12.9.2019

Il-Ġurnal Uffiċjali tal-Unjoni Ewropea

L 235/1

DEĊIŻJONI TAL-KUNSILL (UE) 2019/1398

tal-10 ta' Settembru 2019

li taħtar tliet membri, proposti mir-Repubblika Taljana, fil-Kumitat tar-Reġjuni

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 305 tiegħu,

Filwaqt li kkunsidra l-proposta mill-Gvern Taljan,

Billi:

(1)

Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020. Fit-8 ta' Ottubru 2018, bid-Deċiżjoni tal-Kunsill (UE) 2018/1510 (4), is-Sinjura Micaela FANELLI reġgħet inħatret bħala membru biex jittieħed kont tal-mandat il-ġdid tagħha.

(2)	Konsegwentement għal tmiem il-mandati tas-Sinjura Micaela FANELLI u tas-Sinjura Catiuscia MARINI saru vakanti s-siġġijiet ta' żewġ membri fil-Kumitat tar-Reġjuni.

(3)	Konsegwentement għal tmiem il-mandat li abbażi tiegħu kien ġie propost is-Sur Matteo Luigi BIANCHI (Sindaco del Comune di Morazzone (VA)), sar vakanti s-siġġu ta' membru fil-Kumitat tar-Reġjuni.

ADOTTA DIN ID-DEĊIŻJONI:

Artikolu 1

Huma b'dan maħturin bħala membri fil-Kumitat tar-Reġjuni għall-bqija tal-mandat attwali, li jintemm fil-25 ta' Jannar 2020:

—	Is-Sinjura Virginia RAGGI, Sindaco di Roma Capitale,

—	Is-Sur Alberto CIRIO, Presidente della Regione Piemonte,

—	Is-Sur Matteo Luigi BIANCHI, Consigliere del Comune di Morazzone (VA) (bidla fil-mandat).

Artikolu 2

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmula fi Brussell, l-10 ta' Settembru 2019.

Għall-Kunsill

Il-President

T. TUPPURAINEN

(1) Id-Deċiżjoni tal-Kunsill (UE) 2015/116 tas-26 ta' Jannar 2015 li taħtar il-membri u l-membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 20, 27.1.2015, p. 42).

(2) Id-Deċiżjoni tal-Kunsill (UE) 2015/190 tal-5 ta' Frar 2015 li taħtar il-membri u membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 31, 7.2.2015, p. 25).

(3) Id-Deċiżjoni tal-Kunsill (UE) 2015/994 tat-23 ta' Ġunju 2015 li taħtar il-membri u l-membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 159, 25.6.2015, p. 70).

(4) Id-Deċiżjoni tal-Kunsill (UE) 2018/1510 tat-8 ta' Ottubru 2018 li taħtar żewġ membri, proposti mir-Repubblika Taljana, fil-Kumitat tar-Reġjuni (ĠU L 255, 11.10.2018, p. 15).

12.9.2019

Il-Ġurnal Uffiċjali tal-Unjoni Ewropea

L 235/3

DEĊIŻJONI TA' IMPLIMENTAZZJONI TAL-KUMMISSJONI (UE) 2019/1399

tal-10 ta' Settembru 2019

li temenda d-Deċiżjoni ta' Implimentazzjoni 2014/909/UE fir-rigward tal-lista ta' żoni soġġetti għall-miżuri protettivi b'rabta mal-koleotteru tal-ġabsala fl-Italja

(notifikata bid-dokument C(2019) 6418)

(It-test bit-Taljan biss huwa awtentiku)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju applikabbli għall-kummerċ intra-Unjoni ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,

Billi:

(1)

Id-Deċiżjoni ta' Implimentazzjoni tal-Kummissjoni 2014/909/UE (3) stabbiliet ċerti miżuri protettivi li jeħtieġ jittieħdu mill-Italja wara l-okkorrenzi tal-koleotteru tal-ġabsala (Aethina tumida) f'ċerti żoni, oriġinarjament fir-reġjuni ta' Calabria u Sqallija. Wara l-iżviluppi epidemjoloġiċi f'dawn l-aħħar snin u wara d-dħul fis-seħħ tad-Deċiżjoni ta' Implimentazzjoni tal-Kummissjoni (UE) 2017/370 (4), dawk il-miżuri huma attwalment limitati għar-reġjun ta' Calabria.

