(1)

Fid-29 ta’ Marzu 2017 ir-Renju Unit ippreżenta n-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea (TUE). It-Trattati ma jibqgħux japplikaw għar-Renju Unit mid-data tad-dħul fis-seħħ ta’ ftehim dwar il-ħruġ jew, fin-nuqqas ta’ dan, sentejn wara dik in-notifika, jiġifieri mit-30 ta’ Marzu 2019, sakemm il-Kunsill Ewropew, bi qbil mar-Renju Unit, ma jiddeċidix b’mod unanimu li jestendi dak il-perijodu. Il-perijodu ġie estiż darbtejn mill-Kunsill Ewropew, l-aktar reċentement permezz tad-Deċiżjoni (UE) 2019/584 (2) tiegħu, li estendietu sal-31 ta’ Ottubru 2019. Fin-nuqqas ta’ ftehim dwar il-ħruġ mar-Renju Unit u ta’ estensjoni ulterjuri tal-perijodu msemmi fl-Artikolu 50(3) TUE, hemm il-ħtieġa li jkun hemm qbil, fi ftehim internazzjonali futur bejn l-Unjoni u r-Renju Unit, dwar saldu finanzjarju fir-rigward tal-obbligi finanzjarji li jirriżultaw mis-sħubija tar-Renju Unit fl-Unjoni.

(2)

Dan ir-Regolament huwa mingħajr preġudizzju għall-obbligi rispettivi tal-Unjoni u tar-Renju Unit li jirriżultaw mill-perijodu kollu tas-sħubija tar-Renju Unit fl-Unjoni.

(3)

Ir-Regolament tal-Kunsill (UE, Euratom) 2019/1197 (3) stabbilixxa regoli dwar ir-relazzjonijiet bejn l-Unjoni, minn naħa waħda, u r-Renju Unit u l-benefiċjarji tiegħu, min-naħa l-oħra, fir-rigward tal-finanzjament u l-implimentazzjoni tal-baġit ġenerali tal-Unjoni (“il-baġit”) fl-2019. Hemm bżonn li jiġu stabbiliti r-regoli dwar ir-relazzjonijiet bejn l-Unjoni, minn naħa waħda, u r-Renju Unit u l-benefiċjarji tiegħu, min-naħa l-oħra, anke fir-rigward tal-finanzjament u l-implimentazzjoni tal-baġit fl-2020.

(4)

It-Trattati ma jipprevedux setgħat għajr dawk skont l-Artikolu 352 tat-Trattat dwar il-Funzjonament tal-Unjoni Ewropea (TFUE) u l-Artikolu 203 tat-Trattat li jistabbilixxi l-Komunità Ewropea tal-Enerġija Atomika għall-adozzjoni tal-miżuri li jikkonċernaw l-implimentazzjoni u l-finanzjament tal-baġit 2020 fir-rigward tal-ħruġ tar-Renju Unit mill-Unjoni mingħajr ftehim dwar il-ħruġ.

(5)

Ir-Renju Unit, u persuni u entitajiet stabbiliti fir-Renju Unit, qed jipparteċipaw f’għadd ta’ programmi jew azzjonijiet tal-Unjoni abbażi tas-sħubija tar-Renju Unit fl-Unjoni. Dik il-parteċipazzjoni ssir abbażi ta’ ftehimiet mar-Renju Unit jew ma’ persuni jew entitajiet stabbiliti fir-Renju Unit jew abbażi ta’ deċiżjonijiet favur ir-Renju Unit jew persuni jew entitajiet stabbiliti fir-Renju Unit li jikkostitwixxu impenji legali.

(6)

Għal ħafna minn dawk il-ftehimiet u deċiżjonijiet, in-normi li jirregolaw l-eliġibbiltà jirrikjedu li l-benefiċjarju jkun Stat Membru jew persuna jew entità stabbilita fi Stat Membru. L-eliġibbiltà tar-Renju Unit, jew ta’ persuni jew entitajiet stabbiliti fir-Renju Unit, hija f’każi bħal dawn marbuta mal-fatt li r-Renju Unit huwa Stat Membru. Il-ħruġ tar-Renju Unit mill-Unjoni mingħajr ftehim dwar il-ħruġ għalhekk jimplika t-telf tal-eliġibbiltà ta’ tali benefiċjarji għall-finanzjament tal-Unjoni skont tali ftehimiet u deċiżjonijiet. Madankollu, dan ma jikkonċernax każijiet fejn persuni jew entitajiet stabbiliti fir-Renju Unit jipparteċipaw f’azzjoni skont ir-regoli rispettivi tal-Unjoni għal persuni u entitajiet stabbiliti f’pajjiż terz, u soġġett għall-kondizzjonijiet applikabbli skont dawk ir-regoli.

(7)

F’każ ta’ rtirar mingħajr ftehim dwar il-ħruġ, ikun ta’ benefiċċju kemm għall-Unjoni kif ukoll għall-Istati Membri tagħha u għar-Renju Unit, u l-persuni u l-entitajiet stabbiliti fir-Renju Unit, li jipprevedu l-eliġibbiltà fl-2020 tar-Renju Unit u l-benefiċjarji stabbiliti fir-Renju Unit biex jirċievu l-fondi tal-Unjoni u għall-parteċipazzjoni tar-Renju Unit fil-finanzjament tal-baġit għall-2020. Ikun ukoll ta’ benefiċċju jekk l-impenji legali ffirmati u adottati qabel id-data tal-ħruġ, jew fl-2019 bl-applikazzjoni tal-Artikolu 4 tar-Regolament (UE, Euratom) 2019/1197, ikunu jistgħu jkomplu jiġu eżegwiti matul l-2020.

(8)

Huwa għalhekk xieraq li jiġu stabbiliti l-kondizzjonijiet li bihom ir-Renju Unit, u persuni u entitajiet stabbiliti fir-Renju Unit, ikunu jistgħu jibqgħu eliġibbli fl-2020 fir-rigward tal-ftehimiet iffirmati magħhom u tad-deċiżjonijiet adottati fir-rigward tagħhom sa dik id-data li fiha t-Trattati ma jibqgħux japplikaw għar-Renju Unit u fir-Renju Unit (‘id-data tal-ħruġ’) jew, fejn applikabbli, fl-2019 b’applikazzjoni tal-Artikolu 4 tar-Regolament (UE, Euratom) 2019/1197. Il-kondizzjonijiet li ġejjin huma meħtieġa għall-applikazzjoni ta’ dan ir-Regolament: (i) ir-Renju Unit ikkonferma l-impenn bil-miktub lill-Kummissjoni li jkompli jħallas kontribuzzjoni kkalkulata abbażi tar-riżorsi proprji stmati mir-Renju Unit kif stabbilit fl-abbozz ta’ baġit għall-2020, kif propost fil-5 ta’ Lulju 2019, u aġġustat biex iqis l-ammont totali ta’ approprjazzjonijiet ta’ pagament stabbiliti fil-baġit adottat għall-2020; (ii) l-ewwel pagament tħallas mir-Renju Unit; (iii) ir-Renju Unit ikkonferma l-impenn bil-miktub lill-Kummissjoni li jippermetti l-awditi u l-kontrolli bis-sħiħ mill-Unjoni f’konformità mar-regoli applikabbli; (iv) u l-Kummissjoni adottat id-deċiżjoni skont l-Artikolu 2(2) tar-Regolament (UE, Euratom) 2019/1197 u ma tkunx adottat deċiżjoni skont l-Artikolu 3(2) ta’ dak ir-Regolament. L-aħħar kondizzjoni tapplika biss dment li r-Regolament (UE, Euratom) 2019/1197 isir applikabbli qabel tmiem is-sena finanzjarja 2019. Fid-dawl tal-bżonn ta’ ċertezza, huwa xieraq li jiġi limitat iż-żmien għall-issodisfar tal-kondizzjonijiet. Jenħtieġ li l-Kummissjoni tadotta deċiżjoni dwar l-issodisfar tal-kondizzjonijiet.

(9)

Il-kondizzjoni fir-rigward tal-kontribuzzjoni tar-Renju Unit jenħtieġ li tkun ibbażata fuq l-abbozz tal-baġit għall-2020 kif propost għat-28 Stat Membru u ser tiġi aġġustata biex jiġi kkunsidrat l-ammont totali ta’ approprjazzjonijiet ta’ pagament taħt il-baġit adottat. Huwa raġonevoli li ebda Stat Membru ma jenħtieġ li jkun f’pożizzjoni inqas favorevoli fir-rigward tal-kontribuzzjoni relattiva tiegħu minn kif stabbilit fil-baġit għall-2020 kif propost, wara l-adozzjoni ta’ dan ir-Regolament. Għaldaqstant, biex jiġi żgurat l-effett pożittiv ta’ dan ir-Regolament għall-Istati Membri kollha, huwa adatt li jitnaqqas ammont speċifiku mill-ammont tal-kontribuzzjoni mir-Renju Unit li għandu jiddaħħal fil-baġit. Dan l-ammont speċifiku għandu jkun ta’ benefiċċju għall-Istati Membri li altrimenti jkunu fi żvantaġġ wara l-adozzjoni ta’ dan ir-Regolament, kif speċifikat aktar f’arranġamenti prattiċi ddedikati li jistipulaw id-distribuzzjoni tal-pagamenti dovuti u li jinkarigaw lill-Kummissjoni bil-kompitu tal-iżborż tal-ammont speċifiku.

(10)

Sakemm il-kondizzjonijiet għall-eliġibbiltà tar-Renju Unit, u l-persuni u l-entitajiet stabbiliti fir-Renju Unit, skont dan ir-Regolament ikomplu jiġu ssodisfati, huwa xieraq ukoll li jiġi pprovdut għall-eliġibbiltà tagħhom, fl-2020, għall-finijiet ta’ kondizzjonijiet stabbiliti f’sejħiet għal proposti, offerti, kompetizzjonijiet jew kwalunkwe proċedura oħra li tista’ twassal għall-finanzjament mill-baġit tal-Unjoni, bl-eċċezzjoni ta’ każijiet speċifiċi relatati mas-sigurtà, u mat-telf ta’ sħubija tar-Renju Unit fil-Bank Ewropew tal-Investiment, u li jiġi pprovdut finanzjament tal-Unjoni lilhom. Dan il-finanzjament tal-Unjoni jenħtieġ li jkun limitat għan-nefqa eliġibbli li ssir fl-2020, ħlief għal kuntratti ta’ akkwist pubbliku ffirmati qabel tmiem l-2020 fl-applikazzjoni tat-Titolu VII tar-Regolament (UE, Euratom) 2018/1046 tal-Parlament Ewropew u tal-Kunsill (4) (“ir-Regolament Finanzjarju”), li jkomplu jiġu implimentati f’konformità mat-termini tagħhom, u ħlief għall-iskema ta’ pagament dirett tal-politika agrikola tar-Renju Unit għas-sena tat-talba 2020, li għandha tkun eskluża mill-eliġibbiltà.Huwa wkoll xieraq li r-Renju Unit, jew persuni jew entitajiet stabbiliti fir-Renju Unit, jiġu esklużi mill-eliġibbiltà skont ir-Regolament (UE) Nru 1309/2013 tal-Parlament Ewropew u tal-Kunsill (5), kif emendat bir-Regolament (UE) 2019/1796 (6) tal-Parlament Ewropew u tal-Kunsill, għal azzjonijiet li jkopru ħaddiema li jkunu ngħataw is-sensja u persuni li jaħdmu għal rashom li l-attività tagħhom tkun intemmet b’konsegwenza ta’ ħruġ mingħajr ftehim, u skont ir-Regolament tal-Kunsill (KE) Nru 2012/2002 (7), kif emendat, għal azzjonijiet li jkopru piż finanzjarju serju impost fuq l-Istati Membri direttament imputabbli għal ħruġ mingħajr ftehim dwar il-ħruġ. F’konformità mar-Regolament Finanzjarju, is-sejħiet għal proposti, għall-offerti, il-kompetizzjonijiet jew proċeduri oħra, kif ukoll kwalunkwe ftehim li joħroġ minnhom mar-Renju Unit jew ma’ persuni jew entitajiet stabbiliti fir-Renju Unit, jew deċiżjonijiet favurihom, għandhom jistipulaw il-kondizzjonijiet għall-eliġibbiltà u għall-kontinwazzjoni tagħhom b’referenza għal dan ir-Regolament.

(11)

Huwa xieraq ukoll li jiġi previst li l-eliġibbiltà tar-Renju Unit, u ta’ persuni u entitajiet stabbiliti fir-Renju Unit, tkompli taħt il-kondizzjonijiet li r-Renju Unit ikompli jħallas il-kontribuzzjoni għall-2020 u, fejn applikabbli, għall-2019 skont ir-Regolament (UE, Euratom) 2019/1197, u li l-kontrolli u l-awditi jistgħu jsiru b’mod effettiv. Fejn dawn il-kondizzjonijiet ma jibqgħux jiġu ssodisfati, jenħtieġ li l-Kummissjoni tieħu deċiżjoni li tikkonstata t-tali nuqqas. F’każ bħal dan, jenħtieġ li r-Renju Unit, u persuni u entitajiet stabbiliti fir-Renju Unit, ma jibqgħux eliġibbli għal finanzjament mill-Unjoni.

(12)

Huwa xieraq ukoll li tiġi prevista l-kontinwazzjoni, fl-2020, tal-eliġibbiltà tal-azzjonijiet li permezz tagħhom l-Istati Membri jew entitajiet stabbiliti fl-Istati Membri jirċievu fondi mill-Unjoni u li huma relatati mar-Renju Unit. Madankollu, jenħtieġ li n-nuqqas potenzjali ta’ aċċettazzjoni mir-Renju Unit ta’ kontrolli u awditi jenħtieġ li jikkostitwixxi element li għandu jkun ikkunsidrat għall-finijiet ta’ ġestjoni finanzjarja tajba meta tiġi vvalutata l-implimentazzjoni ta’ dawn l-azzjonijiet.

(13)

Jenħtieġ li l-azzjonijiet ikomplu jiġu implimentati f’konformità mar-regoli rilevanti li jirregolaw dawn l-azzjonijiet, inkluż ir-Regolament Finanzjarju. Għalhekk, huwa neċessarju li r-Renju Unit jiġi ttrattat bħala Stat Membru għall-fini tal-applikazzjoni ta’ dawn ir-regoli.

(14)

Peress li l-għanijiet ta’ dan ir-Regolament ma jistgħux jinkisbu b’mod suffiċjenti mill-Istati Membri iżda jistgħu, minħabba li jikkonċernaw il-baġit tal-Unjoni u programmi u azzjonijiet implimentati mill-Unjoni, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa neċessarju sabiex jinkisbu dawk l-għanijiet.

(15)

Sabiex ikun hemm possibbiltà ta’ flessibbiltà limitata, jenħtieġ li s-setgħa li jiġu adottati atti f’konformità mal-Artikolu 290 TFUE tiġi ddelegata lill-Kummissjoni fir-rigward tal-possibbiltà ta’ estensjoni tal-iskadenzi stabbiliti fil-punti (a), (b) u (c) tal-ewwel subparagrafu tal-Artikolu 2(1), u ta’ emendi għall-iskeda tal-pagamenti. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (8). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati. Fejn, fil-każ ta’ riskju ta’ tfixkil serju tal-implimentazzjoni u tal-finanzjament tal-baġit tal-Unjoni fl-2020, raġunijiet imperattivi ta’ urġenza li jkunu jenħtieġu li, l-att delegat jidħol fis-seħħ bla dewmien u jenħtieġ li japplika sakemm ma jkun hemm ebda oġġezzjoni espressa mill-Parlament Ewropew jew mill-Kunsill.

(16)

Sabiex jiġi evitat l-aktar tfixkil sinifikanti għall-benefiċjarji tal-programmi ta’ nfiq u ta’ azzjonijiet oħra tal-UE fid-data tal-ħruġ tar-Renju Unit mill-Unjoni, jenħtieġ li dan ir-Regolament jidħol fis-seħħ b’urġenza fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea u jenħtieġ li japplika mill-jum wara dak li fih it-Trattati ma jibqgħux japplikaw għar-Renju Unit u fir-Renju Unit, dment li sa dik id-data ma jkunx daħal fis-seħħ ftehim dwar il-ħruġ konkluż mar-Renju Unit. Peress li dan ir-Regolament jistabbilixxi miżuri dwar l-implimentazzjoni u l-finanzjament tal-baġit tal-Unjoni għall-2020, dan għandu japplika biss għall-eliġibbiltà għas-sena 2020,

(1)

Id-Direttiva tal-Kunsill 2006/112/KE (3) tipprevedi, taħt ċerti kundizzjonijiet, eżenzjoni mit-taxxa fuq il-valur miżjud (VAT) għal merkanzija u servizzi fornuti lill-forzi armati ta’ kwalunkwe Stat parti għat-Trattat tal-Atlantiku tat-Tramuntana u oġġetti importati minnhom meta tali forzi jkunu qed jieħdu sehem fl-isforz ta’ difiża komuni barra l-Istat tagħhom stess.

(2)

Id-Direttiva tal-Kunsill 2008/118/KE (4) tipprevedi eżenzjoni mid-dazju tas-sisa għal prodotti soġġetti għad-dazju tas-sisa maħsuba biex jintużaw mill-forzi armati ta’ kwalunkwe parti tal-Istat għat-Trattat tal-Atlantiku tat-Tramuntana għajr dak l-Istat Membru li fih ikun dovut id-dazju tas-sisa, għall-użu ta’ dawk il-forzi, għall-persunal ċivili li jakkumpanjahom jew għall-provvista tal-mensi jew kantins tagħhom, soġġett għall-kondizzjonijiet u l-limitazzjonijiet stabbiliti mill-Istat Membru ospitanti.

