8.12.2015   

MT

Il-Ġurnal Uffiċjali tal-Unjoni Ewropea

L 322/1

(1)

Ir-Regolament tal-Kunsill (KE) Nru 920/2005 (1) jagħti lill-Irlandiż l-istatus ta' lingwa uffiċjali u ta' lingwa ta' ħidma tal-istituzzjonijiet tal-Unjoni.

(2)

Ir-Regolament tal-Kunsill (UE) Nru 1257/2010 (2) estenda d-deroga prevista fl-ewwel paragrafu tal-Artikolu 2 tar-Regolament (KE) Nru 920/2005 għal perijodu ta' ħames snin sal-31 ta' Diċembru 2016.

(3)

Ir-Regolament (KE) Nru 920/2005 jipprevedi li, għal raġunijiet prattiċi u fuq bażi transitorja, l-istituzzjonijiet tal-Unjoni m'għandhomx ikunu marbuta bl-obbligu li jfasslu jew jittraduċu l-atti kollha, inklużi s-sentenzi tal-Qorti tal-Ġustizzja, għal-lingwa Irlandiża, bl-eċċezzjoni tar-Regolamenti adottati b'mod konġunt mill-Parlament Ewropew u l-Kunsill. Huwa l-Kunsill li jiddeċiedi, mhux aktar minn erba' snin mid-data tal-applikazzjoni tar-Regolament (KE) Nru 920/2005 u f'intervalli ta' ħames snin wara dan, jekk għandhiex tintemm dik id-deroga.

(4)

Filwaqt li hu meqjus bħala meħtieġ li tiġi estiża b'mod ulterjuri d-deroga prevista fl-ewwel paragrafu tal-Artikolu 2 tar-Regolament (KE) Nru 920/2005 għal perijodu ta' ħames snin mill-1 ta' Jannar 2017, l-istituzzjonijiet tal-Unjoni għandhom ikomplu l-approċċ proattiv tagħhom sabiex iżidu d-disponibbiltà tal-informazzjoni bil-lingwa Irlandiża dwar l-attivitajiet tal-Unjoni. Il-kamp ta' applikazzjoni tad-deroga għandu għalhekk jitnaqqas gradwalment, bil-għan li tintemm id-deroga fi tmiem il-perijodu attwali ta' ħames snin.

(5)

Sabiex jiġi evitat dewmien fil-proċess leġislattiv tal-Unjoni, it-tnaqqis tal-kamp ta' applikazzjoni tad-deroga għandu jiġu mmonitorjat mill-qrib u jiġi rieżaminat fid-dawl tal-kapaċità ta' traduzzjoni disponibbli. L-awtoritajiet Irlandiżi u l-Kummissjoni, f'kollaborazzjoni mal-istituzzjonijiet l-oħra tal-Unjoni, għandhom jiltaqgħu b'mod regolari biex jimmonitorjaw il-progress ta' reklutaġġ rilevanti mal-istituzzjonijiet tal-Unjoni, il-kapaċità ta' fornituri esterni tas-servizzi u aktar kollaborazzjoni dwar riżorsi lingwistiċi, kif ukoll dwar kwistjonijiet relatati mad-disponibbiltà tal-acquis.

8.12.2015   

MT

Il-Ġurnal Uffiċjali tal-Unjoni Ewropea

L 322/4

(1)

Il-provvisti tal-Unjoni ta' ċerti prodotti tas-sajd attwalment jiddependu fuq l-importazzjonijiet minn pajjiżi terzi. Fl-aħħar 18-il sena, l-Unjoni saret aktar dipendenti fuq l-importazzjonijiet biex tissodisfa l-konsum tagħha tal-prodotti tas-sajd. Sabiex ma jipperikolawx il-produzzjoni tal-Unjoni tal-prodotti tas-sajd u sabiex tiġi żgurata l-provvista adegwata għall-industrija tal-ipproċessar tal-Unjoni, id-dazji tal-importazzjoni għandhom jitnaqqsu jew jiġu sospiżi għal għadd ta' prodotti tas-sajd fil-kwoti tariffarji ta' volum xieraq. Għandha titqies ukoll is-sensittività ta' prodotti tas-sajd individwali fis-suq tal-Unjoni biex ikunu ggarantiti kondizzjonijiet ekwivalenti ta' kompetizzjoni għall-produtturi tal-Unjoni.

(2)

Ir-Regolament tal-Kunsill (UE) Nru 1220/2012 (1) fetaħ u pprovda għall-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2013-2015. Minħabba li l-perijodu tal-applikazzjoni ta' dak ir-Regolament jiskadi fil-31 ta' Diċembru 2015, huwa importanti li r-regoli rilevanti li jinsabu fih jiġu riflessi fil-perijodu mill-2016–2018.

(3)

Għandu jiġi żgurat aċċess ugwali u bla interruzzjoni għall-kwoti tariffarji provduti f'dan ir-Regolament għall-importaturi kollha tal-Unjoni, u r-rati stabbiliti għall-kwoti tariffarji għandhom jiġu applikati mingħajr interruzzjoni għall-importazzjonijiet kollha tal-prodotti tas-sajd ikkonċernati fl-Istati Membri kollha sakemm il-kwoti tariffarji jkunu ntużaw kollha.

(4)

Ir-Regolament tal-Kummissjoni (KEE) Nru 2454/93 (2) jipprovdi għal sistema ta' ġestjoni ta' kwoti tariffarji li ssegwi l-ordni kronoloġiku tad-dati tal-aċċettazzjoni tad-dikjarazzjonijiet tal-aċċettazzjoni għar-rilaxx għaċ-ċirkolazzjoni libera. Il-kwoti tariffarji miftuħa b'dan ir-Regolament għandhom jiġu ġestiti mill-Kummissjoni u l-Istati Membri skont dik is-sistema.

(5)

L-applikazzjoni tal-Ftehim Ekonomiku u Kummerċjali Komprensiv bejn l-Unjoni Ewropea u l-Kanada ser tibdel l-aċċess preferenzjali disponibbli għas-suq tal-Unjoni għall-gambli u l-gambli kbar tal-ispeċi Pandalus borealis koperti minn kwota tariffarja kif stipulat f'dan ir-Regolament. Dik il-kwota għandha għalhekk tiġi adattata sabiex tiżgura l-istess livell ta' provvista preferenzjali għas-suq tal-Unjoni bħal qabel id-dħul fis-seħħ jew l-applikazzjoni proviżorja ta' dak il-Ftehim.

(6)

L-applikazzjoni tal-protokoll addizzjonali tal-ftehim bejn il-Komunità Ekonomika Ewropea u r-Renju tan-Norveġja li kien nnegozjat b'mod parallel mal-Mekkaniżmu Finanzjarju taż-ŻEE għall-2014–2021 ser tibdel l-aċċess preferenzjali disponibbli għas-suq tal-Unjoni għall-aringi koperti minn żewġ kwoti tariffarji provduti f'dan ir-Regolament. Dawk il-kwoti għandhom għaldaqstant jiġu adattati sabiex jiġi żgurat l-istess livell ta' provvista preferenzjali għas-suq tal-Unjoni bħal qabel id-dħul fis-seħħ jew l-applikazzjoni proviżorja ta' dak il-protokoll addizzjonali.

(7)

Huwa importanti li l-industrija tal-ipproċessar tal-prodotti tas-sajd tiġi pprovduta bis-sigurtà tal-provvista ta' materja prima tas-sajd sabiex jiġu permessi t-tkabbir kontinwat u l-investiment, u l-aktar importanti, biex hija tkun tista' tibdel is-sospensjonijiet bi kwoti mingħajr interruzzjoni tal-provvista. Huwa għalhekk xieraq li jsir provvediment, fir-rigward ta' ċerti prodotti tas-sajd li għalihom applikaw is-sospensjonijiet, għal sistema li toħloq żieda awtomatika fil-kwoti tariffarji applikabbli taħt ċerti kondizzjonijiet.

(8)

Biex tiġi żgurata l-effiċjenza ta' ġestjoni komuni tal-kwoti tariffarji, l-Istati Membri għandhom jingħataw permess li jieħdu mill-ammont tal-kwota tariffarja l-kwantitajiet neċessarji li jikkorrispondu mal-importazzjoni proprji tagħhom. Peress li dak il-metodu ta' ġestjoni jeħtieġ kooperazzjoni mill-qrib bejn l-Istati Membri u l-Kummissjoni, il-Kummissjoni għandha tkun tista' timmonitorja r-rata li biha jintużaw il-kwoti tariffarji u għandha tinforma lill-Istati Membri b'dan,

8.12.2015   

MT

Il-Ġurnal Uffiċjali tal-Unjoni Ewropea

L 322/12

(1)

L-applikazzjoni ta' Franza biex id-denominazzjoni “Asperges du Blayais” tiddaħħal fir-reġistru ġiet ippubblikata f'Il-Ġurnal Uffiċjali tal-Unjoni Ewropea  (2), skont l-Artikolu 50(2)(a) tar-Regolament (UE) Nru 1151/2012.

(2)

Billi ma saret l-ebda dikjarazzjoni ta' oppożizzjoni lill-Kummissjoni, skont l-Artikolu 51 tar-Regolament (UE) Nru 1151/2012, id-denominazzjoni “Asperges du Blayais” għandha tiġi rreġistrata,

8.12.2015   

MT

Il-Ġurnal Uffiċjali tal-Unjoni Ewropea

L 322/13

(1)

Skont l-Artikolu 50(2)(a) tar-Regolament (KE) Nru 1151/2012, l-applikazzjoni tal-Italja biex id-denominazzjoni “Pampapato di Ferrara”/“Pampepato di Ferrara” tiddaħħal fir-reġistru ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Ladarba ma ġiet innotifikata l-ebda dikjarazzjoni ta' oġġezzjoni lill-Kummissjoni skont l-Artikolu 51 tar-Regolament (UE) Nru 1151/2012, id-denominazzjoni “Pampapato di Ferrara”/“Pampepato di Ferrara” għandha tiġi rreġistrata,

8.12.2015   

MT

Il-Ġurnal Uffiċjali tal-Unjoni Ewropea

L 322/14

(1)

Skont l-Artikolu 50(2)(a), tar-Regolament (UE) Nru 1151/2012, l-applikazzjoni tal-Kroazja għar-reġistrazzjoni tad-denominazzjoni “Drniški pršut” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Billi l-Kummissjoni ma rċeviet ebda stqarrija ta' oġġezzjoni skont l-Artikolu 51 tar-Regolament (UE) Nru 1151/2012, id-denominazzjoni “Drniški pršut” għandha għalhekk tiġi rreġistrata,

8.12.2015   

MT

Il-Ġurnal Uffiċjali tal-Unjoni Ewropea

L 322/15

(1)

Ir-Regolament tal-Kunsill (UE) 2015/104 (2), jistabbilixxi l-kwoti għall-2015.

(2)

Skont informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness ta' dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata għall-2015.

(3)

Għaldaqstant jeħtieġ li jiġu pprojbiti l-attivitajiet tas-sajd għal dak l-istokk,

8.12.2015   

MT

Il-Ġurnal Uffiċjali tal-Unjoni Ewropea

L 322/17

(1)

Ir-Regolament tal-Kunsill (UE) 2015/104 (2) jistabbilixxi l-kwoti għall-2015.

(2)

Skont informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness ta' dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata għall-2015.

(3)

Għalhekk jeħtieġ li jiġu pprojbiti l-attivitajiet tas-sajd għal dak l-istokk,

8.12.2015   

MT

Il-Ġurnal Uffiċjali tal-Unjoni Ewropea

L 322/19

(1)

Ir-Regolament tal-Kunsill (UE) 2015/104 (2) jistabbilixxi l-kwoti għall-2015.

(2)

Skont informazzjoni li waslet għand il-Kummissjoni, jirriżulta li l-qabdiet li saru tal-istokk imsemmi fl-Anness ta' dan ir-Regolament mill-bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata għall-2015.

(3)

Għalhekk jeħtieġ li jiġu pprojbiti l-attivitajiet tas-sajd għal dak l-istokk,

8.12.2015   

MT

Il-Ġurnal Uffiċjali tal-Unjoni Ewropea

L 322/21

(1)

Wara investigazzjoni antidumping (“l-investigazzjoni oriġinali”) skont l-Artikolu 5 tar-Regolament Bażiku l-Kunsill impona dazju antidumping definittiv fuq l-importazzjonijiet ta' ċerti pajpijiet u tubi mingħajr saldaturi tal-ħadid jew tal-azzar (“SPT”) li joriġinaw fir-Repubblika Popolari taċ-Ċina (“ir-RPĊ”), permezz tar-Regolament (KE) Nru 926/2009 (2) (il-“miżuri oriġinali”). Il-miżuri oriġinali kienu bbażati fuq il-konstatazzjoni ta' theddida ta' ħsara u ġew annullati permezz ta' sentenza tal-Qorti Ġenerali (3) f'dak li jirrigwarda l-esportazzjoni tal-prodotti magħmula minn Hubei Xinyegang Steel Co. Ltd. Is-sentenza hija attwalment suġġetta għal appell quddiem il-Qorti tal-Ġustizzja (4).

(2)

Il-miżuri imposti kienu f'forma ta' rati tad-dazju ad valorem li ġejjin: 17,7 % għall-kumpanija Shandong Luxing Steel Pipe Co. Ltd, 27,2 % (il-kumpaniji l-oħra li kkooperaw) u 39,2 % (għall-kumpaniji l-oħra kollha).

(3)

Bħalissa hemm fis-seħħ miżuri antidumping fuq l-importazzjonijiet tal-SPT li joriġinaw mir-Russja u l-Ukraina (5). Il-miżuri antidumping kontra l-Kroazja ġew mitmuma fis-26 ta' Ġunju 2012 (6).

(4)

Wara l-pubblikazzjoni ta' avviż ta' skadenza imminenti (7) tal-miżuri antidumping fis-seħħ, il-Kummissjoni rċeviet talba għall-bidu ta' rieżami ta' skadenza ta' dawk il-miżuri skont l-Artikolu 11(2) tar-Regolament bażiku.

(5)

It-talba saret mill-Kumitat tad-Difiża tal-Industrija tat-Tubi tal-Azzar Mingħajr Saldaturi tal-Unjoni Ewropea (“l-applikant”) f'isem il-produtturi li jirrappreżentaw aktar minn 25 % tal-produzzjoni totali tal-Unjoni ta' pajpijiet u tubi mingħajr saldaturi.

(6)

It-talba kienet imsejsa fuq ir-raġuni li l-iskadenza tal-miżuri aktarx twassal għall-issoktar ta' dumping u l-issoktar jew ir-rikorrenza ta' ħsara għall-industrija tal-Unjoni.

(7)

Fit-3 ta' Ottubru 2014, il-Kummissjoni bdiet rieżami ta' skadenza skont l-Artikolu 11(2) tar-Regolament bażiku. Hija ppubblikat notifika f'Il-Ġurnal Uffiċjali tal-Unjoni Ewropea  (8) (“in-Notifika ta' Bidu”).

(8)

Fin-Notifika ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Minbarra dan, il-Kummissjoni speċifikament informat lill-applikant, lil produtturi magħrufa l-oħra tal-Unjoni, produtturi esportaturi, importaturi u utenti magħrufa fl-Unjoni, lill-produtturi esportaturi fil-pajjiż ikkonċernat, u lill-awtoritajiet Ċiniżi dwar il-bidu tar-rieżami ta' skadenza u stednithom biex jipparteċipaw.

(9)

Il-Kummissjoni għarrfet ukoll lill-produtturi fl-Istati Uniti tal-Amerika (“l-Istati Uniti”) dwar il-bidu tal-investigazzjoni u stednithom jieħdu sehem. Fin-Notifika ta' Bidu, il-Kummissjoni għarrfet lill-partijiet interessati li kienet tqis lill-Istati Uniti bħala pajjiż terz b'ekonomija tas-suq (“pajjiż analogu”) skont it-tifsira tal-Artikolu 2(7)(a) tar-Regolament bażiku.