(2)

Fil-21 ta' Ġunju 2019, l-Italja nnotifikat lill-Kummissjoni dwar okkorrenza ġdida tal-koleotteru tal-ġabsala fi Sqallija. B'konsegwenza ta' dan, il-lista taż-żoni soġġetti għall-miżuri protettivi previsti fl-Anness tad-Deċiżjoni ta' Implimentazzjoni 2014/909/UE jenħtieġ li tiġi estiża biex terġa' tinkludi r-reġjun ta' Sqallija.

(3)	Għaldaqstant, jenħtieġ li d-Deċiżjoni ta' Implimentazzjoni 2014/909/UE tiġi emendata skont dan.

(4)	Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

It-tabella tal-Anness tad-Deċiżjoni ta' Implimentazzjoni 2014/909/UE hija sostitwita b'dan li ġej:

“Stat Membru	Żoni soġġetti għall-miżuri protettivi
L-Italja	Ir-Reġjun ta' Calabria: Ir-Reġjun kollu
L-Italja	Ir-Reġjun ta' Sqallija: Ir-Reġjun kollu”

Artikolu 2

Din id-Deċiżjoni hija indirizzata lir-Repubblika Taljana.

Magħmul fi Brussell, l-10 ta' Settembru 2019.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU L 395, 30.12.1989, p. 13.

(2) ĠU L 224, 18.8.1990, p. 29.

(3) Id-Deċizjoni ta' Implimentazzjoni tal-Kummissjoni 2014/909/UE tat-12 ta' Diċembru 2014 dwar ċerti miżuri protettivi fir-rigward tal-okkorrenzi konfermati tal-koleotteru tal-ġabsala fl-Italja (ĠU L 359, 16.12.2014, p. 161).

(4) Id-Deċiżjoni ta' Implimentazzjoni tal-Kummissjoni (UE) 2017/370 tal-1 ta' Marzu 2017 li temenda d-Deċiżjoni ta' Implimentazzjoni tal-Kummissjoni 2014/909/UE billi testendi l-perjodu ta' applikazzjoni ta' ċerti miżuri protettivi u temenda l-lista ta' żoni suġġetti għal miżuri protettivi fir-rigward tal-koleotteru tal-ġabsala fl-Italja (ĠU L 56, 3.3.2017, p. 213).

12.9.2019

Il-Ġurnal Uffiċjali tal-Unjoni Ewropea

L 235/5

DEĊIŻJONI TAL-KUMITAT KONĠUNT TAŻ-ŻEE Nru 84/2019

tad-29 ta' Marzu 2019

li temenda l-Anness IX (Servizzi finanzjarji) tal-Ftehim ŻEE [2019/1400]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikolu 98 tiegħu,

Billi:

(1)	Ir-Regolament (UE) 2017/1129 tal-Parlament Ewropew u tal-Kunsill tal-14 ta' Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar id-Direttiva 2003/71/KE (1) għandu jiġi inkorporat fil-Ftehim ŻEE.

(2)	Ir-Regolament (UE) 2017/1129 iħassar id-Direttiva 2003/71/KE tal-Parlament Ewropew u tal-Kunsill (2), li hija inkorporata fil-Ftehim ŻEE u li għalhekk, bħala konsegwenza, għandha titħassar skont il-Ftehim ŻEE b'effett mill-21 ta' Lulju 2019.

(3)	Għalhekk, l-Anness IX tal-Ftehim ŻEE jenħtieġ li jiġi emendat skont dan,

ADOTTA DIN ID-DEĊIŻJONI:

Artikolu 1

L-Anness IX tal-Ftehim ŻEE għandu jiġi emendat kif ġej:

1.	Il-punt 29b (id-Direttiva 2003/71/KE tal-Parlament Ewropew u tal-Kunsill) jitħassar b'effett mill-21 ta' Lulju 2019.

Dan li ġej jiddaħħal wara l-punt 29bc (ir-Regolament Delegat tal-Kummissjoni (UE) 2016/301):

“29bd.

32017 R 1129: Ir-Regolament (UE) 2017/1129 tal-Parlament Ewropew u tal-Kunsill tal-14 ta' Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar id-Direttiva 2003/71/KE (ĠU L 168, 30.6.2017, p. 12).

