(1)

L-Artikolu 16 tar-Regolament (UE) Nru 1306/2013 tal-Parlament Ewropew u tal-Kunsill (3) jipprevedi li l-limitu massimu annwali għall-infiq taħt il-Fond Agrikolu Ewropew ta’ Garanzija (FAEG) irid ikun ikkostitwit mill-ammonti massimi stabbiliti għalih taħt ir-Regolament tal-Kunsill (UE, Euratom) Nru 1311/2013 (4). Skont l-Artikolu 26 tar-Regolament (UE) Nru 1306/2013, għandha tiġi ddeterminata rata ta’ aġġustament tad-dixxiplina finanzjarja, meta dan ikun meħtieġ, sabiex jiġi żgurat li l-limiti massimi annwali stipulati fir-Regolament (UE, Euratom) Nru 1311/2013 għall-finanzjament tal-infiq relatat mas-suq u għal pagamenti diretti għall-perjodu 2014-2020 huma rispettati. Ir-Regolament (UE, Euratom) Nru 1311/2013 ma jipprevedix limiti massimi għas-snin finanzjarji ta’ wara l-2020. Sabiex jiġi żgurat li l-limitu massimu għall-finanzjament tal-infiq relatat mas-suq u għal pagamenti diretti jiġi rispettat ukoll fis-snin finanzjarji wara l-2020, jeħtieġ li l-Artikoli 16 u 26 tar-Regolament (UE) Nru 1306/2013 jirreferu, għal dawk is-snin finanzjarji, għall-ammonti stabbiliti taħt il-FAEG fir-Regolament li jrid jiġi adottat mill-Kunsill skont l-Artikolu 312(2) tat-Trattat dwar il-Funzjonament tal-Unjoni Ewropea (TFUE) għas-snin mill-2021 sal-2027.

(2)

Il-flessibiltà bejn il-pilastri hija trasferiment fakultattiv ta’ fondi bejn il-pagamenti diretti u l-iżvilupp rurali. Taħt l-Artikolu 14 tar-Regolament (UE) Nru 1307/2013 tal-Parlament Ewropew u tal-Kunsill (5), l-Istati Membri jistgħu jużaw dik il-flessibiltà fir-rigward tas-snin kalendarji mill-2014 sal-2019. Sabiex jiġi żgurat li l-Istati Membri jkunu jistgħu jżommu l-istrateġija proprja tagħhom, ir-Regolament (UE) 2019/288 tal-Parlament Ewropew u tal-Kunsill (6) estenda l-flessibbiltà bejn il-pilastri għas-sena kalendarja 2020, jiġifieri s-sena finanzjarja 2021. L-Artikolu 14 tar-Regolament (UE) Nru 1307/2013 attwalment jipprevedi t-trasferiment mill-iżvilupp rurali għal pagamenti diretti bħala perċentwal tal-ammont allokat għall-appoġġ iffinanzjat taħt il-Fond Agrikolu Ewropew għall-Iżvilupp Rurali (FAEŻR) fis-sena finanzjarja 2021 mil-leġislazzjoni tal-Unjoni adottata wara l-adozzjoni mill-Kunsill tar-Regolament rilevanti skont l-Artikolu 312(2) tat-TFUE. Billi l-leġislazzjoni rilevanti tal-Unjoni mhijiex se tiġi adottata sa meta l-Istati Membri jridu jinnotifikaw id-deċiżjoni tagħhom dwar it-trasferiment, huwa xieraq li tiġi prevista l-possibbiltà li tkompli tiġi applikata dik il-flessibbiltà u li jiġi stabbilit l-ammont massimu li jista’ jiġi trasferit.

L-ammont assolut massimu għal kull Stat Membru jiġi kkalkulat abbażi tal-perċentwali massimi previsti fl-Artikolu 14(2) tar-Regolament (UE) Nru 1307/2013 li jridu jiġu applikati għall-ammonti li jridu jiġu allokati għall-appoġġ ta’ tipi ta’ interventi għall-iżvilupp rurali skont il-proposta tal-Kummissjoni għal Regolament tal-Parlament Ewropew u tal-Kunsill li jistabbilixxi regoli dwar l-appoġġ għal pjanijiet strateġiċi li jridu jitfasslu mill-Istati Membri skont il-Politika agrikola komuni (Pjanijiet Strateġiċi tal-PAK) u ffinanzjati mill-Fond Agrikolu Ewropew ta’ Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament (UE) Nru 1305/2013 tal-Parlament Ewropew u tal-Kunsill u r-Regolament (UE) Nru 1307/2013 tal-Parlament Ewropew u tal-Kunsill.

(3)

F’konformità mal-Artikolu 53(6) tar-Regolament (UE) Nru 1307/2013, l-Istati Membri kellhom l-għażla li, sal-1 ta’ Awwissu 2019, jirrieżaminaw il-perċentwal tal-limitu massimu nazzjonali tagħhom għall-pagamenti diretti li huma jallokaw għall-appoġġ akkoppjat volontarju (VCS), kif ukoll id-deċiżjonijiet ta’ appoġġ dettaljati tagħhom mis-sena kalendarja 2020. L-Istati Membri għandhom biss sal-31 ta’ Diċembru 2019 biex jinnotifikaw id-deċiżjoni tagħhom dwar it-trasferiment mill-pagamenti diretti lejn l-iżvilupp rurali, jekk ikun hemm, kif ukoll dwar it-trasferiment mill-iżvilupp rurali lejn il-pagamenti diretti, jekk ikun hemm, ftit wara. Madankollu, tali deċiżjoni se taffettwa l-limitu massimu nazzjonali tagħhom għall-pagamenti diretti għas-sena kalendarja 2020. Sabiex tinżamm il-konsistenza bejn id-deċiżjonijiet ta’ appoġġ dettaljati u l-limitu massimu baġitarju tal-VCS, huwa xieraq li l-Istati Membri, sa fejn ikun meħtieġ biex jaġġustaw għad-deċiżjoni tagħhom rigward il-flessibbiltà bejn il-pilastri, ikunu jistgħu jirrieżaminaw il-perċentwal allokat għall-VCS, kif ukoll id-deċiżjonijiet ta’ appoġġ dettaljati. Konsegwentement, l-iskadenza rilevanti ta’ notifika jenħtieġ li tkun ftit wara l-31 ta’ Diċembru 2019. Billi dak ir-rieżami huwa limitat sal-punt meħtieġ biex l-Istati Membri jaġġustaw għad-deċiżjoni tagħhom rigward il-flessibbiltà bejn il-pilastri, l-Istati Membri jenħtieġ li jispjegaw fin-notifika tagħhom ir-rabta bejn ir-rieżami u dik id-deċiżjoni.

(4)

Għalhekk, ir-Regolamenti (UE) Nru 1306/2013 u (UE) Nru 1307/2013 jenħtieġ li jiġu emendati kif meħtieġ.

(5)

Sabiex l-emendi previsti f’dan ir-Regolament ikunu jistgħu jiġu applikati kemm jista’ jkun malajr, tqies li huwa xieraq li ssir eċċezzjoni għall-perjodu ta’ tmien ġimgħat imsemmi fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea, mat-TFUE u mat-Trattat li jistabbilixxi l-Komunità Ewropea għall-Enerġija Atomika.

