ISSN 1977-074X |
||
Il-Ġurnal Uffiċjali tal-Unjoni Ewropea |
L 9 |
|
Edizzjoni bil-Malti |
Leġiżlazzjoni |
Volum 60 |
Werrej |
|
II Atti mhux leġiżlattivi |
Paġna |
|
|
FTEHIMIET INTERNAZZJONALI |
|
|
* |
||
|
|
REGOLAMENTI |
|
|
* |
||
|
* |
||
|
|
||
|
|
DEĊIŻJONIJIET |
|
|
* |
Deċiżjoni tal-Kummissjoni (UE) 2017/70 tal-25 ta' Lulju 2016 dwar l-għajnuna mill-Istat SA.37185 (2015/C) (ex 2013/N) li Spanja tat u parzjalment implimentat għall-finanzjament taċ-Centro de ensayos de alta tecnología ferroviaria de Antequera (CEATF) (notifikata bid-dokument C(2016) 4573) ( 1 ) |
|
|
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
FTEHIMIET INTERNAZZJONALI
13.1.2017 |
MT |
Il-Ġurnal Uffiċjali tal-Unjoni Ewropea |
L 9/1 |
Avviż dwar id-dħul fis-seħħ tal-Ftehim Qafas dwar Sħubija u Kooperazzjoni Komprensivi bejn l-Unjoni Ewropea u l-Istati Membri tagħha, minn naħa waħda, u r-Repubblika Soċjalista tal-Vjetnam, min-naħa l-oħra
Il-Ftehim Qafas dwar Sħubija u Kooperazzjoni Komprensivi bejn l-Unjoni Ewropea u l-Istati Membri tagħha, minn naħa waħda, u r-Repubblika Soċjalista tal-Vjetnam, min-naħa l-oħra (1) daħal fis-seħħ fl-1 ta' Ottubru 2016, wara li l-proċedura prevista fl-Artikolu 63.1 tal-Ftehim Qafas ġiet konkluża fid-29 ta' Settembru 2016.
(1) ĠU L 329, 3.12.2016, p. 8.
REGOLAMENTI
13.1.2017 |
MT |
Il-Ġurnal Uffiċjali tal-Unjoni Ewropea |
L 9/2 |
REGOLAMENT DELEGAT TAL-KUMMISSJONI (UE) 2017/67
tal-4 ta' Novembru 2016
li jemenda l-Anness II tar-Regolament (UE) Nru 652/2014 tal-Parlament Ewropew u tal-Kunsill li jistabbilixxi dispożizzjonijiet għall-ġestjoni tan-nefqa marbuta mal-katina alimentari, mas-saħħa tal-annimali u mat-trattament xieraq tal-annimali, u marbuta mas-saħħa tal-pjanti u mal-materjal riproduttiv tal-pjanti, billi tiġi ssupplimentata l-lista tal-mard tal-annimali u taż-żoonożi f'dak l-Anness
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 652/2014 tal-Parlament Ewropew u tal-Kunsill tal- 15 ta' Mejju 2014 li jistabbilixxi dispożizzjonijiet għall-ġestjoni tan-nefqa marbuta mal-katina alimentari, mas-saħħa tal-annimali u mat-trattament xieraq tal-annimali, u marbuta mas-saħħa tal-pjanti u mal-materjal riproduttiv tal-pjanti, li jemenda d-Direttivi tal-Kunsill 98/56/KE, 2000/29/KE u 2008/90/KE, ir-Regolamenti (KE) Nru 178/2002, (KE) Nru 882/2004 u (KE) Nru 396/2005 tal-Parlament Ewropew u tal-Kunsill, id-Direttiva 2009/128/KE tal-Parlament Ewropew u tal-Kunsill u r-Regolament (KE) Nru 1107/2009 tal-Parlament Ewropew u tal-Kunsill u li jħassar id-Deċiżjonijiet tal-Kunsill 66/399/KEE, 76/894/KEE u 2009/470/KE (1), u b'mod partikolari l-Artikolu 10(2) tiegħu,
Billi:
(1) |
Il-kundizzjonijiet speċifiċi li għandhom jitqiesu kif imsemmi fl-Artikolu 10(2)(a) u (c) tar-Regolament (UE) Nru 652/2014 huma sodisfatti għall-pesta tan-nagħaġ u tal-mogħoż, elenkati mill-Organizzazzjoni Dinjija għas-Saħħa tal-Annimali (OIE) bħala pesta tar-ruminanti ż-żgħar, il-ġidri tan-nagħaġ, il-ġidri tal-mogħoż u l-marda tal-infafet fil-ġilda li huma elenkati biss fl-Anness I ta' dak ir-Regolament, li jinkludi mardiet li jikkwalifikaw għal finanzjament skont l-Artikolu 6 ta' dan ir-Regolament rigward miżuri ta' emerġenza. |
(2) |
Il-pesta tan-nagħaġ u tal-mogħoż hija marda virali tan-nagħaġ u tal-mogħoż li tittieħed ħafna, endemika fl-Afrika tal-Lvant, il-Peniżola Għarbija, il-pajjiżi fil-Lvant Nofsani u l-Indja. Hija komuni ħafna fl-Afrika u l-Asja u ġiet rappurtata fit-Turkija u fil-pajjiżi tal-Afrika ta' Fuq sa mill-2014. |
(3) |
Il-pesta tan-nagħaġ u tal-mogħoż hija trażmessa permezz ta' kuntatt dirett, u l-marda normalment tiġi trasferita għal żoni ħielsa mill-infezzjoni permezz tat-trasport ta' annimali infettati. Filwaqt li l-mogħoż huma meqjusa li huma aktar suxxettibbli minn nagħaġ, l-infezzjoni f'dawn tal-aħħar tista' tgħaddi minn ġo fihom mingħajr ma jinduna ħadd. |
(4) |
Il-ġidri tan-nagħaġ u tal-mogħoż huwa mard serju u mard li jittieħed malajr ħafna tan-nagħaġ u l-mogħoż ikkawżat minn viruses tal-ġidri tal-kaprini b'impatt serju fuq il-profittabbiltà tat-trobbija tan-nagħaġ u tal-mogħoż, li toħloq xkiel għall-kummerċ fl-Unjoni stess u għall-esportazzjoni lejn pajjiżi terzi. |
(5) |
Il-ġidri tan-nagħaġ u l-ġidri tal-mogħoż huma endemiċi fil-pajjiżi tal-Afrika ta' Fuq, fil-pajjiżi tal-Lvant Nofsani u Asjatiċi, b'inkursjonijiet rikorrenti fil-Greċja u fil-Bulgarija minn pajjiż terz ġar. |
(6) |
Il-marda tal-infafet fil-ġilda hija marda virali infettiva ħafna tal-baqar li tista' tiġi trażmessa permezz tal-insetti u li jista' jkollha impatt serju fuq il-profittabbiltà tat-trobbija tal-annimali u tikkawża xkiel għall-kummerċ fl-Unjoni u għall-esportazzjoni għall-pajjiżi terzi. Hija endemika f'ħafna pajjiżi Afrikani, u fis-snin 2012 u 2013, hija nfirxet lejn il-Lvant Nofsani u t-Turkija. Bosta tifqigħat seħħew fil-Greċja sa minn Awwissu 2015 u l-marda xterdet fil-Bulgarija f'Marzu 2016, u sussegwentement għal għadd ta' pajjiżi tal-Balkani tal-Punent. |
(7) |
Is-sitwazzjoni epidemjoloġika tal-marda tal-ġidri tan-ngħaġ, tal-ġidri tal-mogħoż u tal-marda tal-infafet fil-ġilda qed tevolvi b'mod rapidu wkoll fit-territorju tal-Unjoni b'impatt negattiv sinifikanti fuq il-produzzjoni u l-kummerċ tal-bhejjem. |
(8) |
Barra minn hekk, kif mitlub mill-Kummissjoni, l-Awtorità Ewropea dwar is-Sigurtà fl-Ikel (EFSA) tat opinjoni xjentifika fir-rigward ta' miżuri ta' sorveljanza li għandhom jiġu implimentati mill-Unjoni għall-identifikazzjoni bikrija tal-pesta tal-annimali żgħar li jixtarru (2), il-ġidri tan-nagħaġ, il-ġidri tal-mogħoż (3) u l-marda tal-infafet fil-ġilda (4) biex jirreaġixxu kif xieraq sabiex jiġi evitat it-tixrid tal-mard u sabiex dan il-mard jinqered f'perjodu ta' żmien qasir. |
(9) |
Għalhekk, sabiex jiġu implimentati programmi ta' sorveljanza annwali jew pluriennali għall-identifikazzjoni bikrija tal-mard imsemmi hawn fuq, jinħtieġ li jiżdiedu l-pesta tan-ngħaġ u tal-mogħoż, il-ġidri tan-ngħaġ, il-ġidri tal-mogħoż u l-marda tal-infafet fil-ġilda fil-lista tal-mard tal-annimali u taż-żoonożi li tinsab fl-Anness II għar-Regolament (UE) Nru 652/2014. L-Artikolu 10(2) tar-Regolament (UE) Nru 652/2014 jagħti s-setgħa lill-Kummissjoni biex tadotta atti delegati sabiex tissupplimenta l-lista ta' mard tal-annimali u taż-żoonożi stabbilita fl-Anness II ta' dak ir-Regolament. Il-Kummissjoni tista' tissupplimenta l-lista li tinsab fl-Anness II tar-Regolament (UE) Nru 652/2014 biss billi jiġi emendat dak l-Anness. |
(10) |
Għalhekk l-Anness II tar-Regolament (UE) Nru 652/2014 għandu jiġi emendat skont dan, |
ADOTTAT DAN IR-REGOLAMENT:
Artikolu 1
Fl-Anness II tar-Regolament (UE) Nru 652/2014, jiżdied dan il-mard tal-annimali li ġej: “il-pesta tan-ngħaġ u tal-mogħoż, il-ġidri tan-ngħaġ, il-ġidri tal-mogħoż u l-marda tal-infafet fil-ġilda”.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Novembru 2016.
Għall-Kummissjoni
Il-President
Jean-Claude JUNCKER
(1) ĠU L 189, 27.6.2014, p. 1.
(2) EFSA AHAW Panel (EFSA Panel on Animal Health and Welfare), 2015. Scientific Opinion on peste des petits ruminants EFSA Journal 2015;13 (1):3985.
(3) EFSA AHAW Panel (EFSA Panel on Animal Health and Welfare), 2014. Scientific Opinion on sheep and goat pox. EFSA Journal 2014;12(11):3885.
(4) EFSA AHAW Panel (EFSA Panel on Animal Health and Welfare), 2016. Urgent advice on lumpy skin disease. EFSA Journal 2016;14(8):4573.
13.1.2017 |
MT |
Il-Ġurnal Uffiċjali tal-Unjoni Ewropea |
L 9/4 |
REGOLAMENT TA' IMPLIMENTAZZJONI TAL-KUMMISSJONI (UE) 2017/68
tad-9 ta' Jannar 2017
li jemenda r-Regolament tal-Kummissjoni (KE) Nru 121/2008 li jistabbilixxi l-metodu ta' analiżi għad-determinazzjoni tal-kontenut tal-lamtu fil-preparazzjonijiet ta' tip użat fl-għalf tal-annimali (kodiċi NM 2309)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,
Billi:
(1) |
Il-klassifikazzjoni ta' preparazzjonijiet tat-tip użat fl-għalf tal-annimali taħt is-subtitoli tat-titolu 2309 tan-Nomenklatura Magħquda annessa mar-Regolament tal-Kunsill (KEE) Nru 2658/87 (2) hija ddeterminata abbażi tal-kontenut ta' lamtu li jkollu l-prodott. |
(2) |
Għall-finijiet ta' din il-klassifikazzjoni, ir-Regolament tal-Kummissjoni (KE) Nru 121/2008 (3) jipprevedi l-użu ta' metodu analitiku enżimatiku għad-determinazzjoni tal-kontenut tal-lamtu f'ċerti preparazzjonijiet. |
(3) |
Fejn hemm preżenti f'dawn il-preparazzjonijiet prodotti tas-sojja, il-kontenut ta' lamtu jista' jiġi ddeterminat permezz tal-metodu polarimetriku jew tal-metodu analitiku enżimatiku. Jinkisbu riżultati sostanzjalment differenti, skont il-metodu użat, u nstab li l-metodu polarimetriku ma kienx xieraq biex jiġi stabbilit il-kontenut ta' lamtu fil-preparazzjonijiet li fihom prodotti tas-sojja peress li dan jagħti riżultati impreċiżi. |
(4) |
Għalhekk, il-prodotti tas-sojja għandhom jinżiedu mal-lista tal-materjali tal-għalf stabbilita fl-Artikolu 1 tar-Regolament (KE) Nru 121/2008 li għalihom il-kontenut tal-lamtu fil-preparazzjoni għandu jiġi ddeterminat bl-użu ta' metodu analitiku enżimatiku, biex jiġi ċċarat liema metodu jridu jużaw l-awtoritajiet doganali u b'hekk tkun żgurata klassifikazzjoni uniformi fl-Istati Membri. |
(5) |
Għalhekk, l-Artikolu 1 tar-Regolament (KE) Nru 121/2008 għandu jiġi emendat skont dan. |
(6) |
I-miżuri previsti f'dan ir-Regolament jikkonformaw mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Fl-Artikolu 1 tar-Regolament (KE) Nru 121/2008 għandu jiddaħħal il-punt (k) li ġej:
“(k) |
prodotti tas-sojja.” |
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta' Jannar 2017.
Għall-Kummissjoni,
F'isem il-President,
Stephen QUEST
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana. (ĠU L 256, 7.9.1987, p. 1).
(3) Ir-Regolament tal-Kummissjoni (KE) Nru 121/2008 tal-11 ta' Frar 2008 li jistabbilixxi l-metodu ta' analiżi għad-determinazzjoni tal-kontenut tal-lamtu fil-preparazzjonijiet ta' tip użat fl-għalf tal-annimali (kodiċi NM 2309) (ĠU L 37, 12.2.2008, p. 3).
13.1.2017 |
MT |
Il-Ġurnal Uffiċjali tal-Unjoni Ewropea |
L 9/6 |
REGOLAMENT TA' IMPLIMENTAZZJONI TAL-KUMMISSJONI (UE) 2017/69
tat-12 ta' Jannar 2017
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Jannar 2017.
Għall-Kummissjoni,
F'isem il-President,
Jerzy PLEWA
Direttur Ġenerali
Direttorat Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
IL |
269,9 |
MA |
121,7 |
|
SN |
204,0 |
|
TR |
106,0 |
|
ZZ |
175,4 |
|
0707 00 05 |
MA |
86,1 |
TR |
166,7 |
|
ZZ |
126,4 |
|
0709 91 00 |
EG |
144,1 |
ZZ |
144,1 |
|
0709 93 10 |
MA |
240,8 |
TR |
229,3 |
|
ZZ |
235,1 |
|
0805 10 20 |
EG |
47,5 |
IL |
126,4 |
|
MA |
56,5 |
|
TR |
75,0 |
|
ZZ |
76,4 |
|
0805 20 10 |
IL |
160,9 |
MA |
70,1 |
|
ZZ |
115,5 |
|
0805 20 30 , 0805 20 50 , 0805 20 70 , 0805 20 90 |
EG |
97,9 |
IL |
111,8 |
|
JM |
125,6 |
|
MA |
93,5 |
|
TR |
99,1 |
|
ZZ |
105,6 |
|
0805 50 10 |
TR |
78,9 |
ZZ |
78,9 |
|
0808 10 80 |
CN |
144,5 |
US |
72,4 |
|
ZZ |
108,5 |
|
0808 30 90 |
CL |
307,7 |
CN |
72,4 |
|
TR |
133,1 |
|
ZZ |
171,1 |
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
13.1.2017 |
MT |
Il-Ġurnal Uffiċjali tal-Unjoni Ewropea |
L 9/8 |
DEĊIŻJONI TAL-KUMMISSJONI (UE) 2017/70
tal-25 ta' Lulju 2016
dwar l-għajnuna mill-Istat SA.37185 (2015/C) (ex 2013/N) li Spanja tat u parzjalment implimentat għall-finanzjament taċ-Centro de ensayos de alta tecnología ferroviaria de Antequera (CEATF)
(notifikata bid-dokument C(2016) 4573)
(It-test bl-Ispanjol biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b'mod partikolari l-Artikolu 62(1)(a) tiegħu,
Wara li avżat lill-partijiet ikkonċernati biex jibagħtu l-kummenti tagħhom f'konformità mad-dispożizzjonijiet imsemmija hawn fuq (1) u wara li kkunsidrat il-kummenti tagħhom,
Billi:
1. IL-PROĊEDURA
(1) |
Permezz tal-ittra bid-data tal-5 ta' Awwissu 2013, Spanja bagħtet prenotifika lill-Kummissjoni dwar għajnuna għall-finanzjament ta' ċentru ta' ttestjar ferrovjarju ta' teknoloġija avvanzata f'Antequera (“Centro de Ensayos de Alta Tecnología Ferroviaria de Antequera”, is-“CEATF”). In-notifikazzjoni ġiet irreġistrata fit-30 ta' Settembru 2013. Il-Kummissjoni talbet informazzjoni supplimentari permezz tal-ittri bid-dati tat-28 ta' Novembru 2013, it-28 ta' Marzu, il-25 ta' Lulju u l-5 ta' Diċembru 2014, li għalihom l-awtoritajiet Spanjoli wieġbu bl-ittri bid-dati tas-6 ta' Frar, l-20 ta' Mejju, il-15 ta' Ottubru 2014 u t-23 ta' Jannar 2015. |
(2) |
Permezz tal-ittra bid-data tat-23 ta' Marzu 2015, il-Kummissjoni nnotifikat lil Spanja bid-deċiżjoni tagħha li jingħata bidu għall-proċeduri stipulati fl-Artikolu 108(2) tat-Trattat dwar il-miżura msemmija iktar 'il fuq. |
(3) |
Id-deċiżjoni tal-Kummissjoni li jingħata bidu għall-proċeduri (“id-deċiżjoni tal-ftuħ”) ġiet ippubblikata f'Il-Ġurnal Uffiċjali tal-Unjoni Ewropea (2). Il-Kummissjoni stiednet lill-partijiet interessati biex jibagħtu l-kummenti tagħhom dwar l-għajnuna. |
(4) |
Fuq talba tal-Kummissjoni, saret laqgħa mal-awtoritajiet Spanjoli fit-28 ta' Mejju 2015. Spanja bagħtet l-osservazzjonijiet tagħha dwar id-deċiżjoni tal-ftuħ fit-2 ta' Lulju 2015. Il-Kummissjoni talbet informazzjoni addizzjonali permezz tal-ittri bid-dati tat-8 ta' Settembru, il-15 ta' Ottubru 2015 u l-15 ta' Jannar 2016, li għalihom l-awtoritajiet Spanjoli wieġbu bl-ittri bid-dati tat-28 ta' Settembru, it-13 ta' Novembru 2015 u l-21 ta' Jannar 2016. |
(5) |
Il-Kummissjoni rċeviet kummenti mingħand kumpaniji li joperaw fis-settur tal-ferroviji fis-7, id-9, l-10, is-16, is-17 u t-23 ta' Lulju 2015. Dawn l-għaxar kumpaniji huma operaturi ferrovjarji, manifatturi tal-vetturi ferrovjarji u kumpaniji li jipprovdu faċilitajiet tal-ittestjar virtwali jew materjali tal-ittestjar. |
(6) |
Il-Kummissjoni bagħtet dawn il-kummenti lil Spanja b'ittra bid-data tal-24 ta' Settembru 2015, li għaliha Spanja wieġbet b'ittra bid-data tal-14 ta' Ottubru 2015. |
(7) |
Finalment, fis-26 ta' Lulju 2013, l-awtoritajiet Spanjoli ssottomettew il-proġett, fil-forma sussegwentement innotifikat lid-DĠ Kompetizzjoni fit-30 ta' Settembru 2013, lid-Direttorat Ġenerali għall-Politika Reġjonali u Urbana tal-Kummissjoni bħala “Proġett Maġġuri” biex jiġi ffinanzjat taħt Programm Operattiv Multireġjonali li kien fis-seħħ fi Spanja dak iż-żmien (3). Huma rtiraw il-proġett bl-ittra tal-14 ta' April 2015. |
2. DESKRIZZJONI DETTALJATA TAL-MIŻURA
2.1. Objettiv u deskrizzjoni tal-proġett tas-CEATF
(8) |
Il-miżura nnotifikata tikkonċerna l-finanzjament pubbliku ta' infrastruttura ta' riċerka maħsuba biex topera bħala ċentru għall-ittestjar ta' vetturi ferrovjarji ta' veloċità għolja u tagħmir relatat. L-objettiv tal-proġett tas-CEATF huwa li jipprovdi infrastruttura unika fl-Ewropa li tippermetti li jsiru l-proċessi meħtieġa ta' ttestjar, validazzjoni u approvazzjoni ta' vetturi ferrovjarji ta' veloċità għolja. |
(9) |
Il-proġett tas-CEATF jikkonsisti f'ċirkwit ferrovjarju fejn il-ferroviji jkunu jistgħu joperaw b'veloċitajiet għoljin ħafna (sa 520 km/siegħa), u installazzjonijiet awżiljarji li jippermettu r-riċerka, l-approvazzjoni u l-ikkalibrar ta' tagħmir ferrovjarju mobbli, u elementi ta' infrastruttura u sovrastruttura. B'mod iktar speċifiku, il-faċilitajiet taċ-ċentru jippermettu r-riċerka fuq id-dinamika ferrovjarja, fuq il-ġenerazzjoni ġdida ta' trazzjoni u bbrejkjar tal-ferroviji, u fuq is-sistemi ta' sinjalar tal-infrastruttura ferrovjarja. |
(10) |
Iċ-ċirkwit ferrovjarju għandu forma ċirkolari twila 58 km b'sezzjoni dritta twila 9 km u jippermetti li jintlaħqu veloċitajiet sa massimu ta' 520 km/siegħa. Huwa jinkludi kurvaturi b'raġġ kbir, li kkombinati ma' sopraelevazzjoni speċifika, jippermetti ċertu veloċità u aċċelerazzjoni laterali. |
(11) |
Spanja indikat li ċ-ċirkwit ferrovjarju huwa maħsub li jintuża għall-approvazzjoni tat-tip ta' vetturi ferrovjarji li jivvjaġġaw b'veloċità massima ta' 520 km/siegħa, u dan jikkorrispondi mal-approvazzjoni tat-tip ta' kurvaturi b'raġġ kbir u kbir ħafna (4). |
(12) |
Iċ-ċirkwit huwa mgħammar ukoll b'żewġ sezzjonijiet b'żewġ binarji u pjattaformi li jistgħu jintużaw għall-approvazzjoni tat-tip ta' vetturi ferrovjarji li jivvjaġġaw b'veloċità ta' 250 km/siegħa (5) jew inqas, kif ukoll għal testijiet ta' infrastruttura u sovrastruttura. |
(13) |
Iċ-ċirkwit huwa mgħammar b'fergħat ta' konnessjoni li jistgħu jintużaw għall-approvazzjoni tat-tip fuq kurvaturi żgħar u żgħar ħafna. |
(14) |
L-installazzjonijiet awżiljarji jinkludu ċ-Ċentru Integrat għas-Servizzi Ferrovjarji (“Centro Integral de Servicios Ferroviarios”, “is-CISF”) li jospita laboratorji, uffiċini u kmamar għat-taħriġ. Il-laboratorji jikkonsistu f'workshop multifunzjonali u żona ta' preparazzjoni għat-testijiet li jiffaċilitaw l-immuntar u l-iżżarmar ta' tagħmir ferrovjarju, kompiti ta' żvilupp tad-diversi sistemi ta' abbord, u attivitajiet ta' riċerka, żvilupp u innovazzjoni (RŻI). Parti minn din iż-żona hija ddedikata għat-testijiet tal-imġiba ottimali tal-vetturi ferrovjarji għall-validazzjoni u l-approvazzjoni futuri ta' vetturi ferrovjarji. |
(15) |
L-installazzjoni awżiljarja tinkludi wkoll binarji għal ittestjar speċifiku, substazzjon ta' multitensjoni biex jipprovdi enerġija liċ-ċirkwiti, u ċentru tal-kontroll tat-traffiku. |
(16) |
Il-kostruzzjoni u l-operat taċ-ċirkwit ferrovjarju jiġu fdati lil Sħubija Pubblika Privata, li tiġbor flimkien lill-ADIF (Administrador de Infraestructura ferroviaria, ara l-premessa 24 hawn taħt) u konsorzju ta' impriżi. Il-konsorzju ta' impriżi jenħtieġ li jkollu l-forma legali ta' Veikolu bi Skop Speċjali (SPV- Special Purpose Vehicle, “Sociedad de Propósito Específico” — “SPE”) (6), li jkun responsabbli għall-kostruzzjoni taċ-ċentru ta' ttestjar u mbagħad għall-operat tiegħu għal 25 sena. L-ADIF inħatret bħala s-sid tas-CEATF. |
(17) |
Qabel is-sejħa għall-offerti li ġiet ippubblikata fil-ġurnal uffiċjali Spanjol fit-2 ta' Lulju 2013 (7), l-awtoritajiet Spanjoli indikaw li saru laqgħat ma' kumpaniji potenzjalment interessati u sar ukoll stħarriġ koordinat. Skont huma, it-tweġibiet ikkonfermaw livell għoli ta' interess fis-settur privat fl-implimentazzjoni tal-proġett (8). Il-kumpaniji li l-iktar urew interess fil-proġett huma kumpaniji mis-settur tal-bini (40,43 % tal-kwestjonarji riċevuti) u manifatturi ta' vetturi ferrovjarji (12,76 % tal-kwestjonarji riċevuti). Huma wrew l-interess tagħhom li jipparteċipaw fil-proġett u jieħdu riskji bil-kundizzjoni ta' xi garanziji fuq l-investiment tagħhom, peress li meta sar l-istudju ma kienx hemm biżżejjed informazzjoni disponibbli fuq il-profittabilità biex jikkommettu ruħhom fermament (9). |
(18) |
Madankollu, l-ewwel sejħa għall-offerti biex jingħażel l-SPV ġiet iddikjarata nulla f'Ottubru 2013, peress li l-ebda offerent ma wera interess fil-proġett. Il-proċess tal-għażla ta' offerent imbagħad ġie sospiż sakemm il-Kummissjoni ħadet id-deċiżjoni finali dwar il-proġett. |
(19) |
