(1)

Skont id-Deċiżjoni tal-Kunsill (UE) 2015/1389 (2), il-Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova (3), biex titqies l-adeżjoni tar-Repubblika tal-Kroazja mal-Unjoni Ewropea (“il-Protokoll”) ġie ffirmat, soġġett għall-konklużjoni tiegħu.

(2)

Il-Protokoll għandu jiġi approvat,

(1)

Il-Kummissjoni nnegozjat, f’isem l-Unjoni Ewropea u l-Istati Membri tagħha, il-Ftehim dwar Spazju Komuni tal-Avjazzjoni mal-Ġeorġja (il-“Ftehim”) b’konformità mad-Deċiżjoni tal-Kunsill li tawtorizza lill-Kummissjoni biex tiftaħ in-negozjati.

(2)

Il-Ftehim ġie ffirmat fit-2 ta’ Diċembru 2010, soġġett għall-konklużjoni tiegħu f’data aktar tard, b’konformità mad-Deċiżjoni 2012/708/UE tal-Kunsill u tar-Rappreżentanti tal-Istati Membri tal-Unjoni Ewropea mlaqqgħin fi ħdan il-Kunsill (2).

(3)

Il-Ftehim ġie ratifikat mill-Istati Membri kollha minbarra r-Repubblika tal-Kroazja. Ir-Repubblika tal-Kroazja taderixxi mal-Ftehim skont il-proċedura prevista fl-Att ta’ Adeżjoni anness mat-Trattat ta’ Adeżjoni tal-5 ta’ Diċembru 2011. Il-Protokoll ta’ Adeżjoni rilevanti tar-Repubblika tal-Kroazja ġie ffirmat f’Novembru 2014.

(4)

Jenħtieġ li l-Ftehim jiġi approvat f’isem l-Unjoni.

(5)

L-Artikoli 3 u 4 tad-Deċiżjoni 2012/708/UE jinkludu dispożizzjonijiet dwar it-teħid ta’ deċiżjonijiet u dwar ir-rappreżentazzjoni fir-rigward ta’ diversi kwistjonijiet stipulati fil-Ftehim. Fid-dawl tas-sentenza tal-Qorti tal-Ġustizzja Ewropea tat-28 ta’ April 2015 fil-kawża C-28/12 (3), jenħtieġ li l-applikazzjoni ta’ wħud minn dawk id-dispożizzjonijiet titwaqqaf. B’konsiderazzjoni għat-Trattati, mhumiex meħtieġa dispożizzjonijiet ġodda dwar dawk il-kwistjonijiet u lanqas ma huma meħtieġa dispożizzjonijiet dwar l-obbligi tal-informazzjoni tal-Istati Membri. Konsegwentement, jenħtieġ li l-paragrafi 2 sa 5 tal-Artikolu 3 u l-Artikoli 4 u 5 tad-Deċiżjoni 2012/708/UE jieqfu japplikaw fid-data tad-dħul fis-seħħ ta’ din id-Deċiżjoni,

(1)

Skont id-Deċiżjoni tal-Kunsill 2014/928/UE (2), il-Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha minn naħa waħda u l-Georgia min-naħa l-oħra, (3) sabiex tittieħed inkunsiderazzjoni l-adeżjoni tar-Repubblika tal-Kroazja mal-Unjoni Ewropea (“il-Protokoll”) ġie iffirmat, suġġett għall-konklużjoni tiegħu.

(2)

Il-Protokoll għandu jiġi approvat,

(1)

B’konformità mad-Deċiżjoni tal-Kunsill (UE) 2015/372 (2), il-Protokoll li jemenda l-Ftehim Ewro-Mediterranju dwar l-Avjazzjoni, bejn l-Unjoni Ewropea u l-Istati Membri tagħha minn naħa, u l-gvern tal-Istat tal-Iżrael min-naħa l-oħra (3), sabiex tittieħed inkonsiderazzjoni l-adeżjoni tar-Repubblika tal-Kroazja mal-Unjoni Ewropea (il-“Protokoll”), ġie ffirmat, suġġett għall-konklużjoni tiegħu.

