(1)

Il-Ftehim Ewro-Mediterranju li jistabbilixxi Assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika tal-Libanu, min-naħa l-oħra (1) (“il-Ftehim”) ġie ffirmat fil-Lussemburgu fis-17 ta' Ġunju 2002 u daħal fis-seħħ fl-1 ta' April 2006.

(2)

Ir-Repubblika tal-Kroazja saret Stat Membru tal-Unjoni Ewropea fl-1 ta' Lulju 2013.

(3)

Skont it-termini tal-Artikolu 6(2) tal-Att ta' Adeżjoni tar-Repubblika tal-Kroazja, l-adeżjoni tar-Repubblika tal-Kroazja għall-Ftehim għandha tiġi miftiehma permezz ta' Protokoll għall-Ftehim konkluż bejn il-Kunsill, li jaġixxi f'isem l-Unjoni u unanimament f'isem l-Istati Membri, u r-Repubblika Libaniża.

(4)

Fl-14 ta' Settembru 2012, il-Kunsill awtorizza lill-Kummissjoni biex tiftaħ in-negozjati mar-Repubblika Libaniża. In-negozjati ġew konklużi b'suċċess meta ġie inizjalat Protokoll mehmuż ma' din id-Deċiżjoni.

(5)

L-Artikolu 7 tal-Protokoll jipprevedi l-applikazzjoni proviżorja tiegħu qabel ma jidħol fis-seħħ.

(6)

Il-Protokoll għandu jiġi ffirmat, soġġett għall-konkluzjoni tiegħu f'data aktar 'il quddiem, u għandu jiġi applikat fuq bażi proviżorja,

(1)

Il-Ftehim Ewro-Mediterranju li jistabbilixxi Assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika tal-Libanu, min-naħa l-oħra (“il-Ftehim”), ġie ffirmat fil-Lussemburgu fis-17 ta' Ġunju 2002 u daħal fis-seħħ fl-1 ta' April 2006.

(2)

It-Trattat ta' Adeżjoni tar-Repubblika tal-Kroazja mal-Unjoni Ewropea ġie ffirmat fi Brussell fid-9 ta' Diċembru 2011 u daħal fis-seħħ fl-1 ta' Lulju 2013.

(3)

Skont l-Artikolu 6(2) tal-Att ta' Adeżjoni tar-Repubblika tal-Kroazja, l-adeżjoni tagħha għall-Ftehim għandha tiġi miftiehma bil-konklużjoni ta' protokoll għall-Ftehim.

(4)

Il-konsultazzjonijiet skont l-Artikolu 22(2) tal-Ftehim saru biex ikun żgurat li jkunu ġew ikkunsidrati l-interessi reċiproċi tal-Unjoni Ewropea u tal-Libanu,

(1)

Fil-kuntest ta' riżoluzzjoni, huwa essenzjali li l-awtoritajiet ta' riżoluzzjoni jkollhom gwida suffiċjenti biex jiżguraw li l-għodda tar-rikapitalizzazzjoni interna tiġi applikata b'mod adegwat u konsistenti madwar l-Unjoni. Il-prinċipju li l-għodda tar-rikapitalizzazzjoni interna tkun tista' tiġi applikata għall-obbligazzjonijiet kollha ħlief jekk dawn huma espliċitament esklużi skont l-Artikolu 44(2) tad-Direttiva 2014/59/UE huwa predominanti. Għal din ir-raġuni, l-ebda obbligazzjoni ma għandha tiġi preżunta li hija dejjem eskluża mir-rikapitalizzazzjoni interna sakemm ma taqax fil-lista ta' obbligazzjonijiet espliċitament esklużi skont dik id-dispożizzjoni. Fil-fatt, saħansitra fl-istadju tal-ippjanar ta' riżoluzzjoni u valutazzjoni ta' riżolvibbiltà, l-awtorità ta' riżoluzzjoni għandha timmira li timminimizza l-esklużjonijiet mir-rikapitalizzazzjoni interna bil-għan li jiġi rrispettat il-prinċipju li l-azzjonisti u l-kreditur se jassorbu l-kostijiet tar-riżoluzzjoni.

(2)

Prinċipju ġenerali li jirregola r-riżoluzzjoni huwa li l-azzjonisti u l-kredituri għandhom jassorbu t-telf f'riżoluzzjoni skont l-ordni ta' prijorità tal-pretensjonijiet tagħhom skont proċeduri normali ta' insolvenza. Barra minn hekk, il-kredituri tal-istess klassi għandhom jiġu ttrattati b'mod ekwu. F'dan l-isfond, id-diskrezzjoni tal-awtoritajiet ta' riżoluzzjoni li jeskludu kompletament jew parzjalment ċertu obbligazzjonijiet mir-rikapitalizzazzjoni interna u jgħaddu dan it-telf lil kredituri oħra jew, fejn meħtieġ, lill-fondi ta' riżoluzzjoni għandha tkun definita b'mod ċar. Għalhekk, iċ-ċirkustanzi li jippermettu lill-kredituri li jiġu esklużi mir-rikapitalizzazzjoni interna jeħtieġ li jkunu ċċarati b'mod strett u kwalunkwe devjazzjoni mill-prinċipju ta' trattament ekwu ta' kredituri tal-istess grad (l-hekk imsejjaħ prinċipju pari-passu) għandhom ikunu proporzjonati, ġustifikati mill-interess pubbliku u mhux diskriminatorji.

(3)

Huwa importanti li jiġi pprovdut qafas għall-awtoritajiet ta' riżoluzzjoni waqt li jeżerċitaw is-setgħa tagħhom li jeskludu obbligazzjoni jew klassi ta' obbligazzjonijiet minn rikapitalizzazzjoni interna, skont iċ-ċirkostanzi eċċezzjonali stipulati fl-Artikolu 44(3) tad-Direttiva 2014/59/UE, sabiex ikun hemm iktar ċarezza fix-xenarju ta' riżoluzzjoni partikolari. Madankollu, huwa meħtieġ ċertu grad ta' flessibbiltà biex l-awtoritajiet ta' riżoluzzjoni jivvalutaw jekk l-esklużjonijiet humiex strettament meħtieġa u proporzjonati, abbażi ta' każ b'każ.

(4)

Id-deċiżjoni li tintuża l-għodda tar-rikapitalizzazzjoni interna (jew għodod oħra ta' riżoluzzjoni) għandha tittieħed sabiex jinkisbu l-għanijiet ta' riżoluzzjoni fl-Artikolu 31(2) tad-Direttiva 2014/59/UE. Bl-istess mod, dawk l-għanijiet ta' riżoluzzjoni għandhom janimaw ukoll id-deċiżjonijiet dwar l-użu tal-għodda, inkluża d-deċiżjoni li jiġu esklużi obbligazzjoni jew klassi ta' obbligazzjonijiet mill-applikazzjoni tar-rikapitalizzazzjoni interna f'każ partikolari.

(5)

F'konformità ma' dawn il-prinċipji, l-abbiltà li teskludi jew parzjalment teskludi ċertu obbligazzjonijiet mill-applikazzjoni tas-setgħat ta' tniżżil fil-valur jew ta' konverżjoni skont l-Artikolu 44(3) tad-Direttiva 2014/59/UE għandha tkun limitata għall-minimu neċessarju sabiex jintlaħqu l-għanijiet li jiġġustifikaw l-esklużjoni. Għal dan l-għan, kull fejn ikun possibbli, l-għażla li parzjalment teskludi obbligazzjoni billi jiġi limitat t-tniżżil fil-valur tagħha sa fejn ikun biżżejjed biex jintlaħaq l-għan għandha tiġi ippreferuta mill-esklużjoni totali tagħha mir-rikapitalizzazzjoni interna.

(6)

L-użu eċċezzjonali tas-setgħa li jeskludu, totalment jew parzjalment, obbligazzjoni jew klassi ta' obbligazzjonijiet m'għandux jaffettwa r-responsabbiltajiet tal-awtoritajiet ta' riżoluzzjoni biex jiżguraw li l-istituzzjonijiet u l-gruppi huma riżolvibbli, u li dawn ikollhom biżżejjed fondi sabiex jissodisfaw ir-rekwiżit minimu għal fondi proprji u obbligazzjonijiet eliġibbli (MREL) sabiex jassorbu t-telf f'riżoluzzjoni u biex tiġi żgurata rikapitalizzazzjoni skont il-pjan ta' riżoluzzjoni. Tabilħaqq, skont l-Artikolu 45(6)(c) tad-Direttiva 2014/59/UE, l-awtoritajiet ta' riżoluzzjoni rilevanti għandhom jieħdu kont ta' kwalunkwe esklużjoni probabbli meta jkunu qegħdin jiżguraw li istituzzjoni jkollha kapaċità suffiċjenti ta' assorbiment ta' telf u ta' rikapitalizzazzjoni. Sa fejn l-esklużjoni ta' ċerti obbligazzjonijiet mir-rikapitalizzazzjoni interna tista' tnaqqas b'mod sostanzjali l-livell ta' din il-kapaċità disponibbli f'riżoluzzjoni, il-ħtieġa probabbli għal tali esklużjonijiet għandha tiġi indirizzata mill-awtorità ta' riżoluzzjoni meta tistabbilixxi l-MREL skont l-Artikolu 45(6)(c) tad-Direttiva 2014/59/UE.

(7)

Minħabba n-natura eċċezzjonali tal-possibbiltà li l-awtorità ta' riżoluzzjoni teskludi obbligazzjoni jew klassi ta' obbligazzjonijiet mir-rikapitalizzazzjoni interna skont l-Artikolu 44(3) tad-Direttiva 2014/59/UE, l-evalwazzjoni tal-awtorità ta' riżoluzzjoni għandha jkollha sisien sodi. Fejn tali esklużjonijiet jimplikaw l-użu tal-fond ta' riżoluzzjoni, l-awtorità ta' riżoluzzjoni għandha tipprovdi spjegazzjoni soda dwar iċ-ċirkostanzi eċċezzjonali li jwasslu għall-esklużjoni. Din l-ispjegazzjoni hija essenzjali biex il-Kummissjoni tkun tista' twettaq il-mandat tagħha skont l-Artikolu 44(12) tad-Direttiva 2014/59/UE, skont liema l-Kummissjoni għandha tiddeċiedi, fi żmien 24 siegħa tan-notifika mill-awtorità ta' riżoluzzjoni tad-deċiżjoni li teskludi ċerti obbligazzjonijiet, jekk għandhiex tipprojbixxi jew titlob emenda għall-esklużjoni proposta. L-ispjegazzjoni mogħtija lill-Kummissjoni mill-awtorità ta' riżoluzzjoni għandha tkun proporzjonata, u l-ħtieġa għall-espedjent kif ġustifikat miċ-ċirkostanzi speċifiċi tal-każ għandhom jiġu kkunsidrati.