L-awtoritajiet Spanjoli kkonfermaw li fis-CEATF kellhom jitwettqu biss attivitajiet ekonomiċi. Kieku l-ADIF jew is-sussidjarja tagħha ADIF Alta Velocidad kellhom jużaw iċ-ċentru għat-testijiet tagħhom stess, huma kienu jagħmlu dan bl-istess kundizzjonijiet bħal utenti oħra, matul il-25 sena tal-perjodu tal-kuntratt. |
(20) |
L-awtoritajiet Spanjoli indikaw li attwalment hemm tliet ċentri ta' ttestjar ferrovjarju li qed jitħaddmu fl-Ewropa (Cerhenice (Velim) fir-Repubblika Ċeka, Wildenrath fil-Ġermanja u Valenciennes fi Franza). Skont huma, dawk il-faċilitajiet jippermettu biss ittestjar b'veloċitajiet iktar baxxi (ara t-Tabella 1 hawn taħt). Tabella 1 Paragun bejn ċentri tal-ittestjar ferrovjarju operattivi oħra fl-Ewropa, wieħed fl-Istati Uniti u s-CEATF
|
(21) |
L-awtoritajiet Spanjoli indikaw li l-manifatturi Spanjoli tal-vetturi ferrovjarji ħafna drabi jużaw il-faċilitajiet offruti minn Velim and Wildenrath għall-ittestjar fuq il-binarji, iżda anke ċ-ċentru ta' ttestjar TTCI ta' Puebla fl-Istati Uniti. |
(22) |
L-ittestjar ta' vetturi ferrovjarji ta' veloċità għolja isir ukoll fuq binarji li jintużaw kummerċjalment li huma ddisinjati għal veloċità massima ta' 350 km/siegħa fejn it-testijiet isiru b'sa veloċità massima ta' 385 km/siegħa kif rikjest fl-istandard (10 % iktar mill-veloċità nominali tal-ferrovija). It-testijiet isiru billejl meta ma jkunx hemm servizzi ta' ferroviji kummerċjali tal-passiġġieri. |
2.2. Il-benefiċjarju
(23) |
L-ADIF, bħala s-sid intiż taċ-Ċentru, talbet finanzjament pubbliku għall-bini tas-CEATF. |
(24) |
L-ADIF hija kumpanija 100 % proprjetà tal-gvern, maħluqa fl-2005, li topera taħt ir-responsabbiltà tal-Ministeru tax-Xogħlijiet Pubbliċi u t-Trasport (“Ministerio de Fomento”). L-ADIF hija s-sid tal-infrastruttura ferrovjarja Spanjola u hija responsabbli mill-immaniġġjar tagħha (bini, manutenzjoni, tiswija u amministrazzjoni). |
(25) |
Kumpaniji ġdida proprjetà tal-gvern bl-isem ta' ADIF-Alta Velocidad inħolqot permezz tad-Digriet Amministrattiv Irjali 15 tat-13 ta' Diċembru 2013 fuq ir-rikostruzzjoni tal-ADIF (11). B'riżultat ta' dan, il-fergħa responsabbli mill-bini u l-immaniġġjar tan-netwerk ferrovjarju nazzjonali konvenzjonali (ADIF) issa hija separata mill-fergħa responsabbli mill-immaniġġjar tal-linji ferrovjarji ta' veloċità għolja (ADIF-Alta Velocidad). |
(26) |
Skont l-awtoritajiet Spanjoli, l-attivitajiet tal-ADIF jinkludu l-bini u l-amministrazzjoni tal-infrastruttura ferrovjarja li tinkludi l-binarji, l-istazzjonijiet u t-terminals tal-merkanzija, l-immaniġġjar tat-traffiku ferrovjarju, id-distribuzzjoni tal-kapaċità tal-operaturi ferrovjarji, il-ġbir tat-tariffi għall-infrastruttura, l-użu tal-istazzjon u t-terminal tal-merkanzija u l-operat tal-assi tagħha stess (bħall-portafoll tal-proprjetà industrijali u intellettwali). Dawn l-attivitajiet jikkostitwixxu attivitajiet ekonomiċi. Attivitajiet ekonomiċi oħra jinkludu l-kiri tal-ispazju għal ħwienet, fieri kummerċjali, wirjiet, stands, promozzjonijiet jew spettakli fl-istazzjonijiet tal-ADIF (12). Dawn l-attivitajiet jirrappreżentaw 99,97 % tad-dħul tal-ADIF. L-awtoritajiet Spanjoli madankollu indikaw li l-ADIF tista' twettaq ukoll attivitajiet oħra li fil-fehma tagħhom huma ta' natura mhux ekonomika, pereżempju riċerka u żvilupp (R&D). |
2.3. Deskrizzjoni tal-miżura ta' għajnuna
2.3.1. Disinn tal-proġett, bażi legali u finanzjament
(27) |
Fi Frar 2009, il-Ministeru tax-Xogħlijiet Pubbliċi u t-Trasport inkariga lill-ADIF bil-kompitu li tidentifika l-possibilitajiet fattibbli għal faċilità ta' ttestjar ferrovjarju li tippermetti RŻI għal soluzzjonijiet avvanzati fis-settur tal-ferroviji ta' veloċità għolja. |
(28) |
Fil-15 ta' Diċembru 2009, l-ADIF u l-Kunsill ta' Andalucía (“Junta de Andalucía”, permezz tal-Kunsill ta' Innovazzjoni, Xjenza u Intrapriżi tiegħu) ifformalizzaw Memorandum ta' Qbil, li fih stabbilixxew l-impenn taż-żewġ istituzzjonijiet biex joħolqu ċ-Ċentru tat-Teknoloġija Ferrovjarja (“Centro de Tecnologías Ferroviarias”, “is-CTF” (13)) fil-Park tat-Teknoloġija ta' Andalucía u faċilità ta' ttestjar ferrovjarju, jiġifieri s-CEATF, fil-provinċja ta' Malaga. |
(29) |
L-ewwel verżjoni tal-proġett li ġiet ippreżentata lill-Ministeru tax-Xogħlijiet Pubbliċi u t-Trasport fl-1 ta' Ġunju 2010 kienet tinvolvi l-bini ta' ċirkwit ewlieni twil 57 km għal ferroviji ta' veloċità għolja (b'veloċità massima tal-ittestjar ta' 450 km/siegħa) u żewġ ċirkwiti sekondarji (b'tul ta' 20 km u 5 km) għall-ittestjar ta' metros u trammijiet (b'veloċità massima ta' 220 km/siegħa). Ġew eżaminati diversi postijiet għaċ-ċirkwit ewlieni u diversi possibiltajiet ta' disinn. Id-dokument inizjali kien jippreżenta erba' alternattivi għaċ-ċirkwit ewlieni u tnejn għal dawk sekondarji u ġie elaborat bl-għan li titnieda l-valutazzjoni tal-impatt ambjentali tal-proġett. |
(30) |
B'mod parallel mal-istudji tal-ADIF maħsuba biex tiġi identifikata l-aħjar opzjoni għaċ-ċentru ta' ttestjar ferrovjarju ta' veloċità għolja, Spanja inkludiet proposti għal tali proġett fil-Programm Operattiv tagħha (taħt ir-Regolament tal-Kunsill (KE) Nru 1083/2006 (14)), sabiex tikseb fondi tal-ERDF (15). |
(31) |
Fl-1 ta' Diċembru 2010, l-ADIF approvat b'mod proviżorju l-“Informative study for Testing and experimentation facilities associated with the ADIF railway technology centre in Malaga”. Id-dokument kien jippreżenta analiżi, ibbażata fuq diversi kriterji, ta' żewġ alternattivi għaċ-ċirkwit ewlieni (1 A u 1B) u żewġ alternattivi għaċ-ċirkwit sekondarju (1B1 u 1B2). Id-dokument ikkonkluda li l-alternattivi 1B u 1B1 kienu l-iktar xierqa. |
(32) |
Ġie ffirmat ftehim (“convenio de collaboración”) għall-finanzjament tal-bini u t-tagħmir ta' ċentru tat-teknoloġija ferrovjarja ta' veloċità għolja bejn il-Ministeru tax-Xjenza u l-Innovazzjoni u l-ADIF fis-27 ta' Diċembru 2010. B'mod partikolari, l-Istat qabel li jipprovdi finanzjament lill-ADIF fil-forma ta' self u għotja. L-għotja ġiet ikkwalifikata bħala “għotja antiċipata” mill-fondi tal-ERDF (16). |
(33) |
L-ADIF beda jirċievi t-trasferimenti mingħand l-Istat f'Jannar 2011. Skont l-awtoritajiet Spanjoli (17), parti minn dawn l-għotjiet antiċipati ntużaw għall-istudji tal-fattibilità u parti minnhom għall-bini tal-laboratorji (is-CISF) fil-post fejn il-proġett tas-CEATF kien intiż li jiġi stabbilit fir-reġjun ta' Antequera. |
(34) |
Wara proċess amministrattiv u konsultattiv twil, u wara xi kummenti matul l-ewwel konsultazzjonijiet pubbliċi, l-ADIF iddeċidiet li tikkonsidra mill-ġdid l-ambitu tal-proġett. Alternattiva ġdida (1C) li kienet tikkonsisti f'ċirkwit fejn il-ferroviji jistgħu jilħqu veloċità ta' 520 km/siegħa fis-sezzjoni d-dritta, u fit-tneħħija taċ-ċirkwiti sekondarji (li jiġu sostitwiti b'żewġ partijiet ta' binarji konnessi maċ-ċirkwiti ewlenin) ġiet introdotta fid-dokumenti u analizzata iktar bir-reqqa. |
(35) |
L-ADIF imbagħad għamlet investigazzjoni addizzjonali u ħejjiet il-“Pjan Bażiku għall-faċilitajiet ta' ttestjar u riċerka taċ-Ċentru tat-Teknoloġija Ferrovjarja tal-ADIF f'Malaga. Ċirkwit u konnessjonijiet ewlenin u sekondarji”. Dan id-dokument, ibbażat fuq l-alternattiva 1C, kien jippreżenta l-proġett kif deskritt fis-sezzjoni 2.1 iktar 'il fuq. Dan il-pjan intbagħat lid-Direttorat Ġenerali għall-Ferroviji tal-Ministeru tax-Xogħlijiet Pubbliċi u t-Trasport, li ddeċieda li jniedi konsultazzjoni pubblika fit-8 ta' April 2013 (18). |
(36) |
Wara l-konsultazzjoni pubblika, il-proġett ġie approvat fil-livell ministerjali fis-27 ta' Ġunju 2013 (mid-Direttorat Ġenerali għall-Ferroviji tal-Ministeru tax-Xogħlijiet Pubbliċi u t-Trasport), soġġett għall-approvazzjoni finali tal-Kunsill tal-Ministri. |
(37) |
Fit-28 ta' Ġunju 2013, il-Kunsill tal-Ministri approva formalment il-proġett (19) u l-finanzjament tiegħu, u awtorizza lill-Ministeru tax-Xogħlijiet Pubbliċi u t-Trasport biex iniedi l-offerta, permezz tal-ADIF, għall-bini u l-użu tas-CEATF (20). |
(38) |
Konsegwentement, il-finanzjament tal-proġett innotifikat l-ewwel kien ibbażat fuq il-ftehim tas-27 ta' Diċembru 2010 u mbagħad fuq id-Deċiżjoni tal-Kunsill tal-Ministri tat-28 ta' Ġunju 2013. |
2.3.2. L-istrument ta' għajnuna
(39) |
Skont id-Deċiżjoni tat-28 ta' Ġunju 2013, l-ispejjeż totali tal-proġett kienu jammontaw għal EUR 358,6 miljun (21). Il-finanzjament pubbliku jkopri l-ispejjeż kollha tal-proġett u għandu jingħata mill-Ministeru tal-Ekonomija u l-Kompetittività b'dan il-mod:
|
(40) |
Fir-rigward tas-self li għandu jingħata lill-ADIF għall-proġett u deskritt fil-premessa 39(a) iktar 'il fuq, l-awtoritajiet Spanjoli pprovdew id-dettalji li ġejjin: Tabella 2 Struttura u ħlas lura tas-self tal-proġett tas-CEATF
|
(41) |
Is-self huwa rimunerat b'rati differenti, skont il-porzjonijiet tas-self u l-programmi li taħthom jingħata s-self. |
(42) |
Biex ikun jista' jsir paragun tar-rati tal-imgħax tas-self imsemmi hawn fuq mar-rati attwali tas-suq, l-awtoritajiet Spanjoli pprovdew lista tas-self kummerċjali mogħti lill-ADIF/ADIF Alta velocidad tul l-aħħar ħames snin, flimkien mal-kundizzjonijiet tagħhom (23) (minbarra l-BEI):
|
2.3.3. Il-fondi diġà żborżati lill-ADIF
(43) |
Spanja indikat ukoll li sa Novembru 2015, l-ADIF kienet irċeviet ammont totali nett ta' EUR 139,9 miljun li kien jinkludi “għotjiet antiċipati” u self. It-Tabelli 3, 4 u 5 hawn taħt jiddeskrivu fid-dettall il-finanzjament riċevut mill-ADIF minn Jannar 2011 'il quddiem: Tabella 3 Figuri aġġornati tal-ammonti riċevuti mill-ADIF — Novembru 2015
Tabella 4 Dettalji tal-porzjonijiet tas-self
Tabella 5 Dettalji tal-porzjonijiet tas-self bir-rata tal-imgħax li għandha tiġi applikata
|
(44) |
L-ammont totali (25) żborżat mill-Istat Spanjol lill-ADIF huwa EUR 143 703 000, li jikkonsisti f'għotjiet ta' EUR 135 866 000 u self ta' EUR 7 837 000. Il-Kummissjoni tinnota li fil-perjodu 2011–2014, skont informazzjoni pprovduta mill-awtoritajiet Spanjoli, l-ADIF diġà ħallset lura EUR 652 675 mill-għotjiet u EUR 3 118 605 mis-self. Skont l-awtoritajiet Spanjoli, EUR 139 931 720 (nett) għadhom pendenti, inklużi EUR 135 213 325 f'għotjiet u EUR 4 718 395 f'self. L-awtoritajiet Spanjoli indikaw li minn dik is-somma, l-ADIF diġà nefqet EUR 20,46 miljun (26). |
(45) |
Fil-kuntest tal-investigazzjonijiet formali, l-awtoritajiet Spanjoli kkonfermaw li l-EUR 20,46 miljun li kienu diġà ntefqu kienu joriġinaw mill-programmi msemmija hawn fuq (INNVENTA 2010, INNPLANTA 2010 u 2011) u li l-ebda nefqa ma ġiet koperta mir-riżorsi tal-ADIF li joriġinaw mill-attivitajiet ekonomiċi tagħha. Barra minn hekk, huma pprovdew lista tal-kuntratti ffirmati u tax-xogħlijiet imwettqa (ara l-premessa 33 iktar 'il fuq li tirreferi għax-xogħlijiet imwettqa). Kull kuntratt kien ikkategorizzat skont is-suġġett tiegħu u skont il-komponent tal-proġett globali li b'rabta miegħu ġie konkluż il-kuntratt. L-ADIF nefqet EUR 6,54 miljun fuq studji u xogħlijiet preliminari għaċ-ċirkwiti tat-testijiet u EUR 13,92 miljun fuq il-kostruzzjoni u t-tagħmir tas-CISF. |
3. ID-DEĊIŻJONI LI TINBEDA PROĊEDURA TA' INVESTIGAZZJONI FORMALI
(46) |
Fid-deċiżjoni tal-ftuħ tagħha, il-Kummissjoni esprimiet dubji fir-rigward ta':
|
4. KUMMENTI TA' PARTIJIET INTERESSATI
(47) |
Kif imsemmi fil-premessa 5 iktar 'il fuq, għaxar kumpaniji li joperaw fis-settur ferrovjarju bagħtu l-kummenti tagħhom matul il-proċedura ta' investigazzjoni formali. |
(48) |
L-ewwel, il-biċċa l-kbira ta' dawk li wieġbu esprimew dubji dwar l-eżistenza ta' domanda għal faċilità ta' ttestjar li topera b'veloċità tant għolja (jiġifieri iktar minn 385 km/siegħa), u indikaw li attwalment is-settur ferrovjarju ta' veloċità għolja fl-Ewropa huwa limitat għal 320/350 km/siegħa (29). Skont operatur ferrovjarju, veloċità ta' 300 km/siegħa tirrappreżenta bilanċ ottimali bejn il-konsum tal-enerġija u l-ħin ta' vvjaġġar f'termini ta' effikaċja tas-suq. |
(49) |
Minn perspettiva teknika, żewġ kumpaniji indikaw li l-linji ta' veloċità għolja issa saru binarji bil-ballast li jippermettu li vetturi ferrovjarji jiċċirkolaw b'veloċità sa 350 km/siegħa. Żieda sinifikanti fil-veloċità kummerċjali tirrikjedi li tiġi mmodifikata l-infrastruttura u li l-binarji eżistenti jiġu sostitwiti b'ċangaturi tal-konkrit, u dan jinvolvi spejjeż ta' investiment u operat eżorbitanti. Peress li l-ispejjeż tal-użu u l-manutenzjoni tal-binarji ferrovjarji kummerċjali jiżdiedu maż-żieda fil-veloċità, il-prezz konsegwenti tal-biljetti tal-vjaġġaturi jrendi l-operazzjonijiet mhux kompetittivi meta mqabbla mat-trasport bl-ajru. |
(50) |
It-tieni, fir-rigward tal-ittestjar innifsu, manifattur tal-vetturi ferrovjarji enfasizza li anke meta tali faċilitajiet jippermettu ttestjar, validazzjoni u approvazzjoni avvanzati ta' tagħmir ferrovjarju ta' veloċità għolja, u ta' elementi ta' infrastruttura u sovrastruttura, xi testijiet speċifiċi jistgħu jitwettqu aħjar jekk isiru direttament fuq ferroviji kummerċjali, jiġifieri fuq l-infrastruttura reali. Barra minn hekk, manifattur ieħor tal-vetturi ferrovjarji indika li l-ferroviji prodotti jiġu ttestjati wkoll fuq in-netwerk regolari fil-pajjiż ta' destinazzjoni. Iż-żewġ kummenti juru n-nuqqas ta' domanda. |
(51) |
Barra minn hekk, kumpanija li tipprovdi ambjent ta' ttestjar tinnota li l-ittestjar virtwali permezz ta' pjattaformi avvanzati tal-ICT diġà jista' jitwettaq u jista' jkun soluzzjoni kosteffikaċi għall-ittestjar futur tal-veloċità għolja, peress li l-ispejjeż tal-operat u l-manutenzjoni tal-faċilitajiet fiżiċi tal-ittestjar jiġu evitati u b'hekk jitnaqqsu sew il-baġits tar-R&Ż tal-kumpaniji ferrovjarji. |
(52) |
It-tielet, kumpanija waħda biss li tipprovdi wkoll ittestjar ta' materjali qalet li s-CEATF tkun opportunità għal proġetti ta' żvilupp ġodda. Żewġ kumpaniji oħra indikaw li jekk tinbena l-faċilità ta' ttestjar, huma jużawha. |
(53) |
Waħda minn dawn iż-żewġ kumpaniji qalet li jekk ikun hemm ċentru ta' ttestjar lokali dan ikun vantaġġ kompetittiv għall-manifatturi Spanjoli tal-vetturi ferrovjarji stabbiliti fit-territorju nazzjonali. |
(54) |
Ir-raba', fir-rigward tal-bini u l-operat taċ-ċentru ta' ttestjar, xi partijiet interessati enfasizzaw li hemm bżonn pjan kummerċjali ċar u robust li jappoġġja l-investiment biex dan il-proġett ikun jista' jsir. Ħafna mis-sottomissjonijiet enfasizzaw ukoll il-bżonn li ċ-ċentru ta' ttestjar, jekk jinbena u jsir operattiv, jipprovdi aċċess wiesa' u mhux diskriminatorju fit-termini tas-suq. |
(55) |
Finalment, diversi partijiet terzi kkummentaw fuq il-pożizzjoni ġeografika tal-faċilità tas-CEATF. Huma jenfasizzaw il-fatt li n-Nofsinhar ta' Spanja huwa 'l bogħod mill-maġġoranza l-kbira tal-impriżi ferrovjarji u l-manifatturi tal-vetturi ferrovjarji Ewropej. Tali pożizzjoni ġġorr magħha riskji u spejjeż sinifikanti peress li t-trasport tal-prototipi ta' ferroviji jiswa ħafna flus u dan inevitabbilment jipprovdi vantaġġ lill-manifatturi Spanjoli tal-vetturi ferrovjarji. |
5. IL-KUMMENTI TA' SPANJA
5.1. L-eżistenza ta' għajnuna
(56) |
L-awtoritajiet Spanjoli rrevedew il-pożizzjoni tagħhom parzjalment fir-rigward tal-eżistenza ta' għajnuna, b'attenzjoni partikolari għad-distorsjoni potenzjali tal-kompetizzjoni li tirriżulta mill-għajnuna. Huma indikaw li ġew identifikati tliet meded ta' ttestjar tal-veloċità li fihom il-proġett tas-CEATF jista' jew ma jistax jikkompeti ma' faċilitajiet oħra fl-Unjoni Ewropea:
|
(57) |
L-awtoritajiet Spanjoli nsistew fuq il-fatt li d-distinzjoni bejn testijiet b'veloċitajiet differenti għandha titqies bħala waħda teoretika, peress li fil-prattika l-possibilità li jsiru testijiet b'veloċità ta' inqas minn 210 km/siegħa jew bejn 210 u 385 km/siegħa fis-CEATF hija limitata minħabba spejjeż ta' manutenzjoni u operat għoljin. |
(58) |
Bħala konklużjoni, bir-rikunsiderazzjoni parzjali tal-pożizzjoni inizjali tagħha fir-rigward tal-eżistenza ta' għajnuna, Spanja tqis li huwa biss il-finanzjament tal-bini tal-elementi tas-CEATF li jippermettu ttestjar ta' inqas minn 385 km/siegħa li għandu jitqies bħala għajnuna mill-Istat u għandu jiġi vvalutat f'konformità mal-Qafas tar-RŻI. Fis-sottomissjoni tagħhom tat-2 ta' Lulju 2015, l-awtoritajiet Spanjoli pprovdew evalwazzjoni u indikaw li dawk l-ispejjeż jirrappreżentaw 25,1 % tal-ispejjeż tal-proġett, u jammontaw għal EUR 90,2 miljun, eskluża l-VAT. Għalhekk huma qiesu li t-taqsima tal-faċilitajiet tas-CEATF iddedikata għal ittestjar b'veloċitajiet ta' iktar minn 385 km/siegħa, li tammonta għal EUR 240,6 miljun, m'għandhiex titqies bħala għajnuna (30). |
5.2. Kompatibilità
(59) |
Fl-osservazzjonijiet tagħhom, l-awtoritajiet Spanjoli itennu wkoll il-pożizzjoni tagħhom fuq il-kompatibilità tal-għajnuna mill-Istat:
|
(60) |
Kif indikat fil-premessa 6 iktar 'il fuq, il-kummenti riċevuti minn partijiet terzi ntbagħtu lill-awtoritajiet Spanjoli fl-24 ta' Settembru 2015. Fit-tweġiba tagħhom tal-14 ta' Ottubru 2015, l-awtoritajiet Spanjoli osservaw li dawk il-kummenti kienu ġenerali ħafna fin-natura tagħhom, fir-rigward tal-prospettiva li jintuża ċ-ċentru tas-CEATF, u kienu bbażati fuq il-kunċezzjoni ta' kull kumpanija dwar l-evoluzzjoni tas-suq tal-ittestjar ferrovjarju. |
6. VALUTAZZJONI TAL-GĦAJNUNA
6.1. L-eżistenza ta' għajnuna
(61) |
L-Artikolu 107(1) tat-Trattat jistipola li “kull għajnuna, ta' kwalunkwe forma, mogħtija minn Stat Membru jew permezz ta' riżorsi tal-Istat, li twassal għal distorsjoni jew theddida ta' distorsjoni għall-kompetizzjoni billi tiffavorixxi ċerti impriżi jew ċerti produtturi għandha, safejn tolqot il-kummerċ bejn l-Istati Membri, tkun inkompatibbli mas-suq intern”. |
(62) |
Il-Kummissjoni se tqis jekk il-fondi mogħtija lill-ADIF fuq il-bażi tal-ftehim tas-27 ta' Diċembru 2010 kif ukoll il-finanzjament totali mogħti għall-proġett fuq il-bażi tad-deċiżjoni tal-Kunsill tal-Ministri tat-28 ta' Ġunju 2013 jikkwalifikawx bħala għajnuna. |
6.1.1. Attività ekonomika
(63) |
Il-Qorti tal-Ġustizzja konsistentement iddefiniet l-impriżi bħala entitajiet involuti f'attività ekonomika, indipendentement mill-istatus legali tagħhom u l-mod kif jiġu ffinanzjati (32). Il-klassifikazzjoni ta' entità partikolari bħala impriża għalhekk tiddependi kompletament fuq in-natura tal-attivitajiet tagħha. |
(64) |
Il-Qorti Ġenerali rrikonoxxiet, fl-1999, li “l-provvista ta' infrastrutturi minn entitajiet responsabbli għall-immaniġġjar tagħhom” tista' tikkostitwixxi attività ekonomika (33). Għaldaqstant, huwa ċar li l-kostruzzjoni ta' infrastruttura li se tiġi użata kummerċjalment tikkostitwixxi attività ekonomika (34). |
(65) |
Fil-każ preżenti, il-bini tas-CEATF huwa direttament marbut mal-użu tiegħu u l-awtoritajiet Spanjoli kkonfermaw li l-attivitajiet ta' ttestjar li se jitwettqu fis-CEATF huma ta' natura ekonomika. Dawk l-attivitajiet fil-fatt jinvolvu servizzi li se jiġu offruti fis-suq. |
(66) |
Il-Kummissjoni tqis li l-bini u l-użu tas-CEATF huma għalhekk attivitajiet ekonomiċi. |
6.1.2. Riżorsi tal-Istat
(67) |
Il-proġett huwa ffinanzjat permezz ta' għotjiet antiċipati u self mill-Ministeru tal-Ekonomija u l-Kompetittività. Dawk huma riżorsi tal-Istat. |
6.1.3. Vantaġġ ekonomiku selettiv
6.1.3.1.
