12.10.2017

Il-Ġurnal Uffiċjali tal-Unjoni Ewropea

L 262/1

DEĊIŻJONI TAL-KUNSILL (UE) 2017/1842

tad-9 ta' Ottubru 2017

dwar il-politika tal-Kunsill dwar data miftuħa u l-użu mill-ġdid ta' dokumenti tal-Kunsill

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 240 tiegħu,

Billi:

(1)

Teknoloġiji tal-informatika u tal-komunikazzjoni ġodda ħolqu opportunitajiet bla preċedent għall-ġbir u l-ikkombinar ta' kontenut minn sorsi differenti. It-tendenza lejn soċjetà tal-informazzjoni u tal-għarfien tinfluwenza l-ħajja taċ-ċittadini kollha fl-Unjoni billi huma jkunu jistgħu jiksbu modi ġodda kif jaċċessaw u jakkwistaw l-għarfien.

(2)	L-informazzjoni tas-settur pubbliku hija sors importanti ta' għarfien u innovazzjoni fis-settur privat, li tappoġġa l-ħolqien ta' servizzi diġitali aħjar għaċ-ċittadini u l-kumpanniji madwar l-Ewropa.

(3)

Il-Kunsill u l-istituzzjonijiet l-oħra tal-UE jiġbru, jipproduċu u jxerrdu firxa wiesgħa ta' informazzjoni dwar il-politiki u l-oqsma ta' attività tal-Unjoni. L-istituzzjonijiet tal-UE iżommu dokumenti li jistgħu jerġgħu jintużaw fi prodotti u servizzi diġitali u li jistgħu jsiru riżorsa ta' kontenut utli kemm għaċ-ċittadini kif ukoll għall-kumpanniji.

(4)	Id-Direttiva 2003/98/KE tal-Parlament Ewropew u tal-Kunsill (1) tistabbilixxi regoli minimi għall-użu mill-ġdid ta' informazzjoni tas-settur pubbliku fl-Istati Membri, u hija tħeġġeġ lill-Istati Membri biex imorru lil hinn minn dawk ir-regoli minimi u biex jadottaw politiki ta' data miftuħa.

(5)	Wara l-adozzjoni tad-Deċiżjoni tal-Kummissjoni 2011/833/UE (2), fl-2012 il-Kummissjoni Ewropea stabbiliet il-Portal tad-Data Miftuħa tal-Unjoni Ewropea (“PDM UE”) li għandu l-għan li jkun punt uniku ta' aċċess għal data mill-istituzzjonijiet tal-UE u korpi oħra tal-Unjoni.

(6)	F'Ġunju 2013, l-Unjoni approvat il-Karta tal-G8 dwar id-Data Miftuħa u impenjat ruħha li timplimenta numru ta' attivitajiet ta' data miftuħa identifikati fil-Pjan ta' Azzjoni Kollettiv tal-G8 taħt dik il-Karta.

(7)

Fil-Konklużjonijiet tiegħu tal-24 u l-25 ta' Ottubru 2013, il-Kunsill Ewropew identifika d-data miftuħa bħala riżorsa mhux sfruttata b'potenzjal kbir għall-bini ta' soċjetajiet aktar b'saħħithom u aktar interkonnessi li jissodisfaw aħjar il-ħtiġijiet taċ-ċittadini u appella għall-promozzjoni attiva tal-użu mill-ġdid tal-informazzjoni tas-settur pubbliku.

(8)

Fil-Konklużjonijiet tiegħu tat-2 ta' Marzu 2015, il-Kunsill enfasizza li sfruttament sħiħ u effiċjenti ta' għodod u servizzi bħad-data miftuħa jistgħu jixprunaw produttività u servizzi aħjar, u għandhom jiġu ffaċilitati. Barra minnhekk, fil-Konklużjonijiet tiegħu tad-29 ta' Mejju 2015, il-Kunsill ħeġġeġ l-iżvilupp ta' ambjent ta' politika favur id-data fl-Unjoni li jippromwovi l-interoperabbiltà, l-użu u l-użu mill-ġdid ta' data tal-gvern għal skopijiet ta' riċerka u innovazzjoni filwaqt li jiżgura l-protezzjoni meħtieġa tad-data.

(9)

Il-PDM UE bħalissa fih għadd kbir ta' settijiet u links ta' data għall-Portali tad-Data Miftuħa tal-Istati Membri. Il-Kunsill ipparteċipa fil-PDM UE mill-2015, billi uża t-tliet settijiet ta' data li ġejjin: metadata tar-Reġistru Pubbliku tal-Kunsill, metadata tat-talbiet għal aċċess pubbliku għal dokumenti tal-Kunsill u l-voti tal-Kunsill dwar atti leġislattivi.

(10)

Sal-lum, il-Kunsill ipparteċipa fil-PDM UE permezz ta' proġetti pilota. Minħabba li dawk il-proġetti pilota kienu ta' suċċess, jenħtieġ li tiġi stabbilita politika dwar id-data miftuħa għal dokumenti tal-Kunsill biex tiġi massimizzata l-esperjenza miksuba sa issa u jittieħed vantaġġ minnha, u biex il-Kunsill ikun jista' jiddefinixxi l-kondizzjonijiet li jirregolaw il-pubblikazzjoni u l-użu mill-ġdid tad-dokumenti tiegħu.