(2)

Il-Protokoll għandu jiġi approvat,

(1)

Il-Ftehim dwar Spazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova (2) (Il-’Ftehim’) ġie ffirmat fis-26 ta’ Ġunju 2012, soġġett għall-konklużjoni tiegħu, f’konformità mad-Deċiżjoni 2012/639/UE tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill (3).

(2)

Il-Ftehim ġie ratifikat mill-Istati Membri kollha minbarra r-Repubblika tal-Kroazja, li taderixxi mal-Ftehim f’konformità mal-Att ta’ Adeżjoni tal-2012. Il-Protokoll li jemenda l-Ftehim dwar Spazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova, biex titqies l-adeżjoni mal-Unjoni Ewropea tar-Repubblika tal-Kroazja (4) ġie ffirmat fit-22 ta’ Lulju 2015 f’konformità mad-Deċiżjoni tal-Kunsill (UE) 2015/1389 (5).

(3)

Il-Ftehim jenħtieġ li jiġi approvat f’isem l-Unjoni.

(4)

L-Artikoli 4 u 5 tad-Deċiżjoni 2012/639/UE jinkludu dispożizzjonijiet dwar it-teħid ta’ deċiżjonijiet u dwar ir-rappreżentanza fir-rigward ta’ diversi kwistjonijiet stabbiliti fil-Ftehim. Fid-dawl tas-sentenza tal-Qorti tal-Ġustizzja tat-28 ta’ April 2015 fil-Każ C-28/12 (6), Il-Kummissjoni vs il-Kunsill, jenħtieġ li l-applikazzjoni ta’ dawk id-dispożizzjonijiet titwaqqaf. Wara li ġew ikkunsidrati t-Trattati, mhumiex meħtieġa dispożizzjonijiet ġodda dwar dawk il-kwistjonijiet u d-dispożizzjonijiet li jirrigwardaw l-għoti ta’ informazzjoni lill-Kummissjoni stipulati fl-Artikolu 6 tad-Deċiżjoni 2012/639/UE mhumiex aktar meħtieġa. Konsegwentement, jenħtieġ li l-paragrafi 2 sa 5 tal-Artikolu 4 u l-Artikoli 5 u 6 tad-Deċiżjoni 2012/639/UE jieqfu japplikaw fid-data tad-dħul fis-seħħ ta’ din id-Deċiżjoni,

(1)

Il-Ftehim Ewro-Mediterranju dwar l-Avjazzjoni bejn l-Unjoni Ewropea u l-Istati Membri tagħha, min-naħa l-waħda, u l-gvern tal-Istat ta' Iżrael, min-naħa l-oħra, (2) (il-'Ftehim') ġie ffirmat fil-10 ta' Ġunju 2013, soġġett għall-konklużjoni tiegħu f'data aktar tard, f'konformità mad-Deċiżjoni 2013/398/UE tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill (3).

(2)

Il-Ftehim ġie ratifikat mill-Istati Membri kollha, minbarra r-Repubblika tal-Kroazja, li taderixxi mal-Ftehim f'konformità mal-Att tal-Adeżjoni tal-2012. Il-Protokoll li jemenda l-Ftehim Ewro-Mediterranju dwar l-Avjazzjoni bejn l-Unjoni Ewropea u l-Istati Membri tagħha, minn naħa waħda, u l-gvern tal-Istat tal-Iżrael, min-naħa l-oħra, sabiex tittieħed inkonsiderazzjoni l-adeżjoni fl-Unjoni Ewropea tar-Repubblika tal-Kroazja (4) ġie ffirmat fid-19 ta' Frar 2015 f'konformità mad-Deċiżjoni tal-Kunsill (UE) 2015/372 (5).

(3)

Il-Ftehim jenħtieġ li jiġi approvat f'isem l-Unjoni.

(4)

Il-Ftehim jenħtieġ li jiġi implimentat f'konformità mal-pożizzjoni tal-Unjoni li t-territorji li ġew f'idejn l-amministrazzjoni ta' Iżrael f'Ġunju 1967 mhumiex parti mit-territorju tal-Istat ta' Iżrael.

