7.1.2016   

MT

Il-Ġurnal Uffiċjali tal-Unjoni Ewropea

L 4/1

(1)

Permezz tar-Regolament (UE) Nru 513/2013 (3), il-Kummissjoni Ewropea (“il-Kummissjoni”) imponiet dazju anti-dumping provviżorju fuq l-importazzjonijiet fl-Unjoni Ewropea (“l-Unjoni”) ta' moduli fotovoltajċi (“moduli”) bis-silikon kristallin u l-komponenti ewlenin (jiġifieri ċ-ċelloli u l-wejfers) li joriġinaw jew jintbagħtu mir-Repubblika tal-Poplu taċ-Ċina (“iċ-Ċina”).

(2)

Grupp ta' produtturi esportaturi ta mandat lill-Kamra tal-Kummerċ taċ-Ċina għall-Importazzjoni u għall-Esportazzjoni ta' Makkinarju u ta' Prodotti Elettroniċi (“CCCME” — China Chamber of Commerce for Import and Export of Machinery and Electronic Products) sabiex tippreżenta impenn fuq il-prezz f'isimhom lill-Kummissjoni, kif fil-fatt għamlet. Huwa ċar mit-termini ta' dan l-impenn fuq il-prezz li huwa jikkostitwixxi ġabra ta' impenji individwali fuq il-prezz għal kull produttur esportatur, li hija, għal raġunijiet ta' prattiċità tal-amministrazzjoni, ikkoordinata mis-CCCME.

(3)

Permezz tad-Deċiżjoni 2013/423/UE (4), il-Kummissjoni aċċettat dan l-impenn fuq il-prezz fir-rigward tad-dazju antidumping provviżorju. Permezz tar-Regolament (UE) Nru 748/2013 (5), il-Kummissjoni emendat ir-Regolament (UE) Nru 513/2013 sabiex tintroduċi l-bidliet tekniċi meħtieġa minħabba l-aċċettazzjoni tal-impenn fir-rigward tad-dazju antidumping provviżorju.

(4)

Permezz tar-Regolament ta' Implimentazzjoni (UE) Nru 1238/2013 (6), il-Kunsill impona dazju antidumping definittiv fuq l-importazzjonijiet ta' moduli u ta' ċelloli fl-Unjoni li joriġinaw jew li jiġu kkunsinjati miċ-Ċina (“il-prodott ikkonċernat”). Permezz tar-Regolament ta' Implimentazzjoni (UE) Nru 1239/2013 (7), il-Kunsill impona wkoll dazju antidumping kumpensatorju fuq l-importazzjonijiet tal-prodott ikkonċernat fl-Unjoni.

(5)

Wara n-notifika ta' verżjoni emendata tal-impenn fuq il-prezz minn grupp ta' produtturi esportaturi (“il-produtturi esportaturi”) flimkien mas-CCCME, il-Kummissjoni kkonfermat, permezz tad-Deċiżjoni ta' Implimentazzjoni 2013/707/UE (8), l-aċċettazzjoni tal-impenn fuq il-prezz kif emendat (“l-impenn”) għall-perjodu ta' applikazzjoni ta' miżuri definittivi.

(6)

Permezz tad-Deċiżjoni ta' Implimentazzjoni 2014/657/UE (9), il-Kummissjoni aċċettat proposta mill-grupp tal-produtturi esportaturi flimkien mas-CCCME għal kjarifiki rigward l-implimentazzjoni tal-impenn għall-prodotti ikkonċernati koperti mill-impenn, jiġifieri l-moduli u ċ-ċelloli li joriġinaw jew li jintbagħtu miċ-Ċina u li attwalment jaqgħu taħt il-kodiċijiet NM ex 8541 40 90 (il-kodiċijiet TARIC 8541409021, 8541409029, 8541409031 u 8541409039) magħmula mill-produtturi esportaturi (“il-prodott kopert”).

(7)

Permezz tar-Regolament ta' Implimentazzjoni (UE) 2015/866 (10), il-Kummissjoni rtirat l-aċċettazzjoni tal-impenn għal tliet produtturi esportaturi. Permezz tar-Regolament ta' Implimentazzjoni (UE) 2015/1403 (11), il-Kummissjoni rtirat l-aċċettazzjoni tal-impenn għal produttur esportatur ieħor.

