30.11.2017   

MT

Il-Ġurnal Uffiċjali tal-Unjoni Ewropea

L 314/1

(1)

F'konformità mal-Artikolu 50(2)(a), tar-Regolament (UE) Nru 1151/2012, l-applikazzjoni tal-Kroazja għar-reġistrazzjoni tad-denominazzjoni “Međimursko meso 'z tiblice” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Il-Kummissjoni ma rċeviet l-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, u għalhekk id-denominazzjoni “Međimursko meso 'z tiblice” jenħtieġ li tiġi rreġistrata,

30.11.2017   

MT

Il-Ġurnal Uffiċjali tal-Unjoni Ewropea

L 314/3

(1)

Skont l-Artikolu 18(1) tad-Direttiva 2014/47/UE, f'każijiet fejn, fost affarijiet oħra, jiġu identifikati nuqqasijiet kbar jew perikolużi f'vettura li mhijiex irreġistrata fl-Istat Membru tal-ispezzjoni, il-punt ta' kuntatt għandu jinnotifika r-riżultati tal-ispezzjoni lill-punt ta' kuntatt tal-Istat Membru tar-reġistrazzjoni tal-vettura. In-notifika għandu jkun fiha l-elementi tar-rapport tal-ispezzjoni waqt it-traġitt kif stipulat fl-Anness IV tagħha, li jkollu jitfassal mill-ispettur mat-tlestija ta' spezzjoni aktar dettaljata b'konformità mal-Artikolu 16(2) tad-Direttiva 2014/47/UE.

(2)

Sabiex tkun faċilitata l-komunikazzjoni bejn il-punti ta' kuntatt nazzjonali, jeħtieġ li l-Kummissjoni tadotta regoli dettaljati għall-implimentazzjoni tal-proċedura ta' notifika.

(3)

B'konformità mal-Artikolu 18(1) tad-Direttiva 2014/47/UE, in-notifika għandha preferibbilment tiġi kkomunikata permezz tar-reġistru elettroniku nazzjonali kif imsemmi fl-Artikolu 16 tar-Regolament (KE) Nru 1071/2009 tal-Parlament Ewropew u tal-Kunsill (2).

(4)

L-Artikolu 16(2) tar-Regolament (KE) Nru 1071/2009 jispeċifika l-kontenut minimu obbligatorju tar-reġistri elettroniċi nazzjonali. Madankollu, l-elementi tar-rapport tal-ispezzjoni waqt it-traġitt kif stipulat fl-Anness IV tad-Direttiva 2014/47/UE ma jagħmlux parti minn dak il-kontenut minimu obbligatorju.

(5)

L-Artikolu 16(5) tar-Regolament (KE) Nru 1071/2009 jipprevedi li r-reġistri elettroniċi nazzjonali għandhom ikunu interkonnessi.

(6)

Minħabba l-kamp ta' applikazzjoni limitat tal-Artikolu 16(2) tar-Regolament (KE) Nru 1071/2009 u l-ambitu limitat li jirriżulta tar-Reġistri Ewropej tas-sistema tal-Impriżi tat-Trasport bit-Triq (ERRU), in-notifika stabbilita fl-Artikolu 18(1) tad-Direttiva 2014/47/UE ma tistax tiġi trażmessa permezz tar-reġistri elettroniċi nazzjonali bl-użu ta' dik is-sistema.

(7)

Madankollu, sabiex jiġu evitati piżijiet u spejjeż amministrattivi mhux meħtieġa, jenħtieġ li tintuża l-arkitettura tas-sistema tal-ERRU biex tiġi żviluppata s-sistema ta' messaġġi għan-notifika stipulata bl-Artikolu 18(1) tad-Direttiva 2014/47/UE.

(8)

Ir-regoli komuni għall-interkonnessjoni permezz tal-ERRU huma stabbiliti fir-Regolament tal-Kummissjoni (UE) Nru 1213/2010 (3).

(9)

Ir-Regolament ta' Implimentazzjoni tal-Kummissjoni (UE) 2016/480 (4) se jintroduċi xi emendi sinifikanti għall-funzjonalitajiet ġenerali tal-ERRU u se jissostitwixxi r-Regolament (UE) Nru 1213/2010 mit-30 ta' Jannar 2019. Is-sistema ta' messaġġi li tintuża għan-notifika tal-ispezzjoni waqt it-traġitt (RSI) se tissawwar fuq il-funzjonalitajiet ġenerali tal-ERRU.

(10)

Għalhekk, sabiex jiġu limitati l-piżijiet u l-proċeduri amministrattivi u biex tiġi żgurata l-koerenza, huwa meħtieġ li s-sistema ta' messaġġi li tintuża għan-notifiki wara RSI ssir applikabbli wkoll mit-30 ta' Jannar 2019.

(11)

Id-dispożizzjonijiet dwar il-protezzjoni tad-dejta personali, kif stipulati b'mod partikolari permezz tad-Direttiva 95/46/KE tal-Parlament Ewropew u tal-Kunsill (5), japplikaw għall-ipproċessar ta' kwalunkwe dejta personali skont id-Direttiva 2014/47/UE. B'mod partikolari, jenħtieġ li l-Istati Membri jimplimentaw miżuri xierqa ta' sigurtà sabiex jipprevjenu l-użu ħażin tad-dejta personali.

(12)

Meta applikabbli, id-dispożizzjonijiet dwar il-protezzjoni tad-dejta personali, kif stipulati bir-Regolament (KE) Nru 45/2001 tal-Parlament Ewropew u tal-Kunsill (6), japplikaw għall-ipproċessar ta' kwalunkwe dejta personali skont id-Direttiva 2014/47/UE.

(13)

Il-miżuri previsti f'dan ir-Regolament huma adottati skont l-opinjoni tal-Kumitat stabbilit bl-Artikolu 19(1) tad-Direttiva 2014/45/UE tal-Parlament Ewropew u tal-Kunsill (7),

(1)

“Messaġġ tal-RSI” tfisser il-messaġġ ta' notifika wara spezzjoni teknika aktar dettaljata waqt it-traġitt kif imsemmi fl-Artikolu 10(3) tad-Direttiva 2014/47/UE, mibgħut permezz tas-sistema tal-RSI jew permezz ta' netwerk sigur f'format strutturat kif stipulat fl-Anness ta' dan ir-Regolament.

(2)

“Rapport aktar dettaljat tal-RSI” tfisser id-dokument maħruġ wara spezzjoni aktar dettaljata waqt it-traġitt kif imsemmi fl-Artikolu 16(2) tad-Direttiva 2014/47/UE.

(3)

“Stat Membru tar-reġistrazzjoni” tfisser l-Istat Membru fejn hija rreġistrata l-vettura jew, f'każijiet fejn il-vettura ma tkunx soġġetta għal reġistrazzjoni skont il-leġiżlazzjoni nazzjonali, fejn din titqiegħed fis-servizz.

30.11.2017   

MT

Il-Ġurnal Uffiċjali tal-Unjoni Ewropea

L 314/12

(1)

F'Lulju 2005, permezz tar-Regolament (KE) Nru 1174/2005 (2), il-Kunsill impona dazju anti-dumping definittiv fuq importazzjonijiet ta' pallet trucks tal-idejn u l-partijiet essenzjali tagħhom (“pallet trucks tal-idejn”) li joriġinaw fir-Repubblika Popolari taċ-Ċina (“ir-RPĊ” jew “iċ-Ċina”). Il-miżuri kkonsistew f'dazju anti-dumping ad valorem li jvarja bejn 7,6 % u 46,7 % (“il-miżuri oriġinali”).

(2)

F'Lulju 2008, permezz tar-Regolament (KE) Nru 684/2008 (3), il-Kunsill, wara rieżami interim parzjali ex officio skont l-Artikolu 11(3) tar-Regolament bażiku, iċċara l-kamp ta' applikazzjoni tal-miżuri u eskluda mill-miżuri anti-dumping oriġinali ċerti prodotti, high lifters, stackers, scissor lifts u weighing trucks, li nstab li kienu distinti minn pallet trucks tal-idejn minħabba l-karatteristiċi u l-funzjonijiet tagħhom u l-użi finali speċifiċi tagħhom.

(3)

F'Ġunju 2009, skont ir-Regolament (KE) Nru 499/2009 (4), il-Kunsill, wara investigazzjoni kontra ċ-ċirkomvenzjoni skont l-Artikolu 13 tar-Regolament bażiku, estenda d-dazju anti-dumping definittiv applikabbli “għall-kumpaniji l-oħra kollha” impost mir-Regolament (KE) Nru 1174/2005 għal pallet trucks tal-idejn ikkonsenjati mit-Tajlandja, kemm jekk ġew iddikjarati li joriġinaw fit-Tajlandja, kif ukoll jekk le.

(4)

F'Ottubru 2011, permezz tar-Regolament ta' Implimentazzjoni (UE) Nru 1008/2011 (5), il-Kunsill, wara rieżami ta' skadenza skont l-Artikolu 11(2) tar-Regolament bażiku, impona dazju anti-dumping definittiv fuq importazzjonijiet ta' pallet trucks tal-idejn li joriġinaw fir-RPĊ.

(5)

F'April 2013, permezz tar-Regolament ta' Implimentazzjoni tal-Kunsill (UE) Nru 372/2013 (6), il-Kunsill, wara rieżami interim skont l-Artikolu 11(3) tar-Regolament bażiku, emenda r-Regolament (UE) Nru 1008/2011, u impona rata ta' dazju ta' 70,8 % applikabbli għall-importazzjonijiet kollha fl-Unjoni ta' pallet trucks tal-idejn li joriġinaw fir-RPĊ.

