26.10.2017   

MT

Il-Ġurnal Uffiċjali tal-Unjoni Ewropea

L 276/1

(1)

Fl-10 ta' Lulju 2014, il-Kunsill adotta r-Regolament (UE) Nru 747/2014.

(2)

Fis-17 ta' Ottubru 2017, il-Kumitat tal-Kunsill tas-Sigurtà tan-Nazzjonijiet Uniti stabbilit skont ir-Riżoluzzjoni tal-Kunsill tas-Sigurtà tan-Nazzjonijiet Uniti 1591 (2005) aġġorna l-informazzjoni relattiva għal persuna waħda soġġetta għal miżuri restrittivi.

(3)

L-Anness I għar-Regolament (UE) Nru 747/2014 għandu għalhekk jiġi emendat skont dan,

26.10.2017   

MT

Il-Ġurnal Uffiċjali tal-Unjoni Ewropea

L 276/4

(1)

Sabiex l-awtoritajiet kompetenti jkunu jistgħu jwettqu valutazzjoni bir-reqqa bħala parti mill-proċess għall-għoti u r-rifjut ta' talbiet għall-awtorizzazzjoni ta' ditti tal-investiment, applikant ikun meħtieġ jissottometti lill-awtorità kompetenti informazzjoni preċiża meta jagħmel it-talba inizjali għal awtorizzazzjoni. L-awtorità kompetenti jeħtiġilha żżomm id-dritt li titlob informazzjoni addizzjonali mingħand l-applikant matul il-proċess tal-valutazzjoni skont il-kriterji u l-iskedi ta' żmien stabbiliti fid-Direttiva 2014/65/UE.

(2)

Sabiex ikun żgurat li l-valutazzjoni tal-awtorità kompetenti tkun ibbażata fuq informazzjoni preċiża, huwa essenzjali li l-applikant jipprovdi kopji tad-dokumenti korporattivi tiegħu, inkluż kopja ċertifikata tal-istrument ta' inkorporazzjoni, digrieti u l-artikoli ta' assoċjazzjoni u kopja tar-reġistrazzjoni tal-kumpanija fir-reġistru nazzjonali tal-kumpaniji.

(3)

L-applikant għandu jippreżenta informazzjoni dwar is-sorsi tal-kapital disponibbli, inklużi l-mezzi użati għat-trasferiment ta' riżorsi finanzjarji meta jkunu qed jiġi ġġenerat kapital, biex l-awtoritajiet kompetenti jkunu jistgħu jivvalutaw li r-rekwiżiti rilevanti kollha fil-qasam tal-kriminalità finanzjarja jkunu ġew irrispettati.

(4)

Entitajiet li jkunu għadhom kif ġew stabbiliti, meta jippreżentaw applikazzjoni, jista' jkun li jkunu f'pożizzjoni li jagħtu biss informazzjoni dwar kif se jiġi ġġenerat il-kapital u t-tipi u l-ammont ta' kapital li se jiġi ġġenerat. Madankollu għandha tingħata evidenza ta' kapital azzjonarju mħallas u tipi oħra ta' kapital iġġenerat, flimkien ma' informazzjoni dwar is-sorsi ta' kapital, lill-awtoritajiet kompetenti, bil-għan li tinkiseb awtorizzazzjoni, qabel ma tingħata l-awtorizzazzjoni. Din l-evidenza tista' tinkludi kopji ta' strumenti kapitali rilevanti u rapporti korrispondenti mill-bank.

(5)

Sabiex l-awtoritajiet kompetenti jkunu jistgħu jivvalutaw ir-reputazzjoni ta' kwalunkwe persuna li se tidderiġi l-operat tad-ditta tal-investiment, tal-azzjonisti proposti u tal-membri b'parteċipazzjonijiet kwalifikanti huwa importanti li l-applikant jintalab jipprovdi informazzjoni dwar dawn il-persuni.

(6)

Sabiex tiġi vvalutata l-esperjenza ta' kwalunkwe persuna li se tidderieġi l-operat tad-ditta ta' investiment, l-awtoritajiet kompetenti għandhom jiġu ppreżentati mill-applikant b'informazzjoni dwar l-edukazzjoni u t-taħriġ professjonali rilevanti u l-esperjenza professjonali tal-membri tal-korp maniġerjali u tal-persuni li effettivament jidderieġu l-operat u tas-setgħat relatati tagħhom u dwar kwalunkwe prokura.

(7)

L-informazzjoni finanzjarja dwar id-ditta tal-investiment għandha tiġi ppreżentata minn applikant lill-awtoritajiet kompetenti sabiex dawn ikunu jistgħu jivvalutaw is-sodezza finanzjarja ta' dik id-ditta ta' investiment.

(8)

Peress li, fiż-żmien tal-applikazzjoni, impriżi li jkun għadhom kif ġew stabbiliti jistgħu ma jkunux f'pożizzjoni li jipprovdu informazzjoni dwar l-awdituri; dawk l-applikanti għandhom ikunu eżentati milli jipprovdu din l-informazzjoni lill-awtorità kompetenti ħlief jekk l-awdituri jkunu diġà ġew maħtura.

(9)

L-informazzjoni rilevanti għall-valutazzjoni tal-istruttura organizzazzjonali tad-ditta tal-investiment għandha tinkludi dettalji dwar is-sistema ta' kontroll intern, dwar il-miżuri biex jiġu identifikati l-kunflitti ta' interess, u dwar l-arranġamenti li jissalvagwardjaw l-assi tal-klijenti, sabiex l-awtorità kompetenti tkun tista' tivvaluta jekk dik id-ditta ta' investiment hix se tkun kapaċi tikkonforma mal-obbligi tagħha skont l-Artikolu 16 tad-Direttiva 2014/65/UE.

(10)

L-awtoritajiet nazzjonali kompetenti jistgħu jawtorizzaw bħala ditta ta' investiment persuna fiżika jew persuna ġuridika mmaniġġjata minn persuna fiżika waħda. Huwa għalhekk xieraq li jiġu stabbiliti r-rekwiżiti tal-awtorizzazzjoni applikabbli għall-immaniġġjar tad-ditti tal-investiment li jkunu persuni fiżiċi jew persuni ġuridiċi mmaniġġjati minn persuna fiżika waħda.

(11)

Sabiex ikun hemm ċertezza, ċarezza u prevedibbiltà legali fir-rigward tal-proċess ta' awtorizzazzjoni, huwa xieraq li l-kriterji li fuqhom l-awtoritajiet kompetenti jivvalutaw l-adegwatezza tal-azzjonisti jew tal-membri b'parteċipazzjonijiet kwalifikanti, meta jawtorizzaw ditta ta' investiment, ikunu l-istess kriterji stabbiliti fl-Artikolu 13 tad-Direttiva 2014/65/UE għall-valutazzjoni ta' akkwist propost. B'mod partikolari, l-awtoritajiet kompetenti għandhom jivvalutaw l-adegwatezza tal-azzjonisti jew tal-membri b'parteċipazzjonijiet kwalifikanti u s-sodezza finanzjarja ta' ditta filwaqt li jqisu kriterji dwar ir-reputazzjoni u l-esperjenza tal-persuni li jidderieġu l-operat tad-ditta tal-investiment u s-sodezza finanzjarja tad-ditta.

(12)

Sabiex jiġu identifikati l-ostakoli li jistgħu jipprevjenu l-eżerċizzju effettiv tal-funzjonijiet superviżorji, l-awtoritajiet kompetenti għandhom jikkunsidraw il-kumplessità u t-trasparenza tal-istruttura tal-grupp tad-ditta tal-investiment, il-post ġeografiku tal-entitajiet tal-grupp u l-attivitajiet li jwettqu l-entitajiet tal-grupp.

(13)

Id-Direttiva 95/46/KE tal-Parlament Ewropew u tal-Kunsill (2) tapplika għall-ipproċessar tad-dejta personali mill-Istati Membri fl-applikazzjoni ta' dan ir-Regolament.

(14)

Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, jeħtieġ li d-dispożizzjonijiet stabbiliti f'dan ir-Regolament u d-dispożizzjonijiet nazzjonali relatati li jittrasponu d-Direttiva 2014/65/UE japplikaw mill-istess data.

(15)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Ewropea tat-Titoli u s-Swieq (ESMA) lill-Kummissjoni.

(16)

Skont l-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (3), l-ESMA wettqet konsultazzjonijiet pubbliċi miftuħa, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 ta' dak ir-Regolament,

(a)

isimha (inkluż l-isem ġuridiku tagħha u kull isem kummerċjali ieħor li jintuża); l-istruttura legali (inkluża informazzjoni dwar jekk hux se tkun persuna ġuridika jew meta dan ikun permess mil-leġislazzjoni nazzjonali, persuna fiżika), l-indirizz tal-uffiċċju prinċipali u, għal ditti eżistenti, l-uffiċċju reġistrat; dettalji ta' kuntatt; in-numru ta' identifikazzjoni nazzjonali tagħha, meta disponibbli; kif ukoll:

(b)

il-lista ta' servizzi u attivitajiet ta' investiment u servizzi anċillari u l-istrumenti finanzjarji li se jiġu pprovduti, u jekk humiex se jinżammu strumenti finanzjarji u fondi tal-klijenti (anki fuq bażi temporanja).

(c)

kopji tad-dokumenti korporattivi u evidenza tar-reġistrazzjoni fir-reġistru nazzjonali tal-kumpaniji, fejn applikabbli.

(a)

dettalji dwar l-użu ta' riżorsi finanzjarji privati, inkluż l-oriġini u d-disponibbiltà ta' dawk il-fondi;

(b)

dettalji dwar l-aċċess għal sorsi ta' kapital u swieq finanzjarji fosthom id-dettalji ta' strumenti finanzjarji emessi jew li se jiġu emessi;

(c)

kwalunkwe ftehim u kuntratt rilevanti rigward il-kapital iġġenerat;

(d)

informazzjoni dwar l-użu jew l-użu mistenni ta' fondi meħuda b'self fosthom isem il-mutwanti u d-dettalji tal-faċilitajiet mogħtija jew li mistennija jingħataw, fosthom maturitajiet, termini, rahan u garanziji, flimkien mal-informazzjoni dwar l-oriġini tal-fondi meħuda b'self (jew il-fondi li mistennija jittieħdu b'self) fejn il-mutwanti ma jkunx istituzzjoni finanzjarja taħt superviżjoni;

(e)

dettalji dwar il-mezzi tat-trasferiment ta' riżorsi finanzjarji lid-ditta inkluż in-netwerk użat għat-trasferiment ta' dawn il-fondi.

Għall-finijiet tal-punt (b), informazzjoni dwar it-tipi ta' kapital iġġenerat għandha tirreferi, fejn rilevanti, għat-tipi ta' kapital speċifikati fir-Regolament (UE) Nru 575/2013, speċifikament jekk il-kapital jinkludi elementi tal-Grad 1 ta' Ekwità Komuni, tal-Grad 1 Addizzjonali jew tal-Grad 2.

(a)

il-lista ta' persuni b'parteċipazzjoni kwalifikanti diretta jew indiretta fid-ditta tal-investiment, u l-ammont ta' dawn il-parteċipazzjonijiet u, għal parteċipazzjonijiet indiretti, isem il-persuna li permezz tagħha tinżamm il-parteċipazzjoni u isem id-detentur finali;

(b)

għal persuni b'parteċipazzjoni kwalifikanti (diretta jew indiretta) fid-ditta tal-investiment id-dokumentazzjoni meħtieġa minn akkwirenti proposti għall-akkwist u ż-żidiet fil-parteċipazzjonijiet kwalifikanti f'ditti tal-investiment f'konformità mal-Artikoli 3, 4 u 5 tar-Regolament Delegat tal-Kummissjoni (UE) 2017/1946 tal-11 ta' Lulju 2017 li jissupplimenta d-Direttivi 2004/39/KE u 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għal lista eżawrjenti ta' informazzjoni li trid tkun inkluża mill-akkwirenti proposti fin-notifika ta' akkwiżizzjoni proposta ta' parteċipazzjoni kwalifikanti f'ditta tal-investiment (4);

(c)

l-azzjonisti tal-kumpaniji li huma membri ta' grupp, organigramma tal-grupp li tindika l-attivitajiet ewlenin ta' kull ditta fil-grupp, l-identifikazzjoni ta' kwalunkwe entità regolata fil-grupp u l-ismijiet tal-awtoritajiet superviżorji rilevanti kif ukoll ir-relazzjoni bejn l-entitajiet finanzjarji tal-grupp u entitajiet oħra tal-grupp li mhumiex finanzjarji.

(d)

Għall-finijiet tal-punt (b), meta d-detentur ta' sehem kwalifikanti ma jkunx persuna fiżika, id-dokumentazzjoni għandha tkun ukoll dwar il-membri kollha tal-korp maniġerjali u dwar il-maniġer ġenerali, jew kwalunkwe persuna oħra li twettaq funzjonijiet ekwivalenti.

(a)

fir-rigward tal-membri tal-korp maniġerjali u l-persuni li effettivament jidderieġu l-operat u s-setgħat relatati tagħhom u kwalunkwe prokura:

Għall-finijiet tal-punt (ix) tal-punt (a), l-interessi finanzjarji jinkludu interessi bħal operazzjonijiet ta' kreditu, garanziji u rahan, filwaqt li l-interessi mhux finanzjarji jistgħu jinkludu interessi bħall-familja jew relazzjonijiet mill-qrib.

(b)

Il-persunal tal-maniġment intern u tal-korpi ta' kontroll.

(a)

informazzjoni dwar it-tbassir fil-livell individwali u, fejn applikabbli, fil-livell ta' grupp konsolidat jew subkonsolidat, inkluż:

(b)

għal kumpaniji li diġà huma attivi, rapporti finanzjarji statutorji, f'livell individwali u, fejn applikabbli, fil-livell tal-grupp konsolidat u subkonsolidat għall-aħħar tliet perjodi finanzjarji, approvati, meta r-rapporti finanzjarji jiġu awditjati, mill-awditur estern, inkluż:

(c)

analiżi tal-ambitu tas-superviżjoni konsolidata skont ir-Regolament (UE) Nru 575/2013, inkluż dettalji dwar liema entitajiet tal-grupp ser ikunu inklużi fl-ambitu tar-rekwiżiti tas-superviżjoni konsolidata wara l-awtorizzazzjoni u f'liema livell fil-grupp se japplikaw dawn ir-rekwiżiti fuq bażi sħiħa jew subkonsolidata.

(a)

programm ta' operazzjonijiet inizjali għat-tliet snin ta' wara, inkluża informazzjoni dwar attivitajiet regolati u mhux regolati ppjanati, informazzjoni dettaljata dwar it-tqassim ġeografiku u l-attivitajiet li se jitwettqu mid-ditta tal-investiment. L-informazzjoni rilevanti fil-programm tal-operazzjonijiet għandha tinkludi:

(b)

dettalji tal-awdituri tal-kumpanija, meta jkunu disponibbli fil-mument tal-applikazzjoni għal awtorizzazzjoni;

(c)

l-istruttura organizzazzjonali u s-sistemi ta' kontroll interni tal-kumpanija, inkluż:

(d)

informazzjoni dwar l-istatus tal-applikazzjoni mid-ditta tal-investiment biex issir membru fl-iskema ta' kumpens għall-investitur fl-Istat Membru tad-Domiċilju jew evidenza ta' sħubija fi skema ta' kumpens għall-investitur, fejn disponibbli;

(e)

lista tal-funzjonijiet, servizzi jew attivitajiet esternalizzati (jew dawk li hemm il-ħsieb li jiġu esternalizzati) u lista tal-kuntratti konklużi jew previsti ma' fornituri u riżorsi esterni (b'mod partikolari umani u tekniċi, u s-sistema ta' kontroll intern) allokat għall-kontroll tal-funzjonijiet, tas-servizzi jew tal-attivitajiet esternalizzati;

(f)

miżuri biex jiġu identifikati u evitati jew immaniġjati l-konflitti ta' interess li jinqalgħu waqt il-provvediment ta' servizzi ta' investiment u anċillari u deskrizzjoni tal-arranġamenti ta' governanza tal-prodott;

(g)

deskrizzjoni tas-sistemi għall-monitoraġġ tal-attivitajiet tad-ditta, inkluż sistemi ta' riżerva, fejn disponibbli u l-kontrolli tas-sistemi u tar-riskji fejn id-ditta tixtieq timpenja ruħha f'negozjar algoritmiku u/jew tipprovdi aċċess elettroniku dirett;

(h)

informazzjoni dwar il-konformità, il-kontroll intern u s-sistemi tal-immaniġġjar tar-riskju (sistema ta' monitoraġġ, awditjar intern u funzjonijiet ta' konsulenza u ta' assistenza).

