12.11.2016   

MT

Il-Ġurnal Uffiċjali tal-Unjoni Ewropea

L 305/1

(1)

Fit-13 ta' Frar 2016, il-Kummissjoni Ewropea (“il-Kummissjoni”) bdiet investigazzjoni antidumping dwar l-importazzjoni fl-Unjoni ta' ċerti pajpijiet u tubi mingħajr ġonġituri, tal-ħadid (ħlief tal-ħadid fondut) jew tal-azzar (ħlief tal-azzar inossidabbli), ta' sezzjoni trasversali tonda, ta' dijametru estern li jaqbeż l-406,4 mm, li joriġinaw mir-Repubblika tal-Poplu taċ-Ċina (“il-pajjiż ikkonċernat”) abbażi tal-Artikolu 5 tar-Regolament tal-Kunsill (KE) Nru 1225/2009 (2). Hija ppubblikat Notifika ta' Bidu f'Il-Ġurnal Uffiċjali tal-Unjoni Ewropea  (3) (“in-Notifika ta' Bidu”).

(2)

Il-Kummissjoni bdiet l-investigazzjoni wara lment ippreżentat fl-4 ta' Jannar 2016 mill-Kumitat tad-Difiża tal-industrija tat-tubi tal-azzar mingħajr ġonġituri tal-Unjoni Ewropea (“l-ilmentaturi”). L-ilmentaturi jirrappreżentaw aktar minn 25 % tal-produzzjoni kollha tal-Unjoni tal-pajpijiet u tat-tubi mingħajr ġonġituri, tal-ħadid (ħlief tal-ħadid fondut) jew tal-azzar (ħlief tal-azzar inossidabbli), ta' sezzjoni trasversali tonda, ta' dijametru estern li jaqbeż l-406,4 mm. L-ilment kien jinkludi evidenza dwar id-dumping u d-dannu materjali li jirriżultaw, li kienet biżżejjed sabiex jiġi ġġustifikat il-bidu ta' investigazzjoni.

(3)

Fin-Notifika ta' Bidu, il-Kummissjoni stiednet lill-partijiet interessati biex jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni speċifikament infurmat lill-ilmentaturi, lil produtturi magħrufa oħrajn tal-Unjoni, lill-produtturi esportaturi magħrufa u lill-awtoritajiet tar-Repubblika tal-Poplu taċ-Ċina, lil importaturi magħrufa, fornituri u utenti, operaturi tas-suq, kif ukoll lil assoċjazzjonijiet li huma kkonċernati dwar il-bidu tal-investigazzjoni, u stednithom jieħdu sehem.

(4)

Il-partijiet interessati kellhom l-opportunità li jikkummentaw dwar il-bidu tal-investigazzjoni u li jitolbu seduta ta' smigħ mal-Kummissjoni u / jew mal-Uffiċjal tas-Seduta fil-proċedimenti kummerċjali.

(5)

Fin-Notifika ta' Bidu, il-Kummissjoni infurmat lill-partijiet interessati, li hija kienet tqis lill-Ġappun, lir-Russja, lill-Korea t'Isfel u lill-Istati Uniti bħala pajjiżi terzi li potenzjalment għandhom ekonomija tas-suq (“pajjiżi analogi”), skont it-tifsira tal-Artikolu 2(7)(a) tar-Regolament bażiku. Il-Kummissjoni kkuntattjat lill-produtturi ta' dawn il-pajjiżi kif ukoll lill-produtturi fil-Kanada, fl-Indja, fil-Messiku u fil-Venezwela, u stednithom biex jipparteċipaw.

(6)

Fin-Notifika ta' Bidu, il-Kummissjoni indikat li hija tista' tieħu kampjuni skont l-Artikolu 17 tar-Regolament bażiku.

(7)

Fin-Notifika ta' Bidu tal-investigazzjoni, il-Kummissjoni ddikjarat li kienet għażlet provviżorjament kampjun ta' produtturi mill-Unjoni fuq il-bażi tal-produzzjoni tal-prodott ikkonċernat. Dan il-kampjun provviżorju kien jikkonsisti minn erba' produtturi tal-Unjoni. Dawn jirrappreżentaw 51 % tal-produzzjoni totali tal-industrija tal-Unjoni. Il-Kummissjoni stiednet lill-partijiet interessati biex jagħtu l-kummenti tagħhom dwar il-kampjun provviżorju, madankollu ma rċeviet l-ebda kumment.

(8)

L-investigazzjoni wriet li s-sitwazzjoni ekonomika u l-istruttura tal-akbar kumpanija fil-kampjun jistgħu ma jkunx jirrappreżentaw lill-industrija tal-Unjoni. Din għandha mudell kummerċjali differenti, minħabba li tiddependi fuq in-negozju taż-żejt u tal-gass għal aktar minn 60 % tal-bejgħ tagħha, u peress li tipproduċi ħafna iktar prodotti magħmulin apposta u li huma ta' kwalità għolja. Barra minn hekk, kif spjegat fil-premessi minn (107) sa (108), il-profittabbiltà tagħha ddeterjorat b'mod konsistenti matul il-perjodu kollu li ttieħed inkonsiderazzjoni, li hija differenza oħra importanti apparagun tal-produtturi l-oħra tal-Unjoni. Għalhekk, il-Kummissjoni se tkompli tinvestiga jekk il-kumpanija tistax tirrappreżenta l-qagħda tal-industrija tal-Unjoni. Jekk ikun f'loku, il-Kummissjoni se tikkunsidra passi oħra, anki billi tieħu inkonsiderazzjoni l-kumpaniji rilevanti.

(9)

Fi stadju provviżorju, il-Kummissjoni ddeċidiet li żżomm din il-kumpanija fil-kampjun, iżda se terġa' tikkunsidra l-kwistjoni fid-dawl tal-kummenti li se tirċievi mingħand il-partijiet interessati.

(10)

Sabiex tiddeċiedi jekk huwiex meħtieġ it-teħid ta' kampjun u, jekk iva, biex tagħżel kampjun, il-Kummissjoni talbet lill-importaturi mhux relatati sabiex jipprovdu l-informazzjoni speċifikata fin-Notifika ta' Bidu.

(11)

Ħames importaturi mhux relatati ppreżentaw l-informazzjoni mitluba u qablu li jiġu inklużi fil-kampjun. Skont l-Artikolu 17(1) tar-Regolament bażiku, il-Kummissjoni għażlet kampjun ta' tliet importaturi fuq il-bażi tal-akbar volum ta' importazzjonijiet fl-Unjoni. F'konformità mal-Artikolu 17(2) tar-Regolament bażiku, l-importaturi kollha magħrufa kkonċernati ġew ikkonsultati dwar l-għażla tal-kampjun. Ma sar l-ebda kumment.

(12)

Il-Kummissjoni, sabiex tiddeċiedi jekk it-teħid ta' kampjuni kienx meħtieġ u, jekk iva, biex tagħżel kampjun, talbet lill-produtturi esportaturi fir-Repubblika tal-Poplu taċ-Ċina sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni staqsiet lill-Missjoni tar-Repubblika tal-Poplu taċ-Ċina għall-Unjoni Ewropea sabiex tidentifika u/jew tikkuntattja lil produtturi esportaturi oħrajn, jekk hemm minnhom, li jistgħu jkunu interessati li jipparteċipaw fl-investigazzjoni.

(13)

Tnax-il produttur esportatur fil-pajjiż ikkonċernat ipprovdew l-informazzjoni mitluba u qablu li jiġu inklużi fil-kampjun. Skont l-Artikolu 17(1) tar-Regolament bażiku, il-Kummissjoni għażlet kampjun ta' erba' bbażat fuq l-ikbar volum rappreżentattiv ta' esportazzjonijiet lejn l-Unjoni li jista' jiġi investigat b'mod raġonevoli fil-ħin disponibbli. Skont l-Artikolu 17(2) tar-Regolament bażiku, il-produtturi esportaturi magħrufa u kkonċernati kollha, u l-awtoritajiet tal-pajjiż ikkonċernat, ġew ikkonsultati dwar l-għażla tal-kampjun. Ma wasal l-ebda kumment mingħand il-partijiet interessati rigward dan.

(14)

Sitt produtturi esportaturi fir-Repubblika tal-Poplu taċ-Ċina talbu eżami individwali skont l-Artikolu 17(3) tar-Regolament bażiku. Tlieta minnhom ġew inklużi fil-kampjun u għaldaqstant ġew eżaminati individwalment. L-eżami tat-tliet talbiet li kien fadal waqt l-istadju provviżorju tal-investigazzjoni kien ikun ta' piż bla bżonn minħabba l-iskadenzi qosra tal-investigazzjoni, ir-riżorsi limitati, u l-ammont ta' xogħol li s-servizzi tal-Kummissjoni attwalment għandhom. Il-Kummissjoni se tiddeċiedi jekk twettaqx xi eżami individwali għat-talbiet, wara l-istadju provviżorju tal-investigazzjoni.

(15)

Għall-finijiet tal-Artikolu 2(7)(b) tar-Regolament bażiku, il-Kummissjoni bagħtet formoli ta' talba għal TES lill-produtturi esportaturi kollha li kkooperaw fir-Repubblika tal-Poplu taċ-Ċina li ġew magħżula biex ikunu fil-kampjun, lill-assoċjazzjonijiet magħrufa ta' produtturi esportaturi, u lill-awtoritajiet tar-Repubblika tal-Poplu taċ-Ċina. L-ebda formola għal talba għal TES ma ġiet ppreżentata minn xi wieħed mill-produtturi esportaturi.

(16)

Il-Kummissjoni bagħtet kwestjonarji lill-kumpaniji kollha fil-kampjun fi żmien l-iskadenzi stabbiliti fin-Notifika ta' Bidu. It-tweġibiet għall-kwestjonarju waslu mingħand l-erba' (gruppi ta') produtturi esportaturi fil-kampjun mir-Repubblika tal-Poplu taċ-Ċina li kkooperaw, l-erba' produtturi tal-Unjoni fil-kampjun u tliet importaturi mhux relatati. L-ebda utent ma ppreżenta ruħu.

(17)

Il-Kummissjoni fittxet u vverifikat l-informazzjoni kollha li qieset neċessarja sabiex tiddetermina b'mod provviżorju d-dumping, id-dannu li jirriżulta kif ukoll l-interessi tal-Unjoni. Iż-żjarat ta' verifika skont l-Artikolu 16 tar-Regolament bażiku saru fil-bini tal-kumpaniji li ġejjin:

(18)

L-investigazzjoni ta' dumping u dannu kopriet il-perjodu mill-1 ta' Jannar 2015 sal-31 ta' Diċembru 2015 (“il-perjodu tal-investigazzjoni”). L-analiżi tax-xejriet relevanti għall-valutazzjoni tad-dannu kopriet il-perjodu ta' bejn l-1 ta' Jannar 2012 u tmiem il-perjodu tal-investigazzjoni (“il-perjodu kkunsidrat”).

(19)

Il-prodott ikkonċernat huma ċerti pajpijiet u tubi mingħajr ġonġituri, tal-ħadid (ħlief tal-ħadid fondut) jew tal-azzar (ħlief tal-azzar inossidabbli), ta' sezzjoni trasversali tonda, ta' dijametru estern li jaqbeż l-406,4 mm li joriġinaw mir-Repubblika tal-Poplu taċ-Ċina, li attwalment jaqgħu taħt il-kodiċijiet 7304 19 90, ex 7304 29 90, 7304 39 98 u 7304 59 99 (“il-prodott ikkonċernat”).

(20)

Il-prodott ikkonċernat jintuża f'medda wiesgħa ta' applikazzjonijiet, pereżempju fl-industrija tal-gass u taż-żejt, f'impjanti tal-enerġija, u fil-kostruzzjoni.

(21)

L-investigazzjoni wriet li dawn il-prodotti li ġejjin għandhom l-istess karatteristiċi fiżiċi, kimiċi u tekniċi bażiċi kif ukoll l-istess użi bażiċi:

(22)

F'dan l-istadju l-Kummissjoni ddeċidiet li dawn il-prodotti huma għalhekk prodotti simili skont it-tifsira tal-Artikolu 1(4) tar-Regolament bażiku.

(23)

L-ebda oġġezzjoni ma saret rigward id-definizzjoni tal-prodott.

(24)

Skont l-Artikolu 2(7)(a) tar-Regolament bażiku, il-valur normali ġie determinat abbażi tal-prezz jew tal-valur maħluq f'pajjiż terz b'ekonomija tas-suq ġaladarba l-ebda produttur esportatur ma ngħata TES. Għal dan il-għan, kellu jintgħażel pajjiż terz b'ekonomija tas-suq (“il-pajjiż analogu”).

(25)

Fin-Notifika ta' Bidu, il-Kummissjoni infurmat lil partijiet interessati, li hija kienet tqis li l-Ġappun, ir-Russja, il-Korea t'Isfel u l-Istati Uniti potenzjalment jistgħu jkunu pajjiżi analogi adegwati, u stiednet lill-partijiet interessati biex jikkummentaw. Ma wasal l-ebda kumment.

(26)

Il-Kummissjoni talbet lil tlettax-il produttur tal-prodott simili fil-Kanada, fl-Indja, fil-Ġappun, fir-Russja, fil-Korea t'Isfel, fil-Messiku, fl-Istati Uniti tal-Amerika u fil-Venezwela biex jagħtu informazzjoni. Ikkooperat kumpanija waħda biss li tinsab fil-Messiku. Din il-kumpanija wieġbet għall-kwestjonarju tal-pajjiż analogu u qablet li ssir verifika fuq il-post rigward dak li wieġbet.