(3)

Tali eżenzjonijiet mhumiex disponibbli fejn il-forzi armati ta’ Stat Membru jkunu qed jieħdu sehem f’attivitajiet taħt il-politika ta’ sigurtà u ta’ difiża komuni (PSDK) kif stabbilit fit-Taqsima 2 tal-Kapitolu 2 tat-Titolu V tat-Trattat dwar l-Unjoni Ewropea. Jenħtieġ li tingħata prijorità lill-ħtieġa li jitjiebu l-kapaċitajiet Ewropej fil-qasam tad-difiża u tal-immaniġġar ta’ kriżijiet u li jissaħħu s-sigurtà u d-difiża tal-Unjoni. Fil-Komunikazzjoni Konġunta tagħhom tat-28 ta’ Marzu 2018 dwar il-Pjan ta’ Azzjoni dwar il-Mobbiltà Militari, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u l-Kummissjoni rrikonoxxa l-ħtieġa ġenerali li t-trattament tal-VAT tal-isforzi ta’ difiża jiġi allinjat fi ħdan il-qafas tal-Unjoni u l-umbrella tal-Organizzazzjoni tat-Trattat tal-Atlantiku tat-Tramuntana (NATO).

(4)

Sforz ta’ difiża mwettaq għall-implimentazzjoni ta’ attività tal-Unjoni skont il-PSDK jinkludi missjonijiet u operazzjonijiet militari, attivitajiet tal-gruppi tattiċi, assistenza reċiproka, proġetti ta’ kooperazzjoni strutturata permanenti (PESCO) u attivitajiet tal-Aġenzija Ewropea għad-Difiża (EDA). Madankollu, jenħtieġ li dan ma jinkludix attivitajiet taħt il-klawsola ta’ solidarjetà stabbilita fl-Artikolu 222 tat-Trattat dwar il-Funzjonament tal-Unjoni Ewropea jew kwalunkwe attività bilaterali jew multilaterali oħra bejn l-Istati Membri li ma jirrelatawx ma’ sforz ta’ difiża mwettaq għall-implimentazzjoni ta’ attività tal-Unjoni skont il-PSDK.

(5)

Għalhekk, jenħtieġ li tiġi introdotta eżenzjoni mill-VAT biex tkopri l-provvista ta’ merkanzija jew servizzi maħsuba jew għall-użu tal-forzi armati ta’ Stat Membru jew tal-persunal ċivili li jakkumpanjahom jew għall-provvista tal-mensi jew kantins tagħhom meta tali forzi jieħdu sehem fi sforz ta’ difiża mwettaq għall-implimentazzjoni ta’ attività tal-Unjoni skont il-PSDK barra l-Istat Membru tagħhom. Provvisti ta’ merkanzija jew servizzi għall-forzi armati tal-Istat Membru li fih jiġu fornuti dik il-merkanzija jew dawk is-servizzi jenħtieġ li jiġu esklużi mill-eżenzjoni mill-VAT.

(6)

Barra minn hekk, huwa meħtieġ li tiġi prevista eżenzjoni mill-VAT fejn oġġetti importati mill-forzi armati ta’ Stat Membru jkunu maħsuba għall-użu ta’ dawk il-forzi jew tal-persunal ċivili li jakkumpanjahom jew għall-provvista tal-mensi jew kantins tagħhom, meta tali forzi jkunu qed jieħdu sehem fi sforz ta’ difiża mwettaq għall-implimentazzjoni ta’ attività skont il-PSDK barra l-Istat Membru tagħhom.

(7)

Jenħtieġ li tiġi introdotta wkoll eżenzjoni mid-dazju tas-sisa biex tkopri l-prodotti soġġetti għad-dazju tas-sisa fornuti għall-użu tal-forzi armati ta’ kwalunkwe Stat Membru għajr l-Istat Membru li fih ikun dovut id-dazju tas-sisa, meta tali forzi jieħdu sehem fi sforz ta’ difiża mwettaq għall-implimentazzjoni ta’ attività tal-Unjoni skont il-PSDK barra l-Istat Membru tagħhom.

(8)

Bħal fil-każ tal-eżenzjoni mill-VAT u d-dazju tas-sisa għall-isforzi ta’ difiża tan-NATO, l-eżenzjonijiet għall-isforzi ta’ difiża mwettqa għall-implimentazzjoni ta’ attività tal-Unjoni skont il-PSDK jenħtieġ li jkollhom kamp ta’ applikazzjoni limitat. Dawk l-eżenzjonijiet jenħtieġ li japplikaw biss għal sitwazzjonijiet fejn il-forzi armati jwettqu kompiti marbuta direttament ma’ sforz ta’ difiża skont il-PSDK u jenħtieġ li ma jkoprux missjonijiet ċivili skont il-PSDK. Merkanzija jew servizzi fornuti għall-użu tal-persunal ċivili jistgħu għalhekk ikunu koperti biss mill-eżenzjonijiet meta l-persunal ċivili jkun qed jakkumpanja l-forzi armati li jwettqu kompiti direttament marbuta ma’ sforz ta’ difiża skont il-PSDK barra l-Istat Membru tagħhom. Il-kompiti mwettqa esklużivament mill-persunal ċivili jew imwettqa esklużivament bl-użu ta’ kapaċitajiet ċivili jenħtieġ li ma jkunux ikkunsidrati bħala sforz ta’ difiża. L-eżenzjonijiet jenħtieġ li, f’ebda ċirkostanza ma jkopru merkanzija jew servizzi li l-forzi armati jiksbu għall-użu ta’ dawk il-forzi jew il-persunal ċivili li jakkumpanjahom fl-Istat Membru tagħhom stess.

(9)

Minħabba li l-għan ta’ din id-Direttiva, jiġifieri li tallinja t-trattament tal-VAT u tad-dazju tas-sisa ta’ sforzi ta’ difiża taħt l-oqfsa tal-Unjoni u tan-NATO ma jistax jinkiseb b’mod suffiċjenti mill-Istati Membri iżda jista’ jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-għan.

(10)

F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni (5), l-Istati Membri impenjaw rwieħhom li jżidu man-notifika tal-miżuri ta’ traspożizzjoni tagħhom, f’każijiet ġustifikati, dokument wieħed jew aktar li jispjegaw ir-relazzjoni bejn il-komponenti ta’ direttiva u l-partijiet ekwivalenti ta’ strumenti nazzjonali ta’ traspożizzjoni. Fir-rigward ta’ din id-Direttiva, il-leġislatur iqis li t-trasmissjoni ta’ dokumenti ta’ dak it-tip hija ġustifikata.

(11)

Id-Direttivi 2006/112/KE u 2008/118/KE jenħtieġ, għalhekk, li jiġu emendati skont dan,

(1)

fl-Artikolu 22, jiddaħħal il-paragrafu li gej qabel l-ewwel paragrafu:

“L-applikazzjoni mill-forzi armati ta’ Stat Membru li jkun qed jieħu sehem fi sforz ta’ difiża mwettaq għall-implimentazzjoni ta’ attività tal-Unjoni skont il-politika ta’ sigurtà u ta’ difiża komuni, għall-użu tagħhom jew għall-użu tal-persunal ċivili li jakkumpanjahom, ta’ merkanzija li ma jkunux xtraw soġġett għar-regoli ġenerali li jirregolaw it-tassazzjoni fis-suq domestiku ta’ Stat Membru għandha tiġi ttrattata bħala akkwist intra-Komunitarju ta’ merkanzija bi ħlas, fejn l-importazzjoni ta’ dik il-merkanzija ma tkunx eliġibbli għall-eżenzjoni prevista fil-punt (ga) tal-Artikolu 143(1).”;

(2)

fl-Artikolu 143(1), jiddaħħal il-punt li ġej:

(3)

fl-Artikolu 151(1), jiddaħħlu l-punti li ġejjin:

“(ba)

mill-forzi armati ta’ kwalunkwe Stat Membru għajr dak l-Istat Membru li fih ikun dovut id-dazju tas-sisa, għall-użu ta’ dawk il-forzi, għall-persunal ċivili li jakkumpanjahom jew għall-provvista tal-mensi jew kantins tagħhom meta tali forzi jieħdu sehem fi sforz ta’ difiża mwettaq għall-implimentazzjoni ta’ attività tal-Unjoni skont il-politika ta’ sigurtà u ta’ difiża komuni;”.

(1)

L-Artikolu 43(3) tat-Trattat jipprevedi li l-Kunsill, fuq proposta tal-Kummissjoni, jadotta miżuri dwar l-iffissar u l-allokazzjoni tal-opportunitajiet tas-sajd.

(2)

Ir-Regolament (UE) Nru 1380/2013 tal-Parlament Ewropew u tal-Kunsill (1) jeżiġi li jiġu adottati miżuri ta’ konservazzjoni filwaqt li jitqies il-parir xjentifiku, tekniku u ekonomiku disponibbli, inkluż, fejn rilevanti, ir-rapporti mfasslin mill-Kumitat Xjentifiku, Tekniku u Ekonomiku għas-Sajd.

(3)

Hija r-responsabbiltà tal-Kunsill li jadotta miżuri dwar l-iffissar u l-allokazzjoni tal-opportunitajiet tas-sajd, fosthom, fejn xieraq, ċerti kondizzjonijiet li huma marbutin magħhom mil-lat funzjonali. F’konformità mal-Artikolu 16(4) tar-Regolament (UE) Nru 1380/2013,l-opportunitajiet tas-sajd għandhom jiġu ffissati f’konformità mal-objettivi tal-Politika Komuni tas-Sajd (PKS) stabbiliti fl-Artikolu 2(2) ta’ dak ir-Regolament. L-Artikolu 16(1) tar-Regolament (UE) Nru 1380/2013 jipprevedi li l-opportunitajiet tas-sajd għandhom jiġu allokati lill-Istati Membri b’tali mod li jiżguraw l-istabbiltà relattiva tal-attivitajiet tas-sajd ta’ kull Stat Membru għal kull stokk ta’ ħut jew għal kull tip ta’ sajd.

(4)

L-Artikolu 16(4) tar-Regolament (UE) Nru 1380/2013 jipprevedi li, għall-istokkijiet li għalihom hemm pjanijiet pluriennali speċifiċi, l-opportunitajiet tas-sajd jenħtieġ li jiġu stabbiliti skont ir-regoli stipulati f’dawk il-pjanijiet.

(5)

Il-Pjan pluriennali għas-sajd li jisfrutta l-istokkijiet tal-ħut tal-qiegħ fil-Punent tal-Mediterran ġie stabbilit bir-Regolament (UE) 2019/1022 tal-Parlament Ewropew u tal-Kunsill (2) u daħal fis-seħħ fis-16 ta’ Lulju 2019. F’konformità mal-Artikolu 4(1) ta’ dak ir-Regolament, l-opportunitajiet tas-sajd għall-istokkijiet imniżżlin fl-Artikolu 1 ta’ dak ir-Regolament għandhom jiġu ffissati b’mod li jiksbu mortalità mis-sajd fil-livell tar-rendiment massimu sostenibbli fuq bażi progressiva u inkrementali sal-2020 fejn possibbli, u sa mhux aktar tard mill-1 ta’ Jannar 2025. Jenħtieġ li l-opportunitajiet tas-sajd jingħataw f’termini tal-isforz tas-sajd massimu permissibbli u li dawn jiġu ffissati skont ir-reġim tal-isforz tas-sajd stabbilit fl-Artikolu 7 ta’ dak ir-Regolament. Għalhekk, għall-2020, jenħtieġ li l-isforz tas-sajd massimu permissibbli jitnaqqas b’10 % meta mqabbel mal-valur ta’ referenza kkalkulat f’konformità mal-Artikolu 7(4) ta’ dak ir-Regolament.

(6)

Fit-42 laqgħa annwali tagħha li saret fl-2018, il-Kummissjoni Ġenerali tas-Sajd għall-Mediterran (GFCM) adottat ir-rakkomandazzjoni GFCM/42/2018/1 dwar pjan ta’ Ġestjoni pluriennali għas-sallura Ewropea fil-Mediterran, li stabbilixxiet miżuri ta’ ġestjoni għas-sallura Ewropea (Anguilla anguilla) fil-Mediterran (is-subżoni ġeografiċi 1 sa 27 tal-GFCM). Dawk il-miżuri jinkludu perjodu annwali ta’ għeluq tas-sajd ta’ tliet xhur konsekuttivi li kull Stat Membru jrid jiddefinixxi skont l-objettivi ta’ konservazzjoni mogħtija fir-Regolament tal-Kunsill (KE) Nru 1100/2007 (3), il-pjan jew il-pjanijiet nazzjonali ta’ ġestjoni tiegħu għas-sallur u skont ix-xejriet temporali tal-migrazzjoni tas-sallura fl-Istat Membru.L-għeluq tas-sajd għandu japplika għall-ilma baħar kollu tal-Mediterran u għall-ilmijiet salmastri bħall-estwarji, il-laguni kostali u l-ilmijiet tranżizzjonali f’konformità ma’ dik ir-Rakkomandazzjoni. Jenħtieġ li dik il-miżura tiġi implimentata fil-liġi tal-Unjoni.

(7)

Fit-42 laqgħa annwali tagħha li saret fl-2018, il-GFCM adottat ukoll ir-rakkomandazzjoni GFCM/42/2018/8 dwar miżuri ulterjuri ta’ emerġenza fl-2019-2021 għal stokkijiet żgħar pelaġiċi fil-baħar Adrijatiku (is-subżoni ġeografiċi 17 u 18), li stabbiliet limiti tal-qbid u limiti tal-isforz tas-sajd għall-istokkijiet pelaġiċi ż-żgħar għall-2019, l-2020 u l-2021 fis-subżoni ġeografiċi 17 u 18 tal-GFCM (il-Baħar Adrijatiku). Jenħtieġ li dawk il-miżuri jiġu implimentati fil-liġi tal-Unjoni. Il-limiti massimi tal-qbid huma ffissati biss għal sena u huma mingħajr preġudizzju għal kwalunkwe miżura oħra li tista’ tiġi adottata fil-ġejjieni u għal kwalunkwe skema ta’ allokazzjoni li jista’ jkun hemm bejn l-Istati Membri.

(8)

Fit-43 laqgħa annwali tagħha li saret fl-2019, il-GFCM adottat ir-Rakkomandazzjoni […] GFCM/43/2019/5 dwar pjan ta’ ġestjoni pluriennali għas-sajd sostenibbli tal-ħut tal-qiegħ fil-Baħar Adrijatiku (is-subżoni ġeografiċi 17 u 18), li daħħlet reġim tal-isforz tas-sajd għal ċerti stokkijiet tal-ħut tal-qiegħ. Jenħtieġ li dawk il-miżuri jiġu implimentati fil-liġi tal-Unjoni.

(9)

Filwaqt li jitqiesu l-partikolaritajiet tal-flotta Slovena u l-impatt marġinali tagħha fuq l-istokkijiet tal-ispeċijiet pelaġiċi ż-żgħar u fuq l-istokkijiet tal-ħut tal-qiegħ, huwa xieraq li jiġu ppreżervati x-xejriet tas-sajd eżistenti u li jiġi żgurat l-aċċess tal-flotta Slovena għal kwantità minima ta’ speċijiet pelaġiċi żgħar u għal sforz tas-sajd minimu għall-istokkijiet tal-ħut tal-qiegħ.

(10)

Fit-43 laqgħa annwali tagħha li saret fl-2019, il-GFCM adottat ir-Rakkomandazzjoni GFCM/43/2019/3 li temenda r-Rakkomandazzjoni GFCM/41/2017/4 dwar pjan ta’ ġestjoni pluriennali għas-sajd għall-barbun imperjali fil-Baħar l-Iswed (is-subżona ġeografika 29 tal-GFCM). Dik ir-rakkomandazzjoni tintroduċi qabda totali permissibbli (TAC) reġjonali aġġornata u skema ta’ allokazzjoni tal-kwoti għall-barbun imperjali, kif ukoll miżuri ta’ konservazzjoni oħrajn għal dak l-istokk, b’mod partikolari perjodu ta’ għeluq tas-sajd ta’ xahrejn u restrizzjoni fuq il-jiem tas-sajd ta’ 180 jum fis-sena. Jenħtieġ li dawk il-miżuri jiġu implimentati fil-liġi tal-Unjoni.

(11)

Skont il-parir xjentifiku tal-GFCM, jeħtieġ jinżamm il-livell attwali ta’ mortalità mis-sajd biex tkun żgurata s-sostenibbiltà tal-istokk tal-laċċ ikħal fil-Baħar l-Iswed. Għalhekk huwa xieraq li tkompli tiġi ffissata kwota awtonoma għal dak l-istokk.

(12)

Jenħtieġ li l-opportunitajiet tas-sajd jiġu stabbiliti abbażi tal-parir xjentifiku disponibbli, filwaqt li jitqiesu l-aspetti bijoloġiċi u soċjoekonomiċi filwaqt li jiġi żgurat trattament ġust bejn is-setturi tas-sajd, kif ukoll fid-dawl tal-opinjonijiet espressi waqt il-konsultazzjoni mal-partijiet ikkonċernati.

(13)

Ir-Regolament tal-Kunsill (KE) Nru 847/96 (4) daħħal kondizzjonijiet addizzjonali għall-ġestjoni tat-TACs minn sena għall-oħra, inkluż, skont l-Artikolu 3 u 4 ta’ dak ir-Regolament, dispożizzjonijiet ta’ flessibbiltà għat-TACs prekawzjonarji u analitiċi. Skont l-Artikolu 2 ta’ dak ir-Regolament, meta jiġu stabbiliti t-TACs, il-Kunsill irid jiddeċiedi liema huma l-istokkijiet li għalihom ma għandhomx japplikaw l-Artikoli 3 u 4 ta’ dak ir-Regolament, b’mod partikolari abbażi tal-istat bijoloġiku tal-istokkijiet. Iktar reċentement, l-Artikolu 15(9) tar-Regolament (UE) Nru 1380/2013 daħħal il-mekkaniżmu tal-flessibbiltà minn sena għall-oħra għall-istokkijiet kollha li għalihom japplika l-obbligu tal-ħatt l-art. Għalhekk, sabiex tiġi evitata flessibbiltà eċċessiva li ddgħajjef il-prinċipju ta’ sfruttament razzjonali u responsabbli tar-riżorsi bijoloġiċi tal-baħar, li xxekkel il-kisba tal-objettivi tal-PKS u li twassal biex il-qagħda bijoloġika tal-istokkijiet tmur għall-agħar, jenħtieġ li jiġi stabbilit li l-Artikoli 3 u 4 tar-Regolament (KE) Nru 847/96 japplikaw għat-TACs analitiċi biss meta ma tintużax il-flessibbiltà minn sena għall-oħra prevista fl-Artikolu 15(9) tar-Regolament (UE) Nru 1380/2013.