(6)

Sabiex l-emendi previsti f’dan ir-Regolament ikunu jistgħu jiġu applikati kemm jista’ jkun malajr, dan ir-Regolament jenħtieġ li jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

L-Artikolu 4 tar-Regolament (UE) Nru 978/2012 tal-Parlament Ewropew u tal-Kunsill jistabbilixxi l-kriterji għall-għoti tal-preferenzi tariffarji skont l-arranġament ġenerali tal-Iskema ta’ Preferenzi Ġeneralizzati (“SĠP”).

(2)

L-Artikolu 4(1)(a) tar-Regolament (UE) Nru 978/2012 jistipula li pajjiż li jkun ġie kklassifikat mill-Bank Dinji bħala pajjiż ta’ dħul għoli jew bi dħul medju superjuri għal tliet snin konsekuttivi immedjatament qabel l-aġġornament tal-lista tal-pajjiżi benefiċjarji ma jistax jibbenefika mill-SĠP.

(3)

Il-lista tal-pajjiżi benefiċjarji tal-SĠP imsemmija fil-punt (a) tal-Artikolu 1(2) tar-Regolament (UE) Nru 978/2012, hija stabbilita fl-Anness II ta’dak ir-Regolament. Skont l-Artikolu 5(2) tar-Regolament (UE) Nru 978/2012, il-Kummissjoni jenħtieġ li tirrieżamina l-Anness II sal-1 ta’ Jannar kull sena sabiex temenda l-istatus tal-pajjiżi elenkati skont il-kriterji stipulati fl-Artikolu 4.

(4)

Skont il-punt (a) tal-Artikolu 5(2) tar-Regolament (UE) Nru 978/2012, hemm bżonn li pajjiż benefiċjarju tal-SĠP u l-operaturi ekonomiċi jingħataw żmien biżżejjed biex l-istatus tal-pajjiż fir-rigward tal-SĠP jinbidel b’mod ordnat. Għaldaqstant, l-arranġament tal-SĠP jenħtieġ li jkompli għal sena wara d-data tad-dħul fis-seħħ ta’ bidla fl-istatus ta’ pajjiż b’konformità mal- Artikolu 4(1)(a) tar-Regolament (UE) Nru 978/2012.

(5)

Nauru, Samoa, u Tonga ġew ikklassifikati mill-Bank Dinji bħala pajjiżi bi dħul medju superjuri fl-2017, il-2018 u l-2019. B’konformità ma’ dan, ma għadhomx jikkwalifikaw għal status ta’ benefiċjarju tal-SĠP skont l-Artikolu 4(1)(a) u għandhom jitneħħew mill-Anness II tar-Regolament (UE) Nru 978/2012. L-arranġament tal-SĠP fil-konfront ta’ dawn il-pajjiżi jenħtieġ li jkompli għal sena waħda wara d-data tad-dħul fis-seħħ tad-deċiżjoni biex dawk il-pajjiżi jitneħħew mill-Anness II tar-Regolament (UE) Nru 978/2012. Għalhekk, fl-interessi tas-sempliċità u ċ-ċertezza legali, Nauru, Samoa u Tonga għandhom jitneħħew mill-Anness II b’seħħ mill-1 ta’ Jannar 2021,

(1)

Skont il-punt (a) tal-Artikolu 9(1) tar-Regolament (UE) Nru 978/2012, pajjiż li jibbenefika mill-Iskema Ġeneralizzata ta’ Preferenzi (“SĠP”) jista’ jibbenefika mill-preferenzi tariffarji mogħtija skont l-arranġament speċjali ta’ inċentivi għal żvilupp sostenibbli u governanza tajba jekk jitqies bħala vulnerabbli minħabba nuqqas ta’ diversifikazzjoni u integrazzjoni mhux suffiċjenti fis-sistema tal-kummerċ internazzjonali, kif definit fl-Anness VII tar-Regolament (UE) Nru 978/2012.

(2)

Skont il-punt 1(b) tal-Anness VII tar-Regolament (UE) Nru 978/2012, biex pajjiż jitqies bħala vulnerabbli, l-importazzjonijiet ta’ prodotti elenkati fl-Anness IX lejn l-Unjoni minn dak il-pajjiż jenħtieġ li jirrappreżentaw inqas mil-limitu ta’ 6,5 % fil-valur tal-importazzjonijiet totali mill-pajjiżi benefiċjarji tal-SĠP lejn l-Unjoni, bħala medja matul l-aħħar tliet snin konsekuttivi.

(3)

Meta l-lista ta’ pajjiżi benefiċjarji tal-SĠP hija emendata, ir-Regolament (UE) Nru 978/2012 jagħti s-setgħa lill-Kummissjoni li tadotta atti delegati biex temenda l-Anness VII biex teżamina mill-ġdid il-limitu ta’ vulnerabbiltà ddefinit fil-punt 1(b) tal-Anness VII biex proporzjonatament jinżamm l-istess piż tal-limitu ta’ vulnerabbiltà meta tiġi biex tiddetermina jekk il-pajjiżi humiex ikkunsidrati vulnerabbli, irrispettivament mill-emendi tal-lista ta’ pajjiżi benefiċjarji tal-SĠP. Skont l-Anness VII tar-Regolament (UE) Nru 978/2012, il-piż tal-limitu ta’ vulnerabbiltà huwa l-valur tal-importazzjonijiet totali lejn l-Unjoni tal-prodotti elenkati fl-Anness IX mill-pajjiżi benefiċjarji kollha tal-SĠP meħuda bħala medja.

(4)

Ir-Regolament ta’ Delega tal-Kummissjoni (UE) 2015/602 (2) biddel il-livell limitu ta’ vulnerabbiltà minn 2 % għal 6,5 % applikabbli mill-1 ta’ Jannar 2015.

(5)

Il-lista ta’ benefiċjarji tal-SĠP fl-Anness II tar-Regolament (UE) Nru 978/2012 ġiet emendata b’mod sostanzjali, peress li tneħħew wieħed u għoxrin pajjiż, bejn l-aħħar rieżami tal-limitu ta’ vulnerabbiltà tal-2015 u l-1 ta’ Jannar 2019. Huwa għalhekk meħtieġ li jiġi emendat il-limitu ta’ vulnerabbiltà stabbilit fil-punt 1(b) tal-Anness VII tar-Regolament (UE) Nru 978/2012.

(6)

Bħala riżultat tal-emendi għal-lista ta’ pajjiżi fl-Anness II tar-Regolament (UE) Nru 978/2012 bejn l-aħħar emenda tal-kriterju ta’ vulnerabbiltà fl-2015 u l-1 ta’ Jannar 2019, l-importazzjonijiet totali lejn l-Unjoni tal-prodotti elenkati fl-Anness IX mill-pajjiżi benefiċjarji kollha tas-SĠP meqjusa bħala medja, jonqsu bi 12,2 %. Għalhekk, żieda tal-limitu ta’ vulnerabbiltà minn 6,5 % għal 7,4 % mill-1 ta’ Jannar 2019 se żżomm proporzjonatament l-istess piż tal-limitu ta’ vulnerabbiltà kif stabbilit fl-Anness VII tar-Regolament (UE) Nru 978/2012.

(7)

Sabiex jitqiesu d-dati effettivi tal-emendi għal-lista ta’ pajjiżi fl-Anness II tar-Regolament (UE) Nru 978/2012 u l-impatt tiegħu fuq il-vulnerabbiltà tal-pajjiżi benefiċjarji, dan il-limitu għandu jkun effettiv mill-1 ta’ Jannar 2019,

(1)

L-Anness II tar-Regolament (KE) Nru 2368/2002 jelenka l-parteċipanti fl-iskema ta’ ċertifikazzjoni tal-Kimberley Process (KP) u l-awtoritajiet kompetenti tagħhom maħtura kif dovut.