(6)

F'Settembru 2014, permezz tar-Regolament ta' Implimentazzjoni (UE) Nru 946/2014 (7), il-Kummissjoni, wara rieżami ta' esportatur ġdid skont l-Artikolu 11(4) tar-Regolament bażiku, emendat ir-Regolament (UE) Nru 1008/2011 li jimponi rata' ta' dazju individwali ta' 54,1 % fuq importazzjonijiet ta' pallet trucks tal-idejn minn Ningbo Logitrans Handling Equipment Co.

(7)

F'Awwissu 2016. permezz tar-Regolament ta' Implimentazzjoni (UE) 2016/1346 (8), il-Kummissjoni, wara investigazzjoni kontra ċ-ċirkomvenzjoni skont l-Artikolu 13 tar-Regolament bażiku, estendiet id-dazji anti-dumping definittivi fis-seħħ għal importazzjonijiet ta' pallet trucks tal-idejn kemm kemm immodifikati li jinkorporaw sistema ta' indikazzjoni tal-piż mhux integrata fix-xażi (il-frieket) li joriġinaw fir-RPĊ.

(8)

Il-miżuri li bħalissa qegħdin fis-seħħ huma dazju anti-dumping definittiv fuq l-importazzjoni ta' pallet trucks tal-idejn u l-partijiet essenzjali tagħhom li joriġinaw fir-RPĊ li jikkonsistu f'dazju ad valorem stabbilit għal 70,8 %.

(9)

Wara l-pubblikazzjoni ta' avviż dwar l-iskadenza imminenti (9) tal-miżuri anti-dumping fis-seħħ, il-Kummissjoni rċeviet talba għat-tnedija ta' rieżami ta' skadenza tal-miżuri fis-seħħ kontra r-RPĊ skont l-Artikolu 11(2) tar-Regolament bażiku.

(10)

It-talba tressqet minn żewġ produtturi tal-Unjoni, Toyota Material Handling Manufacturing Sweden AB u PR Industrial S.r.l. (“l-applikanti”), li jirrappreżentaw aktar minn 25 % tal-produzzjoni totali tal-Unjoni ta' pallet trucks tal-idejn u l-partijiet essenzjali tagħhom.

(11)

It-talba kienet imsejsa fuq ir-raġuni li l-iskadenza tal-miżuri x'aktarx twassal għal kontinwazzjoni ta' dumping u għal kontinwazzjoni ta' ħsara għall-industrija tal-Unjoni.

(12)

Billi ddeterminat, wara li kkonsultat mal-Kumitat stabbilit bl-Artikolu 15(1) tar-Regolament bażiku, li kien hemm biżżejjed evidenza għall-bidu ta' rieżami ta' skadenza, fit-12 ta' Ottubru 2016 il-Kummissjoni ħabbret, permezz ta' avviż ippubblikat f'Il-Ġurnal Uffiċjali tal-Unjoni Ewropea (10) (“Notifika ta' Bidu”), il-bidu ta' rieżami ta' skadenza skont l-Artikolu 11(2) tar-Regolament bażiku.

(13)

Fid-19 ta' Lulju 2017, permezz tar-Regolament ta' Implimentazzjoni (UE) 2017/1348 (11), il-Kummissjoni tat bidu għal investigazzjoni dwar iċ-ċirkomvenzjoni possibbli tal-miżuri anti-dumping fis-seħħ minn importazzjonijiet ta' pallet trucks tal-idejn u l-partijiet essenzjali tagħhom ikkonsenjati mill-Vjetnam, kemm jekk iddikjarati li joriġinaw fil-Vjetnam kif ukoll jekk le, skont l-Artikolu 13 tar-Regolament Bażiku.

(14)

Fin-Notifiki ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni għarrfet speċifikament lill-applikanti, lill-produtturi l-oħra magħrufa tal-Unjoni, lill-produtturi esportaturi, lill-awtoritajiet Ċiniżi, lill-importaturi u lill-utenti magħrufa dwar il-bidu tal-investigazzjoni u stednithom jipparteċipaw.

(15)

Il-partijiet interessati kellhom l-opportunità li jressqu l-opinjonijiet tagħhom u li jitolbu smigħ mal-Kummissjoni u/jew mal-Uffiċjal tas-Seduta fi proċedimenti kummerċjali sal-limitu ta' żmien stipulat fin-Notifika ta' Bidu.

(16)

Fin-Notifika ta' Bidu, il-Kummissjoni infurmat lill-partijiet interessati li hi kkunsidrat lill-Brażil bħala pajjiż terz bl-ekonomija tas-suq (“pajjiż analogu”) skont it-tifsira tal-Artikolu 2(7)(a) tar-Regolament bażiku. Il-partijiet interessati kellhom l-opportunità li jikkummentaw dwar din l-għażla. Ma ġie rċevut l-ebda kumment.

(17)

Il-Kummissjoni kkuntattjat lill-awtoritajiet Brażiljani u informat liż-żewġ produtturi magħrufin tal-pallet trucks tal-idejn fil-Brażil dwar il-bidu u stednithom jipparteċipaw. Wieħed mill-produtturi fil-Brażil kien lest li jikkoopera. L-ebda produttur ieħor magħruf, u l-ebda produttur ieħor Brażiljan, ma wieġeb.

(18)

Il-Kummissjoni fittxet ukoll il-kooperazzjoni ta' produtturi magħrufa f'pajjiżi analogi potenzjali oħra u kkuntattjat lill-awtoritajiet rilevanti fil-Kambodja, fl-Indja, fil-Malasja, fit-Tajwan, fit-Turkija u fl-Istati Uniti u stednithom jipprovdu l-ismijiet u l-indirizzi ta' assoċjazzjonijiet ta' produtturi u produtturi li huma magħrufa li jipproduċu u jbigħu pallet trucks tal-idejn fis-suq tagħhom. Madankollu, l-ebda wieħed mill-pajjiżi li ġew ikkuntattjati ma pprovda tali informazzjoni u l-ebda produttur minn dawn il-pajjiżi ma kien lest jikkoopera.

(19)

Kif imsemmi fil-premessa 17 ta' hawn fuq, ġiet riċevuta kooperazzjoni biss mill-Brażil fejn instab li wieħed miż-żewġ produtturi l-kbar fil-pajjiż kien lest li jikkoopera. Fi kwalunwke każ, wara eżaminazzjoni ulterjuri tal-informazzjoni tas-suq disponibbli, il-Brażil hu meqjus pajjiż analogu xieraq anki minħabba s-suq kompetittiv tiegħu. L-eżistenza ta' kompetizzjoni ġenwina hi mixhuda mill-preżenza ta' mill-inqas żewġ produtturi domestiċi u mill-fatti dwar l-importazzjonijiet. Il-Brażil ma għandux miżuri anti-dumping fis-seħħ u minkejja dazju normali tal-importazzjoni tal-MFN ta' 14 %, is-suq Brażiljan tqies li hu miftuħ għall-importazzjonijiet, kif turi data disponibbli għall-pubbliku mill-ITC dwar l-importazzjonijiet (12) għas-snin mill-2012 sal-2016. L-investigazzjoni ma żvelat l-ebda indikazzjoni li l-Brażil ma jkunx għażla xierqa meta titqies is-sitwazzjoni kompetittiva tas-suq tiegħu. Għalhekk, il-Brażil intgħażel bħala pajjiż analogu.

(20)

Fin-Notifika ta' Bidu tagħha, il-Kummissjoni ddikjarat li jaf tieħu kampjun tal-partijiet interessati skont l-Artikolu 17 tar-Regolament bażiku.

(21)

Minħabba għadd potenzjalment kbir ta' produtturi esportaturi fir-RPĊ, fin-Notifika ta' Bidu kien previst kampjunar.

(22)

Sabiex jiġi deċiż jekk ikunx meħtieġ kampjunar u, jekk dan ikun il-każ, sabiex jintgħażel kampjun, il-produtturi esportaturi fir-RPĊ intalbu jippreżentaw ruħhom fi żmien 15-il jum mill-bidu tar-rieżami u jipprovdu l-informazzjoni mitluba fin-Notifika ta' bidu lill-Kummissjoni. Madankollu, ħadd minn dawn il-produtturi esportaturi ma ppreżenta ruħu. Għalhekk, il-kampjunar ma kienx meħtieġ.

(23)

Minħabba l-għadd apparentament kbir ta' importaturi mhux relatati tqies xieraq li, skont l-Artikolu 17 tar-Regolament bażiku jiġi eżaminat jekk jenħtieġx li jintuża l-kampjunar. Sabiex il-Kummissjoni tkun tista' tiddeċiedi jekk ikunx meħtieġ li jittieħdu kampjuni u, jekk dan ikun il-każ, tagħżel kampjun, il-partijiet imsemmija hawn fuq intalbu jippreżentaw ruħhom fi żmien 15-il jum mill-bidu tar-rieżami u jipprovdu l-informazzjoni mitluba fin-Notifika ta' bidu lill-Kummissjoni. Madankollu, l-ebda importatur mhux relatat ma ppreżenta ruħu biex jikkoopera. Għalhekk, il-kampjunar ma kienx meħtieġ.

(24)

Fin-Notifika ta' Bidu, il-Kummissjoni ħabbret li hi kienet għażlet proviżorjament kampjun tal-produtturi tal-Unjoni. Skont it-talba għal rieżami, fl-Unjoni hemm sitt produtturi ta' pallet trucks tal-idejn. Ħames produtturi tal-Unjoni ppreżentaw ruħhom fil-kuntest tal-eżerċizzju eżistenti. Produttur addizzjonali wieħed tal-Unjoni kien magħruf fiż-żmien tal-bidu. Dawn is-sitt produtturi tal-Unjoni jirrappreżentaw il-produzzjoni kollha tal-Unjoni. Il-Kummissjoni kellha l-għan li tinvestiga s-sitt produtturi kollha u ma ġie applikat l-ebda kampjunar. Il-Kummissjoni informat lill-partijiet interessati kollha b'dan u stednithom jikkummentaw. Ma ġie rċevut l-ebda kumment qabel l-iskadenza.

