ANNESS

IL-KUNDIZZJONIJIET LI JIRREGOLAW L-ATTIVITAJIET TAS-SAJD TAL-BASTIMENTI TAL-UNJONI EWROPEA SKONT IL-PROTOKOLL LI JISTABBILIXXI L-OPPORTUNITAJIET TAS-SAJD U L-KONTRIBUZZJONI FINANZJARJA PREVISTI FIL-FTEHIM TA' SĦUBIJA DWAR IS-SAJD BEJN IL-KOMUNITÀ EWROPEA, MINN NAĦA WAĦDA, U L-GVERN TAD-DANIMARKA U L-GVERN AWTONOMU TA' GREENLAND, MIN-NAĦA L-OĦRA

KAPITOLU I

DISPOŻIZZJONIJIET ĠENERALI

1.   Ħatra tal-awtorità kompetenti

Għall-finijiet ta' dan l-Anness u sakemm ma jkunx indikat mod ieħor, awtorità kompetenti tfisser:

—	għall-Unjoni: il-Kummissjoni Ewropea;

—	għal Greenland: il-Ministeru tas-Sajd, il-Kaċċa u l-Agrikoltura.

2.   Awtorizzazzjoni tas-sajd tfisser permess maħruġ għal bastiment tas-sajd tal-UE li jagħtih id-dritt iwettaq attivitajiet speċifiċi tas-sajd fiż-żoni tas-sajd ta' Greenland identifikati fil-paragrafu 3 matul perijodu speċifiku.

3.   Żona tas-sajd

3.1.   Is-sajd għandu jsir fiż-żona tas-sajd prevista fir-Regolament Nru 1020 tal-20 ta' Ottubru 2004 skont id-Digriet Irjali Nru 1005 tal-15 ta' Ottubru 2004 dwar id-Dħul fis-Seħħ ta' Att dwar Żoni Ekonomiċi Esklussivi għal Greenland li jdaħħal fis-seħħ l-Att Nru 411 tat-22 ta' Mejju 1996 dwar iż-Żoni Ekonomiċi Esklussivi.

3.2.   Is-sajd għandu jsir mill-inqas 12-il mil nawtiku lil hinn mil-linja ta' bażi skont is-Sezzjoni 2 tat-Taqsima 7 tal-Att Nru 18 tal-31 ta' Ottubru 1996 dwar is-Sajd maħruġ mill-Parlament ta' Greenland, kif emendata l-aħħar mill-Att Nru 12 tat-3 ta' Diċembru 2012 tal-istess Parlament, sakemm ma jkunx hemm dispożizzjoni speċifika mod ieħor.

3.3.   Il-linja ta' bażi hija ddefinita skont id-Digriet Irjali Nru 1004 tal-15 ta' Ottubru 2004 dwar emenda tad-Digriet Irjali dwar id-delimitazzjoni tal-ilmijiet territorjali ta' Greenland.

KAPITOLU II

APPLIKAZZJONI GĦAL AWTORIZZAZZJONIJIET (LIĊENZJI) TAS-SAJD U ĦRUĠ TAGĦHOM

1.   Kundizzjonijiet biex tinkiseb awtorizzazzjoni tas-sajd

1.1.   L-awtorizzazzjonijiet tas-sajd imsemmija fl-Artikolu 6 tal-Ftehim għandhom jinħarġu għall-bastimenti biss jekk dawn il-bastimenti jkunu mniżżlin fir-reġistru tal-bastimenti tas-sajd tal-Unjoni Ewropea u, għall-bastimenti li jkunu jixtiequ jistadu għar-redfish pelaġiku skont l-iskema ta' flessibbiltà b'rabta mas-sajd għal din it-tip ta' ħuta, biss jekk dawn ikunu ġew innotifikati lin-NEAFC skont ir-regoli tagħha. Barra minn hekk, il-bastimenti m'għandhom ikunu fuq l-ebda lista tal-bastimenti li jkunu nqabdu jagħmlu sajd illegali, mhux irrappurtat u mhux irregolat maħruġa minn organizzazzjoni reġjonali tal-ġestjoni tas-sajd.

1.2.   Biex bastiment ikun eliġibbli għal awtorizzazzjoni, la s-sid, la l-kaptan u lanqas il-bastiment innifsu ma jridu jkunu pprojbiti milli jistadu fiż-żona tas-sajd ta' Greenland. Dawn għandhom ikunu ssodisfaw l-obbligi preċedenti kollha li jkunu ġejjin mill-Ftehim.

2.   Applikazzjoni għal awtorizzazzjoni tas-sajd

2.1.   L-applikazzjonijiet u l-awtorizzazzjonijiet tas-sajd għandhom jintbagħtu bil-mod li ġej sa ma ż-żewġ Partijiet jimplimentaw sistema ta' liċenzji elettroniċi b'mod konġunt.

2.2.   L-awtoritajiet kompetenti tal-UE għandhom iressqu, b'mod elettroniku, talba (kollettiva) għall-awtorizzazzjonijiet tas-sajd għall-bastimenti li jkunu jixtiequ jistadu skont il-Ftehim lill-awtorità kompetenti ta' Greenland. L-applikazzjonijiet għandhom isiru fuq il-formoli pprovduti għal dak il-għan mill-awtorità kompetenti ta' Greenland, mehmużin fl-Appendiċi 1. Tista' tintbagħat applikazzjoni kollettiva għall-awtorizzazzjoni tas-sajd fil-każ ta' bastimenti tal-UE li jkunu tal-istess sid jew aġent, dejjem jekk dawn il-bastimenti jkunu jtajru l-bandiera tal-istess Stat Membru.

2.3.   Kull applikazzjoni għal awtorizzazzjoni tas-sajd għandu jkollha magħha prova li tħallset it-tariffa għall-ispeċijiet u għall-kwantitajiet mitlubin, skont id-dispożizzjonijiet tal-paragrafu 7 ta' dan il-Kapitolu.

2.4.   Għal kull applikazzjoni tal-bidu skont il-Protokoll fis-seħħ, jew wara bidla teknika tal-bastiment ikkonċernat, irid jintbagħat ritratt riċenti diġitali bil-kulur tal-bastiment (li jkun ittieħed 12-il xahar qabel jew inqas), li jkun ta' riżoluzzjoni xierqa (ta' daqs ta' mill-inqas 15-il cm b'10 cm) u li jkun juri fid-dettall il-ġenb tal-bastiment, inkluż isem il-bastiment u n-numru ta' identifikazzjoni tiegħu li jidhru fuq il-buq.

2.5.   Jekk l-awtorità kompetenti ta' Greenland tqis li xi applikazzjoni ma tkunx kompluta jew li din ma tissodisfax il-kundizzjonijiet mogħtija fil-paragrafi 1, 2.2, 2.3 u 2.4, din għandha tgħarraf lill-awtorità kompetenti tal-UE malajr kemm jista' jkun bir-raġunijiet għal dan, u f'kull każ fi żmien sebat ijiem tax-xogħol minn meta tirċievi l-applikazzjoni.

3.   Ħruġ tal-awtorizzazzjoni tas-sajd

3.1.   L-awtorità kompetenti ta' Greenland għandha tibgħat l-awtorizzazzjoni tas-sajd, b'mod elettroniku, lill-awtorità kompententi tal-UE fi żmien għaxart ijiem tax-xogħol minn meta tintbagħat l-applikazzjoni. Din l-awtorizzazzjoni tas-sajd mibgħuta b'mod elettroniku għandu jkollha l-istess valur bħal dik oriġinali għall-finijiet tal-Protokoll u tal-Anness tiegħu.

3.2.   Kull awtorizzazzjoni tas-sajd għandu jkollha fuqha l-kwantità awtorizzata li tista' tinqabad. Awtorizzazzjoni tas-sajd li tinħareġ bħala parti minn applikazzjoni kollettiva għandu jkollha fuqha l-kwantità totali tal-ispeċijiet li għalihom tkun tħallset it-tariffa għall-awtorizzazzjoni tas-sajd u għandu jkollha fuqha wkoll il-frażi li ġejja: “il-kwantità awtorizzata għandha tinqasam bejn il-bastimenti li ġejjin: (l-ismijiet tal-bastimenti kollha mniżżlin fl-applikazzjoni kollettiva)”.

3.3.   L-awtorizzazzjoni tas-sajd, jew kopja tagħha, għandha tinżamm abbord il-ħin kollu u għandha tintwera fuq talba tal-awtorità kompetenti ta' Greenland.

4.   Emenda tal-awtorizzazzjoni tas-sajd

4.1.   Trid issir applikazzjoni ġdida biex tkun tista' tiġi emendata xi waħda mill-kwantitajiet awtorizzati indikata fuq l-awtorizzazzjoni(jiet) tas-sajd.

4.2.   Mingħajr ħsara għall-paragrafu 4.3, f'każ li l-emenda ta' awtorizzazzjoni tas-sajd ikollha x'taqsam ma' każijiet fejn il-kwantità li tkun inqabdet tkun iktar mill-kwantità diġà awtorizzata, il-bastiment għandu jħallas tariffa li tkun tliet darbiet iktar mill-ammont previst fil-paragrafu 7.1 għall-kwantità li tkun inqabdet li tkun iktar mill-kwantità awtorizzata. Dak il-bastiment ma għandha tinħariġlu l-ebda awtorizzazzjoni tas-sajd ġdida sakemm ma jkunux tħallsu t-tariffi li jikkorrispondu għall-kwantitajiet żejda li jkunu nqabdu.

4.3.   F'każijiet eċċezzjonali fejn l-opportunitajiet tas-sajd tal-UE għall-ispeċijiet rilevanti ma jkunux intużaw kollha, u sabiex tiġi evitata interruzzjoni tal-attivitajiet tas-sajd ta' bastiment tas-sajd tal-UE li jistad fiż-żona tas-sajd ta' Greenland abbażi ta' awtorizzazzjoni tas-sajd maħruġa skont il-Protokoll biss, jekk dak il-bastiment x'aktarx li jkun se jaqbeż il-kwantità awtorizzata, l-Istat tal-bandiera għandu jgħarraf mill-ewwel lill-awtorità kompetenti ta' Greenland li huwa jkun beħsiebu jibgħat applikazzjoni formali għal awtorizzazzjoni tas-sajd ġdida għall-kwantitajiet addizzjonali tal-istess speċi, u huwa għandu jibgħat kopja ta' dan l-avviż lill-awtorità kompetenti tal-UE. Il-bastiment għandu jitħalla jkompli jistad sakemm sid il-bastiment jibgħat prova lill-awtorità kompetenti ta' Greenland li tħallsu t-tariffi rilevanti fi żmien 24 siegħa minn meta l-Istat tal-bandiera jibgħat l-avviż tiegħu, u sakemm l-applikazzjoni korrispondenti għal awtorizzazzjoni ġdida tas-sajd tintbagħat lill-awtorità kompetenti ta' Greenland fi żmien ħamest ijiem tax-xogħol minn meta l-Istat tal-bandiera jibgħat l-avviż tiegħu, f'konformità mal-proċedura mogħtija fil-paragrafu 2. Jekk ma jitħarsux dawn id-dispożizzjonijiet, il-bastiment ikollu jgħaddi mill-proċedura mogħtija fil-paragrafu 4.2.

