5.3.2020

Il-Ġurnal Uffiċjali tal-Unjoni Ewropea

L 67/1

REGOLAMENT TAL-KUMMISSJONI (UE) 2020/354

tal-4 ta’ Marzu 2020

li jistabbilixxi lista ta’ użi maħsuba għall-għalf maħsub għal skopijiet ta’ nutrizzjoni partikolari u li jħassar id-Direttiva 2008/38/KE

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 767/2009 tal-Parlament Ewropew u tal-Kunsill tat-13 ta’ Lulju 2009 dwar it-tqegħid fis-suq u l-użu ta’ għalf, li jemenda r-Regolament (KE) Nru 1831/2003 tal-Parlament Ewropew u tal-Kunsill u li jħassar id-Direttiva tal-Kunsill 79/373/KEE, id-Direttiva tal-Kummissjoni 80/511/KEE, id-Direttivi tal-Kunsill 82/471/KEE, 83/228/KEE, 93/74/KEE, 93/113/KE u 96/25/KE u d-Deċiżjoni tal-Kummissjoni 2004/217/KE (1), u b’mod partikolari l-Artikolu 10(5) tiegħu,

Billi:

(1)

It-tqegħid fis-suq u l-użu tal-għalf huwa rregolat mir-Regolament (KE) Nru 767/2009. F’konformità mal-Artikolu 9 ta’ dak ir-Regolament, l-għalf maħsub għal skopijiet ta’ nutrizzjoni partikolari jista’ jiġi kkummerċjalizzat biss jekk l-użu maħsub tiegħu jkun inkluż f’lista ta’ użi maħsuba stabbiliti f’konformità mal-Artikolu 10 ta’ dan ir-Regolament.

(2)	Id-Direttiva tal-Kummissjoni 2008/38/KE (2) li tistabbilixxi lista ta’ użi maħsuba tal-materjali tal-għalf għall-annimali għal skopijiet ta’ nutrizzjoni partikolari.

(3)

Il-parti A tal-Anness I tad-Direttiva 2008/38/KE stabbiliet id-dispożizzjonijiet ġenerali għall-għalf maħsub għal skopijiet ta’ nutrizzjoni partikolari. Filwaqt li jitqiesu l-iżviluppi xjentifiċi u teknoloġiċi u r-rekwiżiti tat-tikkettar stabbiliti bir-Regolament (KE) Nru 767/2009, dawk id-dispożizzjonijiet ġenerali jridu jiġu riveduti.

(4)

L-Artikoli 11 sa 17 tar-Regolament (KE) Nru 767/2009 stabbilixxew prinċipji ġodda u regoli għat-tqegħid fis-suq tal-għalf, inkluż it-tikkettar. B’konsegwenza ta’ dan, diversi entrati fil-lista ta’ użi maħsuba għall-għalf maħsub għal skopijiet ta’ nutrizzjoni partikolari li jinsabu fil-Parti B tal-Anness I tad-Direttiva 2008/38/KE saru antikwati, parzjalment minħabba deskrizzjonijiet ħżiena u ġenerali wisq fil-kolonna “Karatteristiċi essenzjali nutrizzjonali”. Għal dawk l-entrati, kien diffiċli ħafna għall-awtoritajiet ta’ kontroll li jivverifikaw il-konformità mad-dispożizzjonijiet tar-Regolament (KE) Nru 767/2009, inkluż jekk il-kompożizzjoni speċifika tal-għalf ikkonċernat tissodisfax l-iskop ta’ nutrizzjoni partikolari maħsub.

(5)

F’konformità mal-Artikolu 10 tar-Regolament (KE) Nru 767/2009, il-Kummissjoni rċeviet numru ta’ applikazzjonijiet biex temenda u tibdel il-kundizzjonijiet assoċjati ma’ diversi użi maħsuba tal-għalf għal skopijiet ta’ nutrizzjoni partikolari, li kienu saru antikwati. L-entrati skaduti li għalihom ma tressqet l-ebda applikazzjoni jew li għalihom ġiet irtirata l-applikazzjoni, jenħtieġ li jitneħħew.

(6)

Fir-rigward ta’ użi maħsuba oħra ta’ għalf maħsub għal skopijiet ta’ nutrizzjoni partikolari elenkati fil-Parti B tal-Anness I tad-Direttiva 2008/38/KE, huma meħtieġa emendi għad-dispożizzjonijiet dwar il-karatteristiċi essenzjali nutrizzjonali u d-dikjarazzjonijiet ta’ tikkettar sabiex jiġu adattati għall-iżviluppi xjentifiċi u teknoloġiċi u biex jittejbu l-infurzabbiltà u ċ-ċarezza tad-dispożizzjonijiet.

(7)

Barra minn hekk, il-Kummissjoni rċeviet, f’konformità mal-Artikolu 10 tar-Regolament (KE) Nru 767/2009, applikazzjonijiet biex iżżid l-iskopijiet ta’ nutrizzjoni partikolari “Appoġġ għall-metaboliżmu tal-enerġija u tal-funzjoni muskolari fil-każ ta’ rabdomijolożi” u “Appoġġ f’sitwazzjonijiet stressanti, li jwassal għat-tnaqqis fl-imġiba assoċjata” mal-lista ta’ użi maħsuba għall-għalf maħsub għal skopijiet ta’ nutrizzjoni partikolari.

(8)	Il-Kummissjoni qiegħdet l-applikazzjonijiet kollha, inklużi d-dossiers, għad-dispożizzjoni tal-Istati Membri.

(9)

Wara li vvaluta d-dossiers li kienu inklużi ma’ dawk l-applikazzjonijiet, il-Kumitat Permanenti dwar il-Katina Alimentari u s-Saħħa tal-Annimali (“il-Kumitat”) ikkonferma li l-kompożizzjoni speċifika tal-għalf ikkonċernat tissodisfa l-iskopijiet ta’ nutrizzjoni partikolari maħsuba u ma għandhiex effetti ħżiena fuq is-saħħa tal-annimali, fuq is-saħħa tal-bniedem, fuq l-ambjent jew fuq il-benessri tal-annimali.

(10)	Abbażi tal-kunsiderazzjonijiet ta’ hawn fuq, il-lista ta’ użi maħsuba għall-għalf għal skopijiet ta’ nutrizzjoni partikolari jenħtieġ li tiġi aġġornata.

(11)

Billi r-raġunijiet ta’ sikurezza ma jeħtiġux l-applikazzjoni immedjata tad-dispożizzjonijiet ġenerali ġodda u tal-lista aġġornata ta’ użi maħsuba għall-għalf għal skopijiet ta’ nutrizzjoni partikolari, huwa xieraq li jiġu previsti miżuri tranżizzjonali sabiex jiġi evitat tfixkil bla bżonn tal-prattiki kummerċjali u biex ma jinħoloqx piż amministrattiv bla bżonn fuq l-operaturi.

(12)

Fl-interess taċ-ċarezza u tar-razzjonalità, jenħtieġ li d-Direttiva 2008/38/KE titħassar u tiġi sostitwita b’Regolament, li ma fihx elementi li jkunu jeħtieġu traspożizzjonijiet mill-Istati Membri fil-liġi nazzjonali. L-aħħar emendi għal dik id-Direttiva kienu diġà saru permezz ta’ Regolamenti minħabba n-nuqqas ta’ bżonn ta’ traspożizzjoni fil-liġi nazzjonali tad-dispożizzjonijiet ikkonċernati. Barra minn hekk, ir-rekwiżiti ġenerali għat-tqegħid fis-suq u l-użu ta’ għalf maħsub għal skopijiet ta’ nutrizzjoni partikolari huma previsti fir-Regolament (KE) Nru 767/2009.

(13)	Sabiex l-Istati Membri jkunu jistgħu jagħmlu l-aġġustamenti meħtieġa, jenħtieġ li jitħalla perjodu adegwat qabel ma dan ir-Regolament isir applikabbli.

(14)	Il-miżuri previsti f’dan ir-Regolament huma f’konformità mal-opinjoni tal-Kumitat,

ADOTTAT DAN IR-REGOLAMENT:

Artikolu 1

Għalf maħsub għal skopijiet ta’ nutrizzjoni partikolari fit-tifsira tar-Regolament (KE) Nru 767/2009 jista’ jitqiegħed fis-suq biss jekk:

—	ikun hemm konformità mad-dispożizzjonijiet ġenerali għall-għalf maħsub għal skopijiet ta’ nutrizzjoni partikolari stipulati fil-Parti A tal-Anness ta’ dan ir-Regolament, u

—	l-użu maħsub tiegħu huwa inkluż fil-Parti B tal-Anness ta’ dan ir-Regolament u hemm konformità mad-dispożizzjonijiet tad-dħul rispettiv.

Artikolu 2

B’deroga mill-Artikolu 1, l-għalf maħsub għal skopijiet ta’ nutrizzjoni partikolari li jikkonforma mad-dispożizzjonijiet tad-Direttiva 2008/38/KE jista’ jibqa’ jitqiegħed fis-suq, sakemm tkun ġiet ippreżentata applikazzjoni għal użu maħsub inkluż fiha lill-Kummissjoni f’konformità mal-Artikolu 10 tar-Regolament (KE) Nru 767/2009 qabel il-25 ta’ Marzu 2021, u sakemm il-Kummissjoni tiddeċiedi dwar l-applikazzjoni rispettiva.

Artikolu 3

L-għalf maħsub għal skopijiet ta’ nutrizzjoni partikolari li ġie ttikkettat qabel il-25 ta’ Marzu 2022 f’konformità mar-regoli applikabbli qabel il-25 ta’ Marzu 2020 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.

Artikolu 4

Id-Direttiva 2008/38/KE titħassar.

Artikolu 5

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-25 ta’ Diċembru 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta’ Marzu 2020.

Għall-Kummissjoni

Il-President

Ursula VON DER LEYEN

(1) ĠU L 229, 1.9.2009, p. 1.

(2) Id-Direttiva tal-Kummissjoni 2008/38/KE tal-5 ta’ Marzu 2008 li tistabbilixxi lista ta’ użu intiż tal-materjali tal-għalf għall-annimali għal skopijiet partikolari nutrizzjonali (ĠU L 62, 6.3.2008, p. 9).

ANNESS

PARTI A

Dispożizzjonijiet ġenerali għall-għalf maħsub għal skopijiet ta’ nutrizzjoni partikolari

Fejn hemm aktar minn grupp wieħed ta’ karatteristiċi nutrizzjonali essenzjali indikati fil-kolonna 2 tal-Parti B, indikati bi “u/jew” għall-istess skop ta’ nutrizzjoni partikolari, il-manifattur għandu l-għażla li juża wieħed mill-gruppi ta’ karatteristiċi essenzjali jew it-tnejn li huma, sabiex jintlaħaq l-għan nutrizzjonali partikolari ddefinit fil-kolonna 1 tal-Parti B. Għal kull għażla d-dikjarazzjonijiet tat-tikkettar korrispondenti huma mogħtija fil-kolonna 4 tal-Parti B.

Fejn karatteristika nutrizzjonali essenzjali msemmija fil-kolonna 2 tal-Parti B tkun indikata kwantitattivament, għandhom japplikaw id-dispożizzjonijiet tal-Artikolu 17(2) tar-Regolament (KE) Nru 767/2009 u t-tolleranzi permessi kif stabbiliti fl-Anness IV ta’ dak ir-Regolament. Jekk dak l-Anness ma jistabbilixxix tolleranza għat-tikkettar rispettiv partikolari, għandha tkun permessa devjazzjoni teknika ta’ +/- 15 %.

Fejn jissemma addittiv fl-għalf fil-kolonna 2 jew fil-kolonna 4 tal-Parti B, id-dispożizzjonijiet dwar l-awtorizzazzjoni tal-addittiv(i) fl-għalf skont ir-Regolament (KE) Nru 1831/2003 tal-Parlament Ewropew u tal-Kunsill (1) huma applikabbli u l-użu tagħhom għandu jkun konformi mal-karatteristika nutrizzjonali essenzjali speċifikata.

Fejn id-dikjarazzjoni ta’ sustanza, awtorizzata wkoll bħala addittiv fl-għalf, tkun meħtieġa fil-kolonna 4 tal-Parti B u tkun akkumpanjata mill-espressjoni “totali”, il-kontenut totali tas-sustanza għandu jkun ittikkettat taħt l-intestatura “kostitwenti analitiċi”.

Id-dikjarazzjonijiet li għandhom jingħataw skont il-kolonna 4 tal-Parti B għandhom ikunu kwantitattivi mingħajr preġudizzju għad-Direttiva 2004/48/KE tal-Parlament Ewropew u tal-Kunsill (2).

Il-perjodu rrakkomandat tal-użu indikat fil-kolonna 5 tal-parti B jindika firxa li fiha normalment jenħtieġ li jintlaħaq l-iskopta’ nutrizzjoni. Il-manifatturi jistgħu jirreferu għal perjodi aktar preċiżi ta’ użu, fil-limiti stabbiliti.

Fejn għalf maħsub għal skopijiet ta’ nutrizzjoni partikolari jkun maħsub biex jissodisfa aktar minn skop ta’ nutrizzjoni partikolari wieħed, dan għandu jikkonforma ma’ kull entrata rispettiva fil-Parti B.

Fil-każ ta’ għalf supplimentari maħsub għal skopijiet ta’nutrizzjoni partikolari, il-gwida dwar il-bilanċ tar-razzjon ta’ kuljum trid tiġi pprovduta fl-istruzzjonijiet għall-użu xieraq.

Meta għalf maħsub għal skopijiet ta’ nutrizzjoni partikolari jkollu mod ta’ użu xierqa maħsub għal amministrazzjoni orali individwali permezz ta’ bolus, dan għandu jiġi stabbilit fil-kolonna “dispożizzjonijiet oħra” tal-għalf rispettiv. Tali għalf għandu jkun fih esklussivament, inkluż kisi potenzjali, materjali tal-għalf u addittivi fl-għalf, sakemm ma jkunx speċifikat mod ieħor fl-entrata rispettiva. Huwa rrakkomandat li l-għalf maħsub għall-amministrazzjoni orali individwali jiġi amministrat minn veterinarju jew minn kwalunkwe persuna oħra kompetenti.

10.

Meta għalf maħsub għal skopijiet ta’ nutrizzjoni partikolari jitqiegħed fis-suq fil-forma ta’ bolus, li jkun materjal tal-għalf jew għalf supplimentari maħsub għall-amministrazzjoni orali individwali b’rilaxx ritardanti, jiġifieri aktar minn 24 siegħa, tal-komposti, it-tikkettar ta’ tali għalf għandu, jekk ikun applikabbli, isemmi għal kull addittiv fl-għalf li għalih huwa stabbilit kontenut massimu fl-għalf komplet il-perjodu massimu ta’ rilaxx kontinwu tal-bolus u r-rata ta’ rilaxx ta’ kuljum. L-operatur tan-negozju tal-għalf li jkun qed iqiegħed bolus fis-suq għandu jagħti prova li l-livell tal-addittiv disponibbli kuljum fis-sistema diġestiva mhux se jaqbeż, jekk ikun applikabbli, il-kontenut massimu tal-addittiv stabbilit għal kull kilogramma ta’ għalf komplet matul il-perjodu kollu tat-tagħlif (effett ta’ rilaxx ritardanti). Tali prova għandha tkun ibbażata fuq metodoloġija riveduta bejn il-pari jew analiżi interna.

11.

Fil-każ tal-użi maħsuba li għalihom fil-kolonna 2 konċentrazzjoni ta’ ċerti addittivi fl-għalf ogħla minn 100 darba l-kontenut massimu rilevanti stabbilit fl-għalf komplet tkun permessa għall-għalf supplimentari, il-konċentrazzjoni ta’ dawk l-addittivi fl-għalf m’għandhiex tkun ogħla minn 500 darba l-kontenut massimu stabbilit rilevanti fl-għalf komplet, ħlief fil-każ ta’ boluses kif imsemmi fil-punt 10. L-inkorporazzjoni ta’ tali għalf supplimentari fid-dieta tal-annimal għandha tiżgura li l-konsum tal-annimal jikkonforma mal-kontenut massimu stabbilit fl-għalf komplet.

PARTI B

Lista ta’ użi maħsuba

Numru tal-entrata

Skop ta’ nutrizzjoni partikolari

Karatteristiċi nutrizzjonali essenzjali (GP1)

Speċijiet jew kategorija tal-annimali

Dikjarazzjonijiet tat-tikkettar (GP2)

It-tul ta’ żmien irrakkomandat

Dispożizzjonijiet oħra

Għajnuna għall-funzjonament tal-kliewi f’każ ta’ insuffiċjenza renali kronika (3)

Proteini u fosforu ta’ kwalità għolja ≤ 5 g/kg ta’ għalf komplet b’kontenut ta’ ndewwa ta’ 12 % (4) u proteina mhux raffinata ≤ 220 g/kg ta’ għalf komplet b’kontenut ta’ ndewwa ta’ 12 % (4)

Klieb

—	Sors(i) ta’ proteina

—

Kalċju

—

Fosforu

—

Potassju

—

Sodju

—	Aċidi xaħmija essenzjali (jekk miżjuda)

Inizjalment sa sitt xhur (5)

1.	L-għalf għandu jitqiegħed fis-suq bħala għalf komplet.

2.	Id-diġestibbiltà rrakkomandata tal-proteini: minimu ta’ 85 %.

3.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

4.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Assorbiment tal-fosforu mnaqqas permezz taż-żieda ta’ Karbonat tal-lantanju ottaidrat

Klieb adulti

—	Sors(i) ta’ proteina

—

Kalċju

—

Fosforu

—

Potassju

—

Sodju

—	Aċidi xaħmija essenzjali (jekk miżjuda)

—	Karbonat tal-lantanju ottaidrat

Inizjalment sa sitt xhur (5)

1.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

2.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Proteini u fosforu ta’ kwalità għolja ≤ 6,5 g/kg ta’ għalf komplet b’kontenut ta’ ndewwa ta’ 12 % (4) u proteina mhux raffinata ≤ 320 g/kg ta’ għalf komplet b’kontenut ta’ ndewwa ta’ 12 % (4)

Qtates

—	Sors(i) ta’ proteina

—

Kalċju

—

Fosforu

—

Potassju

—

Sodju

—	Aċidi xaħmija essenzjali (jekk miżjuda)

Inizjalment sa sitt xhur (5)

1.	L-għalf għandu jitqiegħed fis-suq bħala għalf komplet.

2.	Id-diġestibbiltà rrakkomandata tal-proteini: minimu ta’ 85 %.

3.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

4.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Assorbiment tal-fosforu mnaqqas permezz taż-żieda ta’ Karbonat tal-lantanju ottaidrat

Qtates adulti

—	Sors(i) ta’ proteina

—

Kalċju

—

Fosforu

—

Potassju

—

Sodju

—	Aċidi xaħmija essenzjali (jekk miżjuda)

—	Karbonat tal-lantanju ottaidrat

Inizjalment sa sitt xhur (5)

1.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

2.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Densità għolja ta’ enerġija b’aktar minn 8,8 MJ/kg ta’ għalf b’kontenut ta’ ndewwa ta’ 12 %.

Sorsi ta’ lamtu diġestibbli ħafna u li għandhom togħma tajba ħafna.

Livell ristrett ta’ proteina: ≤ 106 g ta’ proteina mhux raffinata għal kull kg ta’ għalf b’kontenut ta’ ndewwa ta’ 12 %.

Livell ta’ sodju: 2 g/100 kg ta’ BW kuljum.

Livell għoli ta’ aċidu ejkosapentenojku u somma dokosaeżaenojka ≥ 0,2 g għal kull kg ta’ BW0,75 kuljum

Ekwini

—	Sors(i) ta’ proteini u enerġija

—

Kalċju

—

Fosforu

—

Potassju

—

Manjeżju

—

Sodju

—	Somma tal-aċidu ejkosapentaenojku u l-aċidu dokosaeżaenojku

Inizjalment sa sitt xhur.

Fit-tul jew sakemm tiġi solvuta l-kwistjoni

1.	L-għalf għandu jitqiegħed fis-suq bħala għalf supplimentari

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott jew qabel ma testendi l-perjodu tal-użu tiegħu.”

—	L-għalf supplimentari ma għandux jintuża f’każ ta’ ipernatremija u iperklormija.

—	Jenħtieġ li l-għalf supplimentari jikkontribwixxi għal mill-inqas 10 sa 20 % mill-għoti tal-enerġija ta’ kuljum (bejn wieħed u ieħor 0,05 sa 0,1 MJ/kg BW0,75 kuljum).

3.	Jenħtieġ li r-razzjon jiżgura għoti ta’ enerġija > 0,62 MJ/kg BW0,75kuljum.

4.	Ir-razzjon ma għandux jaqbeż il-50 mg ta’ kalċju għal kull kg u ta’ materja niexfa kuljum.

5.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Tnaqqis fil-formazzjoni tal-ġebel tal-ossalat

Livell baxx ta’ kalċju, livell baxx ta’ vitamina D, u proprjetajiet ta’ alkalizzazzjoni tal-awrina

Klieb u qtates

—

Fosforu

—

Kalċju

—

Sodju

—

Manjeżju

—

Potassju

—

Kloruri

—

Kubrit

—	Vitamina D (totali)

—	Idrossiprolina

—	Sustanzi tal-alkalizzazzjoni tal-awrina

Sa sitt xhur

Fuq it-tikketta indika:

“Huwa rrakkomandat li tieħu l-parir ta’ veterinarju qabel ma tuża l-prodott.”

Regolamentazzjoni tal-għoti tal-glukożju (Diabetes mellitus)

Zokkor totali (monosakkaridi u disakkaridi) ≤ 62 g/kg ta’ għalf komplet bi ndewwa ta’ 12 % (4)

Klieb u qtates

—	Sors(i) ta’ karboidrati

—	Trattament tal-karboidrati, jekk xieraq

—

Lamtu

—	Zokkor totali

—	Fruttożju (jekk miżjud)

—	Aċidi xaħmija essenzjali (jekk miżjuda)

—	Sors(i) ta’ aċidi xaħmija b’katina qasira u medja (jekk miżjuda)

Inizjalment sa sitt xhur

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Livell baxx ta’ monosakkaridi u disakkaridi”

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Tnaqqis tal-intolleranzi tal-ingredjenti u tan-nutrijenti (6)

Numru magħżul u limitat tas-sors(i) ta’ proteina

U/jew

sors(i) ta’ proteini idrolizzati

U/jew

sors(i) ta’ karboidrati magħżula

Klieb u qtates

—	Is-sorsi tal-proteini inkluż it-trattament, jekk xieraq (jekk miżjuda).

—	Is-sors(i) tal-karboidrati inkluż it-trattament, jekk xieraq (jekk miżjuda).

—	Aċidi xaħmija essenzjali (jekk miżjuda)

minn tliet sa tmien ġimgħat: jekk is-sinjali tal-intolleranza jisparixxu, dan l-għalf jista’ jintuża inizjalment sa sena.

1.	L-għalf għandu jitqiegħed fis-suq bħala għalf komplet.

2.	Huwa rrakkomandat li l-għadd ta’ sorsi ta’ proteini ewlenin jiġi limitat għal 3.

Fuq it-tikketta indika:

—	Il-kombinazzjoni xierqa tal-karatteristiċi nutrizzjonali essenzjali, kif applikabbli

—	“Huwa rrakkomandat li tieħu l-parir ta’ veterinarju qabel ma tuża l-prodott jew qabel ma testendi l-perjodu tal-użu tiegħu.”

Tnaqqis tal-formazzjoni ta’ ġebel ċistina

Proprjetajiet tal-alkalizzazzjoni tal-awrina u proteina mhux raffinata ≤ 160 g/kg ta’ għalf komplet b’kontenut ta’ ndewwa ta’ 12 % (4)

Jew

Proteini magħżula għal kontenut limitat ta’ ċistina u ċisteina (eż. kaseina, proteina tal-piżelli, proteina tas-sojja) u proteina mhux raffinata ≤ 220 g/kg ta’ għalf komplet b’kontenut ta’ ndewwa ta’ 12 % (4)

Klieb

—	Amminoaċidi tal-kubrit (totali)

—	Sorsi ta’ proteina

—

Sodju

—

Potassju

—

Kloruri

—	Sustanzi tal-alkalinizzazzjoni tal-awrina (jekk miżjuda)

Inizjalment sa sitt xhur

1.	L-għalf għandu jitqiegħed fis-suq bħala għalf komplet.

2.	Fl-istruzzjoni għall-użu xieraq indika:

“L-annimali għandhom ikunu jistgħu jsibu l-ilma kull meta jriduh”

Fuq it-tikketta indika:

—	“Proprjetajiet tal-alkalinizzazzjoni tal-awrina u livell baxx ta’ proteini” jew “Livell baxx ta’ proteini magħżula”, kif applikabbli.

—	“Huwa rrakkomandat li tieħu l-parir ta’ veterinarju qabel ma tuża l-prodott jew qabel ma testendi l-perjodu tal-użu tiegħu.”

4.	Għall-kunsiderazzjoni tal-veterinarju jew tan-nutrizzjonista: Proprjetajiet ta’ alkalinizzazzjoni tfisser li d-dieta għandha tkun ifformulata sabiex ikun immirat pH fl-awrina ≥ 7.

Restawr nutrizzjonali, konvalexxenza (7)

Ingredjenti faċilment diġeribbli b’

densità tal-enerġija ≥ 3520 kcal u proteina mhux raffinata ≥ 250 g għal kull kg ta’ għalf komplet b’livell ta’ ndewwa ta’ 12 % (4)

Klieb

—	Sorsi ta’ ingredjenti faċilment diġeribbli, inkluż it-trattament tagħhom, jekk ikun xieraq

—	Valur tal-enerġija

Sakemm jintlaħaq ir-restawr

1.	Diġestibbiltà evidenti rrakkomandata ta’ Materja Niexfa ≥ 80 % jew ta’ Materja Organika ≥ 85 %.

2.	Fil-każ ta’ għalf maħsub biex jingħata permezz ta’ tubi, dan li ġej għandu jkun indikat fuq il-pakkett, il-kontenitur jew it-tikketta: “Amministrazzjoni taħt superviżjoni veterinarja.”

3.	It-tikkettar jista’ jindika ċ-ċirkostanza(i) speċifika(speċifiċi) li għaliha(għalihom) huwa maħsub l-għalf djetetiku.

4.	Fuq it-tikketta indika: “Densità kbira ta’ enerġija, konċentrazzjonijiet għolja ta’ nutrijenti essenzjali u ingredjenti faċilment diġeribbli”

Ingredjenti faċilment diġeribbli b’densità ta’ enerġija ≥ 3520 kcal u proteina mhux raffinata ≥ 270 g għal kull kg ta’ għalf komplet b’livell ta’ ndewwa ta’ 12 % (4)

Qtates

Tnaqqis tal-formazzjoni tal-ġebel fl-urat

Proteina mhux raffinata ≤ 130 g/kg ta’ għalf komplet b’livell ta’ ndewwa ta’ 12 % (4)

Jew

Proteina mhux raffinata ≤ 220 g/kg ta’ għalf komplet b’livell ta’ ndewwa ta’ 12 % (4) u sorsi ta’ proteina magħżula

Klieb

—	Sors(i) ta’ proteina

Sa sitt xhur, iżda użu tul il-ħajja f’każ ta’ disturb irriversibbli tal-metaboliżmu tal-aċidu uriku

1.	L-għalf għandu jitqiegħed fis-suq bħala għalf komplet.

2.	Jenħtieġ li jitqiesu l-kwalità tal-proteina u l-livell ta’ purini meta jintgħażel is-sors tal-proteina. Eżempji ta’ sorsi ta’ proteina magħżula ta’ kwalità għolja b’livell baxx ta’ purini jinkludu l-bajd, il-kaseina, il-proteini tas-sojja, u l-glutina tal-qamħirrum.

3.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh”.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott.”

—	“Livell baxx ta’ proteini” jew “Livell ristrett ta’ proteini u sorsi magħżula ta’ proteini”, kif xieraq.

Proteina mhux raffinata ≤ 317 g/kg ta’ għalf komplet b’kontenut ta’ ndewwa ta’ 12 % (4)

Qtates

1.	L-għalf għandu jitqiegħed fis-suq bħala għalf komplet.

2.	Il-kwalità tal-proteina u l-livell ta’ purini għandhom jitqiesu meta jintgħażel is-sors tal-proteina. Eżempji ta’ sorsi ta’ proteina magħżula ta’ kwalità għolja b’livell baxx ta’ purini jinkludu l-bajd, il-kaseina, il-proteini tas-sojja, u l-glutina tal-qamħirrum.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott.”

—	“Livell ristrett ta’ proteini”

4.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh”.

Dissoluzzjoni ta’ ġebel struvit (8)

Proprjetajiet ta’ nuqqas ta’ saturazzjoni tal-awrina (9) għall-istruvit

U/jew

Proprjetajiet ta’ aċidifikazzjoni tal-awrina (10)

Manjeżju ≤ 1,8 g/kg ta’ għalf komplet b’kontenut ta’ ndewwa ta’ 12 % (4)

Klieb u qtates

—

Fosforu

—

Kalċju

—

Sodju

—

Manjeżju

—

Potassju

—

Klorur

—

Kubrit

minn ħames ġimgħat sa 12-il ġimgħa

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

—	“Karatteristiċi ta’ nuqqas ta’ saturazzjoni tal-awrina għall-istruvit u/jew Karatteristiċi tal-aċidifikazzjoni tal-awrina.”

3.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

4.	Dikjarazzjoni ta’ konformità li tappoġġja l-proprjetajiet tan-nuqqas ta’ saturazzjoni u/jew tal-aċidifikazzjoni tad-dieta għandha tkun disponibbli għall-awtoritajiet kompetenti rilevanti fuq talba.

Tnaqqis tar-rikorrenza tal-ġebel struvit (8)

Għalf komplet bi proprjetajiet ta’ nuqqas ta’ saturazzjoni (9) jew ta’ metastabbilizzazzjoni (11) tal-awrina għall-istruvit

U/jew

Dieta bil-proprjetajiet tal-aċidifikazzjoni tal-awrina (10)

Manjeżju ≤ 1,8 g/kg ta’ għalf komplet b’kontenut ta’ ndewwa ta’ 12 % (4)

Klieb u qtates

—

Fosforu

—

Kalċju

—

Sodju

—

Manjeżju

—

Potassju

—

Klorur

—

Kubrit

Inizjalment sa sitt xhur

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

—	“Proprjetajiet ta’ nuqqas ta’ saturazzjoni jew ta’ metastabbilizzazzjoni tal-awrina għall-istruvit u/jew Proprjetajiet tal-aċidifikazzjoni tal-awrina”

3.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

4.	Dikjarazzjoni ta’ konformità li tappoġġja l-proprjetajiet ta’ nuqqas ta’ saturazzjoni jew ta’ metastabbilizzazzjoni u/jew tal-aċidifikazzjoni tad-dieta għandha ssir disponibbli għall-awtoritajiet kompetenti rilevanti fuq talba.

Kumpens għal diġestjoni ħażina (12)

Dieta faċilment diġeribbli:

Diġestibbiltà evidenti ta’

—	għalf b’kontenut baxx ta’ fibra (fibra mhux raffinata ≤ 44 g għal kull kg ta’ għalf komplet b’livell ta’ ndewwa ta’ 12 % (4)): Proteina mhux raffinata≥ 85 % Xaħam mhux raffinat ≥ 90 %

Jew

—	għalf b’kontenut akbar ta’ fibra (fibra mhux raffinata > 44 g għal kull kg ta’ għalf komplet b’livell ta’ ndewwa 12 % (4)): Proteina mhux raffinata ≥ 80 % Xaħam mhux raffinat ≥ 80 %

Klieb u qtates

—	Sorsi ta’ ingredjenti faċilment diġeribbli, inkluż it-trattament tagħhom, jekk ikun xieraq

Inizjalment sa 12-il ġimgħa u tul il-ħajja fil-każ ta’ insuffiċjenza kronika tal-frixa

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Għalf faċilment diġeribbli”

—	“Huwa rrakkomandat li tieħu l-parir ta’ veterinarju qabel ma tuża l-prodott.”

Tnaqqis ta’ disturbi fl-assorbiment intestinali

Dieta faċilment diġeribbli:

Diġestibbiltà evidenti ta’

—	għalf b’kontenut baxx ta’ fibra (fibra mhux raffinata ≤ 44 g għal kull kg ta’ għalf komplet b’livell ta’ ndewwa ta’ 12 % (4)): Proteina mhux raffinata≥ 85 % Xaħam mhux raffinat ≥ 90 %

Jew

—	għalf b’kontenut akbar ta’ fibra (fibra mhux raffinata > 44 g għal kull kg ta’ għalf komplet b’livell ta’ ndewwa ta’ 12 % (4)): Proteina mhux raffinata≥ 80 % Xaħam mhux raffinat ≥ 80 %

Sodju daqs jew aktar minn 1,8 g għal kull kg ta’ għalf komplet b’livell ta’ ndewwa ta’ 12 % (4)

Potassju ≥ 5 g għal kull kg ta’ għalf komplet b’livell ta’ ndewwa ta’ 12 % (4)

Klieb u qtates

—	Sorsi ta’ ingredjenti faċilment diġeribbli, inkluż it-trattament tagħhom, jekk ikun xieraq

—

Sodju

—

Potassju

Sa 12-il ġimgħa

Fuq it-tikketta indika:

—	“Għalf faċilment diġeribbli b’kontenut akbar ta’ sodju u potassju”

—	“Huwa rrakkomandat li tieħu l-parir ta’ veterinarju qabel ma tuża l-prodott.”

Tnaqqis ta’ disturbi akuti fl-assorbiment intestinali

Livell ogħla ta’ elettroliti:

—	Sodju ≥ 1,8 %

—	Potassju ≥ 0,6 %

Karboidrati faċilment diġeribbli:

—

≥ 32 %

Klieb u qtates

—

Sodju

—

Potassju

—	Sors(i) ta’ karboidrati

Jum sa sebat ijiem

1.	L-għalf għandu jitqiegħed fis-suq bħala għalf supplimentari.

Fuq it-tikketta indika:

—	“Matul perjodi ta’ dijarea akuta u l-irkupru minnha”

—	“Huwa rrakkomandat li tieħu l-parir ta’ veterinarju qabel ma tuża l-prodott.”

3.	Fil-każ ta’ għalf solidu, il-firxa ta’ elettroliti rrakkomandata għandha tiġi kkalkolata abbażi tat-teħid volontarju normali ta’ kuljum tal-ilma.

Sostenn għall-metaboliżmu lipidu fil-każ ta’ iperlipidimija

Xaħam (13) ≤ 110 g/kg ta’ għalf komplet b’kontenut ta’ ndewwa ta’ 12 % (14)

Klieb u qtates

—	Xaħam mhux raffinat

Inizjalment sa xahrejn

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott jew qabel ma testendi l-perjodu tal-użu tiegħu.”

—	“Livell baxx ta’ xaħam”

Sostenn għall-funzjonament tal-fwied f’każ ta’ insuffiċjenza kronika tal-fwied

Livell moderat ta’ proteina:

Proteina mhux raffinata ≤ 279 g/kg ta’ għalf komplet b’kontenut ta’ ndewwa ta’ 12 % (4) għall-klieb

Proteina mhux raffinata ≤ 370 g/kg ta’ għalf komplet b’kontenut ta’ ndewwa ta’ 12 % (4) għall-qtates

Sorsi ta’ proteina magħżula

Diġestibbiltà rrakkomandata għall-proteina fid-dieta ≥ 85 %

Klieb u qtates

—	Sors(i) ta’ proteina

—	Ram (totali)

—

Sodju

Inizjalment sa erba’ xhur

1.	L-għalf għandu jitqiegħed fis-suq bħala għalf komplet.

2.	Eżempji ta’ sorsi ta’ proteina magħżula bbażati fuq diġestibbiltà għolja: proteini tal-ħalib (xorrox, kaseina, ħalib, ġobon moxx), proteini oħra bbażati fuq l-annimali (bajd, tjur) u proteini veġetali (sojja).

3.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

Fuq it-tikketta indika:

—	“Livell moderat ta’ proteini, magħżula u faċilment diġeribbli”

—	“Huwa rrakkomandat li tieħu l-parir ta’ veterinarju qabel ma tuża l-prodott.”

Livell baxx ta’ proteini iżda ta’ kwalità għolja u karboidrati faċilment diġeribbli

Ekwini

—	Sorsi ta’ proteini u fibri

—	Karboidrati faċilment diġeribbli, inkluż it-trattament tagħhom, jekk xieraq

—	Metijonina

—

Kolina

—	Kontenut ta’ aċidi xaħmija n-3 (jekk miżjuda)

Inizjalment sa sitt xhur

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott jew qabel ma testendi l-perjodu tal-użu tiegħu.”

2.	Jenħtieġ li tingħata gwida dwar il-mod li bih l-għalf għandu jingħata inkluż ħafna ikliet żgħar kuljum.

Għajnuna għall-funzjonament tal-qalb f’każ ta’ insuffiċjenza kardijaka kronika

Livell ristrett tas-sodju:

Sodju ≤ 2,6 g għal kull kg ta’ għalf komplet b’kontenut ta’ ndewwa ta’ 12 % (4)

Klieb u qtates

—

Manjeżju

—

Potassju

—

Sodju

Inizjalment sa sitt xhur

1.	L-għalf għandu jitqiegħed fis-suq bħala għalf komplet.

2.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Tnaqqis tal-piż eċċessiv tal-ġisem

Enerġija Metabolizzabbli < 3060 kcal/kg ta’ għalf komplet b’kontenut ta’ ndewwa ta’ 12 % (15)

Jew

Enerġija Metabolizzabbli < 560 kcal/kg ta’ għalf komplet b’kontenut ta’ ndewwa ta’ 85 % (15)

Klieb

—	Valur tal-enerġija

Sakemm il-piż tal-ġisem fil-mira jintlaħaq u wara jekk ikun meħtieġ biex jinżamm il-piż tal-ġisem fil-mira

1.	L-għalf għandu jitqiegħed fis-suq bħala għalf komplet.

2.	Biex jiġi żgurat li r-rekwiżiti minimi jiġu ssodisfati, il-livelli ta’ nutrijenti ta’ dieta għal tnaqqis ta’ piż eċċessiv jenħtieġ li jiżdiedu kif meħtieġ biex jikkumpensaw għall-konsum ristrett tal-enerġija ta’ kuljum (16)

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott.”

—	“Għall-qtates, huwa rrakkomandat perjodu ta’ tranżizzjoni meta tibda d-dieta.”

—	“Għal telf ta’ piż effiċjenti jew manteniment ta’ piż ideali, il-konsum tal-enerġija ta’ kuljum rrakkomandat m’għandux jinqabeż.”

Enerġija Metabolizzabbli < 3190 kcal għal kull kg ta’ għalf komplet b’kontenut ta’ ndewwa ta’ 12 % (15)

Jew

Enerġija Metabolizzabbli < 580 kcal għal kull kg ta’ għalf komplet b’kontenut ta’ ndewwa ta’ 85 % (15)

Qtates

Sostenn għall-funzjoni tal-ġilda fil-każ ta’ dermatożi u telf eċċessiv ta’ xagħar

Aċidu linolejku ≥ 12,3 g għal kull kg u s-somma ta’ aċidu ejkosapentaenojku u aċidu dokosaeżaenojku ≥ 2,9 g għal kull kg ta’ għalf komplet b’kontenut ta’ ndewwa ta’ 12 % (4)

Klieb u qtates

—	Aċidu linolejku

—	Somma tal-aċidu ejkosapentaenojku u l-aċidu dokosaeżaenojku

Inizjalment sa xahrejn

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott.”

—	“Livell għoli ta’ aċidu linolejku (LA) u tas-somma tal-aċidu ejkosapentaenojku (EPA) u tal-aċidu dokosaeżaenojku (DHA)”

Aċidu linolejku ≥ 18,5 g għal kull kg u s-somma ta’ aċidu ejkosapentaenojku u aċidu dokosaeżaenojku ≥ 0,39 g għal kull kg ta’ għalf komplet b’kontenut ta’ ndewwa ta’ 12 % (4)

Klieb

Aċidu linolejku ≥ 18,5 g għal kull kg u s-somma ta’ aċidu ejkosapentaenojku u aċidu dokosaeżaenojku ≥ 0,09 g għal kull kg ta’ għalf komplet b’kontenut ta’ ndewwa ta’ 12 % (4)

Qtates

Sostenn għall-metaboliżmu tal-ġogi fil-każ ta’ osteoartrite

Totali ta’ aċidi xaħmija tal-omega-3 ≥ 29 g għal kull kg u aċidu ejkosapentaenojku ≥ 3,3 g għal kull kg ta’ għalf komplet b’kontenut ta’ ndewwa ta’ 12 % (4)

Livell adegwat ta’ vitamina E

Klieb

—	Aċidi xaħmin tal-omega-3 (totali)

—	Aċidu ejkosapentaenojku (totali)

—	Vitamina E (totali)

Inizjalment sa tliet xhur

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Total ta’ aċidi xaħmija tal-omega-3 ≥ 10,6 g għal kull kg ta’ għalf komplet b’kontenut ta’ ndewwa ta’ 12 % (4) u aċidu dokosaeżaenojku ≥ 2,5 g għal kull kg ta’ għalf komplet b’kontenut ta’ ndewwa ta’ 12 % (4)

Livelli ogħla ta’ metjonina u manganiż

Livelli xierqa ta’ vitamina E.

Qtates

—	Aċidi xaħmin tal-omega-3 (totali)

—	Aċidu dokosaeżaenojku (totali)

—	Metijonina (totali)

—	Manganiż (totali)

—	Vitamina E (totali)

Tnaqqis tar-ram fil-fwied

Livell ristrett tar-ram: ram ≤ 8,8 mg għal kull kg ta’ għalf komplet b’kontenut ta’ ndewwa ta’ 12 % (4)

Klieb

Ram (totali)

Inizjalment sa sitt xhur

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Tnaqqis tal-livelli tal-jodju fl-għalf f’każ ta’ ipertirojdiżmu

Livell ristrett tal-jodju: jodju ≤ 0,26 mg għal kull kg ta’ għalf komplet b’kontenut ta’ ndewwa ta’ 12 % (4)

Qtates

Jodju (totali)

Inizjalment sa tliet xhur

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Sostenn f’sitwazzjonijietta’ stress, li se jwasslu biex titnaqqas l-imġiba assoċjata

1-3 g ta’ kaseina bovina idrolizzata bit-tripsina għal kull kg ta’ għalf komplet b’kontenut ta’ ndewwa ta’ 12 % (4)

Klieb

Kaseina bovina idrolizzata bit-tripsina

Inizjalment sa xahrejn

1.	L-għalf għandu jitqiegħed fis-suq bħala għalf komplet.

Fuq it-tikketta indika:

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Sostenn għat-tħejjija għall-estru u r-riproduzzjoni

—

Livell għoli ta’ selenju u kontenut minimu ta’ vitamina E għal kull kg ta’ għalf komplet b’kontenut ta’ ndewwa ta’ 12 %, għall-ħnieżer 50 mg, għall-fniek 35 mg, għall-klieb, il-qtates, il-mink 88 mg; kontenut minimu ta’ vitamina E kuljum għal kull annimal, għall-ovini 100 mg, għall-bovini 300 mg u għaż-żwiemel 1 100 mg

Jew

—	Livell(i) għoli/għolja ta’ vitamini A u/jew vitamina D u/jew kontenut minimu ta’ betakaroten ta’ 300 mg kuljum għal kull annimal.

L-għalf supplimentari jista’ jkun fih is-selenju, u l-vitamini A u D f’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Mammiferi

L-ismijiet u l-ammonti totali ta’ kull mikroelement u vitamina miżjuda

—	Baqar: ġimagħtejn qabel tmiem il-ġestazzjoni sa meta tiġi kkonfermata ġestazzjoni oħra.

—	Ħnieżer nisa: minn sebat ijiem qabel ma jwelldu sa tliet ijiem wara u minn sebat ijiem qabel it-tgħammir sa tliet ijiem wara.

—	Mammiferi nisa oħrajn: mill-aħħar ftit tal-ġestazzjoni sa meta tiġi kkonfermata ġestazzjoni oħra.

—	Irġiel: waqt perjodi ta’ attività riproduttiva.

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	L-istruzzjonijiet għall-użu xieraq tal-għalf għandhom jiżguraw li l-kontenut massimu legali għall-għalf komplet jiġi rispettat.

3.	Fuq it-tikketta tal-għalf indika gwida għas-sitwazzjonijiet li fihom l-użu tal-għalf huwa xieraq.

—	Livell(i) għoli/għolja ta’ vitamina A u/jew vitamina D

Jew

—	Livell(i) għoli/għolja ta’ selenju u/jew żingu u/jew kontenut minimu ta’ 40 mg/kg ta’ vitamina E fl-għalf komplet b’kontenut ta’ ndewwa ta’ 12 %.

L-għalf supplimentari jista’ jkun fih is-selenju, iż-żingu u l-vitamini A u D b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Għasafar

L-ismijiet u l-ammonti totali ta’ kull mikroelement u vitamina miżjuda

—	Għan-nisa: waqt l-estru

—	Għall-irġiel: waqt perjodi ta’ attività riproduttiva

Sostenn għar-riġenerazzjoni ta’ qwieqeb, saqajn u ġilda

Livell għoli ta’ żingu.

L-għalf supplimentari jista’ jkun fih iż-żingu b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Żwiemel, ruminanti u ħnieżer

—	Żingu (totali)

—	Metijonina (totali)

—	Bijotina (jekk miżjuda)

Sa tmien ġimgħat

1.	L-istruzzjonijiet għall-użu xieraq tal-għalf għandhom jiżguraw li l-kontenut massimu legali taż-żingu, għall-għalf komplet jiġi rrispettat.

2.	Hija permessa l-applikazzjoni fil-forma ta’ bolus għar-ruminanti. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

Sostenn għal żbilanċi nutrizzjonali fi tranżizzjoni tad-dieta

Permezz tal-għalf djetetiku jingħata mill-inqas:

—	Selenju: 0,1 mg/kg ta’ għalf komplet b’kontenut ta’ ndewwa ta’ 12 %

U/jew

—	Żingu: 15 mg/kg ta’ għalf komplet b’kontenut ta’ ndewwa ta’ 12 %

U/jew

—	Ram: 2 mg/kg ta’ għalf komplet b’kontenut ta’ ndewwa ta’ 12 % għan-nagħaġ u 5 mg/kg ta’ għalf komplet b’kontenut ta’ ndewwa ta’ 12 % għal speċijiet oħra

U/jew

—	Vitamina A: 2000 UI/kg ta’ għalf komplet b’kontenut ta’ ndewwa ta’ 12 %

U/jew

—	Vitamina D: 400 UI/kg ta’ għalf komplet b’kontenut ta’ ndewwa ta’ 12 %

U/jew

—	Vitamina E: 35 mg/kg ta’ għalf komplet b’kontenut ta’ ndewwa ta’ 12 % għat-tjur, 10 mg/kg ta’ għalf komplet b’kontenut ta’ ndewwa ta’ 12 % għar-ruminanti, 40 mg/kg ta’ għalf komplet b’kontenut ta’ ndewwa ta’ 12 % għall-fniek u 20 mg/kg ta’ għalf komplet għall-ħnieżer b’kontenut ta’ ndewwa ta’ 12 %

L-għalf supplimentari jista’ jkun fih is-selenju, iż-żingu, ir-ram, il-vitamina A u l-vitamina D b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Ruminanti

Ħnieżer

Fniek

Tjur

L-isem u l-ammont totali tal-addittivi nutrittivi, jekk ikun xieraq

Minn jumejn (2) sa 15-il jum

1.	Hija permessa l-applikazzjoni fil-forma ta’ bolus għar-ruminanti u l-ħnieżer. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	L-istruzzjonijiet għall-użu xieraq tal-għalf għandhom jiżguraw li l-kontenut massimu legali għall-għalf komplet jiġi rispettat.

3.	Fuq it-tikketta tal-għalf indika gwida għas-sitwazzjonijiet li fihom l-użu tal-għalf huwa xieraq.

Sostenn għall-ftim

Permezz tal-għalf djetetiku jingħata mill-inqas:

—	Selenju: 0,1 mg/kg ta’ għalf komplet b’kontenut ta’ ndewwa ta’ 12 %

U/jew

—	Żingu: 15 mg/kg ta’ għalf komplet b’kontenut ta’ ndewwa ta’ 12 %

U/jew

—	Ram: 2 mg/kg ta’ għalf komplet b’kontenut ta’ ndewwa ta’ 12 % għan-nagħaġ u 5 mg/kg ta’ għalf komplet b’kontenut ta’ ndewwa ta’ 12 % għal speċijiet oħra

U/jew

—	Jodju: 0,2 mg/kg ta’ għalf komplet b’kontenut ta’ ndewwa ta’ 12 %

U/jew

—	Manganiż: 20 mg/kg ta’ għalf komplet b’kontenut ta’ ndewwa ta’ 12 %

U/jew

—	Vitamina A: 1500 UI/kg ta’ għalf komplet b’kontenut ta’ ndewwa ta’ 12 %

U/jew

—	Vitamina D: 400 UI/kg ta’ għalf komplet b’kontenut ta’ ndewwa ta’ 12 %

U/jew

—	Vitamina E: 100 mg/kg ta’ għalf komplet b’kontenut ta’ ndewwa ta’ 12 % għall-għoġġiela u 50 mg/kg ta’ għalf komplet b’kontenut ta’ ndewwa ta’ 12 % għall-ħrief, il-gidjien u l-ħnieżer.

L-għalf supplimentari jista’ jkun fih is-selenju, iż-żingu, ir-ram, il-jodju, il-manganiż u l-vitamini A u D b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Mammiferi

L-isem u l-ammont totali tal-addittivi nutrittivi, jekk ikun xieraq

Sa erba’ ġimgħat madwar il-ftim

1.	L-istruzzjonijiet għall-użu xieraq tal-għalf għandhom jiżguraw li l-kontenut massimu legali għall-għalf komplet jiġi rispettat.

2.	Fuq it-tikketta tal-għalf indika gwida għas-sitwazzjonijiet li fihom l-użu tal-għalf huwa xieraq.

Sostenn għar-riġenerazzjoni tal-ġilda u l-appendiċi

—	Permezz tal-għalf djetetiku jingħataw mill-inqas komposti taż-żingu li jikkorrispondu għal 20 mg/kg ta’ għalf komplet b’kontenut ta’ ndewwa ta’ 12 %

—	Livell għoli ta’ram u/jew jodju u/jew selenju

u/jew

vitamina B6 u/jew vitamina E u/jew vitamina A

u/jew

metijonina u/jew ċistina u/jew

jingħata mill-inqas 0,4 mg bijotin/kg ta’ għalf komplet b’kontenut ta’ ndewwa ta’ 12 % għar-ruminanti.

L-għalf supplimentari jista’ jkun fih iż-żingu, ir-ram, il-jodju, is-selenju u l-vitamini A b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Mammiferi u tjur

L-isem u l-ammont totali tal-addittivi nutrittivi, jekk ikun xieraq

—	Sa tmien ġimgħat

—	Għalf supplimentari għar-ruminanti li fih il-bijotina: Sa sitt xhur

1.	L-istruzzjonijiet għall-użu xieraq tal-għalf għandhom jiżguraw li l-kontenut massimu legali għall-għalf komplet jiġi rispettat.

2.	Fuq it-tikketta tal-għalf indika gwida għas-sitwazzjonijiet li fihom l-użu tal-għalf huwa xieraq.

Stabbilizzazzjoni tal-bilanċ tal-ilma u l-elettroliti biex tgħin id-diġestjoni fiżjoloġika

—	B’mod predominanti elettroliti: sodju, potassju u kloruri

—	Kapaċità mewwieta (21) fil-każ ta’ għalf likwidu: minimu ta’ 60 mmol f’kull litru tax-xarba mħallta bil-lest għat-tagħlif

—	Karboidrati diġeribbli ħafna

Għoġġiela, ħnieżer, ħrief, gidjien u mħar

—

Sodju

—

Potassju

—

Kloruri

—	Sors(i) ta’ karboidrati

—	Bikarbonati u/jew ċitrati (jekk ikunu miżjuda)

Bejn jum u sebat ijiem

1.	Il-medda rakkomandata tal-elettroliti f’kull litru ta’ xarba lesta għat-tagħlif: Sodju: 1,7 g –3,5 g Potassju: 0,4 g – 2 g Kloruri: 1 g –2,8 g

2.	Fil-każ ta’ għalf solidu, il-firxa ta’ elettroliti rrakkomandata għandha tiġi kkalkolata abbażi tat-teħid volontarju normali ta’ kuljum tal-ilma.