(25)

Intbagħtu kwestjonarji lis-sitt produtturi magħrufa tal-Unjoni u liż-żewġ produtturi tal-pallet trucks tal-idejn fil-Brażil. Il-Kummissjoni rċeviet tweġibiet għall-kwestjonarju mingħand ħames produtturi tal-Unjoni u mingħand produttur wieħed tal-pallet trucks tal-idejn fil-Brażil.

(26)

L-ebda wieħed mill-utenti ma bagħat lill-Kummissjoni xi informazzjoni jew għamel lilu nnifsu magħruf matul l-investigazzjoni.

(27)

Il-Kummissjoni fittxet u vverifikat l-informazzjoni kollha li qieset li kienet meħtieġa biex tiddettermina l-probabbiltà ta' kontinwazzjoni ta' dumping u ta' ħsara li tirriżulta u tal-interess tal-Unjoni. Żjarat ta' verifika skont l-Artikolu 16 tar-Regolament bażiku saru fil-bini tal-kumpaniji li ġejjin:

(28)

L-investigazzjoni tad-dumping u tad-dannu kopriet il-perjodu bejn l-1 ta' Ottubru 2015 u t-30 ta' Settembru 2016 (“il-perjodu ta' investigazzjoni tar-rieżami” jew “PIR”). L-eżaminar tat-tendenzi rilevanti għall-valutazzjoni tad-dannu kopra l-perjodu mill-1 ta' Jannar 2013 sat-tmiem tal-perjodu ta' investigazzjoni (“il-perjodu taħt kunsiderazzjoni”).

(29)

Il-prodott suġġett għal dan ir-rieżami huwa pallet trucks tal-idejn u l-partijiet essenzjali tagħhom, jiġifieri x-xażì u l-idrawlika, li bħalissa jinsabu fil-kodiċijiet NM eks 8427 90 00 (il-kodiċijiet TARIC 8427900011, 8427900013 u 8427900019) u eks 8431 20 00 (il-kodiċijiet TARIC 8431200011, 8431200013 u 8431200019), li joriġinaw fir-Repubblika tal-Poplu taċ-Ċina. Il-miżuri anti-dumping fir-rigward ta' dan il-prodott ġew estiżi għall-istess prodott iżda ġew ippreżentati fl-importazzjoni b'hekk-imsejħa “sistema ta' indikazzjoni tal-piż” li tikkonsisti f'mekkaniżmu tal-użin mhux integrat fix-xażì, jiġifieri mhux integrat fil-frieket, li bħalissa jaqa' fil-kodiċijiet TARIC 8427900030 u 8431200050 (“il-prodott taħt rieżami”). Id-definizzjoni tal-prodott ta' hawn fuq ġiet aġġornata skont ir-rettifika għar-Regolament ta' Implimentazzjoni tal-Kummissjoni (UE) 2016/1346 tat-8 ta' Awwissu 2016 (13).

(30)

L-investigazzjoni kkonfermat li, bħal fl-investigazzjoni oriġinali, il-prodott taħt rieżami u l-prodotti mmanifatturati u mibjugħin fis-suq domestiku fir-RPĊ, il-prodotti mmanifatturati u mibjugħin fis-suq tal-pajjiż analogu, kif ukoll dawk immanifatturati u mibjugħin fl-Unjoni mill-produtturi tal-Unjoni, għandhom l-istess karatteristiċi fiżiċi u tekniċi bażiċi kif ukoll l-istess użi u huma, għalhekk, meqjusin bħala prodotti simili skont it-tifsira tal-Artikolu 1(4) tar-Regolament bażiku.

(31)

Skont l-Artikolu 11(2) tar-Regolament bażiku, ġie eżaminat jekk kienx qed iseħħ dumping matul il-perjodu ta' investigazzjoni tar-rieżami u jekk l-iskadenza tal-miżuri eżistenti hijiex probabbli li twassal għal kontinwazzjoni jew għal rikorrenza ta' dumping.

(32)

Kif imsemmi fil-premessa 22, l-ebda produttur esportatur Ċiniż ma kkoopera f'din l-investigazzjoni. Għalhekk, il-Kummissjoni infurmat lill-awtoritajiet Ċiniżi li skont l-Artikolu 18 tar-Regolament bażiku, il-fatti disponibbli jistgħu jintużaw fir-rigward tal-produttur esportatur Ċiniż sabiex jiġi ddeterminat jekk hemmx dumping fil-preżent u l-probabbiltà ta' kontinwazzjoni jew rikorrenza tad-dumping. Il-Kummissjoni ma rċeviet l-ebda kumment jew talba għal intervent tal-Uffiċjal tas-Seduta mingħand l-awtoritajiet Ċiniżi f'dan ir-rigward.

(33)

Abbażi ta' dan, f'konformità mal-Artikolu 18(1) tar-Regolament bażiku, is-sejbiet fir-rigward tal-eżistenza tad-dumping u tal-probabbiltà ta' kontinwazzjoni jew ta' rikorrenza ta' dumping stabbiliti hawn taħt kienu bbażati fuq il-fatti disponibbli, b'mod partikolari:

(34)

Produttur esportatur wieħed ingħata trattament ta' ekonomija tas-suq (“TES”) fir-rieżami ta' esportatur ġdid skont l-Artikolu 11(4) tar-Regolament bażiku msemmi fil-premessa 7. Minħabba n-nuqqas ta' kooperazzjoni tiegħu, skont l-Artikolu 18 tar-Regolament bażiku, il-valur normali għal dan il-produttur esportatur għalhekk kien ibbażat fuq il-fatti disponibbli.

(35)

Il-valur normali ġie stabbilit abbażi tal-prezz tal-esportazzjonijiet lejn pajjiż terz xieraq li tnaqqsu għal livell ta' kif il-prodott joħroġ mill-fabbriki Ċiniżi. F'dan il-każ intużat id-data dwar l-importazzjonijiet ta' pallet trucks tal-idejn li joriġinaw fiċ-Ċina għal ġol-Istati Uniti (14). Fl-2016 ġew impurtati madwar 424 000 pallet trucks tal-idejn fl-Istati Uniti li joriġinaw fir-RPĊ f'valur ta' madwar US$ 76,115 miljun. Il-prezz mill-fabbrika ġie kkalkulat wara li ġiet applikata r-rata tal-kambju medja tal-EURO għall-istess sena u wara li tnaqqas l-istess livell ta' aġġustamenti għall-ġarr tal-merkanzija bil-baħar (5,5 %), għall-assigurazzjoni fuq it-trasport bil-baħar (0,05 %) u għall-ġarr tal-merkanzija fuq l-art (1,67 %) kif użati fis-sejbiet tar-rieżami interim parzjali msemmi fil-premessa 5.

(36)

Fil-kuntest ta' dan ir-rieżami ta' skadenza, din ġiet ikkunsidrata bħala l-aktar metodoloġija raġonevoli minħabba n-nuqqas ta' informazzjoni oħra disponibbli minħabba n-nuqqas ta' kooperazzjoni.

(37)

Il-prezz tal-esportazzjoni għal dan il-produttur esportatur ġie bbażat fuq l-importazzjonijiet tiegħu fl-Unjoni tal-prodott taħt rieżami matul il-perjodu ta' investigazzjoni tar-reviżjoni kif irreġistrat fil-bażi tad-data tal-Artikolu 14(6).

(38)

Il-Kummissjoni qabblet il-valur normali u l-prezz tal-esportazzjoni stabbiliti fuq bażi ta' kif joħorġu mill-fabbrika. Għall-iskop ta' tqabbil ġust, il-prezz tal-esportazzjoni u l-valur normali ġew aġġustati għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku. Saru aġġustamenti għall-ġarr tal-merkanzija bil-baħar, għall-kostijiet tal-immaniġġar u għall-ġarr tal-merkanzija fuq l-art msejsa fuq l-informazzjoni użata fis-sejbiet tar-rieżami interim parzjali msemmija fil-premessa 5 skont l-Artikolu 18 tar-Regolament bażiku.

(39)

Il-Kummissjoni qabblet il-valur normali medju ponderat mal-prezz tal-esportazzjoni medju ponderat kif stabbilit hawn fuq skont l-Artikolu 2(11) u (12) tar-Regolament bażiku.

(40)

Abbażi ta' dan, il-marġni medju ponderat ta' dumping espress bħala perċentwal tal-prezz CIF fil-fruntiera tal-Unjoni, fejn id-dazju mhux imħallas kien ta' 5,7 % għal Ningbo Logitrans Handling Equipment Co.

(41)

Għal dawk il-produtturi esportaturi Ċiniżi li ma ngħatawx TES fl-investigazzjoni oriġinali, jenħtieġ li l-valur normali jiġi stabbilit skont l-Artikolu 2(7)(a) tar-Regolament bażiku, jiġifieri fuq il-bażi tal-prezz jew tal-valur maħdum f'pajjiż terz bl-ekonomija tas-suq (“il-pajjiż analogu”).

(42)

Kif spjegat fil-premessi 16 sa 18, il-Brażil intgħażel bħala pajjiż analogu u produttur wieħed fil-Brażil ikkoopera fl-investigazzjoni. Il-valur normali f'dan ir-rigward ġie stabbilit abbażi tal-prezz mill-fabbrika għall-bejgħ ta' pallet trucks tal-idejn fil-pajjiż analogu, li jirrappreżentaw aktar minn 20 % tal-bejgħ totali, u nbena fil-każijiet l-oħra kollha skont l-Artikolu 2(7)(a) tar-Regolament bażiku.

