6.6.2019

Il-Ġurnal Uffiċjali tal-Unjoni Ewropea

L 148/1

REGOLAMENT TA' IMPLIMENTAZZJONI TAL-KUMMISSJONI (UE) 2019/921

tat-3 ta' Ġunju 2019

dwar il-klassifikazzjoni ta' ċerti oġġetti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta' dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata fuqha parzjalment jew kollha kemm hi, jew li żżid kwalunkwe sottodiviżjoni magħha u li hija stabbilita b'dispożizzjonijiet speċifiċi tal-Unjoni, bl-għan li jiġu applikati t-tariffi u miżuri oħra relatati mal-kummerċ tal-oġġetti.

(3)	Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

Jixraq li jiġi stipulat li l-informazzjoni vinkolanti dwar it-tariffi maħruġa għall-oġġetti kkonċernati minn dan ir-Regolament u li ma tikkonformax ma' dan ir-Regolament, tkun tista' tibqa' tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta' tliet xhur.

(5)	Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' dik it-tabella.

Artikolu 2

L-informazzjoni vinkolanti dwar it-tariffi li ma tkunx konformi ma' dan ir-Regolament tista' tibqa' tiġi invokata skont l-Artikolu 34(9) tar-Regolament (UE) Nru 952/2013 għal perjodu ta' tliet xhur mid-data tad-dħul fis-seħħ ta' dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Prodott fil-forma ta' pillola li fiha 400 mg ta' S-Adenosil-L-Metijonina disulfat p-toluwensulfonat, fejn l-ingredjent attiv huwa s-S-Adenosil-L-Metijonina (“SAMe”).

Il-prodott jinkludi wkoll kwantitajiet żgħar ħafna ta' ċelluloża mikrokristallina, idrossidu tal-manjeżju, aċidu steariku, stearat tal-manjeżju, silika kollojdali anidra, ossidu tal-kalċju u komponenti tal-kisi.

Il-prodott huwa ppreżentat biex jintuża bħala suppliment tal-ikel li jiffaċilita l-funzjoni normali tal-fwied, jgħin fil-proċessi ta' detossifikazzjoni tal-ġisem u jappoġġa, b'mod ġenerali, is-saħħa emozzjonali tajba.

Id-doża rakkomandata ta' kuljum hija pillola waħda. Il-prodott huwa ppreżentat bl-ingrossa.

2106 90 92

Il-klassifikazzjoni hija ddeterminata mir-regoli ġenerali 1 sa 6 għall-interpretazzjoni tan-Nomenklatura Magħquda, in-nota addizzjonali 5 tal-Kapitolu 21 u mill-kliem tal-kodiċijiet NM 2106 , 2106 90 u 2106 90 92 .

Il-kontenut tal-ingredjent attiv “SAMe” għal kull pillola, mhuwiex adattat għall-prevenzjoni u t-trattament ta' mard jew problemi tas-saħħa. Għalhekk, il-klassifikazzjoni taħt l-intestatura 3004 hija eskluża.

Konsegwentement, il-prodott huwa preparazzjoni tal-ikel mhux speċifikata jew inkluża banda oħra (ara wkoll in-Noti ta' Spjegazzjoni tas-Sistema Armonizzata tal-intestatura 2106 , it-tieni paragrafu, il-punt (16)).

Għaldaqstant, il-prodott għandu jiġi kklassifikat taħt il-kodiċi NM 2106 90 92 bħala preparazzjoni tal-ikel li mhux speċifikata jew inkluża banda oħra.

6.6.2019

Il-Ġurnal Uffiċjali tal-Unjoni Ewropea

L 148/4

REGOLAMENT TA' IMPLIMENTAZZJONI TAL-KUMMISSJONI (UE) 2019/922

tat-3 ta' Ġunju 2019

dwar il-klassifikazzjoni ta' ċerti oġġetti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

(5)	Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Prodott magħmul minn granijiet fini ta' lewn beige li fihom partikuli bojod, ippreżentat bl-ingrossa.

Il-prodott fih:

—	metijonina,

—

ċistina,

—	pantotenat tal-kalċju,

—	tijamina-kloridrat,

—	piridossina-kloridrat,

—	aċidu para-amminobenżojku,

—	estratt tal-millieġ (Panicum miliaceum),

—	estratt tas-sufara tal-qamħ,

—	ħmira mediċinali,

—

ħadid,

—

żingu,

—	ram (f'rabta kumplessa),

u eċċipjenti.

Fi proċess ta' produzzjoni ulterjuri, il-prodott huwa omoġenizzat sabiex jitqiegħed f'kapsuli.

Il-prodott huwa ppreżentat biex jintuża bħala suppliment tal-ikel li jwaqqaf it-telf tax-xagħar u li jistimula t-tkabbir tax-xagħar. Huwa ppreżentat wkoll li jipprovdi benefiċċji f'każijiet ta' ġilda niexfa u li titfarfar, ta' ħakk u seborrea, u kif ukoll biex isaħħaħ id-dwiefer.

2106 90 92

Il-klassifikazzjoni hija ddeterminata mir-regoli ġenerali 1 u 6 għall-interpretazzjoni tan-Nomenklatura Magħquda u mill-kliem tal-kodiċijiet NM 2106 , 2106 90 u 2106 90 92 .

Il-prodott huwa preparazzjoni bl-ingrossa li essenzjalment tinkludi nutrijenti (proteini, vitamini u minerali essenzjali) meħtieġa biex jistimulaw it-tkabbir b'saħħtu tax-xagħar u tad-dwiefer. Għalhekk, il-klassifikazzjoni taħt l-intestatura 3003 hija eskluża (ara wkoll in-Noti ta' Spjegazzjoni tas-Sistema Armonizzata (NSSA) tal-intestatura 3003 , it-tielet u s-sitt paragrafu).

Konsegwentement, il-prodott huwa preparazzjoni tal-ikel mhux speċifikata jew inkluża banda oħra (ara wkoll l-NSSA tal-intestatura 2106 , it-tieni paragrafu, il-punt (16)).

Għaldaqstant, il-prodott għandu jiġi kklassifikat taħt il-kodiċi NM 2106 90 92 bħala preparazzjoni tal-ikel li mhux speċifikata jew inkluża banda oħra.

6.6.2019

Il-Ġurnal Uffiċjali tal-Unjoni Ewropea

L 148/7

REGOLAMENT TA' IMPLIMENTAZZJONI TAL-KUMMISSJONI (UE) 2019/923

tat-3 ta' Ġunju 2019

dwar il-klassifikazzjoni ta' ċerti oġġetti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċijiet NM indikati fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

(5)	Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċijiet NM indikati fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Oġġett li jikkonsisti f'likwidu alkoħoliku b'qawwa alkoħolika skont il-volum ta' bejn 4 % sa 6 %.

Dan l-oġġett jiġi prodott billi jitħallat meraq tat-tuffieħ iffermentat ma' alkoħol etiliku distillat, ilma karbonat, zokkor, aċidu ċitriku, aromatizzanti, aġent preservattiv (E 202), kaffeina u aġenti koloranti (E 102, E 124).

Iż-żieda tal-alkoħol etiliku distillat mal-meraq tat-tuffieħ iffermentat iżżid il-qawwa alkoħolika: 62,05 litru ta' meraq tat-tuffieħ iffermentat b'volum ta' 18 % (11,17-il litru ta' alkoħol) jitħalltu ma' 37,95 litru ta' alkoħol etiliku distillat b'volum ta' 28,28 % (10,73 litri ta' alkoħol). Il-komponent alkoħoliku ffermentat fil-prodott jammonta għal 51 % u l-alkoħol distillat jammonta għal 49 % tal-kontenut totali ta' alkoħol.

It-taħlita li tirriżulta tiġi dilwita ma' qawwa tax-xorb b'volum ta' bejn 4 % u 6 % billi jiżdied l-ilma karbonizzat. Jiżdiedu wkoll zokkor, aċidu ċitriku, aġent preservattiv (E 202), kaffeina, aġenti koloranti (E 102, E 124) u aromatizzanti (bħal mango, rum, frott tal-passjoni jew port).

Il-prodott huwa ppreżentat biex jintuża għall-produzzjoni tal-cocktails. Ir-riħa u t-togħma huma alkoħoliċi, aċidużi u ħelwin.

Il-prodott huwa għall-konsum mill-bniedem u offrut għall-bejgħ bl-imnut f'kontenituri li jesgħu żewġ litri jew inqas.

2208 90 69

Il-klassifikazzjoni hija ddeterminata mir-regoli ġenerali 1 u 6 għall-interpretazzjoni tan-Nomenklatura Magħquda u mit-test tal-kodiċijiet NM 2208 , 2208 90 u 2208 90 69 .