(14)

L-użu tal-opportunitajiet tas-sajd disponibbli għall-bastimenti tas-sajd tal-Unjoni stabbiliti f’dan ir-Regolament huwa soġġett għar-Regolament tal-Kunsill (KE) Nru 1224/2009 (5) u b’mod partikolari l-Artikoli 33 u 34 ta’ dak ir-Regolament, fir-rigward tar-reġistrazzjoni tal-qabdiet u tal-isforz tas-sajd u n-notifika tad-data dwar l-eżawriment tal-opportunitajiet tas-sajd. Għalhekk, jeħtieġ jiġu speċifikati l-kodiċijiet li l-Istati Membri jridu jużaw meta jibagħtu d-data lill-Kummissjoni dwar il-ħatt l-art tal-istokkijiet li għalihom japplika dan ir-Regolament.

(15)

Sabiex tiġi evitata l-interruzzjoni tal-attivitajiet tas-sajd u biex jiġi żgurat l-għajxien tas-sajjieda tal-Unjoni, jenħtieġ li dan ir-Regolament jibda japplika mill-1 ta’ Jannar 2020. Minħabba l-urġenza, jenħtieġ li dan ir-Regolament jidħol fis-seħħ minnufih wara li jiġi ppubblikat.

(16)

Jenħtieġ li l-opportunitajiet tas-sajd jintużaw b’mod li jkun għalkollox konformi mal-liġi tal-Unjoni,

(1)

Ir-Regolament (UE) Nru 1380/2013 għandu l-għan li jelimina b’mod progressiv il-qbid skartat fis-sajd kollu tal-Unjoni bl-introduzzjoni ta’ obbligu ta’ ħatt l-art għall-qabdiet ta’ speċijiet li għalihom hemm limiti tal-qbid.

(2)

L-Artikolu 9 tar-Regolament (UE) Nru 1380/2013 jipprevedi l-adozzjoni ta’ pjanijiet pluriennali li jkun fihom miżuri ta’ konservazzjoni għas-sajd li jisfrutta ċerti stokkijiet f’żona ġeografika rilevanti.

(3)

Pjanijiet pluriennali bħal dawn jispeċifikaw id-dettalji tal-implimentazzjoni tal-obbligu ta’ ħatt l-art u jistgħu jagħtu s-setgħa lill-Kummissjoni tkompli tispeċifika dawk id-dettalji abbażi ta’ rakkomandazzjonijiet konġunti żviluppati mill-Istati Membri.

(4)

Fid-19 ta’ Marzu 2019, il-Parlament Ewropew u l-Kunsill adottaw ir-Regolament (UE) 2019/472 li jistabbilixxi pjan pluriennali għall-istokkijiet mistada fl-Ilmijiet tal-Punent u għas-sajd li jisfrutta dawk l-istokkijiet. L-Artikolu 13 ta’ dak ir-Regolament jagħti s-setgħa lill-Kummissjoni tadotta atti delegati sabiex tissupplimenta lil dan ir-Regolament billi tispeċifika d-dettalji tal-obbligu ta’ ħatt l-art għall-istokkijiet kollha tal-ispeċijiet fl-Ilmijiet tal-Punent li għalihom japplika l-obbligu ta’ ħatt l-art skont l-Artikolu 15(1) tar-Regolament (UE) Nru 1380/2013, kif previst fl-Artikolu 15(5)(a) sa (e) ta’ dak ir-Regolament, abbażi ta’ rakkomandazzjonijiet konġunti żviluppati mill-Istati Membri.

(5)

Il-Belġju, Spanja, Franza, in-Netherlands u l-Portugall għandhom interess ta’ ġestjoni dirett fis-sajd fl-ilmijiet tal-Lbiċ. Permezz tar-Regolament Delegat (UE) 2016/2374 (3), il-Kummissjoni stabbiliet pjan għall-iskartar għal ċertu sajd demersali fl-ilmijiet tal-Lbiċ li tħassar u ġie ssostitwit bir-Regolament Delegat tal-Kummissjoni (UE) 2018/2033 (4) wara rakkomandazzjoni konġunta li l-Belġju, Spanja, Franza, in-Netherlands u l-Portugall bagħtu fl-2018.

(6)

Fil-31 ta’ Mejju 2019, il-Belġju, Spanja, Franza, in-Netherlands u l-Portugall bagħtu rakkomandazzjoni konġunta ġdida lill-Kummissjoni wara li kkonsultaw lill-Kunsill Konsultattiv tal-Ilmijiet tal-Lbiċ u lill-Kunsill Konsultattiv tal-Istokkijiet Pelaġiċi, li mbagħad ġiet emendata fid-9 ta’ Awwissu 2019. Inkisbu kontributi xjentifiċi mingħand il-korpi xjentifiċi rilevanti li ġew evalwati mill-Kumitat Xjentifiku, Tekniku u Ekonomiku għas-Sajd (l-STECF) (5). Il-Kummissjoni bagħtet il-miżuri kkonċernati lill-grupp ta’ esperti magħmul mit-28 Stat Membru u mill-Parlament Ewropew bħala osservatur, għal konsultazzjoni bil-miktub min-naħa tagħhom.

(7)

Ir-Regolament Delegat (UE) 2018/2033 kien fih eżenzjoni mill-obbligu ta’ ħatt l-art għall-iskampu li jinqabad bix-xbieki tat-tkarkir tal-qiegħ fis-subżoni 8 u 9 tal-Kunsill Internazzjonali għall-Esplorazzjoni tal-Baħar (l-ICES) u għall-paġella l-ħamra li tinqabad bl-irkaptu artiġjanali “voracer a” fid-diviżjoni 9a tal-ICES, minħabba li l-evidenza xjentifika eżistenti kienet tindika rati possibbilment għoljin ta’ sopravivenza, filwaqt li jitqiesu l-karatteristiċi tal-irkaptu li jintuża biex tiġi mistada dik l-ispeċi, il-prattiki tas-sajd u l-ekosistema. Fl-evalwazzjoni tiegħu (6), l-STECF ikkonkluda li l-aħħar esperimenti u studji li twettqu bejn l-2016 u l-2018 juru li r-rati ta’ sopravivenza tal-iskampu kienu fil-firxa tar-rata ta’ sopravivenza li kienet ġiet innutata fil-valutazzjonijiet ta’ qabel. L-Istati Membri bagħtu l-evidenza biex juru r-rati ta’ sopravivenza tal-qbid skartat tal-paġella l-ħamra lill-STECF, li kkonkluda (7) li l-eżenzjoni kienet iġġustifikata sewwa. Għalhekk, minħabba li ċ-ċirkustanzi ma nbidlux, jenħtieġ li dawk l-eżenzjonijiet marbutin ma’ rata għolja ta’ sopravivenza jinżammu fil-pjan għall-iskartar għal ċertu sajd demersali fl-ilmijiet tal-Lbiċ għall-perjodu mill-2020 sal-2021.

(8)

Ir-Regolament Delegat (UE) 2018/2033 ta eżenzjoni marbuta ma’ rata għolja ta’ sopravivenza għar-rebekkini u għar-raj li jinqabdu b’kull tip ta’ rkaptu fis-subżoni 8 u 9 tal-ICES, sakemm tintbagħat evidenza xjentifika ddettaljata dwar ir-rati ta’ sopravivenza għas-segmenti kollha tal-flotta u għall-kombinazzjonijiet kollha tal-irkaptu, taż-żoni u tal-ispeċijiet. L-STECF iqis li l-Istati Membri ġabru informazzjoni dwar il-vitalità li tipprovdi ċerta indikazzjoni dwar ir-rata ta’ sopravivenza (8), iżda li hemm bżonn ta’ iktar dettalji. Sabiex tinġabar id-data rilevanti, jeħtieġ li s-sajd jitkompla. Għalhekk l-eżenzjoni tista’ tingħata, iżda l-Istati Membri jenħtieġ li jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li, sal-1 ta’ Mejju ta’ kull sena, l-Istati Membri li għandhom interess ta’ ġestjoni dirett jibagħtu l-affarijiet li ġejjin: (a) pjan direzzjonali żviluppat biex iżid is-sopravivenza u biex jimla l-lakuni fid-data identifikati mill-STECF, li jrid jiġi vvalutat kull sena mill-STECF, u (b) rapporti annwali dwar il-progress li jkun sar b’rabta mal-programmi marbutin mar-rata ta’ sopravivenza u dwar kull modifika jew aġġustament li jkun sar fihom.

(9)

Meta kienu qed jitqiesu r-rati ta’ sopravivenza tar-rebekkini u tar-raj, instab li r-raja kukù (Leucoraja naevus) kellhom rata ta’ sopravivenza li kienet ħafna iktar baxxa minn dik ta’ speċijiet oħrajn. Barra minn hekk, jidher li l-fehim xjentifiku dwar ix-xejra ta’ sopravivenza ta’ dik l-ispeċi huwa inqas robust. L-Istati Membri bagħtu evidenza dwar il-vitalità tar-raja kukù u dwar ir-rati ta’ sopravivenza tal-qbid skartat direttament ta’ din l-ispeċi. L-STECF eżamina dik l-evidenza u kkonkluda (9) li d-data turi li l-vitalità tar-raja kukù hija varjabbli iżda li din id-data mhix rappreżentattiva tal-kundizzjonijiet tas-sajd kummerċjali u ma teskludix li r-rata ta’ sopravivenza tar-raja kukù hija qrib iż-żero. Għalhekk jenħtieġ li dik l-eżenzjoni tingħata għal sentejn biss għar-raja kukù li tinqabad bil-pariti fis-subżoni 8 u 9 tal-ICES u għal sena għar-raja kukù li tinqabad bix-xbieki tat-tkarkir fis-subżona 8 tal-ICES. Jenħtieġ li r-riżultati tal-istudji li għaddejjin bħalissa u tal-miżuri mtejba ta’ sopravivenza jiġu żviluppati b’urġenza u jingħataw lill-STECF għall-valutazzjoni tiegħu malajr kemm jista’ jkun u sa mhux aktar tard mill-1 ta’ Mejju 2020 għar-raja kukù li tinqabad bix-xbieki tat-tkarkir fis-subżona 8 tal-ICES u sa mhux aktar tard mill-1 ta’ Mejju ta’ kull sena għar-raja kukù li tinqabad bil-pariti fis-subżoni 8 u 9 tal-ICES.

(10)

Ir-Regolament Delegat (UE) 2018/2033 kien fih eżenzjonijiet de minimis mill-obbligu ta’ ħatt l-art skont l-Artikolu 15(5)(c) tar-Regolament (UE) Nru 1380/2013 għal-lingwata komuni li tinqabad bix-xbieki tat-tkarkir bi travu u bix-xbieki tat-tkarkir tal-qiegħ fid-diviżjonijiet 8a u 8b tal-ICES u għal-lingwata komuni li tinqabad bil-pariti u bl-għeżula fid-diviżjonijiet 8a u 8b tal-ICES. L-STECF eżamina l-evidenza li l-Istati Membri bagħtu għal dawk l-eżenzjonijiet (10). L-STECF ikkonkluda li r-rakkomandazzjoni konġunta kien fiha argumenti raġunati li juru d-diffikultà biex tiżdied is-selettività u l-ispejjeż sproporzjonati tal-immaniġġjar tal-qabdiet mhux mixtieqa. Għalhekk, minħabba li ċ-ċirkustanzi ma nbidlux, jenħtieġ li l-eżenzjonijiet de minimis jinżammu fil-pjan għall-iskartar għal ċertu sajd demersali fl-ilmijiet tal-Lbiċ għall-perjodu mill-2020 sal-2021.

(11)

Ir-Regolament Delegat (UE) 2018/2033 kien fih eżenzjoni de minimis provviżorja mill-obbligu ta’ ħatt l-art skont l-Artikolu 15(5)(c) tar-Regolament (UE) Nru 1380/2013 għall-merluzz li jinqabad bix-xbieki tat-tkarkir u bit-tartaruni fis-subżoni 8 u 9 tal-ICES. L-STECF eżamina l-evidenza li l-Istati Membri bagħtu fir-rakkomandazzjoni konġunta l-ġdida għal dik l-eżenzjoni u kkonkluda (11) li l-provi tas-selettività ma identifikawx apparat iktar selettiv disponibbli f’dan l-istadju. L-STECF innota li l-informazzjoni disponibbli turi żieda sostanzjali fl-ispiża biex jiġu mmaniġġjati l-qabdiet mhux mixtieqa. L-Istati Membri qed iwettqu studju addizzjonali dwar l-ispejjeż sproporzjonati, fosthom għall-qabdiet tal-merluzz. Sabiex tinġabar id-data rilevanti, jeħtieġ li s-sajd jitkompla. Għalhekk l-eżenzjoni tista’ tingħata, iżda l-Istati Membri jenħtieġ li jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu provi addizzjonali u jipprovdu informazzjoni malajr kemm jista’ jkun u sa mhux aktar tard mill-1 ta’ Mejju ta’ kull sena għall-valutazzjoni min-naħa tal-STECF.

(12)

Ir-rakkomandazzjoni konġunta l-ġdida tissuġġerixxi estensjoni tal-eżenzjoni marbuta ma’ rata għolja ta’ sopravivenza għall-paġella l-ħamra li tinqabad bis-snanar u bil-lenzi fis-subżona 8 tal-ICES u fid-diviżjoni 9a tal-ICES, minbarra eżenzjoni eżistenti għal dik l-ispeċi fis-subżona 10 tal-ICES. L-Istati Membri pprovdew evidenza xjentifika biex juru r-rati għoljin ta’ sopravivenza tal-paġella l-ħamra fis-subżona 8 tal-ICES u fid-diviżjoni 9a tal-ICES f’dak it-tip ta’ sajd. L-evidenza addizzjonali dwar ir-rati ta’ sopravivenza fis-subżona 8 tal-ICES u fid-diviżjoni 9a tal-ICES intbagħtet lill-STECF, li kkonkluda (12) li l-metodu li ntuża kien fih limitazzjonijiet, b’mod partikulari f’dak li għandu x’jaqsam mal-inklużjoni ta’ perjodu qasir ta’ monitoraġġ, li x’aktarx kienu se jwasslu għal stimi għoljin wisq tar-rati ta’ sopravivenza. Hemm bżonn ta’ iktar studji biex jinħolqu stimi sodi dwar ir-rati ta’ sopravivenza. Għalhekk l-eżenzjoni tista’ tingħata, iżda l-Istati Membri jenħtieġ li jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li, sal-1 ta’ Mejju ta’ kull sena, l-Istati Membri li għandhom interess ta’ ġestjoni dirett jibagħtu l-affarijiet li ġejjin: (a) rapporti annwali dwar il-progress li jkun sar b’rabta mal-programmi marbutin mar-rata ta’ sopravivenza u dwar kull modifika jew aġġustament li jkun sar fihom, li jridu jiġu vvalutati kull sena mill-STECF.

(13)

Ir-Regolament Delegat (UE) 2018/2033 kien fih eżenzjoni de minimis għall-fonsa l-ħamra li tinqabad bis-snanar u bil-lenzi fis-subżona 10 tal-ICES. L-STECF eżamina l-evidenza li bagħtu l-Istati Membri u kkonkluda (13) li l-informazzjoni pprovduta kien fiha argumenti raġunati li juru li huwa diffiċli jinkiseb iktar titjib fis-selettività jew li dan se jwassal għal spejjeż sproporzjonati biex jiġu mmaniġġjati l-qabdiet mhux mixtieqa. Minħabba li ċ-ċirkustanzi ma nbidlux, huwa xieraq li dawk l-eżenzjonijiet de minimis jiddaħħlu fil-pjan għall-iskartar il-ġdid għall-2020 sal-2021.