Fuq it-tikketta indika:

—	“Fil-każ ta’ riskju ta’ disturbi diġestivi, waqt perjodi ta’ disturbi diġestivi, jew waqt il-konvalexxenza minn disturbi diġestivi (dijarea).”

—	“Huwa rrakkomandat li tieħu l-parir ta’ veterinarju qabel ma tuża l-prodott u qabel ma testendi l-perjodu tal-użu tiegħu.”

Fl-istruzzjoni għall-użu xieraq indika:

—	Id-doża rrakkomandata tax-xarba lesta mħallta u ta’ ħalib, jekk rilevanti.

—	Fil-każ li l-bikarbonati u/jew iċ-ċitrati jaqbżu l-40 mmol f’kull litru tax-xarba lesta mħallta għat-tagħlif tar-ruminanti: “Għandu jiġi evitat it-tagħlif bil-ħalib fl-istess ħin lill-annimali li jkollhom l-abomasum.”

Tnaqqis tar-riskju ta’ tetanja (ipomanjesimja)

Livell għoli ta’ manjeżju,

karboidrati disponibbli faċilment,

livell moderat ta’ proteini u

livell baxx ta’ potassju

Ruminanti

—

Lamtu

—	Zokkrijiet (totali)

—

Manjeżju

—

Sodju

—

Potassju

minn tliet sa 10 ġimgħat waqt perjodi ta’ tkabbir mgħaġġel tal-ħaxix

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Fl-istruzzjonijiet għal użu xieraq, għandha tiġi pprovduta gwida dwar il-bilanċ tar-razzjon ta’ kuljum, fir-rigward tal-inklużjoni tal-fibra u sorsi ta’ enerġija faċilment disponibbli.

3.	Fil-każ ta’ għalf għall-ovini indika fuq it-tikketta: “Speċjalment għal nagħaġ li qed ireddgħu.”

Tnaqqis fir-riskju ta’ aċidożi

Livell baxx ta’ karboidrati li jiffermentaw faċilment u kapaċità mewwieta għolja

Ir-ruminanti

—

Lamtu

—	Zokkrijiet (total)

sa xahrejn (17)

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Fl-istruzzjonijiet għal użu xieraq, għandha tiġi pprovduta gwida dwar il-bilanċ tar-razzjon ta’ kuljum, fir-rigward tal-inklużjoni tal-fibra u sorsi ta’ karboidrati li jiffermentaw faċilment.

3.	Fil-każ ta’ għalf maħsub biex jingħata lill-baqar tal-ħalib, dan li ġej għandu jkun indikat fuq it-tikketta: “B’mod speċjali għall-baqar li jipproduċu ħafna.”

4.	Fil-każ tal-għalf għar-ruminanti tat-tismin, indika fuq it-tikketta: “Speċjalment għal dawk mitmugħa b’mod intensiv (18).”

Tnaqqis fir-riskju ta’ kalkuli tal-awrina

Livell baxx ta’ fosfru, manjeżju, u karatteristiċi tal-aċidifikazzjoni tal-awrina

Ruminanti

—

Kalċju

—

Fosforu

—

Sodju

—

Manjeżju

—

Potassju

—

Kubrit

—	Sustanzi tal-aċidifikazzjoni tal-awrina

Sa sitt ġimgħat

1.	Fuq it-tikketta indika: “Speċjalment għal annimali żgħar mitmugħa b’mod intensiv.”

2.	Fl-istruzzjoni għall-użu xieraq indika: “L-annimali għandhom ikunu jistgħu jsibu l-ilma kull meta jriduh.”

L-għoti tul żmien twil ta’ mikroelementi u/jew vitamini lil annimali li jirgħu

Livell għoli ta’

—	Mikroelementi

U/jew

—	Vitamini, provitamini u sustanzi ddefiniti sew kimikament li jkollhom effetti simili.

L-għalf supplimentari jista’ jkun fih

addittivi fl-għalf

b’konċentrazzjoni ogħla minn 100

darba daqs il-kontenut massimu

rilevanti stabbilit għall-għalf

komplet

Ruminanti

b’

kirxa

funzjonali

—	L-ismijiet u l-ammonti totali ta’ kull mikroelement, vitamina, provitamina u sustanza ddefinita sew kimikament li jkollhom effetti simili

—	Ir-rata ta’ rilaxx kuljum ta’ kull mikroelement u/jew vitamina jekk jintuża bolus

—	Il-perjodu massimu tar-rilaxx kontinwu tal-mikroelement jew tal-vitamina jekk jintuża bolus

Sa 12-il xahar

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

Fuq it-tikketta tal-għalf indika:

—	“Is-supplimentazzjoni simultanja ta’ addittivi b’kontenut massimu minn sorsi differenti minn ta’ dawk fil-bolus, jekk applikabbli, għandha tiġi evitata.

—

Qabel l-użu, huwa rrakkomandat li jintalab parir mingħand veterinarju jew nutrizzjonista dwar:

(a)	il-bilanċ tal-mikroelementi fil-porzjon ta’ kuljum;

(b)	l-istatus tal-mikroelementi tal-merħla”

Tnaqqis tar-riskju ta’ deni tal-ħalib u ipokalċimja subklinika

Proporzjon baxx tal-katjoni/anjoni

Għar-razzjon totali:

—	Aċidifikazzjoni minima permezz ta’ għalf għal skop ta’ nutrizzjoni partikolari: 100 mEq/kg ta’ materja niexfa

—	Objettiv: 0 < DCAD (19) (mEq/kg ta’ materja niexfa) < 100

Jew

Baqar tal-ħalib

—

Kalċju

—

Fosforu

—

Manjeżju

—

Sodju

—

Potassju

—

Kloruri

—

Kubrit

Minn tliet ġimgħat qabel it-twelid sat-twelid

Fl-istruzzjoni għall-użu xieraq indika:

“Waqqaf it-tagħlif wara t-twelid”

Żeolit (silikat tas-sodju u tal-aluminju): 250 - 500 g/kuljum

Silikat tas-sodju u tal-aluminju

Minn tliet ġimgħat qabel it-twelid sat-twelid

Fl-istruzzjoni għall-użu xieraq indika:

—	“L-ammont ta’ għalf għandu jkun ristrett biex ikun żgurat li ma jinqabiżx il-konsum ta’ kuljum ta’ 500 g ta’ silikat tas-sodju u tal-aluminju għal kull annimal.”

—	It-tul tal-użu għandu jkun ristrett għal massimu ta’ ġimagħtejn.

—	“Waqqaf it-tagħlif wara t-twelid”

Jew

L-għoti ta’ materjali tal-għalf protetti mid-degradazzjoni fil-kirxa b’kontenut għoli ta’ aċidu fitotiku (< 6 %) u b’kontenut ta’ kalċju < 0,2 %, biex jinkiseb minimu ta’ 28 g u massimu ta’ 32 g ta’ kalċju disponibbli għal kull baqra kuljum.

Jew

—

Kalċju

Minn erba’ ġimgħat qabel it-twelid sat-twelid

Fl-istruzzjoni għall-użu xieraq indika:

“Waqqaf it-tagħlif wara t-twelid”

Livell għoli ta’ kalċju fil-forma ta’ sorsi disponibbli ħafna ta’ kalċju: klorur tal-kalċju u/jew sulfat tal-kalċju u/jew fosfat tad-dikalċju u/jew karbonat tal-kalċju u/jew propjonat tal-kalċju u/jew formjat tal-kalċju, u/jew “kwalunkwe sors ieħor tal-kalċju li jkollu effett simili”

Kalċju pprovdut minn wieħed jew minn taħlita ta’ dawn is-sorsi b’minimu ta’ 50 g għal kull baqra kuljum

Jew

—

Kalċju

—	Sorsi tal-kalċju

Mill-ewwel sinjali tal-ħlas sa jumejn

Wara l-ħlas

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Indika fl-istruzzjonijiet għall-użu xieraq l-għadd ta’ applikazzjonijiet u l-ħin qabel u wara t-twelid.

3.	Fuq it-tikketta indika: “Huwa rrakkomandat li tieħu l-parir ta’ espert nutrizzjonali qabel ma tuża l-prodott”.

Pidolat tal-kalċju f’minimu ta’ 5,5 g għal kull baqra kuljum

Jew

—

Kalċju

—	Pidolat tal-kalċju

Mill-ewwel sinjali ta’ ħlas sa jumejn wara l-ħlas

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Fuq it-tikketta indika: “Huwa rrakkomandat li tieħu l-parir ta’ espert nutrizzjonali qabel ma tuża l-prodott”.

Grixa tan-nightshade bil-werqa xema’ li tippermetti rilaxx ta’ 38 - 46 μg 1,25 ta’ diidrossikolekalċiferol-glikosid kuljum

—	Grixa tan-nightshade bil-werqa xema’

—	Kontenut ta’ 1,25 ta’ diidrossikolekalċiferol-glikosid

—	Fibra mhux raffinata

—

Manjeżju

—	Xaħam mhux raffinat

—

Lamtu

—	Vitamina D3 (totali) bħala kolkalċiferol

Minn jumejn qabel it-twelid jew l-ewwel sinjali ta’ ħlas sa għaxart ijiem wara l-ħlas

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Fuq it-tikketta indika: “Huwa rrakkomandat li tieħu l-parir ta’ espert nutrizzjonali qabel ma tuża l-prodott”.

Tnaqqis tar-riskju tal-ketożi (20)

—	Għoti minimu ta’ propan -1,2-diol jew glikol propileniku: 250 g/jum għall-baqar tal-ħalib 50 g/jum għan-nagħaġ jew għall-mogħoż

Jew

—	Għoti minimu a’ propjonati (imluħa tal-kalċju jew tas-sodju): 110 g/jum għal baqar tal-ħalib 22 g/jum għan-nagħaġ jew għall-mogħoż

Jew

—	Għoti minimu kkombinat ta’ propan -1,2-diol u propjonati (imluħa tas-sodju jew tal-kalċju), sakemm:

—	Il-kombinazzjoni tal-propan -1,2-diol u l-propjonati għall-baqar tal-ħalib hija tali li l-propjonati +0,44 x propan -1,2 diol ikunu > 110 g/jum

—	Il-kombinazzjoni tal-propan -1,2-diol u l-propjonati għan-nagħaġ u l-mogħoż hija tali li l-propjonati +0,44 x propan -1,2 diol ikunu > 22 g/jum

Baqar tal-ħalib, nagħaġ u mogħoż

—	Propan-1,2-diol, jekk miżjud

—	Propjonati f’forma ta’ mluħa tas-sodju jew tal-kalċju, jekk miżjuda

Bejn tliet ġimgħat qabel u sitt ġimgħat wara t-twelid għall-baqar tal-ħalib

Bejn sitt ġimgħat qabel u tliet ġimgħat wara l-ħlas għan-nagħaġ u għall-mogħoż

1.	Hija permessa l-applikazzjoni fil-forma ta’ bolus. Bolus jista’ jkun fih sa 20 % ħadid f’forma inerti, mhux bijodisponibbli, biex tiżdied id-densità tiegħu.

2.	Fuq it-tikketta indika: “Matul l-għoti ta’ propjonati tal-kalċju jew tas-sodju fl-aħħar tal-ġestazzjoni, hija meħtieġa evalwazzjoni tal-ekwilibriju minerali f’assoċjazzjoni mar-riskju ta’ ipokalċimija wara l-ħlas.”

Tnaqqis ta’ reazzjonijiet ta’ stress

—	Livell għoli ta’ manjeżju

U/jew

—	Ingredjenti faċilment diġeribbli

Ħnieżer

—

Manjeżju

—	Ingredjenti faċilment diġeribbli inkluż it-trattament tagħhom, jekk ikun xieraq

—	Kontenut ta’ aċidi xaħmija n-3 (jekk miżjuda)

Bejn jum u sebat ijiem

Għandha tiġi pprovduta gwida dwar is-sitwazzjonijiet li fihom l-użu tal-għalf huwa xieraq.

Tnaqqis tar-riskju ta’ konstipazzjoni

Ingredjenti li jistimolaw il-passaġġ intestinali

Ħnieżer nisa

Ingredjenti li jistimolaw il-passaġġ intestinali

10t ijiem sa 14-il jum qabel u 10 ijiem sa 14-il jum wara l-ħlas

Kumpens għal nuqqas ta’ ħadid disponibbli wara t-twelid

Livelli għoljin ta’ komposti tal-ħadid awtorizzati skont il-grupp funzjonali “komposti ta’ mikroelementi” tal-kategorija “addittivi nutrittivi” kif imsemmija fl-Anness I tar-Regolament (KE) Nru 1831/2003.

L-għalf supplimentari jista’ jkun fih il-ħadid b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Ħnienes mhux miftuma u għoġġiela

Ħadid (totali)

Wara t-twelid sa tliet (3) ġimgħat

L-istruzzjonijiet għall-użu xieraq għandhom jiżguraw li l-kontenut massimu legali tal-ħadid għall-għalf komplet jiġi rrispettat.

Kumpens għall-assorbiment ħażin

Livell baxx ta’ aċidi xaħmija saturati u livell għoli ta’ vitamini li jinħallu fix-xaħam

Tjur għajr wiżż u ħamiem

—	Perċentwal ta’ aċidi xaħmija saturati fir-rigward tal-aċidi xaħmija kollha

—	Vitamina A (totali)

—	Vitamina D (totali)

—	Vitamina E (totali)

—	Vitamina K (totali)

Matul l-ewwel ġimagħtejn wara li jfaqqsu

Tnaqqis tar-riskju tas-sindromu ta’ fwied xaħmi

Livell baxx ta’ enerġija u proporzjon għoli ta’ enerġija metaboliżabbli mil-lipidi b’livell għoli ta’ aċidi xaħmija poliinsaturati

Tiġieġ għall-bajd

—	Valur enerġetiku (ikkalkolat skont il-metodu KE)

—	Perċentwal ta’ enerġija metaboliżabbli mil-lipidi

—	Kontenut ta’ aċidi xaħmija poliinsaturati

Sa 12-il ġimgħa

Sostenn għat-tħejjija tal-eżerċizzju ta’ sforz sportiv u l-irkupru minnu

Livell għoli ta’ selenju u kontenut minimu ta’ 50 mg ta’ vitamina E għal kull kg ta’ għalf komplet b’kontenut ta’ ndewwa ta’ 12 %.

L-għalf supplimentari jista’ jkun fih il-komposti tas-selenju b’konċentrazzjoni ogħla minn 100 darba daqs il-kontenut massimu rilevanti stabbilit għall-għalf komplet.

Ekwidi

—	Vitamina E (totali)

—	Selenju (totali)

Sa tmien ġimgħat qabel l-eżerċizzju ta’ sforz sportiv – Sa erba’ ġimgħat wara l-eżerċizzju ta’ sforz sportiv

L-istruzzjonijiet għall-użu xieraq tal-għalf għandhom jiżguraw li l-kontenut massimu legali tas-selenju għall-għalf komplet jiġi rrispettat.

Kumpens għat-telf tal-elettroliti f’każijiet ta’ ammont eċċessiv ta’ għaraq

Għandu jkun fih klorur tas-sodju kif ukoll klorur tal-potassju.

Livelli baxxi ta’ Manjeżju, Kalċju u Fosforu

L-inklużjoni ta’ mluħa elettrolitiċi oħra hija fakultattiva.

Ekwini

—

Sodju

—

Kloruri

—

Potassju

—

Kalċju

—

Manjeżju

—

Fosforu

Minn jum sa tlett ijiem wara li jkun ħareġ ammont eċċessiv ta’ għaraq.

1.	Għandha tingħata gwida dwar is-sitwazzjonijiet li fihom l-użu tal-għalf huwa xieraq.

2.	L-istruzzjonijiet għall-użu xieraq għandhom jagħtu linji gwida dwar l-amministrazzjoni abbażi tad-durata u l-intensità tal-eżerċizzju li jkun sar rilevanti għall-formulazzjoni u l-preżentazzjoni tal-għalf.

Fuq it-tikketta indika:

—	“L-annimali għandhom ikunu jistgħu jsibu l-ilma kull meta jriduh.”

—	Fil-każ tal-amministrazzjoni ta’ elettroliti mhux imħallta mal-ilma (eż. fl-għalf jew f’forma ta’ siringa): “L-ilma għandu jkun disponibbli għal mill-inqas 20 minuta jew preferibbilment għal siegħa wara l-amministrazzjoni.”

4.	Barra minn hekk għandha tingħata gwida biex jiġi mmonitorjat ix-xorb sussegwenti, filwaqt li għandu jittieħed parir veterinarju jekk jiġi osservat konsum insuffiċjenti ta’ ilma.

5.	Jista’ jkun hemm l-għażla li tingħata gwida dwar il-kwantità ta’ ilma (f’litri) li għandha tingħata flimkien mal-għalf jew l-elettroliti b’siringa.

Sostenn għall-metaboliżmu tal-enerġija u tal-funzjoni tal-muskoli f’każ ta’ rabdomijolożi

Lamtu u zokkor ta’ mhux aktar minn 20 % tal-enerġija disponibbli.

Xaħam mhux raffinat ta’ aktar minn 20 % tal-enerġija disponibbli

Minimu ta’ 350 IU ta’ Vitamina E/kg fl-għalf komplet b’kontenut ta’ ndewwa ta’ 12 %

Ekwini

—

Lamtu

—

Zokkor

—	Xaħam mhux raffinat

—	Vitamina E (total)

Inizjalment, għal mill-inqas tliet xhur

1.	Għandha tingħata gwida dwar is-sitwazzjonijiet li fihom l-użu tal-għalf huwa xieraq.

2.	L-istruzzjonijiet għall-użu xieraq għandu jkun fihom gwida dwar il-bilanċ tar-razzjon ta’ kuljum u dwar il-konsum xieraq ta’ kuljum.

3.	Fuq it-tikketta indika: “Huwa rrakkomandat li tieħu l-parir ta’ veterinarju qabel ma tuża l-prodott.”

Kumpens għal disturbi diġestivi kroniċi tal-musrana l-kbira

—	Kontenut ta’ lamtu biex jipprovdi < 1 g/kg BW/ikla (< 0,5 g/kg BW/ikla, jekk ikun hemm dijarea)

—	Ħbub tal-qamħ ipproċessati permezz ta’ trattament idrotermiku, bħall-estrużjoni, il-mikronizzazzjoni, l-espansjoni jew it-tqarqiċ, għat-titjib tad-diġestjoni tal-lamtu tal-musrana ż-żgħira

—	Għoti addizzjonali ta’ vitamini li jinħallu fl-ilma u livelli xierqa ta’ minerali/elettroliti

—	Għoti addizzjonali ta’ żejt jekk ma jkunx hemm dijarea

Ekwini

—

Lamtu

—	Xaħam mhux raffinat

Fit-tul jew sakemm tiġi solvuta l-kwistjoni

Għandha tingħata gwida

—	dwar is-sitwazzjonijiet preċiżi li fihom huwa xieraq l-użu tal-għalf, b’mod partikolari jekk il-prodott ikunx maħsub biex jintuża f’annimali b’dijarea konkorrenti jew le.

—	dwar id-daqs tal-ikel u l-konsum tal-foraġġ.

2.	L-istruzzjonijiet għall-użu xieraq għandhom jirreferu, skont il-kontenut taż-żejt, għall-użu gradwali potenzjali u jissuġġerixxu monitoraġġ għad-dijarea.

3.	Indika fuq it-tikketta l-ipproċessar użat għall-ħbub tal-qamħ.

Il-kumpens għal insuffiċjenza kronika tal-funzjoni tal-musrana ż-żgħira

—	Ingredjenti faċilment diġeribbli

—	Sorsi ta’ proteina ta’ kwalità għolja u liżina > 4,3 % ta’ proteina mhux raffinata

—	Zokkor u lamtu totali sabiex jipprovdu massimu ta’ 0,5 g/kg BW/ikla

—	Ħbub tal-qamħ ipproċessati permezz ta’ trattament idrotermiku, bħall-estrużjoni, il-mikronizzazzjoni, l-espansjoni jew it-tqarqiċ, biex tittejjeb id-diġestjoni prekaekali

Ekwini

—	Materjali tal-għalf faċilment diġeribbli, inkluż it-trattament tagħhom, jekk ikun xieraq.

—	Zokkor u lamtu totali

—	Sorsi ta’ proteina

Fit-tul jew sakemm tiġi solvuta l-kwistjoni

Għandha tingħata gwida dwar

—	is-sitwazzjonijiet preċiżi li fihom l-użu tal-għalf huwa xieraq

—	id-daqs tal-ikel u l-konsum tal-foraġġ.

2.	L-istruzzjonijiet għall-użu xieraq għandhom jirreferu, skont il-kontenut taż-żejt, għall-użu gradwali potenzjali u jissuġġerixxu monitoraġġ għad-dijarea.

Stabilizzazzjoni tad-diġestjoni fiżjoloġika

L-addittivi fl-għalf tal-grupp funzjonali “Stabbilizzanti għall-batterji li jkun hemm fil-musrana” kif imsemmija fl-Anness I tar-Regolament (KE) Nru 1831/2003 jew, sakemm issir il-proċedura ta’ awtorizzazzjoni mill-ġdid kif imsemmi fl-Artikolu 10 tar-Regolament (KE) Nru 1831/2003, addittivi fl-għalf tal-grupp “mikroorganiżmi”

Speċijiet ta’ annimali li għalihom huma awtorizzati stabbilizzanti għall-batterji li jkun hemm fil-musrana jew mikroorganiżmi

L-isem u l-ammont miżjud tal-istabbilizzant għall-batterji li jkun hemm fil-musrana jew tal-mikroorganiżmu

Sa erba’ ġimgħat

1.	Fuq it-tikketta indika: “Fil-każ ta’ riskju ta’ disturbi diġestivi, waqt perjodi ta’ disturbi diġestivi, jew waqt l-irkupru minn disturbi diġestivi”.

2.	L-istruzzjonijiet għall-użu xieraq tal-għalf għandhom jiżguraw li jiġi rrispettat il-kontenut massimu legali tal-istabbilizzant għall-batterji li jkun hemm fil-musrana jew tal-mikroorganiżmu għall-għalf komplet.

(1) Ir-Regolament (KE) Nru 1831/2003 tal-Parlament Ewropew u L-Kunsill ta’ 22 ta’ Settembru 2003 fuq l-additivi għall-użu fl-għalf tal-annimali (ĠU L 268, 18.10.2003, p. 29).

(2) Id-Direttiva 2004/48/KE tal-Parlament Ewropew u tal-Kunsill tad-29 ta’ April 2004 fuq l-infurzar tad-drittijiet tal-proprjetà intellettwali (ĠU L 157, 30.4.2004, p. 45).

(GP1) ħall-kontroll tal-indikazzjonijiet kwantitattivi, japplikaw it-tolleranzi kif stabbiliti fl-Anness IV tar-Regolament (KE) Nru 767/2009.

(GP2) Dawn id-dikjarazzjonijiet tat-tikkettar japplikaw flimkien mar-rekwiżiti ġenerali tat-tikkettar stabbiliti fir-Regolament (KE) Nru 767/2009

(3) Jekk ikun rilevanti, il-manifattur jista’ jirrakkomanda wkoll l-użu għall-insuffiċjenza renali temporanja.

(4) abbażi ta’ dieta b’densità tal-enerġija tal-materja niexfa ta’ 4000 kcal ta’ Enerġija Metaboliżabbli/kg ikkalkolata bl-ekwazzjoni deskritta fil-Linji Gwida Nutrizzjonali ta’ FEDIAF (http://www.fediaf.org/self-regulation/nutrition.html). Il-valuri għandhom jiġu adattati jekk id-densità tal-enerġija tiddevja mill-4000 kcal tal-Enerġija Metaboliżabbli/kg.

(5) Jekk l-għalf ikun irrakkomandat għall-insuffiċjenza renali temporanja, il-perjodu rrakkomandat għall-użu għandu jkun ta’ bejn ġimagħtejn u erba’ ġimgħat.

(6) Fil-każ ta’ għalf għal intolleranza partikolari, referenza għall-intolleranza speċifika tista’ tissostitwixxi “ingredjent u nutrijent”

(7) Għall-qtates tista’ tiżdied referenza għal “Lipidosi epatika felina”

(8) Għall-qtates, tista’ tiżdied “marda tal-passaġġ baxx tal-urina tal-qtates” jew is-“sindromu uroloġiku tal-qtates — FUS”.

(9) Proprjetajiet ta’ nuqqas ta’ saturazzjoni: awrina assoċjata mal-proprjetajiet ta’ dissoluzzjoni tal-kristalli u l-ġebel u/jew il-proprjetajiet ta’ prevenzjoni tal-preċipitazzjoni u tal-formazzjoni tal-kristalli.

(10) pH tal-awrina ≤ 6,5.

(11) Proprjetajiet ta’ metastabbilizzazzjoni: l-awrina assoċjata mal-proprjetajiet ta’ prevenzjoni ta’ preċipitazzjoni tal-kristalli.

(12) tista’ tiżdied “insuffiċjenza pankreatika eżokrinali”.

(13) Ir-rakkomandazzjonijiet minimi skont il-Linji Gwida Nutrizzjonali tal-FEDIAF (http://www.fediaf.org/self-regulation/nutrition.html) għall-aċidi xaħmija kollha essenzjali għandhom jiġu ssodisfati fir-razzjon ta’ kuljum.

(14) abbażi ta’ dieta b’densità ta’ enerġija ta’ materja niexfa ta’ 3500 kcal ta’ Enerġija Metabolizzabbli/kg ikkalkulata permezz tal-ekwazzjoni deskritta fil-Linji Gwida Nutrizzjonali tal-FEDIAF

(http://www.fediaf.org/self-regulation/nutrition.html). Il-valuri għandhom jiġu adattati jekk id-densità tal-enerġija tiddevja mit-3500 kcal ta’ Enerġija Metabolizzabbli/kg.

(15) Enerġija Metabolizzabbli/kg ikkalkolata permezz tal-ekwazzjoni deskritta fil-Linji Gwida Nutrizzjonali għal Ikel tal-Annimali Domestiċi Komplet u Supplimentari għall-Qtates u l-Klieb (2019) tal-FEDIAF.

(16) Linji Gwida Nutrizzjonali għal Ikel tal-Annimali Domestiċi Komplet u Supplimentari għall-Qtates u l-Klieb (2019) tal-FEDIAF.

(17) Fil-każ ta’ għalf għall-baqar tal-ħalib: “massimu ta’ xahrejn mill-bidu tat-treddigħ”.

(18) Indika l-kategorija ta’ ruminanti kkonċernati.

(19) DCAD (mEq/kg ta’ materja niexfa) = (Na + K) - (Cl + S).

(20) It-terminu “ketożi” jista’ jiġi ssostitwit b’“aċetonemija” u l-persuna responsabbli għat-tikkettar tista’ tirrakkomanda wkoll l-użu għall-irkupru tal-ketożi.

(21) Kalkolu maħdum skont il-metodu Differenza tal-Joni Qawwijin (Strong Ion Difference) (il-Valur SID): L-SID huwa d-differenza bejn it-totali tal-konċentrazzjonijiet tal-katjoni qawwijin u l-anjoni qawwijin; [SID] = [mmol Na+/l] + [mmol K+/l] + [mmol Ca++/l] + [mmol Mg++/l] – [mmol Cl-/l] – [mmol Anjoni Qawwijin Oħrajn/l].

5.3.2020

Il-Ġurnal Uffiċjali tal-Unjoni Ewropea

L 67/34

REGOLAMENT TA’ IMPLIMENTAZZJONI TAL-KUMMISSJONI (UE) 2020/357

tal-4 ta’ Marzu 2020

li jemenda r-Regolament (UE) 2018/395 fir-rigward tal-liċenzji tal-bdoti tal-blalen tal-arja

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikoli 23, 27 u 31 tiegħu,

Billi:

(1)

Il-Kummissjoni trid tadotta r-regoli ta’ implimentazzjoni neċessarji biex jiġu stabbiliti r-rekwiżiti għal-liċenzji tal-bdoti tal-blalen tal-arja (balloon pilot licences, “BPLs”) f’konformità mar-Regolament (UE) 2018/1139, meta inġenji tal-ajru bħal dawn ikunu jissodisfaw il-kundizzjonijiet speċifikati fil-punti (b)(i) u (ii) tal-Artikolu 2(1) ta’ dak ir-Regolament.

(2)

Fid-dawl tan-natura speċifika tal-liċenzjar tal-ekwipaġġ tat-titjira għall-blalen tal-arja, huma neċessarji rekwiżiti ta’ liċenzjar speċifiċi li jiġu stabbiliti f’regolamenti awtonomi. Jenħtieġ li dawk ir-rekwiżiti jkunu bbażati fuq ir-regoli ġenerali għal-liċenzjar tal-ekwipaġġ tat-titjira li huma stabbiliti fir-Regolament tal-Kummissjoni (UE) Nru 1178/2011 (2). Madankollu, jenħtieġ li jiġu ristrutturati u ssimplifikati sabiex jiġi żgurat li jkunu proporzjonati u msejsa fuq approċċ ibbażat fuq ir-riskji, filwaqt li jiġi żgurat li l-bdoti tal-blalen tal-arja jkunu u jibqgħu kompetenti biex iwettqu l-attivitajiet tagħhom u sabiex jaqdu r-responsabbiltajiet tagħhom.

(3)

Skont l-Artikolu 12(2a)(3) tar-Regolament (UE) Nru 1178/2011, l-Istati Membri jistgħu jkomplu japplikaw ir-regoli nazzjonali ta’ liċenzjar li jipprovdu aċċess għall-privileġġi bażiċi tal-bdoti sat-8 ta’ April 2020. Xi Stati Membri rrapportaw lill-Kummissjoni u lill-Aġenzija tal-Unjoni Ewropea għas-Sikurezza tal-Avjazzjoni (European Union Aviation Safety Agency, “EASA”) li, f’dak il-kuntest, it-tkomplija ta’ dawk ir-regoli nazzjonali ta’ liċenzjar, li permezz tagħhom il-bdoti studenti jeżerċitaw privileġġi limitati mingħajr superviżjoni u jiksbu privileġġi bażiċi fuq bażi pass pass, tappoġġa l-promozzjoni tal-isport tal-ajru u tal-attivitajiet rikreattivi minħabba l-aċċess iffaċilitat u aktar affordabbli għat-titjir. Il-promozzjoni u l-iffaċilitar tal-aċċess għall-avjazzjoni ġenerali huwa konformi mal-objettivi tal-Pjan Direzzjonali tal-Avjazzjoni Ġenerali tal-EASA li għandu l-għan li joħloq sistema regolatorja aktar proporzjonali, flessibbli u proattiva (3). Għal dawk ir-raġunijiet, jenħtieġ li l-Istati Membri jingħataw id-diskrezzjoni li jkomplu jsegwu dawk ir-regoli nazzjonali ta’ liċenzjar f’konformità mal-prinċipji introdotti fir-Regolament (UE) 2019/430 (4) biex joħorġu l-liċenzji tal-bdoti tal-blalen tal-arja (“BPL”). Madankollu, jenħtieġ li l-Istati Membri jinfurmaw lill-Kummissjoni u lill-EASA kull meta jużaw it-tali awtorizzazzjonijiet. Jenħtieġ ukoll li l-Istati Membri jimmonitorjaw l-użu tat-tali awtorizzazzjonijiet sabiex iżommu livell aċċettabbli ta’ sikurezza tal-avjazzjoni.

(4)

Sabiex tiġi żgurata tranżizzjoni bla xkiel, kwalunkwe ċertifikat, awtorizzazzjoni u approvazzjoni maħruġa lill-bdoti tal-blalen tal-arja f’konformità mar-Regolament (UE) Nru 1178/2011 qabel id-data tal-applikazzjoni ta’ dan ir-Regolament jenħtieġ li jkomplu jkunu validi. Il-liċenzji nazzjonali tal-bdoti tal-blalen tal-arja maħruġa qabel id-data tal-applikazzjoni ta’ dan ir-Regolament jenħtieġ li jiġu konvertiti f’liċenzji maħruġa f’konformità ma’ dan ir-Regolament, permezz ta’ rapporti dwar il-konverżjoni stabbiliti mill-awtoritajiet kompetenti tal-Istati Membri f’konsultazzjoni mal-EASA.

(5)

It-taħriġ tal-bdoti tal-blalen tal-arja li beda f’konformità mal-Anness I (Parti-FCL) tar-Regolament (UE) Nru 1178/2011 qabel id-data tal-applikazzjoni ta’ dan ir-Regolament, jenħtieġ li jiġi kkreditat b’mod sħiħ minħabba li jipprovdi ambitu tar-rekwiżiti ta’ taħriġ ugwali jew anki usa’ minn dak introdott permezz ta’ dan ir-Regolament. It-taħriġ li beda qabel id-data tal-applikazzjoni ta’ dan ir-Regolament f’konformità mal-Anness 1 tal-Konvenzjoni ta’ Chicago jenħtieġ li jiġi kkreditat fuq il-bażi ta’ rapporti ta’ kreditu stabbiliti mill-Istati Membri.

(6)	Jenħtieġ li l-organizzazzjonijiet tat-taħriġ eżistenti jingħataw iż-żmien xieraq biex jadattaw il-programmi ta’ taħriġ tagħhom, fejn ikun meħtieġ, fil-kuntest tar-rekwiżiti tat-taħriġ issimplifikati.

(7)

Jenħtieġ li jiġu aġġornati d-dispożizzjonijiet tar-Regolament tal-Kummissjoni (UE) 2018/395 (5) ukoll fir-rigward tal-operazzjonijiet bil-blalen tal-arja, sabiex iqisu t-tagħlimiet meħuda mill-adozzjoni ta’ dak ir-Regolament u biex jiġu ċċarati ċerti aspetti, bħal pereżempju s-sottomissjoni tad-dikjarazzjonijiet għall-attivitajiet kummerċjali.

(8)	Il-miżuri previsti f’dan ir-Regolament huma bbażati fuq l-Opinjoni Nru 01/2019 (6) tal-EASA f’konformità mal-punti (b) u (c) tal-Artikolu 75(2) u mal-Artikolu 76(1) tar-Regolament (UE) 2018/1139.

(9)	Il-miżuri previsti f’dan ir-Regolament huma skont l-opinjoni tal-Kumitat stabbilit permezz tal-Artikolu 127 tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Ir-Regolament (UE) 2018/395 huwa emendat kif ġej:

(1)

it-titolu huwa sostitwit b’dan li ġej:

“Ir-Regolament tal-Kummissjoni (UE) 2018/395 tat-13 ta’ Marzu 2018 li jistabbilixxi regoli dettaljati għall-operat tal-blalen tal-arja kif ukoll għall-liċenzjar tal-ekwipaġġ tat-titjira għall-blalen tal-arja skont ir-Regolament (UE) 2018/1139 tal-Parlament Ewropew u tal-Kunsill”;

(2)

fl-Artikolu 1, il-paragrafu 1 huwa sostitwit b’dan li ġej:

“1. Dan ir-Regolament jistabbilixxi regoli dettaljati għall-operazzjonijiet tal-ajru bil-blalen tal-arja kif ukoll għall-ħruġ u għaż-żamma tal-liċenzji tal-bdoti u l-klassifikazzjonijiet, il-privileġġi u ċ-ċertifikati assoċjati għall-blalen tal-arja, meta inġenji tal-ajru bħal dawn ikunu jissodisfaw il-kundizzjonijiet stabbiliti fil-punti (b)(i) u (ii) tal-Artikolu (2)(1) tar-Regolament (UE) 2018/1139 tal-Parlament Ewropew u tal-Kunsill (*1).

(*1) Ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, p. 1).”;"

(3)

L-Artikolu 2 huwa emendat kif ġej:

(a)

is-sentenza tal-bidu hija sostitwita b’dan li ġej:

“Għall-finijiet ta’ dan ir-Regolament, għandhom japplikaw id-definizzjonijiet li ġejjin u, sakemm it-termini ma jiġux definiti mod ieħor f’dan l-Artikolu, id-definizzjonijiet tal-Artikolu 2 tar-Regolament tal-Kummissjoni (UE) Nru 1178/2011 (*2):

(*2) Ir-Regolament tal-Kummissjoni (UE) Nru 1178/2011 tat-3 ta’ Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, p. 1).”;"

(b)

jiddaħħal il-punt (7a) li ġej:

“(7a)

‘operazzjoni kummerċjali’ tfisser kwalunkwe operazzjoni ta’ ballun tal-arja, bi ħlas jew xi kunsiderazzjoni oħra ta’ valur, li tkun disponibbli għall-pubbliku jew, meta ma tkunx disponibbli għall-pubbliku, li tkun imwettqa b’kuntratt bejn operatur u klijent, meta dan tal-aħħar ma għandu l-ebda kontroll fuq l-operatur;”;

(c)

il-punt (10) huwa sostitwit b’dan li ġej:

“(10)

‘titjira introduttorja’ tfisser kwalunkwe operazzjoni tal-ajru bi ħlas jew konsiderazzjoni ta’ valur oħra li tikkonsisti f’mawra bl-ajru b’tul ta’ żmien qasir, bl-għan li jiġu attirati trainees jew membri ġodda, imwettqa minn organizzazzjoni ta’ taħriġ imsemmija fl-Artikolu 10a tar-Regolament tal-Kummissjoni (UE) Nru 1178/2011 jew minn organizzazzjoni stabbilita bl-għan li jiġu promossi l-isport tal-ajru jew l-avjazzjoni ta’ divertiment;”;

(d)

il-punt (12) huwa sostitwit b’dan li ġej:

“(12)

‘ftehim ta’ kiri mingħajr ekwipaġġ’ tfisser ftehim bejn impriżi li permezz tiegħu l-ballun tal-arja jiġi operat taħt ir-responsabbiltà tal-lokatarju;”;

(e)

jiżdiedu l-punti (13) sa (15) li ġejjin:

“(13)

‘liċenzja nazzjonali’ tfisser liċenzja tal-bdoti maħruġa minn Stat Membru f’konformità mal-leġiżlazzjoni nazzjonali qabel id-data tal-applikazzjoni tal-Anness III (Parti-BFCL) ta’ dan ir-Regolament jew tal-Anness I (Parti-FCL) tar-Regolament (UE) Nru 1178/2011;

(14)	‘liċenzja skont il-Parti-BFCL’ tfisser liċenzja tal-ekwipaġġ tat-titjira li tikkonforma mar-rekwiżiti tal-Anness III (Parti-BFCL) ta’ dan ir-Regolament;

(15)	‘rapport dwar il-konverżjoni’ tfisser rapport li abbażi tiegħu liċenzja tista’ tiġi kkonvertita f’liċenzja skont il-Parti-BFCL.”;

(4)

il-paragrafu 2 tal-Artikolu 3 huwa emendat kif ġej:

(a)

l-ewwel subparagrafu huwa sostitwit b’dan li ġej:

“2. L-operaturi tal-blalen tal-arja għandhom jinvolvu ruħhom f’operazzjonijiet kummerċjali biss wara li jkunu ddikjaraw lill-awtorità kompetenti li għandhom l-kapaċità u l-mezzi sabiex jaqdu r-responsabbiltajiet assoċjati mal-operat tal-ballun tal-arja.”;

(b)	it-tieni subparagrafu jitħassar;

(c)

it-tielet subparagrafu huwa emendat kif ġej:

(i)	is-sentenza tal-bidu hija sostitwita b’dan li ġej: “L-ewwel subparagrafu ma għandux japplika għal operazzjonijiet bil-blalen tal-arja li ġejjin:”;

(ii)

il-punti (c) u (d) huma sostitwiti b’dan li ġej:

“(c)

titjiriet introduttorji b’erba’ individwi jew inqas, inkluż il-bdot, u titjiriet għall-finijiet ta’ qbiż bil-paraxut, imwettqa jew minn organizzazzjoni ta’ taħriġ imsemmija fl-Artikolu 10a tar-Regolament (UE) Nru 1178/2011 bil-post prinċipali tan-negozju tagħha fi Stat Membru, jew minn organizzazzjoni maħluqa bl-għan li jiġi promoss l-isport tal-ajru jew l-avjazzjoni ta’ divertiment, diment li l-organizzazzjoni topera l-ballun tal-arja abbażi ta’ sjieda jew ta’ ftehim ta’ kiri mingħajr ekwipaġġ u dment li t-titjira ma tiġġenerax profitti distribwiti barra mill-organizzazzjoni u li titjiriet bħal dawn ikunu jirrappreżentaw biss attività marġinali tal-organizzazzjoni;

(d)	titjiriet ta’ taħriġ, imwettqa minn organizzazzjoni ta’ taħriġ imsemmija fl-Artikolu 10a tar-Regolament (UE) Nru 1178/2011 bil-post prinċipali tan-negozju tagħha fi Stat Membru.”;

(5)

wara l-Artikolu 3, jiddaħħlu l-Artikoli 3a u 3d li ġejjin:

“Artikolu 3a

Liċenzji u ċertifikazzjoni medika tal-bdoti

1. Mingħajr preġudizzju għar-Regolament Delegat tal-Kummissjoni (UE) (*3), il-bdoti tal-inġenji tal-ajru msemmija fl-Artikolu 1(1) ta’ dan ir-Regolament għandhom jikkonformaw mar-rekwiżiti tekniċi u mal-proċeduri amministrattivi stabbiliti fl-Anness III (Parti-BFCL) ta’ dan ir-Regolament u fl-Anness IV (Parti-MED) tar-Regolament (UE) Nru 1178/2011.

2. Bħala eċċezzjoni għall-privileġġi tad-detenturi tal-liċenzji kif definit fl-Anness III (Parti-BFCL) ta’ dan ir-Regolament, id-detenturi ta’ liċenzji bħal dawn jistgħu jwettqu t-titjiriet imsemmija fl-Artikolu 3(2)(a) sa (d) mingħajr ma jikkonformaw mal-punt BFCL.215 tal-Anness III (Parti-BFCL) ta’ dan ir-Regolament.

3. Stat Membru jista’ jawtorizza lill-bdoti studenti li jkunu qed isegwu kors ta’ taħriġ għal-liċenzja tal-bdoti tal-blalen tal-arja (‘BPL’) biex jeżerċitaw privileġġi limitati mingħajr superviżjoni qabel ma jissodisfaw ir-rekwiżiti kollha li huma meħtieġa għall-ħruġ ta’ BPL f’konformità mal-Anness III (Parti-BFCL), soġġett għall-kundizzjonijiet kollha li ġejjin:

(a)	l-ambitu tal-privileġġi mogħtija għandu jkun ibbażat fuq valutazzjoni tar-riskju għas-sikurezza mwettqa mill-Istat Membru, filwaqt li jitqies l-ammont ta’ taħriġ meħtieġ għall-livell maħsub ta’ kompetenza ta’ bdot li għandu jintlaħaq;

(b)

il-privileġġi għandhom ikunu limitati għal dawn li ġejjin:

(i)	it-territorju nazzjonali kollu, jew parti minnu, tal-Istat Membru li jagħti l-awtorizzazzjoni;

(ii)	il-blalen tal-arja li huma rreġistrati fl-Istat Membru li jagħti l-awtorizzazzjoni;

(c)

id-detentur ta’ awtorizzazzjoni bħal din li japplika għall-ħruġ ta’ BPL għandu jirċievi krediti għat-taħriġ li jkun sar taħt l-awtorizzazzjoni fuq il-bażi ta’ rakkomandazzjoni minn organizzazzjoni tat-taħriġ approvata (approved training organisation, ‘ATO’) jew organizzazzjoni tat-taħriġ iddikjarata (declared training organisation, ‘DTO’);

(d)	l-Istat Membru għandu jissottometti r-rapporti u l-valutazzjonijiet tar-riskju għas-sikurezza lill-Kummissjoni u lill-Aġenzija tal-Unjoni Ewropea għas-Sikurezza tal-Avjazzjoni kull tliet snin;

(e)	l-Istat Membru għandu jimmonitorja l-użu tal-awtorizzazzjonijiet maħruġa skont dan il-paragrafu sabiex jiġi żgurat livell aċċettabbli ta’ sikurezza tal-avjazzjoni, u għandu jieħu azzjoni xierqa f’każ li jidentifika riskju miżjud għas-sikurezza jew xi tħassib tas-sikurezza.

Artikolu 3b

Liċenzji u ċertifikati mediċi nazzjonali tal-bdoti eżistenti

1. Il-liċenzji skont il-Parti-FCL għall-blalen tal-arja u l-privileġġi, il-klassifikazzjonijiet u ċ-ċertifikati assoċjati maħruġa minn Stat Membru qabel id-data tal-applikazzjoni ta’ dan ir-Regolament għandhom jitqiesu li jkunu nħarġu f’konformità ma’ dan ir-Regolament. L-Istati Membri għandhom jissostitwixxu dawk il-liċenzji li jikkonformaw mal-format stabbilit fl-Anness VI (Parti-ARA) tar-Regolament (UE) Nru 1178/2011 meta joħorġu l-liċenzji mill-ġdid għal raġunijiet amministrattivi jew fuq talba tad-detenturi tal-liċenzji.

2. Meta Stat Membru joħroġ mill-ġdid liċenzji u privileġġi, klassifikazzjonijiet u ċertifikati assoċjati f’konformità mal-paragrafu 1 ta’ dan l-Artikolu, l-Istat Membru għandu, skont kif ikun applikabbli:

(a)	jittrasferixxi l-privileġġi kollha li diġà jkunu approvati fil-liċenzji skont il-Parti-FCL għall-format il-ġdid tal-liċenzji;

(b)

jikkonverti l-privileġġi għal titjira marbuta jew għal operazzjoni kummerċjali assoċjati ma’ liċenzja skont il-Parti-FCL fi klassifikazzjoni ta’ titjira marbuta jew fi klassifikazzjoni ta’ operazzjoni kummerċjali f’konformità mad-dispożizzjonijiet tal-Punt BFCL.200 u BFCL.215 tal-Anness III (Parti-BFCL) ta’ dan ir-Regolament;

(c)

japprova d-data ta’ skadenza ta’ ċertifikat ta’ għalliem tat-titjir assoċjat ma’ liċenzja skont il-Parti-FCL fil-ġurnal ta’ abbord tal-bdot jew joħroġ dokument ekwivalenti. Wara dik id-data, dawk il-bdoti għandhom jeżerċitaw il-privileġġi ta’ għalliem biss jekk jikkonformaw mal-punt BFCL.360 tal-Anness III (Parti-BFCL) ta’ dan ir-Regolament.

3. Id-detenturi tal-liċenzji nazzjonali għall-blalen tal-arja maħruġa minn Stat Membru qabel id-data tal-applikazzjoni tal-Anness III (Parti-BFCL) ta’ dan ir-Regolament għandhom jitħallew ikomplu jeżerċitaw il-privileġġi tal-liċenzji tagħhom sat-8 ta’ April 2021. Sa dik id-data, l-Istati Membri għandhom jikkonvertu dawk il-liċenzji f’liċenzji skont il-Parti-BFCL u l-klassifikazzjonijiet, il-privileġġi u ċ-ċertifikati assoċjati f’konformità mal-elementi stipulati f’rapport dwar il-konverżjoni li jikkonforma mar-rekwiżiti tal-Artikolu 4(4) u (5) tar-Regolament (UE) Nru 1178/2011.

4. Iċ-ċertifikati mediċi nazzjonali tal-bdoti assoċjati ma’ liċenzja kif speċifikat fil-paragrafu 2 ta’ dan l-Artikolu u maħruġa minn Stat Membru qabel id-data tal-applikazzjoni tal-Anness III (Parti-BFCL) ta’ dan ir-Regolament għandhom jibqgħu validi sad-data tal-validazzjoni mill-ġdid li jmiss tagħhom jew sat-8 ta’ April 2021, skont liema tkun id-data l-aktar bikrija. Il-validazzjoni mill-ġdid ta’ dawk iċ-ċertifikati mediċi għandha tikkonforma mar-rekwiżiti tal-Anness IV (Parti-MED) tar-Regolament (UE) Nru 1178/2011.

Artikolu 3c

Kreditu għal taħriġ mibdi qabel id-data tal-applikazzjoni ta’ dan ir-Regolament

1. Fir-rigward tal-ħruġ ta’ liċenzji skont il-Parti-BFCL u ta’ privileġġi, klassifikazzjonijiet jew ċertifikati assoċjati f’konformità mal-Anness III (Parti-BFCL) ta’ dan ir-Regolament, it-taħriġ li jkun beda qabel id-data tal-applikazzjoni ta’ dan ir-Regolament f’konformità mal-Anness I (Parti-FCL) tar-Regolament (UE) Nru 1178/2011 għandu jitqies li jikkonforma mar-rekwiżiti ta’ dan ir-Regolament, sakemm il-BPL tinħareġ mhux aktar tard mit-8 ta’ April 2021. F’dak il-każ għandu japplika dan li ġej:

(a)	It-taħriġ tal-BPL li jkun beda fuq il-blalen tal-arja li jirrappreżentaw il-klassi tal-iġfna tal-ajru li jaħdmu bl-arja sħuna, inkluż l-ittestjar relatat, jista’ jitlesta fuq dawk il-blalen tal-arja;

(b)	is-sigħat ta’ taħriġ li jkunu tlestew fil-klassi tal-blalen tal-arja sħuna fil-blalen tal-arja għajr dawk tal-grupp A ta’ dik il-klassi ta’ blalen tal-arja għandhom jiġu kkreditati bis-sħiħ għall-finijiet tar-rekwiżit fil-punt BFCL.130(b) tal-Anness III.

2. It-taħriġ li jkun beda qabel id-data tal-applikazzjoni ta’ dan ir-Regolament jew tal-Anness I (Parti-FCL) tar-Regolament (UE) Nru 1178/2011 f’konformità mal-Anness 1 tal-Konvenzjoni ta’ Chicago, għandu jiġi kkreditat għall-finijiet li jinħarġu liċenzji skont il-Parti-BFCL fuq il-bażi ta’ rapport ta’ kreditu stabbilit mill-Istat Membru f’konsultazzjoni mal-Aġenzija tal-Unjoni Ewropea għas-Sikurezza tal-Avjazzjoni.

3. Ir-rapport ta’ kreditu msemmi fil-paragrafu 2 għandu jiddeskrivi l-ambitu tat-taħriġ, jindika għal liema rekwiżiti tal-liċenzji skont il-Parti-BFCL ikun qiegħed jingħata kreditu u, jekk ikun applikabbli, ma’ liema rekwiżiti l-applikanti għandhom jikkonformaw sabiex tingħatalhom il-liċenzja skont il-Parti-BFCL. Dan għandu jinkludi kopji tad-dokumenti kollha neċessarji li jattestaw l-ambitu tat-taħriġ kif ukoll kopji tar-regolamenti u l-proċeduri nazzjonali li skonthom ikun inbeda t-taħriġ.

Artikolu 3d

Organizzazzjonijiet tat-taħriġ

1. L-organizzazzjonijiet tat-taħriġ għal-liċenzji tal-bdoti msemmija fl-Artikolu 1(1) għandhom jikkonformaw mar-rekwiżiti tal-Artikolu 10a tar-Regolament (UE) Nru 1178/2011.

2. L-organizzazzjonijiet tat-taħriġ imsemmija fil-paragrafu 1 ta’ dan l-Artikolu li għandhom approvazzjoni maħruġa f’konformità mal-Anness VII (Parti-ORA) tar-Regolament (UE) Nru 1178/2011 jew li jkunu ssottomettew dikjarazzjoni f’konformità mal-Anness VIII (Parti-DTO) tar-Regolament (UE) Nru 1178/2011 qabel id-data tal-applikazzjoni ta’ dan ir-Regolament għandhom jadattaw il-programmi ta’ taħriġ tagħhom, fejn ikun meħtieġ, sa mhux aktar tard mit-8 ta’ April 2021.”;

(*3) Ir-Regolament Delegat tal-Kummissjoni (UE) tal-4 ta’ Marzu 2020 (Għadu mhux ippubblikat fil-Ġurnal Uffiċjali)."