Il-prodott huwa xarba alkoħolika li ma żammitx il-karattru ta' prodott li jaqa' taħt l-intestatura 2206 (ara wkoll in-Noti ta' Spjegazzjoni tas-Sistema Armonizzata tal-intestatura 2206 , it-tielet paragrafu) peress li s-sustanzi miżjuda wasslu biex jintiflu l-proprjetajiet u l-karatteristiċi ta' meraq tat-tuffieħ iffermentat.

Il-fatt li l-alkoħol distillat la jaqbeż il-volum u lanqas il-perċentwal ta' 49 % tal-alkoħol preżenti fil-prodott u l-51 % li jifdal jirriżulta minn proċess ta' fermentazzjoni, mhuwiex kriterju ta' klassifikazzjoni peress li ma teżisti l-ebda regola ta' maġġoranza bbażata fuq il-perċentwali li tiddetermina l-karattru tal-prodotti tal-intestatura 2206 .

B'hekk il-klassifikazzjoni taħt l-intestatura 2206 hija eskluża peress li l-prodott juri karatteristiċi oġġettivi simili għal dawk ta' xarba spirituża u ma għadx għandu l-karatteristiċi miksuba mill-fermentazzjoni ta' frotta jew pjanta speċifika.

Għaldaqstant il-prodott għandu jiġi kklassifikat taħt il-kodiċi NM 2208 90 69 bħala xarba oħra spirituża f'kontenituri li jesgħu żewġ litri jew inqas.

Oġġett li jikkonsisti f'likwidu alkoħoliku b'qawwa alkoħolika skont il-volum ta' 15 %.

Dan jiġi prodott bil-fermentazzjoni ta' estratt tal-pitravi ħelu li jikkonsisti skont il-piż fi 93,4 % ta' sukrożju (96,7 % ta' sukrożju f'materja niexfa), proteini, mikrominerali, fibra u ilma.

Il-proċess ta' fermentazzjoni jinkiseb billi jiżdiedu l-ilma u l-ħmira sakemm jintlaħaq kontenut alkoħoliku ta' 15 %. Wara titneħħa l-ħmira permezz ta' sedimentazzjoni u mikrofiltrazzjoni. Il-prodott ma għandu l-ebda riħa u togħma speċifika ħlief dik tal-alkoħol.

Il-prodott huwa maħsub biex jintuża bħala bażi fil-formulazzjoni ta' xarbiet alkoħoliċi.

Huwa ppreżentat bl-ingrossa.

2208 90 99

Il-klassifikazzjoni hija ddeterminata mir-regoli ġenerali 1 u 6 għall-interpretazzjoni tan-Nomenklatura Magħquda u mit-test tal-kodiċijiet NM 2208 , 2208 90 u 2208 90 99 .

L-estratt tal-pitravi ħelu huwa zokkor mhux raffinat newtrali u għalhekk il-prodott ma jistax ikollu t-togħma, ir-riħa u/jew id-dehra ta' xarba prodotta minn frotta jew prodott naturali partikolari. B'hekk ma kisibx il-karatteristiċi ta' prodott li jaqa' taħt l-intestatura 2206 iżda akkwista dawk tal-alkoħol etiliku tal-intestatura 2208 .

Għalhekk il-prodott, li jinkiseb bl-ipproċessar ta' estratt tal-pitravi ħelu ffermentat u maħsub biex jintuża bħala bażi fil-formulazzjoni ta' xarbiet alkoħoliċi, peress li huwa newtrali f'termini ta' kulur, riħa u togħma b'riżultat tal-purifikazzjoni (inkluża l-mikrofiltrazzjoni), jaqa' taħt l-intestatura 2208 .

Għaldaqstant il-prodott għandu jiġi kklassifikat taħt il-kodiċi NM 2208 90 99 bħala alkoħol etiliku mhux żnaturat f'kontenituri li jesgħu aktar minn żewġ litri.

6.6.2019

Il-Ġurnal Uffiċjali tal-Unjoni Ewropea

L 148/10

REGOLAMENT TA' IMPLIMENTAZZJONI TAL-KUMMISSJONI (UE) 2019/924

tat-3 ta' Ġunju 2019

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

Jixraq li jiġi stipulat li l-informazzjoni vinkolanti dwar it-tariffi maħruġa għall-prodotti kkonċernati minn dan ir-Regolament u li ma tikkonformax ma' dan ir-Regolament, tkun tista' tibqa' tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta' tliet xhur.

(5)	Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda skont il-kodiċi NM indikat fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-prodotti

Klassifikazzjoni

(Kodiċi - NM)

Raġunijiet

(1)

(2)

(3)

Oġġett (kaxxa tal-fibra ottika bil-konnetturi) ċilindriku b'dijametru ta' madwar 140 mm u għoli ta' 400 mm. L-oġġett jiżen madwar 2,5 kg. L-oġġett huwa magħmul prinċipalment mill-plastik b'xi elementi żgħar (irfid u viti) tal-metall.

Il-bażi tal-oġġett għandha erba' punti ta' dħul tal-kejbil. Meta l-oġġett ikun kompletament armat, il-bażi titwaħħal mal-għata tal-plastik ċilindrika tal-oġġett permezz ta' qafla tonda li tista' tinqala'.

Fuq ġewwa hemm splice tray tal-plastik, imwaħħal mal-bażi tal-oġġett. Dan it-tray fih kanali speċifiċi biex jiġu allinjati l-fibri ottiċi/kejbils ottiċi u huwa mgħammar bil-konnetturi.

L-oġġett kollu kemm hu huwa maħsub għall-preservazzjoni ta' kejbils ottiċi/kejbils ottiċi u jista' jintuża f'tipi differenti ta' netwerks.

(*1) Ara l-istampi.

8536 70 00

Il-klassifikazzjoni hija determinata mir-Regoli Ġenerali 1 u 6 għall-interpretazzjoni tan-Nomenklatura Magħquda, min-Nota Addizzjonali 7 tal-Kapitolu 85 u mill-kliem tal-kodiċijiet tan-NM 8536 u 8536 70 00 .

Il-klassifikazzjoni taħt il-kodiċi NM 8536 90 10 hija eskluża minħabba li dak il-kodiċi jkopri “konnessjonijiet u elementi ta' kuntatt għal wajer u kejbils”, jiġifieri apparat elettriku biex jagħmel konnessjonijiet elettriċi. L-oġġett inkwistjoni huwa kaxxa b'konnekters għall-fibra ottika, mazzi ta' fibra ottika jew b'kejbils ottiċi u m'għandu l-ebda konnessjoni elettrika.

L-oġġett għandu l-karatteristiċi ta' konnetturi tal-fibri ottiċi, ta' mazzi tal-fibra ottika jew tal-kejbils ottiċi li sempliċiment jallinaw b'mod mekkaniku l-fibri ottiċi tarf ma' tarf f'sistema ta' linja diġitali (ara wkoll in-Noti ta' Spjegazzjoni tas-Sistema Armonizzata tal-intestatura 8536 , il-parti IV).

Minħabba l-karatteristiċi tiegħu, l-oġġett għandu għalhekk jiġi kklassifikat taħt il-kodiċi NM 8536 70 00 bħala konnekters użati għall-fibra ottika, mazzi jew kejbils tal-fibra ottika.

(*1) L-istampi huma biss għal finijiet ta' informazzjoni.

6.6.2019

Il-Ġurnal Uffiċjali tal-Unjoni Ewropea

L 148/13

REGOLAMENT TA' IMPLIMENTAZZJONI TAL-KUMMISSJONI (UE) 2019/925

tat-3 ta' Ġunju 2019

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata fuqha parzjalment jew kollha kemm hi, jew li żżid xi sottodiviżjoni magħha u li hija stabbilita b'dispożizzjonijiet speċifiċi tal-Unjoni, bl-għan li jiġu applikati t-tariffi u miżuri oħra relatati mal-kummerċ tal-prodotti.

(3)	Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

(5)	I-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda skont il-kodiċi tan-NM indikat fil-kolonna (2) ta' dik it-tabella.

Artikolu 2

L-informazzjoni vinkolanti dwar it-tariffi li ma tkunx konformi ma' dan ir-Regolament tista' tibqa' tiġi invokata skont l-Artikolu 34(9) tar-Regolament (UE) Nru 952/2013 għall-perjodu ta' tliet xhur mid-data tad-dħul fis-seħħ ta' dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni

(Kodiċi tan-NM)

Raġunijiet

(1)

(2)

(3)

Oġġett forma ta' tubu (imsejjaħ “ċinturin għall-attività”) li hu magħmul minn drapp innittjat li fih 88 % poliester u 12 % elastan u għandu ċirkonferenza ta' 66 cm. L-oġġett huwa magħmul minn biċċtejn rettangolari tal-istess daqs maqtugħin minn drapp tessili nnittjat. Dawn jitpoġġew waħda fuq l-oħra u jinħietu flimkien fuq tliet naħat biex jiffurmaw “ċinturin għall-attività” riversibbli elastiku.

