17.6.2017   

MT

Il-Ġurnal Uffiċjali tal-Unjoni Ewropea

L 155/1

(1)

Huwa importanti li tiġi speċifikata l-informazzjoni li d-ditti tal-investiment, l-operaturi tas-suq, u fejn meħtieġ mid-Direttiva 2014/65/UE, l-istituzzjonijiet ta' kreditu, jinħtieġ li jinnotifikaw lill-awtoritajiet kompetenti tal-Istat Membru tad-domiċilju tagħhom meta jkunu jixtiequ jipprovdu servizzi ta' investiment jew iwettqu attivitajiet ta' investiment kif ukoll servizzi anċillari fi Stat Membru ieħor, sabiex jiġu stabbiliti rekwiżiti tal-informazzjoni uniformi u biex jibbenefikaw mill-possibbiltà li jipprovdu servizzi fl-Unjoni kollha.

(2)

L-iskop u l-kontenut tal-informazzjoni li trid tiġi kkomunikata lill-awtorità kompetenti tad-domiċilju mid-ditti tal-investiment, l-istituzzjonijiet tal-kreditu jew l-operaturi tas-suq li jixtiequ jipprovdu servizzi jew attivitajiet ta' investiment kif ukoll attivitajiet anċillari jew arranġamenti li jiffaċilitaw l-aċċess u l-kummerċ ivarjaw skont l-iskop u l-forma tad-drittijiet tal-passaport. Għal raġunijiet ta' ċarezza huwa għalhekk xieraq li jiġu ddefiniti t-tipi differenti ta' notifika tal-passaport għall-finijiet ta' dan ir-Regolament.

(3)

Għall-istess raġunijiet, huwa importanti wkoll li tiġi ċċarata l-informazzjoni li d-ditti tal-investiment jew l-operaturi tas-suq li joperaw faċilità multilaterali tan-negozjar (multilateral trading facility — MTF) jew faċilità organizzata tan-negozjar (organised trading facility — OTF), jinħtieġ li jippreżentaw meta jkunu jixtiequ jiffaċilitaw, fit-territorju ta' Stat Membru ieħor, l-aċċess għal u l-kummerċ f'dawk is-sistemi minn utenti, membri jew parteċipanti remoti stabbiliti f'dak l-Istat Membru ieħor.

(4)

L-awtoritajiet kompetenti tal-Istati Membri tad-domiċilju u ospitanti jinħtieġ li jirċievu informazzjoni aġġornata f'każ ta' kwalunkwe bidla fid-dettalji ta' passaport ta' notifika, inkluż kwalunkwe irtirar jew kanċellazzjoni ta' awtorizzazzjoni biex jiġu pprovduti servizzi u attivitajiet ta' investiment. Din l-informazzjoni jinħtieġ li tiżgura li dawk l-awtoritajiet kompetenti jkunu jistgħu jieħdu deċiżjoni infurmata li tkun konsistenti mal-poteri u r-responsabbiltajiet tagħhom.

(5)

Bidliet fl-isem, l-indirizz u d-dettalji ta' kuntatt ta' ditti tal-investiment fl-Istat Membru tad-domiċilju għandhom jiġu kkunsidrati rilevanti u għalhekk jinħtieġ li jiġu nnotifikati bħala notifika ta' bidla fid-dettalji ta' fergħa jew bħala notifika ta' bidla fid-dettalji ta' aġent marbut.

(6)

Huwa importanti li l-awtoritajiet kompetenti tal-Istat Membru tad-domiċilju u ospitanti jikkooperaw biex jiġi indirizzat il-periklu ta' ħasil ta' flus. Dan ir-Regolament, u b'mod partikolari l-komunikazzjoni tal-programm tal-operazzjonijiet tad-ditti tal-investiment, jinħtieġ li jiffaċilita l-valutazzjoni u s-superviżjoni mill-awtorità kompetenti tal-Istat Membru ospitanti dwar l-adegwatezza tas-sistemi u l-kontrolli biex jimpedixxu l-ħasil tal-flus u l-finanzjament tat-terroriżmu ta' fergħa stabbilita fit-territorju tagħha, inklużi l-ħiliet, l-għarfien u l-karattru dehen tal-uffiċjal rapportatur dwar il-ħasil tal-flus.

(7)

Id-dispożizzjonijiet f'dan ir-Regolament huma marbuta mill-qrib, billi jittrattaw in-notifiki relatati mal-eżerċizzju tal-libertà li jiġu pprovduti servizzi u attivitajiet ta' investiment u l-eżerċizzju tad-dritt ta' stabbiliment li japplikaw għad-ditti tal-investiment, l-operaturi tas-suq, u fejn previst, l-istituzzjonijiet ta' kreditu. Biex jiżguraw koerenza bejn dawk id-dispożizzjonijiet, li jinħtieġ li jidħlu fis-seħħ fl-istess ħin, u biex jiffaċilitaw perspettiva komprensiva u aċċess kumpatt għalihom minn persuni suġġetti għal dawk l-obbligi, huwa tajjeb li l-istandards tekniċi regolatorji kollha għan-notifika tal-informazzjoni meħtieġa mit-Titolu II, il-Kapitolu III tad-Direttiva 2014/65/UE jkunu inklużi f'Regolament wieħed.

(8)

Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, huwa neċessarju li d-dispożizzjonijiet stabbiliti f'dan ir-Regolament kif ukoll id-dispożizzjonijiet nazzjonali relatati li jittrasponu d-Direttiva 2014/65/UE japplikaw mill-istess data.

(9)

Dan ir-Regolament huwa bbażat fuq l-abbozz tal-istandards tekniċi regolatorji sottomess mill-ESMA lill-Kummissjoni.

(10)

Skont l-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (2), l-Awtorità Ewropea tat-Titoli u s-Swieq (ESMA) wettqet konsultazzjonijiet pubbliċi miftuħa dwar dan l-abbozz tal-istandards tekniċi regolatorji, analizzat l-ispejjeż u l-benefiċċji potenzjali relatati u talbet l-opinjoni tal-Grupp tal-Partijiet Konċernati tat-Titoli u s-Swieq stabbilit skont l-Artikolu 37 ta' dak ir-Regolament.

(a)

id-dritt tal-libertà li jiġu pprovduti servizzi u attivitajiet ta' investiment skont l-Artikolu 34(5) tad-Direttiva 2014/65/UE;

(b)

id-dritt tal-istabbiliment skont l-Artikolu 35(7) tad-Direttiva 2014/65/UE.

(a)

“notifika ta' passaport ta' servizzi u attivitajiet ta' investiment” tfisser notifika li ssir skont l-Artikolu 34(2) tad-Direttiva 2014/65/UE, jew skont l-Artikolu 34(5) tad-Direttiva 2014/65/UE;

(b)

“notifika ta' passaport ta' fergħa” jew “notifika ta' passaport ta' aġent marbut” tfisser notifika li ssir skont l-Artikolu 35(2) tad-Direttiva 2014/65/UE, jew skont l-Artikolu 35(7) tad-Direttiva 2014/65/UE;

(c)

“notifika għall-provvediment ta' arranġamenti li jiffaċilitaw l-aċċess għal MTF jew OTF” tfisser notifika li saret skont l-Artikolu 34(7) tad-Direttiva 2014/65/UE.

(d)

“notifika ta' passaport” tfisser notifika ta' passaport ta' servizzi u attivitajiet ta' investiment, notifika ta' passaport ta' fergħa, notifika ta' passaport ta' aġent marbut, jew notifika għall-provvediment ta' arranġamenti li jiffaċilitaw l-aċċess għal MTF jew OTF.

(a)

l-isem, l-indirizz u d-dettalji ta' kuntatt tad-ditta tal-investiment flimkien mal-isem ta' persuna ta' kuntatt speċifikata fid-ditta tal-investiment;

(b)

programm tal-operazzjonijiet li jinkludi dan li ġej:

(a)

l-isem, l-indirizz u d-dettalji ta' kuntatt tad-ditta tal-investiment jew l-operatur tas-suq, flimkien mal-isem tal-persuna ta' kuntatt speċifikata fid-ditta tal-investiment jew l-operatur tas-suq;

(b)

deskrizzjoni qasira tal-arranġamenti xierqa li se jkunu fis-seħħ u d-data minn meta dawn l-arranġamenti se jiġu pprovduti fl-Istat Membru ospitanti;

(c)

deskrizzjoni qasira tal-mudell tan-negozju tal-MTF jew tal-OTF, inklużi t-tipi ta' strumenti finanzjarji negozjati, it-tip ta' parteċipanti, u l-approċċ tal-kummerċjalizzazzjoni tal-MTF jew tal-OTF biex iħajjar utenti, membri jew parteċipanti remoti.

(a)

l-isem, l-indirizz u d-dettalji ta' kuntatt tad-ditta tal-investiment jew l-istituzzjoni ta' kreditu fl-Istat Membru tad-domiċilju, u l-isem tal-persuna ta' kuntatt speċifikata fid-ditta tal-investiment jew fl-istituzzjoni ta' kreditu;

(b)

l-isem, l-indirizz u d-dettalji ta' kuntatt fl-Istat Membru ospitanti tal-fergħa jew tal-aġent marbut minn fejn jistgħu jinkisbu d-dokumenti;

(c)

l-isem ta' dawk il-persuni responsabbli għall-ġestjoni tal-fergħa jew tal-aġent marbut;

(d)

referenza għall-post, elettronika jew mod ieħor, tar-reġistru pubbliku fejn ikun irreġistrat l-aġent marbut; kif ukoll

(e)

il-programm ta' operazzjonijiet.

(a)

lista tas-servizzi, l-attivitajiet u s-servizzi anċillari ta' investiment u l-istrumenti finanzjarji li se jiġu pprovduti;

(b)

ħarsa ġenerali li tispjega kif il-fergħa jew l-aġent marbut se jikkontribwixxi għall-istrateġija tad-ditta tal-investiment, l-istituzzjoni ta' kreditu jew il-grupp, u li tistabbilixxi jekk id-ditta tal-investiment tkunx membru ta' grupp, u x'se jkunu l-funzjonijiet ewlenin tal-fergħa jew tal-aġent marbut;

(c)

deskrizzjoni tat-tip ta' klijenti jew tal-kontroparti li magħha se tkun qed tittratta l-fergħa jew l-aġent marbut u ta' kif id-ditta tal-investiment jew l-istituzzjoni ta' kreditu se tikseb lil dawk il-klijenti u l-kontropartijiet u tittratta magħhom;

(d)

l-informazzjoni li ġejja dwar l-istruttura organizzazzjonali tal-fergħa jew l-aġent marbut:

(e)

id-dettalji tal-individwi li jwettqu funzjonijiet ewlenin fil-fergħa jew fl-aġent marbut, inklużi l-individwi responsabbli għall-operazzjonijiet ta' kuljum tal-fergħa jew tal-aġent marbut, ta' dawk responsabbli għall-konformità u ta' dawk li jittrattaw l-ilmenti;

(f)

id-dettalji ta' kwalunkwe arranġament ta' esternalizzazzjoni ta' importanza kritika għall-operazzjonijiet tal-fergħa jew l-aġent marbut;

(g)

dettalji fil-qosor tas-sistemi u l-kontrolli li se jkunu fis-seħħ, fosthom:

(h)

dikjarazzjonijiet tal-previżjoni kemm tal-profitt u t-telf kif ukoll tal-fluss tal-flus, matul il-perjodu tal-ewwel sitta u tletin xahar.

(a)

l-isem tal-persuna jew il-persuni li ser ikunu responsabbli għall-proċess tat-terminazzjoni tal-operat tal-fergħa jew tal-aġent marbut;

(b)

l-iskeda ta' żmien tat-terminazzjoni pjanata;

(c)

id-dettalji u l-proċeduri proposti għal-għeluq tal-operazzjonijiet kummerċjali, inklużi d-dettalji dwar kif se jiġu protetti l-interessi tal-klijent, se jiġu riżolti l-ilmenti u kif se jinħelsu minn kwalunkwe obbligazzjoni pendenti.

17.6.2017   

MT

Il-Ġurnal Uffiċjali tal-Unjoni Ewropea

L 155/6

(1)

Fil-31 ta' Marzu 2016 (2) il-Kummissjoni Ewropea (“il-Kummissjoni”) bdiet nvestigazzjoni b'segwitu għal ilment li ġie ppreżentat fil-15 ta' Frar 2016 mill-Assoċjazzjoni Ewropea tal-Azzar (“EUROFER” jew “l-ilmentatur”) f'isem il-produtturi li jirrappreżentaw iktar minn 25 % tal-produzzjoni kollha ta' rebars fl-Unjoni.

(2)

FL-20 ta' Diċembru 2016, il-Kummissjoni imponiet dazju antidumping proviżorju fuq l-importazzjonijiet ta' ċerti żbarri u vireg li jirrinforzaw il-konkos li joriġinaw mir-Repubblika tal-Belarussja (“il-Belarussja” jew “il-pajjiż ikkonċernat”) permezz tar-Regolament ta' Implimentazzjoni (UE) 2016/2303 (3) (“ir-Regolament proviżorju”).

(3)

Wara li ġew divulgati l-fatti u l-kunsiderazzjonijiet essenzjali li abbażi tagħhom kien ġie impost dazju antidumping proviżorju (“id-divulgazzjoni proviżorja”), l-ilmentatur u l-uniku produttur esportatur Belarussjan ippreżentaw is-sottomissjonijiet tagħhom bil-miktub dwar ir-riżultati proviżorji. Il-partijiet li talbu li jinstemgħu ngħataw din l-opportunità.

(4)

Saru seduti ma' produttur esportatur Belarussjan u ma' produtturi tal-Unjoni.

(5)

Il-Kummissjoni kkunsidrat il-kummenti verbali u bil-miktub ippreżentati mill-partijiet interessati u, meta xieraq, immodifikat ir-riżultati proviżorji.

(6)

Sabiex jiġu vverifikati t-tweġibiet għall-kwestjonarji msemmija fil-premessi minn (124) u (133) tar-Regolament proviżorju, li ma kinux ivverifikati fl-istadju proviżorju tal-proċedura, saru żjarat ta' verifika fl-istabbilimenti tal-partijiet li ġejjin:

(7)

Il-Kummissjoni għarrfet lill-partijiet kollha dwar il-fatti u l-kunsiderazzjonijiet essenzjali li abbażi tagħhom biħsiebha timponi dazju antidumping definittiv fuq l-importazzjonijiet ta' rebars (“id-divulgazzjoni definittiva”). Il-partijiet kollha ngħataw perjodu li fih setgħu jagħmlu l-kummenti tagħhom dwar id-divulgazzjoni definittiva. Wara d-divulgazzjoni definittiva, fid-dawl tal-riżultati kif stabbiliti fil-premessi minn (18) sa (24) tad-Dokument ta' Divulgazzjoni Ġenerali), il-Kummissjoni analizzat l-indikaturi tad-dannu minbarra d-dejta li tikkonċerna s-suq Taljan li dwaru l-partijiet kollha ġew infurmati (id-divulgazzjoni addizzjonali finali). Sussegwentement, il-partijiet kollha ngħataw perjodu li fih setgħu jikkummentaw dwar id-divulgazzjoni addizzjonali. Il-kummenti ppreżentati mill-partijiet interessati tqiesu u fejn xieraq ġew ikkunsidrati.

(8)

Fin-nuqqas ta' kummenti rigward il-metodu ta' kampjunar, ir-riżultati proviżorji stabbiliti fil-premessi minn (7) sa (10) tar-Regolament proviżorju huma kkonfermati.

(9)

Fin-nuqqas ta' xi kummenti rigward il-perjodu tal-investigazzjoni (“PI”) u l-perjodu kkunsidrat, il-perjodi stabbiliti fil-premessa (14) tar-Regolament proviżorju hija b'dan ikkonfermata.

(10)

Kif stipulat fil-premessi minn (15) u (16) tar-Regolament proviżorju, il-prodott soġġett għall-investigazzjoni ġie ddefinit bħala “ċerti żbarri u vireg li jirrinforzaw il-konkos, tal-ħadid jew tal-azzar li mhuwiex liga, mhux iktar maħdum milli mikwi, irrumblat bis-sħana, jew estrużi bis-sħana, iżda inklużi dawk milwija wara r-rumblar u wkoll dawk li fihom għafsiet, kustilji, skanalaturi jew deformazzjonijiet oħrajn magħmulin waqt il-proċess tal-irrumblar, li joriġinaw mill-Belarussja u li bħalissa huma kklassifikati bil-kodiċijiet tan-NM ex 7214 10 00, ex 7214 20 00, ex 7214 30 00, ex 7214 91 10, ex 7214 91 90, ex 7214 99 10, ex 7214 99 71, ex 7214 99 79 u ex 7214 99 95 (“rebars” jew “il-prodott ikkonċernat”). L-iżbarri u l-vireg li jirrinforzaw il-konkos tal-ħadid jew tal-azzar b'reżistenza għolja għar-reħi huma esklużi”.

(11)

Diġà fl-istadju proviżorju tal-investigazzjoni, il-produttur esportatur Belarussjan indika allegata inkonsistenza bejn l-ilment (b'referenza għal żewġ kodiċijiet NM) u l-avviż ta' bidu (AB) (b'referenza għal disa' “kodiċijiet NM”). Wara l-ispjegazzjonijiet mogħtija f'dan ir-rigward fir-regolament proviżorju, esportatur Belarussjan bidel in-natura tat-talba tiegħu u talab l-inklużjoni ta' sentenza addizzjonali fil-parti deskrittiva tal-prodott ikkonċernat sabiex ikun ċar li żbarri tondi u tipi oħra ta' żbarri mingħajr għafsiet, kustilji jew deformazzjonijiet oħra, li huma wkoll koperti mis-seba' kodiċijiet NM addizzjonali, ma jkunux inklużi fil-prodott ikkonċernat.

(12)

Min-naħa l-oħra, kuntrarjament għal dak li ssostni l-kumpanija tal-Belarussja, l-ilmentatur iddikjara li żbarri tondi u żbarri oħra mingħajr deformazzjoni għandhom jiġu inklużi fl-ambitu tal-prodott.

(13)

Wara eżaminazzjoni bir-reqqa, il-Kummissjoni kkonkludiet li l-parti deskrittiva tad-definizzjoni tal-prodott ikkonċernat fl-ilment u fl-AB b'mod ċar ma tinkludix żbarri tondi u żbarri mingħajr deformazzjoni u, għalhekk, dawn l-iżbarri jaqgħu barra l-ambitu tal-prodott. Barra minn hekk, id-dejta kollha dwar il-prodott ikkonċernat miġbura għall-kalkoli tad-dumping u tad-dannu ma kinitx tinkludi dejta li tirreferi għal żbarri tondi jew żbarri mingħajr deformazzjoni. Għalhekk, id-definizzjoni tal-ambitu tal-prodott jinħtieġ li tagħmilha ċara li żbarri tondi u żbarri mingħajr deformazzjoni mhumiex parti mill-prodott ikkonċernat. Għalhekk, il-Kummissjoni taċċetta t-tibdil fid-deskrizzjoni tal-prodott ikkonċernat li qed jissuġġerixxi l-produttur esportatur Belarussjan. Matul din il-valutazzjoni, il-Kummissjoni vverifikat li l-kodiċi NM ex 7214 99 71 u ex 7214 99 79 kienu jirreferu esklussivament għal żbarri tondi u żbarri mingħajr deformazzjoni u, għalhekk, kienu jeskludu r-referenza għalihom fid-definizzjoni tal-kamp ta' applikazzjoni tal-prodott. Il-Kummissjoni nnutat ukoll li dawn l-iżbarri kienu ġew inklużi bi żball fl-informazzjoni stipulata fil-premessi (62), (63), (65) u (103) tar-Regolament proviżorju (il-konsum tal-Unjoni, il-volum u s-sehem mis-suq tal-importazzjonijiet ikkonċernati, il-prezzijiet tal-importazzjonijiet, u importazzjonijiet minn pajjiżi terzi) u għalhekk din id-dejta ġiet riveduta skont dan.

(14)

Filwaqt li jiġi kkunsidrat dan ta' hawn fuq, il-Kummissjoni ċċarat id-definizzjoni tal-prodott ikkonċernat kif ġej:

“Il-prodott ikkonċernat huwa ċerti żbarri u vireg li jirrinforzaw il-konkos, tal-ħadid jew tal-azzar li mhuwiex liga, mhux iktar maħdum milli mikwi, irrumblat bis-sħana, jew estrużi bis-sħana, sew jekk milwija wara r-rumblar jew mhux, li fihom għafsiet, kustilji, skanalaturi jew deformazzjonijiet oħrajn magħmulin waqt il-proċess tal-irrumblar, li joriġinaw mill-Belarussja u li bħalissa huma kklassifikati fil-kodiċijiet tan-NM ex 7214 10 00, ex 7214 20 00, ex 7214 30 00, ex 7214 91 10, ex 7214 91 90, ex 7214 99 10 u ex 7214 99 95 (“il-prodott ikkonċernat”). L-iżbarri u l-vireg li jirrinforzaw il-konkos tal-ħadid jew tal-azzar b'reżistenza għolja għar-reħi u prodotti twal oħrajn, bħalma huma żbarri tondi huma esklużi”.

(15)

Fin-nuqqas ta' kummenti rigward id-dettalji tal-kalkolu tad-dumping, ir-riżultati u l-konklużjonijiet proviżorji stabbiliti fil-premessi minn (19) sa (55) tar-Regolament proviżorju huma kkonfermati.

(16)

Fin-nuqqas ta' kummenti rigward l-industrija tal-Unjoni, ir-riżultati u l-konklużjonijiet proviżorji stipulati fil-premessi minn (56) sa (59) tar-Regolament proviżorju huma kkonfermati.

(17)

Kif imsemmi fil-premessi (13) u (14), l-iżbarri tondi u l-iżbarri mingħajr deformazzjoni mhumiex parti mill-prodott ikkonċernat. Dawn il-prodotti attwalment jaqgħu taħt il-kodiċijiet NM ex 7214 99 71 u 7214 99 79. L-informazzjoni reveduta ppreżentata fit-tabelli, kif stipulat fil-premessi (62), (63) u (65) tar-Regolament proviżorju, hija kif ġej:

(18)

Il-korrezzjoni taċ-ċifri ta' hawn fuq ma kellha ebda impatt fuq l-evalwazzjoni tad-dannu. Tabilħaqq, it-tendenzi osservati kienu l-istess u għalhekk ir-riżultati tal-Kummissjoni fil-premessi minn (62) sa (66) tar-Regolament proviżorju huma kkonfermati.

(19)

Kif deskritt fil-premessa (132) tar-Regolament proviżorju, il-produttur esportatur Belarussjan u wieħed mill-importaturi tal-Unjoni mhux fil-kampjun qajmu l-kwistjoni ta' allegat iffissar tal-prezzijiet fost produtturi tal-Unjoni, li kien jagħmel id-dejta dwar id-dannu inaffidabbli. Din id-dikjarazzjoni ġiet żviluppata aktar mill-kumpanija tal-Belarussja fis-sottomissjoni tagħha wara d-divulgazzjoni proviżorja. Il-produttur esportatur Belarussjan indika li kienet attwalment qed issir investigazzjoni dwar kartell mill-Awtorità Taljana għall-Kompetizzjoni (Autorità Garante della Concorrenza e del Mercato (iktar' il quddiem l- “AGCM”)) fir-rigward ta' ċerti kumpaniji fit-Tramuntana tal-Italja. Waħda mill-kumpaniji kkonċernati hija parti mill-kampjun tal-produtturi tal-Unjoni fl-investigazzjoni antidumping attwali.

(20)

Wara din id-dikjarazzjoni, il-Kummissjoni talbet informazzjoni rilevanti mill-AGCM biex tevalwa jekk u sa liema punt dawn il-fatti jinfluwenza l-affidabilità tad-dejta dwar id-dannu lill-industrija tal-Unjoni fil-proċedimenti antidumping preżenti.

(21)

Skont il-ġurisprudenza, f'sitwazzjoni fejn investigazzjoni dwar imġiba antikompetittiva tkun pendenti quddiem awtorità nazzjonali tal-kompetizzjoni, il-Kummissjoni trid tikkunsidra jekk l-industrija tal-Unjoni, permezz ta' din l-imġiba, tkunx ikkontribwiet għad-dannu mġarrab u stabbilixxiet li d-dannu li fuqu tibbaża l-konklużjonijiet tagħha ma kienx jirriżulta mill-imġiba antikompetittiva. Il-Kummissjoni tista' f'sitwazzjoni bħal din ma tistenniex sakemm l-awtorità nazzjonali kompetenti tikkonkludi l-investigazzjoni tagħha, iżda trid titlob l-informazzjoni rilevanti mingħand il-partijiet u l-awtoritajiet nazzjonali, kif xieraq, skont ir-regoli proċedurali għal investigazzjonijiet antidumping u twettaq valutazzjoni ta' din l-informazzjoni (4).

(22)

Wara talba bbażata fuq l-Artikolu 6(3) tar-Regolament bażiku, l-AGCM għarrfet lill-Kummissjoni li fil-21 ta' Ottubru 2015 fetħet investigazzjoni formali fir-rigward ta' sitt produtturi Taljani ta' żbarri li jirrinforzaw il-konkos u wajer iwweldjat għal allegat ksur tal-Artikolu 101 TFUE (5). Waħda minn dawn il-kumpanniji hija l-produttur Taljan fil-kampjun fl-investigazzjoni attwali antidumping. F'Settembru 2016 l-AGCM estendiet il-proċedimenti sabiex tnejn mill-produtturi Taljani jkunu koperti wkoll mill-investigazzjoni. Wara l-valutazzjoni approfondita tal-informazzjoni kollha disponibbli, l-AGCM ħarġet Dikjarazzjoni ta' Oġġezzjonijiet li ġiet ikkomunikata lill-kumpaniji rilevanti fit-18 ta' Jannar 2017. L-imġiba antikompetittiva li qed tiġi investigata tikkonċerna l-allegazzjoni ta' skambju ta' informazzjoni u kollużjoni tal-prezzijiet fost it-tmien kumpanniji Taljani li tkun tkopri diversi fażijiet tal-katina tal-valur miżjud tal-attivitajiet tagħhom mix-xiri ta' inputs, kif ukoll il-livelli tal-kapaċità ta' produzzjoni u produzzjoni effettiva, sal-bejgħ tal-output, li allegatament seħħew matul il-perjodu 2010 sa 2016. Minħabba l-karatteristiċi tiegħu f'dak li jirrigwarda l-provvista u d-domanda, is-suq ġeografiku rilevanti ġie mfisser bħala nazzjonali fid-deċiżjoni formali biex titnieda investigazzjoni.

