(1)

Skont il-punt a) tal-Artikolu 50(2) tar-Regolament (UE) Nru 1151/2012, l-applikazzjoni tat-Tajlandja biex id-denominazzjoni “ข้าวสังข์หยดเมืองพัทลุง” (Khao Sangyod Muang Phatthalung) tiddaħħal fir-reġistru, ġiet ippubblikata f'Il-Ġurnal Uffiċjali tal-Unjoni Ewropea (2).

(2)

Ladarba ma ġiet innotifikata l-ebda dikjarazzjoni ta' oppożizzjoni lill-Kummissjoni, skont l-Artikolu 51 tar-Regolament (UE) Nru 1151/2012, id-denominazzjoni “ข้าวสังข์หยดเมืองพัทลุง” (Khao Sangyod Muang Phatthalung) għandha għalhekk tiġi rreġistrata,

(1)

Id-dispożizzjonijiet f'dan ir-Regolament huma marbuta mill-qrib, billi jittrattaw l-immappjar ta' valutazzjonijiet tar-riskju tal-kreditu, bl-eċċezzjoni ta' dawk assenjati għal pożizzjonijiet ta' titolizzazzjoni. Biex tiġi żgurata l-koerenza bejn dawk id-dispożizzjonijiet, li għandhom jidħlu fis-seħħ fl-istess ħin, u biex tiġi ffaċilitata perspettiva komprensiva u aċċess kumpatt għalihom minn dawk suġġetti għal dawk l-obbligi, ikun tajjeb li jiġu inklużi l-istandards tekniċi implementattivi kollha meħtieġa mir-Regolament (UE) Nru 575/2013 f'dak li jirrigwarda l-immappjar tal-valutazzjonijiet tar-riskju tal-kreditu, bl-eċċezzjoni ta' dawk assenjati għal pożizzjonijiet ta' titolizzazzjoni f'Regolament wieħed.

(2)

L-Artikolu 136(1) tar-Regolament (UE) Nru 575/2013 jesiġi l-ispeċifikazzjoni, għall- Istituzzjonijiet esterni tal-valutazzjoni tal-kreditu (“ECAIs”) kollha, tal-korrispondenza tal-valutazzjonijiet tal-kreditu rilevanti maħruġa minn ECAI għall-iskaluni tal-kwalità kreditizja stabbiliti fit-Taqsima 2 ta' dak ir-Regolament (“immappjar”). ECAIs huma aġenziji tal-klassifikazzjoni tal-kreditu li jkunu ġew irreġistrati jew iċċertifikati skont ir-Regolament (KE) Nru 1060/2009 tal-Parlament Ewropew u tal-Kunsill (2) jew bank ċentrali li joħroġ klassifikazzjonijiet tal-kreditu li huma eżentati mill-applikazzjoni ta' dak ir-Regolament.

(3)

Ċerti termini u kunċetti simili użati fir-Regolament (KE) Nru 1060/2009 u fir-Regolament (UE) Nru 575/2013 jistgħu jkunu s-suġġett ta' konfużjoni. “Valutazzjoni tal-kreditu” huwa t-terminu użat fir-Regolament (UE) Nru 575/2013 sabiex jirreferi kemm għat-“tikketti” tal-kategoriji differenti ta' klassifikazzjonijiet minn ECAIs, kif ukoll għall-assenjazzjoni ta' klassifikazzjoni waħda minn dawn għal element partikolari. Madankollu, il-punti (h) u (a) tal-Artikolu 3(1) tar-Regolament (KE) Nru 1060/2009 jagħmlu distinzjoni ċara bejn dawn iż-żewġ kunċetti bl-użu tat-termini “kategorija tal-klassifikazzjoni” u “klassifikazzjoni tal-kreditu”, rispettivament. Biex tiġi evitata l-konfużjoni, minħabba l-ħtieġa li ssir referenza għal dawn iż-żewġ kunċetti partikolari separatament, u minħabba l-kumplimentarjetà taż-żewġ Regolamenti, għandha tkun użata t-terminoloġija tar-Regolament (KE) Nru 1060/2009 billi din hija aktar speċifika.

(4)

Minħabba li l-Artikolu 4(1) tar-Regolament (KE) Nru 1060/2009 jippermetti l-użu ta' klassifikazzjonijiet tal-kreditu għal skopijiet regolatorji minn istituzzjonijiet tal-kreditu u ditti tal-investiment biss jekk jinħarġu minn aġenziji tal-klassifikazzjoni tal-kreditu stabbiliti fl-Unjoni u rreġistrati f'konformità ma' dak ir-Regolament, l-immappjar tal-valutazzjonijiet tal-kreditu tal-ECAIs għandu jkopri valutazzjonijiet tal-kreditu li jikkonformaw mad-definizzjoni ta' “klassifikazzjoni tal-kreditu” skont il-punt (a) tal-Artikolu 3(1) ta' dak ir-Regolament. Barra minn hekk, peress li, skont l-Artikolu 136 tar-Regolament (UE) Nru 575/2013, immappjar huwa meħtieġ għall-ECAIs kollha, li d-definizzjoni tagħhom tinkludi, skont l-Artikolu 4(1)(98) ta' dak ir-Regolament, ukoll klassifikazzjonijiet tal-kreditu maħruġa minn banek ċentrali eżentati mill-applikazzjoni tar-Regolament (KE) Nru 1060/2009, l-immappjar tal-kategoriji ta' klassifikazzjoni tal-ECAIs għandu jkopri wkoll dawn il-klassifikazzjonijiet tal-kreditu. Ir-Regolament (UE) Nru 575/2013 jimpedixxi l-użu ta' klassifikazzjonijiet ta' kreditu għal ċerti klassijiet ta' assi (bħall-ekwità) skont l-Approċċ Standardizzat. Għalhekk, fir-rigward ta' valutazzjonijiet għal impriżi ta' investiment kollettiv ta' introjtu fiss (CIUs), huma biss dawk li jiddependu unikament fuq il-kwalità kreditizja tal-assi sottostanti li għandhom ikunu koperti mill-immappjar tal-valutazzjonijiet ta' kreditu tal-ECAIs.

(5)

L-immappjar għandu l-objettiv li jassenja l-piżijiet tar-riskju xierqa tar-Regolament (UE) Nru 575/2013 għall-klassifikazzjonijiet ta' kreditu tal-ECAIs. Għalhekk, għandu jkun kapaċi jidentifika mhux biss differenzi relattivi tar-riskju iżda wkoll il-livelli assoluti tar-riskju ta' kull kategorija tal-klassifikazzjoni, u jiżgura livelli xierqa ta' kapital skont l-Approċċ Standardizzat.

