin® fil-firien Wistar, l-estratt proprjetarju tal-Panax notoginseng: test in vitro tal-mikronukleu fiċ-ċelloli CHO-K1, u l-estratt ta’ Astragalus membranaceus: test in vitro tal-mikronukleu fiċ-ċelloli CHO-K1, u biex tiġi ċċarata l-pretensjoni tagħhom għal dritt esklussiv ta’ referenza għal dik id-data, kif imsemmi fl-Artikolu 26(2)(b) tar-Regolament (UE) 2015/2283. |
(11) |
L-applikant iddikjara li, fiż-żmien li ġiet ippreżentata l-applikazzjoni, kellu s-sjieda u d-dritt esklussiv ta’ referenza għal dawn l-istudji, u li għalhekk il-partijiet terzi ma jistgħux jaċċessaw jew jużaw b’mod legali dawn l-istudji jew jirreferu għal dik id-data. |
(12) |
Il-Kummissjoni vvalutat l-informazzjoni kollha pprovduta mill-applikant u kkunsidrat li l-applikant wera biżżejjed li ġew issodisfati r-rekwiżiti stabbiliti fl-Artikolu 26(2) tar-Regolament (UE) 2015/2283. Għalhekk, id-data tossikoloġika mill-istudji li jinsabu fil-fajl tal-applikant, li serviet bħala bażi għall-Awtorità biex tistabbilixxi s-sikurezza tal-ikel ġdid u biex tilħaq il-konklużjonijiet tagħha dwar is-sikurezza ta’ estratt mill-Panax notoginseng u l-Astragalus membranaceus, u li mingħajrha l-ikel ġdid ma setax jiġi vvalutat mill-Awtorità, jenħtieġ li ma tintużax mill-Awtorità għall-benefiċċju ta’ xi applikant sussegwenti għal perjodu ta’ ħames snin mid-data tad-dħul fis-seħħ ta’ dan ir-Regolament. Għaldaqstant, it-tqegħid fis-suq fl-Unjoni ta’ estratt tal-Panax notoginseng u l-Astragalus membranaceus jeħtieġ ikun ristrett għall-applikant għal dak il-perjodu. |
(13) |
Madankollu, ir-restrizzjoni tal-awtorizzazzjoni ta’ estratt mill-Panax notoginseng u l-Astragalus membranaceus u tar-referenza fil-fajl tal-applikant għall-użu uniku tal-applikant, ma twaqqafx lil applikanti oħra milli japplikaw għal awtorizzazzjoni għat-tqegħid fis-suq tal-istess ikel ġdid, diment li l-applikazzjoni tagħhom tkun ibbażata fuq informazzjoni miksuba legalment li tappoġġa l-awtorizzazzjoni skont ir-Regolament (UE) 2015/2283. |
(14) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
1. Estratt mill-Panax notoginseng u l-Astragalus membranaceuskif speċifikat fl-Anness ta’ dan ir-Regolament għandu jiddaħħal fil-lista tal-Unjoni tal-ikel ġdid awtorizzat stabbilita fir-Regolament ta’ Implimentazzjoni (UE) 2017/2470.
2. Għal perjodu ta’ ħames snin mid-data tad-dħul fis-seħħ ta’ dan ir-Regolament, l-applikant inizjali biss:
— |
Kumpanija: NuLiv Science; |
— |
Indirizz: 1050 W. Central Ave., Building C, Brea, CA 92821, USA, |
huwa awtorizzat li jqiegħed fis-suq fl-Unjoni l-ikel ġdid imsemmi fil-paragrafu 1, sakemm applikant sussegwenti ma jiksibx awtorizzazzjoni għal dak l-ikel ġdid mingħajr referenza għad-data protetta skont l-Artikolu 2 ta’ dan ir-Regolament jew bi qbil ta’ NuLiv Science.
3. L-entrata fil-lista tal-Unjoni msemmija fil-paragrafu 1 għandha tinkludi l-kundizzjonijiet tal-użu u r-rekwiżiti tat-tikkettar stipulati fl-Anness ta’ dan ir-Regolament.
Artikolu 2
Id-data li hemm fil-fajl tal-applikazzjoni li fuq il-bażi tagħhom l-ikel ġdid msemmi fl-Artikolu 1 ġie vvalutat min-naħa tal-Awtorità, u li skont kif ġie ddikjarat mill-applikant huma proprjetarji u li mingħajrhom il-protezzjoni tad-data ma setgħetx tiġi awtorizzata, ma għandhomx jintużaw għall-benefiċċju ta’ applikant sussegwenti għal perjodu ta’ ħames snin mid-data tad-dħul fis-seħħ ta’ dan ir-Regolament mingħajr il-qbil ta’ NuLiv Science.
Artikolu 3
L-Anness tar-Regolament ta’ Implimentazzjoni (UE) 2017/2470 huwa emendat f’konformità mal-Anness ta’ dan ir-Regolament.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
(3) Id-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
(4) EFSA Journal 2020;18(5):6099.
(5) Pasics Szakonyiné I, 2011 (rapport ta’ studju mhux ippubblikat). Studju dwar it-tossiċità tal-gavage orali ta’ doża ripetuta ta’ 28 jum b’AstraGinTM fil-firien. Nru tal-Istudju: 413.407.3084. Toxi-Coop Zrt., l-Ungerija.
(6) Zin HM, 2016 (rapport ta’ studju mhux ippubblikat). Test ta’ retromutazzjoni batterika (it-test Ames) għal AstraGinTM. Kodiċi tal-istudju: GLP/J165/2016/48). Ċentru tar-Riċerka fit-Teknoloġija Ambjentali (ETRC). Shah Alam, Selangor, il-Malasja.
(7) Upadhyaya S u Wang R, 2017 (rapport ta’ studju mhux ippubblikat). studju tat-tossiċità orali b’doża ripetuta ta’ 90 jum ta’ Astragin ® fil-firien Wistar. 161101/NVS/PC. Lulju 2017. 319pp Vedic Life Sciences Pvt, Ltd. Mumbai, l-Indja.
(8) Vedic Lifesciences, 2019a (rapport ta’ studju mhux ippubblikat). Estratt proprjetarju tal-Panax notoginseng: test in vitro tal-mikronukleu fiċ-ċelloli CHO-K1. Studju Nru 190503/NL/PC. Mumbai, l-Indja.
(9) Vedic Lifesciences, 2019b (rapport ta’ studju mhux ippubblikat). Estratt ta’ Astragalus membranaceus: test in vitro tal-mikronukleu fiċ-ċelloli CHO-K1. Studju Nru 190502/NL/PC. Mumbai, l-Indja.
ANNESS
L-Anness tar-Regolament ta’ Implimentazzjoni (UE) 2017/2470 huwa emendat kif ġej:
(1) |
fit-Tabella 1 (Ikel ġdid awtorizzat), tiddaħħal l-entrata li ġejja:
|
(2) |
fit-Tabella 2 (Speċifikazzjonijiet), tiddaħħal l-entrata li ġejja:
|
3.12.2020 |
MT |
Il-Ġurnal Uffiċjali tal-Unjoni Ewropea |
L 406/39 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1822
tat-2 ta’ Diċembru 2020
li jawtorizza t-tqegħid fis-suq tal-bijomassa tal-ħmira li fiha l-kromu (Yarrowia lipolytica) bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2017/2470
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,
Billi:
(1) |
Ir-Regolament (UE) 2015/2283 jipprevedi li l-ikel ġdid awtorizzat u inkluż fil-lista tal-Unjoni biss jista’ jitqiegħed fis-suq fl-Unjoni. |
(2) |
Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat. |
(3) |
Ir-Regolament ta’ Implimentazzjoni tal-Kummissjoni (UE) 2019/760 (3) awtorizza, f’konformità mar-Regolament (UE) 2015/2283, it-tqegħid fis-suq tal-bijomassa tal-ħmira Yarrowia lipolytica bħala ikel ġdid biex jintuża fis-supplimenti tal-ikel kif definit fid-Direttiva 2002/46/KE tal-Parlament Ewropew u tal-Kunsill (4), minbarra s-supplimenti tal-ikel għat-trabi u għat-tfal żgħar. |
(4) |
Fit-22 ta’ Awwissu 2018, il-kumpanija Skotan S.A. (“l-applikant”) ippreżentat applikazzjoni lill-Kummissjoni f’konformità mal-Artikolu 10(1) tar-Regolament (UE) 2015/2283 biex tqiegħed il-bijomassa arrikkita bil-kromu tal-ħmira Yarrowia lipolytica fis-suq tal-Unjoni bħala ikel ġdid. L-applikant talab li l-bijomassa arrikkita bil-kromu tal-ħmira Yarrowia lipolytica tintuża bħala ikel ġdid fis-supplimenti tal-ikel, minbarra s-supplimenti tal-ikel għat-trabi u għat-tfal żgħar. Il-livelli massimi ta’ użu proposti mill-applikant huma 2 g kuljum għat-tfal ta’ età minn tlieta (3) sa disa’ (9) snin, u 4 g kuljum għall-adolexxenti u għall-adulti. |
(5) |
F’konformità mal-Artikolu 10(3) tar-Regolament (UE) 2015/2283, fit-18 ta’ Frar 2019 il-Kummissjoni kkonsultat lill-Awtorità Ewropea dwar is-Sigurtà fl-Ikel (“l-Awtorità”), u talbitha tagħti opinjoni xjentifika abbażi ta’ valutazzjoni tal-bijomassa tal-ħmira li fiha l-kromu (Yarrowia lipolytica) bħala ikel ġdid. |
(6) |
Fit-23 ta’ Jannar 2020, l-Awtorità adottat l-opinjoni xjentifika tagħha “Safety of chromium-enriched biomass of Yarrowia lipolytica as a novel food pursuant to Regulation (UE) 2015/2283” (5). Dik l-opinjoni hija konformi mar-rekwiżiti tal-Artikolu 11 tar-Regolament (UE) 2015/2283. |
(7) |
Fl-opinjoni tagħha, l-Awtorità kkonkludiet li l-bijomassa tal-ħmira li fiha l-kromu (Yarrowia lipolytica) hija sikura skont l-użi u l-livelli tal-użu proposti, meta tintuża fis-supplimenti tal-ikel maħsuba għall-popolazzjoni ġenerali li għandha aktar minn tliet (3) snin. |
(8) |
L-opinjoni tal-Awtorità tagħti biżżejjed raġunijiet biex jiġi stabbilit li l-bijomassa tal-ħmira li fiha l-kromu (Yarrowia lipolytica) skont il-kundizzjonijiet tal-użu proposti tikkonforma mal-Artikolu 12(1) tar-Regolament (UE) 2015/2283. |
(9) |
Għalhekk, jenħtieġ li r-Regolament (UE) 2017/2470 jiġi emendat skont dan. |
(10) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
1. Il-bijomassa tal-ħmira li fiha l-kromu (Yarrowia lipolytica) kif speċifikata fl-Anness ta’ dan ir-Regolament, għandha tiġi inkluża fil-lista tal-Unjoni ta’ ikel ġdid awtorizzat stabbilit fir-Regolament ta’ Implimentazzjoni (UE) 2017/2470.
2. L-entrata fil-lista tal-Unjoni msemmija fil-paragrafu 1 għandha tinkludi l-kundizzjonijiet tal-użu u r-rekwiżiti tat-tikkettar stipulati fl-Anness.
Artikolu 2
L-Anness tar-Regolament ta’ Implimentazzjoni (UE) 2017/2470 huwa emendat f’konformità mal-Anness ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
(3) Ir-Regolament ta’ Implimentazzjoni tal-Kummissjoni (UE) 2019/760 tat-13 ta’ Mejju 2019 li jawtorizza t-tqegħid fis-suq tal-bijomassa tal-ħmira tal-Yarrowia lipolytica bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) 2017/2470 (ĠU L 125, 14.5.2019, p. 13).
(4) Id-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
(5) EFSA Journal 2020;18(3):6005.
ANNESS
L-Anness tar-Regolament ta’ Implimentazzjoni (UE) 2017/2470 huwa emendat kif ġej:
(1) |
fit-Tabella 1 (Ikel ġdid awtorizzat), tiddaħħal l-entrata li ġejja f’ordni alfabetika:
|
(2) |
fit-Tabella 2 (Speċifikazzjonijiet), tiddaħħal l-entrata li ġejja fl-ordni alfabetiku:
|
(*1) Skont il-grupp tal-età li jkun maħsub għalih is-suppliment tal-ikel.”
(*2) Applikabbli fl-istadji kollha wara l-istadju tat-trattament bis-sħana biex jiggarantixxi n-nuqqas ta’ ċelloli vijabbli ta’ Yarrowia lipolytica u biex l-ewwel jiġi ttestjat immedjatament wara l-istadju tat-trattament bis-sħana. Il-miżuri jridu jkunu fis-seħħ biex tiġi evitata l-kontaminazzjoni kroċjata biċ-ċelloli vijabbli tal-Yarrowia lipolytica waqt l-imballaġġ u/jew il-ħżin tal-ikel ġdid.”