Id-dispożizzjonijiet tar-Regolament għandhom, għall-finijiet ta' dan il-Ftehim, jinqraw bl-adattamenti li ġejjin:

(a)

Minkejja d-dispożizzjonijiet tal-Protokoll 1 ta' dan il-Ftehim, u sakemm ma jkunx provdut mod ieħor f'dan il-Ftehim, it-termini ‘Stat Membru/i’ u ‘awtoritajiet kompetenti’ għandhom jinftiehmu li jinkludu, apparti t-tifsira tagħhom fir-Regolament, l-Istati tal-EFTA u l-awtoritajiet kompetenti tagħhom, rispettivament.

(b)	Referenzi għal atti oħrajn fir-Regolament għandhom jitqiesu rilevanti sal-punt u b'mod li dawk l-atti jiġu inkorporati fil-Ftehim.

(c)	Fl-Artikolu 9(3), il-kliem ‘jew id-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 84/2019 tad-29 ta' Marzu 2019, skont liema waħda tiġi l-aħħar’ għandu jiddaħħal wara l-kliem ‘il-21 ta' Lulju 2019’.

(d)	Fl-Artikolu 22(11), il-kliem ‘id-dritt tal-Unjoni’ għandu jiġi sostitwit bil-kliem ‘il-Ftehim ŻEE’.

(e)	Fit-tieni sentenza tal-Artikolu 33(5), il-kliem ‘jew, skont il-każ, l-Awtorità ta' Sorveljanza tal-EFTA’ għandu jiddaħħal wara l-kelma ‘ESMA’.

(f)	Fl-Artikolu 34(1), fir-rigward tal-Istati tal-EFTA, il-kliem ‘u l-Awtorità ta' Sorveljanza tal-EFTA’ għandu jiddaħħal wara l-kelma ‘ESMA’.

(g)	Fl-Artikolu 35(2), il-kliem ‘stipulat mill-Unjoni’ għandu jiġi sostitwit bi ‘tal-Ftehim ŻEE’.

(h)	Fit-tieni sentenza tal-Artikolu 37(3), il-kliem ‘jew, skont il-każ, l-Awtorità ta' Sorveljanza tal-EFTA’ għandu jiddaħħal wara l-kelma ‘ESMA’.

(i)	Fl-Artikolu 38(2)(d), il-kliem ‘id-dritt tal-Unjoni’ għandu jinqara ‘dispożizzjonijiet tal-Ftehim ŻEE’.

(j)	Fl-Artikolu 46(3), il-kliem ‘jew id-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 84/2019 tad-29 ta' Marzu 2019, skont liema waħda tiġi l-aħħar’ għandu jiddaħħal wara l-kliem ‘il-21 ta' Lulju 2019’.

(k)	Fl-Artikolu 49(2) u (3), il-kliem ‘jew id-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 84/2019 tad-29 ta' Marzu 2019, skont liema waħda tiġi l-aħħar’ għandu jiddaħħal wara l-kliem ‘il-21 ta' Lulju 2019’.

(l)	Fl-Artikolu 49(2), il-kliem ‘il-21 ta' Lulju 2018’ u l-kliem ‘l-20 ta' Lulju 2017’ għandu jinqara ‘id-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 84/2019 tad-29 ta' Marzu 2019’.”

Artikolu 2

It-test tar-Regolament (UE) 2017/1129 bl-Iżlandiż u bin-Norveġiż, li għandu jiġi ppubblikat fis-Suppliment taż-ŻEE ta' Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fit-30 ta' Marzu 2019 jew fil-jum ta' wara l-aħħar notifika skont l-Artikolu 103(1) tal-Ftehim taż-ŻEE (*1), skont liema minnhom jiġi l-aħħar.

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta' Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.

Magħmul fi Brussell, id-29 ta' Marzu 2019.

Għall-Kumitat Konġunt taż-ŻEE

Il-President

Claude MAERTEN

(1) ĠU L 168, 30.6.2017, p. 12.

(2) ĠU L 345, 31.12.2003, p. 64.

(*1) Hemm indikati rekwiżiti kostituzzjonali.