(10)

Il-partijiet interessati kollha kellhom l-opportunità li jikkummentaw dwar il-bidu tar-rieżami u li jitolbu smigħ mal-Kummissjoni u/jew l-Uffiċjal tas-Seduta fil-proċedimenti tal-kummerċ.

(11)

Fin-Notifika ta' Bidu, il-Kummissjoni indikat li hija tista' tieħu kampjuni minn partijiet interessati skont l-Artikolu 17 tar-Regolament bażiku.

(12)

Fin-Notifika ta' Bidu, il-Kummissjoni ħabbret li hija kienet għażlet proviżorjament kampjun tal-produtturi tal-Unjoni u stiednet lill-partijiet interessati biex jikkummentaw. Il-kampjun intgħażel fuq il-bażi ta' volumi ta' bejgħ tal-prodott simili matul il-perjodu tal-investigazzjoni ta' rieżami fl-Unjoni filwaqt li ġiet żgurata firxa ġeografika. Dan il-kampjun kien jikkonsisti minn sitt kumpaniji fir-Repubblika Ċeka, Franza, il-Ġermanja, l-Italja, ir-Rumanija u s-Slovakkja, li kienu jirrappreżentaw madwar 55 % tat-total ta' bejgħ lil klijenti mhux relatati fl-Unjoni. Ma waslu l-ebda kummenti u għalhekk il-kumpaniji magħżula b'mod provviżorju nżammew fil-kampjun finali.

(13)

Biex tiddeċiedi jekk kienx meħtieġ li jittieħed kampjun u, jekk iva, biex tagħżel kampjun, il-Kummissjoni talbet lil importaturi mhux relatati sabiex jipprovdu l-informazzjoni speċifikata fin-Notifika ta' Bidu.

(14)

Minħabba li erba' importaturi mhux relatati biss ippreżentaw lilhom infushom billi taw l-informazzjoni mitluba fl-Avviż ta' Bidu, it-teħid ta' kampjuni ma kienx meħtieġ. Madankollu, mill-erba' importaturi mhux relatati wieħed biss ikkoopera fl-investigazzjoni u ppreżenta tweġiba għall-kwestjonarju mibgħut.

(15)

Minħabba li jidher li hemm għadd kbir ta' produtturi esportaturi fir-RPĊ, it-teħid ta' kampjuni kien previst fin-Notifika ta' Bidu.

(16)

Sabiex tiddeċiedi jekk it-teħid ta' kampjuni kienx meħtieġ u, jekk iva, biex tagħżel kampjun, il-Kummissjoni talbet lill-produtturi esportaturi fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-Missjoni tar-RPĊ għall-Unjoni Ewropea biex tidentifika u/jew tikkuntattja produtturi esportaturi oħra, jekk ikun hemm, li jistgħu jkunu interessati li jipparteċipaw fl-investigazzjoni.

(17)

Minħabba li kien hemm biss tliet produtturi esportaturi fiċ-Ċina li pprovdew lill-Kummissjoni bl-informazzjoni mitluba, il-kampjunar ma kienx meqjus neċessarju.

(18)

Il-Kummissjoni fittxet u vverifikat l-informazzjoni kollha li qieset neċessarja għad-determinazzjoni tal-probabbiltà ta' kontinwazzjoni jew rikorrenza tad-dumping u d-danni li jirriżultaw u għad-determinazzjoni tal-interess tal-Unjoni.

(19)

Intbagħtu kwestjonarji lit-tliet produtturi esportaturi Ċiniżi li ppreżentaw ruħhom fl-eżerċizzju ta' kampjunar, lis-sitt produtturi tal-Unjoni inklużi fil-kampjun, lill-erba' importaturi li ppreżentaw ruħhom fl-eżerċizzju tal-kampjunar u seba' utenti. Tnejn u għoxrin produttur analogi potenzjali f'sitt pajjiżi, jiġifieri l-Arġentina, il-Brażil, il-Ġappun, il-Messiku, l-Ukraina u l-Istati Uniti tal-Amerika kienu identifikati u rċivew kwestjonarji.

(20)

Waslu tweġibiet għall-kwestjonarju mingħand produttur esportatur Ċiniż wieħed, tliet produtturi fil-pajjiż analogu fl-Istati Uniti tal-Amerika, is-sitt produtturi tal-Unjoni magħżula għall-kampjun, importatur wieħed u tliet utenti.

(21)

Saru żjarat ta' verifika fil-bini tal-kumpaniji li ġejjin:

(22)

L-investigazzjoni tal-probabbiltà ta' kontinwazzjoni jew rikorrenza ta' dumping kopriet il-perjodu mill-1 ta' Lulju 2013 sat-30 ta' Ġunju 2014 (il-“perjodu tal-investigazzjoni ta' rieżami”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew rikorrenza ta' dannu kopra l-perjodu mill-1 ta' Jannar 2011 sat-tmiem tal-perjodu tal-investigazzjoni ta' rieżami (il-“perjodu kkunsidrat”).

(23)

Il-partijiet kollha interessati ġew infurmati bil-fatti u l-konsiderazzjonijiet essenzjali li fuq il-bażi tagħhom kien intenzjonat li tinżamm il-miżura antidumping definittiva eżistenti. Il-partijiet ingħataw ukoll perjodu li fih setgħu jagħmlu rappreżentazzjonijiet wara din id-divulgazzjoni. L-applikant biss ippreżenta kummenti wara l-iżvelar.

(24)

Il-prodott ikkonċernat huwa l-istess bħal fl-investigazzjoni oriġinali msemmi fil-premessa (1), jiġifieri pajpijiet u tubi mingħajr saldatura, tal-ħadid jew tal-azzar, ta' cross-section ċirkolari, b'dijametru estern li ma jaqbiżx 406,4 mm b'Valur Ekwivalenti għall-Karbonju (VEK) li ma jaqbiżx 0,86 skont l-Istitut Internazzjonali tas-Saldatura (IIW) il-formula u l-analiżi kimika (9), li joriġina mir-RPĊ, li attwalment jaqgħu taħt il-kodiċijiet NM ex 7304 19 10, ex 7304 19 30, ex 7304 23 00, ex 7304 29 10, ex 7304 29 30, ex 7304 31 20, ex 7304 31 80, ex 7304 39 10, ex 7304 39 52, ex 7304 39 58, ex 7304 39 92, ex 7304 39 93, ex 7304 51 81, ex 7304 51 89, ex 7304 59 10, ex 7304 59 92 u ex 7304 59 93.

(25)

L-investigazzjoni wriet li dawn il-prodotti għandhom l-istess karatteristiċi fiżiċi u kimiċi bażiċi kif ukoll l-istess użi bażiċi:

(26)

Il-Kummissjoni kkonkludiet li dawn il-prodotti huma prodotti simili skont l-Artikolu 1(4) tar-Regolament bażiku.

(27)

Skont l-Artikolu 11(2) tar-Regolament bażiku, ġie eżaminat jekk id-dumping kienx qed iseħħ u jekk l-iskadenza tal-miżuri eżistenti kellhiex il-probabbiltà li twassal għall-kontinwazzjoni jew rikorrenza ta' dumping.

(28)

Kif imsemmi hawn fuq, tliet produtturi esportaturi Ċiniżi ppreżentaw ruħhom wara l-bidu tal-investigazzjoni u rċevew kwestjonarju. Madankollu, waslet riposta waħda biss. Il-produttur esportatur li kkoopera kien responsabbli għal iktar minn 25 % tal-importazzjonijiet Ċiniżi fl-Unjoni u l-importazzjonijiet tiegħu kienu kkunsidrati li huma rappreżentattivi tal-importazzjoni totali mir-RPĊ lejn l-Unjoni. Għalhekk, is-sejbiet fir-rigward tal-probabbiltà ta' tkomplija jew rikorrenza ta' dumping stabbiliti hawn taħt kienu bbażati fuq id-dejta tal-produttur esportatur li kkoopera.

(29)

Skont l-Artikolu 2(7)(a) tar-Regolament bażiku, il-valur normali kien determinat fuq il-bażi tal-prezz jew tal-valur kostrutt f'pajjiż terz b'ekonomija tas-suq. Għal dan l-għan, kellu jintgħażel pajjiż terz b'ekonomija tas-suq (“il-pajjiż analogu”).

(30)

Il-Kummissjoni infurmat lill-partijiet interessati fin-Notifika ta' Bidu li hi prevediet lill-Istati Uniti, bħal fl-investigazzjoni oriġinali, bħala pajjiż analogu possibbli u stiednet lill-partijiet biex jikkummentaw. Ma waslu l-ebda kummenti.

(31)

Madankollu, il-Kummissjoni kkuntattjat numru ta' pajjiżi analogi potenzjali oħra (l-Arġentina, il-Brażil, l-Indja, il-Ġappun, ir-Repubblika tal-Korea, il-Messiku, il-Federazzjoni Russa u l-Ukraina) biex tfittex il-kooperazzjoni tagħhom u biex tipprovdi informazzjoni.

(32)

Tliet produtturi mill-Istati Uniti kkooperaw u ppreżentaw tweġiba għall-kwestjonarju.

(33)

Il-livell ta' kompetizzjoni fis-suq tal-Istati Uniti kien għoli, b'għadd kbir ta' produtturi li jbigħu domestikament u b'livelli sinifikanti ta' importazzjoni (minkejja d-dazji antidumping eżistenti kontra r-RPĊ). Il-kwantitajiet mibjugħa fis-suq tal-Istati Uniti kienu sostanzjali u dan tal-aħħar kien komparabbli mas-suq Ċiniż f'termini ta' firxa ta' prodotti. Barra minn hekk, il-materja prima użata u l-proċess ta' produzzjoni tal-produtturi li kkooperaw f'pajjiż analogu nstabu li kienu simili għal dawk fis-suq Ċiniż. Għalhekk, u fid-dawl tal-kooperazzjoni li waslet, l-Istati Uniti tqiesu bħala pajjiż analogu xieraq skont l-Artikolu 2(7)(a) tar-Regolament bażiku.

(34)

L-informazzjoni li waslet mingħand il-produtturi li kkooperaw fl-Istati Uniti ġiet użata bħala bażi għad-determinazzjoni tal-valur normali applikabbli għal produtturi esportaturi fiċ-Ċina.

(35)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-volum totali tal-bejgħ domestiku għall-produtturi li kkooperaw fl-Istati Uniti kienx rappreżentattiv matul il-perjodu tal-investigazzjoni tar-rieżami. Il-bejgħ domestiku tqies bħala rappreżentattiv jekk il-volum tal-bejgħ domestiku totali tal-prodott simili lil konsumaturi indipendenti fis-suq domestiku kien jirrappreżenta mill-inqas 5 % tal-volum totali tal-bejgħ Ċiniż għall-esportazzjoni tal-prodott ikkonċernat lejn l-Unjoni matul il-perjodu tal-investigazzjoni tar-rieżami. Abbażi ta' dan, il-bejgħ domestiku fl-Istati Uniti tal-Amerika kien rappreżentattiv.

(36)

Il-Kummissjoni eżaminat ukoll jekk il-bejgħ domestiku tal-prodott simili jistax jitqies bħala li sar fil-perkors normali tal-kummerċ skont l-Artikolu 2(4) tar-Regolament bażiku. L-eżami saret billi ġie stabbilit il-proporzjon ta' bejgħ bi profitt lil klijenti indipendenti tat-tip ta' prodott in kwistjoni. Fil-każijiet fejn il-bejgħ domestiku tat-tip ta' prodott partikolari sar fi kwantitajiet suffiċjenti u f'sitwazzjoni ta' kummerċ normali, il-valur normali kien ibbażat fuq il-prezz domestiku reali, ikkalkulat bħala medja differenzjata tal-bejgħ domestiku kollu ta' dak it-tip li sar matul il-perjodu tal-investigazzjoni tar-rieżami.

(37)

Għal dawk it-tipi ta' prodotti fejn aktar minn 80 %, bħala volum ta' bejgħ fis-suq domestiku tat-tip ta' prodott, kienu ogħla mill-kost u l-prezz medju peżat tal-bejgħ ta' dak it-tip kien daqs jew aktar mill-prezz ta' unità tal-produzzjoni, il-valur normali, skont it-tip ta' prodott, ġie kkalkulat bħala l-medja peżata tal-prezzijiet domestiċi reali tal-bejgħ kollu tat-tip ikkonċernat, irrispettivament jekk dak il-bejgħ kellux profitt jew le.

(38)

Meta l-volum tal-bejgħ profitabbli ta' tip ta' prodott irrappreżenta 80 % jew inqas tal-volum tal-bejgħ totali ta' dak it-tip, jew fejn il-prezz medju peżat ta' dak it-tip kien taħt il-kost ta' unità ta' produzzjoni, il-valur normali kien ibbażat fuq il-prezz domestiku attwali, li ġie kkalkolat bħala l-prezz medju peżat tal-bejgħ domestiku profittabbli biss ta' dak it-tip magħmul matul il-perjodu ta' investigazzjoni tar-rieżami.

(39)

Il-produtturi esportaturi li kkoopera esporta lejn l-Unjoni direttament lil klijenti indipendenti. Il-prezz tal-esportazzjoni kien il-prezz attwalment imħallas jew li jista' jitħallas għall-prodott taħt rieżami meta mibjugħ għall-esportazzjoni lejn l-Unjoni, skont l-Artikolu 2(8) tar-Regolament bażiku.

(40)

Il-Kummissjoni qabblet il-valur normali u l-prezz tal-esportazzjoni fuq bażi ta' kif joħroġ mill-fabbrika. Fejn dan kien iġġustifikat għall-iskop ta' paragun ġust, il-valur normali u/jew il-prezz tal-esportazzjoni ġew aġġustati għad-differenzi li jaffettwaw il-prezzijiet u l-paragunabilità tal-prezzijiet skont l-Artikolu 2(10) tar-Regolament bażiku. Saru aġġustamenti għall-ispejjeż tat-trasport (domestiku u trasport bil-baħar), l-ispejjeż tal-assigurazzjoni, spejjeż bankarji u kummissjonijiet.

(41)

Għall-produtturi esportaturi li kkooperaw, il-Kummissjoni qabblet il-valur normali medju ponderat ta' kull tip tal-prodott simili fil-pajjiż analogu bil-prezz tal-esportazzjoni medju ponderat tat-tip li jikkorrispondi mal-prodott ikkonċernat, skont l-Artikolu 2(11) u (12) tar-Regolament bażiku. Fuq il-bażi ta' dan, il-marġni tad-dumping medju peżat għall-produtturi esportaturi li kkooperaw espress bħala perċentwali tal-prezz fil-fruntiera tal-Unjoni fuq bażi tal-kost, l-assigurazzjoni u t-trasport (cost, insurance, freight, “CIF”), bid-dazju mhux imħallas, kien ta' aktar minn 158,3 %.

(42)

Il-Kummissjoni analizzat jekk kienx hemm probabbiltà ta' rikorrenza ta' dumping jekk il-miżuri jiskadu. Ġew analizzati l-elementi li ġejjin: prezz ta' esportazzjoni għal destinazzjonijiet oħra, il-kapaċità ta' produzzjoni u l-kapaċità żejda fir-RPĊ u l-attrazzjoni tas-suq tal-Unjoni.