(2)

L-indirizzi tal-awtoritajiet kompetenti ta’ bosta parteċipanti fil-Kimberley Process jeħtieġu aġġornament.

(3)

F’Settembru 2019, il-parteċipanti fil-Kimberly Process irċevew notifika mir-Repubblika tal-Poplu taċ-Ċina li r-Reġun Amministrattiv Speċjali tal-Macao tar-Repubblika tal-Poplu taċ-Ċina se jimplimenta b’mod formali l-iskema ta’ ċertifikazzjoni tal-Kimberly Process mill-1 ta’ Ottubru 2019.

(4)

Għalhekk jenħtieġ li l-Anness II tar-Regolament (KE) Nru 2368/2002 jiġi emendat skont dan. Sabiex ir-Reġun Amministrattiv Speċjali tal-Macao tar-Repubblika tal-Poplu taċ-Ċina se jimplimenta l-iskema ta’ ċertifikazzjoni tal-Kimberly Process b’rabta mal-Unjoni malajr kemm jista’ jkun, dan ir-Regolament għandu jidħol fis-seħħ b’urġenza fil-jum wara dak tal-pubblikazzjoni tiegħu f’il-Ġurnal Uffiċjali tal-Unjoni Ewropea,

(1)

Ir-Regolament tal-Kummissjoni (KE) Nru 1484/95 (3) stabbilixxa r-regolamenti dettaljati għall-implimentazzjoni tas-sistema ta’ dazji addizzjonali tal-importazzjoni u ffissa l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd.

(2)

Minn kontroll regolari tad-data li abbażi tagħha jiġu stabbiliti l-prezzijiet rappreżentattivi għall-prodotti tas-setturi tal-laħam tat-tjur u tal-bajd u għall-albumina tal-bajd, jirriżulta li jenħtieġ li jiġu emendati l-prezzijiet rappreżentattivi għall-importazzjoni ta’ ċerti prodotti biex jitqiesu l-varjazzjonijiet fil-prezzijiet skont l-oriġini.

(3)

Għalhekk jenħtieġ li r-Regolament (KE) Nru 1484/95 jiġi emendat skont dan.

(4)

Minħabba l-ħtieġa li jiġi żgurat li din il-miżura tibda tapplika kemm jista’ jkun malajr wara li d-data aġġornata ssir disponibbli, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu,

(1)

Fit-2 ta’ Ottubru 2019, l-Organizzazzjoni Dinjija tal-Kummerċ (WTO) ħarġet id-deċiżjoni ta’ arbitraġġ fil-Komunitajiet Ewropej u f’Ċerti Stati Membri – Miżuri li Jaffettwaw il-Kummerċ f’Inġenji tal-Ajru Ċivili Kbar (Measures Affecting Trade in Large Civil Aircraft), WT/DS316/ARB. Id-deċiżjoni ta’ arbitraġġ intitolat lill-Istati Uniti tal-Amerka (USA) jitolbu awtorizzazzjoni biex jiġu imposti kontromiżuri f’livell li ma jaqbiżx USD 7,5 biljun fis-sena b’reazzjoni għas-sussidji tal-Unjoni għal Airbus. Fit-18 ta’ Ottubru 2019, l-Istati Uniti tal-Amerka imponew dazju fuq l-importazzjoni ad valorem ta’ 25 % fuq, fost l-oħrajn, inbejjed bla gass esportati lejn l-Istati Uniti tal-Amerka, mill-Ġermanja, minn Spanja, minn Franza u mir-Renju Unit. Din is-sitwazzjoni eċċezzjonali, inġusta u imprevedibbli qed ikollha impatt qawwi u detrimentali fuq il-kummerċ globali tal-inbejjed kollha tal-Unjoni. L-Istati Uniti tal-Amerka heddew ukoll li japplikaw dazji tal-importazzjoni ad valorem ta’ 100 % fuq l-inbejjed frizzanti Franċiżi b’reazzjoni għat-Taxxa Franċiża fuq is-Servizzi Diġitali (it-taxxa GAFA).

(2)

Id-dazji tal-importazzjoni imposti mill-Istati Uniti tal-Amerka qed ikollhom impatt dirett u qawwi fuq il-kummerċ tal-inbid tal-Unjoni fis-suq tal-Istati Uniti tal-Amerka, li huwa l-akbar suq ta’ esportazzjoni tal-Unjoni għall-prodotti agrikoli, u b’mod partikolari għall-inbid, kemm f’termini ta’ valur kif ukoll f’termini ta’ volum ta’ esportazzjonijiet. Fl-2018, l-esportazzjonijiet tal-inbid tal-Unjoni lejn l-Istati Uniti tal-Amerka ammontaw għal total ta' 6,5 miljun ettolitru, li jammontaw għal EUR 4 biljun. L-esportazzjonijiet tal-inbid tal-Unjoni lejn l-Istati Uniti tal-Amerka tipikament jirrappreżentaw bejn 30 u 40 % tal-valur globali tal-esportazzjoni tal-inbid tal-Unjoni.

(3)

Iż-żieda tad-dazji tal-importazzjoni imposti mill-Istati Uniti tal-Amerka qed ikollha effett ta’ ħsara fuq l-inbid kollu tal-Unjoni, mhux biss fuq inbejjed bla gass li joriġinaw mill-erba’ Stati Membri li huma soġġetti għaż-żieda tad-dazji tal-importazzjoni. B’riżultat ta’ dan, ir-reputazzjoni u l-kummerċ tal-inbid kollu tal-Unjoni preżenti fis-suq tal-Istati Uniti tal-Amerka qed jintlaqat ħażin. Ir-reputazzjoni tal-inbid hija ddeterminata mhux biss mill-kwalità tiegħu iżda wkoll mill-prezz tiegħu u mill-proporzjon perċeput bejn il-prezz u l-kwalità. Dan japplika b’mod partikolari għall-inbejjed bi prezz baxx sa medju, li, f’termini assoluti, jiġu affettwati aktar b’dazju ta’ importazzjoni ta’ 25 % minn inbejjed aktar għoljin li jinxtraw minn esperti li għalihom iż-żieda fil-prezz mhijiex ta' deterrent. L-inbejjed tal-Unjoni jikkompetu fis-suq tal-Istati Uniti tal-Amerka ma’ nbejjed minn oriġini oħra bħall-Amerika t’Isfel, l-Awstralja jew l-Afrika t’Isfel. Fid-dawl ta’ kompetizzjoni ħarxa u qawwija bħal din, il-perċezzjoni tal-livelli ġenerali tal-prezzijiet għandha rwol sinifikanti. Jekk il-konsumatur ikun konxju li l-prezz tal-inbid minn ċerti oriġini fl-Unjoni huwa soġġett għal żieda tad-dazju ta' importazzjoni, dan ser ikollu impatt negattiv fuq il-perċezzjoni ġenerali tal-livell tal-prezz tal-inbejjed tal-Unjoni u b’hekk jidderieġi d-domanda tal-konsumatur għal prodotti ta’ oriġini oħra. Fid-dawl tal-kundizzjonijiet tas-suq identifikati u t-tnaqqis fir-redditi ġenerali għall-produtturi, huma meħtieġa miżuri immedjati biex jindirizzaw l-effetti tad-dazji tal-importazzjoni li jkopru l-inbejjed kollha li joriġinaw fl-Istati Membri kollha u mhux biss f’dawk li huma direttament fil-mira tad-dazji tal-importazzjoni.

