(1)

It-titolizzazzjonijiet huma parti kostitwenti importanti minn swieq finanzjarji li jiffunzjonaw sewwa sa fejn dawn jikkontribwixxu għad-diversifikazzjoni tas-sorsi ta’ finanzjament u d-diversifikazzjoni tar-riskju tal-istituzzjonijiet ta’ kreditu u tad-ditti ta’ investiment (“istituzzjonijiet”) u l-ħruġ tal-kapital regolatorju, li mbagħad jistgħu jiġu allokati mill-ġdid sabiex jappoġġaw self ulterjuri, b’mod partikolari l-finanzjament tal-ekonomija reali. Barra minn hekk, it-titolizzazzjonijiet jipprovdu lill-istituzzjonijiet u lil parteċipanti oħrajn fis-suq b’opportunitajiet ta’ investiment addizzjonali, sabiex b’hekk jippermettu d-diversifikazzjoni tal-portafoll u jiffaċilitaw il-fluss ta’ finanzjament lil negozji u individwi kemm fl-Istati Membri kif ukoll fuq bażi transfruntiera madwar l-Unjoni kollha. Madankollu, jenħtieġ li dawk il-benefiċċji jiġu mwieżna kontra l-ispejjeż u r-riskji potenzjali tagħhom, inkluż l-impatt tagħhom fuq l-istabbiltà finanzjarja. Kif deher matul l-ewwel fażi tal-kriżi finanzjarja li bdiet fis-sajf tal-2007, il-prattiki skorretti fis-swieq tat-titolizzazzjoni rriżultaw f’theddidiet sinifikanti għall-integrità tas-sistema finanzjarja, jiġifieri minħabba ingranaġġ eċċessiv, strutturi opaki u kumplessi li għamlu l-ipprezzar problematiku, dipendenza mekkanistika fuq klassifikazzjonijiet esterni jew allinjament ħażin bejn l-interessi tal-investituri u tal-oriġinaturi (“riskji tal-aġenzija”).

(2)

Fis-snin reċenti, il-volumi ta’ titolizzazzjonijiet maħruġa fl-Unjoni baqgħu taħt il-quċċata li kienu laħqu qabel il-kriżi għal numru ta’ raġunijiet, inkluż l-istigma ġeneralment assoċjata ma’ tali tranżazzjonijiet. Sabiex tiġi evitata r-rikorrenza taċ-ċirkostanzi li wasslu għall-kriżi finanzjarja, jenħtieġ li l-irkupru tas-swieq ta’ titolizzazzjoni jkun ibbażat fuq prattiki tas-swieq prudenti u korretti. Għal dan il-għan, ir-Regolament (UE) 2017/2402 tal-Parlament Ewropew u tal-Kunsill (4) jistabbilixxi l-elementi sostantivi ta’ qafas ta’ titolizzazzjoni ewlieni, bi kriterji għall-identifikazzjoni ta’ titolizzazzjonijiet sempliċi, trasparenti u standardizzati (“STS”) u sistema ta’ superviżjoni għall-monitoraġġ tal-applikazzjoni korretta ta’ dawk il-kriterji minn oriġinaturi, sponsors, emittenti u investituri istituzzjonali. Barra minn hekk, dak ir-Regolament jipprevedi sett ta’ rekwiżiti komuni dwar ir-ritenzjoni tar-riskji, id-diliġenza dovuta u l-iżvelar għas-setturi tas-servizzi finanzjarji kollha.

(3)

F’konformità mal-għanijiet tar-Regolament (UE) 2017/2402, jenħtieġ li r-rekwiżiti kapitali regolatorji stipulati fir-Regolament (UE) Nru 575/2013 tal-Parlament Ewropew u tal-Kunsill (5) għall-istituzzjonijiet li joriġinaw, jisponsorjaw jew jinvestu f’titolizzazzjonijiet jiġu emendati sabiex ikunu jirriflettu b’mod adegwat il-karatteristiċi speċifiċi tat-titolizzazzjonijiet STS meta dawn it-titolizzazzjonijiet jissodisfaw ukoll ir-rekwiżiti addizzjonali stipulati f’dan ir-Regolament u sabiex jindirizzaw in-nuqqasijiet li saru evidenti matul il-kriżi finanzjarja, jiġifieri d-dipendenza mekkanistika fuq klassifikazzjonijiet esterni, il-piżijiet tar-riskji eċċessivament baxxi għas-segmenti tat-titolizzazzjonijiet ikklassifikati bħala għoljin u, bil-maqlub, il-piżijiet tar-riskji eċċessivament għoljin għas-segmenti kklassifikati bħala baxxi, kif ukoll is-sensittività insuffiċjenti għar-riskji. Fil-11 ta’ Diċembru 2014, il-Kumitat ta’ Basel dwar is-Superviżjoni Bankarja (il-“BCBS”) ippubblika r-“Reviżjonijiet għall-qafas ta’ titolizzazzjoni” (il-“Qafas ta’ Basel Rivedut”) tiegħu li jippreżenta d-diversi bidliet fl-istandards kapitali regolatorji għat-titolizzazzjonijiet bil-għan li jiġu indirizzati speċifikament dawk in-nuqqasijiet. Fl-11 ta’ Lulju 2016, il-BCBS ippubblika standard aġġornat għat-trattament regolatorju tal-kapital ta’ skoperturi ta’ titolizzazzjoni li jinkludi t-trattament regolatorju tal-kapital għal titolizzazzjonijiet “sempliċi, trasparenti u paragunabbli”. Dak l-istandard jemenda l-Qafas ta’ Basel Rivedut. Jenħtieġ li l-emendi għar-Regolament (UE) Nru 575/2013 jieħdu kont tad-dispożizzjonijiet tal-Qafas Rivedut ta’ Basel, kif emendat.

(4)

Jenħtieġ li r-rekwiżiti kapitali għal pożizzjonijiet f’titolizzazzjoni skont ir-Regolament (UE) Nru 575/2013 ikunu soġġetti għall-istess metodi ta’ kalkolu għall-istituzzjonijiet kollha. L-ewwel nett u biex titneħħa kull forma ta’ dipendenza mekkanistika fuq il-klassifikazzjonijiet esterni, jenħtieġ li istituzzjoni tuża l-kalkoli tagħha dwar ir-rekwiżiti kapitali regolatorji meta l-istituzzjoni jkollha permess biex tapplika l-Approċċ Ibbażat fuq Klassifikazzjonijiet Interni (l-“Approċċ IRB”) fir-rigward ta’ skoperturi tal-istess tip bħal dawk sottostanti għat-titolizzazzjoni u tkun tista’ tikkalkula r-rekwiżiti kapitali regolatorji fir-rigward tal-iskoperturi sottostanti bħallikieku dawn qatt ma kienu ġew titolizzati (“Kirb”), f’kull każ soġġetti għal ċerti inputs definiti minn qabel (l-Approċċ IRB tat-Titolizzazzjoni - “SEC-IRBA”). Jenħtieġ li mbagħad ikun disponibbli Approċċ Standardizzat tat-Titolizzazzjoni (SEC-SA) għal istituzzjonijiet li ma jistgħux jużaw is-SEC-IRBA fir-rigward tal-pożizzjonijiet tagħhom f’titolizzazzjoni partikolari. Jenħtieġ li s-SEC-SA jibbaża fuq formula li tuża bħala input ir-rekwiżiti kapitali li jiġu kkalkulati skont l-Approċċ Standardizzat għar-riskju tal-kreditu fir-rigward tal-iskoperturi sottostanti daqs li kieku dawk ma kinux ġew titolizzati (“KSA”). Meta l-ewwel żewġ approċċi ma jkunux disponibbli, jenħtieġ li l-istituzzjonijiet ikunu jistgħu japplikaw l-Approċċ Ibbażat fuq Klassifikazzjonijiet Esterni ta’ Titolizzazzjoni (SEC-ERBA). Skont is-SEC-ERBA, jenħtieġ li r-rekwiżiti kapitali jiġu assenjati għal segmenti ta’ titolizzazzjoni fuq il-bażi tal-klassifikazzjoni esterna tagħhom. Madankollu, jenħtieġ li l-istituzzjonijiet dejjem jużaw is-SEC-ERBA bħala riżerva għal meta s-SEC-IRBA ma jkunx disponibbli għal segmenti bi klassifikazzjoni baxxa u għal ċerti segmenti bi klassifikazzjoni medja tat-titolizzazzjonijiet STS identifikati permezz ta’ parametri xierqa. Jenħtieġ li għal titolizzazzjonijiet mhux STS, jiġi ristrett aktar l-użu tas-SEC-SA wara s-SEC-IRBA. Barra minn hekk, jenħtieġ li l-awtoritajiet kompetenti jkunu jistgħu jipprojbixxu l-użu tas-SEC-SA meta dan ma jkunx jista’ jittratta b’mod adegwat ir-riskji li t-titolizzazzjoni toħloq għas-solvenza tal-istituzzjoni jew għall-istabbiltà finanzjarja. Meta ssir notifika lill-awtorità kompetenti, jenħtieġ li l-istituzzjonijiet ikunu jistgħu jużaw is-SEC-ERBA fir-rigward tat-titolizzazzjonijiet klassifikati kollha li jkollhom, meta ma jkunux jistgħu jużaw is-SEC-IRBA.

(5)

Ir-riskji tal-aġenzija u tal-mudell huma aktar prevalenti għat-titolizzazzjonijiet milli għal assi finanzjarji oħrajn u jagħtu lok għal ċertu grad ta’ inċertezza fil-kalkolu tar-rekwiżiti kapitali għat-titolizzazzjonijiet, anki wara li jkunu ttieħdu f’kunsiderazzjoni l-ixprunaturi tar-riskji kollha xierqa. Sabiex dawk ir-riskji jinqabdu b’mod adegwat, jenħtieġ li r-Regolament (UE) Nru 575/2013 jiġi emendat sabiex jipprevedi limitu minimu tal-piż tar-riskju ta’ 15 % għall-pożizzjonijiet kollha ta’ titolizzazzjoni. Madankollu, ir-rititolizzazzjonijiet juru kumplessità u riskji akbar u, għaldaqstant, taħt ir-Regolament (UE) 2017/2402 huma permessi biss ċerti forom ta’ rititolizzazzjonijiet. Barra minn hekk, jenħtieġ li l-pożizzjonijiet fir-rititolizzazzjonijiet ikunu soġġetti għal kalkolu aktar konservattiv tal-kapital regolatorju u għal limitu minimu tal-piż tar-riskju ta’ 100 %.

(6)

Jenħtieġ li istituzzjoni ma tintalabx tapplika piż ta’ riskju ogħla għal pożizzjoni superjuri minn dak li kienet tapplika li kieku din kienet qed iżżomm l-iskoperturi sottostanti direttament, sabiex b’hekk dan jirrifletti l-benefiċċju tat-titjib tal-kreditu li jirċievu l-pożizzjonijiet superjuri minn segmenti subordinati fl-istruttura tat-titolizzazzjoni. Ir-Regolament (UE) Nru 575/2013 għalhekk jenħtieġ li jipprevedi approċċ ta’ ‘trasparenza’ li permezz tiegħu pożizzjoni ta’ titolizzazzjoni superjuri jenħtieġ li tiġi assenjata piż ta’ riskju massimu ugwali għall-piż ta’ riskju medju ponderat skont l-iskopertura applikabbli għall-iskoperturi sottostanti, u jenħtieġ li tali approċċ ikun disponibbli irrispettivament minn jekk il-pożizzjoni rilevanti tkunx ikklassifikata jew mhux ikklassifikata u irrispettivament mill-approċċ użat għall-aggregazzjoni sottostanti (l-Approċċ Standardizzat jew l-Approċċ IRB), soġġett għal ċerti kondizzjonijiet.

(7)

Limitu massimu ġenerali f’termini tal-ammonti massimi ta’ skopertura ponderata għar-riskji huwa disponibbli taħt il-qafas attwali għall-istituzzjonijiet li jistgħu jikkalkulaw ir-rekwiżiti kapitali għall-iskoperturi sottostanti skont l-Approċċ IRB bħallikieku dawk l-iskoperturi ma kinux ġew titolizzati (KIRB). Sakemm il-proċess ta’ titolizzazzjoni jnaqqas ir-riskju assoċjat mal-iskoperturi sottostanti, jenħtieġ li dan il-limitu massimu jkun disponibbli għall-istituzzjonijiet oriġinaturi u sponsors kollha, irrispettivament mill-approċċ li jużaw għall-kalkolu tar-rekwiżiti kapitali regolatorji għall-pożizzjonijiet fit-titolizzazzjoni.

(8)

Kif ġie rrimarkat mill- Awtorità Superviżorja Ewropea (Awtorità Bankarja Ewropea) (‘EBA’), stabbilita mir-Regolament (UE) Nru 1093/2010 tal-Parlament Ewropew u tal-Kunsill (6) fir-rapport dwar titolizzazzjoni li tikkwalifika tagħha ta’ Lulju 2015, l-evidenza empirika dwar l-inadempjenzi u t-telf turi li t-titolizzazzjonijiet STS urew prestazzjoni aħjar minn titolizzazzjonijiet oħrajn matul il-kriżi finanzjarja, li jirrifletti l-użu ta’ strutturi sempliċi u trasparenti u prattiki ta’ eżekuzzjoni robusti fit-titolizzazzjoni STS, li jwasslu għal riskji ta’ kreditu, operattivi u ta’ aġenzija aktar baxxi. Għalhekk, huwa xieraq li r-Regolament (UE) Nru 575/2013 jiġi emendat sabiex jipprevedi kalibrazzjoni xierqa sensittiva għar-riskji għat-titolizzazzjonijiet STS, sakemm dawn jissodisfaw ukoll rekwiżiti addizzjonali biex jimminimizzaw ir-riskju, bil-mod rakkomandat mill-EBA f’dak ir-Rapport li jinvolvi, b’mod partikolari, limitu minimu aktar baxx tal-piż tar-riskju ta’ 10 % għall-pożizzjonijiet superjuri.

(9)

Jenħtieġ li r-rekwiżiti kapitali aktar baxxi applikabbli għal titolizzazzjonijiet STS jiġu limitati għat-titolizzazzjonijiet meta s-sjieda tal-iskoperturi sottostanti tiġi ttrasferita lil entità bi skop speċjali tat-titolizzazzjoni jew SSPE (“titolizzazzjonijiet tradizzjonali”). Madankollu, jenħtieġ ukoll li l-istituzzjonijiet li jżommu pożizzjonijiet superjuri f’titolizzazzjonijiet sintetiċi appoġġjati minn aggregazzjoni sottostanti ta’ self lil intrapriżi żgħar u ta’ daqs medju (“SMEs”) jitħallew japplikaw għal dawn il-pożizzjonijiet ir-rekwiżiti kapitali aktar baxxi disponibbli għat-titolizzazzjonijiet STS meta tali tranżazzjonijiet jitqiesu bħala li huma ta’ kwalità għolja b’konformità ma’ ċerti kriterji stretti, inkluż dwar investituri eliġibbli. B’mod partikolari, jenħtieġ li tali subsett ta’ titolizzazzjonijiet sintetiċi jibbenifika mill-garanzija jew mill-kontrogaranzija jew mill-gvern ċentrali jew mill-bank ċentrali ta’ Stat Membru jew minn entità promozzjonali, jew minn investitur istituzzjonali dment li l-garanzija jew il-kontrogaranzija pprovduta minn dan tal-aħħar tkun kollateralizzata għalkollox permezz ta’ flus depożitati mal-istituzzjonijiet oriġinaturi. It-trattament tal-kapital regolatorju preferenzjali għal titolizzazzjonijiet STS li jkun disponibbli għal dawk it-tranżazzjonijiet skont ir-Regolament (UE) Nru 575/2013 huwa mingħajr preġudizzju għall-konformità mal-qafas ta’ għajnuna mill-Istat tal-Unjoni, kif stipulat fid-Direttiva 2014/59/UE tal-Parlament Ewropew u tal-Kunsill (7).

(10)

Sabiex jiġu armonizzati l-prattiki superviżorji fl-Unjoni kollha, jenħtieġ li s-setgħa li jiġu adottati atti f’konformità mal-Artikolu 290 tat-Trattat dwar il-Funzjonament tal-Unjoni Ewropea (TFUE) tiġi ddelegata lill-Kummissjoni, wara li ttieħed kont tar-rapport mill-EBA, fir-rigward tal-ispeċifikazzjoni ulterjuri tal-kondizzjonijiet għat-trasferiment tar-riskju tal-kreditu lil partijiet terzi, in-nozzjoni tat-trasferiment proporzjonat ta’ riskju tal-kreditu lil partijiet terzi u r-rekwiżiti għall-valutazzjoni tal-awtoritajiet kompetenti tat-trasferiment tar-riskju tal-kreditu, it-tnejn fir-rigward tat-titolizzazzjoni tradizzjonali u sintetika. Huwa ta’ importanza partikolari li, matul il-ħidma preparatorja tagħha, il-Kummissjoni twettaq konsultazzjonijiet xierqa, inkluż fil-livell tal-esperti, u li dawk il-konsultazzjonijiet isiru f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (8). B’mod partikolari, biex tiġi żgurata parteċipazzjoni ugwali fit-tħejjija ta’ atti ta’ delega, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess b’mod sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti ta’ delega.

(11)

Jenħtieġ li l-istandards tekniċi fis-servizzi finanzjarji jiżguraw protezzjoni adegwata għall-investituri u l-konsumaturi madwar l-Unjoni. Bħala entità b’kompetenza esperta speċjalizzata ħafna, ikun effiċjenti u xieraq li l-EBA tiġi fdata bl-elaborazzjoni ta’ abbozzi ta’ standards tekniċi regolatorji li ma jinvolvux għażliet ta’ politika, li jiġu sottomessi lill-Kummissjoni.

(12)

Jenħtieġ li l-Kummissjoni tingħata s-setgħa li tadotta standards tekniċi regolatorji żviluppati mill-EBA, fir-rigward ta’ x’jikkostitwixxi metodu konservattiv adattat biex jitkejjel l-ammont tal-porzjon mhux miġbud tal-faċilitajiet ta’ avvanz ta’ flus fil-kuntest tal-kalkolu tal-valur tal-iskopertura ta’ titolizzazzjoni u fir-rigward tal-ispeċifikazzjoni ulterjuri tal-kondizzjonijiet sabiex l-istituzzjonijiet ikunu jistgħu jikkalkulaw il-KIRB għall-aggregazzjoni ta’ skoperturi sottostanti ta’ titolizzazzjoni bħal fil-każ ta’ riċevibbli mixtrija. Jenħtieġ li l-Kummissjoni tadotta dawk l-istandards tekniċi ta’ implimentazzjoni permezz ta’ atti ta’ delegat skont l-Artikolu 290 TFUE u f’konformità mal-Artikoli 10 sa 14 tar-Regolament (UE) Nru 1093/2010.

(13)

Jenħtieġ li jsiru biss bidliet konsegwenzjali fil-bqija tar-rekwiżiti kapitali regolatorji għat-titolizzazzjonijiet stipulati fir-Regolament (UE) Nru 575/2013 sa fejn dawn ikunu neċessarji sabiex jirriflettu l-ġerarkija l-ġdida ta’ approċċi u d-dispożizzjonijiet speċifiċi għat-titolizzazzjonijiet STS. B’mod partikolari, jenħtieġ li d-dispożizzjonijiet relatati mar-rikonoxximent ta’ trasferiment ta’ riskju sinifikanti u r-rekwiżiti dwar il-valutazzjonijiet ta’ kreditu esterni jkomplu japplikaw b’mod ġenerali fl-istess termini hekk kif bħalissa. Madankollu, jenħtieġ li l-Ħames Parti tar-Regolament (UE) Nru 575/2013 titħassar fl-intier tagħha bl-eċċezzjoni tar-rekwiżit li jinżammu l-piżijiet ta’ riskji addizzjonali li jenħtieġ li jiġu imposti fuq l-istituzzjonijiet li jinstabu li qegħdin jiksru d-dispożizzjonijiet fil-Kapitolu 2 tar-Regolament (UE) 2017/2402.

(14)

Huwa xieraq li l-emendi għar-Regolament (UE) Nru 575/2013 previsti f’dan ir-Regolament japplikaw għall-pożizzjonijiet ta’ titolizzazzjoni kollha mħaddna minn istituzzjoni. Madankollu, sabiex jitnaqqsu kemm jista’ jkun l-ispejjeż ta’ tranżizzjoni u sabiex ikun hemm migrazzjoni bla xkiel għall-qafas il-ġdid, jenħtieġ li l-istituzzjonijiet jitħallew japplikaw, sal-31 ta’ Diċembru 2019, il-qafas preċedenti, jiġifieri d-dispożizzjonijiet rilevanti tar-Regolament (UE) Nru 575/2013 li kienu japplikaw qabel id-data ta’ applikazzjoni ta’ dan ir-Regolament, għall-pożizzjonijiet ta’ titolizzazzjoni pendenti kollha li huma jħaddnu fid-data ta’ applikazzjoni ta’ dan ir-Regolament,

(1)

L-Artikolu 4(1) huwa emendat kif ġej:

(2)

Fil-punt (k) tal-Artikolu 36(1), il-punt (ii) huwa sostitwit b’dan li ġej:

(3)

L-Artikolu 109 huwa sostitwit b’dan li ġej:

(4)

Fl-Artikolu 134, il-paragrafu 6 huwa sostitwit b’dan li ġej:

(5)

Fl-Artikolu 142(1), il-punt (8) jitħassar.

(6)

Fl-Artikolu 153, il-paragrafi 7 u 8 huma sostitwiti b’dan li ġej:

(7)

Fl-Artikolu 154, il-paragrafu 6 huwa sostitwit b’dan li ġej:

(8)

Fl-Artikolu 197(1), il-punt (h) huwa sostitwit b’dan li ġej:

(9)

Il-Kapitolu 5 tat-Titolu II, fil-Parti Tlieta huwa sostitwit b’dan li ġej:

“ KAPITOLU 5

Titolizzazzjoni

Taqsima 1

Definizzjonijiet u kriterji għat-titolizzazzjonijiet sempliċi, trasparenti u standardizzati

Artikolu 242

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(1)

‘għażla eżerċitabbli eżawrjenti’ tfisser għażla kuntrattwali li tintitola lill-oriġinatur sabiex jeżerċita l-pożizzjonijiet ta’ titolizzazzjoni qabel ma jkunu tħallsu lura l-iskoperturi titolizzati kollha, permezz ta’ riakkwist tal-iskoperturi sottostanti li jifdal fl-aggregazzjoni fil-każ ta’ titolizzazzjonijiet tradizzjonali jew inkella permezz ta’ terminazzjoni tal-protezzjoni ta’ kreditu fil-każ ta’ titolizzazzjonijiet sintetiċi, fiż-żewġ każijiet meta l-ammont ta’ skoperturi sottostanti pendenti jaqa’ f’ċertu livell jew taħt ċertu livell speċifikat minn qabel;

(2)	‘strip tal-imgħax biss għat-titjib tal-kreditu’ tfisser assi fil-karta tal-bilanċ li jirrappreżenta valutazzjoni tal-flussi tal-flus relatati mal-introjtu ta’ marġni futur u huwa segment subordinat fit-titolizzazzjoni;

(3)	‘faċilità ta’ likwidità’ tfisser faċilità ta’ likwidità kif definita fil-punt (14) tal-Artikolu 2 tar-Regolament (UE) 2017/2402;

(4)	‘pożizzjoni mhux klassifikata’ tfisser pożizzjoni ta’ titolizzazzjoni li ma għandhiex valutazzjoni tal-kreditu eliġibbli f’konformità mat-Taqsima 4;

(5)	‘pożizzjoni klassifikata’ tfisser pożizzjoni ta’ titolizzazzjoni li għandha valutazzjoni tal-kreditu eliġibbli f’konformità mat-Taqsima 4;

(6)

‘pożizzjoni ta’ titolizzazzjoni superjuri’ tfisser pożizzjoni appoġġata jew garantita mill-ewwel pretensjoni fuq l-iskoperturi sottostanti kollha, li tinjora, għal dawn il-finijiet, l-ammonti dovuti taħt ir-rata tal-imgħax jew kuntratti derivattivi tal-muniti, miżati jew pagamenti simili oħrajn, u irrispettivament minn kwalunkwe differenza fil-maturità ma’ segment superjuri wieħed jew aktar li magħhom dik il-pożizzjoni tikkondividi telf pro-rata;

(7)	‘aggregazzjoni ta’ IRB’ tfisser aggregazzjoni ta’ skoperturi sottostanti ta’ tip li fir-rigward tagħha l-istituzzjoni għandha permess li tuża l-Approċċ IRB u tista’ tikkalkula l-ammonti ta’ skoperturi ponderati għar-riskji skont il-Kapitolu 3 għal dawn l-iskoperturi kollha;

(8)

‘aggregazzjoni mħallta’ tfisser aggregazzjoni ta’ skoperturi sottostanti ta’ tip li fir-rigward tagħha l-istituzzjoni għandha permess li tuża l-Approċċ IRB u tista’ tikkalkula l-ammonti ta’ skoperturi ponderati għar-riskji skont il-Kapitolu 3 għal uħud mill-iskoperturi, iżda mhux għal kollha kemm huma;

(9)	‘sovrakollateralizzazzjoni’ tfisser kull forma ta’ titjib tal-kreditu li permezz tagħha jiġu ppreżentati skoperturi sottostanti f’valur ogħla mill-valur tal-pożizzjonijiet ta’ titolizzazzjoni;

(10)	‘titolizzazzjoni sempliċi, trasparenti u standardizzata’ jew ‘titolizzazzjoni STS’ tfisser titolizzazzjoni li tissodisfa r-rekwiżiti stabbiliti fl-Artikolu 18 tar-Regolament (UE) 2017/2402;

(11)	‘programm ta’ karti kummerċjali garantiti b’assi’ jew ‘programm ABCP’ tfisser programm ta’ karti kummerċjali garantiti b’assi jew programm ABCP kif definit fil-punt (7) tal-Artikolu 2 tar-Regolament (UE) 2017/2402;

(12)	‘tranżazzjoni ta’ karti kummerċjali garantiti b’assi’ jew ‘tranżazzjoni ABCP’ tfisser tranżazzjoni ta’ karti kummerċjali garantiti b’assi jew tranżazzjoni ABCP kif definita fil-punt (8) tal-Artikolu 2 tar-Regolament (UE) 2017/2402;

(13)	‘titolizzazzjoni tradizzjonali’ tfisser titolizzazzjoni tradizzjonali kif definita fil-punt (9) tal-Artikolu 2 tar-Regolament (UE) 2017/2402;

(14)	‘titolizzazzjoni sintetika’ tfisser titolizzazzjoni sintetika kif definita fil-punt (10) tal-Artikolu 2 tar-Regolament (UE) 2017/2402;

(15)	‘skopertura ċirkolanti’ tfisser skopertura ċirkolanti kif definita fil-punt (15) tal-Artikolu 2 tar-Regolament (UE) 2017/2402;

(16)	‘klawżola ta’ ammortizzament antiċipat’ tfisser klawżola ta’ ammortizzament antiċipat kif definita fil-punt (17) tal-Artikolu 2 tar-Regolament (UE) 2017/2402;

(17)	‘segment tal-ewwel telf’ tfisser segment tal-ewwel telf kif definit fil-punt (18) tal-Artikolu 2 tar-Regolament (UE) 2017/2402;

(18)

‘pożizzjoni ta’ titolizzazzjoni intermedja’ tfisser pożizzjoni fit-titolizzazzjoni li tkun subordinata għall-pożizzjoni ta’ titolizzazzjoni superjuri u għandha pożizzjoni ogħla mis-segment tal-ewwel telf, u li tkun soġġetta għal ponderazzjoni tar-riskju aktar baxxa minn 1 250 % u ogħla minn 25 % skont is-Subtaqsimiet 2 u 3 tat-Taqsima 3;

(19)

‘entità promozzjonali’ tfisser kwalunkwe impriża jew entità stabbilita mill-gvern ċentrali, reġjonali jew lokali ta’ Stat Membru, li tagħti self promozzjonali jew tagħti garanziji promozzjonali, li l-għan ewlieni tagħha mhuwiex li jsir qligħ jew li jiżdied kemm jista’ jkun is-sehem mis-suq iżda li jiġu promossi l-objettivi tal-politika pubblika ta’ dak il-gvern, bil-kondizzjoni li, soġġett għal regoli dwar għajnuna mill-Istat, dak il-gvern ikollu l-obbligu li jipproteġi l-bażi ekonomika tal-impriża jew l-entità u jżomm il-vijabbiltà tagħha matul ħajjitha, jew li tal-anqas 90 % tal-kapital jew il-finanzjament oriġinali tagħha jew is-self promozzjonali mogħti minnha jkun direttament jew indirettament garantit mill-gvern ċentrali, reġjonali jew lokali tal-Istat Membru.

