(1)

Is-suġġett tal-inizjattiva taċ-ċittadini proposta bl-isem ta' “Stop Extremism” jirreferi għal li ġej “Nitolbu lill-Kummissjoni Ewropea sabiex tipproponi leġiżlazzjoni sabiex tipprevjeni l-konsegwenzi negattivi tal-estremiżmu, fuq kollox għas-Suq Intern”.

(2)

L-objettivi ddikjarati tal-inizjattiva taċ-ċittadini proposta huma: “Skont id-dispożizzjonijiet proposti tad-dritt tal-Unjoni, l-Istati Membri għandhom jużaw: (1) motivazzjoni pożittiva biex jiżguraw li l-estremiżmu fis-Suq Intern jiġi identifikat u eskluż; (2) it-trasparenza biex ikun faċli biex iċ-ċittadini u n-negozji kollha jidentifikaw l-appoġġ (finanzjarju) għall-estremiżmu; u (3) il-liġi dwar il-qgħad u l-benefiċċji ta' kumpens biex jiġi miġġieled l-estremiżmu b'mod effettiv fis-Suq Intern”.

(3)

Jistgħu jiġu adottati atti legali tal-Unjoni bl-iskop li jimplementaw it-Trattati, abbażi tal-Artikolu 114 tat-TFUE, għall-approssimizzazzjoni tad-dispożizzjonijiet stipulati b'liġi, regolament jew azzjoni amministrattiva fl-Istati Membri li għandhom bħala l-għan tagħhom it-twaqqif u t-tħaddim tas-suq intern.

(4)

Madankollu, skont ġurisprudenza stabbilita tal-Qorti tal-Ġustizzja, rikors għall-Artikolu 114 tat-TFUE huwa ġġustifikat biss meta jkun hemm differenzi bejn il-liġijiet, ir-regolamenti jew dispożizzjonijiet amministrattivi tal-Istati Membri li huma tali li jxekklu d-drittijiet fundamentali u għaldaqstant għandhom effett dirett fuq il-funzjonament tas-suq intern, filwaqt li sempliċi konstatazzjoni tad-differenzi bejn ir-regoli nazzjonali mhijiex biżżejjed. Jekk l-għan ta' miżura huwa li tipprevjeni l-ħolqien ta' ostakli futuri għall-kummerċ b'riżultat tad-diverġenzi fil-liġijiet nazzjonali, il-ħolqien ta' dawn l-ostakli jrid ikun probabbli u l-miżura inkwistjoni trid tkun imfassla biex tipprevenihom.

(5)

Rigward il-miżuri fil-qasam tal-liġi dwar l-impjiegi, l-Artikolu 153 tat-TFUE jista' jservi bħala bażi ġuridika għal att legali tal-Unjoni li jistipula dispożizzjonijiet li jikkonċernaw il-protezzjoni tal-ħaddiema meta jintemm il-kuntratt ta' impjieg tagħhom. Bl-istess mod, l-Artikolu 19 tat-TFUE jista' jservi bħala bażi għal miżuri li jkollhom l-għan li jiġġieldu d-diskriminazzjoni abbażi tal-oriġini razzjali jew etnika, ir-reliġjon jew it-twemmin, inkluż fuq il-post tax-xogħol.

(6)

It-Trattat dwar l-Unjoni Ewropea (TUE) jirrinforza ċ-ċittadinanza tal-Unjoni u jsaħħaħ aktar il-funzjonament demokratiku tal-Unjoni billi jipprevedi, inter alia, li kull ċittadin ikollu d-dritt li jipparteċipa fil-ħajja demokratika tal-Unjoni permezz ta' inizjattiva taċ-ċittadini Ewropej.

(7)

Għal dan il-għan, il-proċeduri u l-kundizzjonijiet meħtieġa għall-inizjattiva taċ-ċittadini għandhom ikunu ċari, sempliċi, faċli biex jintużaw u proporzjonali man-natura tal-inizjattiva taċ-ċittadini sabiex titħeġġeġ il-parteċipazzjoni taċ-ċittadini u biex l-Unjoni ssir aktar aċċessibbli.

(8)

Għal dawn ir-raġunijiet, ikun adegwat li wieħed jikkunsidra li l-inizjattiva taċ-ċittadini proposta ma taqax manifestament barra mill-qafas tas-setgħat tal-Kummissjoni, li permezz tagħhom hija tista' tressaq proposta għal att legali tal-Unjoni għall-fini tal-implimentazzjoni tat-Trattati, skont l-Artikolu 4(2)(b) tar-Regolament.

(9)

L-inizjattiva taċ-ċittadini proposta bl-isem ta' “Stop Extremism” għandha għaldaqstant tiġi rreġistrata. Madankollu, jenħtieġ li jinġabru dikjarazzjonijiet ta' appoġġ għal din l-inizjattiva taċ-ċittadini proposta biss jekk din hija maħsuba għall-preżentazzjoni, min-naħa tal-Kummissjoni, ta' proposti għal atti legali tal-Unjoni għall-fini tal-implimentazzjoni tat-Trattati fl-ambitu tal-kamp ta' applikazzjoni msemmi fil-premessi 3 u 5.

(1)

Terremoti bħal dawk li seħħew fl-Italja fl-24 ta' Awwissu u fis-26 u fit-30 ta' Ottubru 2016 jikkostitwixxu diżastru skont it-tifsira tal-Kapitolu XVII, Taqsima C, tar-Regolament (KE) Nru 1186/2009; għalhekk hemm raġuni għall-awtorizzazzjoni tal-importazzjoni ta' oġġetti bla dazju li jissodisfaw ir-rekwiżiti tal-Artikoli 74 sa 80 tar-Regolament imsemmi hawn fuq.

(2)

Ir-Repubblika Taljana għandha tinforma lill-Kummissjoni bin-natura u l-kwantitajiet tad-diversi oġġetti li jiddaħħlu mingħajr dazju għall-benefiċċju tal-vittmi tat-terremoti li seħħew fl-Italja fl-2016, bl-organizzazzjonijiet li tkun tathom approvazzjoni biex iqassmu jew biex jagħmlu disponibbli dawk l-oġġetti u bil-miżuri meħuda biex l-oġġetti ma jitħallewx jintużaw għal xi skop ieħor għajr dak li tingħata għajnuna f'każ ta' diżastru lil dawk il-vittmi.

(3)

L-eżenzjoni mid-dazju doganali għandha tingħata fir-rigward tal-importazzjoni mid-data ta' meta seħħ l-ewwel terremot.

(4)

L-Istati Membri l-oħra ġew ikkonsultati kif stabbilit fl-Artikolu 76 tar-Regolament (KE) Nru 1186/2009,

(a)

lista tal-organizzazzjonijiet approvati msemmija fl-Artikolu 1(1);

(b)

informazzjoni dwar in-natura u l-kwantitajiet tad-diversi oġġetti li jkunu ddaħħlu bla dazju skont l-Artikolu 1;

(c)

miżuri meħuda biex tiġi żgurata l-konformità mal-Artikoli 78, 79, u 80 tar-Regolament (KE) Nru 1186/2009 għar-rigward tal-oġġetti li jaqgħu fil-kamp ta' applikazzjoni ta' din id-Deċiżjoni.