ISSN 1977-074X |
||
Il-Ġurnal Uffiċjali tal-Unjoni Ewropea |
L 62 |
|
![]() |
||
Edizzjoni bil-Malti |
Leġiżlazzjoni |
Volum 59 |
|
|
|
(1) Test b'rilevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
9.3.2016 |
MT |
Il-Ġurnal Uffiċjali tal-Unjoni Ewropea |
L 62/1 |
REGOLAMENT TA' IMPLIMENTAZZJONI TAL-KUMMISSJONI (UE) 2016/326
tal-25 ta' Frar 2016
li jirreġistra denominazzjoni fir-reġistru tad-denominazzjonijiet tal-oriġini protetti u tal-indikazzjonijiet ġeografiċi protetti [Frankfurter Grüne Soße/Frankfurter Grie Soß (IĠP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 52(2) tiegħu,
Billi:
(1) |
F'konformità mal-Artikolu 50(2)(a) tar-Regolament (UE) Nru 1151/2012, l-applikazzjoni tal-Ġermanja biex id-denominazzjoni “Frankfurter Grüne Soße”/“Frankfurter Grie Soß” tiddaħħal fir-reġistru ġiet ippubblikata f'Il-Ġurnal Uffiċjali tal-Unjoni Ewropea (2). |
(2) |
Billi l-Kummissjoni ma rċeviet l-ebda stqarrija ta' oġġezzjoni skont l-Artikolu 51 tar-Regolament (UE) Nru 1151/2012, id-denominazzjoni “Frankfurter Grüne Soße”/“Frankfurter Grie Soß” għandha għalhekk tiġi rreġistrata, |
ADOTTAT DAN IR-REGOLAMENT:
Artikolu 1
Id-denominazzjoni “Frankfurter Grüne Soße”/“Frankfurter Grie Soß” (IĠP)] hija rreġistrata.
Id-denominazzjoni msemmija fl-ewwel paragrafu tidentifika prodott tal-klassi 1.6. Frott, ħaxix u ċereali, friski jew ipproċessati tal-Anness XI tar-Regolament ta' Implimentazzjoni tal-Kummissjoni (UE) Nru 668/2014 (3).
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta' Frar 2016.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 343, 14.12.2012, p. 1.
(2) ĠU C 350, 22.10.2015, p. 10.
(3) Ir-Regolament ta' Implimentazzjoni tal-Kummissjoni (UE) Nru 668/2014 tat-13 ta' Ġunju 2014 li jistabbilixxi regoli għall-applikazzjoni tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel (ĠU L 179, 19.6.2014, p. 36).
9.3.2016 |
MT |
Il-Ġurnal Uffiċjali tal-Unjoni Ewropea |
L 62/3 |
REGOLAMENT TA' IMPLIMENTAZZJONI TAL-KUMMISSJONI (UE) 2016/327
tal-25 ta' Frar 2016
li jirreġistra denominazzjoni fir-reġistru tad-denominazzjonijiet tal-oriġini protetti u tal-indikazzjonijiet ġeografiċi protetti [Polvorones de Estepa (IGP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 52(2) tiegħu,
Billi:
(1) |
Skont l-Artikolu 50(2)(a) tar-Regolament (UE) Nru 1151/2012, ġiet ippubblikata f'Il-Ġurnal Uffiċjali tal-Unjoni Ewropea (2) it-talba minn Spanja biex id-denominazzjoni “Polvorones de Estepa” tiddaħħal fir-reġistru. |
(2) |
Billi l-Kummissjoni ma rċeviet ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, id-denominazzjoni “Polvorones de Estepa” għandha tiġi rreġistrata, |
ADOTTAT DAN IR-REGOLAMENT:
Artikolu 1
Id-denominazzjoni “Polvorones de Estepa” (IĠP) hija rreġistrata.
Id-denominazzjoni msemmija fl-ewwel paragrafu tidentifika prodott tal-Klassi 2.3 “Ħobż, għaġina, kejkijiet, ħelu, gallettini u prodotti oħra tal-furnara” tal-Anness XI tar-Regolament ta' Implimentazzjoni tal-Kummissjoni (UE) Nru 668/2014 (3).
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta' Frar 2016.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 343, 14.12.2012, p. 1.
(2) ĠU C 338, 13.10.2015, p. 10.
(3) Ir-Regolament ta' Implimentazzjoni tal-Kummissjoni (UE) Nru 668/2014 tat-13 ta' Ġunju 2014 li jistabbilixxi regoli għall-applikazzjoni tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel (ĠU L 179, 19.6.2014, p. 36).