(8)

Il-miżuri antidumping u dawk kompensatorji msemmija fil-premessa 4 hawn fuq, flimkien mal-impenn u d-Deċiżjonijiet relatati msemmija fil-premessi 3, 5 u 6 hawn fuq, huma minn hawn' il quddiem imsejħa flimkien bħala “il-miżuri fis-seħħ”.

(9)

Skont l-impenn fuq il-prezz aċċettat mill-Kummissjoni, il-prezz minimu tal-importazzjoni (MIP — minimum import price) tal-prodott kopert jiġi aġġustat kull trimestru b'referenza għall-prezzijiet spot internazzjonali tal-moduli inklużi l-prezzijiet Ċiniżi kif irrapportati mill-bażi ta' dejta Bloomberg (“il-punt ta' riferiment eżistenti”).

(10)

L-impenn jiddikjara wkoll li “jistgħu jintużaw prezzijiet spot li jeskludu l-prezzijiet Ċiniżi bħala punt ta' riferiment, jekk ikunu disponibbli mill-bażi ta' dejta Bloomberg”.

(11)

Fid-29 ta' Jannar 2015, il-Kummissjoni rċeviet talba għal reviżjoni interim parzjali minn EU ProSun (“l-applikant”), assoċjazzjoni ta' produtturi ta' moduli u ċelloli fl-Unjoni. It-talba kienet limitata fil-kamp ta' applikazzjoni għall-punt ta' riferiment użat bħala referenza għall-mekkaniżmu ta' adattament tal-MIP stabbilit fl-impenn.

(12)

It-talba kienet ibbażata fuq il-fatt li punt referenzjarju eżistenti ma għadux rappreżentattiv tal-iżvilupp tal-prezzijiet tal-modulu. L-applikant ipprovda l-evidenza suffiċjenti li ġejja li ċ-ċirkostanzi li fuqhom kien aċċettat il-punt referenzjarju inbidlu u li dawn il-bidliet kienu ta' natura dewwiema.

(13)

Skont l-applikant, din l-evidenza wriet li l-punt referenzjarju eżistenti ma għadux rappreżentattiv tal-iżvilupp tal-prezzijiet tal-modulu. Għalhekk, l-applikant talab li jissostitwixxi punt referenzjarju eżistenti għall-mekkaniżmu tal-adattament tal-MIP mis-sottoserje tal-prezz “Medja Internazzjonali” ppubblikata minn Bloomberg, li teskludi l-prezzijiet irrapportati minn dawk Ċiniżi.

(14)

Il-Kummissjoni ddeterminat, wara li infurmat l-Istati Membri, li hemm biżżejjed provi sabiex jingħata bidu għal reviżjoni interim parzjali limitata biex il-parametru referenzjarju jintuża bħala referenza għall-mekkaniżmu tal-adattament tal-MIP.

(15)

L-għan ta' din ir-reviżjoni huwa li tinvestiga jekk il-punt ta' referenza preżenti, huwiex xorta waħda rappreżentattiv tal-iżvilupp tal-prezzijiet tal-moduli, u għalhekk jekk jissodisfax l-għan tagħha kif stipulat fil-miżuri fis-seħħ.

(16)

Il-Gvern taċ-Ċina ġie mistieden għal konsultazzjonijiet ta' qabel skont ir-Regolament bażiku kontra s-sussidji u dawn il-konsultazzjonijiet saru.

(17)

Fil-5 ta' Mejju 2015, il-Kummissjoni tat bidu għal din ir-reviżjoni interim parzjali tal-miżuri fis-seħħ skont l-Artikolu 11(3) tar-Regolament bażiku kontra d-dumping u l-Artikolu 19(2) tar-Regolament bażiku kontra s-sussidji. Il-Kummissjoni ppubblikat Notifika ta' Bidu f'Il-Ġurnal Uffiċjali tal-Unjoni Ewropea  (12).

(18)

Il-Kummissjoni bagħtet kwestjonarju lil Bloomberg New Energy Finance (“Bloomberg”) biex tikseb l-informazzjoni meħtieġa għall-investigazzjoni.

