ISSN 1977-074X |
||
Il-Ġurnal Uffiċjali tal-Unjoni Ewropea |
L 164 |
|
![]() |
||
Edizzjoni bil-Malti |
Leġiżlazzjoni |
Volum 62 |
Werrej |
|
I Atti leġiżlattivi |
Paġna |
|
|
REGOLAMENTI |
|
|
* |
||
|
|
DIRETTIVI |
|
|
* |
Direttiva (UE) 2019/983 tal-Parlament Ewropew u tal-Kunsill tal-5 ta’ Ġunju 2019 li temenda d-Direttiva 2004/37/KE dwar il-protezzjoni tal-ħaddiema minn riskji relatati mal-espożizzjoni għal karċinoġeni jew mutaġeni fuq il-post tax-xogħol ( 1 ) |
|
|
|
DEĊIŻJONIJIET |
|
|
* |
|
|
|
(1) Test b’rilevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
I Atti leġiżlattivi
REGOLAMENTI
20.6.2019 |
MT |
Il-Ġurnal Uffiċjali tal-Unjoni Ewropea |
L 164/1 |
REGOLAMENT (UE) 2019/982 TAL-PARLAMENT EWROPEW U TAL-KUNSILL
tal-5 ta’ Ġunju 2019
li jemenda r-Regolament (UE) Nru 1343/2011 dwar ċerti dispożizzjonijiet għas-sajd fiż-żona tal-Ftehim tal-GFCM (Kummissjoni Ġenerali tas-Sajd għall-Baħar Mediterran)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu,
Wara li kkunsidraw il-proposta mill-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Filwaqt li jaġixxu skont il-proċedura leġiżlattiva ordinarja (2),
Billi:
(1) |
Il-Ftehim dwar it-twaqqif tal-Kummissjoni Ġenerali għas-Sajd fil-Mediterran (“il-Ftehim tal-GFCM”) jipprovdi qafas adattat għall-kooperazzjoni multilaterali sabiex jiġu promossi l-iżvilupp, il-konservazzjoni, il-ġestjoni razzjonali u l-aħjar użu tar-riżorsi ħajjin tal-baħar fil-Baħar Mediterran u fil-Baħar l-Iswed f’livelli li huma kkunsidrati sostenibbli u b’riskju baxx li l-istokkijiet jinqerdu; |
(2) |
Wieħed mill-objettivi tal-Politika Komuni tas-Sajd (PKS), kif stabbilit fir-Regolament (UE) Nru 1380/2013 tal-Parlament Ewropew u tal-Kunsill (3), huwa li jiġi żgurat li l-attivitajiet tas-sajd u l-akkwakultura jkunu sostenibbli mil-lat ambjentali fit-tul, u li jkunu ġestiti b’mod konsistenti mal-għanijiet għall-ksib ta’ benefiċċji f’dak li għandu x’jaqsam mal-ekonomija, is-soċjetà u l-impjiegi, u li jikkontribwixxu għad-disponibbiltà tal-provvisti tal-ikel. |
(3) |
L-Unjoni, kif ukoll il-Bulgarija, il-Greċja, Spanja, Franza, il-Kroazja, l-Italja, Ċipru, Malta, ir-Rumanija u s-Slovenja huma partijiet kontraenti għall-Ftehim tal-GFCM. |
(4) |
Ir-rakkomandazzjonijiet adottati mill-Kummissjoni Ġenerali għas-Sajd fil-Mediterran (il-“GFCM”, General Fisheries Commission for the Mediterranean) huma vinkolanti għall-partijiet kontraenti tagħha. Peress li l-Unjoni hi parti kontraenti tal-Ftehim tal-GFCM, dawk ir-rakkomandazzjonijiet huma vinkolanti għall-Unjoni u għalhekk jenħtieġ li jiġu implimentati fid-dritt tal-Unjoni, sakemm il-kontenut tagħhom mhuwiex diġà kopert minnu. |
(5) |
Ir-Regolament (UE) Nru 1343/2011 tal-Parlament Ewropew u tal-Kunsill (4) jistipula ċerti dispożizzjonijiet dwar is-sajd fiż-żona tal-Ftehim tal-GFCM. Hu l-att leġiżlattiv xieraq għall-implimentazzjoni tal-kontenut tar-rakkomandazzjonijiet tal-GFCM li ġew adottati mill-GFCM u li għadhom mhumiex koperti mid-dritt tal-Unjoni. |
(6) |
Matul is-Sessjoni Annwali tagħha fl-2015, il-GFCM adottat ir-Rakkomandazzjoni GFCM/39/2015/2 dwar l-istabbiliment ta’ sett ta’ standards minimi għas-sajd tat-tkarkir tal-qiegħ fuq stokkijiet demersali fil-Kanal ta’ Sqallija. Dawk l-istandards jinkludu miżuri tekniċi ta’ konservazzjoni għall-gamblu abjad (Parapenaeus longirostris) u għall-merluzz (Merluccius merluccius). Partijiet minn dawk il-miżuri diġà jinsabu fl-Anness III tar-Regolament tal-Kunsill (KE) Nru 1967/2006 (5) dwar daqsijiet minimi ta’ referenza għall-konservazzjoni tal-ispeċijiet ikkonċernati. Madankollu, il-miżuri li jikkonċernaw il-ġestjoni tal-flotta li jinsabu fir-Rakkomandazzjoni 39/2015/2 jenħtieġ li jiġu implimentati fid-dritt tal-Unjoni permezz tar-Regolament (UE) Nru 1343/2011. |
(7) |
Matul is-Sessjoni Annwali tagħha fl-2015, il-GFCM adottat ir-Rakkomandazzjoni GFCM/39/2015/3 dwar l-istabbiliment ta’ sett ta’ miżuri għall-prevenzjoni, għad-deterrenza u għall-eliminazzjoni tas-sajd illegali, mhux irrappurtat u mhux irregolat (IUU) għall-barbun imperjali (Psetta maxima) fil-Baħar l-Iswed. Ħafna minn dawk il-miżuri diġà huma previsti fir-Regolament ta’ Implimentazzjoni tal-Kummissjoni (UE) 2017/218 (6), fir-Regolament tal-Kunsill (KE) Nru 1005/2008 (7), fir-Regolament tal-Kunsill (KE) Nru 1224/2009 (8), fir-Regolament (UE) Nru 1343/2011, fir-Regolament (UE) Nru 1380/2013, u fir-Regolament ta’ Implimentazzjoni tal-Kummissjoni (UE) Nru 404/2011 (9). Numru ta’ miżuri ta’ ġestjoni tal-flotta stabbiliti fir-Rakkomandazzjoni 39/2015/3 mhumiex koperti mil-leġiżlazzjoni tal-Unjoni u għaldaqstant jenħtieġ li dawn jiġu implimentati fid-dritt tal-Unjoni permezz tar-Regolament (UE) Nru 1343/2011. |
(8) |
Fis-Sessjoni Annwali tagħha fl-2015, il-GFCM adottat ir-Rakkomandazzjoni GFCM/39/2015/4 dwar il-miżuri ta’ ġestjoni tas-sajd għall-tal-mazzola griża fil-Baħar l-Iswed li tintroduċi daqs minimu ta’ referenza għall-konservazzjoni għall-ispeċijiet ikkonċernati. |
(9) |
Matul is-Sessjoni Annwali tagħha fl-2016, il-GFCM adottat ir-Rakkomandazzjoni tal-GFCM 40/2016/4 li tistabbilixxi pjan ta’ ġestjoni pluriennali għas-sajd għall-merluzz u għall-gamblu abjad fil-Kanal ta’ Sqallija (subżoni ġeografiċi 12 sa 16). Uħud mill-elementi ta’ dak il-pjan pluriennali diġà huma previsti fir-Regolament ta’ Implimentazzjoni tal-Kummissjoni (UE) 2017/218 u fir-Regolament (UE) Nru 1380/2013. Minkejja dan, ċerti miżuri stabbiliti fir-Rakkomandazzjoni 40/2016/4 mhumiex koperti mil-leġiżlazzjoni u għaldaqstant jenħtieġ li jiġu implimentati fid-dritt tal-Unjoni permezz tar-Regolament (UE) Nru 1343/2011. |
(10) |
Matul is-Sessjoni Annwali tagħha fl-2017, il-GFCM adottat ir-Rakkomandazzjoni GFCM/41/2017/2 dwar il-ġestjoni tas-sajd għall-paġella ħamra fil-Baħar Alboran (subżoni ġeografiċi 1, 2, 3) għal perjodu tranżitorju ta’ sentejn. L-għan operazzjonali ta’ dik ir-Rakkomandazzjoni hu li żżomm il-mortalità mis-sajd għall-paġella ħamra fi ħdan il-punti ta’ referenza prekawzjonali miftiehma u tikseb jew iżżomm ir-rendiment massimu sostenibbli mill-aktar fis possibbli. |
(11) |
Matul is-Sessjoni Annwali tagħha fl-2017, il-GFCM adottat ir-Rakkomandazzjoni GFCM/41/2017/3 dwar l-istabbiliment ta’ żona ristretta tas-sajd fil-Fossa ta’ Jabuka/Pomo fil-Baħar Adrijatiku. |
(12) |
Fis-Sessjoni Annwali tagħha fl-2017, il-GFCM adottat ir-Rakkomandazzjoni GFCM/41/2017/4 dwar pjan ta’ ġestjoni pluriennali għas-sajd għall-barbun imperjali fil-Baħar l-Iswed (subżona ġeografika 29). Ir-Rakkomandazzjoni tistabbilixxi sett ta’ miżuri ta’ ġestjoni, ta’ miżuri tekniċi, ta’ miżuri tal-flotta u ta’ miżuri ta’ kontroll, bħala proġett pilota biex tiġġieled kontra s-sajd IUU fil-Baħar l-Iswed. Uħud mill-elementi ta’ dak il-pjan pluriennali diġà huma previsti fir-Regolament ta’ Implimentazzjoni tal-Kummissjoni (UE) 2017/218, fir-Regolament (KE) Nru 1005/2008, fir-Regolament (KE) Nru 1224/2009, fir-Regolament (UE) Nru 1343/2011, fir-Regolament (UE) Nru 1380/2013, u fir-Regolament ta’ Implimentazzjoni (UE) Nru 404/2011. Minkejja dan, ċerti miżuri stabbiliti fir-Rakkomandazzjoni 41/2017/4 mhumiex koperti mil-leġiżlazzjoni u għaldaqstant jenħtieġ li jiġu implimentati fid-dritt tal-Unjoni permezz tar-Regolament (UE) Nru 1343/2011. |
(13) |
Matul is-Sessjoni Annwali tagħha fl-2017, il-GFCM adottat ir-Rakkomandazzjoni GFCM/41/2017/5 dwar l-istabbiliment ta’ pjan ta’ ġestjoni adattiv reġjonali għall-isfruttament tal-qroll aħmar fil-Baħar Mediterran |
(14) |
Matul is-Sessjoni Annwali tagħha fl-2017, il-GFCM adottat ir-Rakkomandazzjoni GFCM/41/2017/8 dwar skema konġunta internazzjonali ta’ spezzjoni u ta’ sorveljanza barra mill-ilmijiet taħt il-ġurisdizzjoni nazzjonali fil-Kanal ta’ Sqallija (subżoni ġeografiċi 12 sa 16) li l-Istati Membri jistgħu jiddeċiedu li jieħdu sehem fih. Biex tkun żgurata l-konformità mal-PKS, ġiet adottata l-leġiżlazzjoni tal-Unjoni li tistabbilixxi sistema ta’ kontroll, ta’ spezzjoni u ta’ infurzar, li tiġġieled ukoll l-attivitajiet IUU. B’mod partikolari, ir-Regolament (KE) Nru 1224/2009 jistabbilixxi sistema tal-Unjoni għall-kontroll, għall-ispezzjoni u għall-infurzar mill-Unjoni b’approċċ globali u integrat biex jiżgura l-konformità mar-regoli kollha tal-PKS. Ir-Regolament ta’ Implimentazzjoni (UE) Nru 404/2011 jistabbilixxi r-regoli dettaljati għall-implimentazzjoni tar-Regolament (KE) Nru 1224/2009. Ir-Regolament (KE) Nru 1005/2008 jistabbilixxi sistema Komunitarja li tipprevjeni, tiskoraġġixxi u telimina s-sajd IUU (illegali, mhux rappurtat u mhux regolat). Dawk ir-Regolamenti diġà jipprovdu għal numru mill-miżuri stabbiliti fir-Rakkomandazzjoni GFCM/41/2017/8. Għaldaqstant, mhuwiex meħtieġ li dawk il-miżuri jiddaħħlu f’dan ir-Regolament. Minkejja dan, ċerti miżuri stabbiliti f’dik ir-Rakkomandazzjoni mhumiex koperti mil-leġiżlazzjoni u għaldaqstant jenħtieġ li jiġu implimentati fid-dritt tal-Unjoni permezz tar-Regolament (UE) Nru 1343/2011. |
(15) |
Għaldaqstant jenħtieġ li r-Regolament (UE) Nru 1343/2011 jigi emendat kif meħtieġ, |
ADOTTAW DAN IR-REGOLAMENT:
Artikolu 1
Emendi għar-Regolament (UE) Nru 1343/2011
Ir-Regolament (UE) Nru 1343/2011 hu emendat kif ġej:
(1) |
Fl-Artikolu 2(1), l-ewwel subparagrafu huwa sostitwit b’dan li ġej: “Dan ir-Regolament japplika għall-attivitajiet kummerċjali kollha tas-sajd u tal-akkwakultura, kif ukoll għall-attivitajiet tas-sajd rikreattivi fejn ikun speċifikament previst f’dan ir-Regolament, imwettqa mill-bastimenti tas-sajd tal-Unjoni u miċ-ċittadini tal-Istati Membri fiż-żona tal-Ftehim tal-GFCM.”; |
(2) |
L-Artikolu 3 hu emendat kif ġej:
|
(3) |
It-Taqsima li ġejja tiddaħħal wara l-Artikolu 9: “
Artikolu 9a Żoni ristretti għas-sajd fil-Kanal ta’ Sqallija Is-sajd bix-xbieki tat-tkarkir tal-qiegħ għandu jkun ipprojbit f’dawn iż-żoni:
Artikolu 9b Żoni ta’ lqugħ fil-Kanal ta’ Sqallija 1. Żona ta’ lqugħ konfinata permezz ta’ linji li jgħaqqdu l-koordinati li ġejjin għandha tiġi stabbilita madwar iż-żona ristretta tas-sajd ‘Lvant mill-Adventure Bank’ kif imsemmi fl-Artikolu 9a(1):
2. Żona ta’ lqugħ konfinata permezz ta’ linji li jgħaqqdu l-koordinati li ġejjin għandha tiġi stabbilita madwar iż-żona ristretta tas-sajd ‘Punent mill-Baċin ta’ Gela’ kif imsemmi fl-Artikolu 9a(2):
3. Żona ta’ lqugħ konfinata permezz ta’ linji li jgħaqqdu l-koordinati li ġejjin għandha tiġi stabbilita madwar iż-żona ristretta tas-sajd ‘Lvant mill-Malta Bank’ kif imsemmi fl-Artikolu 9a(3):
4. Bastimenti li jwettqu attivitajiet tas-sajd bix-xbieki tat-tkarkir tal-qiegħ fiż-żoni ta’ lqugħ imsemmija f’dan l-Artikolu għandhom jiżguraw il-frekwenza tat-trażmissjoni xierqa tas-sinjali tas-sistema ta’ monitoraġġ tal-bastimenti (VMS) tagħhom. Bastimenti mhux mgħammra bi transponder tal-VMS u li jkollhom l-għan li jistadu bix-xbieki tat-tkarkir tal-qiegħ fiż-żoni ta’ lqugħ għandhom ikunu mgħammra bi kwalunkwe sistema oħra ta’ ġeolokalizzazzjoni biex jippermettu lill-awtoritajiet ta’ kontroll jintraċċaw l-attivitajiet tagħhom. Artikolu 9c Restrizzjonijiet fuq is-sajd fiż-żona tal-Fossa ta’ Jabuka / Pomo fil-Baħar Adrijatiku 1. Sajd rikreazzjonali u sajd bix-xbieki tal-qiegħ, bix-xbieki tat-tkarkir tal-qiegħ, bil-konzijiet tal-qiegħ u bin-nases għandhom ikunu pprojbiti f’żona konfinata permezz ta’ linji li jgħaqqdu l-koordinati li ġejjin:
2. Mill-1 ta’ Settembru sal-31 ta’ Ottubru kull sena, sajd bix-xbieki tal-qiegħ, bix-xbieki tat-tkarkir tal-qiegħ, bil-konzijiet tal-qiegħ u bin-nases għandu jkun ipprojbit f’żona konfinata permezz ta’ linji li jgħaqqdu l-koordinati li ġejjin:
3. Mill-1 ta’ Settembru sal-31 ta’ Ottubru kull sena, sajd rikreazzjonali u sajd bix-xbieki tal-qiegħ, bix-xbieki tat-tkarkir tal-qiegħ, bil-konzijiet tal-qiegħ u bin-nases għandhom ikunu pprojbiti f’żona konfinata permezz ta’ linji li jgħaqqdu l-koordinati li ġejjin:
Artikolu 9d Bastimenti awtorizzati fiż-żona tal-Fossa ta’ Jabuka / Pomo 1. Mingħajr preġudizzju għall-Artikolu 109c(2) u (3), l-attivitajiet tas-sajd kummerċjali mwettqa bix-xbieki tal-qiegħ, bix-xbieki tat-tkarkir tal-qiegħ, bil-konzijiet tal-qiegħ u bin-nases għandhom ikunu awtorizzati biss, fiż-żoni msemmija f’dawk il-paragrafi, jekk il-bastiment ikun fil-pussess ta’ awtorizzazzjoni speċifika u jekk dan ikun jista’ juri li storikament wettaq attivitajiet tas-sajd fiż-żoni kkonċernati. 2. Fiż-żona msemmija fl-Artikolu 9c(2), il-bastimenti tas-sajd awtorizzati m’għandhomx ikunu intitolati li jistadu għal aktar minn jumejn tas-sajd fil-ġimgħa. Il-bastimenti tas-sajd awtorizzati li jużaw irkaptu li jkun xbieki tat-tkarkir bid-diriġenti tewmin m’għandhomx ikollhom id-dritt li jistadu għal aktar minn jum wieħed tas-sajd fil-ġimgħa. 3. Fiż-żona msemmija fl-Artikolu 9c(3), il-bastimenti awtorizzati li jistadu bix-xbieki tat-tkarkir tal-qiegħ għandhom ikunu intitolati li jistadu biss kull nhar ta’ Sibt u Ħadd mill-5.00 H sal-22.00 H. Bastimenti awtorizzati li jistadu bix-xbieki tal-qiegħ, bil-konzijiet tal-qiegħ u bin-nases għandhom jitħallew jistadu biss minn nhar ta’ Tnejn 05.00 H sal-Ħamis 22.00 H. 4. Il-bastimenti awtorizzati jistadu fiż-żona msemmija fl-Artikolu 9c(2) u (3) bl-irkaptu msemmi fil-paragrafu 1 ta’ dan l-Artikolu għandha tinħarġilhom awtorizzazzjoni tas-sajd mill-Istat Membru tagħhom f’konformità mal-Artikolu 7 tar-Regolament (KE) Nru 1224/2009. 5. L-Istati Membri għandhom jibagħtu lill-Kummissjoni, mhux aktar tard mill-31 ta’ Marzu kull sena, il-lista ta’ bastimenti li għalihom ikunu ħarġu l-awtorizzazzjoni msemmija fil-paragrafu 1. Il-Kummissjoni għandha tikkomunika lis-Segretarjat tal-GFCM, mhux aktar tard mit-30 ta’ April kull sena, il-lista ta’ bastimenti awtorizzati stabbiliti għas-sena li jmiss. Għal kull bastiment, il-lista għandu jkun fiha l-informazzjoni li ġejja:
6. Il-bastimenti tas-sajd awtorizzati għandhom iħottu biss qabdiet ta’ stokkijiet demersali fil-portijiet magħżula. Għal dak l-għan, kull Stat Membru kkonċernat għandu jagħżel portijiet li fihom hu awtorizzat il-ħatt tal-qabdiet miż-Żona Ristretta tas-Sajd tal-Fossa ta’ Jabuka/Pomo. Il-lista ta’ dawk il-portijiet għandha tiġi kkomunikata lis-Segretarjat tal-GFCM u lill-Kummissjoni mhux aktar tard mit-30 ta’ April kull sena. 7. Il-bastimenti tas-sajd awtorizzati biex jistadu fiż-żoni msemmija fl-Artikolu 9c(2) u (3) bl-irkaptu msemmi fil-paragrafu 1 ta’ dan l-Artikolu għandu jkollhom VMS u/jew Sistema ta’ Identifikazzjoni Awtomatiċi (AIS) li jaħdmu kif suppost, u l-irkaptu tas-sajd abbord jew użat għandu jkun identifikat, enumerat u mmarkat kif xieraq qabel tibda kwalunkwe operazzjoni tas-sajd jew in-navigazzjoni f’dawk iż-żoni. 8. Il-bastimenti tas-sajd bix-xbieki tal-qiegħ, bix-xbieki tat-tkarkir tal-qiegħ, bil-konzijiet tal-qiegħ u bin-nases mingħajr awtorizzazzjonijiet għandhom jitħallew jgħaddu miż-Żona Ristretta tas-Sajd biss jekk dawn isegwu rotta diretta b’veloċità kostanti ta’ mhux anqas minn 7 knots u b’VMS u/jew l-AIS attivi abbord, u jekk ma jwettqu l-ebda tip ta’ attivitajiet tas-sajd. Artikolu 9e Restrizzjonijiet spazjali/temporali fil-Baħar Alboran 1. Filwaqt li jikkunsidraw il-parir xjentifiku disponibbli, l-Istati Membri jistgħu jistabbilixxu restrizzjonijiet spazjali/temporali fil-Baħar Alboran (subżoni ġeografiċi 1, 2 u 3 tal-GFCM kif iddefiniti fl-Anness I), li fihom l-attivitajiet tas-sajd għandhom ikunu pprojbiti jew ristretti biex jiġu protetti żoni ta’ aggregazzjoni ta’ paġelli ħomor li għadhom qed jikbru u/jew li jkunu ser iwelldu. 2. L-Istati Membri għandhom jinnotifikaw lill-GFCMu lill-Kummissjoni mhux aktar tard mill-11 ta’ Jannar 2020 iż-żoni u r-restrizzjonijiet applikati fihom.”; |
(4) |
Fil-Kapitolu I tat-Titolu II, tiżdied it-Taqsima li ġejja: “
Artikolu 11a Għeluq temporanju fil-Golf ta’ Gabès Mill-1 ta’ Lulju sal-31 ta’ Settembru kull sena, is-sajd bix-xbieki tat-tkarkir tal-qiegħ għandu jkun ipprojbit bejn il-kosta u l-isobat ta’ 200 metru fond tas-Subżona Ġeografika 14 tal-GFCM (il-Golf ta’ Gabès kif iddefinit fl-Anness I).”; |
(5) |
Fit-Titolu II, jiddaħħal il-Kapitolu li ġej: “KAPITOLU IIA Għeluq temporali fil-Baħar l-Iswed Artikolu 14a Perjodu tal-għeluq matul l-istaġun tar-riproduzzjoni tal-barbun imperjali fil-Baħar l-Iswed 1. Fil-perjodu ta’ bejn April u Ġunju kull sena, kull Stat Membru għandu jistabbilixxi perjodu tal-għeluq ta’ tal-anqas xahrejn fil-Baħar l-Iswed. 2. L-Istati Membri jistgħu jiddeżinjaw restrizzjonijiet spazjali/temporali addizzjonali li fihom l-attivitajiet tas-sajd jistgħu jiġu pprojbiti jew ristretti biex jipproteġu żoni ta’ aggregazzjoni ta’ barbuni imperjali li għadhom qed jikbru.” |
(6) |
Jiddaħħlu l-Artikoli li ġejjin: “Artikolu 16ca Għeluq ta’ prekawzjoni għall-qroll aħmar 1. Meta jintlaħaq il-livell ta’ qabdiet skattatur tal-qroll aħmar kif imsemmi fil-paragrafi 2 u 3, l-Istati Membri għandhom jagħlqu ż-żona kkonċernata b’mod temporali għal kwalunkwe sajd għall-qroll aħmar. 2. Il-livell ta’ qabdiet skattatur għandu jitqies li ntlaħaq meta l-kolonji tal-qroll aħmar b’dijametru bażiku ta’ anqas minn 7 mm jaqbżu l-25 % tal-qabda totali li ssir minn bank partikolari tal-qroll aħmar għal sena partikolari. 3. Meta l-banks tal-qroll ma jkunux għadhom ġew identifikati kif suppost, il-livell ta’ qabdiet skattatur u l-għeluq previst fil-paragrafu 1 għandhom japplikaw fuq l-iskala tar-rettangolu statistiku tal-GFCM. 4. Fid-deċiżjoni tagħhom li tistabbilixxi għeluq kif imsemmi fil-paragrafu 1, l-Istat Membri għandhom jiddefinixxu ż-żona ġeografika kkonċernata, id-durata tal-għeluq u l-kundizzjonijiet li jirregolaw is-sajd f’dik iż-żona matul l-għeluq. 5. L-Istati Membri li jistabbilixxu l-għeluq għandhom jinformaw lis-Segretarjat tal-GFCM u lill-Kummissjoni mingħajr dewmien. Artikolu 16cb Għeluq spazjali/temporali L-Istati Membri li jistadu b’mod attiv għall-qroll aħmar għandhom jintroduċu għeluq addizzjonali għall-protezzjoni tal-qroll aħmar fuq il-bażi tal-parir xjentifiku disponibbli u mhux aktar tard mill-11 ta’ Jannar 2020.”; |
(7) |
Fit-Titolu II, jiddaħħal il-Kapitolu li ġej wara l-Kapitolu IV: “KAPITOLU IVA Daqs minimu ta’ referenza għall-konservazzjoni għall-mazzola griża tal-Baħar l-Iswed Artikolu 16da Daqs minimu ta’ referenza għall-konservazzjoni għall-mazzola griża tal-Baħar l-Iswed Eżemplari ta’ mazzola griża fil-Baħar l-Iswed iżgħar minn 90 cm m’għandhomx jinżammu abbord, jiġu ttrażbordati, jinħattu l-art, jinħażnu, jinbiegħu jew jiġu offruti għall-bejgħ. Meta jinqabdu bi żball, dawn l-eżemplari tal-mazzola griża għandhom jinħelsu minnufih mingħajr ma ssirilhom ħsara u ħajjin, sa fejn ikun possibbli. Il-kaptani tal-bastimenti tas-sajd għandhom jirreġistraw qbid inċidentali, avvenimenti ta’ rilaxx u/jew ta’ rimi għall-mazzola griża fil-ġurnal ta’ abbord. L-Istati Membri għandhom jinnotifikaw dik l-informazzjoni lill-GFCM u lill-Kummissjoni fir-rappurtar annwali tagħhom lill-Kumitat Konsultattiv Xjentifiku u permezz tal-qafas ta’ ġbir tad-data tal-GFCM.”; |
(8) |