(23)

L-informazzjoni ppreżentata minn AGCM turi li l-prodott ikkonċernat f'din l-investigazzjoni, ir-rebars, għandu ċerti karatterstiċi komuni mal-prodotti soġġetti għall-investigazzjoni tal-antitrust, kif ukoll li l-allegat kartell kien fis-seħħ matul il-perijodu kollu tal-investigazzjoni. F'dawn iċ-ċirkustanzi, il-Kummissjoni tikkunsidra li d-dejta tal-produttur Taljan fil-kampjun mhijiex affidabbli għall-iskop tal-analiżi tad-dannu.

(24)

B'riżultat ta' dan, il-Kummissjoni analizzat il-konsum tal-Unjoni, il-volum u s-sehem tas-suq tal-importazzjonijiet ikkonċernati kif ukoll l-indikaturi tad-dannu makroekonomiċi u mikroekonomiċi bl-esklużjoni ta' dejta li tappartjeni għas-suq Taljan. Għal raġunijiet ta' trasparenza, iċ-ċifri rilevanti bl-esklużjoni tal-kumpaniji Taljani huma ppreżentati hawn taħt.

(25)

Indikaturi makroekonomiċi (tabelli):

(26)

Indikaturi mikroekonomiċi (tabelli — indiċizzati għal raġunijiet ta' kunfidenzjalità):

(27)

Fuq dik il-bażi, il-Kummissjoni tinnota li l-iżvilupp tal-indikaturi tad-dannu mingħajr id-dejta li tikkonċerna lill-Italja hija prattikament l-istess bħal dak li jirrifletti s-suq kollu tal-Unjoni inkluża l-Italja. Għalhekk jista' jiġi konkluż li wara li ġiet eskluża d-dejta dwar is-suq Taljan mill-analiżi tad-dannu, is-sitwazzjoni tal-industrija tal-Unjoni għadha waħda ta' dannu materjali fit-tifsira tal-Artikolu 3(5) tar-Regolament bażiku

(28)

Rigward it-twaqqigħ tal-prezzijiet, il-Kummissjoni l-ewwel tinnota li l-marġni tat-twaqqigħ tal-prezz li nstab fl-istadju proviżorju kien 4,5 %. Il-Kummissjoni eżaminat mill-ġdid l-eżistenza ta' twaqqigħ tal-prezzijiet fid-dawl tar-riżultati ta' hawn fuq fil-premessi minn (19) sa (23). It-twaqqigħ tal-prezzijiet huwa stabbilit bl-użu ta' dejta mill-kumpaniji fil-kampjun. Għaldaqstant, il-Kummissjoni eskludiet mill-kalkoli tat-twaqqigħ tal-prezzijiet id-dejta relatata mal-produttur Taljan li huwa parti mill-kampjun. Il-marġini tat-twaqqigħ tal-prezz ibbażat fuq il-kumpaniji kollha fil-kampjun mingħajr il-kumpanija Taljana jibqa' sinifikanti f'livell ta' 4,4 %.

(29)

Il-produttur esportatur Belarussjan iddikjara wkoll li l-kalkoli tat-twaqqigħ tal-prezzijiet (u tas-sottokwotazzjoni) ma għandux isir bi tqabbil mal-prezzijiet tat-transazzjonijiet kollha tal-produtturi tal-Unjoni fil-kampjun iżda biss bi tqabbil ma' dawk li jseħħu meta ssir kompetizzjoni mal-importazzjonijiet mill-Belarussja. Il-kalkoli tat-twaqqigħ tal-prezzijiet normalment isiru fuq il-bażi tal-importazzjonijiet li huma l-oġġett ta' dumping tal-prodott ikkonċernat lejn l-Unjoni mal-bejgħ kollu paragunabbli tal-industrija tal-Unjoni. Madankollu, minħabba ċ-ċirkostanzi speċifiċi ta' dan il-każ u l-karatteristiċi partikolari tal-prodott ikkonċernat, il-Kummissjoni kkalkolat ukoll marġni tat-twaqqigħ tal-prezz billi llimitat l-analiżi għal dawk l-Istati Membri fejn il-prodotti tal-Belarussja kienu l-ewwel mibjugħa, l-iktar fin-Netherlands, il-Ġermanja, il-Polonja u l-Litwanja. Dan l-approċċ huwa bbażat fuq is-suppożizzjoni konservattiva li l-pressjoni immedjata u diretta eżerċitata mill-importazzjonijiet oġġett ta' dumping fuq il-prezzijiet tal-bejgħ tal-Unjoni seħħet għall-ewwel darba f'dawk l-Istati Membri. Kull effett sussegwenti fuq Stati Membri oħra għandu għalhekk ġie deliberatament injorat. F'dan ix-xenarju, il-prezzijiet medji ponderati tal-bejgħ debitament aġġustati tal-importazzjonijiet oġġett ta' dumping mill-Belarussja ġew paragunati mal-prezzijiet tal-bejgħ korrispondenti tal-produtturi tal-Unjoni inklużi fil-kampjun, bl-esklużjoni ta' dak li jinsab fl-Italja, mitluba lil klijenti mhux relatati f'dawk ir-reġjuni fejn seħħet il-kompetizzjoni diretta ma' prodotti mill-Belarussja. Dan wassal għal marġni ta' twaqqigħ tal-prezz ta' 2,8 %, minflok 4,5 % kif stabbilit fil-premessa (68) tar-Regolament proviżorju.

(30)

Il-prodott ikkonċernat minn din l-investigazzjoni jista' jitqies bħala prodott ta' komodità, li huwa sensittiv ħafna għall-prezz. Għalhekk huwa konkluż li anke l-marġni ta' twaqqigħ tal-prezz ta' 2,8 % huwa sinifikanti u suffiċjenti biex jikkawża tnaqqis fil-prezzijiet kif spjegat fil-premessi (83), (84) u (98) tar-Regolament proviżorju.

(31)

Wara d-divulgazzjoni finali, il-produttur esportatur Belarussjan sostna wkoll li r-riżultati ta' hawn fuq fil-premessi minn (19) sa (23) x'aktarx li jkollhom effetti sekondarji fuq Stati Membri oħra, b'mod partikolari fi Franza, fejn il-kumpanija omm ta' wieħed mill-produtturi Taljani għandha sussidjarja li għandha pożizzjoni b'saħħitha fis-suq. Madankollu, fir-rigward tal-allegat aġir antikompetittiv fl-Italja, l-AGCM iddefinixxiet is-suq ġeografiku rilevanti bħala nazzjonali. Barra minn hekk, il-provi tal-fajl miġbura fil-qosor fil-premessi minn (19) sa (23) waħedhom ma jsostnux din l-affermazzjoni. Għaldaqstant, din l-affermazzjoni hija miċħuda.

(32)

Fin-nuqqas ta' kummenti oħra fir-rigward ta' dannu għall-industrija tal-Unjoni, ir-riżultati u l-konklużjonijiet proviżorji stabbiliti fil-premessi minn (70) sa (95) tar-Regolament proviżorju huma kkonfermati.

(33)

Fin-nuqqas ta' xi kummenti rigward l-effett tal-importazzjonijiet oġġett ta' dumping fuq is-sitwazzjoni ekonomika tal-industrija tal-Unjoni, ir-riżultati u l-konklużjonijiet stabbiliti fil-premessi minn (97) sa (100) tar-Regolament proviżorju huma kkonfermati.

(34)

Fin-nuqqas ta' kummenti oħra fir-rigward tal-prestazzjoni tal-esportazzjonijiet tal-industrija tal-Unjoni, il-konklużjoni stabbilita fil-premessa (101) tar-Regolament proviżorju hija kkonfermata.

(35)

Fin-nuqqas ta' kummenti oħra fir-rigward tal-bejgħ lil partijiet relatati, il-konklużjonijiet stabbiliti fil-premessi minn (102) sa (103) tar-Regolament proviżorju huma kkonfermati.

(36)

Kif imsemmi fil-premessi (13) u (14), l-iżbarri tondi u l-iżbarri mingħajr deformazzjoni mhumiex parti mill-prodott ikkonċernat. L-informazzjoni riveduta ppreżentata fit-tabelli, kif stipulat fil-premessa (103) tar-Regolament proviżorju, hija kif ġej:

(37)

Il-korrezzjoni taċ-ċifri ta' hawn fuq ma kellha l-ebda impatt fuq ir-riżultati fil-premessa (104) tar-Regolament proviżorju. Tabilħaqq, matul il-perjodu kkunsidrat il-prezzijiet tal-importazzjonijiet minn pajjiżi terzi kienu bħala medja dejjem ogħla mill-prezzijiet tal-industrija tal-Unjoni. L-uniku pajjiż esportatur bi prezzijiet medji aktar baxxi minn dawk tal-industrija tal-Unjoni matul il-PI kien il-Belarussja li kien l-istess sena meta l-volumi tal-importazzjonijiet mill-Belarussja żdiedu b'mod l-aktar rapidu. Għalhekk, ir-riżultati kif stabbiliti fil-premessa (104) tar-Regolament proviżorju huma kkonfermati.

(38)

Fir-rigward tal-importazzjonijiet minn pajjiżi terzi, il-produttur esportatur Belarussjan ma qabilx mal-konklużjoni tal-Kummissjoni li l-ishma individwali tas-suq ta' pajjiżi terzi, bl-eċċezzjoni tal-Ukraina, żdied biss b'mod marġinali. Il-produttur esportatur Belarussjan sostna l-opinjoni tiegħu bi statistika dwar l-importazzjonijiet għas-sena 2016 li huwa perjodu sussegwenti għall-PI. Barra minn hekk, huwa indika diskrepanza allegata bejn iċ-ċifri tal-importazzjoni rrappurtati fit-tabella 6.3.3 tar-Regolament proviżorju u l-statistika disponibbli tal-Eurostat.

(39)

B'risposta għal dan l-argument, jinħtieġ li l-ewwel jiġi nnutat li x-xejriet u d-dejta ta' wara l-PI normalment ma humiex ikkunsidrati fl-analiżi tad-dannu u l-kawżalità. Filwaqt li l-Kummissjoni qablet fil-premessa (111) tar-Regolament proviżorju li tiġbor u tanalizza ċerta dejta ta' wara l-PI, dan sar fil-kuntest ta' talbiet rigward l-impatt tal-hekk imsejħa “skema ta' frodi tal-VAT”, l-allegata diskrepanza sussegwenti bejn id-domanda u l-provvista tal-prodott ikkonċernat fis-swieq tal-Polonja u l-Istati Baltiċi, u l-livell għoli mhux normali ta' volumi tal-esportazzjoni matul il-PI mill-Belarussja li allegatament jirriżultaw minn dik l-iskema.

(40)

It-tieni nett, il-Kummissjoni ma tistax tibbaża l-konklużjoni tagħha dwar l-effetti tal-importazzjonijiet minn pajjiżi terzi fuq ċifri tal-importazzjoni wara l-PI ppreżentati mill-parti interessata, peress li jenħtieġ li tanalizza biss ix-xejriet osservati waqt il-perjodu kkunsidrat (2012-2015), u li dwaru ġabret l-informazzjoni matul l-investigazzjoni. Kif spjegat fil-premessa (39), f'din l-investigazzjoni, il-Kummissjoni vvalutat dejta limitata ta' wara l-PI biex tindirizza sitwazzjoni eċċezzjonali, jiġifieri, skema ta' frodi tal-VAT. Għalhekk, ir-riżultati tal-premessa (104) tar-Regolament proviżorju li jirrigwardaw tibdil tal-ishma tas-suq ta' pajjiżi terzi matul il-perjodu taħt kunsiderazzjoni, li jintemm fl-2015, ġew ikkonfermati.

(41)

Anki jekk l-iżvilupp tal-importazzjonijiet minn pajjiżi terzi wara l-PI ġie kkunsidrat, dan ma kienx ibiddel il-konklużjoni tal-Kummissjoni dwar l-impatt potenzjali ta' dawn l-importazzjonijiet fuq il-qagħda tal-industrija tal-Unjoni, peress li dawn il-prezzijiet baqgħu ogħla mill-prezzijiet tal-importazzjonijiet mill-Belarussja.

(42)

Fl-aħħar nett, għal dak li jirrigwarda l-allegata diskrepanza bejn iċ-ċifri tal-importazzjoni rrappurtati fir-Regolament proviżorju u l-istatistika tal-Eurostat, jinħtieġ li jiġi nnutat li dawn tal-aħħar jinkludu wkoll il-volumi tal-importazzjoni tal-hekk imsejħa żbarri b'reżistenza għolja għar-reħi li mhumiex parti mill-ambitu tal-prodott ta' din il-proċedura u li ma ġewx irrapportati fit-tabella 6.3.3 tar-Regolament proviżorju (6). Meta jitqies dan ta' hawn fuq, id-dikjarazzjonijiet tal-produttur esportatur Belarussjan rigward l-impatt tal-importazzjonijiet minn pajjiżi terzi huma miċħuda.

(43)

Fin-nuqqas ta' kummenti oħra dwar l-importazzjonijiet minn pajjiżi terzi, il-konklużjonijiet stabbiliti fil-premessa (104) tar-Regolament proviżorju huma kkonfermati.

(44)

Fin-nuqqas ta' xi kumment fir-rigward tal-evoluzzjoni tal-prezzijiet tal-kost tal-Unjoni, il-konklużjoni stabbilita fil-premessa (105) tar-Regolament proviżorju hija kkonfermata.

(45)

Il-produttur esportatur Belarussjan fis-sottomissjoni tiegħu tenna l-kummenti li saru fl-istadju proviżorju tal-investigazzjoni fir-rigward tal-impatt tal-hekk imsejħa skema ta' frodi tal-VAT fis-suq tal-Unjoni, u sostna li l-Kummissjoni naqset milli twettaq dmirha li tinvestiga l-kwistjoni. Skont il-produttur esportatur, din l-iskema kienet ir-raġuni ewlenija għad-diffikultajiet finanzjarji ta' xi produtturi tal-Unjoni. B'riżultat ta' din l-iskema ta' frodi żewġ produtturi li jinsabu fil-Latvja (fil-bidu tal-2013) u s-Slovakkja (fl-aħħar tal-2014) fallew u waqqfu l-produzzjoni tal-prodott simili. Barra minn hekk, produttur wieħed tal-Unjoni fil-Polonja waqqaf il-produzzjoni tal-prodott simili għal 3 xhur fl-2014 minħabba l-aġġornament tal-makkinarju tiegħu. Dawn l-avvenimenti kollha flimkien allegatament wasslu għal nuqqas ta' provvista, prinċipalment fis-swieq tal-Polonja u tal-Baltiku mill-2013'il quddiem. Din l-allegata diskrepanza kienet timtela' minn esportazzjonijiet tal-Belarussja.

(46)

Il-produttur esportatur Belarussjan kompla jsostni li, minħabba l-iskema tal-VAT, is-sena 2015 (il-PI) kienet “sena mhux tas-soltu” f'termini ta' volumi kbar tal-prodott ikkonċernat esportat lejn l-Unjoni u li l-volumi tal-esportazzjoni bdew jonqsu diġà fi tmiem il-PI u komplew jonqsu wara l-PI.

(47)

Bi tweġiba għal dawn id-dikjarazzjonijiet, il-Kummissjoni l-ewwel investigat id-dejta dwar l-esportazzjonijiet ipprovduta mill-uffiċċju tal-istatistika tal-Belarussja u nnotat dan li ġej. Iż-żieda fil-volum tal-esportazzjonijiet mill-produttur esportatur lejn l-Unjoni kienu marbutin mat-tnaqqis fil-volum tal-esportazzjoni tal-produttur esportatur lejn is-suq Russu. Kif deskritt fit-tabella hawn taħt, bejn l-2013 u l-2015, il-produttur esportatur Belarussjan naqqas il-bejgħ tiegħu lejn ir-Russja b'mod sinifikanti b'madwar 370 000 tunnellata u żied il-bejgħ tiegħu fis-suq tal-Unjoni b'madwar l-istess ammont, jiġifieri 380 000 tunnellata.

(48)

It-tieni nett, il-Kummissjoni evalwat is-sitwazzjoni fis-suq tal-Polonja u dawk tal-Istati Baltiċi. Fir-rigward tal-2013, is-swieq tal-Polonja u tal-Istati Beltiċi kienu ffaċċjati bi tnaqqis tal-produzzjoni ta' produttur wieħed Pollakk u l-waqfien tal-produzzjoni ta' produttur wieħed Latvjan. Barra minn hekk, mill-1 ta' Ottubru 2013, il-gvern Pollakk applika l-mekkaniżmi tar-reverse charge tal-VAT għal madwar 40 prodott tal-azzar, minn ilqugħ u pajpijiet sa prodotti tal-azzar ċatt lesti kif ukoll rebars, biex b'hekk tiġi indirizzata l-iskema ta' frodi tal-VAT. L-analiżi tal-bejgħ tal-esportazzjoni mill-Belarussja lejn is-suq tal-Unjoni wriet li l-bejgħ tal-produttur esportatur Belarussjan lejn il-Polonja u l-Istati Baltiċi baqa' stabbli, f'livell ta' madwar 110 000 tunnellata meta mqabbel mal-2012. Għalhekk huwa konkluż li produttur esportatur fil-Belarussja ma ħax vantaġġ mill-allegat nuqqas ta' provvista mill-produzzjoni tal-Unjoni fl-2013 u li l-produtturi tal-Unjoni l-oħra preżenti fis-suq kienu kapaċi jfornu s-suq jew minn stokkijiet jew billi jdawru l-bejgħ tal-esportazzjonijiet lejn dawn is-swieq (7).

(49)

Fir-rigward tal-2014, produttur Pollakk waqqaf il-produzzjoni għal tliet xhur sabiex jaġġorna l-makkinarju tiegħu u produttur Slovakk waqqaf il-produzzjoni tiegħu f'Awwissu 2014 (il-kumpanija ġiet iddikjarata falluta fi Frar 2015). Il-kwantità mhux disponibbli bħala riżultat ta' dawn l-avvenimenti hija stmata għal madwar 133 000 tunnellata.

(50)

L-analiżi tal-bejgħ tal-esportazzjoni mill-Belarussja lejn is-suq tal-Unjoni wriet li l-bejgħ tal-produttur esportatur Belarussjan, lejn il-Polonja u l-Istati Baltiċi fil-fatt żdied b'madwar 75 000 tunnellata. Madankollu, il-produttur esportatur żied ukoll il-bejgħ tiegħu lejn swieq oħra tal-Unjoni bħall-Ġermanja minn kwantitajiet bażikament minimi għal madwar 120 000 tunnellata. Għalhekk l-argument li produttur esportatur Belarussjan żied il-bejgħ tiegħu lis-suq tal-Unjoni biss minħabba s-sitwazzjoni eċċezzjonali tas-suq fil-Polonja u fl-Istati Baltiċi qed jiġi rrifjutat, peress li huwa żied ukoll (b'ritmu saħansitra ogħla) il-bejgħ tiegħu lil partijiet oħra tas-suq tal-Unjoni fejn ma kienet teżisti l-ebda ċirkustanza eċċezzjonali.

(51)

Rigward il-perjodu tal-investigazzjoni, il-produttur Latvjan fetaħ mill-ġdid f'Marzu 2015. Il-produzzjoni Pollakka ġiet lura għan-normal. Għalhekk, ma kien fadal l-ebda sitwazzjoni eċċezzjonali tas-suq f'dawn il-partijiet tas-suq tal-Unjoni.

(52)

Minkejja dan, il-produttur esportatur Belarussjan kompla jżid il-bejgħ tiegħu lill-Polonja u żamm il-livell tal-bejgħ tiegħu lejn l-Istati Baltiċi meta mqabbla mal-2014. Barra minn hekk, l-ogħla żieda seħħet fuq partijiet oħra tas-suq tal-Unjoni (l-aktar fil-Bulgarija, fin-Netherlands, u fil-Ġermanja).

(53)

Għaldaqstant, huwa konkluż li ż-żieda tal-esportazzjonijiet tal-Belarussja lejn l-Unjoni Ewropea ma kinitx minħabba d-distakk bejn id-domanda u l-provvista fis-suq tal-Unjoni iżda minħabba r-riorjentament tal-volum mitluf fis-suq Russu. B'hekk, l-allegazzjoni ta' insuffiċjenza ta' valutazzjoni tal-impatt tal-iskema ta' frodi tal-VAT fid-determinazzjoni proviżorja ma għandhiex bażi u, għaldaqstant, qed tiġi miċħuda.

(54)

Skont il-premessa (111) tar-Regolament proviżorju, il-Kummissjoni għamlet valutazzjoni tal-volum tal-importazzjonijiet wara l-perjodu tal-investigazzjoni. Id-dejta wriet li l-importazzjonijiet mill-Belarussja naqsu xi ftit, iżda kienu għadhom ferm ogħla mil-livelli tal-2013 u bejn wieħed u ieħor fil-livelli tal-2014. Għalhekk l-argument li ż-żieda fl-importazzjonijiet mill-Belarussja kienet ta' natura temporanja u kienet spjegata mis-sitwazzjoni partikolari tas-suq fuq ċerti oqsma tas-suq tal-Unjoni huwa miċħud.

(55)

Fin-nuqqas ta' kummenti oħrajn fir-rigward tal-iskema ta' frodi tal-VAT u ta' żviluppi wara l-PI, ir-riżultati u l-konklużjonijiet stabbiliti fil-premessi minn (106) sa (111) tar-Regolament proviżorju huma kkonfermati.

(56)

Fil-qosor, il-Kummissjoni tqis li l-ebda argument imressaq mill-partijiet interessati wara d-divulgazzjoni proviżorja ma jista' jbiddel ir-riżultati proviżorji li stabbilixxew rabta kawżali bejn l-importazzjonijiet oġġett ta' dumping u d-dannu materjali li ġarrbet l-industrija tal-Unjoni matul il-PI. Għaldaqstant, ir-riżultati stabbiliti fil-premessi minn (112) sa (115) tar-Regolament proviżorju huma kkonfermati.

(57)

Il-Kummissjoni sabet li l-uniku fattur ieħor li seta' kellu impatt fuq is-sitwazzjoni tal-industrija tal-Unjoni kienu l-importazzjonijiet minn pajjiżi terzi, kif iddikjarat fil-premessa (104) tar-Regolament proviżorju. Madankollu, il-Kummissjoni kkonkludiet li dawn l-importazzjonijiet ma setgħux ikissru r-rabta kawżali bejn l-importazzjonijiet li huma l-oġġett ta' dumping mill-Belarussja u d-dannu materjali lill-industrija tal-Unjoni u li l-importazzjonijiet li huma l-oġġett ta' dumping mill-Belarussja baqgħu l-kawża ewlenija tad-dannu.

(58)

Fuq il-bażi tal-analiżi ta' hawn fuq, li ddistingwiet u sseparat l-effetti tal-fatturi kollha magħrufa fuq is-sitwazzjoni tal-industrija tal-Unjoni mill-effetti dannużi tal-importazzjonijiet li huma oġġett ta' dumping, ġie konkluż li l-importazzjonijiet li huma oġġett ta' dumping mill-Belarussja kkawżaw dannu materjali lill-industrija tal-Unjoni skont it-tifsira tal-Artikolu 3(6) tar-Regolament bażiku.

(59)

Fin-nuqqas ta' kummenti fir-rigward tal-interess tal-industrija tal-Unjoni, il-konklużjonijiet stabbiliti fil-premessi minn (117) sa (122) tar-Regolament proviżorju huma kkonfermati.

(60)

Il-produttur esportatur Belarussjan sostna fis-sottomissjoni tiegħu li l-evalwazzjoni tal-Kummissjoni tal-interess tal-Unjoni ma qisitx problemi partikolari tal-importaturi u l-utenti lokalizzati fl-Istati Baltiċi. Huwa sostna li, minħabba raġunijiet loġistiċi (bħal konnessjonijiet ferrovjarji, jew ir-rekwiżiti ta' ċertifikazzjoni), il-Belarussja hija l-uniku sors ta' provvista ta' rebars għal dawk il-kumpaniji.

(61)

F'dan ir-rigward, il-Kummissjoni kkonfermat li l-uniku utent li kkoopera li jinsab fl-Istati Baltiċi esperjenza ċerti problemi tekniċi ta' twassil ta' merkanzija mingħand il-produtturi tal-Unjoni (li ħadd minnhom ma jinsab fl-Istati Baltiċi). Min-naħa l-oħra, din il-kumpanija ddikjarat li x-xiri mill-Belarussja jista' jkun, u fil-perjodu ta' wara l-PI effettivament kien, sostitwit b'xiri mir-Russja u sa ċertu punt ukoll mill-Ukraina.

(62)

Barra minn hekk, il-Kummissjoni rċeviet ftit li xejn kooperazzjoni minn kumpaniji li jinsabu fl-Istati Baltiċi li donnu jindika li huma ma jħossux li jkunu affettwati b'mod negattiv minn miżuri antidumping potenzjali fir-rigward tal-importazzjonijiet tal-prodott ikkonċernat tal-Belarussja.

(63)

Fin-nuqqas ta' kummenti oħra fir-rigward tal-interessi tal-utenti u tal-importaturi, il-konklużjonijiet stabbiliti fil-premessi minn (123) sa (131) u fil-premessa (134) tar-Regolament proviżorju huma kkonfermati.

(64)

Fis-sottomissjoni tiegħu wara d-divulgazzjoni proviżorja, l-ilmentatur iddikjara li l-livell tad-dazju antidumping propost fl-istadju proviżorju (12,5 %) ma jkunx biżżejjed, peress li l-miżura tista' faċilment tiġi assorbita minn produttur esportatur Belarussjan, li hija kumpanija proprjetà tal-istat, li tinsab f'pajjiż b'ekonomija mhux tas-suq b'aċċess allegatament favorevoli għall-materja prima sussidjata tar-ruttam tal-metall.