(8)

F'każ ta' riżoluzzjoni, l-obbligazzjonijiet magħduda lejn l-MREL għandhom, fil-prinċipju, ikunu dejjem rikapitalizzati internament sal-punt neċessarju biex jiġi assorbit it-telf u tiġi rikapitalizzata l-istituzzjoni, sakemm l-awtoritajiet ta' riżoluzzjoni fiż-żmien tal-ippjanar ta' riżoluzzjoni fil-fatt jipprevedu li dawk l-obbligazzjonijiet jikkontribwixxu b'mod kredibbli u fattibbli għal assorbiment ta' telf u rikapitalizzazzjoni. F'każijiet eċċezzjonali fejn l-awtorità ta' riżoluzzjoni teħtieġ li tagħmel użu minn esklużjoni skont l-Artikolu 44(3) tad-Direttiva 2014/59/UE li ma ġietx ikkunsidrata fl-ippjanar tar-riżoluzzjoni, u fejn tali esklużjonijiet jimplikaw l-użu tal-fond ta' riżoluzzjoni, l-awtorità ta' riżoluzzjoni għandha tispjega liem ċirkostanzi eċċezzjonali jiġġustifikaw l-esklużjoni, u r-raġunijiet għaliex dawk iċ-ċirkostanzi eċċezzjonali ma setgħux ikunu previsti mill-awtorità tar-riżoluzzjoni waqt l-ippjanar ta' riżoluzzjoni. Il-ħtieġa li jiġu spjegati dawn il-fatturi għandha tkun applikata b'mod proporzjonat u xieraq fir-rigward tal-ħtieġa għal azzjoni ta' riżoluzzjoni f'waqtha.

(9)

L-abbiltà li jiġu esklużi obbligazzjonijiet mir-rikapitalizzazzjoni interna skont l-Artikolu 44(3) tad-Direttiva 2014/59/UE għandha tiġi eżerċitata b'rispett sħiħ għall-prinċipji ġenerali tad-dritt tal-Unjoni u, b'mod partikolari, m'għandiex taffettwa s-salvagwardji li jipproteġu kredituri oħra, jiġifieri l-prinċipju li l-ebda kreditur ma għandu jġarrab telf akbar minn dak li kien iġarrab kieku l-istituzzjoni ġiet stralċjata skont proċeduri normali ta' insolvenza (il-prinċipju li “l-ebda kreditur ma jmur agħar” (NCWO)). L-awtoritajiet ta' riżoluzzjoni għandhom ikunu konxji mill-ħtieġa li jirrispettaw dawn is-salvagwardji u r-riskju ta' kumpens lill-kredituri marbut mal-ksur ta' dawn is-salvagwardji meta jagħmlu esklużjonijiet skont l-Artikolu 44(3) tad-Direttiva 2014/59/UE, u waqt it-tħejjija tal-pjan ta' riżoluzzjoni. Madankollu, il-fatt li l-qrati jistgħu jirrieżaminaw id-deċiżjoni tal-awtorità ta' riżoluzzjoni li teskludi obbligazzjoni m'għandiex tkun l-unika raġuni għal esklużjoni addizzjonali. Dan għandu jkun mingħajr preġudizzju li tingħata l-kunsiderazzjoni dovuta lil deċiżjonijiet preċedenti tal-qorti rigward azzjonijiet ta' riżoluzzjoni fejn huma rilevanti għall-każ speċifiku.

(10)

Il-kapaċità ġenerali tal-awtorità tar-riżoluzzjoni li tagħmel esklużjonijiet hija limitata mill-fatt li telf li ma jkunx assorbit kompletament mill-kredituri minħabba esklużjonijiet jista' jkun kopert mill-arranġament ta' finanzjament ta' riżoluzzjoni biss meta l-azzjonisti u l-kredituri jkunu kkontribwew ammont ugwali għal mill-inqas 8 % tal-obbligazzjonijiet totali tal-istituzzjoni, inklużi l-fondi proprji.

(11)

Esklużjonijiet għandhom jiġu kkunsidrati abbażi ta' każ b'każ permezz ta' analiżi ta' kunsiderazzjonijiet rilevanti skont kull waħda mir-raġunijiet potenzjali għal esklużjoni skont l-Artikolu 44(3) tad-Direttiva 2014/59/UE, aktar milli billi tiġi kkunsidrata n-natura speċifika tal-istituzzjonijiet ikkonċernati f'iżolament. Dan l-approċċ għandu jiżgura kunsiderazzjoni konsistenti ta' ċirkustanzi eċċezzjonali u jevita kull tip ta' distorsjoni fil-kompetizzjoni. Il-karatteristiċi ta' istituzzjoni (bħalma huma d-daqs, l-interkonnettività jew il-kumplessità) għandu jittieħed kont tagħhom, fejn rilevanti, sabiex jiġi vvalutat jekk iċ-ċirkostanzi li jiġġustifikaw esklużjoni ta' obbligazzjoni mir-rikapitalizzazzjoni interna humiex issodisfatti. Madankollu, dawk il-karatteristiċi m'għandhomx awtomatikament jiġġustifikaw eżenzjonijiet ta' obbligazzjonijiet tali ta' istituzzjoni milli jiġu rikapitalizzati internament.

(12)

Xi fatturi ġenerali, bħall-kundizzjonijiet tas-suq, ċirkostanzi ta' falliment jew il-livell tat-telf imġarrab mill-istituzzjoni, jistgħu jaffettwaw il-probabbiltà li ċirkostanzi eċċezzjonali, kif definit fl-Artikolu 44(3) tad-Direttiva 2014/59/UE, jinqalgħu. Madankollu tali fatturi ġenerali ma għandhomx jikkostitwixxu raġunijiet indipendenti ulterjuri għal esklużjoni lil hinn minn dawk elenkati fl-Artikolu 44(3)(a) sa (d) tad-Direttiva 2014/59/UE.

(13)

Meta tiġi biex tikkunsidra jekk ċirkostanza waħda jew aktar li jiġġustifikaw esklużjonijiet mir-rikapitalizzazzjoni interna humiex issodisfatti, l-awtorità ta' riżoluzzjoni għandha tikkunsidra l-ammont ta' żmien li warajh il-falliment imminenti ta' istituzzjoni ma setax jibqa' jiġi ġestit b'mod ordnat. Fejn il-pjanijiet ta' riżoluzzjoni u l-MREL għal kull istituzzjoni jkunu ġew definiti u l-impedimenti għar-riżoluzzjoni jkunu ġew indirizzati, huwa mistenni li l-istituzzjoni għandu jkollha l-kapaċità meħtieġa li tassorbi t-telf u tiġi rikapitalizzata. Fil-fatt, l-iskema tar-riżoluzzjoni għandha ssegwi l-pjan ta' riżoluzzjoni, inkluża l-istrateġija ta' riżoluzzjoni, sakemm filwaqt li tqis iċ-ċirkostanzi tal-każ, l-awtorità ta' riżoluzzjoni tivvaluta li l-għanijiet tar-riżoluzzjoni jkunu se jinkisbu b'mod aktar effikaċi bit-teħid ta' azzjonijiet mhux previsti fil-pjan ta' riżoluzzjoni.

(14)

Matul il-perjodu li fih il-pjanijiet ta' riżoluzzjoni u l-MREL ikunu għadhom ma ġewx adottati, u fejn kien hemm żmien limitat disponibbli biex ikun hemm deċiżjoni dwar l-implimentazzjoni dettaljata tal-istrateġija ta' riżoluzzjoni mill-awtorità ta' riżoluzzjoni, huwa aktar probabbli li se jkun hemm każijiet fejn ma jkunx possibbli li tiġi applikata l-għodda tar-rikapitalizzazzjoni interna għal kull obbligazzjoni eliġibbli fi żmien raġonevoli. Id-determinazzjoni ta' x'jikkostitwixxi “żmien raġonevoli” għandha tkun marbuta mal-ħeffa u ċ-ċertezza meħtieġa biex tiġi ffinalizzata r-rikapitalizzazzjoni interna sa ċerta data sabiex effettivament tiġi stabbilizzata d-ditta. Meta ma jkunx fattibbli li jitwettqu l-kompiti kollha meħtieġa għar-rikapitalizzazzjoni interna ta' ċerti obbligazzjonijiet sa dik id-data, ir-rikapitalizzazzjoni interna “fi żmien raġonevoli” għandha titqies li mhix possibbli ssir. Id-deċiżjoni dwar meta “diffiċli” ssarraf f'“impossibbli” għandha ssir abbażi tal-kriterji li jiddefinixxu “żmien raġonevoli”.

(15)

Fil-prinċipju, obbligazzjonijiet irregolati mil-liġi ta' pajjiż terz tista' ssirilhom rikapitalizzazzjoni interna sakemm mhumiex esklużi skont l-Artikolu 44(2). Il-mekkaniżmu previst skont l-Artikolu 55 huwa intiż li jżid il-probabbiltà li dawk l-obbligazzjonijiet ikunu jistgħu jiġu rikapitalizzati internament fi żmien raġonevoli. Daqstant ieħor importanti, l-Artikolu 67 tad-Direttiva 2014/59/UE jagħti lill-awtoritajiet ta' riżoluzzjoni d-diskrezzjoni li jirrikjedu li l-amministratur, ir-riċevitur jew kwalunkwe persuna oħra li teżerċita kontroll fuq l-istituzzjoni taħt riżoluzzjoni tieħu l-passi kollha meħtieġa biex tiżgura li valwazzjoni negattiva jew il-konverżjoni ta' obbligazzjonijiet rregolati mil-liġi ta' pajjiż terz issir effettiva. Madankollu, fid-dawl tal-fatt li tali obbligazzjonijiet mhumiex irregolati mil-liġi tal-UE, riskju residwu jibqa' li f'każi eċċezzjonali minkejja l-aħjar sforzi min-naħa tal-awtorità ta' riżoluzzjoni, inkluż l-eżerċizzju ta' diskrezzjoni skont l-Artikolu 67, se jinqalgħu problemi bl-abbiltà ta' rikapitalizzazzjoni interna ta' tali obbligazzjonijiet f'perjodu raġonevoli.

(16)

Ostakolu prattiku għar-rikapitalizzazzjoni interna ta' ċerti obbligazzjonijiet jistgħu jinkludu l-fatt li l-ammont tal-obbligazzjoni ma jkunx iddeterminat jew ikun diffiċli li jiġi ddeterminat fil-mument meta l-awtorità tar-riżoluzzjoni tapplika l-għodda tar-rikapitalizzazzjoni interna. Dan jista' jkun il-każ għal obbligazzjonijiet iggarantiti li jaqbżu l-valur tal-kollateral rilevanti, jew obbligazzjonijiet li huma kontinġenti fuq avvenimenti inċerti fil-futur, bħal elementi li ma jidhrux fuq il-karta tal-bilanċ jew impenji mhux prelevati. Tali ostakli jistgħu jingħelbu permezz ta' valwazzjoni xierqa, bħat-tħassir tal-obbligazzjoni u d-determinazzjoni tal-valur permezz ta' stima, bl-użu ta' metodoloġija ta' valwazzjoni rilevanti, jew bl-applikazzjoni ta' proporzjon “virtwali” tal-perċentwali ta' telf impost fuq il-kredituri.