Jiddaħħal it-Titolu li ġej: “TITOLU IIA KAPAĊITÀ TAS-SAJD U OPPORTUNITAJIET TAS-SAJD Artikolu 16m Il-limiti ta’ qbid għall-qroll aħmar Kull Stat Membru jista’ jistabbilixxi fil-Baħar Mediterran sistema ta’ limiti ta’ qbid ta’ kuljum u/jew annwali individwali għall-qroll aħmar. Artikolu 16n Kapaċità jew sforz tas-sajd tal-flotta tas-sajd għall-paġella ħamra fil-Baħar Alboran Sa mhux aktar tard mill-2020, l-Istati Membri għandhom iżommu l-livelli tal-kapaċità jew tal-isforz tas-sajd tal-flotta tas-sajd fil-livelli awtorizzati u applikati fis-snin reċenti għall-qbid tal-paġella ħamra fil-Baħar Alboran (subżoni ġeografiċi 1, 2 u 3 tal-GFCM, kif iddefiniti fl-Anness I).”; |
(9) |
Jitħassar l-Artikolu 17a; |
(10) |
Fit-Titolu III, jiżdiedu l-Kapitoli li ġejjin: “KAPITOLU III Il-kontroll tas-sajd għall-qroll Artikolu 22a L-awtorizzazzjonijiet tas-sajd għall-qroll aħmar 1. Bastimenti jew sajjieda awtorizzati li jistadu għall-qroll aħmar fil-Baħar Mediterran għandu jkollhom awtorizzazzjoni tas-sajd valida, li għandha tispeċifika l-kundizzjonijiet tekniċi li fihom jista’ jsir is-sajd. 2. Fin-nuqqas ta’ awtorizzazzjoni msemmija fil-paragrafu 1, għandu jkun ipprojbit li wieħed jistad, iżomm abbord, jittrasborda, iħott, jittrasferixxi, jaħżen, ibigħ jew juri jew joffri għall-bejgħ il-qroll aħmar. 3. L-Istati Membri għandhom iżommu reġistru aġġornat tal-awtorizzazzjonijiet tas-sajd imsemmija fil-paragrafu 1 u għandhom jibagħtu lill-Kummissjoni, mhux aktar tard mill-31 ta’ Marzu kull sena, il-lista ta’ bastimenti li għalihom ikunu nħarġu l-awtorizzazzjonijiet msemmija fil-paragrafu 1. Il-Kummissjoni għandha tikkomunika dik il-lista lis-Segretarjat tal-GFCM sa mhux aktar tard mit-30 ta’ April kull sena. Dik il-lista għandha tinkludi l-informazzjoni li ġejja għal kull bastiment:
4. L-Istati Membri m’għandhomx iżidu n-numru ta’ awtorizzazzjonijiet tas-sajd sa meta l-parir xjentifiku jindika status favorevoli tal-popolazzjonijiet tal-qroll aħmar. Artikolu 22b Reġistrazzjoni tal-qabdiet għall-qroll aħmar 1. Is-sajjieda jew il-kaptani tal-bastimenti awtorizzati biex jistadu għall-qroll aħmar għandhom jirreġistraw il-qabdiet f’piż ħaj, u, jekk possibbli, in-numru ta’ kolonji, wara l-operazzjonijiet tas-sajd, jew, sa mhux aktar tard minn meta dawn jinħattu fil-port, f’każ ta’ vjaġġi tas-sajd ta’ kuljum. 2. Il-bastimenti tas-sajd awtorizzati jistadu għall-qroll aħmar għandu jkollhom abbord ġurnal ta’ abbord li fih jiġu rreġistrati l-qabdiet ta’ kuljum tal-qroll aħmar, irrispettivament mill-piż ħaj tal-qabda, u l-attività tas-sajd skont iż-żona u l-fond, inkluż, fejn possibbli, in-numru ta’ jiem tas-sajd u ta’ għadsiet. Dik l-informazzjoni għandha tiġi kkomunikata lill-awtoritajiet nazzjonali kompetenti qabel l-iskadenza stabbiliti fl-Artikolu 14(6) tar-Regolament (KE) Nru 1224/2009. Artikolu 22c Notifika minn qabel għall-qroll aħmar Bejn sagħtejn u erba’ sigħat qabel il-ħin stmat tal-wasla fil-port, il-kaptani tal-bastimenti tas-sajd jew ir-rappreżentant tagħhom għandhom jinnotifikaw lill-awtoritajiet rilevanti bl-informazzjoni li ġejja:
Artikolu 22d Il-portijiet magħżula għall-qroll aħmar Is-sajjieda jew il-bastimenti tas-sajd awtorizzati għandhom iħottu qabdiet tal-qroll aħmar f’portijiet magħżula biss. Għaldaqstant, kull Stat Membru għandu jagħżel il-portijiet li fihom hu awtorizzat il-ħatt tal-qroll aħmar u jikkomunika lista ta’ dawk il-portijiet lis-Segretarjat tal-GFCM u lill-Kummissjoni mhux aktar tard mit-30 ta’ April kull sena, ħlief fil-każ li ma jkun seħħ ebda tibdil fil-portijiet magħżula diġà kkomunikati. Artikolu 22e Kontroll tal-ħatt tal-qroll aħmar Kull Stat Membru għandu jistabbilixxi programm ta’ kontroll ibbażat fuq l-analiżi tar-riskju, b’mod partikolari biex jivverifika l-ħatt u jivvalida l-ġurnali ta’ abbord. Artikolu 22f Trasbord tal-qroll aħmar L-operazzjonijiet ta’ trasbord fil-baħar tal-qroll aħmar għandhom ikunu pprojbiti. Artikolu 22g Informazzjoni xjentifika għall-qroll aħmar L-Istati Membri li jkollhom flotot tas-sajd li jistadu għall-qroll aħmar għandhom jiżguraw li jkun hemm fis-seħħ mekkaniżmu għall-monitoraġġ xjentifiku adegwat tas-sajd u tal-qabdiet bl-għan li jippermettu lill-kumitat Xjentifiku Konsultattiv tal-GFCM jipprovdi informazzjoni deskrittiva u pariri fuq tal-anqas:
KAPITOLU IV Miżuri ta’ kontroll relatati ma’ ċerti subżoni ġeografiċi tal-GFCM
Artikolu 22h Ir-rapportar tal-qabdiet u tal-qabdiet inċidentali ta’ kuljum tal-paġella ħamra Mingħajr ħsara għall-Artikolu 14 tar-Regolament (KE) Nru 1224/2009, l-Istati Membri għandhom jistabbilixxu mekkaniżmu biex jiżguraw li l-qabdiet u l-qabdiet inċidentali kummerċjali ta’ kuljum kollha tal-paġella ħamra fil-Baħar Alboran (subżoni ġeografiċi 1, 2, 3 tal-GFCM, kif iddefiniti fl-Anness I), irrispettivament mill-piż ħaj tal-qabda, jiġu rrapportati. Rigward is-sajd rikreazzjonali, l-Istati Membri għandhom jagħmlu l-almu tagħhom biex jirreġistraw jew jagħmlu stimi tal-qabdiet ta’ dik l-ispeċi. Artikolu 22i Awtorizzazzjonijiet tas-sajd u attivitajiet tas-sajd 1. L-Istati Membri għandhom jistabbilixxu reġistru tal-bastimenti tas-sajd li huma awtorizzati jġorru abbord jew iħottu kwantitajiet ta’ paġella ħamra maqbuda fil-Baħar Alboran li jikkostitwixxu aktar minn 20 % tal-qabda f’piż ħaj wara t-tqassim skont il-marea. Dak ir-reġistru għandu jinżamm u jiġi aġġornat. 2. Il-bastimenti tas-sajd li jistadu għall-paġella ħamra għandhom jitħallew iwettqu attivitajiet tas-sajd biss jekk dawk l-attivitajiet tas-sajd ikunu indikati f’awtorizzazzjoni valida tas-sajd maħruġa mill-awtoritajiet kompetenti u li tispeċifika l-kundizzjonijiet tekniċi li fihom jistgħu jitwettqu t-tali attivitajiet. L-awtorizzazzjoni għandha tinkludi d-data stabbilita fl-Anness VIII. 3. L-Istati Membri għandhom:
4. Il-bastimenti kollha itwal minn 12-il metru komplessivi awtorizzati għas-sajd għall-paġella ħamra għandhom ikunu mgħammra b’VMS jew bi kwalunkwe sistema oħra ta’ ġeolokalizzazzjoni li tippermetti lill-awtoritajiet jintraċċaw l-attivitajiet tagħhom. Artikolu 22j Monitoraġġ xjentifiku L-Istati Membri li għandhom flotot tas-sajd li jistadu għall-paġella ħamra għandhom jiżguraw li jkun hemm fis-seħħ mekkaniżmu għall-monitoraġġ adegwat tas-sajd u tal-qabdiet bl-għan li jippermettu lill-Kumitat Konsultattiv Xjentifiku jipprovdi informazzjoni deskrittiva u pariri dwar tal-anqas dawn li ġejjin:
Artikolu 22k Awtorizzazzjonijiet għas-sajd tat-tkarkir tal-qiegħ għal stokkijiet demersali fil-Kanal ta’ Sqallija 1. Il-bastimenti tat-tkarkir tal-qiegħ li jistadu għal stokkijiet demersali fil-Kanal ta’ Sqallija (subżoni ġeografiċi 12, 13, 14, 15 u 16 tal-GFCM kif iddefiniti fl-Anness I), għandhom jitħallew iwettqu l-attivitajiet speċifiċi tas-sajd indikati f’awtorizzazzjoni valida tas-sajd maħruġa mill-awtoritajiet kompetenti u li tispeċifika l-kundizzjonijiet tekniċi li fihom għandhom jitwettqu t-tali attivitajiet. 2. L-awtorizzazzjoni tas-sajd imsemmija fil-paragrafu 1 għandha tinkludi, minbarra d-data ddefinita fl-Anness I tar-Regolament ta’ Implimentazzjoni tal-Kummissjoni (UE) 2017/218 (*3), id-data li ġejja:
3. L-Istati Membri għandhom jibagħtu lill-Kummissjoni, sal-31 ta’ Ottubru kull sena, il-lista ta’ bastimenti li għalihom ikunu ħarġu l-awtorizzazzjoni msemmija fil-paragrafu 1. Il-Kummissjoni għandha tikkomunika dik il-lista lill-korp maħtur minnha u lis-Segretarjat tal-GFCM mhux aktar tard mit-30 ta’ Novembru kull sena. 4. L-Istati Membri għandhom jikkomunikaw lill-Kummissjoni u lis-Segretarjat tal-GFCM, mhux aktar tard mil-31 ta’ Awwissu kull sena, f’format aggregat, rapport dwar l-attivitajiet tas-sajd imwettqa mill-bastimenti msemmija fil-paragrafu 1, inkluża l-informazzjoni minima li ġejja:
Artikolu 22l Portijiet magħżulin 1. Kull Stat Membru konċernat għandu jagħżel il-portijiet tal-ħatt l-art li fihom jista’ jsir il-ħatt l-art tal-merluzz u tal-gamblu abjad mill-Kanal ta’ Sqallija, b’konformità mal-Artikolu 43(5) tar-Regolament (KE) Nru 1224/2009. L-Istati Membri għandhom jittrażmettu lis-Segretarjat tal-GFCM u lill-Kummissjoni lista tal-portijiet tal-ħatt l-art magħżula sa mhux aktar tard mit-30 ta’ Novembru 2018. Kwalunkwe bidla sussegwenti li ssir lil dik il-lista għandha tiġi notifikata fil-pront lis-Segretarjat tal-GFCM u lill-Kummissjoni. 2. Għandu jkun ipprojbit li tinħatt l-art jew li tiġi trażbordata kwalunkwe kwantità ta’ merluzz u ta’ gamblu abjad li jkun ġie mistad fil-Kanal ta’ Sqallija fi kwalunkwe post ħlief fil-portijiet tal-ħatt l-art magħżula mill-Istati Membri. Artikolu 22m Skema Internazzjonali Konġunta ta’ Spezzjoni u ta’ Sorveljanza fil-Kanal ta’ Sqallija 1. L-Istati Membri jistgħu jwettqu attivitajiet ta’ spezzjoni u ta’ sorveljanza fil-qafas ta’ Skema Internazzjonali Konġunta ta’ Spezzjoni u ta’ Sorveljanza (“l-Iskema”) li tkopri l-ilmijiet li jaqgħu barra mill-ġurisdizzjoni nazzjonali fis-subżoni ġeografiċi 12, 13, 14, 15 u 16 tal-GFCM, kif iddefiniti fl-Anness I (“iż-żona ta’ spezzjoni u ta’ sorveljanza”). 2. L-Istati Membri jistgħu jassenjaw spetturi u mezzi ta’ spezzjoni, u jwettqu spezzjonijiet fl-ambitu tal-Iskema. Il-Kummissjoni jew korp maħtur minnha wkoll jistgħu jassenjaw spetturi tal-Unjoni għall-Iskema. 3. Il-Kummissjoni jew il-korp maħtur minnha għandhom jikkoordinaw l-attivitajiet ta’ sorveljanza u spezzjoni għall-UE u jistgħu jfasslu, flimkien mal-Istati Membri kkonċernati, pjan ta’ eżerċizzju konġunt biex l-Unjoni tkun tista’ tissodisfa l-obbligu tagħha fl-ambitu tal-Iskema. L-Istati Membri għandhom jadottaw il-miżuri meħtieġa sabiex jiffaċilitaw l-implimentazzjoni ta’ dawk il-pjanijiet, b’mod partikolari f’dak li għandu x’jaqsam mar-riżorsi umani u materjali meħtieġa u mal-perjodi u maż-żoni ġeografiċi li fihom iridu jintużaw dawk ir-riżorsi. 