(65)

Fir-rigward ta' din id-dikjarazzjoni, jinħtieġ li jiġi enfasizzat li l-assorbiment potenzjali jista' jkun biss kwistjoni ta' investigazzjoni antiassorbiment separata abbażi tal-Artikolu 12 tar-Regolament bażiku u ma jistax jaffettwa bil-quddiem il-livell ta' miżuri antidumping imposti fl-investigazzjoni oriġinali. Barra minn hekk, l-evidenza disponibbli f'din l-investigazzjoni ma tappoġġax l-allegazzjoni ta' aċċess faċli għall-materja prima ssusidjata mill-produttur Belarussjan; fil-fatt, il-Kummissjoni sabet li l-kumpanija tixtri l-biċċa l-kbira tal-materja prima tagħha mir-Russja u l-Ukraina, pajjiżi meqjusa bħala ekonomiji tas-suq.

(66)

Fis-sottomissjoni tagħhom wara d-divulgazzjoni proviżorja, il-produttur esportatur Belarussjan u l-awtoritajiet tal-Belarussja rreferew għall-importanza strateġika tal-koperazzjoni mal-UE fis-settur tal-azzar, u l-fatt li l-miżuri jistgħu jaffettwaw b'mod negattiv ix-xiri li tagħmel il-Belarussja ta' tagħmir kapitali fl-Unjoni, l-istabbiliment ta' netwerk ta' kumpaniji kummerċjali relatati fl-Unjoni u kull kooperazzjoni mal-istituzzjonijiet finanzjarji Ewropej.

(67)

Bħala risposta għal dan il-punt, il-Kummissjoni tenfasizza li l-miżuri għandhom bħala skop waħdieni li jerġa' jkun hemm kundizzjonijiet indaqs fis-suq tal-Unjoni. Il-miżuri ma humiex ta' natura punittiva. Jekk il-produttur esportatur jgħolli l-prezzijiet tiegħu b'mod dejjiem, biex b'hekk ma jibqax jeżisti d-dumping, huwa jista' jitlob rimborż u rieżami interim. Għaldaqstant, il-Kummissjoni ma tikkunsidrax li dawn il-kunsiderazzjonijiet huma rilevanti għall-valutazzjoni tal-interess tal-Unjoni.

(68)

Fil-qosor, l-ebda argument imressaq mill-partijiet interessati ma juri li hemm raġunijiet konvinċenti kontra l-impożizzjoni ta' miżuri fuq l-importazzjonijiet tal-prodott ikkonċernat mill-Belarussja. Kwalunkwe effett negattiv fuq l-utenti u l-importaturi mhux relatati jista' jittaffa permezz tad-disponibbiltà ta' sorsi alternattivi ta' provvista. Barra minn hekk, meta jiġi kkunsidrat l-impatt globali tal-miżuri antidumping fuq is-suq tal-Unjoni, l-effetti pożittivi, b'mod partikolari fuq l-industrija tal-Unjoni, jidhru li jegħlbu l-impatti potenzjalment negattivi fuq il-gruppi l-oħra ta' interess. Il-konklużjonijiet stabbiliti fil-premessi minn (135) sa (137) tar-Regolament proviżorju huma kkonfermati.

(69)

Wara d-divulgazzjoni proviżorja u finali l-industrija tal-Unjoni kkontestat il-profitt fil-mira użat sabiex jiġi stabbilit il-livell ta' eliminazzjoni tad-dannu kif stabbilit fil-premessa (143) tar-Regolament proviżorju. Dawn it-talbiet kienu mtennija wara d-divulgazzjoni definittiva.

(70)

Il-profitt fil-mira użat fil-kalkoli tal-marġini proviżorju tad-dannu kien jammonta għal 4,8 %. Din iċ-ċifra kienet ibbażata fuq il-marġni ta' profitt tal-2012 għal prodott simili ħafna, l-HFP rebars, u użat f'din l-aħħar proċedura antidumping rigward l-importazzjonijiet ta' HFP rebars li joriġinaw miċ-Ċina (8).

(71)

L-ilmentatur fis-sottomissjoni tiegħu kkontesta l-użu tal-istess profitt fil-mira użat għall-investigazzjoni tal-HFP rebars u allega li dawn iż-żewġ prodotti u s-swieq rispettivi tagħhom huma differenti. L-ilmentatur issuġġerixxa li jintuża profitt fil-mira saħansitra ogħla minn dak propost oriġinarjament fl-ilment, 16 % jew 17 %, li kien il-profitt miksub mill-produtturi tal-Unjoni fl-2006 jew ikkunsidrat “mixtieq għal perijodu fit-tul għal industrija tal-azzar b'saħħitha” (9).

(72)

F'dan ir-rigward, il-profitt fil-mira użat f'dawn il-proċedimenti, li l-Kummissjoni sabet li kien l-aktar xieraq, huwa bbażat fuq iċ-ċifra effettivament miksuba fl-2012 (li hija fil-perjodu kkunsidrat) mill-produtturi tal-Unjoni ta' prodott simili ħafna mmanifatturat sa ċertu punt bl-użu tal-istess faċilitajiet għall-produzzjoni tal-prodott ikkonċernat f'din l-investigazzjoni. Huwa mfakkar ukoll li fl-ilment l-EUROFER talbet profitt fil-mira ta' 9,9 % li kien użat f'investigazzjoni fuq il-vireg tal-wajer, prodott definittivament aktar imbiegħed mill-prodott ikkonċernat mill-HFP rebars. Fl-aħħar nett, l-għan tal-istabbiliment tal-marġni ta' dannu huwa li titneħħa l-parti tad-dannu kkawżata mill-importazzjonijiet oġġett ta' dumping, iżda mhux minn fatturi oħra bħalma hija l-kriżi ekonomika. Filwaqt li l-profitt ta' 1,3 %, li kien l-uniku profitt miksub mill-industrija tal-Unjoni matul il-perjodu kkunsidrat (10), instab li huwa mhux xieraq minħabba l-impatt tal-skema ta' frodi tal-VAT, jidher li huwa aktar kongruwenti li jintuża marġni ta' profitt li nkiseb mill-industrija matul l-istess perjodu, ivverifikat u misjub adattat għal prodott simili ħafna tal-proċedura antidumping, b'perjodi fil-maġġoranza tagħhom sovraposti. It-talba tal-industrija tal-Unjoni għalhekk ma ntlaqgħetx.

(73)

Fil-kalkolu proviżorju tal-marġni ta' dannu, għandu jiġi applikat aġġustament ta' 2 % għall-ispejjeż ta' wara l-importazzjoni (11). Fis-sottomissjoni tiegħu wara d-divulgazzjoni proviżorja, il-produttur esportatur Belarussjan sostna li f'dan il-każ partikolari għandha tintuża ċifra ogħla ta' 4-6 %, peress li dan il-livell ta' aġġustament ikun jirrifletti aħjar l-ispejjeż attwali ta' wara l-importazzjoni li l-importaturi/utenti jkollhom ikopru.

(74)

Wara din it-talba, il-Kummissjoni eżaminat f'aktar dettall il-livell u l-istruttura tal-ispejjeż tal-importazzjoni u tal-postimportazzjoni ddikjarati mill-importatur li qed jikkoopera u mill-utenti msemmija fil-premessa (6).

(75)

Abbażi tar-riżultati taż-żjarat ta' verifika għand dawn il-kumpaniji, il-Kummissjoni ma sabet l-ebda raġuni biex tibdel il-livell ta' aġġustament. Il-kostijiet reali ta' wara l-importazzjoni tal-importatur u ta' wieħed mill-utenti kienu (bħala medja għall-IP kollu) ta' inqas minn 2 %. Għal kumpanija waħda biss (utent Ġermaniż), l-ispejjeż ta' wara l-importazzjoni kienu ogħla minn 2 %, fil-medda ddikjarata ta' 4-6 %. Madankollu, din il-kumpanija kellha operazzjonijiet ta' wara l-importazzjoni mhux standard għat-trasport tal-prodott ikkonċernat mill-imħażen tagħha għal siti interni ta' produzzjoni. Dawn mhumiex spejjeż standard ta' wara l-importazzjoni, komuni għall-importaturi, iżda spejjeż speċifiċi ħafna għall-operat ta' din il-kumpanija. Jinħtieġ li jiġi enfasizzat li, għall-fini tal-kalkoli tal-marġini ta' dannu, il-prezzijiet tal-esportazzjoni huma stabbiliti fuq il-livell tal-fruntiera tal-UE (aġġustati għall-ispejjeż ta' wara l-importazzjoni) u meta mqabbla ma' prezzijiet mill-fabbrika tal-produtturi tal-Unjoni. L-ispejjeż tat-trasport tal-prodott lejn is-siti ta' produzzjoni tal-utenti ma humiex rilevanti f'dan il-kuntest u għalhekk mhux qed jiġu kkunsidrati. Fuq il-bażi ta' dan ta' hawn fuq, il-Kummissjoni kkonfermat il-kostijiet ta' wara l-importazzjoni stabbiliti fl-istadju proviżorju ta' 2 % bħala raġonevoli. Għaldaqstant it-talba ġiet miċħuda.

(76)

Wara d-divulgazzjoni proviżorja, kemm l-ilmentatur kif ukoll il-produttur esportatur Belarussjan qajjmu diversi punti minuri addizzjonali rigward il-kalkoli tal-marġni tad-dannu.

(77)

L-ilmentatur kien indika li l-istabbiliment tal-prezz CIF għall-kalkoli tat-twaqqigħ tal-prezz u tas-sottokwotazzjoni ma għandhomx ikunu bbażat fuq il-prezz tat-trasferiment lil importaturi relatati iżda jerġgħu jiġu kkalkulati għall-bejgħ mill-ġdid indipendenti. Il-Kummissjoni hawnhekk tikkonferma li fil-fatt il-prezz CIF użat għall-kalkolu tat-twaqqigħ tal-prezz u tas-sottokwotazzjoni fl-istadju proviżorju kien ibbażat fuq il-bejgħ mill-ġdid indipendenti.

(78)

L-ilmentatur ippropona metodu “alternattiv” tal-allokazzjoni tal-ispiża bejn tipi differenti ta' prodotti għall-kalkolu tat-twaqqigħ tal-prezz u tas-sottokwotazzjoni. Madankollu, din il-proposta saret wara l-miżuri proviżorji meta t-tweġibiet għall-kwestjonarju ġew ivverifikati kollha fuq il-post u ġew finalizzati l-kalkoli. Fi kwalunkwe każ, l-allokazzjoni tal-ispejjeż hija irrilevanti għall-kalkolu tal-marġni tad-dannu f'dan il-każ, peress li l-marġni ta' dannu kien ibbażat fuq il-prezzijiet għal kull tip ta' prodott mill-fabbrika u mhux fuq l-ispejjeż għal kull tip ta' prodott. Għaldaqstant id-dikjarazzjoni ġiet miċħuda.

(79)

L-ilmentatur ippropona wkoll li l-marġni ta' dannu jiġi bbażat mhux fuq id-dejta tal-PI kollu iżda fuq kwart magħżul tal-PI meta l-marġni jkun aktar “rappreżentattiv”. Madankollu, l-ilmentatur ma rnexxilux jipprovdi xi evidenza li hemm xi ċirkostanzi speċjali f'dan il-każ li jkunu jiġġustifikaw li wieħed jiddevja mill-prattika standard tal-Kummissjoni li tibbaża l-marġini tad-dannu fuq il-PI kollu. It-talba għalhekk qed tiġi miċħuda.

(80)

Il-Kummissjoni ddeċidiet li tapplika kawtela f'dak li jirrigwarda l-kalkolu tal-marġni ta' dannu. Fil-fatt, meta wieħed iqis in-nuqqas ta' affidabbiltà ta' ċerta dejta għar-raġunijiet stabbiliti hawn fuq fil-premessi minn (19) sa (23) u l-ispeċifiċitajiet ta' dan il-każ, il-Kummissjoni rrevediet il-kalkolu tal-livell tal-eliminazzjoni tad-dannu billi eskludiet id-dejta mill-produttur Taljan fil-kampjun u llimitat il-kalkolu tal bejgħ fin-Netherlands, il-Ġermanja, il-Polonja u l-Litwanja. Dan il-kalkolu huwa mera ta' kalkolu tat-twaqqigħ tal-prezz imsemmi hawn fuq fil-premessa (29) li rriżulta f'marġini ta' twaqqigħ tal-prezz ta' 2,8 %. Fuq din il-bażi, il-marġni rivedut ta' dannu huwa stabbilit f'livell ta' 10,6 %.

(81)

Wara d-divulgazzjoni finali, l-ilmentatur ikkontesta l-metodoloġija segwita mill-Kummissjoni f'dan il-każ, għar-raġuni li l-Kummissjoni kienet de facto ċekknet l-ambitu tal-investigazzjoni sabiex dan jitnaqqas għal investigazzjoni reġjonali. Huwa argumenta wkoll li l-livell tal-eliminazzjoni tad-dannu ta' hawn fuq ma jneħħix id-dannu lill-industrija tal-Unjoni komplessivament. L-ilmentatur innota wkoll li l-importazzjonijiet oġġett ta' dumping mill-Belarussja saru f'16-il Stat Membru differenti, jiġifieri ħafna iktar minn dawk użati mill-Kummissjoni għall-istabbiliment tal-marġni ta' dannu.

(82)

F'dan ir-rigward, jinħtieġ li jiġi osservat li l-Kummissjoni effettivament ibbażat l-analiżi tagħha tad-dannu fuq is-sitwazzjoni tal-industrija tal-Unjoni komplessivament, u kkonkludiet li t-tneħħija tal-Italja mill-valutazzjoni ma tibdilx l-istampa tad-dannu. Għal dak li jirrigwarda l-livell ta' eliminazzjoni tad-dannu, anki jekk l-importazzjonijiet mill-Belarussja fil-fatt seħħew f'għadd ta' Stati Membri (fil-fatt 13) il-Kummissjoni bbażat il-kalkoli ta' eliminazzjoni ta' dannu fuq id-dejta li tirrigwarda biss il-kumpaniji fil-kampjun, li biegħu l-prodott simili f'għadd iktar limitat ta' pajjiżi, għar-raġunijiet spjegati fil-premessa (29). Dan huwa mingħajr preġudizzju għall-possibbiltà, għall-partijiet interessati kollha, li jitolbu rieżami interim ladarba r-riżultati tal-investigazzjoni tal-kartell jiġu finalizzati, u skont is-sitwazzjoni prevalenti f'dak iż-żmien.

(83)

Fin-nuqqas ta' kummenti oħrajn dwar il-livell tal-eliminazzjoni tad-dannu, grad tal-livell definittiv ta' tneħħija ta' dannu huwa stabbilit għal 10,6 %.

(84)

Fid-dawl tal-konklużjonijiet li saru fir-rigward tad-dumping, id-dannu, il-kawżalità u l-interess tal-Unjoni, u f'konformità mal-Artikolu 9(4) tar-Regolament bażiku, jinħtieġ li jiġu imposti miżuri antidumping definittivi fuq l-importazzjonijiet tal-prodott ikkonċernat fil-livell tal-marġni tad-dannu, f'konformità mar-regola tad-dazju inferjuri.

(85)

Wara d-divulgazzjoni finali, il-produttur esportatur Belarussjan iddikjara li ċ-ċirkustanzi tal-każ kienu jiġġustifikaw l-impożizzjoni ta' miżuri taħt il-forma ta' ammont parzjali ħieles mid-dazju, jiġifieri li l-ewwel 200 000 tunnellata importati jkunu ħielsa mid-dazju, u li t-tul taż-żmien tal-miżuri jeħtieġ li jkun limitat għal sentejn.

(86)

Huwa mfakkar li d-dumping jirriżulta minn diskriminazzjoni fil-prezz u għalhekk ir-rimedju jinħtieġ li jikkonsisti minn dazji antidumping jew impenn ta' prezz. Kwota ħielsa mid-dazju kif mitlub mill-esportatur Belarussjan ma fihiex l-element tal-prezz li kien ipatti għad-dumping dannuż u għalhekk ma tistax tiġi aċċettata. F'dan il-każ ma hemm l-ebda ġustifikazzjoni biex jitnaqqas il-perjodu ta' applikazzjoni tal-miżuri. Jekk iċ-ċirkostanzi jinbidlu, il-Belarussjan għandu l-possibbiltà li jitlob rieżami tal-miżuri skont l-Artikolu 11(3) tar-Regolament bażiku. Il-talbiet għalhekk ma ntlaqgħux. Huwa mfakkar ukoll li l-Kummissjoni tista' terġa' tirrevedi r-riżultati jekk l-investigazzjoni tal-kartell titfa' dubju fuq ir-riżultati definittivi stabbiliti f'dan ir-regolament.

(87)

Fuq il-bażi ta' hawn fuq, ir-rata li biha se jiġu imposti dawn id-dazji hija stabbilita kif ġej:

(88)

Fid-dawl tal-marġnijiet tad-dumping li nstabu u minħabba l-livell ta' dannu kkawżat lill-industrija tal-Unjoni, l-ammonti garantiti permezz tad-dazju antidumping proviżorju impost bir-Regolament proviżorju jinħtieġ li jinġabru b'mod definittiv.

(89)

Il-Kumitat stabbilit bl-Artikolu 15(1) tar-Regolament (UE) 2016/1036 ma tax opinjoni.

17.6.2017   

MT

Il-Ġurnal Uffiċjali tal-Unjoni Ewropea

L 155/21

(1)

F'konformità mal-Artikolu 25(2) tad-Deċiżjoni 2008/615/ĠAI, il-forniment ta' data personali previst skont dik id-Deċiżjoni ma jistax isir sakemm id-dispożizzjonijiet ġenerali dwar il-protezzjoni tad-data stipulati fil-Kapitolu 6 ta' dik id-Deċiżjoni ma jkunux ġew implimentati fil-liġi nazzjonali tat-territorji tal-Istati Membri involuti f'tali forniment.

(2)

L-Artikolu 20 tad-Deċiżjoni tal-Kunsill 2008/616/ĠAI (3) jipprevedi li l-verifika li l-kondizzjoni msemmija fil-premessa 1 tkun ġiet sodisfatta fir-rigward tal-iskambju awtomatizzat ta' data f'konformità mal-Kapitolu 2 tad-Deċiżjoni 2008/615/ĠAI trid issir abbażi ta' rapport ta' evalwazzjoni bbażat fuq kwestjonarju, żjara ta' evalwazzjoni u prova pilota.

(3)

F'konformità mal-punt 1.1 tal-Kapitolu 4 tal-Anness għad-Deċiżjoni 2008/616/ĠAI, il-kwestjonarju mfassal mill-Grupp ta' Ħidma rilevanti tal-Kunsill jikkonċerna kull wieħed mill-iskambji awtomatizzati ta' data u jrid jintwieġeb minn Stat Membru hekk kif huwa jemmen li jissodisfa l-prerekwiżiti għall-kondiviżjoni tad-data fil-kategorija rilevanti ta' data.

(4)

Il-Kroazja lestiet il-kwestjonarju dwar il-protezzjoni tad-data u l-kwestjonarju dwar l-iskambju tad-data dwar ir-reġistrazzjoni tal-vetturi (VRD).

(5)

Il-Kroazja wettqet b'suċċess prova pilota man-Netherlands.

(6)

Saret żjara ta' evalwazzjoni fil-Kroazja u sar rapport dwar iż-żjara ta' evalwazzjoni mill-iskwadra ta' evalwazzjoni Netherlandiża u Rumena li ntbagħat lill-Grupp ta' Ħidma rilevanti tal-Kunsill.

(7)

Ġie ppreżentat lill-Kunsill rapport ta' evalwazzjoni ġenerali, li jagħti sintesi tar-riżultati tal-kwestjonarju, taż-żjara ta' evalwazzjoni u tal-prova pilota fir-rigward tal-iskambju ta' VRD.

(8)

Fid-19 ta' Diċembru 2016, il-Kunsill, wara li ħa nota tal-ftehim tal-Istati Membri kollha marbutin bid-Deċiżjoni 2008/615/ĠAI, ikkonkluda li l-Kroazja kienet implimentat għalkollox id-dispożizzjonijiet ġenerali dwar il-protezzjoni tad-data stipulati fl-Kapitolu 6 tad-Deċiżjoni 2008/615/ĠAI.

(9)

Għalhekk, għall-finijiet tat-tiftix awtomatizzat tal-VRD, jenħtieġ li l-Kroazja tkun intitolata li tirċievi u tforni data personali skont l-Artikolu 12 tad-Deċiżjoni 2008/615/ĠAI.

(10)

Fis-sentenza tagħha tat-22 ta' Settembru 2016 fil-Kawżi Magħquda C-14/15 u C-116/15 (4), il-Qorti tal-Ġustizzja tal-Unjoni Ewropea kkonkludiet li l-Artikolu 25(2) tad-Deċiżjoni 2008/615/ĠAI jistabbilixxi illegalment ir-rekwiżit ta' unanimità għall-adozzjoni tal-miżuri neċessarji għall-implimentazzjoni ta' dik id-Deċiżjoni.

(11)

Madankollu, l-Artikolu 33 tad-Deċiżjoni 2008/615/ĠAI jagħti lill-Kunsill setgħat ta' implimentazzjoni bil-ħsieb tal-adozzjoni tal-miżuri neċessarji għall-implementazzjoni ta' dik id-Deċiżjoni, b'mod partikolari fir-rigward tar-riċeviment u l-forniment ta' data personali previsti skont dik id-Deċiżjoni.

(12)

Peress li l-kondizzjonijiet biex jingħata bidu għall-eżerċizzju ta' tali setgħat ta' implimentazzjoni ġew sodisfatti u l-proċedura f'dan ir-rigward ġiet segwita, jenħtieġ li tiġi adottata Deċiżjoni ta' Implimentazzjoni dwar it-tnedija ta' skambju awtomatizzat ta' data fir-rigward ta' VRD fil-Kroazja sabiex dak l-Istat Membru jkun jista' jirċievi u jforni data personali skont l-Artikolu 12 tad-Deċiżjoni 2008/615/ĠAI.

(13)

Id-Danimarka hi marbuta bid-Deċiżjoni 2008/615/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2008/615/ĠAI.

(14)

Ir-Renju Unit u l-Irlanda huma marbuta bid-Deċiżjoni 2008/615/ĠAI u għalhekk qed jieħdu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2008/615/ĠAI,

17.6.2017   

MT

Il-Ġurnal Uffiċjali tal-Unjoni Ewropea

L 155/23

(1)

Wara kuntatti ta' qabel in-notifika, fid-29 ta' April 2016 l-awtoritajiet Franċiżi nnotifikaw lill-Kummissjoni għajnuna għar-ristrutturar lill-Grupp Areva (minn hawn 'il quddiem, “il-Grupp Areva”) fil-forma ta' sottoskrizzjoni tal-Istat Franċiż għal żewġ żidiet fil-kapital. Huma bagħtu informazzjoni supplimentari lill-Kummissjoni permezz tal-ittri tas-27 ta' Mejju u tas-6 ta' Lulju 2016.

(2)

B'ittra ddatata d-19 ta' Lulju 2016, il-Kummissjoni nfurmat lill-awtoritajiet Franċiżi bid-deċiżjoni tagħha li tagħti bidu għall-proċedura stipulata fl-Artikolu 108(2) tat-Trattat dwar il-Funzjonament tal-Unjoni Ewropea (minn hawn 'il quddiem, “TFUE”) fir-rigward ta' din l-għajnuna. L-awtoritajiet Franċiżi ppreżentaw lill-Kummissjoni l-kummenti tagħhom dwar din id-deċiżjoni permezz tal-ittra tat-12 ta' Settembru 2016.

(3)

Id-Deċiżjoni tal-Kummissjoni li tibda proċedura (minn hawn 'il quddiem imsejħa “id-deċiżjoni tal-ftuħ”) ġiet ippubblikata f'Il-Ġurnal Uffiċjali tal-Unjoni Ewropea  (2) fid-19 ta' Awwissu 2016. Il-Kummissjoni sejħet lill-partijiet interessati biex jippreżentaw l-osservazzjonijiet tagħhom dwar l-għajnuna inkwistjoni.

(4)

Il-Kummissjoni rċeviet osservazzjonijiet dwar dan is-suġġett fl-iskadenzi mogħtija, mingħand dawn il-partijiet interessati: Urenco, Teollisuuden Voima Oyj (minn hawn 'il quddiem, “TVO”), Siemens, il-Grupp Areva, kif ukoll parti terza li ma xtaqitx tikxef l-identità tagħha. Hija bagħtithom lill-awtoritajiet Franċiżi, waqt li tathom il-possibbiltà li jikkummentaw dwarhom, u rċeviet il-kummenti tagħhom bl-ittra tat-18 ta' Ottubru 2016.

(5)

L-awtoritajiet Franċiżi ppreżentaw lill-Kummissjoni sensiela ta' osservazzjonijiet supplimentari fit-30 ta' Novembru, imbagħad fis-7, fit-12, fil-21 u fit-22 ta' Diċembru 2016.

(6)

B'mod parallel għall-proċedura dwar l-għajnuna għar-ristrutturar, fis-27 ta' Lulju 2016 l-awtoritajiet Franċiżi nnotifikaw lill-Kummissjoni għajnuna għas-salvataġġ ta' EUR 3,3 biljun fil-forma ta' żewġ selfiet lill-Grupp Areva, waħda ta' EUR 2 biljun mogħtija lill-kumpanija prinċipali Areva SA (minn hawn 'il quddiem, “Areva SA”), u l-oħra ta' EUR 1,3 biljun lis-sussidjarja Nouvel Areva li hija 100 % proprjetà tagħha (minn hawn 'il quddiem, “Nouvel Areva”) (3). Dawn is-selfiet huma maħsuba li jiġu kkonvertiti f'kapital ta' dawn iż-żewġ entitajiet meta jiżdied il-kapital li huwa s-suġġett ta' din id-deċiżjoni. In-notifika tal-għajnuna għas-salvataġġ, irreġistrata bin-numru SA.46077, hija s-suġġett ta' deċiżjoni separata.