(6)	L-Anness I (Parti-DEF) huwa emendat f’konformità mal-Anness I ta’ dan ir-Regolament;

(7)	L-Anness II (Parti-BOP) huwa emendat f’konformità mal-Anness II ta’ dan ir-Regolament;

(8)	L-Anness III (Parti-BFCL) jiżdied kif stabbilit fl-Anness III ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mit-8 ta’ April 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta’ Marzu 2020.

Għall-Kummissjoni

Il-President

Ursula VON DER LEYEN

(1) ĠU L 212, 22.8.2018, p. 1.

(2) Ir-Regolament tal-Kummissjoni (UE) Nru 1178/2011 tat-3 ta’ Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, p. 1).

(3) https://www.easa.europa.eu/easa-and-you/general-aviation/general-aviation-road-map

(4) Ir-Regolament ta’ Implimentazzjoni tal-Kummissjoni (UE) 2019/430 tat-18 ta’ Marzu 2019 li jemenda r-Regolament (UE) Nru 1178/2011 fir-rigward tal-eżerċizzju ta’ privileġġi limitati mingħajr superviżjoni qabel il-ħruġ ta’ liċenzja ta’ bdot ta’ inġenji tal-ajru ħfief (ĠU L 75 19.3.2019 p. 66).

(5) Ir-Regolament tal-Kummissjoni (UE) 2018/395 tat-13 ta' Marzu 2018 li jistabbilixxi regoli dettaljati għall-operat tal-blalen tal-arja skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 71, 14.3.2018, p. 10).

(6) Easier access for GA pilots to IFR flying & Revision of the balloon and sailplane licensing requirements, (Opinjoni Nru 01/2019 (A) u (B), 19.2.2019), disponibbli hawn: https://www.easa.europa.eu/document-library/opinions

ANNESS I

L-Anness I “Definizzjonijiet” (Parti-DEF) tar-Regolament (UE) 2018/395 huwa emendat kif ġej:

(1)

is-sentenza tal-bidu hija sostitwita b’dan li ġej:

“Għall-finijiet ta’ dan ir-Regolament, għandhom japplikaw id-definizzjonijiet li ġejjin u, sakemm it-termini ma jiġux definiti mod ieħor f’dan l-Anness, id-definizzjonijiet tal-Artikolu 2 tar-Regolament (UE) Nru 1178/2011 kif ukoll tal-punt FCL.010 tal-Anness I (Parti-FCL) ta’ dak ir-Regolament:”;

(2)

il-punti 1 u 2 huma sostitwiti b’dan li ġej:

“1.	“mezzi aċċettabbli ta’ konformità (AMC)” tfisser standards mhux vinkolanti adottati mill-Aġenzija sabiex juru l-mezzi li bihom tiġi stabbilita l-konformità mar-Regolament (UE) 2018/1139 u mal-atti delegati u ta’ implimentazzjoni tiegħu;

“mezzi alternattivi ta’ konformità (AltMoC)” tfisser dawk il-mezzi li jipproponu alternattiva għal AMC eżistenti jew dawk li jipproponu mezzi ġodda sabiex tiġi stabbilita l-konformità mar-Regolament (UE) 2018/1139 u mal-atti delegati u ta’ implimentazzjoni tiegħu li għalihom ma ġie adottat l-ebda AMC assoċjat mill-Aġenzija;”;

(3)

jiddaħħal il-punt 11a li ġej:

“11a.

“ħin ta’ titjir” tfisser il-ħin totali minn meta l-qoffa tinqata’ mill-art għall-finijiet tat-tlugħ sa meta finalment tieqaf fi tmiem it-titjira;”;

(4)

jiddaħħlu l-punti 17a u 17b li ġejjin:

“17a.

“klassi tal-blalen tal-arja” tfisser kategorizzazzjoni tal-blalen tal-arja b’kunsiderazzjoni tal-mezzi tat-tlugħ li jintużaw biex issir it-titjira;

17b.	“kontroll tal-profiċjenza” tfisser it-turija tal-ħiliet għall-fini ta’ konformità mar-rekwiżiti ta’ esperjenza reċenti kif stabbilit f’dan ir-Regolament, inkluż eżamijiet orali kif meħtieġ;”;

(5)

il-punt 22 huwa sostitwit b’dan li ġej:

“22.	“grupp ta’ blalen tal-arja” tfisser kategorizzazzjoni ta’ blalen tal-arja, b’kunsiderazzjoni tad-daqs jew il-kapaċità tal-istruttura tagħhom;”;

(6)

jiżdiedu l-punti 23 sa 26 li ġejjin:

“23.	“test tal-ħiliet” tfisser it-turija tal-ħiliet għall-fini tal-ħruġ ta’ liċenzja jew klassifikazzjoni, jew l-estensjoni ta’ privileġġ, inkluż eżamijiet orali kif meħtieġ;

24.	“valutazzjoni tal-kompetenza” tfisser it-turija tal-ħiliet, l-għarfien u l-attitudni għall-ħruġ inizjali, il-validazzjoni mill-ġdid jew it-tiġdid ta’ ċertifikat ta’ għalliem jew ta’ eżaminatur;

25.	“titjira bi bdot wieħed” tfisser titjira li matulha l-bdot student ikun l-uniku okkupant tal-ballun tal-arja;

26.	“titjira marbuta” tfisser titjira b’sistema ta’ rbit li żżomm il-ballun tal-arja ankrat f’punt fiss matul l-operazzjoni, bl-eċċezzjoni ta’ rbit li jista’ jintuża bħala parti mill-proċedura tat-tlugħ.”.

ANNESS II

L-Anness II “Operazzjonijiet bil-blalen tal-arja” (Parti-BOP) tar-Regolament (UE) 2018/395 huwa emendat kif ġej:

(1)

fil-punt BOP.BAS.010, il-paragrafu (a) huwa sostitwit b’dan li ġej:

“(a)

Operatur għandu juri l-konformità mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament, meta jintalab jagħmel dan mill-awtorità kompetenti li tivverifika l-konformità kontinwa mill-operatur f’konformità mal-punt ARO.GEN.300(a)(2) tal-Anness II (Parti-ARO) tar-Regolament (UE) Nru 965/2012.”;

(2)

il-punt BOP.BAS.020 huwa sostitwit b’dan li ġej:

“ BOP.BAS.020 Reazzjoni immedjata għal problema ta’ sikurezza

L-operatur għandu jimplimenta:

(a)	il-miżuri ta’ sikurezza ordnati mill-awtorità kompetenti f’konformità mal-paragrafu (c) tal-punt ARO.GEN.135 tal-Anness II (Parti-ARO) tar-Regolament (UE) Nru 965/2012; u

(b)	id-direttivi dwar l-ajrunavigabbiltà u informazzjoni oħra obbligatorja maħruġa mill-Aġenzija f’konformità mal-paragrafu (h) tal-Artikolu 77(1) tar-Regolament (UE) 2018/1139.”;

(3)	il-punt BOP.BAS.025 huwa sostitwit b’dan li ġej: “ BOP.BAS.025 Ħatra bħala bdot fil-kmand L-operatur għandu jaħtar bdot fil-kmand li jkun kwalifikat biex jaġixxi bħala bdot fil-kmand f’konformità mal-Anness III (Parti-BFCL) ta’ dan ir-Regolament.”;

(4)

fil-punt BOP.BAS.300, il-paragrafu (c) huwa sostitwit b’dan li ġej:

“(c)

L-istrumenti u t-tagħmir li mhumiex meħtieġa minn din it-Taqsima, kif ukoll kull tagħmir ieħor li mhuwiex meħtieġ minn dan l-Anness iżda li jinġarr abbord il-ballun tal-arja matul it-titjira, għandhom jikkonformaw maż-żewġ kundizzjonijiet li ġejjin:

(1)	l-informazzjoni pprovduta minn dawk l-istrumenti jew it-tagħmir ma għandhiex tintuża mill-ekwipaġġ tat-titjira sabiex jikkonforma mar-rekwiżiti essenzjali tal-ajrunavigabbiltà stabbiliti fl-Anness II tar-Regolament (UE) 2018/1139;

(2)	l-istrumenti u t-tagħmir ma għandhomx jaffettwaw l-ajrunavigabbiltà tal-ballun tal-arja, anki f’każ li jkollhom xi ħsara jew li ma jaħdmux tajjeb.”;

(5)

fil-punt BOP.ADD.005, il-paragrafu (a) huwa sostitwit b’dan li ġej:

“(a)	L-operatur għandu jkun responsabbli għall-operat tal-ballun tal-arja f’konformità mar-rekwiżiti essenzjali stipulati fl-Anness V tar-Regolament (UE) 2018/1139, mar-rekwiżiti ta’ din is-Subparti u mad-dikjarazzjoni tagħha.”;

(6)

fil-punt BOP.ADD.015, il-paragrafu (a) huwa sostitwit b’dan li ġej:

“(a)

Sabiex tiġi stabbilita l-konformità mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament, l-operatur għandu jagħti l-aċċess lil kwalunkwe persuna awtorizzata mill-awtorità kompetenti, fi kwalunkwe ħin, għal kwalunkwe faċilità, ballun tal-arja, dokument, rekords, data, proċeduri jew kwalunkwe materjal ieħor li huwa rilevanti għall-attività tal-operatur li taqa’ taħt il-kamp ta’ applikazzjoni ta’ dan ir-Regolament, irrispettivament minn jekk l-attività tkunx ikkuntrattata jew le.”;

(7)

il-punt BOP.ADD.035 huwa sostitwit b’dan li ġej:

“ BOP.ADD.035 Attivitajiet ikkuntrattati

Meta jikkuntratta kwalunkwe parti mill-attività tiegħu li taqa’ fil-kamp ta’ applikazzjoni ta’ dan ir-Regolament, l-operatur għandu jkun responsabbli li jiżgura li l-organizzazzjoni kkuntrattata twettaq l-attività skont ir-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament. L-operatur għandu jiżgura wkoll li l-awtorità kompetenti tingħata aċċess għall-organizzazzjoni kkuntrattata biex tistabbilixxi l-konformità tal-operatur ma’ dawk ir-rekwiżiti.”;

(8)

fil-punt BOP.ADD.040, il-paragrafu (a) huwa sostitwit b’dan li ġej:

“(a)

L-operatur għandu jaħtar maniġer responsabbli li jkollu l-awtorità biex jiżgura li l-attivitajiet kollha li jaqgħu taħt il-kamp ta’ applikazzjoni ta’ dan ir-Regolament ikunu jistgħu jiġu ffinanzjati u mwettqa f’konformità mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament. Il-maniġer responsabbli għandu jkun responsabbli għall-istabbiliment u għaż-żamma ta’ sistema ta’ ġestjoni effettiva.”;

(9)

il-punt BOP.ADD.045 huwa sostitwit b’dan li ġej:

“ BOP.ADD.045 Rekwiżiti tal-faċilità

L-operatur għandu jkollu faċilitajiet li jkunu biżżejjed biex jippermettu t-twettiq u l-ġestjoni tal-kompiti u l-attivitajiet kollha meħtieġa biex tkun żgurata l-konformità mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament.”;

(10)

fil-punt BOP.ADD.100, il-paragrafu (a) huwa sostitwit b’dan li ġej:

“(a)	Fid-dikjarazzjoni msemmija fit-tieni subparagrafu tal-Artikolu 3(2) l-operatur għandu jikkonferma li huwa jikkonforma u se jkompli jikkonforma mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament.”;

(11)

fil-punt BOP.ADD.105, il-paragrafu (a) huwa sostitwit b’dan li ġej:

“(a)

L-operatur għandu jinnotifika lill-awtorità kompetenti mingħajr dewmien dwar kwalunkwe bidla fiċ-ċirkostanzi li taffettwa l-konformità tiegħu mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta’ dan ir-Regolament, kif iddikjarat lill-awtorità kompetenti, u dwar kwalunkwe bidla fir-rigward tal-informazzjoni msemmija fil-punt BOP.ADD.100(b) u tal-lista ta’ AltMOC imsemmija fil-punt BOP.ADD.100(c), inklużi fid-dikjarazzjoni jew mehmużin magħha.”;

(12)

fil-punt BOP.ADD.115, il-paragrafu (c) huwa sostitwit b’dan li ġej:

“(c)

Meta ballun tal-arja rreġistrat f’pajjiż terz ikun soġġett għal ftehim ta’ kiri mingħajr ekwipaġġ, l-operatur tat-tali ballun tal-arja għandu jiżgura l-konformità mar-rekwiżiti essenzjali relatati mal-ajrunavigabbiltà kontinwa stabbiliti fl-Annessi II u V tar-Regolament (UE) 2018/1139 u mar-rekwiżiti ta’ dan ir-Regolament.”;

(13)

fil-punt BOP.ADD.300, il-paragrafu (c) huwa sostitwit b’dan li ġej:

“(c)	Il-membri kollha tal-ekwipaġġ tat-titjira għandu jkollhom liċenzja u klassifikazzjonijiet maħruġin jew aċċettati f’konformità mal-Anness III ta’ dan ir-Regolament u għandhom ikunu xierqa għad-dmirijiet assenjati lilhom.”;

(14)

fil-punt BOP.ADD.300, il-paragrafu (e) huwa sostitwit b’dan li ġej:

“(e)

Meta juża s-servizzi ta’ membri tal-ekwipaġġ tat-titjira li jaħdmu bħala ħaddiema indipendenti jew ħaddiema part-time, l-operatur għandu jivverifika li jkun hemm konformità ma’ dawn ir-rekwiżiti kollha li ġejjin:

(1)	ir-rekwiżiti ta’ din is-Subparti;

(2)	l-Anness III ta’ dan ir-Regolament, inklużi r-rekwiżiti dwar l-esperjenza reċenti;

(3)

il-limitazzjonijiet tat-titjira u tal-ħin tax-xogħol kif ukoll ir-rekwiżiti dwar il-mistrieħ f’konformità mal-liġi nazzjonali tal-Istat Membru li fih l-operatur ikollu l-post prinċipali tan-negozju tiegħu, filwaqt li jitqiesu s-servizzi kollha mogħtija mill-membru tal-ekwipaġġ tat-titjira lil operaturi oħra.”;

(15)

fil-punt BOP.ADD.305, il-paragrafu (b) huwa sostitwit b’dan li ġej:

“(b)

L-operatur għandu jaħtar biss bdot biex jaġixxi bħala bdot fil-kmand jekk dan:

(1)	ikun kwalifikat biex jaġixxi bħala bdot fil-kmand f’konformità mal-Anness III ta’ dan ir-Regolament;

(2)	ikollu l-livell minimu ta’ esperjenza speċifikat fil-manwal tal-operat; u

(3)	ikollu għarfien xieraq taż-żona li fuqha tkun se ssir it-titjira.”;

(16)

il-punt BOP.ADD.310 huwa sostitwit b’dan li ġej:

“ BOP.ADD.310 Għoti ta’ taħriġ u kontrolli

It-taħriġ u l-kontrolli kollha tal-membri tal-ekwipaġġ tat-titjira meħtieġa skont il-punt BOP.ADD.315 għandhom jiġu pprovduti kif ġej:

(a)	f’konformità mal-programmi u s-sillabi tat-taħriġ stabbiliti mill-operatur fil-manwal tal-operat;

(b)	minn persuni kkwalifikati kif xieraq u, fir-rigward tat-taħriġ u l-kontrolli mwettqa waqt it-titjira, minn persuni kkwalifikati f’konformità mal-Anness III ta’ dan ir-Regolament.”;

(17)

l-Appendiċi huwa sostitwit b’dan li ġej:

“ Appendiċi

DIKJARAZZJONI f’konformità mar-Regolament tal-Kummissjoni (UE) 2018/395
Operatur Isem: Post fejn l-operatur għandu l-post prinċipali tan-negozju tiegħu: Isem u dettalji ta’ kuntatt tal-maniġer responsabbli:
Operat bil-ballun tal-arja
Id-data tal-bidu tal-operazzjoni kummerċjali u, fejn rilevanti, id-data li fiha tkun saret bidla fl-operazzjoni kummerċjali eżistenti.
Informazzjoni dwar il-ballun/il-blalen tal-arja użat(i), l-operazzjoni(jiet) kummerċjali u l-ġestjoni tal-ajrunavigabbiltà kontinwa: (1)
Tip ta’ ballun tal-arja	Reġistrazzjoni tal-ballun tal-arja	Bażi ewlenija	Tip(i) ta’ operazzjoni (2)	Organizzazzjoni ta’ ġestjoni tal-ajrunavigabbiltà kontinwa (3)




Fejn applikabbli, il-lista tal-AltMoC b’referenzi għall-AMC assoċjati (anness ta’ din id-dikjarazzjoni):
Dikjarazzjonijiet
☐ L-operatur jikkonforma, u se jkompli jikkonforma, mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti tar-Regolament ta’ Implimentazzjoni (UE) 2018/395. B’mod partikolari, l-operatur iwettaq l-operazzjonijiet kummerċjali tiegħu f’konformità mar-rekwiżiti li ġejjin tas-Subparti ADD tal-Anness II tar-Regolament (UE) 2018/395:
☐ Id-dokumentazzjoni tas-sistema tal-ġestjoni, inkluż il-manwal tal-operat, jikkonformaw mar-rekwiżiti tas-Subparti ADD u t-titjiriet kollha se jsiru f’konformità mad-dispożizzjonijiet tal-manwal tal-operat kif meħtieġ mill-punt BOP.ADD.005(b) tas-Subparti ADD.
☐ Il-blalen tal-arja kollha operati għandhom ċertifikat tal-ajrunavigabbiltà maħruġ skont ir-Regolament (UE) Nru 748/2012 jew jissodisfaw ir-rekwiżiti speċifiċi tal-ajrunavigabbiltà applikabbli għall-blalen tal-arja rreġistrati f’pajjiż terz u huma soġġetti għal ftehim ta’ kiri bl-ekwipaġġ jew għal ftehim ta’ kiri mingħajr ekwipaġġ, kif meħtieġ mill-punti BOP.ADD.110 u BOP.ADD.115(b) u (c) tas-Subparti ADD.
☐ Il-membri kollha tal-ekwipaġġ tat-titjira għandhom liċenzja u klassifikazzjonijiet maħruġin jew aċċettati f’konformità mal-Anness III tar-Regolament (UE) 2018/395 kif meħtieġ mill-punt BOP.ADD.300(c) tas-Subparti ADD.
☐ L-operatur se jinnotifika lill-awtorità kompetenti dwar kwalunkwe bidla fiċ-ċirkostanzi li taffettwa l-konformità tiegħu mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti tar-Regolament (UE) 2018/395 kif iddikjarat lill-awtorità kompetenti permezz ta’ din id-dikjarazzjoni u dwar kwalunkwe bidla fl-informazzjoni u fil-listi tal-AltMoC inklużi u annessi ma’ din id-dikjarazzjoni, kif meħtieġ mill-punt BOP.ADD.105(a) tas-Subparti ADD.
☐ L-operatur jikkonferma li l-informazzjoni kollha inkluża f’din id-dikjarazzjoni, inklużi l-annessi tagħha, hija kompluta u korretta.
Data, isem u firma tal-maniġer responsabbli

”.

(1) Imla t-tabella. Jekk ma hemmx spazju biżżejjed biex tniżżel l-informazzjoni, din għandha titniżżel f’anness separat. L-anness għandu jiġi datat u ffirmat.

(2) “Tip(i) ta’ operazzjoni” tirreferi għat-tip(i) ta’ operazzjoni kummerċjali mwettqa bil-ballun tal-arja.

(3) L-informazzjoni dwar l-organizzazzjoni responsabbli għall-ġestjoni tal-ajrunavigabbiltà kontinwa għandha tinkludi l-isem tal-organizzazzjoni, l-indirizz u r-referenza tal-approvazzjoni.

ANNESS III

“.ANNESS III

REKWIŻITI GĦALL-ĦRUĠ TA’ LIĊENZJA GĦALL-EKWIPAĠĠ TAT-TITJIRA TAL-BALLUN TAL-ARJA

[PARTI-BFCL]

SUBPARTI GEN

REKWIŻITI ĠENERALI

BFCL.001 Kamp ta’ applikazzjoni

Dan l-Anness jistabbilixxi r-rekwiżiti għall-ħruġ ta’ liċenzja tal-bdoti tal-blalen tal-arja (“BPL”) u ta’ privileġġi, klassifikazzjonijiet u ċertifikati assoċjati u l-kundizzjonijiet għall-validità u l-użu tagħhom.

BFCL.005 Awtorità kompetenti

Għall-finijiet ta’ dan l-Anness, l-awtorità kompetenti għandha tkun awtorità maħtura mill-Istat Membru li lilha jintbagħtu l-applikazzjonijiet għall-ħruġ ta’ BPL jew ta’ privileġġi, klassifikazzjonijiet u ċertifikati assoċjati.

BFCL.010 Klassijiet u gruppi tal-blalen tal-arja

Għall-fini ta’ dan l-Anness, il-blalen tal-arja għandhom jiġu kkategorizzati fil-klassijiet u l-gruppi li ġejjin:

(a)

Il-klassi “blalen tal-arja sħuna”:

(1)	grupp A: kapaċità tal-istruttura sa 3 400 m3 (120 069 ft3);

(2)	grupp B: kapaċità tal-istruttura bejn 3 401 m3 (120 070 ft3) u 6 000 m3 (211 888 ft3);

(3)	grupp C: kapaċità tal-istruttura bejn 6 001 m3 (211 889 ft3) u 10 500 m3 (370 804 ft3);

(4)	grupp D: kapaċità tal-istruttura ta’ aktar minn 10 500 m3 (370 804 ft3);

(b)	Il-klassi “blalen tal-gass”;

(c)	Il-klassi “blalen tal-arja mħallta”;

(d)	Il-klassi “iġfna tal-ajru li jaħdmu bl-arja sħuna”.

BFCL.015 Applikazzjoni għal BPL u l-ħruġ, il-validazzjoni mill-ġdid u t-tiġdid ta’ BPL kif ukoll ta’ privileġġi, klassifikazzjonijiet u ċertifikati assoċjati

(a)

Applikazzjoni għal dawn li ġejjin għandha titressaq lill-awtorità kompetenti b’mod u b’manjiera stabbiliti minn dik l-awtorità kompetenti:

(1)	il-ħruġ ta’ BPL u tal-klassifikazzjonijiet assoċjati;

(2)	l-estensjoni tal-privileġġi ta’ BPL;

(3)	il-ħruġ ta’ ċertifikat għal għalliem tat-titjir (għall-blalen tal-arja) (“FI(B)”);

(4)	il-ħruġ, il-validazzjoni mill-ġdid u t-tiġdid ta’ ċertifikat għal eżaminatur tat-titjir (għall-blalen tal-arja) (“FE(B)”); u

(5)	kull emenda tal-BPL u ta’ privileġġi,klassifikazzjonijiet u ċertifikati assoċjati.

(b)	Applikazzjoni speċifikata fil-paragrafu (a) għandha tkun akkumpanjata minn evidenza li l-applikant jikkonforma mar-rekwiżiti rilevanti stabbiliti f’dan l-Anness u fl-Anness IV (Parti-MED) tar-Regolament (UE) Nru 1178/2011.

(c)	Kwalunkwe limitu jew estensjoni tal-privileġġi mogħtija b’liċenzja, klassifikazzjoni jew ċertifikat għandhom jiġu approvati fil-liċenzja jew fiċ-ċertifikat mill-awtorità kompetenti.

(d)	Ebda persuna ma għandu jkollha f’ebda ħin aktar minn BPL waħda maħruġa f’konformità ma’ dan l-Anness.

(e)

Detentur ta’ liċenzja għandu jressaq l-applikazzjonijiet kif speċifikat fil-paragrafu (a) lill-awtorità kompetenti maħtura mill-Istat Membru li fih kwalunkwe waħda mill-liċenzji tiegħu nħarġet f’konformità ma’ dan l-Anness (Parti-BFCL), jew l-Anness I (Parti-FCL) tar-Regolament (UE) Nru 1178/2011 jew l-Anness III (Parti-SFCL) tar-Regolament ta’ Implimentazzjoni (UE) 2018/1976, skont kif japplika.

(f)	Detentur ta’ BPL jista’ japplika għal bidla tal-awtorità kompetenti lill-awtorità kompetenti maħtura minn Stat Membru ieħor iżda fit-tali każ l-awtorità kompetenti l-ġdida għandha tkun l-istess għal-liċenzji kollha tiegħu.

(g)	L-applikanti għandhom japplikaw għall-ħruġ ta’ BPL u l-klassifikazzjonijiet, il-privileġġi jew ċ-ċertifikati assoċjati mhux aktar tard minn sitt xhur wara li jkunu għaddew mit-test tal-ħiliet jew mil-valutazzjoni tal-kompetenza.

BFCL.030 Test prattiku tal-ħiliet

Għajr għat-test tal-ħiliet għall-klassifikazzjoni tal-operazzjoni kummerċjali kif speċifikat fil-punt BFCL.215, applikant għal test tal-ħiliet għandu jkun rrakkomandat għat-test mill-ATO (Organizzazzjoni tat-Taħriġ Approvata) jew mid-DTO (Organizzazzjoni tat-Taħriġ Iddikjarata) li hija responsabbli għat-taħriġ imwettaq mill-applikanti, ladarba jkun tlesta t-taħriġ. L-ATO jew d-DTO għandhom ipoġġu r-rekords tat-taħriġ għad-dispożizzjoni tal-eżaminatur.

BFCL.035 Ikkreditar tal-ħin ta’ titjir

L-applikanti għal BPL jew għal privileġġ, klassifikazzjoni jew ċertifikat assoċjati għandhom ikunu kkreditati bis-sħiħ bil-ħin tat-titjir fil-blalen tal-arja waħedhom, ma’ bdot ieħor jew bħala PIC (bdot fil-kmand) biex ikunu jistgħu jissodisfaw ir-rekwiżit ta’ ħin totali tat-titjir għal liċenzja, privileġġ, klassifikazzjoni jew ċertifikat.

BFCL.045 L-obbligu tal-ġarr u l-preżentazzjoni tad-dokumenti

(a)

Meta jkunu qed jeżerċitaw il-privileġġi ta’ liċenzja BPL, id-detenturi tal-BPL għandu jkollhom magħhom id-dokumenti kollha li ġejjin:

(1)	BPL valida;

(2)	ċertifikat mediku validu;

(3)	dokument ta’ identifikazzjoni personali li jkun fih ritratt tad-detentur tal-BPL;

(4)	data suffiċjenti tal-ġurnal ta’ abbord biex juru l-konformità mar-rekwiżiti ta’ dan l-Anness.

(b)

Fuq it-titjiriet waħedhom, il-bdoti studenti għandu jkollhom magħhom:

(1)	id-dokumenti kif speċifikati fil-paragrafi (a)(2) u (a)(3); u

(2)	evidenza tal-awtorizzazzjoni rikjesta mill-punt BFCL.125(a).

(c)	Id-detenturi tal-BPL jew il-bdoti studenti għandhom jippreżentaw id-dokumenti kif speċifikat fil-paragrafu (a) jew (b), mingħajr dewmien bla bżonn, għal spezzjoni fuq talba ta’ rappreżentant awtorizzat tal-awtorità kompetenti.

BFCL.050 Reġistrazzjoni tal-ħin ta’ titjir

Id-detenturi tal-BPL u l-bdoti studenti għandhom iżommu rekord affidabbli tad-dettalji tat-titjiriet kollha li jkunu saru b’mod u b’manjiera stabbiliti mill-awtorità kompetenti.

BFCL.065 Tnaqqis tal-privileġġi tad-detenturi tal-BPL li jkollhom 70 sena jew aktar fil-ġarr kummerċjali ta’ passiġġieri bil-ballun tal-arja

Id-detenturi tal-BPL li jkunu għalqu s-70 sena ma għandhomx jaġixxu bħala bdoti ta’ ballun tal-arja involut fl-operazzjonijiet tal-ġarr kummerċjali ta’ passiġġieri bil-ballun tal-arja.

BFCL.070 Limitazzjoni, sospensjoni jew revoka ta’ liċenzji, privileġġi, klassifikazzjonijiet u ċertifikati

(a)

BPL kif ukoll il-privileġġi, il-klassifikazzjonijiet u ċ-ċertifikati assoċjati maħruġa f’konformità ma’ dan l-Anness jistgħu jiġu limitati, sospiżi jew revokati mill-awtorità kompetenti f’konformità mal-kundizzjonijiet u l-proċeduri stabbiliti fl-Anness VI (Parti-ARA) tar-Regolament (UE) Nru 1178/2011 jekk detentur ta’ BPL ma jikkonformax mar-rekwiżiti essenzjali stabbiliti fl-Anness IV tar-Regolament (UE) 2018/1139 jew mar-rekwiżiti ta’ dan l-Anness kif ukoll tal-Anness II (Parti-BOP) ta’ dan ir-Regolament jew tal-Anness IV (Parti-MED) tar-Regolament (UE) Nru 1178/2011.

(b)	Id-detenturi tal-BPL għandhom jirritornaw minnufih il-liċenzja jew iċ-ċertifikat lill-awtorità kompetenti jekk il-liċenzja, il-privileġġ, il-klassifikazzjoni jew iċ-ċertifikat tagħhom ikunu ġew limitati, sospiżi jew revokati.

SUBPARTI BPL

LIĊENZJA TAL-BDOTI TAL-BLALEN TAL-ARJA (“BPL”)

BFCL.115 BPL — Privileġġi u kundizzjonijiet

(a)

Il-privileġġi ta’ detentur ta’ BPL huma li jaġixxi bħala PIC fil-blalen tal-arja:

(1)	mingħajr remunerazzjoni fl-operazzjonijiet mhux kummerċjali;

(2)	fl-operazzjonijiet kummerċjali jekk ikollu klassifikazzjoni ta’ operazzjoni kummerċjali f’konformità mal-punt BFCL.215 tas-Subparti ADD ta’ dan l-Anness.

(b)

B’deroga mill-paragrafu (a)(1), detentur ta’ BPL li jkollu l-privileġġi ta’ għalliem jew eżaminatur jista’ jirċievi remunerazzjoni:

(1)	għall-provvista ta’ tagħlim fit-titjir għall-BPL;

(2)	għat-twettiq ta’ testijiet tal-ħiliet u kontrolli tal-profiċjenza għall-BPL;

(3)	għat-taħriġ, għall-ittestjar u għall-ivverifikar tal-privileġġi, tal-klassifikazzjonijiet u taċ-ċertifikati marbuta ma’ BPL.

(c)	Id-detenturi tal-BPL għandhom jeżerċitaw il-privileġġi tal-BPL biss jekk jikkonformaw mar-rekwiżiti applikabbli rigward l-esperjenza reċenti u biss jekk iċ-ċertifikat mediku, li jkun xieraq għall-privileġġi eżerċitati, jkun validu.

BFCL.120 BPL — Età minima

L-applikanti għal BPL għandu jkollhom mill-inqas 16-il sena.

BFCL.125 BPL — Bdot student

(a)	Il-bdoti studenti ma għandhomx itiru waħedhom sakemm ma jkunux awtorizzati li jagħmlu dan u jkunu sorveljati minn għalliem tat-titjir għall-blalen tal-arja (FI(B)).

(b)	Il-bdoti studenti għandu jkollhom mill-inqas 14-il sena biex jitħallew itiru waħedhom.

BFCL.130 BPL — Rekwiżiti dwar il-kors ta’ taħriġ u dwar l-esperjenza

L-applikanti għal BPL għandhom ilestu kors ta’ taħriġ f’DTO jew f’ATO. Il-kors għandu jkun adattat għall-privileġġi mitluba u għandu jinkludi:

(a)	għarfien teoretiku kif speċifikat fil-punt BFCL.135(a);

(b)

mill-inqas 16-il siegħa ta’ tagħlim fit-titjir fil-blalen tal-arja sħuna li jirrappreżentaw il-grupp A ta’ dik il-klassi, jew fil-blalen tal-gass, li jinkludu mill-inqas:

(1)	12-il siegħa ta’ tagħlim fit-titjir b’żewġ bdoti;

(2)	10 inflazzjonijiet u 20 tlugħ u nżul l-art; u

(3)	titjira waħda bi bdot waħdu ssorveljat b’ħin ta’ titjir ta’ mill-inqas 30 minuta.

BFCL.135 BPL — Eżami tal-għarfien teoretiku

(a)

Għarfien teoretiku

L-applikanti għal BPL għandhom juru livell ta’ għarfien teoretiku adattat għall-privileġġi mitluba, permezz ta’ eżamijiet dwar dawn is-suġġetti:

(1)

suġġetti komuni:

(i)	il-liġi tal-ajru;

(ii)	il-prestazzjoni umana;

(iii)

il-meteoroloġija;

(iv)	il-komunikazzjonijiet; u

(2)

suġġetti speċifiċi dwar il-blalen tal-arja:

(i)	il-prinċipji tat-titjir;

(ii)	il-proċeduri operattivi;

(iii)

il-prestazzjoni u l-ippjanar fit-titjir;

(iv)	l-għarfien ġenerali dwar l-inġenji tal-ajru relatat mal-blalen tal-arja; u

(v)	in-navigazzjoni.

(b)

Responsabbiltajiet tal-applikant

(1)	L-applikant għandu jagħmel is-sett kollu ta’ eżamijiet tal-għarfien teoretiku għall-BPL taħt ir-responsabbiltà tal-awtorità kompetenti tal-istess Stat Membru.

(2)	L-applikant għandu jagħmel l-eżami tal-għarfien teoretiku biss meta jkun irrakkomandat mill-ATO jew mid-DTO responsabbli għat-taħriġ tiegħu u ladarba jkun ikkompleta l-elementi xierqa tal-kors ta’ taħriġ tat-tagħlim tal-għarfien teoretiku sa livell sodisfaċenti.

(3)

Ir-rakkomandazzjoni mill-ATO jew mid-DTO għandha tkun valida għal 12-il xahar. Jekk l-applikant ma jkunx għamel minn tal-inqas eżami wieħed tal-għarfien teoretiku f’dan il-perjodu ta’ validità, il-ħtieġa għal taħriġ ulterjuri għandha tiġi stabbilita mill-ATO jew mid-DTO, abbażi tal-ħtiġijiet tal-applikant.

(c)

Standards biex applikant jitqies li jkun għadda mill-eżami

(1)	Applikant jitqies li jkun għadda minn eżami tal-għarfien teoretiku jekk jikseb mill-inqas 75 % tal-marki allokati f’dik il-karta. Ma għandux jintuża mmarkar b’punteġġ negattiv.

(2)

Sakemm ma jkunx stabbilit mod ieħor f’dan l-Anness, applikant jitqies li jkun wettaq b’suċċess l-eżami tal-għarfien teoretiku rikjest għall-BPL jekk ikun għadda mill-eżamijiet kollha meħtieġa tal-għarfien teoretiku f’perjodu ta’ 18-il xahar li jibdew minn tmiem ix-xahar kalendarju meta l-applikant ikun għamel l-ewwel eżami.

(3)	Jekk applikant ma jgħaddix minn wieħed mill-eżamijiet tal-għarfien teoretiku wara erba’ darbiet, jew ma jgħaddix mill-eżamijiet kollha fil-perjodu msemmi fil-paragrafu (2), għandu jerġa’ jagħmel is-sett kollu tal-eżamijiet tal-għarfien teoretiku.

(4)	Qabel ma jerġa’ jagħmel l-eżamijiet tal-għarfien teoretiku, l-applikant għandu jieħu taħriġ ulterjuri f’ATO jew f’DTO. L-ATO jew id-DTO għandhom jiddeterminaw il-livell u l-ambitu tat-taħriġ, abbażi tal-ħtiġijiet tal-applikant.

(d)	Perjodu tal-validità L-eżami tal-għarfien teoretiku għandu jkun validu għal perjodu ta’ 24 xahar mill-jum li fih l-applikant ikun wettaq b’suċċess l-eżami tal-għarfien teoretiku, f’konformità mal-paragrafu (c)(2).

BFCL.140 BPL — Ikkreditar tal-għarfien teoretiku

L-applikanti għall-ħruġ ta’ BPL għandhom jiġu kkreditati biex ikunu jistgħu jissodisfaw ir-rekwiżiti tal-għarfien teoretiku għas-suġġetti komuni kif speċifikat fil-punt BFCL.135(a)(1) jekk:

(a)	ikollhom liċenzja f’konformità mal-Anness I (Parti-FCL) tar-Regolament (UE) Nru 1178/2011 jew mal-Anness III (Parti-SFCL) tar-Regolament ta’ Implimentazzjoni (UE) 2018/1976; jew

(b)	ikunu għaddew mill-eżamijiet tal-għarfien teoretiku għal liċenzja kif speċifikat fil-paragrafu (a), sakemm dan ikun sar fil-perjodu ta’ validità speċifikat fil-punt BFCL.135(d).

BFCL.145 BPL — Test prattiku tal-ħiliet

(a)	Permezz tat-twettiq ta’ test tal-ħiliet, l-applikanti għal BPL għandhom juru l-kapaċità li, bħala PIC fuq ballun tal-arja, iwettqu l-proċeduri u l-manuvri rilevanti bil-kompetenza adattata għall-privileġġi mitluba.

(b)	L-applikanti għandhom jagħmlu t-test tal-ħiliet fl-istess klassi ta’ blalen li fiha jkunu lestew il-kors ta’ taħriġ f’konformità mal-punt BFCL.130 u, fil-każ tal-blalen tal-arja sħuna, f’ballun li jirrappreżenta l-grupp A ta’ dik il-klassi.

(c)	Biex applikant jagħmel it-test tal-ħiliet għall-ħruġ ta’ BPL l-ewwel għandu jgħaddi mill-eżami tal-għarfien teoretiku rikjest.

(d)

Standards biex applikant jitqies li jkun għadda mill-eżami

(1)	It-test tal-ħiliet għandu jinqasam f’taqsimiet differenti, li jirrappreżentaw il-fażijiet differenti kollha tat-titjira fuq ballun tal-arja.

(2)	Jekk l-applikant jeħel f’xi punt fit-taqsima, jeħel fit-taqsima kollha. Jekk l-applikant jeħel biss fit-taqsima waħda, għandu jirrepeti dik it-taqsima biss. Jekk jeħel f’aktar minn taqsima waħda, l-applikant ikollu jerġa’ jagħmel it-test kollu kemm hu.

(3)	Jekk l-applikant ikun irid jerġa’ jagħmel it-test f’konformità mal-paragrafu (2) u jeħel f’xi taqsima, inkluż dawk it-taqsimiet li jkun għadda minnhom f’tentattiv preċedenti, l-applikant ikollu jerġa’ jagħmel it-test kollu.

(e)	Jekk l-applikant ma jirnexxilux jgħaddi mit-taqsimiet kollha tat-test f’żewġ tentattivi, għandu jirċievi taħriġ prattiku ulterjuri.

BFCL.150 BPL — Estensjoni tal-privileġġi fi klassi jew grupp ieħor tal-blalen tal-arja

(a)	Il-privileġġi tal-BPL għandhom ikunu limitati għall-klassi tal-blalen tal-arja li fiha jkun sar it-test tal-ħiliet kif speċifikat fil-punt BFCL.145, u, fil-każ tal-blalen tal-arja sħuna, għall-grupp A ta’ dik il-klassi.

(b)

Fil-każ tal-blalen tal-arja sħuna, il-privileġġi tal-BPL għandhom jiġu estiżi għal grupp ieħor fi ħdan il-klassi tal-blalen tal-arja sħuna permezz ta’ applikazzjoni jekk bdot ikun wettaq mill-inqas:

(1)	żewġ titjiriet ta’ tagħlim ma’ FI(B) fuq ballun tal-arja tal-grupp rilevanti;

(2)

l-ammont ta’ sigħat li ġejjin ta’ ħin ta’ titjir bħala PIC fil-blalen tal-arja:

(i)	mill-inqas 100 siegħa, jekk ikunu qed jintalbu privileġġi għall-blalen tal-arja tal-grupp B;

(ii)	mill-inqas 200 siegħa, jekk ikunu qed jintalbu privileġġi għall-blalen tal-arja tal-grupp C;

(iii)

mill-inqas 300 siegħa, jekk ikunu qed jintalbu privileġġi għall-blalen tal-arja tal-grupp D.

(c)

Għajr għall-klassi tal-blalen tal-arja mħallta, il-privileġġi tal-BPL għandhom jiġu estiżi għal klassi oħra tal-blalen tal-arja, jew, jekk qed jintalbu l-privileġġi għall-klassi tal-blalen tal-arja sħuna, għall-grupp A tal-klassi tal-blalen tal-arja sħuna, permezz ta’ applikazzjoni jekk fil-klassi u fil-grupp rilevanti tal-blalen tal-arja bdot ikun wettaq:

(1)

kors ta’ taħriġ f’ATO jew f’DTO, li jinkludi mill-inqas:

(i)	ħames titjiriet ta’ tagħlim b’żewġ bdoti; jew

(ii)	fil-każ ta’ estensjoni mill-blalen tal-arja sħuna għall-iġfna tal-ajru li jaħdmu bl-arja sħuna, ħames sigħat ta’ ħin ta’ tagħlim b’żewġ bdoti; u

(2)

test tal-ħiliet li matulu l-bdot ikun wera lill-FE(B) livell adegwat ta’ għarfien teoretiku għall-klassi l-oħra fis-suġġetti li ġejjin:

(i)	il-prinċipji tat-titjir;

(ii)	il-proċeduri operattivi;

(iii)

il-prestazzjoni u l-ippjanar fit-titjir;

(iv)	għarfien ġenerali dwar l-inġenji tal-ajru fir-rigward tal-klassi tal-blalen tal-arja li għaliha tkun qed tintalab l-estensjoni tal-privileġġi.

(d)

It-tlestija tat-taħriġ kif speċifikat fil-paragrafi (b)(1) u (c)(1) għandha tiddaħħal fil-ġurnal ta’ abbord tal-bdot u tiġi ffirmata minn:

(1)	fil-każ tal-paragrafu (b)(1), l-għalliem li huwa risponsabbli għat-titjiriet ta’ tagħlim; u

(2)	fil-każ tal-paragrafu (c)(1), il-kap tat-taħriġ tal-ATO jew tad-DTO li tkun risponsabbli għat-taħriġ.

(e)	Detentur ta’ BPL għandu jeżerċita l-privileġġi tiegħu fil-klassi tal-blalen tal-arja mħallta biss jekk ikollu privileġġi għall-klassi tal-blalen tal-arja sħuna kif ukoll għall-klassi tal-blalen tal-gass.

BFCL.160 BPL — Rekwiżiti ta’ esperjenza reċenti

(a)

Detentur ta’ BPL għandu jeżerċita l-privileġġi tal-liċenzja tiegħu biss jekk fil-klassi rilevanti tal-blalen tal-arja jkun wettaq:

(1)

jew:

(i)	fi żmien 24 xahar qabel it-titjira ppjanata, mill-inqas sitt sigħat ta’ ħin ta’ titjir bħala PIC, inkluż 10 tliegħi u nżul l-art, bħala PIC jew titjir b’żewġ bdoti jew waħdu taħt is-superviżjoni ta’ FI(B); u

(ii)	fi żmien 48 xahar qabel it-titjira ppjanata, mill-inqas titjira waħda ta’ taħriġ ma’ FI(B); jew

(2)	fi żmien 24 xahar qabel it-titjira ppjanata, kontroll tal-profiċjenza f’konformità mal-punt (c).

(b)

Minbarra r-rekwiżiti fil-paragrafu (a), fil-każ ta’ bdot li huwa kkwalifikat biex itir f’aktar minn klassi waħda ta’ blalen tal-arja, sabiex ikun jista’ jeżerċita l-privileġġi tiegħu fil-klassi l-oħra tal-blalen tal-arja jew fil-klassijiet l-oħra tal-blalen tal-arja, irid ikun wettaq mill-inqas tliet sigħat ta’ ħin ta’ titjir, bħala PIC jew titjir b’żewġ bdoti jew waħdu taħt is-superviżjoni ta’ FI(B), f’kull klassi addizzjonali tal-blalen tal-arja fl-aħħar 24 xahar.

(c)	Detentur ta’ BPL li ma jikkonformax mar-rekwiżiti fil-paragrafu (a)(1) u, jekk japplika, il-paragrafu (b), qabel ma jerġa’ jeżerċita l-privileġġi tiegħu, għandu jgħaddi minn kontroll tal-profiċjenza ma’ FE(B) f’ballun tal-arja li jirrappreżenta l-klassi rilevanti.

(d)

Wara li jikkonforma mal-paragrafu (a), (b) jew (c), skont kif japplika, detentur ta’ BPL li jkollu l-privileġġi biex itir fil-blalen tal-arja sħuna għandu jeżerċita l-privileġġi tiegħu biss fil-blalen tal-arja sħuna li jirrappreżentaw:

(i)	l-istess grupp ta’ blalen tal-arja sħuna li fih ikunu twettqu t-titjira ta’ taħriġ kif speċifikat fil-paragrafu (a)(1)(ii) jew il-kontroll tal-profiċjenza kif speċifikat fil-paragrafu (c), skont kif japplika, jew grupp b’daqs tal-istruttura iżgħar; jew

(ii)	il-grupp A ta’ blalen tal-arja sħuna fil-każijiet fejn bdot, f’konformità mal-paragrafu (b), ikun wettaq it-titjira ta’ taħriġ kif speċifikat fil-paragrafu (a)(2) fi klassi tal-blalen tal-arja li mhijiex dik tal-blalen tal-arja sħuna.

(e)

It-twettiq tat-titjiriet b’żewġ bdoti, tat-titjiriet taħt superviżjoni u tat-titjira ta’ taħriġ kif speċifikat fil-paragrafu (a)(1) u (b), kif ukoll il-kontroll tal-profiċjenza kif speċifikat fil-paragrafu (c) għandhom jiddaħħlu fil-ġurnal ta’ abbord tal-bdot u jiġu ffirmati mill-FI(B) responsabbli fil-każ tal-paragrafi (a)(1) u (b) u mill-FE(B) responsabbli fil-każ tal-paragrafu (c).

(f)

Detentur ta’ BPL, li jkollu wkoll il-privileġġi għall-operazzjonijiet kummerċjali kif speċifikat fil-punt BFCL.215 tas-Subparti ADD ta’ dan l-Anness, għandu jitqies li jikkonforma mar-rekwiżiti:

(1)	tal-paragrafu (a) u, jekk japplika, il-paragrafu (b), fil-każ li jkun wettaq kontroll tal-profiċjenza f’konformità mal-punt BFCL.215(d)(2)(i) fil-klassi jew fil-klassijiet rilevanti tal-blalen tal-arja fl-aħħar 24 xahar; jew

(2)	tal-paragrafu (a)(1)(ii), fil-każ li jkun wettaq it-titjira ta’ taħriġ kif speċifikat fil-punt BFCL.215(d)(2)(ii) fil-klassi rilevanti tal-blalen tal-arja.

Fil-każ tal-klassi tal-blalen tal-arja sħuna, għandhom japplikaw il-limitazzjonijiet speċifikati fil-paragrafu (d) dwar il-privileġġi għall-operat ta’ klassijiet differenti ta’ blalen tal-arja, skont il-klassi tal-blalen tal-arja użata għall-konformità mal-paragrafi (f)(1) jew (f)(2).

SUBPARTI ADD

KLASSIFIKAZZJONIJIET ADDIZZJONALI

BFCL.200 Klassifikazzjoni tat-titjira tal-blalen tal-arja sħuna marbutin

(a)	Detentur ta’ BPL għandu jwettaq it-titjiriet marbutin bil-blalen tal-arja sħuna biss jekk ikollu klassifikazzjoni tat-titjira tal-blalen tal-arja sħuna marbutin f’konformità ma’ dan il-punt.

(b)

Sabiex applikant japplika għal klassifikazzjoni tat-titjira tal-blalen tal-arja sħuna marbutin, dan għandu:

(1)	ikollu l-privileġġi għall-klassi tal-blalen tal-arja sħuna;

(2)	l-ewwel iwettaq mill-inqas żewġ titjiriet ta’ tagħlim f’ballun tal-arja sħuna marbut.

(c)	It-twettiq tat-taħriġ f’ballun tal-arja sħuna marbut għandu jiddaħħal fil-ġurnal ta’ abbord u jiġi ffirmat mill-FI(B) li huwa responsabbli għat-taħriġ.

(d)

Bdot li jkollu klassifikazzjoni tat-titjira tal-blalen tal-arja sħuna marbutin għandu jeżerċita l-privileġġi tiegħu biss jekk ikun wettaq mill-inqas titjira waħda f’ballun tal-arja sħuna marbut matul it-48 xahar ta’ qabel it-titjira ppjanata, jew, jekk ma jkunx wettaq titjira bħal din, il-bdot għandu jeżerċita l-privileġġi tiegħu jekk ikun wettaq titjira f’ballun tal-arja sħuna marbut ma’ bdot ieħor jew waħdu taħt is-superviżjoni ta’ FI(B). It-twettiq ta’ titjira b’żewġ bdoti jew bi bdot wieħed bħal din taħt superviżjoni għandu jiddaħħal fil-ġurnal ta’ abbord tal-bdot u jiġi ffirmat mill-FI(B).

BFCL.210 Klassifikazzjoni tat-titjiriet billejl

(a)	Detentur ta’ BPL għandu jeżerċita l-privileġġi tal-liċenzja tiegħu f’kundizzjonijiet VFR (regoli tat-titjir viżwali) billejl biss jekk ikollu klassifikazzjoni tat-titjiriet billejl f’konformità ma’ dan il-punt.

(b)	Applikant għall-klassifikazzjoni tat-titjiriet billejl għandu jkun wettaq mill-inqas żewġ titjiriet ta’ tagħlim billejl ta’ mill-inqas siegħa kull waħda.

(c)	It-twettiq tat-taħriġ f’ballun tal-arja sħuna marbut għandu jiddaħħal fil-ġurnal ta’ abbord u jiġi ffirmat mill-FI(B) li huwa responsabbli għat-taħriġ.

BFCL.215 Klassifikazzjoni tal-operazzjoni kummerċjali

(a)	Detentur ta’ BPL għandu jeżerċita l-privileġġi tal-liċenzja tiegħu matul l-operazzjonijiet kummerċjali biss jekk ikollu klassifikazzjoni tal-operazzjoni kummerċjali f’konformità ma’ dan il-punt.

(b)

Applikant għal klassifikazzjoni tal-operazzjoni kummerċjali għandu:

(1)	ikun għalaq it-18-il sena;

(2)	ikun wettaq 50 siegħa ta’ ħin ta’ titjir u 50 tlugħ u nżul l-art bħala PIC fuq blalen tal-arja;

(3)	ikollu l-privileġġi għall-klassi tal-blalen tal-arja li fiha se jiġu eżerċitati l-privileġġi tal-klassifikazzjoni tal-operazzjoni kummerċjali; u

(4)	ikun għadda minn test tal-ħiliet fil-klassi rilevanti tal-blalen tal-arja li matulu għandu juri lil FE(B) il-kompetenza rikjesta għall-operazzjonijiet tal-blalen tal-arja kummerċjali.

(c)

Il-privileġġi tal-klassifikazzjoni tal-operazzjoni kummerċjali għandhom ikunu limitati għall-klassi tal-blalen tal-arja li fiha jkun twettaq it-test tal-ħiliet f’konformità mal-paragrafu (b)(3). Il-privileġġi għandhom jiġu estiżi permezz ta’ applikazzjoni għal klassi oħra ta’ blalen tal-arja jekk, f’dik il-klassi l-oħra, l-applikant jikkonforma mal-paragrafi (b)(3) u (b)(4).