(i)

dettalji dwar is-sistemi għall-valutazzjoni u tal-immaniġġjar tar-riskji tal-ħasil tal-flus u tal-finanzjament tat-terroriżmu;

(j)

pjanijiet ta' kontinwità tal-operat, inkluż sistemi u riżorsi umani (persunal ewlieni);

(k)

immaniġjar tar-rekords, il-manutenzjoni tar-rekords u ż-żamma tar-rekords;

(l)

deskrizzjoni tal-manwal tal-proċeduri tad-ditta.

(a)

il-persuna fiżika tkun tista' tintlaħaq faċilment fi żmien qasir mill-awtoritajiet kompetenti;

(b)

il-persuna fiżika tiddedika biżżejjed ħin għal din il-funzjoni;

(c)

il-korpi governattivi jew id-digriei tad-ditta tal-investiment jagħtu s-setgħa lil persuna biex tissostitwixxi maniġer immedjatament u taqdi d-dmirijiet tiegħu kollha jekk dan tal-aħħar ma jkunx jista' jwettaqhom;

(d)

il-persuna mogħtiha s-setgħa skont il-punt preċedenti għandha tkun ta' reputazzjoni tajba biżżejjed u jkollha esperjenza biżżejjed biex tissostitwixxi maniġer tul iż-żmien ta' assenza, jew sakemm jinħatar maniġer ġdid, sabiex tiżgura mmaniġġjar sod u prudenti tad-ditta tal-investiment. Il-persuna mogħtija s-setgħa għal ditti tal-investiment li huma persuni fiżiċi, għandha tkun disponibbli wkoll biex tassisti lill-prattikanti tal-insolvenza u lill-awtoritajiet relevanti f'każ ta' likwidazzjoni tad-ditta. Din il-persuna għandu jkollha d-disponibbiltà meħtieġa għal din il-funzjoni.

(a)

ir-reputazzjoni u l-esperjenza ta' kwalunkwe persuna li se tidderieġi l-operat tad-ditta tal-investiment;

(b)

ir-reputazzjoni tal-azzjonisti u tal-membri b'parteċipazzjonijiet kwalifikanti;

(c)

is-solidità finanzjarja tal-azzjonisti u tal-membri b'parteċipazzjoni kwalifikanti proposti, b'mod partikolari fir-rigward tat-tip ta' negozju li jsir u li huwa previst fid-ditta tal-investiment;

(d)

jekk id-ditta ta' investiment hix se tkun kapaċi tikkonforma u tkompli tikkonforma mar-rekwiżiti prudenzjali stipulati fl-Artikolu 15 tad-Direttiva 2014/65/UE u, fejn applikabbli, id-Direttivi 2002/87/KE (6) u 2013/36/UE (7) tal-Parlament Ewropew u tal-Kunsill, u b'mod partikolari, jekk il-grupp li minnu se ssir parti għandux struttura li tagħmilha possibbli li tiġi eżerċitata superviżjoni effikaċi, li b'mod effikaċi tiġi skambjata informazzjoni bejn l-awtoritajiet kompetenti u li tiġi ddeterminata l-allokazzjoni tar-responsabilitajiet fost l-awtoritajiet kompetenti;

(e)

jekk hemmx raġunijiet raġonevoli biex wieħed jissuspetta li f'rabta mal-awtorizzazzjoni tad-ditta tal-investiment qiegħed jitwettaq jew ġie mwettaq jew kemm hemm tentattiv biex isir ħasil tal-flus jew finanzjament tat-terroriżmu skont it-tifsira tal-Artikolu 1 tad-Direttiva 2005/60/KE tal-Parlament Ewropew u tal-Kunsill (8), jew li l-awtorizzazzjoni tad-ditta tal-investiment tista' żżid ir-riskju għal dan.

(a)

tkun kumplessa u mhux trasparenti biżżejjed;

(b)

ikollha post ġeografiku tal-entitajiet tal-grupp;

(c)

tinkludi attivitajiet li jwettqu mill-entitajiet tal-grupp li jistgħu jipprevjenu lill-awtorità kompetenti milli tivvaluta b'mod effikaċi l-adattabbiltà tal-azzjonisti jew tal-membri b'parteċipazzjonijiet kwalifikanti jew l-influwenza ta' rabtiet mill-qrib mad-ditta tal-investiment.

26.10.2017   

MT

Il-Ġurnal Uffiċjali tal-Unjoni Ewropea

L 276/12

(1)

Huwa xieraq li jiġu stabbiliti forom, formoli u proċeduri standard biex jiżguraw il-valutazzjoni preċiża mill-awtoritajiet kompetenti tal-Istati Membri tan-notifiki ta' akkwiżizzjonijiet proposti jew taż-żidiet ta' parteċipazzjonijiet kwalifikanti f'ditta ta' investiment. F'dawn il-każijiet, l-awtoritajiet kompetenti rilevanti jeħtieġ li jikkonsultaw ma' xulxin u jipprovdu lil xulxin bi kwalunkwe informazzjoni essenzjali jew rilevanti.

(2)

Sabiex jiffaċilitaw il-kooperazzjoni bejniethom u jiżguraw effiċjenza fl-iskambju ta' informazzjoni tagħhom, l-awtoritajiet kompetenti nnominati skont l-Artikolu 48 tad-Direttiva 2004/39/KE jeħtieġ li jinnominaw persuni ta' kuntatt speċifikament għall-fini tal-proċess ta' konsultazzjoni previst fl-Artikolu 10(4) tad-Direttiva 2004/39/KE u jeħtieġ li tinżamm lista ċentralizzata ta' dawk il-persuni ta' kuntatt mill-Awtorità Ewropea tat-Titoli u s-Swieq (ESMA).

(3)

Jeħtieġ li jiġu stabbiliti proċeduri ta' konsultazzjoni li fihom restrizzjonijiet ta' ħin ċari sabiex jiżguraw kooperazzjoni fil-ħin u effiċjenti bejn l-awtoritajiet kompetenti. Proċedura ta' kooperazzjoni ċara jeħtieġ li tinkludi avviż preliminari li għandu jintbagħat mill-awtorità rikjedenti lill-awtorità li ssirilha t-talba, biex jinforma lill-awtorità li ssirilha t-talba dwar il-valutazzjoni li tkun tinsab għaddejja.

(4)

Jeħtieġ li l-proċeduri jimmiraw ukoll biex jiġi żgurat li l-awtoritajiet kompetenti jikkooperaw u jaħdmu lejn it-titjib tal-proċess billi jippromwovu l-iskambju ta' feedback dwar il-kwalità u r-rilevanza tal-informazzjoni rċevuta.

(5)

Kull skambju jew trażmissjoni ta' informazzjoni bejn l-awtoritajiet kompetenti, u awtoritajiet, korpi jew persuni oħra jeħtieġ li jkun skont ir-regoli dwar id-dejta personali kif stabbiliti fid-Direttiva 95/46/KE tal-Parlament Ewropew u tal-Kunsill (3).

(6)

Ir-Regolament (KE) Nru 45/2001 tal-Parlament Ewropew u tal-Kunsill (4) japplika għall-ipproċessar ta' dejta personali mill-ESMA fl-applikazzjoni ta' dan ir-Regolament.

(7)

Dan ir-Regolament huwa bbażat fuq l-istandards tekniċi ta' implimentazzjoni abbozzati mressqa mill-ESMA lill-Kummissjoni.

(8)

L-ESMA ma kkonsultatx pubblikament jew analizzat l-ispejjeż potenzjali relatati u l-benefiċċji tal-introduzzjoni tal-forom, formoli u proċeduri standard għall-proċess ta' konsultazzjoni bejn l-awtoritajiet kompetenti rilevanti, peress li dan kien ikkunsidrat sproporzjonat fir-rigward tal-ambitu u l-impatt tagħhom.

(9)

Id-Direttiva 2014/65/UE daħlet fis-seħħ fit-2 ta' Lulju 2014. L-Artikolu 12(9) tad-Direttiva 2014/65/UE jieħu post l-Artikolu 10a(8) tad-Direttiva 2004/39/KE u jagħti setgħat lill-ESMA għall-iżvilupp ta' standards tekniċi ta' implimentazzjoni li huma identiċi għal dawk previsti skont l-Artikolu 10a(8) tad-Direttiva 2004/39/KE. Barra minn hekk, il-kontenut tal-Artikoli 10b(4) u l-Artikolu 10(4) tad-Direttiva 2004/39/KE huwa wkoll identiku għall-kontenut tal-Artikolu 13(4) u l-Artikolu 11(2) tad-Direttiva 2014/65/UE. F'konformità mal-Artikolu 94(1) tad-Direttiva 2014/65/UE, id-Direttiva 2004/39/KE se titħassar b'effett mit-3 ta' Jannar 2017. L-adozzjoni ta' standards tekniċi mill-Kummissjoni f'konformità mal-Artikolu 10a(8) tad-Direttiva 2004/39/KE jeħtieġ ukoll titqies f'konformità mal-Artikolu 12(8) tad-Direttiva 2014/65/UE bil-konsegwenza li l-istandard tekniku se jkompli japplika wara t-3 ta' Jannar 2018, mingħajr il-bżonn ta' aktar emendi,

(a)

l-informazzjoni rilevanti mitluba fl-avviż ta' konsultazzjoni, inkluża kwalunkwe opinjoni jew riżerva fir-rigward tal-akkwiżizzjoni mill-akkwirent propost;

(b)

kwalunkwe informazzjoni essenzjali li tista' taffettwa l-valutazzjoni, fuq l-inizjattiva tagħha stess.

26.10.2017   

MT

Il-Ġurnal Uffiċjali tal-Unjoni Ewropea

L 276/22

(1)

Huwa xieraq li jiġu stabbiliti forom, formoli u proċeduri standard komuni biex jiġi żgurat li jkun hemm mekkaniżmu wieħed li permezz tiegħu l-awtoritajiet kompetenti tal-Istati Membri jeżerċitaw b'mod effettiv is-setgħat tagħhom fir-rigward tal-awtorizzazzjoni ta' ditti għall-provvista ta' servizzi ta' investiment u attivitajiet tal-investiment u, meta rilevanti, ta' servizzi anċillari.

(2)

Biex tiġi ffaċilitata il-komunikazzjoni bejn applikant li jkun qiegħed ifittex awtorizzazzjoni bħala ditta tal-investiment skont it-Titolu II tad-Direttiva 2014/65/UE u l-awtorità kompetenti, l-awtoritajiet kompetenti għandhom jaħtru punt ta' kuntatt speċifikament għall-għan tal-proċess ta' applikazzjoni u għandhom jippubblikaw informazzjoni dwar il-punt ta' kuntatt fuq is-sit web tagħhom.

(3)

Sabiex l-awtoritajiet kompetenti jkunu jistgħu jivvalutaw jekk il-bidliet fil-korp maniġerjali tad-ditta jistgħux ikunu ta' theddida għall-ġestjoni effettiva, soda u prudenti tad-ditta, u biex b'mod adegwat jitqiesu l-interessi tal-klijenti tagħha u l-integrita tas-suq, għandhom jiġu definiti limiti taż-żmien ċari għall-preżentazzjoni tal-informazzjoni dwar dawk il-bidliet.

(4)

Id-ditti għandhom jiġu eżentati mir-rekwiżit li jippreżentaw informazzjoni dwar bidliet lill-korp maniġerjali qabel din il-bidla tidħol fis-seħħ, jekk il-bidla hija dovuta għal fatturi li mhumiex fil-kontroll tad-ditta, bħal fil-każ ta' mewt ta' membru tal-korp maniġerjali. F'dawn iċ-ċirkustanzi, l-impriżi għandhom jitħallew jinnotifikaw lill-awtorità kompetenti fi żmien 10 t'ijiem ta' xogħol wara li jkun sar it-tibdil.

(5)

Id-Direttiva 95/46/KE tal-Parlament Ewropew u tal-Kunsill (2) tapplika għall-ipproċessar ta' dejta personali mill-Istati Membri fl-applikazzjoni ta' dan ir-Regolament.

(6)

Dan ir-Regolament huwa bbażat fuq l-abbozz tal-istandards tekniċi ta' implimentazzjoni sottomess mill-Awtorità Ewropea tat-Titoli u s-Swieq (ESMA) lill-Kummissjoni.

(7)

L-ESMA wettqet konsultazzjonijiet pubbliċi miftuħa, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (3).

26.10.2017   

MT

Il-Ġurnal Uffiċjali tal-Unjoni Ewropea

L 276/32

(1)

Lista eżawrjenti ta' informazzjoni jenħtieġ li tkun mitluba minn akkwirent propost ta' parteċipazzjoni kwalifikanti f'ditta ta' investiment fil-waqt tan-notifika inizjali sabiex tippermetti lill-awtoritajiet kompetenti jwettqu l-valutazzjoni tal-akkwiżizzjoni proposta. L-informazzjoni dwar l-identità tal-akkwirent propost u tal-persuni li se jmexxu n-negozju jenħtieġ li tiġi pprovduta mill-akkwirent propost irrispettivament minn jekk ikunx persuna fiżika jew ġuridika, sabiex l-awtorità kompetenti tal-entità fil-mira tkun tista' tivvaluta r-reputazzjoni ta' dan l-akkwirent propost.

(2)

Informazzjoni dwar l-identità tas-sidien benefiċjarji u dwar ir-reputazzjoni u l-esperjenza tal-persuni li effettivament imexxu n-negozju tal-akkwirent propost hija wkoll neċessarja meta l-akkwirent propost ikun persuna ġuridika. Bl-istess mod, meta l-akkwirent propost ikollu, jew ikun maħsub li jkollu, struttura fiduċjarja, huwa neċessarju għall-awtorità kompetenti tal-entità fil-mira li tikseb informazzjoni dwar l-identità tal-fiduċjarji li jkunu se jamministraw l-assi tat-trust, u l-identità tas-sidien benefiċjarji ta' dawn l-assi, biex tkun tista' tiġi vvalutata r-reputazzjoni u l-esperjenza ta' dawn il-persuni.

(3)

Meta l-akkwirent propost ikun persuna fiżika, huwa meħtieġ li tinkiseb informazzjoni kemm fir-rigward tal-akkwirent propost kif ukoll b'rabta ma' kull impriża formalment diretta jew ikkontrollata mill-akkwirent propost sabiex l-awtorità kompetenti tal-entità fil-mira tiġi pprovduta bit-tagħrif kollu rilevanti biex tivvaluta r-reputazzjoni. Meta l-akkwirent propost ikun persuna ġuridika huwa neċessarju li tinkiseb din l-informazzjoni fir-rigward ta' kull persuna li effettivament tmexxi n-negozju tal-akkwirent propost, kull intrapriża taħt il-kontroll tal-akkwirent propost, u kull azzjonist li jeżerċita influwenza sinifikanti fuq l-akkwirent propost sabiex l-awtorità kompetenti tkun ipprovduta bl-informazzjoni kollha rilevanti biex tivvaluta r-reputazzjoni.

(4)

L-informazzjoni rilevanti għall-valutazzjoni tar-reputazzjoni jenħtieġ tinkludi dettalji ta' proċeduri kriminali, storiċi jew li għadhom għaddejjin, kif ukoll kawżi ċivili jew amministrattivi. Bl-istess mod, jenħtieġ li tiġi pprovduta informazzjoni fir-rigward tal-investigazzjonijiet u l-proċedimenti miftuħa, is-sanzjonijiet jew deċiżjonijiet ta' infurzar oħra kollha kontra l-akkwirent propost, kif ukoll informazzjoni oħra bħal ċaħda ta' reġistrazzjoni jew it-tkeċċija mill-impjieg jew pożizzjoni ta' fiduċja li hija meqjusa rilevanti sabiex tivvaluta r-reputazzjoni tal-akkwirent propost.

(5)

Informazzjoni dwar jekk valutazzjoni ta' reputazzjoni bħala akkwirent, jew bħala persuna li tmexxi n-negozju ta' istituzzjoni ta' kreditu, ta' impriża tal-assigurazzjoni jew tar-riassigurazzjoni, ditta tal-investiment jew kull entitàoħra twettqitx diġà minn awtorità kompetenti oħra jew awtorità oħra u, jekk ikun il-każ, l-eżitu ta' din il-valutazzjoni, jenħtieġ li jiġi pprovdut mill-akkwirent propost sabiex jiġi żgurat li l-eżitu ta' investigazzjonijiet imwettqa minn awtoritajiet oħra jiġi kkunsidrat kif xieraq mill-awtorità kompetenti tal-entità fil-mira meta tivvaluta l-akkwirent propost.

(6)

Jenħtieġ li tiġi pprovduta informazzjoni finanzjarja dwar l-akkwirent propost sabiex tiġi vvalutata s-sikurezza finanzjarja ta' dan l-akkwirent propost.

(7)

Informazzjoni dwar l-interessi jew relazzjonijiet finanzjarji u mhux finanzjarji tal-akkwirent propost ma' xi azzjonisti jew diretturi jew membri tal-maniġment superjuri tal-entità fil-mira jew persuna intitolata li teżerċita d-drittijiet tal-vot fl-entità fil-mira, jew mal-entità fil-mira nnifisha jew il-grupp tagħha, jenħtieġ li tiġi pprovduta sabiex l-awtorità kompetenti tal-entità fil-mira tkun tista' tivvaluta jekk l-eżistenza ta' xi kunflitt ta' interess potenzjali tkunx se taffettwa s-solidità finanzjarja tal-akkwirent propost.