(14)

Ir-rakkomandazzjoni konġunta l-ġdida fiha eżenzjonijiet de minimis għal dawn li ġejjin:

(15)

L-STECF eżamina l-evidenza li l-Istati Membri bagħtu dwar l-eżenzjonijiet de minimis il-ġodda għas-sawrell u għall-kavalli li jinqabdu bix-xbieki tat-tkarkir u bit-tartaruni fis-subżoni 8 u 9 tal-ICES u kkonkluda (14) li l-provi rilevanti ma wrewx li setgħu jitnaqqsu l-qabdiet inċidentali. L-STECF innota li l-Istati Membri kienu ppjanaw iktar xogħol biex jappoġġaw l-eżenzjonijiet abbażi tal-ispejjeż sproporzjonati tal-immaniġġjar. Minħabba li diffiċli tinkiseb is-selettività, l-eżenzjoni għal dak it-tip ta’ sajd tista’ tingħata għal sena u jenħtieġ li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu provi addizzjonali u jipprovdu informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(16)

L-STECF eżamina l-evidenza li l-Istati Membri bagħtu dwar l-eżenzjonijiet de minimis il-ġodda għall-megrim, għall-barbun tat-tbajja’, għall-petriċa, għall-merlangu u għall-pollakkju li jinqabdu bix-xbieki tat-tkarkir u bit-tartaruni fis-subżoni 8 u 9 tal-ICES u kkonkluda (15) li studju Spanjol dwar l-ispejjeż sproporzjonati tal-immaniġġjar, ladarba jitlesta, jista’ jipprovdi evidenza addizzjonali li tkun tappoġġa l-eżenzjoni għall-petriċa u għall-megrim. L-STECF innota li jenħtieġ li l-Istati Membri jintrabtu li jwettqu iktar xogħol biex jiġġustifikaw l-eżenzjonijiet għall-merlangu u għall-pollakkju. Minħabba li diffiċli tinkiseb is-selettività, l-eżenzjonijiet jistgħu jingħataw għal sena, iżda l-Istati Membri jenħtieġ li jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu provi addizzjonali u jipprovdu informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(17)

L-STECF eżamina l-evidenza li l-Istati Membri bagħtu dwar l-eżenzjonijiet de minimis il-ġodda għas-sawrell u għall-kavalli li jinqabdu bl-għeżula fis-subżoni 8 u 9 tal-ICES u fiż-żoni 34.1.1, 34.1.2 u 34.2.0 tas-CECAF u kkonkluda (16) li l-informazzjoni dwar id-diffikultajiet biex tittejjeb is-selettività hija kredibbli minħabba n-natura tas-sajd. L-STECF innota li għaddej studju dwar l-ispejjeż sproporzjonati fis-sajd Spanjol bl-għeżula u li jenħtieġ li dan jiġi vvalutat ladarba jitlesta. Minħabba li diffiċli tinkiseb is-selettività, l-eżenzjonijiet għal dak it-tip ta’ sajd jistgħu jingħataw għal sena u jenħtieġ li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni ta’ dawk l-eżenzjonijiet u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu provi addizzjonali u jipprovdu informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(18)

L-STECF eżamina l-evidenza li l-Istati Membri bagħtu dwar l-eżenzjonijiet de minimis il-ġodda għall-megrim, għall-barbun tat-tbajja’, għall-petriċa, għall-merlangu u għall-pollakkju li jinqabdu bl-għeżula fis-subżoni 8 u 9 tal-ICES u kkonkluda (17) li ma ġietx ikkwantifikata l-iskala potenzjali tat-telf kummerċjabbli li jkun hemm minn żieda fis-selettività f’dan it-tip ta’ sajd u li mhuwiex ċar kif dik l-iskala potenzjali tkun tvarja minn tip ta’ sajd partikulari bl-għeżula għal ieħor. L-STECF innota li jenħtieġ li l-Istati Membri jipprovdu informazzjoni speċifika għal kull tip ta’ sajd bl-għeżula kkonċernat. Minħabba li diffiċli tinkiseb is-selettività, dawk l-eżenzjonijiet jistgħu jingħataw għal sena, iżda l-Istati Membri jenħtieġ li jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu provi addizzjonali u jipprovdu informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(19)

Sabiex jiġu żgurati stimi affidabbli tal-livelli ta’ skartar biex jiġu stabbiliti l-qabdiet totali permissibbli (it-TACs), jenħtieġ li, fil-każijiet fejn l-eżenzjoni de minimis tkun ibbażata fuq l-estrapolazzjoni ta’ sitwazzjonijiet b’data limitata u informazzjoni parzjali dwar il-flotot, l-Istati Membri jipprovdu data preċiża u verifikabbli għall-flotta kollha koperta minn dik l-eżenzjoni.

(20)

Il-miżuri li ġew issuġġeriti fir-rakkomandazzjoni konġunta l-ġdida huma skont l-Artikolu 15(4), l-Artikolu 15(5)(c) u l-Artikolu 18(3) tar-Regolament (UE) Nru 1380/2013 u b’hekk jistgħu jiddaħħlu f’dan ir-Regolament.

(21)

Skont l-Artikolu 18 tar-Regolament (UE) Nru 1380/2013, il-Kummissjoni qieset kemm il-valutazzjoni tal-STECF u kemm il-ħtieġa li l-Istati Membri jiżguraw l-implimentazzjoni sħiħa tal-obbligu ta’ ħatt l-art. F’diversi każijiet, hemm bżonn titkompla l-attività tas-sajd u titkompla tinġabar id-data biex ikunu jistgħu jiġu indirizzati l-kummenti tal-STECF. F’dawk il-każijiet, huwa xieraq li jittieħed approċċ pragmatiku u prudenti għall-ġestjoni tas-sajd billi jingħataw eżenzjonijiet fuq bażi temporanja. Jekk ma jingħatawx it-tali eżenzjonijiet, ma tkunx tista’ tinġabar id-data li hija essenzjali għall-ġestjoni xierqa u infurmata tal-qbid skartat bil-għan li jiġi implimentat bis-sħiħ l-obbligu ta’ ħatt l-art.

(22)

Għalhekk jenħtieġ li r-Regolament Delegat (UE) 2018/2033 jitħassar u li dan jiġi ssostitwit b’Regolament ġdid.

(23)

Billi l-miżuri previsti f’dan ir-Regolament għandhom impatt dirett fuq l-attivitajiet ekonomiċi marbutin mal-istaġun tas-sajd tal-bastimenti tal-Unjoni u fuq l-ippjanar tiegħu, jenħtieġ li dan ir-Regolament jidħol fis-seħħ minnufih wara li jiġi ppubblikat. Jenħtieġ li dan jibda japplika mill-1 ta’ Jannar 2020,

(1)

Ir-Regolament (UE) Nru 1380/2013 tal-Parlament Ewropew u tal-Kunsill (3) għandu l-għan li jelimina b’mod progressiv il-qbid skartat fis-sajd kollu tal-Unjoni bl-introduzzjoni ta’ obbligu ta’ ħatt l-art għall-qabdiet ta’ speċijiet li għalihom hemm limiti tal-qbid.

(2)

L-Artikolu 9 tar-Regolament (UE) Nru 1380/2013 jipprevedi l-adozzjoni ta’ pjanijiet pluriennali li jkun fihom miżuri ta’ konservazzjoni għas-sajd li jisfrutta ċerti stokkijiet f’żona ġeografika rilevanti.

(3)

Pjanijiet pluriennali bħal dawn jispeċifikaw id-dettalji tal-implimentazzjoni tal-obbligu ta’ ħatt l-art u jistgħu jagħtu s-setgħa lill-Kummissjoni tkompli tispeċifika dawk id-dettalji abbażi ta’ rakkomandazzjonijiet konġunti żviluppati mill-Istati Membri.

(4)

Fl-4 ta’ Lulju 2018, il-Parlament Ewropew u l-Kunsill adottaw ir-Regolament (UE) 2018/973 li jistabbilixxi pjan pluriennali għall-istokkijiet demersali fil-Baħar tat-Tramuntana u s-sajd li jisfrutta dawk l-istokkijiet (4). L-Artikolu 11 ta’ dak ir-Regolament jagħti s-setgħa lill-Kummissjoni tadotta atti delegati sabiex tissupplimenta lil dan ir-Regolament billi tispeċifika d-dettalji tal-obbligu ta’ ħatt l-art għall-istokkijiet kollha tal-ispeċijiet fil-Baħar tat-Tramuntana li għalihom japplika l-obbligu ta’ ħatt l-art skont l-Artikolu 15(1) tar-Regolament (UE) Nru 1380/2013, kif previst fl-Artikolu 15(5)(a) sa (e) ta’ dak ir-Regolament, abbażi ta’ rakkomandazzjonijiet konġunti żviluppati mill-Istati Membri.

(5)

Ir-Regolament Delegat tal-Kummissjoni (UE) 2018/2035 (5) speċifika d-dettalji tal-implimentazzjoni tal-obbligu ta’ ħatt l-art għal ċertu sajd demersali fil-Baħar tat-Tramuntana għall-perjodu mill-2019 sal-2021, wara rakkomandazzjoni konġunta li ppreżentaw il-Belġju, id-Danimarka, Franza, il-Ġermanja, in-Netherlands, l-Iżvezja u r-Renju Unit, li għandhom interess ta’ ġestjoni dirett fis-sajd fil-Baħar tat-Tramuntana.

(6)

Wara li kkonsultaw lill-Kunsill Konsultattiv tal-Baħar tat-Tramuntana u lill-Kunsill Konsultattiv tal-Istokkijiet Pelaġiċi, fid-29 ta’ Mejju 2019 dawk l-Istati Membri ressqu rakkomandazzjoni konġunta ġdida lill-Kummissjoni dwar id-dettalji tal-implimentazzjoni tal-obbligu ta’ ħatt l-art għas-sajd demersali fil-Baħar tat-Tramuntana. Ir-rakkomandazzjoni konġunta ġiet emendata fis-7 ta’ Awwissu 2019.

(7)

Ir-rakkomandazzjoni konġunta l-ġdida li ressqu l-Istati Membri tissuġġerixxi li jitkomplew għadd ta’ miżuri tekniċi addizzjonali li l-Unjoni u n-Norveġja qablu fuqhom fl-2011 (6) u fl-2012 (7), kif ukoll li jiġi awtorizzat l-użu tal-apparat ta’ selettività SepNep. L-għan ta’ dawn il-miżuri huwa li tiżdied is-selettività u li jonqsu l-qabdiet mhux mixtieqa fil-każ tat-tip ta’ sajd jew tal-ispeċijiet koperti mill-obbligu ta’ ħatt l-art, u dawn iddaħħlu għall-2019 sal-2021 mir-Regolament Delegat (UE) 2018/2035 skont l-Artikolu 15(5)(a) tar-Regolament (UE) Nru 1380/2013.

(8)

Fl-14 ta’ Awwissu 2019 daħal fis-seħħ Regolament ġdid dwar il-miżuri ta’ konservazzjoni tar-riżorsi tas-sajd u l-protezzjoni tal-ekosistemi tal-baħar permezz ta’ miżuri tekniċi, jiġifieri r-Regolament (UE) 2019/1241. Fl-Anness V tiegħu, dan jistabbilixxi dispożizzjonijiet speċifiċi dwar miżuri tekniċi stabbiliti fil-livell reġjonali għall-Baħar tat-Tramuntana, li jinkludu wkoll regoli dwar id-daqsijiet tal-malja, il-kundizzjonijiet assoċjati u l-qabdiet inċidentali. L-Artikolu 15 ta’ dak ir-Regolament jagħti s-setgħa lill-Kummissjoni tadotta atti delegati sabiex temenda, tissupplimenta, tħassar jew tidderoga mill-miżuri tekniċi stabbiliti fl-Annessi tar-Regolament (UE) 2019/1241, inkluż fl-implimentazzjoni tal-obbligu ta’ ħatt l-art.

(9)

Ir-Regolament (UE) 2019/1241 ma jipprevedix miżuri tranżizzjonali. Għalhekk, sabiex tiġi żgurata l-kompatibbiltà bejn dan ir-Regolament Delegat u r-Regolament (UE) 2019/1241, jeħtieġ li jiġu applikati l-kundizzjonijiet stabbiliti fir-Regolament (UE) 2019/1241, filwaqt li, fl-istess ħin, jitqiesu ċ-ċirkustanzi eċċezzjonali involuti. Abbażi tal-informazzjoni li pprovdew l-Istati Membri, il-Kumitat Xjentifiku, Tekniku u Ekonomiku għas-Sajd (l-STECF) ivvaluta b’mod pożittiv (8) l-informazzjoni li l-grupp reġjonali pprovda biex jappoġġa l-miżuri tekniċi inklużi fir-rakkomandazzjoni konġunta. Din ir-rakkomandazzjoni konġunta ġiet żviluppata u ppreżentata mill-Istati Membri u ġiet ivvalutata mill-STECF qabel ma ġie adottat ir-regolament il-ġdid dwar il-miżuri tekniċi, jiġifieri qabel ma daħal fis-seħħ ir-Regolament (UE) 2019/1241, u għalhekk ma kinetx tirreferi għal dak ir-Regolament. Madankollu, minħabba ċ-ċirkustanzi eċċezzjonali, il-Kummissjoni tqis li, abbażi tal-informazzjoni li għandha għad-dispożizzjoni tagħha f’dan l-istadju fir-rakkomandazzjoni konġunta u fil-valutazzjoni tal-STECF, ma jidher li hemm l-ebda element li jindika li l-miżuri tekniċi addizzjonali proposti se jonqsu milli jħarsu r-rekwiżiti stabbiliti fl-Artikolu 15 tar-Regolament (UE) 2019/1241 għall-miżuri tekniċi.

(10)

Għalhekk, sabiex tiżdied is-selettività tal-irkaptu u jonqsu l-qabdiet mhux mixtieqa fl-Iskagerrak, huwa xieraq li jiġu inklużi l-miżuri tekniċi li ressqu l-Istati Membri. Jenħtieġ li dawn il-miżuri japplikaw għall-perjodu mill-2020 sal-2021.

(11)

Kif stabbilit fir-Regolament (UE) 2018/973, il-Baħar tat-Tramuntana huwa magħmul mid-diviżjonijiet 2a u 3a tal-ICES (9) u mis-subżona 4 tal-ICES.

(12)

Inkisbu kontribuzzjonijiet xjentifiċi mingħand il-korpi xjentifiċi rilevanti u dawn ġew eżaminati mill-STECF (10). Il-Kummissjoni bagħtet il-miżuri kkonċernati lill-grupp ta’ esperti magħmul mit-28 Stat Membru u mill-Parlament Ewropew bħala osservatur, għal konsultazzjoni bil-miktub min-naħa tagħhom.

(13)

Għal ċerti stokkijiet, bħal dawk tal-barbun tat-tbajja’, l-STECF sab li r-rati ta’ sopravivenza tal-ħut individwali jaf mhumiex daqshekk għoljin daqs dawk ta’ speċijiet oħrajn. Madankollu, il-Kummissjoni qieset l-impatt relattiv ta’ din l-eżenzjoni fuq l-istokk kollu meta mqabbel mal-impatt tagħha fuq il-ħut individwali, u bbilanċjatu mal-ħtieġa li titkompla l-attività tas-sajd biex tinġabar id-data meħtieġa biex ikunu jistgħu jiġu indirizzati l-kummenti tal-STECF. F’każijiet fejn l-ammont relattiv ta’ qbid skartat ta’ ħut mejjet huwa relattivament baxx, il-Kummissjoni tqis li huwa approċċ pragmatiku u prudenti tal-ġestjoni tas-sajd li jingħataw eżenzjonijiet fuq bażi temporanja, minħabba li jekk dan ma jsirx, ma tkunx tista’ tinġabar id-data essenzjali għall-ġestjoni xierqa u infurmata tal-qbid skartat bil-għan li jiġi implimentat bis-sħiħ l-obbligu ta’ ħatt l-art.

(14)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għal-lingwata komuni li tkun iżgħar mid-daqs minimu ta’ referenza għall-konservazzjoni li tinqabad mill-bastimenti tat-tkarkir fid-diviżjoni 4c tal-ICES, abbażi ta’ evidenza xjentifika li wriet rati għoljin ta’ sopravivenza tal-qbid skartat. Dik l-evidenza ġiet evalwata fis-snin ta’ qabel u l-STECF ikkonkluda (11) li kienet biżżejjed. L-STECF indika li ma ngħatat l-ebda informazzjoni ġdida dwar fejn tinsab iż-żona ta’ tkabbir (12). Billi dal-ħin ma hemm l-ebda żona tat-tkabbir identifikata, l-eżenzjoni tista’ tiddaħħal f’dan ir-Regolament, iżda jenħtieġ li l-Istati Membri jibagħtu l-informazzjoni rilevanti malli jiġu identifikati t-tali żoni. Minħabba li ċ-ċirkustanzi ma nbidlux, jenħtieġ li dik l-eżenzjoni tibqa’ tapplika fil-kuntest ta’ dan ir-Regolament.

(15)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza, kif previst fl-Artikolu 15(4)(b) tar-Regolament (UE) Nru 1380/2013, għall-qabdiet tal-iskampu li jsiru bin-nases fid-diviżjonijiet 2a u 3a tal-ICES u fis-subżona 4 tal-ICES, abbażi ta’ evidenza xjentifika li wriet rati għoljin ta’ sopravivenza tal-qbid skartat. Dik l-evidenza ġiet evalwata fis-snin ta’ qabel u l-STECF ikkonkluda (13) li kienet biżżejjed. Minħabba li ċ-ċirkustanzi ma nbidlux, jenħtieġ li dik l-eżenzjoni tibqa’ tapplika fil-kuntest ta’ dan ir-Regolament.

(16)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għall-qabdiet tal-iskampu li jsiru b’ċertu tip ta’ rkaptu fis-subżona 4 tal-ICES u fid-diviżjonijiet 2a u 3a tal-ICES dejjem jekk jintuża apparat ta’ selettività netgrid. Dik l-eżenzjoni ngħatat bil-kundizzjoni li l-Istati Membri jibagħtu data dwar is-sajd li jsir mal-kosta tal-Punent tal-Baħar tat-Tramuntana. Lill-STECF ma ntbagħtitlux evidenza ġdida dwar rata għolja ta’ sopravivenza. L-Istati Membri qalu li ma kien hemm bżonn l-ebda data addizzjonali minħabba li fl-2018 l-STECF qal li l-informazzjoni xjentifika ta’ appoġġ dwar l-istimi tar-rati ta’ sopravivenza li jkopru l-kosta tal-Punent tal-Baħar tat-Tramuntana kienet affidabbli (14). Madankollu, l-STECF huwa mħasseb (15) dwar is-sajd għall-iskampu u għall-gambli tat-tip Pandalus spp. mal-kosta tal-Lvant, minħabba li din l-informazzjoni hija nieqsa u ma tistax tiġi vvalutata r-rata ta’ sopravivenza tal-iskampu f’dak it-tip ta’ sajd. F’dawn iċ-ċirkustanzi, l-eżenzjoni tista’ tiġi applikata sal-31 ta’ Diċembru 2020 u jenħtieġ li l-Istati Membri li għandhom interess ta’ ġestjoni dirett jibagħtu data dwar is-sajd li jsir mal-kosta tal-Lvant tal-Baħar tat-Tramuntana għall-valutazzjoni min-naħa tal-STECF mill-aktar fis possibbli u sa mhux aktar tard mill-1 ta’ Mejju 2020.