(17)

Filwaqt li huwa minnu li f'xi każijiet jista' jkun diffiċli għal derivati li jiġu rikapitalizzati internament, l-Artikolu 49 tad-Direttiva 2014/59/UE jistipula b'mod ċar kif derivati għandhom jiġu rikapitalizzati internament, jiġifieri wara close-out. Il-fatt li jista' jkun diffiċli li jiġi ddeterminat l-ammont innettjat wara l-close-out fi żmien qasir m'għandux iwassal għal esklużjoni awtomatika minħabba li din tista' tiġi indirizzata wkoll permezz ta' metodoloġiji ta' valwazzjoni rilevanti kif stabbiliti mill-Kummissjoni bl-Artikolu 49(5) ta' Direttiva 2014/59/UE, speċjalment fl-istadju ta' valwazzjoni proviżorja. B'mod simili, l-istituzzjonijiet għandhom ikunu meħtieġa li juru li huma kapaċi li jipprovdu l-informazzjoni meħtieġa biex titwettaq valwazzjoni għall-finijiet ta' riżoluzzjoni. B'mod partikolari, l-awtoritajiet ta' riżoluzzjoni għandhom jiżguraw li l-istituzzjonijiet ikunu f'pożizzjoni li jipproduċu l-informazzjoni aġġornata meħtieġa fil-perjodu ta' żmien skont l-istrateġija ta' riżoluzzjoni, b'mod partikolari għall-appoġġ ta' valwazzjoni kredibbli kemm qabel kif ukoll matul ir-riżoluzzjoni skont l-Artikolu 36 tad-Direttiva 2014/59/UE. Barra minn hekk, il-linji gwida jistipulaw li l-awtoritajiet ta' riżoluzzjoni għandhom jikkunsidraw li jirrikjedu lill-istituzzjonijiet li jċedu l-assi li jxekklu b'mod sinifikanti l-fattibbiltà tal-valwazzjoni.

(18)

L-Artikolu 2 tad-Direttiva 2014/59/UE jiddefinixxi l-kunċett ta' funzjonijiet kritiċi u linji operatorji ewlenin. Il-Kummissjoni hija mogħtija s-setgħa li tadotta att delegat sabiex tispeċifika aktar iċ-ċirkostanzi li taħthom ċerti attivitajiet, servizzi u operazzjonijiet jistgħu jaqgħu taħt id-definizzjoni ta' funzjoni kritika jew linja operatorja ewlenija. F'dan ir-rigward, il-profittabbiltà ta' linja operatorja mhix fiha innifisha raġuni suffiċjenti biex obbligazzjonijiet relatati ma' dik il-linja operatorja jiġu esklużi mir-rikapitalizzazzjoni interna. Madankollu l-esklużjoni tista' tiġi ġġustifikata, fejn iż-żamma ta' linja operatorja ewlenija hija kruċjali biex jinkisbu l-għanijiet tar-riżoluzzjoni, inkluż iż-żamma ta' funzjonijiet kritiċi, fejn dawn huma avvanzati mill-kontinwazzjoni ta' operazzjonijiet, servizzi u tranżazzjonijiet ewlenin.

(19)

L-awtoritajiet ta' riżoluzzjoni jistgħu jeskludu biss obbligazzjonijiet li huma meħtieġa għall-fini ta' ġestjoni ta' riskju (iħħeġġjar) fil-kuntest ta' funzjonijiet kritiċi, jekk il-ġestjoni ta' riskji (iħħeġġjar) hija rikonoxxuta għal finijiet prudenzjali u hija essenzjali għaż-żamma ta' operazzjonijiet relatati ma' funzjonijiet kritiċi, b'tali mod li jekk l-iħħeġġjar jiġi xolt, il-kontinwità tal-funzjonijiet kritiċi tkun ipperikolata b'mod serju.

(20)

Barra minn hekk, l-awtoritajiet ta' riżoluzzjoni jistgħu jeskludu biss obbligazzjonijiet li huma meħtieġa għall-finijiet ta' ġestjoni ta' riskju (iħħeġġjar) fil-kuntest ta' funzjonijiet kritiċi jekk, li kieku l-miżura tal-immaniġġjar tar-riskji tiġi xolta, ma jkunx possibbli għall-istituzzjoni li tissostitwiha b'termini raġonevoli fi ħdan iż-żmien meħtieġ għaż-żamma tal-funzjonijiet kritiċi, pereżempju minħabba firxiet jew inċertezza fil-valwazzjoni.

(21)

Il-prevenzjoni tal-kontaġju sabiex jiġi evitat kwalunkwe effett ħażin fuq is-sistema finanzjarja hija għan ieħor tar-riżoluzzjoni li jista' jiġġustifika esklużjoni mill-applikazzjoni tal-għodda ta' rikapitalizzazzjoni interna. F'kull każ, l-esklużjoni fuq din il-bażi għandha sseħħ biss fejn huwa strettament meħtieġ u proporzjonat, iżda wkoll fejn il-kontaġju jkun tant serju li jkun mifrux u jfixkel gravament il-funzjonament tas-swieq finanzjarji b'mod li jista' jikkawża tfixkil serju fl-ekonomija ta' Stat Membru jew tal-Unjoni.

(22)

Ċertu riskju ta' xi kontaġju jista' jkun inerenti fl-applikazzjoni tal-għodda ta' rikapitalizzazzjoni interna. Id-deċiżjoni leġiżlattiva li tinkorpora l-għodda tar-rikapitalizzazzjoni interna fid-Direttiva 2014/59/UE bħala għodda ewlenija ta' riżoluzzjoni, flimkien mal-prinċipju li l-kredituri u l-azzjonisti għandhom iġarrbu t-telf, tfisser li r-riskju inerenti ta' kontaġju li tista' tinvolvi r-rikapitalizzazzjoni interna m'għandux awtomatikament jitqies bħala raġuni biex obbligazzjonijiet jiġu esklużi. L-awtoritajiet ta' riżoluzzjoni għandhom, għalhekk, jevalwaw bir-reqqa dawn ir-raġunijiet u jispjegaw l-esklużjoni ta' obbligazzjoni mir-rikapitalizzazzjoni interna abbażi tal-probabbiltà ogħla tagħha li tikkawża kontaġju mifrux tat-tip deskritt fl-Artikolu 44(3)(c) tad-Direttiva 2014/59/UE minn dawk li ma humiex esklużi. Għal dak l-għan, għandhom jibbażaw il-valwazzjoni tagħhom fuq metodoloġiji xierqa inkluża analiżi kwantitattiva sabiex jiġu ddeterminati r-riskju u s-severità ta' kontaġju mifrux u ta' tfixkil serju fl-ekonomija ta' Stat Membru jew tal-Unjoni.

(23)

Il-ħtieġa għal esklużjoni abbażi tar-riskju ta' kontaġju mifrux tista' tkun affettwata minn kundizzjonijiet tas-suq fiż-żmien tar-rikapitalizzazzjoni interna, b'mod partikolari meta l-falliment tad-ditta jseħħ meta s-sistema finanzjarja tkun taħt pressjoni sinifikanti jew tkun qed tbati minn nuqqas ta' fiduċja. Ir-riskju li l-applikazzjoni tal-għodod u s-setgħat ta' riżoluzzjoni jista' jkollha effett negattiv dirett jew indirett sinifikanti fuq l-istabbiltà finanzjarja u l-fiduċja fis-suq għandu jiġi indirizzati fil-valutazzjoni ta' riżolvibbiltà kif mitlub fil-punt 26 tat-Taqsima C tal-Anness tad-Direttiva 2014/59/UE. Għaldaqstant, meta obbligazzjoni tiġi eskluża mir-rikapitalizzazzjoni interna skont l-Artikolu 44(3) ta' dik id-Direttiva abbażi tar-riskju ta' kontaġju mifrux, l-awtorità ta' riżoluzzjoni hija mistennija li tispjega għalfejn l-ostakoli għar-rikapitalizzazzjoni interna ma ġewx indirizzati matul l-ippjanar ta' riżoluzzjoni fejn dawk l-esklużjonijiet jammontaw għal impediment għar-riżolvibbiltà. L-awtorità ta' riżoluzzjoni għandha tivvaluta wkoll jekk l-effett ta' kontaġju jirriżultax minn, jew huwiex b'mod sinifikanti aggravat minħabba, l-applikazzjoni tal-għodda tar-rikapitalizzazzjoni interna għall-obbligazzjonijiet inkwistjoni, jew jekk fil-fatt jirriżultax mill-falliment tal-istituzzjoni fih innifsu.

(24)

Ir-riskju ta' kontaġju wiesa' jista' jkun dirett, meta t-telf dirett li jkollu jiġġarrab mill-kontropartijiet tal-istituzzjoni taħt riżoluzzjoni jwasslu għal inadempjenza jew kwistjonijiet tas-solvenza gravi għal dawk il-kontropartijiet u, konsegwentement, għall-kontropartijiet tagħhom. Il-possibbiltà ta' falliment f'istituzzjoni finanzjarja waħda jew iktar li tfalli jew li tiġi f'diffikultà bħala konsegwenza diretta tar-rikapitalizzazzjoni interna m'għandhiex twassal awtomatikament għall-esklużjoni ta' obbligazzjonijiet mir-rikapitalizzazzjoni interna. Deċiżjonijiet dwar esklużjonijiet għandhom isiru bi proporzjon mar-riskji sistematiċi li jista' jqajjem il-kontaġju dirett.

(25)

Ir-riskju ta' kontaġju mifrux jista' wkoll ikun indirett, pereżempju minħabba t-telf ta' fiduċja ta' ċerti parteċipanti fis-suq, bħalma huma d-depożituri jew permezz ta' effetti tal-prezzijiet tal-assi. Mezz importanti ta' kontaġju indirett jista' jkun it-telf ta' fiduċja fis-swieq ta' finanzjament (kemm fil-livell tal-operaturi kif ukoll tal-konsumaturi) — tnaqqis drastiku fil-provvista, rekwiżiti tal-marġini ogħla b'mod ġenerali jew għal istituzzjonijiet b'karatteristiċi simili għall-istituzzjoni li qed tfalli, jew il-bejgħ bl-għaġġla ta' assi minn istituzzjonijiet b'nuqqas ta' likwidità.

(26)

Meta ċerti obbligazzjonijiet ikunu qegħdin jiġu rikapitalizzati internament, il-qerda ta' valur tista' sseħħ f'każ li dawk l-obbligazzjonijiet jifformaw parti minn linja operatorja ta' suċċess li mod ieħor iżżid valur sinifikanti lill-bank, bħal f'bejgħ lil xerrej mis-settur privat. Biex l-awtorità ta' riżoluzzjoni teskludi obbligazzjoni jew klassi ta' obbligazzjonijiet mir-rikapitalizzazzjoni interna, il-valur miżmum ikun meħtieġ li jkun suffiċjenti biex (potenzjalment) itejjeb is-sitwazzjoni ta' kredituri li mhumiex esklużi għall-kuntrarju tas-sitwazzjoni tagħhom li kieku l-obbligazzjonijiet inkwistjoni ma kinux esklużi mir-rikapitalizzazzjoni interna. Għaldaqstant, l-awtoritajiet ta' riżoluzzjoni jistgħu jeskludu obbligazzjoni mir-rikapitalizzazzjoni interna skont l-Artikolu 44(3)(d) tad-Direttiva 2014/59/UE fejn il-benefiċċju tal-esklużjoni għal kredituri oħra jkun se jiżboq il-kontribuzzjoni tagħhom għall-assorbiment tat-telf u r-rikapitalizzazzjoni li kieku l-esklużjoni ma saritx. Dan jista' jkun il-każ, pereżempju, fejn il-valur miżmum jista' jiġi identifikat ċarament minn żieda korrispondenti ta' korrispettiv imħallas minn xerrej mis-settur privat.