Artikolu 243

Kriterji għat-titolizzazzjonijiet STS li jikkwalifikaw għal trattament kapitali differenzjat

1.   Il-pożizzjonijiet fi programm ABCP jew tranżazzjoni ABCP li jikkwalifikaw bħala pożizzjonijiet f’titolizzazzjoni STS għandhom ikunu eliġibbli għat-trattament stabbilit fl-Artikoli 260, 262 u 264, meta jiġu ssodisfati l-kondizzjonijiet li ġejjin:

(a)

l-iskoperturi sottostanti jissodisfaw, fil-mument tal-inklużjoni tagħhom fil-programm ABCP, sa fejn jaf l-oriġinatur jew il-mutwanti oriġinali, il-kondizzjonijiet li taħthom jiġu assenjati, skont l-Approċċ Standardizzat u b’kunsiderazzjoni ta’ kwalunkwe mitigazzjoni tar-riskju tal-kreditu eliġibbli, piż ta’ riskju ugwali għal jew iżgħar minn 75 % fuq bażi ta’ skopertura individwali meta l-iskopertura tkun fil-livell tal-konsumatur jew 100 % għal kull skopertura oħra; u

(b)

il-valur aggregat tal-iskoperturi kollha lil obbligant waħdieni fil-livell tal-programm ABCP ma jaqbiżx it-2 % tal-valur aggregat tal-iskoperturi kollha fil-programm ABCP fil-mument li żdiedu l-iskoperturi fil-programm ABCP. Għall-finijiet ta’ dan il-kalkolu, is-self jew il-kirjiet lil grupp ta’ klijenti konnessi, sa fejn jaf l-isponsor, għandhom jitqiesu bħala skoperturi lil obbligant waħdieni.

Fil-każ ta’ riċevibbli tan-negozju, il-punt (b) tal-ewwel subparagrafu ma japplikax meta r-riskju tal-kreditu ta’ dawk ir-riċevibbli tan-negozju jkun kopert b’mod sħiħ mill-protezzjoni tal-kreditu eliġibbli b’konformità mal-Kapitolu 4, dment li, f’dak il-każ, il-fornitur tal-protezzjoni jkun istituzzjoni, impriża tal-assigurazzjoni jew impriża tar-riassigurazzjoni. Għall-finijiet ta’ dan is-subparagrafu, huwa biss il-porzjon tar-riċevibbli tan-negozju li jifdal wara li jiġi kkunsidrat l-effett ta’ kull skont fuq il-prezz tax-xiri u s-sovrakollateralizzazzjoni li għandu jintuża sabiex jiġi determinat jekk humiex koperti b’mod sħiħ u jekk jiġix issodisfat il-limitu ta’ konċentrazzjoni.

Fil-każ ta’ valuri residwi titolizzati tal-kiri, il-punt (b) tal-ewwel subparagrafu ma għandux japplika fejn dawk il-valuri ma jkunux esposti għar-riskju ta’ rifinanzjament jew bejgħ mill-ġdid minħabba impenn legalment infurzabbli ta’ xiri mill-ġdid jew rifinanzjament tal-iskopertura f’ammont stabbilit minn qabel minn parti terza eliġibbli skont l-Artikolu 201(1).

Permezz ta’ deroga mill-punt (a) tal-ewwel subparagrafu, fejn istituzzjoni tapplika l-Artikolu 248(3), jew tkun ingħatat il-permess biex tapplika l-Approċċ ta’ Valutazzjoni Interna f’konformità mal-Artikolu 265, il-piż tar-riskju li dik l-istituzzjoni tassenja għal faċilità ta’ likwidità li tkopri kompletament l-ABCP maħruġa taħt il-programm huwa ugwali għal 100 % jew inqas;

2.   Il-pożizzjonijiet f’titolizzazzjoni, għajr programm ABCP jew tranżazzjoni ABCP, li jikkwalifikaw bħala pożizzjonijiet f’titolizzazzjoni STS, għandhom ikunu eliġibbli għat-trattament stabbilit fl-Artikoli 260, 262 u 264, meta jiġu ssodisfati l-kondizzjonijiet li ġejjin:

(a)

fil-mument tal-inklużjoni fit-titolizzazzjoni, il-valur aggregat tal-iskoperturi kollha lil obbligant waħdieni fil-aggregazzjoni ma jaqbiżx it-2 % tal-valuri tal-iskopertura tal-valuri aggregati tal-iskoperturi pendenti tal-aggregazzjoni ta’ skoperturi sottostanti. Għall-finijiet ta’ dan il-kalkolu, is-self jew il-kirjiet lil grupp ta’ klijenti konnessi għandhom jitqiesu bħala skoperturi lil obbligant waħdieni. Fil-każ ta’ valuri residwi titolizzati tal-kiri, l-ewwel subparagrafu ta’ dan il-punt ma għandux japplika fejn dawk il-valuri ma jkunux esposti għar-riskju ta’ rifinanzjament jew bejgħ mill-ġdid minħabba impenn legalment infurzabbli ta’ xiri mill-ġdid jew rifinanzjament tal-iskopertura f’ammont stabbilit minn qabel minn parti terza eliġibbli skont l-Artikolu 201(1);

(b)

fil-mument tal-inklużjoni tagħhom fit-titolizzazzjoni, l-iskoperturi sottostanti jissodisfaw il-kondizzjonijiet li taħthom jiġu assenjati, skont l-Approċċ Standardizzat u b’kunsiderazzjoni ta’ kull mitigazzjoni tar-riskju tal-kreditu eliġibbli, piż ta’ riskju ugwali għal jew iżgħar minn: (i) 40 % fuq bażi medja ponderata għall-valur tal-iskopertura għall-portafoll meta l-iskoperturi jkunu self garantit minn ipoteki residenzjali jew self residenzjali garantiti kompletament, kif imsemmi fil-punt (e) tal-Artikolu 129(1); (ii) 50 % fuq bażi ta’ skopertura individwali meta l-iskopertura tkun self garantit minn ipoteka kummerċjali; (iii) 75 % fuq bażi ta’ skopertura individwali meta l-iskopertura tkun waħda fil-livell tal-konsumaturi; (iv) għal skoperturi oħrajn, 100 % fuq bażi ta’ skopertura individwali;

(c)

meta japplikaw il-punti (b)(i) u (b)(ii), is-self garantit minn drittijiet ta’ garanzija fi klassifikazzjoni aktar baxxa fuq assi partikolari għandu jiġi inkluż biss fit-titolizzazzjoni meta jkun ġie inkluż fit-titolizzazzjoni wkoll is-self kollu garantit minn drittijiet ta’ garanzija fi klassifikazzjoni preċedenti fuq dak l-assi;

(d)	meta japplika l-punt (b)(i) ta’ dan il-paragrafu, ebda self fl-aggregazzjoni ta’ skoperturi sottostanti ma għandu jkollu proporzjon bejn is-self u l-valur ogħla minn 100 %, fil-mument tal-inklużjoni fit-titolizzazzjoni, imkejjel skont il-punt (d)(i) tal-Artikolu 129(1) u l-Artikolu 229(1).

Taqsima 2

Rikonoxximent ta’ trasferiment ta’ riskju sinifikanti

Artikolu 244

Titolizzazzjoni tradizzjonali

1.   L-istituzzjoni oriġinatriċi ta’ titolizzazzjoni tradizzjonali tista’ teskludi skoperturi sottostanti mill-kalkolu tagħha tal-ammonti ta’ skopertura ponderati għar-riskju u, fejn rilevanti, l-ammonti tat-telf mistenni jekk tiġi ssodisfata xi waħda mill-kondizzjonijiet li ġejjin:

(a)	ir-riskju tal-kreditu sinifikanti assoċjat mal-iskoperturi sottostanti jkun ġie ttrasferit lil partijiet terzi;

(b)	l-istituzzjoni oriġinatriċi tapplika piż ta’ riskju ta’ 1 250 % għall-pożizzjonijiet ta’ titolizzazzjoni kollha li għandha fit-titolizzazzjoni jew tnaqqas dawn il-pożizzjonijiet ta’ titolizzazzjoni mill-entrati tal-Grad 1 tal-Ekwità Komuni skont il-punt (k) tal-Artikolu 36(1).

2.   Riskju tal-kreditu sinifikanti għandu jitqies bħala li ġie ttrasferit f’kull wieħed mill-każijiet li ġejjin:

(a)

l-ammonti ta’ skoperturi ponderati għar-riskju tal-pożizzjonijiet ta’ titolizzazzjoni intermedja mħaddna mill-istituzzjoni oriġinatriċi fit-titolizzazzjoni ma jaqbżux il-50 % tal-ammonti ta’ skoperturi ponderati għar-riskju tal-pożizzjonijiet kollha ta’ titolizzazzjoni intermedja li jeżistu f’din it-titolizzazzjoni;

(b)

l-istituzzjoni oriġinatriċi ma żżommx aktar minn 20 % tal-valur tal-iskopertura tas-segment tal-ewwel telf fit-titolizzazzjoni, bil-kondizzjoni li jiġu ssodisfati ż-żewġ kondizzjonijiet li ġejjin: (i) l-oriġinatur jista’ juri li l-valur tal-iskopertura tas-segment tal-ewwel telf jaqbeż stima raġunata tat-telf mistenni fuq l-iskoperturi sottostanti b’marġni sostanzjali; (ii) ma hemmx pożizzjonijiet ta’ titolizzazzjoni intermedji.

Meta t-tnaqqis possibbli fl-ammonti ta’ skoperturi ponderati għar-riskju, li l-istituzzjoni oriġinatriċi tikseb permezz tat-titolizzazzjoni skont il-punti (a) jew (b), ma jkunx ġustifikat minn trasferiment proporzjonat ta’ riskju tal-kreditu lil partijiet terzi, l-awtoritajiet kompetenti jistgħu jiddeċiedu fuq bażi ta’ każ b’każ li ma għandux jitqies bħala li ġie ttrasferit riskju tal-kreditu sinifikanti lil partijiet terzi.

3.   Permezz ta’ deroga mill-paragrafu 2, l-awtoritajiet kompetenti jistgħu jippermettu lill-istituzzjonijiet oriġinaturi jirrikonoxxu trasferiment ta’ riskju tal-kreditu sinifikanti fir-rigward ta’ titolizzazzjoni meta l-istituzzjoni oriġinatriċi turi f’kull każ li t-tnaqqis fir-rekwiżiti tal-fondi proprji miksub mill-oriġinatriċi permezz tat-titolizzazzjoni huwa ġustifikat minn trasferiment proporzjonat ta’ riskju tal-kreditu lil partijiet terzi. Il-permess jista’ jingħata biss meta l-istituzzjoni tissodisfa iż-żewġ kondizzjonijiet li ġejjin:

(a)	l-istituzzjoni jkollha politiki u metodoloġiji adegwati għall-ġestjoni tar-riskji interni sabiex tkun tista’ tivvaluta t-trasferiment tar-riskju tal-kreditu;

(b)	l-istituzzjoni tkun irrikonoxxiet ukoll it-trasferiment tar-riskju tal-kreditu lil partijiet terzi f’kull każ għall-finijiet tal-immaniġġar tar-riskji interni tal-istituzzjoni u l-allokazzjoni interna tal-kapital tagħha.

4.   Minbarra r-rekwiżiti stabbiliti fil-paragrafi minn 1, 2 u 3, għandhom jiġu ssodisfati l-kondizzjonijiet kollha li ġejjin:

(a)	id-dokumentazzjoni tat-tranżazzjoni tkun tirrifletti s-sustanza ekonomika tat-titolizzazzjoni;

(b)	il-pożizzjonijiet tat-titolizzazzjoni ma jkunux jikkostitwixxu obbligi ta’ ħlas tal-istituzzjoni oriġinatriċi;

(c)	l-iskoperturi sottostanti jitpoġġew f’pożizzjonijiet li ma jkunux jistgħu jintlaħqu mill-istituzzjoni oriġinatriċi u mill-kredituri tagħha b’tali mod li jiġi ssodisfat ir-rekwiżit stabbilit fl-Artikolu 20(1) tar-Regolament (UE) 2017/2402;

(d)

l-istituzzjoni oriġinatriċi ma jkollhiex kontroll fuq l-iskoperturi sottostanti. Jiġi kkunsidrat li jinżamm il-kontroll fuq l-iskoperturi sottostanti meta l-oriġinatur ikollu d-dritt li jixtri lura mingħand iċ-ċessjonarju l-iskoperturi li jkunu ġew ittrasferiti qabel sabiex ikun jista’ jieħu l-benefiċċji tagħhom jew jekk dan ikun meħtieġ b’mod ieħor sabiex jirriassumi riskju ttrasferit. Iż-żamma mill-istituzzjoni oriġinatriċi tad-drittijiet jew tal-obbligi tal-ġestjoni (servicing) fir-rigward tal-iskoperturi sottostanti minnha nnifisha ma tikkostitwixxix kontroll tal-iskoperturi;

(e)

id-dokumentazzjoni tat-titolizzazzjoni ma jkunx fiha termini jew kondizzjonijiet li: (i) jitolbu lill-istituzzjoni oriġinatriċi tbiddel l-iskoperturi sottostanti sabiex ittejjeb il-kwalità medja tal-aggregazzjoni; jew (ii) iżidu r-rendiment pagabbli lid-detenturi tal-pożizzjonijiet jew altrimenti jtejbu l-pożizzjonijiet fit-titolizzazzjoni b’reazzjoni għal deterjorament fil-kwalità kreditizja tal-iskoperturi sottostanti;

(f)

fejn applikabbli, id-dokumentazzjoni tat-tranżazzjoni tagħmilha ċara li l-oriġinatur jew l-isponsor jistgħu biss jixtru jew jixtru lura pożizzjonijiet ta’ titolizzazzjoni, jew inkella jixtru lura, jirristrutturaw jew jissostitwixxu l-iskoperturi sottostanti lil hinn mill-obbligi kuntrattwali tagħhom meta tali arranġamenti jiġu esegwiti skont il-kundizzjonijiet prevalenti tas-suq u l-partijiet għalihom jaġixxu fl-interess tagħhom stess bħala partijiet liberi u indipendenti (f’kundizzjonijiet ta’ kompetizzjoni ġusta);

(g)

fejn hemm għażla eżerċitabbli eżawrjenti, dik l-għażla għandha tissodisfa l-kondizzjonijiet kollha li ġejjin: (i) tista’ tiġi eżerċitata skont id-diskrezzjoni tal-istituzzjoni oriġinatriċi; (ii) tista’ tiġi eżerċitata biss meta 10 % jew inqas tal-valur oriġinali tal-iskoperturi sottostanti jibqa’ mhux ammortizzat; (iii) ma tkunx strutturata biex tevita l-allokazzjoni tat-telf għall-pożizzjonijiet ta’ titjib tal-kreditu jew għal pożizzjonijiet oħrajn imħaddna mill-investituri fit-titolizzazzjoni, u ma tkunx strutturata b’mod ieħor biex tipprovdi titjib tal-kreditu;

(h)	l-istituzzjoni oriġinatriċi rċeviet opinjoni minn professjonist legali kkwalifikat li tikkonferma li t-titolizzazzjoni hija konformi mal-kondizzjonijiet stabbiliti fil-punt (c) ta’ dan il-paragrafu.

5.   L-awtoritajiet kompetenti għandhom jgħarrfu lill-EBA b’dawk il-każijiet fejn ikunu ddeċidew li t-tnaqqis possibbli fl-ammonti ta’ skoperturi ponderati għar-riskju ma kienx ġustifikat minn trasferiment proporzjonat ta’ riskju tal-kreditu lil partijiet terzi skont il-paragrafu 2, kif ukoll b’dawk il-każijiet fejn l-istituzzjonijiet ikunu għażlu li japplikaw il-paragrafu 3.

6.   L-EBA għandha timmonitorja l-firxa ta’ prattiki superviżorji fir-rigward tar-rikonoxximent ta’ trasferiment ta’ riskju sinifikanti f’titolizzazzjonijiet tradizzjonali skont dan l-Artikolu. B’mod partikolari, l-EBA għandha tirrieżamina:

(a)	il-kondizzjonijiet għat-trasferiment ta’ riskju tal-kreditu sinifikanti lil partijiet terzi f’konformità mal-paragrafi 2, 3 u 4;

(b)	l-interpretazzjoni ta’ “trasferiment proporzjonat tar-riskju tal-kreditu lil partijiet terzi” għall-finijiet tal-valutazzjoni mill-awtoritajiet kompetenti prevista fit-tieni subparagrafu tal-paragrafu 2 u fil-paragrafu 3;

(c)	ir-rekwiżiti għal valutazzjoni mill-awtoritajiet kompetenti dwar tranżazzjonijiet tat-titolizzazzjonijiet li fir-rigward tagħhom l-oriġinatur ifittex rikonoxximent ta’ trasferiment ta’ riskju tal-kreditu sinifikanti lil partijiet terzi skont il-paragrafu 2 jew 3.

L-EBA għandha tirrapporta s-sejbiet tagħha lill-Kummissjoni sat-2 ta’ Jannar 2021. Il-Kummissjoni tista’ tadotta, wara li tkun ikkunsidrat ir-rapport mill-EBA, att delegat skont l-Artikolu 462, biex tissupplementa dan ir-Regolament billi tispeċifika aktar l-elementi elenkati fil-punti (a), (b) u (c) ta’ dan il-paragrafu.

Artikolu 245

Titolizzazzjoni sintetika

1.   L-istituzzjoni oriġinatriċi ta’ titolizzazzjoni sintetika tista’ tikkalkula l-ammonti ta’ skoperturi ponderati għar-riskji u, fejn rilevanti, l-ammonti ta’ telf mistennija fir-rigward tal-iskoperturi sottostanti skont l-Artikoli 251 u 252 meta tiġi ssodisfata xi waħda mill-kondizzjonijiet li ġejjin:

(a)	ikun ġie ttrasferit riskju tal-kreditu sinifikanti lil partijiet terzi permezz ta’ protezzjoni ta’ kreditu ffinanzjata jew mhux iffinanzjata;

(b)	l-istituzzjoni oriġinatriċi tapplika piż ta’ riskju ta’ 1 250 % għall-pożizzjonijiet ta’ titolizzazzjoni kollha li hija żżomm fit-titolizzazzjoni jew tnaqqas dawn il-pożizzjonijiet ta’ titolizzazzjoni mill-Grad 1 tal-Ekwità Komuni skont il-punt (k) tal-Artikolu 36(1).

2.   Riskju tal-kreditu sinifikanti għandu jitqies bħala li ġie ttrasferit f’kull wieħed mill-każijiet li ġejjin:

(a)

l-ammonti ta’ skoperturi ponderati għar-riskju tal-pożizzjonijiet ta’ titolizzazzjoni intermedja mħaddna mill-istituzzjoni oriġinatriċi fit-titolizzazzjoni ma jaqbżux il-50 % tal-ammonti ta’ skoperturi ponderati għar-riskju tal-pożizzjonijiet kollha ta’ titolizzazzjoni intermedja li jeżistu f’din it-titolizzazzjoni;

(b)

l-istituzzjoni oriġinatriċi ma żżommx aktar minn 20 % tal-valur tal-iskopertura tas-segment tal-ewwel telf fit-titolizzazzjoni, bil-kondizzjoni li jiġu ssodisfati ż-żewġ kondizzjonijiet li ġejjin: (i) l-oriġinatur jista’ juri li l-valur tal-iskopertura tas-segment tal-ewwel telf jaqbeż stima raġunata tat-telf mistenni fuq l-iskoperturi sottostanti b’marġni sostanzjali; (ii) ma hemmx pożizzjonijiet ta’ titolizzazzjoni intermedja.

Meta t-tnaqqis possibbli fl-ammonti ta’ skoperturi ponderati għar-riskju, li l-istituzzjoni oriġinatriċi tikseb permezz tat-titolizzazzjoni, ma jkunx ġustifikat minn trasferiment proporzjonat tar-riskju tal-kreditu lil partijiet terzi, l-awtoritajiet kompetenti jistgħu jiddeċiedu, fuq bażi ta’ każ b’każ, li ma għandux jitqies bħala li ġie ttrasferit riskju tal-kreditu sinifikanti lil partijiet terzi.

3.   Permezz ta’ deroga mill-paragrafu 2, l-awtoritajiet kompetenti jistgħu jippermettu lill-istituzzjonijiet oriġinaturi jirrikonoxxu trasferiment ta’ riskju tal-kreditu sinifikanti fir-rigward ta’ titolizzazzjoni meta l-istituzzjoni oriġinatriċi turi f’kull każ li t-tnaqqis fir-rekwiżiti tal-fondi proprji miksub mill-oriġinatriċi permezz tat-titolizzazzjoni huwa ġustifikat minn trasferiment proporzjonat ta’ riskju tal-kreditu lil partijiet terzi. Il-permess jista’ jingħata biss meta l-istituzzjoni tissodisfa ż-żewġ kondizzjonijiet li ġejjin:

(a)	l-istituzzjoni jkollha politiki u metodoloġiji adegwati għall-immaniġġar tar-riskji interni sabiex tivvaluta t-trasferiment tar-riskju;

(b)	l-istituzzjoni tkun irrikonoxxiet ukoll it-trasferiment tar-riskju tal-kreditu lil partijiet terzi f’kull każ għall-finijiet tal-immaniġġar tar-riskji interni tal-istituzzjoni u l-allokazzjoni interna tal-kapital tagħha.

4.   Minbarra r-rekwiżiti stabbiliti fil-paragrafi minn 1, 2 u 3, għandhom jiġu ssodisfati l-kondizzjonijiet kollha li ġejjin:

(a)	id-dokumentazzjoni tat-tranżazzjoni tkun tirrifletti s-sustanza ekonomika tat-titolizzazzjoni;

(b)	il-protezzjoni tal-kreditu li permezz tagħha jiġi ttrasferit ir-riskju tal-kreditu tkun konformi mal-Artikolu 249;

(c)

id-dokumentazzjoni tat-titolizzazzjoni ma jkunx fiha termini jew kondizzjonijiet li: (i) jimponu livelli limiti ta’ materjalità sinifikanti li inqas minnhom il-protezzjoni tal-kreditu titqies bħala li ma tiġix attivata jekk iseħħ avveniment ta’ kreditu; (ii) jippermettu li l-protezzjoni tiġi fi tmiemha minħabba d-deterjorament tal-kwalità kreditizja tal-iskoperturi sottostanti; (iii) jitolbu lill-istituzzjoni oriġinatriċi tbiddel il-kompożizzjoni tal-iskoperturi sottostanti sabiex ittejjeb il-kwalità medja tal-aggregazzjoni; jew (iv) iżidu l-kost tal-protezzjoni tal-kreditu għall-istituzzjoni jew ir-rendiment pagabbli lid-detenturi ta’ pożizzjonijiet fit-titolizzazzjoni b’reazzjoni għal deterjorament fil-kwalità kreditizja tal-aggregazzjoni sottostanti;

(d)	il-protezzjoni tal-kreditu hija infurzabbli fil-ġurisdizzjonijiet rilevanti kollha;

(e)

fejn applikabbli, id-dokumentazzjoni tat-tranżazzjoni tagħmilha ċara li l-oriġinatur jew l-isponsor jistgħu biss jixtru jew jixtru lura pożizzjonijiet ta’ titolizzazzjoni, jew inkella jixtru lura, jirristrutturaw jew jissostitwixxu l-iskoperturi sottostanti lil hinn mill-obbligi kuntrattwali tagħhom meta tali arranġamenti jiġu esegwiti skont il-kundizzjonijiet prevalenti tas-suq u l-partijiet għalihom jaġixxu fl-interess tagħhom stess bħala partijiet liberi u indipendenti (f’kundizzjonijiet ta’ kompetizzjoni ġusta);

(f)

fejn hemm għażla eżerċitabbli eżawrjenti, din l-għażla tissodisfa l-kondizzjonijiet kollha li ġejjin: (i) tista’ tiġi eżerċitata skont id-diskrezzjoni tal-istituzzjoni oriġinatriċi; (ii) tista’ tiġi eżerċitata biss meta 10 % jew inqas tal-valur oriġinali tal-iskoperturi sottostanti jibqa’ mhux ammortizzat; (iii) ma tkunx strutturata biex tevita l-allokazzjoni tat-telf għall-pożizzjonijiet ta’ titjib tal-kreditu jew għal pożizzjonijiet oħrajn imħaddna mill-investituri fit-titolizzazzjoni, kif ukoll ma tkunx strutturata b’mod ieħor biex tipprovdi titjib tal-kreditu;

(g)	l-istituzzjoni oriġinatriċi rċeviet opinjoni minn professjonist legali kkwalifikat li tikkonferma li t-titolizzazzjoni hija konformi mal-kondizzjonijiet stabbiliti fil-punt (d) ta’ dan il-paragrafu;

5.   L-awtoritajiet kompetenti għandhom jgħarrfu lill-EBA b’dawk il-każijiet fejn ikunu ddeċidew li t-tnaqqis possibbli fl-ammonti ta’ skoperturi ponderati għar-riskju ma kienx ġustifikat minn trasferiment proporzjonat ta’ riskju tal-kreditu lil partijiet terzi skont il-paragrafu 2, kif ukoll b’dawk il-każijiet fejn l-istituzzjonijiet ikunu għażlu li japplikaw il-paragrafu 3.

6.   L-EBA għandha timmonitorja l-firxa ta’ prattiki superviżorji fir-rigward tar-rikonoxximent ta’ trasferiment ta’ riskju sinifikanti f’titolizzazzjonijiet sintetiċi skont dan l-Artikolu. B’mod partikolari, l-EBA għandha tirrieżamina:

(a)	il-kondizzjonijiet għat-trasferiment ta’ riskju tal-kreditu sinifikanti lil partijiet terzi f’konformità mal-paragrafi 2, 3 u 4;

(b)	l-interpretazzjoni ta’ “trasferiment proporzjonat tar-riskju tal-kreditu lil partijiet terzi” għall-finijiet tal-valutazzjoni mill-awtoritajiet kompetenti prevista fit-tieni subparagrafu tal-paragrafu 2 u fil-paragrafu 3; u

(c)	ir-rekwiżiti għal valutazzjoni mill-awtoritajiet kompetenti dwar tranżazzjonijiet tat-titolizzazzjonijiet li fir-rigward tagħhom l-oriġinatur ifittex rikonoxximent ta’ trasferiment sinifikanti ta’ riskju tal-kreditu lil partijiet terzi skont il-paragrafu 2 jew 3.

L-EBA għandha tirrapporta s-sejbiet tagħha lill-Kummissjoni sat-2 ta’ Jannar 2021. Il-Kummissjoni tista’ tadotta, wara li tkun ikkunsidrat ir-rapport mill-EBA, att delegat skont l-Artikolu 462, biex tissupplementa dan ir-Regolament billi tispeċifika aktar l-elementi elenkati fil-punti (a), (b) u (c) ta’ dan il-paragrafu.