(11)

Politika dwar id-data miftuħa għal dokumenti tal-Kunsill ittejjeb il-fluss ta' informazzjoni bejn il-Kunsill u l-pubbliku ġenerali; twassal għal użu aktar mifrux u t-tixrid tal-informazzjoni dwar l-Unjon; issaħħaħ ir-reputazzjoni tal-Kunsill għal aċċess miftuħ u trasparenza; u ssaħħaħ ir-responsabbiltà tal-Kunsill bħala istituzzjoni pubblika.

(12)	Jenħtieġ li l-politika tad-data miftuħa għal dokumenti tal-Kunsill tippromwovi l-iżvilupp ta' għodod u applikazzjonijiet li jgħinu lill-utenti jfittxu u jidentifikaw dokumenti għall-użu mill-ġdid.

(13)	Jenħtieġ li din id-Deċiżjoni ma tapplikax għal dokumenti li l-Kunsill mhuwiex f'pożizzjoni li jippermetti l-użu mill-ġdid tagħhom minħabba d-drittijiet ta' proprjetà intellettwali ta' partijiet terzi jew minħabba sistemi ta' drittijiet ta' aċċess fl-Istati Membri.

(14)	Id-dritt ta' aċċess għal dokumenti tal-Kunsill jibqa' rregolat mir-Regolament (KE) Nru 1049/2001 tal-Parlament Ewropew u tal-Kunsill (3).

(15)	Jenħtieġ li din id-Deċiżjoni tkun mingħajr preġudizzju għal, u tiġi implimentata u applikata f'konformità mar-regoli dwar il-protezzjoni ta' individwi fir-rigward tal-ipproċessar ta' data personali, kif ukoll mar-regoli ta' sigurtà għall-protezzjoni ta' informazzjoni klassifikata tal-UE,

ADOTTA DIN ID-DEĊIŻJONI:

Artikolu 1

Suġġett u objettivi

1. Din id-Deċiżjoni tistabbilixxi politika dwar id-data miftuħa tal-Kunsill (“il-politika dwar id-data miftuħa”) billi tiddefinixxi l-prinċipji, il-kondizzjonijiet u l-limiti li jirregolaw l-użu mill-ġdid u l-mezzi prattiċi biex jiġi ffaċilitat l-użu mill-ġdid ta' dokumenti miżmuma u magħmula mill-Kunsill, kif definit fl-Artikolu 2(1).

2. Il-politika dwar id-data miftuħa għandu jkollha l-għanijiet li ġejjin:

(a)	li ttejjeb il-fluss ta' informazzjoni bejn il-Kunsill u l-pubbliku ġenerali; u

(b)	li tiffaċilita l-użu mill-ġdid wiesgħa ta' informazzjoni.

Artikolu 2

Kamp ta' applikazzjoni

1. Din id-Deċiżjoni tapplika għal dokumenti miżmuma u magħmula mill-Kunsill li ġew magħmula disponibbli għall-pubbliku mill-Kunsill.

2. Din id-Deċiżjoni ma għandhiex tapplika għal dokumenti miżmuma u magħmula mill-Kunsill li l-Kunsill mhux f'pożizzjoni li jippermetti l-użu mill-ġdid tagħhom minħabba:

(a)	drittijiet ta' proprjetà intellettwali ta' partijiet terzi; jew

(b)	sistemi ta' drittijiet ta' aċċess fl-Istati Membri.

3. Din id-Deċiżjoni hija mingħajr preġudizzju għal u għandha tiġi implimentata u applikata f'konformità ma':

(a)	ir-regoli dwar il-protezzjoni ta' individwi fir-rigward tal-ipproċessar ta' data personali, u b'mod partikolari r-Regolament (KE) Nru 45/2001 tal-Parlament Ewropew u tal-Kunsill (4);

(b)	ir-regoli dwar l-aċċess pubbliku għal dokumenti tal-Kunsill, u b'mod partikolari r-Regolament (KE) Nru 1049/2001; u

(c)	ir-regoli tas-sigurtà għall-protezzjoni ta' informazzjoni klassifikata tal-UE, u b'mod partikolari d-Deċiżjoni tal-Kunsill 2013/488/UE (5).

Artikolu 3

Definizzjonijiet

Għall-finijiet ta' din id-Deċiżjoni, għandhom japplikaw id-definizzjonijiet li ġejjin:

(1)

“dokument” tfisser:

(a)	kwalunkwe kontenut fi kwalunkwe mezz (miktub fuq il-karta jew miżmum f'sura elettronika jew bħala reġistrazzjoni ta' awdjo, viżiva jew awdjoviżiva) dwar kwistjoni marbuta ma' politiki, attivitajiet u deċiżjonijiet li jaqgħu fi ħdan l-isfera istituzzjonali ta' responsabbiltà tal-Kunsill;

(b)	kwalunkwe parti ta' dak il-kontenut;

(2)	“użu mill-ġdid” tfisser l-użu minn persuni jew entitajiet legali għal skopijiet kummerċjali jew mhux kummerċjali li ma jkunux l-iskopijiet inizjali li għalihom ikun sar id-dokument;

(3)	“data personali” tfisser data kif definita fil-punt (a) tal-Artikolu 2 tar-Regolament (KE) Nru 45/2001;

(4)	“format miftuħ” tfisser format ta' fajl li huwa indipendenti mill-pjattaforma u jitqiegħed għad-dispożizzjoni tal-pubbliku mingħajr ebda restrizzjoni li tostakola l-użu mill-ġdid ta' dokumenti;

(5)	“format li jinqara minn magna” tfisser format strutturat għal applikazzjonijiet ta' software għall-identifikazzjoni b'mod affidabbli ta' dikjarazzjonijiet individwali ta' fatti u l-istruttura interna tagħhom.