(6)

Minħabba l-firxa wiesgħa ta' metodoloġiji fost l-ECAIs, l-oġġettività u l-konsistenza tal-metodoloġija tal-immappjar huma aspetti ewlenin biex jiġu żgurati kundizzjonijiet ekwi għall-istituzzjonijiet kif ukoll l-ekwità fit-trattament għall-ECAIs. Għal din ir-raġuni, meta wieħed ikun qed ifassal regoli dwar l-użu ta' fatturi kwantitattivi u kwalitattivi u l-paragun tagħhom mal-punt ta' riferiment, huwa meħtieġ li jibni fuq il-qafas regolatorju preċedenti, jiġifieri l-Parti 3 tal-“Linji Gwida riveduti dwar l-għarfien tal-Istituzzjonijiet tal-Valutazzjoni tal-Kreditu Esterni”, bid-data tat-30 ta' Novembru 2010, bil-ħsieb li tiġi żgurata tranżizzjoni bla intoppi lejn l-immappjar stabbilit f'dan ir-Regolament. Dan għandu jiżgura wkoll konsistenza mal-istandards internazzjonali f'dan il-qasam, riflessi, min-naħa tagħhom, fl-Anness 2 ta' “Basel II: Konverġenza Internazzjonali ta' Standards tal-Kejl tal-Kapital u Standards tal-Kapital: Qafas Rivedut — Verżjoni Komprensiva” datat Ġunju 2006.

(7)

Id-definizzjonijiet ta' inadempjenza użati mill-ECAIs jistgħu jvarjaw minn dik ippreżentata fl-Artikolu 178 tar-Regolament (UE) Nru 575/2013, kif riflessa fir-Regolament (KE) Nru 1060/2009 kif ukoll fir-Regolament Delegat tal-Kummissjoni (UE) 2015/2 (3). Madankollu, sabiex jiġi żgurat li l-livell kumplessiv ta' kapital meħtieġ biex l-iskoperturi jiġu kklassifikati esternament ma jinbidilx, it-tipi ta' avvenimenti ta' inadempjenza użati għall-kalibrazzjoni tal-punt ta' riferiment imsemmi fil-punt (c) tal-Artikolu 136(2) tar-Regolament (UE) Nru 575/2013 għandhom jintużaw bħala d-definizzjoni ta' inadempjenza għall-finijiet ta' dan ir-Regolament.

(8)

L-immappjar għandu jinftiehem bħala l-korrispondenza tal-kategoriji ta' klassifikazzjoni ta' ECAI ma' skala regolatorja li ġiet iddefinita għal skopijiet prudenzjali. Għalhekk għandu jitqies bħala kunċett distint minn dak li l-Awtorità Ewropea tat-Titoli u s-Swieq (ESMA) hija meħtieġa li tipprovdi fil-forma ta' rapport, abbażi tal-Artikolu 21(4b) tar-Regolament (KE) Nru 1060/2009 bil-għan li l-investituri jkunu jistgħu faċilment iqabblu l-klassifikazzjonijiet tal-kreditu kollha li jeżistu fir-rigward ta' entità klassifikata speċifika. Barra minn hekk, għall-finijiet ta' dan ir-Regolament, l-“immappjar” ma jirreferix għal immappjar żviluppat f'oqfsa oħra, bħalma huwa l-Qafas tal-Valutazzjoni tal-Kreditu tal-Ewrosistema, peress li dawn jistgħu joperaw fuq metodoloġiji u definizzjonijiet differenti.

(9)

Immappjar differenti għandu jsir għal kull sett rilevanti ta' kategoriji ta' klassifikazzjoni (“skala ta' klassifikazzjoni”). Meta l-iskala tal-klassifikazzjoni ta' ECAI tkun l-istess fost il-klassijiet ta' skopertura, l-immappjar ma għandux ikun differenti sabiex tiġi garantita d-differenzjazzjoni tal-piżijiet tar-riskju fost il-klassijiet ta' skopertura stabbiliti bir-Regolament (UE) Nru 575/2013. Meta ECAI ikollha diversi skali tal-klassifikazzjoni, ir-relazzjoni stabbilita mill-ECAI fosthom għandha titqies għall-immappjar.

(10)

Klassifikazzjonijiet mhux mitluba, kif imsemmija fil-punt (x) tal-Artikolu 3(1) tar-Regolament (KE) Nru 1060/2009, jenħtieġ li jiġu inklużi fl-immappjar ta' ECAI sakemm dawn il-klassifikazzjonijiet jistgħu jintużaw għal skopijiet regolatorji f'konformità mal-Artikolu 4(1) tar-Regolament (KE) Nru 1060/2009 u l-Awtorità Bankarja Ewropea (EBA) tkun ikkonfermat li ma jkunux differenti fil-kwalità minn klassifikazzjonijiet ta' kreditu mitluba ta' din l-ECAI skont l-Artikolu 138 tar-Regolament (UE) Nru 575/2013.

(11)

Għandhom jintużaw fatturi kemm kwantitattivi kif ukoll kwalitattivi biex jiġi prodott immappjar, fejn il-fatturi kwalittattivi jitqiesu fi stadju ulterjuri, kif u meta jkun meħtieġ u b'mod speċjali fejn fatturi kwantitattivi ma jkunux adegwati. Bħala riżultat ta' dan, fatturi kwalitattivi għandhom jgħinu fir-rieżami, fil-korrezzjoni u fit-titjib tal-immappjar inizjali magħmul abbażi ta' fatturi kwantitattivi, fejn tali rieżami jkun ġustifikat u meħtieġ. Dan l-approċċ f'żewġ stadji huwa meħtieġ sabiex jikkontribwixxi għall-oġġettività tal-immappjar u sabiex jiżgura li l-immappjar effettivament jirrappreżenta l-korrispondenza tal-kategoriji ta' klassifikazzjoni ta' ECAI ma' skala regolatorja li ġiet definita għal skopijiet prudenzjali.

(12)

Jeħtieġ li jiġi evitat li jiġi kkawżat żvantaġġ materjali mhux dovut għal dawk l-ECAIs li, minħabba d-dħul aktar riċenti tagħhom fis-suq, jippreżentaw informazzjoni kwantitattiva limitata, bil-għan li jiġu bbilanċjati kunsiderazzjonijiet prudenzjali ma' dawk tas-suq. Għalhekk, ir-rilevanza tal-fatturi kwantitattivi għad-derivazzjoni tal-immappjar għandha tkun imħaffa. Aġġornamenti għall-immappjar għandhom isiru kull meta dan ikun meħtieġ biex jirrifletti informazzjoni kwantitattiva miġbura wara d-dħul fis-seħħ ta' dan ir-Regolament.

