(1)

Skont l-Artikolu 50(2)(a), tar-Regolament (UE) Nru 1151/2012, l-applikazzjoni tal-Kroazja għar-reġistrazzjoni tal-isem “Brački varenik” ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Il-Kummissjoni ma rċeviet l-ebda dikjarazzjoni ta’ oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li d-denominazzjoni “Brački varenik” tiġi rreġistrata,

(1)

Ir-Regolament (UE) 2017/625 jistabbilixxi regoli, fost l-oħrajn, għat-twettiq ta’ kontrolli uffiċjali u ta’ attivitajiet uffiċjali oħra mill-awtoritajiet kompetenti tal-Istati Membri. Jagħti wkoll is-setgħa lill-Kummissjoni li tadotta, permezz ta’ att ta’ implimentazzjoni, il-miżuri temporanji xierqa meħtieġa biex jiġu limitati r-riskji għas-saħħa tal-bniedem, tal-annimali u tal-pjanti u għat-trattament xieraq tal-annimali, jekk ikollha evidenza ta’ tfixkil serju fis-sistema ta’ kontroll ta’ Stat Membru.

(2)

Sabiex jiġu indirizzati ċ-ċirkostanzi speċifiċi marbutin mal-kriżi li għaddejja relatata mal-marda tal-coronavirus (COVID-19), ir-Regolament ta’ Implimentazzjoni tal-Kummissjoni (UE) 2020/466 (2) jippermetti lill-Istati Membri japplikaw miżuri temporanji fir-rigward tal-kontrolli uffiċjali u ta’ attivitajiet uffiċjali oħra.

(3)

L-Istati Membri informaw lill-Kummissjoni li fid-dawl tal-kriżi marbuta mal-COVID-19, ċertu tfixkil serju fil-funzjonament tas-sistemi ta’ kontroll tagħhom, diffikultajiet biex jitwettqu l-kontrolli uffiċjali u attivitajiet uffiċjali oħra fuq iċ-ċertifikati uffiċjali u l-attestazzjonijiet uffiċjali fir-rigward tal-movimenti tal-annimali u l-oġġetti lejn l-Unjoni u fi ħdan l-Unjoni u diffikultajiet biex jiġu organizzati laqgħat fiżiċi mal-operaturi u l-persunal tagħhom fil-kuntest tal-kontrolli uffiċjali, se jippersistu wara l-1 ta’ Ottubru 2020. Biex jiġi indirizzat dan it-tfixkil serju, li x’aktarx jippersisti fix-xhur li ġejjin, u biex jiġu ffaċilitati l-ippjanar u t-twettiq tal-kontrolli uffiċjali u ta’ attivitajiet uffiċjali oħra matul il-kriżi marbuta mal-COVID-19, il-perjodu ta’ applikazzjoni tar-Regolament ta’ Implimentazzjoni (UE) 2020/466 jenħtieġ li jiġi estiż sal-1 ta’ Frar 2021.

(4)

Għalhekk, jenħtieġ li r-Regolament ta’ Implimentazzjoni (UE) 2020/466 jiġi emendat skont dan.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fis-7 ta’ Awwissu 2020, il-Belġju talab assistenza finanzjarja mill-Unjoni bil-ħsieb li jikkomplementa l-isforzi nazzjonali tiegħu biex jindirizza l-impatt tat-tifqigħa tal-COVID-19 u jirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Belġju biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, il-Belġju kien mistenni li jkollu defiċit u dejn tal-amministrazzjoni pubblika ta’ 8,9 % u 113,8 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Belġju huwa previst li jonqos bi 8,8 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Belġju. Dan wassal għal żieda għal għarrieda u qawwija fin-nefqa pubblika mill-Belġju fir-rigward tal-iskema tal-qgħad temporanju (“chômage temporaire/tijdelijke werkloosheid”), l-introjtu ta’ sostituzzjoni b’rabta mal-COVID-19 għal dawk li jaħdmu għal rashom (“id-dritt ta’ tranżizzjoni b’rabta mal-COVID-19”), il-liv tal-ġenituri b’rabta mal-COVID-19, u għadd ta’ skemi reġjonali u kommunitarji ta’ appoġġ għall-introjtu, u b’sostenn tal-miżuri tas-saħħa pubblika, kif stipulati fil-premessi minn (4) sa (8).

(4)

L-“Arrêté royal du 30 mars 2020/Koninklijk besluit van 30 maart 2020” (2), imsemmi fit-talba tal-Belġju tas-7 ta’ Awwissu 2020, adatta l-iskema ta’ qgħad temporanju (“chômage temporaire/tijdelijke werkloosheid”) għall-COVID-19, li tipprovdi kumpens għall-impjegati li x-xogħol tagħhom naqas jew ġie sospiż minħabba tnaqqis fl-ammont ta’ xogħol jew il-miżuri ta’ tbegħid soċjali imposti mill-Gvern. Dik l-iskema tal-qgħad temporanju kienet teżisti qabel il-pandemija tal-COVID-19, imma r-rekwiżiti biex tiġi aċċessata l-iskema ġew adattati għall-COVID-19 u l-proċedura tal-applikazzjoni kompliet tiġi ffaċilitata. Barra minn hekk, il-benefiċċju għall-qgħad temporanju żdied minn 65 % għal 70 % tal-paga medja ta’ kuljum (limitu massimu ta’ EUR 2 754,76 grossi fix-xahar). Barra minn hekk ġie introdott primjum ta’ kuljum ta’ EUR 5,36.

(5)

Il-“Loi du 23 mars 2020/Wet van 23 maart 2020” (3), imsemmija fit-talba tal-Belġju tas-7 ta’ Awwissu 2020, estendiet l-introjtu ta’ sostituzzjoni eżistenti għal dawk li jaħdmu għal rashom, “dritt ta’ tranżizzjoni” (“droit passerelle/overbruggingsrecht”), bl-introduzzjoni ta’ “dritt ta’ tranżizzjoni b’rabta mal-COVID-19”. Dak huwa benefiċċju li jingħata meta l-miżuri ta’ tbegħid soċjali imposti mill-Gvern wasslu għal interruzzjoni totali jew parzjali tal-attivitajiet ta’ dawk li jaħdmu għal rashom jew għal interruzzjoni volontarja ta’ mill-inqas sebat ijiem kalendarji konsekuttivi f’xahar. Minn Ġunju 2020 ’l hemm, dan il-benefiċċju kien maħsub għal persuni li jaħdmu għal rashom li reġgħu bdew bl-attività tagħhom imma xorta għandhom tnaqqis fil-fatturat meta mqabbel mal-2019. Dawk li jaħdmu għal rashom li għadhom ma jistgħux jerġgħu jibdew l-attività tagħhom xorta jistgħu jibbenefikaw mill-benefiċċju imma jridu jagħtu prova li dan huwa dovut għal restrizzjonijiet tal-COVID-19.

(6)

L-“Arrêté royal n° 23 du 13 mai 2020/Koninklijk besluit nr. 23 van 13 mei 2020” (4), imsemmi fit-talba tal-Belġju tas-7 ta’ Awwissu 2020, introduċa l-liv tal-ġenituri b’rabta mal-COVID-19, li huwa liv speċjali tal-ġenituri li ma jaffettwax id-dritt għal-liv regolari tal-ġenituri u jippermetti lill-ġenituri biex jieħdu liv biex jipprovdu kura addizzjonali għat-tfal tagħhom bejn Mejju u Settembru 2020, b’benefiċċju ogħla minn dik taħt il-liv regolari tal-ġenituri.

Il-liv tal-ġenituri b’rabta mal-COVID-19 jista’ jitqies li huwa miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, billi jipprovdi appoġġ għall-introjtu lill-impjegati u jippreserva l-impjiegi, billi jiġi evitat li l-ġenituri li jkollhom jieħdu ħsieb it-tfal tagħhom waqt li l-iskejjel ikunu magħluqa jkollhom jitterminaw ir-relazzjoni tax-xogħol tagħhom.

(7)

Abbażi tal-atti legali li ġejjin, imsemmjin fit-talba tal-Belġju tas-7 ta’ Awwissu 2020: “Arrêté du Gouvernement de la Région de Bruxelles-Capitale de pouvoirs spéciaux n° 2020/019 du 23 avril 2020/Bijzondere machtenbesluit van de Brusselse Hoofdstedelijke Regering nr. 2020/019 van 23 April 2020” (5); “Arrêté du Gouvernement de la Région de Bruxelles-Capitale de pouvoirs spéciaux n° 2020/030 du 28 mai 2020/Bijzondere machtenbesluit nr. 2020/030 van de Brusselse Hoofdstedelijke Regering van 28 mei 2020” (6);

“Notification de la réunion du conseil des ministres du gouvernement de la région de Bruxelles-Capitale du jeudi 14 mai 2020/Betekening van de vergadering van de Ministerraad van de Brusselse Hoofdstedelijke Regering van donderdag 14 mei 2020” (7); “Besluit van de Vlaamse Regering van 20 maart 2020” (8), “Besluit van de Vlaamse Regering van 10 April 2020” (9), “Besluit van de Vlaamse Regering van 12 juni 2020” (10);

“ Arrêté du Gouvernement de la Communauté française de pouvoirs spéciaux n° 4 du 23 avril 2020” (11); “Arrêté du Gouvernement de la Communauté française du 7 avril 2020” (12); “Arrêté ministériel du 8 avril 2020 portant exécution de l’arrêté du Gouvernement wallon du 20 mars 2020” (13); “ Arrêté du Gouvernement wallon du 19 juin 2020” (14); “Parlament der Deutschsprachigen Gemeinschaft, Corona-Krisendekret I vom 6. April 2020”;u “Parlament der Deutschsprachigen Gemeinschaft, Corona-Krisendekret III vom 20. Juli 2020”„ l-awtoritajiet Belġjani introduċew għadd ta’ skemi reġjonali u kommunitarji li jipprovdu appoġġ għall-introjtu lil dawk li jaħdmu għal rashom, kumpaniji b’membru wieħed u tipi oħra ta’ impjegati li ma jikkwalifikawx għal tipi oħra ta’ appoġġ għall-introjtu. B’mod partikolari, il-primjums ta’ kumpens għall-kumpaniji u għall-imprendituri fir-Reġjun ta’ Brussell-Kapitali, il-primjums ta’ inkonvenjent, kumpens u appoġġ fir-Reġjun Fjamming u l-Komunità Fjamminga, u l-primjum ta’ kumpens għall-għeluq tan-negozju fir-Reġjun ta’ Walloon jipprovdu appoġġ ġeneralizzat ta’ darba għall-kumpaniji u għal dawk li jaħdmu għal rashom li kellhom bżonn iwaqqfu l-attivitajiet tagħhom minħabba COVID-19 jew li kellhom iħabbtu wiċċhom ma’ tnaqqis sostanzjali fil-fatturat.

Fejn il-miżuri jimmiraw lejn firxa usa’ ta’ benefiċjarji, ġew mitluba biss l-ammonti għan-nefqa relatata mal-appoġġ għal dawk li jaħdmu għal rashom u għall-kumpaniji b’membru wieħed. Miżuri oħra, (il-primjum ta’ kumpens għall-ħaddiema intermittenti fir-Reġjun ta’ Brussell Kapitali, is-sovvenzjoni tan-nurseries u tal-operaturi kulturali fil-Komunità Franċiża tal-Belġju, l-attivitajiet ta’ taħriġ fir-Reġjun ta’ Walloon, u s-sovvenzjoni tal-operaturi kulturali u ta’ dawk li jaħdmu għal rashom u s-sovvenzjoni tal-operaturi turistiċi fil-Komunità li titkellem bil-Ġermaniż) jindirizzaw lil dawk li jaħdmu għal rashom u lill-ħaddiema mingħajr aċċess għall-iskema ta’ qgħad temporanju f’setturi speċifiċi (is-settur kulturali u tal-indukrar, l-attivitajiet ta’ taħriġ). Billi s-sovvenzjoni għall-operaturi kulturali u għal dawk li jaħdmu għal rashom fil-Komunità li titkellem bil-Ġermaniż tipprovdi self li jista’ jiġi kkonvertit f’għotjiet, sabiex jiġi ssodisfat ir-rekwiżit li din tkun nefqa pubblika, jenħtieġ li fil-qafas tar-Regolament (UE) 2020/672 tiġi appoġġata biss in-nefqa relatata ma’ self li jiġi kkonvertit f’għotjiet.

(8)

Finalment, il-“Parlament der Deutschsprachigen Gemeinschaft, Corona-Krisendekret III vom 6. April 2020”, imsemmija fit-talba tal-Belġju tas-7 ta’ Awwissu 2020, introduċied miżuri relatati mas-saħħa fil-Komunità li titkellem bil-Ġermaniż, li jinkludu t-taħriġ tal-iġjene, il-provvediment ta’ materjal protettiv għaċ-ċentri residenzjali u tal-kura, għall-isptarijiet u l-provdituri tas-servizzi mediċi, u kampanji ta’ informazzjoni.

(9)

Il-Belġju jissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Belġju pprovda lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 7 803 380 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li hija relatata ma’ miżuri ġodda u estensjoni tal-miżuri eżistenti li jkopru proporzjon sinifikanti tal-impriżi u tal-forza tax-xogħol fil-Belġju.

(10)

Il-Kummissjoni kkonsultat lill-Belġju u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(11)

Għalhekk jenħtieġ li tingħata assistenza finanzjarja bil-għan li l-Belġju jiġi megħjun jindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(12)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li l-Belġju jinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Belġju implimenta dik in-nefqa.

(14)

Id-deċiżjoni li tingħata assistenza finanzjarja ttieħdet b’kunsiderazzjonital-ħtiġijiet eżistenti u dawk mistennija tal-Belġju, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, il-Bulgarija talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Bulgarija biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, il-Bulgarija kienet mistennija li jkollha defiċit u dejn tal-amministrazzjoni pubblika ta’ 2,8 % u 25,5 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Bulgarija huwa previst li jonqos b’7,1 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Bulgarija. Dan wassal għal żieda għal għarrieda u qawwija fin-nefqa pubblika fil-Bulgarija fir-rigward ta’ żewġ miżuri ta’ sussidju tal-pagi, kif stabbiliti fil-premessi (4) u (5).

(4)

Speċifikament, “id-Digriet Nru 55 tat-30 ta’ Marzu 2020 tal-Kunsill tal-Ministri” (2), imsemmi fit-talba tal-Bulgarija tas-7 ta’ Awwissu 2020, introduċa miżura li tipprovdi sussidji tal-pagi lill-impriżi li, minħabba t-tifqigħa tal-COVID-19, naqqsu jew waqqfu, volontarjament jew bil-liġi, l-attività tagħhom. Huwa meħtieġ li waqt il-parteċipazzjoni fil-miżura u għal perijodu ekwivalenti wara li tispiċċa l-impjieg tal-impjegati jiġi ppreservat. Is-sussidju tal-pagi ta’ kull xahar lill-impriżi eliġibbli jammonta għal 60 % tas-salarju gross ta’ kull xahar (inkluż il-kontribuzzjonijiet tas-sigurtà soċjali tal-impjegatur) tal-impjegati li jkunu qed jibbenefikaw.

(5)

Barra minn hekk, “id-Digriet Nru 151 tat-3 ta’ Lulju 2020 tal-Kunsill tal-Ministri” (3), imsemmi fit-talba tal-Bulgarija tas-7 ta’ Awwissu 2020, introduċa miżura li tipprovdi sussidji tal-pagi lill-impriżi li, minħabba t-tifqigħa tal-COVID-19, sofrew tnaqqis fid-dħul ta’ mill-inqas 20 %. Huwa meħtieġ li waqt il-parteċipazzjoni fil-miżura u għal perijodu ekwivalenti wara li tispiċċa l-impjieg tal-impjegati jiġi ppreservat. Is-sussidju tal-pagi ta’ kull xahar lill-impriżi eliġibbli jammonta għal 60 % tas-salarju gross ta’ kull xahar (inkluż il-kontribuzzjonijiet tas-sigurtà soċjali tal-impjegatur) tal-impjegati li jkunu qed jibbenefikaw.

(6)

Il-Bulgarija tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Bulgarija pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 511 000 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li l-miżuri ġodda jkopru jew huma maħsuba li jkopru proporzjon sinifikanti tal-impriżi u tal-forza tax-xogħol fil-Bulgarija.

(7)

Il-Kummissjoni kkonsultat lill-Bulgarija u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(8)

Għalhekk jenħtieġ li tingħata assistenza finanzjarja bil-għan li l-Bulgarija tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(9)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(10)

Jenħtieġ li l-Bulgarija tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Bulgarija implimentat dik in-nefqa.

(11)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u mistennija tal-Bulgarija, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-6 ta’ Awwissu 2020, Ċipru talab assistenza finanzjarja mill-Unjoni bil-ħsieb li jikkomplementa l-isforzi nazzjonali tiegħu biex jindirizza l-impatt tat-tifqigħa tal-COVID-19 u jirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati minn Ċipru biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, Ċipru kien mistenni li jkollu defiċit u dejn tal-amministrazzjoni pubblika ta’ 7 % u 115,7 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG ta’ Ċipru huwa previst li jonqos b’7,7 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol f’Ċipru. Dan wassal għal żieda għal għarrieda u qawwija fin-nefqa pubblika minn Ċipru fir-rigward tal-iskema ta’ liv speċjali għall-ġenituri, l-iskemi li jappoġġaw lill-kumpaniji għas-sospensjoni parzjali u totali tal-operazzjonijiet tagħhom, l-iskema speċjali għal dawk li jaħdmu għal rashom, l-iskema speċjali għal-lukandi u l-akkomodazzjoni turistika, l-iskema speċjali li tappoġġa negozji relatati mal-industrija tat-turiżmu jew milquta mit-turiżmu jew assoċjati ma’ negozji soġġetti għal sospensjoni totali obbligatorja, l-iskema speċjali li tappoġġa negozji li jwettqu attivitajiet predefiniti speċjali, u l-iskema ta’ sussidjar ta’ intrapriżi żgħar u żgħar ħafna u għal dawk li jaħdmu għal rashom, u b’sostenn ta’ miżuri tas-saħħa pubblika, rigward l-iskema tal-benefiċċju tal-mard kif stabbiliti fil-premessi minn (4) sa (12).