(43)

Minħabba n-nuqqas ta' kooperazzjoni mill-produtturi esportaturi Ċiniżi, il-prezzijiet tal-esportazzjoni ġew stabbiliti skont l-Artikolu 18 tar-Regolament bażiku abbażi tal-bażi tad-data tal-Artikolu 14(6) għall-importazzjonijiet li saru fl-Unjoni matul il-perjodu ta' investigazzjoni tar-rieżami. B'mod partikolari, kif imsemmi fil-Premessa 70 il-prezzijiet tal-importazzjoni ntużaw biex jiġi kkalkulat il-prezz tal-esportazzjoni waqt il-PIR billi jnaqqas minn dawn il-prezzijiet tal-importazzjoni l-istess livell ta' aġġustamenti għall-merkanzija fuq il-baħar, għall-kostijiet tal-immaniġġar u għall-ġarr tal-merkanzija fuq l-art bħalma ntużaw fis-sejbiet tar-rieżami interim parzjali msemmija fil-premessa 5.

(44)

Il-Kummissjoni qabblet il-valur normali u l-prezz tal-esportazzjoni stabbiliti fuq bażi ta' kif joħorġu mill-fabbrika. Fejn dan kien iġġustifikat għall-iskop ta' tqabbil ġust, il-prezz tal-esportazzjoni u l-valur normali ġew aġġustati għad-differenzi li jaffettwaw il-prezzijiet u t-tqabbil tal-prezzijiet skont l-Artikolu 2(10) tar-Regolament bażiku. Saru aġġustamenti għall-ġarr tal-merkanzija bil-baħar, għall-kostijiet tal-immaniġġar u għall-ġarr tal-merkanzija fuq l-art msejsa fuq l-informazzjoni użata fis-sejbiet tar-rieżami interim parzjali msemmija fil-premessa 5 skont l-Artikolu 18 tar-Regolament bażiku.

(45)

Il-Kummissjoni qabblet il-valur normali medju ponderat mal-prezz tal-esportazzjoni medju ponderat kif stabbilit hawn fuq skont l-Artikolu 2(11) u (12) tar-Regolament bażiku.

(46)

Abbażi ta' dan, il-marġni medju ponderat ta' dumping iddikjarat bħala perċentwal tal-prezz tal-kost, l-assigurazzjoni u l-ġarr (cost, insurance, freight, CIF) fil-fruntiera tal-Unjoni, bid-dazju mhux imħallas kien ta' 29,2 % għall-produtturi kollha tar-RPĊ li ma ngħatawx trattament ta' ekonomija tas-suq waqt l-investigazzjoni oriġinali.

(47)

Wara li rriżulta dumping matul il-perjodu ta' investigazzjoni tar-rieżami, il-Kummissjoni analizzat jekk kienx hemm probabbiltà ta' kontinwazzjoni ta' dumping fil-każ li jitħassru l-miżuri. Ġew analizzati l-elementi li ġejjin: il-kapaċità tal-produzzjoni u l-kapaċità ta' riżerva fir-RPĊ, l-imġiba tal-esportaturi Ċiniżi f'pajjiżi terzi oħrajn u kemm hu attraenti s-suq tal-Unjoni.

(48)

Minħabba n-nuqqas ta' konformità tal-prodotturi esportaturi Ċiniżi, skont l-Artikolu 18 tar-Regolament bażiku, is-sejbiet fir-rigward tal-probabbiltà ta' rikorrenza ta' dumping stabbiliti hawn taħt kienu bbażati fuq il-fatti disponibbli, jiġifieri s-sorsi msemmija fil-premessa 22.

(49)

Fir-rigward tal-produzzjoni u tal-kapaċità tal-produzzjoni fiċ-Ċina, fin-nuqqas ta' sorsi oħra ta' informazzjoni, l-analiżi saret abbażi tad-data li ġiet ippreżentata waqt l-investigazzjoni mill-applikanti għall-akbar 22 produttur Ċiniż.

(50)

Abbażi ta' dan, il-kapaċità tal-produzzjoni fiċ-Ċina ġiet stmata li mill-inqas hi 2,5 miljun unità fis-sena, il-produzzjoni attwali madwar 2,0 miljun unità fis-sena u, bħala riżultat, il-kapaċità ta' riżerva Ċiniża ġiet stmata li mill-inqas hi nofs miljun unità fis-sena. Madankollu, din hi stima konservattiva peress li skont l-applikanti hemm 34 kumpanija Ċiniża magħrufa addizzjonali li qed jimmanifatturaw pallet trucks tal-idejn fiċ-Ċina fuq skala iżgħar.

(51)

Din il-kapaċità ta' riżerva stmata tikkorrispondi għal madwar 100 % tal-konsum annwali totali medju tas-suq tal-Unjoni mill-2014 sal-2016. Peress li ma hemmx evidenza li turi bil-kontra, il-Kummissjoni aċċettat din l-istima bħala waħda raġonevoli.

(52)

Rigward l-imġiba taċ-Ċina fl-esportazzjoni lejn pajjiżi terzi oħrajn, ma hemm l-ebda statistika disponibbli dwar il-prodott taħt rieżami waħdu. Il-kodiċijiet rilevanti tal-prodotti tal-bażi tad-data tal-Istatistika Ċiniża dwar l-Esportazzjonijiet jinkludu wkoll prodotti oħrajn, jiġifieri “Trakkijiet mgħammra b'tagħmir għall-irfigħ jew għat-tqandil, mhux motorizzati”, li għandhom prezz ta' unità ogħla minn pallet trucks tal-idejn, li jżid il-prezz medju tal-esportazzjoni.

(53)

It-talba għal rieżami ma tipprovdix data. Il-bażi tad-data tal-Istatistika Ċiniża dwar l-Esportazzjonijiet tista' tintuża bħala indikatur li jagħti idea approssimattiva tat-tendenzi tal-volumi tal-esportazzjonijiet, madankollu bil-limitazzjoni enfasizzati hawn fuq fil-premessa 52 (15). Abbażi ta' dan, ġie stabbilit li l-volumi tal-esportazzjonijiet baqgħu sinifikanti u relattivament stabbli mill-2014 sal-2016.

(54)

Skont il-bażi tad-data Ċiniża dwar l-esportazzjonijiet, fil-PIR, il-prezz medju tal-bejgħ fl-UE kien EUR 221/unità filwaqt li fi swieq ta' pajjiżi terzi oħra ammonta biss għal EUR 162/unità. Għall-istess raġunijiet deskritti hawn fuq fil-premessa 52, jenħtieġ li jiġi mfakkar li l-livell tal-prezz f'pajjiżi terzi oħra tal-prodott taħt rieżami fir-realtà hu saħansitra iktar baxx.

(55)

Fir-rigward tal-konsum domestiku fiċ-Ċina, it-talba indikat li dan hu ta' madwar nofs miljun unità fis-sena. Madankollu, meta jitqies in-nuqqas ta' kooperazzjoni u ta' data oħra, ma hemm l-ebda indikazzjoni ulterjuri dwar il-possibbiltà li ċ-Ċina tassorbi xi kapaċità ta' riżerva fil-futur. Madankollu, is-suq tal-Unjoni hu mistenni li jattira l-prodott taħt rieżami, kif diskuss hawn taħt fil-premessi 56 u 57.

(56)

Is-suq tal-Unjoni dejjem kien attraenti għall-produtturi esportaturi Ċiniżi ta' pallet trucks tal-idejn. Dan jintwera mill-preżenza kontinwa tagħhom li tmur lura għall-investigazzjoni oriġinali kif ukoll mill-isforzi li saru biex il-miżuri fis-seħħ fil-passat jiġu evitati permezz tat-Tajlandja, kif imsemmi fil-premessa 3 u permezz ta' modifika żgħira tal-prodott imsemmi fil-premessa 7.

(57)

Barra minn hekk, l-attraenza tas-suq tal-Unjoni tiġi kkonfermata mill-fatti li l-produtturi esportaturi Ċiniżi jistgħu jiksbu prezzijiet ogħla fis-suq tal-Unjoni meta mqabbla mal-prezzijiet li jiksbu bħala medja fis-swieq ta' pajjiżi terzi oħrajn, kif imsemmi fil-premessa 54.

(58)

Abbażi ta' dak ta' hawn fuq, il-Kummissjoni kkunsidrat li jekk il-miżuri jitħassru, hemm probabbiltà kbira ta' kontinwazzjoni ta' dumping. Fil-fatti, abbażi tal-marġnijiet ta' dumping li nstabu waqt il-PIR għal importazzjonijiet fis-suq tal-Unjoni, aktarx l-importazzjonijiet miċ-Ċina ser ikomplu jsiru bi prezzijiet ta' dumping. Barra minn dan, meta titqies il-kapaċità tal-produzzjoni u l-kapaċità ta' riżerva sinifikanti disponibbli fiċ-Ċina, anki jekk ma hemm l-ebda indikazzjoni dwar il-kapaċità tal-assorbiment, u meta titqies l-attraenza tas-suq tal-Unjoni, aktarx dawn l-importazzjonijiet ser ikomplu jidħlu fis-suq tal-Unjoni fi kwantitajiet kbar li aktarx ikomplu jiżdiedu b'mod sinifikanti, f'każ li l-miżuri jitħallew jiskadu.

(59)

Il-prodott simili kien immanifatturat minn sitt produtturi fl-Unjoni matul il-perjodu tal-investigazzjoni ta' rieżami. Huma jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku.

(60)

Ħames produtturi tal-Unjoni biss wieġbu għall-kwestjonarju. Is-sitt produttur tal-Unjoni kien lest jikkoopera iżda ma weġibx għall-kwestjonarju. Dan jirrappreżenta 2 % tal-produzzjoni totali tal-Unjoni. Għaldaqstant, il-Kummissjoni tista' tibbaża s-sejbiet tagħha fuq ħames produtturi li jirrappreżentaw 98 % tal-produzzjoni totali tal-Unjoni, kif ukoll fuq l-istima tas-sitt produttur abbażi tal-informazzjoni li ngħatat waqt l-eżerċizzju eżistenti.