(27)

Is-suq domestiku fil-Messiku għandu kompetizzjoni adegwata u d-daqs tiegħu huwa kkunsidrat bħala adegwat, u għandu firxa ta' madwar 20 000 tunnellata fis-sena. Dazju ta' 5 % huwa applikat fuq l-importazzjonijiet tal-biċċa l-kbira tal-prodotti ta' pajpijiet u tubi mingħajr ġonġituri li joriġinaw mill-pajjiżi kollha. Il-kumpanija li kkooperat tirrappreżenta aktar minn 60 % tas-sehem mis-suq tas-suq domestiku. Madankollu l-importazzjonijiet għandhom ukoll sehem sostanzjali mis-suq, u jirrappreżentaw aktar minn 22 % tas-suq domestiku Messikan, li juri li f'dan is-suq hemm kompetizzjoni.

(28)

F'dan l-istadju l-Kummissjoni kkonkludiet li l-Messiku hu pajjiż analogu adegwat skont l-Artikolu 2(7)(a) tar-Regolament bażiku.

(29)

L-informazzjoni li waslet mingħand il-produtturi li kkooperaw fil-pajjiż analogu intużat bħala bażi sabiex jiġi ddeterminat il-valur normali għall-produtturi esportaturi li ma ngħatawx TES, skont l-Artikolu 2(7)(a) tar-Regolament bażiku.

(30)

Il-Kummissjoni l-ewwel eżaminat jekk il-volum totali tal-bejgħ domestiku tal-produttur li kkoopera fil-pajjiż analogu kienx rappreżentattiv, skont l-Artikolu 2(2) tar-Regolament bażiku. Il-bejgħ domestiku jkun rappreżentattiv jekk il-volum totali tal-bejgħ domestiku tal-prodott simili lill-akkwirenti indipendenti fis-suq domestiku jkun jirrappreżenta tal-inqas 5 % tal-volum totali tal-bejgħ b'esportazzjoni lejn l-Unjoni tal-prodott ikkonċernat mill-produtturi esportaturi fil-pajjiż ikkonċernat, matul il-perjodu ta' investigazzjoni. Abbażi ta' dan, il-bejgħ totali mill-produttur li kkoopera tal-prodott simili fuq is-suq domestiku kien rappreżentattiv.

(31)

Imbagħad, il-Kummissjoni identifikat it-tipi ta' prodotti mibjugħin fuq livell domestiku fil-pajjiż analogu li kienu identiċi jew paragunabbli għat-tipi ta' prodotti mibjugħin għall-esportazzjoni lejn l-Unjoni mill-produtturi esportaturi fil-pajjiż ikkonċernat b'bejgħ domestiku rappreżentattiv.

(32)

Il-Kummissjoni mbagħad eżaminat jekk, il-bejgħ domestiku mill-produttur li kkoopera fil-pajjiż analogu ta' kull tip ta' prodott li huwa identiku jew paragunabbli ma' tip ta' prodott mibjugħ għall-esportazzjoni lejn l-Unjoni, kienx rappreżentattiv skont l-Artikolu 2(2) tar-Regolament bażiku. Fuq din il-bażi, il-Kummissjoni stabbilixxiet li l-bejgħ domestiku ta' xi tip ta' prodott fil-pajjiż analogu kien jammonta għal anqas minn 5 % tal-volum totali tal-bejgħ bl-esportazzjoni lejn l-Unjoni ta' tip ta' prodott identiku jew komparabbli, u għalhekk ma kienx rappreżentattiv.

(33)

Imbagħad, il-Kummissjoni ddefinixxiet il-proporzjon tal-bejgħ bi profitt lill-konsumaturi indipendenti fis-suq domestiku tal-pajjiż analogu għal kull tip ta' prodott matul il-perjodu tal-investigazzjoni sabiex tiddeċiedi jekk tużax il-bejgħ domestiku effettiv għall-kalkolu tal-valur normali, skont l-Artikolu 2(4) tar-Regolament bażiku.

(34)

L-analiżi tal-bejgħ domestiku wriet li l-bejgħ domestiku kollu ħalla profitt u li l-prezz tal-bejgħ medju ponderat kien ogħla mill-ispiża tal-produzzjoni. Għaldaqstant, il-valur normali ġie kkalkulat bħala l-medja differenzjata tal-prezzijiet tal-bejgħ domestiku kollu matul il-PI.

(35)

Peress li ma kienx hemm bejgħ jew ma kienx hemm biżżejjed bejgħ ta' xi tipi ta' prodott bħall-prodott simili matul il-proċess normali tal-kummerċ fil-pajjiż analogu, il-Kummissjoni ħolqot il-valur normali skont l-Artikolu 2(3) u (6) tar-Regolament bażiku.

(36)

Għat-tipi ta' prodotti mhux mibjugħin fi kwantitajiet rappreżentattivi fis-suq domestiku tal-pajjiż analogu, intużaw l-ispejjeż medji ġenerali, amministrattivi u tal-bejgħ (“SG&A” - selling, general and administrative costs) kif ukoll il-profitt tat-tranżazzjonijiet li saru matul il-proċess normali tal-kummerċ fis-suq domestiku għal dawk it-tipi. Għat-tipi ta' prodott mhux mibjugħin fis-suq domestiku fil-pajjiż analogu, intużaw l-ispejjeż medji ponderati ġenerali, amministrattivi u tal-bejgħ (“SG&A”) kif ukoll il-profitt tat-tranżazzjonijiet kollha li saru matul il-proċess normali tal-kummerċ fis-suq domestiku.

(37)

Għadd sinifikanti ta' tipi ta' prodott esportati mill-pajjiż ikkonċernat lejn l-Unjoni ma setgħux jitqabblu direttament mat-tipi ta' prodott immanifatturati fil-pajjiż analogu. Għalhekk, il-valur normali għal dawn it-tipi ta' prodott li ma jaqblux kellu jinħadem skont l-Artikolu 2(3) tar-Regolament bażiku fuq il-bażi tal-ispejjeż tal-manifattura tal-produttur tal-pajjiż analogu flimkien ma' ammont raġonevoli għall-SG&A u għall-profitt. Għalhekk, il-valur normali nħadem skont l-Artikolu 2(3) u (6) tar-Regolament bażiku billi ġew miżjudin mal-ispiża medja tal-manifattura tat-tip ta' prodott rilevanti, l-ispejjeż medji ponderati ġenerali, amministrattivi u tal-bejgħ (SG&A) (4) li saru (1 % - 10 %) u l-profitt medju ponderat (4) (9 % – 19 %) li għamel il-produttur fil-pajjiż analogu mill-bejgħ domestiku fil-proċess normali tal-kummerċ matul il-perjodu ta' investigazzjoni.

(38)

Il-produtturi esportaturi fil-kampjun esportaw lejn l-Unjoni direttament lil konsumaturi indipendenti jew inkella permezz ta' kumpaniji esportaturi relatati li jinsabu fil-pajjiż ikkonċernat. L-ebda esportazzjoni ma saret permezz ta' importaturi relatati li jinsabu fl-Unjoni.

(39)

Billi l-produtturi esportaturi esportaw il-prodott ikkonċernat direttament lill-konsumaturi indipendenti fl-Unjoni, il-prezz tal-esportazzjoni kien il-prezz li tħallas realment jew dak pagabbli għall-prodott ikkonċernat meta nbiegħ għall-esportazzjoni lejn l-Unjoni, skont l-Artikolu 2(8) tar-Regolament bażiku.

(40)

Il-Kummissjoni qabblet il-valur normali u l-prezz tal-esportazzjoni tal-produtturi esportaturi fil-kampjun fuq il-bażi tal-prezz mill-fabbrika.

(41)

Meta dan kien iġġustifikat mill-ħtieġa li jiġi żgurat tqabbil ġust, il-Kummissjoni aġġustat il-valur normali u/jew il-prezz tal-esportazzjoni għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku.

(42)

Saru aġġustamenti għall-ispejjeż tat-trasport, tat-trasport bil-baħar u tal-assigurazzjoni, għall-ispejjeż anċillari, tal-immaniġġjar u tat-tagħbija li jvarjaw minn 2 % sa 12 %, għall-ispejjeż tal-kreditu li jvarjaw minn 0,01 % sa 0,3 %, għas-senseriji li jvarjaw minn 0,1 % sa 2 % u għat-tariffi bankarji li jvarjaw minn 0,02 % sa 0,3 %, meta ntwera li jaffettwaw it-tqabbil tal-prezzijiet.

(43)

Iċ-Ċina tapplika l-politika tar-rimborż tal-VAT b'mod parzjali biss fil-mument tal-esportazzjoni u f'dan il-każ it-8 % VAT mhix rimborżata. Sabiex jiġi żgurat li l-valur normali ntwera bl-istess livell ta' tassazzjoni bħal tal-prezz tal-esportazzjoni, il-valur normali ġie aġġustat aktar 'il fuq permezz ta' dik il-parti tal-VAT imposta fuq l-esportazzjonijiet ta' pajpijiet u tubi mingħajr ġonġituri ta' dijametru kbir li ma ġietx mogħtija lura lill-produtturi esportaturi Ċiniżi (5).

(44)

Għall-produtturi esportaturi fil-kampjun, il-Kummissjoni qabblet il-valur normali medju peżat ta' kull tip ta' prodott simili fil-pajjiż analogu (ara l-premessi minn (29) sa (37) iktar 'il fuq) mal-prezz tal-esportazzjoni medju peżat tat-tip korrispondenti tal-prodott ikkonċernat, skont l-Artikolu 2(11) u (12) tar-Regolament bażiku.

(45)

Għall-produtturi esportaturi li kkooperaw u li ma kinux inklużi fil-kampjun, il-Kummissjoni kkalkolat il-marġni tad-dumping medju ponderat, skont l-Artikolu 9(6) tar-Regolament bażiku. Għaldaqstant, dan il-marġni ġie stabbilit abbażi tal-marġnijiet tal-produtturi esportaturi fil-kampjun, filwaqt li ġew injorati l-marġnijiet tal-produtturi esportaturi b'marġnijiet ta' dumping żero u de minimis, kif ukoll il-marġnijiet stabbiliti skont iċ-ċirkostanzi msemmijin fl-Artikolu 18 tar-Regolament bażiku.

(46)

Għall-produtturi esportaturi kollha l-oħrajn fil-pajjiż ikkonċernat, il-Kummissjoni stabbilixxiet il-marġnijiet ta' dumping abbażi tal-fatti disponibbli skont l-Artikolu 18 tar-Regolament bażiku. Għal dan il-għan, il-Kummissjoni ddeterminat il-livell ta' kooperazzjoni tal-produtturi esportaturi. Il-livell ta' kooperazzjoni huwa l-volum ta' esportazzjoni lejn l-Unjoni ta' produtturi esportaturi li kkooperaw, mogħti bħala proporzjon tal-valur totali tal-esportazzjonijiet — kif irrappurtat fl-istatistika dwar l-importazzjoni tal-Eurostat — mill-pajjiż ikkonċernat lejn l-Unjoni

(47)

Il-livell ta' kooperazzjoni f'dan il-każ huwa għoli minħabba li l-importazzjonijiet tal-produtturi esportaturi li kkooperaw kienu jikkostitwixxu 85 % tal-esportazzjonijiet totali tal-Unjoni matul il-perjodu tal-investigazzjoni. Fuq din il-bażi, il-Kummissjoni ddeċidiet li tibbaża l-marġni ta' dumping residwu fil-livell tal-kumpanija bl-ogħla marġni ta' dumping inkluża fil-kampjun.

(48)

Il-marġnijiet provviżorji ta' dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(49)

Il-prodott simili ġie mmanifatturat minn seba' produtturi fl-Unjoni matul il-perjodu tal-investigazzjoni. Dawn huma meqjusin li jikkostitwixxu l-industrija tal-Unjoni skont l-Artikolu 4(1) u l-Artikolu 5(4) tar-Regolament bażiku u għandhom minn hawn 'il quddiem jissejħu “l-industrija tal-Unjoni”.

(50)

L-informazzjoni kollha disponibbli rigward l-industrija tal-Unjoni, bħall-informazzjoni ppreżentata fl-ilment, id-dejta miġbura mill-produtturi tal-Unjoni qabel u wara l-bidu tal-investigazzjoni, u t-tweġibiet tal-kwestjonarju tal-produtturi tal-Unjoni mdaħħla fil-kampjun, intużat sabiex tiġi stabbilita l-produzzjoni totali tal-Unjoni għall-perjodu tal-investigazzjoni.

(51)

Abbażi ta' dan, il-produzzjoni kollha tal-Unjoni kienet stmata li hija madwar 227 000 tunnellata matul il-PI. Din iċ-ċifra tinkludi l-produzzjoni tal-produtturi kollha tal-Unjoni, kemm tal-produtturi inklużi fil-kampjun u kemm stima tal-produzzjoni tal-produtturi mhux inklużi fil-kampjun.

(52)

Kif indikat fil-premessa (7), erba' produtturi tal-Unjoni ġew inklużi fil-kampjun u jirrappreżentaw 51 % tal-produzzjoni totali stmata fl-Unjoni tal-prodott simili.