(7)

Il-Grupp Areva huwa elenkat fil-borża u l-Istat Franċiż jikkontrolla b'mod dirett jew indirett 86,52 % minnu. Fil-fatt, 28,83 % tal-kumpanija prinċipali, Areva SA, huma proprjetà diretta tal-Istat, filwaqt li 54,37 % u 3,32 % ta' Areva SA rispettivament huma proprjetà indiretta permezz tal-Commissariat à l'Energie Atomique (Kummissjoni għall-Enerġija Atomika, minn hawn 'il quddiem “CEA”) u ta' Bpifrance Participations. Areva SA għandha l-kumpaniji sussidjarji fil-perċentwali ta' kontroll ippreżentati fil-Grafika nru 2 aktar 'l isfel.

(8)

Il-Grupp Areva jopera fis-swieq nukleari b'attivitajiet li jkopru ċ-ċiklu sħiħ, permezz ta' erba' fergħat ta' negozju:

(9)

Attività oħra, fuq skala iżgħar u li għadha qed tiġi ppjanata, hija dik tal-enerġija rinnovabbli. Din l-attività kienet tirrappreżenta inqas minn 1 % tal-fatturat tal-Grupp Areva fl-2015.

(10)

Bażikament, dawn l-erba' fergħat jikkorrispondu għal żewġ attivitajiet prinċipali storikament distinti u komplementari: (i) il-ġestjoni taċ-ċiklu tal-materjal nukleari li jinkludi fih il-minjieri, l-attivitajiet upstream u downstream, u (ii) l-attività tar-reatturi. L-ewwel attività kienet żviluppata minn Cogema u t-tieni minn Framatome, qabel ma dawn iż-żewġ kumpaniji ngħaqdu fl-2001 biex jifformaw il-Grupp Areva.

Graff 1

Preżentazzjoni skematika tal-attivitajiet tal-Grupp Areva

(11)

Id-distinzjoni bejn dawn iż-żewġ gruppi ewlenin baqgħet l-istess fil-pjan organizzattiv tal-Grupp Areva magħqud, kif jidher fil-Graff 2. B'hekk l-attività tar-reatturi hija inkluża fis-sussidjarja Areva Nuclear Power (“Areva NP”) (u fil-Korporazzjoni Teknika għall-Enerġija Atomika (“Areva TA”) f'dak li jirrigwarda l-propulsjoni navali), filwaqt li l-attività taċ-ċiklu tal-fjuwil nukleari hija maqsuma bejn Areva Nuclear Cycle (“Areva NC”) għall-attivitajiet upstream u downstream taċ-ċiklu, u s-sussidjarja msejħa “Areva Mines” għall-attività tal-minjieri. L-assemblaġġ tal-fjuwils nukleari, minkejja li huwa relatat maċ-ċiklu tal-materjal nukleari, huwa fdat f'idejn Areva NP minħabba s-sinerġiji kbar bejn id-disinn tal-assemblaġġi u dak tar-reatturi (5).

Graff 2

Organigramma ssimplifikata tal-Grupp Areva fil-31 ta' Diċembru 2014

(12)

Fil-31 ta' Diċembru 2015, il-Grupp Areva kien jimpjega 39 537 persuna. Fl-2015, il-fatturat totali tagħha kien jammonta għal EUR 8,2 biljun meta mqabbel ma' EUR 8,3 biljun fl-2014. Madankollu, taħt l-istandard IFRS 5 Assi Mhux Kurrenti Miżmuma għall-Bejgħ u Operazzjonijiet li Ma Tkomplewx (6), il-fatturat ippubblikat tal-Grupp Areva kien ta' EUR 4,2 biljun.

(13)

Id-diffikultajiet li ltaqa' magħhom il-Grupp Areva huma dovuti l-ewwel nett għall-konsegwenzi tat-taqlib qawwi fis-suq nukleari u għad-deterjorament tas-sitwazzjoni ekonomika u finanzjarja mill-2008 'l hawn. Barra minn hekk il-Grupp Areva sofra telf konsiderevoli f'numru limitat ta' proġetti industrijali. Fl-aħħar nett, il-qligħ tiegħu mar lura wara ċerti akkwisti u l-iżvilupp ta' ċerti attivitajiet.

(14)

Rigward l-ewwel punt, l-inċident ta' Fukushima fl-2011 ikkontribwixxa għal tibdil ekonomiku mgħaġġel fis-swieq nukleari. Minn dakinhar, għadd ta' reatturi twaqqfu u pajjiżi bħall-Ġermanja u l-Isvizzera ddeċidew li ma jibqgħux jużaw l-enerġija nukleari. Proġetti ta' impjanti ġodda f'pajjiżi bħaċ-Ċina, ukoll ġew rifjutati. Għaldaqstant ġew affettwati kemm is-suq tal-fjuwil kif ukoll dak tar-reatturi, li kien ifisser deterjorament fir-rendiment tal-Grupp Areva.

(15)

It-tnaqqis tas-sorsi ta' finanzjament fit-tul, minħabba l-kriżi finanzjarja tal-2008 u l-istandards ta' prudenza ġodda fis-seħħ, seta' wkoll ikkomplika l-finanzjament ta' proġetti li jeħtieġu kapital daqstant intensiv bħall-impjanti tal-enerġija nukleari.

(16)

Finalment, it-tnaqqis tas-suq u l-kapaċitajiet żejda li nħolqu minħabba f'dan seħħew fi żmien fejn il-Grupp Areva kien iddeċieda li jinvesti fl-immodernizzar u kien qed jiffaċċja żieda fl-ispejjeż operattivi. Din is-sitwazzjoni affettwat direttament il-flussi tal-flus tiegħu u għalhekk kellu jirrikorri għad-dejn biex jiffinanzja l-operazzjonijiet tiegħu fuq żmien qasir. Fl-istess waqt u minħabba d-deterjorament fil-prospetti tas-suq, il-Grupp Areva kellu jwettaq deprezzament tal-assi.

(17)

Rigward it-tieni punt, il-Grupp Areva akkumula telf kbir f'numru sinifikanti ta' proġetti industrijali, ewlieni fosthom il-bini ta' impjant tal-enerġija nukleari tal-aħħar ġenerazzjoni f'Olkiluoto fil-Finlandja (“il-proġett OL3”) għall-klijent TVO.

(18)

Il-proġett huwa mmexxi minn konsorzju (minn hawn 'il quddiem, “il-Konsorzju”) ifformat fl-2003 mill-Grupp Areva, permezz ta' Areva NP u s-sussidjarja tagħha Areva GmbH (minn hawn 'il quddiem, “Areva GmbH”), u Siemens. Is-sit tax-xogħol akkumula dewmien ta' madwar disa' snin, u spejjeż addizzjonali għall-Grupp Areva li jikkorrispondu għal telf finali ta' madwar EUR 5,5 biljun (7). Il-Grupp Areva, permezz tal-kumpanija prinċipali tiegħu Areva SA, ħareġ ġaranzija ta' obbligazzjonijiet favur il-klijent TVO, li l-validità u l-ambitu tagħhom madankollu għadhom iridu jiġu eżaminati mill-awtoritajiet Franċiżi.

(19)

Il-proġett OL3 huwa s-suġġett ta' tilwima b'arbitraġġ kbira bejn il-Konsorzju u TVO, fejn kull parti qiegħda tattribwixxi lill-oħra l-kawża tad-dewmien kbir u tal-ispejjeż addizzjonali rreġistrati fis-sit. Il-partijiet qegħdin jitolbu mingħand xulxin diversi biljuni ta' euro f'rimedji. […] (*1).

(20)

Il-Konsorzju u TVO kienu bdew jinnegozjaw ftehim komprensiv li jistabbilixxi b'kuntratt data provviżorja ġdida ta' kunsinna (8) […], li ttemm it-tilwima b'arbitraġġ […] (9).[…].

(21)

L-awtoritajiet Franċiżi taw ukoll dettalji dwar it-telf relatat mal-proġetti RJH (Reattur Jules Horowitz — proġett ta' reattur nukleari ta' riċerka kurrenti ta' kostruzzjoni fuq iċ-ċentru CEA ta' Cadarache) u […] (tiġdid tar-reattur […] taċ-ċentrali […]), li sal-lum huma l-kawża ta' diversi mijiet ta' miljun ta' euro f'telf.

(22)

Rigward it-tielet punt, is-saħħa finanzjarja tal-Grupp Areva ddeterjorat ukoll wara akkwisti ta' proġetti ta' żvilupp mhux profittabbli, b'mod partikolari fl-oqsma tal-minjieri (l-akkwist tal-kumpanija Uramin li ġġenerat, pereżempju, kważi […] euro f'telf) u tal-enerġija rinnovabbli.

(23)

Għal dawn ir-raġunijiet, il-Grupp Areva irreġistra telf kbir li l-ammont akkumulat tiegħu qabeż EUR 9 biljun għas-snin finanzjarji 2011 sal-2015. Biex jiffinanzja dan it-telf u l-investimenti meħtieġa għall-immodernizzar tal-għodod industrijali (10), il-Grupp Areva kellu jirrikorri għad-dejn kemm mill-banek (minn hawn 'il quddiem, “dejn bankarju”) u fis-swieq tal-kapital (minn hawn 'il quddiem “dejn ta' bonds”). Wara l-pubblikazzjoni tal-linji bankarji ġodda fil-bidu tal-2016, id-dejn tiegħu fil-5 ta' Jannar 2016 kien jilħaq EUR 9,4 biljun (11), li EUR 6,0 biljun minnhom kienu dejn ta' bonds.

(24)

Minħabba l-prospetti ta' qligħ tal-Grupp Areva, l-istruttura ta' kapital tiegħu ma tippermettilux li jiffaċċja d-djun tiegħu, u huwa għalhekk li l-awtoritajiet Franċiżi bdew ristrutturar estensiv mal-Grupp Areva.

(25)

Fin-notifika tagħhom tad-29 ta' April 2016 l-awtoritajiet Franċiżi ppreżentaw pjan ta' ristrutturar li jkopri l-perjodu ta' bejn Novembru 2014 sa Diċembru 2019 (minn hawn 'il quddiem “il-perjodu ta' ristrutturar”) li għandu l-għan li jirrestawra l-kompetittività tal-Grupp Areva u jsaħħaħ l-istruttura finanzjarja tiegħu. Dan il-pjan jipprovdi l-iffukar mill-ġdid tal-Grupp Areva fuq l-attivitajiet taċ-ċiklu tal-materjal nukleari. Dan huwa akkumpanjat minn ristrutturar industrijali, permezz ta' Pjan ta' Prestazzjoni u ta' Kompetittività li għandu l-għan li jiġġenera ffrankar ta' madwar EUR 500 miljun kull sena fi spejjeż mill-2018 fl-ambitu tal-attivitajiet imwettqa. Huwa akkumpanjat ukoll minn ristrutturar finanzjarju kbir, li jinkludi fost l-oħrajn ir-rikapitalizzazzjoni tal-Grupp Areva.

(26)

L-iffukar mill-ġdid fuq l-attivitajiet taċ-ċiklu tal-fjuwil nukleari huwa bbażat fuq (i) il-bejgħ tal-attivitajiet l-oħra tal-Grupp Areva, (ii) il-ħolqien tal-entità ġuridika ġdida Nouvel Areva biex tilqa' l-attivitajiet taċ-ċiklu tal-fjuwil nukleari, u (iii) l-iżolament ta' ċerti obbligazzjonijiet eżistenti fi ħdan il-kumpanija prinċipali attwali Areva SA.

(27)

Dan jirrigwarda lis-sussidjarji u lill-attivitajiet li ġejjin:

(28)

Barra minn hekk, il-Grupp Areva qed jippjana li jirtira minn kważi l-attivitajiet kollha tiegħu fl-enerġija rinnovabbli u fil-ħżin tal-enerġija fi żmien qasir jew medju. Il-kumpanija Adwen, li tispeċjalizza fit-turbini eoliċi fuq il-baħar, waslet biex tinbiegħ lill-grupp Spanjol Gamesa. Rigward it-turbini galleġġanti, […]. Rigward il-bijomassa, […]. Fil-każ tal-konċentrazzjoni tal-enerġija solari, fl-2014, il-Grupp Areva iddeċieda li jwaqqaf gradwalment l-attivitajiet tiegħu wara l-implimentazzjoni tal-proġetti kurrenti. Fl-aħħar nett, il-Grupp Areva għandu parteċipazzjoni minoritarja f'kumpanija li tiżviluppa teknoloġiji tal-elettroliżi għall-ħżin tal-enerġija, u f'attività ta' riċerka u żvilupp fil-batteriji taċ-ċirkolazzjoni u ċ-ċelloli tal-fjuwil idroġenu.

(29)

Il-bejgħ tal-attivitajiet imwettqa sal-lum minn Areva NP isegwi proċeduri speċifiċi u huwa soġġett għal ċertu numru ta' kundizzjonijiet, deskritti fil-kuntratt ta' bejgħ tal-ishma (“ftehim ta' xiri ta' ishma — share purchase agreement”, minn hawn 'il-quddiem, “l-SPA”) iffirmat minn EDF u l-Grupp Areva fil-15 ta' Novembru 2016.

(30)

L-ewwel nett ġie miftiehem li EDF tiġi protetta kontra ċertu numru ta' riskji li llum huma relatati ma' Areva NP. Dawn ir-riskji jirrigwardaw l-ewwel nett l-issoktar tal-proġett OL3, u wkoll l-anomaliji misjuba fir-rekords tal-monitoraġġ tal-manifattura ta' tagħmir prodott minn Areva NP f'siti bħal Le Creusot, Jeumont u Saint-Marcel (minn hawn 'il-quddiem, “il-kuntratti ta' komponenti”). Biex jagħmlu dan, Areva u EDF għażlu li jużaw mekkaniżmu ta' diviżjoni f'sussidjarji 'l isfel (“drop down”) li jikkonsisti fit-trasferiment tal-attivitajiet ewlenin ta' Areva NP f'entità ġdida (minn hawn 'il-quddiem, “Nouvel Areva NP”) li kellha tinbiegħ lil EDF. L-Areva NP storika, u permezz tagħha l-kumpanija prinċipali Areva SA, ser iżommu fi ħdanhom l-attivitajiet marbuta mat-twettiq tal-kuntratt tal-proġett OL3, […] (12).

(31)

Imbagħad, il-bejgħ isir biss meta jitneħħew ċertu numru ta' kundizzjonijiet. Fost dawn hemm il-kundizzjoni li […] proġett Flamanville 3 ma jippreżentax anomaliji li jżidu b'mod sinifikanti l-ispejjeż tal-kontinwazzjoni tal-proġett jew itawluh aktar. […] tank huwa […] is-suġġett ta' programm ta' validazzjoni speċifika wara li fl-2014 instabu valuri mhux konformi f'testijiet li saru fuq parti simili għal dik ta' Flamanville 3, li wasslu għal konċentrazzjoni ta' karbonju ogħla minn kemm kien mistenni (minn hawn 'il quddiem, “is-segregazzjoni tal-karbonju”). Il-Grupp Areva u EDF ipproponew miżuri addizzjonali (minn hawn 'il quddiem “il-programm ta' ġustifikazzjoni”) bl-għan li jipprovdu garanziji addizzjonali fit-turija tal-affidabbiltà u tas-sigurtà tat-tank minkejja din il-problema ta' segregazzjoni tal-karbonju. Dawn l-aġġustamenti ġew validati mill-Awtorità tas-Sigurtà Nukleari (Autorité de Sûreté Nucléaire, minn hawn 'il quddiem, “ASN”) (13). It-testijiet inklużi fil-programm ta' ġustifikazzjoni komplew sal-aħħar tas-sena 2016. Fis-16 ta' Diċembru 2016, il-Grupp Areva u EDF issottomettew rapport finali dwar dawn it-testijiet lill-ASN, li jipprovdi perjodu ta' ħames xhur għall-analiżi tar-riżultati u l-pubblikazzjoni tal-konklużjonijiet definittivi tagħha.

(32)

Il-pjan ta' ristrutturar inizjali kien jipprovdi li Nouvel Areva iżżomm sehem strateġiku ta' 15 % f'Nouvel Areva NP. Bi tweġiba għad-dubji mqajma mill-Kummissjoni fl-investigazzjoni fil-fond tagħha, l-awtoritajiet Franċiżi madankollu ntrabtu biex l-irtirar tal-Grupp Areva mill-attività tar-reatturi jkun totali, li jfisser li Areva SA u Nouvel Areva ma jkollhomx aktar konnessjoni ta' kapital ma' Nouvel Areva NP wara l-pjan ta' ristrutturar notifikat lill-Kummissjoni.

(33)

Il-Grupp Areva ħoloq il-kumpanija Nouvel Areva, li llum hija 100 % proprjetà ta' Areva SA, biex jiġbor flimkien:

(34)

Fit-30 ta' Awwissu 2016, ġie ffirmat il-ftehim ta' kontribuzzjoni parzjali tal-assi ta' Areva SA lil Nouvel Areva u l-qbil tal-kredituri kollha detenturi ta' bonds trasferiti lil Nouvel Areva inkiseb fis-27 ta' Settembru 2016. Il-ħolqien ta' Nouvel Areva ġie approvat mil-laqgħa ġenerali straordinarja tal-azzjonisti ta' Areva SA fit-3 ta' Novembru 2016.

(35)

Huwa previst li l-kapital ta' din l-entità l-ġdida jiżdied bi EUR 3 biljun mill-Istat Franċiż u minn ċertu numru ta' investituri terzi. L-Istat Franċiż ser jikkontribwixxi EUR 2,5 biljun u l-investituri terzi EUR 500 miljun. Peress li l-ishma ta' Nouvel Areva kienu ġew ivvalutati għal EUR 2 biljun qabel it-tranżazzjoni, il-kapital ta' din l-entità ser jinżamm skont l-ordni ta' kobor li ġejja, wara l-operazzjoni: 40 % għal Areva SA, 50 % għall-Istat Franċiż b'mod dirett, u 10 % għall-investituri terzi.

(36)

Ir-ristrutturar jipprovdi li r-riskji marbuta ma' OL3 u […] jinġarru, b'mod dirett jew permezz ta' Areva NP, mill-kumpanija prinċipali attwali, Areva SA. Barra minn hekk Areva SA ser iżżomm id-dejn bankarju sottoskritt mill-Grupp Areva u ser jonqsulha wkoll l-attivitajiet ewlenin tagħha permezz tal-operazzjonijiet ta' bejgħ ta' Nouvel Areva NP u bit-tqassim lis-sussidjarji tal-attivitajiet taċ-ċiklu tal-fjuwil nukleari.

(37)

Biex itejjeb il-kompetittività tiegħu u l-prestazzjoni operattiva tiegħu ladarba jkun iffoka mill-ġdid fuq iċ-ċiklu tal-fjuwil nukleari, il-Grupp Areva beda jimplimenta Pjan ta' Prestazzjoni u ta' Kompetittività.

(38)

Dan kellu jgħin biex jiġu ġġenerati, wara sforzi kbar, EUR 500 miljun fis-sena f'iffrankar tal-ispejjeż f'Nouvel Areva.

(39)

Il-pjan ta' Prestazzjoni u ta' Kompetittività kien imfassal fuq erba' assi: (i) is-selettività tax-xiri, (ii) it-titjib tal-iskjerament tal-forzi tal-bejgħ, (iii) it-titjib tal-produttività, (b'mod partikolari permezz ta' pjan ta' sensji volontarji) u (iv) il-kontroll tal-bidliet fil-pagi. L-ewwel miżuri ttieħdu fl-2015, u l-implimentazzjoni tal-Pjan kellha ddum sal-2018.

(40)

L-istruttura finanzjarja ftit li xejn sostenibbli tal-Grupp Areva kienet teħtieġ ristrutturar.

(41)

Id-dħul mill-bejgħ tad-diversi sussidjarji elenkati fil-premessi 27 u 28 huwa l-ewwel sors ta' finanzjament għall-ħtiġijiet ta' likwidità tal-Grupp Areva.

(42)

Il-Grupp Areva immobilizza wkoll finanzjament proprju ta' madwar EUR [0-2 biljun], imqassmin bejn tnaqqis strutturali ta' EUR [0-1 biljun] tal-limitu minimu tal-flus kontanti tiegħu u dejn ta' EUR [0-1 biljun]. Id-dettalji ta' dawn l-operazzjonijiet huma mogħtija aktar 'l isfel fil-premessa 321.

(43)

Madankollu, dawn ir-riżorsi ma kinux biżżejjed biex il-Grupp Areva jlaħħaq mad-dejn tiegħu. B'hekk l-awtoritajiet Franċiżi stmaw il-ħtieġa ta' ekwità tal-Grupp Areva għal EUR 5 biljun. B'hekk il-pjan ta' ristrutturar tal-Grupp Areva kien jipprovdi għal injezzjoni ta' kapital ta' EUR 5 biljun, bil-ħsieb li jinqasmu kif ġej:

(44)

Fid-29 ta' April 2016, l-awtoritajiet Franċiżi nnotifikaw bħala għajnuna waħda għar-ristrutturar, is-sottoskrizzjoni ppjanata tal-Istat Franċiż għal żidiet ta' kapital ta' Areva SA u ta' Nouvel Areva rispettivament, għal ammont totali ta' EUR 4,5 biljun. Huwa previst li din l-għajnuna tkun iffinanzjata mir-riżorsi proprji tal-Istat Franċiż.

(45)

Il-kompatibbiltà tal-għajnuna għar-ristrutturar hija analizzata skont il-Linji gwida dwar l-għajnuna mill-Istat għas-salvataġġ u r-ristrutturar ta' impriżi mhux finanzjarji f'diffikultà (16) (minn hawn 'il quddiem, il-“Linji gwida”). Wara eżami inizjali, il-Kummissjoni kienet esprimiet dubji dwar il-konformità ta' din l-għajnuna mal-Linji gwida.

(46)

Il-Kummissjoni kellha dubji dwar kemm kienu reali s-suppożizzjonijiet tal-pjan ta' ritorn għall-vijabbiltà fit-tul tal-Grupp Areva.

(47)

Fil-fatt, il-Kummissjoni nnutat li x-xenarju bażiku ta' Nouvel Areva ma kienx jidentifika b'mod ċar l-impatt potenzjali fuq l-attivitajiet taċ-ċiklu tal-materjal nukleari u f'termini ta' telf ta' sinerġiji, mid-diversi trasferimenti ppjanati bħala parti mir-ristrutturar (l-ewwel waħda fosthom Nouvel Areva NP). Kien hemm kontradizzjoni mad-dikjarazzjoni tal-awtoritajiet Franċiżi li dawn it-trasferimenti kienu ser inaqqsu l-kompetittività tal-Grupp Areva ristrutturat u għaldaqstant kienu jikkostitwixxu miżuri kompensatorji reali.

(48)

Il-Kummissjoni nnutat ukoll li x-xenarju degradat ma kienx strutturat b'analiżi tas-sensittività li turi biċ-ċar u tikklassifika l-fatturi tar-riskju ewlenin li setgħu jaffettwaw lil Grupp Areva.

(49)

Barra minn hekk il-Kummissjoni ma kinitx ċerta li Nouvel Areva setgħet tirritorna għall-vijabbiltà fit-tul fil-kuntest ta' xenarju degradat, peress li dan ix-xenarju kien juri biċ-ċar defiċit finanzjarju […].

(50)

F'dak li jirrigwarda lil Areva SA, il-projezzjonijiet notifikati mill-awtoritajiet Franċiżi kienu għadhom soġġetti għal għadd kbir ta' inċertezzi, relatati fost l-oħrajn mal-kwantifikazzjoni tax-xenarju ta' tqassim f'sussidjarji minn isfel għal fuq.

(51)

Fid-dawl tal-informazzjoni notifikata mill-awtoritajiet Franċiżi, il-Kummissjoni kkonkludiet li l-prinċipju ta' tqassim ġust tal-piż deher li ġie osservat, madankollu kienu meħtieġa kjarifiki fuq it-trattament tal-azzjonisti minoritarji eżistenti.

(52)

Madankollu, il-Kummissjoni esprimiet dubji dwar il-kontribuzzjoni proprja tal-Grupp Areva għall-ispejjeż tar-ristrutturar tiegħu. Abbażi tal-projezzjonijiet provduti mill-awtoritajiet Franċiżi, il-Grupp Areva fil-prinċipju kien jidher li kapaċi jiffinanzja aktar minn 50 % tal-ispejjeż ta' ristrutturar tiegħu. Madankollu, it-total ta' dawn il-kontribuzzjonijiet proprji kien juri ammont ta' EUR [9-11-il biljun], ogħla mill-ħtiġijiet ta' finanzjament stmati EUR [8-9 biljun], mingħajr ma din id-differenza kienet iġġustifikata kif xieraq. Barra minn hekk, ħafna mill-operazzjonijiet li setgħu jiġġeneraw kontribuzzjoni proprja, bħad-diversi trasferimenti ppjanati jew il-kontribuzzjoni ta' investituri terzi għaż-żieda ta' kapital ta' Nouvel Areva, kienu għadhom jidhru inċerti wisq biex setgħu jiġu kkwalifikati bħala kontribuzzjonijiet “reali u fattwali”.

(53)

Il-Kummissjoni rrikonoxxiet li d-diversi trasferimenti, totali jew parzjali, implimentati mill-Grupp Areva kienu jwasslu għal tnaqqis konsiderevoli tal-ambitu tiegħu — b'madwar 50 % jekk wieħed jieħu bħala parametri l-fatturat konsolidat jew in-numru ta' impjegati. Madankollu l-impatt kompetittiv ta' dawn it-trasferimenti ma ħariġx b'mod ċar.

(54)

Għalhekk il-Kummissjoni kkunsidrat li t-trasferimenti ma setgħux jitpoġġew kollha fuq l-istess livell. Il-bejgħ tas-sussidjarji relattivament żgħar bħal Areva TA jew Canberra dehru sproporzjonati mal-kobor tal-għajnuna proposta.

(55)

Kien jifdal għalhekk il-bejgħ parzjali ta' Nouvel Areva NP, li għall-kuntrarju l-iskala tiegħu dehret tikkorrispondi għal dik tal-għajnuna, madankollu ma deherx li kien jirrigwarda direttament is-swieq li fihom il-Grupp Areva kien ser ikollu pożizzjoni importanti wara r-ristrutturar. Għaldaqstant il-Kummissjoni kellha dubji dwar iż-żewġ suppożizzjonijiet li wasslu lill-awtoritajiet Franċiżi biex jiddikjaraw li din kienet miżura favur il-kompetittività: l-ewwel, li kienu jeżistu sinerġiji qawwija bejn l-attività tar-reatturi u dik taċ-ċiklu tal-fjuwil nukleari, li jfisser li kien hemm vantaġġ li tkun grupp integrat fis-swieq nukleari; it-tieni, li l-Grupp Areva kien ser jitlef il-benefiċċji ta' dawn is-sinerġiji bil-bejgħ tas-sussidjarja tiegħu Nouvel Areva NP.

