ISSN 1977-074X |
||
Il-Ġurnal Uffiċjali tal-Unjoni Ewropea |
L 197 |
|
![]() |
||
Edizzjoni bil-Malti |
Leġiżlazzjoni |
Volum 59 |
|
|
|
(1) Test b'rilevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
DEĊIŻJONIJIET
22.7.2016 |
MT |
Il-Ġurnal Uffiċjali tal-Unjoni Ewropea |
L 197/1 |
DEĊIŻJONI TAL-KUMITAT POLITIKU U TA' SIGURTÀ (PESK) 2016/1193
tat-12 ta' Lulju 2016
li testendi l-mandat tal-Kap tal-Missjoni tal-Pulizija tal-Unjoni Ewropea għat-Territorji Palestinjani (EUPOL COPPS) (EUPOL COPPS/1/2016)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea u b'mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2013/354/PESK tat-3 ta' Lulju 2013 dwar il-Missjoni tal-Pulizija tal-Unjoni Ewropea għat-Territorji Palestinjani, (EUPOL COPPS) (1), u b'mod partikolari l-Artikolu 9(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Skont l-Artikolu 9(1) tad-Deċiżjoni 2013/354/PESK, il-Kumitat Politiku u ta' Sigurtà (KPS) huwa awtorizzat, f'konformità mat-tielet paragrafu tal-Artikolu 38 tat-Trattat, li jieħu d-deċiżjonijiet rilevanti bl-għan li jeżerċita kontroll politiku u direzzjoni strateġika tal-Missjoni tal-Pulizija tal-Unjoni Ewropea għat-Territorji Palestinjani (EUPOL COPPS), inkluż id-deċiżjoni tal-ħatra ta' Kap tal-Missjoni. |
(2) |
Fis-17 ta' Frar 2015, il-KPS adotta d-Deċiżjoni (PESK) 2015/381 (2), li taħtar lis-Sur Rodolphe MAUGET bħala Kap tal-Missjoni EUPOL COPPS mis-16 ta' Frar 2015 sat-30 ta' Ġunju 2015. |
(3) |
Fis-7 ta' Lulju 2015, il-KPS adotta d-Deċiżjoni (PESK) 2015/1129 (3), li testendi l-mandat tas-Sur Rodolphe MAUGET bħala Kap tal-Missjoni EUPOL COPPS mill-1 ta' Lulju 2015 sat-30 ta' Ġunju 2016. |
(4) |
Fis-7 ta' Lulju 2016, il-Kunsill adotta d-Deċiżjoni (PESK) 2016/1108 (4), li testendi l-mandat ta' EUPOL COPPS mill-1 ta' Lulju 2016 sat-30 ta' Ġunju 2017. |
(5) |
Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà pproponiet l-estensjoni tal-mandat tas-Sur Rodolphe MAUGET bħala Kap tal-Missjoni EUPOL COPPS mill-1 ta' Lulju 2016 sat-30 ta' Ġunju 2017, |
ADOTTA DIN ID-DEĊIŻJONI:
Artikolu 1
Il-mandat tas-Sur Rodolphe MAUGET bħala Kap tal-Missjoni tal-Pulizija tal-Unjoni Ewropea għat-Territorji Palestinjani (EUPOL COPPS) huwa b'dan estiż sat-30 ta' Ġunju 2017.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta' Lulju 2016.
Magħmul fi Brussell, it-12 ta' Lulju 2016.
Għall-Kumitat Politiku u ta' Sigurtà
Il-President
W. STEVENS
(1) ĠU L 185, 4.7.2013, p. 12.
(2) Deċiżjoni tal-Kumitat Politiku u ta' Sigurtà (PESK) 2015/381 tas-17 ta' Frar 2015 dwar il-ħatra tal-Kap tal-Missjoni tal-Pulizija tal-Unjoni Ewropea fit-Territorji Palestinjani (EUPOL COPPS) (EUPOL COPPS/1/2015) (ĠU L 64, 7.3.2015, p. 37).
(3) Deċiżjoni tal-Kumitat Politiku u ta' Sigurtà (PESK) 2015/1129 tas-7 ta' Lulju 2015 li testendi l-mandat tal-Kap tal-Missjoni tal-Pulizija tal-Unjoni Ewropea fit-Territorji Palestinjani (EUPOL COPPS) (EUPOL COPPS/2/2015) (ĠU L 184, 11.7.2015, p. 17).
(4) Deċiżjoni tal-Kunsill (PESK) 2016/1108 tas-7 ta' Lulju 2016 li temenda d-Deċiżjoni 2013/354/PESK dwar il-Missjoni tal-Pulizija tal-Unjoni Ewropea għat-Territorji Palestinjani (EUPOL COPPS) (ĠU L 183, 8.7.2016, p. 65).
22.7.2016 |
MT |
Il-Ġurnal Uffiċjali tal-Unjoni Ewropea |
L 197/3 |
DEĊIŻJONI TAL-KUMITAT POLITIKU U TA' SIGURTÀ (PESK) 2016/1194
tat-12 ta' Lulju 2016
li testendi l-mandat tal-Kap tal-Missjoni tal-Missjoni tal-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) (EU BAM Rafah/1/2016)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu tal-Artikolu 38 tiegħu,
Wara li kkunsidra l-Azzjoni Konġunta tal-Kunsill 2005/889/PESK tal-25 ta' Novembru 2005 dwar l-istabbiliment ta' Missjoni tal-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) (1), u b'mod partikolari l-Artikolu 10(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Skont l-Artikolu 10(1) tal-Azzjoni Konġunta 2005/889/PESK, il-Kumitat Politiku u ta' Sigurtà (KPS) hu awtorizzat, f'konformità mal-Artikolu 38 tat-Trattat, biex jieħu d-deċiżjonijiet rilevanti għall-fini tal-eżerċitar tal-kontroll politiku u tat-tmexxija strateġika tal-Missjoni tal-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah), inkluż id-deċiżjoni li jinħatar Kap tal-Missjoni. |
(2) |
Fis-7 ta' Lulju 2015, il-KPS adotta d-Deċiżjoni EU BAM Rafah/1/2015 (2), li taħtar is-Sinjura Natalina CEA bħala Kap tal-Missjoni tal-EU BAM Rafah mill-1 ta' Lulju 2015 sat-30 ta' Ġunju 2016. |
(3) |
Fis-7 ta' Lulju 2016, il-Kunsill adotta d-Deċiżjoni (PESK) 2016/1107 (3), li testendi l-mandat tal-EU BAM Rafah mill-1 ta' Lulju 2016 sat-30 ta' Ġunju 2017. |
(4) |
Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà pproponiet l-estensjoni tal-mandat tas-Sinjura Natalina CEA bħala Kap tal-Missjoni tal-EUBAM Rafah mill-1 ta' Lulju 2016 sat-30 ta' Ġunju 2017, |
ADOTTA DIN ID-DEĊIŻJONI:
Artikolu 1
Il-mandat tas-Sinjura Natalina CEA bħala Kap tal-Missjoni tal-EUBAM Rafah huwa b'dan estiż mill-1 ta' Lulju 2016 sat-30 ta' Ġunju 2017.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Hija għandha tapplika mill-1 ta' Lulju 2016.