(68) |
Il-miżura qed tingħata lil impriża waħda biss, l-ADIF (35), u għalhekk hija selettiva. |
(69) |
Billi tikkontribwixxi għall-finanzjament tas-CEATF permezz ta' għotjiet antiċipati u self, il-miżura tagħti vantaġġ lill-ADIF. |
(70) |
L-ewwel, l-għotjiet antiċipati jikkostitwixxu trasferiment dirett ta' riżorsi tal-Istat lill-ADIF li jikkostitwixxi b'mod ċar vantaġġ ekonomiku. |
(71) |
It-tieni, fir-rigward tas-self mogħti lill-ADIF, huwa neċessarju li jiġi stabbilit jekk ir-rata tal-imgħax tikkorrispondix mar-rata tas-suq. |
(72) |
Il-Komunikazzjoni dwar ir-reviżjoni tal-metodu li jistabbilixxi r-rati ta' referenza u ta' skont (36) (“il-Komunikazzjoni tal-2008”) tipprovdi indikatur tar-rati tas-suq applikabbli għas-self. Fis-sottomissjoni tagħhom ta' Novembru 2015, l-awtoritajiet Spanjoli indikaw li kienu segwew din il-metodoloġija u applikaw marġni ta' 100 punt fuq ir-rata applikabbli għal Spanja. Imbagħad għamlu stima tal-imgħax imfaddal b'riżultat tad-differenza bejn ir-rata tas-suq u r-rata tal-imgħax tal-programm, filwaqt li ttieħdu inkunsiderazzjoni l-kundizzjonijiet speċifiċi ta' kull self (perjodu ta' amortizzament, durata u konċessjoni). Huma waslu għall-konklużjoni li r-rati tas-suq applikabbli, għall-porzjonijiet żborżati taħt il-Programm Innplanta 2010, huma ogħla mir-rata tal-imgħax applikata taħt il-Programm iżda huma inqas mir-rati tas-suq applikabbli għall-porzjonijiet żborżati taħt il-Programm Innplanta 2011 (3,06 %) (37). |
(73) |
Il-marġni applikati fuq ir-rati kkalkolati taħt il-Komunikazzjoni tal-2008 jiddependu mill-klassifikazzjoni tal-kumpanija u mil-livell ta' kollateral offrut. F'dan ir-rigward, il-Kummissjoni tinnota li l-klassifikazzjoni tal-ADIF hija intrinsikament marbuta mal-klassifikazzjoni tal-Istat Spanjol (38). Barra minn hekk, il-Kummissjoni tinnota li l-awtoritajiet Spanjoli ma pprovdewx informazzjoni speċifika fir-rigward tal-kollateral offrut għas-self miksub taħt id-diversi programmi. Huwa ċar mit-Tabella 6 hawn taħt li f'xi mument fl-ewwel nofs tal-2012, l-ADIF twaqqgħet minn klassifikazzjoni A għal klassifikazzjoni B. L-awtoritajiet Spanjoli applikaw marġni ta' 100 punt ta' bażi fuq is-self kollu mogħti lill-ADIF. Għandu jiġi osservat li għal kumpanija bi klassifikazzjoni “A”, tali marġni jimplika livell ta' kollateral baxx. Min-naħa l-oħra, għal kumpanija bi klassifikazzjoni B, marġni ta' 100 punt ta' bażi jimplika livell ta' kollateral normali (u mhux ta' livell baxx). |
(74) |
Matul il-proċeduri formali, il-Kummissjoni talbet lill-awtoritajiet Spanjoli biex jipprovdu informazzjoni dwar is-self li l-ADIF kisbet mis-suq bejn l-20 ta' Lulju 2010 u l-20 ta' Lulju 2015 (eskluż il-BEI). L-awtoritajiet Spanjoli pprovdew lista tas-self kummerċjali mogħti lill-ADIF/ADIF Alta velocidad tul l-aħħar ħames snin, flimkien mal-kundizzjonijiet assoċjati (39) (eskluż il-BEI) (40). |
(75) |
Dan is-self, miksub mis-suq, jipprovdi informazzjoni suffiċjenti biex tiġi stabbilita, għal kull waħda mis-snin mill-2011 sal-2014, rata tal-imgħax tas-suq xierqa. Tabella 6 Dettalji tal-kalkolu tar-rata tal-imgħax tas-suq li għandha tiġi applikata fuq is-self żborżat lill-ADIF
|
(76) |
Fit-Tabella 6 jista' jiġi osservat li r-rati tal-imgħax tas-suq ibbażati fuq is-self kummerċjali miksub mill-ADIF (kolonna tal-lemin) huma konsistentement ogħla mir-rati ssuġġeriti minn Spanja. Peress li l-Komunikazzjoni tal-2008 tipprovdi biss indikatur tar-rati tas-suq, peress li ma ngħatat ebda evidenza minn Spanja li tappoġġja konklużjoni dwar il-livell ta' kollateral disponibbli u peress li evidenza konsistenti fil-fajl turi li r-rati li l-ADIF fil-fatt ħallset fis-suq kienu sinifikantement ogħla, il-Kummissjoni tqis li dawn tal-aħħar jipprovdu punt ta' riferiment xieraq biex jiġi stabbilit jekk is-self relatat mal-proġett jagħtix vantaġġ lill-ADIF. |
(77) |
Mit-Tabella 6 jista' jiġi konkluż li r-rati tal-imgħax tas-self mogħti lill-ADIF b'rabta mal-proġett huma iktar baxxi mir-rati tal-imgħax tas-suq rilevanti kkalkolati fuq il-bażi tat-termini tas-self kummerċjali miksub mill-ADIF, minbarra s-self mogħti fl-2014. Għaldaqstant, it-termini għad-divesi selfiet mogħtija lill-ADIF fil-perjodu 2011-2013 u li jammontaw għal EUR 7 469 500 jagħtu vantaġġ lill-ADIF skont it-tifsira tal-Artikolu 107(1) tat-Trattat. |
6.1.3.2.
(78) |
Fid-deċiżjoni tal-ftuħ (41), il-Kummissjoni spjegat li n-nuqqas ta' għajnuna mill-Istat jista' jiġi preżunt biss jekk il-proċedura tal-offerta tipprovdi li l-offerta l-iktar vantaġġuża ekonomikament tikkorrispondi għall-valur tas-suq tal-konċessjoni u jekk l-Istat Membru kkonċernat jiċċekkja li t-tariffi ta' konċessjoni li jirriżultaw ikunu konformi mal-prezzijiet tas-suq billi jwettaq analiżi tal-fluss tal-flus skontat u jagħmel paragun mat-tariffi mħallsa għal servizzi simili bnadi oħra (42). Il-Kummissjoni indikat li għalkemm ċertu komponenti bażiċi tal-istruttura tat-tariffa ġew stabbiliti minn Spanja ex ante, dan minnu nnifsu mhuwiex biżżejjed biex ma tiġix iddubitata n-natura miftuħa u mhux diskriminatorja tal-proċess. |
(79) |
Il-Kummissjoni qieset ukoll il-possibilità li jista' jkun hemm vantaġġ indirett fil-livell tal-utenti tal-infrastruttura. |
(80) |
Peress li ma kienx ingħażel l-SPV minħabba li kienet falliet l-ewwel offerta u ma hemmx indikazzjoni li se titnieda t-tieni offerta, mhux possibbli li jsiru konklużjonijiet definittivi dwar l-eżistenza ta' vantaġġ fil-livell tal-SPV. Bl-istess mod, ma jistgħux isiru konklużjonijiet ċerti dwar l-eżistenza ta' għajnuna fil-livell tal-utenti. |
6.1.4. Distorsjoni tal-kompetizzjoni u l-effett fuq il-kummerċ
(81) |
Meta għajnuna mogħtija minn Stat Membru ssaħħaħ il-pożizzjoni ta' impriża mqabbla ma' impriżi oħra li jikkompetu fil-kummerċ intern tal-Unjoni, dan tal-aħħar għandu jitqies li jiġi affettwat minn dik l-għajnuna (43). |
(82) |
Huwa ċar li l-vantaġġi mogħtija lill-ADIF isaħħu l-pożizzjoni ta' dik l-impriża meta mqabbla ma' impriżi oħra li jikkompetu fil-kummerċ intern tal-Unjoni. |
(83) |
Kif indikat fis-sezzjoni 5.1 iktar 'il fuq, l-awtoritajiet Spanjoli jirrikonoxxu li s-CEATF tista' tikkompeti ma' faċilitajiet Ewropej oħra għal testijiet ta' inqas minn 210 km/siegħa u ma' linji eżistenti miftuħa għat-traffiku għal testijiet ta' bejn 210 u 385 km/siegħa. B'riżultat ta' dan, huma issa jqisu li huwa biss il-finanzjament tal-bini tal-partijiet tas-CEATF li jippermettu ttestjar ta' inqas minn 385 km/siegħa li għandu jitqies bħala għajnuna mill-Istat u għandu jiġi vvalutat f'konformità mal-Qafas tar-RŻI. F'dan ir-rigward, huma jsostnu wkoll li l-finanzjament pubbliku tal-attivitajiet imsemmija l-aħħar ikun limitat għal EUR 90,2 miljun. |
(84) |
Is-CEATF tkun tikkompeti ma' faċilitajiet oħra fl-Unjoni Ewropea li joffru servizzi ta' ttestjar tal-ferroviji ta' veloċità għolja, peress li hija totalment kapaċi li toffri testijiet b'veloċitajiet ta' inqas minn 385 km/siegħa. Peress li l-evidenza tissuġġerixxi li hemm domanda żgħira ħafna jew ineżistenti għal testijiet b'veloċitajiet iktar għoljin (ara iktar dettalji fil-premessi 48 sa 51 iktar 'il fuq), l-ittestjar b'veloċitajiet ta' inqas minn 385 km/siegħa x'aktarx isir l-attività ewlenija tas-CEATF. |
(85) |
B'riżultat ta' dan, ir-riżorsi tal-Istat mogħtija lill-ADIF għall-bini tas-CEATF jintużaw biex jiġi ssussidjat id-dħul fis-suq ta' kompetitur ġdid. |
(86) |
Fid-dawl tal-kunsiderazzjonijiet magħmula fil-premessi 82 sa 85 iktar 'il fuq, l-għajnuna mogħtija lill-ADIF x'aktarx twassal għal distorsjoni tal-kompetizzjoni u taffettwa l-kummerċ bejn l-Istati Membri. |
6.1.5. Konklużjoni fuq l-eżistenza ta' għajnuna
(87) |
Il-Kummissjoni tqis li r-riżorsi pubbliċi mogħtija lill-ADIF għall-bini tas-CEATF fuq il-bażi tad-Deċiżjoni tat-28 ta' Ġunju 2013 u l-ftehim tas-27 ta' Diċembru 2010 jikkwalifikaw bħala għajnuna mill-Istat skont it-tifsira tal-Artikolu 107(1) tat-Trattat. |
6.2. Il-legalità tal-għajnuna
(88) |
L-awtoritajiet Spanjoli nnotifikaw il-miżura abbażi tal-Artikolu 108(3) tat-Trattat fl-20 ta' Settembru 2013. Huma indikaw ukoll li ċ-ċirkwit ferrovjarju mhux se jinbena qabel l-approvazzjoni tal-Kummissjoni (44). |
(89) |
Spanja tat l-għajnuna fuq il-bażi tal-ftehim tas-27 ta' Diċembru 2010 u d-Deċiżjoni tal-Kunsill tal-Ministri tat-28 ta' Ġunju 2013. Parti minn dik l-għajnuna diġà tħallset, kif deskritt fil-premessa 44 iktar 'il fuq. |
(90) |
Peress li l-għajnuna ngħatat qabel l-approvazzjoni tal-Kummissjoni, din għandha titqies bħala għajnuna kontra l-liġi skont it-tifsira tal-Artikolu 1(f) tar-Regolament tal-Kunsill (UE) 2015/1589 (45). |
6.3. Kompatibilità
(91) |
Wara li stabbiliet li l-miżura tinvolvi għajnuna mill-Istat skont it-tifsira tal-Artikolu 107(1) tat-Trattat, il-Kummissjoni issa trid tivvaluta jekk tistax titqies kompatibbli mas-suq intern. |
(92) |
Il-Qorti tal-Ġustizzja stabbilixxiet li “meta l-Kummissjoni tiddeċiedi li tiftaħ proċedura ta' investigazzjoni formali, huwa l-obbligu tal-Istat Membru u tal-benefiċjarju potenzjali ta' għajnuna ġdida li jipprovdu lill-Kummissjoni bl-elementi intiżi sabiex juru li din l-għajnuna hija kompatibbli mas-suq komuni” (46). Kif deskritt iktar 'l isfel, l-awtoritajiet Spanjoli u l-benefiċjarju ADIF ma pprovdewx evidenza konvinċenti għal dan l-għan la fin-notifika jew fis-sottomissjonijiet segwenti, u lanqas fil-kummenti tagħhom dwar id-deċiżjoni tal-ftuħ jew fis-sottomissjonijiet ipprovduti matul il-fażi ta' investigazzjoni formali. |
(93) |
L-awtoritajiet Spanjoli indikaw li l-finanzjament pubbliku tas-CEATF, sa fejn tali finanzjament jikkostitwixxi għajnuna skont it-tifsira tal-Artikolu 107(1) tat-Trattat, għandu jiġi ddikjarat kompatibbli mas-suq intern fid-dawl tal-objettiv ġenerali tiegħu ta' RŻI u fid-dawl tar-regoli tal-Qafas tar-RŻI applikabbli għall-infrastrutturi ta' RŻI (47). |
(94) |
Mill-konklużjoni tas-sezzjoni 6.2 iktar 'il fuq jirriżulta li l-għajnuna hija kontra l-liġi. Il-punt 126 tal-Qafas tar-RŻI jistipola li “għajnuna kontra l-liġi ta' RŻI tiġi vvalutata f'konformità mar-regoli applikabbli fid-data li fiha tingħata l-għajnuna”. |
(95) |
Meta ngħatat l-għajnuna, il-Qafas tar-RŻI tal-2006 kien fis-seħħ (48). |
(96) |
Il-Qafas tar-RŻI tal-2006 ma fihx dispożizzjonijiet speċifiċi dwar l-għajnuna għal infrastrutturi ta' riċerka. Għaldaqstant il-Kummissjoni tqis li l-valutazzjoni tal-miżura ta' għajnuna għandha tkun ibbażata direttament fuq l-Artikolu 107(3)(c) tat-Trattat. Dik id-dispożizzjoni tipprovdi li “għajnuna li tiffaċilita l-iżvilupp ta' ċerti attivitajiet ekonomiċi jew ta' ċertu oqsma ekonomiċi, fejn tali għajnuna ma taffettwax negattivament il-kundizzjonijiet tal-kummerċ sa punt li jmur kontra l-interess komuni” tista' titqies kompatibbli mas-suq intern. |
(97) |
Sabiex tistabbilixxi l-kompatibilità ta' miżura taħt l-Artikolu 107(3) tat-Trattat, il-Kummissjoni twettaq test ta' bbilanċjar billi tiżen l-effetti pożittivi f'termini ta' kontribut biex jintlaħqu l-objettivi ta' interess komuni definiti b'mod ċar u l-effetti negattivi fuq il-kummerċ u l-kompetizzjoni fis-suq komuni. F'dan ir-rigward, il-Kummissjoni se tqis il-prinċipji li ġejjin (49):
|
6.3.1. Kontribut lejn objettiv ta' interess komuni definit b'mod ċar
(98) |
L-awtoritajiet Spanjoli enfasizzaw fin-notifika tagħhom u fir-risposta għad-deċiżjoni tal-ftuħ (ara l-premessa 59 tad-deċiżjoni tal-ftuħ u s-sezzjoni 5.2 iktar 'il fuq) li l-proġett jikkontribwixxi għal żieda fl-investimenti ta' RŻI fi Spanja, li huwa wieħed mill-objettivi ta' interess komuni tal-Istrateġija UE 2020, u jiffittja fil-Programm Operattiv ta' Tkabbir Intelliġenti għal Spanja, adottat fi Frar 2015. Huma jsostnu li s-CEATF hija infrastruttura xjentifika u teknika li tippermetti li jiġu ttestjati aspetti tekniċi multidixxiplinari fis-settur ferrovjarju. L-awtoritajiet Spanjoli jsostnu wkoll li l-investiment fis-CEATF isaħħaħ l-iżvilupp ekonomiku ta' reġjun, Andalucía, li qed jiffaċċja rata ta' qgħad għolja. |
(99) |
L-ewwel, tali stqarrijiet għandhom jiġu vvalutati fid-dawl ta' domanda għal tali faċilità ta' riċerka u fid-dawl tal-attivitajiet ta' RŻI li jistgħu jitwettqu hemmhekk. |
(100) |
Kif spjegat fid-dettall fil-premessi 60 sa 62 tad-deċiżjoni tal-ftuħ, il-Kummissjoni ddubitat l-eżistenza tad-domanda mill-manifatturi ta' vetturi ferrovjarji u ta' linji ferrovjarji għal din l-infrastruttura ta' riċerka speċifika. B'mod partikolari, il-Kummissjoni rreferiet għall-falliment tal-ewwel offerta għall-bini u l-operat tas-CEATF, kif ukoll għall-ispejjeż għoljin għall-bini u l-operat tan-netwerks ferrovjarji, maħsuba biex jipprovdu servizzi ta' trasport kummerċjali b'veloċitajiet ta' iktar minn 350 km/siegħa, li ma jkunux ekonomikament vijabbli fil-kundizzjonijiet tas-suq preżenti u fil-futur qarib (50). |
(101) |
Il-kummenti li waslu mingħand partijiet terzi b'risposta għad-deċiżjoni tal-ftuħ jikkonfermaw il-pożizzjoni tal-Kummissjoni li infrastruttura ta' riċerka ddedikata għal testijiet ferrovjarji ta' veloċità għolja ħafna (testijiet imwettqa b'veloċità ta' iktar minn 385 km/siegħa għal servizzi ta' trasport kummerċjali pprovduti b'veloċità ta' iktar minn 350 km/siegħa) mhijiex meħtieġa fis-suq. |
(102) |
Ebda produttur tal-vetturi ferrovjarji ma għandu l-ħsieb li jiżviluppa prodotti li jkollhom din il-veloċità għolja ħafna minħabba n-nuqqas ta' domanda fis-suq għall-operat kummerċjali ta' tali ferroviji. Xi operaturi ferrovjarji jiġbdu l-attenzjoni għall-argumenti dwar l-effikaċja tas-suq (il-bilanċ bejn il-konsum tal-enerġija u l-ħin ta' vvjaġġar) li jikkumplimentaw l-użu kummerċjali tal-ferroviji ta' veloċità għolja fl-Ewropa b'veloċitajiet ħafna iktar baxxi (il-medja fl-Ewropa — 280-300 km/siegħa, massimu — 320-350 km/siegħa), kif ukoll iż-żieda esponenzjali tal-ispejjeż tal-investiment, l-użu u l-manutenzjoni tal-infrastruttura għal veloċitajiet ta' iktar minn 300 km/siegħa, li jrendi l-prezzijiet tal-biljetti tal-ferrovija mhux kompetittivi meta mqabbla mal-biljetti tal-ajru. Ma hemmx evidenza li tissuġġerixxi li hemm domanda fis-suq għall-bini ta' linji ferrovjarji kummerċjali ġodda u/jew għall-aġġornament tal-binarji eżistenti bl-iskop li jingħataw servizzi ta' trasport b'veloċitajiet li jaqbżu 320-350 km/siegħa — u għalhekk lanqas għal faċilità ta' ttestjar ferrovjarju speċifikament iddedikata għal veloċitajiet li jaqbżu tali limiti (51). |
(103) |
Argumenti speċifiċi oħra dwar in-nuqqas ta' domanda għal infrastruttura tas-CEATF huma bbażati fuq il-pożizzjoni ġeografika tagħha li, skont uħud minn dawk li wieġbu, twassal għal spejjeż sinifikanti f'termini ta' ħin u trasport. |
(104) |
Finalment, anke l-argumenti relatati mad-disponibilità ta' soluzzjonijiet iktar avvanzati u kosteffikaċi għal faċilità ta' ttestjar ta' veloċità għolja potenzjali futura, bħal ittestjar virtwali permezz ta' soluzzjonijiet ibbażati fuq l-ICT imorru kontra l-bżonn ta' faċilità fiżika ddedikata għall-ittestjar. |
(105) |
Għaldaqstant, l-asserzjoni li l-għajnuna nnotifikata kienet twassal għal attivitajiet addizzjonali ta' RŻI fis-settur ferrovjarju permezz tal-bini ta' infrastruttura għal faċilità ta' ttestjar ta' veloċità għolja hija kontradetta bl-informazzjoni miġbura mill-Kummissjoni. |
(106) |
It-tieni, objettivi oħra relatati mal-politika, invokati mill-awtoritajiet Spanjoli, b'mod partikolari l-benefiċċji soċjoekonomiċi li jirriżultaw mill-ħolqien ta' impjiegi ġodda fir-reġjun ta' Antequera (52), mhumiex rilevanti għall-valutazzjoni tal-kontribut tal-għajnuna nnotifikata għal objettiv ta' interess komuni fil-qasam tar-RŻI. Għalkemm l-awtoritajiet Spanjoli jsostnu li, minn perspettiva soċjoekonomika, il-proġett tas-CEATF jikseb VPN pożittiv ta' EUR 17,3 miljun, huma ma pprovdew ebda evidenza konvinċenti ta' benefiċċji li jkunu ta' tali skala li jpaċu l-ispejjeż tal-kostruzzjoni u t-telf mill-operat iġġenerati mill-infrastruttura ppjanata matul il-perjodu tal-operat kollu tagħha. Il-benefiċċji asseriti jidhru li huma limitati għall-ħolqien ta' impjiegi fis-settur tal-kostruzzjoni matul il-fażi tal-bini tal-infrastruttura. Dan ifisser li mhux talli l-proġett ma jikkontribwix għal objettiv fit-tul li jippromwovi żvilupp sostenibbli fir-reġjun ta' Andalucía, talli huwa jkollu biss effetti ta' terminu qasir u tranżitorji fuq l-ekonomija lokali (53). |
(107) |
Fid-dawl tal-kunsiderazzjonijiet stabbiliti fil-premessi 98 sa 106 iktar 'il fuq, il-Kummissjoni tqis li Spanja ma pprovdietx biżżejjed evidenza bħala prova li l-proġett jikkontribwixxi għal objettiv ta' interess komuni definit b'mod ċar. |
6.3.2. Bżonn ta' intervent mill-Istat
(108) |
L-awtoritajiet Spanjoli jiġġustifikaw il-bżonn ta' għajnuna mill-Istat għal dan il-proġett abbażi tan-natura multidixxiplinarja tat-testijiet tekniċi li se jitwettqu. Skont huma, minħabba d-diversi oqsma ta' attivitajiet tal-kumpaniji potenzjalment involuti f'dawn it-testijiet (pereżempju kumpaniji ta' inġinerija ċivili, komunikazzjoni, sinjalar, trazzjoni u vetturi ferrovjarji) ebda kumpanija, fuq bażi individwali, ma tilħaq il-massa kritika jew ikollha l-kapaċità finanzjarja li tagħmel investiment kbir daqs dak meħtieġ għas-CEATF jew li jista' jattira u jiffedera kumpaniji oħra f'tali investiment. Fir-rigward tal-finanzjament tal-proġett, l-awtoritajiet Spanjoli qalu li ebda sors ta' finanzjament għajr il-finanzjament pubbliku mhu disponibbli għall-bini tas-CEATF “meta jittieħdu inkunsiderazzjoni l-istudji tal-profittabilità magħmula mill-ADIF”. |
(109) |
L-argument imressaq mill-awtoritajiet Spanjoli jindika allegat falliment tas-suq fil-forma ta' problema ta' koordinazzjoni għall-finanzjament tal-bini tal-faċilità maħsuba. Dan l-argument jidher li jassumi li peress li ebda kumpanija individwali ma għandha inċentiv biex tidħol għall-finanzjament tal-proġett minħabba l-iżbilanċ bejn l-ispejjeż u l-benefiċċji mistennija (fil-livell tal-impriżi individwali), l-uniku mod possibbli li jiġi appoġġjat l-investiment ikun bil-ħolqien ta' konsorzju li jiġbor flimkien diversi kumpaniji li joperaw f'oqsma tekniċi differenti u li jistgħu jiżguraw li jiġi sfruttat kompletament il-potenzjal tal-faċilità permezz ta' użu konġunt. |