5.   Trasferiment tal-awtorizzazzjoni tas-sajd

5.1.   L-awtorizzazzjoni tas-sajd għandha tinħareġ f'isem bastiment speċifiku u ma għandhiex tkun tista' tiġi ttrasferita.

5.2.   Madankollu, f'għadd limitat ta' każijiet u fuq talba tal-awtorità kompetenti tal-UE, l-awtorizzazzjoni tas-sajd ta' bastiment tista' tinbidel b'awtorizzazzjoni tas-sajd ġdida maħruġa f'isem bastiment ieħor tal-UE. Is-sostituzzjoni għandha sseħħ abbażi ta' applikazzjoni mibgħuta mill-awtorità kompetenti tal-UE. L-awtorizzazzjoni tas-sajd il-ġdida għandu jkollha fuqha l-kwantità awtorizzata li tista' tinqabad li tikkorrispondi għall-kwantità tal-ispeċijiet li għalihom ikunu diġà tħallsu t-tariffi għall-awtorizzazzjoni tas-sajd u li minnha tkun tnaqqset kull qabda li tkun diġà saret mill-ewwel bastiment.

5.3.   L-awtorizzazzjoni tas-sajd il-ġdida għandha tidħol fis-seħħ fil-jum li fih l-awtorizzazzjoni l-ġdida tinħareġ mill-awtorità kompetenti ta' Greenland.

6.   Perijodu ta' validità tal-awtorizzazzjoni tas-sajd

6.1.   L-awtorizzazzjonijiet tas-sajd għandhom ikunu validi mid-data meta jinħarġu sa tmiem is-sena kalendarja li matulha jkunu nħarġu.

6.2.   F'dak li għandu x'jaqsam mas-sajd għall-kapelin, l-awtorizzazzjonijiet tas-sajd għandhom jinħarġu mill-20 ta' Ġunju sal-31 ta' Diċembru u jinkludu wkoll l-1 ta' Jannar sat-30 ta' April tas-sena ta' wara.

6.3.   F'każ li l-leġislazzjoni tal-UE li tistabbilixxi l-opportunitajiet tas-sajd għal sena partikolari għall-bastimenti tal-UE, f'ilmijiet fejn ikun hemm bżonn ta' limitazzjonijiet tal-qbid, ikun għadha ma ġietx adottata sal-bidu tas-sena tas-sajd, il-bastimenti tas-sajd tal-UE li kienu awtorizzati jistadu fil-31 ta' Diċembru tas-sena tas-sajd ta' qabel jistgħu jkomplu għaddejjin bl-attivitajiet tagħhom bl-istess awtorizzazzjoni tas-sajd fis-sena li għaliha tkun għadha ma ġietx adottata l-leġislazzjoni, dejjem jekk il-pariri xjentifiċi jippermettu dan. Se jkun permess użu provviżorju ta' 1/12 tal-kwota mogħtija fl-awtorizzazzjoni tas-sajd tas-sena ta' qabel, għal kull xahar, dejjem jekk titħallas it-tariffa għall-awtorizzazzjoni tas-sajd applikabbli għall-kwota. Il-kwota provviżorja tista' tiġi aġġustata skont il-pariri xjentifiċi u l-kundizzjonijiet speċifiċi tas-sajd.

6.4.   Il-kwantità ta' gambli tat-Tramuntana mniżżla fuq awtorizzazzjoni tas-sajd li ma tkunx intużat sal-31 ta' Diċembru ta' sena partikolari tista' tiġi ttrasferita għas-sena ta' wara, fuq talba tal-awtorità kompetenti tal-UE, sa massimu ta' 5 % tal-kwantità oriġinali mniżżla fuq l-awtorizzazzjoni tas-sajd, jekk il-pariri xjentifiċi jippermettu dak it-trasferiment. Il-kwantità ttrasferita għandha tintuża sat-30 ta' April tas-sena ta' wara.

7.   It-tariffa għall-awtorizzazzjoni tas-sajd, il-ħlas tagħha u r-rifużjoni

7.1.   Il-bastimenti tal-UE għandhom iħallsu t-tariffi għall-awtorizzazzjonijiet tas-sajd li ġejjin:

Speċi	Ammont f'Euro għal kull tunnellata għall-2016 u l-2017	Ammont f'Euro għal kull tunnellata mill-2018 sal-2020
Il-merluzz	132,63	142,11
Ir-redfish pelaġiku	78,11	83,68
Ir-redfish tal-qiegħ	78,11	83,68
Il-ħalibatt tal-Groenlandja	190,11	203,68
Il-gambli tat-Tramuntana — fin-naħa tal-Lvant	73,68	78,95
Il-gambli tat-Tramuntana — fin-naħa tal-Punent	117,89	126,32
Il-kapelin	7,00	7,50

7.2.   Qabel ma jibda japplika dan il-Protokoll, l-awtorità kompetenti ta' Greenland għandha tibgħat lill-UE d-dettalji tal-kontijiet bankarji li s-sidien tal-bastimenti għandhom jużaw għall-ħlasijiet kollha għal kemm idum għaddej il-Protokoll. L-awtorità kompetenti ta' Greenland għandha tavża lill-awtorità kompetenti tal-UE b'kull tibdil f'dawn id-dettalji mill-inqas xahrejn qabel ma dan it-tibdil jidħol fis-seħħ.

7.3.   Il-ħlas tat-tariffa għandu jinkludi l-imposti nazzjonali u lokali kollha marbutin mal-aċċess għall-attivitajiet tas-sajd, kif ukoll l-imposti mitlubin mill-banek għat-trasferimenti tal-flus. Jekk bastiment ma jkunx ħallas l-imposta għat-trasferiment bankarju, dan l-ammont ikollu jitħallas mal-applikazzjoni li jkun imiss għal awtorizzazzjoni tas-sajd għal dan il-bastiment, u dan il-ħlas għandu jkun prerekwiżit għall-ħruġ ta' awtorizzazzjoni tas-sajd ġdida.

7.4.   Jekk ma tinqabadx il-kwantità awtorizzata, it-tariffa li tikkorrispondi għal din il-kwantità awtorizzata ma titħallasx lura lil sid il-bastiment.

7.5.   Madankollu, f'każ li jibdew japplikaw jew l-Artikolu 9 jew l-Artikolu 11 tal-Protokoll u b'hekk bastiment ma jkunx jista' jistad għal xi parti mill-qabda awtorizzata għal dik is-sena kalendarja, jew f'każ li l-applikazzjoni għall-awtorizzazzjoni tas-sajd ma tiġix aċċettata, l-awtorità kompetenti ta' Greenland għandha tħallas lura t-tariffa kollha għall-awtorizzazzjoni tas-sajd lil sid il-bastiment fi żmien 60 jum kalendarju minn meta jintalab il-ħlas lura.

7.6.   Ma għandha titħallas l-ebda tariffa għall-awtorizzazzjoni tas-sajd għall-qabdiet inċidentali.

8.   Il-prezzijiet ta' referenza għall-ispeċijiet huma dawn li ġejjin:

Speċi	Prezz f'Euro għal kull tunnellata ta' piż tal-ħut ħaj
Il-merluzz	1 800
Ir-redfish pelaġiku	1 700
Ir-redfish tal-qiegħ	1 700
Il-ħalibatt tal-Groenlandja	4 375
Il-gambli tat-Tramuntana	3 240
Il-kapelin	190
Il-qabdiet inċidentali tal-grenadieri	975
Il-qabdiet inċidentali	1 990

KAPITOLU III

MIŻURI TEKNIĊI TA' KONSERVAZZJONI

1.   L-awtorità kompetenti ta' Greenland għandha tqiegħed għad-dispożizzjoni tal-awtorità kompetenti tal-UE verżjoni bl-Ingliż tal-leġislazzjoni rilevanti ta' Greenland dwar il-monitoraġġ, il-kontroll u s-sorveljanza u dwar il-miżuri tekniċi ta' konservazzjoni qabel ma l-Protokoll jibda jiġi applikat b'mod provviżorju.

KAPITOLU IV

MONITORAĠĠ, KONTROLL U SORVELJANZA

Taqsima 1

Reġistrazzjoni u rappurtar tal-qabdiet

1.   Mingħajr ħsara għar-rekwiżiti tar-rappurtar liċ-Ċentru għall-Monitoraġġ tas-Sajd tal-Istat tal-bandiera tagħhom, il-bastimenti tal-UE li huma awtorizzati jistadu skont il-Ftehim għandhom javżaw lill-awtorità kompetenti ta' Greenland bil-qabdiet li jagħmlu bil-mod li ġej sa ma ż-żewġ Partijiet jimplimentaw sistema ta' rappurtar elettroniku b'mod konġunt. Malli tidħol fis-seħħ it-tali sistema ta' rappurtar elettroniku, din imbagħad tieħu post id-dispożizzjonijiet tar-rappurtar elettroniku mogħtija fit-Taqsimiet 1, 2 u 3.

2.   Għal kull vjaġġ li jagħmlu fiż-żona tas-sajd ta' Greenland, il-kaptani ta' bastimenti tas-sajd tal-UE li jkunu qed jistadu skont il-Ftehim għandhom iniżżlu f'ġurnal ta' abbord tas-sajd l-attivitajiet tagħhom u jindikaw il-kwantitajiet kollha ta' kull speċi maqbuda u miżmuma abbord jew mormija lura l-baħar, suġġetta għall-Artikolu 3(4) tal-Protokoll, li tkun ta' iktar minn 50 kilogramma f'kilogrammi ta' piż ħaj. Fuq talba tal-awtorità kompetenti ta' Greenland, għandhom jingħataw il-ġurnali rilevanti ta' abbord, skont l-ispeċi u l-irkaptu fil-mira, u dawn għandhom jintbagħtu lir-rappreżentant (lill-aġent) tal-bastiment, kif indikat fil-formola tal-applikazzjoni għal awtorizzazzjoni tas-sajd mogħtija fl-Appendiċi 1. L-awtorità kompetenti tal-UE u ċ-ĊMS tal-Istat tal-bandiera applikabbli għandhom jingħataw ukoll eżempju ta' kull tip ta' ġurnal ta' abbord. F'każ li jinbidel il-format ta' ġurnal ta' abbord, l-awtorità kompetenti tal-UE u ċ-ĊMS tal-Istat tal-bandiera applikabbli għandhom jiġu mgħarrfa minnufih bil-bidliet u għandhom jingħataw il-verżjonijiet il-ġodda.

3.   Il-kaptan għandu jimla l-ġurnal ta' abbord tas-sajd abbażi ta' refgħa refgħa u għandu jindika l-qabdiet kollha u l-ħut kollu mormi lura l-baħar għal kull refgħa għal kull jum li l-bastiment tas-sajd tal-UE jkun qed jopera abbażi ta' awtorizzazzjoni tas-sajd maħruġa mill-awtoritajiet ta' Greenland.