Artikolu 246

Rekwiżiti operattivi għal klawżoli ta’ ammortizzament antiċipat

Meta t-titolizzazzjoni tkun tinkludi skoperturi ċirkolanti u klawżoli ta’ ammortizzament antiċipat jew klawżoli simili, għandu jiġi kkunsidrat li ġie ttrasferit riskju tal-kreditu sinifikanti mill-istituzzjoni oriġinatriċi biss meta jiġu ssodisfati r-rekwiżiti stipulati fl-Artikoli 244 u 245 u meta l-klawżola ta’ ammortizzament antiċipat, ladarba tiġi attivata:

(a)	ma twassalx għal subordinazzjoni tal-pretensjoni superjuri jew pari passu tal-istituzzjoni fuq l-iskoperturi sottostanti għall-pretensjonijiet tal-investituri l-oħrajn;

(b)	ma twassalx għal subordinazzjoni ulterjuri tal-pretensjoni tal-istituzzjoni fuq l-iskoperturi sottostanti relattivi għall-pretensjonijiet tal-partijiet l-oħrajn; jew

(c)	ma żżidx b’mod ieħor l-iskopertura tal-istituzzjoni għat-telf assoċjat mal-iskoperturi ċirkolanti sottostanti.

Taqsima 3

Kalkolu tal-ammonti ta’ skoperturi ponderati għar-riskju

Subtaqsima 1

Dispożizzjonijiet Ġenerali

Artikolu 247

Kalkolu tal-ammonti ta’ skoperturi ponderati għar-riskju

1.   Meta istituzzjoni oriġinatriċi tkun ittrasferiet riskju tal-kreditu sinifikanti assoċjat mal-iskoperturi sottostanti tat-titolizzazzjoni skont it-Taqsima 2, dik l-istituzzjoni tista:

(a)	fil-każ ta’ titolizzazzjoni tradizzjonali, teskludi l-iskoperturi sottostanti mill-kalkolu tagħha tal-ammonti ta’ skoperturi ponderati għar-riskju u, fejn rilevanti, l-ammonti ta’ telf mistennija;

(b)	fil-każ ta’ titolizzazzjoni sintetika, tikkalkula l-ammonti ta’ skoperturi ponderati għar-riskju u, fejn rilevanti, l-ammonti ta’ telf mistennija, fir-rigward tal-iskoperturi sottostanti skont l-Artikoli 251 u 252.

2.   Meta l-istituzzjoni oriġinatriċi tkun iddeċidiet li tapplika l-paragrafu 1, hija għandha tikkalkula l-ammonti ta’ skoperturi ponderati għar-riskju kif stabbilit f’dan il-Kapitolu għall-pożizzjonijiet li jista’ jkollha fit-titolizzazzjoni.

Fejn l-istituzzjoni oriġinatriċi ma tkunx ittrasferiet riskju tal-kreditu sinifikanti jew tkun iddeċidiet li ma tapplikax il-paragrafu 1, din ma tkunx meħtieġa tikkalkula l-ammonti ta’ skoperturi ponderati għar-riskju għal xi pożizzjoni li jista’ jkollha fit-titolizzazzjoni iżda għandha tkompli tinkludi l-iskoperturi sottostanti fil-kalkoli tagħha tal-ammonti ta’ skoperturi ponderati għar-riskju u, fejn rilevanti, ammonti ta’ telf mistennija daqs li kieku ma kinux ġew titolizzati.

3.   Meta jkun hemm skopertura għal pożizzjonijiet f’segmenti differenti f’titolizzazzjoni, l-iskopertura għal kull segment għandha tiġi kkunsidrata bħala pożizzjoni ta’ titolizzazzjoni separata. Il-fornituri tal-protezzjoni ta’ kreditu għall-pożizzjonijiet ta’ titolizzazzjoni għandhom jitqiesu bħala li għandhom pożizzjonijiet fit-titolizzazzjoni. Il-pożizzjonijiet ta’ titolizzazzjoni għandhom jinkludu skoperturi għal titolizzazzjoni li jirriżultaw minn kuntratti derivattivi tal-munita jew tar-rata tal-imgħax li l-istituzzjoni tkun daħlet fihom permezz tat-tranżazzjoni.

4.   Sakemm pożizzjoni ta’ titolizzazzjoni ma tkunx imnaqqsa mill-entrati tal-Grad 1 ta’ Ekwità Komuni skont il-punt (k) tal-Artikolu 36(1), l-ammont ta’ skoperturi ponderati għar-riskju għandu jiġi inkluż fl-ammonti totali ta’ skoperturi ponderati għar-riskju tal-istituzzjoni għall-finijiet tal-Artikolu 92(3).

5.   L-ammont ta’ skoperturi ponderati għar-riskju ta’ pożizzjoni ta’ titolizzazzjoni għandu jiġi kkalkolat billi l-valur tal-iskopertura tal-pożizzjoni, ikkalkolat kif stabbilit fl-Artikolu 248, jiġi mmultiplikat bil-piż tar-riskju totali rilevanti.

6.   Il-piż tar-riskju totali għandu jiġi ddeterminat bħala s-somma tal-piż tar-riskju stabbilit f’dan il- Kapitolu u kwalunkwe piż tar-riskju addizzjonali skont l-Artikolu 270a.

Artikolu 248

Valur tal-iskopertura

1.   Il-valur ta’ skopertura ta’ pożizzjoni ta’ titolizzazzjoni għandu jiġi kkalkulat kif ġej:

(a)	il-valur tal-iskopertura ta’ pożizzjoni ta’ titolizzazzjoni fil-karta tal-bilanċ għandu jkun il-valur tal-kontabbiltà tagħha wara li jkun ġie applikat kwalunkwe aġġustament speċifiku għar-riskju tal-kreditu rilevanti fuq il-pożizzjoni ta’ titolizzazzjoni skont l-Artikolu 110;

(b)

il-valur tal-iskopertura ta’ pożizzjoni ta’ titolizzazzjoni li ma tidhirx fil-karta tal-bilanċ huwa l-valur nominali tagħha nieqes kwalunkwe aġġustament speċifiku għar-riskju tal-kreditu rilevanti fuq il-pożizzjoni ta’ titolizzazzjoni skont l-Artikolu 110, immultiplikat bil-fattur ta’ konverżjoni rilevanti kif stabbilit f’dan il-punt. Il-fattur ta’ konverżjoni għandu jkun ta’ 100 %, ħlief fil-każ ta’ faċilitajiet ta’ avvanz ta’ flus. Sabiex jiġi determinat il-valur tal-iskopertura tal-porzjon mhux miġbud tal-faċilitajiet ta’ avvanz ta’ flus, jista’ jiġi applikat fattur ta’ konverżjoni ta’ 0 % għall-ammont nominali ta’ faċilità ta’ likwidità li jkun kanċellabbli inkondizzjonalment dment li r-ripagamenti tal-ġbid mill-faċilità jkunu superjuri għal kull pretensjoni oħra fuq il-flussi tal-flus li jirriżultaw mill-iskoperturi sottostanti, u l-istituzzjoni tkun uriet għas-sodisfazzjon tal-awtorità kompetenti li hija qed tapplika metodu konservattiv xieraq biex jitkejjel l-ammont tal-porzjon mhux miġbud;

(c)	il-valur tal-iskopertura għar-riskju tal-kreditu tal-kontroparti fir-rigward ta’ pożizzjoni ta’ titolizzazzjoni li tirriżulta minn strument derivattiv elenkat fl-Anness II għandu jiġi ddeterminat skont il-Kapitolu 6;

(d)

istituzzjoni oriġinatriċi tista’ tnaqqas mill-valur tal-iskopertura ta’ pożizzjoni ta’ titolizzazzjoni li tkun assenjata piż tar-riskju ta’ 1 250 % skont is-Subtaqsima 3 jew imnaqqsa mill-Grad 1 tal-Ekwità Komuni skont il-punt (k) tal-Artikolu 36(1), l-ammont tal-aġġustamenti speċifiċi għar-riskju tal-kreditu fuq l-iskoperturi sottostanti skont l-Artikolu 110, u kull skont mhux rimborżabbli fil-prezz tax-xiri marbut ma’ dawn l-iskoperturi sottostanti sa fejn tali skonti kkawżaw it-tnaqqis tal-fondi proprji.

L-EBA għandha tiżviluppa abbozzi ta’ standards tekniċi regolatorji biex tispeċifika x’jikkostitwixxi metodu konservattiv xieraq għall-kejl tal-ammont tal-porzjon mhux miġbud imsemmi fil-punt (b) tal-ewwel subparagrafu.

L-EBA għandha tippreżenta dawk l-abbozzi ta’ standards tekniċi regolatorji lill-Kummissjoni sat-18 ta’ Jannar 2019.

Il-Kummissjoni hija ddelegata bis-setgħa li tissupplimenta dan ir-Regolament billi tadotta l-istandards tekniċi regolatorji msemmija fit-tielet subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1093/2010.

2.   Meta istituzzjoni jkollha żewġ pożizzjonijiet sovraposti jew aktar f’titolizzazzjoni, hija għandha tinkludi waħda biss mill-pożizzjonijiet fil-kalkolu tagħha tal-ammonti ta’ skoperturi ponderati għar-riskju.

Fejn il-pożizzjonijiet huma parzjalment sovraposti, l-istituzzjoni tista’ taqsam il-pożizzjoni f’żewġ partijiet u tirrikonoxxi s-sovrapożizzjoni fir-rigward ta’ parti waħda biss f’konformità mal-ewwel subparagrafu. Alternattivament, l-istituzzjoni tista’ tittratta l-pożizzjonijiet daqslikieku kienu sovraposti b’mod sħiħ billi tespandi għall-finijiet tal-kalkolu tal-kapital, il-pożizzjoni li tipproduċi l-ogħla ammonti ta’ skoperturi ponderati skont ir-riskju.

L-istituzzjoni tista’ tirrikonoxxi wkoll sovrapożizzjoni bejn ir-rekwiżiti speċifiċi tal-fondi proprji f’riskju għall-pożizzjonijiet fil-portafoll tan-negozjar u r-rekwiżiti tal-fondi proprji għall-pożizzjonijiet ta’ titolizzazzjoni fil-portafoll mhux tan-negozjar, diment li l-istituzzjoni tkun tista’ tikkalkula u tqabbel ir-rekwiżiti tal-fondi proprji għall-pożizzjonijiet rilevanti.

Għall-finijiet ta’ dan il-paragrafu, żewġ pożizzjonijiet għandhom jitqiesu bħala sovraposti meta jkunu fi tpaċija reċiproka b’tali mod li l-istituzzjoni tkun tista’ tipprekludi t-telf li jirriżulta minn pożizzjoni waħda billi tesegwixxi l-obbligi meħtieġa taħt il-pożizzjoni l-oħra.

3.   Meta l-punt (d) tal-Artikolu 270c japplika għal pożizzjonijiet fl-ABCP, l-istituzzjoni tista’ tuża l-piż tar-riskju assenjat lil faċilità ta’ likwidità sabiex tikkalkula l-ammont ta’ skopertura ponderata għar-riskju għall-ABCP, dment li l-faċilità tal-likwidità tkopri 100 % tal-ABCP maħruġa mill-programm ABCP u l-faċilità tal-likwidità tikklassifika pari passu mal-ABCP b’mod li jifformaw pożizzjoni sovraposta. L-istituzzjoni għandha tinnotifika lill-awtoritajiet kompetenti meta tkun applikat id-dispożizzjonijiet stipulati f’dan il-paragrafu. Sabiex tiddetermina l-kopertura ta’ 100 % stabbilita f’dan il-paragrafu, l-istituzzjoni tista’ tqis faċilitajiet ta’ likwidità oħrajn fil-programm ABCP, dment li huma jifformaw pożizzjoni sovraposta mal-ABCP.

Artikolu 249

Rikonoxximent tal-mitigazzjoni tar-riskju tal-kreditu għal pożizzjonijiet ta’ titolizzazzjoni

1.   Istituzzjoni tista’ tirrikonoxxi protezzjoni ta’ kreditu ffinanzjata jew mhux iffinanzjata fir-rigward ta’ pożizzjoni ta’ titolizzazzjoni meta jiġu ssodisfati r-rekwiżiti għall-mitigazzjoni tar-riskju tal-kreditu stabbiliti f’dan il-Kapitolu u fil-Kapitolu 4.

2.   Il-protezzjoni ta’ kreditu ffinanzjata eliġibbli tkun limitata għal kollateral finanzjarju li huwa eliġibbli għall-kalkolu tal-ammonti ta’ skoperturi ponderati għar-riskju skont il-Kapitolu 2, kif stipulat fil-Kapitolu 4, u r-rikonoxximent tal-mitigazzjoni tar-riskju tal-kreditu għandu jkun soġġett għal konformità mar-rekwiżiti rilevanti, kif stipulat fil-Kapitolu 4.

Il-protezzjoni ta’ kreditu mhux iffinanzjata eliġibbli u l-fornituri ta’ tali protezzjoni ta’ kreditu mhux iffinanzjata jkunu limitati għal dawk li huma eliġibbli skont il-Kapitolu 4 u r-rikonoxximent tal-mitigazzjoni tar-riskju tal-kreditu jkun soġġett għall-konformità mar-rekwiżiti rilevanti, kif stipulat fil-Kapitolu 4.

3.   Permezz ta’ deroga mill-paragrafu 2, il-fornituri eliġibbli ta’ protezzjoni ta’ kreditu mhux iffinanzjata msemmija fil-punti (a) sa (h) tal-Artikolu 201(1) ikunu ġew assenjati valutazzjoni ta’ kreditu minn ECAI rikonoxxuta, li tkun skala 2 jew aktar tal-kwalità kreditizja fiż-żmien meta l-protezzjoni ta’ kreditu kienet rikonoxxuta għall-ewwel darba u skala 3 jew aktar tal-kwalità kreditizja minn hemm ’il quddiem. Ir-rekwiżit stabbilit f’dan is-subparagrafu ma japplikax għall-kontropartijiet ċentrali li jikkwalifikaw.

L-istituzzjonijiet li huma permessi japplikaw l-Approċċ IRB għal skopertura diretta għall-fornitur tal-protezzjoni jistgħu jivvalutaw l-eliġibbiltà skont l-ewwel subparagrafu abbażi tal-ekwivalenza tal-PD għall-fornitur tal-protezzjoni għall-PD assoċjat mal-iskali tal-kwalità kreditizja msemmija fl-Artikolu 136.

4.   Permezz ta’ deroga mill-paragrafu 2, l-SSPEs ikunu fornituri ta’ protezzjoni eliġibbli meta jiġu ssodisfati l-kondizzjonijiet kollha li ġejjin:

(a)	l-SSPE jkollha assi li jikkwalifikaw bħala kollateral finanzjarju eliġibbli skont il-Kapitolu 4;

(b)	l-assi msemmija fil-punt (a) ma jkunux soġġetti għal pretensjonijiet jew pretensjonijiet kontinġenti li jikklassifikaw quddiem jew pari passu mal-pretensjoni jew mal-pretensjoni kontinġenti tal-istituzzjoni li tirċievi protezzjoni ta’ kreditu mhux iffinanzjata; u

(c)	jiġu ssodisfati r-rekwiżiti kollha għar-rikonoxximent tal-kollateral finanzjarju stabbiliti fil-Kapitolu 4.

5.   Għall-finijiet tal-paragrafu 4, l-ammont tal-protezzjoni aġġustat għal kwalunkwe diskrepanzi fil-munita u fil-maturità (Ga) skont il-Kapitolu 4 għandu jkun limitat għall-valur tas-suq aġġustat għall-volatilità ta’ dawk l-assi, filwaqt li l-piż tar-riskju tal-iskoperturi għall-fornitur tal-protezzjoni, kif speċifikat skont l-Approċċ Standardizzat (g), għandu jiġi ddeterminat bħala l-piż tar-riskju medju ponderat li japplika għal dawk l-assi bħala kollateral finanzjarju skont l-Approċċ Standardizzat.

6.   Meta pożizzjoni ta’ titolizzazzjoni tibbenifika minn protezzjoni sħiħa tal-kreditu jew protezzjoni parzjali tal-kreditu fuq bażi pro-rata, għandhom japplikaw ir-rekwiżiti li ġejjin:

(a)

l-istituzzjoni li tipprovdi protezzjoni tal-kreditu għandha tikkalkula l-ammonti ta’ skoperturi ponderati għar-riskju għall-porzjon tal-pożizzjoni ta’ titolizzazzjoni li tibbenifika mill-protezzjoni ta’ kreditu skont is-Subtaqsima 3 bħallikieku kienet qed iżżomm dak il-porzjon tal-pożizzjoni direttament;

(b)	l-istituzzjoni li tixtri l-protezzjoni tal-kreditu għandha tikkalkula l-ammonti ta’ skoperturi ponderati għar-riskju skont il-Kapitolu 4 għall-porzjon protett.

7.   Fil-każijiet kollha li mhumiex koperti mill-paragrafu 6, għandhom japplikaw ir-rekwiżiti li ġejjin:

(a)

l-istituzzjoni li tipprovdi l-protezzjoni tal-kreditu għandha tittratta l-porzjon tal-pożizzjoni li jibbenefika mill-protezzjoni tal-kreditu bħala pożizzjoni ta’ titolizzazzjoni u għandha tikkalkula l-ammonti ta’ skoperturi ponderati għar-riskju bħallikieku kienet qed iżżomm dik il-pożizzjoni direttament skont is-Subtaqsima 3, soġġetta għall-paragrafi 8, 9 u 10;

(b)

l-istituzzjoni li tixtri l-protezzjoni tal-kreditu għandha tikkalkula l-ammonti ta’ skoperturi ponderati għar-riskju għall-porzjon protett tal-pożizzjoni msemmija fil-punt (a) skont il-Kapitolu 4. L-istituzzjoni għandha tittratta l-porzjon tal-pożizzjoni ta’ titolizzazzjoni li ma jibbenefikax mill-protezzjoni tal-kreditu bħala pożizzjoni ta’ titolizzazzjoni separata u għandha tikkalkula l-ammonti ta’ skoperturi ponderati għar-riskju skont is-Subtaqsima 3, soġġetta għall-paragrafi 8, 9 u 10.

8.   L-istituzzjonijiet li jużaw l-Approċċ Ibbażat fuq Klassifikazzjonijiet Interni tat-Titolizzazzjoni (SEC-IRBA) jew l-Approċċ Standardizzat tat-Titolizzazzjoni (SEC-SA) taħt is-Subtaqsima 3 għandhom jiddeterminaw il-punt ta’ kuntatt (A) u l-punt ta’ distakkament (D) separatament għal kull waħda mill-pożizzjonijiet derivati skont il-paragrafu 7 bħallikieku dawn inħarġu bħala pożizzjonijiet ta’ titolizzazzjoni separati fiż-żmien tal-oriġinar tat-tranżazzjoni. Il-valur ta’ KIRB jew KSA, rispettivament, għandu jiġi kkalkolat wara li tittieħed f’kunsiderazzjoni l-aggregazzjoni oriġinali tal-iskoperturi li huma l-bażi tat-titolizzazzjoni.

9.   L-istituzzjonijiet li jużaw l-Approċċ Ibbażat fuq Klassifikazzjonijiet Esterni tat- Titolizzazzjoni (SEC-ERBA) taħt is-Subtaqsima 3 għall-pożizzjoni ta’ titolizzazzjoni oriġinali għandhom jikkalkulaw l-ammonti ta’ skoperturi ponderati għar-riskju għall-pożizzjonijiet derivati skont il-paragrafu 7 kif ġej:

(a)	meta l-pożizzjoni derivata jkollha l-ogħla superjorità, hija għandha tiġi assenjata l-piż tar-riskju tal-pożizzjoni tat-titolizzazzjoni oriġinali;

(b)

meta l-pożizzjoni derivata jkollha l-inqas superjorità, hija tista’ tiġi assenjata klassifikazzjoni inferita skont l-Artikolu 263(7). F’dak il-każ, l-input tal-ħxuna T għandu jiġi kkalkolat biss fuq il-bażi tal-pożizzjoni derivata.Meta ma tkunx tista’ tiġi inferita klassifikazzjoni, l-istituzzjoni tapplika l-ogħla piż tar-riskju li jirriżulta minn: (i) l-applikazzjoni tas-SEC-SA skont il-paragrafu 8 u s-Subtaqsima 3; jew (ii) il-piż tar-riskju tal-pożizzjoni tat-titolizzazzjoni oriġinali skont is-SEC-ERBA.

10.   Il-pożizzjoni derivata bl-inqas superjorità għandha tkun ttrattata bħala pożizzjoni ta’ titolizzazzjoni mhux superjuri anki jekk il-pożizzjoni ta’ titolizzazzjoni oriġinali qabel il-protezzjoni tikkwalifika bħala waħda superjuri.

Artikolu 250

Appoġġ impliċitu

1.   Istituzzjoni sponsor, jew istituzzjoni oriġinatriċi li fir-rigward tat-titolizzazzjoni tkun għamlet użu mill-Artikolu 247(1) u (2) għall-kalkolu tal-ammonti ta’ skoperturi ponderati għar-riskju jew tkun biegħet strumenti mill-portafoll tan-negozjar tagħha b’tali mod li ma tkunx aktar meħtieġa jkollha fondi proprji għar-riskji ta’ dawk l-istrumenti ma għandhiex tipprovdi appoġġ, direttament jew indirettament, lit-titolizzazzjoni lil hinn mill-obbligi kuntrattwali tagħha bil-ħsieb li tnaqqas it-telf potenzjali jew reali tal-investituri.

2.   Tranżazzjoni ma għandhiex titqies bħala appoġġ għall-finijiet tal-paragrafu 1 meta t-tranżazzjoni tkun ġiet debitament ikkunsidrata fil-valutazzjoni ta’ trasferiment ta’ riskju tal-kreditu sinifikanti u meta ż-żewġ partijiet ikunu esegwew it-tranżazzjoni billi aġixxew fl-interess tagħhom bħala partijiet liberi u indipendenti (f’kundizzjonijiet ta’ kompetizzjoni ġusta). Għal dawn il-finijiet, l-istituzzjoni għandha twettaq reviżjoni kreditizja sħiħa tat-tranżazzjoni u, bħala minimu, tieħu f’kunsiderazzjoni l-fatturi kollha li ġejjin:

(a)	il-prezz tar-riakkwist;

(b)	il-pożizzjoni tal-kapital u tal-likwidità tal-istituzzjoni qabel u wara r-riakkwist;

(c)	il-prestazzjoni tal-iskoperturi sottostanti;

(d)	il-prestazzjoni tal-pożizzjonijiet ta’ titolizzazzjoni;

(e)	l-impatt tal-appoġġ fuq it-telf li mistenni li jġarrab l-oriġinatur b’mod relattiv għall-investituri.

3.   L-istituzzjoni oriġinatriċi u l-istituzzjoni sponsor għandhom jinnotifikaw lill-awtorità kompetenti bi kwalunkwe tranżazzjoni li jidħlu fiha fir-rigward tat-titolizzazzjoni skont il-paragrafu 2.

4.   L-EBA għandha, skont l-Artikolu 16 tar-Regolament (UE) Nru 1093/2010, toħroġ linji gwida dwar x’jikkostitwixxi “kondizzjonijiet ta’ kompetizzjoni ġusta” għall-finijiet ta’ dan l-Artikolu u ċ-ċirkostanzi taħt liema tranżazzjoni ma tkunx strutturata biex tipprovdi appoġġ.

5.   Jekk istituzzjoni oriġinatriċi jew istituzzjoni sponsor tonqos milli tikkonforma mal-paragrafu 1 fir-rigward ta’ titolizzazzjoni, l-istituzzjoni għandha tinkludi l-iskoperturi sottostanti kollha ta’ dik it-titolizzazzjoni fil-kalkolu tagħha tal-ammonti ta’ skoperturi ponderati għar-riskju bħallikieku dawn ma kinux ġew titolizzati u tiżvela:

(a)	li hija pprovdiet appoġġ għat-titolizzazzjoni bi ksur tal-paragrafu 1; u

(b)	l-impatt tal-appoġġ ipprovdut f’termini tar-rekwiżiti tal-fondi proprji.

Artikolu 251

Kalkolu tal-istituzzjonijiet oriġinaturi tal-ammonti ta’ skoperturi ponderati għar-riskju titolizzati f’titolizzazzjoni sintetika

1.   Għall-fini tal-kalkolu tal-ammonti ta’ skoperturi ponderati għar-riskju għall-iskoperturi sottostanti, l-istituzzjoni oriġinatriċi ta’ titolizzazzjoni sintetika għandha tuża l-metodoloġiji ta’ kalkolu stabbiliti f’din it-Taqsima, fejn ikunu applikabbli minflok dawk stabbiliti fil-Kapitolu 2. Għal istituzzjonijiet li jikkalkulaw l-ammonti ta’ skoperturi ponderati għar-riskju u, fejn rilevanti, l-ammonti ta’ telf mistennija fir-rigward tal-iskoperturi sottostanti skont il-Kapitolu 3, l-ammont ta’ telf mistenni fir-rigward ta’ tali skoperturi għandu jkun żero.

2.   Ir-rekwiżiti stabbiliti fil-paragrafu 1 ta’ dan l-Artikolu japplikaw għall-aggregazzjoni sħiħa ta’ skoperturi li jappoġġjaw it-titolizzazzjoni. Soġġetta għall-Artikolu 252, l-istituzzjoni oriġinatriċi għandha tikkalkula l-ammonti ta’ skoperturi ponderati għar-riskju fir-rigward tas-segmenti kollha fit-titolizzazzjoni skont din it-Taqsima, inklużi l-pożizzjonijiet li fir-rigward tagħhom l-istituzzjoni tista’ tirrikonoxxi l-mitigazzjoni tar-riskju tal-kreditu skont l-Artikolu 249. Il-ponderazzjoni tar-riskju li jiġi applikat għall-pożizzjonijiet li jibbenifikaw minn mitigazzjoni tar-riskju tal-kreditu jista’ jiġi emendat skont il-Kapitolu 4.

Artikolu 252

Trattament ta’ diskrepanzi fil-maturitajiet f’titolizzazzjonjiet sintetiċi

Għall-finijiet tal-kalkolu tal-ammonti ta’ skoperturi ponderati għar-riskju skont l-Artikolu 251, kwalunkwe diskrepanza fil-maturità bejn il-protezzjoni tal-kreditu li permezz tagħha jinkiseb it-trasferiment tar-riskju u l-iskoperturi sottostanti għandha tiġi kkalkolata kif ġej:

(a)	il-maturità tal-iskoperturi sottostanti għandha titqies bħala l-itwal maturità ta’ kull waħda minn dawk l-iskoperturi soġġetta għal massimu ta’ ħames snin. Il-maturità tal-protezzjoni tal-kreditu għandha tiġi ddeterminata skont il-Kapitolu 4;

(b)

istituzzjoni oriġinatriċi għandha tinjora kull diskrepanza fil-maturità meta tiġi biex tikkalkula l-ammonti ta’ skoperturi ponderati għar-riskju għall-pożizzjonijiet ta’ titolizzazzjoni soġġetti għal ponderazzjoni tar-riskju ta’ 1 250 % skont din it-Taqsima. Għall-pożizzjonijiet l-oħrajn kollha, it-trattament tad-diskrepanza fil-maturità stabbilit fil-Kapitolu 4 għandu jiġi applikat skont il-formula li ġejja: fejn: RW* = l-ammonti ta’ skoperturi ponderati għar-riskju għall-finijiet tal-punt (a) tal-Artikolu 92(3); RWAss = l-ammonti ta’ skoperturi ponderati għar-riskju għall-iskoperturi sottostanti daqs li kieku ma jkunux ġew titolizzati, ikkalkolati fuq bażi pro-rata; RWSP = l-ammonti ta’ skoperturi ponderati għar-riskju kkalkolati skont l-Artikolu 251 daqs li kieku ma kienx hemm diskrepanza fil-maturità; T = il-maturità tal-iskoperturi sottostanti, espressa fi snin; t = maturità tal-protezzjoni tal-kreditu, espressa fi snin; t* = 0,25

Artikolu 253

Tnaqqis fl-ammonti ta’ skoperturi ponderati għar-riskju

1.   Meta pożizzjoni ta’ titolizzazzjoni tiġi assenjata ponderazzjoni tar-riskju ta’ 1 250 % taħt din it-Taqsima, l-istituzzjonijiet jistgħu jnaqqsu l-valur tal-iskopertura ta’ tali pożizzjoni mill-kapital tal-Grad 1 ta’ Ekwità Komuni skont il-punt (k) tal-Artikolu 36(1) bħala alternattiva għall-inklużjoni tal-pożizzjoni fil-kalkolu tagħhom tal-ammonti ta’ skoperturi ponderati għar-riskju. Għal dak l-għan, il-kalkolu tal-valur tal-iskopertura jista’ jirrifletti l-protezzjoni ta’ kreditu ffinanzjata eliġibbli skont l-Artikolu 249.