12.9.2019

Il-Ġurnal Uffiċjali tal-Unjoni Ewropea

L 235/7

DEĊIŻJONI TAL-KUMITAT KONĠUNT TAŻ-ŻEE Nru 188/2019

tal-10 ta' Lulju 2019

li temenda l-Anness IX (Servizzi Finanzjarji) tal-Ftehim ŻEE [2019/1401]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikolu 98 tiegħu,

Billi:

(1)

Ir-Regolament Delegat tal-Kummissjoni (UE) 2019/979 tal-14 ta' Marzu 2019 li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-istandards tekniċi regolatorji dwar l-informazzjoni finanzjarja ewlenija fis-sommarju ta' prospett, il-pubblikazzjoni u l-klassifikazzjoni tal-prospetti, ir-reklami għal titoli, is-supplimenti għal prospett, u l-portal ta' notifika, u li jħassar ir-Regolament ta' Delega tal-Kummissjoni (UE) Nru 382/2014 u r-Regolament Delegat tal-Kummissjoni (UE) 2016/301 (1) għandu jiġi inkorporat fil-Ftehim ŻEE.

(2)

Ir-Regolament Delegat tal-Kummissjoni (UE) 2019/980 tal-14 ta' Marzu 2019 li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-format, il-kontenut, l-iskrutinju u l-approvazzjoni tal-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar ir-Regolament tal-Kummissjoni (KE) Nru 809/2004 (2) għandu jiġi inkorporat fil-Ftehim ŻEE.

(3)	Ir-Regolament Delegat (UE) 2019/979 iħassar ir-Regolamenti Delegati tal-Kummissjoni (UE) Nru 382/2014 (3) u (UE) 2016/301 (4), li huma inkorporati fil-Ftehim ŻEE u li konsegwentement għandhom jitħassru skont il-Ftehim ŻEE b'effett mill-21 ta' Lulju 2019.

(4)	Ir-Regolament Delegat (UE) 2019/980 iħassar ir-Regolament tal-Kummissjoni (KE) Nru 809/2004 (5), li huwa inkorporat fil-Ftehim ŻEE, u li konsegwentement għandu jitħassar skont il-Ftehim ŻEE b'effett mill-21 ta' Lulju 2019.

(5)	Għalhekk, l-Anness IX tal-Ftehim ŻEE jenħtieġ li jiġi emendat skont dan,

ADOTTA DIN ID-DEĊIŻJONI:

Artikolu 1

1. Il-punti li ġejjin jiddaħħlu wara l-punt 29bd (ir-Regolament (UE) 2017/1129 tal-Parlament Ewropew u tal-Kunsill) tal-Anness IX tal-Ftehim ŻEE:

“29bda.

32019 R 0979: Ir-Regolament Delegat tal-Kummissjoni (UE) 2019/979 tal-14 ta' Marzu 2019 li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-istandards tekniċi regolatorji dwar l-informazzjoni finanzjarja ewlenija fis-sommarju ta' prospett, il-pubblikazzjoni u l-klassifikazzjoni tal-prospetti, ir-reklami għal titoli, is-supplimenti għal prospett, u l-portal ta' notifika, u li jħassar ir-Regolament ta' Delega tal-Kummissjoni (UE) Nru 382/2014 u r-Regolament Delegat tal-Kummissjoni (UE) 2016/301 (ĠU L 166, 21.6.2019, p. 1).

29bdb.

32019 R 0980: Ir-Regolament Delegat tal-Kummissjoni (UE) 2019/980 tal-14 ta' Marzu 2019 li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-format, il-kontenut, l-iskrutinju u l-approvazzjoni tal-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar ir-Regolament tal-Kummissjoni (KE) Nru 809/2004 (ĠU L 166, 21.6.2019, p. 26).”

2. It-testi tal-punti 29ba (ir-Regolament tal-Kummissjoni (KE) Nru 809/2004, 29bb (ir-Regolament ta' Delega tal-Kummissjoni (UE) Nru 382/2014) u 29bc (ir-Regolament Delegat tal-Kummissjoni (UE) 2016/301) tal-Anness IX tal-Ftehim ŻEE għandhom jitħassru b'effett mill-21 ta' Lulju 2019.

Artikolu 2

It-testi tar-Regolamenti Delegati (UE) 2019/979 u (UE) 2019/980 bl-Iżlandiż u bin-Norveġiż, li għandhom jiġu ppubblikati fis-Suppliment taż-ŻEE ta' Il-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fil-11 ta' Lulju 2019, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta' Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.

Magħmul fi Brussell, l-10 ta' Lulju 2019.

Għall-Kumitat Konġunt taż-ŻEE

Il-President

Gunnar PÁLSSON

(1) ĠU L 166, 21.6.2019, p. 1.