4.   Il-ġurnal ta' abbord tas-sajd għandu jimtela b'mod li jkun jista' jinqara, b'ittri kapitali, u għandu jiġi ffirmat mill-kaptan.

5.   Il-kaptan għandu jkun responsabbli għall-preċiżjoni tad-data rreġistrata fil-ġurnal ta' abbord tas-sajd u trażmessa.

6.   Fi tmiem kull vjaġġ tas-sajd, għandha tintbagħat kopja tal-ġurnal ta' abbord tas-sajd lill-awtorità kompetenti ta' Greenland fi żmien għaxart ijiem mill-wasla fil-port jew bil-posta jew bil-posta elettronika jew bil-faks. Il-kaptan għandu jibgħat kopja lill-Istat tal-bandiera wkoll.

7.   Sa fejn ikun possibbli, il-kaptan għandu jibgħat ukoll data addizzjonali dwar il-ħatt l-art lill-awtorità kompetenti ta' Greenland fuq talba tagħha.

8.   F'każ li bastiment tal-UE ma jkunx ħares id-dispożizzjonijiet dwar ir-rappurtar tal-qabdiet, l-awtorità kompetenti ta' Greenland għandha d-dritt tissospendi l-awtorizzazzjoni tas-sajd eżistenti sa ma jiġu ssodisfati dawk id-dispożizzjonijiet. Jekk dawn id-dispożizzjonijiet jerġgħu jinkisru, l-awtorità kompetenti ta' Greenland tista' tirrifjuta li ġġedded l-awtorizzazzjoni tas-sajd tal-bastiment ikkonċernat. L-awtorità kompetenti tal-UE u l-Istat tal-bandiera se jinżammu infurmati kif xieraq dwar dan.

9.   Iż-żewġ Partijiet se jagħmlu ħilithom biex idaħħlu fis-seħħ malajr kemm jista' jkun sistema ta' rappurtar elettroniku dwar l-attivitajiet tas-sajd tal-bastimenti tal-UE fiż-żona tas-sajd ta' Greenland, dejjem jekk ikun hemm ftehim komuni dwar il-linji gwida għall-ġestjoni u l-implimentazzjoni tagħha. Din is-sistema ta' rappurtar elettroniku se tippermetti l-iskambju ta' data (mhix eżawrjenti) dwar il-pożizzjoni tal-bastimenti, il-qabdiet, l-attivitajiet tas-sajd u l-awtorizzazzjonijiet tas-sajd.

10.   Kull sena jew fuq talba tal-awtorità kompetenti tal-UE, l-awtorità kompetenti ta' Greenland se tgħarraf lill-awtorità kompetenti tal-UE bil-qabdiet li jkunu għamlu fiż-żona tas-sajd ta' Greenland il-bastimenti ta' partijiet terzi li jkunu qed jistadu f'dik iż-żona abbażi tal-opportunitajiet offruti permezz tal-Protokoll.

Taqsima 2

Dħul fiż-żona u ħruġ minnha

1.   Il-kaptan ta' bastiment tal-UE li jkun qed jistad fiż-żona tas-sajd ta' Greenland jew li jkun beħsiebu jidħol f'dik iż-żona biex jistad fiha għandu jibgħat, b'mod elettroniku permezz tal-posta elettronika jew tal-faks, ir-rapporti u n-notifiki li ġejjin lill-awtorità kompetenti ta' Greenland skont id-dispożizzjonijiet deskritti fil-leġislazzjoni nazzjonali tas-sajd rilevanti (1):

(a)	“avviż tal-wasla” lill-awtorità kompetenti ta' Greenland sa mhux aktar tard minn ħamest ijiem qabel il-wasla. Kull bidla sussegwenti fl-avviż tal-wasla trid tintbagħat minnufih lill-awtorità kompetenti ta' Greenland;

(b)	“avviż ta' azzjoni” li jintbagħat bejn 24 u 12-il siegħa qabel il-wasla;

(c)	“avviż ta' azzjoni” — qabel jitlaq minn port biex imur jistad fiż-żona tas-sajd ta' Greenland fejn jinsab il-port jew qabel jitlaq minn pożizzjoni tal-ħatt fit-territorju sabiex ikompli jistad, il-kaptan tal-bastiment tas-sajd għandu jibgħat avviż dwar dan (avviż ta' azzjoni);

(d)

“rapport ta' kull ġimgħa” — dment li l-bastiment tas-sajd ikun jinsab f'azzjoni, jiġifieri wara li l-kaptan ikun bagħat avviż ta' azzjoni u sa ma dan jibgħat avviż ta' tmiem l-azzjoni, għandhom jintbagħtu rapporti kull nhar ta' Tnejn qabel l-10:00 f'UTC (rapporti ta' kull ġimgħa). L-ewwel rapport ta' kull ġimgħa għandu jkopri l-perijodu mill-wasla fiż-żona tas-sajd ta' Greenland jew it-tluq minn port li jinsab f'dik iż-żona sa 24:00 f'UTC tal-Ħadd ta' wara. Ir-rapporti ta' kull ġimgħa l-oħrajn għandhom ikopru l-perijodu minn 00:00 f'UTC tat-Tnejn sa 24:00 f'UTC tal-Ħadd. Meta l-opportunitajiet tas-sajd awtorizzati għal bastiment jew il-qabdiet totali permissibbli stabbiliti fl-Ordni Eżekuttiva ta' Greenland dwar il-kwoti jkunu waslu biex jiġu eżawriti, l-Awtorità tal-kontroll tal-liċenzji tas-sajd ta' Greenland (GFLK) għandu jkollha d-dritt titlob lill-bastimenti kkonċernati jibagħtu rapporti ta' kuljum li jkun fihom l-istess informazzjoni bħar-rapport ta' kull ġimgħa. F'każijiet bħal dawn, m'għandhomx jintbagħtu r-rapporti ta' kull ġimgħa u r-rapporti dwar il-pożizzjoni;

(e)	“avviż tat-tluq” — il-bastimenti tas-sajd li jkun beħsiebhom joħorġu miż-żona tas-sajd ta' Greenland għandhom jibagħtu avviż dwar dan (avviż tat-tluq) sa mhux aktar tard minn 48 siegħa bil-quddiem;

(f)	“avviż ta' tmiem l-azzjoni” — qabel ma joħroġ miż-żona tas-sajd ta' Greenland, il-kaptan ta' bastiment tas-sajd għandu jibgħat avviż dwar dan (avviż ta' tmiem l-azzjoni);

(g)	“avviż ta' tmiem l-azzjoni” — qabel ma jasal f'port jew f'pożizzjoni tal-ħatt fiż-żona tas-sajd ta' Greenland, il-kaptan ta' bastiment tas-sajd għandu jibgħat avviż dwar dan (avviż ta' tmiem l-azzjoni).

Taqsima 3

Trasbord u ħatt l-art

1.   Il-kaptan ta' bastiment tal-UE, jew rappreżentant (aġent), li jkun jixtieq iħott l-art il-ħut li jkun qabad fiż-żona tas-sajd ta' Greenland jew jittrasbordah f'port ta' Greenland għandu javża lill-awtorità kompetenti ta' Greenland b'dan skont id-dispożizzjonijiet deskritti fil-leġislazzjoni rilevanti dwar is-sajd.

2.   Huwa għandu javżaha b'dan li ġej mill-inqas 72 siegħa qabel it-trasbord jew il-ħatt l-art:

(a)	l-identifikazzjoni tal-bastiment tas-sajd li qed jagħti l-ħut;

(b)	il-port ta' trasbord jew ta' ħatt l-art indikat skont il-lista tal-kodiċijiet tal-portijiet tal-FAO;

(c)	id-data u l-ħin li fihom mistenni jsir il-ħatt l-art jew it-trażbord;

(d)	il-kwantità (mogħtija f'kilogrammi ta' piż ħaj jew, jekk ikun meħtieġ, fl-għadd ta' ħut individwali) ta' kull speċi li għandha tinħatt l-art jew tiġi ttrasbordata (speċifikata bil-kodiċi alfa 3 tal-FAO tagħha);

(e)	id-destinazzjoni tal-qabdiet wara l-ħatt l-art jew it-trażbord (jekk tkun magħrufa), jiġifieri ħut għas-suq, għall-konsum privat jew għal użi oħrajn;

(f)	fil-każ tat-trasbord, l-identifikazzjoni tal-bastiment tas-sajd li qed jirċievi l-ħut u t-tip tiegħu.

3.   L-awtoritajiet ta' Greenland iridu jawtorizzaw l-operazzjoni tat-trasbord minn qabel u din l-awtorizzazzjoni trid tintbagħat lill-kaptan tal-bastiment jew lil sid il-bastiment fi żmien 24 siegħa minn meta jintbagħat l-avviż imsemmi hawn fuq.

4.   Il-kaptan u/jew ir-rappreżentant għandhom ikunu responsabbli għall-preċiżjoni tad-data rreġistrata fid-dikjarazzjoni tat-trasbord u tal-ħatt l-art u trażmessa.

Taqsima 4

Sistema għall-Monitoraġġ tal-Bastimenti bis-satellita (VMS)

1.   Messaġġi dwar il-pożizzjoni tal-bastimenti — is-sistema tal-VMS

1.1.   Il-bastimenti tal-UE li jkollhom awtorizzazzjoni tas-sajd maħruġa skont il-Ftehim u li jkunu qed jistadu fiż-żona tas-sajd ta' Greenland jew li jkunu qed jistadu għal kwoti ta' Greenland fl-ilmijiet taż-żoni tan-NEAFC (kif deskritt fl-Appendiċi 4) għandhom ikunu mgħammra b'tagħmir ta' lokalizzazzjoni bis-satellita (Sistema għall-Monitoraġġ tal-Bastimenti — VMS) li tkun qed tiffunzjona għalkollox u li tkun installata abbord il-bastiment u tkun kapaċi tibgħat il-pożizzjoni tagħhom b'mod awtomatiku u kontinwu tal-inqas darba fis-siegħa liċ-Ċentru tal-Monitoraġġ tas-Sajd (ĊMS) tal-Istat tal-bandiera tagħhom li jkun jinsab fuq l-art.

1.2.   Iċ-ĊMS tal-Istat tal-bandiera għandu jibgħat b'mod awtomatiku l-messaġġi dwar il-pożizzjoni tal-bastimenti kkonċernati liċ-ĊMS ta' Greenland.

