ISSN 1977-074X |
||
Il-Ġurnal Uffiċjali tal-Unjoni Ewropea |
L 54 |
|
![]() |
||
Edizzjoni bil-Malti |
Leġiżlazzjoni |
Volum 60 |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
FTEHIMIET INTERNAZZJONALI
1.3.2017 |
MT |
Il-Ġurnal Uffiċjali tal-Unjoni Ewropea |
L 54/1 |
Avviż dwar id-dħul fis-seħħ tal-Protokoll li jemenda l-Ftehim ta' Marrakexx li jistabbilixxi l-Organizzazzjoni Dinjija tal-Kummerċ
Il-Protokoll li jemenda l-Ftehim ta' Marrakexx li jistabbilixxi l-Organizzazzjoni Dinjija tal-Kummerċ (1) daħal fis-seħħ fit-22 ta' Frar 2017.
(1) ĠU L 284, 30.10.2015, p. 3.
REGOLAMENTI
1.3.2017 |
MT |
Il-Ġurnal Uffiċjali tal-Unjoni Ewropea |
L 54/2 |
REGOLAMENT TA' IMPLIMENTAZZJONI TAL-KUMMISSJONI (UE) 2017/356
tal-15 ta' Frar 2017
li japprova emenda mhux minuri fl-ispeċifikazzjoni ta' denominazzjoni mniżżla fir-reġistru tad-denominazzjonijiet ta' oriġini protetti u tal-indikazzjonijiet ġeografiċi protetti (Rheinisches Zuckerrübenkraut/Rheinischer Zuckerrübensirup/Rheinisches Rübenkraut (IĠP))
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 52(2) tiegħu,
Billi:
(1) |
B'konformità mal-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni tal-Ġermanja għall-approvazzjoni ta' emenda fl-ispeċifikazzjonijiet għall-indikazzjoni ġeografika protetta “Rheinisches Zuckerrübenkraut”/“Rheinischer Zuckerrübensirup”/“Rheinisches Rübenkraut”, irreġistrata skont ir-Regolament ta' Implimentazzjoni tal-Kummissjoni (UE) Nru 628/2012 (2). |
(2) |
Minħabba li l-emenda konċernata mhijiex minuri fit-tifsira tal-Artikolu 53(2) tar-Regolament (UE) Nru 1151/2012, il-Kummissjoni ppubblikat l-applikazzjoni għal emenda f'Il-Ġurnal Uffiċjali tal-Unjoni Ewropea (3), skont l-Artikolu 50(2)(a) ta' dak ir-Regolament. |
(3) |
Il-Kummissjoni ma rċeviet l-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, u għalhekk jenħtieġ li l-emenda tal-ispeċifikazzjoni tiġi approvata, |
ADOTTAT DAN IR-REGOLAMENT:
Artikolu 1
L-emenda fl-ispeċifikazzjoni ppubblikata f'Il-Ġurnal Uffiċjali tal-Unjoni Ewropea li tikkonċerna d-denominazzjoni “Rheinisches Zuckerrübenkraut”/“Rheinischer Zuckerrübensirup”/“Rheinisches Rübenkraut” (IĠP), hija b'dan approvata.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta' Frar 2017.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 343, 14.12.2012, p. 1.
(2) Ir-Regolament ta' Implimentazzjoni tal-Kummissjoni (UE) Nru 628/2012 tas-6 ta' Lulju 2012 li jdaħħal denominazzjoni fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Rheinisches Zuckerrübenkraut/Rheinischer Zuckerrübensirup/Rheinisches Rübenkraut (IĠP)] (ĠU L 182 du 13.7.2012, p. 10).
(3) ĠU C 403, 1.11.2016, p. 9.
1.3.2017 |
MT |
Il-Ġurnal Uffiċjali tal-Unjoni Ewropea |
L 54/4 |
REGOLAMENT TA' IMPLIMENTAZZJONI TAL-KUMMISSJONI (UE) 2017/357
tat-28 ta' Frar 2017
dwar in-nonapprovazzjoni tas-sustanza attiva ċiklaniliprol, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-Artikolu 13(2) tiegħu,
Billi:
(1) |
Fid-19 ta' Diċembru 2013, l-Awstrija rċeviet applikazzjoni mingħand il-kumpanija ISK Biosciences Europe N.V. għall-approvazzjoni tas-sustanza attiva ċiklaniliprol skont l-Artikolu 7(1) tar-Regolament (KE) Nru 1107/2009. |
(2) |
Fis-17 ta' Jannar 2014, skont l-Artikolu 9(3) ta' dak ir-Regolament, l-Istat Membru relatur, innotifika lill-applikant, lill-Istati Membri l-oħra, lill-Kummissjoni u lill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”) dwar l-ammissibbiltà tal-applikazzjoni. |
(3) |
Għal dik is-sustanza attiva, l-effetti fuq is-saħħa tal-bniedem u tal-annimali u fuq l-ambjent ġew ivvalutati, skont id-dispożizzjonijiet tal-Artikolu 11(2) u (3) ta' dak ir-Regolament, għall-użu propost mill-applikant. L-Istat Membri relatur ressaq abbozz ta' rapport ta' valutazzjoni fl-1 ta' April 2015. |
(4) |
L-abbozz tar-rapport ta' valutazzjoni ġie rivedut mill-Istati Membri u mill-Awtorità. Fis-6 ta' April 2016, l-Awtorità ppreżentat il-konklużjoni tagħha lill-Kummissjoni dwar il-valutazzjoni tar-riskju ta' pestiċidi tas-sustanza attiva ċiklaniliprol (2). |
(5) |
Bl-ittra tat-28 ta' Settembru 2016, ISK Biosciences Europe N.V. irtirat l-applikazzjoni tagħha għall-approvazzjoni taċ-ċiklaniliprol. Minħabba l-irtirar tal-applikazzjoni, is-sustanza ċiklaniliprol jenħtieġ li ma tiġix approvata skont l-Artikolu 13(2) tar-Regolament (KE) Nru 1107/2009. |
(6) |
Dan ir-Regolament ma jippreġudikax it-tressiq ta' applikazzjoni oħra għaċ-ċiklaniliprol skont l-Artikolu 7 tar-Regolament (KE) Nru 1107/2009. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Nonapprovazzjoni ta' sustanza attiva
Is-sustanza attiva ċiklaniliprol mhijiex approvata.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Frar 2017.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) EFSA Journal 2016;14(4):4452. Disponibbli online fuq: www.efsa.europa.eu.