(13)

Ir-rata ta' inadempjenza assoċjata ma' oġġetti assenjati għall-istess kategorija tal-klassifikazzjoni għandha titqies bħala l-aktar fattur kwantitattiv rappreżentattiv, u għandha tiġi kkalkulata minn dejta tal-inadempjenza li tikkorrispondi ma' dawn l-elementi. Fejn ma tkunx disponibbli dejta suffiċjenti tal-inadempjenza li tikkorrispondi ma' dawn l-elementi, stima tar-rata tal-inadempjenza xorta waħda għandha tiġi kkalkulata fuq il-bażi tal-opinjoni tal-ECAI rilevanti u ta' kull evidenza ta' inadempjenza assoċjata mal-elementi assenjati għall-istess kategorija tal-klassifikazzjoni li għaliha jkun qed isir l-immappjar.

(14)

L-ikkalkular tar-rata tal-inadempjenza għandu jissodisfa ċerti rekwiżiti sabiex jiġi żgurat li jkun paragunabbli fost l-ECAIs. Pereżempju, għandu jitkejjel fuq orizzont ta' żmien ta' tliet snin sabiex tkun possibbli l-osservazzjoni ta' għadd sinifikanti ta' inadempjenzi meta r-riskju jkun baxx ħafna u għandu jqis l-irtirar sabiex tiġi evitata sottovalutazzjoni tar-riskju. Barra minn hekk, la għandu jinkludi klassifikazzjonijiet tas-settur pubbliku u lanqas klassifikazzjonijiet tal-ħarġiet, minħabba l-iskarsezza ta' inadempjenzi għall-ewwel tip ta' klassifikazzjonijiet, u sabiex jiġi evitat li r-rati ta' inadempjenza jiġu ppreġudikati favur emittenti b'numru akbar ta' ħarġiet bl-użu tal-klassifikazzjonijiet imsemmija l-aħħar.

(15)

Ir-rati ta' inadempjenza għandhom jiġu kkalkulati għal kull kategorija tal-klassifikazzjoni sa fejn hu possibbli fuq perjodu ta' osservazzjoni twil u qasir. Tal-ewwel għandu jipprovdi l-bażi għall-immappjar, filwaqt li tal-aħħar għandu jipprovdi twissija bikrija dwar żieda, jew tnaqqis potenzjali fil-livell ta' riskju tal-kategorija tal-klassifikazzjoni. Fejn ma jkunx disponibbli numru suffiċjenti ta' klassifikazzjonijiet ta' kreditu, għandha titqies biss ir-rata ta' inadempjenza fuq medda twila ta' żmien minħabba l-livell għoli ta' inċertezza rigward l-ikkalkular ta' rati ta' inadempjenza fuq medda qasira ta' żmien. F'dan il-każ, twissija dwar żieda potenzjali fil-livell ta' riskju tal-kategorija tal-klassifikazzjoni għandha tiġi pprovduta mill-fatturi kwalitattivi.

(16)

Id-definizzjoni ta' inadempjenza stabbilita mill-ECAI biex tiġi kkalkulata r-rata ta' inadempjenza assoċjata mal-elementi assenjati għall-istess kategorija tal-klassifikazzjoni hija element ewlieni tal-immappjar. Definizzjoni aktar stretta ta' inadempjenza tista' twassal għal rati ta' inadempjenza ogħla meta mqabbla ma' definizzjonijiet oħra ta' inadempjenza anqas stretti. Għalhekk għandu jiġi kkalkulat l-impatt tad-definizzjoni ta' inadempjenza fuq l-ikkalkular tar-rata ta' inadempjenza sabiex ikun żgurat immappjar preċiż.

(17)

Meta tkun disponibbli biss informazzjoni skarsa dwar l-inadempjenzi, l-orizzont ta' żmien ikkunsidrat f'kategorija tal-klassifikazzjoni għandu jitqies għall-finijiet tal-immappjar sabiex tiġi żgurata konsistenza fost l-ECAIs. B'hekk, meta jkun intgħażel orizzont b'terminu qasir, xi elementi jistgħu jikkwalifikaw għal livell partikolari ta' riskju. Madankollu, dawn l-istess elementi jistgħu jirrappreżentaw livell ta' riskju konsiderevolment differenti jekk jiġu evalwati fuq l-orizzont ta' żmien ta' tliet snin użat għall-ikkalkular tar-rata ta' inadempjenza. Dan il-fattur għandu jiġi rikonoxxut u rifless adegwatament fl-immappjar.

(18)

It-tifsira tal-kategorija tal-klassifikazzjoni u l-pożizzjoni relattiva tagħha fl-iskala ta' klassifikazzjoni għandha tkun partikolarment utli meta ma jkunx hemm fattur kwantitattiv disponibbli u l-immappjar tal-kategorija tal-klassifikazzjoni ta' biswit tkun magħrufa. Għal dan l-għan, l-iskaluni tal-kwalità kreditizja għandhom ikunu kklassifikati f'termini ta' aspetti bħall-kapaċità tal-emittent li jissodisfa l-obbligi finanzjarji tiegħu, is-sensittività tiegħu għas-sitwazzjoni ekonomika jew il-prossimità għall-istatus ta' inadempjenza.

(19)

Għandhom jitqiesu wkoll fatturi ġenerali li jiddeterminaw ir-riskju tal-elementi assenjati għal kategorija tal-klassifikazzjoni. Id-daqs u l-livell ta' diversifikazzjoni tal-attività tal-elementi assenjati għal kategorija tal-klassifikazzjoni għandhom jitqiesu bħala indikaturi rilevanti tal-profil ta' riskju sottostanti tagħhom. Għandu jkun ukoll possibbli li jiġu kkunsidrati bħala fatturi kwalitattivi miżuri oħrajn tal-affidabbiltà kreditizja assenjati għal elementi tal-istess kategorija tal-klassifikazzjoni, sabiex tingħata informazzjoni addizzjonali rigward l-imġiba tal-inadempjenza tal-kategorija rilevanti ta' klassifikazzjoni. Ir-rilevanza, l-oġġettività u l-affidabbiltà tal-kejl differenti tal-affidabbiltà kreditizja għandhom jiġu analizzati bir-reqqa qabel l-applikazzjoni tagħhom għall-finijiet tal-eżerċizzju ta' mmappjar.