(43)

Skont il-Bażi tad-Dejta tal-Istatistiki tal-Esportazzjoni Ċiniża, l-esportazzjonijiet Ċiniżi tal-SPT madwar id-dinja (124 pajjiż barra l-Unjoni) kienu jammontaw għal 4,6 miljun tunnellata fl-2013. Il-prezzijiet varjaw bejn EUR 400 għal kull tunnellata u EUR 4 500 għal kull tunnellata. L-importazzjonijiet Ċiniżi lejn l-Unjoni ammontaw għal 68 000 tunnellata fil-perjodu tal-investigazzjoni ta' rieżami bi prezz medju inqas minn EUR 700/tunnellata (abbażi ta' dejta mill-Eurostat). Il-Kummissjoni qieset li tali differenzi konsiderevoli fil-prezzijiet ma jippermettux li titfassal kwalunkwe konklużjoni ta' siwi dwar il-kondotta tal-prezzijiet tal-esportazzjoni Ċiniża lejn pajjiżi terzi oħra. Madankollu, l-investigazzjoni sabet li l-prezz medju ta' esportazzjoni tal-produtturi esportaturi li kkooperaw fir-RPĊ lejn swieq terzi (iċ-Ċili, l-Iran, il-Korea, l-UEA u t-Turkija) kien aktar baxx mill-prezz medju tal-esportazzjoni Ċiniża lejn l-Unjoni. Barra minn hekk, il-kwantitajiet esportati u l-prezzijiet iċċarġjati mill-produtturi esportaturi Ċiniżi f'xi swieq importanti tal-esportazzjoni bħall-Unjoni, il-Kanada, l-Istati Uniti tal-Amerika, il-Kolumbja, il-Messiku, il-Brażil, ir-Russja, il-Bjelorussja u l-Kazakistan, huma affettwati mill-miżuri eżistenti bħal dazji ta' kontra d-dumping jew garanziji.

(44)

L-investigazzjoni stabbilixxiet li l-kapaċità tal-produzzjoni fir-RPĊ żdiedet b'mod sinifikanti mill-investigazzjoni oriġinali. Dejta disponibbli pubblikament miġbura matul iż-żjara fuq il-post turi kapaċità ta' produzzjoni f'livell ta' 32 miljun tunnellata (10). Id-dejta pprovduta mill-applikant turi livelli ta' kapaċità ta' produzzjoni ogħla sa 43 miljun tunnellata. Iż-żewġ sorsi jikkonfermaw li mindu saret l-investigazzjoni oriġinali, il-kapaċità tal-produzzjoni tal-produtturi Ċiniżi żdiedet b'mod sinifikanti, jiġifieri b'mill-inqas 60 %.

(45)

L-informazzjoni kollha miġbura tikkonferma l-eżistenza ta' kapaċità żejda tal-industrija Ċiniża. L-ebda informazzjoni ma ġiet ippreżentata li turi li l-konsum domestiku fir-RPĊ se jiżdied fis-snin li ġejjin, fi proporzjon suffiċjenti biex jassorbu l-kapaċità żejda eżistenti fir-RPĊ.

(46)

L-investigazzjoni stabbilixxiet li l-produzzjoni fir-RPC kienet fil-medda ta' 30 miljun tunnellata fil-perjodu tal-investigazzjoni ta' rieżami u b'hekk iħalli mill-inqas 2 miljun tunnellati ta' kapaċità żejda. Dik il-kapaċità żejda tikkostitwixxi aktar minn 100 % tal-konsum tal-Unjoni matul il-perjodu tal-investigazzjoni ta' rieżami u kienet għalhekk meqjusa sinifikanti. Għalhekk, hemm kapaċità ta' produzzjoni żejda sinifikanti disponibbli fir-RPĊ li x'aktarx se tintuża, fid-dawl tal-konklużjonijiet rigward l-attrazzjoni tas-suq tal-Unjoni u tad-diffikultajiet, għas-suq intern, li jassorbiha, biex jiżdiedu l-volumi tal-esportazzjoni lejn is-suq tal-Unjoni fin-nuqqas ta' miżuri.

(47)

Skont l-Eurostat, l-importazzjonijiet mir-RPĊ lejn l-Unjoni l-ewwel naqsu minn aktar minn 78 000 tunnellata fl-2011 għal iktar minn 47 000 tunnellata fl-2012 u reġgħu żdiedu għal kważi 68 000 tunnellata fil-perjodu tal-investigazzjoni ta' rieżami. It-tnaqqis tal-importazzjonijiet fl-2012 ikkoinċida ma' tnaqqis fid-domanda fis-suq tal-Unjoni. Filwaqt li t-tnaqqis fid-domanda kompla fil-perjodu ta' investigazzjoni ta' rieżami, il-volum tal-importazzjonijiet żdied, u dan wassal għal żieda fis-sehem mis-suq tal-importazzjonijiet Ċiniżi, u laħaq 3,6 % matul il-perjodu tal-investigazzjoni tar-rieżami.

(48)

Kif stabbilit fil-premessa (41), l-importazzjonijiet mir-RPĊ kienu l-oġġett ta' dumping matul il-perjodu tal-investigazzjoni ta' rieżami, filwaqt li l-miżuri kienu fis-seħħ. Il-marġni ta' dumping stabbilit kien anki sostanzjalment ogħla mill-marġinu tad-dumping li nstab matul l-investigazzjoni oriġinali. Jekk l-importazzjonijiet komplew ikunu dumped fil-preżenza ta' miżuri, imbagħad, ma hemm l-ebda raġuni biex wieħed jemmen li, fin-nuqqas ta' miżuri, il-prezzijiet tal-importazzjonijiet mir-RPĊ għandhom jiżdiedu, aħseb u ara għal livell biżżejjed biex jelimina d-dumping.

(49)

Kif imsemmi fil-premessa (43), il-miżuri eżistenti fuq l-importazzjonijiet Ċiniżi tal-SPT f'għadd ta' swieq ta' esportazzjoni importanti għall-produtturi esportaturi tal-SPT Ċiniżi jillimitaw ħafna l-possibilità ta' espansjoni jew kontinwazzjoni tal-esportazzjonijiet Ċiniżi lejn dawn is-swieq. Fl-istess ħin, kien stabbilit li l-prezz ta' esportazzjoni lejn l-Unjoni ta' produttur esportatur Ċiniż li kkoopera kien ogħla mill-prezz ta' esportazzjoni tiegħu fi swieq terzi, li jindika l-attrazzjoni tas-suq tal-Unjoni minkejja d-dazji fis-seħħ. Barra minn hekk, ġie muri li s-suq tal-Unjoni jkun fil-mira biex jassorbi parti sinifikanti tal-kapaċitajiet żejda Ċiniżi li ċertament se jiġu diretti lejn is-suq tal-Unjoni bi prezzijiet li huma l-oġġett ta' dumping fin-nuqqas ta' miżuri antidumping.

(50)

Barra minn hekk, qabel l-impożizzjoni tal-miżuri fis-seħħ fl-2009, l-esportazzjonijiet Ċiniżi lejn l-Unjoni ammontaw għal 542 840 tunnellata lejn l-Unjoni, jiġifieri kważi tmien darbiet aktar milli fil-perjodu tal-investigazzjoni ta' rieżami. Dan jindika li s-suq tal-Unjoni huwa attraenti għall-importazzjonijiet Ċiniżi f'termini tad-daqs tas-suq u li jkun hemm kapaċità fis-suq tal-Unjoni biex tassorbi żieda fil-volumi ta' importazzjoni mir-RPĊ. Id-dazji antidumping fis-seħħ impedixxew lill-produtturi esportaturi Ċiniżi li jżidu l-volumi tal-bejgħ tagħhom lejn l-Unjoni, li, x'aktarx se jiżdiedu mill-ġdid jekk il-miżuri jitħallew jiskadu b'mod partikolari meta wieħed iqis id-disponibbiltà tal-kapaċitajiet żejda sinifikanti fir-RPĊ kif deskritt hawn taħt.

(51)

Barra minn hekk, anki jekk il-konsum fis-suq Ċiniż kiber b'mod sinifikanti mill-investigazzjoni oriġinali, huwa improbabbli li l-kapaċità ta' produzzjoni żejda sinifikattiva tal-produtturi Ċiniżi tista' tiġi assorbita domestikament, kif spjegat fil-premessa (45).

(52)

Għalhekk, jekk il-miżuri attwali jitħallew jiskadu, il-produtturi esportaturi Ċiniżi x'aktarx li jżidu b'mod sinifikanti l-esportazzjonijiet tagħhom lejn is-suq tal-Unjoni bi prezzijiet li huma l-oġġett ta' dumping.

(53)

L-investigazzjoni stabbilixxiet li l-bejgħ tal-SPT miċ-Ċiniżi lill-Unjoni sar bi prezzijiet suġġetti għal dumping matul il-perjodu tal-investigazzjoni tar-rieżami. Minħabba l-kapaċità libera sinifikanti disponibbli fiċ-Ċina (li hija katr mill-konsum totali tal-Unjoni matul il-perjodu ta' investigazzjoni tar-rieżami), il-miżura fis-seħħ kontra l-importazzjonijiet Ċiniżi fi swieq terzi oħra u l-attrattività tas-suq tal-Unjoni, il-Kummissjoni kkonkludiet li hemm probabbiltà ta' tkomplija ta' dumping jekk il-miżuri jitneħħew.

(54)

L-industrija tal-Unjoni ma għaddiet minn ebda tibdil strutturali qawwi mill-investigazzjoni oriġinali. Matul il-perjodu tal-investigazzjoni ta' rieżami, il-prodott simili kien manifatturat minn madwar 20 produttur magħrufa fl-Unjoni. Huma jikkostitwixxu l-industrija tal-Unjoni skont it-tifsira tal-Artikolu 4(1) tar-Regolament bażiku.

(55)

Il-produzzjoni totali tal-Unjoni matul il-perjodu tal-investigazzjoni ta' rieżami ġiet stabbilita fuq il-bażi tal-informazzjoni miġbura mill-produtturi tal-Unjoni li kkooperaw u fuq id-dejta ppreżentata mill-applikant.

(56)

Kif indikat fil-premessa (12), minħabba l-għadd kbir ta' produtturi tal-Unjoni, intgħażel kampjun ta' sitt produtturi tal-Unjoni. Il-kampjun tqies rappreżentattiv għall-industrija tal-Unjoni, li jirrappreżentaw madwar 60 % tal-bejgħ totali fl-Unjoni.

(57)

Il-Kummissjoni stabbilixxiet il-konsum apparenti tal-Unjoni fuq il-bażi ta' (i) il-volum tal-bejgħ tal-industrija tal-Unjoni fis-suq tal-Unjoni fuq il-bażi tad-dejta pprovduta mill-applikant u (ii) il-volumi tal-importazzjonijiet minn pajjiżi terzi lejn is-suq tal-Unjoni bbażati fuq l-istatistika tal-Eurostat. L-applikant ġabar u aggregata d-dejta tal-bejgħ minn 16-il produttur tal-Unjoni u għamel stima tad-dejta għall-bqija.

(58)

Fuq din il-bażi, il-konsum tal-Unjoni żviluppa kif ġej:

Tabella 1

Il-konsum tal-Unjoni

(59)

Tul il-perjodu kollu kkunsidrat il-konsum tal-Unjoni żdied b'19 %. B'mod aktar speċifiku, is-suq tal-Unjoni għall-prodott taħt rieżami u għall-prodott simili naqas b'mod stabbli sal-2013 (bi 22 %) u mbagħad żdied bi ftit matul il-perjodu tal-investigazzjoni ta' rieżami (bi 3,4 %).

(60)

Ix-xejra ta' tnaqqis fil-konsum tal-Unjoni tista' tiġi spjegata prinċipalment minħabba t-tnaqqis fid-domanda li ġejja mis-setturi tal-kostruzzjoni, industrijali u setturi tal-ġenerazzjoni tal-enerġija, li ma rkuprawx għal-livelli ta' qabel il-kriżi, jiġifieri qabel is-sena 2009.

(61)

Il-volum tal-importazzjonijiet tal-prodott li qed jiġi rieżaminat mir-RPĊ lejn l-Unjoni naqas bi 13 % matul il-perjodu kkunsidrat, minn madwar 78 000 tunnellata fl-2011 għal 68 000 tunnellata fil-perjodu tal-investigazzjoni ta' rieżami. Il-volum ta' importazzjonijiet mir-RPĊ naqas b'mod sinifikanti fl-2012 (b'40 %) u kiber b'mod stabbli minn dak iż-żmien (bi 18 % fl-2013 meta mqabbel mal-2012 u mbagħad bi 22 % matul il-perjodu tal-investigazzjoni tar-rieżami meta mqabbel mal-2013).

(62)

L-importazzjonijiet tal-prodott li qed jiġi rieżaminat mir-RPĊ lejn l-Unjoni naqsu xi ftit inqas mill-konsum tal-Unjoni u dan wassal għal żieda marġinali fis-sehem tas-suq tal-importazzjonijiet Ċiniżi minn 3,3 % fl-2011 għal 3,6 % fil-perjodu tal-investigazzjoni ta' rieżami. B'mod aktar speċifiku, is-sehem mis-suq naqas għal 2,3 % fl-2012 u żdied wara għal 3 % u 3,6 % fl-2013 u l-perjodu tal-investigazzjoni ta' rieżami rispettivament.

(63)

It-tabella ta' hawn taħt turi l-prezz medju tal-importazzjonijiet miċ-Ċina:

Tabella 3

Prezzijiet tal-importazzjonijiet

(64)

Bejn l-2011 u l-perjodu tal-investigazzjoni ta' rieżami, il-prezz medju tal-importazzjonijiet tal-prodott ikkonċernat li joriġinaw fir-RPĊ naqas b'14 %, minn EUR 801/tunnellata fl-2011 għal EUR 692/tunnellata fil-perjodu tal-investigazzjoni ta' rieżami. B'mod aktar speċifiku, il-prezz tal-importazzjonijiet Ċiniżi żdied bi 3 % fl-2012 u mbagħad naqas b'aktar minn 16 % fil-perjodu tal-investigazzjoni ta' rieżami. Il-prezz medju tal-importazzjoni tal-produtturi esportaturi li kkooperaw kien fl-istess firxa tal-prezzijiet medji tal-importazzjoni mill-Eurostat u segwa l-istess xejriet tul il-perjodu kkunsidrat.

(65)

Il-Kummissjoni ddeterminat li kien hemm twaqqigħ tal-prezz matul il-perjodu ta' investigazzjoni billi qabblet il-prezz tal-bejgħ medju peżat tal-produtturi tal-Unjoni fil-kampjun li huma żammew fis-suq tal-Unjoni, aġġustat għal-livell tal-prezz mill-fabbrika u l-prezz medju tal-importazzjonijiet mill-pajjiż ikkonċernat għall-ewwel klijent indipendenti fis-suq tal-Unjoni, stabbiliti fuq il-bażi ta' spiża, assigurazzjoni u trasport (CIF) abbażi tad-dejta verifikata mill-produttur esportatur Ċiniż li kkoopera.

(66)

Għall-finijiet tal-kalkolu tat-twaqqigħ tal-prezzijiet, kienet użata informazzjoni mingħand il-produtturi kollha tal-Unjoni magħżula fil-kampjun għall-analiżi tal-perjodu ta' investigazzjoni. Il-paragun wera li, matul il-perjodu tal-investigazzjoni ta' rieżami, il-medja differenzjata tal-marġni ta' twaqqigħ ta' prezz, espressa bħala persentaġġ tal-prezzijiet tal-bejgħ tal-industrija tal-Unjoni kien ta' 28,4 %. Jekk id-dazju antidumping ta' 17,7 % applikabbli għall-produttur esportatur Ċiniż li kkoopera jitnaqqas, il-marġni tat-twaqqigħ tal-prezz jammonta għal 39,2 %.

(67)

Il-volum, is-sehem mis-suq u l-prezzijiet tal-importazzjonijiet minn pajjiżi terzi oħra żviluppaw kif ġej:

Tabella 4

Importazzjonijiet minn pajjiżi terzi oħra

(68)

Matul il-perjodu kkunsidrat, il-volumi ta' importazzjonijiet mill-Ukraina żdiedu b'34 %, biex laħqu 59 656 tunnellata fil-perjodu tal-investigazzjoni ta' rieżami, filwaqt li l-volumi tal-importazzjoni mill-Ġappun, ir-Russja u l-Belarus naqsu b'59 %, 58 % u 12 % rispettivament u kienu ta' 21 426 tunnellata, 7 977 tunnellata u 29 600 tunnellata fl-istess perjodu. Il-volumi tal-importazzjoni minn pajjiżi terzi oħra żdiedu b'31 % minn 43 230 tunnellata għal 56 509 tunnellati. F'termini ta' sehem mis-suq, l-Ukraina u pajjiżi terzi oħra kellhom madwar 3 % tas-suq tal-Unjoni filwaqt li l-Ġappun u l-Bjelorussja kellhom madwar 1 % u 2 % rispettivament. Is-sehem mis-suq li kellha r-Russja kien marġinali b'0,4 % fil-perjodu tal-investigazzjoni ta' rieżami.

