ISSN 1977-074X |
||
Il-Ġurnal Uffiċjali tal-Unjoni Ewropea |
L 84 |
|
Edizzjoni bil-Malti |
Leġiżlazzjoni |
Volum 60 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
||
|
* |
Regolament tal-Kummissjoni (UE) 2017/605 tad-29 ta' Marzu 2017 li jemenda l-Anness VI tar-Regolament (KE) Nru 1005/2009 tal-Parlament Ewropew u tal-Kunsill dwar sustanzi li jnaqqsu s-saff tal-ożonu ( 1 ) |
|
|
|
||
|
|
DEĊIŻJONIJIET |
|
|
* |
|
|
III Atti oħrajn |
|
|
|
ŻONA EKONOMIKA EWROPEA |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
30.3.2017 |
MT |
Il-Ġurnal Uffiċjali tal-Unjoni Ewropea |
L 84/1 |
REGOLAMENT TA' IMPLIMENTAZZJONI TAL-KUMMISSJONI (UE) 2017/604
tas-17 ta' Marzu 2017
li japprova emenda mhux minuri fl-ispeċifikazzjoni ta' denominazzjoni mniżżla fir-reġistru tad-denominazzjonijiet ta' oriġini protetti u tal-indikazzjonijiet ġeografiċi protetti (Terre Tarentine (DOP))
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 52(2) tiegħu,
Billi:
(1) |
Skont l-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni tal-Italja għall-approvazzjoni ta' emenda fl-ispeċifikazzjoni tad-denominazzjoni tal-oriġini protetta “Terre Tarentine”, irreġistrata skont ir-Regolament tal-Kummissjoni (KE) Nru 1898/2004 (2). |
(2) |
Billi l-emenda kkonċernata mhijiex minuri fis-sens tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba għal emenda f'Il-Ġurnal Uffiċjali tal-Unjoni Ewropea (3), skont l-Artikolu 50(2)(a) tar-Regolament imsemmi. |
(3) |
Il-Kummissjoni ma rċeviet l-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li l-emenda tal-ispeċifikazzjoni tiġi approvata, |
ADOTTAT DAN IR-REGOLAMENT:
Artikolu 1
L-emenda fl-ispeċifikazzjoni ppubblikata f'Il-Ġurnal Uffiċjali tal-Unjoni Ewropea li tikkonċerna d-denominazzjoni “Terre Tarentine” (DOP) hija approvata.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta' Marzu 2017.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 343, 14.12.2012, p. 1.
(2) Ir-Regolament tal-Kummissjoni (KE) Nru 1898/2004 tad-29 ta' Ottubru 2004 li jissupplimenta l-Anness tar-Regolament (KE) Nru 2400/96 dwar l-iskrizzjoni ta' isem fir-“Reġistru ta' denominazzjoni protetta ta' oriġini u indikazzjonijiet ġeografiċi protetti” (Terre Tarentine) — [DPO] (ĠU L 328, 30.10.2004, p. 66).
(3) ĠU C 440, 26.11.2016, p. 4.
30.3.2017 |
MT |
Il-Ġurnal Uffiċjali tal-Unjoni Ewropea |
L 84/3 |
REGOLAMENT TAL-KUMMISSJONI (UE) 2017/605
tad-29 ta' Marzu 2017
li jemenda l-Anness VI tar-Regolament (KE) Nru 1005/2009 tal-Parlament Ewropew u tal-Kunsill dwar sustanzi li jnaqqsu s-saff tal-ożonu
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1005/2009 tal-Parlament Ewropew u tal-Kunsill tas-16 ta' Settembru 2009 dwar sustanzi li jnaqqsu s-saff tal-ożonu (1), u b'mod partikolari l-Artikolu 13(2) tiegħu,
Billi:
(1) |
L-Anness VI tar-Regolament (KE) Nru 1005/2009 jistabbilixxi dati limitu li warajhom jenħtieġ li ma jibqgħux jintużaw l-aloni għat-tagħmir għat-tifi tan-nar u għas-sistemi ta' protezzjoni min-nar fit-“tagħmir ġdid”, inkluż fl-inġenji tal-ajru ġodda. Skont il-punt 2(b) tal-Anness VI tar-Regolament (KE) Nru 1005/2009, id-definizzjoni ta' “tagħmir ġdid” tiddependi fuq id-data ta' preżentazzjoni ta' talba għal ċertifikazzjoni tat-tip lill-awtorità regolatorja xierqa. |
(2) |
Għal raġunijiet ta' ċarezza tad-dritt u ta' konsistenza fl-implimentazzjoni tar-Regolament (KE) Nru 1005/2009, jenħtieġ li fid-definizzjoni ta' “tagħmir ġdid” fil-punt 2(b) tal-Anness VI tar-Regolament (KE) Nru 1005/2009 jiġi speċifikat li għall-inġenji tal-ajru, it-talba għal ċertifikazzjoni tat-tip tirrigwarda biss it-talba għal ċertifikazzjoni ġdida tat-tip u ma tkoprix il-bidliet f'ċertifikazzjoni eżistenti tat-tip. Dan ikun konformi wkoll mal-kunċett użat mill-Organizzazzjoni tal-Avjazzjoni Ċivili Internazzjonali għall-istandards dwar l-aloni. |
(3) |
Għalhekk jenħtieġ li r-Regolament (KE) Nru 1005/2009 jiġi emendat skont dan. |
(4) |
Il-miżuri stipulati f'dan ir-Regolament huma skont l-opinjoni tal-Kumitat stabbilit bl-Artikolu 25(1) tar-Regolament (KE) Nru 1005/2009, |
ADOTTAT DAN IR-REGOLAMENT:
Artikolu 1
Fil-punt 2(b) tal-Anness VI tar-Regolament (KE) Nru 1005/2009, tiżdied it-tieni sentenza li ġejja:
“Għall-inġenji tal-ajru, il-preżentazzjoni ta' talba għal ċertifikazzjoni tat-tip tirreferi għal preżentazzjoni ta' talba għal ċertifikazzjoni tat-tip ta' inġenju tal-ajru ġdida.”
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta' Marzu 2017.
Għall-Kummissjoni
Il-President
Jean-Claude JUNCKER
(1) ĠU L 286, 31.10.2009, p. 1.
