(1)

Ir-Regolament (KEE) Nru 2658/87 stabbilixxa nomenklatura tal-oġġetti (aktar ’il quddiem imsejħa in-“NM”), li hija stabbilita fl-Anness I ta’ dak ir-Regolament.

(2)

Is-Subintestatura 2403 99 10 tan-NM tkopri “it-tabakk tal-magħda u t-tabakk tal-imnieħer”, li huma prodotti tat-tabakk li ma jdaħħnux.

(3)

Ir-Regolament (KEE) Nru 950/68 tal-Kunsill (2), li stabbilixxa t-Tariffa Doganali Komuni, il-predeċessur tan-NM, ġie adottat biss f’erba’ lingwi: il-Ġermaniż, il-Franċiż, it-Taljan u l-Olandiż. F’dawk il-verżjonijiet lingwistiċi, il-prodotti li issa huma msemmija fis-subintestatura 2403 99 10 jissejħu “Kautabak und Schnupftabak” bil-Ġermaniż, “tabac à mâcher et tabac à priser” bil-Franċiż, “tabacco da masticare e tabacco da fiuto” bit-Taljan u “pruimtabak en snuif” bl-Olandiż.

(4)

Fil-verżjoni Ingliża tat-Tariffa Doganali Komuni, li tmur lura għall-1973, jiġifieri saret wara l-verżjonijiet bil-Ġermaniż, bil-Franċiż, bit-Taljan u bl-Olandiż, il-prodotti li issa huma msemmija fis-subintestatura 2403 99 10 jissejħu “chewing tobacco and snuff”.

(5)

Bl-Ingliż, il-kelma “snuff”, meta tintuża dwar il-prodotti tat-tabakk, tfisser preparat ta’ tabakk mitħun li jittieħed man-nifs mill-imnieħer, jintmagħad jew jitqiegħed mal-ħanek. Il-verżjoni bl-Ingliż tan-NM u xi verżjonijiet lingwistiċi oħra għalhekk wasslu għal konfużjoni ta’ jekk it-terminu “snuff” għandhux ikunu limitat għall-prodotti li jistgħu jittieħdu man-nifs mill-imnieħer jew jekk għandux jinkludi wkoll il-preparati tat-tabakk mitħun li jista’ jitqiegħed mal-ħanek.

(6)

Il-verżjonijiet lingwistiċi differenti kollha tal-atti tal-Unjoni huma awtentiċi, iżda il-verżjonijiet lingwistiċi sussegwenti ma jistgħux jespandu jew jillimitaw il-kamp ta’ applikazzjoni ta’ Atti tal-Unjoni li jippreċedu dawk il-verżjonijiet lingwistiċi sussegwenti.

(7)

Huwa ċar mill-verżjonijiet lingwistiċi bil-Germaniż, bil-Franċiż, bit-Taljan u bl-Olandiż li l-intenzjoni tal-leġiżlatur kienet li jillimita l-prodotti msemmija fis-Subintestatura 2403 99 10 tan-NM għat-tabakk li jintmagħad u għall-prodotti tat-tabakk li jistgħu jittieħdu man-nifs mill-imnieħer. Għalhekk, sabiex tiġi żgurata interpretazzjoni uniformi tan-NM fl-Unjoni kollha u sabiex tiġi żgurata ċ-ċertezza tad-dritt, jenħtieġ li l-kliem tas-Subintestatura 2403 99 10 jiġi emendat biex jiġi ċċarat li t-tifsira tat-termini “snuff” għandha tiġi limitata għat-tabakk nażali.

(8)

Għaldaqstant jenħtieġ li r-Regolament (KEE) Nru 2658/87 jiġi emendat skont dan.

(9)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

(1)

Ir-Regolament tal-Kummissjoni (KE) Nru 1484/95 (3) stabbilixxa r-regolamenti dettaljati għall-implimentazzjoni tas-sistema ta’ dazji addizzjonali tal-importazzjoni u ffissa l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd.

(2)

Minn kontroll regolari tad-data li abbażi tagħha jiġu stabbiliti l-prezzijiet rappreżentattivi għall-prodotti tas-setturi tal-laħam tat-tjur u tal-bajd u għall-albumina tal-bajd, jirriżulta li jenħtieġ li jiġu emendati l-prezzijiet rappreżentattivi għall-importazzjoni ta’ ċerti prodotti biex jitqiesu l-varjazzjonijiet fil-prezzijiet skont l-oriġini.

