13.2.2018   

MT

Il-Ġurnal Uffiċjali tal-Unjoni Ewropea

L 40/1

(1)

F’konformità mal-Artikoli 7b u 7e tar-Regolament (KE) Nru 1236/2005, hija meħtieġa awtorizzazzjoni għal kwalunkwe esportazzjoni ta’ ċerti oġġetti li tista’ tintuża għall-iskop tal-piena kapitali u għal servizzi ta’ senserija jew ta’ assistenza teknika relatati ma’ dawn l-oġġetti, li huma elenkati fl-Anness IIIa ta’ dan ir-Regolament.

(2)

Awtorizzazzjoni Ġenerali għall-Esportazzjoni tal-Unjoni, li ġiet stabbilita fl-Anness IIIb ta’ dan ir-Regolament, tapplika għal esportazzjonijiet lejn pajjiżi li abolixxew il-piena kapitali għar-reati kollha u li kkonfermaw l-abolizzjoni permezz ta’ impenn internazzjonali, ladarba huma ssodisfati l-kundizzjonijiet u r-rekwiżiti għall-użu ta’ din l-awtorizzazzjoni. Il-Parti 2 tagħha telenka l-pajjiżi rilevanti.

(3)

Fir-rigward ta’ pajjiżi li mhumiex membri tal-Kunsill tal-Ewropa, din il-lista tinkludi pajjiżi li mhux biss abolixxew il-piena kapitali għar-reati kollha iżda wkoll irratifikaw it-Tieni Protokoll Fakultattiv tal-Patt Internazzjonali dwar id-Drittijiet Ċivili u Politiċi mingħajr l-ebda riżerva.

(4)

Wara r-ratifiki ta’ dan il-Protokoll mingħajr ebda riżerva, ir-Repubblika Dominicana, São Tomé u Príncipe u t-Togo jissodisfaw il-kundizzjonijiet għall-inklużjoni f’din il-lista.

(5)

Għalhekk, jenħtieġ li r-Regolament (KE) Nru 1236/2005 jiġi emendat skont dan.

(6)

Sabiex jiġu evitati piżijiet mhux dovuti fuq l-esportaturi u fuq l-awtoritajiet kompetenti, jenħtieġ li l-esportaturi jkunu jistgħu jserrħu fuq l-Awtorizzazzjoni Ġenerali għall-Esportazzjoni tal-Unjoni mill-aktar fis possibbli. Għalhekk, jenħtieġ li dan ir-Regolament jidħol fis-seħħ minnufih,

(1)

wara Ġibuti, tiddaħħal l-entrata “Ir-Repubblika Domenicana”,

(2)

wara San Marino tiddaħħal l-entrata “São Tomé u Príncipe”,

(3)

wara Timor Leste tiddaħħal l-entrata “It-Togo”.