4. Kull Stat Membru għandu, mhux aktar tard mill-31 ta’ Ottubru kull sena, jinnotifika lill-Kummissjoni jew lil korp maħtur minnha l-lista ta’ ismijiet tal-ispetturi awtorizzati jwettqu l-ispezzjoni u s-sorveljanza fiż-żona msemmija fil-paragrafu 1, kif ukoll l-ismijiet tal-bastimenti u l-inġenji tal-ajru użati għall-ispezzjoni u s-sorveljanza li beħsiebhom jassenjaw lill-Iskema għas-sena ta’ wara. Il-Kummissjoni jew l-entità maħtura minnha għandha tibgħat dik l-informazzjoni lis-Segretarjat tal-GFCM sal-1 ta’ Diċembru kull sena jew mill-aktar fis possibbli qabel il-bidu tal-attivitajiet ta’ spezzjoni. 5. L-ispetturi assenjati għall-Iskema għandhom iġorru karta ta’ spettur tal-GFCM maħruġa mill-awtoritajiet kompetenti, li għandha tkun fil-forma stabbilita fl-Anness IV. 6. Il-bastimenti li jwettqu dmirijiet ta’ imbarkazzjoni u ta’ spezzjoni skont l-Iskema għandhom itajru bandiera speċjali jew pennell, kif deskritta fl-Anness V. 7. Kull Stat Membru għandu jiżgura li kull pjattaforma għall-ispezzjoni intitolata ttajjar il-bandiera tagħha u li topera fiż-żona msemmija fil-paragrafu 1 iżżomm kuntatt sigur, ta’ kuljum fejn possibbli, ma’ kull pjattaforma għall-ispezzjoni oħra li topera f’dik iż-żona, biex jiskambjaw l-informazzjoni neċessarja bl-għan li jikkoordinaw l-attivitajiet. 8. Kull Stat Membru bi preżenza ta’ spezzjoni jew ta’ sorveljanza fiż-żona msemmija fil-paragrafu 1 għandu jipprovdi lil kull pjattaforma għall-ispezzjoni, mad-dħul tiegħu fiż-żona, lista ta’ osservazzjonijiet stabbilita skont l-Anness VII, ta’ imbarkar u ta’ spezzjonijiet li jkun għamel fil-perjodu ta’ għaxart ijiem preċedenti, inklużi d-dati, il-koordinati u kwalunkwe informazzjoni rilevanti oħra. Artikolu 22n It-twettiq tal-ispezzjonijiet 1. L-ispetturi assenjati għall-Iskema għandhom:
2. Mal-imbarkazzjoni fuq il-bastiment, l-ispetturi għandhom jipproduċu l-karta tal-identità deskritta fl-Anness IV lill-kaptan tal-bastiment tas-sajd. L-ispezzjonijiet għandhom isiru f’waħda mil-lingwi uffiċjali tal-GFCM u, fejn possibbli, fil-lingwa mitkellma mill-kaptan tal-bastiment tas-sajd. 3. L-ispetturi għandhom ifasslu rapport tal-ispezzjoni fil-format stabbilit fl-Anness VI. 4. L-ispetturi għandhom jiffirmaw ir-rapport fil-preżenza tal-kaptan tal-bastiment li għandu jkollu d-dritt iżid mar-rapport kwalunkwe osservazzjoni li jaħseb li hi xierqa u li jrid jiffirma wkoll. 5. Għandhom jingħataw kopji tar-rapport lill-kaptan tal-bastiment u lill-awtoritajiet tat-tim tal-ispezzjoni, li, min-naħa tiegħu, għandu jgħaddi kopji tiegħu lill-awtoritajiet tal-Istat tal-bandiera tal-bastiment spezzjonat u lill-Kummissjoni u/jew korp maħtur minnha. Il-Kummissjoni għandha tibgħat kopja lis-Segretarjat tal-GFCM. 6. Id-daqs tat-tim tal-ispezzjoni u t-tul tal-ispezzjoni għandhom jiġu ddeterminati mill-uffiċjal kmandant tal-bastiment ta’ spezzjoni filwaqt li jittieħdu f’kunsiderazzjoni ċ-ċirkustanzi rilevanti kollha. Artikolu 22o Ksur 1. Għall-finijiet ta’ dan l-Artikolu, l-attivitajiet li ġejjin għandhom jitqiesu li huma ksur:
2. Fil-każ ta’ kwalunkwe imbarkazzjoni u spezzjoni ta’ bastimenti tas-sajd li matulhom l-ispetturi jidentifikaw ksur, l-awtoritajiet tal-Istat Membru tal-bandiera tal-bastiment ta’ spezzjoni għandhom jinformaw minnufih lill-Kummissjoni jew lil korp maħtur minnha, li għandu jinnotifika lill-Istat tal-bandiera tal-bastiment tas-sajd taħt spezzjoni, kemm b’mod dirett kif ukoll permezz tas-Segretarjat tal-GFCM. Għandhom jinfurmaw ukoll lil kwalunkwe bastiment ta’ spezzjoni tal-Istat tal-bandiera tal-bastiment tas-sajd li jkun magħruf li jinsab fil-viċinanza. 3. L-Istat Membru tal-bandiera tal-bastiment għandu jiżgura li, wara spezzjoni li fiha jkun ġie individwat ksur, il-bastiment tas-sajd ikkonċernat iwaqqaf kull attività tas-sajd. L-Istat Membru tal-bandiera għandu jitlob lill-bastiment tas-sajd jipproċedi fi żmien 72 siegħa lejn port magħżul minnu, fejn għandha tinbeda investigazzjoni. 4. Fil-każ li xi ksur ġie skopert matul spezzjoni, l-azzjonijiet meħuda u s-segwitu mogħti mill-Istat Membru tal-bandiera għandhom jiġu nnotifikati lill-Kummissjoni jew lil korp maħtur minnha. Il-Kummissjoni jew il-korp maħtur minnha għandhom jgħaddu l-azzjoni u s-segwitu li jkun sar lis-Segretarjat tal-GFCM. 5. L-awtoritajiet tal-Istati Membri għandhom jaġixxu fuq ir-rapporti tal-ispezzjonijiet, kif imsemmi fl-Artikolu 22n(3), u d-dikjarazzjonijiet li jirriżultaw mill-ispezzjonijiet dokumentarji mill-ispetturi fuq bażi simili bħalma jaġixxu fuq rapporti u dikjarazzjonijiet ta’ spetturi nazzjonali.
Artikolu 22p Miżuri għall-prevenzjoni, għad-deterrenza u għall-eliminazzjoni tas-sajd illegali, mhux irrappurtat u mhux irregolat għall-barbun imperjali fil-Baħar l-Iswed 1. Sal-20 ta’ Jannar kull sena, kull Stat Membru għandu jibgħat lill-Kummissjoni, permezz tal-appoġġ normali tal-proċessar ta’ data, lista aġġornata tal-bastimenti li jużaw għeżula tal-qiegħ awtorizzati biex jistadu għall-barbun imperjali fil-Baħar l-Iswed (is-subżona ġeografika 29 tal-GFCM, kif iddefinita fl-Anness I). Sal-1 ta’ Jannar kull sena, il-Kummissjoni għandha tibgħat dik il-lista lis-Segretarjat tal-GFCM. 2. Il-lista indikata fil-paragrafu 1 għandha tinkludi, minbarra d-data stabbilita fl-Anness I għar-Regolament ta’ Implimentazzjoni (UE) 2017/218, id-data li ġejja:
3. Fuq talba mill-GFCM, l-Istati Membri għandhom jirrapportaw informazzjoni dwar il-bastimenti tas-sajd awtorizzati biex iwettqu attività tas-sajd f’perjodu speċifiku. B’mod partikolari, l-Istati Membri għandhom jirrapportaw l-ismijiet tal-bastimenti tas-sajd ikkonċernati, in-numru ta’ identifikazzjoni estern tagħhom u l-opportunitajiet tas-sajd allokati lil kull wieħed minnhom. 4. Għeżula abbandunati mhux immarkati użati fis-sajd għall-barbun imperjali u li jinstabu fil-baħar għandhom jinġabru mill-awtoritajiet kompetenti tal-Istat Membru kostali. Imbagħad, dawk ix-xbieki għandhom jew jiġu kkonfiskati sakemm jiġi identifikat kif xieraq sidhom jew inkella jinqerdu jekk is-sid ma jkunx jista’ jiġi identifikat. 5. Kull Stat Membru kkonċernat għandu jagħżel il-punti tal-ħatt, fejn għandhom isiru l-ħatt u t-trasbord tal-barbun imperjali maqbud fil-Baħar l-Iswed, f’konformità mal-Artikolu 43(5) tar-Regolament (KE) Nru 1224/2009. Lista tat-tali punti għandha tiġi kkomunikata lis-Segretarjat tal-GFCM u lill-Kummissjoni sa mhux aktar tard mit-30 ta’ Novembru kull sena. 6. Għandu jkun ipprojbit li wieħed iħott jew jittrasborda mill-bastimenti tas-sajd kwalunkwe kwantità ta’ barbun imperjali maqbud fil-Baħar l-Iswed fi kwalunkwe post ieħor li ma jkunx il-punti ta’ ħatt imsemmija fil-paragrafu 5. Artickolu 22q Pjanijiet nazzjonali ta’ monitoraġġ, ta’ kontroll u ta’ sorveljanza għas-sajd għall-barbun imperjali fil-Baħar l-Iswed 1. L-Istati Membri għandhom jistabbilixxu pjanijiet nazzjonali ta’ monitoraġġ, ta’ kontroll u ta’ sorveljanza (“pjanijiet nazzjonali”) biex jimplimentaw id-dispożizzjonijiet tal-Artikolu 22p billi jiżguraw, fost l-oħrajn, monitoraġġ u reġistrazzjoni xierqa u preċiżi tal-qabdiet ta’ kull xahar u/jew tal-isforz tas-sajd skjerat. 2. L-elementi li ġejjin għandhom jiddaħħlu fil-pjanijiet nazzjonali:
3. Sal-20 ta’ Jannar kull sena, l-Istati Membri għandhom jikkomunikaw, lill-Kummissjoni jew lil korp maħtur minnha, il-pjanijiet nazzjonali. Il-Kummissjoni jew il-korp maħtur minnha għandhom jgħaddu dawn il-pjanijiet lis-Segretarju tal-GFCM qabel il-31 ta’ Jannar kull sena. Artikolu 22r Monitoraġġ xjentifiku tas-sajd għall-barbun imperjali fil-Baħar l-Iswed L-Istati Membri għandhom jikkomunikaw lis-SAC (il-Kumitat Konsultattiv Xjentifiku) u lill-Kummissjoni, mhux aktar tard mit-30 ta’ Novembru kull sena, kwalunkwe informazzjoni addizzjonali b’appoġġ tal-monitoraġġ xjentifiku tas-sajd għall-barbun imperjali fil-Baħar l-Iswed. (*3) Ir-Regolament ta’ Implimentazzjoni tal-Kummissjoni (UE) 2017/218 tas-6 ta’ Frar 2017 dwar ir-reġistru tal-flotta tas-sajd tal-Unjoni (ĠU L 34, 9.2.2017, p. 9).”;" |
(11) |
L-Artikolu 23a hu emendat kif ġej:
|
(12) |
L-Annessi IV, V, VI, VII u VIII jiddaħħlu kif stabbilit fl-Anness ta’ dan ir-Regolament. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Ġunju 2019.
Għall-Parlament Ewropew
Il-President
A. TAJANI
Għall-Kunsill
Il-President
G. CIAMBA
(1) ĠU C 283, 10.8.2018, p. 95.
(2) Pożizzjoni tal-Parlament Ewropew tas-26 ta’ Marzu 2019 (għadha mhijiex ippubblikata fil-Ġurnal Uffiċjali) u d-Deċiżjoni tal-Kunsill tal-21 ta’ Mejju 2019.
(3) Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(4) Regolament (UE) Nru 1343/2011 tal-Parlament Ewropew u tal-Kunsill tat-13 ta’ Diċembru 2011 dwar ċerti dispożizzjonijiet għas-sajd fiż-żona tal-Ftehim tal-GFCM (il-Kummissjoni Ġenerali tas-Sajd għall-Baħar Mediterran) u li jemenda r-Regolament tal-Kunsill (KE) Nru 1967/2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran (ĠU L 347, 30.12.2011, p. 44).
(5) Regolament tal-Kunsill (KE) Nru 1967/2006 tal-21 ta’ Diċembru 2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran u li jemenda r-Regolament (KEE) Nru 2847/93 u jħassar ir-Regolament (KE) Nru 1626/94 (ĠU L 409, 30.12.2006, p. 11).
(6) Regolament ta’ Implimentazzjoni tal-Kummissjoni (UE) 2017/218 tas-6 ta’ Frar 2017 dwar ir-reġistru tal-flotta tas-sajd tal-Unjoni (ĠU L 34, 9.2.2017, p. 9).
(7) Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, p. 1).
(8) Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).
(9) Regolament ta’ Implimentazzjoni tal-Kummissjoni (UE) Nru 404/2011 tat-8 ta’ April 2011 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1224/2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (ĠU L 112, 30.4.2011, p. 1).