(8)

Ċerta informazzjoni addizzjonali, fosthom informazzjoni dwar il-parteċipazzjoni azzjonarja li tkun proprjetà jew li tkun maħsuba li ssir proprjetà qabel u wara l-akkwiżizzjoni proposta, hija meħtieġa meta l-akkwirent propost ikun persuna ġuridika biex l-awtorità kompetenti tal-entità fil-mira tkun tista' tlesti l-valutazzjoni tal-akkwiżizzjoni proposta peress li f'dawn il-każijiet l-istrutturi ġuridiċi u tal-grupp involuti jistgħu jkunu kumplessi u jistgħu jkunu jeħtieġu rieżami dettaljat fir-rigward tar-reputazzjoni, ir-rabtiet mill-qrib, l-azzjoni potenzjali flimkien ma' partijiet oħra, u l-abbiltà tal-awtorità kompetenti tal-entità fil-mira biex tkompli s-superviżjoni effettiva tal-entità fil-mira.

(9)

Meta l-akkwirent propost ikun entità stabbilita f'pajjiż terz jew ikun parti minn grupp stabbilit barra mill-Unjoni, jenħtieġ li tingħata informazzjoni addizzjonali sabiex l-awtorità kompetenti tal-entità fil-mira tkun tista' teżamina jekk hemmx ostakoli għas-superviżjoni effettiva tal-entità fil-mira maħluqa mir-reġim ġuridiku tal-pajjiż terz, u tkun tista' wkoll taċċerta r-reputazzjoni tal-akkwirent propost f'dak il-pajjiż terz.

(10)

Meta l-akkwirent propost ikun fond ta' investimenti sovran, jenħtieġ li tiġi pprovduta informazzjoni mill-akkwirent propost biex jiġu aċċertati l-kontrolluri tal-fond u l-politika ta' investiment tiegħu. Dan huwa rilevanti għall-awtorità kompetenti tal-entità fil-mira kemm għall-valutazzjoni tar-reputazzjoni kif ukoll għall-valutazzjoni ta' jekk ikunx hemm xi impatt fuq is-superviżjoni effettiva tal-entità fil-mira.

(11)

Jenħtieġ li tkun meħtieġa informazzjoni speċifika li tippermetti li ssir valutazzjoni dwar jekk l-akkwiżizzjoni proposta jkunx se jkollha impatt fuq il-kapaċità tal-awtorità kompetenti tal-entità fil-mira biex twettaq superviżjoni effettiva tal-entità fil-mira. Dan jenħtieġ li jinkludi valutazzjoni ta' jekk ir-rabtiet mill-qrib tal-akkwirent propost humiex se jkollhom impatt fuq il-kapaċità tal-entità fil-mira biex tkompli tipprovdi informazzjoni f'waqtha u preċiża lis-superviżur tagħha. Għal persuni ġuridiċi, huwa wkoll meħtieġ li jiġi vvalutat l-impatt tal-akkwiżizzjoni proposta fuq is-superviżjoni kkonsolidata tal-entità fil-mira u l-grupp li tkun tappartjeni għalih wara l-akkwiżizzjoni.

(12)

Informazzjoni dwar il-finanzjament tal-akkwiżizzjoni proposta, inkluża informazzjoni dwar il-mezzi u s-sorsi kollha ta' finanzjament, jenħtieġ li tiġi pprovduta mill-akkwirent propost li għandu jkun kapaċi jippreżenta evidenza dwar is-sors oriġinali tal-fondi u tal-assi kollha sabiex l-awtorità kompetenti tal-entità fil-mira tkun tista' tivvaluta jekk hemmx riskju ta' attivitajiet ta' ħasil tal-flus.

(13)

L-akkwirenti proposti li jkollhom parteċipazzjoni azzjonarja kwalifikanti ta' bejn 20 % u 50 % fl-entità fil-mira jenħtieġ li jipprovdu informazzjoni dwar l-istrateġija lill-awtorità kompetenti tal-entità fil-mira sabiex tiġi żgurata valutazzjoni komprensiva tal-akkwiżizzjoni proposta. Bl-istess mod, l-akkwirenti proposti li għandhom parteċipazzjoni azzjonarja kwalifikanti ta' inqas minn 20 % fl-entità fil-mira iżda li jeżerċitaw influwenza ekwivalenti fuqha permezz ta' mezzi oħrajn bħar-relazzjonijiet bejn l-akkwirent propost u l-azzjonisti eżistenti, l-eżistenza ta' ftehimiet tal-azzjonisti, it-tqassim tal-ishma, l-interessi parteċipattivi u d-drittijiet tal-vot tal-azzjonisti jew il-pożizzjoni tal-akkwirent propost fl-istruttura tal-grupp tal-entità fil-mira wkoll jenħtieġ li jipprovdu dik l-informazzjoni biex jiżguraw livell għoli ta' omoġeneità fil-valutazzjoni tal-akkwiżizzjonijiet proposti.

(14)

Meta jkun hemm proposta ta' tibdil fil-kontroll tal-entità fil-mira, l-akkwirent propost jenħtieġ li, bħala regola ġenerali, jippreżenta pjan tan-negozju sħiħ. Madankollu, fejn ma hemm l-ebda tibdil fil-kontroll propost għall-entità fil-mira, huwa biżżejjed il-pussess ta' ċerta informazzjoni dwar l-istrateġija futura tal-entità u l-intenzjonijiet tal-akkwirent propost għall-entità fil-mira sabiex jiġi vvalutat jekk dan ikunx se jaffettwa s-solidità finanzjarja tal-akkwirent propost.

(15)

Huwa proporzjonat li, f'ċerti każijiet, l-akkwirent propost għandu jipproduċi biss informazzjoni limitata. B'mod partikolari, meta l-akkwirent propost ikun ġie vvalutat mill-awtorità kompetenti tal-entità fil-mira fis-sentejn ta' qabel, jew fejn l-entità fil-mira tkun ditta tal-investiment żgħira u l-akkwirent propost ikun entità awtorizzata u sorveljata fl-Unjoni, jenħtieġ li jkun meħtieġ biss li tiġi pprovduta ċerta informazzjoni mnaqqsa lill-awtorità kompetenti tal-entità fil-mira.

(16)

Kull skambju jew trażmissjoni ta' informazzjoni bejn l-awtoritajiet kompetenti, u awtoritajiet, korpi jew persuni oħra jenħtieġ li jseħħ skont ir-regoli dwar il-protezzjoni tad-dejta personali kif stabbiliti fid-Direttiva 95/46/KE tal-Parlament Ewropew u tal-Kunsill (3)

(17)

Ir-Regolament (KE) Nru 45/2001 tal-Parlament Ewropew u tal-Kunsill (4) japplika għall-ipproċessar tad-dejta personali mwettaq mill-Awtorità Ewropea tat-Titoli u s-Swieq (ESMA) fl-applikazzjoni ta' dan ir-Regolament.

(18)

Dan ir-Regolament huwa bbażat fuq l-abbozz tal-istandards tekniċi regolatorji sottomess mill-ESMA lill-Kummissjoni Ewropea.

(19)

L-ESMA wettqet konsultazzjoni pubblika miftuħa dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Konċernati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (5).

(20)

Id-Direttiva 2014/65/UE daħlet fis-seħħ fit-2 ta' Lulju 2014. L-Artikolu 12(8) ta' din id-Direttiva jieħu post l-Artikolu 10a(8) tad-Direttiva 2004/39/KE u jagħti setgħat lill-ESMA għall-iżvilupp ta' standards tekniċi regolatorji li huma identiċi għal dawk previsti skont l-Artikolu 10a(8) tad-Direttiva 2004/39/KE. Barra minn hekk, il-kontenut tal-Artikoli 10b(4) u l-Artikolu 10(4) tad-Direttiva 2004/39/KE huwa wkoll identiku rispettivament għall-kontenut tal-Artikolu 13(4) u l-Artikolu 11(2) tad-Direttiva 2014/65/UE. F'konformità mal-Artikolu 94(1) tad-Direttiva 2014/65/UE, id-Direttiva 2004/39/KE se titħassar b'effett mit-3 ta' Jannar 2018. L-adozzjoni tal-istandards tekniċi mill-Kummissjoni skont l-Artikolu 10a(8) tad-Direttiva 2004/39/KE jenħtieġ wkoll li titqies f'konformità mal-Artikolu 12(8) tad-Direttiva 2014/65/UE, bil-konsegwenza li l-istandard tekniku se jkompli japplika wara t-3 ta' Jannar 2018 mingħajr il-bżonn ta' aktar emendi,

(a)

dettalji personali inklużi l-isem tal-persuna, id-data u l-post tat-twelid, l-indirizz u d-dettalji ta' kuntatt u, fejn disponibbli, in-numru tal-identifikazzjoni nazzjonali personali;

(b)

curriculum vitae dettaljat jew dokument ekwivalenti, li jiddikjara l-edukazzjoni u t-taħriġ rilevanti, l-esperjenza professjonali preċedenti, u kull attività professjonali jew karigi oħrajn rilevanti mwettqin fil-preżent.

(a)

dokumenti li jiċċertifikaw l-isem tan-negozju u l-indirizz tal-uffiċċju prinċipali tiegħu, u l-indirizz postali jekk differenti, id-dettalji ta' kuntatt u, fejn disponibbli, in-numru ta' identifikazzjoni nazzjonali tagħha;

(b)

reġistrazzjoni tal-forma ġuridika skont il-leġiżlazzjoni nazzjonali rilevanti;

(c)

ħarsa ġenerali aġġornata tan-negozju intraprenditorjali tal-persuna ġuridika;

(d)

lista sħiħa ta' persuni li effettivament imexxu n-negozju, isimhom, id-data u l-post tat-twelid, l-indirizz, id-dettalji ta' kuntatt, in-numru nazzjonali ta' identifikazzjoni tagħhom fejn disponibbli, curriculum vitae dettaljat li jiddikjara l-edukazzjoni u t-taħriġ rilevanti, l-esperjenza professjonali preċedenti tagħhom, u l-attivitajiet professjonali tagħhom jew funzjonijiet rilevanti oħra mwettqin fil-preżent;

(e)

l-identità tal-persuni kollha li jistgħu jitqiesu bħala sidien benefiċjarji tal-persuna ġuridika, l-isem, id-data u l-post tat-twelid, l-indirizz, id-dettalji ta' kuntatt, u, fejn disponibbli, in-numru tal-identifikazzjoni nazzjonali tagħhom.

(a)

l-identità tal-fiduċjarji kollha li jimmaniġġjaw l-assi skont it-termini tad-dokument tat-trust;

(b)

l-identità tal-persuni kollha li huma sidien benefiċjarji tal-assi tat-trust u l-ishma rispettivi tagħhom fid-distribuzzjoni tad-dħul;

(c)

l-identità tal-persuni kollha li huma settlors tat-trust.

(a)

fir-rigward tal-akkwirent propost u ta' kull impriża diretta jew ikkontrollata mill-akkwirent propost, matul l-aħħar għaxar snin:

(b)

informazzjoni dwar jekk valutazzjoni tar-reputazzjoni tal-akkwirent twettqitx diġà minn awtorità ta' sorveljanza oħra, l-identità ta' dik l-awtorità, u evidenza tal-eżitu tal-valutazzjoni;

(c)

informazzjoni dwar il-pożizzjoni finanzjarja attwali tal-akkwirent propost, inkluż id-dettalji rigward is-sorsi tad-dħul, l-assi u l-obbligazzjonijiet, ir-rahan u l-garanziji, mogħtija jew riċevuti;

(d)

deskrizzjoni tal-attivitajiet ta' negozju tal-akkwirent propost;

(e)

informazzjoni finanzjarja inkluż il-klassifikazzjonijiet tal-kreditu u rapporti disponibbli pubblikament dwar l-impriżi kkontrollati jew immexxija mill-akkwirent propost u, jekk applikabbli, dwar l-akkwirent propost;

(f)

deskrizzjoni tal-interessi jew ir-relazzjonijiet finanzjarji u mhux finanzjarji tal-akkwirent propost ma' dawn li ġejjin:

(g)

informazzjoni dwar kull interess jew attività oħra tal-akkwirent propost li jistgħu jkunu f'kunflitt ma' dawk tal-entità fil-mira u soluzzjonijiet possibbli għall-ġestjoni ta' dawk il-kunflitti ta' interess.

(a)

informazzjoni rigward l-akkwirent propost, kull persuna li effettivament tmexxi n-negozju tal-akkwirent propost, kull impriża taħt il-kontroll tal-akkwirent propost, u kull azzjonist li jeżerċita influwenza sinifikanti fuq l-akkwirent propost kif identifikat fil-punt (e). Din l-informazzjoni għandha tinkludi dan li ġej:

(b)

informazzjoni dwar jekk valutazzjoni tar-reputazzjoni tal-akkwirent jew tal-persuna li tmexxi n-negozju tal-akkwirent diġà twettqitx minn awtorità superviżorja oħra, l-identità ta' dik l-awtorità, u evidenza dwar l-eżitu tal-valutazzjoni;

(c)

deskrizzjoni tal-interessi finanzjarji, u l-interessi jew relazzjonijiet mhux finanzjarji tal-akkwirent propost, jew, fejn applikabbli, il-grupp li l-akkwirent propost jappartjeni għalih, kif ukoll il-persuni li jmexxu effettivament in-negozju tiegħu ma':

(d)

informazzjoni dwar kull interess jew attività oħra tal-akkwirent propost li jistgħu jkunu f'kunflitt ma' dawk tal-entità fil-mira u soluzzjonijiet possibbli għall-ġestjoni ta' dawk il-kunflitti ta' interess;

(e)

l-istruttura tal-parteċipazzjoni azzjonarja tal-akkwirent propost, bl-identità tal-azzjonisti kollha li jeżerċitaw influwenza sinifikanti u s-sehem rispettiv tagħhom tal-kapital u d-drittijiet tal-vot inkluża l-informazzjoni dwar kull ftehim tal-azzjonisti;

(f)

jekk l-akkwirent propost huwa parti minn grupp bħala kumpanija sussidjarja jew bħala l-impriża prinċipali, organogramma dettaljata tal-istruttura korporattiva sħiħa u informazzjoni dwar is-sehem tal-kapital u d-drittijiet tal-vot tal-azzjonisti li għandhom influwenza sinifikanti tal-entitajiet tal-grupp u dwar l-attivitajiet attwalment imwettqa mill-entitajiet tal-grupp;

(g)

jekk l-akkwirent propost huwa parti minn grupp bħala kumpanija sussidjarju jew bħala l-kumpanija prinċipali, informazzjoni dwar ir-relazzjonijiet bejn l-entitajiet finanzjarji u mhux finanzjarji tal-grupp;

(h)

l-identifikazzjoni ta' kull istituzzjoni ta' kreditu; impriża tal-assigurazzjoni jew tar-riassigurazzjoni; impriżi għal investiment kollettiv u l-maniġers tagħhom jew ditta tal-investiment fil-grupp, u l-ismijiet tal-awtoritajiet superviżorji rilevanti;

(i)

rapporti finanzjarji statutorji, fil-livell individwali u, fejn disponibbli, dak ta' grupp konsolidat u sottokonsolidat, għall-aħħar tliet perijodi finanzjarji. Fejn dawk ir-rapporti finanzjarji jiġu awditjati esternalment, l-akkwirent propost għandu jipprovdihom diġà approvati mill-awditur estern. Ir-rapporti finanzjarji statutorji għandhom jinkludu:

(j)

fejn disponibbli, l-informazzjoni dwar il-klassifikazzjoni tal-kreditu tal-akkwirent propost u l-klassifikazzjoni ġenerali tal-grupp tiegħu.

(a)

ċertifikat ta' pożizzjoni tajba (kollox konformi) jew ekwivalenti mill-awtoritajiet kompetenti barranin rilevanti rigward l-akkwirent propost;

(b)

dikjarazzjoni minn awtoritajiet kompetenti barranin rilevanti li ma jeżisti l-ebda ostakolu jew limitazzjoni għall-għoti ta' informazzjoni neċessarja għas-superviżjoni tal-entità fil-mira;

(c)

informazzjoni ġenerali dwar ir-reġim regolatorju ta' dak il-pajjiż terz kif applikabbli għall-akkwirent propost.