(d)

Bdot li jkollu klassifikazzjoni tal-operazzjoni kummerċjali għandu jeżerċita l-privileġġi ta’ dik il-klassifikazzjoni fil-ġarr kummerċjali ta’ passiġġieri bil-ballun tal-arja biss jekk ikun wettaq:

(1)

fil-180 jum qabel it-titjira ppjanata:

(i)	mill-inqas tliet titjiriet bħala PIC fil-blalen tal-arja, li mill-inqas waħda minnhom għandha tkun f’ballun tal-arja tal-klassi rilevanti; jew

(ii)	titjira waħda bħala PIC f’ballun tal-arja tal-klassi rilevanti taħt is-superviżjoni ta’ FI(B) li huwa kkwalifikat f’konformità ma’ dan il-punt; u

(2)

fil-24 xahar qabel it-titjira ppjanata:

(i)	kontroll tal-profiċjenza, f’ballun tal-klassi rilevanti, li matulu għandu juri lil FE(B) il-kompetenza rikjesta għall-ġarr kummerċjali ta’ passiġġieri bil-ballun tal-arja; jew

(ii)

kors ta’ aġġornament f’ATO jew f’DTO, adattat għall-kompetenza rikjesta għall-operazzjonijiet tal-blalen tal-arja kummerċjali, inkluż mill-inqas sitt sigħat ta’ tagħlim fl-għarfien teoretiku u titjira waħda ta’ taħriġ f’ballun tal-arja tal-klassi rilevanti ma’ FI(B) li huwa kkwalifikat għall-operazzjonijiet tal-blalen tal-arja kummerċjali f’konformità ma’ dan il-punt.

(e)

Sabiex iżomm il-privileġġi tal-klassifikazzjoni tal-operazzjoni kummerċjali għall-klassijiet ta’ blalen tal-arja kollha, bdot li jkollu klassifikazzjoni tal-operazzjoni kummerċjali bil-privileġġi estiżi għal aktar minn klassi waħda ta’ blalen tal-arja għandu jikkonforma mar-rekwiżiti fil-paragrafu (d)(2) f’mill-inqas klassi waħda ta’ blalen tal-arja.

(f)

Bdot li jikkonforma mal-paragrafu (d) u jkollu klassifikazzjoni tal-operazzjoni kummerċjali għall-klassi tal-blalen tal-arja sħuna għandu jeżerċita l-privileġġi ta’ dik il-klassifikazzjoni fil-klassi tal-blalen tal-arja sħuna biss fil-blalen li jirrappreżentaw:

(i)	l-istess grupp tal-ballun tal-arja li fih ikunu twettqu l-kontroll tal-profiċjenza kif speċifikat fil-paragrafu (d)(2)(i) jew it-titjira ta’ taħriġ kif speċifika fil-paragrafu (d)(2)(ii); jew

(ii)	grupp ta’ blalen tal-arja sħuna b’daqs tal-istruttura iżgħar.

(g)

It-twettiq tat-titjira taħt superviżjoni kif speċifikat fil-paragrafu (d)(1)(ii), il-kontroll tal-profiċjenza kif speċifikat fil-paragrafu (d)(2)(i) u l-kors ta’ taħriġ ta’ aġġornament kif speċifikat fil-paragrafu (d)(2)(ii) għandhom jiddaħħlu fil-ġurnal ta’ abbord tal-bdot u għandu jiġu ffirmati mill-kap tat-taħriġ tal-ATO jew tad-DTO, jew mill-FI(B) jew mill-FE(B) li huwa responsabbli għall-kors ta’ taħriġ, għas-superviżjoni jew għall-kontroll tal-profiċjenza, skont kif japplika.

(h)	Bdot li jkun wettaq kontroll tal-profiċjenza tal-operatur f’konformità mal-punt BOP.ADD.315 tal-Anness II (Parti-BOP) ta’ dan ir-Regolament għandu jitqies li jikkonforma mal-paragrafu (d)(2)(i).

SUBPARTI FI

GĦALLIEMA TAT-TITJIR

Taqsima 1

Rekwiżiti ġenerali

BFCL.300 Ċertifikati tal-għalliema tat-titjir

(a) Ġenerali

Għalliem jista’ biss iwettaq it-tagħlim fit-titjir f’ballun tal-arja jekk:

(1)

ikollu:

(i)	BPL inkluż il-privileġġi, il-klassifikazzjonijiet u ċ-ċertifikati li għalihom irid jiġi pprovdut it-tagħlim fit-titjir; u

(ii)	ċertifikat ta’ għalliem tat-titjir għall-blalen tal-arja (FI(B)) adattat għat-tagħlim imwettaq, u maħruġ f’konformità ma’ din is-Subparti; u

(2)	ikun intitolat li jaġixxi bħala PIC fil-ballun tal-arja matul it-tagħlim fit-titjir.

(b) Tagħlim ipprovdut barra mit-territorju tal-Istati Membri

(1)

B’deroga mis-subparagrafu (a)(1), fil-każ ta’ tagħlim fit-titjir li jiġi pprovdut matul kors ta’ taħriġ approvat f’konformità ma’ dan l-Anness (Parti-BFCL) barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali, l-awtorità kompetenti għandha toħroġ ċertifikat ta’ għalliem tat-titjir lil applikant li jkollu liċenzja tal-bdoti tal-blalen tal-arja li hija konformi mal-Anness 1 tal-Konvenzjoni dwar l-Avjazzjoni Ċivili Internazzjonali, dment li l-applikant:

(i)	ikollu mill-inqas liċenzja waħda inkluż, fejn rilevanti, il-privileġġi, il-klassifikazzjonijiet jew iċ-ċertifikati ekwivalenti għal dawk li għalihom huwa awtorizzat li jgħallem;

(ii)	jikkonforma mar-rekwiżiti stabbiliti f’din is-Subparti għall-ħruġ taċ-ċertifikat ta’ FI(B) bil-privileġġi ta’ tagħlim rilevanti; u

(iii)

juri lill-awtorità kompetenti livell adegwat ta’ għarfien rigward ir-regoli Ewropej dwar is-sikurezza tal-avjazzjoni biex ikun jista’ jeżerċita l-privileġġi ta’ tagħlim f’konformità ma’ dan l-Anness.

(2)

Iċ-ċertifikat għandu jkun limitat għall-provvista ta’ tagħlim fit-titjir approvat:

(i)	barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali; u

(ii)	lil bdot student li għandu għarfien biżżejjed tal-lingwa li biha jingħata t-tagħlim fit-titjir.

Taqsima 2

Ċertifikat tal-għalliema tat-titjir għall-blalen tal-arja — FI(B)

BFCL.315 Ċertifikat ta’ FI(B) — Privileġġi u kundizzjonijiet

(a)

Soġġett għall-konformità tal-applikanti mal-punt BFCL.320 u mal-kundizzjonijiet li ġejjin, ċertifikat ta’ FI(B) għandu jinħareġ bil-privileġġi għat-twettiq ta’ tagħlim fit-titjir:

(1)

għal BPL;

(2)	għall-estensjoni tal-privileġġi għal klassijiet u gruppi ta’ blalen tal-arja ulterjuri sakemm l-applikant ikun wettaq mill-inqas 15-il siegħa ta’ ħin ta’ titjir bħala PIC f’kull klassi rilevanti;

(3)	għal klassifikazzjoni tat-titjiriet billejl jew għal klassifikazzjoni tat-titjiriet marbuta, sakemm l-applikant ikun irċieva taħriġ speċifiku dwar il-provvista tat-tagħlim għall-klassifikazzjoni rilevanti f’ATO jew f’DTO; u

(4)

għal ċertifikat ta’ FI(B), sakemm l-applikant:

(i)	ikun wettaq mill-inqas 50 siegħa ta’ tagħlim fit-titjir fil-blalen tal-arja; u

(ii)

f’konformità mal-proċeduri stabbiliti għal dan il-għan mill-awtorità kompetenti, ikun wettaq mill-inqas siegħa ta’ tagħlim fit-titjir għaċ-ċertifikat ta’ FI(B) taħt superviżjoni u għas-sodisfazzjon ta’ FI(B) li huwa kkwalifikat f’konformità ma’ dan is-subparagrafu u nnominat mill-kap tat-taħriġ tal-ATO jew tad-DTO.

(b)

Il-privileġġi elenkati fil-paragrafu (a) għandhom jinkludu l-privileġġi għat-twettiq ta’ tagħlim fit-titjir:

(1)	għall-ħruġ tal-liċenzja, tal-privileġġi, tal-klassifikazzjonijiet jew taċ-ċertifikat rilevanti; u

(2)	għall-validazzjoni mill-ġdid, għat-tiġdid jew għall-konformità mar-rekwiżiti ta’ esperjenza reċenti rilevanti ta’ dan l-Anness, skont kif japplika.

BFCL.320 FI(B) — Prerekwiżiti u rekwiżiti

Applikant għal ċertifikat ta’ FI(B) għandu:

(a)	ikollu mill-inqas 18-il sena;

(b)	jikkonforma mar-rekwiżiti tas-subparagrafi (a)(1)(i) u (a)(2) tal-punt BFCL.300;

(c)	ikun wettaq 75 siegħa ta’ ħin ta’ titjir bħala PIC fil-blalen tal-arja;

(d)	ikun wettaq kors ta’ taħriġ għall-għalliema f’konformità mal-punt BFCL.330 f’ATO jew f’DTO; u

(e)	ikun għadda minn valutazzjoni tal-kompetenza f’konformità mal-punt BFCL.345.

BFCL.325 FI(B) kompetenzi u valutazzjoni

L-applikanti għal ċertifikat ta’ FI(B) għandhom ikunu mħarrġa biex jiksbu l-kompetenzi li ġejjin:

(a)	iħejju r-riżorsi;

(b)	joħolqu klima li twassal għat-tagħlim;

(c)	jippreżentaw l-għarfien;

(d)	jintegraw il-ġestjoni tat-theddid u l-iżbalji (TEM) u l-ġestjoni tar-riżorsi tal-ekwipaġġ (CRM);

(e)	jimmaniġġjaw il-ħin biex jiksbu l-objettivi tat-taħriġ;

(f)	jiffaċilitaw it-tagħlim;

(g)	jivvalutaw il-prestazzjoni tal-apprendisti;

(h)	jimmonitorjaw u jirrieżaminaw il-progress;

(i)	jevalwaw is-sessjonijiet tat-taħriġ; u

(j)	jirrappurtaw dwar l-eżitu.

BFCL.330 FI(B) — Kors ta’ taħriġ

(a)	L-applikanti għal ċertifikat ta’ FI(B) l-ewwel għandhom jagħmlu valutazzjoni speċifika ta’ qabel id-dħul f’ATO jew f’DTO fi żmien it-12-il xahar ta’ qabel il-bidu tal-kors ta’ taħriġ, sabiex tiġi vvalutata l-abbiltà tiegħu biex jagħmel il-kors.

(b)

Il-kors ta’ taħriġ tal-FI(B) għandu jinkludi mill-inqas:

(1)	l-elementi speċifikati fil-punt BFCL.325;

(2)	25 siegħa ta’ tagħlim u ta’ apprendiment;

(3)	12-il siegħa ta’ tagħlim ta’ għarfien teoretiku, inkluż testijiet tal-progress; u

(4)	tliet sigħat ta’ tagħlim fit-titjir, inkluż tliet tliegħi u nżul l-art.

(c)

L-applikanti li diġà għandhom ċertifikat ta’ għalliem f’konformità mal-Anness III (Parti-SFCL) tar-Regolament ta’ Implimentazzjoni (UE) 2018/1976 jew mal-Anness I (Parti-FCL) tar-Regolament (UE) Nru 1178/2011 għandhom jiġu kkreditati bis-sħiħ biex ikunu jistgħu jissodisfaw ir-rekwiżit fil-paragrafu (b)(2).

BFCL.345 FI(B) — Valutazzjoni tal-kompetenza

(a)	L-applikanti għall-ħruġ ta’ ċertifikat ta’ FI(B) għandhom jagħmlu valutazzjoni tal-kompetenza fuq ballun tal-arja biex juru lil eżaminatur li jkun ikkwalifikat f’konformità mal-punt BFCL.415(c) l-abbiltà tagħhom biex jgħallmu bdot student sal-livell meħtieġ għall-ħruġ ta’ BPL.

(b)

Il-valutazzjoni għandha tinkludi:

(1)	il-wiri tal-kompetenzi deskritti fil-punt BFCL.325, matul it-tagħlim qabel it-titjir, wara t-titjir u tal-għarfien teoretiku;

(2)	eżamijiet teoretiċi orali rigward il-briefings fuq l-art, qabel it-titjir u wara t-titjir u wirjiet waqt it-titjir fil-klassi xierqa tal-blalen tal-arja;

(3)	eżerċizzji adegwati biex jiġu evalwati l-kompetenzi tal-għalliem.

BFCL.360 Ċertifikat ta’ FI(B) — Rekwiżiti ta’ esperjenza reċenti

(a)

Detentur ta’ ċertifikat ta’ FI(B) għandu jeżerċita l-privileġġi taċ-ċertifikat tiegħu biss jekk ikun wettaq:

(1)

fl-aħħar tliet snin qabel l-eżerċizzju ppjanat ta’ dawk il-privileġġi:

(i)	taħriġ ta’ aġġornament tal-għalliema f’ATO jew f’DTO, jew f’awtorità kompetenti li matulu d-detentur għandu jirċievi tagħlim fl-għarfien teoretiku biex jirrevedi u jaġġorna l-għarfien rilevanti għall-għalliema tat-titjir fil-blalen tal-arja;

(ii)	mill-inqas sitt sigħat ta’ tagħlim fit-titjir fil-blalen tal-arja bħala FI(B); u

(2)

fl-aħħar disa’ snin u f’konformità mal-proċeduri stabbiliti għal dak il-għan mill-awtorità kompetenti, mill-inqas titjira ta’ tagħlim waħda f’ballun tal-arja bħala FI(B) taħt superviżjoni u għas-sodisfazzjon ta’ FI(B) li huwa kkwalifikat f’konformità mal-punt BFCL.315(a)(4) u nnominat mill-kap tat-taħriġ ta’ ATO jew ta’ DTO.

(b)	Is-sigħat ta’ titjir bħala FE(B) matul it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza għandhom jiġu kkreditati bis-sħiħ biex ikunu jistgħu jissodisfaw ir-rekwiżit tal-paragrafu (a)(1)(ii).

(c)

Jekk detentur ta’ ċertifikat ta’ FI(B) ma jkunx wettaq it-titjira ta’ tagħlim taħt superviżjoni għas-sodisfazzjon tal-FI(B) f’konformita mal-paragrafu (a)(2), ma għandux jeżerċita l-privileġġi taċ-ċertifikat ta’ FI(B) sakemm ma jkunx wettaq valutazzjoni tal-kompetenza f’konformità mal-punt BFCL.345.

(d)	Sabiex jerġa’ jibda jeżerċita l-privileġġi taċ-ċertifikat ta’ FI(B), detentur ta’ ċertifikat ta’ FI(B) li ma jikkonformax mar-rekwiżiti kollha tal-paragrafu (a) għandu jikkonforma mar-rekwiżit tal-paragrafu (a)(1)(i) u tal-punt BFCL.345.

SUBPARTI FE

EŻAMINATURI TAT-TITJIR

Taqsima 1

Rekwiżiti ġenerali

BFCL.400 Ċertifikati tal-eżaminaturi tat-titjir fil-blalen tal-arja

(a) Ġenerali

Eżaminatur għandu biss iwettaq it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza f’konformità ma’ dan l-Anness jekk:

(1)

ikollu:

(i)	BPL, inkluż il-privileġġi, il-klassifikazzjonijiet u ċ-ċertifikati li għalihom huwa awtorizzat li jwettaq it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza u l-privileġġ li jgħallem għalihom;

(ii)	ċertifikat ta’ FE(B) inkluż il-privileġġi xieraq għat-test tal-ħiliet, għall-kontroll tal-profiċjenza jew għall-valutazzjoni tal-kompetenza mwettqa, maħruġ skont din is-Subparti;

(2)	ikun intitolat li jaġixxi bħala PIC f’ballun tal-arja matul it-test tal-ħiliet, il-kontroll tal-profiċjenza jew il-valutazzjoni tal-kompetenza.

(b) Eżamijiet imwettqa barra mit-territorju tal-Istati Membri

(1)

B’deroga mill-paragrafu (a)(1), fil-każ ta’ testijiet tal-ħiliet u kontrolli tal-profiċjenza mwettqa barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali, l-awtorità kompetenti għandha toħroġ ċertifikat ta’ eżaminatur lil applikant li għandu liċenzja tal-bdoti tal-blalen tal-arja li hija konformi mal-Anness 1 tal-Konvenzjoni dwar l-Avjazzjoni Ċivili Internazzjonali, dment li l-applikant:

(i)	ikollu mill-inqas liċenzja waħda inkluż, fejn rilevanti, il-privileġġi, il-klassifikazzjonijiet jew iċ-ċertifikati ekwivalenti għal dawk li għalihom huwa awtorizzat li jwettaq it-testijiet tal-ħiliet jew il-kontrolli tal-profiċjenza;

(ii)	jikkonforma mar-rekwiżiti stabbiliti f’din is-Subparti għall-ħruġ taċ-ċertifikat ta’ eżaminatur rilevanti;

(iii)

juri lill-awtorità kompetenti li għandu livell adegwat ta’ għarfien tar-regoli Ewropej dwar is-sikurezza tal-avjazzjoni biex ikunu jistgħu jeżerċitaw il-privileġġi tal-eżaminatur f’konformità ma’ dan l-Anness.

(2)

Iċ-ċertifikat imsemmi fis-subparagrafu (1) għandu jkun limitat għat-twettiq tat-testijiet tal-ħiliet u l-kontrolli tal-profiċjenza:

(i)	barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali; u

(ii)	fir-rigward ta’ bdot li jkollu biżżejjed għarfien tal-lingwa li biha jsir it-test/il-kontroll.

BFCL.405 Limitazzjoni tal-privileġġi fil-każ ta’ drittijiet akkwiżiti

Eżaminatur tal-blalen tal-arja ma għandux iwettaq:

(a)

test tal-ħiliet jew valutazzjoni tal-kompetenza ta’ applikant għall-ħruġ ta’ liċenzja, klassifikazzjoni jew ċertifikat li jkun ipprovdilu aktar minn 50 % tat-tagħlim fit-titjir rikjest għal-liċenzja, għall-klassifikazzjoni jew għaċ-ċertifikat li għalihom ikunu qed isiru t-test tal-ħiliet jew il-valutazzjoni tal-kompetenza; jew

(b)	test tal-ħiliet, kontroll tal-profiċjenza jew valutazzjoni tal-kompetenza kull meta jħossu li l-oġġettività tiegħu tista’ tiġi affettwata.

BFCL.410 Twettiq ta’ testijiet tal-ħiliet, kontrolli tal-profiċjenza u valutazzjonijiet tal-kompetenza

(a)

Meta jwettaq it-testijiet tal-ħiliet, il-kontrolli tal-profiċjenza u l-valutazzjonijiet tal-kompetenza, l-eżaminatur tal-blalen tal-arja għandu jagħmel dawn kollha li ġejjin:

(1)	jiżgura li tista’ tiġi stabbilita komunikazzjoni mal-applikant mingħajr ostakli lingwistiċi;

(2)

jivverifika li l-applikant jikkonforma mar-rekwiżiti kollha ta’ kwalifika, taħriġ u esperjenza ta’ dan l-Anness għall-ħruġ, il-validazzjoni mill-ġdid jew it-tiġdid tal-liċenzja, tal-privileġġi, tal-klassifikazzjoni jew taċ-ċertifikat li għalihom isiru t-test tal-ħiliet, il-kontroll tal-profiċjenza jew il-valutazzjoni tal-kompetenza; u

(3)	jgħarraf lill-applikant bil-konsegwenzi li jkun hemm jekk jipprovdi informazzjoni mhux kompluta, mhux preċiża jew falza relatata mat-taħriġ u l-esperjenza tiegħu fit-titjir.

(b)

Wara t-tlestija tat-test tal-ħiliet, tal-kontroll tal-profiċjenza jew tal-valutazzjoni tal-kompetenza, l-eżaminatur tal-blalen tal-arja għandu:

(1)	jinforma l-applikant bir-riżultati tat-test tal-ħiliet, tal-kontroll tal-profiċjenza jew tal-valutazzjoni tal-kompetenza;

(2)

fil-każ li jgħaddi minn valutazzjoni tal-kompetenza għall-validazzjoni mill-ġdid jew għat-tiġdid, japprova d-data ta’ skadenza l-ġdida fuq il-liċenzja jew iċ-ċertifikat tal-applikant, jekk ikun awtorizzat speċifikament għal dak il-għan mill-awtorità kompetenti responsabbli għal-liċenzja tal-applikant;

(3)

jipprovdi lill-applikant rapport iffirmat dwar it-test tal-ħiliet, il-kontroll tal-profiċjenza jew il-valutazzjoni tal-kompetenza u jissottometti kopji tar-rapport mingħajr dewmien lill-awtorità kompetenti responsabbli għal-liċenzja tal-applikant, u lill-awtorità kompetenti li ħarġet iċ-ċertifikat tal-eżaminatur. Ir-rapport għandu jinkludi:

(i)	dikjarazzjoni li l-eżaminatur tal-blalen tal-arja rċieva informazzjoni mingħand l-applikant rigward l-esperjenza u t-tagħlim tiegħu, u sab l-esperjenza u t-tagħlim konformi mar-rekwiżiti applikabbli ta’ dan l-Anness;

(ii)	konferma li l-manuvri u l-eżerċizzji kollha meħtieġa ġew ikkompletati, kif ukoll informazzjoni dwar l-eżami verbali tal-għarfien teoretiku, fejn applikabbli. Jekk applikant ikun weħel minn xi punt, l-eżaminatur għandu jniżżel ir-raġunijiet għal din il-valutazzjoni;

(iii)

ir-riżultati tat-test tal-ħiliet, tal-kontroll tal-profiċjenza jew tal-valutazzjoni tal-kompetenza;

(iv)	dikjarazzjoni li l-eżaminatur tal-blalen tal-arja jkun irrieżamina u applika l-proċeduri u r-rekwiżiti nazzjonali tal-awtorità kompetenti tal-applikant jekk l-awtorità kompetenti responsabbli għal-liċenzja tal-applikant ma tkunx l-istess waħda li tkun ħarġet iċ-ċertifikat tal-eżaminatur;

(v)

kopja taċ-ċertifikat tal-eżaminatur tal-blalen tal-arja li jindika l-ambitu tal-privileġġi tiegħu bħala eżaminatur tal-blalen tal-arja fil-każ tat-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza ta’ applikant li l-awtorità kompetenti tiegħu ma tkunx l-istess waħda li tkun ħarġet iċ-ċertifikat tal-eżaminatur.

(c)	L-eżaminatur tal-blalen tal-arja għandu jżomm ir-rekords għal ħames snin bid-dettalji tat-testijiet tal-ħiliet, il-kontrolli tal-profiċjenza u l-valutazzjonijiet tal-kompetenza kollha mwettqa u r-riżultati tagħhom.

(d)

Fuq talba mill-awtorità kompetenti responsabbli għaċ-ċertifikat tal-eżaminatur tal-blalen tal-arja, jew l-awtorità kompetenti responsabbli għal-liċenzja tal-applikant, l-eżaminatur tal-blalen tal-arja għandu jissottometti r-rekords u r-rapporti kollha, u kwalunkwe informazzjoni oħra, kif meħtieġ, għall-attivitajiet ta’ sorveljanza.

Taqsima 2

Ċertifikat tal-eżaminaturi tat-titjir għall-blalen tal-arja — FE(B)

BFCL.415 Ċertifikat ta’ FE(B) — Privileġġi u kundizzjonijiet

Soġġett għall-konformità tal-applikanti mal-punt BFCL.420 u mal-kundizzjonijiet li ġejjin, ċertifikat ta’ FE(B) għandu jinħareġ permezz ta’ applikazzjoni bil-privileġġi għat-twettiq:

(a)

tat-testijiet tal-ħiliet u tal-kontrolli tal-profiċjenza għall-BPL u tat-testijiet tal-ħiliet għall-estensjoni tal-privileġġi għal klassi oħra tal-blalen tal-arja, sakemm l-applikant ikun wettaq 250 siegħa ta’ ħin tat-titjir bħala bdot fil-blalen tal-arja, inkluż 50 siegħa ta’ tagħlim fit-titjir li jkopru s-sillabu kollu ta’ kors ta’ taħriġ għall-BPL;

(b)

tat-testijiet tal-ħiliet u tal-kontrolli tal-profiċjenza għall-klassifikazzjoni tal-operazzjoni kummerċjali kif speċifikat fil-punt BFCL.215, sakemm l-applikant jikkonforma mar-rekwiżiti tal-esperjenza reċenti stabbiliti fil-paragrafu (a) u jkun irċieva taħriġ speċifiku matul kors ta’ standardizzazzjoni tal-eżaminaturi f’konformità mal-punt BFCL.430;

(c)

tal-valutazzjonijiet tal-kompetenza għall-ħruġ ta’ ċertifikat ta’ FI(B), sakemm l-applikant:

(1)	ikun wettaq 350 siegħa ta’ ħin ta’ titjir bħala bdot fil-blalen tal-arja, inkluż ħames sigħat ta’ tagħlim lil applikant għaċ-ċertifikat ta’ FI(B);

(2)	ikun irċieva taħriġ speċifiku matul kors ta’ standardizzazzjoni tal-eżaminaturi f’konformità mal-punt BFCL.430.

BFCL.420 Ċertifikat ta’ FE(B) — Prerekwiżiti u rekwiżiti

Applikant għal ċertifikat ta’ FE(B) għandu:

(a)	jikkonforma mar-rekwiżiti tas-subparagrafi (a)(1)(i) u (2) tal-punt BFCL.400;

(b)	ikun wettaq il-kors ta’ standardizzazzjoni tal-FE(B) f’konformità mal-punt BFCL.430;

(c)	ikun wettaq valutazzjoni tal-kompetenza f’konformità mal-punt BFCL.445;

(d)	juri sfond rilevanti relatat mal-privileġġi taċ-ċertifikat ta’ FE(B); u

(e)

juri li ma kienx soġġett għal xi sanzjonijiet, inkluż is-sospensjoni, il-limitazzjoni jew ir-revoka ta’ xi waħda mil-liċenzji, mill-klassifikazzjonijiet jew miċ-ċertifikati tiegħu maħruġa f’konformità ma’ dan l-Anness, mal-Anness I (Parti-FCL) tar-Regolament (UE) Nru 1178/2011, jew mal-Anness III (Parti-SFCL) tar-Regolament ta’ Implimentazzjoni (UE) 2018/1976, għan-nuqqas ta’ konformità mar-Regolament (UE) 2018/1139 u l-atti delegati u ta’ implimentazzjoni tiegħu matul l-aħħar tliet snin.

BFCL.430 Ċertifikat ta’ FE(B) — Kors ta’ standardizzazzjoni

(a)	L-applikanti għal ċertifikat ta’ FE(B) għandhom jagħmlu kors ta’ standardizzazzjoni pprovdut mill-awtorità kompetenti jew minn ATO jew DTO u approvat minn dik l-awtorità kompetenti.

(b)

Il-kors ta’ standardizzazzjoni għandu jkun adattat għall-privileġġi mitluba mill-eżaminatur tat-titjir fil-blalen tal-arja u għandu jikkonsisti f’tagħlim teoretiku u prattiku, inkluż, mill-inqas:

(1)	it-twettiq ta’ mill-inqas test tal-ħiliet, kontroll tal-profiċjenza jew valutazzjoni tal-kompetenza għall-BPL jew għall-klassifikazzjonijiet jew għaċ-ċertifikati assoċjati;

(2)	tagħlim fuq ir-rekwiżiti applikabbli ta’ dan l-Anness u r-rekwiżiti applikabbli tal-operazzjonijiet tal-ajru, it-twettiq ta’ testijiet tal-ħiliet, kontrolli tal-profiċjenza u valutazzjonijiet tal-kompetenza, u d-dokumentazzjoni u r-rappurtar tagħhom;

(3)

briefing fuq dawn li ġejjin:

(i)	il-proċeduri amministrattivi nazzjonali;

(ii)	ir-rekwiżiti għall-protezzjoni tad-data personali;

(iii)

ir-responsabbiltà tal-eżaminatur;

(iv)	l-assigurazzjoni għall-aċċidenti tal-eżaminatur;

(v)	it-tariffi nazzjonali; u

(vi)

informazzjoni dwar kif wieħed jikseb aċċess għall-informazzjoni fil-punti (i) sa (v) meta jkun qed iwettaq it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza ta’ applikant li l-awtorità kompetenti tiegħu ma tkunx dik li tkun ħarġet iċ-ċertifikat tal-eżaminatur.

(c)

Detentur ta’ ċertifikat ta’ FE(B) ma għandux iwettaq testijiet tal-ħiliet, kontrolli tal-profiċjenza jew valutazzjonijiet tal-kompetenza ta’ applikant li l-awtorità kompetenti tiegħu ma tkunx dik li tkun ħarġet iċ-ċertifikat tal-eżaminatur, sakemm ma jkunx irrieżamina l-aħħar informazzjoni disponibbli li jkun fiha l-proċeduri nazzjonali rilevanti tal-awtorità kompetenti tal-applikant.

BFCL.445 Ċertifikat ta’ FE(B) — Valutazzjoni tal-kompetenza

Għall-ewwel ħruġ ta’ ċertifikat ta’ FE(B), applikant għandu juri l-kompetenzi tiegħu bħala FE(B) lil spettur mill-awtorità kompetenti jew lil eżaminatur superjuri speċifikament awtorizzat biex jagħmel dan mill-awtorità kompetenti li hija responsabbli għaċ-ċertifikat tal-FE(B). Matul il-valutazzjoni tal-kompetenza, l-applikant għandu jwettaq test tal-ħiliet, kontroll tal-profiċjenza jew valutazzjoni tal-kompetenza, inkluż il-briefing, it-twettiq tat-test tal-ħiliet, tal-kontroll tal-profiċjenza jew tal-valutazzjoni tal-kompetenza, u l-valutazzjoni tal-persuna li għaliha qed isir it-test, il-kontroll jew il-valutazzjoni, id-debriefing u d-dokumentazzjoni dwar ir-reġistrazzjoni.

BFCL.460 Ċertifikat ta’ FE(B) — Validità, validazzjoni mill-ġdid u tiġdid

(a)	Ċertifikat ta’ FE(B) għandu jkun validu għal ħames snin.

(b)

Ċertifikat ta’ FE(B) għandu jerġa’ jiġi vvalidat jekk id-detentur tiegħu:

(1)

matul il-perjodu ta’ validità taċ-ċertifikat ta’ FE(B), ikun wettaq kors ta’ aġġornament għall-eżaminaturi li huwa pprovdut mill-awtorità kompetenti jew minn ATO jew DTO u approvat minn dik l-awtorità kompetenti, li matulu d-detentur għandu jirċievi tagħlim fl-għarfien teoretiku għar-reviżjoni u l-aġġornament tal-għarfien għall-eżaminaturi tal-blalen tal-arja; u

(2)

fl-aħħar 24 xahar ta’ qabel it-tmiem tal-perjodu ta’ validità taċ-ċertifikat, ikun wettaq test tal-ħiliet, kontroll tal-profiċjenza jew valutazzjoni tal-kompetenza waħda taħt superviżjoni u għas-sodisfazzjon ta’ spettur mill-awtorità kompetenti jew eżaminatur speċifikament awtorizzat li jagħmel dan mill-awtorità kompetenti li hija responsabbli għaċ-ċertifikat tal-FE(B).

(c)

Detentur ta’ ċertifikat ta’ FE(B) li jkollu wkoll ċertifikat tal-eżaminaturi wieħed jew aktar minn wieħed għal kategoriji oħra tal-inġenji tal-ajru f’konformità mal-Anness I (Parti-FCL) tar-Regolament (UE) Nru 1178/2011 jew mal-Anness III (Parti-SFCL) tar-Regolament ta’ Implimentazzjoni (UE) 2018/1976 jista’ jikseb validazzjoni mill-ġdid ikkombinata taċ-ċertifikati kollha tal-eżaminaturi li jkollu, bi ftehim mal-awtorità kompetenti.

(d)	Jekk ċertifikat ta’ FE(B) ikun skada, id-detentur għandu jikkonforma mar-rekwiżiti tal-paragrafu (b)(1) u tal-punt BFCL.445 qabel ma jkun jista’ jerġa’ jibda jeżerċita l-privileġġi taċ-ċertifikat ta’ FE(B).

(e)	Ċertifikat ta’ FE(B) għandu biss jerġa’ jiġi vvalidat jew imġedded jekk l-applikant juri konformità kontinwa mar-rekwiżiti tal-punt BFCL.410 kif ukoll mar-rekwiżiti tal-punt BFCL.420(d) u (e).

”

5.3.2020

Il-Ġurnal Uffiċjali tal-Unjoni Ewropea

L 67/57

REGOLAMENT TA’ IMPLIMENTAZZJONI TAL-KUMMISSJONI (UE) 2020/358

tal-4 ta’ Marzu 2020

li jemenda r-Regolament ta’ Implimentazzjoni (UE) 2018/1976 fir-rigward tal-liċenzji tal-bdoti tal-gliders

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

Il-Kummissjoni trid tadotta r-regoli ta’ implimentazzjoni neċessarji biex jiġu stabbiliti r-rekwiżiti għal-liċenzji tal-bdoti tal-gliders f’konformità mar-Regolament (UE) 2018/1139, meta inġenji tal-ajru bħal dawn ikunu jissodisfaw il-kundizzjonijiet speċifikati fil-punti (b)(i) u (ii) tal-Artikolu 2(1) ta’ dak ir-Regolament.

(2)

Fid-dawl tan-natura speċifika tal-liċenzjar tal-ekwipaġġ tat-titjira għall-gliders, huma neċessarji rekwiżiti ta’ liċenzjar speċifiċi li jiġu stabbiliti f’regolamenti awtonomi. Jenħtieġ li dawk ir-rekwiżiti jkunu bbażati fuq ir-regoli ġenerali għal-liċenzjar tal-ekwipaġġ tat-titjira li huma stabbiliti fir-Regolament tal-Kummissjoni (UE) Nru 1178/2011 (2). Madankollu, jenħtieġ li jiġu ristrutturati u ssimplifikati sabiex jiġi żgurat li jkunu proporzjonati u msejsa fuq approċċ ibbażat fuq ir-riskji, filwaqt li jiġi żgurat li l-bdoti tal-gliders ikunu u jibqgħu kompetenti biex iwettqu l-attivitajiet tagħhom u sabiex jaqdu r-responsabbiltajiet tagħhom. Jenħtieġ ukoll li jsir aġġornament editorjali korrispondenti għar-regoli tal-operazzjonijiet tal-gliders biex iqisu l-bidla fir-regoli tal-liċenzjar mir-Regolament (UE) Nru 1178/2011 għar-Regolament ta’ Implimentazzjoni tal-Kummissjoni (UE) 2018/1976 (3).

(3)

Skont l-Artikolu 12(2a)(3) tar-Regolament (UE) Nru 1178/2011, l-Istati Membri jistgħu jkomplu japplikaw ir-regoli nazzjonali ta’ liċenzjar li jipprovdu aċċess għall-privileġġi bażiċi tal-bdoti sat-8 ta’ April 2020. Xi Stati Membri rrapportaw lill-Kummissjoni u lill-Aġenzija tal-Unjoni Ewropea għas-Sikurezza tal-Avjazzjoni (European Union Aviation Safety Agency, “EASA”) li, f’dak il-kuntest, it-tkomplija ta’ dawk ir-regoli nazzjonali ta’ liċenzjar, li permezz tagħhom il-bdoti studenti huma permessi jeżerċitaw privileġġi limitati mingħajr superviżjoni u jiksbu privileġġi bażiċi fuq bażi pass pass, tappoġġa l-promozzjoni tal-isport tal-ajru u tal-attivitajiet rikreattivi minħabba l-aċċess iffaċilitat u aktar affordabbli għat-titjir. Il-promozzjoni u l-iffaċilitar tal-aċċess għall-avjazzjoni ġenerali huwa konformi mal-objettivi tal-Pjan Direzzjonali tal-Avjazzjoni Ġenerali tal-EASA li għandu l-għan li joħloq sistema regolatorja aktar proporzjonali, flessibbli u proattiva (4). Għal dawk ir-raġunijiet, jenħtieġ li l-Istati Membri jingħataw id-diskrezzjoni li jkomplu jsegwu dawk ir-regoli nazzjonali ta’ liċenzjar f’konformità mal-prinċipji introdotti fir-Regolament ta’ Implimentazzjoni tal-Kummissjoni (UE) 2019/430 (5) biex joħorġu l-liċenzji tal-bdoti tal-gliders (sailplane pilot licences, “SPL”). Madankollu, jenħtieġ li l-Istati Membri jinfurmaw lill-Kummissjoni u lill-EASA kull meta jużaw it-tali awtorizzazzjonijiet. Jenħtieġ ukoll li l-Istati Membri jimmonitorjaw l-użu tat-tali awtorizzazzjonijiet sabiex iżommu livell aċċettabbli ta’ sikurezza tal-avjazzjoni.

(4)

Sabiex tiġi żgurata tranżizzjoni bla xkiel, kwalunkwe ċertifikat, awtorizzazzjoni u approvazzjoni maħruġa lill-bdoti tal-gliders f’konformità mar-Regolament (UE) Nru 1178/2011 qabel id-data tal-applikazzjoni ta’ dan ir-Regolament jenħtieġ li jkomplu jkunu validi. Il-liċenzji nazzjonali tal-bdoti tal-gliders maħruġa qabel id-data tal-applikazzjoni ta’ dan ir-Regolament jenħtieġ li jiġu konvertiti f’liċenzji maħruġa f’konformità ma’ dan ir-Regolament, permezz ta’ rapporti dwar il-konverżjoni stabbiliti mill-awtoritajiet kompetenti tal-Istati Membri f’konsultazzjoni mal-EASA.

(5)

It-taħriġ tal-bdoti tal-gliders li beda f’konformità mal-Anness I (Parti-FCL) tar-Regolament (UE) Nru 1178/2011 qabel id-data tal-applikazzjoni ta’ dan ir-Regolament, jenħtieġ li jiġi kkreditat b’mod sħiħ minħabba li jipprovdi ambitu tar-rekwiżiti ta’ taħriġ ugwali jew anki usa’ minn dak introdott permezz ta’ dan ir-Regolament. It-taħriġ li beda qabel id-data tal-applikazzjoni ta’ dan ir-Regolament f’konformità mal-Anness 1 tal-Konvenzjoni ta’ Chicago jenħtieġ li jiġi kkreditat fuq il-bażi ta’ rapporti ta’ kreditu stabbiliti mill-Istati Membri.

(6)	Jenħtieġ li l-organizzazzjonijiet tat-taħriġ eżistenti jingħataw iż-żmien xieraq biex jadattaw il-programmi ta’ taħriġ tagħhom, fejn ikun meħtieġ, fil-kuntest tar-rekwiżiti tat-taħriġ issimplifikati.

(7)	Il-miżuri previsti f’dan ir-Regolament huma bbażati fuq l-Opinjoni Nru 01/2019 (6) tal-EASA f’konformità mal-punti (b) u (c) tal-Artikolu 75(2) u mal-Artikolu 76(1) tar-Regolament (UE) 2018/1139.

(8)	Il-miżuri previsti f’dan ir-Regolament huma skont l-opinjoni tal-Kumitat stabbilit permezz tal-Artikolu 127 tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Ir-Regolament ta’ Implimentazzjoni (UE) 2018/1976 huwa emendat kif ġej:

(1)

it-titolu huwa sostitwit b’dan li ġej:

“Ir-Regolament ta’ Implimentazzjoni tal-Kummissjoni (UE) 2018/1976 tal-14 ta’ Diċembru 2018 li jistabbilixxi regoli dettaljati għall-operat tal-gliders kif ukoll għall-liċenzjar tal-ekwipaġġ tat-titjira għall-gliders skont ir-Regolament (UE) 2018/1139 tal-Parlament Ewropew u tal-Kunsill”;

(2)

fl-Artikolu 1, il-paragrafu 1 huwa sostitwit b’dan li ġej:

“1. Dan ir-Regolament jistabbilixxi regoli dettaljati għall-operazzjonijiet tal-ajru bil-gliders kif ukoll għall-ħruġ u għaż-żamma tal-liċenzji tal-bdoti u l-klassifikazzjonijiet, il-privileġġi u ċ-ċertifikati assoċjati għall-gliders, meta inġenji tal-ajru bħal dawn ikunu jissodisfaw il-kundizzjonijiet stabbiliti fil-punti (b)(i) u (ii) tal-Artikolu 2(1) tar-Regolament (UE) 2018/1139.”;

(3)

L-Artikolu 2 huwa emendat kif ġej:

(a)	is-sentenza tal-bidu hija sostitwita b’dan li ġej: “Għall-finijiet ta’ dan ir-Regolament, għandhom japplikaw id-definizzjonijiet li ġejjin u, sakemm it-termini ma jiġux definiti mod ieħor f’dan l-Artikolu, id-definizzjonijiet tal-Artikolu 2 tar-Regolament (UE) Nru 1178/2011:”;

(b)

il-punt (10) huwa sostitwit b’dan li ġej:

“(10)

“ftehim ta’ kiri mingħajr ekwipaġġ” tfisser ftehim bejn impriżi li permezz tiegħu l-glider jiġi operat taħt ir-responsabbiltà tal-lokatarju;”;

(c)

jiżdiedu l-punti (11) sa (13) li ġejjin:

“(11)

“liċenzja nazzjonali” tfisser liċenzja tal-bdoti maħruġa minn Stat Membru f’konformità mal-leġiżlazzjoni nazzjonali qabel id-data tal-applikazzjoni tal-Anness III (Parti-SFCL) ta’ dan ir-Regolament jew tal-Anness I (Parti-FCL) tar-Regolament (UE) Nru 1178/2011;

(12)	“liċenzja skont il-Parti-SFCL” tfisser liċenzja tal-ekwipaġġ tat-titjira li tikkonforma mar-rekwiżiti tal-Anness III (Parti-SFCL) ta’ dan ir-Regolament;

(13)	“rapport dwar il-konverżjoni” tfisser rapport li abbażi tiegħu liċenzja tista’ tiġi kkonvertita f’liċenzja skont il-Parti-SFCL;”;

(4)

l-Artikoli 3a sa 3d li ġejjin jiddaħħlu wara l-Artikolu 3:

“Artikolu 3a

Liċenzji u ċertifikazzjoni medika tal-bdoti

1. Mingħajr preġudizzju għar-Regolament Delegat tal-Kummissjoni (UE) (*1), il-bdoti tal-inġenji tal-ajru msemmija fl-Artikolu 1(1) ta’ dan ir-Regolament għandhom jikkonformaw mar-rekwiżiti tekniċi u mal-proċeduri amministrattivi stabbiliti fl-Anness III (Parti-SFCL) ta’ dan ir-Regolament u fl-Anness IV (Parti-MED) tar-Regolament (UE) Nru 1178/2011.

2. Bħala eċċezzjoni għall-privileġġi tad-detenturi tal-liċenzji kif definit fl-Anness III (Parti-SFCL) ta’ dan ir-Regolament, id-detenturi ta’ liċenzji bħal dawn jistgħu jwettqu t-titjiriet imsemmija fil-punti (a) sa (d) tal-Artikolu 3(2) mingħajr ma jikkonformaw mal-punt SFCL.115(a)(3) tal-Anness III (Parti-SFCL) ta’ dan ir-Regolament.

3. Stat Membru jista’ jawtorizza lill-bdoti studenti li jkunu qed isegwu kors ta’ taħriġ għal-liċenzja tal-bdoti tal-gliders (“SPL”) biex jeżerċitaw privileġġi limitati mingħajr superviżjoni qabel ma jissodisfaw ir-rekwiżiti kollha li huma meħtieġa għall-ħruġ ta’ SPL f’konformità mal-Anness III (Parti-SFCL) ta’ dan ir-Regolament, soġġett għall-kundizzjonijiet kollha li ġejjin:

(a)	l-ambitu tal-privileġġi mogħtija għandu jkun ibbażat fuq valutazzjoni tar-riskju għas-sikurezza mwettqa mill-Istat Membru, filwaqt li jitqies l-ammont ta’ taħriġ meħtieġ għall-livell maħsub ta’ kompetenza ta’ bdot li għandu jintlaħaq;

(b)

il-privileġġi għandhom ikunu limitati għal dawn li ġejjin:

(i)	it-territorju nazzjonali kollu, jew parti minnu, tal-Istat Membru li jagħti l-awtorizzazzjoni; u

(ii)	il-gliders li huma rreġistrati fl-Istat Membru li jagħti l-awtorizzazzjoni;

(c)

id-detentur ta’ awtorizzazzjoni li japplika għall-ħruġ ta’ SPL għandu jirċievi krediti għat-taħriġ li jkun sar fuq il-bażi ta’ rakkomandazzjoni minn organizzazzjoni tat-taħriġ approvata (approved training organisation, “ATO”) jew organizzazzjoni tat-taħriġ iddikjarata (declared training organisation, “DTO”);

(d)	l-Istat Membru għandu jissottometti r-rapporti u l-valutazzjonijiet tar-riskju għas-sikurezza lill-Kummissjoni u lill-Aġenzija tal-Unjoni Ewropea għas-Sikurezza tal-Avjazzjoni (“EASA”) kull tliet snin;

(e)	l-Istat Membru għandu jimmonitorja l-użu tal-awtorizzazzjonijiet maħruġa skont dan il-paragrafu sabiex jiġi żgurat livell aċċettabbli ta’ sikurezza tal-avjazzjoni, u għandu jieħu azzjoni xierqa f’każ li jidentifika riskju miżjud għas-sikurezza jew xi tħassib tas-sikurezza.

Artikolu 3b

Liċenzji u ċertifikati mediċi nazzjonali tal-bdoti eżistenti

1. Il-liċenzji skont il-Parti-FCL għall-gliders u l-privileġġi, il-klassifikazzjonijiet u ċ-ċertifikati assoċjati maħruġa minn Stat Membru qabel id-data tal-applikazzjoni ta’ dan ir-Regolament għandhom jitqiesu li jkunu nħarġu f’konformità ma’ dan ir-Regolament. L-Istati Membri għandhom jissostitwixxu dawk il-liċenzji li jikkonformaw mal-format stabbilit fl-Anness VI (Parti-ARA) tar-Regolament (UE) Nru 1178/2011 meta joħorġu l-liċenzji mill-ġdid għal raġunijiet amministrattivi jew fuq talba tad-detenturi tal-liċenzji.

2. Meta Stat Membru joħroġ mill-ġdid liċenzji u privileġġi, klassifikazzjonijiet u ċertifikati assoċjati f’konformità mal-paragrafu 1, l-Istat Membru għandu, skont kif ikun applikabbli:

(a)	jittrasferixxi l-privileġġi kollha approvati sa issa fil-liċenzji skont il-Parti-FCL għall-format il-ġdid tal-liċenzji;

(b)	jikkonvertu l-klassifikazzjonijiet ajrubatiċi maħruġa f’konformità mal-punt FCL.800 tal-Anness I (Parti-FCL) tar-Regolament (UE) Nru 1178/2011 fi privileġġi ajrubatiċi avvanzati f’konformità mal-punt SFCL.200(c) tal-Anness III (Parti-SFCL) ta’ dan ir-Regolament;

(c)

japprova d-data ta’ skadenza ta’ ċertifikat ta’ għalliem tat-titjir assoċjat ma’ liċenzja skont il-Parti-FCL fil-ġurnal ta’ abbord tal-bdot jew joħroġ dokument ekwivalenti. Wara dik id-data ta’ skadenza, il-bdoti għandhom jeżerċitaw il-privileġġi ta’ għalliem biss meta jikkonformaw mal-punt SFCL.360 tal-Anness III (Parti-SFCL) ta’ dan ir-Regolament.

3. Id-detenturi tal-liċenzji nazzjonali għall-gliders maħruġa minn Stat Membru qabel id-data tal-applikazzjoni tal-Anness III (Parti-SFCL) ta’ dan ir-Regolament għandhom jitħallew ikomplu jeżerċitaw il-privileġġi tal-liċenzji tagħhom sat-8 ta’ April 2021. Sa dik id-data, l-Istati Membri għandhom jikkonvertu dawk il-liċenzji f’liċenzji skont il-Parti-SFCL u l-klassifikazzjonijiet, il-privileġġi u ċ-ċertifikati assoċjati f’konformità mal-elementi stipulati f’rapport dwar il-konverżjoni li jikkonforma mar-rekwiżiti tal-Artikolu 4(4) u (5) tar-Regolament (UE) Nru 1178/2011.

4. Iċ-ċertifikati mediċi nazzjonali tal-bdoti assoċjati ma’ liċenzja kif speċifikat fil-paragrafu 2 ta’ dan l-Artikolu u maħruġa minn Stat Membru qabel id-data tal-applikazzjoni tal-Anness III (Parti-SFCL) ta’ dan ir-Regolament għandhom jibqgħu validi sad-data tal-validazzjoni mill-ġdid li jmiss tagħhom jew sat-8 ta’ April 2021, skont liema tkun id-data l-aktar bikrija. Il-validazzjoni mill-ġdid ta’ dawk iċ-ċertifikati mediċi għandha tikkonforma mar-rekwiżiti tal-Anness IV (Parti-MED) tar-Regolament (UE) Nru 1178/2011.

Artikolu 3c

Kreditu għal taħriġ mibdi qabel id-data tal-applikazzjoni ta’ dan ir-Regolament

1. Fir-rigward tal-ħruġ ta’ liċenzji skont il-Parti-SFCL u ta’ privileġġi, klassifikazzjonijiet jew ċertifikati assoċjati f’konformità mal-Anness III (Parti-SFCL) ta’ dan ir-Regolament, it-taħriġ li jkun beda qabel id-data tal-applikazzjoni ta’ dan ir-Regolament f’konformità mal-Anness I (Parti-FCL) tar-Regolament (UE) Nru 1178/2011 għandu jitqies li jikkonforma mar-rekwiżiti ta’ dan ir-Regolament.

2. It-taħriġ li jkun beda qabel id-data tal-applikazzjoni ta’ dan ir-Regolament jew tal-Anness I (Parti-FCL) tar-Regolament (UE) Nru 1178/2011 f’konformità mal-Anness 1 tal-Konvenzjoni ta’ Chicago, għandu jiġi kkreditat għall-finijiet li jinħarġu liċenzji skont il-Parti-SFCL fuq il-bażi ta’ rapport ta’ kreditu stabbilit mill-Istat Membru f’konsultazzjoni mal-EASA.

3. Ir-rapport ta’ kreditu msemmi fil-paragrafu 2 għandu jiddeskrivi l-ambitu tat-taħriġ, jindika għal liema rekwiżiti tal-liċenzji skont il-Parti-SFCL ikun qiegħed jingħata kreditu u, jekk ikun applikabbli, ma’ liema rekwiżiti l-applikanti għandhom jikkonformaw sabiex tingħatalhom il-liċenzja skont il-Parti-SFCL. Dan għandu jinkludi kopji tad-dokumenti kollha neċessarji li jattestaw l-ambitu tat-taħriġ kif ukoll kopji tar-regolamenti u l-proċeduri nazzjonali li skonthom ikun inbeda t-taħriġ.

Artikolu 3d

Organizzazzjonijiet tat-taħriġ

1. L-organizzazzjonijiet tat-taħriġ għall-ksib tal-liċenzji tal-bdoti msemmija fl-Artikolu 1(1) ta’ dan ir-Regolament għandhom jikkonformaw mar-rekwiżiti tal-Artikolu 10a tar-Regolament (UE) Nru 1178/2011.

2. L-organizzazzjonijiet tat-taħriġ imsemmija fil-paragrafu 1 li għandhom approvazzjoni maħruġa f’konformità mal-Anness VII (Parti-ORA) tar-Regolament (UE) Nru 1178/2011 jew li jkunu ssottomettew dikjarazzjoni f’konformità mal-Anness VIII (Parti-DTO) tar-Regolament (UE) Nru 1178/2011 qabel id-data tal-applikazzjoni ta’ dan ir-Regolament għandhom jadattaw il-programmi ta’ taħriġ tagħhom, fejn ikun meħtieġ, sa mhux aktar tard mit-8 ta’ April 2021.”;

(*1) Ir-Regolament Delegat tal-Kummissjoni (UE) tal-4 ta’ Marzu 2020 (Għadu mhux ippubblikat fil-Ġurnal Uffiċjali)."