(110) |
Madankollu, ma hemm xejn fil-fajl li jissuġġerixxi li l-kumpaniji potenzjalment interessati li jidħlu f'tali kollaborazzjoni ma setgħux jagħmlu dan minħabba diffikultajiet oġġettivi li jostakolaw kollaborazzjoni effettiva bejniethom. Anzi, għall-kuntrarju, il-fatt li l-gvern Spanjol intervjena biex jiffaċilita l-ħolqien ta' Veikolu bi Skop Speċjali (SPV) permezz tal-organizzazzjoni tal-ftuħ tal-offerti u li tali proċess falla jissuġġerixxi li l-problema reali tal-finanzjament tal-proġett innotifikat kienet oħra, jiġiferi n-nuqqas ta' vijabilità finanzjarja tiegħu. Id-dgħufija tal-argument imressaq mill-awtortajiet Spanjoli hija kkonfermata mill-fatt li, anke meta l-gvern Spanjol iddeċieda li jipproċedi bl-allokazzjoni tal-finanzjament pubbliku lill-ADIF biex jinbdew ix-xogħlijiet, ebda investitur privat indipendenti ma wera interess li jipparteċipa fil-finanzjament. |
(111) |
Il-Kummissjoni għalhekk ikkonkludiet li Spanja ma pprovdietx biżżejjed evidenza tal-eżistenza ta' falliment tas-suq fil-forma ta' falliment tal-koordinazzjoni fil-livell tal-finanzjament tas-CEATF. |
(112) |
Barra minn hekk, għandu jiġi nnotat li l-prattika deċiżjonali tal-Kummissjoni fil-qasam tar-RŻI tirreferi għal tliet tipi ta' fallimenti tas-suq speċifiċi: informazzjoni imperfetta u asimetrika, fallimenti tal-koordinazzjoni u tan-netwerk għal attivitajiet ta' RŻI, u effetti konsegwenzjali fuq l-għarfien. Madankollu, l-awtoritajiet Spanjoli ma wrewx li seħħ xi wieħed minn dawn il-fallimenti tas-suq speċifiċi fil-każ preżenti. |
(113) |
Fir-rigward tad-diffikultajiet li jaffettwaw il-finanzjament tal-proġett tas-CEATF, ma ngħatat ebda evidenza li s-settur privat ikun skoraġġut milli jiffinanzja l-proġett minħabba l-possibilità ta' insuffiċjenza jew asimetrija ta' informazzjoni speċifikament marbuta ma' attivitajiet identifikabbli u riskjużi ta' RŻI. Fir-rigward tal-fallimenti ta' koordinazzjoni u tan-netwek fir-RŻI, huwa ċar mill-istqarrijiet tal-awtoritajiet Spanjoli li ma ġiet ippjanata ebda koordinazzjoni bejn l-ADIF u l-industrija fiċ-ċentru tal-ittestjar. Jidher li l-għajnuna għandha l-għan li tattira kumpaniji biex jipparteċipaw fid-disinn jew fl-użu tal-infrastruttura tas-CEATF, iżda ma tiskattax kooperazzjoni speċifika bejniethom biex jitwettqu attivitajiet kollaborattivi ta' RŻI fiċ-ċentru. Finalment, Spanja ma pprovdiet ebda elementi li jagħtu prova tal-eżistenża ta' effetti konsegwenzjali fuq l-għarfien ta' benefiċċju għal partijiet terzi li jistgħu jitnisslu mill-proġett tas-CEATF. |
(114) |
Spanja ma pprovdiet ebda argument ieħor biex tappoġġja l-konklużjoni li l-għajnuna tista' twassal għal titjib materjali li s-suq ma jistax iwettaq hu stess. |
(115) |
Fid-dawl tal-kunsiderazzjonijiet magħmula fil-premessi 108 sa 113 iktar 'il fuq, il-Kummissjoni tikkonkludi li l-bżonn ta' intervent mill-Istat ma ntweriex. |
6.3.3. L-adegwatezza tal-miżura ta' għajnuna
(116) |
L-Istati Membri jistgħu jagħmlu għażliet differenti fir-rigward tal-istrumenti ta' politika u l-kontroll tal-għajnuna mill-Istat ma jimponix mod wieħed kif isir intervent fl-ekonomija. Madankollu, l-għajnuna mill-Istat taħt l-Artikolu 107(1) tat-Trattat tista' tiġi ġġustifikata biss bl-adegwatezza ta' strument partikolari li jilħaq l-objettiv tal-politika pubblika u jikkontribwixxi għal wieħed jew iktar mill-objettivi ta' interess komuni (54). |
(117) |
Il-Kummissjoni normalment tqis li miżura tkun strument xieraq meta l-Istat Membru jkun ikkunsidra jekk jeżistux possibilitajiet ta' politika alternattivi li huma xierqa ndqas biex jintlaħaq l-objettiv ta' interess komuni iżda fl-istess ħin jikkawżaw inqas distorsjoni tal-kompetizzjoni mill-għajnuna selettiva mill-Istat u meta tkun tista' tintwera l-adegwatezza tal-miżura biex jintlaħqu l-objettivi ta' effiċjenza u/jew ekwità. |
(118) |
L-awtoritajiet Spanjoli ma pprovdew ebda informazzjoni fir-rigward ta' strumenti ta' politka alternattivi possibbli jew strumenti ta' għajnuna oħra biex jiġi ffinanzjat il-proġett. B'risposta għat-tħassib muri fid-deċiżjoni tal-ftuħ, huma llimitaw ruħhom li jsostnu li, fid-dawl tal-allegat defiċit ta' finanzjament ta' 91,87 % tal-proġett, ebda strument għajr il-finanzjament pubbliku ma jkun xieraq f'dan il-każ. |
(119) |
Il-Kummissjoni tosserva li l-fatt li l-proġett innotifikat jibqa' jagħmel telf sostanzjali anke meta mogħti l-għajnuna mhuwiex biżżejjed biex juri li l-għajnuna mill-Istat hija strument xieraq. |
(120) |
Barra minn hekk, billi ma ntweriex li l-proġett jikkontribwixxi għall-objettiv ta' interess komuni li jiżdiedu l-attivitajiet ta' RŻI, l-adegwatezza tal-istrument ta' investiment magħżul mill-gvern Spanjol ma ntwerietx lanqas. Miżuri oħra li effettivament joħolqu iktar attivitajiet ta' RŻI jkunu strumenti iktar xierqa biex jintlaħaq dak l-objettiv ta' interess komuni. |
(121) |
Konsiderazzjonijiet simili japplikaw b'rabta mal-objettivi l-oħra ta' interess komuni invokati minn Spanja. Kif indikat fil-premessa 106 iktar 'il fuq, impjiegi ġodda jkunu prinċipalment limitati għas-settur tal-kostruzzjoni u jkunu temporanji fin-natura tagħhom. L-għajnuna mill-Istat għall-bini ta' infrastruttura li x'aktarx ma tintużax mhijiex strument ta' politika xieraq biex jinħolqu t-tkabbir u l-impjiegi. |
6.3.4. Effett ta' inċentiv
(122) |
L-għajnuna mill-Istat għandu jkollha effett ta' inċentiv. Ikun hemm l-effett ta' inċentiv meħtieġ meta l-għajnuna tibdel l-imġiba tal-benefiċjarju b'rabta mal-ilħiq tal-objettiv ta' interess komuni u l-indirizzar tal-falliment tas-suq identifikat. |
(123) |
L-awtoritajiet Spanjoli indikaw li mingħajr l-għajnuna, is-CEATF ma tinbeniex: huma jsostnu li l-għajnuna għandha effett ta' inċentiv peress li l-proġett ma jistax jitwettaq mingħajr l-għajnuna. |
(124) |
Madankollu, f'dan il-każ, il-Kummissjoni tinnota li l-għajnuna tipperemtti l-bini ta' faċilità ta' ttestjar ferrovjarju li qed titpoġġa għad-dispożizzjoni tal-ADIF, bħala s-sid futur, iżda ma jidhirx li qed tiskatta bidla fl-imġiba tal-ADIF jew ta' oħrajn f'termini ta' attivitajiet addizzjonali ta' RŻI li għandhom jitwettqu fil-faċilita tal-ittestjar. |
(125) |
Matul il-proċedura ta' investigazzjoni formali, l-awtoritajiet Spanjoli ma pprovdew ebda informazzjoni jew argumenti ġodda dwar il-bdil fl-imġiba tal-ADIF dovut għall-għajnuna. Filwaqt li d-data disponibbli tindika li l-proġett innotifikat se jibqa' jagħmel it-telf anke bl-għajnuna, l-awtoritajiet Spanjoli naqsu milli juru li l-proġett madankollu jiġġenera benefiċċji importanti għas-soċjetà relatati mar-RŻI. Għall-kuntrarju, il-kummenti li waslu mingħand utenti potenzjali tal-infrastruttura matul l-investigazzjoni formali jissuġġerixxu li, kif inhu ddisinjat bħalissa, il-proġett ma jweġibx għall-ħtiġijiet mhux issodisfati min-naħa tad-domanda mingħand kumpaniji involuti f'attivitajiet ta' RŻI fi ħdan is-settur ferrovjarju. |
(126) |
Ma tressqu ebda raġunijiet li jiġġustifikaw li l-Kummissjoni tibdel il-valutazzjoni inizjali tagħha, kif espressa fid-deċiżjoni tal-ftuħ. Essenzjalment, lil hinn mill-ħolqien ta' effett ta' inċentiv, l-għajnuna hija immirata lejn il-bini ta' infrastruttura li l-valur miżjud tagħha meta mqabbel ma' alternattivi oħra (jiġifieri testijiet fuq in-netwerks ferrovjarji regolari) ma ntweriex. |
6.3.5. Il-proporzjonalità tal-għajnuna
(127) |
Il-Kummissjoni tqis li l-għajnuna tkun proporzjonata jekk l-istess riżultat ma jkunx jista' jinkiseb b'inqas għajnuna. |
(128) |
L-awtoritajiet Spanjoli nnotifikaw il-proġett bħala konformi mal-Qafas tar-RŻI, li jindika li l-intensità massima tal-għajnuna permessa biex jiġu koperti investimenti f'infrastrutturi ta' riċerka użati għal skopijiet ekonomiċi hija limitata għall-ispejjeż netti ekstra sa limitu massimu ta' 60 % tal-ispejjeż eleġibbli (punt 89 tal-Qafas tar-RŻI). Fil-każ preżenti, l-appoġġ pubbliku se jkopri 100 % tal-ispejjeż. |
(129) |
Minħabba l-assenza jew l-insuffiċjenza ta' investimenti privati fl-infrastruttura tas-CEATF, l-għajnuna inkwistjoni ma tidhirx li hija proporzjonata. |
6.3.6. Evitar ta' effetti negattivi bla bżonn fuq il-kompetizzjoni u l-kummerċ bejn l-Istati Membri
(130) |
L-Artikolu 107(3)(c) tat-Trattat jistipola li l-iżviluppi pożittivi ġġenerati b'riżultat ta' miżura għandhom ikunu bbilanċjati mal-effetti negattivi tagħha fuq il-kummerċ u l-kompetizzjoni. |
(131) |
Il-Kummissjoni tqis li l-awtoritajiet Spanjoli ma tawx prova tal-eżistenza ta' effetti pożittivi ġġenerati b'din il-miżura. Għaldaqstant, il-Kummissjoni tikkonkludi li l-bini tas-CEATF jonqos milli jilħaq l-objettiv tiegħu li jiżdiedu r-R&Ż fil-qasam speċifiku tas-servizzi tat-trasport ferrovjarju ta' veloċità għolja ħafna peress li d-domanda fis-suq għal tali infrastruttura u servizzi relatati ta' R&Ż hija żgħira jew saħansitra ineżistenti. Il-Kummissjoni tikkonkludi wkoll li m'hemmx prova ta' falliment tas-suq jew li l-miżura tikkontribwixxi għal bdil sinifikanti fl-imġiba tal-benefiċjarju. |
(132) |
Fir-rigward tal-effetti pożittivi l-oħra tal-miżura li fuqhom tibbaża ruħha Spanja, il-Kummissjoni tqis li l-ħolqien temporanju ta' impjiegi, prinċipalment fis-settur tal-kostruzzjoni, iġib miegħu spejjeż għoljin ħafna u valur pożittiv limitat. |
(133) |
Barra minn hekk, peress li l-miżura tippermetti li jidħol kompetitur ġdid fis-suq permezz tal-użu ta' finanzjament pubbliku massiv, il-Kummissjoni tqis li dan ikollu effett negattiv fuq il-kompetizzjoni. L-għajnuna timmina investimenti preċedenti magħmula minn kompetituri fil-faċilitajiet ta' ttestjar tagħhom kif ukoll tnaqqas investimenti futuri fil-manutenzjoni u t-titjib ta' tali infrastrutturi. |
(134) |
Is-suq li jiġi affettwat mill-għajnuna huwa s-suq tas-servizzi ta' ttestjar tat-tagħmir ferrovjarju fl-Unjoni Ewropea. F'dan is-suq, kif diġà ġie nnotat fid-deċiżjoni tal-ftuħ, attwalment qed jitħaddmu tliet ċentri ta' ttestjar ferrovjarju fl-Unjoni Ewropea: Cerhenice (Velim) fir-Repubblika Ċeka, Wildenrath fil-Ġermanja u Valenciennes fi Franza, fejn isir ittestjar b'veloċitajiet sa 210 km/siegħa. L-ittestjar ta' vetturi ferrovjarji ta' veloċità għolja jitwettaq fuq linji li jintużaw kummerċjalment (55) li għandhom veloċità ta' disinn massima ta' 350 km/siegħa, u t-testijiet isiru b'veloċità massima sa 385 km/siegħa kif rikjest fl-istandard (10 % iktar mill-veloċità nominali tal-ferrovija). |
(135) |
Minn dan jirriżulta li ma hemmx sostitwibilità perfetta bejn is-servizzi ta' ttestjar tas-CEATF fuq naħa u l-faċilitajiet ta' ttestjar oħra u testijiet fuq netwerks kummerċjali fuq in-naħa l-oħra, minħabba l-veloċitjiet massimi differenti tal-ittestjar. Madankollu, il-possibilità diġà eżistenti ta' ttestjar b'veloċitajiet sa 385 km/siegħa f'netwerks kummerċjali twieġeb għad-domanda attwali u potenzjali għal servizzi ta' ttestjar sa din il-veloċità kummerċjalment vijabbli. Fir-rigward tad-domanda futura potenzjali għal ittestjar b'veloċitajiet sa 520 km/siegħa, l-informazzjoni disponibbli u l-kummenti li waslu mingħand il-parteċipanti tas-suq jissuġġerrixxu li din mhux se tkun possibilità kummerċjalment vijabbli, għall-inqas fil-futur qarib. Għaldaqstant, il-faċilità ta' ttestjar tas-CEATF se tkun kompetitur dirett ta' dawk iż-żewġ faċilitajiet eżistenti u anke tan-netwerks ferrovjarji pubbliċi. Għalhekk il-Kummissjoni tqis li l-miżura hija maħsuba biex tissussidja d-dħul fis-suq ta' kompetitur kompletament ġdid bir-riżorsi tal-Istat, u x'aktarx twassal għal distorsjoni sinifikanti tal-kompetizzjoni f'dak is-suq b'riżultat ta' dan. |
(136) |
Il-kompetizzjoni fis-swieq downstream ta' prodotti ferrovjarji li se jiġu ttestjati (inklużi vetturi u tagħmir) tista' wkoll tiġi affettwata b'mod negattiv b'din il-miżura ta' għajnuna. Kif osservat fil-kummenti li waslu dwar id-deċiżjoni tal-ftuħ, il-pożizzjoni ġeografika tal-faċilità tista' de facto toħloq vantaġġi ta' kompetizzjoni favur il-produtturi nazzjonali tal-vetturi ferrovjarji li x'aktarx jużaw is-CEATF għall-ittestjar, mingħajr ma jidħlu fi spejjeż ta' trasport sinifikanti. |
(137) |
Wara li ġie kkunsidrat li l-effetti pożittivi tal-għajnuna nnotifikata mhumiex suffiċjentement ippruvati, kif osservat mill-Kummissjoni fis-sezzjonijiet 6.3.1 sa 6.3.5, l-effetti negattivi tal-miżura f'termini tad-distorsjoni attwali u potenzjali tal-kompetizzjoni huma meqjusa akbar mill-effiċjenzi asseriti. |
6.3.7. It-trasparenza tal-għajnuna
(138) |
Fid-dawl tal-kunsiderazzjonijiet preċedenti, m'hemmx bżonn jiġi kkunsidrat sa fejn l-għajnuna hija trasparenti. |
6.3.8. Konklużjonijiet dwar il-kompatibilità tal-għajnuna
(139) |
Fid-dawl tal-kunsiderazzjonijiet stabbiliti fis-sezzjonijiet 6.3.1 sa 6.3.7 iktar 'il fuq, il-Kummissjoni tikkonkludi li l-miżura ta' għajnuna nnotifikata ma tistax tiġi ddikjarata kompatibbli mas-suq intern abbażi tal-Artikolu 107(3)(c) tat-Trattat. |
6.4. Irkupru tal-għajnuna inkompatibbli
(140) |
F'konformità ma' ġurisprudenza stabbilita sew, l-Artikolu 16(1) tar-Regolament (UE) 2015/1589 jgħid li “fejn jittieħdu deċiżjonijiet negattivi f'każijiet ta' għajnuna kontra l-liġi, il-Kummissjoni għandha tiddeċiedi li l-Istat Membru kkonċernat għandu jieħu l-miżuri kollha meħtieġa biex jirkupra l-għajnuna mill-benefiċjarju (…)”. |
(141) |
Il-Qrati tal-Unjoni konsistentement sostnew ukoll li l-obbligu ta' Stat Membru li jabolixxi għajnuna meqjusa mill-Kummissjoni bħala inkompatibbli mas-suq intern huwa maħsub biex jistabbilixxi mill-ġdid is-sitwazzjoni eżistenti qabel (56). F'dan il-kuntest, il-Qrati tal-Unjoni stabbilixxew li dan l-objettiv ikun intlaħaq meta r-riċevitur ikun ħallas lura l-ammonti mogħtija bħala għajnuna kontra l-liġi (inkluż l-imgħax), u b'hekk jintilef il-vantaġġ li jkun gawda fuq il-kompetituri tiegħu fis-suq, u tiġi restawrata s-sitwazzjoni ta' qabel l-għoti tal-għajnuna (57). |
(142) |
Il-Kummissjoni kkonkludiet li l-għajnuna mogħtija minn Spanja lill-ADIF hija kontra l-liġi u inkompatibbli mas-suq intern. B'riżultat ta' dan, l-għajnuna għandha tiġi rkuprata biex tiġi stabbilita mill-ġdid is-sitwazzjoni li kienet teżisti fis-suq qabel ingħatat. L-irkupru għandu jkopri ż-żmien minn meta ngħata l-vantaġġ lill-benefiċjarji, jiġifieri meta l-għajnuna tpoġġiet għad-dispożizzjoni tal-benefiċjarji, u l-ammonti li għandhom jiġu rkuprati għandhom ikunu bl-imgħax sal-irkupru effettiv. |
(143) |
Abbażi tal-informazzjoni pprovduta minn Spanja u deskritta fil-qosor fil-premessi 43 u 44, u fit-Tabelli 3, 4 u 5 iktar 'il fuq, it-total tal-fondi żborżati lill-ADIF fil-perjodu 2011–2014 jammonta għal EUR 143 703 000 (inkluż EUR 135 866 000 f'għotjiet u EUR 7 837 000 f'self). |
(144) |
Il-Kummissjoni kkalkolat ir-rata tal-imgħax li kienet tkun disponibbli fis-suq abbażi tal-informazzjoni pprovduta minn Spanja fir-rigward tas-self kummerċjali effettivament ikkuntrattat mill-ADIF fil-perjodu rilevanti. Madankollu, il-Kummissoni tapprezza li r-riżultat tal-kalkolu tagħha jista' jkun affettwat bl-eżistenza ta' self ieħor li hija ma ġietx mgħarrfa dwaru. Għaldaqstant, għall-finijiet tal-kalkolu tad-differenza bejn ir-rati tal-imgħax effettivament stabbiliti fis-self mogħti lill-ADIF u r-rata tal-imgħax tas-suq, u għalhekk l-element ta' għajnuna li għandu jiġi rkuprat, Spanja għandha perjodu ta' xahrejn mid-data tal-adozzjoni ta' din id-deċiżjoni li fih hija tista' tipprovdi lill-Kummissjoni evidenza ta' kwalunkwe self kummerċjali ieħor ikkuntrattat mill-ADIF fil-perjodu rilevanti. |
(145) |
Għalhekk, Spanja għandha tirkupra mingħand l-ADIF kemm l-għotjiet antiċipati effettivament żborżati u li għadhom ma ġewx rimborżati mill-ADIF u l-element ta' għajnuna inkluż fis-self mogħti fl-2011, l-2012 u l-2013, li mingħajr preġudizzju għall-possibilità msemmija fil-paragrafu preċedenti, huwa d-differenza bejn ir-rata tal-imgħax tas-self u r-rata tal-imgħax tas-suq kif indikat fit-Tabella 6 iktar 'il fuq (ara l-premessa 75 iktar 'il fuq). L-ammont totali li għandu jiġi rkuprat għandu jinkludi mgħax ta' rkupru sa mill-mument meta ġiet żborżata kull għotja jew self sal-mument tar-rimborż. |
(146) |
Filwaqt li għall-għotjiet, l-imgħax ta' rkupru għandu jkun ikkalkolat abbażi tas-somma kapitali tal-għotja, l-interess ta' rkupru fuq is-self għandu jiġi kkalkolat abbażi tal-element tal-għajnuna inkluż fis-self. |
(147) |
Ma għandu jsir ebda ħlas ġdid min-naħa ta' Spanja b'rabta mal-proġett inkwistjoni. |
(148) |
Kif indikat fil-premessa 88 iktar 'il fuq, l-awtoritajiet Spanjoli qalu li ċ-ċirkwit ferrovjarju tas-CEATF mhux se jinbena mingħajr l-approvazzjoni tal-Kummissjoni. Fid-dawl ta' dan, il-Kummissjoni tqis li ma għandu jkun hemm ebda raġuni li l-ADIF iżżomm is-self mogħti billi dan ingħata biss għal dan il-proġett speċifiku. Għal din ir-raġuni, il-Kummissjoni titlob it-terminazzjoni u l-ħlas lura immedjati tas-self mogħti lill-ADIF. |
7. KONKLUŻJONI
(149) |
L-għotjiet antiċipati u s-self ipprovdut lill-ADIF minn Spanja jikkostitwixxu għajnuna skont it-tifsira tal-Artikolu 107(1) tat-Trattat. L-għajnuna ngħatat minn Spanja bi ksur tal-obbligi ta' notifika u ta' moratorju fl-Artikolu 108(3) tat-Trattat. |
(150) |
Il-Kummissjoni kkonkludiet li l-għajnuna hija inkompatibbli mas-suq intern. |
(151) |
Għalhekk, l-għajnuna għandha tiġi rkuprata mingħand il-benefiċjarju, l-ADIF, flimkien mal-imgħax ta' rkupru. |
ADOTTAT DIN ID-DEĊIŻJONI:
Artikolu 1
Il-finanzjament pubbliku mogħti minn Spanja lill-Administrador de Infraestructura ferroviaria (ADIF) abbażi tal-ftehim tas-27 ta' Diċembru 2010 u d-Deċiżjoni tal-Kunsill tal-Ministri tat-28 ta' Ġunju 2013 għall-bini tas-CEATF, fil-forma ta' self b'rati iktar baxxi mir-rati tal-imgħax tas-suq u għotjiet, li jammonta għal EUR 358 552 309, jikkostitwixxi għajnuna mill-Istat skont it-tifsira tal-Artikolu 107(1) tat-Trattat.