(2) ĠU L 166, 21.6.2019, p. 26.

(3) ĠU L 111, 15.4.2014, p. 36.

(4) ĠU L 58, 4.3.2016, p. 13.

(5) ĠU L 149, 30.4.2004, p. 1.

(*1) Ma huwa indikat l-ebda rekwiżit kostituzzjonali.

12.9.2019

Il-Ġurnal Uffiċjali tal-Unjoni Ewropea

L 235/9

DEĊIŻJONI TAL-KUMITAT KONĠUNT TAŻ-ŻEE Nru 190/2019

tal-10 ta' Lulju 2019

li temenda l-Anness IX (Servizzi finanzjarji) u l-Anness XIX (Protezzjoni tal-konsumatur) tal-Ftehim ŻEE [2019/1402]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikolu 98 tiegħu,

Billi:

(1)

Ir-Regolament (UE) 2016/1011 tal-Parlament Ewropew u tal-Kunsill tat-8 ta' Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta' fondi ta' investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (1) għandu jiġi inkorporat fil-Ftehim ŻEE.

(2)	Għalhekk, l-Annessi IX u XIX tal-Ftehim ŻEE jenħtieġ li jiġu emendati skont dan,

ADOTTA DIN ID-DEĊIŻJONI:

Artikolu 1

L-Anness IX tal-Ftehim ŻEE għandu jiġi emendat kif ġej:

Dan li ġej jiddaħħal wara l-punt 31k (ir-Regolament (UE) 2015/751 tal-Parlament Ewropew u tal-Kunsill):

“31l.

32016 R 1011: Ir-Regolament (UE) 2016/1011 tal-Parlament Ewropew u tal-Kunsill tat-8 ta' Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta' fondi ta' investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (ĠU L 171, 29.6.2016, p. 1).

Id-dispożizzjonijiet tar-Regolament għandhom, għall-finijiet ta' dan il-Ftehim, jinqraw bl-adattamenti li ġejjin:

(a)

Minkejja d-dispożizzjonijiet tal-Protokoll 1 ta' dan il-Ftehim, u sakemm ma jkunx provdut mod ieħor f'dan il-Ftehim, it-termini ‘Stat(i) Membru/i’ u ‘awtoritajiet kompetenti’ għandhom jinftiehmu li jinkludu, apparti t-tifsira tagħhom fir-Regolament, l-Istati tal-EFTA u l-awtoritajiet kompetenti tagħhom, rispettivament.

(b)	Fit-tieni subparagrafu tal-Artikolu 46(4), fit-tielet subparagrafu tal-Artikolu 46(10) u fl-ewwel subparagrafu tal-Artikolu 46(11), il-kliem ‘jew skont il-każ, l-Awtorità ta' Sorveljanza tal-EFTA’ għandu jiddaħħal wara l-kelma ‘ESMA’.

(c)	Fl-Artikolu 46(10), il-kliem ‘id-dritt tal-Unjoni’ għandu jiġi sostitwit bil-kliem ‘dispożizzjonijiet tal-Ftehim ŻEE’.

(d)	Fl-Artikolu 47(1), fir-rigward tal-Istati tal-EFTA, il-kliem ‘u l-Awtorità ta' Sorveljanza tal-EFTA’ għandu jiddaħħal wara l-kelma ‘ESMA’.

(e)	Fl-Artikolu 48(3), il-kliem ‘stipulat mill-Unjoni’ għandu jiġi sostitwit bil-kliem ‘tal-Ftehim ŻEE’.”

Artikolu 2

L-inċiż li ġej jiżdied fil-punt 7h (id-Direttiva 2008/48/KE tal-Parlament Ewropew u tal-Kunsill) tal-Anness XIX tal-Ftehim ŻEE:

“—	32016 R 1011: Ir-Regolament (UE) 2016/1011 tal-Parlament Ewropew u tal-Kunsill tat-8 ta' Ġunju 2016 (ĠU L 171, 29.6.2016, p. 1).”

Artikolu 3

It-test tar-Regolament (UE) 2016/1011 bl-Iżlandiż u bin-Norveġiż, li għandu jiġi ppubblikat fis-Suppliment taż-ŻEE ta' Il-Ġurnal Uffiċjali tal-Unjoni Ewropea, għandu jkun awtentiku.