1.3.2017 |
MT |
Il-Ġurnal Uffiċjali tal-Unjoni Ewropea |
L 54/6 |
REGOLAMENT TA' IMPLIMENTAZZJONI TAL-KUMMISSJONI (UE) 2017/358
tat-28 ta' Frar 2017
li jikkonferma l-kundizzjonijiet għall-approvazzjoni tas-sustanza attiva akrinatrina, kif stabbilit fir-Regolament ta' Implimentazzjoni (UE) Nru 540/2011
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-Artikolu 13(2)(c) tiegħu,
Billi:
(1) |
Is-sustanza attiva akrinatrina kienet approvata skont ir-Regolament (KE) Nru 1107/2009 permezz tar-Regolament ta' Implimentazzjoni tal-Kummissjoni (UE) Nru 974/2011 (2) u hija elenkata fil-Parti B tal-Anness tar-Regolament ta' Implimentazzjoni tal-Kummissjoni (UE) Nru 540/2011 (3). Skont ir-ringiela 19 tal-Parti B tal-Anness tar-Regolament ta' Implimentazzjoni (UE) Nru 540/2011, “l-użi bħala insettiċida u akariċida biss jistgħu jiġu awtorizzati f'rati li ma jaqbżux t-22,5 g/ha għal kull applikazzjoni”. |
(2) |
Fit-8 ta' Mejju 2012, Cheminova A/S, li permezz tat-talba tagħha kienet ġiet approvata l-akrinatrina, ressqet applikazzjoni għall-emenda tal-kundizzjonijiet għall-approvazzjoni tas-sustanza attiva akrinatrina biex jiġi awtorizzat l-użu bħala insettiċida u akaraċida mingħajr restrizzjoni fuq ir-rata. Dik l-applikazzjoni kienet akkumpanjata minn tagħrif relatat mat-talba tal-estensjoni tal-użu. L-applikazzjoni tressqet lil Franza, li kienet inħatret bħala l-Istat Membru relatur permezz tar-Regolament tal-Kummissjoni (KE) Nru 1490/2002 (4). |
(3) |
Franza vvalutat it-tagħrif imressaq mill-applikant u ppreparat addendum mal-abbozz tar-rapport ta' valutazzjoni. Hija ressqet dak l-addendum quddiem il-Kummissjoni, u kopja quddiem l-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”) fil-5 ta' Novembru 2012. |
(4) |
L-Awtorità bagħtet l-addendum lill-applikant u lill-Istati Membri, u għamlitu disponibbli għall-pubbliku, filwaqt li tat perjodu ta' 60 jum għas-sottomissjoni ta' kummenti bil-miktub. |
(5) |
Fid-dawl tal-addendum mal-abbozz tar-rapport tal-valutazzjoni, l-Awtorità adottat il-konklużjoni tagħha dwar l-akrinatrina fil-21 ta' Novembru 2013 (5), fir-rigward tal-użu mhux ristrett bħala insettiċida u akariċida. |
(6) |
L-Awtorità kkomunikat il-konklużjoni tagħha lill-applikant, lill-Istati Membri u lill-Kummissjoni u għamlitha disponibbli għall-pubbliku. Fid-dawl tal-addendum mal-abbozz tar-rapport ta' valutazzjoni tal-Istat Membru relatur u l-konklużjoni tal-Awtorità, il-Kummissjoni ppreżentat rapport ta' analiżi u abbozz ta' Regolament lill-Kumitat Permanenti dwar il-Pjanti, l-Annimali, l-Ikel u l-Għalf. |
(7) |
L-applikant ingħata l-possibbiltà li jressaq kummenti dwar ir-rapport ta' analiżi għall-akrinatrina inkluż l-addendum. L-applikant ressaq il-kummenti tiegħu, u dawn ġew eżaminati bir-reqqa. Madankollu, minkejja l-argumenti mressqa mill-applikant, it-tħassib imsemmi fil-premessa 8 ma setax jiġi eliminat. |
(8) |
Fuq il-bażi tar-rapport ta' analizi u fatturi oħra li huma leġittimi għall-kwistjoni li qed tingħata konsiderazzjoni, għandu jiġi kkunsidrat li t-tagħrif addizzjonali mressaq mill-applikant ma jippermettix li jiġu eliminati l-punti speċifiċi ta' tħassib li wasslu għar-restrizzjoni tal-użu tal-akrinatrina f'rati li ma jaqbżux t-22,5 g/ha għal kull applikazzjoni. B'mod partikolari, l-akrinatrina hija sustanza tossika ħafna għall-ħut u l-invertebrati akkwatiċi u l-aċċettabilità tagħha fuq il-bażi tar-rati kurrenti diġà tirrikjedi mitigazzjoni estensiva tar-riskju. Id-dejta l-ġdida pprovduta mill-applikant naqset milli turi li ż-żieda sinifikanti ta' rati, u konsegwentement, ta' espożizzjoni, xorta waħda jirriżultaw f'riskju aċċettabbli għall-organiżmi akkwatiċi kkonċernati. Fl-aħħar nett, fuq il-bażi ta' tagħrif konfermatorju mressaq min-notifikant, l-EFSA tikkonkludi li rati ogħla jistgħu jwasslu għal riskju għoli għall-artropodi mhux fil-mira li jkompli jikkonferma li dawn ir-rati ma jistgħux jiżdiedu. |
