1.   L-Istati Membri u l-amministratur ċentrali għandhom jiżguraw li r-Reġistru tal-Unjoni jkun fih kontijiet kif speċifikati fl-Anness I.

2.   Kull tip ta' kont jista' jżomm it-tipi ta' unità kif stabbilit fl-Anness I.

1.   Il-kontijiet għandhom ikunu fi status minn dawn li ġejjin: “miftuħ”, “imblukkat”, “għeluq pendenti” jew “magħluq”. Għal snin partikolari, il-kontijiet jista' jkollhom ukoll l-istatus “eskluż”.

2.   Ma jista' jinbeda l-ebda proċess minn kontijiet imblukkati, għajr għall-proċessi speċifikati fl-Artikoli 22, 31 u 56.

3.   Qabel ma jingħalaq kont, dan jista' jiġi ssettjat għal status ta' “għeluq pendenti” għall-perjodu tar-rimedji disponibbli kontra l-għeluq jew sakemm jiġu ssodisfati l-kundizzjonijiet tal-għeluq, iżda mhux itwal minn 10 snin. Ma jista' jinbeda l-ebda proċess minn kontijiet fi status ta' “għeluq pendenti”, ma jkunux jistgħu jinkisbu unitajiet u l-aċċess kollu għal dawn il-kontijiet għandu jiġi sospiż. Kont li jkollu l-istatus ta' “għeluq pendenti” jista' jiġi ssettjat għal “miftuħ” biss jekk jiġu ssodisfati l-kundizzjonijiet kollha għall-ftuħ ta' kont.

4.   Ma jista' jinbeda l-ebda proċess minn kontijiet magħluqin. Kont magħluq ma jistax jerġa' jinfetaħ, u ma jagħmilx akkwist ta' unitajiet.

5.   Malli installazzjoni tkun eskluża mill-ETS tal-UE skont l-Artikoli 27 jew 27a tad-Direttiva 2003/87/KE, l-amministratur nazzjonali għandu jissettja l-kont ta' depożitu ta' operatur korrispondenti għal status ta' “eskluż” għat-tul tal-esklużjoni.

6.   Malli tasal notifika mingħand l-awtorità kompetenti li t-titjiriet ta' operatur ta' inġenji tal-ajru ma għadhomx inklużi fl-ETS tal-UE f'konformità mal-Anness I għad-Direttiva 2003/87/KE f'sena partikolari, l-amministratur nazzjonali għandu jissettja l-kont ta' depożitu ta' operatur ta' inġenji tal-ajru korrispondenti għal status ta' “eskluż”, wara li jkun ta avviż minn qabel lill-opertatur tal-inġenji tal-ajru kkonċernat u sakemm tasal notifika mingħand l-awtorità kompetenti li t-titjiriet tal-operatur tal-inġenji tal-arju ġew inklużi mill-ġdid fl-ETS tal-UE.

7.   Ma jista' jinbeda l-ebda proċess minn kontijiet esklużi, għajr għall-proċessi speċifikati fl-Artikoli 22 u 57 u l-proċessi speċifikati fl-Artikoli 31 u 56 li jikkorrespondu għall-perjodu fejn l-istatus tal-kont ma jkunx ġie ssettjat għal “eskluż”.

1.   Kull kont għandu jkollu amministratur li għandu jkun responsabbli li jamministra l-kont f'isem l-Istat Membru jew f'isem l-Unjoni.

2.   L-amministratur ta' kont għandu jiġi stabbilit għal kull tip ta' kont kif indikat fl-Anness I.

3.   L-amministratur ta' kont għandu jiftaħ, jissospendi l-aċċess għal, jew jagħlaq kont, ibiddel l-istatus tiegħu, japprova rappreżentanti awtorizzati, jippermetti bidliet fid-dettalji ta' kont li jkunu jeħtieġu l-approvazzjoni tal-amministratur, jibda tranżazzjonijiet kif mitlub mir-rappreżentant tal-kont jew mid-detentur tal-kont f'konformità mal-Artikolu 20(6) u (7) u jibda tranżazzjonijiet skont l-istruzzjonijiet mogħtija mill-awtorità kompetenti jew mill-awtorità rilevanti għall-infurzar tal-liġi f'konformità ma' dan ir-Regolament.

4.   L-amministratur jista' jitlob li d-detenturi tal-kont u r-rappreżentanti tagħhom jaqblu li jikkonformaw ma' termini u kundizzjonijiet raġonevoli li jkunu konsistenti ma' dan ir-Regolament wara li jqisu l-kwistjonijiet stabbiliti fl-Anness II.

5.   Kontijiet għandhom ikunu rregolati mil-liġijiet u jkunu fil-ġuriżdizzjoni tal-Istat Membru tal-amministratur tagħhom, u l-unitajiet miżmumin fihom għandhom jitqiesu li jkunu jinsabu fit-territorju ta' dak l-Istat Membru.

1.   Sistema ta' kklerjar jew sistema tas-saldu kif definiti fir-Regolament (UE) Nru 1031/2010, li hija konnessa ma' pjattaforma tal-irkant maħtura skont l-Artikolu 26 jew l-Artikolu 30 ta' dak ir-Regolament, tista' tissottometti lill-amministratur nazzjonali talba għall-ftuħ ta' kont ta' kunsinna ta' kollateral ta' rkant fir-Reġistru tal-Unjoni. Il-persuna li titlob il-kont għandha tagħti l-informazzjoni stipulata fl-Anness IV.

2.   Fi żmien 20 jum tax-xogħol minn meta jirċievi sett sħiħ ta' informazzjoni f'konformità mal-paragrafu 1 ta' dan l-Artikolu u skont l-Artikolu 21, l-amministratur nazzjonali għandu jiftaħ il-kont ta' kunsinna ta' kollateral ta' rkant fir-Reġistru tal-Unjoni, jew jgħarraf lill-persuna li tkun qed titlob il-kont bir-rifjut tiegħu li jiftaħ il-kont, skont l-Artikolu 19.

3.   Il-kwoti miżmuma f'kont ta' kunsinna ta' kollateral ta' rkant għandhom jikkostitwixxu kollateral kif definit fl-Artikolu 2(m) tad-Direttiva 98/26/KE tal-Parlament Ewropew u tal-Kunsill.

Għall-finijiet tal-Artikolu 9(2) tad-Direttiva 98/26/KE, kont ta' kunsinna ta' kollateral ta' rkant miżmum fir-Reġistru tal-Unjoni għandu jikkostitwixxi l-kont rilevanti u għandu jitqies li jinsab fi, u li huwa rregolat mil-liġijiet ta', l-Istat Membru msemmi fl-Artikolu 10(5) ta' dan ir-Regolament.

1.   Fi żmien 20 jum tax-xogħol mid-dħul fis-seħħ ta' permess għal emissjonijiet ta' gassijiet serra, l-awtorità kompetenti rilevanti jew l-operatur għandhom jagħtu lill-amministratur nazzjonali rilevanti l-informazzjoni stipulata fl-Anness V, u għandhom jitolbu lill-amministratur nazzjonali li jiftaħ kont ta' depożitu ta' operatur fir-Reġistru tal-Unjoni.

2.   Fi żmien 20 jum tax-xogħol minn meta jirċievi sett sħiħ ta' informazzjoni f'konformità mal-paragrafu 1 ta' dan l-Artikolu u skont l-Artikolu 21, l-amministratur nazzjonali għandu jiftaħ kont ta' depożitu ta' operatur għal kull installazzjoni fir-Reġistru tal-Unjoni, jew jgħarraf lid-detentur ta' kont prospettiv bir-rifjut tiegħu li jiftaħ il-kont, skont l-Artikolu 19.

3.   Kont ta' depożitu ta' operatur ġdid jista' jinfetaħ biss jekk l-installazzjoni ma jkollhiex diġà kont ta' depożitu ta' operatur li nfetaħ abbażi tal-istess permess għall-emissjonijiet ta' gassijiet b'effett ta' serra.

1.   Fi żmien 20 jum tax-xogħol mill-approvazzjoni tal-pjan ta' monitoraġġ ta' operatur ta' inġenji tal-ajru, l-awtorità kompetenti jew l-operatur ta' inġenji tal-ajru għandhom jagħtu lill-amministratur nazzjonali rilevanti l-informazzjoni stipulata fl-Anness VII, u għandhom jitolbu lill-amministratur nazzjonali li jiftaħ kont ta' depożitu ta' operatur ta' inġenji tal-ajru fir-Reġistru tal-Unjoni.

2.   Kull operatur ta' inġenji tal-ajru għandu jkollu kont ta' depożitu wieħed ta' operatur ta' inġenji tal-ajru.

3.   L-operaturi ta' inġenji tal-ajru li jwettqu attivitajiet ta' avjazzjoni b'emissjonijiet annwali totali ta' inqas minn 25 000 tunnellata ta' ekwivalenti ta' diossidu tal-karbonju fis-sena, jew li joperaw inqas minn 243 titjira kull perjodu għal tliet perjodi konsekuttivi ta' erba' xhur, jistgħu jagħtu mandat lil persuna fiżika jew entità ġuridika sabiex tiftaħ kont ta' depożitu ta' operatur ta' inġenji tal-ajru u sabiex iċċedi l-kwoti skont l-Artikolu 12(2a) tad-Direttiva 2003/87/KE f'isimhom. Ir-responsabbiltà għall-konformità tibqa' tal-operatur ta' inġenji tal-ajru. Meta jaħtru l-persuna fiżika jew l-entità ġuridika, l-operatur tal-inġenju tal-ajru għandu jiżgura li ma jkunx hemm kunflitt ta' interess bejn il-persuna maħtura jew l-entità jew l-awtoritajiet kompetenti, l-amministraturi nazzjonali, il-verifikaturi jew korpi oħra soġġetti għad-dispożizzjonijiet tad-Direttiva 2003/87/KE u l-atti adotatti għall-implimentazzjoni tagħha. F'dan il-każ, il-persuna fiżika jew l-entità ġuridika mogħtija mandat għandha tipprovdi l-informazzjoni meħtieġa f'konformità mal-paragrafu 1.

4.   Fi żmien 20 jum tax-xogħol minn meta jirċievi sett sħiħ ta' informazzjoni f'konformità mal-paragrafu 1 ta' dan l-Artikolu u skont l-Artikolu 21, l-amministratur nazzjonali għandu jiftaħ kont ta' depożitu ta' operatur ta' inġenji tal-ajru għal kull operatur ta' inġenji tal-ajru fir-Reġistru tal-Unjoni, jew jgħarraf lid-detentur ta' kont prospettiv bir-rifjut tiegħu li jiftaħ il-kont, skont l-Artikolu 19.

5.   Operatur ta' inġenji tal-ajru għandu jkollu kont ta' depożitu wieħed biss ta' operatur ta' inġenji tal-ajru.

1.   Talba għall-ftuħ ta' kont ta' skambju fir-Reġistru tal-Unjoni għandha tiġi sottomessa lill-amministratur nazzjonali mid-detentur ta' kont prospettiv. Id-detentur prospettiv ta' kont għandu jagħti informazzjoni kif rikjesta mill-amministratur nazzjonali, li għandha tinkludi mill-anqas l-informazzjoni murija fl-Anness IV.

2.   L-Istat Membru tal-amministratur nazzjonali jista' jesiġi, bħala kundizzjoni għall-ftuħ ta' kont ta' skambju, li d-detenturi ta' kontijiet prospettivi jkollhom ir-residenza permanenti jew ir-reġistrazzjoni tagħhom fl-Istat Membru tal-amministratur nazzjonali li jamministra l-kont.

3.   L-Istat Membru tal-amministratur nazzjonali jista' jesiġi, bħala kundizzjoni għall-ftuħ ta' kont ta' skambju, li d-detenturi ta' kontijiet prospettivi jkunu rreġistrati għat-taxxa fuq il-valur miżjud (VAT) fl-Istat Membru tal-amministratur nazzjonali tal-kont.

4.   Fi żmien 20 jum tax-xogħol minn meta jirċievi sett sħiħ ta' informazzjoni f'konformità mal-paragrafu 1 ta' dan l-Artikolu u skont l-Artikolu 21, l-amministratur nazzjonali għandu jiftaħ kont ta' skambju fir-Reġistru tal-Unjoni, jew jgħarraf lid-detentur ta' kont prospettiv bir-rifjut tiegħu li jiftaħ il-kont, skont l-Artikolu 19.