(3)

Għalhekk jenħtieġ li r-Regolament (KE) Nru 1484/95 jiġi emendat skont dan.

(4)

Minħabba l-ħtieġa li jiġi żgurat li din il-miżura tibda tapplika kemm jista’ jkun malajr wara li d-data aġġornata ssir disponibbli, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu,

(1)

Ir-Regolament (UE) 2017/625 jistabbilixxi regoli fost l-oħrajn għat-twettiq ta’ kontrolli uffiċjali u ta’ attivitajiet uffiċjali oħra mill-awtoritajiet kompetenti tal-Istati Membri. Jagħti wkoll is-setgħa lill-Kummissjoni tadotta, permezz ta’ att ta’ implimentazzjoni, il-miżuri temporanji x-xierqa meħtieġa biex jiġu limitati r-riskji għas-saħħa tal-bniedem, tal-annimali u tal-pjanti u għat-trattament xieraq tal-annimali, jekk ikollha evidenza ta’ tfixkil serju fis-sistema ta’ kontroll ta’ Stat Membru.

(2)

Sabiex jiġu indirizzati ċ-ċirkostanzi speċifiċi marbutin mal-kriżi li għaddejja relatata mal-marda tal-coronavirus (COVID-19), ir-Regolament ta’ Implimentazzjoni tal-Kummissjoni (UE) 2020/466 (2) jippermetti lill-Istati Membri japplikaw miżuri temporanji fir-rigward tal-kontrolli uffiċjali u ta’ attivitajiet uffiċjali oħra. Dak ir-Regolament ta’ Implimentazzjoni jippermetti li jsiru kontrolli uffiċjali u attivitajiet uffiċjali oħra marbutin maċ-ċertifikati uffiċjali u mal-attestazzjonijiet uffiċjali li jridu jitwettqu fuq kopja elettronika ta’ dawn iċ-ċertifikati jew l-attestazzjonijiet, soġġett għal ċerti kundizzjonijiet.

(3)

Sabiex jiġi żgurat kummerċ bla xkiel, jenħtieġ li jiġi ċċarat li l-kontrolli uffiċjali u l-attivitajiet uffiċjali oħra jkunu jistgħu jitwettqu fuq kopja taċ-ċertifikati jew tal-attestazzjonijiet oriġinali li tkun ġiet ipprovduta b’ċerti mezzi elettroniċi. Barra minn hekk, jenħtieġ li jiġi ċċarat li l-obbligu li jiġu pprovduti dawk id-dokumenti oriġinali hekk kif ikun teknikament fattibbli ma japplikax fejn isiru kontrolli uffiċjali u attivitajiet uffiċjali oħra fuq il-bażi ta’ data elettronika prodotta u ppreżentata fis-sistema TRACES (Trade Control and Expert System - Sistema tal-Kontroll tal-Kummerċ u tal-Esperti veterinarji).

(4)

Xi Stati Membri infurmaw lill-Kummissjoni u lill-Istati Membri l-oħra li t-tfixkil serju fil-funzjonament tas-sistemi ta’ kontroll tagħhom fid-dawl tal-kriżi marbuta mal-COVID-19 u d-diffikultajiet biex jitwettqu l-kontrolli uffiċjali u l-attivitajiet uffiċjali oħra se jippersistu wara l-1 ta’ Ġunju 2020. Sabiex jiġi indirizzat dan it-tfixkil serju u jiġu ffaċilitati l-ippjanar u t-twettiq tal-kontrolli uffiċjali u tal-attivitajiet uffiċjali oħra matul il-kriżi marbuta mal-COVID-19, il-perjodu ta’ applikazzjoni tar-Regolament ta’ Implimentazzjoni (UE) 2020/466 jenħtieġ li jiġi estiż sal-1 ta’ Awwissu 2020.

(5)

Għalhekk, jenħtieġ li r-Regolament ta’ Implimentazzjoni (UE) 2020/466 jiġi emendat skont dan.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont l-Artikolu 51 tar-Regolament (UE) Nru 1306/2013 u abbażi tal-kontijiet annwali sottomessi mill-Istati Membri, li magħhom intbagħtet l-informazzjoni meħtieġa għall-approvazzjoni tal-kontijiet u opinjoni tal-awditjar dwar il-kompletezza, l-akkuratezza u l-veraċità tal-kontijiet u tar-rapporti stabbiliti mill-korpi ta’ ċertifikazzjoni, il-Kummissjoni trid tapprova l-kontijiet tal-aġenziji tal-pagamenti msemmija fl-Artikolu 7 ta’ dak ir-Regolament qabel il-31 ta’ Mejju tas-sena li tiġi wara s-sena baġitarja konċernata.