(53)

Il-konsum tal-Unjoni ġie stabbilit abbażi tal-volum tal-bejgħ totali tal-industrija tal-Unjoni fis-suq tal-Unjoni u tal-importazzjonijiet totali. Il-konsum tal-Unjoni bejn l-2012 u l-2014 naqas, u tjieb moderatament fl-2015. Il-konsum tal-Unjoni naqas kumplessivament b'10 % waqt il-perjodu kkunsidrat.

(54)

Matul il-perjodu kkunsidrat l-importazzjonijiet fl-Unjoni mir-Repubblika tal-Poplu taċ-Ċina, instab li żviluppaw f'termini ta' volum u ta' sehem mis-suq kif ġej:

(55)

Wara tnaqqis fl-2013, il-volumi tal-importazzjoni miċ-Ċina żdiedu b'mod qawwi fl-2014 u baqgħu stabbli fl-2015. B'mod ġenerali, l-importazzjonijiet żdiedu b'9 % matul il-perjodu kkunsidrat, minn 39 000 tunnellata għal 42 500 tunnellata matul il-PI, f'kuntest ta' tnaqqis fil-konsum tal-Unjoni. Is-sehem mis-suq tal-importazzjonijiet miċ-Ċina żdied b'mod sinifikanti, minn 22,2 % għal 26,8 % matul il-perjodu kkunsidrat.

(56)

It-tabella ta' hawn taħt turi l-prezz medju tal-importazzjonijiet miċ-Ċina:

(57)

Il-prezzijiet medji tal-importazzjoni ġew stabbiliti abbażi tal-istatistiċi tal-importazzjoni tal-Eurostat. Il-prezzijiet medji tal-importazzjoni miċ-Ċina baqgħu pjuttost stabbli matul il-perjodu kkunsidrat. Il-prezzijiet tal-importazzjoni kienu kemm kemm ogħla fl-2014 milli fis-snin preċedenti, iżda fl-2015, il-prezzijiet reġgħu lura għal-livelli inizjali tagħhom.

(58)

Madankollu, il-medja tal-prezzijiet tal-importazzjoni jiddependu fuq it-taħlita tal-prodott, b'mod partikolari fuq il-grad tal-azzar, u dan ma jidhirx fl-istatistiki dwar il-kummerċ. Filwaqt li l-prezz medju tal-bejgħ bl-esportazzjoni tal-produtturi esportaturi Ċiniżi kollha kien ta' EUR 910/tunnellata waqt il-PI, l-prezz medju tal-bejgħ bl-esportazzjoni tal-produtturi esportaturi Ċiniżi fil-kampjun kien ta' EUR 1 102/tunnellata, li kien ivarja minn EUR 946/tunnellata għal EUR 1 444/tunnellata.

(59)

Kif jidher fil-premessa (79), il-prezzijiet tal-importazzjoni miċ-Ċina baqgħu taħt il-prezzijiet tal-bejgħ tal-industrija tal-Unjoni matul il-perjodu kollu.

(60)

Sabiex jiġi ddeterminat jekk kienx hemm twaqqigħ fil-prezzijiet matul il-PI, u sa liema punt il-prezzijiet tal-bejgħ medji ponderati għal kull tip ta' prodott tal-produtturi tal-Unjoni inklużi fil-kampjun u mitlubin lill-klijenti mhux relatati fis-suq tal-Unjoni u aġġustati għal livell mill-fabbrika billi tnaqqsu l-ispejjeż reali tal-konsenja (EUR 43,4/tunnellata), is-senseriji (EUR 51/tunnellata), l-iskontijiet differiti (EUR 132,2/tunnellata) u l-ispejjeż tal-kreditu (EUR 3,28/tunnellata), ġew imqabblin mal-prezzijiet medji ponderati korrispondenti skont it-tip ta' prodott tal-importazzjonijiet oġġett ta' dumping mill-produtturi Ċiniżi inklużi fil-kampjun, għall-ewwel klijent indipendenti fis-suq tal-Unjoni, stabbiliti fuq bażi CIF, wara li ġew miżjudin l-ispejjeż ta' wara l-importazzjoni u tal-immaniġjar (1,82 % tal-valur CIF).

(61)

Sabiex isir paragun ġust fl-istess livell ta' kummerċ bħal dak tal-importazzjonijiet Ċiniżi, tqies biss il-bejgħ tal-Unjoni lill-operaturi tas-suq u lid-distributuri. Il-bejgħ dirett lill-utenti aħħarija ġie eskluż mill-analiżi għaliex il-bejgħ dirett lill-utenti aħħarija kien jinvolvi tipikament rekwiżiti addizzjonali speċifiċi li kienu jwasslu għal prezzijiet ogħla minn dak tal-bejgħ lill-operaturi tas-suq u lid-distributuri meta kienu jinżammu r-rekwiżiti standard. B'riżultat ta' dan, il-prezz medju tal-bejgħ tal-industrija tal-Unjoni li ġie użat għat-tqabbil tat-twaqqigħ tal-prezzijiet kien ta' EUR 1 359/tunnellata (matul il-perjodu ta' investigazzjoni), filwaqt li l-prezz medju tal-bejgħ ikun ta' EUR 1 584/tunnellata meta jittieħed inkonsiderazzjoni l-bejgħ kollu.

(62)

Ir-riżultat tat-tqabbil, meta muri bħala perċentwal tal-fatturat tal-produtturi tal-Unjoni fil-kampjun matul il-PI wera marġnijiet ta' twaqqigħ tal-prezz li jvarja bejn il-15,1 % u t-30,2 %.

(63)

Skont l-Artikolu 3(5) tar-Regolament bażiku, l-analiżi tal-impatt tal-importazzjonijiet li huma oġġett ta' dumping miċ-Ċina fl-industrija tal-Unjoni inkludew evalwazzjoni tal-fatturi ekonomiċi kollha li influwenzaw l-istat tal-industrija tal-Unjoni matul il-perjodu kkonċernat.

(64)

Kif imsemmi fil-premessa (7), il-kampjunar intuża għall-analiżi tad-dannu possibbilment imġarrab mill-industrija tal-Unjoni.

(65)

Sabiex jiġi analizzat id-dannu, il-Kummissjoni għamlet distinzjoni bejn l-indikaturi tad-dannu makroekonomiċi u mikroekonomiċi. Bħala indikaturi makroekonomiċi hija użat il-produzzjoni, il-kapaċità tal-produzzjoni, l-użu tal-kapaċità, il-volum ta' bejgħ, is-sehem mis-suq u t-tkabbir, l-impjiegi, il-produttività, id-daqs reali tal-marġni ta' dumping u l-irkupru minn dumping imgħoddi. Hija analizzat ukoll il-prezzijiet medji tal-bejgħ, l-ispiża għal kull unità, il-profittabbiltà, il-fluss tal-flus, l-investimenti, ir-redditu fuq l-investiment u l-abbiltà li jiżdied il-kapital, l-istokks u l-kost lavorattiv tal-produtturi tal-Unjoni fil-kampjun bħala indikaturi mikroekonomiċi.

(66)

L-informazzjoni kollha disponibbli rigward l-industrija tal-Unjoni, inkluża l-informazzjoni pprovduta fl-ilment, id-dejta miġbura mill-produtturi tal-Unjoni qabel u wara t-tnedija tal-investigazzjoni, u t-tweġibiet tal-kwestjonarju tal-produtturi tal-Unjoni inklużi fil-kampjun, intużat sabiex tistabbilixxi indikaturi makroekonomiċi, u b'mod partikolari d-dejta li għandha x'taqsam ma' produtturi tal-Unjoni mhux inklużi fil-kampjun. Id-dejta statistika tal-ilmentatur ġiet ivverifikata fis-sede tal-ilmentatur.

(67)

L-indikaturi mikroekonomiċi ġew stabbiliti fuq il-bażi tal-informazzjoni vverifikata li ngħatat mill-produtturi tal-Unjoni inklużi fil-kampjun fit-tweġibiet tagħhom għall-kwestjonarju.

(68)

Ix-xejriet tal-produzzjoni tal-Unjoni, tal-kapaċità tal-produzzjoni u tal-użu tal-kapaċità żviluppaw kif ġej matul il-perjodu kkunsidrat. L-investigazzjoni wriet li ċerti linji tal-produzzjoni użati għall-produzzjoni tal-prodott ikkonċernat kienu wkoll użati għall-produzzjoni ta' prodotti oħra, jiġifieri għal pajpijiet b'dijametru iżgħar. Għaldaqstant, it-tabella telenka l-volum totali tal-produzzjoni bi prodotti oħra inklużi, kif ukoll il-volum tal-produzzjoni tal-prodott ikkonċernat.

(69)

Il-produzzjoni tal-Unjoni tal-prodott ikkonċernat naqset matul il-perjodu kkunsidrat. It-tnaqqis fil-produzzjoni kien aktar mgħaġġel mit-tnaqqis fil-konsum tal-Unjoni.

(70)

Peress li l-istess makkinarju jista' jintuża kemm għall-produzzjoni tal-prodott simili kif ukoll għal pajpijiet u tubi mingħajr ġonġituri ta' dijametru iżgħar, il-kapaċità u l-użu tal-produzzjoni ġew ikkalkulati għat-tipi kollha ta' pajpijiet u tubi mingħajr ġonġituri. Ma hemmx makkinarju li huwa limitat biss għal pajpijiet u tubi mingħajr ġonġituri b'dijametru li jaqbeż l-406,4 mm li jista' jittieħed inkonsiderazzjoni sabiex jiġi kkalkulat l-użu tal-kapaċità għall-prodott simili biss. F'kull każ jidher, li t-tnaqqis fil-volum tal-produzzjoni tal-prodotti kollha jirrifletti t-tnaqqis fil-volum tal-produzzjoni tal-prodott ikkonċernat. Il-kapaċità baqgħet stabbli matul il-perjodu kkunsidrat, peress li la kien hemm xi kapaċità ta' produzzjoni ġdida li qed tiġi miżjuda u lanqas xi waħda li tingħalaq. L-użu tal-kapaċità naqset, f'konformità mat-tnaqqis fil-bejgħ tal-produtturi tal-Unjoni.

(71)

Il-bejgħ tal-produtturi tal-Unjoni inkluda parti żgħira mill-bejgħ tal-kumpaniji relatati. Il-bejgħ tal-kumpaniji relatati kien jirrappreżenta 3 % tal-konsum tal-Unjoni. Il-volum tal-bejgħ, is-sehem mis-suq u t-tkabbir ġew għalhekk ivvalutati separatament għall-bejgħ relatat u għas-suq ħieles (il-bejgħ mhux relatat).

(72)

Ix-xejriet rigward il-volumi tal-bejgħ, is-sehem mis-suq u t-tkabbir żviluppaw kif ġej matul il-perjodu kkunsidrat:

(73)

Fil-kuntest ta' tnaqqis fil-konsum tal-Unjoni, il-volum tal-bejgħ naqas mill-2012 sal-2014, u tjieb kemm kemm fl-2015. Kollox ma' kollox, il-bejgħ tal-Unjoni naqas b'24 % matul il-perjodu kkunsidrat. Bħala riżultat, is-sehem mis-suq tal-industrija tal-Unjoni naqas minn 75 % għal 64 %.

(74)

Il-bejgħ relatat naqas b'iktar min-nofs, minn 11 000 tunnellata u anqas minn 5 000 tunnellata. Is-sehem globali tal-bejgħ kien żgħir, 3 % tal-konsum tal-Unjoni fil-PI. Il-bejgħ relatat seħħ fil-kuntest ta' attività ta' negozju. Il-prodotti ġew sussegwentement mibjugħa mill-ġdid u ma kinux użati b'mod ristrett mill-kumpaniji relatati.

(75)

L-impjiegi naqsu minn 3 256 fl-2012 għal 2 824 fil-PI (2015). L-impjiegi fl-industrija tal-Unjoni ġew ikkalkulati billi ttieħed inkonsiderazzjoni l-għadd ta' impjegati li jaħdmu l-prodott ikkonċernat, meta disponibbli, jew billi l-impjiegi kollha tal-produtturi ġew allokati b'mod proporzjonali għas-sehem tal-produzzjoni tal-prodott ikkonċernat. Il-produttività, mkejla bħala l-produzzjoni f'tunnellati għal kull persuna impjegata kull sena, l-ewwel tjiebet fl-2013 meta l-produzzjoni tal-Unjoni żdiedet, iżda mbagħad reġgħet naqset f'konformità mat-tnaqqis fil-produzzjoni tal-Unjoni. It-tnaqqis fil-produzzjoni ġiegħel lill-industrija tal-Unjoni biex tnaqqas l-għadd ta' xifts għal kull ħaddiem, li jfisser li l-għadd ta' ħaddiema naqas b'mod inqas drastiku meta mqabbel mal-produzzjoni tal-Unjoni.

(76)

Il-marġnijiet ta' dumping ta' produtturi esportaturi Ċiniżi inklużi fil-kampjun huma konsiderevoli (ara l-premessa (48)). Meta jitqiesu l-volum, is-sehem mis-suq u l-prezzijiet tal-importazzjonijiet oġġett ta' dumping miċ-Ċina diskussi hawn fuq, l-impatt tal-marġnijiet effettivi tad-dumping fuq l-industrija tal-Unjoni ma jistax jitqies li huwa negliġibbli.

(77)

Ma nstab li seħħ l-ebda dumping qabel.

