20.10.2015   

MT

Il-Ġurnal Uffiċjali tal-Unjoni Ewropea

L 275/1

(1)

Skont l-Artikolu 50(2)(a) tar-Regolament (UE) Nru 1151/2012, l-applikazzjoni ta' Ċipru għar-reġistrazzjoni tad-denominazzjoni “Παφίτικο Λουκάνικο” (Pafitiko Loukaniko) ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Il-Kummissjoni ma rċeviet l-ebda stqarrija ta' oppożizzjoni, skont l-Artikolu 51 tar-Regolament (UE) Nru 1151/2012; id-denominazzjoni “Παφίτικο Λουκάνικο” (Pafitiko Loukaniko) għandha għalhekk tiġi rreġistrata,

20.10.2015   

MT

Il-Ġurnal Uffiċjali tal-Unjoni Ewropea

L 275/3

(1)

Skont l-Artikolu 50(2)(a) tar-Regolament (UE) Nru 1151/2012, l-applikazzjoni tal-Italja biex id-denominazzjoni “Cipolla bianca di Margherita” tiddaħħal fir-reġistru ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Il-Kummissjoni ma ġiet innotifikata bl-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012; id-denominazzjoni “Cipolla bianca di Margherita” għandha għalhekk tiġi rreġistrata,

20.10.2015   

MT

Il-Ġurnal Uffiċjali tal-Unjoni Ewropea

L 275/4

(1)

Ir-Regolament (UE) Nru 511/2014 jistabbilixxi regoli li jirregolaw il-konformità mal-aċċess u l-kondiviżjoni tal-benefiċċju għar-riżorsi ġenetiċi u l-għarfien tradizzjonali assoċjat mar-riżorsi ġenetiċi skont id-dispożizzjonijiet tal-Protokoll ta' Nagoya dwar l-Aċċess għal Riżorsi Ġenetiċi u l-Qsim Ġust u Ekwu ta' Benefiċċji li Jirriżultaw mill-Użu tagħhom għall-Konvenzjoni dwar id-Diversità Bijoloġika (il-“Protokoll ta' Nagoya”). L-implimentazzjoni effettiva ta' dan ir-Regolament ser tikkontribwixxi wkoll għall-konservazzjoni tad-diversità bijoloġika u l-użu sostenibbli tal-komponenti tagħha, skont id-dispożizzjonijiet tal-Konvenzjoni dwar id-Diversità Bijoloġika.

(2)

L-Artikoli 5 u 8 tar-Regolament (UE) Nru 511/2014 jipprevedu għodod volontarji, jiġifieri kollezzjonijiet irreġistrati u l-aħjar prattika, biex jassistu lill-utenti fil-ħarsien tal-obbligu ta' diliġenza dovuta. L-identifikazzjoni u r-reġistrazzjoni ta' kollezzjonijiet li effettivament japplikaw miżuri li jirriżultaw fil-provvista ta' riżorsi ġenetiċi u informazzjoni relatata unikament ma' dokumentazzjoni li tipprovdi evidenza ta' aċċess legali u l-iżgurar li jiġu stabbiliti termini li jkun sar qbil fuqhom reċiprokament, hija mistennija li tassisti lill-utenti fil-ħarsien ta' dak l-obbligu. L-utenti li jiksbu riżorsi ġenetiċi minn kollezzjoni inkluża fir-reġistru għandhom jiġu kkunsidrati bħala li eżerċitaw diliġenza dovuta fir-rigward tat-tiftix ta' informazzjoni. L-identifikazzjoni u r-rikonoxximent bħala l-aħjar prattika, miżuri li huma partikolarment adatti biex tintlaħaq konformità mas-sistema ta' implimentazzjoni tal-Protokoll ta' Nagoya, bi spiża affordabbli u b'ċertezza legali, hija wkoll mistennija li tassisti lill-utenti fl-issodisfar tal-obbligu ta' diliġenza dovuta. L-implimentazzjoni effettiva tal-aħjar prattika, rikonoxxuta mill-utenti għandha tiġi kkunsidrata mill-awtoritajiet kompetenti fil-verifiki tagħhom dwar il-konformità tal-utenti. Sabiex jiġu żgurati kundizzjonijiet uniformi għall-implimentazzjoni ta' dawk id-dispożizzjonijiet, huma meħtieġa regoli ddettaljati dwar il-proċeduri li għandhom jiġu segwiti fil-każ ta' talba għal reġistrazzjoni ta' kollezzjoni jew parti minnha u dwar ir-rikonoxximent tal-aħjar prattika.

(3)

Meta applikant li jkun jixtieq li jiġi inkluż fir-reġistru jkun membru ta' netwerk ta' kollezzjonijiet, huwa utli li dan l-applikant jipprovdi informazzjoni dwar kwalunkwe kollezzjoni oħra jew partijiet minnha mill-istess netwerk li kienu jew huma soġġetti ta' applikazzjoni fi Stati Membri oħrajn. Sabiex jiġi ffaċilitat it-trattament ġust u konsistenti tal-applikanti fi Stati Membri differenti, meta jiġu vverifikati l-kollezzjonijiet jew partijiet minnhom, l-awtoritajiet kompetenti tal-Istati Membri li ġew mgħarrfa dwar tali applikazzjonijiet fir-rigward tal-kollezzjonijiet differenti jew partijiet minnhom fi ħdan netwerk, għandhom jikkunsidraw li jiskambjaw informazzjoni mal-awtoritajiet ta' dawk l-Istati Membri li fihom saru applikazzjoni minn membri oħrajn tan-netwerk.

(4)

Ir-Regolament (UE) Nru 511/2014 japplika għar-riżorsi ġenetiċi u għall-għarfien tradizzjonali assoċjat mar-riżorsi ġenetiċi. Il-materjal għall-utilizzazzjoni li jeħtieġ dikjarazzjoni ta' diliġenza dovuta jinkludi: riżorsi ġenetiċi, għarfien tradizzjonali assoċjat mar-riżorsi ġenetiċi u kombinazzjoni tat-tnejn.

(5)

Sabiex jiġu żgurati kundizzjonijiet uniformi għall-implimentazzjoni tad-dispożizzjonijiet dwar il-monitoraġġ tal-konformità tal-utenti, hemm bżonn ta' regoli dettaljati dwar id-dikjarazzjonijiet li għandhom isiru mill-benefiċjarji tal-fondi għar-riċerka li jinvolvu l-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi, kif ukoll dwar id-dikjarazzjonijiet li għandhom isiru mill-utenti f'dan l-istadju tal-iżvilupp finali ta' prodott permezz tal-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi.

(6)

Meta tiġi ssorveljata l-konformità tal-utent f'dan l-istadju tal-finanzjament tar-riċerka, huwa importanti li jiġi żgurat li l-benefiċjarji tal-finanzjament jifhmu l-obbligi tagħhom skont ir-Regolament (UE) Nru 511/2014 u li jeżerċitaw diliġenza dovuta. Huwa daqstant importanti li tiġi pprovduta informazzjoni lill-Access and Benefit-Sharing Clearing House (Clearing House tal-Aċċess u Qsim ta' Benefiċċji — “ABS Clearing House”), u biex jiġi żgurat li tali informazzjoni tkun utli għall-funzjonament u l-implimentazzjoni tal-Protokoll ta' Nagoya. Meta ċertifikat ta' konformità rikonoxxut fuq livell internazzjonali ma jkunx disponibbli, għandha tiġi sottomessa informazzjoni rilevanti oħra.Sabiex jiġu bbilanċjati l-objettivi ta' sottomissjoni ta' informazzjoni utli lill-ABS Clearing House u li ma jintefax piż żejjed fuq il-benefiċjarji tal-fondi għar-riċerka, f'dan il-punt ta' kontroll għandha tiġi skambjata biss informazzjoni li hija essenzjali għall-identifikazzjoni ta' riżorsi ġenetiċi.

(7)

Il-monitoraġġ tal-konformità tal-utent huwa effikaċi meta jitwettaq fl-Istat Membru fejn isseħħ l-utilizzazzjoni. Huwa għalhekk xieraq li tiġi sottomessa dikjarazzjoni ta' diliġenza dovuta lill-awtorità kompetenti tal-Istat Membru fejn huwa stabbilit il-benefiċjarju tal-fondi, peress li dan huwa l-punt fejn ġeneralment issir ir-riċerka li tinvolvi l-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi.

(8)

Il-multiplikazzjoni mingħajr bżonn tad-dikjarazzjonijiet ta' diliġenza dovuta għandha tiġi evitata. Għalhekk, dikjarazzjoni li saret mill-benefiċjarji ta' fondi ta' riċerka tista' tkopri aktar minn riżorsa ġenetika waħda jew kwalunkwe għarfien tradizzjonali assoċjat mar-riżorsi ġenetiċi. Tista' ssir ukoll dikjarazzjoni waħdanija minn diversi utenti li jwettqu b'mod konġunt riċerka li tinvolvi l-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi ffinanzjati minn għotja waħda. F'dan il-kuntest, għandu jingħata rwol speċjali lill-koordinatur tal-proġett, li għandu jkun responsabbli għas-sottomissjoni tad-dikjarazzjonijiet f'isem l-utenti kkonċernati. Fid-dawl tal-Artikolu 12 tar-Regolment (UE) Nru 511/2014, l-awtorità kompetenti li tirċievi dikjarazzjonijiet sottomessi mill-koordinatur tal-proġett għandha tiskambja l-informazzjoni mal-kontropartijiet tagħha fl-Istati Membri kkonċernati l-oħra.