(2)

B’konformità mal-Artikolu 39 tar-Regolament (UE) Nru 1306/2013, is-sena finanzjarja agrikola tibda fis-16 ta’ Ottubru tas-sena N-1 u tispiċċa fil-15 ta’ Ottubru tas-sena N. Meta jiġu approvati l-kontijiet għas-sena finanzjarja 2019, jenħtieġ li titqies in-nefqa mġarrba mill-Istati Membri bejn is-16 ta’ Ottubru 2018 u l-15 ta’ Ottubru 2019, kif previst fl-Artikolu 11(1) tar-Regolament ta’ Implimentazzjoni tal-Kummissjoni (UE) Nru 908/2014 (2).

(3)

L-ewwel subparagrafu tal-Artikolu 33(2) tar-Regolament ta’ Implimentazzjoni (UE) Nru 908/2014 jistipula li l-ammonti li jistgħu jiġu rkuprati mingħand kull Stat Membru jew ikunu pagabbli lilu, skont id-deċiżjoni dwar l-approvazzjoni tal-kontijiet imsemmija fl-Artikolu 33(1) ta’ dak ir-Regolament, iridu jiġu stabbiliti billi l-pagamenti mensili għas-sena finanzjarja konċernata jitnaqqsu minn nefqa rikonoxxuta għal dik is-sena skont l-Artikolu 33(1). Il-Kummissjoni trid tnaqqas dak l-ammont mill-pagament mensili relatat man-nefqa li jsir fit-tieni xahar ta’ wara d-deċiżjoni tal-approvazzjoni tal-kontijiet, jew iżżidu miegħu.

(4)

Il-Kummissjoni ċċekkjat l-informazzjoni li ssottomettew l-Istati Membri u kkomunikat ir-riżultati tal-kontrolli tagħha lill-Istati Membri, flimkien mal-emendi meħtieġa.

(5)

Għal aġenziji tal-pagamenti konċernati kollha, il-kontijiet annwali u d-dokumenti mehmuża magħhom jippermettu li l-Kummissjoni tieħu deċiżjoni dwar il-kompletezza, l-akkuratezza u l-veraċità tal-kontijiet annwali sottomessi.

(6)

B’konformità mal-Artikolu 5(5) tar-Regolament Delegat tal-Kummissjoni (UE) Nru 907/2014 (3), kull skadenza li ma tiġix rispettata matul Awwissu, Settembru u Ottubru trid titqies fid-deċiżjoni dwar l-approvazzjoni tal-kontijiet. Parti min-nefqa ddikjarata minn ċerti Stati Membri matul dawk ix-xhur fl-2019 saret wara l-iskadenzi applikabbli. Għalhekk, jenħtieġ li din id-Deċiżjoni tiffissa t-tnaqqis rilevanti.

(7)

Skont l-Artikolu 41 tar-Regolament (UE) Nru 1306/2013, il-Kummissjoni diġà naqqset jew issospendiet għadd ta’ pagamenti ta’ kull xahar għas-sena finanzjarja 2019 minħabba nuqqas ta’ konformità mal-limiti massimi finanzjarji jew mal-iskadenzi tal-pagamenti, jew minħabba xi defiċenzi fis-sistema ta’ kontroll. Bl-adozzjoni ta’ din id-Deċiżjoni, jenħtieġ li l-Kummissjoni tqis dawn l-ammonti mnaqqsa jew sospiżi sabiex tevita li jsiru xi pagamenti jew rimborżi mhux xierqa jew mhux f’waqthom, ta’ ammonti li iktar tard jistgħu jkunu soġġetti għal korrezzjoni finanzjarja. Fejn xieraq, l-ammonti inkwistjoni jistgħu jiġu eżaminati, skont il-proċeduri tal-approvazzjoni tal-konformità skont l-Artikolu 52 tar-Regolament (UE) Nru 1306/2013.