(56)

Rigward b'mod partikolari t-tieni suppożizzjoni, il-Kummissjoni nnutat li taħt il-protokoll ta' ftehim iffirmat fl-20 ta' Lulju 2015 minn EDF u mill-Grupp Areva, iż-żewġ gruppi dehru li qegħdin jibnu b'kuntratt is-sinerġiji li s'issa kienu jeżistu b'mod strutturali.

(57)

Għal dawn ir-raġunijiet varji, il-Kummissjoni kellha dubji dwar l-effetti tal-bejgħ ta' Nouvel Areva NP fuq il-pożizzjoni kompetittiva tal-Grupp Areva fis-swieq tiegħu wara r-ristrutturar, u allura dwar l-adegwatezza ta' din il-miżura kompensatorja.

(58)

Finalment, il-Kummissjoni stagħġbet kif il-pożizzjoni ta' Franza kienet li tirrifjuta l-impenn stabbilit fil-Linji gwida li l-għajnuna għar-ristrutturar ma tintużax biex jinxtraw ishma. Għaldaqstant il-Kummissjoni talbet lill-awtoritajiet Franċiżi jinkludu dawn l-operazzjonijiet fil-pjan ta' ristrutturar, jekk dawn kienu jirriżultaw assolutament essenzjali għar-ritorn għall-vijabbiltà fit-tul tal-Grupp Areva.

(59)

Il-Grupp Areva japprova bis-sħiħ it-tweġibiet mogħtija mill-awtoritajiet Franċiżi fit-12 ta' Settembru 2016, u li fit-tfassil tagħhom kien involut huwa wkoll.

(60)

Rigward id-dubji mqajma mill-Kummissjoni, il-Grupp Areva jenfasizza essenzjalment dawn il-punti li ġejjin:

(61)

Il-Grupp Areva jinsisti wkoll fuq l-importanza strateġika tal-għajnuna għar-ristrutturar għas-settur nukleari Ewropew u l-ekonomija Ewropea: sors dirett ta' impjiegi, attur ewlieni taż-żamma tas-settur nukleari involut f'bosta segmenti tal-katina tal-valur ta' dan is-settur, attur essenzjali għall-funzjonament tajjeb tal-impjanti tal-enerġija nukleari Ewropej kollha.

(62)

Il-Grupp Areva jenfasizza wkoll il-progress tajjeb tal-pjan ta' ristrutturar, permezz (i) tal-bejgħ ta' Canberra (finalizzat) u l-parteċipazzjoni tal-Grupp Areva f'Adwen (opzjoni eżerċitata), u (ii) tal-approvazzjoni tal-kredituri detenturi ta' bonds tal-kontribuzzjoni parzjali ta' assi ta' Areva SA lil Nouvel Areva kif ukoll it-trasferiment simultanju tad-dejn ta' bonds lil Nouvel Areva. Barra minn hekk, l-approvazzjoni tal-proġett Hinkley Point C toffri prospetti ta' żvilupp favorevoli għas-suċċess ta' dan il-pjan.

(63)

Il-kumpanija Urenco hija r-riżultat ta' kooperazzjoni politika bejn ir-Repubblika Federali tal-Ġermanja, in-Netherlands u r-Renju Unit. Imwaqqfa fl-1970, hija topera prinċipalment fis-segment tal-arrikkiment tal-uranju u għandha fabbriki fit-tliet pajjiżi ta' oriġini tagħha kif ukoll fl-Istati Uniti.

(64)

Wara li tat ħarsa ġeneral lejn il-katina tal-valur taċ-ċiklu tal-materjal nukleari, Urenco żviluppat argument fi tliet punti: l-ewwel nett, l-għajnuna investigata ser issaħħaħ lill-Grupp Areva b'mod konsiderevoli; imbagħad, l-effett ta' distorsjoni ta' din l-għajnuna ser jinħass b'mod partikolari fis-suq tal-arrikkiment, għad-detriment ta' Urenco u tal-kompetituri l-oħrajn attivi f'dan is-segment; għaldaqstant, il-miżuri kompetittivi proposti mill-awtoritajiet Franċiżi mhumiex suffiċjenti u jeħtieġ li jissaħħu.

(65)

Rigward l-ewwel punt, Urenco tinnota li l-pjan ta' ristrutturar ma jinkludix tnaqqis tal-kapaċità fi kwalunkwe attività tal-Grupp Areva minkejja d-diffikultajiet finanzjarji tiegħu u l-kapaċità żejda li tikkaratterizza s-swieq li jopera fihom. B'hekk Nouvel Areva ser jibqa' jkollha l-istess assi li kellha fil-passat fuq iċ-ċiklu tal-materjal nukleari, li jpoġġiha f'pożizzjoni ideali biex iżżomm post b'saħħtu f'dawn is-swieq.

(66)

Dan huwa saħansitra aktar ovvju peress li l-intervent tal-Istat jikkontribwixxi biex inaddaf il-karta tal-bilanċ tal-entitajiet il-ġodda u jħassar għal kollox il-ġestjoni ħażina tal-passat. B'hekk il-flessibbiltà ta' Nouvel Areva NP u ta' Nouvel Areva ġew irrestawrati, f'termini ta' investimenti ġodda, ta' aċċess għal finanzjament u ta' saħħa ta' negozjar. Il-kompetituri ta' Nouvel Areva għall-kuntrarju jridu jbatu l-ispiża sħiħa tal-investimenti passati tagħhom u jistgħu biss jistrieħu fuq il-qligħ tagħhom biss biex jiżviluppaw.

(67)

Rigward it-tieni punt, Urenco temmen li d-distorsjonijiet tal-kompetizzjoni ser jibqgħu jinħassu fit-tul fis-segment tal-arrikkiment, li huwa kkaratterizzat minn kapaċità żejda u numru limitat ta' proġetti b'kapital intensiv.

(68)

Skont Urenco, il-kapaċitajiet ta' arrikkiment fid-dinja huma sostanzjalment ogħla mid-domanda […]. Din il-kapaċità żejda hija aktar u aktar ta' ħsara meta parti miż-żieda fid-domanda tinsab f'pajjiżi, bħaċ-Ċina jew ir-Russja, li huma ġeneralment magħluqa għall-atturi tal-Punent. Rigward id-domanda aċċessibbli għal dawn tal-aħħar, il-park elettronukleari ta' EDF jikkostitwixxi frazzjoni sinifikanti, u għaldaqstant huwa kruċjali li r-rabtiet imsaħħa bejn EDF u l-Grupp Areva ma jnaqqsux l-aċċess ta' Urenco għal EDF.

(69)

L-għajnuna inkwistjoni tippermetti wkoll lill-Grupp Areva iżomm l-attività tiegħu fil-fjuwil MOX, meta dan il-fjuwil mhuwiex daqstant kompetittiv daqs l-uranju naturali arrikkit. Mingħajr l-għajnuna mill-Istat, din l-attività kienet tieqaf jew issir inqas importanti, u tillibera swieq għall-kompetituri tal-Grupp Areva (l-aktar ma' EDF li [0-25] % tad-domanda tagħha tista' tkun moqdija bi fjuwil MOX).

(70)

Il-karta tal-bilanċ imsaħħa ta' Nouvel Areva ser tippermettilha wkoll tiżviluppa fil-kummerċ tas-servizzi ta' arrikkiment (minn hawn 'il quddiem, “SWUs”), attività li teħtieġ flessibbiltà finanzjarja kbira. Dan is-suq […] jista' jikkontribwixxi għat-tisħiħ ta' Nouvel Areva, meta mqabbla ma' kompetituri mhux mgħejuna li l-istruttura finanzjarja tagħhom, riflessjoni tal-proġetti b'kapital intensiv tas-settur, ma tippermettix li jittieħdu riskji bħal dawn.

(71)

Fl-aħħar nett, Urenco tqis li Nouvel Areva ser tkompli tibbenefika mill-vantaġġi tal-integrazzjoni vertikali fis-swieq taċ-ċiklu tal-fjuwil.

(72)

Rigward it-tielet punt, Urenco tenfasizza li għandhom jiġu proposti miżuri ta' kompetizzjoni fis-swieq fejn il-Grupp Areva ser ikun attiv wara r-ristrutturar, speċjalment meta l-parti l-kbira tas-swieq (minjieri, konverżjoni u arrikkiment) bħalissa qegħdin ibatu minn kapaċità żejda.

(73)

Urenco ma taqbilx mal-pożizzjoni tal-awtoritajiet Franċiżi, li s-separazzjoni tal-attività tar-reatturi tiġġenera telf ta' sinerġiji b'tali mod li l-attività tal-fjuwil tista' tiġi affettwata. L-eżistenza ta' diversi atturi mhux integrati iżda produttivi (pereżempju Urenco, Cameco, KAP) tista' għalhekk tqiegħed l-importanza ta' dawn is-sinerġiji f'perspettiva. Barra minn hekk, dawn is-sinerġiji jidhru biss għall-provvista ta' fjuwil lil reatturi ġodda; […].

(74)

Barra minn hekk, is-sħubija strateġika bejn EDF u Nouvel Areva ser toħloq mill-ġdid is-sinerġiji possibbli mitlufa. Fil-fatt Nouvel Areva ser iżżomm sehem strateġiku fis-sussidjarja konġunta ma' EDF, li ser jeħtieġ ċertu livell ta' koordinazzjoni bejn iż-żewġ gruppi u jista' jħeġġeġ lil EDF tiffavorixxi lil Nouvel Areva. Dawn ser ikollhom ukoll l-istess azzjonist, fil-persuna tal-Istat Franċiż. Barra minn hekk qed issir ħidma fuq it-tisħiħ tal-kooperazzjoni, kif innutat il-Kummissjoni fid-deċiżjoni tal-ftuħ tagħha. Fl-aħħar nett, l-iżvantaġġi tad-diżintegrazzjoni ser jinġarru primarjament minn Nouvel Areva NP, li ser tkun imġiegħla tifforma timijiet ġodda kummerċjali għall-bejgħ tal-assemblaġġi tal-fjuwils filwaqt li Nouvel Areva ser iżżomm il-benefiċċji tal-integrazzjoni fuq iċ-ċiklu tal-materjal nukleari.

(75)

Fid-dawl ta' dak li ntqal, Urenco tipproponi l-miżuri ta' kompetittivi li ġejjin:

(76)

Urenco tixtieq ukoll li l-awtoritajiet Franċiżi jesploraw miżuri oħrajn ta' kompetizzjoni komuni għas-segmenti kollha, bħal pereżempju l-bejgħ ta' attività lil operatur ġdid, sabiex jonqsu s-sinerġiji relatati mal-integrazzjoni ta' Nouvel Areva fiċ-ċiklu tal-fjuwil nukleari. Fl-aħħar nett, Urenco tinsisti fuq l-importanza li tiġi rrispettata l-projbizzjoni li tinxtara kwalunkwe kumpanija matul il-perjodu kollu tar-ristrutturar, sakemm ma jintweriex li tali xiri huwa essenzjali għar-ritorn għall-vijabbiltà tal-Grupp Areva.

(77)

TVO hija kumpanija Finlandiża li tiġġenera l-elettriku, stabbilita fl-1969 u proprjetà ta' impriżi Finlandiżi oħrajn tal-elettriku kif ukoll ta' impriżi industrijali. TVO hija l-proprjetarja futura ta' OL3, impjant nukleari bbażat fuq it-teknoloġija b'reattur Ewropew taħt pressjoni (European Pressurized Reactor, minn hawn 'il quddiem, “EPR”), li għadu qed jinbena. Il-kuntratt għall-bini ta' dan l-impjant […] kien ġie konkluż mal-Konsorzju fit-18 ta' Diċembru 2003. Id-data inizjali tal-konsenja kienet it-30 ta' April 2009. Wara ħafna dewmien, issa d-data mħabbra mill-Konsorzju hija Diċembru 2018.

(78)

TVO tenfasizza l-importanza tar-reattur OL3 għas-settur tal-enerġija fil-Finlandja u dak Ewropew. Ladarba jibda jopera, OL3 mistenni jikkontribwixxi għal 9 % tal-produzzjoni totali tal-elettriku fil-Finlandja minn issa sal-2020 u jissodisfa 14 % tad-domanda totali tal-elettriku, biex b'hekk iżid l-indipendenza enerġetika tal-Finlandja. OL3 huwa wkoll proġett prekursur, li kellu jiftaħ il-perjodu ta' “rinaxximent” tal-industrija nukleari.

(79)

Il-proġett OL3 jinsab fil-fażi finali tat-tlestija tiegħu. Il-bini fuq barra huwa kważi lest iżda għadhom għaddejjin xi xogħlijiet ta' bini u ta' installazzjoni ġol-impjant, u b'mod partikolari fuq il-blokka nukleari (ir-reattur). Madwar 2 400 ħaddiem jinsabu jaħdmu fuq is-sit. TVO tenfasizza li l-proġett OL3 issa dieħel f'fażi kruċjali li hija l-proċess tal-kummissjonar li, meta jintemm, iwassal għad-data stmata ta' konsenja. Din il-fażi teħtieġ appoġġ kontinwu mill-Konsorzju li għandu l-għarfien u l-esperjenza dwar l-EPR.

(80)

TVO issemmi wkoll it-tilwima b'arbitraġġ li għandha mal-Konsorzju. L-ammont totali mitlub mill-Konsorzju attwalment huwa madwar EUR [0-5 biljun] filwaqt li l-ammont mitlub minn TVO għall-ispejjeż u t-telf tagħha jammonta għal EUR [0-5 biljun] skont l-aħħar stimi ta' TVO. Għaldaqstant is-somma totali mitluba miż-żewġ partijiet fit-tilwima b'arbitraġġ tammonta b'kollox għal madwar EUR [0-10 biljun].

(81)

TVO imbagħad tispjega kif tifhem hi l-pjan ta' ristrutturar tal-Grupp Areva, li issa huwa bbażat fuq il-“pjan B” li jittrasferixxi lil Nouvel Areva NP lil EDF wara li jkun iżola l-proġett OL3 u r-riżorsi meħtieġa għat-tlestija tiegħu, kif ukoll li jħalli f'dan il-“bank tal-assi ħżiena” il-kuntratti ta' komponenti u parti mid-dejn tal-Grupp Areva.

(82)

Kollox ma' kollox, TVO tappoġġja l-pjan ta' rikapitalizzazzjoni tal-Grupp Areva mill-Istat Franċiż. Madankollu, TVO tesprimi t-tħassib tagħha rigward il-konsegwenzi ħżiena potenzjali tar-ristrutturar tal-Grupp fuq il-proġett OL3. B'mod partikolari, TVO hija mħassba dwar il-kapaċità tal-bank tal-assi ħżiena, li fih ser ikun iżolat il-proġett OL3, li jżomm ir-riżorsi meħtieġa biex il-proġett jitlesta kif xieraq. Fil-fatt, il-bank tal-assi ħżiena ser ikollu riżorsi finanzjarji limitati biex jiffaċċja djun potenzjalment kbar u li wieħed diffiċilment jikkwantifika f'dan l-istadju.

(83)

Ir-riżorsi finanzjarji ta' dan il-bank tal-assi ħżiena jikkonsistu fi: EUR 2 biljun ta' żieda fil-kapital, EUR 2,5 biljun mid-dħul tal-bejgħ ta' Nouvel Areva NP lil EDF, dħul residwu mill-bejgħ tal-attivitajiet mhux strateġiċi ta' Areva kif ukoll fil-bilanċ tal-prezz li TVO għadha trid tħallas lill-Grupp Areva biex ilesti l-proġett OL3. B'riflessjoni ta' dawn ir-riżorsi, l-ispejjeż tal-bank tal-assi ħżiena huma stmati li huma: l-ispejjeż għat-tlestija tal-proġett OL3 kif ukoll il-garanziji relatati, ir-rimborż tad-dejn bankarju li jammonta għal EUR 3,4 biljun, il-garanziji li aktarx iridu jingħataw lil EDF fuq il-kuntratti marbuta mal-impjanti nukleari li qegħdin jiġu awditjati, garanziji oħrajn relatati mal-bejgħ tal-assi mhux strateġiċi kif ukoll, jekk TVO kellha tirbaħ it-tilwima b'arbitraġġ li għaddejja, somma li tista' tammonta għal EUR [0-5 biljun].

(84)

Għaldaqstant, TVO tiddubita mill-kapaċità tal-Grupp Areva ristrutturat li jiffaċċja r-riskji assoċjati mal-proġett OL3, b'mod partikolari l-ispiża tat-tlestija tiegħu, u tispjega l-implikazzjonijiet ta' dawn id-dubji fir-rigward tal-analiżi tal-għajnuna għar-ristrutturar skont il-Linji gwida u b'mod aktar speċifiku fir-rigward tal-kontribuzzjoni tal-għajnuna għal għan ta' interess komuni, ir-ritorn għall-vijabbiltà fit-tul tal-Grupp Areva u l-prinċipju li l-għajnuna tingħata darba biss.

(85)

L-ewwel nett, rigward l-għan ta' interess komuni, TVO tappoġġja l-argument ta' Franza, li jenfasizza l-kontribut tal-għajnuna għall-kisba tal-għanijiet tat-Trattat Euratom, stabbiliti b'mod partikolari fl-Artikolu 2(d). Madankollu, TVO tenfasizza l-ħtieġa li jiġu vvalutati wkoll l-Artikoli 2(b) u (c) tat-Trattat. Rigward l-Artikolu 2 (c), l-għajnuna tikkontribwixxi għat-tlestija ta' OL3, li huwa proġett importanti għall-iżvilupp tas-settur Ewropew tal-enerġija u għas-sigurtà tal-provvista tal-pajjiżi Nordiċi. Rigward l-Artikolu 2(b), l-għan tas-sikurezza nukleari jimplika, kif iddikjarat fl-Artikolu 11 tal-Konvenzjoni dwar is-Sikurezza nukleari, li “kull Parti kontraenti għandha tieħu l-miżuri xierqa biex numru suffiċjenti ta' persunal ikkwalifikat li jkun ġie edukat, imħarreġ u mħarreġ mill-ġdid kif xieraq ikun disponibbli għall-attivitajiet kollha relatati mas-sigurtà li jsiru f'kull u għal kull impjant nukleari tul iż-żmien kollu li jdum jopera”. Peress li l-kapaċitajiet ta' TVO huma limitati prinċipalment għat-tħaddim tal-impjanti, TVO tistrieħ fuq l-esperjenza tal-Konsorzju biex jieħu ħsieb is-sikurezza tal-attivitajiet tal-proġett OL3. Madankollu, kwalunkwe pjan ta' ristrutturar li jinkludi l-iżolament tal-proġett OL3 f'bank tal-assi ħżiena jista' jwassal għal nuqqas ta' allokazzjoni ta' persunal ikkwalifikat tal-Grupp Areva għall-proġett OL3, it-telf ta' “back office” tal-Grupp Areva fi Franza u fil-Ġermanja, it-telf tal-infrastruttura teknika tal-Grupp Areva kif ukoll il-possibbiltà ta' problemi mas-sottokuntratturi tal-proġett.

(86)

It-tieni, rigward ir-ritorn għall-vijabbiltà fit-tul tal-Grupp Areva, TVO għandha dubji dwar is-suffiċjenza tal-injezzjoni ta' kapital f'Areva SA, ir-realiżmu tas-suppożizzjonijiet tal-pjan ta' ristrutturar, u għalhekk il-kapaċità tal-għajnuna li tiżgura l-vijabbiltà fit-tul ta' Areva SA.

(87)

It-tielet, rigward il-prinċipju li l-għajnuna tingħata darba biss, jekk il-pjan ta' ristrutturar ma jiżgurax li l-Grupp Areva jkun kapaċi jassumi l-obbligi tiegħu għat-tlestija tal-proġett OL3, jistgħu jinħolqu obbligi addizzjonali fil-forma ta' danni assoċjati ma' dewmien ulterjuri. Imbagħad ikun impossibbli li tiġi approvata għajnuna ġdida mill-Istat minħabba l-prinċipju ta' darba biss.

(88)

Sabiex tinstab soluzzjoni għal dawn id-dubji u mistoqsijiet, TVO tinsisti fuq il-ħtieġa li kwalunkwe pjan ta' ristrutturar għandu jinkludi:

(89)

Siemens, flimkien ma' żewġ kumpaniji oħrajn tal-Grupp Areva (Areva GmbH u Areva NP), hija msieħba fil-Konsorzju involut fil-proġett OL3. Għalkemm il-Grupp Areva huwa responsabbli għal sehem akbar mill-proġett, il-membri tal-Konsorzju huma responsabbli b'mod konġunt fil-konfront ta' TVO, il-klijenta tagħhom, għat-tlestija tal-proġett.

(90)

Għalkemm il-grupp Siemens jappoġġja bis-sħiħ l-intervent tal-Istat Franċiż favur il-Grupp Areva, madankollu huwa jesprimi riżervi f'diversi livelli.

(91)

Siemens tqajjem dubji l-ewwel nett fuq l-adegwatezza tal-għajnuna biex tkopri l-impenji u r-riskji li għandha Areva SA:

(92)

Imbagħad Siemens tistaqsi kif l-istruttura li trid twettaq il-proġett OL3 ser ikollha l-mezzi legali, umani, finanzjarji, operattivi suffiċjenti biex tkun tista' tlestih, jekk l-attivitajiet u l-mezzi operattivi fil-kostruzzjoni jridu jiġu trasferiti lil Nouvel Areva NP, li trid tinbiegħ lil EDF. L-esternalizzazzjoni kważi inevitabbli tat-twettiq ta' parti mill-proġett lil Nouvel Areva NP tista' […].

(93)

Siemens hija mħassba wkoll dwar imblukkar […] minn TVO fuq ir-ristrutturar tal-Grupp Areva li jrid jiżola OL3 fi struttura speċifika, […].

(94)

Skont Siemens, dawn ir-riskji jistgħu jkunu koperti b'mekkaniżmi addizzjonali bħal (i) mezzi finanzjarji addizzjonali mħallsa mill-Istat Franċiż, (ii) garanzija tal-Istat fuq kwalunkwe obbligazzjoni addizzjonali relatata mal-proġett OL3, jew inkella (iii) impenn mill-Istat Franċiż li jiffinanzja kwalunkwe rekwiżit ta' kapital addizzjonali relatat mal-proġett.

(95)

Fl-aħħar nett, minħabba s-solidarjetà bejn Siemens u l-Grupp Areva fi ħdan il-Konsorzju, Siemens tibża' li jkollha ġġorr l-ispejjeż finanzjarji li l-Grupp Areva ma jkunx jiflaħ iġorr, li, fil-fehma tagħha, huwa kuntrarju għall-prinċipju tat-tqassim tal-piżijiet stabbilit fil-Linji gwida.

(96)

Parti terza li xtaqet tibqa' anonima, tallerta lill-Kummissjoni dwar id-distorsjonijiet fil-kompetizzjoni maħluqa mill-għajnuna investigata. Skont din il-parti terza, mhux Nouvel Areva biss iżda wkoll Nouvel Areva NP ser joħorġu msaħħin mir-ristrutturar, bis-saħħa tal-intervent tal-Istat.

(97)

L-impriżi li jirċievu appoġġ mill-Istat jiksbu vantaġġ kompetittiv kbir fis-settur tal-enerġija nukleari. Dan huwa kkaratterizzat minn kompetizzjoni intensiva ħafna u ħtieġa ta' garanziji dejjem akbar.

(98)

Fl-aħħar nett, il-parti terza anonima tqis li l-kooperazzjoni futura bejn Nouvel Areva u Nouvel Areva NP ser toħloq sinerġiji qawwija li jwasslu biex jippreġudikaw il-kompetizzjoni.

(99)

Il-kummenti ta' Franza huma mqassma f'erba' fażijiet, li jikkorrispondu għad-dubji ewlenin imqajma mill-Kummissjoni fid-deċiżjoni tal-ftuħ. Bħala punt preliminari, l-awtoritajiet Franċiżi jippruvaw juru li l-unika miżura lil tista' tikkostitwixxi għajnuna mill-Istat hija ż-żieda tal-kapital ta' Areva SA u ta' Nouvel Areva. Imbagħad huma jwieġbu għad-dubji tal-Kummissjoni dwar ir-realiżmu tas-suppożizzjonijiet sottostanti għall-pjan tan-negozju, il-proporzjonalità tal-ammont tal-għajnuna, u l-miżuri kompetittivi proposti.

(100)

L-awtoritajiet Franċiżi jfakkru l-ewwel nett li l-possibbiltà li l-Grupp Areva jagħti għajnuna mill-Istat lil partijiet terzi billi jbiegħ is-sussidjarji tiegħu bi prezz baxx wisq (i) mhijiex rilevanti għal din il-proċedura, u (ii) tidher għal kollox teoretika peress li l-Grupp Areva huwa mħeġġeġ li jimmassimizza d-dħul tal-bejgħ tiegħu. Huma jindikaw ukoll li l-Grupp Areva ma jieħu ebda għajnuna mill-bejgħ ta' Nouvel Areva NP u ta' Areva TA, li żgur jimmobilizza riżorsi tal-Istat iżda jsir bi prezz tas-suq.

(101)

Rigward Nouvel Areva NP, l-awtoritajiet Franċiżi jispjegaw li ġie introdott mod ta' governanza partikolari fi ħdan EDF biex jiġi żgurat li l-interessi ta' EDF ikunu ppreservati. Bħala parti minn din il-governanza, inħoloq grupp ta' ħidma magħmul minn amministraturi indipendenti speċifikament għall-akkwist ta' Nouvel Areva NP, sabiex jivverifika l-konformità ta' din l-operazzjoni mal-interess soċjali ta' EDF u jagħti opinjoni indipendenti lill-Bord tad-Diretturi ta' EDF. Ebda rappreżentant tal-Istat ma jpoġġi f'dan il-grupp ta' ħidma. Huwa fuq il-bażi tax-xogħlijiet ta' dan il-grupp, li kkummissjona b'mod partikolari studju ta' valutazzjoni lill-bank Société Générale, li EDF finalment adottat id-deċiżjoni tal-akkwist.