(a)

l-isem tal-ministeru jew tad-dipartiment tal-gvern responsabbli għad-definizzjoni tal-politika ta' investiment tal-fond;

(b)

dettalji dwar il-politika ta' investiment u kull restrizzjoni fuq l-investiment;

(c)

l-isem u l-pożizzjoni tal-individwi responsabbli għat-teħid tad-deċiżjonijiet tal-investiment tal-fond, kif ukoll id-dettalji tal-parteċipazzjoni kwalifikanti jew l-influwenza kif imsemmi fl-Artikolu 11(2) eżerċitata mill-ministeru jew mid-dipartiment tal-gvern identifikat fuq l-operazzjonijiet ta' kuljum tal-fond u l-entità fil-mira

(a)

dettalji personali inklużi l-isem tal-persuna, id-data u l-post tat-twelid, l-indirizz u d-dettalji ta' kuntatt u, fejn disponibbli, in-numru tal-identifikazzjoni nazzjonali personali;

(b)

il-pożizzjoni li għaliha l-persuna qed tiġi jew se tiġi maħtura;

(c)

curriculum vitae dettaljat li jiddikjara l-edukazzjoni u t-taħriġ professjonali rilevanti, l-esperjenza professjonali, fosthom l-ismijiet tal-organizzazzjonijiet kollha li għalihom il-persuna tkun ħadmet u n-natura u t-tul ta' żmien tal-funzjonijiet imwettqa, b'mod partikolari għal kull attività fil-kamp ta' applikazzjoni tal-pożizzjoni mixtieqa, u d-dokumentazzjoni relatata mal-esperjenza tal-persuna, bħal lista ta' persuni ta' referenza fosthom l-informazzjoni ta' kuntatt u ittri ta' rakkomandazzjoni. Għal pożizzjonijiet miżmuma f'dawn l-aħħar 10 snin, fid-deskrizzjoni ta' dawn l-attivitajiet, il-persuna għandha tispeċifika s-setgħat iddelegati tagħha, is-setgħat ta' teħid ta' deċiżjonijiet interni u l-oqsma tal-operazzjonijiet taħt il-kontroll tagħha. Jekk il-curriculum vitae jinkludi esperjenzi rilevanti oħra, fosthom ir-rappreżentanza tal-korp ta' ġestjoni, dan għandu jiġi ddikjarat;

(d)

informazzjoni dwar dawn li ġejjin:

(e)

informazzjoni dwar jekk valutazzjoni tar-reputazzjoni bħala persuna li tmexxi n-negozju diġà twettqitx minn awtorità superviżorja oħra, l-identità ta' din l-awtorità, u evidenza dwar l-eżitu tal-evalwazzjoni;

(f)

deskrizzjoni dwar l-interessi finanzjarji u mhux finanzjarji jew relazzjonijiet tal-persuna jew tal-qraba tagħha mal-membri tal-korp maniġerjali u ma' persuni f'karigi b'funzjonijiet ewlenin fl-istess istituzzjoni, l-istituzzjoni prinċipali u s-sussidjarji u l-azzjonisti;

(g)

iż-żmien minimu, b'indikazzjonijiet annwali u ta' kull xahar, li se jkun iddedikat għat-twettiq tal-funzjonijiet tal-persuna fl-entità fil-mira;

(h)

il-lista ta' karigi ta' direttur eżekuttiv u mhux eżekuttiv miżmuma mill-persuna fil-preżent.

(a)

l-identifikazzjoni tal-entità fil-mira;

(b)

dettalji tal-intenzjonijiet tal-akkwirent propost fir-rigward tal-akkwiżizzjoni proposta, inkluż l-investiment strateġiku jew investiment ta' portafoll;

(c)

informazzjoni dwar l-ishma tal-entità fil-mira li hi proprjetà, jew maħsuba li tkun proprjetà, tal-akkwirent propost qabel u wara l-akkwiżizzjoni proposta, fosthom:

(d)

deskrizzjoni ta' kull azzjoni flimkien ma' partijiet oħra, inkluż il-kontribut ta' dawk il-partijiet l-oħrajn għall-finanzjament, il-mezzi ta' parteċipazzjoni fl-arranġamenti finanzjarji relatati mal-akkwiżizzjoni proposta u l-arranġamenti organizzattivi futuri tal-akkwiżizzjoni proposta;

(e)

il-kontenut tal-ftehimiet tal-azzjonisti ppjanati ma' azzjonisti oħrajn fir-rigward tal-entità fil-mira;

(f)

il-prezz propost tal-akkwiżizzjoni u l-kriterji użati meta jkun qed jiġi ddeterminat dan il-prezz u, jekk ikun hemm differenza bejn il-valur tas-suq u l-prezz propost tal-akkwiżizzjoni, spjegazzjoni għaliex dan huwa l-każ.

(a)

dettalji dwar l-użu ta' riżorsi finanzjarji privati u l-oriġini u d-disponibbiltà tal-fondi, inkluż kull appoġġ dokumentarju rilevanti li jipprovdi evidenza dokumentarja lill-awtorità kompetenti li ma jkunx hemm tentattiv ta' ħasil tal-flus permezz tal-akkwiżizzjoni proposta;

(b)

dettalji dwar il-mezzi ta' pagament tal-akkwiżizzjoni proposta u n-netwerk użat għat-trasferiment ta' fondi;

(c)

dettalji dwar l-aċċess għal sorsi ta' kapital u s-swieq finanzjarji fosthom id-dettalji ta' strumenti finanzjarji li għandhom jinħarġu;

(d)

informazzjoni dwar l-użu ta' fondi missellfa fosthom l-isem ta' min isellef rilevanti u dettalji tal-faċilitajiet mogħtija, inkluż maturitajiet, termini, rahan u garanziji, kif ukoll informazzjoni dwar is-sors tad-dħul li għandu jintuża biex jitħallas lura dan is-self u l-oriġini tal-fondi missellfa fejn min jislef ma jkunx istituzzjoni finanzjarja taħt superviżjoni;

(e)

informazzjoni dwar kull arranġament finanzjarju ma' azzjonisti oħra tal-entità fil-mira;

(f)

informazzjoni dwar l-assi tal-akkwirent propost jew tal-entità fil-mira li jkunu se jinbiegħu sabiex jgħinu fl-iffinanzjar tal-akkwiżizzjoni proposta, kif ukoll il-kundizzjonijiet tal-bejgħ, inkluż il-prezz, il-valutazzjoni, u dettalji dwar il-karatteristiċi tal-assi u informazzjoni dwar meta u kif l-assi nkisbu.

(a)

il-perjodu li matulu l-akkwirent propost għandu l-intenzjoni li jżomm il-parteċipazzjoni azzjonarja tiegħu wara l-akkwiżizzjoni proposta u kull intenzjoni tal-akkwirent propost li jżid, inaqqas jew iżomm il-livell tal-parteċipazzjoni azzjonarja tiegħu fil-futur prevedibbli;

(b)

indikazzjoni tal-intenzjonijiet tal-akkwirent propost relatati mal-entità fil-mira, inkluż jekk dan għandux l-intenzjoni jew le, li jeżerċita kwalunkwe forma ta' kontroll fuq l-entità fil-mira u r-raġunijiet għal dik l-azzjoni.

(c)

informazzjoni dwar il-pożizzjoni finanzjarja tal-akkwirent propost u r-rieda tiegħu li jappoġġa lill-entità fil-mira b'fondi proprji addizzjonali jekk meħtieġa għall-iżvilupp tal-attivitajiet tagħha jew f'każ ta' diffikultajiet finanzjarji.

(a)

l-informazzjoni kollha stabbilita fl-Artikolu 10;

(b)

dettalji dwar l-influwenza li l-akkwirent propost għandu l-intenzjoni li jeżerċita fuq il-pożizzjoni finanzjarja fir-rigward tal-entità fil-mira fosthom il-politika tad-dividendi, l-iżvilupp strateġiku, u l-allokazzjoni tar-riżorsi tal-entità fil-mira;

(c)

deskrizzjoni tal-intenzjonijiet u l-aspettattivi tal-akkwirent propost lejn l-entità fil-mira fuq perjodu medju ta' żmien, li jkopru l-elementi kollha msemmija fl-Artikolu 12(2) u (3).

(a)

l-objettiv ġenerali tal-akkwiżizzjoni proposta;

(b)

l-objettivi finanzjarji fuq terminu medju li jistgħu jiġu ddikjarati f'termini ta' redditu fuq l-ekwità, proporzjon kostijiet-benefiċċji, qligħ għal kull sehem, jew f'termini oħrajn kif xieraq;

(c)

ir-ridirezzjoni possibbli tal-attivitajiet, il-prodotti, il-klijenti fil-mira u r-riallokazzjoni possibbli tal-fondi jew tar-riżorsi mistennija li jkollhom impatt fuq l-entità fil-mira;

(d)

proċessi ġenerali għall-inklużjoni u l-integrazzjoni tal-entità fil-mira fl-istruttura tal-grupp tal-akkwirent propost, fosthom deskrizzjoni tal-interazzjonijiet prinċipali li għandhom jiġu segwiti ma' kumpaniji oħrajn fil-grupp, kif ukoll deskrizzjoni tal-politiki li jirregolaw ir-relazzjonijiet intragrupp.

(a)

stima tal-karta tal-bilanċ u r-rapport tal-introjtu;

(b)

tbassir tar-rekwiżiti kapitali prudenzjali u l-proporzjon tas-solvenza;

(c)

informazzjoni dwar il-livell ta' skoperturi ta' riskju inklużi r-riskji tal-kreditu, tas-swieq u operattivi kif ukoll riskji rilevanti oħrajn;

(d)

previżjoni ta' tranżazzjonijiet intragrupp.

(a)

il-kompożizzjoni u d-dmirijiet tal-korp amministrattiv, maniġerjali jew ta' superviżjoni, u l-kumitati ewlenin maħluqa minn tali korp tat-teħid tad-deċiżjonijiet, fosthom il-kumitat ta' tmexxija, il-kumitat tar-riskju, il-kumitat tal-awditjar, il-kumitat tar-rimunerazzjoni, fosthom informazzjoni dwar persuni li jiġu maħtura biex imexxu n-negozju;

(b)

proċeduri amministrattivi u ta' kontabbiltà u l-kontrolli interni, fosthom bidliet fil-proċeduri u s-sistemi relatati mal-kontabilità, l-awditjar intern, il-konformità kontra l-ħasil tal-flus u l-ġestjoni tar-riskju, u l-ħatra tal-funzjonijiet ewlenin ta' awditur intern, uffiċjal għall-konformità u maniġer tar-riskji;

(c)

is-sistemi tal-IT ġenerali tal-organizzazzjoni fosthom kull bdil li jikkonċerna l-politika tal-esternalizzazzjoni tal-IT, il-flowchart tad-dejta, is-softwer intern u estern użat u l-proċeduri u għodod essenzjali tas-sigurtà tad-dejta u s-sistemi bħal back-up, pjanijiet ta' kontinwità u rendikonti tal-entrati;

(d)

il-politiki dwar l-esternalizzazzjoni, fosthom informazzjoni dwar l-oqsma kkonċernati, l-għażla tal-fornituri tas-servizzi, u d-drittijiet u l-obbligi rispettivi tal-partijiet fil-kuntratt ta' esternalizzazzjoni bħal arranġamenti tal-awditjar u l-kwalità tas-servizz mistenni mingħand il-fornitur;

(e)

kull informazzjoni rilevanti oħra li tikkonċerna l-impatt tal-akkwiżizzjoni fuq il-governanza korporattiva u l-istruttura organizzattiva ġenerali tal-entità, fosthom kull modifika rigward id-drittijiet tal-vot tal-azzjonisti.

(a)

meta l-akkwirent propost ikun persuna fiżika:

(b)

meta l-akkwirent propost ikun persuna ġuridika:

(c)

meta l-akkwirent propost ikun trust:

(a)

ma jkollhiex assi miżmuma tal-klijenti tagħha;

(b)

ma tkunx awtorizzata għas-servizzi u l-attivitajiet ta' investiment “Il-kummerċ akkont tiegħu nnifsu” jew “Is-sottoskrizzjoni tal-istrumenti finanzjarji u/jew it-tqegħid tal-istrumenti finanzjarji fuq bażi soda ta' impenn” imsemmija fil-punti (3) u (6) tat-Taqsima A tal-Anness I tad-Direttiva 2004/39/KE;

(c)

fil-każ li tkun awtorizzata għas-servizz ta' investiment ta' “Ġestjoni tal-portafoll” kif imsemmi fil-punt (4) tat-Taqsima A tal-Anness I tad-Direttiva 2004/39/KE, l-assi mmaniġġati mill-impriża jkunu inqas minn EUR 500 miljun.

26.10.2017   

MT

Il-Ġurnal Uffiċjali tal-Unjoni Ewropea

L 276/44

(1)

L-Artikolu 12 tal-Ftehim bejn l-Unjoni Ewropea u l-Armenja dwar l-iffaċilitar tal-ħruġ ta' viżi (1) (“il-Ftehim”) jistabbilixxi Kumitat Konġunt (il-“Kumitat Konġunt”). Dan jipprevedi li l-Kumitat Konġunt għandu, b'mod partikolari, jimmonitorja l-implimentazzjoni tal-Ftehim.

(2)

Ir-Regolament (KE) Nru 810/2009 tal-Parlament Ewropew u tal-Kunsill (2) jistipula l-proċeduri u l-kundizzjonijiet għall-ħruġ ta' viżi għal tranżitu minn, jew soġġorni previsti fit-territorju tal-Istati Membri ta' mhux aktar minn 90 jum fi kwalunkwe perjodu ta' 180 jum.

(3)

Linji gwida komuni huma neċessarji sabiex tiġi żgurata implimentazzjoni armonizzata sħiħa tal-Ftehim mill-missjonijiet diplomatiċi u servizzi konsulari tal-Istati Membri, u biex tiġi ċċarata r-relazzjoni bejn id-dispożizzjonijiet tal-Ftehim u d-dispożizzjonijiet tal-leġiżlazzjoni tal-Partijiet tal-Ftehim li jibqgħu japplikaw għal ħruġ ta' viżi mhux koperti mill-Ftehim.

(4)

Huwa xieraq li tiġi stabbilita l-pożizzjoni li għandha tittieħed f'isem l-Unjoni fil-Kumitat Konġunt fir-rigward tal-adozzjoni tal-linji gwida komuni għall-implimentazzjoni tal-Ftehim.

(5)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom ir-Renju Unit ma jiħux sehem skont id-Deċiżjoni tal-Kunsill 2000/365/KE (3); għaldaqstant ir-Renju Unit mhuwiex qed jieħu sehem fl-adozzjoni ta' din id-Deċiżjoni u mhuwiex marbut biha jew soġġett għall-applikazzjoni tagħha.

(6)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom l-Irlanda ma tiħux sehem, skont id-Deċiżjoni tal-Kunsill 2002/192/KE (4); għaldaqstant l-Irlanda mhijiex qiegħda tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha.

(7)

F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha,

26.10.2017   

MT

Il-Ġurnal Uffiċjali tal-Unjoni Ewropea

L 276/60

(1)

Fl-10 ta' Lulju 2014, il-Kunsill adotta d-Deċiżjoni 2014/450/PESK.

(2)

Fis-17 ta' Ottubru 2017, il-Kumitat tal-Kunsill tas-Sigurtà tan-Nazzjonijiet Uniti stabbilit skont ir-Riżoluzzjoni tal-Kunsill tas-Sigurtà tan-Nazzjonijiet Uniti 1591 (2005) aġġorna l-informazzjoni relattiva għal persuna waħda soġġetta għal miżuri restrittivi.

(3)

L-Anness għad-Deċiżjoni 2014/450/PESK għandu għalhekk jiġi emendat skont dan,

26.10.2017   

MT

Il-Ġurnal Uffiċjali tal-Unjoni Ewropea

L 276/62

(1)

Bir-Regolament ta' Implimentazzjoni 2014/715/UE (2), il-Kummissjoni identifikat is-Sri Lanka bħala pajjiż terz li ma jikkooperax fil-ġlieda kontra s-sajd illegali, mhux irrappurtat u mhux irregolat (“IUU”), skont l-Artikolu 31(1) tar-Regolament (KE) Nru 1005/2008. F'dik id-Deċiżjoni, il-Kummissjoni pprovdiet ir-raġunijiet li għalihom qieset li dak il-pajjiż naqas milli jaqdi dmirijietu skont id-dritt internazzjonali bħala Stat tal-bandiera, tal-port, kostali jew tas-suq li jieħu azzjoni biex jipprevjeni, jiskoraġġixxi u jelimina s-sajd IUU.

(2)

Bid-Deċiżjoni ta' Implimentazzjoni (UE) 2015/200 (3), il-Kunsill inkluda s-Sri Lanka fil-lista ta' pajjiżi li ma jikkooperawx stabbilita bid-Deċiżjoni ta' Implimentazzjoni tal-Kunsill 2014/170/UE (4).

(3)

L-Artikolu 18(1)(g) tar-Regolament (KE) Nru 1005/2008 jeskludi l-importazzjoni fl-Unjoni tal-prodotti tas-sajd akkumpanjati b'ċertifikat tal-qbid ivvalidat mill-awtoritajiet ta' Stat tal-bandiera identifikat bħala pajjiż terz li ma jikkooperax fil-ġlieda kontra s-sajd IUU.