L-oġġett huwa attrezzat bir-rifletturi, għandu but ċatt b'zipper u żewġ fetħiet żgħar, li waħda minnhom għandha żigarella bi strixxa elastiċizzata. Ma fihx bokkli jew molol.

L-oġġett huwa intiż biex jintlibes madwar il-qadd, pereżempju waqt attivitajiet sportivi. Fil-bwiet/fil-fetħiet wieħed jista' jżomm oġġetti żgħar bħal ċwievet, karti tal-kreditu u oġġetti simili.

(Ara l-istampi) (*1)

6307 90 10

Il-klassifikazzjoni hija ddeterminata mir-regoli ġenerali 1 u 6 għall-interpretazzjoni tan-Nomenklatura Magħquda, min-Nota 7(f) tat-Taqsima XI, u mill-kliem tal-kodiċijiet tan-NM 6307 , 6307 90 u 6307 90 10 .

Iċ-ċinturin għall-attività għandu l-karatteristiċi oġġettivi ta' oġġett tessili kkonfezzjonat skont it-tifsira tal-intestatura 6307 u skont in-Nota 7(f) tat-Taqsima XI.

L-oġġett mhuwiex intiż biex iżomm xi oġġett speċifiku. Mhuwiex imfassal b'ebda mod speċjali u lanqas mhu attrezzat minn ġewwa. Ma jixbaħx il-kontenituri kklassifikati fl-intestatura 4202 (ara wkoll l-ewwel u r-raba' paragrafu u l-esklużjoni (c) tan-Noti ta' Spjegazzjoni tas-Sistema Armonizzata tal-intestatura 4202 ). B'hekk, ma jistax jiġi kklassifikat taħt l-intestatura 4202 .

Għaldaqstant, l-oġġett għandu jiġi kklassifikat taħt il-kodiċi tan-NM 6307 90 10 bħala “oġġett innittjat ikkonfezzjonat ieħor”.

(*1) L-istampi għandhom jintużaw biss għall-finijiet ta' informazzjoni.

6.6.2019

Il-Ġurnal Uffiċjali tal-Unjoni Ewropea

L 148/16

REGOLAMENT TA' IMPLIMENTAZZJONI TAL-KUMMISSJONI (UE) 2019/926

tat-3 ta' Ġunju 2019

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

Jixraq li jiġi stipulat li l-informazzjoni vinkolanti dwar it-tariffi maħruġa għall-prodotti kkonċernati minn dan ir-Regolament u li ma tikkonformax ma' dan ir-Regolament, tkun tista' tibqa' tiġi invokata mid-detentur għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta' tliet xhur.

(5)	Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-prodotti

Klassifikazzjoni

(Kodiċi tan-NM)

Raġunijiet

(1)

(2)

(3)

Oġġett b'daqs ta' madwar 160 x 54 x 38 cm u li jiżen madwar 1,5 kg, magħmul minn żewġ saffi ta' drapp tessili magħqudin flimkien u mimli b'pedding ta' plastik ċellulari. In-naħa ta' ġewwa tad-drapp tessili huwa miksi bil-plastik.

L-oġġett għandu rfid tad-dahar tiegħu li huwa magħmul minn qafas ta' vireg tal-metall li jista' jintewa u li huwa parzjalment integrat fl-oġġett. Għandu borża għall-ħżin meħjuta mat-tarf tal-irfid tad-dahar. L-għoli tal-irfid tad-dahar jista' jiġi aġġustat permezz ta' ċinga b'bokkla tal-plastik.

L-oġġett jista' jintewa biex jiġi trasportat jew maħżun. Mal-kantunieri tan-naħa ta' fuq tal-irfid tad-dahar għandu meħjuta ċinga biex jinġarr minnha, u għandu diversi strixxi tat-tip “Velcro” biex l-irfid tad-dahar ikun jista' jitwaħħal ma' wiċċ mimdud waqt it-trasport jew meta jinħażen.

L-oġġett huwa offrut għall-bejgħ bħala saqqu tal-kampeġġ jew bħala saqqu ta' fejn il-baħar.

Ara l-istampa (*1).

6306 90 00

Il-klassifikazzjoni hija determinata bir-regoli ġenerali (GIR) 1, 3(b) u 6 għall-interpretazzjoni tan-Nomenklatura Magħquda kif ukoll bil-kliem tal-Kodiċijiet tan-NM 6306 u 6306 90 00 .

Minħabba l-materjal tessili li minnu hija magħmula l-parti l-kbira tal-wiċċ, il-materjal tessili jagħti lill-oġġett il-karattru essenzjali tiegħu fis-sens tal-GIR 3(b).

Abbażi tal-karatteristiċi oġġettivi tiegħu (ħafif, miksi bil-plastik bħala protezzjoni, jinfetaħ u jiġi ppakkjat malajr, u faċli biex jiġi trasportat), l-oġġett huwa intiż għall-użu fuq barra biex jittieħed, pereżempju, fil-kampeġġi, fejn il-baħar, eċċ. u biex jintuża hemmhekk b'mod temporanju (ara wkoll in-Noti ta' Spjegazzjoni tan-Nomenklatura Magħquda għas-subintestatura 6306 90 00 ).

Il-klassifikazzjoni tal-oġġett taħt l-intestatura 9404 bħala oġġett ta' friex jew tagħmir (furnishing) simili, bħal mitraħ, hija eskluża minħabba li l-oġġett mhuwiex intiż għall-armar ta' sodda u mhuwiex simili għal mitraħ jew oġġetti bħalu.

Għaldaqstant l-oġġett għandu jiġi kklassifikat taħt il-kodiċi tan-NM 6306 90 00 bħala “oġġetti oħra għal ikkampjar”.

(*1) L-istampa hija biss għal finijiet ta' informazzjoni.

6.6.2019

Il-Ġurnal Uffiċjali tal-Unjoni Ewropea

L 148/19

REGOLAMENT TA' IMPLIMENTAZZJONI TAL-KUMMISSJONI (UE) 2019/927

tat-3 ta' Ġunju 2019

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

(5)	Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda skont il-kodiċi NM indikat fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni

(Kodiċi - NM)

Raġunijiet

(1)

(2)

(3)

Basket ta' daqs ta' madwar 32 × 27 × 20 cm fil-forma ta' kubu.

L-oġġett jikkonsisti f'wajer tal-azzar (id-dijametru tal-wajer huwa madwar 4 mm) u l-karta. Il-wajer jitqiegħed biss tul it-truf tal-kubu biex jifforma qafas. Il-qafas isostni drapp tal-karta magħmul minn filamenti tal-medd u tat-tagħma.

Kull filament jikkonsisti f'żewġ strippi ta' karta mitwija u milwija għat-tul li huma mibruma flimkien. Id-daqs fil-wisgħa ta' kull strixxa tal-karta mibruma huwa madwar 5,5 mm. Il-wajer huwa kompletament mgħotti bil-karta.

Ara l-istampi (*1)

6307 90 98

Il-klassifikazzjoni hija determinata mir-Regoli Ġenerali (GIR) 1, 3(b) u 6 għall-interpretazzjoni tan-Nomenklatura Magħquda, in-Nota 1 tal-Kapitolu 63 u mill-kliem tal-Kodiċi tan-NM 6307 , 6307 90 u 6307 90 98 .

Il-basket mhuwiex oġġett tad-dar tal-ħadid jew tal-azzar tal-intestatura 7323 minħabba li mhuwiex il-wajer tal-metall komuni iżda d-drapp tal-karta li jagħti lill-oġġett il-karattru essenzjali tiegħu fi ħdan it-tifsira tal-GIR 3 (b), peress li l-oġġett għandu l-apparenza ta' basket tal-karta. M'għandux id-dehra ta' basket tal-metall minħabba li l-wajer huwa kompletament mgħotti bil-karta u għalhekk, ma jidhirx. Barra minn hekk, l-oġġett huwa prinċipalment magħmul mill-karta. Għalhekk, il-klassifikazzjoni fl-intestatura 7323 hija eskluża.

Peress li l-istrippi tal-karti huma mibruma, jitqies li huma ħjut tal-karta (ħjut tat-tessut) fi ħdan it-tifsira tal-intestatura 5308 (ara wkoll in-Noti ta' Spjegazzjoni tas-Sistema Armonizzata (NSSA) għall-intestatura 5308 , (B) ħjut tal-karta, it-tielet paragrafu). Il-klassifikazzjoni tal-oġġett fil-Kapitolu 46 hija eskluża bis-saħħa tan-Nota 1 tal-Kapitolu 46 minħabba li l-ħjut tat-tessut mhumiex ikkunsidrati bħala “materjali tat-trizza”.