1.   Talba għar-reġistrazzjoni ta' verifikatur fir-Reġistru tal-Unjoni għandha tiġi sottomessa lill-amministratur nazzjonali. Il-persuna li titlob ir-reġistrazzjoni għandha tipprovdi l-informazzjoni mitluba mill-amministratur nazzjonali, inkluża l-informazzjoni stipulata fl-Annessi III u V.

2.   Fi żmien 20 jum tax-xogħol minn meta jirċievi sett sħiħ ta' informazzjoni skont il-paragrafu 1 ta' dan l-Artikolu u skont l-Artikolu 21, l-amministratur nazzjonali għandu jirreġistra l-verifikatur fir-Reġistru tal-Unjoni jew jgħarraf lill-verifikatur prospettiv bir-rifjut, skont l-Artikolu 19.

1.   L-amministratur nazzjonali għandu jivverifika jekk l-informazzjoni u d-dokumenti pprovduti għall-ftuħ ta' kont jew għar-reġistrazzjoni humiex kompleti, aġġornati, preċiżi u veri.

Fil-każ ta' dubji ġustifikati, l-amministratur nazzjonali jista' jitlob assistenza minn amministratur nazzjonali ieħor fit-twettiq tal-verifika msemmija fl-ewwel subparagrafu. L-amministratur li jkun irċieva talba bħal din jista' jirrifjutaha. Id-detentur tal-kont jew il-verifikatur prospettiv jista' jitlob espliċitament lill-amministratur nazzjonali sabiex jitlob tali assistenza. L-amministratur nazzjonali għandu jgħarraf lid-detentur jew verifikatur ta' kont prospettiv b'tali talba għal assistenza.

2.   Amministratur nazzjonali jista' jirrifjuta li jiftaħ kont jew li jirreġistra verifikatur:

3.   Meta l-amministratur nazzjonali jirrifjuta li jiftaħ kont ta' depożitu ta' operatur jew kont ta' depożitu ta' operatur tal-inġenji tal-ajru f'konformità mal-paragrafu 2, il-kont jista' jinfetaħ fuq struzzjoni mill-awtorità kompetenti. L-aċċess kollu għall-kont għandu jiġi sospiż f'konformità mal-Artikolu 30(4) sakemm ir-raġunijiet għar-rifjut elenkati fil-paragrafu 2 ma jibqgħux aktar preżenti.

4.   Jekk l-amministratur nazzjonali jirrifjuta li jiftaħ kont, il-persuna li tkun qed titlob il-ftuħ ta' kont tista' toġġezzjona mal-awtorità kompetenti jew mal-awtorità rilevanti skont id-dritt nazzjonali, li għandha jew tagħti struzzjoni lill-amministratur nazzjonali sabiex jiftaħ il-kont jew inkella tikkonferma r-rifjut f'deċiżjoni motivata, soġġetta għar-rekwiżiti tal-liġi nazzjonali li jfittxu objettiv leġittimu kompatibbli ma' dan ir-Regolament u li jkunu proporzjonati.

1.   L-amministratur ċentrali għandu jiżgura li r-rappreżentanti awtorizzati ta' kontijiet fir-Reġistru tal-Unjoni jkunu jistgħu jaċċessaw il-kontijiet rilevanti u jkollhom wieħed mid-drittijiet li ġejjin f'isem id-detentur ta' kont:

2.   Fil-ftuħ, kull kont għandu jkollu mill-inqas żewġ rappreżentanti awtorizzati b'waħda mill-kombinazzjonijiet ta' drittijiet li ġejjin:

3.   Il-verifikaturi għandu jkollhom mill-inqas rappreżentant awtorizzat wieħed li jibda l-proċessi rilevanti f'isem il-verifikatur. Rappreżentant ta' verifikatur ma jistax ikun rappreżentant ta' kont.

4.   Id-detenturi ta' kontijiet jistgħu jiddeċiedu li l-approvazzjoni ta' rappreżentant awtorizzat ieħor mhijiex neċessarja sabiex jiġu proposti trasferimenti għall-eżekuzzjoni għal kontijiet fuq il-lista ta' kontijiet ta' fiduċja stabbilita skont l-Artikolu 23. Id-detentur ta' kont jista' jirtira din id-deċiżjoni. Id-deċiżjoni u l-irtirar tad-deċiżjoni għandhom jiġu kkomunikati f'dikjarazzjoni debitament iffirmata sottomessa lill-amministratur nazzjonali.

5.   Flimkien mar-rappreżentanti awtorizzati speċifikati fil-paragrafi 1 u 2, il-kontijiet jista' jkollhom ukoll rappreżentanti awtorizzati b'aċċess għall-kont “sabiex jinqara biss”.

6.   Jekk rappreżentant awtorizzat ma jkunx jista' jaċċessa r-Reġistru tal-Unjoni għal raġunijiet tekniċi jew għal raġunijiet oħrajn, l-amministratur nazzjonali, f'konformità mad-drittijiet assenjati lil dak ir-rappreżentant awtorizzat, jista' jibda jew japprova t-tranżazzjonijiet f'isem ir-rappreżentant awtorizzat jekk jintalab, sakemm l-amministratur nazzjonali jippermetti talbiet bħal dawn u li l-aċċess tar-rappreżentant awtorizzat ma jkunx ġie sospiż f'konformità ma' dan ir-Regolament.

7.   Jekk ir-rappreżentanti awtorizzati ta' kont ma jkunux jistgħu jaċċessaw ir-Reġistru tal-Unjoni, id-detenturi tal-kontijiet jistgħu jitolbu lill-amministratur nazzjonali sabiex jipproponi proċess għall-eżekuzzjoni f'isimhom, f'konformità ma' dan ir-Regolament, sakemm l-amministratur nazzjonali jippermetti talbiet bħal dawn. Dawn it-talbiet ma jistgħux isiru għal kontijiet fi status “magħluqin”.

8.   L-ispeċifikazzjonijiet tekniċi u ta' skambju tad-data stipulati fl-Artikolu 75 jistgħu jiffissaw numru massimu ta' rappreżentanti awtorizzati għal kull tip ta' kont.

9.   Ir-rappreżentanti awtorizzati għandhom ikunu persuni fiżiċi ta' 'l fuq minn 18-il sena. Ir-rappreżentanti awtorizzati kollha ta' kont wieħed għandhom ikunu persuni differenti, iżda l-istess persuna tista' tkun rappreżentant awtorizzat fuq aktar minn kont wieħed. L-Istat Membru tal-amministratur nazzjonali jista' jesiġi li mill-inqas wieħed mir-rappreżentanti awtorizzati ta' kont għandu jkun resident permanenti f'dak l-Istat Membru, ħlief għar-rappreżentanti tal-verifikaturi.

1.   Meta jitlob il-ftuħ ta' kont jew ir-reġistrazzjoni ta' verifikatur, id-detentur jew il-verifikatur ta' kont prospettiv għandu jinnomina għadd ta' rappreżentanti awtorizzati f'konformità mal-Artikolu 20.

2.   Meta jinnomina rappreżentant awtorizzat, id-detentur ta' kont għandu jipprovdi informazzjoni kif mitlub mill-amministratur. Dik l-informazzjoni għandha tinkludi mill-inqas l-informazzjoni stabbilita fl-Anness VIII.

Jekk ir-rappreżentant awtorizzat prospettiv diġà jkun ġie nnominat għal kont u jekk id-detentur ta' kont jitlob hekk, l-amministratur nazzjonali jista' juża d-dokumentazzjoni li tkun ġiet sottomessa fin-nomina preċedenti għall-finijiet tal-verifika msemmija fil-paragrafu 4.

3.   Fi żmien 20 jum tax-xogħol minn meta jirċievi sett sħiħ ta' informazzjoni mitluba f'konformità mal-paragrafu 2, l-amministratur nazzjonali għandu japprova rappreżentant awtorizzat, jew jgħarraf lid-detentur ta' kont bir-rifjut tiegħu. Fejn l-evalwazzjoni tal-informazzjoni tal-persuna nominata tkun teħtieġ aktar żmien, l-amministratur jista' jestendi l-proċess tal-evalwazzjoni b'mhux aktar minn 20 jum tax-xogħol addizzjonali, u jinnotifika l-estensjoni lid-detentur ta' kont.

4.   L-amministratur nazzjonali għandu jivverifika jekk l-informazzjoni u d-dokumenti pprovduti għan-nomina ta' rappreżentant awtorizzat humiex kompleti, aġġornati, preċiżi u veri.

Fil-każ ta' dubji ġustifikati, l-amministratur nazzjonali jista' jitlob assistenza minn amministratur nazzjonali ieħor fit-twettiq tal-verifika msemmija fl-ewwel subparagrafu. L-amministratur li jkun irċieva talba bħal din jista' jirrifjutaha. Id-detentur tal-kont jew il-verifikatur prospettiv jista' jitlob espliċitament lill-amministratur nazzjonali sabiex jitlob tali assistenza. L-amministratur nazzjonali għandu jgħarraf lid-detentur jew verifikatur ta' kont prospettiv b'tali talba għal assistenza.

5.   Amministratur nazzjonali jista' jirrifjuta li japprova rappreżentant awtorizzat:

6.   Jekk l-amministratur nazzjonali jkun irrifjuta li japprova rappreżentant awtorizzat, id-detentur ta' kont jista' joġġezzjona mal-awtorità rilevanti skont id-dritt nazzjonali, li għandha jew tagħti struzzjoni lill-amministratur nazzjonali sabiex japprova r-rappreżentant jew inkella tikkonferma r-rifjut b'deċiżjoni motivata, soġġetta għar-rekwiżiti tad-dritt nazzjonali li jsegwu objettiv leġittimu kompatibbli ma' dan ir-Regolament, u li jkunu proporzjonati.

1.   Id-detenturi tal-kontijiet kollha għandhom jinnotifikaw lill-amministratur nazzjonali fi żmien għaxart (10) ijiem tax-xogħol bil-bidliet fl-informazzjoni dwar il-kont. Barra minn hekk, id-detenturi ta' kontijiet għandhom jikkonfermaw mal-amministratur nazzjonali, sal-31 ta' Diċembru ta' kull sena, li l-informazzjoni dwar il-kont tagħhom għadha kompleta, aġġornata, preċiża u vera.

2.   L-operaturi u l-operaturi ta' inġenji tal-ajru għandhom jinnotifikaw lill-amministratur tal-kont tagħhom fi żmien 10 ijiem tax-xogħol jekk ikunu għaddew minn fużjoni jew qasma.

3.   In-notifika ta' tibdil għandha tkun sostnuta b'informazzjoni kif rikjest mill-amministratur nazzjonali b'konformità ma' din it-Taqsima. Fi żmien 20-il jum tax-xogħol minn meta jirċievi notifika u informazzjoni sustantiva bħal dawk, l-amministratur nazzjonali rilevanti għandu japprova l-aġġornament tal-informazzjoni. L-amministratur jista' jirrifjuta li jaġġorna l-informazzjoni f'konformità mal-Artikolu 21(4) u (5). Id-detentur ta' kont għandu jkun innotifikat b'kull rifjut bħal dak. L-oġġezzjonijiet għal rifjuti bħal dawn jistgħu jitqajmu mal-awtorità kompetenti jew mal-awtorità rilevanti skont id-dritt nazzjonali f'konformità mal-Artikolu 19(4).

4.   Mill-inqas darba kull tliet snin, l-amministratur nazzjonali għandu jirrevedi jekk l-informazzjoni dwar il-kont tkunx għadha kompleta, aġġornata, preċiża u vera, u għandu jitlob li d-detentur ta' kont jinnotifika kwalunkwe tibdil skont kif ikun xieraq. Għall-kontijiet ta' depożitu ta' operaturi, il-kontijiet ta' depożitu ta' operaturi ta' inġenji tal-ajru u l-verifikaturi, ir-reviżjoni għandha ssir mill-inqas darba kull ħames snin.

5.   Id-detentur ta' kont ta' depożitu ta' operatur jista' biss ibiegħ il-kont tiegħu ta' depożitu ta' operatur jew jiżvesti lilu nnifsu minnu flimkien mal-installazzjoni konnessa mal-kont ta' depożitu ta' operatur.