(4)

Minn perspettiva ta’ stabbiltà tas-suq, is-sistema tad-dazju tal-importazzjoni imposta mill-Istati Uniti tal-Amerka ma tirrappreżentax miżura nazzjonali iżolata b’effetti limitati għall-kummerċ mal-Istati Uniti tal-Amerka. Is-suq dinji tal-inbid huwa suq globali fejn miżuri uniċi meħuda minn atturi ekonomiċi importanti bħall-Istati Uniti tal-Amerka għandhom riperkussjonijiet sinifikanti li jaffettwaw il-kummerċ internazzjonali tal-inbid b’mod ġenerali. Kwalunkwe bidla negattiva fil-kundizzjonijiet f’suq ewlieni ta’ destinazzjoni għall-inbejjed tal-Unjoni, bħall-Istati Uniti tal-Amerka, inevitabbilment taffettwa swieq oħra peress li l-prodotti li ma jkunux jistgħu jinbiegħu fl-Istati Uniti tal-Amerka, minħabba li jkunu saru għaljin wisq, jeħtieġ li jintbagħtu band’oħra. Konsegwentement, il-konsumaturi f’dawk is-swieq l-oħra, peress li huma konxji sew mill-kundizzjonijiet tas-suq, ser jeżerċitaw pressjoni addizzjonali fuq il-prezzijiet u l-kompetizzjoni ser tkun ukoll ħafna aktar ħarxa mis-soltu. Għalhekk, id-dazji attwali tal-importazzjoni imposti mill-Istati Uniti tal-Amerka mistennija li jikkawżaw staġnar fl-esportazzjonijiet tal-inbid tal-Unjoni madwar id-dinja. Ir-rapporti mis-settur tal-inbid urew li diġà ġew ikkanċellati ordnijiet sinifikanti ta’ nbejjed Franċiżi fis-suq tal-Istati Uniti tal-Amerka.

(5)

Is-suq tal-inbid tal-Unjoni ilu soġġett għal kundizzjonijiet aggravanti tul l-2019 kollha u l-ħażniet tal-inbid jinsabu fl-ogħla livell tagħhom mill-2009. Dan l-iżvilupp huwa dovut primarjament għal kombinazzjoni tal-ħsad rekord fl-2018 u l-konsum tal-inbid li qed jonqos fl-Unjoni. Jekk l-inbejjed affettwati mid-dazji tal-importazzjoni imposti mill-Istati Uniti tal-Amerka ma jinbigħux fis-swieq tal-esportazzjoni barra mill-Unjoni, dan ser iwassal biss biex jiġu amplifikati l-urġenza u l-gravità tas-sitwazzjoni fis-suq tal-Unjoni. Barra minn hekk, l-urġenza tas-sitwazzjoni hija aggravata miż-żmien tal-applikazzjoni tad-dazji tal-importazzjoni. Dawn huma applikabbli mit-18 ta’ Ottubru 2019, data li taħbat eżatt f’nofs il-kampanja tal-ħsad u l-produzzjoni tal-inbid tal-2019 u eżatt qabel tmiem l-istaġun tal-festi tal-aħħar tas-sena; tnejn mill-aktar perjodi importanti ta’ bejgħ tas-sena għas-settur tal-inbid tal-Unjoni. F’dan l-isfond, huwa għalhekk meħtieġ li jittieħdu miżuri immedjati biex tiġi indirizzata s-sitwazzjoni.

(6)

Fost il-miżuri ta’ appoġġ fis-settur tal-inbid stabbiliti fl-Artikolu 43 tar-Regolament (UE) Nru 1308/2013, il-miżura ta’ promozzjoni biss skont l-Artikolu 45(1)(b) ta’ dan ir-Regolament hija mmirata direttament għall-promozzjoni ta’ nbejjed tal-Unjoni f’pajjiżi terzi sabiex tittejjeb il-kompetittività tagħhom. Matul is-snin, il-miżura ta’ promozzjoni kienet ferm effettiva biex tirbaħ u tikkonsolida s-swieq f’pajjiżi terzi. Din uriet li kienet l-aktar għodda effettiva għall-appoġġ tal-inbejjed tal-Unjoni fis-swieq ta’ pajjiżi terzi billi saħħet ir-reputazzjoni tagħhom u billi qajmet kuxjenza dwar il-kwalità tagħhom. Is-suq internazzjonali tal-inbid huwa suq globali u kwalunkwe operazzjoni ta’ promozzjoni tal-inbid tal-Unjoni fis-swieq ta’ pajjiżi terzi hija ta’ benefiċċju għall-inbejjed kollha tal-Unjoni. Dan jagħti opportunitajiet lill-operaturi li sussegwentement ser jidħlu fis-suq inkwistjoni ma’ nbejjed oħra tal-Unjoni. Il-promozzjonijiet individwali għandhom effett “multiplikatur” fuq il-bejgħ peress li jkopru firxiet sħaħ ta’ nbejjed jew reġjuni sħaħ ta’ produzzjoni tal-inbid u mhux biss marka individwali waħda jew tip ta’ nbid wieħed. Għalhekk huwa essenzjali li jitkomplew, jitnedew u jiġu intensifikati l-attivitajiet ta’ promozzjoni fis-swieq kollha sabiex jinstabu postijiet għall-inbejjed li ma jinbigħux fis-suq tal-Istati Uniti tal-Amerka u biex tiġi preservata r-reputazzjoni tal-inbejjed tal-Unjoni f’dawk is-swieq l-oħra, kif ukoll biex jagħmlu tajjeb għall-pressjoni fuq il-prezzijiet.

(7)

Għalhekk, biex l-operaturi jiġu megħjuna jwieġbu għaċ-ċirkostanzi eċċezzjonali attwali fis-swieq tal-esportazzjoni madwar id-dinja kollha wara s-sistema tad-dazju tal-importazzjoni imposta mill-Istati Uniti tal-Amerka u biex jindirizzaw din is-sitwazzjoni imprevedibbli u prekarja, jixraq li tkun permessa aktar flessibbiltà fl-implimentazzjoni tal-miżura ta’ promozzjoni skont l-Artikolu 45(1)(b) tar-Regolament (UE) Nru 1308/2013. Huwa għalhekk meħtieġ, bħala miżura eċċezzjonali, li tiġi prevista deroga mill-Artikolu 45(3) ta’ dak ir-Regolament u li l-kontribuzzjoni massima tal-Unjoni għall-miżuri ta’ promozzjoni tiżdied temporanjament skont l-Artikolu 45(1)(b) ta’ dan ir-Regolament minn 50 % għal 60 % tan-nefqa eliġibbli.