(9)

Sabiex tiġi ssorveljata l-konformità tal-utenti skont l-Artikolu 7(2) tar-Regolament (UE) Nru 511/2014, għandu jiġi stabbilit l-istadju finali tal-utilizzazzjoni, jiġifieri t-tifsira tal-istadju tal-iżvilupp finali ta' prodott. L-istadju tal-iżvilupp finali ta' prodott jista' jiġi identifikat b'ċertezza legali bħala li jkun tlesta meta titfittex approvazzjoni jew awtorizzazzjoni għat-tqegħid fis-suq jew tkun meħtieġa notifika qabel it-tqegħid fis-suq għall-ewwel darba fis-suq tal-Unjoni jew, meta la tkun meħtieġa approvazzjoni jew awtorizzazzjoni għat-tqegħid fis-suq u lanqas notifika, fiż-żmien tat-tqegħid għall-ewwel darba fis-suq tal-Unjoni ta' prodott żviluppat permezz tal-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi. F'xi każijiet, jaf ma jkunx l-utent li jkun qiegħed jitlob approvazzjoni jew awtorizzazzjoni għat-tqegħid fis-suq, jagħmel notifika jew iqiegħed prodott għall-ewwel darba fis-suq tal-Unjoni. Sabiex jiġu indirizzati b'mod effettiv l-attivitajiet kollha li jagħmlu użu minn riżorsi ġenetiċi u għarfien tradizzjonali assoċjat mar-riżorsi ġenetiċi fi ħdan l-Unjoni, id-diliġenza dovuta għandha, f'dawn il-każijiet, issir mill-utent li jbigħ jew jittrasferixxi bi kwalunkwe mod ieħor ir-riżultat tal-utilizzazzjoni. Il-monitoraġġ effettiv tal-konformità tal-utenti fi ħdan l-Unjoni għandu jiġi indirizzat ukoll f'każijiet fejn l-utilizzazzjoni fl-UE spiċċat u l-eżitu tagħha nbigħ jew ġie ttrasferit bi kwalunkwe mod ieħor fl-Unjoni mingħajr ma jitqiegħed prodott fis-suq tal-Unjoni.

(10)

Dawn l-avvenimenti differenti li jirriżultaw fid-diliġenza dovuta mill-utent fl-istadju tal-iżvilupp finali ta' prodott huma esklussivi għal xulxin, u għalhekk id-dikjarazzjoni għandha ssir darba biss. Peress li l-iżvilupp finali ta' prodott jintlaħaq qabel iseħħ kwalunkwe wieħed minn dawk l-avvenimenti, id-dikjarazzjoni ta' diliġenza dovuta għandha ssir qabel iseħħ l-ewwel avveniment.

(11)

L-informazzjoni pprovduta fid-dikjarazzjoni ta' diliġenza dovuta għandha tiġi sottomessa mill-awtoritajiet kompetenti lill-ABS Clearing House skont l-Artikolu 7(3) tar-Regolament (UE) Nru 511/2014. Meta ma jkunx disponibbli ċertifikat rikonoxxut fuq livell internazzjonali, għandha tiġi sottomessa informazzjoni rilevanti oħra pprovduta skont l-Artikolu 17(4) tal-Protokoll ta' Nagoya, kif speċifikat fl-Artikolu 4(3)(b) tar-Regolament (UE) Nru 511/2014. Sabiex jiġi żgurat li l-Protokoll ta' Nagoya kif ukoll l-ABS Clearing House b'mod partikolari, jaħdmu b'mod effiċjenti għandha tiġi skambjata biss informazzjoni li tiffaċilita l-monitoraġġ mill-awtoritajiet nazzjonali kompetenti msemmijin fl-Artikolu 13(2) tal-Protokoll ta' Nagoya.

(12)

Dikjarazzjoni ta' diliġenza dovuta hija meħtieġa biss għal riżorsi ġenetiċi jew għarfien tradizzjonali assoċjat mar-riżorsi ġenetiċi miksubin mill-Parti għall-Protokoll ta' Nagoya li stabbilixxa aċċess rilevanti u leġiżlazzjoni dwar il-qsim tal-benefiċċji jew rekwiżiti regolatorji skont l-Artikolu 6(1) u l-Artikolu 7 tal-Protokoll ta' Nagoya.

(13)

Fid-dawl tan-novità tal-miżuri introdotti, huwa xieraq li dan ir-Regolament jiġi rivedut. F'dan il-kuntest, ir-rapporti msemmijin fl-Artikolu 16(1) tar-Regolament (UE) Nru 511/2014 jistgħu jkunu utli u għalhekk meta jkunu disponibbli, għandhom jitqiesu,

(14)

Il-miżuri pprovduti f'dan ir-Regolament huma fi qbil mal-opinjoni tal-Kumitat ABS,

(a)

kodiċi ta' reġistrazzjoni assenjat mill-Kummissjoni;

(b)

isem mogħti lill-kollezzjoni jew parti minnha u d-dettalji ta' kuntatt tagħha;

(c)

isem u dettalji ta' kuntatt tad-detentur;

(d)

il-kategorija tal-kollezzjoni jew parti minnha;

(e)

deskrizzjoni qasira tal-kollezzjoni jew parti minnha;

(f)

link għall-bażi ta' dejta, fejn ikun disponibbli;

(g)

istituzzjoni fi ħdan awtorità kompetenti tal-Istat Membru li vverifikat il-kapaċità tal-kollezzjoni biex tikkonforma mal-Artikolu 5(3) tar-Regolament (UE) Nru 511/2014;

(h)

data tal-inklużjoni fir-reġistru;

(i)

identifikatur eżistenti ieħor, fejn ikun disponibbli;

(j)

meta jkun applikabbli, id-data tat-tneħħija mir-reġistru.

(a)

verifiki fuq il-post;

(b)

eżaminazzjoni tad-dokumentazzjoni u r-rekords magħżulin ta' kollezzjoni jew parti minnha, li huma rilevanti biex tintwera konformità mal-Artikolu 5(3) tar-Regolament (UE) Nru 511/2014;

(c)

eżaminazzjoni ta' jekk il-kampjuni magħżulin ta' riżorsi ġenetiċi u informazzjoni relatata tal-kollezzjoni kkonċernata ġewx iddokumentati skont l-Artikolu 5(3) tar-Regolament (UE) 511/2014;

(d)

eżaminazzjoni ta' jekk id-detentur tal-kollezzjoni għandux il-kapaċità li jforni b'mod konsistenti riżorsi lil persuni terzi għall-utilizzazzjoni tagħhom skont l-Artikolu 5(3) tar-Regolament (UE) Nru 511/2014;

(e)

intervisti ma' persuni rilevanti, bħad-detenturi tal-kollezzjonijiet, il-persunal, il-verifikaturi esterni, u l-utenti li jiksbu kampjuni minn dik il-kollezzjoni.

(a)

verifiki fuq il-post;

(b)

eżaminazzjoni tad-dokumentazzjoni u r-rekords magħżulin ta' kollezzjoni jew parti minnha, li huma rilevanti biex tintwera konformità mal-Artikolu 5(3) tar-Regolament (UE) Nru 511/2014;

(c)

eżaminazzjoni ta' jekk il-kampjuni magħżulin ta' riżorsi ġenetiċi u informazzjoni relatata ġewx iddokumentati u fornuti lil persuni terzi għall-utilizzazzjoni tagħhom skont l-Artikolu 5(3) tar-Regolament (UE) Nru 511/2014;

(d)

intervisti ma' persuni rilevanti, bħad-detenturi tal-kollezzjonijiet, il-persunal, il-verifikaturi esterni, u l-utenti li jiksbu kampjuni minn dik il-kollezzjoni.

(a)

titfittex approvazzjoni jew awtorizzazzjoni tas-suq għal prodott żviluppat permezz tal-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi;

(b)

issir notifika meħtieġa qabel it-tqegħid fis-suq tal-Unjoni għal prodott żviluppat permezz ta' riżorsi ġenetiċi u għarfien tradizzjonali assoċjat mar-riżorsi ġenetiċi;

(c)

it-tqegħid fis-suq tal-Unjoni għall-ewwel darba ta' prodott żviluppat permezz tal-utilizzazzjoni ta' riżorsi ġenetiċi u għarfien tradizzjonali assoċjat mar-riżorsi ġenetiċi li għalihom ma hija meħtieġ l-ebda approvazzjoni, awtorizzazzjoni jew notifika ta' tqegħid fis-suq;

(d)

ir-riżultat tal-utilizzazzjoni jinbiegħ jew jiġi ttrasferit bi kwalunkwe mod ieħor lil persuna fiżika jew ġuridika fi ħdan l-Unjoni sabiex dik il-persuna tkun tista' twettaq waħda mill-attivitajiet imsemmijin fil-punti (a), (b) u (c);

(e)

l-utilizzazzjoni fl-Unjoni tkun spiċċat u l-eżitu tagħha jinbiegħ jew jiġi trasferit bi kwalunkwe mod ieħor lil persuna fiżika jew ġuridika barra mill-Unjoni.