Magħmul fi Brussell, it-12 ta' Lulju 2016.
Għall-Kumitat Politiku u ta' Sigurtà
Il-President
W. STEVENS
(1) ĠU L 327, 14.12.2005, p. 28.
(2) Deċiżjoni tal-Kumitat Politiku u ta' Sigurtà (PESK) 2015/1128 tas-7 ta' Lulju 2015 dwar il-ħatra tal-Kap tal-Missjoni tal-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) (EU BAM Rafah/1/2015) (ĠU L 184, 11.7.2015, p. 16).
(3) Deċiżjoni tal-Kunsill (PESK) 2016/1107 tas-7 ta' Lulju 2016 li temenda l-Azzjoni Konġunta 2005/889/PESK dwar l-istabbiliment ta' Missjoni tal-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) (ĠU L 183, 8.7.2016, p. 64).
22.7.2016 |
MT |
Il-Ġurnal Uffiċjali tal-Unjoni Ewropea |
L 197/4 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/1195
tal-4 ta' Lulju 2016
li teżenta s-servizzi tal-kurriera u servizzi oħra għajr is-servizzi postali fil-Polonja mill-applikazzjoni tad-Direttiva 2014/25/UE tal-Parlament Ewropew u tal-Kunsill dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE
(notifikata bid-dokument C(2016) 3986)
(It-test bil-Pollakk biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2014/25/UE tal-Parlament Ewropew u tal-Kunsill tas-26 ta' Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (1), u b'mod partikolari l-Artikoli 34 u 35,
Wara li kkunsidrat it-talba li tressqet bil-posta mill-President tal-Uffiċċju tal-Komunikazzjonijiet Elettroniċi f'isem Poczta Polska S.A. u li waslitilha fit-2 ta' Frar 2016,
Billi:
I. IL-FATTI
(1) |
Fit-2 ta' Frar 2016, il-Kummissjoni Ewropea rċeviet bil-posta talba formali min-naħa tal-President tal-Uffiċċju tal-Komunikazzjonijiet Elettroniċi f'isem Poczta Polska S.A. (minn hawn 'il quddiem “l-applikant”) skont l-Artikolu 35(1) tad-Direttiva 2014/25/UE. It-talba kienet akkumpanjata mill-opinjoni tal-President tal-Uffiċċju tal-Komunikazzjonijiet Elettroniċi li s-servizzi elenkati jissodisfaw il-kundizzjonijiet li jiġġustifikaw l-eżenzjoni tagħhom abbażi tal-Artikolu 34 tad-Direttiva 2014/25/UE. Il-Kummissjoni tikkunsidra li din l-opinjoni ma tikdkwalifikax bħala pożizzjoni motivata u ġġustifikata fis-sens tal-Artikolu 35(2) tad-Direttiva 2014/25/UE, billi hija dikjarazzjoni sempliċi li l-kundizzjonijiet imsemmija huma ssodisfati mingħajr ma ġie pprovdut l-ebda argument li jappoġġa dik id-dikjarazzjoni. Skont it-talba, il-Kummissjoni ntalbet tistabbilixxi li d-dispożizzjonijiet tad-Direttiva 2014/25/UE, u l-proċeduri ta' akkwist previsti f'dik id-Direttiva, ma applikawx għal servizzi tal-kurriera u għal servizzi oħra għajr servizzi postali fil-Polonja. |
(2) |
It-talba kienet ippreżentata mill-awtorità kompetenti — il-President tal-Uffiċċju tal-Komunikazzjonijiet Elettroniċi, skont l-Artikolu 138f tad-dritt dwar l-akkwist pubbliku (2), fuq talba ta' Poczta Polska S.A. bħala entità kontraenti, bl-uffiċċju rreġistrat tagħha f'Varsavja, u mbagħad ġiet maqbula mal-President tal-Uffiċċju tal-Kompetizzjoni u l-Ħarsien tal-Konsumatur (UOKiK) u mal-President tal-Uffiċċju tal-Akkwist Pubbliku (UZP). |
(3) |
Il-Kummissjoni talbet informazzjoni addizzjonali, permezz ta' ittra elettronika bid-data tad-19 ta' Frar 2016. Din l-informazzjoni tressqet mill-Uffiċċju tal-Komunikazzjonijiet Elettroniċi permezz ta' ittra elettronika fis-26 ta' Frar 2016, fi żmien l-iskadenza stabbilita mill-Kummissjoni. |
(4) |
Skont il-punt 1 tal-Anness IV tad-Direttiva 2014/25/UE, il-Kummissjoni għandha 105 ijiem ta' xogħol biex tadotta d-deċiżjoni. L-iskadenza tagħlaq fis-7 ta' Lulju 2016. |
II. IL-QAFAS ĠURIDIKU
(5) |
Skont l-Artikolu 34 tad-Direttiva 2014/25/UE, il-kuntratti maħsuba sabiex jippermettu waħda mill-attivitajiet imsemmija fl-Artikoli 8 sa 14 ta' dik id-Direttiva mhumiex soġġetti għal dik id-Direttiva jekk, fl-Istat Membru li fih titwettaq, l-attività hija direttament esposta għall-kompetizzjoni fis-swieq li għalihom l-aċċess mhuwiex ristrett. L-esponiment dirett għall-kompetizzjoni huwa vvalutat abbażi ta' kriterji oġġettivi, li jqisu l-karatteristiċi speċifiċi tas-settur ikkonċernat. Aċċess għal suq partikolari jitqies li mhuwiex ristrett jekk l-Istat Membru jkun implimenta u applika l-leġiżlazzjoni tal-Unjoni dwar il-ftuħ tas-suq rilevanti kif stabbilit fl-Anness III tad-Direttiva 2014/25/UE. Skont il-Punt F ta' dak l-Anness, id-Direttiva 97/67/KE tal-Parlament Ewropew u tal-Kunsill (3) (minn hawn 'il quddiem “id-Direttiva dwar is-Servizzi Postali”) (kif emendata bid-Direttiva 2002/39/KE tal-Parlament Ewropew u tal-Kunsill (4) u bid-Direttiva 2008/6/KE tal-Parlament Ewropew u tal-Kunsill (5)) tikkostitwixxi l-leġiżlazzjoni rilevanti tal-Unjoni dwar il-ftuħ tas-suq tas-servizzi postali. |