(8)

Din il-miżura hija meħtieġa minħabba li l-operaturi inevitabbilment ikollhom kostijiet addizzjonali li jirriżultaw mill-ħtieġa li jidderieġu l-promozzjonijiet lejn pajjiżi differenti jew li jorganizzaw promozzjonijiet ġodda f’pajjiżi oħra, li kollha kemm huma jeħtieġu jitwettqu b’urġenza biex jiġi żgurat li l-istokkijiet jinbiegħu. Iż-żieda tal-kontribuzzjoni tal-Unjoni għal miżuri ta’ promozzjoni għal 60 % u konsegwentement it-tnaqqis tal-kontribuzzjoni tal-benefiċjarju, jippermettu lill-benefiċjarji jieħdu azzjonijiet aktar ambizzjużi u jippreservaw pożizzjonijiet li ma kinux faċli biex jinkisbu fis-swieq barranin. Din ser tipprovdi wkoll inċentiv għal operaturi ġodda biex japplikaw għal appoġġ għal operazzjonijiet ta’ promozzjoni f’ċirkostanzi li kieku ma kinux jagħmlu hekk, fejn il-kontribuzzjoni tal-Unjoni tibqa’ f'livell ta' 50 %, b’mod partikolari fir-rigward ta’ dawn l-operaturi li qabel ma setgħux jaffordjaw li jagħmlu dan. It-tnaqqis tal-piż finanzjarju tagħhom għal 40 % ser jgħinhom ilaħħqu mal-impatt tad-dazji tal-importazzjoni imposti mill-Istati Uniti tal-Amerka.

(9)

Il-flessibbiltà introdotta biż-żieda tal-kontribuzzjoni tal-Unjoni tirrappreżenta forma ta’ appoġġ finanzjarju, li, madankollu, ma teħtieġx finanzjament addizzjonali mill-Unjoni peress li l-limiti baġitarji għall-programmi nazzjonali ta’ appoġġ fis-settur tal-inbid stipulati fl-Anness VI tar-Regolament (UE) Nru 1308/2013 għadhom japplikaw. L-Istati Membri jistgħu għalhekk jiddeċiedu li jallokaw ammonti ogħla għall-miżura ta’ promozzjoni biss fil-baġit annwali previst fl-Anness VI ta’ dan ir-Regolament. Għalhekk, il-miżura hija mmirata biex tipprovdi appoġġ lis-settur fis-sitwazzjoni partikolari tas-suq instabbli mingħajr ma jkun hemm bżonn li jiġu mmobilizzati iżjed fondi fl-ewwel lok. Barra minn hekk, din il-flessibilità jenħtieġ li ma jkollhiex impatt negattiv fuq il-baġit allokat għal miżuri oħra ta’ appoġġ skont dak ir-Regolament, peress li xi wħud mill-miżuri, bħar-ristrutturar u l-konverżjoni tal-vinji, qed isiru inqas rilevanti u qed jikkunsmaw inqas baġit għall-Istati Membri. Barra minn hekk, l-istatistiċi tas-snin riċenti juru nuqqas ta’ nfiq tal-baġit massimu disponibbli għal kull Stat Membru.

(10)

Id-dazji tal-importazzjoni imposti mill-Istati Uniti tal-Amerka u d-diffikultajiet li jirriżultaw għall-kummerċ tal-inbid tal-Unjoni jikkostitwixxu problema speċifika skont it-tifsira tal-Artikolu 221 tar-Regolament (UE) Nru 1308/2013. Din il-problema speċifika ma tistax tiġi indirizzata mill-miżuri meħuda skont l-Artikolu 219 jew 220 ta’ dak ir-Regolament. Min-naħa l-waħda, dan mhuwiex marbut ma’ disturb fis-suq li diġà jeżisti minħabba li d-dazji tal-importazzjoni imposti mill-Istati Uniti tal-Amerka bħalissa qed ikollhom impatt serju fuq ir-reputazzjoni tal-inbid tal-Unjoni u huma mistennija li jikkawżaw deterjorazzjoni rapida tal-kundizzjonijiet tas-suq tal-inbid fil-futur jekk is-sitwazzjoni ma tiġix indirizzata immedjatament. Din il-problema speċifika bħalissa mhijiex marbuta wkoll ma’ theddida speċifika biżżejjed ta’ disturb fis-suq li hija probabbli li tkompli fil-forma attwali tiegħu minħabba li d-dazji tal-importazzjoni mill-Istati Uniti tal-Amerka mistennija li jinbidlu maż-żmien u b'hekk x’aktarx ser ikollhom effetti oħra imprevedibbli fuq is-suq globali tal-inbid. Min-naħa l-oħra, din il-problema speċifika lanqas mhi marbuta ma’ miżuri li jiġġieldu t-tixrid tal-mard tal-annimali jew telf ta’ fiduċja tal-konsumatur minħabba riskji għas-saħħa pubblika, tal-annimali jew tal-pjanti kif meħtieġ mill-Artikolu 220 ta’ dan ir-Regolament.

(11)

Barra minn hekk, din il-miżura flimkien ma’ żieda fil-flessibbiltà fl-implimentazzjoni tal-miżura ta’ promozzjoni stabbilita fl-Artikolu 45(1)(b) tar-Regolament (UE) Nru 1308/2013, hija parti minn sensiela ta’ miżuri maħsuba biex jgħinu, fil-livell tal-Unjoni, lill-operaturi milquta mid-dazji tal-importazzjoni imposti fuq inbejjed tal-Unjoni mill-Istati Uniti tal-Amerka. Madankollu, fost dawn il-miżuri, din il-miżura hija l-unika waħda li tipprovdi xi għajnuna finanzjarja li hija meħtieġa biex tiġi indirizzata s-sitwazzjoni tal-operaturi milquta mid-dazji tal-importazzjoni imposti mill-Istati Uniti tal-Amerka bħala riżultat tat-telf mid-dħul u taż-żieda fl-ispejjeż li jirriżultaw mill-ħtieġa li jinstabu swieq ġodda għall-inbejjed tagħhom.

(12)

Jenħtieġ li l-miżura tkun strettament limitata għal dak li huwa meħtieġ biex jiġu indirizzati ċ-ċirkostanzi eċċezzjonali attwali fis-swieq tal-esportazzjoni kemm fir-rigward tal-kamp ta’ applikazzjoni kif ukoll tal-perjodu tal-applikazzjoni.

(13)

Il-kontribuzzjoni tal-Unjoni tista’ tingħata biss mill-Istati Membri abbażi ta’ applikazzjoni li tintgħażel skont il-miżura ta’ promozzjoni stabbilita fl-Artikolu 45(1)(b) tar-Regolament (UE) Nru 1308/2013 mid-data tad-dħul fis-seħħ ta’ dan ir-Regolament. Din jenħtieġ li tkun disponibbli għall-operaturi kollha magħżula skont il-miżura, b’nuqqas ta’ osservanza tal-kategorija speċifika tal-inbid jew l-oriġini tal-inbid tal-Unjoni, minħabba l-fatt li l-applikazzjoni tad-dazji tal-importazzjoni mill-Istati Uniti tal-Amerka qed tagħmel ħsara lill-esportazzjonijiet kollha tal-inbid tal-Unjoni. F’dan il-kuntest, jeħtieġ li jiġu adottati miżuri biex titjieb il-kompetittività tal-esportazzjoni tal-inbejjed kollha tal-Unjoni. Sabiex dan jiġi żgurat, b'hekk il-miżura ta’ emerġenza preżenti jenħtieġ li tapplika għall-benefiċjarji kollha irrispettivament mis-swieq fil-mira tal-operazzjonijiet tagħhom. Jenħtieġ li din tkun disponibbli bl-istess mod għall-operaturi li qed jipprevedu li jpoġġu fil-mira tagħhom is-suq tal-Istati Uniti tal-Amerka iżda wkoll għal dawk li ser jidderieġu l-isforzi tagħhom lejn suq ta’ pajjiż terz ieħor fiċ-ċirkostanzi eċċezzjonali attwali fis-suq dinji tal-inbid. Barra minn hekk, ikun diffiċli ħafna li fi ħdan operazzjoni ta’ promozzjoni waħda jiġu sseparati l-azzjonijiet li jikkonċernaw l-inbejjed bla gass mill-azzjonijiet li jikkonċernaw inbejjed oħra billi l-operazzjonijiet ta’ promozzjoni huma tipikament imfassla biex jippromwovu firxa sħiħa ta’ prodotti u mhux biss kategorija speċifika. Bosta kampanji ta’ promozzjoni jikkonċernaw l-inbejjed kollha ta’ reġjun jew ta’ varjetà wiesgħa ta’ nbejjed mibjugħa minn operatur partikolari. Il-fatt li jiġu sseparati l-azzjonijiet li jikkonċernaw inbejjed oħra mill-azzjonijiet li jikkonċernaw l-inbejjed bla gass fi ħdan kampanja ta’ promozzjoni, ikun jirrappreżenta piż amministrattiv kbir u jdgħajjef l-effetti pożittivi tal-operazzjoni ta’ promozzjoni.

