9.1.2016   

MT

Il-Ġurnal Uffiċjali tal-Unjoni Ewropea

L 6/1

(1)

Ir-Regolament tal-Kummissjoni (KE) Nru 1918/2006 (2) fetaħ kwota tariffarja annwali għall-importazzjoni taż-żejt taż-żebbuġa verġni li jaqa' taħt il-kodiċijiet NM 1509 10 10 u NC 1509 10 90, miksub bis-sħiħ fit-Tuneżija u ttrasportat direttament minn dak il-pajjiż sal-Unjoni.

(2)

L-Artikolu 2(1) tar-Regolament (KE) Nru 1918/2006 jistabbilixxi għas-sena 2016 il-kwantità tal-kwota li għandha n-numru tal-ordni 09.4032 għal 56 700 tunnellati

(3)

Il-kwantitajiet koperti mill-applikazzjonijiet għal-liċenzji tal-importazzjoni mressqin minn mill-4 ta' Jannar 2016 sal-5 ta' Jannar 2016 huma ogħla mill-kwantitajiet disponibbli. Għalhekk, jeħtieġ li jiġi ddeterminat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta' allokazzjoni li għandu jiġi applikat għall-kwantitajiet mitluba, ikkalkulati f'konformità mal-Artikolu 7(2) tar-Regolament tal-Kummissjoni (KE) Nru 1301/2006 (3).

(4)

M'għandhomx jinħarġu aktar liċenzji għall-importazzjoni għall-kwota tariffarja li għandha n-numru tal-ordni 09.4032, prevista fir-Regolament (KE) Nru 1918/2006 għall-perjodu tal-kwota attwali.

(5)

Sabiex tiġi ggarantita l-effikaċja tal-miżura, jixraq li dan ir-Regolament jidħol fis-seħħ dakinhar tal-pubblikazzjoni tiegħu f'Il-Ġurnal Uffiċjali tal-Unjoni Ewropea,

9.1.2016   

MT

Il-Ġurnal Uffiċjali tal-Unjoni Ewropea

L 6/3

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

9.1.2016   

MT

Il-Ġurnal Uffiċjali tal-Unjoni Ewropea

L 6/5

(1)

Fl-10 ta' Lulju 2014, il-Kunsill Governattiv iddeċieda li jestendi l-mandat tal-Uffiċċju għal Koordinazzjoni tal-Akkwisti tal-Eurosistema (EPCO) sal-31 ta' Diċembru 2019. Fis-7 ta' Jannar 2015, il-Kunsill Governattiv ħatar lill-Banque centrale du Lussemburgu biex jospita l-EPCO għal dan il-perijodu.

(2)

Minbarra l-banek ċentrali nazzjonali, l-awtoritajiet nazzjonali tal-Istati Membri, kif ukoll istituzzjonijiet u korpi oħrajn tal-Unjoni, jew organizzazzjonijiet internazzjonali jista' wkoll ikollhom interess li jipparteċipaw f'attivitajiet tal-EPCO u fil-proċeduri tiegħu ta' sejħiet għall-offerti konġunti. Dik il-parteċipazzjoni għandha ssir taħt il-kundizzjonijiet deċiżji mill-Kunsill Governattiv. Dawk il-kundizzjonijiet għandhom ikunu simili għall-kundizzjonijiet applikabbli għall-banek ċentrali.

(3)

Fit-13 ta' Novembru 2014, il-Kunsill Governattiv adotta Linja Gwida dwar l-akkwist ta' karti tal-flus tal-euro (1). Barra minn hekk, il-leġiżlazzjoni tal-Unjoni dwar l-akkwisti ġiet irriveduta permezz tad-Direttiva 2014/24/UE tal-Parlament Ewropew u tal-Kunsill (2), li tippromwovi l-akkwist konġunt ta' oġġetti u servizzi u l-użu ta' ċerti tekniċi ta' xiri ċentralizzat. Il-Kunsill Governattiv jimmira li jibbenefika mil-leġiżlazzjoni aġġornata billi jrawwem parteċipazzjoni f'akkwisti konġunti.

(4)

L-identifikazzjoni u l-valutazzjoni ta' każijiet potenzjali għal akkwisti konġunti tingħata prijorità fi ħdan il-lista ta' kompiti tal-EPCO, u l-irtirar minn akkwisti konġunti huwa soġġett għal skadenzi ddefiniti minn qabel.