1.3.   Jekk bastiment jinstab jopera fiż-żona tas-sajd ta' Greenland mingħajr VMS li tkun qed tiffunzjona għalkollox, u ma jkunux tħarsu d-dispożizzjonijiet tal-punt 3 ta' din it-taqsima, l-awtorità ta' Greenland għandha d-dritt tissospendi, b'effett immedjat, l-awtorizzazzjoni tas-sajd ta' dak il-bastiment tas-sajd. L-awtorità kompetenti ta' Greenland għandha tavża minnufih liċ-ĊMS tal-Istat tal-bandiera kkonċernat. L-awtorità kompetenti tal-l-UE u l-Istat tal-bandiera għandhom jiġu mgħarrfa minnufih bis-sospensjoni ta' xi awtorizzazzjoni tas-sajd.

1.4.   Kull messaġġ dwar il-pożizzjoni għandu jkollu l-format mogħti fl-Appendiċi 3 u għandu jkun fih:

(a)	l-identifikazzjoni tal-bastiment;

(b)	il-pożizzjoni ġeografika l-iżjed riċenti tal-bastiment (il-lonġitudni, il-latitudni), b'marġni ta' żball tal-pożizzjoni ta' inqas minn 500 metru, u b'intervall ta' fiduċja ta' 99 %;

(c)	id-data u l-ħin li fihom tkun ġiet irreġistrata l-pożizzjoni;

(d)	il-veloċità tal-bastiment u d-direzzjoni li fiha jkun qed jivvjaġġa dak il-ħin.

1.5.   L-ewwel pożizzjoni rreġistrata wara d-dħul fiż-żona tas-sajd ta' Greenland għandha tiġi identifikata bil-kodiċi “ENT”. Il-pożizzjonijiet kollha ta' wara għandhom jiġu identifikati bil-kodiċi “POS”, ħlief għall-ewwel pożizzjoni rreġistrata wara l-ħruġ miż-żona tas-sajd ta' Greenland, li għandha tiġi identifikata bil-kodiċi “EXI”.

1.6.   Iċ-ĊMS tal-Istat tal-bandiera għandu jiżgura t-trażmissjoni awtomatika u, jekk ikun meħtieġ, manwali, tal-messaġġi dwar il-pożizzjoni. Il-messaġġi dwar il-pożizzjoni għandhom jiġu rreġistrati, trażmessi u maħżuna b'mod sigur u għandhom jinżammu għal perijodu ta' tliet snin.

2.   L-integrità tal-VMS

2.1.   Il-komponenti tat-tagħmir u tas-softwer tal-VMS għandhom jitħarsu mit-tbagħbis, jiġifieri ma għandhomx jippermettu li jiddaħħlu jew jinħarġu pożizzjonijiet foloz, u ma għandhomx ikunu jistgħu jiġu kkontrollati manwalment. Is-sistema għandha tkun awtomatika għalkollox, u għandha tiffunzjona l-ħin kollu, ikunu xi jkunu l-kundizzjonijiet ambjentali. Għandu jiġi pprojbit li wieħed ikisser it-tagħmir ta' lokalizzazzjoni bis-satellita, li jagħmillu l-ħsara, li ma jħallihx fi stat operattiv jew li jbagħbsu mod ieħor. B'mod partikolari, il-kaptani għandhom jiżguraw f'kull ħin:

(a)	li s-sistema tal-VMS tal-bastimenti tagħhom tkun qed taħdem bis-sħiħ u li l-messaġġi dwar il-pożizzjoni jkunu qed jiġu trażmessi b'mod korrett liċ-ĊMS tal-Istat tal-bandiera;

(b)	li d-data ma tinbidel bl-ebda mod;

(c)	li ma jkun hemm l-ebda ostaklu li jtellef lill-antenna jew l-antenni u lill-kejbils tagħhom imqabbdin mat-tagħmir ta' lokalizzazzjoni bis-satellita;

(d)	li ma jkun hemm l-ebda interruzzjoni fil-provvista tal-enerġija tat-tagħmir ta' lokalizzazzjoni bis-satellita; u

(e)	li t-tagħmir ta' lokalizzazzjoni bis-satellita ma jitneħħiex minn fuq il-bastiment.

2.2.   Il-kaptan ta' bastimenti tas-sajd li jkollu awtorizzazzjoni tas-sajd għandu jitqies responsabbli għal kull manipulazzjoni ppruvata tas-sistema tal-VMS tal-bastiment li jkollha l-għan li tfixkel l-operat tagħha jew li tiffalsifika l-messaġġi tagħha dwar il-pożizzjoni tal-bastiment. Kull ksur għandu jwassal għall-penali previsti mill-Parti li fl-ilmijiet tagħha jkun seħħ il-ksur, skont il-leġislazzjoni li tkun fis-seħħ ta' dik il-Parti.

3.   Trażmissjoni min-naħa tal-bastiment f'każ ta' ħsara fis-sistema tal-VMS

3.1.   F'każ ta' ħsara fis-sistema tal-VMS tal-bastiment waqt li dan ikun fiż-żona ta' Greenland, din is-sistema għandha tissewwa jew tinbidel fi żmien 30 jum kalendarju minn meta jintbagħat l-avviż lill-Istat tal-bandiera dwar dan. L-awtorità tal-UE għandha tiġi mgħarrfa mill-iktar fis possibbli dwar dan.

3.2.   Matul il-perijodu msemmi hawn fuq, il-kaptan tal-bastiment għandu jibda jirrapporta b'mod manwali l-pożizzjoni tal-bastiment liċ-ĊMS tal-Istat tal-bandiera, skont il-paragrafu 1.4 ta' din it-Taqsima, permezz tal-mezzi l-oħra ta' komunikazzjoni disponibbli, b'mod partikolari permezz tal-posta elettronika, tar-radju jew tal-faks. Għandha tiġi trażmessa b'mod manwali tal-inqas pożizzjoni waħda kull erba' sigħat.

3.3.   Wara dak il-perijodu ta' 30 jum, il-bastiment ma jibqax awtorizzat iwettaq attivitajiet tas-sajd fiż-żona tas-sajd ta' Greenland.

4.   Komunikazzjoni sigura tal-messaġġi dwar il-pożizzjoni bejn iċ-ĊMS

4.1.   Iċ-ĊMS tal-Istat tal-bandiera għandu jibgħat b'mod awtomatiku l-messaġġi dwar il-pożizzjoni tal-bastimenti kkonċernati liċ-ĊMS ta' Greenland.

4.2.   Iċ-ĊMS taż-żewġ Partijiet għandhom jiskambjaw id-dettalji ta' kuntatt tagħhom, jiġifieri l-indirizzi tal-posta elettronika u n-numri tal-faks, tat-teleks u tat-telefown tagħhom, u għandhom jgħarrfu minnufih lil xulxin b'kull tibdil f'dawn id-dettalji.

4.3.   Mingħajr ħsara għall-implimentazzjoni ta' titjib fil-ġejjieni, it-trażmissjoni tal-messaġġi dwar il-pożizzjoni bejn iċ-ĊMS ikkonċernati u l-Istati tal-bandiera għandha ssir b'mod elettroniku permezz tal-protokoll HTTPS. L-iskambju taċ-ċertifikati għandu jseħħ bejn l-awtoritajiet ta' Greenland u ċ-ĊMS tal-Istat tal-bandiera rilevanti.

4.4.   Id-data ta' lokalizzazzjoni mibgħuta lil Greenland skont dan il-Ftehim ma għandha tiġi żvelata lill-awtoritajiet taħt l-ebda ċirkustanza b'tali mod li minnha jkunu jistgħu jiġu identifikati l-bastimenti individwali, ħlief lill-awtoritajiet ta' kontroll u monitoraġġ tas-sajd.

4.5.   Mingħajr ħsara għall-paragrafu ta' qabel, id-data tal-VMS tista' tintuża għall-finijiet tax-xjenza u tar-riċerka, dejjem jekk l-utenti ma jippubblikawx din id-data b'tali mod li minnha jkunu jistgħu jiġu identifikati l-bastimenti individwali.

5.   Funzjonament ħażin tas-sistema ta' komunikazzjoni

5.1.   L-awtorità kompetenti ta' Greenland u ċ-ĊMS tal-Istati tal-bandiera tal-UE għandhom jiżguraw li t-tagħmir elettroniku tagħhom ikun kompatibbli u għandhom jgħarrfu lil xulxin minnufih b'kull funzjonament ħażin fil-komunikazzjoni u l-wasla tal-messaġġi dwar il-pożizzjoni bil-għan li tinstab soluzzjoni teknika mill-aktar fis possibbli.

5.2.   In-nuqqas ta' komunikazzjoni bejn iċ-ĊMS ma għandux jaffettwa l-operat tal-bastimenti.

5.3.   Il-messaġġi kollha li ma jiġux trażmessi waqt li s-sistema ma tkunx qed taħdem, għandhom jintbagħtu malli terġa' tiġi stabbilita l-komunikazzjoni bejn iċ-ĊMS ikkonċernati.

6.   Manutenzjoni ta' ĊMS

6.1.   Iċ-ĊMS għandu jiġi mgħarraf bl-operazzjonijiet ippjanati ta' manutenzjoni taċ-ĊMS l-ieħor (programm ta' manutenzjoni) li jistgħu jaffettwaw l-iskambju tad-data tal-VMS, mill-inqas 72 siegħa qabel, b'indikazzjoni, jekk ikun possibbli, tad-data tal-manutenzjoni u tat-tul ta' żmien tagħha. Għall-operazzjonijiet ta' manutenzjoni li ma jkunux ippjanati, din l-informazzjoni għandha tintbagħat liċ-ĊMS l-ieħor mill-aktar fis possibbli.

6.2.   Matul l-operazzjoni ta' manutenzjoni, id-disponibbiltà tad-data tal-VMS tista' titpoġġa fi stat ta' stennija sakemm is-sistema terġa' ssir operattiva. Id-data tal-VMS ikkonċernata għandha tintbagħat immedjatament wara li tintemm l-operazzjoni ta' manutenzjoni.

6.3.   Jekk l-operazzjoni ta' manutenzjoni ddum iktar minn 24 siegħa, id-data tal-VMS għandha tintbagħat liċ-ĊMS l-ieħor b'mezz elettroniku alternattiv maqbul b'mod reċiproku.

6.4.   Greenland għandu javża lill-awtoritajiet ta' monitoraġġ, kontroll u sorveljanza kompetenti tiegħu sabiex iċ-ĊMS tiegħu ma jqisx li l-bastimenti tal-UE qed jiksru l-obbligi tagħhom minħabba li ma jkunux qed jittrażmettu d-data tal-VMS minħabba operazzjoni ta' manutenzjoni ta' ĊMS.

Taqsima 5

Spezzjoni fuq il-baħar jew fil-port

1.   L-ispezzjonijiet, fiż-żona tas-sajd ta' Greenland jew fil-portijiet tiegħu, ta' bastimenti tal-Unjoni li għandhom awtorizzazzjoni tas-sajd għandhom isiru minn bastimenti u spetturi ta' Greenland li jkunu identifikati b'mod ċar skont il-konvezjonijiet internazzjonali.