(19)

Il-Kummissjoni stiednet ukoll lil kull min irrapporta prezzijiet ta' moduli, lil Bloomberg, biex jippreżentaw ruħhom; biex jipprovdu lill-Kummissjoni s-sottomissjonijiet tagħhom lil Bloomberg; u biex isemmgħu leħinhom fir-rigward tar-reviżjoni.

(20)

Il-partijiet interessati kellhom l-opportunità li jikkummentaw dwar il-bidu tal-investigazzjoni u li jitolbu smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali.

(21)

Il-Kummissjoni rċeviet tweġiba għall-kwestjonarju tagħha minn Bloomberg. Il-Kummissjoni rċeviet ukoll sottomissjonijiet minn numru ta' rispondenti li kienu rrappurtaw il-prezzijiet tal-moduli ta' Bloomberg u espressjonijiet ta' interess fir-reviżjoni minn diversi partijiet fl-Unjoni u f'pajjiżi oħra.

(22)

Il-Kummissjoni fittxet u vverifikat l-informazzjoni kollha meqjusa neċessarja għar-reviżjoni tagħha. Iż-żjarat ta' verifika twettqu fl-istabbilimenti ta' Bloomberg f'Zurich, l-Isvizzera u Ħong Kong, ir-Reġjun Amministrattiv Speċjali ta' Ħong Kong, iċ-Ċina.

(23)

Il-Kummissjoni investigat jekk il-punt ta' referenza preżenti, huwiex xorta waħda rappreżentattiv tal-iżvilupp tal-prezzijiet tal-moduli, u għalhekk jekk jissodisfax l-għanijiet tagħha kif stipulat fil-miżuri fis-seħħ.

(24)

Il-punt ta' referenza preżenti huwa “Medja Sħiħa”, li tikkonsisti f'serje tal-prezzijiet tal-modulu rrapurtati madwar id-dinja. Bloomberg jippubblika wkoll żewġ sottoserji “Medja Sħiħa” għal prezzijiet spot ta' moduli li huma ta' relevanza għal din l-investigazzjoni:

(25)

Id-dejta għal dawn is-serje u sottoserje ta' prezzijiet huma tipikament miġbura u ppubblikati fuq bażi ta' kull ġimgħa. Is-sensiliet kollha huma ppubblikati f'USD. Il-kwotazzjonijiet kollha huma kkontrollati regolarment minn speċjalisti tas-settur solari ta' Bloomberg li jista' jikkuntattja lil kull rispondent għal kjarifika tal-kwotazzjoni jekk huma ta' spiss jippreżentaw dejta barra l-limiti definiti jew jidhru li jkunu qed jippruvaw jimmodifikaw ir-riżultati finali.

(26)

Bloomberg tikkalkula l-prezz medju fil-ġimgħa sakemm tkun ingħatat mill-inqas tliet kwotazzjonijiet. Jekk rispondent iressaq diversi kwotazzjonijiet, Bloomberg tieħu l-medja tagħhom u tgħoddhom bħala waħda.

(27)

Biex jiġu evitati kwotazzjonijiet għolja jew baxxi ferm, Bloomberg awtomatikament timmarka l-kwotazzjonijiet kollha li huma aktar minn 20 % 'l fuq jew taħt il-medja tal-perjodu magħżul lill-analisti, li mbagħad jitolbu kjarifika mingħand il-parteċipant. L-analisti mbagħad jiddeċiedu jekk jinkludux il-kwotazzjoni jew le. Il-medja hija mbagħad ikkalkolata mill-kwotazzjonijiet li jifdal.

(28)

Dawk kollha li wieġbu għandhom ikunu attivi fil-manifattura jew l-akkwist ta' moduli u Bloomberg għandha manwalment tapprova l-parteċipazzjoni tagħhom qabel ma jkunu jistgħu jibdew jikkontribwixxu l-kwotazzjonijiet tagħhom.

(29)

L-applikant issottometta li l-għadd ta' rispondenti Ċiniżi fil-punt referenzjarju eżistenti kien żdied b'mod sinifikanti mindu ġiet aċċettata l-garanzija, u b'mod partikolari sa mill-bidu tal-2014.

