(1)

Ir-Regolament tal-Kunsill (UE) 2020/123 (2) jistabbilixxi l-kwoti għall-2020.

(2)

Skont it-tagħrif li rċeviet il-Kummissjoni, il-qabdiet tal-istokk tal-megrims li l-bastimenti li jtajru l-bandiera tal-Belġju jew li huma rreġistrati f’dak il-pajjiż għamlu fiż-żoni 8a, 8b, 8d u 8e eżawrew il-kwota allokata għalihom għall-2020.

(3)

Għalhekk jeħtieġ li jiġu pprojbiti ċerti attivitajiet tas-sajd għal dak l-istokk.

(1)

Skont il-punt (19) tal-Artikolu 287 tad-Direttiva 2006/112/KE, il-Kroazja tista’ teżenta mit-taxxa fuq il-valur miżjud (“VAT”) lill-persuni taxxabbli li l-fatturat annwali tagħhom ma jaqbiżx l-ekwivalenti ta’ EUR 35 000 fil-munita nazzjonali bir-rata tal-konverżjoni tal-jum tal-adeżjoni tagħha.

(2)

Il-Kroazja kienet awtorizzata permezz tad-Deċiżjoni ta’ Implimentazzjoni tal-Kunsill (UE) 2017/1768 (2) tintroduċi miżura speċjali ta’ deroga mill-Artikolu 287 tad-Direttiva 2006/112/KE (“il-miżura ta’ deroga”) biex teżenta mill-VAT lill-persuni taxxabbli li l-fatturat annwali tagħhom ma kienx aktar mill-ekwivalenti ta’ EUR 45 000 fil-munita nazzjonali bir-rata ta’ konverżjoni tal-jum tal-adeżjoni tagħha, sal-31 ta’ Diċembru 2020 jew sad-dħul fis-seħħ ta’ direttiva li temenda l-Artikoli 281 sa 294 tad-Direttiva 2006/112/KE, skont liema data tiġi l-ewwel.

(3)

Permezz ta’ ittra rreġistrata mal-Kummissjoni fit-18 ta’ Mejju 2020, il-Kroazja talbet awtorizzazzjoni biex tkompli tapplika l-miżura ta’ deroga sal-31 ta’ Diċembru 2024, li hija d-data sa meta l-Istati Membri jeħtieġ jadottaw il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mad-Direttiva tal-Kunsill (UE) 2020/285 (3), li tistabbilixxi regoli tal-VAT aktar sempliċi għall-impriżi ż-żgħar u, fost l-oħrajn, tħassar l-Artikolu 287 tad-Direttiva 2006/112/KE b’effett mill-1 ta’ Jannar 2025.

(4)

F’konformità mat-tieni subparagrafu tal-Artikolu 395(2) tad-Direttiva 2006/112/KE, il-Kummissjoni infurmat lill-Istati Membri l-oħra permezz ta’ ittra ddatata d-9 ta’ Ġunju 2020 bit-talba tal-Kroazja. Il-Kummissjoni nnotifikat lill-Kroazja permezz ta’ ittra ddatata l-11 ta’ Ġunju 2020 li kellha l-informazzjoni kollha meħtieġa biex tikkunsidra t-talba.

(5)

Skont l-informazzjoni mogħtija mill-Kroazja, jidher li r-raġunijiet għall-miżura ta’ deroga baqgħu fil-biċċa l-kbira l-istess u ż-żieda fil-livell limitu ma kellha l-ebda impatt fuq l-ammont globali tad-dħul mit-taxxa miġbur fl-istadju tal-konsum finali. Il-persuni taxxabbli xorta jistgħu jagħżlu l-arranġamenti normali tal-VAT.

(6)

Minħabba l-impatt potenzjalment pożittiv tal-miżura ta’ deroga fit-tnaqqis tal-piż amministrattiv u tal-kostijiet tal-konformità għall-impriżi ż-żgħar u għall-awtoritajiet tat-taxxa, u minħabba n-nuqqas ta’ ebda impatt kbir fuq id-dħul totali mill-VAT iġġenerat, jenħtieġ li l-Kroazja tiġi awtorizzata tkompli tapplika l-miżura ta’ deroga.

