28.6.2018   

MT

Il-Ġurnal Uffiċjali tal-Unjoni Ewropea

L 163/1

(1)

Ir-Regolament tal-Kunsill (UE) 2018/120 (1) jiffissa l-opportunitajiet tas-sajd għall-2018 għal ċerti stokkijiet tal-ħut u għal ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tal-Unjoni, f'ċerti ilmijiet mhux tal-Unjoni.

(2)

Fit-12-il laqgħa tal-Konferenza tal-Partijiet għall-Konvenzjoni dwar il-Konservazzjoni ta' Speċijiet ta' Annimali Selvaġġi Migratorji, inżdied il-kelb il-baħar baliena (Rhincodon typus) fl-Appendiċi I ta' dik il-Konvenzjoni. Għalhekk jenħtieġ li dik l-ispeċi tiġi inkluża fil-listi ta' speċijiet ipprojbiti.

(3)

Billi l-parir xjentifiku tal-Kunsill Internazzjonali għall-Esplorazzjoni tal-Baħar (l-ICES) jindika li l-megrims fis-subżona 7 tal-ICES u fid-diviżjonijiet 8a, 8b, 8d u 8e tal-ICES huma l-istess stokkijiet bijoloġiċi, u għalhekk jixraq li tiġi prevista flessibbiltà bejn iż-żoni ta' 25 % mis-subżona 7 tal-ICES sad-diviżjonijiet 8a, 8b, 8d u 8e tal-ICES għall-Istati Membri li għandhom kwota għal dawk l-ispeċijiet fiż-żewġ żoni.

(4)

Fis-26 ta' Marzu 2018, l-ICES ħareġ parir dwar qabdiet tal-gamblu tat-Tramuntana (Pandalus borealis) fid-diviżjonijiet 3a u 4a tal-ICES fil-Lvant (Skagerrak, Kattegat, u t-Tramuntana tal-Baħar tat-Tramuntana fin-Norwegian Deep). Abbażi ta' dak il-parir, u wara konsultazzjonijiet man-Norveġja, jixraq li s-sehem tal-Unjoni tal-gamblu tat-Tramuntana fi Skagerrak jiġi ffissat għal 3 327 tunnellata.

(5)

Skont il-parir tal-ICES tat-12 ta' April 2018, jenħtieġ li l-qabdiet tal-laċċa kaħla (Sprattus sprattus) fil-Baħar tat-Tramuntana ma jkunux aktar minn 177 545 tunnellata għall-perijodu mill-1 ta' Lulju 2018 sat-30 ta' Ġunju 2019. Jenħtieġ li l-opportunitajiet tas-sajd għal-laċċa kaħla jiġu stabbiliti skont dan.

(6)

Fil-11 ta' April 2018, l-ICES ħareġ parir rivedut għall-merluzz tan-Norveġja għall-perijodu mill-1 ta' Novembru 2017 sal-31 ta' Ottubru 2018. Għalhekk jenħtieġ li l-opportunitajiet tas-sajd għal-laċċa kaħla jiġu stabbiliti skont dan.

(7)

L-ICES ta parir li jekk ma jkunx jista' jsir stħarriġ televiżiv ta' taħt wiċċ l-ilma, jista' jiġi stabbilit sajd sentinell sabiex tinġabar id-data dwar il-qabda għal kull unità ta' sforz għall-iskampu fl-unità funzjonali 25 fis-subżona 8c tal-ICES. Jenħtieġ li l-opportunitajiet tas-sajd jiġu emendati sabiex jipprevedu dak is-sajd sentinell.

(8)

Fis-sitt laqgħa annwali tagħha fl-2018, l-Organizzazzjoni Reġjonali għall-Ġestjoni tas-Sajd fin-Nofsinhar tal-Paċifiku (SPRFMO) stabbiliet qabda totali permissibbli (TAC) għas-sawrell. Dik il-miżura jenħtieġ li tiġi implimentata fil-liġi tal-Unjoni.

(9)

Waqt il-Laqgħa Annwali tal-2017 tagħha, il-Kummissjoni Internazzjonali għall-Konservazzjoni tat-Tonn tal-Atlantiku (ICCAT) adottat ir-Rakkomandazzjoni 17-07, li timmodifika r-Rakkomandazzjoni 14-04 dwar l-irkupru tat-tonna. Filwaqt li tinnota li ż-żidiet annwali ta' 20 % tat-TAC matul tliet snin jikkorrispondu għal żieda moderata u gradwali tal-livell tal-qabdiet għall-aktar stima prekawzjonarja tal-MSY tas-SCRS, ir-Rakkomandazzjoni 17-07 tistabbilixxi TACS għal-Lvant tal-Atlantiku u l-Mediterran allokati lill-Partijiet Kontraenti, Partijiet Mhux Kontraenti f'Kooperazzjoni, Entitajiet jew Entitajiet tas-Sajd għall-2018, 2019, u 2020.

(10)

L-Unjoni, b'ittra indirizzata lis-Segretarjat tal-ICCAT fil-15 ta' Frar 2018, ippreżentat il-pjan ta' sajd, kapaċità u spezzjoni tal-Unjoni. Il-pjan tal-Unjoni ġie approvat mill-ICCAT fil-laqgħa tal-Bord 2 (Madrid 5-7 ta' Marzu 2018) u l-approvazzjoni tal-ICCAT ġiet ikkomunikata mis-Segretarjat tal-ICAT fit-3 ta' April 2018. Għaldaqstant, għal finijiet ta' koerenza, huwa xieraq li jiġu mmodifikati ċ-ċifri fl-Anness IV.4 tabella A tar-Regolament (UE) 2018/120.

(11)

Il-limiti tal-qbid previsti fir-Regolament (UE) 2018/120 japplikaw mill-1 ta' Jannar 2018. Għalhekk, jenħtieġ li d-dispożizzjonijiet ta' dan ir-Regolament dwar il-limiti tal-qbid japplikaw ukoll minn dik id-data. Tali applikazzjoni retroattiva hija mingħajr preġudizzju għall-prinċipji taċ-ċertezza legali u għall-protezzjoni tal-aspettattivi leġittimi billi l-opportunitajiet tas-sajd ikkonċernati għadhom ma ġewx eżawriti.

(12)

Għalhekk jenħtieġ li r-Regolament (UE) 2018/120 jiġi emendat skont dan,

(1)

fl-Artikolu 13(1), jiżdied il-punt li ġej:

(2)

fl-Artikolu 45(1), jiżdied il-punt li ġej:

(3)

l-Annessi IA, IJ u IV huma emendati skont l-Anness għal dan ir-Regolament.

28.6.2018   

MT

Il-Ġurnal Uffiċjali tal-Unjoni Ewropea

L 163/6

(1)

L-esperjenza miksuba bl-applikazzjoni tar-Regolament ta' Implimentazzjoni tal-Kummissjoni (UE) Nru 181/2014 (2) uriet li ċerti dispożizzjonijiet dwar verifiki, notifiki u rapporti annwali hemm bżonn li jiġu ċċarati u ssimplifikati.

(2)

L-Artikolu 3 tar-Regolament ta' Implimentazzjoni (UE) Nru 181/2014 jistabbilixxi d-dispożizzjonijiet għal ċertifikati tal-assistenza u għal ħlas marbut ma' prodotti fornuti mill-Unjoni. L-Artikolu 4(1) tar-Regolament ta' Implimentazzjoni tal-Kummissjoni (UE) 2016/1239 (3) jagħmel użu min-numru tar-Reġistrazzjoni u tal-Identifikazzjoni tal-Operaturi Ekonomiċi (“in-numru EORI”) li huwa obbligatorju għal liċenzji ta' importazzjoni. Huwa xieraq li jiġi pprovdut l-istess rekwiżit għal ċertifikati tal-għajnuna koperti mill-Artikolu 3 tar-Regolament ta' Implimentazzjoni (UE) Nru 181/2014.

(3)

L-Artikolu 13 tar-Regolament ta' Implimentazzjoni (UE) Nru 181/2014 jistipula r-regoli għall-verifiki amministrattivi u fiżiċi dwar id-dħul, l-esportazzjoni u l-konsenja ta' prodotti agrikoli. Huwa xieraq li jiġu separati t-tip ta' verifiki fiżiċi għad-dħul mit-tip ta' verifiki fiżiċi għall-esportazzjoni u l-konsenja. L-Artikolu jenħtieġ li jkun ifformulat b'tali mod biex l-obbligu tal-applikazzjoni ta' kampjun rappreżentattiv meta jkunu qed jitwettqu l-verifiki fuq l-esportazzjoni u l-konsenja tal-operazzjonijiet previsti fit-Taqsima 3 ta' dak ir-Regolament jkun espliċitu.

(4)

L-Artikolu 20 tar-Regolament ta' Implimentazzjoni (UE) Nru 181/2014 jistipula l-prinċipji ġenerali għall-verifiki fir-rigward tal-applikazzjonijiet għall-għajnuna biex il-miżuri jappoġġjaw l-prodotti agrikoli lokali. Filwaqt li titqies l-eteroġenità u l-livell ta' kumplessità differenti ta' azzjonijiet fi ħdan il-miżuri biex ikompli jiġi żgurat li l-oqsma kollha ta' nfiq huma koperti u rrappreżentati fil-kampjun, huwa neċessarju li jkun speċifikat li l-awtoritajiet kompetenti se jkollhom iwettqu verifiki fuq il-post fil-livell ta' kull azzjoni permezz tat-teħid ta' kampjuni ta' mill-anqas 5 % tal-applikazzjonijiet għall-għajnuna. Il-kampjun jenħtieġ li jirrappreżenta wkoll mill-anqas 5 % tal-ammonti koperti mill-għajnuna għal kull azzjoni.

(5)

L-Artikolu 22 tar-Regolament ta' Implimentazzjoni (UE) Nru 181/2014 jipprevedi r-regoli għall-għażla tal-applikanti għall-għajnuna li se jkunu suġġetti għall-verifiki fuq il-post. Billi fil-gżejjer minuri fil-baħar Eġew, jista' jkun hemm numru żgħir ta' applikanti, il-Greċja jenħtieġ li jkollha l-possibbiltà li tagħżel applikant wieħed biss.

(6)

L-Artikolu 30(1) tar-Regolament ta' Implimentazzjoni (UE) Nru 181/2014 jirrikjedi li ċerta data dwar il-bilanċ tal-arranġamenti speċifiċi għall-provvista hemm bżonn li tiġi notifikata fl-aħħar ta' kull kwart tas-sena. Dik il-perjodiċità hija ta' piż u notifika ta' darba biss għal kull sena titqies suffiċjenti.

(7)

L-Artikolu 31 tar-Regolament ta' Implimentazzjoni (UE) Nru 181/2014 jistabbilixxi l-elementi li jridu jiġu inklużi fir-rapport annwali dwar l-implimentazzjoni tal-miżuri. Fir-rapport tagħha tal-15 ta' Diċembru 2016 (4), il-Kummissjoni kkonkludiet li l-kontenut tar-rapport annwali jenħtieġ li jiġi ċċarat u simplifikat biex jiġi faċilitat il-proċess ta' rappurtar. Billi huwa għalhekk opportun li jiġu emendati l-obbligi ta' rappurtar u li tiġi pprovduta struttura ġdida tar-rapport annwali, id-dettalji rilevanti jenħtieġ li jiġu speċifikati f'Anness ġdid tar-Regolament ta' Implimentazzjoni (UE) Nru 181/2014.

(8)

L-Artikolu 32 tar-Regolament ta' Implimentazzjoni (UE) Nru 181/2014 jipprevedi l-proċeduri għall-emendar tal-programm. B'kont meħud tal-esperjenza miksuba fl-applikazzjoni tiegħu, dawn il-proċeduri hemm bżonn li jkunu simplifikati sabiex jipproteġu b'mod aktar flessibbli u mingħajr xkiel l-adattament għall-kundizzjonijiet attwali relatati mal-arranġamenti tal-provvista u mal-kundizzjonijiet agrikoli lokali. Għalhekk, huwa xieraq li jkun meħtieġ li l-emendi koperti mill-Artikolu 32(1) u (2) ta' dak ir-Regolament jiġu ppreżentati fl-istess żmien sal-31 ta' Lulju.

(9)

B'mod ġenerali, l-emendi għall-programm ma jeħtiġux approvazzjoni formali mill-Kummissjoni. Huwa xieraq li jiġi rivedut il-kliem tal-Artikolu 32(1) tar-Regolament ta' Implimentazzjoni (UE) Nru 181/2014 sabiex jesprimi dan il-prinċipju b'mod aktar espliċitu.

(10)

Madankollu, emendi “maġġuri” għall-programm koperti bl-Artikolu 32(2) tar-Regolament ta' Implimentazzjoni (UE) Nru 181/2014 jeħtieġu l-approvazzjoni formali mill-Kummissjoni. Fuq il-bażi tal-esperjenza ta' din il-proċedura, huwa meħtieġ li tiġi estiża l-iskadenza għal approvazzjoni għal ħames xhur wara n-notifika ta' din l-emenda. Barra minn hekk, sabiex tiġi ssimplifikata l-proċedura, l-approvazzjoni formali mill-Kummissjoni jenħtieġ li tkun limitata għall-ewwel każ li bħalissa huwa kopert minn din id-dispożizzjoni.

(11)

L-Artikolu 32(3) tar-Regolament ta' Implimentazzjoni (UE) Nru 181/2014 jikkonċerna emendi “minuri”. Sabiex titħaffef il-proċedura ta' aġġustament finanzjarja fi ħdan l-Istat Membru, l-iskadenza għan-notifika ta' aġġustamenti sa 20 % tal-allokazzjoni finanzjarja jenħtieġ li tkun estiża sal-31 ta' Mejju.

(12)

Fl-aħħar nett, id-definizzjoni ta' “miżura” fl-Artikolu 32(5)(a) tar-Regolament ta' Implimentazzjoni (UE) Nru 181/2014 jenħtieġ li tiġi ssimplifikata.

(13)

Diversi Regolamenti tal-Kummissjoni ġew imħassra u sostitwiti minn regolamenti delegati u regolamenti ta' implimentazzjoni. Għal raġunijiet ta' ċarezza u ċertezza legali, huwa xieraq li jiġu aġġornati r-referenzi għal dawk ir-regolamenti. B'mod partikolari, fir-rigward tas-sistema ta' liċenzji ta' importazzjoni u ta' esportazzjoni, referenzi għar-Regolament tal-Kummissjoni (KE) Nru 376/2008 (5) jenħtieġ li jiġu sostitwiti b'referenzi għar-Regolament Delegat tal-Kummissjoni (UE) 2016/1237 (6) u għar-Regolament ta' Implimentazzjoni (UE) 2016/1239.

(14)

F'dak li jirrigwarda n-notifiki lill-Kummissjoni, ir-referenzi għar-Regolament tal-Kummissjoni (KE) Nru 792/2009 (7) jenħtieġ li jiġu sostitwiti b'referenzi għar-Regolament Delegat tal-Kummissjoni (UE) 2017/1183 (8) u għar-Regolament ta' Implimentazzjoni tal-Kummissjoni (UE) 2017/1185 (9).

(15)

Fir-rigward tar-regoli bbażati fuq ir-Regolament (UE) Nru 1306/2013 tal-Parlament Ewropew u tal-Kunsill (10), ir-referenzi għar-Regolament tal-Kummissjoni (KE) Nru 1122/2009 (11) jenħtieġ li jiġu sostitwiti b'referenzi għar-Regolament ta' Delega tal-Kummissjoni (UE) Nru 640/2014 (12) u għar-Regolament ta' Implimentazzjoni tal-Kummissjoni (UE) Nru 809/2014 (13).

(16)

Għalhekk jenħtieġ li r-Regolament ta' Implimentazzjoni (UE) Nru 181/2014 jiġi emendat skont dan.

(17)

Il-miżuri previsti f'dan ir-Regolament huma skont l-opinjoni tal-Kumitat għall-Pagamenti Diretti,

(1)

fl-Artikolu 3, il-paragrafu 2 huwa sostitwit b'dan li ġej:

“2.   Iċ-ċertifikati tal-għajnuna għandhom jitfasslu fuq il-bażi tal-kampjun tal-liċenzja tal-importazzjoni stabbilit fl-Anness I tar-Regolament ta' Implimentazzjoni tal-Kummissjoni (UE) Nru 2016/1239 (*1).

L-Artikolu 4 tar-Regolament Delegat tal-Kummissjoni (UE) Nru 2016/1237 (*2) u l-Artikoli 2, u 3, l-Artikolu 4(1), l-Artikoli 5 u 7 u 13 sa 16 tar-Regolament ta' Implimentazzjoni (UE) Nru 2016/1239 għandhom japplikaw, mutatis mutandis, mingħajr preġudizzju għal dan ir-Regolament.

It-tolleranza negattiva prevista fl-Artikolu 5(4) tar-Regolament Delegat tal-Kummissjoni (UE) 2016/1237 u l-Artikolu 8(1) tar-Regolament ta' Implimentazzjoni tal-Kummissjoni (UE) 2016/1239 għandhom japplikaw mutatis mutandis.

(*1)  Ir-Regolament ta' Implimentazzjoni tal-Kummissjoni (UE) 2016/1239 tat-18 ta' Mejju 2016 li jistabbilixxi regoli għall-applikazzjoni tar-Regolament (UE) Nru 1308/2013 tal-Parlament Ewropew u tal-Kunsill fir-rigward tas-sistema ta' liċenzji ta' importazzjoni u ta' esportazzjoni (ĠU L 206, 30.7.2016, p. 44)."

(*2)  Ir-Regolament Delegat tal-Kummissjoni (UE) 2016/1237 tat-18 ta' Mejju 2016 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill dwar ir-regoli għall-applikazzjoni tas-sistema ta' liċenzji tal-importazzjoni u tal-esportazzjoni u li jissupplimenta r-Regolament (UE) Nru 1306/2013 tal-Parlament Ewropew u tal-Kunsill fir-rigward tar-regoli dwar ir-rilaxx u t-telf ta' garanziji ppreżentati għal tali liċenzji, li jemenda r-Regolamenti tal-Kummissjoni (KE) Nru 2535/2001, (KE) Nru 1342/2003, (KE) Nru 2336/2003, (KE) Nru 951/2006, (KE) Nru 341/2007 u (KE) Nru 382/2008 u li jħassar ir-Regolamenti tal-Kummissjoni (KE) Nru 2390/98, (KE) Nru 1345/2005, (KE) Nru 376/2008 u (KE) Nru 507/2008 (ĠU L 206, 30.7.2016, p. 1).”;"

(2)

fl-Artikolu 10, it-tielet paragrafu huwa sostitwit b'dan li ġej:

“In-notifika msemmija f'dan l-Artikolu għandha issir skont ir-Regolament Delegat tal-Kummissjoni (UE) 2017/1183 (*3) u r-Regolament ta' Implimentazzjoni tal-Kummissjoni (UE) 2017/1185 (*4).

(*3)  Ir-Regolament Delegat tal-Kummissjoni (UE) 2017/1183 tal-20 ta' April 2017 li jissupplimenta r-Regolamenti (UE) Nru 1307/2013 u (UE) Nru 1308/2013 tal-Parlament Ewropew u tal-Kunsill fir-rigward tan-notifiki lill-Kummissjoni ta' informazzjoni u dokumenti (ĠU L 171, 4.7.2017, p. 100)."

(*4)  Ir-Regolament ta' Implimentazzjoni tal-Kummissjoni (UE) 2017/1185 tal-20 ta' April 2017 li jistabbilixxi regoli għall-applikazzjoni tar-Regolamenti (UE) Nru 1307/2013 u (UE) Nru 1308/2013 tal-Parlament Ewropew u tal-Kunsill fir-rigward tan-notifiki lill-Kummissjoni tal-informazzjoni u d-dokumenti u li jemendaw u jħassru diversi Regolamenti tal-Kummissjoni (ĠU L 171, 4.7.2017, p. 113).”;"

(3)

fl-Artikolu 13, il-paragrafu 2 huwa sostitwit b'dan li ġej:

“2.   Il-verifiki fiżiċi mwettqa fil-gżejjer minuri tal-Eġew mad-dħul ta' prodotti agrikoli għandhom jinvolvu kampjun rappreżentattiv li jammonta għal mill-anqas 5 % taċ-ċertifikati ppreżentati b'konformità mal-Artikolu 7.

Il-verifiki fiżiċi mwettqa fil-gżejjer minuri tal-Eġew fuq l-esportazzjoni jew il-konsenja previsti fit-Taqsima 3 għandhom jinvolvu kampjun rappreżentattiv ta' mill-inqas 5 % tal-operazzjonijiet, abbażi tal-profili tar-riskju stabbiliti mill-Greċja.

Ir-Regolament tal-Kummissjoni (KE) Nru 1276/2008 (*5) għandu japplika mutatis mutandis għal dawk il-verifiki fiżiċi.

Barra minn hekk, f'każijiet speċjali l-Kummissjoni tista' titlob li l-verifiki fiżiċi jkopru perċentwali differenti.

(*5)  Ir-Regolament tal-Kummissjoni (KE) Nru 1276/2008 tas-17 ta' Diċembru 2008 dwar il-monitoraġġ, permezz ta' verifiki fiżiċi tal-esportazzjoni ta' prodotti agrikoli li qegħdin jirċievu rifużjonijiet jew somom oħra (ĠU L 339, 18.12.2008, p. 53).”;"

(4)

fl-Artikolu 20, it-tielet paragrafu huwa sostitwit b'dan li ġej:

“Fuq il-bażi ta' analiżi tar-riskju skont l-Artikolu 22(1) ta' dan ir-Regolament, l-awtoritajiet kompetenti għandhom iwettqu verifiki fuq il-post permezz tat-teħid ta' kampjuni, għal kull azzjoni, ta' mill-anqas 5 % tal-applikazzjonijiet għall-għajnuna. Il-kampjun għandu jirrappreżenta wkoll mill-anqas 5 % tal-ammonti koperti mill-għajnuna għal kull azzjoni.”;

(5)

fit-tieni subparagrafu tal-Artikolu 22(1), tiżdied is-sentenza li ġejja:

“Meta n-numru minimu ta' applikanti għall-għajnuna li se jkunu suġġetti għall-verifiki fuq il-post ikun inqas minn 12, il-Greċja għandha tagħżel b'mod aleatorju ta' mill-inqas wieħed mill-applikanti.”;

(6)

L-Artikoli 26 u 27 huma sostitwiti b'dan li ġej:

“Artikolu 26

Irkuprar ta' pagamenti u penali mhux dovuti

1.   Fil-każ ta' pagament mhux dovut, l-Artikolu 7 tar-Regolament tal-Kummissjoni (KE) Nru 809/2014 (*6) għandu jappika mutatis mutandis.

2.   Meta l-pagament mhux dovut ikun sar b'riżultat ta' dikjarazzjoni falza, dokumenti foloz jew negliġenza serja mill-parti tal-applikant għall-għajnuna, għandha tiġi imposta penali ugwali għall-ammont imħallas bla bżonn, bl-interessi kkalkulati b'konformità mal-Artikolu 7(2) tar-Regolament ta' Implimentazzjoni (UE) Nru 809/2014.

Artikolu 27

Forza maġġuri u ċirkostanzi eċċezzjonali

F'każijiet ta' forza maġġuri jew ċirkostanzi eċċezzjonali skont it-tifsira tal-Artikolu 2(2) tar-Regolament (UE) Nru 1306/2013, l-Artikolu 4 tar-Regolament ta' Delega tal-Kummissjoni (UE) Nru 640/2014 (*7) għandu japplika mutatis mutandis.

(*6)  Ir-Regolament ta' Implimentazzjoni tal-Kummissjoni (UE) Nru 809/2014 tas-17 ta' Lulju 2014 li jistabbilixxi r-regoli għall-applikazzjoni tar-Regolament (UE) Nru 1306/2013 tal-Parlament Ewropew u tal-Kunsill fir-rigward tas-sistema integrata ta' amministrazzjoni u kontroll, tal-miżuri tal-iżvilupp rurali u tal-kundizzjonalità (ĠU L 227, 31.7.2014, p. 69)."

(*7)  Ir-Regolament ta' Delega tal-Kummissjoni (UE) Nru 640/2014 tal-11 ta' Marzu 2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill fir-rigward tas-sistema integrata ta' amministrazzjoni u kontroll u l-kundizzjonijiet għar-rifjut jew l-irtirar ta' pagamenti u penali amministrattivi applikabbli għall-pagamenti diretti, l-appoġġ għall-iżvilupp rurali u l-kundizzjonalità (ĠU L 181, 20.6.2014, p. 48).”;"

(7)

L-Artikolu 30 huwa emendat kif ġej:

(8)

L-Artikolu 31 huwa sostitwit b'dan li ġej:

“Artikolu 31

Rapport annwali

1.   L-istruttura u l-kontenut tar-rapport annwali msemmija fl-Artikolu 20(2) tar-Regolament (UE) Nru 229/2013 għandhom ikunu kif stabbilit fl-Anness III għal dan ir-Regolament.

2.   Ir-rapport imsemmi fil-paragrafu 1 għandu jiġi sottomess lill-Kummissjoni skont ir-Regolament Delegat (UE) 2017/1183 u r-Regolament ta' Implimentazzjoni (KE) Nru 2017/1185.”;

(9)

L-Artikolu 32 huwa emendat kif ġej:

(10)

Qed jiżdied l-Anness III, li t-test tiegħu huwa stipulat fl-Anness ta' dan ir-Regolament.

28.6.2018   

MT

Il-Ġurnal Uffiċjali tal-Unjoni Ewropea

L 163/13

(1)

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusin approvati skont ir-Regolament (KE) Nru 1107/2009.

(2)

Il-perjodi ta' approvazzjoni tas-sustanzi attivi dikwat, famoksadon, flumjoksażina, metalaksil-m u pimetrożin ġew estiżi bir-Regolament ta' Implimentazzjoni tal-Kummissjoni (UE) 2017/841 (3). Il-perjodi tal-approvazzjoni ta' dawk is-sustanzi se jiskadu fit-30 ta' Ġunju 2018. L-applikazzjonijiet għat-tiġdid tal-inklużjoni ta' dawk is-sustanzi fl-Anness I tad-Direttiva tal-Kunsill 91/414/KEE (4) tressqu f'konformità mal-Artikolu 4 tar-Regolament tal-Kummissjoni (UE) Nru 1141/2010 (5).

(3)

Il-perjodi ta' approvazzjoni tas-sustanzi attivi alfaċipermetrina, benalassil, bifenażat, bromossinil, klorprofam, ċjażofammid, desmedifam, etossażol, fenamidone, foramsulfuron, ir-razza Gliocladium catenulatum: J1446, isossaflutol, oksasulfuron, metossifenożid, milbemektin, oksasulfuron, fenmedifam, u s-metolaklor ġew estiżi l-aħħar bir-Regolament ta' Implimentazzjoni (UE) 2017/841. Il-perjodi tal-approvazzjoni ta' dawk is-sustanzi se jiskadu fil-31 ta' Lulju 2018.

(4)

Il-perjodi ta' approvazzjoni tas-sustanzi attivi beflubutammid, kaptan, dimetoat, dimetomorf, etoprofos, folpet, formetanat, metjokarb, metribużin, fosmet, pirimifos-metil u propamokarb ġew estiżi permezz tar-Regolament ta' Implimentazzjoni tal-Kummissjoni (UE) 2015/404 (6). Il-perjodi tal-approvazzjoni ta' dawk is-sustanzi se jiskadu fil-31 ta' Lulju 2018.

(5)

Il-perjodi ta' approvazzjoni tas-sustanzi attivi etefon u fenamifos ġew estiżi bir-Regolament ta' Implimentazzjoni tal-Kummissjoni (UE) 2015/415 (7). Il-perjodi tal-approvazzjoni ta' dawk is-sustanzi se jiskadu fil-31 ta' Lulju 2018.

(6)

Il-perjodi ta' approvazzjoni tas-sustanzi attivi bentjavalikarb, boskalid, bromossinil, karvone, fluwossastrobin, ir-razza 251 Paecilomyces lilacinus u protijokonażol se jiskadu fil-31 ta' Lulju 2018.

(7)

L-applikazzjonijiet għat-tiġdid tal-approvazzjoni tas-sustanzi msemmija fil-Premessi 3 sa 5 tressqu skont ir-Regolament ta' Implimentazzjoni tal-Kummissjoni (UE) Nru 844/2012 (8).

(8)

Il-valutazzjoni tas-sustanzi ddewmet minħabba raġunijiet li ma kinux fil-kontroll tal-applikanti, u għalhekk aktarx li l-approvazzjonijiet ta' dawk is-sustanzi attivi jiskadu qabel ma tkun ittieħdet deċiżjoni dwar it-tiġdid tagħhom. Għaldaqstant hemm bżonn li l-perjodi ta' approvazzjoni tagħhom jiġu estiżi.

(9)

Billi l-għan tal-ewwel paragrafu tal-Artikolu 17 tar-Regolament (KE) Nru 1107/2009 f'dak li għandu x'jaqsam ma' każijiet meta l-Kummissjoni tkun se tadotta Regolament li jistipula li l-approvazzjoni ta' sustanza attiva msemmija fl-Anness ta' dan ir-Regolament ma tiġġeddidx minħabba li ma jkunux ġew issodisfati l-kriterji għall-approvazzjoni, il-Kummissjoni tiffissa data ta' skadenza li tkun l-istess data ta' qabel ma sar dan ir-Regolament, jew fid-data tad-dħul fis-seħħ tar-Regolament dejjem jekk l-approvazzjoni tas-sustanza attiva ma tiġġeddidx, skont liema data tiġi l-aħħar. F'każijiet meta l-Kummissjoni tkun se tadotta Regolament li jipprevedi t-tiġdid ta' sustanza attiva msemmija fl-Anness ta' dan ir-Regolament, il-Kummissjoni tipprova tiffissa, skont kif ikun xieraq fiċ-ċirkostanzi, l-iktar data tal-applikazzjoni bikrija possibbli.

(10)

Peress li l-approvazzjonijiet tas-sustanzi attivi jiskadu fit-30 ta' Ġunju 2018, dan ir-Regolament jenħtieġ li jidħol fis-seħħ malajr kemm jista' jkun.

(11)

Għaldaqstant, jenħtieġ li r-Regolament (UE) Nru 540/2011 jiġi emendat skont dan.

(12)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

28.6.2018   

MT

Il-Ġurnal Uffiċjali tal-Unjoni Ewropea

L 163/17

(1)

Permezz tal-ittri rreġistrati mal-Kummissjoni fid-9 ta' Jannar 2018 u fit-22 ta' Jannar 2018, rispettivament, il-Ġermanja u l-Polonja talbu awtorizzazzjoni biex idaħħlu miżura speċjali li tidderoga mid-dispożizzjonijiet tad-Direttiva 2006/112/KE fir-rigward tal-kostruzzjoni ta' pont ġdid bejn Küstrin-Kietz u Kostrzyn nad Odrą.

(2)

Permezz tal-ittri ddatati l-5 ta' Marzu 2018, il-Kummissjoni ttrasmettiet it-talba li saret mill-Ġermanja u l-Polonja lill-Istati Membri l-oħrajn. Permezz tal-ittri tas-6 ta' Marzu 2018, il-Kummissjoni għarrfet lill-Ġermanja u lill-Polonja li kellha l-informazzjoni kollha meħtieġa biex tqis it-talba tagħhom.

(3)

F'konformità ma' ftehim li jrid jiġi konkluż bejn il-Ġermanja u l-Polonja, iż-żona tax-xogħlijiet fuq it-twaqqigħ tal-pont eżistenti fuq il-fruntiera u l-kostruzzjoni ta' pont ġdid bejn Küstrin-Kietz u Kostrzyn nad Odrą, għandhom jitqiesu, fir-rigward tat-taxxa fuq il-valur miżjud (“VAT”), bħala li jifformaw parti mit-territorju tal-Polonja, f'dak li jirrigwarda l-provvisti ta' merkanzija u servizzi, l-akkwisti intra-Komunitarji u l-importazzjonijiet ta' merkanzija maħsuba għall-eżekuzzjoni ta' dawk ix-xogħlijiet.

(4)

Il-Ġermanja u l-Polonja huma tal-fehma li d-dispożizzjonijiet tal-ftehim li jikkonċernaw it-taxxa huma ġġustifikati għall-finijiet tas-simplifikazzjoni tal-prċoedura għall-konformita mal-obbligi tal-VAT. Mingħajr tali dispożizzjonijiet, ikun meħtieġ li ssir kategorizzazzjoni tat-tranżazzjonijiet abbażi tat-territorju li fih ikunu twettqu, li tinvolvi kumplikazzjonijiet ta' taxxa għall-kumpaniji kontraenti responsabbli għax-xogħlijiet.

(5)

Fid-dawl tal-fatt li l-miżura speċjali tissimplifika l-proċedura għall-ġbir tal-VAT, u li tista' tolqot l-ammont globali tad-dħul għall-Istati Membri mit-taxxa miġbura fl-istadju tal-konsum finali f'miżura insinifikanti biss, jixraq li ssir deroga mid-dispożizzjonijiet tad-Direttiva 2006/112/KE u li jiġi previst li, għall-finijiet tal-VAT, kull provvista ta' merkanzija u servizzi, akkwisti intra-Komunitarji u importazzjonijiet ta' merkanzija maħsuba għat-twaqqigħ tal-pont eżistenti fuq il-fruntiera u l-bini ta' pont ġdid fuq il-fruntiera bejn Küstrin-Kietz u Kostrzyn nad Odrą jitwettqu fit-territorju tal-Polonja u għalhekk għandhom ikunu soġġetti għall-VAT Pollakka.

(6)

Id-deroga ma għandha l-ebda impatt fuq ir-riżorsi proprji tal-Unjoni li jirriżultaw mill-VAT,

28.6.2018   

MT

Il-Ġurnal Uffiċjali tal-Unjoni Ewropea

L 163/19