(5)

Sabiex il-proċeduri baġitarji tal-EPCO jsiru aktar effiċjenti u sabiex jingħata appoġġ għal sforzi addizzjonali fil-kuntest tat-tmexxija ta' akkwisti konġunti, fis-7 ta' Jannar 2015, il-Kunsill Governattiv approva l-użu ta' envelopp finanzjarju sabiex ikopri baġit fuq medda ta' snin. Il-Kunsill Governattiv immodifika wkoll l-ippjanar tal-akkwisti sabiex dan isir aktar flessibbli, billi l-EPCO jibda jħejji pjan ta' akkwisti rikorrenti li jkun soġġett għall-approvazzjoni tal-Kunsill Governattiv kull sena.

(6)

L-effettività u l-effiċjenza tal-EPCO għandhom jiġu evalwati qabel it-tmiem tal-mandat tiegħu.

(7)

Għaldaqstant, id-Deċiżjoni BĊE/2008/17 (3) għandha tiġi emendata f'dan is-sens,

1.

L-Artikolu 2 paragrafu 3 huwa mibdul b'dan li ġej:

“3.   Din id-Deċiżjoni hija mingħajr preġudizzju għal-Linja Gwida (UE) 2015/280 tal-Bank Ċentrali Ewropew (*).

(*)  Linja Gwida (UE) 2015/280 tal-Bank Ċentrali Ewropew tat-13 ta' Novembru 2014 dwar l-istabbiliment ta' Sistema ta' Produzzjoni u Akkwisti tal-Eurosistema (BĊE/2008/17) (ĠU L 47, 20.2.2015, p. 29).”;"

2.

fl-Artikolu 3, il-paragrafu 1 huwa ssostitwit b'dan li ġej:

“1.   L-EPCO għandu jwettaq il-kompiti bażiċi kollha li ġejjin:

L-EPCO jista' jwettaq ukoll kompiti oħrajn minbarra dawk speċifikati iktar 'il fuq, b'mod partikolari sabiex jiffaċilita l-adozzjoni tal-aqwa prattiċi għall-akkwisti fi ħdan l-Eurosistema u sabiex jiżviluppa l-infrastruttura (eż. il-ħiliet, l-għodod funzjonali, sistemi tal-informazzjoni, proċessi) meħtieġa għall-akkwisti konġunti.”;

3.

fl-Artikolu 3, il-paragrafu 4 huwa ssostitwit b'dan li ġej:

“4.   Il-bank ċentrali għandhom jiffinanzjaw il-baġit tal-EPCO skont ir-regoli adottati mill-Kunsill Governattiv, li jista' jkun ibbażat fuq envelopp finanzjarju li jkopri bosta snin jew proposta ta' baġit annwali, u jista' jinkludi inċentivi li jippromwovu t-tmexxija ta' proġetti konġunti ta' akkwisti.”;

4.

fl-Artikolu 3, il-paragrafu 7 huwa ssostitwit b'dan li ġej:

“7.   Il-Kumitat ta' Tmexxija tal-EPCO għandu jwettaq valutazzjoni tal-effettività u l-effiċjenza tal-attivitajiet tal-EPCO fiż-żmien propizju qabel it-tmiem tal-mandat tiegħu. Fuq il-bażi ta' din l-evalwazzjoni, il-Kunsill Governattiv għandu jiddeċiedi jekk huwiex meħtieġ li jorganizza proċedura ta' għażla biex jagħżel bank ċentrali ospitanti ġdid.”;

5.

fl-Artikolu 4, il-paragrafu 2 huwa ssostitwit b'dan li ġej:

“2.   Wara li jiġi identifikat każ potenzjali għal akkwist konġunti, l-EPCO għandu jistieden lill-banek ċentrali biex jieħdu sehem fil-proċedura konġunta ta' sejħiet għall-offerti. Il-banek ċentrali għandhom jinfurmaw lill-EPCO fiż-żmien opportun jekk għandhomx il-ħsieb li jieħdu sehem fil-proċedura konġunta ta' sejħiet għall-offerti u, jekk dan ikun il-każ, għandhom jikkomunikaw il-ħtiġijiet tal-ħidma tagħhom lill-EPCO. Meta l-pubblikazzjoni ta' avviż ta' kuntratt ma tkunx meħtieġa, bank ċentrali jista' jirtira milli jipparteċipa f'akkwist konġunt sakemm jikkommetti formalment li jipparteċipa. Meta tkun meħtieġa l-pubblikazzjoni ta' avviż ta' kuntratt, bank ċentrali jista' jirtira milli jipparteċipa f'kull ħin qabel il-pubblikazzjoni tal-avviż tal-kuntratt.”;