3.12.2020 |
MT |
Il-Ġurnal Uffiċjali tal-Unjoni Ewropea |
L 406/43 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1823
tat-2 ta’ Diċembru 2020
li jemenda r-Regolament (UE) Nru 234/2011 li jimplimenta r-Regolament (KE) Nru 1331/2008 tal-Parlament Ewropew u tal-Kunsill li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel (1), u b’mod partikolari l-Artikolu 9(1) tiegħu,
Billi:
(1) |
Ir-Regolament (KE) Nru 1331/2008 jistipula arranġamenti proċedurali għall-aġġornament tal-listi tas-sustanzi li t-tqegħid fis-suq tagħhom huwa awtorizzat fl-Unjoni skont ir-Regolament (KE) Nru 1333/2008 tal-Parlament Ewropew u tal-Kunsill (2), skont ir-Regolament (KE) Nru 1332/2008 tal-Parlament Ewropew u tal-Kunsill (3), u skont ir-Regolament (KE) Nru 1334/2008 tal-Parlament Ewropew u tal-Kunsill (4) (“il-liġjiet settorjali tal-ikel”) |
(2) |
Ir-Regolament tal-Kummissjoni (UE) Nru 234/2011 (5) jistipula d-dispożizzjonijiet dwar il-kontenut, l-abbozzar u l-preżentazzjoni tal-applikazzjonijiet biex jiġu aġġornati l-listi tal-Unjoni skont kull liġi settorjali tal-ikel. Dak ir-Regolament jipprevedi arranġamenti dettaljati biex tiġi vverifikata l-validità tal-applikazzjonijiet għall-addittivi tal-ikel, għall-enżimi tal-ikel u għall-aromatizzanti tal-ikel, u t-tip ta’ informazzjoni li jenħtieġ li tkun tinkludi l-opinjoni tal-Awtorità Ewropea dwar is-Sigurtà fl-ikel (“l-Awtorità”). |
(3) |
Ir-Regolament (UE) 2019/1381 tal-Parlament Ewropew u tal-Kunsill (6) emenda r-Regolament (KE) Nru 178/2002 (7) u r-Regolament (KE) Nru 1331/2008. L-għan ta’ dawk l-emendi huwa li tiżdied it-trasparenza u s-sostenibbiltà tal-valutazzjoni tar-riskju tal-UE fl-oqsma kollha tal-katina alimentari li dwarhom l-Awtorità tagħti valutazzjoni tar-riskju xjentifika, anki fil-qasam tal-addittivi tal-ikel, l-enżimi tal-ikel u l-aromatizzanti tal-ikel. |
(4) |
F’dak li għandu x’jaqsam mat-tqegħid fis-suq ta’ addittivi tal-ikel, enżimi tal-ikel u aromatizzanti tal-ikel u ingredjenti bi proprjetajiet aromatizzanti li jintużaw fl-ikel u fuqu, l-emendi tar-Regolament (KE) Nru 178/2002 introduċew dispożizzjonijiet ġodda dwar, fost kwistjonijiet oħrajn: il-pariri ġenerali mingħand il-persunal tal-Awtorità li jitolbu l-applikanti potenzjali qabel is-sottomissjoni, u l-obbligu li jiġu nnotifikati l-istudji li jkunu ġew ikkummissjonati minn operaturi tan-negozju jew li jkunu twettqu minnhom biex jappoġġaw applikazzjoni, u l-konsegwenzi jekk dawn ma jikkonformawx ma’ dak l-obbligu. Ir-Regolament introduċa wkoll dispożizzjonijiet dwar il-pubblikazzjoni mill-Awtorità, ftit wara li jibda l-proċess tal-valutazzjoni tar-riskju, tad-data xjentifika kollha, tal-istudji u ta’ informazzjoni oħra li tappoġġa l-applikazzjonijiet, minbarra l-informazzjoni kunfidenzjali, segwit minn konsultazzjoni ma’ partijiet terzi. L-emendi jistipulaw ukoll rekwiżiti proċedurali speċifiċi għas-sottomissjoni ta’ talbiet għall-kunfidenzjalità u dwar il-valutazzjoni ta’ dawn it-talbiet mill-Awtorità b’rabta mal-informazzjoni sottomessa minn applikant, meta l-Kummissjoni titlob l-opinjoni tal-Awtorità. |
(5) |
Ir-Regolament (UE) 2019/1381 emenda wkoll ir-Regolament (KE) Nru 1331/2008 biex jiddaħħlu dispożizzjonijiet li jiżguraw il-konsistenza mal-addattamenti tar-Regolament (KE) Nru 178/2002, u li jqisu l-ispeċifiċitajiet settorjali rigward l-informazzjoni kunfidenzjali. |
(6) |
Fid-dawl tal-ambitu u tal-applikazzjoni ta’ dawk l-emendi kollha, jenħtieġ li r-Regolament (KE) Nru 234/2011 jiġi aġġustat biex jagħti lok għall-bidliet f’dak li għandu x’jaqsam mal-kontenut, mal-abbozzar u mal-preżentazzjoni tal-applikazzjonijiet għall-aġġornament tal-listi tal-Unjoni skont kull liġi settorjali tal-ikel, mal-arranġamenti għall-verifika tal-validità tal-applikazzjonijet u biex l-informazzjoni tiddaħħal fl-opinjonijiet tal-Awtorità. B’mod partikolari, jenħtieġ li r-Regolament (KE) Nru 234/2011 jagħmel referenza għall-formati standard tad-data u li jesiġi li l-applikazzjonijet jagħtu informazzjoni li turi l-konformità mar-rekwiżit tan-notifika stabbilit fl-Artikolu 32b tar-Regolament (KE) Nru 178/2002. Jenħtieġ ukoll li jiċċara li l-valutazzjoni tal-konformità mar-rekwiżit tan-notifika tkun parti mill-verifika tal-validità ta’ applikazzjoni. |
(7) |
Barra minn hekk, meta jitqies li l-Awtorità hija responsabbli mill-ġestjoni tal-bażi tad-data tal-istudji f’konformità mal-Artikolu 32b tar-Regolament (KE) Nru 178/2002, għandha tingħata l-possibbiltà li l-Kummissjoni tkun tista’ tikkonsulta lill-Awtorità bħala parti mill-verifika tal-validità tal-applikazzjonijiet biex taċċerta ruħha li l-applikazzjoni tissodisfa r-rekwiżiti rilevanti stipulati f’dak l-Artikolu. |
(8) |
Meta jitwettqu l-konsultazzjonijet pubbliċi waqt il-valutazzjoni tar-riskju, f’konformità mal-Artikolu 32c(2) tar-Regolament (KE) Nru 178/2002, jenħtieġ li l-opinjoni tal-Awtorità tinkludi wkoll ir-riżultati ta’dawk il-konsultazzjonijiet, bi qbil mar-rekwiżiti tat-trasparenza li hija suġġetta għalihom l-Awtorità. |
(9) |
Jenħtieġ li dan ir-Regolament jibda japplika mis-27 ta’ Marzu 2021, id-data meta jibda japplika r-Regolament (UE) 2019/1381, u għall-applikazzjonijiet li jiġu sottomessi minn dik id-data ’l quddiem. |
(10) |
Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament (UE) Nru 234/2011
Ir-Regolament (UE) Nru 234/2011 huwa emendat kif ġej:
(1) |
L-Artikolu 2 huwa emendat kif ġej:
|
(2) |
Il-paragrafu 1 tal-Artikolu 3 huwa sostitwit b’dan li ġej: “1. Qabel l-adozzjoni tal-formati standard tad-data skont l-Artikolu 39f tar-Regolament (KE) Nru 178/2002, l-applikazzjoni għandha tiġi sottomessa permezz tas-sistema ta’ sottomissjoni elettronika pprovduta mill-Kummissjoni, f’format elettroniku li jippermetti t-tniżżil, l-istampar u t-tfittxija tad-dokumenti. Wara l-adozzjoni tal-formati standard tad-data skont l-Artikolu 39f tar-Regolament (KE) Nru 178/2002, l-applikazzjoni għandha tiġi sottomessa permezz tas-sistema ta’ sottomissjoni elettronika pprovduta mill-Kummissjoni, f’konformità ma’ dawk il-formati standard tad-data. L-applikant għandu jqis il-gwida prattika dwar is-sottomissjoni tal-applikazzjonijiet ppubblikata mill-Kummissjoni (fis-sit web tad-Direttorat Ġenerali għas-Saħħa u s-Sikurezza Alimentari (*1)). (*1) https://ec.europa.eu/food/safety_en”" |
(3) |
L-Artikolu 4 huwa emendat kif ġej:
|
(4) |
L-Artikolu 12 huwa sostitwit b’dan li ġej: “Artikolu 12 Proċeduri 1. Mal-wasla ta’ applikazzjoni l-Kummissjoni għandha tivverifika mingħajr dewmien jekk addittiv tal-ikel, l-enzima jew l-aromatizzant tal-ikel jaqawx fil-kamp ta’ applikazzjoni tal-liġi settorjali tal-ikel rilevanti, jekk l-applikazzjoni fihiex l-elementi kollha meħtieġa skont il-Kapitolu II, u jekk tissodisfax ir-rekwiżiti stipulati fl-Artikolu 32b tar-Regolament (KE) Nru 178/2002. 2. Il-Kummissjoni tista’ tikkonsulta lill-Awtorità dwar kemm hi addattata d-data għall-valutazzjoni tar-riskju f’konformità mal-opinjonijiet xjentifiċi dwar ir-rekwiżiti tad-data għall-evalwazzjoni tal-applikazzjonijiet għas-sustanzi, u dwar jekk l-applikazzjoni tissodisfax ir-rekwiżiti stipulati fl-Artikolu 32b tar-Regolament (KE) Nru 178/2002. L-Awtorità għandha twassal il-fehmiet tagħha lill-Kummissjoni fi żmien 30 jum tax-xogħol. 3. Jekk il-Kummissjoni tkun tal-fehma li l-applikazzjoni tkun valida, il-perjodu tal-evalwazzjoni msemmi fl-Artikolu 5(1) tar-Regolament (KE) Nru 1331/2008 għandu jibda mid-data ta’ meta tasal it-tweġiba tal-Awtorità msemmija fil-paragrafu 2 ta’ dan l-Artikolu. Iżda, skont il-punt (a) tat-tieni sottoparagrafu tal-Artikolu 17(4) tar-Regolament (KE) Nru 1332/2008, f’każ li tiġi stabbilita l-lista tal-Unjoni tal-enzimi tal-ikel, ma għandux japplika l-Artikolu 5(1) tar-Regolament (KE) Nru 1331/2008. 4. F’każ li jkun hemm applikazzjoni biex tiġi aġġornata l-lista tal-Unjoni tal-addittivi tal-ikel, l-enzimi jew l-aromatizzanti tal-ikel, il-Kummissjoni tista’ titlob informazzjoni addizzjonali mill-applikant dwar kwistjonijiet li jirrigwardaw il-validità tal-applikazzjoni u tinforma lill-applikant dwar il-perjodu li fih għandha tingħata din l-informazzjoni. Fil-każ ta’ applikazzjonijiet sottomessi f’konformità mal-Artikolu 17(2) tar-Regolament (KE) Nru 1332/2008, il-Kummissjoni għandha tiddetermina dak il-perjodu flimkien mal-applikant. 5. L-applikazzjoni titqies li ma tkunx valida jekk:
F’dan il-każ il-Kummissjoni għandha tinforma lill-applikant, lill-Istati Membri u lill-Awtorità u tindika r-raġunijiet għaliex l-applikazzjoni tkun meqjusa mhux valida. 6. B’deroga mill-paragrafu 5, u mingħajr preġudizzju għall-Artikolu 32b(4) u (5) tar-Regolament (KE) Nru 178/2002, applikazzjoni tista’ titqies bħala valida anki jekk ma jkollhiex l-elementi kollha meħtieġa skont il-Kapitolu II, jekk kemm-il darba l-applikant ikun bagħat ġustifikazzjoni xierqa għal kull element nieqes.”; |
(5) |
Fl-Artikolu 13(1), jiżdied il-punt (g) li ġej:
|
(6) |
L-Anness huwa sostitwit bl-Anness ta’ dan ir-Regolament. |
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu jibda japplika mis-27 ta’ Marzu 2021 u għall-applikazzjonijiet li jiġu sottomessi lill-Kummissjoni minn dik id-data ’l quddiem.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 354, 31.12.2008, p. 1.
(2) Ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (ĠU L 354, 31.12.2008, p. 16).
(3) Ir-Regolament (KE) Nru 1332/2008 tal-Parlament Ewropew u tal-Kunsill tas-16 ta’ Diċembru 2008 dwar l-enżimi tal-ikel u li jemenda d-Direttiva tal-Kunsill 83/417/KEE, ir-Regolament tal-Kunsill (KE) Nru 1493/1999, id-Direttiva 2000/13/KE, id-Direttiva tal-Kunsill 2001/112/KE u r-Regolament (KE) Nru 258/97 (ĠU L 354, 31.12.2008, p. 7).
(4) Ir-Regolament (KE) Nru 1334/2008 tal-Parlament Ewropew u tal-Kunsill tas-16 ta’ Diċembru 2008 dwar aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel u li jemenda r-Regolament (KEE) Nru 1601/91, ir-Regolamenti (KE) Nru 2232/96 u (KE) Nru 110/2008 u d-Direttiva 2000/13/KE (ĠU L 354, 31.12.2008, p. 34).
(5) Ir-Regolament tal-Kummissjoni (UE) Nru 234/2011 tal-10 ta’ Marzu 2011 li jimplimenta r-Regolament (KE) Nru 1331/2008 tal-Parlament Ewropew u tal-Kunsill li jistabbilixxi proċedura ta’ awtorizzazzjoni komuni għall-addittivi tal-ikel, l-enzimi tal-ikel u l-aromatizzanti tal-ikel (ĠU L 64, 11.3.2011, p. 15).
(6) Ir-Regolament (UE) 2019/1381 tal-Parlament Ewropew u tal-Kunsill tal-20 ta’ Ġunju 2019 dwar it-trasparenza u s-sostenibbiltà tal-valutazzjoni tar-riskju tal-UE fil-katina alimentari u li jemenda r-Regolamenti (KE) Nru 178/2002, (KE) Nru 1829/2003, (KE) Nru 1831/2003, (KE) Nru 2065/2003, (KE) Nru 1935/2004, (KE) Nru 1331/2008, (KE) Nru 1107/2009, (UE) 2015/2283 u d-Direttiva 2001/18/KE (ĠU L 231, 6.9.2019, p. 1).
(7) Ir-Regolament tal-Parlament Ewropew u tal-Kunsill (KE) Nru 178/2002 tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (ĠU L 31, 1.2.2002, p. 1).
ANNESS
ANNESS
ITTRA MUDELL LI TINHEMEŻ MA’ APPLIKAZZJONI GĦALL-ADDITTIVI TAL-IKEL
IL-KUMMISSJONI EWROPEA
Direttorat Ġenerali
Direttorat
Unità
Data: …
Suġġett: |
Applikazzjoni għall-awtorizzazzjoni ta’ addittiv tal-ikel f’konformità mar-Regolament (KE) Nru 1331/2008 |
☐ |
Applikazzjoni għall-awtorizzazzjoni ta’ addittiv ġdid tal-ikel |
☐ |
Applikazzjoni għall-modifika tal-kundizzjonijiet tal-użu ta’ addittiv tal-ikel diġà awtorizzat |
☐ |
Applikazzjoni għall-modifika tal-ispeċifikazzjonijiet ta’ addittiv tal-ikel diġà awtorizzat |
(Jekk jogħġbok indika b’mod ċar billi timmarka waħda mill-kaxxi).
L-Applikant(i) u/jew ir-Rappreżentant(i) tiegħu/tagħhom fl-Unjoni Ewropea.
(isem, indirizz, …)
…
…
…
jissottometti/u din l-applikazzjoni għall-awtorizzazzjoni ta’ addittiv(i) tal-ikel.
Isem l-addittiv tal-ikel:
…
Numru ELINCS jew EINECS (jekk ikun attribwit)
Nru CAS (jekk japplika)
Il-klassi(jiet) funzjonali tal-addittivi tal-ikel (*1):
(lista)
…
Kategoriji tal-ikel u l-livelli meħtieġa:
Kategorija tal-ikel |
Livell tal-użu normali |
Livell massimu propost għall-użu |
|
|
|
|
|
|
Dejjem tiegħek,
Firma: …
Dokumenti mehmużin:
☐ |
Id-dossier sħiħ |
☐ |
Is-sommarju pubbliku tad-dossier (mhux kunfidenzjali) |
☐ |
Is-sommarju dettaljat tad-dossier |
☐ |
Lista tal-partijiet tad-dossier li kien mitlub li jinżammu kunfidenzjali, flimkien ma’ ġustifika verifikabbli li turi kif l-iżvelar ta’ din l-informazzjoni tista’ tagħmel ħsara sinifikanti għall-interessi tal-applikant |
☐ |
Lista tal-istudji u tal-informazzjoni kollha dwar in-notifika tal-istudji, f’konformità mal-Artikolu 32b tar-Regolament (KE) Nru 178/2002 |
☐ |
Kopja tad-data amministrattiva tal-applikant(i) |
ITTRA MUDELL LI TINHEMEŻ MA’ APPLIKAZZJONI GĦALL-AWTORIZZAZZJONI TA’ ENZIMI TAL-IKEL
IL-KUMMISSJONI EWROPEA
Direttorat Ġenerali
Direttorat
Unità
Data: …
Suġġett: |
Applikazzjoni għall-awtorizzazzjoni ta’ enzima tal-ikel f’konformità mar-Regolament (KE) Nru 1331/2008 |
☐ |
Applikazzjoni għall-awtorizzazzjoni ta’ enzima ġdida tal-ikel |
☐ |
Applikazzjoni għall-modifika tal-kundizzjonijiet tal-użu ta’ enzima tal-ikel diġà awtorizzata |
☐ |
Applikazzjoni għall-modifika tal-ispeċifikazzjonijiet ta’ enzima tal-ikel diġà awtorizzata |
(Jekk jogħġbok indika b’mod ċar billi timmarka waħda mill-kaxxi)
L-Applikant(i) u/jew ir-Rappreżentant(i) tiegħu/tagħhom fl-Unjoni Ewropea
(isem, indirizz, …)
…
…
jissottometti/u din l-applikazzjoni għall-awtorizzazzjoni ta’ enzim(i) tal-ikel.