(5)	L-Anness I (Parti-DEF) huwa emendat f’konformità mal-Anness I ta’ dan ir-Regolament;

(6)	L-Anness II (Parti-SAO) huwa emendat f’konformità mal-Anness II ta’ dan ir-Regolament

(7)	L-Anness III (Parti-SFCL) jiżdied kif stabbilit fl-Anness III ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mit-8 ta’ April 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta’ Marzu 2020.

Għall-Kummissjoni

Il-President

Ursula VON DER LEYEN

(1) ĠU L 212, 22.8.2018, p. 1.

(3) Ir-Regolament ta’ Implimentazzjoni tal-Kummissjoni (UE) 2018/1976 tal-14 ta’ Diċembru 2018 li jistabbilixxi regoli dettaljati għall-operat tal-gliders skont ir-Regolament (UE) 2018/1139 tal-Parlament Ewropew u tal-Kunsill (ĠU L 326, 20.12.2018, p. 64).

(4) https://www.easa.europa.eu/easa-and-you/general-aviation/general-aviation-road-map

(5) Ir-Regolament ta’ Implimentazzjoni tal-Kummissjoni (UE) 2019/430 tat-18 ta' Marzu 2019 li jemenda r-Regolament (UE) Nru 1178/2011 fir-rigward tal-eżerċizzju ta' privileġġi limitati mingħajr superviżjoni qabel il-ħruġ ta' liċenzja ta' bdot ta' inġenji tal-ajru ħfief (ĠU L 75, 19.3.2019, p. 66).

ANNESS I

L-Anness I “Definizzjonijiet” (Parti-DEF) tar-Regolament (UE) 2018/1976 huwa emendat kif ġej:

(1)

is-sentenza tal-bidu hija sostitwita b’dan li ġej:

“Għall-finijiet ta’ dan ir-Regolament, għandhom japplikaw id-definizzjonijiet li ġejjin u, sakemm it-termini ma jiġux definiti mod ieħor f’dan l-Anness, id-definizzjonijiet tal-Artikolu 2 tar-Regolament tal-Kummissjoni (UE) Nru 1178/2011 kif ukoll tal-punt FCL.010 tal-Anness I (Parti-FCL) ta’ dak ir-Regolament:”;

(2)

il-punt 13 huwa sostitwit b’dan li ġej:

“13.	“lejl” tfisser is-sigħat bejn it-tmiem tal-għabex ċivili ta’ filgħaxija u l-bidu tas-sebħ ċivili ta’ filgħodu. L-għabex ċivili jintemm filgħaxija meta ċ-ċentru ta’ wiċċ ix-xemx ikun sitt gradi taħt l-orizzont u jibda filgħodu meta ċ-ċentru ta’ wiċċ ix-xemx ikun sitt gradi taħt l-orizzont;”;

(3)

jiżdiedu l-punti 14 sa 19 li ġejjin:

“14.	“test tal-ħiliet” tfisser it-turija tal-ħiliet għall-fini tal-ħruġ ta’ liċenzja jew ta’ klassifikazzjoni, jew għall-estensjoni ta’ privileġġ, inkluż eżamijiet orali kif meħtieġ;

15.	“valutazzjoni tal-kompetenza” tfisser it-turija tal-ħiliet, l-għarfien u l-attitudni għall-ħruġ inizjali, il-validazzjoni mill-ġdid jew it-tiġdid ta’ ċertifikat ta’ għalliem jew ta’ eżaminatur;

16.

“ħin ta’ titjir” tfisser:

(a)	għall-gliders bl-awtoillanċjar u għall-gliders bil-mutur, il-ħin totali minn meta l-inġenju tal-ajru jiċċaqlaq għall-ewwel darba għall-finijiet tat-tlugħ sa meta finalment jieqaf fi tmiem it-titjira;

(b)	għall-gliders, il-ħin totali minn meta l-glider jibda l-ġirja ta’ fuq l-art fil-proċess tat-tlugħ sa meta finalment jieqaf fi tmiem it-titjira;

17.	“kontroll tal-profiċjenza” tfisser it-turija tal-ħiliet għall-fini ta’ konformità mar-rekwiżiti ta’ esperjenza reċenti kif stabbilit f’dan ir-Regolament, inkluż eżamijiet orali kif meħtieġ;

18.	“titjira bi bdot wieħed” tfisser titjira li matulha l-bdot student ikun l-uniku okkupant ta’ inġenju tal-ajru;

19.	“titjira bejn pajjiżi” tfisser titjira barra mil-linja viżwali jew mid-distanza definita mill-awtorità kompetenti mill-kamp tat-tluq bl-użu ta’ proċeduri standard ta’ navigazzjoni.”.

ANNESS II

L-Anness II (Parti-SAO) tar-Regolament (UE) 2018/1976 huwa emendat kif ġej:

(1)	Il-punt SAO.GEN.125 “Ħatra tal-bdot fil-kmand” huwa sostitwit b’dan li ġej: “ Punt SAO.GEN.125 Ħatra tal-bdot fil-kmand L-operatur għandu jaħtar bdot fil-kmand li jkun kwalifikat biex jaġixxi bħala bdot fil-kmand f’konformità mal-Anness III ta’ dan ir-Regolament.”.

ANNESS III

L-Anness III li ġej tar-Regolament (UE) 2018/1976 jiżdied wara l-Anness II:

“Anness III

REKWIŻITI GĦALL-ĦRUĠ TA’ LIĊENZJA GĦALL-EKWIPAĠĠ TAT-TITJIRA TAL-GLIDER

[PARTI-SFCL]

SUBPARTI GEN

REKWIŻITI ĠENERALI

SFCL.001 Kamp ta’ applikazzjoni

Dan l-Anness jistabbilixxi r-rekwiżiti għall-ħruġ ta’ liċenzja tal-bdoti tal-gliders (“SPL”) u ta’ privileġġi, klassifikazzjonijiet u ċertifikati assoċjati u l-kundizzjonijiet għall-validità u l-użu tagħhom.

SFCL.005 Awtorità kompetenti

Għall-finijiet ta’ dan l-Anness, l-awtorità kompetenti għandha tkun awtorità maħtura mill-Istat Membru li lilha jintbagħtu l-applikazzjonijiet għall-ħruġ ta’ SPL jew ta’ privileġġi, klassifikazzjonijiet u ċertifikati assoċjati.

SFCL.015 Applikazzjoni għal SPL u l-ħruġ, il-validazzjoni mill-ġdid u t-tiġdid ta’ SPL kif ukoll ta’ privileġġi, klassifikazzjonijiet u ċertifikati assoċjati

(a)

Dawn li ġejjin għandhom jitressqu lill-awtorità kompetenti b’mod u b’manjiera stabbiliti minn dik l-awtorità kompetenti:

(1)

applikazzjoni:

(i)	għall-ħruġ ta’ SPL u tal-klassifikazzjonijiet assoċjati;

(ii)	għall-estensjoni tal-privileġġi ta’ SPL, ħlief għall-privileġġi speċifikati fil-punti SFCL.115(a)(2) u (a)(3), SFCL.155, SFCL.200 u SFCL.215;

(iii)

għall-ħruġ ta’ ċertifikat għal għalliem tat-titjir tal-gliders (“FI(S)”);

(iv)	għall-ħruġ, il-validazzjoni mill-ġdid u t-tiġdid ta’ ċertifikat għal eżaminatur tat-titjir tal-gliders (“FE(S)”);

(v)	għal kwalunkwe emenda tal-SPL u l-privileġġi, il-klassifikazzjonijiet u ċ-ċertifikati assoċjati, ħlief għall-privileġġi msemmijin fil-punt (ii); u

(2)	jekk rikjest mill-awtorità kompetenti, kopja tal-entrati rilevanti fil-ġurnal ta’ abbord kif speċifikat fil-punti SFCL.115(d), SFCL.155(b), SFCL.200(f) u SFCL.215(d).

(b)	Applikazzjoni kif speċifikat fil-paragrafu (a) għandha tkun akkumpanjata minn evidenza li l-applikant jikkonforma mar-rekwiżiti rilevanti stabbiliti f’dan l-Anness u fl-Anness IV (Parti-MED) tar-Regolament (UE) Nru 1178/2011.

(c)	Kwalunkwe limitu jew estensjoni tal-privileġġi mogħtija b’liċenzja, klassifikazzjoni jew ċertifikat għandhom jiġu approvati fil-liċenzja jew fiċ-ċertifikat mill-awtorità kompetenti, ħlief għall-kisba tal-privileġġi kif speċifikat fil-paragrafu (a)(1)(ii).

(d)	Ebda persuna ma għandu jkollha f’ebda ħin aktar minn SPL waħda maħruġa f’konformità ma’ dan l-Anness.

(e)

Detentur ta’ liċenzja għandu jressaq l-applikazzjonijiet kif speċifikat fil-paragrafu (a) lill-awtorità kompetenti maħtura mill-Istat Membru li fih kwalunkwe waħda mill-liċenzji tiegħu nħarġet f’konformità ma’ dan l-Anness (Parti-SFCL), jew l-Anness I (Parti-FCL) tar-Regolament (UE) Nru 1178/2011 jew l-Anness III (Parti-BFCL) tar-Regolament (UE) 2018/395, skont kif japplika.

(f)	Detentur ta’ SPL jista’ japplika għal bidla tal-awtorità kompetenti lill-awtorità kompetenti maħtura minn Stat Membru ieħor iżda fit-tali każ l-awtorità kompetenti l-ġdida għandha tkun l-istess għal-liċenzji kollha tiegħu.

(g)	L-applikanti għandhom japplikaw għall-ħruġ ta’ SPL u l-klassifikazzjonijiet, il-privileġġi jew ċ-ċertifikati assoċjati mhux aktar tard minn sitt xhur wara li jkunu għaddew mit-test tal-ħiliet jew mil-valutazzjoni tal-kompetenza.

SFCL.030 Test prattiku tal-ħiliet

L-applikanti għal test tal-ħiliet għandhom ikunu rrakkomandati għat-test tal-ħiliet mill-ATO (Organizzazzjoni tat-Taħriġ Approvata) jew mid-DTO (Organizzazzjoni tat-Taħriġ Iddikjarata) li hija responsabbli għat-taħriġ imwettaq mill-applikanti, ladarba jkun tlesta t-taħriġ. L-ATO jew d-DTO għandhom ipoġġu r-rekords tat-taħriġ għad-dispożizzjoni tal-eżaminatur.

SFCL.035 Ikkreditar tal-ħin ta’ titjir

L-applikanti għal SPL jew għal privileġġ, klassifikazzjoni jew ċertifikat assoċjati għandhom ikunu kkreditati bis-sħiħ bil-ħin tat-titjir fil-gliders waħedhom, ma’ bdot ieħor jew bħala PIC (bdot fil-kmand) biex ikunu jistgħu jissodisfaw ir-rekwiżit ta’ ħin totali tat-titjir għal liċenzja, privileġġ, klassifikazzjoni jew ċertifikat.

SFCL.045 L-obbligu tal-ġarr u l-preżentazzjoni tad-dokumenti

(a)

Meta jkunu qed jeżerċitaw il-privileġġi ta’ liċenzja SPL, id-detenturi tal-SPL għandu jkollhom magħhom id-dokumenti kollha li ġejjin:

(1)	SPL valida;

(2)	ċertifikat mediku validu;

(3)	dokument ta’ identifikazzjoni personali li jkun fih ritratt tad-detentur tal-SPL;

(4)	data suffiċjenti tal-ġurnal ta’ abbord biex juru l-konformità mar-rekwiżiti ta’ dan l-Anness.

(b)

Fuq it-titjiriet bejn pajjiżi bi bdot wieħed, il-bdoti studenti għandu jkollhom magħhom:

(1)	id-dokumenti kif speċifikati fil-paragrafi (a)(2) u (a)(3);

(2)	evidenza tal-awtorizzazzjoni rikjesta mill-punt SFCL.125(a).

(c)	Id-detenturi tal-SPL jew il-bdoti studenti għandhom jippreżentaw id-dokumenti kif speċifikat fil-paragrafu (a) mingħajr dewmien bla bżonn, għal spezzjoni fuq talba ta’ rappreżentant awtorizzat tal-awtorità kompetenti.

(d)

B’deroga mill-paragrafi (a) u (b), id-dokumenti speċifikati fihom jistgħu jiġu miżmuma fl-ajrudrom jew fis-sit operatorju għat-titjiriet li jibqgħu:

(1)	fil-vista tal-ajrudrom jew tas-sit operatorju; jew

(2)	f’distanza mill-ajrudrom jew mis-sit operatorju ddeterminata mill-awtorità kompetenti.

SFCL.050 Reġistrazzjoni tal-ħin ta’ titjir

Id-detenturi tal-SPL u l-bdoti studenti għandhom iżommu rekord affidabbli tad-dettalji tat-titjiriet kollha li jkunu saru b’mod u b’manjiera stabbiliti mill-awtorità kompetenti.

SFCL.065 Tnaqqis tal-privileġġi tad-detenturi tal-SPL li jkollhom 70 sena jew aktar fil-ġarr kummerċjali ta’ passiġġieri bil-gliders

Id-detenturi tal-SPL li jkunu għalqu s-70 sena ma għandhomx jaġixxu bħala bdoti ta’ gliders involuti fl-operazzjonijiet tal-ġarr kummerċjali ta’ passiġġieri bil-gliders.

SFCL.070 Limitazzjoni, sospensjoni u revoka ta’ liċenzji, privileġġi, klassifikazzjonijiet u ċertifikati

(a)

SPL kif ukoll il-privileġġi, il-klassifikazzjonijiet u ċ-ċertifikati assoċjati maħruġa f’konformità ma’ dan l-Anness jistgħu jiġu limitati, sospiżi jew revokati mill-awtorità kompetenti f’konformità mal-kundizzjonijiet u l-proċeduri stabbiliti fl-Anness VI (Parti-ARA) tar-Regolament (UE) Nru 1178/2011 jekk detentur ta’ SPL ma jikkonformax mar-rekwiżiti essenzjali stabbiliti fl-Anness IV tar-Regolament (UE) 2018/1139 jew mar-rekwiżiti ta’ dan l-Anness kif ukoll tal-Anness II (Parti-SAO) ta’ dan ir-Regolament jew mal-Anness IV (Parti-MED) tar-Regolament (UE) Nru 1178/2011.

(b)	Id-detenturi tal-SPL għandhom jirritornaw minnufih il-liċenzja jew iċ-ċertifikat lill-awtorità kompetenti jekk il-liċenzja, il-privileġġ, il-klassifikazzjoni jew iċ-ċertifikat tagħhom ikunu ġew limitati, sospiżi jew revokati.

SUBPARTI SPL

LIĊENZJA TAL-BDOTI TAL-GLIDERS (“SPL”)

SFCL.115 SPL — Privileġġi u kundizzjonijiet

(a)

Soġġett għall-konformità mal-punt SFCL.150, il-privileġġi tad-detenturi tal-SPL huma li jaġixxu bħala PIC fil-gliders:

(1)	mingħajr remunerazzjoni fl-operazzjonijiet mhux kummerċjali;

(2)

inkluż il-ġarr ta’ passiġġieri biss jekk:

(i)	jikkonformaw mal-punt SFCL.160(e); u

(ii)

jew:

(A)	wara l-ħruġ tal-SPL ikunu wettqu mill-inqas 10 sigħat ta’ ħin ta’ titjir jew 30 illanċjar jew tlugħ u nżul bħala PIC fuq il-gliders u, barra minn hekk, titjira ta’ taħriġ waħda li matulha d-detenturi għandhom juru lil FI(S) il-kompetenza rikjesta għall-ġarr ta’ passiġġieri; jew

(B)	ikollhom ċertifikat ta’ FI(S) f’konformità mas-Subparti FI;

(3)

f’operazzjonijiet għajr dawk speċifikati fil-paragrafu (1), biss jekk:

(i)	ikunu għalqu t-18-il sena;

(ii)	wara l-ħruġ tal-liċenzja, ikunu wettqu 75 siegħa ta’ ħin ta’ titjir jew 200 illanċjar jew tlugħ u nżul bħala PIC fuq il-gliders.

(b)

B’deroga mill-paragrafu (a), id-detenturi ta’ SPL li jkollhom il-privileġġi ta’ għalliem jew eżaminatur jistgħu jirċievu remunerazzjoni:

(1)	għall-provvista ta’ tagħlim fit-titjir għall-SPL;

(2)	għat-twettiq ta’ testijiet tal-ħiliet u kontrolli tal-profiċjenza għall-SPL;

(3)	għat-taħriġ, għall-ittestjar u għall-ivverifikar tal-privileġġi, tal-klassifikazzjonijiet u taċ-ċertifikati marbuta ma’ SPL.

(c)	Id-detenturi tal-SPL għandhom jeżerċitaw il-privileġġi tal-SPL biss jekk jikkonformaw mar-rekwiżiti applikabbli rigward l-esperjenza reċenti u biss jekk iċ-ċertifikat mediku, li jkun xieraq għall-privileġġi eżerċitati, jkun validu.

(d)	It-twettiq tat-titjira ta’ taħriġ kif speċifikat fil-paragrafu (a)(2)(ii)(A) għandu jiddaħħal fil-ġurnal ta’ abbord tal-bdot u jiffirmah l-għalliem li huwa responsabbli għat-titjira ta’ taħriġ.

SFCL.120 SPL — Età minima

L-applikanti għal SPL għandu jkollhom mill-inqas 16-il sena.

SFCL.125 SPL — Bdot student

(a)	Il-bdoti studenti ma għandhomx itiru waħedhom sakemm ma jkunux awtorizzati li jagħmlu dan u jkunu sorveljati minn FI(S).

(b)	Il-bdoti studenti għandu jkollhom mill-inqas 14-il sena biex jitħallew itiru waħedhom.

SFCL.130 SPL — Rekwiżiti dwar il-kors ta’ taħriġ u dwar l-esperjenza

(a)

L-applikanti għal SPL għandhom ilestu kors ta’ taħriġ f’DTO jew f’ATO. Il-kors għandu jkun adattat għall-privileġġi mitluba u għandu jinkludi:

(1)	għarfien teoretiku kif speċifikat fil-punt SFCL.135;

(2)

mill-inqas 15-il siegħa ta’ tagħlim fit-titjir fil-gliders, inkluż mill-inqas:

(i)	10 sigħat ta’ tagħlim fit-titjir b’żewġ bdoti li għandu jinkludi t-tagħlim fit-titjir b’żewġ bdoti kif speċifikat fil-paragrafi (iv)(A) jew (v)(A), skont kif japplika;

(ii)	sagħtejn ta’ ħin ta’ titjir bi bdot waħdu ssorveljat;

(iii)

45 illanċjar jew tlugħ u nżul;

(iv)

jekk ikunu qed jintalbu l-privileġġi għall-gliders, ħlief il-gliders bil-mutur (TMGs), mill-inqas seba’ sigħat ta’ tagħlim fit-titjir fil-gliders, ħlief it-TMGs, u inkluż mill-inqas:

(A)	tliet sigħat ta’ tagħlim fit-titjir b’żewġ bdoti;

(B)

jew:

(a)	titjira bejn pajjiżi bi bdot wieħed ta’ mill-inqas 50 km (27 NM); jew

(b)	titjira bejn pajjiżi b’żewġ bdoti ta’ mill-inqas 100 km (55 NM) li, b’deroga mill-paragrafu (2)(iv), tista’ titwettaq f’TMG;

(v)

jekk ikunu qed jintalbu l-privileġġi għat-TMGs, mill-inqas sitt sigħat ta’ tagħlim fit-titjir fit-TMGs, inkluż mill-inqas:

(A)	erba’ sigħat ta’ tagħlim fit-titjir b’żewġ bdoti;

(B)	titjira bejn pajjiżi bi bdot wieħed ta’ mill-inqas 150 km (80 NM) f’TMG, li matulha għandu jsir inżul b’waqfien komplut f’ajrudrom li jkun differenti mill-ajrudrom tat-tluq.

(b)

L-applikanti li jkollhom liċenzja ta’ bdot għal kategorija oħra ta’ inġenju tal-ajru, ħlief għal-liċenzja tal-blalen tal-arja, għandhom jiġu kkreditati b’10 % tal-ħin ta’ titjir totali bħala PIC fuq inġenju tal-ajru bħal dan u sa massimu ta’ seba’ sigħat. Fi kwalunkwe każ, l-ammont ta’ kreditu mogħti:

(1)	ma għandux jinkludi r-rekwiżiti tal-paragrafi (a)(2)(ii), (a)(2)(iv)(B) u (a)(2)(v)(B); u

(2)	fir-rigward tal-paragrafu (a)(2)(iii), ma għandux jaqbeż l-10 illanċjar jew tliegħi u nżul.

SFCL.135 SPL — Eżami tal-għarfien teoretiku

(a)

Għarfien teoretiku

L-applikanti għal SPL għandhom juru livell ta’ għarfien teoretiku adattat għall-privileġġi mitluba, permezz ta’ eżamijiet dwar dawn is-suġġetti:

(1)

suġġetti komuni:

(i)	il-liġi tal-ajru;

(ii)	il-prestazzjoni umana;

(iii)

il-meteoroloġija;

(iv)	il-komunikazzjonijiet;

(2)

suġġetti speċifiċi dwar il-gliders:

(i)	il-prinċipji tat-titjir;

(ii)	il-proċeduri operattivi;

(iii)

il-prestazzjoni u l-ippjanar fit-titjir;

(iv)	l-għarfien ġenerali dwar l-inġenji tal-ajru relatat mal-gliders;

(v)	in-navigazzjoni.

(b)

Responsabbiltajiet tal-applikant

(1)	L-applikant għandu jagħmel is-sett kollu ta’ eżamijiet tal-għarfien teoretiku għall-SPL taħt ir-responsabbiltà tal-awtorità kompetenti tal-istess Stat Membru.

(2)	L-applikant għandu jagħmel l-eżami tal-għarfien teoretiku biss meta jkun irrakkomandat mill-ATO jew mid-DTO responsabbli għat-taħriġ tiegħu u ladarba jkun ikkompleta l-elementi xierqa tal-kors ta’ taħriġ tat-tagħlim tal-għarfien teoretiku sa livell sodisfaċenti.

(3)

(c)

Standards biex applikant jitqies li jkun għadda mill-eżami

(1)	Applikant jitqies li jkun għadda minn eżami tal-għarfien teoretiku jekk jikseb mill-inqas 75 % tal-marki allokati f’dik il-karta. Ma għandux jintuża mmarkar b’punteġġ negattiv.

(2)

Sakemm ma jkunx stabbilit mod ieħor f’dan l-Anness, applikant jitqies li jkun wettaq b’suċċess l-eżami tal-għarfien teoretiku rikjest għall-SPL jekk ikun għadda mill-eżamijiet kollha meħtieġa tal-għarfien teoretiku f’perjodu ta’ 18-il xahar li jibdew minn tmiem ix-xahar kalendarju meta l-applikant ikun għamel l-ewwel eżami.

(3)	Jekk applikant ma jgħaddix minn wieħed mill-eżamijiet tal-għarfien teoretiku wara erba’ darbiet, jew ma jgħaddix mill-eżamijiet kollha fil-perjodu msemmi fil-paragrafu (2), għandu jerġa’ jagħmel is-sett kollu tal-eżamijiet tal-għarfien teoretiku.

(4)	Qabel ma jerġa’ jagħmel l-eżamijiet tal-għarfien teoretiku, l-applikant għandu jieħu taħriġ ulterjuri f’ATO jew f’DTO. L-ATO jew id-DTO għandhom jiddeterminaw il-livell u l-ambitu tat-taħriġ meħtieġ, abbażi tal-ħtiġijiet tal-applikant.

(d)	Perjodu tal-validità It-twettiq b’suċċess tal-eżamijiet tal-għarfien teoretiku għandu jkun validu għal perjodu ta’ 24 xahar mill-jum li fih l-applikant ikun wettaq b’suċċess l-eżamijiet tal-għarfien teoretiku, f’konformità mal-paragrafu (c)(2).

SFCL.140 SPL — Ikkreditar tal-għarfien teoretiku

L-applikanti għall-ħruġ ta’ SPL għandhom jiġu kkreditati biex ikunu jistgħu jissodisfaw ir-rekwiżiti tal-għarfien teoretiku għas-suġġetti komuni kif speċifikat fil-punt SFCL.135(a)(1) jekk:

(a)	ikollhom liċenzja f’konformità mal-Anness I (Parti-FCL) tar-Regolament (UE) Nru 1178/2011 jew mal-Anness III (Parti-BFCL) tar-Regolament (UE) 2018/395; jew

(b)	ikunu għaddew mill-eżamijiet tal-għarfien teoretiku għal liċenzja kif speċifikat fil-paragrafu (a), sakemm dan ikun sar fil-perjodu ta’ validità speċifikat fil-punt SFCL.135(d).

SFCL.145 SPL — Test prattiku tal-ħiliet

(a)	Permezz tat-twettiq ta’ test tal-ħiliet, l-applikanti għal SPL għandhom juru l-kapaċità li, bħala PIC fuq glider, iwettqu l-proċeduri u l-manuvri rilevanti bil-kompetenza adattata għall-privileġġi mitluba.

(b)

L-applikanti għandhom iwettqu t-test tal-ħiliet fi glider, ħlief it-TMGs, jew f’TMG, skont il-privileġġi li jkunu qed jintalbu u sakemm il-kors ta’ taħriġ f’konformità mal-punt SFCL.130 kien jinkludi l-elementi ta’ taħriġ meħtieġa għall-inġenju tal-ajru rilevanti. Applikant li jkun wettaq kors ta’ taħriġ, inkluż l-elementi ta’ taħriġ meħtieġa kemm għall-gliders kif ukoll għat-TMGs, jista’ jwettaq żewġ testijiet tal-ħiliet, wieħed fi glider, ħlief t-TMGs, u wieħed f’TMG, sabiex jikseb privileġġi għaż-żewġ inġenji tal-ajru.

(c)	Biex applikant jagħmel it-test tal-ħiliet għall-ħruġ ta’ SPL l-ewwel għandu jgħaddi mill-eżamijiet tal-għarfien teoretiku rikjesti.

(d)

Standards biex applikant jitqies li jkun għadda mill-eżami

(1)	It-test tal-ħiliet għandu jinqasam f’taqsimiet differenti, li jirrappreżentaw il-fażijiet differenti kollha tat-titjira fuq glider.

(2)	Jekk l-applikant jeħel f’xi punt fit-taqsima, jeħel fit-taqsima kollha. Jekk l-applikant jeħel biss fit-taqsima waħda, għandu jirrepeti dik it-taqsima biss. Jekk jeħel f’aktar minn taqsima waħda, l-applikant ikollu jerġa’ jagħmel it-test kollu kemm hu.

(3)	Jekk l-applikant ikun irid jerġa’ jagħmel it-test f’konformità mal-paragrafu (2) u jeħel f’xi taqsima, inkluż dawk it-taqsimiet li jkun għadda minnhom f’tentattiv preċedenti, l-applikant ikollu jerġa’ jagħmel it-test kollu.

(e)	Jekk l-applikant ma jirnexxilux jgħaddi mit-taqsimiet kollha tat-test f’żewġ tentattivi, għandu jirċievi taħriġ prattiku ulterjuri.

SFCL.150 SPL — Privileġġi għall-gliders u għat-TMGs

(a)	Jekk it-test tal-ħiliet kif speċifikat fil-punt SFCL.145 ikun twettaq fi glider, ħlief it-TMGs, il-privileġġi ta’ SPL għandhom ikunu limitati għall-gliders, ħlief it-TMGs.

(b)

Fil-każ speċifikat fil-paragrafu (a), il-privileġġi ta’ SPL għandhom jiġu estiżi għat-TMGs fuq talba jekk bdot ikun:

(1)	wettaq l-elementi ta’ taħriġ speċifikati fil-punt SFCL.130(a)(2)(v) f’ATO jew f’DTO;

(2)

għadda minn test tal-ħiliet biex juri li għandu livell xieraq ta’ ħila prattika f’TMG. Matul it-test tal-ħiliet, l-applikant għandu wkoll juri lill-eżaminatur li għandu livell xieraq ta’ għarfien teoretiku għat-TMGs fis-suġġetti li ġejjin:

(i)	il-prinċipji tat-titjir;

(ii)	il-proċeduri operattivi;

(iii)

il-prestazzjoni u l-ippjanar fit-titjir;

(iv)	l-għarfien ġenerali tal-inġenji tal-ajru; u

(v)	in-navigazzjoni.

(c)

Id-detenturi ta’ liċenzja maħruġa f’konformità mal-Anness I (Parti-FCL) tar-Regolament (UE) Nru 1178/2011 għandhom jirċievu kreditu sħiħ fir-rigward tar-rekwiżiti fil-paragrafu (b) sakemm:

(1)	ikollhom klassifikazzjoni tal-klassi għat-TMGs; jew

(2)	ikollhom privileġġi għat-TMGs u jikkonformaw mar-rekwiżiti rigward l-esperjenza reċenti fil-punt FCL.140.A tal-Anness I (Parti-FCL) tar-Regolament (UE) Nru 1178/2011.

(d)	Jekk it-test tal-ħiliet kif speċifikat fil-punt SFCL.145 ikun twettaq f’TMG, il-privileġġi tal-SPL għandhom ikunu limitati għat-TMGs.

(e)

Fil-każ speċifikat fil-paragrafu (d), il-privileġġi ta’ SPL għandhom jiġu estiżi għall-gliders fuq talba jekk bdot ikun:

(1)	wettaq l-elementi ta’ taħriġ speċifikati fil-punt SFCL.130(a)(2)(iv) f’ATO jew f’DTO u mill-inqas 15-il illanċjar u nżul fi glider, ħlief it-TMGs; u

(2)

għadda minn test tal-ħiliet biex juri li għandu livell xieraq ta’ ħila prattika fi glider, ħlief it-TMGs. Matul it-test tal-ħiliet, il-bdot għandu wkoll juri lill-eżaminatur li għandu livell xieraq ta’ għarfien teoretiku għall-gliders, ħlief it-TMGs, fis-suġġetti li ġejjin:

(i)	il-prinċipji tat-titjir;

(ii)	il-proċeduri operattivi;

(iii)

il-prestazzjoni u l-ippjanar fit-titjir;

(iv)	l-għarfien ġenerali tal-inġenji tal-ajru; u

(v)	in-navigazzjoni.

(f)	It-twettiq tat-taħriġ kif speċifikat fil-paragrafi (b)(1) u (e)(1) għandu jiddaħħal fil-ġurnal ta’ abbord tal-bdot u jiffirmah il-kap tat-taħriġ tal-ATO jew tad-DTO li hija responsabbli għat-taħriġ.

SFCL.155 SPL — Metodi tal-illanċjar

(a)

Id-detenturi ta’ SPL għandhom jeżerċitaw il-privileġġi tagħhom biss billi jużaw dawk il-metodi ta’ illanċjar li għalihom ikunu wettqu taħriġ speċifiku jew matul il-kors ta’ taħriġ f’konformità mal-punt SFCL.130 jew mal-punt SFCL.150(e)(1) jew matul taħriġ addizzjonali fornut minn għalliem wara l-ħruġ tal-SPL. Dan it-taħriġ speċifiku għandu jikkonsisti minn dan li ġej:

(1)	fil-każ tal-illanċjar b’winċ u tal-illanċjar b’vettura, mill-inqas 10 illanċjar fit-tagħlim fit-titjir b’żewġ bdoti, u ħames illanċjar bi bdot wieħed taħt superviżjoni;

(2)	fil-każ tal-illanċjar b’inġenju tal-ajru u tal-awtoillanċjar, mill-inqas ħames illanċjar fit-tagħlim fit-titjir b’żewġ bdoti, u ħames illanċjar bi bdot wieħed taħt superviżjoni. Fil-każ tal-awtoillanċjar, it-tagħlim fit-titjir b’żewġ bdoti jista’ jitwettaq fit-TMGs;

(3)	fil-każ tal-illanċjar bungee, mill-inqas tliet illanċjar imwettqa fit-tagħlim fit-titjir b’żewġ bdoti jew bi bdot wieħed taħt superviżjoni; u

(4)	fil-każ ta’ metodi ta’ llanċjar oħra, taħriġ kif rikjest mill-awtorità kompetenti.

(b)	It-twettiq tat-taħriġ kif speċifikat fil-paragrafu (a) għandu jiddaħħal fil-ġurnal ta’ abbord tal-bdot u jiffirmah il-kap tat-taħriġ tal-ATO jew tad-DTO jew l-għalliem li huwa responsabbli għat-taħriġ, skont kif japplika.

(c)

Sabiex iżommu l-privileġġi għal kull metodu ta’ llanċjar u f’konformità mar-rekwiżiti tal-paragrafi (a) u (b), id-detenturi tal-SPL għandhom iwettqu mill-inqas ħames illanċjar matul l-aħħar sentejn, ħlief għall-illanċjar bungee, li għalih għandhom iwettqu żewġ illanċjar biss. Fil-każ tal-awtoillanċjar, l-illanċjar jista’ jsir bl-awtoillanċjar jew permezz ta’ tlugħ f’TMGs jew kombinament tat-tnejn.

(d)	Jekk id-detenturi tal-SPL ma jikkonformawx mar-rekwiżit fil-paragrafu (c), sabiex iġeddu l-privileġġi tagħhom għandhom iwettqu n-numru addizzjonali ta’ illanċjar b’żewġ bdoti jew bi bdot wieħed taħt is-superviżjoni ta’ għalliem.

SFCL.160 SPL — Rekwiżiti ta’ esperjenza reċenti

(a)

Gliders, ħlief it-TMGs

Id-detenturi tal-SPL għandhom jeżerċitaw il-privileġġi tal-SPL, ħlief it-TMGs, biss jekk fl-aħħar 24 xahar qabel it-titjira ppjanata huma jkunu:

(1)

wettqu, fuq il-gliders, mill-inqas ħames sigħat ta’ ħin ta’ titjir bħala PIC jew b’żewġ bdoti jew bi bdot wieħed taħt is-superviżjoni ta’ FI(S), inkluż, fuq il-gliders, ħlief it-TMGs, mill-inqas:

(i)	15-il illanċjar; u

(ii)	żewġ titjiriet ta’ taħriġ ma’ FI(S); jew

(2)	għaddew minn kontroll tal-profiċjenza ma’ FE(S) fuq glider, ħlief it-TMGs; il-kontroll tal-profiċjenza għandu jkun ibbażat fuq it-test tal-ħiliet għall-SPL.

(b)

TMGs

Id-detenturi tal-SPL għandhom jeżerċitaw il-privileġġi tagħhom tat-TMGs, biss jekk fl-aħħar 24 xahar qabel it-titjira ppjanata huma jkunu:

(1)

wettqu mill-inqas 12-il siegħa ta’ ħin ta’ titjir bħala PIC jew b’żewġ bdoti jew bi bdot wieħed taħt is-superviżjoni ta’ FI(S), inkluż, fuq it-TMGs, mill-inqas:

(i)	sitt sigħat ta’ ħin ta’ titjir;

(ii)	12-il tlugħ u nżul; u

(iii)

titjira ta’ taħriġ b’mill-inqas ħin ta’ titjir totali ta’ siegħa flimkien ma’ għalliem; jew

(2)	għaddew minn kontroll tal-profiċjenza ma’ eżaminatur; il-kontroll tal-profiċjenza għandu jkun ibbażat fuq it-test tal-ħiliet kif speċifikat fil-punt SFCL.150(b)(2).

(c)	Id-detenturi tal-SPL bi privileġġi biex itiru fuq TMGs li jkollhom ukoll liċenzja li tinkludi l-privileġġi biex itiru fuq it-TMGs f’konformità mad-dispożizzjonijiet tal-Anness I (Parti-FCL) tar-Regolament (UE) Nru 1178/2011 għandhom ikunu eżenti milli jikkonformaw mal-paragrafu (b).

(d)

It-twettiq tat-titjiriet b’żewġ bdoti, tat-titjiriet taħt superviżjoni u tat-titjiriet ta’ taħriġ kif speċifikat fil-paragrafi (a)(1) u (b)(1), kif ukoll il-kontrolli tal-profiċjenza kif speċifikat fil-paragrafu (a)(2) u (b)(2) għandhom jiddaħħlu fil-ġurnal ta’ abbord tal-bdot u jiġu ffirmati mill-FI(S) responsabbli fil-każ tal-paragrafi (a)(1) u (b)(1) u mill-FE(S) responsabbli fil-każ tal-paragrafi (a)(2) u (b)(2).

(e)

Ġarr ta’ passiġġieri

Id-detenturi ta’ SPL għandhom iġorru passiġġieri biss jekk fid-90 jum preċedenti jkunu wettqu bħala PIC, mill-inqas:

(1)	tliet illanċjar fil-gliders, ħlief it-TMGs, jekk il-passiġġieri jridu jinġarru fil-gliders, ħlief it-TMGs; jew

(2)	tliet tliegħi u nżul fit-TMGs, jekk il-passiġġieri jridu jinġarru f’TMG. Biex jinġarru passiġġieri billejl f’TMG, mill-inqas wieħed minn dawk it-tlugħ u nżul għandu jitwettaq billejl.

SUBPARTI ADD

KLASSIFIKAZZJONIJIET U PRIVILEĠĠI ADDIZZJONALI

SFCL.200 Privileġġi ajrubatiċi

(a)	Id-detenturi tal-SPL għandhom iwettqu titjiriet ajrubatiċi fil-gliders bi kwalunkwe magna wieqfa, jew, fil-każ tal-paragrafu (d) u (e), bis-saħħa tal-magna, biss jekk ikollhom il-privileġġi ajrubatiċi xierqa f’konformità ma’ dan il-punt.

(b)

Il-privileġġi ajrubatiċi bażiċi:

(1)

jintitolaw lid-detentur tagħhom biex iwettaq titjiriet ajrubatiċi limitati għall-manuvri li ġejjin:

(i)	linji ta’ tlugħ u nżul ta’ 45 grad imwettqa bħala manuvri ajrubatiċi;

(ii)	inside loops;

(iii)

wingover;

(iv)	lazy eight;

(v)	spinnjaturi;

(2)

huma inklużi fil-privileġġi ta’ SPL wara li bdot ikun wettaq:

(i)	wara l-ħruġ tal-SPL, mill-inqas 30 siegħa ta’ ħin ta’ titjir jew 120 illanċjar bħala PIC fuq il-gliders;

(ii)

kors ta’ taħriġ f’ATO jew f’DTO, li jinkludi:

(A)	tagħlim fl-għarfien teoretiku xieraq għall-privileġġi mitluba;

(B)	tagħlim fit-titjir ajrubatiku għall-manuvri speċifikati fil-paragrafu (1).

(c)

Il-privileġġi ajrubatiċi avvanzati:

(1)	jintitolaw id-detentur tagħhom biex iwettaq titjiriet ajrubatiċi mhux limitati għall-manuvri kif speċifikat fil-paragrafu (b)(1);

(2)

huma inklużi fil-privileġġi ta’ SPL wara li bdot ikun:

(i)	ikkonforma mar-rekwiżiti tal-paragrafu (b)(2)(i);

(ii)

wettaq kors ta’ taħriġ f’ATO jew f’DTO, li jinkludi:

(A)	tagħlim fl-għarfien teoretiku xieraq għall-privileġġi mitluba;

(B)	mill-inqas ħames sigħat jew 20 titjira ta’ tagħlim fit-titjir ajrubatiku.

(d)	Il-privileġġi ajrubatiċi bażiċi jew avvanzati għandhom jinkludu t-titjiriet ajrubatiċi fil-gliders bis-saħħa tal-magna, jekk bdot ikun irċieva taħriġ fit-titjir ajrubatiku fil-gliders bis-saħħa tal-magna matul kors ta’ taħriġ f’konformità mal-paragrafi (b)(2)(ii) jew (c)(2)(ii), skont kif japplika.

(e)

Il-privileġġi ta’ SPL għandhom jinkludu privileġġi ajrubatiċi avvanzati għat-TMGs li jtiru bis-saħħa tal-magna jekk bdot ikollu jew kellu klassifikazzjoni ajrubatika wkoll f’konformità mal-punt FCL.800 tal-Anness I (Parti-FCL) tar-Regolament (UE) Nru 1178/2011, inkluż il-privileġġi għat-titjir ajrubatiku fuq it-TMGs.

(f)	It-twettiq tal-kors ta’ taħriġ kif speċifikat fil-paragrafi (b)(2)(ii) u (c)(2)(ii) u, jekk japplika, l-inklużjoni tat-taħriġ speċifikat fil-paragrafu (d), għandu jiddaħħal fil-ġurnal ta’ abbord tal-bdot u jiffirmah il-kap tat-taħriġ tal-ATO jew tad-DTO li hija responsabbli għat-taħriġ.

SFCL.205 Il-klassifikazzjoni tal-irmonk tal-gliders u tal-irmonk tal-istrixxuni

(a)	Id-detenturi tal-SPL li għandhom privileġġi biex itajru t-TMGs għandhom jirmonkaw il-gliders jew l-istrixxuni biss jekk ikollhom klassifikazzjoni xierqa għall-irmonk tal-gliders jew l-irmonk tal-istrixxuni f’konformità ma’ dan il-punt.

(b)

L-applikanti għal klassifikazzjoni tal-irmonk tal-gliders għandhom ikunu wettqu:

(1)	mill-inqas 30 siegħa ta’ ħin ta’ titjir bħala PIC u 60 tlugħ u nżul fit-TMGs, wara li jkunu kisbu l-privileġġi tat-TMG;

(2)

kors ta’ taħriġ f’ATO jew f’DTO, li jinkludi:

(i)	tagħlim fl-għarfien teoretiku dwar l-operazzjonijiet u l-proċeduri tal-irmonk tal-gliders;

(ii)	mill-inqas 10 titjiriet ta’ taħriġ li matulhom jirmonkaw glider, inkluż mill-inqas ħames titjiriet ta’ taħriġ b’żewġ bdoti;

(iii)

fil-każ ta’ detentur ta’ SPL bi privileġġi limitati għat-TMGs f’konformità mal-punt SFCL.150(d), ħames titjiriet ta’ familjarizzazzjoni fi glider li jiġi llanċjat permezz ta’ inġenju tal-ajru.

(c)

L-applikanti għal klassifikazzjoni tal-irmonk tal-istrixxuni għandhom ikunu wettqu:

(1)	mill-inqas 100 siegħa ta’ ħin ta’ titjir u 200 tlugħ u nżul bħala PIC fit-TMGs, wara li jkunu kisbu l-privileġġi tat-TMG;

(2)

kors ta’ taħriġ f’ATO jew f’DTO, li jinkludi:

(i)	tagħlim fl-għarfien teoretiku dwar l-operazzjonijiet u l-proċeduri tal-irmonk tal-istrixxuni;

(ii)	mill-inqas 10 titjiriet ta’ tagħlim li matulhom jirmonkaw strixxun, inkluż mill-inqas ħames titjiriet b’żewġ bdoti.

(d)

L-applikanti għal klassifikazzjoni tal-irmonk tal-gliders jew għal klassifikazzjoni tal-irmonk tal-istrixxuni f’konformità ma’ dan il-punt li diġà għandhom klassifikazzjoni tal-irmonk tal-gliders jew għal klassifikazzjoni tal-irmonk tal-istrixxuni f’konformità mal-punt FCL.805(b) tal-Anness I (Parti-FCL) tar-Regolament (UE) Nru 1178/2011 jew li jkunu ssodisfaw ir-rekwiżiti kollha għall-ħruġ ta’ dik il-klassifikazzjoni, skont kif japplika, għandhom:

(1)

jirċievu kreditu sħiħ fir-rigward tar-rekwiżiti fil-paragrafu (b) jew (c) biex jiksbu l-klassifikazzjoni tal-irmonk tal-gliders jew tal-irmonk tal-istrixxuni, skont kif japplika, jekk il-klassifikazzjoni tal-irmonk rilevanti tagħhom kif speċifikat fil-paragrafu (d) tinkludi l-privileġġi għall-irmonk bit-TMGs; jew

(2)	ikunu wettqu mill-inqas tliet titjiriet ta’ tagħlim b’żewġ bdoti li jkopru s-sillabu kollu tat-taħriġ għall-irmonk tal-gliders jew l-irmonk tal-istrixxuni, skont kif japplika, fit-TMGs.

(e)	It-twettiq tal-kors ta’ taħriġ kif speċifikat fil-paragrafi (b)(2), (c)(2) u (d)(2) għandu jiddaħħal fil-ġurnal ta’ abbord u jiffirmah il-kap tat-taħriġ tal-ATO jew tad-DTO jew l-għalliem li huwa responsabbli għat-taħriġ, skont kif japplika.

(f)	Sabiex jeżerċita l-privileġġi tal-klassifikazzjoni tal-irmonk tal-gliders jew tal-irmonk tal-istrixxuni, id-detentur tal-klassifikazzjoni għandu jwettaq minimu ta’ ħames irmonki matul l-aħħar sentejn.

(g)	Jekk detentur tal-klassifikazzjoni tal-irmonk tal-gliders ma jikkonformax mar-rekwiżit fil-paragrafu (f), qabel ma jerġa’ jeżerċita l-privileġġi tiegħu, huwa għandu jwettaq l-irmonki li jkun għad fadallu jagħmel ma’ għalliem jew taħt is-superviżjoni ta’ għalliem.

SFCL.210 Klassifikazzjoni tat-titjiriet billejl għat-TMGs

(a)	Id-detenturi ta’ SPL bi privileġġi biex itiru t-TMGs għandhom biss jeżerċitaw il-privileġġi tat-TMGs tagħhom f’kundizzjonijiet VFR billejl jekk ikollhom klassifikazzjoni tat-titjiriet billejl għat-TMGs f’konformità ma’ dan il-punt.

(b)

L-applikanti għal klassifikazzjoni tat-titjiriet billejl għat-TMGs l-ewwel għandhom iwettqu kors ta’ taħriġ f’DTO jew f’ATO. Il-kors għandu jinkludi:

(1)	tagħlim fl-għarfien teoretiku fit-titjir f’kundizzjonijiet ta’ regoli tat-titjir viżwali (VFR) billejl;

(2)

mill-inqas ħames sigħat ta’ ħin ta’ titjir fit-TMGs billejl, inkluż mill-inqas tliet sigħat ta’ tagħlim b’żewġ bdoti, inkluż mill-inqas:

(i)	Siegħa navigazzjoni bejn pajjiżi b’mill-inqas titjira waħda bejn pajjiżi ta’ mill-inqas 50 km (27 NM);

(ii)	Ħames tliegħi bi bdot waħdu; u

(iii)

Ħames inżul b’waqfien komplut bi bdot waħdu.

(c)	Sabiex ilesti t-taħriġ billejl, detentur ta’ SPL l-ewwel għandu jwettaq it-taħriġ bażiku tat-titjir bl-istrumenti meħtieġ għall-ħruġ ta’ liċenzja ta’ bdot privat (private pilot licence, PPL) f’konformità mad-dispożizzjonijiet tal-Anness I (Parti-FCL) tar-Regolament (UE) Nru 1178/2011.

(d)

L-applikanti għal klassifikazzjoni tat-titjiriet billejl għat-TMGs f’konformità ma’ dan il-punt għandhom jirċievu kreditu sħiħ fir-rigward tar-rekwiżiti tal-paragrafi (b) u (c) jekk ikollhom tat-titjiriet billejl f’konformità mal-punt FCL.810 tal-Anness I (Parti-FCL) tar-Regolament (UE) Nru 1178/2011, jew jekk ikunu ssodisfaw ir-rekwiżiti kollha għall-ħruġ ta’ dik il-klassifikazzjoni.

SFCL.215 Privileġġi għat-titjir fil-livell tas-sħab bil-gliders

(a)

Id-detenturi tal-SPL għandhom joperaw glider fil-livell tas-sħab biss jekk:

(1)	titwaqqaf kwalunkwe magna; u

(2)	ikollhom privileġġi għat-titjir fil-livell tas-sħab bil-gliders f’konformità ma’ dan il-punt.

(b)

Il-privileġġi ta’ SPL għandhom jinkludu privileġġi għat-titjir fil-livell tas-sħab bil-gliders jekk bdot ikun wettaq mill-inqas:

(1)	30 siegħa bħala PIC fil-gliders wara l-ħruġ tal-liċenzja;

(2)

kors ta’ taħriġ f’ATO jew f’DTO, li jinkludi:

(i)	tagħlim fl-għarfien teoretiku;

(ii)

mill-inqas sagħtejn ta’ tagħlim fit-titjir b’żewġ bdoti fil-gliders bi kwalunkwe magna mwaqqfa, filwaqt li jikkontrolla l-inġenju tal-ajru biss permezz ta’ referenza għall-istrumenti. Madankollu, massimu ta’ 50 % tat-tagħlim fit-titjir b’żewġ bdoti jista’ jitwettaq fit-TMGs li jtiru bis-saħħa tal-magna, sakemm dawn it-titjiriet ta’ taħriġ jitwettqu fil-VMC.

(c)

Sabiex jikseb privileġġi għat-titjir fil-livell tas-sħab bil-gliders, detentur ta’ SPL li jkollu wkoll klassifikazzjoni bażika ta’ titjir bl-istrumenti (basic instrument rating, BIR) jew IR(A) f’konformità mal-Anness I (Parti-FCL) tar-Regolament (UE) Nru 1178/2011 jew li jkun issodisfa r-rekwiżiti kollha għall-ħruġ ta’ waħda minn dawn il-klassifikazzjonijiet, għandu:

(1)	jiġi kkreditat biex jissodisfa r-rekwiżit tal-paragrafu (b)(2)(i);

(2)	b’deroga mill-paragrafu (b)(2)(ii), iwettaq mill-inqas siegħa tagħlim fit-titjir b’żewġ bdoti fi glider, filwaqt li jikkontrollah biss permezz tar-referenza għall-istrumenti.

(d)	It-twettiq tal-kors ta’ taħriġ kif speċifikat fil-paragrafi (b)(2) jew (c)(2), skont kif japplika, għandu jiddaħħal fil-ġurnal ta’ abbord u jiffirmah il-kap tat-taħriġ tal-ATO jew tad-DTO li hija responsabbli għat-taħriġ.

(e)

Id-detenturi tal-SPL għandhom jeżerċitaw il-privileġġi għat-titjir fil-livell tas-sħab bil-gliders biss jekk fl-aħħar sentejn qabel it-titjira ppjanata fil-livell tas-sħab ikunu wettqu mill-inqas siegħa ta’ ħin ta’ titjir, jew ħames titjiriet, bħala PIC filwaqt li jeżerċitaw il-privileġġi għat-titjir fil-livell tas-sħab fil-gliders.

(f)

Jekk id-detenturi tal-SPL bil-privileġġi għat-titjir fil-livell tas-sħab bil-gliders ma jikkonformawx mar-rekwiżiti fil-paragrafu (e) u jixtiequ jerġgħu jeżerċitaw il-privileġġi għat-titjir fil-livell tas-sħab bil-gliders huma għandhom:

(1)	jgħaddu minn kontroll tal-profiċjenza ma’ FE(S); jew

(2)	iwettqu l-ħin ta’ titjir jew it-titjiriet addizzjonali rikjesti fil-paragrafu (e) ma’ FI(S).

(g)	Id-detenturi tal-SPL bil-privileġġi għat-titjir fil-livell tas-sħab bil-gliders li għandhom ukoll BIR jew IR(A) f’konformità mal-Anness I (Parti-FCL) tar-Regolament (UE) Nru 1178/2011 għandhom ikunu kkreditati bis-sħiħ fir-rigward tar-rekwiżiti tal-paragrafu (e).