Artikolu 2
L-għajnuna msemmija fl-Artikolu 1 hija kontra l-liġi peress li ngħatat bi ksur tal-obbligi ta' notifika u ta' moratorju li joħorġu mill-Artikolu 108(3) tat-Trattat.
Artikolu 3
L-għajnuna msemmija fl-Artikolu 1 hija inkompatibbli mas-suq intern.
Artikolu 4
1. Inkwantu l-għajnuna msemmija fl-Artikolu 1 ġiet żborżata lill-ADIF, Spanja għandha tirkupraha immedjatament.
2. L-ammonti li għandhom jiġu rkuprati għandhom ikunu bl-imgħax mid-data ta' meta tpoġġew għad-dispożizzjni tal-ADIF sal-irkupru effettiv tagħhom.
3. L-imgħax għandu jiġi kkalkolat fuq bażi komposta f'konformità mal-Kapitolu V tar-Regolament tal-Kummissjoni (KE) Nru 794/2004 (58). L-ammonti li għandhom jitħallsu lura għandhom ikunu bl-imgħax mid-data ta' meta ġew għad-dispożizzjoni tal-benefiċjarji, jiġifieri mid-data tal-pagamenti parzjali tal-għotja u s-self, sal-irkupru effettiv.
4. Spanja għandha tikkanċella l-ħlasijiet pendenti kollha tal-għajnuna msemmija fl-Artikolu 1 b'effett mid-data tal-adozzjoni ta' din id-Deċiżjoni.
5. Spanja għandha titlob it-terminazzjoni u l-ħlas lura tas-self mogħti lill-ADIF.
Artikolu 5
Spanja għandha tiżgura li din id-deċiżjoni tiġi implimentata fi żmien erba' xhur mid-data tan-notifika ta' din id-Deċiżjoni.
Artikolu 6
1. Fi żmien xahrejn mid-data tan-notifika ta' din id-Deċiżjoni, Spanja għandha tibgħat l-informazzjoni li ġejja lill-Kummissjoni:
(a) |
l-ammont totali (is-somma kapitali u l-imgħax ta' rkupru) li għandu jiġi rkuprat mingħand l-ADIF; |
(b) |
deskrizzjoni dettaljata tal-miżuri diġà meħuda u ppjanati biex tikkonforma ma' din id-Deċiżjoni; |
(c) |
dokumenti li juru li l-ADIF ġiet ordnata tħallas lura l-għajnuna. |
2. Spanja għandha żżomm lill-Kummissjoni infurmata dwar il-progress tal-miżuri nazzjonali meħuda biex tiġi implimentata din id-Deċiżjoni sakemm jiġi kkompletat l-irkupru tal-għajnuna msemmija fl-Artikolu 1. Hija għandha immedjatament tibgħat informazzjoni, fuq sempliċi talba tal-Kummissjoni, dwar il-miżuri diġà meħuda u ppjanati għall-finijiet tal-konformità ma' din id-Deċiżjoni. Hija għandha tipprovdi wkoll informazzjoni dettaljata dwar l-ammonti ta' għajnuna u interess ta' rkupru diġà rkuprati mingħand l-ADIF.
Artikolu 7
Din id-Deċiżjoni hija indirizzata lir-Renju ta' Spanja.
Magħmul fi Brussell, il-25 ta' Lulju 2016.
Għall-Kummissjoni
Margrethe VESTAGER
Membru tal-Kummissjoni
(1) ĠU C 188, 5.6.2015, p. 10.
(2) Ara n-nota ta' qiegħ il-paġna 1.
(3) Il-Programm Operattiv Multireġjonali “Riċerka, Żvilupp u Innovazzjoni (RŻI) għall-Intrapriżi u minnhom — Fond għat-Teknoloġija” adottat mill-Kummissjoni fis-7 ta' Diċembru 2007 (id-Deċiżjoni C/2007/6316). Dan il-Programm jagħmel użu mill-appoġġ Komunitarju fir-reġjuni Spanjoli kollha fil-qafas tal-Objettivi ta' Konverġenza u Kompetittività Reġjonali u Impjiegi.
(4) It-tieni sottomissjoni tal-awtoritajiet Spanjoli, li waslet u ġiet irreġistrata fl-20 ta' Mejju 2014, p. 12, ikkonfermat is-sottomissjoni tagħhom tat-22 ta' Jannar 2015.
(5) Kif deskritt fis-sezzjoni 2.3.1 hawn taħt, il-proġett ġie soġġett għal bidliet fid-disinn tekniku waqt il-fażi tal-istudju preliminari tal-fattabilità sakemm laħaq il-forma finali tiegħu f'April 2013, meta l-ADIF bagħtet il-proġett lill-Ministeru tax-Xogħlijiet Pubbliċi u t-Trasport.
(6) Ara s-sezzjoni 2.4 tad-deċiżjoni tal-ftuħ għal deskrizzjoni iktar dettaljata.
(7) Ġurnal uffiċjali Spanjol (BOE) Nru 157, 2 ta' Lulju 2013.
(8) Deloitte, “Final conclusions on the questionnaires received on the project for the development, construction, maintenance and operation of ADIF's railway ring in Antequera under public-private partnership” (Konklużjonijiet finali dwar il-kwestjonarji riċevuti fuq il-proġett għall-iżvilupp, il-bini, il-manutenzjoni u l-operat taċ-ċirkwit ferrovjarju tal-ADIF f'Antequera taħt sħubija pubblika-privata), 8 ta' Ottubru 2012.
(9) Sommarju eżekuttiv tar-rapport tad-Deloitte, riprodott fis-sottomissjoni tal-awtoritajiet Spanjoli fit-22 ta' Jannar 2015.
(10) http://www.c-e-f.fr/
(11) Ley 39/2003 del Sector Ferroviario, Ippubblikata fil-Ġurnal Uffiċjali Spanjol (BOE) Nru 299, tal-14 ta' Diċembru 2013.
(12) Kummerċjalment immaniġġjati mid-Dipartiment tal-Istazzjonijiet tal-Passiġġieri tal-ADIF (Source: www.adif.es).
(13) Ir-raggruppament tat-teknoloġija ferrovjarja li jopera fl-istess reġjun, ara l-premessa 12 tad-deċiżjoni tal-ftuħ
(14) Regolament (KE) Nru 1083/2006 tal-Kunsill tal-11 ta' Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament (KE) Nru 1260/1999 (ĠU L 210, 31.7.2006, p. 25).
(15) Minuti tal-laqgħa tal-“Comité de seguimiento del programa operativo de I+D+I por y para el beneficio de las empresas — Fondo tecnologico 2007-2013” — 11 ta' Ġunju 2010. Il-Kumitat huwa presedut mid-Direttur Ġenerali għall-ERDF fi ħdan il-Ministeru tal-Ekonomija Spanjol, u għalih jattendu r-rappreżentanti tal-parteċipanti fil-Programm Operattiv (kemm amministrazzjonijiet pubbliċi kif ukoll kumpaniji) u l-Kummissjoni.
(16) L-awtoritajiet Spanjoli bagħtu t-test tal-ftehim permezz tal-ittra elettronika tat-2 ta' Lulju 2015.
(17) L-ittri elettroniċi tal-awtoritajiet Spanjoli bid-dati tal-1 u t-8 ta' Ġunju 2015 ġew ikkonfermati fis-sottomissjoni tat-13 ta' Novembru 2015, paġna 5 u l-annessi tagħha.
(18) Pubblikazzjoni fil-Ġurnal Uffiċjali Spanjol (BOE), 17 ta' April 2013.
(19) F'konformità mal-karatteristiċi tekniċi stabliliti bħala definiti (il-veloċità massima, in-numru u l-forma taċ-ċirkwit, il-post u t-tip ta' vetturi ferrovjarji li fuqhom għandhom isiru t-testijiet).
(20) Riżoluzzjoni tad-Dipartiment tal-Istat għall-Infrastruttura, it-Trasport u d-Djar li tapprova l-proġett u tippreżenta l-objettivi tiegħu u l-proċess li jmiss. Ara l-premessa 10 tad-deċiżjoni tal-ftuħ.
(21) L-ammont eżatt huwa EUR 358 552 309,00 arrotonditi għal EUR 358,6 miljun; ara d-Deċiżjoni tal-Kunsill tal-Ministri tat-28 ta' Ġunju 2013. http://prensa.adif.es/ade/u08/GAP/Prensa.nsf/0/80A8FA05AE117307C1257B9B00284BC1/$file/130628%20Anillo%20Ferroviario%20Antequera%20Consejo%20Ministros.pdf?OpenElement
(22) Sors: p. 85 tal-memorandum ta' notifika (Settembru 2013) ikkumplimentata bl-ittra elettronika tat-2 ta' Lulju 2015 u s-sottomissjoni tat-13 ta' Novembru 2015. L-istruttura tal-finanzjament fil-forma ta' għotja (ikkwalifikata bħala “għotja antiċipata”) u self toriġina mill-ftehim iffirmat fl-2010 iżda l-baġit ġie aġġornat wara li ttieħdet id-deċiżjoni fit-28 ta' Ġunju 2013.
(23) Huma elenkaw is-self kollu miksub mill-ADIF U ADIF-Alta Velocidad iżda b'effett mill-1 ta' Jannar 2013, id-data ta' meta l-ADIF inqasmet f'ADIF u ADIF-Alta Velocidad. L-assi relatati maċ-ċirkwit ferrovjarju baqgħu għand l-ADIF.
(24) Fl-2012, ir-rata tal-imgħax fissa kienet 4,884 % u dik varjabbli kienet ikkalkolata fuq ir-rata tal-Euribor bejn kull tlieta (3) u sitt (6) xhur li fuqha ġie applikat marġni ta' bejn 275 u 400 punt ta' bażi skont id-durata tas-self. Fl-2013, ir-rata tal-imgħax fissa kienet 6,28 % u dik varjabbli kienet ikkalkolata fuq ir-rata tal-Euribor kull sitt (6) xhur li fuqha ġie applikat marġni ta' bejn 400 u 450 punt ta' bażi skont l-ammont tas-self.
(25) Il-figura ta' 139 931 720 diġà hija nett mir-rimborżi parzjali tas-self u l-għotjiet.
(26) EUR 19,8 miljun imsemmija fis-sottomissjoni tal-20 ta' Mejju 2014, l-Anness II “konsegwenzi negattivi tan-nuqqas ta' twettiq tal-proġett”, p. 10. Aġġornata għal EUR 20,46 miljun fis-sottomissjoni tal-awtoritajiet Spanjoli tat-28 ta' Settembru 2015.
(27) Ara l-premessa 43 tad-deċiżjoni tal-ftuħ.
(28) ĠU C 198, 27.6.2014, p. 1.
(29) Veloċità kummerċjali sa 350 km/siegħa tirrikjedi li jsiru testijiet b'veloċità massima ta' 385 km/siegħa.
(30) Peress li l-awtoritajiet Spanjoli jammettu li hemm spejjeż addizzjonali li huma komuni għaż-żewġ sezzjonijiet tal-faċilità tas-CEATF u ma jistgħux jiġu separati u allokati għal kull waħda miż-żewġ sezzjonijiet b'mod preċiż, dawk il-valuri m'għandhomx jitqiesu bħala allokazzjoni preċiża tal-ispejjeż.
(31) https://ec.europa.eu/commission/2014-2019/cretu/announcements/new-eu-regional-funds-programme-will-transform-spain-smarter-and-more-competitive-economy_en
(32) Sentenza tal-Qorti tal-Ġustizzja tat-12 ta' Settembru 2000, Pavlov et al, Kawżi Magħquda C-180/98 sa C-184/98, ECLI:EU:C:2000:428, paragrafu 74; Sentenza tal-Qorti tal-Ġustizzja tal-10 ta' Jannar 2006, Cassa di Risparmio di Firenze et al, C-222/04, ECLI:EU:C:2006:8, paragrafu 107.
(33) Sentenza tal-Qorti Ġenerali tat-12 ta' Diċembru 2000, Aéroports de Paris vs Il-Kummissjoni, T-128/98, ECLI:EU:T:2000:290, kif ikkonfermata fl-appell bis-sentenza tal-Qorti tal-Ġustizzja tal-24 ta' Ottubru 2002 f'Aéroports de Paris vs Il-Kummissjoni, C-82/01 P, ECLI:EU:C:2002:617, paragrafi 75 sa 80.
(34) Ara s-sentenza tal-Qorti tal-Ġustizzja tad-19 ta' Diċembru 2012 f'Mitteldeutsche Flughafen u Flughafen Leipzig-Halle vs Il-Kummissjoni, C-288/11 P,, ECLI:EU:C:2012:821, punti 43 u 44, u s-sentenza tal-Qorti tal-Ġustizzja tal-14 ta' Jannar 2015 f'Eventech, C-518/13, ECLI:EU:C:2015:9, paragrafu 42.
(35) ADIF, bħala s-sid tal-infrastruttura maħsuba biex tintuża għal attivitajiet ekonomiċi, hija meqjusa bħala “impriża” għall-iskopijiet tal-għajnuna mill-Istat. L-awtoritajiet Spanjoli ma kkontestawx dan matul l-investigazzjoni formali.
(36) ĠU C 14, 19.1.2008, p. 6.
(37) Ir-rata ta' bażi, li magħha żdiedu 100 punt ta' bażi bħala marġni minima skont il-Komunikazzjoni tal-2008, kienet 2,49 % għal Jannar 2011, 3,07 % għal Jannar 2012, 2,67 % għal Mejju 2012, 1,66 % għal Frar 2013 u 1,53 % għal Jannar 2014.
(38) https://www.moodys.com/credit-ratings/Administrador-de-Infraestruct-Ferroviarias-credit-rating-3010 Il-klassifikazzjoni tal-kreditu tal-ADIF ġiet stabbilita b'rabta mal-klassifikazzjoni tal-gvern Spanjol.
(39) Huma elenkaw is-self kollu miksub mill-ADIF u ADIF-Alta Velocidad, iżda b'effett mill-1 ta' Jannar 2013, id-data li fiha l-ADIF inqasmet f'ADIF u ADIF-Alta Velocidad, l-assi relatati maċ-ċirkwit ferrovjarju baqgħu għand l-ADIF. Huma pprovdew informazzjoni dwar id-data tal-użu, id-data tal-iskadenza, il-bank, il-proġett li se jiġi ffinanzjat, l-ammont, ir-rata tal-imgħax għall-ħlas lura u l-perjodu ta' grazzja.
(40) Ara l-premessa 42 iktar 'il fuq
(41) Ara l-premessi 43 u 44 tad-deċiżjoni tal-ftuħ.
(42) Kawża SA.38302 Għajnuna ta' investiment fil-port ta' Salerno, deċiżjoni tas-27 ta' Marzu 2014, premessa 46.
(43) Sentenza tal-Qorti tal-Ġustizzja tal-14 ta' Jannar 2015, Eventech, C-518/13, ECLI:EU:C:2015:9, paragrafu 66, u s-sentenza tal-Qorti tal-Ġustizzja, Libert et al, C-197/11 u C-203/11, ECLI:EU:C:2013:288, paragrafu 77.
(44) Ara s-sottomissjoni tal-awtoritajiet Spanjoli tas-6 ta' Frar 2014, tweġiba għall-mistoqsija 7, ipprovduta mill-Ministeru Spanjol għall-Finanzi u l-Amministrazzjoni Pubblika, paġna 13.
(45) Ir-Regolament tal-Kunsill (UE) 2015/1589 tat-13 ta' Lulju 2015 li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (ĠU L 248, 24.9.2015, p. 9).
(46) Sentenza tal-Qorti tal-Ġustizzja tas-16 ta' Diċembru 2010, AceaElectrabel Produzione vs Il-Kummissjoni, C-480/09 P, ECLI:EU:C:2010:787, paragrafu 99 u l-ġurisprudenza ċċitata fiha.
(47) Skont il-punt 15(ff) tal-Qafas tar-RŻI “infrastruttura ta' riċerka” tfisser faċilitajiet, riżorsi u servizzi relatati li jintużaw mill-komunità xjentifika biex twettaq riċerka fl-oqsma rispettivi tagħha, u tkopri tagħmir xjentifiku jew sett ta' strumenti, riżorsi bbażati fuq l-għarfien bħalma huma kollezzjonijiet, arkivji jew informazzjoni xjentifika strutturata, li jippermettu infrastrutturi ta' informazzjoni u komunikazzjoni bbażati fuq it-teknoloġija bħal netwerk, informatika, softwer u komunikazzjoni, jew kwalunkwe entità oħra ta' natura unika essenzjali biex titwettaq ir-riċerka. Tali infrastruttura tista' tkun “f'sit wieħed” jew “imqassma” (netwerk ta' riżorsi organizzat).
(48) Qafas Komunitarju għall-għajnuna mill-Istat għar-riċerka, l-iżvilupp u l-innovazzjoni (ĠU C 323, 30.12.2006, p. 1).
(49) Pereżempju, SA 32835 (2011/N) — Fond ta' Investiment Urban għall-Majjistral (JESSICA) (ĠU C 281, 24.9.2011, p. 2, http://ec.europa.eu/competition/state_aid/cases/240234/240234_1247477_97_2.pdf u SA 38769 (2015/N) — Ftehim Ekoloġiku għal Infrastruttura għall-Iċċarġjar tal-Vetturi Elettriċi, li għandu jiġi ppubblikat, http://ec.europa.eu/competition/state_aid/cases/258489/258489_1710979_137_2.pdf
(50) Fir-rigward tal-argument tal-awtoritajiet Spanjoli li fakkru li ntbagħat kwestjonarju lil iktar minn 80 kumpanija, li minnhom 47 wieġbu u 26 indikaw li huma lesti li jassumu parti mir-riskji tal-proġett, għandu jiġi osservat li dawn tal-aħħar kienu fil-biċċa l-kbira kumpaniji mis-settur tal-kostruzzjoni li l-interess kummerċjali tagħhom huwa marbut mal-fażi tal-kostruzzjoni tal-proġett, u mhux mal-attivitajiet ta' RŻI li jiwettqu fih. Barra minn hekk, ħadd minnhom ma kkonferma l-interess reali tiegħu billi fl-aħħar mill-aħħar issottometta offerta meta ġiet organizzata s-sejħa għall-offerti fl-2013, li ġiet iddikjarata nulla minħabba n-nuqqas ta' parteċipanti.
(51) Mhijiex sorpriża li l-unika kumpanija li esprimiet opinjoni favorevoli għall-proġett hija kumpanija Spanjola li, kif ikkonfermat mill-kummenti ta' partijiet oħra li wieġbu, jista' de facto jkollha aċċess preferenzjali għall-faċilità minħabba l-viċinanza tagħha għaċ-ċentru. Għalhekk jidher li l-kumment tagħha huwa ispirat mill-possibilità li takkwista vantaġġ kompetittiv iktar milli minn evalwazzjoni oġġettiva dwar il-bżonn tal-faċilità.
(52) Ara wkoll in-nota ta' qiegħ il-paġna 17 fid-deċiżjoni tal-ftuħ.