20.10.2015   

MT

Il-Ġurnal Uffiċjali tal-Unjoni Ewropea

L 275/20

(1)

Skont ir-Regolament (UE) Nru 1380/2013 tal-Parlament Ewropew u tal-Kunsill (2), l-eliminazzjoni gradwali tal-iskartar permezz tal-introduzzjoni tal-obbligu tal-ħatt għal qabdiet ta' speċi soġġetti għal limiti ta' qbid hija waħda mill-objettivi tal-Politika Komuni tas-Sajd.

(2)

Skont l-Artikolu 15(1)(c) tar-Regolament (UE) Nru 1380/2013, l-obbligu ta' ħatt l-art għandu japplika mill-1 ta' Jannar 2016 għal merluzz f'żoni ta' sajd definiti minn din l-ispeċi.

(3)

Ċerti dispożizzjonijiet tar-Regolament tal-Kummissjoni (KE) Nru 494/2002 (3) huma f'kunfilitt mal-obbligu tal-ħatt billi jobbligaw lis-sajjieda jiskartaw merluzz maqbud li jaqbeż ċerti limiti ta' kompożizzjoni tal-qabda.

(4)

Dawk id-dispożizzjonijiet tar-Regolament (KE) Nru 494/2002 għandhom għalhekk jiġu emendati billi jirrikjedu li l-qabdiet kollha ta' merluzz mhux intenzjonati jinħattu, jingħaddu u jitnaqqsu mill-kwoti.

(5)

Il-miżuri stipulati f'dan ir-Regolament huma skont l-opinjoni tal-Kumitat dwar is-Sajd u l-Akkwakultura,

(1)

Għandu jiddaħħal l-Artikolu 1a li ġej:

“Artikolu 1a

Għall-għanijiet ta' dan ir-Regolament ‘qabdiet mhux intenzjonati’ tfisser qabdiet inċidentali ta' organiżmi tal-baħar li, skont l-Artikolu 15 tar-Regolament (UE) Nru 1380/2013 tal-Parlament Ewropew u tal-Kunsill (*), għandhom jinħattu, jingħaddu u jitnaqqsu mill-kwoti, jew għax ikunu taħt id-daqs minimu ta' referenza għall-konservazzjoni jew inkella għax jaqbżu l-kwantitajiet permessi skont ir-regoli dwar il-kompożizzjoni tal-qabdiet u l-qabdiet inċidentali.

(*)  Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).”."

(2)

Fl-Artikolu 2, għandu jiżdied il-paragrafu 3 li ġej:

“3.   Il-Paragrafu 1 ma għandux japplika għal qabdiet mhux intenzjonati tal-merluzz soġġetti għall-obbligu tal-ħatt stipulat fl-Artikolu 15 tar-Regolament (UE) Nru 1380/2013. Dawk il-qabdiet mhux intenzjonati għandhom jinħattu, jingħaddu u jitnaqqsu mill-kwoti”.

20.10.2015   

MT

Il-Ġurnal Uffiċjali tal-Unjoni Ewropea

L 275/22

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

20.10.2015   

MT

Il-Ġurnal Uffiċjali tal-Unjoni Ewropea

L 275/24

(1)

Il-Fond Ewropew ta' Aġġustament għall-Globalizzazzjoni (FEG) għandu l-għan li jipprovdi appoġġ lill-ħaddiema li jkunu ngħataw is-sensja u lill-persuni li jaħdmu għal rashom li l-attività tagħhom tkun intemmet b'riżultat ta' bidliet strutturali kbar fl-andament tal-kummerċ dinji minħabba l-globalizzazzjoni, b'riżultat ta' kontinwazzjoni tal-kriżi finanzjarja u ekonomika globali, jew b'riżultat ta' kriżi ekonomika u finanzjarja globali ġdida, u li jgħinhom fl-integrazzjoni mill-ġdid tagħhom fis-suq tax-xogħol.

(2)

Il-Fond ma għandux jaqbeż l-ammont annwali massimu ta' EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 (3).

(3)

Fl-24 ta' Marzu 2015, il-Belġju ppreżenta applikazzjoni EFG/2015/003 BE/Ford Genk għal kontribuzzjoni finanzjarja mill-FEG, wara sensji u waqfien ta' attivitajiet (minn hawn 'il quddiem imsejħa “sensji”) f'Ford Genk u fi 11-il fornitur u produttur downstream. Din ġiet issupplimentata b'informazzjoni addizzjonali skont l-Artikolu 8(3) tar-Regolament (UE) Nru 1309/2013. Dik l-applikazzjoni hija konformi mar-rekwiżiti għad-determinazzjoni ta' kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013.

(4)

Il-FEG għandu, għalhekk, jiġi mmobilizzat sabiex jipprovdi kontribuzzjoni finanzjarja ta' EUR 6 268 564 fir-rigward tal-applikazzjoni ppreżentata mill-Belġju.

(5)

Sabiex jitnaqqas kemm jista' jkun iż-żmien li jittieħed biex jiġi mmobilizzat il-FEG, din id-Deċiżjoni għandha tidħol fis-seħħ mid-data tal-adozzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/26

(1)

Il-Fond Ewropew ta' Aġġustament għall-Globalizzazzjoni (FEG) għandu l-għan li jipprovdi appoġġ lill-ħaddiema li jkunu ngħataw is-sensja u lill-persuni li jaħdmu għal rashom li l-attività tagħhom tkun intemmet b'riżultat ta' bidliet strutturali kbar fl-andament tal-kummerċ dinji minħabba l-kriżi finanzjarja u ekonomika globali, jew b'riżultat ta' kontinwazzjoni tal-kriżi finanzjarja u ekonomika globali, jew b'riżultat ta' kriżi ekonomika u finanzjarja globali ġdida, u sabiex jgħinhom fl-integrazzjoni mill-ġdid tagħhom fis-suq tax-xogħol.

(2)

Il-FEG ma għandux jaqbeż l-ammont massimu annwali ta' EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 (3).

(3)

Fl-24 ta' Marzu 2015, l-Italja ppreżentat applikazzjoni EGF/2015/004 IT/Alitalia għal kontribuzzjoni finanzjarja mill-FEG, b'segwitu għal sensji fil-Gruppo Alitalia (4) fl-Italja. Din ġiet issupplimentata b'informazzjoni addizzjonali skont l-Artikolu 8(3) tar-Regolament (UE) Nru 1309/2013. Din l-applikazzjoni tikkonforma mar-rekwiżiti għad-determinazzjoni tal-kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013.

(4)

Il-FEG għandu, għalhekk, jiġi mmobilizzat sabiex jipprovdi kontribuzzjoni finanzjarja ta' EUR 1 414 848 fir-rigward tal-applikazzjoni ppreżentata mill-Italja.

(5)

Sabiex jitnaqqas kemm jista' jkun iż-żmien li jittieħed biex jiġi mmobilizzat il-FEG, din id-Deċiżjoni għandha tidħol fis-seħħ mid-data tal-adozzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/28

(1)

Il-Fond Ewropew ta' Aġġustament għall-Globalizzazzjoni (FEG) għandu l-għan li jipprovdi appoġġ lill-ħaddiema li jkunu ngħataw is-sensja u lill-persuni li jaħdmu għal rashom li l-attività tagħhom tkun intemmet b'riżultat ta' bidliet strutturali kbar fl-andament tal-kummerċ dinji minħabba l-kriżi finanzjarja u ekonomika globali, jew b'riżultat ta' kontinwazzjoni tal-kriżi finanzjarja u ekonomika globali, jew b'riżultat ta' kriżi ekonomika u finanzjarja globali ġdida, u sabiex jgħinhom fl-integrazzjoni mill-ġdid tagħhom fis-suq tax-xogħol.

(2)

Il-Fond ma għandux jaqbeż l-ammont annwali massimu ta' EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 (3).

(3)

Fis-26 ta' Frar 2015, il-Ġermanja ppreżentat applikazzjoni EGF/2015/002 DE/Adam Opel għal kontribuzzjoni finanzjarja mill-FEG, b'segwitu għal sensji f'Adam Opel AG u fornitur wieħed fil-Ġermanja. Din ġiet issupplimentata b'informazzjoni addizzjonali skont l-Artikolu 8(3) tar-Regolament (UE) Nru 1309/2013. Dik l-applikazzjoni hija konformi mar-rekwiżiti għad-determinazzjoni ta' kontribuzzjoni finanzjarja mill-FEG kif stabbilita fl-Artikolu 13 tar-Regolament (UE) Nru 1309/2013.

(4)

Il-FEG għandu, għalhekk, jiġi mmobilizzat sabiex jipprovdi kontribuzzjoni finanzjarja ta' EUR 6 958 623 fir-rigward tal-applikazzjoni ppreżentata mill-Ġermanja.

(5)

Sabiex jitnaqqas kemm jista' jkun iż-żmien li jittieħed biex jiġi mmobilizzat il-FEG, din id-Deċiżjoni għandha tidħol fis-seħħ mid-data tal-adozzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/30

(1)

Il-Fond ta' Solidarjetà tal-Unjoni Ewropea (il-“Fond”) għandu l-għan li jippermetti lill-Unjoni tirrispondi b'mod rapidu, effiċjenti u flessibbli għal sitwazzjonijiet ta' emerġenza u tesprimi s-solidarjetà tagħha fir-rigward tal-popolazzjoni ta' reġjuni milquta minn katastrofi.

(2)

Il-Fond ma għandux jaqbeż l-ammont annwali massimu ta' EUR 500 miljun (prezzijiet tal-2011), kif stabbilit fl-Artikolu 10 tar-Regolament tal-Kunsill (UE, Euratom) Nru 1311/2013 (3).