Artikolu 4

Prinċipji ġenerali

Is-Segretarjat Ġenerali tal-Kunsill (“is-SĠK”) għandu jiżgura li d-dokumenti jsiru disponibbli għall-użu mill-ġdid:

(a)	għal kulħadd;

(b)	mingħajr il-ħtieġa ta' applikazzjoni individwali;

(c)	bla ħlas; u

(d)	għal finijiet kummerċjali u mhux kummerċjali.

Artikolu 5

Drittijiet esklussivi u mhux diskriminatorji

1. Kwalunkwe kundizzjoni applikabbli għall-użu mill-ġdid ta' dokumenti għandha tkun mhux diskriminatorja għall-kategoriji paragunabbli ta' użu mill-ġdid.

2. L-użu mill-ġdid tad-dokumenti għandu jkun miftuħ għal kwalunkwe attur potenzjali fis-suq. M'għandhomx jingħataw drittijiet esklussivi.

Artikolu 6

Kondizzjonijiet għall-użu mill-ġdid

1. Id-dokumenti għandhom isiru disponibbli għall-użu mill-ġdid skont il-kondizzjonijiet li ġejjin:

(a)	l-obbligu għal min juża mill-ġdid id-dokument li jirrikonoxxi s-sors tad-dokumenti;

(b)	l-obbligu li ma titbiddilx it-tifsira jew il-messaġġ oriġinali tad-dokumenti;

(c)	l-assenza ta' responsabbiltà tal-Kunsill għal kwalunkwe konsegwenza li tirriżulta mill-użu mill-ġdid.

2. Jekk meħtieġ, is-SĠK jista' japplika kondizzjonijiet oħra għal tip partikolari ta' dokument.

3. Is-SĠK għandu jieħu miżuri xierqa biex jipproteġi d-drittijiet, l-interessi u l-immaġni pubblika tal-Kunsill fil-fora xierqa kollha.

Artikolu 7

Formati disponibbli

1. Is-SĠK għandu jagħmel id-dokumenti disponibbli:

(a)	fi kwalunkwe format jew verżjoni lingwistika eżistenti miżmuma mill-Kunsill;

(b)	fuq l-Internet; u

(c)	fejn possibbli u xieraq, f'formati miftuħa u li jkunu jistgħu jinqaraw minn magna.

2. Is-SĠK ma għandux ikun obbligat li:

(a)	joħloq, jadatta jew jaġġorna dokumenti;

(b)	li jipprovdi siltiet, jekk dan ikun jinvolvi sforz sproporzjonat, li jmur lil hinn minn operazzjoni sempliċi;

(c)	jittraduċi dokumenti fi kwalunkwe verżjoni lingwistika uffiċjali oħra għajr minn dawk disponibbli diġà; jew

(d)	ikompli jipproduċi ċerti tipi ta' dokumenti jew li jippreserva d-dokumenti f'format partikolari bl-għan tal-użu mill-ġdid tagħhom.

Artikolu 8

Rapport

Sal-10 ta' Ottubru 2022, is-SĠK għandu jippreżenta rapport lill-Kunsill dwar l-applikazzjoni ta' din id-Deċiżjoni, inkluż l-azzjonijiet ta' implimentazzjoni meħudin mis-SĠK sabiex jagħmlu d-dokumenti disponibbli għall-użu mill-ġdid b'mod miftuħ u f'formati li jistgħu jinqaraw minn magna.

Artikolu 9

Dħul fis-seħħ

Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fil-Lussemburgu, id-9 ta' Ottubru 2017.

Għall-Kunsill

Il-President

S. KIISLER

(1) Id-Direttiva 2003/98/KE tal-Parlament Ewropew u tal-Kunsill tas-17 ta' Novembru 2003 dwar l-użu mill-ġdid ta' informazzjoni tas-settur pubbliku (ĠU L 345, 31.12.2003, p. 90).

(2) Id-Deċiżjoni tal-Kummissjoni 2011/833/UE tat-12 ta' Diċembru 2011 dwar l-użu mill-ġdid ta' dokumenti tal-Kummissjoni (ĠU L 330, 14.12.2011, p. 39).

(3) Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43).

(4) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni tal-individwi fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dik id-data (ĠU L 8, 12.1.2001, p. 1).

(5) Id-Deċiżjoni tal-Kunsill 2013/488/UE tat-23 ta' Settembru 2013 dwar ir-regoli tas-sigurtà għall-protezzjoni ta' informazzjoni klassifikata tal-UE (ĠU L 274, 15.10.2013, p. 1).