(4)

Wara li ġie identifikat bħala pajjiż terz li ma jikkooperax, is-Sri Lanka ppruvat tieħu miżuri konkreti biex tirrimedja għan-nuqqasijiet identifikati.

(5)

Abbażi tal-informazzjoni miksuba mill-Kummissjoni, jidher li s-Sri Lanka implimentat l-obbligi rilevanti skont id-dritt internazzjonali u adottat qafas legali adegwat għall-ġlieda kontra s-sajd IUU. Stabbiliet skema adegwata u effiċjenti ta' monitoraġġ, kontroll u spezzjoni billi introduċiet ġurnali ta' abbord biex tiġi reġistrata dejta dwar il-qbid u sinjali tas-sejħa tar-radju għall-bastimenti tas-sajd u armat il-flotta kollha tal-ibħra miftuħa b'Sistema għall-Monitoraġġ tal-Bastimenti (VMS). Ħolqot ukoll sistema ta' sanzjonijiet ta' deterrent, irrevediet il-qafas legali tagħha dwar is-sajd u żgurat l-implimentazzjoni korretta tal-iskema taċ-ċertifikazzjoni tal-qbid. Barra minn hekk, is-Sri Lanka tejbet b'mod konsistenti l-konformità tagħha mar-rakkomandazzjonijiet u mar-riżoluzzjonijiet tal-Organizzazzjonijiet Reġjonali tal-Ġestjoni tas-Sajd (ORĠS), bħall-miżuri ta' Kontroll mill-Istat tal-Port. Ittrasponiet ir-regoli tal-ORĠS f'liġi tas-Sri Lanka u adottat pjan ta' azzjoni nazzjonali tagħha stess kontra s-sajd IUU, b'konformità mal-Pjan ta' Azzjoni internazzjonali kontra s-sajd Illegali, Mhux Irrappurtat u Mhux Irregolat tan-Nazzjonijiet Uniti.

(6)

Għaldaqstant, jidher li s-Sri Lanka implimentat l-obbligi rilevanti skont id-dritt internazzjonali u li l-azzjonijiet meħuda minnha bħala Stat tal-bandiera huma biżżejjed biex jiżguraw il-konformità mad-dispożizzjonijiet tal-Artikoli 94, 117 u 118 tal-Konvenzjoni tan-Nazzjonijiet Uniti dwar id-Dritt tal-Baħar u l-Artikoli 18, 19, 20 u 23 tal-Ftehim tan-Nazzjonijiet Uniti dwar l-Istokkijiet tal-Ħut.

(7)

Għalhekk, jista' jiġi konkluż li s-sitwazzjoni li ġġustifikat l-identifikazzjoni tas-Sri Lanka bħala pajjiż terz li ma jikkooperax ġiet iġġustifikata u li s-Sri Lanka ħadet miżuri konkreti li kapaċi jwasslu għal titjib dejjiemi tas-sitwazzjoni.

(8)

B'konsegwenza ta' dan il-Kunsill adotta d-Deċiżjoni ta' Implimentazzjoni (UE) 2016/992 (5) li tneħħi s-Sri Lanka mil-lista ta' pajjiżi li ma jikkooperawx.

(9)

F'dawk iċ-ċirkostanzi jenħtieġ li d-Deċiżjoni ta' Implimentazzjoni 2014/715/UE titħassar b'effett mid-dħul fis-seħħ tad-Deċiżjoni ta' Implimentazzjoni (UE) 2016/992.

(10)

Din id-Deċiżjoni ma teskludi l-ebda pass possibbli li jista' jittieħed fil-futur mill-Unjoni, skont ir-Regolament (KE) Nru 1005/2008, f'każ li s-Sri Lanka tonqos milli taqdi d-dmirijiet li hija għandha skont id-dritt internazzjonali, bħala Stat tal-bandiera, tal-port, kostali jew tas-suq, li tieħu azzjoni biex tipprevjeni, tiskoraġġixxi u telimina s-sajd IUU.

(11)

Il-miżuri previsti f'din id-Deċiżjoni huma skont l-opinjoni tal-Kumitat għas-Sajd u l-Akkwakultura tat-28 ta' Frar 2017,

26.10.2017   

MT

Il-Ġurnal Uffiċjali tal-Unjoni Ewropea

L 276/64

(1)

Fit-23 ta' Settembru 2013, l-Awtorità rċeviet ilment li allega li Íslandsbanki hf. (“ISB”) u Arion Bank hf. (“Arion”) kienu ngħataw għajnuna illegali mill-Istat permezz ta' finanzjament fuq terminu twil b'rati ta' imgħax favorevoli mill-Bank Ċentrali tal-Iżlanda (“CBI”) (1).

(2)

B'ittra datata t-23 ta' Ottubru 2013, l-Awtorità bagħtet talba għal informazzjoni lill-awtoritajiet Iżlandiżi (2), li għaliha wieġbu fis-17 ta' Jannar 2014 (3). Sussegwentement, il-każ ġie diskuss f'laqgħa bejn rappreżentanti tal-Awtorità u tal-awtoritajiet Iżlandiżi f'Reykjavik f'Mejju 2014. Id-diskussjonijiet ġew segwiti minn ittra datata l-5 ta' Ġunju 2014 (4). Il-każ reġa' ġie diskuss f'laqgħa bejn ir-rappreżentanti tal-Awtorità u tal-awtoritajiet Iżlandiżi, inkluż ma' rappreżentant mis-CBI, f'Reykjavik fi Frar 2015. Dawn id-diskussjonijiet ġew segwiti minn ittra datata l-24 ta' Frar 2015 (5), u l-awtoritajiet Iżlandiżi bagħtu risposta għaliha fl-1 ta' April 2015 (6).

(3)

Bid-Deċiżjoni Nru 208/15/COL tal-20 ta' Mejju 2015, l-Awtorità bdiet il-proċedura formali ta' investigazzjoni dwar l-allegazzjonijiet ta' għajnuna illegali mill-Istat mogħtija lil ISB u lil Arion permezz ta' ftehimiet dwar konverżjoni ta' self allegatament f'termini preferenzjali. B'ittra datata t-28 ta' Awwissu 2015 (7), l-awtoritajiet Iżlandiżi kkummentaw dwar id-deċiżjoni tal-Awtorità. Fl-istess data, l-Awtorità rċeviet ukoll kummenti mingħand wieħed miż-żewġ benefiċjarji, jiġifieri Arion (8).

(4)

Fl-24 ta' Settembru 2015, id-deċiżjoni dwar il-bidu tal-proċedura formali ta' investigazzjoni ġiet ippubblikata f'Il-Ġurnal Uffiċjali tal-Unjoni Ewropea u fis-Suppliment tiegħu taż-ŻEE (9). B'ittra datata l-5 ta' Ottubru 2015, is-CBI issottometta kummenti dwar id-deċiżjoni tal-ftuħ. (10).

(5)

B'ittra datata l-14 ta' Ġunju 2016, l-Awtorità talbet informazzjoni addizzjonali mingħand is-CBI, ISB u Arion (11). L-awtoritajiet Iżlandiżi pprovdew l-informazzjoni mitluba b'ittra datata l-20 ta' Settembru 2016 (12).

(6)

Il-miżuri kkonċernati huma konnessi mas-self ta' kollateral u titoli mis-CBI. Bħala parti mir-rwol tiegħu ta' bank ċentrali u kreditur tal-aħħar istanza, u f'konformità mal-politika monetarja ta' banek ċentrali oħrajn, is-CBI jipprovdi faċilitajiet ta' kreditu ta' terminu qasir lil impriżi finanzjarji fil-forma ta' self ta' kollateral, skont id-dispożizzjonijiet tar-regoli tas-CBI li jappartjenu lil dan. L-istituzzjonijiet finanzjarji għandhom l-għażla li jitolbu self mil-lum għall-għada jew self fuq sebat ijiem b'kollateral li huwa kkundsidrat eliġibbli mis-CBI.

(7)

Fl-2007 u l-2008, is-self ta' kollateral żdied kostantement, u s-CBI sar sors maġġuri ta' likwidità għal impriżi finanzjarji. Is-self ta' kollateral laħaq il-quċċata fl-1 ta' Ottubru 2008, eżatt qabel ma kkollassaw il-banek, meta s-CBI kien sellef ISK 520 biljun lil istituzzjonijiet finanzjarji. B'hekk, fiż-żmien tal-kollass tat-tliet banek kummerċjali (Landsbankinn, Glitnir u Kaupthing) f'Ottubru 2008, is-CBI kien kiseb pretensjonijiet konsiderevoli kontra dawn l-impriżi finanzjarji domestiċi li kienu garantiti minn kollaterali ta' tipi varji. Dak iż-żmien, kważi 42 % tal-kollateral għall-faċilitajiet ta' self tas-CBI ħadu l-forma ta' titoli garantiti mit-Teżor jew ta' titoli garantiti b'assi, waqt li madwar 58 % tal-kollateral sottostanti kien jikkonsisti f'bonds maħruġin minn Glitnir, Kaupthing, u Landsbankinn (13).

(8)

Bil-kollass ta' Glitnir fl-2008, il-pretensjonijiet tas-CBI saru dovuti u pagabbli, u b'hekk għamlu lis-CBI kreditur tal-bank fallut. B'deċiżjoni tal-Awtorità għas-Sorveljanza Finanzjarja (“FME”) f'Ottubru 2008, fi prinċipju l-assi u l-obbligazzjonijiet domestiċi kollha (ħlief xi assi u obbligazzjonijiet esklużi) ta' Glitnir ġew trasferiti lil ISB, inklużi l-obbligazzjonijiet pendenti ta' Glitnir lis-CBI, li kienu jammontaw għal madwar ISK 55,6 biljun, kif ukoll indirettament, is-sjieda tal-kollateral bażi (il-portafoll tas-self b'ipoteka) (14).

(9)

Peress li d-dejn mas-CBI kien jikkonsisti f'self ta' kollateralzzat fuq terminu qasir, ħlas lura immedjat kien ikollu impatt serju fuq il-pożizzjoni ta' likwidità ta' ISB u seta' jipperikola r-ristrutturar tal-bank. Skont is-CBI, l-alternattiva kienet tkun li s-CBI jiġbor id-dejn, li kien iħalli lis-CBI bil-portafoll tas-self b'ipoteka. Il-ġestjoni ta' dan kienet tkun diffiċli għal bank ċentrali. Il-bejgħ tal-portafoll tas-self b'ipoteka wkoll ma kienx ikkunsidrat bħala għażla dak iż-żmien minħabba l-kriżi finanzjarja u n-nuqqas ta' akkwirent potenzjali fis-suq.

(10)

B'hekk, ISB fittex li jinnegozja mill-ġdid id-dejn mas-CBI biex jikkonvertih f'dejn fit-tul bi profil ta' amortizzament raġonevoli, biex jevita impatt negattiv ulterjuri fuq il-pożizzjoni ta' likwidità ta' ISB. Wara n-negozjati bejn ISB u s-CBI, fil-11 ta' Settembru 2009 intlaħaq ftehim bir-riżultat li ISB ħareġ bond awtonomu lis-CBI fl-ammont ta' ISK 55,6 biljun. Il-bond kien garantit b'assi bl-istess portafoll tas-self ipotekarju, jew simili, kopert mill-bonds li nħarġu minn Glitnir fil-passat. Il-bond kien ikkollateralizzat iżżejjed bi proporzjon bejn is-self u l-valur (“LTV”) ta' 70 % (15). Il-bond jimmatura f'għaxar snin, b'rata tal-imgħax ta' 4,5 %, marbuta mal-IPK (l-indiċi tal-prezz tal-konsumatur).

(11)

F'Ottubru 2008, kien jidher ċar li Kaupthing ma setax jiġi salvat u b'hekk l-FME ħadet kontroll tal-operazzjonijiet tal-bank. B'konformità mal-Att Nru 125/2008 dwar l-Awtorità għall-Ħlasijiet mit-Teżor dovuti għal Ċirkostanzi Mhux tas-Soltu tas-Suq Finanzjarju eċċ. (l-“Att ta' Emerġenza”), li għadda fis-6 ta' Ottubru 2008, l-FME iddeċidiet li taqsam lil Kaupthing f'bank qadim u f'bank ġdid. Il-bank il-ġdid, li wara sar Arion, fil-prinċipju ħa f'idejh il-biċċa l-kbira tal-assi u l-obbligazjonijiet domestiċi. Madankollu, l-obbligazzjonijiet garantiti lejn is-CBI u l-kollateral rispettiv, inkluż il-portafoll tas-self għall-akkomodazzjoni, ma ġewx trasferiti (16). Il-bank il-qadim tqiegħed taħt is-superviżjoni ta' kumitat ta' riżoluzzjoni u aktar tard sar soġġett għal proċeduri ta' stralċ, bil-għan li, eventwalment, jingħalqu l-operazzjonijiet kollha.

(12)

Kaupthing, il-Gvern u Arion waslu għal ftehim fit-3 ta' Settembru 2009 rigward il-kapitalizzazzjoni ta' Arion u l-bażi għall-kumpens minn Kaupthing għal Arion (il-“ftehim dwar il-kapitalizzazzjoni ta' Kaupthing”). Skont dan il-ftehim, Kaupthing kellu l-għażla li jakkwista l-kontroll ta' Arion billi jissottoskrivi għal kapital azzjonarju ġdid u kellu jħallas għall-kapital azzjonarju l-ġdid bl-assi tal-bank l-antik stess (jiġifieri, l-assi li ma kinux ġew trasferiti wara d-deċiżjoni tal-FME kif deskritt hawn fuq).

(13)

Qabel ma Kaupthing seta' jiddeċiedi jekk jiksibx sehem ta' maġġuranza f'Arion, kellu jintlaħaq ftehim mas-CBI dwar is-saldu tal-pretensjonijiet pendenti billi wħud mill-assi li kien ikollu bżonn biex iħallas għall-kapital azzjonarju l-ġdid kienu tqiegħdu bħala kollateral kontra self ipprovdut mis-CBI lil Kaupthing, inkluż il-portafoll tas-self għall-akkomadazzjoni. Għalhekk, fit-30 ta' Novembru 2009, il-Ministeru tal-Finanzi, is-CBI u l-Kumitat ta' Riżoluzzjoni ta' Kaupthing għamlu ftehim dwar is-saldu tal-pretensjonijiet tas-CBI kontra Kaupthing (il-“ftehim dwar is-saldu”). Is-saldu tas-self mil-lum għal għada kien is-suġġett tal-Artikolu 3 tal-ftehim dwar is-saldu u hemmhekk il-partijiet qablu li Arion Bank jassumi d-dejn ta' Kaupthing lejn is-CBI billi joħroġ bond li jammonta għal madwar ISK […] (*1) biljun, f'forma speċifika mehmuża mal-ftehim bħala Appendiċi II, filwaqt li s-CBI imbagħad jassenja l-portafoll tas-self għad-djar lil Arion.

(14)

Fit-22 ta' Jannar 2010, Arion u s-CBI ikkonkludew ftehim dwar self li, skont is-CBI u Arion, kien jirrappreżenta l-finalizzazzjoni formali tal-Artikolu 3 tal-ftehim dwar is-saldu u l-ftehim dwar il-kapitalizzazzjoni, jiġifieri meta l-kredituri ta' Kaupthing saru s-sidien ta' Arion. Il-ftehim dwar is-self issostitwixxa l-bond imsemmi qabel. Il-ftehim dwar is-self kien essenzjalment jirrifletti t-termini tal-bond, ħlief li l-ammont prinċipali tal-ftehim dwar is-self kien denominat f'EUR, USD u CHF minflok ISK. Din il-bidla fid-denominazzjoni tal-munita kienet f'konformità mat-termini tal-ftehim dwar is-saldu li kienu jipprevedu li, minkejja d-denominazzjoni tal-kapital, Arion għandu jħallas l-imgħax u l-pagamenti rateali f'muniti barranin sal-punt li setal-bank. Il-ftehim dwar is-saldu stipula wkoll li jekk Arion ma setax iħallas f'muniti barranin, u minflok xtaq iħallas f'ISK, kellu jissottometti applikazzjoni bil-miktub bir-raġuni lis-CBI.

(15)

Il-ftehim dwar is-self stipula self fuq perjodu ta' seba' snin, li jista' jiġi estiż b'sentejn jew tlieta, għal ammont ta' EUR […] miljun, USD […] miljun u CHF […] miljun. Arion ingħata permess jibdel il-kombinazzjoni tal-muniti li bihom kellu jitħallas lura s-self. L-imgħax pagabbli kien EURIBOR/LIBOR + 300 bps. Il-portafoll tas-self għall-akkomodazzjoni ta' Arion serva ta' kollateral għas-CBI.