(3)

Il-Bulgarija ppreżentat talba bl-għan li timmobilizza l-Fond, rigward kundizzjonijiet xitwin qliel.

(4)

Ir-Greċja ppreżentat żewġ talbiet bl-għan li timmobilizza l-Fond, rigward l-għargħar.

(5)

Il-Kummissjoni vvalutat bir-reqqa li t-talbiet kienu jissodisfaw il-kundizzjonijiet għall-għoti ta' għajnuna mill-Fond, kif stipulat fir-Regolament (KE) Nru 2012/2002.

(6)

Il-Fond għandu, għalhekk, jiġi mobilizzat sabiex jipprovdi kontribuzzjoni finanzjarja għall-ammont sħiħ ta' EUR 16 274 765 fir-rigward tat-talbiet ippreżentati mill-Bulgarija u mill-Greċja.

(7)

Hemm lok għar-riallokazzjoni tal-approprjazzjonijiet b'konformità mat-tieni sentenza tall-punt 11 tal-Ftehim Interistituzzjonali tat-2 ta' Diċembru 2013. L-approprjazzjonijiet għall-avvanzi għas-sena finanzjarja 2015 intużaw, sa punt limitat ħafna, għat-tliet talbiet li huma s-suġġett ta' din id-Deċiżjoni u li l-bilanċ li fadal biex jitħallas fir-rigward tagħhom huwa ta' EUR 14 647 288. Konsegwentement, l-ammont sħiħ għall-mobilizzazzjoni se jiġi ffinanzjat permezz tar-riallokazzjoni tal-approprjazzjonijiet disponibbli għall-avvanzi fil-baġit ġenerali tal-Unjoni Ewropea għas-sena finanzjarja 2015, u ma hemm bżonn tal-ebda approprjazzjoni addizzjonali.

(8)

Sabiex jitnaqqas kemm jista' jkun il-ħin li jieħu l-Fond biex jiġi mobilizzat, din id-deċiżjoni għandha tapplika mid-data tal-adozzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/32

(1)

Rapport dwar il-Valutazzjoni tar-Riskji dwar is-sustanza psikoattiva ġdida 4-metil-5-(4-metilfenil)-4,5-diidroossażol-2-ammina) (4,4′-DMAR) b'mod konformi mal-Artikolu 6 tad-Deċiżjoni 2005/387/ĠAI ġie mfassal minn sessjoni speċjali tal-Kumitat Xjentifiku estiż taċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA), u sussegwentement ġie ppreżentat lill-Kummissjoni u lill-Kunsill fid-19 ta' Settembru 2014.

(2)

L-4,4′-DMAR hija derivattiv sintetiku tal-ossażolina sostitwita. Hija derivattiv tal-aminorex u tal-4-metilaminorex (4-MAR), żewġ stimulanti sintetiċi kkontrollati skont il-Konvenzjoni tan-Nazzjonijiet Uniti tal-1971 dwar is-Sustanzi Psikotropiċi.

(3)

L-4,4′-DMAR ilha disponibbli fuq is-suq tad-drogi fl-Unjoni mill-anqas minn Diċembru 2012 u ġiet innotifikata lis-Sistema ta' Twissija Bikrija f'Diċembru 2012. Disa' Stati Membri rrappurtaw sejbiet li rriżultaw minn qabdiet li għamlu tas-sustanza, prinċipalment fil-forma ta' trab jew pilloli bojod jew ikkuluriti, kif ukoll ta' kampjuni bijoloġiċi u miġbura.

(4)

L-4,4′-DMAR tfaċċat fis-suq tas-sustanzi ġodda psikoattivi bħala “kimika għar-riċerka” mibjugħa fuq l-Internet, u issa hija disponibbli fuq suq tat-triq. L-4,4′-DMAR qed tinbiegħ u tiġi kkunsmata bħala sustanza għaliha waħedha, iżda nbiegħet ukoll b'qerq fis-suq illeċitu bħala ecstasy u amfetamini.

(5)

Ġew irreġistrati 31 mewta assoċjati mal-4,4′-DMAR fi tliet Stati Membri, bejn Ġunju 2013 u Ġunju 2014. Fil-biċċa l-kbira tal-każijiet l-4,4′-DMAR jew kienet il-kawża tal-mewt jew inkella, flimkien ma' sustanzi oħra, x'aktarx li kkontribwixxiet għall-mewt. Stat Membru wieħed irrapporta każ ta' intossikazzjoni mhux fatali.

(6)

Ma hemm l-ebda studju dwar it-tossiċità tal-4,4′-DMAR.

(7)

Ma hemm l-ebda data ta' prevalenza dwar l-użu tal-4,4′-DMAR. Madankollu, l-informazzjoni disponibbli tissuġġerixxi li ġietx użata estensivament. Informazzjoni miksuba minn każijiet li jinvolvu mewt tissuġġerixxi wkoll li l-utenti kkunsmaw bla ma jafu l-4,4′-DMAR meta kienu qed ifittxu stimulanti oħra.

(8)

Hemm involviment limitat tal-kriminalità organizzata fil-manifattura, id-distribuzzjoni, it-traffikar u l-provvista tal-4,4′-DMAR fl-Unjoni. Il-prekursuri kimiċi u r-rotot sintetiċi użati għall-manifattura tal-4,4′-DMAR mhumiex magħrufa.

(9)

L-4,4′-DMAR mhijiex elenkata għall-kontroll taħt il-Konvenzjoni Unika tan-Nazzjonijiet Uniti tal-1961 dwar id-Drogi Narkotiċi jew taħt il-Konvenzjoni tan-Nazzjonijiet Uniti tal-1971 dwar Sustanzi Psikotropiċi. Bħalissa mhix qed tiġi vvalutata, u lanqas ma kienet qed tiġi vvalutata mis-sistema tan-Nazzjonijiet Uniti, u m'hemm l-ebda valutazzjoni bħal din ippjanata.

(10)

L-4,4′-DMAR ma għandha l-ebda użu mediku għall-bniedem jew veterinarju stabbilit jew rikonoxxut fl-Unjoni. Minbarra l-użu tagħha u f'materjali ta' referenza analitiku u fir-riċerka xjentifika li investiga l-proprjetajiet kimiċi, farmakoloġiċi u tossikoloġi tagħha, ma hemm l-ebda indikazzjoni li qed tintuża għal skopijiet oħra.

(11)

Ir-Rapport dwar il-Valutazzjoni tar-Riskji juri li hemm ftit evidenza xjentifika disponibbli fuq l-4,4′-DMAR u jindika li aktar riċerka tkun meħtieġa biex jiġu determinati r-riskji għas-saħħa u dawk soċjali li ġġib magħha. Madankollu, l-evidenza u l-informazzjoni attwalment disponibbli jipprovdu raġunijiet suffiċjenti biex l-4,4′-DMAR tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li jippreżenta l-konsum tal-4,4′-DMAR, kif iddokumentat permezz tal-individwazzjoni tagħha f'diversi fatalitajiet, il-fatt li l-utenti jistgħu jikkunsmawha bla ma jafu u n-nuqqas ta' valur mediku ta' din is-sustanza, l-4,4′-DMAR għandha tiġi sottoposta għal miżuri ta' kontroll.

(12)

Minħabba l-fatt li tliet Stati Membri jikkontrollaw l-4,4′-DMAR taħt il-leġiżlazzjoni nazzjonali li hija konformi mal-obbligi tal-Konvenzjoni tan-Nazzjonijiet Uniti tal-1971 dwar Sustanzi Psikotropiċi u ħames Stati Membri jużaw miżuri leġiżlattivi oħrajn biex jikkontrollawha, il-fatt din is-sustanza tiġi sottoposta għal miżuri ta' kontroll fl-Unjoni kollha jgħin biex jiġi evitat il-ħolqien ta' ostakli fl-infurzar transkonfinali tal-liġi u l-kooperazzjoni ġudizzjarja, u jipproteġi kontra r-riskji li d-disponibbiltà u l-użu tagħha jistgħu joħolqu.

(13)

Rapport dwar il-Valutazzjoni tar-Riskji tas-sustanza psikoattiva ġdida 1-ċikloesil-4-(1,2-difeniletil) piperażina (MT-45) f'konformità mal-Artikolu 6(2), (3) u (4) tad-Deċiżjoni 2005/387/ĠAI ġie mfassal minn sessjoni speċjali tal-Kumitat Xjentifiku estiż tal-EMCDDA, u sussegwentement ġie ppreżentat lill-Kummissjoni u lill-Kunsill fis-6 ta' Ottubru 2014.

(14)

L-MT-45 hija N,N′-piperażina disostitwenti, li għandha ċirku taċ-ċikloeżan marbut ma' wieħed mill-atomi tan-nitroġenu taċ-ċirku tal-pipereżan u frazzjoni 1,2-difeniletil marbuta mal-atomu tan-nitroġenu. L-MT-45 hija waħda min-serje ta' analġeżiċi piperażina 1-(1,2-difeniletil) ivvintati fil-bidu tas-snin 1970.

(15)

L-MT-45 ilha preżenti fuq is-suq tad-drogi fl-Unjoni minn Ottubru 2013, fejn tinbiegħ bħala “sostanza kimika għar-riċerka”, l-aktar fuq l-Internet. L-EMCDDA identifika 12-il sit ta' fornituri u bejjiegħa fuq l-Internet u li offrew l-MT-45 għall-bejgħ, inkluż uħud apparentement ibbażati fl-Unjoni.