(69)

Il-prezzijiet tal-importazzjonijiet mill-Ukraina, il-Belarus u r-Russja wrew xejra 'l isfel matul il-perjodu kkunsidrat filwaqt li l-prezzijiet tal-importazzjoni mill-Ġappun u minn pajjiżi terzi oħra wrew xejra li qed tiżdied. Fil-perjodu tal-investigazzjoni ta' rieżami, il-prezz tal-importazzjoni tal-SPT kien ta' madwar EUR 780/tunnellata għall-Belarus u l-Ukraina filwaqt li għall-Ġappun u pajjiżi terzi oħra kien ta' madwar EUR 2 330 għal kull tunnellata u EUR 1 327 għal kull tunnellata. Il-prezz ta' importazzjoni mir-Russja kien ta' madwar EUR 900 għal kull tunnellata fil-perjodu tal-investigazzjoni ta' rieżami. Bħalissa jeżistu miżuri antidumping fuq l-importazzjonijiet tal-SPT mill-Ukrajna u mir-Russja.

(70)

Skont l-Artikolu 3(5) tar-Regolament bażiku, l-eżaminar tal-impatt tal-importazzjonijiet li huma oġġett ta' dumping fl-industrija tal-Unjoni kien jinkludi evalwazzjoni tal-indikaturi ekonomiċi kollha li influwenzaw l-istat tal-industrija tal-Unjoni matul il-perjodu kkunsidrat.

(71)

Għall-iskop tal-analiżi tal-ħsara, il-Kummissjoni għamlet distinzjoni bejn l-indikaturi tal-ħsara makroekonomiċi u mikroekonomiċi. Il-Kummissjoni vvalutat l-indikaturi makroekonomiċi fuq il-bażi tad-dejta mressqa mir-rikorrenti, li kienu jikkonsistu f'dejta relatata ma' 16-il produttur tal-Unjoni, u l-istimi għall-bqija kif imsemmi fil-premessa (57); id-dejta tirrigwarda l-produtturi magħrufa kollha tal-Unjoni. Il-Kummissjoni evalwat l-indikaturi mikroekonomiċi fuq il-bażi tad-dejta relatata mal-produttur tal-Unjoni fil-kampjun.

(72)

L-indikaturi makroekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, it-tkabbir, l-impjiegi, il-produttività, id-daqs tal-marġini ta' dumping u l-irkupru minn dumping preċedenti.

(73)

L-indikaturi mikroekonomiċi huma: il-prezzijiet medji tal-unità, il-kost tal-unità, il-kost lavorattiv, l-inventarji, il-profittabbiltà, il-fluss tal-flus, l-investimenti, ir-redditu fuq l-investimenti, u l-abbiltà li jinġabar il-kapital.

(74)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppata matul il-perjodu kkunsidrat kif ġej:

Tabella 5

Il-produzzjoni, il-kapaċità produttiva u l-użu tal-kapaċità

(75)

Il-produzzjoni tal-industrija tal-Unjoni naqset b'10 % matul il-perjodu kkunsidrat minn livell ta' 3 746 432 tunnellata fl-2011 għal livell ta' 3 361 226 tunnellata fil-perjodu tal-investigazzjoni ta' rieżami. B'mod aktar speċifiku, l-ewwel naqset bi 12 % fl-2013 u mbagħad żdiedet marġinalment b'aktar minn 2 % fil-perjodu tal-investigazzjoni ta' rieżami.

(76)

Il-kapaċità tal-produzzjoni kumplessivament baqgħet stabbli fil-perjodu kkunsidrat u kienet ta' madwar 5 miljun tunnellata fil-perjodu tal-investigazzjoni ta' rieżami.

(77)

B'riżultat tat-tnaqqis fil-volum tal-produzzjoni u l-kapaċità tal-produzzjoni stabbli, l-użu tal-kapaċità żviluppa skont il-volum tal-produzzjoni, jiġifieri l-ewwel naqas għal 65 % sal-2013 u imbagħad tjieb bi ftit għal 67 % fil-perjodu tal-investigazzjoni ta' rieżami. B'mod ġenerali, il-kapaċità tal-użu naqset minn 73 % fl-2011 għal 67 % fil-perjodu tal-investigazzjoni ta'rieżami.

(78)

Il-volumi tal-bejgħ u s-sehem mis-suq tal-industrija tal-Unjoni żviluppaw matul il-perjodu kunsidrat kif ġej:

Tabella 6

Volum tal-bejgħ u sehem mis-suq

(79)

Il-volum totali tal-bejgħ tal-industrija tal-Unjoni rrappurtat fit-Tabella 6 jinkludi l-bejgħ lil klijenti mhux relatati u relatati li nstabu li kienu skont il-prinċipju tad-distakkament.

(80)

Il-prezzijiet tal-bejgħ tal-industrija tal-Unjoni fis-suq tal-Unjoni naqsu b'20 % matul il-perjodu kkunsidrat. Il-bejgħ tal-industrija tal-Unjoni gradwalment naqas bi 22 % sal-2013 u mbagħad tjieb marġinalment biex laħaq aktar minn 1,6 miljun tunnellata fil-perjodu tal-investigazzjoni ta' rieżami. It-tnaqqis fil-bejgħ tal-industrija tal-Unjoni huwa prinċipalment minħabba riżultat ta' tnaqqis fid-domanda tal-Unjoni għall-SPT (ara l-premessa (60)). B'konsegwenza ta' dan, l-industrija tal-Unjoni tilfet 2 punti perċentwali ta' sehem mis-suq matul il-perjodu kkunsidrat, u laħħaq 87 % fil-perjodu tal-investigazzjoni ta' rieżami.

(81)

Filwaqt li l-konsum tal-Unjoni naqas b'19 % matul il-perjodu kunsidrat, il-volum tal-bejgħ tal-industrija tal-Unjoni naqas b'20 % li sarraf f'telf ta' sehem mis-suq ta' 2 punti perċentwali.

(82)

L-impjieg u l-produttività żviluppaw kif ġej tul il-perjodu kkunsidrat:

Tabella 7

L-impjiegi u l-produttività

(83)

L-impjiegi fl-industrija tal-Unjoni naqsu bi 2 % matul il-perjodu kkunsidrat u kienu 20 768 impjegati matul il-perjodu tal-investigazzjoni ta' rieżami.

(84)

Il-produttività naqset b'9 % matul il-perjodu kkunsidrat minħabba tnaqqis aktar bil-mod fl-impjiegi tal-Unjoni milli fil-produzzjoni tal-Unjoni. F'kundizzjonijiet ekonomiċi normali, tieħu aktar żmien għall-industrija tal-Unjoni biex tadatta għal tnaqqis fid-domanda u għaldaqstant normalment ikun hemm effett dewwiemi bejn it-tnaqqis fil-produzzjoni u t-tnaqqis fl-għadd ta' impjegati.

(85)

Il-marġni tad-dumping stabbilit għaċ-Ċina kien ferm ogħla mil-livell de minimis, filwaqt li l-volumi tal-importazzjoni miċ-Ċina baqa' baxx matul il-perjodu kkunsidrat. L-investigazzjoni stabbilixxiet li l-importazzjonijiet tal-SPT mir-RPĊ komplew jidħlu fis-suq tal-Unjoni bi prezzijiet li huma l-oġġett ta' dumping u li l-qagħda tal-industrija tal-Unjoni marret għall-agħar b'mod sinifikanti hekk kif konkluż fil-premessi minn (99) sa (102).

(86)

Il-prezzijiet medji tal-bejgħ tal-industrija tal-Unjoni lill-konsumaturi mhux relatati fl-Unjoni żviluppaw kif ġej matul il-perjodu kunsiderat:

Tabella 8

Il-prezzijiet medji tal-bejgħ

(87)

Il-prezz tal-bejgħ unitarju medju tal-industrija tal-Unjoni lil klijenti mhux relatati fl-Unjoni naqas b'10 % tul il-perjodu kkunsidrat biex laħaq EUR 1 170/tunnellata fil-perjodu tal-investigazzjoni ta' rieżami. It-tnaqqis fil-prezz jista' jidher bħala konsegwenza tal-isforzi li għamlet l-industrija tal-Unjoni biex tnaqqas l-ispejjeż u wkoll minħabba l-pressjoni tal-prezz tal-importazzjonijiet Ċiniżi bi prezz baxx.

(88)

Bl-istess mod, l-ispiża medja tal-produzzjoni tal-industrija tal-Unjoni naqset b'10 % matul il-perjodu kkunsidrat, minn EUR 1 257 għal kull tunnellata fl-2011 għal EUR 1 128 għal kull tunnellata fil-perjodu tal-investigazzjoni ta' rieżami. It-tnaqqis fl-ispiża ta' produzzjoni jista' jiġi spjegat l-aktar minn proċess ta' produzzjoni u tagħmir aktar effiċjenti.

(89)

Il-kostijiet lavorattivi medji tal-industrija tal-Unjoni żviluppaw kif ġej matul il-perjodu kunsidrat:

Tabella 9

Spejjeż medji tax-xogħol għal kull impjegat

(90)

Il-kostijiet lavorattivi medji għal kull impjegat baqgħu relattivament stabbli matul il-perjodu kkunsidrat bi tnaqqis marġinali ta' 1 % matul il-perjodu kkunsidrat. B'mod partikolari, il-kostijiet lavorattivi medji naqsu b'1 % fl-2012, imbagħad żdiedu b'0,5 % u mbagħad reġgħu naqsu b'1 %.

(91)

Il-livelli tal-ħażna tal-produtturi tal-Unjoni fil-kampjun żviluppaw kif ġej matul il-perjodu kkunsidrat:

Tabella 10

Inventarji

(92)

Kumplessivament, l-istokks tal-għeluq żdiedu b'6 % matul il-perjodu kkunsidrat. Mill-2011 sal-2012 l-istokks tal-għeluq naqsu wara tnaqqis fil-volum tal-produzzjoni u żieda fil-volum tal-bejgħ għall-esportazzjoni. Mill-2012 sal-2013, l-istokks żdiedu minħabba tnaqqis fil-bejgħ totali tal-industrija tal-Unjoni. Mill-2013 sal-perjodu tal-investigazzjoni ta' rieżami l-istokks tal-għeluq naqsu għal darba oħra l-aktar minħabba żieda fil-bejgħ tal-industrija tal-Unjoni kemm barra kif ukoll fis-suq tal-Unjoni.

(93)

L-investigazzjoni wriet li, f'din l-industrija, il-produzzjoni ssir prinċipalment fuq il-bażi ta' ordnijiet tal-klijenti għal żmien qasir u għalhekk l-istokkijiet jirrappreżentaw persentaġġ relattivament baxx ta' produzzjoni. L-istokks tal-għeluq bħala perċentwal tal-produzzjoni segwa x-xejra ta' stokks tal-għeluq u żdied marġinalment minn 3,9 % fl-2011 għal 4,6 % fil-perjodu tal-investigazzjoni ta' rieżami l-aktar minħabba tnaqqis fil-bejgħ totali tal-Unjoni. B'mod aktar speċifiku, dan naqas b'0,3 punti perċentwali mill-2011 għall-2012 u mbagħad żdied b'1,5 punti perċentwali fl-2013 għar-raġunijiet spjegati fil-premessa (92).

(94)

Il-profittabbiltà, il-fluss tal-flus, l-investimenti u r-redditu fuq l-investimenti tal-produtturi tal-Unjoni fil-kampjun żviluppaw kif ġej matul il-perjodu kkunsidrat:

Tabella 11

Profittabbiltà, fluss tal-flus, investimenti u redittu fuq l-investimenti

(95)

Il-Kummissjoni stabbilixxiet il-profittabilità tal-industrija tal-Unjoni billi l-profitt nett qabel it-taxxa tal-bejgħ tal-prodott simili lil konsumaturi mhux relatati fl-Unjoni ġie espress bħala perċentwal tal-fatturat ta' dak il-bejgħ. Il-profittabbiltà tal-industrija tal-Unjoni tvarja minn sena għal oħra skont il-kundizzjonijiet tas-suq u, b'mod ġenerali, żdiedet minn 2,9 % għal 3,6 % matul il-perjodu kkunsidrat prinċipalment minħabba t-taħlita tal-prodott mibjugħ, jiġifieri l-industrija tal-Unjoni biegħet aktar prodotti b'marġinu ta' profitt relattivament ogħla. B'mod partikolari, il-profittabilità tal-industrija tal-Unjoni żdiedet għal 5,7 % fl-2012 imbagħad naqset għal 1,7 % fl-2013 u reġgħet żdiedet għal 3,6 % fil-perjodu tal-investigazzjoni ta' rieżami.

(96)

Il-fluss tal-flus nett huwa l-kapaċità tal-industrija tal-Unjoni li tiffinanzja waħedha l-attività tagħha. Il-fluss tal-flus nett żdied b'aktar minn erba' darbiet matul il-perjodu kkunsidrat. Iż-żieda sostanzjali fil-fluss tal-flus hija prinċipalment spjegata minn bidliet fil-kapital ta' ħidma.

(97)

L-investimenti żdiedu marġinalment, bi 3 % matul il-perjodu kkunsidrat. Huma rrappreżentaw prinċipalment investimenti meħtieġa għas-sostituzzjoni ta' tagħmir ta' produzzjoni.

(98)

Ir-redditu fuq l-investimenti huwa l-profitt f'perċentwali tal-valur kontabilistiku nett tal-investimenti. Ir-redditu fuq l-investiment mill-produzzjoni u l-bejgħ tal-prodott simili żdied minn 3,7 % għal 7,6 % matul il-perjodu kkunsidrat. Bħall-profitt, ix-xejra tar-redditu fuq l-investiment ma kinitx stabbli minħabba li l-ewwel żdiedet għal 8,2 % fl-2012 imbagħad naqset għal 5,9 % fl-2013 u reġgħet żdiedet għal 7,6 % fil-perjodu tal-investigazzjoni ta' rieżami.

(99)

Għadd ta' indikaturi, b'mod partikolari l-indikaturi finanzjarji, tjiebu matul il-perjodu kkunsidrat. Il-qligħ żdied marġinalment minn 2,9 % għal 3,6 %, li huwa ftit ogħla mill-profitt fil-mira ta' 3 % stabbilit fl-investigazzjoni oriġinali. Ir-redditu fuq l-investiment żdied minn 3,7 % għal 7,6 % filwaqt li l-livell tal-likwidità żdiedet aktar minn erba' darbiet. Dawn l-iżviluppi jissuġġerixxu li l-miżuri antidumping fis-seħħ kienu effikaċi minħabba li l-industrija tal-Unjoni kienet imkenna minn effetti potenzjali dannużi tal-importazzjonijiet Ċiniżi li kienu oġġett ta' dumping ta' SPT.

(100)

Min-naħa l-oħra, xi wħud mill-indikaturi prinċipali tal-ħsara, b'mod partikolari l-indikaturi makroekonomiċi, xorta esperjenzaw żvilupp negattiv matul il-perjodu meqjus. B'hekk, il-volum tal-produzzjoni naqas b'10 %, il-volum tal-bejgħ lil klijenti mhux relatati fl-Unjoni naqas b'20 %, l-użu tal-kapaċità naqas għal 67 %, is-sehem mis-suq tal-Unjoni naqas bi 2 punti perċentwali u l-impjiegi bi 2 %. Fil-kuntest ta' domanda li qed tonqos għall-SPT, l-industrija tal-Unjoni pproduċiet u biegħet inqas fis-suq tal-Unjoni, li rriżulta f'livelli ta' utilizzazzjoni tal-kapaċità relattivament baxxi, li kellhom impatt negattiv fuq l-ispejjeż fissi tal-industrija tal-Unjoni. Ta' min jinnota li l-livell ta' użu tal-kapaċità naqas b'mod sinifikanti mill-investigazzjoni oriġinali, speċifikament minn 90 % fl-investigazzjoni oriġinali għal 67 % fil-perjodu tal-investigazzjoni ta' rieżami.