30.3.2017 |
MT |
Il-Ġurnal Uffiċjali tal-Unjoni Ewropea |
L 84/4 |
REGOLAMENT TA' IMPLIMENTAZZJONI TAL-KUMMISSJONI (UE) 2017/606
tad-29 ta' Marzu 2017
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta' Marzu 2017.
Għall-Kummissjoni,
F'isem il-President,
Jerzy PLEWA
Direttur Ġenerali
Direttorat Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
EG |
288,4 |
IL |
288,6 |
|
MA |
105,2 |
|
SN |
213,0 |
|
TN |
200,0 |
|
TR |
110,6 |
|
ZA |
81,7 |
|
ZZ |
183,9 |
|
0707 00 05 |
TR |
179,1 |
ZZ |
179,1 |
|
0709 93 10 |
MA |
50,0 |
TR |
118,8 |
|
ZZ |
84,4 |
|
0805 10 22 , 0805 10 24 , 0805 10 28 |
EG |
51,0 |
IL |
60,7 |
|
MA |
51,0 |
|
TN |
50,6 |
|
TR |
77,1 |
|
ZA |
99,3 |
|
ZZ |
65,0 |
|
0805 50 10 |
EG |
72,0 |
TR |
92,7 |
|
ZZ |
82,4 |
|
0808 10 80 |
BR |
110,4 |
CL |
99,4 |
|
CN |
142,3 |
|
US |
128,4 |
|
ZA |
114,1 |
|
ZZ |
118,9 |
|
0808 30 90 |
AR |
100,4 |
CL |
137,3 |
|
CN |
84,7 |
|
MA |
115,2 |
|
ZA |
108,1 |
|
ZZ |
109,1 |
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
30.3.2017 |
MT |
Il-Ġurnal Uffiċjali tal-Unjoni Ewropea |
L 84/6 |
DEĊIŻJONI TAL-KUNSILL (PESK) 2017/607
tad-29 ta' Marzu 2017
li temenda d-Deċiżjoni 2011/173/PESK dwar miżuri restrittivi fid-dawl tas-sitwazzjoni fil-Bożnija-Ħerzegovina
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fil-21 ta' Marzu 2011, il-Kunsill adotta d-Deċiżjoni 2011/173/PESK (1). |
(2) |
Abbażi ta' reviżjoni tad-Deċiżjoni 2011/173/PESK, jenħtieġ li l-miżuri restrittivi jiġġeddu sal-31 ta' Marzu 2018. |
(3) |
Għalhekk jenħtieġ li d-Deċiżjoni 2011/173/PESK tiġi emendata skont dan, |
ADOTTA DIN ID-DEĊIŻJONI:
Artikolu 1
It-tieni paragrafu tal-Artikolu 6 tad-Deċiżjoni 2011/173/PESK huwa sostitwit b'dan li ġej:
“Din id-Deċiżjoni għandha tapplika sal-31 ta' Marzu 2018.”.
Artikolu 2
Din id-Deċiżjoni għandha tidħol fis-seħħ fil-jum ta' wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, id-29 ta' Marzu 2017.
Għall-Kunsill
Il-President
L. GRECH
(1) Id-Deċiżjoni 2011/173/PESK tal-21 ta' Marzu 2011 dwar miżuri restrittivi fid-dawl tas-sitwazzjoni fil-Bożnija-Ħerzegovina (ĠU L 76, 22.3.2011, p. 68).
III Atti oħrajn
ŻONA EKONOMIKA EWROPEA
30.3.2017 |
MT |
Il-Ġurnal Uffiċjali tal-Unjoni Ewropea |
L 84/7 |
DEĊIŻJONI TAL-AWTORITÀ TA' SORVELJANZA TAL-EFTA
Nru 93/16/COL
tal-11 ta' Mejju 2016
Rakkomandazzjoni tal-Awtorità ta' Sorveljanza tal-EFTA dwar is-swieq rilevanti tal-prodotti u tas-servizzi fis-settur tal-komunikazzjoni elettronika li huma suxxettibbli għal regolamentazzjoni ex ante skont l-Att imsemmi fil-punt 5cl tal-Anness XI tal-Ftehim taż-ŻEE (id-Direttiva 2002/21/KE tal-Parlament Ewropew u tal-Kunsill dwar kwadru regolatorju komuni għan-netwerks ta' komunikazzjonijiet u servizzi elettroniċi), kif adattat mill-Protokoll 1 tiegħu u mill-adattamenti settorjali fl-Anness XI ta' dak il-Ftehim [2017/608]
L-AWTORITÀ TAS-SORVELJANZA TAL-EFTA (1),
Wara li kkunsidrat l-Att imsemmi fil-punt 5cl tal-Anness XI tal-Ftehim ŻEE, id-Direttiva 2002/21/KE tal-Parlament Ewropew u tal-Kunsill tas-7 ta' Marzu 2002 dwar kwadru regolatorju komuni għan-networks ta' komunikazzjonijiet u servizzi elettroniċi (2) (minn hawn 'il quddiem, id-Direttiva Qafas), kif adattata mill-Protokoll 1 tiegħu u mill-adattamenti settorjali li jinsabu fl-Anness XI għal dak il-Ftehim, u b'mod partikolari l-Artikolu 15(1) tiegħu,
Wara li kkunsidrat ir-Rakkomandazzjoni tal-Awtorità tal-5 ta' Novembru 2008 dwar swieq rilevanti fis-settur tal-komunikazzjonijiet elettroniċi suxxettibbli għal regolamentazzjoni ex ante regulation (3) (minn hawn 'il quddiem ir-Rakkomandazzjoni tal-2008 tal-Awtorità) u l-linji gwida tal-Awtorità dwar l-analiżi tas-suq u l-valutazzjoni tas-saħħa sinifikanti tas-suq (4),
Billi:
(1) |
Fid-9 ta' Ottubru 2014, il-Kummissjoni Ewropea (minn hawn 'il quddiem il-Kummissjoni) ħarġet ir-Rakkomandazzjoni 2014/710/UE (5) dwar swieq rilevanti ta' prodotti u servizzi fis-settur tal-komunikazzjonijiet elettroniċi li huma suxxettibbli għar-regolamentazzjoni ex ante f'konformità mad-Direttiva Qafas. |
(2) |
Il-punt tat-tluq għar-reviżjoni tar-Rakkomandazzjoni tal-Awtorità dwar swieq rilevanti huwa r-Rakkomandazzjoni 2014/710/UE. Fil-proċess ta' reviżjoni tagħha, l-Awtorità ħadet l-approċċ li l-paragun tal-iżviluppi tas-suq għandu jitwettaq abbażi ta' parametru referenzjarju għaż-ŻEE u mhux biss b'kont meħud tas-sitwazzjoni tas-suq fl-Istati individwali tal-EFTA. |
(3) |
Fuq il-bażi ta' żviluppi tas-suq fl-Istati tal-EFTA jidher li, b'mod ġenerali, il-funzjonament tas-swieq tal-komunikazzjonijiet elettroniċi fit-tliet Stati tal-EFTA x'aktarx ma jiddevjax iktar (milli huwa l-każ fl-Istati Membri tal-UE individwali) mill-funzjonament medju tas-swieq fl-Unjoni Ewropea jew fiż-ŻEE kollha. |