(27)

Fil-kuntest tal-evalwazzjoni tal-benefiċċji potenzjali f'termini ta' żamma tal-valur ta' esklużjoni mir-rikapitalizzazzjoni interna, l-Artikolu 36(16) u l-Artikolu 49(5) tad-Direttiva 2014/59/UE rispettivament jagħtu s-setgħa lill-Kummissjoni li tadotta l-istandards tekniċi regolatorji li jirrigwardaw valwazzjoni għall-finijiet ta' riżoluzzjoni, u għall-valutazzjoni ta' derivati. Skont il-metodoloġija applikabbli, telf addizzjonali jista' jsir attwali mill-close-out ta' derivati u jaqbeż il-potenzjal tar-rikapitalizzazzjoni interna tal-obbligazzjoni korrispondenti, u jikkawża telf ulterjuri li jista' jżid il-piż ta' rikapitalizzazzjoni interna għal kredituri oħra tal-istituzzjoni taħt riżoluzzjoni. Telf addizzjonali jista' jirriżulta minn kostijiet ta' sostituzzjoni imġarrba mill-kontroparti, jew kostijiet imġarrba mill-istituzzjoni taħt riżoluzzjoni biex jiġu stabbiliti mill-ġdid ħeġġijiet li tħallew miftuħa li mhumiex riflessi fil-valur tan-negozju avvjat ta' derivati. F'tali ċirkostanzi, l-awtorità ta' riżoluzzjoni għandha tevalwa jekk-it-tnaqqis fil-valur ifissirx li t-telf imġarrab minn kredituri mhux esklużi ikunx ogħla jekk l-obbligazzjoni inkwistjoni kienet eskluża mir-rikapitalizzazzjoni interna. Aspettattivi purament spekulattivi ta' żieda potenzjali fil-valur ma jistgħux iservu bħala raġuni għall-esklużjoni.

(1)

“Kontaġju dirett” tfisser sitwazzjoni fejn it-telf dirett tal-kontropartijiet tal-istituzzjoni taħt riżoluzzjoni, li jirriżulta minn tniżżil fil-valur tal-obbligazzjonijiet tal-istituzzjoni, iwassal għall-inadempjenza jew probabbiltà ta' inadempjenza imminenti għal dawk il-kontropartijiet.

(2)

“Kontaġju indirett” tfisser sitwazzjoni fejn it-tniżżil fil-valur jew il-konverżjoni ta' obbligazzjonijiet tal-istituzzjoni tikkawża reazzjoni negattiva minn parteċipanti fis-suq li twassal għal xkiel gravi fis-sistema finanzjarja bil-potenzjal li jkun ta' ħsara għall-ekonomija reali.

(1)

L-Artikolu 329(3), it-tielet subparagrafu tal-Artikolu 352(6) u t-tielet subparagrafu tal-Artikolu 358(4) tar-Regolament (UE) Nru 575/2013 jipprovdu lill-Awtorità Bankarja Ewropea (ABE) li tiżviluppa firxa ta' metodi sabiex jirriflettu riskji oħra, minbarra r-riskju tdelta, fir-rekwiżiti tal-fondi proprji ta' istituzzjonijiet, b'mod proporzjonat mal-iskala u l-kumplessità tal-attivitajiet tal-istituzzjonijiet fl-opzjonijiet u ċ-ċertifikati. Għaldaqstant, l-ABE żviluppat abbozzi ta' standards tekniċi regolatorji f'dan ir-rigward li l-Kummissjoni approvat u adottat fir-Regolament Delegat tal-Kummissjoni (UE) Nru 528/2014 (3).

(2)

Il-qafas għal superviżjoni prudenzjali stabbilit mid-Direttiva 2013/36/UE jitlob li l-istituzzjonijiet kollha jidentifikaw il-membri kollha tal-persunal li l-attivitajiet professjonali tagħhom għandhom impatt materjali fuq il-profil tar-riskju tal-istituzzjoni. Skont l-Artikolu 94(2) tad-Direttiva 2013/36/UE, l-ABE żviluppat abbozzi ta' standards tekniċi regolatorji f'dan ir-rigward li l-Kummissjoni approvat u adottat fir-Regolament Delegat tal-Kummissjoni (UE) Nru 604/2014 (4).

(3)

Fir-Regolament Delegat (UE) Nru 528/2014 u r-Regolament Delegat (UE) Nru 604/2014 saru xi żbalji li jridu jiġu kkoreġuti.

(4)

Skont ir-Regolament Delegat (UE) Nru 528/2014, approċċ simplifikat għandu jkun disponibbli biss għal dawk l-istituzzjonijiet li jixtru esklużivament opzjonijiet u ċertifikati, iżda huma m'għandhomx ikunu obbligati jużaw dan l-approċċ. Huwa, għalhekk, xieraq li tiġi kkoreġuta l-formulazzjoni tal-kliem tal-Artikolu 2 tar-Regolament Delegat (UE) Nru 528/2014 li tobbliga lil dawk l-istituzzjonijiet li jużaw l-approċċ simplifikat u ma tipprevjenix lill-istituzzjonijiet l-oħra milli jużaw dan l-approċċ ukoll.

(5)

L-Artikolu 4(1)(c) tar-Regolament Delegat (UE) Nru 604/2014 għandu jiġi emendat kif xieraq biex jikkwalifika kull membru tal-persunal li r-remunerazzjoni totali tiegħu tpoġġih fl-istess livell bħal tal-maniġers superjuri u dawk li jieħdu r-riskju bħala “dawk li jieħdu r-riskju materjali”, jiġifieri, dawk li l-attivitajiet professjonali tagħhom għandhom impatt materjali fuq il-profil tar-riskju tal-istituzzjoni.

(6)

Dan ir-Regolament huwa bbażat fuq l-abbozz tal-istandards tekniċi regolatorji sottomessi mill-ABE lill-Kummissjoni.

(7)

L-ABE wettqet konsultazzjonijiet pubbliċi miftuħa dwar l-abbozz oriġinali tal-istandards tekniċi regolatorji li jikkoreġi dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (5).

(8)

Sabiex jiġi żgurat li l-istandards tekniċi regolatorji jistgħu jiġu applikati b'mod korrett kemm jista' jkun malajr, dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea,

(1)

Skont ir-Regolament (KE) Nru 1924/2006 l-indikazzjonijiet dwar l-effetti tal-prodotti tal-ikel fuq is-saħħa huma pprojbiti sakemm ma jkunux awtorizzati mill-Kummissjoni skont dak ir-Regolament u ma jkunux inklużi f'lista ta' indikazzjonijiet permessi.

(2)

Ir-Regolament (KE) Nru 1924/2006 jipprevedi wkoll li l-applikazzjonijiet għall-awtorizzazzjonijiet tal-indikazzjonijiet dwar is-saħħa jistgħu jitressqu mill-operaturi tan-negozji tal-ikel lill-awtoritajiet kompetenti nazzjonali ta' Stat Membru. L-awtorità kompetenti nazzjonali għandha tibgħat l-applikazzjonijiet validi lill-Awtorità Ewropea dwar is-Sigurtà fl-Ikel (EFSA), minn hawn 'il quddiem “l-Awtorità”, għal valutazzjoni xjentifika, kif ukoll lill-Kummissjoni u lill-Istati Membri biex tinfurmahom.

(3)

Il-Kummissjoni għandha tiddeċiedi dwar l-awtorizzazzjoni tal-indikazzjonijiet dwar is-saħħa filwaqt li tqis l-opinjoni mogħtija mill-Awtorità. F'ċerti każi l-evalwazzjoni xjentifika tar-riskji waħidha ma tistax tipprovdi l-informazzjoni kollha li fuqha trid tiġi bbażata deċiżjoni ta' ġestjoni tar-riskji, u għalhekk jafu jkunu jridu jiġu kkunsidrati wkoll fatturi leġittimi oħra għall-kwistjoni li qed tiġi eżaminata.

(4)

Wara applikazzjoni minn Oy Karl Fazer AB, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni marbuta ma' indikazzjoni dwar is-saħħa fir-rigward ta' ħobż tas-segala b'ħafna fibra bl-għaġina ffermentata u tnaqqis tar-reazzjoni glikimika ta' wara l-ikel (Mistoqsija Nru EFSA-Q-2014-00012 (2)). L-istqarrija proposta mill-applikant kienet tgħid dan li ġej: “Il-konsum tal-ħobż tas-segala b'ħafna fibra bl-għaġina ffermentata jikkontribwixxi għal tnaqqis tar-reazzjoni glimika ta' wara l-ikel akkumpanjat minn tnaqqis tar-reazzjoni tal-insulina wara ikla”. Fuq talba tal-Awtorità, l-applikant speċifika li fir-rigward tal-effett mistqarr il-ħobż tas-segala b'ħafna fibra bl-għaġina ffermentata għandu jitqabbel bil-glukożju.

(5)

Fit-8 ta' Ottubru 2014, il-Kummissjoni u l-Istati Membri rċevew l-opinjoni xjentifika mill-Awtorità, li kkonkludiet li, abbażi tad-dejta mressqa, ġiet stabbilita rabta ta' kawża u effett bejn il-konsum ta' kważi kull ikel u tnaqqis tar-reazzjoni glimika ta' wara l-ikel meta mqabbel bil-glukożju.

(6)

Skont l-Artikoli 6(1) u 13(1) tar-Regolament (KE) Nru 1924/2006, l-indikazzjonijiet dwar is-saħħa għandhom ikunu bbażati fuq evidenza xjentifika ġeneralment aċċettata. Awtorizzazzjoni tista' tkun irrifjutata b'mod leġittimu jekk l-indikazzjonijiet dwar is-saħħa ma jikkonformawx ma' rekwiżiti oħra ġenerali u speċifiċi tar-Regolament (KE) Nru 1924/2006, anke fil-każ ta' valutazzjoni xjentifika favorevoli mill-Awtorità. Fl-opinjoni xjentifika tagħha l-Awtorità nnutat li, meta jiġu ttestjatji ammonti komparabbli ta' karboidrati disponibbli minn ikel differenti li fih il-karboidrati, kważi kull ikel li fih il-karboidrati jwassal għal tnaqqis ta' reazzjonijiet glimiċi ta' wara l-ikel meta mqabbel bir-reazzjonijiet tal-glukożju fid-demm miġjuba bil-konsum tal-glukożju. Barra minn hekk, l-Awtorità nnutat li ikel li fih ammonti żgħar ta' karboidrati jew li ma fihx karboidrati jwassal ukoll għal reazzjonijiet glimiċi ta' wara l-ikel aktar baxxi meta mqabbla bil-glukożju.

(7)

Ir-Regolament (KE) Nru 1924/2006 jiddefinixxi “indikazzjoni” bħala kwalnukwe messaġġ jew rappreżentazzjoni li tiddikjara, tissuġġerixxi jew timplika li xi ikel għandu karatteristiċi partikolari. Indikazzjoni dwar il-ħobż tas-segala b'ħafna fibra bl-għaġina ffermentata u reazzjonijiet glimiċi ta' wara l-ikel tkun tissuġġerixxi li l-ħobż tas-segala bl-għaġina ffermentata b'ħafna fibra għandu karatteristiċi partikolari b'rabta mat-tnaqqis ta' reazzjonijiet glimiċi ta' wara l-ikel meta mqabbla bil-glukożju, meta fil-verità kważi l-ikel kollu għandu dan l-effett. Il-punt (a) tat-tieni paragrafu tal-Artikolu 3 tar-Regolament (KE) Nru 1924/2006 jipprevedi li l-użu ta' indikazzjonijiet tas-saħħa ma għandhomx ikunu qarrieqa. Indikazzjoni li tissuġġerixxi li ikel partikolari għandu ċerti proprjetajiet tajbin meta fil-fatt kważi l-ikel kollu għandu dawn il-karatteristiċi tkun qarrieqa.