(101)

Għalhekk, is-sitwazzjoni tal-industrija tal-Unjoni kienet imħallta. Xi wħud mill-indikaturi prinċipali tal-ħsara bħalma huma l-volumi tal-produzzjoni u tal-bejgħ u s-sehem tas-suq urew xejriet negattivi matul il-perjodu kkunsidrat. Fl-istess ħin, fatturi oħra bħalma huma l-profittabbiltà, ir-redditu fuq l-investiment u l-fluss tal-flus kontanti wrew tendenzi pożittivi tul l-istess perjodu. Madankollu, l-investigazzjoni stabbilixxiet li, minkejja dawn it-tendenzi pożittivi osservati għal ċerti fatturi tal-inġurja, b'mod ġenerali, l-industrija tal-Unjoni hija f'sitwazzjoni fejn ma tkunx kapaċi tlaħħaq ma' żieda qawwija ta' importazzjonijiet li huma l-oġġett ta' dumping mir-RPĊ. Aktar importanti minn hekk, is-sitwazzjoni tal-industrija tal-Unjoni b'mod ġenerali wriet deterjorament sinifikanti meta mqabbel mal-perjodu ta' investigazzjoni tal-investigazzjoni oriġinali. Għalhekk, minkejja li l-industrija tal-Unjoni kienet qiegħda tagħmel profitt matul il-perjodu kkunsidrat, il-livelli tal-profitt kienu aktar baxxi meta mqabbla mal-investigazzjoni oriġinali (3,6 % fil-perjodu tal-investigazzjoni ta' rieżami meta mqabbla ma' 15,4 % fil-perjodu ta' investigazzjoni tal-investigazzjoni oriġinali) u wkoll ivarjaw ħafna minn sena għall-oħra skont il-kundizzjonijiet tas-suq tal-SPT (pereż. minn 5,7 % fl-2012 għal 1,7 % fl-2013 u mbagħad għal 3,6 % matul il-perjodu tal-investigazzjoni tar-rieżami).

(102)

Fuq il-bażi ta' dan ta' hawn fuq, il-Kummissjoni kkonkludiet li matul il-perjodu tal-investigazzjoni ta' rieżami, l-industrija tal-Unjoni ma ġarrbitx ħsara materjali skont it-tifsira tal-Artikolu 3(5) tar-Regolament bażiku u ma kinitx esposta għal theddida ta' ħsara fit-tifsira tal-Artikolu 3(9) tar-Regolament bażiku, prinċipalment minħabba li l-miżuri antidumping fis-seħħ ipproteġewha mill-effett dannuż tal-importazzjonijiet Ċiniżi li huma l-oġġett ta' dumping. Madankollu, is-sitwazzjoni tal-industrija tal-Unjoni marret għall-agħar sew meta mqabbel mal-investigazzjoni oriġinali b'livelli ta' profitt instabbli u rati baxxi ta' użu tal-kapaċità.

(103)

Kif ġie konkluż fil-premessi minn (99) sa (102), l-industrija tal-Unjoni ma sofrietx ħsara materjali matul il-perjodu ta' investigazzjoni tar-rieżami, iżda s-sitwazzjoni tagħha marret għall-agħar sew meta mqabbel mal-investigazzjoni oriġinali. Kif spjegat fil-premessa (41), l-importazzjonijiet Ċiniżi saru f'livelli ta' prezzijiet dumped matul il-perjodu tal-investigazzjoni ta' rieżami u, kif ġie konkluż fil-premessa (53), hemm probabilità għolja ħafna ta' kontinwazzjoni ta' dumping jekk il-miżuri jitħallew jiskadu.

(104)

L-investigazzjoni oriġinali stabbilixxiet l-eżistenza ta' theddida ta' dannu skont l-Artikolu 3(9) tar-Regolament bażiku. Fl-investigazzjoni preżenti kien stabbilit li teżisti probabbiltà ta' rikorrenza ta' theddida ta' ħsara f'każ li l-miżuri jitħallew jiskadu. Din id-determinazzjoni hija bbażata fuq il-valutazzjoni tal-fatturi li ġejjijn: (a) l-iżvilupp probabbli tal-volum tal-importazzjonijiet li huma oġġett ta' dumping, (b) id-disponibbiltà ta' produzzjoni żejda tal-eportaturi, (c) il-livell tal-prezzijiet tal-importazzjonijiet Ċiniżi u d-domanda probabbli ta' aktar importazzjonijiet (d) il-livell tal-inventarji.

(105)

Kif imsemmi fil-premessa (50), l-importazzjonijiet Ċiniżi tal-SPT fl-Unjoni kienu jammontaw għal 542 840 tunnellata fl-investigazzjoni oriġinali u niżlu għal 68 000 tunnellata (jiġifieri tmien darbiet inqas) fil-perjodu tal-investigazzjoni ta' rieżami. Huwa probabbli li, minħabba l-prezzijiet baxxi tagħhom, l-importazzjonijiet Ċiniżi li huma l-oġġett ta' dumping ta' SPT jistgħu jilħqu l-livell tal-importazzjonijiet fl-investigazzjoni oriġinali (542 840 tunnellata) f'każ li l-miżuri jitħallew jiskadu. Fil-kuntest ta' tnaqqis fid-domanda tal-Unjoni tal-SPT (minn 3,2 miljun tunnellata fl-investigazzjoni oriġinali għal 1,9 miljun tunnellata fil-perjodu ta' investigazzjoni ta' rieżami), din iż-żieda probabbli tal-importazzjonijiet Ċiniżi li huma l-oġġett ta' dumping tal-SPT x'aktarx iwasslu għal żieda fis-sehem mis-suq Ċiniż minn 3,6 % bħalissa għal madwar 30 %. Tabilħaqq, l-investigazzjoni wriet li l-klijenti tal-Unjoni se jaqilbu relattivament faċilment l-ordnijiet għal żmien qasir mingħand il-produtturi tal-Unjoni għall-produtturi esportaturi Ċiniżi jekk il-miżuri jitħallew jiskadu. Dan se jkollu impatt negattiv fuq il-produtturi tal-Unjoni minħabba li inqas ordnijiet jimplikaw livelli ta' produzzjoni aktar baxxi u b'hekk jaħdmu f'livelli ta' utilizzazzjoni ta' kapaċità mhux sostenibbli ekonomikament. Għar-raġunijiet deskritti fil-qosor u b'kont meħud li l-kapaċità ta' produzzjoni Ċiniża tal-SPT żdiedet b'mod sinifikanti (b'madwar 60 %) minn mindu saret l-investigazzjoni oriġinali, huwa probabbli li l-importazzjonijiet Ċiniżi li huma l-oġġett ta' dumping ta' SPT b'mod imminenti jimlew is-suq tal-Unjoni u jiksbu sehem sostanzjali mis-suq għas-spejjeż tal-industrija tal-Unjoni jekk il-miżuri jitħallew jiskadu.

(106)

Kif stabbilit fil-premessa (46), il-kapaċità żejda totali tal-SPT fir-RPĊ kienet stmata għal madwar 2 miljun tunnellata fil-perjodu tal-investigazzjoni ta' rieżami. Dan l-ammont qabeż bil-kbir il-konsum totali tal-Unjoni tal-SPT matul l-istess perjodu. Għalhekk, ir-RPĊ tkun tista' tesporta volumi addizzjonali sinifikanti lejn is-suq tal-Unjoni. Barra minn hekk, il-Kanada, l-Istati Uniti tal-Amerika, il-Kolumbja, il-Messiku u l-Brażil għandhom fis-seħħ miżuri antidumping fuq l-SPT Ċiniżi, filwaqt li r-Russja, il-Bjelorussja u l-Kazakistan provviżorjament imponew miżuri fuq importazzjonijiet Ċiniżi bi prezzijiet inġusti. Dawn il-pajjiżi kienu swieq importanti tal-esportazzjoni għall-produtturi esportaturi Ċiniżi qabel l-impożizzjoni tal-miżuri (11). Barra minn hekk, l-evidenza miġbura tindika li l-kapaċità żejda sinifikanti Ċiniża u l-kriżi ekonomika reċenti tal-ekonomija Ċiniża, jeżerċitaw pressjoni qawwija fuq il-produtturi Ċiniżi tal-SPT li jipproduċu f'rati għolja ta' użu tal-kapaċità. Fid-dawl ta' dawn l-elementi, l-investigazzjoni stabbilixxiet li hemm probabbiltà kbira li, jekk il-miżuri jitneħħew, il-produtturi esportaturi Ċiniżi se jiggwidaw il-produzzjoni tagħhom lejn is-suq tal-Unjoni, li jibqa' suq attraenti kif stabbilit fil-premessi minn (47) sa (52).

(107)

Kif spjegat fil-premessi minn (64) sa (66), il-prezzijiet attwali Ċiniżi huma sostanzjalment aktar baxxi mill-prezzijiet tal-bejgħ tal-industrija tal-Unjoni b'marġni medju ta' tnaqqis ta' 28,4 % matul il-perjodu tal-investigazzjoni ta' rieżami. Kif stabbilit fil-premessa (52), l-importazzjonijiet Ċiniżi tal-SPT x'aktarx li jkomplu jidħlu fis-suq tal-Unjoni bi prezzijiet li huma oġġett ta' dumping jekk il-miżuri jiġu revokati. Barra minn hekk, kif imsemmi fil-premessa (66), mingħajr il-miżuri antidumping, l-importazzjonijiet Ċiniżi jwaqqgħu l-prezzijiet tal-bejgħ tal-industrija tal-Unjoni b'39,2 %. Jekk il-miżuri jiġu revokati, bil-probabbiltà kollha, dan se joħloq pressjoni sinifikanti fuq il-prezzijiet fis-suq tal-Unjoni, li se tkun aċċentwata minn qabża imminenti probabbli tal-importazzjonijiet tal-SPT mir-RPĊ. L-investigazzjoni wriet li l-produtturi tal-Unjoni ma jistgħux inaqqsu l-prezzijiet tagħhom biex jikkompetu ma' importazzjonijiet Ċiniżi bi prezzijiet li huma l-oġġett ta' dumping. Il-prezzijiet huma ġeneralment miftiehma mal-klijenti abbażi tat-tip ta' prodott u kwantità ordnata. Kif spjegat fil-premessi (92) u (93), il-produtturi tal-Unjoni prinċipalment jipproduċu abbażi ta' ordnijiet għal żmien qasir. Dan ifisser li huwa relattivament faċli għall-klijenti li jaqilbu għal importazzjonijiet Ċiniżi ta' SPT irħas. Għalhekk, l-effett negattiv probabbli x'aktarx ikun doppju: (a) fuq naħa, id-differenza sinifikanti fil-prezz x'aktarx li tikkawża bidla lejn l-importazzjonijiet li huma l-oġġett ta' dumping bi prezz baxx mir-RPĊ. Ma hemm l-ebda indikazzjoni li l-konsum tal-Unjoni se jiżdied fil-perjodu qasir sa medju. Għalhekk, l-importazzjonijiet li jiżdiedu li huma l-oġġett ta' dumping mir-RPĊ x'aktarx li jiksbu sehem sinifikanti fis-suq tal-Unjoni għad-detriment tal-industrija tal-Unjoni. Dan jirriżulta wkoll f'utilizzazzjoni tal-kapaċità saħansitra aktar baxxa mill-industrija tal-Unjoni li huwa wieħed mill-elementi kruċjali li jikkontribwixxi għar-riżultati negattivi tal-industrija tal-Unjoni kurrenti; (b) min-naħa l-oħra, l-importazzjonijiet Ċiniżi li huma l-oġġett ta' dumping bi prezz baxx jagħmlu pressjoni sinifikanti fuq il-prezz tas-suq tal-Unjoni u se jisforzaw l-industrija tal-Unjoni li tbaxxi aktar il-prezzijiet għal livelli li huma ekonomikament insostenibbli, li ultimament iwassal għal telf.

(108)

Għalhekk, hemm probabbiltà qawwija li, minħabba l-kapaċità żejda sinifikanti Ċiniża, u miżuri ta' salvagwardja eżistenti antidumping fuq l-importazzjonijiet Ċiniżi tal-prodott li qed jiġi rieżaminat f'xi swieq tal-esportazzjoni importanti tiegħu tal-SPT, u l-attrazzjoni tas-suq tal-Unjoni, kif deskritt fil-premessi minn (47) sa (52), kwantitajiet sinifikanti ta' importazzjonijiet Ċiniżi li huma l-oġġett ta' dumping bi prezz baxx iseħħu b'mod imminenti fl-Unjoni jekk il-miżuri jitħallew jiskadu.

(109)

Kif spjegat fil-premessi (92) u (93) il-livell tal-inventarji ma għandux xi tifsira partikolari għall-analiżi billi l-produtturi tal-Unjoni jipproduċu l-aktar fuq perjodu ta' żmien qasir fuq il-bażi ta' ordnijiet mingħand il-klijenti u l-inventarji jirrappreżentaw perċentwal insinifikanti ta' produzzjoni tal-produtturi tal-Unjoni.

(110)

Fid-dawl tas-sejbiet tal-investigazzjoni, jiġifieri l-kapaċità żejda sinifikanti fir-RPĊ u l-attraenza tas-suq tal-Unjoni, is-sitwazzjoni fi swieq ewlenin oħra, iż-żieda x'aktarx imminenti ta' kwantitajiet sinifikanti ta' importazzjonijiet Ċiniżi li huma l-oġġett ta' dumping u l-livelli tal-prezzijiet mistennija ta' dawn l-importazzjonijiet li kienu soġġetti għal dumping, filwaqt li jitqiesu wkoll id-deterjorament ġenerali tal-industrija tal-Unjoni mill-impożizzjoni tal-miżuri oriġinali u t-tnaqqis tal-SPT tas-suq tal-Unjoni, huwa kkunsidrat li r-revoka tal-miżuri fil-probabilità kollha twassal għal rikorrenza ta' theddida ta' ħsara.

(111)

Għalhekk qed jiġi konkluż li r-revoka tal-miżuri eżistenti probabbilment twassal għal kontinwazzjoni ta' dumping u għal rikorrenza ta' theddida ta' ħsara.

(112)

Skont l-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri antidumping eżistenti kontra ċ-Ċina tmurx kontra l-interessi tal-Unjoni b'mod ġenerali. Id-determinazzjoni tal-interess tal-Unjoni kienet ibbażata fuq apprezzament tal-bosta interessi involuti, inklużi dawk tal-industrija tal-Unjoni, tal-importaturi u tal-utenti.

(113)

Il-partijiet interessati kollha ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.

(114)

Fuq din il-bażi l-Kummissjoni eżaminat jekk, minkejja l-konklużjonijiet dwar il-probabbiltà ta' kontinwazzjoni ta' dumping u rikorrenza tat-theddida ta' dannu, eżistewx raġunijiet konvinċenti li wasslu għall-konklużjoni li ma kienx fl-interess tal-Unjoni li jinżammu l-miżuri eżistenti.

(115)

L-investigazzjoni stabbilixxiet li l-industrija tal-Unjoni kienet f'pożizzjoni vulnerabbli matul il-perjodu tal-investigazzjoni ta' rieżami. Kif imsemmi fil-premessa (60) it-tnaqqis fid-domanda tal-Unjoni flimkien ma' marġni ta' profitt instabbli u livelli baxxi ta' użu tal-kapaċità tal-industrija tal-Unjoni juru li l-industrija tal-Unjoni mhux se tkun kapaċi tlaħħaq ma' importazzjonijiet Ċiniżi bi prezz b'mod inġust. L-investigazzjoni stabbilixxiet ukoll li kien hemm probabbiltà ta' rikorrenza ta' theddida ta' dannu jekk il-miżuri kontra l-importazzjonijiet Ċiniżi jitħallew jiskadu. B'mod partikolari, huwa mistenni li l-industrija tal-Unjoni sofriet ħsara materjali u possibbilment tista' tgħib jekk l-importazzjonijiet Ċiniżi tal-SPT jissoktaw fis-suq tal-Unjoni bi prezzijiet dumped minħabba li xi bejgħ mitluf iżid l-ispejjeż fissi.