(6) |
Il-Polonja implimentat id-Direttiva dwar is-Servizzi Postali bil-Liġi tat-23 ta' Novembru 2012 — il-Liġi Postali (6) li bdiet tapplika mill-1 ta' Jannar 2013, fir-rigward tas-servizzi tal-ġbir, tal-issortjar, tat-trasport u tat-tqassim ta' oġġetti u servizzi bil-kurriera fir-rigward ta' oġġetti postali mingħajr indirizz. Għal dawn is-servizzi, il-Polonja laħqet livell suffiċjenti ta' ftuħ tas-suq u l-aċċess għas-suq ma għandux jitqies li huwa ristrett skont l-Artikolu 34 tad-Direttiva 2014/25/UE. |
(7) |
Jista' jiġi osservat ukoll li l-ebda servizz minn dawk li għalihom tressqet it-talba ma kien soġġett għal monopolju legali fil-passat. Is-servizzi postali definiti fl-Artikolu 7 tad-Direttiva 97/67/KE kif emendata bid-Direttiva 2002/39/KE u bid-Direttiva 2008/6/KE biss ġew riżervati għal fornituri nnominati ta' servizz universali. Bl-implimentazzjoni tad-Direttiva 2008/6/KE l-Istati Membri kollha, inkluża l-Polonja, illiberalizzaw għalkollox is-swieq postali tagħhom, u bl-eċċezzjoni tas-servizzi skont l-Artikolu 8 tad-Direttiva msemmija hawn fuq, l-ebda servizz postali ma għandu jkun soġġett għal monopolju legali. |
(8) |
It-talba tkopri attivitajiet li għandhom x'jaqsmu mal-forniment ta' servizzi postali u ta' servizzi oħra għajr servizzi postali, bil-kundizzjoni li dawn is-servizzi jiġu pprovduti minn entità li tipprovdi wkoll servizzi postali, li huma elenkati bħala rilevanti skont id-Direttiva 2004/17/UE tal-Parlament Ewropew u tal-Kunsill (7), li kienet il-bażi ġuridika li fuqha ġiet ibbażata t-talba. Dawn is-servizzi huma:
|
(9) |
Fost is-servizzi, għajr is-servizzi postali, koperti minn din it-talba, jiġi nnutat li s-servizzi elenkati mill-punt 4 sa 13 tal-premessa preċedenti, għalkemm huma fil-kamp ta' applikazzjoni tad-Direttiva 2004/17/KE, mhumiex koperti mid-Direttiva 2014/25/UE. Għal dawn is-servizzi l-leġiżlatur diġà eżamina s-sitwazzjoni kompetittiva u sab li huwa l-każ li d-dixxiplina ta' din l-aħħar Direttiva ma għadhiex meħtieġa fir-rigward tal-akkwisti magħmula għat-twettiq ta' dawn l-attivitajiet li kienu konsegwentement esklużi mill-kamp ta' applikazzjoni tagħha. |
(10) |
L-esponiment dirett għall-kompetizzjoni f'suq partikolari huwa evalwat abbażi ta' diversi kriterji, u l-ebda wieħed minnhom ma hu, fih innifsu, deċiżiv. Fir-rigward tas-swieq koperti b'din it-talba, is-sehem mis-suq tal-atturi ewlenin f'suq partikolari jikkostitwixxi kriterju wieħed li għandu jittieħed f'kunsiderazzjoni. Fl-aħħar nett, il-kwistjoni ta' ostakli possibbli għad-dħul tista' tkun rilevanti wkoll. Billi l-kundizzjonijiet ivarjaw għall-attivitajiet differenti li huma milqutin mit-talba, l-eżaminazzjoni tas-sitwazzjoni kompetittiva għandha tikkunsidra s-sitwazzjonijiet differenti fi swieq differenti. |
(11) |
Din id-Deċiżjoni hija bla preġudizzju għall-applikazzjoni tar-regoli tal-kompetizzjoni. B'mod partikolari, il-kriterji u l-metodoloġija li ntużaw biex jiġi vvalutat l-esponiment dirett għall-kompetizzjoni skont l-Artikolu 35 tad-Direttiva 2014/25/UE, mhumiex neċessarjament identiċi għal dawk li ntużaw biex titwettaq valutazzjoni skont l-Artikolu 101 jew 102 tat-Trattat jew tar-Regolament tal-Kunsill (KE) Nru 139/2004 (8). |
III. IL-VALUTAZZJONI
(12) |
L-applikant, Poczta Polska S.A., huwa entità kontraenti fit-tifsira ta' entità kontraenti fis-sens tal-Artikolu 4(1)(a) tad-Direttiva 2014/25/UE li twettaq attività marbuta mas-servizzi postali msemmija fl-Artikolu 13 tad-Direttiva 2014/25/UE. |
(13) |
Impriżi assoċjati mal-entità kontraenti, li l-applikant qed iressaq din it-talba fuq talba tagħhom, u li jwettqu l-attività li hija l-bażi tat-talba huma l-impriżi li ġejjin: Pocztowe Towarzystwo Ubezpieczeń Wzajemnych, Pocztowa Agencja Usług Finansowych S.A., Pocztylion-Arka Powszechne Towarzystwo Emerytalne S.A., Bank Pocztowy S.A. |
(14) |
Għall-fini tal-valutazzjoni, l-attivitajiet rilevanti huma dawn li ġejjin:
|
Servizzi tal-ġbir, tal-issortjar, tat-trasport u tat-tqassim ta' oġġetti bil-kurriera,