(9) |
Għaldaqstant, ma ġiex ippruvat li wieħed jista' jistenna li l-prodotti għall-protezzjoni tal-pjanti li fihom l-akrinatrina jissodisfaw b'mod ġenerali r-rekwiżiti stabbiliti fl-Artikolu 4(3) tar-Regolament (KE) Nru 1107/2009 meta jintużaw bħala insettiċida jew akariċida mingħajr restrizzjonijiet fuq ir-rata. |
(10) |
Il-kundizzjonijiet għall-approvazzjoni tas-sustanza attiva akrinatrina kif stabbiliti fir-ringiela 19 tal-Parti B tal-Anness tar-Regolament ta' Implimentazzjoni (UE) Nru 540/2011, għandhhom għalhekk jiġu kkonfermati. |
(11) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Konferma tal-kundizzjonijiet għall-approvazzjoni
Il-kundizzjonijiet għall-approvazzjoni tas-sustanza attiva akrinatrina, kif stipulat fir-ringiela 19 tal-Parti B tal-Anness tar-Regolament ta' Implimentazzjoni (UE) Nru 540/2011, huma kkonfermati.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Frar 2017.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Ir-Regolament ta' Implimentazzjoni tal-Kummissjoni (UE) Nru 974/2011 tad-29 ta' Settembru 2011 li japprova s-sustanza attiva akrinatrina, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011 u d-Deċiżjoni tal-Kummissjoni 2008/934/KE (ĠU L 255, 1.10.2011, p. 1).
(3) Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).
(4) Ir-Regolament tal-Kummissjoni (KE) Nru 1490/2002 tal-14 ta' Awwissu 2002 li jwaqqaf regoli oħra għall-implimentazzjoni tat-tielet stadju tal-programm ta' xogħol li jissemma fl-Artikolu 8(2) tad-Direttiva tal-Kunsill 91/414/KEE u li jemenda r-Regolament (KE) Nru 451/2000 (ĠU L 224, 21.8.2002, p. 23).
(5) “Conclusion on the peer review of the pesticide risk assessment of the active substance acrinathrin.”EFSA Journal 2013;11(12):3469. Disponibbli online fuq: www.efsa.europa.eu/efsajournal.htm
1.3.2017 |
MT |
Il-Ġurnal Uffiċjali tal-Unjoni Ewropea |
L 54/8 |
REGOLAMENT TA' IMPLIMENTAZZJONI TAL-KUMMISSJONI (UE) 2017/359
tat-28 ta' Frar 2017
li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva ossiflworfen
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari t-tieni alternattiva tal-Artikolu 21(3) u l-Artikolu 78(2) tiegħu,
Billi:
(1) |
Ir-Regolament ta' Implimentazzjoni tal-Kummissjoni (UE) Nru 798/2011 (2) approva l-ossiflworfen bħala sustanza attiva skont ir-Regolament (KE) Nru 1107/2009, bil-kundizzjoni li l-Istati Membri kkonċernati jiżguraw li l-applikant, li fuq talba tiegħu l-ossiflworfen ġie approvat, jipprovdi aktar tagħrif ta' konferma dwar ħames aspetti speċifiċi, li wieħed minnhom kien jikkonċerna r-riskju potenzjali għall-organiżmi akkwatiċi minħabba s-sustanza attiva u għall-metaboliti RH-45469, MW 306, MW 347, MW 274 u l-metabolit mhux identifikat Deg 27. |
(2) |
Fid-29 ta' Ġunju u fil-15 ta' Diċembru 2012 l-applikant ressaq informazzjoni addizzjonali li tindirizza r-rekwiżiti dwar id-dejta ta' konferma lill-Istat Membru relatur, Spanja, qabel ma skada l-perjodu ta' żmien previst għat-tressiq. |
(3) |
Spanja vvalutat l-informazzjoni addizzjonali mressqa mill-applikant. Fl-14 ta' Lulju 2014 hija ppreżentat il-valutazzjoni tagħha, fil-forma ta' addendum tal-abbozz tar-rapport ta' valutazzjoni, lill-Istati Membri l-oħra, lill-Kummissjoni u lill-Awtorità Ewropea dwar is-Sigurtà fl-Ikel, minn hawn 'il quddiem “l-Awtorità”. |
(4) |