(30)

L-applikant iddikjara wkoll li “L-parteċipazzjoni Ċiniża f'dak li għandu x'jaqsam mal-parteċipazzjoni ġenerali tar-rapportar tal-prezzijiet lil Bloomberg bejn wieħed u ieħor triplikat mill-2013, u li parteċipazzjoni akbar influwenzat b'mod qawwi l-evoluzzjoni [punt referenzjarju eżistenti] tal-2014”.

(31)

Filwaqt li l-applikant ipprovda informazzjoni sħiħa għas-snin 2013 u 2014 fit-talba, l-argumenti tiegħu huma bbażati biss fuq tqabbil ta' żewġ perjodi iżolati ta' tliet xhur, jiġifieri bejn Mejju u Lulju 2013 u minn Ottubru sa Diċembru 2014.

(32)

Il-Kummissjoni ħadet id-dejta kollha tal-parteċipazzjoni ta' kull ġimgħa għall-2013 u l-2014 sottomessa mill-applikant u analizzat id-dejta permezz tal-aggregazzjoni tan-numru ta' parteċipanti matul tliet xhur kalendarji. B'hekk il-Kummissjoni sabet li:

(33)

Għalhekk iż-żieda fil-proporzjon ta' rispondenti Ċiniżi fil-parametru referenzjarju eżistenti kien dovut kemm għal tnaqqis fl-għadd ta' dawk li wieġbu li mhumiex Ċiniżi kif ukoll żieda fin-numru ta' rispondenti Ċiniżi.

(34)

Barra minn hekk, il-proporzjon ta' rispondenti Ċiniżi żdied minn livell pjuttost baxx sa livell li jirrifletti aħjar is-sehem taċ-Ċina fis-suq solari dinji. Kif irrappurtat minn Bloomberg fl-2014 il-produzzjoni Ċiniża taċ-ċelloli u l-moduli fotovoltajċi hija stmata għal 78 % tal-produzzjoni dinjija.

(35)

Il-grafika 1 ta' hawn taħt turi l-parteċipazzjoni aggregata tar-rispondenti f'punt referenzjarju eżistenti u ż-żewġ sottoserji fuq bażi ta' kull tliet xhur.

Sors: Talba għal reviżjoni

(36)

L-applikant iddikjara li l-prezzijiet għas-sottoserje “Medja Ċiniża” storikament kienu taħt il-prezz għas-sottoserje “Medja Internazzjonali”. Il-Kummissjoni tinnota li l-prezzijiet għas-sotto serje “Medja Ċiniża” huma tabilħaqq storikament taħt il-prezz għas-sotto serje “Medja Internazzjonali”.

(37)

L-applikant argumenta wkoll li s-sottoserje tal-prezz “Medja Internazzjonali”“[…] essenzjalment [kienet] baqgħet stabbli mill-aċċettazzjoni tal-[impriża]”.

(38)

L-investigazzjoni wriet li, bil-kontra ta' dak li allega l-applikant, is-sottoserje tal-prezz “Medja Internazzjonali” ma baqax stabbli minn meta ġie aċċettat l-impenn. Fil-fatt, fl-2013 u l-2014 kemm is-sottoserje tal-prezz “Medja Internazzjonali” kif ukoll is-sottoserje tal-prezz “Medja Ċiniża” segwew xejra simili (tipikament fi ħdan ± 0,01 USD). Il-grafika 2 ta' hawn taħt turi żewġ sottoserji meta mqabbla mal-“Medja Sħiħa” tas-serje tal-prezzijiet mill-bidu tal-2013 sa tmiem l-2014.

Sors: Bloomberg, l-investigazzjoni

(39)

L-argumenti tal-applikant stabbiliti fit-taqsimiet 7.2 u 7.3 above wassluh biex jikkonkludi li kemm iż-żieda fin-numru ta' rispondenti Ċiniżi kif ukoll iż-żieda tal-proporzjon tagħhom fis-serje tal-prezzijiet “Medja sħiħa” kellhom “impatt ta' tnaqqis sostanzjali” fuq il-punt referenzjarju eżistenti. Għalhekk, billi bbażaw ruħhom fuq il-punt ta' referenza preżenti, l-aġġustamenti tal-MIP s'issa essenzjalment irriflettew iż-żieda fl-għadd ta' rispondenti Ċiniżi li rrappurtaw prezzijiet aktar baxxi lil Bloomberg.