Isem l-enzima/i tal-ikel:
…
Numru tal-Klassifikazzjoni tal-Enzima tal-Kummissjoni tal-Enzimi tal-IUBMB:
Materjali tas-sors:
…
…
Isem |
Speċifikazzjonijiet |
L-ikel |
Kundizzjonijiet tal-użu |
Restrizzjonijiet dwar il-bejgħ tal-enzima tal-ikel lill-konsumatur aħħari |
Rekwiżit speċifiku fir-rigward tal-ittikkettar tal-ikel |
|
|
|
|
|
|
Dejjem tiegħek,
Firma: …
Dokumenti mehmużin:
☐ |
Id-dossier sħiħ |
☐ |
Is-sommarju pubbliku tad-dossier (mhux kunfidenzjali) |
☐ |
Is-sommarju dettaljat tad-dossier |
☐ |
Lista tal-partijiet tad-dossier li kien mitlub li jinżammu kunfidenzjali, flimkien ma’ ġustifika verifikabbli li turi kif l-iżvelar ta’ din l-informazzjoni tista’ tagħmel ħsara sinifikanti għall-interessi tal-applikant |
☐ |
Lista tal-istudji u tal-informazzjoni kollha dwar in-notifika tal-istudji, f’konformità mal-Artikolu 32b tar-Regolament (KE) Nru 178/2002 |
☐ |
Kopja tad-data amministrattiva tal-applikant(i) |
ITTRA MUDELL LI TINTHEMEŻ MA’ APPLIKAZZJONI GĦALL-AWTORIZZAZZJONI TA’ AROMATIZZANT TAL-IKEL
IL-KUMMISSJONI EWROPEA
Direttorat Ġenerali
Direttorat
Unità
Data: …
Suġġett: |
Applikazzjoni għall-awtorizzazzjoni ta’ aromatizzant tal-ikel f’konformità mar-Regolament (KE) Nru 1331/2008 |
☐ |
Applikazzjoni għall-awtorizzazzjoni ta’ sustanza aromatizzanti ġdida |
☐ |
Applikazzjoni għall-awtorizzazzjoni ta’ preparazzjoni aromatizzanti ġdida |
☐ |
Applikazzjoni għall-awtorizzazzjoni ta’ prekursur aromatizzanti ġdid |
☐ |
Applikazzjoni għall-awtorizzazzjoni ta’ aromatizzant bi proċess termali ġdid |
☐ |
Applikazzjoni għall-awtorizzazzjoni ta’ aromatizzant ieħor ġdid |
☐ |
Applikazzjoni għall-awtorizzazzjoni ta’ materjal ta’ sors ġdid |
☐ |
Applikazzjoni għall-modifika tal-kundizzjonijiet tal-użu ta’ aromatizzant tal-ikel diġà awtorizzat |
☐ |
Applikazzjoni għall-modifika tal-ispeċifikazzjonijiet ta’ aromatizzant tal-ikel diġà awtorizzat |
(Jekk jogħġbok indika b’mod ċar billi timmarka waħda mill-kaxxi)
L-Applikant(i) u/jew ir-Rappreżentant(i) tiegħu/tagħhom fl-Unjoni Ewropea
(isem, indirizz, …)
…
…
jissottometti/u din l-applikazzjoni għall-awtorizzazzjoni ta’ aromatizzant(i) tal-ikel.
Isem l-aromatizzant jew il-materjal ta’ sors:
…
Numru FL-, CAS-, JECFA-, CoE (jekk ikun attribwit)
Proprjetajiet organolettiċi tal-aromatizzant:
…
Kategoriji tal-ikel u l-livelli meħtieġa:
Kategorija tal-ikel |
Livell tal-użu normali |
Livell massimu propost għall-użu |
|
|
|
|
|
|
Dejjem tiegħek,
Firma: …
Dokumenti mehmużin:
☐ |
Id-dossier sħiħ |
☐ |
Is-sommarju pubbliku tad-dossier (mhux kunfidenzjali) |
☐ |
Is-sommarju dettaljat tad-dossier |
☐ |
Lista tal-partijiet tad-dossier li kien mitlub li jinżammu kunfidenzjali, flimkien ma’ ġustifika verifikabbli li turi kif l-iżvelar ta’ din l-informazzjoni tista’ tagħmel ħsara sinifikanti għall-interessi tal-applikant |
☐ |
Lista tal-istudji u tal-informazzjoni kollha dwar in-notifika tal-istudji, f’konformità mal-Artikolu 32b tar-Regolament (KE) Nru 178/2002 |
☐ |
Kopja tad-data amministrattiva tal-applikant(i) |
(*1) Il-klassijiet funzjonali tal-addittivi tal-ikel fl-ikel u tal-addittivi tal-ikel fl-addittivi tal-ikel u fl-enzimi tal-ikel huma elenkati fl-Anness I tar-Regolament (KE) Nru 1333/2008. Jekk l-addittiv ma jkun jidħol f’ebda waħda mill-klassijiet imsemmija, jistgħu jiġu proposti isem funzjonali u definizzjoni ġodda.
3.12.2020 |
MT |
Il-Ġurnal Uffiċjali tal-Unjoni Ewropea |
L 406/51 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1824
tat-2 ta’ Diċembru 2020
li jemenda r-Regolament ta’ Implimentazzjoni (UE) 2017/2468 li jistabbilixxi rekwiżiti amministrattivi u xjentifiċi li jikkonċernaw ikel tradizzjonali minn pajjiżi terzi skont ir-Regolament (UE) 2015/2283 tal-Parlament Ewropew u l-Kunsill dwar ikel ġdid
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 20 u l-Artikolu 35(3) tiegħu,
Billi:
(1) |
Ir-Regolament (UE) 2015/2283 jistabbilixxi regoli għat-tqegħid fis-suq u għall-użu ta’ ikel ġdid fl-Unjoni. |
(2) |
Ir-Regolament ta’ Implimentazzjoni tal-Kummissjoni (UE) 2017/2468 (2) jistabbilixxi rekwiżiti amministrattivi u xjentifiċi dwar ikel tradizzjonali minn pajjiżi terzi. |
(3) |
Ir-Regolament (UE) 2019/1381 tal-Parlament Ewropew u tal-Kunsill (3) emenda r-Regolament (KE) Nru 178/2002 tal-Parlament Ewropew u tal-Kunsill (4) u r-Regolament (UE) 2015/2283. Dawk l-emendi għandhom l-għan li jsaħħu t-trasparenza u s-sostenibbiltà tal-valutazzjoni tar-riskju tal-UE fl-oqsma kollha tal-katina alimentari li fihom l-Awtorità Ewropea dwar is-Sigurtà fl-Ikel (“l-Awtorità”) tagħti valutazzjoni xjentifika tar-riskju, inkluż fil-qasam tal-ikel tradizzjonali minn pajjiżi terzi. |
(4) |
Fir-rigward tat-tqegħid fis-suq ta’ ikel tradizzjonali minn pajjiżi terzi, l-emendi għar-Regolament (KE) Nru 178/2002 introduċew dispożizzjonijiet ġodda dwar, fost kwistjonijiet oħra: pariri ġenerali ta’ qabel is-sottomissjoni mill-persunal tal-Awtorità wara talba ta’ applikant jew notifikant potenzjali u l-obbligu li jinnotifika l-istudji kkummissjonati jew imwettqa minn operaturi tan-negozju biex jappoġġaw applikazzjoni jew notifika u l-konsegwenzi tan-nuqqas ta’ konformità ma’ dak l-obbligu. Iddaħħlu wkoll dispożizzjonijiet dwar id-divulgazzjoni pubblika mill-Awtorità tad-data xjentifika, tal-istudji u ta’ informazzjoni oħra kollha li jappoġġaw l-applikazzjonijiet, bl-eċċezzjoni ta’ informazzjoni kunfidenzjali, minn kmieni fil-proċess tal-valutazzjoni tar-riskju, segwita minn konsultazzjoni ma’ partijiet terzi. L-emendi jistabbilixxu wkoll rekwiżiti proċedurali speċifiċi għas-sottomissjoni ta’ talbiet ta’ kunfidenzjalità u l-valutazzjoni tagħhom mill-Awtorità fir-rigward tal-informazzjoni sottomessa minn applikant, fil-każ li l-Kummissjoni titlob l-opinjoni tal-Awtorità. |
(5) |
Ir-Regolament (UE) 2019/1381 emenda wkoll ir-Regolament (UE) 2015/2283 biex jipprevedi d-divulgazzjoni pubblika mill-Awtorità ta’ notifiki fil-każ li din tressaq oġġezzjonijiet ta’ sikurezza debitament motivati kif ukoll biex tinkludi dispożizzjonijiet li jiżguraw konsistenza mal-adattamenti tar-Regolament (KE) Nru 178/2002 u billi jitqiesu l-ispeċifiċitajiet settorjali fir-rigward tal-informazzjoni kunfidenzjali. |
(6) |
Minħabba l-ambitu u l-applikazzjoni ta’ dawk l-emendi kollha, jenħtieġ li r-Regolament ta’ Implimentazzjoni (UE) 2017/2468 jiġi aġġustat biex jakkomoda l-bidliet fir-rigward tal-kontenut, tal-abbozzar u tal-preżentazzjoni tan-notifiki u l-applikazzjonijiet imsemmija fl-Artikoli 14 u 16 tar-Regolament (UE) 2015/2283, tal-arranġamenti għall-verifika tal-validità tan-notifiki u tal-applikazzjonijiet u l-informazzjoni li għandha tiġi inkluża fl-opinjoni tal-Awtorità. B’mod partikolari, jenħtieġ li r-Regolament ta’ Implimentazzjoni (UE) 2017/2468 jagħmel referenza għall-formati standard tad-data u li jesiġi li l-applikazzjonijiet jipprovdu informazzjoni li turi l-konformità mar-rekwiżit ta’ notifika stabbilit fl-Artikolu 32b tar-Regolament (KE) Nru 178/2002. Jenħtieġ li jiċċara wkoll li l-valutazzjoni tal-konformità mar-rekwiżit ta’ notifika tifforma parti mill-verifika tal-validità ta’ applikazzjoni. |
(7) |
Barra minn hekk, meta jitqies il-fatt li l-Awtorità hija responsabbli mill-ġestjoni tal-bażi tad-data tal-istudji f’konformità mal-Artikolu 32b tar-Regolament (KE) Nru 178/2002, jenħtieġ li jkun possibbli għall-Kummissjoni li tikkonsulta lill-Awtorità bħala parti mill-verifika tal-validità tan-notifiki u tal-applikazzjonijiet, b’mod partikolari bil-ħsieb li jiġi aċċertat li n-notifika jew l-applikazzjoni tissodisfa r-rekwiżiti rilevanti li huma stabbiliti f’dak l-Artikolu. |
(8) |
Meta jsiru konsultazzjonijiet pubbliċi matul il-valutazzjoni tar-riskju f’konformità mal-Artikolu 32c(2) tar-Regolament (KE) Nru 178/2002, jenħtieġ li l-opinjoni tal-Awtorità tinkludi wkoll ir-riżultati ta’ dawk il-konsultazzjonijiet skont ir-rekwiżiti ta’ trasparenza li għalihom hija soġġetta l-Awtorità. |
(9) |
Jenħtieġ li dan ir-Regolament japplika mis-27 ta’ Marzu 2021 u li japplika għan-notifiki u għall-applikazzjonijiet imressqa minn dik id-data, li hija d-data tal-applikazzjoni tar-Regolament (UE) 2019/1381. |
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament ta’ Implimentazzjoni tal-Kummissjoni (UE) 2017/2468
Ir-Regolament ta’ Implimentazzjoni (UE) 2017/2468 huwa emendat kif ġej:
(1) |
L-Artikolu 3 huwa emendat kif ġej:
|
(2) |
L-Artikolu 4 huwa emendat kif ġej:
|
(3) |
L-Artikolu 5 huwa emendat kif ġej:
|
(4) |
L-Artikolu 7 huwa sostitwit b’dan li ġej: “Artikolu 7 Verifika tal-validità ta’ notifika 1. Mal-wasla ta’ notifika ta’ ikel tradizzjonali minn pajjiż terz, il-Kummissjoni għandha bla dewmien tivverifika jekk l-ikel ikkonċernat jaqax fil-kamp ta’ applikazzjoni tar-Regolament(UE) 2015/2283 u jekk in-notifika tissodisfax ir-rekwiżiti stipulati fl-Artikoli 3, 5 u 6 ta’ dan ir-Regolament u fl-Artikolu 32b tar-Regolament (KE) Nru 178/2002. 2. Il-Kummissjoni tista’ tikkonsulta lill-Istati Membri u lill-Awtorità dwar jekk in-notifika tissodisfax ir-rekwiżiti msemmija fil-paragrafu 1. L-Istati Membri u l-Awtorità għandhom jipprovdu l-fehmiet tagħhom lill-Kummissjoni fi żmien 30 jum tax-xogħol. 3. Il-Kummissjoni tista’ titlob aktar informazzjoni mingħand l-applikant fir-rigward tal-validità tan-notifika u tgħarraf lill-applikant dwar il-perjodu li fih dik l-informazzjoni għandha tiġi pprovduta. 4. B’deroga mill-paragrafu 1 ta’ dan l-Artikolu, u mingħajr preġudizzju għall-Artikolu 14 tar-Regolament (UE) 2015/2283 u għall-Artikolu 32b(4) u (5) tar-Regolament (KE) Nru 178/2002, notifika tista’ titqies valida anki jekk ma jkunx fiha l-elementi kollha meħtieġa skont l-Artikoli 3, 5 u 6 ta’ dan ir-Regolament, dment li l-applikant ikun ressaq ġustifikazzjoni verifikabbli għal kull element nieqes. 5. Il-Kummisjoni għandha tgħarraf lill-applikant, lill-Istati Membri u lill-Awtorità dwar jekk in-notifika tqisitx valida jew le. Jekk in-notifika ma tqisitx valida, il-Kummissjoni għandha tindika r-raġunijiet għal dik il-konklużjoni.”; |
(5) |
L-Artikolu 8 huwa sostitwit b’dan li ġej: “Artikolu 8 Verifika tal-validità ta’ applikazzjoni 1. Mal-wasla ta’ applikazzjoni għall-awtorizzazzjoni ta’ ikel tradizzjonali minn pajjiż terz, il-Kummissjoni għandha bla dewmien tivverifika jekk l-applikazzjoni tissodisfax ir-rekwiżiti tal-Artikoli minn 4 sa 6 ta’ dan ir-Regolament u tal-Artikolu 32b tar-Regolament (KE) Nru 178/2002. 2. Il-Kummissjoni tista’ tikkonsulta lill-Awtorità dwar jekk l-applikazzjoni tissodisfax ir-rekwiżiti msemmija fil-paragrafu 1. L-awtorità għandha tipprovdi l-fehmiet tagħha lill-Kummissjoni fi żmien 30 jum tax-xogħol. 3. Il-Kummissjoni tista’ titlob aktar informazzjoni mingħand l-applikant fi kwistjonijiet dwar il-validità tal-applikazzjoni u tgħarraf lill-applikant dwar il-perjodu li fih dik l-informazzjoni għandha tiġi pprovduta. 4. B’deroga mill-paragrafu 1 ta’ dan l-Artikolu u mingħajr preġudizzju għall-Artikolu 16 tar-Regolament (UE) 2015/2283 u għall-Artikolu 32b(4) u (5) tar-Regolament (KE) Nru 178/2002, applikazzjoni tista’ titqies valida anki jekk ma jkunx fiha l-elementi kollha rekwiżiti skont l-Artikoli minn 4 sa 6 ta’ dan ir-Regolament, dment li l-applikant ikun ressaq ġustifikazzjoni verifikabbli għal kull element nieqes. 5. Il-Kummisjoni għandha tgħarraf lill-applikant, lill-Istati Membri u lill-Awtorità dwar jekk l-applikazzjoni tqisitx valida jew le. Jekk l-applikazzjoni ma tqisitx valida, il-Kummissjoni għandha tindika r-raġunijiet għal dik il-konklużjoni.”; |
(6) |
L-Artikolu 10 huwa emendat kif ġej: jiżdied il-punt (e):
|
(7) |
L-Annessi I u II huma sostitwiti f’konformità mal-Anness ta’ dan ir-Regolament; |
(8) |
Jitħassar l-Anness III. |
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-27 ta’ Marzu 2021 u għan-notifiki u għall-applikazzjonijiet li jiġu sottomessi lill-Kummissjoni minn dik id-data.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament ta’ Implimentazzjoni tal-Kummissjoni (UE) 2017/2468 tal-20 ta’ Diċembru 2017 li jistabbilixxi rekwiżiti amministrattivi u xjentifiċi li jikkonċernaw ikel tradizzjonali minn pajjiżi terzi skont ir-Regolament (UE) 2015/2283 tal-Parlament Ewropew u l-Kunsill dwar ikel ġdid (ĠU L 351, 30.12.2017, p. 55).