2.   Qabel ma jitla' abbord, l-ispettur awtorizzat għandu jgħarraf lill-bastiment tal-UE bid-deċiżjoni li jwettaq spezzjoni. L-ispetturi tas-sajd iridu jipprovdu prova tal-identità u l-kariga tagħhom qabel ma jwettqu l-ispezzjoni.

3.   L-ispetturi għandhom jibqgħu abbord il-bastiment tal-UE għall-ħin meħtieġ sabiex iwettqu dmirijiethom marbutin mal-ispezzjoni biss. Huma għandhom iwettqu l-ispezzjoni b'mod li jnaqqas kemm jista' jkun l-impatt tagħha fuq il-bastiment u fuq l-attività tas-sajd u l-merkanzija tiegħu.

4.   L-ispezzjonijiet fil-port għandhom jitwettqu skont il-miżuri tal-FAO u l-miżuri tal-Istat tal-Port tal-organizzazzjonijiet reġjonali tal-ġestjoni tas-sajd rilevanti.

5.   L-awtorità kompetenti ta' Greenland tista' tawtorizza lill-UE tosserva l-ispezzjoni.

6.   Il-kaptan tal-bastiment tal-Unjoni Ewropea għandu jħalli lill-ispetturi jitilgħu abbord u jagħmlu xogħolhom u għandu jiffaċilitalhom xogħolhom u l-imbark tagħhom.

7.   L-ispetturi m'għandhomx jindaħlu fil-kuntatt bejn il-kaptan tal-bastiment tal-Unjoni Ewropea u l-Istat tal-bandiera u/jew sid il-bastiment. Il-kaptani ma għandhomx ikunu meħtieġa jiżvelaw informazzjoni kummerċjalment sensittiva fuq frekwenzi tar-radju miftuħin.

8.   Fi tmiem kull spezzjoni, l-ispetturi għandhom ifasslu rapport tal-ispezzjoni. Il-kaptan tal-bastiment tal-Unjoni Ewropea għandu d-dritt iżid il-kummenti tiegħu fir-rapport tal-ispezzjoni. Ir-rapport tal-ispezzjoni għandu jiġi ffirmat mill-ispettur li jkun qed ifasslu u mill-kaptan tal-bastiment tal-Unjoni Ewropea. Jekk il-kaptan tal-bastiment jirrifjuta li jiffirma r-rapport, huwa jrid jagħti r-raġunijiet tiegħu għal dan bil-miktub u l-ispettur għandu jikteb “irrifjuta li jiffirma” fuq ir-rapport.

9.   L-ispetturi għandhom jagħtu kopja tar-rapport tal-ispezzjoni lill-kaptan tal-bastiment tal-Unjoni Ewropea qabel ma jħallu l-bastiment. L-awtorità kompetenti ta' Greenland għandha tibgħat kopja elettronika tar-rapport tal-ispezzjoni lill-awtorità kompetenti tal-UE u lill-Istat Membru tal-bandiera fi żmien tmint ijiem tal-kalendarju mill-ispezzjoni, mingħajr ħsara għad-dispożizzjonijiet imsemmija fil-paragrafu 1 tat-Taqsima 7. Fejn ikun xieraq, din l-informazzjoni għandha titqiegħed għad-dispożizzjoni tal-organizzazzjonijiet reġjonali tal-ġestjoni tas-sajd rilevanti.

Taqsima 6

Skema ta' osservaturi

1.   L-attivitajiet tas-sajd fiż-żona tas-sajd ta' Greenland għandhom jidħlu fil-qafas tal-iskema tal-osservaturi prevista fil-liġijiet ta' Greenland. Il-kaptani tal-bastimenti tas-sajd tal-UE li għandhom awtorizzazzjoni tas-sajd biex jistadu fiż-żona tas-sajd ta' Greenland għandhom jikkooperaw mal-awtoritajiet kompetenti ta' Greenland biex l-osservaturi jitħallew jitilgħu abbord.

2.   L-awtoritajiet kompetenti ta' Greenland għandhom iħallsu l-paga u l-kontribuzzjonijiet soċjali tal-osservatur.

3.   L-osservatur għandu jimbarka f'port maqbul b'mod reċiproku mill-awtorità kompetenti ta' Greenland u minn sid il-bastiment. Jekk l-osservatur ma jasalx għall-imbark fi żmien tliet sigħat mid-data u l-ħin previsti, sid il-bastiment għandu jinħeles awtomatikament mill-obbligu tiegħu li jħalli lill-osservatur jimbarka. Huwa għandu jkun ħieles li jħalli l-port u li jibda l-attivitajiet tas-sajd tiegħu.

4.   Waqt li jkunu abbord l-osservaturi għandhom:

(a)	jieħdu l-miżuri x-xierqa kollha sabiex ma jinterrompux jew ma jfixklux l-attivitajiet tas-sajd;

(b)	jirrispettaw il-proprjetà u t-tagħmir li jkun hemm abbord; u

(c)	jirrispettaw in-natura kunfidenzjali ta' kull dokument tal-bastiment.

5.   Waqt li jkunu abbord l-osservaturi għandhom iwettqu biss il-kompiti li ġejjin:

(a)	jivverifikaw l-entrati fil-ġurnal ta' abbord, fosthom il-kompożizzjoni tal-qabda skont l-ispeċi, il-kwantità u l-piż tal-ħut ħaj u pproċessat; u r-rapporti tas-sejħiet bir-radju u tal-VMS;

(b)	iżommu rekords iddettaljati tal-attivitajiet ta' kuljum tal-bastiment, kemm jekk dan ikun qed jistad u kemm jekk le;

(c)	għal kull refgħa, jirreġistraw it-tip ta' rkaptu użat, id-daqs tal-malja, l-aċċessorji, id-data dwar l-isforz u l-qabda, il-koordinati, il-fond, kemm iddewwem l-irkaptu f'qiegħ il-baħar, il-kompożizzjoni tal-qabda, il-ħut li ntrema lura l-baħar u l-ħut miżmum li kien iżgħar milli suppost; u

(d)	jimmonitorjaw il-funzjonament tas-sistema ta' lokalizzazzjoni bis-satellita u jirrappurtaw dwar kull interruzzjoni tagħha jew tbagħbis fiha.

6.   Kull bastiment għandu jipprovdi lill-osservatur b'akkomodazzjoni u ikel li jkunu tal-istess standard bħal dawk ipprovduti lill-uffiċjali abbord.

7.   Il-kaptan għandu jikkoopera mal-osservatur u jgħinu kif ikun hemm bżonn sabiex dan ikun jista' jwettaq dmirijietu. Din il-kooperazzjoni għandha tinkludi l-fatt li l-osservatur jingħata l-aċċess li jista' jkun meħtieġ għall-qabdiet miżmumin abbord, fosthom dawk li l-bastiment ikunu beħsiebu jarmi lura l-baħar.

8.   Kull trasferiment tal-osservaturi tas-sajd fuq il-baħar għandu jitwettaq binhar, f'kundizzjonijiet sikuri, minn ekwipaġġ li jkollu ċertu esperjenza, u dejjem jekk l-osservaturi tas-sajd ikunu taw il-kunsens kollu tagħhom għal dan u b'mod ġenerali dan għandu jsir bl-aqwa kundizzjonijiet tas-sigurtà possibbli.

9.   F'każ li jkun hemm trasferiment fuq il-baħar, il-kaptan tal-bastiment għandu jikkoopera bis-sħiħ biex jiżgura s-sikurezza tal-osservaturi.

10.   Ir-rapport tal-osservatur

10.1.   Qabel ma jħalli l-bastiment, l-osservatur għandu jissottometti rapport tal-osservazzjonijiet tiegħu lill-kaptan tal-bastiment. Il-kaptan tal-bastiment għandu d-dritt jagħmel kummenti fir-rapport tal-osservatur. Ir-rapport għandu jiġi ffirmat mill-osservatur u mill-kaptan. Il-kaptan għandu jirċievi kopja tar-rapport tal-osservatur.

10.2.   Malli l-awtorità kompetenti ta' Greenland tirċievi talba għal dan mingħand l-awtorità kompetenti tal-UE jew l-Istat Membru tal-bandiera, hija għandha tibagħtilhom kopja tar-rapport tal-osservatur fi żmien tmint ijiem tax-xogħol minn meta tirċievi t-talba.

Taqsima 7

KSur tar-regoli

1.   Trattament tal-ksur

1.1.   Kull ksur imwettaq fiż-żona tas-sajd ta' Greenland minn bastiment tas-sajd tal-Unjoni Ewropea li jkollu awtorizzazzjoni tas-sajd skont id-dispożizzjonijiet ta' dan l-Anness għandu jissemma f'rapport tal-ispezzjoni.

1.2.   L-iffirmar tar-rapport tal-ispezzjoni min-naħa tal-kaptan għandu jkun mingħajr ħsara għad-dritt tal-kaptan u/jew ta' sid il-bastiment li jiddefendu ruħhom mill-akkuża tal-ksur.

1.3.   Għal kull ksur imwettaq fiż-żona tas-sajd ta' Greenland minn bastiment tal-Unjoni Ewropea li jkollu awtorizzazzjoni tas-sajd skont il-Ftehim, l-avviż tal-ksur iddefinit u s-sanzjonijiet marbutin miegħu imposti fuq il-kaptan jew fuq il-kumpanija tas-sajd għandhom jintbagħtu direttament lis-sidien tal-bastimenti skont il-proċeduri stabbiliti fil-Liġijiet ta' Greenland li huma fis-seħħ.

1.4.   L-awtorità kompetenti ta' Greenland għandha tibgħat kopja tar-rapport tal-ispezzjoni u tal-avviż tal-ksur lill-awtorità kompetenti tal-UE u lill-Istat Membru tal-bandiera bil-posta elettronika malajr kemm jista' jkun.

1.5.   Meta s-soluzzjoni għall-ksur tkun tinvolvi proċedimenti legali, qabel jingħata bidu għalihom, u sakemm il-ksur ma jkunx jinvolvi att kriminali, għandha tinbeda proċedura biex tinstab soluzzjoni amikevoli għall-ksur allegat fi żmien erbat ijiem minn meta jintbagħat l-avviż tal-ksur. Jekk ma tkunx tista' tinstab soluzzjoni amikevoli bħal din, għandhom jinbdew il-proċedimenti legali normali.

2.   Detenzjoni tal-bastiment

2.1.   L-awtoritajiet ta' Greenland għandhom javżaw lill-awtorità kompetenti tal-UE u lill-Istat tal-bandiera minnufih b'kull detenzjoni ta' bastiment tas-sajd tal-Unjoni Ewropea li jkollu awtorizzazzjoni tas-sajd skont il-Ftehim. F'dan l-avviż għandhom jingħataw ir-raġunijiet għad-detenzjoni u miegħu għandha tintbagħat l-evidenza ddokumentata tal-ksur allegat.

