ISSN 1977-074X |
||
Il-Ġurnal Uffiċjali tal-Unjoni Ewropea |
L 177 |
|
![]() |
||
Edizzjoni bil-Malti |
Leġiżlazzjoni |
Volum 61 |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
13.7.2018 |
MT |
Il-Ġurnal Uffiċjali tal-Unjoni Ewropea |
L 177/1 |
REGOLAMENT DELEGAT TAL-KUMMISSJONI (UE) 2018/990
tal-10 ta' April 2018
li jemenda u jissupplimenta r-Regolament (UE) 2017/1131 tal-Parlament Ewropew u tal-Kunsill fir-rigward tat-titolizzazzjonijiet u l-karti kummerċjali garantiti b'assi (ABCPs) sempliċi, trasparenti u standardizzati (STS), ir-rekwiżiti għall-assi riċevuti bħala parti minn ftehimiet ta' retroriakkwist u l-metodoloġiji ta' valutazzjoni tal-kwalità tal-kreditu
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/1131 tal-Parlament Ewropew u tal-Kunsill tal-14 ta' Ġunju 2017 dwar il-fondi tas-suq monetarju (1), u b'mod partikolari l-Artikoli 11(4), 15(7) u 22 tiegħu,
Billi:
(1) |
L-Artikolu 11(1) tar-Regolament (UE) 2017/1131 jippermetti lill-MMFs jinvestu f'titolizzazzjonijiet jew karti kummerċjali garantiti b'assi (ABCPs). Teżisti inċentiva speċifika għal investiment f'titolizzazzjonijiet sempliċi, trasparenti u standardizzati (STS) jew ABCPs. Peress li r-Regolament (UE) 2017/2402 tal-Parlament Ewropew u tal-Kunsill (2) diġà jinkludi rekwiżiti għat-titolizzazzjonijiet u l-ABCPs sempliċi trasparenti u standardizzati (STS), hemm bżonn li r-Regolament (UE) 2017/1131 jiġi emendat biex issir kontroreferenza għad-dispożizzjonijiet tar-Regolament (UE) 2017/2402 li fihom dawn ir-rekwiżiti. |
(2) |
Il-ftehimiet ta' retroriakkwist jippermettu lill-MMFs jimplimentaw l-istrateġija ta' investiment u jilħqu l-objettivi tagħha skont it-termini tar-Regolament (UE) 2017/1131. Dak ir-Regolament jirrikjedi li l-kontroparti ta' ftehim ta' retroriakkwist ikollha affidabbiltà tal-kreditu u li l-assi riċevuti bħala kollateral ikollhom likwidità u kwalità suffiċjenti biex jippermettu lill-MMFs jiksbu l-objettivi tagħhom u jissodisfaw l-obbligi tagħhom, f'każ li tali assi jkollhom bżonn jiġu likwidati. Il-ftehimiet standard użati għall-ftehimiet ta' retroriakkwist jistgħu jikkontribwixxu għall-għan tal-ġestjoni tar-riskju tal-kontroparti. Madankollu, ċerti klawsoli jistgħu jagħmlu l-assi sottostanti ta' ftehimiet ta' retroriakkwist mhux disponibbli għal maniġers ta' MMFs u b'hekk illikwidi. Għalhekk, hemm bżonn li jiġi żgurat li l-assi jkunu disponibbli għal maniġers tal-MMFs f'każ ta' inadempjenza jew f'każ ta' terminazzjoni bikrija ta' ftehimiet ta' retroriakkwist, u li l-kontroparti ma tillimitax il-bejgħ tal-assi billi tirrikjedi avviż jew approvazzjoni minn qabel. |
(3) |
Jenħtieġ li l-maniġers ta' MMFs ma jkunux obbligati japplikaw aġġustament speċifiku għall-valur ta' assi (telf impost) jekk il-kontroparti ta' ftehim ta' retroriakkwist tkun soġġetta għal regoli prudenzjali skont il-liġi tal-Unjoni. Sabiex jiġi żgurat li l-kollateral ipprovdut skont ftehim ta' retroriakkwist ikun ta' kwalità għolja, il-maniġers ta' MMFs għandhom japplikaw rekwiżiti addizzjonali meta l-kontroparti ta' ftehim ma tkunx regolata skont il-liġi tal-Unjoni jew ma tkunx rikonoxxuta bħala ekwivalenti. Sabiex tiġi żgurata konsistenza fil-liġi tal-Unjoni, ir-rekwiżiti minimi għal telf impost jenħtieġ li jkunu l-istess bħar-rekwiżiti korrispondenti stabbiliti fir-Regolament (UE) Nru 575/2013 tal-Parlament Ewropew u tal-Kunsill (3). |
(4) |
Jenħtieġ li l-maniġers ta' MMFs ikunu jistgħu japplikaw telf impost aktar għoli mill-ammont minimu stabbilit fir-Regolament (UE) Nru 575/2013 meta jqisu li jkun meħtieġ biex jiġi żgurat li l-kollateral riċevut bħala parti minn ftehim ta' retroriakkwist ikun likwidu biżżejjed, jekk il-kondizzjonijiet tas-suq jesiġu dan. Jenħtieġ ukoll li huma jimmonitorjaw u jirrevedu l-ammont ta' telf impost mitlub sabiex jiġi żgurat livell xieraq ta' likwidità, b'mod partikolari meta l-ammont ta' telf impost stipulat fl-Artikolu 224(1) tar-Regolament (UE) Nru 575/2013 jiġi rivedut, jew il-maturità residwa tal-assi jew fatturi oħra relatati mal-vijabbiltà tal-kontroparti jkunu nbidlu. |
(5) |
Il-metodoloġiji ta' valutazzjoni tal-kwalità tal-kreditu msemmija fl-Artikolu 19(3) jenħtieġ li jkunu prudenti biżżejjed biex jiġi żgurat li l-kriterji kwalitattivi u kwantitattivi li jappoġġaw valutazzjonijiet tal-kwalità tal-kreditu jkunu affidabbli u xierqa biex jivvalutaw b'mod xieraq il-kwalità tal-kreditu ta' strumenti eliġibbli għall-investiment. Barra minn hekk, jenħtieġ li jiġi żgurat li l-fatturi makroekonomiċi u mikroekonomiċi li l-maniġers tal-MMFs jieħdu f'kunsiderazzjoni fil-valutazzjoni tal-kwalità tal-kreditu jkunu rilevanti għad-determinazzjoni tal-kwalità tal-kreditu ta' emittent jew ta' strument eliġibbli għall-investiment. |
(6) |
Sabiex jiġi żgurat li l-istrumenti li l-maniġers tal-MMFs bi ħsiebhom jinvestu fihom ikunu ta' kwalità suffiċjenti, jenħtieġ li l-maniġers tal-MMFs iwettqu valutazzjoni tal-kwalità tal-kreditu kull darba li bi ħsiebhom jagħmlu investiment. Sabiex tiġi evitata ċ-ċirkomvenzjoni tar-rekwiżit fir-Regolament (UE) 2017/1131 li l-maniġers tal-MMFs jinvestu biss fi strumenti li jkunu rċevew valutazzjoni favorevoli tal-kwalità tal-kreditu, jenħtieġ li l-maniġers ta' MMFs jistabbilixxu b'mod ċar, bħala parti mill-metodoloġija tal-kwalità tal-kreditu, il-kriterji għal valutazzjoni favorevoli ta' strumenti eliġibbli għal investiment MMF, qabel ma jwettqu l-valutazzjoni proprja tal-kwalità tal-kreditu. |