(3) Ir-Regolament (UE) 2019/1381 tal-Parlament Ewropew u tal-Kunsill tal-20 ta’ Ġunju 2019 dwar it-trasparenza u s-sostenibbiltà tal-valutazzjoni tar-riskju tal-UE fil-katina alimentari u li jemenda r-Regolament (KE) Nru 178/2002, (KE) Nru 1829/2003, (KE) Nru 1831/2003, (KE) Nru 2065/2003, (KE) Nru 1935/2004, (KE) Nru 1331/2008, (KE) Nru 1107/2009, (UE) 2015/2283 u d-Direttiva 2001/18/KE (ĠU L 231, 6.9.2019, p. 1).
(4) Ir-Regolament tal-Parlament Ewropew u tal-Kunsill (KE) Nru 178/2002 tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (ĠU L 31, 1.2.2002, p. 1).
ANNESS
L-Annessi I u II tar-Regolament (UE) 2017/2468 huma sostitwiti kif ġej:
(1) |
L-Anness I huwa sostitwit b’dan li ġej: “ANNESS I Mudell tal-ittra li takkumpanja notifika dwar ikel tradizzjonali minn pajjiż terz f’konformità mal-Artikolu 14 tar-Regolament (UE) 2015/2283 IL-KUMMISSJONI EWROPEA Direttorat Ġenerali Direttorat Unità Data: … Suġġett: Notifika dwar ikel tradizzjonali minn pajjiż terz f’konformità mar-Regolament (UE) 2015/2283 (Jekk jogħġbok indika b’mod ċar billi timmarka waħda mill-kaxxi)
L-Applikant(i) jew ir-Rappreżentant(i) tiegħu/tagħhom fl-Unjoni (isem/ismijiet, indirizz(i).…) … … … iressaq/iressqu din in-notifika sabiex tiġi aġġornata l-lista tal-Unjoni dwar ikel ġdid. L-identità tal-ikel tradizzjonali: … … Kunfidenzjalità. Skont il-każ, iddikjara jekk l-applikazzjoni tinkludix data kunfidenzjali f’konformità mal-Artikolu 23 tar-Regolament (UE) 2015/2283
Kategoriji tal-ikel, kundizzjonijiet tal-użu u rekwiżiti tat-tikkettar
Dejjem tiegħek, Firma … Mehmuża:
|
(2) |
L-Anness II huwa sostitwit b’dan li ġej: “ANNESS II Mudell tal-ittra li takkumpanja applikazzjoni għall-awtorizzazzjoni ta’ ikel tradizzjonali minn pajjiż terz f’konformità mal-Artikolu 16 tar-Regolament (UE) 2015/2283 IL-KUMMISSJONI EWROPEA Direttorat Ġenerali Direttorat Unità Data: … Suġġett: Applikazzjoni għall-awtorizzazzjoni ta’ ikel tradizzjonali minn pajjiż terz f’konformità mal-Artikolu 16 tar-Regolament (UE) 2015/2283 L-Applikant(i) jew ir-Rappreżentant(i) tiegħu/tagħhom fl-Unjoni Ewropea (isem/ismijiet, indirizz(i).…) … … … iressaq/iressqu din l-applikazzjoni sabiex tiġi aġġornata l-lista tal-Unjoni dwar ikel ġdid. L-identità tal-ikel tradizzjonali: … … Kunfidenzjalità. Skont il-każ, iddikjara jekk l-applikazzjoni tinkludix data kunfidenzjali f’konformità mal-Artikolu 23 tar-Regolament (UE) 2015/2283
Kategoriji tal-ikel, kundizzjonijiet tal-użu u rekwiżiti tat-tikkettar
Dejjem tiegħek, Firma … Mehmuża:
|
3.12.2020 |
MT |
Il-Ġurnal Uffiċjali tal-Unjoni Ewropea |
L 406/58 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1825
tat-2 ta’ Diċembru 2020
li jemenda l-Artikoli 7 u 8 tar-Regolament ta’ Implimentazzjoni (UE) 2019/2072 fir-rigward ta’ miżuri temporanji għall-introduzzjoni jew il-moviment fit-territorju tal-Unjoni ta’ ċerti pjanti, prodotti mill-pjanti jew oġġetti oħra
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti (1), u b’mod partikolari l-Artikoli 40(2) u 41(2) tiegħu,
Billi:
(1) |
L-Artikolu 7 tar-Regolament ta’ Implimentazzjoni tal-Kummissjoni (UE) 2019/2072 (2), flimkien mal-Anness VI ta’ dak ir-Regolament, jipprevedi lista ta’ pjanti, prodotti mill-pjanti u oġġetti oħra li l-introduzzjoni tagħhom fit-territorju tal-Unjoni hi pprojbita, flimkien mal-pajjiżi terzi, gruppi ta’ pajjiżi terzi jew żoni speċifiċi ta’ pajjiżi terzi li għalihom tapplika l-projbizzjoni, kif previst fl-Artikolu 40(2) tar-Regolament (UE) 2016/2031. |
(2) |
L-Artikolu 8(1) tar-Regolament ta’ Implimentazzjoni (UE) 2019/2072, flimkien mal-Anness VII ta’ dak ir-Regolament, jipprevedi lista ta’ pjanti, prodotti mill-pjanti u oġġetti oħra, li joriġinaw minn pajjiżi terzi, u r-rekwiżiti speċjali korrispondenti għall-introduzzjoni tagħhom fit-territorju tal-Unjoni, kif imsemmi fl-Artikolu 41(2) tar-Regolament (UE) 2016/2031. |
(3) |
Barra minn hekk, l-Artikolu 8(2) tar-Regolament ta’ Implimentazzjoni tal-Kummissjoni (UE) 2019/2072, flimkien mal-Anness VIII ta’ dak ir-Regolament, jipprevedi lista ta’ pjanti, prodotti mill-pjanti u oġġetti oħra li joriġinaw mit-territorju tal-Unjoni, u r-rekwiżiti speċjali korrispondenti għall-moviment tagħhom fi ħdan it-territorju tal-Unjoni, kif previst fl-Artikolu 41(2) tar-Regolament (UE) 2016/2031. |
(4) |
Minn dakinhar li ġie adottat ir-Regolament ta’ Implimentazzjoni tal-Kummissjoni (UE) 2019/2072 ħareġ ċar li, f’ċerti każijiet eċċezzjonali, ċerti atti ta’ implimentazzjoni, li jistabbilixxu projbizzjonijiet jew rekwiżiti speċjali temporanji għall-introduzzjoni fit-territorju tal-Unjoni, jew il-moviment fi ħdanu, ta’ ċerti pjanti, prodotti mill-pjanti jew oġġetti oħra, jeħtieġ li jiġu adottati skont l-Artikoli 28(1), 30(1), 40(2), (41)2, 42(3), 42(4) jew 49(1) tar-Regolament (UE) 2016/2031 biex jiġu indirizzati riskji fitosanitarji speċifiċi, li ma ġewx ivvalutati biżżejjed. Dan jippermetti li r-riskji fitosanitarji indirizzati permezz ta’ dawk il-projbizzjonijiet jew rekwiżiti speċjali jiġu vvalutati aktar sabiex jiġi ddeterminat l-istatus fitosanitarju tagħhom. |
(5) |
Għalhekk, jenħtieġ li l-Artikoli 7 u 8 tar-Regolament ta’ Implimentazzjoni (UE) 2019/2072 jipprevedu li l-projbizzjonijiet jew ir-rekwiżiti speċjali rispettivi japplikaw mingħajr preġudizzju għal dawk l-atti. |
(6) |
Għaldaqstant, jenħtieġ li r-Regolament ta’ Implimentazzjoni (UE) 2019/2072 jiġi emendat skont dan. |
(7) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda tar-Regolament ta’ Implimentazzjoni tal-Kummissjoni (UE) 2019/2072
Ir-Regolament ta’ Implimentazzjoni (UE) 2019/2072 huwa emendat kif ġej:
1. |
Fl-Artikolu 7, jiżdied is-subparagrafu li ġej: “L-ewwel paragrafu għandu japplika mingħajr preġudizzju għal kwalunkwe att ieħor li jistabbilixxi projbizzjonijiet, ta’ natura temporanja, adottati skont l-Artikoli 40(2), 42(3) jew 49(1) tar-Regolament (UE) 2016/2031, u dwar l-introduzzjoni fit-territorju tal-Unjoni ta’ ċerti pjanti, prodotti mill-pjanti jew oġġetti oħra biex jiġu indirizzati riskji fitosanitarji partikolari li għadhom mhumiex ivvalutati bis-sħiħ.”; |
2. |
L-Artikolu 8 huwa emendat kif ġej:
|
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2020.
Għall-Kummissjoni
Il-President
Ursula VON DER LEYEN
(1) Ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (ĠU L 317, 23.11.2016, p. 4).
(2) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1).
DEĊIŻJONIJIET
3.12.2020 |
MT |
Il-Ġurnal Uffiċjali tal-Unjoni Ewropea |
L 406/60 |
DEĊIŻJONI TAL-KUMITAT POLITIKU U TA’ SIGURTÀ (PESK) 2020/1826
tal-1 ta’ Diċembru 2020
dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ’l barra mix-xtut tas-Somalja (Atalanta) u li tħassar id-Deċiżjoni (PESK) 2020/895 (ATALANTA/3/2020)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra l-Azzjoni Konġunta tal-Kunsill 2008/851/PESK tal-10 ta' Novembru 2008 dwar operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (1), u b'mod partikolari l-Artikolu 6(1) tagħha,
Billi:
(1) |
Skont l-Artikolu 6(1) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta' Sigurtà sabiex jieħu d-deċiżjonijiet rilevanti dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (“Atlanta”). |
(2) |
Fil-25 ta' Ġunju 2020, il-Kumitat Politiku u ta' Sigurtà adotta d-Deċiżjoni (PESK) 2020/895 (2) li ħatret il-Viċi Ammirall Riccardo MARCHIÒ bħala l-Kmandant tal-Forza tal-UE għal Atalanta. |
(3) |
Il-Kmandant tal-Operazzjoni tal-UE rrakkomanda l-ħatra tal-Kaptan Diogo ARROTEIA bħala l-Kmandant il-ġdid tal-Forza tal-UE għal Atalanta mit-3 ta' Diċembru 2020. |
(4) |
Fit-22 ta' Ottubru 2020, il-Kumitat Militari tal-UE appoġġa dik ir-rakkomandazzjoni. |
(5) |
Għaldaqstant, jenħtieġ li d-Deċiżjoni (PESK) 2020/895 titħassar. |
(6) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li għandhom implikazzjonijiet ta' difiża, |
ADOTTA DIN ID-DEĊIŻJONI:
Artikolu 1
Il-Kaptan Diogo ARROTEIA huwa b'dan maħtur Kmandant tal-Forza tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (Atalanta) mit-3 ta' Diċembru 2020.
Artikolu 2
Id-Deċiżjoni (PESK) 2020/895 (ATALANTA/2/2020) hija mħassra.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mit-3 ta' Diċembru 2020.
Magħmul fi Brussell, l-1 ta’ Diċembru 2020.
Għall-Kumitat Politiku u ta' Sigurtà
Il-President
S. FROM-EMMESBERGER
(1) ĠU L 301, 12.11.2008, p. 33.