(61)

Il-Kummissjoni stabbiliet il-konsum tal-Unjoni abbażi tal-volumi tal-bejgħ tal-industrija tal-Unjoni fis-suq tal-Unjoni u d-data tal-importazzjoni mill-Eurostat.

(62)

Il-bejgħ totali tal-industrija tal-Unjoni nkiseb abbażi tat-tweġibiet għall-kwestjonarju tal-ħames produtturi tal-Unjoni u stima għas-sitt kumpanija, abbażi tas-sehem tagħha mis-suq.

(63)

Abbażi ta' dan, il-konsum tal-Unjoni żviluppa kif ġej:

Tabella 1

Konsum tal-Unjoni

(64)

Mill-2013 sal-PIR, il-konsum tal-Unjoni żdied b'46 %. Dan wera tnaqqis mill-2014 sal-2015, iżda reġa' żdied għal livelli simili għal dawk fl-2014 matul il-PIR.

(65)

Fin-nuqqas ta' kooperazzjoni ta' kwalunkwe produttur esportatur Ċiniż, il-Kummissjoni użat l-istatistika disponibbli fil-Eurostat sabiex tistabbilixxi l-volum u l-prezzijiet tal-importazzjonijiet mir-RPĊ lejn l-Unjoni f'dan il-perjodu taħt kunsiderazzjoni.

(66)

L-importazzjonijiet fl-Unjoni mill-pajjiż ikkonċernat u s-sehem mis-suq żviluppaw kif ġej:

Tabella 2

Volum tal-importazzjoni u sehem mis-suq

(67)

Fil-perjodu taħt kunsiderazzjoni, il-volumi tal-importazzjoni miċ-Ċina naqsu b'64 %, Dan it-tnaqqis seħħ primarjament bejn l-2013 u l-2015, filwaqt li l-livelli tal-importazzjoni waqt il-PIR kienu f'livelli simili għal dawk fl-2015.

(68)

Dan it-tnaqqis irid jitqies fid-dawl taż-żieda tad-dazju anti-dumping (minn 46,7 % għal 70,8 %) li seħħ fl-2013 wara r-rieżami interim imsemmi fil-premessa 5.

(69)

Matul il-perjodu taħt kunsiderazzjoni, is-sehem Ċiniż mis-suq naqas minn 66 % għal 16 %, tnaqqis globali ta' 50 punt perċentwali (jew 75 %).

(70)

Il-prezz medju ponderat tal-importazzjonijiet fl-Unjoni mill-pajjiżi kkonċernati żviluppa hekk:

Tabella 3

Prezzijiet tal-importazzjonijiet

(71)

Il-prezzijiet tal-importazzjonijiet miċ-Ċina żdiedu kontinwament matul il-perjodu taħt kunsiderazzjoni u bi 32 % b'kollox bejn l-2013 u l-PIR.

(72)

Fin-nuqqas ta' kooperazzjoni minn kwalunkwe produttur esportatur Ċiniż soġġett għal din l-investigazzjoni, il-Kummissjoni ddeterminat it-twaqqigħ tal-prezzijiet matul il-perjodu ta' rieżami billi qabblet:

(73)

Abbażi ta' dan, fil-PIR, il-prezzijiet tal-importazzjonijiet Ċiniżi kienu qed iwaqqgħu l-prezzijiet tal-industrija tal-Unjoni b'1,9 % (jew 41 %, meta jiġu kkunsidrati l-prezzijiet tal-importazzjonijiet Ċiniżi mingħajr dazji anti-dumping).

(74)

Il-volum tal-importazzjonijiet fl-Unjoni minn pajjiżi terzi għajr il-pajjiż ikkonċernat jidher fit-tabella ta' hawn taħt. It-tendenzi tal-kwantità u tal-prezzijiet huma bbażati fuq il-Eurostat. Abbażi ta' dan, l-importazzjonijiet minn pajjiżi terzi lejn l-Unjoni żviluppaw kif ġej:

Tabella 4

Volumi tal-importazzjonijiet, sehem mis-suq u prezzijiet minn pajjiżi terzi oħrajn

(75)

Il-volumi tal-importazzjonijiet minn swieq ta' pajjiżi terzi żdiedu b'mod sinifikanti (għaddew minn 16 643 fl-2013 għal 258 217-il unità fil-PIR) matul il-perjodu taħt kunsiderazzjoni. Matul il-PIR, is-sehem mis-suq ikkombinat tagħhom laħaq id-49 %. Din iż-żieda jenħtieġ li titqies fid-dawl tat-telf tas-sehem mis-suq tal-importazzjonijiet Ċiniżi (– 75 %) diskuss fil-premessa 69.

(76)

Il-prezz medju tal-importazzjonijiet minn pajjiżi terzi żdied bi 13 % bejn l-2013 u l-PIR.

(77)

Minn dawn l-importazzjonijiet, il-volumi mill-Malasja żdiedu ħafna matul il-perjodu taħt kunsiderazzjoni u s-sehem mis-suq tagħhom tela' minn 1 % fl-2013 għal 34 % fil-PIR. Il-prezzijiet tal-importazzjonijiet mill-Malasja żdiedu b'27 % matul il-perjodu taħt kunsiderazzjoni. Fil-PIR kienu fuq medja 3 % inqas mill-prezzijiet Ċiniżi (mingħajr dazji anti-dumping) u 13 % inqas mill-prezzijiet tal-industrija tal-Unjoni.

(78)

Bl-istess mod, il-volumi tal-importazzjonijiet mill-Vjetnam żdiedu b'mod sinifikanti u s-sehem mis-suq tagħhom żdied minn 2 % għal 11 % bejn l-2013 u l-PIR. Il-prezzijiet tal-importazzjonijiet mill-Vjetnam żdiedu b'21 % matul il-perjodu taħt kunsiderazzjoni. Fil-PIR kienu fuq medja 12 % inqas mill-prezzijiet Ċiniżi (mingħajr dazji anti-dumping) u 22 % inqas mill-prezzijiet tal-industrija tal-Unjoni.

(79)

F'konformità mal-Artikolu 3(5) tar-Regolament bażiku, l-eżami tal-impatt li għandhom l-importazzjonijiet li huma l-oġġett ta' dumping fuq l-industrija tal-Unjoni kien jinkludi evalwazzjoni tal-indikaturi ekonomiċi kollha li kellhom effett fuq l-istat tal-industrija tal-Unjoni matul il-perjodu taħt kunsiderazzjoni.

(80)

Għad-determinazzjoni tad-dannu, il-Kummissjoni għamlet distinzjoni bejn l-indikaturi makroekonomiċi u mikroekonomiċi tad-dannu. Il-Kummissjoni evalwat l-indikaturi makroekonomiċi abbażi ta' data li tinsab fit-tweġibiet għall-kwestjonarju u għamlet stima għas-sitt produttur abbażi tal-informazzjoni li ngħatat fl-eżerċizzju eżistenti. Il-Kummissjoni evalwat l-indikaturi mikroekonomiċi abbażi ta' data li tinsab fil-kwestjonarji tal-ħames produtturi tal-Unjoni li pprovdew tweġiba.

(81)

L-indikaturi makroekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, it-tkabbir, l-impiegi, il-produttività u l-kobor tal-marġini tad-dumping u l-irkupru minn dumping fil-passat.

(82)

L-indikaturi mikroekonomiċi huma: il-prezzijiet medji ta' unità, il-kost unitarju medju, il-kostijiet lavorattivi, l-inventarji, il-profittabbiltà, il-fluss tal-flus, l-investimenti, ir-redditu fuq l-investiment, u l-kapaċità li jiġi ġġenerat il-kapital.

(83)

Il-produzzjoni totali tal-Unjoni, il-kapaċità ta' produzzjoni u l-użu tal-kapaċità żviluppaw kif ġej matul il-perjodu taħt kunsiderazzjoni:

Tabella 5

Produzzjoni, kapaċità ta' produzzjoni u użu tal-kapaċità tal-Unjoni

(84)

Bejn l-2013 u l-PIR, il-produzzjoni tal-industrija tal-UE żdiedet b'mod kostanti u bi 68 % matul il-perjodu totali taħt kunsiderazzjoni, filwaqt li l-kapaċità tagħha baqgħet pjuttost stabbli, fejn żdiedet biss bi 3 % matul l-istess perjodu. Bħala riżultat, l-użu tal-kapaċità żdied b'64 %. Minkejja din iż-żieda, l-użu tal-kapaċità baqa' baxx u laħaq biss l-54 % fil-PIR.

(85)

Matul il-perjodu taħt kunsiderazzjoni, il-volum tal-bejgħ u s-sehem mis-suq tal-industrija tal-Unjoni żviluppaw kif ġej:

Tabella 6

Volum tal-bejgħ u sehem mis-suq

(86)

Matul il-perjodu taħt kunsiderazzjoni l-volum tal-bejgħ tal-industrija tal-Unjoni lil klijenti mhux relatati fl-Unjoni żdied b'mod kontinwu u sinifikanti, b'kollox bi 72 %.

(87)

Is-sehem mis-suq naqas b'9 % bejn l-2013 u l-2014, peress li l-volumi tal-bejgħ żdiedu b'rata inqas (36 %) mill-konsum (49 %). Is-sena ta' wara, il-volumi tal-bejgħ komplew jiżdiedu bi 12 %, filwaqt li l-konsum niżel b'21 %. Bħala riżultat is-sehem mis-suq żdied bi 42 %. Fl-aħħar nett, bejn l-2015 u l-PIR, il-konsum tal-Unjoni naqas bi 8 %.

(88)

Bejn l-2013 u l-PIR, iż-żieda tal-volumi tal-bejgħ (72 %) seħħet f'kuntest ta' konsum li kien qed jiżdied (34 %) kif osservat fil-premessa 64. Barra minn hekk, il-volumi tal-importazzjonijiet minn pajjiżi terzi oħra (minbarra ċ-Ċina) wkoll żdiedu matul il-perjodu b'34 %, kif jidher fil-premessa 75, filwaqt li l-volumi tal-importazzjonijiet Ċiniżi niżlu b'64 % (ara l-premessa 67). Bħala riżultat, is-sehem mis-suq tal-industrija tal-Unjoni żdied minn 30 % fl-2013 għal 35 % fil-PIR (żieda ta' ħames punti perċentwali).