L-Istati Membri, l-applikant u l-Awtorità ġew ikkonsultati u mitluba jipprovdu l-kummenti tagħhom fuq il-valutazzjoni tal-Istat Membru relatur. Fis-6 ta' Novembru 2014 l-Awtorità ppubblikat Rapport Tekniku li jiġbor ir-riżultat ta' din il-konsultazzjoni għall-ossiflworfen (3). |
(5) |
Il-Kummissjoni kkonsultat l-Awtorità b'rabta ma' ċerti oqsma tal-valutazzjoni. Fit-28 ta' Lulju 2015 l-Awtorità ppreżentat il-konklużjoni tagħha dwar il-valutazzjoni tar-riskju tal-ossiflworfen (4). L-abbozz tar-rapport ta' valutazzjoni, l-addendum u l-konklużjoni tal-Awtorità ġew analizzati mill-Istati Membri u mill-Kummissjoni fi ħdan il-Kumitat Permanenti dwar il-Pjanti, l-Annimali, l-Ikel u l-Għalf, u ġew iffinalizzati fl-24 ta' Jannar 2017 fil-format ta' rapport ta' analiżi tal-Kummissjoni għall-ossiflworfen. |
(6) |
Il-Kummissjoni stiednet lill-applikant iressaq il-kummenti tiegħu dwar ir-rapport ta' analiżi għall-ossiflworfen. |
(7) |
Il-Kummissjoni kkunsidrat li mill-informazzjoni addizzjonali pprovduta kien jidher li s-sustanza omm u l-metaboliti MW 347 u Deg 27 jirrappreżentaw riskju għoli għall-organiżmi akkwatiċi. |
(8) |
Il-Kummissjoni kkonkludiet li l-informazzjoni ulterjuri ta' konferma meħtieġa ma ġietx ipprovduta kompletament u li ma setax jiġi eskluż ir-riskju għoli għall-organiżmi akkwatiċi mill-espożizzjoni għall-ossiflworfen u l-metaboliti MW 347 u Deg 27 ħlief billi jiġu imposti aktar restrizzjonijiet. |
(9) |
Għaldaqstant, sabiex titnaqqas l-espożizzjoni tal-organiżmi akkwatiċi huwa xieraq li jkun hemm aktar restrizzjoni tal-kundizzjonijiet tal-użu ta' din is-sustanza attiva u li jiġu stipulati miżuri speċifiċi għat-taffija tar-riskju għall-protezzjoni ta' dawk l-ispeċijiet. |
(10) |
Għaldaqstant l-Anness tar-Regolament ta' Implimentazzjoni tal-Kummissjoni (UE) Nru 540/2011 (5) għandu jiġi emendat skont dan. |
(11) |
L-Istati Membri għandhom jingħataw iż-żmien biex jemendaw jew jirtiraw l-awtorizzazzjonijiet tal-prodotti għall-protezzjoni tal-pjanti li fihom l-ossiflworfen. |
(12) |
Rigward il-prodotti għall-protezzjoni tal-pjanti li fihom l-ossiflworfen, meta l-Istati Membri jagħtu xi perjodu ta' grazzja f'konformità mal-Artikolu 46 tar-Regolament (KE) Nru 1107/2009, dan il-perjodu għandu jiskadi sa mhux aktar tard mill-21 ta' Ġunju 2018. |
(13) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda tar-Regolament ta' Implimentazzjoni (UE) Nru 540/2011
L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness ta' dan ir-Regolament.
Artikolu 2
Miżuri tranżitorji
F'konformità mar-Regolament (KE) Nru 1107/2009, fejn ikun meħtieġ, l-Istati Membri għandhom jemendaw jew jirtiraw l-awtorizzazzjonijiet eżistenti tal-prodotti għall-protezzjoni tal-pjanti li fihom l-ossiflworfen bħala sustanza attiva sa mhux aktar mill-21 ta' Ġunju 2017.
Artikolu 3
Perjodu ta' grazzja
Kull perjodu ta' grazzja li jagħtu l-Istati Membri skont l-Artikolu 46 tar-Regolament (KE) Nru 1107/2009 għandu jkun qasir kemm jista' jkun u għandu jiskadi sa mhux aktar tard mill-21 ta' Ġunju 2018.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Frar 2017.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Ir-Regolament ta' Implimentazzjoni tal-Kummissjoni (UE) Nru 798/2011 tad-9 ta' Awwissu 2011 li japprova s-sustanza attiva ossiflworfen, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti, u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011 u d-Deċiżjoni tal-Kummissjoni 2008/934/KE (ĠU L 205, 10.8.2011, p. 9).
(3) EFSA (L-Awtorità Ewropea dwar is-Sigurtà fl-Ikel), 2014. Technical report on the outcome of the consultation with Member States, the applicant and EFSA on the pesticide risk assessment of confirmatory data for oxyfluorfen. EFSA supporting publication 2014:EN-686. 40 pp.