6.   Soġġett għall-paragrafu 5, l-ebda detentur ta' kont ma jista' jbiegħ il-kont tiegħu lil persuna oħra jew jiżvesti lilu nnifsu milli jkun is-sid tiegħu.

7.   Meta l-entità ġuridika li jkollha kont fir-Reġistru tal-Unjoni tinbidel minħabba fużjoni jew qasma tad-detenturi tal-kont, id-detentur tal-kont għandu jkun is-suċċessur legali tad-detentur ta' kont preċedenti mas-sottomissjoni tad-dokumentazzjoni meħtieġa skont l-Artikoli 14, 15 jew 16.

8.   Rappreżentant awtorizzat ma jistax jittrasferixxi l-istatus tiegħu bħala tali lil persuna oħra.

9.   Detentur ta' kont jew verifikatur jista' jitlob it-tneħħija ta' rappreżentant awtorizzat. Malli jirċievi t-talba, l-amministratur nazzjonali għandu jissospendi l-aċċess tar-rappreżentant awtorizzat. Fi żmien għaxart (20) ijiem tax-xogħol minn meta jirċievi t-talba, l-amministratur rilevanti għandu jneħħi r-rappreżentant awtorizzat.

10.   Detentur ta' kont jista' jinnomina rappreżentanti awtorizzati ġodda f'konformità mal-Artikolu 21.

11.   Jekk l-Istat Membru li jamministra operatur ta' inġenji tal-ajru jinbidel f'konformità mal-proċedura stabbilita fl-Artikolu 18a tad-Direttiva 2003/87/KE, l-amministratur ċentrali għandu jaġġorna lill-amministratur nazzjonali dwar il-kont ta' depożitu ta' operatur ta' inġenji tal-ajru korrispondenti. Meta l-amministratur ta' kont ta' depożitu ta' operatur ta' inġenji tal-ajru jinbidel, l-amministratur il-ġdid jista' jesiġi li l-operatur ta' inġenji tal-ajru jissottometti l-informazzjoni meħtieġa minnu għall-ftuħ ta' kont f'konformità mal-Artikolu 15, kif ukoll l-informazzjoni meħtieġa minnu dwar ir-rappreżentanti awtorizzati f'konformità mal-Artikolu 21.

12.   Soġġett għall-paragrafu 11, l-Istat Membru responsabbli għall-maniġġjar ta' kont m'għandux jinbidel.

1.   Il-kontijiet fir-Reġistru tal-Unjoni jista' jkollhom lista ta' kontijiet ta' fiduċja.

2.   Il-kontijiet miżmuma mill-istess detentur ta' kont u amministrati mill-istess amministratur nazzjonali għandhom ikunu inklużi awtomatikament fil-lista ta' kontijiet ta' fiduċja.

3.   Il-Kont tal-Allokazzjonijiet tal-UE u l-Kont tat-Tħassir tal-Unjoni għandhom ikunu inklużi awtomatikament fil-lista ta' kontijiet ta' fiduċja

4.   Il-bidliet fil-lista ta' kontijiet ta' fiduċja għandhom jiġu proposti għall-eżekuzzjoni u ffinalizzati permezz tal-proċedura stabbilita fl-Artikolu 35. Il-bidla għandha tinbeda u tiġi approvata minn żewġ rappreżentanti awtorizzati intitolati sabiex jibdew u japprovaw il-proċessi, rispettivament. L-eżekuzzjoni tal-bidla proposta għandha tkun immedjata għat-tħassir tal-kontijiet mil-lista ta' kontijiet ta' fiduċja. Għall-bidliet l-oħrajn kollha fil-lista ta' kontijiet ta' fiduċja, l-eżekuzzjoni għandha sseħħ f'12:00 Ħin tal-Ewropa Ċentrali (CET) fir-raba' jum tax-xogħol wara l-proposta.

1.   L-awtorità kompetenti għandha tinnotifika lill-amministratur nazzjonali fi żmien għaxart (10) ijiem tax-xogħol mill-irtirar ta' permess għall-emissjonijiet ta' gassijiet b'effett ta' serra jew l-għarfien tal-waqfien tat-tħaddim ta' installazzjoni. Fi żmien għaxart (10) ijiem tax-xogħol ta' notifika bħal dik, l-amministratur nazzjonali għandu jirreġistra d-data rilevanti fir-Reġistru tal-Unjoni.

2.   L-amministratur nazzjonali jista' jagħlaq kont ta' depożitu ta' operatur jekk jiġu ssodisfati l-kundizzjonijiet li ġejjin:

1.   L-awtorità kompetenti għandha tinnotifika lill-amministratur nazzjonali fi żmien għaxart (10) ijiem tax-xogħol min-notifika mid-detentur ta' kont jew minn meta jiġi skopert, wara li tiġi eżaminata evidenza oħra, li l-operatur ta' inġenji tal-ajru ngħaqad ma' operatur ieħor ta' inġenji tal-ajru jew li l-operatur ta' inġenji tal-ajru waqqaf l-operazzjonijiet kollha tiegħu koperti mill-Anness I għad-Direttiva 2003/87/KE.

2.   L-amministratur nazzjonali jista' jagħlaq kont ta' depożitu ta' operatur ta' inġenji tal-ajru jekk jiġu ssodisfati l-kundizzjonijiet li ġejjin:

1.   Fi żmien għaxart (10) ijiem tax-xogħol minn meta jirċievi talba mingħand verifikatur sabiex ineħħi l-verifikatur mir-Reġistru tal-Unjoni, l-amministratur nazzjonali għandu jneħħi l-verifikatur.

2.   L-awtorità kompetenti tista' wkoll tagħti struzzjoni lill-amministratur nazzjonali sabiex ineħħi verifikatur mir-Reġistru tal-Unjoni meta tiġi ssodisfata waħda mill-kundizzjonijiet li ġejjin:

1.   Jekk is-sitwazzjoni li twassal għas-sospensjoni tal-aċċess għall-kontijiet skont l-Artikolu 30 ma tissolviex f'perjodu ta' żmien raġonevoli minkejja notifiki ripetuti, l-awtorità kompetenti jew l-awtorità rilevanti għall-infurzar tal-liġi tista' tagħti struzzjonijiet lill-amministratur nazzjonali sabiex jagħlaq dawk il-kontijiet li l-aċċess għalihom ikun sospiż.

Fil-każ ta' kontijiet ta' depożitu ta' operatur jew kontijiet ta' depożitu ta' operatur ta' inġenji tal-ajru, l-awtorità kompetenti jew l-awtorità għall-infurzar tal-liġi rilevanti tista' tagħti struzzjonijiet lill-amministratur nazzjonali sabiex jissettja għal status “imblukkat” dawk il-kontijiet li l-aċċess għalihom ikun sospiż, sakemm l-awtorità kompetenti tiddetermina li s-sitwazzjoni li tat lok għas-sospensjoni ma għadhiex teżisti.

2.   Jekk fuq kont ta' skambju ma tkun ġiet irreġistrata ebda tranżazzjoni għal perjodu ta' sena, l-amministratur nazzjonali jista' jagħlaq dak il-kont ta' skambju wara li jkun innotifika lid-detentur ta' kont li l-kont ta' skambju jkun ser jingħalaq fi żmien 40 jum tax-xogħol, sakemm l-amministratur nazzjonali ma jirċevix talba sabiex il-kont jinżamm. Jekk l-amministratur nazzjonali ma jirċevix talba bħal din mingħand id-detentur ta' kont, l-amministratur nazzjonali jista' jagħlaq il-kont jew jissettja l-istatus tiegħu għal “għeluq pendenti”.

3.   L-amministratur nazzjonali għandu jagħlaq kont ta' depożitu ta' operatur jew kont ta' depożitu ta' operatur ta' inġenji tal-ajru meta jingħata struzzjoni mingħand l-awtorità kompetenti abbażi li ma jkun hemm ebda prospett raġonevoli ta' kwoti ulterjuri li jiġu ċeduti jew kwoti żejda li jiġu rritornati.

4.   L-amministratur nazzjonali jista' jneħħi rappreżentant awtorizzat jekk iqis li l-approvazzjoni tar-rappreżentant awtorizzat kellha tiġi rrifjutata f'konformità mal-Artikolu 21(3) u, b'mod partikolari, jekk jiskopri li d-dokumenti u l-informazzjoni dwar l-identifikazzjoni pprovduti man-nomina kienu inkompleti, mhux aġġornati, jew inkella skorretti jew foloz.

5.   Id-detentur ta' kont jista' joġġezzjona għall-bidla fl-istatus ta' kont f'konformità mal-paragrafu 1 jew għat-tneħħija ta' rappreżentant awtorizzat f'konformità mal-paragrafu 4 mal-awtorità kompetenti skont id-dritt nazzjonali fi żmien 30 jum tal-kalendarju, li għandha jew tagħti struzzjoni lill-amministratur nazzjonali sabiex jerġa' jdaħħal il-kont jew ir-rappreżentant awtorizzat jew inkella jżomm il-bidla tal-istatus tal-kont jew it-tneħħija b'deċiżjoni motivata, soġġett għar-rekwiżiti tad-dritt nazzjonali li jsegwu objettiv leġittimu kompatibbli ma' dan ir-Regolament, u li jkunu proporzjonati.

1.   Amministratur jista' jissospendi l-aċċess ta' rappreżentant awtorizzat għal kwalunkwe kont jew verifikatur fir-reġistru jew għal proċessi li dak ir-rappreżentant awtorizzat kien xort'oħra jkollu aċċess għalihom jekk l-amministratur ikollu motivi raġonevoli sabiex jemmen li r-rappreżentant awtorizzat kien:

2.   Amministratur jista' jissospendi l-aċċess kollu tar-rappreżentanti awtorizzati għal kont speċifiku jew verifikatur meta tiġi ssodisfata waħda mill-kundizzjonijiet li ġejjin:

3.   Amministratur jista' jissospendi l-aċċess kollu tar-rappreżentanti awtorizzati għal kont speċifiku jew verifikatur fi kwalunkwe wieħed mill-każijiet li ġejjin:

4.   L-amministratur nazzjonali jista' jissospendi l-aċċess kollu tar-rappreżentanti awtorizzati għal kontijiet jew verifikaturi speċifiċi jekk huwa jqis li l-ftuħ tal-kont jew ir-reġistrazzjoni tal-verifikatur kellhom jiġu rrifjutati f'konformità mal-Artikolu 19, jew li d-detentur tal-kont ma għadux jissodisfa r-rekwiżiti għall-ftuħ tal-kont.

5.   L-amministratur nazzjonali jista' jissospendi l-aċċess kollu tar-rappreżentanti awtorizzati għall-kontijiet kollha ta' detentur ta' kont jekk jirċievi informazzjoni li d-detentur tal-kont sar is-suġġett ta' proċeduri ta' insolvenza. Din is-sospensjoni tista' tinżamm sakemm l-amministratur nazzjonali jirċievi informazzjoni uffiċjali dwar min għandu d-drittijiet li jirrappreżenta lid-detentur tal-kont u r-rappreżentanti awtorizzati jiġu kkonfermati jew jiġu nnominati rappreżentanti awtorizzati ġodda f'konformità mal-Artikolu 21.

6.   L-amministratur tal-kont għandu jirtira s-sospensjoni immedjatament malli s-sitwazzjoni li tkun ikkawżat is-sospensjoni tinħall.

7.   Id-detentur ta' kont jew ir-rappreżentant ta' kont jista' joġġezzjona għas-sospensjoni tal-aċċess tiegħu f'konformità mal-paragrafi 1 sa 3 mal-awtorità kompetenti jew mal-awtorità rilevanti skont id-dritt nazzjonali fi żmien 30 jum kalendarju, li jistgħu jew jagħtu struzzjoni lill-amministratur nazzjonali sabiex jerġa' jdaħħal l-aċċess jew inkella jżomm is-sospensjoni f'deċiżjoni motivata, soġġett għar-rekwiżiti tal-liġi nazzjonali li jfittxu objettiv leġittimu kompatibbli ma' dan ir-Regolament u li jkunu proporzjonati.