2.   Meta istituzzjoni tagħmel użu mill-alternattiva stabbilita fil-paragrafu 1, hija tista’ tnaqqas l-ammont imnaqqas skont il-punt (k) tal-Artikolu 36(1) mill-ammont speċifikat fl-Artikolu 268 bħala rekwiżit ta’ kapital massimu li jiġi kkalkolat fir-rigward tal-iskoperturi sottostanti bħallikieku dawn ma ġewx titolizzati.

Subtaqsima 2

Ġerarkija tal-metodi u l-parametri komuni

Artikolu 254

Ġerarkija tal-metodi

1.   L-istituzzjonijiet għandhom jużaw wieħed mill-metodi stabbiliti fis-Subtaqsima 3 sabiex jikkalkolaw l-ammonti ta’ skoperturi ponderati għar-riskju skont il-ġerarkija li ġejja:

(a)	meta l-kondizzjonijiet stabbiliti fl-Artikolu 258 jiġu ssodisfati, istituzzjoni għandha tuża s-SEC-IRBA skont l-Artikoli 259 u 260;

(b)	meta s-SEC-ERBA ma jkunx jista’ jintuża, istituzzjoni għandha tuża s-SEC-SA skont l-Artikoli 261 u 262;

(c)	meta s-SEC-SA ma jkunx jista’ jintuża, istituzzjoni għandha tuża s-SEC-ERBA skont l-Artikoli 263 u 264 għal pożizzjonijiet klassifikati jew pożizzjonijiet li fir-rigward tagħhom tista’ tintuża klassifikazzjoni inferita.

2.   Għal pożizzjonijiet klassifikati jew pożizzjonijiet li fir-rigward tagħhom tista’tintuża klassifikazzjoni inferita, istituzzjoni għandha tuża s-SEC-ERBA minflok is-SEC-SA f’kull wieħed mill-każijiet li ġejjin:

(a)	meta l-applikazzjoni tas-SEC-SA tirriżulta f’ponderazzjoni tar-riskju ogħla minn 25 % għal pożizzjonijiet li jikkwalifikaw bħala pożizzjonijiet f’titolizzazzjoni STS;

(b)	meta l-applikazzjoni tas-SEC-SA tirriżulta f’ponderazzjoni tar-riskju ogħla minn 25 % jew l-applikazzjoni tas-SEC-ERBA tirriżulta f’ponderazzjoni tar-riskju ogħla minn 75 % għal pożizzjonijiet li ma jikkwalifikawx bħala pożizzjonijiet f’titolizzazzjoni STS;

(c)	għal tranżazzjonijiet ta’ titolizzazzjoni garantiti b’aggregazzjoni ta’ self għall-karozzi, kirjiet ta’ karozzi u kirjiet ta’ tagħmir.

3.   F’każijiet li mhumiex koperti mill-paragrafu 2, u b’deroga mill-punt (b) tal-paragrafu 1, istituzzjoni tista’ tiddeċiedi li tapplika s-SEC-ERBA minflok is-SEC-SA għall-pożizzjonijiet ta’ titolizzazzjoni klassifikata kollha tagħha jew għall-pożizzjonijiet li fir-rigward tagħhom tista’ tintuża klassifikazzjoni inferita.

Għall-finijiet tal-ewwel subparagrafu, istituzzjoni għandha tinnotifika d-deċiżjoni tagħha lill-awtorità kompetenti mhux aktar tard mis-17 ta’ Novembru 2018.

Kwalunkwe deċiżjoni sussegwenti biex tbiddel ulterjorment l-approċċ applikat għall-pożizzjonijiet ta’ titolizzazzjoni klassifikata tagħha għandha tiġi notifikat mill-istituzzjoni lill-awtorità kompetenti tagħha qabel il-15 ta’ Novembru immedjatament wara dik id-deċiżjoni.

Fin-nuqqas ta’ kwalunkwe oġġezzjoni mill-awtorità kompetenti sal-15 ta’ Diċembru immedjatament wara d-data tal-għeluq imsemmija fit-tieni jew it-tielet subparagrafu, kif xieraq, id-deċiżjoni notifikata tal-istituzzjoni għandha tidħol fis-seħħ mill-1 ta’ Jannar tas-sena ta’ wara u għandha tkun valida sakemm deċiżjoni notifikata sussegwentament tidħol fis-seħħ. Istituzzjoni ma għandhiex tuża approċċ differenti matul l-istess sena.

4.   B’deroga mill-paragrafu 1, l-awtoritajiet kompetenti jistgħu jipprojbixxu lill-istituzzjonijiet, skont il-każ, milli japplikaw is-SEC-SA meta l-ammont ta’ skoperturi ponderati għar-riskju li jirriżulta mill-applikazzjoni tas-SEC-SA ma jkunux proporzjonat mar-riskji maħluqa għall-istituzzjoni jew l-istabbiltà finanzjarja, inkluż iżda mhux limitat għar-riskju tal-kreditu inkorporat fl-iskoperturi sottostanti għat-titolizzazzjoni. Fil-każ ta’ skoperturi li ma jikkwalifikawx bħala pożizzjonijiet f’titolizzazzjoni STS, għandha tingħata kunsiderazzjoni partikolari għal titolizzazzjonijiet b’karatteristiċi kumplessi ħafna u riskjużi.

5.   Mingħajr preġudizzju għall-paragrafu 1 ta’ dan l-Artikolu, istituzzjoni tista’ tapplika l-Approċċ ta’ Valutazzjoni Interna sabiex tikkalkula l-ammonti ta’ skoperturi ponderati għar-riskju fir-rigward ta’ pożizzjoni mhux klassifikata fi programm ABCP jew tranżazzjoni ABCP skont l-Artikolu 266, dment li jiġu ssodisfati l-kondizzjonijiet stabbiliti fl-Artikolu 265. Fejn istituzzjoni tkun irċeviet permess biex tapplika l-Approċċ ta’ Valutazzjoni Interna f’konformità mal-Artikolu 265(2), u pożizzjoni speċifika fi programm ABCP jew tranżazzjoni ABCP taqa’ fl-ambitu kopert minn tali permess, l-istituzzjoni għandha tapplika dak l-Approċċ biex- jiġi kkalkulat l-ammont ta’ skoperturi ponderat għar-riskju ta’ dik il-pożizzjoni.

6.   Għal pożizzjoni f’rititolizzazzjoni, l-istituzzjonijiet għandhom japplikaw is-SEC-SA skont l-Artikolu 261, bil-modifikazzjonijiet stabbiliti fl-Artikolu 269.

7.   Fil-każijiet l-oħrajn kollha, għandha tiġi assenjata ponderazzjoni tar-riskju ta’ 1 250 % lill-pożizzjonijiet ta’ titolizzazzjoni.

8.   L-awtoritajiet kompetenti għandhom jinfurmaw lill-EBA dwar kwalunkwe notifika magħmula skont il-paragrafu 3 ta’ dan l-Artikolu. L-EBA għandha tissorvelja l-impatt ta’ dan l-Artikolu fuq ir-rekwiżiti kapitali u l-medda ta’ prattiki superviżorji b’konnessjoni mal-paragrafu 4 ta’ dan l-Artikolu, u ta’ kull sena għandha tirrapporta lill-Kummissjoni dwar is-sejbiet tagħha u toħroġ linji gwida f’konformità mal-Artikolu 16 tar-Regolament (UE) Nru 1093/2010.

Artikolu 255

Determinazzjoni tal-KIRB u KSA

1.   Meta istituzzjoni tapplika s-SEC-IRBA skont is-Subtaqsima 3, l-istituzzjoni għandha tikkalkula l-KIRB skont il-paragrafi minn 2 sa 5.

2.   L-istituzzjonijiet għandhom jiddeterminaw il-KIRB billi jimmultiplikaw l-ammonti ta’ skoperturi ponderati għar-riskju, li għandhom jiġu kkalkolati skont il-Kapitolu 3 fir-rigward tal-iskoperturi sottostanti bħallikieku ma kinux ġew titolizzati bi 8 % diviżi bil-valur tal-iskopertura tal-iskoperturi sottostanti. Il-KIRB għandha tiġi espressa f’forma deċimali bejn żero u wieħed.

3.   Għall-finijiet tal-kalkolu tal-KIRB, l-ammonti ta’ skoperturi ponderati għar-riskju, li għandhom jiġu kkalkolati skont il-Kapitolu 3 fir-rigward tal-iskoperturi sottostanti, għandhom jinkludu:

(a)	l-ammont ta’ telf mistenni assoċjat mal-iskoperturi sottostanti kollha tat-titolizzazzjoni, inklużi l-iskoperturi sottostanti inadempjenti li għadhom parti mill-aggregazzjoni skont il-Kapitolu 3; u

(b)	l-ammont ta’ telf mhux mistenni assoċjat mal-iskoperturi sottostanti kollha, inklużi l-iskoperturi sottostanti inadempjenti fl-aggregazzjoni skont il-Kapitolu 3.

4.   L-istituzzjonijiet jistgħu jikkalkolaw il-KIRB fir-rigward tal-iskoperturi sottostanti tat-titolizzazzjoni skont id-dispożizzjonijiet stabbiliti fil-Kapitolu 3 għall-kalkolu tar-rekwiżiti kapitali għar-riċevibbli mixtrija. Għal dawn il-finijiet, l-iskoperturi fil-livell tal-konsumatur għandhom jiġu ttrattati bħala riċevibbli mixtrija fil-livell tal-konsumatur u l-iskoperturi mhux fil-livell tal-konsumatur għandhom jiġu ttrattati bħala riċevibbli korporattivi mixtrija.

5.   L-istituzzjonijiet għandhom jikkalkolaw il-KIRB separatament għar-riskju ta’ dilwizzjoni fir-rigward tal-iskoperturi sottostanti ta’ titolizzazzjoni fejn ir-riskju ta’ dilwizzjoni jkun materjali għal tali skoperturi.

Meta t-telf mir-riskji ta’ dilwizzjoni u ta’ kreditu jiġi ttrattat b’mod aggregat fit-titolizzazzjoni, l-istituzzjonijiet għandhom jikkombinaw il-KIRB rispettiva għar-riskju ta’ dilwizzjoni u għar-riskju tal-kreditu f’KIRB waħda għall-finijiet tas-Subtaqsima 3. Il-preżenza ta’ fond ta’ riżerva waħdieni jew ta’ sovrakollateralizzazzjoni disponibbli sabiex jiġi kopert it-telf minn riskju tal-kreditu jew ta’ dilwizzjoni tista’ titqies bħala indikazzjoni li dawn ir-riskji huma ttrattati b’mod aggregat.

Meta r-riskju ta’ dilwizzjoni u r-riskju tal-kreditu ma jiġux ittrattati b’mod aggregat fit-titolizzazzjoni, l-istituzzjonijiet għandhom jimmodifikaw it-trattament stabbilit fit-tieni subparagrafu preċedenti sabiex jikkombinaw il-KIRB rispettiva għar-riskju ta’ dilwizzjoni u ta’ kreditu b’mod prudenti.

6.   Meta istituzzjoni tapplika s-SEC-SA skont is-Subtaqsima 3, din għandha tikkalkula l-KSA billi timmultiplika l-ammonti ta’ skoperturi ponderati għar-riskju, li għandhom jiġu kkalkolati skont il-Kapitolu 2 fir-rigward tal-iskoperturi sottostanti bħallikieku ma kinux ġew titolizzati, bi 8 % diviżi bil-valur tal-iskoperturi sottostanti. Il-KSA għandha tiġi espressa f’forma deċimali bejn żero u wieħed.

Għall-finijiet ta’ dan il-paragrafu, l-istituzzjonijiet għandhom jikkalkolaw il-valur tal-iskopertura tal-iskoperturi sottostanti mingħajr nettjar ta’ kwalunkwe aġġustament speċifiku għar-riskju tal-kreditu u ta’ kwalunkwe aġġustament speċifiku tal-valur addizzjonali skont l-Artikoli 34 u 110 u kull tnaqqis ieħor tal-fondi proprji.

7.   Għall-finijiet tal-paragrafi 1 sa 6, meta struttura ta’ titolizzazzjoni tinvolvi l-użu ta’ SSPE, l-iskoperturi kollha tal-SSPE relatati mat-titolizzazzjoni jiġu ttrattati bħala skoperturi sottostanti. Mingħajr preġudizzju għal dak li ntqal qabel, l-istituzzjoni tista’ teskludi l-iskoperturi tal-SSPE mill-aggregazzjoni tal-iskoperturi sottostanti għall-finijiet tal-kalkolu tal-KIRB jew tal-KSA jekk ir-riskju mill-iskoperturi tal-SSPE jkun immaterjali jew jekk ma jaffettwax il-pożizzjoni ta’ titolizzazzjoni tal-istituzzjoni.

Fil-każ ta’ titolizzazzjonijiet sintetiċi ffinanzjati, kull rikavat materjali mill-ħruġ ta’ noti marbuta ma’ kreditu jew obbligi ffinanzjati oħrajn tal-SSPE li jservu bħala kollateral għall-ħlas lura tal-pożizzjonijiet ta’ titolizzazzjoni għandhom jiġu inklużi fil-kalkolu tal-KIRB jew tal-KSA jekk ir-riskju tal-kreditu tal-kollateral ikun soġġett għall-allokazzjoni tat-telf segmentata.

8.   Għall-finijiet tat-tielet subparagrafu tal-paragrafu 5 ta’ dan l-Artikolu, l-EBA għandha toħroġ linji gwida skont l-Artikolu 16 tar-Regolament (UE) Nru 1093/2010 dwar il-metodi xierqa għall-kombinazzjoni tal-KIRB għar-riskji ta’ dilwizzjoni u ta’ kreditu, meta dawn ir-riskji ma jiġux ittrattati b’mod aggregat f’titolizzazzjoni.

9.   L-EBA għandha tiżviluppa abbozz ta’ standards tekniċi regolatorji biex tispeċifika ulterjorment il-kondizzjonijiet li jippermettu lill-istituzzjonijiet jikkalkulaw il-KIRB għall- aggregazzjonijiet ta’ skoperturi sottostanti f’konformità mal-paragrafu 4, b’mod partikolari fir-rigward ta’:

(a)	politika u mudelli kreditizji interni għall-kalkolu tal-KIRB għal titolizzazzjonijiet;

(b)	l-użu ta’ fatturi ta’ riskju differenti fir-rigward tal-aggregazzjoni ta’ skoperturi sottostanti u, fejn ma tkunx disponibbli biżżejjed data preċiża jew affidabbli dwar dik l-aggregazzjoni, ta’ data proxy biex jiġu stmati l-PD u l-LGD; u

(c)	rekwiżiti ta’ diliġenza dovuta biex jiġu ssorveljati l-azzjonijiet u l-politiki ta’ bejjiegħa tar-riċevibbli jew oriġinaturi oħra.

L-EBA għandha tissottometti dak l-abbozz ta’ standards tekniċi regolatorji lill-Kummissjoni sat-18 ta’ Jannar 2019.

Is-setgħa hija delegata lill-Kummissjoni biex tissupplimenta lil dan ir-Regolament billi tadotta l-istandards tekniċi regolatorji msemmija fit-tieni subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1093/2010.

Artikolu 256

Determinazzjoni tal-punt ta’ akkoppjament (A) u tal-punt ta’ distakkament (D)

1.   Għall-finijiet tas-Subtaqsima 3, l-istituzzjonijiet għandhom jistabbilixxu l-punt ta’ akkoppjament (A) fil-limitu massimu fejn it-telf fl-aggregazzjoni tal-iskoperturi sottostanti jibda jiġi allokat għall-pożizzjoni tat-titolizzazzjoni rilevanti.

Il-punt tal-akkoppjament (A) għandu jiġi espress bħala valur deċimali bejn żero u wieħed u jkun ugwali għall-akbar minn żero u l-proporzjon tal-bilanċ pendenti tal-aggregazzjoni ta’ skoperturi sottostanti fit-titolizzazzjoni nieqes il-bilanċ pendenti tas-segmenti kollha li jikklassifikaw bħala superjuri għal jew pari passu mas-segment li fih il-pożizzjoni ta’ titolizzazzjoni rilevanti inkluża l-iskopertura stess mal-bilanċ pendenti tal-iskoperturi sottostanti kollha fit-titolizzazzjoni.

2.   Għall-finijiet tas-Subtaqsima 3, l-istituzzjonijiet għandhom jistabbilixxu l-punt ta’ distakkament (D) fil-limitu li fih it-telf fl-aggregazzjoni ta’ skoperturi sottostanti jirriżulta f’telf komplet tal-prinċipal għas-segment li fih il-pożizzjoni ta’ titolizzazzjoni rilevanti.

Il-punt ta’ distakkament (D) għandu jiġi espress bħala valur deċimali bejn żero u wieħed u jkun ugwali għall-akbar minn żero u l-proporzjon tal-bilanċ pendenti tal-aggregazzjoni ta’ skoperturi sottostanti fit-titolizzazzjoni nieqes il-bilanċ pendenti tas-segmenti kollha li jikklassifikaw bħala superjuri għas-segment li fih il-pożizzjoni ta’ titolizzazzjoni rilevanti għall-bilanċ pendenti tal-iskoperturi sottostanti kollha fit-titolizzazzjoni.

3.   Għall-finijiet tal-paragrafi 1 u 2, l-istituzzjonijiet għandhom jittrattaw is-sovrakollateralizzazzjoni u l-kontijiet ta’ riżerva ffinanzjati bħala segmenti u l-assi li fihom tali kontijiet ta’ riżerva bħala skoperturi sottostanti.

4.   Għall-finijiet tal-paragrafi 1 u 2, l-istituzzjonijiet għandhom jinjoraw il-kontijiet ta’ riżerva mhux iffinanzjati u l-assi li ma jipprovdux titjib tal-kreditu, bħal dawk li jipprovdu biss appoġġ ta’ likwidità, swaps tar-rati tal-imgħax jew bejn il-muniti u kontijiet ta’ kollateral fi flus relatati ma’ dawk il-pożizzjonijiet fit-titolizzazzjoni. Għall-kontijiet ta’ riżerva ffinanzjati u għall-assi li jipprovdu titjib tal-kreditu, l-istituzzjoni għandha tittratta biss bħala pożizzjonijiet ta’ titolizzazzjoni l-partijiet ta’ dawk il-kontijiet jew l-assi li jassorbu t-telf.

5.   Meta żewġ pożizzjonijiet jew aktar tal-istess tranżazzjoni jkollhom maturitajiet differenti iżda jikkondividu allokazzjoni tat-telf pro rata, il-kalkolu tal-punti ta’ akkoppjament (A) u l-punti ta’ distakkament (D) għandhom ikunu bbażati fuq il-bilanċ pendenti aggregat ta’ dawk il-pożizzjonijiet u l-punti ta’ akkoppjament (A) u l-punti ta’ distakkament (D) li jirriżultaw għandhom ikunu l-istess.

Artikolu 257

Determinazzjoni tal-maturità tas-segment (MT)

1.   Għall-finijiet tas-Subtaqsima 3 u soġġetti għall-paragrafu 2, l-istituzzjonijiet jistgħu jkejlu l-maturità ta’ segment (MT) bħala:

(a)	il-maturità medja ponderata tal-pagamenti kuntrattwali dovuti taħt is-segment skont il-formula li ġejja: fejn CFt tirrappreżenta l-pagamenti kuntrattwali kollha (prinċipal, imgħaxijiet u miżati) pagabbli mill-mutwatarju matul il-perijodu t; jew

(b)	il-maturità legali finali tas-segment skont il-formula li ġejja: fejn ML hija l-maturità legali finali tas-segment.

2.   Għall-finijiet tal-paragrafu 1, id-determinazzjoni tal-maturità ta’ segment (MT) tkun soġġetta, fil-każijiet kollha, għal limitu minimu ta’ sena waħda u limitu massimu ta’ ħames snin.

3.   Meta istituzzjoni tista’ ssir esposta għal telf potenzjali mill-iskoperturi sottostanti minħabba kuntratt, l-istituzzjoni għandha tiddetermina l-maturità tal-pożizzjoni ta’ titolizzazzjoni billi tieħu f’kunsiderazzjoni l-maturità tal-kuntratt flimkien mal-itwal maturità ta’ tali skoperturi sottostanti. Għall-iskoperturi ċirkolanti, tapplika l-itwal maturità kuntrattwalment possibbli li jifdal tal-iskopertura, li tista’ tiżdied matul il-perijodu ċirkolanti.

4.   L-EBA għandha tissorvelja l-firxa ta’ prattiki f’dan il-qasam, b’attenzjoni partikolari għall-applikazzjoni fil-punt (a) tal-paragrafu 1 ta’ dan l-Artikolu, u għandha toħroġ linji gwida, skont l-Artikolu 16 tar-Regolament (UE) Nru 1093/2010, sal-31 ta’ Diċembru 2019.

Subtaqsima 3

Metodi għall-kalkolu tal-ammonti ta’ skoperturi ponderati għar-riskju

Artikolu 258

Il-kondizzjonijiet għall-użu tal-Approċċ Ibbażat fuq Klassifikazzjonijiet Interni (SEC-IRBA)

1.   L-istituzzjonijiet għandhom jużaw is-SEC-IRBA biex jikkalkolaw l-ammonti ta’ skoperturi ponderati għar-riskju fir-rigward ta’ pożizzjoni ta’ titolizzazzjoni meta jiġu ssodisfati l-kondizzjonijiet li ġejjin:

(a)	il-pożizzjoni tkun appoġġjata minn aggregazzjoni ta’ IRB jew aggregazzjoni mħallta, dment li, fil-każ tal-aħħar, l-istituzzjoni tkun tista’ tikkalkula l-KIRB skont it-Taqsima 3 fuq minimu ta’ 95 % tal-ammont ta’ skoperturi sottostanti;

(b)	ikun hemm biżżejjed informazzjoni disponibbli fir-rigward tal-iskoperturi sottostanti tat-titolizzazzjoni sabiex l-istituzzjoni tkun tista’ tikkalkula l-KIRB; u

(c)	l-istituzzjoni ma tkunx ġiet prekluża milli tuża s-SEC-IRBA fir-rigward ta’ pożizzjoni ta’ titolizzazzjoni speċifikata skont il-paragrafu 2.

2.   L-awtoritajiet kompetenti jistgħu, fuq bażi ta’ każ b’każ, jipprekludu l-użu tas-SEC-IRBA meta t-titolizzazzjonijiet ikollhom karatteristiċi riskjużi jew kumplessi ħafna. Għal dawn il-finijiet, dawn li ġejjin jistgħu jitqiesu bħala karatteristiċi riskjużi jew kumplessi ħafna:

(a)	titjib tal-kreditu li jista’ jonqos għal raġunijiet oħrajn minbarra t-telf tal-portafoll;

(b)	aggregazzjoni ta’ skoperturi sottostanti bi grad għoli ta’ korrelazzjoni interna bħala riżultat tal-iskoperturi kkonċentrati għal setturi jew żoni ġeografiċi uniċi;

(c)	tranżazzjonijiet meta l-ħlas lura tal-pożizzjonijiet ta’ titolizzazzjoni huwa dipendenti ħafna fuq il-motivaturi tar-riskju mhux riflessi fil-KIRB; jew

(d)	allokazzjonijiet ta’ telf kumplessi ħafna bejn is-segmenti.

Artikolu 259

Kalkolu tal-ammonti ta’ skoperturi ponderati għar-riskju skont is-SEC-IRBA

1.   Skont is-SEC-IRBA, l-ammont ta’ skoperturi ponderati għar-riskju għal pożizzjoni ta’ titolizzazzjoni għandu jiġi kkalkolat billi l-valur tal-iskopertura tal-pożizzjoni kkalkolat skont l-Artikolu 248 jiġi mmultiplikat bil-ponderazzjoni tar-riskju applikabbli ddeterminat kif ġej, fil-każijiet kollha soġġetti għal limitu minimu ta’ 15 %:

RW = 1 250  %	meta D ≤ KIRB
RW = 12.5 · KSSFA(KIRB)	meta A ≥ KIRB
	meta A < KIRB < D

fejn:

KIRB	hija l-imposta kapitali tal-aggregazzjoni ta’ skoperturi sottostanti kif definita fl-Artikolu 255
D	huwa l-punt ta’ distakkament kif iddeterminat skont l-Artikolu 256
A	huwa l-punt ta’ akkoppjament kif iddeterminat skont l-Artikolu 256

fejn:

a	=	– (1/(p * KIRB))
u	=	D – KIRB
l	=	max (A – KIRB; 0)

fejn:

fejn:

N	huwa n-numru effettiv ta’ skoperturi fl-aggregazzjoni ta’ skoperturi sottostanti, ikkalkolat skont il-paragrafu 4;
LGD	huwa t-telf medju fil-każ ta’ inadempjenza ponderat skont l-iskopertura tal-aggregazzjoni ta’ skoperturi sottostanti, ikkalkolat skont il-paragrafu 5;
MT	hija l-maturità tas-segment kif iddeterminata skont l-Artikolu 257.

Il-parametri A, B, C, D u E għandhom jiġu ddeterminati skont it-tabella ta’ referenza li ġejja:

		A	B	C	D	E
Mhux fil-livell tal-konsumatur	Superjuri, granulari (N ≥ 25)	0	3,56	–1,85	0,55	0,07
	Superjuri, mhux granulari (N < 25)	0,11	2,61	–2,91	0,68	0,07
	Mhux superjuri, granulari (N ≥ 25)	0,16	2,87	–1,03	0,21	0,07
	Mhux superjuri, mhux granulari (N < 25)	0,22	2,35	–2,46	0,48	0,07
Fil-livell tal-konsumatur	Superjuri	0	0	–7,48	0,71	0,24
	Mhux superjuri	0	0	–5,78	0,55	0,27

2.   Jekk l-aggregazzjoni tal-IRB sottostanti tkun tinkludi kemm skoperturi fil-livell tal-konsumatur kif ukoll mhux fil-livell tal-konsumatur, l-aggregazzjoni għandha tinqasam f’sottoaggregazzjoni fil-livell tal-konsumatur u waħda mhux fil-livell tal-konsumatur u, għal kull sottoaggregazzjoni, għandu jiġi stmat parametru p separat (u l-parametri tal-input korrispondenti N, KIRB u LGD). Sussegwentement, għandu jiġi kkalkolat parametru p medju ponderat għat-tranżazzjoni abbażi tal-parametri p ta’ kull sottoaggregazzjoni u d-daqs nominali tal-iskoperturi f’kull sottoaggregazzjoni.