(40)

Il-Kummissjoni vverifikat l-evidenza kollha relevanti u ddokumentata kif suppost miġbura matul l-investigazzjoni. Is-sejbiet tal-investigazzjoni huma stipulati fit-taqsimiet 7.2 u 7.3 hawn fuq, jiġifieri:

(41)

Il-Kummissjoni tikkonkludi li:

(42)

Il-Kummissjoni għalhekk ikkonkludiet li ttemm din ir-reviżjoni.

(43)

Is-sejbiet tal-investigazzjoni ġew divulgati lill-partijiet interessati. Il-partijiet interessati ngħataw l-opportunità li jinstemgħu u li jressqu l-kummenti skont l-Artikolu 20 tar-Regolament bażiku antidumping u l-Artikolu 30 tar-Regolament bażiku kontra s-sussidji. Ir-rikorrenti u l-Gvern tar-Repubblika tal-Poplu taċ-Ċina ssottomettew il-kummenti tagħhom.

(44)

L-ewwel nett, ir-rikorrent issottometta li “filwaqt li l-livell ta' parteċipazzjoni Ċiniża fl-indiċi Bloomberg żdied b'mod sostanzjali […] is-sehem tas-suq globali Ċiniż inbidel ftit jew kważi xejn, li jfisser li l-evoluzzjoni għal dak il-perjodu kollu fl-indiċi tal-prezzijiet Bloomberg ‘Medja ġeneali’ ma tirriflettix ir-realtajiet tal-evoluzzjoni tas-sehem tas-suq globali”.

(45)

Il-Kummissjoni tirrikonoxxi li fil-fatt is-sehem tas-suq globali Ċiniż ma nbidilx b'mod sostanzjali matul il-perjodu mill-2013 sal-2014. Madankollu, dan jappoġġja biss il-konklużjoni li r-rappreżentattività ta' parametru referenzjarju eżistenti tjiebet għar-raġunijiet mogħtija diġà fil-premessa 34. Barra minn hekk, l-għan innifsu ta' din is-serje ta' prezzijiet huwa li jirrifletti l-evoluzzjoni tal-prezzijiet mhux l-evoluzzjoni tal-ishma tas-suq.

(46)

It-tieni nett, l-applikant issottometta li “kien hemm tnaqqis sostanzjali għal kull sottoserje tal-prezzijiet ‘Medja Ċiniża’, li kienet diġà taħt il-livell tas-sottoserje tal-prezzijiet ‘Medja Internazzjonali’, u li t-tnaqqis tal-prezzijiet kien 5 % aktar mit-tnaqqis tal-prezz matul l-istess perjodu tas-sottoserje tal-prezzijiet ‘Medja internazzjonali’”.

(47)

Il-Kummissjoni tosserva li met' wieħed iħares lejn il-perjodu kollu mill-2013 sal-2014 (li kien il-perjodu ta' dejta mressaq mill-applikant) din id-dikjarazzjoni hija fattwalment inkorretta. Fil-fatt, l-ebda waħda mit-tliet serje ta' prezzijiet ikkonċernati ma turi xejra ċara 'l isfel fl-2013 u l-2014 kif muri fil-Grafika 2 fil-premessa 38 u t-Tabella 1 hawn taħt.

(48)

Kuntrarjament għal dak li sostna l-applikant, il-punt tat-tluq u l-punt ta' tmiem għal kull waħda mit-tliet serje ta' prezzijiet huma qrib ħafna ta' xulxin (diverġenza ta' massimu ta' USD 0,01 'il fuq u USD 0,02 'l isfel), u kollha wrew bidla 'l fuq u 'l isfel f'xi waqt. Dak it-tibdil isegwi xejra simili, fejn l-ogħla punt intlaħaq f'Q3 u Q4 tal-2013. Ukoll id-differenzi bejn l-ogħla u l-inqas punt tad-dejta huwa komparabbli (USD 0,09 USD għal “Medja ġenerali”, USD 0,06 għal “Medja internazzjonali” u USD 0,08 għal “Medja Ċiniża”).