(20)

Bil-ħsieb li tiġi żgurata l-konsistenza mal-istandards internazzjonali, il-punti ta' riferiment tar-rati ta' inadempjenza fuq medda ta' żmien twila u qasira pprovduti fid-dokument “Basel II: Konverġenza Internazzjonali ta' Standards tal-Kejl tal-Kapital u Standards tal-Kapital: Qafas Rivedut — Verżjoni Komprensiva” datat Ġunju 2006, għandhom jintużaw għall-finijiet tal-eżerċizzju ta' mmappjar. Madankollu, għandhom jiġu pprovduti regoli aktar dettaljati sabiex jitqiesu l-varjetà ta' ECAIs li bħalissa joperaw fis-suq tal-UE u li r-rati ta' inadempjenza tagħhom jistgħu jiddevjaw b'mod sinifikanti mix-xejriet tal-ECAIs internazzjonali li fuqhom huwa bbażat il-punt ta' riferiment kurrenti. B'mod aktar konkret, il-punt ta' riferiment fuq medda twila ta' żmien għandu jkun definit f'termini ta' intervalli sabiex ikun rikonoxxut li firxa ta' valuri tista' tkun kompatibbli ma' kull skaluna tal-kwalità kreditizja.

(21)

Il-kategoriji tal-klassifikazzjoni inizjalment għandhom ikunu mmappjati ma' skaluna tal-kwalità kreditizja abbażi tal-paragun tar-rata tal-inadempjenza fit-tul tagħhom mal-punt ta' riferiment fit-tul u l-informazzjoni pprovduta mill-fatturi kwalitattivi.

(22)

Skont l-Artikolu 136(1), it-tieni subparagrafu, tar-Regolament (UE) Nru 575/2013 l-adegwatezza tal-immappjar għandha tiġi rieżaminata ta' spiss minħabba li r-rata tal-inadempjenza fuq perjodu twil tista' tinbidel u ssir rappreżentattiva ta' skaluna differenti tal-kwalità kreditizja. Għal dak l-għan, rati ta' inadempjenza riċenti fuq medda qasira ta' żmien esperjenzati f'kategorija tal-klassifikazzjoni għandhom jiġu regolarment ikkonfrontati mal-punti ta' riferiment rilevanti tagħhom fuq medda qasira ta' żmien (il-livelli ta' “monitoraġġ” u ta' “attivazzjoni”). Ksur tal-punti ta' riferiment fuq medda qasira ta' żmien għal perjodu konsekuttiv ta' sentejn jista' jindika li l-istandards ta' valutazzjoni ddgħajfu, li jista' jimplika li r-rata ta' inadempjenza sottostanti l-ġdida fuq medda twila ta' żmien tkun rappreżentattiva ta' skaluna anqas favorevoli tal-kwalità kreditizja. Dan is-sinjal ikun aktar rilevanti fejn jinkiser il-livell ta' attivazzjoni minflok il-livell ta' monitoraġġ. B'mod partikolari, element uniku inadempjenti assoċjat mal-ogħla kategoriji ta' klassifikazzjoni jista' jiskatta kunsiderazzjoni tar-rieżami tal-immappjar assenjat għall-ECAI unika li tkun ikklassifikat dak l-element.

(23)

Abbozzi ta' standards tekniċi implimentattivi riveduti għandhom jiġu ppreżentati meta meħtieġ biex ECAIs stabbiliti reċentement jiġu inklużi fl-immappjar.

(24)

Billi hija meħtieġa f'kull waqt il-konformità mar-Regolament (UE) Nru 575/2013, huwa neċessarju li l-prestazzjoni tal-immappjar tiġi mmonitorjata fuq bażi kontinwa.

(25)

Dan ir-Regolament huwa bbażat fuq l-abbozz tal-istandards tekniċi implimentattivi ppreżentat mill-EBA, l-ESMA u l-Awtorità Ewropea tal-Assigurazzjoni u l-Pensjonijiet tax-Xogħol (EIOPA) flimkien (l-“Awtoritajiet Superviżorji Ewropej (ESAs)”) lill-Kummissjoni.

(26)

Fid-29 ta' Marzu 2016, il-Kummissjoni nnotifikat lill-Kumitat Konġunt tal-ESAs bl-intenzjoni tagħha li tapprova l-abbozz ta' standards tekniċi implimentattivi bl-emendi sabiex tiżgura bilanċ bejn approċċ prudenzjali solidu u l-ħtieġa li tiġi evitata konċentrazzjoni ulterjuri f'suq tal-klassifikazzjoni tal-kreditu diġà kkonċentrat ħafna li hu ddominat mit-tliet ECAIs il-kbar li bejniethom għandhom sehem mis-suq ta' madwar 90 %. Fin-notifika tagħha, il-Kummissjoni enfasizzat b'mod partikolari l-ħtieġa li tiġi evitata l-applikazzjoni awtomatika wara tliet snin ta' mmappjar aktar konservattiv tal-ECAIs kollha li ma jkunux ipproduċew biżżejjed klassifikazzjonijiet u irrispettivament mill-kwalità tal-klassifikazzjonijiet tagħhom, billi dan l-approċċ jirriskja li joħloq ostaklu regolatorju għad-dħul fis-suq u jdgħajjef il-pożizzjoni kompetittiva ta' ECAIs iżgħar/aktar ġodda sempliċiment minħabba li jipproduċu anqas klassifikazzjonijiet mill-kumpaniji kbar stabbiliti. Fl-opinjoni formali tiegħu tat-12 ta' Mejju 2016, il-Kumitat Konġunt tal-ESAs ikkonferma l-pożizzjoni inizjali tiegħu u ma reġax ippreżenta mill-ġdid standards tekniċi implimentattivi emendati b'mod konsistenti mal-emendi proposti tal-Kummissjoni.

(27)

Sabiex jiġi żgurat bilanċ bejn approċċ prudenzjali solidu u l-kompetizzjoni fis-suq tal-klassifikazzjoni tal-kreditu, l-abbozz tal-istandards tekniċi implimentattivi għandu jiġi emendat fir-rigward tad-dispożizzjonijiet li jistgħu jikkawżaw żvantaġġ materjali mhux dovut għall-ECAIs iżgħar/ġodda minħabba d-dħul aktar riċenti tagħhom fis-suq, b'mod partikolari d-dispożizzjonijiet li jikkonċernaw l-applikazzjoni ta' trattament aktar konservattiv f'każ ta' dejta limitata, id-dħul fis-seħħ ta' mmappjar ġdid awtomatikament mill-2019, id-dispożizzjoni li tikkonċerna r-rieżami tal-immappjar kif ukoll it-tabelli tal-immappjar applikabbli mill-2019.