8.   L-awtorità kompetenti jew il-Kummissjoni tista' wkoll tagħti struzzjoni lill-amministratur nazzjonali jew lill-amministratur ċentrali sabiex jimplimenta sospensjoni għal waħda mir-raġunijiet stabbiliti fil-paragrafi 1 sa 5.

9.   Awtorità nazzjonali għall-infurzar tal-liġi tal-Istat Membru tal-amministratur tista' titlob ukoll lill-amministratur sabiex jimplimenta sospensjoni abbażi ta' u f'konformità mad-dritt nazzjonali.

10.   Fejn id-detentur ta' kont ta' depożitu ta' operatur jew ta' kont ta' depożitu ta' operatur ta' inġenji tal-ajru ma jitħalliex jirrestitwixxi fl-għaxart (10) ijiem tax-xogħol qabel l-iskadenza stabbilita fl-Artikolu 12(2a) u (3) tad-Direttiva 2003/87/KE minħabba sospensjoni skont dan l-Artikolu, l-amministratur nazzjonali għandu, jekk hekk jintalab mid-detentur tal-kont, jirrestitwixxi l-għadd ta' kwoti speċifikati mid-detentur tal-kont.

11.   Jekk ikun hemm bilanċ pożittiv ta' kwoti fuq kont li l-aċċess għalih ġie sospiż, l-awtorità kompetenti jew l-awtorità rilevanti għall-infurzar tal-liġi, f'konformità mad-dispożizzjonijiet tal-liġi nazzjonali rilevanti, jistgħu jagħtu struzzjonijiet lill-amministratur nazzjonali sabiex jittrasferixxi minnufih il-kwoti għall-kont nazzjonali rilevanti jew jissettja l-istatus tal-kont għal “għeluq pendenti”.

1.   Għat-tranżazzjonijiet kollha speċifikati f'dan il-Kapitolu, għandha tintalab konferma 'l barra mill-kanal fiss ta' komunikazzjoni mir-Reġistru tal-Unjoni qabel ma t-tranżazzjoni tkun tista' tiġi proposta għall-eżekuzzjoni. Soġġett għall-Artikolu 20(4), tranżazzjoni għandha tiġi proposta għall-eżekuzzjoni biss meta rappreżentant awtorizzat ikun beda u rappreżentant ta' kont ieħor ikun approva t-tranżazzjoni 'l barra mill-kanal fiss ta' komunikazzjoni.

2.   L-amministratur ċentrali għandu jiżgura li t-trasferimenti kollha speċifikati fl-Artikolu 55 għall-kontijiet indikati fuq il-lista ta' kontijiet ta' fiduċja jiġu eżegwiti minnufih jekk ikunu proposti għall-eżekuzzjoni bejn l-10:00 u l-16:00 CET fil-jiem tax-xogħol.

Trasferiment għall-kontijiet indikati fuq il-lista ta' kontijiet ta' fiduċja proposti għall-eżekuzzjoni fi kwalunkwe ħin ieħor għandu jiġi eżegwit fl-istess jum tax-xogħol fl-10:00 CET, jekk ikun propost għall-eżekuzzjoni qabel l-10:00 CET, jew fil-jum tax-xogħol ta' wara fl-10:00 CET, jekk ikun propost għall-eżekuzzjoni wara l-16:00 CET.

3.   L-amministratur ċentrali għandu jiżgura li t-trasferimenti kollha speċifikati fl-Artikolu 55 għal kontijiet mhux indikati fuq il-lista ta' kontijiet ta' fiduċja u t-trasferimenti minn Kont ta' Kunsinna ta' Kollateral ta' Rkant, proposti għall-eżekuzzjoni qabel 12.00 CET ta' jum tax-xogħol, jiġu eżegwiti f'12.00 CET tal-jum tax-xogħol ta' wara. It-tranżazzjonijiet proposti għall-eżekuzzjoni wara 12.00 CET ta' jum tax-xogħol għandhom jiġu eżegwiti f'12.00 CET tat-tieni jum tax-xogħol wara l-jum tal-proposta għall-eżekuzzjoni.

4.   L-amministratur ċentrali għandu jiżgura li t-trasferimenti jiġu ffinalizzati qabel l-16.00 CET fil-jum tal-eżekuzzjoni.

5.   L-amministratur ċentrali għandu jiżgura li r-Reġistru tal-Unjoni jippermetti t-twaqqif ta' tranżazzjoni, li huwa soġġett għar-regoli ta' eżekuzzjoni stabbiliti fil-paragrafu 3, qabel l-eżekuzzjoni tagħha. Rappreżentant awtorizzat jista' jibda jwaqqaf tranżazzjoni mill-inqas sagħtejn qabel l-eżekuzzjoni tagħha. Jekk it-twaqqif ta' tranżazzjoni jkun inbeda minħabba suspett ta' frodi, id-detentur tal-kont għandu jirrapportah minnufih lill-awtorità nazzjonali kompetenti għall-infurzar tal-liġi. Dak ir-rapport għandu jintbagħat lill-amministratur nazzjonali fi żmien 7 ijiem tax-xogħol.

6.   Jekk rappreżentant ta' kont jew id-detentur ta' kont jissuspetta li trasferiment, li huwa soġġett għar-regoli ta 'eżekuzzjoni fil-paragrafu 3, ġie propost għall-eżekuzzjoni b'mod frodulenti, mhux aktar tard minn sagħtejn qabel l-eżekuzzjoni tiegħu, ir-rappreżentant ta' kont jew id-detentur ta' kont jista' jitlob lill-amministratur nazzjonali, jew lill-amministratur ċentrali, fejn xieraq, sabiex iwaqqaf it-trasferiment f'isem ir-rappreżentant tal-kont jew id-detentur tal-kont. Id-detentur tal-kont għandu jirrapporta s-suspett ta' frodi lill-awtorità nazzjonali kompetenti għall-infurzar tal-liġi minnufih wara t-talba. Dak ir-rapport għandu jintbagħat lill-amministratur nazzjonali jew lill-amministratur ċentrali, fejn xieraq, fi żmien 7 ijiem tax-xogħol.

7.   Malli ssir proposta għall-eżekuzzjoni, għandha tintbagħat notifika lir-rappreżentanti kollha tal-kontijiet li tindika l-eżekuzzjoni proposta tat-trasferiment. Malli tinbeda l-eliminazzjoni ta' tranżazzjoni skont il-paragrafu 5, għandha tintbagħat notifika lir-rappreżentanti kollha tal-kontijiet u lill-amministratur nazzjonali li jamministra l-kont.

8.   Għall-finijiet tal-Artikolu 3 (11), l-Istati Membri jistgħu jiddeċiedu li, għal sena partikolari, il-festi pubbliċi nazzjonali ma għandhomx jitqiesu bħala jiem tax-xogħol għall-finijiet tal-applikazzjoni ta' dan ir-Regolament f'dak l-Istat Membru. Tali deċiżjoni għandha tispeċifika dawk il-jiem u għandha tiġi ppubblikata sal-1 ta' Diċembru tas-sena ta' qabel is-sena kkonċernata.

1.   Kwota għandha tikkostitwixxi strument funġibbli u dematerjalizzat li jista' jiġi skambjat fis-suq.

2.   In-natura dematerjalizzata tal-kwoti għandha timplika li r-rekord tar-Reġistru tal-Unjoni għandu jikkostitwixxi evidenza prima facie u suffiċjenti tat-titolu fuq kwota u ta' kwalunkwe materja oħra li, permezz ta' dan ir-Regolament, tiġi diretta jew awtorizzata sabiex tiġi rreġistrata fir-Reġistru tal-Unjoni.

3.   Il-funġibbiltà tal-kwoti għandha timplika li kwalunkwe obbligu ta' rkupru jew restituzzjoni li jista' jinħoloq skont il-liġi nazzjonali fir-rigward ta' kwota għandu japplika biss għall-kwota in natura.

Soġġetta għall-Artikolu 58 u għall-proċess ta' rikonċiljazzjoni previst fl-Artikolu 73, tranżazzjoni għandha ssir finali u irrevokabbli mal-finalizzazzjoni tagħha skont l-Artikolu 74. Mingħajr preġudizzju għal kwalunkwe dispożizzjoni jew rimedju skont il-liġi nazzjonali li jista' jirriżulta f'rekwiżit jew ordni sabiex issir tranżazzjoni ġdida fir-Reġistru tal-Unjoni, liġi, regolament, regola jew prattika dwar it-twarrib ta' kuntratti jew tranżazzjonijiet ma għandhomx iwasslu għat-tħollija fir-reġistru ta' tranżazzjoni li tkun saret finali u irrevokabbli skont dan ir-Regolament.

Detentur ta' kont jew parti terza ma għandhomx jinżammu milli jeżerċitaw kwalunkwe dritt jew pretensjoni li jirriżultaw mit-tranżazzjoni sottostanti li jista' jkollhom skont il-liġi, inkluż għall-irkupru, għar-restituzzjoni jew għal ħlas tad-danni, fir-rigward ta' tranżazzjoni li tkun saret finali fir-Reġistru tal-Unjoni, pereżempju f'każ ta' frodi jew żball tekniku, sakemm dan ma jwassalx għat-treġġigħ lura, għar-revoka jew għat-tħollija tat-tranżazzjoni fir-Reġistru tal-Unjoni.

4.   Akkwirent u detentur ta' kwota li jaġixxu in bona fede għandhom jiksbu t-titolu għal kwota mingħajr l-ebda difett fit-titolu tat-trasferent.

1.   L-amministratur ċentrali jista' joħloq Kont ta' Kwantità Totali tal-UE, Kont ta' Kwantità Totali tal-Avjazzjoni tal-UE, Kont ta' Bejgħ bl-Irkant tal-UE u Kont ta' Bejgħ bl-Irkant għall-Avjazzjoni tal-UE, kif xieraq, u għandu joħloq jew jikkanċella l-kontijiet u l-kwoti li jkunu saru meħtieġa permezz ta' atti tal-Unjoni, inkluż kif jista' jkun meħtieġ mid-Direttiva 2003/87/KE jew mill-Artikolu 10(1) tar-Regolament (UE) Nru 1031/2010.

2.   L-amministratur ċentrali għandu jiżgura li r-Reġistru tal-Unjoni jassenja lil kull kwota kodiċi uniku ta' unità ta' identifikazzjoni mal-ħolqien tagħha.

3.   Il-kwoti maħluqa mill-1 ta' Jannar 2021 'il quddiem għandhom jinkludu indikazzjoni li turi f'liema perjodu ta' għaxar snin li jibda mill-1 ta' Jannar 2021 inħolqu.

4.   L-amministratur ċentrali għandu jiżgura li l-kodiċijiet ISIN definiti fl-ISO 6166 għall-kwoti jintwerew fir-Reġistru tal-Unjoni.

5.   Soġġett għall-paragrafu 6, il-kwoti li jinħolqu skont it-tabella ta' allokazzjonijiet nazzjonali ta' Stat Membru li jkun innotifika lill-Kunsill Ewropew bl-intenzjoni tiegħu li jirtira mill-Unjoni skont l-Artikolu 50 tat-Trattat dwar l-Unjoni Ewropea, jew li għandhom jiġu rkantati minn Pjattaforma tal-Irkant maħtura minn tali Stat Membru, għandhom jiġu identifikati permezz ta' kodiċi tal-pajjiż u għandhom ikunu jistgħu jintgħarfu skont is-sena tal-ħolqien.

6.   Il-kwoti li jinħolqu ma għandhomx jiġu identifikati b'kodiċi tal-pajjiż:

1.   L-amministratur ċentrali għandu jittrasferixxi, b'mod f'waqtu, f'isem l-Istat Membru rkantatur rilevanti kif irrappreżentat mill-irkantatur tiegħu maħtur f'konformità mar-Regolament (UE) Nru 1031/2010, il-kwoti ġenerali mill-Kont ta' Kwantità Totali tal-Avjazzjoni tal-UE għall-Kont ta' Bejgħ bl-Irkant tal-UE fi kwantità li tikkorrispondi għall-volumi annwali ddeterminati skont l-Artikolu 10 ta' dak ir-Regolament.