Tabella 1

Prezz medju ta' serje ta' dejta għal kull Watt 2013-2014

(49)

Fuq il-bażi ta' dawk iċ-ċifri, m'hemm l-ebda indikazzjoni li kwalunkwe tip ta' manipulazzjoni tal-indiċi kienet tkun ta' suċċess. Huwa minnu li bħala riżultat ta' aktar parteċipazzjoni ta' kumpaniji Ċiniżi, is-serje ta' prezzijiet “Medja Ċiniża” turi tnaqqis aktar qawwi mis-sottoserje tal-prezzijiet “Medja internazzjonali”. Madankollu, din il-konstatazzjoni ma tistax tqiegħed f'dubju l-adegwatezza tal-użu tas-sottoserje tal-prezzijiet “Medja ġenerali”. Hija biss il-konsegwenza loġika tal-fatt li d-dħul f'dik is-sottoserje tal-prezzijiet issa hija aktar rappreżentattiva tas-sehem mis-suq taċ-Ċina fis-suq dinji milli kienet inizjalment. Fi kliem ieħor: is-sottoserje tal-prezzijiet “Medja ġenerali” issa sservi l-iskop tagħha saħansitra aħjar milli kienet meta ġiet introdotta.

(50)

Huwa wkoll żbaljat li t-tnaqqis fil-prezz tal-“Medja Ċiniża” kien aktar minn 5 % mill-“Medja Internazzjonali”. Fil-fatt, il-“Medja Ċiniża” naqset b'2,8 % filwaqt li l-“Medja Internazzjonali” żdiedet b'1,2 %. Dan jagħti differenza globali ta' 4 %.

(51)

Barra minn hekk, il-Kummissjoni tosserva wkoll li l-argument tar-rikorrenti huwa bbażat biss fuq paragun ta' żewġ kwartieri iżolati, jiġifieri Q3 2013 u Q4 2014. L-analiżi tal-Kummissjoni tqis l-evoluzzjoni tas-serje ta' prezzijiet matul l-2013 u l-2014, jiġifieri l-perjodu sħiħ li għalih l-applikant issottometta informazzjoni fit-talba tiegħu.

(52)

L-applikant allega li “[…] l-għadd dejjem jikber ta' rispondenti Ċiniżi kellu r-riżultat li waqqa' l-livell referenzjarju eżistenti aktar milli kieku n-numru ta' rispondenti Ċiniżi ma żdidux”.

(53)

Il-Kummissjoni tiċħad dan l-argument peress li r-rikorrent għal darba oħra naqas milli jipprovdi xi evidenza biex jissostanzja l-allegazzjoni tiegħu.

(54)

L-applikant allega li l-Kummissjoni ma analizzat la “[…] l-effett taż-żieda fil-parteċipazzjoni tar-rispondenti Ċiniżi fuq il-livell reserenzjarju [eżistenti] […]”, “[…] la l-effett tal-prezz fuq il-bidla globali fil-proporzjon u lanqas l-effett tal-prezz minn żewġ komponenti individwali oħra […].”, u “[…] jekk kienx hemm xi fatturi oħra minbarra aktar rappurtar tal-prezzijiet Ċiniżi li wasslu għal dak ir-riżultat”.

(55)

Il-Kummissjoni tiċħad din l-allegazzjoni billi hija wettqet din l-analiżi u l-konklużjoni tagħha hija stabbilita fit-Taqsimiet 7.2 u 7.3 above.

(56)

L-applikant issottometta wkoll li l-Kummissjoni ma analizzatx “[…] jekk l-użu tas-sottoserje tal-prezzijiet ‘Medja Internazzjonali’ bħala l-parametru referenzjarju kinitx tagħti riżultat differenti b'mod sostanzjali mill-parametru referenzjarju eżistenti matul il-perjodu inkwistjoni”. L-applikant talab ukoll analiżi bħal din.