ANNESS
L-Annessi li ġejjin jiżdiedu mar-Regolament (UE) Nru 1343/2011:
“ANNESS IV
Mudell tal-Karta tal-Identità għall-ispetturi tal-GFCM
Kummissjoni Ġenerali għas-Sajd fil-Mediterran |
|
GFCM |
||
|
GFCM |
Id-detentur ta' din il-karta tal-identità tal-ispettur hu spettur tal-GFCM maħtur kif xieraq skont it-termini tal-Iskema Konġunta ta' Spezzjoni u ta' Sorveljanza tal-Kummissjoni Ġenerali għas-Sajd fil-Mediterran (GFCM) u għandu s-setgħa li jaġixxi skont id-dispożizzjonijiet tar-regoli tal-GFCM. |
||
KARTA TAL-IDENTITÀ TAL-ISPETTUR |
||||
Ritratt |
Parti Kontraenti |
|||
Isem l-Ispettur: |
||||
Nru tal-Karta |
…… Awtorità tal-Ħruġ |
…… Spettur |
||
Data tal-ħruġ: |
Valida għal ħames snin |
“ANNESS V
MUDELL TAL-PENNELL TAL-GFCM
“ANNESS VI
RAPPORT TAL-ISPEZZJONI TAL-GFCM
1. SPETTUR(I)
Isem … Parti Kontraenti … GFCM Numru tal-Karta tal-Identità …
Isem … Parti Kontraenti … GFCM Numru tal-Karta tal-Identità …
Isem … Parti Kontraenti … GFCM Numru tal-Karta tal-Identità …
2. BASTIMENT LI JĠORR LILL-ISPETTUR(I)
2.1 |
Isem u Reġistrazzjoni … |
2.2 |
Bandiera … |
3. INFORMAZZJONI DWAR IL-BASTIMENT SPEZZJONAT
3.1 |
Isem u Reġistrazzjoni … |
3.2 |
Bandiera … |
3.3 |
Kaptan (Isem u indirizz) … |
3.4 |
Sid il-bastiment (Isem u indirizz) … |
3.5 |
Numru tar-rekord tal-GFCM … |
3.6 |
Tip ta' bastiment … |
4. POŻIZZJONI
4.1 |
Il-pożizzjoni kif iddeterminata mill-kaptan tal-bastiment ta' l-ispezzjoni fi … UTC; Lat … Lonġ … |
4. |
Il-pożizzjoni kif iddeterminata mill-kaptan tal-bastiment ta' l-ispezzjoni fi … UTC; Lat … Lonġ … |
5. D-DATA U L-ĦINIJIET LI FIHOM BDIET U NTEMMET L-ISPEZZJONI
5.1 |
Data … Ħin tal-wasla abbord UTC-Ħin tat-Tluq … UTC |
6. TIP TA' RKAPTU TAS-SAJD ABBORD
Xibka tat-tkarkir tal-qiegħ bid-diriġenti – OTB |
|
Xibka tat-tkarkir tan-nofs fond bid-diriġenti – OTM |
|
Xbieki tat-tkarkir għall-gambli – TBS |
|
Tartarun tal-borża – PS |
|
Għeżula ankrati (fissi) – GNS |
|
Konzijiet tal-qiegħ – LLS |
|
Rkaptu ta' rikreazzjoni – RG |
|
Ieħor (Speċifika) |
|
7. IL-QIES TAL-MALJA – F'MILLIMETRI
7.1 |
Id-daqs legali tal-malja li għandu jintuża: … mm |
7.2 |
Riżultat tal-qies medju tad-daqs tal-malja: … mm |
7.3 |
Ksur: IVA - LE … Fil-każ li IVA, referenza legali: |
8. SPEZZJONIJIET TAL-QABDIET ABBORD
8.1 Riżultati tal-ispezzjoni tal-ħut abbord
SPEĊI (Kodiċi tri alfa tal-FAO) |
|
|
|
|
|
|
Total (Kg) |
|
|
|
|
|
|
Preżentazzjoni |
|
|
|
|
|
|
Kampjun spezzjonat |
|
|
|
|
|
|
% tal-ħut iżgħar milli suppost |
|
|
|
|
|
|
8.2 Ksur: IVA - LE … Fil-każ li IVA, referenza legali:
9. SPEZZJONI TAD-DOKUMENTI ABBORD U TAL-VMS
9.1 |
Ġurnal ta' Abbord tas-Sajd: IVA - LE |
9.2 |
Ksur: IVA - LE … Fil-każ li IVA, referenza legali: |
9.3 |
Liċenzja tas-Sajd IVA - LE |
9.4 |
Ksur: IVA - LE … Fil-każ li IVA, referenza legali: |
9.5 |
Awtorizzazzjoni speċifika: IVA - LE |
9.6 |
Ksur: IVA - LE … Fil-każ li IVA, referenza legali: |
9.7 |
VMS: IVA - LE …operattiva: IVA - LE |
9.8 |
Ksur: IVA - LE … Fil-każ li IVA, referenza legali: |
10. LISTA TAL-KSUR
|
Sajd mingħajr liċenzja, permess jew awtorizzazzjoni maħruġa mis-CPC tal-bandiera – referenza legali: |
|
Nuqqas ta' żamma ta' reġistri suffiċjenti dwar il-qbid u ta' data relatata mal-qbid skont l-obbligi ta' rapportar tal-GFCM jew rapportar ħażin sinifikanti ta' data bħal din dwar il-qbid u/jew relatata mal-qbid – referenza legali:; |
|
Sajd f'żona magħluqa – referenza legali: |
|
Sajd matul staġun magħluq – referenza legali: |
|
Użu ta' rkaptu tas-sajd ipprojbit – referenza legali: |
|
Falsifikazzjoni jew ħabi intenzjonali tal-markar, tal-identità jew tar-reġistrazzjoni ta' bastiment tas-sajd – referenza legali: |
|
Ħabi, tbagħbis jew rimi ta' provi li jkollhom x'jaqsmu ma' investigazzjoni ta' ksur – referenza legali: |
|
Każijiet ta' ksur multiplu li meħuda flimkien jikkostitwixxu nuqqas serju ta' osservanza tal-miżuri skont il-GFCM; |
|
Attakk, reżistenza, intimidazzjoni, fastidju sesswali, interferenza ma', jew tfixkil jew dewmien żejjed kontra spettur jew osservatur awtorizzat; |
|
Indħil fis-sistema ta' monitoraġġ abbażi ta' satellita u/jew operazzjonijiet mingħajr is-sistema VMS – referenza legali: |
11. LISTA TAD-DOKUMENTI KKUPJATI ABBORD
……
……
……
……
……
……
……
……
12. KUMMENTI U FIRMA MILL-KAPTAN TAL-BASTIMENT
……
……
……
……
……
……
……
……
Firma tal-kaptan: …
13. KUMMENTI U FIRMA MILL-ISPETTUR(I)
……
……
……
……
……
……
……
……
Firma tal-ispettur(i): …
“ANNESS VII
RAPPORT TAL-OSSERVAZZJONIJIET TAL-GFCM
1. |
Data tal-osservazzjonijiet: ……/……/…… Ħin: …UTC |
2. |
Pożizzjoni tal-bastiment osservat:
Latitudni … - Lonġitudni … |
3. |
Rotta: … – Veloċità … |
4. |
L-isem tal-bastiment osservat: |
5. |
Il-bandiera tal-bastiment osservat: |
6. |
In-numru/il-markar estern: |
7. |
Tip ta’ bastiment:
|
8. |
Sinjal internazzjonali tas-sejħa bir-radju: |
9. |
In-numru IMO (fejn dan ikun applikabbli): |
10. |
Attività(ajiet):
|
11. |
Kuntatt bir-radju: IVA LE |
12. |
Isem u nazzjonalità tal-kaptan tal-bastiment osservat: … |
13. |
Numru ta’ nies abbord il-bastiment osservat … |
14. |
Qabdiet abbord il-bastiment osservat: … |
15. |
Informazzjoni miġbura minn:
Isem l-ispettur: Parti Kontraenti: Numru tal-Karta tal-Identità tal-GFCM: Isem il-bastiment tal-għassa: |
“ANNESS VIII
DATA LI GĦANDHA TIĠI INKLUŻA FIL-LISTA TA' BASTIMENTI LI JISTADU GĦALL-PAĠELLA ĦAMRA
Il-lista msemmija fil-Artikolu 22i għandha tinkludi, għal kull bastiment, l-informazzjoni li ġejja:
— |
L-isem tal-bastiment |
— |
In-numru tar-reġistru tal-bastiment (kodiċi assenjat mis-CPCs) |
— |
In-numru ta' reġistrazzjoni tal-GFCM (il-kodiċi 3-alfa tal-ISO tal-pajjiż + 9 figuri, eż. xxx000000001) |
— |
Il-port tar-reġistrazzjoni (l-isem sħiħ tal-port) |
— |
L-isem ta' qabel (jekk kien hemm) |
— |
Il-bandiera ta' qabel (jekk kien hemm) |
— |
Id-dettalji preċedenti tat-tħassir minn reġistri oħra (jekk kien hemm) |
— |
Is-sinjal internazzjonali tas-sejħa bir-radju (jekk hemm) |
— |
VMS (indika I/L) |
— |
It-tip ta' bastiment, it-tul totali (LOA) u t-tunnellaġġ gross (GT) u/jew it-tunnellaġġ reġistrat gross (GRT) u s-saħħa tal-magna espressa f'kW |
— |
L-isem u l-indirizz tal-proprjetarju/i u tal-operatur(i) |
— |
L-irkaptu ewlieni użat għas-sajd għall-paġella ħamra u l-allokazzjoni tas-segment tal-flotta u l-unità operazzjonali kif identifikati fid-DCRF |
— |
Perjodu staġjonali awtorizzat għas-sajd għall-paġella ħamra. |
DIRETTIVI
20.6.2019 |
MT |
Il-Ġurnal Uffiċjali tal-Unjoni Ewropea |
L 164/23 |
DIRETTIVA (UE) 2019/983 TAL-PARLAMENT EWROPEW U TAL-KUNSILL
tal-5 ta’ Ġunju 2019
li temenda d-Direttiva 2004/37/KE dwar il-protezzjoni tal-ħaddiema minn riskji relatati mal-espożizzjoni għal karċinoġeni jew mutaġeni fuq il-post tax-xogħol
(Test b’rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-punt (b) tal-Artikolu 153(2), flimkien mal-punt (a) tal-Artikolu 153(1) tiegħu,
Wara li kkunsidraw il-proposta mill-Kummissjoni Ewropea,
Wara li l-abbozz tal-att leġislattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw mal-Kumitat tar-Reġjuni,
Filwaqt li jaġixxu skont il-proċedura leġislattiva ordinarja (2),
Billi:
(1) |
Il-kisba ta’ riżultati mill-Pilastru Ewropew tad-Drittijiet Soċjali (3), ipproklamat mill-Parlament Ewropew, il-Kunsill u l-Kummissjoni fis-Summit Soċjali għal Xogħol Ġust u Tkabbir f’Gothenburg fis-17 ta’ Novembru 2017, hija impenn u responsabbiltà ta’ politika kondiviża. Il-prinċipju 10 tal-Pilastru Ewropew tad-Drittijiet Soċjali jipprevedi li l-ħaddiema għandhom id-dritt għal ambjent tax-xogħol tajjeb għas-saħħa, sigur u adattat. Id-dritt tal-ħaddiema għal livell għoli ta’ protezzjoni tas-saħħa u s-sigurtà tagħhom fuq il-post tax-xogħol, u għal ambjent tax-xogħol adattat għall-ħtiġijiet professjonali tagħhom jinkludi wkoll il-protezzjoni mill-karċinoġeni u mill-mutaġeni fuq il-post tax-xogħol, irrispettivament mit-tul tal-impjieg jew tal-espożizzjoni. |
(2) |
Din id-Direttiva tirrispetta d-drittijiet fundamentali u tosserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea, b’mod partikolari d-dritt għall-ħajja u d-dritt għal kundizzjonijiet tax-xogħol ġusti u xierqa previsti, rispettivament, fl-Artikoli 2 u 31 tagħha. |
(3) |
Id-Direttiva 2004/37/KE tal-Parlament Ewropew u tal-Kunsill (4) għandha l-għan li tipproteġi lill-ħaddiema minn riskji għas-saħħa u s-sigurtà tagħhom relatati mal-espożizzjoni għal karċinoġeni jew mutaġeni fuq il-post tax-xogħol. Dik id-Direttiva tipprevedi livell konsistenti ta’ protezzjoni mir-riskji relatati mal-karċinoġeni u l-mutaġeni permezz ta’ qafas ta’ prinċipji ġenerali biex jippermetti li l-Istati Membri jiżguraw l-applikazzjoni konsistenti tar-rekwiżiti minimi. L-għan ta’ dawk ir-rekwiżiti minimi huwa l-protezzjoni tal-ħaddiema fil-livell tal-Unjoni u li jingħata kontribut fit-tnaqqis tad-differenzi fil-livelli ta’ protezzjoni tal-ħaddiema fl-Unjoni kollha u jiġu żgurati kundizzjonijiet ekwi. Valuri limitu vinkolanti ta’ espożizzjoni okkupazzjonali huma komponenti importanti tal-arranġamenti ġenerali għall-protezzjoni tal-ħaddiema stabbiliti bid-Direttiva 2004/37/KE. Dawk il-valuri limitu jeħtieġ li jkunu bbażati fuq l-evidenza, proporzjonati u kapaċi jitkejlu u jenħtieġ li jkunu stabbiliti fuq il-bażi ta’ informazzjoni disponibbli, inkluż data xjentifika u teknika aġġornata, il-fattibbiltà ekonomika tal-implimentazzjoni u tal-konformità, valutazzjoni bir-reqqa tal-impatt soċjoekonomiku u d-disponibbiltà ta’ protokolli u tekniki tal-kejl tal-espożizzjoni fuq il-post tax-xogħol. Valuri limitu vinkolanti ta’ espożizzjoni okkupazzjonali aktar stretti jistgħu jiġu stabbiliti mill-Istati Membri b’kooperazzjoni mill-qrib mas-sħab soċjali. Barra minn hekk, id-Direttiva 2004/37/KE ma żżommx lill-Istati Membri milli japplikaw miżuri addizzjonali fil-livell nazzjonali, bħal valur limitu bijoloġiku. |
(4) |