3.   Meta istituzzjoni tapplika s-SEC-IRBA għal aggregazzjoni mħallta, il-kalkolu tal-parametru p għandu jkun ibbażat fuq l-iskoperturi sottostanti soġġett għall-Approċċ IRB biss. L-iskoperturi sottostanti soġġetti għall-Approċċ Standardizzat għandhom jiġu injorati għal dawn il-finijiet.

4.   In-numru effettiv ta’ skoperturi (N) għandu jiġi kkalkolat kif ġej:

fejn EADi tirrappreżenta l-valur tal-iskopertura assoċjata mal-iskopertura fl-aggregazzjoni.

L-iskoperturi multipli għall-istess obbligant għandhom jiġu kkonsolidati u ttrattati bħala skopertura waħda.

5.   L-LGD medju ponderat skont l-iskopertura għandu jiġi kkalkolat kif ġej:

fejn LGDi jirrappreżenta l-LGD medju assoċjat mal-iskoperturi kollha għall-obbligant i.

Meta r-riskji ta’ kreditu u ta’ dilwizzjoni għar-riċevibbli mixtrija jiġu ġestiti b’mod aggregat f’titolizzazzjoni, l-input tal-LGD għandu jitqies bħala medja ponderata tal-LGD għar-riskju tal-kreditu u 100 % LGD għar-riskju ta’ dilwizzjoni. Il-ponderazzjonijiet għandhom ikunu r-rekwiżiti kapitali tal-Approċċ IRB awtonomi għar-riskju tal-kreditu u għar-riskju ta’ dilwizzjoni, rispettivament. Għal dawn il-finijiet, il-preżenza ta’ fond ta’ riżerva wieħed jew sovrakollateralizzazzjoni disponibbli biex jiġi kopert it-telf minn riskju tal-kreditu jew minn riskju ta’ dilwizzjoni tista’ titqies bħala indikazzjoni li dawn ir-riskji huma ġestiti b’mod aggregat.

6.   Meta s-sehem tal-akbar skopertura sottostanti fl-aggregazzjoni (C1) ma jkunx akbar minn 3 %, l-istituzzjonijiet jistgħu jużaw il-metodu simplifikat li ġej sabiex jikkalkolaw N u l-LGDs medji ponderati skont l-iskopertura:

LGD = 0,50

fejn

Cm	jirrappreżenta s-sehem tal-aggregazzjoni li tikkorrispondi għas-somma tal-akbar skoperturi m; u
m	huwa stabbilit mill-istituzzjoni.

Jekk huwa disponibbli biss C1 u dan l-ammont mhuwiex aktar minn 0.03, mela allura l-istituzzjoni tista’ tistabbilixxi l-LGD bħala 0,50 u N bħala 1/C1.

7.   Meta l-pożizzjoni tiġi appoġġjata minn aggregazzjoni mħallta u l-istituzzjoni tkun tista’ tikkalkula l-KIRB fuq mill-inqas 95 % tal-ammonti ta’ skoperturi sottostanti skont il-punt (a) tal-Artikolu 258(1), l-istituzzjoni għandha tikkalkula l-imposta kapitali għall-aggregazzjoni tal-iskoperturi sottostanti bħala:

fejn

d huwa s-sehem tal-ammont ta’ skopertura tal-iskoperturi sottostanti li għalihom l-istituzzjoni tista’ tikkalkula l-KIRB fuq l-ammont ta’ skopertura tal-iskoperturi sottostanti kollha.

8.   Meta istituzzjoni jkollha pożizzjoni ta’ titolizzazzjoni fil-forma ta’ derivattiva biex tiħħeġġja r-riskji tas-suq, inkluż ir-riskji tar-rata ta’ imgħax jew tal-munita, l-istituzzjoni tista’ tattribwixxi lil dik id-derivattiva ponderazzjoni tar-riskju inferit ekwivalenti għall-ponderazzjoni tar-riskju tal-pożizzjoni ta’ referenza kkalkolat skont dan l-Artikolu.

Għall-finijiet tal-ewwel subparagrafu, il-pożizzjoni ta’ referenza għandha tkun il-pożizzjoni li hija pari passu f’kull aspett mad-derivattiva jew, fin-nuqqas ta’ tali pożizzjoni pari passu, il-pożizzjoni li hija immedjatament subordinata għad-derivattiva.

Artikolu 260

Trattament tat-titolizzazzjonijiet STS skont is-SEC-IRBA

Skont is-SEC-IRBA, il-ponderazzjoni tar-riskju għal pożizzjoni f’titolizzazzjoni STS għandu jiġi kkalkolat skont l-Artikolu 259, soġġett għall-modifiki li ġejjin:

limitu minimu tal-ponderazzjoni tar-riskju għal pożizzjonijiet ta’ titolizzazzjoni superjuri = 10 %

Artikolu 261

Kalkolu tal-ammonti ta’ skoperturi ponderati għar-riskju skont l-Approċċ Standardizzat (SEC-SA)

1.   Skont is-SEC-SA, l-ammont ta’ skopertura ponderat għar-riskju għal pożizzjoni ta’ titolizzazzjoni għandu jiġi kkalkolat billi l-valur tal-iskopertura tal-pożizzjoni kif ikkalkolata skont l-Artikolu 248 jiġi mmultiplikat bil-ponderazzjoni tar-riskju applikabbli ddeterminat kif ġej, fil-każijiet kollha soġġett għal limitu minimu ta’ 15 %:

RW = 1 250  %	meta D ≤ KA
RW = 12.5 · KSSFA(KA)	meta A ≥ KA
	meta A < KA < D

fejn:

D	huwa l-punt ta’ distakkament kif iddeterminat skont l-Artikolu 256;
A	huwa l-punt ta’ akkoppjament kif iddeterminat skont l-Artikolu 256;
KA	huwa parametru kkalkolat skont il-paragrafu 2;

fejn:

a	=	– (1/(p · KA))
u	=	D – KA
l	=	max (A – KA; 0)
p	=	1 għal skopertura ta’ titolizzazzjoni li mhijiex skopertura ta’ rititolizzazzjoni

2.   Għall-finijiet tal-paragrafu 1, KA għandu jiġi kkalkolat kif ġej:

fejn:

KA hija l-imposta kapitali tal-aggregazzjoni sottostanti kif definita fl-Artikolu 255;

W = proporzjon:

(a)	tat-total tal-ammont nominali ta’ skoperturi sottostanti f’inadempjenza,

(b)	mas-somma tal-ammont nominali tal-iskoperturi sottostanti kollha.

Għal dawn il-finijiet, skopertura f’inadempjenza tfisser skopertura sottostanti li hija: (i) skaduta b’90 jum jew aktar; (ii) soġġetta għal proċedimenti ta’ falliment jew insolvenza; (iii) soġġetta għal preklużjoni jew proċediment simili; jew (iv) f’inadempjenza skont id-dokumentazzjoni tat-titolizzazzjoni.

Meta istituzzjoni ma tkunx taf l-istatus tad-delinkwenza għal 5 % jew inqas tal-iskoperturi sottostanti fl-aggregazzjoni, l-istituzzjoni tista’ tuża s-SEC-SA soġġetta għall-aġġustament li ġej fil-kalkolu tal-KA:

Meta l-istituzzjoni ma tkunx taf l-istatus tad-delinkwenza għal aktar minn 5 % tal-iskoperturi sottostanti fl-aggregazzjoni, il-pożizzjoni fit-titolizzazzjoni għandha tiġi ponderata għar-riskju b’1 250 %.

(3)   Meta istituzzjoni jkollha pożizzjoni ta’ titolizzazzjoni fil-forma ta’ derivattiva biex tiħħeġġja r-riskji tas-suq, inkluż ir-riskji tar-rata ta’ imgħax jew tal-munita, l-istituzzjoni tista’ tattribwixxi lil dik id-derivattiva ponderazzjoni tar-riskju inferit ekwivalenti għall-ponderazzjoni tar-riskju tal-pożizzjoni ta’ referenza kkalkolat skont dan l-Artikolu.

Għall-finijiet ta’ dan il-paragrafu, il-pożizzjoni ta’ referenza jenħtieġ li tkun il-pożizzjoni li hija pari passu f’kull aspett mad-derivattiva jew, fin-nuqqas ta’ tali pożizzjoni pari passu, il-pożizzjoni li hija immedjatament subordinata għad-derivattiva.

Artikolu 262

Trattament tat-titolizzazzjonijiet STS skont is-SEC-SA

Skont is-SEC-SA, il-ponderazzjoni tar-riskju għal pożizzjoni f’titolizzazzjoni STS għandu jiġi kkalkolat skont l-Artikolu 261, soġġett għall-modifiki li ġejjin:

limitu minimu tal-ponderazzjoni tar-riskju għal pożizzjonijiet ta’ titolizzazzjoni superjuri = 10 %

p = 0,5

Artikolu 263

Kalkolu tal-ammonti ta’ skoperturi ponderati għar-riskju skont l-Approċċ Ibbażat fuq Klassifikazzjonijiet Esterni (SEC-ERBA)

1.   Skont is-SEC-ERBA, l-ammont ta’ skopertura ponderat għar-riskju għal pożizzjoni ta’ titolizzazzjoni għandu jiġi kkalkolat billi l-valur tal-iskopertura tal-pożizzjoni kif ikkalkolat skont l-Artikolu 248 jiġi mmultiplikat bil-ponderazzjoni tar-riskju applikabbli skont dan l-Artikolu.

2.   Għall-iskoperturi b’valutazzjonijiet ta’ kreditu għal perijodu ta’ żmien qasir jew meta tkun tista’ tiġi inferita valutazzjoni ta’ kreditu għal perijodu ta’ żmien qasir skont il-paragrafu 7, japplikaw il-ponderazzjonijiet tar-riskju li ġejjin:

Tabella 1

Skala tal-Kwalità Kreditizja	1	2	3	Il-klassifikazzjonijiet l-oħrajn kollha
Ponderazzjoni tar-riskju	15  %	50  %	100  %	1 250  %

3.   Għall-iskoperturi b’valutazzjonijiet ta’ kreditu fit-tul jew meta tkun tista’ tiġi inferita klassifikazzjoni bbażata fuq valutazzjoni ta’ kreditu fit-tul skont il-paragrafu 7 ta’ dan l-Artikolu, japplikaw il-ponderazzjonijiet tar-riskju stabbiliti fit-Tabella 2, aġġustati kif applikabbli għall-maturità tas-segment (MT) skont l-Artikolu 257 u l-paragrafu 4 ta’ dan l-Artikolu u għall-ħxuna tas-segment għal segmenti mhux superjuri skont il-paragrafu 5 ta’ dan l-Artikolu:

Tabella 2

Livell tal-Kwalità tal-Kreditu	Segment superjuri		Segment (irqiq) mhux superjuri
	Maturità tas-segment (MT)		Maturità tas-segment (MT)
	Sena	5 snin	Sena	5 snin
1	15  %	20  %	15  %	70  %
2	15  %	30  %	15  %	90  %
3	25  %	40  %	30  %	120  %
4	30  %	45  %	40  %	140  %
5	40  %	50  %	60  %	160  %
6	50  %	65  %	80  %	180  %
7	60  %	70  %	120  %	210  %
8	75  %	90  %	170  %	260  %
9	90  %	105  %	220  %	310  %
10	120  %	140  %	330  %	420  %
11	140  %	160  %	470  %	580  %
12	160  %	180  %	620  %	760  %
13	200  %	225  %	750  %	860  %
14	250  %	280  %	900  %	950  %
15	310  %	340  %	1 050  %	1 050  %
16	380  %	420  %	1 130  %	1 130  %
17	460  %	505  %	1 250  %	1 250  %
L-oħrajn kollha	1 250  %	1 250  %	1 250  %	1 250  %

4.   Sabiex jiddeterminaw il-ponderazzjoni tar-riskju għal segmenti b’maturità ta’ bejn sena u ħames snin, l-istituzzjonijiet għandhom jużaw interpolazzjoni lineari bejn il-ponderazzjonijiet tar-riskju applikabbli għal maturità ta’ sena waħda u ħames snin, rispettivament, skont it-Tabella 2.

5.   Sabiex jieħdu f’kunsiderazzjoni l-ħxuna tas-segment, l-istituzzjonijiet għandhom jikkalkolaw il-ponderazzjoni tar-riskju għal segmenti mhux superjuri kif ġej:

fejn

T = il-ħxuna tas-segment imkejla bħala D – A

fejn

D	huwa l-punt ta’ distakkament kif iddeterminat skont l-Artikolu 256
A	huwa l-punt ta’ akkoppjament kif iddeterminat skont l-Artikolu 256

6.   Il-ponderazzjonijiet tar-riskju għal segmenti mhux superjuri li jirriżultaw mill-paragrafi minn 3, 4 u 5 jkunu soġġetti għal limitu minimu ta’ 15 %. Barra minn hekk, il-ponderazzjonijiet tar-riskju li jirriżultaw għandhom ikunu mhux inqas mill-ponderazzjoni tar-riskju li jikkorrispondi għal segment superjuri ipotetiku tal-istess titolizzazzjoni bl-istess maturità u valutazzjoni ta’ kreditu.

7.   Għall-finijiet tal-użu tal-klassifikazzjonijiet inferiti, l-istituzzjonijiet għandhom jattribwixxu għal pożizzjoni mhux klassifikata klassifikazzjoni inferita ekwivalenti għall-valutazzjoni ta’ kreditu ta’ pożizzjoni ta’ referenza klassifikata li tissodisfa l-kondizzjonijiet kollha li ġejjin:

(a)	il-pożizzjoni ta’ referenza tikklassifika bħala pari passu fl-aspetti kollha għall-pożizzjoni ta’ titolizzazzjoni mhux klassifikata jew, fin-nuqqas ta’ pożizzjoni ta’ klassifikazzjoni pari passu, il-pożizzjoni ta’ referenza hija immedjatament subordinata għall-pożizzjoni mhux klassifikata.

(b)	il-pożizzjoni ta’ referenza ma tibbenifikax minn garanziji ta’ partijiet terzi jew titjib tal-kreditu ieħor li mhumiex disponibbli għall-pożizzjoni mhux klassifikata;

(c)	il-maturità tal-pożizzjoni ta’ referenza tkun ugwali għal jew itwal minn dik tal-pożizzjoni mhux klassifikata inkwistjoni;

(d)	fuq bażi kontinwa, kull klassifikazzjoni inferita tiġi aġġornata sabiex tkun tirrifletti kull bidla fil-valutazzjoni ta’ kreditu tal-pożizzjoni ta’ referenza.

8.   Meta istituzzjoni jkollha pożizzjoni ta’ titolizzazzjoni fil-forma ta’ derivattiva biex tiħħeġġja r-riskji tas-suq, inkluż ir-riskji tar-rata ta’ imgħax jew tal-munita, l-istituzzjoni tista’ tattribwixxi lil dik id-derivattiva ponderazzjoni tar-riskju inferit ekwivalenti għall-ponderazzjoni tar-riskju tal-pożizzjoni ta’ referenza kkalkolat skont dan l-Artikolu.

Għall-finijiet tal-ewwel subparagrafu, il-pożizzjoni ta’ referenza għandha tkun il-pożizzjoni li hija pari passu f’kull aspett mad-derivattiva jew, fin-nuqqas ta’ tali pożizzjoni pari passu, il-pożizzjoni li hija immedjatament subordinata għad-derivattiva.

Artikolu 264

Trattament tat-titolizzazzjonijiet STS skont is-SEC-ERBA

1.   Skont is-SEC-ERBA, il-ponderazzjoni tar-riskju għal pożizzjoni f’titolizzazzjoni STS għandu jiġi kkalkolat skont l-Artikolu 263, soġġett għall-modifiki stipulati f’dan l-Artikolu.

2.   Għall-iskoperturi b’valutazzjonijiet ta’ kreditu għal perijodu ta’ żmien qasir jew meta tkun tista’ tiġi inferita klassifikazzjoni bbażata fuq valutazzjoni ta’ kreditu għal perijodu ta’ żmien qasir skont l-Artikolu 263(7), japplikaw il-piżijiet tar-riskji li ġejjin:

Tabella 3

Skala tal-Kwalità Kreditizja	1	2	3	Il-klassifikazzjonijiet l-oħrajn kollha
Ponderazzjoni tar-riskju	10  %	30  %	60  %	1 250  %

3.   Għall-iskoperturi b’valutazzjonijiet ta’ kreditu fit-tul jew meta tkun tista’ tiġi inferita klassifikazzjoni bbażata fuq valutazzjoni ta’ kreditu fit-tul skont l-Artikolu 263(7), japplikaw il-ponderazzjonijiet tar-riskju ddeterminati skont it-Tabella 4, aġġustati għall-maturità tas-segment (MT) skont l-Artikolu 257 u l-Artikolu 263(4) u għall-ħxuna tas-segment għal segmenti mhux superjuri skont l-Artikolu 263(5):

Tabella 4

Skala tal-Kwalità Kreditizja	Segment superjuri		Segment (irqiq) mhux superjuri
	Maturità tas-segment (MT)		Maturità tas-segment (MT)
	Sena	5 snin	Sena	5 snin
1	10  %	10  %	15  %	40  %
2	10  %	15  %	15  %	55  %
3	15  %	20  %	15  %	70  %
4	15  %	25  %	25  %	80  %
5	20  %	30  %	35  %	95  %
6	30  %	40  %	60  %	135  %
7	35  %	40  %	95  %	170  %
8	45  %	55  %	150  %	225  %
9	55  %	65  %	180  %	255  %
10	70  %	85  %	270  %	345  %
11	120  %	135  %	405  %	500  %
12	135  %	155  %	535  %	655  %
13	170  %	195  %	645  %	740  %
14	225  %	250  %	810  %	855  %
15	280  %	305  %	945  %	945  %
16	340  %	380  %	1 015  %	1 015  %
17	415  %	455  %	1 250  %	1 250  %
L-oħrajn kollha	1 250  %	1 250  %	1 250  %	1 250  %

Artikolu 265

Kamp ta’ applikazzjoni u rekwiżiti operattivi għall-Approċċ ta’ Valutazzjoni Interna

1.   L-istituzzjonijiet jistgħu jikkalkulaw l-ammonti ta’ skoperturi ponderati għar-riskju fir-rigward ta’ pożizzjonijiet mhux klassifikati fi programmi ABCP jew tranżazzjonijiet ABCP skont l-Approċċ ta’ Valutazzjoni Interna f’konformità mal-Artikolu 266, meta jiġu ssodisfati l-kondizzjonijiet stabbiliti fil-paragrafu 2 ta’ dan l-Artikolu.

Fejn istituzzjoni tkun irċeviet permess biex tapplika l-Approċċ ta’ Valutazzjoni Interna f’konformità mal-paragrafu 2 ta’ dan l-Artikolu, u pożizzjoni speċifika fi programm ABCP jew tranżazzjoni ABCP taqa’ fl-ambitu kopert minn tali permess, l-istituzzjoni għandha tapplika dak l-Approċċ biex jiġi kkalkulat l-ammont ta’ skoperturi ponderat għar-riskju ta’ dik il-pożizzjoni.

(2)   L-awtoritajiet kompetenti għandhom jagħtu lill-istituzzjonijiet permess biex japplikaw l-Approċċ ta’ Valutazzjoni Interna f’kamp ta’ applikazzjoni definit b’mod ċar meta jiġu ssodisfati l-kundizzjonijiet kollha li ġejjin:

(a)	il-pożizzjonijiet kollha fil-karti kummerċjali maħruġa mill-programm ABCP huma pożizzjonijiet klassifikati;

(b)	il-valutazzjoni interna tal-kwalità kreditizja tal-pożizzjoni tirrifletti l-metodoloġija tal-valutazzjoni disponibbli għall-pubbliku ta’ ECAI waħda jew aktar għall-klassifikazzjoni tal-pożizzjonijiet ta’ titolizzazzjoni appoġġati minn skoperturi sottostanti tat-tip ta’ dawk titolizzati;

(c)	il-karta kummerċjali maħruġa mill-programm ABCP tkun fil-biċċa l-kbira maħruġa lil investituri terzi;

(d)

il-proċess tal-valutazzjoni interna tal-istituzzjoni tkun mill-inqas konservattiva daqs il-valutazzjonijiet disponibbli għall-pubbliku ta’ dawk l-ECAIs li pprovdew klassifikazzjoni esterna għall-karti kummerċjali maħruġa mill-programm ABCP, b’mod partikolari fir-rigward ta’ fatturi ta’ stress u elementi kwantitattivi rilevanti oħra;

(e)

il-metodoloġija tal-valutazzjoni interna tal-istituzzjoni tieħu f’kunsiderazzjoni l-metodoloġiji tal-klassifikazzjoni rilevanti kollha tal-ECAIs li huma disponibbli għall-pubbliku u li jikklassifikaw il-karti kummerċjali tal-programm ABCP u tinkludi l-gradi ta’ klassifikazzjoni li jikkorrespondu għall-valutazzjonijiet ta’ kreditu tal-ECAIs. L-istituzzjoni għandha tiddokumenta fir-rekords interni tagħha dikjarazzjoni ta’ spjegazzjoni li tiddeskrivi kif ir-rekwiżiti stabbiliti f’dan il-punt ġew issodisfati u għandha taġġorna din id-dikjarazzjoni fuq bażi regolari;

(f)	l-istituzzjoni tuża l-metodoloġija tal-valutazzjoni interna għall-finijiet ta’ ġestjoni tar-riskji interni, inkluż fil-proċessi tagħha tat-teħid tad-deċiżjonijiet, tal-informazzjoni ta’ ġestjoni u tal-allokazzjoni interna tal-kapital;

(g)

l-awdituri interni jew esterni, ECAI, jew il-funzjoni interna tal-istituzzjoni għall-ġestjoni tar-riskji jew ir-reviżjoni tal-kreditu jwettqu reviżjonijiet regolari tal-proċess ta’ valutazzjoni interna u tal-kwalità tal-valutazzjonijiet interni tal-kwalità kreditizja tal-iskoperturi tal-istituzzjoni għal programm ABCP jew tranżazzjoni ABCP;

(h)

l-istituzzjoni tintraċċa l-prestazzjoni tal-klassifikazzjonijiet interni tagħha matul iż-żmien biex tevalwa l-prestazzjoni tal-metodoloġija tal-valutazzjoni interna tagħha u tagħmel l-aġġustamenti meħtieġa għal dik il-metodoloġija meta l-prestazzjoni tal-iskoperturi tiddifferixxi sistematikament minn dik indikata mill-klassifikazzjonijiet interni;

(i)

il-programm ABCP jinkludi l-istandards ta’ sottoskrizzjoni u ġestjoni tar-responsabbiltà fil-forma ta’ linji gwida għall-amministratur tal-programm fuq, mill-inqas: (i) il-kriterji tal-eliġibbiltà tal-assi, soġġetti għall-punt (j); (ii) it-tipi u l-valur monetarju tal-iskoperturi li jirriżultaw mill-provvediment tal-faċilitajiet tal-likwidità u t-titjib tal-kreditu; (iii) id-distribuzzjoni tat-telf bejn il-pożizzjonijiet ta’ titolizzazzjoni fil-programm ABCP jew tranżazzjoni ABCP; (iv) l-iżolament legali u ekonomiku tal-assi ttrasferiti mill-entità li tbiegħ l-assi;

(j)

il-kriterji tal-eliġibbiltà tal-assi fil-programm ABCP jipprevedu, mill-inqas: (i) l-esklużjoni tax-xiri tal-assi li huma skaduti jew inadempjenti b’mod sinifikanti; (ii) il-limitazzjoni ta’ konċentrazzjoni eċċessiva għal obbligant jew żona ġeografika individwali; u (iii) il-limitazzjoni tat-terminu tal-assi li jridu jinxtraw;

(k)

għandha titwettaq analiżi tal-profil kummerċjali u r-riskju tal-kreditu tal-bejjiegħ tal-assi inkluża, mill-inqas, valutazzjoni ta’ dawn li ġejjin tal-bejjiegħ: (i) il-prestazzjoni finanzjarja tal-imgħoddi u futura mistennija; (ii) il-pożizzjoni tas-suq attwali u l-kompetittività futura mistennija; (iii) l-ingranaġġ, il-fluss tal-flus, il-kopertura tal-imgħax u l-klassifikazzjoni tad-dejn; u (iv) l-istandards ta’ sottoskrizzjoni, il-kapaċitajiet tal-ġestjoni u l-proċessi tal-ġbir;

(l)

il-programm ABCP għandu politiki u proċessi ta’ ġbir li jieħdu f’kunsiderazzjoni l-kapaċità operattiva u l-kwalità kreditizja tal-ġestur u jinkludi karatteristiċi li jnaqqsu r-riskji relatati mal-prestazzjoni tal-bejjiegħ u tal-ġestur. Għall-finijiet ta’ dan il-punt, ir-riskji relatati mal-prestazzjoni jistgħu jitnaqqsu permezz ta’ motivaturi bbażati fuq il-kwalità kreditizja attwali tal-bejjiegħ jew tal-ġestur sabiex jiġi evitat it-taħlit flimkien ta’ fondi fil-każ ta’ inadempjenza tal-bejjiegħ jew tal-ġestur;

(m)	l-istima aggregata tat-telf fuq aggregazzjoni ta’ assi li jistgħu jinxtraw taħt il-programm ABCP tieħu f’kunsiderazzjoni s-sorsi kollha ta’ riskju potenzjali, bħar-riskju tal-kreditu u r-riskju ta’ dilwizzjoni;

(n)	meta d-daqs tat-titjib tal-kreditu pprovdut mill-bejjiegħ ikun ibbażat biss fuq it-telf relatat mal-kreditu u r-riskju ta’ dilwizzjoni jkun materjali għall-aggregazzjoni ta’ assi partikolari, il-programm ABCP jinkludi riżerva separata għar-riskju ta’ dilwizzjoni;

(o)	id-daqs tal-livell ta’ titjib meħtieġ fil-programm ABCP jiġi kkalkolat billi jittieħdu f’kunsiderazzjoni bosta snin ta’ informazzjoni storika, inkluż dwar it-telf, id-delinkwenzi, id-dilwizzjonijiet u r-rata tar-rotazzjoni tar-riċevibbli;

(p)	il-programm ABCP jinkludi karatteristiċi strutturali fix-xiri ta’ skoperturi sabiex jitnaqqas id-deterjorament tal-kreditu potenzjali tal-portafoll sottostanti. Tali karatteristiċi jistgħu jinkludu motivaturi ta’ stralċ speċifiċi għal aggregazzjoni ta’ skoperturi;

(q)	l-istituzzjoni tevalwa l-karatteristiċi tal-aggregazzjoni ta’ assi sottostanti, bħall-punteġġ tal-kreditu medju ponderat tagħha, filwaqt li tidentifika kwalunkwe konċentrazzjonijiet għal obbligant jew żona ġeografika individwali, kif ukoll il-granularità tal-aggregazzjoni ta’ assi.

3.   Meta l-funzjonijiet tal-istituzzjoni għall-verifika interna, ir-reviżjoni tal-kreditu jew il-ġestjoni tar-riskji jwettqu r-reviżjoni prevista fil-punt (g) tal-paragrafu 2, dawn il-funzjonijiet ikunu indipendenti mill-funzjonijiet interni tal-istituzzjoni li jittrattaw ir-relazzjonijiet tal-klijenti u kummerċjali tal-programm ABCP.

4.   L-istituzzjonijiet li ngħataw permess sabiex japplikaw l-Approċċ ta’ Valutazzjoni Interna ma għandhomx jirrikorru għall-użu ta’ metodi oħrajn għall-pożizzjonijiet li jaqgħu fil-kamp ta’ applikazzjoni tal-Approċċ ta’ Valutazzjoni Interna, sakemm ma jiġux issodisfati ż-żewġ kundizzjonijiet li ġejjin:

(a)	l-istituzzjoni wriet għas-sodisfazzjon tal-awtorità kompetenti li l-istituzzjoni għandha raġuni tajba għaliex tagħmel dan;

(b)	l-istituzzjoni tkun irċeviet il-permess minn qabel tal-awtorità kompetenti.