(4) Conclusion on the peer review of the pesticide risk assessment for the active substance oxyfluorfen in light of confirmatory data. EFSA Journal 2015; 13(8): 4205, 45 pp. doi: 10.2903/j.efsa.2015/4205.
(5) Ir-Regolament ta' Implimentazzjoni tal-Kummissjoni (UE) Nru 540/2011 tal- 25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).
ANNESS
Il-kolonna “Dispożizzjonijiet speċifiċi” tar-ringiela 11, ossiflworfen, tal-Parti B tal-Anness tar-Regolament ta' Implimentazzjoni (UE) Nru 540/2011 tinbidel b'dan li ġej:
“PARTI A
L-użi bħala erbiċida għal applikazzjonijiet identifikati qrib il-ħamrija mill-ħarifa sal-bidu tar-rebbiegħa biss jistgħu jiġu awtorizzati, b'rata li ma taqbiżx il-150 g ta' sustanza attiva għal kull ettaru, kull sena.
PARTI B
Għall-implimentazzjoni tal-prinċipji uniformi, kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta' analiżi dwar l-ossiflworfen, u b'mod partikolari l-Appendiċijiet I u II tiegħu, kif iffinalizzat mill-Kumitat Permanenti dwar il-Pjanti, l-Annimali, l-Ikel u l-Għalf.
F'din il-valutazzjoni globali, l-Istati Membri jridu jagħtu attenzjoni partikolari:
— |
lis-sikurezza tal-operaturi u jiżguraw li l-kundizzjonijiet tal-użu jimponu l-applikazzjoni tat-tagħmir ta' protezzjoni personali adgwat fejn xieraq; |
— |
lir-riskji għall-organiżmi akkwatiċi, għall-mammiferi li jieklu d-dud tal-art, għall-makroorganiżmi li jgħixu fil-ħamrija, għall-artropodi mhux fil-mira u għall-pjanti mhux fil-mira. |
Il-kundizzjonijiet tal-awtorizzazzjoni għandhom jinkludu miżuri li jtaffu r-riskju bħal żoni ta' protezzjoni ħielsa mill-bexx u bżieżel li jnaqqsu t-tixrid u għandhom jipprovdu għall-ittikkettar rispettiv ta' prodotti għall-protezzjoni tal-pjanti. Fejn xieraq, dawk il-kundizzjonijiet għandhom jinkludu aktar miżuri ta' mitigazzjoni tar-riskju.”
1.3.2017 |
MT |
Il-Ġurnal Uffiċjali tal-Unjoni Ewropea |
L 54/11 |
REGOLAMENT TA' IMPLIMENTAZZJONI TAL-KUMMISSJONI (UE) 2017/360
tat-28 ta' Frar 2017
li jemenda r-Regolament ta' Implimentazzjoni tal-Kummissjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva buprofeżin
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u partikolarment it-tieni alternattiva tal-Artikolu 21(3) u l-Artikolu 78(2) tiegħu,
Billi:
(1) |
Id-Direttiva tal-Kummissjoni 2011/6/UE (2) inkludiet il-buprofeżin bħala sustanza attiva fl-Anness I tad-Direttiva tal-Kunsill 91/414/KEE (3), bil-kundizzjoni li l-Istati Membri kkonċernati jiżguraw li n-notifikatur, li fuq talba tiegħu l-buprofeżin ġie inkluż f'dak l-Anness, jipprovdi aktar informazzjoni ta' konferma fir-rigward tal-fatturi ta' ipproċessar u ta' konverżjoni għall-valutazzjoni tar-riskju għall-konsumatur. |
(2) |
Is-sustanzi attivi inklużi fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4). |
(3) |
Fit-30 ta' Jannar 2013, l-applikant ressaq informazzjoni addizzjonali dwar l-fatturi ta' ipproċessar u ta' konverżjoni lill-Istat Membru relatur, ir-Rejnu Unit, qabel l-iskadenza tal-perjodu ta' żmien previst. |
(4) |
Ir-Renju Unit wettaq valutazzjoni tal-informazzjoni addizzjonali mressqa mill-applikant. Fid-9 ta' Settembru 2014, ressaq il-valutazzjoni tiegħu, fil-forma ta' addendum tal-abbozz tar-rapport ta' valutazzjoni, lill-Istati Membri l-oħra, lill-Kummissjoni u lill-Awtorità Ewropea dwar is-Sigurtà fl-Ikel, minn hawn 'il quddiem magħrufa bħala “l-Awtorità”. |
(5) |
Fit-28 ta' Lulju 2015 il-Kummissjoni kkonsultat lill-Awtorità li ppreżentat il-konklużjoni tagħha dwar il-valutazzjoni tar-riskju tal-buprofeżin (5). L-abbozz tar-rapport ta' valutazzjoni, l-addendum u l-konklużjoni tal-Awtorità ġew analizzati mill-Istati Membri u mill-Kummissjoni fi ħdan il-Kumitat Permanenti dwar il-Pjanti, l-Annimali, l-Ikel u l-Għalf, u ġew iffinalizzati fl-24 ta' Jannar 2017 fil-format tar-rapport ta' analiżi tal-Kummissjoni għall-buprofeżin. |
(6) |
Il-Kummissjoni stiednet lill-applikant biex iressaq il-kummenti tiegħu dwar l-abbozz tar-rapport tar-reviżjoni għall-bupofeżin. |
(7) |
