(1)

Fid-19 ta’ Diċembru 2006, il-Kunsill adotta r-Regolament (KE) Nru 2027/2006 (2) biex ikkonkluda l-Ftehim ta’ Sħubija fis-settur tas-sajd bejn il-Komunità Ewropea u r-Repubblika ta’ Cape Verde (3) (‘il-Ftehim’). Il-Ftehim daħal fis-seħħ fit-30 ta’ Marzu 2007, ġie mġedded b’mod taċitu u għadu fis-seħħ.

(2)

Konsegwentement għar-rakkomandazzjoni mill-Kummissjoni Ewropea, il-Kunsill iddeċieda fl-4 ta’ Ġunju 2018 li jawtorizza l-ftuħ ta’ negozjati mar-Repubblika ta’ Cape Verde għall-konklużjoni ta’ Protokoll ġdid dwar l-implimentazzjoni tal-Ftehim.

(3)

Il-Protokoll preċedenti għall-Ftehim skada fit-22 ta’ Diċembru 2018.

(4)

Il-Kummissjoni Ewropea nnegozjat Protokoll ġdid f’isem l-Unjoni. Bħala riżultat ta’ dawk in-negozjati, il-Protokoll il-ġdid ġie inizjalat fit-12 ta’ Ottubru 2018.

(5)

F’konformità mad-Deċiżjoni tal-Kunsill (UE) 2019/951 (4), il-Protokoll dwar l-implimentazzjoni tal-Ftehim ta’ Sħubija fis-settur tas-sajd bejn il-Komunità Ewropea u r-Repubblika ta’ Cape Verde (2019-2024) (5) (“il-Protokoll”) ġie ffirmat fl-20 ta’ Mejju 2019.

(6)

Il-Protokoll ġie applikat fuq bażi provviżorja mid-data tal-iffirmar tiegħu.

(7)

L-għan tal-Protokoll huwa li jippermetti lill-Unjoni u lir-Repubblika ta’ Cape Verde jaħdmu aktar mill-qrib bejniethom biex jippromwovu politika tas-sajd sostenibbli, l-użu responsabbli tar-riżorsi tas-sajd fl-ilmijiet ta’ Cape Verde, u l-isforzi ta’ Cape Verde biex jiżviluppa ekonomija blu.

(8)

Jenħtieġ li l-Protokoll jiġi approvat.

(9)

L-Artikolu 9 tal-Ftehim jistabbilixxi l-Kummissjoni Konġunta inkarigata mill-monitoraġġ tal-implimentazzjoni tiegħu. Barra minn hekk, skont dak l-Artikolu, u l-Artikolu 5, l-Artikolu 6(3) u l-Artikolu 7(1) u (2) tal-Protokoll, il-Kummissjoni Konġunta tista’ tadotta ċerti modifiki għall-Protokoll. Sabiex tiġi ffaċilitata l-approvazzjoni ta’ tali emendi, jenħtieġ li l-Kummissjoni Ewropea tkun awtorizzata, suġġett għal kondizzjonijiet sostantivi u proċedurali speċifiċi, tapprovahom f’isem l-Unjoni taħt proċedura simplifikata.

(10)

Jeħtieġ li l-pożizzjoni tal-Unjoni dwar il-modifiki għall-Protokoll tiġi stabbilita mill-Kumitat tar-Rappreżentanti Permanenti tal-Gvernijiet tal-Istati Membri. L-emendi proposti jkunu aċċettati dment li ma jkunx hemm minoranza li timblokka, skont l-Artikolu 16(4) tat-Trattat dwar l-Unjoni Ewropea, ta’ Stati Membri li joġġezzjonaw fil-Kumitat tar-Rappreżentanti Permanenti tal-Gvernijiet tal-Istati Membri.

(11)

Il-pożizzjoni li għandha tiġi adottata mill-Unjoni fil-Kummissjoni Konġunta dwar kwistjonijiet oħra jenħtieġ li tiġi ddeterminata skont it-Trattati u forom stabbiliti ta’ prattika,

(1)

Fis-17 ta’ Marzu 2008, il-Kunsill adotta r-Regolament (KE) Nru 241/2008 (2) dwar il-konklużjoni tal-Ftehim ta’ Sħubija dwar is-Sajd bejn il-Komunità Ewropea u r-Repubblika tal-Guinea-Bissau (“il-Ftehim”) (3). Il-Ftehim daħal fis-seħħ fil-15 ta’ April 2008, ġie mġedded b’mod taċitu u għadu fis-seħħ.