12.10.2017

Il-Ġurnal Uffiċjali tal-Unjoni Ewropea

L 262/7

DEĊIŻJONI TA' IMPLIMENTAZZJONI TAL-KUMMISSJONI (UE) 2017/1845

tal-11 ta' Ottubru 2017

li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri

(notifikata bid-dokument C(2017) 6910)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u żootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,

Billi:

(1)

Id-Deċiżjoni ta' Implimentazzjoni tal-Kummissjoni (UE) 2017/247 (3) ġiet adottata wara t-tifqigħat tal-influwenza avjarja b'patoġeniċità għolja tas-sottotip H5 f'għadd ta' Stati Membri (“l-Istati Membri kkonċernati”) u l-istabbiliment ta' żoni ta' protezzjoni u ta' sorveljanza mill-awtoritajiet kompetenti tal-Istati Membri kkonċernati skont l-Artikolu 16(1) tad-Direttiva tal-Kunsill 2005/94/KE (4).

(2)

Id-Deċiżjoni ta' Implimentazzjoni (UE) 2017/247 tipprevedi li ż-żoni ta' protezzjoni u ta' sorveljanza stabbiliti mill-awtoritajiet kompetenti tal-Istati Membri kkonċernati skont id-Direttiva 2005/94/KE jridu jinkludu minn tal-inqas iż-żoni elenkati bħala żoni ta' protezzjoni u ta' sorveljanza fl-Anness ta' dik id-Deċiżjoni ta' Implimentazzjoni. Id-Deċiżjoni ta' Implimentazzjoni (UE) 2017/247 tistipula wkoll li l-miżuri li jridu jiġu applikati fiż-żoni ta' protezzjoni u ta' sorveljanza, kif previst fl-Artikolu 29(1) u fl-Artikolu 31 tad-Direttiva 2005/94/KE, iridu jinżammu minn tal-inqas sad-dati stabbiliti fl-Anness ta' dik id-Deċiżjoni ta' Implimentazzjoni għal dawk iż-żoni.

(3)

Mid-data tal-adozzjoni tiegħu 'l hawn, id-Deċiżjoni ta' Implimentazzjoni (UE) 2017/247 ġiet emendata diversi drabi sabiex jitqiesu l-iżviluppi fis-sitwazzjoni epidemjoloġika fl-Unjoni fir-rigward tal-influwenza avjarja. Barra minn hekk, id-Deċiżjoni ta' Implimentazzjoni (UE) 2017/247 ġiet emendata bid-Deċiżjoni ta' Implimentazzjoni (UE) 2017/696 (5) sabiex jiġu stabbiliti r-regoli fir-rigward tad-dispaċċ tal-konsenji ta' flieles ta' ġurnata miż-żoni elenkati fl-Anness tad-Deċiżjoni ta' Implimentazzjoni (UE) 2017/247. Dik l-emenda qieset il-fatt li l-flieles ta' ġurnata jirrappreżentaw riskju baxx ħafna ta' tixrid tal-influwenza avjarja b'patoġeniċità għolja meta mqabbla ma' prodotti bażiċi oħra tat-tjur.

(4)

Id-Deċiżjoni ta' Implimentazzjoni (UE) 2017/1841 (6) stipulat dispożizzjonijiet għall-istabbiliment ta' żona ristretti oħra fl-Istati Membri kkonċernati sabiex jissaħħaħ il-kontroll tal-mard meta jkun hemm riskju ikbar ta' tixrid tal-vajrus u għad-dispaċċ ta' flieles ta' ġurnata u ta' bajd għat-tfaqqis minn dawk iż-żoni lejn Stati Membri oħra taħt ċertu kundizzjonijiet ta' sikurezza. L-Anness ġie emendat sabiex jinkludi ż-żoni ristretti oħra.

(5)

Barra minn hekk, l-Anness tad-Deċiżjoni ta' Implimentazzjoni (UE) 2017/247 ġie emendat diversi drabi sabiex jitqiesu l-bidliet fil-konfini taż-żoni ta' protezzjoni u ta' sorveljanza stabbiliti mill-Istati Membri kkonċernati skont id-Direttiva 2005/94/KE. Dak l-Anness ġie emendat l-aħħar bid-Deċiżjoni ta' Implimentazzjoni tal-Kummissjoni (UE) 2017/1593 (7), wara n-notifika mill-Italja ta' tifqigħat ta' influwenza avjarja b'patoġeniċità għolja tas-sottotip H5N8 fl-azjendi tat-tjur fir-reġjuni tal-Lombardija u tal-Veneto, u l-istabbiliment ta' żoni ta' protezzjoni u ta' sorveljanza minn dak l-Istat Membru madwar l-azjendi tat-tjur infettati skont id-Direttiva 2005/94/KE.

(6)

Minn meta saret l-emenda tad-Deċiżjoni ta' Implimentazzjoni (UE) 2017/247 bid-Deċiżjoni ta' Implimentazzjoni (UE) 2017/1593 'il hawn, l-Italja identifikat u nnotifikat lill-Kummissjoni tifqigħat ġodda ta' influwenza avjarja b'patoġeniċità għolja tas-sottotip H5N8 fl-azjendi tat-tjur, mill-ġdid fir-reġjuni tal-Lombardija u tal-Veneto ta' dak l-Istat Membru. L-Italja nnotifikat ukoll lill-Kummissjoni li ħadet il-miżuri neċessarji meħtieġa skont id-Direttiva 2005/94/KE, inkluż l-istabbiliment ta' żoni ta' protezzjoni u ta' sorveljanza madwar l-azjendi tat-tjur infettati.