(89)

Matul il-perjodu taħt kunsiderazzjoni, l-impiegi u l-produttività żviluppaw kif ġej:

Tabella 7

Impiegi u produttività

(90)

In-numru ta' impjegati tal-industrija tal-Unjoni żdied bi 30 % matul il-perjodu taħt kunsiderazzjoni. Peress li l-produzzjoni żdiedet b'rata aktar mgħaġġla matul l-istess perjodu (jiġifieri b'68 %), il-produttività, li tirrifletti n-numru medju ta' unitajiet prodotti għal kull impjegat, żdiedet b'29 %.

(91)

Miżuri anti-dumping kontra importazzjonijiet mir-RPĊ ġew imposti għall-ewwel darba fl-2005. Il-livell ta' dawn il-miżuri żdied fl-2013 wara rieżami interim.

(92)

Matul il-PIR, kif stabbilit fil-premessi 40 u 46, il-marġnijiet tad-dumping li nstabu kienu aktar mil-livell de minimis. Matul il-perjodu taħt kunsiderazzjoni l-volumi tal-importazzjonijiet mir-RPĊ kienu qed jonqsu b'34 % li ssarraf ukoll fi tnaqqis fis-sehem mis-suq taċ-Ċina minn 66 % fl-2013 għal 16 % matul il-PIR. Kif deskritt fil-premessa 73, il-prezzijiet tal-importazzjonijiet Ċiniżi waqqgħu l-prezzijiet tal-bejgħ tal-industrija tal-Unjoni fis-suq tal-Unjoni matul il-PIR b'1,9 %. Għalhekk, il-miżuri anti-dumping fis-seħħ jistgħu jitqiesu effettivi. Matul il-perjodu taħt kunsiderazzjoni l-industrija tal-Unjoni rnexxielha żżid il-volum tal-bejgħ u s-sehem mis-suq tagħha b'mod sinifikanti b'effetti pożittivi fuq is-sitwazzjoni finanzjarja tagħha u, għalhekk, setgħet tibda tirkupra mill-effett ta' dumping dannuż tal-passat.

(93)

Il-prezzijiet medji tal-bejgħ ta' unità tal-ħames produtturi tal-Unjoni fil-kampjun lil klijenti mhux relatati fl-Unjoni żviluppaw kif ġej matul il-perjodu taħt kunsiderazzjoni:

Tabella 8

Prezzijiet medji tal-bejgħ u l-kostijiet tal-unitajiet

(94)

Il-prezzijiet medji tal-bejgħ ta' unità tal-industrija tal-Unjoni b'kollox naqsu b'9 % matul il-perjodu taħt kunsiderazzjoni. Fl-istess waqt, il-kost unitarju tal-produzzjoni tal-industrija tal-Unjoni naqas bi 18 %. Il-fattur ewlieni għal dan it-tnaqqis kien it-tnaqqis tal-prezzijiet tal-materja prima (primarjament l-azzar).

(95)

Il-kostijiet lavorattivi medji tal-ħames produtturi tal-Unjoni li wieġbu l-kwestjonarju żviluppaw kif ġej matul il-perjodu taħt kunsiderazzjoni:

Tabella 9

Kost lavorattiv medju għal kull impjegat

(96)

Bejn l-2013 u l-PIR, il-kost lavorattiv medju għal kull impjegat tal-produtturi tal-Unjoni naqas bi ftit bi 3 %. Beda jiżdied għall-ewwel darba bejn l-2013 u l-2014, iżda mbagħad naqas kontinwament u matul il-PIR laħaq livell iktar baxx minn dak fl-2013.

(97)

Il-livelli tal-istokks tal-ħames produtturi tal-Unjoni li wieġbu għall-kwestjonarju żviluppaw kif ġej matul il-perjodu taħt kunsiderazzjoni:

Tabella 10

Inventarji

(98)

L-istokks tal-għeluq tal-industrija tal-Unjoni żdiedu mill-2013 għall-2014 b'60 % u sussegwentement naqsu b'59 % mill-2014 sal-2015. Mill-2015 sal-PIR, l-istokks reġgħu żdiedu b'34 %. Matul il-perjodu taħt kunsiderazzjoni, l-istokks kollha tal-għeluq b'kollox żdiedu b'35 %.

(99)

Madankollu, meta l-istokks tal-għeluq jitqiesu bħala perċentwal tal-produzzjoni kien hemm tnaqqis ta' 20 % matul il-perjodu taħt kunsiderazzjoni.

(100)

Il-profittabbiltà, il-fluss tal-flus, l-investimenti u r-redditu fuq l-investimenti tal-ħames produtturi tal-Unjoni li wieġbu għall-kwestjonarju żviluppaw kif ġej matul il-perjodu taħt kunsiderazzjoni:

Tabella 11

Il-profittabbiltà, il-fluss tal-flus, l-investimenti u r-redditu fuq l-investimenti

(101)

Il-Kummissjoni stabbiliet il-profittabbiltà tal-ħames produtturi tal-Unjoni li wieġbu għall-kwestjonarju billi esprimiet il-profitt nett qabel it-taxxa tal-bejgħ tal-prodott simili lil klijenti mhux relatati fl-Unjoni bħala perċentwal tal-fatturat ta' dak il-bejgħ. Il-profitabbiltà żdiedet minn – 5,7 % fl-2013 għal + 4,6 % fil-PIR. Matul il-perjodu taħt kunsiderazzjoni, bl-eċċezzjoni tal-PIR, l-industrija tal-Unjoni kienet qed tagħmel telf.

(102)

Il-fluss tal-flus, li hu l-kapaċità li l-produtturi tal-Unjoni jiffinanzjaw l-attivitajiet tagħhom stess, irdoppja matul il-perjodu taħt kunsiderazzjoni.

(103)

L-investimenti żdiedu b'21 % matul il-perjodu taħt kunsiderazzjoni u b'mod partikolari fl-2014, meta dawn kienu 201 % ogħla minn kemm kienu fis-sena ta' qabel. Din iż-żieda kienet primarjament xprunata mill-akkwist ta' unità tan-negozju, li parzjalment timmanifattura pallet trucks tal-idejn, minn wieħed mill-produtturi tal-Unjoni.

(104)

Ir-redditu fuq l-investimenti hu l-profitt f'perċentwal tal-valur kontabilistiku nett tal-investimenti. Dan żdied minn – 96 % fl-2013 għal 68 % fil-PIR. B'mod ġenerali, matul il-perjodu taħt kunsiderazzjoni, iż-żieda tar-redditu fuq l-investiment (+ 170 %) kienet bejn wieħed u ieħor konformi maż-żieda tal-profitabbiltà (181 %).

(105)

Minħabba d-dazji anti-dumping fis-seħħ, u b'mod partikolari miż-żieda tagħhom għal 70,8 % fl-2013 wara r-rieżami interim imsemmi fil-premessa 5, l-industrija tal-Unjoni setgħet tibda tirkupra mill-effett ta' dumping dannuż tal-passat.

(106)

Matul il-perjodu taħt kunsiderazzjoni, kważi l-indikaturi kollha, jiġifieri l-volum tal-produzzjoni, l-utilizzazzjoni tal-kapaċità, il-volum tal-bejgħ, l-impiegi, il-produttività, l-inventarji, l-investimenti u r-redditu fuq l-investimenti u finalment il-profitabbiltà wrew titjib viżibbli. Il-kost unitarju tal-produzzjoni naqas parzjalment minħabba l-kostijiet inqas tal-materja prima u ż-żieda fil-volum tal-produzzjoni.

(107)

Madankollu, l-industrija tal-Unjoni għadha kif bdiet tirkurpra mid-dumping tal-passat riċentement u dan l-irkupru għadu dgħajjef. Dan jidher mill-fatt li l-industrija tal-Unjoni rnexxielha tirreġistra l-profitti biss fit-tmiem tal-perjodu taħt kunsiderazzjoni, jiġifieri matul il-PIR. Bl-istess mod, f'kuntest ta' żieda qawwija fil-konsum (+ 46 %), l-industrija tal-Unjoni setgħet tespandi s-sehem mis-suq tagħha b'ħames punti perċentwali biss.

(108)

Bħala konklużjoni, l-industrija tal-Unjoni ma sofrietx dannu materjali matul il-perjodu taħt kunsiderazzjoni, fi ħdan it-tifsira tal-Artikolu 3(5) tar-Regolament bażiku. Kif imsemmi hawn fuq, peress li l-irkupru tal-industrija tal-Unjoni għadu riċenti, is-sitwazzjoni xorta waħda għadha dgħajfa.

(109)

L-investigazzjoni wriet li l-importazzjonijiet Ċiniżi saru f'livelli ta' prezzijiet li kienu oġġett ta' dumping matul il-PIR u li kien hemm probabbiltà ta' kontinwazzjoni ta' dumping f'każ li l-miżuri jitħallew jiskadu.

(110)

Fid-dawl tas-sejba li l-industrija tal-Unjoni ma sofrietx dannu materjali matul il-PIR, saret analiżi ta' jekk id-dannu materjali jerġax iseħħ f'każ li l-miżuri jitħallew jiskadu. Għal din l-analiżi, il-Kummissjoni kkunsidrat is-sejbiet kif deskritt fil-premessi 49 sa 57, jiġifieri:

(111)

Barra minn hekk, il-Kummissjoni vvalutat l-impatt probabbli li l-importazzjonijiet Ċiniżi jkollhom fuq l-industrija tal-Unjoni f'każ li dawn ikompli fi kwantitajiet sinifikanti.