(4)

Il-“Liġi 27(I)/2020”, imsemmija fit-talba ta’ Ċipru tas-6 ta’ Awwissu 2020, kienet il-bażi għall-introduzzjoni ta’ għadd ta’ Atti Amministrattivi Regolatorji, li jiddeskrivu l-miżuri li jindirizzaw l-impatt tat-tifqigħa tal-COVID-19. Abbażi tal-Liġi 27(I)/2020, l-awtoritajiet introduċew l-iskema ta’ liv speċjali li tipprovdi kumpens ta’ pagi lil ġenituri li jaħdmu fis-settur privat u li għandhom tfal mhux akbar minn 15-il sena jew tfal b’diżabbiltà ta’ kwalunkwe età. Dik l-iskema ta’ liv speċjali tista’ titqies li hija miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, billi jipprovdi appoġġ għall-introjtu lill-impjegati u jippreserva l-impjiegi, billi jiġi evitat li l-ġenituri li jkollhom jieħdu ħsieb it-tfal tagħhom waqt li l-iskejjel ikunu magħluqa jkollhom jitterminaw ir-relazzjoni tax-xogħol tagħhom.

(5)

Barra minn hekk, l-awtoritajiet introduċew l-iskema li tappoġġa lill-kumpaniji li kellhom jissospendu kompletament l-operazzjonijiet, li tipprovdi kumpens ta’ pagi għal 90 % tal-impjegati tan-negozji li kellhom jissospendu l-operazzjonijiet tagħhom, bil-kundizzjoni taż-żamma tal-impjieg. Il-kumpens ikopri 60 % tas-salarju tal-impjegat jew 60 % tal-kontribuzzjonijiet tal-assigurazzjoni soċjali tal-impjegat maqlugħin fl-2018 (2019 għall-perijodu 7/2020-8/2020), skont liem ikun l-akbar ammont. Il-kumpens jinsab f’firxa ta’ bejn massimu ta’ EUR 1 214 u minimu ta’ EUR 360 fix-xahar.

(6)

L-iskema li tappoġġa l-kumpaniji għal sospensjoni parzjali ta’ operazzjonijiet tipprovdi kumpens ta’ pagi lill-impjegati ta’ negozji li qed jesperjenzaw tnaqqis ta’ mill-inqas 25 % fil-fatturat minħabba l-pandemija, bil-kundizzjoni taż-żamma tal-impjieg. Il-kumpens ikopri 60 % tas-salarju tal-impjegat jew 60 % tal-kontribuzzjonijiet tal-assigurazzjoni soċjali tal-impjegat maqlugħin fl-2018, skont liem ikun l-akbar ammont. Il-kumpens jinsab f’firxa ta’ bejn massimu ta’ EUR 1 214 u minimu ta’ EUR 360 fix-xahar.

(7)

L-“iskema speċjali għal dawk li jaħdmu għal rashom” tipprovdi kumpens għall-persuni li jaħdmu għal rashom u li ma jistgħu jwettqu l-ebda attività skont id-digriet tal-Ministeru tas-Saħħa jew deċiżjoni tal-Kunsill tal-Ministri.

(8)

L-“iskema speċjali għal-lukandi u għall-akkomodazzjoni turistika” tipprovdi kumpens ta’ pagi biex jiġu appoġġati l-impjegati fl-industrija tal-lukandi u negozji oħra li jipprovdu akkomodazzjoni turistika u li l-impjegatur tagħhom issospenda għalkollox l-operazzjonijiet jew esperjenza tnaqqis ta’ aktar minn 40 % fil-fatturat. Il-parteċipazzjoni fl-iskema hija bil-kundizzjoni li jinżammu l-impjiegi.

(9)

L-“iskema speċjali li tappoġġa negozji relatati mal-industrija tat-turiżmu jew li huma affettwati mit-turiżmu jew assoċjati ma’ negozji li huma soġġetti għal sospensjoni totali obbligatorja” tipprovdi kumpens ta’ pagi lill-impjegati fl-industrija tal-lukandi u f’negozji oħra li jipprovdu akkomodazzjoni turistika, u li ssospendew għalkollox l-operazzjonijiet jew esperjenzaw tnaqqis ta’ aktar minn 55 % fil-fatturat, bil-kundizzjoni li jinżammu l-impjiegi.

(10)

L-“iskema speċjali li tappoġġa negozji li jwettqu attivitajiet predefiniti speċjali” tipprovdi kumpens ta’ pagi lill-impjegati tan-negozji li qed jiffaċċjaw tnaqqis ta’ mill-inqas 55 % fil-fatturat tagħhom, bil-kundizzjoni li jinżammu l-impjiegi.

(11)

Barra minn hekk, il-“Baġit supplimentari — Qafas temporanju għall-miżuri ta’ għajnuna mill-Istat insostenn tal-ekonomija fit-tifqigħa attwali tal-COVID-19”, imsemmi fit-talba Ċiprijotta tas-6 ta’ Awwissu 2020, jintroduċi sussidji għal intrapriżi żgħar u żgħar ħafna u għal dawk li jaħdmu għal rashom u jimpjegaw sa 50 impjegat. Ġiet mitluba biss dik il-parti tan-nefqa relatata mal-appoġġ għal dawk li jaħdmu għal rashom u għall-kumpaniji b’membru wieħed. Dawn is-sussidji jipprovdu għotja ta’ somma sħiħa biex tappoġġa l-ispejjeż operatorji tan-negozji ż-żgħar u ta’ dawk li jaħdmu għal rashom. L-iskema ta’ sussidjar tista’ titqies li hija miżura simili għall-iskemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(12)

Finalment, l-“iskema ta’ benefiċċji tal-mard” tipprovdi kumpens ta’ pagi lill-impjegati fis-settur privat u lil dawk li jaħdmu għal rashom, bil-kundizzjoni li jew ikunu ġew ikklassifikati bħala persuni vulnerabbli skont lista ppubblikata mill-Ministeru tas-Saħħa, jew ikunu tqiegħdu f’kwarantina mill-Awtoritajiet, jew ikunu ġew infettati bil-COVID-19.

(13)

Ċipru jissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Ċipru pprovda evidenza xierqa lill-Kummissjoni li n-nefqa pubblika attwali u ppjanata żdiedet b’EUR 479 070 000 mill-1 ta’ Frar 2020 minħabba l-ammont miżjud relatat direttament mal-iskema ta’ liv speċjali għall-ġenituri, l-iskemi li jappoġġaw il-kumpaniji għas-sospensjoni parzjali u totali tal-operazzjonijiet tagħhom, l-iskema speċjali għal dawk li jaħdmu għal rashom, l-iskema speċjali għal-lukandi u l-akkomodazzjoni turistika, l-iskema speċjali li tappoġġa negozji relatati mal-industrija tat-turiżmu jew milquta mit-turiżmu jew assoċjati ma’ negozji li huma soġġetti għal sospensjoni totali obbligatorja, l-iskema speċjali li tappoġġa negozji li jwettqu attivitajiet predefiniti speċjali, u l-iskema ta’ sussidjar ta’ intrapriżi żgħar u żgħar ħafna u għal dawk li jaħdmu għal rashom. Dan jikkostitwixxi żieda għal għarrieda u qawwija minħabba li dawn il-miżuri ġodda jkopru proporzjon sinifikanti ta’ kumpaniji u tal-forza tax-xogħol f’Ċipru.

(14)

Il-Kummissjoni kkonsultat lil Ċipru u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19 imsemmija fit-talba tas-6 ta’ Awwissu 2020, skont l-Artikolu 6 tar-Regolament (UE) 2020/672.

(15)

Għalhekk jenħtieġ li tingħata assistenza finanzjarja bil-għan li Ċipru jiġi megħjun jindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(16)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(17)

Jenħtieġ li Ċipru jinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn Ċipru implimenta dik in-nefqa.

(18)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija ta’ Ċipru, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, ir-Repubblika Ċeka talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mir-Repubblika Ċeka biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, ir-Repubblika Ċeka kienet mistennija li jkollha defiċit u dejn tal-amministrazzjoni pubblika ta’ 6,7 % u 38,7 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tar-Repubblika Ċeka huwa previst li jonqos b’7,8 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fir-Repubblika Ċeka. Dan wassal għal żieda f’daqqa u severa fin-nefqa pubblika mir-Repubblika Ċeka fir-rigward ta’ skema ta’ xogħol għal żmien qasir magħrufa bħala l-Programm ‘Antivirus’ (mas-subprogrammi tiegħu, l-Alternattiva A u l-Alternattiva B) u miżuri simili mmirati lejn il-kostijiet tax-xogħol mhux marbuta mal-pagi (l-Alternattiva C tal-Programm ‘Antivirus’,) jew appoġġ għal dawk li jaħdmu għal rashom, kif stabbilit fil-premessi (4) sa (8).

(4)

B’mod aktar speċifiku, ir- ‘Riżoluzzjoni tal-Gvern Nru 353 tal-31 ta’ Marzu 2020’, kif emendata, li l-bażi legali tagħha hija l-Artikolu 120 tal-‘Liġi Nru 435/2004 Coll. dwar l-impjiegi’, kif emendat, imsemmija fit-talba tar-Repubblika Ċeka tas-7 ta’ Awwissu 2020, introduċiet l-Alternattivi A u B tal-Programm ‘Antivirus’. Dawk il-miżuri huma mfassla biex jikkumpensaw parzjalment il-kostijiet tal-pagi ta’ impjegaturi privati mġiegħla jissospendu jew inaqqsu b’mod sinifikanti l-attività ekonomika tagħhom bħala konsegwenza diretta tal-miżuri meħuda mill-awtoritajiet (Alternattiva A), jew indirettament minħabba effetti ekonomiċi negattivi tal-pandemija (Alternattiva B), pereżempju impjegati li ma jistgħux jaħdmu minħabba restrizzjonijiet fuq l-ivvjaġġar. Skont l-Alternattiva A, il-kontribuzzjoni mill-istat tingħata għal 80 % tal-pagi kumpensatorji mħallsa iżda mhux aktar minn CZK 39 000 għal kull impjegat kull xahar. Skont l-Alternattiva B, il-kontribuzzjoni tal-istat tammonta għal 60 % tal-pagi kumpensatorji mħallsa iżda mhux aktar minn CZK 29 000 għal kull impjegat kull xahar. Impjegati li jibbenefikaw mill-iskema ma jistgħux jitkeċċew matul il-parteċipazzjoni tal-impjegaturi fl-iskema. Il-miżuri kienu fis-seħħ bejn it-12 ta’ Marzu u l-31 ta’ Ottubru 2020 (2).

(5)

Barra minn hekk, l-awtoritajiet introduċew l-Alternattiva C tal-Programm ‘Antivirus’, abbażi tal-‘Liġi Nru 300/2020 Coll.’ u ‘Liġi Nru 187/2006 Coll.’ (3), imsemmija fit-talba tar-Repubblika Ċeka tas-7 ta’ Awwissu 2020. Dik tnaqqas il-kostijiet tax-xogħol mhux marbuta mal-pagi (pereżempju, il-kontribuzzjonijiet tas-sigurtà soċjali mħallsa mill-impjegaturi) ta’ kumpaniji żgħar (sa 50 impjegat) li jżommu l-impjieg u l-kont tal-pagi f’livell ta’ mill-inqas 90 % ta’ dak li kien fl-aħħar ta’ Marzu 2020 u f’Marzu 2020, rispettivament. 90 % biss tan-nefqa totali tal-miżura ġiet mitluba biex jiġi żgurat li l-għajnuna tkun imqabbla man-nefqa li żammet l-impjiegi. Il-bażi tal-kalkolu hija limitata għal 150 % tal-paga medja grossa fir-Repubblika Ċeka. L-appoġġ jista’ jingħata għall-perijodu kollu minn Ġunju sa Awwissu 2020 jew għal parti minnu.

(6)

Il-Programm ‘Pětvatítka’, kif introdott permezz tal-‘Liġi Nru 159/2020 Coll.’ (4), imsemmi fit-talba tar-Repubblika Ċeka tas-7 ta’ Awwissu 2020, jipprovdi lil dawk li jaħdmu għal rashom b’bonus kumpensatorju ta’ CZK 500 għal kull jum kalendarju tal-perijodu tal-bonus għal kull persuna lil dawk li huma mġiegħla jissospendu jew inaqqsu b’mod sinifikanti l-attività ekonomika tagħhom lil hinn mill-volatilità normali tan-negozju minħabba riskji għas-saħħa pubblika tal-COVID-19 jew miżuri ta’ kriżi meħuda mill-awtoritajiet pubbliċi. Il-programm huwa maqsum f’żewġ perijodi ta’ bonus: mit-12 ta’ Marzu sat-30 ta’ April 2020, u mill-1 ta’ Mejju sat-8 ta’ Ġunju 2020. Il-bonus kumpensatorju jikkonsisti fi dħul mitluf għall-Gvern, li għall-fini tal-implimentazzjoni tar-Regolament (UE) 2020/672 jista’ jitqies ekwivalenti għan-nefqa pubblika.

(7)

Fuq il-bażi tal-‘Liġi Nru 136/2020 Coll. (għas-sigurtà soċjali)’ u l- ‘Liġi Nru 134/2020 Coll. (għas-sigurtà tas-saħħa)’, imsemmija fit-talba tar-Repubblika Ċeka tas-7 ta’ Awwissu 2020, l-awtoritajiet introduċew rinunzja parzjali tal-kontribuzzjonijiet tas-sigurtà soċjali u tas-saħħa dovuti minn dawk li jaħdmu għal rashom li jkomplu fl-attività tagħhom matul l-għoti ta’ appoġġ. L-Istat jassumi li l-ħlas tal-kontribuzzjoni korrispondenti għandu jitħallas kull xahar minn Marzu sa Awwissu 2020. L-ammont rinunzjat ikun limitat għal livell stabbilit bil-liġi.

(8)

Fl-aħħar nett, abbażi ta’ ‘Riżoluzzjonijiet tal-Gvern Nru 262 tad-19 ta’ Marzu 2020, Nru 311 tas-26 ta’ Marzu, Nru 354 tal-31 ta’ Marzu, Nru 514 tal-4 ta’ Mejju u Nru 552 tat-18 ta’ Mejju’, L-Artikolu 14 tal-‘Liġi Nru 218/2000 Coll. dwar ir-regoli baġitarji’, kif emendati (għal dawk li jaħdmu għal rashom fil-produzzjoni primarja tal-agrikoltura u l-forestrija), l-Artikolu 3 punt (h) tal-‘Liġi Nru 47/2002 Coll. dwar l-appoġġ għall-SMEs’, kif emendata (għall-persuni l-oħra kollha li jaħdmu għal rashom), kif imsemmi fit-talba tar-Repubblika Ċeka tas-7 ta’ Awwissu 2020, l-awtoritajiet introduċew l-‘Benefiċċju għall-indukrar’ għal dawk li jaħdmu għal rashom. Dik il-miżura tikkumpensa t-telf ta’ dħul imġarrab minn dawkli jaħdmu għal rashom bħala konsegwenza tal-ħtieġa li jieħdu ħsieb it-tfal jew persuni dipendenti mill-kura minħabba l-għeluq ta’ faċilitajiet ta’ kura tat-tfal u dawk soċjali. L-ammont ta’ appoġġ ta’ kuljum huwa ta’ CZK 424 għal Marzu 2020 u CZK 500 għal April sa Ġunju 2020. Dak l-appoġġ jista’ jingħata għall-perijodu kollu mit-12 ta’ Marzu sat-30 ta’ Ġunju 2020.

(9)

Ir-Repubblika Ċeka tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Ir-Repubblika Ċeka pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 2 940 446 745 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li l-miżuri ġodda jkopru proporzjon sinifikanti tal-impriżi u tal-forza tax-xogħol fir-Repubblika Ċeka. Ir-Repubblika Ċeka biħsiebha tiffinanzja EUR 940 446 745 tal-ammont miżjud tan-nefqa permezz tal-fondi tal-Unjoni u l-finanzjament tagħha stess.

(10)

Il-Kummissjoni kkonsultat lir-Repubblika Ċeka u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(11)

Għalhekk jenħtieġ li tingħata assistenza finanzjarja bil-għan li r-Repubblika Ċeka tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(12)

Jenħtieġ li din id-deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li r-Repubblika Ċeka tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn ir-Repubblika Ċeka timplimenta dik in-nefqa.