(7) |
Jenħtieġ li l-metodoloġija u l-kriterji użati għal valutazzjoni tal-kwalità tal-kreditu jkunu konsistenti, minbarra meta jkun hemm raġuni objettiva għaliex wieħed jitbiegħed mill-metodoloġija jew mill-kriterji. Jenħtieġ li l-kriterji u l-metodoloġija jiġu żviluppati għal użu rikorrenti, mhux biss għal każ partikolari f'mument speċifiku. L-użu konsistenti tal-kriterji u tal-metodoloġija għandu jagħmilha aktar faċli li wieħed jimmonitorja l-valutazzjoni tal-kwalità tal-kreditu. |
(8) |
Sabiex tiġi żgurata l-kwantifikazzjoni korretta tar-riskju ta' kreditu tal-emittent, u r-riskju relattiv ta' inadempjenza tal-emittent u tal-istrument, kif meħtieġ skont l-Artikolu 20(2)(a) tar-Regolament (UE) 2017/1131, jenħtieġ li l-maniġers tal-MMFs jużaw il-kriterji kwantitattivi rilevanti li huma disponibbli fis-suq. Madankollu, huma ma għandhomx jinżammu milli jużaw fatturi addizzjonali, jekk rilevanti. |
(9) |
Il-valutazzjoni tal-kwalità tal-kreditu tal-emittent hija waħda mill-valutazzjonijiet l-aktar importanti li jridu jitwettqu, peress li tipprovdi l-ewwel livell ta' garanzija tal-kwalità tal-assi. Safejn ikun possibbli, il-maniġers ta' MMFs, għalhekk, jenħtieġ li jqisu l-fatturi kollha li huma rilevanti għall-valutazzjoni tal-kriterji kwalitattivi u kwantitattivi rigward ir-riskju ta' kreditu għall-emittent ta' strument. |
(10) |
F'ċirkostanzi eċċezzjonali, b'mod partikolari taħt kundizzjonijiet ta' stress fis-suq, jenħtieġ li maniġers ta' MMFs ikunu jistgħu jieħdu deċiżjonijiet ta' investiment li jieħdu preċedenza fuq ir-riżultat ta' valutazzjoni tal-kwalità tal-kreditu jekk tali deċiżjonijiet ta' investiment ikunu fl-interessi tal-investituri, sakemm dawk id-deċiżjonijiet ikunu ġustifikati u dokumenti kif suppost. |
(11) |
Peress li l-kwalità tal-istrumenti tista' tvarja matul iż-żmien, jenħtieġ li l-valutazzjoni tal-kwalità tal-kreditu ma tkunx valutazzjoni ta' darba, iżda jenħtieġ li titwettaq kontinwament. Barra minn hekk, għandha tiġi riveduta, b'mod partikolari, meta jkun hemm bidla materjali, kif imsemmi fl-Artikolu 19(4)(d) tar-Regolament (UE) 2017/1131, fl-ambjent makroekonomiku jew mikroekonomiku li jista' jkollu impatt fuq il-valutazzjoni tal-kwalità tal-kreditu tal-istrument. |
(12) |
Jenħtieġ li l-maniġers tal-MMFs ma jiddependux mekkanikament b'mod eċċessiv fuq il-klassifikazzjonijiet tal-kreditu esterni. Għalhekk, jenħtieġ li t-tnaqqis fil-grad tal-klassifikazzjoni tal-kreditu jew tal-prospett tal-klassifikazzjoni mill-aġenzija tal-klassifikazzjoni tal-kreditu li jingħata lil emittent jew strument jiġi kkunsidrat bidla materjali biss jekk ikun ġie vvalutat u mwieżen ma' kriterji oħra. Għal din ir-raġuni, jenħtieġ li l-maniġers ikunu meħtieġa jwettqu l-valutazzjoni proprja tagħhom, anki meta jsir tnaqqis fil-grad. |
(13) |
Jenħtieġ li l-kollateral provvdut bħala parti minn ftehimiet ta' retroriakkwsit ikun ta' kwalità għolja u ma jurix korrelazzjoni kbira mal-prestazzjoni tal-kontroparti. Il-valutazzjoni tal-kwalità tal-kreditu tiegħu, għalhekk, jenħtieġ li tkun favorevoli. Peress li ma hemm ebda raġuni li ssir distinzjoni bejn il-valutazzjonijiet imwettqa minn maniġers tal-MMFs meta jinvestu direttament f'assi eliġibbli u l-valutazzjoni li jwettqu meta jirċievu assi bħala kollateral, il-valutazzjoni tal-kwalità tal-kreditu jenħtieġ li tkun ibbażata fuq l-istess kriterji fiż-żewġ każijiet. |
(14) |
Ir-Regolament (UE) 2017/1131 jagħti tliet setgħat lill-Kummissjoni biex tispeċifika u temenda ċerti dispożizzjonijiet stabbiliti f'dak ir-Regolament. Dawn is-setgħat kollha għandhom l-għan li jiżguraw li l-MMFs jiġu investiti f'assi eliġibbli xierqa. Sabiex jiġu żgurati l-koerenza u l-konsistenza ta' dawk ir-rekwiżiti u biex in-nies soġġetti għalihom jingħataw ħarsa ġenerali u punt ta' aċċess għliahom, jenħtieġ li dawk ir-rekwżiti jitqiegħdu f'regolament wieħed. |
(15) |
Jenħtieġ li d-data tal-applikazzjoni ta' dan ir-Regolament delegat tiġi allinjata mad-data ta' applikazzjoni tar-Regolament (UE) 2017/1131 sabiex jiġi żgurat li r-regoli u r-rekwiżiti kollha jkunu japplikaw għall-MMFs mill-istess data. Id-data ta' applikazzjoni tad-dispożizzjoni emendatorja li tagħmel kontroreferenza għall-kriterji tat-titolizzazzjonijiet u l-ABCPs sempliċi, trasparenti u standardizzati (STS) għandha tkun l-istess bħad-data tal-applikazzjoni tar-Regolament (UE) 2017/2402, |
ADOTTAT DAN IR-REGOLAMENT:
KAPITOLU 1
KRITERJI BIEX JISTABBILIXXU TITOLIZZAZZJONI JEW KARTA KUMMERĊJALI GGARANTITA B'ASSI (ABCP) SEMPLIĊI, TRASPARENTI U STANDARDIZZATA (STS)
(L-Artikolu 15(7) tar-Regolament (UE) 2017/1131)
Artikolu 1
Emenda għar-Regolament (UE) 2017/1131
Fl-Artikolu 11(1) tar-Regolament (UE) 2017/1131, il-punt (c) jinbidel b'dan li ġej:
“(c) |
Titolizzazzjoni (STS) sempliċi, trasparenti u standardizzata, kif determinata f'konformità mal-kriterji u l-kundizzjonijiet stipulati fl-Artikoli 20, 21 u 22 tar-Regolament (UE) 2017/2402 tal-Parlament Ewropew u tal-Kunsill (*1), jew ABCP STS, kif iddeterminata f'konformità mal-kriterji u l-kundizzjonijiet stabbiliti fl-Artikoli 24, 25 u 26 ta' dak ir-Regolament. |
KAPITOLU 2
REKWIŻITI KWANTITATTIVI U KWALITATTIVI TA' KWALITÀ TAL-KREDITU GĦALL-ASSI RIĊEVUTI BĦALA PARTI MINN FTEHIMIET TA' RETRORIAKKWIST
(L-Artikolu 15(7) tar-Regolament (UE) 2017/1131)
Artikolu 2
Rekwiżiti kwantitattivi u kwalitattivi ta' likwidità għall-assi msemmija fl-Artikolu 15(6) tar-Regolament (UE) 2017/1131.
1. Il-ftehimiet ta' retroriakkwist kif imsemmija fl-Artikolu 15(6) tar-Regolament (UE) 2017/1131 għandhom jissodisfaw l-istandards tas-suq stabbiliti u t-termini u l-kundizzjonijiet għandhom jippermettu lill-maniġers tal-MMFs jinfurzaw id-drittijiet tagħhom bis-sħiħ f'każ ta' inadempjenza tal-kontroparti ta' tali ftehimiet, jew it-terminazzjoni bikrija tagħhom u jagħtu lill-maniġers tal-MMFs id-dritt mhux ristrett li jbigħu kwalunkwe assi riċevut bħala kollateral,
2. L-assi imsemmija fl-Artikolu 15(6) tar-Regolament (UE) 2017/1131 għandhom ikunu soġġetti għal telf impost, li jkun daqs iċ-ċifri tal-aġġustamenti għall-volatilità imsemmija fit-tabelli 1 u 2 tal-Artikolu 224(1) tar-Regolament (UE) Nru 575/2013 għal maturità residwa partikolari, li jikkorrispondu għal perijodu ta' likwidazzjoni ta' ħamest (5) ijiem u għall-ogħla valutazzjoni f'termini ta' skala tal-kwalità tal-kreditu.
3. Meta jkun meħtieġ, il-maniġers ta' MMFs għandhom japplikaw telf impost addizzjonali għal dak imsemmi fil-paragrafu 2. Sabiex jiġi vvalutat jekk huwiex meħtieġ telf impost addizzjonali, huma għandhom iqisu l-fatturi li ġejjin:
(a) |
il-valutazzjoni tal-kwalità tal-kreditu tal-kontroparti tal-ftehim ta' retroriakkwist; |
(b) |
il-perijodu b'riskju ta' marġni, kif definit fl-Artikolu 272(9) tar-Regolament (UE) Nru 575/2013; |
(c) |
il-valutazzjoni tal-kwalità tal-kreditu tal-emittenti jew tal-assi li jintuża bħala kollateral; |
(d) |
il-maturità residwa tal-assi użati bħala kollateral; |
(e) |
il-volatilità tal-prezz tal-assi li jintużaw bħala kollateral. |
4. Għall-fini tal-paragrafu 3, il-maniġers tal-MMFs għandhom jimplimentaw politika ċara fir-rigward ta' kull telf impost li tkun adatta għal kull assi, kif imsemmi fl-Artikolu 15(6) tar-Regolament (UE) 2017/1131, irċevut bħala kollateral. Din il-politika għandha tkun dokumentata u għandha tiġġustifika kull deċiżjoni biex jiġi applikat telf impost speċifiku għall-valur ta' assi.
5. Maniġers ta' MMFs għandhom jirrevedu regolarment it-telf impost imsemmi fil-paragrafu 2, filwaqt li jqisu l-bidliet fil-maturità residwa tal-assi użati bħala kollateral. Huma għandhom jirrevedu wkoll it-telf impost addizzjonali msemmi fil-paragrafu 3, kull meta l-fatturi imsemmija f'dak il-paragrafu jinbidlu.
6. Il-paragrafi 1 sa 5 ma għandhomx japplikaw jekk il-kontroparti tal-ftehim ta' retroriakkwist tkun xi wieħed minn dawn li ġejjin:
(a) |
istituzzjoni ta' kreditu sorveljata skont id-Direttiva 2013/36/UE tal-Parlament Ewropew u tal-Kunsill (4), jew istituzzjoni ta' kreditu awtorizzata f'pajjiż terz, bil-kundizzjoni li r-rekwiżiti superviżorji u regolatorji prudenzjali jkunu ekwivalenti għal dawk applikati fl-Unjoni; |
(b) |
ditta tal-investiment sorveljata skont id-Direttiva 2014/65/UE tal-Parlament Ewropew u tal-Kunsill (5), jew ditta tal-investiment ta' pajjiż terz, bil-kundizzjoni li r-rekwiżiti superviżorji u regolatorji prudenzjali jkunu ekwivalenti għal dawk applikati fl-Unjoni; |
(c) |
impriża tal-assigurazzjoni sorveljata skont id-Direttiva 2009/138/KE tal-Parlament Ewropew u tal-Kunsill (6), jew impriża tal-assigurazzjoni ta' pajjiż terz, bil-kundizzjoni li r-rekwiżiti superviżorji u regolatorji jkunu ekwivalenti għal dawk applikati fl-Unjoni; |
(d) |
kontroparti ċentrali awtorizzata skont ir-Regolament (UE) Nru 648/2012 tal-Parlament Ewropew u tal-Kunsill (7); |
(e) |
il-Bank Ċentrali Ewropew; |
(f) |
bank ċentrali nazzjonali; |
(g) |
bank ċentrali ta' pajjiż terz, bil-kundizzjoni li r-rekwiżiti superviżorji u regolatorji prudenzjali applikati f'dak il-pajjiż ikunu ġew rikonoxxuti bħala ekwivalenti għal dawk applikati fl-Unjoni f'konformità mal-Artikolu 114(7) tar-Regolament (UE) Nru 575/2013. |
KAPITOLU 3
KRITERJI TAL-VALUTAZZJONI TAL-KWALITÀ TAL-KREDITU
(L-Artikolu 22 tar-Regolament (UE) 2017/1131)
Artikolu 3
Kriterji għall-validazzjoni tal-metodoloġiji ta' valutazzjoni interna tal-kwalità tal-kreditu imsemmija fl-Artikolu 19(3) tar-Regolament (UE) 2017/1131
1. Il-maniġers tal-MMFs għandhom jivvalidaw il-metodoloġiji ta' valutazzjoni tal-kwalità tal-kreditu imsemmija fl-Artikolu 19(3) tar-Regolament (UE) 2017/1131 bil-kundizzjoni li dawn jissodisfaw il-kriterji li ġejjin:
(a) |
il-metodoloġiji ta' valutazzjoni interna tal-kwalità tal-kreditu jiġu applikati b'mod sistematiku fir-rigward tal-emittenti u l-istrumenti differenti; |
(b) |
il-metodoloġiji ta' valutazzjoni interna tal-kwalità tal-kreditu jiġu appoġġati minn għadd suffiċjenti ta' kriterji kwalitattivi u kwantitattivi rilevanti; |
(c) |
l-inputs kwalitattivi u kwantitattivi tal-metodoloġiji ta' valutazzjoni interna tal-kwalità tal-kreditu ikunu affidabbli, bl-użu ta' kampjuni tad-dejta ta' daqs xieraq; |
(d) |
valutazzjonijiet interni tal-kwalità tal-kreditu tal-passat prodotti bl-użu tal-metodoloġiji ta' valutazzjoni interna tal-kwalità tal-kreditu ġew rieżaminati b'mod xieraq mill-maniġers tal-MMFs inkwistjoni biex jiġi determinat jekk il-metodoloġiji ta' valutazzjoni tal-kwalità tal-kreditu humiex indikatur xieraq tal-kwalità tal-kreditu; |
(e) |
il-metodoloġiji ta' valutazzjoni interna tal-kwalità tal-kreditu ikunu jinkorporaw, għall-fini tal-iżvilupp u l-approvazzjoni tagħhom, kontrolli u proċessi li jippermettu verifika xierqa tagħhom; |
(f) |
il-metodoloġiji ta' valutazzjoni interna tal-kwalità tal-kreditu jinkorporaw fatturi li maniġers tal-MMFs iqisu rilevanti biex jiddeterminaw il-kwalità tal-kreditu ta' emittent jew ta' strument; |
(g) |
il-metodoloġiji ta' valutazzjoni interna tal-kwalità tal-kreditu japplikaw sistematikament is-suppożizzjonijiet ewlenin li huma l-bażi tal-kwalità tal-kreditu u l-kriterji li jappoġġawha biex jipproduċu l-valutazzjonijiet kollha tal-kwalità tal-kreditu, sakemm ma jkunx hemm raġuni oġġettiva biex dan ma jsirx; |
(h) |
il-metodoloġiji ta' valutazzjoni interna tal-kwalità tal-kreditu ikunu jinkludu proċeduri biex jiġi żgurat li l-kriterji msemmija fil-punti (b), (c) u (g) li jappoġġaw il-fatturi rilevanti fil-metodoloġiji interni ta' valutazzjoni tal-kwalità tal-kreditu jkunu ta' kwalità affidabbli u rilevanti għall-emittenti jew għall-istrument. |
2. Bħala parti mill-proċess ta' validazzjoni tal-metodoloġiji interni ta' valutazzjoni tal-kwalità tal-kreditu, il-maniġers tal-MMFs għandhom jivvalutaw is-sensittività tal-metodoloġiji għal bidliet f'xi wieħed mis-suppożizzjonijiet u mill-kriterji sottostanti tal-kwalità tal-kreditu.
3. Il-maniġers tal-MMFs għandu jkollhom proċessi fis-seħħ biex jiġi żgurat li kwalunkwe anomalija jew nuqqas enfasizzati mill-ittestjar retrospettiv imsemmi fl-Artikolu 19(3) tar-Regolament (UE) 2017/1131 jiġu identifikati u indirizzati kif xieraq.
4. Il-metodoloġiji ta' valutazzjoni interna tal-kwalità tal-kreditu msemmija fl-Artikolu 19(3) tar-Regolament (UE) 2017/1131 għandhom:
(a) |
jibqgħu jintużaw, sakemm ma jkunx hemm raġuni oġġettiva għaliex il-metodoloġiji ta' valutazzjoni interna tal-kwalità tal-kreditu jkollhom jiġu mibdula jew imwaqqfa milli jintużaw; |
(b) |
ikunu jistgħu jinkorporaw minnufih kull riżultat tal-monitoraġġ kontinwu jew ta' rieżami, b'mod partikolari fejn bidliet fil-kundizzjonijiet strutturali makroekonomiċi jew fis-swieq finanzjarji jistgħu potenzjalment jaffettwaw valutazzjoni tal-kreditu prodotta bl-użu ta' dawk il-metodoloġiji ta' valutazzjoni interna tal-kwalità tal-kreditu; |
(c) |
jippermettu li l-valutazzjonijiet interni tal-kwalità tal-kreditu jiġu mqabbla. |
5. Il-metodoloġija ta' valutazzjoni interna tal-kwalità tal-kreditu imsemmija fl-Artikolu 19(3) tar-Regolament (UE) 2017/1131 għandha tittejjeb minnufih jekk xi rieżami, inkluża validazzjoni, turi li mhijiex adegwata biex tiżgura valutazzjoni sistematika tal-kwalità tal-kreditu.
6. Il-proċedura ta' valutazzjoni interna tal-kwalità tal-kreditu għandha tispeċifika bil-quddiem is-sitwazzjonijiet meta l-valutazzjoni interna tal-kwalità tal-kreditu titqies favorevoli.
Artikolu 4
Kriterji għall-kwantifikazzjoni tar-riskju tal-kreditu, u r-riskju relattiv ta' inadempjenza tal-emittent u tal-istrument, kif imsemmija fl-Artikolu 20(2)(a) tar-Regolament (UE) 2017/1131
1. Il-kriterji għall-kwantifikazzjoni tar-riskju ta' kreditu tal-emittent, u r-riskju relattiv ta' inadempjenza tal-emittent u tal-istrument, imsemmija fl-Artikolu 20(2)(a) tar-Regolament (UE) 2017/1131 għandhom ikunu li ġejjin:
(a) |
l-informazzjoni għad-determinazzjoni tal-prezzijiet tal-bonds, inklużi l-firxiet tal-kreditu u l-prezzijiet ta' strumenti bi dħul fiss komparabbli u titoli relatati; |
(b) |
il-prezzijiet ta' strumenti tas-suq monetarju relatati mal-emittent, l-istrument jew is-settur industrijali; |
(c) |
l-informazzjoni għad-determinazzjoni tal-prezzijiet ta' swap ta' inadempjenza ta' kreditu, inkluż firxiet ta' swaps ta' inadempjenza ta' kreditu għal strumenti komparabbli; |
(d) |
statistika ta' inadempjenza rigward l-emittent, l-istrument jew is-settur tal-industrija; |
(e) |
l-indiċijiet finanzjarji relatati mal-lokazzjoni ġeografika, is-settur tal-industrija jew il-klassi tal-assi tal-emittent jew tal-istrument; |
(f) |
l-informazzjoni finanzjarja rigward l-emittent, inkluż il-proporzjonijiet ta' profittabilità, il-proporzjon ta' kopertura tal-imgħax, il-metrika tal-ingranaġġ finanzjarju u l-prezzijiet ta' ħruġ ġdid, inkluż l-eżistenza ta' titoli aktar subordinati. |
2. Meta jkun meħtieġ u rilevanti, il-maniġers tal-MMF għandhom japplikaw kriterji addizzjonali ma' dawk imsemmija fil-paragrafu 1.
Artikolu 5
Kriterji għall-istabbiliment ta' indikaturi fir-rigward tal-emittent tal-istrument, imsemmija fl-Artikolu 20(2)(b) tar-Regolament (UE) 2017/1131
1. Il-kriterji biex jiġu stabbiliti indikaturi kwalitattivi fir-rigward tal-emittent tal-istrument, imsemmija fl-Artikolu 20(2)(b) tar-Regolament (UE) 2017/1131, għandhom ikunu dawn li ġejjin:
(a) |
analiżi ta' kwalunkwe assi sottostanti, li għall-esponiment għat-titolizzazzjoni għandu jinkludi r-riskju ta' kreditu tal-emittent u r-riskju ta' kreditu tal-assi sottostanti; |
(b) |
analiżi ta' kwalunkwe aspett strutturali tal-istrumenti rilevanti maħruġa mill-emittent, li f'każ ta' strumenti finanzjarji għandhom jinkludu analiżi tar-riskju inerenti operazzjonali u tal-kontroparti tal-istrument finanzjarju strutturat; |
(c) |
analiżi tas-suq/swieq rilevanti, inkluż il-volum u l-likwidità ta' dawn is-swieq; |
(d) |
analiżi sovrana, li tinkludi l-firxa tal-obbligazzjonijiet espliċiti u kontinġenti u d-daqs tar-riżervi tal-kambju meta mqabbla ma' obbligazzjonijiet tal-kambju; |
(e) |
analiżi tar-riskju ta' governanza rigward l-emittent, inklużi frodi, multi ta' kondotta, litigazzjoni, dikjarazzjonijiet mill-ġdid finanzjarji, oġġetti eċċezzjonali, fatturat tal-maniġment, konċentrazzjoni ta' min jissellef u kwalità tal-awditjar; |
(f) |
riċerka relatata mat-titoli dwar l-emittent jew is-settur tas-suq; |
(g) |
meta tkun rilevanti, analiżi tal-klassifikazzjonijiet tal-kreditu jew prospettiva ta' klassifikazzjoni mogħtija lill-emittent ta' strument minn aġenzija tal-klassifikazzjoni tal-kreditu rreġistrata mal-ESMA u maħtura mill-maniġer tal-MMF, jekk tkun adatta għall-portafoll ta' investiment speċifiku tal-MMF. |
2. Meta jkun meħtieġ u rilevanti, il-maniġers tal-MMFs għandhom japplikaw kriterji addizzjonali għal dawk imsemmija fil-paragrafu 1.
Artikolu 6
Kriterji għall-istabbiliment tal-indikaturi kwalitattivi tar-riskju tal-kreditu fir-rigward tal-emittent tal-istrument, kif imsemmija fl-Artikolu 20(2)(b) tar-Regolament (UE) 2017/1131
Safejn ikun possibbli, il-maniġers tal-MMF għandhom jivvalutaw il-kriterji kwalitattivi tar-riskju tal-kreditu li ġejjin għal emittent ta' strument:
(a) |
is-sitwazzjoni finanzjarja tal-emittent, jew, fejn applikabbli, tal-garanti; |
(b) |
is-sorsi ta' likwidità tal-emittent, jew fejn applikabbli, tal-garanti; |
(c) |
l-abbiltà tal-emittent li jirreaġixxi għal avvenimenti fis-suq kollu jew speċifiċi għall-emittent, inkluż l-abbiltà li jħallas lura dejn f'sitwazzjoni negattiva ħafna; |
(d) |
kemm hija b'saħħitha l-industrija tal-emittent fl-ekonomija skont it-tendenzi ekonomiċi u l-pożizzjoni kompetittiva tal-emittent fl-industrija tiegħu. |
Artikolu 7
Invalidazzjonijiet
1. Il-maniġers tal-MMF jistgħu jitbiegħdu mir-riżultat ta' metodoloġija ta' valutazzjonijiet interni tal-kwalità tal-kreditu biss f'ċirkostanzi eċċezzjonali, inklużi kundizzjonijiet tas-suq stressati, u meta jkun hemm raġuni objettiva biex jagħmlu dan. Il-maniġers tal-MMFs li jitbiegħdu mill-output ta' metodoloġija ta' valutazzjoni interna tal-kwalità tal-kreditu għandhom jiddokumentaw din id-deċiżjoni.
2. Bħala parti mill-proċess ta' dokumentazzjoni msemmi fil-paragrafu 1, il-maniġers tal-MMFs għandhom jispeċifikaw il-persuna responsabbli mid-deċiżjoni, kif ukoll ir-raġuni objettiva għaliex ittieħdet din id-deċiżjoni.
Artikolu 8
Bidla materjali kif imsemmija fl-Artikolu 19(4)(d) tar-Regolament (UE) 2017/1131
1. Se jkun hemm bidla materjali kif imsemmi fl-Artikolu 19(4)(d) tar-Regolament (UE) 2017/1131 kull meta:
(a) |
jkun hemm bidla materjali fir-rigward ta' xi waħda minn dawn li ġejjin:
|
(b) |
l-istrument tas-suq monetarju, titolizzazzjoni jew ABCP ikollhom tnaqqis fil-grad taħt l-ogħla żewġ klassifikazzjonijiet tal-kreditu fuq perjodu qasir minn kwalunkwe aġenzija ta' klassifikazzjoni tal-kreditu irregolata u ċċertifikata f'konformità mar-Regolament (KE) Nru 1060/2009 tal-Parlament Ewropew u tal-Kunsill (8). |
2. Il-maniġers tal-MMFs għandhom jivvalutaw il-bidla materjali tal-kriterji msemmija fil-paragrafu 1(a) billi jikkunsidraw il-fatturi ta' riskju u r-riżultati tax-xenarji ta' testijiet tal-istress imsemmija fl-Artikolu 28 tar-Regolament (UE) 2017/1131.
3. Għall-iskop tal-paragrafu 1(b), il-maniġers tal-MMFs għandhom jistabbilixxu proċedura interna għall-għażla ta' aġenziji tal-klassifikazzjoni tal-kreditu adatti għall-portafoll ta' investiment speċifiku tal-MMF u biex jiddeterminaw il-frekwenza li biha l-MMF għandu jissorvelja l-klassifikazzjonijiet ta' dawk l-aġenziji.
4. Il-maniġers tal-MMFs għandhom jikkunsidraw tnaqqis fil-grad kif imsemmi fil-paragrafu 1(b) u wara dan iwettqu l-valutazzjoni tagħhom skont il-metodoloġija interna ta' valutazzjoni tal-kwalità tal-kreditu.
5. Ir-reviżjoni tal-metodoloġija interna ta' valutazzjoni tal-kwalità tal-kreditu għandha tikkostitwixxi bidla materjali kif imsemmi fl-Artikolu 19(4)(d) tar-Regolament (UE) 2017/1131, ħlief jekk il-maniġers ta' MMFs jistgħu juru li l-bidla ma hijiex materjali.
Artikolu 9
Rekwiżiti kwantitattivi u kwalitattivi għall-kwalità tal-kreditu għall-assi msemmija fl-Artikolu 15(6)(a) tar-Regolament (UE) 2017/1131
Il-maniġers tal-MMFs għandhom japplikaw l-Artikoli 3 sa 8 ta' dan ir-Regolament meta jivvalutaw il-kwalità tal-kreditu ta' titoli likwidi trasferibbli jew strumenti tas-suq monetarju msemmija fl-Artikolu 15(6)(a) tar-Regolament (UE) 2017/1131.
Artikolu 10
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mill-21 ta' Lulju 2018, bl-eċċezzjoni tal-Artikolu 1, li għandu japplika mill-1 ta' Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' April 2018.
Għall-Kummissjoni
Il-President
Jean-Claude JUNCKER
(1) ĠU L 169, 30.6.2017, p. 8.
(2) Ir-Regolament (UE) 2017/2402 tal-Parlament Ewropew u tal-Kunsill tat-12 ta' Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata, u li jemenda d-Direttivi 2009/65/KE, 2009/138/KE u 2011/61/UE u r-Regolamenti (KE) Nru 1060/2009 u (UE) Nru 648/2012 (ĠU L 347, 28.12.2017, p. 35).
(3) Ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012, (ĠU L 176, 27.6.2013, p. 1).
(4) Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).
(5) Id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).
(6) Id-Direttiva 2009/138/KE tal-Parlament Ewropew u tal-Kunsill tal-25 ta' Novembru 2009 dwar il-bidu u l-eżerċizzju tan-negozju tal-assigurazzjoni u tar-riassigurazzjoni (Solvibbiltà II) (ĠU L 335, 17.12.2009, p. 1).
(7) Ir-Regolament (UE) Nru 648/2012 tal-Parlament Ewropew u tal-Kunsill tal-4 ta' Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).
(8) Ir-Regolament (KE) Nru 1060/2009 tal-Parlament Ewropew u tal-Kunsill tas-16 ta' Settembru 2009 dwar aġenziji li jiggradaw il-kreditu (ĠU L 302, 17.11.2009, p. 1).
13.7.2018 |
MT |
Il-Ġurnal Uffiċjali tal-Unjoni Ewropea |
L 177/9 |
REGOLAMENT TA' IMPLIMENTAZZJONI TAL-KUMMISSJONI (UE) 2018/991
tat-12 ta' Lulju 2018
li jawtorizza t-tqegħid fis-suq tal-idroliżat tal-liżożoma tal-abjad tal-bajd tat-tiġieġ skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta' Implimentazzjoni tal-Kummissjoni (UE) 2017/2470
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-25 ta' Novembru 2015 tal-Parlament Ewropew u tal-Kunsill dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b'mod partikolari l-Artikolu 12 tiegħu,
Billi:
(1) |
Ir-Regolament (UE) 2015/2283 jipprevedi li huwa biss l-ikel ġdid awtorizzat u inkluż fil-lista tal-Unjoni li jista' jitqiegħed fis-suq fl-Unjoni. |
(2) |
Ir-Regolament ta' Implimentazzjoni tal-Kummissjoni (UE) 2017/2470 (2), li jistabbillixxi lista tal-Unjoni ta' ikel ġdid awtorizzat, ġie adottat skont l-Artikolu 8 tar-Regolament (UE) 2015/2283. |
(3) |
Skont l-Artikolu 12 tar-Regolament (UE) 2015/2283, il-Kummissjoni trid tiddeċiedi dwar l-awtorizzazzjoni u t-tqegħid fis-suq tal-Unjoni ta' ikel ġdid u dwar l-aġġornament tal-lista tal-Unjoni. |
(4) |
Fil-31 ta' Awwissu 2016, il-kumpanija DSM Nutritional Products Ltd., ir-Renju Unit, għamlet talba lill-awtoritajiet kompetenti tal-Irlanda biex tqiegħed l-idroliżat tal-liżożoma tal-abjad tal-bajd tat-tiġieġ fis-suq tal-Unjoni bħala ingredjent ġdid tal-ikel skont it-tifsira tal-punt (e) tal-Artikolu 1(2) tar-Regolament (KE) Nru 258/97 tal-Parlament Ewropew u tal-Kunsill (3). L-applikazzjoni titlob biex l-idroliżat tal-liżożoma tal-abjad tal-bajd tat-tiġieġ jintuża fis-supplimenti tal-ikel u kategoriji oħrajn tal-ikel, b'mod partikolari, fix-xorb mhux alkoħoliku. |
(5) |
Skont l-Artikolu 35(1) tar-Regolament (UE) 2015/2283, kwalunkwe talba għat-tqegħid fis-suq ta' ikel ġdid fi ħdan l-Unjoni ippreżentata lil Stat Membru skont l-Artikolu 4 tar-Regolament (KE) Nru 258/97 u li dwarha ma tteħditx deċiżjoni finali qabel l-1 ta' Jannar 2018 għandha tiġi trattata bħala applikazzjoni sottomessa skont ir-Regolament (UE) 2015/2283. |
(6) |
Filwaqt li t-talba għat-tqegħid tal-idroliżat tal-liżożoma tal-abjad tal-bajd tat-tiġieġ bħala ingredjent ġdid tal-ikel fis-suq tal-Unjoni ġiet sottomessa skont l-Artikolu 4 tar-Regolament (KE) Nru 258/97, l-applikazzjoni tissodisfa wkoll ir-rekwiżiti stabbiliti fir-Regolament (UE) 2015/2283. |
(7) |
Fit-12 ta' Mejju 2017, l-awtorità kompetenti tal-Irlanda ħarġet ir-rapport ta' valutazzjoni inizjali tagħha. F'dak ir-rapport, l-awtorità kkonkludiet li l-idrolizat tal-liżożoma tal-abjad tal-bajd tat-tiġieġ jissodisfa l-kriterji għal ikel ġdid stabbiliti fl-Artikolu 3(1) tar-Regolament (KE) Nru 258/97. |
(8) |
Fil-31 ta' Mejju 2017, il-Kummissjoni għaddiet ir-rapport ta' valutazzjoni inizjali lill-Istati Membri l-oħra. Tqajmu oġġezzjonijiet motivati mill-Istati Membri l-oħra fi żmien il-perjodu ta' 60 jum stipulat fl-ewwel subparagrafu tal-Artikolu 6(4) tar-Regolament (KE) Nru 258/97 fir-rigward ta' informazzjoni insuffiċjenti dwar l-użi maħsuba u l-evalwazzjoni tal-espożizzjoni, id-data tossikoloġika, l-ispeċifikazzjoni tal-prodott u l-proċess ta' produzzjoni. |
(9) |
Fid-dawl tal-oġġezzjonijiet li tqajmu mill-Istati Membri l-oħra, b'mod partikolari fir-rigward tal-valutazzjoni insuffiċjenti dwar l-espożizzjoni għall-konsum kombinat potenzjali mill-użi possibbli kollha proposti, l-applikant immodifika t-talba fir-rigward tal-kategoriji tal-ikel billi llimitata l-użu tal-ikel ġdid biss għas-supplimenti tal-ikel. Il-bidliet tal-użi proposti tal-ikel ġdid u l-ispjegazzjonijiet addizzjonali min-naħa tal-applikant taffew it-tħassib rigward il-konformità mal-Artikolu 7 tar-Regolament (UE) 2015/2283 b'mod sodisfaċenti għall-Istati Membri u għall-Kummissjoni. |
(10) |
Dawn l-ispjegazzjonijiet jagħtu biżżejjed raġunijiet biex jiġi stabbilit li l-idrolizat tal-liżożoma tal-abjad tal-bajd tat-tiġieġ fl-użu u fil-livelli tal-użu proposti meta jintużaw bħala ingredjent fis-supplimenti tal-ikel, jikkonforma mal-Artikolu 12(1) tar-Regolament (UE) 2015/2283. |
(11) |
Id-Direttiva 2002/46/KE tal-Parlament Ewropew u tal-Kunsill (4) jistipula r-rekwiżiti dwar is-supplimenti tal-ikel. L-użu tal-idrolizat tal-liżożoma tal-abjad tal-bajd tat-tiġieġ għandu jkun awtorizzat mingħajr preġudizzju għal dik id-Direttiva. |
(12) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
1. L-idrolizat tal-liżożoma tal-abjad tal-bajd tat-tiġieġ, kif speċifikat fl-Anness ta' dan ir-Regolament għandhom jiġu inklużi fil-lista tal-Unjoni ta' ikel ġdid awtorizzat, kif previst fl-Artikolu 8 tar-Regolament (UE) 2015/2283.
2. L-entrata fil-lista tal-Unjoni msemmija fl-ewwel paragrafu għandha tinkludi l-kundizzjonijiet għall-użu u għar-rekwiżiti tat-tikkettar stipulati fl-Anness ta' dan ir-Regolament.
3. L-awtorizzazzjoni prevista f'dan l-Artikolu għandha tkun mingħajr preġudizzju għad-dispożizzjonijiet tad-Direttiva 2002/46/KE.
Artikolu 2
L-Anness tar-Regolament ta' Implimentazzjoni tal-Kummissjoni (UE) 2017/2470 huwa emendat skont l-Anness ta' dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Lulju 2018.
Għall-Kummissjoni
Il-President
Jean-Claude JUNCKER
(1) ĠU L 327, 11.12.2015, p. 1.
(2) Ir-Regolament ta' Implimentazzjoni tal-Kummissjoni (UE) 2017/2470 tal-20 ta' Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
(3) Ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (ĠU L 43, 14.2.1997, p. 1).
(4) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS
L-Anness tar-Regolament ta' Implimentazzjoni (UE) 2017/2470 huwa emendat kif ġej:
(1) |
Tiddaħħal l-entrata li ġejja fit-Tabella 1 (L-ikel il-ġdid awtorizzat) f'ordni alfabetika:
|
(2) |
Tiddaħħal l-entrata li ġejja fit-Tabella 2 (Speċifikazzjonijiet) f'ordni alfabetika:
|
(1) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
DEĊIŻJONIJIET
13.7.2018 |
MT |
Il-Ġurnal Uffiċjali tal-Unjoni Ewropea |
L 177/12 |
DEĊIŻJONI TAL-KUMITAT POLITIKU U TA' SIGURTÀ (PESK) 2018/992
tal-11 ta' Lulju 2018
dwar il-ħatra tal-Kmandant tal-Forza tal-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) (EUTM Somalia/1/2018)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill 2010/96/PESK tal-15 ta' Frar 2010 dwar missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (1), u b'mod partikolari l-Artikolu 5 tagħha,
Billi:
(1) |
Taħt l-Artikolu 5(1) tad-Deċiżjoni 2010/96/PESK, il-Kunsill awtorizza lill-Kumitat Politiku u ta' Sigurtà (KPS), f'konformità mal-Artikolu 38 tat-Trattat dwar l-Unjoni Ewropea, biex jieħu d-deċiżjonijiet rilevanti dwar il-kontroll politiku u d-direzzjoni strateġika tal-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia), inklużi d-deċiżjonijiet dwar il-ħatra tal-Kmandanti sussegwenti tal-Missjoni tal-UE. |
(2) |
Id-Deċiżjoni tal-Kunsill (PESK) 2017/971 (2) emendat il-katina ta' kmand tal-EUTM Somalia. Konsegwentement, id-Deċiżjoni tal-Kumitat Politiku u ta' Sigurtà (PESK) 2016/396 (3) tħassret, u l-Brigadier Ġeneral Maurizio MORENA nħatar bħala l-Kmandant tal-Forza tal-Missjoni tal-UE għall-EUTM Somalia. |
(3) |
Fis-26 ta' Ġunju 2017, il-KPS adotta d-Deċiżjoni (PESK) 2017/1160 (4) biex ħatar lill-Kurunell Pietro ADDIS bħala s-suċċessur tal-Brigadier Ġeneral Maurizio MORENA bħala l-Kmandant tal-Missjoni tal-UE għall-EUTM Somalia. |
(4) |
Fit-18 ta' Ġunju 2018, il-Kumitat Militari tal-UE rrakkomanda li l-KPS jaħtar lill-Kurunell Matteo Giacomo SPREAFICO bħala s-suċċessur tal-Brigadier Ġeneral Pietro ADDIS bħala l-Kmandant tal-Missjoni tal-UE għall-EUTM Somalia mis-16 ta' Lulju 2018. |
(5) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li għandhom implikazzjonijiet ta' difiża. Konsegwentement, id-Danimarka mhijiex qed tieħu sehem fl-adozzjoni ta' din id-Deċiżjoni u la hija marbuta biha u lanqas ma hija soġġetta għall-applikazzjoni tagħha, |
ADOTTA DIN ID-DEĊIŻJONI:
Artikolu 1
Il-Kurunell Matteo Giacomo SPREAFICO huwa b'dan maħtur bħala l-Kmandant tal-Forza tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) mis-16 ta' Lulju 2018.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-11 ta' Lulju 2018.
Għall-Kumitat Politiku u ta' Sigurtà
Il-President
W. STEVENS
(1) ĠU L 44, 19.2.2010, p. 16.
(2) Id-Deċiżjoni tal-Kunsill (PESK) 2017/971 tat-8 ta' Ġunju 2017 li tiddetermina l-arranġamenti għall-ippjanar u t-tmexxija tal-missjonijiet militari mhux eżekuttivi tal-UE fil-qafas tal-PSDK u li temenda d-Deċiżjonijiet 2010/96/PESK dwar missjoni militari tal-Unjoni Ewropea biex tikkontribwixxi għat-taħriġ tal-Forzi tas-Sigurtà tas-Somalja, 2013/34/PESK dwar missjoni militari tal-Unjoni Ewropea biex tikkontribwixxi għat-taħriġ tal- Forzi Armati tal-Mali (EUTM Mali) u (PESK) 2016/610 dwar Missjoni ta' taħriġ militari tal- PSDK tal-Unjoni Ewropea fir-Repubblika Ċentru-Afrikana (EUTM RCA) (ĠU L 146, 9.6.2017, p. 133).
(3) Id-Deċiżjoni tal-Kumitat Politiku u ta' Sigurtà (PESK) 2016/396 tal-15 ta' Marzu 2016 dwar il-ħatra ta' Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) u li tħassar id- Deċiżjoni (PESK) 2015/173 (EUTM Somalia/1/2016) (ĠU L 73, 18.3.2016, p. 99).
(4) Id-Deċiżjoni tal-Kumitat Politiku u ta' Sigurtà (PESK) 2017/1160 tas-26 ta' Ġunju 2017 dwar il-ħatra tal-Kmandant tal-Forza tal-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) (EUTM Somalia/1/2017) (ĠU L 167, 30.6.2017, p. 37).
13.7.2018 |
MT |
Il-Ġurnal Uffiċjali tal-Unjoni Ewropea |
L 177/14 |
DEĊIŻJONI TAL-KUMMISSJONI (UE) 2018/993
tal-11 ta' Lulju 2018
li temenda d-Deċiżjonijiet (UE) 2017/1214, (UE) 2017/1215, (UE) 2017/1216, (UE) 2017/1218 u (UE) 2017/1219 fir-rigward tat-tul ta' żmien tal-perjodu ta' tranżizzjoni
(notifikata bid-dokument C(2018) 4312)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta' Novembru 2009 dwar skema ta' Ekotikketta tal-UE (1), u b'mod partikolari l-Artikolu 8(2) tiegħu,
Wara li kkonsultat il-Bord tal-Ekotikkettar tal-Unjoni Ewropea,
Billi:
(1) |
Id-Deċiżjoni tal-Kummissjoni 2011/382/UE (2) ġiet sostitwita bid-Deċiżjoni tal-Kummissjoni (UE) 2017/1214 (3) li tistabbilixxi kriterji u rekwiżiti riveduti għad-deterġenti għall-ħasil tal-platti bl-idejn. Biex il-produtturi li l-prodotti tagħhom ikunu ngħataw l-Ekotikketta tal-UE għad-deterġenti għall-ħasil tal-platti bl-idejn abbażi tal-kriterji stabbiliti fid-Deċiżjoni 2011/382/UE jingħataw biżżejjed ħin biex jaddattaw il-prodotti tagħhom ħalli jikkonformaw mad-Deċiżjoni (UE) 2017/1214, dik id-Deċiżjoni tistabbilixxi perjodu ta' tranżizzjoni. Dak il-perjodu ta' tranżizzjoni ta' 12-il xahar jiskadi fit-22 ta' Ġunju 2018. |
(2) |
Id-Deċiżjoni tal-Kummissjoni 2012/720/UE (4) ġiet sostitwita bid-Deċiżjoni tal-Kummissjoni (UE) 2017/1215 (5) li tistabbilixxi kriterji u rekwiżiti riveduti għad-deterġenti għall-magni tal-ħasil tal-platti industrijali u istituzzjonali. Biex il-produtturi li l-prodotti tagħhom ikunu ngħataw l-Ekotikketta tal-UE għad-deterġenti għall-magni tal-ħasil tal-platti industrijali u istituzzjonali abbażi tal-kriterji stabbiliti fid-Deċiżjoni 2012/720/UE jingħataw biżżejjed ħin biex jaddattaw il-prodotti tagħhom ħalli jikkonformaw mad-Deċiżjoni (UE) 2017/1215, dik id-Deċiżjoni tistabbilixxi perjodu ta' tranżizzjoni. Dak il-perjodu ta' tranżizzjoni ta' 12-il xahar jiskadi fit-22 ta' Ġunju 2018. |
(3) |
Id-Deċiżjoni tal-Kummissjoni 2011/263/UE (6) ġiet sostitwita bid-Deċiżjoni tal-Kummissjoni (UE) 2017/1216 (7) li tistabbilixxi kriterji u rekwiżiti riveduti għad-deterġenti għall-magni tal-ħasil tal-platti. Biex il-produtturi li l-prodotti tagħhom ikunu ngħataw l-Ekotikketta tal-UE għad-deterġenti għall-magni tal-ħasil tal-platti abbażi tal-kriterji stabbiliti fid-Deċiżjoni 2011/263/UE jingħataw biżżejjed ħin biex jaddattaw il-prodotti tagħhom ħalli jikkonformaw mad-Deċiżjoni (UE) 2017/1216, dik id-Deċiżjoni tistabbilixxi perjodu ta' tranżizzjoni. Dak il-perjodu ta' tranżizzjoni ta' 12-il xahar jiskadi fit-22 ta' Ġunju 2018. |
(4) |
Id-Deċiżjoni tal-Kummissjoni 2011/264/UE (8) ġiet sostitwita bid-Deċiżjoni tal-Kummissjoni (UE) 2017/1218 (9) li tistabbilixxi kriterji u rekwiżiti riveduti għad-deterġenti għall-ħasil tal-ħwejjeġ. Biex il-produtturi li l-prodotti tagħhom ikunu ngħataw l-Ekotikketta tal-UE għad-deterġenti għall-ħasil tal-ħwejjeġ abbażi tal-kriterji stabbiliti fid-Deċiżjoni 2011/264/UE jingħataw biżżejjed ħin biex jaddattaw il-prodotti tagħhom ħalli jikkonformaw mad-Deċiżjoni (UE) 2017/1218, dik id-Deċiżjoni tistabbilixxi perjodu ta' tranżizzjoni. Dak il-perjodu ta' tranżizzjoni ta' 12-il xahar jiskadi fit-22 ta' Ġunju 2018. |
(5) |
Id-Deċiżjoni tal-Kummissjoni 2012/721/UE (10) ġiet sostitwita bid-Deċiżjoni tal-Kummissjoni (UE) 2017/1219 (11) li tistabbilixxi kriterji u rekwiżiti riveduti għad-deterġenti tal-ħasil tal-ħwejjeġ industrijali u istituzzjonali. Biex il-produtturi li l-prodotti tagħhom ikunu ngħataw l-Ekotikketta tal-UE għad-deterġenti tal-ħasil tal-ħwejjeġ industrijali u istituzzjonali abbażi tal-kriterji stabbiliti fid-Deċiżjoni 2012/721/UE jingħataw biżżejjed ħin biex jaddattaw il-prodotti tagħhom ħalli jikkonformaw mad-Deċiżjoni (UE) 2017/1219, dik id-Deċiżjoni tistabbilixxi perjodu ta' tranżizzjoni. Dak il-perjodu ta' tranżizzjoni ta' 12-il xahar jiskadi fit-22 ta' Ġunju 2018. |
(6) |
Għadd ta' korpi nazzjonali li jagħtu l-Ekotikketti tal-UE infurmaw lill-Kummissjoni dwar il-ħtieġa li jiġu estiżi dawk il-perjodi ta' tranżizzjoni b'sitt xhur minħabba l-ammont kbir ta' applikazzjonijiet għat-tiġdid tal-kuntratti li jagħtu l-Ekotikketti tal-UE. Il-Kummissjoni wettqet valutazzjoni li kkonfermat il-ħtieġa li jiġu estiżi l-perjodi ta' tranżizzjoni b'sitt xhur. |
(7) |
Għaldaqstant, jenħtieġ li d-Deċiżjonijiet (UE) 2017/1214, (UE) 2017/1215, (UE) 2017/1216, (UE) 2017/1218 u (UE) 2017/1219 jiġu emendati skont dan. |
(8) |
Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
Fl-Artikolu 7 tad-Deċiżjoni (UE) 2017/1214, il-paragrafu 3 huwa sostitwit b'dan li ġej:
“3. Il-liċenzji tal-Ekotikketta tal-UE mogħtija skont il-kriterji stabbiliti fid-Deċiżjoni 2011/382/UE jistgħu jintużaw sat-22 ta' Diċembru 2018.”.
Artikolu 2
Fl-Artikolu 7 tad-Deċiżjoni (UE) 2017/1215, il-paragrafu 3 huwa sostitwit b'dan li ġej:
“3. Il-liċenzji tal-Ekotikketta tal-UE mogħtija skont il-kriterji stabbiliti fid-Deċiżjoni 2012/720/UE jistgħu jintużaw sas-26 ta' Diċembru 2018.”.
Artikolu 3
Fl-Artikolu 7 tad-Deċiżjoni (UE) 2017/1216, il-paragrafu 3 huwa sostitwit b'dan li ġej:
“3. Il-liċenzji tal-Ekotikketta tal-UE mogħtija skont il-kriterji stabbiliti fid-Deċiżjoni 2011/263/UE jistgħu jintużaw sas-26 ta' Diċembru 2018.”.
Artikolu 4
Fl-Artikolu 7 tad-Deċiżjoni (UE) 2017/1218, il-paragrafu 3 huwa sostitwit b'dan li ġej:
“3. Il-liċenzji tal-Ekotikketta tal-UE mogħtija skont il-kriterji stabbiliti fid-Deċiżjoni 2011/264/UE jistgħu jintużaw sas-26 ta' Diċembru 2018.”.
Artikolu 5
Fl-Artikolu 7 tad-Deċiżjoni (UE) 2017/1219, il-paragrafu 3 huwa sostitwit b'dan li ġej:
“3. Il-liċenzji tal-Ekotikketta tal-UE mogħtija skont il-kriterji stabbiliti fid-Deċiżjoni 2012/721/UE jistgħu jintużaw sas-26 ta' Diċembru 2018.”.
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, il-11 ta' Lulju 2018.
Għall-Kummissjoni
Karmenu VELLA
Membru tal-Kummissjoni
(2) Id-Deċiżjoni tal-Kummissjoni 2011/382/UE tal-24 ta' Ġunju 2011 dwar l-istabbiliment ta' kriterji ekoloġiċi għall-għoti tal-Ekotikketta tal-UE lil deterġenti għall-ħasil tal-platti bl-idejn (ĠU L 169, 29.6.2011, p. 40).
(3) Id-Deċiżjoni tal-Kummissjoni (UE) 2017/1214 tat-23 ta' Ġunju 2017 li tistabbilixxi l-kriterji tal-Ekotikketta tal-UE għad-deterġenti għall-ħasil tal-platti bl-idejn (ĠU L 180, 12.7.2017, p. 1).
(4) Id-Deċiżjoni tal-Kummissjoni 2012/720/UE tal-14 ta' Novembru 2012 li tistabbilixxi l-kriterji ekoloġiċi għall-għoti tal-Ekotikketta tal-UE lil Deterġenti għall-Magni Awtomatiċi tal-Ħasil tal-Platti Industrijali u Istituzzjonali (ĠU L 326, 24.11.2012, p. 25).
(5) Id-Deċiżjoni tal-Kummissjoni (UE) 2017/1215 tat-23 ta' Ġunju 2017 li tistabbilixxi l-kriterji tal-Ekotikketta tal-UE għad-deterġenti għall-magni tal-ħasil tal-platti industrijali u istituzzjonali (ĠU L 180, 12.7.2017, p. 16).
(6) Id-Deċiżjoni tal-Kummissjoni 2011/263/UE tat-28 ta' April 2011 dwar l-istabbiliment ta' kriterji ekoloġiċi għall-għoti tal-Ekotikketta tal-UE lil deterġenti għall-magni tal-ħasil tal-platti (ĠU L 111, 30.4.2011, p. 22).
(7) Id-Deċiżjoni tal-Kummissjoni (UE) 2017/1216 tat-23 ta' Ġunju 2017 li tistabbilixxi l-kriterji tal-Ekotikketta tal-UE għad-deterġenti għall-magni tal-ħasil tal-platti (ĠU L 180, 12.7.2017, p. 31).
(8) Id-Deċiżjoni tal-Kummissjoni 2011/264/UE tat-28 ta' April 2011 dwar l-istabbiliment ta' kriterji ekoloġiċi għall-għoti tal-Ekotikketta tal-UE lil deterġenti għall-ħasil tal-ħwejjeġ (ĠU L 111, 30.4.2011, p. 34).
(9) Id-Deċiżjoni tal-Kummissjoni (UE) 2017/1218 tat-23 ta' Ġunju 2017 li tistabbilixxi l-kriterji tal-Ekotikketta tal-UE għad-deterġenti għall-ħasil tal-ħwejjeġ (ĠU L 180, 12.7.2017, p. 63).
(10) Id-Deċiżjoni tal-Kummissjoni 2012/721/UE tal-14 ta' Novembru 2012 li tistabbilixxi l-kriterji ekoloġiċi għall-għoti tal-Ekotikketta tal-UE lil Deterġenti tal-Ħasil tal-Ħwejjeġ Industrijali u Istituzzjonali (ĠU L 326, 24.11.2012, p. 38).
(11) Id-Deċiżjoni tal-Kummissjoni (UE) 2017/1219 tat-23 ta' Ġunju 2017 li tistabbilixxi l-kriterji tal-Ekotikketta tal-UE għad-deterġenti tal-ħasil tal-ħwejjeġ industrijali u istituzzjonali (ĠU L 180, 12.7.2017, p. 79).