9.3.2016 |
MT |
Il-Ġurnal Uffiċjali tal-Unjoni Ewropea |
L 62/4 |
REGOLAMENT TA' IMPLIMENTAZZJONI TAL-KUMMISSJONI (UE) 2016/328
tas-26 ta' Frar 2016
li japprova emenda mhux minuri fl-ispeċifikazzjoni ta' denominazzjoni mniżżla fir-reġistru tad-denominazzjonijiet ta' oriġini protetti u tal-indikazzjonijiet ġeografiċi protetti [Carciofo Spinoso di Sardegna (DOP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 52(2) tiegħu,
Billi:
(1) |
Skont l-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni tal-Italja għall-approvazzjoni ta' emenda fl-ispeċifikazzjoni tad-denominazzjoni ta' oriġini protetta “Carciofo Spinoso di Sardegna”, irreġistrata skont ir-Regolament tal-Kummissjoni (UE) Nru 94/2011 (2). |
(2) |
Billi l-emenda kkonċernata mhijiex minuri fis-sens tal-Artikolu 53(2) tar-Regolament (UE) Nru 1151/2012, il-Kummissjoni ppubblikat id-domanda għall-emenda f'Il-Ġurnal Uffiċjali tal-Unjoni Ewropea (3), skont l-Artikolu 50(2)(a) tar-Regolament imsemmi. |
(3) |
Billi l-Kummissjoni ma rċeviet l-ebda stqarrija ta' oġġezzjoni skont l-Artikolu 51 tar-Regolament (UE) Nru 1151/2012, l-emenda tal-ispeċifikazzjoni għandha tiġi approvata, |
ADOTTAT DAN IR-REGOLAMENT:
Artikolu 1
L-emenda tal-ispeċifikazzjoni ppubblikata f'Il-Ġurnal Uffiċjali tal-Unjoni Ewropea dwar id-denominazzjoni “Carciofo Spinoso di Sardegna” (DOP) hija b'dan approvata.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta' Frar 2016.
Għall-Kummissjoni,
F'isem il-President,
Phil HOGAN
Membru tal-Kummissjoni
(1) ĠU L 343, 14.12.2012, p. 1.
(2) Ir-Regolament tal-Kummissjoni (UE) Nru 94/2011 tat-3 ta' Frar 2011 li jdaħħal denominazzjoni fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Carciofo Spinoso di Sardegna (DPO)] (ĠU L 30, 4.2.2011, p. 21).
(3) ĠU C 351, 23.10.2015, p. 24.
9.3.2016 |
MT |
Il-Ġurnal Uffiċjali tal-Unjoni Ewropea |
L 62/5 |
REGOLAMENT TA' IMPLIMENTAZZJONI TAL-KUMMISSJONI (UE) 2016/329
tat-8 ta' Marzu 2016
dwar l-awtorizzazzjoni tas-6-fitażi bħala addittiv tal-għalf għall-ispeċi tat-tjur kollha u għall-ħnienes miftuma, għall-ħnieżer għat-tismin, għall-ħnieżer nisa u għall-ispeċijiet minuri tal-porċini (id-detentur tal-awtorizzazzjoni Lohmann Animal Nutrition GmbH)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jistipula l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni. |
(2) |
F'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tas-6-fitażi. Ma' din l-applikazzjoni ntbagħtu wkoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni tas-6-fitażi bħala addittiv tal-għalf għall-ispeċijiet porċini u tat-tjur biex jiġi kklassifikat fil-kategorija tal-addittivi “addittivi żootekniċi”. |
(4) |
Fl-opinjoni tagħha tas-17 ta' Ġunju 2015 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, is-6-fitażi ma tħallix effett negattiv fuq is-saħħa tal-annimali, is-saħħa tal-bniedem jew l-ambjent. Ġie konkluż ukoll li l-addittiv għandu l-potenzjal li jtejjeb id-diġestibbiltà tal-fosforu, l-utilizzazzjoni tal-fosforu jew il-mineralizzazzjoni tal-għadam tat-tiġieġ tal-bajd, tat-tiġieġ għat-tismin, tal-kategoriji kollha tal-ħnieżer u tad-dundjani għat-tismin. L-Awtorità qieset li dawn il-konklużjonijiet jistgħu jiġu estiżi għat-tiġieġ imrobbija biex ibidu u għad-dundjani mrobbija għat-tgħammir. Barra minn hekk, din iddeterminat li l-konklużjonijiet jistgħu jiġu estrapolati għall-ispeċijiet minuri kollha tal-pollam u għal speċijiet tat-tjur oħra sal-età meta jistgħu jibdew ibidu u li jkunu mrobbija biex ibidu. Bl-istess mod, il-konklużjonijiet misluta għall-ħnieżer jistgħu jiġu estrapolati għall-ispeċijiet minuri tal-porċini. L-Awtorità tqis li ma hemmx bżonn ta' rekwiżiti speċifiċi għall-monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodu ta' analiżi tal-addittiv tal-għalf fl-għalf li tressaq mil-Laboratorju ta' Referenza mwaqqaf bir-Regolament (KE) Nru 1831/2003. |
(5) |
Il-valutazzjoni tas-6-fitażi turi li l-kundizzjonijiet għall-awtorizzazzjoni stipulati fl-Artikolu 5 tar-Regolament (KE) Nru 1831/2003 huma ssodisfati. Għalhekk, l-użu ta' dak l-addittiv għandu jiġi awtorizzat kif speċifikat fl-Anness ta' dan ir-Regolament. |
(6) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija tal-addittivi “addittivi żootekniċi” u mill-grupp funzjonali “sustanzi li jtejbu d-diġestibbiltà”, hija awtorizzata bħala addittiv fin-nutrizzjoni tal-annimali, soġġetta għall-kundizzjonijiet stipulati f'dak l-Anness.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Marzu 2016.
Għall-Kummissjoni
Il-President
Jean-Claude JUNCKER
(1) ĠU L 268, 18.10.2003, p. 29.
(2) The EFSA Journal 2015; 13(7):4159.