(112)

Il-Kummissjoni użat il-prezz tal-importazzjonijiet Ċiniżi mingħajr dazji anti-dumping applikabbli fil-PIR sabiex tivvaluta l-livell probabbli tal-prezzijiet tal-importazzjonijiet Ċiniżi fis-suq tal-Unjoni f'każ li l-miżuri jitħassru. Abbażi ta' dan, il-prezzijiet Ċiniżi aktarx iwaqqgħu l-prezzijiet tal-bejgħ tal-industrija tal-Unjoni b'madwar 41 % bħala medja kif żvelat fil-premessa 73 hawn fuq.

(113)

Meta tiġi affaċċjata b'tali pressjoni fuq il-pressjonijiet f'volumi kbar, il-profitabbiltà tal-industrija tal-Unjoni aktarx tiddeterjora immedjatament bir-riskju li tmur lura għat-telf. Fil-fatt, l-industrija tal-Unjoni jew se tkun imġiegħla tnaqqas il-prezzijiet tagħha, xi ħaġa li tħalli impatt negattiv dirett fuq il-profitabbiltà. Inkella hi tista' tiddeċiedi li żżomm il-livelli tal-prezzijiet tagħha mingħajr ma tibdilhom bħala sforz biex iżżomm il-profitabbiltà tagħha. Madankollu, kif osservat fil-passat, din l-alternattiva jkollha impatt negattiv fuq il-volumi tal-bejgħ tagħha għall-benefiċċju tal-esportaturi Ċiniżi. Barra minn hekk, meta jitnaqqsu l-volumi tal-bejgħ, is-sehem tal-kostijiet fissi għal kull unità jiżdied, b'mod partikolari meta jitqies li din hi industrija li tirrikjedi ħafna kapital. Min-naħa tiegħu, dan jaffettwa b'mod negattiv ukoll il-profitabbiltà tal-industrija tal-Unjoni. Għalhekk, li l-prezzijiet tal-bejgħ fis-suq tal-Unjoni jinżammu f'livelli simili bħal dawk matul il-PIR ma tistax tiġi kkunsidrata bħala strateġija vijabbli peress li fuq terminu twil ma tkunx sostenibbli.

(114)

Barra minn hekk, ix-xenarju ta' hawn fuq jibqa' validu anki meta jitqies konsum li qed jiżdied. Fil-fatt, meta titqies il-kapaċità ta' riżerva enormi disponibbli fiċ-Ċina li aktarx tiġi esportata fis-suq tal-Unjoni fi prezzijiet li jwaqqgħu l-prezzijiet tal-Unjoni b'madwar 41 %, l-industrija tal-Unjoni ma tkunx tista' tlaħħaq maż-żieda mill-ġdid sinifikanti mistennija ta' importazzjonijiet Ċiniżi, li mhux biss jaħtfu s-sehem mis-suq attwali tal-industrija tal-Unjoni iżda aktarx jaħtfu wkoll il-konsum miżjud. F'dan ir-rigward hu mfakkar li s-sehem mis-suq tal-importazzjonijiet Ċiniżi kien għoli sa 83 % fil-PIR tal-ewwel rieżami ta' skadenza.

(115)

Finalment, il-marġni ta' bejgħ taħt il-prezz ibbażat fuq il-prezzijiet tal-importazzjonijiet Ċiniżi mingħajr dazju ammonta għal madwar 75 % fil-PIR, li jagħti wkoll stima raġonevoli tal-marġnijiet possibbli ta' bejgħ bil-prezz imwaqqa' f'każ li l-miżuri jitħallew jiskadu.

(116)

Kif deskritt fil-premessa 77, f'suq b'konsum li qed jiżdied, l-importazzjonijiet mill-Malasja ħadu parti kbira tas-sehem mis-suq Ċiniż matul il-perjodu taħt kunsiderazzjoni. Għalhekk, filwaqt li l-Malasja kisbet 33 punt perċentwal tas-sehem mis-suq, iċ-Ċina tilfet 50 punt perċentwal. Fl-istess waqt l-industrija tal-Unjoni kisbet biss ħames punti perċentwali.

(117)

F'każ li l-miżuri jitħallew jiskadu, il-prezzijiet tal-importazzjonijiet Ċiniżi aktarx iwaqqgħu b'mod sinifikanti l-prezzijiet tal-industrija tal-Unjoni, kif jidher fil-premessa 112. Matul il-perjodu taħt kunsiderazzjoni, il-prezzijiet tal-importazzjonijiet Ċiniżi (mingħajr dazji anti-dumping) kienu wkoll iktar baxxi b'mod konsistenti mill-prezzijiet tal-importazzjonijiet tal-Malasja matul l-istess perjodu, ħlief matul il-PIR meta dawn kienu 3 % ogħla.

(118)

Aktarx il-produtturi esportaturi Ċiniżi jkunu kapaċi jkomplu jnaqqsu l-prezzijiet tagħhom biex jerġgħu jiksbu sehem mis-suq. Indikazzjoni qawwija f'dan ir-rigward tingħata mil-livell tal-prezzjijiet tal-esportazzjonijiet Ċiniżi għal pajjiżi terzi oħra rreġistrati fil-bażi tad-data Ċiniża dwar l-esportazzjonijiet kif deskritt fil-premessa 54 (16).

(119)

Abbażi ta' dan, wieħed jista' jistenna li importazzjonijiet Ċiniżi bi prezzijiet baxxi aktarx jaffettwaw kemm il-volumi tal-bejgħ tal-industrija tal-Unjoni kif ukoll il-volumi tal-importazzjonijiet Malasjani. Peress li l-prezzijiet tal-industrija tal-Unjoni bħala medja kienu ogħla mill-prezzijiet tal-importazzjonijiet Malasjani, wieħed jista' jistenna wkoll li l-importazzjonijiet Ċiniżi aktarx ser ikollhom impatt negattiv akbar fuq il-bejgħ tal-industrija tal-Unjoni milli fuq l-importazzjonijiet Malasjani, peress li l-klijenti tal-industrija tal-Unjoni se jkollhom inċentiv ħafna akbar biex imorru lura għal fornituri Ċiniżi mill-klijenti tal-fornituri Malasjani.

(120)

Abbażi ta' dan, hu probabbli li l-importazzjonijiet Ċiniżi li (jerġgħu) jidħlu fis-suq tal-Unjoni bi prezzijiet aktar baxxi se jkunu jistgħu jerġgħu jiksbu ishma mis-suq primarjament għad-detriment tal-industrija tal-Unjoni.

(121)

Fir-rigward tal-importazzjonijiet mill-Vjetnam, li s-sehem mis-suq tagħhom żdied b'disa' punti perċentwali matul il-perjodu taħt kunsiderazzjoni, bħalissa dawn huma soġġetti għal investigazzjoni kontra ċ-ċirkomvenzjoni msemmija fil-premessa 7 li nbdiet fuq il-bażi tar-raġunijiet li dawn l-importazzjonijiet allegatament għandhom oriġini Ċiniża.

(122)

Fi kwalunkwe każ, il-prezz tal-importazzjonijiet Vjetnamiżi, kif jidher fil-premessa 78, kien aktar baxx mill-prezz tal-bejgħ tal-industrija tal-Unjoni matul il-perjodu kollu taħt kunsiderazzjoni. Għalhekk, kif deskritt hawn fuq, hu meqjus li l-klijenti tal-industrija tal-Unjoni se jkollhom inċentiv akbar biex jaqilbu għal importazzjonijiet bi prezz baxx miċ-Ċina mill-klijenti tal-fornituri Vjetnamiżi. Dawn tal-aħħar kienu qed ibigħu pallet trucks tal-idejn fis-suq tal-Unjoni diġà bi prezz irħas mill-prezz tal-importazzjonijiet Ċiniżi, ħlief fl-2014. Abbażi ta' dan, wieħed jista' jistenna li l-importazzjonijiet Ċiniżi aktarx se jkollhom impatt negattiv akbar fuq l-industrija tal-Unjoni milli fuq l-importazzjonijiet Vjetnamiżi.

(123)

Fi ftit kliem, l-investigazzjoni żvelat li matul il-PIR, l-importazzjonijiet Ċiniżi kienu qed isiru f'livelli ta' prezzijiet li kienu l-oġġett ta' dumping. Barra minn hekk, il-Kummissjoni stabbiliet il-preżenza ta' kapaċità sinifikanti ta' produzzjoni u ta' riżerva fir-RPĊ, ivvalutat li l-produtturi esportaturi Ċiniżi jbigħu bi prezzijiet aktar baxxi fi swieq terzi milli fis-suq tal-Unjoni, qieset il-preżenza kontinwa tal-produtturi esportaturi Ċiniżi fis-suq tal-Unjoni u ħadet nota tal-isforz li sar għaċ-ċirkomvenzjoni tal-miżuri fis-seħħ. Barra minn hekk, f'każ li l-miżuri jitħassru, il-Kummissjoni kkalkulat li l-prezz probabbli tal-importazzjonijiet Ċiniżi jwaqqa' l-prezzijiet tal-Unjoni u jġiegħel lill-industrija tal-Unjoni tbigħ f'livell taħt il-prezz. Finalment, f'każ li l-miżuri jitħassru, il-Kummissjoni vvalutat li l-impatt tal-importazzjonijiet minn pajjiżi terzi oħrajn se jkun iżgħar mill-impatt tal-importazzjonijiet Ċiniżi fuq l-industrija tal-Unjoni. Abbażi ta' dan ta' hawn fuq, jista' jiġi konkluż li t-tħassir tal-miżuri bil-probabbiltà kollha jwassal għal rikorrenza ta' dannu għall-industrija tal-Unjoni.