(16)

Skont l-ilmentatur, il-ftehimiet dwar is-self bejn ISB, Arion u s-CBI ma ġewx ivvalutati fid-deċiżjonijiet tal-Awtorità li approvaw l-għajnuna għar-ristrutturar għal ISB u Arion (17). Billi l-miżuri ma ġewx indirizzati f'dawn il-każijiet, l-ilmentatur iqis li huwa importanti li tinkiseb l-opinjoni tal-Awtorità dwar (i) il-kompatibilità ta' dawn l-allegati miżuri ta' għajnuna addizzjonali mal-Ftehim taż-ŻEE, u (ii) il-konsegwenzi tan-nuqqas min-naħa tal-awtoritajiet Iżlandiżi li jinnotifikaw dawn il-miżuri.

(17)

L-ilmentatur jallega li, meta s-CBI daħlet fil-ftehimiet dwar is-self ma' Arion u ISB, banek oħrajn fl-Iżlanda ma ngħatawx l-opportunità li jirċievu finanzjament bħal dan mis-CBI jew minn aġenziji governattivi oħrajn. L-ilmentatur b'hekk isostni li l-għajnuna kienet selettiva għax ingħatat esklussivament lil ċerti istituzzjonijiet finanzjarji li jikkompetu fis-suq bankarju tal-Iżlanda. Skont l-ilmentatur, meta ISB ingħata s-self, il-bank ingħata għajnuna biex jevita l-infurzar mis-CBI dwar il-kwistjoni tal-bond kopert; u fil-każ ta' Arion, is-self ingħata biex jiġi żgurat bilanċ xieraq fuq ir-riskju tal-valuta tal-bank. L-ilmentatur jargumenta li istituzzjonijiet finanzjarji oħrajn, li ma rċevewx għajnuna bħal din, kienu mġiegħla jbigħu assi fi swieq li kienu jiffavorixxu lill-akkwirenti.

(18)

Skont l-ilmentatur, il-ftehimiet ta' self taw lil ISB u lil Arion vantaġġ ċar fil-forma ta' finanzjament għal żmien twil b'rati ta' interessi favorevoli taħt ir-rati tas-suq u li ma kinux disponibbli għal parteċipanti oħrajn fis-suq. Skont l-ilmentatur, l-ebda investitur privat ma kien jidħol fi ftehimiet bħal dawn f'dan iż-żmien turbolenti fis-swieq finanzjarji. Sabiex jissostanzja l-istqarrija tiegħu li r-rati tal-imgħax kienu inqas mir-rati tas-suq f'dak iż-żmien, l-ilmentatur issottometta firxiet ta' swap ta' inadempjenza ta' kreditu (“CDS”) tal-gvern Iżlandiż fl-2009 u r-rati tal-imgħax tal-ħruġ ta' bonds tal-2009 HFF150224 u HFF150434 mill-Fond għall-Finanzjament tal-Akkomodazzjonijiet tal-Iżlanda (“HFF”, Housing Financing Fund). L-ilmentatur isostni li l-miżuri saħħew lil ISB u Arion fis-suq bankarju u b'hekk affettwaw il-pożizzjoni ta' parteċipanti oħra fis-suq.

(19)

Fl-aħħar, l-ilmentatur jgħid li l-pjanijiet għar-ristrutturar ta' ISB u Arion, implimentati mill-gvern Iżlandiż u li l-Awtorità sabet li huma għajnuna kompatibbli skont l-Artikolu 61(3)(b) tal-Ftehim taż-ZEE, kienu biżżejjed biex jirrimedjaw it-taqlib fl-ekonomija tal-Iżlanda. Skont l-ilmentatur, il-miżuri ta' għajnuna addizzjonali implimentati permezz tal-ftehimiet imsemmija hawn fuq ma kinux neċessarji, xierqa jew proporzjonati biex tiġi restawrata s-sistema bankarja Iżlandiża u b'hekk jinvolvu għajnuna mill-Istat inkompatibbli.

(20)

Fid-Deċiżjoni Nru 208/15/COL, l-Awtorità vvalutat preliminarjament jekk il-faċilitajiet ta' kreditu b'terminu qasir fornuti mis-CBI lil Glitnir u Kaupthing, kif ukoll il-ftehimiet ta' self konklużi bejn is-CBI u kemm Arion kif ukoll ISB, jistgħux jikkostitwixxu għajnuna mill-istat fis-sens tal-Artikolu 61(1) tal-Ftehim taż-ŻEE; u, jekk iva, jekk l-għajnuna mill-istat tistax tkun kompatibbli mal-funzjonament tal-Ftehim taż-ZEE.

(21)

Rigward is-self ta' kollateral b'terminu qasir tas-CBI lil banek u istituzzjonijiet finanzjarji oħrajn, l-Awtorità sabet li l-kundizzjonijiet stabbiliti fil-Linji Gwida Bankarji (18) dwar l-assistenza fil-likwidità u l-faċilitajiet tal-bank ċentrali kienu twettqu. Għaldaqstant, l-Awtorità kkonkludiet li l-faċilitajiet ta' kreditu b'terminu qasir fornuti mis-CBI lil Glitnir u Kaupthing ma kinux jinvolvu għajnuna mill-istat.

(22)

Madankollu, b'konnessjoni mal-ftehimiet ta' self bejn is-CBI u kemm Arion kif ukoll ISB taħt termini allegatament favorevoli, l-Awtorità waslet għall-konklużjoni preliminari li ma jistax jiġi eskluż li dawn jikkostitwixxu għajnuna mill-istat fis-sens tal-Artikolu 61(1) tal-Ftehim taż-ŻEE. L-aspetti li ġejjin ġew identifikati fid-Deċiżjoni Nru 208/15/COL:

(23)

Skont l-Awtorità, kien hemm bżonn ta' aktar evidenza biex tkun tista' tiddetermina jekk it-termini tas-self kinux jistgħu jitqiesu bħala kompatibbli mal-funzjonament tal-Ftehim taż-ŻEE.

(24)

Bħala konsegwenza, wara l-valutazzjoni preliminari tagħha, l-Awtorità kellha dubji jekk il-miżuri kkonċernati u t-termini tas-self b'mod partikolari kinux jikkostitwixxu għajnuna mill-istat, u, jekk iva, jekk setgħux jinstabu li huma kompatibbli mal-funzjonament tal-Ftehim taż-ŻEE.

(25)

Is-CBI jinnota li r-ristrutturar tas-sistema finanzjarja Iżlandiża, tal-pedament legali, u tal-eżekuzzjoni governattiva tagħha, ġew indirizzati preċedentement mill-Awtorità, fost oħrajn fid-deċiżjonijiet dwar l-għajnuna għar-ristrutturar ta' ISB u Arion. Skont is-CBI, mhux loġiku li l-miżuri investigati f'dan il-każ jittieħdu barra mill-kuntest tagħhom u jiġu vvalutati bħala strumenti awtonomi.

(26)

Skont is-CBI, mhux realistiku għal bank ċentrali li jinforza kollateral bħal dak inkwistjoni fil-każ ta' Kaupthing (Arion) u ISB. Bl-approprijazzjoni ta' kollateral bħal dak, is-CBI kien jieħu r-rwol ta' bank kummerċjali b'wieħed mill-akbar portafolli tas-self għall-akkomodazzjoni fl-Iżlanda. Dan ma kienx ikun konsistenti mar-rwol tiegħu bħala bank ċentrali. Kien hemm ukoll riskju importanti li l-operazzjonijiet ta' Arion u ISB jiġu destabilizzati, li kien jipperikola l-istabilità finanzjarja. L-Awtorità għandha tqis li s-CBI għandu obbligu legali li jippromwovi l-istabbilità finanzjarja. Kieku s-CBI ġabret il-pretensjoni fuq ISB, il-likwidità ta' ISB kienet tiddgħajjef wisq biex jopera bħala bank b'saħħtu u konsegwentement is-CBI ma kienx ikun f'pożizzjoni li jiġbor il-pretensjoni kollha tiegħu.

(27)

Is-CBI jinnota li, sfortunatament, il-Linji Gwida Bankarji ma jindirizzawx x'jiġri meta pretensjonijiet li jkunu ġejjin minn operazzjonijiet ta' politika monetarja jaqgħu f'inadempjenza u bank ċentrali jkun imġiegħel jieħu passi biex jiġbor il-pretensjonijiet u japproprja l-assi kollaterali. Is-CBI jargumenta li l-konverżjoni tal-pretensjonijiet tas-CBI fi ftehimiet ta' self għandha tiġi kkunsidrata bħala kontinwazzjoni normali tal-miżuri tal-kredituri li għandhom l-għan li jimmassimizzaw l-irkupru tal-pretensjonijiet li ġejjin minn faċilitajiet ta' kreditu b'terminu qasir u mhux bħala finanzjament fornut lil Arion u ISB.

(28)

Rigward jekk il-ftehimiet ta' self tawx vantaġġ lill-banek, is-CBI l-ewwel jargumenta li d-dewmien inizjali fil-pagamenti ma kienx jinvolvi għajnuna mill-istat, minħabba ċ-ċirkustanzi eċċezzjonali prevalenti fl-Iżlanda wara l-kollass tas-sistema bankarja f'Ottubru 2008. Is-saldu tal-pagamenti ma' ISB f'Settembru 2009 u ma' Kaupthing f'Novembru 2009 ma jistax jiġi kkunsidrat bħala dewmien, skont is-CBI, billi l-Iżlanda kienet għaddejja minn ristrutturar komprensiv tal-banek bl-għajnuna tal-IMF u kien hemm grad għoli ta' inċertezza dwar il-valutazzjoni tal-assi tal-banek.

(29)

Is-CBI jenfasizza li għandu l-obbligu legali li jżomm l-istabilità finanzjarja u li jissorvelja l-bilanċi tal-iskambju barrani tal-istituzzjonijiet tal-kreditu. B'hekk, is-CBI kellu obbligu legali li jindirizza s-sitwazzjoni gravi prevalenti dak iż-żmien. Il-konklużjoni tal-ftehimiet ta' self kienet l-aħjar deċiżjoni ekonomika razzjonali f'dawk iċ-ċirkustanzi. Is-CBI jinnota li l-approprjazzjoni tal-kollateral mhux biss kienet tkun inkonsistenti mar-rwol ta' bank ċentrali, iżda fl-aħħar ir-riżultat kien ikun li s-CBI kien jirkupra inqas mid-dejn f'terminu qasir.

(30)

Barra minn hekk, skont is-CBI, it-termini tal-ftehimiet ta' self, jiġifieri r-rati tal-imgħax u l-kollateral, kienu favorevoli għas-CBI. Is-CBI jirreferi għal informazzjoni disponibbli dwar strumenti maħruġin mad-dinja kollha u wkoll għat-termini ta' strumenti oħrajn li daħlu fihom il-partijiet f'dak iż-żmien (Arion, ISB, is-CBI, istituzzjonijiet finanzjarji domestiċi oħrajn, u l-Istat) (19). B'hekk, skont is-CBI, it-termini tal-ftehimiet ta' self kienu fiż-żewġ każijiet kompletament konsistenti mat-termini normali tas-suq f'dak iż-żmien, u b'hekk kompletament f'konformità mal-prinċipju tal-investitur f'ekonomija tas-suq.

(31)

Rigward jekk dawn il-ftehimiet ta' self kinux selettivi, is-CBI jargumenta li l-impriżi kollha f'sitwazzjoni legali u fattwali paragunabbli ġew trattati b'mod ekwu. F'dan ir-rigward, is-CBI jinnota li Straumur, bank tal-investiment privat Iżlandiż, ukoll ikkonkluda ftehim mas-CBI dwar is-saldu tad-dejn f'terminu qasir tiegħu (20). Barra minn hekk, skont is-CBI, MP Bank ma kienx f'sitwazzjoni fattwali jew legali simili minħabba li d-djun fuq terminu qasir tiegħu ma kinux garantiti b'assi paragunabbli mal-portafoll tas-self għall-akkomodazzjoni iżda b'garanziji pubbliċi bħal strumenti tat-Teżor u strumenti siguri simili, jiġifieri assi li setgħu jiġu kummerċjalizzati faċilment b'valur stabbilit u bl-ebda spiża involuta jew assoċjata mal-approprijazzjoni. B'hekk, is-CBI jirrifjuta d-dikjarazzjoni li banek oħrajn fl-Iżlanda ma ngħatawx l-opportunità li jirċievu finanzjament bħal dan mis-CBI jew minn aġenziji governattivi oħrajn.

(32)

Fl-aħħar, is-CBI jinnota li l-Awtorità għandha tqis li matul il-perjodu meta ġew konklużi l-ftehimiet ta' self, ma kien hemm de facto l-ebda kompetizzjoni bejn impriżi finanzjarji Iżlandiżi u impriżi finanzjarji oħrajn fiż-ŻEE. F'Novembru 2008, il-Parlament Iżlandiż adotta l-Att Nru 134/2008, li jemenda l-Att dwar ir-Rata tal-Kambju Nru 87/1992, li impona restrizzjonijiet fuq il-movimenti kapitali transkonfinali u fuq tranżazzjonijiet ta' kambju relatati magħhom, u b'hekk sar impossibbli għal entitajiet finanzjarji barranin li jikkompetu fis-suq Iżlandiż (21). B'hekk, is-CBI jargumenta li l-miżuri ma kinux ta' natura li jfixklu l-kompetizzjoni u jaffettwaw il-kummerċ bejn il-Partijiet Kontraenti fil-Ftehim taż-ŻEE.

(33)

Fuq il-bażi ta' dan ta' hawn fuq, is-CBI jargumenta li l-konklużjoni tal-ftehimiet ta' self ma tistax tikkostitwixxi għajnuna mill-istat fis-sens tal-Artikolu 61(1) tal-Ftehim taż-ŻEE.

(34)

Jekk madankollu l-Awtorità tqis il-miżuri bħala għajnuna mill-istat, is-CBI jargumenta li l-miżuri għandhom jitqiesu bħala kompatibbli mal-Ftehim taż-ŻEE fuq il-bażi tal-Artikolu 61(3)(b) tiegħu, peress li ffurmaw parti integrali mill-miżuri li kienu neċessarji, proporzjonati u xierqa bħala rimedju għal tfixkil serju fl-ekonomija Iżlandiża u b'hekk kienu konnessi direttament mal-miżuri ta' għajnuna għar-ristrutturar approvati mill-Awtorità fid-deċiżjonijiet tagħha dwar l-għajnuna għar-ristrutturar ta' Arion u ISB.

(35)

Arion jargumenta wkoll li l-miżuri investigati f'dan il-każ ma jistgħux jittieħdu barra mill-kuntest tagħhom u jiġu vvalutati bħala strumenti awtonomi. Arion jissuġġerixxi li l-Awtorità diġà investigat u approvat ir-ristrutturar u l-kapitalizzazzjoni ta' Arion fid-deċiżjoni tagħha dwar l-għajnuna għar-ristrutturar ta' Arion.

(36)

Arion jinnota li d-denominazzjoni tas-self f'muniti barranin minflok ISK kienet f'konformità mat-termini tal-ftehim tas-saldu, li stipula li Arion għandu jħallas l-imgħax u l-pagamenti bin-nifs f'muniti barranin sal-punt li setal-bank u li kien permess li jħallas f'ISK f'ċirkostanzi eċċezzjonali biss. Arion jinnota wkoll li l-Artikolu 4 tal-ftehim tas-saldu stipula li l-mutwarju jista', bil-permess tal-mutwanti, ibiddel id-denominazzjoni tad-dejnparzjalment jew kompletament. It-termini tal-ftehim ta' self huma b'hekk kompletament skont it-termini tal-ftehim tas-saldu. Arion jenfasizza li l-Awtorità diġà rrevediet u approvat it-termini tal-ftehim tas-saldu fid-deċiżjoni tagħha dwar l-għajnuna għar-ristrutturar ta' Arion (22).

(37)

Skont Arion, id-deskrizzjoni tal-Awtorità fid-Deċiżjoni Nru 208/15/COL li l-pożizzjoni ta' Arion mingħajr il-portafoll tas-self għad-djar kienet tkun dgħajfa, mhijiex korretta. Skont Arion, il-portafoll tas-self għad-djar kien tassew ass ta' valur billi kien jinkludi s-self ta' wħud mill-klijenti l-aktar importanti ta' Arion u kien moqdi wkoll minn Arion. Skont il-ftehim tas-saldu (u mhux id-deċiżjoni tal-FME), Kaupthing seta' jittrasferixxi l-portafoll tas-self għad-djar lil Arion bħala parti mill-kapitalizzazzjoni ta' Arion. Madankollu, fl-assenza tal-Artikolu 3 tal-ftehim tas-saldu (u b'hekk fl-assenza tat-trasferiment tal-portafoll tas-self għad-djar), assi oħrajn kieku kienu jissostitwixxu l-portafoll tas-self għall-akkomodazzjoni biex iwettqu r-rekwiżiti tal-kapitalizzazzjoni u r-ristrutturar ta' Arion.