ANNESS
Numru tal-identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||
Unitajiet ta' attività/kg ta' għalf sħiħ b'kontenut ta' umdità ta' 12 % |
|||||||||||||
Kategorija tal-addittivi żootekniċi. Grupp funzjonali: sustanzi li jtejbu d-diġestibbiltà |
|||||||||||||
4a23 |
Lohmann Animal Nutrition GmbH |
6-fitażi EC 3.1.3.26 |
Kompożizzjoni tal-addittiv Preparazzjoni tas-6-fitażi prodotta mill-Komagataella pastoris (DSM 25375) b'attività minima ta': 40 000 U (1)/g Forma solida u likwida Karatterizzazzjoni tas-sustanza attiva 6-fitażi (EC 3.1.3.26) prodotta mill-Komagataella pastoris (DSM 25375) Metodu analitiku (2) Għall-kwantifikazzjoni tal-attività tas-6-fitażi fl-addittiv tal-għalf: il-metodu kolorimetriku bbażat fuq ir-reazzjoni enzimatika tal-fitażi fuq il-fitat –VDLUFA Method Book, Vol. III, 27.1.1 Għall-kwantifikazzjoni tal-attività tas-6-fitażi fit-taħlitiet lesti minn qabel u fl-għalf minerali: il-metodu kolorimetriku bbażat fuq ir-reazzjoni enzimatika tal-fitażi fuq il-fitat — VDLUFA Method Book, Vol. III, 27.1.3 Għall-kwantifikazzjoni tal-attività tas-6-fitażi fl-għalf: il-metodu kolorimetriku bbażat fuq ir-reazzjoni enzimatika tal-fitażi fuq il-fitat — EN ISO 30024. |
It-tiġieġ għat-tismin u mrobbija biex ibidu, l-ispeċijiet kollha tat-tjur għat-tismin u mrobbija biex ibidu ħlief għad-dundjani għat-tismin u mrobbija għat-tgħammir |
— |
250 U |
— |
|
Id-29 ta' Marzu 2026 |
||||
L-ispeċijiet kollha tat-tjur tal-bajd |
125 U |
||||||||||||
Id-dundjani għat-tismin u mrobbija għat-tgħammir |
500 U |
||||||||||||
Il-ħnienes (miftuma), il-ħnieżer għat-tismin, il-ħnieżer nisa u l-ispeċijiet minuri tal-porċini |
250 U |
(1) 1 U huwa l-ammont ta' enzimi li jillibera mikromolu wieħed ta' fosfat inorganiku kull minuta minn substrat ta' fitat tas-sodju b'pH ta' 5,5 u f'37 °C.
(2) Id-dettalji dwar il-metodi analitiċi jinsabu fl-indirizz tal-Laboratorju ta' Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx
9.3.2016 |
MT |
Il-Ġurnal Uffiċjali tal-Unjoni Ewropea |
L 62/9 |
REGOLAMENT TA' IMPLIMENTAZZJONI TAL-KUMMISSJONI (UE) 2016/330
tat-8 ta' Marzu 2016
li jissospendi l-preferenzi tariffarji għal ċerti pajjiżi benefiċjarji tal-SPĠ fir-rigward ta' ċerti sezzjonijiet tal-SPĠ skont ir-Regolament (UE) Nru 978/2012 li japplika skema ta' preferenzi tariffarji ġeneralizzati għall-perjodu 2017–2019
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 978/2012 tal-Parlament Ewropew u tal-Kunsill tal-25 ta' Ottubru 2012 li japplika skema ta' preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008 (1), u b'mod partikolari l-Artikolu 8(3) tiegħu,
Billi:
(1) |
Skont l-Artikolu 8(1) tar-Regolament (UE) Nru 978/2012, il-preferenzi tariffarji tal-arranġament ġenerali tal-Iskema ta' Preferenzi Ġeneralizzati (SPĠ) għandhom jiġu sospiżi fir-rigward ta' prodotti ta' sezzjoni tal-SPĠ li joriġinaw f'pajjiż benefiċjarju tal-SPĠ meta l-valur medju tal-importazzjonijiet mill-Unjoni ta' dawn il-prodotti fuq tliet snin konsekuttivi minn dak il-pajjiż benefiċjarju tal-SPĠ jaqbeż il-limiti elenkati fl-Anness VI ta' dak ir-Regolament. |
(2) |
Skont l-Artikolu 8(2) tar-Regolament (UE) Nru 978/2012 u abbażi ta' statistiċi tal-kummerċ fir-rigward tas-snin kalendarji 2009-2011, ir-Regolament ta' Implimentazzjoni tal-Kummissjoni (UE) Nru 1213/2012 (2) stabbilixxa l-lista ta' sezzjonijiet ta' prodotti li għalihom il-preferenzi tariffarji ġew sospiżi mill-1 ta' Jannar 2014 sal-31 ta' Diċembru 2016. |
(3) |
F'konformità mal-Artikolu 8(3) tar-Regolament (UE) Nru 978/2012, kull tliet snin, il-Kummissjoni għandha tirrevedi dik il-lista permezz ta' att ta' implimentazzjoni li jissospendi jew jistabbilixxi mill-ġdid il-preferenzi tariffarji. Il-lista riveduta għandha tapplika għal tliet snin mill-1 ta' Jannar 2017. Il-lista hija bbażata fuq statistiċi tal-kummerċ fir-rigward is-snin kalendarji 2012-2014 kif disponibbli fl-1 ta' Settembru 2015 u tqis l-importazzjonijiet minn pajjiżi benefiċjarji tal-SPĠ elenkati fl-Anness II tar-Regolament (UE) Nru 978/2012 kif applikabbli f'dik id-data. Madankollu, il-valur tal-importazzjoni minn benefiċjarji tal-SPĠ li mill-1 ta' Jannar 2017 mhux se jibqgħu jibbenefikaw mill-preferenzi tariffarji skont punt (b) tal-Artikolu 4(1) tar-Regolament (UE) Nru 978/2012 ma ġiex meqjus. |
(4) |
Il-miżuri previsti f'dan ir-Regolament huma konformi mal-opinjoni tal-Kumitat tal-Preferenzi Ġeneralizzati, |
ADOTTAT DAN IR-REGOLAMENT:
Artikolu 1
Il-lista ta' prodotti ta' sezzjonijiet tal-SPĠ li għalihom il-preferenzi tariffarji msemmija fl-Artikolu 7 tar-Regolament (UE) Nru 978/2012 huma sospiżi fir-rigward tal-pajjiżi benefiċjarji tal-SPĠ kkonċernati hija stabbilita fl-Anness ta' dan ir-Regolament.