(14)

Id-Deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tar-Repubblika Ċeka, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-6 ta’ Awwissu 2020, il-Greċja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Greċja biex titrażżan it-tifqigħa u l-impatt soċjo-ekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, il-Greċja kienet mistennija li jkollha defiċit u dejn tal-amministrazzjoni pubblika ta’ 6,4 % u 196,4 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf 2020 tal-Kummissjoni, il-PDG tal-Greċja huwa previst li jonqos b’9 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Greċja. Dan wassal għal żieda għal għarrieda u qawwija fin-nefqa pubblika mill-Greċja fir-rigward tal-allokazzjoni speċjali pprovduta lill-impjegati tas-settur privat li l-kuntratti tax-xogħol tagħhom ġew sospiżi minħabba l-kriżi, il-kost tal-kopertura tas-sigurtà soċjali tagħhom matul il-perijodu ta’ sospensjoni, l-allokazzjoni speċjali pprovduta lil professjonisti li jaħdmu għal rashom, l-iskema tax-xogħol għal żmien qasir, u l-kontribuzzjonijiet tas-sigurtà soċjali tal-impjegaturi għall-impjegati f’intrapriżi staġjonali tas-settur terzjarju, kif stabbilit fil-premessi (4) sa (8).

(4)

B’mod aktar speċifiku, l-“Att Legali tal-14 ta’ Marzu 2020” (2), imsemmi fit-talba tal-Greċja tas-6 ta’ Awwissu 2020, introduċa allokazzjoni speċjali għall-impjegati tas-settur privat li l-kuntratti tax-xogħol tagħhom ġew sospiżi. Dik il-miżura għandha l-għan li tipproteġi l-impjiegi f’kumpaniji li jwaqqfu l-operazzjonijiet tagħhom permezz ta’ ordni pubblika jew li jappartjenu għal setturi ekonomiċi li huma affettwati b’mod qawwi mit-tifqigħa tal-COVID-19, u tikkonċerna l-għoti ta’ allowance speċjali ta’ kull xahar ta’ EUR 534 lill-impjegati li l-kuntratti tax-xogħol tagħhom jiġu sospiżi minn nofs Marzu 2020. Il-prekundizzjoni biex wieħed jibbenefika mill-iskema hija li l-impjegatur iżomm l-istess numru ta’ impjegati (jiġifieri l-istess impjegati eżatti) għal perijodu li jkun daqs il-perijodu li għalih il-kuntratt tax-xogħol kien ġie sospiż.

(5)

L-awtoritajiet introduċew ukoll il-finanzjament mill-Istat tal-kopertura tas-sigurtà soċjali tal-impjegati li jibbenefikaw mill-allokazzjoni speċjali msemmija fil-premessa (4). Il-prekundizzjoni biex wieħed jibbenefika mill-iskema hija li l-impjegatur iżomm l-istess numru ta’ impjegati (jiġifieri l-istess impjegati eżatti) għal perijodu li jkun daqs il-perijodu li għalih il-kuntratt tax-xogħol kien ġie sospiż.

(6)

L-“Att Legali tal-20 ta’ Marzu 2020” (3), imsemmi fit-talba tal-Greċja tas-6 ta’ Awwissu 2020, introduċa allokazzjoni speċjali għal professjonisti li jaħdmu għal rashom (ekonomisti, kontabilisti, inġiniera, avukati, tobba, għalliema u riċerkaturi). Il-miżura tikkonċerna allokazzjoni speċjali ta’ darba ta’ EUR 600 mogħtija f’April jew f’Ġunju 2020 lil tali professjonisti.

(7)

Skema ta’ xogħol b’ħinijiet iqsar li tapplika mill-15 ta’ Ġunju 2020 sal-15 ta’ Ottubru 2020 fil-kumpaniji kollha, bl-eċċezzjoni tal-industrija tal-linji tal-ajru fejn estensjoni hija possibbli sa tmiem l-2020, ġiet introdotta abbażi tal-“Liġi 4690/2020” (4), imsemmija fit-talba tal-Greċja tas-6 ta’ Awwissu 2020. Il-kumpaniji eliġibbli huma dawk li rreġistraw tnaqqis fil-fatturat tagħhom ta’ mill-inqas 20 % u l-miżura tippermetti tnaqqis sa 50 % fis-sigħat tax-xogħol fil-ġimgħa ta’ impjegati bil-kundizzjoni li r-relazzjoni tal-impjieg tinżamm. Mill-15 ta’ Ġunju 2020 sat-30 ta’ Ġunju 2020, l-Istat kopra 60 % tal-qligħ nett tal-impjegat u 60 % tal-kontribuzzjonijiet tas-sigurtà soċjali tal-impjegaturi għal sigħat mhux maħduma. Mill-1 ta’ Lulju 2020, l-Istat ikopri 100 % tal-kontribuzzjonijiet tas-sigurtà soċjali tal-impjegatur u tal-impjegat fir-rigward ta’ sigħat mhux maħduma, flimkien ma’ 60 % tal-qligħ nett tal-impjegati f’sigħat mhux maħduma.

(8)

Fl-aħħar nett, il-“Liġi 4714/2020” (5), imsemmija fit-talba tal-Greċja tas-6 ta’ Awwissu 2020, tintroduċi l-finanzjament mill-Istat tal-kontribuzzjonijiet tas-sigurtà soċjali tal-impjegaturi fir-rigward tal-impjegati f’intrapriżi staġjonali. Il-miżura timmira lejn impriżi staġjonali fis-settur terzjarju, jiġifieri impriżi b’50 % tal-fatturat tagħhom ikkonċentrat fit-tielet kwart tas-sena fuq il-bażi ta’ data tal-2019, u għandha l-għan li tiffinanzja l-kontribuzzjonijiet tas-sigurtà soċjali tal-impjegatur matul ix-xhur ta’ Lulju, Awwissu u Settembru 2020 bil-kundizzjoni li l-kumpaniji jżommu l-istess numru ta’ impjegati li kellhom fit-30 ta’ Ġunju 2020.

(9)

Il-Greċja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Greċja pprovdiet lill-Kummissjoni b’evidenza xierqa li n-nefqa pubblika reali u ppjanata żdiedet b’EUR 2 728 000 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda għal għarrieda u qawwija minħabba li l-miżuri ġodda jkopru proporzjon sinifikanti tal-impriżi u tal-forza tax-xogħol fil-Greċja.

(10)

Il-Kummissjoni kkonsultat lill-Greċja u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tas-6 ta’ Awwissu 2020, skont l-Artikolu 6 tar-Regolament (UE) 2020/672.

(11)

Għalhekk jenħtieġ li tingħata assistenza finanzjarja bil-għan lill-Greċja tiġi megħjuna tindirizza l-effetti soċjo-ekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(12)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li l-Greċja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Greċja timplimenta dik in-nefqa.

(14)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Greċja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fit-3 ta’ Awwissu 2020, Spanja talbet assistenza finanzjarja mill-Unjoni bil-ħsieb li tikkumplimenta l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati minn Spanja biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont it-tbassir tar-Rebbiegħa 2020 tal-Kummissjoni, Spanja kienet mistennija li jkollha defiċit u dejn tal-amministrazzjoni pubblika ta’ 10,1 % u 115,6 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-Sajf tal-2020 tal-Kummissjoni, il-PDG ta’ Spanja huwa previst li jonqos b’10,9 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fi Spanja. Dan wassal għal żieda għal għarrieda u qawwija fin-nefqa pubblika minn Spanja fir-rigward tal-iskema tax-xogħol għal żmien qasir, skemi simili mmirati speċifikament għal dawk li jaħdmu għal rashom u għall-ħaddiema fis-settur tat-turiżmu, u b’appoġġ għal miżuri tas-saħħa pubblika, kif stabbilit fil-premessi (4) sa (9).

(4)

B’mod aktar speċifiku, id-“Digriet Amministrattiv Irjali 8/2020”, id-“Digriet Amministrattiv Irjali 11/2020” u d-“Digriet Amministrattiv Irjali 24/2020”, imsemmija fit-talba ta’ Spanja tat-3 ta’ Awwissu 2020, introduċew kumpens ta’ pagi li jlaħħaq sa 70 % tas-salarju bażiku tal-impjegati għal impjegati assenti bil-permess taħt l-iskema ta’ xogħol għal żmien qasir ‘ERTE’ (“Expediente de Regulación Temporal de Empleo”). Il-kumpens huwa limitat għal massimu ta’ EUR 1 098,09 fix-xahar, li jista’ jiżdied għal EUR 1 254,96 fix-xahar jew EUR 1 411,83 fix-xahar, skont l-għadd ta’ tfal dipendenti tal-benefiċjarju.

(5)

L-awtoritajiet introduċew ukoll eżenzjoni sħiħa jew parzjali mill-kontribuzzjonijiet tas-sigurtà soċjali, skont id-daqs tal-impjegatur, u x-xahar tas-sena, fir-rigward tal-impjegati li jkunu qed jipparteċipaw fl-“ERTE”. L-eżenzjoni tikkonsisti fi dħul mitluf għall-Gvern, li għall-fini tal-implimentazzjoni tar-Regolament (UE) 2020/672 jista’ jitqies ekwivalenti għan-nefqa pubblika.

(6)

Għal min jaħdem għal rasu, l-awtoritajiet introduċew benefiċċju għall-“waqfien tal-attività” (jiġifieri, is-sospensjonisħiħa jew parzjali tal-attività ta’ persuni li jaħdmu għal rashom) u li jakkumpanjaw l-eżenzjonijiet tal-kontribuzzjonijiet tas-sigurtà soċjali. Il-miżura tipprovdi pagamenti ta’ kull xahar filwaqt li n-negozji huma meħtieġa li jingħalqu jew, jekk jinfetħu, fejn il-fatturat naqas b’aktar minn 75 %.

(7)

Ġew introdotti wkoll miżuri speċifiċi ta’ appoġġ, li jikkonsistu minn benefiċċji u kontribuzzjoni tas-sigurtà speċjali għall-impjegati li jipparteċipaw fl-“ERTE”, għal “ħaddiema staġonali permanenti” li ma setgħux jerġgħu lura għall-attività tagħhom fid-dati skedati minħabba t-tifqigħa tal-COVID-19, abbażi tad-“Digriet Amministrattiv Irjali 15/2020” u b’applikazzjoni tad-“Digriet Amministrattiv Irjali 8/2020”, msemmija fit-talba ta’ Spanja tat-3 ta’ Awwissu 2020.

(8)

Id-“Digriet Amministrattiv Irjali 8/2019”, id-“Digriet Amministrattiv Irjali 12/2019”, id-“Digriet Amministrattiv Irjali 7/2020” u d-“Digriet Amministrattiv Irjali 25/2020”, imsemmija fit-talba ta’ Spanja tat-3 ta’ Awwissu 2020, introduċew eżenzjoni għall-impjegatur mill-ħlas ta’ kontribuzzjonijiet tas-sigurtà soċjali (b’50 %) bħala appoġġ għall-“konservazzjoni tal-impjiegi fis-settur tat-turiżmu” matul l-istat ta’ emerġenza u lil hinn, filwaqt li jinżamm livell minimu ta’ protezzjoni soċjali għal diversi kategoriji ta’ ħaddiema. Il-medja tan-nefqa totali fix-xahar u l-għadd ta’ persuni li għalihom il-kumpaniji rċevew sussidji tagħti nefqa medja għal kull persuna kull xahar ta’ madwar EUR 192.

(9)

Fl-aħħar nett, Spanja estendiet il-benefiċċji tas-saħħa għal ħaddiema assenti minħabba l-COVID-19 (jew f’iżolament preventiv jew ħaddiema infettati) abbażi tad-“Digriet Amministrattiv Irjali 6/2020” u d-“Digriet Amministrattiv Irjali 13/2020”, imsemmija fit-talba ta’ Spanja tat-3 ta’ Awwissu 2020. Il-miżura hija simili għall-iskema ta’ aċċidenti fuq il-post tax-xogħol (jiġifieri, il-benefiċċji huma aktar ġenerużi u jitħallsu mill-Fond Soċjali tas-Sigurtà sa mill-ewwel jum tal-liv), bil-benefiċċji limitati għal 75 % tas-salarju bażiku.

(10)

Spanja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Spanja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet bi EUR 23 803 573 600 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. L-ammont miżjud relatat direttament mal-iskema tax-xogħol għal żmien qasir ‘ERTE’ u miżuri simili mmirati speċifikament għal dawk li jaħdmu għal rashom u għall-ħaddiema fis-settur tat-turiżmu jikkostitwixxi żieda għal għarrieda u qawwija minħabba ż-żieda kważi immedjata u bla preċedent fl-għadd ta’ benefiċjarji koperti minn dawk l-iskemi u d-daqs tal-benefiċċji relatati fi Spanja. Spanja biħsiebha tiffinanzja EUR 1 660 000 000 tal-ammont miżjud tan-nefqa permezz tal-fondi tal-Unjoni.

(11)

Il-Kummissjoni kkonsultat lil Spanja u vverifikat iż-żieda f’daqqa u qawwija fin-nefqa pubblika attwali u ppjanata direttament relatata mal-iskemi tax-xogħol għal żmien qasir u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tat-3 ta’ Awwissu 2020, skont l-Artikolu 6 tar-Regolament (UE) 2020/672.

(12)

Għalhekk jenħtieġ li tingħata assistenza finanzjarja bil-għan li Spanja tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(13)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(14)

Jenħtieġ li Spanja tinforma lill-Kummissjoni regolarment dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn Spanja implimentat dik in-nefqa.

(15)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija ta’ Spanja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza. B’mod partikolari, l-ammont tas-self ġie stabbilit biex jiżgura l-konformità mar-regoli prudenzjali applikabbli għall-portafoll ta’ self kif speċifikat fir-Regolament (UE) 2020/672.

(1)

Fis-6 ta’ Awwissu 2020, il-Kroazja talbet assistenza finanzjarja mill-Unjoni bil-ħsieb li tikkumplimenta l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Kroazja biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont it-tbassir tar-Rebbiegħa 2020 tal-Kummissjoni, il-Kroazja kienet mistennija li jkollha defiċit u dejn tal-amministrazzjoni pubblika ta’ 7,1 % u 88,6 % tal-prodott domestiku gross (PDG) rispettivament sa tmiem l-2020. Skont it-tbassir interim tas-Sajf 2020 tal-Kummissjoni, il-PDG tal-Kroazja huwa proġettat li jonqos b’10,8 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Kroazja. Dan wassal għal żieda f’daqqa u severa fin-nefqa pubblika mill-Kroazja fir-rigward ta’ sussidji ta’ preservazzjoni tal-impjiegi f’setturi affettwati mill-COVID-19 u għajnuna għal sigħat ta’ xogħol imnaqqsa, kif stabbilit fil-premessi (4) u (5).

(4)

B’mod aktar speċifiku, abbażi tal-‘Att dwar is-Suq tax-Xogħol’ (2), imsemmi fit-talba tal-Kroazja tas-6 ta’ Awwissu 2020, is-Servizz Kroat għall-Impjiegi ddeċieda (3) li jintroduċi miżura li tipprovdi kofinanzjament tas-salarji tal-ħaddiema lil negozji li jesperjenzaw tnaqqis fid-dħul (ta’ 20 % fil-perijodu minn Marzu sa Mejju 2020 jew 50 % f’Ġunju 2020), bil-kundizzjoni li r-relazzjoni tal-impjieg ma tiġix itterminata. Għal Marzu 2020, l-ammont ta’ appoġġ huwa stabbilit għal HRK 3 250,00 għal kull impjegat full-time, u għax-xhur ta’ April, Mejju u Ġunju 2020, l-ammont ta’ kull xahar ta’ appoġġ huwa stabbilit għal HRK 4 000 għal kull impjegat full-time.

(5)

Abbażi tal-‘Att dwar is-Suq tax-Xogħol’ is-Servizz Kroat għall-Impjiegi ddeċieda wkoll (4) li jintroduċi miżura li tipprovdi appoġġ għat-tnaqqis temporanju tal-ħin tax-xogħol fil-perjodu bejn Ġunju u Diċembru 2020 lil negozji li jimpjegaw 10 impjegati jew aktar li joperaw fi kwalunkwe settur, bil-kundizzjoni li r-relazzjoni tal-impjieg ma tiġix itterminata. Il-miżura tista’ tiffinanzja sa massimu ta’ HRK 2 000 fix-xahar għal kull impjegat.

(6)

Il-Kroazja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Kroazja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 1 381 780 800 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda f’daqqa u severa minħabba ż-żieda kważi immedjata u bla preċedent fl-għadd ta’ ħaddiema koperti minn dawk il-miżuri u d-daqs tal-infiq relatat fil-Kroazja. Il-Kroazja biħsiebha tiffinanzja EUR 210 000 000 tal-ammont miżjud ta’ nfiq permezz ta’ fondi tal-Unjoni u EUR 151 180 800 permezz tal-finanzjament tagħha stess.

(7)

Il-Kummissjoni kkonsultat lill-Kroazja u vverifikat iż-żieda f’daqqa u qawwija fin-nefqa pubblika attwali u ppjanata direttament relatata mal-iskemi tax-xogħol għal żmien qasir u miżuri simili msemmija fit-talba tas-6 ta’ Awwissu 2020, skont l-Artikolu 6 tar-Regolament (UE) 2020/672.

(8)

Għalhekk jenħtieġ li tingħata assistenza finanzjarja bil-għan li l-Kroazja tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(9)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(10)

Jenħtieġ li l-Kroazja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Kroazja implimentat dik in-nefqa.