(17)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għall-qabdiet inċidentali ta’ speċijiet li għalihom hemm limiti tal-qbid li jsiru waqt is-sajd bin-nases u bix-xbieki fyke, abbażi ta’ evidenza xjentifika li wriet rati għoljin ta’ sopravivenza tal-qbid skartat. Dik l-evidenza ġiet evalwata fis-snin ta’ qabel u l-STECF ikkonkluda (16) li d-data disponibbli tindika li r-rata ta’ mortalità tal-ħut skartat x’aktarx li se tkun baxxa, madankollu l-qabdiet attwali f’dan it-tip ta’ sajd huma negliġibbli. Minħabba li l-qabdiet mhumiex sinifikanti u ċ-ċirkustanzi ma nbidlux, jenħtieġ li l-eżenzjoni tibqa’ tapplika fil-kuntest ta’ dan ir-Regolament.

(18)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għall-barbun tat-tbajja’ li jinqabad waqt is-sajd bl-għeżula u bil-pariti fid-diviżjoni 3a tal-ICES u fis-subżona 4 tal-ICES. L-Istati Membri pprovdew evidenza xjentifika biex juru r-rati għoljin ta’ sopravivenza tal-qbid skartat għall-barbun tat-tbajja’ f’dak it-tip ta’ sajd. L-evidenza ġiet ippreżentata lill-STECF, li kkonkluda (17) li ngħatat informazzjoni raġonevoli li turi r-rata konsiderevolment għolja ta’ sopravivenza. Għalhekk, jenħtieġ li dik l-eżenzjoni tiddaħħal f’dan ir-Regolament.

(19)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għall-barbun tat-tbajja’ li jinqabad waqt is-sajd bit-tartaruni Daniżi fid-diviżjoni 3a tal-ICES u fis-subżona 4 tal-ICES. L-Istati Membri pprovdew evidenza xjentifika biex juru r-rati għoljin ta’ sopravivenza tal-qbid skartat għall-barbun tat-tbajja’ f’dak it-tip ta’ sajd. L-evidenza ġiet ippreżentata lill-STECF, li kkonkluda (18) li d-data tal-istudju dwar ir-rati ta’ sopravivenza hija affidabbli, għalkemm jistgħu jintużaw miżuri addizzjonali biex tiżdied ir-rata ta’ sopravivenza, minħabba li din tonqos b’mod sinifikanti f’każ li l-barbun tat-tbajja’ jdum iktar minn 30 minuta biex jingħażel. Għalhekk, jenħtieġ li dik l-eżenzjoni tiddaħħal f’dan ir-Regolament.

(20)

Ir-Regolament Delegat (UE) 2018/2035 kien fih eżenzjoni marbuta ma’ rata għolja ta’ sopravivenza għall-qabdiet tal-barbun tat-tbajja’ u għall-qabdiet inċidentali tiegħu li jsiru waqt is-sajd għall-pixxiċatt jew għall-ħut tond bix-xbieki tat-tkarkir fid-diviżjoni 3a tal-ICES u fis-subżona 4 tal-ICES fix-xhur tax-xitwa. L-Istati Membri pprovdew evidenza xjentifika biex juru r-rati għoljin ta’ sopravivenza tal-qbid skartat għall-barbun tat-tbajja’ f’dak it-tip ta’ sajd. L-evidenza ġiet ippreżentata lill-STECF, li kkonkluda (19) li r-rati ta’ sopravivenza fl-istudju ta’ appoġġ jonqsu jekk il-ħin tal-għażla jkun ta’ iktar minn 60 minuta fix-xhur tas-sajf u allura r-rata baxxa ta’ sopravivenza tal-barbun tat-tbajja’ fis-sajf tiġġustifika l-fatt li l-eżenzjoni tingħata biss għax-xhur tax-xitwa. Għalhekk, jenħtieġ li dik l-eżenzjoni tiddaħħal f’dan ir-Regolament.

(21)

Ir-Regolament Delegat (UE) 2018/2035 ta eżenzjoni marbuta ma’ rata għolja ta’ sopravivenza għar-rebekkini u għar-raj li jinqabdu b’kull tip ta’ rkaptu tas-sajd fid-diviżjonijiet 2a u 3a tal-ICES u fis-subżona 4 tal-ICES, minkejja l-fatt li ma kienx hemm evidenza xjentifika ddettaljata dwar ir-rati ta’ sopravivenza disponibbli għas-segmenti kollha tal-flotta u għall-kombinazzjonijiet kollha tal-irkaptu, taż-żoni u tal-ispeċijiet. Madankollu, ħlief għal xi ftit eċċezzjonijiet, l-STECF iqis li, b’mod ġenerali, ir-rati ta’ sopravivenza huma robusti (20), iżda hemm bżonn ta’ iktar dettalji. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa, jenħtieġ li tingħata dik l-eżenzjoni, iżda jenħtieġ li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li, sal-1 ta’ Mejju ta’ kull sena, l-Istati Membri li għandhom interess ta’ ġestjoni dirett jibagħtu l-affarijiet li ġejjin: (a) pjan direzzjonali żviluppat biex iżid is-sopravivenza u biex jimla l-lakuni fid-data identifikati mill-STECF, li jrid jiġi vvalutat kull sena mill-STECF, u (b) rapporti annwali dwar il-progress li jkun sar b’rabta mal-programmi marbutin mar-rata ta’ sopravivenza u dwar kull modifika jew aġġustament li jkun sar fihom.

(22)

Meta kienu qed jitqiesu r-rati ta’ sopravivenza tar-rebekkini u tar-raj, instab li r-raja kukù (Leucoraja naevus) kellhom rata ta’ sopravivenza li kienet ħafna iktar baxxa minn dik ta’ speċijiet oħrajn. Barra minn hekk, jidher li l-fehim xjentifiku dwar ix-xejra ta’ sopravivenza ta’ dik l-ispeċi huwa inqas robust. Madankollu, jekk din l-ispeċi tiġi eskluża mill-eżenzjoni, dan jipprevjeni s-sajd u l-ġbir kontinwu u preċiż tad-data. Tressqet evidenza rilevanti lill-STECF, li kkonkluda (21) li nbdew żewġ studji ġodda dwar esperimenti marbutin mar-rata ta’ sopravivenza tar-raja kukù, iżda li se jkun hemm bżonn ta’ iktar osservazzjonijiet biex isir ġudizzju definittiv dwar ir-rati ta’ sopravivenza fi żmien sena jew sentejn. Għalhekk, jenħtieġ li din l-eżenzjoni tingħata għal sentejn u li jiġu żviluppati, b’mod urġenti, studji ġodda u miżuri mtejba ta’ sopravivenza u li dawn jintbagħtu lill-STECF għall-valutazzjoni tiegħu malajr kemm jista’ jkun u sa mhux aktar tard mill-1 ta Mejju.

(23)

Ir-rakkomandazzjoni konġunta l-ġdida tissuġġerixxi eżenzjoni marbuta ma’ rata għolja ta’ sopravivenza għall-qabdiet tal-barbun tat-tbajja’ li jkun iżgħar mid-daqs minimu ta’ referenza għall-konservazzjoni li jinqabad bi xbieki tat-tkarkir bi travu (BT2) b’daqs tal-malja ta’ bejn 80 u 119-il mm fid-diviżjoni 2a tal-ICES u fis-subżona 4 tal-ICES għall-perjodu mill-2020 sal-2021:

(24)

Ir-rakkomandazzjoni konġunta l-ġdida tissuġġerixxi eżenzjoni marbuta ma’ rata għolja ta’ sopravivenza għall-barbun imperjali li jinqabad bi xbieki tat-tkarkir bi travu b’manka b’daqs tal-malja ta’ iktar minn 80 mm fis-subżona 4 tal-ICES. L-Istati Membri pprovdew evidenza xjentifika biex juru r-rati għoljin ta’ sopravivenza tal-qbid skartat għall-barbun imperjali f’dak it-tip ta’ sajd. L-evidenza ġiet ippreżentata lill-STECF, li kkonkluda (23) li ma ġiet ippreżentata l-ebda evidenza ġdida dwar is-sopravivenza u li l-istudji li kienu ġew ippreżentati qabel kellhom x’jaqsmu ma’ tip ta’ rkaptu ieħor u mhux max-xbieki tat-tkarkir bi travu u għalhekk ma kinux rappreżentattivi. Madankollu, l-Istati Membri ntrabtu li jagħmlu iktar riċerka biex josservaw ir-rata ta’ sopravivenza tal-barbun imperjali skartat li jkun inqabad bi xbieki tat-tkarkir bi travu u biex jipprovdu informazzjoni iktar iddettaljata dwar ir-rata ta’ sopravivenza fil-proġett il-ġdid, li mistenni jitwettaq sal-2021. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa, jenħtieġ li tingħata dik l-eżenzjoni, iżda jenħtieġ li l-Istati Membri jkollhom l-obbligu jippreżentaw, fil-perjodu taż-żmien indikat, id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li dik l-eżenzjoni tiġi applikata b’mod provviżorju sal-31 ta’ Diċembru 2020.

(25)

Ir-rakkomandazzjoni konġunta l-ġdida tissuġġerixxi li l-applikazzjoni ta’ eżenzjoni marbuta ma’ rata għolja ta’ sopravivenza għall-barbun tat-tbajja’ li jinqabad bi xbieki tat-tkarkir b’daqs tal-malja ta’ mill-inqas 120 mm meta jkun qed jiġi mistad il-pixxiċatt jew il-ħut tond fid-diviżjoni 3a tal-ICES u fis-subżona 4 tal-ICES tiġi estiża għax-xhur tas-sajf. Ir-Regolament Delegat (UE) 2018/2035 ta dik l-eżenzjoni biss għax-xhur tax-xitwa (mill-1 ta’ Novembru sat-30 ta’ April). Ir-rakkomandazzjoni konġunta l-ġdida tissuġġerixxi wkoll eżenzjonijiet ġodda marbutin ma’ rata għolja ta’ sopravivenza għal dawn li ġejjin:

(26)

L-Istati Membri pprovdew evidenza xjentifika biex juru r-rati għoljin ta’ sopravivenza tal-qbid skartat għall-barbun tat-tbajja’ f’dak it-tip ta’ sajd. L-STECF innota (24) li l-metodi użati biex jiġu stmati r-rati ta’ sopravivenza jvarjaw minn studju għall-ieħor u qal li jidher li l-barbun tat-tbajja’ iżgħar, li jinqabad iktar ta’ spiss b’manki b’daqs tal-malja iżgħar, għandu rati iktar baxxi ta’ sopravivenza. Madankollu, ir-rapport xjentifiku sħiħ dwar iż-żona kollha jippermetti valutazzjoni rappreżentattiva dwar ir-rati ta’ sopravivenza tal-barbun tat-tbajja’ fix-xhur tas-sajf. Għalhekk, il-Kummissjoni tqis li din l-eżenzjoni jenħtieġ li tingħata għal sena biss u li jenħtieġ li jiġu żviluppati, b’mod urġenti, l-istudji l-ġodda u l-miżuri mtejba ta’ sopravivenza u li dawn jintbagħtu lill-STECF għall-valutazzjoni tiegħu malajr kemm jista’ jkun u sa mhux aktar tard mill-1 ta’ Mejju 2020.

(27)

Ir-Regolament Delegat (UE) 2018/2035 kien fih eżenzjonijiet de minimis għal dawn li ġejjin:

(28)

L-Istati Membri pprovdew evidenza li tappoġġa lil dawk l-eżenzjonijiet de minimis. L-STECF (25) eżamina dik l-evidenza u kkonkluda (26) li d-dokumenti li bagħtu l-Istati Membri kien fihom argumenti raġonati li juru li huwa diffiċli jinkiseb iktar titjib fis-selettività jew li dan se jwassal għal spejjeż sproporzjonati biex jiġu mmaniġġjati l-qabdiet mhux mixtieqa. Minħabba li ċ-ċirkustanzi ma nbidlux, huwa xieraq li jkomplu jiġu applikati l-eżenzjonijiet de minimis skont il-perċentwali u l-emendi meħtieġa li ġew issuġġeriti fir-rakkomandazzjoni konġunta l-ġdida skont l-Artikolu 15(5)(c) tar-Regolament (UE) Nru 1380/2013.

(29)

Ir-rakkomandazzjoni konġunta l-ġdida pprovdiet evidenza xjentifika addizzjonali biex l-eżenzjonijiet de minimis jiġu estiżi għal dawn li ġejjin:

(30)

Ir-rakkomandazzjoni konġunta l-ġdida ssuġġeriet eżenzjonijiet de minimis għal dawn li ġejjin:

(31)

L-Istati Membri pprovdew evidenza xjentifika li tappoġġa lil dawk l-eżenzjonijiet de minimis eżistenti u ġodda abbażi tad-diffikultajiet biex tittejjeb is-selettività u tal-ispejjeż sproporzjonati tal-immaniġġjar tal-qabdiet. L-STECF eżamina dik l-evidenza waqt il-laqgħa plenarja tiegħu li saret bejn l-1 u l-5 ta’ Lulju 2019 (27).

(32)

L-STECF eżamina l-evidenza addizzjonali li l-Istati Membri bagħtu dwar l-eżenzjonijiet de minimis marbutin mas-sawrell u mal-kavalli li jinqabdu minn bastimenti li jużaw ix-xbieki tat-tkarkir tal-qiegħ u x-xbieki tat-tkarkir bi travu u kkonkluda li, għall-biċċa l-kbira mill-Istati Membri, jeħtieġ tintbagħat aktar informazzjoni. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa biex tiġi pprovduta dik l-informazzjoni, jenħtieġ li l-eżenzjonijiet individwali għal kull speċi jkunu limitati għal sena u li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu x-xogħol meħtieġ biex jiġbru u jipproċessaw id-data meħtieġa jew iwettqu l-provi addizzjonali u jipprovdu l-informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(33)

L-STECF eżamina l-evidenza li l-Istati Membri bagħtu dwar l-eżenzjoni de minimis marbuta ma’ kwantità ta’ laċċ ikħal, ta’ ċiċċirell, ta’ merluzz tan-Norveġja u ta’ stokkafixx flimkien li tinqabad waqt is-sajd demersali mħallat minn bastimenti li jużaw ix-xbieki tat-tkarkir u kkonkluda li ma hemm l-ebda evidenza kwantitattiva li tappoġġa d-dikjarazzjonijiet li hemm livell baxx ta’ qbid skartat u li ġew eżawriti l-għażliet biex titjieb is-selettività. L-STECF qal li jkun diffiċli li jsir iktar titjib fis-selettività f’dak it-tip ta’ sajd u li hemm bżonn ta’ eżenzjoni de minimis biex jiġu koperti l-qabdiet mhux mixtieqa li jibqa’. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa biex tiġi pprovduta dik l-informazzjoni, jenħtieġ li l-eżenzjoni de minimis għal kwantità meħuda flimkien tkun limitata għal sena u li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu l-provi addizzjonali u jipprovdu l-informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(34)

L-STECF eżamina l-evidenza li l-Istati Membri bagħtu dwar l-eżenzjoni de minimis marbuta mal-merlangu li jkun iżgħar mid-daqs minimu ta’ referenza għall-konservazzjoni li jinqabad bix-xbieki tat-tkarkir bi travu u kkonkluda li l-evidenza li tgħid li hemm spiża marbuta mal-ħatt l-art tal-qabdiet mhux mixtieqa minnha nnifisha mhix biżżejjed biex turi li dawk l-ispejjeż huma sproporzjonati. L-STECF qal li jenħtieġ li t-titjib fis-selettività fis-sajd rilevanti jingħata prijorità minħabba li dan se jnaqqas l-ispejjeż tal-immaniġġjar tal-qabdiet mhux mixtieqa. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa biex tiġi pprovduta dik l-informazzjoni, jenħtieġ li l-eżenzjoni de minimis tkun limitata għal sena u li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu l-provi addizzjonali u jipprovdu l-informazzjoni rilevanti kollha malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li din l-eżenzjoni tiġi applikata b’mod provviżorju sal-31 ta’ Diċembru 2020.

(35)

L-STECF eżamina l-evidenza li l-Istati Membri bagħtu dwar l-eżenzjoni de minimis marbuta mal-merlangu u mal-bakkaljaw li jkunu iżgħar mid-daqs minimu ta’ referenza għall-konservazzjoni li jinqabdu bix-xbieki tat-tkarkir tal-qiegħ u kkonkluda li ma hemm l-ebda possibbiltà li wieħed jevalwa jekk l-istimi dwar l-ispejjeż sproporzjonati humiex korretti jew le. L-STECF qal li jenħtieġ li t-titjib fis-selettività fis-sajd rilevanti jingħata prijorità minħabba li dan se jnaqqas l-ispejjeż tal-immaniġġjar tal-qabdiet mhux mixtieqa. Minħabba l-ħtieġa li titkompla l-attività tas-sajd sabiex jiġi żgurat li tinġabar id-data meħtieġa biex tiġi pprovduta dik l-informazzjoni, jenħtieġ li l-eżenzjoni de minimis tkun limitata għal sena u li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Barra minn hekk, l-Istati Membri huma mistennija jirrappurtaw dwar l-adozzjoni ta’ iktar miżuri marbutin mas-selettività. Jenħtieġ li l-Istati Membri kkonċernati jwettqu l-provi addizzjonali u jipprovdu l-informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li din l-eżenzjoni tiġi applikata b’mod provviżorju sal-31 ta’ Diċembru 2020.