(15) |
F'deċiżjonijiet preċedenti il-Kummissjoni sostniet li s-suq tas-servizzi tat-tqassim tal-posta jista' jinqasam f'servizz tal-posta bażiku u servizz tal-posta express jew bil-kurriera (9). Minbarra li jipprovdi servizz aktar mgħaġġel u aktar affidabbli tal-ġbir, tat-trasport u tat-tqassim, is-servizz tal-posta express huwa kkaratterizzat minn provvista ta' servizzi addizzjonali, bħall-garanzija tat-tqassim sa ċertu data, it-tqassim lill-persuna indirizzata nnifisha jew is-sejbien u t-traċċar tal-oġġetti postali matul il-proċess ta' tad-distribuzzjoni. Id-definizzjoni proposta mill-applikant hija konformi mal-preċedenti tal-Kummissjoni. Għall-finijiet ta' din id-Deċiżjoni u mingħajr preġudizzju għad-dritt tal-kompetizzjoni, is-suq rilevanti tal-prodotti huwa definit bħala d-distribuzzjoni ta' oġġetti bil-kurriera. |
(16) |
F'dak li jirrigwarda s-suq ġeografiku, fid-Deċiżjonijiet preċedenti tagħha, il-Kummissjoni kienet tal-fehma li l-kamp ta' applikazzjoni tas-swieq għas-servizzi postali, li setgħu jinkludu swieq aktar stretti (eż. servizzi ta' ittri tal-posta; servizzi tat-tqassim ta' pakketti żgħar) deher li huwa nazzjonali (10). Barra minn hekk, il-Kummissjoni kkunsidrat ukoll li pereżempju s-suq tat-tqassim internazzjonali ta' pakketti żgħar kellu dimensjoni nazzjonali (11). Id-definizzjoni proposta mill-applikant hija konsistenti mal-preċedenti tal-Kummissjoni. Minħabba li ma hemm l-ebda raġuni biex wieħed jassumi kamp ta' applikazzjoni usa' jew idjaq tas-suq, għall-finijiet ta' din id-Deċiżjoni, u mingħajr preġudizzju għad-dritt tal-kompetizzjoni, il-kamp ta' applikazzjoni tas-suq ġeografiku għas-servizzi tal-kurriera huwa nazzjonali. |
(17) |
Fir-rigward tal-valutazzjoni dwar jekk l-attività hijiex esposta direttament għall-kompetizzjoni, abbażi tal-informazzjoni pprovduta mill-applikant u anki meta wieħed iħares lejn l-aħħar rapport tas-swieq postali fil-Polonja (12), jista' jiġi stabbilit li hemm diversi operaturi attivi fis-suq għal servizzi express u bil-kurriera, inklużi s-sussidjarji tal-integraturi l-kbar kollha (jiġifieri UPS; DHL; FedEx), is-sussidjarji li għandhom l-operaturi postali nazzjonali attivi f'dan is-segment tas-suq postali (eż. DPD; GLS) u fornituri nazzjonali (eż: InPost; K-EX). Skont l-informazzjoni disponibbli (13), is-sehem mis-suq ta' Poczta Polska f'dan is-segment tas-suq kien ta' kważi 12 % f'termini ta' volum u ta' 9 % f'termini ta' fatturat fl-2014, meta mqabbel ma' kważi 3 % f'termini ta' volum u 5 % f'termini ta' fatturat fl-2013. |
(18) |
Jidher li l-ishma mis-suq tal-kompetituri ta' Poczta Polska S.A. huma ogħla jew komparabbli għal dawk ta' Poczta Polska S.A. L-ishma mis-suq tal-akbar kompetituri f'termini ta' fatturat huma rispettivament: […] [… %] fl-2013 u […] fl-2014; […] [… %] fl-2013 u [… %] fl-2014; […] [… %] fl-2013 u [… %] fl-2014; […] [… %] fl-2013, [… %] fl-2014; […] [… %] fl-2013 u [… %] fl-2014 (14); |
(19) |
Għall-finijiet ta' din id-Deċiżjoni u mingħajr preġudizzju għad-dritt tal-kompetizzjoni, il-fatturi elenkati fil-premessi 15 sa 18 għandhom jitqiesu bħala indikazzjoni ta' esponiment għall-kompetizzjoni ta' din l-attività fil-Polonja. Konsegwentement, minħabba li l-kundizzjonijiet stipulati fl-Artikolu 34 tad-Direttiva 2014/25/UE huma ssodisfati, għandu jiġi stabbilit li d-Direttiva 2014/25/UE ma tapplikax għall-kuntratti maħsuba biex jippermettu t-twettiq ta' din l-attività fil-Polonja. |
Servizzi ta' oġġetti postali mingħajr indirizz
(20) |
Il-posta ta' reklamar mingħajr indirizz hija kkaratterizzata min-nuqqas ta' indirizz ta' destinazzjoni partikolari li jidentifika lid-destinatarju individwali finali. Hija posta ta' reklamar mhux mitlub, li tissodisfa ċerti kriterji bħalma huma: il-piż, il-format, il-kontenut u l-preżentazzjoni uniformi għad-distribuzzjoni lejn grupp ta' destinatarji. |
(21) |
F'deċiżjonijiet preċedenti il-Kummissjoni sostniet li s-suq għas-servizzi ta' tqassim tal-posta jista' jinqasam fi swieq tal-posta bl-indirizz u swieq tal-posta mingħajr indirizz (15). |
(22) |
Abbażi tal-informazzjoni pprovduta mill-UKE u filwaqt li titqies il-prattika eżistenti tal-Kummissjoni, għall-finijiet ta' din id-Deċiżjoni, u mingħajr preġudizzju għad-dritt tal-kompetizzjoni, is-suq rilevanti tal-prodotti huwa definit bħala servizzi relatati mad-distribuzzjoni ta' oġġetti postali mingħajr indirizz. |
