ISSN 1977-074X |
||
Il-Ġurnal Uffiċjali tal-Unjoni Ewropea |
L 321 |
|
![]() |
||
Edizzjoni bil-Malti |
Leġiżlazzjoni |
Volum 63 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
||
|
* |
||
|
|
DEĊIŻJONIJIET |
|
|
* |
Deċiżjoni ta’ Implimentazzjoni tal-Kummissjoni (UE) 2020/1391 tat-2 ta’ Ottubru 2020 dwar ċerti miżuri protettivi marbuta mad-deni Afrikan tal-ħnieżer fil-Ġermanja (notifikata bid-dokument C(2020) 6889) ( 1 ) |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
5.10.2020 |
MT |
Il-Ġurnal Uffiċjali tal-Unjoni Ewropea |
L 321/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1389
tat-28 ta’ Settembru 2020
li jdaħħal denominazzjoni fir-reġistru ta’ denominazzjonijiet ta’ oriġini protetti u indikazzjonijiet ġeografiċi protetti (“Olio lucano” (IĠP))
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), u b’mod partikolari l-Artikolu 52(2) tiegħu,
Billi:
(1) |
Skont l-Artikolu 50(2)(a), tar-Regolament (UE) Nru 1151/2012, l-applikazzjoni tal-Italja biex l-isem “Olio lucano” jiddaħħal fir-reġistru tad-denominazzjonijiet, ġiet ippubblikata f’Il-Ġurnal Uffiċjali tal-Unjoni Ewropea (2). |
(2) |
Il-Kummissjoni ma rċeviet l-ebda dikjarazzjoni ta’ oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li l-isem “Olio lucano” jiġi rreġistrat, |
ADOTTAT DAN IR-REGOLAMENT:
Artikolu 1
Id-denominazzjoni “Olio lucano” (IĠP) permezz ta’ dan qed tiddaħħal fir-reġistru.
L-isem imsemmi fl-ewwel subparagrafu jidentifika prodott tal-klassi 1.5. Żjut u xaħmijiet (butir, marġerina, żejt, eċċ.) tal-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Settembru 2020.
Għall-Kummissjoni
F’isem il-President,
Janusz WOJCIECHOWSKI
Membru tal-Kummissjoni
(1) ĠU L 343, 14.12.2012, p. 1.
(2) ĠU C 172, 20.5.2020, p. 22.
(3) Ir-Regolament ta’ Implimentazzjoni tal-Kummissjoni (UE) Nru 668/2014 tat-13 ta’ Ġunju 2014 li jistabbilixxi regoli għall-applikazzjoni tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel (ĠU L 179, 19.6.2014, p. 36).
5.10.2020 |
MT |
Il-Ġurnal Uffiċjali tal-Unjoni Ewropea |
L 321/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1390
tat-28 ta’ Settembru 2020
li jemenda r-Regolament ta’ Implimentazzjoni (UE) 2020/914 li japprova emenda mhux minuri fl-Ispeċifikazzjoni tal-Prodott ta’ isem elenkat fir-reġistru tad-Denominazzjonijiet tal-Oriġini Protetti u tal-Indikazzjonijiet Ġeografiċi Protetti (“Brie de Meaux” (DOP))
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), u b’mod partikolari l-Artikolu 52(2) tiegħu,
Billi:
(1) |
Skont l-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni ta’ Franza għall-approvazzjoni ta’ emenda fl-Ispeċifikazzjoni tal-Prodott tad-Denominazzjoni ta’ Oriġini Protetta “Brie de Meaux”, irreġistrata skont ir-Regolament tal-Kummissjoni (KE) Nru 1107/96 (2). |
(2) |
Permezz tal-ittra tas-26 ta’ Settembru 2018, l-awtoritajiet Franċiżi informaw lill-Kummissjoni li kien ingħata perjodu tranżitorju skont l-Artikolu 15(4) tar-Regolament (UE) Nru 1151/2012, sal-31 ta’ Diċembru 2022, lil operaturi stabbiliti fit-territorju tagħhom li jissodisfaw il-kundizzjonijiet tal-Artikolu msemmi f’konformità mad-digriet tad-29 ta’ Awwissu 2018 dwar l-emenda tal-Ispeċifikazzjoni tal-Prodott tad-Denominazzjoni ta’ Oriġini Protetta “Brie de Meaux” ippubblikat fil-5 ta’ Settembru 2018 fil-Journal Officiel de la République française. |