(38)

Skont Arion, il-pożizzjoni tas-CBI tista' tiġi kkwalifikata bħal dik ta' kreditur privat li jinforza l-pretensjonijiet kontra Kaupthing, kif deskritt fil-ftehim tas-saldu, skont ir-regoli applikabbli li jirregolaw l-istralċ tal-proċeduri (23). L-assenjazzjoni tal-portafoll għall-akkomodazzjoni skont il-ftehim ta' saldu u l-konklużjoni tal-ftehim tas-self saru f'termini kompletament konsistenti mat-termini normali tas-suq f'dak iż-żmien. Bħala konsegwenza, il-kondotta tas-CBI tikkonforma mar-rekwiżiti tat-test tal-kreditur privat. B'hekk, is-CBI ma ta l-ebda vantaġġ lil Arion li jista' jiġi kkunsidrat bi kwalunkwe mod bħala għajnuna mill-istat.

(39)

Skont Arion, il-punti ewlenin li għandhom jiġu kkunsidrati meta ssir valutazzjoni dwar jekk kreditur privat ipotetiku kienx jidħol fil-ftehim tas-saldu u l-ftehim ta' self jistgħu jinġabru fil-qosor kif ġej:

(40)

Billi l-Awtorità, fid-Deċiżjoni Nru 208/15/COL, ikkunsidrat li jkun diffiċli li jiġu determinati l-punti ta' riferiment xierqa għar-rati tal-imgħax matul il-kriżi finanjarja, Arion ipprovda informazzjoni dwar il-ħruġ ta' bonds koperti u ta' bonds privileġġjati mhux garantiti minn banek fl-Ewropa matul il-perjodu inkwistjoni. Billi s-self ipprovdut mis-CBI kien garantit primarjament bl-ipoteki, Arion jargumenta li jixbah bonds koperti li kienu ħarġu mill-banek Ewropej matul l-2009 li użaw ipoteki residenzjali bħala garanzija. Skont Arion, is-sett tad-dejta li pprovda (24) juri li l-firxiet ta' finanzjament li kienu qed iħallsu l-banek Ewropej kellhom medda bejn 0,1 % u 1,90 % aktar mir-rati interbankarji, b'firxa medjana ta' 0,72 %. L-ogħla rati għal bonds koperti tħallsu mill-Bank tal-Irlanda f'Settembru 2009 (1,9 % aktar mir-rati interbankarji) u minn EBS Mortgage Finance mill-Irlanda(1,75 % aktar mir-rati interbankarji) f'Novembru 2009. Skont Arion, huwa diffiċli li wieħed jara kif strument ta' dejn garantit b'ipoteki u assi oħrajn ta' kwalità għolja, u b'rata tal-imgħax LIBOR + 3,00 %, jista' jitqies bħala għajnuna mill-Istat, waqt li fl-istess ħin l-ogħla spejjeż għall-finanzjament ta' bank Ewropew b'kollateral ipotekarju kienu rati interbankarji + 1,9 %.

(41)

Skont Arion, il-bidla li saret fil-ftehim ta' self mit-termini tal-ftehim tas-saldu relatata mad-denominazzjoni tas-somma kapitali ewlenija f'EUR, USD and CHF, minflok ISK, kienet favorevoli għas-CBI. Arion jinnota li limitazzjonijiet stretti fuq il-moviment transkonfinali ta' kapital u ta' tranżazzjonijiet relatati tal-kambju kienu imposti fl-Iżlanda minn meta kkollassat is-sistema bankarja fil-Ħarifa tal-2008. L-applikazzjoni tat-test tal-kreditur privat f'dawn iċ-ċirkustanzi tista' twassal biss għall-konklużjoni li kreditur privat kien jippreferi denominazzjoni f'muniti barranin minflok f'ISK. Bidla bħal din fid-denominazzjoni b'hekk tkun ta' vantaġġ għall-kreditur, mhux id-debitur.

(42)

Arion jagħmel paragun ukoll ma' ftehim ta' saldu (“il-ftehim LBI”) li ġie konkluż bejn il-Landsbankinn il-“ġdid” (“NBI”), u l-Landsbankinn il-“qadim” (“LBI”) f'Diċembru 2009. Il-ftehim ta' LBI kien jinvolvi l-ħruġ ta' bond privileġġjat garantit, denominat f'EUR, GBP u USD, fl-ammont ta' ISK 247 biljun f'munita barranija għal terminu ta' għaxar snin minn NBI għal LBI. Barra minn hekk, fil-bidu tal-2013, ħareġ bond kontinġenti ta' ISK 92 biljun f'munita barranija. Dawn il-bonds privileġġjati garantiti kienu konsiderazzjoni għall-assi u l-obbligazzjonijiet trasferiti minn LBI fid-9 ta' Ottubru 2008 bid-deċiżjoni tal-FME dwar it-tneħħija ta' assi u obbligazzjonijiet minn LBI għal NBI. Dawn il-bonds privileġġjati garantiti jimmaturaw f'Ottubru 2018 u m'għandhomx ħlasijiet rateali matul l-ewwel ħames snin. Ir-rati tal-imgħax huma EURIBOR/LIBOR + 175 bps għall-ewwel ħames snin u EURIBOR/LIBOR + 290 bps għall-ħames snin li jibqa'. Huma garantiti minn ġabriet ta' self lill-klijenti ta' Landsbankinn (25).

(43)

Skont Arion, it-termini tal-ftehim ta' LBI jista' jitqies bħala paragunabbli direttament mat-termini fil-ftehim ta' self. Id-differenzi jistgħu jinġabru fil-qosor kif ġej:

(44)

Id-differenzi t'hawn fuq bejn dawn iż-żewġ każijiet huma, skont Arion, kollha favorevoli għall-ftehim ta' self u s-CBI, jiġifieri rata tal-imgħax ogħla, somma kapitali ewlenija aktar baxxa u ġabra kollaterali aktar b'saħħitha, minkejja l-fatt li l-mutwanti f'dan il-każ huwa parti privata. Dan jindika li t-termini tal-finanzjamenti fornuti lil Arion skont il-ftehim ta' self huma f'konformità mat-termini prevalenti tas-suq f'dak iż-żmien.

(45)

Fil-qosor, Arion b'hekk jargumenta li l-konklużjoni tal-ftehim ta' self bejn is-CBI u Arion ma jistax jikkostitwixxi għajnuna mill-istat fis-sens tal-Artikolu 61(1) tal-Ftehim taż-ŻEE.

(46)

Jekk l-Awtorità, minkejja l-argumenti ppreżentati hawn fuq, tikkunsidra li l-miżuri jikkostitwixxu għajnuna mill-Istat, Arion jargumenta li dawn il-miżuri huma kompatibbli mal-Ftehim taż-ŻEE fuq il-bażi tal-Artikolu 61(3)(b).

(47)

Billi l-miżuri inkwistjoni kienu jiffurmaw parti inseparabbli mill-kapitalizzazzjoni finali ta' Arion u l-pjan ta' ristrutturar ta' Arion sottomess lill-Awtorità, Arion jargumenta li dawn il-miżuri ma jistgħux jiġu separati mill-valutazzjoni totali li għamlet l-Awtorità f'dak il-każ. Huma b'hekk koperti mid-deċiżjoni tal-Awtorità dwar l-għajnuna għar-ristrutturar ta' Arion.

(48)

Arion huwa wkoll tal-opinjoni li, jekk l-Awtorità tikkunsidra li huwa possibbli li tiġi riveduta parti speċifika ta' tranżazzjoni li diġà ġiet evalwata u approvata mill-Awtorità fid-deċiżjoni dwar l-għajnuna għar-ristrutturazzjoni ta' Arion, allura l-Awtorità għandha tikkunsidra s-sitwazzjoni fattwali u legali sħiħa. Il-valutazzjoni tal-Awtorità dwar il-kompatibilità tal-miżuri inkwistjoni għandha għalhekk tkun f'konformità mal-valutazzjoni fid-deċiżjoni dwar l-għajnuna għar-ristrutturar ta' Arion, u b'mod partikolari dwar jekk il-kriterji tal-linji gwida applikabbli dwar l-għajnuna mill-Istat ġewx issodisfati.

(49)

ISB pprovda informazzjoni dwar il-kundizzjonijiet ta' bonds simili ggarantiti b'assi fl-Ewropa fiż-żmien tal-konklużjoni tal-ftehim mas-CBI. Skont ISB, bonds simili ggarantiti b'assi fl-Ewropa kienu qed jiġu nnegozjati għal primjum ta' 40-80 bps kontra dokumenti ggarantiti mill-istat f'dak iż-żmien. ISB pprovda graff li turi data mill-2009 għal tliet pajjiżi, jiġifieri Franza, il-Ġermanja u Spanja, dwar id-differenza fil-firxa bejn firxiet ta' bonds koperti u firxiet sovrani. Il-firxiet koperti minn iBoxx (26) huma medja ponderata tal-bonds koperti pendenti kollha minn dawk il-pajjiżi rispettivi b'tul medju tal-indiċi fil-medda ta' ħames sa seba' snin.

(50)

Kif jidher mill-graff, il-firxa telgħet u niżlet sostanzjalment matul dan il-perjodu u hija, pereżempju, attwalment negattiva fil-każ ta' Spanja. Fl-2009, id-differenza fil-firxa għal dawn it-tliet pajjiżi kienet fil-medda ta' 40–160 bps.

(51)

Fil-kapitoli li ġejjin, l-Awtorità sejra tivvaluta jekk il-ftehimiet ta' self konklużi bejn is-CBI u kemm ISB kif ukoll Arion jinvolvu għajnuna mill-istat fis-sens tal-Artikolu 61(1) tal-Ftehim taż-ŻEE.

(52)

Miżura tikkostitwixxi għajnuna mill-istat fis-sens tal-Artikolu 61(1) tal-Ftehim taż-ŻEE jekk il-kundizzjonijiet li ġejjin jitwettqu b'mod kumulattiv: il-miżura (i) tingħata mill-Istat jew permezz ta' riżorsi tal-Istat; (ii) tagħti vantaġġ ekonomiku lil intrapriża; (iii) hija selettiva; u (iv) x'aktarx tfixkel il-kompetizzjoni u taffettwa l-kummerċ bejn il-Partijiet Kontraenti.

(53)

Bħala punt preliminari, ta' min jiftakar li m'hemm l-ebda eżenzjoni ġenerali ta' politika monetarja mill-applikazzjoni tar-regoli dwar l-għajnuna mill-istat (27). Tabilħaqq, l-esklużjoni ta' assistenza ta' likwidità mil-liġi dwar l-applikazzjoni tal-għajnuna mill-istat, kif imsemmi fil-paragrafu 21 hawn fuq, hija limitata għal miżuri li jissodisfaw il-kundizzjonijiet imniżżlin fil-paragrafu 51 tal-Linji Gwida Bankarji tal-2008 tal-Awtorità u fil-paragrafu 62 tal-Linji Gwida Bankarji tal-2013 tal-Awtorità (28). Dan ma jimplikax li l-azzjonijiet kollha tal-banek ċentrali huma esklużi mill-applikazzjoni tar-regoli dwar l-għajnuna mill-istat. Fil-każ attwali, l-Awtorità tikkunsidra lil-provvediment ta' self fuq terminu twil mis-CBI ma jikkonformax mal-kundizzjonijiet stipulati fil-paragrafi msemmijin qabel tal-Linji Gwida Bankarji tal-2008 u l-2013, minħabba li l-miżuri kienu konnessi mal-miżuri ta' ristrutturar fornuti liż-żewġ banek. B'hekk, l-Awtorità għandha tivvaluta l-miżuri fuq il-bażi tal-kundizzjonijiet stipulati fl-Artikolu 61(1) tal-Ftehim taż-ŻEE.

(54)

Skont l-Artikolu 61(1) tal-Ftehim taż-ŻEE, miżura għandha tingħata mill-Istat jew permezz tar-riżorsi tal-Istat biex tkun tikkostitwixxi għajnuna mill-istat.

(55)

L-Istat, għall-għan tal-Artikolu 61(1) tal-Ftehim taż-ŻEE, ikopri l-korpi kollha tal-amministrazzjoni pubblika, mill-gvern ċentrali sal-livell tal-belt jew l-inqas livell amministrattiv kif ukoll impriżi u korpi pubbliċi (29).

(56)

Il-miżuri eżaminati jieħdu l-forma ta' ftehimiet ta' self bejn is-CBI u Arion u ISB f'termini allegatament favorevoli.

(57)

Biex jiġi ddeterminat jekk il-provvediment ta' self fuq terminu twil mis-CBI jinvolvix riżorsi tal-istat, irid jiġi vvalutat jekk il-miżuri li jieħu bank ċentrali jistgħux jitqiesu li huma imputabbli għall-Istat. Ġeneralment, il-banek ċentrali huma indipendenti mill-gvern ċentrali. Madankollu, huwa irrilevanti jekk istituzzjoni fis-settur pubbliku hijiex awtonoma jew le (30). Barra minn hekk, huwa ġeneralment aċċettat li l-banek ċentrali jwettqu kompitu pubbliku. L-Awtorità tinnota li hemm każistika stabbilita li appoġġ finanzjarju mogħti minn istituzzjoni li sservi għan pubbliku jista' jirriżulta fl-għotja ta' għajnuna mill-istat (31). L-appoġġ pubbliku mogħti minn bank ċentrali b'hekk jista' jitqies ukoll li huwa imputabbli lill-Istat u b'hekk jikkwalifika bħala għajnuna mill-istat (32). Tabilħaqq, skont il-Linji Gwida Bankarji tal-2013, finanzjament fornut minn bank ċentrali lil istituzzjonijiet ta' kreditu speċifiċi ġeneralment jimplika t-trasferiment ta' riżorsi tal-Istat (33).

(58)

Madankollu, lil hinn minn dawn ir-rimarki, il-kwistjoni dwar jekk il-ftehimiet ta' self inkwistjoni ngħatawx mill-Istat jew permezz ta' riżorsi tal-Istat tista' tibqa' miftuħa, minħabba l-konklużjoni fit-taqsima li jmiss li l-miżuri ma tawx vantaġġ ekonomiku lill-banek.

(59)

Biex jikkostitwixxu għajnuna mill-istat fis-sens tal-Artikolu 61(1) tal-Ftehim taż-ŻEE, il-miżuri jridu jikkonferixxu vantaġġ fuq l-impriża.

(60)

Vantaġġ, fis-sens tal-Artikolu 61(1) tal-Ftehim taż-ŻEE, huwa kwalunkwe benefiċċju ekonomiku li impriża ma kinitx takkwista taħt kundizzjonijiet normali tas-suq, li b'hekk ipoġġiha f'pożizzjoni aktar favorevoli mill-kompetituri tagħha. L-effett tal-miżura fuq l-impriża biss huwa rilevanti, u mhuwiex il-kawża jew l-objettiv tal-intervent tal-Istat. (34) Biex tikkostitwixxi għajnuna, il-miżura tista' tieħu l-forma ta' vantaġġ ekonomiku pożittiv kif ukoll tnaqqis ta' piż ekonomiku. Dan tal-aħħar huwa kategorija wiesgħa li tinkludi kwalunkwe miżura li tnaqqas l-ispejjeż li normalment jitħallsu mill-baġit tal-impriża. Il-mistoqsija dwar jekk il-konklużjoni tal-ftehimiet ta' self jistgħux jitqiesu bħala għoti ta' vantaġġ lil ISB u Arion fl-aħħar mill-aħħar tiddependi fuq jekk kreditur privat ta' daqs paragunabbli għal dak ta' korp pubbliku, li jkun qed jopera fl-istess kundizzjonijiet tas-suq, kienx jagħti self simili taħt kundizzjonijiet simili.

(61)

Biex jiġi determinat jekk korp pubbliku jkunx aġixxa bħal kwalunkwe operatur tal-ekonomija tas-suq f'sitwazzjoni simili, għandhom jitqiesu biss il-benefiċċji u l-obbligazzjonijiet konnessi mar-rwol tal-Istat jew tal-korp pubblikubħala operatur ekonomiku, bl-esklużjoni ta' dawk relatati mar-rwol tiegħu bħala awtorità pubblika (35). Barra minn hekk, biex jiġi ddeterminat jekk intervent tal-istat jikkonformax mal-kundizzjonijiet tas-suq, irid jiġi eżaminat fuq bażi ex ante, filwaqt li titqies biss l-informazzjoni disponibbli fiż-żmien meta tkun ittieħdet deċiżjoni dwar l-intervent. Barra minn hekk, fl-assenza ta' informazzjoni speċifika tas-suq dwar tranżazzjoni speċifika ta' dejn, il-konformità tal-istrument tad-dejn mal-kundizzjonijiet tas-suq jistgħu jiġu stabbiliti abbażi ta' tqabbil ma' tranżazzjonijiet paragunabbli tas-suq, jiġifieri permezz ta' valutazzjoni komparattiva.