(78)

Il-prezzijiet medji tal-bejgħ tal-produtturi tal-Unjoni inklużi fil-kampjun lil klijenti mhux relatati fl-Unjoni naqsu b'14 % mill-2012 sal-PI.

(79)

Matul l-istess perjodu, l-ispejjeż tal-industrija tal-Unjoni żdiedu bi 8 %. Dan kien prinċipalment minħabba ż-żieda fl-ispejjeż ġenerali għal kull tunnellata. Il-volum tal-bejgħ naqas, u b'konsegwenza ta' dan, l-ispejjeż ġenerali waqgħu fuq volumi ta' bejgħ iżgħar, u b'hekk żdiedu l-ispejjeż ġenerali medji għal kull tunnellata. Bħala riżultat ta' dan, l-industrija bdiet tagħmel it-telf mill-2013 'il quddiem.

(80)

Matul il-perjodu kkunsidrat, il-fluss tal-flus tal-produtturi tal-Unjoni, l-investiment, ir-redditu fuq l-investiment u l-kapaċità tagħhom li jiġġeneraw kapital żviluppaw kif ġej:

(81)

Il-profittabbiltà intweriet bħala profitt nett qabel it-taxxa tal-bejgħ tal-prodott simili lill-klijenti fl-Unjoni bħala perċentwal tal-fatturat ta' dan il-bejgħ.

(82)

Il-produtturi tal-Unjoni fil-kampjun kienu qed jagħmlu profitt fl-2012 (5,7 %), iżda bdew jagħmlu t-telf mill-2013 'il quddiem.

(83)

Il-fluss tal-flus, li hija l-kapaċità tal-industrija li tiffinanzja l-attivitajiet tagħha stess baqa' pożittiv matul il-perjodu kkunsidrat iżda f'livell li ddgħajjef b'mod sinifikanti.

(84)

L-evoluzzjoni tal-profittabbiltà u tal-fluss tal-flus matul il-perjodu kkunsidrat illimitaw il-kapaċità tal-produtturi tal-Unjoni inklużi fil-kampjun li jinvestu fl-attivitajiet tagħhom, u mminat l-iżvilupp tagħhom. Madankollu, minħabba n-natura tal-industrija, l-investimenti li jsiru jintużaw għall-manifattura ta' diversi qisien ta' pajpijiet u tubi mingħajr ġonġituri, inklużi l-prodotti li ma jaqgħux fl-ambitu ta' din l-investigazzjoni. Għal din ir-raġuni ma kienx possibbli li jiġu stabbiliti direttament l-investimenti u r-redditu fuq l-investiment speċifiku għall-prodott li qed jiġi investigat. Minflok l-investimenti globali tal-industrija tqiesu li kienu allokati għall-prodott ikkonċernat f'konformità mas-sehem tagħha tal-fatturat totali.

(85)

Fid-dawl ta' dak li ntqal hawn fuq, jista' jiġi konkluż li l-prestazzjoni finanzjarja tal-produtturi tal-Unjoni inklużi fil-kampjun baqgħet negattiva matul il-PI.

(86)

Il-livell ta' stokks tal-produtturi tal-Unjoni inklużi fil-kampjun żdied b'65 % matul il-perjodu kkunsidrat. Madankollu, il-produzzjoni tipikament issir skont l-ordnijiet, għaldaqstant il-livelli tal-istokks kienu kumplessivament żgħar, li jikkorrispondu għal 3 % tal-produzzjoni fil-PI.

(87)

Il-kost lavorattiv medju tal-produtturi tal-Unjoni fil-kampjun żdied b'mod modest fl-2013, meta l-produzzjoni żdiedet, u mbagħad naqas fl-2014-2015 għal 8 % taħt il-livell tal-2012, wara t-tnaqqis fil-produzzjoni. Il-produtturi tal-Unjoni aġġustaw l-għadd ta' xifts skont id-domanda.

(88)

Kif muri hawn fuq, matul il-perjodu kkunsidrat, il-produzzjoni tal-industrija tal-Unjoni u konsegwentement l-impjiegi naqsu. L-industrija tal-Unjoni tilfet volumi ta' bejgħ u s-sehem mis-suq, filwaqt li l-importazzjonijiet miċ-Ċina waqqgħu l-prezzijiet tal-Unjoni, u b'hekk tefgħu pressjoni fuq il-prezzijiet. B'riżultat ta' dan, il-prezzijiet tal-bejgħ naqsu. L-aktar importanti, l-industrija bdiet tagħmel it-telf: il-profittabbiltà ddeterjorat matul il-perjodu kkunsidrat, u laħqet l-agħar riżultat fil-PI b'telf ta' 18,3 %.

(89)

Fid-dawl ta' dak li ssemma, il-konklużjoni provviżorja hija li l-industrija tal-Unjoni sofriet dannu materjali skont l-Artikolu 3(5) tar-Regolament bażiku.

(90)

Skont l-Artikolu 3(6) u (7) tar-Regolament bażiku, il-Kummissjoni eżaminat jekk l-importazzjonijiet li kienu oġġett ta' dumping miċ-Ċina kkawżawx dannu lill-industrija tal-Unjoni sal-punt li jista' jiġi kkunsidrat bħala wieħed materjali. Il-fatturi magħrufin apparti l-importazzjonijiet oġġett ta' dumping, li fl-istess ħin jistgħu jkunu qegħdin jikkawżaw dannu lill-industrija tal-Unjoni, ġew eżaminati wkoll sabiex jiġi żgurat li d-dannu possibbli kkawżat minn dawn il-fatturi l-oħra ma kienx dovut għall-importazzjonijiet oġġett ta' dumping.

(91)

L-investigazzjoni wriet li l-volum tal-importazzjonijiet li joriġinaw miċ-Ċina żdied, filwaqt li l-konsum tal-Unjoni naqas. Kif spjegat fil-premessi (54) u (72), l-importazzjonijiet miċ-Ċina żdiedu minn 39 195 tunnellata fl-2012 għal 42 539 tunnellata fil-PI. Il-bejgħ tal-industirja tal-Unjoni waqa' minn 132 241 tunnellata fl-2012 għal 100 975 tunnellata fil-PI.

(92)

Fir-rigward tal-pressjoni fuq il-prezzijiet li teżisti fis-suq tal-Unjoni matul il-perjodu kkunsidrat, instab li l-prezzijiet medji tal-importazzjoni miċ-Ċina baqgħu kostantement aktar baxxi mill-prezzijiet medji tal-bejgħ tal-industrija tal-Unjoni. Bit-twaqqigħ fil-prezzijiet tal-industrija tal-Unjoni, l-importazzjonijiet Ċiniżi żiedu s-sehem mis-suq tagħhom minn 22,2 % għal 26,8 %, filwaqt li s-sehem mis-suq tal-industrija tal-Unjoni naqas.

(93)

Minħabba l-pressjoni fuq il-prezzijiet ikkawżata mill-volumi dejjem akbar tal-importazzjonijiet oġġett ta' dumping Ċiniżi, l-industrija tal-Unjoni ma setgħetx tkopri l-ispejjeż tagħha. L-industrija tal-Unjoni bdiet tagħmel it-telf fl-2013.

(94)

Il-Kummissjoni osservat li l-iżvilupp tal-importazzjonijiet miċ-Ċina u l-iżvilupp tad-dannu mġarrab mill-industrija tal-Unjoni ma kinux jikkorrelataw sena wara sena bejn l-2012 u l-2015. Madankollu, fl-2014, is-sehem mis-suq Ċiniż żdied b'mod sinifikanti filwaqt li fl-istess waqt l-indikaturi tad-dannu wrew xejra ċara negattiva li kompliet fl-2015. Mill-2014 'il quddiem, l-Unjoni ma baqgħetx f'pożizzjoni li tegħleb is-sinjali ta' dgħufija li bdew jixirfu fl-2013.

(95)

Abbażi ta' dak li ntqal hawn fuq, il-konklużjoni provviżorja hija li ż-żieda fl-importazzjonijiet miċ-Ċina li huma oġġett ta' dumping bi prezzijiet li b'mod kostanti jwaqqgħu dawk tal-industrija tal-Unjoni, ikkawżaw dannu materjali lill-industrija tal-Unjoni.

(96)

L-esportazzjonijiet lejn pajjiżi terzi, kemm dawk li huma relatati u dawk li mhumiex, naqsu matul il-perjodu kkunsidrat. Peress li l-bejgħ tal-Unjoni naqas ukoll bl-istess rata fl-istess perjodu, is-sehem tal-esportazzjonijiet xorta baqa' għoli, u naqas minn 59 % tal-bejgħ kollu fl-2012 għal 56 % tal-bejgħ kollu fil-PI. Xi bejgħ bl-esportazzjoni seħħ permezz ta' kumpaniji relatati fil-pajjiżi tal-esportazzjoni. Il-prodotti ġew sussegwentement mibjugħa mill-ġdid u ma kinux użati b'mod ristrett mill-kumpaniji relatati.

(97)

Is-sehem għoli ta' esportazzjonijiet jindika li l-industrija tal-Unjoni hija kompetittiva u tista' tbigħ il-prodotti tagħha fi swieq oħra.

(98)

It-tnaqqis fil-bejgħ bl-esportazzjoni wassal għal dannu fuq l-industrija tal-Unjoni. Skont l-industrija tal-Unjoni (6), dan it-tnaqqis fl-esportazzjonijiet seħħ fil-kuntest ta' tnaqqis ġenerali fir-ritmu fis-swieq dinjija. Il-Kummissjoni tistieden lill-partijiet interessati biex jipprovdu aktar informazzjoni sabiex jiġi vvalutat jekk il-prestazzjoni tal-industrija tal-Unjoni kinitx konformi ma' dik tas-suq dinji, jew kinitx agħar minn tas-suq dinji. F'kull każ, fl-istadju provviżorju, il-Kummissjoni tikkonkludi li l-iżvilupp tal-esportazzjonijiet ma jistax jispjega ż-żieda qawwija fis-sehem mis-suq Ċiniż mill-2014 'il quddiem, u d-dannu li rriżulta minn dan. Għaldaqstant, it-tnaqqis fil-bejgħ bl-esportazjoni, ma jannullax ir-rabta kawżali bejn l-importazzjonijiet Ċiniżi u d-dannu materjali mġarrab mill-industrija tal-Unjoni.

(99)

Kif spjegat fil-premessi minn (72) sa (74), il-bejgħ tal-partijiet relatati ġewwa l-Unjoni ammonta għal 4 971 tunnellata matul il-PI, li jikkorrispondi għal 2 % tal-bejgħ kollu u għal 5 % tal-bejgħ fis-suq tal-Unjoni. Il-bejgħ relatat seħħ fil-kuntest ta' attività ta' negozju. Il-prodotti ġew sussegwentement mibjugħa mill-ġdid u ma ntużawx b'mod ristrett mill-kumpaniji relatati.

(100)

Minħabba l-volum żgħir tagħhom, il-bejgħ relatat fl-Unjoni ma jistax ikun kawża potenzjali tad-dannu.

(101)

L-importazzjonijiet li huma oġġett ta' dumping miċ-Ċina kkostitwixxew 74 % tal-importazzjonijiet kollha fis-suq tal-Unjoni matul il-PI. Kien hemm sorsi oħra għall-importazzjonijiet, inkluż il-Ġappun li ġew eżaminati fil-kuntest tar-rabta ta' kawżalità.

(102)

L-importazzjonijiet minn pajjiżi oħra minbarra ċ-Ċina, meħuda flimkien, żdiedu minn 5 313-il tunnellata għal 15 024 tunnellata matul il-perjodu kkunsidrat. Is-sehem tagħhom fis-suq żdied minn 3,0 % għal 9,5 %. Il-prezz medju ta' dawn l-importazzjonijiet baqa' ogħla b'mod sinifikanti mill-prezzijiet tal-importazzjonijiet miċ-Ċina, u ogħla mill-prezzijiet tal-bejgħ tal-Unjoni, tal-industrija tal-Unjoni.

(103)

Il-Ġappun kien l-akbar sors ta' importazzjonijiet wara ċ-Ċina. Is-sehem mis-suq tal-importazzjonijiet Ġappuniżi varja bejn 1,3 % u 5,2 % tal-konsum tal-Unjoni. Matul il-PI, l-importazzjonijiet Ġappuniżi kienu jirrappreżentaw 3,6 % tal-konsum tal-Unjoni. Il-prezzijiet medji tal-bejgħ tal-produtturi esportaturi Ġappuniżi baqgħu ogħla mill-prezzijiet tal-bejgħ tal-produtturi esportaturi Ċiniżi.

(104)

L-importazzjonijiet minn pajjiżi oħra kienu saħansitra iżgħar mill-importazzjonijiet mill-Ġappun, bit-tieni l-akbar sorsi ta' importazzjonijiet (mill-Istati Uniti, mill-Korea u mir-Russja) jirrappreżentaw kull wieħed mal-1-2 % tal-konsum tal-Unjoni. Il-volumi tal-importazzjonijiet minn dawn il-pajjiżi għalhekk ma kinux biżżejjed biex jikkawżaw dannu lill-industrija tal-Unjoni.

(105)

Abbażi ta' dan ta' hawn fuq, ġie konkluż li l-impatt ta' dawn l-importazzjonijiet ma huwiex tali li jannulla r-rabta ta' kawżalità bejn l-importazzjonijiet Ċiniżi u d-dannu mġarrab mill-industrija tal-Unjoni.