(28)

L-EBA, l-ESMA u l-EIOPA wettqu konsultazzjonijiet pubbliċi miftuħa dwar l-abbozz tal-istandards tekniċi implementattivi li fuqhom huwa bbażat dan ir-Regolament, analizzaw il-kostijiet u l-benefiċċji potenzjali relatati u talbu l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4); l-opinjoni tal-Grupp tal-Partijiet Ikkonċernati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (5); u l-opinjoni tal-Grupp tal-Partijiet Ikkonċernati tal-Assigurazzjoni u r-Riassigurazzjoni stabbilit skont l-Artikolu 37 tar-Regolament (UE) Nru 1094/2010 tal-Parlament Ewropew u tal-Kunsill (6),

(1)

Skont l-Artikolu 111(1)(n) tad-Direttiva 2009/138/KE, l-allokazzjoni tal-valutazzjonijiet tal-kreditu ta' istituzzjonijiet esterni tal-valutazzjoni tal-kreditu (ECAIs — External Credit Assessment Institutions) ma' skala oġġettiva tal-klassi tal-mertu tal-kreditu għall-finijiet tal-kalkolu tar-Rekwiżit Kapitali tas-Solvenza (l-“allokazzjoni”) trid tkun konsistenti mal-użu tal-valutazzjonijiet tal-kreditu esterni mill-ECAIs fil-kalkolu tar-rekwiżiti kapitali għal istituzzjonijiet ta' kreditu u istituzzjonijiet finanzjarji, kif definit fir-Regolament (UE) Nru 575/2013 tal-Parlament Ewropew u tal-Kunsill (2).

(2)

Ir-Regolament ta' Implimentazzjoni tal-Kummissjoni (UE) 2016/1799 (3) jistabbilixxi l-metodoloġija tal-immappjar għall-użu ta' valutazzjonijiet tal-kreditu esterni mill-ECAIs fil-kalkolu tar-rekwiżiti kapitali għal istituzzjonijiet ta' kreditu u istituzzjonijiet finanzjarji, b'mod partikolari r-regoli dwar kif isiru l-valutazzjonijiet rilevanti tal-kreditu skont is-sitt klassijiet tal-mertu tal-kreditu stabbiliti fir-Regolament (UE) Nru 575/2013.

(3)

Għall-finijiet tal-kalkolu tar-Rekwiżit Kapitali tas-Solvenza, l-Artikolu 3 tar-Regolament Delegat tal-Kummissjoni (UE) 2015/35 (4) jipprovdi li l-allokazzjoni hija suġġetta għal sistema ta' seba' klassijiet tal-mertu tal-kreditu b'kuntrast mas-sitt klassijiet tal-mertu tal-kreditu stabbiliti fir-Regolament (UE) Nru 575/2013 u użati fil-metodoloġija tal-immappjar għal istituzzjonijiet ta' kreditu u istituzzjonijiet finanzjarji.

(4)

Sabiex tinkiseb il-konsistenza meħtieġa skont l-Artikolu 111(1)(n) tad-Direttiva 2009/138/KE, l-allokazzjoni hija bbażata fuq il-metodoloġija tal-immappjar għal istituzzjonijiet ta' kreditu u istituzzjonijiet finanzjarji soġġetti għal alterazzjoni, fejn adatt, waqt li jkun ikkunsidrat il-klassi addizzjonali stabbilita fis-sistema tal-mertu tal-kreditu rilevanti għall-kalkolu tar-Rekwiżit Kapitali tas-Solvenza.

(5)

Dan ir-Regolament jistabbilixxi arranġament ta' allokazzjoni, li jikkunsidra l-fatturi kwantitattivi u kwalitattivi. Jeħtieġ li jiġi evitat li jkun ikkawżat żvantaġġ materjali mhux dovut fuq dawk l-ECAIs li, minħabba d-dħul aktar riċenti tagħhom fis-suq, għandhom informazzjoni kwantitattiva limitata, bl-għan li jkun ibbilanċjat it-tħassib prudenzjali ma' dak tas-suq. Għalhekk, fejn ma tantx hemm informazzjoni kwantitattiva, ir-rilevanza tal-fatturi kwantitattivi għad-derivazzjoni tal-immappjar għandha tkun imħaffa. Aġġornamenti għall-immappjar għandhom isiru kull meta dan isir meħtieġ biex tkun riflessal-informazzjoni kwantitattiva miġbura wara d-dħul fis-seħħ ta' dan ir-Regolament.

(6)

L-arranġamenti ta' allokazzjoni japplikaw għal valutazzjonijiet tal-kreditu ta' ECAIs, li huma l-aġenziji tal-klassifikazzjoni tal-kreditu li huma rreġistrati jew iċċertifikati skont ir-Regolament (KE) Nru 1060/2009 tal-Parlament Ewropew u tal-Kunsill (5) jew banek ċentrali li joħorġu klassifikazzjonijiet tal-kreditu li huma eżenti mill-applikazzjoni ta' dan ir-Regolament, kif ukoll għall-valutazzjonijiet tal-kreditu endorsjati minn ECAI skont ir-Regolament (KE) Nru 1060/2009.

(7)

Dan ir-Regolament huwa bbażat fuq l-abbozz tal-istandards tekniċi ta' implimentazzjoni ppreżentati mill-Awtoritajiet Superviżorji Ewropej (ESAs — European Supervisory Authorities) (l-Awtorità Bankarja Ewropea, l-Awtorità Ewropea tal-Assigurazzjoni u l-Pensjonijiet tax-Xogħol u l-Awtorità Ewropea tat-Titoli u s-Swieq) lill-Kummissjoni.

(8)

Fid-29 ta' Marzu 2016, il-Kummissjoni nnotifikat lill-Kumitat Konġunt tal-ESA bl-intenzjoni tagħha li tendorsja l-abbozz ta' standards tekniċi ta' implimentazzjoni bl-emendi sabiex jiġi żgurat bilanċ bejn approċċ prudenzjali solidu u l-ħtieġa li tkun evitata konċentrazzjoni ulterjurif'suq tal-klassifikazzjoni tal-kreditu diġà kkonċentrat ħafna dominat minn tliet ECAIs kbar b'sehem tas-suq kombinat ta' madwar 90 %. Fin-notifika tagħha, il-Kummissjoni enfasizzat b'mod partikolari l-ħtieġa li tkun evitata l-applikazzjoni awtomatika wara tliet snin ta' mmappjar aktar konservattiv għall-ECAIs kollha li ma jipproduċux klassifikazzjonijiet biżżejjed u irrispettivament mill-kwalità tal-klassifikazzjonijiet tagħhom, peress li dan l-approċċ jirriskja li joħloq ostaklu regolatorju għad-dħul fis-suq u jfixkel il-pożizzjoni kompetittiva ta' ECAIs iżgħar/aktar ġodda sempliċiment minħabba li ma jipproduċux klassifikazzjonijiet daqs kumpaniji kbar stabbiliti. Fl-opinjoni formali tiegħu tat-12 ta' Mejju 2016, il-Kumitat konġunt tal-ESMA kkonferma l-pożizzjoni inizjali tiegħu u ma reġax ippreżentat standards tekniċi ta' implimentazzjoni emendati b'mod konformi mal-emendi proposti tal-Kummissjoni.