(11)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Kroazja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, l-Italja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Italja biex titrażżan it-tifqigħa u l-impatt soċjo-ekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa tal-2020 tal-Kummissjoni, l-Italja kienet mistennija li jkollha defiċit u dejn tal-amministrazzjoni pubblika ta’ 11,1 % u 158,9 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Italja huwa previst li jonqos bi 11,2 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fl-Italja. Dan wassal għal żieda għal għarrieda u qawwija fin-nefqa pubblika tal-Italja fir-rigward ta’ skemi ta’ xogħol b’ħinijiet iqsar għall-impjegati, għotjiet għal dawk li jaħdmu għal rashom, impjegati b’terminu fiss fl-agrikoltura, ħaddiema fl-industrija tad-divertiment, kollaboraturi ta’ assoċjazzjonijiet sportivi, ħaddiema domestiċi u ħaddiema li jkunu on-call, kupuni ta’ liv tal-ġenituri, benefiċċji addizzjonali tal-liv tal-ġenituri u tad-diżabbiltà, għotjiet mhux ripagabbli għal dawk li jaħdmu għal rashom u impriżi individwali, kif ukoll krediti ta’ taxxa b’appoġġ għall-miżuri tas-saħħa pubblika, kif stabbilit fil-premessi (4) sa (10).

(4)

‘Id-Digriet Amministrattiv nru 18/2020’ (2) u ‘d-Digriet Amministrattiv nru 34/2020’ (3), imsemmija fit-talba tal-Italja tas-7 ta’ Awwissu 2020, kien il-bażi għall-introduzzjoni ta’ għadd ta’ miżuri biex jiġi indirizzat l-impatt tat-tifqigħa tal-COVID-19, inkluża estensjoni tal-iskemi eżistenti ta’ xogħol b’ħinijiet iqsar (‘Cassa integrazione guadagni’). Il-miżura tkopri 80 % tas-salarju tas-soltu tal-impjegati, li l-kuntratt ta’ impjieg tagħhom huwa miżmum, tal-kumpaniji kompletament jew parzjalment magħluqin minħabba l-COVID-19, għal massimu ta’ 18-il ġimgħa fil-perjodu mit-23 ta’ Frar 2020 sal-31 ta’ Ottubru 2020.

(5)

Għal dawk li jaħdmu għal rashom u għall-ħaddiema indipendenti, l-awtoritajiet introduċew għotja ta’ EUR 600 għax-xhur ta’ Marzu u ta’ April 2020. Il-ħaddiema indipendenti li esperjenzaw tnaqqis ta’ mill-inqas 33 % tal-qligħ tagħhom f’Marzu u f’April 2020 fuq bażi minn sena għal sena huma intitolati wkoll għal allokazzjoni ta’ EUR 1 000 għal Mejju 2020. Għotja oħra ta’ EUR 600 għal Marzu 2020 tingħata lil dawk li jaħdmu għal rashom u lill-ħaddiema freelance reġistrati ma’ istituzzjonijiet privati obbligatorji tas-sigurtà soċjali.

(6)

L-awtoritajiet introduċew varjetà ta’ miżuri mmirati lejn professjonijiet speċifiċi li ġew affettwati b’mod negattiv minħabba t-tifqigħa tal-COVID-19. Dawn il-miżuri jinkludu konċessjoni ta’ EUR 600 fix-xahar għax-xahar ta’ Marzu 2020 u ta’ EUR 500 fix-xahar għax-xahar ta’ April 2020 għall-impjegati fuq terminu fiss fl-agrikoltura: għotja ta’ EUR 600 fix-xahar għax-xhur ta’ Marzu, April u Mejju 2020 għall-ħaddiema fl-industrija tad-divertiment (bi dħul annwali sa EUR 50 000); għotja ta’ EUR 600 fix-xahar għax-xhur ta’ Marzu, April u Mejju 2020 għall-kollaboraturi tal-assoċjazzjonijiet sportivi; għotja ta’ EUR 600 għax-xhur ta’ Marzu, April u Mejju 2020 għall-ħaddiema on-call u, EUR 500 għax-xhur ta’ April u Mejju 2020 għall-ħaddiema domestiċi.

(7)

Ġew introdotti wkoll żewġ miżuri li jindirizzaw l-impatt tas-servizzi tal-edukazzjoni bikrija tat-tfal u l-għeluq tal-iskejjel, fil-forma ta’ benefiċċji tal-liv tal-ġenituri sa 30 jum fil-perjodu mill-5 ta’ Marzu 2020 sal-31 ta’ Awwissu 2020 għall-impjegati jew għal dawk li jaħdmu għal rashom bi tfal sa 12-il sena (jew ’il fuq minn 12, fejn it-tfal huma diżabbli u għadhom jattendu l-iskola) li jkopru 50 % tal-introjtu tagħhom, u kupuni ta’ baby-sitting għal massimu ta’ EUR 2 000 bħala alternattiva għall-benefiċċji tal-liv tal-ġenituri u validi għall-istess perjodu. Dawn il-miżuri jistgħu jitqiesu bħala miżuri simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, peress li dawn jipprovdu appoġġ għad-dħul għall-impjegati u għal dawk li jaħdmu għal rashom, li se jgħinu biex ikopru l-ispejjeż tal-kura tat-tfal matul l-għeluq tal-iskejjel u għalhekk jgħinu lill-ġenituri biex ikomplu jaħdmu, u b’hekk ma jħallux li r-relazzjoni tal-impjieg titqiegħed f’riskju.

(8)

Barra minn hekk, l-awtoritajiet introduċew benefiċċji addizzjonali għal-liv għall-persuni b’diżabbiltà sa 12-il jum fil-perjodu mill-1 ta’ Marzu 2020 sal-30 ta’ April 2020 u 12-il jum addizzjonali fil-perjodu mill-1 ta’ Mejju 2020 sal-30 ta’ Ġunju 2020 għal ħaddiema b’diżabbiltajiet severi jew ma’ qraba b’diżabbiltajiet severi. Din hija estensjoni ta’ skema eżistenti li tintitola lill-impjegati għal tlett ijiem ta’ liv għal persuni b’diżabbiltà għal kull xahar.

(9)

Ġew introdotti għotjiet mhux ripagabbli għal dawk li jaħdmu għal rashom u għal intrapriżi individwali. L-ammont tal-għotja huwa kkalkulat billi jitqies it-tnaqqis fid-dħul mill-bejgħ li sar f’April 2020 meta mqabbel ma’ April 2019 (minn ammont minimu ta’ EUR 1 000 għal massimu ta’ 20 % tat-tnaqqis fil-fatturat).

(10)

Fl-aħħar nett, ġew introdotti żewġ miżuri relatati mas-saħħa mill-awtoritajiet, kreditu ta’ taxxa temporanju ġdid ta’ 60 % tal-ispejjeż għat-titjib tas-sigurtà fuq il-post tax-xogħol (sa massimu ta’ EUR 80 000) u kreditu ta’ taxxa temporanju ġdid ta’ 60 % tal-ispejjeż ta’ sanità ta’ negozji żgħar, uffiċċji professjonali, u istituzzjonijiet mingħajr skop ta’ qligħ u x-xiri ta’ tagħmir ta’ sikurezza (sa massimu ta’ EUR 60 000). Minħabba li l-krediti ta’ taxxa jikkonsistu minn dħul mitluf għall-gvern, dawn jistgħu jitqiesu li huma ekwivalenti għal nefqa pubblika.

(11)

L-Italja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. L-Italja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 28 811 965 628 mill-1 ta’ Frar 2020 minħabba l-ammonti miżjuda li għandhom x’jaqsmu direttament ma’ skemi ta’ xogħol għal żmien qasir għall-impjegati, għotjiet għal dawk li jaħdmu għal rashom, impjegati b’terminu fiss fl-agrikoltura, ħaddiema fl-industrija tad-divertiment, kollaboraturi ta’ assoċjazzjonijiet sportivi, ħaddiema domestiċi u ħaddiema li jkunu on-call, vawċers ta’ baby-sitting, benefiċċji addizzjonali tal-liv tal-ġenituri u tad-diżabbiltà, u għotjiet mhux ripagabbli għal dawk li jaħdmu għal rashom u intrapriżi individwali. Din tikkostitwixxi żieda għal għarrieda u qawwija minħabba li għandha x’taqsam kemm ma’ miżuri ġodda kif ukoll ma’ estensjoni ta’ miżuri eżistenti, li jkopru proporzjon sinifikanti tal-impriżi u tal-forza tax-xogħol fl-Italja. L-Italja beħsiebha tiffinanzja EUR 320 000 000 tal-ammont miżjud tan-nefqa permezz tal-fondi tal-Unjoni.

(12)

Il-Kummissjoni kkonsultat lill-Italja u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili kif ukoll ir-rikors għal miżuri rilevanti dwar is-saħħa relatati mat-tifqigħa tal-COVID-19, imsemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(13)

Għalhekk jenħtieġ li tingħata assistenza finanzjarja bil-għan lill-Italja tiġi megħjuna tindirizza l-effetti soċjo-ekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(14)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(15)

Jenħtieġ li l-Italja tinforma lill-Kummissjoni regolarment dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn l-Italja tkun implimentat dik in-nefqa.

(16)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Italja kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza, B’mod partikolari, l-ammont tas-self ġie stabbilit biex jiżgura l-konformità mar-regoli prudenzjali applikabbli għall-portafoll ta’ self kif speċifikat fir-Regolament (UE) 2020/672,

(1)

Fis-7 ta’ Awwissu 2020, il-Litwanja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mil-Litwanja biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-Rebbiegħa 2020 tal-Kummissjoni, kien mistenni li l-Litwanja jkollha defiċit u dejn tal-amministrazzjoni pubblika ta’ 6,9 % u 48,5 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-Sajf 2020 tal-Kummissjoni, il-PDG tal-Litwanja huwa projettat li jkun naqas b’7,1 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Litwanja. Dan wassal għal żieda f’daqqa u severa fin-nefqa pubblika fil-Litwanja fir-rigward tas-sussidji fuq il-pagi matul u wara żmien inattiv mix-xogħol u l-benefiċċji għal dawk li jaħdmu għal rashom, inklużi l-benefiċċji għal dawk li jaħdmu għal rashom li huma involuti f’attivitajiet agrikoli, kif stabbilit fil-premessi (4) sa (7).

(4)

“Il-Liġi dwar l-Impjieg Nru XII-2470”, imsemmija fit-talba tal-Litwanja tas-7 ta’ Awwissu 2020, introduċiet skema biex tħallas sussidji lil dawk li jħaddmu biex tkopri l-pagi stmati għal kull persuna impjegata li qed tiffaċċja żmien inattiv mix-xogħol. Min iħaddem jista’ jagħżel bejn sussidji li jkopru 70 % tas-salarju, sa massimu ta’ darba u nofs il-paga minima, jew 90 % tas-salarju (100 % fil-każ ta’ impjegati ta’ 60 u aktar), sa massimu tal-paga minima. Dawk li jħaddmu li jkunu pparteċipaw fl-iskema għandhom iżommu mill-inqas 50 % tal-impjegati tagħhom għal mill-inqas tliet xhur wara li jintemm is-sussidju mħallas.

(5)

Is-sussidji jitħallsu wkoll għall-impjegati li jirritornaw miż-żmien inattiv mix-xogħol, sa sitt xhur wara li jirritornaw lura għax-xogħol. Soġġett għal limitu ta’ paga minima jew darbtejn il-paga minima, li tiddependi fuq l-attività ekonomika mwettqa mill-impjegatur, l-ammont ta’ sussidji mħallsa fl-ewwel u fit-tieni xhur wara r-ritorn jista’ jkun għoli daqs 100 % tas-salarju tal-impjegat, fit-tielet u r-raba’ xhar, 50 % u fil-ħames u s-sitt xahar, 30 %. Dawk is-sussidji jistgħu jitqiesu bħala miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, peress li għandhom l-għan li jipprovdu appoġġ għad-dħul għall-impjegati u jgħinu biex jinżammu r-relazzjonijiet ta’ impjieg eżistenti.

(6)

L-awtoritajiet introduċew ukoll benefiċċji għal dawk li jaħdmu għal rashom, inklużi l-persuni li jaħdmu għal rashom li jeżerċitaw attività agrikola b’azjenda agrikola jew azjenda agrikola ta’ mhux inqas minn erba’ unitajiet ta’ daqs ekonomiku, li jammontaw għal EUR 257 fix-xahar u mħallsa matul il-perjodu ta’ kwarantina u fix-xahrejn ta’ wara. Il-benefiċċju għal dawk li jaħdmu għal rashom jistgħu jitqiesu li huma miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(7)

Fl-aħħar nett, ġew introdotti benefiċċji għal persuni li jaħdmu għal rashom li huma involuti fl-agrikoltura ma’ azjenda agrikola jew azjenda agrikola ta’ inqas minn erba’ unitajiet ta’ daqs ekonomiku, li ma kinux koperti mill-miżura deskritta fil-premessa (6). Il-miżura tikkonsisti f’pagament ta’ darba ta’ EUR 200 għal dawk il-bdiewa żgħar li ma kellhom l-ebda impjieg ieħor. Għall-bdiewa żgħar li kienu impjegati, minbarra l-attività agrikola tagħhom li jaħdmu għal rashom, u ma kinux jaqilgħu aktar mill-paga minima, il-miżura tikkonsisti f’pagament ta’ EUR 200, għal kull wieħed mit-tliet xhur tal-perijodu ta’ kwarantina u tal-perijodu ta’ emerġenza tal-istat. Il-miżura tista’ titqies li hija miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, peress li għandha l-għan li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis fl-introjtu jew it-telf tiegħu.

(8)

Il-Litwanja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Litwanja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet bi EUR 746 660 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Din tikkostitwixxi żieda qawwija u f’daqqa minħabba li l-miżuri l-ġodda jkopru proporzjon sinifikanti ta’ impriżi u tal-forza tax-xogħol fil-Litwanja. Il-Litwanja beħsiebha tiffinanzja EUR 144 350 000 tal-ammont miżjud tan-nefqa permezz tal-fondi tal-Unjoni.

(9)

Il-Kummissjoni kkonsultat lill-Litwanja u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi tax-xogħol għal żmien qasir u miżuri simili skont l-Artikolu 6 tar-Regolament (UE) 2020/672.

(10)

Għalhekk jenħtieġ li tingħata assistenza finanzjarja bil-għan li l-Litwanja tiġi megħjuna tindirizza l-effetti soċjo-ekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(11)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ ssir, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(12)

Jenħtieġ li l-Litwanja tinforma lill-Kummissjoni regolarment dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Litwanja implimentat dik in-nefqa.

(13)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Litwanja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, il-Latvja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjo-ekonomiċi tagħha għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mil-Latvja biex titrażżan it-tifqigħa u l-impatt soċjo-ekonomiku u marbut mas-saħħa tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, kien mistenni li l-Latvja jkollha defiċit u dejn tal-amministrazzjoni pubblika ta’ 7,3 % u 43,1 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Latvja huwa previst li jonqos b’7 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Latvja. Dan wassal għal żieda għal għarrieda qawwija fin-nefqa pubblika mil-Latvja fir-rigward tal-iskema għall-kumpens taż-żmien inattiv tal-ħaddiema u l-iskemi ta’ appoġġ relatati – l-allowance għal waqfien u l-bonus għall-ħaddiema għat-tfal, skema ta’ sussidji tal-pagi għall-industrija tal-esportazzjoni, u pagamenti ta’ appoġġ għall-pagi għal professjonisti mediċi u dawk impjegati mill-industrija kulturali – kif ukoll nefqa relatata mas-saħħa fuq tagħmir personali protettiv u benefiċċji tal-mard relatati mal-COVID-19, kif stabbilit fil-premessi (4) sa (7).

(4)

"Ir-Regolament tal-Kabinett Nru 179 (Adottat fil-31 ta’ Marzu 2020) “Regolamenti rigward l-Għotja għall-Inattività għall-Persuni li Jaħdmu għal Rashom affettwati mill-firxa tal-COVID-19” u “Ir-Regolament Nru 165 (Adottat fis-26 ta’ Marzu 2020) “Regolamenti rigward l-impjegaturi affettwati mill-kriżi kkawżata mill-COVID-19 li huma eliġibbli għall-għotja għall-inattività u diviżjoni tat-taxxa li tħallset tard fi ħlasijiet parzjali jew differiment tagħhom għal sa tliet snin””, imsemmija fit-talba tal-Latvja tas-7 ta’ Awwissu 2020, introduċew skema għall-kumpens taż-żmien inattiv tal-ħaddiema. L-iskema tħallas pagi lill-impjegati ta’ kumpaniji tas-settur privat li huma assenti bil-permess. Din tkopri bejn 50% u 75% tas-salarji tal-impjegati, skont id-daqs tan-negozju, b’limitu massimu ta’ EUR 700 għal kull impjegat fix-xahar. Marbuta mal-iskema tal-kumpens għal żmien inattiv tal-ħaddiema hemm l-iskema relatata ta’ għotja għal żmien ta' waqfien mix-xogħolu l-bonus tal-ħaddiema għal tfal. Abbażi tar-"Regolament tal-Kabinett Nru 236 "Regolamenti Rigward l-Għotja ta' Assistenza għall-Inattività għall-Impjegati jew għall-Persuni li Jaħdmu għal Rashom affettwati mill-firxa tal-COVID-19"", imsemmija fit-talba tal-Latvja tas-7 ta’ Awwissu 2020, l-iskema ta’ għotja għaż-żmien ta' waqfien mix-xogħol tipprovdi benefiċċju minimu għall-ħaddiema impjegati assenti bil-permess jew għal dawk li jaħdmu għal rashom li jew ma jikkwalifikawx għal appoġġ skont l-iskema għall-kumpens ta’ żmien inattiv tal-ħaddiema minħabba raġunijiet mhux relatati magħhom, jew jirċievu inqas minn EUR 180 minnha. Il-benefiċċju jiżgura livell minimu ta’ appoġġ, u jiżgura li l-impjegati kollha jew il-persuni li jaħdmu għal rashom jirċievu benefiċċju ta’ mhux inqas minn EUR 180 fix-xahar.