(102)

L-awtoritajiet Franċiżi spjegaw ukoll li huma kienu finalment għażlu l-iskema ta' tqassim f'sussidjarji minn isfel għal fuq għall-implimentazzjoni tal-akkwist minn EDF tal-attività tar-reatturi tal-Grupp Areva. Dawn l-arranġamenti ġodda ta' bejgħ ma jaffettwawx, skont l-awtoritajiet Franċiżi, l-eżerċizzju tal-valutazzjoni mwettaq mill-partijiet u l-kunsilli tagħhom bis-suppożizzjoni tal-iskema ta' bejgħ preċedenti: EUR 2,5 biljun għal 100 % tal-ekwità. Irrispettivament mit-termini legali tal-bejgħ, ir-realtà ekonomika tibqa' fil-fatt l-istess għal EDF, li ser tilqa' l-attivitajiet storiċi ta' Areva NP mingħajr ma tassumi r-riskju marbut mal-proġett OL3. EDF ser tkun ukoll protetta mir-riskji relatati mal-kuntratti tal-komponenti. Dawn ir-riskji ċertament ma ġewx ikkunsidrati fl-eżerċizzju tal-valutazzjoni ta' Jannar 2016, iżda l-mekkaniżmu ta' protezzjoni li sabu l-partijiet jippermetti li ma jinbidilx fis-sustanza.

(103)

Rigward Areva TA, il-proċess ta' valutazzjoni ġie organizzat f'żewġ fażijiet, skont il-prattiki attwali tas-suq: (i) bejn Jannar u Mejju 2016, il-Grupp Areva pprovda informazzjoni finanzjarja, operattiva, legali u fiskali lill-konsorzju ta' xerrejja u organizza diversi sessjonijiet ta' ħidma mal-grupp ta' tmexxija ta' Areva TA; (ii) il-konsorzju mbagħad kellu aċċess għal “data room” u seta' jikkomunika mal-maniġment ta' Areva TA b'mistoqsijiet u tweġibiet. F'dan il-kuntest, il-Grupp Areva u x-xerrej huma mgħejuna minn 12-il konsulent legali, bankarju u speċjalisti fid-diliġenza dovuta (“due diligence”) finanzjarja.

(104)

Fit-18 ta' Awwissu 2016, il-konsorzju xerrej deskritt fil-premessa 27 għamel offerta li tivvaluta t-titoli ta' Areva TA għal EUR [0-2 biljun]. Din il-valutazzjoni hija bbażata fuq il-metodu tal-fluss tal-flus skontati (metodu “discounted cash flows”, minn hawn 'il quddiem, “metodu DCF”) applikat għal pjan ta' negozju mibni fuq suppożizzjonijiet validati max-xerrej. Dan il-prezz inżamm fil-kuntratt tal-bejgħ iffirmat fil-15 ta' Diċembru 2016.

(105)

Għaldaqstant l-awtoritajiet Franċiżi jqisu li l-valutazzjoni magħżula finalment hija bbażata fuq metodi komunement aċċettati, wara d-diliġenzi tas-soltu.

(106)

L-awtoritajiet Franċiżi l-ewwel jippreżentaw trajettorja finanzjarja aġġornata ta' Nouvel Areva. Din it-trajettorja hija bbażata fuq suppożizzjonijiet meqjusa partikolarment konservattivi: (i) il-prezz tal-uranju tnaqqas, […], (ii) il-projezzjonijiet tal-attività tal-minjieri tnaqqsu, (iii) ġie kkunsidrat riskju addizzjonali rigward il-[…], (iv) ġie integrat tisħiħ tal-pjan ta' tnaqqis tal-ispejjeż għall-arrikkiment u l-konverżjoni, (v) l-ispiża relatata mal-implimentazzjoni tal-iskema ta' tqassim f'sussidjarji minn isfel għal fuq ġiet stabbilizzata għal EUR [200-900 miljun] fuq il-perjodu 2016-2025. Is-suppożizzjonijiet tax-xenarju degradat ukoll ġew riveduti 'l isfel, skont loġika simili.

(107)

L-awtoritajiet Franċiżi jwieġbu mbagħad għad-diversi dubji mqajma mill-Kummissjoni dwar il-pjan ta' ritorn għall-vijabbiltà.

(108)

L-awtoritajiet Franċiżi jargumentaw li, minħabba t-tul taċ-ċikli tal-industrija nukleari, it-telf prinċipali tas-sinerġiji ser iseħħ essenzjalment fi żmien li jaqbeż it-trajettorji finanzjarji tal-Grupp Areva (2016-2025). Fil-fatt Nouvel Areva għandha ktieb tal-ordnijiet mimli sewwa għall-ħames snin sa għaxar snin li ġejjin, li jiżgura ċerta inerzja fl-evoluzzjoni tal-ishma tagħha tas-suq. Madankollu din il-karatteristika hija komuni għall-fornituri kollha tal-materjal nukleari, peress li l-kuntratti ta' provvista ġeneralment ikopru bosta snin, tipikament minn ħamsa sa għaxar snin skont it-tip ta' materjal (uranju grezz, konvertit, arrikkit) u t-tip ta' klijent. Madankollu, id-diversi trasferimenti ppjanati u b'mod partikolari dak ta' Nouvel Areva NP ser jippenalizzaw il-pożizzjoni kompetittiva ta' Nouvel Areva fuq terminu itwal.

(109)

Barra minn hekk, il-Grupp Areva qed jimplimenta Pjan ta' Prestazzjoni u Kompetittività li ser jnaqqas l-impatt fuq terminu iqsar tal-bejgħ ta' Nouvel Areva NP fuq l-ispejjeż tal-istruttura tiegħu. Rigward pereżempju r-restrizzjoni tax-xiri l-Pjan inkwistjoni għandu l-għan li jagħmel qligħ f'dan il-qasam biex ipatti għat-telf ta' volumi ta' xiri sussegwenti għall-bejgħ ta' Nouvel Areva NP. It-trajettorja finanzjarja degradata tassumi madankollu li ser jintlaħqu biss sa [50-100] % tal-objettivi tal-Pjan, u għalhekk ser jinħass impatt negattiv.

(110)

L-awtoritajiet Franċiżi u l-Grupp Areva identifikaw il-fatturi ewlenin ta' riskju li jheddu l-futur ta' Nouvel Areva. Huwa indikat li x-xenarju bażiku huwa diġà konservattiv ħafna u li għalhekk ftit huwa probabbli li s-suppożizzjonijiet degradati kollha jseħħu kollha f'daqqa.

(111)

L-ewwel wieħed minn dawn il-fatturi huwa r-rata tal-kambju euro/dollaru. […]. Kull xahar issir analiżi tal-iskoperturi u koperturi jiġu kkuntrattati gradwalment sabiex ikopru perċentwal minimu tal-maturità futura. Barra minn hekk, ċerti attivitajiet, bħall-minjiera, igawdu parzjalment minn protezzjoni naturali kontra dan ir-riskju: b'hekk, 50 % tal-produzzjoni tal-minjieri ta' Nouvel Areva ser issir fil-Kanada, li l-munita tagħha hija korrelatata mad-dollaru.

(112)

It-tieni riskju jirrigwarda […]. Il-konsegwenzi fix-xenarju degradat huma ta' madwar EUR – [0-100 miljun] fuq il-fluss tal-flus operattiv totali fuq il-perjodu 2016-2025. L-awtoritajiet Franċiżi jispeċifikaw li l-Grupp Areva diġà qed jimplimenta sensiela ta' miżuri ta' ottimizzazzjoni u ta' tnaqqis tal-ispejjeż biex jillimita l-impatt ta' dan ir-riskju: dawn jikkonsistu f'titjib operattiv bl-għan li […]. Dan it-titjib huwa inkluż fil-Pjan ta' Prestazzjoni u ta' Kompetittività li jibqa' għaddej sal-2018, […] jistgħu jiġu mfittxija wara l-2018 jekk ir-riskju kellu jimmaterjalizza.

(113)

It-tielet riskju identifikat jirrigwarda l-konsegwenzi ta' nuqqas eventwali ta' […]. Dan ir-riskju jidher ftit li xejn probabbli għall-awtoritajiet Franċiżi, peress li […]. Madankollu, nuqqas […] ikun ta' piż fuq id-dħul ta' Nouvel Areva.

(114)

It-trajettorji finanzjarji ta' Nouvel Areva fl-aħħar nett jieħdu inkunsiderazzjoni ċertu għadd ta' perikli […], ta' amplitudni differenti skont jekk jinsabx fix-xenarju bażiku jew degradat. Dawn il-perikli jilħqu ammont ta' EUR [1-2 biljun] fix-xenarju degradat fuq il-perjodu 2016-2025, jiġifieri EUR [0-1 biljun] aktar mix-xenarju bażiku. L-awtoritajiet Franċiżi jindikaw l-azzjonijiet korrettivi li jistgħu jiġu implimentati: miżuri kummerċjali jew ta' produttività addizzjonali (pereżempju l-ottimizzazzjoni tax-xiri u t-tnaqqis tas-salarji), jew modulazzjoni tal-pjan ta' investiment […].

(115)

Bi tweġiba għad-dubju mqajjem mill-Kummissjoni fil-premessa 151 tad-deċiżjoni tal-ftuħ, l-awtoritajiet Franċiżi jispjegaw li, fix-xenarju bażiku, il-ħtieġa ta' finanzjament ta' Nouvel Areva għandha tfeġġ […]. Madankollu, huwa mistenni li sa din id-data Nouvel Areva tkun sabet proporzjonijiet finanzjarji tajbin biżżejjed sabiex l-użu tas-swieq tal-bonds ikun possibbli mingħajr ma jkun kompromess il-karattru ta' “grad ta' investiment” tal-impriża.

(116)

Iżda fix-xenarju degradat, Nouvel Areva tkun teħtieġ finanzjament ta' […]. Madankollu, l-awtoritajiet Franċiżi jispjegaw li Nouvel Areva tkun tista' tagħmel il-konsolidazzjoni […], mingħajr ma tikkomprometti r-ritorn għall-vijabbiltà tal-impriża […].

(117)

L-awtoritajiet Franċiżi ntrabtu li Areva SA ma teżerċitax attivitajiet oħrajn għajr dawk speċifikament previsti fil-pjan ta' ristrutturar notifikat lill-Kummissjoni. Abbażi ta' dan, huma jqisu li Areva SA ser ikollha riżorsi suffiċjenti biex tkun tista' tkopri l-ħtiġijiet finanzjarji tagħha.

(118)

L-awtoritajiet Franċiżi jikkonfermaw is-suppożizzjonijiet tagħhom dwar l-ispejjeż tat-tlestija tal-proġett OL3 matul il-perjodu 2017-2025. Dawn il-projezzjonijiet ser iwasslu għal fluss tal-flus negattiv ta' EUR [0-2 biljun] fil-perjodu kkunsidrat. […].

(119)

Ibbażat fuq dawn is-suppożizzjonijiet, il-pjan ta' direzzjoni tan-negozju ta' Areva SA juri surplus ta' likwidità ta' EUR [0-500 miljun] fi tmiem il-perjodu fix-xenarju bażiku, u ta' EUR [0-100 miljun] fil-każ degradat. […].

(120)

L-ewwel nett, huwa mfakkar li diġà ġew irreġistrati provvedimenti kbar għat-telf u għall-indeboliment tal-assi, u li l-prezz tal-ishma huwa f'livell storikament baxx. Ir-responsabbiltà tat-tmexxija fil-passat hija għalhekk sostnuta b'mod wiesa' mill-azzjonisti minoritarji, skont il-proporzjon tal-parteċipazzjoni tagħhom.

(121)

It-tieni, l-awtoritajiet Franċiżi jantiċipaw li l-Awtorità tas-Swieq Finanzjarji (Autorité des Marchés Financiers, minn hawn 'il quddiem, “AMF”) ser iġġiegħel lill-Istat jippreżenta offerta pubblika ta' rtirar. Il-prezz propost lill-azzjonisti ser ikun ikkontrollat mill-qrib mill-AMF, li ser tara li jintuża metodu ta' valutazzjoni fuq diversi kriterji.

(122)

Rigward is-surplus possibbli ta' likwidità mqajjem fil-premessa 172 tad-deċiżjoni tal-ftuħ, l-awtoritajiet Franċiżi jikkunsidraw li l-fatt li l-likwidità mobilizzata biex jiġi implimentat il-pjan ta' ristrutturar taqbeż l-ispejjeż tar-ristrutturar ma jimplikax minnu nnifsu li l-ammont tal-għajnuna mhuwiex limitat għall-minimu. Fil-fatt, il-Linji gwida jistabbilixxu limitu minimu għall-kontribuzzjoni proprja iżda ma jistabbilixxux la limitu massimu u lanqas l-eżistenza ta' relazzjoni matematika bejn l-ammont tal-għajnuna mill-Istat u l-ammont tal-ispejjeż ta' ristrutturar.

(123)

Fi kliem ieħor, l-awtoritajiet Franċiżi jikkunsidraw li trid issir distinzjoni ċara bejn iż-żewġ kriterji legali separati li huma, minn naħa, il-finanzjamenti meħtieġa minħabba t-trajettorji finanzjarji biex jintlaħaq ir-ritorn għall-vijabbiltà u, min-naħa l-oħra, il-limitazzjoni tal-ammont tal-għajnuna mill-Istat għall-minimu permezz tar-rekwiżit ta' kontribuzzjoni proprja kbira għall-ispejjeż tar-ristrutturar. Din l-interpretazzjoni hija spjegata mill-prattika tat-teħid ta' deċiżjonijiet tal-Kummissjoni (18), li fil-passat aċċettat li l-kontribuzzjoni proprja taqbeż l-ispejjeż tar-ristrutturar mingħajr ma din il-likwidità eċċessiva ma tfisser li l-għajnuna ma kinitx limitata għall-minimu tagħha.

(124)

Fl-aħħar nett, l-awtoritajiet Franċiżi jenfasizzaw il-ħtieġa li l-Grupp Areva jkollu riżerva ta' likwidità f'każ li kellu jseħħ ix-xenarju degradat.

(125)

Dwar id-dubji li qajmet il-Kummissjoni rigward il-karattru reali u fattwali tal-kontribuzzjoni proprja tal-Grupp Areva, l-awtoritajiet Franċiżi jagħmlu għadd ta' kjarifiki u jfakkru li l-Kummissjoni, fil-prattika tat-teħid ta' deċiżjonijiet tagħha, aċċettat li l-bejgħ futur ta' assi jiddaħħal fil-kontijiet bħala kontribuzzjoni proprja sakemm il-valur tas-suq tagħhom ikun ġie stmat minn esperti indipendenti (19).

(126)

Dwar il-bejgħ ta' Nouvel Areva NP, l-awtoritajiet Franċiżi jfakkru l-eżistenza ta' eżerċizzji ta' valutazzjoni indipendenti, li ntbagħtu lill-Kummissjoni man-notifika. Franza tenfasizza wkoll l-elementi li jistabbilixxu l-karattru reali u fattwali tal-bejgħ ta' Nouvel Areva NP: l-ewwel nett, il-kuntratt tax-xiri minn EDF ta' ishma ta' Nouvel Areva NP iffirmat fil-15 ta' Novembru 2016; imbagħad, il-fatt li l-kundizzjonijiet sospensivi li għalihom huwa soġġett il-bejgħ ma jippreġudikawx il-karattru ċert tiegħu. Għalhekk, l-awtoritajiet Franċiżi huma kunfidenti dwar il-konklużjonijiet tal-ASN rigward il-programm ta' ġustifikazzjoni relatat mat-tank ta' Flamanville 3, peress li t-testijiet kollha inklużi f'dan il-programm saru mingħajr ma rriżulta xi nuqqas ta' konformità għal EDF u għall-Grupp Areva. Barra minn hekk, […] in-negozjati ma' TVO ma jippreġudikawx il-bejgħ ta' Nouvel Areva NP iżda jaffettwaw biss l-iskeda tiegħu.

(127)

Rigward il-bejgħ ta' Canberra, l-awtoritajiet Franċiżi jfakkru li l-implimentazzjoni tiegħu hija effettiva mill-1 ta' Lulju 2016.

(128)

Il-bejgħ ta' Areva TA wasal biex jiġi finalizzat, kif jirriżulta mill-informazzjoni fil-qosor mogħtija fil-premessi 103 sa 105 ta' din id-deċiżjoni.

(129)

Rigward is-sussidjarja Elta, ECA Group bagħat ftehim ta' xiri unilaterali fl-4 ta' Awwissu 2016 u l-bejgħ ġie rreġistrat fl-1 ta' Diċembru 2016 għall-prezz ta' EUR [0-10 miljun].

(130)

Huwa previst li l-parteċipazzjoni tal-Grupp Areva fis-sussidjarja tiegħu Adwen tinbiegħ kollha, bi prezz minimu ta' EUR 60 miljun garantit mill-grupp Gamesa. Il-bejgħ effettiv huwa ppjanat li jsir fil-bidu ta' Jannar 2017.

(131)

Iżda l-bejgħ […] mhuwiex ser isir qabel […].

(132)

Fl-aħħar nett, rigward il-parteċipazzjoni ta' investituri terzi fiż-żieda tal-kapital ta' Nouvel Areva, l-awtoritajiet Franċiżi jindika li rċevew espressjonijiet ta' interess mingħand […] il-gruppi Ġappuniżi JNFL u MHI […]. In-negozjati jinsabu fl-istat li ġej. Kull wieħed mill-gruppi MHI u JNFL għamel offerta definittiva […] għal 5 % tal-kapital ta' Nouvel Areva, stmati għal EUR 250 miljun. […].

(133)

Skont l-awtoritajiet Franċiżi, il-bejgħ ta' Nouvel Areva NP huwa miżura kompensatorja ta' kobor pjuttost sinifikanti peress li ser iwassal għal sempliċi rtirar tal-Grupp minn għadd ta' swieq li fuqhom il-grupp EDF issa ser janima l-kompetizzjoni. Bil-bejgħ ta' Nouvel Areva NP, il-Grupp Areva ser jitlef terz mill-assi tiegħu u madwar nofs il-fatturat tiegħu. Ser jitlef ukoll il-vantaġġi kollha tal-mudell integrat żviluppat f'dawn l-aħħar ħmistax-il sena, u b'hekk ikun qed jagħmel bidla strateġika ta' importanza ewlenija. Barra minn hekk, il-Grupp Areva ser jitlef flussi ta' flus pożittivi li Nouvel Areva NP ser tiġġenera matul il-perjodu.

(134)

In sostenn ta' dan l-argument, l-awtoritajiet Franċiżi jirritornaw fid-dettall għad-diversi punti mqajma mill-Kummissjoni fid-deċiżjoni tal-ftuħ.

(135)

L-awtoritajiet Franċiżi jfakkru li “Il-miżuri li jillimitaw id-distorsjonijiet tal-kompetizzjoni għandhom jindirizzaw kemm it-tħassib dwar il-perikli morali u kemm id-distorsjonijiet possibbli fis-swieq fejn jopera l-benefiċjarju”, filwaqt li jitqiesu “l-karatteristiċi tas-suq ikkonċernat” (20).

(136)

F'dan il-każ, kull riskju ta' periklu morali fil-fehma tagħhom huwa eskluż peress li t-telf tal-passat inġarr mill-azzjonisti eżistenti tal-Grupp Areva, l-ewwel fosthom l-Istat, permezz ta' provvedimenti u deprezzamenti tal-assi. Barra minn hekk, minħabba l-karatteristiċi tas-swieq inkwistjoni, l-għajnuna mill-Istat iżżomm aktar il-kompetizzjoni effettiva milli tillimitaha peress li l-parti l-kbira tas-swieq li fihom ser tkun attiva Nouvel Areva għandhom struttura oligopolistika li tkun aggravata jekk jgħib attur.

(137)

Skont l-awtoritajiet Franċiżi, tqabbil tas-sitwazzjoni tas-swieq fix-xenarju kontrofattwali ta' ebda għajnuna juri biċ-ċar li ż-żamma tal-Grupp Areva biss tippermetti li tinżamm kompetizzjoni effettiva fis-swieq.

(138)

Għalhekk, il-bejgħ ta' Nouvel Areva NP huwa miżura kompensatorja xierqa, b'mod speċjali minħabba li jimponi telf ta' sinerġiji fuq terminu qasir fuq il-Grupp Areva, u fuq terminu medju jċaħħdu mill-prospetti ta' żvilupp partikolarment profittabbli deskritti hawn taħt fit-taqsima 4.4.2.

(139)

Il-Grupp Areva integrat kellu forza tal-bejgħ u ta' kummerċjalizzazzjoni integrata li kienet tikkumerċjalizza l-uranju naturali, is-servizzi ta' konverżjoni, ta' arrikkiment, u tat-tfassil u l-manifattura ta' assemblaġġi ta' fjuwils, u kwalunke kombinazzjoni possibbli ta' dawn il-prodotti u servizzi. Il-fatt li l-bejgħ tal-assemblaġġi tal-fjuwils ġie integrat mal-upstream kien jagħti lill-Grupp Areva vantaġġ informattiv u kummerċjali importanti. Fil-fatt, l-elettriċisti normalment ikollhom xerrej wieħed għall-provvista ta' assemblaġġi ta' fjuwils. Minħabba li l-assemblaġġi tal-fjuwils ftit jistgħu jiġu sostitwiti bejniethom, fornitur tal-assemblaġġi huwa interlokutur importanti għal elettriċista, li mhuwiex il-każ ta' fornitur upstream li l-prodotti u s-servizzi tiegħu huma funġibbli.

(140)

L-awtoritajiet Franċiżi jagħtu l-eżempju ta' elettriċista […] li l-Grupp Areva seta' jbiegħlu, f'sejħa għall-offerti għal assemblaġġi ta' fjuwils, prodotti u servizzi tal-upstream. Fil-fatt, [5-10] klijenti minn 10 illum huma klijenti kemm ta' Areva NC kif ukoll ta' Areva NP.

(141)

Barra minn hekk, is-separazzjoni tal-attivitajiet ta' Nouvel Areva NP ser tikkomplika l-ottimizzazzjoni loġistika: Fil-futur Nouvel Areva jkollha taħdem mal-manifatturi tal-assemblaġġi tal-fjuwils ta' Nouvel Areva NP bħal fil-każ tal-manifatturi l-oħrajn kollha Amerikani u Ewropej u għalhekk ser titlef ottimizzazzjonijiet loġistiċi, billi żżid pereżempju l-ispejjeż tal-kunsinna u tnaqqas il-kapaċità tagħha ta' produzzjoni ta' uranju arrikkit.

(142)

L-awtoritajiet Franċiżi jispjegaw ukoll li kwalunkwe fornitur ta' prodotti u servizzi tal-upstream taċ-ċiklu appoġġjat minn fornitur ta' assemblaġġi tal-fjuwils u ta' reatturi għandu bla dubju vantaġġ kompetittiv għall-offerti tal-bidu taċ-ċiklu. Fil-fatt, ix-xerrej ta' impjant ġdid ikun jeħtieġ ġeneralment mingħand il-manifattur li jipprovdilu l-ewwel qalba tar-reattur kif ukoll l-iċċarġjar eventwali. Bl-integrazzjoni ma' Areva NP, l-attività upstream tal-Grupp Areva kellha aċċess awtomatiku għal din id-domanda. Il-Grupp Areva seta' wkoll jinnegozja kundizzjonijiet aktar vantaġġjużi għall-uranju tiegħu, peress li dawn in-negozjati jsiru normalment b'mod mhux irregolat, mingħajr proċedura miftuħa. Fl-aħħar nett, dan it-tip ta' kuntratti jista' jippermetti l-ħolqien ta' relazzjoni kummerċjali, l-aktar fi swieq b'aċċess diffiċli bħaċ-Ċina.

(143)

Dan il-vantaġġ kompetittiv intwera fil-kuntratti nnegozjati mill-Grupp Areva għar-reatturi ta' OL3, ta' Taishan 1 u 2, […]. Għal Taishan 1 u 2, pereżempju, […]. Kundizzjonijiet bħal dawn ma kinux jistgħu jiġu nnegozjati mingħajr il-benefiċċji tal-integrazzjoni: bi tqabbil, il-Grupp Areva seta' jikkuntratta […].

(144)

B'hekk, il-bejgħ futur kollu ta' reatturi minn Nouvel Areva NP huma daqstant opportunitajiet mitlufa għal Nouvel Areva li tbiegħ materjal taċ-ċiklu upstream fl-aqwa kundizzjonijiet. Skont l-awtoritajiet Franċiżi, Nouvel Areva NP ser tkun f'pożizzjoni tajba biex tirbaħ il-proġetti […]. Nouvel Areva NP tista' wkoll tikkwalifika għall-proġetti […]. Minħabba t-tul taċ-ċikli nukleari, dan it-telf ta' sinerġiji, madankollu, mhux ser iseħħ qabel jintemm il-perjodu li tiegħu l-Grupp Areva pprovda trajettorji finanzjarji.

(145)

Dan it-telf ta' sinerġiji huwa partikolarment evidenti fil-ħajja bikrija ta' reattur, iżda jista' jimmaterjalizza wkoll tul kemm idum jaħdem. Ċerti elettriċisti jippreferu fil-fatt jirrikorru għal offerta unifikata, li tinkludi x-xiri tal-uranju, servizzi ta' konverżjoni, ta' arrikkiment u ta' assemblaġġ, b'mod partikolari għar-reatturi li l-għeluq tagħhom huwa diġà ppjanat (tmiem il-ħajja).

(146)

Fl-aħħar nett, it-tmiem tal-integrazzjoni ser jikkomplika l-iżvilupp ta' sistema integrata għar-riċiklaġġ tal-uranju riproċessat, peress li din is-sistema teħtieġ grad għoli ta' koordinazzjoni loġistika bejn il-fornitur tal-assemblaġġi tal-fjuwils (Nouvel Areva NP) u l-fornitur ta' servizzi ta' riproċessar (Nouvel Areva).