(53) Pereżempju, il-Linji Gwida dwar l-għajnuna reġjonali mill-Istat għall-2014-2020 (ĠU C 209, 23.7.2013, p. 1), li jaħsbu speċifikament għall-ħolqien tal-impjiegi, ipoġġu dak l-objettiv fil-kuntest iktar wiesa' li jinkiseb tkabbir inklużiv u sostenibbli (enfażi miżjuda). Fil-fatt, anke meta l-Kummissjoni kellha linji gwida speċifiċi dwar l-għajnuna għall-ħolqien tal-impjiegi (Linji Gwidi dwar l-għajnuna għall-impjiegi, ĠU C 334, 12.12.1995, p. 4), ġie rikonoxxut li għajnuna għall-ħolqien tal-impjiegi li tkun limitata għal settur jew setturi sensittiv/i li jesperjenzaw kapaċità żejda jew li jkunu fi kriżi hija wkoll ġeneralment meqjusa b'mod inqas favorevoli, bir-riżultat li l-effetti ħżiena tagħha fuq l-impjiegi f'setturi ta' kompetizzjoni fi Stati Membri oħra ġeneralment huma ikbar mill-interess komuni involut f'miżuri attivi biex jitnaqqas il-qgħad (ara l-punt 23).
(54) Għal diskussjoni dwar l-adegwatezza ara l-Kawżi C 25/2004 — DVB-T Berlin-Brandenburg (ĠU L 200, 22.7.2006, p. 14) jew N 854/06 — Soutien de l'agence de l'innovation industrielle en faveur du programme mobilisateur pour l'innovation industrielle TVMSL (ĠU C 182, 4.8.2007, p. 5).
(55) Pereżempju — Rete Feroviaria Italiana fl-Italja, SNCF fi Franza, DB Bahn fil-Ġermanja.
(56) Ara inter alia s-sentenza tal-Qorti tal-Ġustizzja tal-14 ta' Settembru 1994, Spanja vs Il-Kummissjoni, C-278/92, C-279/92 u C-280/92, ECLI:EU:C:1994:325, paragrafu 75.
(57) Ara inter alia s-sentenza tal-Qorti tal-Ġustizzja tas-17 ta' Ġunju 1999, Il-Belġju vs Il-Kummissjoni, Kawża C-75/97, ECLI:EU:C:1999:311, paragrafi 64 u 65.
(58) Regolament tal-Kummissjoni (KE) Nru 794/2004 tal-21 ta' April 2004 li jimplimenta r-Regolament tal-Kunsill (UE) 2015/1589 li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (ĠU L 140, 30.4.2004, p. 1).
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
13.1.2017 |
MT |
Il-Ġurnal Uffiċjali tal-Unjoni Ewropea |
L 9/33 |
It-testi oriġinali tan-NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament għandhom jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html
Regolament Nru 138 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta' Vetturi tat-Trasport bit-Triq Ħiemda fir-rigward tal-livell tal-ħoss imnaqqas tagħhom [2017/71]
Data tad-dħul fis-seħħ: 5 ta' Ottubru 2016
WERREJ
1. |
Kamp ta' applikazzjoni |
2. |
Definizzjonijiet |
3. |
Applikazzjoni għall-approvazzjoni |
4. |
Immarkar |
5. |
Approvazzjoni |
6. |
Speċifikazzjonijiet |
7. |
Modifika u estensjoni tal-approvazzjoni tat-tip ta' vettura |
8. |
Konformità tal-produzzjoni |
9. |
Penali għal nuqqas ta' konformità tal-produzzjoni |
10. |
Produzzjoni mwaqqfa għalkollox |
11. |
Dispożizzjonijiet tranżizzjonali |
12. |
Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip |
ANNESSI
1 |
Komunikazzjoni Addendum tal-Formola ta' Komunikazzjoni (Dokument ta' Informazzjoni Teknika) |
2 |
Arranġamenti tal-marka tal-approvazzjoni |
3 |
Il-metodi u l-istrumenti biex jitkejjel il-ħoss mill-vetturi motorizzati |
Appendiċi: |
Figuri u Flowcharts |
1. KAMP TA' APPLIKAZZJONI
Dan ir-Regolament japplika għal vetturi elettriċi tal-kategoriji M u N li jistgħu jivvjaġġaw fil-modalità normali, bir-reverse jew mill-inqas b'gear ta' sewqan 'il quddiem wieħed, b'ebda magna b'kombustjoni interna taħdem (1) fir-rigward tal-livell tal-ħoss tagħhom.
2. DEFINIZZJONIJIET
Għall-fini ta' dan ir-Regolament,
2.1. |
“Approvazzjoni ta' vettura” tfisser l-approvazzjoni ta' tip ta' vettura fir-rigward tal-ħoss; |
2.2. |
“Sistema ta' Twissija Akustika tal-Vettura” (AVAS) tfisser komponent jew grupp ta' komponenti installati f'vetturi bl-għan prinċipali li jissodisfaw ir-rekwiżiti ta' dan ir-Regolament; |
2.3. |
“Tip ta' vettura” tfisser kategorija ta' vetturi bil-mutur li ma tkunx tvarja essenzjalment fir-rigward ta' elementi bħalma huma:
|
2.4. |
“Xift tal-Frekwenza” tfisser il-varjazzjoni tal-kontenut tal-frekwenza tal-ħoss tal-AVAS bħala funzjoni tal-veloċità tal-vettura. |
2.5. |
“Vettura bl-elettriku” tfisser vettura b'sistema tal-propulsjoni li jkollha tal-inqas mutur elettriku wieħed jew motoġeneratur elettriku wieħed. 2.5.1. “Vettura Purament Elettrika” (PEV) tfisser vettura bil-mutur b'mutur elettriku bħala l-uniku mezz ta' propulsjoni. 2.5.2. “Vettura Ibrida Elettrika” (HEV) tfisser vettura b'sistema tal-propulsjoni li jkollha tal-inqas mutur elettriku wieħed jew motoġeneratur elettriku u tal-inqas magna b'kombustjoni interna waħda bħala konvertituri tal-enerġija tal-propulsjoni. 2.5.3. “Vettura b'Ċellola tal-Fjuwil” (FCV) tfisser vettura b'ċellola tal-fjuwil u b'magna elettrika bħala konvertituri tal-enerġija tal-propulsjoni. 2.5.4. “Vettura Ibrida b'Ċellola tal-Fjuwil” (FCHV) tfisser vettura b'minn tal-inqas sistema tal-ħażna ta' fjuwil waħda u tal-inqas sistema ta' ħażna ta' enerġija elettrika rikarikabbli (REESS) waħda bħala sistema ta' ħażna ta' enerġija tal-propulsjoni. |
2.6. |
“Massa fi stat ta' tħaddim” tfisser il-massa tal-vettura, bit-tank(ijiet) tal-fjuwil tagħha mimli(jin) sa mill-inqas 90 % tal-kapaċità tiegħu/tagħhom, inkluża l-massa tas-sewwieq (75 kg), tal-fjuwil u l-likwidi, mgħammrin bit-tagħmir standard skont l-ispeċifikazzjonijiet tal-manifattur u, meta jkunu mwaħħla, il-massa tal-karozzerija, tal-kabina, tal-agganċ u tal-istepni(s) kif ukoll tal-għodda. |
2.7. |
“Funzjoni Pause” tfisser mekkaniżmu li jwaqqaf temporanjament it-tħaddim ta' AVAS. |
2.8. |
“Pjan ta' quddiem tal-vettura” tfisser pjan vertikali tanġenzjali max-xifer ta' quddiem tal-vettura. |
2.9. |
“Pjan ta' wara tal-vettura” tfisser pjan vertikali tanġenzjali max-xifer ta' wara tal-vettura. |
2.10. |
Simboli u abbrevjazzjonijiet, u l-paragrafu li fih huma użati għall-ewwel darba. Tabella 1 Simboli u Abbrevjazzjonijiet
|
3. APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni ta' tip ta' vettura fir-rigward tal-livell tal-ħoss imnaqqas għandha titressaq mill-manifattur tagħha jew mir-rappreżentant tiegħu akkreditat b'mod xieraq.
3.2. Għandha tkun akkumpanjata mid-dokumenti msemmija hawn taħt u mid-dettalji li ġejjin:
3.2.1. |
Deskrizzjoni tat-tip tal-vettura fir-rigward tal-elementi msemmija fil-paragrafu 2.3 ta' hawn fuq; |
3.2.2. |
Deskrizzjoni tal-magna/i kif imsemmi fl-Anness 1, Addendum; |
3.2.3. |
Jekk applikabbli, lista tal-komponenti li jikkostitwixxu l-AVAS; |
3.2.4. |
Jekk applikabbli, disinn tal-AVAS immuntata u indikazzjoni tal-pożizzjoni tagħha fil-vettura. |
3.3. Fil-każ tal-paragrafu 2.3, il-vettura unika, rappreżentattiva tat-tip ikkonċernat, tingħażel mis-Servizz teniku li jwettaq it-testijiet tal-approvazzjoni, bi qbil mal-manifattur tal-vettura.
3.4. L-Awtorità tal-Approvazzjoni tat-Tip għandha tivverifika l-eżistenza ta' arranġamenti sodisfaċenti biex jiġi żgurat il-kontrolli effettiv tal-konformità tal-produzzjoni qabel ma tingħata l-approvazzjoni tat-tip.
4. IMMARKAR
4.1. Il-komponenti tal-AVAS (jekk applikabbli) għandu jkollhom:
4.1.1. |
L-isem kummerċjali jew it-trademark tal-manifattur(i) tal-komponenti tal-AVAS; |
4.1.2. |
Numru/i ta' identifikazzjoni. |
4.2. Dawn il-marki għandhom ikunu leġġibbli b'mod ċar u ma jitħassrux.
5. APPROVAZZJONI
5.1. L-approvazzjoni tat-tip għandha tingħata biss jekk it-tip tal-vettura jissodisfa r-rekwiżiti tal-paragrafi 6 u 7 ta' hawn taħt.
5.2. Għandu jiġi assenjat numru tal-approvazzjoni għal kull tip approvat. L-ewwel żewġ ċifri tiegħu (bħalissa 00, li jikkorrispondu għas-serje ta' emendi 00) għandhom jindikaw is-serje ta' emendi li tinkorpora l-emendi tekniċi importanti l-aktar reċenti li saru fir-Regolament fi żmien il-ħruġ tal-approvazzjoni. L-istess Parti Kontraenti ma għandhiex tassenja l-istess numru lil tip ta' vettura ieħor.
5.3. L-avviż tal-approvazzjoni jew tal-estensjoni jew tar-rifjut jew tal-irtirar tal-approvazzjoni jew ta' produzzjoni mwaqqfa għalkollox ta' tip ta' vettura skont dan ir-Regolament għandu jiġi kkomunikat lill-Partijiet għall-Ftehim li japplikaw dan ir-Regolament, permezz ta' formola li tikkonforma mal-mudell fl-Anness 1 ta' dan ir-Regolament.
5.4. Għandha titwaħħal marka ta' approvazzjoni internazzjonali, fejn tidher u f'post li jkun faċilment aċċessibbli kif speċifikat fil-formula tal-approvazzjoni, ma' kull vettura li tikkonforma mat-tip ta' vettura approvat skont dan ir-Regolament, li tkun magħmula minn:
5.4.1. |
Ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni; |
5.4.2. |
In-numru ta' dan ir-Regolament, segwit bl-ittra “R”, sing u n-numru tal-approvazzjoni fuq il-lemin taċ-ċirku preskritt fil-paragrafu 5.4.1. |
5.5. Jekk il-vettura tkun konformi ma' tip ta' vettura approvat, skont Regolament wieħed jew aktar annessi ma' dan il-Ftehim, fil-pajjiż li jkun ħareġ l-approvazzjoni skont dan ir-Regolament, is-simbolu preskritt fil-paragrafu 5.4.1 ma hemmx għalfejn jiġi ripetut; F'każ bħal dan, in-numri tar-Regolament u tal-approvazzjoni u s-simboli addizzjonali tar-Regolamenti kollha li skonthom tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament, għandhom jitqiegħdu f'kolonni vertikali fuq il-lemin tas-simbolu preskritt fil-paragrafu 5.4.1.
5.6. Il-marka tal-approvazzjoni għandha tkun leġibbli b'mod ċar u ma titħassarx.
5.7. Il-marka tal-approvazzjoni għandha titqiegħed qrib jew fuq il-pjanċa tad-dejta tal-vettura mwaħħla mill-manifattur.
5.8. L-Anness 2 ta' dan ir-Regolament jagħti eżempji tal-arranġamenti tal-marka tal-approvazzjoni.
6. SPEĊIFIKAZZJONIJIET
6.1. Speċifikazzjonijiet ġenerali
Għall-fini ta' dan ir-Regolament, il-vettura għandha tissodisfa r-rekwiżiti li ġejjin:
6.2. Karatteristiċi akustiċi
Il-ħoss emess mit-tip ta' vettura mressaq għall-approvazzjoni għandu jitkejjel permezz tal-metodi deskritti fl-Anness 3 ta' dan ir-Regolament.
Il-medda tal-veloċitajiet għal dan il-kejl hija dik ta' bejn aktar minn 0 km/h sa 20 km/h inklużiv.
Jekk il-vettura li ma tkunx mgħammra b'AVAS tissodisfa l-livelli globali kif speċifikati fit-Tabella 2 ta' hawn taħt b'marġni ta' + 3 dB(A), l-ispeċifikazzjoni ta' baned ta' terz ta' ottava u x-xift tal-frekwenza ma japplikawx.
6.2.1. Testijiet b'veloċità kostanti
6.2.1.1. Il-veloċitajiet tat-test għall-approvazzjoni huma 10 km/h u 20 km/h.
6.2.1.2. Meta tiġi ttestjata fil-kundizzjonijiet tal-Anness 3, paragrafu 3.3.2, il-vettura għandha temetti ħoss
(a) |
Li jkollu livell tal-pressjoni tal-ħoss globali minimu għall-veloċità tat-test applikabbli skont it-Tabella 2 tal-paragrafu 6.2.8; |
(b) |
Li jkollu tal-inqas tnejn mill-baned ta' terz ta' ottava skont it-Tabella 2 tal-paragrafu 6.2.8. Mill-inqas waħda minn dawn il-baned għandha tkun inqas minn jew fil-banda ta' terz ta' ottava ta' 1 600 Hz; |
(c) |
Bil-livelli ta' pressjoni tal-ħoss minimi fil-baned magħżula għall-veloċità tat-test applikabbli skont it-Tabella 2 tal-paragrafu 6.2.8, il-kolonna 3 jew il-kolonna 4. |
6.2.1.3. Jekk wara li vettura tiġi ttestjata skont l-Anness 3, paragrafu 3.3.2, għal għaxar darbiet wara xulxin f'sensiela ta' kejl mingħajr ma jiġi rreġistrat kejl wieħed validu minħabba li l-magna b'kombustjoni interna tal-vettura tibqa' attiva jew terġa' tistartja u tinterferixxi l-kejl, il-vettura tiġi eżentata minn dan it-test partikolari.
6.2.2. Test tal-irriversjar
6.2.2.1. Meta tiġi ttestjata fil-kundizzjonijiet tal-Anness 3, paragrafu 3.3.3, il-vettura għandha temetti ħoss li jkollu livell tal-pressjoni tal-ħoss globali minimu skont it-Tabella 2 tal-paragrafu 6.2.8., il-kolonna 5.
6.2.2.2. Jekk wara li vettura tiġi ttestjata skont l-Anness 3, il-paragrafu 3.3.3, għal għaxar darbiet wara xulxin f'sensiela ta' kejl mingħajr ma jiġi rreġistrat kejl wieħed validu minħabba li l-magna b'kombustjoni interna tal-vettura tibqa' attiva jew terġa' tistartja u tinterferixxi l-kejl, il-vettura tiġi eżentata minn dan it-test partikolari.
6.2.3. Xift tal-frekwenza li jindika aċċellerazzjoni u deċellerazzjoni
6.2.3.1. L-intenzjoni tax-xift tal-frekwenza hija li jinforma akustikament lill-utenti tat-triq dwar il-bidla fil-veloċità tal-vettura.
6.2.3.2. Meta tiġi ttestjata fil-kundizzjonijiet tal-Anness 3, il-paragrafu 4, mill-inqas ton wieħed fil-medda ta' frekwenzi kif speċifikat fil-paragrafu 6.2.8. emess mill-vettura għandu jvarja b'mod proporzjonali mal-veloċità f'kull proporzjon tal-gerijiet individwali b'medja ta' mill-inqas 0,8 % għal kull 1 km/h fil-firxa ta' veloċitajiet ta' bejn 5 km/h sa 20 km/h inkluziv meta l-vettura tinsaq 'l quddiem. F'każ li jkun hemm aktar minn xift tal-frekwenza wieħed, xift tal-frekwenza wieħed biss jeħtieġ jissodisfa r-rekwiżiti.
6.2.4. Ħoss meta l-vettura tkun wieqfa
Il-vettura tista' temetti ħoss meta tkun wieqfa.
6.2.5. Ħsejjes li jistgħu jintgħażlu mis-sewwieq
Il-manifattur tal-vettura jista' jiddefinixxi ħsejjes alternattivi li jistgħu jintgħażlu mis-sewwieq; kull wieħed minn dawn il-ħsejjes għandu jkun konformi u jiġi approvat skont id-dispożizzjonijiet fil-paragrafi 6.2.1 sa 6.2.3.
6.2.6. Il-funzjoni Pause
Il-manifattur jista' jinstalla funzjoni għad-diżattivazzjoni temporanja tal-AVAS. Kwalunkwe funzjoni oħra ta' diżattivazzjoni, li ma tissodisfax l-ispeċifikazzjoni ta' hawn taħt, hija pprojbita.
6.2.6.1. Il-funzjoni għandha tkun f'pożizzjoni tali li tkun tista' titħaddem mis-sewwieq f'pożizzjoni bilqiegħda normali.
6.2.6.2. Meta l-funzjoni Pause tiġi attivata, is-sospensjoni tal-AVAS għandha tiġi indikata b'mod ċar lis-sewwieq.
6.2.6.3. L-AVAS għandha terġa' tiġi attivata kull darba li l-vettura tiġi startjata wara li tkun intfiet.
6.2.6.4. Informazzjoni dwar il-manwal tas-sid
Jekk tiġi installata funzjoni Pause, il-manifattur għandu jipprovdi lis-sid b'informazzjoni (eż. fil-manwal tas-sid) dwar l-effett tagħha:
“Il-funzjoni Pause tas-Sistema ta' Twissija Akustika tal-Vettura (AVAS) ma għandhiex tintuża ħlief meta jkun ċar li ma għandux ikun hemm emissjoni ta' ħsejjes ta' twissija fiż-żona tal-madwar u li jkun ċert li ma hemmx persuni mexjin fil-qrib.”
6.2.7. Speċifikazzjonijiet dwar il-livell tal-ħoss massimu għall-AVAS
Meta tiġi ttestjata fil-kundizzjonijiet tal-Anness 3, il-paragrafu 3.3.2, vettura li tkun mgħammra b'AVAS, ma għandhiex temetti livell ta' ħoss globali ta' aktar minn 75 dB (A), meta l-vettura tinsaq 'l quddiem (2).
6.2.8. Il-livelli tal-ħoss minimi
Il-livell tal-ħoss imkejjel skont id-dispożizzjonijiet tal-Anness 3 ta' dan ir-Regolament u matematikament miġjub sal-eqreb valur ta' numru sħiħ, mill-inqas għandu jkollu dawn il-valuri li ġejjin:
Tabella 2
Rekwiżiti tal-Livell tal-Ħoss Minimu f'dB(A)
Frekwenza f'Hz |
Test b'Veloċità Kostanti, il-paragrafu 3.3.2. (10 km/h) |
Test b'Veloċità Kostanti il-paragrafu 3.3.2. (20 km/h) |
Test tal-Irriversjar, il-paragrafu 3.3.3. |
|
Kolonna 1 |
Kolonna 2 |
Kolonna 3 |
Kolonna 4 |
Kolonna 5 |
Globali |
50 |
56 |
47 |
|
Baned ta' 1/3 ta' Ottava |
160 |
45 |
50 |
|
200 |
44 |
49 |
||
250 |
43 |
48 |
||
315 |
44 |
49 |
||
400 |
45 |
50 |
||
500 |
45 |
50 |
||
630 |
46 |
51 |
||
800 |
46 |
51 |
||
1 000 |
46 |
51 |
||
1 250 |
46 |
51 |
||
1 600 |
44 |
49 |
||
2 000 |
42 |
47 |
||
2 500 |
39 |
44 |
||
3 150 |
36 |
41 |
||
4 000 |
34 |
39 |
||
5 000 |
31 |
36 |
7. MODIFIKA U ESTENSJONI TAL-APPROVAZZJONI TAT-TIP TA' VETTURA
7.1. Kull modifika għat-tip ta' vettura għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta' vettura. L-Awtorità tal-Approvazzjoni tat-Tip imbagħad tista' jew:
7.1.1. |
tqis li l-modifiki li saru mhux probabbli li jkollhom effett avvers apprezzabbli u li fi kwalunkwe każ il-vettura xorta hija konformi mar-rekwiżiti, jew |
7.1.2. |
tirrikjedi rapport tat-test ieħor mingħand is-Servizz Tekniku responsabbli għat-twettiq tat-testijiet. |
7.2. Il-konferma jew ir-rifjut ta' approvazzjoni, bl-ispeċifikazzjoni tal-alterazzjonijiet, għandha tiġi kkomunikata permezz tal-proċedura speċifikata fil-paragrafu 5.3 ta' hawn fuq lill-Partijiet għall-Ftehim li japplikaw dan ir-Regolament.
7.3. L-Awtorità tal-Approvazzjoni tat-Tip li toħroġ l-estensjoni tal-approvazzjoni għandha tassenja numru tas-serje għal din l-estensjoni u għandha tinforma b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta' formola ta' komunikazzjoni li tkun konformi mal-mudell fl-Anness 1 ta' dan ir-Regolament.
8. KONFORMITÀ TAL-PRODUZZJONI
Il-proċeduri tal-konformità tal-produzzjoni għandhom ikunu konformi ma' dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:
8.1. |
Il-vetturi approvati skont dan ir-Regolament għandhom ikunu manifatturati b'tali mod li jkunu konformi mat-tip approvat u jissodisfaw ir-rekwiżiti stabbiliti fil-paragrafu 6.2 ta' hawn fuq. |
8.2. |
L-Awtorità tal-Approvazzjoni tat-Tip li tat l-approvazzjoni tat-tip tista', fi kwalunkwe waqt, tivverifika l-metodi tal-kontroll tal-konformità applikati f'kull faċilità ta' produzzjoni. Il-frekwenza normali ta' dawn il-verifiki għandha tkun darba kull sentejn. |
9. PENALI GĦAL NUQQAS TA' KONFORMITÀ TAL-PRODUZZJONI
9.1. L-approvazzjoni mogħtija fir-rigward ta' tip ta' vettura skont dan ir-Regolament tista' tiġi rtirata jekk ir-rekwiżiti stabbiliti hawn fuq ma jiġux issodisfati.
9.2. Jekk Parti Kontraenti għall-Ftehim li tapplika dan ir-Regolament tirtira l-approvazzjoni li tat qabel, għandha mill-ewwel tgħarraf b'dan lill-Partijiet Kontraenti l-oħra li japplikaw dan ir-Regolament permezz ta' formola ta' komunikazzjoni konformi mal-mudell fl-Anness 1 ta' dan ir-Regolament.
10. PRODUZZJONI MWAQQFA GĦALKOLLOX
Jekk id-detentur tal-approvazzjoni jwaqqaf għalkollox il-manifattura tat-tip ta' vettura approvat skont dan ir-Regolament, huwa għandu jgħarraf b'dan lill-awtorità li tkun tat l-approvazzjoni. Meta tirċievi l-komunikazzjoni rilevanti, dik l-Awtorità għandha tinforma b'dan lill-Partijiet l-oħra għall-Ftehim tal-1958 li japplikaw dan ir-Regolament, permezz ta' formola ta' komunikazzjoni konformi mal-mudell fl-Anness 1 ta' dan ir-Regolament.