(14)

Jenħtieġ li l-miżura ta’ emerġenza tkun limitata għal perjodu massimu ta’ 12-il xahar li jibda mid-data tad-dħul fis-seħħ ta’ dan ir-Regolament. Dan il-perjodu huwa meħtieġ biex ikunu jistgħu jiġu stabbiliti kampanji ta’ promozzjoni. Il-proċess jinkludi diversi passi amministrattivi bħal bidliet fil-programmi nazzjonali ta’ appoġġ, it-tħejjija u t-tnedija ta’ sejħiet għas-sottomissjonijiet, l-għażla tal-applikazzjonijiet u l-konklużjoni ta’ kuntratti, u normalment dan idum aktar minn 6 xhur. Għalhekk, sabiex id-deroga tiġi implimentata b’mod effiċjenti, jenħtieġ li d-deroga ddum 12-il xahar. L-applikazzjonijiet magħżula wara l-perjodu ta’ 12-il xahar jenħtieġ li ma jibbenefikawx miż-żieda fil-kontribuzzjoni tal-Unjoni.

(15)

Il-miżuri previsti f’dan ir-Regolament jikkonformaw mal-opinjoni tal-Kumitat għall-Organizzazzjoni Komuni tas-Swieq Agrikoli,

(1)

Fit-2 ta’ Ottubru 2019, l-Organizzazzjoni Dinjija tal-Kummerċ (WTO) ħarġet id-deċiżjoni ta’ arbitraġġ fil-Komunitajiet Ewropej u f’Ċerti Stati Membri – Miżuri li Jaffettwaw il-Kummerċ f’Inġenji tal-Ajru Ċivili Kbar (Measures Affecting Trade in Large Civil Aircraft), WT/DS316/ARB. Id-deċiżjoni ta’ arbitraġġ intitolat lill-Istati Uniti tal-Amerka (USA) jitolbu awtorizzazzjoni biex jiġu imposti kontromiżuri f’livell li ma jaqbiżx USD 7,5 biljun fis-sena b’reazzjoni għas-sussidji tal-Unjoni għal Airbus. Fit-18 ta’ Ottubru 2019, l-Istati Uniti tal-Amerka imponew dazju fuq l-importazzjoni ad valorem ta’ 25 % fuq, fost l-oħrajn, inbejjed bla gass esportati lejn l-Istati Uniti tal-Amerka, mill-Ġermanja, minn Spanja, minn Franza u mir-Renju Unit. Din is-sitwazzjoni eċċezzjonali, inġusta u imprevedibbli qed ikollha impatt qawwi u detrimentali fuq il-kummerċ globali tal-inbejjed kollha tal-Unjoni. L-Istati Uniti tal-Amerka heddew ukoll li japplikaw dazji tal-importazzjoni ad valorem ta’ 100 % fuq l-inbejjed frizzanti Franċiżi b’reazzjoni għat-Taxxa Franċiża fuq is-Servizzi Diġitali (it-taxxa GAFA).

(2)

Id-dazji tal-importazzjoni imposti mill-Istati Uniti tal-Amerka qed ikollhom impatt dirett u qawwi fuq il-kummerċ tal-inbid tal-Unjoni fis-suq tal-Istati Uniti tal-Amerka, li huwa l-akbar suq ta’ esportazzjoni tal-Unjoni għall-prodotti agrikoli, u b’mod partikolari għall-inbid, kemm f’termini ta’ valur kif ukoll f’termini ta’ volum ta’ esportazzjonijiet. Fl-2018, l-esportazzjonijiet tal-inbid tal-Unjoni lejn l-Istati Uniti tal-Amerka ammontaw għal total ta’ 6,5 miljun ettolitru, li jammontaw għal EUR 4 biljun. L-esportazzjonijiet tal-inbid tal-Unjoni lejn l-Istati Uniti tal-Amerka tipikament jirrappreżentaw bejn 30 % u 40 % tal-valur globali tal-esportazzjoni tal-inbid tal-Unjoni.

(3)

Iż-żieda tad-dazji tal-importazzjoni imposti mill-Istati Uniti tal-Amerka qed ikollha effett ta’ ħsara fuq l-inbid kollu tal-Unjoni, mhux biss fuq inbejjed bla gass li joriġinaw mill-erba’ Stati Membri li huma soġġetti għaż-żieda tad-dazji tal-importazzjoni. B’riżultat ta’ dan, ir-reputazzjoni u l-kummerċ tal-inbid kollu tal-Unjoni preżenti fis-suq tal-Istati Uniti tal-Amerka qed jintlaqat ħażin. Ir-reputazzjoni ta’ nbid hija determinata mhux biss mill-kwalità tiegħu iżda wkoll mill-prezz tiegħu u l-proporzjon perċeput bejn il-prezz u l-kwalità. Dan japplika b’mod partikolari għall-inbejjed bi prezz baxx sa medju, li, f’termini assoluti, jiġu affettwati aktar b’dazju ta’ importazzjoni ta’ 25 % minn inbejjed aktar għoljin li jinxtraw minn esperti li għalihom iż-żieda fil-prezz mhijiex ta’ deterrent. L-inbejjed tal-Unjoni jikkompetu fis-suq tal-Istati Uniti tal-Amerka ma’ nbejjed minn oriġini oħra bħall-Amerika t’Isfel, l-Awstralja jew l-Afrika t’Isfel. Fid-dawl ta’ kompetizzjoni ħarxa u qawwija bħal din, il-perċezzjoni tal-livelli ġenerali tal-prezzijiet għandha rwol sinifikanti. Jekk il-konsumatur ikun konxju li l-prezz tal-inbid minn ċerti oriġini fl-Unjoni huwa soġġett għal żieda tad-dazju tal-importazzjoni, dan ser ikollu impatt negattiv fuq il-perċezzjoni ġenerali tal-livell tal-prezz tal-inbejjed tal-Unjoni u b’hekk jidderieġi d-domanda tal-konsumatur għal prodotti ta’ oriġini oħra. Fid-dawl tal-kundizzjonijiet tas-suq identifikati u t-tnaqqis fir-redditi ġenerali għall-produtturi, huma meħtieġa miżuri immedjati biex jindirizzaw l-effetti tad-dazji tal-importazzjoni li jkopru l-inbejjed kollha li joriġinaw fl-Istati Membri kollha u mhux biss f’dawk li huma direttament fil-mira tad-dazji tal-importazzjoni.