Il-Kummissjoni kkunsidrat li l-informazzjoni addizzjonali pprovduta wriet li taħt kundizzjonijiet ta' pproċessar b'temperatura għolja l-buprofeżin jiġi ddegradat f'diversi metaboliti, inkluż l-anilina. L-anilina hija karċinoġenu li għalih ma jistax jiġi eskluż mekkaniżmu ġenotossiku u għalhekk ma jista' jiġi preżunt l-ebda limitu ta' espożizzjoni aċċettabbli. |
(8) |
Il-Kummissjoni kkonkludiet li l-informazzjoni ta' konferma ulterjuri meħtieġa ma ġietx ipprovduta kompletament u li l-espożizzjoni tal-konsumaturi għall-anilina permezz tal-konsum ta' għelejjel ipproċessati ma tistax tiġi eskluża ħlief billi jiġu imposti aktar restrizzjonijiet. B'mod partikolari, l-użu tal-buprofeżin għandu jkun limitat għal għelejjel li ma jittiklux biss. |
(9) |
Ġie kkonfermat li s-sustanza attiva buprofeżin għandha titqies bħala approvata skont ir-Regolament (KE) Nru 1107/2009. Sabiex tiġi minimizzata l-espożizzjoni tal-konsumaturi għall-anilina huwa madankollu xieraq li jiġu emendati l-kundizzjonijiet ta' użu ta' din is-sustanza attiva. |
(10) |
Għaldaqstant l-Anness tar-Regolament ta' Implimentazzjoni (UE) Nru 540/2011 għandu jiġi emendat skont dan. |
(11) |
L-Istati Membri għandhom jingħataw iż-żmien biex jemendaw jew jirtiraw l-awtorizzazzjonijiet tal-prodotti għall-protezzjoni tal-pjanti li fihom il-buprofeżin. |
(12) |
Rigward il-prodotti għall-protezzjoni tal-pjanti li fihom il-buprofeżin, meta l-Istati Membri jagħtu xi perjodu ta' grazzja f'konformità mal-Artikolu 46 tar-Regolament (KE) Nru 1107/2009, dak il-perjodu għandu jiskadi sa mhux aktar tard mill-21 ta' Ġunju 2018. |
(13) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda tar-Regolament ta' Implimentazzjoni (UE) Nru 540/2011
L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness ta' dan ir-Regolament.
Artikolu 2
Miżuri tranżitorji
Fejn hu meħtieġ, l-Istati Membri għandhom, b'konformità mar-Regolament (KE) Nru 1107/2009 jemendaw jew jirtiraw l-awtorizzazzjonijiet eżistenti għall-prodotti għall-protezzjoni tal-pjanti li fihom il-buprofeżin bħala sustanza attiva sa mhux aktar tard mill-21 ta' Ġunju 2017.
Artikolu 3
Perjodu ta' grazzja
Kull perjodu ta' grazzja li jagħtu l-Istati Membri skont l-Artikolu 46 tar-Regolament (KE) Nru 1107/2009 għandu jkun qasir kemm jista' jkun u għandu jiskadi sa mhux aktar tard mill-21 ta' Ġunju 2018.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Frar 2017.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Id-Direttiva tal-Kummissjoni 2011/6/UE tal-20 ta' Jannar 2011 li temenda d-Direttiva tal-Kunsill 91/414/KEE biex tinkludi l-buprofeżin bħala sustanza attiva (ĠU L 18, 21.1.2011, p. 38).
(3) Id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (ĠU L 230, 19.8.1991, p. 1).
(4) Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).
(5) Conclusion on the peer review of the pesticide risk assessment for the active substance buprofezin in light of confirmatory data. EFSA Journal 2015; 13(8): 4207, 24 pp. doi: 10.2903/j.efsa.2015/4207
ANNESS
Il-kolonna “Dispożizzjonijiet speċifiċi” tar-ringiela 320, buprofeżin, tal-Parti A tal-Anness tar-Regolament ta' Implimentazzjoni (UE) Nru 540/2011 tinbidel b'dan li ġej:
“PARTI A
Użi bħala insettiċida u akariċida fuq għelejjel mhux għall-ikel biss jistgħu jiġu awtorizzati.
PARTI B
Għall-implimentazzjoni tal-prinċipji uniformi kif imsemmi fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta' reviżjoni dwar il-buprofeżin, u b'mod partikolari l-Appendiċijiet I u II tiegħu, kif iffinalizzat mill-Kumitat Permanenti dwar il-Pjanti, l-Annimali, l-Ikel u l-Għalf.
F'din il-valutazzjoni globali, l-Istati Membri jridu jagħtu attenzjoni partikolari:
— |
lis-sikurezza tal-operaturi u l-ħaddiema u jiżguraw li l-kundizzjonijiet tal-użu jimponu l-applikazzjoni ta' tagħmir xieraq ta' protezzjoni personali fejn xieraq; |
— |
lill-applikazzjoni ta' perjodu ta' stennija xieraq għan-newbiet tal-għelejjel fis-serer; |
— |
lir-riskju għall-organiżmi akkwatiċi u jiżguraw li, fejn hu xieraq, il-kundizzjonijiet tal-użu jimponu miżuri adegwati għat-taffija tar-riskju. |
Fejn xieraq, il-kundizzjonijiet tal-awtorizzazzjoni għandhom jinkludu miżuri li jtaffu r-riskju.”