(116)

Jekk il-miżuri jinżammu, huwa mistenni li l-industrija tal-Unjoni se tkun kapaċi tibbenefika b'mod sħiħ mill-effetti tal-miżuri imposti, jiġifieri se tkun kapaċi żżomm is-sehem mis-suq tagħha fis-suq tal-Unjoni u ttejjeb il-livell ta' utilizzar tal-kapaċità. Eventwalment għandha tkun kapaċi żżomm il-livelli ta' profitt fuq in-naħa pożittiva.

(117)

Għaldaqstant, ġie konkluż li l-miżuri fis-seħħ kontra ċ-Ċina jkunu fl-interess tal-industrija tal-Unjoni.

(118)

Mill-erba' importaturi li ppreżentaw ruħhom wara l-pubblikazzjoni tan-Notifika ta' Bidu, importatur mhux relatat wieħed biss bagħat tweġiba għall-kwestjonarju.

(119)

L-analiżi tad-dejta vverifikata wriet li l-SPT jikkostitwixxi biss madwar 5 sa 10 % tal-bejgħ totali tagħhom. L-importatur li kkoopera kien profittabbli fil-perjodu taħt rieżami. Il-profittabilità tal-importatur li kkoopera tan-negozju relatati ma' tal-SPT kienet bejn 1 % u 7 % fil-perjodu tal-investigazzjoni ta' rieżami. Fuq din il-bażi, jekk il-miżuri jinżammu, huwa probabbli li ma jaffettwawx b'mod sinifikanti l-attività ta' dan l-importaturi li kkooperaw. Barra minn hekk, minħabba n-nuqqas ta' kooperazzjoni ta' importaturi oħra, ma hemm l-ebda fattur li jissuġġerixxi li l-bqija tal-importaturi jkunu affettwati b'mod sproporzjonat fil-każ li l-miżuri jiġu estiżi.

(120)

Tliet utenti kkooperaw fl-investigazzjoni. Tnejn minn tliet utenti li kkooperaw xtraw l-SPT mill-produtturi tal-Unjoni u t-tielet wieħed xtara mingħand negozjant tal-SPT Ċiniż. Ebda wieħed mit-tliet utenti ma ressaq xi argument kontra ż-żamma tal-miżuri fis-seħħ. Fuq il-bażi tal-informazzjoni ppreżentata u f'konformità mal-konklużjonijiet fl-investigazzjoni oriġinali, huwa mistenni li t-tkomplija tal-miżuri mhux se jkollhom impatt negattiv sinifikanti fuq l-utenti. Għall-kuntrarju, huwa mistenni li l-kontinwazzjoni tal-miżuri se tassigura l-kompetizzjoni fis-suq tal-UE li tagħti l-possibbiltà li jkun hemm għażla fost fornituri differenti, inklużi fornituri minn pajjiżi terzi Ewropej u oħrajn.

(121)

Fid-dawl ta' dan ta' hawn fuq, il-Kummissjoni konkludiet li ma hemmx raġunijiet konvinċenti għall-interess tal-Unjoni kontra ż-żamma tal-miżuri antidumping attwali kontra r-RPĊ.

(122)

Minn dan isegwi mill-kunsiderazzjonijiet ta' hawn fuq, skont l-Artikolu 11(2) tar-Regolament bażiku, il-miżuri antidumping applikabbli għall-importazzjonijiet ta' ċerti pajpijiet u tubi mingħajr saldaturi li joriġinaw fir-RPĊ, imposti bir-Regolament (KE) Nru 926/2009, għandhom jinżammu.

(123)

Dan ir-Regolament huwa skont l-opinjoni tal-Kumitat stabbilit mill-Artikolu 15(1) tar-Regolament (KE) Nru 1225/2009,

8.12.2015   

MT

Il-Ġurnal Uffiċjali tal-Unjoni Ewropea

L 322/42

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

8.12.2015   

MT

Il-Ġurnal Uffiċjali tal-Unjoni Ewropea

L 322/44

(1)

Fit-18 ta' Marzu 2013 il-Kunsill adotta d-Deċiżjoni 2013/133/PESK (1) li taħtar lis-Sur Michel Dominique REVEYRAND-DE MENTHON bħala r-Rappreżentant Speċjali tal-Unjoni Ewropea (RSUE) għas-Saħel. Il-mandat tar-RSUE skada fil-31 ta' Ottubru 2015.

(2)

Għandu jinħatar RSUE ġdid għas-Saħel għall-perijodu mill-1 ta' Novembru 2015 sat-28 ta' Frar 2017.

(3)

Ir-RSUE ser jimplimenta l-mandat tar-RSUE fil-kuntest ta' sitwazzjoni li tista' tiddeterjora u li tista' tikkomprometti l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

(a)

jikkontribwixxi b'mod attiv għall-implimentazzjoni tal-Istrateġija u l-PAR tagħha u għall-koordinazzjoni u l-iżvilupp ulterjuri tal-approċċ komprensiv tal-Unjoni fir-rigward tal-kriżi reġjonali, bl-għan li jsaħħaħ il-koerenza u l-effikaċja ġenerali tal-attivitajiet tal-Unjoni fis-Saħel, partikolarment fil-Mali;

(b)

ifittex kuntatti mal-partijiet konċernati rilevanti kollha li għandhom interessi fir-reġjun, il-gvernijiet, l-organizzazzjonijiet reġjonali, b'mod partikolari l-G5 tas-Saħel, l-organizzazzjonijiet internazzjonali, is-soċjetà ċivili u d-dijaspori, inkluż mal-pajjiżi tal-Magreb u l-Baċir tal-Lag taċ-Ċad, bl-għan li jippromwovi l-objettivi tal-Unjoni u jikkontribwixxi għal apprezzament aħjar tar-rwol tal-Unjoni fis-Saħel;

(c)

jirrappreżenta u jippromwovi l-interess tal-Unjoni f'fora reġjonali u internazzjonali rilevanti, inkluż il-parteċipazzjoni fil-Comité de Suivi tal-Ftehim ta' Paċi tal-Mali, u jiżgura l-viżibbiltà għall-appoġġ mill-Unjoni għall-immaniġġar tal-kriżi u l-prevenzjoni tal-konflitti, inklużi EUTM Mali, EUCAP Sahel Mali u EUCAP Sahel Niger;

(d)

iżomm kooperazzjoni mill-qrib man-Nazzjonijiet Uniti (NU), b'mod partikolari r-Rappreżentant Speċjali tas-Segretarju Ġenerali għall-Afrika tal-Punent, ir-Rappreżentant Speċjali tas-Segretarju Ġenerali għall-Mali, u l-Mibgħut Speċjali tas-Segretarju Ġenerali għas-Saħel, l-Unjoni Afrikana (UA), b'mod partikolari r-Rappreżentant Għoli tal-UA għall-Mali u għas-Saħel, il-Komunità Ekonomika tal-Istati tal-Afrika tal-Punent (ECOWAS), il-G5 Saħel, il-Kummissjoni tal-Baċir tal-Lag taċ-Ċad u partijiet ikkonċernati nazzjonali, reġjonali u internazzjonali ewlenin oħra inklużi Mibgħutin Speċjali oħrajn għas-Saħel, kif ukoll il-korpi rilevanti fiż-żona tal-Magreb;

(e)

isegwi mill-qrib id-dimensjoni reġjonali u transkonfinali tal-isfidi fis-Saħel, inklużi t-terroriżmu, il-kriminalità organizzata, il-kuntrabandu tal-armi, it-traffikar ta' bnedmin u d-dħul klandestin ta' persuni, it-traffikar tad-drogi, il-flussi ta' refuġjati u migrazzjoni u flussi finanzjarji relatati; f'kooperazzjoni mill-qrib mal-Koordinatur tal-UE għall-Ġlieda Kontra t-Terroriżmu, jikkontribwixxi għall-implimentazzjoni ulterjuri tal-Istrateġija tal-UE Kontra t-Terroriżmu;

(f)

isegwi mill-qrib il-konsegwenzi umanitarji, politiċi, ta' sigurtà u ta' żvilupp ta' flussi fuq skala kbira ta' refuġjati u migrazzjoni u flussi finanzjarji illeċiti relatati fir-reġjun; fuq talba, jidħol fi djalogu dwar il-migrazzjoni mal-partijiet interessati rilevanti u jikkontribwixxi b'mod ġenerali għall-politika tal-Unjoni fuq il-migrazzjoni u r-refuġjati fir-rigward tar-reġjun, f'konformità mal-prijoritajiet politiċi tal-Unjoni, sabiex iżid il-kooperazzjoni inkluż dwar ir-ritorn u r-riammissjoni; jaħdem mal-pajjiżi tas-Saħel biex iwettqu l-azzjoni miftiehma waqt is-Summit ta' Valletta f'Novembru 2015;

(g)

iżomm kuntatti politiċi ta' livell għoli fuq bażi regolari mal-pajjiżi fir-reġjun li huma milquta mit-terroriżmu u mill-kriminalità internazzjonali biex ikun żgurat approċċ koerenti u komprensiv u biex ikun żgurat ir-rwol ewlieni tal-Unjoni fl-isforzi internazzjonali kontra t-terroriżmu u l-kriminalità internazzjonali. Dan jinkludi l-appoġġ attiv mill-Unjoni għall-iżvilupp tal-kapaċitajiet reġjonali fil-qasam tas-sigurtà, u biex ikun żgurat rispons adegwat lill-kawżi li huma l-għeruq tat-terroriżmu u tal-kriminalità internazzjonali fis-Saħel;

(h)

isegwi mill-qrib il-konsegwenzi ta' politika, sigurtà u żvilupp tal-kriżijiet umanitarji fir-reġjun;

(i)

fir-rigward tal-Mali, jikkontribwixxi għall-istabbilizzazzjoni tal-pajjiż, b'mod partikolari ritorn sħiħ għan-normalità kostituzzjonali fit-territorju kollu u djalogu nazzjonali inklużiv u kredibbli fil-qafas ġenerali tal-Ftehim ta' paċi tal-Mali. Dan jinkludi wkoll il-promozzjoni tal-iżvilupp ta' istituzzjonijiet, ir-riforma fil-qasam tas-sigurtà u l-iżvilupp tal-paċi u r-rikonċiljazzjoni dejjiema u l-ġlied kontra l-korruzzjoni u l-impunità fil-Mali;

(j)

jikkontribwixxi għall-implimentazzjoni tal-politika tal-Unjoni dwar id-drittijiet tal-bniedem fir-reġjun f'kooperazzjoni mar-RSUE għad-Drittijiet tal-Bniedem, inklużi l-Linji Gwida tal-UE dwar id-drittijiet tal-bniedem, b'mod partikolari l-Linji Gwida tal-UE dwar it-Tfal u l-Konflitt Armat, kif ukoll dwar il-vjolenza kontra n-nisa u l-bniet u l-ġlieda kontra l-forom kollha ta' diskriminazzjoni kontrihom, u l-politika tal-Unjoni dwar in-Nisa, il-Paċi u s-Sigurtà, u jippromwovi l-inklussività u l-ġeneru fil-proċess tal-bini tal-istat, f'konformità mar-Riżoluzzjoni 1325 (2000) tal-Kunsill tas-Sigurtà tan-NU u riżoluzzjonijet sussegwenti dwar in-Nisa, il-Paċi u s-Sigurtà, inkluża r-Riżoluzzjoni 2242 (2015). Il-kontribuzzjoni ser tinkludi l-monitoraġġ u r-rapportar dwar l-iżviluppi, kif ukoll il-formulazzjoni ta' rakkomandazzjonijiet f'dan ir-rigward u jżomm kuntatt regolari mal-awtoritajiet rilevanti f'Mali u fir-reġjun, l-Uffiċċju tal-Prosekutur tal-Qorti Kriminali Internazzjonali, l-Uffiċċju tal-Kummissarju Għoli għad-Drittijiet tal-Bniedem u d-difensuri u l-osservaturi tad-drittijiet tal-bniedem fir-reġjun.

(k)

isegwi u jirrapporta dwar il-konformità mar-riżoluzzjonijiet rilevanti tal-Kunsill tas-Sigurtà (UNSCRs), b'mod partikolari mal-UNSCRs 2056 (2012), 2071 (2012), 2085 (2012), 2100 (2013) u 2227 (2015).

(a)

jagħti pariri u jirrapporta dwar il-formulazzjoni tal-pożizzjonijiet tal-UE f'fora reġjonali u internazzjonali, kif meħtieġ, sabiex jippromovi u jsaħħaħ proattivament l-approċċ komprensiv tal-Unjoni lejn il-kriżi fis-Saħel;

(b)

iżomm ħarsa ġenerali fuq l-attivitajiet tal-Unjoni u jikkoopera mill-qrib mad-delegazzjonijiet rilevanti tal-Unjoni.

(a)

jistabbilixxi pjan ta' sigurtà speċifiku għall-missjoni bbażat fuq gwida mis-SEAE, li jinkludi miżuri ta' sigurtà fiżiċi, organizzattivi u proċedurali speċifiċi għall-missjoni, li jirregola l-ġestjoni tal-moviment mingħajr periklu tal-persunal lejn, u ġewwa, iż-żona tar-responsabbiltà, kif ukoll il-ġestjoni ta' inċidenti ta' sigurtà u li jinkludi pjan ta' kontinġenza u ta' evakwazzjoni;

(b)

jiżgura li l-persunal kollu skjerat barra mill-Unjoni jkun kopert b'assigurazzjoni ta' riskju għoli kif ikunu jeħtieġu l-kondizzjonijiet fiż-żona tar-responsabbiltà;

(c)

jiżgura li l-membri kollha tal-grupp tar-RSUE li jkunu ser jiġu skjerati barra l-Unjoni, inkluż persunal ikkuntrattat lokalment, ikunu rċevew taħriġ adatt fir-rigward tas-sigurtà qabel jaslu fiż-żona tar-responsabbiltàjew kif jaslu, abbażi tal-klassifikazzjonijiet tar-riskju assenjati li dik iż-żona mis-SEAE;

(d)

jiżgura li r-rakkomandazzjonijiet kollha miftiehma, magħmula wara valutazzjonijiet regolari ta' sigurtà jiġu implimentati u jipprovdi rapporti bil-miktub lill-Kunsill, lir-RGħ u lill-Kummissjoni dwar l-implimentazzjoni tagħhom u dwar kwistjonijiet oħra ta' sigurtà fil-qafas tar-rapport ta' progress u r-rapport tal-implimentazzjoni tal-mandat.

8.12.2015   

MT

Il-Ġurnal Uffiċjali tal-Unjoni Ewropea

L 322/50

(1)

Fis-16 ta' Lulju 2012 il-Kunsill adotta d-Deċiżjoni 2012/389/PESK (1) dwar il-Missjoni tal-Unjoni Ewropea dwar il-Bini tal-Kapaċità Marittima Reġjonali fil-Qarn tal-Afrika (EUCAP NESTOR).

(2)

Fit-22 ta' Lulju 2014 il-Kunsill adotta d-Deċiżjoni 2014/485/PESK (2) li estendiet l-EUCAP NESTOR sat-12 ta' Diċembru 2016.

(3)

Fis-6 ta' Ottubru 2015 il-Kunsill adotta d-Deċiżjoni (PESK) 2015/1793 (3) li estendiet il-perijodu kopert mill-ammont ta' referenza finanzjarja sal-15 ta' Diċembru 2015.

(4)

Jinħtieġ li d-Deċiżjoni 2012/389/PESK tiġi emendata biex tipprovdi għal ammont ta' referenza finanzjarja għall-perijodu mis-16 ta' Diċembru 2015 sat-12 ta' Diċembru 2016,

8.12.2015   

MT

Il-Ġurnal Uffiċjali tal-Unjoni Ewropea

L 322/51

(1)

Fit-22 ta' Mejju 2013, il-Kunsill adotta d-Deċiżjoni 2013/233/PESK (1) li tistabbilixxi l-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya).