(9)

Sabiex jiġi żgurat bilanċ bejn approċċ prudenzjali solidu u l-kompetizzjoni fis-suq tal-klassifikazzjoni tal-kreditu, l-abbozz tal-istandards tekniċi ta' implimentazzjoni għandu jiġi emendat fir-rigward ta' dispożizzjonijiet li jistgħu jikkawżaw żvantaġġ materjali żejjed għall-ECAIs iżgħar/aktar ġodda minħabba d-dħul aktar riċenti tagħhom fis-suq, b'mod partikolari d-dispożizzjonijiet li jikkonċernaw l-applikazzjoni ta' trattament aktar konservattivi f'każ ta' dejta limitata, id-dħul fis-seħħ awtomatiku ta' mmappjar ġdid mill-2019, id-dispożizzjoni li tikkonċerna r-rieżami tal-immappjar u tat-tabelli tal-immappjar applikabbli mill-2019.

(10)

L-Awtoritajiet Superviżorji Ewropej wettqu konsultazzjonijiet pubbliċi miftuħa dwar l-abbozz tal-istandards tekniċi ta' implementazzjoni li fuqhom huwa bbażat dan ir-Regolament, analizzaw il-kosti u l-benefiċċji potenzjali relatati u talbu l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (6), tal-Grupp tal-Partijiet Interessati tal-Assigurazzjoni u tar-Riassigurazzjoni stabbilit f'konformità mal-Artikolu 37 tar-Regolament (UE) Nru 1094/2010 tal-Parlament Ewropew u tal-Kunsill (7), u tal-Grupp tal-Partijiet Interessati tat-Titoli u tas-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (8),

(1)

L-Artikolu 270 tar-Regolament (UE) Nru 575/2013 jirrikjedi l-ispeċifikazzjoni għall-istituzzjonijiet esterni tal-valutazzjoni tal-kreditu (ECAIs), tal-korrispondenza tal-valutazzjonijiet tal-kreditu rilevanti maħruġa minn ECAI skont il-passi tal-kwalità kreditizja stabbiliti fil-Kapitolu 5 ta' dak ir-Regolament (“immappjar”). L-ECAIs huma aġenziji li jiggradaw il-kreditu li jkunu rreġistrati jew iċċertifikati skont ir-Regolament (KE) Nru 1060/2009 tal-Parlament Ewropew u tal-Kunsill (2) jew bank ċentrali li joħroġ gradazzjonijiet tal-kreditu li jkunu eżenti mill-applikazzjoni ta' dak ir-Regolament.

(2)

Ċerti termini u kunċetti simili użati fir-Regolament (KE) Nru 1060/2009 u fir-Regolament (UE) Nru 575/2013 jistgħu jkunu s-suġġett ta' konfużjoni. “Valutazzjoni tal-kreditu” huwa terminu użat fir-Regolament (UE) Nru 575/2013 biex jirreferi kemm għat-“tikketti” tal-kategoriji differenti tal-gradazzjonijiet mill-ECAIs, u għall-assenjazzjoni ta' gradazzjoni ta' dan it-tip għal element partikolari. Madankollu, il-punti (h) u (a) tal-Artikolu 3(1) tar-Regolament (KE) Nru 1060/2009 jiddistingwu b'mod ċar bejn iż-żewġ kunċetti bl-użu tat-termini “kategorija ta' gradazzjoni” u “gradazzjoni ta' kreditu”, rispettivament. Biex tiġi evitata l-konfużjoni u minħabba l-ħtieġa ta' referenza għal dawn iż-żewġ kunċetti partikolari separatament u minħabba l-komplementarjetà taż-żewġ Regolamenti, dawk it-termini jenħtieġ li japplikaw f'dan ir-Regolament fl-ambitu tat-tifsira tar-Regolament (KE) Nru 1060/2009.

(3)

L-Artikolu 267 tar-Regolament (UE) Nru 575/2013 jippermetti l-użu tal-gradazzjoni tal-kreditu biex jiġi ddeterminat il-fattur ta' ponderazzjoni tar-riskju ta' pożizzjoni ta' titolizzazzjoni biss meta dik il-gradazzjoni tal-kreditu tkun inħarġet jew tkun ġiet endorsjata minn ECAI b'konformità mar-Regolament (KE) Nru 1060/2009. Barra minn hekk, il-punt (b) tal-Artikolu 268 tar-Regolament (UE) Nru 575/2013 jagħmel l-użu ta' gradazzjoni tal-kreditu ta' ECAI kundizzjonali għall-pubblikazzjoni mill-ECAI tal-proċeduri, il-metodoloġiji, il-preżunzjonijiet u l-elementi ewlenin li jirfdu l-valutazzjoni, b'konformità mar-Regolament (KE) Nru 1060/2009. Barra minn hekk, l-Artikolu 10(3) tar-Regolament (KE) Nru 1060/2009 jistipula li l-kategoriji tal-gradazzjoni li jiġu attribwiti lil prodotti finanzjarji strutturati huma differenzjati b'mod ċar mill-kategoriji ta' gradazzjoni użati għal kwalunkwe entità oħra. Għalhekk, huwa xieraq li tkun speċifikata biss il-korrispondenza tal-valutazzjonijiet tal-kreditu tal-ECAIs għall-iskali tal-kwalità kreditizja stabbiliti fil-Kapitolu 5 tar-Regolament (UE) Nru 575/2013 għal dawk il-kategoriji ta' gradazzjoni għall-pożizzjonijiet ta' titolizzazzjoni li jissodisfaw dawk il-kundizzjonijiet kollha.