(57)

Il-Kummissjoni tiċħad kemm dan l-argument kif ukoll it-talba ta' segwitu billi din taqa' barra l-ambitu ta' din ir-reviżjoni interim stabbilita fl-Avviż ta' Bidu u ripetuta fil-premessa 15. L-għan ta' din ir-reviżjoni mhuwiex li jiġi eżaminat jekk l-użu ta' parametri referenzjarji oħra setax wassal għal riżultat differenti b'mod sostanzjali mill-parametru referenzjarju eżistenti matul il-perjodu in kwistjoni.

(58)

Il-Kummissjoni tenfasizza li punt referenzjarju xieraq għandu jkun oġġettiv, trasparenti u bbażat fuq l-aktar kopertura wiesgħa possibbli. L-esklużjoni tal-produtturi Ċiniżi li jirrappreżentaw 78 % tas-suq solari dinji ma tistax tkun ġustifikata f'dan il-każ.

(59)

L-applikant issottometta li r-raba' konstatazzjoni fil-premessa 40 hawn fuq “impliċitament tammetti n-nuqqas ta' rappreżentattività [eżistenti] tal-indiċi referenzjarju fil-bidu tal-UT [Impriża], li fih innifsu jkun raġuni biżżejjed biex jiġi adottat parametru referenzjarju differenti minħabba li t-trimestru ta' qabel mal-UT tidħol fis-seħħ tibqa' l-bażi ta' referenza tal-perjodu”. L-applikant issottometta wkoll li “is-sempliċi inklużjoni tal-prezzijiet mir-rispondenti Ċiniżi fiha nnifisha ma tiżgurax ir-rappreżentattività ta' parametru referenzjarju eżistenti f'termini tal-prezzijiet tal-modulu globali”.

(60)

Il-Kummissjoni tirrifjuta dan l-argument minħabba li ż-żieda fil-proporzjon tar-rispondenti Ċiniżi fil-punt referenzjarju kulma għamel kien li tejjeb ir-rappreżentattività tiegħu, billi ġie jirrifletti aħjar is-sehem tal-produtturi Ċiniżi fis-suq solari dinji.

(61)

Fl-aħħar nett, ir-rikorrent talab lill-Kummissjoni biex tkompli l-investigazzjoni għal aktar stabbiliment tal-fatti. Madankollu, l-applikant ma pprovda l-ebda fatti ġodda lil hinn minn dawk fit-talba għal reviżjoni kif stipulat fil-premessa 12 hawn fuq. Għalhekk, il-Kummissjoni m'għandha l-ebda bażi biex tkompli l-investigazzjoni.

(62)

Il-gvern tar-Repubblika tal-Poplu taċ-Ċina ssottometta kummenti li taw aktar appoġġ lill-konklużjoni tal-Kummissjoni biex ittemm din ir-reviżjoni.

(63)

Minkejja l-argumenti ta' hawn fuq tal-partijiet interessati, il-konklużjonijiet tal-Kummissjoni f'din l-investigazzjoni huma affermati. Il-Kummissjoni għalhekk ittemm din ir-reviżjoni.

(64)

Dan ir-Regolament hu skont l-Opinjoni tal-Kumitat stabbilita mill-Artikolu 15(1) tar-Regolament (KE) Nru 1225/2009 u l-Artikolu 25(1) tar-Regolament (KE) Nru 597/2009,

7.1.2016   

MT

Il-Ġurnal Uffiċjali tal-Unjoni Ewropea

L 4/10

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u ta' riżorsi ekonomiċi skont dan ir-Regolament.

(2)

Fl-10 ta' Diċembru 2015, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti (UNSC) iddeċieda li jemenda 12-il annotazzjoni u jħassar annotazzjoni waħda mil-lista ta' persuni, gruppi u entitajiet li għalihom l-iffriżar ta' fondi u ta' riżorsi ekonomiċi għandu japplika. Ir-Regolament (KE) Nru 881/2002 għandu għaldaqstant jiġi emendat skont dan.

(3)

Sabiex ikun żgurat li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ immedjatament,

7.1.2016   

MT

Il-Ġurnal Uffiċjali tal-Unjoni Ewropea

L 4/14

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.