2.   F'każ ta' aġġustamenti għall-volumi annwali f'konformità mal-Artikolu 14 tar-Regolament (UE) Nru 1031/2010, l-amministratur ċentrali għandu jittrasferixxi kwantità korrispondenti ta' kwoti ġenerali mill-Kont ta' Kwantità Totali tal-UE għall-Kont ta' Bejgħ bl-Irkant tal-UE, jew mill-Kont ta' Bejgħ bl-Irkant tal-UE għall-Kont ta' Kwantità Totali tal-UE, skont kif jista' jkun il-każ.

1.   L-amministratur ċentrali għandu jittrasferixxi, b'mod f'waqtu, f'isem l-Istat Membru rkantatur rilevanti kif irrappreżentat mill-irkantatur tiegħu maħtur f'konformità mar-Regolament (UE) Nru 1031/2010, il-kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont ta' Bejgħ bl-Irkant għall-Avjazzjoni tal-UE fi kwantità li tikkorrispondi għall-volumi annwali ddeterminati skont dak ir-Regolament.

2.   F'każ ta' aġġustamenti għall-volumi annwali f'konformità mal-Artikolu 14 tar-Regolament (UE) Nru 1031/2010, l-amministratur ċentrali għandu jittrasferixxi kwantità korrispondenti ta' kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont ta' Bejgħ bl-Irkant għall-Avjazzjoni tal-UE, jew mill-Kont ta' Bejgħ bl-Irkant għall-Avjazzjoni tal-UE għall-Kont ta' Kwantità Totali tal-Avjazzjoni tal-UE, skont kif jista' jkun il-każ.

1.   L-amministratur ċentrali għandu jittrasferixxi, b'mod f'waqtu, kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont ta' Allokazzjonijiet għall-Avjazzjoni tal-UE fi kwantità li tikkorrispondi għall-għadd ta' kwoti tal-avjazzjoni li għandhom jiġu allokati bla ħlas kif iddeterminat mid-deċiżjoni tal-Kummissjoni adottata abbażi tal-Artikolu 3e(3) tad-Direttiva 2003/87/KE.

2.   Jekk l-għadd ta' kwoti tal-avjazzjoni li għandhom jiġu allokati bla ħlas jiżdied permezz ta' deċiżjoni skont l-Artikolu 3e(3) tad-Direttiva 2003/87/KE, l-amministratur ċentrali għandu jittrasferixxi aktar kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont tal-Allokazzjonijiet għall-Avjazzjoni tal-UE fi kwantità li tikkorrispondi għaż-żieda tal-għadd ta' kwoti tal-avjazzjoni li għandhom jiġu allokati bla ħlas.

3.   Jekk l-għadd ta' kwoti tal-avjazzjoni li għandhom jiġu allokati bla ħlas jitnaqqas permezz ta' deċiżjoni skont l-Artikolu 3e(3) tad-Direttiva 2003/87/KE, l-amministratur ċentrali għandu jħassar il-kwoti tal-avjazzjoni fil-Kont tal-Allokazzjonijiet għall-Avjazzjoni tal-UE fi kwantità li tikkorrispondi għat-tnaqqis tal-għadd ta' kwoti tal-avjazzjoni li għandhom jiġu allokati bla ħlas.

1.   L-amministratur ċentrali għandu jittrasferixxi, b'mod f'waqtu, il-kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont ta' Riżerva Speċjali tal-UE fi kwantità li tikkorrispondi għall-għadd ta' kwoti tal-avjazzjoni fir-riżerva speċjali ddeterminata mid-deċiżjoni adottata skont l-Artikolu 3e(3) tad-Direttiva 2003/87/KE.

2.   Jekk l-għadd ta' kwoti tal-avjazzjoni fir-riżerva speċjali jiżdied permezz ta' deċiżjoni adottata skont l-Artikolu 3e(3) tad-Direttiva 2003/87/KE, l-amministratur ċentrali għandu jittrasferixxi aktar kwoti tal-avjazzjoni mill-Kont ta' Kwantità Totali tal-Avjazzjoni tal-UE għall-Kont ta' Riżerva Speċjali tal-UE fi kwantità li tikkorrispondi għaż-żieda tal-għadd ta' kwoti tal-avjazzjoni fir-riżerva speċjali.

3.   Jekk l-għadd ta' kwoti tal-avjazzjoni fir-riżerva speċjali jitnaqqas permezz ta' deċiżjoni adottata abbażi tal-Artikolu 3e(3) tad-Direttiva 2003/87/KE, l-amministratur ċentrali għandu jħassar il-kwoti tal-avjazzjoni fil-Kont ta' Riżerva Speċjali tal-UE fi kwantità li tikkorrispondi għat-tnaqqis tal-għadd ta' kwoti tal-avjazzjoni fir-riżerva speċjali.

4.   Fil-każ ta' allokazzjoni mir-riżerva speċjali skont l-Artikolu 3f tad-Direttiva 2003/87/KE, l-ammont finali li jirriżulta ta' kwoti tal-avjazzjoni allokati bla ħlas lill-operatur ta' inġenji tal-ajru għall-perjodu ta' skambju kollu għandu jiġi ttrasferit awtomatikament mill-Kont ta' Riżerva Speċjali tal-UE għall-Kont ta' Allokazzjonijiet għall-Avjazzjoni tal-UE.

1.   Kull Stat Membru għandu jinnotifika t-tabella ta' allokazzjonijiet nazzjonali tiegħu għall-perjodu 2021-2025 u għall-perjodu 2026-2030 lill-Kummissjoni sal-31 ta' Diċembru 2020 u sal-31 ta' Diċembru 2025, rispettivament. L-Istati Membri għandhom jiżguraw li t-tabelli ta' allokazzjonijiet nazzjonali jinkludu l-informazzjoni stabbilita fl-Anness X.

2.   Il-Kummissjoni għandha tagħti struzzjoni lill-amministratur ċentrali sabiex idaħħal it-tabella ta' allokazzjonijiet nazzjonali fir-Reġistru tal-Unjoni jekk tqis li t-tabella ta' allokazzjonijiet nazzjonali hija konformi mad-Direttiva 2003/87/KE, mar-Regolament Delegat (UE) 2019/331 u mad-deċiżjonijiet adottati mill-Kummissjoni skont l-Artikolu 10c tad-Direttiva 2003/87/KE. Inkella, hija għandha tirrifjuta t-tabella ta' allokazzjonijiet nazzjonali f'perjodu ta' żmien raġonevoli u tgħarraf b'dan lill-Istat Membru kkonċernat mingħajr dewmien, filwaqt li tiddikjara r-raġuniet tagħha u tistabbilixxi l-kriterji li għandhom jiġu ssodisfati sabiex tiġi aċċettata notifika sussegwenti. Dak l-Istat Membru għandu jissottometti tabella ta' allokazzjonijiet nazzjonali riveduta lill-Kummissjoni fi żmien tliet xhur.

1.   L-amministratur ċentrali għandu jiżgura li kwalunkwe bidla fit-tabella tal-allokazzjonijiet nazzjonali skont ir-regoli li jirregolaw l-allokazzjoni bla ħlas lil installazzjonijiet stazzjonarji ssir fir-Reġistru tal-Unjoni.

2.   Mal-introduzzjoni ta' bidla skont il-paragrafu 1, għandha tintbagħat notifika lill-amministratur nazzjonali li jamministra l-installazzjoni affettwata mill-bidla.

3.   Stat Membru għandu jinnotifika lill-Kummissjoni dwar il-bidliet fit-tabella tal-allokazzjoni nazzjonali tiegħu dwar l-allokazzjoni bla ħlas skont l-Artikolu 10c tad-Direttiva 2003/87/KE.

Malli tirċievi notifika skont l-ewwel subparagrafu, il-Kummissjoni għandha tagħti struzzjoni lill-amministratur ċentrali sabiex jagħmel il-bidliet korrispondenti fit-tabella tal-allokazzjoni nazzjonali miżmuma fir-Reġistru tal-Unjoni jekk iqis li l-bidliet fit-tabella tal-allokazzjoni nazzjonali huma konformi mal-Artikolu 10c tad-Direttiva 2003/87/KE. Inkella, hija għandha tirrifjuta l-bidliet f'perjodu ta' żmien raġonevoli u tgħarraf b'dan lill-Istat Membru kkonċernat mingħajr dewmien, filwaqt li tiddikjara r-raġuniet tagħha u tistabbilixxi l-kriterji li għandhom jiġu ssodisfati sabiex tiġi aċċettata notifika sussegwenti.

1.   L-amministratur nazzjonali jenħtieġ li jindika fit-tabella ta' allokazzjonijiet nazzjonali għal kull operatur, għal kull sena u għal kull bażi legali stabbiliti fl-Anness X, jekk installazzjoni għandhiex tirċievi jew le allokazzjoni għal dik is-sena.

2.   L-amministratur ċentrali għandu jiżgura li r-Reġistru tal-Unjoni jittrasferixxi l-kwoti ġenerali awtomatikament mill-Kont ta' Allokazzjonijiet tal-UE skont it-tabella ta' allokazzjonijiet nazzjonali rilevanti għall-kont ta' depożitu rilevanti miftuħ jew imblukkat ta' operatur, wara li jitqiesu l-modalitajiet tat-trasferiment awtomatiku speċifikat fl-ispeċifikazzjonijiet tekniċi u ta' skambju tad-data previsti fl-Artikolu 75.

3.   Meta kont ta' depożitu ta' operatur eskluż ma jirċevix kwoti skont il-paragrafu 2, il-kwoti għas-snin ta' esklużjoni jenħtieġ li ma jiġux ittrasferiti għall-kont, jekk ikun issettjat għal status “miftuħ” għas-snin sussegwenti.

4.   L-amministratur ċentrali għandu jiżgura li operatur ikun jista' jwettaq trasferimenti li jroddu lura l-kwoti żejda fil-Kont ta' Allokazzjonijiet tal-UE, fejn it-tabella ta' allokazzjonijiet nazzjonali ta' Stat Membru tkun inbidlet skont l-Artikolu 47 sabiex tiġi kkoreġuta allokazzjoni żejda ta' kwoti lill-operatur, u l-awtorità kompetenti tkun talbet lill-operatur irodd lura tali kwoti żejda.

5.   L-awtorità kompetenti tista' tagħti struzzjoni lill-amministratur nazzjonali sabiex jittrasferixxi l-kwoti żejda li jiġu rritornati għall-Kont ta' Allokazzjonijiet tal-UE fejn l-allokazzjoni żejda tal-kwoti hija konsegwenza tal-allokazzjoni wara li operatur ikun waqqaf l-attivitajiet imwettqa fl-installazzjoni li magħhom tkun relatata l-allokazzjoni, mingħajr ma jkun għarraf lill-awtorità kompetenti.

1.   L-Istati Membri għandhom jinnotifikaw lill-Kummissjoni bil-bidliet fit-tabelli ta' allokazzjonijiet nazzjonali għall-avjazzjoni tagħhom.

2.   Il-Kummissjoni għandha tagħti struzzjoni lill-amministratur ċentrali sabiex jagħmel il-bidliet korrispondenti fit-tabelli ta' allokazzjonijiet nazzjonali għall-avjazzjoni fir-Reġistru tal-Unjoni jekk huwa jqis li t-tibdil fit-tabella ta' allokazzjonijiet nazzjonali għall-avjazzjoni jkun konformi mad-Direttiva 2003/87/KE, b'mod partikolari mal-allokazzjonijiet ikkalkolati u ppubblikati skont l-Artikolu 3f(7) ta' dik id-Direttiva f'każ ta' allokazzjonijiet mir-riżerva speċjali. Inkella, hija għandha tirrifjuta l-bidliet f'perjodu ta' żmien raġonevoli u tgħarraf lill-Istat Membru b'dan mingħajr dewmien, filwaqt li tiddikjara r-raġunijiet tagħha u tistabbilixxi l-kriterji li għandhom jiġu ssodisfati sabiex tkun tista' tiġi aċċettata notifika sussegwenti.

3.   Jekk fużjoni bejn operaturi ta' inġenji tal-ajru tinvolvi operaturi ta' inġenji tal-ajru li huma amministrati minn Stati Membri differenti, it-tibdil għandu jinbeda mill-amministratur nazzjonali li jkun jamministra l-operatur tal-inġenji tal-ajru li l-allokazzjoni tiegħu għandha tiġi amalgamata fl-allokazzjoni ta' operatur ieħor ta' inġenji tal-ajru. Qabel ma jsir it-tibdil, għandu jinkiseb il-kunsens tal-amministratur nazzjonali li jkun jamministra l-operatur ta' inġenji tal-ajru li l-allokazzjoni tiegħu tkun ser tinkorpora l-allokazzjoni tal-operatur ta' inġenji tal-ajru li jkun għadda f'fużjoni.