Artikolu 2
Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Japplika mill-1 ta' Jannar 2017 sal-31 ta' Diċembru 2019.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Marzu 2016.
Għall-Kummissjoni
Il-President
Jean-Claude JUNCKER
(1) ĠU L 303, 31.10.2012, p. 1.
(2) Ir-Regolament ta' Implimentazzjoni tal-Kummissjoni (UE) Nru 1213/2012 tas-17 ta' Diċembru 2012 li jissospendi l-preferenzi tariffarji għal ċerti pajjiżi benefiċjarji tal-SPĠ fir-rigward ta' ċerti taqsimiet tal-SPĠ skont ir-Regolament (UE) Nru 978/2012 tal-Parlament Ewropew u tal-Kunsill li japplika skema ta' preferenzi tariffarji ġeneralizzati (ĠU L 348, 18.12.2012, p. 11).
ANNESS
Il-lista ta' sezzjonijiet tal-SPĠ li għalihom huma sospiżi l-preferenzi tariffarji msemmija fl-Artikolu 7 tar-Regolament (UE) Nru 978/2012 fir-rigward ta' pajjiż benefiċjarju tal-SPĠ kkonċernat:
Kolonna A : isem il-pajjiż
Kolonna B : Sezzjoni tal-SPĠ (l-Artikolu 2(j) tar-Regolament tal-SPĠ)
Kolonna C : deskrizzjoni
A |
B |
C |
L-Indja |
S-5 |
Prodotti minerali |
S-6a |
Sustanzi kimiċi organiċi u inorganiċi |
|
S-11a |
Tessuti |
|
S-14 |
Perli u metalli prezzjużi |
|
S-15a |
Ħadid, azzar u oġġetti tal-ħadid u tal-azzar |
|
S-15b |
Metalli komuni (eskluż il-ħadid u l-azzar), oġġetti ta' metalli komuni (esklużi l-oġġetti tal-ħadid u tal-azzar) |
|
S-17b |
Vetturi motorizzati, roti, vetturi tal-ajru, vetturi tal-ispazju, vapuri u dgħajjes |
|
L-Indoneżja |
S-1a |
Annimali ħajjin u prodotti tal-annimali, eskluż il-ħut |
S-3 |
Żjut tal-annimali jew dawk veġetali, xaħmijiet u xema' |
|
Il-Kenja |
S-2a |
Pjanti ħajjin u prodotti mill-florikultura |
L-Ukrajna |
S-17a |
Vetturi u prodotti tal-ferrovija u tal-linja tat-tramm |
S-3 |
Żjut tal-annimali jew dawk veġetali, xaħmijiet u xema' |
9.3.2016 |
MT |
Il-Ġurnal Uffiċjali tal-Unjoni Ewropea |
L 62/12 |
REGOLAMENT TA' IMPLIMENTAZZJONI TAL-KUMMISSJONI (UE) 2016/331
tat-8 ta' Marzu 2016
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas- 17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Marzu 2016.