Id-Direttiva 2004/37/KE għandha l-għan li tkopri sustanzi jew taħlitiet li jissodisfaw il-kriterji għall-klassifikazzjoni bħala karċinoġeni jew mutaġeni tal-kategorija 1A jew 1B stabbiliti fl-Anness I għar-Regolament (KE) Nru 1272/2008 tal-Parlament Ewropew u tal-Kunsill (5) kif ukoll bħala sustanzi, taħlitiet jew proċessi msemmija fl-Anness I għad-Direttiva 2004/37/KE. Is-sustanzi li jissodisfaw il-kriterji għall-klassifikazzjoni bħala karċinoġeni jew mutaġeni tal-kategorija 1A jew 1B stabbiliti fl-Anness I għar-Regolament (KE) Nru 1272/2008 huma dawk bi klassifikazzjoni armonizzata jew ikklassifikati skont l-Artikolu 4 jew 36 ta’ dak ir-Regolament u nnotifikati lill-Aġenzija Ewropea għas-Sustanzi Kimiċi (ECHA) skont l-Artikolu 40 ta’ dak ir-Regolament. Dawk is-sustanzi huma elenkati fl-Inventarju pubbliku ta’ Klassifikazzjoni u Tikkettar miżmum mill-ECHA. Għal kwalunkwe żieda ġdida mal-lista ta’ sustanzi, taħlitiet u proċessi msemmija fl-Anness I għad-Direttiva 2004/37/KE skont il-punt (a)(ii) tal-Artikolu 2 ta’ dik id-Direttiva, jeħtieġ li l-karċinoġeniċità tas-sustanza speċifika tintwera b’evidenza xjentifika robusta, abbażi ta’ sorsi xjentifiċi validi disponibbli bħall-Kumitat għall-Istima tar-Riskji (RAC) tal-ECHA, l-Aġenzija Internazzjonali għar-Riċerka dwar il-Kanċer (IARC) u korpi nazzjonali, b’attenzjoni partikolari tingħata lil-letteratura ppubblikata evalwata bejn il-pari dwar dik is-sustanza. |
(5) |
Il-valuri limitu ta’ espożizzjoni okkupazzjonali huma parti mill-miżuri għall-ġestjoni tar-riskju skont id-Direttiva 2004/37/KE. Dawk il-valuri limitu jenħtieġ li jiġu rieżaminati regolarment f’konformità mal-prinċipju ta’ prekawzjoni u l-prinċipju tal-protezzjoni tal-ħaddiema, u fid-dawl tad-data xjentifika u teknika korretta disponibbli dwar il-karċinoġeni u l-mutaġeni. Jenħtieġ li jitqiesu wkoll it-titjib tat-tekniki tal-kejl, il-miżuri tal-ġestjoni tar-riskju u fatturi rilevanti oħra. Il-konformità ma’ dawk il-valuri limitu hija mingħajr preġudizzju għall-obbligi l-oħra ta’ dawk li jħaddmu skont dik id-Direttiva, b’mod partikolari t-tnaqqis tal-użu ta’ karċinoġeni u mutaġeni fuq il-post tax-xogħol, il-prevenzjoni jew it-tnaqqis tal-espożizzjoni tal-ħaddiema għall-karċinoġeni jew għall-mutaġeni u l-miżuri li jenħtieġ li jiġu implimentati għal dak l-għan. Jenħtieġ li dawk il-miżuri jinkludu, sa fejn ikun teknikament possibbli, is-sostituzzjoni tal-karċinoġenu jew tal-mutaġenu b’sustanza, taħlita jew proċess li ma jkunx perikoluż jew li jkun inqas perikoluż għas-saħħa tal-ħaddiema, l-użu ta’ sistema magħluqa u miżuri oħra li jkollhom l-għan li jnaqqsu l-livell tal-espożizzjoni tal-ħaddiema. |
(6) |
Id-drogi perikolużi, inkluż id-drogi ċitotossiċi li primarjament jintużaw fit-trattament tal-kanċer, jista’ jkollhom kwalitajiet ġenotossiċi, karċinoġeniċi jew mutaġeniċi. Għaldaqstant huwa importanti li jiġu protetti l-ħaddiema li huma esposti għal drogi bħal dawn minħabba xogħol li jinvolvi: il-preparazzjoni, l-għoti bħala trattament jew ir-rimi ta’ drogi perikolużi, inkluż id-drogi ċitotossiċi; servizzi relatati mat-tindif, il-ġarr, il-ħasla jew ir-rimi ta’ skart ta’ drogi perikolużi jew ta’ materjal ikkontaminat b’tali drogi; jew mill-kura personali ta’ pazjenti trattati bi drogi perikolużi. Id-drogi perikolużi, inkluż id-drogi ċitotossiċi, huma soġġetti għall-miżuri tal-Unjoni li jipprevedu rekwiżiti minimi għall-protezzjoni tas-saħħa u s-sigurtà tal-ħaddiema, b’mod partikolari dawk previsti mid-Direttiva tal-Kunsill 98/24/KE (6). Drogi perikolużi li fihom sustanzi li huma wkoll karċinoġeni jew mutaġeni huma soġġetti għad-Direttiva 2004/37/KE. Jenħtieġ li l-Kummissjoni tivvaluta l-istrument l-aktar adatt biex tiġi żgurata s-sikurezza okkupazzjonali tal-ħaddiema esposti għal drogi perikolużi, inklużi drogi ċitotossiċi. Waqt li tagħmel dan, jenħtieġ li l-aċċess għall-aħjar trattament disponibbli għall-pazjenti ma jiġix ipperikolat. |
(7) |
Għall-maġġoranza tal-karċinoġeni u tal-mutaġeni, mhuwiex xjentifikament possibbli li jiġu identifikati livelli li taħthom l-espożizzjoni ma twassalx għal effetti negattivi. Filwaqt li l-istabbiliment tal-valuri limitu fuq il-post tax-xogħol fir-rigward tal-karċinoġeni u tal-mutaġeni skont din id-Direttiva ma jeliminax għalkollox ir-riskji għas-saħħa u s-sigurtà tal-ħaddiema li jirriżultaw minn espożizzjoni fuq il-post tax-xogħol (riskju residwu), madanakollu dan jikkontribwixxi għal tnaqqis sinifikanti tar-riskji li jirriżultaw minn espożizzjoni bħal din fl-approċċ skont id-Direttiva 2004/37/KE li huwa gradwali u jistabbilixxi miri. Għal karċinoġeni u mutaġeni oħra, huwa xjentifikament possibbli li jiġu identifikati livelli li taħthom l-espożizzjoni ma tkunx mistennija twassal għal effetti negattivi. |
(8) |
Il-livelli massimi għall-espożizzjoni tal-ħaddiema għal xi karċinoġeni jew mutaġeni huma stabbiliti minn valuri li, skont id-Direttiva 2004/37/KE, ma għandhomx jinqabżu. |
(9) |
Din id-Direttiva ssaħħaħ il-protezzjoni tas-saħħa u s-sigurtà tal-ħaddiema fuq il-post tax-xogħol tagħhom. Il-Kummissjoni jenħtieġ li teżamina d-Direttiva 2004/37/KE fuq bażi regolari u tressaq proposti leġislattivi, jekk xieraq. Jenħtieġ li jiġu stabbiliti valuri limitu ġodda f’dik id-Direttiva fid-dawl tal-informazzjoni disponibbli, inkluż data xjentifika u teknika ġdida u l-aħjar prattiki, tekniki u protokolli bbażati fuq l-evidenza għall-kejl tal-livelli ta’ espożizzjoni fuq il-post tax-xogħol. Jenħtieġ li dik l-informazzjoni, jekk ikun possibbli, tinkludi data dwar ir-riskji residwi għas-saħħa tal-ħaddiema, rakkomandazzjonijiet tal-Kumitat Xjentifiku għal-Limiti tal-Espożizzjoni għal Sustanzi Kimiċi fuq ix-Xogħol (SCOEL) u opinjonijiet tal-RAC, kif ukoll opinjonijiet tal-Kumitat ta’ Konsulenza dwar is-Sigurtà u s-Saħħa fuq il-Post tax-Xogħol (ASCH) u monografi tal-IARC. It-trasparenza tal-informazzjoni hija għodda għall-prevenzjoni f’dak il-kuntest u jenħtieġ li tiġi żgurata. L-informazzjoni relatata mar-riskju residwu hija siewja għal kwalunkwe ħidma futura biex jiġu limitati r-riskji mill-espożizzjoni okkupazzjonali għall-karċinoġeni u għall-mutaġeni, u jenħtieġ li ssir disponibbli għall-pubbliku fil-livell tal-Unjoni. Din id-Direttiva hija konformi mar-rakkomandazzjonijiet speċifiċi tal-SCOEL, tal-RAC u tal-ACSH, li l-importanza tagħhom ġiet enfasizzata f’emendi preċedenti għad-Direttiva 2004/37/KE. |
(10) |
Fid-dawl ta’ data xjentifika, huwa meħtieġ ukoll li jiġu kkunsidrati l-mezzi ta’ assorbiment tal-karċinoġeni u l-mutaġeni apparti bl-inalazzjoni, inkluż il-possibbiltà ta’ assorbiment mill-ġilda u, f’każijiet bħal dawk, tingħata notazzjoni għall-ġilda għal sustanzi rilevanti sabiex ikun żgurat l-aħjar livell possibbli ta’ protezzjoni. L-emendi għall-Anness III għad-Direttiva 2004/37/KE previsti f’din id-Direttiva jikkostitwixxu pass ieħor fi proċess aktar fit-tul li nbeda biex tiġi aġġornata dik id-Direttiva. |
(11) |
Il-valutazzjoni tal-effetti fuq is-saħħa tal-karċinoġeni soġġetti għal din id-Direttiva kienet ibbażata fuq l-għarfien espert xjentifiku rilevanti mill-SCOEL u l-RAC. |
(12) |
L-SCOEL, li ġie stabbilit mid-Deċiżjoni tal-Kummissjoni 2014/113/UE (7), jassisti lill-Kummissjoni b’mod partikolari fl-identifikazzjoni, l-evalwazzjoni u l-analiżi fid-dettall tal-aktar data xjentifika reċenti disponibbli u billi jipproponi valuri limitu ta’ espożizzjoni okkupazzjonali għall-protezzjoni tal-ħaddiema mir-riskji kimiċi, li għandhom jiġu stabbiliti fil-livell tal-Unjoni skont id-Direttivi 98/24/KE u 2004/37/KE. |
(13) |
Skont ir-Regolament (KE) Nru 1907/2006 tal-Parlament Ewropew u tal-Kunsill (8), l-RAC iħejji l-opinjonijiet tal-ECHA dwar ir-riskji tas-sustanzi kimiċi għas-saħħa tal-bniedem u għall-ambjent. Fil-kuntest ta’ din id-Direttiva, l-RAC ħejja l-opinjoni tiegħu kif mitlub skont il-punt (c) tal-Artikolu 77(3) ta’ dak ir-Regolament. |
(14) |
Il-kampanja tal-2018 sal-2019 “Postijiet tax-Xogħol li Jġibu ’l Quddiem is-Saħħa: Jimmaniġġjaw is-Sustanzi Perikolużi” hija eżempju tajjeb ta’ kif l-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA) tista’ tappoġġa l-implimentazzjoni ta’ leġislazzjoni dwar is-sikurezza u s-saħħa okkupazzjonali fil-livell tal-Unjoni. Tajjeb li l-EU-OSHA taħdem mill-qrib mal-Istati Membri, sabiex tipprovdi informazzjoni u eżempji ta’ prattiki tajba mfassla apposta għall-ħaddiema li jkollhom kuntatt ma’ ċerti sustanzi, waqt li tenfasizza l-iżviluppi fil-politika u l-qafas leġislattiv diġà fis-seħħ. |
(15) |
Il-kadmju u ħafna mill-komposti inorganiċi tiegħu jissodisfaw il-kriterji għall-klassifikazzjoni bħala karċinoġeniċi (il-kategorija 1B) skont ir-Regolament (KE) Nru 1272/2008 u għalhekk huma karċinoġeni skont it-tifsira tad-Direttiva 2004/37/KE. Għaldaqstant, abbażi tal-informazzjoni disponibbli, li tinkludi data xjentifika u teknika, huwa xieraq li jiġi stabbilit valur limitu għall-kadmju u l-komposti inorganiċi tiegħu f’dik id-Direttiva. Barra minn hekk, il-kadmju, in-nitrat tal-kadmju, l-idrossidu tal-kadmju u l-karbonat tal-kadmju ġew identifikati bħala sustanzi ta’ tħassib serju ħafna skont il-punt (a) tal-Artikolu 57 tar-Regolament (KE) Nru 1907/2006 u huma inklużi fil-lista ta’ kandidati msemmija fl-Artikolu 59(1) ta’ dak ir-Regolament. |
(16) |
Fir-rigward tal-kadmju, huwa prevedibbli li ser ikun diffiċli li jkun hemm konformità ma’ valur limitu ta’ 0,001 mg/m3 fuq perijodu qasir. Huwa għalhekk xieraq li jiġi introdott perijodu transitorju ta’ tmien snin, li matulu jenħtieġ li japplika l-valur limitu ta’ 0,004 mg/m3 (frazzjoni inalabbli). Bil-ħsieb li jitħarsu l-aspettattivi leġittimi u sabiex jiġi evitat it-tħarbit potenzjali tal-prattiki eżistenti fl-Istati Membri li fid-data tad-dħul fis-seħħ ta’ din id-Direttiva jkunu jimplimentaw sistema ta’ bijomonitoraġġ b’valur limitu bijoloġiku li ma jaqbiżx 0,002 mg Cd/g ta’ kreatinina fl-awrina, il-valur limitu ta’ 0,004 mg/m3 f’dawk l-Istati Membri jenħtieġ li jitkejjel bħala frazzjoni respirabbli matul il-perijodu transitorju, fid-dawl tal-opinjonijiet tal-SCOEL u tal-ACSH dwar il-kadmju u l-komposti inorganiċi tiegħu. |
(17) |
Abbażi ta’ sorsi xjentifiċi validi disponibbli bħal dawk ipprovduti mill-SCOEL, l-RAC u l-korpi nazzjonali rilevanti, jenħtieġ li l-Kummissjoni tivvaluta, sa mhux aktar tard minn tliet snin wara d-data tad-dħul fis-seħħ ta’ din id-Direttiva, l-għażla li d-Direttiva 2004/37/KE tiġi emendata biż-żieda ta’ dispożizzjonijiet dwar kombinazzjoni ta’ limitu ta’ espożizzjoni okkupazzjonali fl-arja u ta’ valur limitu bijoloġiku għall-kadmju u l-komposti inorganiċi tiegħu. |