(16)

Total ta' 28 fatalità li seħħew bejn Novembru 2013 u Lulju 2014 ġew irrappurtati minn Stat Membru wieħed. F'ħafna każijiet, il-preżenza tal-MT-45 f'kampjuni bijoloġiċi ġiet ikkonfermata b'mod analitiku. Ġew irrappurtati wkoll madwar 18-il intossikazzjoni mhux fatali mill-istess Stat Membru u l-karatteristiċi kliniċi tagħhom kienu simili għal intossikazzjoni opjojde, f'xi każi kien hemm reazzjoni għall-antagonista naloxone.

(17)

Hemm diversi studji fuq annimali li jindikaw li t-tossiċità akuta tal-MT-45 hija ħafna drabi ogħla minn dak ta' morfina.

(18)

L-informazzjoni attwalment disponibbli tissuġġerixxi li l-MT-45 ma ġietx użata estensivament. Is-sustanza tidher li tintuża l-aktar f'ambjent domestiku jew minn utenti lesti li jippruvaw sustanza ġdida jew minn utenti dipendenti mill-opjojde li ma għandhom l-ebda aċċess għall-eroina jew kwalunkwe opjojde oħra. L-utenti jistgħu jikkombinaw l-MT-45 ma' sustanzi psikoattivi oħra. Ma hemm l-ebda informazzjoni dwar ir-riskji soċjali li jistgħu jkunu relatati mal-MT-45.

(19)

Ma hemm l-ebda evidenza tal-involviment tal-kriminalità organizzata fil-manifattura, id-distribuzzjoni, it-traffikar u l-provvista tal-MT-45 fl-Unjoni. Il-prekursuri kimiċi u r-rotot sintetiċi użati fil-produzzjoni tal-MT-45 individwata fl-Istati Membri mhumiex magħrufa.

(20)

L-MT-45 mhijiex elenkata għall-kontroll taħt il-Konvenzjoni Unika tan-Nazzjonijiet Uniti tal-1961 dwar id-Drogi Narkotiċi jew taħt il-Konvenzjoni tan-Nazzjonijiet Uniti tal-1971 dwar Sustanzi Psikotropiċi. Bħalissa mhix qed tiġi vvalutata, u lanqas ma kienet qed tiġi vvalutata mis-sistema tan-Nazzjonijiet Uniti, u m'hemm l-ebda valutazzjoni bħal din ippjanata.

(21)

L-MT-45 ma għandha l-ebda użu mediku għall-bniedem jew veterinarju stabbilit jew magħruf fl-Unjoni. Minbarra l-użu tagħha u f'materjali ta' referenza analitiku u fir-riċerka xjentifika li investiga l-proprjetajiet kimiċi, farmakoloġiċi u t-tossikoloġi tagħha, ma hemm l-ebda indikazzjoni li qed tintuża għal skopijiet oħra.

(22)

Ir-Rapport dwar il-Valutazzjoni tar-Riskji juri li hemm ftit evidenza xjentifika disponibbli rigward l-MT-45 u jindika li aktar riċerka tkun meħtieġa biex jiġu determinati r-riskji għas-saħħa u dawk soċjali li ġġib magħha. Madankollu, l-evidenza u l-informazzjoni attwalment disponibbli jipprovdu raġunijiet suffiċjenti biex l-MT-45 tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li ġġib magħha, kif iddokumentat permezz tal-individwazzjoni tagħha f'diversi fatalitajiet, u n-nuqqas ta' valur mediku ta' din is-sustanza, l-MT-45 għandha tiġi sottoposta għal miżuri ta' kontroll.

(23)

Minħabba l-fatt li Stati Membru wieħed jikkontrolla l-MT-45 taħt il-leġiżlazzjoni nazzjonali li hija konformi mal-obbligi skont il-Konvenzjoni Unika tan-Nazzjonijiet Uniti tal-1961 dwar id-Drogi Narkotiċi u skont l-Konvenzjoni tan-Nazzjonijiet Uniti tal-1971 dwar Sustanzi Psikotropiċi u li seba' Stati Membri jużaw miżuri leġiżlattivi oħrajn biex jikkontrollawha, il-fatt din is-sustanza tiġi sottoposta għal miżuri ta' kontroll fl-Unjoni kollha jgħin biex jiġi evitat il-ħolqien ta' ostakli fl-infurzar transkonfinali tal-liġi u l-kooperazzjoni ġudizzjarja, u jipproteġi kontra r-riskji li d-disponibbiltà u l-użu tagħha jistgħu joħolqu.

(24)

Id-Deċiżjoni 2005/387/ĠAI tikkonferixxi setgħat ta' implimentazzjoni lill-Kunsill bil-ħsieb li jkun hemm reazzjoni rapida u bbażata fuq kompetenza esperta fil-livell tal-Unjoni għal meta jfiġġu sustanzi psikoattivi ġodda individwati u rrappurtati mill-Istati Membri, billi tissottoponi dawk is-sustanzi għal miżuri ta' kontroll fl-Unjoni kollha. Billi l-kondizzjonijiet u l-proċedura biex jiġi attivat l-eżerċizzju ta' tali setgħat ta' implimentazzjoni ntlaħqu, għandha tiġi adottata deċiżjoni ta' implimentazzjoni sabiex l-4,4′-DMAR u l-MT-45 jitqiegħdu taħt kontroll fl-Unjoni kollha.

(25)

Id-Danimarka hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(26)

L-Irlanda hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(27)

Ir-Renju Unit mhuwiex marbut bid-Deċiżjoni 2005/387/ĠAI u għalhekk mhux qed jieħu sehem fl-adozzjoni ta' din id-Deċiżjoni li timplimenta d-Deċiżjoni 2005/387/ĠAI u mhux marbut biha jew soġġett għall-applikazzjoni tagħha,

(a)

4-metil-5-(4-metilfenil)-4,5-diidroossażol- 2-ammina) (4,4′-DMAR);

(b)

1-ċikloesil-4-(1,2-difeniletil) piperażina (MT-45).

20.10.2015   

MT

Il-Ġurnal Uffiċjali tal-Unjoni Ewropea

L 275/35

(1)

Rapport ta' Valutazzjoni tar-Riskji dwar l-4-metilamfetammina ġie mfassal skont l-Artikolu 6 tad-Deċiżjoni 2005/387/ĠAI minn sessjoni speċjali tal-Kumitat Xjentifiku estiż taċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA), u sussegwentement wasal għand il-Kummissjoni fid-29 ta' Novembru 2012.

(2)

L-4-metilamfetammina hija derivattiv sintetiku metilat fiċ-ċirku tal-amfetammina li fil-biċċa l-kbira tinstab f'forma ta' trab u ta' pejst f'kampjuni li fihom l-amfetammina u l-kaffeina, iżda li dehret ukoll f'forma ta' pilloli u f'forma ta' likwidu. Dehret fis-suq tal-amfetammina illeċita fejn tinbiegħ u tintuża bħala d-droga kkontrollata, l-amfetammina. Kien hemm rapport fejn is-sustanza ġiet individwata fi prodott kummerċjali mibjugħ fuq l-Internet. Il-prekursur kimiku prinċipali għas-sinteżi tal-4-metilamfetammina huwa 4-metilbenżil metil keton (4-metil-BMK), li jidher li hu kummerċjalment disponibbli fuq l-Internet u mhux ikkontrollat skont il-Konvenzjoni tan-Nazzjonijiet Uniti tal-1988 kontra t-Traffikar Illeċitu fi Drogi Narkotiċi u Sustanzi Psikotropiċi.

(3)

L-effetti fiżiċi speċifiċi tal-4-metilamfetammina rarament ġew irrappurtati mill-utenti, billi l-utenti tipikament ma jkunux jafu li ħadu s-sustanza. Madankollu, il-ftit rapporti li huma disponibbli jissuġġerixxu li għandha effetti ta' tip ta' stimulant. Id-data limitata disponibbli li tirrigwarda l-bnedmin tissuġġerixxi li l-effetti negattivi tal-4-metilamfetammina jinkludu ipertermija, pressjoni għolja, anoressija, dardir, għaraq, problemi gastriċi, sogħla, remettar, uġigħ ta' ras, palpitazzjonijiet, insomnja, paranojja, ansjetà u depressjoni. Id-data attwali mhijiex suffiċjenti biex tistabbilixxi l-livell potenzjali ta' dipendenza li s-sustanza tista' tikkawża.

(4)

Skont is-sorsi tad-data limitati disponibbli, it-tossiċità akuta tal-4-metilamfetammina hija simili għal dik ta' stimulanti oħra. Ċerta evidenza tissuġġerixxi li taħlita ta' 4-metilamfetammina ma' sustanzi oħra, inklużi l-amfetammina u l-kaffeina, tista' tirriżulta f'riskju ogħla ta' tossiċità globali miżjuda.