(4) |
L-objettiv tal-Ftehim taż-ŻEE huwa li jistabbilixxi Żona Ekonomika Ewropea dinamika u omoġenja bbażata fuq regoli komuni u kundizzjonijiet ugwali tal-kompetizzjoni (6). Fid-dawl ta' dan l-objettiv u l-kunsiderazzjonijiet ta' hawn fuq, l-Awtorità tadotta Rakkomandazzjoni allinjata mar-Rakkomandazzjoni 2014/710/UE sabiex tiżgura applikazzjoni uniformi tal-qafas regolatorju komuni u ċertezza ġuridika għall-partijiet ikkonċernati fis-swieq tal-komunikazzjonijiet elettroniċi fiż-ŻEE. |
(5) |
Id-Direttiva Qafas tistabbilixxi qafas leġiżlattiv għas-settur tal-komunikazzjonijiet elettroniċi li jfittex fost l-oħrajn li jwieġeb għal xejriet ta' konverġenza billi jkopri n-netwerks u s-servizzi tal-komunikazzjonijiet elettroniċi fil-kamp ta' applikazzjoni tiegħu. L-għan tal-qafas regolatorju huwa fost l-oħrajn li jnaqqas ir-regolamentazzjoni speċifika għas-settur ex ante progressivament hekk kif il-kompetizzjoni fis-swieq tiżviluppa u finalment, sabiex il-komunikazzjonijiet elettroniċi jkunu regolati bil-liġi tal-kompetizzjoni biss. |
(6) |
L-Artikolu 15 tad-Direttiva Qafas jistipula li l-Awtorità għandha, wara konsultazzjoni pubblika u konsultazzjoni mal-awtoritajiet regolatorji nazzjonali (“NRAs”) fl-Istati tal-EFTA, tadotta rakkomandazzjoni dwar is-swieq rilevanti ta' prodotti u ta' servizzi. |
(7) |
F'konformità ma' dan l-għan, l-iskop ta' din ir-Rakkomandazzjoni huwa li tidentifika dawk is-swieq tal-prodotti u s-servizzi li fihom ir-regolamentazzjoni ex ante tista' tiġi ġġustifikata f'konformità mal-Artikolu 15(1) tad-Direttiva Qafas. L-objettiv ta' kull intervent regolatorju ex ante huwa finalment biex jipproduċi benefiċċji għall-utenti finali billi jagħmel is-swieq tal-imnut effettivament kompetittivi fuq bażi sostenibbli. Huwa probabbli li l-NRAs gradwalment ikunu jistgħu jsibu li s-swieq bl-imnut ikunu kompetittivi anke fin-nuqqas ta' regolamentazzjoni tas-suq bl-ingrossa, speċjalment meta jitqies it-titjib mistenni fl-innovazzjoni u fil-kompetizzjoni. |
(8) |
Id-definizzjoni tas-swieq rilevanti tista' tinbidel maż-żmien minħabba li l-karatteristiċi tal-prodotti u s-servizzi jistgħu jevolvu u l-possibiltajiet tas-sostituzzjoni tad-domanda u l-provvista jistgħu jinbidlu. Issa li r-Rakkomandazzjoni tal-2008 tal-Awtorità ilha fis-seħħ għal iktar minn seba' snin, huwa xieraq li din tiġi riveduta abbażi tal-iżviluppi tas-swieq li seħħew mill-adozzjoni tagħha. Għalhekk, din ir-Rakkomandazzjoni tissostitwixxi r-Rakkomandazzjoni tal-Awtorità tal-2008 u tipprovdi gwida lill-NRAs għar-reviżjonijiet tas-suq fil-ġejjieni. |
(9) |
L-Artikolu 15(1) tad-Direttiva Qafas jirrikjedi li l-Awtorità tidentifika swieq fis-settur tal-komunikazzjonijiet elettroniċi li l-karatteristiċi tagħhom jaf ikunu tali li jiġġustifikaw l-impożizzjoni tal-obbligi regolatorji f'konformità mal-prinċipji tal-liġi tal-kompetizzjoni. Il-prinċipji tal-liġi tal-kompetizzjoni għalhekk jintużaw f'din ir-Rakkomandazzjoni sabiex jiddefinixxu s-swieq tal-prodotti fis-settur tal-komunikazzjonijiet elettroniċi. |
(10) |
F'konformità mal-Artikolu 15(3) tad-Direttiva Qafas, huwa l-kompitu tal-NRAs sabiex jiddefinixxu, f'konformità mal-liġi tal-kompetizzjoni u filwaqt li jqisu bir-reqqa din ir-Rakkomandazzjoni, is-swieq rilevanti xierqa għaċ-ċirkostanzi nazzjonali, b'mod partikolari swieq ġeografiċi rilevanti fit-territorju tagħhom. |
(11) |
F'konformità mal-Artikolu 16(3) tad-Direttiva Qafas, l-obbligi regolatorji ex ante huma imposti biss fi swieq li mhumiex effettivament kompetittivi. Kif spjegat fil-premessa 27 tad-Direttiva, dawn huma swieq li fihom ikun hemm impriża waħda jew iktar b'saħħa sinifikanti fis-suq (significant market power — SMP) u fejn ir-rimedji tal-liġi tal-kompetizzjoni nazzjonali u taż-ŻEE waħedhom mhumiex biżżejjed biex jindirizzaw il-problema tal-kompetizzjoni identifikata. Barra minn hekk, analiżi ta' kompetizzjoni effettiva għandha tinkludi analiżi ta' jekk is-suq huwiex prospettivament kompetittiv u għalhekk jekk kull nuqqas ta' kompetizzjoni effettiva jkunx wieħed dewwiemi. |
(12) |
Kemm għall-Awtorità kif ukoll għall-NRAs, il-punt tal-bidu tal-identifikazzjoni tas-swieq bl-ingrossa li huma suxxettibbli għar-regolamentazzjoni ex ante huwa l-analiżi tas-swieq bl-imnut korrispondenti. Din l-analiżi tal-bejgħ issir billi titqies in-naħa tad-domanda u fejn xieraq, is-sostitwibbiltà min-naħa tal-provvista minn perspettiva li tħares 'il quddiem fuq orizzont ta' żmien partikolari. Meta jiddefinixxu swieq rilevanti f'konformità mal-Artikolu 15(3) tad-Direttiva Qafas, l-NRAs għandhom jidentifikaw żona ġeografika fejn il-kundizzjonijiet tal-kompetizzjoni jkunu simili jew omoġenji biżżejjed u li jistgħu jkunu distinti miż-żoni tal-madwar li fihom, il-kundizzjonijiet prevalenti tal-kompetizzjoni jkunu sostanzjalment differenti, billi jkollhom kunsiderazzjoni partikolari għall-kwistjoni jekk l-operatur SMP potenzjali jaġixxix b'mod uniformi madwar iż-żona tan-netwerk tiegħu jew jekk jaffaċċjax kundizzjonijiet ferm differenti sal-punt li l-attivitajiet tiegħu jkunu limitati f'xi żoni, iżda mhux f'oħrajn. |