11. DISPOŻIZZJONIJIET TRANŻIZZJONALI
Sat-30 ta' Ġunju 2019, l-ISO 10844:1994 jista' jiġi applikat bħala alternattiva għall-ISO 10844:2014 għall-verifika tal-konformità tal-korsa tat-test kif deskritt fl-Anness 3, paragrafu 2.1.2 ta' dan ir-Regolament.
12. ISMIJIET U INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP
Il-Partijiet għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li joħorġu l-approvazzjoni u li jintbagħtulhom il-formoli li jiċċertifikaw l-approvazzjoni jew iċ-ċaħda, ir-rifjut, l-estensjoni jew l-irtirar tal-approvazzjoni, maħruġa f'pajjiżi oħra.
(1) F'dan l-istadju, għandhom jiġu żviluppati miżuri akustiċi biss sabiex jingħeleb it-tħassib ta' sinjali akustiċi mnaqqsa minn vetturi elettriċi. Wara l-finalizzazzjoni ta' dan l-istadju, grupp ta' ħidma (GR) kompetenti għandu jiġi assenjat biex itejjeb ir-Regolament sabiex jiġu żviluppati miżuri mhux akustiċi alternattivi, fejn jitqiesu sistemi attivi ta' sikurezza bħal, iżda mhux limitati għal, sistemi ta' individwazzjoni ta' persuni għaddejjin bil-mixi. Sabiex jipprovdi għall-protezzjoni ambjentali, dan ir-Regolament jispeċifika limiti massimi wkoll.
(2) Il-livell tal-pressjoni tal-ħoss globali massimu ta' 75 dB (A), imkejjel f'distanza ta' 2 m huwa ekwivalenti għall-livell tal-pressjoni tal-ħoss globali ta' 66 dB (A), imkejjel f'distanza ta' 7,5 m. Il-valur limitu ta' 66 dB (A) f'distanza ta' 7,5 m huwa l-valur massimu l-aktar baxx permess fir-Regolamenti stabbiliti skont il-Ftehim tal-1958.
ANNESS 1
ANNESS 2
ARRANĠAMENTI TAL-MARKA TAL-APPROVAZZJONI
MUDELL A
(Ara l-paragrafu 5.4 ta' dan ir-Regolament)
Il-marka tal-approvazzjoni ta' hawn fuq, imwaħħla ma' vettura, turi li t-tip ta' vettura konċernat, fir-rigward tal-livell tal-ħoss tiegħu, ġie approvat fin-Netherlands (E 4) skont ir-Regolament Nru 138 bin-Nru tal-approvazzjoni 002439.
L-ewwel żewġ ċifri tan-numru tal-approvazzjoni jindikaw li r-Regolament Nru 138 diġà kien jinkludi s-serje ta' emendi 00 meta ngħatat l-approvazzjoni.
MUDELL B
(Ara l-paragrafu 5.5 ta' dan ir-Regolament)
Il-marka tal-approvazzjoni ta' hawn fuq, imwaħħla ma' vettura, turi li t-tip ta' vettura konċernat ġie approvat fin-Netherlands (E4) skont ir-Regolamenti Nri. 138 u 33 (1). In-numri tal-approvazzjoni jindikaw li, fid-dati meta ngħataw l-approvazzjonijiet rispettivi, ir-Regolament Nru 138 kien jinkludi s-serje ta' emendi 00 filwaqt li r-Regolament Nru 33 kien jinkludi s-serje ta' emendi 01.
(1) Dan l-aħħar numru qed jingħata biss bħala eżempju.
ANNESS 3
IL-METODI U L-ISTRUMENTI BIEX JITKEJJEL IL-ĦOSS MILL-VETTURI MOTORIZZATI
1. STRUMENTAZZJONI
1.1. Strumenti għall-kejl akustiku
1.1.1. Ġenerali
L-apparat użat biex jitkejjel il-livell ta' pressjoni tal-ħoss għandu jkun miter tal-livell tal-ħoss jew sistema ta' kejl ekwivalenti li jissodisfa r-rekwiżiti tal-istrumenti tal-Klassi 1 (inkluż il-windskrin rakkomandat, jekk jintuża). Dawn ir-rekwiżiti ġew deskritti fl-IEC 61672-1-2013.
Is-sistema tal-kejl kollha għandha tiġi vverifikata permezz ta' kalibratur tal-ħoss li jissodisfa r-rekwiżiti għall-kalibraturi tal-ħoss tal-Klassi 1 skont l-IEC 60942-2003.
Il-kejl għandu jsir bl-użu tal-ponderazzjoni “F” tal-ħin tal-istrument tal-kejl akustiku u tal-ponderazzjoni “A” tal-frekwenza wkoll deskritta fl-IEC 61672-1-2013. Meta tintuża sistema li tinkludi monitoraġġ perjodiku tal-livell tal-pressjoni tal-ħoss ponderat-A, għandu jittieħed qari f'intervalli ta' ħin ta' mhux aktar minn 30 ms.
Meta l-kejl isir għal baned ta' terz ta' ottava, l-istrumentazzjoni għandha tissodisfa r-rekwiżiti kollha tal-IEC 61260-1-2014, Klassi 1. Meta l-kejl isir għal xift tal-frekwenza, is-sistema tar-reġistrazzjoni diġitali tal-ħoss għandu jkollha kwantizzazzjoni ta' mill-anqas 16 bits. Ir-rata ta' kampjunar u l-firxa dinamika għandhom ikunu adatti għas-sinjal ta' interess.
L-istrumenti għandhom jinżammu f'kundizzjoni tajba u jiġu kkalibrati skont l-istruzzjonijiet tal-manifattur tal-istrument.
1.1.2. Kalibrazzjoni
Fil-bidu u fi tmiem kull sessjoni ta' kejl, is-sistema ta' kejl akustiku kollha għandha tiġi vverifikata permezz ta' kalibratur tal-ħoss kif deskritt fil-paragrafu 1.1.1. Bla ebda aġġustament ulterjuri, id-differenza bejn il-qari għandha tkun inqas minn jew ta' 0,5 dB(A). Jekk dan il-valur ikun ogħla, ir-riżultati tal-kejl miksuba wara l-verifika sodisfaċenti preċedenti għandhom jiġu injorati.
1.1.3. Konformità mar-rekwiżiti
Il-konformità tal-kalibratur tal-ħoss mar-rekwiżiti tal-IEC 60942-2003 għandha tiġi vverifikata darba fis-sena. Il-konformità tas-sistema tal-istrumentazzjoni mar-rekwiżiti tal-IEC 61672-3-2013 għandha tiġi vverifikata darba kull sentejn. L-ittestjar għall-konformità kollu għandu jsir minn laboratorju li jkun awtorizzat iwettaq kalibrazzjonijiet skont l-istandards xierqa.
1.2. Strumentazzjoni għall-kejl tal-veloċità
Il-veloċità tal-vettura fit-triq għandha titkejjel bi strumenti bi preċiżjoni minima ta' ± 0,5 km/h meta jintużaw apparati għall-kejl kontinwu.
Jekk l-ittestjar juża kejl indipendenti tal-veloċità, din l-istrumentazzjoni għandu jkollha preċiżjoni minima ta' ± 0,2 km/h.
1.3. Strumentazzjoni meteoroloġika
L-istrumentazzjoni meteoroloġika użata sabiex jiġu mmonitorjati l-kundizzjonijiet ambjentali waqt it-test għandha tissodisfa dawn l-ispeċifikazzjonijiet:
(a) |
± 1 °C jew inqas għal apparat li jkejjel it-temperatura; |
(b) |
± 1,0 m/s għal apparat li jkejjel il-veloċità tar-riħ; |
(c) |
± 5 hPa għal apparat li jkejjel il-pressjoni barometrika; |
(d) |
± 5 % għal apparat li jkejjel l-umdità relattiva. |
2. AMBJENT AKUSTIKU, KUNDIZZJONIJIET METEOROLOĠIĊI U ĦOSS FL-ISFOND
2.1. Is-sit tat-test
2.1.1. Ġenerali
L-ispeċifikazzjonijiet għas-sit tat-test jipprevedu l-ambjent akustiku meħtieġ biex jitwettqu t-testijiet fuq il-vettura li jidhru f'dan ir-regolament. L-ambjenti tal-ittestjar fuq ġewwa u fuq barra li jissodisfaw l-ispeċifikazzjonijiet ta' dan ir-regolament jipprovdu ambjenti akustiċi ekwivalenti u jipproduċu riżultati li huma validi bl-istess mod.
2.1.2. Testjar fuq barra
Is-sit tat-test għandu jkun sostanzjalment invell. Il-kostruzzjoni tal-korsa tat-test u s-superfiċe għandhom jissodisfaw ir-rekwiżiti tal-ISO 10844:2014.
Fi ħdan raġġ ta' 50 m miċ-ċentru tal-korsa, l-ispazju għandu jkun ħieles minn oġġetti kbar li jistgħu jirriflettu bħal xtiebi, ġebel, pontijiet jew bini. Il-korsa tat-test u s-superfiċe tas-sit huma niexfa u ħielsa minn materjali assorbenti bħal silġ f'forma ta' trab, jew fdalijiet mhux kompatti.
Ma għandu jkun hemm l-ebda ostaklu li jista' jinfluwenza l-kamp akustiku qrib il-mikrofoni u l-ebda persuna ma għandha toqgħod bejn il-mikrofonu u s-sors tal-ħoss. L-osservatur tal-miter għandu joqgħod f'pożizzjoni fejn ma jinfluwenzax il-qari tal-miter. Il-mikrofoni għandhom ikunu f'pożizzjoni kif speċifikat fil-Figura 1.
2.1.3. L-ittestjar ħemianekojku u anekojku fuq ġewwa
Dan il-paragrafu jispeċifika l-kundizzjonijiet applikabbli meta tiġi ttestjata vettura, jew kif taħdem fit-triq bis-sistemi kollha jaħdmu, jew kif taħdem f'modalità fejn l-AVAS biss tkun qed taħdem.
Il-faċilità tat-test għandha tissodisfa r-rekwiżiti tal-ISO 26101:2012 b'dawn il-kriterji ta' kwalifikazzjoni u r-rekwiżiti tal-kejl adatti għal dan il-metodu ta' ttestjar.
Għandu jiġi definit spazju ħemianekojku kif indikat fil-Figura 3.
Għall-kwalifikazzjoni tal-ispazju ħemianekojku, għandha titwettaq din l-evalwazzjoni:
(a) |
Sors tal-ħoss għandu jkun pożizzjonat fuq l-art f'nofs l-ispazju meqjus bħala anekojku; |
(b) |
Is-sors tal-ħoss għandu jipprovdi broadband input għall-kejl; |
(c) |
L-evalwazzjoni għandha titwettaq f'baned ta' terz ta' ottava; |
(d) |
Il-postijiet tal-mikrofoni għall-evalwazzjoni għandhom ikunu fuq linja mill-post tas-sors għal kull post tal-mikrofoni li jintużaw għall-kejl f'dan ir-Regolament kif indikat fil-Figura 3. Ġeneralment, din tissejjaħ il-linja trasversali tal-mikrofonu; |
(e) |
Għall-evalwazzjoni għandhom jintużaw mill-inqas 10 punti fuq il-linja trasversali tal-mikrofonu; |
(f) |
Il-baned ta' terz ta' ottava użati biex tiġi stabbilita l-kwalifikazzjoni ħemianekojka għandhom jiġu definiti b'mod li jkopru l-medda spettrali ta' interess. |
Il-faċilita tat-test għandu jkollha frekwenza cut-off, kif definit fl-ISO 26101:2012, li tkun aktar baxxa mill-frekwenza ta' interess l-aktar baxxa. Il-frekwenza ta' interess l-aktar baxxa hija l-frekwenza li taħtha ma jkun hemm l-ebda sinjal ta' kontenut rilevanti għall-kejl tal-emissjoni tal-ħoss tal-vettura li qed tiġi ttestjata.
Ma għandu jkun hemm l-ebda ostaklu li jista' jinfluwenza l-kamp akustiku qrib il-mikrofoni u l-ebda persuna ma għandha toqgħod bejn il-mikrofonu u s-sors tal-ħoss. L-osservatur tal-miter għandu joqgħod f'pożizzjoni fejn ma jinfluwenzax il-qari tal-miter. Il-mikrofoni għandhom ikunu f'pożizzjoni kif speċifikat fil-Figura 2.
2.2. Kundizzjonijiet meteoroloġiċi
Il-kundizzjonijiet meteoroloġiċi huma speċifikati biex jipprovdu firxa ta' temperaturi operattivi normali u biex jipprevjenu qari anormali minħabba kundizzjonijiet ambjentali estremi.
Waqt l-intervall tal-kejl għandu jkun irreġistrat valur rappreżentattiv tat-temperatura, tal-umdità relattiva u tal-pressjoni barometrika.
L-istrumentazzjoni meteoroloġika għandha tagħti dejta rappreżentattiva tas-sit tat-test, u għandha tiġi ppożizzjonata biswit iż-żona tat-test f'għoli li jirrappreżenta l-għoli tal-mikrofonu li jintuża għall-kejl.
Il-kejl għandu jitwettaq meta t-temperatura ambjentali tkun bejn 5 °C u 40 °C.
Jekk ikun meħtieġ, it-temperatura ambjentali tista' tiġi ristretta għal firxa idjaq ta' temperaturi b'tali mod li l-funzjonalitajiet ewlenin kollha tal-vettura li jistgħu jnaqqsu l-emissjonijiet tal-ħoss tal-vettura (pereżempju startjar/waqfien, propulsjoni ibrida, propulsjoni bil-batterija, tħaddim b-ċellula tal-fjuwil) jiġu attivati skont l-ispeċifikazzjonijiet tal-manifattur.
It-testijiet ma għandhomx jitwettqu jekk il-veloċità tar-riħ, inklużi l-buffuri, fl-għoli tal-mikrofonu tkun aktar minn 5 m/s, waqt l-intervall tal-kejl.
2.3. Ħoss fl-isfond
2.3.1. Kriterji tal-kejl għal livell tal-pressjoni tal-ħoss ponderat-A
Il-ħoss fl-isfond, jew il-ħoss ambjentali, għandhom jitkejlu għal durata ta' mill-inqas 10 sekondi. Il-kampjun ta' 10 sekondi meħud minn dawn il-kejlijiet għandu jintuża għall-kalkolu tal-ħoss fl-isfond rapportat, filwaqt li jiġi żgurat li l-kampjun ta' 10 sekondi magħżul ikun rappreżentattiv tal-ħoss fl-isfond bla ebda disturb transitorju. Il-kejl għandu jitwettaq bl-istess mikrofoni li ntużaw waqt it-test u fil-postijiet fejn tqiegħed il-mikrofonu waqt it-test.
Meta t-test isir f'faċilità fuq ġewwa, il-ħoss emess mill-bank tar-rombli (roller-bench), mix-xażi dinamometriku jew minn xi tagħmir tal-faċilità tat-test ieħor, mingħajr ma l-vettura tkun installata jew preżenti, inkluż il-ħoss ikkawżat mit-trattament tal-arja tal-faċilità u mit-tkessiħ tal-vettura, għandhom jiġu rapportati bħala l-ħoss tal-isfond.
Il-livell tal-pressjoni tal-ħoss ponderat-A massimu reġistrat miż-żewġ mikrofoni matul it-tieni kampjun ta' 10 sekondi għandu jiġi rapportat bħala l-ħoss fl-isfond, L bgn, għall-mikrofoni, sew tax-xellug kif ukoll tal-lemin.
Għal kull tieni kampjun ta' 10 sekondi fuq kull mikrofonu, il-firxa mill-valur massimu sa dak minimu tal-ħoss fl-isfond, ΔL bgn, p-p, għandha tiġi rapportata.
L-ispettru ta' frekwenzi ta' terz ta' ottava, li jikkorrispondi għal-livell massimu rapportat ta' ħoss fl-isfond fil-mikrofonu bl-ogħla livell ta' ħoss fl-isfond, għandu jiġi rapportat.
Bħala għajnuna għall-kejl u r-rapportar tal-ħoss fl-isfond ara l-flowchart fil-Figura 4 tal-Appendiċi ta' dan l-anness.
2.3.2. Kriterji għall-korrezzjoni tal-kejl tal-livell tal-pressjoni tal-ħoss ponderat-A tal-vettura
Skont ma jkunu l-livell u l-firxa mill-valur massimu sa dak minimu tal-livell tal-pressjoni tal-ħoss fl-isfond ponderat-A rappreżentattiv fuq perjodu ta' żmien definit, ir-riżultat tat-test numru j imkejjel fil-limiti ta' kundizzjoni tat-test, L test, j , għandu jiġi kkoreġut skont it-tabella ta' hawn taħt biex jinkiseb il-livell ikkoreġut tal-ħoss fl-isfond L testcorr, j . Għajr meta jkun indikat b'mod partikolari, L testcorr, j = L test, j – L corr.
Il-korrezzjonijiet tal-ħoss fl-isfond għal kejlijiet huma validi biss meta l-firxa mill-valur massimu sa dak minimu tal-livell tal-pressjoni tal-ħoss ponderat-A tal-ħoss fl-isfond rappreżentattiv tkun 2 dB(A) jew inqas.
Fil-każijiet kollha fejn il-firxa mill-valur massimu sa dak minimu tal-livell tal-ħoss fl-isfond tkun aktar minn 2 dB(A), il-livell massimu tal-ħoss fl-isfond għandu jkun 10 dB(A) jew aktar taħt il-livell tal-kejl. Meta l-firxa mill-valur massimu sa dak minimu tal-livell tal-ħoss fl-isfond tkun aktar minn 2 dB(A) u l-livell tal-ħoss fl-isfond ikun inqas minn 10 dB(A) taħt il-livell tal-kejl, l-ebda kejl validu ma jkun possibbli.
Tabella 3
Korrezzjoni għal-livell tal-ħoss fl-isfond waqt il-kejl tal-livell tal-pressjoni tal-ħoss ponderat-A tal-vettura
Korrezzjoni għall-ħoss fl-isfond |
||
Il-firxa mill-valur massimu sa dak minimu tal-livell tal-pressjoni tal-ħoss fl-isfond ponderat-A rappreżentattiv fuq perjodu ta' żmien definit ΔLbgn, p-p f'dB(A) |
Ir-riżultat tat-test numru j tal-livell tal-pressjoni tal-ħoss nieqes il-livell tal-ħoss fl-isfond ΔL = Ltest,j – Lbgn f'dB(A) |
Il-korrezzjoni f'dB(A) Lcorr |
— |
ΔL ≥ 10 |
ebda korrezzjoni meħtieġa |
≤ 2 |
8 ≤ ΔL < 10 |
0,5 |
6 ≤ ΔL < 8 |
1,0 |
|
4,5 ≤ ΔL < 6 |
1,5 |
|
3 ≤ ΔL < 4,5 |
2,5 |
|
ΔL < 3 |
ebda kejl validu ma jista' jiġi rapportat |
Jekk jiġi osservat livell massimu ta' ħoss li jkun differenti ħafna mil-livell ġenerali tal-pressjoni tal-ħoss, dak il-kejl għandu jitwarrab.
Bħala għajnuna għall-kriterji tal-korrezzjoni tal-kejl ara l-flowchart fil-Figura 4 tal-appendiċi ta' dan l-anness.
2.3.3. Rekwiżiti tal-ħoss fl-isfond meta l-analiżi ssir f'baned ta' terz ta' ottava
Meta jiġu analizzati baned ta' terz ta' ottava skont dan ir-Regolament, il-livell tal-ħoss fl-isfond f'kull terz ta' ottava ta' interess, analizzat skont il-paragrafu 2.3.1, għandu jkun mill-inqas 6 dB(A) taħt il-kejl tal-vettura jew tal-AVAS ittestjata f'kull banda ta' terz ta' ottava ta' interess. Il-livell tal-pressjoni tal-ħoss ponderat-A tal-ħoss fl-isfond għandu jkun mill-inqas 10 dB(A) taħt il-kejl tal-vettura jew tal-AVAS ittestjata.
Il-kumpens tal-isfond mhuwiex permess għall-kejlijiet tal-banda ta' terz ta' ottava.
Bħala għajnuna għar-rekwiżiti tal-ħoss fl-isfond meta l-analiżi ssir f'baned ta' terz ta' ottava ara l-flowchart fil-Figura 6 tal-Appendiċi ta' dan l-anness.
3. PROĊEDURI TAT-TEST GĦAL-LIVELL TAL-ĦOSS TAL-VETTURA
3.1. Pożizzjonijiet tal-mikrofoni
Id-distanza mill-pożizzjonijiet tal-mikrofoni fuq il-linja tal-mikrofoni PP′ sal-linja perpendikolari ta' referenza CC′ kif speċifikat fil-Figuri 1 u 2 fuq il-korsa tat-test jew f'faċilità tat-test fuq ġewwa għandha tkun 2,0 m ± 0,05 m.
Il-mikrofoni għandhom ikunu 1,2 m ± 0,02 m 'il fuq mill-art. Id-direzzjoni ta' referenza għal kundizzjonijiet ta' użu normali fit-triq kif speċifikati fl-IEC 61672-1:2013 għandha tkun orizzontali u orjentata b'mod perpendikulari lejn il-mogħdija tal-linja CC′ tal-vettura.
3.2. Kundizzjonijiet tal-vettura
3.2.1. Kundizzjonijiet ġenerali
Il-vettura għandha tkun rappreżentattiva tal-vetturi li jkunu se jitqiegħdu fis-suq kif speċifikat mill-manifattur bi qbil mas-servizz tekniku biex jiġu ssodisfati r-rekwiżiti ta' dan ir-Regolament.
Il-kejl għandu jsir mingħajr trejler, ħlief fil-każ ta' vetturi li ma jistgħux jiġu sseparati.
Fil-każ ta' HEVs/FCHVs, it-test għandu jsir fl-aktar modalità effiċjenti mil-lat tal-enerġija sabiex jiġi evitat l-istartjar mill-ġdid tal-magna b'kombustjoni interna, pereżempju, is-sistemi awdjo, ta' divertiment, ta' komunikazzjoni u ta' navigazzjoni għandhom ikunu mitfija.
Qabel ma jibda l-kejl, il-vettura għandha tinġieb għall-kundizzjonijiet ta' tħaddim normali tagħha.
3.2.2. Stat taċ-ċarġ tal-batterija
Jekk il-vettura tkun mgħammra bihom, il-batteriji tal-propulsjoni għandu jkollhom ċarġ għoli biżżejjed li jippermetti l-funzjonalitajiet ewlenin kollha skont l-ispeċifikazzjonijiet tal-manifattur. Il-batteriji tal-propulsjoni għandu jkollhom temperatura fil-medda permessa mill-komponenti tagħhom li tippermetti l-funzjonalitajiet ewlenin kollha li jistgħu jnaqqsu l-emissjonijiet tal-ħoss tal-vetturi. Kwalunkwe tip ieħor ta' sistema ta' ħażna ta' enerġija rikarikabbli għandu jkun lest biex jitħaddem waqt it-test.
3.2.3. Tħaddim multimodali
Jekk il-vettura tkun mgħammra b'diversi modalitajiet ta' tħaddim li jistgħu jintgħażlu mis-sewwieq, għandha tiġi magħżula l-modalità li temetti l-inqas ħoss fil-kundizzjonijiet tat-test tal-paragrafu 3.3.
Meta l-vettura jkollha diversi modalitajiet ta' tħaddim li jintgħażlu awtomatikament mill-vettura stess, hija r-responsabbiltà tal-manifattur li jiddetermina l-mod korrett ta' ttestjar sabiex jintlaħqu l-emissjonijiet ta' ħoss minimi.
F'każijiet fejn ma jkunx possibbli li tiġi determinata l-modalità tat-tħaddim tal-vettura li temetti l-inqas ħoss, il-modalitajiet kollha għandhom jiġu ttestjati u l-modalità li tagħti l-aktar riżultat tat-test baxx għandha tintuża biex tiġi rapportata l-emissjoni tal-ħoss tal-vettura skont dan ir-regolament.