(18) |
L-istabbiliment ta’ valur limitu bijoloġiku għall-kadmju u l-komposti inorganiċi tiegħu jipproteġi lill-ħaddiema mit-tossiċità sistemika tagħhom, li taffettwa l-aktar lill-kliewi u l-għadam. Għalhekk il-monitoraġġ bijoloġiku jista’ jikkontribwixxi għall-protezzjoni tal-ħaddiema fuq il-post tax-xogħol iżda biss bħala mezz li jikkumplementa l-monitoraġġ tal-konċentrazzjoni tal-kadmju u tal-komposti inorganiċi tiegħu fl-arja u, għaldaqstant, ġewwa ż-żona tan-nifs għall-ħaddiema. Il-Kummissjoni jenħtieġ li toħroġ linji gwida prattiċi għall-monitoraġġ bijoloġiku. |
(19) |
Il-berillju u ħafna mill-komposti inorganiċi tal-berillju jissodisfaw il-kriterji għall-klassifikazzjoni bħala karċinoġeniċi (il-kategorija 1B) skont ir-Regolament (KE) Nru 1272/2008 u għalhekk huma karċinoġeni skont it-tifsira tad-Direttiva 2004/37/KE. Minbarra l-kwalitajiet karċinoġeniċi tiegħu, il-berillju huwa magħruf li jipprovoka l-berilljosi (CBD) u s-sensitizzazzjoni għall-berillju (BeS). Abbażi tal-informazzjoni disponibbli li tinkludi data xjentifika u teknika, huwa għalhekk xieraq li jiġi stabbilit valur limitu għall-berillju u għall-komposti inorganiċi tal-berillju f’dik id-Direttiva u li tiġi assenjata notazzjoni għas-sensitizzazzjoni respiratorja u tal-ġilda. |
(20) |
Fir-rigward tal-berillju, huwa prevedibbli li ser ikun diffiċli li jkun hemm konformità ma’ valur limitu ta’ 0,0002 mg/m3 fuq perijodu qasir. Huwa għalhekk xieraq li jiġi introdott perijodu transitorju ta’ seba’ snin, li matulu jenħtieġ li japplika l-valur limitu ta’ 0,0006 mg/m3. |
(21) |
L-aċidu arseniku u l-imluħ tiegħu, kif ukoll il-biċċa l-kbira tal-komposti inorganiċi tal-arseniku, jissodisfaw il-kriterji għall-klassifikazzjoni bħala karċinoġeniċi (il-kategorija 1A) skont ir-Regolament (KE) Nru 1272/2008 u għalhekk huma karċinoġeni skont it-tifsira tad-Direttiva 2004/37/KE. Għaldaqstant, abbażi tal-informazzjoni disponibbli, li tinkludi data xjentifika u teknika, huwa xieraq li jiġi stabbilit valur limitu għall-aċidu arseniku u l-imluħ tiegħu, kif ukoll għall-komposti inorganiċi tiegħu f’dik id-Direttiva. Barra minn hekk, l-aċidu arseniku, il-pentaossidu tad-diarseniku u t-triossidu tad-diarseniku huma identifikati bħala sustanzi ta’ tħassib serju ħafna skont il-punt (a) tal-Artikolu 57 tar-Regolament (KE) Nru 1907/2006 u huma inklużi fl-Anness XIV ta’ dak ir-Regolament, u jeħtieġu awtorizzazzjoni qabel ma jkunu jistgħu jintużaw. |
(22) |
Fir-rigward tal-aċidu arseniku, huwa prevedibbli li li s-settur tat-tidwib tar-ram ser ikollu diffikultajiet biex jikkonforma ma’ valur limitu ta’ 0,01 mg/m3. Għalhekk jenħtieġ li jiġi introdott perijodu transitorju ta’ erba’ snin. |
(23) |
Il-formaldeid jissodisfa l-kriterji għall-klassifikazzjoni bħala karċinoġeniku (il-kategorija 1B) skont ir-Regolament (KE) Nru 1272/2008 u għalhekk huwa karċinoġenu skont it-tifsira tad-Direttiva 2004/37/KE. Il-formaldeid huwa karċinoġenu ġenotossiku li jaġixxi lokalment u hemm biżżejjed evidenza xjentifika tal-karċinoġeniċità tiegħu fil-bniedem. Il-formaldeid huwa wkoll allerġen ta’ kuntatt għall-ġilda (sensitizzatur tal-ġilda). Huwa għalhekk xieraq, abbażi tal-informazzjoni disponibbli, li tinkludi data xjentifika u teknika, li jiġi stabbilit valur limitu fuq perijodu twil u fuq perijodu qasir għall-formaldeid f’dik id-Direttiva u li tiġi assenjata notazzjoni għas-sensitizzazzjoni tal-ġilda. Barra minn hekk, fuq talba tal-Kummissjoni, l-ECHA qed tiġbor l-informazzjoni eżistenti biex tivvaluta l-espożizzjoni potenzjali għall-formaldeid u mir-rilaxxaturi tal-formaldeid fuq il-post tax-xogħol, inkluż l-użi industrijali u professjonali. |
(24) |
L-użu tal-fissativi tal-formaldeid huwa normali fis-settur tal-kura tas-saħħa madwar l-Unjoni billi huma konvenjenti li jiġu mmaniġġati, għandhom livell għoli ta’ akkuratezza u huma estremament adattabbli. F’xi Stati Membri, huwa prevedibbli li s-settur tal-kura tas-saħħa ser ikollu diffikultajiet biex jikkonforma, fuq perijodu qasir ta’ żmien, mal-valur limitu ta’ 0,37 mg/m3 jew 0,3 ppm. Huwa għalhekk xieraq, li jiġi introdott għal dak is-settur perijodu transitorju ta’ ħames snin, li matulu jenħtieġ li japplika l-valur limitu ta’ 0,62 mg/m3 jew ta’ 0,5 ppm. Is-settur tal-kura tas-saħħa jenħtieġ għalhekk, li jimminimizza l-espożizzjoni tal-formaldeid u huwa mħeġġeġ jirrispetta l-valur limitu ta’ 0,37 mg/m3 jew 0,3 ppm matul il-perijodu transitorju kull fejn ikun possibbli. |
(25) |
F’xi Stati Membri, il-formaldeid jintuża regolarment għall-fini tal-ibbalzmar ta’ persuni mejta bħala parti mill-prattiki kulturali jew reliġjużi tagħhom. Huwa prevedibbli li s-settur tal-funerali ser ikollu diffikultajiet biex jikkonforma, fuq perijodu qasir ta’ żmien, mal-valur limitu ta’ 0,37 mg/m3 jew 0,3 ppm. Huwa għalhekk xieraq, li jiġi introdott għal dak is-settur perijodu transitorju ta’ ħames snin, li matulu jenħtieġ li japplika l-valur limitu ta’ 0,62 mg/m3 jew 0,5 ppm. |
(26) |
In-notazzjonijiet għas-sensitizzazzjoni stabbiliti f’din id-Direttiva għall-berillju u l-formaldeid iddaħħlu biex jagħtu ċarezza. Fl-istabbiliment ta’ notazzjonijiet bħal dawn fl-aġġornament tad-Direttiva 2004/37/KE, jenħtieġ li tiġi żgurata l-konsistenza mal-liġii rilevanti tal-Unjoni. Dan jista’ jinkludi ż-żieda ta’ notazzjonijiet għas-sensitizzazzjoni għal sustanzi li għalihom diġà hemm entrata speċifika fl-Anness III għal dik id-Direttiva, fejn rilevanti. |
(27) |
Is-sustanza 4,4′-Metilen-bis(2-kloroanilina) (MOCA) tissodisfa l-kriterji għall-klassifikazzjoni bħala karċinoġenika (il-kategorija 1B) skont ir-Regolament (KE) Nru 1272/2008 u għalhekk hija karċinoġenu skont it-tifsira tad-Direttiva 2004/37/KE. Il-karċinoġeniċità tagħha, flimkien mal-kapaċitajiet ġenotossiċi evidenti tagħha, għamlu possibbli l-klassifikazzjoni ta’ din is-sustanza bħala karċinoġenika għall-bniedem. Ġiet identifikata l-possibbiltà ta’ assorbiment sinifikanti permezz tal-ġilda għall-MOCA. Għalhekk huwa xieraq li jiġi stabbilit valur limitu għall-MOCA u li tiġi assenjata notazzjoni għall-ġilda għaliha. Barra minn hekk, ġiet identifikata bħala sustanza ta’ tħassib serju ħafna skont il-punt (a) tal-Artikolu 57 tar-Regolament (KE) Nru 1907/2006 u hija inkluża fl-Anness XIV ta’ dak ir-Regolament, u teħtieġ awtorizzazzjoni qabel ma tkun tista’ titqiegħed fis-suq jew tintuża. Abbażi tal-informazzjoni disponibbli, li tinkludi data xjentifika u teknika, huwa possibbli li jiġi stabbilit valur limitu għall-MOCA. |
(28) |
Il-Kummissjoni kkonsultat lill-ACSH. Wettqet ukoll konsultazzjoni f’żewġ stadji mal-maniġment u mal-ħaddiema fil-livell tal-Unjoni f’konformità mal-Artikolu 154 tat-Trattat dwar il-Funzjonament tal-Unjoni Ewropea. L-ACSH adotta opinjonijiet għas-sustanzi koperti minn din id-Direttiva u ppropona valur limitu vinkolanti ta’ espożizzjoni okkupazzjonali għal kull wieħed minnhom, filwaqt li appoġġa n-notazzjonijiet rilevanti għal xi wħud minnhom. |
(29) |
Il-valuri limitu stabbiliti f’din id-Direttiva jridu jinżammu taħt skrutinju u rieżami regolari sabiex tiġi żgurata l-konsistenza mar-Regolament (KE) Nru 1907/2006, b’mod partikolari sabiex titqies l-interazzjoni bejn il-valuri limitu stabbiliti fid-Direttiva 2004/37/KE u l-livelli derivati ta’ bla effett għas-sustanzi kimiċi perikolużi skont dak ir-Regolament sabiex il-ħaddiema jkunu protetti b’mod effettiv. |
(30) |
Minħabba li l-għan ta’ din id-Direttiva, jiġifieri l-protezzjoni tal-ħaddiema kontra riskji għas-saħħa u sigurtà tagħhom, inkluż il-prevenzjoni ta’ dawn ir-riskji, li jinqalgħu jew li jistgħu jinqalgħu minn espożizzjoni għal karċinoġeni jew mutaġeni fuq il-post tax-xogħol, ma jistax jinkiseb b’mod suffiċjenti mill-Istati Membri, iżda jista’, minħabba l-iskala u l-effetti tagħha, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-għan. |
(31) |
Fl-implimentazzjoni ta’ din id-Direttiva, l-Istati Membri jenħtieġ li jevitaw li jimponu restrizzjonijiet amministrattivi, finanzjarji u legali b’tali mod li jżommu lura l-ħolqien u l-iżvilupp ta’ intrapriżi żgħar u ta’ daqs medju. F’dan ir-rigward, l-Istati Membri u l-korpi rilevanti fil-livell tal-Unjoni u f’dak nazzjonali huma mħeġġa jipprovdu inċentivi, gwida u pariri lill-intrapriżi mikro, żgħar u ta’ daqs medju biex tiffaċilita l-konformità ma’ din id-Direttiva. F’dak il-kuntest, ftehimiet mas-sħab soċjali, gwida u azzjonijiet konġunta oħra li tidentifika u tiżviluppa l-aħjar prattiki jintlaqgħu b’sodisfazzjon. |
(32) |
Minħabba li din id-Direttiva tikkonċerna l-protezzjoni tas-saħħa u s-sigurtà tal-ħaddiema fuq il-post tax-xogħol tagħhom, jenħtieġ li tiġi trasposta fi żmien sentejn mid-data tad-dħul fis-seħħ tagħha. |
(33) |
Għalhekk id-Direttiva 2004/37/KE jenħtieġ li tiġi emendata skont dan, |
ADOTTAW DIN ID-DIRETTIVA:
Artikolu 1
Id-Direttiva 2004/37/KE hija emendata kif ġej:
(1) |
Fl-Artikolu 18a, jiżdiedu s-subparagrafi li ġejjin: “Mhux aktar tard mill-11 ta’ Lulju 2022, il-Kummissjoni għandha tivvaluta l-għażla li din id-Direttiva tiġi emendata biż-żieda ta’ dispożizzjonijiet dwar kombinazzjoni ta’ limitu ta’ espożizzjoni okkupazzjonali fl-arja u ta’ valur limitu bijoloġiku għall-kadmju u l-komposti inorganiċi tiegħu. Mhux aktar tard mit-30 ta’ Ġunju 2020 il-Kummissjoni għandha, waqt li tqis l-iżviluppi l-aktar reċenti fl-għarfien xjentifiku, u wara konsultazzjoni xierqa mal-partijiet interessati rilevanti, b’mod partikolari mal-prattikanti u ma’ professjonisti fil-qasam tas-saħħa, tivvaluta jekk temendax din id-Direttiva sabiex tinkludi drogi perikolużi, inkluż drogi ċitotossiċi, jew jekk tipproponix strument aktar xieraq għall-fini li tiżgura s-sikurezza fuq il-post tax-xogħol għall-ħaddiema esposti għal drogi bħal dawn. Abbażi t’hekk, il-Kummissjoni għandha tressaq, jekk ikun xieraq u wara konsultazzjoni mal-maniġment u l-ħaddiema, proposta leġislattiva.”. |
(2) |
L-Anness III huwa emendat skont l-Anness għal din id-Direttiva. |
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva sal-11 ta’ Lulju 2021. Għandhom minnufih jinfurmaw lill-Kummissjoni dwar dan.
Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn dik ir-referenza meta ssir il-pubblikazzjoni uffiċjali tagħhom. Il-metodi kif issir tali referenza għandhom jiġu stabbiliti mill-Istati Membri.
2. L-Istati Membri għandhom jikkomunikaw lill-Kummissjoni t-test tal-miżuri tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, il-5 ta’ Ġunju 2019.
Għall-Parlament Ewropew
Il-President
A. TAJANI
Għall-Kunsill
Il-President
G. CIAMBA
(1) ĠU C 440, 6.12.2018, p. 145.
(2) Il-Pożizzjoni tal-Parlament Ewropew tas-27 ta’ Marzu 2019 (għadha ma ġietx ippubblikata fil-Ġurnal Uffiċjali) u deċiżjoni tal-Kunsill tal-21 ta’ Mejju 2019.
(3) ĠU C 428, 13.12.2017, p. 10.
(4) Id-Direttiva 2004/37/KE tal-Parlament Ewropew u l-Kunsill tad-29 ta’ April 2004 dwar il-protezzjoni tal-ħaddiema minn riskji relatati mal-espożizzjoni għal karċinoġeni jew mutaġeni fuq il-post tax-xogħol (is-sitt Direttiva individwali fis-sens tal-Artikolu 16(1) tad-Direttiva tal-Kunsill 89/391/KEE) (ĠU L 158, 30.4.2004, p. 50).
(5) Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).
(6) Id-Direttiva tal-Kunsill 98/24/KE tas-7 ta’ April 1998 dwar il-protezzjoni tas-saħħa u s-sigurtà tal-ħaddiema mir-riskji li għandhom x’jaqsmu mal-aġenti kimiċi fuq il-post tax-xogħol (l-erbatax-il Direttiva individwali fit-tifsira tal-Artikolu 16(1) tad-Direttiva 89/391/KEE) (ĠU L 131, 5.5.1998, p. 11).
(7) Id-Deċiżjoni tal-Kummissjoni 2014/113/UE tat-3 ta’ Marzu 2014 li tistabbilixxi Kumitat Xjentifiku għal-Limiti tal-Espożizzjoni għal Aġenti Kimiċi fuq il-Post tax-Xogħol u li tħassar id-Deċiżjoni 95/320/KE (ĠU L 62, 4.3.2014, p. 18).
(8) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).
ANNESS
Fil-punt A tal-Anness III għad-Direttiva 2004/37/KE, jinżdiedu l-linji li ġejjin:
Isem tal-aġent |
Nru tal-KE (1) |
Nru tal-CAS (2) |
Valuri limitu |
Notazzjoni |
Miżuri transitorji |
|||||
għal 8 sigħat (3) |
għal żmien qasir (4) |
|||||||||
mg/m3 (5) |
ppm (6) |
f/ml (7) |
mg/m3 (5) |
ppm (6) |
f/ml (7) |
|||||
“Kadmju u l-komposti inorganiċi tiegħu |
— |
— |
0,001 (11) |
— |
— |
— |
— |
— |
|
Valur limitu ta' 0,004 mg/m3 (12) sal-11 ta' Lulju 2027. |
Berillju u l-komposti inorganiċi tal-berillju |
— |
— |
0,0002 (11) |
— |
— |
— |
— |
— |
sensitizzazzjoni respiratorja u tal-ġilda (13) |
Valur limitu ta' 0,0006 mg/m3 sal-11 ta' Lulju 2026. |
Aċidu arseniku u l-imluħ tiegħu, kif ukoll il-komposti inorganiċi tal-arseniku |
— |
— |
0,01 (11) |
— |
— |
— |
— |
— |
— |
Għas-settur tat-tidwib tar-ram il-valur limitu għandu japplika mill-11 ta' Lulju 2023. |
Formaldeid |
200-001-8 |
50-00-0 |
0,37 |
0,3 |
— |
0,74 |
0,6 |
— |
sensitizzazzjoni tal-ġilda (14) |
Valur limitu ta' 0,62 mg/m3 jew 0,5 ppm (3) għas-settur tal-kura tas-saħħa, tal-funerali u dak tal-ibbalzmar sal-11 ta' Lulju 2024. |
4,4′-Metilen-bis(2-kloroanilina) |
202-918-9 |
101-14-4 |
0,01 |
— |
— |
— |
— |
— |
ġilda (10) |
|
(11) Frazzjoni inalabbli.
(12) Frazzjoni inalabbli. Frazzjoni respirabbli f'dawk l-Istati Membri li, fid-data tad-dħul fis-seħħ ta' din id-Direttiva, jimplimentaw sistema ta' bijomonitoraġġ b'valur limitu bijoloġiku li ma jaqbiżx 0,002 mg Cd/g ta' kreatinina fl-awrina.
(13) Is-sustanza tista' tikkawża sensitizzazzjoni tal-ġilda u tas-sistema respiratorja.
(14) Is-sustanza tista' tikkawża sensitizzazzjoni tal-ġilda.”
DEĊIŻJONIJIET
20.6.2019 |
MT |
Il-Ġurnal Uffiċjali tal-Unjoni Ewropea |
L 164/30 |
DEĊIŻJONI (UE) 2019/984 TAL-PARLAMENT EWROPEW U TAL-KUNSILL
tal-5 ta' Ġunju 2019
li temenda d-Direttiva tal-Kunsill 96/53/KE fir-rigward tal-limitu ta' żmien għall-implimentazzjoni tar-regoli speċjali dwar it-tul massimu għall-kabini li jagħtu prestazzjoni ajrudinamika, effiċjenza enerġetika u prestazzjoni tas-sikurezza mtejba
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 91(1) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġislattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw lill-Kumitat tar-Reġjuni,
Filwaqt li jaġixxu skont il-proċedura leġislattiva ordinarja (2),
Billi:
(1) |
Id-Direttiva tal-Kunsill 96/53/KE (3) ġiet emendata bid-Direttiva (UE) 2015/719 tal-Parlament Ewropew u tal-Kunsill (4) bil-għan li jitnaqqsu l-konsum tal-enerġija u l-emissjonijiet tal-gassijiet serra, biex il-leġislazzjoni tiġi adattata għall-iżviluppi teknoloġiċi u għall-bidliet fil-bżonnijiet tas-suq u biex jiġi ffaċilitat it-trasport intermodali. |
(2) |
L-ajrudinamika mtejba tal-kabini tal-vetturi bil-mutur tkun tippermetti titjib sinifikanti fil-prestazzjoni enerġetika tal-vetturi. Madankollu, bir-restrizzjonijiet tat-tul massimu stipulati fid-Direttiva 96/53/KE, dan it-titjib kien impossibbli mingħajr it-tnaqqis tal-kapaċità tat-tagħbija tal-vettura. Għaldaqstant iddaħħlet deroga mir-restrizzjonijiet tat-tul massimu bid-Direttiva (UE) 2015/719. |
(3) |
Id-deroga mir-restrizzjonijiet tat-tulijiet massimi introdotta mid-Direttiva (UE) 2015/719 għandha tapplika mid-data li taħbat tliet snin wara d-data ta' traspożizzjoni jew ta' applikazzjoni tal-emendi meħtieġa fir-rigward tar-rekwiżiti tekniċi tal-approvazzjoni tat-tip. |
(4) |
Sabiex iseħħu mill-iktar fis possibbli l-benefiċċji tal-kabini ajrudinamiċi, f'termini ta' prestazzjoni enerġetika tal-vetturi tqal tal-merkanzija, iżda wkoll f'termini ta' viżibbiltà aħjar għas-sewwieqa, ta' sikurezza għall-ħaddieħor li jkun qed juża t-triq kif ukoll ta' sikurezza u kumdità għas-sewwieqa, jenħtieġ li jiġi żgurat li tali kabini ajrudinamiċi jkunu jistgħu jiġu introdotti mingħajr dewmien żejjed, hekk kif ikunu fis-seħħ ir-rekwiżiti meħtieġa tal-approvazzjoni tat-tip. |
(5) |
Is-settur tat-trasport u l-manifatturi tat-tagħmir jeħtieġu biżżejjed żmien biex jiżviluppaw servizzi u prodotti ġodda. Sabiex igawdu l-benefiċċji ta' regoli aktar flessibbli dwar id-disinn ta' kabini, huwa importanti li l-Kummissjoni tiżgura li d-dispożizzjonijiet tekniċi meħtieġa jkunu jistgħu jiġu adottati mill-iktar fis possibbli biex fis-swieq tkun tista' tidħol, bla xkiel u malajr, ġenerazzjoni ġdida ta' kabini. Barra minn hekk, jenħtieġ li l-Kummissjoni u l-Istati Membri, filwaqt li jaġixxu fir-rwoli rispettivi tagħhom fil-Kumitat Tekniku dwar il-Vetturi bil-Mutur, stabbilit mid-Direttiva 2007/46/KE tal-Parlament Ewropew u tal-Kunsill (5), jagħmlu dak kollu li jistgħu biex jiżguraw li tingħata opinjoni malajr. Jekk il-miżuri maħsuba mill-Kummissjoni ma jkunux konformi mal-opinjoni ta' dak il-kumitat, jew jekk ma tingħata ebda opinjoni, il-Kummissjoni għandha taġixxi mingħajr dewmien skont l-Artikolu 5a(4) tad-Deċiżjoni tal-Kunsill 1999/468/KE (6). |
(6) |
Għaldaqstant, jenħtieġ li d-Direttiva 96/53/KE tiġi emendata kif meħtieġ, |
ADOTTAW DIN ID-DEĊIŻJONI:
Artikolu 1
L-Artikolu 9a tad-Direttiva 96/53/KE huwa emendat kif ġej:
(1) |
fil-paragrafu 2, it-tieni subparagrafu, wara l-punt (d), huwa sostitwit b'dan li ġej: “Għal dak il-għan, il-Kummissjoni għandha tieħu l-miżuri meħtieġa, fil-qafas tad-Direttiva 2007/46/KE, biex tipprovdi għall-approvazzjoni tat-tip ta' vetturi jew kombinazzjonijiet ta' vetturi msemmija fil-paragrafu 1 ta' dan l-Artikolu sal-1 ta' Novembru 2019.”; |
(2) |
il-paragrafu 3 huwa sostitwit b'dan li ġej: “3. Il-paragrafu 1 għandu japplika mill-1 ta' Settembru 2020.”. |
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-5 ta’ Ġunju 2019.
Għall-Parlament Ewropew
Il-President
A. TAJANI
Għall-Kunsill
Il-President
G. CIAMBA
(1) ĠU C 62, 15.2.2019, p. 286.
(2) Pożizzjoni tal-Parlament Ewropew tas-26 ta' Marzu 2019 (għadha mhijiex ippubblikata fil-Ġurnal Uffiċjali) u d-deċiżjoni tal-Kunsill tat-22 ta' Mejju 2019.
(3) Direttiva tal-Kunsill 96/53/KE tal-25 ta' Lulju 1996 li tistabbilixxi għal ċerti vetturi tat-triq li jiċċirkolaw fi ħdan il-Komunità id-dimensjonijiet massimi awtorizzati fit-traffiku nazzjonali u internazzjonali u l-piżijiet massimi awtorizzati fit-traffiku internazzjonali (ĠU L 235, 17.9.1996, p. 59).
(4) Direttiva (UE) 2015/719 tal-Parlament Ewropew u tal-Kunsill tad-29 ta' April 2015 li temenda d-Direttiva tal-Kunsill 96/53/KE li tistabbilixxi għal ċerti vetturi tat-triq li jiċċirkolaw fi ħdan il-Komunità d-dimensjonijiet massimi awtorizzati fit-traffiku nazzjonali u internazzjonali u l-piżijiet massimi awtorizzati fit-traffiku internazzjonali (ĠU L 115, 6.5.2015, p. 1).
(5) Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (“Direttiva Kwadru”) (ĠU L 263, 9.10.2007, p. 1)
(6) Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju ta' setgħat ta' implimentazzjoni konferiti lill-Kummissjoni (ĠU L 184, 17.7.1999, p. 23).