(8)

Skont l-Artikolu 54(2) tar-Regolament (UE) Nru 1306/2013, l-Istat Membru kkonċernat irid iħallas 50 % mill-konsegwenzi finanzjarji tan-nuqqas ta’ rkupru tal-irregolaritajiet jekk l-irkupru ma jkunx sar fi żmien erba’ snin mid-data tat-talba għall-irkupru jew fi żmien tmien snin f’każ li l-irkupru jitressaq quddiem il-qrati nazzjonali. L-Artikolu 54(4) tar-Regolament (UE) Nru 1306/2013 jistipula li flimkien mal-kontijiet annwali li jridu jissottomettu lill-Kummissjoni skont l-Artikolu 29 tar-Regolament ta’ Implimentazzjoni (UE) Nru 908/2014, l-Istati Membri jridu jehmżu tabella ċertifikata li tirrifletti l-ammonti li jridu jitħallsu minnhom skont l-Artikolu 54(2) tar-Regolament (UE) Nru 1306/2013. Ir-regoli dwar l-applikazzjoni tal-obbligu tal-Istati Membri li jirrappurtaw l-ammonti li għandhom jiġu rkuprati huma stipulati fir-Regolament ta’ Implimentazzjoni (UE) Nru 908/2014. L-Anness II tar-Regolament ta’ Implimentazzjoni (UE) Nru 908/2014 jistabbilixxi l-mudell tat-tabella li l-Istati Membri jridu jużaw biex jipprovdu l-informazzjoni dwar l-ammonti li jridu jiġu rkuprati. Jenħtieġ li l-Kummissjoni tiddeċiedi dwar il-konsegwenzi finanzjarji tan-nuqqas ta’ rkupru tal-irregolaritajiet li jmorru lura għal iżjed minn erba’ snin jew tmien snin rispettivament, abbażi tat-tabelli li l-Istati Membri jkunu mlew.

(9)

Skont l-Artikolu 54(3) tar-Regolament (UE) Nru 1306/2013, għal raġunijiet ġustifikati kif xieraq, l-Istati Membri jistgħu jiddeċiedu li ma jsegwux l-irkupru. Din id-deċiżjoni tista’ tittieħed biss jekk il-kostijiet li jkunu ġġarrbu diġà, u dawk li x’aktarx jiġġarrbu, ikunu jaqbżu l-ammont li jrid jiġi rkuprat jew jekk jirriżulta li l-irkupru ma jkunx jista’ jsir minħabba insolvenza, irreġistrata u rrikonoxxuta skont id-dritt nazzjonali, tad-debitur jew tal-persuni legalment responsabbli għall-irregolarità. Jekk id-deċiżjoni tittieħed fi żmien erba’ snin mid-data tat-talba ta’ rkupru, jew fi żmien tmien snin qabel ma jitressaq l-irkupru quddiem il-qrati nazzjonali, 100 % tal-konsegwenzi finanzjarji tan-nuqqas tal-irkupru għandhom jiġġarrbu mill-baġit tal-Unjoni. L-ammonti li dwarhom Stat Membru jkun iddeċieda li ma jiħux passi għall-irkupru u r-raġunijiet għal din id-deċiżjoni jinsabu fir-rapport sommarju msemmi fl-Artikolu 54(4) tar-Regolament (UE) Nru 1306/2013 flimkien mal-punt (c)(iv) tal-ewwel subparagrafu tal-Artikolu 102(1) ta’ dak ir-Regolament. Għalhekk, jenħtieġ li dawn l-ammonti ma jiġġarrbux mill-Istati Membri konċernati iżda jiġġarrbu mill-baġit tal-Unjoni.

(10)

It-tnaqqis skont l-Artikolu 54(2) tar-Regolament (UE) Nru 1306/2013 li hu mniżżel fl-Anness I (il-kolonna e) huwa marbut mal-Fond Agrikolu Ewropew ta’ Garanzija (FAEG). Minħabba l-applikazzjoni tal-Artikolu 54(2) tar-Regolament (UE) Nru 1306/2013 għall-Istrument Temporanju tal-Iżvilupp Rurali (STŻR) iffinanzjat mill-Fond Agrikolu Ewropew dwar Gwida u Garanzija (FAEGG) (4), l-ammonti li jridu jiġu ddebitati l-Istati Membri huma mniżżla fl-Anness II.

(11)

B’konformità mal-Artikolu 51 tar-Regolament (UE) Nru 1306/2013, din id-Deċiżjoni hija mingħajr preġudizzju għad-deċiżjonijiet li l-Kummissjoni jista’ jkun tieħu sussegwentement biex teskludi xi nefqa mill-finanzjament tal-Unjoni li ma tkunx saret skont ir-regoli tal-Unjoni,