SUBPARTI FI

GĦALLIEMA TAT-TITJIR

Taqsima 1

Rekwiżiti ġenerali

SFCL.300 Ċertifikat tal-għalliema tat-titjir

(a)

Ġenerali

Għalliem jista’ biss iwettaq it-tagħlim fit-titjir fi glider jekk:

(1)

ikollu:

(i)	SPL inkluż il-privileġġi, il-klassifikazzjonijiet u ċ-ċertifikati li għalihom irid jiġi pprovdut it-tagħlim fit-titjir;

(ii)	ċertifikat ta’ għalliem tat-titjir għall-gliders (FI(S)) adattat għat-tagħlim imwettaq, u maħruġ f’konformità ma’ din is-Subparti;

(2)	ikun intitolat li jaġixxi bħala PIC fil-glider matul it-tagħlim fit-titjir.

(b)

Tagħlim ipprovdut barra mit-territorju tal-Istati Membri

(1)

B’deroga mill-paragrafu (a)(1), fil-każ ta’ tagħlim fit-titjir li jiġi pprovdut matul kors ta’ taħriġ approvat f’konformità ma’ dan l-Anness (Parti-SFCL) barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali, l-awtorità kompetenti għandha toħroġ ċertifikat ta’ għalliem tat-titjir lil applikant li jkollu liċenzja tal-bdoti tal-gliders li hija konformi mal-Anness 1 tal-Konvenzjoni dwar l-Avjazzjoni Ċivili Internazzjonali, dment li l-applikant:

(i)	ikollu mill-inqas liċenzja waħda inkluż, fejn rilevanti, il-privileġġi, il-klassifikazzjonijiet jew iċ-ċertifikati ekwivalenti għal dawk li għalihom huwa awtorizzat li jgħallem;

(ii)	jikkonforma mar-rekwiżiti stabbiliti f’din is-Subparti għall-ħruġ taċ-ċertifikat ta’ FI(S) bil-privileġġi ta’ tagħlim rilevanti;

(iii)

juri lill-awtorità kompetenti livell adegwat ta’ għarfien rigward ir-regoli Ewropej dwar is-sikurezza tal-avjazzjoni biex ikun jista’ jeżerċita l-privileġġi ta’ tagħlim tiegħu f’konformità ma’ dan l-Anness.

(2)

Iċ-ċertifikat għandu jkun limitat għall-provvista ta’ tagħlim fit-titjir:

(i)	barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali;

(ii)	lil bdot student li għandu għarfien biżżejjed tal-lingwa li biha jingħata t-tagħlim fit-titjir.

Taqsima 2

Ċertifikat tal-għalliema tat-titjir għall-gliders — FI(S)

SFCL.315 Ċertifikat ta’ FI(S) — Privileġġi u kundizzjonijiet

(a)

Soġġett għall-konformità tal-applikanti mal-punt SFCL.320 u mal-kundizzjonijiet li ġejjin, ċertifikat ta’ FI(S) għandu jinħareġ bil-privileġġi għat-twettiq ta’ tagħlim fit-titjir ta’:

(1)

SPL;

(2)	privileġġi addizzjonali għall-gliders f’konformità mal-punt SFCL.150(e);

(3)

metodi tal-illanċjar f’konformità mal-punt SFCL.155, sakemm l-applikant ikun wettaq bħala PIC:

(i)	fil-każ tal-illanċjar b’inġenju tal-ajru, mill-inqas 30 illanċjar; jew

(ii)	fil-każ tal-illanċjar b’winċ, mill-inqas 50 illanċjar;

(4)

privileġġi addizzjonali għat-TMGs f’konformità mal-punt SFCL.150(b), sakemm l-applikant ikun:

(i)	wettaq mill-inqas 30 siegħa ta’ ħin ta’ titjir bħala PIC fit-TMGs;

(ii)	wettaq it-taħriġ kif speċifikat fil-punt SFCL.330(b)(2);

(iii)

wera l-abbiltà li jgħallem dwar it-TMGs, lil FI(S) li huwa kkwalifikat f’konformità mal-paragrafu (7) u nnominat mill-kap tat-taħriġ tal-ATO jew tad-DTO;

(5)

privileġġi ajrubatiċi bażiċi, ajrubatiċi avvanzati jew għat-titjir fil-livell tas-sħab bil-gliders jew il-klassifikazzjoni tal-irmonk tal-gliders jew tal-irmonk tal-istrixxuni, sakemm l-applikant:

(i)	fil-każ tat-tagħlim tal-privileġġi ajrubatiċi bażiċi jew ajrubatiċi avvanzati, ikollu privileġġi ajrubatiċi avvanzati f’konformità mal-punt SFCL.200(c);

(ii)	ikun wera l-abbiltà li jgħallem għall-privileġġi jew għall-klassifikazzjoni rilevanti, lil FI(S) li huwa kkwalifikat f’konformità mal-paragrafu (a)(7) u nnominat mill-kap tat-taħriġ ta’ ATO jew DTO;

(6)

titjir fuq TMG billejl, sakemm l-applikant:

(i)	jikkonforma mar-rekwiżit dwar l-esperjenza ta’ titjir billejl fil-punt SFCL.160(e)(2);

(ii)	ikun wera l-abbiltà li jgħallem dwar it-TMGs billejl, lil FI(S) li huwa kkwalifikat f’konformità mal-paragrafu (7) u nnominat mill-kap tat-taħriġ ta’ ATO jew DTO;

(7)

ċertifikat ta’ FI(S), sakemm l-applikant:

(i)	ikun wettaq mill-inqas 50 siegħa jew 150 illanċjar ta’ tagħlim fit-titjir fil-gliders;

(ii)	f’konformità mal-proċeduri stabbiliti għal dak il-għan mill-awtorità kompetenti, ikun wera l-abbiltà li jgħallem għaċ-ċertifikat ta’ FI(S), lil FI(S) li huwa kkwalifikat f’konformità ma’ dan il-paragrafu u nnominat mill-kap tat-taħriġ ta’ ATO jew DTO.

(b)

Il-privileġġi elenkati fil-paragrafu (a) għandhom jinkludu l-privileġġi għat-twettiq ta’ tagħlim fit-titjir:

(1)	għall-ħruġ tal-liċenzja, tal-privileġġi, tal-klassifikazzjonijiet jew taċ-ċertifikat rilevanti; u

(2)	għall-validazzjoni mill-ġdid, għat-tiġdid jew għall-konformità mar-rekwiżiti ta’ esperjenza reċenti rilevanti ta’ dan l-Anness, skont kif japplika.

SFCL.320 Ċertifikat ta’ FI(S) — Prerekwiżiti u rekwiżiti

L-applikanti għal ċertifikat ta’ FI(S) għandhom:

(a)	ikollhom mill-inqas 18-il sena;

(b)	jikkonformaw mar-rekwiżiti tal-punt (a)(1)(i) u tal-paragrafu (2) tal-punt SFCL.300;

(c)	ikunu wettqu 100 siegħa ta’ ħin ta’ titjir u 200 illanċjar bħala PIC fuq il-gliders;

(d)	ikunu wettqu kors ta’ taħriġ għall-għalliema f’konformità mal-punt SFCL.330 f’ATO jew f’DTO; u

(e)	ikunu għaddew minn valutazzjoni tal-kompetenza f’konformità mal-punt SFCL.345.

SFCL.325 FI(S) kompetenzi u valutazzjoni

L-applikanti għal ċertifikat ta’ FI(S) għandhom ikunu mħarrġa biex jiksbu l-kompetenzi li ġejjin:

(a)	iħejju r-riżorsi;

(b)	joħolqu klima li twassal għat-tagħlim;

(c)	jippreżentaw l-għarfien;

(d)	jintegraw il-ġestjoni tat-theddid u l-iżbalji (TEM) u l-ġestjoni tar-riżorsi tal-ekwipaġġ (CRM);

(e)	jimmaniġġjaw il-ħin biex jiksbu l-objettivi tat-taħriġ;

(f)	jiffaċilitaw it-tagħlim;

(g)	jivvalutaw il-prestazzjoni tal-apprendisti;

(h)	jimmonitorjaw u jirrieżaminaw il-progress;

(i)	jevalwaw is-sessjonijiet tat-taħriġ; u

(j)	jirrappurtaw dwar l-eżitu.

SFCL.330 FI(S) — Kors ta’ taħriġ

(a)	L-applikanti għal ċertifikat ta’ FI(S) l-ewwel għandhom jagħmlu valutazzjoni speċifika ta’ qabel id-dħul f’ATO jew f’DTO li għandha ssir fi żmien it-12-il xahar ta’ qabel il-bidu tal-kors ta’ taħriġ, sabiex tiġi vvalutata l-abbiltà tagħhom biex jagħmlu l-kors.

(b)

Il-kors ta’ taħriġ tal-FI(S) għandu jinkludi:

(1)

fuq il-gliders, ħlief it-TMGs:

(i)	l-elementi speċifikati fil-punt SFCL.325;

(ii)	25 siegħa ta’ tagħlim u ta’ apprendiment;

(iii)

30 siegħa ta’ tagħlim ta’ għarfien teoretiku, inkluż testijiet tal-progress;

(iv)	mill-inqas sitt sigħat, li minnhom massimu ta’ tliet sigħat jistgħu jitwettqu f’TMGs, jew 20 illanċjar ta’ tagħlim fit-titjir;

(2)	barra minn hekk, jekk il-privileġġi taċ-ċertifikat ta’ FI(S) jinkludu l-privileġġi kif speċifikat fil-punt SFCL.315(a)(4) u (a)(6), mill-inqas sitt sigħat ta’ tagħlim fit-titjir b’żewġ bdoti fuq it-TMGs.

(c)	L-applikanti li diġà għandhom ċertifikat ta’ għalliem f’konformità mal-Anness III (Parti-BFCL) tar-Regolament (UE) 2018/395 jew mal-Anness I (Parti-FCL) tar-Regolament (UE) Nru 1178/2011 għandhom jiġu kkreditati bis-sħiħ biex ikunu jistgħu jissodisfaw ir-rekwiżit fil-paragrafu (b)(1)(ii).

(d)	Meta japplika għal ċertifikat ta’ FI(S), bdot li jkollu jew li kellu FI(A), (H) jew (As) għandu jiġi kkreditat bi 18-il siegħa fir-rigward tar-rekwiżiti tal-paragrafu (b)(1)(iii).

SFCL.345 FI(S) — Valutazzjoni tal-kompetenza

(a)	L-applikanti għall-ħruġ ta’ ċertifikat ta’ FI(S) għandhom jagħmlu valutazzjoni tal-kompetenza biex juru lil eżaminatur li jkun ikkwalifikat f’konformità mal-punt SFCL.415(c) l-abbiltà tagħhom biex jgħallmu bdot student sal-livell meħtieġ għall-ħruġ ta’ SPL.

(b)

Il-valutazzjoni għandha tinkludi:

(1)	il-wiri tal-kompetenzi deskritti fil-punt SFCL.325, matul it-tagħlim qabel it-titjir, wara t-titjir u tal-għarfien teoretiku;

(2)	eżamijiet teoretiċi orali rigward il-briefings fuq l-art, qabel it-titjir u wara t-titjir u wirjiet waqt it-titjir fil-gliders;

(3)	eżerċizzji adegwati biex jiġu evalwati l-kompetenzi tal-għalliem.

(c)	Il-valutazzjoni tal-kompetenza għall-ħruġ inizjali ta’ ċertifikat ta’ FI(S) għandha titwettaq fuq il-gliders, ħlief it-TMGs.

SFCL.350 FI(S) — Privileġġi ristretti

(a)

FI(S) għandu jkollu l-privileġġi tiegħu limitati għat-twettiq ta’ tagħlim fit-titjir taħt is-superviżjoni ta’ FI(S) mhux ristrett innominat mill-ATO jew mid-DTO għal dan l-iskop, fil-każijiet li ġejjin:

(1)	għall-ħruġ ta’ SPL;

(2)	għall-estensjoni tal-privileġġi ta’ SPL għal privileġġi addizzjonali tal-gliders jew tat-TMGs f’konformità mal-punt SFCL.150;

(3)	għall-estensjoni tal-privileġġi ta’ SPL għal metodi addizzjonali ta’ llanċjar f’konformità mal-punt SFCL.155; u

(4)	għall-privileġġi ajrubatiċi bażiċi, ajrubatiċi avvanzati jew għat-titjir fil-livell tas-sħab bil-gliders jew għall-klassifikazzjoni tal-irmonk tal-gliders jew tal-irmonk tal-istrixxuni.

(b)	Waqt it-twettiq tat-taħriġ taħt superviżjoni, f’konformità mal-paragrafu (a), l-FI(S) ma għandux ikollu l-privileġġ li jawtorizza bdot student iwettaq l-ewwel titjira waħdu jew l-ewwel titjira bejn pajjiżi waħdu.

(c)

Il-limitazzjonijiet fil-punti (a) u (b) għandhom jitneħħew miċ-ċertifikat tal-FI(S) wara li l-FI(S) ikun wettaq mill-inqas 15-il siegħa jew 50 illanċjar ta’ tagħlim fit-titjir li jkopru l-fażijiet kollha ta’ titjira bil-glider. Fil-każ ta’ FI(S) ristrett li kkonforma mal-punt SFCL.330(b)(2), ħamsa minn dawn il-15-il siegħa jistgħu jitwettqu fit-TMGs, u 15 minn dawk il-50 illanċjar jistgħu jiġu sostiwtiti minn tlugħ u nżul fit-TMGs.

SFCL.360 Ċertifikat ta’ FI(S) — Rekwiżiti ta’ esperjenza reċenti

(a)

Detentur ta’ ċertifikat ta’ FI(S) għandu jeżerċita l-privileġġi taċ-ċertifikat tiegħu biss jekk qabel l-eżerċitar ippjanat ta’ dawk il-privileġġi:

(1)

fl-aħħar tliet snin, ikun wettaq:

(i)	taħriġ ta’ aġġornament tal-għalliema f’ATO jew f’DTO, jew f’awtorità kompetenti li matulu d-detentur għandu jirċievi tagħlim fl-għarfien teoretiku biex jirrevedi u jaġġorna l-għarfien rilevanti għall-għalliema tat-titjir fil-gliders; u

(ii)

meta jkun qed jipprovdi tagħlim fit-titjir bħala FI(S), mill-inqas:

(A)	30 siegħa; jew

(B)	60 illanċjar jew tlugħ u nżul; u

(2)	fl-aħħar disa’ snin u f’konformità mal-proċeduri stabbiliti għal dak il-għan mill-awtorità kompetenti, ikun wera l-abbiltà li jgħallem dwar il-gliders, lil FI(S) li huwa kkwalifikat f’konformità mal-punt SFCL.315(a)(7) u nnominat mill-kap tat-taħriġ ta’ ATO jew ta’ DTO.

(b)	Is-sigħat ta’ titjir bħala FE(S) matul it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza għandhom jiġu kkreditati bis-sħiħ biex ikunu jistgħu jissodisfaw ir-rekwiżit tal-paragrafu (a)(1)(ii).

(c)

Jekk detentur ta’ ċertifikat ta’ FI(S) ma jkunx wettaq it-titjira ta’ tagħlim taħt superviżjoni għas-sodisfazzjon tal-FI(S) f’konformita mal-paragrafu (a)(2), ma għandux jeżerċita l-privileġġi taċ-ċertifikat ta’ FI(S) sakemm ma jkunx wettaq valutazzjoni tal-kompetenza f’konformità mal-punt SFCL.345.

(d)	Sabiex jerġa’ jibda jeżerċita l-privileġġi taċ-ċertifikat ta’ FI(S), detentur ta’ ċertifikat ta’ FI(S) li ma jikkonformax mar-rekwiżiti kollha tal-paragrafu (a) għandu jikkonforma mar-rekwiżiti tal-paragrafu (a)(1)(i) u tal-punt SFCL.345.

SUBPARTI FE

EŻAMINATURI TAT-TITJIR

Taqsima 1

Rekwiżiti ġenerali

SFCL.400 Ċertifikati tal-eżaminaturi tat-titjir fil-gliders

(a)

Ġenerali

Eżaminatur għandu biss iwettaq it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza f’konformità ma’ dan l-Anness jekk:

(1)

ikollu:

(i)	SPL, inkluż il-privileġġi, il-klassifikazzjonijiet u ċ-ċertifikati li għalihom huwa awtorizzat li jwettaq it-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza u l-privileġġ li jgħallem għalihom;

(ii)	ċertifikat ta’ FE(S) inkluż il-privileġġi xieraq għat-test tal-ħiliet, għall-kontroll tal-profiċjenza jew għall-valutazzjoni tal-kompetenza mwettqa, maħruġ skont din is-Subparti;

(2)	ikun intitolat li jaġixxi bħala PIC fi glider matul it-test tal-ħiliet, il-kontroll tal-profiċjenza jew il-valutazzjoni tal-kompetenza.

(b)

Eżamijiet imwettqa barra mit-territorju tal-Istati Membri

(1)

B’deroga mill-paragrafu (a)(1), fil-każ ta’ testijiet tal-ħiliet u kontrolli tal-profiċjenza mwettqa barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali, l-awtorità kompetenti għandha toħroġ ċertifikat ta’ eżaminatur lil applikant li għandu liċenzja tal-bdoti tal-gliders li hija konformi mal-Anness 1 tal-Konvenzjoni dwar l-Avjazzjoni Ċivili Internazzjonali, dment li l-applikant:

(i)	ikollu mill-inqas liċenzja waħda inkluż, fejn rilevanti, il-privileġġi, il-klassifikazzjonijiet jew iċ-ċertifikati ekwivalenti għal dawk li għalihom huwa awtorizzat li jwettaq it-testijiet tal-ħiliet jew il-kontrolli tal-profiċjenza;

(ii)	jikkonforma mar-rekwiżiti stabbiliti f’din is-Subparti għall-ħruġ taċ-ċertifikat ta’ eżaminatur rilevanti;

(iii)

juri lill-awtorità kompetenti li għandu livell adegwat ta’ għarfien tar-regoli tal-Unjoni dwar is-sikurezza tal-avjazzjoni biex ikunu jistgħu jeżerċitaw il-privileġġi tal-eżaminatur f’konformità ma’ dan l-Anness.

(2)

Iċ-ċertifikat imsemmi fil-paragrafu (1) għandu jkun limitat għat-twettiq tat-testijiet tal-ħiliet u l-kontrolli tal-profiċjenza:

(i)	barra mit-territorju li jaqa’ taħt ir-responsabbiltà tal-Istati Membri skont il-Konvenzjoni dwar l-Avjazzjoni Ċivili Internazzjonali; u

(ii)	fir-rigward ta’ bdot li jkollu biżżejjed għarfien tal-lingwa li biha jsir it-test/il-kontroll.

SFCL.405 Limitazzjoni tal-privileġġi fil-każ ta’ drittijiet akkwiżiti

Eżaminatur tal-gliders ma għandux iwettaq:

(a)

test tal-ħiliet jew valutazzjoni tal-kompetenza ta’ applikant għall-ħruġ ta’ liċenzja, klassifikazzjoni jew ċertifikat li jkun ipprovdielu aktar minn 50 % tat-tagħlim fit-titjir rikjest għal-liċenzja, għall-klassifikazzjoni jew għaċ-ċertifikat li għalihom ikunu qed isiru t-test tal-ħiliet jew il-valutazzjoni tal-kompetenza; jew

(b)	test tal-ħiliet, kontroll tal-profiċjenza jew valutazzjoni tal-kompetenza kull meta jħossu li l-oġġettività tiegħu tista’ tiġi affettwata.

SFCL.410 Twettiq ta’ testijiet tal-ħiliet, kontrolli tal-profiċjenza u valutazzjonijiet tal-kompetenza

(a)

Meta jwettaq it-testijiet tal-ħiliet, il-kontrolli tal-profiċjenza u l-valutazzjonijiet tal-kompetenza, l-eżaminatur tal-gliders għandu jagħmel dawn kollha li ġejjin:

(1)	jiżgura li tista’ tiġi stabbilita komunikazzjoni mal-applikant mingħajr ostakli lingwistiċi;

(2)

(3)	jgħarraf lill-applikant bil-konsegwenzi li jkun hemm jekk jipprovdi informazzjoni mhux kompluta, mhux preċiża jew falza relatata mat-taħriġ u l-esperjenza tiegħu fit-titjir.

(b)

Wara t-tlestija tat-test tal-ħiliet, tal-kontroll tal-profiċjenza jew tal-valutazzjoni tal-kompetenza, l-eżaminatur tal-gliders għandu:

(1)	jinforma l-applikant bir-riżultati tat-test tal-ħiliet, tal-kontroll tal-profiċjenza jew tal-valutazzjoni tal-kompetenza;

(2)

(3)

(i)	dikjarazzjoni li l-eżaminatur tal-gliders irċieva informazzjoni mingħand l-applikant rigward l-esperjenza u t-tagħlim tiegħu, u sab l-esperjenza u t-tagħlim konformi mar-rekwiżiti applikabbli ta’ dan l-Anness;

(ii)	konferma li l-manuvri u l-eżerċizzji kollha meħtieġa ġew ikkompletati, kif ukoll informazzjoni dwar l-eżami verbali tal-għarfien teoretiku, fejn applikabbli. Jekk applikant ikun weħel minn xi punt ta’ dawk il-kategoriji, l-eżaminatur għandu jniżżel ir-raġunijiet għal din il-valutazzjoni;

(iii)

ir-riżultat tat-test tal-ħiliet, tal-kontroll tal-profiċjenza jew tal-valutazzjoni tal-kompetenza;

(iv)	dikjarazzjoni li l-eżaminatur tal-gliders ikun irrieżamina u applika l-proċeduri u r-rekwiżiti nazzjonali tal-awtorità kompetenti tal-applikant jekk l-awtorità kompetenti responsabbli għal-liċenzja tal-applikant ma tkunx l-istess waħda li tkun ħarġet iċ-ċertifikat tal-eżaminatur;

(v)

kopja taċ-ċertifikat tal-eżaminatur tal-gliders li jindika l-ambitu tal-privileġġi tiegħu bħala eżaminatur tal-gliders fil-każ tat-testijiet tal-ħiliet, il-kontrolli tal-profiċjenza jew il-valutazzjonijiet tal-kompetenza ta’ applikant li l-awtorità kompetenti tiegħu ma tkunx l-istess waħda li tkun ħarġet iċ-ċertifikat tal-eżaminatur.

(c)	L-eżaminatur tal-gliders għandu jżomm ir-rekords għal ħames snin bid-dettalji tat-testijiet tal-ħiliet, il-kontrolli tal-profiċjenza u l-valutazzjonijiet tal-kompetenza kollha mwettqa u r-riżultati tagħhom.

(d)

Fuq talba mill-awtorità kompetenti responsabbli għaċ-ċertifikat tal-eżaminatur tal-gliders, jew l-awtorità kompetenti responsabbli għal-liċenzja tal-applikant, l-eżaminatur tal-gliders għandu jissottometti r-rekords u r-rapporti kollha, u kwalunkwe informazzjoni oħra, kif meħtieġ, għall-attivitajiet ta’ sorveljanza.

Taqsima 2

Ċertifikat tal-eżaminturi tat-titjir għall-gliders — FE(S)

SFCL.415 Ċertifikat ta’ FE(S) — Privileġġi u kundizzjonijiet

Soġġett għall-konformità tal-applikanti mal-punt SFCL.420 u mal-kundizzjonijiet li ġejjin, ċertifikat ta’ FE(S) għandu jinħareġ permezz ta’ applikazzjoni bil-privileġġi għat-twettiq:

(a)	tat-testijiet tal-ħiliet u l-kontrolli tal-profiċjenza għall-SPL, sakemm l-applikant ikun wettaq, fuq il-gliders, ħlief it-TMGs, 300 siegħa ta’ ħin ta’ titjir bħala bdot, inkluż 150 siegħa jew 300 illanċjar ta’ tagħlim fit-titjir;

(b)	tat-testijiet tal-ħiliet għall-estensjoni tal-privileġġi tal-SPL għall-TMGs f’konformità mal-punt SFCL.150(e), sakemml-applikant ikun wettaq 300 siegħa ta’ ħin ta’ titjir fuq il-gliders, inkluż 50 siegħa ta’ tagħlim fit-titjir fit-TGMs;

(c)

tal-valutazzjonijiet tal-kompetenza għall-ħruġ taċ-ċertifikati ta’ FI(S) fuq il-gliders, sakemm l-applikant:

(1)

ikun wettaq mill-inqas 500 siegħa ta’ ħin ta’ titjir bħala bdot fuq il-gliders, inkluż, jekk il-privileġġi taċ-ċertifikat ta’ FE(S) se jkunu eżerċitati:

(i)	fil-gliders, ħlief it-TMGs, mill-inqas 10 sigħat jew 30 illanċjar li matulhom jgħallem lill-applikant għal ċertifikat ta’ FI(S) fil-gliders, ħlief it-TMGs;

(ii)	fit-TMGs, mill-inqas 10 sigħat jew 30 tlugħ u nżul li matulhom jgħallem lill-applikant għal ċertifikat ta’ FI(S) fit-TMGs;

(2)	ikun irċieva taħriġ speċifiku matul kors ta’ standardizzazzjoni tal-eżaminaturi f’konformità mal-punt SFCL.430.

SFCL.420 Ċertifikat ta’ FE(S) — Prerekwiżiti u rekwiżiti

L-applikanti għal ċertifikat ta’ FI(S) għandhom:

(a)	jikkonformaw mar-rekwiżiti tal-paragrafu (a)(1)(i) u tal-paragrafu (a)(2) tal-punt SFCL.400;

(b)	ikunu wettqu l-kors ta’ standardizzazzjoni tal-FE(S) f’konformità mal-punt SFCL.430;

(c)	ikunu wettqu valutazzjoni tal-kompetenza f’konformità mal-punt SFCL.445;

(d)	juru sfond rilevanti relatat mal-privileġġi taċ-ċertifikat ta’ FE(S); u

(e)

juru li ma kinux soġġett għal xi sanzjonijiet, inkluż is-sospensjoni, il-limitazzjoni jew ir-revoka ta’ xi waħda mil-liċenzji, mill-klassifikazzjonijiet jew miċ-ċertifikati tagħhom maħruġa f’konformità ma’ dan l-Anness, mal-Anness I (Parti-FCL) tar-Regolament (UE) Nru 1178/2011, jew mal-Anness III (Parti-BFCL) tar-Regolament 2018/395, għan-nuqqas ta’ konformità mar-Regolament (UE) 2018/1139 u l-atti delegati u ta’ implimentazzjoni tiegħu matul l-aħħar tliet snin.

SFCL.430 Ċertifikat ta’ FE(S) — Kors ta’ standardizzazzjoni

(a)	L-applikanti għal ċertifikat ta’ FE(S) għandhom jagħmlu kors ta’ standardizzazzjoni pprovdut mill-awtorità kompetenti jew minn ATO jew DTO u approvat minn dik l-awtorità kompetenti.

(b)

Il-kors ta’ standardizzazzjoni għandu jkun adattat għall-privileġġi mitluba mill-eżaminatur tat-titjir fil-gliders u għandu jikkonsisti f’tagħlim teoretiku u prattiku, inkluż, mill-inqas:

(1)	it-twettiq ta’ żewġ testijiet tal-ħiliet, kontrolli tal-profiċjenza jew valutazzjonijiet tal-kompetenza għall-SPL jew għall-klassifikazzjonijiet jew għaċ-ċertifikati assoċjati;

(2)	tagħlim fuq ir-rekwiżiti applikabbli ta’ dan l-Anness u r-rekwiżiti applikabbli tal-operazzjonijiet tal-ajru, it-twettiq ta’ testijiet tal-ħiliet, kontrolli tal-profiċjenza u valutazzjonijiet tal-kompetenza, u d-dokumentazzjoni u r-rappurtar tagħhom;

(3)

briefing fuq dawn li ġejjin:

(i)	il-proċeduri amministrattivi nazzjonali;

(ii)	ir-rekwiżiti għall-protezzjoni tad-data personali;

(iii)

ir-responsabbiltà tal-eżaminatur;

(iv)	l-assigurazzjoni għall-aċċidenti tal-eżaminatur;

(v)	it-tariffi nazzjonali; u

(vi)

(c)

Detentur ta’ ċertifikat ta’ FE(S) ma għandux iwettaq testijiet tal-ħiliet, kontrolli tal-profiċjenza jew valutazzjonijiet tal-kompetenza ta’ applikant li l-awtorità kompetenti tiegħu ma tkunx dik li tkun ħarġet iċ-ċertifikat tal-eżaminatur, sakemm ma jkunx irrieżamina l-aħħar informazzjoni disponibbli li jkun fiha l-proċeduri nazzjonali rilevanti tal-awtorità kompetenti tal-applikant.

SFCL.445 Ċertifikat ta’ FE(S) — Valutazzjoni tal-kompetenza

Għall-ewwel ħruġ ta’ ċertifikat ta’ FE(S), applikant għandu juri l-kompetenza tiegħu bħala FE(S) lil spettur mill-awtorità kompetenti jew lil eżaminatur superjuri speċifikament awtorizzat biex jagħmel dan mill-awtorità kompetenti li hija responsabbli għaċ-ċertifikat tal-FE(S). Matul il-valutazzjoni tal-kompetenza, l-applikant għandu jwettaq test tal-ħiliet, kontroll tal-profiċjenza jew valutazzjoni tal-kompetenza, inkluż il-briefing, it-twettiq tat-test tal-ħiliet, tal-kontroll tal-profiċjenza jew tal-valutazzjoni tal-kompetenza, u l-valutazzjoni tal-persuna li għaliha qed isir it-test, il-kontroll jew il-valutazzjoni, id-debriefing u d-dokumentazzjoni dwar ir-reġistrazzjoni.

SFCL.460 Ċertifikat ta’ FE(S) — Validità, validazzjoni mill-ġdid u tiġdid

(a)	Ċertifikat ta’ FE(S) għandu jkun validu għal ħames snin.

(b)

Ċertifikat ta’ FE(S) għandu jerġa’ jiġi vvalidat jekk id-detentur tiegħu:

(1)

matul il-perjodu ta’ validità taċ-ċertifikat ta’ FE(S), ikun wettaq kors ta’ aġġornament għall-eżaminaturi li huwa pprovdut mill-awtorità kompetenti jew minn ATO jew DTO u approvat minn dik l-awtorità kompetenti, li matulu d-detentur għandu jirċievi tagħlim fl-għarfien teoretiku għar-reviżjoni u l-aġġornament tal-għarfien għall-eżaminaturi tal-gliders;

(2)

fl-aħħar 24 xahar ta’ qabel it-tmiem tal-perjodu ta’ validità taċ-ċertifikat, ikun wera l-abbiltà li jwettaq testijiet tal-ħiliet, kontrolli tal-profiċjenza jew valutazzjonijiet tal-kompetenza, lil spettur mill-awtorità kompetenti jew lil eżaminatur speċifikament awtorizzat li jagħmel dan mill-awtorità kompetenti li hija responsabbli għaċ-ċertifikat tal-FE(S).

(c)

Detentur ta’ ċertifikat ta’ FE(S) li jkollu wkoll ċertifikat tal-eżaminaturi wieħed jew aktar minn wieħed għal kategoriji oħra tal-inġenji tal-ajru f’konformità mal-Anness I (Parti-FCL) tar-Regolament (UE) Nru 1178/2011 jew mal-Anness III (Parti-BFCL) tar-Regolament (UE) 2018/395 jista’ jikseb validazzjoni mill-ġdid ikkombinata taċ-ċertifikati kollha tal-eżaminaturi li jkollu, bi ftehim mal-awtorità kompetenti.

(d)	Jekk ċertifikat ta’ FE(S) ikun skada, id-detentur għandu jikkonforma mar-rekwiżiti tal-paragrafu (b)(1) u tal-punt SFCL.445 qabel ma jkun jista’ jerġa’ jibda jeżerċita l-privileġġi taċ-ċertifikat ta’ FE(S).

(e)	Ċertifikat ta’ FE(S) għandu biss jerġa’ jiġi vvalidat jew imġedded jekk l-applikant juri konformità kontinwa mar-rekwiżiti tal-punt SFCL.410 kif ukoll mar-rekwiżiti tal-punt SFCL.420(d) u (e).

”.

5.3.2020

Il-Ġurnal Uffiċjali tal-Unjoni Ewropea

L 67/82

REGOLAMENT TA’ IMPLIMENTAZZJONI TAL-KUMMISSJONI (UE) 2020/359

tal-4 ta’ Marzu 2020

li jemenda r-Regolament (UE) Nru 1178/2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Ir-Regolament tal-Kummissjoni (UE) Nru 1178/2011 (2) jistabbilixxi r-rekwiżiti għall-bdoti involuti fl-operat ta’ inġenju tal-ajru kif speċifikat fil-punti (b)(i) u (ii) tal-Artikolu 2(1) tar-Regolament (UE) 2018/1139.

(2)

Fid-dawl tan-natura speċifika tal-liċenzjar tal-ekwipaġġ tat-titjir għall-blalen tal-arja u l-gliders, jenħtieġ li rekwiżiti speċifiċi ta’ liċenzjar jiġu stabbiliti f’regolamenti separati, speċifikament fir-Regolament tal-Kummissjoni (UE) 2018/395 (3) u fir-Regolament ta’ Implimentazzjoni tal-Kummissjoni (UE) 2018/1976 (4).

(3)

Fl-istess waqt, ir-rekwiżiti ta’ liċenzjar għal-liċenzji tal-bdoti tal-blalen tal-arja u tal-gliders stabbiliti fl-Anness I (Parti-FCL) tar-Regolament (UE) Nru 1178/2011 jenħtieġ li jitħassru, u ċerti rekwiżiti tal-Anness I (Parti-FCL) li jindirizzaw kwistjonijiet li jolqtu diversi oqsma, fosthom dispożizzjonijiet dwar l-ikkreditar bejn liċenzji tal-bdoti tal-blalen tal-arja jew tal-gliders u bejn liċenzji għal kategoriji oħra ta’ inġenji tal-ajru, jenħtieġ li jkunu rieżaminati fid-dawl tar-rekwiżiti ta’ liċenzjar il-ġodda għall-bdoti tal-blalen tal-arja u tal-gliders.

(4)	Ir-rekwiżiti tal-Anness IV (Parti-MED), tal-Anness VI (Parti-ARA), tal-Anness VII (Parti-ORA) u tal-Anness VIII (Parti-DTO) tar-Regolament (UE) Nru 1178/2011 jenħtieġ li jibqgħu japplikaw għal-liċenzjar tal-ekwipaġġ tat-titjir tal-blalen tal-arja u tal-gliders.

(5)

Sabiex tkompli tittejjeb is-sikurezza tal-avjazzjoni, il-bdoti involuti f’attivitajiet ta’ sport tal-ajru u titjir ta’ rikreazzjoni jenħtieġ li jitħeġġew jiksbu l-privileġġi meħtieġa biex itiru skont ir-regoli tat-titjir bl-istrumenti (“IFR”). Għaldaqstant, ir-regoli eżistenti dwar il-privileġġi tal-IFR jenħtieġ li jiġu adattati billi tiddaħħal il-kwalifika bażika tat-titjir bl-istrumenti (“BIR”) fl-Anness I (Parti-FCL) tar-Regolament (UE) Nru 1178/2011. Jenħtieġ li l-BIR tkun imfassla speċifikament skont il-bżonnijiet tal-bdoti involuti f’attivitajiet ta’ sport tal-ajru u titjir ta’ rikreazzjoni, fir-rigward tal-kontenut tat-taħriġ u l-firxa tal-privileġġi tagħhom.

(6)

Bl-introduzzjoni tal-BIR, il-kwalifika tat-titjir bl-istrumenti waqt ir-rotta (“EIR”) fil-punt FCL.825 tal-Anness I (Parti-FCL) tar-Reoglament (UE) Nru 1178/2011 issir superfluwa, u għalhekk jenħtieġ li titħassar. Madankollu, id-detenturi eżistenti ta’ EIR jenħtieġ li jkunu intitolati li jkomplu jeżerċitaw il-privileġġi tagħhom, u jenħtieġ li jirċievu krediti mill-EIR tagħhom meta jfittxu li jiksbu BIR. Jenħtieġ li jkun possibbli wkoll li wieħed ikompli b’taħriġ kontinwu għal EIR li jkun beda qabel l-applikazzjoni ta’ dan ir-Regolament, u li jlestih bħala taħriġ għal BIR.

(7)

Jenħtieġ li jsir aġġornament tekniku tar-Regolament (UE) Nru 1178/2011 abbażi tat-tagħlimiet meħuda partikolarment fil-qasam tan-Navigazzjoni bbażata fuq il-prestazzjoni (PBN), fit-taħriġ għall-prevenzjoni ta’ instabbiltà u għall-irkuprar tal-pożizzjonament tal-inġenju tal-ajru (UPRT), u fil-kwalifiki tal-għalliema u tal-eżaminaturi.

(8)	Il-miżuri previsti f’dan ir-Regolament huma bbażati fuq l-Opinjoni Nru 01/2019 (5) tal-Aġenzija tas-Sikurezza tal-Avjazzjoni tal-Unjoni Ewropea skont il-punt (b) tal-Artikolu 75(2) u l-Artikolu 76(1) tar-Regolament (UE) 2018/1139.

(9)	Il-miżuri previsti f’dan ir-Regolament huma skont l-opinjoni tal-kumitat stabbilit bl-Artikolu 127 tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Ir-Regolament (UE) Nru 1178/2011 huwa emendat kif ġej:

(1)

L-Artikolu 1 huwa sostitwit b’dan li ġej:

“Artikolu 1

Suġġett

1. Dan ir-Regolament jistabbilixxi regoli dettaljati għal:

(a)

kwalifiki differenti għal-liċenzji tal-bdoti; il-kundizzjonijiet għall-ħruġ, iż-żamma, l-emendar, il-limitazzjoni, is-sospensjoni jew ir-revoka tal-liċenzji tal-bdoti; il-privileġġi u r-responsabbiltajiet tad-detenturi tal-liċenzji tal-bdoti; kif ukoll il-kundizzjonijiet għall-konverżjoni tal-liċenzji nazzjonali tal-bdoti eżistenti u tal-liċenzji nazzjonali tal-inġiniera tat-titjira f’liċenzji tal-bdoti;

(b)	iċ-ċertifikazzjoni ta’ persuni responsabbli biex jipprovdu taħriġ fit-titjir jew taħriġ fis-simulazzjoni tat-titjir, u biex jivvalutaw il-ħiliet tal-bdoti;

(c)

ċertifikati mediċi differenti għall-bdoti; il-kundizzjonijiet għall-ħruġ, iż-żamma, l-emendar, il-limitazzjoni, is-sospensjoni jew ir-revoka taċ-ċertifikati mediċi; il-privileġġi u r-responsabbiltajiet tad-detenturi ta’ ċertifikati mediċi kif ukoll il-kundizzjonijiet għall-konverżjoni ta’ ċertifikati mediċi nazzjonali f’ċertifikati mediċi rikonoxxuti b’mod reċiproku;

(d)	iċ-ċertifikazzjoni ta’ eżaminaturi ajrumediċi, kif ukoll il-kundizzjonijiet li fihom prattikanti mediċi ġeneralisti jistgħu jaġixxu bħala eżaminaturi ajrumediċi;

(e)	il-valutazzjoni ajrumedika perjodika tal-membri tal-ekwipaġġ tal-kabina, kif ukoll il-kwalifiki tal-persuni responsabbli minn din il-valutazzjoni;

(f)	il-kundizzjonijiet għall-ħruġ, iż-żamma, l-emendar, il-limitazzjoni, is-sospensjoni jew ir-revoka tal-attestazzjonijiet tal-ekwipaġġ tal-kabina, kif ukoll il-privileġġi u r-responsabbiltajiet tad-detenturi tal-attestazzjonijiet tal-ekwipaġġ tal-kabina;

(g)	il-kundizzjonijiet għall-ħruġ, iż-żamma, l-emendar, il-limitazzjoni, is-sospensjoni jew ir-revoka taċ-ċertifikati tal-organizzazzjonijiet tat-taħriġ tal-bdoti, u taċ-ċentri ajrumediċi involuti fl-ikkwalifikar u fil-valutazzjoni ajrumedika tal-ekwipaġġ tal-ajru tal-avjazzjoni ċivili;

(h)	ir-rekwiżiti għaċ-ċertifikazzjoni tal-apparat ta’ taħriġ ta’ simulazzjoni tat-titjir, u għall-organizzazzjonijiet li joperaw u li jużaw dak l-apparat;

(i)	ir-rekwiżiti għall-amministrazzjoni u s-sistema tal-ġestjoni li għandhom jintlaħqu mill-Istati Membri, mill-Aġenzija tas-Sikurezza tal-Avjazzjoni tal-Unjoni Ewropea (‘EASA’), u mill-organizzazzjonijiet b’rabta mar-regoli msemmija fil-punti (a) sa (h).

2. L-Artikoli 11b u 11c ta’ dan ir-Regolament, kif ukoll l-Anness IV (Parti-MED), l-Anness VI (Parti-ARA), l-Anness VII (Parti-ORA) u l-Anness VIII (Parti-DTO) ta’ dan ir-Regolament, għandhom japplikaw għal-liċenzji tal-bdoti tal-blalen tal-arja u tal-gliders.”

(2)

fl-Artikolu 2, il-paragrafu 19 huwa sostitwit b’dan li ġej:

“(19)

‘għalliem tat-titjir (FI)’ tfisser għalliem bil-privileġġi li jipprovdi taħriġ f’inġenju tal-ajru, skont is-Subparti J tal-Anness I (il-Parti-FCL) ta’ dan ir-Regolament, is-Subparti FI tal-Anness III (Parti-BFCL) tar-Regolament (UE) 2018/395 (*1), jew is-Subparti FI tal-Anness III (Parti-SFCL) tar-Regolament ta’ Implimentazzjoni (UE) 2018/1976 (*2);

(*1) Ir-Regolament tal-Kummissjoni (UE) 2018/395 tat-13 ta’ Marzu 2018 li jistabbilixxi regoli dettaljati għall-operat tal-blalen tal-arja skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 71, 14.3.2018, p. 10)."

(*2) Ir-Regolament ta’ Implimentazzjoni tal-Kummissjoni (UE) 2018/1976 tal-14 ta’ Diċembru 2018 li jistabbilixxi regoli dettaljati għall-operat tal-gliders skont ir-Regolament (UE) 2018/1139 tal-Parlament Ewropew u tal-Kunsill (ĠU L 326, 20.12.2018, p. 64).”;"

(3)	Fl-Artikolu 4, il-paragrafu (8), “Sat-8 ta’ April 2021” huwa sostitwit bi “Sat-8 ta’ Settembru 2021”.

(4)

jiddaħħal l-Artikolu 4c li ġej:

“Artikolu 4c

Miżura tranżizzjonali għad-detenturi ta’ kwalifika tat-titjir bl-istrumenti waqt ir-rotta

1. Sat-8 ta’ Settembru 2022 inkluż, id-detenturi ta’ kwalifika tat-titjir bl-istrumenti waqt ir-rotta (‘EIR’) kif stipulat fil-punt FCL.825 tal-Anness I (Parti-FCL) għandhom:

(a)	ikunu intitolati li jkomplu jeżerċitaw il-privileġġi tal-EIR tagħhom;

(b)	jirċievu rivalidazzjoni jew tiġdid tal-EIR tagħhom, skont il-punt FCL.825(g) tar-Regolament Delegat tal-Kummissjoni (UE) (*3);

(c)	ikunu intitolati li jirċievu kreditu sħiħ lejn ir-rekwiżiti tat-taħriġ fil-punt FCL.835(c)(2)(i) u (ii) tal-Anness I (Parti-FCL), meta japplikaw għall-ħruġ ta’ kwalifika bażika tat-titjir bl-istrumenti (BIR) skont il-punt FCL.835 tal-Anness I (Parti-FCL); u

(d)	jirċievu kreditu sħiħ kif stabbilit għad-detenturi ta’ EIR fl-Anness I (Parti-FCL).

2. Mit-8 ta’ Settembru 2021 ’il quddiem, il-korsijiet ta’ taħriġ għal EIR kif imsemmi fil-paragrafu 1 li jkunu bdew qabel dik id-data jistgħu jitkomplew, u għandhom jitqiesu bħala korsijiet ta’ taħriġ għal BIR. Abbażi ta’ valutazzjoni tal-applikant, l-organizzazzjoni tat-taħriġ approvata responsabbli għall-kors ta’ taħriġ għal BIR għandha tiddetermina l-ammont ta’ taħriġ għal EIR li jrid jiġi kkreditat lejn il-ħruġ tal-BIR.

3. L-applikanti għal BIR li huma detenturi ta’ EIR jew li jkunu għaddew mill-eżami tal-għarfien teoriku għal EIR skont il-punt FCL.825(d) qabel it-8 ta’ Settembru 2021 għandhom jirċievu kreditu sħiħ lejn ir-rekwiżiti għall-istruzzjoni tal-għarfien teoriku u l-eżami għall-BIR.”;

(*3) Ir-Regolament Delegat tal-Kummissjoni (UE) tal-4 ta’ Marzu 2020 (Għadu mhux ippubblikat fil-Ġurnal Uffiċjali)."

(5)

L-Artikolu 11c huwa sostitwit b’dan li ġej:

“Artikolu 11c

Miżuri tranżizzjonali

L-Istati Membri għandhom:

(a)

jittrasferixxu lill-EASA, sa mhux aktar tard mit-8 ta’ April 2021, ir-rekords kollha marbutin mas-sorveljanza tal-organizzazzjonijiet li jipprovdu taħriġ għal-liċenzji tal-bdoti skont ir-Regolament (UE) 2018/395 u r-Regolament ta’ Implimentazzjoni (UE) 2018/1976, u li għalihom l-EASA hija l-awtorità kompetenti skont l-Artikolu 78 tar-Regolament (UE) 2018/1139 tal-Parlament Ewropew u tal-Kunsill (*4);

(b)	jikkonkludu, b’koordinazzjoni mal-EASA, il-proċessi ta’ ċertifikazzjoni mibdija qabel it-8 ta’ April 2020, u joħorġu ċ-ċertifikat; wara dan, l-EASA terfa’ r-responsabbiltajiet kollha tagħha bħala awtorità kompetenti għal dawk l-organizzazzjonijiet iċċertifikati.

(*4) Ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, p. 1).”;"

(6)	fl-Artikolu 12, il-punt (2a) jitħassar;

(7)	fl-Artikolu 12(4), “sal-20 ta’ Ġunju 2020” huwa sostitwit bi “sal-20 ta’ Ġunju 2021”;

(8)	l-Anness I (Parti-FCL) huwa emendat skont l-Anness I ta’ dan ir-Regolament;

(9)	l-Anness IV (Parti-MED) huwa emendat skont l-Anness II ta’ dan ir-Regolament;

(10)	l-Anness VI (Parti-ARA) huwa emendat skont fl-Anness III ta’ dan ir-Regolament;

(11)	l-Anness VII (Parti-ORA) huwa emendat skont l-Anness IV ta’ dan ir-Regolament;

(12)	l-Anness VIII (Parti-DTO) huwa emendat skont l-Anness V ta’ dan ir-Regolament.

Artikolu 2

1. Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2. Dan ir-Regolament għandu japplika mit-8 ta’ April 2020.

3. B’deroga mill-paragrafu 2, id-dispożizzjonijiet li ġejjin għandhom japplikaw mit-8 ta’ Settembru 2021:

(a)	il-punti (1)(e), (4)(b), (5) sa (7), (32), (34), (36)(d), (40)(a), (41); (42), (44), (46) sa (48), (52)(f), (53)(a) sa (53)(c) (53)(e), (53)(f), (54), (55), (56)(a) sa (56)(c) u (57) tal-Anness I;

(b)	il-punt (b) tal-Anness II;

(c)	il-punt (10)(d)(ii) tal-Anness III.

4. B’deroga mill-paragrafu 2, l-Artikolu 1, il-punt (7) u l-punti (49), (53)(d), (58)(b), (58)(d) u (58)(e) tal-Anness I għandhom japplikaw minn dakinhar tad-dħul fis-seħħ ta’ dan ir-Regolament.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta’ Marzu 2020.

Għall-Kummissjoni

Il-President

Ursula VON DER LEYEN

(1) ĠU L 212, 22.8.2018, p. 1.

(3) Ir-Regolament tal-Kummissjoni (UE) 2018/395 tat-13 ta’ Marzu 2018 li jistabbilixxi regoli dettaljati għall-operat tal-blalen tal-arja skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 71, 14.3.2018, p. 10).

(4) Ir-Regolament ta’ Implimentazzjoni tal-Kummissjoni (UE) 2018/1976 tal-14 ta’ Diċembru 2018 li jistabbilixxi regoli dettaljati għall-operat tal-gliders skont ir-Regolament (UE) 2018/1139 tal-Parlament Ewropew u tal-Kunsill (ĠU L 326, 20.12.2018, p. 64).

(5) Easier access for GA pilots to IFR flying & Revision of the balloon and sailplane licensing requirements (Opinjoni Nru 01/2019 (A) & (B), 19.2.2019), disponibbli fuq: https://www.easa.europa.eu/document-library/opinions

ANNESS I

L-Anness I (Parti-FCL) tar-Regolament tal-Kummissjoni (UE) Nru 1178/2011 huwa emendat kif ġej:

(1)

Il-punt FCL.010 huwa emendat kif ġej:

(a)	id-definizzjoni ta’ “airship” hija sostitwita b’dan li ġej: “ ‘Airship’ tfisser inġenju tal-ajru bil-magna li huwa eħfef mill-arja, bl-eċċezzjoni ta’ airships li jaħdmu b’arja sħuna, li huma kkunsidrati bħala blalen tal-arja skont l-Artikolu 2(7) tar-Regolament tal-Kummissjoni (UE) 2018/395.”;

(b)

id-definizzjoni ta’ “ħin ta’ titjir” hija sostitwita b’dan li ġej:

“ ‘Ħin ta’ titjir’:

għal ajruplani, touring motor gliders u inġenji tal-ajru powered-lift, tfisser il-ħin totali mill-mument meta inġenju tal-ajru jibda jiċċaqlaq sabiex jinqata’ mill-art sal-mument meta finalment jieqaf fi tmiem it-titjira;

għal ħelikopters, tfisser il-ħin totali minn meta l-iskrejjen tal-ħelikopter jibdew iduru sakemm il-ħelikopter finalment jieqaf fi tmiem it-titjira, u jitwaqqfu l-iskrejjen;

għal airships, tfisser il-ħin totali minn meta l-airship jinħall minn mal-arblu biex jinqata’ mill-art sa meta l-airship finalment jieqaf fi tmiem it-titjira, u jintrabat mal-arblu.”;

(c)	id-definizzjoni ta’ “glider bil-mutur” hija sostitwita b’dan li ġej: “ ‘Glider bil-mutur’ tfisser glider mgħammar b’magna waħda jew aktar li, meta l-magni ma jkunux qed jaħdmu, ikollu l-karatteristiċi ta’ glider.”;

(d)

id-definizzjoni ta’ “touring motor glider” hija sostitwita b’dan li ġej:

“ ‘Touring motor glider (TMG)’ tfisser, sakemm ma jkunx speċifikat mod ieħor wara l-proċess ta’ ċertifikazzjoni skont l-Anness I (il-Parti 21) tar-Regolament (UE) Nru 748/2012, klassi speċifika ta’ gliders bil-mutur li jkollhom magna mgħammra b’mod integrali li ma tistax titreġġa’ lura u skrun li ma jistax jitreġġa’ lura. Għandu jkun kapaċi jagħmel tlugħ mill-art u fl-ajru bil-qawwa tal-magna tiegħu skont il-manwal tat-titjir tiegħu.”;

(e)

jiddaħħlu d-definizzjonijiet li ġejjin:

(i)	““Titjira IFR tul ir-rotta’ tfisser il-fażi ta’ titjira IFR li tibda wara t-tlestija tal-proċedura tat-tluq IFR u tintemm meta tibda l-proċedura tal-avviċinament IFR.”; u

(ii)	“Titjira bi strumenti tal-panew limitat” tfisser interpretazzjoni tal-attitudni b’referenza għall-interpretazzjoni tal-istrumenti fil-modalità stennija wara t-telf tal-attitudni ewlenija u s-sistema ta’ referenza tad-direzzjoni.”;

(f)

id-definizzjonijiet li ġejjin huma mħassra:

“Klassi ta’ ballun tal-arja” u

“Grupp ta’ blalen tal-arja”;

(2)

il-punt FCL.015 huwa emendat kif ġej:

(a)

il-paragrafu (a) huwa sostitwit b’dan li ġej:

“(a)

Applikazzjoni għall-ħruġ, għar-rivalidazzjoni jew għat-tiġdid tal-liċenzji tal-bdoti u kwalifiki u ċertifikati assoċjati, kif ukoll kull emenda għalihom, għandhom jiġu sottomessi lill-awtorità kompetenti b’mod u manjiera stabbiliti minn dik l-awtorità. L-applikazzjoni għandha tkun akkumpanjata minn evidenza li turi li l-applikanti jikkonformaw mar-rekwiżiti għall-ħruġ, ir-rivalidazzjoni jew it-tiġdid tal-liċenzja jew taċ-ċertifikat, kif ukoll kwalifiki jew approvazzjonijiet assoċjati, kif stabbilit f’dan l-Anness (Parti-FCL) u fl-Anness IV (Parti-MED).”;

(b)

il-paragrafu (b) huwa sostitwit b’dan li ġej:

“(b)	Sakemm ma jkunx speċifikat mod ieħor f’dan l-Anness, kull limitu jew estensjoni tal-privileġġi mogħtija b’liċenzja, kwalifika jew ċertifikat għandu jiġi approvat fil-liċenzja jew fiċ-ċertifikat mill-awtorità kompetenti.”;

(c)

il-paragrafu (d) huwa sostitwit b’dan li ġej:

“(d)

Detentur ta’ liċenzja għandu jissottometti applikazzjonijiet skont il-paragrafu (a) lill-awtorità kompetenti maħtura mill-Istat Membru li fih tkun inħarġet il-liċenzja tiegħu jew tagħha skont dan l-Anness (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 jew l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli.”;

(d)

jiżdiedu l-paragrafi ġodda (e) u (f) li ġejjin:

“(e)	Id-detentur ta’ liċenzja li tkun inħarġet skont dan l-Anness (Parti-FCL) jista’ japplika mal-awtorità kompetenti maħtura minn Stat Membru ieħor għal bidla tal-awtorità kompetenti relatata mal-liċenzji kollha miżmuma, kif speċifikat fil-paragrafu (d).