1.3.2017 |
MT |
Il-Ġurnal Uffiċjali tal-Unjoni Ewropea |
L 54/14 |
REGOLAMENT TA' IMPLIMENTAZZJONI TAL-KUMMISSJONI (UE) 2017/361
tat-28 ta' Frar 2017
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Frar 2017.
Għall-Kummissjoni,
F'isem il-President,
Jerzy PLEWA
Direttur Ġenerali
Direttorat Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
EG |
232,7 |
IL |
243,7 |
|
MA |
100,2 |
|
TR |
94,5 |
|
ZZ |
167,8 |
|
0707 00 05 |
MA |
64,9 |
TR |
204,0 |
|
ZZ |
134,5 |
|
0709 91 00 |
EG |
113,1 |
ZZ |
113,1 |
|
0709 93 10 |
MA |
54,1 |
TR |
161,7 |
|
ZZ |
107,9 |
|
0805 10 22 , 0805 10 24 , 0805 10 28 |
EG |
54,7 |
IL |
77,6 |
|
MA |
45,7 |
|
TN |
49,3 |
|
TR |
74,6 |
|
ZZ |
60,4 |
|
0805 50 10 |
EG |
82,4 |
TR |
71,7 |
|
ZZ |
77,1 |
|
0808 30 90 |
CL |
102,0 |
CN |
100,4 |
|
ZA |
114,9 |
|
ZZ |
105,8 |
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
1.3.2017 |
MT |
Il-Ġurnal Uffiċjali tal-Unjoni Ewropea |
L 54/16 |
DEĊIŻJONI Nru 1/2017 TAL-KUMITAT KONĠUNT BEJN L-UE U L-IŻVIZZERA
tat-8 ta' Frar 2017
li temenda t-Tabelli II, III u IV(b) tal-Protokoll Nru 2 tal-Ftehim bejn il-Komunità Ekonomika Ewropea u l-Konfederazzjoni Żvizzera tat-22 ta' Lulju 1972 fir-rigward tad-dispożizzjonijiet applikabbli għall-prodotti agrikoli pproċessati [2017/362]
IL-KUMITAT KONĠUNT,
Wara li kkunsidra l-Ftehim bejn il-Komunità Ekonomika Ewropea u l-Konfederazzjoni Żvizzera ffirmat fi Brussell fit-22 ta' Lulju 1972 (1), minn hawn 'il quddiem imsejjaħ “il-Ftehim”, kif emendat bil-Ftehim bejn il-Komunità Ewropea u l-Konfederazzjoni Żvizzera li jemenda l-Ftehim fir-rigward tad-dispożizzjonijiet applikabbli għall-prodotti agrikoli pproċessati (2) ffirmat fil-Lussemburgu fis-26 ta' Ottubru 2004, u l-Protokoll Nru 2 tiegħu, u b'mod partikolari l-Artikolu 7 ta' dak il-Protokoll,
Filwaqt li jfakkar li l-Protokoll Nru 2 revedut ġie konkluż bil-għan li jitjieb l-aċċess reċiproku għas-swieq tal-prodotti agrikoli pproċessati,
Filwaqt li jirreferi għat-tħassib li tqajjem mill-UE fil-61 laqgħa tal-Kumitat Konġunt fit-3 ta' Diċembru 2015,
Filwaqt li jqis li jkun utli li jsir aġġustament tekniku għall-iffissar tal-ammonti bażiċi elenkati fit-Tabella IV(b) tal-Protokoll Nru 2 b'żieda minn 15 għal 18,5 fil-mija tat-tnaqqis applikat għad-differenzi fil-prezzijiet ta' referenza biex jiġu ffissati l-ammonti bażiċi,
Filwaqt li jqis li dan l-aġġustament tekniku jipprovdi soluzzjoni għat-tħassib tal-UE dwar il-preservazzjoni tal-marġini preferenzjali relattivi tal-Partijiet Kontraenti kif stabbiliti fl-Artikolu 5(3) tal-Protokoll Nru 2 u li jkun konformi mal-għan ġenerali tal-Ftehim li huwa l-iżvilupp armonjuż tal-kummerċ bejn il-Partijiet Kontraenti,
Filwaqt li jinnota li l-Partijiet Kontraenti biħsiebhom ikomplu josservaw l-obbligi rispettivi tagħhom skont il-Protokoll Nru 2, partikolarment biex jimplimentaw il-klawżola tar-rieżami stabbilita fil-paragrafi 2 u 3 tal-Artikolu 5 mill-inqas darba kull sena, b'konformità mal-objettivi ta' dan il-Protokoll.