6.

fl-Artikolu 4, il-paragrafu 3 huwa ssostitwit b'dan li ġej:

“3.   Kull sena l-EPCO għandu jissottometti pjan ta' akkwisti aġġornat għal proċeduri konġunti t'a sejħiet għall-offerti, inklużi l-ismijiet tal-banek ċentrali li jmexxu, lill-Kunsill Governattiv għal approvazzjoni. Il-Kunsill Governattiv għandu jadotta d-deċiżjoni tiegħu dwar il-pjan ta' akkwisti u l-implimentazzjoni tiegħu wara konsultazzjoni mal-Kumitat ta' Tmexxija tal-EPCO.”;

7.

L-Artikolu 5 huwa mibdul b'dan li ġej:

“Artikolu 5

Parteċipazzjoni ta' istituzzjonijiet oħrajn

Il-Kunsill Governattiv jista' jistieden lill-banek ċentrali nazzjonali tal-Istati Membri li għadhom ma adottawx l-euro biex jieħdu sehem fl-attivitajiet tal-EPCO u fil-proċeduri konġunti ta' sejħiet għall-offerti taħt l-istess kundizzjonijiet bħal dawk applikabbli għall-banek ċentrali tal-Eurosistema. Barra minn hekk, il-Kunsill Governattiv jista' jistieden lill-awtoritajiet nazzjonali tal-Istati Membri, istituzzjonijiet u l-korpi tal-Unjoni jew organizzazzjonijiet internazzjonali biex jipparteċipaw fl-attivitajiet tal-EPCO u fi proċeduri konġunti ta' sejħiet għall-offerti taħt il-kundizzjonijiet stipulati mill-Kunsill Governattiv fl-istedina. Kull stedina ta' din ix-xorta għandha tkun limitata għall-akkwist konġunt ta' oġġetti u servizzi sabiex jiġu ssodisfati ħtiġijiet li huma komuni għall-banek ċentrali u l-entitajiet mistiedna u l-kundizzjonijiet għandhom ikunu simili għal dawk li japplikaw għall-banek ċentrali tal-Ewrosistema.”.

9.1.2016   

MT

Il-Ġurnal Uffiċjali tal-Unjoni Ewropea

L 6/8

(1)

Il-Bord Xjentifiku dwar il-Kontaminanti fil-Katina tal-Ikel tal-Awtorità tas-Sigurtà tal-Ikel fl-Ewropa (EFSA) adotta opinjoni xjentifika fl-20 ta' Settembru 2007 dwar l-etil karbamat u l-aċidu idroċjaniku fl-ikel u fix-xorb (1). Il-Bord ikkonkluda li l-etil karbamat fix-xorb alkoħoliku huwa ta' tħassib għas-saħħa, b'mod partikolari fir-rigward tal-brandy magħmul mill-frott tal-għadma, u rrakkomanda li jittieħdu miżuri ta' mitigazzjoni biex jitnaqqsu l-livelli ta' etil karbamat f'dan ix-xorb. Billi l-aċidu idroċjaniku huwa prekursur importanti tal-formazzjoni tal-etil karbamat fl-ispirti tal-frott tal-għadma u l-ispirti tal-karfa tal-frott tal-għadma magħsur, il-Bord ikkonkluda li miżuri bħal dawn għandhom jinkludu punt fokali fuq l-aċidu idroċjaniku u fuq prekursuri oħra tal-etil karbamat, għall-prevenzjoni tal-formazzjoni tal-etil karbamat matul il-ħajja ta' dawn il-prodotti.

(2)

Il-kontenut massimu tal-aċidu idroċjaniku fl-ispirti tal-frott bl-għadma u fl-ispirti tal-karfa tal-frott tal-għadma magħsur ġie stipulat fir-Regolament (KE) Nru 110/2008 tal-Parlament Ewropew u tal-Kunsill (2). Dan ir-Regolament jistipula li l-kontenut massimu ta' aċidu idroċjaniku fl-ispirti tal-frott bl-għadma u fl-ispirti tal-karfa tal-frott tal-għadma magħsur għandu jkun ta' 7 grammi għal kull ettolitru ta' 100 % vol. ta' alkoħol (70 mg/l).

(3)

Ir-Regolament (KE) Nru 1334/2008 tal-Parlament Ewropew u tal-Kunsill (3) jistabbilixxi livell massimu ta' aċidu idroċjaniku ta' 35 mg/kg f'xorb alkoħoliku. Dan il-livell massimu japplika mingħajr preġudizzju għar-Regolament (KE) Nru 110/2008.