(2) Deċiżjoni tal-Kumitat politiku u ta' Sigurtà (PESK) 2020/895 tal-25 ta' Ġunju 2020 dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (Atalanta) u li tħassar id-Deċiżjoni (PESK) 2020/401 (ATALANTA/2/2020) (ĠU L 206, 30.06.2020, p. 63)
3.12.2020 |
MT |
Il-Ġurnal Uffiċjali tal-Unjoni Ewropea |
L 406/62 |
DEĊIŻJONI TAL-KUMMISSJONI (UE) 2020/1827
tas-26 ta’ Mejju 2020
dwar il-miżuri SA.39990 — (2016/C) (ex 2016/NN) (ex 2014/FC) (ex 2014/CP) — implimentati mill-Belġju għal Ducatt NV
(notifikata bid-dokument C(2020) 3287)
(It-testi bil-Franċiż u bin-Netherlandiż biss huma awtentiċi)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b’mod partikolari l-Artikolu 62(1)(a) tiegħu,
Wara li sejħet lill-partijiet ikkonċernati sabiex jissottomettu l-kummenti tagħhom skont id-dispożizzjonijiet ikkwotati hawn fuq (1), u wara li kkunsidrat il-kummenti tagħhom,
Billi:
1. PROĊEDURA
(1) |
Fit-28 ta’ Novembru 2014, il-Kummissjoni rċeviet ilment formali ppreżentat mill-produttur Ġermaniż tal-ħġieġ GMB Glasmanufaktur Brandenburg GmbH (“GMB”) u l-kumpanija omm tiegħu Interfloat Corporation (“Interfloat Group”), irreġistrata fil-Liechtenstein, (flimkien “l-ilmentatur”). L-ilmentatur allega li l-kompetitur dirett tiegħu Ducat NV (“Ducatt”) kien irċieva għajnuna illegali mill-Istat li kienet inkompatibbli mas-suq intern mir-Reġjun Fjamming, il-Belġju. |
(2) |
Permezz ta’ ittra datata d-19 ta’ Mejju 2016, il-Kummissjoni infurmat lill-Belġju li kienet iddeċidiet li tibda l-proċedura stabbilita fl-ewwel subparagrafu tal-Artikolu 108(2) tat-Trattat dwar il-Funzjonament tal-Unjoni Ewropea (“TFUE”) fir-rigward tal-allegata għajnuna mill-Istat mogħtija lil Ducatt (“id-Deċiżjoni tal-Ftuħ”). |
(3) |
Id-Deċiżjoni tal-Ftuħ ġiet ippubblikata f’Il-Ġurnal Uffiċjali tal-Unjoni Ewropea (2). Il-Kummissjoni stiednet lill-partijiet interessati biex jissottomettu l-kummenti tagħhom dwar il-miżuri deskritti fid-Deċiżjoni tal-Ftuħ. |
(4) |
L-awtoritajiet Belġjani ssottomettew il-kummenti tagħhom dwar id-Deċiżjoni tal-Ftuħ fl-20 ta’ Ġunju 2016 (3) u fid-19 ta’ Lulju 2016. |
(5) |
Il-Kummissjoni rċeviet kummenti mingħand l-ilmentatur fis-17 ta’ Ġunju 2016, fit-18 ta’ Awwissu 2016, fit-13 ta’ Settembru 2016 u fis-6 ta’ Ottubru 2016. Hija bagħtithom lill-awtoritajiet Belġjani, li kkummentaw dwarhom permezz ta’ ittra datata t-23 ta’ Jannar 2017. |
(6) |
Il-Kummissjoni talbet informazzjoni addizzjonali mingħand il-Belġju fit-30 ta’ Jannar 2017, li ġiet ippreżentata mill-awtoritajiet Belġjani fis-27 ta’ Marzu 2017. |
(7) |
Fl-14 ta’ Ġunju 2017, l-awtoritajiet Belġjani infurmaw lill-Kummissjoni bil-falliment ta’ Ducatt mill-20 ta’ Mejju 2017, u wara dan il-Kummissjoni ltaqgħet mar-rappreżentanti tal-Belġju fit-23 ta’ Ġunju 2017. |
(8) |
Fil-5 ta’ Lulju 2017, il-Kummissjoni ltaqgħet mal-ilmentatur u mar-rappreżentanti legali tiegħu. |
(9) |
Fl-10 ta’ Lulju 2017, l-awtoritajiet Belġjani ssottomettew informazzjoni addizzjonali lill-Kummissjoni, li din tal-aħħar kienet talbet fil-laqgħa tat-23 ta’ Ġunju 2017. |
(10) |
Il-Kummissjoni talbet aktar informazzjoni mingħand il-Belġju fl-20 ta’ Novembru 2017, fit-22 ta’ Ġunju 2018 u fil-31 ta’ Jannar 2020. L-awtoritajiet Belġjani wieġbu fil-15 ta’ Diċembru 2017, fis-27 ta’ Awwissu 2018, fl-4 ta’ Marzu u fit-12 ta’ Mejju 2020. |
(11) |
Il-Kummissjoni talbet ukoll aktar informazzjoni mingħand ir-riċevituri tal-falliment ta’ Ducatt fit-18 ta’ Lulju 2017, fil-25 ta’ Lulju 2017, fis-7 u d-9 ta’ Marzu 2018, fis-16 ta’ Mejju 2018 u fit-28 ta’ Jannar 2019. Ir-riċevituri wieġbu fit-22 ta’ Lulju 2017, fis-6 ta’ Marzu 2018, fid-9 ta’ Marzu 2018, fit-30 ta’ Marzu 2018, fit-30 ta’ Mejju 2018 u fid-29 ta’ Jannar 2019. |
(12) |
Il-Kummissjoni impenjat ruħha wkoll fil-korrispondenza li ġejja mal-ilmentatur: hija rċeviet ittri mingħand l-ilmentatur fit-3 ta’ April 2018, fit-2 ta’ April 2019 u fis-26 ta’ Jannar 2020, li għalihom wieġbet rispettivament fl-24 ta’ April 2018, fis-6 ta’ Mejju 2019 u fl-10 ta’ Frar 2020. Il-Kummissjoni kellha wkoll żewġ konverżazzjonijiet telefoniċi mal-kwerelant fis-26 ta’ Lulju 2018 u fis-27 ta’ Marzu 2019. |
(13) |
Fis-26 ta’ Marzu 2020, il-Kummissjoni rċeviet ittra mingħand l-ilmentatur b’talba formali biex tittieħed azzjoni skont l-Artikolu 265(2) tat-TFUE. |
2. SFOND
2.1. Il-benefiċjarju
(14) |
Ducatt hija spin-off minn Emgo NV (“Emgo”), impriża konġunta 50/50 bejn Philips u Osram, li ġiet stabbilita fl-1966 bħala produttur ta’ bozoz tal-ħġieġ għall-produzzjoni ta’ bozoz inkandexxenti u tubi tal-ħġieġ għall-produzzjoni ta’ bozoz fluworexxenti. Ducatt ġiet stabbilita f’Novembru 2010 mill-Maniġer tal-Innovazzjoni (dak iż-żmien) f’Emgo (via Vercundus BVBA) u l-Maniġer tal-Finanzi tal-Kontabbiltà (dak iż-żmien) f’Emgo (via ArsiCO BVBA). |
(15) |
Minħabba bidliet fil-leġiżlazzjoni tal-Unjoni Ewropea, li jipprojbixxu l-bejgħ ta’ bozoz inkandexxenti mill-1 ta’ Settembru 2009, in-negozju tal-bozoz tal-ħġieġ ta’ Emgo nqasam u ngħaqad ma’ Ducatt f’Jannar 2011 bil-għan li jiġu salvagwardjati l-impjiegi u l-għarfien tiegħu fis-settur tal-manifattura tal-ħġieġ. Il-ġestjoni ta’ Ducatt kellha l-għan li tidħol fis-suq tal-ħġieġ għall-pannelli solari u mill-2011 investiet ħafna fil-makkinarju meħtieġ. |
(16) |
Minbarra ż-żewġ kumpaniji fundaturi, Vercundus BVBA u ArsiCO BVBA, Ducatt hija jew kienet koproprjetà f’diversi gradi mill-entitajiet ġuridiċi li ġejjin: Limburgse Reconversie Maatschappij (‘LRM’), Participatie Maatschappij Vlaanderen (‘PMV’), Capricorn Cleantech Fund (‘CCF’), Quest for Growth (‘QFG’), Belfius, VF Capital (‘VFC’), VMF u Aro. Barra minn hekk, partijiet mill-ishma tal-kumpanija kienu, għal xi żmien, miżmuma minn persuna fiżika, jiġifieri […] (*). |
2.2. L-ilment
(17) |
L-ilmentatur huwa produttur tal-ħġieġ għall-pannelli solari u kompetitur dirett tal-allegat benefiċjarju tal-għajnuna Ducatt. L-ilmentatur jallega li Ducatt irċeviet madwar EUR 70 miljun ta’ għajnuna illegali mill-Istat inkompatibbli mas-suq intern mill-bank tal-Istat Belfius u LRM u PMV, li huma żewġ kumpaniji ta’ investiment li huma proprjetà tar-Reġjun Fjamming. |
(18) |
Skont l-ilmentatur, l-allegata għajnuna ħadet il-forma ta’ self mogħti u żidiet kapitali mwettqa f’kundizzjonijiet mhux tas-suq li jmorru lura għall-istabbiliment ta’ Ducatt fl-2011. Dawn intużaw biex iwaqqfu l-kumpanija u jibdew il-produzzjoni tagħha u kontinwament ikopru t-telf tagħha. |
3. DESKRIZZJONI TAL-MIŻURI U L-KONTENUT TAD-DEĊIŻJONI TAL-FTUĦ
(19) |
Il-Kummissjoni fetħet il-proċedura ta’ investigazzjoni formali biex tivvaluta jekk il-miżuri li ġejjin favur Ducatt kinux jikkostitwixxu għajnuna mill-Istat skont it-tifsira tal-Artikolu 107(1) tat-TFUE u, jekk iva, jekk kinux kompatibbli mas-suq intern. |
3.1. Żidiet kapitali
(20) |
Id-Deċiżjoni tal-Ftuħ esprimiet dubji dwar jekk iż-żidiet kapitali sottoskritti minn LRM u PMV li jammontaw għal EUR […] kinux mogħtija skont it-termini tas-suq:
|
3.2. Selfiet
(21) |
Id-Deċiżjoni tal-Ftuħ esprimiet dubji dwar jekk, minbarra s-self ikkonvertit f’ekwità kif iddikjarat fil-premessa (20) hawn fuq, is-selfiet li ġejjin mogħtija minn LRM u PMV li jammontaw għal EUR […] ingħataw fuq termini tas-suq:
|
3.3. Ċiklu ta’ rikapitalizzazzjoni ta’ Novembru 2015
(22) |
Barra minn hekk, id-Deċiżjoni tal-Ftuħ esprimiet dubji dwar jekk iż-żieda fil-kapital u r-ristrutturar tas-self tal-azzjonisti ta’ Novembru 2015 twettqux skont it-termini tas-suq. Dan kien jinkludi, minn naħa, iż-żieda fil-kapital sottoskritta minn LRM fi flus kontanti ta’ EUR […] (minbarra l-konverżjoni ta’ EUR […] mis-self 13) u, min-naħa l-oħra, it-teħid tal-partijiet pendenti tas-self 10 mingħand partijiet oħra minn LRM, kif ukoll it-tħassir ta’ partijiet mill-prinċipali u l-imgħax tas-self 10, 11 u 12 minn LRM. |
4. FALLIMENT TAL-BENEFIĊJARJU
(23) |
Fit-11 ta’ Mejju 2017, l-insolvenza ta’ Solarworld, il-klijent ewlieni ta’ Ducatt, li l-bejgħ tagħha ġġenera madwar 30 % tad-dħul ta’ Ducatt, saret pubblika. |
(24) |
Sussegwentement, fl-20 ta’ Mejju 2017, il-bord tad-diretturi ta’ Ducatt iddeċieda li jibda l-proċedura ta’ stralċ ġudizzjarju għal Ducatt. Ducatt ġiet iddikjarata falluta mill-20 ta’ Mejju 2017 permezz tal-ordni ta’ falliment maħruġa mill-Qorti Kummerċjali ta’ Hasselt fit-23 ta’ Mejju 2017, li ħatret ukoll tliet riċevituri ta’ falliment. |
4.1. Waqfien tal-attività tan-negozju u disponiment tal-assi tal-benefiċjarju
(25) |
F’Lulju 2017, kull attività kummerċjali ta’ Ducatt kienet waqfet definittivament wara x-xoljiment tal-kuntratti tal-impjegati kollha tagħha u l-waqfien tal-produzzjoni (4). |
(26) |
F’Awwissu 2017, wara li ma ġew riċevuti l-ebda offerti għall-bejgħ tan-negozju ta’ Ducatt bħala negozju avvjat, ir-riċevituri tal-falliment biegħu l-assi mhux relatati mal-produzzjoni ta’ Ducatt (għamara, kompjuters, spare parts, tagħmir tat-trasport, inventarju, materjali tal-imballaġġ, magni tat-tindif eċċ.) permezz ta’ rkant online lil għadd ta’ xerrejja differenti. |
(27) |
L-assi ewlenin relatati mal-produzzjoni ta’ Ducatt inkrew minn Ducatt mingħand partijiet terzi, li ħadu lura dawn l-assi tal-produzzjoni bħala riżultat tal-falliment ta’ Ducatt. B’mod partikolari, il-bini u parti mill-makkinarju (sala tal-produzzjoni bil-forn tal-ħġieġ, uffiċċji u bini tal-loġistika) ġew riposseduti mill-kumpanija tal-kiri LRM Lease NV, filwaqt li l-linji tat-trattament tal-ħġieġ (għall-ħġieġ li joħroġ mill-forn tal-ħġieġ) ġew riposseduti mill-kumpaniji tal-kiri ING Equipment Lease, KBC Lease u ES Finance. |
(28) |
Abbażi tal-informazzjoni pprovduta mill-Belġju, il-bini tal-produzzjoni u l-uffiċċji huma attwalment vojta, filwaqt li partijiet mill-bini loġistiku huma mikrija lil diversi kumpaniji tal-loġistika bħala spazju għall-ħżin. Il-pjan huwa li titwaqqa’ s-sala tal-produzzjoni flimkien mal-uffiċċji, li tiġi żviluppata mill-ġdid l-art sottostanti u li l-bini jinżamm attwalment mikri lill-kumpaniji tal-loġistika. Il-forn tal-ħġieġ tneħħa mis-sala tal-produzzjoni u ġie żarmat, fejn il-partijiet tal-ġebel tal-forn inbiegħu permezz ta’ rkant online lill-ogħla offerenti, u komponenti oħra tal-forn ġew skreppjati wara tentattivi li ma rnexxewx li jbigħuhom permezz ta’ rkant online. |
4.2. Bilanċ tal-assi u l-obbligazzjonijiet tal-benefiċjarju u l-likwidazzjoni tiegħu
(29) |
Il-Belġju wera li l-obbligazzjonijiet ta’ Ducatt f’falliment jammontaw għal madwar EUR 33,8 miljun, li minnhom l-obbligazzjonijiet ta’ Ducatt lejn kredituri preferenzjali (l-aktar persunal, sigurtà soċjali, banek u kumpaniji tal-kiri) jammontaw għal EUR 14,3 miljun, filwaqt li l-assi ta’ Ducatt f’falliment jammontaw għal madwar EUR 3,6 miljun. |
(30) |
Barra minn hekk, fil-każ li l-Kummissjoni kkonstatat li l-Belġju kien ta lil Ducatt għajnuna illegali mill-Istat inkompatibbli mas-suq intern u ordnat l-irkupru ta’ tali għajnuna mill-Istat, it-talba tal-Belġju għall-irkupru ta’ għajnuna mill-Istat fil-proċedura ta’ stralċ ġudizzjarju ta’ Ducatt ma kinitx tkun privileġġata skont il-liġijiet Belġjani dwar l-insolvenza. Peress li l-assi huma, bil-bosta, insuffiċjenti biex jitħallsu lura l-kredituri preferenzjali, ma hemm l-ebda ċans realistiku li jiġu ssodisfati pretensjonijiet mhux preferenzjali, anki parzjalment. |
(31) |
Il-likwidazzjoni inevitabbli ta’ Ducatt tiddewwem biss minħabba għadd ta’ proċeduri legali pendenti, li huma relatati ma’ pretensjonijiet mill-kredituri u minn xi wħud mill-impjegati tagħha. Ir-riżultat ta’ dawn il-proċeduri mhux se jbiddel il-fatt li l-pretensjonijiet preferenzjali jaqbżu l-assi ta’ Ducatt. |