(5)

L-Artikoli 4 u 5 tad-Deċiżjoni 2013/398/UE jinkludu dispożizzjonijiet dwar it-teħid ta' deċiżjonijiet u dwar ir-rappreżentanza fir-rigward ta' diversi kwistjonijiet stipulati fil-Ftehim. Fid-dawl tas-sentenza tal-Qorti tal-Ġustizzja tat-28 ta' April 2015 fil-Każ C-28/12 (6), il-Kummissjoni vs Il-Kunsill, jenħtieġ li l-applikazzjoni ta' dawk id-dispożizzjonijiet titwaqqaf. Wara li ġew ikkunsidrati t-Trattati, mhumiex meħtieġa dispożizzjonijiet ġodda dwar dawk il-kwistjonijiet u mhumiex aktar meħtieġa d-dispożizzjonijiet dwar l-għoti ta' informazzjoni lill-Kummissjoni stipulat fl-Artikolu 6 tad-Deċiżjoni 2013/398/UE. Konsegwentement, jenħtieġ li l-paragrafi 2 sa 5 tal-Artikolu 4 u l-Artikoli 5 u 6 tad-Deċiżjoni 2013/398/UE jieqfu japplikaw fid-data tad-dħul fis-seħħ ta' din id-Deċiżjoni,

(1)

Il-Ftehim Ewro-Mediterranju dwar l-Avjazzjoni bejn l-Unjoni Ewropea u l-Istati Membri tagħha, minn naħa waħda, u r-Renju Ħaxemita tal-Ġordan, min-naħa l-oħra (2) (il-‘Ftehim’), ġie ffirmat fil-15 ta’ Diċembru 2010, soġġett għall-konklużjoni tiegħu f’data aktar tard, f’konformità mad-Deċiżjoni 2012/750/UE tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill (3).

(2)

Il-Ftehim ġie ratifikat mill-Istati Membri kollha, minbarra r-Repubblika tal-Kroazja, li taderixxi mal-Ftehim f’konformità mal-Att ta’ Adeżjoni tal-2012. Il-Protokoll li jemenda l-Ftehim Ewro-Mediterranju dwar l-Avjazzjoni bejn l-Unjoni Ewropea u l-Istati Membri tagħha, minn naħa waħda, u r-Renju Ħaxemita tal-Ġordan, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (4) Il-Protokoll ġie ffirmat fit-3 ta’ Mejju 2016 f’konformità mad-Deċiżjoni tal-Kunsill (UE) 2016/803 (5).

(3)

Il-Ftehim jenħtieġ li jiġi approvat f’isem l-Unjoni.

(4)

L-Artikoli 3 u 4 tad-Deċiżjoni 2012/750/UE jinkludu dispożizzjonijiet dwar it-teħid ta’ deċiżjonijiet u dwar ir-rappreżentanzi fir-rigward ta’ diversi kwistjonijiet stipulati fil-Ftehim. Fid-dawl tas-sentenza tal-Qorti tal-Ġustizzja tat-28 ta’ April 2015 fil-Każ C-28/12 (6), il-Kummissjoni vs il-Kunsill, jenħtieġ li l-applikazzjoni ta’ dawk id-dispożizzjonijiet titwaqqaf. Wara li ġew ikkunsidrati t-Trattati, mhumiex meħtieġa dispożizzjonijiet ġodda dwar dawk il-kwistjonijiet, u mhumiex aktar meħtieġa d-dispożizzjonijiet dwar l-għoti ta’ informazzjoni lill-Kummissjoni stipulat fl-Artikolu 5 tad-Deċiżjoni 2012/750/UE. Konsegwentement, jenħtieġ li l-paragrafi 2 sa 5 tal-Artikolu 3 u l-Artikoli 4 u 5 tad-Deċiżjoni 2012/750/UE jieqfu japplikaw fid-data tad-dħul fis-seħħ ta’ din id-Deċiżjoni,

(1)

Il-Konvenzjoni ta’ Chicago dwar l-Avjazzjoni Ċivili Internazzjonali (“il-Konvenzjoni ta’ Chicago”) daħħlet fis-seħħ fl-4 ta’ April 1947. Hija stabbilixxiet l-Organizzazzjoni tal-Avjazzjoni Ċivili Internazzjonali (ICAO) u għandha l-għan li tirregola t-trasport bl-ajru internazzjonali.