(23) |
Skont il-prassi preċedenti tal-Kummissjoni, it-tqassim ta' posta mingħajr indirizz ġeografiku huwa nazzjonali fil-prinċipju, peress li n-netwerks tat-tqassim huma organizzati fil-livell nazzjonali, aktarx hemm differenzi fil-prezzijiet bejn l-Istati Membri differenti u l-parti l-kbira tal-oġġetti postali mingħajr indirizz huma materjal ta' reklamar, fejn il-lingwa hija fattur importanti għall-udjenza fil-mira (= id-destinatarji). Id-definizzjoni proposta mill-applikant hija konsistenti mal-preċedenti tal-Kummissjoni. Minħabba li ma hemm l-ebda raġuni biex wieħed jassumi kamp ta' applikazzjoni usa' jew idjaq tas-suq, għall-finijiet ta' din id-Deċiżjoni, u mingħajr preġudizzju għad-dritt tal-kompetizzjoni, il-kamp ta' applikazzjoni tas-suq ġeografiku għas-servizzi ta' oġġetti postali mingħajr indirizz huwa nazzjonali. |
(24) |
Jidher li l-ishma mis-suq tal-kompetituri ta' Poczta Polska S.A. huma ogħla jew komparabbli għal dawk ta' Poczta Polska S.A. L-ishma mis-suq tal-akbar kompetituri f'termini ta' fatturat huma rispettivament: […] f'termini ta' fatturat [… %] fl-2013, fi [… %] fl-2014; […] [… %] fl-2013, [… %] fl-2014; […] [… %] fl-2013, [… %] fl-2014; Is-sehem mis-suq ta' Poczta Polska S.A. kien baxx meta mqabbel mal-kompetituri tagħha u kien jammonta għal 6,2 % f'termini ta' volum u għal 13,94 % f'termini ta' fatturat fl-2014 (16). |
(25) |
Abbażi tal-informazzjoni pprovduta fit-talba u filwaqt li jitqies ir-rapport tal-UKE tal-2014, jidher li f'dan is-suq Poczta Polska għandha ħafna kompetituri. Billi Poczta Polska kellha sehem stabbli mis-suq fl-2013 u fl-2014 u fid-dawl tal-fatt li ma hemm kważi l-ebda ostaklu għad-dħul f'dan is-suq, wieħed jista' jassumi b'ċertezza li bħalissa hija esposta għal kompetizzjoni diretta u se jkollha tħabbat wiċċha ma' restrizzjonijiet kompetittivi anke fil-futur qarib. |
(26) |
Għall-finijiet ta' din id-Deċiżjoni u mingħajr preġudizzju għad-dritt tal-kompetizzjoni, il-fatturi elenkati fil-premessi 20 sa 25 għandhom jitqiesu bħala indikazzjoni ta' esponiment għall-kompetizzjoni ta' din l-attività fil-Polonja. Konsegwentement, minħabba li l-kundizzjonijiet stipulati fl-Artikolu 34 tad-Direttiva 2014/25/UE huma ssodisfati, għandu jiġi stabbilit li d-Direttiva 2014/25/UE ma tapplikax għall-kuntratti maħsuba biex jippermettu t-twettiq ta' din l-attività fil-Polonja. |
Servizzi tal-istampar u tal-ippakkjar
(27) |
Is-servizzi tal-istampar u tal-ippakkjar jiġu offruti bħala pakkett ta' servizzi għall-forniment fi kwantitajiet kbar, u din hija prattika komuni marbuta ma' kwantitajiet kbar ta' korrispondenza. Il-pakkett jinkludi, fost affarijiet oħra, ir-riċevuta tad-dokumenti, l-istampar, l-għata u l-kisi, l-ippakkjar. |
(28) |
Sabiex tiżdied il-kosteffiċjenza, proċessi interni bħal dawn ta' sikwit jiġu esternalizzati minn kumpaniji lil partijiet terzi. |
(29) |
Abbażi tal-informazzjoni pprovduta mill-UKE u filwaqt li titqies il-prattika eżistenti tal-Kummissjoni (17), għall-finijiet ta' din id-Deċiżjoni, u mingħajr preġudizzju għad-dritt tal-kompetizzjoni, is-suq rilevanti tal-prodotti huwa definit bħala servizzi relatati mal-istampar u mal-ippakkjar ta' oġġetti postali. |
(30) |
Skont il-preċedenti tal-Kummissjoni, is-suq tat-tqassim għas-servizzi tal-istampar u tal-ippakkjar fil-prinċipju huwa nazzjonali. Qabelxejn, il-faċilità tal-istampar hija organizzata fuq livell nazzjonali, minkejja li jista' jkun il-każ li xi stampar isir barra t-territorju nazzjonali. Barra minn hekk, hemm differenzi fil-prezzijiet bejn Stati Membri differenti. Kif ukoll, il-biċċa l-kbira ta' dawn is-servizzi jitwettqu għal spedituri nazzjonali attwali jew potenzjali bl-għan li jottimizzaw il-proċessi interni tagħhom u jnaqqsu l-ispejjeż tagħhom. |
(31) |
Id-definizzjoni proposta mill-applikant hija konsistenti mal-preċedenti tal-Kummissjoni. Minħabba li ma hemm l-ebda raġuni biex wieħed jassumi kamp ta' applikazzjoni usa' jew idjaq tas-suq, għall-finijiet ta' din id-Deċiżjoni, u mingħajr preġudizzju għad-dritt tal-kompetizzjoni, il-kamp ta' applikazzjoni tas-suq ġeografiku għas-servizzi tal-istampar u tal-ippakkjar huwa nazzjonali. |
(32) |
Is-sehem mis-suq ta' Poczta Polska S.A. huwa baxx ħafna u kien jammonta għal 1,17 % biss fl-2014 (18). |