5. KONKLUŻJONI
(32) |
Il-Kummissjoni tinnota li, skont l-Artikoli 107 u 108 tat-TFUE, is-setgħat tal-Kummissjoni huma mfassla biex jevitaw l-għoti ta’ għajnuna inkompatibbli mas-suq intern. Fir-rigward tal-irkupru, il-Qorti sostniet b’mod konsistenti li s-setgħa tal-Kummissjoni li tordna lill-Istati Membri jirkupraw għajnuna meqjusa mill-Kummissjoni bħala inkompatibbli mas-suq intern hija mfassla biex tistabbilixxi mill-ġdid is-sitwazzjoni qabel l-għoti ta’ għajnuna mill-Istat li hija inkompatibbli mas-suq intern (5). |
(33) |
Fi kliem ieħor, wieħed mill-għanijiet tal-kontroll tal-għajnuna mill-Istat huwa li jipprevjeni l-għoti ta’ għajnuna mill-Istat illegali jew inkompatibbli. L-għan l-ieħor huwa li jiġi żgurat li terġa’ tiġi stabbilita s-sitwazzjoni ta’ qabel id-distorsjoni tal-kompetizzjoni kkawżata minn għajnuna mill-Istat inkompatibbli mas-suq intern. |
(34) |
F’dan il-każ, ma tistax tingħata iktar għajnuna lil Ducatt. Deċiżjoni li tiddikjara li l-miżuri diġà mogħtija jikkostitwixxu għajnuna mill-Istat inkompatibbli mas-suq intern u li tordna l-irkupru tagħhom, fi kwalunkwe każ, ma tirriżultax f’irkupru (tali rkupru jkun manifestament impossibbli), u ma jkollha l-ebda influwenza fuq il-ħlas tal-pretensjonijiet ta’ kredituri oħra. |
(35) |
B’mod aktar preċiż, il-Kummissjoni tinnota li l-attività tan-negozju ta’ Ducatt waqfet definittivament minħabba (i) it-terminazzjoni tal-kuntratti kollha mal-impjegati ta’ Ducatt, li issa huma impjegati l-aktar minn impjegaturi oħra; (ii) iż-żarmar tal-faċilitajiet ta’ produzzjoni ta’ Ducatt u l-bejgħ tal-assi kollha mhux relatati mal-produzzjoni ta’ Ducatt lil għadd ta’ xerrejja differenti. |
(36) |
Barra minn hekk, il-Kummissjoni tinnota li l-assi prinċipali tal-produzzjoni ta’ Ducatt, il-forn tal-ħġieġ repospost mil-LRM Lease, ġie żarmat u għalhekk ma jistax jiġi offrut lil ebda operatur tas-suq, filwaqt li l-bini miżmum mil-LRM Lease ma ntużax għal skopijiet relatati mal-attività kummerċjali ta’ Ducatt. Fl-aħħar nett, il-Kummissjoni tinnota li l-linji tat-trattament tal-ħġieġ huma proprjetà ta’ impriżi privati, indipendenti minn Ducatt u r-Reġjun Fjamming, li l-istrateġija kummerċjali tagħhom hija li jikru l-assi u li ma jwettqu l-ebda attività ta’ produzzjoni komparabbli ma’ dik ta’ Ducatt. Għar-raġunijiet imsemmija hawn fuq, il-Kummissjoni tqis li kwalunkwe possibbiltà li impriża oħra tkompli l-attività kummerċjali ta’ Ducatt tista’ tiġi eskluża. |
(37) |
Il-Kummissjoni tinnota wkoll li ordni ta’ rkupru ma jkollha l-ebda impatt fuq il-ħlas tat-talbiet għall-għajnuna mill-Istat, u lanqas fuq kwalunkwe talba oħra. Skont il-liġi Belġjana dwar il-falliment, it-talba għall-irkupru tal-għajnuna mill-Istat fil-każ ta’ deċiżjoni negattiva tal-Kummissjoni li tinvolvi l-irkupru tiġi rreġistrata bħala pretensjoni mhux preferenzjali tal-kreditur fl-iskeda tal-passiv ta’ Ducatt. Il-pretensjonijiet preferenzjali tal-kredituri ta’ Ducatt fil-proċedimenti ta’ falliment jaqbżu b’mod sinifikanti l-ammont tal-assi ta’ Ducatt f’falliment. Għalhekk, anki li kieku l-Kummissjoni kellha ssib li Ducatt kienet irċeviet għajnuna mill-Istat illegali u inkompatibbli, l-irkupru bbażat fuq deċiżjoni bħal din ikun impossibbli u bl-ebda mod ma jinfluwenza l-eżitu tar-rimborż tal-pretensjonijiet tal-kredituri mhux preferenzjali ta’ Ducatt. |
(38) |
L-uniku raġunament għall-eżistenza kontinwa ta’ Ducatt, mingħajr ebda attività kummerċjali, huwa li jistenna l-eżitu ta’ diversi proċeduri legali pendenti relatati ma’ pretensjonijiet minn kredituri u impjegati preċedenti. Ladarba dawn il-proċeduri jintemmu, Ducatt inevitabbilment tiġi llikwidata u titneħħa mir-reġistru tal-kumpaniji. |
(39) |
F’dawn iċ-ċirkostanzi, deċiżjoni tal-Kummissjoni dwar il-kwalifika tal-miżuri inkwistjoni bħala għajnuna inkompatibbli ma jkollha l-ebda effett prattiku, u l-proċedura ta’ investigazzjoni formali mibdija skont l-ewwel subparagrafu tal-Artikolu 108(2) tat-TFUE fir-rigward tal-miżuri inkwistjoni m’għadx għandha skop, |
ADOTTAT DIN ID-DEĊIŻJONI:
Artikolu 1
Il-proċedura mibdija skont l-ewwel subparagrafu tal-Artikolu 108(2) TFUE fid-19 ta’ Mejju 2016 fir-rigward ta’ Ducatt NV hija b’dan mitmuma.
Artikolu 2
Din id-Deċiżjoni hija indirizzata lir-Renju tal-Belġju.
Magħmul fi Brussell, is-26 ta’ Mejju 2020.
Għall-Kummissjoni
Margrethe VESTAGER
Viċi President Eżekuttiv
(1) ĠU C 369, 7.10.2016, p. 27.
(2) Ara n-nota ta’ qiegħ il-paġna 1.
(3) Fil-laqgħa mal-Kummissjoni tal-20 ta’ Ġunju 2016.
(*) Kunfidenzjali.
(4) Minħabba l-karatteristiċi speċifiċi tal-funzjonament tal-forn tal-ħġieġ, dan ma setax jintefa immedjatament u kellu jgħaddi minn proċedura ta’ tberrid gradwali, li kienet teħtieġ l-involviment ta’ parti mill-persunal. Huwa għalhekk li ċerti membri tal-persunal ta’ Ducatt kienu impjegati sakemm tlesta it-tberrid fil-bidu ta’ Lulju.
(5) Is-sentenza tal-Qorti tal-14 ta’ Settembru 1994 fil-Kawżi konġunti C-278/92, C-279/92 u C-280/92 Spanja vs il-Kummissjoni, ECLI:EU:C:1994:325, il-paragrafu 75.
Rettifika
3.12.2020 |
MT |
Il-Ġurnal Uffiċjali tal-Unjoni Ewropea |
L 406/67 |
Rettifika għad-Deċiżjoni tal-Kunsill (UE) 2020/1410 tal-25 ta’ Settembru 2020 dwar il-pożizzjoni li trid tittieħed, f’isem l-Unjoni Ewropea, fis-66 sessjoni tal-Kumitat tas-Sistema Armonizzata tal-Organizzazzjoni Dinjija Doganali fir-rigward tal-adozzjoni maħsuba ta’ Opinjonijiet ta’ Klassifikazzjoni, deċiżjonijiet ta’ klassifikazzjoni, emendi għan-Noti ta’ Spjegazzjoni tas-Sistema Armonizzata jew pariri oħra dwar l-interpretazzjoni tas-Sistema Armonizzata, u ta’ rakkomandazzjonijiet biex tiġi żgurata l-uniformità fl-interpretazzjoni tas-Sistema Armonizzata taħt il-Konvenzjoni dwar is-Sistema Armonizzata
( Il-Ġurnal Uffiċjali tal-Unjoni Ewropea L 327 tat-8 ta’ Ottubru 2020 )
L-Anness għandu jaqra:
“ANNESS
IV. RAPPORT TAS-SOTTOKUMITAT XJENTIFIKU: Dok. NS0456Eb (SSC/35 - rapport)
(1) |
Kwistjonijiet għal deċiżjoni (dok. NC2708Ea)
L-Unjoni għandha taqbel mal-klassifikazzjonijiet kollha proposti peress li huma konformi mal-politika ta' klassifikazzjoni attwali fl-Unjoni. |
(2) |
L-emenda possibbli għan-Noti ta' Spjegazzjoni tal-Kapitolu 29 fir-rigward tal-lista ta' drogi narkotiċi, sustanzi psikotropiċi u prekursuri Dok. NC2738Ea
L-Unjoni għandha taqbel mal-proposta li tiġi emendata n-NSSA tal-Kapitolu 29, f'konformità mal-parir tas-Sottokumitat Xjentifiku. |
V. RAPPORT TAS-SOTTOKUMITAT DWAR IR-RIEŻAMI TAS-SA (Dok. NR1403E)
(1) |
Kwistjonijiet għal deċiżjoni (Dok. NC2709Ea)
L-Unjoni għandha taqbel mal-emendi kollha proposti fid-dokumenti peress li jirriflettu l-politika ta' klassifikazzjoni attwali fl-Unjoni. |
(2) |
Il-klassifikazzjoni fis-SA 2022 ta' ċerti vaporizzaturi elettriċi personali li jintremew wara l-użu jew rikarikabbli (Talba mis-Segretarjat) Dok. NC2710Eb
L-Unjoni tikklassifika l-prodott 1 fis-subintestatura 8 543,70 tas-SA 2017 u fis-subintestatura 8 543,40 tas-SA 2022. Il-prodott 2 għandu jiġi kklassifikat fl-intestatura 24.04 tas-SA2022 bl-użu ta' GIR 3(b), abbażi tal-karattru essenzjali mogħti mil-likwidu elettroniku. |
(3) |
Il-klassifikazzjoni fis-SA 2022 ta' ċerti kollezzjonijiet u biċċiet tal-kollezzjoni ta' interess numismatiku (Talba mis-Segretarjat) Dok. NC2711Ea
L-Unjoni għandha tesprimi l-bżonn għal informazzjoni addizzjonali dwar il-prodotti biex tiġi ddeterminata l-klassifikazzjoni. L-Unjoni ma għandhiex taqbel mal-proposta li tiġi emendata n-NSSA, sakemm ma jkunx hemm kjarifika u gwida dwar kif issir distinzjoni bejn is-subintestaturi l-ġodda taħt l-intestatura 97.05. |
(4) |
Il-klassifikazzjoni fis-SA 2022 ta' ċerti cartridges għall-istampaturi 3D (Talba mis-Segretarjat) Dok. NC2712Ea
L-Unjoni tikklassifika l-prodotti fil-Kapitolu 39 skont il-materjal kostitwenti, f'konformità mad-digriet tal-Qorti tal-Ġustizzja tal-Unjoni Ewropea fil-Kawża C-276/00. Hemm bżonn informazzjoni addizzjonali biex jiġu kklassifikati l-prodotti fil-livell tas-subintestatura. L-emenda proposta għan-NSSA ma għandhiex tiġi appoġġata, peress li l-prattika attwali fl-Unjoni hija li l-cartridges tal-istampaturi ma jiġux ikklassifikati bħala partijiet mill-istampaturi. |
(5) |
Il-klassifikazzjoni fis-SA 2022 ta' magna tal-laminazzjoni tal-folji għall-manifattura addittiva Dok. NC2744Ea
L-Unjoni tikklassifika l-prodott fl-intestatura 84.85 (l-għażla II). |
VI. RAPPORT TAL-GRUPP TA' ĦIDMA PRESESSJONALI Dok. NC2714Ea u l-Annessi A sa T
L-Unjoni għandha tadotta t-test ippreżentat fl-Annessi A sa T, soġġett għal xi suġġerimenti editorjali, bir-rimarki li ġejjin:
(1) |
L-emenda għall-Ġabra ta' Opinjonijiet ta' Klassifikazzjoni biex tiġi riflessa d-deċiżjoni dwar il-klassifikazzjoni ta' prodott fl-intestatura 18.06 (subintestatura 1 806,32) L-Unjoni għandha tissuġġerixxi li titħassar il-lista ta' ingredjenti li mhumiex meħtieġa għall-finijiet ta' klassifikazzjoni. |
(2) |
L-emenda għall-Ġabra ta' Opinjonijiet ta' Klassifikazzjoni biex tiġi riflessa d-deċiżjoni dwar il-klassifikazzjoni ta' żewġ tipi ta' zkuk tat-tabakk ("Zkuk tat-tabakk imqatta' rrumblat espandut (CRES)" u "Zkuk tat-tabakk espandut (ETS)") fl-intestatura 24.03 (subintestatura 2 403,99) L-Unjoni għandha tinsisti li jinżamm it-test "ma jistax jitpejjep direttament" peress li dan kien il-kriterju deċiżiv għall-klassifikazzjoni. |
(3) |
L-emenda għall-Ġabra ta' Opinjonijiet ta' Klassifikazzjoni biex tiġi riflessa d-deċiżjoni dwar il-klassifikazzjoni ta' Ċelloli tal-Karburant b'Ossidu Solidu (SOFC) fl-intestatura 85.01 (subintestatura 8 501,62) L-Unjoni għandha tissuġġerixxi l-użu tad-deskrizzjoni tal-prodott mit-test fil-kaxxa fid-dokument ta' ħidma inizjali (dok. NC2655E1b). |
VII. TALBIET GĦAL RIEŻAMI (RIŻERVI)
(1) |
Ir-rieżami tal-klassifikazzjoni ta' ċerti sip feeds djetetiċi (Prodotti 1 sa 5) (Talba mill-Istati Uniti) Dok. NC2715Ea
L-Unjoni tikklassifika l-prodotti bħala xarbiet fl-intestatura 22.02, f'konformità mad-digriet tal-Qorti tal-Ġustizzja tal-Unjoni Ewropea fil-Kawża C-114/80 u mal-Opinjonijiet ta' Klassifikazzjoni 2 202,99/2-4. |
(2) |
Ir-rieżami tal-klassifikazzjoni ta' arloġġ tal-idejn tal-ġiri bil-GPS u bil-monitoraġġ tal-polz (Talbiet mill-Istati Uniti u l-Ġappun) Dok. NC2716Ea
L-Unjoni tikklassifika l-prodott fis-subintestatura 9 102,12 bħala arloġġ tal-idejn, f'konformità man-NSNM għall-intestatura 91.02. |
(3) |
Ir-rieżami tal-klassifikazzjoni ta' Sterilizzatur (Talba mill-Ukrajna) Dok. NC2717Ea
L-Unjoni tikklassifika l-prodott fl-intestatura 84.19, peress li din hija l-intestatura speċifika għall-isterilizzaturi. Il-bidla fit-temperatura sseħħ u għandha effett importanti fuq il-proċess sterilizzanti. L-apparat ma jissodisfa l-ebda funzjoni mekkanika. |
(4) |
Ir-rieżami tal-klassifikazzjoni ta' żewġ prodotti msejħa "Ġeneraturi RF u Networks ta' Korrispondenza RF" (Talba mill-Korea t'Isfel) Dok. NC2718Ea, NC2745Eb, NC2747Ea
L-Unjoni tikklassifika l-prodotti fl-intestatura 84.86 peress li huma magni identifikabbli użati biss jew prinċipalment għall-manifattura ta' apparati semikondutturi. |
VIII. STUDJI ULTERJURI
(1) |
Il-klassifikazzjoni tal-insetti li jittieklu (Proposta mis-Segretarjat) Dok. NC2719Ea