(13) |
Għandu jiġi vvalutat jekk is-swieq bl-imnut humiex effettivament kompetittivi minn perspettiva futura fin-nuqqas ta' regolamentazzjoni bbażata fuq sejbien ta' SMP. Min-naħa l-oħra, l-analiżi għandha tqis l-effetti ta' tipi ta' regolamentazzjoni oħra applikabbli għall-bejgħ rilevanti u suq/swieq bl-ingrossa relatati tul il-perjodu rilevanti. |
(14) |
Meta titwettaq analiżi tas-suq skont l-Artikolu 16 tad-Direttiva Qafas, il-valutazzjoni ta' suq għandha ssir minn perspettiva li tħares 'il quddiem, u tibda mill-kundizzjonijiet tas-suq eżistenti. L-analiżi għandha tivvaluta jekk is-suq huwiex prospettivament kompetittiv u jekk kull nuqqas ta' kompetizzjoni huwiex wieħed dewwiemi, billi tqis żviluppi tas-swieq mistennija jew prevedibbli (7). |
(15) |
Jekk is-suq bl-imnut ikkonċernat ma jkunx effettivament kompetittiv minn perspettiva li tħares 'il quddiem fin-nuqqas ta' regolamentazzjoni ex ante, għandhom jiġu vvalutati s-suq/swieq bl-ingrossa korrispondenti li huma suxxettibbli għar-regolamentazzjoni ex ante f'konformità mal-Artikolu 16 tad-Direttiva Qafas. Meta jiġu analizzati l-konfini u s-saħħa f'suq/swieq bl-ingrossa rilevanti korrispondenti biex jiġi ddeterminat jekk huwiex/humiex effettivament kompetittivi, għandhom jitqiesu restrizzjonijiet kompetittivi diretti u indiretti, irrispettivament minn jekk dawn ir-restrizzjonijiet jirriżultawx minn netwerks ta' komunikazzjonijiet elettroniċi, servizzi ta' komunikazzjonijiet elettroniċi jew tipi oħra ta' servizzi jew applikazzjonijiet li huma komparabbli mill-perspettiva tal-utenti finali (8). Min-naħa l-oħra, jekk is-suq bl-imnut ikkonċernat ikun effettivament kompetittiv minn perspettiva li tħares 'il quddiem fin-nuqqas ta' regolamentazzjoni tas-suq bl-ingrossa ex ante dwar is-suq/swieq rilevanti korrispondenti, dan għandu jwassal lill-NRA biex tikkonkludi li r-regolamentazzjoni ma għadhiex iktar meħtieġa fil-livell bl-ingrossa. F'dan il-każ, is-suq/swieq bl-ingrossa rilevanti korrispondenti għandhom jiġu vvalutati bil-ħsieb li r-regolamentazzjoni ex ante tiġi rtirata. Meta swieq bl-ingrossa jkunu relatati vertikalment fil-katina tal-provvista, is-suq bl-ingrossa li għandu jiġi analizzat l-ewwel, ikun dak li jkun l-iktar upstream mis-suq bl-imnut inkwistjoni. |
(16) |
Is-swieq bl-ingrossa elenkati fl-Anness jista' jkollhom karatteristiċi li jiġġustifikaw ir-regolamentazzjoni ex ante għaliex globalment jissodisfaw it-tliet kriterji kumulattivi li ġejjin, li ntużaw ukoll biex jidentifikaw swieq li huma suxxettibbli għal regolamentazzjoni ex ante fil-verżjonijiet preċedenti tar-Rakkomandazzjoni. L-ewwel kriterju huwa l-preżenza ta' ostakoli kbar u mhux tranżitorji għad-dħul. Madankollu, minħabba l-karattru dinamiku u l-funzjonament tas-swieq tal-komunikazzjonijiet elettroniċi, meta titwettaq analiżi prospettiva biex jiġu identifikati s-swieq rilevanti għar-regolamentazzjoni ex ante possibbli, għandhom jitqiesu wkoll il-possibiltajiet biex jingħelbu l-barrieri għad-dħul fil-perjodu ta' żmien previst rilevanti. It-tieni kriterju jindirizza jekk struttura tas-suq ixxaqlibx lejn kompetizzjoni effettiva f'orizzont ta' żmien rilevanti. L-applikazzjoni ta' dan il-kriterju tinvolvi l-eżaminazzjoni tal-istat ta' kompetizzjoni bbażata fuq l-infrastruttura u kompetizzjonijiet oħrajn wara l-ostakoli għad-dħul. It-tielet kriterju huwa li l-applikazzjoni tal-liġi tal-kompetizzjoni waħidha mhux se tindirizza kif xieraq in-nuqqas/ijiet tas-suq ikkonċernati. L-indikaturi prinċipali li għandhom jiġu kkunsidrati waqt il-valutazzjoni tal-ewwel u t-tieni kriterju huma simili għal dawk eżaminati bħala parti minn analiżi tas-suq li tħares 'il quddiem biex tiddetermina l-preżenza ta' SMP. B'mod partikolari, l-indikaturi tal-ostakoli għad-dħul fin-nuqqas tar-regolamentazzjoni (inkluż l-ammont tal-ispejjeż irrekuperabbli), l-istruttura tas-suq, il-prestazzjoni tas-suq u d-dinamika tas-suq, inkluż indikaturi bħal ishma u xejriet tas-suq, prezzijiet u xejriet tas-suq u l-firxa u l-kopertura ta' netwerks jew infrastrutturi kompetituri. |
(17) |