(2)

L-Istati Membri kollha tal-Unjoni huma Stati kontraenti tal-Konvenzjoni ta’ Chicago u membri tal-ICAO, filwaqt li l-Unjoni għandha status ta’ osservatur f’ċerti korpi tal-ICAO.

(3)

F’Diċembru 2015, il-21 Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima adottat il-Ftehim ta’ Pariġi (1). L-objettivi tal-Ftehim ta’ Pariġi jinkludu li ż-żieda fit-temperatura medja globali tinżamm ferm inqas minn 2 °C ’il fuq mil-livelli preindustrijali, u li jitkomplew l-isforzi biex iż-żieda fit-temperatura tkun limitata għal 1,5 °C ’il fuq mil-livelli preindustrijali. Is-setturi kollha tal-ekonomija jenħtieġ li jikkontribwixxu biex jinkiseb it-tnaqqis fl-emissjonijiet, inkluż is-settur tal-avjazzjoni internazzjonali.

(4)

Fl-2016, permezz tar-Riżoluzzjoni tagħha A39-3, id-39 Assemblea tal-ICAO ddeċidiet li timplimenta skema ta’ miżura globali bbażata fuq is-suq fil-forma ta’ Skema ta’ Kumpens u Tnaqqis tal-Karbonju għall-Avjazzjoni Internazzjonali (CORSIA - Carbon Offsetting and Reduction Scheme for International Aviation) biex l-emissjonijiet tal-gassijiet b’effett ta’ serra mill-avjazzjoni internazzjonali jiġu limitati għal-livelli tagħhom tal-2020. Il-pożizzjoni tal-Unjoni fir-rigward tal-elaborazzjoni u l-adozzjoni ta’ dik l-iskema u d-diversi elementi dettaljati tagħha ġiet stabbilita bid-Deċiżjoni tal-Kunsill (UE) 2016/915 (2).

(5)

Fis-27 ta’ Ġunju 2018, fl-għaxar laqgħa tal-214-il sessjoni tiegħu, il-Kunsill tal-ICAO adotta l-Ewwel Edizzjoni tal-Anness 16, il-Volum IV għall-Konvenzjoni ta’ Chicago: Skema ta’ Kumpens u Tnaqqis tal-Karbonju għall-Avjazzjoni Internazzjonali (CORSIA) (l-“Anness 16, il-Volum IV”).

(6)

Fl-2017, ir-Regolament (UE) 2017/2392 tal-Parlament Ewropew u tal-Kunsill (3) emenda d-Direttiva 2003/87/KE tal-Parlament Ewropew u tal-Kunsill (4). Wieħed mill-għanijiet ta’ dak ir-Regolament kien it-tħejjija tal-implimentazzjoni tal-CORSIA mill-2021, biex tistabbilixxi rekwiżiti taħt il-liġi tal-Unjoni għall-monitoraġġ, ir-rappurtar u l-verifika għall-finijiet tal-CORSIA, u għar-rappurtar u r-rieżami mill-ġdid tal-implimentazzjoni tal-CORSIA.

(7)

Ir-regoli li jinsabu fl-Anness 16, il-Volum IV ser isiru vinkolanti f’konformità mal-Konvenzjoni ta’ Chicago u fil-limiti stabbiliti fiha. Dawk ir-regoli ser isiru vinkolanti wkoll għall-Unjoni u l-Istati Membri tagħha skont il-ftehimiet internazzjonali eżistenti dwar it-trasport bl-ajru.

(8)

Sabiex l-ICAO tqis bis-sħiħ il-qafas legali attwali fil-livell tal-Unjoni, l-Istati Membri nnotifikaw differenzi skont id-Deċiżjoni tal-Kunsill (UE) 2018/2027 (5). Taħt id-Deċiżjoni (UE) 2018/2027, id-Direttiva 2003/87/KE, fl-istat attwali tagħha, tapplika irrispettivament min-nazzjonalità tal-operatur tal-ajruplani u fil-prinċipju tkopri titjiriet li jitilqu minn jew li jaslu f’ajrudrom li jinsab fit-territorju ta’ Stat Membru li għalih japplika t-Trattat dwar il-Funzjonament tal-Unjoni Ewropea (TFUE). Id-Direttiva 2003/87/KE tapplika mingħajr distinzjoni għal titjiriet fi ħdan u bejn l-Istati Membri u/jew pajjiżi taż-Żona Ekonomika Ewropea. F’dan l-istadju, dawk il-prinċipji japplikaw kemm għar-rekwiżiti tal-monitoraġġ, ir-rappurtar u l-verifika (MRV) kif ukoll għar-rekwiżiti ta’ kumpens.