(62)

It-test tal-kreditur privat, żviluppat u raffinat mill-qrati tal-Unjoni Ewropea (36), iservi biex jistabbilixxi jekk il-kundizzjonijiet li taħthom kreditur pubbliku jitlob li jitħallas lura, possibilment billi jiġu riskedati l-ħlasijiet, jikkostitwixxux għajnuna mill-Istat. Meta l-Istat ikun fil-pożizzjoni, mhux bħala investitur jew promotur ta' proġett, iżda bħala kreditur li jipprova jimmassimizza l-irkupru ta' dejn pendenti, trattament klementi biss, fil-forma ta' differiment ta' ħlas, jista' ma' jkunx biżżejjed biex jiġi preżunt trattament favorevoli fis-sens ta' għajnuna mill-istat. F'ċirkustanzi bħal dawn, il-kondotta tal-kreditur pubbliku trid titqabbel ma' dik ta' kreditur privat ipotetiku f'sitwazzjoni fattwali u legali paragunabbli. Il-mistoqsija kruċjali hija jekk kreditur privat kienx jagħti trattament simili lil debitur f'ċirkustanzi simili.

(63)

Qabel ma jiġu vvalutati il-ftehimiet ta' self, tqum il-kwistjoni dwar jekk id-dewmien inizjali fis-saldu tal-ħlasijiet, li huwa mifhum li dam minn madwar Ottubru 2008 sa tard fl-2009, jistax jinvolvi għajnuna mill-istat. B'mod ġenerali, deċiżjonijiet minn korpi pubbliċi li jittolleraw ħlasijiet tard fuq self jistgħu jindikaw vantaġġ lid-debitur u jinvolvu għajnuna mill-istat. Filwaqt li diferiment temporanju ta' ħlas probabbilment jista' jikkorrispondi mal-kondotta ta' kreditur privat u b'hekk ma jinvolvix għajnuna mill-istat, kondotta bħal din, għall-ewwel konsistenti mal-kundizzjonijiet tas-suq, tista' ssir għajnuna mill-istat f'każijiet ta' dewmien protratt fil-ħlas (37).

(64)

Mill-perspettiva ta' kreditur privat, l-infurzar ta' pretensjoni li saret dovuta hija n-norma awto-evidenti. Dan japplika wkoll jekk l-impriża tad-debitur tkun f'diffikultajiet finanzjarji, kif ukoll fil-każ ta' insolvenza. Normalment, f'dawn iċ-ċirkustanzi, kredituri privati ma jkunux lesti li jaċċettaw diferiment ulterjuri tal-ħlas jekk dan ma jġibilhomx xi vantaġġ ċar. Għall-kuntrarju, ladarba debitur jidħol f'diffikultà finanzjarja, aktar self jingħata biss lid-debitur taħt termini aktar stretti, pereżempju b'rati tal-imgħax ogħla jew b'titoli aktar komprensivi, peress li l-ħlas lura jkun ipperikolat. Eċċezzjonijiet jistgħu jkunu ġġustifikati f'każijiet individwali fejn in-nuqqas ta' infurzar jidher li jkun l-aktar alternattiva sensibbli. Dan ikun il-każ meta n-nuqqas ta' infurzar joffri b'mod ċar prospetti itjeb ta' ġbir ta' proporzjon sostanzjalment ogħla tal-pretensjonijiet meta mqabbla ma' alternattivi possibbli oħrajn jew jekk telf konsegwenzjali akbar jista' jiġi evitat b'dan il-mod. Jista' jkun fl-interessi ta' kreditur privat li jżomm in-negozju tal-kumpanija debitriċi għaddej minflok ma jillikwida l-assi tagħha u b'hekk, f'ċerti ċirkustanzi, jinġabar biss parti mid-dejn. Meta kreditur privat jaċċetta li jieqaf milli jinforza l-pretensjoni tiegħu kompletament, normalment jirrekjedi lid-debitur jipprovdi titoli addizzjonali. Meta dan ma jkunx possibbli, pereżempju fil-każijiet ta' diffikultà finanzjarja, kreditur privat ifittex assigurazzjonijiet ta' kumpens massimu jekk il-kundizzjoni finanzjarja tad-debitur titjieb aktar 'il quddiem. Jekk id-debitur ma jagħtix biżżejjed titoli jew impenni, kreditur privat ġeneralment ma jaċċettax li jikkonkludi ftehimiet ta' riskedar jew li jipprovdi lid-debitur b'self addizzjonali.

(65)

Rigward id-dewmien inizjali fis-saldu tal-ħlasijiet, is-CBI jargumenta li s-saldu tal-ħlasijiet ma' ISB f'Settembru 2009 u ma' Kaupthing f'Novembru 2009 ma jistax jitqies bħala dewmien fiċ-ċirkustanzi eċċezzjonali prevalenti fl-Iżlanda wara l-kollass tas-sistema bankarja f'Ottubru 2008. Matul il-perjodu mill-kollass sas-saldu tal-pretensjonijiet, l-Iżlanda kienet għaddejja minn ristrutturar komprensiv tal-banek bl-assistenza tal-IMF u kien hemminċertezza konsiderevoli dwar il-valutazzjoni ġusta tal-assi tal-banek. Għalhekk, is-CBI, bħala l-kreditur tal-banek, kellu bżonn iż-żmien biex jevalwa b'mod xieraq l-assi li servew ta' kollateral. L-Awtorità vvalutat dawn l-argumenti u tikkunsidra li s-CBI aġixxa skont it-test tal-kreditur privat fejn hu kkonċernat id-dewmien inizjali.

(66)

Barra minn hekk, l-Awtorità jeħtieġ li tivvaluta jekk kreditur privat li jkollu pretensjonijiet simili fuq terminu qasir għall-banek f'kontumaċja kienx jaqbel mat-trasferiment tal-portafolli tas-self għall-akkomodazzjoni fil-kundizzjonijiet stipulati hawn fuq u mal-konklużjoni sussegwenti ta' ftehimiet ta' self mal-banek il-ġodda taħt l-istess kundizzjonijiet.

(67)

L-Awtorità tinnota li wara l-kollass ta' Glitnir u Kaupthing fil-Ħarifa tal-2008, is-CBI sab lilu nnifsu f'pożizzjoni fejn ma kienx realistiku li jistenna li jinforza kollateral bħal dawk inkwistjoni fil-każ ta' Arion u ISB. Meta wieħed iqis li l-portafolli ta' self kienu jikkostitwixxu sehem kbir mill-klijentela ta' Arion u ISB, l-approprjazzjoni ta' dan il-kollateral setgħet tipperikola l-istabbiltà finanzjarja ta' Arion u ISB u setgħet twassal lil dawn l-impriżi finanzjarji għall-falliment. L-infurzar tal-kollateral kien jinkludi wkoll spejjeż amministrattivi addizzjonali għas-CBI. Barra minn hekk, kieku l-portafolli ta' self ġew offruti għall-bejgħ, is-CBI xorta ma kienx ikollu assigurazzjoni ta' rkupru aċċettabbli, u kien ikun improbabbli ħafna li l-investituri b'saħħa kapitali biżżejjed kienu jkunu disponibbli biex jixtru l-portafolli, minħabba s-sitwazzjoni tas-suq fl-Iżlanda dak iż-żmien. Għalhekk, l-approprijazzjoni tal-portafolli ta' self għall-akkomodazzjoni — jew bl-infurzar tal-kollateral, jew inkella wara l-falliment — fl-aħħar kienet tirriżulta fl-irkupru ta' ammont iżgħar tad-dejn fuq terminu qasir min-naħa tas-CBI.

(68)

Minħabba din is-sitwazzjoni, is-CBI b'hekk għażel li jidħol fi ftehimiet ta' self biex jiżgura l-ħlas sħiħ tal-pretensjonijiet tiegħu, bl-imgħax u mingħajr ma jkollu għalfejn jidħol fi spejjeż amministrattivi. Il-ftehimiet ta' self b'hekk saru biex jinkiseb l-irkupru massimu possibbli f'dak iż-żmien.

(69)

Abbażi ta' dawn l-elementi, l-Awtorità tikkunsidra li s-CBI ipprova jimmassimizza l-irkupru tal-pretensjonijiet tiegħu meta għamel il-ftehimiet ta' self.

(70)

L-Awtorità trid tivvaluta wkoll jekk il-kundizzjonijiet tal-ftehimiet ta' self, u b'mod partikolari r-rati tal-imgħax applikabbli, kinux ikunu ta' valur biżżejjed għal kreditur privat biex jissodisfaw ir-rekwiżiti tat-test tal-kreditur privat.

(71)

Fid-Deċiżjoni Nru 208/15/COL, l-Awtorità nnutat li kien diffiċli li wieħed jiddetermina punti ta' riferiment xierqa għar-rati tal-imgħax matul il-kriżi finanzjarja. Bi tweġiba għal dan, ISB, Arion u s-CBI issottomettew informazzjoni u kummenti addizzjonali.

(72)

ISB jargumenta li r-rati tal-imgħax jikkonformaw mar-rati tal-imgħax ta' bonds simili ggarantiti mill-assi ta' dak iż-żmien. Il-maturità tal-bond ta' ISB hija ta' għaxar snin, b'rata tal-imgħax ta' 4,5 %, konnessa mas-CPI (l-indiċi tal-prezzijiet għall-konsumatur), u hija kkollateralizzata żżejjed bi proporzjon bejn is-self u l-valur (LTV) ta' 70 %. Ir-rata tal-imgħax kienet stipulata madwar 50 bps 'il fuq mill-bonds tal-HFF garantiti mill-istat fid-data tal-ħruġ. Bħala paragun, ir-rati komuni fl-Ewropa f'dak iż-żmien għal titoli simili garantiti mill-assi kienu 40-80 bps aktar minn dokumenti ggarantiti mill-istat. ISB ipprovda wkoll graff li turi li d-differenzi tal-firxa għal Franza, il-Ġermanja u Spanja kienu fil-medda ta' 40-160 bps fl-2009.

(73)

Bl-istess mod, Arion jargumenta li l-ftehim ta' self tiegħu mas-CBI ġie konkluż skont it-termini tas-suq. Fost oħrajn, Arion iqabblu ma' ftehim paragunabbli konkluż bejn NBI u LBI. Iż-żewġ ftehimiet ġew konklużi madwar l-istess żmien, jiġifieri tmiem l-2009 u l-bidu tal-2010, u kienu jinvolvu saldi ta' pretensjonijiet simili. It-tqabbil juri li t-termini tal-ftehim ta' self ta' Arion kienu aktar stretti minn dawk fil-ftehim ta' LBI, li kien jinvolvi kreditur privat. Tabilħaqq, jidher li l-ftehim ta' LBI kien jirrekjedi rati tal-imgħax aktar baxxi, kien jinvolvi ammont ta' kapital ogħla u kellu kollateral inqas diversifikat mill-ftehim ta' self ta' Arion.

(74)

Fl-ittra tiegħu tal-31 ta' Marzu 2015 (38), Arion ipprovda informazzjoni addizzjonali dwar il-ħruġ ta' bonds koperti u ta' bonds privileġġjati mhux garantiti minn banek fl-Ewropa matul il-perjodu tal-1 ta' Jannar 2009 u l-31 ta' Diċembru 2010. Meta jqis li s-self ipprovdut mis-CBI huwa garantit primarjament bl-ipoteki, Arion jargumenta li dan jixbah lill-bonds koperti li ħarġu minn banek Ewropej matul l-2009 li kienu użaw ipotekiresidenzjali bħala garanzija. Kif imsemmi aktar 'il fuq, skont is-sett tad-data provdut minn Arion, il-firxiet ta' finanzjament li kienu qed iħallsu l-banek Ewropej kellhom medda minn 0,1 % sa 1,90 % aktar mir-rati interbankarji, b'firxa medjana ta' 0,72 %. L-ogħla rati għall-bonds koperti tħallsu mill-Bank tal-Irlanda f'Settembru 2009 (1,9 % aktar mir-rati interbankarji) u minn EBS Mortgage mill-Irlanda (1,75 % aktar mir-rati interbankarji) f'Novembru 2009.

(75)

Is-CBI jargumenta wkoll li t-termini tal-ftehimiet ta' self, jiġifieri r-rati tal-imgħax u l-kollateral, kienu favorevoli għas-CBI. Skont is-CBI, dan huwa evidenti mill-informazzjoni disponibbli dwar strumenti maħruġin mad-dinja kollha (kif dokumentat minn Arion, ara aktar 'il fuq) kif ukoll mit-termini ta' strumenti oħrajn li saru dak iż-żmien, inkluż il-ftehim ta' LBI.

(76)

L-Awtorità tinnota li l-ftehimiet ta' self konklużi bejn is-CBI u l-banek għandhom rata tal-imgħax ta' LIBOR + 3,00 % u huma kkollateralizzati b'ipoteki u assi oħrajn. Kif turi l-informazzjoni pprovduta minn ISB u Arion, din ir-rata tal-imgħax hija ħafna aktar mir-rati medji tal-imgħax għal strumenti ta' dejn paragunabbli konklużi dak iż-żmien, u saħansitra taqbeż l-ogħla spiża għall-finanzjament ta' kwalunkwe bank Ewropew ieħor dak iż-żmien li kellhom ipoteki bħala kollateral (jiġifieri l-Bank tal-Irlanda, rati interbankarji + 1,9 %). L-Awtorità tikkunsidra li l-informazzjoni li tikkonċerna strumenti ta' dejn paragunabbli pprovduta mill-banek hija affidabbli u li tippreżenta stampa preċiża tal-kundizzjonijiet tas-suq fiż-żmien meta ġew konklużi l-ftehimiet ta' self. Barra minn hekk, peress li dawn ir-rati tal-imgħax ġew miftiehma minn partijiet privati, l-Awtorità tikkunsidra li huma jirrappreżentaw punt ta' riferiment aktar xieraq biex jiġu determinati r-rati tas-suq f'dak iż-żmien mill-firxiet tas-CDS u r-rati tal-imgħax fuq bonds HFF ċitati mill-ilmentatur.

(77)

Rigward il-ftehim ta' self konkluż ma' Arion, l-Awtorità tinnota li s-self kien denominat f'muniti barranin minflok f'ISK. Madankollu, kif jinnota Arion, din il-bidla fid-denominazzjoni kienet f'konformità mat-termini tal-ftehim tas-saldu, li ppreveda li Arion kien jinħtieġ li jħallas imgħax u ħlasijiet rateali f'muniti barranin sa fejn setal-bank u Arion seta', bil-permess ta' min isellef, ibiddel id-denominazzjoni tad-dejn parzjalment jew kompletament. Kif ġie nnutat qabel, l-Awtorità diġà eżaminat u approvat it-termini tal-ftehim tas-saldu fid-deċiżjoni dwar l-għajnuna għar-ristrutturar ta' Arion. Barra minn hekk, kif innota Arion, minħabba l-limitazzjonijiet stretti fl-Iżlanda dwar il-moviment minn fruntiera għall-oħra tal-kapital u ta' tranżazzjonijiet tal-kambju relatati, kreditur privat kien probabbilment jippreferi denominazzjoni f'muniti barranin minflok f'ISK. Bidla bħal din fid-denominazzjoni b'hekk tkun ta' vantaġġ għall-kreditur, mhux id-debitur.

(78)

Meta tqis il-parametri tas-suq f'dak iż-żmien u l-evidenza ppreżentata, l-Awtorità tikkonkludi li t-termini ta' self in ġenerali, u r-rati tal-imgħax b'mod partikolari, tal-ftehimiet ta' self kienu jkunu aċċettabbli wkoll għal kreditur privat li jkun jinsab f'sitwazzjoni fattwali u legali paragunabbli.

(79)

Fid-dawl ta' dan ta' hawn fuq, l-Awtorità tikkonkludi li l-ftehimiet ta' self bejn is-CBI u, rispettivament, ISB u Arion ma tawx vantaġġ ekonomiku lil ISB u Arion.

(80)

Biex tikkwalifika bħala għajnuna mill-istat fis-sens tal-Artikolu 61(1) tal-Ftehim taż-ŻEE, il-miżura trid tkun selettiva kif ukoll x'aktarx ta' tfixkil għall-kompetizzjoni u taffettwa l-kummerċ bejn il-Partijiet Kontraenti fil-Ftehim. Madankollu, peress li l-Awtorità tikkonkludi li fil-każ attwali ma ngħata l-ebda vantaġġ ekonomiku, u billi l-kundizzjonijiet kumulattivi għall-eżistenza tal-għajnuna mill-istat b'hekk mhumiex issodisfati, l-Awtorità m'għandha tagħmel l-ebda valutazzjoni ulterjuri f'dan ir-rigward.

(81)

Fuq il-bażi tal-valutazzjoni preċedenti, l-Awtorità tikkunsidra li l-ftehimiet ta' self li s-CBI kkonkluda ma' ISB u Arion ma jikkostitwixxux għajnuna mill-istat fis-sens tal-Artikolu 61(1) tal-Ftehim taż-ŻEE.

26.10.2017   

MT

Il-Ġurnal Uffiċjali tal-Unjoni Ewropea

L 276/78