L-Unjoni għandha tappoġġa t-trasferimenti possibbli mill-intestaturi 02.10 u 04.10 għall-prodott 1. Il-prodott 2 jista' jiġi ttrasferit jew mill-intestatura 04.10 jew mill-Kapitolu 16. Il-prodott 3 jista' jiġi ttrasferit mill-Kapitolu 16. Il-prodott 4 jista' jiġi ttrasferit mill-Kapitolu 16 jew 21. |
(2) |
L-emenda possibbli għan-Nota ta' Spjegazzjoni tal-intestatura 27.11 biex tiġi ċċarata l-klassifikazzjoni tal-gass likwifikat miż-żejt (LPG) (Proposta mis-Segretarjat) Dok. NC2720Ea
L-Unjoni għandha tappoġġa l-ħolqien ta' subintestatura fin-Nota ta' Spjegazzjoni tas-subintestatura 2 711,19. |
(3) |
L-emenda għan-Noti ta' Spjegazzjoni tar-Regola 3(b) biex tiġi ċċarata l-klassifikazzjoni tas-settijiet tad-Dok. NC2721Ea
L-Unjoni għandha tappoġġa ż-żamma tal-istatus quo u l-prattiki ta' klassifikazzjoni attwali. |
(4) |
L-emenda possibbli għan-Nota ta' Spjegazzjoni tal-intestatura 91.02 Dok. NC2722Ea
L-Unjoni tippreferi tistenna deċiżjoni definittiva dwar il-klassifikazzjoni fil-punt VII.2 qabel timxi bl-emenda għan-NSSA. |
(5) |
L-emenda possibbli għan-Nota ta' Spjegazzjoni tal-intestatura 87.03 fir-rigward ta' vetturi ibridi mikro Dok. NC2723Ea
L-Unjoni għandha tappoġġa l-emenda għan-NSSA peress li din tiċċara l-klassifikazzjoni tat-tip ta' vettura l-ġdid. |
(6) |
Il-klassifikazzjoni tal-vetturi ibridi ħfief Dok. NC2724Ea
L-Unjoni tikklassifika l-prodott fis-subintestatura 8 703,40, peress li l-mutur elettriku huwa ddisinjat biex jagħti spinta lill-vettura billi jappoġġa t-tħaddim tal-magna. |
(7) |
Klassifikazzjoni ta' prodott tax-xema' (Talba mill-Ekwador) Dok. NC2725Ea
L-Unjoni tikklassifika l-prodott fl-intestatura 34.04, peress li l-analiżi fil-laboratorju kkonfermat li l-prodott kellu karatteristika bħax-xema'. |
(8) |
L-emenda possibbli għan-Nota ta' Spjegazzjoni tal-intestatura 95.03 (Proposta mill-Unjoni) Dok. NC2667Ea
L-Unjoni għandha tibqa' flessibbli għal kwalunkwe kumment editorjali addizzjonali dwar il-proposta oriġinali tal-UE. |
(9) |
L-emenda possibbli għan-Nota ta' Spjegazzjoni tal-intestatura 95.05 (Proposta mill-Unjoni) Dok. NC2668Ea, NC2668Ea
L-Unjoni għandha tibqa' flessibbli għal kwalunkwe kumment editorjali addizzjonali dwar il-proposta oriġinali tal-UE. |
(10) |
Il-klassifikazzjoni ta' ċerti żjut essenzjali mqiegħda għall-bejgħ bl-imnut (Talba mill-Costa Rica) Dok. NC2672Ea
L-Unjoni tikklassifika l-prodott fl-intestatura 33.01. Dan il-prodott huwa żejt essenzjali tal-lavanda li fih tipi ta' alkoħol monoterpeniċi, għalhekk mhuwiex deterpenat u huwa kopert mill-intestatura 33.01. Dan jinkiseb permezz ta' proċess ta' distillazzjoni bil-fwar li, għaldaqstant, huwa konformi man-NSSA tal-intestatura 33.01. |
(11) |
Klassifikazzjoni ta' żewġ lostraturi tal-art (Talba mill-Costa Rica) Dok. NC2673Ea
L-Unjoni tikklassifika l-prodotti fl-intestatura 84.79. Minħabba l-karatteristiċi tekniċi tagħhom, huma mhumiex tat-tip li normalment jintuża għal skopijiet domestiċi u meta titqies in-Nota 4(a) tal-Kapitolu 85 jenħtieġ li jkunu kklassifikati fis-subintestatura 84.79. |
(12) |
Il-klassifikazzjoni ta' "Boom Lift Artikolat Awtonomu" (Talba mill-Korea t'Isfel) Dok. NC2674Ea
L-Unjoni tikklassifika l-prodott fl-intestatura 84.28 abbażi tar-Regolament (KE) Nru 738/2000 għal prodott simili. |
(13) |
Il-klassifikazzjoni ta' ċerti preparazzjonijiet tal-ikel (Talba mill-Istati Uniti) Dok. NC2676Ea, NC2742Ea
L-Unjoni għandha titlob informazzjoni addizzjonali dwar l-erba' prodotti kkonċernati kollha biex tiġi ddeterminata l-klassifikazzjoni. Prodott 1: kontenut ta' proteina. Jekk dan ikun għoli ħafna (aktar minn 85 %), tista' tiġi kkunsidrata l-intestatura 35.04. Abbażi tal-informazzjoni attwali, il-prodott jista' jiġi kklassifikat fis-subintestatura 2 106,10 f'konformità mal-Opinjoni ta' Klassifikazzjoni 2 106,90/5. Prodott 2: l-Unjoni tikklassifikah fl-intestatura 22.02 jekk ikun direttament tajjeb għax-xorb, jew fl-intestatura 21.06 jekk ikun irid jiġi dilwit qabel jinxtorob. Prodott 3: l-Unjoni tikklassifikah fl-intestatura 2 101,20, madankollu, ikun ta' għajnuna jekk ikun hemm informazzjoni addizzjonali dwar il-kontenut ta' kafeina. Prodott 4: id-deskrizzjoni tal-prodott toħloq konfużjoni, peress li mhuwiex ċar x'inhu l-ingredjent prinċipali. Jekk ikun fih il-kawkaw, jista' jiġi kklassifikat fl-intestatura 18.06, jekk le fl-intestatura 19.05. |
(14) |
Il-klassifikazzjoni ta' "magna tat-tqattigħ" (Talba mill-Federazzjoni Russa) Dok. NC2677Ea
L-Unjoni għandha tinnota li peress li l-magna fiha bosta funzjonijiet, il-klassifikazzjoni diffiċli li tiġi ddeterminata, u li din tista' tiġi kklassifikata fl-intestaturi 84.30 u 84.32, għalhekk tikklassifikaha fl-intestatura 84.32, bl-użu ta' GIR 3(c). |
(15) |
Il-klassifikazzjoni ta' ċerti tajers pnewmatiċi ġodda, tal-gomma, intiżi għall-vetturi użati għat-trasport ta' oġġetti fil-kostruzzjoni, fix-xogħol tal-minjieri jew fl-industrija (Talba mill-Federazzjoni Russa) Dok. NC2678Ea, NC2748Ea
L-Unjoni għandha tikkondividi l-parir tas-Segretarjat tad-WCO, u tikklassifika ż-żewġ prodotti fis-subintestatura 4 011,20. |
(16) |
Il-klassifikazzjoni ta' ċerti preparazzjonijiet ta' tip użat fl-għalf tal-annimali (Talba mill-Kanada) Dok. NC2679Ea, NC2743Ea
Abbażi tad-digriet tal-Qorti tal-Ġustizzja tal-Unjoni Ewropea fil-Kawża C-144/15, l-Unjoni tikklassifika l-prodott fl-intestatura 23.09. |
(17) |
Il-klassifikazzjoni tal-prodott imsejjaħ "Kaxxa tad-Dawl għall-Ittrejsjar" (Talba mill-Ġappun) Dok. NC2681Ea
L-Unjoni tikklassifika l-prodott fl-intestatura 94.05, billi dan għandu funzjoni b'użi multipli u mhuwiex mgħammar b'xi strument tat-tpinġija. |
(18) |
Il-klassifikazzjoni ta' kontrollur tal-veloċità elettroniku (Talba mit-Tuneżija) Dok. NC2682Ea
L-Unjoni tikklassifika l-prodott fl-intestatura 85.04, kif issuġġerit mis-Segretarjat tad-WCO. |
(19) |
L-emenda possibbli għan-Nota ta' Spjegazzjoni tal-intestatura 27.10 (Proposta mill-Ġappun) Dok. NC2641Ea, NC2739Ea
L-Unjoni għandha toqgħod lura milli tieħu sehem f'diskussjonijiet peress li l-opinjoni ta' klassifikazzjoni li minnha tirriżulta din l-emenda ma tistax tiġi applikata fl-Unjoni minħabba d-digriet tal-Qorti tal-Ġustizzja tal-Unjoni Ewropea fil-Kawża C-330/13. Ikun aħjar li wieħed jaħseb fl-emenda għas-SA fil-futur u fit-tqassim mill-ġdid tan-Nota 2 tal-Kapitolu 27. |
(20) |
Jaf hemm allinjament ħażin bejn it-test Ingliż u dak Franċiż fin-Noti ta' Spjegazzjoni tal-intestatura 85.01 Dok. NC2688Ea
L-Unjoni għandha taqbel mal-emenda proposta li jintuża t-terminu Franċiż "onduleur" bħal f'partijiet oħra tan-Nomenklatura tas-SA. |
IX. MISTOQSIJIET ĠODDA
(1) |
Il-klassifikazzjoni ta' ċerti kontenituri taż-żibel fit-toroq (Talba mit-Tuneżija) Dok. NC2726Ea
L-Unjoni tikklassifika l-prodotti fl-intestatura 39.26 minħabba d-daqs akbar tal-kontenituri, mhux għall-użu domestiku. L-Unjoni tinnota li d-deskrizzjoni tal-prodott jenħtieġ li tinkludi l-kapaċità tal-kontenituri f'litri. |
(2) |
Il-klassifikazzjoni ta' ċerti preparazzjonijiet tal-ikel fil-forma likwida (Talba mit-Tuneżija) Dok. NC2727Ea
L-Unjoni għandha titlob aktar informazzjoni dwar il-kontenuti tal-prodotti (ilma jew meraq, sustanzi żejtnin, ingredjenti oħra minbarra l-vitamini, dożaġġ). |
(3) |
Il-klassifikazzjoni ta' żewġ prodotti li fihom il-kannabidiol (CBD) (Talba mis-Segretarjat) Dok. NC2728Ea
L-Unjoni għandha tipproponi li l-kwistjoni tintbagħat quddiem is-Sottokumitat Xjentifiku, sabiex tintalab informazzjoni dwar (i) jekk il-prodotti jkollhomx biżżejjed ingredjenti attivi biex jagħtu effett terapewtiku jew profilattiku, u dwar (ii) l-ammont minimu ta' CBD bħala ingredjent attiv fi kwalunkwe prodott biex dan ikollu effett terapewtiku jew profilattiku. |
(4) |
Il-klassifikazzjoni tal-ħut imnixxef li sussegwentement jiġi trattat bl-ilma (ħut imnixxef riidratat) (Talba min-Norveġja) Dok. NC2729Ea
L-Unjoni tista' tikklassifika l-prodott fil-Kapitolu 3, iżda hemm bżonn aktar informazzjoni dwar jekk it-togħma u l-konsistenza tal-prodott humiex ta' ħut imnixxef jew ta' ħut frisk. |
(5) |
Il-klassifikazzjoni ta' ċerti ġeneraturi tat-togħlija bil-fwar għall-kmamar tal-fwar (Talba mill-Eġittu) Dok. NC2730Ea
L-Unjoni tikklassifika l-prodotti fl-intestatura 84.02 kif propost mis-Segretarjat tad-WCO, f'konformità mat-test tal-intestatura u n-NSSA tal-intestatura 84.02. |
(6) |
Il-klassifikazzjoni tal-prodott imsejjaħ "Flakes tal-fażola tas-sojja" (Talba minn Madagascar) Dok. NC2731Ea
L-Unjoni tikklassifika l-prodott fl-intestatura 23.04, simili għall-prodott tal-Opinjoni ta' Klassifikazzjoni 2 304,00/1. |
(7) |
Il-klassifikazzjoni ta' stufa tal-etanol b'żewġ berners (Talba mill-Kenja) Dok. NC2732Ea
L-Unjoni tikklassifika l-prodott fis-subintestatura 7 321,12., bħala karburant tal-etanol fil-forma likwida f'temperatura ambjentali u għalhekk jaqbel mat-test tas-subintestatura. |
(8) |
Il-klassifikazzjoni ta' kiosk interattiv li jirċievi l-ilmenti (Talba mill-Eġittu) Dok. NC2733Ea
L-Unjoni għandha titlob informazzjoni addizzjonali: jekk il-prodott jistax jiffunzjona flimkien ma' apparat USB u kif, jew jistax jintuża biss permezz ta' skrin tattili. |
XI. LISTA ADDIZZJONALI
(1) |
Il-klassifikazzjoni tal-prodott imsejjaħ "ċfaċagħ żgħar tal-qamħirrum" (Talba mill-UE) Dok. NC2736Ea
L-Unjoni talbet Opinjoni ta' Klassifikazzjoni. |
(2) |
Il-klassifikazzjoni ta' sett ta' ġenerazzjoni tal-elettriku bid-diżil b'potenza nominali doppja (Talba mill-Ghana) Dok. NC2737Ea
L-Unjoni tikklassifika l-prodott fis-subintestatura 8 502,13. |
(3) |
Il-klassifikazzjoni ta' modulu TFT-LCD (Talba mill-Korea t'Isfel) Dok. NC2740Ea
F'konformità mar-Regolament tal-Kummissjoni (KE) Nru 957/2006, ir-Regolamenti ta' Implimentazzjoni tal-Kummissjoni (UE) Nru 1201/2011 u Nru 1202/2011, u meta titqies in-Nota 2(b) tat-Taqsima XVI, l-Unjoni tikklassifika l-prodott fis-subintestatura 8 529,90. |
(4) |
It-Tħassir tal-Opinjonijiet ta' Klassifikazzjoni 8 528,69/1 u 8 528,69/2 Dok. NC2741Ea
Peress li l-prodotti ma għadhomx aktar fis-suq, l-Unjoni għandha tappoġġa t-tħassir ta' dawk l-Opinjonijiet ta' Klassifikazzjoni. |
(5) |
Il-klassifikazzjoni tal-prodott imsejjaħ "trab tal-ġewż tal-Indi bix-xaħam parzjalment imneħħi" (Talba mill-Unjoni) Dok. NC2746Ea
L-Unjoni talbet Opinjoni ta' Klassifikazzjoni. |
3.12.2020 |
MT |
Il-Ġurnal Uffiċjali tal-Unjoni Ewropea |
L 406/73 |
Rettifika għad-Deċiżjoni tal-Kunsill (UE) 2020/1532 tat-12 ta’ Ottubru 2020 dwar il-pożizzjoni li trid tittieħed, f’isem l-Unjoni Ewropea, fis-66 sessjoni tal-Kumitat tas-Sistema Armonizzata tal-Organizzazzjoni Dinjija Doganali fir-rigward tal-adozzjoni maħsuba ta’ Opinjonijiet ta’ Klassifikazzjoni, deċiżjonijiet ta’ klassifikazzjoni, emendi għan-Noti ta’ Spjegazzjoni tas-Sistema Armonizzata jew pariri oħra dwar l-interpretazzjoni tas-Sistema Armonizzata, u ta’ rakkomandazzjonijiet biex tiġi żgurata l-uniformità fl-interpretazzjoni tas-Sistema Armonizzata taħt il-Konvenzjoni dwar is-Sistema Armonizzata
( Il-Ġurnal Uffiċjali tal-Unjoni Ewropea L 352 tat-22 ta’ Ottubru 2020 )
L-Anness għandu jaqra:
“ANNESS
Dan l-Anness jissupplimenta l-Anness tad-Deċiżjoni (UE) 2020/1410,
II.2. Żvilupp ta’ tabelli ta’ korrelazzjoni bejn il-verżjonijiet tal-2017 u tal-2022 tas-Sistema Armonizzata (Dok. NC2704, NC2749 u NC2753)
Fir-rigward tat-tabella ta’ korrelazzjoni għas-subintestaturi 4 407,13 u 4 407,14 (taħlitiet ta’ A-A-Ż (abit, arżnu u żnuber) u ta’ żnuber taċ-ċikuta (ċikuta tal-Punent u żnuber)), l-Unjoni għandha tappoġġa l-korrelazzjonijiet proposti mis-Segretarjat tad-WCO fil-paragrafu 20 tad-dokument NC2753.