(9)

Soġġetti għad-differenzi nnotifikati f’konformità mad-Deċiżjoni (UE) 2018/2027, ir-rekwiżiti tal-MRV li huma stabbiliti fl-Anness 16, il-Volum IV u applikabbli mill-1 ta’ Jannar 2019 ġew inkorporati fil-liġi tal-Unjoni permezz tar-Regolament ta’ Implimentazzjoni tal-Kummissjoni (UE) 2018/2066 (6) u (UE) 2018/2067 (7) u r-Regolament Delegat tal-Kummissjoni (UE) 2019/1603 (8). Skont dawn ir-Regolamenti, id-data dwar l-emissjonijiet ser tinġabar u tiġi trażmessa lis-Segretarjat tal-ICAO fir-rigward tal-emissjonijiet matul il-fażi pilota.

(10)

Skont il-paragrafi 3.1.3 u 3.2.1 tal-Kapitolu 3 tal-Parti II u l-Appendiċi 1 tal-Anness 16, il-Volum IV, l-Istati kontraenti huma meħtieġa jinnotifikaw lill-ICAO bid-deċiżjoni tagħhom li jipparteċipaw volontarjament jew li jwaqqfu l-parteċipazzjoni volontarja fil-CORSIA mill-1 ta’ Jannar 2021. L-Istati kontraenti huma meħtieġa ukoll li jinnotifikaw l-ICAO dwar liema għażla għamlu biex jiġu kkalkulati r-rekwiżiti ta’ kumpens tal-operaturi tal-ajruplani matul il-perijodu 2021-2023. Huma huma mitluba jippreżentaw dawk in-notifiki sat-30 ta’ Ġunju 2020.

(11)

Isegwi minn dawk id-dispożizzjonijiet, li ċerti effetti legali tal-Anness 16, il-Volum IV, jiddependu fuq il-preżentazzjoni ta’ notifiki rilevanti lill-ICAO u fuq it-termini tagħhom. Għalhekk, l-adozzjoni ta’ pożizzjoni tal-Unjoni fir-rigward ta’ tali notifiki taqa’ fil-kamp ta’ applikazzjoni tal-Artikolu 218(9) tat-TFUE.

(12)

F’dan ir-rigward, huwa xieraq li tiġi stabbilita l-pożizzjoni li għandha tittieħed f’isem l-Unjoni fi ħdan l-ICAO, filwaqt li jiġu kkunsidrati r-rekwiżiti ta’ notifika skont l-Anness 16, il-Volum IV, b’mod partikolari minħabba li l-parteċipazzjoni volontarja fil-CORSIA u l-għażla tal-għażla skont il-paragrafu 3.2.1 tal-Anness 16, il-Volum IV jista’ jinfluwenza b’mod deċiżiv id-drittijiet u l-obbligi f’qasam kopert mil-liġi tal-Unjoni, b’mod partikolari d-Direttiva 2003/87/KE u, sa ċertu punt, id-Direttiva (UE) 2018/2001 tal-Parlament Ewropew u tal-Kunsill (9).

(13)

L-Unjoni u l-Istati Membri tagħha iddikjaraw (10) ripetutament li huma lesti li jipparteċipaw fil-CORSIA mill-1 ta’ Jannar 2021.