(106)

It-tnaqqis fil-prezzijiet taż-żejt wasslu għal tnaqqis fl-investimenti fis-settur taż-żejt u tal-gass. Dan kellu impatt negattiv fuq id-domanda għal pajpijiet b'dijametru wiesa' bħala kejsing u għat-tħaffir mibjugħin mill-industrija tal-Unjoni. Għaldaqstant dan ikkontribwixxa għad-dannu mġarrab mill-industrija tal-Unjoni. Madankollu dan ma jistax jispjega ż-żieda qawwija fis-sehem tas-suq Ċiniż minn 2014 'l hawn, u d-dannu li rriżulta minn dan. Għaldaqstant, il-kriżi fis-settur tal-gass u taż-żejt ma kisritx ir-rabta kawżali bejn l-importazzjonijiet Ċiniżi u d-dannu materjali mġarrab mill-industrija tal-Unjoni.

(107)

Il-Kummissjoni sabet li l-ispejjeż ta' wieħed mill-produtturi tal-Unjoni inklużi fil-kampjun, kienu ferm ogħla mill-ispejjeż tat-tliet produtturi tal-Unjoni fil-kampjun. Il-firxa ta' prodotti tiegħu hija usa' u tinkludi kategoriji ta' prodotti u tipi ta' klijenti li l-produtturi l-oħra tal-Unjoni ma għandhomx. Il-profittabbiltà marret lura b'mod konsistenti, anke meta l-importazzjonijiet miċ-Ċina kienu qegħdin jonqsu jew baqgħu stabbli.

(108)

Ir-raġunijiet għal din is-sitwazzjoni għadhom ma ġewx stabbiliti kompletament.

(109)

Il-Kummissjoni se tkompli teżamina dan il-punt bħala fattur li potenzjalment jannulla r-rabta kawżali. F'dan ir-rigward, għandu jiġi osservat li bħala l-akbar kumpanija fil-kampjun, hija għandha influwenza qawwija fil-kunċett tad-dannu.

(110)

Jekk analiżi ulterjuri turi li (i) id-dannu kkawżat lil Vallourec Deutschland GmbH mhuwiex marbut b'mod kawżali mal-importazzjonijiet li huma oġġett ta' dumping, iżda hemm raġunijiet oħra, u (ii) li jekk fin-nuqqas ta' inklużjoni ta' Vallourec Deutschland GmbH fl-analiżi tad-dannu, is-sejba tad-dannu ma tistax tiġi sostnuta, il-Kummissjoni tista' tikkunsidra l-impatt fuq ir-rabta kawżali wkoll apparagun tas-sitwazzjoni tal-industrija tal-Unjoni kollha.

(111)

Il-Kummissjoni tistieden lill-partijiet interessati biex jikkummentaw dwar dan il-punt.

(112)

Kien hemm żieda fil-volum (minn 39 195 tunnellata fl-2012 għal 42 539 tunnellata fl-2015) u fis-sehem mis-suq (minn 22,2 % fl-2012 għal 26,8 % fl-2015) tal-importazzjonijiet oġġett ta' dumping li oriġinaw miċ-Ċina fil-perjodu kkunsidrat. Barra minn hekk, dawn l-importazzjonijiet, kienu qed iwaqqgħu l-prezzijiet mitluba mill-industrija tal-Unjoni fis-suq tal-Unjoni. Matul il-PI t-twaqqigħ kien ivarja minn 15,1 % sa 30,2 % fuq il-bażi tat-tipi ta' prodotti li jistgħu jitqabblu.

(113)

Din iż-żieda fil-volum u fis-sehem mis-suq tal-importazzjonijiet miċ-Ċina li huma oġġett ta' dumping, seħħet fl-istess żmien meta s-sitwazzjoni finanzjarja tal-industrija tal-Unjoni ddeterjorat. L-industrija tal-Unjoni ma setgħetx iżżid il-bejgħ u l-prezzijiet tagħha, u konsegwentement l-indikaturi finanzjarji, bħall-profittabbiltà, baqgħu negattivi.

(114)

L-analiżi tal-fatturi l-oħra magħrufa, bħall-bejgħ lil partijiet relatati, l-importazzjonijiet minn pajjiżi terzi oħra u t-tnaqqis fil-konsum, li setgħu kkawżaw dannu lill-industrija tal-Unjoni, urew li dawn il-fatturi mhumiex tali li jannullaw ir-rabta ta' kawżalità stabbilita bejn l-importazzjonijiet li huma oġġett ta' dumping miċ-Ċina u d-dannu li ġarrbet l-industrija tal-Unjoni. Madankollu, il-Kummissjoni se tkompli tinvestiga r-raġunijiet li wasslu għal tnaqqis sinifikanti fil-profittabbiltà tal-industrija tal-Unjoni.

(115)

Fuq il-bażi tal-analiżi ta' hawn fuq, li ddistingwiet u sseparat l-effetti tal-fatturi kollha magħrufa fuq is-sitwazzjoni tal-industrija tal-Unjoni mill-effetti dannużi tal-importazzjonijiet li huma oġġett ta' dumping, ġie konkluż b'mod provviżorju li l-importazzjonijiet li huma oġġett ta' dumping miċ-Ċina kkawżaw dannu materjali lill-industrija tal-Unjoni skont it-tifsira tal-Artikolu 3(6) tar-Regolament bażiku.

(116)

Skont l-Artikolu 21 tar-Regolament bażiku, ġie eżaminat jekk, minkejja s-sejba provviżorja ta' dumping li jikkawża dannu, jeżistux raġunijiet b'saħħithom biex jiġi konkluż li f'dan il-każ partikolari mhuwiex fl-interess tal-Unjoni li jiġu adottati miżuri. L-analiżi dwar l-interessi tal-Unjoni kienet ibbażata fuq il-valutazzjoni tal-interessi kollha involuti, inklużi dawk tal-industrija tal-Unjoni, tal-importaturi, u tal-utenti.

(117)

L-industrija tal-Unjoni hija magħmula minn seba' produtturi magħrufin li jirrappreżentaw il-produzzjoni kollha tal-Unjoni tal-prodott simili. Il-produtturi jinsabu fi Stati Membri differenti tal-Unjoni, u waqt il-PI kienu jimpjegaw direttament 2 800 persuna b'rabta mal-prodott simili. Erba' produtturi tal-Unjoni, li jirrappreżentaw 51 % tal-produzzjoni, ippreżentaw ruħhom u kkooperaw fl-investigazzjoni.

(118)

L-industrija tal-Unjoni sofriet dannu materjali kkawżat mill-importazzjonijiet li huma oġġett ta' dumping miċ-Ċina. Ta' min ifakkar li l-industrija tal-Unjoni tilfet il-volum tal-bejgħ u s-sehem mis-suq, u li l-qagħda finanzjarja tal-industrija tal-Unjoni baqgħet fraġli.

(119)

Huwa mistenni li l-impożizzjoni ta' dażji antidumping trodd lura kundizzjonijiet kummerċjali ġusti fis-suq tal-Unjoni, u tippermetti lill-industrija tal-Unjoni biex tallinja l-prezzijiet tagħha tal-prodott simili mal-ispejjeż tal-produzzjoni.

(120)

Huwa mistenni wkoll li l-impożizzjoni ta' miżuri se tippermetti lill-industrija tal-Unjoni biex tirkupra mill-inqas il-parti tas-sehem mis-suq li ntilfet matul il-perjodu kkunsidrat, b'impatt pożittiv fuq il-profittabbiltà u l-qagħda finanzjarja ġenerali tagħha.

(121)

Jekk il-miżuri ma jiġux imposti, huwa mistenni aktar telf fis-sehem mis-suq u l-profittabbiltà tal-industrija tal-Unjoni tibqa' sejra lura.

(122)

Għaldaqstant, ġie konkluż b'mod provviżorju li l-impożizzjoni tal-miżuri antidumping fuq l-importazzjonijiet li joriġinaw miċ-Ċina tkun fl-interess tal-industrija tal-Unjoni.

(123)

L-ebda utent ma ppreżenta ruħu biex jikkoopera fl-investigazzjoni. Il-klijenti diretti tal-industrija tal-Unjoni huma ħafna drabi operaturi tas-suq u distributuri, għaldaqstant l-akkwirenti aħħarija mhux dejjem ikunu f'kuntatt dirett mal-produttur. Għal proġetti kbar ta' kostruzzjoni, bħall-impjanti tal-enerġija, l-utenti finali jistgħu jiġu f'kuntatt dirett mal-produtturi. Madankollu, jidher li l-importazzjonijiet Ċiniżi ma humiex qed jikkompetu għal kuntratti bħal dawn, minħabba li l-bejgħ tagħhom isir permezz ta' operaturi tas-suq.

(124)

L-utenti se jibqa' jkollhom diversi sorsi alternattivi ta' provvista, kemm mill-produtturi tal-Unjoni kif ukoll minn pajjiżi esportaturi oħra, anki jekk il-miżuri provviżorji proposti kontra l-importazzjonijiet Ċiniżi jiġu imposti. Ma kien hemm l-ebda evidenza li turi li l-impatt tal-miżuri provviżorji proposti fuq l-utenti kienu se jkunu partikolarment serji. Għalhekk ġie konkluż provviżorjament li miżuri provviżorji proposti wisq probabbli mhux se jkollhom impatt kbir fuq l-utenti.

(125)

Ħames importaturi pprovdew informazzjoni marbuta mal-kampjunar. Intagħżel kampjun li kien jinkludi l-akbar tliet importaturi, li jirrappreżentaw b'kollox 10 % tal-importazzjonijiet totali miċ-Ċina.

(126)

L-importaturi inklużi fil-kampjun pprovdew tweġibiet għall-kwestjonarju, iżda ż-żjarat ta' verifika għadhom ma twettqux sa issa.

(127)

Abbażi tat-tweġbiet mhux ivverifikati tat-tliet importaturi inklużi fil-kampjun, il-marġni ta' profitt ivarjaw tipikament bejn 2 % u 4 %. Il-miżuri provviżorji proposti jistgħu għalhekk jikkawżaw telf lill-importaturi, b'mod partikolari jekk huma ma jkunux jistgħu jgħaddu ż-żidiet fil-prezz fuq il-klijenti tagħhom.

(128)

Madankollu, kull impatt negattiv fuq l-importaturi jitnaqqas bil-fatturi li ġejjin. Il-prodott ikkonċernat jirrappreżenta parti żgħira tal-bejgħ totali tal-importaturi, li jvarja bejn il-1 % u t-3 % għal żewġ importaturi, u sa mhux aktar minn 17 % għat-tielet importatur. Hemm sorsi oħrajn ta' provvista li t-tnejn huma disponibbli fl-Unjoni u f'pajjiżi esportaturi oħra, għaldaqstant l-importaturi jkunu jistgħu jkomplu bl-attività tagħhom billi jaqilbu għal sorsi oħra ta' provvista.

(129)

Abbażi ta' dan, huwa provviżorjament konkluż li l-impożizzjoni tal-miżuri antidumping provviżorji proposti mhux se jkollha effetti negattivi sostanzjali fuq l-interessi tal-importaturi.

(130)

Fid-dawl ta' dak li ntqal hawn fuq, ma hemm l-ebda raġuni konvinċenti kontra l-impożizzjoni tal-miżuri provviżorji proposti fuq l-importazzjonijiet tal-prodott ikkonċernat miċ-Ċina.

(131)

Kwalunkwe effett negattiv fuq l-utenti mhux relatati jittaffa permezz tad-disponibbiltà ta' sorsi alternattivi ta' provvista.

(132)

Barra minn hekk, meta jiġi kkunsidrat l-impatt globali tal-miżuri antidumping fuq is-suq tal-Unjoni, l-effetti pożittivi, b'mod partikolari fuq l-industrija tal-Unjoni, jidhru li jegħlbu l-impatti potenzjalment negattivi fuq il-gruppi ta' interess l-oħra.

(133)

Fuq il-bażi tal-konklużjonijiet li ntlaħqu fir-rigward tad-dumping, id-dannu, il-kawżalità u l-interess tal-Unjoni, jenħtieġ li jiġu imposti miżuri provviżorji sabiex ma jsirx aktar dannu lill-industrija tal-Unjoni mill-importazzjonijiet oġġett ta' dumping.

(134)

Sabiex jiġi ddeterminat il-livell ta' dawn il-miżuri, il-Kummissjoni l-ewwel stabbilixxiet l-ammont ta' dazju neċessarju sabiex jiġi eliminat id-dannu mġarrab mill-industrija tal-Unjoni.

(135)

Id-dannu jiġi eliminat jekk l-industrija tal-Unjoni tkun kapaċi tkopri l-ispejjeż tal-produzzjoni tagħha u tagħmel profitt qabel it-taxxa mill-bejgħ tal-prodott simili fis-suq tal-Unjoni li jista' jinkiseb b'mod raġonevoli f'kundizzjonijiet normali ta' kompetizzjoni minn industrija ta' dan it-tip fis-settur, jiġifieri fin-nuqqas ta' importazzjonijiet oġġett ta' dumping.

(136)

Sabiex jiġi ddeterminat il-profitt fil-mira, il-Kummissjoni ħadet inkonsiderazzjoni l-profitti magħmula mill-bejgħ mhux relatat li jintużaw sabiex jiġi stabbilit il-livell ta' eliminazzjoni tad-dannu.