Il-bonus għall-iskema tat-tfal jipprovdi appoġġ addizzjonali għall-impjegati assenti bil-permess li għandhom ulied dipendenti fuqhom. Il-miżura tista’ titqies bħala miżura simili għal skemi ta’ xogħol b’ħinijiet iqsar, kif imsemmi fir-Regolament (UE) 2020/672, peress li tipprovdi appoġġ għad-dħul għall-impjegati u għal dawk li jaħdmu għal rashom, li se jgħin ikopri l-ispejjeż tal-indukrar tat-tfal matul l-għeluq tal-iskejjel u b’hekk jgħin lill-ġenituri biex ikomplu jaħdmu, u r-relazzjoni tax-xogħol ma tkunx f’riskju.

(5)

Ir-“Rapport ta’ informazzjoni dwar miżuri biex tingħeleb il-kriżi tal-COVID-19 u l-irkupru ekonomiku” stabbilixxa skema ta’ sussidji fuq il-pagi għall-industriji tat-turiżmu u tal-esportazzjoni, li hija kontinwazzjoni tal-iskema għall-kumpens għaż-żmien inattiv tal-ħaddiema mmirata speċifikament lejn l-industriji tat-turiżmu u tal-esportazzjoni.. Il-miżura tiddependi fuq min jirċievi l-prova li r-riżorsi se jintużaw biex ikopru l-ispejjeż tas-salarji.

(6)

L-awtoritajiet introduċew żewġ pagamenti ta’ appoġġ għall-paga mmirati lejn il-professjonisti mediċi u dawk impjegati mill-industrija kulturali. Abbażi tal-“Liġi dwar miżuri għall-prevenzjoni u t-trażżin tat-theddida għall-istat u l-konsegwenzi tagħha għall-firxa tal-COVID-19", u għal-'Liġi dwar it-Trażżin tal-Konsegwenzi tal-Firxa tal-Infezzjoni tal-COVID-19” u l-“Ordni tal-Kabinett Nru 303 "Dwar l-Allokazzjoni tar-Riżorsi Finanzjarji mill-Programm tal-Programm tal-Baġit tal-Istat "Fondi ta' Kontinġenza""'” rispettivament, imsemmija fit-talba tal-Latvja tas-7 ta’ Awwissu 2020, il-pagamenti ta’ appoġġ għall-paga jipprovdu għotjiet lill-industriji mediċi u kulturali sabiex jappoġġaw il-ħlas tal-pagi filwaqt li l-ħaddiema huma assenti bil-permess. Iż-żewġ skemi jiddependu fuq l-użu ta’ dawn l-għotjiet biex ikopru l-ispejjeż tas-salarji.

(7)

Fl-aħħar nett, il-Latvja introduċiet żewġ miżuri relatati mas-saħħa. Abbażi tal-"Ordni tal-Kabinett Nru 79, 118 u 220 "L-allokazzjoni tar-riżorsi finanzjarji mill-programm tal-baġit tal-istat 'fondi għall-emerġenzi'"", imsemmija fit-talba tal-Latvja tas-7 ta’ Awwissu 2020, l-awtoritajiet żiedu n-nefqa relatata mas-saħħa fit-tagħmir ta' protezzjoni personali u provvisti mediċi oħra biex jiżguraw is-saħħa u s-sikurezza tal-impjegati tas-settur pubbliku, b’mod partikolari, il-ħaddiema tal-kura tas-saħħa. Barra minn hekk, abbażi ta’ “09.06.2020. Regolament tal-Kabinett Nru 380 "Regolamenti dwar ir-riżorsi biex tiġi żgurata s-sikurezza epidemjoloġika meħtieġa għall-istituzzjonijiet inklużi fil-lista ta’ istituzzjonijiet u ħtiġijiet ta’ prijorità"”, imsemmi fit-talba tal-Latvja tas-7 ta’ Awwissu 2020, l-awtoritajiet tal-gvern ħallsu l-benefiċċji tal-mard relatati mal-COVID-19, filwaqt li l-gvern ħallas l-appoġġ tal-liv tal-mard li ttieħed minħabba l-ħtieġa għal awtoiżolament jew awtokwarantina. Normalment, parti mill-benefiċċji tal-mard ikollha titħallas minn min iħaddem, filwaqt li skont din l-iskema l-Istat ħallas l-ispejjeż kollha.

(8)

Il-Latvja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Latvja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 212 808 280 mill-1 ta’ Frar 2020 minħabba l-ammont miżjud relatat direttament mal-iskema għall-kumpens taż-żmien inattiv tal-ħaddiema u skemi ta’ appoġġ relatati, l-iskema tas-sussidji tal-pagi għall-industrija tal-esportazzjoni, il-professjonisti mediċi u l-industrija kulturali. Din tikkostitwixxi żieda għal għarrieda qawwija minħabba li l-miżuri l-ġodda jkopru proporzjon sinifikanti ta’ impriżi u tal-forza tax-xogħol fil-Latvja. Il-Latvja biħsiebha tiffinanzja EUR 20 108 280 tal-ammont miżjud tan-nefqa permezz tal-fondi tagħha stess.

(9)

Il-Kummissjoni kkonsultat lil-Latvja u vverifikat iż-żieda għal għarrieda qawwija fin-nefqa pubblika reali u ppjanata direttament relatata mal-iskemi tax-xogħol għal żmien qasir u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(10)

Għalhekk jenħtieġ li tingħata assistenza finanzjarja bil-għan li l-Latvja tiġi megħjuna tindirizza l-effetti soċjo-ekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f'kooperazzjoni mill-qrib mal-awtoritajiet nazzjonali.

(11)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista' ssir, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(12)

Jenħtieġ li l-Latvja tinforma lill-Kummissjoni regolarment dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Latvja implimentat dik in-nefqa.

(13)

Id-deċiżjoni li tingħata assistenza finanzjarja ttieħdet b'kunsiderazzjoni tal-ħtiġijiet eżistenti u dawk mistennija tal-Latvja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, Malta talbet assistenza finanzjarja mill-Unjoni bil-ħsieb li tikkumplimenta l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati minn Malta biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont it-tbassir tar-Rebbiegħa 2020 tal-Kummissjoni, Malta kienet mistennija li jkollha defiċit u dejn tal-amministrazzjoni pubblika ta’ 6,7 % u 50,7 % tal-prodott domestiku gross (PDG) rispettivament sa tmiem l-2020. Skont it-tbassir interim tas-Sajf 2020 tal-Kummissjoni, il-PDG ta’ Malta huwa previst li jonqos b’6,0 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol f’Malta. Dan wassal għal żieda f’daqqa u qawwija fin-nefqa pubblika f’Malta fir-rigward ta’ miżura ta’ suppliment għall-paga, miżura ta’ benefiċċju tad-diżabbiltà, miżura ta’ benefiċċju għall-ġenituri u b’appoġġ għal miżuri tas-saħħa pubblika għal miżura ta’ benefiċċju mediku, kif stabbilit fil-premessi minn (4) sa (7).

(4)

L-“Att dwar il-Korporazzjoni għall-Intrapriża ta’ Malta (Kap. 463 tal-Liġijiet ta’ Malta)”/“Malta Enterprise Act (Cap. 463 of the Laws of Malta)” u n-“Notifikazzjoni tal-Gvern Nru 389 tat-13 ta’ April 2020”/“Government Notice No. 389 of 13 April 2020”, imsemmija fit-talba ta’ Malta tas-7 ta’ Awwissu 2020, introduċew suppliment tal-paga tal-COVID-19, li jkopri lill-impjegati u lil dawk li jaħdmu għal rashom, biex jindirizza t-tfixkil ikkawżat mill-pandemija. L-impjegati full-time li jaħdmu fis-setturi l-aktar milquta mill-kriżi elenkati fl-Anness A, imsemmi fl-Avviż tal-Gvern, (pereż. is-settur tal-ospitalità) huma eliġibbli għal appoġġ tal-pagi ta’ EUR 800 fix-xahar. F’setturi inqas affettwati elenkati fl-Anness B, imsemmi fl-Avviż tal-Gvern, l-impjegati full-time jistgħu jirċievu EUR 160 fix-xahar. F’Lulju 2020, l-iskema ġiet estiża sa Settembru 2020 u ġiet riveduta l-lista ta’ setturi inklużi fiż-żewġ annessi. Setturi li qabel kienu appoġġati permezz tal-iskema iżda mhux inklużi fl-Anness A jew l-Anness B aġġornati jiġu megħjuna b’żieda fil-paga ta’ EUR 600 għall-impjegati full-time.

(5)

In-“Notifikazzjoni tal-Gvern Nru 331 tal-25 ta’ Marzu 2020”/“Government Notice No. 331 of 25 March 2020”, imsemmija fit-talba ta’ Malta tas-7 ta’ Awwissu 2020, introduċa benefiċċju għad-diżabilità tal-COVID-19 li jippermetti lill-persuni b’diżabbiltà li jaħdmu fis-settur privat biex jibqgħu d-dar minħabba raġunijiet ta’ saħħa u sigurtà, filwaqt li jżommu l-kuntratt tagħhom ma’ min iħaddimhom. Dan il-benefiċċju jammonta għal EUR 166,15 fil-ġimgħa għal min jaħdem full-time.

(6)

Abbażi tan-“Notifikazzjoni tal-Gvern Nru 330 tal-25 ta’ Marzu 2020”/“Government Notice No. 330 of 25 March 2020”, imsemmija fit-talba ta’ Malta tas-7 ta’ Awwissu 2020, skema ta’ benefiċċji tal-COVID-19 għall-ġenituri tipprovdi benefiċċju għall-ġenituri li jaħdmu fis-settur privat li huma meħtieġa li jibqgħu d-dar biex jieħdu ħsieb ta’ tfal tal-età tal-iskola. Il-benefiċċju jingħata bil-kundizzjoni li l-ġenitur ma jkunx jista’ jwettaq il-funzjonijiet tiegħu permezz ta’ arranġamenti ta’ telexogħol. L-impjegati full-time huma eliġibbli li jirċievu pagament dirett ta’ EUR 166,15 fil-ġimgħa.

(7)

Fl-aħħar nett, in-“Notifikazzjoni tal-Gvern Nru 353 tat-30 ta’ Marzu 2020”/“Government Notice No. 353 of 30 March 2020”, imsemmija fit-talba ta’ Malta tas-7 ta’ Awwissu 2020, jintroduċi miżura ta’ benefiċċju mediku COVID-19, mis-27 ta’ Marzu 2020, għal persuni impjegati fis-settur privat li ma setgħux jitilqu mid-dar biex imorru għax-xogħol għax ġew ordnati jibqgħu d-dar. Il-persuni eliġibbli huma dawk li ma jistgħux jaħdmu mid-dar u ma jitħallsux minn min iħaddimhom matul l-assenza tagħhom mix-xogħol. Il-persuni eliġibbli jirċievu pagament dirett ta’ EUR 166,15 fil-ġimgħa.

(8)

Malta tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Malta pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 243 632 000 mill-1 ta’ Frar 2020 minħabba ż-żieda fl-ammont direttament relatat mas-suppliment tal-pagi tal-COVID-19, il-benefiċċju ta’ diżabbiltà tal-COVID-19 u l-benefiċċju tal-COVID-19 għall-ġenituri. Din tikkostitwixxi żieda f’daqqa u qawwija minħabba li l-miżuri l-ġodda jkopru proporzjon sinifikanti ta’ impriżi u tal-forza tax-xogħol f’Malta.

(9)

Il-Kummissjoni kkonsultat lil Malta u vverifikat iż-żieda f’daqqa u qawwija fin-nefqa pubblika attwali u ppjanata direttament relatata mal-iskemi tax-xogħol għal żmien qasir u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tas-7 ta’ Awwissu 2020, skont l-Artikolu 6 tar-Regolament (UE) 2020/672.

(10)

Għalhekk, jenħtieġ li tingħata assistenza finanzjarja bil-għan li Malta tiġi megħjuna tindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(11)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Hija ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(12)

Jenħtieġ li Malta tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn Malta implimentat dik in-nefqa.

(13)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija ta’ Malta, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-6 ta’ Awwissu 2020, il-Polonja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjo-ekonomiċi tat-tifqigħa għall-ħaddiema u għal min jaħdem għal rasu.

(2)

It-tifqigħa tal-COVID-19 u l-miżuri straordinarji implimentati mill-Polonja biex titrażżan it-tifqigħa u l-impatt soċjo-ekonomiku kif ukoll dak sanitarju tagħha mistennija jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, il-Polonja kienet mistennija jkollha defiċit u dejn tal-amministrazzjoni pubblika ta’ 9,5 % u 58,5 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Polonja huwa previst li jonqos b’4,6 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Polonja. Dan wassal għal żieda għal għarrieda u qawwija fin-nefqa pubblika fil-Polonja fir-rigward ta’ tnaqqis tal-kontribuzzjonijiet tas-sigurtà soċjali għal min jaħdem għal rasu, għall-kooperattivi soċjali kollha (irrispettivament mill-għadd ta’ impjegati) u għall-kumpaniji li ma jimpjegawx aktar minn 50 persuna, benefiċċju għall-perijodu ta’ inattività għal min jaħdem għal rasu u dawk li jaħdmu b’kuntratti tal-liġi ċivili, sussidji għas-salarji u l-ispejjeż tal-kontribuzzjonijiet tas-sigurtà soċjali, sussidji għal min jaħdem għal rasu u m’għandux impjegati, u self li jista’ jiġi konvertit f’sussidji mogħtija lil min jaħdem għal rasu, lill-mikrokumpaniji u lill-organizzazzjonijiet mhux governattivi, kif stipulat fil-premessi minn (4) sa (8).

(4)

B’mod aktar speċifiku, l-“Att tat-2 ta’ Marzu 2020 dwar soluzzjonijiet speċifiċi relatati mal-prevenzjoni, mal-ġlieda kontra u l-eradikazzjoni tal-COVID-19, mard infettiv ieħor u sitwazzjonijiet ta’ kriżi kkawżati minnhom” (2), imsemmi fit-talba tal-Polonja tas-6 ta’ Awwissu 2020, introduċa tnaqqis temporanju fil-kontribuzzjonijiet tas-sigurtà soċjali għal min jaħdem għal rasu, għall-kooperattivi soċjali kollha (irrispettivament mill-għadd ta’ impjegati) u għall-kumpaniji b’mhux aktar minn 50 impjegat biex jitħarsu l-postijiet tax-xogħol b’risposta għat-tifqigħa tal-COVID-19. It-tnaqqis applika għall-perijodu bejn Marzu u Mejju 2020. Dawk li jimpjegaw sa 10 min-nies u, fil-biċċa l-kbira, dawk li jaħdmu għal rashom, u għall-kooperattivi soċjali kollha (irrispettivament mill-għadd ta’ impjegati), setgħu jibbenefikaw minn tnaqqis sħiħ, filwaqt li għall-entitajiet li jimpjegaw bejn 10 u 50 impjegat, it-tnaqqis kien jammonta għal sa 50 %. It-tnaqqis temporanju fil-kontribuzzjonijiet tas-sigurtà soċjali jista’ jitqies bħala miżura simili għall-iskemi ta’ xogħol b’ħinijiet iqsar, kif imsemmija fir-Regolament (UE) 2020/672, minħabba li għandu l-għan li jipproteġi lil dawk li jaħdmu għal rashom minn tnaqqis jew telf tad-dħul u, fil-każ tal-kumpaniji li ma jimpjegawx aktar minn 50 ruħ u għall-kooperattivi soċjali kollha, jappoġġa lill-impjegati tal-kumpaniji dment li jibqgħu f’impjieg sa tmiem il-miżura. It-tnaqqis temporanju fil-kontribuzzjonijiet tas-sigurtà soċjali jwassal għal dħul mitluf għall-Gvern, li għall-għan tal-implimentazzjoni tar-Regolament 2020/672 jista’ jitqies ekwivalenti għal nefqa pubblika.

(5)

Barra minn hekk, l-awtoritajiet introduċew benefiċċju għal perijodu ta’ inattività għal dawk li jaħdmu għal rashom u dawk li jaħdmu skont kuntratti tal-liġi ċivili li esperjenzaw tnaqqis fid-dħul minħabba l-kriżi. Il-miżura tikkonsisti minn somma f’daqqa għal dawk li jaħdmu għal rashom (50 % jew 80 % tal-paga minima – skont it-tnaqqis fid-dħul) u dawk li qed jaħdmu taħt kuntratti atipiċi (sa 80 % tal-paga minima) biex tikkumpensahom għal tnaqqis fid-dħul.

(6)

Ġew introdotti sussidji għal salarji u kontribuzzjonijiet tas-sigurtà soċjali bil-kundizzjoni li kien hemm tnaqqis fil-fatturat minħabba l-kriżi. Irrispettivament mid-daqs tagħhom, l-impriżi jistgħu jitolbu kofinanzjament temporanju tal-ispejjeż tas-salarji u l-kontribuzzjonijiet tas-sigurtà soċjali tagħhom. Is-sussidji għas-salarji u l-kontribuzzjonijiet tas-sigurtà soċjali jistgħu jitqiesu li huma miżura simili għall-iskemi ta’ xogħol b’ħinijiet iqsar, kif imsemmi fir-Regolament (UE) 2020/672, f’dak li jirrigwarda n-nefqa mġarrba minn kumpaniji u entitajiet oħra li jużaw ix-xogħol b’ħinijiet aqsar jew li jnaqqsu l-ħin tax-xogħol volontarjament jew, meta l-impjegati kienu kontinwament f’impjieg sal-aħħar data dwar l-eżitu tal-baġit disponibbli, minħabba li jeħtieġu li l-kumpaniji jżommu l-impjiegi, sew tul il-perijodu tal-ħin tax-xogħol imqassar jew sal-aħħar data dwar l-eżitu tal-baġit disponibbli.