(4)

L-immappjar tal-gradazzjonijiet tal-kreditu għall-pożizzjonijiet ta' titolizzazzjoni jenħtieġ li jikkunsidra l-fatturi kwantitattivi bħall-inadempjenza u r-rati ta' telf u l-prestazzjoni storika tal-gradazzjoni tal-kreditu, kif ukoll il-fattur kwalitattiv bħall-firxa tat-tranżazzjonijiet, il-metodoloġiji u t-tifsira tal-kategoriji tal-gradazzjoni. Madankollu, ta' min jinnota li l-gradazzjonijiet tal-kreditu tat-titolizzazzjoni japplikaw għal firxa wiesgħa ta' tranżazzjonijiet, li storikament kellhom prestazzjonijiet materjalment eteroġenji matul il-kriżi finanzjarja tal-2007-2009. Barra minn hekk, minħabba l-kriżi, kemm il-metodoloġiji tal-ECAIs u kemm l-approċċ regolatorju tal-Unjoni għat-titolizzazzjoni qed jgħaddu minn bidliet u l-qafas tat-titolizzazzjoni huwa wkoll l-oġġett ta' diskussjonijiet fil-livell internazzjonali. Sabiex dawn l-iżviluppi jiġu kkunsidrati fil-qafas regolatorju u l-prestazzjoni eteroġenja tal-gradazzjonijiet tal-kreditu tat-titolizzazzjoni u biex jiġi evitat ix-xkiel lis-suq tat-titolizzazzjoni, hemm bżonn li jiġu enfasizzati l-aspetti kwalitattivi tal-analiżi tad-dejta kwantitattiva disponibbli.

(5)

Fil-kuntest ta' analiżi kwalitattiva, sabiex tkun żgurata determinazzjoni oġġettiva u konsistenti tal-immappjar, u bil-ħsieb li tkun żgurata tranżizzjoni bla xkiel għas-suq, hemm bżonn li wieħed joqgħod fuq l-immappjar tal-valutazzjonijiet tal-kreditu għall-iskali tal-kwalità tal-kreditu li nħarġu fl-2006 fuq il-bażi tal-Artikolu 97 tad-Direttiva 2006/48/KE tal-Parlament Ewropew u tal-Kunsill (3). Dak l-immappjar applikat għall-ECAIs li joħorġu l-gradazzjonijiet tat-titolizzazzjoni f'dak il-mument ma kinux ibbażati biss fuq metodoloġija ta' mmappjar kwantitattiv imma wkoll fuq evidenza storika relatata mal-prestazzjoni tal-gradazzjonijiet tal-kreditu qabel il-kriżi finanzjarja. Dak l-immappjar kien imfassal biex jiżgura oġġettività u konsistenza kumplessivi fost il-gradi relattivi tar-riskji espressi mill-gradi differenti użati fil-gradazzjoni biex jiġu assenjati gradazzjonijiet tal-kreditu mill-ECAIs li joperaw f'dak il-mument fis-suq tat-titolizzazzjoni.

(6)

ECAIs ġodda li daħlu fis-suq tat-titolizzazzjoni wara l-iżvilupp tal-immappjar fl-2006 fuq il-bażi tal-Artikolu 97 tad-Direttiva 2006/48/KE ma assenjawx għadd suffiċjenti ta' gradazzjonijiet biex il-prestazzjoni storika ta' dawk il-gradazzjonijiet tiġi vvalutata b'fiduċja statistika. Madankollu, hemm bżonn li jiġi estiż l-immappjar tal-valutazzjoni tal-kreditu mal-iskali tal-kwalità kreditizja li jkunu assenjati lil ECAIs li ilhom stabbiliti lil ECAIs ġodda, sabiex jinstab il-bilanċ ġust bejn l-iżvilupp ta' mmappjar prudenti għall-ECAIs kollha u l-evitar tal-ikkawżar ta' żvantaġġi kompetittivi sostanzjali.

(7)

Peress li japplikaw skali tal-kwalità kreditizja separati għall-kalkolu tal-ammonti ta' skoperturi ponderati għar-riskju skont l-Approċċ Standardizzat għat-titolizzazzjoni skont l-Artikolu 251 tar-Regolament (UE) Nru 575/2013, li huma differenti minn dawk li japplikaw għall-pożizzjonijiet ta' titolizzazzjoni skont il-Metodu Abbażi tal-Klassifikazzjonijiet imsemmi fl-Artikolu 261 ta' dak ir-Regolament, jinħtieġ li jkun ipprovdut immappjar separat għall-Approċċ Standardizzat u għall-Metodu Abbażi tal-Klassifikazzjonijiet.

(8)

Kemm l-Artikolu 251 u kemm l-Artikolu 261 tar-Regolament (UE) Nru 575/2013 jinkludu referenzi għall-iskali tal-kwalità kreditizja għall-pożizzjonijiet ta' rititolizzazzjoni. Minħabba f'hekk, il-qafas tat-titolizzazzjoni tar-Regolament (UE) Nru 575/2013 ikopri wkoll il-pożizzjonijiet ta' rititolizzazzjoni. Għalhekk l-immappjar jenħtieġ li jkopri l-gradazzjonijiet tal-kreditu assenjati lill-pożizzjoni kemm ta' titolizzazzjoni u kemm ta' rititolizzazzjoni.

(9)

Wara t-tlestija tar-riformi regolatorji li għaddejjin bħalissa relatati mar-rekwiżiti ta' kapital applikabbli għat-titolizzazzjonijiet, u bl-għan li tiġi kkunsidrata evidenza storika ġdida li tkopri storja tad-dejta post-kriżi twila, l-immappjar jinħtieġ li jiġi aġġornat fejn l-informazzjoni disponibbli tista' tikkontribwixxi għal tfassil imtejjeb ta' metodoloġija ta' mmappjar kwantitattiv kompletament konsistenti u oġġettiva, konformi mal-punti (b) u (c) tal-Artikolu 270 tar-Regolament (UE) Nru 575/2013 u b'kunsiderazzjoni dejjem tiżdied ta' evidenza kwantitattiva.

(10)

Minħabba l-enfasi fuq l-aspetti kwalitattivi tal-analiżi tal-prestazzjoni tal-gradazzjonijiet tal-kreditu, hemm bżonn li d-dejta rrappurtata tkun immonitorizzata regolarment biex ikun ikkunsidrat il-mertu ta' reviżjoni tal-immappjar assenjat, fejn tkun osservata l-inadempjenza tal-pożizzjonijiet osservati, u jkun ikkunsidrat l-emendar tad-determinazzjoni tal-immappjar, kif xieraq, b'konformità mal-punt (d) tal-Artikolu 270 tar-Regolament (UE) Nru 575/2013.

(11)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Superviżorja Ewropea (Awtorità Bankarja Ewropea) lill-Kummissjoni.

(12)

L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz tal-istandards tekniċi ta' implementazzjoni li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Konċernati stabbilit b'konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4).