Fir-rigward tal-ewwel kriterju, żewġ tipi ta' ostakoli għad-dħul huma rilevanti għall-iskop ta' din ir-Rakkomandazzjoni: ostakoli strutturali u ostakoli ġuridiċi jew regolatorji. L-ostakoli strutturali għad-dħul jirriżultaw mill-kundizzjonijiet tal-ispejjeż jew tad-domanda oriġinali li joħolqu kundizzjonijiet asimettriċi bejn operaturi stabbiliti u operaturi ġodda li jimpedixxu jew jipprevjenu d-dħul fis-suq ta' dawn tal-aħħar. Pereżempju, ostakoli strutturali kbar jistgħu jinstabu li jeżistu meta s-suq jiġi kkaratterizzat minn vantaġġi tal-ispejjeż assoluti, ekonomiji tal-kobor u/jew ekonomiji ta' firxa sostanzjali, restrizzjonijiet tal-kapaċità u spejjeż irrekuperabbli għoljin. Ostakolu strutturali relatat jista' jeżisti wkoll meta l-forniment tas-servizz ikun jeħtieġ komponent ta' netwerk li ma jkunx jista' jiġi teknikament dupplikat jew ikun jista' jiġi ddupplikat biss bi prezz li jagħmlu mhux ekonomiku għall-kompetituri. |
(18) |
L-ostakoli legali jew regolatorji mhumiex ibbażati fuq kundizzjonijiet ekonomiċi, iżda jirriżultaw minn miżuri leġiżlattivi, amministrattivi jew oħrajn li għandhom effett dirett fuq il-kundizzjonijiet tad-dħul u/jew il-pożizzjonament tal-operaturi fis-suq rilevanti. Eżempju ta' ostakolu ġuridiku jew regolatorju li jimpedixxi jew jipprevjeni d-dħul f'suq huwa l-limitu fuq in-numru tal-impriżi li għandhom aċċess għall-firxa kollha għall-forniment ta' servizzi sottostanti. Eżempji oħra ta' ostakoli ġuridiċi jew regolatorji huma l-kontrolli tal-prezzijiet jew miżuri oħrajn relatati mal-prezzijiet imposti fuq l-impriżi, li jaffettwaw mhux biss id-dħul iżda wkoll il-pożizzjonament tal-impriżi fis-suq. Ostakoli ġuridiċi jew regolatorji li x'aktarx jitneħħew fil-perjodu ta' żmien rilevanti ma għandhomx normalment jitqiesu li jikkostitwixxu ostakoli għad-dħul sabiex jissodisfaw l-ewwel kriterju. |
(19) |
L-ostakoli għad-dħul jistgħu jsiru inqas rilevanti fir-rigward ta' swieq xprunati mill-innovazzjoni kkaratterizzati minn progress teknoloġiku kurrenti. Fi swieq bħal dawn, ir-restrizzjonijiet kompetittivi ta' spiss jiġu minn theddid innovattiv minn kompetitturi potenzjali li ma jkunux attwalment fis-suq. Fi swieq immexxija mill-innovazzjoni, il-kompetizzjoni dinamika jew fit-tul tista' ssir fost ditti li mhumiex bilfors kompetituri f'suq “statiku” eżistenti. Din ir-Rakkomandazzjoni tidentifika swieq fejn l-ostakoli għas-suq huma mistennija li jippersistu fuq perjodu prevedibbli. Fil-valutazzjoni ta' jekk l-ostakoli għad-dħul x'aktarx jippersistux fin-nuqqas ta' regolamentazzjoni, huwa meħtieġ li jiġi eżaminat jekk l-industrija esperjenzatx dħul frekwenti u ta' suċċess u jekk id-dħul kienx jew huwiex probabbli li fil-futur se jkun immedjat u persistenti biżżejjed biex jillimita s-saħħa fis-suq. Ir-rilevanza tal-ostakoli għad-dħul se tiddependi fost l-oħrajn fuq l-iskala minima ta' effiċjenza ta' produzzjoni u l-ispejjeż irrekuperabbli. |
(20) |
Anke meta suq ikun ikkaratterizat minn ostakoli kbar għad-dħul, fatturi strutturali oħrajn f'dak is-suq jistgħu jinvolvu li s-suq xorta jibqagħlu t-tendenza li jsir effettivament kompetittiv f'perjodu ta' żmien previst rilevanti. Tendenza lejn kompetizzjoni effettiva, skont it-tieni kriterju, timplika li s-suq jew ikun se jilħaq l-istatus ta' kompetizzjoni effettiva fl-assenza ta' regolamentazzjoni ex ante fil-perjodu tar-reviżjoni, jew ikun se jsir hekk wara dak il-perjodu, diment li jkun hemm disponibbli evidenza ċara ta' dinamiċi pożittivi fis-suq fil-perjodu tar-reviżjoni. Id-dinamika tas-suq tista' pereżempju tiġi kkawżata mill-iżviluppi teknoloġiċi jew mill-konverġenza tal-prodotti u s-swieq li tista' twassal sabiex jiġu eżerċitati restrizzjonijiet kompetittivi bejn l-operaturi attivi fi swieq ta' prodotti distinti. Dan jista' wkoll ikun il-każ fi swieq b'numru limitat, iżda suffiċjenti, ta' impriżi li għandhom strutturi ta' spejjeż diverġenti u li jaffaċjaw domanda tas-suq elastika għall-prezzijiet. Jista' jkun hemm ukoll kapaċità eċċessiva f'suq li normalment jippermetti li ditti rivali jespandu l-produzzjoni malajr ħafna b'rispons għal kwalunkwe żieda fil-prezz. Fi swieq bħal dawn, l-ishma tas-swieq jistgħu jinbidlu maż-żmien u/jew jistgħu jiġu osservati prezzijiet li qed jonqsu. |
(21) |
It-tielet kriterju jservi biex jivvaluta l-adegwatezza tal-miżuri korrettivi li jistgħu jiġu imposti skont il-liġi tal-kompetizzjoni biex jiġu indirizzati l-falliment(i) tas-swieq persistenti, b'mod partikolari peress li l-obbligi regolatorji ex ante jistgħu effettivament jipprevjenu l-ksur tal-liġi tal-kompetizzjoni. L-interventi tal-liġi tal-kompetizzjoni x'aktarx ma jkunux biżżejjed meta, pereżempju, ir-rekwiżiti tal-konformità ta' intervent biex jagħmlu tajjeb għall-falliment(i) tas-swieq persistenti jkunu estensivi jew meta intervent frekwenti u/jew f'waqtu jkun indispensabbli. Għalhekk, ir-regolamentazzjoni ex ante għandha tiġi kkunsidrata bħala li tikkumplimenta l-liġi tal-kompetizzjoni b'mod xieraq meta l-liġi tal-kompetizzjoni waħedha ma tkunx tindirizza kif xieraq il-falliment(i) tas-suq persistenti identifikati. |