Fir-rigward tat-tabella ta’ korrelazzjoni għas-subintestatura 4 418,83 (raġġi I), l-Unjoni għandha tappoġġa l-korrelazzjonijiet proposti mill-Ġappun fil-paragrafu 14 tad-dokument NC2753.
Fir-rigward tat-tabella ta’ korrelazzjoni għas-subintestatura 7 019,71 (veli/folji rqaq tal-fibri tal-ħġieġ), l-Unjoni tinnota li l-uniku trasferiment mis-SA 2017 ikun mis-subintestatura 7 019,32.
Fir-rigward tat-tabella ta’ korrelazzjoni għas-subintestaturi 8 462,62 u 8 462,63 (magni għall-kiwi bil-forġa), l-Unjoni għandha tappoġġa ż-żamma tas-subintestaturi kollha proposti għal trasferiment imsemmija fis-SA 2017, inkluż dawk fil-parentesi kwadri.
Fir-rigward tat-tabella ta’ korrelazzjoni għas-subintestatura 8 519,81 (magni li jwieġbu t-telefon), l-Unjoni għandha tappoġġa l-proposta tas-Segretarjat tad-WCO fil-paragrafu 26 tad-dokument NC2704.
Fir-rigward tat-tabella ta’ korrelazzjoni għas-subintestatura 8 539,51 (LED), l-Unjoni għandha tappoġġa l-konklużjoni tas-Segretarjat tad-WCO fil-paragrafu 24 tad-dokument NC2704.
Fir-rigward tat-tabella ta’ korrelazzjoni għas-subintestatura 8 541,51 il-ġdida (transdjusers ibbażati fuq semikondutturi), l-Unjoni tinnota li ma hemm l-ebda evidenza ta’ parts ikklassifikati separatament fil-verżjoni tas-SA 2017. Għaldaqstant mhu meħtieġ l-ebda trasferiment addizzjonali.
Fir-rigward tat-tabella ta’ korrelazzjoni għas-subintestatura 88.06 (inġenji tal-ajru mingħajr bdot abbord), l-Unjoni għandha tappoġġa l-opzjoni (i) imsemmija fil-paragrafu 25 tad-dokument NC2704.
Fl-aħħar nett, l-Unjoni għandha tappoġġa l-korrezzjoni ta’ xi żbalji editorjali fl-abbozzi tat-Tabelli ta’ Korrelazzjoni I u II, kif stabbilit fl-Anness tad-dokument NC2753.
III.4. Klassifikazzjoni fis-SA 2022 ta’ ċerti kollezzjonijiet u biċċiet tal-kollezzjoni ta’ interess numismatiku (Talba mis-Segretarjat) (Dok. NC2711, NC2754)
L-Unjoni tikklassifika t-tliet prodotti fis-subintestatura 9 705,31 il-ġdida fis-SA2022. L-Unjoni tinnota li kemm il-Kanada kif ukoll is-Segretarjat tad-WCO jappoġġaw il-proposta tal-Unjoni li titħassar ir-referenza għall-“coins generally known in the trade as ‘ancients’ or ‘ancient coins’” (muniti ġeneralment magħrufa fil-kummerċ bħala “antiki” jew “muniti antiki”) mit-tieni paragrafu tal-Punt (4) tal-Parti (A) il-ġdida tan-NSSA tal-intestatura 97.05.
III.5. Klassifikazzjoni fis-SA 2022 tal-cartridges għall-istampaturi 3D (Talba mis-Segretarjat) (Dok. NC2712, NC2755)
L-Unjoni għandha tappoġġa l-proposta biex jiġu emendati l-NSSA li tispeċifika li jenħtieġ li l-cartridges tal-istampaturi 3D b’komponenti elettroniċi jew b’mekkaniżmi mekkaniċi jiġu kklassifikati bħala parts tal-istampaturi 3D.
L-Unjoni tikklassifika l-prodotti ppreżentati fiż-żewġ dokumenti NC2712 u NC2755 fl-intestatura 84.85 fis-SA 2022 bħala parts tal-istampaturi 3D filwaqt li titqies il-preżenza ta’ komponenti elettroniċi għall-konnessjoni ma’ stampatur 3D.
III.7 Rapport tas-57 Sessjoni tas-Sottokumitat ta’ Rieżami tas-SA (Dok. NR1434)
III.8. Kwistjonijiet li jirrikjedu deċiżjoni. (Dok. NC2709)
(a) |
Annessi C/4 u D/8 — Emendi għan-Noti ta’ Spjegazzjoni (SA-2022) (Taqsima VI) |
(b) |
Annessi C/5, D/9 u D/22 — Emendi għan-Noti ta’ Spjegazzjoni (SA-2022) (Taqsima VII) |
(c) |
Annessi C/8 u D/12 — Emendi għan-Noti ta’ Spjegazzjoni b’konsegwenza tar-Rakkomandazzjoni tal-Artikolu 16 tat-28 ta’ Ġunju 2019 (Taqsima XIII) |
(d) |
Annessi C/13 u D/17 — Emendi għan-Noti ta’ Spjegazzjoni b’konsegwenza tar-rakkomandazzjoni tal-Artikolu 16 tat-28 ta’ Ġunju 2019. (Taqsima XX) |
(e) |
Annessi C/14 u D/18 — Emendi possibbli għan-Noti ta’ Spjegazzjoni fir-rigward ta’ ċertu tagħmir tal-parks tad-divertiment (Proposta mill-Istati Uniti) L-Unjoni għandha taqbel mal-emendi kollha proposti f'dawk id-dokumenti. |
(f) |
Annessi C/1 u D/5 — Emendi possibbli għan-Noti ta’ Spjegazzjoni tal-intestatura 15.09 fir-rigward ta’ żjut taż-żebbuġa verġni oħra, u tal-intestatura 15.15 fir-rigward ta’ eżempji ta’ xaħmijiet u żjut mikrobiċi Fir-rigward tan-NSSA tal-intestatura 15.09, l-Unjoni għandha tappoġġa l-proposta tal-Unjoni (opzjoni 2) u l-proposta Kanadiża l-ġdida (opzjoni 3). Fil-punt (D)(2), l-Unjoni għandha tappoġġa l-użu ta’ “or” (jew) (opzjoni 2) minflok ta’ “and/or” (u/jew). Fir-rigward tan-NSSA tal-intestatura 15.15, l-Unjoni għandha tappoġġa l-użu tal-espressjoni “single cell organism” (organiżmu b’ċellola singola) (opzjoni 1), u l-użu ta’ “or” (jew) (opzjoni 2) minflok ta’ “and/or” (u/jew). Fl-eżempji (a) u (b), l-Unjoni għandha tappoġġa l-użu tal-espressjoni “obtained from” (miksub minn) (opzjoni 2). |
(g) |
Annessi C/3 u D/7 — Emendi possibbli għan-Noti ta’ Spjegazzjoni fir-rigward tal-“placebos” (plaċebos) u d-“double-blinded clinical trial kits” (kittijiet tal-provi kliniċi double-blinded) fl-intestatura 30.06 (Talba mill-Awstralja) Fir-rigward tas-sentenza “The placebos of this heading also include [control vaccines] [controlled vaccines] [vaccines which are used as control substances and] that have been licensed for use in recognized clinical trials.” (Il-plaċebos ta’ din l-intestatura jinkludu wkoll [vaċċini ta’ kontroll] [vaċċini kkontrollati] [vaċċini li jintużaw bħala sustanzi ta’ kontroll u] li ngħataw il-liċenzja għall-użu fi provi kliniċi rrikonoxxuti.), l-Unjoni ma għandhiex tappoġġa ż-żieda ta’ din is-sentenza fit-test tal-punt (12) tan-NSSA tal-intestatura 30.06, peress li mhuwiex ċar x’tip ta’ sustanzi huma deskritti minnha. Jekk il-Partijiet Kontraenti l-oħra jiddeċiedu li jżiduha, l-Unjoni għandha tappoġġa l-“vaccines which are used as control substances” (vaċċini li jintużaw bħala sustanzi ta’ kontroll) (opzjoni 3), jew jekk tkun meħtieġa il-flessibbiltà, il-“control vaccines” (vaċċini ta’ kontroll) (opzjoni 1). Fir-rigward tas-sentenza “[Active ingredients to be trialled can include herbal medicinal products [for therapeutic or prophylactic uses].]” ([L-ingredjenti attivi li jridu jsiru provi fuqhom jistgħu jinkludu l-prodotti mediċinali erbali [għal użi terapewtiċi jew profilattiċi].]), l-Unjoni għandha tibqa’ flessibbli rigward jekk tiżdiedx fit-test, iżda ma għandhiex tappoġġa lista miftuħa ta’ eżempji kif issuġġerit mid-delegazzjoni tal-Istati Uniti. |
(h) |
Annessi C/6 u D/10 — Emendi għan-Noti ta’ Spjegazzjoni b’konsegwenza tar-rakkomandazzjoni tal-Artikolu 16 tat-28 ta’ Ġunju 2019 (Taqsima IX) L-Unjoni għandha tappoġġa l-proposta biex in-Noti ta’ Spjegazzjoni tas-Subintestaturi mas-subintestaturi 4 412,41, 4 412,42 u 4 412,49. L-Unjoni għandha titlob li t-test propost jeħtieġ li jiġi analizzat u jittejjeb iktar sabiex jikkonforma mal-prattiki ta’ klassifikazzjoni attwali fl-Unjoni (pereżempju, l-orjentazzjoni tal-fuljetti). |
(i) |
Annessi C/7 u D/11 — Emendi għan-Noti ta’ Spjegazzjoni b’konsegwenza tar-rakkomandazzjoni tal-Artikolu 16 tat-28 ta’ Ġunju 2019 (Taqsimiet XI u XII) L-Unjoni għandha tappoġġa ż-żieda ta’ “paraseismic wall covering” (kisi parasismiku tal-ħajt) u “geotextiles” (ġeotessuti) mal-lista ta’ eżempji ta’ tessuti elettroniċi. Fit-test dwar il-“geotextiles” (ġeotessuti), l-Unjoni għandha tappoġġa t-test “a sensor made of fibres or at least being fully integrated in the fibres” (sensur magħmul minn fibri jew mill-inqas integrat kompletament fil-fibri) (opzjoni 2) kif issuġġerit preċedentement mill-Unjoni. L-Unjoni għandha tappoġġa provviżorjament l-adozzjoni tat-testi approvati mis-Sottokumitat ta’ Rieżami tas-SA. |
(j) |
Annessi C/12 u D/16 — Emendi għan-Noti ta’ Spjegazzjoni b’konsegwenza tar-rakkomandazzjoni tal-Artikolu 16 tat-28 ta’ Ġunju 2019 (Taqsima XVII) L-Unjoni għandha tappoġġa ż-żieda tar-referenza għall-kameras integrati b’mod permanenti fil-paragrafu 3 tan-NSSA tal-intestatura 88.06, diment li l-Opinjoni ta’ Klassifikazzjoni li tikklassifika dron b’kamera integrata fl-intestatura 85.25 tiġi rieżaminata u allinjata mas-SA2022 u man-NSSA. Fir-rigward tal-paragrafu 4 tan-NSSA tal-intestatura 88.06, l-Unjoni għandha tappoġġa l-proposta miċ-Ċina bi kriterji tekniċi addizzjonali introdotti mill-Unjoni (it-tieni opzjoni). |
(k) |
Annessi C/15 u D/19 — Emenda possibbli għan-Noti ta’ Spjegazzjoni tal-Kapitolu 97 fir-rigward ta’ ċertu oġġetti kulturali (Proposta mill-Istati Uniti) L-Unjoni ma għandhiex tappoġġa l-lista ta’ oġġetti msemmija bħala eżempji, peress li dawn huma speċifiċi ħafna u limitati biex jispjegaw l-ambitu tal-oġġetti li jridu jiġu kklassifikati fis-subintestatura 9 705,10. L-Unjoni tinnota wkoll li d-definizzjonijiet u l-eżempji pprovduti ma jagħtux ċarezza dwar kif għandhom jiġu kklassifikati pereżempju t-“traditional national costumes” (kostumi nazzjonali tradizzjonali) jew l-“old cars” (karozzi qodma). |
(l) |
Annessi C/16 u D/20 — Emenda għan-Noti ta’ Spjegazzjoni tal-GIR (SA 2022) L-Unjoni għandha tappoġġa l-proposta oriġinali mis-Segretarjat tad-WCO (opzjoni 1, bl-użu tat-terminu “merely” (sempliċement), iżda tibqa’ flessibbli għall-espressjoni “not further worked than” (mhux maħdum iktar minn) u għandha titlob li t-testi jiġu allinjati bl-Ingliż u bil-Franċiż. |
III.9. Emenda possibbli għan-Nota ta’ Spjegazzjoni tal-intestatura 71.04 fir-rigward tad-djamanti sintetiċi (Proposta mill-Proċess ta’ Kimberley) (Dok. NC2757)
L-Unjoni għandha taqbel mal-modifiki proposti għat-tielet paragrafu l-ġdid tal-intestatura 71.04 u mal-ħolqien tal-punt (3) il-ġdid tas-subintestatura Noti ta’ Spjegazzjoni tas-subintestatura 7 104,91.
III.10. Klassifikazzjoni ta’ element ta’ sistemi mikroelettromekkaniċi (MEMS) fis-SA 2022 (Proposta mis-Segretarjat)
L-Unjoni tikklassifika l-prodott fl-intestatura 85.41.