Għall-Kummissjoni,
F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
IL |
165,2 |
MA |
100,4 |
|
SN |
174,9 |
|
TN |
112,1 |
|
TR |
99,9 |
|
ZZ |
130,5 |
|
0707 00 05 |
JO |
194,1 |
MA |
84,5 |
|
TR |
161,4 |
|
ZZ |
146,7 |
|
0709 93 10 |
MA |
69,9 |
TR |
158,8 |
|
ZZ |
114,4 |
|
0805 10 20 |
EG |
43,5 |
IL |
76,9 |
|
MA |
50,8 |
|
TN |
54,3 |
|
TR |
64,9 |
|
ZZ |
58,1 |
|
0805 50 10 |
MA |
91,2 |
TR |
96,3 |
|
ZZ |
93,8 |
|
0808 10 80 |
CL |
93,0 |
CN |
66,5 |
|
US |
151,9 |
|
ZZ |
103,8 |
|
0808 30 90 |
AR |
106,4 |
CL |
157,2 |
|
CN |
112,4 |
|
TR |
58,3 |
|
ZA |
104,0 |
|
ZZ |
107,7 |
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
9.3.2016 |
MT |
Il-Ġurnal Uffiċjali tal-Unjoni Ewropea |
L 62/14 |
DEĊIŻJONI TAL-KUMITAT POLITIKU U TA' SIGURTÀ (PESK) 2016/332
tat-23 ta' Frar 2016
dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnija-Ħerzegovina u li tħassar id-Deċiżjoni BiH/22/2014 (BiH/23/2016)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra l-Azzjoni Konġunta tal-Kunsill 2004/570/PESK tat-12 ta' Lulju 2004 dwar operazzjoni militari tal-Unjoni Ewropea fil-Bożnija-Ħerzegovina (1), u b'mod partikolari l-Artikolu 6(1) tagħha,
Billi:
(1) |
Skont l-Artikolu 6(1) tal-Azzjoni Konġunta 2004/570/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu d-deċiżjonijiet rilevanti dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnija-Ħerzegovina.(il-“Kmandant tal-Forza tal-UE”). |
(2) |
Fl-4 ta' Diċembru 2014, il-KPS adotta d-Deċiżjoni BiH/22/2014 (2) li taħtar il-Ġeneral Maġġur Johann LUIF bħala Kmandant tal-Forza tal-UE. |
(3) |
Fit-22 ta' Jannar 2016, il-Kmandant tal-Operazzjoni tal-UE rrakkomanda l-ħatra tal-Ġeneral Maġġur Friedrich SCHRÖTTER bħala l-Kmandant il-ġdid tal-Forza tal-UE biex jieħu post il-Ġeneral Maġġur Johann LUIF mill-24 ta' Marzu 2016. |
(4) |
Fid-29 ta' Jannar 2016, il-Kumitat Militari tal-UE appoġġa din ir-rakkomandazzjoni. |
(5) |
Għalhekk, id-Deċiżjoni BiH/22/2014 għandha titħassar. |
(6) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża. |
(7) |
Fit-12 u t-13 ta' Diċembru 2002, il-Kunsill Ewropew ta' Copenhagen adotta dikjarazzjoni li tgħid li l-arranġamenti “Berlin plus” u l-implimentazzjoni tagħhom ser japplikaw biss għal dawk l-Istati Membri tal-Unjoni li huma wkoll membri tan-NATO jew Partijiet għas-“Sħubija għall-Paċi”, u li konsegwentement ikkonkludew ftehimiet bilaterali dwar is-sigurtà man-NATO, |
ADOTTA DIN ID-DEĊIŻJONI:
Artikolu 1
Il-Ġeneral Maġġur Friedrich SCHRÖTTER huwa b'dan maħtur Kmandant tal-Forza tal-UE għall-operazzjoni militari tal-Unjoni Ewropea fil-Bożnija-Ħerzegovina mill-24 ta' Marzu 2016.
Artikolu 2
Id-Deċiżjoni BiH/22/2014 hija b'dan imħassra.
Artikolu 3
Din id-Deċiżjoni għandha tidħol fis-seħħ fl-24 ta' Marzu 2016.
Magħmul fi Brussell, it-23 ta' Frar 2016.
Għall-Kumitat Politiku u ta' Sigurtà
Il-President
W. STEVENS
(1) ĠU L 252, 28.7.2004, p. 10.
(2) Id-Deċiżjoni tal-Kumitat Politiku u ta' Sigurtà BiH/22/2014 tal-4 ta' Diċembru 2014 dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina u li tħassar id-Deċiżjoni BiH/19/2012 (ĠU L 358, 13.12.2014, p. 17).
9.3.2016 |
MT |
Il-Ġurnal Uffiċjali tal-Unjoni Ewropea |
L 62/16 |
DEĊIŻJONI TAL-KUNSILL (UE) 2016/333
tal-4 ta' Marzu 2016
li taħtar membru, propost mir-Repubblika Federali tal-Ġermanja, fil-Kumitat tar-Reġjuni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 305 tiegħu,
Wara li kkunsidra l-proposta mill-Gvern Ġermaniż,
Billi:
(1) |
Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020. |
(2) |
Konsegwentement għat-tmiem tal-mandat tas-Sinjura Dagmar MÜHLENFELD, sar vakanti siġġu ta' membru fil-Kumitat tar-Reġjuni, |
ADOTTA DIN ID-DEĊIŻJONI:
Artikolu 1
Huwa b'dan maħtur membru fil-Kumitat tar-Reġjuni għall-bqija tal-mandat attwali, jiġifieri sal-25 ta' Jannar 2020:
— |
Is-Sur Joachim WOLBERGS, Oberbürgermeister der Stadt Regensburg. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-4 ta' Marzu 2016.
Għall-Kunsill
Il-President
S.A.M. DIJKSMA
(1) Deċiżjoni tal-Kunsill (UE) 2015/116 tas-26 ta' Jannar 2015 li taħtar il-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 20, 27.1.2015, p. 42).
(2) Deċiżjoni tal-Kunsill (UE) 2015/190 tal-5 ta' Frar 2015 li taħtar il-membri u membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 31, 7.2.2015, p. 25).
(3) Deċiżjoni tal-Kunsill (UE) 2015/994 tat-23 ta' Ġunju 2015 li taħtar il-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 159, 25.6.2015, p. 70).