Artikolu 4

Din id-Deċiżjoni għandha tidħol fis-seħħ fl-11 ta' Lulju 2019, jew fil-jum ta' wara l-aħħar notifika skont l-Artikolu 103(1) tal-Ftehim ŻEE (*1), liema minnhom jiġi l-aħħar.

Artikolu 5

Din id-Deċiżjoni għandha tiġi ppubblikata fit-Taqsima taż-ŻEE ta' Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.

Magħmul fi Brussell, l-10 ta' Lulju 2019.

Għall-Kumitat Konġunt taż-ŻEE

Il-President

Gunnar PÁLSSON

(1) ĠU L 171, 29.6.2016, p. 1.

(*1) Hemm indikati rekwiżiti kostituzzjonali.

12.9.2019

Il-Ġurnal Uffiċjali tal-Unjoni Ewropea

L 235/11

Rettifika tar-Regolament ta' Implimentazzjoni tal-Kummissjoni (UE) 2019/1090 tas-26 ta' Ġunju 2019 li jikkonċerna n-nuqqas ta' tiġdid tal-approvazzjoni tas-sustanza attiva dimethoate, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011

( Il-Ġurnal Uffiċjali tal-Unjoni Ewropea L 173 tas-27 ta' Ġunju 2019 )

F'paġna 40, fil-premessa 15,

minflok:

“mis-17 ta' Ottubru 2019”,

aqra:

“mit-30 ta' Settembru 2019”;

minflok:

“mis-17 ta' Lulju 2020”,

aqra:

“mit-30 ta' Ġunju 2020”.

F'paġna 41, fl-Artikolu 3,

minflok:

“mis-17 ta' Jannar 2020”,

aqra:

“mill-31 ta' Diċembru 2019”;

F'paġna 41, fl-Artikolu 4,

minflok:

“mis-17 ta' Ottubru 2019”,

aqra:

“mit-30 ta' Settembru 2019”;

minflok:

“mis-17 ta' Lulju 2020”,

aqra:

“mit-30 ta' Ġunju 2020”.

		ISSN 1977-074X
Il-Ġurnal Uffiċjali tal-Unjoni Ewropea		L 235

Edizzjoni bil-Malti	Leġiżlazzjoni	Volum 62 12 ta' Settembru 2019

Werrej		II Atti mhux leġiżlattivi	Paġna
		DEĊIŻJONIJIET
	*	Deċiżjoni tal-Kunsill (UE) 2019/1398 tal-10 ta' Settembru 2019 li taħtar tliet membri, proposti mir-Repubblika Taljana, fil-Kumitat tar-Reġjuni	1
	*	Deċiżjoni ta' Implimentazzjoni tal-Kummissjoni (UE) 2019/1399 tal-10 ta' Settembru 2019 li temenda d-Deċiżjoni ta' Implimentazzjoni 2014/909/UE fir-rigward tal-lista ta' żoni soġġetti għall-miżuri protettivi b'rabta mal-koleotteru tal-ġabsala fl-Italja (notifikata bid-dokument C(2019) 6418) ( 1 )	3

	III Atti oħrajn
	ŻONA EKONOMIKA EWROPEA
*	Deċiżjoni tal-Kumitat Konġunt taż-ŻEE Nru 84/2019 tad-29 ta' Marzu 2019 li temenda l-Anness IX (Servizzi finanzjarji) tal-Ftehim ŻEE [2019/1400]	5
*	Deċiżjoni tal-Kumitat Konġunt taż-ŻEE Nru 188/2019 tal-10 ta' Lulju 2019 li temenda l-Anness IX (Servizzi Finanzjarji) tal-Ftehim ŻEE [2019/1401]	7
*	Deċiżjoni tal-Kumitat Konġunt taż-ŻEE Nru 190/2019 tal-10 ta' Lulju 2019 li temenda l-Anness IX (Servizzi finanzjarji) u l-Anness XIX (Protezzjoni tal-konsumatur) tal-Ftehim ŻEE [2019/1402]	9

		Rettifika
	*	Rettifika tar-Regolament ta' Implimentazzjoni tal-Kummissjoni (UE) 2019/1090 tas-26 ta' Ġunju 2019 li jikkonċerna n-nuqqas ta' tiġdid tal-approvazzjoni tas-sustanza attiva dimethoate, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011 ( ĠU L 173, 27.6.2019 )	11


	(1) Test b'rilevanza għaż-ŻEE.