(14)

Il-parteċipazzjoni volontarja fil-CORSIA timplika li, skont il-paragrafu 3.2.1 tal-Anness 16, il-Volum IV, għandha ssir għażla għall-kalkolu tar-rekwiżiti ta’ kumpens tal-operaturi tal-ajruplani matul il-perijodu 2021-2023. F’dan ir-rigward, huwa xieraq li l-kalkoli jiġu bbażati fuq l-emissjonijiet matul l-2021, l-2022 u l-2023, rispettivament. Dik l-għażla x’aktarx li tinvolvi benefiċċju akbar, kemm mil-lat ambjentali kif ukoll għat-trasport internazzjonali, mill-għażla l-oħra disponibbli, jiġifieri li l-kalkoli jiġu bbażati fuq l-emissjonijiet matul l-2020, peress li l-emissjonijiet mill-avjazzjoni internazzjonali huma mistennija li jkunu ogħla matul l-2021, l-2022 u l-2023 milli matul l-2020 u b’hekk iwasslu għal rekwiżiti ta’ kumpens akbar. Dan jiżgura wkoll kontinwità akbar, meta wieħed iżomm f’moħħu li, għas-snin mill-2024, il-paragrafu 3.2.2 tal-Anness 16, il-Volum IV, jipprovdi bl-istess mod għal kalkolu bbażat fuq is-sena rispettiva.

(15)

L-għażla tal-emissjonijiet matul l-2021, l-2022 u l-2023, rispettivament, għall-kalkolu tar-rekwiżiti ta’ kumpens għall-operaturi tal-ajruplani tapplika matul il-perijodu 2021-2023 għall-operaturi kollha tal-ajruplani li ġew attribwiti lill-Istat Membru kkonċernat f’konformità mal-aħħar edizzjoni tad-dokument tal-ICAO “CORSIA Aeroplane Operator to State Attributions” (11).

(16)

Il-qafas tad-Direttiva 2003/87/KE bħalissa hija differenti f’ċerti modi mill-Anness 16, il-Volum IV. Taħt l-Artikolu 28b(2) tad-Direttiva 2003/87/KE, fi żmien 12-il xahar mill-adozzjoni mill-ICAO tal-istrumenti rilevanti, u qabel ma l-CORSIA ssir operazzjonali, il-Kummissjoni għandha tippreżenta rapport lill-Parlament Ewropew u lill-Kunsill li fih għandha tikkunsidra modi kif dawk l-istrumenti jiġu implimentati fil-liġi tal-Unjoni permezz ta’ reviżjoni tad-Direttiva 2003/87/KE u li fih għandha teżamina, fost l-oħrajn, l-ambizzjoni u l-integrità ambjentali ġenerali tal-CORSIA, inkluż l-ambizzjoni ġenerali tagħha b’rabta mal-miri skont il-Ftehim ta’ Pariġi, il-livell ta’ parteċipazzjoni, l-infurzabbiltà tagħha, it-trasparenza, il-penali għan-nonkonformità, il-proċessi għall-input pubbliku, il-kwalità tal-krediti ta’ kumpens, il-monitoraġġ, ir-rappurtar u l-verifika tal-emissjonijiet, ir-reġistri, ir-responsabbiltà kif ukoll ir-regoli dwar l-użu tal-bijofjuwils. Taħt l-Artikolu 28b(3) tad-Direttiva 2003/87/KE, fejn xieraq, il-Kummissjoni għandha takkumpanja r-rapport bi proposta lill-Parlament Ewropew u lill-Kunsill biex jemendaw, iħassru, jestendu jew jissostitwixxu d-derogi previsti fl-Artikolu 28a ta’ dik id-Direttiva, li huwa b’mod konsistenti mal-impenn għat-tnaqqis tal-emissjonijiet ta’ gassijiet serra fis-setturi ekonomiċi kollha tal-Unjoni għall-2030 bil-għan li tiġi ppreservata l-integrità ambjentali u l-effettività tal-azzjoni klimatika tal-Unjoni.

(17)

Il-Kummissjoni għadha ma ppreżentatx ir-rapport. Għalhekk hemm ħtieġa urġenti li l-Kummissjoni tippreżenta r-rapport imsemmi fl-Artikolu 28b(2) tad-Direttiva 2003/87/KE, flimkien mal-proposta korrispondenti lill-Parlament Ewropew u lill-Kunsill, kemm jista’ jkun malajr u qabel tmiem l-2020.