Barra minn hekk, il-ħjut jiġu minsuġa flimkien biex joħolqu drapp (filamenti tal-medd u tat-tgħama). Il-basket għalhekk mhuwiex oġġett tal-ħjut tal-karta iżda huwa oġġett magħmul mid-drapp u l-klassifikazzjoni tiegħu fl-intestatura 5609 hija eskluża (ara wkoll l-NSSA għall-intestatura 5609 , l-ewwel u t-tielet paragrafu, (c)).

Oġġetti tat-tessut magħmulin minn kwalunkwe drapp ta' tessut li mhumiex deskritti aktar speċifikament x'imkien ieħor fin-Nomenklatura huma kklassifikati taħt is-Subkapitolu I tal-Kapitolu 63 (ara wkoll l-NSSA għall-Kapitolu 63, Ġenerali, (1), l-ewwel paragrafu).

Il-prodott għandu għalhekk jiġi kklassifikat taħt il-kodiċi tan-NM 6307 90 98 , bħala prodott ieħor magħmul mit-tessut.

(*1) L-istampi għandhom jintużaw biss għal finijiet ta' informazzjoni.

6.6.2019

Il-Ġurnal Uffiċjali tal-Unjoni Ewropea

L 148/22

REGOLAMENT TA' IMPLIMENTAZZJONI TAL-KUMMISSJONI (UE) 2019/928

tat-3 ta' Ġunju 2019

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

(3)	Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

(5)	Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda skont il-kodiċi NM indikat fil-kolonna (2) ta' dik it-tabella.

Artikolu 2

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta' Ġunju 2019.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-prodotti

Klassifikazzjoni

(Kodiċi - NM)

Raġunijiet

(1)

(2)

(3)

Oġġett (kaxxa tal-fibra ottika mingħajr konnetturi) ċilindriku b'dijametru ta' madwar 140 mm u għoli ta' 400 mm. L-oġġett jiżen madwar 2,5 kg. L-oġġett huwa magħmul prinċipalment mill-plastik b'xi elementi żgħar (irfid u viti) tal-metall.

Fuq ġewwa hemm splice tray tal-plastik, imwaħħal mal-bażi tal-oġġett. Dan it-tray fih kanali speċifiċi. Meta jinbiegħ, l-oġġett ma jkunx mgħammar b'konnekters.

L-oġġett kollu kemm hu huwa maħsub għall-preservazzjoni tal-kejbils.

(*1) Ara l-istampi

3926 90 97

Il-klassifikazzjoni hija determinata mir-Regoli Ġenerali 1 u 6 għall-interpretazzjoni tan-Nomenklatura Magħquda, u mill-kliem tal-kodiċijiet tan-NM 3926 , 3926 90 u 3926 90 97 .

Il-klassifikazzjoni taħt il-kodiċi NM 8536 70 00 bħala “konnekters użati għall-fibra ottika, mazzi jew kejbils tal-fibra ottika” jew taħt is-subintestatura 8536 90 10 bħala “konnessjonijiet u elementi ta' kuntatt għal wajer u kejbils” (jiġifieri apparat elettriku biex isiru l-konnessjonijiet) huwa eskluż, peress li l-oġġett huwa biss kaxxa. La huwa mgħammar bil-konnekters għall-fibri ottiċi, għall-mazzi tal-fibra ottika jew għall-kejbils ottiċi u lanqas ma għandu “konnessjonijiet u elementi ta' kuntatt għal wajer u kejbils”.

Il-klassifikazzjoni taħt l-intestatura 8538 bħala “Partijiet tajbin għal użu biss jew prinċipalment mal-apparat tal-intestaturi 8535 , 8536 jew 8537 ” huwa eskluż ukoll peress li minħabba n-nuqqas ta' konnekters, kuntatti jew apparat ieħor għal dan l-għan, l-oġġett la jista' jitqies bħala apparat elettriku tal-intestatura 8536 u lanqas parti identifikabbli tiegħu.

Għaldaqstant, l-oġġett għandu jiġi kklassifikat skont il-materjal kostitwenti (plastik) taħt il-kodiċi tan-NM 3926 90 97 bħala oġġetti oħra tal-plastik.

(*1) L-istampi huma biss għal finijiet ta' informazzjoni.

6.6.2019

Il-Ġurnal Uffiċjali tal-Unjoni Ewropea

L 148/25

REGOLAMENT TA' IMPLIMENTAZZJONI TAL-KUMMISSJONI (UE) 2019/929

tal-5 ta' Ġunju 2019

li jikkonċerna l-awtorizzazzjoni ta' formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) bħala addittiv fl-għalf għall-ħnieżer tas-simna (id-detentur tal-awtorizzazzjoni Berg and Schmidt GmbH Co. KG)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,

Billi:

(1)	Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni.

(2)

F'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755). Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)	L-applikazzjoni tikkonċerna l-awtorizzazzjoni ta' formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) bħala addittiv fl-għalf għall-ħnieżer tas-simna li jrid jiġi kklassifikat fil-kategorija tal-addittivi “addittivi żootekniċi”.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjonijiet tagħha tat-25 ta' Jannar 2017 (2) u tal-2 ta' Ottubru 2018 (3) li, skont il-kundizzjonijiet proposti tal-użu, il-preparazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) ma tħallix effett negattiv fuq is-saħħa tal-annimali, fuq is-sikurezza tal-konsumatur jew fuq l-ambjent. Ġie konkluż ukoll li l-addittiv jista' jkollu potenzjal ta' sensitizzazzjoni dermali jew respiratorja. Għalhekk, il-Kummissjoni tqis li jenħtieġ li jittieħdu miżuri protettivi xierqa biex jiġu evitati effetti negattivi fuq is-saħħa tal-bniedem, b'mod partikolari fir-rigward tal-utenti tal-addittiv. L-Awtorità kkonkludiet li l-addittiv huwa meqjus bħala effikaċi fit-titjib tal-piż finali tal-ġisem u l-proporzjon tal-għalf maż-żieda fit-tiġieġ tas-simna u l-ħnienes miftuma. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Ivverifikat ukoll ir-rapport dwar il-metodu tal-analiżi tal-addittiv tal-għalf fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Mill-valutazzjoni tal-formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) jidher li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant jenħtieġ li l-użu ta' din il-preparazzjoni jiġi awtorizzat kif speċifikat fl-Annessi ta' dan ir-Regolament.

(6)	Il-miżuri previsti f'dan ir-Regolament huma f'konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija tal-addittivi “addittivi żootekniċi” u mill-grupp funzjonali “sustanzi li jsaħħu d-diġestibbiltà”, hija awtorizzata bħala addittiv fin-nutrizzjoni tal-annimali, soġġetta għall-kundizzjonijiet stipulati f'dak l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-5 ta' Ġunju 2019.

Għall-Kummissjoni

Il-President

Jean-Claude JUNCKER

(1) ĠU L 268, 18.10.2003, p. 29.

(2) EFSA Journal 2017;15(2):4707

(3) EFSA Journal 2018;16(10):5457.

ANNESS

Numru ta' identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimali

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu ta' awtorizzazzjoni

Unitajiet ta' attività/kg ta' għalf komplet b'kontenut ta' ndewwa ta' 12 %

Kategorija ta' addittivi żootekniċi. Grupp funzjonali: sustanzi li jsaħħu d-diġestibbiltà.

4a26

Berg and Schmidt GmbH Co. KG

Endo-1,4-beta-ksilanażi

(EC 3.2.1.8)

Kompożizzjoni kimika

Il-formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) b'attività massima ta' 15 000 EPU (1)/g

Forma solida

Karatterizzazzjoni tas-sustanza attiva

endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755)

Metodu analitiku (2)

Għall-kwantifikazzjoni tal-attività tal-endo-1,4-beta-ksilanażi fl-addittiv tal-għalf, fit-taħlitiet lesti minn qabel u fl-għalf:

—	metodu kolorimetriku li jkejjel il-kolorant li jinħall fl-ilma rilaxxat minn azzjoni ta' endo-1,4-β-ksilanażi mis-substrati ta' qamħ tal-arabinoksilan retikolat bl-azzurina.

Tiġieġ tas-simna

Ħnienes miftuma

—

1 500 EPU

1.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħażna u l-istabbiltà waqt it-trattament bis-sħana.

2.	Għall-użu fi ħnienes miftuma li huma ta' piż ta' bejn wieħed u ieħor 35 kg

Għall-utenti tal-addittiv u tat-taħlitiet lesti minn qabel, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi sabiex jindirizzaw ir-riskji potenzjali li jirriżultaw mill-użu tagħhom. Fejn dawk ir-riskji ma jistgħux jiġu eliminati jew jitnaqqsu kemm jista' jkun b'tali proċeduri u miżuri, l-addittiv u t-taħlitiet lesti minn qabel għandhom jintużaw b'tagħmir protettiv personali li jinkludi protezzjoni għall-ġilda, għall-għajnejn u għan-nifs.