9.3.2016 |
MT |
Il-Ġurnal Uffiċjali tal-Unjoni Ewropea |
L 62/17 |
DEĊIŻJONI TAL-KUNSILL (UE) 2016/334
tal-4 ta' Marzu 2016
li taħtar żewġ membri supplenti, proposti mir-Repubblika tal-Litwanja, fil-Kumitat tar-Reġjuni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 305 tiegħu,
Wara li kkunsidra l-proposta mill-Gvern Litwan,
Billi:
(1) |
Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020. |
(2) |
Wara t-tmiem tal-mandati tas-Sinjura Odeta ŽERLAUSKIENĖ u s-Sinjur Jonas PINSKUS, saru vakanti s-siġġijiet ta' żewġ membri supplenti fil-Kumitat tar-Reġjuni, |
ADOTTA DIN ID-DEĊIŻJONI:
Artikolu 1
Dawn li ġejjin huma b'dan maħturin membri supplenti fil-Kumitat tar-Reġjuni għall-bqija tal-mandat attwali, jiġifieri sal-25 ta' Jannar 2020:
— |
Is-Sinjura Andžela ŠAKINIENĖ, Member of Klaipėda District Municipal Council, |
— |
Is-Sur Kęstutis VAITUKAITIS, Member of Elektrėnai Municipal Council. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-4 ta' Marzu 2016.
Għall-Kunsill
Il-President
S.A.M. DIJKSMA
(1) Deċiżjoni tal-Kunsill (UE) 2015/116 tas-26 ta' Jannar 2015 li taħtar il-membri u l-membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 20, 27.1.2015, p. 42).
(2) Deċiżjoni tal-Kunsill (UE) 2015/190 tal-5 ta' Frar 2015 li taħtar il-membri u membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 31, 7.2.2015, p. 25).
(3) Deċiżjoni tal-Kunsill (UE) 2015/994 tat-23 ta' Ġunju 2015 li taħtar il-membri u l-membri supplenti tal-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020 (ĠU L 159, 25.6.2015, p. 70).
9.3.2016 |
MT |
Il-Ġurnal Uffiċjali tal-Unjoni Ewropea |
L 62/18 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/335
tas-7 ta' Marzu 2016
li tagħti derogi mir-Regolament (UE) Nru 691/2011 tal-Parlament Ewropew u tal-Kunsill dwar il-kontijiet ekonomiċi ambjentali Ewropej fir-rigward ta' Spanja, Franza, l-Italja u Ċipru
(notifikata bid-dokument C(2016) 1341)
(It-testi bl-Ispanjol, bil-Franċiż, bit-Taljan u bil-Grieg biss huma awtentiċi)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 691/2011 tal-Parlament Ewropew u tal-Kunsill tas-6 ta' Lulju 2011 dwar il-kontijiet ekonomiċi ambjentali (1), u b'mod partikolari l-Artikolu 8(1) tiegħu,
Billi:
(1) |
Skont l-Artikolu 8(1) tar-Regolament (UE) Nru 691/2011, il-Kummissjoni tista' tadotta atti ta' implimentazzjoni bil-għan li tagħti derogi lill-Istati Membri matul il-perjodi tranżizzjonali li hemm referenza għalihom fl-Annessi tar-Regolament (UE) Nru 691/2011, f'każ li s-sistemi tal-istatistika nazzjonali jkunu jeħtieġu adattamenti kbar. |
(2) |
Ir-Renju ta' Spanja, ir-Repubblika Franċiża, ir-Repubblika Taljana u r-Repubblika ta' Ċipru talbu derogi bħal dawn minħabba l-ħtieġa ta' adattamenti kbar fis-sistemi tal-istatistika nazzjonali tagħhom sabiex jikkonformaw mar-Regolament (UE) Nru 691/2011. Dawn id-derogi għandhom jingħataw lil dawk l-Istati Membri li għamlu t-talba. |
(3) |
Il-miżuri stipulati f'din id-Deċiżjoni huma skont l-opinjoni tal-Kumitat tas-Sistema Ewropea tal-Istatistika, |
ADOTTAT DIN ID-DEĊIŻJONI:
Artikolu 1
Id-derogi mir-Regolament (UE) Nru 691/2011, kif stabbilit fl-Anness ta' din id-Deċiżjoni, qed jingħataw lir-Renju ta' Spanja, lir-Repubblika Franċiża, lir-Repubblika Taljana u lir-Repubblika ta' Ċipru.
Artikolu 2
Din id-Deċiżjoni hija indirizzata lir-Renju ta' Spanja, lir-Repubblika ta' Franza, lir-Repubblika Taljana u lir-Repubblika ta' Ċipru.
Magħmul fi Brussell, is-7 ta' Marzu 2016.
Għall-Kummissjoni
Marianne THYSSEN
Membru tal-Kummissjoni
(1) ĠU L 192, 22.7.2011, p. 1.