(8)

Fid-dawl ta' dan, l-indikazzjoni dwar il-konsum ta' ħobż tas-segala b'ħafna fibra bl-għaġina ffermentata u t-tnaqqis ta' reazzjonijiet glimiċi ta' wara l-ikel ma tikkonformax mar-rekwiżiti tar-Regolament (KE) Nru 1924/2006 u għaldaqstant ma għandhomx jiġu inklużi fil-lista ta' indikazzjonijiet dwar is-saħħa permessi.

(9)

Il-kummenti mill-applikant li rċeviet il-Kummissjoni skont l-Artikolu 16(6) tar-Regolament (KE) Nru 1924/2006 ġew ikkunsidrati fit-tfassil tal-miżuri previsti f'dan ir-Regolament.

(10)

L-Istati Membri ġew ikkonsultati,

(1)

L-Artikolu 13(2) tar-Regolament (KE) Nru 1907/2006 jistipula li l-metodi ta' ttestjar użati biex tiġi ġġenerata informazzjoni dwar il-proprjetajiet intrinsiċi tas-sustanzi meħtieġa minn dak ir-Regolament, għandhom jiġu eżaminati u mtejba regolarment biex jitnaqqas l-ittestjar fuq l-annimali vertebrati u l-għadd ta' annimali involuti. Hekk kif il-metodi ta' ttestjar validati u xierqa jkunu disponibbli, ir-Regolament tal-Kummissjoni (KE) Nru 440/2008 (2) u l-Annessi tar-Regolament (KE) Nru 1907/2006 għandhom jiġu emendati, jekk ikunu rilevanti, biex jissostitwixxu, inaqqsu jew jirfinaw l-ittestjar fuq l-annimali. Għandhom jitqiesu wkoll il-prinċipji tas-sostituzzjoni, tat-tnaqqis u tal-irfinar, minquxa fid-Direttiva 2010/63/UE tal-Parlament Ewropew u tal-Kunsill (3).

(2)

Ir-Regolament (KE) Nru 1907/2006 jistabbilixxi r-rekwiżiti għar-reġistrazzjoni tas-sustanzi manifatturati jew importati fl-Unjoni waħedhom, f'taħlitiet jew f'oġġetti. Kif xieraq, ir-reġistranti jridu jipprovdu l-informazzjoni meħtieġa fir-Regolament (KE) Nru 1907/2006, biex jissodisfaw ir-rekwiżiti tar-reġistrazzjoni.

(3)

Skont ir-Regolament (KE) Nru 1907/2006, hemm bżonn ta' studji in vivo biex tiġi ġġenerata informazzjoni dwar l-irritazzjoni tal-ġilda u tal-għajnejn fil-punti 8.1 u 8.2 tal-Anness VIII tar-Regolament (KE) Nru 1907/2006.

(4)

F'dawn l-aħħar snin, sar progress xjentifiku sinifikanti fl-iżvilupp ta' metodi ta' ttestjar alternattivi għall-korrużjoni jew l-irritazzjoni u għall-ħsara serja lill-għajnejn jew l-irritazzjoni tal-għajnejn. L-Organizzazzjoni għall-Kooperazzjoni u l-Iżvilupp Ekonomiċi (l-OECD) qablet fuq livell internazzjonali ma' għadd ta' linji gwida ta' ttestjar għall-metodi ta' ttestjar alternattivi li ġew inklużi fir-Regolament (KE) Nru 440/2008.

(5)

Għall-korrużjoni jew l-irritazzjoni tal-ġilda, l-informazzjoni adegwata għall-klassifikazzjoni u għall-valutazzjoni tar-riskji ta' sustanza, fil-biċċa l-kbira tal-każijiet tista' tinkiseb abbażi ta' studji in vitro. Tista' tintlaħaq konklużjoni b'test wieħed in vitro, jekk ir-riżultat jippermetti li tittieħed deċiżjoni affidabbli u immedjata dwar il-klassifikazzjoni jew in-nuqqas ta' klassifikazzjoni, jew b'taħlita ta' żewġ testijiet in vitro, wieħed għall-irritazzjoni tal-ġilda u l-ieħor għall-korrużjoni tal-ġilda. F'xi każijiet eċċezzjonali, xorta jisgħu jkunu meħtieġa l-istudji in vivo għas-sustanzi manifatturati jew importati fi kwantitajiet ta' 10 tunnellati jew aktar, pereżempju meta s-sustanza ttestjata ma taqax fid-dominju tal-applikabbiltà tal-metodi ttestjati in vitro jew meta ma jkunux jistgħu jinkisbu riżultati konklużivi minn sett komprensiv ta' testijiet in vitro.

(6)

Għall-ħsara serja lill-għajnejn jew għall-irritazzjoni tal-għajnejn, jeżisti sett ta' metodi ta' ttestjar in vitro li f'ħafna każijiet ikun biżżejjed biex tinkiseb informazzjoni adegwata għall-klassifikazzjoni u għall-valutazzjoni tar-riskju tas-sustanzi. Tista' tintlaħaq konklużjoni dwar il-potenzjal ta' sustanza li tikkawża dawn l-effetti fuq l-għajnejn b'test wieħed, jekk ir-riżultat jippermetti deċiżjoni affidabbli u immedjata dwar il-klassifikazzjoni jew in-nuqqas ta' klassifikazzjoni, jew b'taħtlita ta' żewġ testijiet jew aktar. F'xi każijiet, xorta jisgħu jkunu meħtieġa l-istudji in vivo għas-sustanzi manifatturati jew importati fi kwantitajiet ta' 10 tunnellati jew aktar, pereżempju meta s-sustanza ttestjata ma taqax fid-dominju tal-applikabbiltà tal-metodi ttestjati jew meta ma jkunux jistgħu jinkisbu riżultati konklużivi minn sett komprensiv ta' testijiet in vitro.

(7)

Għalhekk, il-punti 8.1 u 8.2 tal-Anness VIII għandhom jiġu emendati biex jitneħħa r-rekwiżit ta' informazzjoni standard għall-istudji in vitro filwaqt li jiġu stabbiliti l-kundizzjonijiet li skonthom ikun xorta meħtieġ studju in vivo għall-korrużjoni jew l-irritazzjoni tal-ġilda u għall-ħsara serja lill-għajnejn jew l-irritazzjoni tal-għajnejn. Madankollu, l-informazzjoni adegwata mill-istudji eżistenti in vivo għall-irritazzjoni tal-ġilda jew għall-irritazzjoni tal-għajnejn xorta tista' tintuża biex tissodisfa r-rekwiżit ta' informazzjoni f'kull livell ta' tunnellaġġ.

(8)

Barra minn hekk, ir-rekwiżiti ta' informazzjoni standard u r-regoli ta' adattament fil-punti 8.1 u 8.2 tal-Anness VII, u r-regoli ta' adattament fil-punti 8.1 u 8.2 tal-Anness VIII għandhom jiġu riveduti biex jitneħħew ir-regoli żejda li huma diġà stabbiliti fl-Anness VI u fl-Anness XI u fil-partijiet introduttorji tal-Annessi VII u VIII dwar l-eżami tad-dejta disponibbli, ir-rinunzja tal-istudji għal punt ta' tmiem tossikoloġiku jekk l-informazzjoni disponibbli tindika li s-sustanza tissodisfa l-kriterji għall-klassifikazzjoni għal dak il-punt ta' tmiem tossikoloġiku, jew biex tiġi ċċarata t-tifsira maħsuba dwar ir-rinunzja tal-istudji għas-sustanzi li jieħdu n-nar taħt ċerti kundizzjonijiet. Meta ssir referenza għall-klassifikazzjoni tas-sustanzi, ir-regoli ta' adattament għandhom jiġu aġġornati biex jirriflettu t-terminoloġija użata fir-Regolament (KE) Nru 1272/2008 tal-Parlament Ewropew u tal-Kunsill (4).

(9)

Għat-tossiċità akuta, barra mit-test mir-rotta orali (l-Anness VII, il-punt 8.5.1), il-punt 8.5 tal-Anness VIII tar-Regolament (KE) Nru 1907/2006 jipprevedi rekwiżit ta' informazzjoni standard għas-sustanzi li mhumiex gassużi b'mill-inqas rotta waħda oħra (bl-inalazzjoni jew mir-rotta dermali) skont ir-rotta l-aktar probabbli għall-esponiment uman. Analiżi xjentifika riċenti tad-dejta disponibbli mill-istudji in vivo dwar it-tossiċità akuta wriet li hemm probabbiltà kbira li s-sustanzi li mhumiex tossiċi mir-rotta orali ma jkunux tossiċi mir-rotta dermali. Għalhekk, l-ittestjar ta' dawk is-sustanzi permezz tar-rotta dermali ma jipprovdix informazzjoni essenzjali għall-valutazzjoni tas-sikurezza tagħhom. Għaldaqstant, il-punt 8.5 tal-Anness VIII tar-Regolament (KE) Nru 1907/2006 għandu jiġi emendat biex jinkludi l-possibbiltà li jiġi rinunzjat it-test dermali għal dawn is-sustanzi.

(10)

L-ECHA, f'kooperazzjoni mal-Istati Membri u mal-partijiet ikkonċernati, għandha tiżviluppa aktar id-dokumenti ta' gwida għall-applikazzjoni tal-metodi ta' ttestjar u tal-possibilitajiet ta' rinunzja għar-rekwiżiti ta' informazzjoni standard stabbiliti b'dan ir-Regolament għall-fini tar-Regolament (KE) Nru 1907/2006. B'hekk, l-ECHA għandha tqis b'mod sħiħ ix-xogħol imwettaq fl-OECD, kif ukoll fi gruppi xjentifiċi u ta' esperti rilevanti oħrajn.

(11)

Għalhekk, ir-Regolament (KE) Nru 1907/2006 għandu jiġi emendat skont dan.

(12)

Il-miżuri previsti f'dan ir-Regolament huma skont l-opinjoni tal-Kumitat stabbilit fl-Artikolu 133 tar-Regolament (KE) Nru 1907/2006,

(1)

Id-Direttiva tal-Kummissjoni 2000/66/KE (2) inkludiet t-triasulfuron bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Is-sustanzi attivi inklużi fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4).

(3)

Kif stipulat fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011, l-approvazzjoni tas-sustanza attiva triasulfuron tiskadi fit-30 ta' Ġunju 2016.

(4)

Tressqet applikazzjoni għat-tiġdid tal-inklużjoni tat-triasulfuron fl-Anness I tad-Direttiva 91/414/KEE, f'konformità mal-Artikolu 4 tar-Regolament tal-Kummissjoni (UE) Nru 1141/2010 (5), u fil-perjodu previst f'dak l-Artikolu.