(7)

L-awtoritajiet introduċew sussidji għal dawk li jaħdmu għal rashom u ma jkollux impjegati. Is-sussidji jipprovdu kofinanzjament temporanju ta’ parti mill-ispejjeż tal-operat ta’ negozju li jiġġarrbu minn persuni fiżiċi mingħajr impjegati. L-ammont jiddependi fuq it-tnaqqis fil-fatturat u jammonta għal bejn 50 % u 90 % tal-paga minima.

(8)

Finalment, l-awtoritajiet introduċew miżura li tipprovdi self li jista’ jiġi kkonvertit f’għotjiet lil dawk li jaħdmu għal rashom, mikrokumpaniji u organizzazzjonijiet nongovernattivi. Il-miżura tipprovdi mikroself ta’ sa PLN 5 000. Is-self jista’ jiġi kkonvertit f’għotjiet jekk il-benefiċjarju jkompli l-operazzjonijiet għal tliet xhur wara li s-self ikun tħallas. Sabiex jiġi ssodisfat ir-rekwiżit li n-nefqa tkun pubblika, jenħtieġ li tkun in-nefqa relatata ma’ self li jiġi konvertit f’għotjiet biss li tiġi appoġġata skont ir-Regolament (UE) 2020/672.

(9)

Il-Polonja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Polonja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 11 668 118 894 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjo-ekonomiċi tat-tifqigħa tal-COVID-19. Din tikkostitwixxi żieda għal għarrieda u qawwija minħabba li hija relatata ma’ miżuri ġodda u estensjoni tal-miżuri eżistenti, li jkopru proporzjon sinifikanti tal-impriżi u tal-forza tax-xogħol fil-Polonja.

(10)

Il-Kummissjoni kkonsultat lill-Polonja u vverifikat iż-żieda għal għarrieda u qawwija fin-nefqa pubblika reali u ppjanata direttament relatata mal-iskemi ta’ xogħol b’ħinijiet iqsar u miżuri simili, f’konformità mal-Artikolu 6 tar-Regolament (UE) 2020/672.

(11)

Għalhekk jenħtieġ li tingħata assistenza finanzjarja bil-għan li l-Polonja tiġi megħjuna tindirizza l-effetti soċjo-ekonomiċi tat-taqlib ekonomiku gravi kkawżati mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(12)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Din ma teliminax il-ħtieġa li l-Istati Membri jinnotifikaw każijiet ta’għajnuna potenzjali mill-Istat lill-Kummissjoni skont l-Artikolu 108 tat-Trattat.

(13)

Jenħtieġ li l-Polonja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Polonja implimentat dik in-nefqa.

(14)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tal-Polonja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza. B’mod partikolari, l-ammont tas-self ġie stabbilit biex jiżgura l-konformità mar-regoli prudenzjali applikabbli għall-portafoll tas-self kif speċifikat fir-Regolament (UE) 2020/672,

(1)

Fil-11 ta’ Awwissu 2020, il-Portugall talab assistenza finanzjarja mill-Unjoni bil-ħsieb li jikkomplementa l-isforzi nazzjonali tiegħu biex jindirizza l-impatt tat-tifqigħa tal-COVID-19 u jirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mill-Portugall biex titrażżan it-tifqigħa u l-impatt soċjoekonomiku kif ukoll dak sanitarju tagħha huma mistennija li jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, il-Portugall kien mistenni li jkollu defiċit u dejn tal-amministrazzjoni pubblika ta’ 6,5 % u 131,6 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tal-Portugall huwa previst li jonqos b’9,8 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fil-Portugall. Dan wassal għal żieda għal għarrieda u qawwija fin-nefqa pubblika mill-Portugall fir-rigward tal-iskemi tax-xogħol b’ħinijiet iqsar u miżuri simili, kif ukoll ir-rikors għal miżuri rilevanti tas-saħħa relatati mat-tifqigħa tal-COVID-19, kif stabbiliti fil-premessi minn (4) sa (17).

(4)

‘Il-Liġi Nru 7/2009 tat-12 ta’ Frar’, imsemmija fit-talba tal-Portugall tal-11 ta’ Awwissu 2020, tintroduċi miżura li tappoġġa ż-żamma tal-kuntratti ta’ xogħol permezz tal-interruzzjoni temporanja tax-xogħol jew bit-tnaqqis tal-ħin tax-xogħol normali stabbilit fil-Kodiċi tax-Xogħol tal-Portugall. Il-miżura tipprovdi benefiċċju lid-ditti eliġibbli biex ikopru 70 % tal-kumpens tal-impjegati, bil-kumpens tal-impjegati jkun ekwivalenti għal żewġ terzi tas-salarju gross normali tagħhom. Il-korrezzjoni ta’ żewġ terzi hija soġġetta għal limitu aktar baxx ekwivalenti għas-salarju minimu nazzjonali u limitu massimu ekwivalenti għal tliet darbiet is-salarju minimu nazzjonali. Id-ditti eliġibbli jridu jkunu ssospendew l-attività kummerċjali tagħhom jew ikunu qed jesperjenzaw telf sinifikanti fid-dħul.

(5)

Id-‘Digriet Amministrattiv Nru 10-G/2020 tas-26 ta’ Marzu’ u d-‘Digriet Amministrattiv Nru 27-B/2020 tad-19 ta’ Ġunju’, imsemmija fit-talba tal-Portugall tal-11 ta’ Awwissu 2020, kienu l-bażi għall-introduzzjoni ta’ għadd ta’ miżuri li jindirizzaw l-impatt tat-tifqigħa tal-COVID-19. Dawn jinkludu l-appoġġ speċjali ġdid u simplifikat għaż-żamma tal-kuntratti ta’ xogħol permezz tal-interruzzjoni temporanja tax-xogħol jew bit-tnaqqis tal-ħin tax-xogħol normali. Din il-miżura hija simili għall-miżura msemmija fil-premessa (4) iżda għandha proċeduri simplifikati biex tippermetti aċċess aktar mgħaġġel għall-fondi. Il-miżura tipprovdi benefiċċju lid-ditti eliġibbli biex ikopru 70 % tal-kumpens tal-impjegati, bil-kumpens tal-impjegati jkun ekwivalenti għal żewġ terzi tas-salarju gross normali tagħhom, kif ukoll l-eżenzjoni mill-kontribuzzjonijiet tas-sigurtà soċjali tal-impjegatur. Il-korrezzjoni ta’ żewġ terzi hija soġġetta għal limitu aktar baxx ekwivalenti għas-salarju minimu nazzjonali u limitu massimu ekwivalenti għal tliet darbiet is-salarju minimu nazzjonali. Id-ditti eliġibbli jridu jkunu ssospendew l-attività kummerċjali tagħhom jew esperjenzaw telf fid-dħul ta’ mill-inqas 40 % fil-perijodu ta’ 30 jum qabel it-talba għal appoġġ, meta mqabbel mal-istess xahar tas-sena ta’ qabel jew mal-medja fix-xahar tax-xahrejn qabel dak il-perijodu. Il-miżura ġiet estiża diversi drabi inkluż bir-reviżjoni tal-kalkolu tal-kumpens tal-impjegati għal 80 % tas-salarju gross normali tagħhom u l-introduzzjoni tat-twaqqif gradwali tal-eżonerazzjoni tal-kontribuzzjonijiet tas-sigurtà soċjali tad-ditti benefiċjarji. Peress li l-eżonerazzjoni tal-kontribuzzjonijiet tas-sigurtà soċjali tikkonsisti fi dħul mitluf għall-Gvern, għall-fini tar-Regolament (UE) 2020/672 din tista’ titqies li hija ekwivalenti għal nefqa pubblika.

(6)

F’każijiet fejn id-ditti jkunu fi kriżi minħabba t-tifqigħa tal-COVID-19, qed jibbenefikaw minn miżuri msemmija fil-premessa (4) jew (5) u għandhom programm tat-taħriġ approvat mis-servizzi pubbliċi nazzjonali tal-impjiegi u tat-taħriġ, fil-qafas ta’ programmi vokazzjonali speċjali, l-impjegati u l-kumpaniji jistgħu jibbenefikaw, minflok tnaqqis tal-ħin tax-xogħol, minn kumpens għat-taħriġ biex ikopru s-sostituzzjoni tal-introjtu, kif ukoll il-kostijiet marbuta għat-taħriġ, li jrid isir matul il-ħinijiet tax-xogħol.

(7)

Barra minn hekk, l-awtoritajiet introduċew miżura ta’ appoġġ speċjali għad-ditti biex l-attività tan-negozju terġa’ tibda. Sabiex jiffaċilitaw it-tranżizzjoni lura għax-xogħol u jiffaċilitaw iż-żamma tal-impjiegi, id-ditti li l-impjegati tagħhom ibbenefikaw mill-miżuri msemmija fil-premessa (4) jew (5) jistgħu jirċievu benefiċċju ekwivalenti għas-salarju minimu nazzjonali għal kull impjegat rilevanti mħallas f’pagament wieħed, jew għal darbtejn is-salarju minimu nazzjonali għal kull impjegat imħallas b’mod gradwali fuq perijodu ta’ sitt xhur. Meta l-appoġġ jingħata b’mod gradwali, id-ditti jibbenefikaw ukoll minn eżenzjoni parzjali ta’ 50 % fir-rigward tal-kontribuzzjonijiet tas-sigurtà soċjali tal-impjegatur rispettiv b’referenza għall-impjegati rilevanti.

(8)

Finalment, fil-qafas tad-‘Digriet Amministrattiv Nru 27-B/2020 tad-19 ta’ Ġunju’ u d-‘Digriet Amministrattiv Nru 58-A/2020 tal-14 ta’ Awwissu’, l-awtoritajiet introduċew suppliment għall-istabbilizzazzjoni tal-introjtu għall-impjegati li jibbenefikaw mill-miżuri msemmija fil-premessa (4) jew (5). L-impjegati eliġibbli huma dawk li, b’referenza għal Frar 2020, is-salarju tagħhom ma kienx jaqbeż darbtejn is-salarju minimu nazzjonali. L-impjegati jirċievu benefiċċju ekwivalenti għad-differenza bejn is-salarju gross ta’ Frar 2020 u dak tal-perijodu li fih l-impjegat kien kopert minn xi waħda miż-żewġ skemi ta’ appoġġ imsemmija hawn fuq, b’livell limitu ta’ EUR 100 u limitu massimu ta’ EUR 351.

(9)

Id-‘Digriet Amministrattiv Nru 10-A/2020 tat-13 ta’ Marzu’ u l-‘Liġi Nru 2/2020 tal-31 ta’ Marzu’ (2) imsemmija fit-talba tal-Portugall tal-11 ta’ Awwissu 2020, introduċew miżura ta’ appoġġ speċjali għal dawk li jaħdmu għal rashom, il-ħaddiema informali u s-soċji maniġerjali. Il-miżura tipprovdi benefiċċju ta’ kull xahar ugwali għall-introjtu rreġistrat tal-individwu, b’limitu massimu ta’ EUR 438,81 meta l-introjtu jkun inqas minn EUR 658,21, jew għal żewġ terzi tal-introjtu rreġistrat tal-individwu b’limitu massimu ta’ EUR 438,81 meta l-introjtu jkun akbar minn EUR 658,21. Limitu inizjali ta’ EUR 219,41 kien applikat għall-ammont globali ta’ appoġġ ta’ kull xahar bejn it-13 ta’ Marzu u t-30 ta’ Ġunju 2020. Il-persuni eliġibbli huma l-individwi li ssospendew l-attività kummerċjali tagħhom jew li qed jesperjenzaw telf fid-dħul ta’ mill-inqas 40 % fil-perijodu ta’ 30 jum qabel it-talba għal appoġġ, meta mqabbel mal-istess xahar tas-sena ta’ qabel jew mal-medja fix-xahar tax-xahrejn qabel dak il-perijodu.

(10)

Id-‘Digriet Amministrattiv Nru 10-A/2020 tat-13 ta’ Marzu’, imsemmi fit-talba tal-Portugall tal-11 ta’ Awwissu 2020, jintroduċi benefiċċju tal-familja għall-impjegati li ma jistgħux jaħdmu minħabba l-ħtieġa li jassistu lil uliedhom taħt it-12-il sena jew persuni dipendenti oħra. Il-miżura tipprovdi benefiċċju li jkopri 50 % tal-kumpens tal-impjegati. Bħala regola, il-kumpens tal-impjegati jikkorrispondi għal żewġ terzi tas-salarju gross normali, b’limitu aktar baxx ekwivalenti għas-salarju minimu nazzjonali u limitu massimu ekwivalenti għal tliet darbiet is-salarju minimu nazzjonali. Din il-miżura tista’ titqies li hija miżura simili għal skemi ta’ xogħol b’ħinijiet iqsar, kif imsemmija fir-Regolament (UE) 2020/672, billi tipprovdi appoġġ għall-introjtu lill-impjegati li jgħin biex jiġu koperti l-ispejjeż tat-tħaris tat-tfal meta l-iskejjel ikunu magħluqin u b’hekk il-ġenituri jkunu jistgħu jkomplu jaħdmu u r-relazzjoni tax-xogħol tagħhom ma titpoġġiex f’riskju.

(11)

L-‘Ordni tal-Gvern Nru 3485-C/2020 tas-17 ta’ Marzu’, l-‘Ordni tal-Gvern Nru 4395/2020 tal-10 ta’ April’ u l-‘Ordni tal-Gvern Nru 5897-B/2020 tat-28 ta’ Mejju’,imsemmija fit-talba tal-Portugall tal-11 ta’ Awwissu 2020, jintroduċu miżura ta’ appoġġ speċjali għaż-żamma tal-kuntratti ta’ xogħol ta’ min iħarreġ fid-dawl tal-kanċellazzjoni ta’ taħriġ vokazzjonali. L-appoġġ pubbliku jikkonsisti f’benefiċċju li jkopri s-salarju ta’ min iħarreġ anki jekk it-taħriġ vokazzjonali ma jsirx.

(12)

Ir-‘Riżoluzzjoni tal-Kunsill tal-Gvern Reġjonali tal-Azores Nru 97/2020 tat-8 ta’ April’, ir-‘Riżoluzzjoni tal-Kunsill tal-Gvern Reġjonali tal-Azores Nru 120/2020 tat-28 ta’ April’, ir-‘Riżoluzzjoni tal-Kunsill tal-Gvern Reġjonali tal-Azores Nru 128/2020 tal-5 ta’ Mejju’, ir-‘Riżoluzzjoni tal-Kunsill tal-Gvern Reġjonali tal-Azores Nru 129/2020 tal-5 ta’ Mejju’, ir-‘Riżoluzzjoni tal-Kunsill tal-Gvern Reġjonali tal-Azores Nru 195/2020 tal-15 ta’ Lulju’, ir-‘Riżoluzzjoni tal-Kunsill tal-Gvern Reġjonali tal-Azores Nru 196/2020 tal-15 ta’ Lulju’ u r-‘Riżoluzzjoni tal-Kunsill tal-Gvern Reġjonali tal-Azores Nru 200/2020 tas-17 ta’ Lulju’, imsemmija fit-talba tal-Portugall tal-11 ta’ Awwissu 2020, jintroduċu numru ta’ miżuri reġjonali relatati max-xogħol fir-reġjun awtonomu tal-Azores. Il-miżuri speċifiċi li jinkludu pagament supplimentari reġjonali fuq skemi nazzjonali, jiġifieri fuq xogħol b’ħinijiet iqsar, appoġġ għal dawk li jaħdmu għal rashom u għal ditti bil-għan li jerġgħu jibdew attività kummerċjali, huma maħsuba biex jippreservaw l-impjiegi fl-Azores waqt it-tifqigħa tal-COVID-19. L-appoġġ fil-qafas tal-miżuri jiddependi fuq iż-żamma tal-kuntratti ta’ xogħol u fuq it-tkomplija tal-attività kummerċjali.

(13)

Ir-‘Riżoluzzjoni tal-Gvern Reġjonali ta’ Madeira Nru 101/2020 tat-13 ta’ Marzu’ u l-‘Ordinanza Nru 133-B/2020 tal-Viċi Presidenza tal-Gvern Reġjonali ta’ Madeira u tas-Segretarjat Reġjonali għall-Inklużjoni Soċjali u ċ-Ċittadinanza tat-22 ta’ April’, imsemmijin fit-talba tal-Portugall tal-11 ta’ Awwissu 2020, jintroduċu għadd ta’ miżuri reġjonali relatati mal-impjieg fir-reġjun awtonomu ta’ Madeira. Il-miżuri speċifiċi li jinkludu pagament supplimentari reġjonali fuq skemi nazzjonali, jiġifieri fuq xogħol b’ħinijiet iqsar, appoġġ għal dawk li jaħdmu għal rashom u għal ditti bil-għan li jerġgħu jibdew attività kummerċjali, huma maħsuba biex jippreservaw l-impjiegi f’Madeira waqt it-tifqigħa tal-COVID-19. L-appoġġ fil-qafas tal-miżuri jiddependi fuq iż-żamma tal-kuntratti ta’ xogħol u fuq it-tkomplija tal-attività kummerċjali.