26.6.2029

(1) Unità Endopentosanażi waħda (EPU) tikkorrispondi għall-ammont ta' enżima li jillibera 0,0083 μmol ta' zokkor riduċenti (ekwivalenti ta' ksilożju) minn ksilan tal-ħafur fil-minuta f'pH ta' 4,7 u f'temperatura ta' 50 °C.

(2) Id-dettalji tal-metodi analitiċi huma disponibbli fl-indirizz tal-Laboratorju ta' Referenza li ġej: https://ec.europa.eu/jrc/en/eurl/feed-additives/evaluation-reports

6.6.2019

Il-Ġurnal Uffiċjali tal-Unjoni Ewropea

L 148/28

DEĊIŻJONI TA' IMPLIMENTAZZJONI TAL-KUMMISSJONI (UE) 2019/930

tal-4 ta' Ġunju 2019

li tapprova l-pjan għall-eradikazzjoni tad-deni Afrikan tal-ħnieżer fil-ħnieżer selvaġġi f'ċerti żoni tal-Belġju

(notifikata bid-dokument C(2019) 3967)

(It-testi bin-Netherlandiż u bil-Franċiż biss huma awtentiċi)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2002/60/KE tas-27 ta' Ġunju 2002 li tistabbilixxi miżuri għall-kontroll tad-deni Afrikan tal-qżieqeż u temenda d-Direttiva 92/119/KEE għar-rigward tal-marda Teschen u d-deni Afrikan tal-qżieqeż (1), u b'mod partikolari t-tieni subparagrafu tal-Artikolu 16(1) tagħha,

Billi:

(1)	Id-Direttiva 2002/60/KE tistabbilixxi l-miżuri minimi tal-Unjoni li għandhom jittieħdu għall-kontroll tad-deni Afrikan tal-ħnieżer, fosthom dawk li għandhom jiġu applikati jekk jiġi kkonfermat każ tad-deni Afrikan tal-ħnieżer fil-ħnieżer selvaġġi.

(2)

Barra minn hekk, id-Deċiżjoni ta' Implimentazzjoni tal-Kummissjoni 2014/709/UE (2) tistabbilixxi miżuri ta' kontroll tas-saħħa tal-annimali marbutin mad-deni Afrikan tal-ħnieżer fl-Istati Membri jew f'żoni tagħhom elenkati fl-Anness tal-istess Deċiżjoni (l-Istati Membri kkonċernati), u fl-Istati Membri kollha rigward movimenti ta' ħnieżer selvaġġi u l-obbligi ta' informazzjoni. L-Anness tad-Deċiżjoni ta' Implimentazzjoni 2014/709/UE jiddemarka u jelenka ċerti żoni tal-Istati Membri kkonċernati, differenzjati skont il-livell tar-riskju abbażi tas-sitwazzjoni epidemjoloġika fir-rigward ta' dik il-marda, inkluż lista ta' żoni ta' riskju għoli. Dak l-Anness ġie emendat diversi drabi sabiex jitqiesu l-bidliet fis-sitwazzjoni epidemjoloġika fl-Unjoni fir-rigward tad-deni Afrikan tal-ħnieżer li kellhom bżonn jiġu riflessi f'dak l-Anness.

(3)	Fl-2018 il-Belġju nnotifika lill-Kummissjoni l-każijiet tad-deni Afrikan tal-ħnieżer fil-ħnieżer selvaġġi u ħadet il-miżuri għall-kontroll tal-mard meħtieġa mid-Direttiva 2002/60/KE.

(4)	Fid-dawl tas-sitwazzjoni epidemjoloġika attwali u f'konformità mal-Artikolu 16 tad-Direttiva 2002/60/KE, il-Belġju ppreżenta lill-Kummissjoni pjan għall-eradikazzjoni tad-deni Afrikan tal-ħnieżer (il-pjan ta' eradikazzjoni).

(5)

Reċentement, l-Anness tad-Deċiżjoni ta' Implimentazzjoni 2014/709/UE ġie emendat bid-Deċiżjoni ta' Implimentazzjoni tal-Kummissjoni (UE) 2018/1856 (3) sabiex iqis, fost l-oħrajn, il-każijiet reċenti tad-deni Afrikan tal-ħnieżer fil-ħnieżer selvaġġi fil-Belġju u l-Partijiet I u II ta' dak l-Anness issa jinkludu ż-żoni infettati fil-Belġju.

(6)	Il-pjan ta' eradikazzjoni ġie eżaminat mill-Kummissjoni u ġie konkluż li dan jikkonforma mar-rekwiżiti stabbiliti fl-Artikolu 16 tad-Direttiva 2002/60/KE. Għalhekk jenħtieġ li dan jiġi approvat kif xieraq.

(7)	Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

Il-pjan imressaq mill-Belġju fit-18 ta' Frar 2019 f'konformità mal-Artikolu 16(1) tad-Direttiva 2002/60/KE, dwar l-eradikazzjoni tad-deni Afrikan tal-ħnieżer mill-popolazzjoni tal-ħnieżer selvaġġi fiż-żoni msemmija fl-Anness tad-Deċiżjoni ta' Implimentazzjoni 2014/709/UE huwa approvat.

Artikolu 2

Il-Belġju għandu jdaħħal fis-seħħ il-liġijiet, ir-regolamenti u d-dispożizzjonijiet amministrattivi meħtieġa għall-implimentazzjoni tal-pjan ta' eradikazzjoni fi żmien perjodu ta' 30 jum mid-data tal-adozzjoni ta' din id-Deċiżjoni.

Artikolu 3

Din id-Deċiżjoni hija indirizzata lir-Renju tal-Belġju.

Magħmul fi Brussell, tal-4 ta' Ġunju 2019.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU L 192, 20.7.2002, p. 27.

(2) Id-Deċiżjoni ta' Implimentazzjoni tal-Kummissjoni 2014/709/UE tad-9 ta' Ottubru 2014 dwar miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċertu Stati Membri u li tħassar id-Deċiżjoni ta' Implimentazzjoni 2014/178/UE (ĠU L 295, 11.10.2014, p. 63).

(3) Id-Deċiżjoni ta' Implimentazzjoni tal-Kummissjoni (UE) 2018/1856 tas-27 ta' Novembru 2018 li temenda l-Anness tad-Deċiżjoni ta' Implimentazzjoni 2014/709/UE dwar miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċertu Stati Membri (ĠU L 302, 28.11.2018, p. 78).

6.6.2019

Il-Ġurnal Uffiċjali tal-Unjoni Ewropea

L 148/30

DEĊIŻJONI DELEGATA TAL-AWTORITÀ TA' SORVELJANZA TAL-EFTA

Nru 8/19/COL

tas-6 ta' Frar 2019

li temenda l-lista miġbura fil-punt 39 fil-Parti 1.2 tal-Kapitolu I tal-Anness I tal-Ftehim dwar iż-Żona Ekonomika Ewropea li telenka postijiet ta' spezzjoni fuq il-fruntiera fl-Islanda u fin-Norveġja miftiehma għal verifiki veterinarji fuq annimali ħajjin u fuq prodotti minn pajjiżi terzi (“il-lista postijiet ta' spezzjoni fuq il-fruntiera fl-Iżlanda u n-Norveġja”) u li tħassar id-Deċiżjoni tal-Awtorità tas-Sorveljanza tal-EFTA Nru 90/18/COL [2019/931]

L-AWTORITÀ TA' SORVELJANZA TAL-EFTA,

Filwaqt li kkunsidrat il-punti 4(B)(1) u (3) u 5(b) tal-Parti Introduttorja tal-Kapitolu I tal-Anness I tal-Ftehim dwar iż-Żona Ekonomika Ewropea (“il-Ftehim ŻEE”),

Wara li kkunsidrat l-Att imsemmi fil-punt 4 tal-Parti 1.1 tal-Kapitolu I tal-Anness I tal-Ftehim ŻEE (id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi ) (1) (“id-Direttiva 97/78”) kif emendat u adattat għall-Ftehim ŻEE mill-adattamenti settorjali msemmija fl-Anness I ta' dak il-Ftehim, u b'mod partikolari l-Artikolu 6(2) tiegħu,

Wara li kkunsidrat l-Att imsemmi fil-punt 111 tal-Prti 1.2 tal-Kapitolu I tal-Anness I tal-Ftehim ŻEE (id-Deċiżjoni tal-Kummissjoni 2001/812/KE tal-21 ta' Novembru 2001 li tistabbilixxi r-rekwiżiti għall-approvazzjoni ta' postijiet ta' spezzjoni tal-fruntiera responsabbli għal kontrolli veterinarji ta' prodotti li jidħlu fil-Komunità minn pajjiżi terzi) (2), kif emendat, u partikolarment l-Artikolu 3(5) tiegħu,

kif adattat għall-Ftehim ŻEE minn punt 4(d) tal-Protokoll 1 tal-Ftehim ŻEE u l-Artikoli 1(2) u 3 tal-Protokoll 1 għall-Ftehim dwar is-Sorveljanza u l-Qorti.