2.2.   Qabel ma jieħdu kwalunkwe miżura oħra kontra l-bastiment tal-Unjoni Ewropea miżmum jew kontra l-kaptan, l-ekwipaġġ jew il-merkanzija tiegħu, ħlief għal miżuri mmirati biex titħares l-evidenza, l-awtoritajiet ta' Greenland għandhom jaħtru uffiċjal li jkun responsabbli għall-investigazzjoni u għandhom jorganizzaw, fuq talba tal-awtorità tal-UE, fi żmien jum wieħed tax-xogħol minn meta jintbagħat l-avviż dwar id-detenzjoni tal-bastiment, laqgħa ta' informazzjoni. Rappreżentant tal-Istat tal-bandiera u ta' sid il-bastiment jista' jattendi din il-laqgħa.

3.   Penali għall-ksur

3.1.   L-awtoritajiet ta' Greenland għandhom jistabbilixxu l-penali għall-ksur skont id-dispożizzjonijiet tal-leġislazzjoni nazzjonali fis-seħħ tagħhom.

3.2.   F'każ li tinstab soluzzjoni amikevoli għall-ksur allegat, kull penali li għandha titħallas għandha tiġi stabbilita billi wieħed jirreferi għal-leġislazzjoni nazzjonali ta' Greenland.

4.   Proċedimenti legali — Garanzija bankarja

4.1.   Jekk ma tkunx tista' tinstab soluzzjoni amikevoli u l-ksur jitressaq quddiem il-qorti kompetenti, sid il-bastiment tas-sajd tal-Unjoni Ewropea li jkun wettaq il-ksur għandu jiddepożita garanzija bankarja f'bank magħżul mill-awtorità kompetenti ta' Greenland, li l-ammont tagħha, kif stabbilit mill-awtorità kompetenti ta' Greenland, ikun ikopri l-ispejjeż marbutin mad-detenzjoni tal-bastiment tas-sajd tal-Unjoni Ewropea, il-multa stmata u kwalunkwe kumpens li jista' jkun hemm 'il quddiem. Il-garanzija bankarja ma tistax tiġi rkuprata qabel ma jkunu ġew konklużi l-proċedimenti legali. Madankollu, f'każ li l-proċedimenti legali jdumu għaddejjin iktar minn erba' snin, l-awtorità kompetenti ta' Greenland għandha taġġorna lill-awtorità kompetenti tal-UE u lill-Istat tal-bandiera kkonċernat b'mod regolari dwar il-passi li qed jittieħdu biex jiġu konklużi l-proċedimenti legali.

4.2.   Il-garanzija bankarja għandha tiġi rrilaxxata u tingħata lura lil sid il-bastiment mingħajr dewmien wara li tinqata' s-sentenza:

(a)	kollha kemm hi, jekk ma tkun ġiet imposta l-ebda penali;

(b)	skont l-ammont tal-bilanċ li jkun għad fadal, jekk il-penali tkun multa li tkun inqas mill-ammont tal-garanzija bankarja.

4.3.   Il-proċedimenti legali għandhom jinfetħu malajr kemm jista' jkun skont il-liġijiet nazzjonali.

4.4.   L-awtoritajiet ta' Greenland għandhom jgħarrfu lill-UE bir-riżultat tal-proċedimenti legali fi żmien 14-il jum minn meta tinqata' s-sentenza.

5.   Rilaxx tal-bastiment u tal-ekwipaġġ

5.1.   Il-bastiment tas-sajd tal-Unjoni Ewropea għandu jiġi awtorizzat iħalli l-port u jkompli jistad ladarba tkun ġiet iddepożitata l-garanzija bankarja, jew ladarba tkun tħallset il-multa jew ikunu ġew issodisfati l-obbligi li joħorġu mis-soluzzjoni amikevoli misjuba.

KAPITOLU V

IMPRIŻI KONĠUNTI TEMPORANJI

Taqsima 1

Metodu u kriterji għall-valutazzjoni ta' PROĠETTI għal impriżi konġunti temporanji u għal impriżi konġunti

1.   L-awtoritajiet ta' Greenland għandhom jgħarrfu lill-awtorità kompetenti tal-UE minnufih jekk tinqala' xi opportunità għal impriża konġunta temporanja jew għal impriża konġunta ma' kumpaniji minn dan il-pajjiż. Imbagħad l-awtorità kompetenti tal-UE se tgħarraf lill-Istati Membri kollha tal-UE b'dan kif xieraq. F'każ li titwaqqaf xi impriża konġunta, il-proġetti se jitressqu u jiġu vvalutati skont id-dispożizzjonijiet ta' dan il-Kapitolu.

2.   B'applikazzjoni tal-Artikolu 10(f) tal-Ftehim, l-UE għandha tibgħat lill-awtoritajiet ta' Greenland, malajr kemm jista' jkun u fi kwalunkwe każ sa mhux aktar tard minn għaxart ijiem tax-xogħol qabel il-laqgħa tal-Kumitat Konġunt, dossier tekniku għall-proġetti għal impriżi konġunti temporanji u għal impriżi konġunti li jinvolvu operaturi tal-UE. Il-proġetti għandhom jintbagħtu lill-awtorità kompetenti tal-UE mill-awtoritajiet tal-Istati Membri tal-UE kkonċernati.

3.   Bħala prijorità, il-Kumitat Konġunt għandu jinkoraġġixxi l-użu sħiħ tal-kwoti indikattivi għall-ispeċijiet imniżżlin fl-Artikolu 3(1) tal-Protokoll min-naħa tal-bastimenti tal-UE. Għall-ispeċijiet li għalihom il-Kumitat Konġunt ikun qabel dwar livell iktar baxx ta' opportunitajiet annwali tas-sajd minn dak indikat fl-Artikolu 3(1) tal-Protokoll mingħajr ma dan kien iġġustifikat abbażi tal-pariri xjentifiċi, mhumiex se jitqiesu proġetti għal impriżi konġunti temporanji u għal impriżi konġunti għall-istess speċi u għall-istess sena kalendarja.

4.   Il-Kumitat Konġunt għandu jivvaluta l-proġetti skont il-kriterji li ġejjin:

(a)	l-ispeċijiet u ż-żoni tas-sajd fil-mira;

(b)	il-qagħda tal-istokkijiet abbażi tal-aqwa pariri xjentifiċi disponibbli u tal-approċċ ta' prekawzjoni;

(c)	id-dettalji tal-bastimenti u t-teknoloġija adattata għall-attivitajiet tas-sajd proposti;

(d)	fil-każ tal-impriżi konġunti temporanji, it-tul kollu taż-żmien tagħhom u dak tal-attivitajiet tas-sajd; u

(e)	l-esperjenza li sid il-bastiment tal-Unjoni Ewropea u s-sieħeb minn Greenland għandhom fil-qasam tas-sajd.

5.   Il-Kumitat Konġunt għandu joħroġ opinjoni dwar il-proġetti wara li ssir il-valutazzjoni msemmija fil-paragrafu 3.

6.   Għall-ispeċijiet imniżżlin fl-Artikolu 3(1) tal-Protokoll, il-qabdiet li jagħmlu l-bastimenti tal-UE fil-qafas tal-impriżi konġunti temporanji jew tal-impriżi konġunti għandhom ikunu mingħajr ħsara għall-arranġamenti ta' kondiviżjoni li jeżistu bejn l-Istati Membri tal-UE.

Taqsima 2

Kundizzjonijiet marbutin mal-aċċess fil-qafas tal-impriżi konġunti temporanji

1.   Awtorizzazzjonijiet tas-sajd

1.1.   Fil-każ tal-impriżi konġunti temporanji, ladarba l-Kumitat Konġunt ikun ħareġ opinjoni pożittiva dwar proġett, il-bastimenti tal-UE kkonċernati għandhom japplikaw għal awtorizzazzjoni tas-sajd skont id-dispożizzjonijiet tal-Kapitolu II. Fuq l-applikazzjoni għandu jiġi indikat b'mod ċar li hija għandha x'taqsam ma' impriża konġunta temporanja.

1.2.   L-awtorizzazzjoni tas-sajd għandha tinħareġ għat-tul taż-żmien li matulu se ddum għaddejja l-impriża konġunta temporanja, iżda fi kwalunkwe każ għal perijodu li ma jkunx ta' iktar minn sena kalendarja.

1.3.   Fuq l-awtorizzazzjoni tas-sajd għandu jiġi indikat b'mod ċar li l-qabdiet se jsiru abbażi ta' opportunitajiet tas-sajd allokati mill-awtoritajiet ta' Greenland fil-limiti tat-TACs rispettivi ta' dan il-pajjiż iżda li ma jidħlux fl-opportunitajiet tas-sajd mogħtija skont l-Artikolu 3(1) tal-Protokoll.

2.   Sostituzzjoni ta' bastimenti

2.1.   Bastiment tal-UE li jkun qed jistad fil-qafas ta' impriża konġunta temporanja jista' jinbidel b'bastiment ieħor tal-UE li jkollu kapaċità u speċifikazzjonijiet tekniċi simili għalih biss għal raġunijiet iġġustifikati kif xieraq u bil-qbil tal-Partijiet.

KAPITOLU VI

IS-SAJD SPERIMENTALI

1.   B'applikazzjoni tal-Artikolu 9 u tal-Artikolu 10(g) tal-Ftehim, meta l-awtorità kompetenti tal-UE tkun esprimiet l-interess tagħha lill-awtoritajiet ta' Greenland li twettaq sajd sperimentali għal speċijiet u stokkijiet li mhumiex imniżżlin fl-Artikolu 3(1) tal-Protokoll:

1.1.   L-awtorità kompetenti tal-UE għandha tibgħat lil Greenland, sa mhux aktar tard minn 15-il jum qabel il-laqgħa tal-Kumitat Konġunt, dossiers tekniċi li jispeċifikaw:

(a)	l-ispeċijiet fil-mira;

(b)	proposta għall-parametri tekniċi tal-kampanja (it-teknoloġija li għandha tintuża għall-attività, it-tul ta' żmien tagħha, iż-żoni tas-sajd fejn din għandha ssir, eċċ.); u

(c)	il-benefiċċji li mistennija jkun hemm għar-riċerka xjentifika u għall-iżvilupp tal-qasam tas-sajd permezz tal-parteċipazzjoni tal-UE fil-kampanja sperimentali;

1.2.   L-awtoritajiet ta' Greenland għandhom jgħarrfu lill-Kumitat Konġunt dwar:

(a)	id-dettalji u l-kundizzjonijiet tal-kampanji tas-sajd sperimentali rilevanti mwettqin minn bastimenti nazzjonali u minn bastimenti ta' pajjiżi terzi;

(b)	ir-riżultati ta' kwalunkwe kampanja sperimentali preċedenti għall-istess speċi; u

(c)	l-informazzjoni xjentifika eżistenti u informazzjoni oħra rilevanti.

2.   Il-Kumitat Konġunt għandu jivvaluta d-dossiers tekniċi filwaqt li jqis kif xieraq l-aqwa pariri xjentifiċi disponibbli u l-approċċ ta' prekawzjoni.