(7)

Il-Kummissjoni eżaminat il-miżuri li ħadet l-Italja skont id-Direttiva 2005/94/KE, wara t-tifqigħat reċenti ta' influwenza avjarja tas-sottotip H5N8 f'dak l-Istat Membru, u kienet sodisfatta li l-konfini taż-żoni ta' protezzjoni u ta' sorveljanza, stabbiliti mill-awtorità kompetenti tal-Italja, qegħdin 'il bogħod biżżejjed minn kwalunkwe azjenda li fiha kienet ġiet ikkonfermata tifqigħa ta' influwenza avjarja b'patoġeniċità għolja tas-sottotip H5N8.

(8)

Sabiex jiġi evitat kwalunkwe tfixkil bla bżonn għall-kummerċ fl-Unjoni u biex tiġi evitata l-impożizzjoni minn pajjiżi terzi ta' ostakli mhux ġustifikati għall-kummerċ, jeħtieġ li fil-livell tal-Unjoni, flimkien mal-Italja, jiġu deskritti malajr fil-livell tal-Unjoni ż-żoni ta' protezzjoni u ta' sorveljanza stabbiliti fl-Italja skont id-Direttiva 2005/94/KE, wara t-tifqigħat reċenti ta' influwenza avjarja b'patoġeniċità għolja tas-sottotip H5N8 f'dak l-Istat Membru. Għaldaqstant jenħtieġ li l-entrati għall-Italja fl-Anness tad-Deċiżjoni ta' Implimentazzjoni (UE) 2017/247 jiġu aġġornati sabiex iqisu s-sitwazzjoni epidemjoloġika aġġornata f'dak l-Istat Membru fir-rigward ta' dik il-marda. B'mod partikolari, hemm bżonn li jiżdiedu entrati ġodda għal ċerti żoni fir-reġjuni tal-Lombardija u tal-Veneto sabiex tiġi indirizzata s-sitwazzjoni l-ġdida.

(9)

Għalhekk, jenħtieġ li l-Anness tad-Deċiżjoni ta' Implimentazzjoni (UE) 2017/247 jiġi emendat biex tiġi aġġornata r-reġjonalizzazzjoni fil-livell tal-Unjoni sabiex jiġu inklużi ż-żoni ta' protezzjoni u ta' sorveljanza stabbiliti mill-Italja wara t-tifqigħat il-ġodda ta' influwenza avjarja b'patoġeniċità għolja fir-reġjuni tal-Lombardija u tal-Veneto, skont id-Direttiva 2005/94/KE u d-durata tar-restrizzjonijiet applikabbli fiha.

(10)	Għalhekk, jenħtieġ li d-Deċiżjoni ta' Implimentazzjoni (UE) 2017/247 tiġi emendata skont dan.

(11)	Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni ta' Implimentazzjoni (UE) 2017/247 huwa emendat skont l-Anness ta' din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, il-11 ta' Ottubru 2017.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU L 395, 30.12.1989, p. 13.

(2) ĠU L 224, 18.8.1990, p. 29.

(3) Id-Deċiżjoni ta' Implimentazzjoni tal-Kummissjoni (UE) 2017/247 tad-9 ta' Frar 2017 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (ĠU L 36, 11.2.2017, p. 62).

(4) Id-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (ĠU L 10, 14.1.2006, p. 16).

(5) Id-Deċiżjoni ta' Implimentazzjoni tal-Kummissjoni (UE) 2017/696 tal-11 ta' April 2017 li temenda d-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat tal-influwenza avjarja b'patoġeniċità għolja f'ċerti Stati Membri (ĠU L 101, 13.4.2017, p. 80).

(6) Id-Deċiżjoni ta' Implimentazzjoni tal-Kummissjoni (UE) 2017/1841 tal-10 ta' Ottubru 2017 li temenda d-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (ĠU L 261, 11.10.2017, p. 26).

(7) Id-Deċiżjoni ta' Implimentazzjoni tal-Kummissjoni (UE) 2017/1593 tal-20 ta' Settembru 2017 li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (ĠU L 243, 21.9.2017, p. 14).

ANNESS

L-Anness tad-Deċiżjoni ta' Implimentazzjoni (UE) 2017/247 huwa emendat kif ġej:

(1)

Fil-Parti A, l-entrata għall-Italja tiġi ssostitwita b'dan li ġej:

“ Stat Membru: l-Italja

Żona li tkopri:

Id-data sa meta applikabbli skont l-Artikolu 29(1) tad-Direttiva 2005/94/KE

—	The area of the parts of Veneto Region (ADNS 17/0037) contained within a circle of radius of three kilometres, centred on WGS84 dec. coordinates N45.137063 and E11.664795

5.10.2017

—	The area of the parts of Veneto Region (ADNS 17/0038) contained within a circle of radius of three kilometres, centred on WGS84 dec. coordinates N45,347216 and E11,557848

21.10.2017

—	The area of the parts of Veneto Region (ADNS 17/0040) contained within a circle of radius of three kilometres, centred on WGS84 dec. coordinates N 45,310657 E11,518548

20.10.2017

—	The area of the parts of Veneto Region (ADNS 17/0039) contained within a circle of radius of three kilometres, centred on WGS84 dec. coordinates N45,433670 E11,080676

19.10.2017

—	The area of the parts of Lombardia Region (ADNS 17/0041) contained within a circle of radius of three kilometres, centred on WGS84 dec. coordinates N45,308910 E9,870331