Billi:

Permezz ta' ittra datata l-25 ta' Ġunju 2018 (Dok Nru 919969), il-Ministeru Norveġiż tal-Agrikoltura u l-Ikel (“il-Ministeru Norveġiż”) informa lill-Awtorità ta' Sorveljanza tal-EFTA (“l-Awtorità”) bit-talba tal-Awtorità Norveġiża dwar is-Sigurtà fl-Ikel (“l-Awtorità”) tal-4 ta' Mejju 2018 (Dok Nru 919967) għall-approvazzjoni ta' faċilitajiet ġodda fl-Inspection Centre Solstrand taħt il-post ta' spezzjoni fil-fruntiera tat-Tromso Port (NO TOS 1), iż-żieda ta' prodotti tas-sajd ippakkjati għall-konsum mill-bniedem mingħajr rekwiżiti ta' temperatura (HC-NT(1)(2)(3)) għall-kategoriji ta' prodotti approvati għal dak iċ-Ċentru ta' Spezzjoni u l-emenda tal-lista ta' postijiet ta' spezzjoni fil-fruntiera fl-Islanda u fin-Norveġja skont dan.

F'konformità mal-punt 4(B)(3) tal-Parti Introduttorja tal-Kapitolu I tal-Anness I tal-Ftehim ŻEE, l-Awtorità wettqet spezzjoni konġunta tal- Inspection Centre Solstrand mad-Direttorat F tad-DĠ SANTE mill-10 sat-12 ta' Diċembru 2018 biex tivvaluta l-adegwatezza u l-istat ta' tħejjija tal-faċilitajiet u t-tagħmir għall-kategoriji ta' prodotti HC-T(FR)(1)(2)(3) u HC-NT(1)(2)(3). Rakkomandazzjoni komuni li l-faċilitajiet il-ġodda fl-Inspection Centre Solstrand u ż-żieda ta' prodotti tas-sajd ippakkjati għall-konsum mill-bniedem mingħajr rekwiżiti ta' temperatura (HC-NT (1) (2) (3)) għall-kategoriji tal-prodotti approvati (Dok Nru 1043557) għandhom jiġu approvati sussegwentement ġiet iffirmata mill-Awtorità u d-Direttorat F tad-DĠ SANTE tat-12 ta' Diċembru 2018. L-Inspection Centre Solstrand għandu għalhekk jiġi elenkat għall-kategoriji ta' prodotti HC-T(FR)(1)(2)(3) u HC-NT(1)(2)(3).

Permezz ta' ittra datata s-7 ta' Diċembru 2018 (Dok Nru 1042406), l-Awtorità Islandiża għall-Ikel u dik Veterinarja (“MAST”) informat lill-Awtorità dwar l-għeluq tal-post ta' spezzjoni fuq il-fruntiera ta' Akureyri (SI AKU) u talbet it-tneħħija ta' dak il-post ta' spezzjoni fuq il-fruntiera mil-lista ta' postijiet ta' spezzjoni fil-fruntiera fl-Islanda u fin-Norveġja.

Permezz ta' ittra datata l-14 ta' Diċembru 2018 (Dok Nru 1043701), il-Ministeru Norveġiż informa lill-Awtorità bl-irtirar tal-approvazzjoni tal-NFSA dwar il-post ta' spezzjoni fil-fruntiera tal-Honningsvåg Port (NO HVG 1) fl-10 ta' Diċembru 2018 (Dok Nri 1043697 u 1043699) u t-talba tiegħu għat-tneħħija mil-lista ta' postijiet ta' spezzjoni fil-fruntiera fl-Islanda u fin-Norveġja.

Skont id-Direttiva 97/78/KE, l-Awtorità għandha tfassal u tippubblika lista ta' postijiet ta' spezzjoni fil-fruntiera approvati li jistgħu sussegwentement jiġu emendati jew supplimentati biex jirriflettu l-bidliet fil-listi nazzjonali. Il-lista attwali ta' postijiet ta' spezzjoni tal-fruntiera approvati fl-Iżlanda u n-Norveġja ġiet adottata mill-Awtorità fil-11 ta' Ottubru 2018 permezz tad-Deċiżjoni Nru 90/18/COL.

Għalhekk huwa l-obbligu tal-Awtorità li temenda l-lista ta' postijiet ta' spezzjoni fuq il-fruntiera fl-Islanda u fin-Norveġja u li tippubblika lista ġdida, li tirrifletti l-bidliet ta' hawn fuq dwar il-postijiet ta' spezzjoni fil-fruntiera ta' Akureyri u Honningsvåg Port u l-Inspection Centre Solstrand taħt il-post ta' spezzjoni fil-fruntiera tat-Tromso Port.

L-Awtorità, bid-Deċiżjoni tagħha Nru 3/19/COL(Dok Nru 1045585) irreferiet il-kwistjoni lill-Kumitat Veterinarju u Fitosanitarju tal-EFTA li jassisti lill-Awtorità. Permezz ta' e-mails datati t-23, il-25 u t-30 ta' Jannar 2019 (Doks Nri 1049988, 1050000 u 1050009), il-Kumitat ta opinjoni pożittiva dwar il-modifiki proposti għal-lista skont il-proċedura ta' eżami skont l-Artikolu 3(2) tad-Deċiżjoni tal-Kumitat Permanenti tal-Istati tal-EFTA Nru 3/2012/SC tas-26 ta' Ottubru 2012. Għaldaqstant, il-miżuri huma konformi mal-opinjoni tal-Kumitat.

Skont il-punt 6 tad-Deċiżjoni tal-Awtorità ta' Sorveljanza tal-EFTA Nru 494/13/COL tal-11 ta' Diċembru 2013, il-Membru tal-Kulleġġ b'responsabbiltà speċjali għal kwistjonijiet veterinarji u fitosanitarji għandu s-setgħa li jadotta abbozzi ta' miżuri li jemendaw il-lista ta' postijiet ta' spezzjoni fil-fruntiera fl-Islanda u fin-Norveġja jekk dawn il-miżuri huma skont l-opinjoni tal-Kumitat Veterinarju u Fitosanitarju tal-EFTA li jassisti lill-Awtorità.

ADOTTAT DIN ID-DEĊIŻJONI:

Il-kategoriji tal-prodotti li għalihom l-Inspection Centre Solstrand taħt il-post ta' spezzjoni fil-fruntiera tat-Tromso Port (NO TOS 1) huwa approvat huma modifikati fil-lista ta' postijiet ta' spezzjoni fuq il-fruntiera fl-Islanda u fin-Norveġja biex jinkludu prodotti tas-sajd ippakkjati għall-konsum mill-bniedem mingħajr rekwiżiti ta' temperatura (HC-NT(1)(2)(3)), minbarra prodotti tas-sajd iffriżati ppakkjati għall-konsum mill-bniedem (HC-T (FR)(1)(2)(3)).

2.	Il-postazzjonijiet ta' spezzjoni fil-fruntiera tal-Akureyri u Honningsvåg Port (IS AKU u NO HVG 1 rispettivament) tneħħew mil-lista ta' postijiet ta' spezzjoni fil-fruntiera fl-Islanda u fin-Norveġja.

3.	Il-verifiki veterinarji fuq l-annimali ħajjin u fuq il-prodotti tal-animali li jiddaħħlu fl-Islanda u fin-Norveġja għandhom isiru mill-awtoritajiet kompetenti nazzjonali fil-postijiet ta' spezzjonijiet fuq il-fruntiera li dwarhom hemm ftehim u li huma elenkati fl-Anness ta' din id-Deċiżjoni.

4.	Id-Deċiżjoni tal-Awtorità ta' Sorveljanza tal-EFTA Nru 90/18/COL tal-11 ta' Ottubru 2018 qed tiġi b'dan revokata u sostitwita bid-deċiżjoni attwali.

5.	Din id-Deċiżjoni tidħol fis-seħħ fil-jum tal-iffirmar tagħha.

6.	Din id-Deċiżjoni hija indirizzata lill-Islanda u lin-Norveġja.

7.	Din id-Deċiżjoni għandha tkun awtentika fil-lingwa Ingliża.

Għall-Awtorità ta' Sorveljanza tal-EFTA, li taġixxi taħt id-Deċiżjoni Delegata Nru 494/13/COL,

Högni S. KRISTJÁNSSON

Membru tal-Kulleġġ Responsabbli

Carsten ZATSCHLER

Kontrofirmatarju bħala Direttur,

Affarijiet Legali u Eżekuttivi

(1) ĠU L 24, 30.1.1998, p. 9.