(33) |
L-ishma mis-suq tal-kompetituri ta' Poczta Polska S.A. huma ogħla b'mod sinifikanti. L-ishma mis-suq tal-akbar atturi f'termini ta' fatturat huma kif ġej: Emerson Polska sp. z o.o. S.K.A. 28,4 % fl-2013 u 24,6 % fl-2014; Unizeto Technologies S.A. 21,2 % fl-2013 u 21,0 % fl-2014; Inforsys S.A. 17,8 % fl-2013 u 20,7 % fl-2014 (19). |
(34) |
Abbażi tal-informazzjoni pprovduta fit-talba u filwaqt li jiġi kkunsidrat ir-rapport tal-UKE tal-2014, jista' jiġi konkluż li bħalissa Poczta Polska S.A. hija esposta għal kompetizzjoni diretta u se jkollha tħabbat wiċċha ma' restrizzjonijiet kompetittivi anke fil-futur prevedibbli. |
(35) |
Għall-finijiet ta' din id-Deċiżjoni u mingħajr preġudizzju għad-dritt tal-kompetizzjoni, il-fatturi elenkati fil-premessi 27 sa 34 għandhom jitqiesu bħala indikazzjoni ta' esponiment għall-kompetizzjoni ta' din l-attività fil-Polonja. Konsegwentement, minħabba li l-kundizzjonijiet stipulati fl-Artikolu 34 tad-Direttiva 2014/25/UE huma ssodisfati, għandu jiġi stabbilit li d-Direttiva 2014/25/UE ma tapplikax għall-kuntratti maħsuba biex jippermettu t-twettiq ta' din l-attività fil-Polonja. |
IV. IL-KONKLUŻJONI
(36) |
Minħabba l-fatturi eżaminati fil-premessi 3 sa 35, il-kundizzjoni tal-esponiment dirett għall-kompetizzjoni stipulata fl-Artikolu 34 tad-Direttiva 2014/25/UE, għandha titqies li hija ssodisfata fil-Polonja, fir-rigward tas-servizzi li ġejjin:
|
(37) |
Minħabba li l-kundizzjoni ta' aċċess mhux ristrett għas-suq titqies li ġiet issodisfata, id-Direttiva 2014/25/UE la għandha tapplika meta l-entitajiet kontraenti jagħtu kuntratti maħsuba biex jippermettu l-għoti tas-servizzi tal-ġbir, tal-issortjar, tat-trasport u tat-tqassim ta' oġġetti bil-kurriera, is-servizzi tal-istampar u tal-ippakkjar, is-servizzi tal-oġġetti postali mingħajr indirizz fil-Polonja, u lanqas meta jiġu organizzati konkorsi tad-disinn għat-twettiq ta' tali attività f'dik iż-żona ġeografika. |
(38) |
Din id-Deċiżjoni hi bbażata fuq is-sitwazzjoni ġuridika u fattwali kif kienet mit-2 ta' Frar 2016 sat-23 ta' Marzu 2016, kif toħroġ mill-informazzjoni mressqa mill-applikant, u mir-rapport tal-UKE tal-2014. Din tista' tiġi reveduta, jekk bidliet sinifikanti fis-sitwazzjoni ġuridika jew fattwali jfissru li l-kundizzjonijiet għall-applikabbiltà tal-Artikolu 34 tad-Direttiva 2014/25/UE ma jibqgħux issodisfati. |
(39) |
Il-miżuri previsti f'din id-Deċiżjoni huma skont l-opinjoni tal-Kumitat Konsultattiv għall-Kuntratti Pubbliċi, |
ADOTTAT DIN ID-DEĊIŻJONI:
Artikolu 1
Id-Direttiva 2014/25/UE ma għandhiex tapplika għall-kuntratti mogħtija minn entitajiet kontraenti u li huma maħsuba biex jippermettu l-għoti tas-servizzi segwenti fil-Polonja:
(a) |
il-ġbir, l-issortjar, it-trasport u t-tqassim ta' oġġetti bil-kurriera, |
(b) |
l-oġġetti postali mingħajr indirizz, |
(c) |
is-servizzi tal-istampar u tal-ippakkjar, |
Artikolu 2
Din id-Deċiżjoni hija indirizzata lir-Repubblika tal-Polonja.
Magħmul fi Brussell, l-4 ta' Lulju 2016.
Għall-Kummissjoni
Elżbieta BIEŃKOWSKA
Membru tal-Kummissjoni
(1) ĠU L 94, 28.3.2014, p. 243.
(2) Il-Ġurnal tal-Liġijiet 2013, il-punt 907, kif emendat.
(3) Id-Direttiva 97/67/KE tal-Parlament Ewropew u tal-Kunsill tal-15 ta' Diċembru 1997 dwar regoli komuni għall-iżvilupp tas-suq intern tas-servizzi postali tal-Komunità u t-titjib fil-kwalità tas-servizz (ĠU L 15, 21.1.1998, p. 14).
(4) Id-Direttiva 2002/39/KE tal-Parlament Ewropew u tal-Kunsill ta' l-10 ta' Ġunju 2002 li temenda d-Direttiva 97/67/KE fir-rigward tal-ftuħ ulterjuri għal kompetizzjoni tas-servizzi postali Komunitarji (ĠU L 176, 5.7.2002, p. 21).
(5) Direttiva 2008/6/KE tal-Parlament Ewropew u tal-Kunsill ta' l- 20 ta' Frar 2008 li temenda d-Direttiva 97/67/KE dwar it-tlestija kompleta tas-suq intern tas-servizzi postali Komunitarji (ĠU L 52, 27.2.2008, p. 3).
(6) Il-Ġurnal tal-Liġijiet 2012, il-punt 1529.
(7) Id-Direttiva 2004/17/KE tal-Parlament Ewropew u tal-Kunsill tal-31 ta' Marzu 2004 li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u postali (ĠU L 134, 30.4.2004, p. 1).
(8) Ir-Regolament tal-Kunsill (KE) Nru 139/2004, tal-20 ta' Jannar 2004, dwar il-kontroll ta' konċentrazzjonijiet bejn impriżi (ir-Regolament tal-KE dwar l-Għaqdiet) (ĠU L 24, 29.1.2004, p. 1).