(3) |
Fil-fatt, matul il-proċedura nazzjonali ta’ oppożizzjoni, dawn l-operaturi li kienu kkummerċjalizzaw legalment il-“Brie de Meaux” b’mod kontinwu għal mill-inqas ħames snin qabel is-sottomissjoni tal-applikazzjoni, kienu ressqu oppożizzjonijiet. Operatur wieħed ressaq oppożizzjoni dwar id-dispożizzjoni li ġejja: “It-tiben jinħażen fil-kenn”. Żewġ operaturi ressqu oppożizzjoni dwar id-dispożizzjoni li ġejja: “Waqt il-perjodu taż-żamma fl-imnadar b’mifrex sħiħ, għandhom jintużaw sodod tat-tiben li jkollhom tal-inqas 0,5 kg ta’ tiben miżjud bħala medja kuljum għal kull baqra tal-ħalib li qed taħleb jekk tintuża sistema ta’ sodod u 5 kg ta’ tiben miżjud bħala medja kuljum għal kull baqra tal-ħalib li qed taħleb jekk jintużaw l-imnadar miftuħa”. Żewġ operaturi ressqu oppożizzjoni dwar id-dispożizzjonijiet li ġejjin: “Waqt il-perjodu taż-żamma fl-imnadar b’mifrex sħiħ, għandhom jintużaw sodod tat-tiben li jkollhom tal-inqas 0,5 kg ta’ tiben miżjud bħala medja kuljum għal kull baqra tal-ħalib li qed taħleb jekk tintuża sistema ta’ sodod u 5 kg ta’ tiben miżjud bħala medja kuljum għal kull baqra tal-ħalib li qed taħleb jekk jintużaw l-imnadar miftuħa”, “Il-konsum annwali ta’ għalf ikkonċentrat ma jistax jaqbeż l-2 000 kg ta’ materja niexfa bħala medja għal kull baqra tal-ħalib li qed taħleb.”, u “Fuq perjodu ta’ sena, l-għalf li jingħalef lill-merħla tal-baqar tal-ħalib jrid jiġi pprovdut mill-azjenda agrikola u miż-żona ġeografika kif ġej: Mill-azjenda agrikola: Is-sehem medju annwali tal-għalf li joriġina miż-żona ġeografika u li ġej mill-azjenda agrikola għandu jammonta għal mill-inqas 60 % tal-materja niexfa tar-razzjon totali tal-merħla. Miż-żona ġeografika: Is-sehem tal-għalf li joriġina miż-żona ġeografika tal-produzzjoni għandu jammonta għal mill-inqas 85 % tal-materja niexfa tar-razzjon totali tal-merħla tal-ħalib.”. Seba’ operaturi ressqu oppożizzjoni dwar id-dispożizzjonijiet li ġejjin: “Il-konsum annwali ta’ għalf ikkonċentrat ma jistax jaqbeż l-2 000 kg ta’ materja niexfa bħala medja għal kull baqra tal-ħalib li qed taħleb.” u “Fuq perjodu ta’ sena, l-għalf li jingħalef lill-merħla tal-baqar tal-ħalib irid jiġi pprovdut mill-azjenda agrikola u miż-żona ġeografika kif ġej: Mill-azjenda agrikola: Is-sehem medju annwali tal-għalf li joriġina miż-żona ġeografika u li ġej mill-azjenda agrikola għandu jammonta għal mill-inqas 60 % tal-materja niexfa tar-razzjon totali tal-merħla. Miż-żona ġeografika: Is-sehem tal-għalf li joriġina miż-żona ġeografika tal-produzzjoni għandu jammonta għal mill-inqas 85 % tal-materja niexfa tar-razzjon totali tal-merħla tal-ħalib.”. Operatur wieħed ressaq oppożizzjoni dwar id-dispożizzjoni li ġejja: “Il-konsum annwali ta’ għalf ikkonċentrat ma jistax jaqbeż l-2 000 kg ta’ materja niexfa bħala medja għal kull baqra tal-ħalib li qed taħleb.”. Operatur wieħed ressaq oppożizzjoni dwar id-dispożizzjoni li ġejja: “It-tiben jinħażen fil-kenn” u “L-erja għal kull baqra tal-ħalib li tirgħa għandha tkun ta’ mill-inqas 20 ares għal kull baqra”. Operatur wieħed ressaq oppożizzjoni dwar id-dispożizzjoni li ġejja: “L-erja għal kull baqra tal-ħalib li tirgħa għandha tkun ta’ mill-inqas 20 ares għal kull baqra”. |