(22) |
L-applikazzjoni ta' dawn it-tliet kriterji kumulattivi għandha tillimita n-numru ta' swieq fis-settur tal-komunikazzjonijiet elettroniċi meta jkunu imposti obbligi regolatorji ex ante u b'hekk tikkontribwixxi għal wieħed mill-għanijiet tal-qafas regolatorju, jiġifieri li progressivament titnaqqas ir-regolamentazzjoni ex ante speċifika għas-settur hekk kif il-kompetizzjoni fis-swieq tiżviluppa. In-nuqqas milli jiġi ssodisfat xi wieħed mit-tliet kriterji jkun jindika li suq ma għandux ikun identifikat bħala suxxettibbli għal regolamentazzjoni ex ante. |
(23) |
Ir-regolamentazzjoni ex ante imposta fil-livell tas-suq bl-ingrossa għandha tiġi ikkunsidrata biżżejjed biex tindirizza problemi potenzjali tal-kompetizzjoni dwar is-suq/swieq downstream relatati. Suq downstream għandu jkun soġġett biss għar-regolamentazzjoni ex ante jekk il-kompetizzjoni f'dak is-suq tkun għadha turi SMP, minkejja l-preżenza tar-regolamentazzjoni ex ante dwar is-suq/swieq upstream bl-ingrossa relatati. Bl-avvanzi fil-kompetizzjoni li nkisbu permezz tar-regolamentazzjoni, din ir-Rakkomandazzjoni tidentifika biss swieq rilevanti fil-livell bl-ingrossa. Huwa mifhum li r-regolamentazzjoni tagħhom tista' tindirizza n-nuqqas ta' kompetizzjoni effettiva fil-livell bl-ingrossa, li mbagħad huwa l-kawża tan-nuqqasijiet tas-suq identifikati fis-swieq bl-imnut relatati. Jekk NRA madankollu turi li l-interventi bl-ingrossa kienu mingħajr suċċess, is-suq bl-imnut rilevanti jista' jkun suxxettibbli għal regolamentazzjoni ex ante sakemm l-NRA tkun sabet li t-test tat-tliet kriterji preskritt f'din ir-Rakkomandazzjoni jkun ġie ssodisfat. |
(24) |
Is-swieq elenkati fl-Anness ġew identifikati abbażi tat-tliet kriterji kumulattivi msemmija hawn fuq. L-NRAs għandhom jibdew bis-suppożizzjoni li f'dawn is-swieq, it-tliet kriterji huma ssodisfati. Jekk, madankollu, dawn l-NRAs jikkonkludu li fin-nuqqas ta' regolamentazzjoni fil-livell bl-ingrossa, is-suq/swieq bl-imnut kif definiti juru kompetizzjoni sostenibbli, dawn għandhom jikkonkludu wkoll li r-regolamentazzjoni ex ante ma tkunx iktar meħtieġa fil-livell bl-ingrossa. |
(25) |
Għas-swieq elenkati fl-Anness, NRA tista' xorta tikkunsidra xieraq, abbażi ta' ċirkostanzi nazzjonali speċifiċi, li twettaq it-test tat-tliet kriterji tagħha stess. NRA tista' tikkonkludi li t-test tat-tliet kriterji jkun ġie ssodisfat jew ma jkunx ġie ssodisfat fiċ-ċirkostanzi nazzjonali. Jekk it-test tat-tliet kriterji ma jiġix issodisfat għal suq speċifiku elenkat fir-Rakkomandazzjoni, l-NRA ma għandhiex timponi obbligi regolatorji fuq dak is-suq. |
(26) |
L-NRAs jistgħu jidentifikaw swieq oħrajn minbarra dawk elenkati f'din ir-Rakkomandazzjoni u japplikaw it-test tat-tliet kriterji. B'mod partikolari, jekk l-NRAs, wara li jkunu kkonkludew li suq bl-imnut ma jkunx effettivament kompetittiv fl-assenza ta' regolamentazzjoni ex ante, ikollhom l-intenzjoni li jirregolaw is-suq/swieq bl-ingrossa korrispondenti u dawn is-swieq ma jkunux elenkati fir-Rakkomandazzjoni, għandhom dejjem iwettqu t-test tat-tliet kriterji. F'dan il-każ, l-ewwel suq bl-ingrossa li għandu jiġi analizzat ikun dak li jkun l-iktar upstream mis-suq bl-imnut inkwistjoni fil-katina tal-provvista vertikali. NRA għandha twettaq analiżi gradwali tas-swieq li jkunu downstream minn input upstream irregolat, biex tiddetermina jekk ikunux effettivament kompetittivi fil-preżenza ta' regolamentazzjoni upstream, sakemm tilħaq is-suq/swieq bl-imnut. |
(27) |
L-NRAs għandhom japplikaw ukoll it-test tat-tliet kriterji għal dawk is-swieq elenkati fl-Anness għar-Rakkomandazzjoni tal-Awtorità tal-14 ta' Lulju 2004 dwar is-swieq rilevanti fis-settur tal-komunikazzjonijiet elettroniċi suxxettibbli għal regolamentazzjoni ex ante (9) u għar-Rakkomandazzjoni tal-2008 tal-Awtorità li ma għadhomx aktar elenkati fl-Anness ta' din ir-Rakkomandazzjoni jekk bħalissa huma rregolati fid-dawl taċ-ċirkostanzi nazzjonali, sabiex jivvalutaw jekk, fuq il-bażi ta' dawn iċ-ċirkostanzi nazzjonali, dawn is-swieq għadhomx suxxettibbli għar-regolamentazzjoni ex ante. |
(28) |