ANNESS
DEROGI
Stat Membru |
Deroga |
Tmiem id-deroga |
Ir-Renju ta' Spanja |
Anness V — Kontijiet tas-settur tal-prodotti u s-servizzi ambjentali |
Il-31 ta' Diċembru 2018 |
Ir-Repubblika Franċiża |
Anness VI — Kontijiet tal-flussi fiżiċi ta' enerġija. Tabella tal-użi tal-flussi fiżiċi ta' enerġija (it-tabella B): l-użu totali u t-tqassim ta' prodotti “P.14 Motor spirit (mingħajr bijo)”, “P.17 Diżil tat-trasport (mingħajr bijo)” u “P.24 Bijofjuwils likwidi” |
It-30 ta' Settembru 2019 |
Anness VI — Kontijiet tal-flussi fiżiċi ta' enerġija. Tabella tal-użu fiżiku ta' flussi ta' enerġija rilevanti għall-emissjonijiet (it-tabella C): l-użu totali u t-tqassim ta' prodotti “P.14 Motor spirit (mingħajr bijo)”, “P.17 Diżil tat-trasport (mingħajr bijo)” u “P.24 Bijofjuwils likwidi” |
It-30 ta' Settembru 2019 |
|
Anness VI — Kontijiet tal-flussi fiżiċi ta' enerġija. Tabella ta' konkordanza (it-tabella E): il-prodotti “P.14 Motor spirit (mingħajr bijo)”, “P.17 Diżil tat-trasport (mingħajr bijo)” u “P.24 Bijofjuwils likwidi” |
It-30 ta' Settembru 2019 |
|
Ir-Repubblika Taljana |
Anness V — Kontijiet tas-settur tal-prodotti u s-servizzi ambjentali |
Il-31 ta' Diċembru 2018 |
Ir-Repubblika ta' Ċipru |
Anness IV — Kontijiet tal-infiq għall-protezzjoni ambjentali |
Il-31 ta' Diċembru 2019 |
Anness V — Kontijiet tas-settur tal-prodotti u s-servizzi ambjentali |
Il-31 ta' Diċembru 2019 |
|
Anness VI — Kontijiet tal-flussi fiżiċi ta' enerġija. |
It-30 ta' Settembru 2019 |
RAKKOMANDAZZJONIJIET
9.3.2016 |
MT |
Il-Ġurnal Uffiċjali tal-Unjoni Ewropea |
L 62/20 |
RAKKOMANDAZZJONI TAL-KUMMISSJONI (UE) 2016/336
tat-8 ta' Marzu 2016
dwar l-applikazzjoni tad-Direttiva tal-Kunsill 2008/120/KE li tistabbilixxi standards minimi għall-protezzjoni tal-majjali fir-rigward ta' miżuri biex jitnaqqas il-bżonn ta' qtugħ tad-denb
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-Artikolu 292 tiegħu,
Billi:
(1) |
Id-Direttiva tal-Kunsill 2008/120/KE (1) teħtieġ li l-Istati Membri jiżguraw li l-qtugħ tad-denb ma jitwettaqx regolarment iżda biss fejn hemm evidenza li seħħew feriti fi rjus il-bżieżel tal-ħnieżer nisa jew fil-widnejn jew fid-denb ta' majjali oħra. |
(2) |
Il-prattika tal-qtugħ tad-denb tal-ħnieżer titwettaq sabiex jiġi evitat il-gdim tad-denb, li huwa mġiba anormali li toriġina minn ħafna fatturi. Din il-prattika probabbli tikkawża uġigħ għall-majjali u għalhekk hija ta' ħsara għall-benessri tagħhom. |
(3) |
Id-Direttiva 2008/120/KE tistipula li qabel ma jsir il-qtugħ tad-denb, għandhom jittieħdu miżuri oħra sabiex jiġi evitat il-gdim tad-denb u vizzji oħrajn, filwaqt li jitqiesu l-ambjent tal-bhejjem u d-densitajiet tal-popolazzjoni tagħhom. Għal dik ir-raġuni, jeħtieġ li jitbiddlu l-kondizzjonijiet ambjentali jew is-sistemi ta' ġestjoni mhux adegwati. |
(4) |
Id-Direttiva 2008/120/KE teħtieġ ukoll li l-Istati Membri jiżguraw li l-ħnieżer ikollhom aċċess permanenti għal kwantità suffiċjenti ta' materjal li jippermettilhom attivitajiet adattati ta' esplorazzjoni u manipulazzjoni, bħalma hu t-tiben, il-ħuxlief, l-injam, is-serratura, id-demel tal-faqqiegħ, demel mill-ħxejjex jew taħlita tagħhom (“materjal ta' arrikkiment”), li ma jikkompromettux is-saħħa ta' dawk l-annimali. |
(5) |
L-Awtorità Ewropea dwar is-Sigurtà fl-Ikel tat opinjonijiet xjentifiċi dwar ir-riskji assoċjati mal-gdim tad-denb fil-ħnieżer u l-mezzi possibbli biex jitnaqqas il-bżonn ta' qtugħ tad-denb (2) u wkoll opinjoni xjentifika dwar l-approċċ multifattorjali rigward l-użu ta' miżuri marbuta mal-annimali nfushom kif ukoll miżuri li mhumiex biex jiġi vvalutat il-benessri tal-majjali (3). Is-sejbiet ta' dawn l-opinjonijiet xjentifiċi għandhom jiġu kkunsidrati fl-aħjar prattiki msemmija f'din ir-Rakkomandazzjoni. |
(6) |
Sistemi ta' trobbija differenti madwar l-Istati Membri. Huwa għalhekk meħtieġ li jiġu rrakkomandati fil-livell tal-Unjoni l-aħjar prattiki mmirati lejn it-tnaqqis tal-bżonn ta' qtugħ tad-denb u titjib tas-soluzzjonijiet biex jiġi pprovdut materjali ta' arrikkiment. |