(1)

Fir-Regolament ta' Implimentazzjoni tal-Kummissjoni (UE) Nru 414/2013 (2) huwa neċessarju li jiġi ċċarat li prodott individwali kopert b'awtorizzazzjoni ta' familja ta' prodotti bijoċidali huwa eliġibbli wkoll bħala prodott ta' referenza bil-ħsieb li tinkiseb awtorizzazzjoni tal-istess prodott.

(2)

Ir-referenzi għall-applikazzjonijiet għar-reġistrazzjoni issa ma għadhomx jintużaw, peress li mindu ġiet revokata d-Direttiva 98/8/KE tal-Parlament Ewropew u tal-Kunsill (3) din il-proċedura ma għadhiex tapplika u, għaldaqsant, dawn ir-referenzi għandhom jitħassru.

(3)

Biex jirrispondi għall-bżonnijiet tal-operaturi ekonomiċi, b'mod speċjali l-intrapriżi żgħar u medji, l-Artikolu 3 tar-Regolament ta' Implimentazzjoni (UE) Nru 414/2013 għandu jipprevedi l-possibiltà li ssir applikazzjoni għall-awtorizzazzjoni nazzjonali tal-istess prodotti f'każijiet fejn il-prodott ta' referenza korrispondenti jkun ġie awtorizzat mill-awtorizazzjoni tal-Unjoni jew ikun is-suġġett ta' applikazzjoni għal awtorizazzjoni bħal din.

(4)

Huwa neċessarju li tiġi identifikata b'mod ċar u li tiġi speċifikata l-proċedura tas-sottomisjoni tal-applikazzjonijiet għall-awtorizzazzjoni tal-istess prodott u għall-aċċettazzjoni ta' dawn l-applikazzjonijiet fejn il-prodott ta' referenza relatat ikun ġie awtorizzat taħt il-proċedura ta' awtorizzazzjoni simplifikata stabbilita fl-Artikolu 26 tar-Regolament (UE) Nru 528/2012 jew ikun suġġett ta' applikazzjoni għal awtorizazzjoni bħal din.

(5)

Sabiex ikun hemm aktar prevedibbiltà, għandhom jiġu żviluppati linji gwida mill-Aġenzija Ewropea għas-Sustanzi Kimiċi (“l-Aġenzija”) dwar id-dettalji relatati mal-ipproċessar tal-applikazzjonijiet koperti mir-Regolament ta' Implimentazzjoni (UE) Nru 414/2013; dawn il-linji gwida għandhom dejjem jiġu aġġornati abbażi tal-esperjenza u tal-progress xjentifiku jew tekniku.

(6)

Sabiex it-test ikun aktar ċar u mhux ambigwu, il-kliem tal-Artikoli 5 u 6 għandu jiġi emendat.

(7)

Għaldaqstant, ir-Regolament ta' Implimentazzjoni (UE) Nru 414/2013 għandu jiġi emendat skont dan.

(8)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

(1)

L-Artikolu 1 jinbidel b'dan li ġej:

(*1)  Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegћid fis-suq tal-prodotti bijoċidali (ĠU L 123, 24.4.1998, p. 1)."

(*2)  Ir-Regolament ta' Implimentazzjoni tal-Kummissjoni (UE) Nru 354/2013 tat-18 ta' April 2013 dwar bidliet tal-prodotti bijoċidali awtorizzati skont ir-Regolament (UE) Nru 528/2012 tal-Parlament Ewropew u tal-Kunsill (ĠU L 109, 19.4.2013, p. 4).” "

(2)

Fl-Artikolu 3, jidħol il-paragrafu 1a li ġej:

(3)

Għandhom jiddaħħlu l-Artikolu 4a u l-Artikolu 4b li ġejjin:

(4)

L-Artikolu 5 jinbidel b'dan li ġej:

(5)

Fl-Artikolu 6, il-paragrafu 2 jinbidel b'dan li ġej:

(6)

Jiddaħħal l-Artikolu 6a li ġej:

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

Minħabba l-iskadenzi stabbiliti għat-twettiq tal-proċedura skont l-Artikolu 35 tad-Direttiva 2014/25/UE, jeħtiġ li jiġi stipulat li t-talbiet rigward l-applikabilità tal-Artikolu 34 tagħha jridu jinkludu tagħrif utli u rilevanti għall-evalwazzjoni tat-talba. Għal dan il-għan għandha tiġi stabbilita lista tat-tagħrif li għandu jiġi inkluż f'dawn it-talbiet kif ukoll proċeduri oħra prattiċi rigward dawn it-talbiet.

(2)

Sabiex tiġi żgurata ċertezza legali u għal finijiet ta' trasparenza, notifiki tal-wasla jew irtirar ta' talbiet dwar l-applikabilità tal-Artikolu 34 tad-Direttiva 2014/25/UE, notifiki ta' estensjoni jew sospensjoni tal-perjodu għall-adozzjoni mill-Kummissjoni tal-atti ta' implimentazzjoni dwar tali talbiet u notifiki ta' applikabbiltà tal-Artikolu 34 fejn ma ġie adottat ebda att ta' implimentazzjoni fi ħdan l-iskadenza għandhom jiġu ppubblikati f' Il-Ġurnal Uffiċjali tal-Unjoni Ewropea. Jeħtieġ li jiġi stipulat ukoll it-tagħrif li għandu jingħata f'dawn in-notifiki.

(3)

Fir-rigward, b'mod partikolari, tal-informazzjoni li għandha tiġi mitluba u l-formulazzjoni tan-notifiki, din id-Deċiżjoni hija bbażata fuq l-esperjenza miksuba fl-applikazzjoni tad-Deċiżjoni tal-Kummissjoni 2005/15/KE (2), li stabbilixxiet regoli dettaljati għall-applikazzjoni tal-proċedura prevista fl-Artikolu 30 tad-Direttiva 2004/17/KE tal-Parlament Ewropew u tal-Kunsill (3), peress li l-kundizzjonijiet materjali għall-eżenzjoni ta' attività mid-dispożizzjonijiet tad-Direttiva 2004/17/KE huma sostanzjalment l-istess bħal dawk li jaqgħu taħt l-Artikolu 34 tad-Direttiva 2014/25/UE.

(4)

Ta' min iffakkar li l-valutazzjoni tal-esponiment dirett għall-kompetizzjoni li tista' titwettaq fil-kuntest tad-Direttiva 2014/25/UE hija mingħajr preġudizzju għall-applikazzjoni sħiħa tal-liġi tal-kompetizzjoni.

(5)

Din id-Deċiżjoni għandha tissostitwixxi d-Deċiżjoni 2005/15/KE li ġiet adottata abbażi tad-Direttiva 2004/17/KE. Għalhekk id-Deċiżjoni 2005/15/KE għandha titħassar.