(5)

L-applikant ressaq id-dossiers supplimentari meħtieġa f'konformità mal-Artikolu 9 tar-Regolament (UE) Nru 1141/2010. L-Istat Membru relatur sab li l-applikazzjoni kienet kompluta.

(6)

L-Istat Membru relatur ħejja rapport ta' valutazzjoni tat-tiġdid b'konsultazzjoni mal-Istat Membru korelatur u ppreżentah lill-Awtorità Ewropea dwar is-Sigurtà fl-Ikel (minn hawn 'il quddiem: “l-Awtorità”) u lill-Kummissjoni fl-14 ta' Ottubru 2013.

(7)

L-Awtorità bagħtet ir-rapport ta' valutazzjoni tat-tiġdid lill-applikant u lill-Istati Membri għall-kummenti tagħhom, u għaddiet il-kummenti li waslulha lill-Kummissjoni. L-Awtorità qiegħdet ukoll is-sommarju tad-dossier supplimentari għad-dispożizzjoni tal-pubbliku.

(8)

Fit-8 ta' Jannar 2015 l-Awtorità bagħtet lill-Kummissjoni l-konklużjoni tagħha (6) dwar jekk jistax jiġi mistenni li t-triasulfuron jissodisfa l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009. L-Awtorità kkonkludiet li minħabba l-valutazzjoni inkompluta tal-ġenotossiċità tat-triasulfuron u l-impurità tal-manifattura tiegħu CGA 150829, ma kienx possibbli li jiġu stabbiliti l-valuri ta' referenza tossikoloġiċi bbażati fuq is-saħħa. B'konsegwenza ta' dan, il-valutazzjoni tar-riskju għall-konsumaturi, l-operaturi, il-ħaddiema u l-persuni li jkunu fil-qrib ma setgħetx titwettaq. Barra minn hekk, l-Awtorità kkonkludiet li f'sitwazzjonijiet ġeoklimatiċi speċifiċi, hemm potenzjal elevat li għall-użi rappreżentattivi vvalutati jkun hemm riżutat ta' esponiment tal-ilma ta' taħt l-art ogħla mil-limitu tal-ilma tax-xorb parametriku ta' 0,1μg/L, jew permezz tat-triasulfuron innifsu jew permezz tal-metabolit tal-ħamrija tiegħu CGA 150829. Barra minn hekk, ġie identifikat ukoll riskju għoli għall-pjanti akkwatiċi.

(9)

Il-Kummissjoni stiednet lill-applikant biex iressaq il-kummenti tiegħu dwar il-konklużjoni tal-Awtorità u, f'konformità mal-Artikolu 17(1) tar-Regolament (UE) Nru 1141/2010, dwar l-abbozz tar-rapport ta' reviżjoni. L-applikant ressaq il-kummenti tiegħu, u dawn ġew eżaminati bir-reqqa.

(10)

Madankollu, minkejja l-argumenti mressqa mill-applikant, it-tħassib imsemmi fil-premessa 8 ma setax jiġi eliminat.

(11)

Għaldaqstant, ma ġiex stabbilit li wieħed jista' jistenna li, fir-rigward ta' wieħed jew iktar mill-użi rappreżentattivi ta' mill-inqas prodott wieħed għall-protezzjoni tal-pjanti li fih t-triasulfuron, il-kriterji ta' approvazzjoni previsti fl-Artikolu 4 tar-Regolament (KE) Nru 1107/2009 huma ssodisfati. Għalhekk, l-approvazzjoni tas-sustanza attiva triasulfuron ma għandhiex tiġġedded.

(12)

L-Istati Membri għandhom jingħataw iż-żmien biex jirtiraw l-awtorizzazzjonijiet tal-prodotti għall-protezzjoni tal-pjanti li fihom it-triasulfuron.

(13)

Fir-rigward ta' prodotti għall-protezzjoni tal-pjanti li fihom it-triasulfuron, meta l-Istati Membri jkunu taw perjodu ta' grazzja f'konformità mal-Artikolu 46 tar-Regolament (KE) Nru 1107/2009, dak il-perjodu għandu jiskadi sa mhux aktar tard mit-30 ta' Settembru 2017.

(14)

Dan ir-Regolament ma jippreġudikax is-sottomissjoni ta' applikazzjoni oħra għat-triasulfuron f'konformità mal-Artikolu 7 tar-Regolament (KE) Nru 1107/2009.

(15)

Il-miżuri previsti f'dan ir-Regolament huma f'konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

—

fojl tal-aluminju ta' ħxuna mhux anqas minn 0,007 mm u anqas minn 0,008 mm, mhux rinfurzata, mhux maħduma ulterjorment barra milli rromblata, f'rombli, ta' piż li jaqbeż l-10 kg, indipendentement mill-wisa', kemm jekk ittemprata kif ukoll jekk le, jew

—

fojl tal-aluminju ta' ħxuna mhux anqas minn 0,008 mm u mhux aktar minn 0,018 mm, mhux rinfurzata, mhux maħduma ulterjorment barra milli rromblata, f'rombli, ta' piż li jaqbeż l-10 kg u wisa' li jaqbeż is-650 mm, kemm jekk ittemprata kif ukoll jekk le, jew

—

fojl tal-aluminju ta' ħxuna mhux aktar minn 0,018 mm u anqas minn 0,021 mm, mhux rinfurzata, mhux maħduma ulterjorment barra milli rromblata, f'rombli, ta' piż li jaqbeż l-10 kg, indipendentement mill-wisa', kemm jekk ittemprata kif ukoll jekk le, jew

—

fojl tal-aluminju ta' ħxuna ta' mhux anqas minn 0,021 mm u ta' mhux aktar minn 0,045 mm, mhux rinfurzata, mhux maħduma ulterjorment barra milli rromblata, f'rombli, ta' piż li jaqbeż l-10 kg, indipendentement mill-wisa', kemm jekk ittemprata kif ukoll jekk le, meta ppreżentata b'tal-anqas żewġ saffi,

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

Il-mikrodejta dwar il-kreditu u dwar ir-riskju ta' kreditu (iktar 'il quddiem id-“dejta dwar il-kreditu”) tinkludi informazzjoni dettaljata u individwali dwar strumenti li jagħtu lok għal riskju ta' kreditu għal korporazzjonijiet li jaċċettaw id-depożiti, korporazzjonijiet finanzjarji minbarra korporazzjonijiet li jaċċettaw id-depożiti jew vetturi tal-ġestjoni tal-assi, li huma lkoll involuti f'tislif fuq skala sinifikanti. Din l-informazzjoni ddettaljata hija meħtieġa għat-twettiq ta' kompiti tal-Eurosistema, tas-Sistema Ewropea ta' Banek Ċentrali (SEBĊ) u tal-Bord Ewropew tar-Riskju Sistemiku, inklużi analiżi tal-politika monetarja u operazzjonijiet tal-politika monetarja, il-ġestjoni tar-riskju, is-sorveljanza tal-istabbiltà finanzjarja u l-politika makroprudenzjali u r-riċerka. Din id-dejta tkun utli wkoll għall-finijiet ta' superviżjoni bankarja fil-kuntest tal-Mekkaniżmu Superviżorju Uniku (MSU).

(2)

L-Artikolu 5.1 tal-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn 'il quddiem “l-Istatut tas-SEBĊ”) jeħtieġ li l-BĊE, assistit mill-banek ċentrali nazzjonali (BĊNi), jiġbor l-informazzjoni statistika neċessarju jew mingħand l-awtoritajiet nazzjonali kompetenti jew direttament mill-aġenti ekonomiċi sabiex jitwettqu l-kompiti tas-Sistema Ewropea tal-Banek Ċentrali (SEBĊ). L-Artikolu 3 tar-Regolament (KE) Nru 2533/98 jeħtieġ li l-BĊE jispeċifika l-popolazzjoni attwali ta' rapportar fil-limiti tal-popolazzjoni ta' rapportar ta' referenza u jintitolah sabiex jeżenta totalment jew parti minn klassijiet speċifiċi ta' aġenti li jirrapportaw mir-rekwiżiti ta' rapportar statistiku tiegħu.

(3)

Id-dejta dwar il-kreditu se tikkontribwixxi b'mod sostanzjali biex ittejjeb l-istatistika tas-SEBĊ eżistenti, billi tipprovdi rendikonti u dettalji importanti li mhumiex disponibbli minn sorsi ta' dejta użati bħalissa, bħal informazzjoni dwar l-istruttura u l-mudelli ta' riskju ta' kreditu mogħtija mis-settur finanzjarju. Pereżempju, id-dejta tal-kreditu ser tikkontribwixxi b'mod sinifikanti biex iżżid il-kwalità tal-istatistika dwar: (a) self skont id-daqs tal-korporazzjonijiet, karatteristika ewlenija għall-valutazzjoni u l-monitoraġġ tal-għoti ta' kreditu lil impriżi ta' daqs żgħir u medju; (b) linji ta' kreditu mqassma skont is-settur tal-kontroparti; (c) self lil korporazzjonijiet mhux finanzjarji mqassmin skont l-attività ekonomika; (d) self iggarantit b'ipoteki fuq proprjetà immobbli; u (e) self transkonfinali u dħul relatat bħala parti mill-istatistika tal-bilanċ ta' pagamenti tal-Istati Membri li l-munita tagħhom hija l-euro.

(4)

Id-disponibblità ta' dejta dwar il-kreditu ser ittejjeb l-utilizzabbiltà tal-informazzjoni f'livell mikro li bħalissa tinġabar fuq ħruġ ta' titoli u statistika dwar parteċipazzjonijiet, u tikkontribwixxi għall-monitoraġġ u t-trawwim tal-integrazzjoni u l-istabbiltà finanzjarja fl-Unjoni. Finalment, dejta dwar il-kreditu relatata ma' friegħi li huma residenti barra ż-żona tal-euro, u li l-uffiċċji prinċipali tagħhom huma residenti fi Stat Membru li jirrapporta huma importanti għat-twettiq tal-kompiti tas-SEBĊ, b'mod partikolari għall-analiżi tal-politika monetarja u kompiti ta' stabbiltà finanzjarja. Barra minn hekk, id-dejta tista' tappoġġa kompiti ta' sorveljanza makroprudenzjali bħall-analiżijiet superviżorji, valutazzjonijiet tar-riskju u testijiet tal-istress. L-Artikoli 8(1)(d) u (4a) tar-Regolament (KE) Nru 2533/98 issa jippermettu speċifikament l-użu ta' dejta statistika miġbura skont l-Artikolu 5 tal-Istatut tas-SEBĊ għal finijiet superviżorji.

(5)

Sett komprensiv ta' dejta dwar il-kreditu analitika u armonizzata għandu jimminimizza l-piż ta' rapportar billi tiżdied l-istabbiltà tar-rekwiżiti tar-rapportar matul iż-żmien. Dan huwa importanti għaliex l-inkorporazzjoni ta' bidliet fis-sistemi awtomatizzati ħafna tal-ipproċessar ta' dejta ta' aġenti li jirrapportaw tista' tiswa għali ħafna. Is-sett armonizzat ta' dejta se jipprovdi wkoll dettall akbar, biex b'hekk jitnaqqas il-bżonn ta' talbiet addizzjonali indirizzati lill-aġenti li jirrapportaw

(6)

Id-Deċiżjoni BĊE/2014/6 (3) tistabbilixxi l-proċedura għall-iżvilupp ta' qafas fit-tul għall-ġbir ta' mikrodejta dwar il-kreditu bbażat fuq rekwiżiti ta' rapportar statistiku armonizzat tal-BĊE. Għandha l-għan li tiżgura l-istabbiliment ta': (a) settijiet ta' mikrodejta dwar il-kreditu nazzjonali mħaddma mill-BĊNi tal-Eurosistema skont standards minimi nazzjonali; u (b) dejtabase komuni fuq kreditu analitiku granulari (iktar 'il quddiem “AnaCredit”) maqsum bejn il-membri tal-Eurosistema, inkluża dejta mdaħħla mill-Istati Membri kollha li l-munita tagħhom hija l-euro.