(36)

L-STECF eżamina l-evidenza li l-Istati Membri bagħtu dwar l-eżenzjoni de minimis il-ġdida marbuta mal-lipp li jkun iżgħar mid-daqs minimu ta’ referenza għall-konservazzjoni li jinqabad bil-konzijiet u kkonkluda li jkun diffiċli li jsir iktar titjib fis-selettività f’dak it-tip ta’ sajd. Barra minn hekk, l-STECF innota li minħabba li l-volum marbut mal-eżenzjoni de minimis x’aktarx li se jkun żgħir, l-eżenzjoni mhu se jkollha l-ebda impatt fuq ir-rata ġenerali ta’ mortalità mis-sajd, sakemm il-qabdiet skartati jiġu rreġistrati. Minħabba li diffiċli tinkiseb is-selettività, jenħtieġ li l-eżenzjoni għal dak it-tip ta’ sajd tkun limitata għal sena u li l-Istati Membri jkollhom l-obbligu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. Jenħtieġ li l-Istati Membri kkonċernati jwettqu l-provi addizzjonali u jipprovdu l-informazzjoni malajr kemm jista’ jkun u sa mhux aktar tard mill-1 ta’ Mejju 2020 għall-valutazzjoni min-naħa tal-STECF. Għalhekk jenħtieġ li dawk l-eżenzjonijiet jiġu applikati b’mod provviżorju sal-31 ta’ Diċembru 2020.

(37)

Sabiex jiġu żgurati stimi affidabbli tal-livelli ta’ skartar biex jiġu stabbiliti l-qabdiet totali permissibbli, jenħtieġ li, fil-każijiet fejn l-eżenzjoni de minimis tkun ibbażata fuq l-estrapolazzjoni ta’ sitwazzjonijiet b’data limitata u informazzjoni parzjali dwar il-flotot, l-Istati Membri jiżguraw il-provvista ta’ data preċiża u verifikabbli għall-flotta kollha koperta minn dik l-eżenzjoni.

(38)

Il-miżuri li ġew issuġġeriti fir-rakkomandazzjoni konġunta l-ġdida huma skont l-Artikolu 15(4), l-Artikolu 15(5)(c) u l-Artikolu 18(3) tar-Regolament (UE) Nru 1380/2013 u skont ir-Regolament (UE) 2018/973, u b’mod partikulari l-Artikolu 11 tiegħu, u b’hekk jistgħu jiddaħħlu f’dan ir-Regolament.

(39)

Skont l-Artikolu 16(2) tar-Regolament (UE) 2018/973, il-Kummissjoni ngħatat is-setgħa tadotta atti delegati marbutin mal-obbligu ta’ ħatt l-art għal perjodu ta’ ħames snin li jibda mill-5 ta’ Awwissu 2018. Għalhekk huwa xieraq li, fit-tieni sena tal-applikazzjoni ta’ dan ir-Regolament, jiġi rivedut l-impatt tal-eżenzjonijiet mill-obbligu ta’ ħatt l-art marbutin ma’ rata għolja ta’ sopravivenza u tal-eżenzjonijiet de minimis minn dan l-obbligu.

(40)

Jenħtieġ li r-Regolament Delegat (UE) 2018/2035 jitħassar u li dan jiġi ssostitwit b’Regolament ġdid.

(41)

Billi l-miżuri previsti f’dan ir-Regolament għandhom impatt dirett fuq l-ippjanar tal-istaġun tas-sajd tal-bastimenti tal-Unjoni u fuq l-attivitajiet ekonomiċi relatati ma’ dan, jenħtieġ li dan ir-Regolament jidħol fis-seħħ minnufih wara li jiġi ppubblikat. Jenħtieġ li dan jibda japplika mill-1 ta’ Jannar 2020,

(1)

“pannell Seltra” tfisser apparat ta’ selettività li:

(2)

“apparat ta’ selettività netgrid” tfisser apparat ta’ selettività magħmul minn sezzjoni magħmula minn erba’ pannelli mdaħħla f’xibka tat-tkarkir b’żewġ pannelli b’xibka inklinata ta’ malja maqrut b’daqs tal-malja ta’ mill-inqas 200 mm, li twassal għal toqba minn fejn jaħrab il-ħut fil-parti ta’ fuq tax-xibka tat-tkarkir;

(3)

“pannell Fjamming” tfisser l-aħħar sezzjoni tal-malja tax-xibka tat-tkarkir bi travu, li tidjieq għax-xejn u li:

(4)

“pannell tar-rilaxx bentiku” tfisser pannell tax-xbiek b’malji ikbar jew b’malji kwadri mwaħħal fil-pannell t’isfel ta’ xibka tat-tkarkir, normalment ta’ xibka tat-tkarkir bi travu, biex kull materjal bentiku u fdal ta’ qiegħ il-baħar ikun jista’ joħroġ minnha qabel ma jgħaddi għal ġol-manka;

(5)

“SepNep” tfisser xibka tat-tkarkir bid-diriġenti li:

(a)

fis-sajd għal-lingwata komuni minn bastimenti li jużaw il-pariti u l-għeżula (GN, GNS, GND, GNC, GTN, GTR, GEN u GNF) fl-ilmijiet tal-Unjoni tad-diviżjonijiet 2a u 3a tal-ICES u tas-subżona 4 tal-ICES:

kwantità ta’ lingwata komuni li tkun ikbar u iżgħar mid-daqs minimu ta’ referenza għall-konservazzjoni li ma għandhiex taqbeż it-3 % tal-qabdiet annwali totali ta’ dik l-ispeċi;

(b)

fis-sajd għal-lingwata komuni minn bastimenti li jużaw xbieki tat-tkarkir bi travu (TBB) b’daqs tal-malja ta’ bejn 80 u 119-il mm, armati b’pannell Fjamming, fl-ilmijiet tal-Unjoni tas-subżona 4 tal-ICES:

kwantità ta’ lingwata komuni li tkun iżgħar mid-daqs minimu ta’ referenza għall-konservazzjoni li ma għandhiex taqbeż il-5 % tal-qabdiet annwali totali ta’ dik l-ispeċi;

(c)

fis-sajd għall-iskampu minn bastimenti li jużaw xbieki tat-tkarkir tal-qiegħ (OTB, OTT u TBN) b’daqs tal-malja ta’ 70 mm jew iktar, armati bi gradilja selettiva tal-ispeċijiet bi spazju ta’ mhux aktar minn 35 mm bejn il-vireg, fl-ilmijiet tal-Unjoni tad-diviżjoni 3a tal-ICES:

kwantità ta’ lingwata komuni, ta’ merluzz tal-linja sewda, ta’ merlangu, ta’ bakkaljaw, ta’ pollakkju iswed u ta’ merluzz flimkien li jkunu iżgħar mid-daqs minimu ta’ referenza għall-konservazzjoni li ma għandhiex taqbeż l-4 % tal-qabdiet annwali totali tal-iskampu, tal-lingwata komuni, tal-merluzz tal-linja sewda, tal-merlangu u tal-gamblu tat-Tramuntana, tal-bakkaljaw, tal-pollakkju l-iswed u tal-merluzz;

(d)

fis-sajd għall-gamblu tat-Tramuntana minn bastimenti li jużaw xbieki tat-tkarkir tal-qiegħ (OTB u OTT) b’daqs tal-malja ta’ 35 mm jew iktar, armati bi gradilja selettiva tal-ispeċijiet bi spazju ta’ mhux aktar minn 19-il mm bejn il-vireg, bil-ħruġ mhux ibblukkat għall-ħut, fl-ilmijiet tal-Unjoni tad-diviżjoni 3a tal-ICES:

kwantità ta’ lingwata komuni, ta’ merluzz tal-linja sewda, ta’ merlangu, ta’ bakkaljaw, ta’ barbun tat-tbajja’, ta’ pollakkju iswed, ta’ aringi, ta’ merluzz tan-Norveġja, ta’ arġentina silus u ta’ stokkafixx flimkien li jkunu iżgħar mid-daqs minimu ta’ referenza għall-konservazzjoni li ma għandhiex taqbeż il-5 % tal-qabdiet annwali totali tal-iskampu, tal-lingwata komuni, tal-merluzz tal-linja sewda, tal-merlangu, tal-bakkaljaw, tal-pollakkju l-iswed, tal-barbun tat-tbajja’, tal-gamblu tat-Tramuntana, tal-merluzz, tal-merluzz tan-Norveġja, tal-arġentina silus, tal-aringi u tal-istokkafixx;

(e)

fis-sajd demersali mħallat minn bastimenti li jużaw xbieki tat-tkarkir tal-qiegħ jew tartaruni (OTB, OTT, SDN u SSC) b’daqs tal-malja ta’ bejn 70 u 99 mm (TR2) fl-ilmijiet tal-Unjoni tad-diviżjoni 4c tal-ICES:

kwantità ta’ merlangu u ta’ bakkaljaw (Gadus morhua) flimkien li jkunu iżgħar mid-daqs minimu ta’ referenza għall-konservazzjoni li ma għandhiex taqbeż il-5 % fl-2020 u fl-2021 tal-qabdiet annwali totali tal-merlangu u tal-bakkaljaw; l-ammont massimu ta’ bakkaljaw li jista’ jiġi skartat għandu jkun limitat għal 2 % ta’ dawk il-qabdiet annwali totali;

(f)

fis-sajd demersali mħallat minn bastimenti li jużaw xbieki tat-tkarkir tal-qiegħ jew tartaruni (OTB, OTT, SDN u SSC) b’daqs tal-malja ta’ bejn 70 u 99 mm (TR2) fl-ilmijiet tal-Unjoni tad-diviżjonijiet 4a u 4b tal-ICES:

kwantità ta’ merlangu u ta’ bakkaljaw (Gadus morhua) flimkien li jkunu iżgħar mid-daqs minimu ta’ referenza għall-konservazzjoni li ma għandhiex taqbeż is-6 % fl-2020 tal-qabdiet annwali totali tal-merlangu u tal-bakkaljaw; l-ammont massimu ta’ bakkaljaw li jista’ jiġi skartat għandu jkun limitat għal 2 % ta’ dawk il-qabdiet annwali totali;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, l-STECF għandu jivvaluta l-informazzjoni xjentifika li tkun ingħatat;

(g)

fis-sajd minn bastimenti li jużaw xbieki tat-tkarkir tal-qiegħ (OTB, OTT, TBN u PTB) b’daqs tal-malja ta’ bejn 90 u 119-il mm, armati b’pannell Seltra, jew xbieki tat-tkarkir tal-qiegħ (OTB, OTT, TBN u PTB) b’daqs tal-malja ta’ 120 mm jew iżjed, fl-ilmijiet tal-Unjoni tad-diviżjoni 3a tal-ICES:

kwantità ta’ merlangu li jkun iżgħar mid-daqs minimu ta’ referenza għall-konservazzjoni sa ammont massimu ta’ 2 % tal-qabdiet annwali totali tal-iskampu, tal-bakkaljaw, tal-merluzz tal-linja sewda, tal-merlangu, tal-pollakkju l-iswed, tal-lingwata komuni, tal-barbun tat-tbajja’ u tal-merluzz;

(h)

fis-sajd demersali mħallat minn bastimenti li jużaw xbieki tat-tkarkir bi travu b’daqs tal-malja ta’ bejn 80 u 119-il mm fl-ilmijiet tal-Unjoni tas-subżona 4 tal-ICES:

kwantità ta’ merlangu li jkun iżgħar mid-daqs minimu ta’ referenza għall-konservazzjoni li ma għandhiex taqbeż it-2 % tal-qabdiet annwali totali tal-barbun tat-tbajja’ u tal-lingwata;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, l-STECF għandu jivvaluta l-informazzjoni xjentifika li tkun ingħatat;

(i)

fis-sajd għall-iskampu minn bastimenti li jużaw xbieki tat-tkarkir tal-qiegħ b’daqs tal-malja ta’ bejn 80 u 99 mm, armati b’SepNep, fl-ilmijiet tal-Unjoni tas-subżona 4 tal-ICES:

kwantità ta’ barbun tat-tbajja’ li jkun iżgħar mid-daqs minimu ta’ referenza għall-konservazzjoni li ma għandhiex taqbeż it-3 % tal-qabdiet annwali totali tal-pollakkju l-iswed, tal-barbun tat-tbajja’, tal-merluzz tal-linja sewda, tal-merlangu, tal-bakkaljaw, tal-gamblu tat-Tramuntana, tal-lingwata komuni u tal-iskampu;

(j)

fis-sajd għall-gamblu tar-ramel minn bastimenti li jużaw ix-xbieki tat-tkarkir bi travu fl-ilmijiet tal-Unjoni tad-diviżjonijiet 4b u 4c tal-ICES:

kwantità tal-ispeċijiet kollha li għalihom hemm limiti tal-qbid li ma għandhiex taqbeż is-7 % fl-2020 u s-6 % fl-2021 tal-qabdiet annwali totali tal-ispeċijiet kollha li għalihom hemm limiti tal-qbid li jsiru f’dak it-tip ta’ sajd;

(k)

fis-sajd demersali mħallat bi xbieki tat-tkarkir tal-qiegħ (OTB, OTT, PTB u TBB) b’daqs tal-malja ta’ bejn 80 u 99 mm (TR2 u BT2) fis-subżona 4 tal-ICES:

kwantità ta’ sawrell (Trachurus spp.) li ma għandhiex taqbeż is-7 % fl-2020 u s-6 % fl-2021 tal-qabdiet annwali totali tas-sawrell li jsiru f’dak it-tip ta’ sajd;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, il-Kumitat Xjentifiku, Tekniku u Ekonomiku għas-Sajd (l-STECF) għandu jivvaluta l-informazzjoni xjentifika li tkun ingħatat;

(l)

fis-sajd demersali mħallat bi xbieki tat-tkarkir tal-qiegħ (OTB, OTT, PTB u TBB) b’daqs tal-malja ta’ bejn 80 u 99 mm fis-subżona 4 tal-ICES:

kwantità ta’ kavalli (Scomber scombrus) li ma għandhiex taqbeż is-7 % fl-2020 u s-6 % fl-2021 tal-qabdiet annwali totali tal-kavalli li jsiru f’dak it-tip ta’ sajd;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, l-STECF għandu jivvaluta l-informazzjoni xjentifika li tkun ingħatat;

(m)

fis-sajd demersali mħallat bi xbieki tat-tkarkir (OTB, OTM, OTT, PTB, PTM, SDN, SPR, SSC, TB u TBN) b’daqs tal-malja ta’ iktar minn 80 mm fid-diviżjoni 3a tal-ICES u fis-subżona 4 tal-ICES u fis-sajd għall-gamblu tat-Tramuntana li jsir bl-użu ta’ rkaptu armat b’għarbiel li jkollu spazju massimu ta’ 19-il mm bejn il-vireg tiegħu jew b’apparat ekwivalenti tas-selettività u b’apparat għaż-żamma tal-ħut b’daqs tal-malja ta’ iktar minn 35 mm fid-diviżjoni 3a tal-ICES u ta’ iktar minn 32 mm fis-subżona 4 tal-ICES:

kwantità ta’ laċċ ikħal, ta’ ċiċċirell, ta’ merluzz tan-Norveġja u ta’ stokkafixx flimkien li ma għandhiex taqbeż il-1 % tal-qabdiet annwali totali li jsiru fis-sajd demersali mħallat u fis-sajd għall-gamblu tat-Tramuntana;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, l-STECF għandu jivvaluta l-informazzjoni xjentifika li tkun ingħatat;

(n)

fis-sajd demersali għall-merluzz minn bastimenti li jużaw il-konzijiet (LLS) fis-subżona 4 tal-ICES:

kwantità ta’ lipp (Molva molva) li jkun iżgħar mid-daqs minimu ta’ referenza għall-konservazzjoni li ma għandhiex taqbeż it-3 % tal-qabdiet annwali totali tal-lipp li jsiru f’dak it-tip ta’ sajd demersali;

l-eżenzjoni de minimis stabbilita f’dan il-punt għandha tapplika b’mod provviżorju sal-31 ta’ Diċembru 2020. L-Istati Membri li għandhom interess ta’ ġestjoni dirett għandhom jibagħtu informazzjoni xjentifika addizzjonali li tappoġġa l-eżenzjoni malajr kemm jista’ jkun u sa mhux aktar tard mill-1 ta’ Mejju 2020. Sal-31 ta’ Lulju 2020, l-STECF għandu jivvaluta l-informazzjoni xjentifika li tkun ingħatat.

(1)

Ir-Regolament (UE) Nru 1380/2013 tal-Parlament Ewropew u tal-Kunsill (3) għandu l-għan li jelimina b’mod progressiv l-iskartar fis-sajd kollu tal-Unjoni bl-introduzzjoni tal-obbligu ta’ ħatt l-art għall-qabdiet ta’ speċijiet li huma soġġetti għal-limiti ta’ qbid.

(2)

L-Artikolu 9 tar-Regolament (UE) Nru 1380/2013 jipprevedi l-adozzjoni ta’ pjanijiet pluriennali li jinkludu miżuri ta’ konservazzjoni għal sajd li jisfrutta ċerti stokkijiet f’żona ġeografika rilevanti.

(3)

Pjanijiet pluriennali bħal dawn jispeċifikaw id-dettalji tal-implimentazzjoni tal-obbligu ta’ ħatt l-art u jistgħu jagħtu s-setgħa lill-Kummissjoni biex tispeċifika aktar dawk id-dettalji fuq il-bażi ta’ rakkomandazzjonijiet konġunti żviluppati mill-Istati Membri.

(4)

Ir-Regolament Delegat tal-Kummissjoni (UE) 2018/2034 (4), stabbilixxa pjan għall-iskartar għal ċertu sajd demersali fl-ilmijiet tal-Majjistral għall-perjodu 2019-2021, wara rakkomandazzjoni konġunta ppreżentata mill-Belġju, Spanja, Franza l-Irlanda, in-Netherlands u r-Renju Unit.