(14)

Id-‘Digriet Amministrattiv Nru 10-A/2020 tat-13 ta’ Marzu’ u l-‘Liġi Nru 2/2020 tal-31 ta’ Marzu’ (3), imsemmijin fit-talba tal-Portugall tal-11 ta’ Awwissu 2020, jipprovdu benefiċċju għall-impjegati u għal dawk li jaħdmu għal rashom li bħalissa ma jistgħux iwettqu l-attività professjonali tagħhom minħabba iżolament profilattiku. Dawn il-ħaddiema għandhom dritt għal benefiċċju ekwivalenti għas-salarju bażiku tagħhom. Dawk l-atti legali jintroduċu wkoll benefiċċju tal-mard minħabba infezzjoni bil-COVID-19. Imqabbel mal-iskema standard tal-Portugall tal-benefiċċju tal-mard, l-għoti tal-benefiċċju tal-mard tal-COVID-19 mhuwiex soġġett għal perijodu ta’ stennija. L-appoġġ pubbliku jikkonsisti f’benefiċċju ugwali għas-salarju gross.

(15)

Id-‘Digriet Amministrattiv Nru 10-A/2020 tat-13 ta’ Marzu’, imsemmi fit-talba tal-Portugall tal-11 ta’ Awwissu 2020, jippermetti x-xiri ta’ tagħmir protettiv personali biex jintuża fuq il-post tax-xogħol, b’mod partikolari fi sptarijiet pubbliċi, fil-ministeri kompetenti, il-muniċipalitajiet u r-reġjuni awtonomi tal-Azores u ta’ Madeira bħala miżura relatata mas-saħħa. Barra minn hekk, dak l-att legali jintroduċi kampanja ta’ iġjene fl-iskejjel bil-għan li jiġi żgurat ir-ritorn sikur għax-xogħol tal-lekċerers, ta’ membri oħra tal-persunal u tal-istudenti.

(16)

L-awtoritajiet introduċew l-ittestjar rigward infezzjoni bil-COVID-19 għall-pazjenti stazzjonarji u l-ħaddiema ta’ sptarijiet pubbliċi, kif ukoll għall-impjegati tad-djar tal-kura u tal-faċilitajiet tat-tħaris tat-tfal. Il-kost tal-ittestjar huwa ffinanzjat mill-baġit ġenerali u, għalhekk, ma għandux bażi legali espliċita.

(17)

Finalment, il-‘Liġi Nru 27-A/2020 tal-24 ta’ Lulju’, imsemmija fit-talba tal-Portugall tal-11 ta’ Awwissu 2020, tintroduċi kumpens speċjali għall-ħaddiema fis-Servizz Nazzjonali tas-Saħħa involuti fil-ġlieda kontra t-tifqigħa tal-COVID-19. Dan jikkonsisti f’bonus għall-prestazzjoni, li jitħallas darba biss, korrispondenti għal ammont ekwivalenti għal 50 % tas-salarju gross normali tal-impjegat.

(18)

Il-Portugall jissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Il-Portugall ipprovda lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 5 934 462 488 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Iż-żieda relatata direttament mal-miżuri ta’ hawn fuq li huma skemi ta’ xogħol b’ħinijiet iqsar jew miżuri simili tikkostitwixxi żieda għal għarrieda u qawwija għax hija relatata kemm maż-żewġ miżuri ġodda kif ukoll maż-żieda fid-domanda għall-miżuri eżistenti, li flimkien ikopru proporzjon sinifikanti tal-impriżi u tal-forza tax-xogħol fil-Portugall.

(19)

Il-Kummissjoni kkonsultat lill-Portugall u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi ta’ xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19 imsemmija fit-talba tal-11 ta’ Awwissu 2020, skont l-Artikolu 6 tar-Regolament (UE) 2020/672.

(20)

Għalhekk jenħtieġ li tingħata assistenza finanzjarja bil-għan li l-Portugall jiġi megħjun jindirizza l-effetti soċjoekonomiċi tat-taqlib ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(21)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(22)

Jenħtieġ li l-Portugall jinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn il-Portugall implimenta dik in-nefqa.

(23)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u mistennija tal-Portugall, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, ir-Rumanija talbet assistenza finanzjarja mill-Unjoni bil-għan li tissupplimenta l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mir-Rumanija biex titrażżan it-tifqigħa u l-impatt tagħha kemm soċjoekonomiku kif ukoll dak sanitarju mistennija li jkollhom impatt qawwi fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, ir-Rumanija kienet mistennija li jkollha defiċit u dejn tal-amministrazzjoni pubblika ta’ 9,2 % u 46,2 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf 2020 tal-Kummissjoni, il-PDG tar-Rumanija huwa mbassar li jonqos b’6,0 % fl-2020.

(3)

It-tifqigħa tal-COVID-19 waqqfet parti sostanzjali mill-forza tax-xogħol fir-Rumanija. Dan wassal għal żieda għal għarrieda u qawwija fin-nefqa pubblika fir-Rumanija fir-rigward ta’ skemi ta’ xogħol b’ħinijiet iqsar u miżuri simili, kif ukoll miżuri relatati mas-saħħa, kif stabbilit fil-premessi minn (4) sa (11).

(4)

‘L-Ordinanza ta’ Emerġenza tal-Gvern 30/2020’ (2), imsemmija fit-talba tar-Rumanija tas-7 ta’ Awwissu 2020, tipprovdi benefiċċju lill-impjegati ta’ dawk l-impjegaturi li jnaqqsu jew li temporanjament jinterrompu l-attività tagħhom minħabba l-effetti tat-tifqigħa tal-COVID-19. Il-benefiċċju huwa limitat għal 75 % tas-salarju bażiku ta’ dawk l-impjegati (iżda mhux aktar minn 75 % tas-salarju gross medju fl-ekonomija) għal kemm idum l-istat ta’ emerġenza.

(5)

“L-Ordinanza ta’ Emerġenza tal-Gvern 92/2020” (3), imsemmija fit-talba tar-Rumanija tas-7 ta’ Awwissu 2020, introduċiet benefiċċju għal dawk li l-kuntratt ta’ impjieg tagħhom ġie sospiż għal mill-inqas 15-il jum matul l-istat ta’ emerġenza jew ta’ twissija, sakemm ir-relazzjoni ta’ impjieg tagħhom tinżamm sal-31 ta’ Diċembru 2020. Il-benefiċċju jammonta għal 41,5 % tas-salarju bażiku gross ta’ dawk l-impjegati (iżda mhux aktar minn 41,5 % tas-salarju gross medju fl-ekonomija).

(6)

“L-Ordinanza ta’ Emerġenza tal-Gvern 132/2020” (4) introduċiet skema ta’ xogħol b’ħinijiet iqsar, li skontha, fil-każ ta’ tnaqqis temporanju tal-attività kkawżat minn stat ta’ emerġenza jew ta’ twissija, l-impjegatur għandu l-possibbiltà li jnaqqas is-sigħat tax-xogħol tal-impjegati b’sa 50 %. Matul il-perijodu ta’ tnaqqis fis-sigħat tax-xogħol, il-ħaddiema milquta jibbenefikaw minn kumpens ta’ 75 % tad-differenza bejn is-salarju gross għall-ħin tax-xogħol normali u s-salarju effettiv tagħhom.

(7)

Għal dawk li jaħdmu għal rashom u għall-professjonijiet liberi, ġew introdotti żewġ miżuri. Għal dawk li waqfu jaħdmu kompletament minħabba l-effetti tat-tifqigħa tal-COVID-19, l-istat jipprovdi benefiċċju ta’ 75 % tas-salarju gross medju (5). Għal dawk li jnaqqsu s-sigħat tax-xogħol tagħhom, l-Istat jipprovdi benefiċċju sa 41,5 % tas-salarju gross medju.

(8)

Għal dawk li jaħdmu bil-ġurnata li jieqfu mix-xogħol b’konsegwenza tas-sospensjoni tal-attivitajiet kummerċjali minħabba l-effetti tat-tifqigħa tal-COVID-19, l-awtoritajiet introduċew miżura li tipprovdi benefiċċju ta’ appoġġ ta’ 35 % tar-remunerazzjoni dovuta għal kull jum ta’ xogħol, għal perijodu massimu ta’ tliet xhur.

(9)

“L-Ordinanza ta’ Emerġenza tal-Gvern 11/2020” (6), imsemmija fit-talba tar-Rumanija tas-7 ta’ Awwissu 2020, tipprovdi bonus għal xogħol supplimentari lill-persunal tal-istrutturi speċjalizzati tal-Istitut Nazzjonali tas-Saħħa Pubblika u tad-direttorati tas-saħħa pubblika tal-kontej u/jew tad-direttorat tas-saħħa pubblika ta’ Bucharest li jaġixxi biex jikkoordina u jimplimenta l-miżuri ta’ prevenzjoni u limitazzjoni ta’ avvenimenti li l-WHO ddikjarathom emerġenza tas-saħħa pubblika globali minħabba l-infezzjonijiet tal-COVID-19. Il-miżura tipprovdi benefiċċju ekwivalenti għal 75 % tas-salarju bażiku, għas-sigħat maħduma matul is-sigħat normali tax-xogħol u għal 100 % tas-salarju bażiku, għas-sigħat maħduma fi tmiem il-ġimgħa, fil-ġranet festivi u fi ġranet oħra mhux magħduda bħala jiem ta’ xogħol. Dik il-miżura tista’ titqies li hija miżura relatata mas-saħħa, kif imsejħa fir-Regolament (UE) 2020/672.

(10)

Lill-impjegati tas-sistema nazzjonali tad-difiża, tal-istabbilimenti ta’ detenzjoni, tal-unitajiet tas-saħħa pubblika u ta’ kategoriji oħra stabbiliti permezz ta’ ordnijiet ministerjali, l-awtoritajiet ipprovdewlhom bonus għat-tħaris tat-tfal. Il-benefiċċju huwa bil-kundizzjoni li l-ġenitur l-ieħor li ma jibbenefikax minn drittijiet alternattivi li jagħtu jiem ta’ liv lill-ġenituri għas-superviżjoni ta’ tfal fil-każ tal-għeluq temporanju tal-unitajiet edukattivi. Dik il-miżura tista’ titqies li hija miżura simili għal skemi ta’ xogħol għal żmien qasir, kif imsemmi fir-Regolament (UE) 2020/672, peress li tipprovdi appoġġ għall-introjtu lill-impjegati, li se tgħin biex jiġu koperti l-ispejjeż tat-tħaris tat-tfal waqt li l-iskejjel jinsabu magħluqa u għalhekk tgħin lill-ġenituri biex ikomplu jaħdmu, u b’hekk tipprevjeni li r-relazzjoni tax-xogħol titqiegħed f’riskju.

(11)

Fl-aħħar nett, il-“Liġi Nru 56/2020” (7), imsemmija fit-talba tar-Rumanija tas-7 ta’ Awwissu 2020, tintroduċi bonus fir-rigward ta’ kundizzjonijiet partikolarment perikolużi sa 30 % tas-salarju tal-persunal mediku li jipparteċipa fl-azzjonijiet mediċi kontra l-COVID-19.

(12)

Ir-Rumanija tissodisfa l-kundizzjonijiet biex tintalab assistenza finanzjarja stabbiliti fl-Artikolu 3 tar-Regolament (UE) 2020/672. Ir-Rumanija pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 4 370 779 006 mill-1 ta’ Frar 2020 minħabba ż-żieda fl-ammonti direttament relatati mal-benefiċċji tal-qgħad għall-impjegati u għal kategoriji oħra għajr l-impjegati, benefiċċju għal impjegati li jirritornaw għax-xogħol u kategoriji oħra għajr l-impjegati, skema imminenti ta’ xogħol għal żmien qasir, benefiċċju ta’ appoġġ għal dawk li jaħdmu bil-ġurnata u bonus għat-tħaris tat-tfal lil persunal speċifiku. Dan jikkostitwixxi żieda għal għarrieda u qawwija minħabba li huwa marbut ma’ miżuri ġodda, li jkopru proporzjon sinifikanti ta’ impriżi u tal-forza tax-xogħol fir-Rumanija. Ir-Rumanija biħsiebha tiffinanzja EUR 271 534 419 tal-ammont miżjud tan-nefqa permezz tal-fondi tal-Unjoni.

(13)

Il-Kummissjoni kkonsultat lir-Rumanija u vverifikat iż-żieda għal għarrieda u qawwija fin-nefqa pubblika attwali u ppjanata direttament relatata mal-iskemi tax-xogħol b’ħinijiet iqsar u miżuri simili, kif ukoll ir-rikors għal miżuri rilevanti relatati mas-saħħa marbuta mat-tifqigħa tal-COVID-19, imsemmija fit-talba tas-7 ta’ Awwissu 2020, b’konformità mal-Artikolu 6 tar-Regolament (UE) 2020/672.

(14)

Għalhekk jenħtieġ li tingħata assistenza finanzjarja bil-għan li tgħin lir-Rumanija tindirizza l-effetti soċjoekonomiċi tat-tfixkil ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(15)

Din id-Deċiżjoni jenħtieġ li tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma tneħħix il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(16)

Jenħtieġ li r-Rumanija tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn ir-Rumanija implimentat dik in-nefqa.

(17)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tar-Rumanija, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li ġew applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-7 ta’ Awwissu 2020, is-Slovenja talbet assistenza finanzjarja mill-Unjoni bil-għan li tissupplimenta l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mis-Slovenja biex titrażżan it-tifqigħa u l-impatt tagħha kemm soċjoekonomiku kif ukoll dak sanitarju mistennija li jkollhom impatt qawwi fuq il-finanzi pubbliċi. Skont it-tbassir tar-Rebbiegħa 2020 tal-Kummissjoni, is-Slovenja kienet mistennija li jkollha defiċit u dejn tal-amministrazzjoni pubblika ta’ 7,2 % u 83,7 % tal-prodott domestiku gross (PDG) rispettivament sa tmiem l-2020. Skont it-tbassir interim tas-Sajf 2020 tal-Kummissjoni, il-PDG tas-Slovenja huwa pprojettat li jonqos b’7,0 % fl-2020.

(3)

It-tifqigħa tal-COVID-19 waqqfet parti sostanzjali mill-forza tax-xogħol fis-Slovenja. Dan wassal għal żieda f’daqqa u għolja ħafna fin-nefqa pubblika fis-Slovenja fir-rigward ta’ skemi ta’ xogħol b’ħinijiet iqsar u miżuri simili, kif stabbilit fil-premessi minn (4) sa (9).

(4)

L-‘ Att li Jiddetermina l-Miżuri ta’ Intervent fuq is-Salarji u l-Kontribuzzjonijiet (ZIUPPP)’ (2) u l-‘Att li Jistabbilixxi l-Miżuri ta’ Intervent għall-Konteniment tal-Epidemija tal-COVID-19 u Jittaffew il-Konsegwenzi tagħha għaċ-Ċittadini u l-Ekonomija (ZIUZEOP)’ (3), imsemmija fit-talba tas-Slovenja tas-7 ta’ Awwissu 2020, introduċew skema ta’ kumpens ta’ pagi għall-impjegati li ma ħadmux (jew stennew għax-xogħol) minħabba li l-impjegaturi għal xi żmien ma setgħux jipprovdu xogħol għal raġunijiet kummerċjali, forza maġġuri jew kwarantina. Il-benefiċċju pagabbli skont l-iskema huwa limitat għal 80 % tal-paga medja tal-impjegat f’dawn l-aħħar tliet xhur, iżda mhuwiex inqas mill-paga minima fis-Slovenja, u jiddependi fuq iż-żamma tal-impjegat matul il-parteċipazzjoni tal-impjegatur. Il-miżura kienet fis-seħħ mit-13 ta’ Marzu 2020 sal-31 ta’ Mejju 2020. Fuq il-bażi tal-‘Att li Jistabbilixxi l-Miżuri ta’ Intervent biex Jittaffew u Jiġu Rimedjati l-Konsegwenzi tal-Epidemija tal-COVID-19 (ZIUOOPE)’ (4), l-iskema minn dakinhar ġiet estiża b’xi emendi mill-1 ta’ Ġunju 2020 sal-31 ta’ Awwissu 2020 b’estensjoni ulterjuri ppjanata sal-aħħar ta’ Settembru 2020.

(5)

Ġiet introdotta eżenzjoni mill-ħlas tal-kontribuzzjonijiet tas-sigurtà soċjali għall-impjegati li jibbenefikaw mill-iskema ta’ kumpens tal-pagi. Il-miżura kienet fis-seħħ mit-13 ta’ Marzu 2020 sal-31 ta’ Mejju 2020.

(6)

Inħolqot skema ta’ xogħol għal żmien qasir li tippermetti lill-impjegaturi biex temporanjament jintroduċi x-xogħol part-time, filwaqt li l-impjegati jitħallsu salarju full-time. L-impjegatur jirċievi sussidju ta’ ammont fiss għas-sigħat mhux maħduma minn kull impjegat taħt il-kundizzjoni li l-impjegat jinżamm matul il-parteċipazzjoni tal-impjegatur flimkien ma’ xahar addizzjonali. L-iskema hija fis-seħħ mill-1 ta’ Ġunju 2020 sal-31 ta’ Diċembru 2020.