(7)

Jenħtieġ li l-awtorizzazzjoni biex tiġi applikata l-miżura ta’ deroga tkun limitata fiż-żmien. Jenħtieġ li l-limitu ta’ żmien ikun biżżejjed biex tkun tista’ ssir evalwazzjoni tal-effettività u l-adegwatezza tal-livell limitu. Barra minn hekk, l-Artikolu 287 tad-Direttiva 2006/112/KE jitħassar bid-Direttiva (UE) 2020/285 b’effett mill-1 ta’ Jannar 2025. Għalhekk hwa adatt li l-Kroazja tiġi awtorizzata tapplika l-miżura ta’ deroga sal-31 ta’ Diċembru 2024.

(8)

Il- miżura ta’ deroga ma għandha l-ebda impatt fuq ir-riżorsi proprji tal-Unjoni li jakkumulaw mill-VAT minħabba li l-Kroazja ser twettaq kalkolu ta’ kumpens f’konformità mal-Artikolu 6 tar-Regolament tal-Kunsill (KEE, Euratom) Nru 1553/89 (4),

(9)

Għalhekk, id-Deċiżjoni ta’ Implimentazzjoni (UE) 2017/1768 jenħtieġ li tiġi emendata skont dan,

(1)

Skont il-punt 13 tal-Artikolu 287 tad-Direttiva 2006/112/KE, Malta tista’ teżenta tliet kategoriji ta’ persuni taxxabbli mit-taxxa fuq il-valur miżjud (“il-VAT”): dawk li l-fatturat annwali tagħhom ma jkunx ogħla minn EUR 37 000 jekk l-attività ekonomika tkun tikkonsisti prinċipalment fil-provvista tal-merkanzija, dawk li l-fatturat annwali tagħhom ma jkunx ogħla minn EUR 24 300 jekk l-attività ekonomika tkun tikkonsisti prinċipalment fil-provvista ta’ servizzi b’valur miżjud baxx (inputs għoljin), u dawk li l-fatturat annwali tagħhom ma jkunx ogħla minn EUR 14 600 f’każijiet oħrajn, jiġifieri l-provvista ta’ servizzi b’valur miżjud għoli (inputs baxxi).

(2)

Malta kienet awtorizzata permezz tad-Deċiżjoni ta’ Implimentazzjoni tal-Kunsill (UE) 2018/279 (2) tintroduċi miżura speċjali ta’ deroga mill-Artikolu 287 tad-Direttiva 2006/112/KE (“il-miżura ta’ deroga”) biex teżenta mill-VAT lill-persuni taxxabbli li l-attività ekonomika tagħhom tikkonsisti prinċipalment fil-provvista ta’ servizzi b’valur miżjud għoli (inputs baxxi) u li l-fatturat annwali tagħhom mhuwiex ogħla minn EUR 20 000, sal-31 ta’ Diċembru 2020, jew sad-dħul fis-seħħ ta’ direttiva li temenda l-Artikoli 281 sa 294 tad-Direttiva 2006/112/KE, skont liema data tiġi l-ewwel.

(3)

Permezz ta’ ittra rreġistrata mal-Kummissjoni fil-5 ta’ Ġunju 2020, Malta talbet awtorizzazzjoni biex tkompli tapplika l-miżura ta’ deroga sal-31 ta’ Diċembru 2024, li hija d-data sa meta l-Istati Membri jeħtieġ jadottaw il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mad-Direttiva tal-Kunsill (UE) 2020/285 (3), li tistabbilixxi regoli tal-VAT aktar sempliċi għall-impriżi ż-żgħar u, fost l-oħrajn, tħassar l-Artikolu 287 tad-Direttiva 2006/112/KE b’effett mill-1 ta’ Jannar 2025.