(5)

Kien hemm total ta' 21 fatalità rreġistrati f'erba' Stati Membri fejn l-4-metilamfetammina weħidha jew f'kombinazzjoni ma' sustanza waħda jew aktar, speċjalment l-amfetammina, ġiet individwata f'kampjuni post-mortem. Filwaqt li f'dawn il-fatalitajiet mhuwiex possibbli li mill-informazzjoni disponibbli jiġi ddeterminat b'ċertezza r-rwol tal-4-metilamfetammina, f'xi każijiet is-sustanza kienet id-droga predominanti individwata, b'livelli komparabbli għal dawk misjuba f'ċerti każijiet ta' mewt ikkawżata mill-konsum tal-amfetammina.

(6)

L-4-metilamfetammina ġiet individwata fi 15-il Stat Membru, filwaqt li Stat Membru wieħed irrapporta il-manifattura tas-sustanza fit-territorju tiegħu. Il-prevalenza speċifika għall-4-metilamfetammina hija diffiċli li tiġi stmata. Ma hemm l-ebda informazzjoni dwar domanda speċifika għas-sustanza minn gruppi ta' utenti u mhix kummerċjalizzata fis-suq permezz ta' ħwienet fuq l-Internet.

(7)

L-informazzjoni disponibbli tissuġġerixxi li l-4-metilamfetammina hija prodotta u mqassma mill-istess gruppi kriminali organizzati li huma involuti fil-manifattura u t-traffikar tal-amfetammina.

(8)

L-4-metilamfetammina ma għandha l-ebda valur jew użu mediku magħruf, stabbilit jew rikonoxxut fl-Unjoni u ma hemm l-ebda awtorizzazzjoni għall-kummerċjalizzazzjoni tas-sustanza fl-Unjoni. Minbarra l-użu tagħha bħala standard analitiku ta' referenza u fir-riċerka xjentifika, ma hemm l-ebda indikazzjoni li tista' tintuża għal xi skopijiet leġittimi oħra.

(9)

L-4-metilamfetammina attwalment mhix qed tiġi vvalutata u ma kenitx qed tiġi vvalutata mis-sistema tan-Nazzjonijiet Uniti. Tmien Stati Membru jikkontrollaw is-sustanza skont il-leġislazzjoni dwar il-kontroll tad-droga bis-saħħa tal-obbligi tagħhom skont il-Konvenzjoni tan-Nazzjonijiet Uniti dwar is-Sustanzi Psikotropiċi tal-1971. Żewġ Stati Membri oħrajn japplikaw id-definizzjoni ġenerika ta' fenetilammina fil-leġislazzjoni nazzjonali tagħhom għas-sustanza, filwaqt li Stat Membru wieħed jikkontrollaha skont il-leġislazzjoni tiegħu tal-mediċini.

(10)

Ir-Rapport tal-Valutazzjoni tar-Riskji juri li hemm evidenza xjentifika limitata disponibbli dwar il-karatteristiċi u r-riskji tal-4-metilamfetammina u jindika li jeħtieġ aktar studji dwar ir-riskji ġenerali għas-saħħa u dawk soċjali assoċjati mas-sustanza. Madankollu, l-evidenza disponibbli tipprovdi raġunijiet suffiċjenti biex jissottoponu lill-4-metilamfetammina għal miżuri ta' kontroll fl-Unjoni kollha. B'riżultat tar-riskji għas-saħħa li tippreżenta, kif dokumentat mill-individwazzjoni tagħha f'diversi fatalitajiet rapportati, speċjalment meta tintuża f'kombinazzjoni ma' sustanzi oħra, tax-xebh kbir tagħha f'termini ta' dehra u effetti mal-amfetammina, tal-fatt li min jużaha jista' bla ma jinduna jikkonsma s-sustanza, u tal-valur jew l-użu mediku limitat tagħha, l-4-metilamfetammina għandha tkun soġġetta għal miżuri ta' kontroll fl-Unjoni kollha.

(11)

Minħabba l-fatt li għaxar Stati Membri diġà jikkontrollaw l-4-metilamfetammina, il-fatt li din tkun sottoposta għal miżuri ta' kontroll fl-Unjoni kollha jista' jgħin biex jiġu evitati problemi fl-infurzar transkonfinali tal-liġi u fil-kooperazzjoni ġudizzjarja.

(12)

Il-miżuri ta' kontroll fl-Unjoni kollha jistgħu jgħinu wkoll biex jiġi evitat li l-4-metilamfetammina tiżviluppa bħala alternattiva għall-amfetammina fis-swieq tad-drogi illeċiti.

(13)

Id-Deċiżjoni 2005/387/ĠAI tikkonferixxi setgħat ta' implimentazzjoni lill-Kunsill bil-ħsieb li jkun hemm reazzjoni pronta u bbażata fuq kompetenza esperta fil-livell tal-Unjoni għal meta jfiġġu sustanzi psikoattivi ġodda individwati u rrapportati mill-Istati Membri, billi tissottoponi dawk is-sustanzi għal miżuri ta' kontroll fl-Unjoni kollha. Billi l-kondizzjonijiet u l-proċedura biex jiġi attivat l-eżerċizzju ta' tali setgħat ta' implimentazzjoni ntlaħqu, għandha tiġi adottata deċiżjoni ta' implimentazzjoni sabiex l-4-metilamfetammina titqiegħed taħt kontroll fl-Unjoni kollha.

(14)

Din id-Deċiżjoni tissostitwixxi d-Deċiżjoni tal-Kunsill 2013/129/UE (2) li ġiet annullata mill-Qorti tal-Ġustizzja tal-Unjoni Ewropea (il-“Qorti”) bis-sentenza tagħha tas-16 ta' April 2015 fil-Kawża C-317/13 (3). F'dik is-sentenza, il-Qorti żammet l-effetti tad-Deċiżjoni 2013/129/UE sad-dħul fis-seħħ ta' atti ġodda maħsuba sabiex jissostitwixxuha. Għaldaqstant, mill-jum tad-dħul fis-seħħ ta' din id-Deċiżjoni, id-Deċiżjoni 2013/129/UE tieqaf tipproduċi effetti.

(15)

Biex tiżgura l-kontinwità tal-miżuri ta' kontroll fl-Unjoni kollha fir-rigward tal-4-metilamfetammina, din id-Deċiżjoni għandha tkun mingħajr preġudizzju għall-obbligi tal-Istati Membri fir-rigward tal-limitu ta' żmien li fih dik is-sustanza psikoattiva ġdida għandha tiġi sottoposta għal miżuri ta' kontroll u pieni kriminali fil-liġijiet nazzjonali tagħhom, kif stipulat fl-Artikolu 2 tad-Deċiżjoni 2013/129/UE.

(16)

Id-Danimarka hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(17)

L-Irlanda hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(18)

Ir-Renju Unit mhuwiex marbut bid-Deċiżjoni 2005/387/ĠAI u għalhekk mhux qed jieħu sehem fl-adozzjoni ta' din id-Deċiżjoni li timplimenta d-Deċiżjoni 2005/387/ĠAI u mhux marbut biha jew soġġett għall-applikazzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/38

(1)

Rapporti dwar il-Valutazzjoni tar-Riskji dwar is-sustanzi psikoattivi ġodda 4-iodjo-2,5-dimetossi-N-(2-metossibenzil)fenetilamina (25I-NBOMe), 3,4-dikloro-N-[[1-(dimetilamino)ċikloessil]metil]benzamida (AH-7921), 3,4-metilenediossipirovaleron (MDPV) u 2-(3-metossifenil)2-(etilamino)ċikloessanon (metossetamina) ġew imfassla skont id-Deċiżjoni 2005/387/ĠAI minn sessjoni speċjali tal-Kumitat Xjentifiku estiż taċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA), u sussegwentement ġew ippreżentati lill-Kummissjoni u lill-Kunsill fit-23 ta' April 2014.

(2)

Il-25I-NBOMe, l-AH-7921, l-MDPV u l-metossetamina ma kinux taħt evalwazzjoni fil-livell tan-Nazzjonijiet Uniti meta l-evalwazzjoni tar-riskju ntalbet fil-livell tal-Unjoni, iżda ġew evalwati f'Ġunju 2014 mill-Kumitat ta' Esperti dwar id-Dipendenza mid-Droga tal-Organizzazzjoni Dinjija tas-Saħħa.

(3)

Il-25I-NBOMe, l-AH-7921, l-MDPV u l-metossetamina ma għandhom l-ebda użu mediku għall-bniedem jew veterinarju stabbilit jew rikonoxxut. Minbarra l-użu tagħhom f'materjali ta' referenza analitika, fir-riċerka xjentifika li tinvestiga l-proprjetajiet kimiċi, farmakoloġiċi u tossikoloġi bħala riżultat tal-feġġ tagħhom fis-suq tad-drogi u, fil-każ tal-25I-NBOMe, anki fil-qasam tan-newrokimika, ma hemm l-ebda indikazzjoni li dawn qed jintużaw għal skopijiet oħra.

(4)

Il-25I-NBOMe hija derivattiv sintetiku qawwi ta' 2,5-dimetossi-4-iodjo fenetilamina (2C-I), serotonergiku alluċinoġenu klassiku, li kien soġġett għal valutazzjoni tar-riskji u għal miżuri ta' kontroll u sanzjonijiet kriminali fil-livell tal-Unjoni mill-2003 bis-saħħa tad-Deċiżjoni tal-Kunsill 2003/847/ĠAI (2).