Billi:
(1) |
It-tabelli I u II tal-Protokoll Nru 2 tal-Ftehim jelenkaw il-prodotti li għalihom japplika dan il-Protokoll. Il-prodotti kollha tal-intestatura SA 2202 jaqgħu fi ħdan il-kamp ta' applikazzjoni tal-Protokoll Nru 2, ħlief il-meraq tal-frott jew il-meraq tal-ħaxix imħalltin bl-ilma jew miżjudin bil-gass. Interpretazzjonijiet diverġenti dwar id-definizzjoni tal-meraq tal-frott jew tal-meraq tal-ħaxix imħalltin bl-ilma jew miżjudin bil-gass irriżultaw fi prattiki ta' klassifikazzjoni inkonsistenti. |
(2) |
Għalhekk jenħtieġ li d-deskrizzjoni tal-prodotti tal-intestatura SA 2202 esklużi mill-kamp ta' applikazzjoni tal-Protokoll tiġi ċċarata fit-Tabella II. |
(3) |
Għall-implimentazzjoni tal-Protokoll Nru 2 tal-Ftehim, ġew stabbiliti prezzijiet ta' referenza domestiċi għall-Partijiet Kontraenti. |
(4) |
Il-prezzijiet reali fis-swieq domestiċi tal-Partijiet Kontraenti fir-rigward tal-materja prima li għaliha huma applikati miżuri ta' kumpens tal-prezzijiet, inbidlu. |
(5) |
Għalhekk jenħtieġ li l-prezzijiet ta' referenza u l-ammonti elenkati fit-Tabelli III u IV, fil-punt (b) tal-Protokoll Nru 2 jiġu aġġornati kif xieraq, |
ADOTTA DIN ID-DEĊIŻJONI:
Artikolu 1
Il-Protokoll Nru 2 tal-Ftehim huwa emendat kif ġej:
(a) |
It-Tabella II hija emendata kif stabbilit fl-Anness I ta' din id-Deċiżjoni; |
(b) |
It-Tabella III hija sostitwita bit-test stabbilit fl-Anness II ta' din id-Deċiżjoni; |
(c) |
Fit-Tabella IV, il-punt (b) huwa sostitwit bit-test stabbilit fl-Anness III ta' din id-Deċiżjoni. |
Artikolu 2
Din id-Deċiżjoni għandha tidħol fis-seħħ fl-1 ta' Marzu 2017 u għandha tapplika minn dik id-data.
Din id-Deċiżjoni għandha tiġi ppubblikata f'Il-Ġurnal Uffiċjali tal-Unjoni Ewropea fl-1 ta' Marzu 2017.
Magħmul fi Brussell, it-8 ta' Frar 2017.
Għall-Kumitat Konġunt
Il-President
Petros SOURMELIS
(1) ĠU L 300, 31.12.1972, p. 189.
(2) ĠU L 23, 26.1.2005, p. 19.
ANNESS I
Fit-Tabella II, l-entrata għall-intestatura SA Nru 2202 hija sostitwita bl-entrata ta' hawn taħt:
“HS Nru tal-Intestatura |
Deskrizzjoni tal-prodotti |
||
2202 |
Ilmijiet, inklużi ilmijiet minerali u ilmijiet miżjudin bil-gass, li fihom iz-zokkor miżjud jew xi sustanzi oħra tat-taħlil jew li jagħtu t-togħma, u xorb ieħor mhux alkoħoliku, għajr il-meraq tal-frott jew il-meraq tal-ħaxix imsemmija fl-intestatura Nru 2009 : |
||
.10 |
|
||
.91 |
|
||
.99 |
|
||
ex ex.99 |
|
ANNESS II
“Tabella III
Prezzijiet domestiċi ta' referenza tal-UE u tal-Iżvizzera
Materja prima agrikola |
Prezz domestiku ta' referenza tal-Iżvizzera CHF għal kull 100 kg netti |
Prezz domestiku ta' referenza tal-UE CHF għal kull 100 kg netti |
L-Artikolu 4(1) Applikat fl-Iżvizzera Differenza fil-prezz ta' referenza tal-Iżvizzera/tal-UE CHF għal kull 100 kg netti |
L-Artikolu 3(3) Applikat fl-UE Differenza fil-prezz ta' referenza tal-Iżvizzera/tal-UE EUR għal kull 100 kg netti |
Qamħ komuni |
52,10 |
18,37 |
33,75 |
0,00 |
Qamħ durum |
— |
— |
1,20 |
0,00 |
Segala |
42,75 |
16,35 |
26,40 |
0,00 |
Xgħir |
— |
— |
— |
— |
Qamħirrum |
— |
— |
— |
— |
Dqiq tal-qamħ komuni |
90,40 |
40,20 |
50,20 |
0,00 |
Trab tal-ħalib sħiħ |
585,00 |
261,37 |
323,65 |
0,00 |
Trab tal-ħalib xkumat |
396,20 |
195,08 |
201,10 |
0,00 |
Butir |
1 010,90 |
368,10 |
642,80 |
0,00 |
Zokkor abjad |
— |
— |
— |
— |
Bajd |
— |
— |
38,00 |
0,00 |
Patata friska |
43,25 |
17,66 |
25,60 |
0,00 |
Xaħam veġetali |
— |
— |
170,00 |
0,00” |
ANNESS III
Tabella IV
“(b) |
L-ammonti bażiċi għall-materja prima agrikola meqjusa għall-kalkolu tal-komponenti agrikoli:
|