(2)

Wara r-rakkomandazzjoni tal-Kummissjoni, il-Kunsill iddeċieda fit-28 ta’ Frar 2017 li jawtorizza l-ftuħ ta’ negozjati mar-Repubblika tal-Guinea-Bissau għall-konklużjoni ta’ protokoll ġdid li jimplimenta l-Ftehim.

(3)

Il-protokoll preċedenti tal-Ftehim skada fit-23 ta’ Novembru 2017.

(4)

Il-Kummissjoni nnegozjat protokoll ġdid f’isem l-Unjoni. Bħala riżultat ta’ dawk in-negozjati, il-protokoll il-ġdid ġie inizjalat fil-15 ta’ Novembru 2018.

(5)

Skont id-Deċiżjoni tal-Kunsill (UE) 2019/1088 (4), il-Protokoll dwar l-implimentazzjoni tal-Ftehim ta’ Sħubija dwar is-Sajd bejn il-Komunità Ewropea u r-Repubblika tal-Guinea-Bissau (2019-2024) (“il-Protokoll”) ġie ffirmat fil-15 ta’ Ġunju 2019.

(6)

Il-Protokoll japplika fuq bażi provviżorja mid-data tal-iffirmar tiegħu.

(7)

L-għan tal-Protokoll huwa li jippermetti lill-Unjoni u lir-Repubblika tal-Guinea-Bissau jaħdmu aktar mill-qrib bejniethom biex jippromwovu politika tas-sajd sostenibbli, l-użu responsabbli tar-riżorsi tas-sajd fl-ilmijiet tal-Guinea-Bissau u l-isforzi tal-Guinea-Bissau biex tiżviluppa ekonomija blu.

(8)

Jenħtieġ li l-Protokoll jiġi approvat.

(9)

L-Artikolu 10 tal-Ftehim jistabbilixxi l-Kumitat Konġunt responsabbli għall-monitoraġġ tal-implimentazzjoni tiegħu. Barra minn hekk, skont dak l-Artikolu, u l-Artikolu 5, l-Artikolu 6(4), l-Artikolu 7(4) u l-Artikolu 8(2) u (4) tal-Protokoll, il-Kumitat Konġunt jista’ jadotta ċerti modifiki għall-Protokoll. Sabiex tiġi ffaċilitata l-approvazzjoni ta’ dawn l-emendi, jenħtieġ li l-Kummissjoni tkun awtorizzata, soġġetta għal kondizzjonijiet sostantivi u proċedurali, li tapprovahom f’isem l-Unjoni skont proċedura ssimplifikata.

(10)

Jeħtieġ li l-pożizzjoni tal-UE dwar il-modifiki għall-Protokoll tiġi stabbilita mill-Kumitat tar-Rappreżentanti Permanenti tal-Gvernijiet tal-Istati Membri. L-emendi proposti ser ikunu aċċettati dment li ma jkunx hemm minoranza li timblokka, skont l-Artikolu 16(4) tat-Trattat dwar l-Unjoni Ewropea (TUE), ta’ Stati Membri li joġġezzjonaw fil-Kumitat tar-Rappreżentanti Permanenti tal-Gvernijiet tal-Istati Membri.

(11)

Il-pożizzjoni li għandha tiġi adottata mill-Unjoni fil-Kumitat Konġunt dwar kwistjonijiet oħra jenħtieġ li tiġi ddeterminata skont it-Trattati u l-forom ta’ prattika stabbiliti,

(1)

Fit-23 ta’ Lulju 2007, il-Kunsill adotta r-Regolament (KE) Nru 894/2007 (2) li kkonkluda l-Ftehim ta’ Sħubija fis-Settur tas-Sajd bejn ir-Repubblika Demokratika ta’ São Tomé uPríncipe u l-Komunità Ewropea (3) (“il-Ftehim”). Il-Ftehim daħal fis-seħħ fid-29 ta’ Awwissu 2011 u jibqa’ fis-seħħ.

(2)

Fit-18 ta’ Diċembru 2017, il-Kunsill awtorizza lill-Kummissjoni tiftaħ negozjati mar-Repubblika Demokratika ta’ São Tomé u Príncipe (“São Tomé u Príncipe”) bil-ħsieb tal-konklużjoni ta’ protokoll ġdid biex jimplimenta l-Ftehim.