20.10.2017”

(2)

Fil-Parti B, l-entrata għall-Italja tiġi ssostitwita b'dan li ġej:

“ Stat Membru: l-Italja

Żona li tkopri:

Id-data sa meta applikabbli skont l-Artikolu 31 tad-Direttiva 2005/94/KE

—	The area of the parts of Lombardy and Emilia Romagna Regions (ADNS 17/0036) contained within a circle of radius of three kilometres, centred on WGS84 dec. coordinates N45.046214 and E10.186550

Mill-1.10.2017 sad-9.10.2017

—	The area of the parts of Lombardy and Emilia Romagna Regions (ADNS 17/0036) extending beyond the area described in the protection zone and within the circle of a radius of ten kilometres, centred on WGS84 dec. coordinates N45.046214 and E10.186550

9.10.2017

—	The area of the parts of Veneto Region (ADNS 17/0037) contained within a circle of radius of three kilometres, centred on WGS84 dec. coordinates N45.137063 and E11.664795

Mis-6.10.2017 sal-14.10.2017

—	The area of the parts of Veneto Region (ADNS 17/0037) extending beyond the area described in the protection zone and within the circle of a radius of ten kilometres, centred on WGS84 dec. coordinates N45.137063 and E11.664795

14.10.2017

—	The area of the parts of Veneto Region (ADNS 17/0038) contained within a circle of radius of three kilometres, centred on WGS84 dec. coordinates N45,347216 and E11,557848

Mit-22.10.2017 sat-30.10.2017

—	The area of the parts of Veneto Region (ADNS 17/0040) contained within a circle of radius of three kilometres, centred on WGS84 dec. coordinates N45,310657 and E11,518548

Mill-21.10.2017 sad-29.10.2017

—	The area of the parts of Veneto Region (ADNS 17/0039) contained within a circle of radius of three kilometres, centred on WGS84 dec. coordinates N45,433670 and E11,080676

Mill-20.10.2017 sat-28.10.2017

—	The area of the parts of Lombardia Region (ADNS 17/0041) contained within a circle of radius of three kilometres, centred on WGS84 dec. coordinates N45.308910 and E9.870331

Mill-21.10.2017 sad-29.10.2017

—	The area of the parts of Veneto Region (ADNS 17/0038) extending beyond the area described in the protection zone and within the circle of a radius of ten kilometres, centred on WGS84 dec. coordinates N45,347216 and E11,557848

30.10.2017

—	The area of the parts of Veneto Region (ADNS 17/0040) extending beyond the area described in the protection zone and within the circle of a radius of ten kilometres, centred on WGS84 dec. coordinates N45,310657 and E11,518548

29.10.2017

—	The area of the parts of Veneto Region (ADNS 17/0039) extending beyond the area described in the protection zone and within the circle of a radius of ten kilometres, centred on WGS84 dec. coordinates N45,433670 and E11,080676

28.10.2017

—	The area of the parts of Lombardia Region (ADNS 17/0041) extending beyond the area described in the protection zone and within the circle of a radius of ten kilometres, centred on WGS84 dec. coordinates N45.308910 and E9.870331

29.10.2017”

(3)

Fil-Parti C, tiddaħħal entrata għall-Italja:

“ Stat Membru: l-Italja

Żona li tinkludi:

Id-data sa meta l-miżuri jridu jibqgħu applikabbli skont l-Artikolu 3b

—	Municipality of ACQUAFREDDA (BS)

—	Municipality of CALCINATO (BS): South of A4 highway

—	Municipality of CALVISANO (BS)

—	Municipality of CARPENEDOLO (BS)

—	Municipality of DESENZANO DEL GARDA (BS): South of A4 highway

—	Municipality of ISORELLA (BS)

—	Municipality of LONATO DEL GARDA (BS): South of A4 highway

—	Municipality of MONTICHIARI (BS)

—	Municipality of POZZOLENGO (BS): South of A4 highway

—	Municipality of REMEDELLO (BS)

—	Municipality of VISANO (BS)

—	Municipality of ACQUANEGRA SUL CHIESE (MN)

—	Municipality of ASOLA (MN)

—	Municipality of BAGNOLO SAN VITO (MN)

—	Municipality of BIGARELLO (MN)

—	Municipality of BORGO VIRGILIO (MN)

—	Municipality of BORGOFRANCO SUL PO (MN)

—	Municipality of BOZZOLO (MN)

—	Municipality of CANNETO SULL'OGLIO (MN)

—	Municipality of CARBONARA DI PO (MN)

—	Municipality of CASALMORO (MN)

—	Municipality of CASALOLDO (MN)

—	Municipality of CASALROMANO (MN)

—	Municipality of CASTEL D'ARIO (MN)

—	Municipality of CASTEL GOFFREDO (MN)

—	Municipality of CASTELBELFORTE (MN)

—	Municipality of CASTELLUCCHIO (MN)

—	Municipality of CASTIGLIONE DELLE STIVIERE (MN)

—	Municipality of CAVRIANA (MN)

—	Municipality of CERESARA (MN)

—	Municipality of COMMESSAGGIO (MN)

—	Municipality of CURTATONE (MN)

—	Municipality of DOSOLO (MN)

—	Municipality of GAZOLDO DEGLI IPPOLITI (MN)

—	Municipality of GAZZUOLO (MN)