(147)

Dan it-telf ta' sinerġiji kollu ser jippenalizza lil Nouvel Areva għall-benefiċċju tal-kompetituri tagħha. Kieku baqa' integrat, il-Grupp Areva kien ikun f'pożizzjoni ideali biex jibbenefika mill-irkupru mistenni mis-suq, b'mod partikolari minħabba t-tagħmir modernizzat li għandu. Suq kbir jinfetaħ pereżempju fis-segment tal-offerti lill-elettriċisti għall-ġestjoni tar-reatturi tagħhom fi tmiem il-ħajja. Iżda, minħabba t-telf ta' sinerġiji antiċipat, l-awtoritajiet Franċiżi u l-Grupp Areva jistrieħu fuq […].

(148)

Għall-kuntrarju, il-kompetituri ta' Nouvel Areva ser ikunu jistgħu jieħdu vantaġġ mill-opportunitajiet maħluqa mill-qasma tal-Grupp Areva, b'mod partikolari f'dak li jirrigwarda l-forniment ta'fjuwil lir-reatturi l-ġodda. Nouvel Areva ser ikollha tiġġieled kontra kompetituri integrati, bħal Rosatom, jew fil-proċess ta' integrazzjoni vertikali, bħal KHNP, Toshiba/Westinghouse jew CNNC.

(149)

Il-bejgħ ta' Nouvel Areva NP ser ikun […] għall-attivitajiet ta' Nouvel Areva fir-riċiklaġġ u fit-trattament tal-fjuwil użat. Il-bejgħ ta' MOX jiddependi fil-fatt mill-eżistenza fis-suq ta' grupp ta' reatturi b'ilma ħafif li jistgħu joperaw b'assemblaġġi ta' fjuwils MOX. Madankollu, il-kobor ta' dan il-grupp ta' reatturi jiddependi mill-isforzi li ser tagħmel Nouvel Areva NP sabiex tipproponi u timplimenta din it-teknoloġija fil-futur.

(150)

Id-deċiżjoni ta' elettriċista li jħaddem reattur bil-MOX tiddependi mill-kapaċità tiegħu li jiżgura l-prestazzjoni tar-reattur tiegħu u l-ispejjeż relatati. Dawn iż-żewġ fatturi jiddependu min-naħa tagħhom fuq il-kwalità tal-kooperazzjoni bejn id-disinjatur tal-assemblaġġi, u l-fornitur tal-materjal li fih l-MOX. S'issa, din il-kooperazzjoni kienet possibbli minħabba l-abbiltà tal-Grupp Areva li jibbilanċja bejn l-interessi diverġenti ta' dawn l-entitajiet.

(151)

Għalhekk, Nouvel Areva NP […] tippromwovi l-proliferazzjoni ta' reatturi li jużaw il-MOX sakemm […]. S'issa, l-appartenenza għall-istess grupp kienet tippermetti ftehimiet bejn il-gruppi […] kapaċi li jallinjaw l-interessi diverġenti taż-żewġ attivitajiet. Dan mhux ser jibqa' jseħħ fil-futur, u allura huwa previst telf kbir ta' sinerġiji fit-tul.

(152)

Telf ta' sinerġiji ser jinħass ukoll fis-segmenti tad-dekummissjonar u tal-loġistika. L-attivitajiet ta' dekummissjonar huma integrati ħafna ma' dawk tad-disinn tar-reatturi u tal-forniment ta' servizzi lill-bażi installata. Fir-rigward tal-attivitajiet ta' loġistika, illum dawn huma klijenti ta' Areva NP f'żewġ modi: għat-trasport tal-għodod ta' manutenzjoni kontaminati, u għat-trasport tal-assemblaġġi tal-fjuwils. Dawn is-servizzi fi ħdan il-grupp aktarx li jew jiġu internalizzati minn Nouvel Areva NP, jew li jitqiegħdu f'kompetizzjoni fil-futur.

(153)

Is-swieq tad-dekummissjonar u tal-loġistika huma żewġt iswieq dinamiċi, li fuqhom il-Grupp Areva […].

(154)

L-awtoritajiet Franċiżi pprovdew lill-Kummissjoni l-Protokoll ta' ftehim tat-28 ta' Lulju 2016 bejn EDF u l-Grupp Areva. L-Anness 7 ta' dan il-Protokoll jirrigwarda l-ħolqien ta' sħubija strateġika u industrijali globali.

(155)

Skont l-awtoritajiet Franċiżi, din is-sħubija ma tistax toħloq mill-ġdid is-sinerġiji mitlufa […].

(156)

[…] l-awtoritajiet Franċiżi jenfasizzaw li Nouvel Areva NP u Nouvel Areva waslu biex jidħlu f'loġika ta' klijent/fornitur. […].

(157)

Għalhekk, ebda sħubija strateġika ma tista' tirriproduċi l-forza ta' arbitraġġ u tas-sinerġiji tal-passat fi ħdan il-grupp.

(158)

Madankollu, bi tweġiba għall-oġġezzjonijiet tal-Kummissjoni dwar dan il-punt, l-awtoritajiet Franċiżi ntrabtu li, matul il-perjodu ta' ristrutturar, Nouvel Areva NP taħt il-kontroll ta' EDF u Nouvel Areva ma jidħlu f'ebda sħubija strateġika jew ftehim qafas ieħor għal kooperazzjoni kummerċjali li tfittex li tiffavorixxi lil Nouvel Areva fis-sitwazzjonijiet fejn Nouvel Areva NP tkun tixtieq tipproponi lil klijent offerta integrata ma' fornitur ta' materjal nukleari, fis-swieq definiti fil-premessi (344) u (347) — provvista ta' assemblaġġi ta' fjuwils u l-kostruzzjoni ta' reatturi ġodda. Dan l-impenn ma jipprevjenix li Nouvel Areva u Nouvel Areva NP jifformulaw offerti konġunti diment li Nouvel Areva ntgħażlet fuq il-bażi ta' kriterji kummerċjali u tekniċi.

(159)

Filwaqt li jfakkru l-importanza tas-sħubijiet fil-qasam nukleari, l-awtoritajiet Franċiżi ntrabtu li, matul il-perjodu ta' ristrutturar, il-Grupp Areva (Areva SA u Nouvel Areva) u l-impriżi taħt il-kontroll tiegħu jżommu lura milli jakkwistaw, b'mod dirett jew indirett, parteċipazzjonijiet fi kwalunkwe impriża li mhijiex diġà taħt il-kontroll tiegħu, ħlief għall-proġetti li huma indispensabbli għall-vijabbiltà fit-tul tal-Grupp Areva. Dan l-impenn ma japplikax għall-akkwisti ta' parteċipazzjonijiet magħmula minn Nouvel Areva u l-impriżi li hija tikkontrolla direttament jew indirettament, għal finijiet ta' ġestjoni finanzjarja (i) tal-fondi tad-dekummissjonar li l-Grupp Areva huwa meħtieġ li jmexxi skont obbligu legali jew regolatorju; (ii) tal-fondi tal-pensjoni tal-persunal tal-Grupp Areva; (iii) tal-investimenti ta' likwidità. Huma ntrabtu wkoll li l-Grupp Areva (Areva SA u Nouvel Areva) iżomm lura milli jippreżenta l-appoġġ li jgawdi bħala vantaġġ kompetittiv meta jikkummerċjalizza l-prodotti u s-servizzi tiegħu.

(160)

L-awtoritajiet Franċiżi jqisu li Areva SA ser tkun kapaċi tiffinanzja l-ħtiġijiet stmati tagħha.

(161)

Minn naħa, huwa żbaljat li wieħed jaħseb li l-Grupp Areva, permezz tal-iskema ta' ristrutturar magħżula, ser jikkomprometti t-tlestija ta' OL3. Is-suċċess ta' dan il-proġett huwa essenzjali għall-entitajiet kollha li għandhom sehem mir-ristrutturar: Areva SA naturalment, iżda wkoll Nouvel Areva (għall-provvista tal-fjuwil) u Nouvel Areva NP (għall-valur ta' dimostrazzjoni ta' dan l-ewwel EPR). Areva SA ser ikollha r-riżorsi kollha operattivi meħtieġa, li mhumiex ser ikunu soġġetti għal diverżjoni u għal kontribuzzjoni immedjata lil Nouvel Areva NP, biex jitlesta l-proġett u d-dubji kollha ta' TVO dwar dan għandhom jitneħħew.

(162)

B'mod partikolari, l-awtoritajiet Franċiżi jenfasizzaw l-eżistenza ta' […] kooperazzjoni speċifika bejn Areva NP u Nouvel Areva NP li tippermetti lil Areva NP li tirrikorri għal Nouvel Areva NP hekk kif dan ikun meħtieġ […].

(163)

Min-naħa l-oħra, il-ħtiġijiet ta' Areva SA ġew stmati tajjeb mill-awtoritajiet Franċiżi, b'mod konservattiv.

(164)

Rigward l-ispejjeż ta' tlestija ta' OL3, l-istima tal-Grupp Areva hija barra minn hekk komparabbli jew saħansitra aktar konservattiva minn dik ta' TVO, bl-eċċezzjoni ta' […], iżda l-awtoritajiet Franċiżi jiċħdu […], nieqsa mill-fehma tagħhom minn kwalunkwe kredibbiltà. L-awtoritajiet Franċiżi ma jikkummentawx l-istima ta' Siemens li, f'tali livell ta' aggregazzjoni, ma tippermettix analiżi dettaljata.

(165)

Rigward il-ħsarat u l-interessi li jistgħu jirriżultaw minn kundanna eventwali fit-tilwima b'arbitraġġ, […].

(166)

Skont l-awtoritajiet Franċiżi, ikun totalment mhux xieraq u mhux konformi mal-għanijiet u l-ispirtu tar-regoli dwar ir-ristrutturar li jiżdied l-ammont tal-għajnuna sabiex jiġi garantit lil terzi l-ħlas tad-danni li eventwalment jistgħu jingħatawlhom bħala parti minn litigazzjoni mibdija kontra l-benefiċjarju tal-għajnuna. L-ewwel nett, dan it-tip ta' periklu ma jaqax fid-definizzjoni tal-perikli li jridu jiġu kkunsidrati fl-istabbiliment tal-każ degradat. Il-Linji gwida jirreferu biss fil-fatt għal fatturi makroekonomiċi u kummerċjali. It-tieni, żieda bħal din tal-għajnuna tkun kontra l-prinċipji tal-proporzjonalità u ta' limitazzjoni tal-ammont tal-għajnuna għall-minimu strett. It-tielet, l-argumenti ta' TVO u ta' Siemens jwasslu fir-realtà biex l-Istat jiggarantixxi s-solvenza tad-debitur/ko-debitur eventwali in solidum tagħhom, li jikkostitwixxi għajnuna mill-Istat lil Siemens u lil TVO. Madankollu, il-Kummissjoni rrikonoxxiet b'mod espliċitu li l-garanziji tal-Istat fuq tilwim ipotetiku jikkostitwixxu għajnuna mill-Istat (21) u diġà eskludiet il-prinċipju tal-kompatibbiltà tagħhom (22). Ir-raba', l-argumenti ta' Siemens u TVO huma inkonsistenti peress li ma jinkludux il-possibbiltà ta' riżultat pożittiv għall-Konsorzju. Il-ħames, f'każ ta' arbitraġġ mhux favorevoli, […].

(167)

Rigward il-[…]. L-awtoritajiet Franċiżi ppreżentaw diversi argumenti.

(168)

Rigward […].

(169)

Barra minn hekk, il-problemi ta' segregazzjoni tal-karbonju ta' oriġini regolatorja waslu biex jiġu solvuti fuq il-proprjetà eżistenti ta' EDF. L-ASN awtorizzat it-tħaddim mill-ġdid tar-reatturi tal-kumpless Franċiż operattiv li għandhom ġeneraturi tal-fwar manifatturati fi Creusot (li fihom kienu ġew identifikati problemi ta' segregazzjoni tal-karbonju), u ta' tmienja mit-tnax-il reattur li għandhom ġeneraturi tal-fwar manifatturati mis-sieħeb Ġappuniż ta' Areva NP.

(170)

Mhemm l-ebda ħjiel ta' anomaliji lanqas sa issa fiċ-ċirkwit ewlieni ta' Taishan. Fi kwalunkwe każ, il-kuntratt jistipula li r-responsabbiltà kuntrattwali tal-Grupp Areva hija limitata għal EUR [0-1 biljun] għall-proġett ta' Taishan.

(171)

[…], kwalunkwe talba tkun teħtieġ li tinġieb evidenza ta' ħsara ċerta, jiġifieri difett reali tas-sigurtà f'xi parti li twassal għal riskju għoli ta' ħsara.

(172)

Għall-kwistjonijiet kollha li jinvolvu r-responsabbiltajiet ċivili tal-Grupp Areva, l-awtoritajiet Franċiżi indikaw lill-Kummissjoni li […].

(173)

F'dak li jirrigwarda l-argument ta' Siemens li jallega li r-riżorsi pproġettati ta' Areva SA għandhom jippermettulha tkopri ammont teoretiku massimu li jkopri r-riskji teoretikament possibbli, l-awtoritajiet Franċiżi jenfasizzaw li l-eżempji tal-prattika tad-deċiżjonijiet tal-Kummissjoni li fuqhom huwa bbażat ir-raġunament ta' Siemens ġejjin kollha minn proċedimenti miftuħa fil-qafas temporanju tal-għajnuna għar-ristrutturar ta' istituzzjonijiet finanzjarji fil-kuntest tal-kriżi ekonomika u finanzjarja. Dan ir-raġunament issuġġerit b'analoġija minn Siemens mhuwiex għalhekk, skont l-awtoritajiet Franċiżi, effettiv f'dan il-każ. Dawn jindikaw ukoll li l-agħar xenarju fl-ambitu tal-Linji gwida ma jistax ikopri r-riskji kollha teoretikament possibbli iżda jrid jibqa' fl-isfera tal-avvenimenti possibbli.

(174)

Fl-aħħar nett, bi tweġiba għall-argument ta' Siemens li kapitalizzazzjoni baxxa ta' Areva SA tikser il-prinċipju ta' tqassim ġust tal-piżijiet li jaqa' taħt il-Linji gwida, l-awtoritajiet Franċiżi jfakkru li l-applikazzjoni ta' dan il-prinċipju tirrigwarda biss lill-azzjonisti u lill-kredituri subordinati, li ma għandhomx ikunu mħarsa indebitament mill-effetti tal-għajnuna.

(175)

L-ewwel nett, l-awtoritajiet Franċiżi jindikaw li Urenco kkontribwiet ħafna għall-kapaċità żejda li, minn Fukushima 'l hawn, tikkaratterizza s-suq tal-arrikkiment tal-uranju. B'hekk, is-sehem ta' Urenco fil-kapaċità dinjija tal-arrikkiment irdoppja bejn l-2007 u l-2015, meta dak tal-Grupp Areva naqas.

(176)

L-awtoritajiet Franċiżi mbagħad juru li l-għajnuna mill-Istat mhija ser toħloq l-ebda distorsjoni fil-kompetizzjoni, għall-kuntrarju, ser ikollha sehem fl-animazzjoni tal-kompetizzjoni fit-tul.

(177)

Fis-swieq tal-loġistika u tad-dekummissjonar, il-preżenza relattivament modesta tal-Grupp Areva turi li l-għajnuna mhija ser toħloq ebda distorsjoni fil-kompetizzjoni. B'mod simetriku, il-Grupp Areva huwa l-uniku attur mondjali li jopera fabbrika ta' riproċessar fuq skala industrijali u ż-żamma tagħha f'dan is-segment ma tistax għalhekk tagħmel ħsara lil kompetizzjoni li ma teżistix.

(178)

Fis-segmenti tal-minjiera, tal-konverżjoni u tal-arrikkiment, wieħed josserva strutturi tas-suq ikkonċentrati ħafna, peress li l-Grupp Areva huwa barra minn hekk l-uniku grupp Ewropew ewlieni fis-segmenti tal-minjiera u tal-konverżjoni. L-għajbien tal-Grupp Areva minn dawn is-segmenti jkollu għalhekk konsegwenzi anti-kompetittivi peress li jippromwovi konċentrazzjoni saħansitra akbar.

(179)

Barra minn hekk, il-Grupp Areva mhux ser ikun imsaħħaħ indebitament mill-għajnuna mill-Istat fuq is-segment partikolari tal-arrikkiment. L-ewwel nett, l-awtoritajiet Franċiżi jinnutaw li l-kapaċità tal-Grupp Areva li jiffirma kuntratti ta' servizzi ta' arrikkiment mhijiex korrelatata mal-klassifikazzjoni finanzjarja tiegħu, iżda pjuttost ma' karatteristiċi oħrajn bħall-prezz tal-forniment, il-flessibbiltà kuntrattwali, il-kwalità tal-loġistika, eċċ. It-tieni, il-fergħa tal-arrikkiment tal-Grupp Areva (il-Kumpanija tal-Arrikkiment ta' Tricastin (Société d'Enrichissement du Tricastin, minn hawn 'il quddiem, “SET”) diġà tagħmel qligħ u hija awtonoma finanzjarjament, […].[…], din l-attività ser tikkontribwixxi aktar għar-ritorn għall-vijabbiltà tal-Grupp Areva ristrutturat, milli ser tibbenefika hija stess mill-għajnuna. It-tielet, Areva ilha ma tkun attiva fil-kummerċ ta' SWUs għal mill-inqas 10 snin, […].

(180)

L-awtoritajiet Franċiżi jirreferu għall-argument espost fl-osservazzjonijiet tagħhom tat-12 ta' Settembru 2016 biex ifakkru li l-għajbien tas-sinerġiji relatati mal-mudell integrat ser jippenalizza mhux biss l-attivitajiet tal-bidu u ta' tmiem iċ-ċiklu, iżda wkoll u b'mod aktar ġenerali l-attivitajiet kollha tul iċ-ċiklu tal-ħajja tar-reattur. Il-bejgħ ta' Nouvel Areva NP huwa għalhekk miżura kompensatorja suffiċjenti. Għar-raġunijiet diġà esposti fl-istess osservazzjonijiet, is-sħubija strateġika ma' EDF mhijiex ser toħloq dawn is-sinerġiji mill-ġdid, u l-fatt li l-Istat Franċiż huwa l-azzjonist taż-żewġ gruppi ma jibdel xejn peress li dawn huma entitajiet ekonomiċi indipendenti b'setgħa li jieħdu deċiżjonijiet awtonomi.

(181)

Rigward b'mod aktar speċifiku d-diversi miżuri rakkomandati minn Urenco, l-awtoritajiet Franċiżi jargumentaw dan li ġej:

(182)

Il-Kummissjoni trid teżamina jekk il-miżuri kkonċernati minn din il-proċedura jistgħux jikkostitwixxu għajnuna mill-Istat fis-sens tal-Artikolu 107(1) tat-TFUE.

(183)

Skont l-Artikolu 107(1) tat-Trattat, “kull għajnuna mogħtija minn Stat Membru jew permezz ta' riżorsi tal-Istat fi kwalunkwe forma li tfixkel jew thedded li tfixkel il-kompetizzjoni billi tiffavorixxi ċerti impriżi jew il-produzzjoni ta' ċerti oġġetti għandha, safejn tolqot il-kummerċ bejn l-Istati Membri, tkun inkompatibbli mas-suq intern”.

(184)

Abbażi ta' din id-dispożizzjoni, il-Kummissjoni tqis li l-kwalifika ta' miżura pubblika bħala għajnuna mill-Istat tassumi li l-kundizzjonijiet kollha f'daqqa huma ssodisfati, jiġifieri: (i) il-miżura trid tingħata mill-Istat jew permezz ta' riżorsi tal-Istat, (ii) trid tagħti vantaġġ ekonomiku lill-benefiċjarju tagħha, (iii) dan il-vantaġġ irid ikun selettiv, u (iv) il-miżura inkwistjoni trid twassal għal distorsjoni jew thedded li toħloq distorsjoni fil-kompetizzjoni u tista' taffettwa l-kummerċ bejn l-Istati Membri.

(185)

Għalkemm dawn iż-żewġ interventi jidhru separati, il-Kummissjoni tqis li s-sottoskrizzjoni tal-Istat għaż-żidiet ta' kapital ta' Areva SA u ta' Nouvel Areva rispettivament għandha titqies bħala għajnuna waħda mqiegħda għad-dispożizzjoni tal-Grupp Areva. Jirriżulta fil-fatt mill-analiżi tad-diffikultajiet u tad-dejn tal-Grupp Areva li dan kollu kemm hu għandu bżonn ta' kapital. Il-fatt li din il-ħtieġa globali ta' rikapitalizzazzjoni tiġi allokata sussegwentement bejn Areva SA u Nouvel huwa biss modalità ta' implimentazzjoni tar-rikapitalizzazzjoni tal-Grupp Areva.

(186)

Din is-sottoskrizzjoni hija attribwibbli lill-Istat u ġejja minn riżorsi tal-Istat. Fil-fatt, iż-żewġ żidiet ta' kapital ser jkunu sottoskritti direttament mill-Istat permezz tar-riżorsi proprji.

(187)

Din is-sottoskrizzjoni tagħti vantaġġ ekonomiku lill-Grupp Areva. Minn naħa, dan l-investiment ser jtejjeb il-qagħda tal-Grupp Areva peress li ser jkun jista' jiffaċċja parti konsiderevoli tad-dejn tiegħu. Min-naħa l-oħra, il-Grupp Areva ma kienx ikun kapaċi jikseb kapitali bħal dawn f'kundizzjonijiet normali tas-suq, peress li ebda investitur privat ma kien jissottoskrivi xi żieda ta' kapital tal-Grupp Areva f'dawn il-kundizzjonijiet fid-dawl tas-sitwazzjoni finanzjarja deterjorata tiegħu. Iż-żewġ investituri terzi MHI u JNFL mhumiex ser jikkontribwixxu għall-kapital tal-Grupp Areva bl-istess mod tal-Istat Franċiż, peress li l-investiment tagħhom ser jirrigwarda biss waħda miż-żewġ entitajiet tal-Grupp Areva ristrutturat (Nouvel Areva), u għal ammont […] żgħir.

(188)

B'hekk il-vantaġġ mogħti lill-Grupp Areva huwa selettiv. Fil-fatt, is-sottoskrizzjoni tal-Istat għal dawn iż-żidiet ta' kapital hija miżura ad hoc, li tibbenefika biss lill-Grupp Areva għall-ħtiġijiet tar-ristrutturar tiegħu.

(189)

Fl-aħħar nett, il-vantaġġ mogħti lill-Grupp Areva permezz tas-sottoskrizzjoni tal-Istat għaż-żewġ żidiet ta' kapital jista' jaffettwa l-kummerċ bejn l-Istati Membri. Fil-fatt, id-diversi swieq li fuqhom huwa attiv il-Grupp Areva huma kkaratterizzati minn kummerċ kbir bejn dawn l-Istati. F'dan ir-rigward, il-Kummissjoni diġà kellha l-okkażjoni tikkunsidra li s-swieq nukleari għandhom tal-anqas dimensjoni Ewropea (23). Barra minn hekk, il-vantaġġ mogħti lill-Grupp Areva jipprovdilu riżorsi finanzjarji addizzjonali li jippermettulu jibqa' attiv fis-suq. Għaldaqstant, il-miżura tista toħloq distorsjoni fil-kompetizzjoni.

(190)

Fid-dawl ta' dak li ntqal, il-Kummissjoni tikkonkludi li s-sottoskrizzjoni tal-Istat Franċiż għaż-żidiet ta' kapital ta' Areva SA u ta' Nouvel Areva tikkostitwixxi għajnuna mill-Istat fis-sens tal-Artikolu 107(1) tat-TFUE, favur il-Grupp Areva, li tammonta għal EUR 4,5 biljun.

(191)

Fid-deċiżjoni tal-ftuħ, il-Kummissjoni nnutat li l-bejgħ ippjanat mill-Grupp Areva seta' jikkostitwixxi għajnuna la ma kienx ser jsir bi prezz tas-suq. F'dan il-każ din kienet ser tkun kemm għajnuna lix-xerrej, jekk il-prezz tal-bejgħ jiġi kkunsidrat baxx iżżejjed, kif ukoll għajnuna għall-bejjiegħ (Grupp Areva), jekk il-prezz tal-bejgħ jitqies għoli żżejjed — peress li l-għajnuna lill-bejjiegħ mhijiex rilevanti ħlief fil-każ ta' bejgħ lil entità pubblika oħra, diment li l-kriterji ta' responsabbiltà u ta' riżorsi tal-Istat huma ssodisfati. Il-Kummissjoni tfakkar li skont il-punt 63 tal-Linji gwida, il-bejgħ li jinvolvi element ta' għajnuna lill-bejjiegħ (Grupp Areva) ma jistax jittieħed inkunsiderazzjoni fil-kalkolu tal-kontribuzzjoni proprja.

(192)

Rigward il-bejgħ lil partijiet terzi minbarra dawk pubbliċi (Canberra, Elta, Adwen), il-Kummissjoni tirrikonoxxi li x-xenarju ta' għajnuna mill-Grupp Areva lil dawn ix-xerrejja, permezz ta' prezz baxx iżżejjed, mhuwiex realistiku peress li l-Grupp Areva għandu kull interess li jimmassimizza l-prodotti ta' dan il-bejgħ. Barra minn hekk, dan il-bejgħ seħħ permezz ta' proċessi kompetittivi li jistgħu jimmassimizzaw il-prezz li jista' jinkiseb mill-Grupp Areva.

(193)

Rigward min-naħa l-oħra l-bejgħ ta' Nouvel Areva NP u l-bejgħ ta' Areva TA, ma setax ikun eskluż a priori li EDF jew li l-konsorzju pubbliku xerrej ta' Areva TA jiffissaw offerta bi prezz indebitament għoli sabiex jagħtu vantaġġ lill-Grupp Areva. Madankollu, il-Kummissjoni tista' tikkonkludi, fuq il-bażi tar-raġunament mogħti aktar 'l isfel fil-partijiet 5.1.2.1 u 5.1.2.2, li dan il-bejgħ isir bi prezz tas-suq, li jeskludi vantaġġ ekonomiku fis-sens tal-Artikolu 107(1) tat-TFUE.