1.   L-amministratur nazzjonali jenħtieġ li jindika għal kull operatur ta' inġenji tal-ajru u għal kull sena jekk l-operatur ta' inġenji tal-ajru għandux jirċievi jew le allokazzjoni għal dik is-sena fit-tabella ta' allokazzjonijiet nazzjonali għall-avjazzjoni.

2.   L-amministratur ċentrali għandu jiżgura li r-Reġistru tal-Unjoni jittrasferixxi l-kwoti tal-avjazzjoni awtomatikament mill-Kont ta' Allokazzjonijiet għall-Avjazzjoni tal-UE lill-kont ta' depożitu miftuħ jew imblukkat rilevanti ta' operatur tal-inġenji tal-ajru, filwaqt li jitqiesu l-modalitajiet tat-trasferiment awtomatiku speċifikat fl-ispeċifikazzjonijiet tekniċi u ta' skambju tad-data previsti fl-Artikolu 75.

3.   Fejn ikun hemm fis-seħħ ftehim skont l-Artikolu 25 tad-Direttiva 2003/87/KE li jkun jirrikjedi t-trasferiment tal-kwoti tal-avjazzjoni lil operaturi ta' inġenji tal-ajru li jkollhom kontijiet fir-reġistru ta' skema oħra għall-iskambju ta' emissjonijiet ta' gassijiet b'effett ta' serra, l-amministratur ċentrali, f'kooperazzjoni mal-amministratur tar-reġistru l-ieħor, għandu jiżgura li r-Reġistru tal-Unjoni jittrasferixxi dawk il-kwoti tal-avjazzjoni mill-Kont ta' Allokazzjonijiet għall-Avjazzjoni tal-UE għall-kontijiet korrispondenti fir-reġistru l-ieħor.

4.   Fejn ikun hemm fis-seħħ ftehim skont l-Artikolu 25 tad-Direttiva 2003/87/KE li jkun jirrikjedi t-trasferiment tal-kwoti tal-avjazzjoni li jikkorrispondu għal skema oħra għall-iskambju ta' emissjonijiet ta' gassijiet b'effett ta' serra lil operaturi ta' inġenji tal-ajru li jkollhom kontijiet fir-Reġistru tal-Unjoni, l-amministratur ċentrali, f'kooperazzjoni mal-amministratur tar-reġistru l-ieħor, għandu jiżgura li r-Reġistru tal-Unjoni jittrasferixxi dawk il-kwoti tal-avjazzjoni mill-kontijiet korrispondenti tar-reġistru l-ieħor lill-operatur ta' inġenji tal-ajru li jkollu kontijiet fir-Reġistru tal-Unjoni, wara approvazzjoni mill-awtorità kompetenti responsabbli għall-amministrazzjoni tal-iskema l-oħra għall-iskambju ta' emissjonijiet ta' gassijiet b'effett ta' serra.

5.   Meta kont ta' depożitu ta' operatur ta' inġenji tal-ajru eskluż ma jirċevix kwoti skont il-paragrafu 2, il-kwoti għas-snin ta' esklużjoni jenħtieġ li ma jiġux ittrasferiti għall-kont, jekk ikun issettjat għal status “miftuħ” għas-snin sussegwenti.

6.   L-amministratur ċentrali għandu jiżgura li operatur ta' inġenji tal-ajru jkun jista' jwettaq trasferimenti li jroddu lura l-kwoti żejda fil-Kont ta' Allokazzjonijiet għall-Avjazzjoni tal-UE, meta t-tabella ta' allokazzjonijiet għall-avjazzjoni nazzjonali ta' Stat Membru tkun inbidlet skont l-Artikolu 49 sabiex tiġi kkoreġuta allokazzjoni żejda ta' kwoti lill-operatur ta' inġenji tal-ajru, u l-awtorità kompetenti tkun talbet lill-operatur ta' inġenji tal-ajru jrodd lura tali kwoti żejda.

7.   L-awtorità kompetenti tista' tagħti struzzjoni lill-amministratur nazzjonali sabiex jittrasferixxi l-kwoti żejda li jiġu rritornati għall-Kont ta' Allokazzjonijiet tal-UE meta l-allokazzjoni żejda tal-kwoti tkun konsegwenza tal-allokazzjoni wara li operatur ta' inġenji tal-ajru jkun waqqaf l-attivitajiet li magħhom tkun relatata l-allokazzjoni, mingħajr ma jkun għarraf lill-awtorità kompetenti.

1.   Fi żmien xahar mid-determinazzjoni u qabel il-pubblikazzjoni ta' kalendarju ta' bejgħ bl-irkant skont l-Artikoli 11(1), 13(1), 13(2) jew 32(4) tar-Regolament (UE) Nru 1031/2010, is-sistema ta' saldu jew is-sistema ta' kklerjar rilevanti kif definiti fir-Regolament (UE) Nru 1031/2010 għandhom jipprovdu t-tabella ta' bejgħ bl-irkant korrispondenti lill-Kummissjoni.

L-imsemmija sistema ta' saldu jew sistema ta' kklerjar għandhom jipprovdu żewġ tabelli tal-irkant għal kull sena kalendarja mill-2012, waħda għall-irkantar ta' kwoti ġenerali u oħra għall-irkantar ta' kwoti tal-avjazzjoni, u għandhom jiżguraw li t-tabelli tal-irkant jinkludu l-informazzjoni stabbilita fl-Anness XIII.

2.   Il-Kummissjoni għandha tagħti struzzjoni lill-amministratur ċentrali sabiex idaħħal it-tabella tal-irkant fl-EUTL jekk iqis li t-tabella tal-irkant tkun konformi mar-Regolament (UE) Nru 1031/2010. Inkella, hija għandha tirrifjuta t-tabella tal-irkant f'perjodu ta' żmien raġonevoli u tgħarraf mingħajr dewmien lis-sistema ta' saldu jew lis-sistema ta' kklerjar, kif definiti fir-Regolament (UE) Nru 1031/2010, filwaqt li tiddikjara r-raġunijiet tagħha u tistabbilixxi l-kriterji li għandhom jiġu ssodisfati sabiex tkun tista' tiġi aċċettata sottomissjoni sussegwenti. L-imsemmija sistema ta' saldu jew sistema ta' kklerjar għandha tissottometti kif xieraq tabella ta' bejgħ bl-irkant riveduta lill-Kummissjoni fi żmien tliet xhur.

3.   Kull tabella ta' bejgħ bl-irkant jew tabella ta' bejgħ bl-irkant riveduta li sussegwentement tiddaħħal fl-EUTL skont il-paragrafu 2 ta' dan l-Artikolu għandha tikkostitwixxi ordni ta' trasferiment, kif definita fl-Artikolu 2(i) tad-Direttiva 98/26/KE tal-Parlament Ewropew u tal-Kunsill.

Mingħajr preġudizzju għall-Artikolu 53(3), il-mument tas-sottomissjoni ta' kull tabella ta' bejgħ bl-irkant jew tabella ta' bejgħ bl-irkant riveduta bħal din lill-Kummissjoni għandu jikkostitwixxi l-mument tad-dħul ta' ordni ta' trasferiment f'sistema, kif definit fl-Artikolu 2(a) tad-Direttiva 98/26/KE, skont l-Artikolu 3(3) ta' dik id-Direttiva.

1.   Is-sistema ta' saldu jew is-sistema ta' kklerjar rilevanti kif definiti fir-Regolament (UE) Nru 1031/2010 għandhom jinnotifikaw minnufih lill-Kummissjoni dwar kwalunkwe emenda meħtieġa għat-tabella ta' bejgħ bl-irkant.

2.   Il-Kummissjoni għandha tagħti struzzjoni lill-amministratur ċentrali sabiex idaħħal it-tabella ta' bejgħ bl-irkant riveduta fl-EUTL jekk iqis li t-tabella ta' bejgħ bl-irkant riveduta tkun konformi mar-Regolament (UE) Nru 1031/2010. Inkella, hija għandha tirrifjuta l-bidliet f'perjodu ta' żmien raġonevoli u tgħarraf mingħajr dewmien lill-imsemmija sistema ta' saldu jew sistema ta' kklerjar, filwaqt li tiddikjara r-raġunijiet tagħha u tistabbilixxi l-kriterji li għandhom jiġu ssodisfati sabiex tkun tista' tiġi aċċettata notifika sussegwenti.

3.   Il-Kummissjoni tista' tagħti struzzjoni lill-amministratur ċentrali sabiex jissospendi t-trasferiment ta' kwoti kif speċifikati f'tabella ta' bejgħ bl-irkant jekk isir jaf b'emenda meħtieġa għat-tabella ta' bejgħ bl-irkant li s-sistema ta' saldu jew is-sistema ta' kklerjar imsemmija qabel tkun naqset li tinnotifika.

1.   Il-Kummissjoni għandha tagħti struzzjoni lill-amministratur ċentrali, b'mod f'waqtu, sabiex jittrasferixxi, fuq talba tal-Istat Membru rkantatur kif irrappreżentat mill-irkantatur tiegħu, maħtur f'konformità mar-Regolament (UE) Nru 1031/2010, il-kwoti ġenerali mill-Kont ta' Bejgħ bl-Irkant tal-UE, u/jew il-kwoti tal-avjazzjoni mill-Kont ta' Bejgħ bl-Irkant għall-Avjazzjoni tal-UE, għall-kont rilevanti ta' kunsinna ta' kollateral ta' rkant f'konformità mat-tabelli ta' bejgħ bl-irkant. Id-detentur tal-kont rilevanti ta' kunsinna ta' kollateral ta' rkant għandu jiżgura t-trasferiment tal-kwoti rkantati lill-offerenti rebbieħa jew lis-suċċessuri tagħhom fit-titolu f'konformità mar-Regolament (UE) Nru 1031/2010.

2.   F'konformità mar-Regolament (UE) Nru 1031/2010, ir-rappreżentant awtorizzat ta' kont ta' kunsinna ta' kollateral ta' rkant jista' jintalab jittrasferixxi kwalunkwe kwota li ma tkunx ġiet ikkonsenjata mill-kont ta' kunsinna ta' kollateral ta' rkant għall-Kont ta' Bejgħ bl-Irkant tal-UE jew għall-Kont ta' Bejgħ bl-Irkant għall-Avjazzjoni tal-UE, rispettivament.

1.   Soġġett għall-paragrafu 2, fuq talba ta' detentur ta' kont, l-amministratur ċentrali għandu jiżgura li r-Reġistru tal-Unjoni jwettaq trasferiment ta' kwoti għal kwalunkwe kont ieħor, sakemm tali trasferiment ma jitwaqqafx mill-istatus tal-kont inizjali jew riċeventi.

2.   Il-kontijiet ta' depożitu ta' operaturi u l-kontijiet ta' depożitu ta' operaturi ta' inġenji tal-ajru jistgħu jittrasferixxu biss kwoti għal kont fuq il-lista ta' kontijiet ta' fiduċja mfassla skont l-Artikolu 23.

3.   Id-detenturi ta' kontijiet ta' depożitu ta' operaturi u ta' operaturi ta' inġenji tal-ajru jistgħu jiddeċiedu li t-trasferimenti huma possibbli mill-kont tagħhom għal kontijiet li mhumiex fuq il-lista ta' kontijiet ta' fiduċja skont l-Artikolu 23. Id-detenturi ta' kontijiet ta' depożitu ta' operaturi u ta' operaturi ta' inġenji tal-ajru jistgħu jirtiraw din id-deċiżjoni. Id-deċiżjoni u l-irtirar tad-deċiżjoni għandhom jiġu kkomunikati f'dikjarazzjoni debitament iffirmata sottomessa lill-amministratur nazzjonali.