(f)	Għall-ħruġ ta’ liċenzja, kwalifika jew ċertifikat, l-applikant għandu japplika mhux aktar tard minn 6 xhur wara li jkun għadda mit-test tal-ħiliet jew il-valutazzjoni tal-kompetenza.”;

(3)

fil-punt FCL.020, il-paragrafu (b) huwa sostitwit b’dan li ġej:

“(b)	Qabel l-ewwel titjira waħdu, bdot student għandu jkollu mill-inqas 16-il sena.”;

(4)

il-punt FCL.025(c)(1) huwa emendat kif ġej:

(a)

il-paragrafu (i) huwa sostitwit b’dan li ġej:

“(i)	għall-ħruġ ta’ liċenzja ta’ bdot ta’ inġenju tal-ajru ħafif jew liċenzja ta’ bdot privat, għal perjodu ta’ 24 xahar;”;

(b)

il-paragrafi (ii) u (iii) huma sostitwiti b’dan li ġej:

“(ii)

għall-ħruġ ta’ liċenzja ta’ bdot kummerċjali jew kwalifika tat-titjir bl-istrumenti (IR), għal perjodu ta’ 36 xahar;

(iii)

għall-ħruġ ta’ kwalifika bażika tat-titjir bl-istrumenti (BIR), għal tul ta’ żmien bla limitu.

Il-perjodi fil-paragrafi (i) u (ii) għandhom jingħaddu mill-ġurnata meta l-bdoti jkunu għaddew mill-eżami tal-għarfien teoriku, skont il-paragrafu (b)(2).”;

(5)

fil-punt FCL.030, jiżdied il-paragrafu (c) li ġej:

“(c)	Għall-ħruġ ta’ BIR, l-applikant għal test tal-ħiliet għandu l-ewwel ilesti l-moduli kollha ta’ taħriġ u jkun irrakkomandat għat-test tal-ħiliet minn ATO. Ir-rekords tat-taħriġ tiegħu jew tagħha għandhom ikunu disponibbli għall-eżaminatur, mill-ATO.”;

(6)

fil-punt FCL.035, il-paragrafu (b) huwa sostitwit b’dan li ġej:

“(b)

Ikkreditar tal-għarfien teoriku

(1)

L-applikanti li jkunu għaddew mill-eżami tal-għarfien teoriku għal-liċenzja tal-bdot għat-trasport tal-linja tal-ajru għandhom jiġu kkreditati fir-rigward tar-rekwiżiti tal-għarfien teoriku għal-liċenzja ta’ bdot ta’ inġenji tal-ajru ħfief, il-liċenzja ta’ bdot privat, il-liċenzja ta’ bdot kummerċjali u, ħlief fil-każ tal-ħelikopters, l-IR u l-BIR fl-istess kategorija ta’ inġenji tal-ajru.

(2)

L-applikanti li jkunu għaddew mill-eżami tal-għarfien teoriku għal liċenzja ta’ bdot kummerċjali għandhom jiġu kkreditati fir-rigward tar-rekwiżiti tal-għarfien teoriku għal:

(i)	il-liċenzja ta’ bdot ta’ inġenju tal-ajru ħafif fl-istess kategorija ta’ inġenju tal-ajru;

(ii)	il-liċenzja ta’ bdot privat fl-istess kategorija ta’ inġenji tal-ajru; u

(iii)

is-suġġett “komunikazzjonijiet” għall-BIR. Dan il-kreditu għandu jinkludi l-parti IFR tas-suġġett “komunikazzjonijiet” biss jekk dak is-suġġett ikun tlesta skont il-punt FCL.310, kif applikabbli mill-20 ta’ Diċembru 2019.

(3)

Id-detenturi ta’ IR jew l-applikanti li jkunu għaddew mill-eżami tal-għarfien teoriku tal-IR għal kategorija ta’ inġenji tal-ajru għandhom jiġu kkreditati fir-rigward tar-rekwiżiti għat-tagħlim u l-eżami tal-għarfien teoriku għal:

(i)	l-IR f’kategorija oħra ta’ inġenji tal-ajru; u

(ii)

il-BIR.

(4)

Id-detenturi ta’ liċenzja ta’ bdot għandhom jiġu kkreditati biex ikunu jistgħu jissodisfaw ir-rekwiżiti għat-tagħlim u l-eżami tal-għarfien teoriku għal liċenzja f’kategorija oħra ta’ inġenji tal-ajru skont l-Appendiċi 1 ta’ din il-Parti. Dan il-kreditu japplika wkoll għall-applikanti għal liċenzja ta’ bdot li diġà għaddew mill-eżamijiet tal-għarfien teoriku għall-ħruġ ta’ dik il-liċenzja f’kategorija oħra ta’ inġenju tal-ajru, sakemm l-eżami tal-għarfien teoriku jkun fil-perjodu ta’ validità speċifikat fil-punt FCL.025(c).

(5)

B’deroga mill-paragrafu (b)(3), id-detenturi ta’ IR(A) li jkunu temmew kors tal-IR(A) modulari bbażat fuq il-kompetenzi għandhom jiġu kkreditati b’mod sħiħ fir-rigward tar-rekwiżiti fir-rigward tal-istruzzjoni u l-eżami fl-għarfien teoriku biex jinkiseb IR f’kategorija oħra ta’ inġenji tal-ajru, biss jekk ikunu għaddew ukoll mill-istruzzjoni u l-eżami tal-għarfien teoriku għall-parti IFR tal-kors meħtieġ skont il-punt FCL.720.A(b)(2)(i). “;

(7)

il-punt FCL.055 huwa emendat kif ġej:

(a)

fil-paragrafu (d), is-sentenza introduttorja hija sostitwita b’dan li ġej:

“(d)	Rekwiżiti speċifiċi għad-detenturi ta’ kwalifika tat-titjir bl-istrumenti (IR). B’deroga mill-paragrafi ta’ hawn fuq, id-detenturi ta’ IR għandhom ikunu wrew il-kapaċità li jużaw l-Ingliż fil-livell xieraq ta’ profiċjenza kif definit fl-Appendiċi 2 ta’ dan l-Anness.”;

(b)

il-paragrafu (e) huwa sostitwit b’dan li ġej:

“(e)	Il-wiri ta’ profiċjenza fil-lingwa u tal-użu tal-ilsien Ingliż għal detenturi ta’ IR għandu jsir permezz ta’ metodu ta’ valutazzjoni stabbilit minn kwalunkwe awtorità kompetenti.”;

(8)

il-punt FCL.060 huwa emendat kif ġej:

(a)	il-paragrafu (a) jitħassar;

(b)

fil-paragrafu (b), is-sentenza introduttorja hija sostitwita b’dan li ġej:

“(b)	Ajruplani, ħelikopters, inġenji tal-ajru powered-lift u airships. Bdot m’għandux iħaddem inġenju tal-ajru għat-trasport kummerċjali bl-ajru jew biex iġorr passiġġieri:”;

(9)

il-punt FCL.065 huwa emendat kif ġej:

(a)

il-paragrafu (b) huwa sostitwit b’dan li ġej:

“(b)	Età ta’ 65 sena. Id-detenturi ta’ liċenzja ta’ bdot li għalqu 65 sena m’għandhomx jaġixxu bħala bdot ta’ inġenju tal-ajru involut fit-trasport kummerċjali bl-ajru.”;

(b)	il-paragrafu (c) jitħassar;

(10)	il-punt FCL.100 huwa sostitwit b’dan li ġej: “ FCL.100 LAPL — Età minima L-applikanti għal-LAPL għall-ajruplani jew il-ħelikopters għandu jkollhom mill-inqas 17-il sena.”;

(11)

il-punt FCL.120 huwa sostitwit b’dan li ġej:

“ FCL.120 LAPL – Eżami tal-għarfien teoriku

L-applikanti għal LAPL għandhom juru livell ta’ għarfien teoriku adattat għall-privileġġi mogħtija, permezz ta’ eżamijiet dwar dawn li ġejjin:

(a)

suġġetti komuni:

—	Il-liġi tal-ajru,

—	Il-prestazzjoni umana,

—	Il-meteoroloġija,

—	Il-komunikazzjonijiet, u

—	In-navigazzjoni.

(b)

suġġetti speċifiċi li jikkonċernaw il-kategoriji differenti ta’ inġenji tal-ajru:

—	Il-prinċipji tat-titjir,

—	Il-proċeduri operattivi,

—	L-eżekuzzjoni u l-ippjanar tat-titjiriet, u

—	Għarfien ġenerali dwar l-inġenji tal-ajru.”;

(12)

fil-punt FCL.110.A, il-paragrafu (b) huwa sostitwit b’dan li ġej:

“(b)

Rekwiżiti speċifiċi għall-applikanti li jkollhom SPL maħruġa skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, inklużi l-privileġġi li jtajru TMGs. L-applikanti għal LAPL(A) li jkollhom SPL bil-privileġġi li jtajru TMGs għandhom ikunu lestew mill-inqas 21 siegħa ta’ ħin ta’ titjir fuq TMGs wara l-approvazzjoni tal-privileġġi tat-TMG, u għandhom jikkonformaw mar-rekwiżiti tal-punt FCL.135.A(a) dwar l-ajruplani.”;

(13)

fil-punt FCL.135.A, jiżdied il-paragrafu (c) li ġej:

“(c)	L-applikanti għall-estensjoni tal-privileġġi ta’ LAPL(A) għal TMG li jkollhom ukoll SPL skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, inklużi l-privileġġi li jtiru fuq TMGs, għandhom jirċievu krediti sħaħ lejn ir-rekwiżiti fil-paragrafu (a).”;

(14)	It-Taqsimiet 4 u 5 tas-Subparti B jitħassru;

(15)	it-titolu tas-Subparti C huwa sostitwit b’dan li ġej: “ LIĊENZJA TA’ BDOT PRIVAT (PPL )” ;

(16)	il-punt FCL.200 huwa sostitwit b’dan li ġej: “ FCL.200 Età minima L-applikanti għal PPL għandu jkollhom mill-inqas 17-il sena.”;

(17)

fil-punt FCL.210, il-paragrafi (a) u (b) huma sostitwiti b’dan li ġej:

“(a)	L-applikanti għal PPL għandhom ilestu kors ta’ taħriġ f’ATO jew f’DTO.

(b)	Il-kors għandu jinkludi għarfien teoriku u tagħlim fit-titjir li jkunu adattati għall-privileġġi tal-PPL li tkun saret applikazzjoni għaliha.”;

(18)

il-punt FCL.215 huwa sostitwit b’dan li ġej:

“ FCL.215 Eżami tal-għarfien teoriku

L-applikanti għal PPL għandhom juru livell ta’ għarfien teoriku adattat għall-privileġġi mogħtija permezz ta’ eżamijiet dwar is-suġġetti li ġejjin:

(a)

suġġetti komuni:

—	Il-liġi tal-ajru,

—	Il-prestazzjoni umana,

—	Il-meteoroloġija,

—	Il-komunikazzjonijiet; u

—	In-navigazzjoni.

(b)

suġġetti speċifiċi li jikkonċernaw il-kategoriji differenti ta’ inġenji tal-ajru:

—	Il-prinċipji tat-titjir,

—	Il-proċeduri operattivi,

—	L-eżekuzzjoni u l-ippjanar tat-titjiriet, u

—	Għarfien ġenerali dwar l-inġenji tal-ajru.”;

(19)

il-punt FCL.235 huwa emendat kif ġej:

(a)

il-paragrafu (a) huwa sostitwit b’dan li ġej:

“(a)	Billi jwettqu test tal-ħiliet, l-applikanti għal PPL għandhom juru l-kapaċità li jaġixxu bħala PIC fil-kategorija xierqa tal-inġenji tal-ajru, l-għarfien tagħhom tal-proċeduri u l-manuvri rilevanti bil-kompetenza xierqa għall-privileġġi mogħtija.”;

(b)

il-paragrafu (b) huwa sostitwit b’dan li ġej:

“(b)	L-applikanti għat-test tal-ħiliet għandhom ikunu rċevew tagħlim fit-titjir bl-istess klassi jew tip ta’ inġenju tal-ajru li jintuża għat-test tal-ħiliet.”;

(20)

fil-punt FCL.210.A, il-paragrafu (c) huwa emendat kif ġej:

(a)

is-sentenza introduttorja hija sostitwita b’dan li ġej:

“(c)	Rekwiżiti speċifiċi għall-applikanti li jkollhom SPL maħruġa skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, inklużi l-privileġġi li jtajru TMGs. L-applikanti għal PPL(A) li jkollhom SPL bil-privileġġi li jtajru TMGs għandhom ikunu lestew:”;

(b)

is-subparagrafu (1) huwa sostitwit b’dan li ġej:

“(1)	tal-inqas 24 siegħa ta’ ħin tat-titjir fuq TMG wara l-approvazzjoni tal-privileġġi ta’ TMG; u”;

(21)

fil-punt FCL.210.As, il-paragrafu (b) huwa sostitwit b’dan li ġej:

“(b)

L-applikanti li jkollhom BPL maħruġ skont l-Anness III (Parti-BFCL) tar-Regolament tal-Kummissjoni (UE) 2018/395 u li jkunu kwalifikati li jtajru airships li jaħdmu bl-arja sħuna għandhom jiġu kkreditati b’10 % tal-ħin totali tat-titjir tagħhom bħala PIC fuq tali airships u sa massimu ta’ 5 sigħat.”;

(22)	fis-Subparti C, jitħassru t-Taqsimiet 5 u 6;

(23)

il-punt FCL.600 huwa sostitwit b’dan li ġej:

“ FCL.600 IR — General

Ħlief kif previst fil-paragrafu FCL.835, l-operazzjonijiet taħt IFR fuq ajruplan, ħelikopter, airship jew inġenju tal-ajru powered-lift, għandhom jitwettqu biss minn detenturi ta’ PPL, CPL, MPL, u ATPL b’IR adattata għall-kategorija tal-inġenju tal-ajru jew, jekk IR adattata għall-kategorija ta’ inġenji tal-ajru ma tkunx disponibbli, meta jitwettaq l-ittestjar tal-ħiliet jew struzzjoni tat-titjir b’żewġ bdoti.”;

(24)

fil-punt FCL.620, jiżdied il-punt (c) li ġej:

“(c)	L-applikanti li jkunu lestew test tal-ħiliet għal IR b’aktar minn magna waħda f’ajruplan b’aktar minn magna waħda u bi bdot wieħed li għalih hija meħtieġa kwalifika tal-klassi, għandha tinħarġilhom IR b’magna waħda għall-kwalifika tal-klassi jew tat-tip ta’ ajruplan b’magna waħda li jkollhom.”;

(25)

fil-punt FCL.700, il-paragrafu (a) huwa sostitwit b’dan li ġej:

“(a)

Id-detenturi ta’ liċenzja ta’ bdot għandhom jaġixxu bħala bdoti ta’ inġenju tal-ajru biss jekk ikollhom kwalifika valida u xierqa tal-klassi jew tat-tip, sakemm ma tapplikax kwalunkwe waħda minn dawn li ġejjin:

(1)	jekk qed jeżerċitaw il-privileġġi ta’ LAPL;

(2)	jekk qed iwettqu testijiet tal-ħiliet jew kontrolli tal-profiċjenza għat-tiġdid tal-kwalifiki tal-klassi jew tat-tip;

(3)	jekk jirċievu tagħlim fit-titjir;

(4)	jekk ikollhom kwalifika ta’ test tat-titjira maħruġa skont il-punt FCL.820.”;

(26)

fil-punt FCL.725, jiżdied il-paragrafu (f) li ġej:

“(f)

L-applikanti għal kwalifika tal-klassi għal TMGs li jkollhom ukoll SPL skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, inkluż il-privileġġi biex itiru fuq TMGs, għandhom jirċievu krediti sħaħ fir-rigward tar-rekwiżiti fil-paragrafi (a), (b) u (c).”;

(27)

il-punt FCL.740.A huwa emendat kif ġej:

(a)

il-paragrafu (a)(4) huwa sostitwit b’dan li ġej:

“(4)	Ir-rivalidazzjoni ta’ BIR jew IR(A), għal min għandu, tista’ tiġi kkombinata ma’ kontroll tal-profiċjenza għar-rivalidazzjoni ta’ kwalifika tal-klassi jew tat-tip.”;

(b)

il-paragrafu (b)(1) huwa sostitwit b’dan li ġej:

“(1)	Kwalifiki tal-klassi ta’ ajruplani b’magna waħda bil-pistuni u kwalifiki tal-klassi tat-TMG. Għar-rivalidazzjoni ta’ kwalifiki tal-klassi ta’ ajruplani bi bdot wieħed u b’magna waħda bil-pistuni jew kwalifiki tal-klassi tat-TMG, l-applikanti għandhom:”;

(c)

jiżdied il-paragrafu (b)(5) li ġej:

“(5)	Il-kontroll tal-profiċjenza għar-rivalidazzjoni ta’ kwalifika tal-klassi ta’ ajruplan b’magna waħda u bi bdot wieħed jista’ jiġi kkombinat mal-kontroll tal-profiċjenza għar-rivalidazzjoni ta’ BIR, skont il-punt FCL.835(g)(8).”;

(28)

il-punt FCL.800 huwa emendat kif ġej:

(a)

il-paragrafu (a) huwa sostitwit b’dan li ġej:

“(a)	Id-detenturi ta’ liċenzja ta’ bdot bi privileġġi li jtajru ajruplani jew TMGs għandhom jagħmlu titjiriet ajrubatiċi biss jekk ikollhom kwalifika ajrubatika skont dan il-punt.”;

(b)

il-paragrafu (b)(1) huwa sostitwit b’dan li ġej:

“(1)	wara l-ħruġ tal-liċenzja, mill-inqas 30 siegħa ta’ ħin ta’ titjir bħala PIC f’ajruplani jew TMGs;”;

(c)

il-paragrafu (b)(2)(ii) huwa sostitwit b’dan li ġej:

“(ii)

mill-inqas 5 sigħat ta’ tagħlim ajrubatiku f’ajruplani jew TMGs li jittajru bil-qawwa tal-magna.”;

(d)

il-paragrafu (c) huwa sostitwit b’dan li ġej:

“(c)

Il-privileġġi tal-kwalifika ajrubatika għandhom ikunu limitati għal titjir ajrubatiku jew f’ajruplani jew f’TMGs li jittajru bil-qawwa tal-magna, skont għal liema inġenju tal-ajru ntlaħqu r-rekwiżiti ta’ (b)(1) u (b)(2)(ii). Din il-limitazzjoni għandha titneħħa mal-applikazzjoni jekk il-bdot ikun lesta b’suċċess mill-inqas 3 titjiriet ta’ taħriġ b’żewġ bdoti f’ajruplani jew TMGs li jittajru bil-qawwa tal-magna, kif ikun applikabbli, li jkopru s-sillabu kollu tat-taħriġ ajrubatiku.”;

(e)

jiżdied il-paragrafu (d) li ġej:

“(d)

L-applikanti għal kwalifika ajrubatika li jkollhom ukoll kwalifika tal-klassi tat-TMG kif ukoll privileġġi ajrubatiċi avvanzati għal gliders bil-privileġġi kif speċifikat fil-punt SFCL.200(d) tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, għandhom:

(1)	ikunu eżentati milli jkollhom il-kwalifika ajrubatika tagħhom limitata għall-ajruplani, kif speċifikat fil-paragrafu (c) jekk ikunu kkonformaw mar-rekwiżiti ta’ (b)(1) u (b)(2)(ii) f’ajruplani, jew

(2)	jingħataw kreditu sħiħ lejn ir-rekwiżiti fil-paragrafu (b) għall-ħruġ ta’ kwalifika ajrubatika ristretta għal TMGs li jittajru bil-qawwa tal-magna. Din il-limitazzjoni għandha titneħħa mal-applikazzjoni jekk il-bdot ikun lesta t-taħriġ kif speċifikat fil-paragrafu (c).”;

(29)

il-punt FCL.805 huwa emendat kif ġej:

(a)

il-paragrafu (b)(2)(iii) huwa sostitwit b’dan li ġej:

“(iii)

għajr għad-detenturi ta’ SPL skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, 5 titjiriet ta’ familjarizzazzjoni fi glider li jiġi llanċjat minn inġenju tal-ajru.”;

(b)

jiżdied il-paragrafu (g) li ġej:

“(g)

L-applikanti għal kwalifika tal-ġbid ta’ gliders u l-ġbid ta’ strixxuni fuq TMGs skont dan il-punt għandhom jingħataw kreditu sħiħ lejn ir-rekwiżiti tal-paragrafu (b) jew (c), kif applikabbli, jekk ikollhom kwalifika tal-ġbid ta’ gliders jew ġbid ta’ strixxuni skont il-punt SFCL.205 tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli, jew jekk ikunu ssodisfaw ir-rekwiżiti kollha għall-ħruġ ta’ dik il-kwalifika.”;

(30)

il-punt FCL.810 huwa emendat kif ġej:

(a)

il-paragrafu (a) huwa emendat kif ġej:

(i)

il-paragrafu (1) huwa sostitwit b’dan li ġej:

“(1)	L-applikanti għandhom ikunu lestew kors ta’ taħriġ f’perjodu ta’ mhux aktar minn 6 xhur f’DTO jew f’ATO biex jeżerċitaw il-privileġġi ta’ LAPL jew PPL għall-ajruplani, it-TMGs jew l-airships f’kundizzjonijiet VFR billejl. Il-kors għandu jinkludi:”;

(ii)

jiżdied il-paragrafu (4) li ġej:

“(4)

“L-applikanti għal kwalifika ta’ billejl għall-ajruplani jew TMGs skont dan is-subparagrafu għandhom jingħataw kreditu sħiħ lejn ir-rekwiżiti tas-subparagrafi (1) u (2) jekk ikollhom kwalifika ta’ billejl ta’ TMG skont il-punt SFCL.210 tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, jew jekk ikunu ssodisfaw ir-rekwiżiti kollha għall-ħruġ ta’ dik il-kwalifika.”;

(b)	il-paragrafu (c) jitħassar;

(31)

fil-punt FCL.815, is-sentenza introduttorja tal-paragrafu (a) hija sostitwita b’dan li ġej:

“(a)

Privileġġi. Il-privileġġi tad-detentur ta’ kwalifika tat-titjir fil-muntanji huma li jwettaq titjiriet b’ajruplani jew TMGs għal u minn superfiċji li huma indikati li jeħtieġu tali kwalifika mill-awtoritajiet xierqa maħtura mill-Istati Membri..

Id-detenturi ta’ LAPL jew PPL bil-privileġġi li jtajru ajruplani jew TMGs jistgħu jiksbu l-kwalifika tat-titjir fil-muntanji inizjali, jew fi:”;

(32)	il-punt FCL.825 jitħassar;

(33)	il-punt FCL.830 jitħassar;

(34)

jiddaħħal il-punt FCL.835 li ġej:

“ FCL.835 Kwalifika bażika tat-titjir bl-istrumenti (BIR)

(a)

Privileġġi u kundizzjonijiet

(1)	Il-privileġġi ta’ detentur ta’ BIR huma li jwettaq titjiriet skont l-IFR fuq ajruplani bi bdot wieħed li għalihom għandu kwalifiki tal-klassi, bl-eċċezzjoni ta’ ajruplani u varjanti ta’ ajruplani bi prestazzjoni għolja jekk id-data tal-adegwatezza operattiva tkun iddeterminat li hija meħtieġa IR.

(2)	Il-privileġġi tal-BIR għandhom jiġu eżerċitati biss skont il-punt FCL.205.A.

(3)	Il-privileġġi tal-BIR jistgħu jiġu eżerċitati billejl jekk il-bdot ikollu kwalifika ta’ billejl skont il-punt FCL.810 biss.

(4)	Il-privileġġi ta’ BIR b’aktar minn magna waħda għandhom ikunu validi wkoll fuq l-ajruplani b’magna waħda li għalihom il-bdot ikollu kwalifika valida tal-klassi ta’ magna waħda.

(5)

L-eżerċitar tal-privileġġi tal-BIR għandu jkun soġġett għall-kundizzjonijiet kollha li ġejjin:

(i)

l-altitudni deċiżjonali (DH) jew l-għoli minimu ta’ nżul (MDH) użati fil-valuri minimi operattivi tal-ajrudrom għandhom ikunu mill-inqas 200 pied aktar minn dak li kieku jiġi kkalkulat skont il-punt “NCO.OP.110 Il-valuri minimi operattivi tal-ajrudrom — l-ajruplani u l-ħelikopters” u l-punt “NCO.OP.111 Valuri minimi operattivi tal-ajrudrom — operazzjonijiet NPA, APV, CAT I” tal-Anness VII tar-Regolament (UE) Nru 965/2012; u

(ii)	il-viżibbiltà li tintuża fil-valuri minimi tal-ajrudrom ma għandhiex tkun inqas minn 1 500 m;

(iii)

il-bdot fil-kmand ma għandux jibda titjira taħt l-IFR jew iwettaq tranżizzjoni minn VFR għal IFR, sakemm:

(A)	fl-ajrudrom tat-tluq, il-viżibbiltà tkun ta’ mill-inqas 1 500 m u l-limitu tal-bażi tas-sħab ikun mill-inqas 600 pied, jew il-minimu ppubblikat tad-dawran applikabbli għall-kategorija tal-ajruplan, skont liema jkun l-ikbar; u

(B)

fl-ajrudrom tad-destinazzjoni u fi kwalunkwe ajrudrom alternattiv meħtieġ, l-informazzjoni meteoroloġika attwali disponibbli tindika, għall-perjodu minn siegħa qabel sa siegħa wara l-ħin stmat tal-wasla, jew mill-ħin reali tat-tluq sa siegħa wara l-ħin stmat tal-wasla, ikun liema jkun l-iqsar perjodu, viżibbiltà ta’ mill-inqas 1 500 m u limitu tal-bażi tas-sħab ta’ mill-inqas 600 pied, jew il-minimu ppubblikat tad-dawran applikabbli għall-kategorija tal-ajruplan, jew id-DH/l-MDH miżjud b’200 pied skont (i), skont liema minnhom ikun l-ikbar.

(b)	Prerekwiżiti. L-applikanti għall-BIR għandu jkollhom mill-inqas PPL(A).

(c)

Kors ta’ taħriġ. L-applikanti għall-BIR għandhom ikunu lestew f’ATO:

(1)	it-tagħlim tal-għarfien teoriku f’konformità mal-punt FCL.615(a); u

(2)

tagħlim fit-titjir li jinkludi l-moduli tat-tagħlim fit-titjir bl-istrumenti li ġejjin:

(i)	modulu 1 — il-modulu ewlieni ta’ taħriġ fit-titjir dwar il-ħiliet tal-immaniġġjar tat-titjir b’referenza unika għall-istrumenti;

(ii)	modulu 2 — il-modulu tat-taħriġ fit-titjir applikat tal-proċeduri tat-tluq, iż-żamma, l-avviċinament f’2D u 3D tal-IFR;

(iii)

modulu 3 — il-modulu ta’ taħriġ fit-titjir applikat tal-proċeduri tat-titjir tal-IFR tul ir-rotta; u

(iv)	modulu 4 — jekk hija mfittxa BIR b’aktar minn magna waħda, il-modulu tat-taħriġ fit-titjir applikat b’magna waħda wieqfa għandu jinkludi avviċinament bl-istrument asimmetriku u proċeduri ta’ tidwir; u

(3)

tagħlim tat-titjir li huwa konformi mar-rekwiżiti li ġejjin:

(i)	Il-modulu speċifikat fil-paragrafu (c)(2)(i) għandu jitlesta l-ewwel. Il-moduli speċifikati fil-paragrafi (c)(2)(ii) u (c)(2)(iii), u jekk applikabbli (c)(2)(iv), jistgħu jitlestew f’ordni magħżula mill-applikant.

(ii)	Il-moduli speċifikati fil-paragrafu (c)(2) jistgħu jitlestew fl-ajruplani, fl-FSTDs jew f’kombinazzjoni tagħhom. Fi kwalunkwe każ, l-applikant għandu jirċievi taħriġ fl-ajruplan li jkun se jintuża għat-test tal-ħiliet.

(iii)

Il-moduli speċifikati fil-paragrafi (c)(2)(i), (c)(2)(ii) u (c)(2)(iv) jistgħu jinbdew barra ATO iżda għandhom jitlestew f’ATO. Il-modulu speċifikat fil-punt (c)(2)(iii) jista’ jitlesta barra ATO.

(iv)	Qabel ma jibda l-modulu speċifikat fil-paragrafu (c)(2)(iv), bdot li ma jkollux kwalifika tal-klassi jew tat-tip ta’ ajruplan b’aktar minn magna waħda għandu jkun irċieva t-taħriġ b’aktar minn magna waħda speċifikat fis-Subparti H ta’ dan l-Anness (Parti-FCL).

(d)

Għarfien teoriku. Qabel ma jagħmel it-test tal-ħiliet u permezz ta’ eżamijiet fis-suġġetti msemmija fil-punt FCL.615(b), l-applikanti għandhom juru livell ta’ għarfien teoriku li jkun adattat għall-privileġġi mogħtija. L-eżami tal-għarfien teoriku għandu jikkonsisti f’karta tal-eżami waħda assoċjata ma’ kull modulu kif speċifikat fil-paragrafi (c)(2)(i), (c)(2)(ii) u (c)(2)(iii).

(e)

Test tal-ħiliet. Wara t-tlestija tal-kors ta’ taħriġ speċifikat fil-paragrafu (c), l-applikanti għandhom jgħaddu minn test tal-ħiliet f’ajruplan skont l-Appendiċi 7 ta’ dan l-Anness. Għal BIR b’aktar minn magna waħda, it-test tal-ħiliet għandu jsir f’ajruplan b’aktar minn magna waħda. Għal BIR b’magna waħda, it-test tal-ħiliet għandu jsir f’ajruplan b’magna waħda. Ajruplan b’aktar minn magna waħda fiż-żaqq għandu jitqies li huwa ajruplan b’magna waħda għall-finijiet ta’ dan il-paragrafu.

(f)

B’deroga mill-paragrafu (d), id-detenturi ta’ BIR għal inġenji b’magna waħda li jkollhom ukoll kwalifika tal-klassi ta’ inġenji b’aktar minn magna waħda u li jixtiequ jiksbu BIR għal inġenji b’aktar minn magna waħda għall-ewwel darba, għandhom itemmu kors ta’ taħriġ f’ATO li jinkludi t-taħriġ speċifikat fil-paragrafu (c)(2)(iv) u għandhom jgħaddu mit-test tal-ħiliet imsemmi fil-paragrafu (e).

(g)

Validità, rivalidazzjoni u tiġdid

(1)	BIR għandha tkun valida għal sena.

(2)

L-applikanti għal rivalidazzjoni ta’ BIR għandhom:

(i)	f’perjodu ta’ tliet xhur immedjatament qabel id-data ta’ skadenza tal-kwalifika, jgħaddi minn kontroll tal-profiċjenza skont l-Appendiċi 9 ta’ din il-Parti; jew

(ii)	fil-perjodu ta’ validità, ilesti 6 sigħat bħala PIC taħt l-IFR inklużi tliet proċeduri ta’ avviċinament bl-istrumenti, u jlesti titjira ta’ taħriġ ta’ mill-inqas siegħa ma’ għalliem li jkollu l-privileġġi li jipprovdi taħriġ għall-BIR.

(3)	Għal kull rivalidazzjoni sussegwenti alternata, id-detentur tal-BIR għandu jgħaddi b’suċċess minn kontroll tal-profiċjenza skont il-paragrafu (2)(i) f’ajruplan.

(4)	Jekk il-bdot jagħżel li jissodisfa r-rekwiżiti ta’ rivalidazzjoni speċifikati fil-paragrafu (g)(2)(i) aktar kmieni milli stipulat f’dak il-paragrafu, il-perjodu l-ġdid tal-validità għandu jibda mid-data tal-kontroll tal-profiċjenza.

(5)	L-applikanti li ma jgħaddux mit-taqsimiet rilevanti ta’ kontroll tal-profiċjenza tal-BIR qabel id-data ta’ skadenza tal-BIR ma għandhomx jeżerċitaw il-privileġġi tal-BIR qabel ma jkunu għaddew mill-kontroll tal-profiċjenza.

(6)

Jekk BIR tkun skadiet, sabiex iġeddu l-privileġġi tagħhom, l-applikanti għandhom:

(i)	fejn ikun meħtieġ biex jintlaħaq il-livell ta’ profiċjenza meħtieġ, ilestu taħriġ ta’ aġġornament ipprovdut minn ATO jew, jekk il-BIR ikun ilu li skada tliet snin jew inqas, minn għalliem li jkollu l-privileġġi li jipprovdi taħriġ għall-BIR; u

(ii)	jgħaddi minn kontroll tal-profiċjenza f’ajruplan.

(7)	Għal BIR għal inġenji b’aktar minn magna waħda, il-kontroll tal-profiċjenza għar-rivalidazzjoni jew it-tiġdid, kif ukoll it-taħriġ ta’ titjir meħtieġ fil-paragrafu (g)(2)(ii) għandhom jitlestew f’ajruplan b’aktar minn magna waħda.

(8)	Il-kontroll tal-profiċjenza għar-rivalidazzjoni jew it-tiġdid ta’ BIR jista’ jiġi kkombinat ma’ kontroll tal-profiċjenza għar-rivalidazzjoni jew it-tiġdid ta’ kwalifika tal-klassi ta’ ajruplan bi bdot wieħed li fuqha jistgħu jiġu eżerċitati l-privileġġi tal-BIR skont il-punt FCL.835(a)(1).

(h)

L-applikanti għall-BIR li jkollhom PPL jew FCL maħruġa skont l-Anness I (il-Parti-FCL) u IR(A) valida maħruġa skont ir-rekwiżiti tal-Anness 1 tal-Konvenzjoni ta’ Chicago minn pajjiż terz jistgħu jiġu kkreditati b’mod sħiħ għar-rekwiżiti tal-kors ta’ taħriġ imsemmija fil-paragrafu (c)(2). Sabiex tinħarġilhom il-BIR, l-applikanti għandhom:

(1)	itemmu b’suċċess it-test tal-ħiliet imsemmi fil-paragrafu (e);

(2)	juru bil-fomm lill-eżaminatur matul it-test tal-ħiliet li huma kisbu livell adegwat ta’ għarfien teoriku tal-liġi tal-ajru, il-meteoroloġija, u l-ippjanar u l-prestazzjoni tat-titjiriet; u

(3)	ikollhom esperjenza minima ta’ mill-anqas 25 siegħa ta’ ħin ta’ titjir taħt IFR bħala PIC fuq l-ajruplani.

(i)	Id-detentur ta’ IR għandu jirċievi krediti sħaħ lejn ir-rekwiżit fil-paragrafu (c)(2).”;

(35)

il-punt FCL.915(c)(1) huwa sostitwit b’dan li ġej:

“(c)

Kreditu għal aktar ċertifikati ta’ għalliem u għall-fini ta’ rivalidazzjoni:

(1)

Kreditu sħiħ għall-ħiliet li wieħed jgħallem u jitgħallem jista’ jingħata lil:

(i)	detenturi ta’ ċertifikat ta’ għalliem li japplikaw għal aktar ċertifikati ta’ għalliem; u

(ii)	applikanti għal ċertifikat ta’ għalliem li diġà jkollhom ċertifikat ta’ għalliem maħruġ skont l-Anness III (il-Parti-BFCL) tar-Regolament tal-Kummissjoni (UE) 2018/395 jew l-Anness III (il-Parti-SFCL) tar-Regolament ta’ Implimentazzjoni tal-Kummissjoni (UE) 2018/1976.”;

(36)

il-punt FCL.905.FI huwa emendat kif ġej:

(a)

il-paragrafu (a) huwa sostitwit b’dan li ġej:

“(a)	PPL u LAPL fil-kategorija tal-inġenju tal-ajru adattata;”;

(b)

il-paragrafu (b) huwa sostitwit b’dan li ġej:

“(b)	kwalifiki tal-klassi u tat-tip għal inġenji tal-ajru bi bdot wieħed, għajr għall-ajruplani kumplessi ta’ prestazzjoni għolja bi bdot wieħed;

(c)

il-paragrafu (g) huwa sostitwit b’dan li ġej:

“(g)	kwalifika tal-ġbid jew dik ajrubatika, dment li wieħed ikollu dawn il-privileġġi u l-FI jkun wera l-kapaċità li jgħallem għal dik il-kwalifika lil FI li huwa kkwalifikat skont il-punt (j);”;

(d)

il-paragrafu (h) huwa sostitwit b’dan li ġej:

“(h)

BIR jew IR fil-kategorija tal-inġenju tal-ajru adattata, dment li l-FI jissodisfa l-kundizzjonijiet li ġejjin:

(1)	ikunu lestew bħala bdoti studenti l-kors ta’ taħriġ tal-IRI u jkunu għaddew minn valutazzjoni ta’ kompetenza għaċ-ċertifikat tal-IRI;

(2)	jikkonformaw mal-punti FCL.915.CRI(a), FCL.930.CRI u FCL.935 fil-każ ta’ ajruplani b’aktar minn magna waħda u mal-punti FCL.910.TRI(c)(1) u FCL.915.TRI(d)(2) fil-każ ta’ ħelikopters b’aktar minn magna waħda;

Flimkien mal-kundizzjonijiet (1) u (2):

(3)

jekk matul kors ta’ taħriġ approvat f’ATO, l-FI ikun qed jipprovdi taħriġ f’FSTDs jew ikun qed jissorvelja titjiriet ta’ taħriġ ta’ SPIC li jsiru skont l-IFR, l-FI għandu jkun lesta mill-inqas 50 siegħa ta’ ħin ta’ titjir skont l-IFR wara l-ħruġ tal-BIR jew tal-IR, li minnhom massimu ta’ 10 sigħat jistgħu jkunu ħin ta’ titjir bl-istrumenti fuq l-art f’FFS, FTD 2/3 jew FNPT II;

(4)	jekk l-FI qed jipprovdi taħriġ f’inġenju tal-ajru, l-FI għandu jkun lesta mill-inqas 200 siegħa ta’ ħin ta’ titjir skont l-IFR, li minnhom sa 50 siegħa jistgħu jkunu ħin ta’ titjir bl-istrumenti fuq l-art f’FFS, FTD 2/3 jew FNPT II.”

(e)

il-paragrafu (j)(1) huwa sostitwit b’dan li ġej:

“(1)	ikunu lestew mill-inqas 500 siegħa ta’ tagħlim fit-titjir fil-kategorija tal-inġenju tal-ajru adattata;”;

(37)

il-punt FCL.910.FI huwa emendat kif ġej:

(a)

il-paragrafu (a) huwa emendat kif ġej:

(i)

il-punt (1) huwa sostitwit b’dan li ġej:

“(1)	għall-ħruġ tal-PPL u LAPL;”;

(ii)

il-punt (3) huwa sostitwit b’dan li ġej:

“(3)	“għal kwalifiki tal-klassi u tat-tip għal inġenji tal-ajru b’magna waħda u bi bdot wieħed, ħlief għall-ajruplani kumplessi ta’ prestazzjoni għolja bi bdot wieħed;”;

(b)

fil-paragrafu (c), il-punt (3) huwa sostitwit b’dan li ġej:

“(3)	għall-FI(As), 15-il siegħa jew 50 tlugħ mill-art ta’ tagħlim fit-titjir li jkopru s-sillabu sħiħ tat-taħriġ għall-ħruġ ta’ PPL(As).”;

(38)	fil-punt FCL.915.FI, il-paragrafi (e) u (f) huma mħassra;

(39)

il-paragrafu (b) tal-punt FCL.930.FI huwa emendat kif ġej:

(a)

il-paragrafu (2) huwa sostitwit b’dan li ġej:

“(2)	mill-inqas 100 siegħa ta’ tagħlim fl-għarfien teoriku, inklużi t-testijiet tal-progress;”;

(b)

fil-paragrafu (3):

(i)

il-punt (ii) huwa sostitwit b’dan li ġej:

“(ii)

fil-każ ta’ FI(As), mill-inqas 20 siegħa ta’ tagħlim fit-titjir, li minnhom 15-il siegħa għandhom ikunu tagħlim fit-titjir b’żewġ bdoti.”;

(ii)	il-punti (iii), (iv) u (v) huma mħassra;

(c)

il-paragrafu (4) huwa sostitwit b’dan li ġej:

“(4)	Applikanti għal ċertifikat tal-FI f’kategorija oħra ta’ inġenji tal-ajru li jkollhom jew li kellhom FI(A), (H) jew (As) għandhom jiġu kkreditati b’55 siegħa b’rabta mar-rekwiżit fil-punt (b)(2).”;

(40)

il-paragrafu (a) tal-punt FCL.940.FI huwa emendat kif ġej:

(a)

il-paragrafu (1)(i)(A) huwa sostitwit b’dan li ġej:

“(A)

fil-każ ta’ FI(A) u FI(H), mill-inqas 50 siegħa ta’ tagħlim fit-titjir fil-kategorija tal-inġenju tal-ajru adattata bħala FIs, TRIs, CRIs, IRIs, MIs jew eżaminaturi. Jekk il-privileġġi għat-tagħlim tal-BIR u l-IR għandhom jiġu rivalidati, 10 minn dawk il-50 siegħa għandhom ikunu tagħlim fit-titjir għal BIR jew IR u għandhom ikunu tlestew fl-aħħar 12-il xahar eżatt qabel id-data ta’ skadenza taċ-ċertifikat tal-FI;”;

(b)	il-paragrafi (1)(i)(C) u (1)(i)(D) jitħassru;

(c)

il-paragrafu (2) huwa sostitwit b’dan li ġej:

“(2)	Għal mill-inqas kull rivalidazzjoni alternata, fil-każ ta’ FI(A) jew FI(H), jew kull tielet rivalidazzjoni, fil-każ ta’ FI(As), id-detenturi taċ-ċertifikat ta’ FI rilevanti għandhom jgħaddu minn valutazzjoni tal-kompetenza skont il-punt FCL.935.”;

(41)

fil-punt FCL.905.TRI, il-paragrafu (a) huwa sostitwit b’dan li ġej:

“(a)	ir-rivalidazzjoni u t-tiġdid ta’ IR, sakemm it-TRI jkollu IR valida;”;

(42)

fil-punt FCL.905.IRI, il-paragrafu (a) huwa sostitwit b’dan li ġej:

“(a)	Il-privileġġi tal-IRIs jippermettu li jingħataw taħriġ għall-ħruġ, ir-rivalidazzjoni u t-tiġdid ta’ BIR u IR fil-kategorija ta’ inġenji tal-ajru adattata.”;

(43)

il-punt FCL.915.IRI huwa sostitwit b’dan li ġej:

“ FCL.915 IRI

Applikanti għal ċertifikat ta’ IRI għandhom:

(a)

fil-każ ta’ IRI(A):

(1)	biex jipprovdu taħriġ fl-FSTDs matul kors ta’ taħriġ approvat f’ATO, ikunu lestew mill-inqas 200 siegħa ta’ ħin ta’ titjir skont l-IFR wara l-ħruġ tal-BIR jew tal-IR, li minnhom mill-inqas 50 siegħa għandhom ikunu fl-ajruplani;

(2)	biex jipprovdu taħriġ f’ajruplan, ikunu lestew mill-inqas 800 siegħa ta’ ħin ta’ titjir skont l-IFR, li minnhom mill-inqas 400 siegħa għandhom ikunu fl-ajruplani;

(3)	biex japplikaw għal IRI(A) għal ajruplani b’aktar minn magna waħda, jissodisfaw ir-rekwiżiti tal-punti FCL.915.CRI(a), FCL.930.CRI u FCL.935;

(b)

għal IRI(H):

(1)	biex jipprovdu taħriġ fl-FSTDs matul kors ta’ taħriġ approvat f’ATO, ikunu lestew mill-inqas 125 siegħa ta’ ħin ta’ titjir skont l-IFR wara l-ħruġ tal-IR, li minnhom mill-inqas 65 siegħa għandhom ikunu ħin ta’ titjir bl-istrumenti f’ħelikopters;

(2)	biex jipprovdu taħriġ f’ħelikopter, ikunu lestew mill-inqas 500 siegħa ta’ ħin ta’ titjir skont l-IFR, li minnhom mill-inqas 250 siegħa għandhom ikunu ħin ta’ titjir bl-istrumenti f’ħelikopters; u

(3)	biex japplikaw għal IR(H) għal ħelikopters b’aktar minn magna waħda, jissodisfaw ir-rekwiżiti tal-punt FCL.905.FI(h)(2);

(c)	L-applikanti għal ċertifikat ta’ IRI(As) għandhom ikunu lestew mill-inqas 300 siegħa ta’ ħin ta’ titjir skont l-IFR, li minnhom mill-inqas 100 siegħa għandhom ikunu ħin ta’ titjir bl-istrumenti f’airships.”;

(44)

fil-punt FCL.905.STI, il-paragrafu (a)(2) huwa sostitwit b’dan li ġej:

“(2)	il-ħruġ, ir-rivalidazzjoni jew it-tiġdid ta’ BIR u IR u kwalifika tal-klassi jew tat-tip għal inġenji tal-ajru bi bdot wieħed, għajr għal ajruplani kumplessi ta’ prestazzjoni għolja bi bdot wieħed.”;

(45)	fil-punt FCL.1005.FE, il-paragrafi (d) u (e) jitħassru.

(46)

fil-punt FCL.1005.TRE, il-paragrafu (a)(2) huwa sostitwit b’dan li ġej:

“(2)	kontrolli tal-profiċjenza għar-rivalidazzjoni jew it-tiġdid tal-kwalifiki tat-tip u tal-IRs;”;

(47)

il-punt FCL.1005.CRE, il-paragrafu (b)(4) huwa sostitwit b’dan li ġej:

“(4)

rivalidazzjoni u tiġdid ta’ BIRs, sakemm is-CRE jkun lesta:

(i)	1 500 siegħa ta’ ħin ta’ titjir bħala bdot tal-ajruplani; u

(ii)	450 siegħa ta’ ħin ta’ titjir skont IFR; u”;

(48)

il-punt FCL.1005.IRE huwa sostitwit b’dan li ġej:

“ FCL.1005 IRE IRE — Privileġġi

Il-privileġġi tad-detenturi ta’ ċertifikat ta’ eżaminatur tal-kwalifika tat-titjir bl-istrumenti (IRE) huma li jwettaq testijiet tal-ħiliet għall-ħruġ ta’ BIRs u IRs, u kontrolli tal-profiċjenza għar-rivalidazzjoni u t-tiġdid tagħhom.”;

(49)

fil-punt FCL.1010.SFE, il-paragrafi (a)(1) u (2) huma emendati kif ġej:

“(a)

SFE(A)

L-applikanti għal ċertifikat ta’ SFE(A) għandhom jikkonformaw mal-kundizzjonijiet kollha li ġejjin:

(1)

fil-każ ta’ ajruplani b’aktar minn bdot wieħed:

(i)	ikollhom jew kellhom ATPL(A) u kwalifika tat-tip;

(ii)	ċertifikat ta’ SFI(A) għat-tip ta’ ajruplan applikabbli; u

(iii)

ikunu wettqu mill-inqas 1500 siegħa ta’ ħin ta’ titjir bħala bdoti fuq ajruplani b’aktar minn bdot wieħed;

(2)

fil-każ ta’ ajruplani kumplessi ta’ prestazzjoni għolja bi bdot wieħed:

(i)	ikollhom jew kellhom CPL(A) jew ATPL(A) u kwalifika tat-tip;

(ii)	ċertifikat ta’ SFI(A) għall-klassi jew it-tip ta’ ajruplan applikabbli; u

(iii)

ikunu wettqu mill-inqas 500 siegħa ta’ ħin ta’ titjir bħala bdoti fuq ajruplani bi bdot wieħed;”

(50)

fil-punt FCL.1005.FIE, il-paragrafu (c) huwa emendat kif ġej:

“(c)	FIE(As). Il-privileġġi ta’ FIE fuq l-airships huma li jwettaq valutazzjonijiet tal-kompetenza għall-ħruġ, ir-rivalidazzjoni jew it-tiġdid ta’ ċertifikati ta’ għalliema tal-airships, sakemm ikollu ċ-ċertifikat ta’ għalliem rilevanti.”;

(51)	fil-punt FCL.1010.FIE, il-paragrafi (d) u (e) jitħassru;

(52)

L-Appendiċi 1 hija emendata kif ġej:

(a)

il-punt 1 huwa sostitwit b’dan li ġej:

“1.	LAPL u PPL”;

(b)

il-paragrafi 1.1 u 1.2 huma sostitwiti b’dan li ġej:

“1.1.

Għall-ħruġ ta’ LAPL, id-detentur ta’ LAPL f’kategorija oħra ta’ inġenju tal-ajru għandu jkun ikkreditat b’mod sħiħ lejn ir-rekwiżiti ta’ għarfien teoriku dwar is-suġġetti komuni stabbiliti fil-punt FCL.120(a).

1.2.

Għall-ħruġ ta’ LAPL jew ta’ PPL, id-detenturi ta’ PPL, CPL jew ATPL f’kategorija oħra ta’ inġenji tal-ajru għandhom jiġu kkreditati lejn ir-rekwiżiti tal-għarfien teoriku dwar is-suġġetti komuni stabbiliti fil-punt FCL.215(a). Dan il-kreditu għandu japplika wkoll għal applikanti għal LAPL jew PPL li jkollhom BPL maħruġ skont l-Anness III (il-Parti-BFCL) tar-Regolament tal-Kummissjoni (UE) 2018/395 jew SPL maħruġ skont l-Anness III (il-Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, ħlief li s-suġġett ‘navigazzjoni’ ma għandux jiġi kkreditat.”;

(c)	il-paragrafu 1.2a jitħassar;

(d)

il-paragrafu 1.3 huwa sostitwit b’dan li ġej:

“1.3.

Għall-ħruġ ta’ PPL, id-detentur ta’ LAPL fl-istess kategorija ta’ inġenji tal-ajru għandu jkun ikkreditat b’mod sħiħ lejn rekwiżiti tal-tagħlim u l-eżami tal-għarfien teoriku.”;

(e)

il-paragrafu 1.4 huwa sostitwit b’dan li ġej:

“1.4.