3.   Ladarba l-Kumitat Konġunt joħroġ opinjoni pożittiva dwar il-parteċipazzjoni tal-UE, il-livell ta' din il-parteċipazzjoni u l-parametri tekniċi tal-kampanja tas-sajd sperimentali, il-bastimenti tal-UE għandhom japplikaw għall-awtorizzazzjonijiet tas-sajd skont id-dispożizzjonijiet tal-Kapitolu II. L-awtorizzazzjonijiet tas-sajd m'għandhomx jinħarġu għal perijodu li jaqbeż tmiem is-sena kalendarja.

4.   Id-dispożizzjonijiet kollha tal-Kapitolu IV għandhom japplikaw għall-bastimenti tal-UE li jkunu qed iwettqu sajd sperimentali.

5.   Mingħajr ħsara għall-paragrafu 4, waqt il-kampanja sperimentali fuq il-baħar, il-bastimenti tal-UE kkonċernati għandhom:

(a)	jgħarrfu lill-awtorità kompetenti ta' Greenland li jkunu bdew il-kampanja u jibagħtulha dikjarazzjoni ta' kwalunkwe qabda li jkollhom abbord qabel ma jinbeda s-sajd sperimentali;

(b)

jibagħtu, ta' kull ġimgħa, rapport dwar il-qabdiet li jkunu saru kuljum u għal kull refgħa lill-Istitut tar-Riżorsi Naturali ta' Greenland, lill-awtorità kompetenti ta' Greenland u lill-Kummissjoni Ewropea, li jkun jinkludi deskrizzjoni tal-parametri tekniċi tal-kampanja (il-pożizzjoni, il-fond, id-data u l-ħin, il-qabdiet u osservazzjonijiet jew kummenti oħrajn);

(c)

jiżguraw li abbord ikun hemm osservatur wieħed minn Greenland jew osservatur magħżul mill-awtorità kompetenti ta' Greenland. Ir-rwol tal-osservatur se jkun li jiġbor l-informazzjoni xjentifika mill-qabdiet li jsiru, kif ukoll li jieħu kampjuni mill-qabdiet. L-osservatur għandu jiġi ttrattat bħala uffiċjal tal-bastiment, u sid il-bastiment għandu jkopri l-ispejjeż tal-għajxien tal-osservatur għal kemm idum abbord il-bastiment. L-awtoritajiet ta' Greenland għandhom jiddeċiedu dwar iż-żmien li l-osservatur iqatta' abbord, dwar kemm għandu jdum abbord u dwar il-portijiet tal-imbark u tal-iżbark tiegħu; u

(d)	jgħarrfu lill-awtorità kompetenti ta' Greenland li jkunu temmew il-kampanja sperimentali u jissottomettu l-bastimenti għal spezzjoni qabel ma joħorġu miż-żona tas-sajd ta' Greenland jekk l-awtorità kompententi ta' Greenland titlob dan.

6.   Il-qabdiet li jkunu konsistenti mal-kampanja sperimentali u li jkunu nkisbu matulha jibqgħu l-proprjetà ta' sid il-bastiment.

7.   L-awtorità kompetenti ta' Greenland għandha taħtar persuna ta' kuntatt li tkun inkarigata tittratta kull problema mhux prevista li tista' tinqala li tista' ttellef l-iżvilupp tas-sajd sperimentali.

8.   Abbażi tar-rakkomandazzjonijiet tal-entitajiet konsultattivi xjentifiċi rilevanti, l-awtoritajiet ta' Greenland jistgħu jitolbu li jiġu implimentati miżuri ta' konservazzjoni u ta' ġestjoni b'rabta mas-sajd sperimentali, fosthom l-għeluq ta' ċerti żoni għas-sajd jew l-għeluq tas-sajd matul perijodi taż-żmien partikolari.

---

(1)  L-Ordni Eżekuttiva nru 18 tad-9 ta' Diċembru 2010 tal-Gvern Awtonomu ta' Greenland dwar is-sorveljanza tas-sajd lil hinn mill-kosta.

ANNESS

Nru	58/TQ104
Stat Membru	L-Iżvezja
Stokk	POK/04-N.
Speċi	Pollakkju iswed (Pollachius virens)
Żona	L-ilmijiet Norveġiżi fin-Nofsinhar ta' 62° N
Data Tal-Għeluq	19.10.2015

ANNESS I

Isem Komuni, Numri ta' Identifikazzjoni	Isem tal-IUPAC	Purità (1)	Data tal-approvazzjoni	Skadenza tal-approvazzjoni	Dispożizzjonijiet speċifiċi
Il-flumetralin Nru tal-CAS 62924-70-3 Nru tas-CIPAC 971	N-(2-kloro-6-fluworobenzil)-N-etil-α,α,α-trifluworo-2,6-dinitro-p-tolwidin	980 g/kg L-impurità Nitrosamina (ikkalkulata bħala nitroso-dimetilamin) ma għandhiex taqbeż iż-0,001 g/kg fil-materjal tekniku.	Il-11 ta' Diċembru 2015	Il-11 ta' Diċembru 2022	Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, iridu jitqiesu l-konklużjonijiet tar-rapport ta' rieżami dwar il-flumetralin, b'mod partikolari l-Appendiċijiet I u II tiegħu. F'din il-valutazzjoni ġenerali, l-Istati Membri għandhom jagħtu attenzjoni partikolari lil: (a) il-protezzjoni tal-operaturi u l-ħaddiema, billi jiżguraw li fejn xieraq, il-kundizzjonijiet tal-użu jkunu jispeċifikaw li jrid jintuża t-tagħmir adegwat għall-protezzjoni personali; (b) il-protezzjoni tal-ilma ta' tal-pjan, meta s-sustanza tintuża f'reġjuni b'ħamrija u/jew kundizzjonijiet tal-klima vulnerabbli; (c) ir-riskju għall-mammiferi erbivori; (d) ir-riskju għall-organiżmi akkwatiċi. Meta xieraq, il-kundizzjonijiet tal-użu għandhom jinkludu miżuri li jtaffu r-riskji. L-applikant għandu jippreżenta informazzjoni ta' konferma dwar: 1. l-ispeċifikazzjoni teknika tas-sustanza attiva kif manifatturata (abbażi tal-produzzjoni fuq skala kummerċjali); 2. il-konformità tal-lottijiet maħsuba għall-istudji tossikoloġiċi mal-ispeċifikazzjoni teknika kkonfermata. L-applikant għandu jressaq l-informazzjoni msemmija fil-punti 1 u 2 lill-Kummissjoni, lill-Istati Membri u lill-Awtorità sal-11 ta' Ġunju 2016.

---

(1)  Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport ta' rieżami.

ANNESS II

Fl-Anness tar-Regolament ta' Implimentazzjoni (UE) Nru 540/2011, tiżdied din il-Parti E:

---

(1)  Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport ta' rieżami.”

ANNESS I

Ammonti massimi msemmija fl-Artikoli 2 u 3

Pajjiż ikkonċernat	Kategorija	Unità	Ammont massimu
Ir-Repubblika tal-Belarus	1	Kilogrammi	20 000
	2	Kilogrammi	80 000
	3	Kilogrammi	5 000
	4	Biċċiet	20 000
	5	Biċċiet	15 000
	6	Biċċiet	20 000
	7	Biċċiet	20 000
	8	Biċċiet	20 000
	15	Biċċiet	17 000
	20	Kilogrammi	5 000
	21	Biċċiet	5 000
	22	Kilogrammi	6 000
	24	Biċċiet	5 000
	26/27	Biċċiet	10 000
	29	Biċċiet	5 000
	67	Kilogrammi	3 000
	73	Biċċiet	6 000
	115	Kilogrammi	20 000
	117	Kilogrammi	30 000
	118	Kilogrammi	5 000
Ir-Repubblika Demokratika tal-Poplu tal-Korea	1	Kilogrammi	10 000
	2	Kilogrammi	10 000
	3	Kilogrammi	10 000
	4	Biċċiet	10 000
	5	Biċċiet	10 000
	6	Biċċiet	10 000
	7	Biċċiet	10 000
	8	Biċċiet	10 000
	9	Kilogrammi	10 000
	12	Pari	10 000
	13	Biċċiet	10 000
	14	Biċċiet	10 000
	15	Biċċiet	10 000
	16	Biċċiet	10 000
	17	Biċċiet	10 000
	18	Kilogrammi	10 000
	19	Biċċiet	10 000
	20	Kilogrammi	10 000
	21	Biċċiet	10 000
	24	Biċċiet	10 000
	26	Biċċiet	10 000
	27	Biċċiet	10 000
	28	Biċċiet	10 000
	29	Biċċiet	10 000
	31	Biċċiet	10 000
	36	Kilogrammi	10 000
	37	Kilogrammi	10 000
	39	Kilogrammi	10 000
	59	Kilogrammi	10 000
	61	Kilogrammi	10 000
	68	Kilogrammi	10 000
	69	Biċċiet	10 000
	70	Pari	10 000
	73	Biċċiet	10 000
	74	Biċċiet	10 000
	75	Biċċiet	10 000
	76	Kilogrammi	10 000
	77	Kilogrammi	5 000
	78	Kilogrammi	5 000
	83	Kilogrammi	10 000
	87	Kilogrammi	8 000
	109	Kilogrammi	10 000
	117	Kilogrammi	10 000
	118	Kilogrammi	10 000
	142	Kilogrammi	10 000
	151A	Kilogrammi	10 000
	151B	Kilogrammi	10 000
	161	Kilogrammi	10 000