(2)

Fil-21 ta' Mejju 2015, il-Kunsill adotta d-Deċiżjoni (PESK) 2015/800 (2) li temenda u testendi d-Deċiżjoni 2013/233/PESK, b'mod partikolari bl-estensjoni sal-21 ta' Novembru 2015 tal-EUBAM Libya u billi tipprevedi ammont ta' referenza finanzjarja għall-istess perijodu.

(3)

L-EUBAM Libya għandha tiġi estiża għal perijodu ulterjuri ta' tliet xhur, sal-21 ta' Frar 2016.

(4)

Id-Deċiżjoni 2013/233/PESK għandha tiġi emendata skont dan.

(5)

L-EUBAM Libya ser titmexxa fil-kuntest ta' sitwazzjoni li tista' tiddeterjora u li tista' tostakola l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

(1)

Fl-Artikolu 13, il-paragrafu 1 huwa sostitwit b'dan li ġej:

“1.   L-ammont ta' referenza finanzjarja maħsub biex ikopri n-nefqa relatata mal-EUBAM Libya għall-perijodu mit-22 ta' Mejju 2013 sal-21 ta' Mejju 2014 għandu jkun ta' EUR 30 300 000.

L-ammont ta' referenza finanzjarja maħsub biex ikopri n-nefqa relatata mal-EUBAM Libya għall-perijodu mit-22 ta' Mejju 2014 sal-21 ta' Frar 2016 għandu jkun ta' EUR 26 200 000.”

(2)

Fl-Artikolu 16, it-tieni paragrafu huwa sostitwit b'dan li ġej:

“Hija għandha tapplika sal-21 ta' Frar 2016.”.

8.12.2015   

MT

Il-Ġurnal Uffiċjali tal-Unjoni Ewropea

L 322/53

(1)

Skont l-Artikolu 109(8) tar-Regolament (KE) Nru 1224/2009, l-Istati Membri għandhom jistabbilixxu pjan nazzjonali għall-implimentazzjoni tas-sistema ta' validazzjoni, li jippermetti li l-Istati Membri jagħmlu prijoritajiet għall-validazzjoni u għall-kontroverifiki u mbagħad għas-segwitu tal-inkonsistenzi abbażi tal-ġestjoni tar-riskju.

(2)

Ir-Repubblika Ellenika (il-Greċja) u r-Repubblika tal-Kroazja bagħtu l-pjanijiet nazzjonali tagħhom lill-Kummissjoni għall-approvazzjoni. Dawn huma konformi mal-Artikolu 109 tar-Regolament (KE) Nru 1224/2009 u mal-Artikoli 143 sa 145 tar-Regolament ta' Implimentazzjoni tal-Kummissjoni (UE) Nru 404/2011 (2). Għaldaqstant, dawn il-miżuri għandhom jiġu approvati.

(3)

Din id-Deċiżjoni tikkostitwixxi deċiżjoni ta' approvazzjoni fit-tifsira tal-Artikolu 109(8) tar-Regolament (KE) Nru 1224/2009.

(4)

Il-Kummissjoni se timmonitorja l-applikazzjoni tal-pjanijiet nazzjonali fir-rigward tat-tħaddim effettiv tagħhom. Jekk, abbażi tas-sejbiet tal-verifiki, tal-ispezzjonijiet u tal-awditjar imwettqa mill-Kummissjoni fil-qafas tat-Titolu X tar-Regolament (KE) Nru 1224/2009, jitqies li jenħtieġu emendi għall-pjanijiet ta' validazzjoni nazzjonali, l-Istati Membri għandhom jemendaw il-pjan skont dan.

8.12.2015   

MT

Il-Ġurnal Uffiċjali tal-Unjoni Ewropea

L 322/55

(1)

Id-Direttiva 64/432/KEE tistipula r-regoli għall-kummerċ fl-Unjoni tal-annimali bovini, inkluż ir-rekwiżit li, waqt it-trasport, l-annimali bovini koperti minn dak l-att għandhom ikunu akkumpanjati minn ċertifikat tas-saħħa li jikkonforma mal-mudell 1 stipulat fl-Anness F tiegħu (“il-mudell 1”). L-Artikolu 9 ta' dik id-Direttiva jistipula li Stat Membru li għandu programm nazzjonali obbligatorju ta' kontroll għar-rinotrakeite bovina infettiva, jista' jissottometti l-programm tiegħu lill-Kummissjoni għall-approvazzjoni. L-Artikolu 9 tad-Direttiva 64/432/KEE jistipula wkoll id-definizzjoni tal-garanziji addizzjonali li jistgħu jintalbu għall-kummerċ intra-Unjoni.

(2)

Barra minn hekk, l-Artikolu 10 tad-Direttiva 64/432/KEE jipprovdi li meta Stat Membru jkun tal-fehma li t-territorju tiegħu, jew parti minnu, ikun ħieles mir-rinotrakeite bovina infettiva, għandu jippreżenta d-dokumentazzjoni ta' sostenn rilevanti lill-Kummissjoni. Dak l-Artikolu jistipula wkoll id-definizzjoni tal-garanziji addizzjonali li jistgħu jintalbu għall-kummerċ intra-Unjoni.

(3)

Id-Deċiżjoni tal-Kummissjoni 2004/558/KE (2) tapprova l-programmi għall-kontroll u l-qerda tal-infezzjoni tal-virus tal-herpes bovina tat-tip 1 (BHV1) ippreżentati mill-Istati Membri elenkati fl-Anness I tagħha għar-reġjuni elenkati f'dak l-Anness u li għalihom japplikaw il-garanziji addizzjonali skont l-Artikolu 9 tad-Direttiva 64/432/KEE. Barra minn hekk, l-Anness II tad-Deċiżjoni 2004/558/KE jelenka r-reġjuni tal-Istati Membri li jitqiesu li huma ħielsa mill-BHV1 u li għalihom japplikaw il-garanziji addizzjonali skont l-Artikolu 10 tad-Direttiva 64/432/KEE. L-Artikoli 2 u 3 tad-Deċiżjoni 2004/558/KE jispeċifikaw ukoll l-informazzjoni li għandha tiddaħħal fil-mudell 1, fir-rigward tar-referenzi għal dik id-Deċiżjoni.

(4)

Id-Deċiżjoni ta' Implimentazzjoni tal-Kummissjoni 2014/798/UE (3) emendat id-Direttiva 64/432/KEE, inkluż il-mudell 1. B'konsegwenza ta' dan, jeħtieġ li jiġu emendati r-referenzi għall-mudell 1 fl-Artikoli 2 u 3 tad-Deċiżjoni 2004/558/KE.

(5)

Bħalissa, l-Istati Federali ta' Bremen, Ħamburg, Hessen, is-Sassonja t'Isfel, Nordrhein-Westfalen, Rheinland-Palatinat, Saarland u Schleswig-Holstein tal-Ġermanja huma elenkati fl-Anness I tad-Deċiżjoni 2004/558/KE.

(6)

Il-Ġermanja tat id-dokumentazzjoni ta' sostenn lill-Kummissjoni biex l-Istati Federali ta' Bremen, Hesse u s-Sassonja t'Isfel jiġu kkunsidrati bħala ħielsa mill-BHV1, u biex il-garanziji addizzjonali skont l-Artikolu 10 tad-Direttiva 64/432/KEE japplikaw għal dawn l-istati.

(7)

Wara l-evalwazzjoni tad-dokumentazzjoni ta' sostenn imressqa mill-Ġermanja, l-Istati Federali ta' Bremen, Hesse u s-Sassonja t'Isfel ma għandhomx jibqgħu elenkati fl-Anness I tad-Deċiżjoni 2004/558/KE, iżda minflok għandhom jiġu elenkati fl-Anness II tal-istess Deċiżjoni u l-applikazzjoni tal-garanziji addizzjonali skont l-Artikolu 10 tad-Direttiva 64/432/KEE għandha tiġi estiża biex tinkludihom. L-Annessi I u II tad-Deċiżjoni 2004/558/KE għandhom għalhekk jiġu emendati skont dan.

(8)

Għalhekk, id-Deċiżjoni 2004/558/KE għandha tiġi emendata skont dan.

(9)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fl-Artikolu 2, il-paragrafu 4 jinbidel b'dan li ġej:

“4.   Fil-punt II.3.3. tas-Sezzjoni C taċ-ċertifikat tas-saħħa stabbilit fil-mudell 1 tal-Anness F tad-Direttiva 64/432/KEE li jakkumpanja lill-annimali bovini kif imsemmi fil-paragrafu 1 ta' dan l-Artikolu, għandhom jiġu indikati l-Artikolu, il-paragrafu u n-numri tal-punti x-xierqa ta' din id-Deċiżjoni fl-ispazji korrispondenti li jkollhom jimtlew f'dak il-waqt.”

(2)

Fl-Artikolu 3, il-paragrafu 3 jinbidel b'dan li ġej:

“3.   Fil-punt II. 3.3. tas-Sezzjoni C taċ-ċertifikat tas-saħħa stabbilit fil-mudell 1 tal-Anness F tad-Direttiva 64/432/KEE li jakkumpanja lill-annimali bovini kif imsemmi fil-paragrafu 1 ta' dan l-Artikolu, għandhom jiġu indikati l-Artikolu, il-paragrafu u n-numri tal-punti x-xierqa ta' din id-Deċiżjoni fl-ispazji korrispondenti li jkollhom jimtlew f'dak il-waqt.”

(3)

L-Annessi I u II jinbidlu bit-test fl-Anness ta' din id-Deċiżjoni.

8.12.2015   

MT

Il-Ġurnal Uffiċjali tal-Unjoni Ewropea

L 322/58

(1)

Fis-17 ta' Mejju 2010, Monsanto Europe S.A. ressqet applikazzjoni lill-awtorità kompetenti tan-Netherlands, skont l-Artikoli 5 u 17 tar-Regolament (KE) Nru 1829/2003, għat-tqegħid fis-suq ta' ikel, ingredjenti tal-ikel u għalf li fihom il-qamħirrum NK603 × T25, jew li jikkonsistu jew li huma prodotti minnu (“l-applikazzjoni”).

(2)

L-applikazzjoni tkopri wkoll it-tqegħid fis-suq tal-qamħirrum ġenetikament modifikat NK603 × T25 fi prodotti li jikkonsistu minnu jew li fihom minnu għal użi oħra għajr għall-ikel u għall-għalf bħal kull tip ta' qamħirrum ieħor, bl-eċċezzjoni tal-kultivazzjoni.

(3)

Skont l-Artikoli 5(5) u 17(5) tar-Regolament (KE) Nru 1829/2003, l-applikazzjoni tinkludi d-dejta u l-informazzjoni mitluba mill-Annessi III u IV tad-Direttiva 2001/18/KE tal-Parlament Ewropew u tal-Kunsill (2) u l-informazzjoni u l-konklużjonijiet dwar il-valutazzjoni tar-riskju mwettqa skont il-prinċipji stabbiliti fl-Anness II ta' dik id-Direttiva. Din tinkludi wkoll pjan ta' monitoraġġ għall-effetti ambjentali konformi mal-Anness VII tad-Direttiva 2001/18/KE.

(4)

Fil-15 ta' Lulju 2015, l-Awtorità Ewropea dwar is-Sigurtà fl-Ikel (“l-EFSA”) tat opinjoni favorevoli skont l-Artikoli 6 u 18 tar-Regolament (KE) Nru 1829/2003. Hija kkonkludiet li qamħirrum ġenetikament modifikat NK 603 × T 25, kif deskritt fl-applikazzjoni, huwa sikur daqs il-komparatur mhux ġenetikament modifikat tiegħu u varjetajiet oħra ta' qamħirrum li mhumiex ġenetikament modifikati fir-rigward tal-effetti potenzjali fuq is-saħħa tal-bniedem u tal-annimali u fuq l-ambjent, fil-kuntest tal-kamp ta' applikazzjoni tiegħu (3).

(5)

Fl-opinjoni tagħha, l-EFSA qieset il-mistoqsijiet speċifiċi kollha u t-tħassib li tqajjem mill-Istati Membri fil-kuntest tal-konsultazzjoni tal-awtoritajiet kompetenti nazzjonali kif stipulat fl-Artikoli 6(4) u 18(4) tar-Regolament (KE) Nru 1829/2003.

(6)

Fl-opinjoni tagħha, l-EFSA kkonkludiet ukoll li l-pjan ta' monitoraġġ għall-effetti ambjentali, li jikkonsisti fi pjan ta' sorveljanza ġenerali mressaq mill-applikant, jikkonforma mal-użi maħsuba tal-prodotti.

(7)

Fid-dawl ta' dawn il-konsiderazzjonijiet għandha tingħata awtorizzazzjoni għall-prodotti li fihom il-qamħirrum ġenetikament modifikat NK603 × T25, jew li jikkonsistu jew li jkunu prodotti minnu.

(8)

Għandu jiġi assenjat identifikatur uniku għal kull organiżmu ġenetikament modifikat (minn issa 'l quddiem “OĠM”) kif stipulat fir-Regolament tal-Kummissjoni (KE) Nru 65/2004 (4).

(9)

Fuq il-bażi tal-opinjoni tal-EFSA, jidher li l-ebda rekwiżit speċifiku tat-tikkettar, għajr dawk stipulati fl-Artikoli 13(1) u 25(2) tar-Regolament (KE) Nru 1829/2003, mhu meħtieġ għall-ikel, l-ingredjenti tal-ikel u tal-għalf li fihom il-qamħirrum ġenetikament modifikat NK603 × T25, jew li jikkonsistu jew li jkunu prodotti minnu. Madankollu, sabiex jiġi żgurat li dawk il-prodotti jintużaw fil-limiti tal-awtorizzazzjoni mogħtija b'din id-Deċiżjoni, mal-ittikkettar tal-prodotti li jkun fihom il-qoton NK603 × T25 jew li jikkonsistu jew ikunu prodotti minnu, għajr il-prodotti tal-ikel, għandha tiżdied indikazzjoni ċara li l-prodotti inkwistjoni mhumiex maħsuba għall-kultivazzjoni.

(10)

Ir-Regolament (KE) Nru 1830/2003 tal-Parlament Ewropew u tal-Kunsill (5) jistabbilixxi r-rekwiżiti tat-tikkettar fl-Artikolu 4(6) għall-prodotti li fihom jew jikkonsistu minn OĠM. Ir-rekwiżiti tat-traċċabbiltà għal dawk il-prodotti huma stabbiliti fil-paragrafi 1 sa 5 tal-Artikolu 4 u r-rekwiżiti tat-traċċabbiltà għall-ikel u għall-għalf prodotti minn OĠM huma stabbiliti fl-Artikolu 5 ta' dak ir-Regolament.

(11)

Id-detentur tal-awtorizzazzjoni għandu jippreżenta rapporti annwali dwar l-implimentazzjoni u r-riżultati tal-attivitajiet stipulati fil-pjan ta' monitoraġġ għall-effetti ambjentali. Dawk ir-riżultati għandhom jiġu ppreżentati b'konformità mad-Deċiżjoni tal-Kummissjoni 2009/770/KE (6). Bl-istess mod, l-opinjoni tal-EFSA ma tiġġustifikax l-impożizzjoni ta' kundizzjonijiet jew restrizzjonijiet speċifiċi għat-tqegħid fis-suq u/jew l-użu u l-itrattar tal-għalf u l-ikel, inkluż rekwiżiti ta' monitoraġġ wara t-tqegħid fis-suq, jew ta' kundizzjonijiet speċifiċi għall-ħarsien ta' ekosistemi/ambjenti u/jew żoni ġeografiċi partikolari, kif stipulat fl-Artikoli 6(5)(e) u 18(5) tar-Regolament (KE) Nru 1829/2003.

(12)

L-informazzjoni rilevanti kollha dwar l-awtorizzazzjoni tal-prodotti għandha tiddaħħal fir-reġistru Komunitarju tal-ikel u tal-għalf ġenetikament modifikat previst fir-Regolament (KE) Nru 1829/2003.