(7) |
Din ir-rakkomandazzjoni għandha tiġi applikata skont id-Direttiva 2008/120/KE u leġiżlazzjoni rilevanti oħra tal-Unjoni applikabbli għall-benessri tal-majjali, |
ADOTTAT DIN IR-RAKKOMANDAZZJONI:
1. |
Meta jiġu applikati r-rekwiżiti ġenerali dwar il-prevenzjoni tal-gdim tad-denb u b'hekk tnaqqis regolari tal-qtugħ tad-denb kif stipulat fl-Anness I tad-Direttiva 2008/120/KE, l-Istati Membri għandhom iqisu l-linji gwida tal-aħjar prattiki bbażati fuq għarfien xjentifiku kif stabbilit fil-paragrafi 2 sa 7. |
2. |
L-Istati Membri għandhom:
|
3. |
Il-parametri li ġejjin għandhom jiġu ċċekkjati meta tkun qed titwettaq il-valutazzjoni tar-riskju:
Abbażi tar-riżultati tal-valutazzjoni tar-riskju, għandhom jitqiesu bidliet xierqa fil-ġestjoni tal-azjendi agrikoli, bħall-forniment ta' materjali xierqa ta' arrikkiment, kondizzjonijiet ambjentali komdi, l-iżgurar ta' status tajjeb ta' saħħa u/jew il-forniment ta' dieta bilanċjata għall-majjali. |
4. |
Il-materjali ta' arrikkiment għandhom jippermettu lill-majjali biex jissodisfaw il-bżonnijet essenzjali tagħhom mingħajr ma jikkompromettu saħħithom. Għal dan l-għan, il-materjali ta' arrikkiment ma għandhomx ikunu ta' periklu u għandu jkollhom il-karatteristiki li ġejjin: (a) tajbin għall-ikel— sabiex il-majjali ikunu jistgħu jikluhom jew ixommuhom, preferibbilment b'xi benefiċċji nutrittivi; (b) jistgħu jitmegħdu— sabiex il-majjali jkunju jistgħu jigdmuhom; (c) Esplorabbli— sabiex il-majjali jkunu jistgħu jesplorawhom; (d) jistgħu jkunu mmanipulati— sabiex il-majjali jkunu jistgħu jbiddlu l-post, id-dehra u l-istruttura tagħhom. |
5. |
Minbarra l-karatteristiki elenkati fil-paragrafu 4, il-materjali ta' arrikkiment għandhom jiġu pprovduti b'tali mod li jkunu:
|
6. |
Sabiex jiġu sodisfatti l-bżonnijiet essenzjali tal-majjali l-materjal ta' arrikkiment għandu jissodisfa l-karatteristiki kollha elenkati fil-paragrafi 4 u 5. Għal dan l-għan, il-materjali ta' arrikkiment għandhom jiġu kategorizzati bħala: (a) materjali ottimali— materjali li jkollhom il-karatteristiki kollha elenkati fil-paragrafi 4 u 5 u għalhekk dawn il-materjali jistgħu jintużaw waħedhom; (b) materjali subottimali— materjali li jkollhom il-biċċa l-kbira tal-karatteristiki elenkati fil-paragrafi 4 u 5 u għalhekk dawn il-materjali jistgħu jintużaw flimkien ma' materjali oħrajn; (c) materjali ta' interess marġinali— materjali li jipprovdu distrazzjoni għal majjali u li ma għandhomx jitqiesu li jissodisfaw l-bżonnijiet essenzjali tagħhom u għalhekk materjali ottimali jew subottimali għandhom jiġu pprovduti wkoll. |
7. |
Sabiex jivverifikaw li l-majjali għandhom aċċess għal materjali ta' arrikkiment suffiċjenti u adattati, l-Istati Membri għandhom jiżguraw li l-operaturi agrikoli jsegwu prattiki tajba fir-rigward ta' indikaturi xierqa biex jimmonitorjaw il-benessri tal-majjali miżmuma taħt il-kura tagħhom. Dak il-metodu ta' valutazzjoni għall-kontroll ta' aċċess għal materjali ta' arrikkiment għandhom jinkludu kontrolli bbażati fuq:
|
8. |
Il-Kummissjoni għandha timmonitorja l-applikazzjoni ta' din ir-Rakkomandazzjoni u tipprovdi informazzjoni aktar dettaljata dwar l-aħjar prattiki msemmija fil-paragrafi 2 sa 7, b'konformità mal-aħħar għarfien xjentifiku u l-iktar rilevanti fuq sit web tal-Kummissjoni li jkun disponibbli pubblikament. |
9. |
L-Istati Membri, bl-involviment attiv tal-operaturi agrikoli, għandhom iwettqu tixrid xieraq tal-aħjar prattiki msemmija fil-paragrafi 2 sa 7. |
Magħmul fi Brussell, it-8 ta' Marzu 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) Id-Direttiva tal-Kunsill 2008/120/KE tat-18 ta' Diċembru 2008 li tistabbilixxi standards minimi għall-protezzjoni tal-majjali (ĠU L 47, 18.2.2009, p. 5).
(2) http://www.efsa.europa.eu/en/efsajournal/pub/611.
(3) http://www.efsa.europa.eu/en/efsajournal/pub/3702.