(4)

Minn perspettiva ta’ stabbiltà tas-suq, is-sistema tad-dazju tal-importazzjoni imposta mill-Istati Uniti tal-Amerka ma tirrappreżentax miżura nazzjonali iżolata b’effetti limitati għall-kummerċ mal-Istati Uniti tal-Amerka. Is-suq dinji tal-inbid huwa suq globali fejn miżuri uniċi meħuda minn atturi ekonomiċi importanti bħall-Istati Uniti tal-Amerka għandhom riperkussjonijiet importanti li jaffettwaw il-kummerċ internazzjonali tal-inbid b’mod ġenerali. Kwalunkwe bidla negattiva fil-kundizzjonijiet f’suq ewlieni ta’ destinazzjoni għall-inbejjed tal-Unjoni, bħall-Istati Uniti tal-Amerka, inevitabbilment taffettwa swieq oħra peress li l-prodotti li ma jkunux jistgħu jinbiegħu fl-Istati Uniti tal-Amerka, minħabba li jkunu saru għaljin wisq, għandhom jintbagħtu band’oħra. Konsegwentement, il-konsumaturi f’dawk is-swieq l-oħra, peress li huma konxji sew mill-kundizzjonijiet tas-suq, ser jeżerċitaw pressjoni addizzjonali fuq il-prezzijiet u l-kompetizzjoni ser tkun ukoll ħafna aktar ħarxa mis-soltu. Għalhekk, id-dazji attwali tal-importazzjoni imposti mill-Istati Uniti tal-Amerka mistennija li jikkawżaw staġnar fl-esportazzjonijiet tal-inbid tal-Unjoni madwar id-dinja. Ir-rapporti mis-settur tal-inbid urew li diġà ġew ikkanċellati ordnijiet sinifikanti ta’ nbejjed Franċiżi fis-suq tal-Istati Uniti tal-Amerka.

(5)

Is-suq tal-inbid tal-Unjoni ilu soġġett għal kundizzjonijiet aggravanti tul l-2019 kollha u l-ħażniet tal-inbid jinsabu fl-ogħla livell tagħhom mill-2009. Dan l-iżvilupp huwa dovut primarjament għal kombinazzjoni tal-ħsad rekord fl-2018 u l-konsum tal-inbid li qed jonqos fl-Unjoni. Jekk l-inbejjed affettwati mid-dazji tal-importazzjoni imposti mill-Istati Uniti tal-Amerka ma jinbigħux fis-swieq tal-esportazzjoni barra mill-Unjoni, dan ser jwassal biss biex jiġu amplifikati l-urġenza u l-gravità tas-sitwazzjoni fis-suq tal-Unjoni. Barra minn hekk, l-urġenza tas-sitwazzjoni hija aggravata miż-żmien tal-applikazzjoni tad-dazji tal-importazzjoni. Dawn huma applikabbli mit-18 ta’ Ottubru 2019, data li taħbat eżatt f’nofs il-kampanja tal-ħsad u l-produzzjoni tal-inbid tal-2019 u eżatt qabel tmiem l-istaġun tal-festi tal-aħħar tas-sena; tnejn mill-aktar perjodi importanti ta’ bejgħ tas-sena għas-settur tal-inbid tal-Unjoni. F’dan l-isfond, huwa għalhekk meħtieġ li jittieħdu miżuri immedjati biex tiġi indirizzata s-sitwazzjoni.

(6)

Fost il-miżuri ta’ appoġġ fis-settur tal-inbid stabbiliti fl-Artikolu 43 tar-Regolament (UE) Nru 1308/2013, il-miżura ta’ promozzjoni biss skont l-Artikolu 45(1)(b) ta’ dan ir-Regolament hija mmirata direttament għall-promozzjoni ta’ nbejjed tal-Unjoni f’pajjiżi terzi sabiex tittejjeb il-kompetittività tagħhom. Matul is-snin, il-miżura ta’ promozzjoni kienet ferm effettiva biex tirbaħ u tikkonsolida s-swieq f’pajjiżi terzi. Din uriet li kienet l-aktar għodda effettiva għall-appoġġ tal-inbejjed tal-Unjoni fis-swieq ta’ pajjiżi terzi billi saħħet ir-reputazzjoni tagħhom u billi qajmet kuxjenza dwar il-kwalità tagħhom. Is-suq internazzjonali tal-inbid huwa suq globali u kwalunkwe operazzjoni ta’ promozzjoni tal-inbid tal-Unjoni fis-swieq ta’ pajjiżi terzi hija ta’ benefiċċju għall-inbejjed kollha tal-Unjoni. Dan jagħti opportunitajiet lil dawk li sussegwentement ser jidħlu fis-suq inkwistjoni ma’ nbejjed oħra tal-Unjoni. Il-promozzjonijiet individwali għandhom effett “multiplikatur” fuq il-bejgħ peress li jkopru firxiet sħaħ ta’ nbejjed jew reġjuni sħaħ ta’ produzzjoni tal-inbid u mhux biss marka individwali waħda jew tip ta’ nbid wieħed. Għalhekk huwa essenzjali li jitkomplew, jitnedew u jiġu intensifikati l-attivitajiet ta’ promozzjoni fis-swieq kollha sabiex jinstabu postijiet għall-inbejjed li ma jinbigħux fis-suq tal-Istati Uniti tal-Amerka u biex tiġi preservata r-reputazzjoni tal-inbejjed tal-Unjoni f’dawn is-swieq l-oħra, kif ukoll biex jagħmlu tajjeb għall-pressjoni fuq il-prezzijiet.

(7)

Għalhekk, biex l-operaturi jiġu megħjuna jwieġbu għaċ-ċirkostanzi eċċezzjonali attwali fis-swieq tal-esportazzjoni madwar id-dinja kollha wara s-sistema tad-dazju tal-importazzjoni imposta mill-Istati Uniti tal-Amerka u biex jindirizzaw din is-sitwazzjoni imprevedibbli u prekarja, jixraq li tkun permessa aktar flessibbiltà fl-implimentazzjoni tal-miżura ta’ promozzjoni skont l-Artikolu 45(1)(b) tar-Regolament (UE) Nru 1308/2013 billi jkun hemm deroga minn ċerti dispożizzjonijiet stabbiliti fir-Regolament ta’ Implimentazzjoni tal-Kummissjoni (UE) 2016/1150 (2).