(2) ĠU L 306, 23.11.2001, p. 28.

ANNESS

IL-LISTA TAL-POSTIJIET TAL-ISPEZZJONI FUQ IL-FRUNTIERA

Pajjiż: L-Islanda

1	2	3	4	5	6
Hafnarfjörður	IS HAF 1	P		HC(1)(2)(3), NHC-NT(2)(6)(16)
l-Ajruport ta' Keflavik	IS KEF 4	A		HC(2), NHC(2)	O(15)
Reykjavík Eimskip	IS REY 1a	P		HC(2), NHC(2)
Reykjavík Samskip	IS REY 1b	P		HC-T(FR)(1)(2)(3), HC-NT(1)(2)(3), NHC-NT(2)(6)(16)
Þorlákshöfn	IS THH1	P		HC-T(FR)(1)(2)(3), HC-NT(6), NHC-NT(6)

Pajjiż: In-Norveġja

Borg

NO BRG 1

HC(2), NHC (2)

E(7)

Båtsfjord

NO BJF 1

HC-T(FR)(1)(2)(3), HC-NT(1)(2)(3)

Egersund

NO EGE 1

HC-NT(6), NHC-NT(6)(16)

Hammerfest

NO HFT 1

Rypefjord

HC-T(FR)(1)(2)(3), HC-NT(1)(2)(3)

Kirkenes

NO KKN 1

HC-T(FR)(1)(2)(3), HC-NT(1)(2)(3)

Kristiansund

NO KSU 1

Kristiansund

HC-T(FR)(1)(2)(3), NHC-T(FR)(2)(3) HC-NT(6), NHC-NT(6)

Larvik

NO LAR 1

HC(2)

Måløy

NO MAY 1

Gotteberg

HC-T(FR)(1)(2)(3), NHC-T(FR)(2)(3)

Oslo

NO OSL 1

HC(2), NHC(2)

Oslo

NO OSL 4

HC(2), NHC(2)

U,E,O

Sortland

NO SLX 1

Sortland

HC-T(FR)(1)(2)(3)

Storskog

NO STS 3

HC, NHC

U,E,O

Tromsø

NO TOS 1

Bukta

HC-T(FR)(1)(2)(3)

Solstrand

HC-T(FR)(1)(2)(3), HC-NT(1)(2)(3)

Ålesund

NO AES 1

Breivika

HC-T(FR)(1)(2)(3), NHC-T(FR)(2)(3)

Skutvik

HC-T(1)(2)(3), HC-NT(6), NHC-T(FR) (2)(3), NHC-NT(6)

Isem

Kodiċi TRACES

Tip

A	=	Ajruport
F	=	Ferrovija
P	=	Port
R	=	Triq

Ċentru ta' spezzjoni

Prodotti

HC	=	Il-Prodotti kollha għall-Konsum tal-Bniedem
NHC	=	Prodotti Oħrajn
NT	=	L-ebda rekwiżiti ta' temperatura
T	=	Prodotti ffriżati/imkessħa
T(FR)	=	Prodotti ffriżati
T(CH)	=	Prodotti mkessħa

Annimali ħajjin

U	=	Ungulati: frat, ħnieżer, nagħaġ, mogħoż, solipedi slavaġ u domestiċi
E	=	Registered Equidae kif iddefinit fid-Direttiva tal-Kunsill 90/426/KEE
O	=	Annimali oħrajn

5-6

Kummenti speċjali

(1)	=	Verifika skont ir-rekwiżiti tad-Deċiżjoni tal-Kummissjoni 93/352/KEE kkunsidrata fl-eżekuzzjoni tal-Artikolu 19(3) tad-Direttiva 97/78/KE
(2)	=	Prodotti ppakkjati biss
(3)	=	Prodotti tas-sajd biss
(4)	=	Protejini ta' annimali biss
(5)	=	Ġlud tas-suf u ġlud biss
(6)	=	Xaħmijiet likwidi, żjut, u żjut tal-ħut biss
(7)	=	Ponijiet tal-Islanda (minn April sa Ottubru biss)
(8)	=	Ekwidi biss
(9)	=	Ħut tropikali biss
(10)	=	Qtates, klieb, rodenti, lagomorfi, ħut ħaj, rettili u għasafar oħra biss għajr struzjoniformijiet
(11)	=	Għalf bl-ingrossa biss
(12)	=	Għall-(U) fil-każ ta' solipedi, dawk li jinżammu f'ġonna żooloġiċi biss; u għal (O), flieles ta' jum, ħut, klieb, qtates, insetti, u annimali oħra li jinżammu f'ġonna żooloġiċi biss
(13)	=	Nagylak HU: Dan huwa post ta' spezzjoni fil-fruntiera (għall-prodotti) u punt ta' qsim (għal Annimali ħajjin) fil-fruntiera bejn l-Ungerija u r-Rumanija, soġġett għall-miżuri tranżitorji li ġew innegozjati u stipulati fit-Trattat tal-Adeżjoni kemm fir-rigward tal-prodotti kif ukoll tal-annimali ħajjin. Ara d-Deċiżjoni tal-Kummissjoni 2003/630/KE
(14)	=	Magħżul għat-tranżitu madwar il-Komunità Ewropea għal kunsinni ta' ċerti prodotti li joriġinaw mill-annimali għall-konsum mill-bniedem li jmorru lejn jew jiġu mir-Russja skont il-proċeduri speċifiċi previsti fil-leġiżlazzjoni Komunitarja rilevanti
(15)	=	Annimali ta' akwakultura biss
(16)	=	Frakass tal-fdal tal-ħut biss

6.6.2019

Il-Ġurnal Uffiċjali tal-Unjoni Ewropea

L 148/35

DEĊIŻJONI TAL-AWTORITÀ TA' SORVELJANZA TAL-EFTA

Nru 15/19/COL

tas-6 ta' Marzu 2019

dwar il-konformità tar-rata unitarja tan-Norveġja għall-2019 skont l-Artikolu 17 tal-Att imsemmi fil-punt 66wm tal-Anness XIII tal-Ftehim ŻEE (ir-Regolament ta' Implimentazzjoni tal-Kummissjoni (UE) Nru 391/2013 tat-3 ta' Mejju 2013 li jistabbilixxi skema komuni ta' imposti għas-servizzi tan-navigazzjoni tal-ajru) [2019/932]

L-AWTORITÀ TA' SORVELJANZA TAL-EFTA,

Wara li kkunsidrat l-Att imsemmi fil-punt 66u tal-Anness XIII tal-Ftehim dwar iż-Żona Ekonomika Ewropea (“il-Ftehim ŻEE”) (ir-Regolament (KE) Nru 550/2004 tal-Parlament Ewropew u tal-Kunsill tal-10 ta' Marzu 2004 dwar il-forniment ta' servizzi ta' navigazzjoni tal-ajru fl-Ajru Uniku Ewropew), u b'mod partikolari l-Artikolu 16(1) tiegħu, u l-Att imsemmi fil-punt 66wm tal-Anness XIII tal-Ftehim ŻEE (ir-Regolament ta' Implimentazzjoni tal-Kummissjoni (UE) Nru 391/2013 tat-3 ta' Mejju 2013 li jistabbilixxi skema komuni ta' imposti għas-servizzi tan-navigazzjoni tal-ajru, “ir-Regolament ta' Implimentazzjoni (UE) Nru 391/2013”), u b'mod partikolari l-Artikolu 17(1)(d) tiegħu, kif adattat għall-Ftehim ŻEE permezz tal-Protokoll 1 tiegħu,

Billi:

(1)

Ir-Regolament ta' Implimentazzjoni (UE) Nru 391/2013 jistabbilixxi skema komuni ta' imposti għas-servizzi tan-navigazzjoni tal-ajru. L-iskema komuni ta' imposti hija element integrali għall-ksib tal-objettivi tal-iskema ta' prestazzjoni kif stabbilit skont l-Artikolu 11 tal-Att imsemmi f'punt 66t tal-Anness XIII tal-Ftehim taż-ŻEE (ir-Regolament (KE) Nru 549/2004 tal-Parlament Ewropew u tal-Kunsill li jippreskrivi l-qafas għall-ħolqien tal-Ajru Uniku Ewropew) u l-att imsemmi fil-punt 66xf tal-Anness XIII tal-Ftehim ŻEE (ir-Regolament ta' Implimentazzjoni tal-Kummissjoni (UE) Nru 390/2013 li jistabbilixxi skema ta' prestazzjoni għas-servizzi tan-navigazzjoni tal-ajru u għall-funzjonijiet tan-netwerk) (“ir-Regolament ta' Implimentazzjoni (UE) Nru 390/2013”).