ANNESS II

Lista tal-awtoritajiet kompetenti msemmija fl-Artikolu 4

1. Il-Belġju FOD Economie, KMO, Middenstand en Energie (Ekonomija tas-Servizz Pubbliku Federali, SMEs, Ħaddiema għal rashom u Enerġija) Algemene Directie Economische Analyses en Internationale Economie Dienst Vergunningen Vooruitgangstraat 50 B-1210 Brussel Tel: + 32 (0) 2 277 67 13 Faks: + 32 (0) 2 277 50 63	SPF Economie, PME, Classes moyennes et Energie (Ekonomija tas-Servizz Pubbliku Federali, SMEs, Ħaddiema għal rashom u Enerġija) Direction générale des Analyses économiques et de l'Economie internationale Service Licences Rue du Progrès 50 B-1210 Bruxelles Tel: + 32 (0) 2 277 67 13 Faks: + 32 (0) 2 277 50 63	2. Il-Bulgarija Министерство на икономиката и енергетиката Дирекция “Регистриране, лицензиране и контрол” ул. “Славянска” № 8 1052 София Tel: +359 29 40 7008/+359 29 40 7673/+359 29 40 7800 Faks: +359 29 81 5041/+359 29 80 4710 /+359 29 88 3654 Ministeru tal-Ekonomija u l-Enerġija 8, Slavyanska Str., Sofia 1052, Bulgaria Tel.: +359 29 40 7008/+359 29 40 7673/+359 29 40 7800 Faks: +359 29 81 5041/+359 29 80 4710 /+359 29 88 3654
3. Ir-Repubblika Ċeka Ministerstvo průmyslu a obchodu (Il-Ministeru għall-Industrija u l-Kummerċ) Licenční správa Na Františku 32 CZ — 110 15 Praha 1 Tel: (420) 224 907 111 Faks: (420) 224 212 133		4. Id-Danimarka Erhvervs- og Vækstministeriet (Il-Ministeru għan-Negozju u t-Tkabbir) Erhvervsstyrelsen Langelinie Allé 17 2100 København Tel.: +45 35291000 Faks: +45 35291001
5. Il-Ġermanja Bundesamt für Wirtschaft und Ausfuhrkontrolle (BAFA) [Uffiċċju Federali tal-Ekonomija u l-Kontroll tal-Esportazzjonijiet] Frankfurter Str. 29-35 D-65760 Eschborn Tel.: +49 61969080 Faks: +49 6196908800		6. L-Estonja Majandus- ja Kommunikatsiooniministeerium (Il-Ministeru għall-Affarijiet Ekonomiċi u l-Komunikazzjoni) Harju 11 EST-15072 Tallinn Tel.: +372 6256400 Faks: +372 6313660
7. L-Irlanda An Roinn Post, Fiontar agus Nuálaíochta 23 Sráid Chill Dara Baile Átha Cliath 2D02 TD30 Tel.: (353 1) 631 2545 Faks: (353 1) 631 2562 Department of Jobs, Enterprise and Innovation Licensing Unit Kildare Street IRL-Dublin 2 Tel.: (353 1) 631 2545 Faks: (353 1) 631 2562		8. Il-Greċja Υπουργείο Οικονομίας, Ανάπτυξης και Τουρισμού Γενική Διεύθυνση Διεθνούς Οικονομικής και Εμπορικής Πολιτικής Διεύθυνση Συντονισμού Εμπορίου και Εμπορικών Καθεστώτων Τμήμα Β' Ειδικών Καθεστώτων Εισαγωγών Κορνάρου 1 GR-105 63 Αθήνα Τel.: (+30) 210 3286041-43, 210 3286223 Faks: (+30) 210 3286094 Ministeru tal-Ekonomija, l-Iżvilupp u t-Turiżmu Id-Direttorat Ġenerali għall-Politika Ekonomika u tal-Kummerċ Internazzjonali, Id-Direttorat għall-Koordinazzjoni tal-Kummerċ u Reġimi Kummerċjali Unità B' Reġimi ta' Importazzjonijiet Speċjali 1 Kornarou Str. GR-10563 Athens Tel: (+30) 210 3286041-43,210 3286223 Faks: (+30) 210 3286094
9. Spanja Ministerio de Economía y Competitividad (Il-Ministeru għall-Ekonomija u l-Kompetittività) Dirección General de Comercio e Inversiones Paseo de la Castellana no 162 E-28046 Madrid Tel.: +34 913493817/+34 93874 Faks: +34 913493831 Posta elettronika: sgindustrial.sscc@comercio.mineco.es		10. Franza Ministère de l'Economie, de l'Industrie et de l'Emploi Direction Générale des Entreprises (DGE) Service de l'Industrie (SI) Sous-direction de la Chimie, des Matériaux et des Eco-Industries (SDCME) Bureau des Matériaux 67, Rue Barbès — BP 80001 F-94201 Ivry sur Seine Cedex Tel: (+33) 1 79 84 34 49 Posta elettronika: isabelle.paimblanc@finances.gouv.fr
11. Il-Kroazja Ministarstvo vanjskih i europskih poslova Samostalni sektor za trgovinsku politiku i gospodarsku multilateralu Trg N. Š. Zrinskog 7-8 10000 Zagreb Tel: 00 385 1 6444626 Faks: 00 385 1 6444601 Il-Ministeru tal-Affarijiet Barranin u Ewropej Id-Direttorat għall-Politika Kummerċjali u tal-Affarijiet Ekonomiċi Multilaterali Trg N. Š. Zrinskog 7-8 HR-10000 Zagreb Tel: +385 16444626 Faks: +385 16444601		12. L-Italja Ministero dello Sviluppo Economico (Il-Ministeru għall-Iżvilupp Ekonomiku) Direzione Generale per la Politica Commerciale Internazionale Divisione III — Accesso dei beni italiani nei mercati esteri e difesa commerciale delle imprese Viale Boston, 25 I — 00144 Roma Tel.: (+39) 06 5964 7517, 06 5993 2450, 06 5993 2436 Faks: (+39) 06 5993 2681, 06 5993 2636 Posta elettronika: dgpci.div3@mise.gov.it
13. Ċipru Κλάδος Έκδοσης Αδειών Εισαγωγής/ Εξαγωγής Υπηρεσία Εμπορίου Υπουργείο Ενέργειας, Εμπορίου, Βιομηχανίας και Τουρισμού Ανδρέα Αραούζου 6 1421 Λευκωσία Τel.: +357 22 867 100 Faks: +357 22 375 443 Sezzjoni tal-Liċenzji tal-Importazzjonijiet/Esportazzjonijiet Is-Servizz tal-Kummerċ Il-Ministeru tal-Enerġija, il-Kummerċ, l-Industrija u t-Turiżmu 6, Andrea Araouzou 1421 Nicosia Tel.: +357 22 867 100 Telefaks: +357 22 375 443		14. Il-Latvja Latvijas Republikas Ārlietu ministrija (Il-Ministeru għall-Affarijiet Barranin tar-Repubblika tal-Latvja) Kr.Valdemāra iela 3 LV-1395 Rīga Tel: 00 371 6701 6201 Faks: 00 371 6782 8121
15. Il-Litwanja Lietuvos Respublikos ūkio ministerija (Il-Ministeru għall-Ekonomija tar-Repubblika tal-Litwanja) Gedimino pr. 38/Vasario 16-osios g. 2 LT-01104 Vilnius Tel. +370 70664 658, +370 70664 808 Faks. +370 70664 762 Posta elettronika: vienaslangelis@ukmin.lt		16. Il-Lussemburgu Ministère de l'Economie (Il-Ministeru għall-Ekonomija) Office des licences 19-21, boulevard Royal L-2449 Luxembourg Tel: +352 22 61 62 Faks: +352 46 61 38 office.licences@eco.etat.lu
17. L-Ungerija Magyar Kereskedelmi Engedélyezési Hivatal (L-Uffiċċju Ungeriż tal-Liċenzji Kummerċjali) Budapest Németvölgyi út 37-39. 1124 MAGYARORSZÁG Tel. +36 1458 5514 Faks +36 1458 5832 Posta elettronika: keo@mkeh.gov.hu		18. Malta Ministeru għall-Ekonomija, Investiment u Intrapriżi Żgħar Dipartiment tal-Kummerċ, Xatt Lascaris Valletta VLT1933 Tel: +356 25690214 Faks: +356 21237112 Posta elettronika: commerce@gov.mt	Ministry for the Economy, Investment and Small Business Commerce Department, Trade Services Directorate Lascaris Valletta VLT1933 Tel: +356 25690214 Faks: +356 21237112 Posta elettronika: commerce@gov.mt
19. In-Netherlands Belastingdienst/Douane (L-Amministrazzjoni Doganali) centrale dienst voor in- en uitvoer Kempkensberg 12 Postbus 30003 NL-9700 RD Groningen Tel.: (31 88) 15 12 122 Faks: (31 88) 15 13 182		20. L-Awstrija Bundesministerium für Wissenschaft, Forschung und Wirtschaft (Il-Ministeru Federali għax-Xjenza, ir-Riċerka u l-Ekonomija) Abteilung C2/9 — Außenwirtschaftskontrolle Stubenring 1 A — 1010 Wien Tel: + 43 (1) 711 00 - 8353 Faks:+ 43 (1) 711 00 - 8366
21. Il-Polonja Ministerstwo Gospodarki (Il-Ministeru għall-Ekonomija) pl.Trzech Krzyży 3/5 00-507 Warszawa Tel: 0048/22/693 55 53 Faks: 0048/22/693 40 21		22. Il-Portugall Ministério das Finanças (Il-Ministeru għall-Finanzi) AT- Autoridade Tributária e Aduaneira DSL — Direcção de Serviços de Licenciamento Rua da Alfândega no 5 R/C P-1149-006 Lisboa Tel.: +351 218813843 Faks: +351 218813986 Posta elettronika: dsl@at.gov.pt
23. Ir-Rumanija Ministerul Economiei (Il-Ministeru għall-Ekonomija) Comerţului şi Mediului de Afaceri Direcţia Politici Comerciale Calea Victoriei, nr.152, sector 1 Bucureşti Cod poştal: 010096 Tel: (40-21) 315.00.81 Faks: (40-21) 315.04.54 Posta elettronika: clc@dce.gov.ro		24. Is-Slovenja Ministrstvo za finance (Il-Ministeru għall-Finanzi) Finančna uprava Republike Slovenije Spodnji Plavž 6c SI-4270 Jesenice Tel: +386(0)4 202 75 83 Faks: +386(0)4 202 49 69 Posta elettronika: taric.fu@gov.si
25. Is-Slovakkja Ministerstvo hospodárstva SR (Il-Ministeru għall-Ekonomija tar-Repubblika Slovakka) Odbor výkonu obchodných opatrení Mierová 19 SK-827 15 Bratislava Tel: 00 421 2 4854 7019 Faks: 00 421 2 4342 3915 Posta elettronika: jan.krocka@mhsr.sk		26. Il-Finlandja Tulli (Id-Dwana tal-Finlandja) PL 512 FI-00101 Helsinki Tel. +358 295 5200 Posta elettronika: kirmo@tulli.fi	Tullen (Id-Dwana tal-Finlandja) PB 512 FI-00101 Helsingfors Tel: +358 295 5200
27. L-Iżvezja Kommerskollegium (Il-Bord Nazzjonali tal-Kummerċ) Box 6803 S-113 86 Stockholm Tel.: (46 8) 690 48 00 Faks: (46 8) 30 67 59 Posta elettronika: registrator@kommers.se		28. Ir-Renju Unit Import Licensing Branch (ILB) Department for Business, Innovation and Skills Posta elettronika: enquiries.ilb@bis.gsi.gov.uk

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	AL	50,7
	MA	69,8
	ZZ	60,3
0707 00 05	AL	74,3
	MA	93,8
	TR	144,3
	ZZ	104,1
0709 93 10	AL	80,9
	MA	54,7
	TR	159,2
	ZZ	98,3
0805 20 10	MA	95,4
	TR	83,5
	ZZ	89,5
0805 20 30 , 0805 20 50 , 0805 20 70 , 0805 20 90	TR	67,4
	ZZ	67,4
0805 50 10	TR	102,7
	ZZ	102,7
0808 10 80	AU	166,8
	CA	158,0
	CL	73,7
	MK	32,3
	NZ	172,8
	ZA	164,9
	ZZ	128,1
0808 30 90	BA	85,4
	CN	59,1
	TR	120,6
	ZZ	88,4

---

(1)  In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.