(5)

Fid-19 ta’ Marzu 2019, il-Parlament Ewropew u l-Kunsill adottaw ir-Regolament (UE) 2019/472 li jistabbilixxi pjan pluriennali għall-istokkijiet mistada fl-Ilmijiet tal-Punent, u għas-sajd li jisfrutta dawk l-istokkijiet. L-Artikolu 13 ta’ dak ir-Regolament jagħti s-setgħa lill-Kummissjoni tadotta atti delegati sabiex tissupplimenta dan ir-Regolament billi tispeċifika d-dettalji tal-obbligu ta’ ħatt l-art għall-istokkijiet kollha tal-ispeċijiet fl-Ilmijiet tal-Punent li għalihom japplika l-obbligu ta’ ħatt l-art skont l-Artikolu 15(1) tar-Regolament (UE) Nru 1380/2013, kif previst fil-punti (a) sa (e) tal-Artikolu 15(5) tar-Regolament (UE) Nru 1380/2013 abbażi ta’ rakkomandazzjonijiet konġunti żviluppati mill-Istati Membri. Il-Belġju, Spanja, Franza, l-Irlanda, in-Netherlands u r-Renju Unit għandhom interess ta’ ġestjoni dirett tas-sajd fl-ilmijiet tal-Majjistral. Wara li kkonsultaw lill-Kunsill Konsultattiv għall-Ilmijiet tal-Majjistral u l-Kunsill Konsultattiv Pelaġiku, fis-6 ta’ Ġunju 2019 dawk l-Istati Membri ppreżentaw rakkomandazzjoni konġunta ġdida lill-Kummissjoni dwar pjan għall-iskartar għal ċertu sajd demersali fl-Ilmijiet tal-Majjistral għall-perjodu 2020-2021. Ir-rakkomandazzjoni konġunta ġiet emendata fit-22 ta’ Awwissu 2019.

(6)

Ir-rakkomandazzjoni konġunta l-ġdida ppreżentata mill-Istati Membri pproponiet il-kontinwazzjoni ta’ għadd ta’ miżuri tekniċi addizzjonali li għandhom l-għan li jżidu s-selettività u jnaqqsu qabdiet mhux intenzjonati għas-sajd jew għal speċijiet koperti mill-obbligu ta’ ħatt l-art li ġew introdotti skont l-Artikolu 15(5)(a) tar-Regolament (UE) Nru 1380/2013 għas-snin 2019-2021 bir-Regolament Delegat (UE) 2018/2034.

(7)

Fl-14 ta’ Awwissu 2019 daħal fis-seħħ Regolament ġdid (UE) 2019/1241 dwar il-miżuri ta’ konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi. Fl-Anness VI dan jistabbilixxi dispożizzjonijiet speċifiċi dwar miżuri tekniċi fl-ilmijiet tal-Majjistral, li jinkludu wkoll regoli dwar id-daqsijiet tal-malji, il-kundizzjonijiet assoċjati u l-qabdiet inċidentali. Barra minn hekk, il-punt 3 tal-Anness VI ta’ dan ir-Regolament jirreferi għar-Regolament Delegat (UE) 2018/2034. L-Artikolu 15 tar-Regolament (UE) 2019/1241 jagħti s-setgħa lill-Kummissjoni li tadotta atti delegati sabiex temenda, tissupplimenta, tħassar jew tidderoga mill-miżuri tekniċi stabbiliti fl-Annessi tar-Regolament (UE) 2019/1241, inkluż meta jiġi implimentat l-obbligu ta’ ħatt l-art.

(8)

Ir-Regolament (UE) 2019/1241 ma jipprevedix miżuri tranżitorji. Għalhekk, sabiex tiġi żgurata l-kompatibbiltà bejn dan ir-Regolament Delegat u r-Regolament (UE) 2019/1241, jeħtieġ li jiġu applikati l-kundizzjonijiet stabbiliti fir-Regolament (UE) 2019/1241, filwaqt li fl-istess ħin jitqiesu ċ-ċirkostanzi eċċezzjonali involuti. Abbażi tal-informazzjoni pprovduta mill-Istati Membri, il-Kumitat Xjentifiku, Tekniku u Ekonomiku għas-Sajd (STECF) ivvaluta r-rakkomandazzjoni konġunta u kkonkluda (5) li l-bidliet proposti biex tiżdied is-selettività fl-ilmijiet tal-Majjistral huma raġonevoli u jirrappreżentaw żieda fis-selettività meta mqabbla mal-irkaptu definit qabel. Din ir-rakkomandazzjoni konġunta ġiet żviluppata u ppreżentata mill-Istati Membri u vvalutata mill-STECF qabel id-dħul fis-seħħ tar-Regolament (UE) 2019/1241 u għalhekk ma rreferietx għal dak ir-Regolament. Madankollu, fid-dawl taċ-ċirkostanzi eċċezzjonali, il-Kummissjoni tqis li abbażi tal-informazzjoni disponibbli għaliha f’dan l-istadju fir-rakkomandazzjoni konġunta u fil-valutazzjoni tal-STECF ma jidhirx li hemm xi element li jindika li l-miżuri tekniċi addizzjonali proposti jonqsu milli jikkonformaw mar-rekwiżiti stabbiliti għall-miżuri tekniċi fl-Artikolu 15 tar-Regolament (UE) 2019/1241.

(9)

Sabiex tiżdied is-selettività tal-irkaptu u jitnaqqsu l-qabdiet mhux intenzjonati fil-Baħar Ċeltiku, fil-Baħar Irlandiż u fil-Punent tal-Iskozja, huwa xieraq għalhekk li jiġi inkluż għadd ta’ miżuri selettivi għas-sajd demersali. Għaldaqstant, dawn il-miżuri tekniċi jenħtieġ li japplikaw għall-perjodu 2020-2021.

(10)

Inkisbu kontribuzzjonijiet xjentifiċi mingħand il-korpi xjentifiċi rilevanti li ġew rieżaminati mill-Kumitat Xjentifiku, Tekniku u Ekonomiku għas-Sajd (STECF) (6). Il-Kummissjoni ppreżentat il-miżuri kkonċernati għal konsultazzjoni bil-miktub tal-grupp ta’ esperti, li jikkonsisti minn 28 Stat Membru u l-Parlament Ewropew bħala osservatur.

(11)

Fil-każijiet fejn l-ammont relattiv tal-qbid skartat mejjet huwa komparattivament baxx, il-Kummissjoni tqis bħala approċċ pragmatiku u prudenti lejn il-ġestjoni tas-sajd, li jingħataw eżenzjonijiet fuq bażi temporanja, bil-fehma li jekk dan ma jsirx, ma jsirx il-ġbir tad-data li hija essenzjali għall-ġestjoni xierqa u informata tal-qbid skartat bil-għan li jiġi implimentat bis-sħiħ l-obbligu ta’ ħatt l-art.

(12)

Ir-Regolament Delegat (UE) 2018/2034 inkluda eżenzjoni għas-sopravivabbiltà mill-obbligu ta’ ħatt l-art, kif imsemmi fl-Artikolu 15(4)(b) tar-Regolament (UE) Nru 1380/2013, għall-iskampu maqbud fin-nases, fix-xbieki jew fin-nases tal-gambli fis-subżoni 6 u 7 tal-ICES (7), abbażi tal-evidenza xjentifika li kienet turi rati għolja ta’ sopravivenza. Dik l-evidenza ġiet evalwata fis-snin preċedenti u l-STECF ikkonkluda (8) li l-eżenzjoni hija ġġustifikata. Ir-rakkomandazzjoni konġunta l-ġdida tissuġġerixxi l-kontinwazzjoni ta’ dik l-eżenzjoni. Billi ċ-ċirkostanzi ma nbidlux, dik l-eżenzjoni jenħtieġ li tkompli tapplika għall-perjodu 2020-2021.

(13)

Ir-Regolament Delegat (UE) 2018/2034 inkluda eżenzjoni għas-sopravivabbiltà għal-lingwata komuni taħt id-daqs minimu ta’ referenza għall-konservazzjoni (MCRS) maqbuda bix-xbieki tat-tkarkir bid-diriġenti ta’ bejn 80 u 99 mm fid-diviżjoni 7d tal-ICES sa sitt mili nawtiċi mill-kosta u barra ż-żoni tat-tkabbir identifikati, ibbażata fuq evidenza xjentifika li kienet turi rati għoljin ta’ sopravivenza tal-ħut skartat. Dik l-evidenza ġiet evalwata fis-snin preċedenti u l-STECF ikkonkluda (9) li l-evidenza kienet biżżejjed. Ir-rakkomandazzjoni konġunta l-ġdida tissuġġerixxi li l-eżenzjoni tkompli tapplika. Billi ċ-ċirkostanzi ma nbidlux, dik l-eżenzjoni jenħtieġ li tkompli tapplika għall-perjodu 2020-2021.

(14)

Ir-Regolament Delegat (UE) 2018/2034 kien jinkludi eżenzjoni għas-sopravivabbiltà għall-iskampu maqbud bl-użu ta’ xbieki tat-tkarkir tal-qiegħ b’daqs tal-malja ugwali għal 100 mm jew akbar u għall-iskampu maqbud bix-xbieki tat-tkarkir tal-qiegħ b’daqs tal-malja ta’ 70-99 mm flimkien ma’ għażliet ta’ rkaptu selettiv (sajd TRI u TR2) fis-subżona 7 tal-ICES. L-Istati Membri pprovdew evidenza xjentifika sabiex juru r-rati għoljin tas-sopravivenza tal-ħut skartat għall-iskampu f’dik iż-żona tas-sajd. L-evidenza kienet ippreżentata lill-STECF, li kkonkluda (10) li l-istudju ta’ sopravivenza li sar bix-xibka tat-tkarkir Seltra pprovda data suffiċjenti, iżda li l-effett globali fuq is-sajd estensiv tal-iskampu b’irkapti oħrajn tas-sajd diffiċilment jista’ jiġi vvalutat. L-STECF innota li jekk wieħed jassumi li rata ta’ sopravivenza relattivament għolja tapplika għall-irkapti kollha, dak is-sajd ikun jinvolvi rata ta’ skartar relattivament baxxa. Għaldaqstant, dik l-eżenzjoni jenħtieġ li tapplika għall-perjodu 2020-2021.

(15)

Ir-Regolament Delegat (UE) 2018/2034 kien jinkludi eżenzjoni għas-sopravivabbiltà għall-iskampu maqbud fid-diviżjoni 6a tal-ICES, sa tnax-il mil nawtiku mill-kosta, bl-użu ta’ xbieki tat-tkarkir bid-diriġenti b’daqs tal-malja ta’ 80-110 mm. L-Istati Membri pprovdew evidenza xjentifika sabiex juru rati għolja ta’ sopravivenza tal-ħut skartat għall-iskampu f’dak is-sajd. L-evidenza kienet ippreżentata lill-STECF li kkonkluda li l-istudju dwar is-sopravivenza huwa robust u jindika rata ta’ sopravivenza relattivament għolja. Għaldaqstant, dik l-eżenzjoni jenħtieġ li tapplika għall-perjodu 2020-2021.

(16)

Ir-Regolament Delegat (UE) 2018/2034 kien jinkludi eżenzjoni għas-sopravivabbiltà għar-rebekkini u r-raj maqbuda bi kwalunkwe rkaptu fis-subżoni 6 u 7 tal-ICES sakemm titressaq evidenza xjentifika dettaljata dwar ir-rati tas-sopravivenza għas-segmenti kollha tal-flotta u għall-kombinazzjonijiet ta’ tagħmir, żoni u speċijiet. Madankollu, bi ftit eċċezzjonijiet, l-STECF iqis li r-rati ta’ sopravivenza huma ġeneralment robusti (11), iżda jinnota li jeħtieġu aktar dettalji. Sabiex tinġabar id-data rilevanti, is-sajd jeħtieġ li jitkompla. L-eżenzjoni tista’ għalhekk tingħata, iżda l-Istati Membri jenħtieġ li jintalbu jippreżentaw data rilevanti li tippermetti lill-STECF li jivvaluta b’mod sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri li għandhom interess ta’ ġestjoni dirett jenħtieġ li jissottomettu sal-1 ta’ Mejju ta’ kull sena: (a) pjan direzzjonali żviluppat biex iżid is-sopravivenza u biex jimla l-lakuni fid-data identifikati mill-STECF, li jiġi vvalutat kull sena mill-STECF, (b) rapporti annwali dwar il-progress u kwalunkwe modifika jew aġġustament li jsiru fil-programmi ta’ sopravivenza.

(17)

Meta jitqiesu r-rati ta’ sopravivenza tar-rebekkini u r-raj, ir-raja kukù (Leucoraja naevus) instabu li għandhom rata ta’ sopravivenza konsiderevolment aktar baxxa minn speċijiet oħra. Barra minn hekk, il-fehim xjentifiku tal-mod ta’ sopravivenza ta’ dik l-ispeċi jidher li huwa inqas robust. Madankollu, jekk din l-ispeċi tiġi eskluża mill-eżenzjoni dan jipprevjeni s-sajd u l-ġbir kontinwu u preċiż tad-data. Ġiet ippreżentata evidenza rilevanti lill-STECF li kkonkluda (12) li nbdew żewġ studji ġodda fuq esperimenti ta’ sopravivenza fir-rigward tar-raja kukù, iżda jeħtieġ li jsiru aktar osservazzjonijiet biex isir ġudizzju definittiv dwar ir-rati ta’ sopravivenza fi żmien sena jew sentejn. Għalhekk, din l-eżenzjoni jenħtieġ li tingħata għal sentejn u jenħtieġ li jiġu żviluppati studji ġodda u miżuri mtejba għas-sopravivenza b’urġenza u li dawn jiġu pprovduti lill-STECF għal valutazzjoni kemm jista’ jkun malajr u sa mhux aktar tard mill-1 ta’ Mejju.

(18)

Ir-Regolament Delegat (UE) 2018/2034 kien jinkludi eżenzjoni għas-sopravivabbiltà tal-barbun tat-tbajja’ maqbud b’pariti jew xbieki tat-tkarkir bid-diriġenti fid-diviżjonijiet 7d, 7e, 7f u 7 g tal-ICES. L-Istati Membri pprovdew evidenza xjentifika biex juru r-rati għolja ta’ sopravivenza tal-qbid skartat għall-barbun tat-tbajja’ f’dak is-sajd. L-evidenza kienet ippreżentata lill-STECF li kkonkluda li l-istudju dwar is-sopravivenza huwa robust u jindika rata ta’ sopravivenza relattivament għolja. Għaldaqstant, dik l-eżenzjoni jenħtieġ li tapplika għall-perjodu 2020-2021.

(19)

Ir-Regolament Delegat (UE) 2018/2034 kien jinkludi eżenzjoni għas-sopravivabbiltà għall-ispeċijiet maqbuda fin-nases, fix-xbieki jew fin-nases tal-gambli fl-ilmijiet tal-Majjistral (is-subżoni 5, 6 u 7 tal-ICES). L-Istati Membri pprovdew evidenza xjentifika biex juru r-rati għolja ta’ sopravivenza tal-qbid skartat għall-ispeċijiet maqbuda f’dak is-sajd. L-evidenza kienet ippreżentata lill-STECF li kkonkluda li s-sopravivenza tal-ispeċijiet skartati mis-sajd bin-nases u bix-xbieki nassa x’aktarx tkun sostanzjali. Dik l-eżenzjoni tista’ għalhekk tapplika għall-perjodu 2020-2021.

(20)

Ir-rakkomandazzjoni konġunta l-ġdida tissuġġerixxi estensjoni tal-eżenzjonijiet tas-sopravivenza tal-barbun tat-tbajja’ maqbud fid-diviżjonijiet 7a sa 7k tal-ICES minn bastimenti li jużaw xbieki tat-tkarkir bi travu, b’potenza massima tal-magna ta’ 221 kW, tul massimu ta’ 24 metru, li jistadu sa 12-il mil nawtiku mill-kosta u b’ħinijiet ta’ rmunkar ta’ mhux aktar minn siegħa u nofs, u minn bastimenti li jużaw xbieki tat-tkarkir bi travu b’potenza tal-magna ta’ aktar minn 221 kW, bl-użu ta’ ħabel flip-up jew pannell tar-rilaxx bentiku. L-Istati Membri pprovdew evidenza xjentifika biex juru r-rati għolja ta’ sopravivenza tal-qbid skartat għall-barbun tat-tbajja’ f’dak is-sajd. L-evidenza kienet ippreżentata lill-STECF li kkonkluda (13) li l-informazzjoni xjentifika hija ta’ kwalità tajba. Madankollu, l-STECF indika li d-data ma tkoprix l-Istati Membri kollha kkonċernati u li f’dawk iż-żoni tas-sajd is-sopravivenza hija affettwata minn bosta fatturi u tvarja ħafna. L-STECF innota li ngħatat evidenza ġdida dwar il-vitalità tal-barbun tat-tbajja’ fil-punt tal-iskartar fis-sajd bix-xibka tat-tkarkir bi travu fix-Xlokk Ingliż. L-Istati Membri żviluppaw proġett ta’ tliet snin biex jiġġeneraw stimi ta’ sopravivenza għall-barbun tat-tbajja’ osservati direttament fid-diviżjonijiet 7d, 7f u 7 g tal-ICES, madankollu, id-diviżjonijiet 7h, 7j u 7k tal-ICES mhumiex koperti. Dak il-proġett se jikkontribwixxi għat-twettiq tal-pjan direzzjonali u għall-evidenza meħtieġa biex tiġi evalwata l-eżenzjoni suġġerita. L-STECF innota li l-Istati Membri jenħtieġ li jiddeskrivu kif l-eżenzjoni ssuġġerita hija marbuta mal-Pjan ta’ Tnaqqis tal-Qbid Inċidentali għall-istokkijiet tal-barbun tat-tbajja’ fid-diviżjonijiet 7h, 7j u 7k tal-ICES. Taħt dawn iċ-ċirkostanzi, l-eżenzjoni jenħtieġ li tkun limitata għal sena waħda fir-rigward tal-barbun tat-tbajja’ fid-diviżjonijiet 7h, 7j u 7k tal-ICES, biex xorta tippermetti l-ġbir tad-data u l-Istati Membri jenħtieġ li jintalbu jippreżentaw data rilevanti li tippermetti lill-STECF jivvaluta kompletament il-ġustifikazzjoni u li tippermetti lill-Kummissjoni twettaq rieżami. Għaldaqstant, dik l-eżenzjoni tista’ tiġi applikata għall-barbun tat-tbajja’ fid-diviżjonijiet 7h, 7j u 7k tal-ICES sal-31 ta’ Diċembru 2020 u l-Istati Membri kkonċernati jenħtieġ li jwettqu provi addizzjonali u jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF.