4.   Mal-bidu ta' trasferiment, ir-rappreżentant awtorizzat li jibda t-trasferiment għandu jindika fir-Reġistru tal-Unjoni jekk it-trasferiment jirrappreżentax tranżazzjoni bilaterali, sakemm dik it-tranżazzjoni ma tkunx irreġistrata f'post tas-suq, jew sakemm ma tkunx ikklerjata f'kontraparti ċentrali, jew inkella jekk jirrappreżentax trasferiment bejn kontijiet differenti tal-istess detentur ta' kont fir-Reġistru tal-Unjoni.

1.   Operatur jew operatur ta' inġenji tal-ajru għandu jċedi l-kwoti billi jipproponi lir-Reġistru tal-Unjoni sabiex:

2.   L-amministratur ċentrali għandu jiżgura li r-Reġistru tal-Unjoni jipprevjeni proposta għall-eżekuzzjoni ta' kwoti li jiġu ċeduti li ma għandhomx jitqiesu għall-kalkolu tal-figura tal-istatus ta' konformità skont l-Artikolu 33(1).

3.   Kwota li diġà ġiet ċeduta ma tistax terġa' tiġi ċeduta.

4.   Meta jkun hemm ftehim fis-seħħ f'konformità mal-Artikolu 25 tad-Direttiva 2003/87/KE, il-paragrafi 1, 2 u 3 ta' dan l-Artikolu għandhom japplikaw għall-unitajiet maħruġa taħt l-iskema għall-iskambju tal-emissjonijiet ta' gassijiet b'effett ta' serra marbuta mal-ETS tal-UE.

5.   Il-kwoti li jkollhom kodiċi tal-pajjiż skont l-Artikolu 37(5) ma jistgħux jiġu ċeduti.

1.   L-amministratur ċentrali għandu jiżgura li r-Reġistru tal-Unjoni jwettaq kwalunkwe talba minn detentur ta' kont skont l-Artikolu 12(4) tad-Direttiva 2003/87/KE sabiex iħassar il-kwoti miżmuma fil-kontijiet tad-detentur ta' kont, billi:

2.   Kwoti mħassrin m'għandhomx ikunu rreġistrati bħala rrinunzjati għall-ebda emissjoni.

1.   Jekk detentur ta' kont jew amministratur nazzjonali, li jaġixxi f'isem id-detentur ta' kont, jibda mingħajr intenzjoni jew bi żball waħda mit-tranżazzjonijiet elenkati fil-paragrafu 2, id-detentur ta' kont jista' jipproponi lill-amministratur tal-kont tiegħu li jreġġa' lura t-tranżazzjoni kompleta permezz ta' talba bil-miktub. It-talba għandha tkun iffirmata kif xieraq mir-rappreżentant awtorizzat jew mir-rappreżentanti awtorizzati tad-detentur ta' kont li jkunu awtorizzati sabiex jibdew it-tip ta' tranżazzjoni li jkollha titreġġa' lura u għandha tintbagħat bil-posta fi żmien għaxart ijiem tax-xogħol mill-finalizzazzjoni tal-proċess. It-talba għandu jkun fiha dikjarazzjoni li tindika li t-tranżazzjoni kienet inbdiet bi żball jew mingħajr intenzjoni.

2.   Id-detenturi ta' kontijiet jistgħu jipproponu t-treġġigħ lura tat-tranżazzjonijiet li ġejjin:

3.   Jekk l-amministratur tal-kont jistabbilixxi li t-talba tissodisfa l-kundizzjonijiet imsemmija fil-paragrafu 1 u l-amministratur jaqbel mat-talba, jista' jipproponi t-treġġigħ lura tat-tranżazzjoni fir-Reġistru tal-Unjoni.

4.   Jekk amministratur nazzjonali jkun beda, b'mod mhux intenzjonat jew b'mod żbaljat, waħda mit-tranżazzjonijiet imsemmija fil-paragrafu 5, huwa jista' jipproponi lill-amministratur ċentrali sabiex iwettaq treġġigħ lura tat-tranżazzjoni kompluta f'talba bil-miktub. It-talba għandu jkun fiha dikjarazzjoni li tindika li t-tranżazzjoni kienet inbdiet bi żball jew mingħajr intenzjoni.

5.   L-amministraturi nazzjonali jistgħu jipproponu t-treġġigħ lura tat-tranżazzjonijiet li ġejjin:

6.   L-amministratur ċentrali għandu jiżgura li r-Reġistru tal-Unjoni jaċċetta l-proposta għat-treġġigħ lura magħmula skont il-paragrafu 1, jimblokka l-unitajiet li għandhom jiġu ttrasferiti bit-treġġigħ lura u jressaq il-proposta lill-amministratur ċentrali, sakemm jiġu ssodisfati l-kundizzjonijiet kollha li ġejjin:

7.   L-amministratur ċentrali għandu jiżgura li r-Reġistru tal-Unjoni jaċċetta l-proposta għat-treġġigħ lura magħmula skont il-paragrafu 4, jimblokka l-unitajiet li għandhom jiġu ttrasferiti bit-treġġigħ lura u jippreżenta l-proposta lill-amministratur ċentrali, sakemm jiġu ssodisfati l-kundizzjonijiet li ġejjin:

8.   L-amministratur ċentrali għandu jiżgura li r-Reġistru tal-Unjoni jlesti t-treġġigħ lura għal unitajiet differenti tal-istess tip ta' unità fil-kont ta' destinazzjoni tat-tranżazzjoni li tkun qed titreġġa' lura.

1.   L-amministratur ċentrali għandu jieħu l-passi kollha raġonevoli biex jiżgura li:

2.   L-amministratur ċentrali għandu jiżgura li r-Reġistru tal-Unjoni u l-EUTL jinkorporaw sistemi u proċeduri robusti sabiex tiġi ssalvagwardjata d-data kollha rilevanti u jiġi ffaċilitat l-irkupru f'waqtu tad-data u l-operazzjonijiet f'każ ta' falliment jew diżastru.

3.   L-amministratur ċentrali għandu jżomm għall-minimu l-interruzzjonijiet fl-operat tar-Reġistru tal-Unjoni u tal-EUTL.

1.   L-amministraturi nazzjonali għandhom jipprovdu assistenza u appoġġ lid-detenturi u rappreżentanti ta' kontijiet fir-Reġistru tal-Unjoni li jkunu amministrati minnhom permezz ta' helpdesks nazzjonali.

2.   L-amministratur ċentrali għandu jipprovdi appoġġ lill-amministraturi nazzjonali permezz ta' helpdesk ċentrali bl-iskop li jgħinhom jipprovdu assistenza f'konformità mal-paragrafu 1.

1.   Ir-rappreżentanti ta' kontijiet irid ikollhom aċċess għall-kontijiet tagħhom fir-Reġistru tal-Unjoni permezz taż-żona sikura tar-Reġistru tal-Unjoni. L-amministratur ċentrali għandu jiżgura li ż-żona sigura tas-sit web tar-Reġistru tal-Unjoni tkun aċċessibbli permezz tal-Internet. Is-sit web tar-Reġistru tal-Unjoni għandu jkun disponibbli bil-lingwi uffiċjali kollha tal-Unjoni.

2.   L-amministraturi nazzjonali għandhom ikunu jistgħu jaċċessaw il-kontijiet li jamministraw fir-Reġistru tal-Unjoni permezz taż-żona sigura tar-Reġistru tal-Unjoni. L-amministratur ċentrali għandu jiżgura li ż-żona sigura tas-sit web tar-Reġistru tal-Unjoni tkun aċċessibbli permezz tal-Internet.

3.   Il-komunikazzjonijiet bejn rappreżentanti awtorizzati jew amministraturi nazzjonali u ż-żona sigura tar-Reġistru tal-Unjoni għandhom jiġu kriptati b'kont meħud tar-rekwiżiti tas-sigurtà stabbiliti fl-ispeċifikazzjonijiet tekniċi u ta' skambju tad-data previsti fl-Artikolu 75.

4.   L-amministratur ċentrali għandu jieħu l-passi kollha meħtieġa sabiex jiżgura li ma jsirx aċċess mhux awtorizzat għaż-żona sigura tas-sit web tar-Reġistru tal-Unjoni.

5.   Jekk is-sigurtà tal-kredenzjali ta' rappreżentant awtorizzat tkun ġiet kompromessa, dan ir-rappreżentant awtorizzat għandu jissospendi minnufih l-aċċess tiegħu għall-kont rilevanti, jgħarraf b'dan lill-amministratur tal-kont u jitlob kredenzjali ġodda. Jekk il-kont ma jkunx jista' jiġi aċċessat sabiex jiġi sospiż l-aċċess, ir-rappreżentant awtorizzat għandu jitlob minnufih lill-amministratur nazzjonali sabiex jissospendi l-aċċess tiegħu.

1.   L-amministratur ċentrali għandu jiżgura li l-amministraturi nazzjonali u kull rappreżentant awtorizzat jiġu assenjati kredenzjali sabiex jawtentikawhom għall-finijiet tal-aċċess għar-Reġistru tal-Unjoni.

2.   Rappreżentant awtorizzat għandu jkollu aċċess biss għall-kontijiet fir-Reġistru tal-Unjoni li għalihom ikun awtorizzat u għandu jkun jista' jitlob biss li jinbdew proċessi li għalihom huwa jkun awtorizzat skont l-Artikolu 21. Dak l-aċċess jew dik it-talba għandhom isiru permezz ta' żona sigura tas-sit web tar-Reġistru tal-Unjoni.

3.   Minbarra l-kredenzjali msemmija fil-paragrafu 1, rappreżentant awtorizzat għandu juża awtentikazzjoni sekondarja sabiex jaċċessa r-Reġistru tal-Unjoni, filwaqt li jitqiesu t-tipi ta' mekkaniżmi ta' awtentikazzjoni sekondarja stabbiliti fl-ispeċifikazzjonijiet tekniċi u ta' skambju tad-data previsti fl-Artikolu 75.

4.   L-amministratur ta' kont jista' jassumi li utent li kien ġie awtentikat b'suċċess mir-Reġistru tal-Unjoni huwa r-rappreżentant awtorizzat irreġistrat skont il-kredenzjali ta' awtentikazzjoni pprovduti, sakemm ir-rappreżentant awtorizzat ma jgħarrafx lill-amministratur tal-kont li s-sigurtà tal-kredenzjali tiegħu tkun ġiet kompromessa u sakemm ma jitlobx sostituzzjoni tal-kredenzjali tiegħu.

5.   Ir-rappreżentant awtorizzat għandu jieħu l-miżuri kollha meħtieġa biex ma jħallix li l-kredenzjali tiegħu jintilfu, jinsterqu jew ikunu kompromessi. Ir-rappreżentant awtorizzat għandu jirrapporta minnufih lill-amministratur nazzjonali meta l-kredenzjali tiegħu jintilfu, jinsterqu jew ikunu kompromessi.

1.   L-amministratur ċentrali jista' jissospendi temporanjament l-aċċess għar-Reġistru tal-Unjoni jew għall-EUTL, jew għal kwalunkwe parti minnhom, fejn ikollu suspett raġonevoli li hemm ksur tas-sigurtà jew riskju serju li jaffettwa s-sigurtà tar-Reġistru tal-Unjoni jew tal-EUTL skont it-tifsira tad-Deċiżjoni tal-Kummissjoni (UE, Euratom) 2017/46 (21), inklużi l-faċilitajiet ta' riżerva msemmija fl-Artikolu 60. F'każ li r-raġunijiet għas-sospensjoni jippersistu għal aktar minn ħamest ijiem tax-xogħol, il-Kummissjoni tista' tagħti struzzjonijiet lill-amministratur ċentrali sabiex iżomm is-sospensjoni fis-seħħ.

L-amministratur ċentrali għandu jgħarraf minnufih lill-amministraturi nazzjonali kollha dwar is-sospensjoni, ir-raġunijiet għaliha u t-tul probabbli tagħha.

2.   Amministratur nazzjonali li jsir konxju ta' ksur tas-sigurtà jew ta' riskju tas-sigurtà għandu jgħarraf minnufih lill-amministratur ċentrali. L-amministratur ċentrali jista' jieħu l-miżuri msemmija fil-paragrafu 1.