3.2.4. Massa tat-test tal-vettura
Il-kejl għandu jsir fuq vetturi b'massa fi stat ta' tħaddim b'tolleranza permissibbli ta' 15 %.
3.2.5. Għażla u kundizzjoni tat-tajers
It-tajers imwaħħla fuq il-vettura waqt l-ittestjar jintgħażlu mill-manifattur tal-vettura, u għandhom jikkorrispondu għal wieħed mid-daqsijiet tat-tajers u tat-tipi maħsuba għall-vettura mill-manifattur tal-vettura.
It-tajers għandhom jintefħu għall-pressjoni rakkomandata mill-manifattur tal-vettura għall-massa tat-test tal-vettura.
3.3. Kundizzjonijiet tat-tħaddim
3.3.1. Ġenerali
Għal kull kundizzjoni ta' tħaddim, il-vettura tista' tiġi ttestjata jew ġewwa jew barra.
Għal testijiet tal-veloċità kostanti u tal-irriversjar, il-vettura tista' tiġi ttestjata jew miexja jew f'kundizzjoni ta' tħaddim simulat. Għat-tħaddim simulat tal-vettura, għandhom jiġu applikati sinjali lill-vettura biex jiġi simulat tħaddim f'kundizzjonijiet ta' użu attwali.
Jekk il-vettura tkun mgħammra b'magna b'kombustjoni interna, din għandha tkun mitfija.
3.3.2. Testijiet b'veloċità kostanti
Dawn it-testijiet isiru bil-vettura miexja 'l quddiem jew bil-veloċità tal-vettura simulata permezz ta' sinjal estern lill-AVAS bil-vettura f'kundizzjoni ta' waqfien.
3.3.2.1. Testijiet b'veloċità kostanti bil-vettura miexja 'l quddiem
Għal vettura ttestjata f'faċilità fuq barra, il-mogħdija tal-linja ċentrali tal-vettura għandha ssegwi l-linja CC′ mill-aktar qrib possibbli b'veloċità kostanti vtest tul it-test kollu. Fil-bidu tat-test il-pjan ta' quddiem tal-vettura għandu jgħaddi mil-linja AA′, u fi tmiem it-test il-pjan ta' wara tal-vettura għandu jgħaddi mil-linja BB′, kif indikat fil-Figura 1a. Kwalunkwe trejler, li ma jistax jiġi sseparat malajr mill-vettura tal-irmonk, għandu jiġi injorat meta jitqies meta qed tinqasam il-linja BB′.
Vettura ttestjata f'faċilità fuq ġewwa, għandha tkun bil-pjan ta' quddiem tagħha fuq il-linja PP′ kif indikat fil-Figura 2a. Il-vettura għandha żżomm veloċità tat-test kostanti, vtest, għal mill-inqas 5 sekondi.
Għal kundizzjoni tat-test b'veloċità kostanti ta' 10 km/h, il-veloċità tat-test vtest għandha tkun 10 km/h ± 2 km/h.
Għal kundizzjoni tat-test b'veloċità kostanti ta' 20 km/h, il-veloċità tat-test vtest għandha tkun 20 km/h ± 1 km/h.
Għal vetturi bi trażmissjoni awtomatika, is-selettur tal-gerijiet għandu jitqiegħed fil-pożizzjoni kif speċifikata mill-manifattur għal sewqan normali.
Għal vetturi bi trażmissjoni manwali, is-selettur tal-gerijiet għandu jkun fl-ogħla gear li jista' jilħaq il-veloċità preskritta tal-vettura b'veloċità kostanti tal-magna.
3.3.2.2. Testijiet b'veloċità kostanti simulata permezz ta' sinjal estern lill-AVAS bil-vettura f'kundizzjoni ta' waqfien
Vettura ttestjata f'faċilità fuq ġewwa jew f'faċilità fuq barra, għandha tkun bil-pjan ta' quddiem tagħha fuq il-linja PP′ kif indikat fil-Figura 2b. Il-vettura għandha żżomm veloċità tat-test simulata kostanti, vtest, għal mill-inqas 5 sekondi.
Għal kundizzjoni tat-test b'veloċità kostanti ta' 10 km/h, il-veloċità tat-test simulata vtest għandha tkun 10 km/h ± 0,5 km/h.
Għal kundizzjoni tat-test b'veloċità kostanti ta' 20 km/h, il-veloċità tat-test simulata vtest għandha tkun 20 km/h ± 0,5 km/h.
3.3.3. Testijiet tal-irriversjar
Dawn it-testijiet jistgħu jsiru bil-vettura miexja lura jew bil-veloċità tal-vettura simulata permezz ta' sinjal estern lill-AVAS bil-vettura f'kundizzjoni ta' waqfien.
3.3.3.1. Test tal-irriversjar bil-vettura miexja
Għal vettura ttestjata f'faċilità fuq barra, il-mogħdija tal-linja ċentrali tal-vettura għandha ssegwi l-linja CC′ mill-aktar qrib possibbli b'veloċità kostanti vtest tul it-test kollu. Fil-bidu tat-test il-pjan ta' wara tal-vettura għandu jgħaddi mil-linja AA′, u fi tmiem it-test il-pjan ta' quddiem tal-vettura għandu jgħaddi mil-linja BB′, kif indikat fil-Figura 1b. Kwalunkwe trejler, li ma jistax jiġi sseparat malajr mill-vettura tal-irmonk, għandu jiġi injorat meta jitqies meta qed tinqasam il-linja BB′.
Vettura ttestjata f'faċilità fuq ġewwa, għandha tkun bil-pjan ta' wara tagħha fuq il-linja PP′ kif indikat fil-Figura 2b. Il-vettura għandha żżomm veloċità tat-test kostanti, vtest, għal mill-inqas 5 sekondi.
Għal kundizzjoni tat-test b'veloċità kostanti ta' 6 km/h, il-veloċità tat-test vtest għandha tkun 6 km/h ± 2 km/h.
Għal vetturi bi trażmissjoni awtomatika, is-selettur tal-gerijiet għandu jitqiegħed fil-pożizzjoni kif speċifikata mill-manifattur għal sewqan bir-reverse normali.
Għal vetturi bi trażmissjoni manwali, is-selettur tal-gerijiet għandu jkun fl-ogħla reverse gear li jista' jilħaq il-veloċità preskritta tal-vettura b'veloċità kostanti tal-magna.
3.3.3.2. Testijiet tal-irriversjar simulati permezz ta' sinjal estern lill-AVAS bil-vettura f'kundizzjoni ta' waqfien.
Vettura ttestjata f'faċilità fuq ġewwa jew f'faċilità fuq barra, għandha tkun bil-pjan ta' wara tagħha fuq il-linja PP′ kif indikat fil-Figura 2b. Il-vettura għandha żżomm veloċità tat-test simulata kostanti, vtest, għal mill-inqas 5 sekondi.
Għal kundizzjoni tat-test b'veloċità kostanti ta' 6 km/h, il-veloċità tat-test simulata vtest għandha tkun 6 km/h ± 0,5 km/h.
3.3.3.3. Test tal-irriversjar f'kundizzjoni ta' waqfien
Vettura ttestjata f'faċilità fuq ġewwa jew f'faċilità fuq barra, għandha tkun bil-pjan ta' wara tagħha fuq il-linja PP′ kif indikat fil-Figura 2b.
Għat-test, il-kontroll tas-selettur tal-gerijiet tal-vettura għandu jkun fil-pożizzjoni tar-reverse u l-brejk rilaxxat.
3.4. Qari tal-kejl u valuri rapportati
Għandhom jittieħdu mill-inqas erba' kejlijiet għal kull kundizzjoni tat-test fuq iż-żewġ naħat tal-vettura.
Għall-kalkolu tar-riżultat intermedju jew tar-riżultat finali, għandhom jintużaw l-ewwel erba' riżultati validi konsekuttivi tal-kejl għal kull kundizzjoni tat-test, fil-limiti ta' 2,0 dB(A) fuq kull naħa, fejn ma jitqisux riżultati mhux validi.
Jekk jiġi osservat livell massimu ta' ħoss li jkun differenti ħafna mil-livell ġenerali tal-pressjoni tal-ħoss, dak il-kejl għandu jitwarrab. Għall-kejl ta' vettura miexja ('il quddiem u bir-reverse) fuq barra, il-livell tal-pressjoni tal-ħoss ponderat-A massimu indikat waqt kull passaġġ tal-vettura bejn AA′ u PP′ (Ltest, j) għandu jiġi rreġistrat għal kull pożizzjoni tal-mikrofonu, sal-ewwel ċifra sinifikanti wara l-punt deċimali (pereżempju, XX,X). Għall-kejl ta' vettura miexja fuq ġewwa u f'kundizzjoni ta' waqfien ('il quddiem u bir-reverse), il-livell tal-pressjoni tal-ħoss ponderat-A massimu indikat waqt kull perjodu ta' 5 sekondi għal kull pożizzjoni tal-mikrofonu, Ltest, j, għandu jiġi rreġistrat, sal-ewwel ċifra sinifikanti wara l-punt deċimali (pereżempju, XX,X).
Ltest,j għandu jiġi kkoreġut skont il-paragrafu 2.3.2 sabiex jinkiseb il-valur ta' Ltestcorr,j.
Għal kull livell tal-pressjoni tal-ħoss ponderat-A massimu, għandu jiġi rapportat l-ispettru ta' frekwenzi ta' terz ta' ottava korrispondenti, għal kull pożizzjoni tal-mikrofonu. Ma għandha tiġi applikata ebda korrezzjoni għall-ħoss fl-isfond għar-riżultati mkejla fil-banda ta' terz ta' ottava.
3.5. Ġbir tad-dejta u riżultati rapportati
Għal kull kundizzjoni tat-test deskritta fil-paragrafu 3.3., ir-riżultati kkoreġuti għall-ħoss fl-isfond, Ltestcorr,j, u l-ispettri korrispondenti ta' frekwenzi ta' terz ta' ottava taż-żewġ naħat tal-vettura individwalment għandha tiġi kkalkulata l-medja aritmetika tagħhom u din tiġi mqarrba għall-ewwel ċifra wara l-punt deċimali.
Ir-riżultati finali tal-livell tal-pressjoni tal-ħoss ponderat-A Lcrs 10, Lcrs 20 u Lreverse li għandhom jiġu rapportati huma huma l-valuri aktar baxxi miż-żewġ medji taż-żewġ naħat, miġjuba sal-eqreb numru sħiħ. L-aħħar spettri ta' terz ta' ottava li għandhom jiġu rapportati huma l-ispettri li jikkorrispondu għall-istess naħa bħal dik tal-livell tal-pressjoni tal-ħoss ponderat-A.
4. PROĊEDURI TAT-TEST GĦAL XIFT TAL-FREKWENZA
4.1. Ġenerali
Id-dispożizzjonijiet dwar ix-xift tal-frekwenza deskritti fil-punt 6.2.3 tal-parti prinċipali għandhom jiġu vverifikati bl-użu ta' wieħed mill-metodi tat-test li ġejjin, li għandu jiġi magħżul mill-manifattur:
Metodu (A) |
Test tal-vettura kompluta miexja fuq korsa tat-test fuq barra |
Metodu (B) |
Test fuq vettura kompluta f'kundizzjoni ta' waqfien fuq korsa tat-test fuq barra b'simulazzjoni tad-direzzjoni tal-moviment tal-vettura lill-AVAS permezz ta' ġeneratur ta' sinjal estern |
Metodu (C) |
Test tal-vettura kompluta miexja f'faċilità fuq ġewwa fuq xażi dinamometriku |
Metodu (D) |
Test fuq vettura kompluta f'kundizzjoni ta' waqfien f'faċilità tat-test fuq ġewwa b'simulazzjoni tad-direzzjoni tal-moviment tal-vettura lill-AVAS permezz ta' ġeneratur ta' sinjal estern |
Metodu (E) |
Test tal-AVAS mingħajr vettura f'faċilità tat-test fuq ġewwa b'simulazzjoni tad-direzzjoni tal-moviment tal-vettura lill-AVAS permezz ta' ġeneratur ta' sinjal estern |
Ir-rekwiżiti tal-faċilità kif ukoll l-ispeċifikazzjonijiet tal-vettura u tal-arranġament tat-test huma l-istess bħal dawk mogħtija fil-paragrafi 1, 2, 3.1 u 3.2 ta' dan l-anness skont il-metodu tat-test magħżul, sakemm il-paragrafi ta' hawn taħt ma jipprevedux speċifikazzjonijiet differenti jew addizzjonali.
Ma għandha tiġi applikata ebda korrezzjoni għall-ħoss fl-isfond, għal kwalunkwe kejl. Attenzjoni speċjali għandha tingħata għall-kejl fuq barra. Kwalunkwe interferenza tal-ħoss fl-isfond għandha tiġi evitata. Jekk jiġi osservat livell massimu ta' ħoss li jkun differenti ħafna mis-sinjal ġenerali, dak il-kejl għandu jitwarrab.
4.2. Strumentazzjoni u proċessar tas-sinjali
Il-konfigurazzjonijiet tal-analizzatur għandhom jiġu stabbiliti bi ftehim bejn il-manifattur u s-servizz tekniku, biex jipprovdu dejta skont dawn ir-rekwiżiti.
Is-sistema ta' analiżi tal-ħoss għandha tkun kapaċi twettaq analiżi spettrali b'rata ta' kampjunar u fuq medda ta' frekwenzi li jkollha l-frekwenzi ta' interess kollha. Ir-riżoluzzjoni tal-frekwenza għandha tkun preċiża biżżejjed sabiex tiddifferenzja bejn il-frekwenzi tad-diversi kundizzjonijiet tat-test.
4.3. Metodi tat-test
4.3.1. Metodu (A) — Faċilità fuq barra u vettura miexja
Il-vettura għandha titħaddem fl-istess faċilità tat-test fuq barra u bl-istess kundizzjonijiet ta' tħaddim ġenerali bħal dawk għall-ittestjar tal-vettura b'veloċità kostanti (paragrafu 3.3.2).
L-emissjonijiet tal-ħoss tal-vettura għandhom jitkejlu f'veloċitajiet preskritti ta' bejn 5 km/h u 20 km/h fi stadji ta' 5 km/h b'tolleranza ta' +/– 2 km/h għal veloċità ta' 10 km/h jew anqas u ta' +/– 1 km/h għal veloċitajiet oħra. Il-veloċità ta' 5 km/h hija l-aktar veloċità preskritta baxxa. Jekk il-vettura ma tistax titħaddem f'din il-veloċità bil-preċiżjoni speċifikata, minflok għandha tintuża l-aktar veloċità baxxa possibbli taħt l-10 km/h.
4.3.2. Metodu (B) u Metodu (D) — Faċilità fuq barra/fuq ġewwa u l-vettura f'kundizzjoni ta' waqfien
Il-vettura għandha titħaddem f'faċilità tat-test fejn l-AVAS tal-vettura tkun tista' taċċetta sinjal estern tal-veloċità tal-vettura li jissimula t-tħaddim tal-vettura. Il-postijiet tal-mikrofonu għandhom ikunu bħal dawk tal-kundizzjonijiet tat-test tal-vettura kompluta kif speċifikati fil-Figura 2a. Il-pjan ta' quddiem tal-vettura għandu jitqiegħed fuq il-linja PP′.
L-emissjonijiet tal-ħoss tal-vettura għandhom jitkejlu f'veloċitajiet simulati ta' bejn 5 km/h u 20 km/h fi stadji ta' 5 km/h b'tolleranza ta' +/– 0,5 km/h għal veloċità tat-test.
4.3.3. Metodu (C) — Faċilità fuq ġewwa u vettura miexja
Il-vettura għandha tiġi installata f'faċilità tat-test fuq ġewwa, fejn il-vettura tkun tista' taħdem fuq xażi dinamometriku bl-istess mod bħal fuq barra. Il-postijiet tal-mikrofoni kollha għandhom ikunu bħal dawk tal-kundizzjonijiet tat-test tal-vettura kif speċifikati fil-Figura 2a. Il-pjan ta' quddiem tal-vettura għandu jitqiegħed fuq il-linja PP′.
L-emissjonijiet tal-ħoss tal-vettura għandhom jitkejlu f'veloċitajiet preskritti ta' bejn 5 km/h u 20 km/h fi stadji ta' 5 km/h b'tolleranza ta' +/– 2 km/h għal veloċità ta' 10 km/h jew anqas u ta' +/– 1 km/h għal veloċitajiet oħra. Il-veloċità ta' 5 km/h hija l-aktar veloċità preskritta baxxa. Jekk il-vettura ma tistax titħaddem f'din il-veloċità bil-preċiżjoni speċifikata, minflok għandha tintuża l-aktar veloċità baxxa possibbli taħt l-10 km/h.
4.3.4. Metodu (E)
L-AVAS għandha tiġi mmuntata b'mod riġidu f'faċilità fuq ġewwa, permezz tat-tagħmir indikat mill-manifattur. Il-mikrofonu tal-istrument tal-kejl għandu jitqiegħed f'distanza ta' 1 m mill-AVAS fid-direzzjoni fejn ikun hemm l-ogħla livell suġġettiv tal-ħoss u jitqiegħed f'għoli ta' bejn wieħed u ieħor l-istess livell bħar-radjazzjoni tal-ħoss tal-AVAS.
L-emissjonijiet tal-ħoss għandhom jitkejlu f'veloċitajiet simulati ta' bejn 5 km/h u 20 km/h fi stadji ta' 5 km/h b'tolleranza ta' +/– 0,5 km/h għal veloċità tat-test.
4.4. Qari tal-Kejl
4.4.1. Metodi tat-Test (A)
Għandhom jittieħdu mill-inqas erba' kejlijiet għal kull veloċità speċifikata fil-paragrafu 4.3.1. Il-ħoss emess għandu jiġi reġistrat kull darba li l-vettura tgħaddi bejn AA′ u BB′ għal kull pożizzjoni tal-mikrofonu. Minn kull kampjun ta' kejl, segment wieħed meħud minn AA′ sa 1 metru qabel PP′ għandu jinqata' għal analiżi ulterjuri.
4.4.2. Metodi tat-Test (B), (C), (D) u (E)
Il-ħoss emess għandu jitkejjel f'kull veloċità speċifikata fil-paragrafi korrispondenti ta' hawn fuq għal mill-inqas 5 sekondi.
4.5. Proċessar tas-Sinjali
Għal kull kampjun reġistrat għandu jiġi determinat l-auto power spectrum, bl-użu ta' Hanning window u medji ta' soprapożizzjoni (overlap averages) ta' mill-inqas 66,6 %. Ir-riżoluzzjoni tal-frekwenza għandha tintgħażel b'tali mod li tkun dejqa biżżejjed li tippermettu separazzjoni tax-xift tal-frekwenza għal kull kundizzjoni preskritta. Il-veloċità rapportata għal kull segment ta' kampjuni hija l-veloċità medja tal-vettura tul iż-żmien tas-segment ta' kampjuni mqarrba għall-ewwel ċifra wara l-punt deċimali.
Fil-każ tal-metodu tat-test (A), il-frekwenza li hija maħsuba li tvarja mal-veloċità għandha tiġi determinata għal kull segment ta' kampjuni. Il-frekwenza rapportata għal kull kundizzjoni preskritta fspeed għandha tkun il-medja matematika tal-frekwenzi determinata għal kull kampjun ta' kejl u miġjuba sal-eqreb numru sħiħ. Il-veloċità rapportata għal kull kundizzjoni preskritta għandha tkun il-medja matematika tal-erba' segmenti ta' kampjuni.
Tabella 4
Analiżi tal-frekwenza xxiftjata għal kull kundizzjoni preskritta fuq kull naħa
Veloċità preskritta |
Prova tat-test għal kull kundizzjoni preskritta |
Veloċità rapportata (medja għal kull segment ta' kampjuni) |
Frekwenza ta' interess iddeterminata (fj, speed) |
Veloċità Rapportata għal kull kundizzjoni preskritta (medja tal-veloċitajiet rapportati) |
Frekwenza ta' interess rapportata għal kull kundizzjoni preskritta (fspeed) |
km/h |
Nru |
km/h |
Hz |
km/h |
Hz |
5 |
1 |
|
|
|
|
2 |
|
|
|||
3 |
|
|
|||
4 |
|
|
|||
10 |
1 |
|
|
|
|
2 |
|
|
|||
3 |
|
|
|||
4 |
|
|
|||
15 |
1 |
|
|
|
|
2 |
|
|
|||
3 |
|
|
|||
4 |
|
|
|||
20 |
1 |
|
|
|
|
2 |
|
|
|||
3 |
|
|
|||
4 |
|
|
Għall-metodi tat-test l-oħra kollha, l-ispettru ta' frekwenzi derivati għandu jintuża direttament għall-kalkoli ulterjuri.
4.5.1. Ġbir tad-dejta u riżultati rapportati
Il-frekwenza maħsuba li tiġi xxiftjata għandha tintuża għall-kalkoli ulterjuri. Il-frekwenza tal-aktar veloċità tat-test baxxa rapportata, miġjuba sal-eqreb numru sħiħ titqies bħala l-frekwenza ta' referenza fref.
Għall-veloċitajiet l-oħra tal-vettura, il-frekwenzi xxiftjati korrispondenti fspeed miġjuba sal-eqreb numru sħiħ għandhom jittieħdu mill-analiżi spettrali. Ikkalkula del f, ix-xift tal-frekwenza tas-sinjal skont l-ekwazzjoni (1):
|
ekwazzjoni (1) |
fejn
f speed |
hija l-frekwenza f'valur partikolari tal-veloċità; |
f ref |
hija l-frekwenza fil-veloċità ta' referenza ta' 5 km/h jew fil-veloċità l-aktar baxxa rapportata; |
vtest |
hija l-veloċità tal-vettura, attwali jew simulata, li tikkorrispondi għall-frekwenza fspeed; |
vref |
hija l-veloċità tal-vettura, attwali jew simulata, li tikkorrispondi għall-frekwenza fref; |
Ir-riżultati għandhom jiġu rapportati skont it-tabella li ġejja:
Tabella 5
Tabella tar-rapport, li għandha timtela għal kull frekwenza analizzata
|
Riżultati tat-Testijiet f'Veloċitajiet Preskritti |
||||
5 km/h (Referenza) |
10 km/h |
15 km/h |
20 km/h |
||
Veloċità Rapportata |
km/h |
|
|
|
|
Frekwenza, fspeed, in-Naħa tax-Xellug |
Hz |
|
|
|
|
Frekwenza, fspeed, in-Naħa tal-Lemin |
Hz |
|
|
|
|
Xift tal-Frekwenza, in-Naħa tax-Xellug |
% |
mhux applikabbli |
|
|
|
Xift tal-Frekwenza, in-Naħa tal-Lemin |
% |
mhux applikabbli |
|
|
|
APPENDIĊI
FIGURI U FLOWCHARTS
Figuri 1a u 1b
Pożizzjonijiet tal-kejl għall-vetturi mixjin fuq barra
Test ta 'immaġni
Figuri 2 a u 2b
Pożizzjonijiet tal-kejl għall-vetturi mixjin fuq ġewwa u f'kundizzjoni ta' waqfien
Test ta 'immaġni
Figura 3
Spazju minimu li għandu jiġi kkwalifikat bħala kompartiment semianekojku
Figura 4
Determinazzjoni tal-firxa tal-ħoss fl-isfond
Figura 5
Kriterji għall-korrezzjoni tal-kejl tal-livell tal-pressjoni tal-ħoss ponderat-A tal-vettura
Figura 6
Rekwiżiti tal-ħoss fl-isfond għall-analiżi f'baned ta' terz ta' ottava
Figura 7 a
Proċeduri tat-test għall-kejl tax-xift tal-frekwenza
Figura 7b
Proċeduri tat-test għall-kejl tax-xift tal-frekwenza, Metodu A
Figura 7c
Proċeduri tat-test għall-kejl tax-xift tal-frekwenza, Metodi B, C, D u E