(8)

L-Artikolu 2(1) tar-Regolament ta’ Implimentazzjoni (UE) 2016/1150 jipprovdi li bidliet fir-rigward tal-programmi ta’ appoġġ applikabbli, kif imsemmi fl-Artikolu 41(5) tar-Regolament (UE) Nru 1308/2013 ma għandhomx jiġu sottomessi aktar minn darbtejn kull sena finanzjarja. Sabiex l-Istati Membri jkunu jistgħu jadattaw malajr il-programmi nazzjonali ta’ appoġġ tagħhom u tkun żgurata ċ-ċertezza legali għall-implimentazzjoni ta’ dawn il-modifiki, jixraq li jkun permess li tali bidliet ikunu jistgħu jiġu sottomessi aktar minn darbtejn kull sena finanzjarja. Jenħtieġ li l-Istati Membri jkunu kapaċi jirreaġixxu malajr għal dawn iċ-ċirkostanzi eċċezzjonali u jissottomettu bidliet għall-miżura ta’ promozzjoni kmieni sa minn meta jitqies meħtieġ. Tali flessibilità tippermetti lill-Istati Membri jottimizzaw il-miżuri diġà fis-seħħ, iżidu n-numru ta’ sejħiet u jagħmlu aġġustamenti aktar ta’ spiss b’kunsiderazzjoni tas-sitwazzjoni tas-suq. Barra minn hekk, ikun possibbli wkoll li l-Istati Membri li ma jkunux inkludew il-miżura ta’ promozzjoni fil-programm nazzjonali ta’ appoġġ tagħhom, jagħmlu dan immedjatament mad-dħul fis-seħħ ta’ dan ir-Regolament, minflok ikollhom jistennew l-iskadenza li jmiss għall-emendi. B’din il-flessibilità mtejba għall-miżura ta’ promozzjoni, jiġu offruti aktar opportunitajiet lill-operaturi inklużi dawk ġodda, biex jissottomettu applikazzjonijiet għal appoġġ għall-promozzjoni. Dan għandu l-għan li jipprovdi għajnuna lis-settur tal-inbid u jiżgura l-flessibilità meħtieġa biex jinstabu postijiet ġodda fis-swieq internazzjonali minbarra l-Istati Uniti tal-Amerka.

(9)

Għaldaqstant, jeħtieġ li ssir deroga mill-Artikolu 2(1) tar-Regolament ta’ Implimentazzjoni (UE) 2016/1150.

(10)

Il-miżuri previsti f’dan ir-Regolament jikkonformaw mal-opinjoni tal-Kumitat għall-Organizzazzjoni Komuni tas-Swieq Agrikoli,

(1)

Id-Deċiżjoni ta’ Implimentazzjoni tal-Kummissjoni (UE) 2020/47 (3) ġiet adottata wara tifqigħat tal-influwenza avjarja b’patoġeniċità għolja tas-sottotip H5N8 f’farms fejn kienu jinżammu t-tjur fil-Polonja, s-Slovakkja, l-Ungerija u r-Rumanija, u l-istabbiliment ta’ żoni ta’ protezzjoni u sorveljanza minn dawk l-Istati Membri f’konformità mad-Direttiva tal-Kunsill 2005/94/KE (4).

(2)

Id-Deċiżjoni ta’ Implimentazzjoni (UE) 2020/47 tistipula li ż-żoni ta’ protezzjoni u ta’ sorveljanza stabbiliti mill-Istati Membri elenkati fl-Anness ta’ dik id-Deċiżjoni ta’ Implimentazzjoni, f’konformità mad-Direttiva 2005/94/KE, għandhom tal-inqas jinkludu ż-żoni elenkati bħala żoni ta’ protezzjoni u ta’ sorveljanza f’dak l-Anness.

(3)

L-Anness tad-Deċiżjoni ta’ Implimentazzjoni 2020/47 reċentament ġie emendat permezz tad-Deċiżjoni ta’ Implimentazzjoni tal-Kummissjoni (UE) 2020/114 (5), wara istanzi ta’ influwenza avjarja b’patoġeniċità għolja tas-sottotip H5N8 fit-tjur fil-Polonja, l-Ungerija, s-Slovakkja, iċ-Ċekja, u r-Rumanija li kien jeħtieġ li jiġu riflessi f’dak l-Anness.

(4)

Mid-data tal-adozzjoni tad-Deċiżjoni ta’ Implimentazzjoni (UE) 2020/114, il-Polonja nnotifikat lill-Kummissjoni b’tifqigħat addizzjonali ta’ influwenza avjarja b’patoġenità għolja tas-sottotip H5N8 f’farms fejn jinżammu t-tjur, fid-distretti ta’ Szamotulski, Ostrowski u Iławski.

(5)

Barraminhekk, is-Slovakkja nnotifikat lill-Kummissjoni b’tifqigħa oħra ta’ influwenza avjarja b’patoġenità għolja tas-sottotip H5N8 f’farm fejn jinżammu t-tjur fir-reġjun ta’ Čadca.

(6)

It-tifqigħat il-ġodda fil-Polonja u s-Slovakkja jinsabu ’l barra miż-żoni elenkati diġà fl-Anness tad-Deċiżjoni ta’ Implimentazzjoni (UE) 2020/47, u l-Awtoritajiet kompetenti ta’ dawk l-Istati Membri ħadu l-miżuri neċessarji meħtiepa f’konformità mad-Direttiva 2005/94/KE, inkluż l-istabbiliment ta’ żoni ta’ protezzjoni u ta’ sorveljanza madwar dawk it-tifqigħat il-ġodda.

(7)

Il-Kummissjoni eżaminat il-miżuri li ħadu l-Polonja u s-Slovakkja f’konformità mad-Direttiva 2005/94/KE u tinsab sodisfatta bil-fruntieri taż-żoni ta’ protezzjoni u ta’ sorveljanza stabbiliti mill-awtoritajiet kompetenti ta’ dawk l-Istati Membri, hekk kif hemm biżżejjed distanza mill-farms fejn it-tifqigħat tal-influwenza avjarja b’patoġeniċità għolja tas-sottotip H5N8 ġew ikkonfermati.

(8)

Sabiex jiġi evitat kwalunkwe tfixkil bla bżonn fil-kummerċ fi ħdan l-Unjoni u sabiex jiġu evitati ostakoli mhux ġustifikati għall-kummerċ imposti minn pajjiżi terzi, jeħtieġ li fil-livell tal-Unjoni, f’kollaborazzjoni mal-Polonja u s-Slovakkja, jiġu deskritti malajr iż-żoni ġodda ta’ protezzjoni u ta’ sorveljanza stabbiliti minn dawk l-Istati Membri f’konformità mad-Direttiva 2005/94/KE. Għaldaqstant, jenħtieġ li ż-żoni ta’ protezzjoni u ta’ sorveljanza elenkati għall-Polonja u għas-Slovakkja fl-Anness tad-Deċiżjoni ta; Implimentazzjoni (UE) 2020/47 jiġu emendati.

(9)

Bl-istess mod, jenħtieġ li l-Anness tad-Deċiżjoni ta’ Implimentazzjoni (UE) 2020/47 jiġi emendat sabiex tiġi aġġornata r-reġjonalizzazzjoni fil-livell tal-Unjoni, sabiex tinkludi ż-żoni l-ġodda ta’ protezzjoni u ta’ sorveljanza stabbiliti mill-Polonja u s-Slovakkja, f’konformità mad-Direttiva 2005/94/KE, flimkien mad-durata tar-restrizzjonijiet applikabbli fiha.

(10)

Għaldaqstant jenħtieġ li d-Deċiżjoni ta’ Implimentazzjoni (UE) 2020/47 tiġi emendata skont dan.

(11)

Meta titqies l-urġenza tas-sitwazzjoni epidemjoloġika fl-Unjoni, rigward il-firxa tal-influwenza avjarja b’patoġeniċità għolja tas-sottotip H5N8, jenħtieġ li l-emendi fl-Anness tad-Deċiżjoni ta’ Implimentazzjoni (UE) 2020/47 li qed isiru permezz ta’ din id-Deċiżjoni jidħlu fis-seħħ malajr kemm jista’ jkun.

(12)

Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,