(3)

Il-Protokoll preċedenti ta’ dan il-Ftehim skada fit-22 ta’ Mejju 2018.

(4)

Il-Kummissjoni nnegozjat protokoll ġdid f’isem l-Unjoni. Wara l-konklużjoni ta’ dawn in-negozjati, il-protokoll il-ġdid ġie inizjalat fis-17 ta’ April 2019.

(5)

Skont id-Deċiżjoni tal-Kunsill (UE) 2019/2218 (4), il-Protokoll dwar l-implimentazzjoni tal-Ftehim ta’ Sħubija fis-Settur tas-Sajd bejn ir-Repubblika Demokratika ta’ São Tomé u Príncipe u l-Komunità Ewropea (“il-Protokoll”) ġie ffirmat fid-19 ta’ Diċembru 2019.

(6)

Il-Protokoll ilu jiġi applikat fuq bażi provviżorja mid-data tal-iffirmar tiegħu.

(7)

L-għan tal-Protokoll huwa li jippermetti lill-Unjoni u lil São Tomé u Príncipe jaħdmu aktar mill-qrib flimkien sabiex jippromwovu politika tas-sajd sostenibbli u l-użu responsabbli tar-riżorsi tas-sajd fl-ilmijiet ta’ São Tomé u Príncipe u li jippermettilhom jappoġġaw l-isforzi ta’ São Tomé u Príncipe biex jiżviluppaw is-settur tas-sajd tagħhom.

(8)

Jenħtieġ li l-Protokoll jiġi approvat.

(9)

L-Artikolu 9 tal-Ftehim jistabbilixxi Kumitat Konġunt inkarigat mill-kontroll tal-applikazzjoni tal-Ftehim. Barra minn hekk, skont dak l-Artikolu u skont l-Artikoli 6 u 7(2) tal-Protokoll, il-Kumitat Konġunt jista’ jadotta ċerti emendi għall-Protokoll. Sabiex tiġi ffaċilitata l-approvazzjoni ta’ dawn l-emendi, jenħtieġ li l-Kummissjoni tingħata s-setgħa tapprovahom f’isem l-Unjoni bi proċedura ssimplifikata, b’ċerti kundizzjonijiet sostantivi u proċedurali.

(10)

Jenħtieġ li l-Kunsill jistabbilixxi l-pożizzjoni tal-Unjoni dwar l-emendi. L-emendi proposti ser jiġu approvati sakemm minoranza ta’ Stati Membri li timblokka ma toġġezzjonax għalihom skont l-Artikolu 16(4) tat-Trattat dwar l-Unjoni Ewropea.

(11)

Jenħtieġ li l-pożizzjoni li l-Unjoni għandha tadotta fil-Kumitat Konġunt b’rabta ma’ kwistjonijiet oħrajn tiġi ddefinita skont it-Trattati u l-prattiki stabbiliti,

(1)

L-għan tal-Fond Ewropew ta’ Aġġustament għall-Globalizzazzjoni (il-FEG) hu li jipprovdi sostenn lill-ħaddiema li jkunu ngħataw is-sensja u lill-persuni li jaħdmu għal rashom li l-attivitajiet tagħhom ikunu waqfu minħabba bidliet strutturali kbar fix-xejriet tal-kummerċ dinji kkawżati mill-globalizzazzjoni, minħabba kontinwazzjoni tal-kriżi finanzjarja u ekonomika globali, jew minħabba kriżi finanzjarja u ekonomika globali ġdida, u jgħinhom jerġgħu jintegraw fis-suq tax-xogħol.

(2)

Il-FEG ma jridx jaqbeż l-ammont annwali massimu ta’ EUR 150 miljun (il-prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 (3).

(3)

Ir-Regolament (UE) Nru 1309/2013 jipprevedi li kull sena jista’ jintuża massimu ta’ 0,5 % tal-ammont massimu annwali tal-FEG għall-assistenza teknika fuq l-inizjattiva tal-Kummissjoni.

(4)

Għalhekk, jenħtieġ li l-FEG jiġi mobilizzat biex jipprovdi s-somma ta’ EUR 345 000 għall-assistenza teknika fuq l-inizjattiva tal-Kummissjoni.