(21)

Ir-rakkomandazzjoni konġunta l-ġdida tissuġġerixxi eżenzjoni tas-sopravivenza tal-barbun tat-tbajja’ maqbud bit-tartarun Daniż fid-diviżjoni 7d tal-ICES. L-Istati Membri pprovdew evidenza xjentifika biex juru r-rati għolja ta’ sopravivenza tal-qbid skartat għall-barbun tat-tbajja’ f’dak is-sajd. L-evidenza ġiet ippreżentata lill-STECF li kkonkluda (14) li d-data tal-istudju dwar ir-rati ta’ sopravivenza hija affidabbli u tagħti stimi ta’ sopravivenza robusti għal dak is-sajd. Għalhekk, din l-eżenzjoni jenħtieġ li tiġi inkluża fil-pjan għall-iskartar il-ġdid għas-snin 2020-2021.

(22)

Ir-Regolament Delegat (UE) 2018/2034 kien jinkludi eżenzjonijiet de minimis mill-obbligu ta’ ħatt l-art għal ċertu sajd. L-evidenza mogħtija mill-Istati Membri ġiet rieżaminata mill-STECF, li kkonkluda (15) li d-dokumenti ppreżentati mill-Istati Membri kienu jinkludu argumenti motivati li juru d-diffikultajiet biex jinkiseb aktar titjib fis-selettività kif ukoll spejjeż sproporzjonati fl-immaniġġar ta’ qabdiet mhux intenzjonati, appoġġjati f’xi każijiet minn valutazzjonijiet kwalitattivi tal-ispejjeż. Meta wieħed iqis li ċ-ċirkostanzi ma nbidlux, huwa xieraq li jitkomplew l-eżenzjonijiet de minimis, f’konformità mal-perċentwali proposti fir-rakkomandazzjoni konġunta l-ġdida għal:

(23)

Ir-rakkomandazzjoni konġunta l-ġdida ssuġġeriet eżenzjonijiet de minimis mill-obbligu ta’ ħatt l-art għal:

(24)

L-evidenza mill-Istati Membri dwar l-eżenzjonijiet de minimis il-ġodda fir-rigward tas-sawrell u l-kavalli maqbuda minn bastimenti li jużaw xbieki tat-tkarkir tal-qiegħ, tartaruni u xbieki tat-tkarkir bi travu fis-subżona 6 tal-ICES u fid-diviżjonijiet 7b sa 7k tal-ICES ġiet rieżaminata mill-STECF, li kkonkluda (16) li l-evidenza li l-ħatt l-art ta’ qabdiet mhux intenzjonati għandu spejjeż assoċjati mhijiex biżżejjed biex turi li dawk l-ispejjeż huma sproporzjonati. It-titjib tas-selettività fis-sajd rilevanti jenħtieġ li jkun il-prijorità peress li dan se jnaqqas l-ispejjeż għall-immaniġġjar tal-qabdiet mhux intenzjonati. L-STECF innota wkoll li l-introduzzjoni tal-miżuri tekniċi speċifiċi għall-bastimenti li joperaw bi xbieki tat-tkarkir tal-qiegħ jew tartaruni fiż-żona ta’ protezzjoni tal-Baħar Ċeltiku tista’ tnaqqas il-qbid mhux intenzjonat ta’ sawrell, kavalli u speċijiet oħra. L-effettività ta’ dawk il-miżuri jenħtieġ li tiġi mmonitorjata. Minħabba l-ħtieġa li titkompla l-attività tas-sajd sabiex jiġi żgurat il-ġbir tad-data meħtieġa, dawk l-eżenzjonijiet jistgħu jingħataw għal sena, iżda l-Istati Membri jenħtieġ li jintalbu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri kkonċernati jenħtieġ li jwettqu provi addizzjonali u jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF. Għalhekk, dawk l-eżenzjonijiet jenħtieġ li jiġu applikati provviżorjament sal-31 ta’ Diċembru 2020.

(25)

L-evidenza pprovduta mill-Istati Membri dwar l-eżenzjoni de minimis ġdida għal-lingwata komuni maqbuda mill-bastimenti li jużaw it-tkarkir bi travu bil-pannell Fjamming fid-diviżjonijiet 7d, 7e, 7f, 7 g u 7h tal-ICES ġiet rieżaminata mill-STECF, li kkonkluda (17) li hija meħtieġa d-data għal Stati Membri oħra minbarra l-Belġju u l-Irlanda. Barra minn hekk, l-effettività tal-pannell Fjamming użat fil-provi mwettqa mill-Istati Membri tista’ tkun limitata u ma tiżgurax it-tnaqqis ta’ qabdiet mhux intenzjonati osservat f’dawk il-provi. L-STECF jinnota li tkun utli informazzjoni addizzjonali li tkun prova ta’ dan, filwaqt li jaċċetta li l-pannell Fjamming kif użat attwalment tabilħaqq itejjeb is-selettività għal-lingwata komuni. Minħabba l-ħtieġa li titkompla l-attività tas-sajd sabiex jiġi żgurat il-ġbir tad-data meħtieġa għaż-żoni 7h, 7j u 7k, dik l-eżenzjoni ġdida tista’ tingħata għal sena, iżda l-Istati Membri jenħtieġ li jintalbu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri kkonċernati jenħtieġ li jwettqu provi addizzjonali u jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF. Għalhekk, dik l-eżenzjoni jenħtieġ li tiġi applikata provviżorjament sal-31 ta’ Diċembru 2020.

(26)

L-evidenza pprovduta mill-Istati Membri dwar l-eżenzjoni de minimis ġdida fir-rigward tas-sajd imħallat demersali minn bastimenti li jistadu għall-gambli kannella u li jużaw xbieki tat-tkarkir bi travu fid-diviżjoni 7a tal-ICES, ġiet rieżaminata mill-STECF li kkonkluda (18) li l-ġustifikazzjoni għall-eżenzjoni hija li żidiet sinifikanti fis-selettività huma diffiċli ħafna biex jinkisbu u li l-ispiża tal-ġestjoni tal-qabda mhux intenzjonata hija sproporzjonata. Madankollu, l-STECF jinnota li hija pprovduta informazzjoni kwalitattiva limitata biex issostni l-eżenzjoni hija limitata u li l-informazzjoni pprovduta tista’ ma tkunx rappreżentattiva. Meta titqies l-informazzjoni pprovduta, il-qbid skartat jista’ jkun baxx ħafna u ma jirrikjedix tnaqqis de minimis. Għaldaqstant, dik l-eżenzjoni tista’ tapplika għall-perjodu 2020-2021.

(27)

L-evidenza pprovduta mill-Istati Membri dwar l-eżenzjoni de minimis ġdida għall-megrim taħt l-MCRS maqbuda minn bastimenti li jużaw xbieki tat-tkarkir tal-qiegħ u xbieki tat-tkarkir bi travu, għall-pixxi trumbetta u l-arġentina silus maqbudin mill-bastimenti li jużaw xbieki tat-tkarkir tal-qiegħ ġiet rieżaminata mill-STECF li kkonkluda (19) li d-data pprovduta mill-Istati Membri hija limitata u li l-evidenza li l-ħatt l-art ta’ qabdiet mhux intenzjonati għandu spiża assoċjata, mhijiex biżżejjed biex jintwera li dawk l-ispejjeż huma sproporzjonati. L-STECF jinnota li t-titjib tas-selettività fis-sajd rilevanti jenħtieġ li jkun il-prijorità peress li dan se jnaqqas l-ispejjeż għall-immaniġġjar tal-qabdiet mhux intenzjonati. Minħabba l-ħtieġa li titkompla l-attività tas-sajd sabiex jiġi żgurat il-ġbir tad-data meħtieġa, dawk l-eżenzjonijiet jistgħu jingħataw għal sena, iżda l-Istati Membri jenħtieġ li jintalbu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri kkonċernati jenħtieġ li jwettqu provi addizzjonali u jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF. Għalhekk, dawk l-eżenzjonijiet jenħtieġ li jiġu applikati provviżorjament sal-31 ta’ Diċembru 2020.

(28)

L-evidenza pprovduta mill-Istati Membri dwar l-eżenzjoni de minimis ġdida għall-merluzz tal-linja sewda li jinqabad minn bastimenti li jużaw xbieki tat-tkarkir tal-qiegħ b’daqs tal-malja ta’ 80 mm jew akbar fis-subżoni 7b-7c u 7e sa 7k tal-ICES ġiet rieżaminata mill-STECF li kkonkluda (20) li l-informazzjoni pprovduta turi li huwa diffiċli li jinkiseb titjib fis-selettività tal-merluzz tal-linja sewda mingħajr telf sostanzjali għal żmien qasir fil-qabdiet kummerċjabbli. L-STECF jinnota li miżuri tekniċi speċifiċi fiż-żona ta’ protezzjoni tal-Baħar Ċeltiku huma mistennija li jnaqqsu l-qabdiet mhux intenzjonati tal-merluzz tal-linja sewda sa ċertu punt inqas, iżda għadu kmieni wisq biex jiġu evalwati l-kisbiet possibbli. Minħabba l-ħtieġa li titkompla l-attività tas-sajd sabiex jiġi żgurat il-ġbir tad-data meħtieġa, dik l-eżenzjoni tista’ tingħata għal sena, iżda l-Istati Membri jenħtieġ li jintalbu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri kkonċernati jenħtieġ li jwettqu provi addizzjonali u jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF. Għalhekk, dik l-eżenzjoni jenħtieġ li tiġi applikata provviżorjament sal-31 ta’ Diċembru 2020.

(29)

L-evidenza pprovduta mill-Istati Membri dwar l-eżenzjoni de minimis ġdida għall-merluzz tal-linja sewda taħt l-MCRS maqbud minn bastimenti li jużaw xbieki tat-tkarkir tal-qiegħ b’malji sa 119-il mm fis-sajd għall-awwista fil-Punent tal-Iskozja fid-diviżjoni 6a tal-ICES ġiet rieżaminata mill-STECF li kkonkluda (21) li l-ġustifikazzjoni għall-analiżi hija bbażata fuq analiżi tal-ispiża sproporzjonata tal-ġestjoni tal-qabdiet mhux intenzjonati L-STECF jinnota li l-ispejjeż jidhru raġonevoli, madankollu ma hemm l-ebda mezz oġġettiv biex jiġi vvalutat jekk humiex realistiċi jew jekk jistgħux jitqiesu sproporzjonati. Minħabba l-ħtieġa li titkompla l-attività tas-sajd sabiex jiġi żgurat il-ġbir tad-data meħtieġa, dik l-eżenzjoni tista’ tingħata għal sena, iżda l-Istati Membri jenħtieġ li jintalbu jippreżentaw id-data rilevanti li tippermetti lill-STECF jivvaluta bis-sħiħ il-ġustifikazzjoni u li tippermetti lill-Kummissjoni twettaq rieżami. L-Istati Membri kkonċernati jenħtieġ li jipprovdu informazzjoni kemm jista’ jkun malajr u sa mhux aktar tard mill-1 ta’ Mejju 2020 għal valutazzjoni mill-STECF. Għalhekk, dik l-eżenzjoni jenħtieġ li tiġi applikata provviżorjament sal-31 ta’ Diċembru 2020.

(30)

Sabiex jiġu żgurati stimi affidabbli tal-livelli ta’ skartar bl-iskop li jiġu stabbiliti l-qabdiet totali permissibbli (TACs), fil-każijiet fejn l-eżenzjoni de minimis hija bbażata fuq l-estrapolazzjoni ta’ sitwazzjonijiet b’data limitata u informazzjoni parzjali dwar il-flotot, l-Istati Membri jenħtieġ li jipprovdu data preċiża u verifikabbli għall-flotta sħiħa koperta minn dik l-eżenzjoni.

(31)

Skont l-Artikolu 18 tar-Regolament (UE) Nru 1380/2013, il-Kummissjoni qieset kemm il-valutazzjoni tal-STECF kif ukoll il-ħtieġa li l-Istati Membri jiżguraw l-implimentazzjoni sħiħa tal-obbligu tal-ħatt l-art. F’diversi każijiet, huwa meħtieġ li l-attività tas-sajd u l-ġbir ta’ data jkomplu jsiru sabiex jiġu indirizzati l-kummenti magħmula mill-STECF. F’dawk il-każijiet, huwa xieraq li jiġi segwit approċċ pragmatiku u prudenti għall-ġestjoni tas-sajd billi jingħataw eżenzjonijiet fuq bażi temporanja. Jekk ma jingħatawx dawn l-eżenzjonijiet, ma tkunx tista’ tinġabar data li hija essenzjali għall-ġestjoni korretta u infurmata tal-qbid skartat bil-għan li jiġi implimentat b’mod sħiħ l-obbligu tal-ħatt l-art.

(32)

Wara r-rakkomandazzjoni konġunta ġdida, jixraq li r-Regolament Delegat (UE) 2018/2034 jitħassar u jiġi sostitwit b’att ġdid.

(33)

Billi l-miżuri previsti f’dan ir-Regolament għandhom impatt dirett fuq l-ippjanar tal-istaġun tas-sajd tal-bastimenti tal-Unjoni u fuq l-attivitajiet ekonomiċi relatati, dan ir-Regolament jenħtieġ li jidħol fis-seħħ minnufih wara li jiġi ppubblikat. Jenħtieġ li japplika mill-1 ta’ Jannar 2020,

(1)

Biex tkun żgurata l-implimentazzjoni preċiża tal-istħarriġ kampjun fid-dominju tal-forza tax-xogħol, jenħtieġ li l-Kummissjoni tispeċifika l-elementi tekniċi tas-sett tad-data, il-formati tekniċi għat-trażmissjoni tal-informazzjoni, u l-arranġamenti dettaljati u l-kontenut tar-rapporti tal-kwalità.

(2)

Jenħtieġ li l-Istati Membri u l-istituzzjonijiet tal-Unjoni jużaw klassifikazzjonijiet tal-istatistika għall-unitajiet territorjali, l-edukazzjoni, l-impjiegi u s-settur ekonomiku li huma kompatibbli mal-klassifikazzjonijiet NUTS (2), ISCED (3), ISCO (4) u NACE (5).

(3)

Il-miżuri previsti f’dan ir-Regolament huma konformi mal-opinjoni tal-Kumitat tas-Sistema Ewropea tal-Istatistika.

(1)

“varjabbli ewlieni” tfisser varjabbli b’perjodiċità trimestrali;

(2)

“varjabbli strutturali” tfisser varjabbli annwali, biennali, ta’ kull tmien snin jew varjabbli miġbur fuq suġġett ad hoc;

(3)

“sett minimu tal-varjabbli” tfisser il-varjabbli li jridu jinġabru għall-membri kollha ta’ unità domestika biex tkun tista’ ssir analiżi fil-livell tal-unità domestika kif ukoll fil-livell individwali mqassma skont karatteristiċi speċifiċi tal-unità domestika;

(4)

“skema ta’ rotazzjoni tal-kampjun” tfisser il-qsim tal-kampjun totali f’sottokampjuni ta’ unitajiet tal-osservazzjoni li jkunu simili fid-daqs u d-disinn, użat biex jispeċifika n-numru ta’ drabi u t-trimestri ta’ referenza eżatti tas-sena li għaliha unità tal-osservazzjoni għandha tipprovdi informazzjoni fl-istħarriġ;

(5)

“mewġa” tfisser is-sottokampjun ta’ unitajiet tal-osservazzjoni li jridu jiġu intervistati għall-istess darba skont l-iskema ta’ rotazzjoni tal-kampjun fi trimestru ta’ referenza;

(6)

“distribuzzjoni uniformi tal-kampjun annwali” fir-rigward tat-trimestri kollha ta’ referenza tas-sena tfisser li kull kampjun trimestrali hu l-kampjun annwali totali diviż b’erbgħa;

(7)

“distribuzzjoni uniformi tal-kampjun trimestrali” fir-rigward tal-ġimgħat kollha ta’ referenza tat-trimestru tfisser li kull kampjun ta’ kull ġimgħa hu l-kampjun trimestrali totali diviż bin-numru ta’ ġimgħat tat-trimestru; il-varjazzjoni aċċettabbli kif speċifikata fl-Artikolu 6(2) u (3) tapplika għal kull distribuzzjoni;

(8)

“kampjun ta’ osservazzjonijiet indipendenti” tfisser kampjun fejn kull unità tal-osservazzjoni tiġri darba biss skont id-disinn tal-kampjun;

(9)

“limiti tal-affidabbiltà” tfisser id-daqsijiet stmati tal-gruppi tal-popolazzjoni li inqas minnhom, iċ-ċifri għandhom jitrażżnu jew ippubblikati bi twissija;

(10)

“persuni impjegati” tinkludi lil persuni ta’ bejn il-15 u d-89 sena (fi snin magħluqa fi tmiem il-ġimgħa ta’ referenza) li tul il-ġimgħa ta’ referenza kienu f’xi kategorija minn dawn li ġejjin:

Il-persuni f’xogħol ta’ produzzjoni għalihom stess, il-ħaddiema volontarji, l-apprendisti bla ħlas u l-individwi involuti f’forom oħra ta’ xogħol (6), mhumiex inklużi fl-impjieg abbażi ta’ dawk l-attivitajiet.

(11)

“persuni qiegħda” tinkludi lil persuni ta’ bejn il-15 u l-74 sena (fi snin magħluqa sa tmiem il-ġimgħa ta’ referenza) li:

Għall-finijiet biex jiġi identifikat tiftix attiv għal impjieg, dawn l-attivitajiet huma:

Il-ħaddiema staġunali li ma kinux fuq il-post tax-xogħol tul il-ġimgħa ta’ referenza (meta tonqos l-attività), iżda li mistennija jerġgħu lura għall-impjieg staġunali tagħhom iridu jitqiesu li “sabu impjieg”.

(12)

“persuni barra mill-forza tax-xogħol” tinkludi lil persuni li kienu f’xi kategorija minn dawn li ġejjin: