It-testi NU/KEE oriġinali biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament għandhom jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html.

Jinkorpora t-test validu kollu sa:

Is-Supplement 2 għas-serje ta' emendi 07 – Data tad-dħul fis-seħħ: 19 ta' Lulju 2018

WERREJ

REGOLAMENT

1.

Kamp tal-applikazzjoni

2.

Definizzjonijiet

3.

Applikazzjoni għall-approvazzjoni

4.

Immarkar

5.

Approvazzjoni

6.

Speċifikazzjonijiet

7.

Testijiet

8.

Rekwiżiti li jikkonċernaw l-installazzjoni fil-vettura

9.

Konformità tal-produzzjoni

10.

Penali għan-nuqqas ta' konformità tal-produzzjoni

11.

Modifiki u estensjoni tal-approvazzjoni tat-tip ta' vettura jew taċ-ċinturin ta' sikurezza jew tas-sistema tat-trażżin

12.

Produzzjoni mwaqqfa għalkollox

13.

Struzzjonijiet

14.

Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip

15.

Dispożizzjonijiet tranżizzjonali

ANNESSI

1A

Komunikazzjoni li tikkonċerna l-approvazzjoni jew l-estensjoni jew ir-rifjut jew l-irtirar tal-approvazzjoni jew produzzjoni mwaqqfa għalkollox ta' tip ta' vettura fir-rigward taċ-ċinturin tas-sikurezza skont ir-Regolament Nru 16

1 B

Komunikazzjoni li tikkonċerna l-approvazzjoni jew l-estensjoni jew ir-rifjut jew l-irtirar tal-approvazzjoni jew produzzjoni mwaqqfa għalkollox ta' tip ta' ċinturin tas-sikurezza jew ta' sistema tat-trażżin għall-okkupanti adulti ta' vetturi motorizzati skont ir-Regolament Nru 16

2

Arranġamenti tal-marki ta' approvazzjoni

3

Dijagramma ta' apparat biex tiġi ttestjata d-durabbiltà tal-mekkaniżmu tar-retrattatur

4

Dijagramma ta' apparat biex jiġi ttestjat l-illokkjar tar-ritrattaturi li jillokkjaw f'emerġenza

5

Dijagramma ta' apparat għat-test tar-reżistenza għat-trab

6

Deskrizzjoni tat-troli, tas-sit, tal-ankraġġi u tal-apparat tat-twaqqif

7

Deskrizzjoni tal-manikin

8

Deskrizzjoni tal-kurva tad-deċellerazzjoni jew l-aċċellerazzjoni tat-troli bħala funzjoni tal-ħin

9

Struzzjonijiet

10

Test tal-bokkla doppja

11

Test tal-brix u tal-micro-slip

12

Test tal-korrużjoni

13

Ordni tat-testijiet

14

Kontroll tal-konformità tal-produzzjoni

15

Proċedura biex jiġu ddeterminati l-punt “H” u l-angolu effettiv tat-torso għall-pożizzjonijiet bilqiegħda fil-vetturi bil-magna

16

Installazzjoni taċ-ċinturin tas-sikurezza li turi t-tipi ta' ċinturin u t-tipi ta' ritrattatur

17

Rekwiżiti għall-installazzjoni taċ-ċinturini tas-sikurezza u tas-sistemi ta' trażżin għall-okkupanti adulti tal-vetturi motorizzati fuq is-sits li jħarsu 'l quddiem, għall-installazzjoni ta' sistemi ISOFIX għat-trażżin tat-tfal u għas-sistemi i-Size għat-trażżin tat-tfal

18

Testijiet tat-tfakkir taċ-ċinturin tas-sikurezza

1.   KAMP TAL-APPLIKAZZJONI

Dan ir-Regolament japplika għal:

1.1.

Vetturi tal-kategoriji M, N, O, L2, L4, L5, L6, L7 u T (1), fir-rigward tal-installazzjoni taċ-ċinturini tas-sikurezza u s-sistema tat-trażżin li huma maħsuba għal użu separat, jiġifieri, bħala fittings individwali, minn persuni b'daqs ta' adulti li jokkupaw is-sits li jħarsu 'l quddiem, sits li jħarsu lura jew dawk li jħarsu laġenba;

1.2.

Ċinturini tas-sikurezza u sistemi tat-trażżin li huma maħsuba għal użu separat, jiġifieri, bħala fittings individwali, minn persuni b'daqs ta' adulti li jokkupaw is-sits li jħarsu 'l quddiem, sits li jħarsu lura jew dawk li jħarsu laġenba u li huma ddisinjati għall-installazzjoni f'vetturi tal-kategoriji M, N, O, L2, L4, L5, L6, L7 u T (1);

1.3.	Vetturi tal-kategorija M1 u N1 (1) fir-rigward tal-installazzjoni tas-sistemi għat-trażżin tat-tfal, is-sistemi ISOFIX għat-trażżin tat-tfal u s-sistemi i-Size għat-trażżin tat-tfal;

1.4.	Il-pożizzjonijiet kollha bilqiegħda f'vetturi tal-kategoriji M u N attrezzati b'ċinturin tas-sikurezza fir-rigward tat-tfakkir għaċ-ċinturin tas-sikurezza.

1.5.	Fuq it-talba tal-manifattur, japplika wkoll għall-installazzjoni tas-sistemi għat-trażżin tat-tfal u sistemi ISOFIX għat-trażżin tat-tfal maħsuba biex jiġu installati f'vetturi tal-kategoriji M2 u M3 (1).

1.6.	Fuq it-talba tal-manifattur, japplika wkoll għal ċinturini tas-sikurezza maħsuba biex jiġu installati fuq sits li jħarsu laġenba f'vetturi tal-kategoriji M3 (tal-klassijiet II, III u B (1)).

1.7.	Fuq it-talba tal-manifattur, japplika wkoll għall-installazzjoni tas-sistemi i-Size għat-trażżin tat-tfal, fil-każ li pożizzjonijiet bilqiegħda i-Size jiġu ddefiniti mill-manifattur tal-vettura.

2.   DEFINIZZJONIJIET

2.1.   Ċinturin tas-sikurezza (ċinturin tas-sit, ċinturin)

Arranġament ta' ċineg b'bokkla li torbot, b'apparati għall-aġġustament u b'żidiet li jista' jiġi ankrat mal-ġewwieni ta' vettura motorizzata u li huwa ddiżinjat biex inaqqas ir-riskju ta' feriment għal min jilbsu, fil-każ ta' kolliżjoni jew ta' deċellerazzjoni f'daqqa tal-vettura, billi jillimita l-mobilità ta' ġisem min jilbsu. Arranġament ta' din ix-xorta ġeneralment jissejjaħ “assemblaġġ ta' ċinturin”, u dan it-terminu jkopri wkoll kwalunkwe apparat biex tkun assorbita l-enerġija jew biex jinġibed lura ċ-ċinturin.

L-arranġament jista' jiġi ttestjat u approvat bħala arranġament ta' ċinturin tas-sikurezza jew bħala sistema tat-trażżin.

2.1.1.   Ċinturin ta' fuq il-ħoġor

Ċinturin b'żewġ punti ta' rbit li jgħaddi min-naħa għall-oħra ta' quddiem ir-reġjun tal-pelvi ta' min jilbsu.

2.1.2.   Ċinturin dijagonali

Ċinturin li jgħaddi b'mod dijagonali min-naħa għall-oħra tas-sider mill-ġenb għall-ispalla opposta.

2.1.3.   Ċinturin bi tliet punti ta' rbit

Ċinturin li essenzjalment huwa kombinazzjoni ta' ċinga ta' fuq il-ħoġor u ta' ċinga dijagonali.

2.1.4.   Ċinturin tat-tip S

Arranġament ta' ċinturin li mhux ċinturin bi tliet punti ta' rbit jew ċinturin ta' fuq il-ħoġor.

2.1.5.   Ċinturin f'għamla ta' harness

Arranġament ta' ċinturin tat-tip S li jinkludi ċinturin ta' fuq il-ħoġor u ċineg tal-ispalla; ċinturin f'għamla ta' harness jista' jkun mgħammar b'ċinga addizzjonali għal bejn il-koxox.

2.2.   Tip ta' ċinturin

Ċinturini ta' “tipi” differenti huma ċinturini li jvarjvaw sostanzjalment wieħed mill-ieħor; id-differenzi jistgħu jirrelataw b'mod partikolari għal:

2.2.1.

Partijiet riġidi (bokkla, żidiet, ritrattatur, eċċ.);

2.2.2.

Il-materjal, in-nisġa, id-dimensjonijiet u l-kulur taċ-ċineg; jew

2.2.3.

Il-ġeometrija tal-assemblaġġ taċ-ċinturin.

2.3.   Ċinga

Komponent flessibbli maħsub biex iżomm il-ġisem u biex jitrażmetti l-forzi lill-ankraġġi taċ-ċinturin.

2.4.   Bokkla

Apparat li jinħall malajr li jippermetti li min jilbsu jinżamm miċ-ċinturin. Il-bokkla tista' tinkorpora l-apparat għall-aġġustament, ħlief fil-każ ta' bokkla ta' harness.

2.5.   Apparat għall-aġġustament taċ-ċinturin

Apparat li jippermetti li ċ-ċinturin jiġi aġġustat skont ir-rekwiżiti tal-indivdwu li jilbsu u skont il-pożizzjoni tas-sit. L-apparat ta' aġġustament jista' jkun parti mill-bokkla, jew minn ritrattatur, jew minn kwalunkwe parti oħra taċ-ċinturin tas-sikurezza.

2.6.   L-apparat għat-tagħbija minn qabel

Apparat addizzjonali jew integrat li jissikka ċ-ċineg taċ-ċinturin sabiex jitnaqqaslu l-laxk matul is-sekwenza tal-ħbit.

2.7.    “Żona ta' referenza” tfisser l-ispazju bejn żewġ pjani lonġitudinali vertikali, 400 mm 'il bogħod minn xulxin u simmetriċi fir-rigward tal-punt H, u ddefinit mir-rotazzjoni mill-vertikali għall-orizzontali tal-apparat tal-forma tar-ras, deskritt fl-Anness1 għar-Regolament Nru 21. L-apparat għandu jiġi ppożizzjonat kif ġie deskritt f'dak l-Anness għar-Regolament Nru 21 u ssettjat għat-tul massimu ta' 840 mm.

2.8.    “Assemblaġġ tal-airbag” tfisser apparat installat biex jissuplimenta liċ-ċinturini tas-sikurezza u lis-sistemi ta' trażżin f'vetturi motorizzati, jiġifieri sistema li, fil-każ ta' impatt qawwi li jaffettwa lill-vettura, tattiva awtomatikament il-ftuħ ta' struttura flessibbli maħsuba biex tillimita, permezz tal-kompressjoni tal-gass li jinsab fiha, is-serjetà tal-kuntatti ta' parti waħda jew aktar mill-ġisem ta' okkupant tal-vettura mal-ġewwieni tal-kompartiment tal-passiġġieri. Kwalunkwe struttura deskritta b'dan il-mod m'għandhiex titqies bħala parti riġida.

2.9.    “Airbag tal-passiġġier” tfisser assemblaġġ ta' airbag maħsuba għall-ħarsien tal-okkupant(i) fis-sits kollha apparti dak tas-sewwieq fil-każ ta' ħabta minn quddiem.

2.10.    “Trażżin tat-tfal” tfisser apparat tas-sikurezza kif iddefinit fir-Regolament Nru 44 jew ir-Regolament Nru 129.

2.11.    “Li jħares lura” tfisser li jħares fid-direzzjoni opposta għad-direzzjoni normali tal-mixi tal-vettura.

2.12.   Żidiet

Partijiet mill-assemblaġġ taċ-ċinturin inklużi l-komponenti meħtieġa għall-irbit, li jippermettulha tintrabat mal-ankraġġi taċ-ċinturin.

2.13.   Assorbitur tal-enerġija

Apparat maħsub biex iferrex l-enerġija b'mod indipenenti minn jew b'mod konġunt maċ-ċinga u li jifforma parti mill-assemblaġġ taċ-ċinturin.

2.14.   Ritrattatur

Apparat li jakkomoda parti miċ-ċinga jew liċ-ċinga sħiħa ta' ċinturin tas-sikurezza.

2.14.1.   Ritrattatur li ma jillokkjax (tip 1)

Ritrattatur li minnu tinħareġ iċ-ċinga għat-tul kollu tagħha permezz ta' forza esterna ċkejkna u li ma jipprovdi l-ebda aġġustament għat-tul taċ-ċinga maħruġa.

2.14.2.   Ritrattatur li jinfetaħ b'mod manwali (tip 2)

Ritrattatur li jeħtieġ it-tħaddim manwali tal-apparat mill-utent biex jinfetaħ ir-ritrattatur sabiex iċ-ċinga tinħareġ kemm ikun meħtieġ u li jillokkja awtomatikament meta l-ħidma msemmija tieqaf.

2.14.3.   Ritrattatur li jillokkja awtomatikament (tip 3)

Ritrattatur li jippermetti l-estrazzjoni taċ-ċinga sat-tul mixtieq u li, meta tingħalaq il-bokkla, awtomatikament jaġġusta ċ-ċinga għal min jilbisha. Iċ-ċinga ma titħalliex toħroġ aktar mingħajr l-intervent volontarju ta' min jilbisha.

2.14.4.   Ritrattatur li jillokkja f'emerġenza (tip 4)

Ritrattatur li f'kundizzjonijiet normali tas-sewqan ma jirrestrinġix il-libertà tal-movimenti ta' min ikun liebes iċ-ċinturin tas-sikurezza. Apparat ta' din ix-xorta għandu komponenti li awtomatikament jaġġustaw it-tul taċ-ċinga għal min jilbisha u mekkaniżmu li jillokkja li jiġi attivat f'emerġenza permezz ta':

2.14.4.1.

Deċellerazzjoni tal-vettura (sensittività waħda),

2.14.4.2.

Kombinazzjoni tad-deċellerazzjoni tal-vettura, il-moviment taċ-ċineg jew kwalunwke mezz awtomatiku ieħor (sensittività multipla).

2.14.5.   Ritrattatur li jillokkja f'emerġenza b'limitu ogħla ta' reazzjoni (it-tip 4N)

Ritrattatur tat-tip iddefinit fil-paragrafu 2.14.4, imma li għandu proprjetajiet speċjali fir-rigward tal-użu tiegħu f'vetturi tal-kategoriji M2, M3, N1, N2 u N3  (2).

2.14.6.   Apparat għall-aġġustament taċ-ċinturin fir-rigward tal-għoli

Apparat li jippermetti li jiġi aġġustat l-għoli tal-ħolqa ta' fuq ta' mal-kolonna (konnessa direttament mal-vettura jew mal-istruttura riġida tas-sit) ta' ċinturin skont il-bżonn tal-individwu li jilbsu u skont il-pożizzjoni tas-sit. Apparat ta' din ix-xorta jista' jitqies bħala parti miċ-ċinturin jew bħala parti mill-ankraġġ taċ-ċinturin.

2.14.7.   “Apparat għall-aġġustament tal-ispalla flessibbli fir-rigward tal-għoli”

Apparat għall-aġġustament għall-għoli tal-ispalla tal-utent individwali, fejn il-parti tal-aġġustament mhix imwaħħla direttament mal-istruttura tal-vettura (eż. pilastru) jew l-istruttura tas-sit (eż. l-istruttura riġida tas-sit), iżda fejn l-aġġustament tal-parti tal-ispalla:

(a)	Isir permezz ta' spostament fuq struttura flessibbli; kif ukoll

(b)	Ma jinterferixxix mal-mogħdija taċ-ċinturin tal-ħoġor.

2.15.   Ankraġġi taċ-ċinturin

Partijiet mill-istruttura tal-vettura jew mill-istruttura tas-sit jew kwalunkwe parti oħra tal-vettura li magħha għandhom jintrabtu l-assemblaġġi taċ-ċinturin tas-sikurezza.

2.16.   Tip tal-vettura fir-rigward taċ-ċinturini tas-sikurezza u s-sistemi ta' trażżin.

Kategorija ta' vetturi motorizzati li ma jvarjawx f'aspetti essenzjali bħalma huma d-dimensjonijiet, il-linji u l-materjali tal-komponenti tal-istruttura tal-vettura jew tal-istruttura tas-sit jew ta' kwalunkwe parti oħra tal-vettura li magħha huma mwaħħla ċ-ċinturini tas-sikurezza u s-sistemi ta' trażżin.

2.17.   Sistema tat-trażżin

Sistema għal tip speċifiku ta' vettura jew għal tip iddefinit mill-manifattur tal-vettura u approvata mis-Servizz Tekniku li tikkonsisti f'sit u f'ċinturin marbutin mal-vettura permezz ta' mezzi xierqa u mill-elementi kollha li huma previsti biex jitnaqqas ir-riskju ta' feriment għal min jilbisha, fil-każ ta' deċellerazzjoni f'daqqa tal-vettura, billi tiġi limitata l-mobilità tal-ġisem ta' min jilbisha.

2.18.   Sit

Struttura li tista' tkun jew tista' ma tkunx integrali mal-istruttura tal-vettura kompluta bit-tapizzerija, maħsuba biex toqgħod bilqiegħda fuqha persuna adulta waħda. It-terminu jkopri kemm sit individwali kif ukoll parti minn bank maħsuba biex tpoġġi fuqha persuna waħda.

2.18.1.    “Sit ta' quddiem għall-passiġġieri” tfisser kwalunkwe sit fejn il-“punt H l-aktar 'il quddiem” tas-sit ikkonċernat jinsab fi jew quddiem il-pjan trasversali vertikali li jgħaddi mill-punt R tas-sewwieq.

2.18.2.    “Sit li jħares'il quddiem” tfisser sit li jista' jintuża waqt li l-vettura tkun miexja u li jħares lejn il-parti ta' quddiem tal-vettura b'tali mod li l-pjan vertikali ta' simetrija tas-sit jifforma angolu ta' inqas minn + 10° jew – 10° mal-pjan vertikali ta' simetrija tal-vettura.

2.18.3.    “Sit li jħares lura” tfisser sit li jista' jintuża waqt li l-vettura tkun miexja u li jħares lejn il-parti ta' wara tal-vettura b'tali mod li l-pjan vertikali ta' simetrija tas-sit jifforma angolu ta' inqas minn + 10° jew – 10° mal-pjan vertikali ta' simetrija tal-vettura.

2.18.4.    “Sit li jħares laġenba” tfisser sit li jista' jintuża waqt li l-vettura tkun miexja u li jħares lejn il-parti tal-ġenb tal-vettura b'tali mod li l-pjan vertikali ta' simetrija tas-sit jifforma angolu ta' 90° (± 10°) mal-pjan vertikali ta' simetrija tal-vettura.

2.19.   Grupp ta' sits

Sit f'għamla ta' bank inkella sits li huma separati imma ma' ġenb xulxin (jiġifieri marbuta b'tali mod li l-ankraġġi tas-sit ta' quddiem ta' wieħed minn dawn is-sits qegħdin f'linja mal-ankraġġi ta' quddiem jew ta' wara tal-ieħor jew bejn l-ankraġġi tas-sit l-ieħor) u jakkomodaw persuna waħda adulta jew aktar bilqiegħda.

2.20.   Sit f'għamla ta' bank

Struttura kompluta bit-tapizzerija, maħsuba biex takkomoda aktar minn persuna adulta waħda.

2.21.   Is-sistema ta' aġġustament tas-sit

L-apparat komplut li permezz tiegħu s-sit jew il-partijiet tiegħu jista' jiġi aġġustat għal pożizzjoni adattata għall-morfoloġija tal-okkupant bilqiegħda; b'mod partikolari, dan l-apparat jista' jippermetti:

2.21.1.

Spostament lonġitudinali;

2.21.2.

Spostament vertikali;

2.21.3.

Spostament angolari.

2.22.   Ankraġġ tas-sit

Is-sistema li permezz tagħha l-assemblaġġ tas-sit jintrabat mal-istruttura tal-vettura, inklużi l-partijiet rilevanti tal-istruttura tal-vettura.

2.23.   Tip tas-sit

Kategorija ta' sits li ma jvarjawx f'tali aspetti essenzjali bħal:

2.23.1.

Il-forma, id-dimensjonijiet u l-materjali tal-istruttura tas-sit;

2.23.2.

It-tipi u d-dimensjonijiet tas-sistemi ta' aġġustament u tal-illokkjar tas-sit;

2.23.3.

It-tip u d-dimensjonijiet tal-ankraġġ taċ-ċinturin fuq is-sit, tal-ankraġġ tas-sit, u tal-partijiet rilevanti tal-istruttura tal-vettura;

2.24.   Sistema ta' spostament tas-sit

Apparat li jippermetti li s-sit jew waħda mill-partijiet tiegħu jiġu mċaqilqa b'mod angolari jew lonġitudinali, mingħajr pożizzjoni fissa intermedja (biex ikun iffaċilitat l-aċċess mill-passiġġieri).

2.25.   Sistema għall-illokkjar tas-sit

Apparat li jiżgura li s-sit u l-partijiet tiegħu jinżammu fi kwalunkwe pożizzjoni ta' użu.

2.26.   Buttuna magħluqa biex tinfetaħ il-bokkla

Buttuna biex tinfetaħ il-bokkla magħmula b'tali mod li ma jkunx possibbli li tinfetaħ il-bokkla bl-użu ta' sfera b'dijametru ta' 40 mm.

2.27.   Buttuna mhux magħluqa biex tinfetaħ il-bokkla

Buttuna biex tinfetaħ il-bokkla magħmula b'tali mod li jkun possibbli li tinfetaħ il-bokkla bl-użu ta' sfera b'dijametru ta' 40 mm.

2.28.   Apparat li jnaqqas it-tensjoni

Apparat inkorporat fir-ritrattatur u li jnaqqas it-tensjoni taċ-ċinga awtomatikament meta jinqafel iċ-ċinturin tas-sikurezza. Meta jinħall, dan l-apparat jintefa awtomatikament.

2.29.    “ISOFIX” hija sistema għall-konnessjoni ta' sistemi għat-trażżin tat-tfal ġo vetturi, li għandha ankraġġi riġidi fil-vettura, żewġ żidiet riġidi korrispondenti fuq is-sistema għat-trażżin tat-tfal, u mezz biex tiġi limatata l-pitch rotation tas-sistema għat-trażżin tat-tfal.

2.30.    “Sistema ISOFIX għat-trażżin tat-tfal” tfisser sistema għat-trażżin tat-tfal, li tissodisfa r-rekwiżiti tar-Regolament Nru 44 jew ir-Regolament Nru 129, li għandha tiġi marbuta ma' sistema ta' ankraġġi ISOFIX, li tissodisfa r-rekwiżiti tar-Regolament Nru 14 jew ir-Regolament Nru 145.

2.31.    “Pożizzjoni ISOFIX” tfisser sistema li tippermetti li jiġu installati:

(a)	Jew sistema universali ISOFIX għat-trażżin tat-tfal li tħares 'il quddiem kif definita fir-Regolament Nru 44,

(b)	Jew sistema semi-universali ISOFIX għat-trażżin tat-tfal li tħares 'il quddiem kif definita fir-Regolament Nru 44,

(c)	Jew sistema semi-universali ISOFIX għat-trażżin tat-tfal li tħares lura kif definita fir-Regolament Nru 44,

(d)	Jew sistema semi-universali ISOFIX għat-trażżin tat-tfal li tħares lateralment kif definita fir-Regolament Nru 44,

(e)	Jew sistema ISOFIX għat-trażżin tat-tfal f'vettura speċifika kif definita fir-Regolament Nru 44.

(f)	Jew sistema i-Size għat-trażżin tat-tfal kif definita fir-Regolament Nru 129.

(g)	Jew sistema ISOFIX għat-trażżin tat-tfal f'vettura speċifika kif definita fir-Regolament Nru 129.

2.32.    “Sistema ta' Ankraġġi ISOFIX” tfisser sistema magħmula minn żewġ ankraġġi baxxi ISOFIX, li tissodisfa r-rekwiżiti tar-Regolament Nru 14 jew ir-Regolament Nru 145, u li hija ddisinjata għall-irbit ta' sistema ISOFIX għat-trażżin tat-tfal flimklien ma' apparat antirotazzjoni.

2.33.    “Ankraġġ baxx ISOFIX” tfisser ħadida orizzontali tonda u riġida b'dijametru ta' 6 mm, li testendi mill-istruttura tal-vettura jew tas-sit sabiex taċċetta u żżomm sistema ISOFIX għat-trażżin tat-tfal b'żidiet ISOFIX.

2.34.    “Apparat antirotazzjoni”:

(a)	Apparat antirotazzjoni għal sistema universali ISOFIX għat-trażżin tat-tfal jikkonsisti mill-irbit ISOFIX ta' fuq.

(b)	Apparat antirotazzjoni għal sistema semiuniversali ISOFIX għat-trażżin tat-tfal li tikkonsisti minn irbit ta' fuq, id-daxxbord tal-vettura jew sieq ta' appoġġ maħsuba biex jillimitaw ir-rotazzjoni tat-trażżin waqt impatt frontali,

(c)	Apparat antirotazzjoni għal sistema i-Size għat-trażżin tat-tfal jikkonsisti jew minn irbit ta' fuq jew minn sieq ta' appoġġ, maħsuba biex jillimitaw ir-rotazzjoni tat-trażżin waqt impatt frontali,

(d)	Għas-sistemi għat-trażżin tat-tfal ISOFIX, i-Size, universali u semiuniversali, is-sit tal-vettura nnifsu mhuwiex apparat antirotazzjoni.

2.35.    “Ankraġġ tal-Irbit ta' Fuq ISOFIX” tfisser biċċa apparat li tissodisfa l-kundizzjonijiet tar-Regolament Nru 14 jew ir-Regolament Nru 145, pereżempju ħadida, li tinsab f'żona definita, iddisinjata biex taċċetta l-konnettur ISOFIX għaċ-ċinga tal-irbit ta' fuq u biex tittrasferixxi l-forza tat-trażżin tagħha fuq l-istruttura tal-vettura.

2.36.    “Apparat ta' gwida” huwa maħsub biex jgħin lill-persuna li tinstalla s-sistema ISOFIX għat-trażżin tat-tfal billi fiżikament jiggwida ż-żidiet ISOFIX fuq is-sistema ISOFIX għat-trażżin tat-tfal fl-allinjament korrett mal-ankraġġi baxxi ISOFIX u b'hekk jiffaċilita l-irbit.

2.37.    “Marking fixture tal-ISOFIX” tfisser xi ħaġa li tinforma lil xi ħadd li jixtieq jinstalla sistema ISOFIX għat-trażżin tat-tfal bil-pożizzjonijiet ISOFIX fil-vettura u l-pożizzjoni ta' kull sistema ta' ankraġġ ISOFIX korrispondenti.

2.38.    “Fixture għat-trażżin tat-tfal (CRF - Child restraint fixture)” tfisser fixture skont waħda mit-tmien fixtures tal-ISOFIX definiti fil-paragrafu 4 tal-anness 17 - appendiċi 2 ta' dan ir-Regolament, u partikolarment li d-dimensjonijiet tagħha jingħataw mill-grafika 1 sal-grafika 8 fil-paragrafu 4 msemmi qabel. Dawk il-fixtures għat-trażżin tat-tfal (CRF) jintużaw, f'dan ir-Regolament, biex jiġu ċċekkjati liema huma l-klassijiet tal-enveloppi tad-daqs tal-ISOFIX għat-trażżin tat-tfal imsemmija fir-Regolament Nru 44 jew fir-Regolament Nru 129 li jistgħu jiġu akkomodati fil-pożizzonijiet ISOFIX tal-vettura. Ukoll, wieħed mis-CRF, l-hekk imsejjaħ ISO/F2, li huwa deskritt fil-grafika 2 tal-paragrafu 4 msemmi qabel, jintuża fir-Regolament Nru 14 jew ir-Regolament Nru 145 biex jiġu ċċekkjati l-pożizzjonament u l-possibbiltà ta' aċċess għal kwalunkwe sistema ta' ankraġġi ISOFIX.

Inkella fixture, bħal waħda miż-żewġ fixtures għal “booster seat” definiti fl-Anness 17 - Appendiċi 5 ta' dan ir-Regolament, u b'mod partikolari li d-dimensjonijiet tagħha jingħataw fil-grafiki 2 u 3 tal-Anness 17, Appendiċi 5. Dawn il-fixtures jintużaw, f'dan ir-Regolament, biex jiġu ċċekkjati liema huma l-enveloppi tad-daqs tal-booster seat imsemmija fir-Regolament Nru 129 li jistgħu jiġu akkomodati fil-pożizzjonijiet bilqiegħda tal-vettura, jekk hemm.

2.39.    “Volum ta' valutazzjoni għall-istallazzjoni ta' sieq ta' appoġġ i-Size” tfisser volum, li jiżgura l-kompatibbiltà dimensjonali u ġeometrika tas-sieq ta' appoġġ ta' sistema i-Size għat-trażżin tat-tfal u ta' pożizzjoni bilqiegħda i-Size ta' vettura.

2.40.    “Pożizzjoni bilqiegħda i-Size” tfisser pożizzjoni bilqiegħda, jekk rilevanti, definita mill-manifattur tal-vettura, li tkun iddisinjata biex takkomoda sistemi i-Size għat-trażżin tat-tfal, kif definiti fir-Regolament Nru 129, u li tissodisfa r-rekwiżiti definiti f'dan ir-Regolament.

2.41.    “Tfakkir taċ-ċinturin tas-sikurezza”, tfisser sistema dedikata biex twissi lis-sewwieq meta xi wieħed mill-okkupanti ma jkunx liebes iċ-ċinturin tas-sikurezza. Is-sistema tikkonsisti f'mekkaniżmu li jinduna jekk iċ-ċinturin tas-sikurezza ma jkunx maqful u żewġ livelli ta' twissija lis-sewwieq: twissija tal-ewwel livell u twissija tat-tieni livell.

2.42.    “Twissija viżiva” tfisser twissija b'sinjal viżiv (dawl, teptip jew wirja viżiva ta' simbolu jew messaġġ).

2.43.    “Twissija akustika” tfisser twissija permezz ta' sinjal akustiku.

2.44.    “Twissija tal-ewwel livell” tfisser twissija viżiva attivata meta s-swiċċ tal-ignixin jew l-iswiċċ ewlieni tal-vettura jkun attivat u kwalunkwe wieħed miċ-ċinturini tas-sikurezza tal-okkupanti ma jkunx maqful. Tista' tiżdied twissija akustika bħala opzjoni.

2.45.    “Twissija tat-tieni livell” tfisser twissija viżiva u akustika li tiġi attivata meta l-vettura titħaddem skont il-paragrafi 8.4.2.4.1.1 sa 8.4.2.4.1.3 u ċ-ċinturin tas-sikurezza ta' kwalunkwe wieħed mill-okkupanti ta' quddiem ma jkunx maqful u ċ-ċinturin tas-sikurezza ta' kwalunkwe wieħed mill-okkupanti ta' wara jew ma jkunx maqful inkella jkun qiegħed fil-proċess li jinħall.

2.46.    “Ċinturin tas-sikurezza mhux maqful” tfisser li, skont l-għażla tal-manifattur, il-bokkla taċ-ċinturin tas-sikurezza ta' xi okkupant ma tkunx maqfula jew it-tul taċ-ċinturin miġbud mir-ritrattatur ikun inqas mit-tul ta' ċinga meħtieġ biex jinqafel iċ-ċinturin ta' sit mingħajr okkupant fl-aktar pożizzjoni bilqiegħda lura possibbli.

2.47.    “Vettura f'operazzjoni normali” tfisser li l-vettura tkun qed timxi 'l quddiem b'veloċità ta' iktar minn 10 km/h.

3.   APPLIKAZZJONI GĦALL-APPROVAZZJONI

3.1.   Tip tal-vettura

3.1.1.   L-applikazzjoni għall-approvazzjoni ta' tip ta' vettura rigward l-intallazzjoni taċ-ċinturini tas-sikurezza u tas-sistemi ta' trażżin tiegħu għandha titressaq mill-manifattur tal-vettura jew mir-rappreżentant tiegħu akkreditat b'mod xieraq.

3.1.2.   Hija għandha tkun akkumpanjata mid-dokumenti li jissemmew iktar 'l isfel fi tliet kopji u mid-dettalji li ġejjin:

3.1.2.1.

Disinji tal-istruttura ġenerali tal-vettura fuq skala xierqa, li juru l-pożizzjonijiet taċ-ċinturini tas-sikurezza, u disinji dettaljati taċ-ċinturini tas-sikurezza u tal-punti li magħhom huma mwaħħla;

3.1.2.2.

Speċifikazzjoni tal-materjali użati li jistgħu jaffettwaw is-saħħa taċ-ċinturini tas-sikurezza;

3.1.2.3.

Deskrizzjoni teknika taċ-ċinturini tas-sikurezza;

3.1.2.4.

Fil-każ ta' ċinturini tas-sikurezza mwaħħla mal-istruttura tas-sit;

3.1.2.5.

Deskrizzjoni dettaljata tat-tip ta' vettura fir-rigward tad-disinn tas-sits, tal-ankraġġi tas-sits u tas-sistemi tal-aġġustament u ta' llokkjar tagħhom;

3.1.2.6.

Disinji,fuq skala xierqa u f'biżżejjed dettall, tas-sits, tal-ankraġġi tagħhom mal-vettura, u tas-sistemi tal-aġġustament u ta' llokkjar tagħhom;

3.1.3.   Skont l-opinjoni tal-manifattur, eżempju rappreżentattiv tat-tip ta' vettura li għandha tiġi approvata jew il-partijiet tal-vettura meqjusa essenzjali għat-testijiet taċ-ċinturin tas-sikurezza mis-Servizz Tekniku li jagħmel it-testijiet tal-approvazzjoni, għandu jitressaq quddiem is-Servizz.

3.2.   Tip taċ-ċinturin tas-sikurezza

3.2.1.   L-applikazzjoni għall-approvazzjoni ta' tip ta' ċinturin tas-sikurezza għandha titressaq mid-detentur tal-marka kummerċjali jew mir-rappreżentant tiegħu akkreditat b'mod xieraq. Fil-każ tas-sistemi ta' trażżin, l-applikazzjoni għall-approvazzjoni ta' tip ta' sistema tat-trażżin għandha titressaq mid-detentur tal-marka kummerċjali jew mir-rappreżentant tiegħu jew mill-manifattur tal-vettura li fiha għandha tiġi installata jew mir-rappreżentant tiegħu.

3.2.2.   Din għandha tkun akkumpanjata minn:

3.2.2.1.

Deskrizzjoni teknika tat-tip ta' ċinturin, li tispeċifika ċ-ċineg u l-partijiet riġidi użati u li tkun akkumpanjata minn disinji tal-partijiet li jifformaw iċ-ċinturin; id-disinji għandhom juru l-pożizzjoni maħsuba għan-numru tal-approvazzjoni u għas-simbolu/i addizzjonali f'relazzjoni maċ-ċirku tal-marka tal-approvazzjoni. Id-deskrizzjoni għandha ssemmi l-kulur tal-mudell imressaq għall-approvazzjoni, u għandha tispeċifika t-tip(i) ta' vettura li għalih(om) huwa maħsub dan it-tip ta' ċinturin. Fil-każ tar-ritrattaturi, għandhom jiġu provduti l-istruzzjonijiet għall-installazzjoni għall-apparat sensittiv; u għall-apparati jew għas-sistemi għat-tagħbija minn qabel, għandha tkun provduta deskrizzjoni teknika sħiħa tal-kostruzzjoni u tal-funzjoni inkluża s-sensittività, jekk ikun hemm, fejn jiġi deskritt il-metodu ta' attivazzjoni u kwalunkwe metodu meħtieġ biex tkun evitata l-attivazzjoni involontarja. Fil-każ ta' sistema ta' trażżin, id-deskrizzjoni għandha tinkludi: tpinġijiet tal-istruttura tal-vettura u tal-istruttura tas-sit, tas-sistema ta' aġġustament u taż-żidiet fuq skala xierqa li turi fejn jinsabu eżatt l-ankraġġi tas-sit u dawk taċ-ċinturin kif ukoll ir-rinforzi f'biżżejjed detall; flimkien ma' speċifikazzjoni tal-materjali li ntużaw li jistgħu jaffetwaw is-saħħa tal-ankraġġi tas-sit u l-ankraġġi taċ-ċinturin; u deskrizzjoni teknika tal-ankraġġi tas-sit u l-ankraġġi taċ-ċinturin jekk iċ-ċinturin hu ddisinjat biex jeħel mal-istruttura tal-vettura minn ġo mezz li jaġġusta ċ-ċinturin għall-għoli, id-deskrizzjoni teknika għandha tispeċifika jekk dan l-mezz hux ikkunsidrat bħala parti miċ-ċinturin jew le;

3.2.2.2.

Sitt kampjuni tat-tip ta' ċinturin, li wieħed minnhom ikun għal finijiet ta' referenza;

3.2.2.3.

Tul ta' għaxar metri ta' kull tip ta' ċinga użata fit-tip ta' ċinturin;

3.2.2.4.

Is-Servizz Tekniku li jwettaq it-testijiet tal-approvazzjoni tat-tip għandu jkollu d-dritt li jitlob aktar kampjuni.

3.2.3.   Fil-każ tas-sistemi ta' trażżin, għandhom jitressqu quddiem is-Servizz żewġ kampjuni li jistgħu jinkludu tnejn mill-kampjuni taċ-ċinturini meħtieġa skont il-paragrafi 3.2.2.2 u 3.2.2.3 hawn fuq, skont kif jagħżel il-manifattur, jew eżempju rappreżentattiv tat-tip ta' vettura li għandha tiġi approvata, inkella l-parti jew il-partijiet tal-vettura meqjusa essenzjali mis-Servizz Tekniku li jagħmel it-testijiet tal-approvazzjoni għas-sistema tat-trażżin.

4.   IMMARKAR

Il-kampjuni ta' tip ta' ċinturin jew ta' tip ta' sistema tat-trażżin imressqa għall-approvazzjoni skont id-dispożizzjonijiet tal-paragrafi 3.2.2.2, 3.2.2.3 u 3.2.2.4 hawn fuq għandhom ikunu mmarkati b'mod ċar u b'mod li ma jitħassarx bl-isem, bl-inizjali, bil-marka kummerċjali jew bil-marka tal-manifattur.

5.   APPROVAZZJONI

5.1.   Ċertifikat konformi mal-mudell speċifikat fil-paragrafi 5.1.1 jew 5.1.2 hawn taħt għandu jinhemeż maċ-ċertifikat tal-approvazzjoni tat-tip.

5.1.1.

L-Anness 1A għall-applikazzjonijiet li jissemmew fil-paragrafu 3.1;

5.1.2.

L-Anness 1 B għall-applikazzjonijiet li jissemmew fil-paragrafu 3.2;

5.2.   Tip tal-vettura

5.2.1.   Jekk il-vettura li titressaq għall-approvazzjoni skont dan ir-Regolament tissodisfa r-rekwiżiti tal-paragrafu 8 hawn taħt, u tal-Annessi 15 u 16 ta' dan ir-Regolament, għandha tingħata l-approvazzjoni għal dak it-tip ta' vettura.

5.2.2.   Għandu jiġi assenjat numru tal-approvazzjoni għal kull tip approvat. L-ewwel żewġ ċifri tiegħu (attwalment 07, li jikkorrispondu mas-serje ta' emendi 07) għandhom jindikaw is-serje tal-emendi li jinkorporaw l-emendi tekniċi ewlenin l-iktar reċenti li jkunu saru għar-Regolament fiż-żmien li nħarġet l-approvazzjoni. L-istess Parti Kontraenti m'għandhiex tassenja l-istess numru lil tip ieħor ta' vettura ieħor kif iddefinit fil-paragrafu 2.16 hawn fuq.

5.2.3.   L-avviż tal-approvazzjoni jew tal-estensjoni jew tar-rifjut jew tal-irtirar tal-approvazzjoni jew tal-produzzjoni mwaqqfa għalkollox ta' tip ta' vettura skont dan ir-Regolament għandu jiġi kkomunikat lill-Partijiet għall-Ftehim tal-1958 li japplikaw dan ir-Regolament permezz ta' formola li tikkonforma mal-mudell fl-Anness 1A ta' dan ir-Regolament.

5.2.4.   Ma' kull vettura li tikkonforma ma' tip tal-vettura approvat skont dan ir-Regolament, għandha titwaħħal b'mod li jolqot l-għajn u f'post faċilment aċċessibbli, kif speċifikat fuq il-formola tal-approvazzjoni, marka tal-approvazzjoni internazzjonali magħmula minn:

5.2.4.1.

Ċirku madwar l-ittra “E” li jigi segwit bin-numru distintiv tal-pajjiż li jkun ta l-approvazzjoni (3)

5.2.4.2.

In-numru ta' dan ir-Regolament, segwit mill-ittra “R”, sing u min-numru tal-approvazzjoni fuq il-lemin taċ-ċirku previst fil-paragrafu 5.2.4.1 hawn fuq.

5.2.5.   Jekk il-vettura tikkonforma ma' tip ta' vettura approvat, skont Regolament ieħor wieħed jew aktar anness(i) mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu previst fil-paragrafu 5.2.4.1 ma hemmx għalfejn jiġi ripetut; f'każ bħal dan, in-numri u s-simboli addizzjonali tar-Regolamenti kollha li skonthom tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandhom jitqiegħdu f'kolonni vertikali fuq il-lemin tas-simbolu previst fil-paragrafu 5.2.4.1 hawn fuq.

5.2.6.   Il-marka tal-approvazzjoni għandha tkun tista' tinqara b'mod ċar u b'tali mod li ma tkunx tista' titħassar.

5.2.7.   Il-marka tal-approvazzjoni għandha titqiegħed qrib ta', jew fuq, il-pjanċa tad-dejta tal-vettura mwaħħla mill-manifattur.

5.3.   Tip taċ-ċinturin tas-sikurezza

5.3.1.   Jekk il-kampjuni ta' tip ta' ċinturin imressqa skont id-dispożizzjonijiet tal-paragrafu 3.2 t'aktar 'il fuq, jissodisfaw ir-rekwiżiti tal-paragrafi 4, 5.3 u 6 ta' dan ir-Regolament, għandha tingħata l-approvazzjoni.

5.3.2.   Għandu jiġi assenjat numru tal-approvazzjoni għal kull tip approvat. L-ewwel żewġ ċifri tiegħu (attwalment 06, li jikkorrispondu mas-serje ta' emendi 06) għandhom jindikaw is-serje tal-emendi li jinkorporaw l-emendi tekniċi ewlenin l-iktar reċenti li jkunu saru għar-Regolament fiż-żmien li nħarġet l-approvazzjoni. L-istess Parti Kontraenti ma tistax tassenja l-istess numru lil tip ieħor ta' ċinturin jew ta' sistema ta' trażżin.

5.3.3.   L-avviż tal-approvazzjoni jew tal-estensjoni jew tar-rifjut tal-approvazzjoni ta' tip ta' ċinturin jew ta' sistema tat-trażżin, skont dan ir-Regolament, għandu jiġi kkomunikat lill-Partijiet Kontraenti għall-Ftehim tal-1958 li japplikaw dan ir-Regolament permezz ta' formola li tikkonforma mal-mudell fl-Anness 1B ta' dan ir-Regolament.

5.3.4.   Minbarra l-marki previsti fil-paragrafu 4 hawn fuq, id-dettalji li ġejjin għandhom jitwaħħlu fi spazju xieraq fuq kull ċinturin li jikkonforma ma' tip approvat skont dan ir-Regolament:

5.3.4.1.

Marka ta' approvazzjoni internazzjonali li tikkonsisti minn: 5.3.4.1.1. Ċirku madwar l-ittra “E” li jigi segwit bin-numru distintiv tal-pajjiż li jkun ta l-approvazzjoni (4) 5.3.4.1.2. Numru tal-approvazzjoni;

5.3.4.2.

Is-simbolu/i addizzjonali li ġej(jin): 5.3.4.2.1. L-ittra “A” għal ċinturin bi tliet punti ta' rbit, l-ittra “B” għal ċinturin ta' fuq il-ħoġor u l-ittra “S” għal ċinturini ta' tip speċjali. 5.3.4.2.2. Is-simboli li jissemmew fil-paragrafu 5.3.4.2.1 hawn fuq għandhom jiġu supplimentati mill-immarkar addizzjonali li ġej: 5.3.4.2.2.1. L-ittra “e” għal ċinturin b'assorbitur tal-enerġija; 5.3.4.2.2.2. Għal ċinturin li jinkorpora ritrattatur, l-ittra “r”, segwita mis-simbolu (1, 2, 3, 4 jew 4N) tar-ritrattatur użat, skont il-paragrafu 2.14 ta' dan ir-Regolament, u l-ittra “m” jekk ir-ritrattatur użat huwa ritrattatur li jillokkja f'emerġenza b'sensittività multipla; 5.3.4.2.2.3. L-ittra “p” fil-każ ta' ċinturini tas-sikurezza b'apparat għat-tagħbija minn qabel; 5.3.4.2.2.4. L-ittra “t” fil-każ ta' ċinturin tas-sikurezza b'ritrattatur li jinkorpora apparat li jnaqqas it-tensjoni; 5.3.4.2.2.5. Iċ-ċinturini mgħammra b'ritrattatur tat-tip 4N għandu jkollhom fuqhom simbolu li jikkonsisti minn rettangolu b'vettura tal-kategorija M1 maqtugħa b'salib, li jindika li l-użu ta' dan it-tip ta' ritrattatur huwa projbit fil-vetturi ta' dik il-kategorija. 5.3.4.2.2.6 jekk iċ-ċinturin tas-sikurezza jiġi approvat skont id-dispożizzjonijiet tal-paragrafi 6.4.1.3.3 u 6.4.1.3.4 ta' dan ir-Regolament, għandu jkun immarkat bil-kelma “AIRBAG” f'rettangolu. 5.3.4.2.3. Is-simbolu li jissemma fil-paragrafu 5.3.4.2.1 hawn fuq għandu jkollu quddiemu l-ittra “Z” meta ċ-ċinturin tas-sikurezza huwa parti minn sistema tat-trażżin.

5.3.5.   Il-paragrafu 2 tal-Anness 2 ta' dan ir-Regolament jagħti eżempji ta' arranġamenti tal-marka tal-approvazzjoni.

5.3.6.   Id-dettalji msemmija fil-paragrafu 5.3.4 hawn fuq għandhom ikunu jistgħu jinqraw b'mod ċar u ma għandhomx ikunu jistgħu jitħassru, u jistgħu jew jitwaħħlu b'mod permanenti permezz ta' tikketta inkella permezz ta' mmarkar dirett. It-tikketta jew l-immarkar għandhom ikunu reżistenti għall-użu.

5.3.7.   It-tikketti li jissemmew fil-paragrafu 5.3.6 hawn fuq jistgħu jinħarġu jew mill-Awtorità tal-Approvazzjoni tat-Tip li tkun tat l-approvazzjoni jew mill-manifattur, li jkun ingħata l-awtorizzazzjoni minn dik l-Awtorità.

6.   SPEĊIFIKAZZJONIJIET

6.1.   Speċifikazzjonijiet ġenerali

6.1.1.   Kull kampjun imressaq skont il-paragrafi 3.2.2.2, 3.2.2.3 u 3.2.2.4 hawn fuq għandu jissodisfa l-ispeċfikazzjonijiet stabbiliti fil-paragrafu 6 ta' dan ir-Regolament.

6.1.2.   Iċ-ċinturin jew is-sistema tat-trażżin għandhom ikunu ddisinjati u mibnija b'tali mod li meta jiġu installati b'mod korrett u jintużaw b'mod xieraq mill-okkupant, f'każ ta' inċident jaħdmu kif suppost u jnaqqsu r-riskju ta' feriment fiżiku.

6.1.3.   Iċ-ċineg taċ-ċinturin m'għandhomx ikollhom it-tendenza li jassumu konfigurazzjoni perikoluża.

6.1.4.   L-użu ta' materjali bi proprjetajiet tal-poliamide 6 fir-rigward taż-żamma tal-ilma huwa projbit fil-partijiet mekkaniċi kollha fejn fenomenu bħal dan x'aktarx ikollu effett negattiv fuq il-ħidma tagħhom.

6.2.   Partijiet riġidi

6.2.1.   Ġenerali

6.2.1.1.   Il-partijiet riġidi taċ-ċinturin tas-sikurezza, bħall-bokkli, l-apparati ta' aġġustament, iż-żidiet u apparat simili, m'għandux ikollhom truf jaqtgħu li jistgħu jikkawżaw deterjorazzjoni jew tiċrit taċ-ċineg meta jħokku magħhom.

6.2.1.2.   Il-partijiet kollha tal-assemblaġġ taċ-ċinturin li għandhom it-tendenza li jiġu affettwati mill-korrużjoni għandhom ikunu protetti minnha kif xieraq. Wara li jgħaddu mit-test tal-korrużjoni previst fil-paragrafu 7.2 hawn taħt, m'għandhom ikunu viżibbli għal għajnejn osservatur kwalifikat la s-sinjali ta' deterjorament li x'aktarx itellef mill-funzjonament tajjeb tal-apparat u lanqas kwalunkwe korrużjoni sinifikanti.

6.2.1.3.   Partijiet riġidi maħsuba biex jassorbu l-enerġija jew li għandhom jiġu soġġetti għal jew jitrażmettu tagħbija m'għandhomx ikunu fraġli.

6.2.1.4.   L-oġġetti u l-partijiet riġidi ta' ċinturin tas-sikurezza li huma magħmula mill-plastik għandhom ikunu ppożizzjonati u installati b'tali mod li ma jkollhomx it-tendenza, matul l-użu ta' kuljum ta' vettura motorizzata, li jinqabdu taħt sit li jiċċaqlaq jew f'bieba ta' dik il-vettura jekk kwalunkwe wieħed minn dawn l-oġġetti u minn dawn il-partijiet ma jikkonformax mal-kundizzjonijiet imsemmija hawn fuq, għandhom ikunu soġġetti għat-test tal-impatt f'kundizzjoni ta' kesħa speċifikat fil-paragrafu 7.5.4 hawn taħt Wara t-test, jekk jirriżulta kwalunkwe xaqq viżibbli fi kwalunkwe għata jew ritenitur tal-plastik ta' oġġett riġidu, il-parti tal-plastik kompluta għandha titneħħa u għandha ssir valutazzjoni dwar jekk l-assemblaġġ li jifdal ikunx għadu tajjeb għall-użu mil-lat ta' sikurezza kontinwa jekk l-assemblaġġ li jifdal ikun għadu sikur, jew ma jkun jidher l-ebda xaqq fih, dan għandu mbagħad jiġi vvalutat fir-rigward tar-rekwiżiti tat-testjar speċifikati fil-paragrafi 6.2.2, 6.2.3 u 6.4 hawn taħt.

6.2.2.   Bokkla

6.2.2.1.   Il-bokkla għandha tkun iddisinjata b'tali mod li ma tippermettix użu mhux korrett. Dan ifisser, inter alia, li ma għandux ikun possibbli li l-bokkla titħalla f'kundizzjoni parzjalment magħluqa. Il-proċedura biex tinfetaħ il-bokkla għandha tkun evidenti. Il-partijiet tal-bokkla li x'aktarx jiġu f'kuntatt ma' ġisem min jilbisha għandhom ikollhom erja ta' mhux inqas minn 20 cm2 u wisa' ta' mill-inqas 46 mm, imkejla fi pjan li jinsab f'distanza massima ta' 2,5 mm mis-superfiċje tal-kuntatt. Fil-każ tal-bokkli taċ-ċinturini f'għamla ta' harness, dan ir-rekwiżit tal-aħħar għandu jitqies bħala ssodisfat jekk l-erja ta' kuntatt tal-bokkla ma' ġisem min jilbisha tkun bejn 20 u 40 cm2.

6.2.2.2.   Il-bokkla, anki meta ma tkunx taħt tensjoni, għandha tibqa' magħluqa, tkun xi tkun il-pożizzjoni tal-vettura. M'għandux ikun possibbli li l-bokkla tinħall b'mod involontarju, b'mod aċċidentali jew b'forza ta' inqas minn 1 daN. Il-bokkla għandha tkun faċli biex tintuża u biex tinħakem; meta ma tkunx taħt tensjoni u meta tkun taħt it-tensjoni speċifikata fil-paragrafu 7.8.2 hawn taħt, għandha tkun tista' tinħall minn min jilbisha b'moviment wieħed sempliċi ta' id waħda f'direzzjoni waħda; barra minn hekk, fil-każ ta' assemblaġġi ta' ċinturini li huma maħsuba biex jintużaw għas-sits ta' quddiem fuq in-naħa ta' barra, ħlief f'dawk iċ-ċinturini f'għamla ta' harness, għandhom ukoll jippermettu lil min jilbishom li jaqgħlaqhom b'moviment sempliċi ta' id waħda f'direzzjoni waħda. Il-bokkla għanda tinħall billi tingħafas buttuna jew apparat simili. Is-superfiċje li fuqha għandha tiġi applikata din il-pressjoni għandu jkollha d-dimensjonijiet li ġejjin, bil-buttuna fil-pożizzjoni effettiva biex tinħall u meta proġettata fi pjan perpendikulari għad-direzzjoni inizjali tal-moviment tal-buttuna: għal buttuni magħluqa, erja ta' mhux inqas minn 4,5 cm2 u wisa' ta' mhux inqas minn 15 mm; għal buttuni li mhumiex magħluqa, erja ta' mhux inqas minn 2,5 cm2 u wisa' ta' mhux inqas minn 10 mm. L-erja fejn tinħall il-bokkla għandha tkun ta' lewn aħmar. L-ebda parti oħra tal-bokkla ma għandha tkun dan il-kulur. Meta s-sit ikun okkupat, huwa permess dawl aħmar ta' twissija bħala parti tal-bokkla jekk dan jintefa' wara li l-okkupant ikun qafel il-bokkla taċ-ċinturin tas-sikurezza jekk id-dwal ta' fuq il-bokkla jkunu ta' kulur ieħor għajr aħmar, ma hemmx għalfejn jintfew meta l-bokkla taċ-ċinturin tas-sikurezza tinqafel. Dawn id-dwal m'għandhomx jilluminaw il-bokkla b'tali mod li jaffettwaw il-perċezzjoni tal-kulur aħmar tar-rilaxx tal-bokkla inkella l-aħmar tad-dawl ta' twissija.

6.2.2.3.   Il-bokkla, meta tiġi ttestjata skont il-paragrafu 7.5.3 hawn taħt, għandha taħdem b'mod normali.

6.2.2.4.   Il-bokkla għandha tiflaħ għat-tħaddim ripetut u, qabel it-test dinamiku speċifikat fil-paragrafu 7.7 hawn taħt, għandha tgħaddi minn 5 000 ċiklu ta' ftuħ u ta' għeluq f'kundizzjonijiet normali ta' użu. Fil-każ tal-bokkli ta' ċinturini f'għamla ta' harness, dan it-test jista' jsir mingħajr ma jiddaħħlu l-ilsna kollha.

6.2.2.5.   Il-forza meħtieġa biex tinfetaħ il-bokkla fit-test previst fil-paragrafu 7.8 hawn taħt m'għandhiex teċċedi s-6 daN.

6.2.2.6.   Il-bokkla għandha tkun ittestjata għas-saħħa kif previst fil-paragrafi 7.5.1 u, fejn ikun xieraq, 7.5.5 hawn taħt. Ma tridx tiċċarrat, titgħawweġ iżżejjed jew tinqala' meta tkun taħt it-tensjoni li tirriżulta mit-tagħbija prevista.

6.2.2.7.   Fil-każ ta' bokkli li jinkorporaw komponent komuni għal żewġ assemblaġġi, it-testijiet tas-saħħa u tal-ħall tal-bokka tal-paragrafi 7.7 u 7.8 hawn taħt għandhom isiru wkoll bil-parti tal-bokkla ta' assemblaġġ wieħed titqabbad mal-parti korrispondenti tal-assemblaġġ, jekk huwa possibbli li l-bokkla tinqafel b'dan il-mod fl-użu.

6.2.3.   L-apparat ta' aġġustament taċ-ċinturin

6.2.3.1.   Meta ċ-ċinturin jintlibes, dan għandu jaġġusta ruħu awtomatikament sabiex joqgħod sew fuq min jilbsu jew ikun tali li l-apparat tal-aġġustament manwali jkun faċilment aċċessibbli għall-utent bilqiegħda u għandu jkun konvenjenti u faċli biex jintuża. Għandu jippermetti wkoll li ċ-ċinturin jiġi ssikkat b'id waħda sabiex ikun adattat għad-daqs tal-ġisem ta' min jilbsu u għall-pożizzjoni tas-sit tal-vettura.

6.2.3.2.   Żewġ kampjuni ta' kull apparat ta' aġġustament taċ-ċinturin għandhom jiġu ttestjati skont ir-rekwiżiti tal-paragrafu 7.3 hawn taħt. Iż-żelqa (slip) taċ-ċinga m'għandiex teċċedi l-25 mm għal kull kampjun ta' apparat ta' aġġustament u s-somma taċ-ċaqliq għall-apparati ta' aġġustament kollha m'għandiex teċċedi l-40 mm.

6.2.3.3.   L-apparati ta' aġġustament kollha għandhom jiġu ttestjati għas-saħħa kif previst fil-paragrafu 7.5.1 hawn taħt. Ma jridux jiċċarrtu jew jinqalgħu taħt it-tensjoni li tirriżulta mit-tagħbija prevista.

6.2.3.4.   Meta jiġi ttestjat skont il-paragrafu 7.5.6 hawn taħt, il-forza meħtieġa biex jitħaddem kwalunkwe apparat ta' aġġustament b'mod manwali m'għandhiex teċċedi l-5 daN.

6.2.4.   Iż-żidiet u l-apparati ta' aġġustament għall-għoli taċ-ċinturin

Iż-żidiet għandhom jiġu ttestjati għas-saħħa kif previst fil-paragrafi 7.5.1 u 7.5.2 hawn taħt. L-apparati rilevanti ta' aġġustament għall-għoli taċ-ċinturin għandhom jiġu ttestjati għas-saħħa kif previst fil-paragrafu 7.5.2 ta' dan ir-Regolament, fejn ma jkunux ġew ittestjati fuq il-vettura skont ir-Regolament Nru 14 (fl-aħħar verżjoni tal-emendi għalih), fejn għandhom x'jaqsmu l-ankraġġi taċ-ċinturini tas-sikurezza. Dawn il-partijiet ma għandhomx jinkisru jew jinqalgħu taħt it-tensjoni li tirriżulta mit-tagħbija prevista.

6.2.5.   Ritrattaturi

Ir-ritrattaturi għandhom ikunu soġġetti għal testijiet u għandhom jissodisfaw ir-rekwiżiti speċifikati hawn taħt, inklużi t-testijiet għas-saħħa previsti fil-paragrafi 7.5.1 u 7.5.2 hawn taħt. (Dawn ir-rekwiżiti huma tali li jeskludu r-ritrattaturi li ma jillokkjawx.)

6.2.5.1.   Ritrattaturi li jinfetħu b'mod manwali

6.2.5.1.1.   Iċ-ċinga tal-assemblaġġ taċ-ċinturin tas-sikurezza mgħammra b'ritrattatur li jinfetaħ b'mod manwali m'għandix tiċċaqlaq b'aktar minn 25 mm bejn il-pożizzjonijiet ta' llokkjar tar-ritrattatur.

6.2.5.1.2.   Iċ-ċinga tal-assemblaġġ taċ-ċinturin tas-sikurezza għandha tinħareġ sa 6 mm mit-tul massimu tagħha mir-ritrattatur li jinfetaħ manwalment meta tiġi applikata tensjoni ta' mhux inqas minn 1,4 daN u mhux iktar minn 2,2 daN liċ-ċinga fid-direzzjoni normali tal-ġbid.

6.2.5.1.3.   Iċ-ċinga għandha tinħareġ mir-ritrattatur u titħalla tinġibed lura b'mod ripetut bil-metodu deskritt fil-paragrafu 7.6.1 sakemm jiġi kkompletat 5 000 ċiklu. Ir-ritrattatur mbagħad għandu jkun soġġett għat-test tal-korrużjoni mogħti fil-paragrafu 7.2 u għat-test tat-trab mogħti fil-paragrafu 7.6.3 hawn taħt. Imbagħad għandu jerġa' jikkompleta b'mod sodisfaċenti 5 000 ċiklu ieħor fejn iċ-ċinga tinħareġ u titħalla tinġibed lura. Wara t-testijiet ta' aktar 'il fuq, ir-ritrattatur għandu jaħdem b'mod korrett u jibqa' jissodisfa r-rekwiżiti tal-paragrafi 6.2.5.1.1 u 6.2.5.1.2 t'aktar 'il fuq.

6.2.5.2.   Ritrattaturi li jillokkjaw awtomatikament

6.2.5.2.1.   Iċ-ċinga ta' assemblaġġ ta' ċinturin tas-sikurezza mgħammra b'ritrattatur li jillokkja awtomatikament m'għandiex tiċċaqlaq aktar minn 30 mm bejn il-pożizzjonijiet tal-illokkjar tar-ritrattatur jekk l-utent jiċċaqlaq lura, iċ-ċinturin għandu jibqa' fil-pożizzjoni inizjali tiegħu jew jirritorna għal dik il-pożizzjoni awtomatikament mal-movimenti sussegwenti 'l quddiem tal-utent.

6.2.5.2.2.   Jekk ir-ritrattatur ikun parti miċ-ċinturin ta' fuq il-ħoġor, il-forza ta' ritrattazzjoni taċ-ċinga m'għandhiex tkun inqas minn 0,7 daN meta mkejla fit-tul ħieles bejn il-manikin u r-ritrattatur skont il-paragrafu 7.6.4 hawn taħt.

Jekk ir-ritrattatur ikun parti minn trażżin tal-parti ta' fuq tat-torso, il-forza ta' ritrattazzjoni taċ-ċinga għandha tkun ta' mhux inqas minn 0,1 daN u mhux iktar minn 0,7 daN meta mkejla b'mod simili.

6.2.5.2.3.   Iċ-ċinga għandha tinħareġ mir-ritrattatur u titħalla tinġibed lura b'mod ripetut bil-metodu deskritt fil-paragrafu 7.6.1 sakemm jiġi kkompletat 5 000 ċiklu. Ir-ritrattatur mbagħad għandu jiġi soġġett għat-test ta' korrużjoni mogħti fil-paragrafu 7.2 u wara dak għat-test tat-trab mogħti fil-paragrafu 7.6.3 hawn taħt. Imbagħad għandu jerġa' jikkompleta b'mod sodisfaċenti 5 000 ċiklu ieħor fejn iċ-ċinga tinħareġ u titħalla tinġibed lura. Wara t-testijiet imsemmija hawn fuq, ir-ritrattatur għandu jibqa' jaħdem b'mod korrett u jibqa' jissodisfa r-rekwiżiti tal-paragrafi 6.2.5.2.1 u 6.2.5.2.2 t'hawn fuq.

6.2.5.3.   Ritrattaturi li jillokkjaw f'emerġenza

6.2.5.3.1.   Ritrattatur li jillokkja f'emerġenza, meta jiġi ttestjat skont il-paragrafu 7.6.2 hawn taħt, għandu jissodisfa l-kundizzjonijiet t'hawn taħt. Fil-każ ta' sensittività unika, skont il-paragrafu 2.14.4.1 ta' dan ir-Regolament, huma validi biss l-ispeċifikazzjonijiet rigward id-deċellerazzjoni tal-vettura.

6.2.5.3.1.1.   L-illokkjar għandu jseħħ meta d-deċellerazzjoni tal-vettura tilħaq iż-0,45 g (5) fil-każ tar-ritrattaturi tat-tip 4 jew 0,85 g fil-każ ta' dawk tat-tip 4N.

6.2.5.3.1.2.   Ma għandux jillokkja għal valuri ta' aċċellerazzjoni taċ-ċinga mkejla fid-direzzjoni tal-estrazzjoni taċ-ċinga ta' inqas minn 0,8 g fil-każ tar-ritrattaturi tat-tip 4 jew ta' inqas minn 1,0 g fil-każ tar-ritrattaturi tat-tip 4N.

6.2.5.3.1.3.   Ma għandux jillokkja meta l-apparat sensittiv tiegħu jkun inklinat bi 12° jew b'inqas fi kwalunkwe direzzjoni mill-pożizzjoni tal-installazzjoni speċifikata mill-manifattur tiegħu.

6.2.5.3.1.4.   Għandu jillokkja meta l-apparat sensittiv tiegħu jiġi inklinat b'aktar minn 27° fil-każ tar-ritrattaturi tat-tip 4 jew b'40° fil-każ tat-tip 4N fi kwalunkwe direzzjoni mill-pożizzjoni tal-installazzjoni speċifikata mill-manifattur tiegħu.

6.2.5.3.1.5.   F'każijiet fejn it-tħaddim ta' ritrattatur jiddependi minn sinjal jew minn sors estern ta' enerġija, id-disinn għandu jiżgura li r-ritrattatur jillokkja awtomatikament meta dak is-sinjal jew dak is-sors tal-enerġija jiġrilu xi ħsara jew jiġi interrott. Madanakollu, dan ir-rekwiżit mhemmx għalfejn jiġi ssodisfat fil-każ ta' ritrattatur b'sensittivitajiet multipli, sakemm sensittività waħda biss tkun dipendenti minn sinjal jew sors tal-enerġija estern u l-ħsara tas-sinjal jew tas-sors tal-enerġija tiġi indikata lis-sewwieq b'mezzi ottiċi u/jew akustiċi.

6.2.5.3.2.   Meta jiġi ttestjat skont il-paragrafu 7.6.2 hawn taħt, ritrattatur li jillokkja f'emerġenza b'sensittività multipla, inkluża s-sensittività taċ-ċinga, għandu jikkonforma mar-rekwiżiti speċifiċi u anki jillokkja meta l-aċċellerazzjoni taċ-ċinga mkejla fid-direzzjoni ta' fejn qed tinħall ma tkunx inqas minn 3,0 g.

6.2.5.3.3.   Fil-każ tat-testijiet imsemmija fil-paragrafi 6.2.5.3.1 u 6.2.5.3.2 hawn fuq, l-ammont ta' moviment taċ-ċinga li jista' jkun hemm qabel ma r-ritrattatur jillokkja m'għandux jeċċedi l-50 mm li jibda mit-tul mogħti fil-paragrafu 7.6.2.1. Fil-każ tat-test imsemmi fil-paragrafu 6.2.5.3.1.2 hawn fuq, l-illokkjar ma għandux isseħħ matul il-50 mm tal-moviment taċ-ċinga li jibda mit-tul mogħti fil-paragrafu 7.6.2.1 hawn taħt.

6.2.5.3.4.   Jekk ir-ritrattatur ikun parti miċ-ċinturin ta' fuq il-ħoġor, il-forza ta' ritrattazzjoni taċ-ċinga m'għandiex tkun inqas minn 0,7 daN meta mkejla fit-tul ħieles bejn il-manikin u r-ritrattatur skont il-paragrafu 7.6.4.

Jekk ir-ritrattatur ikun parti minn trażżin tal-parti ta' fuq tat-torso, il-forza ta' ritrattazzjoni taċ-ċinga m'għandhiex tkun inqas minn 0,1 daN u mhux iktar minn 0,7 daN meta mkejla b'mod simili, ħlief għal ċinturin mgħammar b'apparat li jnaqqas it-tensjoni, f'liema każ, il-forza minima li tiġbed lura tista' titnaqqas għal 0,05 daN biss meta apparat ta' din ix-xorta jkun qed jitħaddem jekk iċ-ċinga tgħaddi minn gwida jew taljola, il-forza ta' ritrattazzjoni għandha titkejjel fit-tul ħieles bejn il-manikin u l-gwida jew it-taljola.

Jekk l-assemblaġġ jinkorpora apparat li mat-tħaddim manwali jew awtomatiku ma jħallix liċ-ċinga milli tinġibed lura għalkollox, apparat ta' din ix-xorta m'għandux jitħaddem meta jkunu qed jiġu vvalutati dawn ir-rewkiżiti.

Jekk l-assemblaġġ jinkorpora apparat li jnaqqas it-tensjoni, il-forza ta' ritrattazzjoni taċ-ċinga deskritta aktar 'il fuq għandha tiġi mkejla meta l-apparat ikun qed jitħaddem kif ukoll meta ma jkunx qed jitħaddem - meta dawn ir-rekwiżiti jkunu qed jiġu vvalutati, kemm qabel kif ukoll wara t-testijiet tad-durabbiltà skont il-paragrafu 6.2.5.3.5 hawn taħt.

6.2.5.3.5.   Iċ-ċinga għandha tinħareġ mir-ritrattatur u titħalla tinġibed lura b'mod ripetut bil-metodu deskritt fil-paragrafu 7.6.1 sakemm jiġi kkompletat 40 000 ċiklu. Ir-ritrattatur mbagħad għandu jiġi soġġett għat-test ta' korrużjoni previst fil-paragrafu 7.2 u wara għat-test tat-trab preskritt fil-paragrafu 7.6.3 hawn taħt. Imbagħad għandu jikkompleta b'mod sodisfaċenti 5 000 ċiklu ieħor (jiġifieri 45 000 b'kollox).

Jekk l-assemblaġġ jinkorpora apparat li jnaqqas it-tensjoni, it-testijiet t'aktar 'il fuq għandhom isiru kemm meta l-apparat li jnaqqas it-tensjoni ikun qed jitħaddem kif ukoll meta ma jkunx qed jitħaddem.

Wara t-testijiet imsemmija hawn fuq, ir-ritrattatur għandu jaħdem b'mod korrett u jibqa' jissodisfa r-rekwiżiti tal-paragrafi 6.2.5.3.1, 6.2.5.3.3 u 6.2.5.3.4 t'aktar 'il fuq.

6.2.5.4.   Wara t-test ta' durabbiltà skont il-paragrafu 6.2.5.3.5, u immedjatament wara l-kejl tal-forza ta' ritrattazzjoni skont il-paragrafu 6.2.5.3.4 hawn fuq, ir-ritrattaturi jridu jissodisfaw iż-żewġ speċifikazzjonijiet li jmiss:

6.2.5.4.1.

Meta ir-ritrattaturi, ħlief ir-ritrattaturi li jillokkjaw awtomatikament, jiġu ttestjati skont il-paragrafu 7.6.4.2 hawn taħt, ir-ritrattaturi jridu jkunu kapaċi jevitaw kwalunkwe laxkezza bejn it-torso u ċ-ċinturini, u,

6.2.5.4.2.

Meta l-bokkla tinħall biex jinħareġ l-ilsien, ir-ritrattatur biss irid ikun jista' jiġbed liċ-ċinga għalkollox lura.

6.2.6.   L-apparat għat-tagħbija minn qabel

6.2.6.1.   Wara li jitressaq għall-ittestjar tal-korrużjoni skont il-paragrafu 7.2 t'hawn taħt, l-apparat għat-tagħbija minn qabel (inkluż is-sensor tal-impatt imqabbad mal-apparat bil-konnekters oriġinali mingħajr ma jgħaddi l-ebda kurrent minnhom) għandu jaħdem normalment.

6.2.6.2.   Għandu jiġi vverifikat li t-tħaddim involontarju tal-apparat ma jinvolvi l-ebda riskju ta' feriment fiżiku għal min jilbsu.

6.2.6.3.   Fil-każ ta' apparati pirotekniċi għat-tagħbija minn qabel:

6.2.6.3.1.

Wara li jkun tressaq għall-ikkundizzjonar skont il-paragrafu 7.9.1 hawn taħt, it-tħaddim tal-apparat għat-tagħbija minn qabel ma jridx ikun ġie attivat mit-temperatura u l-apparat għandu jaħdem normalment.

6.2.6.3.2.

Għandhom jittieħdu prekawzjonijiet sabiex ma jitħalliex li l-gassijiet sħan li jintefgħu 'il barra jkebbsu l-materjali li jinħarqu li jistgħu ikunu fil-qrib.

6.3.   Ċineg

6.3.1.   Ġenerali

6.3.1.1.   Il-karatteristiki taċ-ċineg għandhom ikunu tali li jkun żgurat li l-pressjoni tagħhom fuq ġisem min jilbishom tkun imqassma kemm jista' jkun b'mod bilanċjat tul il-wisa' tagħhom u li ma jinbarmux, anki meta jkunu taħt tensjoni. Għandu jkollhom kapaċitajiet ta' assorbiment tal-enerġija u ta' tixrid tal-enerġija. Iċ-ċineg għandu jkollhom ċmus irfinuti li m'għandhomx jinħallu bl-użu.

6.3.1.2.   Il-wisa' taċ-ċinga mgħobbija b'980 daN + 100 – 0 daN m'għandhiex tkun inqas minn 46 mm. Din id-dimensjoni għandha titkejjel skont it-test previst fil-paragrafu 7.4.3 hawn taħt u mingħajr ma titwaqqaf il-magna fit-tagħbija msemmija fuq (6).

6.3.2.   Is-saħħa wara l-ikkundizzjonar fil-kamra

Fil-każ taż-żewġ kampjuni ta' ċineg ikkundizzjonati skont il-paragrafu 7.4.1.1 it-tagħbija tat-tiċrit taċ-ċinga, iddeterminata kif previst fil-paragrafu 7.4.2 hawn taħt, m'għandhiex tkun inqas minn 1 470 daN. Id-differenza bejn it-tagħbijiet tat-tiċrit taż-żewġ kampjuni m'għandhiex teċċedi l-10 fil-mija tal-akbar mit-tagħbijiet li jqattgħu mkejla.

6.3.3.   Is-saħħa wara l-ikkundizzjonar speċjali

Fil-każ taż-żewġ kampjuni ta' ċineg ikkundizzjonati skont waħda mid-dispożizzjonijiet tal-paragrafu 7.4.1 (ħlief 7.4.1.1) hawn taħt, it-tagħbija tat-tiċrit ċ-ċinga m'għandhiex tkun inqas minn 75 fil-mija tal-medja tat-tagħbijiet iddeterminati fit-test imsemmi fil-paragrafu 6.3.2 u mhux inqas minn 1 470 daN. Is-Servizz Tekniku li jagħmel it-testijiet jista' jħalli barra wieħed jew aktar minn dawn it-testijiet jekk il-kompożizzjoni tal-materjal użat jew l-informazzjoni diġà disponibbli twassal biex it-test jew it-testijiet isir(u) żejjed/żejda.

6.4.   L-assemblaġġ taċ-ċinturin jew is-sistema tat-trażżin

6.4.1.   Test dinamiku

6.4.1.1.   L-assemblaġġ taċ-ċinturin jew is-sistema tat-trażżin għandhom ikunu soġġetti għal test dinamiku skont il-paragrafu 7.7 hawn taħt.

6.4.1.2.   It-test dinamiku għandu jsir fuq żewġ assemblaġġi ta' ċinturin li qatt ma jkunu tqiegħdu taħt tagħbija, ħlief fil-każ ta' assemblaġġi taċ-ċinturin li jifformaw parti minn sistemi ta' trażżin meta t-test dinamiku jsir fuq is-sistemi ta' trażżin li huma maħsuba għal grupp wieħed ta' sits li qatt ma jkunu ġew mgħobbija qabel. Il-bokkli tal-assemblaġġi taċ-ċinturin li għandhom jiġu ttestjati għandhom ikunu ssodisfaw ir-rekwiżiti tal-paragrafu 6.2.2.4 hawn fuq. Fil-każ taċ-ċinturini tas-sikurezza b'ritrattaturi, ir-ritrattatur għandu jkun ġie soġġett għat-test tar-reżistenza għat-trab stabbilit fil-paragrafu 7.6.3; barra minn hekk, fil-każ taċ-ċinturini tas-sikurezza jew tas-sistemi ta' trażżin mgħammra b'apparat għat-tagħbija minn qabel li jinkludi mezzi pirotekniċi, l-apparat għandu jkun ġie soġġett għall-ikkundizzjonar speċifikat fil-paragrafu 7.9.1 hawn taħt.

6.4.1.2.1.   Iċ-ċinturini għandhom ikunu għaddew mit-test tal-korrużjoni deskritt fil-paragrafu 7.2, u warajh il-bokkli għandhom ikunu soġġetti għal 500 ċiklu addizzjonali ta' ftuħ u ta' għeluq f'kundizzjonijiet normali tal-użu.

6.4.1.2.2.   Iċ-ċinturini tas-sikurezza bir-ritrattaturi għandhom ikunu ġew soġġetti jew għat-testijiet deskritti fil-paragrafu 6.2.5.2 jew għal dawk deskritti fil-paragrafu 6.2.5.3 hawn fuq jekk madanakollu, ritrattatur diġà kien soġġett għat-test tal-korrużjoni skont id-dispożizzjonijiet tal-paragrafu 6.4.1.2.1 hawn fuq, dan it-test mhemmx għalfejn jiġi ripetut.

6.4.1.2.3.   Fil-każ ta' ċinturin li huwa maħsub biex jintuża b'apparat għall-aġġustament tal-għoli taċ-ċinturin, kif iddefinit fil-paragrafu 2.14.6 hawn fuq, it-test għandu jsir bl-apparat aġġustat fl-aktar pożizzjoni(jiet) sfavorevoli magħżula mis-Servizz Tekniku responsabbli għall-ittestjar. Madanakollu:

6.4.1.2.3.1.

Jekk l-apparat għall-aġġustament tal-għoli taċ-ċinturin ikun magħmul mill-ankraġġ taċ-ċinturin, kif approvat skont id-dispożizzjonijiet tar-Regolament Nru 14, is-Servizz Tekniku responsabbli għall-ittestjar, skont id-diskrezzjoni tiegħu, jista' japplika d-dispożizzjonijiet tal-paragrafu 7.7.1 hawn taħt.

6.4.1.2.3.2.

Jekk apparat għall-aġġustament tal-ispalla flessibbli fir-rigward tal-għoli jkun parti miċ-ċinturin, dan għandu jiġi ttestjat bħala sistema tat-trażżin u s-Servizz Tekniku responsabbli għat-testjar għandu japplika d-dispożizzjonijiet skont il-paragrafu 7.7.1. li jgħoddu għat-testjar fuq parti mill-istruttura tal-vettura li fuqha ġeneralment tkun armata s-sistema ta' trażżin.

6.4.1.2.4.   Fil-każ taċ-ċinturin tas-sikurezza b'apparat għat-tagħbija minn qabel l-ispostament minimu speċifikat fil-paragrafu 6.4.1.3.2 hawn taħt jista' jitnaqqas bin-nofs. Għall-fini ta' dan it-test, l-apparat għat-tagħbija minn qabel għandu jkun qed jitħaddem.

6.4.1.2.5.   Fil-każ ta' ċinturin tas-sikurezza b'apparat li jnaqqas it-tensjoni, għandu jkun ġie soġġett għal test ta'durabbiltà b'apparat ta' din ix-xorta li jkun qed jitħaddem skont il-paragrafu 6.2.5.3.5 qabel test dinamiku. It-test dinamiku mbagħad għandu jsir bl-apparat li jnaqqas it-tensjoni meta jkun qed jitħaddem.

6.4.1.3.   Matul dan it-test, għandhom jiġu ssodisfati r-rekwiżiti li ġejjin:

6.4.1.3.1.   L-ebda parti mill-assemblaġġ taċ-ċinturin jew mis-sistema ta' trażżin li taffettwa t-trażżin tal-okkupant m'għandha tinkiser u l-ebda bokkla jew sistema ta' llokkjar jew sistema ta' spostament m'għandha tinħall jew tinfetaħ; kif ukoll

6.4.1.3.2.   L-ispostament 'il quddiem tal-manikin għandu jkun ta' bejn 80 u 200 mm fil-livell tal-pelvi fil-każ taċ-ċinturini ta' fuq il-ħoġor. Fil-każ ta' tipi oħra ta' ċinturini, l-ispostament 'il quddiem għandu jkun ta' bejn 80 u 200 mm fil-livell tal-pelvi, u ta' bejn 100 u 300 mm fil-livell tas-sider. Fil-każ ta' ċinturin f'għamla ta' harness, l-ispostament minimu speċifikat hawn fuq jista' jitnaqqas bin-nofs. Dawn l-ispostamenti għandhom jitqiesu f'relazzjoni mal-punti ta' kejl murija fil-Grafika 6 tal-Anness 7 ta' dan ir-Regolament.

6.4.1.3.3.   Fil-każ ta' ċinturin tas-sikurezza maħsub biex jintuża f'pożizzjoni bilqiegħda fuq quddiem fuq in-naħa ta' barra, liema pożizzjoni bilqiegħda tkun protetta permezz ta' airbag quddiemha, l-ispostament tal-punt ta' referenza tas-sider jista' jeċċedi dak speċifikat fil-paragrafu 6.4.1.3.2 hawn fuq, jekk il-veloċità tiegħu f'dan il-valur ma teċċedix l-24 km/h.

6.4.1.3.4.   Fil-każ ta' pożizzjoni bilqiegħda minbarra l-pożizzjoni bilqiegħda fuq quddiem fuq in-naħa ta' barra, li tkun protetta permezz ta' airbag quddiemha, l-ispostament tal-punt ta' referenza tas-sider jista' jeċċedi dak speċifikat fil-paragrafu 6.4.1.3.2, jekk il-veloċità tiegħu f'dan il-valur ma teċċedix l-24 km/h f'testijiet imwettqa bl-airbag, f'ambjent marbuta mal-vettura li jirrifletti l-koordinati fil-vettura tal-immuntar tal-airbag u l-punti ta' rbit tiegħu.

6.4.1.4.   Fil-każ ta' sistema tat-trażżin:

6.4.1.4.1.   Il-moviment tal-punt ta' referenza tas-sider jista' jeċċedi dak speċifikat fil-paragrafu 6.4.1.3.2 hawn fuq jekk jista' jintwera permezz ta' kalkolu, inkella b'test ieħor, li l-ebda parti mit-torso jew mir-ras tal-manikin li ntuża fit-test dinamiku ma kienet tiġi f'kuntatt ma' kwalunkwe parti riġida 'l quddiem tal-vettura ħlief:

6.4.1.4.1.1.

Fil-każ tas-sewwieq jitħalla jseħħ kuntatt tas-sider mal-assemblaġġ tal-istering, jekk dan l-assemblaġġ jissodisfa r-rekwiżiti tar-Regolament Nru 12 u sakemm ma jkunx hemm kuntatt f'veloċità ogħla minn 24 km/h. Għal din il-valutazzjoni, is-sit għandu jitqies li huwa f'waħda mill-pożizzjonijiet speċifikati fil-paragrafu 7.7.1.5 hawn taħt.

6.4.1.4.1.2.

Fil-każ ta' kwalunkwe okkupant ieħor, il-kuntatt tar-ras jew tas-sider ma' kwalunkwe parti riġida tal-vettura quddiem il-manikin mhux permess barra minn hekk, il-kuntatt bejn ir-ras u l-irkopptejn tal-manikin mhuwiex permess. Għal din il-valutazzjoni, is-sit tal-manikin ittestjat u, jekk applikabbli, is-sit quddiem il-manikin għandhom jitqiesu li huma fil-pożizzjonijiet speċifikati fil-paragrafu 7.7.1.6 hawn taħt bl-eċċezzjoni tal-istruttura miftuħa ta' assemblaġġ ta' airbag definita fil-paragrafu 2.8, materjal mhux riġidu b'ebusija ta' < 50 Shore A jista' jitneħħa sabiex jintwera li partijiet riġidi mgħottija jew bil-padding ma jiġux f'kuntatt mar-ras jew mas-sider tal-manikin matul it-test.

6.4.1.4.2.   F'vetturi fejn jintużaw apparati ta' din ix-xorta, is-sistemi tal-ispostament u tal-illokkjar li jippermettu lill-okkupanti tas-sits kollha li joħorġu mill-vettura għandhom jibqgħu jistgħu jitħaddmu bl-id wara t-test dinamiku.

6.4.1.5.   Bħala deroga, f'każ ta' sistema tat-trażżin, l-ispostamenti jistgħu jkunu akbar minn dawk speċifikati fil-paragrafu 6.4.1.3.2 fil-każ li ankraġġ ta' fuq imwaħħal mas-sit jibbenefika minn deroga prevista fil-paragrafu 7.4 tar-Regolament Nru 14.

6.4.2.   Saħħa wara l-ikkundizzjonar tal-brix

6.4.2.1.   Għaż-żewġ kampjuni kkundizzjonati skont il-paragrafu 7.4.1.6 hawn taħt, is-saħħa tat-tiċrit għandha tiġi vvalutata kif previst fil-paragrafi 7.4.2 u 7.5 hawn taħt. Għandha tkun għall-inqas daqs 75 fil-mija tal-medja tas-saħħa tat-tiċrit iddeterminata matul is-testijiet fuq ċineg mhux mibruxa u mhux inqas mit-tagħbija minima speċifikata għall-oġġett li qed jiġi ttestjat. Id-differenza bejn is-saħħa tat-tiċrit taż-żewġ kampjuni m'għandhiex taqbeż l-20 fil-mija tal-ogħla saħħa tat-tiċrit imkejla. Għall-proċeduri tat-tip 1 u tat-tip 2, it-test tas-saħħa tat-tiċrit għandu jsir fuq kampjuni ta' ċineg biss (il-para. 7.4.2). Għall-proċedura tat-tip 3, it-test tas-saħħa tat-tiċrit għandu jsir fuq iċ-ċinga flimkien mal-komponent metalliku involut (il-para. 7.5).

6.4.2.2.   Il-partijiet tal-assemblaġġ taċ-ċinturin li jkunu se jiġu soġġetti għal proċedura ta' brix jingħataw fit-tabella li ġejja u t-tipi ta' proċeduri li jistgħu jkunu xierqa għalihom huma indikati b'“x”. Għal kull proċedura għandu jintuża kampjun ġdid.

	Proċedura 1	Proċedura 2	Proċedura 3
Żieda	—	—	x
Gwida jew Taljola	—	x	—
Ingassa tal-bokkla	—	x	x
Apparat ta' aġġustament	x	—	x
Partijiet meħjuta maċ-ċinga	—	—	x
Apparat għall-aġġustament tal-ispalla flessibbli fir-rigward tal-għoli	x	—	—

7.   TESTIJIET

7.1.   L-użu tal-kampjuni mressqa għall-approvazzjoni ta' tip ta' ċinturin jew ta' sistema tat-trażżin (ara l-Anness 13 ta' dan ir-Regolament)

7.1.1.   Żewġ ċinturini jew sistemi ta' trażżin huma meħtieġa għall-ispezzjoni tal-bokkla, għat-test tal-bokkla f'temperatura baxxa, għat-test tat-temperatura baxxa deskritt fil-paragrafu 7.5.4 hawn taħt fejn ikun meħtieġ, għat-test ta' durabbiltà tal-bokkla, għat-test tal-korrużjoni taċ-ċinturin, għat-testijiet tat-tħaddim tar-ritrattatur, għat-test dinamiku u għat-test tal-ftuħ tal-bokkla wara t-test dinamiku. Wieħed minn dawn iż-żewġ kampjuni għandu jintuża għall-ispezzjoni taċ-ċinturin jew tas-sistema tat-trażżin.

7.1.2.   Huwa meħtieġ ċinturin wieħed jew sistema tat-trażżin waħda għall-ispezzjoni tal-bokkla u għat-test tas-saħħa fuq il-bokkla, fuq il-montaturi taż-żidiet, fuq l-apparati ta' aġġustament taċ-ċinturin u, fejn ikun meħtieġ, fuq ir-ritrattaturi.

7.1.3.   Huma meħtieġa żewġ ċinturini jew żewġ sistemi ta' trażżin għall-ispezzjoni tal-bokkla, għat-test tal-micro-slip u għat-test tal-brix. It-test tat-tħaddim tal-apparat ta' aġġustament taċ-ċinturin għandu jsir fuq wieħed minn dawn iż-żewġ kampjuni.

7.1.4.   Il-kampjun taċ-ċinga għandu jintuża għall-ittestjar tas-saħħa tat-tiċrit taċ-ċinga. Parti minn dan il-kampjun għandu jkun ippreservat sakemm l-approvazzjoni tibqa' valida.

7.2.   Test tal-korrużjoni

7.2.1.   Assemblaġġ sħiħ taċ-ċinturin tas-sikurezza għandu jitqiegħed f'kompartiment għall-ittestjar kif inhu previst fl-Anness 12 ta' dan ir-Regolament. Fil-każ ta' assemblaġġ li jinkorpora ritrattatur, iċ-ċinga għandha tinħall għat-tul sħiħ ħlief għal 300 + 3 mm. Ħlief għal interruzzjonijiet qosra li jistgħu jkunu meħtieġa, pereżempju, biex tkun ikkontrollata u tiżdied is-soluzzjoni tal-melħ, it-test tal-esponiment għandu jipproċedi b'mod kontinwu għal perjodu ta' 50 siegħa.

7.2.2.   Malli jkun ikkompletat it-test tal-esponiment, l-assemblaġġ għandu jiġi maħsul bil-mod, jew jiġi mgħaddas f'ilma ġieri nadif b'temperatura ta' mhux aktar minn 38 °C biex jitneħħa kwalunkwe depożitu tal-melħ li seta' fforma u mbagħad jitħalla jinxef fit-temperatura tal-kompartiment għal 24 siegħa qabel l-ispezzjoni skont il-paragrafu 6.2.1.2 hawn fuq.

7.3.   It-test tal-micro-slip (ara l-Grafika 3 tal-Anness 11 ta' dan ir-Regolament)

7.3.1.   Il-kampjuni li għandhom jitressqu għat-test tal-micro-slip għandhom jinżammu għal minimu ta' 24 siegħa f'atmosfera b'temperatura ta' 20 ± 5 °C u b'umdità relattiva ta' 65 + 5 fil-mija. It-test għandu jsir f'temperatura bejn 15 u 30 °C.

7.3.2.   Għandu jkun żgurat li s-sezzjoni ħielsa tal-apparat ta' aġġustament tipponta jew 'il fuq jew 'l isfel fuq il-bank tat-test, bħal fil-vettura.

7.3.3.   Għandha titwaħħal tagħbija ta' 5 daN mat-tarf t'isfel tas-sezzjoni taċ-ċinga. It-tarf l-ieħor għandu jkun soġġett għal moviment lura u 'l quddiem, fejn l-amplitudni totali tkun ta' 300 + 20 mm (ara l-grafika).

7.3.4.   Jekk hemm tarf ħieles li jservi ta' ċinga ta' riserva, dan bl-ebda mod ma għandu jkun imqabbad jew ikklippjat mas-sezzjoni mgħobbija.

7.3.5.   Għandu jkun żgurat li fuq il-bank tat-test iċ-ċinga, fil-pożizzjoni laxka, taqa' f'kurva konkava mill-apparat ta' aġġustament, bħal fil-vettura. It-tagħbija ta' 5 daN applikata fuq il-bank tat-test għandha tkun iggwidata vertikalment b'tali mod li ma jitħalliex li t-tagħbija tixxengel u li ċ-ċinturin jinbaram. Iż-żieda għandha tkun marbuta mat-tagħbija ta' 5 daN bħal fil-vettura.

7.3.6.   Qabel il-bidu effettiv tat-test, għandha tiġi kkompletata serje ta' 20 ċiklu sabiex is-sistema li tissikka waħidha ssib postha.

7.3.7.   Għandhom jiġu kkompletati 1 000 ċiklu bi frekwenza ta' 0,5 ċiklu fis-sekonda, fejn l-amplitudni totali tkun ta' 300 ± 20 mm. It-tagħbija ta' 5 daN għandha tkun applikata biss matul il-ħin li jikkorrispondi għal ċaqliqa ta' 100 ± 20 mm għal kull nofs perjodu.

7.4.   L-ikkundizzjonar taċ-ċineg u t-test tas-saħħa tat-tiċrit (statiku)

7.4.1.   L-ikkundizzjonar taċ-ċineg għat-test tas-saħħa tat-tiċrit

Il-kampjuni maqtugħa miċ-ċinga msemmija fil-paragrafu 3.2.2.3 hawn fuq għandhom ikunu kkundizzjonati kif ġej:

7.4.1.1.   L-ikkundizzjonar f'temperatura u igrometrija ambjentali

L-istrixxa għandha tiġi kkundizzjonata skont ISO 139 (2005), permezz tal-atmosfera standard jew l-atmosfera alternattiva standard jekk it-test ma jsirx immedjatament wara l-ikkundizzjonar, il-kampjun għandu jitqiegħed f'kontenitur magħluq ermetikament sakemm jinbeda t-test. It-tagħbija tat-tiċrit għandha tkun iddeterminata sa mhux aktar minn 5 minuti wara t-tneħħija taċ-ċinga mill-atmosfera tal-ikkundizzjonar jew mill-kontenitur.

7.4.1.2.   L-ikkundizzjonar tad-dawl

7.4.1.2.1.   Għandhom japplikaw id-dispożizzjonijiet tar-Rakkomandazzjoni ISO 105-B02 (1994/Amd2:2000). Iċ-ċinga għandha tkun esposta għad-dawl għall-ħin meħtieġ sabiex ikun prodott kuntrast ta' Grad 4 fuq l-iskala griża fuq iż-Żebgħa Blù Standard Nru 7.

7.4.1.2.2.   Wara l-esponiment, iċ-ċinga għandha tiġi kkundizzjonata kif deskritt fil-paragrafu 7.4.1.1 jekk it-test ma jsirx immedjatament wara l-ikkundizzjonar, il-kampjun għandu jitqiegħed f'kontenitur magħluq ermetikament sakemm jinbeda t-test. It-tagħbija tat-tiċrit għandha tkun iddeterminata fi żmien ħames minuti wara t-tneħħija taċ-ċinga mill-installazzjoni tal-ikkundizzjonar.

7.4.1.3.   L-ikkundizzjonar tal-kesħa

7.4.1.3.1.   Iċ-ċinga għandha tiġi kkundizzjonata kif deskritt fil-paragrafu 7.4.1.1 hawn fuq

7.4.1.3.2.   Iċ-ċinga mbagħad għandha tinżamm għal siegħa u nofs fuq superfiċje ċatta f'kompartiment b'temperatura baxxa fejn it-temperatura tal-arja tkun ta' – 30 ± 5 °C. Din imbagħad għandha tintewa u t-tinja għandha titgħabba b'massa ta' 2 kg li qabel tkun ġiet imkessħa għal temperatura ta' – 30 ± 5 °C. Meta ċ-ċinga tkun inżammet mgħobbija għal 30 minuta fl-istess kompartiment b'temperatura baxxa, il-massa għandha titneħħa u t-tagħbija tat-tiċrit għandha titkejjel sa mhux aktar minn 5 minuti wara t-tneħħija taċ-ċinga mill-kompartiment b'temperatura baxxa.

7.4.1.4.   L-ikkundizzjonar tas-sħana

7.4.1.4.1.   Iċ-ċinga għandha tinżamm għal tliet sigħat f'armarju tat-tisħin f'atmosfera b'temperatura ta' 60 + 5 °C u b'umdità relattiva ta' 65 + 5 fil-mija.

7.4.1.4.2.   It-tagħbija tat-tiċrit taċ-ċinga għandha tiġi determinata sa ħames minuti wara li ċ-ċinga titneħħa mill-kompartiment li jsaħħan.

7.4.1.5.   L-esponiment għall-ilma

7.4.1.5.1.   Iċ-ċinga għandha tinżamm mgħaddsa għalkollox għal tliet sigħat f'ilma distillat, f'temperatura ta' 20 ± 5 °C, li miegħu jkunu ġew miżjuda traċċi ta' aġent tat-tixrib jista' jintuża kwalunkwe aġent tat-tixrib adattat għall-fibra li qed tiġi ttestjata.

7.4.1.5.2.   It-tagħbija tat-tiċrit taċ-ċinga għandha tiġi determinata sa 10 minuti wara li ċ-ċinga titneħħa mill-ilma.

7.4.1.6.   L-ikkundizzjonar tal-brix

7.4.1.6.1.   L-ikkundizzjonar tal-brix isir fuq kull apparat fejn iċ-ċinga tiġi f'kuntatt ma' parti riġida taċ-ċinturin, bl-eċċezzjoni tal-apparati ta' aġġustament kollha fejn it-test tal-micro-slip (7.3) juri li ċ-ċinga tiżloq b'inqas minn nofs il-valur previst, f'liema każ ma tkunx meħtieġa l-proċedura 1 tal-ikkundizzjonar tal-brix (7.4.1.6.4.1). Is-setting fuq l-apparat tal-ikkundizzjonar iżomm bejn wieħed u ieħor il-pożizzjoni relattiva taċ-ċinga u tal-erja ta' kuntatt.

7.4.1.6.2.   Il-kampjuni għandhom jiġu kkundizzjonati kif deskritt fil-paragrafu 7.4.1.1. It-temperatura ambjentali matul il-proċedura tal-brix għandha tkun ta' bejn 15 u 30 °C.

7.4.1.6.3.   Fit-tabella hawn taħt huma elenkati l-kundizzjonijiet ġenerali għal kull proċedura ta' brix.

	Tagħbija daN	Frekwenza Hz	Ċikli Numri	Ċaqliq mm
Proċedura 1	2,5	0,5	5 000	300 ± 20
Proċedura 2	0,5	0,5	45 000	300 ± 20
Proċedura 3 (*1)	0 sa 5	0,5	45 000	—

Iċ-ċaqliq mogħti fil-ħames kolonna ta' din it-tabella jirrappreżenta l-amplitudni ta' moviment lura u 'l quddiem applikat liċ-ċinga.

7.4.1.6.4.   Proċeduri ta' kundizzjonar partikolari

7.4.1.6.4.1.   Il-proċedura 1: għal każijiet fejn iċ-ċinga tgħaddi minn apparat ta' aġġustament.

Fuq tarf wieħed taċ-ċinga għandha tinżamm tagħbija vertikali stabbli ta' 2,5 daN - it-tarf l-ieħor taċ-ċinga għandu jkun imqabbad ma' apparat li jagħti liċ-ċinga moviment orizzontali lura u 'l quddiem.

L-apparat ta' aġġustament għandu jitqiegħed fuq iċ-ċinga orizzontali b'tali mod li ċ-ċinga tibqa' taħt tensjoni (ara l-Grafika 1 tal-Anness 11 ta' dan ir-Regolament).

7.4.1.6.4.2.   Il-proċedura 2: għal każijiet fejn iċ-ċinga tbiddel id-direzzjoni meta tkun qed tgħaddi minn parti riġida.

Matul dan it-test, l-angoli taċ-ċineg għandhom jinżammu kif muri fil-Grafika 2 tal-Anness 11 ta' dan ir-Regolament.

Matul it-test, għandha tinżamm tagħbija stabbli ta' 0,5 daN.

Għal każijiet fejn iċ-ċinga tbiddel id-direzzjoni aktar minn darba meta tkun għaddejja minn parti riġida, it-tagħbija ta' 0,5 daN tista' tiġi miżjuda sabiex jinkiseb il-moviment previst taċ-ċinga ta' 300 mm minn ġewwa dik il-parti riġida.

7.4.1.6.4.3.   Il-proċedura 3: għal każijiet fejn iċ-ċinga hija marbuta ma' parti riġida permezz ta' ħjata jew b'mezzi simili.

Il-moviment totali lura u 'l quddiem għandu jkun ta' 300 ± 20 mm imma t-tagħbija ta' 5 daN għandha tkun applikata biss matul ċaqliq ta' 100 ± 20 mm għal kull nofs perjodu (ara l-Grafika 3 tal-Anness 11 ta' dan ir-Regolament).

7.4.2.   It-test tas-saħħa tat-tiċrit taċ-ċinga (it-test statiku)

7.4.2.1.   It-test għandu jsir kull darba fuq żewġ kampjuni ġodda ta' ċinga, ta' tul suffiċjenti, ikkundizzjonati skont id-dispożizzjonijiet tal-paragrafu 7.4.1 hawn fuq.

7.4.2.2.   Kull ċinga għandha tinqabad bejn il-klamps ta' magna li tittestja t-tensjoni. Il-klamps għandhom ikunu ddisinjati b'tali mod li jkun evitat li ċ-ċinga tiċċarrat meta tkun fihom jew qribhom. Il-veloċità tat-traversa għandha tkun ta' 100 mm/min. It-tul ħieles tal-kampjun bejn il-klamps tal-magna fil-bidu tat-test għandu jkun ta' 200 mm ± 40 mm.

7.4.2.3.   It-tensjoni għandha tiżdied sakemm iċ-ċinga tiċċarrat, u t-tagħbija tat-tiċrit għandha tiġi nnotata.

7.4.2.4.   Jekk iċ-ċinga tiżloq jew tiċċarrat meta tkun f'distanza ta' 10 mm jew inqas minn kwalunkwe waħda mill-klamps, it-test għandu jitqies bħala invalidu u għandu jsir test ġdid fuq kampjun ieħor.

7.4.3.   Wisa' bit-tagħbija

7.4.3.1.   It-test għandu jsir kull darba fuq żewġ kampjuni ġodda ta' ċinga, ta' tul suffiċjenti, ikkundizzjonati skont id-dispożizzjonijiet tal-paragrafu 7.4.1 hawn fuq.

7.4.3.2.   Kull ċinga għandha tinqabad bejn il-klamps ta' magna li tittestja t-tensjoni. Il-klamps għandhom ikunu ddisinjati b'tali mod li jkun evitat li ċ-ċinga tiċċarrat fil-punt fejn jaqbduha, jew qribhom. Il-veloċità tat-traversa għandha tkun ta' 100 mm/min. It-tul ħieles tal-kampjun bejn il-klamps tal-magna fil-bidu tat-test għandu jkun ta' 200 mm ± 40 mm.

7.4.3.3.   Meta t-tagħbija tilħaq id-980 daN + 100 – 0 daN, il-magna għandha titwaqqaf u l-kejl għandu jitlesta qabel jgħaddu 5 sekondi. It-test għandu jsir b'mod separat mit-test tat-tensjoni.

7.5.   It-test tal-komponenti tal-assemblaġġ taċ-ċinturin li jinkorporaw partijiet riġidi

7.5.1.   Il-bokkla u l-apparat ta' aġġustament għandhom ikunu mqabbda mal-apparat li jittestja t-tensjoni mill-partijiet tal-assemblaġġ taċ-ċinturin li normalment ikunu mwaħħla magħhom, u t-tagħbija mbagħad għandha tiġi miżjuda progressivament sa 980 daN.

Fil-każ taċ-ċinturini f'għamla ta' harness, il-bokkla għandha tiġi mqabbda mal-apparat tal-ittestjar miċ-ċineg li huma mwaħħla mal-bokkla u mal-ilsien jew maż-żewġ ilsna li jinsabu bejn wieħed u ieħor b'mod simmetriku għaċ-ċentru ġeometriku tal-bokkla jekk il-bokkla jew l-apparat ta' aġġustament, huwa parti miż-żieda jew mill-parti komuni ta' ċinturin bi tliet punti, il-bokkla jew l-apparat ta' aġġustament għandu jiġi ttestjat maż-żieda, skont il-paragrafu 7.5.2 hawn taħt, ħlief fil-każ ta' ritrattaturi li għandhom taljola jew gwida għaċ-ċinga fl-ankraġġ ta' fuq taċ-ċinturin, meta t-tagħbija tkun ta' 980 daN u t-tul taċ-ċinga li jibqa' mkebbeb fuq ir-rukkell għandu jkun it-tul li jirriżulta minn illokkjar kemm jista' jkun qrib il-450 mm mit-tarf taċ-ċinga.

7.5.2.   Iż-żidiet u kwalunkwe apparat ta' aġġustament għall-għoli taċ-ċinturin għandhom jiġu ttestjati bil-mod indikat fil-paragrafu 7.5.1 hawn fuq, imma t-tagħbija għandha tkun ta' 1 470 daN u, f'konformità mad-dispożizzjonijiet tat-tieni sentenza tal-paragrafu 7.7.1 hawn taħt, għandha tkun applikata fil-kundizzjonijiet l-inqas favorevoli li x'aktarx iseħħu f'vettura fejn iċ-ċinturin ikun installat b'mod korrett. Fil-każ ta' ritrattaturi, it-test isir biċ-ċinga kompletament maħlula mir-rukkell.

7.5.3.   Żewġ kampjuni tal-assemblaġġ sħiħ taċ-ċinturin għandhom jitqiegħdu f'armarju mkessaħ f'temperatura ta' – 10 ± 1 °C għal sagħtejn. Il-partijiet tal-bokkla li jidħlu f'xulxin għandhom jiġu mqabbda flimkien b'mod manwali immedjatament wara li jitneħħew mill-armarju imkessaħ.

7.5.4.   Żewġ kampjuni tal-assemblaġġ sħiħ taċ-ċinturin għandhom jitqiegħdu f'armarju mkessaħ f'temperatura ta' – 10 ± 1 °C għal sagħtejn. L-oġġetti u l-partijiet riġidi magħmula mill-plastik li qed jiġu ttestjati mbagħad għandhom jitqiegħdu wieħed wara l-ieħor fuq superfiċje tal-azzar ċatta u riġida (li tkun inżammet mal-kampjuni f'armarju mkessaħ) li titqiegħed fuq superfiċje orizzontali ta' blokka riġida u kompatta b'massa ta' mill-inqas 100 kg u f'mhux aktar minn 30 sekonda minn meta titneħħa mill-armarju imkessaħ, massa tal-azzar ta' 18-il kg għandha titħalla taqa' taħt il-forza tal-gravità minn għoli ta' 300 mm fuq il-kampjun tat-test. Il-wiċċ tal-impatt tal-massa ta' 18-il kg għandu jkollu l-forma ta' superfiċje ttundjata b'ebusija ta' mill-inqas 45 HRC, b'raġġ transversali ta' 10mm u raġġ lonġitudinali ta' 150 mm, imqiegħed matul il-linja ċentrali tal-massa. Kampjun wieħed tat-test għandu jiġi ttestjat meta l-assi tal-virga ttundjata tkun allinjata maċ-ċinga filwaqt li l-kampjun l-ieħor għandu jiġi ttestjat f'angolu ta' 90° maċ-ċinga.

7.5.5.   Il-bokkli li għandhom partijiet komuni għal żewġ ċinturini tas-sikurezza għandhom ikunu mgħobbija b'tali mod li jiġu ssimulati l-kundizzjonijiet tal-użu fil-vettura b'sits fil-pożizzjoni tan-nofs tal-aġġustament tagħhom. Għandha tiġi applikata tagħbija ta' 1 470 daN fl-istess ħin lil kull ċinga. Id-direzzjoni tal-applikazzjoni tat-tagħbija għandha tkun stabbilita skont il-paragrafu 7.7.1 hawn taħt. Apparat xieraq għat-test jidher fl-Anness 10 ta' dan ir-Regolament.

7.5.6.   Meta jiġi ttestjat apparat ta' aġġustament manwali, fejn jitqiesu l-kundizzjonijiet normali tal-użu, iċ-ċinga għandha tinġibed mingħajr skossi mill-apparat ta' aġġustament, b'rata ta' madwar 100 mm/s u l-forza massima għandha titkejjel għall-eqreb 0,1 daN wara l-ewwel 25 mm ta' moviment taċ-ċinga. It-test għandu jsir fiż-żewġ direzzjonijiet li fihom timxi ċ-ċinga mill-apparat, biċ-ċinga tgħaddi miċ-ċiklu sħiħ għal 10 darbiet qabel ma titkejjel.

7.6.   It-testijiet addizzjonali għaċ-ċinturini tas-sikurezza bir-ritrattaturi

7.6.1.   Durabbiltà tal-mekkaniżmu tar-ritrattatur

7.6.1.1.   Iċ-ċinga għandha tiġi rtirata u titħalla tinġibed lura għan-numru meħtieġ ta' ċikli b'rata ta' mhux aktar minn 30 ċiklu fil-minuta. Fil-każ ta' ritrattaturi li jillokkjaw f'emerġenza, għandha tiġi introdotta ġibda f'daqqa biex ir-ritrattatur jillokkja f'kull ħames ċiklu.

L-interruzzjonijiet għandhom iseħħu f'numri ndaqs f'kull waħda minn ħames estrazzjonijiet differenti, jiġifieri, 90, 80, 75, 70 u 65 fil-mija tat-tul totali taċ-ċinga li tibqa' mgerba fuq ir-ritrattatur. Madankollu, fejn huwa previst tul ta' aktar minn 900 mm, il-perċentwali msemmija hawn fuq għandhom ikunu relatati għad-900 mm finali taċ-ċinga li tista' tiġi rtirata mir-ritrattatur.

7.6.1.2.   Apparat adattat għat-testijiet speċifikati fil-paragrafu 7.6.1.1 hawn fuq jidher fl-Anness 3 ta' dan ir-Regolament.

7.6.2.   L-illokkjar tar-ritrattaturi li jillokkjaw f'emerġenza

7.6.2.1.   Ir-ritrattatur għandu jiġi ttestjat darba għall-illokkjar meta ċ-ċinga tkun ġiet maħlula għat-tul sħiħ tagħha ħlief għal 300 ± 3 mm.

7.6.2.1.1.   Fil-każ ta' ritrattatur li jiġi attivat mill-moviment taċ-ċinga, l-estrazzjoni għandha sseħħ fid-direzzjoni normali tagħha daqslikieku r-ritrattatur huwa installat f'vettura.

7.6.2.1.2.   Meta r-ritrattaturi jkunu qed jiġu ttestjati għas-sensittività għad-deċellerazzjoni tal-vettura, għandhom jiġu ttestjati fl-estrazzjoni msemmija hawn fuq tul żewġ assi perpendikulari, li jkunu orizzontali jekk ir-ritrattatur jiġi installat f'vettura kif inhu speċifikat mill-manifattur taċ-ċinturin tas-sikurezza. Meta din il-pożizzjoni ma tkunx speċifikata, l-awtorità tal-ittestjar għandha tikkonsulta lill-manifattur taċ-ċinturin tas-sikurezza. Wieħed minn dawn l-assi għandu jkun fid-direzzjoni magħżula mis-Servizz Tekniku li jagħmel it-test tal-approvazzjoni biex jinkisbu l-kundizzjonijiet l-aktar avversi rigward l-attivazzjoni tal-mekaniżmu tal-illokkjar.

7.6.2.2.   Apparat xieraq għat-testijiet speċifikati fil-paragrafu 7.6.2.1 hawn fuq huwa deskritt fl-Anness 4 ta' dan ir-Regolament. Id-disinn ta' kwalunkwe apparat tat-testijiet ta' din ix-xorta għandu jiżgura li l-aċċellerazzjoni meħtieġa tingħata qabel ma ċ-ċinturin jinħareġ 'il barra mir-ritrattatur b'aktar minn 5 mm u li l-irtirar isir b'rata medja ta' żieda tal-aċċellerazzjoni ta' mill-inqas 55 g/s (7) u mhux iktar minn 150 g/s fl-ittestjar tas-sensittività għall-moviment taċ-ċinga u ta' mill-inqas 25 g/s u mhux iktar minn 150 g/s fl-ittestjar tas-sensittività għad-deċellerazzjoni tal-vettura.

7.6.2.3.   Biex tiġi vverifikata l-konformità mar-rekwiżiti tal-paragrafi 6.2.5.3.1.3 u 6.2.5.3.1.4, ir-ritrattatur għandu jiġi armat fuq mejda orizzontali u l-mejda għandha tiġi inklinata b'veloċità li ma teċċedix 2° fis-sekonda sakemm l-apparat jillokkja. It-test għandu jkun ripetut bl-inklinazzjoni f'direzzjonijiet oħra sabiex ikun żgurat li r-rekwiżiti jiġu ssodisfati.

7.6.3.   Reżistenza għat-trab

7.6.3.1.   Ir-ritrattatur għandu jitqiegħed f'kompartiment għall-ittestjar kif deskritt fl-Anness 5 ta' dan ir-Regolament. Għandu jiġi armat f'orjentazzjoni simili għal dik kif jiġi armat fil-vettura. Il-kompartiment għall-ittestjar għandu jkun fih it-trab kif inhu speċifikat fil-paragrafu 7.6.3.2 hawn taħt. Tul ta' 500 mm taċ-ċinga għandu jinħareġ mir-ritrattatur u għandu jinżamm maħruġ, ħlief li għandu jiġi soġġett għal 10 ċikli kompluti ta' ritrattazzjoni u ta' rtirar f'perjodu ta' minuta jew tnejn wara kull aġitazzjoni tat-trab. Għal perjodu ta' ħames sigħat, it-trab għandu jiġi aġitat kull 20 minuta għal ħames sekondi b'arja kompressata ħielsa miż-żejt u l-umdità b'kejl ta' pressjoni ta' 5,5 · 105 ± 0,5 · 105 Pa u li tidħol minn fetħa b'dijametru ta' 1,5 ± 0,1 mm.

7.6.3.2.   It-trab użat fit-test deskritt fil-paragrafu 7.6.3.1 hawn fuq għandu jikkonsisti minn madwar 1 kg ta' kwartz xott. Id-distribuzzjoni tad-daqs tal-partikuli għandha tkun kif ġej:

(a)	Jgħaddu minn fetħa ta' 150 μm, b'dijametru tal-wajer ta' 104 μm: 99 sa 100 fil-mija;

(b)	Jgħaddu minn fetħa ta' 105 μm, b'dijametru tal-wajer ta' 64 μm: 76 sa 86 fil-mija;

(c)	Jgħaddu minn fetħa ta' 75 μm, b'dijametru tal-wajer ta' 52 μm: 60 sa 70 fil-mija;

7.6.4.   Il-forzi ta' ritrattazzjoni

7.6.4.1.   Il-forza ta' ritrattazzjoni għandha titkejjel bl-assemblaġġ taċ-ċinturin tas-sikurezza mlibbes fuq il-manikin bħal fil-każ tat-test dinamiku previst fil-paragrafu 7.7 hawn taħt. It-tensjoni taċ-ċinga għandha titkejjel fil-punt tal-kuntatt (iżda li ma jmissx) mal-manikin filwaqt li ċ-ċinga tkun qed tinġibed lura b'rata ta' madwar 0,6 m/min. Fil-każ ta' ċinturin tas-sikurezza b'apparat li jnaqqas it-tensjoni, il-forza ta' ritrattazzjoni u t-tensjoni taċ-ċinga għandhom jitkejlu bl-apparat li jnaqqas it-tensjoni kemm meta qed jitħaddem u kif ukoll meta ma jkunx qed jitħaddem.

7.6.4.2.   Qabel it-test dinamiku deskritt fil-paragrafu 7.7 hawn taħt, il-manikin bilqiegħda, li jkun imlibbes bi qmis tal-qoton, għandu jiġi inklinat 'il quddiem sakemm tiġi rtirata biċċa ta' 350 mm taċ-ċinga mir-ritrattatur, u mbagħad jitħalla jmur lura għall-pożizzjoni inizjali.

7.7.   It-test dinamiku tal-assemblaġġ taċ-ċinturin jew tas-sistema tat-trażżin

7.7.1.   L-assemblaġġ taċ-ċinturin għandu jkun armat fuq troli mgħammar bis-sit u bl-ankraġġi ġenerali ddefiniti fil-Grafika 1 tal-Anness 6 ta' dan ir-Regolament. Madanakollu, jekk l-assemblaġġ taċ-ċinturin huwa maħsub għal vettura speċifika jew għal tipi speċifiċi ta' vettura, id-distanzi bejn il-manikin u l-ankraġġi għandhom ikunu ddeterminati mis-Servizz Tekniku li jagħmel it-testijiet, jew skont l-istruzzjonijiet għat-twaħħil provduti maċ-ċinturin jew skont id-dejta provduta mill-manifattur tal-vettura jekk iċ-ċinturin ikun mgħammar b'apparat ta' aġġustament għall-għoli taċ-ċinturin bħalma huwa ddefinit fil-paragrafu 2.14.6 hawn fuq, il-pożizzjoni tal-apparat u l-mezz biex jintrabat sew għandhom ikunu l-istess bħal dawk tad-disinn tal-vettura.

F'dak il-każ, meta jsir it-test dinamiku għal tip ta' vettura mhemmx għalfejn jiġi ripetut għal tipi oħra ta' vettura fejn kull punt ta' ankraġġ ikun inqas minn 50 mm 'il bogħod mill-punt ta' ankraġġ korrispondenti taċ-ċinturin ittestjat. Alternattivament, il-manifatturi jistgħu jiddeterminaw pożizzjonijiet ta' ankraġġ ipotetiċi għall-ittestjar sabiex jiġi inluż in-numru massimu tal-punti ta' ankraġġ reali.

7.7.1.1.   Fil-każ ta' ċinturin tas-sikurezza jew ta' sistema tat-trażżin li jifformaw parti minn assemblaġġ li għalih hija mitluba l-approvazzjoni tat-tip bħala sistema tat-trażżin, iċ-ċinturin tas-sikurezza għandu jiġi armat jew kif muri fil-paragrafu 7.7.1 jew fuq il-parti tal-istruttura tal-vettura li magħha normalment titwaħħal is-sistema tat-trażżin u din il-parti għandha tkun imwaħħla b'mod riġidu mat-troli tat-test bil-mod previst fil-paragrafi 7.7.1.2 sa 7.7.1.6 hawn taħt.

Fil-każ ta' ċinturin tas-sikurezza jew ta' sistema tat-trażżin b'apparati għat-tagħbija minn qabel li jistrieħu fuq il-partijiet komponenti għajr dawk li huma inkorporati fl-assemblaġġ taċ-ċinturin innifsu, l-assemblaġġ taċ-ċinturin għandu jiġi armat flimkien mal-partijiet addizzjonali meħtieġa tal-vettura fuq it-troli tat-test bil-mod previst fil-paragrafi 7.7.1.2 sa 7.7.1.6 hawn taħt.

Alternattivament, fil-każ fejn dawk l-apparati ma jistgħux jiġu ttestjati fuq it-troli tat-test, il-manifattur jista' juri, permezz ta' test konvenzjonali ta' impatt frontali b'50 km/h skont il-proċedura ISO 3560 (1975), li l-apparat jikkonforma mar-rekwiżiti tar-Regolament.

7.7.1.2.   Il-metodu użat biex il-vettura tkun marbuta sew matul it-test m'għandux ikun tali li jsaħħaħ l-ankraġġi tas-sits jew iċ-ċinturini tas-sikurezza jew inaqqas id-deformazzjoni normali tal-istruttura. M'għandha tkun preżenti l-ebda parti ta' quddiem tal-vettura li minħabba li tillimita l-moviment 'il quddiem tal-manikin, ħlief tas-sieq, tnaqqas it-tagħbija imposta fuq is-sistema tat-trażżin matul it-test. Il-partijiet tal-istruttura eliminati jistgħu jiġu sostitwiti b'partijiet ta' saħħa ekwivalenti sakemm ma jfixklux il-moviment 'il quddiem tal-manikin.

7.7.1.3.   Apparat li jorbot sew għandu jitqies bħala sodisfaċenti jekk ma jipproduċi l-ebda effett fuq erja li testendi tul il-wisa' kollha tal-istruttura u jekk il-vettura jew l-istruttura hija mblukkata jew marbuta fuq quddiem f'distanza ta' mhux inqas minn 500 mm mill-ankraġġ tas-sistema ta' trażżin. Fuq wara, l-istruttura għandha tintrabat sew f'distanza suffiċjenti lura mill-ankraġġi sabiex ikun żgurat li r-rekwiżiti tal-paragrafu 7.7.1.2 hawn fuq jiġu ssodisfati.

7.7.1.4.   Is-sits tal-vettura għandhom jitwaħħlu u jitqiegħdu fil-pożizzjoni għas-sewqan magħżula mis-Servizz Tekniku li jagħmel it-testijiet tal-approvazzjoni sabiex jiġu miksuba l-aktar kundizzjonijiet avversi għas-saħħa, kompatibbli mal-installazzjoni tal-manikin fil-vettura. Il-pożizzjonijiet tas-sits għandhom ikunu ddikjarati fir-rapport. Id-dahar tas-sit, jekk ikollu inklinazzjoni aġġustabbli, għandu jkun illokkjat kif speċifikat mill-manifattur jew, fin-nuqqas ta' kwalunkwe speċifikazzjoni, għal angolu tad-dahar tas-sit effettiv kemm jista' jkun qrib tal-25° fil-każ ta' vetturi tal-kategoriji M1 u N1 u kemm jista' jkun qrib il-15° fil-każ ta' vetturi tal-kategoriji l-oħra kollha.

7.7.1.5.   Għall-valutazzjoni tar-rekwiżiti fil-paragrafu 6.4.1.4.1 u 6.4.1.4.1.1, is-sit għandu jitqiegħed fil-pożizzjoni l-aktar 'il quddiem tas-sewqan li hija adattata għad-dimensjonijiet tal-manikin.

7.7.1.6.   Għall-valutazzjoni tar-rekwiżiti fil-paragrafi 6.4.1.4.1 u 6.4.1.4.1.2, l-aġġustament tas-sit għandu jkun:

7.7.1.6.1.

Għas-sits tal-passiġġieri ta' quddiem: l-okkupant ta' quddiem għandu jkun fil-pożizzjoni l-aktar 'il quddiem skont id-dimensjonijiet tal-manikin. Il-pożizzjonijiet tas-sits għandhom ikunu ddikjarati fir-rapport.

7.7.1.6.2.

Għas-sits ta' wara: Għal kwalunkwe pożizzjoni tat-test tal-okkupanti tas-sits ta' wara, il-pożizzjoni bilqiegħda ttestjata għandha titqies bħala ppożizzjonata skont il-Punt-R tas-sits jekk id-dahar tas-sit ikun aġġustabbli, l-angolu tad-dahar tas-sit għandu jiġi aġġustat Il-pożizzjoni bilqiegħda quddiem il-pożizzjoni bilqiegħda ttestjata għandha tiġi aġġustata għall-pożizzjoni tan-nofs, kemm għad-distanza minn quddiem kif ukoll għall-għoli, inkella fil-pożizzjoni llokjata l-eqreb lejn in-nofs jekk id-dahar ta' dan is-sit ikun aġġustabbli, l-angolu tad-dahar tas-sit għandu jiġi aġġustat permezz ta' magna 3-D H Punt, bl-angolu tat-torsi qrib kemm jista' jkun għal 10°. Tista' tingħata prova ta' dan permezz ta' contour fuq CAD jew tpinġija tas-sitwazzjoni fil-vettura.

7.7.1.7.   Alternattivament għall-paragrafi 7.7.1.5 u 7.7.1.6, fil-każ fejn dawk l-apparati ma jistgħux jiġu ttestjati fuq it-troli tat-test, il-manifattur jista' juri, permezz ta' test konvenzjonali ta' impatt frontali b'50 km/h skont il-proċedura ISO 3560 (2013), li l-apparat jikkonforma mar-rekwiżiti ta' dan ir-Regolament.

7.7.1.8.   Is-sits kollha ta' kwalunkwe grupp ta' sits għandhom jiġu ttestjati fl-istess ħin.

7.7.1.9.   It-testijiet dinamiċi tas-sistema taċ-ċinturin f'għamla ta' harness għandhom isiru mingħajr iċ-ċinga ta' bejn il-koxox (assemblaġġ), jekk din teżisti.

7.7.2.   L-assemblaġġ taċ-ċinturin għandu jitwaħħal mal-manikin fl-Anness 7 ta' dan ir-Regolament kif ġej: tavla bi ħxuna ta' 25 mm għandha titqiegħed bejn id-dahar tal-manikin u d-dahar tas-sit. Iċ-ċinturin għandu jiġi aġġustat sew mal-manikin. It-tavla mbagħad għandha titneħħa sabiex it-tul kollu ta' dahru jkun f'kuntatt mad-dahar tas-sit. Għandu jsir kontroll biex ikun żgurat li l-mod li bih jaqbdu ma xulxin iż-żewġ partijiet tal-bokkla ma jinvolvi l-ebda riskju ta' tnaqqis fl-affidabilità tal-illokkjar.

7.7.3.   It-truf ħielsa taċ-ċineg għandhom jestendu biżżejjed lil hinn mill-apparati ta' aġġustament biex jippermettu ż-żliq.

7.7.4.   Mekkaniżmi ta' deċellerazzjoni jew aċċellerazzjoni

L-applikant għandu jagħżel li juża wieħed minn dawn iż-żewġ mekkaniżmi:

7.7.4.1.   Il-mekkaniżmu tat-test tad-deċellerazzjoni

It-troli għandu jiġi mbuttat b'tali mod li fil-mument tal-impatt il-veloċità tal-ġiri ħieles tiegħu tkun ta' 50 km/h ± 1 km/h u l-manikin jibqa' stabbli. Id-distanza ta' waqfien tat-troli għandha tkun ta' 40 cm ± 5 cm. It-trolì għandu jibqa' orizzontali matul id-deċellerazzjoni. Id-deċellerazzjoni tat-troli għandha tinkiseb billi jintuża l-apparat deskritt fl-Anness 6 ta' dan ir-Regolament jew kwalunkwe apparat ieħor li jagħti riżultati ekwivalenti. Dan l-apparat għandu jkun konformi mal-prestazzjoni speċifikata hawnhekk:

Il-kurva tad-deċellerazzjoni tat-troli mgħobbi b'massa inerti biex tkun prodotta massa totali ta' 455 kg ± 20 kg għat-testijiet taċ-ċinturini tas-sikurezza u ta' 910 kg ± 40 kg għat-testijiet tas-sistemi ta' trażżin fejn il-massa nominali tat-troli u tal-istruttura tal-vettura tkun ta' 800 kg trid tibqa' fl-erja skura tal-graff fl-Anness 8 jekk ikun meħtieġ, il-massa nominali tat-troli u tal-istruttura tal-vettura mqabbda miegħu tista' tiġi miżjuda b'inkrementi ta' 200 kg, f'liema każ, għandha tiġi miżjuda massa inerti addizzjonali ta' 28 kg għal kull inkrement. Il-massa totali tat-troli u tal-istruttura tal-vettura u l-mases inerti fl-ebda każ m'għandhom ivarjaw mill-valur nominali għat-testijiet ta' kalibrazzjoni b'aktar minn ± 40 kg. Matul il-kalibrazzjoni tal-apparat tat-twaċċif, il-veloċità tat-troli għandha tkun ta' 50 km/h ± 1 km/h u d-distanza tal-waqfien għandha tkun ta' 40 cm ± 2 cm.

7.7.4.2.   L-apparat tat-test tal-aċċellerazzjoni

It-troli għandu jingħata propulsjoni sabiex il-bidla totali tal-veloċità ΔV tkun 51 km/h

km/h. It-troli għandu jibqa' orizzontali matul l-aċċellerazzjoni. L-aċċellerazzjoni tat-troli għandha tintlaħaq bl-użu tal-apparat li jikkonforma mal-prestazzjoni msemmija hawnhekk:

Il-kurva tal-aċċellerazzjoni tat-troli, mgħobbi b'massa inerti, għandha tibqa' fil-parti skura tal-graff fl-Anness 8, u tibqa' 'l fuq mis-segment definit mill-koordinati 10 g, 5 ms u 20 g, 10 ms. Il-bidu tal-impatt (T0) huwa definit, skont ISO 17 373 (2005) għal livell ta' aċċellerazzjoni ta' 0,5 g. Il-massa totali tat-troli u l-istruttura tal-vettura u l-mases interti fl-ebda każ ma għandhom ikunu differenti mill-valur nominali għat-testijiet tal-kalibrar b'iktar minn ± 40 kg. Waqt l-ikkalibrar tat-tagħmir tat-test tal-aċċellerazzjoni, il-bidla totali tal-veloċità tat-troli ΔV għandha tkun 51 km/h

km/h

Minkejja li jkunu ġew issodisfati r-rekwiżiti ta' hawn fuq, is-Servizz Tekniku għandu juża massa ta' troli (mgħammar bis-sit tiegħu), kif speċifikat fil-paragrafu 1 tal-Anness 6, ikbar minn 380 kg.

7.7.5.   Il-veloċità tat-troli immedjatament qabel l-impatt (għat-trolis tad-deċellerazzjoni biss, meħtieġa għall-kalkolu tad-distanza tat-twaqqif) għandhom jitkejlu l-aċċellerazzjoni jew id-deċellerazzjoni tat-troli, l-ispostament 'il quddiem tal-manikin u l-veloċità tas-sider bi spostament ta' 300 mm tas-sider.

Il-bidla tal-veloċità tiġi kkalkulata bl-integrazzjoni tal-aċċellerazzjoni jew id-deċellerazzjoni rrekordjata tat-troli.

Id-distanza biex jinkisbu l-ewwel 50 km/h

tal-bidla tal-veloċità tat-troli tista tiġi kkalkulata bl-integrazzjoni doppja tad-deċellerazzjoni rrekordjata tat-troli.

7.7.6.   Wara l-impatt, l-assemblaġġ taċ-ċinturin jew is-sistema tat-trażżin u l-partijiet riġidi tiegħu/tagħha, għandhom jiġu spezzjonati b'mod viżwali, mingħajr ma tinfetaħ il-bokkla, biex jiġi ddeterminat jekk kienx hemm xi ħsara jew ksur. Fil-każ tas-sistemi ta' trażżin, wara t-test, għandu jiġi aċċertat ukoll jekk il-partijiet tal-istruttura tal-vettura li huma mwaħħla mat-troli saritilhomx xi deformazzjoni permanent viżibbli jekk hemm xi deformazzjoni ta' din ix-xorta, din għandha titqies fi kwalunkwe kalkolu li jsir skont il-paragrafu 6.4.1.4.1 hawn fuq.

7.7.7.   Madankollu, jekk it-testijiet saru b'veloċità ogħla u/jew il-kurva tal-aċċellerazzjoni qabżet il-livell massimu tal-parti skura u ċ-ċinturin tas-sikurezza jissodisfa r-rekwiżiti, it-test għandu jitqies bħala wieħed sodisfaċenti.

7.8.   It-test tal-ħall tal-bokkla

7.8.1.   Għal dan it-test, għandhom jintużaw l-assemblaġġi taċ-ċinturin jew l-apparati ta' trażżin li diġà għaddew minn test dinamiku skont il-paragrafu 7.7 hawn fuq.

7.8.2.   L-assemblaġġ taċ-ċinturin għandu jitneħħa mit-troli tat-test mingħajr ma tinfetaħ il-bokkla. Għandha tiġi applikata tagħbija lill-bokkla permezz ta' trazzjoni diretta għaddejja miċ-ċineg marbuta magħha sabiex iċ-ċineg kollha jkunu soġġetti għal forza ta'

daN. (Huwa mifhum li n huwa n-numru taċ-ċineg mqabbda mal-bokkla meta tkun f'pożizzjoni msakkra.) Fil-każ fejn il-bokkla hija mqabbda ma' parti riġida, it-tagħbija għandha tiġi applikata bl-istess angolu bħal dak ifformat mill-bokkla u t-tarf riġidu matul it-test dinamiku. Għandha tiġi applikata tagħbija b'veloċità ta' 400 ± 20 mm/min fuq iċ-ċentru ġeometriku tal-buttuna li tiftaħ il-bokkla tul l-assi fiss parallel għad-direzzjoni inizjali tal-moviment tal-buttuna. Matul l-applikazzjoni tal-forza meħtieġa biex tinfetaħ il-bokkla, il-bokkla għandha tinżamm permezz ta' appoġġ riġidu. It-tagħbija kkwotata hawn fuq m'għandhiex teċċedi l-limitu indikat fil-paragrafu 6.2.2.5 hawn fuq. Il-punt ta' kuntatt tal-apparat tat-test għandu jkun sferiku fil-forma b'raġġ ta' 2,5 mm ± 0,1 mm. Għandu jkollu superfiċje tal-metall ileqq.

7.8.3.   Il-forza tal-ftuħ tal-bokkla għandha tiġi mkejla u kwalunkwe ħsara tal-bokkla nnotata.

7.8.4.   Wara t-test tal-ftuħ tal-bokkla, il-komponenti tal-assemblaġġ taċ-ċinturin jew tas-sistema tat-trażżin li jkunu ġew soġġetti għat-testijiet previsti fil-paragrafu 7.7 hawn fuq għandhom jiġu spezzjonati u l-grad ta' ħsara sostnut mill-assemblaġġ taċ-ċinturin jew mill-apparat ta' trażżin matul it-test dinamiku għandu jiġi rreġistrat fir-rapport tat-test.

7.9.   It-testijiet addizzjonali fuq iċ-ċinturini tas-sikurezza b'apparati għat-tagħbija minn qabel

7.9.1.   L-ikkundizzjonar

L-apparat għat-tagħbija minn qabel jista' jiġi sseparat miċ-ċinturin tas-sikurezza li jkun se jiġi ttestjat u jinżamm għal 24 siegħa f'temperatura ta' 60° ± 5 °C. It-temperatura mbagħad għandha tittella' għal 100 ± 5 °C għal sagħtejn. Imbagħad għandha tinżamm għal 24 siegħa f'temperatura ta' – 30 ± 5 °C. Wara li jitneħħa mill-ikkundizzjonar, l-apparat għandu jisħon għat-temperatura ambjentali Jekk ikun ġie separat għandu jerġa' jiġi mwaħħal maċ-ċinturin tas-sikurezza.

7.10.   Rapport tat-test

7.10.1.   Ir-rapport tat-test għandu jirreġistra r-riżultati tat-testijiet kollha fil-paragrafu 7 ta' hawn fuq u b'mod partikolari:

(a)	It-tip ta' apparat użat għat-test (l-apparat tal-aċċellerazzjoni jew tad-deċellerazzjoni);

(b)	Il-bidla totali tal-veloċità;

(c)	Il-veloċità tat-troli immedjatament qabel l-impatt - esklussivament għat-trolis tad-deċellerazzjoni;

(d)	Il-kurva tal-aċċellerazzjoni jew tad-deċellerazzjoni matul il-bidla kollha tal-veloċità tat-troli;

(e)	L-ispostament massimu 'l quddiem tal-manikin;

(f)	Il-post – jekk jista' jinbidel – okkupat mill-bokkla matul it-test;

(g)	Il-forza tal-ftuħ tal-bokkla;

(h)	Kull falliment jew ksur.

(i)	Għal kwalunkwe sistema ta' trażżin apparti dik tas-sewwieq, il-contour tal-kuntatt għandu jiġi evalwat skont il-moviment tal-manikin fis-sled mis-servizz tekniku f'dan ir-rapport.

Jekk skont il-paragrafu 7.7.1 il-pożizzjoni tal-ankraġġi prevista fl-Anness 6 ta' dan ir-Regolament ma tkunx ġiet rispettata, ir-rapport tat-test għandu jiddeskrivi kif l-assemblaġġ taċ-ċinturin jew is-sistema tat-trażżin kienet installata u għandu jispeċifika l-angoli u d-dimensjonijiet importanti.

8.   REKWIŻITI LI JIKKONĊERNAW L-INSTALLAZZJONI FIL-VETTURA

8.1.   Tagħmir taċ-ċinturin tas-sikurezza u s-sistemi tat-trażżin

8.1.1.   Bl-eċċezzjoni tas-sits maħsuba esklussivament għall-użu meta l-vettura tkun wieqfa, is-sits tal-vetturi tal-kategoriji M1, M2 (tal-Klassi III jew B (8)), M3 (tal-Klassi III jew B) u N għandhom ikunu mgħammra biċ-ċinturini tas-sikurezza jew is-sistemi tat-trażżin li jissodisfaw ir-rekwiżiti ta' dan ir-Regolament.

Il-Partijiet Kontraenti li japplikaw dan ir-Regolament jistgħu jitolbu l-installazzjoni taċ-ċinturini tas-sikurezza fuq vetturi M2 u M3 tal-Klassi II.

Meta jkunu ffittjati, iċ-ċinturini tas-sikurezza u/jew is-sistemi tat-trażżin f'vetturi tal-Klassi I, II jew A li jagħmlu parti mill-kategorija M2 jew M3 għandhom ikunu konformi mar-rekwiżiti ta' dan ir-Regolament.

Il-Partijiet Kontraenti jistgħu, skont il-liġi nazzjonali, jippermettu l-installazzjoni taċ-ċinturini tas-sikurezza jew tas-sistemi tat-trażżin li ma jkunux dawk koperti minn dan ir-Regolament sakemm ikunu maħsuba għal persuni b'diżabilità.

Is-sistemi tat-trażżin li jikkonformaw mad-dispożizzjonijiet tal-Anness 8 tas-serje ta' emendi 02 għar-Regolament Nru 107 huma eżentati mid-dispożizzjonijiet ta' dan ir-Regolament.

Vetturi tal-Klassi I, jew A li jagħmlu parti mill-kategorija M2 jew M3 jistgħu jiġu ffittjati b'ċinturini tas-sikurezza u/jew sistemi tat-trażżin konformi mar-rekwiżiti ta' dan ir-Regolament.

Vetturi li jappartjenu għall-kategorija M2 jew M3 biss jistgħu jiġu attrezzati b'sistemi ta' trażżin li jinkludu apparat għall-aġġustament tal-ispalla flessibbli fir-rigward tal-għoli (paragrafu 2.14.7.).

8.1.2.   It-tipi ta' ċinturini tas-sikurezza jew ta' sistemi ta' trażżin għal kull pożizzjoni bilqiegħda fejn hija meħtieġa l-installazzjoni għandhom ikunu dawk speċifikati fl-Anness 16 (li magħhom ma jistgħu jintużaw la ritrattaturi li ma jillokkjawx (il-para. 2.14.1) u lanqas ritrattaturi li jerħu ċ-ċinturin b'mod manwali (il-para. 2.14.2). Għall-pożizzjonijiet bilqiegħda kollha fejn fl-Anness 16 jiġu speċifikati ċ-ċinturini ta' fuq il-ħoġor tat-tip B, jiġu permessi ċ-ċinturini ta' fuq il-ħoġor tat-tip Br3 ħlief fil-każ li, waqt l-użu, jinġibdu lura sa tali punt li jnaqqsu ferm il-kumdità wara l-qfil bil-bokkla b'mod normali.

8.1.2.1.   Madankollu, għal pożizzjonijiet bilqiegħda fuq in-naħa ta' barra, għajr dawk fuq quddiem, ta' vetturi tal-kategorija N1 murija fl-Anness 16 u mmarkati bis-simbolu Ø, l-installazzjoni ta' ċinturin ta' fuq il-ħoġor Br4m jew Br4Nm hija permessa, fejn jeżisti passaġġ bejn is-sit u l-eqreb naħa tal-ħajt tal-ġenb tal-vettura maħsub biex jippermetti l-aċċess lill-passiġġieri għal partijiet oħra tal-vettura. Spazju bejn sit u l-ħajt tal-ġenb jitqies passaġġ, jekk id-distanza bejn dak il-ħajt tal-ġenb, bil-bibien kollha magħluqa, u pjan lonġitudinali vertikali li jgħaddi mil-linja ċentrali tas-sit ikkonċernat – imkejjel fil-pożizzjoni tal-punt R u b'mod perpendikolari mal-pjan medjan lonġitudinali tal-vettura – tkun iktar minn 500 mm.

8.1.3.   Fejn ma jkun meħtieġ l-ebda ċinturin tas-sikurezza, jista' jiġi provdut kwalunkwe tip ta' ċinturin tas-sikurezza jew ta' sistema tat-trażżin li jikkonforma ma' dan ir-Regolament skont l-għażla tal-manifattur. Ċinturini tat-tip A tat-tipi permessi fl-Anness 16 jistgħu jiġu provduti bħala alternattiva għaċ-ċinturini ta' fuq il-ħoġor għal dawk il-pożizzjonijiet bilqiegħda fejn iċ-ċinturini ta' fuq il-ħoġor jiġu speċifikati fl-Anness 16.

8.1.4.   Fuq iċ-ċinturini bi tliet punti mgħammra bir-ritrattaturi, ritrattatur wieħed għandu jaħdem mill-inqas fuq iċ-ċinga dijagonali.

8.1.5.   Ħlief għall-vetturi tal-kategorija M1, jista' jiġi permess ritrattatur li jillokkja f'emerġenza tat-tip 4N (il-para. 2.14.5) minflok ritrattatur tat-tip 4 (il-para. 2.14.4) fejn intwera għas-sodisfazzjon tas-servizzi responsabbli mit-testijiet li ma jkunx prattiku li jitwaħħal ritrattatur tat-tip 4.

8.1.6.   Għall-pożizzjonijiet bilqiegħda ta' quddiem fuq in-naħa ta' barra u ta' quddiem fin-nofs murija fl-Anness 16 u mmarkati bis-simbolu *, iċ-ċinturini ta' fuq il-ħoġor tat-tip speċifikat f'dak l-Anness għandhom jitqiesu adegwati fejn il-windskrin jinsab 'il barra miż-żona ta' referenza ddefinita fl-Anness 1 għar-Regolament Nru 21.

Fir-rigward iċ-ċinturini tas-sikurezza, il-windskrin jitqies bħala parti miż-żona ta' referenza meta jkun possibbli li jidħol f'kuntatt statiku mal-apparat tat-test skont il-metodu deskritt fl-Anness 1 għar-Regolament Nru 21.

8.1.7.   Għal kull pożizzjoni bilqiegħda fl-Anness 16 immarkata bis-simbolu ߦ, għandhom jiġu provduti ċinturini bi tliet punti ta' tip speċifikat fl-Anness 16 ħlief jekk waħda mill-kundizzjonijiet li ġejjin tkun issodisfata, f'liema każ jistgħu jiġu provduti ċinturini b'żewġ punti ta' tip speċifikat fl-Anness 16.

8.1.7.1.   Hemm sit jew partijiet oħra mill-vettura li jikkonforma mal-paragrafu 3.5 tal-Appendiċi 1 għar-Regolament Nru 80 direttament quddiem, jew

8.1.7.2.   L-ebda parti mill-vettura ma hi jew tista' tkun fiż-żona ta' referenza meta l-vettura tkun miexja, jew

8.1.7.3.   Partijiet mill-vettura fiż-żona ta' referenza msemmija jikkonformaw mar-rekwiżiti tal-assorbiment tal-enerġija stabbiliti fl-Appendiċi 6 għar-Regolment Nru 80.

8.1.8.   Kull pożizzjoni bilqiegħda għal passiġġier li hija mgħammra b'airbag għall-protezzjoni frontali għandha tkun provduta bi twissija kontra l-użu ta' trażżin tat-tfal li jħares lura f'dik il-pożizzjoni bilqiegħda. Mill-inqas, din l-informazzjoni għandha tikkonsisti f'tikketta li tinkludi pittogrammi ċari ta' twissija kif indikat hawn taħt.

L-immaġni tal-Pittogramma jridu jkunu ragruppati, eżatti jew ikbar, kif ukoll bil-kuluri speċifikati, aħmar, iswed u abjad

Simboli ta' fuq suwed, bi sfond isfar jew oranġjo ċar

Sfond abjad

Sfond abjad

Linja ta' barra tat-tikketta, linji vertikali u orizzontali suwed

Pittogramma skont ISO 2575:2004 - Z.01 għandha tkun eżatta jew ikbar, kif ukoll bil-kuluri speċifikati, aħmar, iswed u abjad

Id-dimensjonijiet kumplessivi jridu jkunu tal-inqas 120 × 60 mm jew l-erja ekwivalenti.

It-tikketa murija hawn fuq tista' tiġi adattata b'tali mod li t-tqassim tal-informazzjoni jkun differenti mill-eżempju ta' hawn fuq; madankollu, il-kontenut tat-test għandu jissodisfa dawn ir-rekwiżiti.

8.1.9.   Fil-każ ta' airbag għall-protezzjoni frontali fis-sit ta' quddiem tal-passiġġier, it-twissija għandha titwaħħal b'mod permanenti ma' kull faċċata tal-viżiera tax-xemx ta' quddiem tal-passiġġier f'tali pożizzjoni li mill-inqas twissija waħda fuq il-viżiera tax-xemx tkun viżibbli f'kull ħin, irrispettivament mill-pożizzjoni tal-viżiera tax-xemx. Alternattivament, twissija waħda għandha tkun fuq il-faċċata viżibbli tal-viżiera tax-xemx mitwija u twissija oħra għandha tkun fuq is-saqaf wara l-viżiera, ħalli, tal-inqas twissija waħda tkun viżibbli f'kull ħin. Ma għandux ikun possibbli li din it-tikketta ta' twissija titneħħa faċilment mill-viżiera u mis-saqaf mingħajr ma jsir dannu evidenti u viżibbli b'mod ċar lill-viżiera jew lis-saqaf fil-ġewwieni tal-vettura.

Jekk il-vettura ma jkollhiex viżiera tax-xemx jew saqaf, it-tikketta ta' twissija għandha titqiegħed f'post fejn ikun viżibbli b'mod ċar f'kull ħin.

Fil-każ ta' airbag għall-protezzjoni frontali għal sits oħra fil-vettura, it-twissija għandha tkun eżattament bi dritt is-sit rilevanti, u viżibbli sew u f'kull ħin għal min jistalla trażżin tat-tfal li jħares lura fuq dak is-sit. Ir-rekwiżiti ta' dan il-paragrafu u tal-paragrafi 8.1.8 ma japplikawx għal dawk il-pożizzjonijiet tas-sits mgħammra b'apparat li awtomatikament jiddiżattiva l-assemblaġġ tal-airbag għall-protezzjoni frontali meta jkun installat kwalunkwe trażżin tat-tfal li jħares lura.

8.1.10.   Għandha tiddaħħal informazzjoni dettaljata li tirreferi għat-twissija fil-manwal ta' sid il-vettura; bħala minimu, it-test li ġej fil-lingwi uffiċjali kollha tal-pajjiż jew tal-pajjiżi fejn il-vettura tista' raġonevolment tkun mistennija li tiġi reġistrata (eż fit-territorju tal-Unjoni Ewropea, il-Ġappun, il-Federazzjoni Russa jew New Zealand, eċċ.), għandu jinkludi mill-inqas:

It-test għandu jkun akkumpanjat bi stampa tat-tikketta tat-twissija kif tidher fil-vettura. L-informazzjoni trid tkun waħda li tinstab faċilment fil-manwal ta' sid il-vettura (eż jkun hemm referenza speċifika għall-informazzjoni stampata fl-ewwel paġna, ikun hemm marka li tidentifika l-paġna jew ktejjeb separat, eċċ.).

Ir-rekwiżiti ta' dan il-paragrafu ma japplikawx għal dawk il-vetturi fejn il-pożizzjonijiet kollha tas-sits tal-passiġġieri jkunu mgħammra b'apparat li jiddiżattiva awtomatikament l-assemblaġġ tal-airbag għall-protezzjoni frontali meta jkun installat it-trażżin tat-tfal li jħares lura.

8.1.11.   Fil-każ ta' sits li jistgħu jiddawru jew jitqiegħdu f'orjentazzjonijiet oħra, iddisinjati biex jintużaw meta l-vettura tkun wieqfa, ir-rekwiżiti tal-paragrafu 8.1.1 hawn fuq għandhom japplikaw biss għal dawk l-orjentazzjonijiet li huma maħsuba għal użu normali meta l-vettura tkun qed tivvjaġġa fi triq, skont dan ir-Regolament.

8.2.   Rekwiżiti ġenerali

8.2.1.   Iċ-ċinturini tas-sikurezza, sistemi ta' trażżin, u sistemi ISOFIX għat-trażżin tat-tfal kif ukoll is-sistemi i-Size għat-trażżin tat-tfal skont l-Anness 17 - Appendiċi 3, għandhom jitwaħħlu ma' ankraġġi u fil-każ ta' Sistemi i-Size għat-trażżin tat-tfal, appoġġati ma' superfiċje ta' kuntatt mal-art tal-vettura, konformi mal-ispeċifikazzjonijiet tar-Regolament Nru 14 jew ir-Regolament Nru 145, bħad-disinn u l-karatteristiċi dimensjonali, l-għadd ta' ankraġġi, u r-rekwiżiti ta' saħħa

8.2.2.   Iċ-ċinturini tas-sikurezza, sistemi ta' trażżin, u sistemi għat-trażżin tat-tfal rakkomandati mill-manifattur skont l-Anness 17 – Appendiċi 3, għandhom jiġu installati b'tali mod li jaħdmu b'mod sodisfaċenti u jnaqqsu r-riskju ta' korrimenti fiżiċi fil-każ ta' aċċident b'mod partikolari, għadhom jiġu installati b'tali mod li:

8.2.2.1.

Iċ-ċineg ma jkunux jistgħu jassumu konfigurazzjoni perikoluża;

8.2.2.2.

Il-periklu li ċinturin imqiegħed f'pożizzjoni korretta jiżloq minn fuq l-ispalla ta' min jilbsu minħabba l-moviment 'il quddiem tiegħu/tagħha jitnaqqas għal minimu.

8.2.2.3.

Ir-riskju li ċ-ċinga tiddeterjora permezz ta' kuntatt mal-partijiet tal-vettura jew tal-istruttura tas-sit li jaqtgħu, u s-sistemi ta' trażżin tat-tfal irrakkomandati mill-manifattur skont l-Anness 17 – Appendiċi 3, jitnaqqas għal minimu.

8.2.2.4.

Id-disinn u l-installazzjoni ta' kull ċinturin tas-sikurezza provdut għal kull pożizzjoni bilqiegħda għandhom ikunu tali li jkunu disponibbli malajr għall-użu barra minn hekk, fejn is-sit komplut jew il-kuxin tas-sit u/jew id-dahar tas-sit jistgħu jintlewew sabiex ikun hemm aċċess għall-parti ta' wara tal-vettura jew għall-oġġetti jew għall-kompartiment tal-bagalji, wara li dawk is-sits jintlewew u jitreġġgħu għall-pożizzjoni bilqiegħda, iċ-ċinturini tas-sikurezza provduti għal dawk is-sits għandhom ikunu aċċessibbli għall-użu jew jistgħu jiġu rkuprati faċilment minn taħt jew minn wara s-sit, minn persuna waħda, skont l-istruzzjonijiet fil-manwal tal-utent tal-vettura, mingħajr ma jkun hemm għalfejn li dik il-persuna tingħata taħriġ jew tkun ipprattikat.

8.2.2.5.

Is-Servizz Tekniku għandu jivverifika li, bl-ilsien tal-bokkla mdaħħal fil-bokkla: 8.2.2.5.1. Il-laxkezza possibbli fiċ-ċinturin ma tipprevjenix l-installazzjoni korretta tas-sistemi ta' trażżin tat-tfal irrakkomandata mill-manifattur, u 8.2.2.5.2. Fil-każ ta' ċinturini bi tliet punti, fis-sezzjoni ta' fuq il-ħoġor taċ-ċinturin tista' tiġi stabbilita tensjoni ta' mill-inqas 50 N permezz tal-applikazzjoni esterna tat-tensjoni fis-sezzjoni dijagonali taċ-ċinturin, meta jkunu ppożizzjonati: (a) Fuq manikin ta' daqs ta'10 snin kif speċifikat fl-Anness 8, l-Appendiċi 1 tar-Regolament Nru 44 u stipulat skont l-Anness 17, l-Appendiċi 4 tar-Regolament preżenti; jew (b) fuq il-fixture speċifikata fl-Anness 17, Appendiċi 1, il-Grafika 1 tar-Regolament preżenti għas-sits li jippermettu l-installazzjoni ta' apparat għat-trażżin tat-tfal ta' kategorija universali.

8.3.   Ir-rekwiżiti speċjali għall-partijiet riġidi inkorporati fiċ-ċinturini tas-sikurezza jew fis-sistemi ta' trażżin

8.3.1.   Il-partijiet riġidi, bħall-bokkli, l-apparati ta' aġġustament u ż-żidiet, m'għandhomx iżidu r-riskju ta' feriment fiżiku għal min jilbishom jew għall-okkupanti l-oħra tal-vettura fil-każ ta' aċċident.

8.3.2.   L-apparat biex tinfetaħ il-bokkla għandu jkun viżibbli b'mod ċar għal min jilbsu u li jista' jintlaħaq faċilment u għandu jkun iddisinjat b'tali mod li ma jistax jinfetaħ b'mod involontarju jew aċċidentali. Il-bokkla wkoll għandha tkun f'tali pożizzjoni li tkun faċilment aċċessibbli għal persuna li jkollha l-ħtieġa li teħles lil min jilbisha biex issalvah f'każ ta' emerġenza.

Il-bokkla għandha tkun installata b'tali mod li, kemm meta ma tkunx mgħobbija u kemm meta tkun qed issostni l-massa ta' min jilbisha, tkun kapaċi tinfetaħ minn min jilbisha b'moviment wieħed sempliċi ta' kwalunkwe waħda mill-idejn f'direzzjoni waħda.

Fil-każ ta' ċinturini tas-sikurezza jew ta' sistemi ta' trażżin għal pożizzjonijiet bilqiegħda fuq quddiem fuq in-naħa ta' barra, ħlief meta dawn ikunu ċinturini f'għamla ta' harness, il-bokkla għandha tkun ukoll tista' tiġi llokkjata bl-istess mod.

Għandu jsir kontroll biex ikun żgurat li, jekk il-bokkla tkun f'kuntatt ma' min jilbisha, il-wisa' tas-superfiċje ta' kuntatt ma tkunx inqas minn 46 mm.

Għandu jsir kontroll biex ikun żgurat li, jekk il-bokkla tkun f'kuntatt ma' min jilbisha, is-superfiċje ta' kuntatt tissodisfa r-rekwiżiti tal-paragrafu 6.2.2.1 ta' dan ir-Regolament.

8.3.3.   Meta dan iċ-ċinturin ikun qed jintlibes, għandu jew jaġġusta awtomatikament biex joqgħod sew fuq min jilbsu jew ikun iddisinjat b'tali mod li l-apparat ta' aġġustament manwali jkun aċċessibbli malajr għal min jilbsu meta jkun bilqiegħda u jkun konvenjenti u faċli biex jintuża. Għandu wkoll ikun possibbli li jiġi ssikkat b'id waħda biex jiġi adattat għall-binja ta' ġisem min jilbsu u għall-pożizzjoni tas-sit tal-vettura.

8.3.4.   Iċ-ċinturini tas-sikurezza jew is-sistemi ta' trażżin li jinkorporaw ir-ritrattaturi għandhom ikunu installati b'tali mod li r-ritrattaturi ikunu jistgħu jaħdmu b'mod korrett u jkebbu iċ-ċinga b'mod effiċjenti. Kemm fil-każ ta' apparat għall-aġġustament taċ-ċinturin kif ukoll ta' apparat għall-aġġustament tal-ispalla flessibbli fir-rigward tal-għoli, għallinqas fl-ogħla pożizzjoni u f'dik l-aktar baxxa, għandhom isiru kontrolli li r-ritrattatur jaġġusta ċ-ċinga awtomatikament għall-ispalla tal-utent wara li jaqfilha, kif ukoll li l-ilsien tal-bokkla jinġibed lura meta ċ-ċinga tinħall.

8.3.5.   Sabiex l-utent(i) tal-vettura jkun(u) informat(i) bid-dispożizzjonijiet li saru għat-trasport tat-tfal, il-vetturi tal-Kategoriji M1, M2, M3 u N1 għandhom jissodisfaw ir-rekwiżiti tal-informazzjoni tal-Anness 17. Kwalunkwe vettura tal-Kategorija M1 għandha tiġi mgħammra b'pożizzjonijiet ISOFIX, skont ir-rekwiżiti rilevanti tar-Regolament Nru 14 jew ir-Regolament Nru 145.

L-ewwel pożizzjoni ISOFIX għandha tippermetti għallinqas l-installazzjoni ta' waħda mit-tliet fixtures li jħarsu 'l quddiem kif definita fl-Appendiċi 2 tal-Anness 17; it-tieni pożizzjoni ISOFIX għandha tippermetti għallinqas l-installazzjoni ta' fixture waħda li tħares lura kif definit fl-Appendiċi 2 tal-Anness 17. Għal din it-tieni pożizzjoni ISOFIX, fil-każ fejn l-installazzjoni tal-fixture li tħares lura ma tkunx possibbli fit-tieni ringiela ta' sits tal-vettura minħabba d-disinn tagħha, l-installazzjoni ta' fixture waħda tkun permessa fi kwalunkwe pożizzjoni fil-vettura.

8.3.6.   Kull pożizzjoni bilqiegħda i-Size għandha tippermetti l-installazzjoni ta' fixture ISOFIX għat-trażżin tat-tfal “ISO/F2X”, “ISO/R2”, u l-volum ta' valutazzjoni għall-istallazzjoni ta' sieq ta' appoġġ kif definit fl-Appendiċi 2 tal-Anness 17, kif ukoll fixture għal booster seat “ISO/B2” kif definit fl-Appendiċi 5 tal-Anness 17 mingħajr żidiet tal-ISOFIX (ara d-dettall B). Għandu jkun possibbli li l-pożizzjonijiet bilqiegħda i-Size kollha maġenb xulxin ikunu okkupati fl-istess ħin. Dan jitqies li jkun intwera meta l-pjani medjani vertikali ta' pożizzjonijiet individwali maġenb xulxin ikunu tal-anqas 440mm 'il boqgħod minn xulxin.

8.4.   Tagħmir tat-tfakkir taċ-ċinturin tas-sikurezza

8.4.1.   Rekwiżiti għall-pożizzjonijiet bilqiegħda speċifiċi u eżenzjonijiet

8.4.1.1.   Il-pożizzjoni bilqiegħda tas-sewwieq ta' kategoriji ta' vetturi M u N (9) kif ukoll il-pożizzjonijiet bilqiegħda tal-okkupanti tas-sits fl-istess ringila bħas-sit tas-sewwieq ta' kategoriji ta' vetturi M u N għandhom ikunu mgħammra bi tfakkir għall-qfil taċ-ċinturin tas-sikurezza li tissodisfa r-rekwiżiti tal-paragrafu 8.4.3.

8.4.1.2.   Il-pożizzjonijiet kollha bilqiegħda tar-ringiela/ringieli ta' sits ta' wara ta' vetturi tal-kategorija M1 u N1  (9) għandhom ikunu mgħammra bi tfakkir għall-qfil taċ-ċinturin tas-sikurezza li tissodisfa r-rekwiżiti tal-paragrafu 8.4.4.

Fejn il-manifattur tal-vettura jipprovdi sistema ta' tfakkir għall-qfil taċ-ċinturin tas-sikurezza f'kategorija ta' vetturi differenti, is-sistema ta' tfakkir għall-qfil taċ-ċinturin tas-sikurezza tista' tiġi approvata skont dan ir-Regolament

8.4.1.3.   Tfakkira għall-qfil taċ-ċinturin tas-sikurezza mhix obbligatorja għas-sits li jintwew (i.e. li s-soltu jkunu mitwija u li huma maħsuba għall-użu okkażjonali, eż sits li jintwew għall-ekwipaġġ fil-karozzi tal-linja u l-coaches) kif ukoll għal pożizzjonijiet bilqiegħda mgħammra b'ċinturin S-type (inkluż ċinturin forma ta' Harness).

Minkejja l-paragrafi 8.4.1.1 u 8.4.1.2 hawn fuq, it-tfakkiriet għall-qfil taċ-ċinturini tas-sikurezza lanqas ma huma meħtieġa għas-sits ta' wara f'ambulanzi, karozzi tal-mejtin, u campers motorizzati kif ukoll għas-sits kollha ta' vetturi użati fit-trasport ta' persuni b'diżabilità, vetturi maħsuba għall-użu mill-forzi armati, mid-difiża ċivili, mis-servizzi tat-tifi tan-nar u mill-forzi tal-ordni pubblika.

8.4.2.   Rekwiżiti ġenerali

8.4.2.1.   Twissija viżiva

8.4.2.1.1.   It-twissija viżiva għandha tkun f'post fejn tidher u tingħaraf faċilment mis-sewwieq, kemm binhar kif ukoll billejl, u tkun distinta minn twissijiet oħra.

8.4.2.1.2.   It-twissija viżiva għandha tkun indikatur operatorju kontinwu jew li jpetpet.

8.4.2.2.   Twissija akustika

8.4.2.2.1.   It-twissija akustika għandha tikkonsisti minn ħoss kontinwu jew intermittenti (il-pawsi m'għandhomx ikunu itwal minn sekonda) inkella ta' informazzjoni vokali kontinwa. Fejn tintuża l-informazzjoni vokali, il-manifattur tal-vettura għandu jiżgura li t-twissija tkun tista' ssir fil-lingwi kollha tas-suq li fih tkun se titqiegħed il-vettura.

8.4.2.2.2.   It-twissija akustika għandha tkun rikonoxxibbli faċilment mis-sewwieq.

8.4.2.3.   Twissija tal-ewwel livell

8.4.2.3.1.   It-twissija tal-ewwel livell għandha tkun tal-anqas twissija viżiva attivata għal 30 sekonda jew aktar għall-pożizzjonijiet bilqiegħda koperti mill-paragrafu 8.4.1.1 u għal 60 sekonda jew aktar għall-pożizzjonijiet bilqiegħda koperti mill-paragrafu 8.4.1.2 meta ċ-ċinturin tas-sikurezza ta' kwalunkwe wieħed mis-sits ma jkunx maqful u l-iswiċċ tal-ignition jew l-iswiċċ ta' kontroll ewlieni jkun attivat.

8.4.2.3.2.   It-twissija tal-ewwel livell tista' titwaqqaf meta

(i)	L-ebda wieħed miċ-ċinturini tas-sikurezza li skattaw it-twissija ma jkunu maħlula, jew

(ii)	Is-sit jew is-sits li skattaw it-twissija m'għadhomx okkupati.

8.4.2.3.3.   L-attivazzjoni tat-twissija tal-ewwel livell għandha tiġi ttestjata skont il-proċedura tat-test definita fl-Anness 18, il-paragrafu 1.

8.4.2.4.   Twissija tat-tieni livell

8.4.2.4.1.   It-twissija tat-tieni livell għandha tkun sinjal viżiv u akustiku, attivat għal mhux inqas minn 30 sekonda, mingħajr ma jitqiesu l-perjodi li fihom it-twissija tista' tieqaf għal 3 sekondi meta tal-anqas kundizzjoni waħda jew kombinazzjoni ta' kundizzjonijiet skont l-għażla tal-manifattur, kif stabbilit fil-paragrafi 8.4.2.4.1.1 sa 8.4.2.4.1.3, tiġi/jiġu ssodisfati. It-twissija tat-tieni livell għandha tkun aktar qawwija mit-twissija tal-ewwel livell meta t-twissija tal-ewwel livell tkun għadha attiva.

8.4.2.4.1.1.   Id-distanza misjuqa akbar mil-limitu tad-distanza. Il-limitu m'għandux jaqbeż il-500m. Id-distanza misjuqa meta l-vettura ma tkunx qed topera b'mod normali għandha tiġi eskluża.

8.4.2.4.1.2.   Il-veloċità tal-vettura akbar mil-limitu tal-veloċità. Il-limitu ma għandux jaqbeż il-25 km/h.

8.4.2.4.1.3.   Il-ħin ta' dewmien (magna mixgħula, sistema ta' propulsjoni attivata, eċċ.) huwa akbar mil-limitu tal-ħin ta' dewmien Il-limitu ma għandux jaqbeż 60 sekonda. Il-ħin ta' dewmien tat-twissija tal-ewwel livell u l-ħin ta' dewmien meta l-vettura ma tkunx qed topera b'mod normali għandu jiġi eskluż.

8.4.2.4.2.   Il-limiti li jiskattaw it-twissija tat-tfakkir għall-qfil taċ-ċinturini tas-sikurezza elenkati fil-paragrafi 8.4.2.4.1.1 sa 8.4.2.4.1.3, jistgħu jiġu ssettjati mill-ġdid meta:

(i)	Kwalunkwe waħda mill-bibien tkun infetħet waqt li l-vettura ma kinitx qed topera b'mod normali jew

(ii)	Is-sit jew is-sits li skattaw it-twissija m'għadhomx okkupati.

8.4.2.4.3.   It-twissija tat-tieni livell tista' titwaqqaf meta

(i)	L-ebda wieħed miċ-ċinturini tas-sikurezza li skattaw it-twissija ma jkunu maħlula,

(ii)	Il-vettura tieqaf topera b'mod normali, jew

(iii)

Is-sit jew is-sits li skattaw it-twissija m'għadhomx okkupati.

8.4.2.4.4.   It-twissija tat-tieni livell tista' titkompla għall-bqija tal-ħin meħtieġ meta kundizzjoni waħda jew kombinazzjoni ta' kundizzjonijiet skont l-għażla tal-manifattur, kif stabbilit fil-paragrafi 8.4.2.4.1.1 sa 8.4.2.4.1.3, tiġi/jiġu ssodisfati għal darb'oħra.

8.4.2.4.5.   Fil-każ li ċinturin tas-sikurezza jinħall skont il-paragrafi 8.4.3.3. u 8.4.4.5., il-limiti stabbiliti fil-paragrafi 8.4.2.4.1.1. sa 8.4.2.4.1.3. għandhom jitkejlu mill-mument li fih jinħall iċ-ċinturin.

8.4.2.4.6.   L-attivazzjoni tat-twissija tat-tieni livell għandha tiġi ttestjata skont il-proċedura tat-test definita fl-Anness 18, il-paragrafu 2.

8.4.3.   Tfakkir għall-qfil taċ-ċinturin tas-sikurezza għas-sewwieq u l-okkupanti tas-sits fl-istess ringiela bħas-sewwieq

8.4.3.1.   It-tfakkariet għall-qfil taċ-ċinturin tas-sikurezza għas-sewwieq u għall-okkupanti tas-sits fl-istess ringiela bħas-sewwieq għandhom jissodisfaw ir-rekwiżiti stabbiliti fil-paragrafu 8.4.2.

8.4.3.2.   Il-kulur u s-simbolu tat-twissija viżiva għandhom ikunu kif definit fil-punt 21 tat-Tabella 1 tar-Regolament Nru 121.

8.4.3.3.   It-twissija tat-tieni livell għandha tkun attivata meta ċinturin tas-sikurezza ikun maħlul inkella jinħall filwaqt li l-vettura tkun qed topera b'mod normali u filwaqt li kwalunkwe kundizzjoni waħda jew kombinazzjoni ta' kundizzjonijiet, skont l-għażla tal-manifattur, imsemmija fil-paragrafi 8.4.2.4.1.1 sa 8.4.2.4.1.3 tiġi ssodisfata

8.4.4.   Tfakkariet għall-qfil taċ-ċinturin tas-sikurezza tas-sits fir-ringiela/ringieli ta' wara.

8.4.4.1.   It-tfakkariet għall-qfil taċ-ċinturin tas-sikurezza għall-okkupanti tar-ringiela/ringieli ta' wara għandhom jissodisfaw ir-rekwiżiti stabbiliti fil-paragrafu 8.4.2.

8.4.4.2.   It-twissija viżiva għandha tindika tal-anqas il-pożizzjonijiet bilqiegħda kollha ta' wara biex is-sewwieq ikun jista' jagħraf, filwaqt li jkun qiegħed iħares 'il quddiem, bilqiegħda fis-sit tas-sewwieq, kull pożizzjoni bilqiegħda li ċ-ċinturin tas-sikurezza tagħha ma jkunx maqful. Għal vetturi li għandhom informazzjoni dwar l-istatus ta' okkupanza tas-sits ta' wara, it-twissija viżiva m'hemmx għalfejn tindika li ċ-ċinturini ma jkunux maqfula għal dawk is-sits li ma jkollhomx okkupanti.

8.4.4.3.   Il-kulur tat-twissija viżiva m'hemmx għalfejn ikun aħmar, u s-simbolu tat-twissija viżiva għaċ-ċinturini tas-sikurezza koperti mill-paragrafu 8.4.1.2 jista' jkollu simboli oħra apparti dawk definiti fir-Regolament Nru 121 barra minn hekk, it-twissija tal-ewwel livell ta' pożizzjonijiet bilqiegħda koperti mill-paragrafu 8.4.1.2 tista' tkun tali li tippermetti lis-sewwieq ineħħiha.

8.4.4.4.   Jista' jintuża indikatur operatorju komuni għaċ-ċinturini tas-sikurezza koperti mill-paragrafi 8.4.1.1 u 8.4.1.2.

8.4.4.5.   It-twissija tat-tieni livell għandha tkun attivata meta ċinturin tas-sikurezza jinħall filwaqt li l-vettura tkun qed topera b'mod normali u filwaqt li kwalunkwe kundizzjoni waħda jew kombinazzjoni ta' kundizzjonijiet, skont l-għażla tal-manifattur, imsemmija fil-paragrafi 8.4.2.4.1.1 sa 8.4.2.4.1.3 tiġi ssodisfata.

8.4.5.   It-tfakkir taċ-ċinturin tas-sikurezza jista' tiġi ddiżinjat biex jippermetti d-diżattivazzjoni.

8.4.5.1.   F'każ li tkun ipprovduta funzjoni ta' diżattivazzjoni temporanja, għandu jkun ferm aktar diffiċli li jiġi diżattivat it-tfakkir li għandu jinqafel iċ-ċinturin milli biex fil-fatt dan jinqafel (jiġifieri għandha tikkonsisti minn operazzjoni ta' kontrolli speċifiċi li mhumiex integrati fil-bokkla taċ-ċinturin tas-sigurezza) u din l-operazzjoni għandha tkun possibbli biss meta l-vettura tkun wieqfa. Meta l-iswiċċ tal-ignition jew l-iswiċċ ta' kontroll ewlieni jkun diżattivat għal aktar minn 30 minuta mbagħad jerġa' jiġi attivat, għandha tixgħel ukoll tfakkir temporanju biex jinqafel iċ-ċinturin tas-sikurezza. M'għandux ikun possibbli li tiġi pprovduta diżattivazzjoni temporanja tat-twissija/twissijiet viżiva/viżivi rilevanti.

8.4.5.2.   Fil-każ li tiġi pprovduta faċilità għal diżattivazzjoni fit-tul, din għandha tkun tirrikjedi sekwenza ta' operazzjonijiet biex tiġi diżattivata, u li jkunu mogħtija fid-dettall biss fil-manwal tekniku tal-manifattur u/jew li jirrikjedu l-użu ta' għodod (mekkaniċi, elettriċi, diġitali, eċċ.) li ma jingħatawx mal-vettura. M'għandux ikun possibbli li tiġi pprovduta diżattivazzjoni fit-tul tat-twissija/twissijiet viżiva/viżivi rilevanti.

9.   KONFORMITÀ TAL-PRODUZZJONI

Il-proċeduri għall-konformità tal-produzzjoni għandhom ikunu konformi ma' dawk stabbiliti fil-Ftehim, Appendiċi 2 (E/ECE/324-E/ECE/TRANS/505/Rev.2), skont dawn ir-rekwiżiti:

9.1.   Kull tip ta' vettura jew ċinturin ta' sikurezza jew sistema tat-trażżin approvat skont dan ir-Regolament għandu jkun immanifatturat b'tali mod li jikkonforma mat-tip approvat billi jissodisfa r-rekwiżiti stabbiliti fil-paragrafi 6, 7 u 8 t'aktar 'il fuq.

9.2.   Għandu jkun hemm konformità mar-rekwiżiti minimi għall-konformità tal-proċeduri tal-kontroll tal-produzzjoni stabbiliti fl-Anness 14 ta' dan ir-Regolament.

9.3.   L-Awtorità tal-Approvazzjoni tat-Tip li tat l-approvazzjoni tat-tip tista', fi kwalunkwe waqt, tivverifika l-metodi tal-kontroll tal-konformità applikati f'kull faċilità ta' produzzjoni. Il-frekwenza normali ta' dawn il-verifiki għandha tkun ta' darbtejn f'sena.

10.   PENALI GĦAN-NUQQAS TA' KONFORMITÀ TAL-PRODUZZJONI

10.1.   L-approvazzjoni mogħtija rigward vettura jew tip ta' ċinturin jew ta' sistema tat-trażżin tista' tiġi rtirata jekk ma jkunx hemm konformità mar-rekwiżit stabbilit fil-paragrafu 9.1 hawn fuq, jew jekk iċ-ċinturin(i) tas-sikurezza jew is-sistema/i ta' trażżin magħżul(a) ma jirnexxilux/jirnexxilhomx jgħaddi/u mill-kontrolli previsti fil-paragrafu 9.2 t'aktar 'il fuq.

10.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, din għandha minnufih tgħarraf b'dan lill-Partijiet Kontraenti l-oħra li japplikaw dan ir-Regolament permezz ta' formola tal-komunikazzjoni konformi mal-mudell fl-Anness 1A jew fl-Anness 1B ta' dan ir-Regolament (kif xieraq).

11.   IL-MODIFIKI U L-ESTENSJONI TAL-APPROVAZZJONI TAT-TIP TA' VETTURA JEW TAT-TIP TA' ĊINTURIN TAS-SIKUREZZA JEW TA' SISTEMA TAT-TRAŻŻIN

11.1.   Kull modifika tat-tip ta' vettura jew taċ-ċinturin jew tas-sistema tat-trażżin jew tat-tnejn li huma għandha tkun innotifikata lill-Awtorità tal-Approvazzjoni tat-Tip li tkun approvat it-tip ta'vettura jew it-tip ta' ċinturin tas-sikurezza jew ta' sistema tat-trażżin. L-Awtorità mbagħad tista':

11.1.1.

Tqis li l-modifiki li saru mhux probabbli li se jkollhom effett avvers apprezzabbli u li jkun x'ikun il-każ il-vettura jew iċ-ċinturin tas-sikurezza jew is-sistema ta' trażżin għadha tikkonforma mar-rekwiżiti; jew

11.1.2.

Kif ukoll tesiġi rapport ġdid ta' test mis-Servizz Tekniku inkarigat li jagħmel it-testijiet.

11.2.   Mingħajr preġudizzju għad-dispożizzjonijiet tal-paragrafu 11.1 hawn fuq, varjant tal-vettura li l-massa tagħha meta tkun lesta biex taħdem hija inqas minn dik tal-vettura li ġiet soġġetta għat-test tal-approvazzjoni m'għandux jitqies bħala modifika tat-tip ta' vettura.

11.3.   Il-konferma jew ir-rifjut tal-approvazzjoni, fejn jiġu speċifikati l-alterazzjonijiet, għandha tiġi kkomunikata bil-proċedura speċifikata fil-paragrafu 5.2.3 jew 5.3.3 ta' dan ir-Regolament lill-Partijiet għall-Ftehim li japplikaw dan ir-Regolament.

11.4.   L-Awtorità tal-Approvazzjoni tat-Tip li toħroġ l-estensjoni tal-approvazzjoni għandha tassenja numru tas-serje għal estensjoni bħal din u għandha tinforma b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta' formola ta' komunikazzjoni li tikkonforma mal-mudell fl-Anness 1A jew 1B ta' dan ir-Regolament.

12.   PRODUZZJONI MWAQQFA GĦALKOLLOX

Jekk id-detentur tal-approvazzjoni jieqaf għalkollox mill-manifattura ta' apparat approvat skont dan ir-Regolament, huwa għandu jinforma b'dan lill-Awtorità tal-Approvazzjoni tat-Tip li tkun tat l-approvazzjoni. Meta tirċievi l-komunikazzjoni rilevanti dik l-Awtorità għandha tinforma b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta' formola ta' komunikazzjoni li tikkonforma mal-mudell fl-Anness 1A jew 1B ta' dan ir-Regolament.

13.   STRUZZJONIJIET

Fil-każ ta' tip ta' ċinturin tas-sikurezza provdut b'mod separat mill-vettura, l-istruzzjonijiet għall-ippakkjar u għall-installazzjoni għandhom jiddikjaraw b'mod ċar it-tip(i) ta' vettura li għalih(om) huwa maħsub.

14.   ISMIJIET U INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP

Il-Partijiet għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li joħorġu l-approvazzjoni u li jintbagħtulhom il-formoli li jiċċertifikaw l-approvazzjoni jew iċ-ċaħda jew l-estensjoni jew l-irtirar tal-approvazzjoni, maħruġa f'pajjiżi oħra.

15.   DISPOŻIZZJONIJIET TRANŻIZZJONALI

15.1.   L-approvazzjonijiet tat-tip ta' vettura

15.1.1.   Mid-data uffiċjali tad-dħul fis-seħħ tas-Suppliment 15 għas-serje ta' emendi 04, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie mmodifikat mis-Suppliment 15 tas-serje ta' emendi 04.

15.1.2.   Minn sentejn (2) wara d-dħul fis-seħħ tas-Suppliment 15 għas-serje ta' emendi 04 għal dan ir-Regolament, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk ir-rekwiżiti tar-Regolament, kif emendat mis-Suppliment 15 tas-serje ta' emendi 04 jkunu ssodisfati.

15.1.3.   Minn 7 snin wara d-dħul fis-seħħ tas-Suppliment 15 għas-serje ta' emendi 04 għal dan ir-Regolament, il-Partijiet Kontraenti li japplikaw dan ir-Regolament jistgħu jirrifjutaw approvazzjonijiet li ma ngħatawx skont is-Suppliment 15 tas-serje ta' emendi 04 ta' dan ir-Regolament. Madankollu, approvazzjonijiet eżistenti tal-kategoriji tal-vetturi minbarra M1 u li mhumiex affettwati bis-Suppliment 15 għas-serje ta' emendi 04 għal dan ir-Regolament għandhom jibqgħu validi u l-Partijiet Kontraenti li japplikaw dan ir-Regolament għandhom ikomplu jaċċettawhom.

15.1.3.1.   Madanakollu, mill-1 ta' Ottubru 2000, għall-vetturi tal-kategoriji M1 u N1, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet li ma ngħatawx skont is-Suppliment 8 għas-serje ta' emendi 04 għal dan ir-Regolament, jekk ma jiġux issodisfati r-rekwiżiti tal-informazzjoni tal-paragrafu 8.3.5 u tal-Anness 17.

15.2.   L-installazzjoni taċ-ċinturini tas-sikurezza u t-tfakkir taċ-ċinturin tas-sikurezza

Dawn id-dispożizzjonijiet tranżizzjonali japplikaw biss għall-installazzjoni taċ-ċinturini tas-sikurezza u t-tfakkir taċ-ċinturin tas-sikurezza fuq il-vetturi u ma jbiddlux il-marka taċ-ċinturin tas-sikurezza.

15.2.1.   Mid-data uffiċjali tad-dħul fis-seħħ tas-Suppliment 12 għas-serje ta' emendi 04, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie mmodifikat mis-Suppliment 12 tas-serje ta' emendi 04.

15.2.2.   Malli jiskadi perjodu ta' 36 xahar wara d-data uffiċjali tad-dħul fis-seħħ imsemmija fil-paragrafu 15.2.1 hawn fuq, il-Partijiet Kontraenti li japplikaw dan ir-Regolament għandhom jagħtu l-approvazzjonijiet biss jekk it-tip tal-vettura jissodisfa r-rekwiżiti ta' dan ir-Regolament, kif emendat mis-Suppliment 12 għas-serje ta' emendi 04.

15.2.3.   Malli jiskadi perjodu ta' 60 xahar wara d-data uffiċjali tad-dħul fis-seħħ imsemmija fil-paragrafu 15.2.1 hawn fuq, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet li ma ngħatawx skont is-Suppliment 12 għas-serje ta' emendi 04 għal dan ir-Regolament.

15.2.4.   Mid-data uffiċjali tad-dħul fis-seħħ tas-Suppliment 14 għas-serje ta' emendi 04, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie mmodifikat mis-Suppliment 14 tas-serje ta' emendi 04.

15.2.5.   Mid-data uffiċjali tad-dħul fis-seħħ tas-Suppliment 16 għas-serje ta' emendi 04, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie mmodifikat mis-Suppliment 16 tas-serje ta' emendi 04.

15.2.6.   Malli jiskadi perjodu ta' 36 xahar wara d-data uffiċjali tad-dħul fis-seħħ imsemmija fil-paragrafu 15.2.4 hawn fuq, il-Partijiet Kontraenti li japplikaw dan ir-Regolament għandhom jagħtu l-approvazzjonijiet biss jekk it-tip tal-vettura jissodisfa r-rekwiżiti ta' dan ir-Regolament, kif emendat mis-Suppliment 14 għas-serje ta' emendi 04.

15.2.7.   Malli jiskadi perjodu ta' 60 xahar wara d-data uffiċjali tad-dħul fis-seħħ li tissemma fil-paragrafu 15.2.4 hawn fuq, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet li ma ngħatawx skont is-Suppliment 14 għas-serje ta' emendi 04 għal dan ir-Regolament.

15.2.8.   Wara s-16 tal-Lulju 2006, il-Partijiet Kontraenti li japplikaw dan ir-Regolament għandhom jagħtu approvazzjoni biss jekk it-tip tal-vettura jissodisfa r-rekwiżiti ta' dan ir-Regolament, kif emendat mis-Suppliment 16 għas-serje ta' emendi 04.

15.2.9.   Mis-16 ta' Lulju 2008, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet ta' vetturi tal-kategorija N1 li ma ngħatawx skont is-Suppliment 16 għas-serje 04 ta' emendi għal dan ir-Regolament.

15.2.10.   Mid-data uffiċjali tad-dħul fis-seħħ tas-serje ta' emendi 05, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie emendat bis-serje ta' emendi 05.

15.2.11.   Mit-18-il xahar wara d-data tad-dħul fis-seħħ, il-Parti Kontraenti li tapplika dan ir-Regolament għandha tagħti approvazzjonijiet biss jekk it-tip ta' vettura li għandu jiġi approvat jissodisfa r-rekwiżiti ta' dan ir-Regolament kif emendat mis-serje ta' emendi 05.

15.2.12.   Minn 72 xahar wara d-data tad-dħul fis-seħħ tas-serje ta' emendi 05 għal dan ir-Regolament, l-approvazzjonijiet skont dan ir-Regolament ma għandhomx jibqgħu validi, ħlief fil-każ ta' tipi ta' vetturi li jikkonformaw mar-rekwiżiti ta' dan ir-Regolament kif emendat mis-serje ta' emendi 05.

15.2.13.   Minkejja l-paragrafu 15.2.12, l-approvazzjonijiet tal-kategoriji tal-vetturi minbarra M1 għas-serje preċedenti ta' emendi għar-Regolament li mhumiex affettwati mis-serje ta' emendi 05 marbuta mar-rekwiżiti dwar l-installazzjoni ta' tfakkir għaċ-ċinturin tas-sikurezza, għandhom jibqgħu validi u l-Partijiet Kontraenti li japplikaw ir-Regolament għandhom jibqgħu jaċċettawhom.

15.2.14.   Minkejja l-paragrafu 15.2.12, l-approvazzjonijiet tal-kategoriji tal-vetturi minbarra N2 u N3 għas-serje preċedenti ta' emendi għar-Regolament li mhumiex affettwati mis-serje ta' emendi 05 marbuta mar-rekwiżiti minimi għaċ-ċinturini tas-sikurezza u r-ritrattaturi fl-Anness 16, għandhom jibqgħu validi u l-Partijiet Kontraenti li japplikaw ir-Regolament għandhom jibqgħu jaċċettawhom.

15.2.15.   Anki wara d-data tad-dħul fis-seħħ tas-serje ta' emendi 05, l-approvazzjonijiet tal-komponenti u l-unitajiet tekniċi separati lis-serje preċedenti ta' emendi tar-regolament għandhom jibqgħu validi u l-Partijiet Kontraenti li japplikaw ir-Regolament għandhom jibqgħu jaċċettawhom u ma għandhomx jirrifjutaw li jagħtu estensjonijiet tal-approvazzjoni lis-serje ta' emendi 04 ta' dan ir-Regolament.

15.2.16.   Minkejja d-dispożizzjonijiet tranżizzjonali ta' hawn fuq, il-Partijiet Kontraenti li l-applikazzjoni tagħhom ta' dan ir-Regolament tidħol fis-seħħ wara d-data tad-dħul fis-seħħ tas-serje ta' emendi 05, mhumiex obbligati jaċċettaw approvazzjonijiet li ngħataw skont kwalunkwe waħda mis-serje preċedenti ta' emendi lil dan ir-Regolament.

15.3.   Mid-data uffiċjali tad-dħul fis-seħħ tas-serje ta' emendi 06, l-ebda Parti Kontraenti li tapplika dan ir-Regolament m'għandha tirrifjuta li tagħti approvazzjonijiet skont dan ir-Regolament kif ġie emendat bis-serje ta' emendi 06.

15.3.1.   Minn 24 xahar wara d-data tad-dħul fis-seħħ tas-serje ta' emendi 06, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk ir-rekwiżiti ta' dan ir-Regolament ikunu ssodisfati, kif emendat mis-serje ta' emendi 06.

15.3.2.   Minn 36 xahar wara d-data tad-dħul fis-seħħ tas-serje ta' emendi 06, il-Partijiet Kontraenti li japplikaw dan ir-Regolament jistgħu jirrifjutaw li jirrikonoxxu l-approvazzjonijiet li ma ngħatawx skont is-serje 06 ta' emendi għal dan ir-Regolament.

15.3.3.   Anki wara d-data tad-dħul fis-seħħ tas-serje ta' emendi 06, l-approvazzjonijiet tal-komponenti u l-unitajiet tekniċi separati skont is-serje preċedenti ta' emendi għar-Regolament għandhom jibqgħu validi u l-Partijiet Kontraenti li japplikaw ir-Regolament għandhom jibqgħu jaċċettawhom, u l-Partijiet Kontraenti jistgħu jkomplu jagħtu estensjonijiet tal-approvazzjoni skont is-serje ta' emendi 05.

15.3.4.   Minkejja l-paragrafi 15.3.1 u 15.3.2, l-approvazzjonijiet tal-kategoriji tal-vetturi skont is-serje preċedenti ta' emendi għar-Regolament li mhumiex affettwati mis-serje ta' emendi 06 għandhom jibqgħu validi u l-Partijiet Kontraenti li japplikaw ir-Regolament għandhom ikomplu jaċċettawhom.

15.3.5.   Sakemm ma jkunx hemm rekwiżiti dwar it-twaħħil obbligatorju taċ-ċinturini tas-sikurezza għas-sits li jintwew fir-rekwiżiti nazzjonali tagħhom fil-waqt tal-adeżjoni tagħhom ma' dan ir-Regolament, il-Partijiet Kontraenti jistgħu jkomplu jippermettu li ma jitwaħħlux għall-finijiet tal-approvazzjoni nazzjonali u, f'dan il-każ, dawn il-kategoriji ta' coaches ma jistax jingħatalhom approvazzjoni tat-tip skont dan ir-Regolament.

15.3.6.   Ebda Parti Kontraenti li tapplika dan ir-Regolament ma għandha tirrifjuta li tagħti approvazzjonijiet ta' komponenti skont serje preċedenti ta' emendi għar-Regolament jekk iċ-ċinturini tas-sikurezza jkunu maħsuba biex jiġu installati f'vetturi li jkunu ġew approvati qabel is-serje rispettiva ta' emendi.

15.3.7.   Mid-data uffiċjali tad-dħul fis-seħħ tas-Suppliment 5 tas-serje ta' emendi 06, l-ebda Parti Kontraenti li tapplika dan ir-Regolament m'għandha tirrifjuta li tagħti l-approvazzjoni tat-tip taħt dan ir-Regolament kif emendat mis-Suppliment 5 tas-serje ta' emendi 06.

15.3.8.   Sa 12-il xahar wara d-data tad-dħul fis-seħħ tas-Supplement 5 tas-serje ta' emendi 06 għal dan ir-Regolamenti, il-Partijiet Kontraenti li japplikaw dan ir-Regolament jistgħu jkomplu jagħtu approvazzjonijiet tat-tip għas-serje ta' emendi 06 għal dan ir-Regolament mingħajr ma jitqiesu d-dispożizzjonijiet tas-Supplement 5 tas-serje ta' emendi 06.

15.3.9.   Sal-1 ta' Settembru 2018, l-ebda waħda mill-Partijiet Kontraenti li japplikaw dan ir-Regolament m'għandha tirrifjuta li tagħti approvazzjonijiet tat-tip skont is-serje ta' emendi 06 mingħajr ma tqis is-Supplement 09 tas-serje ta' emendi 06.

15.4   Mid-data uffiċjali tad-dħul fis-seħħ tas-serje ta' emendi 07, l-ebda Parti Kontraenti li tapplika dan ir-Regolament m'għandha tirrifjuta li tagħti jew tirrifjuta li taċċetta approvazzjonijiet tat-tip skont dan ir-Regolament kif ġie emendat bis-serje ta' emendi 07. Il-Partijiet Kontraenti għandhom ikomplu jagħtu l-estensjonijiet tal-approvazzjonijiet għas-serje ta' emendi preċedenti.

15.4.1.   Mill-1 ta' Settembru 2019, il-Partijiet Kontraenti li japplikaw dan ir-Regolament m'għandhomx ikunu obbligati jaċċettaw approvazzjonijiet tat-tip lis-serje ta' emendi preċedenti li nħarġu għall-ewwel darba fl-1 ta' Settembru 2019 jew qabel.

15.4.2.   Tfakkir taċ-ċinturin tas-sikurezza mhux obbligatorju fuq is-sits ta' wara li jistgħu jitneħħew u fuq kwalunkwe sit f'ringiela fejn hemm sit bis-sospensjoni, għall-finijiet tal-għoti tal-approvazzjoni tat-tip skont is-serje ta' emendi 07 sal-1 ta' Settembru 2022. Dawn l-eżenzjonijiet għandhom jibqgħu applikabbli fil-każ ta' estensjonijiet ta' approvazzjonijiet li ngħataw għall-ewwel darba qabel l-1 ta' Settembru 2022.

15.4.3.   Sal-1 ta' Settembru 2021, il-Partijiet Kontraenti li japplikaw dan ir-Regolament għandhom jaċċettaw approvazzjonijiet tat-tip lis-serje ta' emendi preċedenti li nħarġu għall-ewwel darba qabel l-1 ta' Settembru 2019.

15.4.4.   Mill-1 ta' Settembru 2021, il-Partijiet Kontraenti li japplikaw dan ir-Regolament m'għandhomx ikunu obbligati jaċċettaw approvazzjonijiet tat-tip li nħarġu lis-serje ta' emendi preċedenti għal dan ir-Regolament.

15.4.5.   Minkejja l-paragrafu 15.4.4, il-Partijiet Kontraenti li japplikaw ir-Regolament għandhom ikomplu jaċċettaw l-approvazzjonijiet tat-tip tan-NU rigward iċ-ċinturini tas-sikurezza u sistemi ta' trażżin skont is-serje ta' emendi preċedenti għal dan ir-Regolament.

15.4.6.   Minkejja l-paragrafu 15.4.4, il-Partijiet Kontraenti li japplikaw ir-Regolament għandhom jibqgħu jaċċettaw l-approvazzjonijiet ta-tip skont is-serje ta' emendi preċedenti għal dan ir-Regolament, għal vetturi li mhumiex milquta mit-tibdiliet li ddaħħlu mis-serje ta' emendi 07.

---

(1)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2) - www.unece.org/trans/main/wp29/wp29wgs/wp29gen/wp29resolutions.html

(2)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2) - www.unece.org/trans/main/wp29/wp29wgs/wp29gen/wp29resolutions.html

(3)  In-numri distintivi tal-Partijiet Kontraenti tal-Ftehim tal-1958 jidhru għal darb'oħra fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev. 3, Anness 3 - www.unece.org/trans/main/wp29/wp29wgs/wp29gen/wp29resolutions.html

(4)  Ara n-nota ta' qiegħ il-paġna tal-paragrafu 5.2.4.1 ta' dan ir-Regolament.

(5)  g = 9,81 m/s.

(6)  It-test ma sarx għal ċineg b'nisġa djagonali (twill) b'ħajt tal-poliester b'tenaċità kbira peress li dawn jitwessgħu meta jitgħabbew. F'dak il-każ, il-wisa' mingħajr it-tagħbija għandha tkun ≥ 46 mm.

(*1)  Ara l-paragrafu 7.4.1.6.4.3 hawn taħt

(7)  9,81 m/s

(8)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2) - www.unece.org/trans/main/wp29/wp29wgs/wp29gen/wp29resolutions.html

(9)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.4, para. 2 - www.unece.org/trans/main/wp29/wp29wgs/wp29gen/wp29resolutions.html

It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Jinkorpora t-test validu kollu sa:

Is-serje 01 tal-emendi tar-Regolament: Data tad-dħul fis-seħħ: It-22 ta' Jannar 2015

WERREJ

REGOLAMENT

1.

Skop

2.

Kamp ta' applikazzjoni

3.

Definizzjonijiet

4.

Applikazzjoni għall-approvazzjoni

5.

Marki u tikketti

6.

Approvazzjoni

7.

Rekwiżiti ġenerali

8.

Rekwiżiti tar-rendiment

9.

Rekwiżiti tad-durabilità

10.

Firxa tal-applikazzjoni

11.

Modifiki fl-emissjonijiet bażi tal-magna

12.

L-għażla tal-magni tal-ittestjar u tal-kombinazzjoni ta' REC

13.

Speċifikazzjonijiet li jikkonċernaw il-kejl tal-emissjonijiet

14.

Il-familja ta' REC għat-tnaqqis tal-partikuli

15.

Il-familja ta' REC għat-tnaqqis tal-NOx

16.

Il-familja ta' REC għat-tnaqqis tal-PM u tal-NOx

17.

Il-konsum tal-fjuwil u ta' fjuwil speċifiku

18.

L-imġiba operattiva u l-periklu għas-sikurezza

19.

Emissjonijiet tal-Ħsejjes

20.

Installazzjoni ta' REC

21.

Il-modifika u l-estensjoni tal-approvazzjoni ta' REC

22.

Konformità tal-produzzjoni

23.

Penali għan-nuqqas ta' konformità tal-produzzjoni

24.

Produzzjoni mwaqqfa b'mod definittiv

25.

L-ismijiet u l-indirizzi tas-Servizzi Tekniċi li jwettqu t-testijiet ta' approvazzjoni u tal-Awtoritajiet tal-Approvazzjoni tat-Tip

26.

Dispożizzjonijiet tranżitorji

ANNESSI

1.

Dokument ta' informazzjoni

2.

Komunikazzjoni

3.

Addendum għall-komunikazzjoni dwar tip ta' tagħmir modifikat għall-monitoraġġ tal-emissjonijiet (“retrofit emission control” - REC) skont ir-Regolament Nru 132

4.

Arranġament tal-marka tal-Approvazzjoni tat-Tip ta' Sistema REC

5.

Test ta' tnaqqis ta' partikuli ta' REC (Klassi I jew II REC)

6.

Test ta' tnaqqis ta' NOx ta' REC (Klassi III REC)

7.

Testijiet ta' tnaqqis ta' PM u NOx ta' REC (Klassi IV REC)

8.

Sekwenzi tal-ittestjar

9.

Tabelli tal-ekwivalenza tal-valur limitu

10.

Rekwiżiti tas-sistema dijanjostika ta' kontroll ta' NOx ta' NOx jew REC għat-tnaqqis ta' partikuli u NOx li jirrikjedu reaġent

11.

Struzzjonijiet dwar l-Installazzjoni u t-Tħaddim

12.

Rekwiżiti speċifiċi dwar l-approvazzjoni ta' REC fir-rigward tal-limiti tal-emissjonijiet stabbiliti fis-serje 06 tal-emendi tar-Regolament Nru 49

1.   SKOP

Dan ir-Regolament jipprovdi metodu armonizzat għall-klassifikazzjoni, l-evalwazzjoni u l-approvazzjoni ta' sistemi Modifikati ta' Kontroll tal-Emissjonijiet (REC) għall-materja partikolata (PM), għall-ossidi tan-nitroġenu (NOx), jew kemm għall-PM kif ukoll għall-NOx, u għad-determinazzjoni tal-livelli ta' emissjonijiet minn magni ta' tqabbid bil-kompressjoni (magni CI) li jintużaw f'applikazzjonijiet li jaqgħu fil-kamp ta' applikazzjoni indikat fil-paragrafu 2.

Ir-Regolament jipprovdi qafas għall-approvazzjoni ta' REC għal applikazzjonijiet differenti b'livelli ta' prestazzjoni ambjentali korrispondenti u għall-identifikazzjoni fl-Approvazzjoni tat-Tip ta' dawk il-livelli.

2.   KAMP TA' APPLIKAZZJONI

Dan ir-Regolament japplika għat-tagħmir Modifikat ta' Kontroll tal-Emissjonijiet (“Retrofit Emission Control” - REC) li jrid jiġi installat:

2.1.	Fuq vetturi tal-kategoriji M2, M3 u N (1) u l-magni CI tagħhom, minbarra dawk il-vetturi approvati skont ir-Regolament Nru 83;

2.2.	Fuq magni CI li għandhom potenza netta ogħla minn 18 kW iżda mhux aktar minn 560 kW installati f'makkinarju mobbli mhux intiż għat-triq, (1) imħaddma b'veloċità varjabbli;

2.3.	Fuq magni CI li għandhom potenza netta ogħla minn 18 kW iżda mhux aktar minn 560 kW installati f'makkinarju mobbli mhux intiż għat-triq, (1) imħaddma b'veloċità kostanti;

2.4.	Fuq magni CI li għandhom potenza netta ogħla minn 18 kW iżda mhux aktar minn 560 kW installati f'vetturi tal-kategorija T. (1)

3.   DEFINIZZJONIJIET

Għall-finijiet ta' dan ir-Regolament,

3.1.	“Riġenerazzjoni attiva” tfisser kwalunkwe miżura addizzjonali maħsuba sabiex tibda r-riġenerazzjoni fuq REC b'riġenerazzjoni kontinwa jew perjodika.

3.2.	“Fatturi ta' aġġustament” tfisser fattur addittiv ta' aġġustament 'il fuq u fattur addittiv ta' aġġustament 'l isfel jew fatturi multiplikattivi li jridu jiġu kkunsidrati matul riġenerazzjoni perjodika.

3.3.	“Firxa tal-applikazzjoni” tfisser il-firxa ta' magni li għalihom jista' jiġi applikat tagħmir Modifikat ta' Kontroll tal-Emissjonijiet (REC) approvat f'konformità ma' dan ir-Regolament.

3.4.	“Tagħmir Modifikat ta' Kontroll tal-Emissjonijiet (REC) tal-Klassi I” tfisser tagħmir modifikat ta' kontroll tal-emissjonijiet li huwa maħsub biex jikkontrolla l-emissjonijiet tal-materja partikolata biss u li ma jżidx l-emissjonijiet diretti ta' NO2.

3.5.

“Tagħmir modifikat ta' kontroll tal-emissjonijiet (REC) tal-Klassi IIA jew IIB” tfisser tagħmir REC li huwa maħsub biex jikkontrolla l-emissjonijiet tal-materja partikolata biss u li ma jżidx l-emissjonijiet diretti ta' NO2 mill-egżost b'aktar mill-perċentwal speċifikat fil-paragrafu 8.4.2 abbażi tal-livell ta' emissjonijiet bażi ta' NO2 mill-magna.

3.6.	“Tagħmir Modifikat ta' Kontroll tal-Emissjonijiet (REC) tal-Klassi III” tfisser tagħmir modifikat ta' kontroll tal-emissjonijiet li huwa maħsub biex jikkontrolla l-emissjonijiet ta' NOx biss.

3.7.	“Tagħmir Modifikat ta' Kontroll tal-Emissjonijiet (REC) tal-Klassi IV” tfisser tagħmir modifikat ta' kontroll tal-emissjonijiet li huwa maħsub biex jikkontrolla kemm l-emissjonijiet ta' materja partikolata kif ukoll l-emissjonijiet ta' NOx.

3.8.	“Riġenerazzjoni kontinwa” tfisser il-proċess ta' riġenerazzjoni ta' sistema ta' posttrattament tal-egżost li ssir jew b'mod permanenti jew għall-inqas darba għal kull ċiklu tat-test applikabbli.

3.9.	“Sistema DeNOx” tfisser sistema ta' posttrattament tal-egżost iddisinjata biex tnaqqas l-emissjonijiet ta' ossidi tan-nitroġenu (NOx) (pereżempju, katalisti passivi u attivi tal-NOx f'taħlita fqira, assorbituri tal-NOx u sistemi selettivi ta' tnaqqis katalitiku (SCR)).

3.10.

“Sistema ta' monitoraġġ tal-kontroll tal-emissjonijiet” tfisser is-sistema li timmonitorja t-tħaddim tal-miżuri għall-kontroll tal-emissjonijiet implimentati fil-magna u/jew fis-sistema REC f'konformità mar-rekwiżiti tal-paragrafu 18 ta' dan ir-Regolament.

3.11.

“Emissjoni bażi tal-magna” tfisser l-emissjonijiet ta' magna jew sistema ta' magna partikolari mingħajr ebda tagħmir modifikat ta' kontroll tal-emissjonijiet. Għall-magni mingħajr posttrattament, l-emissjonijiet bażi tal-magna huma ugwali għall-emissjonijiet mhux ipproċessati li joħorġu mill-magna. Għall-magni b'posttrattament, l-emissjonijiet bażi tal-magna huma ugwali għall-emissjonijiet mill-egżost 'l isfel mis-sistema ta' posttrattament.

3.12.

“Familja tal-magna” tfisser ir-raggruppament mill-manifattur tas-sistemi ta' magni li, permezz tad-disinn tagħhom kif definit fil-paragrafu 7 tar-Regolament Nru 49 jew fil-paragrafu 7 tar-Regolament Nru 96, kif xieraq, għandhom karatteristiċi simili ta' emissjonijiet tal-egżost; il-membri kollha tal-familja għandhom jikkonformaw mal-valuri tal-limitu applikabbli għall-emissjonijiet.

3.13.

“Sistema tal-magna” tfisser il-magna, is-sistema ta' kontroll tal-emissjonijiet u l-interfaċċa tal-komunikazzjoni (ħardwer u messaġġi) bejn l-Unità/Unitajiet ta' Kontroll Elettroniku (ECU) tas-sistema tal-magna u kwalunkwe sistema tal-motopropulsjoni jew unità ta' kontroll oħra tal-vettura.

3.14.

“ESC” tfisser ċiklu tat-test li jikkonsisti fi 13-il modalità ta' statiċità li jridu jiġu applikati f'konformità mas-serje rilevanti ta' emendi tar-Regolament Nru 49.

3.15.

“ETC” tfisser ċiklu tat-test li jikkonsisti f'1 800 modalità tranżitorja sekonda b'sekonda definiti fis-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

3.16.

“Inkwinanti gassużi” tfisser monossidu tal-karbonju, idrokarburi (jekk nassumu proporzjon ta' CH1,85 għad-diżil), ossidi tan-nitroġenu (NOx, espressi bħala ekwivalenti għal NO2) u diossidu tan-nitroġenu (NO2).

3.17.

“Kundizzjoni tat-tagħbija” tfisser it-tagħbija tal-materja partikolata li tinħażen fi kwalunkwe mument f'sistema ta' tnaqqis tal-partikuli (bħal filtru) espressa bħala proporzjon tat-tagħbija massima tal-materja partikolata li tista' tinħażen fis-sistema taħt kundizzjonijiet tas-sewqan speċifiċi mingħajr ma jingħata bidu għal miżuri ta' riġenerazzjoni esterna.

3.18.

“Manifattur” tfisser il-persuna jew il-korp li huma responsabbli lejn l-Awtorità tal-Approvazzjoni tat-Tip għall-aspetti kollha tal-approvazzjoni tat-tip u li jistgħu juru li għandhom il-karatteristiċi meħtieġa u l-mezzi neċessarji sabiex jiksbu valutazzjoni tal-kwalità u konformità tal-produzzjoni. Mhuwiex essenzjali li l-persuna jew il-korp ikunu involuti direttament fl-istadji kollha tal-kostruzzjoni tal-vettura, tas-sistema, tal-komponent jew tal-unità teknika separata li huma s-suġġett tal-proċess ta' approvazzjoni.

3.19.

“Installatur” tfisser persuna jew korp li huma responsabbli għall-installazzjoni sikura u korretta tal-REC approvat.

3.20.

“Sistema Dijanjostika għall-Kontroll tal-NOx (NCD)” tfisser sistema tal-REC li għandha l-kapaċità li: (a) Issib Ħsara fil-Kontroll tal-NOx; (b) Tidentifika l-ħsarat probabbli fil-kontroll tal-NOx permezz ta' informazzjoni maħżuna fil-memorja tal-kompjuter u/jew tikkomunika dik l-informazzjoni off-board.

3.21.

“REC għat-tnaqqis tal-NOx” tfisser REC li għandu effiċjenza massiva ta' tnaqqis tal-emissjonijiet tal-NOx li tikkwalifikah bħala li huwa ċċertifikat sabiex jissodisfa l-klassi tal-klassifikazzjoni kif definita f'dan ir-Regolament.

3.22.

“Familja ta' REC għat-tnaqqis tal-NOx” tfisser familja ta' sistemi ta' tnaqqis tal-NOx li huma teknikament identiċi fir-rigward tal-funzjonament tagħhom f'konformità mal-paragrafu 15 ta' dan ir-Regolament.

3.23.

“NRSC” tfisser ċiklu tat-test li jikkonsisti f'modalitajiet ta' statiċità definiti fis-serje rilevanti ta' emendi tar-Regolament Nru 96 u li jridu jiġu applikati f'konformità magħhom.

3.24.

“NRTC” tfisser ċiklu tat-test li jikkonsisti f'1 173 modalità tranżitorja sekonda b'sekonda definiti fis-serje rilevanti ta' emendi tar-Regolament Nru 96 u li jridu jiġu applikati f'konformità magħhom.

3.25.

“Sistema ta' twissija tal-operatur abbord” tfisser tagħmir li jidentifika t-tħaddim jew it-tneħħija skorretti tal-REC.

3.26.

“Magna ġenitur” tfisser magna magħżula minn familja ta' magni b'tali mod li l-karatteristiċi tal-emissjonijiet tagħha jkunu rappreżentattivi għal dik il-familja ta' magni.

3.27.

“Materja partikolata (PM)” tfisser il-massa ta' kwalunkwe materjal miġbur fuq mezz ta' filtru speċifikat li huwa definit fis-serje rilevanti ta' emendi tar-Regolamenti Nru 49 jew Nru 96.

3.28.

“REC għat-tnaqqis tal-partikuli” tfisser REC li għandu effiċjenza ta' tnaqqis tal-emissjonijiet tal-massa tal-partikuli jew tan-numru ta' partikuli li tikkwalifikah sabiex jiġi ċċertifikat li jissodisfa l-klassi tal-klassifikazzjoni kif definita f'dan ir-Regolament. Is-sistema u l-istrateġija ta' riġenerazzjoni huma parti mill-REC għat-tnaqqis tal-partikuli.

3.29.

“Familja ta' REC għat-tnaqqis tal-partikuli” tfisser familja ta' sistemi ta' tnaqqis tal-partikuli li huma teknikament identiċi fir-rigward tal-funzjonament tagħhom f'konformità mal-paragrafu 14 ta' dan ir-Regolament.

3.30.

“Riġenerazzjoni perjodika” tfisser il-proċess ta' riġenerazzjoni ta' tagħmir għall-kontroll tal-emissjonijiet li jseħħ perjodikament f'inqas minn 100 siegħa tat-tħaddim normali tal-magna. Waqt iċ-ċikli fejn isseħħ ir-riġenerazzjoni, l-istandards tal-emissjonijiet jistgħu jinqabżu.

3.31.

“Numru ta' partikuli” tfisser in-numru ta' partikuli li huwa definit fis-serje rilevanti ta' emendi tar-Regolament Nru 49.

3.32.

“Reaġent” tfisser kwalunkwe mezz li jinħażen abbord il-vettura f'tank u li jiġi pprovdut lis-sistema ta' posttrattament tal-egżost (jekk meħtieġ) fuq talba tas-sistema ta' kontroll tal-emissjonijiet.

3.33.

“Effiċjenza tat-tnaqqis” tfisser il-proporzjon bejn l-emissjonijiet 'l isfel mis-sistema ta' REC (EREC) u l-emissjonijiet bażi tal-magna (EBase), it-tnejn imkejla f'konformità mal-proċeduri definiti f'dan ir-Regolament u kkalkolati kif definit fil-paragrafu 8.3.4 ta' dan ir-Regolament.

3.34.

“Livell ta' tnaqqis” tfisser effiċjenza tat-tnaqqis f'perċentwali li għandha tintlaħaq mit-tagħmir modifikat ta' kontroll tal-emissjonijiet (REC) sabiex jiġi ċċertifikat li jissodisfa l-livell ta' tnaqqis speċifikat fil-paragrafu 8.3 ta' dan ir-Regolament.

3.35.

“Tagħmir Modifikat ta' Kontroll tal-Emissjonijiet (REC)” tfisser kwalunkwe sistema ta' tnaqqis tal-partikuli, sistema ta' tnaqqis tal-NOx jew taħlita tat-tnejn li tintuża għall-finijiet ta' modifika retroattiva. Dan jinkludi kwalunkwe sensuri u softwer essenzjali għat-tħaddim tat-tagħmir. Dawk is-sistemi li jimmodifikaw biss il-kontrolli tas-sistemi tal-magni eżistenti mhumiex meqjusa bħala REC.

3.36.

“Għodda għall-iskennjar” tfisser apparat tal-ittestjar estern li jintuża għall-komunikazzjoni off-board mas-sistema NCD. 3.36.1. “Għodda ġenerika għall-iskennjar” tfisser għodda għall-iskennjar li hija disponibbli għall-pubbliku u li għandha tkun kapaċi taqra messaġġi ta' ħsara. 3.36.2. “Għodda proprjetarja għall-iskennjar” tfisser għodda għall-iskennjar li tintuża biss mill-manifattur ta' REC u mill-kummerċjant awtorizzat tagħha u li għandha tkun kapaċi taqra messaġġi ta' ħsara u tippermetti l-istartjar ta' magna wara attivazzjoni tas-sistema ta' inċitament għall-operatur.

3.37.

“WHSC” tfisser ċiklu tat-test li jikkonsisti fi 13-il modalità ta' statiċità definiti fis-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

3.38.

“WHTC” tfisser ċiklu tat-test li jikkonsisti f'1 800 modalità tranżitorja sekonda b'sekonda definiti fi-serje rilevanti ta' emendi tar-Regolament Nru 49 u li jridu jiġu applikati f'konformità magħhom.

4.   APPLIKAZZJONI GĦALL-APPROVAZZJONI

4.1.   L-applikazzjoni għall-approvazzjoni tat-tip ta' REC għandha tiġi sottomessa mill-manifattur jew mir-rappreżentant debitament akkreditat tiegħu.

4.2.   Kull REC għandu jkun akkumpanjat bl-informazzjoni li ġejja:

(a)	L-isem jew it-trademark tal-manifattur;

(b)	L-għamla u n-numru ta' identifikazzjoni tal-parti tal-REC kif ġew irreġistrati fid-dokument ta' informazzjoni maħruġ f'konformità mal-mudell stabbilit fl-Anness 1;

(c)

Il-firxa tal-applikazzjoni (kif definita fil-paragrafu 10 ta' dan ir-Regolament), inkluża s-sena tal-manifattura, li għaliha jiġi approvat l-REC, inkluża, fejn tkun applikabbli, marka li tidentifika jekk l-REC huwiex addattat sabiex jiġi mmuntat f'vettura li tkun mgħammra b'sistema dijanjostika abbord (OBD);

(d)	Il-manwal tal-istruzzjonijiet għall-installazzjoni tal-modifika retroattiva;

(e)	Il-manwal tas-servizz tal-utent aħħari, inklużi struzzjonijiet dwar il-manutenzjoni.

4.3.   L-applikant għandu jipprovdi d-Dokument ta' Informazzjoni f'konformità mal-Anness 1 ta' dan ir-Regolament. L-applikant għandu jipprovdi wkoll kampjun(i) tal-REC li jridu jiġu ttestjati u li għandhom jinżammu mis-Servizz Tekniku għal mill-inqas ħames snin wara d-data tal-approvazzjoni tat-tip.

5.   MARKI U TIKKETTI

5.1.   L-REC kollha għandhom jiġu mmarkati bit-trademark jew bl-isem kummerċjali tal-manifattur tal-modifika retroattiva li hija indikata fl-Anness 1 ta' dan ir-Regolament, kif ukoll bin-numru ta' identifikazzjoni tal-part kif irreġistrat fid-dokument ta' informazzjoni maħruġ f'konformità mal-mudell stabbilit fl-Anness 1 ta' dan ir-Regolament.

5.2.   L-REC kollha għandhom jiġu identifikati permezz ta' tikketta, fejn għandha titpoġġa l-marka tal-approvazzjoni li tinkludi l-klassi, kif stabbilit fl-Anness 4. Din it-tikketta għandha titwaħħal b'mod permanenti mal-REC u għandha tkun tista' tinqara b'mod ċar wara l-installazzjoni tal-REC.

5.2.1.   Sabiex jiżgura l-viżibilità ta' din it-tikketta f'sistema installata, il-manifattur jista' jipprovdi tikketta duplikata sabiex titwaħħal mill-installatur tal-REC. Din it-tikketta għandha tinkludi b'mod ċar il-kelma “duplikata”.

5.2.2.   It-tikketti għandhom iservu għall-ħajja utli tat-tagħmir. It-tikketti għandhom jinqraw faċilment u l-ittri u ċ-ċifri li jidhru fuqhom għandhom ikunu ta' tip li ma jitħassarx. Barra minn hekk, it-tikketti għandhom jitwaħħlu b'tali mod li jibqgħu mwaħħlin għall-ħajja utli tat-tagħmir u ma jkunux jistgħu jitneħħew mingħajr ma jitqattgħu jew mingħajr ma titħassar il-kitba li jkun hemm fuqhom.

5.3.   Il-marka tal-approvazzjoni għandha tikkonsisti fi:

(a)	Ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni; (2)

(b)

In-numru ta' dan ir-Regolament, segwit bl-ittra “R”, sing u n-numru tal-approvazzjoni fuq in-naħa tal-lemin taċ-ċirku kif definit fl-Anness 4 ta' dan ir-Regolament. In-numru tal-approvazzjoni jidher fil-formola tal-komunikazzjoni għal dan it-tip (ara l-paragrafu 6.2 ta' dan ir-Regolament u l-Anness 2 ta' dan ir-Regolament) ippreċedut minn żewġ ċifri li jindikaw l-aħħar serje ta' emendi ta' dan ir-Regolament;

(c)	Il-Klassi tal-REC.

5.4.   Il-kampjuni ta' REC għall-ittestjar tal-approvazzjoni għandhom jiġu identifikati b'mod ċar b'mill-inqas l-isem tal-applikant u r-referenza tal-applikazzjoni.

6.   APPROVAZZJONI

6.1.   L-approvazzjoni tat-tip għandha tingħata jekk l-REC jissodisfa r-rekwiżiti ta' dan ir-Regolament.

6.2.   Għandu jiġi assenjat numru tal-approvazzjoni għal kull REC approvat. L-ewwel żewġ ċifri tiegħu (fil-preżent 01 skont din is-serje ta' emendi) għandhom jindikaw is-serje ta' emendi li jinkorporaw l-aktar emendi tekniċi ewlenin riċenti li saru fir-Regolament sa dak iż-żmien meta nħarġet l-approvazzjoni. L-istess numru ta' approvazzjoni tat-tip ma għandux jiġi assenjat għal REC ieħor.

6.3.   L-avviż tal-approvazzjoni, tar-rifjut jew tal-estensjoni tal-approvazzjoni ta' REC skont dan ir-Regolament għandu jiġi kkomunikat lill-Partijiet Kontraenti għall-Ftehim li jkunu qegħdin japplikaw dan ir-Regolament, permezz ta' formola ta' Komunikazzjoni li tkun konformi mal-mudell fl-Anness 2 ta' dan ir-Regolament.

7.   REKWIŻITI ĠENERALI

7.1.   REC approvat f'konformità ma' dan ir-Regolament għandu jiġi ddisinjat, jinbena u jkun jista' jiġi mmuntat b'tali mod li jippermetti li l-applikazzjoni tkun konformi mar-regoli stabbiliti f'dan ir-Regolament matul il-ħajja normali tal-REC f'kundizzjonijiet normali tal-użu.

7.2.   REC approvat f'konformità ma' dan ir-Regolament għandu jkun durabbli. Dan ifisser li għandu jiġi ddisinjat, jinbena u jkun jista' jiġi mmuntat b'tali mod li tkun tista' tinkiseb reżistenza raġonevoli għal fenomeni bħall-korrużjoni, l-ossidazzjoni, il-vibrazzjoni u l-istress mekkaniku li għalihom ikun espost f'kundizzjonijiet normali tal-użu. Ir-rekwiżiti speċifiċi tad-durabilità jinsabu fil-paragrafu 9 ta' dan ir-Regolament.

7.3.   Il-manifattur ta' REC għandu jipprovdi d-dokumenti tal-installazzjoni li jiżguraw li l-REC, meta jiġi installat fil-vettura jew fil-makkinarju, jitħaddem, flimkien mal-parts tal-makkinarju meħtieġa, b'mod li jkun konformi mar-rekwiżiti tal-paragrafi 7, 8 u 9 ta' dan ir-Regolament. Din id-dokumentazzjoni għandha tinkludi r-rekwiżiti tekniċi dettaljati u d-dispożizzjonijiet tal-REC (softwer, ħardwer u komunikazzjoni) meħtieġa għall-installazzjoni korretta tal-REC fil-makkinarju.

7.4.   Mhuwiex permess tagħmir li jevita jew inaqqas l-effiċjenza tal-REC.

7.5.   REC approvat f'konformità ma' dan ir-Regolament għandu jkun mgħammar b'sistema ta' twissija tal-operatur abbord li tibgħat sinjali lis-sewwieq dwar il-preżenza ta' ħsara li taffettwa l-effiċjenza tal-REC.

7.5.1.   REC għat-tnaqqis tal-partikuli għandu jkun mgħammar b'tagħmir ta' monitoraġġ li jidentifika t-tħaddim skorrett jew it-tneħħija tal-REC u li jiskatta allarm li jinstema' u/jew viżwali għall-operatur. Għal REC għat-tnaqqis tal-partikuli abbażi ta' reaġent, it-tagħmir ta' monitoraġġ jista' jinterrompi l-input ta' kwalunkwe reaġent jew addittiv, jekk ikun meħtieġ. Is-sistema ta' twissija tista' tkun ibbażata, pereżempju, fuq il-kejl kontinwu tal-kontropressjoni tal-egżost tal-magna.

7.5.2.   Ir-rekwiżiti speċifiċi applikabbli għal REC għat-tnaqqis tal-NOx huma pprovduti fil-paragrafu 7.7 ta' hawn taħt u fl-Anness 10 ta' dan ir-Regolament.

7.5.2.1.   L-istrateġija ta' kontroll tal-NOx tal-REC għandha tkun operattiva fil-kundizzjonijiet ambjentali kollha li jappartjenu regolarment fit-territorju tal-Partijiet Kontraenti, speċjalment f'temperaturi ambjentali baxxi.

7.5.3.   REC għat-tnaqqis ikkombinat ta' PM u NOx (REC tal-klassi IV) għandu jissodisfa d-dispożizzjonijiet tal-paragrafi 7.5.1, 7.5.2 u 7.5.2.1 ta' dan ir-Regolament.

7.5.4.   Il-filtru ta' REC għat-tnaqqis tal-partikuli jew ta' REC għat-tnaqqis ikkombinat ta' PM u NOx għandu jiġi ddisinjat u mibni b'mod li jkun jista' jiġi installat biss f'direzzjoni waħda. Ir-riversjar tal-filtru, b'mod intenzjonali jew mhux intenzjonali, għandu jkun fiżikament impossibbli.

7.6.   Ir-rekwiżiti speċifiċi għal REC li jirrikjedi reaġent jew addittiv.

7.6.1.   Kull tank tal-ħażna separat li jiġi installat fuq vettura jew makkinarju għandu jinkludi mezzi sabiex jittieħed kampjun ta' kwalunkwe fluwidu ġewwa t-tank. Il-punt tal-kampjunar għandu jkun faċilment aċċessibbli mingħajr l-użu tal-ebda għodda speċjalizzata jew tagħmir speċjalizzat.

7.6.2.   Is-sewwieq jew l-operatur tal-makkinarju għandu jiġi infurmat dwar il-livell ta' reaġent jew addittiv fit-tank tal-ħażna fuq il-vettura jew il-makkinarju permezz ta' indikazzjoni elettronika jew mekkanika speċifika f'konformità mal-Anness 10 ta' dan ir-Regolament. L-indikatur tal-livell tar-reaġent u l-indikatur tat-twissija għandhom jitqiegħdu fil-qrib tal-indikatur tal-livell tal-fjuwil.

7.6.3.   Il-karatteristiċi tar-reaġent, inkluż it-tip ta' reaġent, l-informazzjoni dwar il-konċentrazzjoni meta r-reaġent ikun f'soluzzjoni, il-kundizzjonijiet tat-temperatura waqt it-tħaddim u r-referenza għall-istandards internazzjonali fir-rigward tal-kompożizzjoni u l-kwalità għandhom jiġu speċifikati mill-manifattur tal-REC fl-Anness 1 ta' dan ir-Regolament.

7.6.4.   Għandha tiġi pprovduta informazzjoni dettaljata bil-miktub li tiddeskrivi l-karatteristiċi funzjonali tat-tħaddim tas-sistema ta' twissija tal-operatur definita fil-paragrafu 4 tal-Anness 10 għal dan ir-Regolament u tas-sistema ta' inċitament tal-operatur definita fil-paragrafu 5 tal-Anness 10 ta' dan ir-Regolament lill-Awtorità tal-Approvazzjoni tat-Tip fil-mument li tingħata l-approvazzjoni tat-tip.

7.6.5.   Il-protezzjoni tar-reaġent mill-iffriżar

7.6.5.1.   Huwa permess li jintużaw tank tar-reaġent u sistema ta' dożaġġ imsaħħna jew mhux imsaħħna. Sistema msaħħna għandha tissodisfa r-rekwiżiti tal-paragrafu 7.6.5.2.2 ta' dan ir-Regolament. Sistema mhux imsaħħna għandha tissodisfa r-rekwiżiti tal-paragrafu 6 tal-Anness 10 ta' dan ir-Regolament. L-użu ta' tank tar-reaġent u sistema ta' dożaġġ mhux imsaħħna għandu jiġi indikat fl-istruzzjonijiet bil-miktub lis-sewwieq jew lill-operatur tal-vettura jew tal-makkinarju.

7.6.5.2.   Tank tar-reaġent u sistema ta' dożaġġ

7.6.5.2.1.   Jekk ir-reaġent ikun iffriża, ir-reaġent għandu jkun disponibbli sabiex jintuża f'ħin massimu ta' 70 minuta wara l-istartjar tal-vettura jew tal-makkinarju f'temperatura ambjentali ta' 266 K (– 7 °C).

7.6.5.2.2.   Il-kriterji tad-disinn għal sistema msaħħna

7.6.5.2.2.1.   It-tank tar-reaġent u s-sistema ta' dożaġġ għandhom jiġu mgħaddsa f'temperatura ta' 255 K (– 18 °C) għal 72 siegħa jew sakemm ir-reaġent isir solidu, skont liema jseħħ l-ewwel.

7.6.5.2.2.2.   Wara l-perjodu ta' tgħaddis imsemmi fil-paragrafu 7.6.5.2.2.1 ta' hawn fuq, il-vettura/makkinarju/magna għandhom jiġu startjati u jitħaddmu f'temperatura ambjentali ta' 266 K (– 7 °C) jew inqas kif ġej: tħaddim għal bejn 10 minuti u 20 minuta mingħajr ma jkunu ingranati, segwit minn tħaddim sa 50 minuta b'tagħbija kklassifikata ta' mhux aktar minn 40 fil-mija.

7.6.5.2.2.3.   Fil-konklużjoni tal-proċedura tat-test deskritta fil-paragrafu 7.6.5.2.2.2 ta' hawn fuq, is-sistema ta' dożaġġ tar-reaġent għandha tkun funzjonali għalkollox.

7.6.5.2.3.   L-evalwazzjoni tal-kriterji tad-disinn tista' ssir f'kompartiment imkessaħ taċ-ċellola tat-test billi jintużaw vettura sħiħa jew makkinarju sħiħ jew inkella parts li jirrappreżentaw dawk li jkunu installati fuq vettura jew makkinarju jew abbażi ta' testijiet fuq il-post.

7.7.   Ir-rekwiżiti dwar il-miżuri ta' kontroll tal-NOx għal REC li jirrikjedi reaġent

7.7.1.   Il-manifattur ta' REC għandu jipprovdi informazzjoni li tiddeskrivi b'mod sħiħ il-karatteristiċi operattivi funzjonali tal-miżuri ta' kontroll tal-NOx billi juża d-dokumenti stabbiliti fl-Anness 1.

7.7.2.   L-REC għandu jkun mgħammar b'sistema Dijanjostika għall-Kontroll tal-NOx (NCD) li kapaċi tidentifika l-ħsarat fil-kontroll tal-NOx. L-NCD għandha tiġi ddisinjata, tinbena u tiġi installata b'tali mod li tkun tista' tissodisfa r-rekwiżiti tal-paragrafu 7 ta' dan ir-Regolament matul il-ħajja normali tal-REC f'kundizzjonijiet normali tal-użu.

7.7.2.1.   Is-sistema NCD għandha tkun operattiva:

(a)	F'temperaturi ambjentali ta' bejn 266 K u 308 K (– 7 °C u 35 °C);

(b)	Fl-altitudnijiet kollha taħt l-1 600 m;

(c)	F'temperaturi tal-fluwidu berried tal-magna ogħla minn 343 K (70 °C).

Dan il-paragrafu ma japplikax fil-każ ta' monitoraġġ għal-livell ta' reaġent fit-tank tal-ħażna meta l-monitoraġġ għandu jsir fil-kundizzjonijiet kollha fejn il-kejl huwa teknikament fattibbli (pereżempju, fil-kundizzjonijiet kollha meta reaġent tal-likwidu ma jkunx iffriżat).

7.7.3.   Is-sistema NCD għandha tissodisfa r-rekwiżiti fl-Anness 10.

7.8.   Ir-rekwiżiti tal-manutenzjoni

7.8.1.   Il-manifattur ta' REC għandu jforni struzzjonijiet bil-miktub dwar is-sistema ta' REC u t-tħaddim korrett tagħha, li jridu jiġu pprovduti lis-sewwieqa kollha jew lill-operaturi ta' vetturi jew makkinarji.

Dawn l-istruzzjonijiet għandhom jiddikjaraw li, jekk is-sistema ta' REC ma tkunx qed tiffunzjona b'mod korrett, is-sewwieq jew l-operatur jiġi informat bi problema mis-sistema ta' twissija tal-operatur u li l-attivazzjoni tas-sistema ta' inċitament tal-operatur bħala konsegwenza tal-fatt li tkun ġiet injorata din it-twissija twassal sabiex il-vettura jew il-makkinarju ma jkunux jistgħu jerġgħu jistartjaw.

7.8.2.   L-istruzzjonijiet għandhom jindikaw ir-rekwiżiti għall-użu u l-manutenzjoni xierqa tal-REC sabiex jinżamm ir-rendiment tal-emissjonijiet tiegħu, inkluż l-użu xieraq ta' reaġenti konsumabbli.

7.8.3.   L-istruzzjonijiet għandhom ikunu miktubin b'mod ċar u mhux tekniku, billi jintuża l-istess lingwaġġ li jintuża fil-manwal tal-operatur fuq il-vettura jew il-makkinarju.

7.8.4.   L-istruzzjonijiet għandhom jispeċifikaw jekk ir-reaġenti konsumabbli għandhomx jimtlew mill-ġdid mis-sewwieq jew mill-operatur bejn intervalli ta' manutenzjoni normali. L-istruzzjonijiet għandhom jispeċifikaw ukoll il-kwalità meħtieġa tar-reaġent. Huma għandhom jindikaw kif is-sewwieq jew l-operatur jenħtieġ jerġa' jimla t-tank tar-reaġent. L-informazzjoni għandha tindika wkoll rata probabbli ta' konsum tar-reaġent u kemm ta' spiss għandu jimtela mill-ġdid.

7.8.5.   L-istruzzjonijiet għandhom jispeċifikaw li l-użu u l-mili mill-ġdid ta' reaġent meħtieġ bl-ispeċifikazzjonijiet korretti huma essenzjali sabiex il-vettura jew il-makkinarju jkunu konformi mar-rekwiżiti għall-ħruġ tal-approvazzjoni tal-REC għal dik il-vettura jew dak il-makkinarju.

7.8.6.   L-istruzzjonijiet għandhom jiddikjaraw li jista' jkun reat kriminali li jintużaw vettura jew makkinarju li ma jikkonsmaw l-ebda reaġent jekk ir-reaġent ikun meħtieġ għat-tnaqqis tal-emissjonijiet.

7.8.7.   L-istruzzjonijiet għandhom jispjegaw kif jaħdmu s-sistemi ta' inċitament u ta' twissija tal-operatur. Barra minn hekk, għandhom jiġu spjegati l-konsegwenzi, f'termini ta' rendiment u lloggjar tal-ħsarat, ta' meta tiġi injorata s-sistema ta' twissija, ta' meta ma jerġax jimtela r-reaġent jew ta' meta ma tissolviex il-problema.

7.9.   L-approvazzjoni għandha tkun kundizzjonali fuq is-subparagrafi li ġejjin.

7.9.1.   Il-manifattur li jipprovdi struzzjonijiet bil-miktub dwar il-manutenzjoni, li jridu jingħataw mill-installatur lis-sewwieq jew lill-operatur.

7.9.2.   Il-manifattur li jipprovdi dokumenti tal-installazzjoni għall-REC.

7.9.3.   Il-manifattur li jipprovdi struzzjonijiet għal sistema ta' twissija tal-operatur, sistema ta' inċitament u protezzjoni tar-reaġent mill-iffriżar (fejn applikabbli), li jridu jingħataw mill-installatur lill-workshop jew lis-sewwieq jew lill-operatur, kif xieraq.

7.9.4.   Il-manifattur li jipprovdi dikjarazzjoni bil-miktub lill-installatur, li trid tingħata lis-sewwieq jew lill-operatur, dwar il-kundizzjonijiet tat-tħaddim normali (il-firxa tat-temperatura, il-kundizzjonijiet ambjentali, …) li fihom l-REC jaħdem b'mod korrett.

8.   REKWIŻITI TAR-RENDIMENT

8.1.   L-REC approvat skont dan ir-Regolament għandu jissodisfa l-kriterji kollha li ġejjin:

(a)	Il-valuri ta' limitu tal-emissjonijiet kif speċifikati fil-paragrafu 8.2;

(b)	Il-livelli ta' tnaqqis kif speċifikati fil-paragrafu 8.3;

(c)	Ir-rekwiżiti tal-emissjonijiet ta' NO2 kif speċifikati fil-paragrafu 8.4;

(d)	Ir-rekwiżiti tal-emissjonijiet sekondarji kif speċifikati fil-paragrafu 8.6.

8.2.   Valuri ta' limitu

Is-sistema tal-magna mmodifikata ma għandhiex taqbeż il-limiti tal-emissjonijiet għall-inkwinanti rilevanti (NOx jew PM jew it-tnejn, kif xieraq, għall-Klassi tal-REC) ta' stadju tal-emissjonijiet aktar strett kif speċifikat fir-Regolament Nru 49 jew fir-Regolament Nru 96, kif xieraq, u mkejjel bl-użu tal-proċedura/i tal-ittestjar assoċjati mal-valuri ta' limitu li jridu jinkisbu. Is-sistema tal-magna mmodifikata għandha tissodisfa mill-inqas il-limiti tal-emissjonijiet għall-istadju li għalih kienet approvata l-magna bażi għal kull wieħed mill-inkwinanti kkontrollati l-oħrajn rilevanti għal dak l-istadju.

8.2.1.   Ir-rekwiżiti għal kull klassi ta' REC f'termini tal-issodisfar tal-limiti tal-istadju tal-emissjonijiet aktar strett li jmiss huma murija fit-tabelli fl-Anness 9 ta' dan ir-Regolament.

8.2.2.   Fil-każ ta' magna li ma jkollhiex it-tip tagħha approvat f'konformità mar-rekwiżiti tar-Regolament Nru 49 jew tar-Regolament Nru 96, l-emissjonijiet ta' kull wieħed mill-inkwinanti rregolati (CO, HC, NOx u PM) fil-kundizzjoni inizjali ma għandhomx jaqbżu l-valuri ta' limitu għall-istadju tal-emissjonijiet immedjatament taħt dak li għalih tintalab iċ-ċertifikazzjoni tal-REC.

8.3.   Il-livelli tat-tnaqqis u l-effiċjenza tat-tnaqqis

8.3.1.   Il-livell tat-tnaqqis ta' sistema ta' REC huwa kkaratterizzat mill-effiċjenza tat-tnaqqis tagħha kif speċifikat fit-Tabella 1:

Tabella 1

Livelli ta' tnaqqis

	Effiċjenza minima tat-tnaqqis (%)
	Massa ta' PM	NOX
Livell ta' tnaqqis 01	90	60

8.3.2.   L-effiċjenza tat-tnaqqis għandha tiġi stabbilita permezz ta' tqabbil tal-emissjonijiet imkejla fuq id-WHTC ponderat għal REC li jrid jiġi applikat għal magni heavy duty jew fuq l-NRTC ponderat għal REC li jrid jiġi applikat għal makkinarju mobbli mhux intiż biex jintuża fit-triq jew għal magni ta' tratturi agrikoli u tal-forestrija. L-effiċjenza tat-tnaqqis għandha tiġi kkalkolata kif definit fil-punt 8.3.4 ta' dan ir-Regolament.

8.3.3.   Għall-fini ta' dan ir-Regolament, l-effiċjenza tat-tnaqqis għal NOx għandha tkun applikabbli għal sistemi li huma intiżi biex inaqqsu l-NOx u l-livell ta' tnaqqis tal-PM għandu jkun applikabbli għal sistemi intiżi biex inaqqsu l-PM. Għal REC tal-Klassi IV, għandhom jiġu ssodisfati l-livelli ta' tnaqqis kemm għall-NOx kif ukoll għall-PM murija fit-tabella 1 ta' dan ir-Regolament.

8.3.4.   L-effiċjenza tat-tnaqqis għandha tiġi kkalkolata mill-emissjonijiet imkejla tal-inkwinant rilevanti 'l isfel mill-REC (EREC) u mill-emissjonijiet tas-sistema tal-magna mkejla qabel jitwaħħal l-REC (EBażi) għal dak l-inkwinant, it-tnejn li huma mkejla f'konformità mal-proċeduri definiti f'dan ir-Regolament:

effiċjenza tat-tnaqqis (fil-mija) = (1 – (EREC/EBażi)) × 100.

8.4.   Rekwiżiti tal-emissjonijiet ta' NO2

8.4.1.   Għal REC tal-Klassi I, ma għandu jkun hemm l-ebda żieda fl-emissjonijiet ta' NO2 'il fuq mill-emissjonijiet bażi ta' NO2, imkejla kif definit fl-Anness 5 ta' dan ir-Regolament.

8.4.2.   Għal REC tal-Klassi IIA, iż-żieda inkrimentali tal-NO2 ma għandhiex tkun aktar minn 20 punt perċentwali akbar mil-livell irreġistrat meta ma jiġi mmuntat l-ebda REC (bażi). Bħala eżempju, jekk l-NO2 fil-bażi jkun 10 fil-mija tal-NOx, l-emissjoni massima ta' NO2 permessa mal-REC tkun 30 fil-mija tal-NOx imkejjel kif definit fl-Anness 5 ta' dan ir-Regolament. Għal REC tal-Klassi IIB, iż-żieda inkrimentali tal-NO2 għandha tkun ta' mhux aktar minn 30 punt perċentwali.

8.4.3.   Għal REC tal-Klassi III, ma għandu jkun hemm ebda żieda fl-emissjonijiet ta' NO2 imkejla fi g/kWh u kif definit fl-Anness 6 ta' dan ir-Regolament.

8.4.4.   Għal REC tal-Klassi IV, ma għandu jkun hemm ebda żieda fl-emissjonijiet ta' NO2 imkejla fi g/kWh u kif definit fl-Anness 7 ta' dan ir-Regolament.

8.5.   Rekwiżiti tal-emissjonijiet tan-numru ta' partikuli

8.5.1.   L-REC tal-Klassi I, tal-Klassi IIA jew IIB u tal-Klassi IV approvati għal Livell 01 ta' Tnaqqis tal-PM għandhom jipprovdu effiċjenza tat-tnaqqis għal numru ta' partikuli ta' mill-inqas 97 fil-mija mill-emissjonijiet bażi tal-magna tal-ittestjar kif definiti fil-paragrafu 12 meta mkejla bl-użu tal-proċedura/i tal-ittestjar stabbilita/i f'dan ir-Regolament.

8.5.2.   Huwa permess kampjunar dirett mill-gass tal-egżost mhux ittrattat qabel id-dilwizzjoni. Imbagħad, il-proporzjonijiet tad-dilwizzjoni tad-dilwituri tan-numru ta' partikuli (PND1 u PND2 tas-sistema ta' trasferiment tal-partikuli, kif definiti fir-Regolament Nru 49) għandhom jiġu adattati għall-firxa tal-kejl tal-kalkolatur tan-numru ta' partikuli (PNC).

8.5.3.   L-effiċjenza tat-tnaqqis tan-numru ta' partikuli tiġi ddeterminata bħala d-differenza ta' 1 nieqsa l-penetrazzjoni, li hija l-proporzjon bejn l-emissjonijiet tan-numru ta' partikuli 'l isfel mis-sistema ta' REC u l-emissjonijiet tan-numru ta' partikuli tas-sistema tal-magna qabel jitwaħħal l-REC. L-effiċjenza tat-tnaqqis tan-numru ta' partikuli hija indikata bħala perċentwal. L-effiċjenza tat-tnaqqis tan-numru ta' partikuli għandha tiġi ddeterminata għaċ-ċiklu tat-test xieraq kif definit fil-paragrafu 8.3.2.

effiċjenza tat-tnaqqis (fil-mija) = (1 – (EREC/EBażi)) × 100.

8.5.4.   Jekk jintużaw żewġ sistemi ta' kejl tan-numru ta' partikuli b'mod parallel għall-kejl tal-effiċjenza tat-tnaqqis tan-numru ta' partikuli, huma għandhom jagħtu l-kejl f'firxa ta' 5 fil-mija minn xulxin meta jitkejlu simultanjament mill-istess punt tal-kampjunar.

8.6.   Rekwiżiti tal-emissjonijiet sekondarji

8.6.1.   Il-manifattur tas-sistema ta' REC għandu jipprovdi evidenza dokumentarja li turi li l-materjali u l-proċessi li jintużaw fl-REC ma jippreżentaw ebda periklu addizzjonali għas-saħħa u għall-ambjent.

8.6.2.   Għal REC tal-Klassi III u tal-Klassi IV, l-emissjonijiet ta' ammonijaka ma għandhomx jaqbżu valur medju ta' 25 ppm meta jitkejlu bl-użu tal-proċeduri definiti fl-Appendiċi 7 tal-Anness 4 tas-serje 06 tal-emendi tar-Regolament Nru 49.

8.6.3.   L-REC ma għandux iżid l-emissjonijiet sekondarji għal konċentrazzjonijiet magħrufa li huma perikolużi għas-saħħa.

8.6.4.   L-applikant għal approvazzjoni għandu jipprovdi valutazzjoni tar-rendiment tal-REC fir-rigward tal-emissjonijiet sekondarji. Il-valutazzjoni għandha tindirizza l-emissjonijiet sekondarji probabbli kollha mill-REC wara li tqis il-prinċipju tat-tħaddim tiegħu, id-disinn tiegħu, il-metodu ta' kostruzzjoni tiegħu u l-materjali applikati.

8.6.4.1.   B'mod partikolari, il-valutazzjoni għandha:

(a)	Fil-każijiet fejn l-REC ikun fih ram jew komposti tar-ram, tindirizza l-formazzjoni possibbli ta' diossini;

(b)	Fil-każijiet fejn l-REC jagħmel użu minn katalizzatur li jinġarr bil-fjuwil, tikkunsidra l-impatt fuq il-produzzjoni ta' emissjonijiet sekondarji ta': (i) In-nuqqas ta' dak il-katalizzatur u (ii) Il-preżenza tiegħu f'konċentrazzjoni sad-doppju ta' dik intiża jew irrakkomandata.

8.6.4.2.   Il-valutazzjoni għandha ssemmi kull wieħed mill-ispeċijiet ta' emissjonijiet sekondarji kkunsidrati.

8.6.4.3.   Il-valutazzjoni tista' tkun ibbażata fuq analiżi u ġudizzju tal-inġenerija tajbin, fuq ir-riżultati tat-testijiet jew tas-simulazzjonijiet, fuq ir-riżultati tal-analiżi jew tat-testijiet ta' sistemi jew teknoloġiji simili jew fuq kwalunkwe kombinazzjoni ta' dawn l-elementi.

8.6.4.4.   Għall-finijiet ta' dan ir-Regolament, l-emissjonijiet sekondarji prodotti f'konċentrazzjonijiet mhux ogħla b'mod sinifikanti mill-konċentrazzjonijiet prodotti minn sistemi ta' magni b'tagħmir oriġinali għandhom jitqiesu bħala li mhumiex perikolużi għas-saħħa.

8.6.5.   L-applikant jista' jintalab iwettaq testijiet għal emissjonijiet sekondarji bħala prerekwiżit għall-approvazzjoni fil-każijiet fejn il-valutazzjoni tar-rendiment tal-REC fir-rigward tal-emissjonijiet sekondarji tipproduċi aspettattiva raġonevoli li r-rekwiżiti tal-paragrafu 8.6.3 ta' hawn fuq ma jiġux issodisfati.

9.   REKWIŻITI TAD-DURABILITÀ

9.1.   L-applikant għandu jiddikjara li s-sistema ta' REC, meta tintuża u tinżamm skont l-istruzzjonijiet tal-manifattur, tikkonforma mad-dispożizzjonijiet applikabbli waqt it-tħaddim normali matul il-ħajja utli ta':

(a)	Għall-vetturi tal-kategoriji M2 u M3 u N, kilometraġġ ta' 200 000 km jew ħajja operattiva ta' 6 snin, skont liema sseħħ l-ewwel;

(b)	Għall-applikazzjonijiet l-oħrajn kollha, 4 000 siegħa operattiva jew ħajja operattiva ta' 6 snin, skont liema sseħħ l-ewwel.

9.2.   L-applikant għandu jwettaq test tad-durabilità ta' 1 000 siegħa fuq kombinazzjoni ta' REC u magna. Dan it-test għandu jkun jew test fuq il-post f'applikazzjoni tipika ta' vettura jew makkinarju maqbula bejn l-Awtorità tal-Approvazzjoni tat-Tip u l-applikant jew inkella test fuq bank tat-test ta' magna. Fil-każ ta' ttestjar fuq bank tat-test ta' magna, iċ-ċiklu tal-maturazzjoni, it-tagħbija u l-veloċità għandhom jinkludu kundizzjonijiet li japprossimaw għal 10 fil-mija ta' tħaddim ta' magna li mhijiex ingranata, 10 fil-mija ta' tħaddim tranżitorju, 75 fil-mija ta' tħaddim b'tagħbija kbira u b'veloċità għolja u 5 fil-mija ta' tħaddim b'tagħbija medja u b'veloċità baxxa.

Il-magna għall-prova tad-durabilità tista' tkun differenti mill-magna tal-ittestjar li tintuża għal testijiet li jsiru sabiex jiġi stabbilit il-livell ta' tnaqqis tal-REC, iżda għandha tkun magna li taqa' fi ħdan il-firxa tal-applikazzjoni ddikjarata tal-REC partikolari.

9.3.   Il-kontenut tat-test huwa kif ġej:

(a)

1 000 siegħa ta' akkumulazzjoni ta' servizz tal-REC b'reġistrazzjoni tad-data operattiva rilevanti kollha tal-magna kkonċernata, inklużi t-tip u l-konsum tal-fjuwil u taż-żejt lubrikanti u, meta jkun meħtieġ reaġent jew addittiv xieraq mit-tagħmir ta' REC, illoggjar kontinwu u sekonda b'sekonda tad-data tat-temperatura tal-egżost qabel l-REC u t-telf tal-pressjoni fuq l-REC. Fil-każ ta' test fuq il-post, l-REC għandu jiġi ssiġillat mis-Servizz Tekniku u l-illoggjar tad-data għandu jsir mill-manifattur tal-REC jew mill-operatur tal-vettura jew tal-makkinarju li fuqhom jitwettaq it-test tar-reżistenza;

(b)	Barra minn hekk, fil-każ ta' REC li jitħaddem b'addittivi jew li jagħmel użu minn reaġent, għandha ssir ukoll verifika tar-rata ta' dożaġġ korretta fil-bidu tat-test fuq il-post, wara 500 siegħa ta' tħaddim u wara 1 000 siegħa ta' tħaddim.

9.4.   Wara li titlesta l-prova tad-durabilità, is-sistema ta' REC li tintuża sabiex tintwera d-durabilità għandha tintuża għal kwalunkwe ttestjar tal-evalwazzjoni ulterjuri bil-magna tal-ittestjar oriġinali.

F'każ li l-magna tal-ittestjar oriġinali ma tkunx għadha funzjonali, tista' tintuża magna tal-istess tip bil-ftehim minn qabel tal-Awtorità tal-Approvazzjoni tat-Tip.

9.5.   Is-sistema ta' REC għandha tissodisfa r-rekwiżiti tal-paragrafu 8 meta tiġi ttestjata f'konformità mal-paragrafu 9.4 wara li titlesta l-akkumulazzjoni tas-servizz.

10.   FIRXA TAL-APPLIKAZZJONI

10.1.   Il-firxa tal-applikazzjoni tiddeskrivi l-firxa ta' magni jew sistemi ta' magni li għalihom tista' tiġi applikata l-familja ta' REC. L-applikant għandu jipprovdi informazzjoni dettaljata dwar il-firxa tal-applikazzjoni lill-Awtorità tal-Approvazzjoni tat-Tip kif speċifikat fl-Anness 3 ta' dan ir-Regolament.

10.2.   Il-firxa tal-applikazzjoni hija limitata għall-familja tal-magna li għaliha tappartjeni l-magna tat-test definita fil-paragrafu 12.

10.3.   Il-firxa tal-applikazzjoni tista' tiġi estiża għal:

(a)	Magni oħrajn prodotti mill-istess manifattur tal-magni; u

(b)	Magni ta' manifatturi ta' magni oħrajn.

Jekk l-applikant ikun jista' juri li l-karatteristiċi tal-kriterji li ġejjin tal-magni kkonċernati huma l-istess bħal dawk fil-magna tat-test:

(a)	Spostament taċ-ċilindru individwali fi ħdan ± 20 fil-mija tal-magna tat-test;

(b)	Metodu ta' aspirazzjoni (magna li tiċċarġja bit-turbo jew li taspira b'mod naturali);

(c)	B'EGR jew mingħajrha;

(d)	Jekk hijiex magna b'veloċità kostanti jew b'veloċità varjabbli; (3)

(e)	Stadju tal-emissjonijiet bażi tal-magna; u

(f)	B'sistema ta' posttrattament jew mingħajrha.

10.4.   Il-firxa tal-applikazzjoni ma għandhiex tiġi estiża għall-magni bi stadju tal-emissjonijiet bażi inqas strett mill-istadju tal-emissjonijiet bażi tal-magna tat-test.