—	Municipality of GOITO (MN)

—	Municipality of GONZAGA (MN)

—	Municipality of GUIDIZZOLO (MN)

—	Municipality of MAGNACAVALLO (MN)

—	Municipality of MANTOVA (MN)

—	Municipality of MARCARIA (MN)

—	Municipality of MARIANA MANTOVANA (MN)

—	Municipality of MARMIROLO (MN)

—	Municipality of MEDOLE (MN)

—	Municipality of MOGLIA (MN)

—	Municipality of MONZAMBANO (MN)

—	Municipality of MOTTEGGIANA (MN)

—	Municipality of OSTIGLIA (MN)

—	Municipality of PEGOGNAGA (MN)

—	Municipality of PIEVE DI CORIANO (MN)

—	Municipality of PIUBEGA (MN)

—	Municipality of POGGIO RUSCO (MN)

—	Municipality of POMPONESCO (MN)

—	Municipality of PONTI SUL MINCIO (MN)

—	Municipality of PORTO MANTOVANO (MN)

—	Municipality of QUINGENTOLE (MN)

—	Municipality of QUISTELLO (MN)

—	Municipality of REDONDESCO (MN)

—	Municipality of REVERE (MN)

—	Municipality of RIVAROLO MANTOVANO (MN)

—	Municipality of RODIGO (MN)

—	Municipality of RONCOFERRARO (MN)

—	Municipality of ROVERBELLA (MN)

—	Municipality of SABBIONETA (MN)

—	Municipality of SAN BENEDETTO PO (MN)

—	Municipality of SAN GIACOMO DELLE SEGNATE (MN)

—	Municipality of SAN GIORGIO DI MANTOVA (MN)

—	Municipality of SAN GIOVANNI DEL DOSSO (MN)

—	Municipality of SAN MARTINO DALL'ARGINE (MN)

—	Municipality of SCHIVENOGLIA (MN)

—	Municipality of SERMIDE E FELONICA (MN)

—	Municipality of SERRAVALLE A PO (MN)

—	Municipality of SOLFERINO (MN)

—	Municipality of SUSTINENTE (MN)

—	Municipality of SUZZARA (MN)

—	Municipality of VIADANA (MN)

—	Municipality of VILLA POMA (MN)

—	Municipality of VILLIMPENTA (MN)

—	Municipality of VOLTA MANTOVANA (MN)

—	Municipality of BAONE (PD)

—	Municipality of BARBONA (PD)

—	Municipality of CARCERI (PD)

—	Municipality of CASALE DI SCODOSIA (PD)

—	Municipality of CASTELBALDO (PD)

—	Municipality of CERVARESE SANTA CROCE (PD)

—	Municipality of CINTO EUGANEO (PD)

—	Municipality of ESTE (PD)

—	Municipality of GRANZE (PD)

—	Municipality of LOZZO ATESTINO (PD)

—	Municipality of MASI (PD)

—	Municipality of MEGLIADINO SAN FIDENZIO (PD)

—	Municipality of MEGLIADINO SAN VITALE (PD)

—	Municipality of MERLARA (PD)

—	Municipality of MONTAGNANA (PD)

—	Municipality of OSPEDALETTO EUGANEO (PD)

—	Municipality of PIACENZA D'ADIGE (PD)

—	Municipality of PONSO (PD)

—	Municipality of ROVOLON (PD)

—	Municipality of SALETTO (PD)

—	Municipality of SANTA MARGHERITA D'ADIGE (PD)

—	Municipality of SANT'ELENA (PD)

—	Municipality of SANT'URBANO (PD)

—	Municipality of TEOLO (PD)

—	Municipality of URBANA (PD)

—	Municipality of VESCOVANA (PD)

—	Municipality of VIGHIZZOLO D'ESTE (PD)

—	Municipality of VILLA ESTENSE (PD)

—	Municipality of VO' (PD)

—	Municipality of BERGANTINO (RO)

—	Municipality of CASTELNOVO BARIANO (RO)

—	Municipality of MELARA (RO)

—	Municipality of ALBAREDO D'ADIGE (VR)

—	Municipality of ANGIARI (VR)

—	Municipality of ARCOLE (VR)

—	Municipality of BELFIORE (VR)

—	Municipality of BEVILACQUA (VR)

—	Municipality of BONAVIGO (VR)

—	Municipality of BOSCHI SANT'ANNA (VR)

—	Municipality of BOVOLONE (VR)

—	Municipality of BUTTAPIETRA (VR)

—	Municipality of CALDIERO (VR): South of A4 highway

—	Municipality of CASALEONE (VR)

—	Municipality of CASTAGNARO (VR)

—	Municipality of CASTEL D'AZZANO (VR)

—	Municipality of CASTELNUOVO DEL GARDA (VR): South of A4 highway

—	Municipality of CEREA (VR)

—	Municipality of COLOGNA VENETA (VR)

—	Municipality of COLOGNOLA AI COLLI (VR): South of A4 highway

—	Municipality of CONCAMARISE (VR)

—	Municipality of ERBÈ (VR)

—	Municipality of GAZZO VERONESE (VR)

—	Municipality of ISOLA DELLA SCALA (VR)

—	Municipality of ISOLA RIZZA (VR)

—	Municipality of LAVAGNO (VR): South of A4 highway

—	Municipality of LEGNAGO (VR)