Artikolu 266

Kalkolu tal-ammonti ta’ skoperturi ponderati għar-riskju skont l-Approċċ ta’ Valutazzjoni Interna

1.   Skont l-Approċċ ta’ Valutazzjoni Interna, l-istituzzjoni għandha tassenja l-pożizzjoni mhux klassifikata fil-programm ABCP jew tranżazzjoni ABCP għal waħda mill-gradi ta’ klassifikazzjoni stipulati fil-punt (e) tal-Artikolu 265(2) abbażi tal-valutazzjoni interna tagħha. Il-pożizzjoni għandha tiġi attribwita klassifikazzjoni derivata li għandha tkun l-istess bħall-valutazzjonijiet ta’ kreditu li jikkorrispondu għal dak il-grad ta’ klassifikazzjoni kif stipulat fil-punt (e) tal-Artikolu 265(2).

2.   Il-klassifikazzjoni derivata skont il-paragrafu 1 għandha tkun mill-inqas fil-livell tal-grad ta’ investiment jew aħjar fiż-żmien li tkun ġiet assenjata għall-ewwel darba u għandha titqies bħala valutazzjoni ta’ kreditu eliġibbli minn ECAI għall-finijiet tal-kalkolu tal-ammonti ta’ skoperturi ponderati għar-riskju skont l-Artikolu 263 jew l-Artikolu 264, kif applikabbli.

Subtaqsima 4

Limiti massimi għall-pożizzjonijiet ta’ titolizzazzjoni

Artikolu 267

Il-ponderazzjoni tar-riskju massimu għall-pożizzjonijiet ta’ titolizzazzjoni superjuri: ‘approċċ ta’ trasparenza’

1.   Istituzzjoni li jkollha għarfien f’kull ħin tal-kompożizzjoni tal-iskoperturi sottostanti tista’ tassenja lill-pożizzjoni ta’ titolizzazzjoni superjuri ponderazzjoni ta’ riskju massimu ugwali għall-iskopertura tal-ponderazzjoni tar-riskju medju ponderat skont l-iskopertura li jkun applikabbli għall-iskoperturi sottostanti, daqs li kieku l-iskoperturi sottostanti ma jkunux ġew titolizzati.

2.   Fil-każ ta’ aggregazzjonijiet ta’ skoperturi sottostanti fejn l-istituzzjoni tuża esklussivament l-Approċċ Standardizzat jew l-Approċċ IRB, il-ponderazzjoni tar-riskju massimu tal-pożizzjonijiet ta’ titolizzazzjoni superjuri għandha tkun ugwali għall-ponderazzjoni tar-riskju medju ponderat skont l-iskopertura li tapplika għall-iskoperturi sottostanti skont il-Kapitolu 2 jew 3, rispettivament, bħallikieku dawn ma kinux ġew titolizzati.

Fil-każ ta’ aggregazzjonijiet imħalltin, il-ponderazzjoni tar-riskju massimu jiġi kkalkolat kif ġej:

(a)	meta l-istituzzjoni tapplika s-SEC-IRBA, il-porzjon tal-Approċċ Standardizzat u l-porzjon tal-Approċċ IRB tal-aggregazzjoni sottostanti jiġu assenjati l-ponderazzjoni tar-riskju tal-Approċċ Standardizzat u l-ponderazzjoni tar-riskju tal-Approċċ IRB korrispondenti, rispettivament;

(b)	meta l-istituzzjoni tapplika s-SEC-SA jew is-SEC-ERBA, il-ponderazzjoni tar-riskju massimu għall-pożizzjonijiet ta’ titolizzazzjoni superjuri jkun ugwali għall-ponderazzjoni tar-riskju medju ponderat skont l-Approċċ Standardizzat tal-iskoperturi sottostanti.

3.   Għall-finijiet ta’ dan l-Artikolu, il-ponderazzjoni tar-riskju li jkun applikabbli fl-Approċċ IRB skont il-Kapitolu 3 jinkludi l-proporzjon ta’:

(a)	telf mistenni mmultiplikat bi 12,5

(b)	mal-valur tal-iskoperturi tal-iskoperturi sottostanti.

4.   Meta l-ponderazzjoni tar-riskju massimu kkalkolat skont il-paragrafu 1 jirriżulta f’piż ta’ riskju aktar baxx mill-piżijiet ta’ riskju minimi stabbiliti fl-Artikoli 259 sa 264, kif applikabbli, mela minflok għandu jintuża tal-ewwel.

Artikolu 268

Rekwiżiti kapitali massimi

1.   Istituzzjoni oriġinatriċi, istituzzjoni sponsor jew istituzzjoni oħra li tuża s-SEC-IRBA, jew istituzzjoni oriġinatriċi jew istituzzjoni sponsor li tuża s-SEC-SA jew is-SEC-ERBA tista’ tapplika rekwiżit kapitali massimu għall-pożizzjoni ta’ titolizzazzjoni li hija tħaddan li jkun ugwali għar-rekwiżiti kapitali li jiġu kkalkolati skont il-Kapitolu 2 jew 3 fir-rigward tal-iskoperturi sottostanti daqs li kieku ma ġewx titolizzati. Għall-finijiet ta’ dan l-Artikolu, ir-rekwiżit kapitali tal-Approċċ IRB jinkludi l-ammont tat-telf mistenni assoċjat ma’ dawk l-iskoperturi kkalkolat skont il-Kapitolu 3 u dak tat-telf mhux mistenni.

2.   Fil-każ ta’ aggregazzjonijiet imħalltin, ir-rekwiżit kapitali massimu għandu jiġi ddeterminat permezz tal-kalkolu tal-medja ponderata skont l-iskopertura tar-rekwiżiti kapitali tal-porzjonijiet tal-Approċċ IRB u tal-Approċċ Standardizzat tal-iskoperturi sottostanti skont il-paragrafu 1.

3.   Ir-rekwiżit kapitali massimu għandu jkun ir-riżultat tal-multiplikazzjoni tal-ammont ikkalkolat skont il-paragrafi 1 jew 2 bl-akbar proporzjon tal-imgħax li l-istituzzjoni żżomm fis-segmenti rilevanti (V), espress bħala perċentwal u kkalkolat kif ġej:

(a)	għal istituzzjoni li għandha pożizzjoni ta’ titolizzazzjoni waħda jew aktar f’segment wieħed, V ikun ugwali għall-proporzjon tal-ammont nominali tal-pożizzjonijiet ta’ titolizzazzjoni li l-istituzzjoni tħaddan f’dak is-segment partikolari għall-ammont nominali tas-segment;

(b)	għal istituzzjoni li għandha pożizzjonijiet ta’ titolizzazzjoni f’segmenti differenti, V ikun ugwali għall-proporzjon massimu tal-imgħax fost is-segmenti. Għal dawn il-finijiet, il-proporzjon ta’ imgħax għal kull wieħed mis-segmenti differenti għandu jiġi kkalkolat kif stabbilit fil-punt (a).

4.   Meta jiġi kkalkolat ir-rekwiżit kapitali massimu għal pożizzjoni ta’ titolizzazzjoni skont dan l-Artikolu, l-ammont sħiħ ta’ kull profitt fuq il-bejgħ u l-istrips tal-imgħax biss għat-titjib tal-kreditu li jirriżultaw mit-tranżazzjoni tat-titolizzazzjoni għandu jitnaqqas mill-entrati ta’ Grad 1 tal-Ekwità Komuni skont il-punt (k) tal-Artikolu 36(1).

Subtaqsima 5

Dispożizzjonijiet ġenerali

Artikolu 269

Rititolizzazzjonijiet

1.   Għal pożizzjoni f’rititolizzazzjoni, l-istituzzjonijiet għandhom japplikaw is-SEC-SA skont l-Artikolu 261, bil-bidliet li ġejjin:

(a)	W = 0 għal kwalunkwe skopertura għal segment ta’ titolizzazzjoni fl-aggregazzjoni ta’ skoperturi sottostanti;

(b)

p = 1,5;

(c)	il-ponderazzjoni tar-riskju li jirriżulta jkun soġġett għal piż ta’ riskju minimu ta’ 100 %.

2.   Il-KSA għall-iskoperturi ta’ titolizzazzjoni sottostanti għandha tiġi kkalkolata skont is-Subtaqsima 2.

3.   Ir-rekwiżiti kapitali massimi stabbiliti fis-Subtaqsima 4 ma għandhomx jiġu applikati għall-pożizzjonijiet ta’ rititolizzazzjoni.

4.   Meta l-aggregazzjoni ta’ skoperturi sottostanti tkun tikkonsisti f’taħlita ta’ segmenti ta’ titolizzazzjoni u tipi oħrajn ta’ assi, il-parametru tal-KA għandu jiġi ddeterminat bħala l-medja ponderata skont l-iskopertura nominali tal-KA kkalkolata individwalment għal kull subsett ta’ skoperturi.

Artikolu 270

Pożizzjonijiet superjuri fit-titolizzazzjonijiet tal-SMEs

Istituzzjoni oriġinatriċi tista’ tikkalkula l-ammonti ta’ skoperturi ponderati għar-riskju fir-rigward ta’ pożizzjoni ta’ titolizzazzjoni skont l-Artikoli 260, 262 jew 264, kif applikabbli, meta jiġu ssodisfati l-kundizzjonijiet li ġejjin:

(a)	it-titolizzazzjoni tissodisfa r-rekwiżiti għat-titolizzazzjoni STS stabbilita fil-Kapitolu 4 tar-Regolament (UE) 2017/2402, kif applikabbli, għajr l-Artikolu 20(1) sa (6) ta’ dak ir-Regolament;

(b)	il-pożizzjoni tikkwalifika bħala l-pożizzjoni ta’ titolizzazzjoni superjuri;

(c)

it-titolizzazzjoni tiġi appoġġata minn aggregazzjoni ta’ skoperturi għal impriżi, sakemm għallinqas 70 % minnhom f’termini tal-bilanċ tal-portafoll jikkwalifikaw bħala SMEs skont it-tifsira tal-Artikolu 501 fil-ħin tal-ħruġ tat-titolizzazzjoni jew fil-każ ta’ titolizzazzjonijiet rotanti fil-ħin meta skopertura tiżdied mat-titolizzazzjoni;

(d)

ir-riskju tal-kreditu assoċjat mal-pożizzjonijiet mhux miżmuma mill-istituzzjoni oriġinatriċi jiġi ttrasferit permezz ta’ garanzija jew kontrogaranzija li tissodisfa r-rekwiżiti għal protezzjoni ta’ kreditu mhux iffinanzjata stabbilita fil-Kapitolu 4 għall-Approċċ Standardizzat għar-riskju tal-kreditu;

(e)

il-parti terza li lilha jiġi ttrasferit ir-riskju tal-kreditu hija waħda jew aktar minn dawn li ġejjin: (i) il-gvern ċentrali jew il-bank ċentrali ta’ Stat Membru, bank għall-iżvilupp multilaterali, organizzazzjoni internazzjonali jew entità promozzjonali dment li l-iskoperturi għall-garanti jew għall-kontrogaranti jikkwalifikaw għal piż ta’ riskju ta’ 0 % skont il-Kapitolu 2; (ii) investitur istituzzjonali kif definit fil-punt (12) tal-Artikolu 2 tar-Regolament (UE) 2017/2402 dment li l-garanzija jew il-kontrogaranzija tkun kompletament kollateralizzata minn flus depożitati mal-istituzzjoni oriġinatriċi.

Artikolu 270a

Piż ta’ riskju addizzjonali

(1)   Meta istituzzjoni ma tissodisfax ir-rekwiżiti fil-Kapitolu 2 tar-Regolament (UE) 2017/2402 f’xi aspett materjali minħabba negliġenza jew ommissjoni mill-istituzzjoni, l-awtoritajiet kompetenti għandhom jimponu piż ta’ riskju addizzjonali proporzjonat ta’ mhux inqas minn 250 % tal-ponderazzjoni tar-riskju limitat għal 1 250 %, li japplika għall-pożizzjonijiet ta’ titolizzazzjoni rilevanti bil-mod speċifikat fl-Artikolu 247(6) jew fl-Artikolu 337(3) ta’ dan ir-Regolament rispettivament. Il-piż ta’ riskju addizzjonali jiżdied progressivament ma’ kull ksur sussegwenti tad-dispożizzjonijiet dwar id-diliġenza dovuta u dwar il-ġestjoni tar-riskju. L-awtoritajiet kompetenti għandhom jieħdu f’kunsiderazzjoni l-eżenzjonijiet għal ċerti titolizzazzjonijiet ipprovduti fl-Artikolu 6(5) tar-Regolament (UE) 2017/2402 billi jnaqqsu l-ponderazzjoni tar-riskju li altrimenti jiġi impost skont dan l-Artikolu fir-rigward ta’ titolizzazzjoni li għaliha japplika l-Artikolu 6(5) tar-Regolament (UE) 2017/2402.

(2)   L-EBA għandha tiżviluppa abbozzi ta’ standards tekniċi ta’ implimentazzjoni sabiex tiffaċilita l-konverġenza tal-prattiki superviżorji fir-rigward tal-implimentazzjoni tal-paragrafu 1, inklużi l-miżuri li jridu jittieħdu fil-każ ta’ ksur tal-obbligi li jikkonċernaw il-ġestjoni tar-riskji u d-diliġenza dovuta. L-EBA għandha tissottometti dawk l-abbozzi ta’ standards tekniċi implimentattivi lill-Kummissjoni sal-1 ta’ Jannar 2014.

Il-Kummissjoni tingħata s-setgħa li tadotta l-istandards tekniċi implimentattivi msemmija fl-ewwel subparagrafu skont l-Artikolu 15 tar-Regolament (UE) Nru 1093/2010.

Taqsima 4

Valutazzjonijiet ta’ kreditu esterni

Artikolu 270b

Użu ta’ valutazzjonijiet ta’ kreditu minn ECAIs

L-istituzzjonijiet jistgħu jużaw biss il-valutazzjonijiet ta’ kreditu biex jiddeterminaw il-ponderazzjoni tar-riskju ta’ pożizzjoni ta’ titolizzazzjoni skont dan il-Kapitolu meta l-valutazzjoni ta’ kreditu tkun inħarġet jew ġiet approvata minn ECAI skont ir-Regolament (KE) Nru 1060/2009.

Artikolu 270c

Rekwiżiti li għandhom jintlaħqu mill-valutazzjonijiet ta’ kreditu ta’ ECAIs

Għall-finijiet tal-kalkolu tal-ammonti ta’ skoperturi ponderati għar-riskju skont it-Taqsima 3, l-istituzzjonijiet għandhom jużaw biss valutazzjoni ta’ kreditu ta’ ECAI meta jiġu ssodisfati l-kundizzjonijiet kollha li ġejjin:

(a)	ma jkun hemm ebda diskrepanza bejn it-tipi ta’ pagamenti riflessi fil-valutazzjoni ta’ kreditu u t-tipi ta’ pagamenti li għalihom hija intitolata l-istituzzjoni skont il-kuntratt li jwassal għall-pożizzjoni ta’ titolizzazzjoni inkwistjoni;

(b)

l-ECAI tippubblika l-valutazzjonijiet ta’ kreditu u l-informazzjoni dwar l-analiżi tat-telf u tal-fluss tal-flus, is-sensittività tal-klassifikazzjonijiet għall-bidliet fis-suppożizzjonijiet sottostanti, inkluża l-prestazzjoni tal-iskoperturi sottostanti, u dwar il-proċeduri, il-metodoloġiji, is-suppożizzjonijiet u l-elementi ewlenin li huma l-bażi tal-valutazzjonijiet ta’ kreditu skont ir-Regolament (KE) Nru 1060/2009. Għall-finijiet ta’ dan il-punt, l-informazzjoni għandha titqies bħala li hija disponibbli għall-pubbliku meta hija tkun ġiet ippubblikata f’format aċċessibbli. L-informazzjoni li tkun disponibbli biss għal numru limitat ta’ entitajiet ma għandhiex titqies bħala li hija disponibbli għall-pubbliku;

(c)	il-valutazzjonijiet ta’ kreditu jiġu inklużi fil-matriċi tat-transizzjoni tal-ECAI;

(d)

il-valutazzjonijiet ta’ kreditu mhumiex ibbażati jew parzjalment ibbażati fuq l-appoġġ mhux iffinanzjat ipprovdut mill-istituzzjoni nnifisha. Meta pożizzjoni tkun ibbażata jew parzjalment ibbażata fuq appoġġ mhux iffinanzjat, l-istituzzjoni għandha tikkunsidra dik il-pożizzjoni bħallikieku ma kinitx ikklassifikata għall-finijiet tal-kalkolu tal-ammonti ta’ skoperturi ponderati għar-riskju għal din il-pożizzjoni skont it-Taqsima 3;

(e)	l-ECAI impenjat ruħha li tippubblika spjegazzjonijiet dwar kif il-prestazzjoni tal-iskoperturi sottostanti taffettwa l-valutazzjoni ta’ kreditu.

Artikolu 270d

Użu ta’ valutazzjonijiet ta’ kreditu

1.   Istituzzjoni tista’ tiddeċiedi li tinnomina ECAI waħda jew aktar li l-valutazzjonijiet ta’ kreditu tagħhom għandhom jintużaw għall-kalkolu tal-ammonti ta’ skoperturi tagħha ponderati għar-riskju skont dan il-Kapitolu (“ECAI nominata”).

2.   L-istituzzjoni għandha tuża l-valutazzjonijiet ta’ kreditu tal-pożizzjonijiet ta’ titolizzazzjoni tagħha b’mod konsistenti u b’mod mhux selettiv u, għal dawn il-finijiet, għandha tikkonforma mar-rekwiżiti li ġejjin:

(a)	istituzzjoni ma għandhiex tuża l-valutazzjonijiet ta’ kreditu ta’ ECAI għall-pożizzjonijiet tagħha f’xi segmenti u l-valutazzjonijiet ta’ kreditu ta’ ECAI oħra għall-pożizzjonijiet tagħha f’segmenti oħrajn fl-istess titolizzazzjoni li jistgħu jkunu jew ma jkunux ikklassifikati mill-ewwel ECAI;

(b)	meta pożizzjoni jkollha żewġ valutazzjonijiet ta’ kreditu mill-ECAIs innominati, l-istituzzjoni għandha tuża dik il-valutazzjoni ta’ kreditu li hija l-inqas favorevoli;

(c)	meta pożizzjoni jkollha tliet valutazzjonijiet ta’ kreditu jew aktar minn ECAIs innominati, għandhom jintużaw l-aktar żewġ valutazzjonijiet ta’ kreditu favorevoli. Meta l-aktar żewġ valutazzjonijiet favorevoli jkunu differenti, għandha tintuża l-inqas waħda favorevoli mit-tnejn;

(d)	istituzzjoni ma għandhiex tissolleċita b’mod attiv it-tneħħija ta’ klassifikazzjonijiet inqas favorevoli.

3.   Meta l-iskoperturi li huma l-bażi ta’ titolizzazzjoni jibbenifikaw minn protezzjoni tal-kreditu eliġibbli sħiħa jew parzjali skont il-Kapitolu 4 u l-effett ta’ tali protezzjoni jkun ġie rifless fil-valutazzjoni ta’ kreditu ta’ pożizzjoni ta’ titolizzazzjoni minn ECAI nominata, l-istituzzjoni għandha tuża l-ponderazzjoni tar-riskju assoċjat ma’ dik il-valutazzjoni ta’ kreditu. Meta l-protezzjoni tal-kreditu msemmija f’dan il-paragrafu ma tkunx eliġibbli skont il-Kapitolu 4, il-valutazzjoni ta’ kreditu ma għandhiex tiġi rikonoxxuta u l-pożizzjoni tat-titolizzazzjoni għandha tiġi ttrattata bħala mhux ikklassifikata.

4.   Meta pożizzjoni ta’ titolizzazzjoni tibbenifika minn protezzjoni ta’ kreditu eliġibbli skont il-Kapitolu 4 u l-effett ta’ tali protezzjoni jkun ġie rifless fil-valutazzjoni ta’ kreditu tagħha minn ECAI nnominata, l-istituzzjoni għandha tittratta l-pożizzjoni ta’ titolizzazzjoni bħallikieku ma kinitx ikklassifikata u tikkalkula l-ammonti ta’ skoperturi ponderati għar-riskju skont il-Kapitolu 4.

Artikolu 270e

Immappjar tat-titolizzazzjoni

L-EBA għandha tiżviluppa abbozz ta’ standards tekniċi ta’ implimentazzjoni sabiex tidentifika b’mod oġġettiv u konsistenti l-iskali tal-kwalità kreditizja stabbiliti f’dan il-Kapitolu b’mod relattiv għall-valutazzjonijiet ta’ kreditu rilevanti tal-ECAIs kollha. Għall-finijiet ta’ dan l-Artikolu, l-EBA għandha, b’mod partikolari:

(a)	tiddistingwi bejn il-gradi ta’ riskju relattivi espressi minn kull valutazzjoni;

(b)	tikkunsidra fatturi kwantitattivi, bħar-rati ta’ inadempjenza jew telf u l-prestazzjoni storika tal-valutazzjonijiet ta’ kreditu ta’ kull ECAI fost kategoriji ta’ assi differenti;

(c)

tikkunsidra fatturi kwalitattivi bħall-firxa ta’ tranżazzjonijiet ivvalutati mill-ECAI, il-metodoloġija tagħha u t-tifsira tal-valutazzjonijiet ta’ kreditu tagħha, b’mod partikolari, jekk tali valutazzjonijiet jikkunsidrawx it-telf mistenni jew l-ewwel telf tal-Euro, kif ukoll il-ħlas f’waqtu tal-imgħaxijiet jew il-ħlas aħħari tal-imgħaxijiet;

(d)	tfittex li tiżgura li l-pożizzjonijiet ta’ titolizzazzjoni li għalihom japplika l-istess piż ta’ riskju abbażi tal-valutazzjonijiet ta’ kreditu tal-ECAIs ikunu soġġetti għal gradi ekwivalenti ta’ riskju tal-kreditu.

L-EBA għandha tissottometti dan l-abbozz ta’ standards tekniċi implimentattivi lill-Kummissjoni sal-1 ta’ Lulju 2014.

Il-Kummissjoni tingħata s-setgħa sabiex tadotta l-istandards tekniċi implimentattivi msemmija fl-ewwel subparagrafu ta’ dan il-paragrafu skont l-Artikolu 15 tar-Regolament (UE) Nru 1093/2010.”.

(10)

L-Artikolu 337 huwa sostitwit b’dan li ġej:

(11)

Titħassar il-Parti Ħamsa u r-referenzi kollha għall-Parti Ħamsa għandhom jinqraw bħala referenzi għall-Kapitolu 2 tar-Regolament (UE) 2017/2402.

(12)

Fl-Artikolu 457, il-punt (c) huwa sostitwit b’dan li ġej:

(13)

L-Artikolu 462 huwa sostitwit b’dan li ġej:

(14)

Jiddaħħal l-artikolu li ġej:

(1)

It-titolizzazzjoni tinvolvi tranżazzjonijiet li jippermettu lil mutwant jew kreditur – normalment istituzzjoni ta’ kreditu jew korporazzjoni – jirrifinanzja sett ta’ self, skoperturi jew riċevibbli, bħal self residenzjali, self jew kirjiet għal karozzi, self lill-konsumatur, karti ta’ kreditu jew riċevibbli tan-negozju, billi jibdilhom f’titoli negozjabbli. Il-mutwant jaggrega u jerġa’ jippakkja portafoll tas-self tiegħu, u jorganizzahom f’kategoriji ta’ riskju differenti għal investituri differenti, biex b’hekk jagħti aċċess lill-investituri għal investimenti f’self u skoperturi oħrajn li normalment ma jkollhomx aċċess dirett għalihom. Ir-redditi għall-investituri huma ġġenerati mill-flussi tal-flus tas-self sottostanti.

(2)

Fil-komunikazzjoni tagħha tas-26 ta’ Novembru 2014 dwar Pjan ta’ Investiment għall-Ewropa, il-Kummissjoni ħabbret l-intenzjoni tagħha li terġa’ tagħti l-ħajja lis-swieq ta’ titolizzazzjoni ta’ kwalità għolja, bla ma jiġu ripetuti l-iżbalji li saru qabel il-kriżi finanzjarja tal-2008. L-iżvilupp ta’ suq tat-titolizzazzjonijiet sempliċi, trasparenti u standardizzati jikkostitwixxi pedament tal-Unjoni tas-Swieq Kapitali (CMU) u jikkontribwixxi għall-objettiv prijoritarju tal-Kummissjoni li ssostni l-ħolqien tax-xogħol u ritorn għal tkabbir sostenibbli.

(3)

L-Unjoni biħsiebha ssaħħaħ il-qafas leġislattiv implimentat wara l-kriżi finanzjarja li jindirizza r-riskji inerenti f’titolizzazzjoni ferm kumplessa, opaka u riskjuża. Huwa essenzjali li jiġi żgurat li r-regoli jiġu adottati sabiex wieħed jiddifferenzja aħjar prodotti sempliċi, trasparenti u standardizzati minn strumenti kumplessi, opaki u riskjużi u li jiġi applikat qafas prudenzjali iktar sensittiv għar-riskji.

(4)

It-titolizzazzjoni hija element importanti ta’ swieq finanzjarji li jaħdmu kif suppost. Titolizzazzjoni strutturata tajjeb hija mezz importanti kif jiġu diversifikati s-sorsi ta’ finanzjament u kif ir-riskju jiġi allokat b’mod aktar mifrux fi ħdan is-sistema finanzjarja tal-Unjoni. Tippermetti distribuzzjoni usa’ tar-riskju tas-settur finanzjarju u tista’ tgħin sabiex tiffranka mill-karti bilanċjali tal-oriġinaturi biex ikunu jistgħu jsellfu iktar lill-ekonomija. B’mod ġenerali, tista’ ttejjeb l-effiċjenzi fis-sistema finanzjarja u tipprovdi opportunitajiet ikbar ta’ investiment. It-titolizzazzjoni tista’ toħloq pont bejn l-istituzzjonijiet ta’ kreditu u s-swieq tal-kapital b’benefiċċju indirett għan-negozji u ċ-ċittadini (permezz ta’, pereżempju, self u finanzjament tan-negozji, u krediti għall-proprjetà immobbli u karti ta’ kreditu li jiswew inqas flus). Madankollu, dan ir-Regolament jagħraf ir-riskji ta’ aktar interkonnettività u ta’ ingranaġġ eċċessiv li t-titolizzazzjoni toħloq u jtejjeb is-superviżjoni mikroprudenzjali mill-awtoritajiet kompetenti tal-parteċipazzjoni ta’ istituzzjoni finanzjarja fis-suq tat-titolizzazzjoni, kif ukoll is-sorveljanza makroprudenzjali ta’ dak is-suq permezz tal-Bord Ewropew dwar ir-Riskju Sistemiku (BERS), stabbilit mir-Regolament (UE) Nru 1092/2010 tal-Parlament Ewropew u tal-Kunsill (4), u mill-awtoritajiet kompetenti nazzjonali u mill-awtoritajiet nazzjonali nominati għal strumenti makroprudenzjali.