(4)

F’konformità mat-tieni subparagrafu tal-Artikolu 395(2) tad-Direttiva 2006/112/KE, il-Kummissjoni infurmat lill-Istati Membri l-oħra permezz ta’ ittra ddatata t-12 ta’ Ġunju 2020 bit-talba ta’ Malta. Il-Kummissjoni nnotifikat lil Malta permezz ta’ ittra ddatata l-15 ta’ Ġunju 2020 li kellha l-informazzjoni kollha meħtieġa biex tikkunsidra t-talba.

(5)

Minħabba li l-miżura ta’ deroga rriżultat fi tnaqqis tal-obbligi tal-VAT u, għalhekk, fi tnaqqis tal-piżijiet amministrattivi u l-kostijiet għall-impriżi ż-żgħar, jenħtieġ li Malta tiġi awtorizzata biex tkompli tapplika l-miżura ta’ deroga.

(6)

Jenħtieġ li l-awtorizzazzjoni biex tiġi applikata l-miżura ta’ deroga tkun limitata fiż-żmien. Jenħtieġ li l-limitu ta’ żmien ikun biżżejjed biex tkun tista’ ssir evalwazzjoni tal-effettività u l-adegwatezza tal-livell limitu. Barra minn hekk, l-Artikolu 287 tad-Direttiva 2006/112/KE jitħassar bid-Direttiva (UE) 2020/285 b’effett mill-1 ta’ Jannar 2025. Għalhekk, huwa adatt li Malta tiġi awtorizzata tapplika l-miżura ta’ deroga sal-31 ta’ Diċembru 2024.

(7)

Il-miżura ta’ deroga ma għandha l-ebda impatt fuq ir-riżorsi proprji tal-Unjoni li jakkumulaw mill-VAT minħabba li Malta ser twettaq kalkolu ta’ kumpens f’konformità mal-Artikolu 6 tar-Regolament tal-Kunsill (KEE, Euratom) Nru 1553/89 (4).

(8)

Għalhekk, id-Deċiżjoni ta’ Implimentazzjoni (UE) 2018/279 jenħtieġ li tiġi emendata skont dan,

(1)

Id-Direttiva 64/432/KEE tistabbilixxi r-regoli dwar is-saħħa tal-annimali fir-rigward tal-kummerċ fl-Unjoni tal-annimali bovini. L-Artikolu 9 ta’ dik id-Direttiva jistipula li Stat Membru li għandu programm nazzjonali ta’ kontroll obbligatorju għal waħda mill-mardiet elenkati fl-Anness E(II) tagħha, dan jista’ jissottometti l-programm tiegħu lill-Kummissjoni għall-approvazzjoni. L-istess Artikolu jipprevedi wkoll li jistgħu jintalbu garanziji addizzjonali għall-kummerċ intra-Unjoni tal-annimali bovini. Ir-rinotrakeite bovina infettiva, marda kkawżata mill-virus tal-erpete bovina tat-tip 1 (BHV1), hi elenkata għall-annimali bovini fl-Anness E(II) tad-Direttiva 64/432/KEE.

(2)

Fi Frar 2020, Franza ppreżentat dokumentazzjoni ta’ sostenn lill-Kummissjoni għall-approvazzjoni tal-programm nazzjonali tagħha għall-kontroll u l-eradikazzjoni tar-rinotrakeite bovina infettiva li tkopri d-dipartimenti metropolitani Franċiżi, għajr Korsika, u talbet l-approvazzjoni biex tapplika garanziji addizzjonali għar-rinotrakeite bovina infettiva skont l-Artikolu 9 tad-Direttiva 64/432/KEE.

(3)

L-Artikolu 10 tad-Direttiva 64/432/KEE jipprevedi li meta Stat Membru jikkunsidra li t-territorju tiegħu jew parti minnu jkun ħieles minn xi waħda mill-mardiet elenkati fl-Anness E(II) tagħha, dan għandu jippreżenta d-dokumentazzjoni ta’ sostenn xierqa lill-Kummissjoni. L-istess Artikolu jipprevedi wkoll li jistgħu jintalbu garanziji addizzjonali għall-kummerċ intra-Unjoni tal-annimali bovini.