(2)

L-Att imsemmi fil-punt 66xe tal-Anness XIII tal-Ftehim ŻEE (id-Deċiżjoni ta' Implimentazzjoni tal-Kummissjoni 2014/132/UE li tistabbilixxi miri tal-prestazzjoni mal-Unjoni kollha għan-netwerk tal-ġestjoni tat-traffiku tal-ajru u l-livelli limiti ta' twissija għat-tieni perjodu ta' referenza mill-2015 sal-2019) jistabbilixxi l-miri tal-prestazzjoni għall-Unjoni kollha kemm hi, fosthom il-mira tal-kosteffikaċja għas-servizzi tan-navigazzjoni bl-ajru en route, espressa f'kosti unitarji determinati għall-forniment ta' dawn is-servizzi, għat-tieni perjodu ta' referenza, li jkopri u jinkludi s-snin mill-2015 sal-2019.

(3)

Skont l-Artikolu 17(1)(b) u (c) tar-Regolament ta' Implimentazzjoni (UE) Nru 391/2013, l-Awtorità ta' Sorveljanza tal-EFTA għandha tivvaluta r-rati unitarji tal-2019 għaż-żoni tal-imposti ppreżentati min-Norveġja skont ir-rekwiżiti tal-Artikolu 9(1) u 9(2) ta' dan ir-Regolament. Dik il-valutazzjoni tikkonċerna l-konformità ta' dawn ir-rati unitarji mar-Regolament ta' Implimentazzjoni (UE) Nru 390/2013 u (UE) Nru 391/2013.

(4)	L-Awtorità ta' Sorveljanza tal-EFTA wettqet il-valutazzjoni tagħha tar-rati unitarji bl-appoġġ tal-Unità tar-Reviżjoni tal-Prestazzjoni tal-Eurocontrol u tal-Uffiċċju Ċentrali tal-Imposti tar-Rotot, bl-użu tad-data u l-informazzjoni addizzjonali pprovduta min-Norveġja.

(5)

Abbażi ta' din il-valutazzjoni, l-Awtorità sabet, bi qbil mal-Artikolu 17(1)(d) tar-Regolament ta' Implimentazzjoni (UE) Nru 391/2013, li r-rata għal kull unità għaż-żoni tal-imposti għall-2019 ippreżentata min-Norveġja hija konformi mar-Regolament ta' Implimentazzjoni (UE) Nru 390/2013 u (UE) Nru 391/2013.

(6)	Skont l-Artikolu 17(1)(d) tar-Regolament ta' Implimentazzjoni (UE) Nru 391/2013, in-Norveġja jenħtieġ li tiġi nnotifikata dwar dik il-kostatazzjoni.

ADOTTAT DIN ID-DEĊIŻJONI:

Artikolu 1

Ir-rata unitarja en route ppreżentata min-Norveġja għall-2019, ta' NOK 421,61, hija f'konformità mal-Att imsemmi fil-punt 66xf tal-Anness XIII tal-Ftehim ŻEE (ir-Regolament ta' Implimentazzjoni (UE) Nru 390/2013) u mal-Att imsemmi fil-punt 66wm tal-Anness XIII tal-Ftehim ŻEE (ir-Regolament ta' Implimentazzjoni (UE) Nru 391/2013).

Artikolu 2

Din id-Deċiżjoni hija indirizzata lin-Norveġja.

Magħmul fi Brussell, is-6 ta' Marzu 2019.

Għall-Awtorità tas-Sorveljanza tal-EFTA

Bente ANGELL-HANSEN

Il-President

Frank J. BÜCHEL

Membru tal-Kulleġġ

Högni S. KRISTJÁNSSON

Membru tal-Kulleġġ Responsabbli

Carsten ZATSCHLER

Kontrofirmatarju bħala Direttur, Affarijiet Legali u Eżekuttivi

		ISSN 1977-074X
Il-Ġurnal Uffiċjali tal-Unjoni Ewropea		L 148

Edizzjoni bil-Malti	Leġiżlazzjoni	Volum 62 6 ta' Ġunju 2019

Werrej		II Atti mhux leġiżlattivi	Paġna
		REGOLAMENTI
	*	Regolament ta' Implimentazzjoni tal-Kummissjoni (UE) 2019/921 tat-3 ta' Ġunju 2019 dwar il-klassifikazzjoni ta' ċerti oġġetti fin-Nomenklatura Magħquda	1
	*	Regolament ta' Implimentazzjoni tal-Kummissjoni (UE) 2019/922 tat-3 ta' Ġunju 2019 dwar il-klassifikazzjoni ta' ċerti oġġetti fin-Nomenklatura Magħquda	4
	*	Regolament ta' Implimentazzjoni tal-Kummissjoni (UE) 2019/923 tat-3 ta' Ġunju 2019 dwar il-klassifikazzjoni ta' ċerti oġġetti fin-Nomenklatura Magħquda	7
	*	Regolament ta' Implimentazzjoni tal-Kummissjoni (UE) 2019/924 tat-3 ta' Ġunju 2019 dwar il-klassifikazzjoni ta' ċerti prodotti fin-Nomenklatura Magħquda	10
	*	Regolament ta' Implimentazzjoni tal-Kummissjoni (UE) 2019/925 tat-3 ta' Ġunju 2019 dwar il-klassifikazzjoni ta' ċerti prodotti fin-Nomenklatura Magħquda	13
	*	Regolament ta' Implimentazzjoni tal-Kummissjoni (UE) 2019/926 tat-3 ta' Ġunju 2019 dwar il-klassifikazzjoni ta' ċerti prodotti fin-Nomenklatura Magħquda	16
	*	Regolament ta' Implimentazzjoni tal-Kummissjoni (UE) 2019/927 tat-3 ta' Ġunju 2019 dwar il-klassifikazzjoni ta' ċerti prodotti fin-Nomenklatura Magħquda	19
	*	Regolament ta' Implimentazzjoni tal-Kummissjoni (UE) 2019/928 tat-3 ta' Ġunju 2019 dwar il-klassifikazzjoni ta' ċerti prodotti fin-Nomenklatura Magħquda	22
	*	Regolament ta' Implimentazzjoni tal-Kummissjoni (UE) 2019/929 tal-5 ta' Ġunju 2019 li jikkonċerna l-awtorizzazzjoni ta' formulazzjoni tal-endo-1,4-beta-ksilanażi (EC 3.2.1.8) prodotta minn Trichoderma reesei (BCCM/MUCL 49755) bħala addittiv fl-għalf għall-ħnieżer tas-simna (id-detentur tal-awtorizzazzjoni Berg and Schmidt GmbH Co. KG) ( 1 )	25
		DEĊIŻJONIJIET
	*	Deċiżjoni ta' Implimentazzjoni tal-Kummissjoni (UE) 2019/930 tal-4 ta' Ġunju 2019 li tapprova l-pjan għall-eradikazzjoni tad-deni Afrikan tal-ħnieżer fil-ħnieżer selvaġġi f'ċerti żoni tal-Belġju (notifikata bid-dokument C(2019) 3967) ( 1 )	28

	III Atti oħrajn
	ŻONA EKONOMIKA EWROPEA
*	Deċiżjoni Delegata tal-Awtorità ta' Sorveljanza tal-EFTA Nru 8/19/COL tas-6 ta' Frar 2019 li temenda l-lista miġbura fil-punt 39 fil-Parti 1.2 tal-Kapitolu I tal-Anness I tal-Ftehim dwar iż-Żona Ekonomika Ewropea li telenka postijiet ta' spezzjoni fuq il-fruntiera fl-Islanda u fin-Norveġja miftiehma għal verifiki veterinarji fuq annimali ħajjin u fuq prodotti minn pajjiżi terzi (il-lista postijiet ta' spezzjoni fuq il-fruntiera fl-Iżlanda u n-Norveġja) u li tħassar id-Deċiżjoni tal-Awtorità tas-Sorveljanza tal-EFTA Nru 90/18/COL [2019/931]	30
*	Deċiżjoni tal-Awtorità ta' Sorveljanza tal-EFTA Nru 15/19/COL tas-6 ta' Marzu 2019 dwar il-konformità tar-rata unitarja tan-Norveġja għall-2019 skont l-Artikolu 17 tal-Att imsemmi fil-punt 66wm tal-Anness XIII tal-Ftehim ŻEE (ir-Regolament ta' Implimentazzjoni tal-Kummissjoni (UE) Nru 391/2013 tat-3 ta' Mejju 2013 li jistabbilixxi skema komuni ta' imposti għas-servizzi tan-navigazzjoni tal-ajru) [2019/932]	35


	(1) Test b'rilevanza għaż-ŻEE.