(4) |
L-operaturi kkonċernati huma: GAEC de la Gironde (SIRET: 34028683000013); GAEC Reine Pré (SIRET: 39266778800013); EARL de la Mardelle (SIRET: 38514961200017); GAEC Vaucher (SIRET: 38159700400013); GAEC Bruggeman (SIRET: 383 943 610 000 14); EARL les Bordes (SIRET: 34236864400015); SCL du Versant Laiteux (SIRET: 49225855300014); GAEC des Butteaux (SIRET: 38773948500010); GAEC Blondeau Welvaert (SIRET: 32576392800018); EARL de la Prairie (SIRET: 49773714800013); GAEC Patoux (SIRET: 38008216400019); EARL Neret Guedrat (SIRET: 38249036500014); Gérard Houdard (SIRET: 39226686200011); EARL Mignon père et fils (SIRET: 49778394400018); EARL de la fontaine aux poissons (SIRET: 33522117200018). |
(5) |
Billi l-emenda kkonċernata mhijiex minuri skont it-tifsira tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba għal emenda, skont l-Artikolu 50(2)(a) tar-Regolament imsemmi, f’Il-Ġurnal Uffiċjali tal-Unjoni Ewropea (3). |
(6) |
Billi l-Kummissjoni ma rċeviet ebda dikjarazzjoni ta’ oppożizzjoni f’konformità mal-Artikolu 51 tar-Regolament (UE) Nru 1151/2012, jenħtieġ li l-emenda fl-Ispeċifikazzjoni tal-Prodott tiġi approvata. |
(7) |
Fil-25 ta’ Ġunju 2020, il-Kummissjoni approvat l-emenda permezz tar-Regolament ta’ Implimentazzjoni (UE) 2020/914, ippubblikat f’Il-Ġurnal Uffiċjali tal-Unjoni Ewropea (4), skont l-Artikolu 52(2) tar-Regolament (UE) Nru 1151/2012. |
(8) |
Wara din il-pubblikazzjoni, instab li l-perjodu tranżitorju skont l-Artikolu 15(4) tar-Regolament (UE) Nru 1151/2012 kien tħalla barra fir-Regolament (UE) 2020/914. |
(9) |
Għalhekk huwa meħtieġ li r-Regolament (UE) 2020/914 jiġi emendat b’dan ir-Regolament sabiex jinkludi dak il-perjodu tranżitorju. |
ADOTTAT DAN IR-REGOLAMENT:
Artikolu 1
L-emenda fl-Ispeċifikazzjoni tal-prodott ippubblikata f’Il-Ġurnal Uffiċjali tal-Unjoni Ewropea fir-rigward tal-isem “Brie de Meaux” (DOP) hija b’dan approvata.
Artikolu 2
Il-protezzjoni mogħtija skont l-Artikolu 1 hija soġġetta għall-perjodu tranżitorju mogħti minn Franza skont l-Artikolu 15(4) tar-Regolament (UE) Nru 1151/2012 lill-operaturi li jissodisfaw il-kundizzjonijiet ta’ dak l-Artikolu, wara d-digriet tad-29 ta’ Awwissu 2018 dwar l-emenda tal-Ispeċifikazzjoni tal-Prodott tad-Denominazzjoni ta’ Oriġini Protetta “Brie de Meaux” ippubblikat fil-5 ta’ Settembru 2018 fil-Journal Officiel de la République française.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Settembru 2020.
Għall-Kummissjoni
F’isem il-President,
Janusz WOJCIECHOWSKI
Membru tal-Kummissjoni
(1) ĠU L 343, 14.12.2012, p. 1.
(2) Ir-Regolament tal-Kummissjoni (KE) Nru 1107/96 tat-12 ta’ Ġunju 1996 dwar ir-reġistrazzjoni ta’ Indikazzjonijiet Ġeografiċi u Denominazzjonijiet ta’ Oriġini taħt il-proċedura stabbilita fl-Artikolu 17 tar-Regolament tal-Kunsill (KEE) Nru 2081/92 (ĠU L 148, 21.6.1996, p. 1).