(7)

Għall-impjegati li baqgħu fil-post tax-xogħol, l-awtoritajiet introduċew skema li tissussidja l-ħlas ta’ kontribuzzjonijiet tal-assigurazzjoni tal-pensjoni u tal-assigurazzjoni għad-diżabbiltà, inklużi l-kontribuzzjonijiet għal pensjonijiet professjonali. Il-miżura kienet abbinata ma’ obbligu li l-impjegatur iħallas kumpens mensili għall-kriżi ta’ EUR 200 lill-impjegati li jaħdmu u li jaqilgħu paga inferjuri għal tliet darbiet il-paga minima. L-awtoritajiet talbu biss il-parti tan-nefqa relatata mal-impjegati li kienu kontinwament fl-impjieg sal-aktar data riċenti disponibbli dwar l-eżitu. Il-miżura kienet fis-seħħ mit-13 ta’ Marzu 2020 sal-31 ta’ Mejju 2020.

(8)

Ġiet introdotta miżura li tipprovdi l-finanzjament tal-kontribuzzjonijiet tas-sigurtà soċjali għal dawk li jaħdmu għal rashom, il-bdiewa u l-ħaddiema reliġjużi. Il-miżura tkopri l-kontribuzzjonijiet kollha tal-assigurazzjoni tas-sigurtà soċjali għal tali benefiċjarji li kienu assigurati u ma setgħux iwettqu l-attività ekonomika tagħhom, jew setgħu jwettqu biss parti minn dik l-attività, matul l-epidemija. Il-miżura kienet fis-seħħ mit-13 ta’ Marzu 2020 sal-31 ta’ Mejju 2020.

(9)

Fl-aħħar nett, ġiet introdotta miżura ta’ appoġġ bażiku għad-dħul għal dawk li jaħdmu għal rashom, il-bdiewa u l-ħaddiema reliġjużi li pprovda sostenn ta’ EUR 350 f’Marzu 2020 u ta’ EUR 700 f’April u Mejju 2020 għal dawk il-benefiċjarji li kienu assigurati u ma setgħux iwettqu l-attività ekonomika tagħhom, jew setgħu jwettqu biss parti minn dik l-attività, matul l-epidemija. Il-miżura kienet fis-seħħ mit-13 ta’ Marzu 2020 sal-31 ta’ Mejju 2020.

(10)

Is-Slovenja tissodisfa l-kundizzjonijiet biex tintalab assistenza finanzjarja stabbiliti fl-Artikolu 3 tar-Regolament (UE) 2020/672. Is-Slovenja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 1 203 670 000 mill-1 ta’ Frar 2020 minħabba l-miżuri nazzjonali li ttieħdu biex jiġu indirizzati l-effetti soċjoekonomiċi tat-tifqigħa tal-COVID-19. Dan jikkostitwixxi żieda f’daqqa u għolja ħafna minħabba li l-miżuri l-ġodda jkopru proporzjon sinifikanti tal-impriżi u tal-forza tax-xogħol fis-Slovenja. Is-Slovenja biħsiebha tiffinanzja EUR 90 000 000 tal-ammont miżjud tan-nefqa permezz tal-fondi tal-Unjoni.

(11)

Il-Kummissjoni kkonsultat lis-Slovenja u vverifikat iż-żieda f’daqqa u għolja ħafna fin-nefqa pubblika attwali u ppjanata direttament relatata mal-iskemi tax-xogħol b’ħinijiet iqsar u miżuri simili imsemmija fit-talba tas-7 ta’ Awwissu 2020, b’konformità mal-Artikolu 6 tar-Regolament (UE) 2020/672.

(12)

Għalhekk jenħtieġ li tingħata assistenza finanzjarja bil-għan li tgħin lis-Slovenja tindirizza l-effetti soċjoekonomiċi tat-tfixkil ekonomiku gravi kkawżat mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(13)

Din id-Deċiżjoni jenħtieġ li tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li tista’ titwettaq, b’mod partikolari skont l-Artikoli 107 u 108 tat-Trattat. Hija ma tneħħix il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat.

(14)

Jenħtieġ li s-Slovenja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn is-Slovenja implimentat dik in-nefqa.

(15)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tas-Slovenja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li ġew applikati l-prinċipji ta’ trattament ugwali, solidarjetà, proporzjonalità u trasparenza,

(1)

Fis-6 ta’ Awwissu 2020, is-Slovakkja talbet assistenza finanzjarja mill-Unjoni bil-ħsieb li tikkomplementa l-isforzi nazzjonali tagħha biex tindirizza l-impatt tat-tifqigħa tal-COVID-19 u tirreaġixxi għall-konsegwenzi soċjoekonomiċi tat-tifqigħa għall-ħaddiema u għal dawk li jaħdmu għal rashom.

(2)

It-tifqigħa tal-COVID-19 u l-miżuri straordinarji implimentati mis-Slovakkja biex titrażżan it-tifqigħa u l-impatt soċjoekonomiku kif ukoll dak sanitarju tagħha mistennija jkollhom impatt drammatiku fuq il-finanzi pubbliċi. Skont il-previżjoni tar-rebbiegħa 2020 tal-Kummissjoni, is-Slovakkja kienet mistennija jkollha defiċit u dejn tal-amministrazzjoni pubblika ta’ 8,5 % u 59,5 % tal-prodott domestiku gross (PDG) rispettivament sa tmiem l-2020. Skont il-previżjoni interim tas-sajf tal-2020 tal-Kummissjoni, il-PDG tas-Slovakkja huwa projettat li jonqos b’9,0 % fl-2020.

(3)

It-tifqigħa tal-COVID-19 ipparalizzat parti sostanzjali tal-forza tax-xogħol fis-Slovakkja. Dan wassal għal żieda għal għarrieda u qawwija fin-nefqa pubblika fis-Slovakkja fir-rigward tal-iskema nazzjonali tax-xogħol b’ħinijiet iqsar u miżuri simili, kif stipulat fil-premessa (4).

(4)

B’mod aktar speċifiku, l-“Att Nru 5/2004 Coll. dwar is-Servizz għall-Impjiegi”, imsemmi fit-talba tas-Slovakkja tas-6 ta’ Awwissu 2020, kien il-bażi għall-introduzzjoni ta’ għadd ta’ miżuri biex jindirizzaw l-impatt tat-tifqigħa tal-COVID-19, inkluża skema għall-appoġġ tal-impjegaturi li kellhom jagħtu assenzi bil-permess lill-impjegati bejn Marzu 2020 u Diċembru 2021. Tali impjegaturi jistgħu jitolbu rimborż tal-ispejjeż tal-paga li jasal sa 80 % tas-salarju gross tas-soltu tal-impjegat assenti bil-permess, sa mhux aktar minn EUR 880 fix-xahar, dment li l-impjegat jinżamm. Barra minn hekk, ġie introdott għadd ta’ miżuri akkumpanjatorji: (a) kontribuzzjoni b’ammont fiss għal kull impjegat minn Marzu sa tmiem Settembru 2020 li tiddependi fuq tnaqqis fil-bejgħ ta’ mill-inqas 20 % (b’appoġġ kull xahar li jmur minn EUR 180 għal EUR 540, skont it-tnaqqis fil-bejgħ); (b) kontribuzzjoni b’ammont fiss sa tmiem Settembru 2020 pagabbli lil dawk li jaħdmu għal rashom li għandhom assigurazzjoni soċjali obbligatorja li tiddependi fuq tnaqqis fil-bejgħ ta’ mill-inqas 20 % (appoġġ ta’ kull xahar ta’ bejn EUR 180 u EUR 540, skont it-tnaqqis fil-bejgħ); (c) rimborż ta’ 80 % tas-salarju gross tal-impjegat (sa massimu ta’ EUR 1 100) sa tmiem Settembru 2020 għall-impriżi magħluqa b’digriet; u (d) għotja b’rata fissa ta’ EUR 210 fix-xahar sa tmiem Settembru 2020 għall-ħaddiema li jaħdmu b’kuntratt, kumpaniji b’persuna waħda, u dawk li jaħdmu għal rashom. L-għotja b’rata fissa tista’ titqies li hija miżura li tixbah l-iskemi ta’ xogħol b’ħinijiet iqsar, kif imsemmi fir-Regolament (UE) 2020/672, minħabba li għandha l-mira li tipproteġi lil dawk li jaħdmu għal rashom jew kategoriji simili ta’ ħaddiema minn tnaqqis jew telf tal-introjtu.

(5)

Is-Slovakkja tissodisfa l-kundizzjonijiet għat-talba ta’ assistenza finanzjarja stabbiliti fl-Artikolu 3 tar-Regolament (UE) 2020/672. Is-Slovakkja pprovdiet lill-Kummissjoni b’evidenza xierqa li n-nefqa pubblika attwali u ppjanata żdiedet b’EUR 1 077 457 000 mill-1 ta’ Frar 2020 minħabba l-miżuri nazzjonali meħuda biex jiġu indirizzati l-effetti soċjoekonomiċi tat-tifqigħa tal-COVID-19. Din tikkostitwixxi żieda għal għarrieda u qawwija minħabba li l-miżuri jkopru proporzjon sinifikanti ta’ impriżi u tal-forza tax-xogħol fis-Slovakkja. Is-Slovakkja beħsiebha tiffinanzja EUR 390 262 000 tal-ammont miżjud tan-nefqa permezz tal-fondi tal-Unjoni u EUR 56 311 400 permezz tal-finanzjament tagħha stess.

(6)

Il-Kummissjoni kkonsultat lis-Slovakkja u vverifikat iż-żieda għal għarrieda u qawwija fin-nefqa pubblika reali u ppjanata direttament relatata mal-iskemi ta’ xogħol b’ħinijiet iqsar u miżuri simili msemmija fit-talba tas-6 ta’ Awwissu 2020, f’konformità mal-Artikolu 6 tar-Regolament (UE) 2020/672.

(7)

Għalhekk jenħtieġ li tingħata assistenza finanzjarja bil-għan li s-Slovakkja tiġi megħjuna tindirizza l-effetti soċjoekonomiċi tat-taqlib ekonomiku gravi kkawżati mit-tifqigħa tal-COVID-19. Jenħtieġ li l-Kummissjoni tieħu d-deċiżjonijiet rigward il-maturitajiet, il-qies u r-rilaxx tal-ħlasijiet parzjali u tal-partijiet f’kooperazzjoni mill-qrib mal-awtoritajiet nazzjonali.

(8)

Jenħtieġ li din id-Deċiżjoni tkun mingħajr preġudizzju għall-eżitu ta’ kwalunkwe proċedura relatata ma’ distorsjonijiet tal-operat tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Din ma teliminax il-ħtieġa li l-Istati Membri jinnotifikaw każijiet ta’għajnuna potenzjali mill-Istat lill-Kummissjoni skont l-Artikolu 108 tat-Trattat.

(9)

Jenħtieġ li s-Slovakkja tinforma lill-Kummissjoni fuq bażi regolari dwar l-implimentazzjoni tan-nefqa pubblika ppjanata, sabiex il-Kummissjoni tkun tista’ tivvaluta l-punt sa fejn is-Slovakkja implimentat dik in-nefqa.

(10)

Id-deċiżjoni li tingħata assistenza finanzjarja ttieħdet b’kunsiderazzjoni tal-ħtiġijiet eżistenti u dawk mistennija tas-Slovakkja, kif ukoll it-talbiet għal assistenza finanzjarja skont ir-Regolament (UE) 2020/672 diġà ppreżentati jew ippjanati li jiġu ppreżentati minn Stati Membri oħra, filwaqt li jiġu applikati l-prinċipji ta’ trattament ugwali, solidarjetà, proporzjonalità u trasparenza,

(1)

Skont l-Artikolu 8(1), it-tieni subparagrafu, tad-Direttiva 2009/103/KE, vetturi normalment ibbażati f’pajjiż terz għandhom jiġu ttrattati, fir-rigward tad-dokumentazzjoni tal-assigurazzjoni obbligatorja kontra r-responsabbiltà ċivili fir-rigward tal-użu ta’ tali vetturi, bħala vetturi normalment ibbażati fl-Unjoni fejn l-uffiċċji nazzjonali tal-Istati Membri kollha jiggarantixxu flimkien, kull wieħed skont id-dispożizzjonijiet tal-liġi nazzjonali proprja tiegħu dwar assigurazzjoni obbligatorja, ħlas ta’ talbiet fir-rigward ta’ inċidenti li jseħħu fit-territorju tagħhom ikkaġunati minn dawk il-vetturi.

(2)

L-Artikolu 2 tad-Direttiva 2009/103/KE jagħmel l-applikazzjoni tal-Artikolu 8 ta’ din id-Direttiva għal vetturi normalment ibbażati f’pajjiż terz soġġetta għall-konklużjoni ta’ ftehim bejn l-uffiċċji nazzjonali tal-assikuraturi tal-Istati Membri u l-uffiċċji tal-assikuraturi nazzjonali ta’ tali pajjiż terz. Barra minn hekk, biex jiġi applikat l-Artikolu 8 ta’ din id-Direttiva għal tali vetturi, il-Kummissjoni għandha tistabbilixxi d-data ta’ applikazzjoni ta’ din id-dispożizzjoni għal dawn il-vetturi, u t-tipi ta’ vetturi li għalihom għandha tapplika din id-dispożizzjoni, wara li jkun ġie stabbilit b’kooperazzjoni mill-qrib mal-Istati Membri li tali ftehim ikun ġie konkluż.

(3)

Fit-30 ta’ Mejju 2002, l-uffiċċju nazzjonali tal-assikuraturi tal-Istati Membri taż-Żona Ekonomika Ewropea u Stati assoċjati oħra kkonkludew ftehim li permezz tiegħu l-ħlas ta’ pretensjonijiet li jirriżultaw minħabba inċidenti li jseħħu fit-territorju tagħhom, li jkunu kkawżati minn vetturi normalment ibbażati fit-territorju tal-partijiet l-oħra għal dan il-ftehim, ikun iggarantit, irrispettivament minn jekk dawn il-vetturi ikunux assikurati (il-“Ftehim”).

(4)

Fit-13 ta’ Ġunju 2019 l-uffiċċji nazzjonali tal-assikuraturi tal-Istati Membri u dawk ta’ Andorra, l-Islanda, in-Norveġja, is-Serbja u l-Iżvizzera ffirmaw l-Addendum Nru 2 għall-Ftehim biex jinkludi l-uffiċċju nazzjonali tal-assikuraturi tal-Boznija-Ħerzegovina. Dan l-Addendum jipprovdi għall-arranġamenti prattiċi li jippermettu t-tneħħija ta’ kontrolli fuq l-assigurazzjoni għal vetturi msemmija fil-Ftehim li jkunu normalment ibbażati fit-territorju tal-Bożnija-Ħerzegovina, li jkopru t-tipi kollha ta’ vetturi ħlief il-vetturi militari rreġistrati f’dan il-pajjiż.

(5)

Għalhekk, il-kundizzjonijiet kollha għat-tneħħija tal-verifiki dwar l-assigurazzjoni ta’ vetturi bil-mutur kontra responsabbiltà ċivili skont id-Direttiva 2009/103/KE fir-rigward ta’ vetturi li normalment jkunu bbażati fit-territorju tal-Bożnija-Ħerzegovina huma ssodisfati,

(1)

L-Artikoli 11 sa 13 tal-Ftehim ġew applikati b’mod proviżorju minn mindu ġie ffirmat fit-23 ta’ Novembru 2017.

(2)

L-Artikolu 13(2) tal-Ftehim jipprevedi li l-Kumitat Konġunt jista’ jemenda l-Annessi tal-Ftehim.

(3)

L-Anness ma’ din id-Deċiżjoni fih emendi għall-Annessi I u II tal-Ftehim, li jaġġornaw l-aspetti rilevanti tal-Annessi I u II oriġinali li ġew miftiehma fl-2015. Jipprevedi wkoll soluzzjoni proviżorja biex jitħaddem il-kollegament bejn l-EU ETS u l-ETS tal-Iżvizzera.

(4)

F’konformità mat-Taqsima B tal-Anness I tal-Ftehim, l-Unjoni jenħtieġ li, skont l-Artikolu 25a tad-Direttiva 2003/87/KE tal-Parlament Ewropew u tal-Kunsill (2), kif emendata bid-Direttiva (UE) 2018/410 tal-Parlament Ewropew u tal-Kunsill (3), teskludi t-titjiriet li jidħlu minn ajrudromi li jinsabu fit-territorju tal-Iżvizzera mill-kamp ta’ applikazzjoni tal-EU ETS. Dan ma jaffettwax il-kopertura tal-operaturi tal-inġenji tal-ajru mill-EU ETS, li hija bbażata fuq l-Anness I tad-Direttiva 2003/87/KE li tipprevedi li l-kategorija ta’ attivitajiet li għalihom tapplika d-Direttiva 2003/87/KE tinkludi t-titjiriet kollha li jaslu jew jitilqu minn ajrudrom li jinsab fit-territorju ta’ Stat Membru.

(5)

L-Anness I tal-Ftehim jenħtieġ jiġi rivedut f’konformità mal-Artikolu 13(7) tal-Ftehim bil-ħsieb li tinżamm il-kompatibbiltà attwali tal-EU ETS u l-ETS tal-Iżvizzera għall-perjodu ta’ negozjar il-ġdid 2021–2030. Jenħtieġ li jiġi żgurat li r-reviżjoni tal-Anness I tal-Ftehim bħala minimu tippreserva l-integrità tal-impenji rispettivi ta’ tnaqqis ta’ emissjonijiet domestiċi tal-Unjoni u tal-Iżvizzera u l-integrità u l-funzjonament ordnat tas-swieq tal-karbonju tagħhom. Iridu jiġu evitati r-rilaxx tal-emissjonijiet tal-karbonju u d-distorsjoni tal-kompetizzjoni bejn l-iskemi kkollegati,