(5)

L-istabbiliment ta’ qafas prudenzjali iktar sensittiv għar-riskji għat-titolizzazzjonijiet sempliċi, trasparenti u standardizzati (“STS”) jenħtieġ li l-Unjoni tiddefinixxi biċ-ċar x’inhi titolizzazzjoni STS, peress li nkella t-trattament regolatorju iktar sensittiv għar-riskji għall-istituzzjonijiet ta’ kreditu u l-kumpanniji tal-assigurazzjoni jkunu disponibbli għal tipi differenti ta’ titolizzazzjonijiet fi Stati Membri differenti. Dan iwassal għal kondizzjonijiet mhux ekwivalenti ta’ kompetizzjoni u għal arbitraġġ regolatorju, filwaqt li huwa importanti li jiġi żgurat li l-Unjoni tiffunzjona bħala suq wieħed għat-titolizzazzjonijiet STS u li tiffaċilita t-tranżazzjonijiet transkonfinali.

(6)

B’konformità mad-definizzjonijiet eżistenti fil-leġislazzjoni settorjali tal-Unjoni, huwa iktar xieraq li jiġu pprovduti definizzjonijiet tal-kunċetti ewlenin kollha tat-titolizzazzjoni. B’mod partikolari, definizzjoni ċara u li tkopri kollox tat-titolizzazzjoni hija meħtieġa sabiex tiġi koperta kwalunkwe tranżazzjoni jew skema li biha r-riskju ta’ kreditu assoċjat ma’ skopertura jew pula ta’ skoperturi jiġi segmentat. Skopertura li toħloq obbligu ta’ pagament dirett għal tranżazzjoni jew skema użata għall-finanzjament jew l-operazzjoni tal-assi fiżiċi ma għandhiex titqies bħala skopertura għal titolizzazzjoni, anki jekk it-tranżazzjoni jew l-iskema jkollha obbligazzjonijiet ta’ pagamenti ta’ senjorità differenti.

(7)

Jenħtieġ li sponsor ikun jista’ jiddelega kompiti lil ġestur, iżda jenħtieġ li jibqa’ responsabbli għall-ġestjoni tar-riskju. B’mod partikolari sponsor ma għandux jittrasferixxi r-rekwiżit tar-retenzjoni tar-riskju lill-ġestur tiegħu. Jenħtieġ li l-ġestur ikun maniġer tal-assi regolat bħal maniġer ta’ impriża ta’ investiment kollettiv f’titoli trasferibbli (UCITS), maniġer ta’ fondi ta’ investiment alternattivi (AIFM) jew entità - msemmija fid-Direttiva 2014/65/UE tal-Parlament Ewropew u tal-Kunsill (5) (entità MiFID).

(8)

Dan ir-Regolament jintroduċi projbizzjoni fuq ir-rititolizzazzjoni, soġġett għal derogi għal ċerti każijiet ta’ rititolizzazzjonijiet li jintużaw għal skopijiet leġittimi u għal kjarifiki dwar jekk programmi ta’ ħruġ ta’ karta kummerċjali garantita b’assi (ABCP) jitqisux li huma rititolizzazzjonijiet. Ir-rititolizzazzjonijiet jistgħu jfixklu l-livell ta’ trasparenza li dan ir-Regolament jipprova jistabbilixxi. Madankollu, ir-rititolizzazzjonijiet jistgħu, f’ċirkostanzi eċċezzjonali, ikunu utli biex jiġu ppreservati l-interessi tal-investituri. Għalhekk, jenħtieġ li r-rititolizzazzjonijiet ikunu permessi biss f’każijiet speċifiċi kif stabbilit minn dan ir-Regolament. Barra minn hekk, huwa importanti għall-finanzjament tal-ekonomija reali li programmi ABCP appoġġati b’mod sħiħ li ma jintroduċux segmentazzjoni mill-ġdid fuq tranżazzjonijiet iffinanzjati mill-programm jibqgħu barra mill-ambitu ta’ din il-projbizzjoni fuq ir-rititolizzazzjoni.

(9)

L-investimenti fit-titolizzazzjonijiet jew l-esponimenti għalihom mhux talli jesponu lill-investitur għar-riskji ta’ kreditu tas-self sottostanti jew l-esponimenti, iżda l-proċess ta’ strutturar tat-titolizzazzjonijiet jista’ jwassal ukoll għal riskji oħrajn bħar-riskju tal-aġenzija, riskju mudell, riskju legali u operazzjonali, riskju tal-kontroparti, riskju tal-ġestjoni (servicing), riskju tal-likwidità u riskju tal-konċentrazzjoni. Għalhekk, huwa essenzjali li l-investituri istituzzjonali jkunu soġġetti għar-rekwiżiti proporzjonati dwar id-diliġenza dovuta sabiex jiżguraw li jivvalutaw kif xieraq ir-riskji li jirriżultaw mit-tipi kollha ta’ titolizzazzjonijiet, għall-benefiċċju tal-investituri finali. B’hekk, id-diliġenza dovuta tista’ ssaħħaħ anki l-fiduċja fis-suq u bejn l-oriġinaturi, l-isponsors u l-investituri individwali. Jeħtieġ li l-investituri jeżerċitaw ukoll diliġenza dovuta xierqa fir-rigward tat-titolizzazzjonijiet STS. Jistgħu jinfurmaw ruħhom bl-informazzjoni divulgata mill-partijiet għat-titolizzazzjoni, b’mod partikolari n-notifika STS u l-informazzjoni relatata ddivulgata f’dan il-kuntest, li jenħtieġ li tipprovdi lill-investituri bl-informazzjoni rilevanti kollha dwar kif jiġu ssodisfati l-kriterji STS. L-investituri istituzzjonali jenħtieġ li jkunu jistgħu jpoġġu fiduċja xierqa fin-notifika STS u fl-informazzjoni divulgata mill-oriġinatur, l-isponsor u l-entità bi skop speċjali tat-titolizzazzjoni (SSPE) dwar jekk titolizzazzjoni tissodisfax ir-rekwiżiti STS. Madankollu, ma għandhomx joqogħdu biss u mekkanikament fuq din in-notifika u tali informazzjoni.

(10)

Huwa essenzjali li jkunu allinjati l-interessi tal-oriġinaturi, l-isponsors, il-mutwanti oriġinali li huma involuti f’titolizzazzjoni u l-investituri. Biex jikseb dan, l-oriġinatur, l-isponsor jew il-mutwant oriġinali jenħtieġ li jżomm interess sinifikanti fl-iskoperturi sottostanti tat-titolizzazzjoni. Għalhekk huwa importanti li l-oriġinatur, l-isponsor jew il-mutwant oriġinali jżomm skopertura ekonomika netta materjali għar-riskji sottostanti inkwistjoni. B’mod iktar ġenerali, it-tranżazzjonijiet ta’ titolizzazzjoni ma għandhomx ikunu strutturati b’tali mod li jevitaw l-applikazzjoni tar-rekwiżit ta’ retenzjoni. Dak ir-rekwiżit jenħtieġ li jkun applikabbli fis-sitwazzjonijiet kollha fejn tkun applikabbli s-sustanza ekonomika ta’ titolizzazzjoni, ikunu xi jkunu l-istrutturi legali jew l-istrumenti użati. Ma hemmx bżonn ta’ applikazzjonijiet multipli tar-rekwiżit ta’ retenzjoni. Għal kwalunkwe titolizzazzjoni jkun biżżejjed li l-oriġinatur, l-isponsor jew il-mutwant oriġinali jkun soġġett għar-rekwiżit. B’mod simili, meta t-tranżazzjonijiet ta’ titolizzazzjoni jkun fihom pożizzjonijiet ta’ titolizzazzjonijiet oħrajn bħala skoperturi sottostanti, ir-rekwiżit ta’ retenzjoni għandu jiġi applikat biss għat-titolizzazzjoni li hija soġġetta għall-investiment. Jenħtieġ li n-notifika STS tindika lill-investituri li l-oriġinatur, l-isponsor jew il-mutwant oriġinali jkun qiegħed iżomm skopertura ekonomika netta materjali għar-riskji sottostanti. Jenħtieġ li jsiru ċerti eċċezzjonijiet għal każijiet li fihom l-iskoperturi titolizzati jkunu ggarantiti b’mod sħiħ, inkondizzjonalment u b’mod irrevokabbli b’mod partikolari mill-awtoritajiet pubbliċi. Fejn jingħata appoġġ mir-riżorsi pubbliċi fil-forma ta’ titoli jew b’mezzi oħrajn, dan ir-Regolament huwa mingħajr preġudizzju għar-regoli dwar l-għajnuna mill-Istat.

(11)

Jenħtieġ li oriġinaturi jew sponsors ma jieħdux vantaġġ mill-fatt li huma jista’ jkollhom aktar informazzjoni mill-investituri u l-investituri potenzjali dwar l-assi trasferiti lill-SSPE, u jenħtieġ li ma jittrasferixxu lill-SSPE, mingħajr ma jkunu jafu l-investituri jew l-investituri potenzjali, assi li l-profil tar-riskju tal-kreditu tagħhom huwa ogħla minn dak ta’ assi komparabbli miżmuma fil-karta bilanċjali tal-oriġinaturi. Kwalunkwe ksur ta’ dak l-obbligu jenħtieġ li jkun soġġett għal sanzjonijiet li għandhom jiġu imposti mill-awtoritajiet kompetenti, iżda biss meta dan il-ksur ikun intenzjonat. Negliġenza weħidha ma għandhiex tkun soġġetta għal sanzjonijiet f’dak ir-rigward. Madankollu, jenħtieġ li dak l-obbligu ma jippreġudika bl-ebda mod id-dritt tal-oriġinaturi jew l-isponsors li jagħżlu assi li għandhom jiġu ttrasferiti lill-SSPE li ex-ante jkollhom profil tar-riskju tal-kreditu ogħla mill-medja meta mqabbel mal-medja tal-profil tar-riskju tal-kreditu ta’ assi komparabbli li jibqgħu fuq il-karta bilanċjali tal-oriġinatur, sakemm il-profil tar-riskju tal-kreditu ogħla tal-assi trasferiti lill-SSPE jkun ikkomunikat b’mod ċar lill-investituri jew lill-investituri potenzjali. Jenħtieġ li l-awtoritajiet kompetenti jissorveljaw il-konformità ma’ dan l-obbligu billi jqabblu l-assi sottostanti ta’ titolizzazzjoni u assi komparabbli miżmuma fil-karta bilanċjali tal-oriġinatur.

Il-paragun tal-prestazzjoni jenħtieġ li jsir bejn assi li huma mistennija li ex ante jkollhom prestazzjoni simili, pereżempju bejn ipoteki residenzjali improduttivi trasferiti lill-SSPE u ipoteki residenzjali improduttivi miżmuma fuq il-karta bilanċjali tal-oriġinatur.

M’hemm l-ebda preżunzjoni li l-assi sottostanti għal titolizzazzjoni jenħtieġ li jkollhom prestazzjoni simili għall-medja tal-assi miżmuma fuq il-karta bilanċjali tal-oriġinatur.

(12)

Il-ħila tal-investituri u l-investituri potenzjali li jeżerċitaw id-diliġenza dovuta u, b’hekk, jagħmlu valutazzjoni informata tal-affidabbiltà kreditizja ta’ strument ta’ titolizzazzjoni partikolari tiddependi mill-aċċess tagħhom għal informazzjoni fuq dawk l-istrumenti. Fuq il-bażi tal-acquis eżistenti, huwa importanti li tinħoloq sistema komprensiva li biha l-investituri u l-investituri potenzjali jkollhom aċċess għall-informazzjoni rilevanti kollha tul il-ħajja kollha tat-tranżazzjonijiet, li jitnaqqsu l-kompiti ta’ rapportar tal-oriġinaturi, l-isponsors u l-SSPEs u li jiġi ffaċilitat aċċess kontinwu, faċli u liberu għal informazzjoni affidabbli dwar it-titolizzazzjonijiet. Sabiex tissaħħaħ it-trasparenza tas-suq, jenħtieġ li jiġi stabbilit qafas għal repożitorji tat-titolizzazzjonijiet biex jinġabru rapporti rilevanti, primarjament fuq skoperturi sottostanti f’titolizzazzjonijiet. Dawn ir-repożitorji tat-titolizzazzjoni jenħtieġ li jkunu awtorizzati u sorveljati mill-Awtorità Superviżorja Ewropea (Awtorità Ewropea tat-Titoli u s-Swieq) (“ESMA”), stabbilit mir-Regolament (UE) Nru 1095/2010 tal-Parlament Ewropew u tal-Kunsill (6). Meta tispeċifika d-dettalji ta’ dan ir-rappurtar, l-ESMA jenħtieġ li tiżgura li l-informazzjoni li għandha tiġi rrapportata lil dawn ir-repożitorji tkun tirrifletti kemm jista’ jkun il-mudelli eżistenti għad-divulgazzjoni ta’ din l-informazzjoni.

(13)

L-iskop ewlieni tal-obbligu ġenerali għall-oriġinatur, l-isponsor u l-SSPE li jagħmel l-informazzjoni dwar titolizzazzjonijiet disponibbli permezz tar-repożitorju tat-titolizzazzjoni hu li jipprovdi lill-investituri b’sors ta’ data uniku u sorveljat li huwa neċessarju biex iwettqu d-diliġenza dovuta tagħhom. Titolizzazzjonijiet privati huma spiss imfasslin apposta. Dawn huma importanti għax jippermettu lill-partijiet li jidħlu fi tranżazzjonijiet ta’ titolizzazzjoni mingħajr ma jiżvelaw lis-suq u lill-kompetituri informazzjoni kummerċjali sensittiva dwar it-tranżazzjoni (eż. l-iżvelar li ċerta kumpannija teħtieġ finanzjament biex tespandi l-produzzjoni jew li ditta tal-investiment dieħla f’suq ġdid, bħala parti mill-istrateġija tagħha) u/jew marbuta mal-assi sottostanti (eż. dwar it-tip ta’ kummerċ riċevibbli tan-negozju ġġenerat minn ditta industrijali). F’dawk il-każijiet, l-investituri huma f’kuntatt dirett mal-oriġinatur u/jew l-isponsor u jirċievu l-informazzjoni neċessarja sabiex iwettqu d-diliġenza dovuta tagħhom direttament mingħandhom. Għalhekk, hu adatt li jiġu eżentati titolizzazzjonijiet privati mir-rekwiżit li jinnotifikaw l-informazzjoni dwar it-tranżazzjoni lil repożitorju tat-titolizzazzjoni.

(14)

Oriġinaturi, sponsors u mutwanti oriġinali jenħtieġ li japplikaw l-istess kriterji sodi u definiti tajjeb għall-għoti tal-kreditu li huma japplikaw għal skoperturi mhux titolizzati. Madankollu, sakemm riċevibbli tan-negozju ma jkunux oriġinati f’forma ta’ self, il-kriterji għall-għoti tal-kreditu ma għandhomx għalfejn jiġu ssodisfati fir-rigward ta’ riċevibbli tan-negozju.

(15)

Ġeneralment, strumenti ta’ titolizzazzjoni mhumiex adatti għall-klijenti fil-livell tal-konsumatur fis-sens tad-Direttiva 2014/65/UE.

(16)

L-oriġinaturi, l-isponsors u l-SSPEs jenħtieġ li jqiegħdu disponibbli fir-rapport għall-investituri d-data materjalment rilevanti kollha dwar il-kwalità kreditizja u l-prestazzjoni tal-iskoperturi sottostanti, inkluża data li tippermetti lill-investituri jidentifikaw biċ-ċar id-delinkwenza u l-inadempjenza tad-debituri sottostanti, ir-ristrutturar tad-dejn, il-maħfra tad-dejn, it-trażżin, ir-riakkwisti, il-pawżi tal-pagamenti, it-telf, iċ-charge offs, l-irkupru u rimedji oħrajn tal-prestazzjoni tal-assi fl-aggregazzjoni ta’ skoperturi sottostanti. Ir-rapport għall-investituri jenħtieġ li jinkludi f’każ ta’ titolizzazzjoni li mhijiex tranżazzjoni ABCP id-data dwar il-flussi tal-flus iġġenerati mill-iskoperturi sottostanti u mill-obbligazzjonijiet tat-titolizzazzjoni, inkluża divulgazzjoni separata tal-introjtu u l-iżborż tal-pożizzjoni ta’ titolizzazzjoni, jiġifieri l-kapital skedat, l-imgħax skedat, il-kapital bi ħlas antiċipat, imgħax u tariffi skaduti u imposti, u data marbuta mal-iskattar ta’ kwalunkwe avveniment li jimplika bidliet fil-prijorità tal-pagamenti jew sostituzzjoni ta’ kwalunkwe kontroparti kif ukoll id-data dwar l-ammont u l-forma ta’ tisħiħ tal-kreditu disponibbli għal kull segment. Għalkemm it-titolizzazzjonijiet li huma sempliċi, trasparenti u standardizzati fil-passat kellhom prestazzjoni tajba, is-sodisfazzjon ta’ kwalunkwe rekwiżit STS ma jfissirx li l-pożizzjoni ta’ titolizzazzjoni hija ħielsa minn riskji, u lanqas jindika xejn dwar il-kwalità kreditizja sottostanti għat-titolizzazzjoni. Minflok, għandu jitqies li jindika li investitur prudenti u diliġenti ser ikun jista’ janalizza r-riskji involuti fit-titolizzazzjoni.

Sabiex jitqiesu l-karatteristiċi strutturali differenti ta’ titolizzazzjonijiet fit-tul u titolizzazzjonijiet għal żmien qasir (jiġifieri l-programmi ABCP u t-tranżazzjonijiet ABCP), jenħtieġ li jkun hemm żewġ tipi ta’ rekwiżiti STS: waħda għal titolizzazzjonijiet fit-tul u waħda għal titolizzazzjonijiet għal żmien qasir li jikkorrispondu għal dawk iż-żewġ segmenti tas-suq li jiffunzjonaw b’mod differenti. Il-programmi ABCP jiddependu fuq għadd ta’ tranżazzjonijiet ABCP li jikkonsistu fi skoperturi għal terminu qasir li jeħtieġ li jiġu sostitwiti ladarba jimmaturaw. Fi tranżazzjoni ABCP, it-titolizzazzjoni tista’ tinkiseb, fost l-oħrajn, permezz ta’ ftehim dwar skont varjabbli tal-prezz tax-xiri fuq l-aggregazzjoni ta’ skoperturi sottostanti, jew il-ħruġ ta’ noti senior u junior minn SSPE fi struttura ta’ kofinanzjament fejn in-noti senior imbagħad jiġu trasferiti lejn l-entitajiet xerrejja ta’ programm ABCP wieħed jew aktar. Madankollu, tranżazzjonijiet ABCP li jikkwalifikaw bħala STS ma għandhomx jinkludu rititolizzazzjonijiet. Barra minn hekk, il-kriterji STS jenħtieġ li jirriflettu r-rwol speċifiku tal-isponsor fil-forniment ta’ appoġġ ta’ likwidità għall-programm ABCP, b’mod partikolari għal programmi ABCP li jkunu appoġġati b’mod sħiħ.

(17)

Kemm fil-livell internazzjonali kif ukoll fil-livell tal-Unjoni, diġà saret ħidma sostanzjali biex tiġi identifikata t-titolizzazzjoni STS. Fir-Regolamenti Delegati tal-Kummissjoni (UE) 2015/35 (7) u (UE) 2015/61 (8) diġà ġew stabbiliti kriterji għal titolizzazzjoni STS għal skopijiet speċifiċi li lilhom jingħata trattament prudenzjali iktar sensittiv għar-riskji.

(18)

Jenħtieġ li l-SSPEs jiġu stabbiliti biss f’pajjiżi terzi li mhumiex elenkati bħala ġurisdizzjonijiet nonkooperattivi u b’riskju għoli mit-Task Force ta’ Azzjoni Finanzjarja (FATF). Jekk sa ma jkun sar rieżami ta’ dan ir-Regolament tkun ġiet adottata lista speċifika tal-Unjoni ta’ ġurisdizzjonijiet ta’ pajjiżi terzi li jirrifjutaw li josservaw standards ta’ governanza tajba tat-taxxa, dik il-lista tal-Unjoni jenħtieġ li tiġi kkunsidrata u tista’ ssir il-lista ta’ referenza għal pajjiżi terzi fejn l-SSPEs ma jkollhomx il-permess li jkunu stabbiliti.

(19)

Huwa essenzjali li tiġi stabbilita definizzjoni ġenerali u applikabbli b’mod transettorjali tat-titolizzazzjoni STS abbażi tal-kriterji eżistenti, kif ukoll fuq il-kriterji adottati mill-Kumitat ta’ Basel dwar is-Superviżjoni Bankarja u l-Organizzazzjoni Internazzjonali tal-Kummissjonijiet dwar it-Titolizzazzjonijiet (IOSCO) fit-23 ta’ Lulju 2015 għall-identifikazzjoni ta’ titolizzazzjonijiet sempliċi, trasparenti u paragunabbli fil-qafas tas-suffiċjenza kapitali għat-titolizzazzjonijiet, u b’mod partikolari abbażi tal-opinjoni dwar qafas Ewropew dwar il-kwalifikazzjoni tat-titolizzazzjoni ppubblikata fis-7 ta’ Lulju 2015 mill-Awtorità Superviżorja Ewropea (Awtorità Bankarja Ewropea) (EBA), stabbilit mir-Regolament (UE) Nru 1093/2010 tal-Parlament Ewropew u tal-Kunsill (9).

(20)

L-implimentazzjoni tal-kriterji STS fl-Unjoni kollha ma għandhiex twassal għal approċċi diverġenti. Approċċi diverġenti joħolqu ostakli potenzjali għall-investituri transfruntiera billi jġiegħluhom isiru jafu fid-dettalji l-oqfsa tal-Istati Membri, u b’hekk ixekklu l-fiduċja tal-investituri fil-kriterji STS. Għaldaqstant, jenħtieġ li l-EBA tiżviluppa linji gwida biex tiżgura fehim komuni u konsistenti tar-rekwiżiti STS madwar l-Unjoni, sabiex jiġu indirizzati l-problemi potenzjali fl-interpretazzjoni. Tali sors uniku ta’ interpretazzjoni jiffaċilita l-adozzjoni tal-kriterji STS mill-oriġinaturi, l-isponsors u l-investituri. Jenħtieġ li l-ESMA ukoll ikollha rwol attiv fl-indirizzar ta’ kwistjonijiet potenzjali fl-interpretazzjoni.

(21)

Sabiex ma jkunx hemm approċċi diverġenti fl-implimentazzjoni tal-kriterji STS, jenħtieġ li t-tliet Awtoritajiet Superviżorji Ewropej, fil-qafas tal-Kumitat Konġunt tal-Awtoritajiet Superviżorji Ewropej, jikkoordinaw il-ħidma tagħhom u dik tal-awtoritajiet kompetenti biex jiżguraw konsistenza transettorjali u jivvalutaw kwistjonijiet prattiċi li jistgħu jinqalgħu fir-rigward tat-titolizzazzjonijiet STS. B’dan il-mod, il-fehmiet tal-parteċipanti fis-suq jenħtieġ li jintalbu wkoll u jridu jitqiesu kemm jista’ jkun. L-eżitu ta’ dawk it-taħditiet jenħtieġ li jiġi ppubblikat fuq is-siti web tal-ASE sabiex jgħin lill-oriġinaturi, l-isponsors, l-SSPEs u l-investituri fil-valutazzjoni tat-titolizzazzjonijiet STS qabel ma joħorġu jew jinvestu fit-tali pożizzjonijiet. Mekkaniżmu ta’ koordinazzjoni bħal dan ikun ta’ importanza partikolari fil-perijodu li jwassal għall-implimentazzjoni ta’ dan ir-Regolament.

(22)

Dan ir-Regolament jippermetti li titolizzazzjonijiet ta’ “bejgħ veru” biss ikunu deżinjati bħala STS. F’titolizzazzjoni ta’ bejgħ veru, is-sjieda tal-iskoperturi sottostanti tiġi ttrasferita jew assenjata b’mod effettiv lil entità emittenti li hija SSPE. It-trasferiment jew l-assenjament tal-iskoperturi sottostanti lill-SSPE ma għandux ikun soġġett għal dispożizzjonijiet ta’ rkupru fil-każ ta’ insolvenza tal-bejjiegħ, mingħajr preġudizzju għal dispożizzjonijiet tal-liġijiet nazzjonali dwar l-insolvenza li skonthom il-bejgħ ta’ skoperturi sottostanti konklużi f’ċertu perijodu qabel id-dikjarazzjoni tal-insolvenza tal-bejjiegħ tista’, taħt kondizzjonijiet stretti, tiġi invalidata.

(23)

Opinjoni legali mogħtija minn konsulent legali kkwalifikat tista’ tikkonferma l-bejgħ veru jew l-assenjament jew it-trasferiment bl-istess effett legali tal-iskoperturi sottostanti u l-eżegwibbiltà ta’ dak il-bejgħ veru, l-assenjament jew it-trasferiment bl-istess effett legali skont il-liġi applikabbli.

(24)

F’titolizzazzjonijiet li mhumiex ta’ “bejgħ veru”, l-iskoperturi sottostanti ma jiġux ittrasferiti lil entità emittenti li hija SSPE, iżda r-riskju ta’ kreditu marbut mal-iskoperturi sottostanti jiġi ttrasferit permezz ta’ garanzija jew kuntratt tad-derivattivi jew titoli. Dan jintroduċi riskju ta’ kreditu tal-kontroparti addizzjonali u l-kumplessità potenzjali marbuta b’mod partikolari mal-kontenut tal-kuntratt tad-derivattivi. Għal dawn ir-raġunijiet, il-kriterji STS ma għandhomx jippermettu titolizzazzjoni sintetika.

Il-progress li sar mill-EBA fir-rapport tagħha ta’ Diċembru 2015, fejn identifikat il-possibilità ta’ sett ta’ kriterji STS għat-titolizzazzjoni sintetika u ddefinixxiet “titolizzazzjoni sintetika tal-karta bilanċjali” u “titolizzazzjoni sintetika ta’ arbitraġġ”, jenħtieġ li jiġi rikonoxxut. Ladarba l-EBA tkun iddeterminat b’mod ċar sett ta’ kriterji STS applikabbli speċifikament għat-titolizzazzjonijiet sintetiċi tal-karta bilanċjali, u bil-ħsieb li tippromwovi l-finanzjament lejn l-ekonomija reali u b’mod partikolari tal-SMEs li jibbenefikaw l-aktar minn titolizzazzjonijiet bħal dawn, il-Kummissjoni jenħtieġ li tabbozza rapport u, jekk ikun xieraq, tadotta proposta leġislattiva sabiex testendi l-qafas STS għal tali titolizzazzjonijiet. Madankollu ebda estensjoni ta’ dan it-tip ma għandha tkun proposta mill-Kummissjoni fir-rigward ta’ titolizzazzjonijiet sintetiċi ta’ arbitraġġ.

(25)

L-iskoperturi sottostanti trasferiti mill-bejjiegħ lill-SSPE jenħtieġ li jissodisfaw kriterji ta’ eliġibbiltà predeterminati u ddefiniti b’mod ċar li ma jippermettux immaniġġar tal-portafoll attiv ta’ dawk l-iskoperturi fuq bażi diskrezzjonali. Fil-prinċipju, is-sostituzzjoni tal-iskoperturi li jiksru r-rappreżentazzjonijiet u t-titoli m’għandhiex titqies bħala immaniġġar tal-portafoll attiv.

(26)

Espożizzjonijiet sottostanti ma għandhomx jinkludu skoperturi f’inadempjenza jew skoperturi għal debituri jew garanti li, sa fejn jaf l-oriġinatur jew il-mutwanti oriġinali, jinsabu f’sitwazzjonijiet speċifikati ta’ diffikultajiet marbuta ma’ kreditu (pereżempju, debituri li ġew iddikjarati falluti).

L-istandard tal-“aħjar għarfien” jenħtieġ li jitqies bħala sodisfatt fuq il-bażi ta’ tagħrif miksub minn debituri dwar l-oriġinazzjoni tal-iskoperturi, l-informazzjoni miksuba mingħand l-oriġinatur matul il-ġestjoni tal-iskoperturi, jew matul il-proċedura ta’ ġestjoni tar-riskju tiegħu jew l-informazzjoni innotifikata lill-oriġinatur minn parti terza.