(4)

F’Jannar 2020, iċ-Ċekja ppreżentat dokumentazzjoni ta’ sostenn lill-Kummissjoni biex it-territorju kollu tagħha jitqies ħieles mill-BHV1, u talbet l-approvazzjoni biex tapplika garanziji addizzjonali għar-rinotrakeite bovina infettiva skont l-Artikolu 10 tad-Direttiva 64/432/KEE.

(5)

Id-Deċiżjoni tal-Kummissjoni 2004/558/KE (2) telenka l-Istati Membri u r-reġjuni tagħhom li huma awtorizzati japplikaw garanziji addizzjonali għar-rinotrakeite bovina infettiva skont l-Artikoli 9 u 10 tad-Direttiva 64/432/KEE. L-Anness I tad-Deċiżjoni 2004/558/KE jelenka l-Istati Membri u r-reġjuni tagħhom li fihom japplikaw garanziji addizzjonali għar-rinotrakeite bovina infettiva skont l-Artikolu 9 tad-Direttiva 64/432/KEE, filwaqt li l-Anness II tad-Deċiżjoni 2004/558/KE jelenka l-Istati Membri u r-reġjuni tagħhom li fihom japplikaw garanziji addizzjonali għar-rinotrakeite bovina infettiva skont l-Artikolu 10 tad-Direttiva 64/432/KEE.

(6)

Wara l-evalwazzjoni tad-dokumentazzjoni ta’ sostenn li ppreżentat Franza, id-dipartimenti metropolitani ta’ dak l-Istat Membru, għajr Korsika, jenħtieġ jiġu elenkati fl-Anness I tad-Deċiżjoni 2004/558/KE, u l-garanziji addizzjonali għar-rinotrakeite bovina infettiva jenħtieġ ikunu japplikaw skont l-Artikolu 9 tad-Direttiva 64/432/KEE.

(7)

Barra minn hekk, wara l-evalwazzjoni tad-dokumentazzjoni ta’ sostenn li ppreżentat iċ-Ċekja, jenħtieġ li din ma tibqax elenkata fl-Anness I tad-Deċiżjoni 2004/558/KE, iżda minflok jenħtieġ tiġi elenkata fl-Anness II tagħha, u jenħtieġ li l-garanziji addizzjonali għar-rinotrakeite bovina infettiva japplikaw skont l-Artikolu 10 tad-Direttiva 64/432/KEE.

(8)

Għalhekk, jenħtieġ li l-Annessi I u II tad-Deċiżjoni 2004/558/KE jiġu emendati skont dan.

(9)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-influwenza avjarja hija marda virali infettiva fl-għasafar, inkluż il-pollam. L-infezzjonijiet bil-viruses tal-influwenza avjarja fil-pollam domestiku jikkawżaw żewġ forom ewlenin ta’ dik il-marda li jvarjaw fil-virulenza tagħhom. Il-forma b’patoġeniċità baxxa ġeneralment tikkawża biss sintomi ħfief, filwaqt li l-forma b’patoġeniċità għolja twassal għal rati ferm għoljin ta’ mortalità fil-biċċa l-kbira tal-ispeċijiet tal-pollam. Il-marda jaf tħalli impatt serju fuq il-profittabbiltà tat-trobbija tal-pollam u tikkawża tfixkil tal-kummerċ fl-Unjoni u fl-esportazzjonijiet lejn pajjiżi terzi.

(2)

Mill-2005 ’l hawn, il-viruses tal-influwenza avjarja b’patoġeniċità għolja (HPAI) tas-sottotip H5 urew li kapaċi jinfettaw lill-għasafar migratorji, u mbagħad dawn jistgħu jxerrdu dawn il-viruses fuq distanzi twal tul il-migrazzjonijiet tagħhom tal-ħarifa u tar-rebbiegħa.