(194)

Il-bejgħ lil EDF ta' sehem prinċipali f'Nouvel Areva NP ma sarx bi proċedura miftuħa, trasparenti u inkundizzjonali ta' offerti. Madankollu, bejgħ gradwali tal-ishma ta' kontroll huwa prattika komuni tas-suq. Rigward Nouvel Areva NP, jeħtieġ ukoll li jiġu kkunsidrati l-qasam tal-attività u r-rabtiet mal-operat tal-impjanti nukleari, li fih il-bejgħ ta' parteċipazzjonijiet ta' kontroll bi proċedura ta' ħrug ta' offerti mhijiex prattika komuni tas-suq. Barra minn hekk, qabel ma jaqblu mal-bejgħ tal-parteċipazzjoni, il-partijiet għat-tranżazzjoni użaw evalwazzjonijiet indipendenti, sabiex kull wieħed minnhom jiddetermina l-prezz tal-bejgħ. Għalkemm huwa veru li bħala miżura finali prezz tal-bejgħ effettiv huwa r-riżultat ta' negozjati bejn bejjiegħ u xerrej miftiehma, xorta jibqa' l-fatt li l-użu ta' tali evalwazzjonijiet għan-negozjati qabel il-qbil fuq il-prezz huwa wkoll prattika komuni tas-suq, li jista' jużaha anki investitur prudenti (24).

(195)

F'dak li jirrigwarda l-kontenut tal-evalwazzjonijiet, wara eżerċizzju ta' evalwazzjoni tal-valur tal-parteċipazzjoni bbażata fuq approċċ b'diversi kriterji, il-konsulent finanzjarju ta' EDF, il-bank BNP Paribas, ħareġ l-opinjoni li ġejja fl-24 ta' Lulju 2015: “Fuq il-bażi tal-Informazzjoni u l-karatteristiċi tal-Operazzjoni msemmija hawn fuq, jidher li sal-lum, il-prezz ta' EUR 2,7 biljun għal 100 % tal-kapital ta' Areva NP propost minn EDF bħala parti mill-Operazzjoni huwa raġonevoli fil-fehma tagħna għal EDF, minn perspettiva strettament finanzjarja.” EDF imbagħad għamlet użu mis-servizzi tal-bank Société Générale biex tibda l-fażi tad-diliġenza dovuta. L-awtoritajiet Franċiżi taw lill-Kummissjoni preżentazzjoni dettaljata tar-riżultati ta' din id-diliġenza dovuta, datata Jannar 2016, li fiha Société Générale japprova l-valur, innegozjat mill-ġdid bejn il-partijiet, ta' EUR 2,5 biljun għal 100 % tal-ekwità.

(196)

L-eżerċizzju ta' valutazzjoni li sar minn Société Générale huwa dettaljat ħafna (127 paġna ta' analiżi) u huwa bbażat fuq il-metodu DCF, komunement aċċettat fil-kwistjonijiet finanzjarji.

(197)

L-ewwel nett, Société Générale reġa' ħadem mill-ġdid ma' EDF il-pjanijiet ta' direzzjoni tan-negozju li għamel il-Grupp Areva għal kull waħda mill-ħames fergħat ta' attività li jidħlu fl-ambitu fil-mira ta' Nouvel Areva NP: bażi installata, assemblaġġi tal-fjuwils, manifattura, proġetti kbar, u oħrajn (funzjonijiet ta' appoġġ, perikli, eċċ.). Dawn il-pjanijiet ta' direzzjoni tan-negozju huma validi sal-2023. L-aġġustamenti jirrigwardaw għadd kbir ta' suppożizzjonijiet dwar għadd ta' proġetti ta' Nouvel Areva NP. […] (25).

(198)

Minn dawn il-pjanijiet ta' direzzjoni tan-negozju, il-valur tal-impriża ta' kull fergħa ta' attività huwa kkalkulat permezz ta' metodu DCF. Société Générale japplika għal dan kost medju ponderat tal-kapital (minn hawn 'il quddiem, “WACC”) differenti għal kull fergħa ta' attività, skont ir-riskju inerenti għal kull waħda minn dawn l-attivitajiet. Dan il-WACC huwa stmat permezz ta' metodoloġija CAPM (Capital Asset Pricing Model) relattivament avvanzata: għal kull fergħa ta' attività, WACC huwa stmat għal kull pajjiż li fih hija attiva l-impriża, imbagħad WACC ponderat huwa kkalkulat minn dawn il-WACCs ġeografiċi differenti. Ir-rati mingħajr riskju huma derivati minn diversi sorsi rikonoxxuti (SG Research, Bloomberg, Imsieħba finanzjarji), il-primjums ta' riskju tal-pajjiżi huma bbażati fuq ix-xogħlijiet tal-Professur Damodaran tal-Università NYU Stern, u l-ispiża tad-dejn hija bbażata fuq il-primjum ta' riskju tal-bonds ta' impriżi simili. Dawn l-impriżi simili, magħżulin minn Société Générale skont diversi kriterji speċifiċi għal kull fergħa ta' attività, jintużaw ukoll sabiex jiġi ddeterminat il-beta ta' kull attività. Il-kampjun ta' impriżi simili huwa magħmul minn seba' kumpaniji elenkati għall-fergħa ta' attività tal-fjuwils, ħamsa għall-bażi installata, sitta għall-manifattura u sitta għall-proġetti l-kbar. Il-valuri beta miksubin b'dan il-mod huma kkorroborati mit-tqabbil mat-tbassir ta' beta pprovdut mill-mudell li jikkunsidra ħafna fatturi Barra.

(199)

L-analiżi, ibbażata fuq il-metodu DCF, tal-valur ta' kull fergħa ta' attività tinkludi wkoll valur terminali wara l-2023. Din ġiet ikkalkulata fuq il-bażi tal-metodu ta' Gordon Shapiro billi nżamm fluss standard meqjus rappreżentattiv tal-kapaċità ta' ġenerazzjoni ta' flus tal-attività. Intgħażlet suppożizzjoni ta' rata ta' tkabbir infinita żero għall-fergħat kollha tal-attività.

(200)

Saru analiżijiet tas-sensittività fuq dawn il-valuri korporattivi permezz ta' varjazzjoni fil-parametri bħall-WACC jew il-marġni tal-EBITDA. Id-dejn nett ta' kull fergħa ta' attività mbagħad ġie mnaqqas minn dawn il-valuri korporattivi, sabiex jinkiseb minnhom il-valur tal-ekwità. It-total ta' dawn l-ammonti differenti skont il-fergħa ta' attività jagħti l-valur globali tal-ekwità ta' Nouvel Areva NP. Société Générale stmat li wieħed seta' jiddeduċi minn din il-valutazzjoni multiplu EBITDA ta' […]. Dan il-multiplu ta' EBITDA jidher raġonevoli peress li huwa inqas mill-medji u medjani tal-multipli ta' EBITDA osservati għal tranżazzjonijiet simili — peress li Société Générale għażel kampjun ta' 19-il tranżazzjoni rappreżentattivi tad-diversi professjonijiet ta' Nouvel Areva NP.

(201)

Il-valur tad-diversi parametri magħżula għall-metodu DCF, kif ukoll dak tal-multiplu ta' EBITDA impliċitu, huma wkoll ikkorroborati mit-tqabbil mal-medji u l-medjani meħuda mill-istudju tal-impriżi komparabbli msemmi fil-premessa (198).

(202)

Fid-dawl ta' dak li ntqal, il-Kummissjoni tikkonferma s-sejba, diġà espressa fid-deċiżjoni tal-ftuħ, li l-eżerċizzju ta' valutazzjoni li għamlet EDF u l-konsulenti tagħha huwa bbażat fuq dejta oġġettiva disponibbli, verifikabbli u affidabbli, li tirrifletti s-sitwazzjoni ekonomika fiż-żmien meta ġiet deċiża l-operazzjoni. Din is-sejba ma ġiet ikkontestata minn ebda parti terza matul l-investigazzjoni. L-elementi l-ġodda li rriżultaw minn dan l-eżerċizzju ta' valutazzjoni, bħad-diviżjoni f'sussidjarji minn isfel għal fuq jew l-iskoperta tar-riskji fuq il-kuntratti tal-komponenti, ma jistgħux jaffettwaw ir-riżultat tiegħu peress li EDF qagħdet attenta li tipproteġi lilha nfisha għal kollox minn dawn ir-riskji, skont il-metodi deskritti fil-premessa 30.

(203)

Fuq il-bażi ta' din l-evalwazzjoni ta' EUR 2,5 biljun għal 100 % tal-ekwità, Société Générale uriet li EDF setgħet tistenna rata ta' redditu interna tal-investiment (minn hawn 'il quddiem, “IRR”) ta' [0-20] % fix-xenarju ċentrali. Dan ix-xenarju ċentrali jassumi output (għall-kalkolu tal-valur finali) fi […], u multiplu ta' output ekwivalenti għall-multiplu tal-input, jiġifieri […]x l-EBITDA.

(204)

Dan l-IRR irid jitqabbel mal-ispiża tal-ekwità, ponderata fuq id-diversi setturi ta' Nouvel Areva NP. F'dan il-każ, il-kalkoli ta' Société Générale, li huma bbażati fuq il-kriterji oġġettivi elenkati fil-premessa 198, jipprovdu l-indikazzjonijiet li ġejjin għal kull fergħa ta' attività: [0-10] % għall-fjuwil, [0-10] % għall-bażi installata, [0-20] % għall-proġetti l-kbar, [0-10] % għall-manifattura. Dawn l-estimi jidhru serji peress li huma bbażati fuq sorsi u metodoloġija komunement aċċettati, simili għal dawk li l-Kummissjoni stess użat f'każijiet oħrajn, appoġġjata mill-Qorti Ġenerali fejn kien meħtieġ (26). Jekk wieħed jippondera dawn l-estimi bis-sehem relattiv ta' kull fergħa ta' attività fil-fatturat ta' Nouvel Areva NP, wieħed jikseb spiża medja ponderata tal-ekwità ta' [0-10] %. L-IRR li EDF tista' tistenna mill-investiment f'Nouvel Areva NP huwa għalhekk ogħla mill-ispiża tal-ekwità fis-settur ikkunsidrat, inkluż f'ċertu numru ta' xenarji negattivi kkunsidrati fl-analiżijiet ta' sensittività (fuq is-sena u fuq il-multiplu tal-output) magħmula minn Société Générale.

(205)

Minħabba dawn il-fatturi oġġettivi, il-Kummissjoni tikkonkludi li l-bejgħ ta' Nouvel Areva NP qed isir f'kundizzjonijiet normali tas-suq li ma jwasslux għal vantaġġ ekonomiku la għax-xerrej (EDF) u lanqas għall-bejjiegħ (il-Grupp Areva), u għalhekk teskludi l-eżistenza ta' għajnuna mill-Istat.

(206)

L-awtoritajiet Franċiżi ċċaraw l-arranġamenti tal-bejgħ ta' Areva TA u pprovdew l-evidenza li tiġġustifika l-prezz ta' EUR [0-2 biljun] għal 100 % tal-ekwità. Din l-evidenza nġabret fil-qosor fi studju mid-ditta ta' konsultazzjoni finanzjarja […] datat is-6 ta' Diċembru 2016.

(207)

Bħala parti mid-diliġenza dovuta tiegħu, il-konsorzju xerrej fassal il-pjan ta' direzzjoni tan-negozju tiegħu għall-kumpanija Areva TA, fejn beda bil-viżjoni tal-bejjiegħ u aġġusta s-suppożizzjonijiet tat-tfassil tal-pjan fl-aħjar għarfien tiegħu.

(208)

Il-Kummissjoni rrevediet il-previżjonijiet u s-suppożizzjonijiet ta' dan l-eżerċizzju ta' valutazzjoni u tikkunsidra li dan jissodisfa r-rekwiżiti ta' kwalità ta' investitur prudenti. Huwa bbażat fuq dejta disponibbli oġġettiva, verifikabbli u affidabbli, li tirrifletti s-sitwazzjoni ekonomika fiż-żmien meta ġiet deċiża l-operazzjoni.

(209)

Minħabba dawn il-fatturi oġġettivi, il-Kummissjoni tqis li l-bejgħ ta' Areva TA qed isir f'kundizzjonijiet normali tas-suq li ma jwasslux għal vantaġġ ekonomiku la għax-xerrej u lanqas għall-bejjiegħ (il-Grupp Areva), u għalhekk teskludi l-eżistenza ta' għajnuna mill-Istat.

(210)

Is-sottoskrizzjoni tal-Istat għaż-żidiet ta' kapital ta' Areva SA u ta' Nouvel Areva hija għajnuna mill-Istat, fis-sens tal-Artikolu 107(1) tat-TFUE, li Franza qed tippjana li tagħti lil kumpanija, il-Grupp Areva, attiv f'oqsma koperti mit-Trattat Euratom.

(211)

It-Trattat Euratom jistabbilixxi l-Komunità Ewropea tal-Enerġija Atomika, waqt li jispeċifika l-istrumenti meħtieġa u jistabbilixxi r-responsabbiltajiet biex jintlaħqu għanijiet bħas-sikurezza nukleari, l-indipendenza enerġetika, id-diversità u s-sigurtà tal-provvisti tal-enerġija (27).

(212)

Kif irrikonoxxiet il-Kummissjoni fid-deċiżjonijiet preċedenti tagħha (28), il-promozzjoni ta' enerġija nukleari effiċjenti hija għan essenzjali tat-Trattat Euratom, u għalhekk tal-Unjoni. Kif jindika l-preambolu tat-Trattat Euratom, il-Kummissjoni bħala istituzzjoni tal-Komunità Ewropea tal-Enerġija Atomika hija meħtieġa li toħloq il-“kondizzjonijiet meħtieġa għall-iżvilupp ta' industrija nukleari b'saħħitha li tkun tista tipprovdi fornimenti estensivi ta' enerġija”. Dan l-obbligu jrid jiġi kkunsidrat meta l-Kummissjoni teżerċita s-setgħa diskrezzjonali tagħha għall-awtorizzazzjoni ta' għajnuna mill-Istat fuq il-bażi tal-Artikolu 107(3)(c) tat-TFUE u tal-Artikolu 108(2) tat-TFUE.

(213)

It-TFUE jiddefinixxi l-kundizzjonijiet li fihom għajnuna tista' tkun iddikjarata kompatibbli mas-suq intern. L-Artikolu 107(3)(c) tal-imsemmi TFUE jipprovdi li l-Kummissjoni tista' tawtorizza għajnuna mill-Istat meta tingħata biex tippromwovi l-iżvilupp ta' ċerti setturi ekonomiċi u diment li din l-għajnuna ma taffettwax ħażin il-kundizzjonijiet kummerċjali sa punt li jmur kontra l-interess komuni. Minħabba n-natura tal-miżura inkwistjoni, il-Kummissjoni ser tistabbilixxi jekk hijiex konformi mad-dispożizzjonijiet dwar l-għajnuna għar-ristrutturar stabbiliti fil-Linji gwida, minħabba d-dubji espressi fid-deċiżjoni tal-ftuħ tal-proċedura kif ukoll l-osservazzjonijiet ta' Franza u tal-partijiet terzi interessati.

(214)

Fi tmiem is-sena 2014, jiġifieri fil-bidu tal-perjodu ta' ristrutturar tal-Grupp Areva, dan kien jippreżenta ekwità negattiva ta' madwar EUR – 244 miljun. Peress li ġie rreġistrat telf ġdid minn dakinhar, is-sitwazzjoni tal-ekwità tal-Grupp Areva marret aktar lura fl-2015. L-ekwità tal-Grupp Areva kienet tammonta għal EUR – 2,3 biljun fil-31 ta' Diċembru 2015.

(215)

Fil-preżenza ta' ekwità negattiva, il-kriterju msemmi fil-punt 20(a) tal-Linji gwida huwa ssodisfat. Il-Grupp Areva għandu għalhekk jiġi kkunsidrat bħala impriża f'diffikultà, li jagħmilha eliġibbli għal għajnuna għar-ristrutturar.

(216)

It-Trattat Euratom jipprovdi, bħala objettivi ta' interess komuni, is-sikurezza nukleari, l-indipendenza enerġetika, id-diversità u s-sigurtà tal-fornimenti tal-enerġija. L-Artikolu 2(d) tat-Trattat Euratom jgħid fost l-oħrajn li l-Komunità Euratom trid tassigura d-distribuzzjoni regolari u ġusta ta' minerali u fjuwils nukleari lill-utenti kollha fil-Komunità. Jekk jiġi evitat l-għajbien tal-Grupp Areva, l-għajnuna investigata tikkontribwixxi għat-twettiq ta' dawn l-objettivi differenti.

(217)

Fil-fatt, l-għajnuna tippermetti s-sopravivenza tal-Grupp Areva, li huwa attur ewlieni fil-qasam nukleari Ewropew. Il-Grupp Areva huwa l-attur ewlieni Ewropew attiv fis-suq tal-estrazzjoni tal-uranju u l-uniku f'dawk tal-konverżjoni tal-uranju, tar-riċiklaġġ tal-fjuwils u tal-produzzjoni ta' MOX. Għandu l-kompetenzi meħtieġa biex jopera, fl-aħjar kundizzjonijiet ta' sigurtà u sikurezza, ċertu numru ta' “faċilitajiet bażiċi meħtieġa għall-iżvilupp tal-enerġija nukleari” fl-ambitu tal-Artikolu 2, bħal pereżempju s-siti jew l-installazzjonijiet ta' Comurhex II, l-Aja u Melox. Il-Grupp Areva fl-aħħar nett huwa attur Ewropew essenzjali għall-manifattura ta' fjuwils nukleari għar-reatturi ta' riċerka u ta' bersalli maħsuba biex jiġu irradjati għall-produzzjoni ta' isotopi radjuattivi għal użu mediku.

(218)

L-għajbien tiegħu jkollu għalhekk konsegwenzi immedjati f'termini ta' sikurezza nukleari, indipendenza enerġetika, diversità u sigurtà ta' fornimenti ta' enerġija Ewropej.

(219)

Il-Linji gwida jiddefinixxu wkoll il-kundizzjonijiet li fihom għajnuna għar-ristrutturar tikkontribwixxi għal għan ta' interess komuni. Dan huwa l-każ jekk l-għan tagħha huwa li tevita d-diffikultajiet soċjali jew li tirrimedja fallimenti tas-suq li jinħolqu mill-ħruġ tal-impriża mis-suq u mill-għajbien tal-attivitajiet tagħha.

(220)

Fost il-fallimenti tas-suq imsemmija fil-punt 44 tal-Linji gwida, dawk li japplikaw f'dan il-każ huma, skont is-swieq inkwistjoni, (i) ir-riskju ta' interruzzjoni ta' servizz importanti li huwa kkumplikat li jiġi riprodott u li kompetitur jista' diffiċilment jipprovdi minflok il-benefiċjarju, (ii) il-konsegwenzi negattivi tal-ħruġ mis-suq ta' impriża li għandha rwol sistemiku essenzjali f'settur partikolari, u (iii) telf irrekuperabbli ta' għarfien tekniku jew ta' ħiliet essenzjali. Il-mod kif l-għajnuna tippermetti li jiġu evitati dawn ir-riskji jew konsegwenzi dannużi huwa eżaminat, aktar 'l isfel, fil-premessi 223 sa 226.

(221)

Barra min hekk, il-Kummissjoni trid tivvaluta xenarji oħrajn minbarra s-sempliċi ħruġ mis-suq, pereżempju l-issuktar ta' ċerti attivitajiet wara l-likwidazzjoni mingħajr għajnuna mill-Istat. Il-Kummissjoni fil-fatt trid tassigura li l-għanijiet ta' interess komuni ma jintlaħqux bl-istess mod f'dawn ix-xenarji kontrofattwali li ma jinvolvux għajnuna. Din l-analiżi hija s-suġġett tat-taqsima 5.2.4 ta' din id-deċiżjoni.

(222)

Rigward il-konsegwenzi lil jkollu l-ħruġ tal-Grupp Areva minn dawn is-swieq, il-Kummissjoni tinnota dan li ġej.

(223)

Għall-attivitajiet tal-minjiera, peress li l-Grupp Areva huwa l-operatur Ewropew ewlieni tas-settur, il-ħruġ tiegħu mis-suq ikollu l-konsegwenza li l-forniment ta' uranju tal-Ewropa jkun jiddependi l-aktar minn operaturi mhux Ewropej, fosthom l-operaturi Russi (Rosatom) u Każakistani (KAP), li jirrappreżentaw madwar [30-50] % tas-suq (29). Ebda operatur Ewropew jew tal-Punent (pereżempju l-Kanadiż Cameco) ma jidher li jista' jsaħħaħ il-kapaċitajiet tal-minjieri tiegħu b'mod kompatibbli mal-għan li jiġu żgurati d-diversità u s-sigurtà tal-forniment tal-Unjoni. Il-ħruġ mis-suq tal-Grupp Areva jista' finalment iwassal ukoll għal żieda fil-prezzijiet tal-uranju minħabba l-konċentrazzjoni f'dan is-suq. Minn dan il-lat, il-Grupp Areva għandu rwol sistemiku essenzjali għall-fornimenti Ewropej ta' uranju.

(224)

F'dak li jirrigwarda l-attivitajiet ta' konverżjoni, il-Grupp Areva huwa l-aħħar operatur Ewropew attiv f'dan is-suq. L-għajbien tiegħu mis-suq ikollu konsegwenzi negattivi serji. L-ewwel nett, jikkomprometti l-indipendenza enerġetika tal-Unjoni, ladarba l-konverżjoni tal-uranju hija ħolqa indispensabbli fil-katina nukleari. Imbagħad, iwassal għal tnaqqis fl-intensità kompetittiva f'dan is-suq li diġà huwa kkonċentrat ħafna, li jista' jiġġenera spejjeż addizzjonali għall-elettriċisti Ewropej u allura, in fine, għall-konsumaturi Ewropej. Minn dan il-lat, il-Grupp Areva għandu rwol sistemiku essenzjali għall-attivitajiet Ewropej taċ-ċiklu tal-fjuwil u, kieku kellu jgħib, ikun hemm risku ta' interruzzjoni ta' servizz importanti.

(225)

Għall-attivitajiet ta' arrikkiment, il-Grupp Areva huwa wieħed miż-żewġ operaturi uniċi Ewropej mal-konsorzju Urenco. L-uniku operatur ieħor effettivament preżenti fis-suq Ewropew huwa r-Russu Tenex (il-grupp Rosatom). L-għajbien tal-attivitajiet tal-Grupp Areva jaffettwa l-istruttura tas-suq li mbagħad ikun ikkaratterizzat minn oligopolju fil-livell Ewropew, li aktarx iwassal għal żieda fil-prezzijiet. Għal darb'oħra, il-Grupp Areva għandu rwol sistemiku essenzjali, fil-kuntest tal-attivitajiet tiegħu ta' arrikkiment.

(226)

F'dak li jirrigwarda t-trattament u r-riċiklaġġ tal-fjuwil użat, il-Grupp Areva llum huwa l-uniku operatur fid-dinja fuq skala industrijali tat-teknoloġija tar-riċiklaġġ tal-fjuwil użat u tal-ipproċessar tiegħu f'MOX għar-reatturi b'ilma ħafif. Permezz tal-proċessi tiegħu, il-Grupp Areva jipprovdi [0-25] % tal-fjuwil riċiklat għall-ġenerazzjoni tal-elettriku fi Franza. Barra minn hekk, Franza għażlet li tafda f'idejn il-Grupp Areva r-responsabbiltà industrijali tar-riċiklaġġ. Din hija għalhekk ħolqa essenzjali tal-politika ta' ġestjoni tal-fjuwils użati fi Franza u b'mod aktar ġenerali fl-Unjoni. F'dawn il-kundizzjonijiet, l-għajbien mis-suq tal-Grupp Areva jista' jikkomprometti serjament il-funzjonament tajjeb tas-suq fi ħdan l-Unjoni billi jwassal għal telf irrimedjabbli tal-għarfien tekniku, tal-ħiliet essenzjali u billli jikkważa l-interruzzjoni ta' servizz essenzjali li ebda kompetitur ieħor ma jista' sal-lum jipprovdi minfloku.

(227)

Il-Kummissjoni tikkonkludi li l-għajnuna għar-ristrutturar notifikata mill-awtoritajiet Franċiżi, billi tevita l-għajbien tal-Grupp Areva u tal-attivitajiet tiegħu fiċ-ċiklu tal-fjuwil nukleari, tippermetti li jingħelbu l-fallimenti tas-suq li jinħolqu b'għajbien bħal dan.

(228)

Biex l-għajnuna għar-ristrutturar tikkontribwixxi b'mod effettiv għat-twettiq tal-għanijiet ta' interess komuni msemmija hawn fuq, irid jintwera li r-ristrutturar ippjanat jippermetti li tiġi stabbilita l-vijabbiltà fit-tul tal-impriża. Madankollu, il-Kummissjoni kellha dubji fid-deċiżjoni tal-ftuħ dwar kemm kienu reali ċerti suppożizzjonijiet tal-pjan ta' ritorn għall-vijabbiltà fit-tul tal-Grupp Areva.

(229)

L-analiżi tar-ritorn għall-vijabbiltà tal-Grupp Areva għandha tapplika għall-Grupp Areva ristrutturat, li fil-futur ser jinkludi żewġ entitajiet: (i) Nouvel Areva u (ii) Areva SA. Dawn iż-żewġ entitajiet ser ikollhom attivitajiet separati u ambiti ta' kontabilità separati. Biex jiġi vvalutat ir-ritorn għall-vijabbiltà tal-Grupp Areva, huwa possibbli li wieħed janalizza b'mod separat u suċċessiv il-pjan ta' direzzjoni tan-negozju ta' kull waħda minn dawn iż-żewġ entitajiet.

(230)

L-awtoritajiet Franċiżi bagħtu lill-Kummissjoni l-pjan ta' direzzjoni tan-negozju ta' Nouvel Areva, f'xenarju bażi u f'xenarju degradat. Il-projezzjonijiet finanzjarji assoċjati ma' dawn ix-xenarji huma murija fit-Tabella 1 u t-Tabella 2 hawn taħt.

Tabella 1

It-trajettorja finanzjarja ta' Nouvel Areva (xenarju bażi)

Tabella 2

It-trajettorja finanzjarja ta' Nouvel Areva (xenarju degradat)