—	Municipality of MINERBE (VR)

—	Municipality of MONTEFORTE D'ALPONE (VR): South of A4 highway

—	Municipality of MOZZECANE (VR)

—	Municipality of NOGARA (VR)

—	Municipality of NOGAROLE ROCCA (VR)

—	Municipality of OPPEANO (VR)

—	Municipality of PALU' (VR)

—	Municipality of PESCHIERA DEL GARDA (VR): South of A4 highway

—	Municipality of POVEGLIANO VERONESE (VR)

—	Municipality of PRESSANA (VR)

—	Municipality of RONCO ALL'ADIGE (VR)

—	Municipality of ROVERCHIARA (VR)

—	Municipality of ROVEREDO DI GUÀ (VR)

—	Municipality of SALIZZOLE (VR)

—	Municipality of SAN BONIFACIO (VR): South of A4 highway

—	Municipality of SAN GIOVANNI LUPATOTO (VR): South of A4 highway

—	Municipality of SAN MARTINO BUON ALBERGO (VR)

—	Municipality of SAN PIETRO DI MORUBIO (VR)

—	Municipality of SANGUINETTO (VR)

—	Municipality of SOAVE (VR): South of A4 highway

—	Municipality of SOMMACAMPAGNA (VR): South of A4 highway

—	Municipality of SONA (VR): South of A4 highway

—	Municipality of SORGÀ (VR)

—	Municipality of TERRAZZO (VR)

—	Municipality of TREVENZUOLO (VR)

—	Municipality of VALEGGIO SUL MINCIO (VR)

—	Municipality of VERONA (VR): South of A4 highway

—	Municipality of VERONELLA (VR)

—	Municipality of VIGASIO (VR)

—	Municipality of VILLA BARTOLOMEA (VR)

—	Municipality of VILLAFRANCA DI VERONA (VR)

—	Municipality of ZEVIO (VR)

—	Municipality of ZIMELLA (VR)

—	Municipality of AGUGLIARO (VI)

—	Municipality of ALBETTONE (VI)

—	Municipality of ALONTE (VI)

—	Municipality of ALTAVILLA VICENTINA (VI): South of A4 highway

—	Municipality of ARCUGNANO (VI): South of A4 highway

—	Municipality of ASIGLIANO VENETO (VI)

—	Municipality of BARBARANO VICENTINO (VI)

—	Municipality of BRENDOLA (VI): South of A4 highway

—	Municipality of CAMPIGLIA DEI BERICI (VI)

—	Municipality of CASTEGNERO (VI)

—	Municipality of GAMBELLARA (VI): South of A4 highway

—	Municipality of GRUMOLO DELLE ABBADESSE (VI): South of A4 highway

—	Municipality of LONGARE (VI)

—	Municipality of LONIGO (VI)

—	Municipality of MONTEBELLO VICENTINO (VI): South of A4 highway

—	Municipality of MONTECCHIO MAGGIORE (VI): South of A4 highway

—	Municipality of MONTEGALDA (VI)

—	Municipality of MONTEGALDELLA (VI)

—	Municipality of MOSSANO (VI)

—	Municipality of NANTO (VI)

—	Municipality of NOVENTA VICENTINA (VI)

—	Municipality of ORGIANO (VI)

—	Municipality of POJANA MAGGIORE (VI)

—	Municipality of SAREGO (VI)

—	Municipality of SOSSANO (VI)

—	Municipality of TORRI DI QUARTESOLO (VI): South of A4 highway

—	Municipality of VAL LIONA (VI)

—	Municipality of VICENZA (VI): South of A4 highway

—	Municipality of VILLAGA (VI)

—	Municipality of ZOVENCEDO (VI)

30.11.2017”

		ISSN 1977-074X
Il-Ġurnal Uffiċjali tal-Unjoni Ewropea		L 262

Edizzjoni bil-Malti	Leġiżlazzjoni	Volum 60 12 ta' Ottubru 2017

Werrej		II Atti mhux leġiżlattivi	Paġna
		DEĊIŻJONIJIET
	*	Deċiżjoni tal-Kunsill (UE) 2017/1842 tad-9 ta' Ottubru 2017 dwar il-politika tal-Kunsill dwar data miftuħa u l-użu mill-ġdid ta' dokumenti tal-Kunsill	1
	*	Deċiżjoni tal-Kunsill (UE) 2017/1843 tad-9 ta' Ottubru 2017 li taħtar membru u tliet membri supplenti, proposti mir-Repubblika tal-Finlandja, fil-Kumitat tar-Reġjuni	5
	*	Deċiżjoni tal-Kunsill (UE) 2017/1844 tad-9 ta' Ottubru 2017 li taħtar membru, propost mir-Renju tan-Netherlands, fil-Kumitat tar-Reġjuni	6
	*	Deċiżjoni ta' Implimentazzjoni tal-Kummissjoni (UE) 2017/1845 tal-11 ta' Ottubru 2017 li temenda l-Anness tad-Deċiżjoni ta' Implimentazzjoni (UE) 2017/247 dwar miżuri protettivi marbuta ma' tifqigħat ta' influwenza avjarja b'patoġeniċità għolja f'ċerti Stati Membri (notifikata bid-dokument C(2017) 6910) ( 1 )	7


	(1) Test b'rilevanza għaż-ŻEE.