(13)

Din id-Deċiżjoni għandha tiġi nnotifikata permezz tal-Clearing-House tal-Bijosikurezza lill-Partijiet tal-Protokoll ta' Kartaġena dwar il-Bijosikurezza għall-Konvenzjoni dwar id-Diversità Bijoloġika, skont l-Artikoli 9(1) u 15(2)(c) tar-Regolament (KE) Nru 1946/2003 tal-Parlament Ewropew u tal-Kunsill (7).

(14)

Il-Kumitat Permanenti dwar il-Katina Alimentari u s-Saħħa tal-Annimali ma tax opinjoni fil-limitu taż-żmien stabbilit mill-President tiegħu. Tqies li kien meħtieġ att ta' implimentazzjoni u l-President ressaq l-abbozz tal-att ta' implimentazzjoni lill-kumitat ta' appell għal aktar deliberazzjoni. Il-kumitat ta' appell ma tax opinjoni,

(a)

ikel u ingredjenti tal-ikel li fihom il-qamħirrum MON-ØØ6Ø3-6 × ACS-ZMØØ3-2 jewli jikkonsistu jew li huma prodotti minnu;

(b)

għalf li jkun fih, li jikkonsisti minn qamħirrum MON-ØØ6Ø3-6 × ACS-ZMØØ3-2, jew li jkun prodott minnu

(c)

il-qamħirrum MON-ØØ6Ø3-6 × ACS-ZMØØ3-2 fi prodotti li fihom jew li jikkonsistu minnu għal kull użu ieħor għajr dak previst fil-punti (a) u (b), bl-eċċezzjoni tal-kultivazzjoni.

8.12.2015   

MT

Il-Ġurnal Uffiċjali tal-Unjoni Ewropea

L 322/64

(1)

Fl-10 ta' Marzu 2015, il-fornitur DENSO Corporation (l-“Applikant”) ressaq applikazzjoni għall-approvazzjoni tat-tieni teknoloġija innovattiva tiegħu, jiġifieri l-alternatur effiċjenti DENSO tal-klassi tal-prestazzjoni minn 100 A sa 250 A. Il-kompletezza ta' dik l-applikazzjoni ġiet ivvalutata skont l-Artikolu 4 tar-Regolament ta' Implimentazzjoni tal-Kummissjoni (UE) Nru 725/2011 (2). Instab li l-applikazzjoni kienet sħiħa u l-perjodu li l-Kummissjoni ngħatat biex tivvaluta l-applikazzjoni beda fil-11 ta' Marzu 2015, jiġifieri l-għada ta' meta waslet uffiċjalment l-informazzjoni sħiħa.

(2)

L-applikazzjoni ġiet ivvalutata skont l-Artikolu 12 tar-Regolament (KE) Nru 443/2009, skont ir-Regolament ta' Implimentazzjoni tal-Kummissjoni (UE) Nru 725/2011 u skont il-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (KE) Nru 443/2009 (il-verżjoni tal-“Linji Gwida Tekniċi” ta' Frar tal-2013) (3). L-informazzjoni li bagħat l-applikant turi li donnhom intlaħqu l-kundizzjonijiet u l-kriterji msemmija fl-Artikolu 12 tar-Regolament (KE) Nru 443/2009 u fl-Artikoli 2 u 4 tar-Regolament ta' Implimentazzjoni tal-Kummissjoni (UE) Nru 725/2011.

(3)

L-Applikant wera li l-alternaturi effiċjenti ħafna tat-tip deskritt f'din l-applikazzjoni ma ntużawx f'iktar minn 3 % tal-karozzi l-ġodda tal-passiġġieri rreġistrati fis-sena ta' referenza tal-2009.

(4)

Sabiex jiġi stabbilit kemm se jiġi ffrankat CO2 meta t-teknoloġija innovattiva tiġi installata fil-vetturi, jeħtieġ li tiġi ddefinita l-vettura ta' referenza li magħha se titqabbel l-effiċjenza tal-vettura mgħammra bit-teknoloġija innovattiva kif previst fl-Artikoli 5 u 8 tar-Regolament ta' Implimentazzjoni tal-Kummissjoni (UE) Nru 725/2011. Huwa xieraq li jitqies alternatur b'effiċjenza ta' 67 % bħala teknoloġija xierqa ta' referenza f'każ li t-teknoloġija innovattiva tiġi installata f'tip ta' vettura ġdida. Meta l-alternatur effiċjenti DENSO jiġi installat f'tip ta' vettura eżistenti, it-teknoloġija ta' referenza għandha tkun l-alternatur tal-aħħar verżjoni ta' dak it-tip imqiegħda fis-suq.

(5)

L-Applikant ipprovda metodoloġija biex jiġi ttestjat it-tnaqqis tas-CO2 li tinkludi formoli li huma konsistenti mal-formoli deskritti fil-Linji Gwida Tekniċi għall-metodu ssimplifikat fir-rigward tal-alternaturi effiċjenti. Il-Kummissjoni tqis li l-metodoloġija tal-ittestjar se tipprovdi riżultati tal-ittestjar li huma verifikabbli, komparabbli u li jistgħu jiġu ripetuti u li din kapaċi turi b'mod realistiku l-benefiċċji, b'sinifikanza statistika qawwija, tat-teknoloġija innovattiva f'termini tal-emissjonijiet tas-CO2 skont l-Artikolu 6 tar-Regolament ta' Implimentazzjoni tal-Kummissjoni (UE) Nru 725/2011.

(6)

Minħabba li l-metodoloġija tal-ittestjar tal-Applikant u l-formoli tiegħu għall-kalkolu tal-iffrankar tas-CO2 huma eżatt bħall-metodoloġija speċifikata fl-Anness tad-Deċiżjoni ta' Implimentazzjoni tal-Kummissjoni 2013/341/UE (4), għal raġunijiet ta' konsistenza, huwa xieraq li tintuża l-metodoloġija speċifikata f'dik id-Deċiżjoni ta' Implimentazzjoni biex jiġi stabbilit it-tnaqqis fl-emissjonijiet tas-CO2 dovut għall-użu tal-alternatur effiċjenti DENSO.

(7)

Fid-dawl ta' dan, il-Kummissjoni ssib li l-Applikant wera b'mod sodisfaċenti li t-tnaqqis fl-emissjonijiet miksub mit-teknoloġija innovattiva huwa ta' mill-inqas gramma ta' CO2 għal kull km.

(8)

L-iffrankar tat-teknoloġija innovattiva jista' jintwera parzjalment permezz taċ-ċiklu tat-test standard, u għalhekk l-iffrankar totali finali li jrid jiġi ċċertifikat għandu jiġi stabbilit skont it-tieni subparagrafu tal-Artikolu 8(2) tar-Regolament ta' Implimentazzjoni tal-Kummissjoni (UE) Nru 725/2011.

(9)

Ir-rapport ta' verifika tħejja mill-Aġenzija għaċ-Ċertifikazzjoni tal-Vetturi (“Vehicle Certification Agency (VCA)”), li hija korp indipendenti u ċċertifikat, u dan ir-rapport jappoġġa s-sejbiet mogħtija fl-applikazzjoni.

(10)

Għalhekk, ma għandha ssir l-ebda oġġezzjoni b'rabta mal-approvazzjoni tat-teknoloġija innovattiva kkonċernata.

(11)

Bil-għan li jiġi stabbilit il-kodiċi ġenerali tal-ekoinnovazzjoni li għandu jintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (5), għandu jiġi speċifikat il-kodiċi individwali li għandu jintuża għat-teknoloġija innovattiva approvata permezz ta' din id-Deċiżjoni ta' Implimentazzjoni.

(12)

Kull manifattur li jixtieq jibbenefika minn tnaqqis tal-emissjonijiet medji speċifiċi tas-CO2 tiegħu sabiex jilħaq il-mira speċifika tal-emissjonijiet tiegħu permezz tal-iffrankar tas-CO2 li jiġi mill-użu tat-teknoloġija innovattiva approvata permezz ta' din id-Deċiżjoni għandu jirreferi għal din id-Deċiżjoni fl-applikazzjoni tiegħu għal ċertifikat tal-approvazzjoni tat-tip tal-KE għall-vetturi kkonċernati, skont l-Artikolu 11(1) tar-Regolament ta' Implimentazzjoni tal-Kummissjoni (UE) Nru 725/2011,

8.12.2015   

MT

Il-Ġurnal Uffiċjali tal-Unjoni Ewropea

L 322/67

(1)

Fil-11 ta' Ġunju 2012, Monsanto Europe S.A. ressqet applikazzjoni lill-awtorità kompetenti tal-Belġju, skont l-Artikoli 5 u 17 tar-Regolament (KE) Nru 1829/2003 għat-tqegħid fis-suq ta' ikel, ingredjenti tal-ikel u għalf li fihom, li jikkonsistu minn, jew li jkunu prodotti minn qamħirrum MON 87427 (“l-applikazzjoni”).

(2)

L-applikazzjoni tkopri wkoll it-tqegħid fis-suq tal-qamħirrum ġenetikament modifikat MON 87427 fi prodotti li jikkonsistu minnu jew li fihom minnu għal użi oħra għajr għall-ikel u għall-għalf bħal kull tip ta' qamħirrum ieħor, bl-eċċezzjoni tal-kultivazzjoni.

(3)

Skont l-Artikoli 5(5) u 17(5) tar-Regolament (KE) Nru 1829/2003, l-applikazzjoni tinkludi d-dejta u l-informazzjoni meħtieġa mill-Annessi III u IV tad-Direttiva 2001/18/KE tal-Parlament Ewropew u tal-Kunsill (2) u l-informazzjoni u l-konklużjonijiet dwar il-valutazzjoni tar-riskju mwettqa skont il-prinċipji stabbiliti fl-Anness II ta' dik id-Direttiva. L-applikazzjoni tinkludi wkoll pjan ta' monitoraġġ għall-effetti ambjentali konformi mal-Anness VII tad-Direttiva 2001/18/KE.

(4)

Fid-19 ta' Ġunju 2015, l-Awtorità Ewropea dwar is-Sigurtà fl-Ikel (“l-EFSA”) tat opinjoni favorevoli skont l-Artikoli 6 u 18 tar-Regolament (KE) Nru 1829/2003. Din ikkonkludiet li l-qamħirrum ġenetikament modifikat MON 87427, kif deskritt fl-applikazzjoni, huwa sikur daqs il-kontroparti konvenzjonali tiegħu u daqs varjetajiet oħra ta' qamħirrum mhux ġenetikament modifikati, u li probabbilment ma jkollux effetti negattivi fuq is-saħħa tal-bniedem u tal-annimali u fuq l-ambjent, fil-kuntest tal-kamp ta' applikazzjoni tal-applikazzjoni (3).

(5)

Fl-opinjoni tagħha, l-EFSA qieset il-mistoqsijiet speċifiċi kollha u t-tħassib li tqajjem mill-Istati Membri fil-kuntest tal-konsultazzjoni tal-awtoritajiet kompetenti nazzjonali kif previst fl-Artikoli 6(4) u 18(4) tar-Regolament (KE) Nru 1829/2003.

(6)

Fl-opinjoni tagħha, l-EFSA kkonkludiet ukoll li l-pjan ta' monitoraġġ għall-effetti ambjentali, li jikkonsisti fi pjan ta' sorveljanza ġenerali mressaq mill-applikant, jikkonforma mal-użi maħsuba tal-prodotti.

(7)

Fid-dawl ta' dawn il-konsiderazzjonijiet, għandha tingħata awtorizzazzjoni għall-prodotti li fihom, jikkonsistu minn, jew li jkunu prodotti mill-qamħirrum ġenetikament modifikat MON 87427.

(8)

Għandu jiġi assenjat identifikatur uniku għal kull organiżmu ġenetikament modifikat (minn hawn 'il quddiem imsejjaħ “OĠM”) kif previst fir-Regolament tal-Kummissjoni (KE) Nru 65/2004 (4).

(9)

Abbażi tal-opinjoni tal-EFSA, ma jidher li hemm bżonn ebda rekwiżit speċifiku tat-tikkettar, għajr dawk previsti fl-Artikoli 13(1) u 25(2) tar-Regolament (KE) Nru 1829/2003 għall-ikel, għall-ingredjenti tal-ikel u għall-għalf li fihom il-qamħirrum ġenetikament modifikat MON 87427, jew li jikkonsistu jew li jkunu prodotti minnu. Madankollu, sabiex jiġi żgurat li dawk il-prodotti jintużaw fil-limiti tal-awtorizzazzjoni mogħtija b'din id-Deċiżjoni, mat-ttikkettar tal-prodotti li jkun fihom il-qamħirrum MON 87427 jew li jikkonsistu jew li jkunu prodotti minnu, bl-eċċezzjoni tal-prodotti tal-ikel, għandha tiżdied indikazzjoni ċara li l-prodotti inkwistjoni mhumiex maħsuba għall-kultivazzjoni.

(10)

Ir-Regolament (KE) Nru 1830/2003 tal-Parlament Ewropew u tal-Kunsill (5) jistipula r-rekwiżiti tat-tikkettar fl-Artikolu 4(6) għall-prodotti li jkun fihom jew li jikkonsistu minn OĠM. Ir-rekwiżiti tat-traċċabbiltà għal dawk il-prodotti huma stabbiliti fil-paragrafi 1 sa 5 tal-Artikolu 4 u r-rekwiżiti tat-traċċabbiltà għall-ikel u l-għalf prodotti minn OĠM huma stabbiliti fl-Artikolu 5 ta' dak ir-Regolament.

(11)

Id-detentur tal-awtorizzazzjoni għandu jippreżenta rapporti annwali dwar l-implimentazzjoni u r-riżultati tal-attivitajiet stipulati fil-pjan ta' monitoraġġ għall-effetti ambjentali. Dawk ir-riżultati għandhom jiġu ppreżentati b'konformità mad-Deċiżjoni tal-Kummissjoni 2009/770/KE (6). L-opinjoni tal-EFSA ma tiġġustifikax l-impożizzjoni ta' kundizzjonijiet jew ta' restrizzjonijiet speċifiċi għat-tqegħid fis-suq u/jew għall-użu u l-ġarr tal-ikel u tal-għalf, inklużi r-rekwiżiti ta' monitoraġġ wara t-tqegħid fis-suq, jew il-kundizzjonijiet speċifiċi għall-ħarsien ta' ekosistemi/ambjenti u/jew żoni ġeografiċi partikolari, kif previst fl-Artikoli 6(5)(e) u 18(5)(e) tar-Regolament (KE) Nru 1829/2003.

(12)

L-informazzjoni rilevanti kollha dwar l-awtorizzazzjoni tal-prodotti għandha tiddaħħal fir-reġistru Komunitarju tal-ikel u l-għalf ġenetikament modifikat, kif previst fir-Regolament (KE) Nru 1829/2003.

(13)

Din id-Deċiżjoni għandha tiġi nnotifikata permezz tal-Clearing-House tal-Bijosikurezza lill-Partijiet tal-Protokoll ta' Kartaġena dwar il-Bijosikurezza għall-Konvenzjoni dwar id-Diversità Bijoloġika, skont l-Artikolu 9(1) u l-Artikolu 15(2)(c) tar-Regolament (KE) Nru 1946/2003 tal-Parlament Ewropew u tal-Kunsill (7).

(14)

Il-Kumitat Permanenti dwar il-Pjanti, l-Annimali, l-Ikel u l-Għalf ma tax opinjoni fil-limitu taż-żmien stabbilit mill-President tiegħu. Tqies li kien meħtieġ att ta' implimentazzjoni u l-President ressaq l-abbozz tal-att ta' implimentazzjoni lill-kumitat tal-appell għal aktar deliberazzjoni. Il-kumitat tal-appell ma esprima l-ebda opinjoni,

(a)

ikel u ingredjenti tal-ikel li fihom, li jikkonsistu minn, jew li jkunu prodotti minn qamħirrum MON-87427-7;

(b)

għalf li jkun fih, li jikkonsisti minn, jew li jkun prodott minn qamħirrum MON-87427-7;

(c)

il-qamħirrum MON-87427-7 fi prodotti li fihom jew li jikkonsistu minnu għal kull użu ieħor għajr dak previst fil-punti (a) u (b), bl-eċċezzjoni tal-kultivazzjoni.