(124)

Skont l-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri anti-dumping eżistenti fuq l-importazzjonijiet tal-prodott li qed jiġi rieżaminat li joriġina fir-RPĊ wara s-sejbiet tar-rieżami ta' skadenza preżenti tmurx kontra l-interess tal-Unjoni inġenerali. Id-determinazzjoni tal-interess tal-Unjoni kienet ibbażata fuq apprezzament tal-interessi varji kollha involuti, inklużi dawk tal-industrija, tal-importaturi u tal-utenti tal-Unjoni. Il-partijiet interessati kollha ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.

(125)

Il-Kummissjoni sabet li matul il-PIR l-industrija tal-Unjoni bdiet tirkupra mid-dumping tal-passat. Madankollu, f'każ li l-miżuri kontra ċ-Ċina jitħassru, hu probabbli li jkun hemm rikorrenza tad-dannu billi l-industrija tal-Unjoni tkun esposta għal importazzjonijiet oġġett ta' dumping miċ-Ċina, potenzjalment f'volumi sinifikanti u li jixħtu pressjoni sinifikanti fuq il-prezzijiet.

(126)

Bħala konsegwenza, is-sitwazzjoni ekonomika tal-industrija tal-Unjoni aktarx tiddeterjora, u dan jissarraf f'telf sinifikanti ta' volumi tal-bejgħ u ta' sehem mis-suq u aktarx jirriżulta f'telf.

(127)

Għall-kuntrarju ta' dan, iż-żamma tal-miżuri tippermetti lill-industrija tal-Unjoni tikkonsolida s-sitwazzjoni ekonomika pożittiva tagħha li ġiet stabbilita riċentement.

(128)

Il-Kummissjoni kkuntattjat tnax-il importatur magħrufin u disa' utenti magħrufin fl-istadju tal-bidu. L-ebda wieħed mill-importaturi ma wieġeb għall-formola tal-kampjunar jew ressaq xi kummenti. Bl-istess mod, l-ebda wieħed mill-utenti ma ressaq jew ippreżenta xi kumment.

(129)

Hu mfakkar li fl-investigazzjoni li wasslet għall-impożizzjoni tal-miżuri oriġinali fl-2005 u fir-rieżami ta' skadenza li wassal għall-estensjoni ta' dawn il-miżuri fl-2011, instab li l-impatt tal-miżuri ma jkollux effett serju fuq l-importaturi/l-utenti fl-Unjoni.

(130)

Għalhekk, fin-nuqqas ta' kwalunkwe evidenza ġdida li tissuġġerixxi konklużjoni differenti, il-Kummissjoni kkonkludiet li ż-żamma tal-miżuri mhix se taffettwa l-importaturi jew l-utenti fl-Unjoni b'xi mod sinifikanti.

(131)

Abbażi ta' dak li ntqal hawn fuq, il-Kummissjoni kkonkludiet li ma kienx hemm raġunijiet konvinċenti f'termini tal-interess tal-Unjoni kontra ż-żamma tal-miżuri anti-dumping definittivi fuq importazzjonjiet ta' pallet trucks tal-idejn li joriġinaw fir-RPĊ.

(132)

Il-partijiet interessati kollha kienu infurmati bil-fatti u bil-kunsiderazzjonijiet essenzjali li abbażi tagħhom kien maħsub li jinżammu fis-seħħ il-miżuri anti-dumping. Huma ngħataw ukoll perjodu li matulu setgħu jressqu kummenti wara din id-divulgazzjoni. Ma ġie ppreżentat l-ebda kumment dwar is-sejbiet ta' hawn fuq.

(133)

Mill-kunsiderazzjonijiet preċedenti jirriżulta li, skont l-Artikolu 11(2) tar-Regolament bażiku, il-miżuri anti-dumping applikabbli għall-importazzjonijiet ta' pallet trucks tal-idejn joriġinaw fir-RPĊ jenħtieġ li jinżammu.

(134)

Il-Kumitat stabbilit fl-Artikolu 15(1) tar-Regolament (UE) 2016/1036 ma tax opinjoni.

30.11.2017   

MT

Il-Ġurnal Uffiċjali tal-Unjoni Ewropea

L 314/31

(1)

Fit-13 ta' Mejju 2013 il-Kunsill impona dazju antidumping definittiv fuq l-importazzjonijiet fl-Unjoni ta' oġġetti taċ-ċeramika ta' fuq il-mejda u tal-kċina (“oġġetti tal-mejda”) li joriġinaw fir-Repubblika tal-Poplu taċ-Ċina (“RPĊ”) bir-Regolament ta' Implimentazzjoni (UE) Nru 412/2013 (“ir-Regolament oriġinali”).

(2)

Fl-investigazzjoni oriġinali għadd kbir ta' produtturi esportaturi mir-RPĊ għamlu lilhom infushom magħrufa. B'riżultat ta' dan, il-Kummissjoni għażlet kampjun ta' produtturi esportaturi Ċiniżi għall-investigazzjoni.

(3)

Il-Kunsill impona rati individwali ta' dazju fuq l-importazzjonijiet ta' oġġetti tal-mejda u tal-kċina li jvarjaw minn 13,1 % għal 23,4 % fuq il-kumpaniji inklużi fil-kampjun, u r-rata ta' dazju medja peżata ta' 17,9 % fuq kumpaniji oħra li kkooperaw mhux inklużi fil-kampjun. Barra minn hekk, ġie impost dazju bir-rata ta' 36,1 % fuq l-importazzjoni ta' oġġetti tal-mejda u tal-kċina mill-kumpaniji Ċiniżi l-oħra.

(4)

L-Artikolu 3 tar-Regolament ta' Implimentazzjoni (UE) Nru 412/2013 jgħid li fejn xi produttur esportatur ġdid ta' oġġetti tal-mejda u tal-kċina fir-RPĊ jipprovdi biżżejjed evidenza lill-Kummissjoni li:

b'hekk l-Artikolu 1(2) ta' dan ir-Regolament jista' jiġi emendat billi l-produttur esportatur il-ġdid jingħata r-rata tad-dazju applikabbli għall-kumpaniji li jikkoperaw u li mhumiex inklużi fil-kampjun, jiġifieri r-rata ta' dazju medja peżata ta' 17,9 %.

(5)

Wara l-pubblikazzjoni tar-Regolament (UE) Nru 412/2013, erba' kumpaniji ppreżentaw ruħhom jgħidu li huma jissodisfaw t-tliet kriterji stabbiliti hawn fuq fil-premessa (4) u pprovdew evidenza.

(6)

L-erba' kumpaniji lkoll huma manifatturi u esportaturi tal-prodott ikkonċernat.

(7)

Tlieta minnhom diġa' kienu joperaw matul l-investigazzjoni oriġinali iżda sostnew li dak iż-żmien ma kinux jesportaw il-prodott ikkonċernat lejn l-Unjoni.

(8)

Ir-raba' kumpanija sostniet li ma kinitx għadha teżisti matul il-perjodu tal-investigazzjoni oriġinali u għalhekk ma setgħetx tesporta matul il-perjodu ta' investigazzjoni.

(9)

Il-Kummissjoni analizzat l-evidenza ppreżentata mill-erba' kumpaniji u sabet li kull waħda mill-erba' kumpaniji tissodisfa t-tliet kriterji biex tkun ikkunsidrata bħala produttur esportatur ġdid. Konsegwentement, l-ismijiet tagħhom jinħtieġ li jiġu miżjuda mal-lista ta' kumpaniji li kkooperaw iżda mhux inklużi fil-kampjun fl-Anness I tar-Regolament (UE) Nru 412/2013.

(10)

Il-Kummissjoni infurmat lill-erba' kumpaniji u l-industrija tal-Unjoni b'dawn is-sejbiet u tathom l-opportunità li jikkummentaw. Ma ġie riċevut l-ebda kumment.

(11)

Dan ir-Regolament huwa skont l-opinjoni tal-Kumitat li twaqqaf permezz tal-Artikolu 15(1) tar-Regolament baziku.

30.11.2017   

MT

Il-Ġurnal Uffiċjali tal-Unjoni Ewropea

L 314/33

(1)

Il-Kapitolu III(3) tar-Regolament tal-Kummissjoni (KE) Nru 1187/2009 (2) jiddetermina l-proċedura għall-allokazzjoni ta' liċenzji tal-esportazzjoni għal ċerti prodotti tal-ħalib li għandhom ikunu esportati lejn ir-Repubblika Dominikana skont kwota miftuħa għal dak il-pajjiż.

(2)

L-Artikolu 29 tar-Regolament (KE) Nru 1187/2009 jipprevedi l-possibbiltà li l-operaturi jressqu applikazzjonijiet għal-liċenzji tal-esportazzjoni mill-1 sal-10 ta' Novembru, jekk, wara l-perjodu ta' tressiq ta' applikazzjonijiet ta' liċenzji kif imsemmi fl-ewwel paragrafu ta' dak l-Artikolu, tibqa' disponibbli kwalunkwe kwantità taħt il-kwota.

(3)

L-Artikolu 1 tar-Regolament ta' Implimentazzjoni (UE) 2017/1095 (3) jispeċifika li l-kwantità totali li jifdal għas-sena ta' kwota 2017/2018 hija ta' 8 745 tunnellati.

(4)

L-applikazzjonijiet imressqa bejn l-1 u l-10 ta' Novembru 2017 għall-perjodu li jifdal tas-sena ta' kwota kurrenti 2017/2018 jkopru kwantitajiet iktar baxxi minn dawk disponibbli. B'riżultat ta' dan, jixraq, skont ir-raba' subparagafu tal-Artikolu 31(3) tar-Regolament (KE) Nru 1187/2009, li tiġi prevista l-allokazzjoni tal-kwantità li jifdal. Il-ħruġ tal-liċenzji ta' esportazzjoni għal dik il-kwantità li jifdal għandu jkun soġġett li l-awtorità kompetenti tiġi nnotifikata bil-kwantità supplimentari aċċettata mill-operatur ikkonċernat u li ssir garanzija min-naħa tal-operaturi interessati,