(18)

F’dan il-kuntest, huwa meħtieġ li jiġi żgurat li d-differenzi attwali u futuri possibbli bejn il-liġi tal-Unjoni u l-Anness 16, il-Volum IV jiġu kkunsidrati b’mod effettiv, bil-għan li jinżamm il-qafas legali tal-Unjoni kif meħtieġ, inkluża l-libertà tal-leġislatur li jiddeċiedi dwar l-iskema futura tal-Unjoni applikabbli għaż-żona kkonċernata.

(19)

Għalhekk jenħtieġ li n-notifiki rilevanti għall-ICAO jinkludu referenza għad-differenza nnotifikata f’konformità mad-Deċiżjoni (UE) 2018/2027, li tapplika għall-kwistjonijiet koperti mill-parteċipazzjoni volontarja. Peress li tali differenza, sa fejn għadha rilevanti, tikkonċerna biss l-attribuzzjoni tal-kompetenza tal-Istati vis-à-vis l-operaturi differenti, in-notifiki rilevanti lill-ICAO jenħtieġ li jirriżervaw ukoll il-possibbiltà li jiġu nnotifikati differenzi addizzjonali.

(20)

Il-pożizzjonijiet li għandhom jittieħdu f’isem l-Unjoni fil-ICAO jenħtieġ li jiġu espressi minn kull Stat Membru tal-Unjoni li huwa membru tal-ICAO,

(1)

Fit-25 ta’ Novembru 2005, il-Kunsill adotta l-Azzjoni Konġunta 2005/889/PESK (1), li stabbilixxiet Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EU BAM Rafah).

(2)

Fit-28 ta’ Ġunju 2019, il-Kunsill adotta d-Deċiżjoni (PESK) 2019/1115 (2), li emendat l-Azzjoni Konġunta 2005/889/PESK u estendietha sat-30 ta’ Ġunju 2020.

(3)

Fis-16 ta’ April 2020, il-Kumitat Politiku u ta’ Sigurtà (‘KPS’) qabel li, minħabba l-pandemija tal-COVID-19, jenħtieġ li l-EU BAM Rafah tiġi estiża b’perijodu ulterjuri ta’ 12-il xahar, bl-istess mandat, sat-30 ta’ Ġunju 2021, bil-ħsieb li l-Missjoni tiġi soġġetta għal Rieżami Strateġiku malli jkunu jippermettu ċ-ċirkustanzi.

(4)

Jenħtieġ li l-EU BAM Rafah tingħata ammont ta’ referenza finanzjarja għal dan il-perijodu ġdid ta’ sena.

(5)

Jenħtieġ li l-Azzjoni Konġunta 2005/889/PESK tiġi emendata skont dan.

(6)

L-EU BAM Rafah ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

1.

2.

3.

4.

“(d)

fejn il-kapital tal-Grad 1 ta’ Ekwità Komuni miżmum mill-istituzzjoni li ma jintużax għall-issodisfar ta’ kwalunkwe wieħed mir-rekwiżiti ta’ fondi proprji stipulati fil-punti (b) u (c) tal-Artikolu 92(1) tar-Regolament (UE) Nru 575/2013 u ...”,

“(d)

fejn il-kapital tal-Grad 1 ta’ Ekwità Komuni miżmum mill-istituzzjoni li ma jintużax għall-issodisfar ta’ kwalunkwe wieħed mir-rekwiżiti ta’ fondi proprji stipulati fil-punti (a), (b) u (c) tal-Artikolu 92(1) tar-Regolament (UE) Nru 575/2013 u ...”.

5.

“(b)

toħloq obbligu li titħallas rimunerazzjoni varjabbli jew benefiċċji diskrezzjonarji tal-pensjoni jew li titħallas rimunerazzjoni varjabbli jekk l-obbligu ta’ pagament ikun inħoloq fi żmien meta l-istituzzjoni tkun naqset milli tissodisfa r-rekwiżit ta’ riżerva kombinata; jew”,

“(b)

toħloq obbligu li titħallas rimunerazzjoni varjabbli jew benefiċċji diskrezzjonarji tal-pensjoni jew li titħallas rimunerazzjoni varjabbli jekk l-obbligu ta’ pagament ikun inħoloq fi żmien meta l-istituzzjoni tkun naqset milli tissodisfa r-rekwiżit ta’ riżerva għall-proporzjon ta’ lieva finanzjarja; jew”.