(137)

Il-marġni ta' profitt fil-mira ġie provviżorjament stabbilit għal 5,7 %, f'konformità mal-profitti mill-bejgħ mhux relatat fl-Unjoni tal-2012. Huwa meqjus li l-livell ta' profitti tal-2012 jirrifletti dak li jista' jintlaħaq b'mod raġonevoli taħt kundizzjonijiet normali ta' kompetizzjoni, peress li l-industrija tal-Unjoni kienet f'punt fejn setgħet tkompli topera taħt kundizzjonijiet relattivament normali u tikseb qligħ raġonevoli. Dan il-punt ta' riferiment, jekk xejn, huwa konservattiv ġaladarba l-importazzjonijiet Ċiniżi bi prezz baxx kienu diġà preżenti. Għall-kuntrarju, is-sena 2013 ma tistax titqies bħala sena ta' referenza xierqa. Kemm il-volumi tal-bejgħ kif ukoll il-prezzijiet medji tal-bejgħ tal-industrija tal-Unjoni naqsu bi kważi 10 %, filwaqt li l-ispejjeż tagħha baqgħu stabbli. Bħala riżultat ta' dan, l-industrija tal-Unjoni bdiet tagħmel it-telf mill-2013 'il quddiem. Is-sitwazzjoni kompliet tmur għall-agħar fl-2014 u l-2015. Għalhekk il-profitt li realment inkiseb fl-2012, ta' 5,7 %, kien provviżorjament użat bħala l-parametru referenzjarju għall-profitt fil-mira. Il-Kummissjoni tista' tirrevedi dan il-punt jekk jinstab li Vallourec Deutschland GmbH trid tiġi eskluża mill-kampjun jew mill-analiżi tad-dannu, u din il-konklużjoni ma tapplikax fir-rigward tat-tliet kumpaniji l-oħra fil-kampjun.

(138)

Sabiex jintlaħaq paragun ġust, il-prezzijiet tal-bejgħ f'livell komparabbli ta' kummerċ biss ġew meqjusa, kif spjegat fil-premessa (61).

(139)

Abbażi ta' dan, il-Kummissjoni kkalkulat prezz tal-prodott simili li ma jikkawżax dannu lill-industrija tal-Unjoni billi naqqset il-marġni ta' qligħ reali miksub matul il-perjodu tal-investazzjoni mill-prezzijiet tal-bejgħ tal-Unjoni u ssostitwietu bil-marġni ta' qligħ ta' 5,7 % msemmi hawn fuq.

(140)

Il-Kummissjoni mbagħad iddeterminat il-livell ta' eliminazzjoni tad-dannu fuq il-bażi ta' tqabbil tal-prezz medju tal-importazzjoni ponderat tal-produtturi esportaturi fiċ-Ċina li kkooperaw fil-kampjun, kif stabbilit għall-kalkoli ta' tnaqqis tal-prezzijiet, bil-prezz medju ponderat tal-prodott simili li ma jikkawżax dannu mibjugħ mill-produtturi tal-Unjoni fil-kampjun fis-suq tal-Unjoni matul il-perjodu tal-investigazzjoni. Kull differenza li tirriżulta minn dan it-tqabbil ingħatat bħala perċentwal tal-valur CIF medju ponderat tal-importazzjoni.

(141)

Il-livell ta' eliminazzjoni tad-dannu għall-“produtturi l-oħra li kkooperaw” u għall-“produtturi kollha l-oħrajn” huwa ddefinit bl-istess mod bħall-marġnijiet tad-dumping fil-premessi minn (45) sa (47).

(142)

Miżuri antidumping provviżorji jenħtieġ li jiġu imposti fuq l-importazzjonijiet ta' ċerti pajpijiet u tubi mingħajr ġonġituri, tal-ħadid (ħlief tal-ħadid fondut) jew tal-azzar (ħlief tal-azzar inossidabbli), ta' sezzjoni trasversali tonda, ta' dijametru estern li jaqbeż l-406,4 mm, li joriġinaw mir-Repubblika tal-Poplu taċ-Ċina, skont ir-regola tad-dazju inferjuri fl-Artikolu 7(2) tar-Regolament bażiku. Il-Kummissjoni qabblet il-marġnijiet tad-dannu u l-marġnijiet tad-dumping. L-ammont tad-dazji jenħtieġ li jkun stabbilit fil-livell l-aktar baxx tal-marġnijiet tad-dumping u tad-dannu.

(143)

Abbażi ta' dan li ntqal hawn fuq, ir-rati ta' dazju antidumping provviżorji, mogħtija skont il-prezz CIF fil-fruntiera tal-Unjoni, bid-dazji doganali mhux imħallsa, jenħtieġ li jkunu kif ġej:

(144)

Ir-rati tad-dazju antidumping ta' kumpaniji individwali speċifikati f'dan ir-Regolament ġew stabbiliti abbażi tal-konklużjonijiet ta' din l-investigazzjoni. Gћaldaqstant, huma rriflettew l-qagħda li nstabet matul din l-investigazzjoni fir-rigward ta' dawn il-kumpaniji. Dawn ir-rati tad-dazju huma esklussivament applikabbli għall-importazzjonijiet tal-prodott ikkonċernat li joriġina mill-pajjiż ikkonċernat u magħmul mill-entitajiet ġuridiċi msemmija. L-importazzjonijiet tal-prodott ikkonċernat immanifatturat minn kwalunkwe kumpanija oħra mhux imsemmija b'mod speċifiku fil-parti operattiva ta' dan ir-Regolament, inklużi entitajiet relatati ma' dawk imsemmijin b'mod speċifiku, jenħtieġ li jkunu suġġetti għar-rata ta' dazju applikabbli għall-“kumpaniji l-oħrajn kollha”. Ma għandhomx ikunu suġġetti għal xi rata individwali ta' dazju antidumping.

(145)

Kumpanija tista' titlob l-applikazzjoni ta' dawn ir-rati ta' dazju antidumping individwali jekk sussegwentement tibdel l-isem tal-entità tagħha. It-talba trid tkun indirizzata lill-Kummissjoni (7). It-talba jrid ikun fiha l-informazzjoni rilevanti kollha li tippermetti li jintwera li l-bidla ma taffettwax id-dritt tal-kumpanija li tibbenefika mir-rata tad-dazju li tapplika għaliha. Jekk il-bidla fl-isem tal-kumpanija ma jaffettwax id-dritt tagħha li tibbenefika mir-rata tad-dazju li tapplika għaliha, avviż dwar il-bidla tal-isem jiġi ppubblikat f'Il-Ġurnal Uffiċjali tal-Unjoni Ewropea.

(146)

Biex ikun żgurat infurzar xieraq tad-dazji antidumping, id-dazju antidumping għall-kumpaniji l-oħrajn kollha jenħtieġ li japplika mhux biss għall-produtturi esportaturi li ma kkooperawx f'din l-investigazzjoni, imma anke għall-produtturi li ma esportawx lejn l-Unjoni matul il-perjodu tal-investigazzjoni.

(147)

Fl-interess ta' amministrazzjoni tajba, il-Kummissjoni se tistieden lill-partijiet interessati biex iressqu kummenti bil-miktub u/jew jitolbu seduta mal-Kummissjoni u/jew mal-Uffiċjal tas-Seduta dwar proċeduri kummerċjali fi żmien skadenza fissa.

(148)

Il-konklużjonijiet li jikkonċernaw l-impożizzjoni ta' dazji provviżorji huma provviżorji, u jistgħu jiġu emendati fl-istadju definittiv tal-investigazzjoni,

(a)

Jitolbu l-iżvelar tal-fatti u l-kunsiderazzjonijiet essenzjali li abbażi tagħhom ġie adottat dan ir-Regolament;

(b)

Jippreżentaw il-kummenti tagħhom bil-miktub lill-Kummissjoni; kif ukoll

(c)

Jitolbu seduta ta' smigħ mal-Kummissjoni u/jew mal-Uffiċjal tas-Seduta fi proċeduri kummerċjali.

12.11.2016   

MT

Il-Ġurnal Uffiċjali tal-Unjoni Ewropea

L 305/23

(1)

F'konformità mal-Artikolu 23(3) tar-Regolament (KE) Nru 1107/2009, l-4 ta' Settembru 2015 il-Kummissjoni waslitilha applikazzjoni mill-Institut Technique de l'Agriculture Biologique (ITAB) għall-approvazzjoni taż-żejt tal-ġirasol bħala sustanza bażika. Ma' dik l-applikazzjoni ngħatat l-informazzjoni meħtieġa skont it-tieni subparagrafu tal-Artikolu 23(3).

(2)

Il-Kummissjoni talbet lill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”) għal għajnuna xjentifika. Fil-11 ta' April 2016 (2), l-Awtorità ppreżentat Rapport Tekniku dwar iż-żejt tal-ġirasol lill-Kummissjoni. Il-Kummissjoni ppreżentat ir-rapport ta' rieżami (3) kif ukoll abbozz ta' dan ir-Regolament lill-Kumitat Permanenti dwar il-Pjanti, l-Annimali, l-Ikel u l-Għalf fit-12 ta' Lulju 2016 u ffinalizzathom għal-laqgħa ta' dan il-Kumitat fis-7 ta' Ottubru 2016.

(3)

Id-dokumentazzjoni mogħtija mill-applikant turi li ż-żejt tal-ġirasol jissodisfa l-kriterji ta' oġġett tal-ikel kif iddefinit fl-Artikolu 2 tar-Regolament (KE) Nru 178/2002 tal-Parlament Ewropew u tal-Kunsill (4). Barra minn hekk, is-sustanza ma tintużax b'mod predominanti għall-protezzjoni tal-pjanti, iżda madankollu hija utli għall-protezzjoni tal-pjanti fi prodott li jikkonsisti mis-sustanza u mill-ilma. Konsegwentement, għandha titqies bħala sustanza bażika.

(4)

Minn bosta eżaminazzjonijiet li saru deher li l-ż-żejt tal-ġirasol jista' jkun mistenni li jissodisfa, b'mod ġenerali, ir-rekwiżiti stabbiliti fl-Artikolu 23 tar-Regolament (KE) Nru 1107/2009, b'mod partikolari fir-rigward tal-użi li kienu eżaminati u ddettaljati fir-rapport ta' reviżjoni tal-Kummissjoni. Għaldaqstant jixraq li ż-żejt tal-ġirasol jiġi approvat bħala sustanza bażika.

(5)

F'konformità mal-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu, u fid-dawl tal-għarfien xjentifiku u tekniku attwali, jeħtieġ madankollu li jiddaħħlu ċerti kundizzjonijiet għall-approvazzjoni, li huma spjegati fid-dettall fl-Anness I ta' dan ir-Regolament.

(6)

F'konformità mal-Artikolu 13(4) tar-Regolament (KE) Nru 1107/2009, l-Anness tar-Regolament ta' Implimentazzjoni tal-Kummissjoni (UE) Nru 540/2011 (5) għandu jiġi emendat skont dan.

(7)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

12.11.2016   

MT

Il-Ġurnal Uffiċjali tal-Unjoni Ewropea

L 305/26

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

12.11.2016   

MT

Il-Ġurnal Uffiċjali tal-Unjoni Ewropea

L 305/28

(1)

Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020.

(2)

Konsegwentement għal tmiem il-mandat tas-Sur Alessandro PASTACCI, sar vakanti s-siġġu ta' membru fil-Kumitat tar-Reġjuni,

—

Is-Sur Giuseppe RINALDI, Presidente della Provincia di Rieti.

12.11.2016   

MT

Il-Ġurnal Uffiċjali tal-Unjoni Ewropea

L 305/29

(1)

Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020. Fl-20 ta' Lulju 2015, bid-Deċiżjoni tal-Kunsill (UE) 2015/1203 (4), is-Sur Kenth LÖVGREN ġie sostitwita mis-Sinjura Ingeborg WIKSTEN bħala membru supplenti.

(2)

Konsegwentement għal tmiem il-mandat tas-Sinjura Ingeborg WIKSTEN, sar vakanti s-siġġu ta' membru supplenti fil-Kumitat tar-Reġjuni.

—

Is-Sur Mohamad HASSAN, Ledamot i kommunfullmäktige, Uppsala kommun.

12.11.2016   

MT

Il-Ġurnal Uffiċjali tal-Unjoni Ewropea

L 305/30

(1)

Permezz tad-Deċiżjoni tal-Kunsill 2007/441/KE (2), l-Italja ġiet awtorizzata biex, sal-31 ta' Diċembru 2010, tillimita d-dritt ta' tnaqqis tal-VAT imposta fuq infiq fuq ċerti vetturi bil-mutur li ma jintużawx esklussivament għal skopijiet kummerċjali għal 40 %. Dik id-Deċiżjoni tipprovdi wkoll li l-użu għal skopijiet privati ta' tali vetturi ma għandux jiġi kkunsidrat bħala forniment bi ħlas. Barra minn hekk, ċerti kategoriji ta' vetturi u nfiq huma esklużi mill-kamp ta' applikazzjoni ta' dik id-Deċiżjoni.

(2)

Id-Deċiżjoni 2007/441/KE kienet sussegwentament emendata bid-Deċiżjoni ta' Implimentazzjoni tal-Kunsill 2010/748/UE (3) u d-Deċiżjoni ta' Implimentazzjoni tal-Kunsill 2013/679/UE (4), li estendiet id-data ta' skadenza ta' dawk il-miżuri (il-'miżuri ta' deroga') sal-31 ta' Diċembru 2016.