Jenħtieġ li japplika approċċ prudenti għal skoperturi li kienu improduttivi u sussegwentement ġew ristrutturati. Madankollu, l-inklużjoni ta’ dawn tal-aħħar fl-aggregazzjoni ta’ skoperturi sottostanti ma għandhiex tiġi eskluża fejn tali skoperturi ma jkunux ippreżentaw arretrati ġodda mid-data tar-ristrutturar li kellu jseħħ għall-anqas sena qabel id-data tat-trasferiment jew l-assenjazzjoni tal-iskoperturi sottostanti lill-SSPE. F’każijiet bħal dawn l-iżvelar adegwat jenħtieġ li jiżgura trasparenza sħiħa.

(27)

Sabiex jiġi żgurat li l-investituri jwettqu d-diliġenza dovuta robusta u biex jiffaċilitaw il-valutazzjoni tar-riskji sottostanti, huwa importanti li t-tranżazzjonijiet ta’ titolizzazzjoni jkunu sostnuti minn aggregazzjonijiet ta’ skoperturi li jkunu omoġeni fit-tip ta’ assi, bħal aggregazzjonijiet ta’ self residenzjali, jew aggregazzjonijiet ta’ self korporattiv, self għal proprjetà kummerċjali, kirjiet u faċilitajiet ta’ kreditu lil impriżi tal-istess kategorija, jew aggregazzjonijiet ta’ self għal karozzi u kirjiet, jew aggregazzjonijiet ta’ faċilitajiet ta’ kreditu lil individwi għal skopijiet ta’ konsum personali, tal-familja jew tal-unità domestika. L-iskoperturi sottostanti ma għandhomx jinkludu titoli trasferibbli, kif definit fil-punt (44) fl-Artikolu 4(1) tad-Direttiva 2014/65/UE. Sabiex jittieħed kont ta’ dawk l-Istati Membri fejn hija prattika komuni għall-istituzzjonijiet ta’ kreditu li jużaw bonds minflok ftehimiet ta’ self biex jipprovdu l-kreditu lill-impriżi mhux finanzjarji, jenħtieġ li jkun possibbli li jiġu inklużi tali bonds, dment li ma jkunux elenkati f’ċentru tan-negozjar.

(28)

Huwa essenzjali li tiġi evitata r-rikorrenza ta’ mudelli “oriġina biex tiddistribwixxi”. F’dawk is-sitwazzjonijiet, il-mutwanti jagħtu krediti billi japplikaw politiki ta’ sottoskrizzjoni batuti u dgħajfin peress li jkunu jafu minn qabel li r-riskji relatati eventwalment jinbiegħu lil partijiet terzi. B’hekk, l-iskoperturi li jridu jiġu titolizzati għandhom ikunu oriġinati matul il-perkors normali tan-negozju tal-oriġinatur jew tal-mutwant oriġinali skont standards dwar is-sottoskrizzjoni li ma għandhomx ikunu inqas strinġenti minn dawk li l-oriġinatur jew il-mutwant oriġinali japplika fil-mument tal-oriġinazzjoni għal skoperturi simili li mhumiex titolizzati. Il-bidliet materjali fl-istandards ta’ sottoskrizzjoni għandhom jiġu divulgati b’mod sħiħ lill-investituri potenzjali jew, fil-każ ta’ programmi ABCP appoġġati b’mod sħiħ, lill-isponsor u partijiet oħra esposti direttament għat-tranżazzjoni ABCP. L-oriġinatur jew il-mutwant oriġinali għandu jkollu biżżejjed esperjenza fl-oriġinazzjoni ta’ skoperturi ta’ xorta simili għal dawk li ġew titolizzati. Fil-każ ta’ titolizzazzjonijiet li fihom l-iskoperturi sottostanti jkunu self residenzjali, l-aggregazzjoni ta’ self ma għandu jinkludi l-ebda self li kien kummerċjalizzat u sottoskritt bil-patt li l-applikant għas-self jew, meta applikabbli, l-intermedjarji, kienu ġew mgħarrfin li l-informazzjoni pprovduta jaf ma tkunx verifikata mill-mutwant. Il-valutazzjoni tal-affidabbiltà kreditizja tal-mutwatarju għandha tissodisfa wkoll, meta applikabbli, ir-rekwiżiti stabbiliti fid-Direttivi 2008/48/KE (10) jew 2014/17/UE (11) tal-Parlament Ewropew u tal-Kunsill jew ir-rekwiżiti ekwivalenti f’pajjiżi terzi.

(29)

Id-dipendenza qawwija tar-ripagament ta’ pożizzjonijiet ta’ titolizzazzjoni fuq il-bejgħ ta’ assi li jassiguraw l-assi sottostanti toħloq vulnerabbiltajiet kif jidher mill-prestazzjoni fqira ta’ partijiet tas-suq tat-titoli abbażi ta’ ipoteka kummerċjali (CMBS) matul il-kriżi finanzjarja. Għalhekk, CMBS ma għandhomx jitqiesu li huma titolizzazzjonijiet STS.

(30)

Meta tkun disponibbli data dwar l-impatt ambjentali ta’ assi sottostanti għal titolizzazzjonijiet, l-oriġinatur u l-isponsor ta’ tali titolizzazzjonijiet jenħtieġ li jippubblikawhom.

Għalhekk, l-oriġinatur, l-isponsor u l-SSPE ta’ titolizzazzjoni STS fejn l-iskoperturi sottostanti huma self residenzjali jew self għal jew kirjiet ta’ karozzi jenħtieġ li jippubblikaw l-informazzjoni disponibbli relatata mal-prestazzjoni ambjentali tal-assi ffinanzjati permezz ta’ tali self residenzjali jew self għal jew kirjiet ta’ karozzi.

(31)

Meta l-oriġinaturi, l-isponsors u l-SSPEs ikunu jixtiequ li t-titolizzazzjonijiet tagħhom jużaw id-deżinjazzjoni ta’ STS, l-investituri, l-awtoritajiet kompetenti u l-ESMA jenħtieġ li jkunu notifikati li t-titolizzazzjoni tissodisfa r-rekwiżiti STS. In-notifika jenħtieġ li tinkludi spjegazzjoni dwar kif kull wieħed mill-kriterji tal-STS ikun ġiet osservat. Imbagħad, l-ESMA jenħtieġ tippubblika dan fuq lista ta’ titolizzazzjonijiet STS notifikati li tkun disponibbli fuq is-sit web tagħha għal skopijiet ta’ informazzjoni. L-inklużjoni ta’ ħruġ ta’ titolizzazzjoni fil-lista tal-ESMA ta’ titolizzazzjonijiet STS notifikati ma timplikax li l-ESMA jew awtoritajiet kompetenti oħrajn iċċertifikaw li t-titolizzazzjoni tissodisfa r-rekwiżiti STS. Il-konformità mar-rekwiżiti STS tibqa’ responsabbiltà tal-oriġinaturi, l-isponsors u l-SSPEs waħedhom. Dan jiżgura li l-oriġinaturi, l-isponsors u l-SSPEs jieħdu responsabbiltà għad-dikjarazzjoni tagħhom li t-titolizzazzjoni hija STS u li hemm trasparenza fis-suq.

(32)

Fejn titolizzazzjoni ma tibqax tissodisfa r-rekwiżiti STS, l-oriġinatur u l-isponsor jenħtieġ li jinnotifikaw minnufih lill-ESMA u lill-awtorità kompetenti rilevanti. Barra minn hekk, meta awtorità kompetenti tkun imponiet sanzjonijiet amministrattivi fir-rigward ta’ titolizzazzjoni nnotifikata bħala STS, dik l-awtorità kompetenti jenħtieġ li tinnotifika minnufih lill-ESMA għall-inklużjoni tagħhom fuq il-lista ta’ notifiki STS li tippermetti li l-investituri jkunu infurmati dwar dawn is-sanzjonijiet u dwar l-affidabbiltà tan-notifiki STS. Għaldaqstant huwa fl-interess tal-oriġinaturi u tal-isponsors li jagħmlu notifiki maħsuba sew sabiex jiġu evitati konsegwenzi reputazzjonali.

(33)

L-investituri jenħtieġ li jwettqu d-diliġenza dovuta tagħhom fuq l-investimenti b’mod proporzjonali għar-riskji involuti iżda jenħtieġ li jkunu jistgħu joqogħdu fuq in-notifiki STS u fuq l-informazzjoni dwar il-konformità STS żvelata mill-oriġinatur, l-isponsor u l-SSPE dwar jekk it-titolizzazzjoni tissodisfax r-rekwiżiti STS. Madankollu ma għandhomx joqogħdu biss u mekkanikament fuq tali notifiki u informazzjoni.

(34)

L-involviment ta’ partijiet terzi fl-għajnuna sabiex tiġi verifikata l-konformità ta’ titolizzazzjoni mar-rekwiżiti STS jista’ jkun siewi għall-investituri, l-oriġinaturi, l-isponsors u l-SSPEs u jista’ jikkontribwixxi biex tiżdied il-fiduċja fis-suq għat-titolizzazzjonijiet STS. L-oriġinaturi, l-isponsors u l-SSPEs jistgħu jużaw ukoll is-servizzi ta’ parti terza awtorizzata f’konformità ma’ dan ir-Regolament biex jivvalutaw jekk it-titolizzazzjoni tagħhom tikkonformax mal-kriterji STS. Dawk il-partijiet terzi jenħtieġ li jkunu soġġetti għal awtorizzazzjoni minn awtoritajiet kompetenti. In-notifika lill-ESMA u l-pubblikazzjoni sussegwenti fuq is-sit web tal-ESMA jenħtieġ li jsemmu jekk il-konformità STS kinitx awtorizzata minn parti terza. Madankollu, huwa essenzjali li l-investituri jagħmlu l-valutazzjoni tagħhom stess, jieħdu responsabbiltà għad-deċiżjonijiet ta’ investiment tagħhom u ma joqogħdux mekkanikament fuq it-tali partijiet terzi. L-involviment ta’ parti terza bl-ebda mod ma għandu jneħħi r-responsabbiltà legali aħħarija minn fuq l-oriġinaturi, l-isponsors u l-investituri istituzzjonali li jinnotifikaw u jittrattaw tranżazzjoni ta’ titolizzazzjoni bħala STS.

(35)

L-Istati Membri jenħtieġ li jaħtru awtoritajiet kompetenti u jagħtuhom is-setgħat ta’ superviżjoni, investigazzjoni u sanzjonar meħtieġa. Fil-prinċipju, is-sanzjonijiet amministrattivi jenħtieġ li jiġi ppubblikati. Peress li l-investituri, l-oriġinaturi, l-isponsors, il-mutwanti oriġinali u l-SSPEs jistgħu jkunu stabbiliti fi Stati Membri differenti u sorveljati minn awtoritajiet kompetenti settorjali differenti, il-kooperazzjoni mill-qrib bejn l-awtoritajiet kompetenti rilevanti, inkluż il-Bank Ċentrali Ewropew (BĊE) fir-rigward tal-kompiti speċifiċi konferiti lilu bir-Regolament tal-Kunsill (UE) Nru 1024/2013 (12), u mal-ASE, għandha tiġi żgurata bl-iskambju reċiproku ta’ informazzjoni u assistenza f’attivitajiet superviżorji. L-awtoritajiet kompetenti jenħtieġ li japplikaw sanzjonijiet biss fil-każ ta’ ksur imwettaq intenzjonalment jew bi traskuraġni. L-applikazzjoni ta’ miżuri ta’ rimedju ma għandhiex tiddependi minn evidenza ta’ intenzjoni jew negliġenza. Fid-determinazzjoni tat-tip u l-livell xieraq ta’ sanzjoni jew ta’ miżura ta’ rimedju, meta jittieħdu inkunsiderazzjoni s-saħħa finanzjarja tal-persuna fiżika jew ġuridika responsabbli, l-awtoritajiet kompetenti jenħtieġ li jqisu, b’mod partikolari, il-fatturat totali tal-persuna ġuridika responsabbli jew id-dħul annwali u l-assi netti tal-persuna fiżika responsabbli.

(36)

L-awtoritajiet kompetenti jenħtieġ li jikkoordinaw mill-qrib is-superviżjoni tagħhom u jiżguraw deċiżjonijiet konsistenti, speċjalment f’każ ta’ ksur ta’ dan ir-Regolament. Meta dan il-ksur jikkonċerna notifika mhux korretta jew qarrieqa, l-awtorità kompetenti li tidentifika dak il-ksur jenħtieġ li anke tinforma lill-ASE u lill-awtoritajiet kompetenti rilevanti tal-Istati Membri kkonċernati. F’każ ta’ nuqqas ta’ qbil bejn l-awtoritajiet kompetenti, l-ESMA, u, fejn xieraq, il-Kumitat Konġunt tal-Awtoritajiet Superviżorji Ewropej, jenħtieġ li jeżerċitaw is-setgħat vinkolanti ta’ medjazzjoni tagħhom.

(37)

Ir-rekwiżiti għall-użu tad-deżinjazzjoni “titolizzazzjoni sempliċi, trasparenti u standardizzata” huma ġodda u ser jiġu speċifikati iktar permezz ta’ linji gwida tal-EBA u prassi superviżorja matul iż-żmien. Sabiex jiġi evitat li l-parteċipanti tas-suq jiġu diskoraġġuti milli jużaw din id-deżinjazzjoni l-ġdida, l-awtoritajiet kompetenti jenħtieġ li jkunu jistgħu jagħtu lill-oriġinatur, l-isponsor u l-SSPE perijodu ta’ grazzja ta’ tlett xhur biex jirrettifikaw kwalunkwe użu żbaljat tad-deżinjazzjoni li jkunu użaw in bona fede. Jenħtieġ li tkun preżunta bona fede fejn l-oriġinatur, l-isponsor u l-SSPE ma setgħux ikunu jafu li titolizzazzjoni ma kinitx tissodisfa l-kriterji STS kollha biex tkun deżinjata bħala STS. Matul dak il-perijodu ta’ grazzja, it-titolizzazzjoni inkwistjoni jenħtieġ li tkompli titqies konformi mal-STS u ma għandhiex titħassar minn fuq il-lista stabbilita mill-ESMA f’konformità ma’ dan ir-Regolament.

(38)

Dan ir-Regolament jippromwovi l-armonizzazzjoni ta’ għadd ta’ elementi ewlenin fis-suq tat-titolizzazzjoni mingħajr preġudizzju għal iktar armonizzazzjoni kumplimentari mmexxija mis-suq tal-proċessi u l-prattiki fis-swieq tat-titolizzazzjoni. Għal dik ir-raġuni, huwa essenzjali li l-parteċipanti fis-suq u l-assoċjazzjonijiet professjonali tagħhom ikomplu jistandardizzaw il-prattiki tas-suq, u b’mod partikulari l-istandardizzazzjoni tad-dokumentazzjoni tat-titolizzazzjonijiet. Il-Kummissjoni jenħtieġ li timmonitorja bir-reqqa u tirrapporta fuq l-isforzi ta’ standardizzazzjoni li jagħmlu l-parteċipanti fis-suq.

(39)

Id-Direttivi 2009/65/KE (13), 2009/138/KE (14) u 2011/61/UE (15) tal-Parlament Ewropew u tal-Kunsill u r-Regolamenti (KE) Nru 1060/2009 (16) u (UE) Nru 648/2012 (17) tal-Parlament Ewropew u tal-Kunsill huma emendati kif xieraq sabiex tiġi żgurata l-konsistenza tal-qafas legali tal-Unjoni ma’ dan ir-Regolament dwar id-dispożizzjonijiet relatati mat-titolizzazzjoni li l-objettiv ewlieni tiegħu huwa l-istabbiliment u l-funzjonament tas-suq intern, b’mod partikulari billi tiżgura kondizzjonijiet ekwi fis-suq intern għall-investituri istituzzjonali kollha.

(40)

Fir-rigward tal-emendi għar-Regolament (UE) Nru 648/2012, il-kuntratti tad-derivattivi barra l-Borża (“OTC”) li jkunu daħlu fihom SSPEs ma għandhomx ikunu soġġetti għall-obbligu tal-ikklerjar dment li jiġu ssodisfati ċerti kondizzjonijiet. Dan minħabba li kontropartijiet għall-kuntratti tad-derivattivi OTC li jkunu daħlu fihom SSPEs huma kredituri garantiti skont l-arranġamenti ta’ titolizzazzjoni u normalment tkun prevista protezzjoni xierqa kontra r-riskju ta’ kreditu tal-kontroparti. Fir-rigward ta’ derivattivi kklerjati mhux ċentralment, il-livelli ta’ kollateral meħtieġa jenħtieġ li jqisu wkoll l-istruttura speċifika tal-arranġamenti ta’ titolizzazzjoni u l-protezzjonijiet diġà previsti fihom.

(41)

Hemm livell ta’ sostitwibbiltà bejn il-bonds koperti u t-titolizzazzjonijiet. Għalhekk, sabiex tiġi evitata l-possibbiltà ta’ distorsjoni jew arbitraġġ bejn l-użu tat-titolizzazzjonijiet u l-bonds koperti minħabba t-trattament differenti ta’ kuntratti ta’ derivattivi OTC li jidħlu fihom entitajiet ta’ bonds koperti jew SSPEs, ir-Regolament (UE) Nru 648/2012 jenħtieġ li jiġi emendat sabiex tiġi żgurata l-konsistenza fit-trattament bejn derivattivi assoċjati ma’ bonds koperti u derivattivi assoċjati ma’ titolizzazzjonijiet, fir-rigward tal-obbligu tal-ikklerjar u tar-rekwiżiti tal-marġni dwar derivattivi OTC mhux ikklerjati ċentralment.

(42)

Sabiex jiġu armonizzati t-tariffi għas-superviżjoni li għandhom jiġu mposti mill-ESMA jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea biex tispeċifika aktar it-tip ta’ tariffi, il-materji li għalihom it-tariffi jkunu dovuti, l-ammont tat-tariffi u l-metodu ta’ ħlas tagħhom. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (18). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(43)

Sabiex jiġi speċifikat ir-rekwiżit ta’ retenzjoni tar-riskju, kif ukoll sabiex jiġu ċċarati ulterjorment il-kriterji ta’ omoġenità u l-iskoperturi li għandhom jitqiesu omoġeni skont ir-rekwiżiti dwar is-sempliċità, filwaqt li jiġi żgurat li t-titolizzazzjoni tas-self tal-SME ma tiġix affettwata b’mod negattiv, jenħtieġ li l-Kummissjoni tingħata s-setgħa li tadotta standards tekniċi regolatorji żviluppati mill-EBA dwar l-modalitajiet biex ir-riskju jiġi ritenut, il-kejl tal-livell ta’ retenzjoni, ċerti projbizzjonijiet rigward ir-riskju ritenut, ir-retenzjoni fuq bażi konsolidata u l-eżenzjoni ta’ ċerti tranżazzjonijiet, u l-ispeċifikazzjoni tal-kriterji ta’ omoġenità u liema skoperturi sottostanti jitqiesu omoġeni. Jenħtieġ li l-Kummissjoni tadotta dawk l-istandards tekniċi regolatorji permezz ta’ atti delegati skont l-Artikolu 290 tat-TFUE u f’konformità mal-Artikoli 10 sa 14 tar-Regolament (UE) Nru 1093/2010. L-EBA jenħtieġ li tikkonsulta mill-qrib maż-żewġ Awtoritajiet Superviżorji Ewropej l-oħra.

(44)

Sabiex tiffaċilita l-aċċess kontinwu, faċli u ħieles tal-investituri għal informazzjoni affidabbli dwar it-titolizzazzjonijiet, kif ukoll biex tispeċifika t-termini tal-kooperazzjoni u l-obbligu tal-iskambju ta’ informazzjoni tal-awtoritajiet kompetenti, jenħtieġ li l-Kummissjoni tingħata s-setgħa li tadotta standards tekniċi regolatorji żviluppati mill-ESMA dwar: isl-informazzjoni paragunabbli dwar l-iskoperturi sottostanti u r-rapporti regolari tal-investituri; il-lista ta’ għanijiet leġittimi li taħthom huma permessi r-rititolizzazzjonijiet; il-proċeduri li jippermettu lir-repożitorji tat-titolizzazzjoni jivverifikaw il-kompletezza u l-konsistenza tad-dettalji rrapportati, l-applikazzjoni għar-reġistrazzjoni u l-applikazzjoni ssimplifikata għal estensjoni ta’ reġistrazzjoni; id-dettalji tat-titolizzazzjoni li għandhom jiġu pprovduti għal raġunijiet ta’ trasparenza, l-istandards operazzjonali meħtieġa għall-ġbir, l-aggregazzjoni u t-tqabbil ta’ data tul ir-repożitorji ta’ titolizzazzjoni, l-informazzjoni li għaliha għandhom aċċess l-entitajiet maħtura u t-termni u l-kondizzjonijiet għal aċċess dirett; l-informazzjoni li għandha tiġi pprovduta fil-każ ta’ notifika STS; l-informazzjoni li għandha tiġi pprovduta lill-awtoritajiet kompetenti fl-applikazzjoni għall-awtorizzazzjoni ta’ verifikatur ta’ parti terza; u l-informazzjoni li għandha tiġi skambjata u l-kontenut u l-ambitu tal-obbligi tan-notifika. Jenħtieġ li l-Kummissjoni tadotta dawk l-istandards tekniċi regolatorji permezz ta’ atti delegati skont l-Artikolu 290 tat- TFUE u f’konformità mal-Artikoli 10 sa 14 tar-Regolament (UE) Nru 1095/2010. L-ESMA jenħtieġ li tikkonsulta mill-qrib maż-żewġ ASE l-oħra.

(45)

Sabiex tiffaċilita l-proċess għall-investituri, l-oriġinaturi, l-isponsors, u l-SSPEs, jenħtieġ li l-Kummissjoni tingħata s-setgħa ukoll biex tadotta standards tekniċi ta’ implimentazzjoni żviluppati mill-ESMA, fir-rigward ta’: il-mudelli li għandhom jintużaw meta l-informazzjoni ssir disponibbli għad-detenturi ta’ pożizzjoni ta’ titolizzazzjoni; il-format tal-applikazzjoni għar-reġistrazzjoni u tal-applikazzjoni għal estensjoni tar-reġistrazzjoni ta’ repożitorji ta’ titolizzazzjoni; mudell għall-għoti ta’ informazzjoni; il-mudelli li għandhom jintużaw biex tingħata informazzjoni lir-repożitorju tat-titolizzazzjoni, b’kont meħud tas-soluzzjonijiet żviluppati mill-kolletturi tad-data dwar it-titolizzazzjoni eżistenti; u l-mudell għan-notifiki STS li ser jipprovdu lill-investituri u lill-awtoritajiet kompetenti biżżejjed informazzjoni għall-valutazzjoni tagħhom tal-konformità mar-rekwiżiti STS. Il-Kummissjoni għandha tadotta dawk l-istandards tekniċi ta’ implimentazzjoni, permezz ta’ atti ta’ implimentazzjoni skont l-Artikolu 291 TFUE u f’konformità mal-Artikolu 15 tar-Regolament (UE) Nru 1095/2010. L-ESMA jenħtieġ li tikkonsulta mill-qrib maż-żewġ Awtoritajiet Superviżorji Ewropej l-oħra.

(46)

Billi l-għanijiet ta’ dan ir-Regolament, prinċipalment l-istabbiliment ta’ qafas ġenerali għat-titolizzazzjoni u l-ħolqien ta’ qafas speċifiku għal titolizzazzjoni STS, ma jistgħux jintlaħqu biżżejjed mill-Istati Membri minħabba li s-swieq tat-titolizzazzjonijiet joperaw globalment u minħabba li jenħtieġ li jiġu żgurati kondizzjonijiet ekwivalenti ta’ kompetizzjoni fis-suq intern għall-investituri istituzzjonali u għall-entitajiet kollha involuti fit-titolizzazzjoni iżda, minħabba l-iskala u l-effetti tagħhom, jistgħu jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li hu meħtieġ sabiex jintlaħqu dawk l-għanijiet.

(47)

Dan ir-Regolament jenħtieġ li japplika għal titolizzazzjonijiet li jinħarġu fl-1 ta’ Jannar 2019 jew wara.

(48)

Għall-pożizzjonijiet ta’ titolizzazzjoni pendenti mill-1 ta’ Jannar 2019, l-oriġinaturi, l-isponsors u l-SSPEs jenħtieġ li jkunu jistgħu jużaw id-deżinjazzjoni ‘STS’ dment li t-titolizzazzjoni tikkonforma mar-rekwiżiti STS, għal ċerti rekwiżiti fil-mument tan-notifika u għal rekwiżiti oħrajn fil-ħin tal-oriġinazzjoni. Għaldaqstant, l-oriġinaturi, l-isponsors u l-SSPEs jenħtieġ li jkunu kapaċi jippreżentaw notifika STS lill-ESMA skont dan ir-Regolament. Kwalunkwe modifika sussegwenti għat-titolizzazzjoni jenħtieġ li tiġi aċċettata dment li t-titolizzazzjoni tkompli tissodisfa r-rekwiżiti STS kollha applikabbli.

(49)

Ir-rekwiżiti ta’ diliġenza dovuta li jkunu applikati f’konformità mal-liġi eżistenti tal-Unjoni qabel id-data ta’ applikazzjoni ta’ dan ir-Regolament jenħtieġ li jibqgħu japplikaw għal titolizzazzjonijiet maħruġin fl-1 ta’ Jannar 2011 jew wara, u għal titolizzazzjonijiet maħruġin qabel l-1 ta’ Jannar 2011 fejn wara l-31 ta’ Diċembru 2014 ikunu ġew sostitwiti jew żdiedu skoperturi sottostanti ġodda. Id-dispożizzjonijiet rilevanti tar-Regolament Delegat tal-Kummissjoni (UE) Nru 625/2014 (19) li jispeċifikaw ir-rekwiżiti ta’ retenzjoni tar-riskju għal istituzzjonijiet ta’ kreditu u d-ditti tal-investiment fit-tifsira tar-Regolament (UE) Nru 575/2013 tal-Parlament Ewropew u tal-Kunsill (20) jenħtieġ li jibqgħu applikabbli sa meta japplikaw l-istandards tekniċi regolatorji dwar ir-retenzjoni tar-riskju skont dan ir-Regolament. Għal raġunijiet ta’ ċertezza tad-dritt, l-istituzzjonijiet ta’ kreditu jew id-ditti tal-investiment, l-impriżi tal-assigurazzjoni, l-impriżi tar-riassigurazzjoni u l-maniġers ta’ fondi ta’ investiment alternattiv jenħtieġ li, għal pożizzjonijiet ta’ titolizzazzjoni pendenti mid-data ta’ applikazzjoni ta’ dan ir-Regolament, ikomplu jkunu soġġetti għall-Artikolu 405 tar-Regolament (UE) Nru 575/2013 u għall-Kapitoli I, II u III u għall-Artikolu 22 tar-Regolament Delegat tal-Kummissjoni (UE) Nru 625/2014, għall-Artikoli 254 u 255 tar-Regolament Delegat (UE) 2015/35 u għall-Artikolu 51 tar-Regolament Delegat tal-Kummissjoni (UE) Nru 231/2013 (21) rispettivament.

Sabiex jiżgura li l-oriġinaturi, l-isponsors u l-SSPEs jikkonformaw mal-obbligi ta’ trasparenza tagħhom, sakemm jidħlu fis-seħħ l-istandards tekniċi regolatorji li għandhom jiġu adottati mill-Kummissjoni skont dan ir-Regolament, l-informazzjoni msemmija fl-Annessi I sa VIII għar-Regolament ta’ Delega tal-Kummissjoni (UE) 2015/3 (22) jenħtieġ li ssir disponibbli għall-pubbliku,