(5)

Huwa diffiċli li jiġu determinati l-effetti fiżiċi speċifiċi tal-25I-NBOMe għaliex ma hemmx studji ppublikati li jivvalutaw it-tossiċità akuta u kronika tagħha, l-effetti psikoloġiċi u ta' mġiba, u l-potenzjal tad-dipendenza, u minħabba l-iskarsità tal-informazzjoni u d-dejta disponibbli. Osservazzjonijiet kliniċi ta' individwi li użaw din is-sustanza jissuġġerixxu li għandha effetti alluċinoġeniċi u għandha l-potenzjal li twassal għal aġitazzjoni gravi, konfużjoni, alluċinazzjonijiet tas-smigħ u viżwali intensi, aggressjoni, inċidenti vjolenti u trawma kkaġunata mill-individwu stess.

(6)

Kien hemm erba' mwiet assoċjati mal-25I-NBOMe rreġistrati fi tliet Stati Membri. Tossiċità severa assoċjata mal-użu tagħha ġiet irrapportata f'erba' Stati Membri, li nnotifikaw 32 intossikazzjoni mhux fatali. Jekk din is-sustanza psikoattiva ġdida ssir aktar disponibbli u tibda tintuża aktar, l-implikazzjonijiet għas-saħħa individwali u pubblika jistgħu jkunu sinifikanti. Ma hemmx informazzjoni disponibbli dwar ir-riskji soċjali assoċjati mal-25I-NBOMe.

(7)

Tnejn u għoxrin Stat Membru u n-Norveġja rrapportaw lill-EMCDDA u lill-Uffiċċju Ewropew tal-Pulizija (Europol) li huma rrapportaw l-individwazzjoni tal-25I-NBOMe. L-ebda data ta' prevalenza ma hija disponibbli dwar l-użu tal-25I-NBOMe, iżda l-informazzjoni limitata li teżisti turi li tista' tiġi kkunsmata f'firxa wiesgħa ta' kuntesti, bħal pereżempju fid-dar, fil-bars, fin-nightclubs u fil-festivals tal-mużika.

(8)

Il-25I-NBOMe hija apertament kummerċjalizzata u mibjugħa fuq l-Internet bħala “kimika għar-riċerka” u informazzjoni miksuba minn sekwestri, kampjuni miġbura, websajts tal-utenti u l-bejjiegħa bl-imnut fuq l-Internet tissuġġerixxi li qed tinbiegħ bħala droga fiha nnifisha u kkummerċjalizzata wkoll bħala sostitut “legali” għal-LSD. L-EMCDDA identifika aktar minn 15-il bejjiegħ bl-imnut fuq l-Internet li jbigħu din is-sustanza, li jistgħu jkunu bbażati fi ħdan l-Unjoni u ċ-Ċina.

(9)

Ir-Rapport dwar il-Valutazzjoni tar-Riskji juri li hemm evidenza xjentifika limitata disponibbli dwar il-25I-NBOMe u jindika li jeħtieġ ikun hemm aktar riċerka biex jiġu determinati r-riskji għas-saħħa u dawk soċjali li din iġġib magħha. Madankollu, l-evidenza u l-informazzjoni disponibbli jipprovdu raġuni suffiċjenti biex il-25I-NBOMe tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li din iġġib magħha, kif iddokumentat permezz tal-individwazzjoni tagħha f'diversi każijiet rapportati ta' mewt, il-fatt li l-utenti jistgħu jikkunsmawha bla ma jafu, u minħabba n-nuqqas ta' valur jew użu mediku, il-25I-NBOMe għandha tiġi sottoposta għal miżuri ta' kontroll fl-Unjoni kollha.

(10)

Minħabba l-fatt li sitt Stati Membri jikkontrollaw il-25I-NBOMe fil-leġiżlazzjoni nazzjonali biex b'hekk jikkonformaw mal-obbligi tal-Konvenzjoni tan-Nazzjonijiet Uniti tal-1971 dwar Sustanzi Psikotropiċi, u li seba' Stati Membri jużaw miżuri leġiżlattivi oħrajn biex jikkontrollawha, il-fatt li din is-sustanza tiġi sottoposta għal miżuri ta' kontroll fl-Unjoni kollha jista' jgħin biex jiġi evitat il-ħolqien ta' ostakli fl-infurzar transkonfinali tal-liġi u l-kooperazzjoni ġudizzjarja, u jgħin biex jipproteġu kontra r-riskji li d-disponibbiltà u l-użu tagħha jistgħu joħolqu.

(11)

L-AH-7921 hija opjojd analġesiku sintetiku strutturalment atipiku komunement magħrufa mill-fornituri fuq l-Internet, mill-utenti tal-websajts u mill-midja bħala “doksilam”. Din tista' faċilment tiġi konfuża ma' “doksilamina”, mediċina antistamina bi proprjetajiet sedattivi-ipnotiċi, li tista' twassal għal dożi eċċessivi mhux intenzjonati.

(12)

Huwa diffiċli li jiġu determinati l-effetti fiżiċi speċifiċi tal-AH-7921 għaliex ma hemmx studji ppublikati li jivvalutaw it-tossiċità akuta u kronika tagħha, l-effetti psikoloġiċi u ta' mġiba, il-potenzjal tad-dipendenza, u wkoll l-iskarsità tal-informazzjoni u d-data disponibbli. Abbażi ta' rapporti tal-utenti, l-effetti tal-AH-7921 jidhru li jixbħu lil dawk ta' opjojdi klassiċi b'sentiment ta' ewforija ħafifa, ħakk u rilassament.Id-dardir jidher li huwa effett avvers tipiku. Minbarra awtoesperimentazzjoni bl-AH-7921, kif ukoll “l-użu rikreattiv”, xi utenti jirrapportaw li mmedikaw lilhom infushom b'din il-mediċina biex itaffu l-uġigħ, oħrajn biex itaffu s-sintomi ta' rtirar minħabba l-waqfien tal-użu ta' opjodi oħra. Dan jista' jindika potenzjal li l-AH-7921 tinxtered fost dawk li jinjettaw opjojdi.

(13)

Ma hemm l-ebda data ta' prevalenza dwar l-użu tal-AH-7921, iżda l-informazzjoni disponibbli tissuġġerixxi li ma tintużax ħafna, u meta tintuża, dak l-użu jkun fl-ambjent domestiku.

(14)

Ġew irreġistrati 15-il fatalità fi tliet Stati Membri bejn Diċembru 2012 u Settembru 2013, fejn l-AH-7921 weħidha, jew flimkien ma' sustanzi oħra, ġiet individwata f'kampjuni meħuda postmortem. Filwaqt li mhuwiex possibbli li jiġi ddeterminat b'ċertezza r-rwol tal-AH-7921 f'dawk l-imwiet kollha, f'xi każijiet ġie speċifikament imniżżel fil-kawża tal-mewt. Stat Membru rrapporta sitt każijiet mhux fatali ta' intossikazzjoni assoċjati mal-AH-7921. Jekk din is-sustanza psikoattiva ġdida ssir aktar disponibbli u tibda tintuża aktar, l-implikazzjonijiet għas-saħħa individwali u pubblika jistgħu jkunu sinifikanti. Ma hemmx informazzjoni oħra disponibbli dwar ir-riskji soċjali assoċjati mal-AH-7921.

(15)

Ir-Rapport dwar il-Valutazzjoni tar-Riskji juri li hemm ftit evidenza xjentifika disponibbli dwar l-AH-7921 u jindika li jeħtieġ issir aktar riċerka biex jiġu determinati r-riskji għas-saħħa u dawk soċjali li din iġġib magħha. Madankollu, l-evidenza u l-informazzjoni disponibbli jipprovdu raġuni suffiċjenti biex l-AH-7921 tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li din iġġib magħha, kif iddokumentat permezz tal-individwazzjoni tagħha f'diversi każijiet rapportati ta' mewt, il-fatt li l-utenti jistgħu bla ma jafu jikkunsmawha, u n-nuqqas ta' valur jew użu mediku tas-sustanza, l-AH-7921 għandha tiġi sottoposta għal miżuri ta' kontroll fl-Unjoni kollha.

(16)

Minħabba l-fatt li Stat Membru jikkontrolla l-AH-7921 fil-leġiżlazzjoni nazzjonali biex b'hekk jikkonforma mal-obbligi tal-Konvenzjoni tan-Nazzjonijiet Uniti tal-1971 dwar Sustanzi Psikotropiċi, u li ħames Stati Membri jużaw miżuri leġiżlattivi oħrajn biex jikkontrollawha, il-fatt li din is-sustanza tiġi sottoposta għal miżuri ta' kontroll fl-Unjoni kollha jista' jgħin biex jiġi evitat il-ħolqien ta' ostakli fl-infurzar transkonfinali tal-liġi u l-kooperazzjoni ġudizzjarja, u jgħin biex jipproteġu kontra r-riskji li d-disponibbiltà u l-użu tagħha jistgħu joħolqu.

(17)

L-MDPV hija derivattiv sintetiku ta' katinon b'ċirku sostitwit, kimikament relatata mal-pirovaleron, li huma t-tnejn suġġetti għal kontroll skont il-Konvenzjoni tan-Nazzjonijiet Uniti tal-1971 dwar Sustanzi Psikotropiċi.