(3)

B'ittra rreġistrata mal-Kummissjoni fil-31 ta' Marzu 2016, l-Italja talbet awtorizzazzjoni biex testendi l-miżuri ta' deroga.

(4)

F'konformità mat-tieni subparagrafu tal-Artikolu 395(2) tad-Direttiva 2006/112/KE, il-Kummissjoni infurmat lill-Istati Membri l-oħra, permezz tal-ittra datata t-22 ta' Ġunju 2016, bit-talba tal-Italja. Permezz ta' ittra datata t-23 ta' Ġunju 2016, il-Kummissjoni nnotifikat lill-Italja li kellha l-informazzjoni kollha meħtieġa biex tqis it-talba.

(5)

Skont l-Artikolu 6 tad-Deċiżjoni 2007/441/KE, l-Italja ssottomettiet rapport lill-Kummissjoni li jkopri l-applikazzjoni tad-Deċiżjoni, inkluża reviżjoni tar-restrizzjoni tal-persentaġġ. L-informazzjoni pprovduta mill-Italja turi li r-restrizzjoni tad-dritt għal tnaqqis għal 40 % għadha tirrifletti ċ-ċirkostanzi attwali fir-rigward tal-proporzjon ta' użu kummerċjali u użu mhux kummerċjali tal-vetturi kkonċernati.

(6)

Għalhekk l-Italja għandha tkun awtorizzata tkompli tapplika l-miżuri ta' deroga għal perjodu limitat ieħor, sal-31 ta' Diċembru 2019.

(7)

Fl-eventwalità li l-Italja titlob estensjoni oħra lil hinn mill-2019, għandu jitressaq rapport lill-Kummissjoni flimkien mat-talba għall-estensjoni sa mhux aktar tard mill-1 ta' April 2019.

(8)

L-estensjoni tal-miżuri ta' deroga ma għandha l-ebda impatt fuq ir-riżorsi proprji tal-Unjoni li jirriżultaw mill-ġbir tal-VAT.

(9)

Għalhekk, id-Deċiżjoni 2007/441/KE għandha tiġi emendata kif meħtieġ,

12.11.2016   

MT

Il-Ġurnal Uffiċjali tal-Unjoni Ewropea

L 305/32

(1)

Fl-24 ta' Mejju 2011 il-Kummissjoni rċeviet ilment mit-tliet operaturi alternattivi ewlenin tat-telekomunikazzjonijiet attivi fl-Italja (Wind, Fastweb u Vodafone). Fis-sottomissjoni dettaljata tagħhom allegaw li proġett imniedi mill-Provinċja Awtonoma Taljana ta' Trento (“il-Provinċja”) għall-iskjerament ta' infrastruttura ta' aċċess tal-ġenerazzjoni li jmiss madwar it-territorju kollu tal-Provinċja kien jikkonsisti minn għajnuna mill-Istat de facto lil Telecom Italia, mogħtija bi ksur tar-regoli tal-kompetizzjoni kif dikjarat fil-Linji Gwida dwar il-Broadband (2). B'mod partikolari, dawk li ressqu l-ilment allegaw li huma ma ġewx infurmati jew ikkonsultati tajjeb mill-Provinċja rigward il-pjani u l-objettivi tagħha, li l-benefiċjarju kien identifikat mill-bidu, u li l-infrastruttura magħżula ma kinitx se tħalli li jkun hemm kompetizzjoni reali wara li tkun ġiet skjerata.

(2)

Wara talba għall-informazzjoni mibgħuta fit-22 ta' Ġunju 2011, l-awtoritajiet Taljani wieġbu fl-20 ta' Lulju 2011, u sostnew li l-intenzjoni tagħhom kienet dik li jsegwu l-prinċipju tal-investitur f'ekonomija tas-suq, u li l-internvent tagħhom ma kienx jikkostitwixxi għajnuna mill-Istat u għalhekk ma kienx hemm bżonn li jiġu segwiti l-kundizzjonijiet ta' kompatibilità tal-Linji Gwida dwar il-Broadband. Fl-4 ta' Novembru 2011, wara li neħħiet l-informazzjoni kunfidenzjali, il-Kummissjoni għaddiet it-tweġiba mill-awtoritajiet Taljani lil dawk li lmentaw, li ppreżentaw osservazzjonijiet u dokumentazzjoni addizzjonali fid-29 ta' Novembru u fis-7 u s-16 ta' Diċembru 2011. L-awtoritajiet Taljani ssottomettew diversi elementi dettaljati ta' informazzjoni addizzjonali bejn Jannar u Mejju 2012. Bejn Frar u Mejju 2012 dawk li ressqu l-ilment ippreżentaw ukoll informazzjoni addizzjonali. Matul dan il-perjodu saru diversi laqgħat u konferenzi telefoniċi ma' kull waħda mill-partijiet involuti.

(3)

Permezz ta' deċiżjoni tal-25 ta' Lulju 2012 (“id-deċiżjoni tal-ftuħ”) il-Kummissjoni infurmat lill-Italja li hija kienet bdiet il-proċedura formali ta' investigazzjoni kif stabbilita fl-Artikolu 108(2) tat-Trattat dwar il-Funzjonament tal-Unjoni Ewropea, fir-rigward tal-proġett. Wara li neħħiet l-informazzjoni kunfidenzjali, il-Kummissjoni ppubblikat id-deċiżjoni tal-ftuħ f'Il-Ġurnal Uffiċjali tal-Unjoni Ewropea  (3) u stiednet lill-partijiet interessati biex jippreżentaw il-kummenti tagħhom.

(4)

Il-Kummisjsoni rċeviet kummenti dwar id-deċiżjoni tal-ftuħ mill-Italja permezz ta' ittri li jġibu d-dati tat-22 u t-23 ta' Novembru 2012. Il-Kummissjoni rċeviet ukoll osservazzjonijiet minn partijiet interessati: ir-rappreżentanti ta' Telecom Italia fit-3 ta' Diċembru 2012 u r-rappreżentanti ta' Wind, Fastweb u Vodafone fis-7 ta' Diċembru 2012. Permezz ta' ittra bid-data tad-29 ta' Jannar 2013, il-Kummissjoni għaddiet l-osservazzjonijiet imsemmija hawn fuq, wara li neħħiet kull informazzjoni kunfidenzjali, lill-awtoritajiet Taljani, li ppreżentaw il-kummenti tagħhom dwar l-osservazzjonijiet tal-partijiet terzi fil-5 ta' Marzu 2013. Bejn Marzu u Diċembru 2013, saru diskussjonijiet u skambji intensi mal-parijiet kollha kkonċernati (l-awtoritajiet Taljani, Telecom Italia, Wind, Fastweb u Vodafone) u saru diversi laqgħat u konferenza telefoniċi ma' kull waħda minnhom.

(5)

Permezz ta' ittra bid-data tal-31 ta' Jannar 2014, l-awtoritajiet Taljani infurmaw lill-Kummissjoni bl-intenzjoni tal-Provinċja li tirtira mill-Proġett. Fl-14 u l-20 ta' Marzu 2014, l-awtoritajiet Taljani pprovdew informazzjoni addizzjonali rigward l-irtirar effettiv tal-Provinċja mill-impriża konġunta Trentino NGN, b'mod partikolari fejn jolqot il-bejgħ tal-ishma tal-Provinċja f'Telecom Italia, affettwat fit-28 ta' Frar 2014.

(6)

F'Settembru 2010, il-Provinċja fasslet strateġija biex tikseb l-objettiv ta' konnettività tagħha ta' kopertura ta' 100 % tat-territorju tagħha permezz ta' netwerk tal-fibra ultra-broadband sal-2018. L-istrateġija kienet tipprevedi żewġ tipi ta' azzjoni, waħda fiż-żoni ta' “profitabilità medja” (4) u l-oħra fiż-żoni ta' “profitabilità baxxa” tal-Provinċja. iż-żoni ta' profitabilità għolja ġew esklużi. Fir-rigward taż-żoni ta' profitabilità medja, il-Provinċja kellha l-intenzjoni li tistabbilixxi kumpanija ġdida, li kellha ġġib l-isem ta' Trentino NGN u tiftaħha għal imsieħba mis-settur privat. Fil-każ taż-żoni ta' profitabilità baxxa, il-Provinċja kellha l-intenzjoni li tieħu miżura ta' għajnuna mill-Istat ad hoc li tiġi żviluppata u nnotifikata aktar tard, probabbilment taħt is-superviżjoni tal-impriża pubblika tal-Provinċja Trentino Network, kumpanija diversa minn Trentino NGN li f'dak iż-żmien kienet inkarigata minn inizjattivi oħra li jaqgħu fl-istrateġija ġenerali tal-broadband tal-Provinċja.

(7)

Fix-xhur ta' wara, saru kuntatti separati bejn il-Provinċja u diversi operaturi privati, u fit-8 ta' Frar 2011, il-Provinċja ffirmat memorandum ta' ftehim ma' Telecom Italia biex tiġi stabbilita l-impriża konġunta Trentino NGN biex tiskjera infrastruttura mill-fibra lejn id-djar fiż-żoni ta' profitabilità medja. Skont il-ftehim inizjali, il-Provinċja rabtet ruħha li toħroġ kontribuzzjoni fi flus kontanti ta' massimu ta' EUR 60 miljun għall-kapital ta' Trentino NGN, filwaqt li Telecom Italia kellha biss tagħmel kontribuzzjonijiet materjali, li jinkludu (1) immedjatament, l-infrastruttura passiva eżistenti tagħha (kanali u arbli), u (2) iż-żarmar tan-netwerk eżistenti tal-kupru wara d-dħul fis-servizz tan-netwerk tal-fibra għad-djar. Aktar tard fl-2011, żewġ azzjonisti privati minuri oħra ffirmaw il-memorandum ta' ftehim: istituzzjoni finanzjarja, Finanziaria Trentina, kif ukoll fornitur iżgħar tal-Internet, MC-link, li t-tnejn li huma kellhom jagħmlu kontribuzzjoni finanzjarja iżgħar lill-kumpanija.

(8)

Sa Diċembru 2011, il-pjan ta' negozju kien iffinalizzat u tħejja rapport ta' diliġenza dovuta wara talba mill-Provinċja minn Analysys Mason. Fl-istess waqt, id-drittijiet u l-obbligi rispettivi tal-azzjonisti ġew stabbiliti b'mod finali u l-kontribuzzjonijiet materjali minn Telecom Italia lil Trentino NGO ġew iddefiniti b'mod aktar preċiż. Ġew introdotti aktar emendi għall-ftehimiet tal-azzjonisti wara diskussjonijiet mal-Kummissjoni u t-tlestija ta' rapport mill-esperti dwar il-proġett minn Analysys Mason. Sa Marzu 2012, ir-rapport obbligatorju tal-esperti dwar il-kontribuzzjoni inizjali materjali ta' Telecom Italia tħejja minn Reconta Ernst & Young, li wassal għal aġġustament ulterjuri.

(9)

Fil-bidu, il-Provinċja stabbiliet lil Trentino NGN waħedha, b' kontribuzzjoni kapitali minima ta' anqas minn EUR 100 000. Il-kumpanija kienet mistennija li tasal għall-istruttura kapitali finali tagħha permezz ta' żieda fl-ekwità li kellha tiġi implimentata wara l-finalizzazzjoni tal-ftehimiet mal-azzjonisti privati. Kien ippjanat li l-kapital azzjonarju ta' Trentino NGN jiżdied kif ġej: il-Provinċja tikkontribwixxi EUR 50 miljun (li jikkorrispondu għal sehem ta' 52,2 %), Finanziaria Trentina tikkontribwixxi EUR 5 miljun (sehem ta' 5,2 %), MC-link EUR 1,5 miljun (sehem ta' 1,56 %) (5) u Telecom Italia l-kera, permezz ta' drittijiet tal-użu impreskrittibbli, tal-infrastruttura passiva tagħha (kanali u arbli) madwar il-Provinċja kollha, għall-użu fil-kostruzzjoni tan-netwerk tal-fibra il-ġdid (“il-kontribuzzjoni inizjali”) Il-kontribuzzjoni inizjali ta' Telecom Italia kienet oriġinarjament ivvalutata fil-livell ta' EUR 39,8 miljun, iżda r-rapport ta' Ernst & Young fuq il-valur ta' din il-kontribuzzjoni kien jindika ammont ta' fatturat xi ftit anqas ta' EUR 39,3 miljun, li wassal għal aġġornament fil-ftehim (l-istima finali kienet EUR 39,448 miljun).

(10)

Fit-18 ta' Mejju 2012, ġiet stabbilita l-impriża konġunta Trentino NGN u saru l-kontribuzzjonijiet inizjali minn kull waħda mill-partijiet kif ġej: il-Provinċja ħallset biss parti mill-kontribuzzjoni f'kontanti ppjanata, jiġifieri EUR 14,845 miljun, minflok EUR 50 miljun; b'mod simili, Finanziaria Trentino kkontribwiet biss EUR 1,25 miljun minn EUR 5 miljun, u MC-link ikkontribwiet biss EUR 0,375 miljun minn EUR 1,5 miljun. Telecom Italia kkontribwiet id-drittijiet tal-użu impreskrittibbli tal-infrastruttura passiva tagħha, stmata fil-livell ta' EUR 39,448 miljun. Dan irriżulta fl-istruttura azzjonarja li ġejja: Il-Provinċja 52,16 %; Telecom Italia 41,07 %; MC-link 1,56 %; Finanziaria Trentino 5,21 %. Is-sitwazzjoni riżultanti tal-azzjonisti ta' Trentino NGN u s-sehem azzjonarju rispettiv tagħhom kien kif ġej: (matul il-perjodu bejn it-18 ta' Mejju 2012 u t-28 ta' Frar 2014).