10.5.   Jekk l-applikant ikun jista' jipprova li REC ittestjat għal vetturi tal-Kategoriji M2, M3 u N u l-magni CI tagħhom huwa maħsub ukoll sabiex jintuża bl-istess mod strutturali fuq magni CI għall-użu f'makkinarju mobbli mhux intiż għat-triq jew f'vetturi tal-Kategorija T, u l-magna tat-test f'konformità mal-paragrafu 12 ta' hawn taħt tkun rappreżentattiva għal applikazzjonijiet bħal dawn u tkun tissodisfa wkoll il-kriterji tal-familja tal-paragrafi 14, 15 jew 16 ta' hawn taħt, kif xieraq, il-firxa tal-applikazzjoni tista' tiġi estiża għall-magni CI għall-użu f'makkinarju mobbli mhux intiż għat-triq u f'vetturi tal-kategorija T.

Mhuwiex permess li l-firxa ta' REC li jkun ġie approvat sabiex jintuża ma' magni CI f'makkinarju mobbli mhux intiż għat-triq jew f'vetturi tal-kategorija T tiġi estiża sabiex tali REC ikun ikopri l-applikazzjonijiet intiżi għat-triq bil-mod deskritt f'dan il-paragrafu.

11.   MODIFIKI FL-EMISSJONIJIET BAŻI TAL-MAGNA

11.1.   Kwalunkwe modifika tal-parametri tat-tħaddim tal-magna li tista' taffettwa l-emissjonijiet bażi tal-magna trid tinżamm fil-limiti speċifikati mill-manifattur tal-magna oriġinali (pereżempju l-kontropressjoni massima tal-gass tal-egżost permessibbli jew il-limiti stabbiliti għall-impatt ta' tagħmir estern fuq is-sistemi elettriċi jew tal-immaniġġjar tad-data).

11.2.   F'każijiet fejn ikunu meħtieġa miżuri addizzjonali fir-rigward tal-komponenti rilevanti għall-emissjonijiet jew tal-komponenti tas-sistemi, bħal modifiki għall-kontroll tar-riċirkolazzjoni tal-gass tal-egżost (EGR) sabiex jiġi żgurat il-funzjonament tajjeb tal-magna u tas-sistemi tal-posttrattament tal-egżost flimkien mal-REC, l-applikant għandu jipprovdi deskrizzjoni dettaljata tal-modifika tad-disinn flimkien ma' spjegazzjoni ta' kif il-modifika se tbiddel it-tħaddim u l-prestazzjoni tal-istrateġija ta' kontroll tal-emissjonijiet. Sabiex isostni t-talbiet tiegħu, l-applikant għandu jissottometti data tat-test addizzjonali, ġustifikazzjoni u analiżi tal-inġinerija jew kwalunkwe informazzjoni oħra meqjusa bħala neċessarja mill-Awtorità tal-Approvazzjoni tat-Tip jew mis-Servizz Tekniku sabiex jiġu indirizzati d-differenzi bejn id-disinji oriġinali u dawk immodifikati.

11.3.   Is-sistema ta' kontroll tal-emissjonijiet tal-manifattur tal-magna oriġinali ma għandhiex tiġi mmodifikata, ħlief għal:

(a)	Il-modifiki permessi bil-permess bil-miktub tal-manifattur tal-magna oriġinali; jew

(b)

Fil-każ ta' REC tal-Klassi I, tal-Klassi IIA jew tal-Klassi IIB, is-sostituzzjoni ta' katalizzatur tal-ossidazzjoni tad-diżil eżistenti diment li: (i) Jiġu ssodisfati r-rekwiżiti tal-paragrafu 8.4; u (ii) Is-sistema tal-magna mmodifikata tissodisfa mill-inqas il-limiti għall-istadju li għalih kienet approvata l-magna bażi għal kull wieħed mill-inkwinanti kkontrollati l-oħrajn rilevanti għal dak l-istadju;

(c)	L-installazzjoni ta' sondi għall-kejl tat-temperatura u/jew tal-pressjoni fid-daħla tas-sistema ta' REC għat-tnaqqis tal-NOx, inkluża l-unità tad-dożaġġ.

11.4.   Soġġett għall-issodisfar tar-rekwiżiti tal-paragrafu 11.1 ta' dan ir-Regolament, huma permessi modifiki 'l isfel minn sistema ta' posttrattament oriġinali.

11.5.   Il-prestazzjoni ta' kwalunkwe Sistema Dijanjostika Abbord (OBD) u sistema ta' kontroll tal-NOx tas-sistema tal-magna oriġinali ma għandhiex tiġi kompromessa mill-REC.

12.   L-GĦAŻLA TAL-MAGNI TAL-ITTESTJAR U TAL-KOMBINAZZJONI TA' REC

12.1.   Il-magni tal-ittestjar għandhom joriġinaw minn familja ta' magna li tikkorrispondi għall-firxa tal-applikazzjoni sussegwenti tal-REC. Ir-rendiment tal-emissjonijiet tal-magna tal-ittestjar għandu jitkejjel u għandu jissodisfa l-limiti għall-istadju tal-emissjonijiet bażi applikabbli.

12.2.   Il-magna tal-ittestjar u l-kombinazzjoni ta' REC għall-firxa tal-applikazzjoni magħżula għandhom jissodisfaw il-kriterji li ġejjin:

(a)	Il-magna għandu jkollha output tal-potenza nominali ta' bejn 100 fil-mija u 60 fil-mija tal-potenza massima tal-magna referenzjarja fil-familja partikolari meta tiġi vvalutata f'konformità mal-proċeduri tar-Regolament Nru 49 jew tar-Regolament Nru 96, kif xieraq;

(b)	Meta jiġi kkombinat mal-magna tal-ittestjar magħżula, l-REC għandu jkollu l-ogħla veloċità spazjali fi ħdan il-firxa tal-applikazzjoni tal-familja ta' REC;

(c)	L-REC għandu jkollu l-konċentrazzjoni volumetrika minima ta' materjali attivi b'mod katalitiku speċifikata mill-manifattur għall-familja ta' REC.

Meta r-rekwiżiti tas-subparagrafi (b) u (c) ta' hawn fuq ikunu inkompatibbli b'mod reċiproku, ir-rekwiżiti tas-subparagrafu (b) għandhom jieħdu prijorità.

12.3.   Għall-REC intiż sabiex jintuża fuq magni bit-tip approvat f'konformità mar-Regolament Nru 96, l-ittestjar fuq magna tal-ittestjar waħda għal kull kategorija ta' potenza li għaliha huwa intiż l-REC huwa obbligatorju.

12.4.   Il-magna tal-ittestjar magħżula għandha tikkonforma, kemm fil-kundizzjoni tal-produzzjoni tas-serje kif ukoll fil-kundizzjoni mmodifikata, mal-limiti tal-emissjonijiet tal-inkwinanti kollha assoċjati mal-istadju jew mal-istandard li għalih oriġinarjament kellha t-tip tagħha approvat. Meta l-vetturi jew il-makkinarji jkunu mgħammra b'sistemi dijanjostiċi abbord, dawk is-sistemi ma għandhomx jiġu affettwati fir-rigward tal-funzjoni tal-monitoraġġ tagħhom wara li tkun ġiet installata s-sistema ta' modifika retroattiva. Il-karatteristiċi tal-unità ta' kontroll elettroniku tal-magna (fir-rigward ta', pereżempju, il-ħin tal-injezzjoni, il-kejl tal-fluss tal-massa tal-arja jew l-istrateġiji ta' tnaqqis tal-emissjonijiet mill-egżost) ma għandhomx jinbidlu mill-modifika retroattiva. Kwalunkwe modifika tal-magna tal-ittestjar li tbiddel l-imġiba oriġinali tal-emissjonijiet (pereżempju alternazzjoni tal-ħin tal-injezzjoni) mhijiex permessa.

13.   SPEĊIFIKAZZJONIJIET LI JIKKONĊERNAW IL-KEJL TAL-EMISSJONIJIET

13.1.   Il-komponenti ta' gassijiet u partikuli emessi mill-magna jew mis-sistema tal-magna flimkien mal-REC sottomessi għall-ittestjar għandhom jitkejlu permezz tal-metodi deskritti fl-annessi applikabbli tar-Regolament Nru 49 u tar-Regolament Nru 96.

13.2.   Jekk jintuża detettur kimiluminixxenti msaħħan (CLD) għad-determinazzjoni tal-NO2 f'konformità mal-paragrafu 8.4 ta' dan ir-Regolament, għandhom jintużaw żewġ kompartimenti tal-kejl paralleli sabiex jiddeterminaw l-NOx u l-NO simultanjament. Huma permessi żewġ CLDs b'mod parallel, diment li t-tnejn jikkonformaw mar-rekwiżiti tar-Regolament Nru 49 jew tar-Regolament Nru 96, kif xieraq, u diment li l-effiċjenzi assoluti tal-konvertitur jintwerew li huma f'firxa ta' 3 fil-mija minn xulxin.

14.   IL-FAMILJA TA' REC GĦAT-TNAQQIS TAL-PARTIKULI

14.1.   L-approvazzjoni ta' REC għat-tnaqqis tal-partikuli se tkompli tkun valida għal sistema simili b'mod nominali f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

(a)	It-tip ta' żamma tal-element attiv (pereżempju, iffissar mekkaniku jew adeżiv), u l-funzjonament;

(b)	Il-prinċipju ta' tħaddim tal-element attiv (pereżempju, materjal metalliku jew ċeramiku, filtrazzjoni tal-barrieri jew separazzjoni ajrudinamika);

(c)

Id-disinn u l-karatteristiċi tal-filtru jew ta' materjal attiv ieħor (pereżempju, kemm jekk jikkonsisti f'folji jew pjanċi, jew inkella huwiex immaljat jew imwaħħal, iċ-ċellola, il-materjal, jew id-densità mhux minsuġa, il-porożità u d-dijametru tal-pori tal-mezzi ta' filtri tal-barrieri, in-numru ta' kontenituri, xfafar jew blalen fis-separaturi ajrudinamiċi, il-ħruxija tas-superfiċje ta' komponenti kritiċi u d-dijametri ta' wajers, blalen jew fibri);

(d)	Il-konċentrazzjoni volumetrika minima ta' materjali attivi b'mod katalitiku tas-sistema ta' tnaqqis tal-partikuli, inklużi l-katalizzaturi upstream (jekk ikunu mmuntati) (grammi/m3);

(e)	Il-konċentrazzjoni volumetrika massima ta' materjali attivi b'mod katalitiku tas-sistema ta' tnaqqis tal-partikuli, inklużi l-katalizzaturi upstream (jekk ikunu mmuntati) (grammi/m3);

(f)	Il-karatteristiċi tad-disinn tal-inkapsulament jew tal-imballaġġ (pereżempju, il-ħażna jew iż-żamma tat-trasportatur tal-elementi attivi);

(g)	Il-volum ta' kull komponent attiv (pereżempju DOC, sottostrat tal-filtru) li għandu jkun fi ħdan ± 40 fil-mija tal-volum tat-tagħmir ittestjat;

(h)	It-tip ta' riġenerazzjoni (perjodika jew kontinwa);

(i)	Il-prinċipju tar-riġenerazzjoni (pereżempju, katalitika, termali jew elettrotermali) u l-istrateġija tar-riġenerazzjoni (pereżempju, passiva, attiva, sfurzata);

(j)	Il-metodu u l-istrateġija ta' kontroll għall-introduzzjoni ta' addittivi jew reaġenti (jekk jintużaw);

(k)	It-tip ta' addittiv jew reaġent (jekk jintuża);

(l)	Il-kundizzjonijiet tal-installazzjoni (differenza fl-introduzzjoni b'massimu ta' + 0,5 m bejn l-iżbokk tat-turboċarġer (turbina) u l-bokka tal-REC għat-tnaqqis tal-partikuli);

(m)	It-tip ta' kwalunkwe materjal attiv b'mod katalitiku;

(n)	B'katalizzatur tal-ossidazzjoni upstream jew mingħajru;

(o)

Meta t-tagħmir ittestjat ikun ġie ttestjat flimkien ma' tagħmir ieħor ta' kontroll tat-tniġġis: (i) Iż-żamma tal-istess arranġament tat-tagħmir għall-REC taħt kunsiderazzjoni; u (ii) It-tagħmir l-ieħor ta' kontroll tat-tniġġis huwa simili fid-disinn u fil-prinċipju tat-tħaddim għal dak użat waqt l-ittestjar.

14.2.   Meta jiġi ttestjat l-REC ta' tnaqqis tal-partikuli fuq il-bank tat-test tal-magna, l-REC għandu jiġi mmuntat b'tali mod li jkun hemm distanza ta' mill-inqas 2 metri għall-bokka tal-REC mill-iżbokk tat-turboċarġer (turbina) jew mill-pjan tal-iżbokk tal-manifold tal-egżost fejn ma jkun immuntat ebda turboċarġer. Jekk l-applikant ikun jista' juri li se tintuża distanza iqsar mid-distanza minima speċifikata hawnhekk fl-applikazzjonijiet sussegwenti kollha tal-REC, it-tul tal-pajp użat fiċ-ċellola tat-test jista' jitnaqqas b'mod korrispondenti. L-insulazzjoni jew mezzi simili taż-żamma tat-temperatura tal-egżost huma permessibbli biss jekk huma jintużaw ukoll fl-installazzjoni sussegwenti tal-REC fuq il-vettura jew il-makkinarju.

15.   IL-FAMILJA TA' REC GĦAT-TNAQQIS TAL-NOx

15.1.   L-approvazzjoni ta' REC għat-tnaqqis tal-NOx se tkompli tkun valida għal sistema simili b'mod nominali (li tapplika l-istess teknoloġija ta' tnaqqis tal-NOx) f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

(a)

Id-dimensjonijiet kritiċi tal-elementi attivi tal-apparat (bħad-daqs tal-valvi jew tal-kanali, jew il-volum ta' element katalitiku, u inkluż kwalunkwe apparat għat-taħlit tar-reaġent) għandhom ikunu l-istess bħal dawk fuq it-tagħmir ittestjat, jew ma għandhomx ikunu differenti minn dawk id-dimensjonijiet fit-tagħmir ittestjat b'ammont akbar li jista' jiġi ġustifikat bħala insinifikanti mit-testijiet rilevanti jew minn analiżi inġineristika robusta. Il-volum attiv, pereżempju, ta' element katalitiku għandu jkun fi ħdan ± 40 fil-mija tal-volum attiv tat-tagħmir ittestjat;

(b)	Kwalunkwe metodu ta' kontroll tat-temperatura applikat (pereżempju, tisħin katalitiku, termali jew elettrotermali);

(c)

Meta t-tagħmir ittestjat ikun ġie ttestjat flimkien ma' apparat ieħor ta' kontroll tat-tniġġis: (i) Iż-żamma tal-istess arranġament tat-tagħmir għall-REC taħt kunsiderazzjoni; u (ii) It-tagħmir l-ieħor ta' kontroll tat-tniġġis huwa simili fid-disinn u fil-prinċipju tat-tħaddim għal dak użat waqt l-ittestjar;

(d)	Il-materjal tas-sottostrat tal-katalizzatur u d-disinn mekkaniku tas-sottostrat (pereżempju monolitu miksi jew monolitu estruż, folji jew pjanċi) u l-forma, l-erja trażversali u d-densità tal-kanali tal-gass tal-egżost ifformati fih;

(e)	L-istess materjal attiv b'mod katalitiku, washcoat, tagħbija u distribuzzjoni tal-katalizzatur fuq is-sottostrat bħas-sistema bit-tip approvat, fi ħdan tolleranzi ta' produzzjoni raġonevoli;

(f)	Tip ta' reaġent jew addittiv (jekk jintuża);

(g)

Kwalunkwe strateġija ta' kontroll applikata, inklużi l-aspetti tal-implimentazzjoni ta' dik l-istrateġija, bħall-perjodi ta' dewmien, ir-rati ta' dożaġġ għar-reaġenti, il-pożizzjonament u l-karatteristiċi tas-sensuri u l-kostanti tal-ħin u l-karatteristiċi tal-fluss assoċjati mal-valvi. Jekk jintużaw reaġenti u/jew strateġiji differenti għal kundizzjonijiet klimatiċi differenti, għandha tiġi ttestjata l-istrateġija bl-aktar dożaġġ totali baxx matul it-test;

(h)

Il-kundizzjonijiet u l-post tal-introduzzjoni tar-reaġent. Din il-kundizzjoni titqies bħala li ġiet issodisfata jekk il-punt tal-introduzzjoni jkun mill-inqas fl-istess distanza mill-bokka tal-katalizzatur bħat-tagħmir ittestjat u l-mezzi tal-introduzzjoni tar-reaġent (pereżempju, assistita bl-arja jew le), u kwalunkwe tagħmir tat-taħlit, ikunu l-istess ukoll.

15.2.   Meta l-REC ta' tnaqqis tal-NOx jiġi ttestjat f'ċellola tat-test tal-magna, l-REC għandu jiġi mmuntat b'tali mod li jkun hemm distanza ta' mill-inqas 2 metri mill-iżbokk tat-turboċarġer (turbina), jew mill-flanġ tal-ħruġ tal-manifold tal-egżost fil-każ ta' magna mhux mgħammra b'turboċarġer, għall-bokka tal-REC. Jekk l-applikant ikun jista' juri li se tintuża distanza iqsar mid-distanza minima speċifikata hawnhekk fl-applikazzjonijiet sussegwenti kollha tal-REC, it-tul tal-pajp użat fiċ-ċellola tat-test jista' jitnaqqas b'mod korrispondenti. L-insulazzjoni jew mezzi simili taż-żamma tat-temperatura tal-egżost huma permessibbli biss jekk jintużaw ukoll fl-installazzjoni sussegwenti tal-REC fuq il-vettura jew il-makkinarju.

16.   IL-FAMILJA TA' REC GĦAT-TNAQQIS TAL-PM U TAL-NOx

L-approvazzjoni ta' tagħmir ta' REC ta' tnaqqis tal-PM u tal-NOx se tkompli tkun valida għal sistema simili b'mod nominali f'konfigurazzjoni jew applikazzjoni differenti, diment li ma tiddevjax mis-sistema ttestjata fir-rigward tal-aspetti li ġejjin:

(a)	L-elementi ta' tnaqqis tal-PM tal-REC huma f'konformità mar-rekwiżiti tal-paragrafu 14 ta' dan ir-Regolament;

(b)	L-elementi ta' tnaqqis tal-NOx tal-REC huma f'konformità mar-rekwiżiti tal-paragrafu 15 ta' dan ir-Regolament;

(c)	Il-post fejn jinsabu l-elementi tal-REC ta' tnaqqis tal-PM u tal-NOx relattivi għal xulxin huwa l-istess bħar-relazzjoni bejn dawn l-elementi fit-tagħmir ittestjat (pereżempju, l-REC ta' tnaqqis tal-PM 'il fuq mill-REC ta' tnaqqis tal-NOx).

It-tagħmir fejn it-tnaqqis tal-PM u tal-NOx isir fuq l-istess sottostrat ma għandux jitqies bħala li jappartjeni għall-istess familja bħat-tagħmir fejn iż-żewġ attivitajiet jitwettqu fuq sottostrati separati.

17.   KONSUM TAL-FJUWIL U TA' FJUWIL SPEĊIFIKU

17.1.   L-ittestjar tal-REC għandu jitwettaq bi fjuwil kummerċjalment disponibbli li jkun rappreżentattiv ta' dak ġeneralment użat għat-tip ta' vettura jew makkinarju li magħhom jiġi mmuntat l-REC.

17.2.   Il-manifattur tal-REC jista', bħala alternattiva għall-użu ta' fjuwil tas-suq, japplika mal-Awtorità tal-Approvazzjoni tat-Tip għal permess sabiex iwettaq it-testijiet fuq l-REC bl-użu ta' fjuwil ta' referenza. Il-fjuwil ta' referenza li jrid jintuża f'dan il-każ se jkun il-fjuwil xieraq speċifikat fir-Regolament Nru 49 jew fir-Regolament Nru 96.

17.3.   Il-konsum tal-fjuwil speċifiku tal-magna mgħammra bl-REC matul iċ-ċikli tat-test applikabbli (il-paragrafi 2.3 u 3.3 tal-Anness 5 ta' dan ir-Regolament, il-paragrafi 2.3 u 3.3 tal-Anness 6 ta' dan ir-Regolament) għandu jkun mhux aktar minn 4 fil-mija ogħla fil-kundizzjoni mmodifikata mill-konsum speċifiku medju fil-kundizzjoni mhux immodifikata.

18.   L-IMĠIBA OPERATTIVA U L-PERIKLU GĦAS-SIKUREZZA

18.1.   L-REC għandu jkun iddisinjat b'tali mod li jkun jista' jintuża fl-applikazzjonijiet intiżi tiegħu, meta jiġi mmuntat f'konformità mal-istruzzjonijiet ipprovduti, mingħajr ma jesponi lill-operaturi jew lill-persuni li jkunu fil-qrib għal kwalunkwe periklu għas-sikurezza direttament jew bħala riżultat ta' modifiki fil-vettura jew fil-makkinarju jew tal-karatteristiċi operattivi tiegħu.

18.2.   L-REC għandu jkun iddisinjat b'tali mod li jkun jista' jintuża fl-applikazzjonijiet intiżi tiegħu, meta jiġi mmuntat f'konformità mal-istruzzjonijiet ipprovduti, mingħajr indeboliment tal-imġiba operattiva tal-vettura jew tal-makkinarju sakemm:

(a)	L-indeboliment ma jikkawżax periklu għas-sikurezza;

(b)	L-indeboliment ma jżidx il-konsum tal-fjuwil lil hinn mil-livell stabbilit fil-paragrafu 17 ta' dan ir-Regolament;

(c)	In-natura u l-firxa tal-indeboliment ma jkunux iddikjarati b'mod ċar fl-istruzzjonijiet u l-informazzjoni li se jiġu mgħoddija lil min jagħmel il-modifika retroattiva, lill-operatur u lis-sid.

18.3.   Sabiex jiġi żgurat li r-rekwiżiti tal-paragrafu 20 u tal-Anness 11 ta' dan ir-Regolament fir-rigward tal-installazzjoni u l-għoti tal-informazzjoni jiġu rrispettati kif suppost, il-manifattur tal-REC għandu jagħmel valutazzjoni tal-perikli għas-sikurezza li jistgħu jirriżultaw mill-installazzjoni tal-REC fuq il-vettura jew il-makkinarju. Meta jwettaq din il-valutazzjoni, huwa għandu jieħu bħala l-bażi tal-livell ta' sikurezza pprovdut mill-vettura jew mill-makkinarju meta ġew introdotti fis-suq għall-ewwel darba.

19.   EMISSJONIJIET TAL-ĦSEJJES

L-applikant għandu jipprovdi evidenza li turi li l-modifika retroattiva ta' REC f'konformità mal-istruzzjonijiet dwar l-immuntar ipprovduti mhijiex se twassal għal żieda fl-emissjonijiet tal-ħsejjes tal-vettura. L-evidenza li l-REC huwa intiż biss sabiex jiġi mmuntat flimkien mas-sistema ta' silenzjatur tal-produzzjoni standard tat-tagħmir oriġinali tal-manifattur fuq vettura intiża għat-triq (4) se titqies bħala li tissodisfa dan ir-rekwiżit.

20.   L-INSTALLAZZJONI TA' REC

20.1.   Il-manifattur ta' REC għandu jipprovdi linji gwida bil-miktub dwar l-installazzjoni u struzzjonijiet dwar it-tħaddim u l-manutenzjoni f'konformità mar-rekwiżiti tal-Anness 11 ta' dan ir-Regolament.

20.2.   B'mod partikolari, tinġibed l-attenzjoni tal-manifattur ta' REC għar-rekwiżit fl-Anness 11 ta' dan ir-Regolament li l-linji gwida u l-istruzzjonijiet:

(a)	Jinkitbu bil-lingwa tal-pajjiż fejn jinbiegħ l-REC jew li fih mistenni jintuża l-REC, u għandhom jinkitbu b'lingwaġġ ċar li jkun addattat għall-qarrejja intiżi tagħhom;

(b)	Ifakkru lill-installatur dwar ir-responsabbiltajiet legali potenzjali tiegħu;

(c)	Jindikaw lill-utent finali kwalunkwe rekwiżiti għall-manutenzjoni xierqa tal-REC, inkluż, fejn ikun rilevanti, l-użu ta' reaġenti jew addittivi konsumabbli;

(d)	Jindikaw kwalunkwe rekwiżiti jew limitazzjonijiet dwar l-użu tal-vettura jew tal-makkinarju li huma meħtieġa sabiex jiġu żgurati s-sikurezza u l-funzjonament korrett tal-REC;

(e)	Jispeċifikaw jekk kwalunkwe reaġenti għandhomx jimtlew mill-ġdid mill-operatur tal-vettura jew tal-makkinarju bejn intervalli ta' manutenzjoni normali u jindikaw rata probabbli ta' konsum tar-reaġent;

(f)	Jispeċifikaw it-tip u l-kwalità ta' kwalunkwe reaġenti jew addittivi konsumabbli użati;

(g)

Ifakkru lis-sid u lill-operatur tal-vettura jew tal-makkinarju li, meta l-immuntar tal-REC ikun kundizzjoni għat-tħaddim tiegħu f'pajjiż jew żona partikolari, jew meta l-immuntar tal-REC jintitola lis-sid tal-vettura jew tal-makkinarju għal inċentivi jew privileġġi, in-nuqqas ta' żamma tal-REC f'kundizzjoni tajba ta' tħaddim (inkluż in-nuqqas li tiġi żgurata provvista xierqa ta' kwalunkwe reaġent jew addittiv), jista' jwassal għal ksur ta' kuntratt jew jikkostitwixxi reat kriminali.

20.3.   Il-manifattur ta' REC għandu juri lill-Awtorità tal-Approvazzjoni tat-Tip l-eżistenza ta' proċeduri adegwati sabiex jintgħażlu, jitħarrġu u jiġu mmonitorjati l-installaturi tal-REC awtorizzati.

21.   IL-MODIFIKA U L-ESTENSJONI TAL-APPROVAZZJONI TA' REC

21.1.   Kull modifika rilevanti tal-REC fil-kuntest ta' dan ir-Regolament għandha tiġi nnotifikata lill-Awtorità tal-Approvazzjoni tat-Tip, li tat l-approvazzjoni tat-tip tal-REC. L-Awtorità tal-Approvazzjoni tat-Tip imbagħad tivvaluta jekk l-REC għadux konformi jew le mar-rekwiżiti għall-inklużjoni fil-familja ta' REC xierqa.

L-Awtorità tal-Approvazzjoni tat-Tip tista' titlob li jitħejja rapport ieħor tat-test mis-Servizz Tekniku responsabbli mit-twettiq tat-testijiet sabiex jgħinha fil-valutazzjoni tagħha.

21.2.   Meta l-Awtorità tal-Approvazzjoni tat-Tip tapprova l-modifika, għandha tiġi inkluża referenza għan-notifika formali ta' dik l-approvazzjoni fil-manwal tal-installazzjoni għall-REC.

21.3.   Il-konferma jew iċ-ċaħda tal-approvazzjoni, li tispeċifika l-bidla, għandha tiġi kkomunikata permezz tal-proċedura speċifikata fil-paragrafu 6 ta' hawn fuq lill-Partijiet Kontraenti għall-Ftehim tal-1958 li japplikaw dan ir-Regolament.

21.4.   L-Awtorità tal-Approvazzjoni tat-Tip li toħroġ l-estensjoni tal-approvazzjoni għandha tassenja numru tas-serje għal estensjoni bħal din u għandha tinforma lill-Partijiet Kontraenti l-oħrajn għall-Ftehim tal-1958 li japplikaw dan ir-Regolament permezz tal-formula ta' komunikazzjoni speċifikata fl-Anness 2 ta' dan ir-Regolament.

22.   IL-KONFORMITÀ TAL-PRODUZZJONI

22.1.   Il-konformità tal-proċeduri tal-produzzjoni għandha tikkonforma ma' daw k stabbiliti fl-Appendiċi 2 tal-Ftehim tal-1958 (E/ECE/324-E/ECE/TRANS/505/Rev.2).

22.2.   Il-miżuri meħuda sabiex jiggarantixxu l-konformità tal-produzzjoni għandhom jissodisfaw ir-rekwiżiti tal-paragrafu 2 tal-Appendiċi 2 għall-Ftehim tal-1958.

22.3.   Rekwiżiti speċjali

(a)	Il-kontrolli skont il-paragrafu 2.2 tal-Appendiċi 2 għall-Ftehim tal-1958 jinkludu l-kontrolli fuq il-konformità mal-kriterji tal-paragrafi 7 u 8 ta' dan ir-Regolament.

(b)	Għall-applikazzjoni tal-paragrafu 2.4.4 tal-Appendiċi 2 għall-Ftehim tal-1958, jistgħu jitwettqu t-testijiet deskritti fil-paragrafi 8.2, 8.3 u 8.4 ta' dan ir-Regolament.

22.4.   Qabel ikunu jistgħu jingħataw l-approvazzjonijiet tat-tip, il-manifatturi għandhom jissottomettu d-data li ġejja dwar il-konformità tal-produzzjoni għall-fini tal-valutazzjoni inizjali:

(a)	Formola tal-applikazzjoni mimlija u ffirmata, skont mudell li jrid jiġi pprovdut mill-Awtorità tal-Approvazzjoni tat-Tip;

(b)	Deskrizzjoni tal-informazzjoni mitluba, skont il-formola tal-applikazzjoni;

(c)	Kopja taċ-ċertifikat ISO 9001:2000, jew kwalunkwe sistema ta' kwalità ekwivalenti, b'kamp ta' applikazzjoni rilevanti.

22.5.   Abbażi ta' din l-informazzjoni, il-manifatturi li għandhom sistema ta' kwalità ċċertifikata jistgħu jiddaħħlu għall-proċedura tal-approvazzjoni tat-tip, fejn jirċievu Dikjarazzjoni ta' Valutazzjoni Inizjali abbażi tal-evalwazzjoni tad-dokumenti.

22.6.   F'każ li l-manifattur ma jkollu ebda sistema ta' kwalità ċċertifikata, titwettaq valutazzjoni tal-kumpanija abbażi tal-ISO 9001:2000, inklużi aspetti tal-Konformità tal-Produzzjoni.

22.7.   Għandhom jiġu deskritti u vverifikati mill-inqas l-aspetti li ġejjin tal-ISO 9001:2000:

(a)	Sistema ta' ġestjoni tal-kwalità;

(b)	Ir-responsabbiltajiet tal-bord;

(c)	Il-ġestjoni tar-riżorsi;

(d)	Ir-realizzazzjoni tal-prodott;

(e)	Kejl, analiżi u titjib.

22.8.   Sabiex tiġi kkonfermata l-eżistenza ta' miżuri u proċeduri adegwati għal kontroll effettiv fuq il-Konformità tal-Produzzjoni, il-manifattur jirċievi Dikjarazzjoni tal-Konformità, bit-tariffa taċ-ċertifikat ippubblikata.

22.9.   Id-dikjarazzjoni għandha validità ddikjarata.

22.10.   Qabel l-iskadenza tal-validità taż-żewġ dikjarazzjonijiet, l-Awtorità tal-Approvazzjoni tat-Tip se twettaq verifika tal-Konformità tal-Produzzjoni permezz ta' kontroll tal-proċess fil-manifattur, sabiex tivverifika l-effettività tal-kontrolli tal-Konformità tal-Produzzjoni applikati.

22.11.   Meta tipprattika s-sorveljanza tagħha fuq il-Konformità tal-Produzzjoni, l-Awtorità tal-Approvazzjoni tat-Tip għandha tqis is-sorveljanza mwettqa mill-awtoritajiet ikkwalifikati ta' Partijiet Kontraenti oħrajn għall-Ftehim tal-1958.

23.   PENALI GĦAL NUQQAS TA' KONFORMITÀ TAL-PRODUZZJONI

23.1.   L-approvazzjoni tat-tip mogħtija fir-rigward ta' tip ta' REC skont dan ir-Regolament tista' tiġi rtirata jekk ir-rekwiżiti stipulati fil-paragrafi 21 u 22 ta' hawn fuq ma jiġux irrispettati.

23.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li kienet tat qabel, hija għandha tinnotifika b'dan minnufih lill-Partijiet Kontraenti l-oħrajn li japplikaw dan ir-Regolament, permezz tal-Komunikazzjoni speċifikata fl-Anness 2 ta' dan ir-Regolament.

24.   PRODUZZJONI MWAQQFA B'MOD DEFINITTIV

Jekk id-detentur tal-approvazzjoni jwaqqaf kompletament il-manifattura ta' tip ta' tagħmir Modifikat ta' Kontroll tal-Emissjonijiet approvat f'konformità ma' dan ir-Regolament, huwa għandu jinforma b'dan lill-Awtorità tal-Approvazzjoni tat-Tip li tkun tat l-approvazzjoni tat-tip. Malli tirċievi l-komunikazzjoni rilevanti, dik l-Awtorità għandha tinforma b'dan lill-Partijiet Kontraenti l-oħrajn għall-Ftehim tal-1958 li japplikaw dan ir-Regolament permezz tal-formola ta' komunikazzjoni speċifikata fl-Anness 2 ta' dan ir-Regolament.

25.   ISMIJIET U INDIRIZZI TAS-SERVIZZI TEKNIĊI LI JWETTQU TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP

Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni tat-tip u li lilhom għandhom jintbagħtu l-formoli li jiċċertifikaw l-approvazzjoni tat-tip jew l-estensjoni jew iċ-ċaħda jew l-irtirar tal-approvazzjoni tat-tip maħruġa f'pajjiżi oħrajn.

26.   DISPOŻIZZJONIJIET TRANŻITORJI

26.1.   Mid-data uffiċjali tad-dħul fis-seħħ tas-serje 01 ta' emendi, l-ebda Parti Kontraenti li tapplika dan ir-Regolament ma għandha tirrifjuta li tagħti jew tirrifjuta li taċċetta Approvazzjoni tat-Tip skont dan ir-Regolament kif emendat mis-serje 01 ta' emendi.

26.2.   Mid-data uffiċjali tad-dħul fis-seħħ tas-serje 01 ta' emendi, il-Partijiet Kontraenti li japplikaw is-serje 01 ta' emendi ta' dan ir-Regolament jistgħu jirrifjutaw l-approvazzjoni tat-tip tal-REC li ma jissodisfawx ir-rekwiżiti tas-serje 01 ta' emendi ta' dan ir-Regolament.

26.3.   Il-Partijiet Kontraenti li japplikaw dan ir-Regolament jistgħu jkomplu jagħtu l-approvazzjonijiet għal dawk l-REC li jikkonformaw ma' kwalunkwe livell preċedenti ta' dan ir-Regolament, diment li l-REC ikunu intiżi sabiex jintużaw fil-Partijiet Kontraenti li japplikaw ir-rekwiżiti rilevanti fil-leġiżlazzjoni nazzjonali tagħhom.

---

(1)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2. - www.unece.org/trans/main/wp29/wp29wgs/wp29gen/wp29resolutions.html.

(2)  In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev. 3 - www.unece.org/trans/main/wp29/wp29wgs/wp29gen/wp29resolutions.html

(3)  Għaldaqstant, magna approvata għar-Regolament Nru 49 titqies bħala magna b'veloċità varjabbli.

(4)  Għaldaqstant, il-vetturi intiżi għat-triq huma vetturi tal-kategoriji M2, M3 u N kif definiti fir-Riżoluzzjoni Konsolidata dwar il-Kostruzzjoni tal-Vetturi (R.E.3), (dokument ECE/TRANS/WP.29/78/Rev.3, para. 2 - www.unece.org/trans/main/wp29/wp29wgs/wp29gen/wp29resolutions.html), minbarra dawk il-vetturi approvati skont ir-Regolament Nru 83.