B’deroga mill-paragrafu 1.2, għall-ħruġ ta’ LAPL(A), id-detentur ta’ SPL maħruġ skont l-Anness III (il-Parti-SFCL) tar-Regolament ta’ Implimentazzjoni (UE) 2018/1976 bil-privileġġi li jtajjar TMGs għandu juri livell adegwat ta’ għarfien teoriku għall-klassi tal-ajruplani fuq l-art b’magna waħda bil-pistuni tal-art skont il-punt FCL.135.A(a)(2).”;

(f)

il-paragrafu 4.1 huwa sostitwit b’dan li ġej:

“4.1.

Applikanti għal IR, jew għal BIR, li jkunu għaddew mill-eżamijiet teoriċi għal CPL fl-istess kategorija ta’ inġenji tal-ajru, għandhom ikunu kkreditati lejn ir-rekwiżiti ta’ għarfien teoriku fis-suġġetti li ġejjin:

—	Il-prestazzjoni umana,

—	Il-meteoroloġija.”;

(53)

L-Appendiċi 3 hija emendata kif ġej:

(a)

fil-Kapitolu A, il-paragrafu li ġej il-punt 9(f)(3)(ii) huwa sostitwit b’dan li ġej:

“L-applikanti li jkollhom BIR jew ċertifikat ta’ tlestija tal-kors għall-Modulu Bażiku ta’ Titjir bl-Istrumenti għandhom jiġu kkreditati b’sa 10 sigħat għall-ħin meħtieġ ta’ tagħlim bl-istrumenti. Is-sigħat li jsiru f’BITD ma għandhomx jiġu kkreditati.”;

(b)

fil-Kapitolu C, il-paragrafu wara l-punt 8(e)(2)(ii) huwa sostitwit b’dan li ġej:

(c)

fil-Kapitolu D, il-punt 8(e) huwa sostitwit b’dan li ġej:

“(e)

10 sigħat ta’ tagħlim fit-titjir bl-istrumenti, li minnhom sa 5 sigħat jistgħu jkunu ħin ta’ titjir bl-istrumenti fuq l-art f’FNPT I, FTD 2, FNPT II jew FFS. L-applikanti li jkollhom BIR jew ċertifikat ta’ tlestija tal-kors għall-Modulu Bażiku ta’ Titjir bl-Istrumenti għandhom jiġu kkreditati b’sa 10 sigħat għall-ħin meħtieġ ta’ tagħlim bl-istrumenti. Is-sigħat li jsiru f’BITD ma għandhomx jiġu kkreditati;”;

(d)

fil-Kapitolu E, il-punt (a) fil-punt 3 huwa sostitwit b’dan li ġej:

“(a)

ikun wettaq 150 siegħa ta’ ħin ta’ titjir; inklużi 50 siegħa bħala PIC f’ajruplani li minnhom 10 sigħat għandhom ikunu cross-country.

Għajr għar-rekwiżit ta’ 50 siegħa bħala PIC fl-ajruplani, is-sigħat bħala PIC f’kategoriji oħra ta’ inġenji tal-ajru jistgħu jammontaw għall-150 siegħa ta’ ħin ta’ titjir fuq l-ajruplani fi kwalunkwe wieħed mill-każijiet li ġejjin:

(1)	20 siegħa f’ħelikopters, jekk l-applikanti jkollhom PPL(H);

(2)	50 siegħa f’ħelikopters, jekk l-applikanti jkollhom CPL(H);

(3)	10 sigħat f’TMGs jew gliders;

(4)	20 siegħa f’airship, jekk l-applikanti jkollhom PPL(As);

(5)	50 siegħa f’airship, jekk l-applikanti jkollhom CPL(As).”;

(e)

fil-Kapitolu E, il-punt 9 huwa sostitwit b’dan li ġej:

“9.

L-applikanti li jkollhom IR(A) valida għandhom ikunu kkreditati lejn il-ħin ta’ tagħlim fit-titjir bl-istrumenti ma’ bdot ieħor. L-applikanti li jkollhom IR(H) valida għandhom ikunu kkreditati sa 5 sigħat ta’ ħin ta’ tagħlim ta’ titjir bl-istrumenti b’żewġ bdoti, u f’dan il-każ mill-inqas 5 sigħat ta’ ħin ta’ tagħlim ta’ titjir bl-istrumenti b’żewġ bdoti għandhom jingħataw f’ajruplan. L-applikanti li jkollhom BIR jew Ċertifikat ta’ Tlestija tal-Kors għall-Modulu Bażiku ta’ Titjir bl-Istrumenti għandhom jiġu kkreditati b’sa 10 sigħat lejn il-ħin meħtieġ ta’ tagħlim bl-istrumenti.”;

(f)

fil-Kapitolu E, il-punt 12(c) huwa sostitwit b’dan li ġej:

“(c)

10 sigħat ta’ tagħlim fit-titjir bl-istrumenti, li minnhom sa 5 sigħat jistgħu jkunu ħin ta’ titjir bl-istrumenti fuq l-art f’FNPT I jew FNPT II jew FFS. L-applikanti li jkollhom BIR jew ċertifikat ta’ tlestija tal-kors għall-Modulu Bażiku ta’ Titjir bl-Istrumenti għandhom jiġu kkreditati b’sa 10 sigħat għall-ħin meħtieġ ta’ tagħlim bl-istrumenti. Is-sigħat li jsiru f’BITD ma għandhomx jiġu kkreditati;”;

(54)

fl-Appendiċi 6, il-Kapitolu A huwa emendat kif ġej:

(a)

il-paragrafu 2 huwa sostitwit b’dan li ġej:

“2.	Applikanti għal kors ta’ IR(A) modulari għandhom ikunu detenturi ta’ PPL(A) jew CPL(A). Applikanti għall-Modulu tat-Titjir bl-Istrumenti Proċedurali, li ma jkollhomx CPL(A), għandhom ikunu detenturi ta’ BIR jew ta’ Ċertifikat ta’ Tlestija tal-Kors għall-Modulu Bażiku tat-Titjir bl-Istrumenti.”;

(b)

il-paragrafu 10.1 huwa sostitwit b’dan li ġej:

“10.1.

Id-detenturi ta’ CPL(A), ta’ BIR, jew ta’ Ċertifikat ta’ Tlestija tal-Kors għall-Modulu Bażiku tat-Titjir bl-Istrumenti għandhom jiġu kkreditati b’sa 10 sigħat lejn l-ammont totali ta’ taħriġ meħtieġ fil-paragrafi 7 jew 8 ta’ hawn fuq”;

(55)

fl-Appendiċi 6, il-Kapitolu Aa huwa emendat kif ġej:

(a)	il-paragrafi 9 u 10 għandhom jiġu nnumerati mill-ġdid bħala 11 u 12;

(b)

il-paragrafi 9 u 10 jiddaħħlu kif ġej:

“9.

L-applikanti għall-IR(A) modulari bbażata fuq il-kompetenzi li jkollhom BIR skont il-punt FCL.835 u li rċevew mill-inqas 10 sigħat ta’ ħin ta’ titjir bl-istrumenti waqt tagħlim f’ATO jistgħu jiġu kkreditati lejn il-kors ta’ taħriġ imsemmi fil-paragrafu 4, sakemm is-suġġetti kollha ta’ klassifika tal-istrumenti bbażati fuq il-kompetenzi jkunu ġew inklużi f’dak it-taħriġ mill-BIR, u ġew ivvalutati mill-ATO li tipprovdi l-kors ta’ taħriġ modulari fit-titjir ibbażat fuq il-kompetenzi.

10.

L-applikanti għall-IR(A) modulari bbażata fuq il-kompetenzi li jkollhom BIR u li għandhom esperjenza ta’ mill-inqas 50 siegħa ta’ ħin ta’ titjir skont l-IFR bħala PIC fuq l-ajruplani għandhom:

(a)

f’ATO:

(i)	jiġu vvalutati li għandhom standard aċċettabbli ta’ għarfien teoriku dwar il-klassifika tal-istrumenti bbażat fuq il-kompetenzi;

(ii)	jirċievu taħriġ adattat fit-titjir biex jiġu estiżi l-privileġġi ta’ IFR skont FCL.605.IR(a);

(b)

wara li (a) ikun tlesta;

(i)	itemmu t-test tal-ħiliet għall-IR(A) b’suċċess skont l-Appendiċi 7;

(ii)	juru bil-fomm lill-eżaminatur matul it-test tal-ħiliet li huma kisbu livell adegwat ta’ għarfien teoriku tal-liġi tal-ajru, il-meteoroloġija, u l-ippjanar u l-prestazzjoni tat-titjiriet.”;

(56)

L-Appendiċi 7 hija emendata kif ġej:

(a)	it-titolu huwa sostitwit b’“test tal-ħiliet ta’ BIR u I R”;

(b)

il-paragrafu 1 huwa sostitwit b’dan li ġej:

“1.	L-applikanti għandhom ikunu ngħataw tagħlim dwar l-istess klassi jew tip ta’ inġenju tal-ajru li jintuża fit-test li għandu jkun mgħammar kif xieraq għall-għanijiet tat-taħriġ u tal-ittestjar.”;

(c)

il-paragrafu 9 huwa sostitwit b’dan li ġej:

“9.

L-applikanti għandhom jindikaw lill-eżaminatur il-kontrolli u d-dmirijiet imwettqa, inkluża l-identifikazzjoni tal-faċilitajiet tar-radju. Il-kontrolli għandhom jitwettqu skont il-lista ta’ kontroll awtorizzata għall-inġenju tal-ajru li fuqu jkun qed isir it-test. Matul il-preparazzjoni ta’ qabel it-titjira għat-test, l-applikanti għandhom jiddeterminaw il-konfigurazzjonijiet tal-enerġija u l-veloċitajiet. L-applikanti għandhom jikkalkulaw id-data tal-prestazzjoni għat-tlugħ, l-avviċinament u l-inżul f’konformità mal-manwal tal-operat jew mal-manwal tat-titjir għall-inġenju tal-ajru użat.”;

(d)

fil-paragrafu 11, fl-aħħar tat-tabella għal “ajruplani”, il-kliem tan-nota ta’ qiegħ il-paġna (++) huwa sostitwit b’dan li ġej:

“(++)

Biex jiġu stabbiliti l-privileġġi ta’ PBN, avviċinament wieħed fit-Taqsima 4 jew fit-Taqsima 5 għandu jkun RNP APCH. Fejn RNP APCH mhijiex prattikabbli, din għandha titwettaq f’FSTD mgħammar b’mod xieraq.”;

(e)

fil-paragrafu 11, fl-aħħar tat-tabella għal “ħelikopters”, il-kliem tan-nota ta’ qiegħ il-paġna (+) huwa sostitwit b’dan li ġej:

“(+)	Biex jiġu stabbiliti l-privileġġi ta’ PBN, avviċinament wieħed fit-Taqsima 4 jew fit-Taqsima 5 għandu jkun RNP APCH. Fejn RNP APCH mhijiex prattikabbli, din għandha titwettaq f’FSTD mgħammar b’mod xieraq.”;

(57)	it-titolu tal-Appendiċi 9 huwa sostitwit bi “Taħriġ, test tal-ħiliet u kontroll tal-profiċjenza għall-MPL, ATPL, kwalifiki tat-tip u tal-klassi, u kontroll tal-profiċjenza għall-BIR u l-I R”.

(58)

L-Appendiċi 9 hija emendata kif ġej:

(a)

fil-punt 5 tat-Taqsima B, il-punt (l) huwa sostitwit b’dan li ġej:

“(l)

Biex jiġu stabbiliti u jinżammu l-privileġġi PBN, avviċinament wieħed għandu jkun RNP APCH. Fejn RNP APCH mhijiex prattikabbli, din għandha titwettaq f’FSTD mgħammar b’mod xieraq.

B’deroga mis-subparagrafu ta’ hawn fuq, f’każijiet fejn kontroll tal-profiċjenza għal rivalidazzjoni tal-privileġġi ta’ PBN ma jinkludix eżerċizzju ta’ RNP APCH, il-privileġġi ta’ PBN tal-pilota ma għandhomx jinkludu RNP APCH. Ir-restrizzjoni għandha titneħħa jekk il-bdot ikun lesta kontroll tal-profiċjenza li jinkludi eżerċizzju ta’ RNP APCH.”;

(b)

fil-punt 6 tat-Taqsima B, il-punt (d) huwa sostitwit b’dan li ġej:

“(d)	Fejn tidher l-ittra “M” fil-kolonna tat-test tal-ħiliet jew tal-kontroll tal-profiċjenza, din tkun tindika eżerċizzju obbligatorju jew għażla fejn jidher aktar minn eżerċizzju wieħed.”;

(c)

fil-punt 6 tal-punt (B), il-punt (j) huwa sostitwit b’dan li ġej:

“(j)

Biex jiġu stabbiliti u jinżammu l-privileġġi PBN, avviċinament wieħed għandu jkun RNP APCH. Fejn RNP APCH mhijiex prattikabbli, din għandha titwettaq f’FSTD mgħammar b’mod xieraq.

B’deroga mis-subparagrafu ta’ hawn fuq, f’każijiet fejn kontroll tal-profiċjenza għal rivalidazzjoni tal-privileġġi ta’ PBN ma jinkludix eżerċizzju ta’ RNP APCH, il-privileġġi ta’ PBN tal-bdot ma għandhomx jinkludu RNP APCH. Ir-restrizzjoni għandha titneħħa jekk il-bdot ikun lesta kontroll tal-profiċjenza inkluż eżerċizzju ta’ RNP APCH.”;

(d)

fil-punt 6 tat-Taqsima B, fit-tabella li ġejja l-punt (j), ir-ringiela għall-eżerċizzju 3.8.3.4 hija sostitwita b’dan li ġej:

“3.8.3.4*

B’mod manwali, b’magna waħda simulata li ma taħdimx waqt l-avviċinament finali, jew sakemm tintmess l-art jew permezz tal-proċedura sħiħa ta’ avviċinament bla suċċess (kif applikabbli), u b’bidu minn:

(i)	qabel ma jinqabżu l-1 000 pied ’il fuq mil-livell tal-ajrudrom; u

(ii)	wara li jinqabżu l-1 000 pied ’il fuq mil-livell tal-ajrudrom.

F’ajruplani li ma jkunux iċċertifikati bħala kategorija ta’ ajruplani ta’ trasport (JAR/FAR 25) jew bħala kategorija ta’ ajruplani ta’ vvjaġġar minn post għall-ieħor (SFAR 23), l-avviċinament bi ħsara simulata tal-magna u l-avviċinament b’tidwir li jirriżulta għandhom jinbdew flimkien mal-avviċinament 2D b’mod konformi ma’ 3.8.4. It-tidwir għandu jinbeda meta jintlaħaq l-għoli/tintlaħaq l-altitudni ppubblikata ta’ spazju ħieles mingħajr ostaklu (OCH/A); madankollu, mhux aktar tard minn meta jintlaħaq MDH/A ta’ 500 pied ’il fuq mill-elevazzjoni minima tar-runway. Għal ajruplani li jkollhom l-istess prestazzjoni ta’ ajruplan tal-kategorija tat-trasport fir-rigward tal-massa waqt it-tlugħ u l-altitudni ta’ densità, l-għalliem jista’ jissimula l-ħsara fil-magna skont l-eżerċizzju 3.8.3.4.

P --->

--->

M”;

(e)	fil-punt 6 tat-Taqsima B, fit-tabella li ġejja l-punt (j), ir-ringiela għall-eżerċizzju 3.8.3.5 titħassar.

(f)

fit-Taqsima C, jiddaħħal il-punt 8a ġdid li ġej:

“(8a)

Biex jiġu stabbiliti u jinżammu l-privileġġi PBN, avviċinament wieħed għandu jkun RNP APCH. Fejn RNP APCH mhijiex prattikabbli, din għandha titwettaq f’FSTD mgħammar b’mod xieraq.

B’deroga mis-subparagrafu ta’ hawn fuq, f’każijiet fejn kontroll tal-profiċjenza għal rivalidazzjoni tal-privileġġi PBN ma jinkludix eżerċizzju ta’ RNP APCH, il-privileġġi ta’ PBN tal-bdot ma għandhomx jinkludu RNP APCH. Ir-restrizzjoni għandha titneħħa jekk il-bdot ikun lesta kontroll tal-profiċjenza inkluż eżerċizzju ta’ RNP APCH.”.

ANNESS II

Il-punt MED.A.030 tal-Anness IV (Parti-MED) tar-Regolament tal-Kummissjoni (UE) Nru 1178/2011 huwa emendat kif ġej:

(a)

il-paragrafu (c) huwa sostitwit b’dan li ġej:

“(c)

Meta jeżerċita l-privileġġi ta’:

(1)

liċenzja ta’ bdot għal inġenji tal-ajru ħfief (LAPL), liċenzja ta’ bdot għall-blalen tal-arja (BPL) maħruġa skont l-Anness III (Parti-BFCL) tar-Regolament tal-Kummissjoni (UE) 2018/395, jew liċenzja ta’ bdot għall-gliders (SPL) maħruġa skont l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, il-bdot għandu jkollu tal-inqas ċertifikat mediku validu tal-LAPL;

(2)	liċenzja ta’ bdot privat (PPL), il-bdot għandu jkollu mill-inqas ċertifikat mediku validu tal-klassi 2;

(3)

BPL għall-iskop ta’:

(i)	ġarr kummerċjali ta’ passiġġieri bil-blalen tal-arja, il-bdot għandu jkollu mill-inqas ċertifikat mediku validu tal-klassi 2;

(ii)	operazzjoni kummerċjali għajr ġarr kummerċjali ta’ passiġġieri bil-blalen tal-arja, b’aktar minn 4 persuni abbord l-inġenju tal-ajru, il-bdot għandu jkollu mill-inqas ċertifikat mediku validu tal-klassi 2;

(4)	SPL għall-iskop ta’ operazzjonijiet kummerċjali ta’ glider minbarra dawk speċifikati fl-Artikolu 3(2) tar-Regolament ta’ Implimentazzjoni tal-Kummissjoni (UE) 2018/1976, il-bdot għandu jkollu tal-anqas ċertifikat mediku validu tal-klassi 2;

(5)	liċenzja ta’ bdot kummerċjali (CPL), liċenzja ta’ bdot ta’ aktar minn ekwipaġġ wieħed (MPL) jew liċenzja ta’ bdot tat-trasport ta’ linja tal-ajru (ATPL), il-bdot għandu jkollu ċertifikat mediku validu tal-klassi 1.”;

(b)

il-paragrafu (e) huwa sostitwit b’dan li ġej:

“(e)	Jekk tiżdied kwalifika tat-titjir bl-istrumenti jew kwalifika tat-titjir bl-istrumenti bażika ma’ PPL, id-detentur ta’ liċenzja għandu jagħmel l-eżamijiet awdjometriċi tat-tonalità pura skont il-perjodiċità u l-istandard meħtieġ għad-detenturi ta’ ċertifikat mediku tal-klassi 1.”.

ANNESS III

L-Anness VI (il-Parti-ARA) tar-Regolament tal-Kummissjoni (UE) Nru 1178/2011 huwa emendat kif ġej:

(1)

fil-punt ARA.GEN.220, il-paragrafu (b) huwa sostitwit b’dan li ġej:

“(b)

L-awtorità kompetenti għandha tistabbilixxi u żżomm aġġornata lista taċ-ċertifikati kollha tal-organizzazzjonijiet, taċ-ċertifikati tal-kwalifika ta’ FSTD u tal-liċenzji tal-persunal, taċ-ċertifikati u l-attestazzjonijiet li tkun ħarġet, dikjarazzjonijiet ta’ DTO li tkun irċeviet, u l-programmi ta’ taħriġ tad-DTO li hija vverifikat jew approvat għall-konformità mal-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395, jew l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976.”;

(2)

il-punt ARA.GEN.350 huwa emendat kif ġej:

(a)

is-sentenza introduttorja tal-paragrafu (da) hija sostitwita b’dan li ġej:

“(da)

B’deroga mill-paragrafi (a) sa (d), fil-każ ta’ DTOs, jekk matul is-sorveljanza jew bi kwalunkwe mezz ieħor l-awtorità kompetenti ssib evidenza li tindika n-nuqqas ta’ konformità ta’ DTO mar-rekwiżiti essenzjali stabbiliti fl-Anness IV tar-Regolament (UE) 2018/1139, mar-rekwiżiti tal-Anness I (Parti-FCL) u tal-Anness VIII (Parti-DTO) ta’ dan ir-Regolament, jew mar-rekwiżiti tal-Anness III (Parti-BFCL) tar-Regolament tal-Kummissjoni (UE) 2018/395 u tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, l-awtorità kompetenti għandha:”;

(b)

il-paragrafu (e) huwa sostitwit b’dan li ġej:

“(e)

Mingħajr preġudizzju għal kwalunkwe miżura ta’ infurzar addizzjonali, jekk l-awtorità ta’ Stat Membru li taġixxi skont il-punt ARA.GEN.300(d) tidentifika kwalunkwe nuqqas ta’ konformità mar-rekwiżiti essenzjali stabbiliti fl-Anness IV tar-Regolament (UE) 2018/1139, mar-rekwiżiti tal-Anness I (Parti-FCL), l-Anness VII (Parti-ORA) u l-Anness VIII (Parti-DTO) ta’ dan ir-Regolament, jew mar-rekwiżiti tal-Anness III (Parti-BFCL) tar-Regolament tal-Kummissjoni (UE) 2018/395 u tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976 minn organizzazzjoni ċċertifikata minn, jew li tkun ressqet dikjarazzjoni lil, l-awtorità kompetenti ta’ Stat Membru ieħor jew lill-Aġenzija, hija għandha tinforma lil dik l-awtorità kompetenti b’dak in-nuqqas ta’ konformità.”;

(3)

fil-punt ARA.GEN.360, il-punt (a) huwa sostitwit b’dan li ġej:

“(a)

Malli tirċievi talba mingħand detentur tal-liċenzja biex jibdel l-awtorità kompetenti kif speċifikat fil-punt FCL.015(e) tal-Anness I (Parti-FCL), il-punt BFCL.015(f) tal-Anness III (Parti-BFCL) tar-Regolament tal-Kummissjoni (UE) 2018/395 jew il-punt SFCL.015(f) tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, l-awtorità kompetenti riċeventi għandha, mingħajr dewmien żejjed, titlob lill-awtorità kompetenti tad-detentur tal-liċenzja tittrasferixxi, mingħajr dewmien żejjed, dawn kollha li ġejjin:

(1)	verifika tal-liċenzja;

(2)

kopji tar-rekords mediċi tad-detentur tal-liċenzja li jinżammu minn dik l-awtorità kompetenti skont il-punti ARA.GEN.220 u ARA.MED.150. Ir-rekords mediċi għandhom jiġu ttrasferiti skont il-punt MED.A.015 tal-Anness IV (Parti-MED) u għandhom jinkludu sommarju tal-istorja medika rilevanti tal-applikant, ivverifikata u ffirmata mill-valutatur mediku.”;

(4)

fil-punt ARA.FCL.200, jiżdied il-paragrafu (e) li ġej:

“(e)

Għalliema għaċ-ċertifikati ta’ FI(B) jew FI(S): L-awtorità kompetenti għandha tiżviluppa proċeduri xierqa għat-twettiq tat-titjiriet ta’ taħriġ taħt superviżjoni speċifikata fi:

(1)	il-punti BFCL.315(a)(5)(ii) u BFCL.360(a)(2) tal-Anness III (Parti-BCL) tar-Regolament tal-Kummissjoni (UE) 2018/395; u

(2)	il-punti SFCL.315(a)(7)(ii) u SFCL.360(a)(2) tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976.”;

(5)

il-punt ARA.FCL.250(a), is-subparagrafu (3) huwa sostitwit b’dan li ġej:

“(3)	id-detentur tal-liċenzja ma għadux konformi mar-rekwiżiti applikabbli tal-Anness I (Parti-FCL), tal-Anness III (-Parti-BFCL) tar-Regolament tal-Kummissjoni (UE) 2018/395 jew tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976;”;

(6)

fil-punt ARA.FCL.300, il-paragrafu (a) huwa sostitwit b’dan li ġej:

“(a)

L-awtorità kompetenti għandha ddaħħal fis-seħħ l-arranġamenti u l-proċeduri meħtieġa biex tippermetti lill-applikanti jagħmlu l-eżamijiet tal-għarfien teoriku skont ir-rekwiżiti applikabbli tal-Anness I (Parti-FCL), tal-Anness III (Parti-BFCL) tar-Regolament tal-Kummissjoni (UE) 2018/395 jew tal-Anness III (Parti-FCL) tar-Regolament ta’ Implimentazzjoni tal-Kummissjoni (UE) 2018/1976.”;

(7)

il-punt ARA.ATO.110 li ġej jiddaħħal wara l-punt ARA.ATO.105:

“ ARA.ATO.110 Approvazzjoni tal-listi tat-tagħmir minimu

Meta l-awtorità kompetenti tirċievi applikazzjoni għall-approvazzjoni ta’ lista ta’ tagħmir minimu skont il-punti ORO.MLR.105 tal-Anness III (Parti-ORO) u NCC.GEN.101 tal-Anness VI (Parti-NCC) tar-Regolament (UE) Nru 965/2012, hija għandha taġixxi skont il-punt ARO.OPS.205 tal-Anness II (Parti-ARO) ta’ dak ir-Regolament.”;

(8)

fil-punt ARA.DTO.100, il-paragrafu (b) huwa sostitwit b’dan li ġej:

“(b)

Jekk id-dikjarazzjoni ma jkunx fiha l-informazzjoni meħtieġa jew tkun tinkludi informazzjoni li tindika nuqqas ta’ konformità mar-rekwiżiti essenzjali stabbiliti fl-Anness IV tar-Regolament (UE) 2018/1139, mar-rekwiżiti tal-Anness I (Parti-FCL) u tal-Anness VIII (Parti-DTO) ta’ dan ir-Regolament, jew mar-rekwiżiti tal-Anness III (Parti-BCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, l-awtorità kompetenti għandha taġixxi skont il-punt ARA.GEN.350(da).”;

(9)

fil-punt ARA.DTO.110, il-paragrafu (a) huwa sostitwit b’dan li ġej:

“(a)

Meta tirċievi l-programmi ta’ taħriġ ta’ DTO, u kwalunkwe tibdil li jsirilhom, li jkunu nnotifikati lilha skont il-punt DTO.GEN.115(c) tal-Anness VIII (Parti-DTO) jew l-applikazzjoni għall-approvazzjoni tal-programmi ta’ taħriġ ta’ DTO ppreżentati lilha skont il-punt DTO.GEN.230(c) ta’ dak l-Anness, l-awtorità kompetenti għandha tivverifika l-konformità ta’ dawk il-programmi ta’ taħriġ mar-rekwiżiti tal-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli.”;

(10)

L-Appendiċi I hija emendata kif ġej:

(a)

is-sentenza introduttorja wara t-titolu “Liċenzja tal-ekwipaġġ tat-titjir a” hija sostitwita b’dan li ġej:

“Il-liċenzja tal-ekwipaġġ tat-titjira maħruġa minn Stat Membru skont l-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976 għandhom jikkonformaw mal-ispeċifikazzjonijiet li ġejjin:”;

(b)

il-paragrafu (a)(1)(III) huwa sostitwit b’dan li ġej:

“(III)

numru tas-serje tal-liċenzja, li jibda bil-kodiċi tal-pajjiż tan-NU tal-Istat li ħareġ il-liċenzja, segwit mill-ittri ‘FCL’, ‘BFCL’ jew ‘SFCL’, kif applikabbli, u kodiċi ta’ numri Għarbin u/jew ittri Latini;”;

(c)

il-paragrafu (a)(2)(XII) huwa sostitwit b’dan li ġej:

“(XII)

kwalifiki, ċertifikati u, fil-każ ta’ blalen tal-arja u gliders, privileġġi: klassi, tip, ċertifikati ta’ għalliem, eċċ., bid-dati tal-iskadenza, kif applikabbli. Il-privileġġi tat-telefonija bir-radju (R/T) jistgħu jidhru fuq il-liċenzja jew fuq ċertifikat separat;”;

(d)

il-mudell li jsegwi l-paragrafu (c), bl-intestatura “Paġna ta’ quddiem” (il-Formola 141 tal-EASA Ħarġa 2) huwa emendat kif ġej:

(i)	il-frażi “Maħruġa skont il-Parti-FCL” hija sostitwita b’dan li ġej: “Maħruġa skont il-Parti FCL/il-Parti-BFCL/il-Parti-SFCL (termini mhux applikabbli għandhom jitħassru)”;

(ii)	il-frażi “Din il-liċenzja tikkonforma mal-istandards tal-ICAO, ħlief għal-LAPL u l-privileġġi tal-EIR” hija sostitwita b’dan li ġej: “Din il-liċenzja tikkonforma mal-istandards tal-ICAO, ħlief għall-privileġġi tal-LAPL u l-BIR jew meta tkun akkumpanjata minn ċertifikat mediku tal-LAPL”;

(e)

fil-mudell wara t-titolu “Paġna 2”, il-frażi ‘In-numru tas-serje tal-liċenzja sejjer dejjem jibda bil-kodiċi tal-pajjiż tan-NU tal-Istat li ħareġ il-liċenzja segwit minn “FCL”. (rimarka assoċjata mal-qasam Nru III — Numru tal-liċenzja) hija sostitwita b’dan li ġej:

“In-numru tas-serje tal-liċenzja sejjer dejjem jibda bil-kodiċi tal-pajjiż tan-NU tal-Istat li ħareġ il-liċenzja segwit minn ‘FCL.’, ‘BFCL.’ jew ‘SFCL.’, kif applikabbli.”;

(f)

il-mudell li jsegwi l-intestatura “Paġna 3” huwa emendat kif ġej:

(i)

il-frażi “Abbrevjazzjonijiet użati se jintużaw fil-Parti-FCL (eż. PPL(H), ATPL(A), eċċ.)” (test assoċjat mal-qasam Nru II - Titolu tal-liċenzja, data tal-ħruġ inizjali u kodiċi tal-pajjiż) hija sostitwita b’dan li ġej:

“L-abbrevjazzjonijiet se jkunu bħal dawk użati fil-Parti-FCL (eż. PPL(H), ATPL(A), eċċ.), fil-Parti-BFCL u fil-Parti-SFCL”;

(ii)

wara l-frażi “F’każ ta’ LAPL: LAPL mhux maħruġa skont l-istandards tal-ICAO” (test assoċjat mal-qasam Nru XIII - Rimarki), jiżdied it-test li ġej:

“Fil-każ ta’ SPL, ħlief għall-każijiet imsemmija fil-Punt 2(b) tal-Artikolu 3b tar-Regolament ta’ Implimentazzjoni tal-Kummissjoni (UE) 2018/1976: Privileġġi għal titjir fil-livell tas-sħab ajrubatiku u tal-gliders kif ukoll għal metodi ta’ llanċjar li għandhom jiġu eżerċitati skont il-punti SFCL.155, SFCL.200 u SFCL.215 tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli.”.

(11)

L-Appendiċi III hija sostitwita b’dan li ġej:

“ĊERTIFIKAT GĦAL ORGANIZZAZZJONIJIET TA’ TAĦRIĠ APPROVATI (ATOs)

Unjoni Ewropea *

Awtorità Kompetenti

ĊERTIFIKAT TA’ ORGANIZZAZZJONI TA’ TAĦRIĠ APPROVATA

[NUMRU/REFERENZA TAĊ-ĊERTIFIKAT]

Skont ir-Regolament tal-Kummissjoni (UE) Nru 1178/2011 [u r-Regolament tal-Kummissjoni (UE) 2018/395/ir-Regolament ta’ Implimentazzjoni tal-Kummissjoni (UE) 2018/1976 (ADATTA SKONT KIF APPLIKABBLI)] u soġġett għall-kundizzjonijiet speċifikati hawn taħt, l-[Awtorità Kompetenti] b’dan tiċċertifika

[ISEM L-ORGANIZZAZZJONI TA’ TAĦRIĠ]

[INDIRIZZ TAL-ORGANIZZAZZJONI TA’ TAĦRIĠ]

bħala organizzazzjoni ta’ taħriġ iċċertifikata skont il-Parti-ORA bil-privileġġ li tipprovdi korsijiet ta’ taħriġ tal-Parti-FCL, inkluż l-użu ta’ FSTDs, kif elenkat fl-approvazzjoni tal-kors ta’ taħriġ mehmuż/korsijiet ta’ taħriġ tal-Parti-BFCL/korsijiet ta’ taħriġ tal-Parti-SFCL [ADATTA SKONT KIF APPLIKABBLI].

KUNDIZZJONIJIET:

Dan iċ-ċertifikat huwa limitat għall-privileġġi u għall-ambitu tal-provvista tal-korsijiet ta’ taħriġ, inkluż l-użu ta’ FSTDs, kif elenkat fl-approvazzjoni mehmuża tal-kors ta’ taħriġ.

Dan iċ-ċertifikat huwa validu sakemm l-organizzazzjoni approvata tibqa’ konformi mal-Parti-ORA, il-Parti-FCL, il-Parti-BFCL, il-Parti-SFCL [ADATTA SKONT KIF APPLIKABBLI] u regolamenti oħra applikabbli.

Soġġett għall-konformità mal-kundizzjonijiet imsemmija hawn fuq, dan iċ-ċertifikat għandu jibqa’ validu sakemm iċ-ċertifikat jiġi ċedut, sostitwit, ristrett, sospiż jew revokat.

Data tal-ħruġ:

Iffirmat:

[Awtorità Kompetenti]

*	“L-Unjoni Ewropea” għandha titħassar għal Stati Membri li mhumiex membri tal-UE

FORMOLA 143 TAL-EASA Ħarġa 2 – Paġna 1/2

ĊERTIFIKAT TA’ ORGANIZZAZZJONI TA’ TAĦRIĠ APPROVATA

APPROVAZZJONI TA’ KORS TA’ TAĦRIĠ

Hemża maċ-Ċertifikat ATO Nru:

[NUMRU/REFERENZA TAĊ-ĊERTIFIKAT]

[ISEM L-ORGANIZZAZZJONI TA’ TAĦRIĠ]

kiseb il-privileġġ li jipprovdi u jwettaq dawn il-korsijiet ta’ taħriġ tal-Parti-FCL/il-Parti-BFCL/il-Parti-SFCL [ADATTA SKONT KIF APPLIKABBLI] u li juża l-FSTDs li ġejjin:

Kors ta’ taħriġ	FSTD(s) użat(i), inkluż il-kodiċi b’ittri (1)

Din l-approvazzjoni tal-kors ta’ taħriġ hija valida sakemm:

(a)	iċ-ċertifikat tal-ATO ma jkunx ġie ċedut, sostitwit, ristrett, sospiż jew revokat; u

(b)	l-operazzjonijiet kollha jitwettqu skont il-Parti-ORA, il-Parti-FCL, il-Parti-BFCL, il-Parti-SFCL [ADATTA SKONT KIF APPLIKABBLI], regolamenti oħra applikabbli, u, fejn rilevanti, skont il-proċeduri fid-dokumentazzjoni tal-organizzazzjoni kif meħtieġa bil-Parti-ORA.

Data tal-ħruġ:

Iffirmat:[Awtorità Kompetenti]

Għall-Istat Membru/EASA

FORMOLA 143 TAL-EASA Ħarġa 2 — Paġna 2/2”;

(12)	L-Appendiċi VIII hija sostitwita b’dan li ġej:

“ Approvazzjoni tal-programm ta’ taħriġ

għal organizzazzjoni tat-taħriġ iddikjarata (DTO)

Unjoni Ewropea (*)

Awtorità kompetenti

L-awtorità tal-ħruġ:

Isem id-DTO:

Numru ta’ referenza tad-DTO:

Programm(i) ta’ taħriġ approvat(i):

Standardizzazzjoni tal-eżaminatur - FE(S), FE(B) (**)

Kors ta’ aġġornament għall-eżaminatur — FE(S), FE(B) (**)

Ir-referenza tad-dokument:

Rimarki:

Il-programm(i) ta’ taħriġ imsemmi(ja) hawn fuq ġie/ġew ivverifikat(i) mill-awtorità kompetenti msemmija hawn fuq u nstab li huwa/huma konformi mar-rekwiżiti tal-Anness I (Parti-FCL) tar-Regolament tal-Kummissjoni (UE) Nru 1178/2011, l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti SFCL) tar-Regolament ta’ Implimentazzjoni tal-Kummissjoni (UE) 2018/1976.

Data tal-ħruġ:

Iffirmat: [awtorità kompetenti]

(*)	“Unjoni Ewropea” għandha titħassar għal Stati Membri mhux fl-UE.

(**)	Irid jiġi adattat kif ikun applikabbli.

Ħarġa Nru 2 tal-Formola XXX tal-EASA — Paġna 1/1”.

(1) kif indikat fuq iċ-ċertifikat tal-kwalifika

ANNESS IV

L-Anness VII (Parti-ORA) tar-Regolament tal-Kummissjoni (UE) Nru 1178/2011 huwa emendat kif ġej:

(1)

il-punt ORA.ATO.110 huwa emendat kif ġej:

(a)

fil-paragrafu (b), is-subparagrafu (1) huwa sostitwit b’dan li ġej:

“(1)

li jiżgura li t-taħriġ ipprovdut ikun konformi mal-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395, l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli, u, fil-każ ta’ taħriġ ta’ titjir bi prova, li r-rekwiżiti rilevanti tal-Anness I (il-Parti 21) tar-Regolament tal-Kummissjoni (UE) Nru 748/2012 u l-programm ta’ taħriġ ikunu ġew stabbiliti;”;

(b)

il-paragrafu (d) huwa sostitwit b’dan li ġej:

“(d)

L-għalliema tat-titjir u l-għalliema tat-taħriġ tas-simulazzjoni tat-titjir għandu jkollhom il-kwalifiki meħtieġa mill-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976 għat-tip ta’ taħriġ li jipprovdu.”;

(2)

fil-punt ORA.ATO.125, il-paragrafu (b) huwa sostitwit b’dan li ġej:

“(b)

Il-programm ta’ taħriġ għandu jkun konformi mar-rekwiżiti tal-Anness I (Parti-FCL), L-Anness III (Parti-BFCL) tar-Regolament tal-Kummissjoni (UE) 2018/395, l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli, u, fil-każ ta’ taħriġ ta’ test ta’ titjir, ir-rekwiżiti rilevanti tal-Anness I (il-Parti 21) tar-Regolament tal-Kummissjoni (UE) Nru 748/2012.”.

ANNESS V

L-Anness VIII (Parti-DTO) tar-Regolament tal-Kummissjoni (UE) Nru 1178/2011 huwa emendat kif ġej:

(1)

il-punt DTO.GEN.110 huwa emendat kif ġej:

(a)

il-paragrafi (a)(3) u (4) huma sostitwiti b’dan li ġej:

“(3)

għall-gliders, skont ir-rekwiżiti tal-Anness III (il-Parti-SFCL) tar-Regolament ta’ Implimentazzjoni tal-Kummissjoni (UE) 2018/1976:

(a)	tagħlim ta’ għarfien teoriku għall-SPL;

(b)	tagħlim fit-titjir għall-SPL;

(c)	taħriġ għall-estensjoni tal-privileġġi għal gliders jew TMGs skont il-punt SFCL.150;

(d)	taħriġ għal metodi ta’ llanċjar addizzjonali skont il-punt SFCL.155;

(e)	taħriġ għal kwalifiki u privileġġi addizzjonali: privileġġi ajrubatiċi bażiċi u ajrubatiċi avvanzati, kwalifika tal-ġbid ta’ gliders u strixxuni, kwalifika ta’ billejl għal TMG, u privileġġi ta’ titjir tal-gliders fil-livell tas-sħab;

(f)	taħriġ għal ċertifikat ta’ għalliem tat-titjir għall-gliders (FI(S));

(g)	kors ta’ aġġornament għal FI(S);

(4)

għall-blalen tal-arja, skont ir-rekwiżiti tal-Anness III (il-Parti-BFCL) tar-Regolament ta’ Implimentazzjoni tal-Kummissjoni (UE) 2018/1976:

(a)	tagħlim ta’ għarfien teoriku għall-BPL;

(b)	tagħlim fit-titjir għall-BPL;

(c)	taħriġ għal estensjoni tal-klassi jew tal-grupp skont il-punt BFCL.150;

(d)	taħriġ għal kwalifiki addizzjonali: titjira tal-ballun tal-arja sħuna marbut, billejl, u kwalifika ta’ operazzjoni kummerċjali;

(g)	taħriġ għal ċertifikat ta’ għalliem tat-titjir għall-blalen tal-arja (FI(B));

(h)	kors ta’ aġġornament FI(B).”;

(b)

il-paragrafu (b) huwa sostitwit b’dan li ġej:

“(b)

DTO għandha tkun intitolata li tipprovdi wkoll korsijiet tal-eżaminaturi msemmija fil-punti BFCL.430 u BFCL.460(b)(1) tal-Anness III (Parti-BFCL) tar-Regolament tal-Kummissjoni (UE) 2018/395 għal FE(B); kif ukoll fil-punti SFCL.430 u SFCL.460(b)(1) tal-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976 għall-FE(S); dment li d-DTO tkun ressqet dikjarazzjoni skont il-punt DTO.GEN.115 u l-awtorità kompetenti tkun approvat il-programm ta’ taħriġ skont il-punt DTO.GEN.230(c).”;

(2)

il-punt DTO.GEN.115(a), is-subparagrafu (8) huwa sostitwit b’dan li ġej:

“(8)

dikjarazzjoni li tikkonferma li d-DTO hija konformi u, matul l-attivitajiet kollha ta’ taħriġ koperti mid-dikjarazzjoni, se tkompli tikkonforma mar-rekwiżiti essenzjali stabbiliti fl-Anness IV tar-Regolament (UE) 2018/1139, mar-rekwiżiti ta’l-Anness I (Parti-FCL) u l-Anness VIII (Parti-DTO) ta’ dan ir-Regolament, kif ukoll mar-rekwiżiti tal-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976.”;

(3)

il-punt DTO.GEN.210 huwa emendat kif ġej:

(a)

il-paragrafu (a)(2)(i) huwa sostitwit b’dan li ġej:

“(i)	li t-taħriġ ipprovdut jikkonforma mar-rekwiżiti tal-Anness I (Parti-FCL), tal-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament tal-Kummissjoni (UE) 2018/1976 u mal-programm ta’ taħriġ tad-DTO;”;

(b)

il-paragrafu (e) huwa sostitwit b’dan li ġej:

“(e)

(4)

il-punt DTO.GEN.230 huwa emendat kif ġej:

(a)

il-paragrafu (b) huwa sostitwit b’dan li ġej:

“(b)	Il-programmi ta’ taħriġ għandhom ikunu konformi mar-rekwiżiti tal-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli.”;

(b)

il-paragrafu (c) huwa sostitwit b’dan li ġej:

“(c)

DTO għandu jkun intitolat li jipprovdi t-taħriġ imsemmi fil-punt DTO.GEN.110(b) biss meta l-programm ta’ taħriġ tiegħu għal dak it-taħriġ, u kull bidla fih, ikunu nħarġu mill-awtorità kompetenti, wara applikazzjoni mid-DTO, b’approvazzjoni skont il-punt ARA.DTO.110, li tikkonferma li l-programm ta’ taħriġ u kull bidla fih jikkonformaw mar-rekwiżiti tal-Anness I (Parti-FCL), l-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976, kif applikabbli. DTO għandha tapplika għal tali approvazzjoni permezz tal-preżentazzjoni tad-dikjarazzjoni tagħha f’konformità mal-punt DTO.GEN.115.”;

(5)

fl-Appendiċi 1, it-Taqsima 9 tal-formola ta’ dikjarazzjoni hija sostitwita b’dan li ġej:

“9.

Stqarrija

Id-DTO żviluppat politika ta’ sikurezza skont l-Anness VIII (Parti-DTO) tar-Regolament tal-Kummissjoni (UE) Nru 1178/2011, u b’mod partikolari skont il-punt DTO.GEN.210(a)(1)(ii) tiegħu, u se tapplika dik il-politika waqt l-attivitajiet kollha tat-taħriġ koperti bid-dikjarazzjoni.

Id-DTO tikkonforma u, matul l-attivitajiet kollha ta’ taħriġ koperti bid-dikjarazzjoni, se tkompli tikkonforma mar-rekwiżiti essenzjali stabbiliti fl-Anness IV tar-Regolament (UE) 2018/1139, mar-rekwiżiti tal-Anness I (Parti-FCL) u tal-Anness VIII (Parti-DTO) tar-Regolament tal-Kummissjoni (UE) Nru 1178/2011, u mar-rekwiżiti tal-Anness III (Parti-BFCL) tar-Regolament tal-Kummissjoni (UE) 2018/395 u l-Anness III (Parti-SFCL) tar-Regolament ta’ Implimentazzjoni tal-Kummissjoni (UE) 2018/1976.

Nikkonfermaw li l-informazzjoni kollha li tinsab f’din id-dikjarazzjoni, inklużi l-annessi tagħha (jekk huwa applikabbli), hija kompluta u korretta.

L-isem, id-data u l-firma tar-rappreżentant tad-DTO

L-isem, id-data u l-firma tal-kap tat-taħriġ tad-DTO”.

		ISSN 1977-074X
Il-Ġurnal Uffiċjali tal-Unjoni Ewropea		L 67

Edizzjoni bil-Malti	Leġiżlazzjoni	Volum 63 5 ta' Marzu 2020

Werrej		II Atti mhux leġiżlattivi	Paġna
		REGOLAMENTI
	*	Regolament tal-Kummissjoni (UE) 2020/354 tal-4 ta’ Marzu 2020 li jistabbilixxi lista ta’ użi maħsuba għall-għalf maħsub għal skopijiet ta’ nutrizzjoni partikolari u li jħassar id-Direttiva 2008/38/KE ( 1 )	1
	*	Regolament tal-Kummissjoni (UE) 2020/355 tas-26 ta’ Frar 2020 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu tal-poliriċinoleat tal-poligliċerol (E 476) f’ emulsjonijiet likwidi taż-żejt veġetali ( 1 )	28
	*	Regolament tal-Kummissjoni (UE) 2020/356 tal-4 ta’ Marzu 2020 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar l-użu tal-polisorbati (E 432–436) fix-xarbiet karbonizzati ( 1 )	31
	*	Regolament ta’ Implimentazzjoni tal-Kummissjoni (UE) 2020/357 tal-4 ta’ Marzu 2020 li jemenda r-Regolament (UE) 2018/395 fir-rigward tal-liċenzji tal-bdoti tal-blalen tal-arja ( 1 )	34
	*	Regolament Ta’ Implimentazzjoni Tal-Kummissjoni (UE) 2020/358 tal-4 ta’ Marzu 2020 li jemenda r-Regolament ta’ Implimentazzjoni (UE) 2018/1976 fir-rigward tal-liċenzji tal-bdoti tal-gliders ( 1 )	57
	*	Regolament ta’ Implimentazzjoni tal-Kummissjoni (UE) 2020/359 tal-4 ta’ Marzu 2020 li jemenda r-Regolament (UE) Nru 1178/2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill ( 1 )	82
		DIRETTIVI
	*	Direttiva Delegata tal-Kummissjoni (UE) 2020/360 tas-17 ta’ Diċembru 2019 li temenda, għall-finijiet tal-adattament għall-progress xjentifiku u tekniku, l-Anness IV tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-użu taċ-ċomb f’elettrodi tal-platinu platinizzat użati għal ċertu kejl tal-konduttività ( 1 )	109
	*	Direttiva Delegata tal-Kummissjoni (UE) 2020/361 tas-17 ta’ Diċembru 2019 li temenda, għall-finijiet tal-adattament għall-progress xjentifiku u tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-kromju eżavalenti bħala aġent kontra l-korrużjoni tas-sistema tat-tkessiħ tal-azzar bil-karbonju f’refriġeraturi bl-assorbiment ( 1 )	112
	*	Direttiva Delegata tal-Kummissjoni (UE) 2020/362 tas-17 ta’ Diċembru 2019 li temenda l-Anness II tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw b’rabta mal-eżenzjoni għall-kromu eżavalenti bħala prodott kontra l-korrużjoni fis-sistema tat-tkessiħ tal-azzar bil-karbonju fi friġġijiet tal-assorbiment f’karavans motorizzati ( 1 )	116
	*	Direttiva Delegata tal-Kummissjoni (UE) 2020/363 tas-17 ta’ Diċembru 2019 li temenda l-Anness II tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw b’rabta ma’ ċerti eżenzjonijiet għaċ-ċomb u għall-komposti taċ-ċomb fil-komponenti ( 1 )	119
	*	Direttiva Delegata tal-Kummissjoni (UE) 2020/364 tas-17 ta’ Diċembru 2019 li temenda, għall-finijiet tal-adattament għall-progress xjentifiku u tekniku, l-Anness IV tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-użu tal-kadmju u l-komposti tiegħu f’ċerti tubi tal-kameras tal-vidjo li huma tolleranti għar-radjazzjoni ( 1 )	122
	*	Direttiva Delegata tal-Kummissjoni (UE) 2020/365 tas-17 ta’ Diċembru 2019 li temenda, għall-finijiet tal-adattament għall-progress xjentifiku u tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għaċ-ċomb fl-issaldjar u fix-xogħlijiet tal-aħħar użati f’ċerti magni tal-kombustjoni li jinżammu fl-idejn ( 1 )	125
	*	Direttiva Delegata tal-Kummissjoni (UE) 2020/366 tas-17 ta’ Diċembru 2019 li temenda, għall-finijiet tal-adattament għall-progress xjentifiku u tekniku, l-Anness IV tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għaċ-ċomb bħala stabbilizzatur termali fil-klorur tal-polivinil użat f’ċertu apparat mediku dijanjostiku in vitro għall-analiżi tad-demm u ta’ fluwidi u gassijiet oħra tal-ġisem ( 1 )	129
	*	Direttiva tal-Kummissjoni (UE) 2020/367 tal-4 ta’ Marzu 2020 li temenda l-Anness III tad-Direttiva 2002/49/KE tal-Parlament Ewropew u tal-Kunsill fir-rigward tal-istabbiliment ta’ metodi ta’ valutazzjoni għal effetti ta’ ħsara tal-ħsejjes ambjentali ( 1 )	132
		DEĊIŻJONIJIET
	*	Deċiżjoni ta’ Implimentazzjoni tal-Kummissjoni (UE) 2020/368 tat-3 ta’ Marzu 2020 li tapprova l-pjan għall-eradikazzjoni tad-deni Afrikan tal-ħnieżer fil-ħnieżer selvaġġi f’ċerti żoni tas-Slovakkja (notifikata bid-dokument C(2020) 1157) ( 1 )	137
	*	Deċiżjoni tal-Kummissjoni (UE) 2020/369 tal-4 ta’ Marzu 2020 li tagħti s-setgħa li tinħareġ twissija esterna dwar entitajiet li jirrappreżentaw l-interessi tal-konsumatur u tal-kummerċjant f’livell tal-Unjoni skont ir-Regolament (UE) 2017/2394 tal-Parlament Ewropew u tal-Kunsill ( 1 )	139

“44.	Il-kadmju fit-tubi tal-kameras tal-vidjo li huma tolleranti għar-radjazzjoni ddisinjati għal kameras b’riżoluzzjoni ċentrali akbar minn 450 TV Lines li jintużaw f’ambjenti esposti għar-radjazzjoni jonizzanti b’rata ta’ doża li tissupera 100 Gy/siegħa u b’doża totali li tissupera 100 kGy.
	Tapplika għall-kategorija 9. Tiskadi fil-31 ta’ Marzu 2027.”

“41.	Iċ-ċomb bħala stabilizzatur termali fil-klorur tal-polivinil (PVC) użat bħala materjal ta’ bażi fis-sensuri elettrokimiċi amperometriċi, potenzjometriċi u konduttometriċi f’apparat mediku dijanjostiku in vitro għall-analiżi tad-demm u ta’ fluwidi u gassijiet oħra tal-ġisem.
	Tiskadi fil-31 ta’ Marzu 2022.”


	(1) Test b'rilevanza għaż-ŻEE.