Swieq ġodda emerġenti ma għandhomx ikunu soġġetti għal obbligi regolatorji mhux adegwati ex ante, anke jekk ikun hemm vantaġġ tal-innovatur, f'konformità mad-Direttiva Qafas. Swieq ġodda emerġenti huma kkunsidrati li jinkludu prodotti jew servizzi meta, minħabba n-novità tagħhom ikun diffiċli ħafna li jitbassru l-kundizzjonijiet tad-domanda jew il-kundizzjonijiet tad-dħul u l-provvista tas-suq u konsegwentament ikun diffiċli biex jiġi applikat it-test tat-tliet kriterji. L-iskop li ma jiġux soġġetti swieq ġodda emerġenti għal obbligi regolatorji ex ante mhux xierqa, huwa biex tiġi promossal-innovazzjoni kif meħtieġ mill-Artikolu 8 tad-Direttiva Qafas; fl-istess waqt, l-għeluq ta' dawn is-swieq mill-intrapriża ewlenija għandu jiġi impedit, kif indikat ukoll fil-linji gwida tal-Awtorità dwar l-analiżi tas-suq u l-valutazzjoni tal-SMP (10). L-aġġornamenti inkrementali fl-infrastruttura ta' netwerk eżistenti rarament iwasslu għal suq ġdid jew emerġenti. In-nuqqas ta' sostitwibbiltà ta' prodott għandu jiġi stabbilit mill-perspettivi kemm tad-domanda kif ukoll tal-provvista qabel ma jkun jista' jiġi konkluż li ma jkunx diġà parti minn suq diġà eżistenti. Il-ħruġ ta' servizzi bl-imnut ġodda jista' jwassal għal suq bl-ingrossa derivat ġdid sal-punt li dawn is-servizzi tal-bejgħ ma jkunux jistgħu jiġu pprovduti bl-użu ta' prodotti bl-ingrossa eżistenti. |
(29) |
L-NRAs għandhom jagħmlu aċċessibbli għall-Awtorità u għal NRAs oħra taż-ŻEE r-riżultati tal-applikazzjoni tat-test tat-tliet kriterji mwettaq f'konformità ma' din ir-Rakkomandazzjoni u li jaqa' fl-ambitu tal-Artikolu 7(3) tad-Direttiva Qafas. Jekk wieħed jonqos milli jinnotifika abbozz ta' miżura li taffettwa l-kummerċ bejn l-Istati tal-EFTA kif deskritt fil-premessa 38 tad-Direttiva Qafas, dan jista' jwassal biex jittieħdu proċedimenti ta' ksur kontra l-Istat tal-EFTA kkonċernat. |
(30) |
Is-swieq elenkati fl-Anness għar-Rakkomandazzjoni ma għadhomx jinkludi żewġt iswieq li kienu elenkati fir-Rakkomandazzjoni tal-Awtorità tal-2008 (s-swieq 1 u 2) għaliex dawn ma għadhomx jissodisfaw it-test tat-tliet kriterji. Peress li jista' jkun hemm grad ta' varjazzjoni madwar l-Istati tal-EFTA fil-pass tal-iżviluppi mistennija jew prevedibbli tas-suq li fuqhom hija bbażata din is-sejba fil-livell taż-ŻEE, ċirkostanzi nazzjonali speċifiċi jistgħu jiġġustifikaw li NRA tista' ssib li s-suq 1 tar-Rakkomandazzjoni tal-2008 tal-Awtorità jew swieq bl-imnut oħrajn relatati mas-suq 2 tar-Rakkomandazzjoni tal-2008 tal-Awtorità għadhom mhumiex effettivament kompetittivi minn perspettiva li tħares 'il quddiem jekk ma jsirux rimedji adegwati u proporzjonati fis-suq bl-ingrossa. L-NRAs għalhekk jistgħu jiġġustifikaw it-tkomplija tal-intervent ta' regolamentazzjoni ex ante fil-livell tas-suq bl-ingrossa, sakemm it-test tat-tliet kriterji jkun issodisfat fiċ-ċirkostanzi nazzjonali għall-perjodu ta' reviżjoni sussegwenti. Is-swieq li jibqa' tar-Rakkomandazzjoni tal-2008 tal-Awtorità għadhom jeħtieġu regolamentazzjoni ex ante, għalkemm il-konfini tas-swieq 4, 5 u 6 tar-Rakkomandazzjoni tal-2008 tal-Awtorità ġew definiti mill-ġdid. L-NRAs iqisu ċ-ċirkostanzi nazzjonali tagħhom meta jiddelinjaw dawn is-swieq. |
(31) |
Din ir-Rakkomandazzjoni kienet suġġetta għal konsultazzjoni pubblika u għal konsultazzjoni mal-NRAs u awtoritajiet nazzjonali oħra fl-Istati tal-EFTA (11), |
B'DAN TIRRAKKOMANDA:
1. |
Fid-definizzjoni tas-swieq rilevanti xierqa għaċ-ċirkostanzi nazzjonali f'konformità mal-Artikolu 15(3) tad-Direttiva Qafas, l-NRAs għandhom janalizzaw is-swieq tal-prodotti u s-servizzi identifikati fl-Anness. |
2. |
Meta jiġu identifikati swieq oħra minbarra dawk stabbiliti fl-Anness, l-NRAs għandhom juru u l-Awtorità għandha tivverifika, jekk it-tliet kriterji li ġejjin jintlaħqux b'mod kumulattiv:
|
3. |
Meta jikkunsidraw li xi wieħed mis-swieq stabbiliti fl-Anness ma jkunx suxxettibbli għar-regolamentazzjoni ex ante fiċ-ċirkostanzi nazzjonali speċifiċi, l-NRAs għandhom juru u l-Awtorità għandha tivverifika li mill-inqas wieħed mit-tliet kriterji stabbiliti fil-punt 2 ma jkunx ġie ssodisfat. |
4. |
L-NRAs għandhom jikkunsidraw ir-restrizzjonijiet kompetittivi rilevanti kollha, irrispetivament minn jekk is-sorsi ta' dawn il-limiti humiex meqjusin bħala netwerks tal-komunikazzjonijiet elettroniċi, servizzi tal-komunikazzjonijiet elettroniċi jew tipi oħra ta' servizzi jew applikazzjonijiet li huma komparabbli mill-perspettiva tal-utent aħħari. |
5. |
Din ir-Rakkomandazzjoni hija mingħajr preġudizzju għad-definizzjonijiet tas-suq, ir-riżultati tal-analiżi tas-suq u l-obbligi regolatorji adottati mill-NRAs f'konformità mal-Artikoli 15(3) u 16 tad-Direttiva Qafas qabel id-data tal-adozzjoni ta' din ir-Rakkomandazzjoni. |
6. |
Din ir-Rakkomandazzjoni hija indirizzata lill-Istati tal-EFTA. |
Magħmul fi Brussell, il-11 ta' Mejju 2016.