3.   Amministratur nazzjonali li jsir konxju ta' sitwazzjoni, kif deskritta fil-paragrafu 1, li tkun teħtieġ is-sospensjoni tal-aċċess kollu għall-kontijiet li jamministra f'konformità ma' dan ir-Regolament, għandu jissospendi l-aċċess kollu għall-kontijiet kollha li jamministra u għandu jgħarraf minnufih lill-amministratur ċentrali. L-amministratur ċentrali għandu jgħarraf b'dan lill-amministraturi nazzjonali kollha mill-aktar fis possibbli.

4.   Id-detenturi tal-kontijiet għandhom jiġu infurmati dwar il-miżuri meħuda skont il-paragrafi 1, 2 u 3 b'tali avviż minn qabel tas-sospensjoni kif prattikabbli. L-avviż għandu jinkludi d-durata probabbli tas-sospensjoni u għandu jintwera b'mod ċar fiż-żona pubblika tas-sit web tar-Reġistru tal-Unjoni.

1.   Amministratur nazzjonali jew amministratur nazzjonali li jaġixxi fuq struzzjoni tal-awtorità kompetenti jew ta' awtorità rilevanti skont id-dritt nazzjonali jista' jissospendi l-aċċess għall-kwoti fil-parti tar-Reġistru tal-Unjoni li jamministra fi kwalunkwe wieħed mill-każijiet li ġejjin:

Għall-finijiet tal-punt (a) tal-ewwel subparagrafu, id-dispożizzjonijiet tal-Artikolu 67 għandhom jiġu applikati kif xieraq. Fuq struzzjoni mill-unità tal-intelligence finanzjarja, il-perjodu jista' jiġi estiż.

2.   Il-Kummissjoni tista' tagħti struzzjoni lill-amministratur ċentrali sabiex jissospendi l-aċċess għall-kwoti fir-Reġistru tal-Unjoni jew fl-EUTL għal perjodu massimu ta' erba' ġimgħat jekk tissuspetta li l-kwoti kienu s-suġġett ta' tranżazzjoni li tikkostitwixxi frodi, ħasil tal-flus, finanzjament tat-terroriżmu, korruzzjoni jew delitti oħrajn.

3.   L-amministratur nazzjonali jew il-Kummissjoni għandhom jgħarrfu minnufih lill-awtorità kompetenti tal-infurzar tal-liġi dwar is-sospensjoni.

4.   Awtorità nazzjonali għall-infurzar tal-liġi tal-Istat Membru tal-amministratur nazzjonali tista' wkoll titlob lill-amministratur sabiex jimplimenta sospensjoni abbażi ta' u f'konformità mal-liġi nazzjonali.

1.   L-amministratur ċentrali u l-amministraturi nazzjonali għandhom jikkooperaw ma' korpi pubbliċi inkarigati mis-superviżjoni tal-konformità skont id-Direttiva 2003/87/KE u korpi pubbliċi kompetenti għas-sorveljanza tas-swieq primarji u sekondarji fil-kwoti sabiex jiżguraw li jkunu jistgħu jiksbu ħarsa ġenerali kkonsolidata lejn is-swieq tal-kwoti.

2.   L-amministratur nazzjonali, id-diretturi tiegħu u l-impjegati tiegħu għandhom jikkooperaw bis-sħiħ mal-awtoritajiet kompetenti relevanti biex jiġu stabbiliti proċeduri adegwati u xierqa biex jantiċipaw u ma jħallux ikun hemm operazzjonijiet relatati ma' ħasil tal-flus jew iffinanzjar tat-terroriżmu.

3.   L-amministratur nazzjonali, id-diretturi tiegħu u l-impjegati tiegħu għandhom jikkooperaw bis-sħiħ mal-unità tal-intelligence finanzjarja (UIF) imsemmija fl-Artikolu 32 tad-Direttiva (UE) 2015/849 billi minnufih:

4.   L-informazzjoni msemmija fil-paragrafu 2 għandha tintbagħat lill-UIF tal-Istat Membru tal-amministratur nazzjonali. Il-miżuri nazzjonali li jittrasponu l-politiki u l-proċeduri ta' ġestjoni u komunikazzjoni tal-konformità, imsemmija fl-Artikolu 45(1) tad-Direttiva (UE) 2015/849, għandhom jaħtru l-persuna jew il-persuni responsabbli sabiex jibagħtu l-informazzjoni skont dan l-Artikolu.

5.   L-Istat Membru tal-amministratur nazzjonali għandu jiżgura li l-miżuri nazzjonali li jittrasponu l-Artikoli 37, 38, 39, 42 u 46 tad-Direttiva (UE) 2015/849 japplikaw għall-amministratur nazzjonali.

6.   Id-detenturi ta' kontijiet għandhom jirrapportaw minnufih kwalunkwe frodi jew suspett ta' frodi lill-awtorità nazzjonali kompetenti għall-infurzar tal-liġi. Dak ir-rapport għandu jintbagħat lill-amministraturi nazzjonali.

1.   Il-Kummissjoni tista' tagħti struzzjoni lill-amministratur ċentrali biex temporanjament jissuspendi l-aċċettazzjoni mill-EUTL ta' xi wħud mill-proċessi jew tal-proċessi kollha li joriġinaw mir-Reġistru tal-Unjoni jekk ma jkunx operat u miżmum skont id-dispożizzjonijiet ta' dan ir-Regolament. Għandha tinnotifika minnufih lill-amministraturi nazzjonali kkonċernati.

2.   L-amministratur ċentrali jista' jissuspendi temporanjament xi wħud mill-proċessi jew il-proċessi kollha milli jinbdew jew ikunu aċċettati fir-Reġistru tal-Unjoni biex issir manutenzjoni skedata jew ta' emerġenza tar-Reġistru tal-Unjoni.

3.   Amministratur nazzjonali jista' jitlob lill-Kummissjoni biex iddaħħal mill-ġdid proċessi sospiżi skont il-paragrafu 1 jekk tqis li l-kwistjonijiet pendenti li kkawżaw is-sospensjoni jkunu ġew maħlula. Jekk dan ikun il-każ, il-Kummissjoni għandha tagħti struzzjoni lill-amministratur ċentrali sabiex jerġa' jdaħħal dawk il-proċessi. Inkella, hija għandha tirrifjuta t-talba f'perjodu ta' żmien raġonevoli u tgħarraf lill-amministratur nazzjonali mingħajr dewmien, filwaqt li tiddikjara r-raġunijiet tagħha u tistabbilixxi l-kriterji li għandhom jiġu ssodisfati sabiex tkun tista' tiġi aċċettata talba sussegwenti.

4.   Il-Kummissjoni tista', inkluż fuq talba ta' Stat Membru li jkun innotifika lill-Kunsill Ewropew bl-intenzjoni tiegħu li jirtira mill-Unjoni skont l-Artikolu 50 tat-Trattat dwar l-Unjoni Ewropea, tagħti struzzjonijiet lill-amministratur ċentrali sabiex jissospendi temporanjament l-aċċettazzjoni mill-EUTL tal-proċessi rilevanti għal dak l-Istat Membru fir-rigward tal-allokazzjoni u l-irkantar bla ħlas.

1.   Il-proċessi kollha għandhom ikunu konformi mar-rekwiżiti ġenerali tal-IT biex jintbagħtu messaġġi b'mod elettroniku li jiżguraw l-qari, l-ispezzjoni u r-reġistrazzjoni effettivi ta' proċess mir-Reġistru tal-Unjoni. Il-proċessi kollha għandhom ikunu konformi mar-rekwiżiti speċifiċi relatati ma' proċessi kif stabbilit f'dan ir-Regolament.

2.   L-amministratur ċentrali għandu jiżgura li l-EUTL iwettaq kontrolli awtomatizzati wara li jqis l-ispeċifikazzjonijiet tekniċi u ta' skambju tad-data previsti fl-Artikolu 75 għall-proċessi kollha sabiex jiġu identifikati irregolaritajiet u diskrepanzi, fejn proċess propost ma jkunx konformi mar-rekwiżiti tad-Direttiva 2003/87/KE u ta' dan ir-Regolament.

1.   L-amministratur ċentrali u l-Istati Membri għandhom jiżguraw li r-Reġistru tal-Unjoni jkun fih kodiċijiet tal-input u kodiċijiet tar-rispons tal-kontrolli sabiex tiġi żgurata l-interpretazzjoni korretta tal-informazzjoni skambjata matul kull proċess. Il-kodiċijiet ta' kontroll għandhom ikunu jaqblu ma' dawk li hemm fl-ispeċifikazzjonijiet tekniċi u ta' skambju tad-data msemmijin fl-Artikolu 75.

2.   Qabel u matul l-eżekuzzjoni tal-proċessi kollha, l-amministratur ċentrali għandu jiżgura li r-Reġistru tal-Unjoni jagħmel spezzjonijiet awtomatizzati xierqa biex ikun żgurat li jinkixfu diskrepanzi u jintemmu proċessi mhux korretti qabel ma jsiru spezzjonijiet awtomatizzati mill-EUTL.

1.   L-amministratur ċentrali għandu jiżgura li l-EUTL jibda perjodikament rikonċiljazzjoni tad-data sabiex ikun żgurat li r-rekords tal-kontijiet tal-EUTL u d-depożiti tal-kwoti jkunu jaqblu mar-rekords ta' dawn id-depożiti fir-Reġistru tal-Unjoni. L-amministratur ċentrali għandhu jiżgura li l-EUTL jirreġistra l-proċessi kollha.

2.   Jekk matul il-proċess ta' rikonċiljazzjoni tad-data msemmi fil-paragrafu 1, tiġi identifikata inkonsistenza mill-EUTL, fejn l-informazzjoni rigward kontijiet, depożiti ta' kwoti pprovduti mir-Reġistru tal-Unjoni bħala parti mill-proċess perjodiku ta' rikonċiljazzjoni tkun differenti mill-informazzjoni li tinsab fl-EUTL, l-amministratur ċentrali għandu jiżgura li l-EUTL jipprevjeni t-tlestija ta' kwalunkwe proċess ulterjuri bi kwalunkwe wieħed mill-kontijiet, kwoti li huma s-suġġett tal-inkonsistenza. L-amministratur ċentrali għandu jiżgura li l-EUTL jgħarraf minnufih lill-amministratur ċentrali u lill-amministraturi tal-kontijiet rilevanti bi kwalunkwe inkonsistenza.

1.   It-tranżazzjonijiet kollha u proċessi oħrajn ikkomunikati lill-EUTL f'konformità mal-Artikolu 6(2) għandhom ikunu finali meta l-EUTL jinnotifika lir-Reġistru tal-Unjoni li jkun lesta l-proċessi. L-amministratur ċentrali għandu jiżgura li l-EUTL iwaqqaf awtomatikament it-tlestija ta' tranżazzjoni jew proċess jekk dawn ma jkunux jistgħu jitlestew fi żmien 24 siegħa mill-komunikazzjoni tagħhom.

2.   Il-proċess ta' rikonċiljazzjoni tad-data msemmi fl-Artikolu 73(1) għandu jkun finali meta l-inkonsistenzi kollha bejn l-informazzjoni li tinsab fir-Reġistru tal-Unjoni u l-informazzjoni li tinsab fl-EUTL għal żmien u data speċifiċi jkunu ġew riżolti, u l-proċess ta' rikonċiljazzjoni tad-data jkun inbeda mill-ġdid u tlesta b'suċċess.

1.   Il-Kummissjoni għandha tqiegħed għad-dispożizzjoni tal-amministraturi nazzjonali speċifikazzjonijiet tekniċi u ta' skambju tad-data li jistabbilixxu rekwiżiti operazzjonali għar-Reġistru tal-Unjoni, inklużi l-kodiċijiet ta' identifikazzjoni, il-kontrolli awtomatizzati, il-kodiċijiet ta' rispons u r-rekwiżiti ta' reġistrazzjoni tad-data, kif ukoll il-proċeduri tal-ittestjar u r-rekwiżiti tas-sigurtà.

2.   L-ispeċifikazzjonijiet tekniċi u ta' skambju tad-data għandhom jitfasslu f'konsultazzjoni mal-Istati Membri.

3.   L-istandards żviluppati f'konformità mal-ftehimiet skont l-Artikolu 25 tad-Direttiva 2003/87/KE għandhom ikunu konsistenti mal-ispeċifikazzjonijiet tekniċi u ta' skambju tad-data mfassla f'konformità mal-paragrafi 1 u 2 ta' dan l-Artikolu.