DEĊIŻJONIJIET
5.10.2020 |
MT |
Il-Ġurnal Uffiċjali tal-Unjoni Ewropea |
L 321/5 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2020/1391
tat-2 ta’ Ottubru 2020
dwar ċerti miżuri protettivi marbuta mad-deni Afrikan tal-ħnieżer fil-Ġermanja
(notifikata bid-dokument C(2020) 6889)
(It-test bil-Ġermaniż biss huwa awtentiku)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/662/KEE tal-11 ta’ Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b’mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar veterinarju applikabbli għall-kummerċ intra-Unjoni ta’ ċertu annimali ħajjin u prodotti bil-ħsieb tat-tlestija tas-suq intern (2), u b’mod partikolari l-Artikolu 10(4) tagħha,
Billi:
(1) |
Id-deni Afrikan tal-ħnieżer huwa marda virali infettiva li taffettwa l-popolazzjonijiet tal-ħnieżer domestiċi u selvaġġi u jista’ jkollha impatt serju fuq il-profittabbiltà tat-trobbija tal-ħnieżer u tisfratta l-kummerċ fl-Unjoni u l-esportazzjonijiet lejn il-pajjiżi terzi. |
(2) |
F’każ ta’ tifqigħa tad-deni Afrikan tal-ħnieżer fil-ħnieżer selvaġġi, hemm ir-riskju li l-aġent tal-marda jista’ jinxtered għal popolazzjonijiet oħra ta’ ħnieżer selvaġġi u għal azjendi agrikoli tal-ħnieżer. |
(3) |
Id-Direttiva tal-Kunsill 2002/60/KE (3) tistabbilixxi l-miżuri minimi li jridu jiġu applikati fl-Unjoni għall-kontroll tad-deni Afrikan tal-ħnieżer. B’mod partikolari, l-Artikolu 15 tad-Direttiva 2002/60/KE jipprevedi ċerti miżuri li jridu jittieħdu wara li jkun ġie kkonfermat każ wieħed jew aktar tad-deni Afrikan tal-ħnieżer fil-ħnieżer salvaġġi. |
(4) |
Il-Ġermanja għarrfet lill-Kummissjoni bis-sitwazzjoni attwali fir-rigward tad-deni Afrikan tal-ħnieżer fit-territorju tagħha, wara li feġġ każ ġdid ta’ din il-marda, fl-aħħar ta’ Settembru 2020, fl-istat ta’ Brandenburg ta’ dak l-Istat Membru federali, u f’konformità mal-Artikolu 15 tad-Direttiva 2002/60/KE, ħadet għadd ta’ miżuri li jinkludu l-istabbiliment taż-żona infettata, li fiha japplikaw il-miżuri msemmija fl-Artikolu 15 ta’ dik id-Direttiva, sabiex jiġi evitat it-tixrid ta’ dik il-marda. |
(5) |
Sabiex jiġi evitat kull tfixkil bla bżonn lill-kummerċ fi ħdan l-Unjoni u biex jiġu evitati ostakli mhux ġustifikati għall-kummerċ minn pajjiżi terzi, jenħtieġ li tiġi identifikata fil-livell tal-Unjoni ż-żona infettata għad-deni Afrikan tal-ħnieżer fil-Ġermanja, f’kollaborazzjoni ma’ dak l-Istat Membru. |
(6) |
Għaldaqstant, iż-żona infettata fil-Ġermanja jenħtieġ li tiġi elenkata fl-Anness ta’ din id-Deċiżjoni u jenħtieġ li jiġi stabbilit it-tul ta’ żmien ta’ dik ir-reġjonalizzazzjoni. |
(7) |
Iż-żona infettata koperta minn din id-Deċiżjoni tiżdied maż-żona infettata koperta mid-Deċiżjoni ta’ Implimentazzjoni tal-Kummissjoni (UE) 2020/1270 (4). |
(8) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Il-Ġermanja għandha tiżgura li ż-żona infettata stabbilita minn dak l-Istat Membru, fejn japplikaw il-miżuri previsti fl-Artikolu 15 tad-Direttiva 2002/60/KE, tinkludi mill-inqas iż-żoni elenkati fl-Anness ta’ din id-Deċiżjoni.
Artikolu 2
Din id-Deċiżjoni għandha tapplika sat-30 ta’ Novembru 2020.
Artikolu 3
Din id-Deċiżjoni hija indirizzata lir-Repubblika Federali tal-Ġermanja.
Magħmul fi Brussell, it-2 ta’ Ottubru 2020.
Għall-Kummissjoni
Stella KYRIAKIDES
Membru tal-Kummissjoni
(1) ĠU L 395, 30.12.1989, p. 13.
(2) ĠU L 224, 18.8.1990, p. 29.
(3) Id-Direttiva tal-Kunsill 2002/60/KE tas-27 ta’ Ġunju 2002 li tistabbilixxi miżuri għall-kontroll tad-deni Afrikan tal-qżieqeż u temenda id-Direttiva 92/119/KEE għar-rigward tal-marda Teschen u d-deni Afrikan tal-qżieqeż (ĠU L 192, 20.7.2002, p. 27).
(4) Id-Deċiżjoni ta’ Implimentazzjoni tal-Kummissjoni (UE) 2020/1270 tal-11 ta’ Settembru 2020 dwar ċerti miżuri protettivi interim marbuta mad-deni Afrikan tal-ħnieżer fil-Ġermanja (ĠU L 297 I, 11.9.2020, p. 1).
ANNESS
Iż-żoni stabbiliti bħala ż-żona infettata fil-Ġermanja kif imsemmi fl-Artikolu 1 |
Id-data sa meta dan huwa applikabbli |
||||||||||||||||||||||||||||||||||||||||
Landkreis Oder-Spree
|
it-30 ta’ Novembru 2020 |
||||||||||||||||||||||||||||||||||||||||
Landkreis Märkisch-Oderland
|
it-30 ta’ Novembru 2020 |
||||||||||||||||||||||||||||||||||||||||
Kreisfreie Stadt Frankfurt (Oder) |
it-30 ta’ Novembru 2020 |