Għall-Awtorità ta' Sorveljanza tal-EFTA
Sven Erik SVEDMAN
Il-President
Frank BÜCHEL
Membru tal-Kulleġġ
(1) Minn hawn 'il quddiem imsejħa “l-Awtorità”.
(2) ĠU L 108, 24.4.2002, p. 33.
(3) Ir-Rakkomandazzjoni tal-Awtorità ta' Sorveljanza tal-EFTA tal-5 ta' Novembru 2008 dwar swieq relevanti tal-prodotti u tas-servizzi fis-settur tal-komunikazzjonijiet elettroniċi li huma suxxettibli għal regolamentazzjoni ex ante skont l-Att imsemmi fil-punt 5cl tal-Anness XI tal-Ftehim taż-ŻEE (id-Direttiva 2002/21/KE tal-Parlament Ewropew u tal-Kunsill dwar kwadru regolatorju komuni għan-netwerks ta' komunikazzjoni u servizzi elettroniċi), kif adattat mill-Protokoll 1 tiegħu u mill-adattamenti settorjali fl-Anness XI ta' dak il-Ftehim (ĠU C 156, 9.7.2009, p. 18 u s-Suppliment taż-ŻEE Nru 36, 9.7.2009, p. 1).
(4) Il-Linji Gwida tal-Awtorità ta' Sorveljanza tal-EFTA tal-14 ta' Lulju 2004 dwar l-analiżi tas-suq u l-valutazzjoni ta' saħħa tas-suq sinifikanti skont il-qafas regolatorju għan-netwerks u s-servizzi tal-komunikazzjonijiet elettroniċi msemmija fl-Anness XI tal-Ftehim dwar iż-Żona Ekonomika Ewropea (ĠU C 101, 27.4.2006, p. 1 u s-Suppliment taż-ŻEE Nru 21, 27.4.2006, p. 1), minn hawn 'il quddiem imsejħa “il-linji gwida tal-Awtorità dwar l-analiżi tas-suq u l-valutazzjoni ta' SMP”.
(5) Rakkomandazzjoni tal-Kummissjoni tad-9 ta' Ottubru 2014 dwar swieq rilevanti ta' prodotti u servizzi fis-settur tal-komunikazzjonijiet elettroniċi li huma suxxettibbli għar-regolamentazzjoni ex ante f'konformità mad-Direttiva 2002/21/KE tal-Parlament Ewropew u tal-Kunsill dwar kwadru regolatorju komuni għan-netwerks ta' komunikazzjonijiet u servizzi elettroniċi (ĠU L 295, 11.10.2014, p. 79).
(6) Ir-raba' kunsiderazzjoni fil-Preambolu tal-Ftehim dwar iż-Żona Ekonomika Ewropea.
(7) Il-punt 20 tal-Linji Gwida tal-Awtorità dwar l-analiżi tas-suq u l-valutazzjoni ta' SMP. Ara n-nota ta' qiegħ il-paġna 4 aktar 'il fuq.
(8) Bħal pereżempju, is-servizzi over-the-top (OTT) li għalkemm illum ma jistgħux jitqiesu bħala sostituti diretti għas-servizzi pprovduti mill-fornituri tas-servizzi tal-komunikazzjonijiet elettroniċi, l-iżviluppi teknoloġiċi x'aktarx jirriżultaw fl-espansjoni kontinwa tagħhom fis-snin li ġejjin.
(9) Ir-Rakkomandazzjoni tal-Awtorità ta' Sorveljanza tal-EFTA tal-14 ta' Lulju 2004 dwar is-swieq rilevanti tal-prodotti u tas-servizzi fis-settur tal-komunikazzjoni elettronika li huma suxxettibli għal regolamentazzjoni ex ante skont l-Att imsemmi fil-punt 5cl tal-Anness XI tal-Ftehim taż-ŻEE (id-Direttiva 2002/21/KE tal-Parlament Ewropew u tal-Kunsill dwar kwadru regolatorju komuni għan-netwerks ta' komunikazzjoni u servizzi elettroniċi), kif inkorporat fil-Ftehim dwar iż-Żona Ekonomika Ewropea, adottata bid-Deċiżjoni 194/04/COL.
(10) Ara n-nota ta' qiegħ il-paġna 4 aktar 'il fuq.
(11) Il-konsultazzjoni saret bejn l-4 ta' Frar u t-18 ta' Marzu 2016.
ANNESS
Suq 1 |
: |
Servizz ta' forniment bl-ingrossa ta' terminazzjoni tat-telefonati fuq netwerks pubbliċi tat-telefown individwali f'post fiss |
||||
Suq 2 |
: |
Servizz ta' forniment bl-ingrossa ta' terminazzjoni tat-telefonati bil-vuċi fuq netwerks tal-mowbajl individwali |
||||
Suq 3 |
: |
|
||||
Suq 4 |
: |
Aċċess ta' kwalità għolja bl-ingrossa pprovdut f'post fiss |