(4)

Ir-Rakkomandazzjoni tal-Kummissjoni 2010/133/UE (4) ipprevediet Kodiċi ta' Prattika dwar il-prevenzjoni u t-tnaqqis tal-kontaminazzjoni bl-etil karbamat fl-ispirti tal-frott tal-għadma u l-ispirti tal-karfa tal-frott tal-għadma magħsur u rrakkomandat lill-Istati Membri biex jieħdu l-miżuri meħtieġa biex jiżguraw li dan il-Kodiċi jiġi implimentat mill-operaturi tan-negozju tal-ikel kollha kkonċernati. Barra minn hekk, kellu jiġi żgurat li ttieħdu l-miżuri kollha xierqa biex jinkisbu livelli kemm jista' jkun baxxi tal-etil karbamat fl-ispirti tal-frott tal-għadma u fl-ispirti tal-karfa tal-frott tal-għadma magħsur bl-għan li jinkiseb il-livell immirat ta' 1 mg/l. Ġie rrakkomandat ukoll li jiġu ssorveljati l-livelli tal-etil karbamat fl-ispirti tal-frott tal-għadma u fl-ispirti tal-karfa tal-frott tal-għadma magħsur matul is-snin 2010, 2011, u 2012 biex jiġu evalwati l-effetti tal-Kodiċi ta' Prattika.

(5)

Dawn ir-riżultati tal-monitoraġġ kienu rrapportati f'Rapport tekniku tal-EFSA “Evaluation of monitoring data on levels of ethyl carbamate in the years 2010-2012 (5)”, li ġie adottat fit-28 ta' Marzu 2014. Ir-rapport jipprovdi ħarsa ġenerali tal-livelli ta' etil karbamat fi “Spirti magħmulin minn frott bl-għadma” u “Spirti magħmulin mill-frott għajr frott tal-għadma” ta' kampjuni tul it-tliet snin 2010-2012. Kollox ma' kollox, fis-sett tad-dejta dwar l-etil karbamat tal-2010-2012 aktar minn 80 % tar-riżultati analitiċi fl-“Ispirti magħmulin minn frott bl-għadma” u aktar minn 95 % tar-riżultati analitiċi fl-“Ispirti magħmulin mill-frott għajr frott tal-għadma” kienu taħt il-valur fil-mira ta' 1 mg/l. L-okkorrenza medja fl-istess gruppi tal-ikel kienet ukoll taħt il-mira (madwar terz tal-mira fil-każ tal-“Ispirti magħmulin minn frott bl-għadma” u terz tal-mira fil-każ tal-“Ispirti magħmulin mill-frott għajr frott tal-għadma”).

(6)

Huwa xieraq li jinżamm il-Kodiċi ta' Prattika, b'livell immirat ta' etil karbamat ta' 1 mg/l filwaqt li l-Kodiċi jiġi aġġornat bl-esperjenzi miksuba u jiġi allinjat fuq ċerti aspetti tal-Kodiċi ta' Prattika Codex dwar il-kontaminazzjoni bl-etil karbamat fid-distillati tal-frott tal-għadma, adottat fl-2011 (CAC/RCP 70-2011),

1.

jieħdu l-miżuri meħtieġa biex jiżguraw li l-“Kodiċi ta' Prattika dwar il-prevenzjoni u t-tnaqqis tal-kontaminazzjoni bl-etil karbamat fl-ispirti tal-frott tal-għadma u fl-ispirti tal-karfa tal-frott tal-għadma magħsur” kif deskritt fl-Anness ta' din ir-Rakkomandazzjoni, qed jiġi implimentat mill-operaturi kollha involuti fil-produzzjoni, l-ippakkjar, it-trasport, iż-żamma u l-ħażna tal-ispirti tal-frott tal-għadma u l-ispirti tal-karfa tal-frott tal-għadma,

2.

jiżguraw li qed jittieħdu l-miżuri kollha xierqa biex jinkisbu livelli kemm jista' jkun baxxi tal-etil karbamat fl-ispirti tal-frott tal-għadma u fl-ispirti tal-karfa tal-frott tal-għadma magħsur bl-għan li jinkiseb il-livell immirat ta' 1 mg/l.

9.1.2016   

MT

Il-Ġurnal Uffiċjali tal-Unjoni Ewropea

L 6/13