(7)

Ir-Rakkomandazzjoni BĊE/2014/7 (4) tħeġġeġ lill-BĊNi tal-Istati Membri li l-munita tagħhom mhijiex l-euro, iżda li qed jippreparaw biex jingħaqdu fil-qafas fit-tul, biex japplikaw id-dispożizzjonijiet tad-Deċiżjoni BĊE/2014/6. AnaCredit għandha tkun miftuħa, fuq bażi volontarja, għall-Istati Membri barra ż-żona tal-euro, partikolarment dawk li qed jipparteċipaw fl-MSU, sabiex jitwessa' l-ambitu ġeografiku u tad-dejta tiegħu, u biex tiżdied l-armonizzazzjoni fi ħdan l-Unjoni.

(8)

Filwaqt li l-miżuri preparatorji skont id-Deċiżjoni BĊE/2014/6 kellhom l-għan li jiddefinixxu “grupp ewlieni ta' settijiet ta' mikrodejta [dejta granulari] dwar il-kreditu armonizzati li jridu jiġu pprovduti lill-BĊE mill-BĊNi għal żmien twil”, l-eżitu tal-proċedura tal-merti u tal-ispejjeż wera rekwiżiti tal-utenti b'saħħithom ħafna biex b'hekk ġie enfasizzat il-bżonn mhux biss għal “grupp ewlieni ta' settijiet ta' mikrodejta [dejta granulari]”, imma wkoll għal lista komprensiva ta' attributi tad-dejta u miżuri li jikkaratterizzaw l-istrumenti li jżidu r-riskju tal-kreditu għall-popolazzjoni li tirrapporta. Barra minn dan, l-armonizzazzjoni mtejba li tirriżulta għandha żżid il-paragunabbiltà tad-dejta bejn il-pajjiżi u bejn l-istituzzjonijiet, biex b'hekk tiġi żgurata dejta ta' kwalità ogħla għall-analiżi.

(9)

AnaCredit għandha l-għan li tipprovdi, flimkien ma' oqfsa statistiċi oħrajn li jiġbru informazzjoni granulari, ħarsa analitika tar-riskju tal-kreditu tal-aġenti li jirrapportaw irrispettivament mill-istrument finanzjarju, it-tip ta' skopertura jew il-klassifikazzjoni fil-kontabbiltà. F'dan ir-rigward, ir-rekwiżiti stabbiliti f'dan ir-Regolament għandhom l-għan li jiżguraw li aġenti jirrapportaw sett komuni ta' informazzjoni armonizzata lill-BĊNi.

(10)

AnaCredit għandha tiġi stabilita fi tliet stadji, billi l-eteroġeneità sinjifikanti tal-ġbir attwali tad-dejta dwar il-kreditu fost il-pajjiżi parteċipanti tista' tiġi armonizzata biss b'mod gradwali.. Dan l-approċċ ta' pass wara pass iqis ukoll iż-żmien meħtieġ għall-aġenti li jirrapportaw biex jikkonformaw mad-diversi rekwiżiti ta' dejta. B'mod ġenerali, l-ambitu u l-kontenut tad-dejta li għandha tinġabar matul l-istadji differenti għandhom jiġu ddefiniti kmieni kemm jista' jkun, sabiex l-aġenti li jirrapportaw kollha jippreparaw għall-użu ta' sett armonizzat ta' kunċetti u definizzjonijiet. B'hekk, il-Kunsill Governattiv għandu jieħu d-deċiżjoni tiegħu fuq kull stadju sussegwenti ta' mill-inqas sentejn qabel ma tiġi implimentata. Bil-għan li jiġu mminimizzati l-ispejjeż u x-xogħol għall-aġenti li jirrapportaw, ser tiġi esplorata fi stadju sussegwenti l-għoti ta' informazzjoni dwar self għal djar fuq il-bażi ta' teknika ta' teħid ta' kampjuni.

(11)

Filwaqt li wieħed mill-għanijiet ewlenin fit-tul ta' Anacredit hija l-armonizzazzjoni tar-rekwiżiti tar-rapportar u l-implimentazzjoni ta' prattiċi, l-eteroġenjetà tal-prattiċi tal-ġbir ta' dejta kurrenti teħtieġ il-preservazzjoni tad-diskrezzjoni tal-BĊN f'ċerti oqsma, pereżempju fir-rigward tad-deċiżjonijiet tal-BĊN dwar derogi għal aġenti li jirrapportaw resident żgħar. Dawn l-oqsma ta' diskrezzjoni tal-BĊN għandhom jiġu rivalutati f'kull stadju futur sabiex jiġi ddeterminat jekk tistax tintlaħaq iktar armonizzazzjoni ġewwa pajjiżi parteċipanti.

(12)

F'termini tal-kamp ta' applikazzjoni, l-ewwel stadju ta' rapportar taħt AnaCredit għandu jinkludi kreditu mogħti minn istituzzjonijiet ta' kreditu lil entitajiet ġuridiċi. Korporazzjonijiet li jaċċettaw depożiti minbarra istituzzjonijiet ta' kreditu, veikoli għall-ġestjoni ta' assi u korporazzjonijiet finanzjarji oħrajn, ilkoll involuti f'attivitajiet ta' tislif, kif ukoll sussidjarji barranin ta' dawn l-entitajiet jistgħu jiġu inklużi fil-popolazzjoni li tirrapporta attwali fi stadju sussegwenti. Fir-rigward ta' strumenti, il-kamp ta' applikazzjoni tar-rapportar granulari jista' jiġi estiż għal derivattivi, kontijiet oħrajn riċevibbli, elementi mhux fuq il-karta tal-bilanċ (bħal garanziji finanzjarji) u kreditu estiż lil persuni li ma humiex persuni legali, inklużi proprjetarji uniċi. L-ebda dejta personali, kif definita mir-regoli ta' protezzjoni tad-dejta applikabbli, m'għandha tinġabar fl-ewwel stadju, inklużi krediti multidebituri li jinvolvu persuni naturali bħala debituri huma affiljati ma' strumenti rapportati lil AnaCredit. Jekk l-ambitu tar-rapportar jiġi estiż biex jinkludi din id-dejta personali fi stadji sussegwenti, għandha tiġi żgurata l-protezzjoni tad-drittijiet ta' persuni naturali fir-rigward tal-ġbir u l-ipproċessar tad-dejta personali tagħhom. Barra minn hekk, stadji sussegwenti jistgħu jinkorporaw rekwiżiti ta' rapportar fuq bażi kkonsolidata. Kull estensjoni tal-popolazzjoni li tirrapporta għandha tqis id-dritt tal-BĊE li jagħti derogi lil aġenti li jirrapportaw żgħar u għandha tiġi adottata ta' mill-inqas sentejn qabel ma tiddaħħal sabiex ikun hemm biżżejjed żmien biex tiġi implimentata mill-aġenti li jirrapportaw u l-BĊNi.

(13)

Fit-tħejjija ta' stadji futuri, estensjoni tal-popolazzjoni li tirrapporta kif ukoll introduzzjoni ta' rekwiżiti ta' rapportar addizzjonali għandha tkun ibbażata fuq analiżi mill-Kumitat tal-Istatistika tas-SEBĊ (iktar 'il quddiem l-“STC”), waqt li jitqiesu l-ħtiġijiet tal-utenti, il-kosti stmati tal-aġenti li jirrapportaw u tal-BĊNi, l-iżviluppi tas-suq u l-esperjenza miksuba fl-ewwel stadju.

(14)

L-obbligi ta' rapportar ta' dejta dwar il-kreditu għandhom jiġu ddefiniti wara li jitqies il-prinċipju ta' proporzjonalità, biex tiġi evitata l-impożizzjoni ta' piż indebitu ta' rapportar b'mod partikolari fuq aġenti żgħar li jirrapportaw bi skopertura ta' kreditu totali limitata. Għall-istess raġuni, il-BĊNi għandu jkollhom id-dritt li jagħtu derogi lil aġenti li jirrapportaw żgħar.

(15)

Sabiex jiġi żgurat rapportar effiċjenti u interoperabbiltà adegwata ma' oqfsa ta' rapportar eżistenti jew ġodda oħrajn, il-BĊNi għandhom jitħallew jiġbru informazzjoni li tiġi trażmessa lill-BĊE bħala parti mill-qafas ta' rapportar nazzjonali iktar estiż u biex jestendu r-rapportar ta' dejta dwar il-kreditu lil hinn mill-ambitu spjegat f'dan ir-Regolament, għall-finijiet statutorji tagħhom, skont id-dritt nazzjonali rilevanti.

(16)

Biex jikkontribwixxu għal AnaCredit, il-BĊNi għandhom ikunu jistgħu jużaw id-databases tagħhom, id-dejta rċevuta minn aġenti li jirrapportaw u kull sors ieħor, inklużi databases ta' referenza rilevanti. Il-BĊNi għandu jkollhom id-diskrezzjoni biex jiddeċiedu jekk jidħlux fi ftehim ta' kooperazzjoni mal-istituti nazzjonali tal-istatistika (NSIs), jew l-awtoritajiet kompetenti nazzjonali (AKN) għas-superviżjoni tal-aġenti li jirrapportaw jew kull awtorità nazzjonali oħra, sakemm id-dejta pprovduta tissodisfa l-istandards ta' kwalità stipulati f'dan ir-Regolament. Minħabba l-arranġamenti nazzjonali differenti li huma fis-seħħ bħalissa, u biex jitnaqqas il-piż ta' rapportar taħt dan ir-Regolament, hija mħeġġa l-kollaborazzjoni effettiva u effiċjenti mal-NSIs, l-AKN u awtoritajiet nazzjonali oħrajn.

(17)

Il-qafas għall-ġbir ta' dejta dwar il-kreditu għandu jiġi stabbilit sabiex tiġi żgurata l-interoperabbiltà ma' reġistri ċentrali tal-kreditu (RĊK) u settijiet tal-kreditu rilevanti oħrajn stabbiliti mill-entitajiet tas-settur pubbliku, inklużi databases fuq statistiċi ta' titoli kif ukoll id-Database tar-Reġistru tal-Istituzzjonijiet u l-Affiljati tas-SEBĊ.