(11)

Il-ftehim tal-azzjonisti stipula li fi tmiem it-tielet sena mill-kontribuzzjoni inizjali, jew mal-attivazzjoni ta' mill-anqas 16 % tal-konnessjonijiet il-ġodda tal-fibra, Telecom Italia u l-Provinċja jkunu jistgħu jiddeċiedu li jinzjaw it-“tieni kontribuzzjoni” minn Telecom Italia, jiġifieri t-trasferiment lil Trentino NGN (1) tas-sjieda (kontra d-drittijiet tal-użu impreskrittibbli diġà kkonferiti) tal-infrastruttura passiva eżistenti fiż-żoni ta' profitabilità medja identifikati minn Trentino NGN u (2) is-sjieda tan-netwerk tal-kupru, bil-ħsieb li dan jiżżarma u l-klijenti kollha jiġu migrati lejn in-netwerk il-ġdid tal-fibra. L-istima preliminari tal-valur tal-kontribuzzjoni kienet ta' EUR 520 kull linja tal-kupru attiva, inkluż kemm il-linji ta' Telecom Italia għall-konsumaturi kif ukoll il-linji operati f'isem l-operaturi li kellhom aċċess diżaggregat għall-loop lokali. Dan il-valur kien stmat li kellu jissaħħaħ b'EUR 2 miljun li jikkorrispondu għall-valur tal-konverżjoni tad-drittijiet tal-użu impreskrittibbli tal-ispazju tal-kanali (jiġifieri l-kontribuzzjoni inizjali) f'sjieda. F'din it-tieni fażi, u abbażi tat-tieni kontribuzzjoni tagħha, Telecom Italia takkwista s-sehem maġġoritarju u l-kontroll ta' Trentino NGN, jekk ikun hemm bżonn permezz ta' injezzjoni kapitali addizzjonali minn Telecom Italia.

(12)

Fl-aħħar nett, il-ftehim tal-azzjonisti stipula wkoll li wara aktar minn tliet snin, jew wara li jkun intħalaq l-objettiv ta' 43 % linji attivi u konnessi, Telecom Italia jkollha d-dritt li teżerċita l-opzjoni eżerċitabbli fil-konfront tal-Provinċja u ta' MC-link biex takkwista l-ishma tagħhom fi Trentino NGN. Bi tpattija għall-konċessjoni ta' dan id-dritt lil Telecom Italia, u fil-każ li dan jiġi eventwalment eżerċitat, Telecom Italia tħallas EUR 6,5 miljun lill-Provinċja, li nofshom jitħallsu fi żmien sena u n-nofs l-ieħor fi żmien sentejn. Il-press tax-xiri tal-ishma jkun daqs il-valur tal-kontribuzzjoni, miżjud b'7,75 % netti tad-dividendi distribwiti (6). Iż-żewġ azzjonisti l-oħra, MC-link u Finanziaria Trentina, ingħataw opzjoni “put” li biha jkunu jistgħu jiddeċiedu li jbiegħu l-ishma tagħhom fi Trentino NGN lil Telecom Italia bi prezz li jkun jikkorrispondi għall-valur tal-kontribuzzjonijiet tagħhom, miżjud b'5,5 % u 7 % rispettivament kull sena.

(13)

B'żieda ma' dan, permezz ta' ftehimiet speċifiċi tal-azzjonisti, Telecom Italia inħatret ukoll bħala l-fornitur ta' Trentino NGN għall-kostruzzjoni, il-ġestjoni u l-operazzjoni tan-netwerk. It-tip ta' netwerk li kellu jiġi skjerat kien dak li jissejjaħ mudell punt għal punti multipli. Ma kienu previsti l-ebda obbligi ta' diżaggregazzjoni jew ta' aċċess. L-arkitettura magħżula kienet tipprovdi biss għall-iskjerament ta' tliet netwerks paralleli GPON (7), li tnejn minnhom ikunu disponibbli għaċ-ċessjoni lil operaturi oħra.

(14)

Il-Kummissjoni fetħet l-investigazzjoni formali għaliex kellha dubji serji dwar il-konformità tal-miżura mal-prinċipju tal-investitur fl-ekonomija tas-suq, u sabiex jiġi determinat jekk, fil-każ li jinstabu elementi ta' għajnuna mill-Istat, tistax din titqies bħala kumpatibbli mas-suq intern.

(15)

Fid-deċiżjoni tal-ftuħ, il-Kummissjoni esprimiet it-tħassib tagħha li l-involviment tal-Provinċja fi Trentino NGN kellu diversi elementi li minħabba fihom iqumu dubju dwar jekk kienx konformi mal-prinċipju tal-investitur fl-ekonomija tas-suq u jekk il-parteċipazzjoni tal-Provinċja kinitx tabilħaqq ekwivalenti għal dik tal-imsieħba privati tagħha. Id-dubji tal-Kummissjoni kienu marbuta b'mod partikolari ma' dan il-ġej:

(16)

Fil-31 ta' Jannar 2014, l-awtoritajiet Taljani infurmaw lill-Kummissjoni li l-Provinċja kienet iddeċidiet li tirtira mill-proġett ta' Trentino NGN u ma tkomplix bih, bi ftehim mal-partijiet l-oħra kollha: Telecom Italia, MC-link u Finanziaria Trentina.

(17)

Fl-14 ta' Marzu 2014, l-awtoritajiet Taljani infurmaw lill-Kummissjoni li l-Provinċja kienet biegħet il-parteċipazzjoni tagħha fi Trentino NGN lil Telecom Italia għal ħlas ta' EUR 15 852 435, li jikkorrispondu għall-valur tal-kontribuzzjoni parzjali kontanti tal-Provinċja lil Trentino NGN fl-ammont ta' EUR 14,845 miljun, kif ukoll imgħax kompost ta' 3,75 %. Skont l-awtoritajiet Taljani, Trentino NGN issa hija kkontrollata minn Telecom Italia, filwaqt li Finanziaria Trentina u MC-link inżammu bħala azzjonisti minoritarji.

(18)

L-awtoritajiet Taljani spjegaw li, għalkemm Trentino NGN kienet ġiet stabbilita u saru kontribuzzjonijiet parzjali għall-kapital tagħha fit-18 ta' Mejju 2012, fl-20 ta' Awwissu 2012 (wara d-deċiżjoni tal-ftuħ) il-Provinċja u l-partijiet oħra ta' Trentino NGN immodifikaw il-ftehim tal-azzjonisti, u l-attivitajiet kollha ta' NGN ġew sospiżi sakemm tintemm l-investigazzjoni formali tal-Kummissjoni li għaddejja. Għalhekk, il-ħlas sħiħ tal-kontribuzzjonijiet ġie sospiż (saru biss ħlasijiet parzjali) għall-partijiet kollha kkonċernati. Il-passi kollha sussegwenti li kienu previsti fil-ftehim tal-azzjonisti ġew ukoll sospiżi. Trentino NGN qatt ma bdiet tiskjera n-netwerk “mill-fibra sad-dar” ippjanat tagħha (jew xi netwerk ieħor).

(19)

L-attivitajiet ta' Trentino NGN ġew ristretti esklussivament għall-għoti tal-aċċess għal partijiet terzi tad-drittijiet tal-użu impreskrittibbli tal-infrastruttura sabiex tkun konformi mal-obbligi regolatorji. F'rabta ma' dan l-aħħar aspett, l-awtoritajiet Taljani spjegaw li, peress li Telecom Italia baqgħet suġġetta għall-obbligi regolatorji ta' aċċess lejn operaturi liċenzjati oħra, wara li Telecom Italia ttrasferiet id-drittijiet ta' użu tal-infrastruttura passiva lil Trentino NGN, f'Mejju 2012, xi operaturi talbu aċċes għal dik l-infrastruttura passiva u l-aċċess ingħata. Għaldaqstant, Telecom Italia għamlet diversi ħlasijiet lil Trentino NGN bħala remunerazzjoni għax-xiri tal-aċċess għall-infrastruttura passiva minn Trentino NGN sabiex jiġu ssodisfati t-talbiet ta' aċċess ta' operaturi liċenzjati oħra. Dawk il-ħlasijiet kienu jammontaw għal anqas minn EUR 15 000, u kienu jikkostitwixxu l-introjtu kollu ġġenerat minn Trentino NGN wara l-inkorporazzjoni tagħha.

(20)

L-awtoritajiet Taljani indikaw ukoll li l-Provinċja ma ħallsitx, u ma kinitx se tħallas xi penali minħabba l-irtirar minn Trentino NGN. Il-ftehim tal-azzjonisti tas-16 ta' Diċembru 2011 u l-emendi sussegwenti kien fihom dispożizzjonijiet rigward it-terminazzjoni li jippermettu lill-Provinċja tirtira minn Trentino NGN mingħajr l-ebda penali, anki fil-każ li kieku l-proġett ma jkunx implimentat, kollu jew parti minnu.

(21)

Għalkemm l-Italja ħadet xi passi preparatorji biex timplimenta l-proġett ta' Trentino NGN, speċjalment permezz tad-diversi ftehimiet u atti li jwasslu għall-istabiliment tal-impriża konġunta, u l-ħlas parzjali msemmi aktar 'l fuq tal-kontribuzzjoni f'kontanti mill-Provinċja (flimkien mal-kontribuzzjonijiet parzjali f'kontanti minn partijiet oħra u l-kontribuzzjoni materjali minn Telecom Italia), il-proġett ma mexiex lil hinn minn dak l-istadju.

(22)

F'relazzjoni mal-ħlas parzjali li sar mill-Provinċja fil-kapital ta' Trentino NGN, l-awtoritajiet Taljani spjegaw li Trentino NGN iddepożitat l-ammonti kollha li rċeviet bħala kontribuzzjonijiet kontanti mill-azzjonisti tagħha (jiġifieri l-kontribuzzjonijiet finanzjarji mill-Provinċja, MC-link u Finanziaria Trentina, minnhom imnaqqsal-kosti u t-taxxi) f'kont bankarju li minnu qalgħet l-imgħax bir-rata ta' 2,71 % fl-2012, 1,509 % sal-1 ta' Frar 2013 u 1,524 % sal-1 ta' Frar 2013. Il-ħlasijiet parzjali (inklużi dawk tal-Provinċja) baqgħu inattivi fil-kont bankarju ta' Trentino NGN. Skont l-awtoritajiet Taljani, fit-28 ta' Frar 2014, il-Provinċja rkuprat il-kontribuzzjoni kontanti parzjali, b'żieda magħha ta' 3,75 % imgħax kompost. L-awtoritajiet Taljani spjegaw li l-imgħax kompost ta' 3,75 % kien ir-riżultat ta' ftehim negozjat bejn il-partijiet u jirrappreżenta bejn wieħed u ieħor id-doppju tar-rata għal bonds tal-gvern Taljan ta' sentejn sa tliet snin, u jixbah ir-rata għal bonds ta' għaxar snin.

(23)

Il-ħlas parzjali tal-kontribuzzjoni f'kontanti mill-Provinċja lil Trentino NGN kien jinvolvi trasferiment ta' riżorsi tal-Istat. Madankollu, abbażi tal-informazzjoni disponibbli, peress li l-iskjerament tal-proġett ta' Trentino NGN ġie sospiż fl-20 ta' Awwissu 2012 u l-Provinċja effettivament irtirat mill-proġett u rkuprat il-ħlas inizjali kollu, flimkien ma' imgħax raġjonevoli, fit-28 ta' Frar 2014, il-Kummissjoni hija lesta li taċċetta li dan il-ħlas parzjali ma jagħtix vantaġġ ekonomiku lil Trentino NGN jew l-azzjonisti tagħha.

(24)

Għal dak li jikkonċerna l-attività minima li wettqet Trentino NGN, jiġifieri t-tranżazzjonijiet rigward il-bejgħ ta' drittijiet ta' użu (ara l-premessa 19), dawn l-attivitajiet saru f'isem il-konformità mal-obbligi regolatorji li għadhom vinkolanti fuq Telecom Italia u li ma jidhirx li ħolqu xi vantaġġ ekonomiku għal Trentino NGN jew għall-azzjonijiet tagħha, inkluż Teleceom Italia. F'dawn iċ-ċirkostanzi, it-tranżazzjonijiet ikkonċernati ma jqajmux dubji dwar l-evalwazzjoni li saret hawn fuq.

(25)

Il-Kummissjoni għalhekk taċċetta li l-proġett ta' Trentino NGN qatt ma ġie implimentat, b'mod li wara l-irtirar tal-Provinċja mill-proġett, l-investigazzjoni preżenti ma għad għandha l-ebda skop.

(26)

Fid-dawl ta' dawn ta' hawn fuq, il-Kummissjoni ddeċidiet li tagħlaq il-proċedimenti skont l-Artikolu 108(2) tat-TFUE peress li wara l-irtirar tal-awtoritajiet Taljani (il-Provinċja) mill-proġett Trentino NGN, il-proċedimenti ma għad għandhom l-ebda skop.