(3)

Il-preżenza ta’ viruses tal-HPAI fl-għasafar selvaġġi hija theddida kontinwa għall-introduzzjoni diretta u indiretta ta’ dawn il-viruses fl-azjendi fejn jinżamm il-pollam jew fejn jinżammu għasafar tat-trobbija oħra.

(4)

Fil-każ ta’ tifqigħa tal-HPAI, hemm riskju li l-aġent tal-marda jinfirex f’azjendi oħra fejn jinżamm il-pollam jew fejn jinżammu għasafar tat-trobbija oħra.

(5)

Id-Direttiva tal-Kunsill 2005/94/KE (3) tistabbilixxi ċerti miżuri preventivi relatati mas-sorveljanza u mad-detezzjoni bikrija tal-influwenza avjarja u miżuri minimi ta’ kontroll li jridu jiġu applikati fil-każ ta’ tifqigħa ta’ dik il-marda fil-pollam jew f’għasafar tat-trobbija oħra. Dik id-Direttiva tipprevedi l-istabbiliment ta’ żoni ta’ protezzjoni u ta’ sorveljanza fil-każ ta’ tifqigħa tal-HPAI. Din ir-reġjonalizzazzjoni tiġi applikata b’mod partikolari biex jiġi ppreservat l-istatus tas-saħħa tal-għasafar fil-kumplament tat-territorju tal-Istat Membru permezz tal-prevenzjoni tal-introduzzjoni tal-aġent patoġeniku u l-iżgurar tad-detezzjoni bikrija tal-marda.

(6)

Riċentement, il-Ġermanja kkonfermat il-preżenza tal-virus tal-HPAI tas-sottotip H5N8 fl-għasafar selvaġġi migratorji u mhux migratorji fit-territorju tagħhom.

(7)

Barra minn hekk, riċentement il-Ġermanja għarrfet lill-Kummissjoni dwar tifqigħa tal-HPAI tas-sottotip H5N8 fit-territorju tiegħu, f’azjenda fejn jinżamm il-pollam jew fejn jinżammu għasafar tat-trobbija oħra fid-distrett ta’ Nordfriesland, u minnufih ħa l-miżuri meħtieġa skont id-Direttiva 2005/94/KE, inkluż l-istabbiliment ta’ żoni ta’ protezzjoni u ta’ sorveljanza.

(8)

Il-Kummissjoni eżaminat dawk il-miżuri b’kollaborazzjoni mal-Ġermanja, u ħarġet sodisfatta li l-fruntieri ta’ dawk iż-żoni ta’ protezzjoni u ta’ sorveljanza stabbiliti mill-awtorità kompetenti f’dak l-Istat Membru, jinsabu ’l bogħod biżżejjed mill-azjenda fejn ġiet ikkonfermata t-tifqigħa.

(9)

Għall-prevenzjoni ta’ kull tfixkil bla bżonn għall-kummerċ fl-Unjoni u għall-evitar ta’ ostaki mhux ġustifikati għall-kummerċ imposti minn pajjiżi terzi, jeħtieġ jiġu deskritti malajr iż-żoni ta’ protezzjoni u ta’ sorveljanza stabbiliti fir-rigward tal-HPAI fil-Ġermanja fil-livell tal-Unjoni.

(10)

Għaldaqstant, sakemm jerġa' jitlaqqa’ l-Kumitat Permanenti dwar il-Pjanti, l-Annimali, l-Ikel u l-Għalf, iż-żoni ta’ protezzjoni u ta’ sorveljanza fil-Ġermanja, fejn qed jiġu applikati l-miżuri ta’ kontroll għas-saħħa tal-annimali stipulati fid-Direttiva 2005/94/KE, jenħtieġ jiġu definiti fl-Anness ta’ din id-Deċiżjoni u jenħtieġ jiġi ffissat it-tul taż-żmien ta’ dik ir-reġjonalizzazzjoni.

(11)

Din id-Deċiżjoni se tiġi rieżaminata fil-laqgħa li jmiss tal-Kumitat Permanenti dwar il-Pjanti, l-Annimali, l-Ikel u l-Għalf,