(18)

Il-BĊNi għandhom jitħallew jużaw is-sett ta' dejta granulari u analitika dwar il-kreditu b'aktar minn skop wieħed sabiex jiġu stabbiliti ċirkwiti ta' feedback mal-aġenti li jirrapportaw jew biex jissaħħu ċ-ċirkwiti ta' feedback eżistenti u servizzi ta' informazzjoni oħrajn mill-RĊK lejn aġenti li jirrapportaw. Dawn iċ-ċirkwiti ta' feedback ser itejbu l-kontribut tas-SEBĊ lejn l-istabbiltà tas- sistema finanzjarja b'mod konformi mal-mandat statutorju tiegħu skont l-Artikolu 127(5) tat-Trattat dwar il- Funzjonament tal-Unjoni Ewropea. Iċ-ċirkwiti ta' feedback se jipprovdu lill-aġenti ta-rapportar b'bażi usa' għal valutazzjonijiet tal-affidabbiltà tal-kreditu aktar wiesgħin, b'mod partikolari fir-rigward tad-debituri transkonfinali u jippermettu l-armonizzazzjoni ta' definizzjonijiet u attributi tad-dejta fi ħdan il-prattiki ta' self tagħhom. Dawn se jtejbu l-immaniġġjar ta' riskju tal-kreditu tal-istituzzjonijiet ta' kreditu u ta' mutwanti oħrajn. B'mod partikolari, u se jappoġġaw istituzzjonijiet ta' kreditu biex tiġi evitata dipendenza żejda fuq klassifikazzjonijiet ta' kreditu esterni għall-valutazzjoni tal-affidabbiltà tal-kreditu. ċirkwit ta' feedback għandu jsegwi l-aħjar prattiki u jiżgura standards minimi tal-kwalità tad-dejta. Is-subsett tad-dejta analitika dwar il-kreditu li jista' jiġi kondiviż bejn il-BĊNi għall-finijiet ta' ċirkuwiti ta' feedback għandu jiġi ddefinit wara li jitqies il-livell ta' kunfidenzjalità speċifiku tal-attributi tad-dejta rilevanti u r-rekwiżiti tal-protezzjoni tal-kunfidenzjalità korrispondenti, kif ukoll iż-żmien meħtieġ għall-implimentazzjoni. Iktar dettalji dwar l-ambitu u l-implimentazzjoni ta' ċirkuwiti ta' feedback jistgħu jiġu stabbiliti f'att legali separat u l-BĊNi jistgħu jidħlu f'memoranda ta' ftehim, fuq il-bażi tal-oqfsa legali applikabbli, dwar il-kooperazzjoni rispettiva tagħhom fiċ-ċirkuwiti ta' feedback. Filwaqt li wħud mill-BĊNi li joperaw RĊK diġà jaqsmu ma' xulxin mikrodejta tal-kreditu u riskju tal-kreditu transkonfinali fuq bażi bilaterali (5), oħrajn jistgħu, għal raġunijiet legali, jeħtieġu ċertu perijodu ta' żmien biex jimplimentaw il-kondiviżjoni ta' informazzjoni transkonfinali biex jgħaddu din id-dejta lil istituzzjonijiet finanzjarji li jirrapportaw lilhom. It-twaqqif u l-implimentazzjoni taċ-ċirkwiti ta' feedback għandhom iqisu dispożizzjonijiet legali nazzjonali dwar kif tiġi ttrattata informazzjoni statistika kunfidenzjali.

(19)

Għall-finijiet ta' dan ir-Regolament għandhom japplikaw l-istandards għall-protezzjoni u l-użu ta' informazzjoni statistika kunfidenzjali kif stipulat fl-Artikoli 8 sa 8c tar-Regolament (KE) Nru 2533/98.

(20)

L-Artikolu 7(1) tar-Regolament (KE) Nru 2533/98 jipprovdi illi l-BĊE għandu l-poter jimponi sanzjonijiet fuq aġenti li jirrapportaw li jonqsu milli jikkonformaw mar-rekwiżiti għar-rapportar tal-istatistika ddefiniti jew imposti fir-regolamenti jew fid-deċiżjonijiet tal-BĊE. Din is-setgħa sanzjonati hija indipendenti mid-dritt tal-BĊNi li jissanzjonaw aġenti li jirrapportaw li ma jikkonformawx mal-obbligi statistiċi jew ta' rapportar ieħor li japplika għalihom taħt il-qafas legali nazzjonali rispettiv.

(21)

Huwa neċessarju li tiġi stabbilita proċedura biex isiru emendi tekniċi fl-annessi ta' dan ir-Regolament b'mod effettiv, iżda dawn la għandhom jibdlu l-qafas kunċettwali sottostanti u lanqas ma għandhom jaffettwaw il-piż ta' rapportar fuq l-aġenti li jirrapportaw fl-Istati Membri. Jeħtieġ li din il-proċedura tippermetti li l-fehmiet tal-Kumitat tal-Istatistika tas-SEBĊ jiġu kkunsidrati.

(22)

L-Artikolu 5 tal-Istatut tas-SEBĊ, flimkien mal-Artikolu 4(3) tat-Trattat dwar l-Unjoni Ewropea, jimplika obbligu li jitfasslu u jiġu implimentati fil-livell nazzjonali tal-miżuri kollha li l-Istati Membri li l-munita tagħhom mhijiex l-euro jikkunsidraw xierqa: (a) biex isir il-ġbir tal-informazzjoni statistika meħtieġa biex jiġu sodisfatti r-rekwiżiti ta' rapportar statistiku tal-BĊE; u (b) għal preparazzjonijiet f'waqthom fil-qasam tal-istatistika sabiex dawn l-Istati Membri jsiru Stati Membri li l-munita tagħhom hija l-euro.

(23)

Dan ir-Regolament għandu japplika mingħajr preġudizzju għall-ġbir ta' dejta tal-kreditu skont il-qafas tal-MSU,

(1)

“Stat Membru li jirrapporta” ifisser Stat Membru li l-munita tiegħu hija l-euro; Stati Membri li l-munita tagħhom mhijiex l-euro jistgħu jiddeċiedu li jsiru Stat Membru li jirrapporta billi jinkorporaw id-dispożizzjonijiet ta' dan ir-Regolament fid-dritt nazzjonali tagħhom jew altrimenti jimponu rekwiżiti ta' rapportar rilevanti skont id-dritt nazzjonali tagħhom; dan jista' jinkludi b'mod partikolari, Stati Membri li jipparteċipaw fl-MSU permezz ta' kooperazzjoni mill-qrib skont l-Artikolu 7 tar-Regolament tal-Kunsill (UE) Nru 1024/2013 (6);

(2)

“residenti” għandha l-istess tifsira kif iddefinita f'Artiklu 1(4) tar-Regolament (KE) Nru 2533/98;

(3)

“istituzzjoniji ta' kreditu” għandha l-istess tifsira kif iddefinita fl-Artikolu 2.12 u 2.13 tal-Anness A tar-Regolament (UE) Nru 549/2013 tal-Parlament Ewropew u tal-Kunsill (7);

(4)

“fergħa barranija” tfisser unità istituzzjonali li hija legalment parti dipendenti ta' entità ġuridika residenti f'pajjiż differenti fejn l-entità ġuridika hija inkorporata skont il-kunċett ta' “fergħa waħda” li jsemmi l-Artikolu 2(3) tar-Regolament (KE) Nru 2533/98;

(5)

“entità ġuridika” tfisser kwalunkwe entità li skont il-liġi nazzjonali li hija suġġetta għaliha, tista' tikseb drittijiet u obbligi legali;

(6)

“identifikatur ta' entità ġuridika” (LEI) tfisser kodiċi ta' referenza alfanumeriku skont l-istandard ISO17442 (8) mogħti lil entità ġuridika;

(7)

“identifikatur nazzjonali” tfisser kodiċi ta' identifikazzjoni użat b'mod komuni li jippermetti l-identifikazzjoni mingħajr ambigwità ta' kontroparti ġewwa l-pajjiż ta' residenza tagħha;

(8)

“aġent li jirrapporta” tfisser jew entità ġuridika jew inkella fergħa barranija li tkun residenti fi Stat Membru li jirrapporta u li tkun soġġetta għar-rekwiżiti ta' rapportar tal-BĊE skont dan ir-Regolament;

(9)

“aġent osservat” tfisser unità istituzzjonali li l-attività tagħha bħala krediturjew serviser hija rrapportata mill-aġent li jirrapporta. L-aġent osservat huwa jew:

(10)

“kontroparti” tfisser unità istituzzjonali li hija parti fi strument jew għandha affiljazzjoni ma' parti fi strument;

(11)

“kreditur” tfisser il-kontroparti li terfa' r-riskju tal-kreditu ta' strument, imma li ma tkunx fornitur ta' protezzjoni;

(12)

“debitur” tfisser kontroparti li għandha l-obbligu mhux kundizzjonat li tagħmel ħlasijiet lura li jiġu mill-istrument;

(13)

“fornitur ta' protezzjoni” tfisser il-kontroparti li tagħti l-protezzjoni kontra avveniment ta' kreditu negattiv miftiehem kuntrattwalment u li terfa' r-riskju tal-kreditu ta' avveniment ta' kreditu negattiv;

(14)

“serviser” tfisser il-kontroparti responsabbli mill-ġestjoni amministrattiva u finanzjarja ta' strument;

(15)

“bank(banek) ċentrali nazzjonali” jew “BĊNi” tfisser il-banek ċentrali nazzjonali ta' Stati Membri tal-Unjoni Ewropea;

(16)

“BĊN rilevanti” tfisser il-BĊN tal-Istat Membru li jirrapporta fejn l-aġent li jirrapporta huwa residenti;

(17)

“reġistru ċentrali tal-kreditu (RĊK)” tfisser reġistru tal-kreditu mħaddem minn BĊN li jirċievi rapporti minn u jipprovdi appoġġ lil mutwanti fis-settur finanzjarju billi jipprovdilhom informazzjoni dwar il-kreditu u r-riskju ta' kreditu;

(18)

“istituzzjoniji ta' kreditu” għandha l-istess tifsira kif iddefinita fl-Artikolu 4(1)(1) tar-Regolament (UE) Nru 575/2013 tal-Parlament Ewropew u tal-Kunsill (9);

(19)

“istituzzjoni” għandha l-istess tifsira kif iddefinit fl-Artikolu 4(1)(3) tar-Regolament (UE) Nru 575/2013.

(20)

“assi” għandha l-istess tifsira kif iddefinita fil-paragrafu 7.15 tal-Anness A tar-Regolament (UE) Nru 549/2013;

(21)

“riskju tal-kreditu” ifisser ir-riskju li l-kontroparti tonqos milli tagħmel kwalunkwe ħlas li hija kuntrattwalment obbligata li tagħmel;

(22)

“kuntratt” tfisser ftehim legalment vinkolanti bejn żewġ partijiet jew iżjed li taħtu jinħolqu strument wieħed jew multipli;

(23)

“strument” tfisser kull partita speċifikata fl-attribut tad-dejta “tip ta' strument”, kif iddefinit fl-Anness IV.

(24)

“protezzjoni” tfisser assigurazzjoni jew skopertura kontra avveniment ta' kreditu negattiv, permezz ta' kwalunkwe element elenkat fl-attribut ta' dejta “tip ta' protezzjoni” kif iddefinit fl-Anness IV;

(25)

“ammont tal-impenn” ifisser is-somma tal-attributi tad-dejta “ammont nominali pendenti” u “ammont li ma jidhirx fil-karta tal-bilanċ” kif iddefinit fl-Anness IV;

(26)

“fuq bażi individwali” tfisser breferenza għal unità istituzzjonali unika, inklużi unitajiet istituzzjonali li huma parti minn entità ġuridika.