(9) Id-Deċiżjoni tal-Kummissjoni 90/16/KEE tal-20 ta' Diċembru 1989 dwar il-provvista fil-Pajjiżi l-Baxxi tas-servizz tal-posta rapida (ĠU L 10, 12.1.1990, p. 47) u d-Deċiżjoni tal-Kummissjoni 90/456/KEE tal-1 ta' Awwissu 1990 dwar il-provvista fi Spanja ta' servizzi ta' posta rapida internazzjonali (ĠU L 233, 28.8.1990, p. 19).
(10) Il-Każ Nru COMP/M.2908 Deutsche Post/DHL (II), il-premessa 20 u l-Każ Nru COMP/M.5152- Posten AB/Post Danmark A/S, il-premessi 64-74, COMP/M.6570 — UPS/TNT Express, il-premessa 243, il-Każ Nru COMP 39562 Slovak Post.
(11) Il-Każ Nru COMP/M.5152 — Posten AB/Post Danmark A/S, il-premessa 74.
(12) It-tabella 17, p. 35 tar-rapport ta' Urzad Komunikacji Elektronicznej tal-2014.
(13) Raport o stanie rynku pocztowego za rok 2014, p. 44.
(14) […] informazzjoni kunfidenzjali.
(15) Il-Każ Nru COMP/M.5152- Posten AB/Post DanmarkA/S.
(16) It-tabella 20, p. 46 tar-rapport ta' Urząd Komunikacji Elektronicznej tal-2014
(17) Deċiżjoni ta' Implimentazzjoni tal-Kummissjoni 2014/184/UE tat-2 ta' April 2014 li teżenta ċertu servizzi fis-settur postali fl-Awstrija mill-applikazzjoni tad-Direttiva 2004/17/KE tal-Parlament Ewropew u tal-Kunsill li tikkoordina l-proċeduri ta' akkwisti ta' entitajiet li joperaw fis-setturi tas-servizzi tal-ilma, l-enerġija, it-trasport u s-servizzi postali (ĠU L 101, 4.4.2014, p. 4), il-premessa 76.
(18) Skont l-informazzjoni mibgħuta mill-applikant.
(19) Ibid.
22.7.2016 |
MT |
Il-Ġurnal Uffiċjali tal-Unjoni Ewropea |
L 197/10 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/1196
tal-20 ta' Lulju 2016
li temenda l-Annessi tad-Deċiżjoni 2007/275/KE dwar il-listi ta' annimali u prodotti li huma soġġetti għal kontrolli fil-postijiet ta' spezzjoni fuq il-fruntieri skont id-Direttivi tal-Kunsill 91/496/KEE u 97/78/KE
(notifikata bid-dokument C(2016) 4494)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (1), u b'mod partikolari l-Artikolu 4(5) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (2), u b'mod partikolari l-Artikolu 3(5) tagħha,
Billi:
(1) |
Id-Deċiżjoni tal-Kummissjoni 2007/275/KE (3) tistipula li l-annimali u l-prodotti elenkati fl-Anness I tagħha għandhom jiġu soġġetti għal kontrolli veterinarji fil-postijiet ta' spezzjoni fil-fruntiera skont id-Direttivi 91/496/KEE u 97/78/KE (“il-kontrolli veterinarji”). Id-Deċiżjoni 2007/275/KE tistipula wkoll deroga minn kontrolli veterinarji bħal dawn dan għal ċerti prodotti komposti u għall-oġġetti tal-ikel elenkati fl-Anness II tagħha. |
(2) |
Il-lista stabbilita fl-Anness I tad-Deċiżjoni 2007/275/KE telenka l-annimali u l-prodotti skont in-Nomenklatura Magħquda (“NM”), kif stipulat fir-Regolament tal-Kunsill (KEE) Nru 2658/87 (4). Din il-lista tintuża mill-awtoritajiet kompetenti tal-Istati Membri bħala l-ewwel pass fl-għażla tal-kunsinni li jridu jiġu sottomessi għall-kontrolli veterinarji. |
(3) |
Sa mid-data meta ġiet adottata d-Deċiżjoni 2007/275/KE, il-kodiċijiet NM stabbiliti fir-Regolament (KEE) Nru 2658/87 ġew aġġornati bosta drabi, u l-aktar emendi reċenti huma stabbiliti fir-Regolament ta' Implimentazzjoni tal-Kummissjoni (UE) 2015/1754 (5). Billi saru bosta emendi fil-kodiċijiet NM għall-prodotti li joriġinaw mill-annimali, jenħtieġ li l-lista stabbilita fl-Anness I tad-Deċiżjoni 2007/275/KE tiġi aġġornata sabiex tqis dawk l-emendi. |
(4) |
F'diversi titli tan-NM u kodiċijiet tan-NM elenkati fl-Anness I tad-Deċiżjoni 2007/275/KE, il-prodotti li joriġinaw mill-annimali jirrappreżentaw biss parti żgħira tal-prodotti inklużi fit-titlu jew fil-kodiċi rilevanti tan-NM. F'każijiet bħal dawn, il-kolonna 3 tal-lista msemmija hawn fuq tirreferi għal-leġiżlazzjoni veterinarja tal-Unjoni applikabbli u tipprovdi dettalji tal-annimali u tal-prodotti li jridu jiġu soġġetti għal kontrolli veterinarji. Filwaqt li jitqiesu t-terminoloġija u r-referenzi f'leġiżlazzjoni veterinarja oħra tal-Unjoni, jenħtieġ li dawk ir-referenzi fid-Deċiżjoni 2007/275/KE jiġu aġġornati sabiex ikunu allinjati mal-leġiżlazzjoni veterinarja attwali tal-Unjoni. |
(5) |
Fl-interess tal-konsistenza tal-leġiżlazzjoni tal-Unjoni, jenħtieġ li l-lista stabbilita fl-Anness I tad-Deċiżjoni 2007/275/KE tiġi aġġornata sabiex tqis l-emendi li saru fil-kodiċijiet NM u fil-leġiżlazzjoni veterinarja tal-Unjoni. Għaldaqstant, jenħtieġ li l-Anness I tad-Deċiżjoni 2007/275/KE jiġi emendat skont dan. |
(6) |
Il-prodotti komposti u l-oġġetti tal-ikel elenkati fl-Anness II tad-Deċiżjoni 2007/275/KE ma għandhomx jiġu sottomessi għal kontrolli veterinarji. Għaldaqstant, dawn jenħtieġ li jkunu identifikabbli b'mod ċar u għandhom jintrabtu mal-kodiċijiet NM tagħhom. Barra minn hekk, jenħtieġ li ċerti prodotti komposti u oġġetti tal-ikel jitħassru mil-lista stabbilita fl-Anness II tad-Deċiżjoni 2007/275/KE. Għaldaqstant, jenħtieġ li dik il-lista tiġi emendata skont dan. |
(7) |
Għalhekk, jenħtieġ li d-Deċiżjoni 2007/275/KE tiġi emendata skont dan. |
(8) |
Il-miżuri stipulati f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Annessi tad-Deċiżjoni 2007/275/KE huma emendati skont l-Anness ta' din id-Deċiżjoni.
Artikolu 2
Din id-Deċiżjoni għandha tapplika mill-1 ta' Jannar 2017.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, l-20 ta' Lulju 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 268, 24.9.1991, p. 56.
(3) Id-Deċiżjoni tal-Kummissjoni 2007/275/KE tas-17 ta' April 2007 dwar il-listi ta' annimali u prodotti li huma soġġetti għal kontrolli fil-postijiet ta' spezzjoni fuq il-fruntieri skont id-Direttivi tal-Kunsill 91/496/KEE u 97/78/KE. (ĠU L 116, 4.5.2007, p. 9).
(4) Ir-Regolament tal-Kunsill (KEE) Nru 2658/87 tat-23 ta' Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).
(5) Ir-Regolament ta' Implimentazzjoni tal-Kummissjoni (UE) 2015/1754 tas-6 ta' Ottubru 2015 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni (ĠU L 285, 30.10.2015, p. 1).
ANNESS
L-Annessi I u II tad-Deċiżjoni 2007/275/KE huma emendati kif ġej:
(1) |
L-Anness I huwa emendat kif ġej:
|
(2) |
L-Anness II huwa sostitwit bit-test li ġej: “ANNESS II Lista ta' prodotti komposti u prodotti alimentari mhux soġġetti għal kontrolli veterinarji kif imsemmi fl-Artikolu 6(1)(b) ta' din id-Deċiżjoni Din il-lista tistabbilixxi l-prodotti komposti u l-prodotti alimentari skont in-nomenklatura tal-merkanzija li qed tintuża fl-Unjoni li ma jridux jgħaddu minn kontrolli veterinarji f'post ta' spezzjoni fil-fruntiera. Noti li jirrigwardaw it-tabella: Kolonna (1) — il-kodiċi NM Din il-kolonna tindika l-kodiċi NM. In-NM, stabbilita bir-Regolament (KEE) Nru 2658/87, hija bbażata fuq is-Sistema Armonizzata għad-Deskrizzjoni u l-Kodifikazzjoni tal-Merkanzija (SA) imfassla mill-Kunsill tal-Kooperazzjoni Doganali, li saret l-Organizzazzjoni Dinjija Doganali (WCO), u adottata mill-Konvenzjoni Internazzjonali, konkluża fi Brussell, fl-14 ta' Ġunju 1983, u approvata f'isem il-Komunità Ekonomika Ewropea bid-Deċiżjoni 87/369/KEE (“il-Konvenzjoni SA”). In-NM tirriproduċi t-titoli u s-sottotitoli tas-SA sa sitt figuri, u s-seba' u t-tmien figuri biss joħolqu sottotitoli ulterjuri li huma speċifiċi għaliha. Meta jintuża kodiċi b'erba' figuri: sakemm ma jiġix speċifikat mod ieħor, il-prodotti komposti u l-prodotti alimentari kollha prefissi b'dawn l-erba' figuri jew koperti minnhom, mhumiex meħtieġa jgħaddu minn kontrolli veterinarji f'post ta' spezzjoni fil-fruntiera. Meta jkunu biss ċerti prodotti speċifikati taħt kwalunkwe kodiċi ta' erba', sitt jew tmien figuri li fihom prodotti tal-annimali u fin-NM ma tkun teżisti l-ebda sottodiviżjoni speċifika taħt dan il-kodiċi, il-kodiċi jiġi mmarkat ex (pereżempju, ex 2001 90 65: il-kontrolli veterinarji mhumiex meħtieġa għall-prodotti deskritti fil-Kolonna (2)). Kolonna (2) — Spjegazzjoni Din il-kolonna tagħti d-dettalji tal-prodotti komposti u l-prodotti alimentari koperti bid-deroga mill-kontrolli veterinarji fil-postijiet ta' spezzjoni fil-fruntiera. Meta jkun meħtieġ, il-veterinarji uffiċjali fil-postijiet ta' spezzjoni fil-fruntiera jridu jevalwaw l-ingredjenti ta' prodott kompost u ta' prodott alimentari u jispeċifikaw, jekk il-prodott mill-annimali li hemm fil-prodott kompost u fil-prodott alimentari huwiex ipproċessat biżżejjed li ma jkunx jeħtieġ il-kontrolli veterinarji stipulati fil-leġiżlazzjoni tal-Unjoni.
|
(*) Ir-Regolament tal-Kummissjoni (KE) Nru 1125/2006 tal-21 ta' Lulju 2006 dwar il-klassifikazzjoni ta' ċerti prodotti fin-Nomenklatura Magħquda (ĠU L 200, 22.7.2006, p. 3).”
(**) Ir-Regolament ta' Implimentazzjoni tal-Kummissjoni (UE) Nru 443/2013 tas- 7 ta' Mejju 2013 dwar il-klassifikazzjoni ta' ċerti prodotti fin-Nomenklatura Magħquda (ĠU L 130, 15.5.2013, p. 17).”
(***) Id-Direttiva tal-Kunsill 93/42/KEE tal-14 ta' Ġunju 1993 dwar mezzi mediċi (ĠU L 169, 12.7.1993, p. 1).
(****) Id-Direttiva 98/79/KE tal-Parlament Ewropew u tal-Kunsill tas-27 ta' Ottubru 1998 dwar il-mezzi mediċi dijanjostiċi in vitro (ĠU L 331, 7.12.1998, p. 1).”