(18)

Informazzjoni dwar it-tossiċità akuta u kronika assoċjati mal-MDPV, kif ukoll dwar l-effetti psikoloġiċi u ta' mġiba, u dwar id-dipendenza potenzjali, ma tinġabarx b'mod uniformi fl-Unjoni kollha. Informazzjoni minn studji ppubblikati, ikkonfermata minn każijiet kliniċi, tissuġġerixxi li l-profil psikofarmakoloġiku osservat għall-MDPV huwa simili għal dak tal-kokaina u l-metamfetamina, għalkemm aktar b'saħħitha u aktar fit-tul. Barra minn hekk, l-MDPV instabet li hija għaxar darbiet iktar qawwija fil-kapaċità tagħha li tikkawża attivazzjoni lokomotriċi, takikardija u pressjoni għolja.

(19)

Websajts tal-utenti jindikaw li t-tossiċità akuta tagħha tista' tipprovoka effetti avversi fuq il-bnedmin, simili għal dawk assoċjati ma' stimulanti oħra. Dawn jinkludu l-psikożi paranojjika, takikardija, ipertensjoni, diaforeżi, problemi ta' nifs, aġitazzjoni gravi, alluċinazzjonijiet tas-smigħ u viżwali, ansjetà profonda, ipertermija, okkorrenzi vjolenti u disfunzjonijiet multipli ta' organi.

(20)

Ġew irreġistrati 108 fatalità fi tmien Stati Membri u n-Norveġja bejn Settembru 2009 u Awwissu 2013, fejn l-MDPV ġiet individwata f'kampjuni bijoloġiċi post mortem jew implikata fil-kawża tal-mewt. Ġew irrapportati total ta' 525 intossikazzjoni mhux fatali assoċjati mal-MDPV minn tmien Stati Membri. Jekk din is-sustanza psikoattiva ġdida ssir aktar disponibbli u tibda tintuża aktar, l-implikazzjonijiet għas-saħħa individwali u pubblika jistgħu jkunu sinifikanti.

(21)

L-individwazzjoni tal-MDPV kienet ukoll irrapportata f'kampjuni bijoloġiċi relatati ma' inċidenti tat-traffiku fatali u mhux fatali, jew sewqan taħt l-influwenza tad-drogi, f'erba' Stati Membri mill-2009.

(22)

L-MDPV ilha preżenti fis-suq tad-droga tal-Unjoni minn Novembru 2008 u 27 Stat Membru, in-Norveġja u t-Turkija rrapportaw sekwestri ta' bosta kilogrammi tas-sustanza. L-MDPV qed tinbiegħ bħala sustanza fiha nnifisha iżda ġiet ukoll individwata flimkien ma' sustanzi oħra. Hija disponibbli sew mingħand fornituri u bejjiegħa bl-imnut fuq l-Internet, “head shops” u traffikanti tad-droga fil-livell tat-triq. Hemm xi indikazzjonijiet li jissuġġerixxu ċertu ammont ta' organizzazzjoni fil-manifattura ta' pilloli u d-distribuzzjoni ta' din is-sustanza fl-Unjoni.

(23)

Ir-Rapport tal-Valutazzjoni tar-Riskji jindika li aktar riċerka hija meħtieġa biex jiġu ddeterminati r-riskji għas-saħħa u dawk soċjali kkawżati mill-MDPV. Madankollu, l-evidenza u l-informazzjoni disponibbli jipprovdu raġuni suffiċjenti biex l-MDPV tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li din iġġib magħha, kif iddokumentat permezz tal-individwazzjoni tagħha f'diversi każijiet rapportati ta' mewt, il-fatt li l-utenti jistgħu jikkunsmawha bla ma jafu, u n-nuqqas ta' valur jew użu mediku ta-sustanza, l-MDPV għandha tiġi sottoposta għal miżuri ta' kontroll fl-Unjoni kollha.

(24)

Minħabba l-fatt li 21 Stat Membru jikkontrollaw l-MDPV fil-leġiżlazzjoni nazzjonali biex b'hekk jikkonformaw mal-obbligi tal-Konvenzjoni tan-Nazzjonijiet Uniti tal-1971 dwar Sustanzi Psikotropiċi, u li erba' Stati Membri jużaw miżuri leġiżlattivi oħrajn biex jikkontrollawha, il-fatt li din is-sustanza tiġi sottoposta għal miżuri ta' kontroll fl-Unjoni kollha jista' jgħin biex jiġi evitat il-ħolqien ta' ostakli fl-infurzar transkonfinali tal-liġi u l-kooperazzjoni ġudizzjarja, u jgħin biex jipproteġu kontra r-riskji li d-disponibbiltà u l-użu tagħha jistgħu joħolqu.

(25)

Il-metossetamina hija sustanza arilċikloessilamina li hija kimikament simili għal ketamina u s-sustanza internazzjonalment ikkontrollata l-fenċiklidina (PCP). Simili għall-ketamina u l-PCP, hija għandha proprjetajiet dissoċjattivi.

(26)

M'hemmx studji li jivvalutaw it-tossiċità kronika u akuta assoċjati mal-metossetamina, kif ukoll l-effetti psikoloġiċi u ta' mġiba, u d-dipendenza potenzjali. L-esperjenzi awtoddikjarati mill-websajts tal-utenti jissuġġerixxu effetti avversi simili għall-intossikazzjoni bil-ketamina. Dawn jinkludu nawsja u remettar sever, diffikultà biex tieħu n-nifs, takikardja, diżorjentazzjoni, ansjetà, katatonija, aggressjoni, alluċinazzjonijiet, il-paranoja u psikożi. Barra minn hekk, intossikazzjonijiet akuti mill-metissetamina jistgħu jinkludu effetti stimulanti (aġitazzjoni, takikardija u pressjoni għolja) u karatteristiċi tal-moħħ, li mhumiex dak li wieħed jistenna minn intossikazzjoni akuta mill-ketamina.

(27)

Għoxrin mewta assoċjata mal-metossetamina ġew irrapportati minn sitt Stati Membri li individwaw is-sustanza f'kampjuni postmortem. Użata weħidha jew flimkien ma' sustanzi oħra, il-metossetamina ġiet individwata f'20 intossikazzjoni mhux fatali rrapportati minn ħames Stati Membri. Jekk din is-sustanza psikoattiva ġdida ssir aktar disponibbli u tibda tintuża aktar, l-implikazzjonijiet għas-saħħa individwali u pubblika jistgħu jkunu sinifikanti.

(28)

Tlieta u għoxrin Stat Membru, it-Turkija u n-Norveġja rrapportaw li huma rraportaw l-individwazzjoni tal-metossetamina, minn Novembru 2010. Informazzjoni disponibbli tissuġġerixxi li qed tinbiegħ u użata bħala sustanza fiha nfisha, u li hija wkoll qed tinbiegħ bħala sostitut legali għall-ketamina minn bejjiegħa bl-imnut fuq l-Internet, head-shops u traffikanti tad-droga fil-livell tat-triq.

(29)

Kwantitajiet ta' bosta kilogrammi f'forma ta' trab kienu ssekwestrati fi ħdan l-Unjoni, iżda ma hemmx informazzjoni dwar l-involviment possibbli ta' kriminalità organizzata. Il-manifattura tal-metossetamina ma teħtieġx tagħmir sofistikat.

(30)

Data ta' prevalenza hija limitata għal stħarriġ mhux rappreżentattiv f'żewġ Stati Membri. Dawk l-istudji jissuġġerixxu li l-prevalenza tal-użu tal-metossetamina hija aktar baxxa minn dik tal-ketamina. L-informazzjoni disponibbli tissuġġerixxi li tista' tkun ikkunsmata f'firxa wiesgħa ta' ambjenti, inkluż fid-dar, fil-bars, fin-nightclubs u festivals tal-mużika.

(31)

Ir-Rapport tal-Valutazzjoni tar-Riskji jindika li tkun meħtieġa aktar riċerka biex jiġu ddeterminati r-riskji għas-saħħa u dawk soċjali kkawżati mill-metossetamina. Madankollu, l-evidenza u l-informazzjoni disponibbli jipprovdu raġunijiet suffiċjenti biex il-metossetamina tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li din iġġib magħha, kif iddokumentat permezz tal-individwazzjoni tagħha f'diversi każijiet rapportati ta' mewt, il-fatt li l-utenti jistgħu jikkunsmawha bla ma jafu, u n-nuqqas ta' valur jew użu mediku, il-metossetamina għandha tiġi sottoposta għal miżuri ta' kontroll fl-Unjoni kollha.

(32)

Minħabba l-fatt li disa' Stati Membri jikkontrollaw il-metossetamina fil-leġiżlazzjoni nazzjonali biex b'hekk jikkonformaw mal-obbligi tal-Konvenzjoni tan-Nazzjonijiet Uniti tal-1971 dwar Sustanzi Psikotropiċi u disa' Stati Membri jużaw miżuri leġiżlattivi oħrajn biex jikkontrollawha, il-fatt li din is-sustanza tiġi sottoposta għal miżuri ta' kontroll fl-Unjoni kollha jista' jgħin biex jiġi evitat it-tfaċċar ta' ostakli fl-infurzar transkonfinali tal-liġi u l-kooperazzjoni ġudizzjarja, u jgħin biex jipproteġu kontra r-riskji li d-disponibbiltà u l-użu tagħha jistgħu joħolqu.

(33)

Id-Deċiżjoni 2005/387/ĠAI tikkonferixxi setgħat ta' implimentazzjoni lill-Kunsill bil-ħsieb li jkun hemm reazzjoni rapida u bbażata fuq kompetenza esperta fil-livell tal-Unjoni għal meta jfiġġu sustanzi psikoattivi ġodda individwati u rrappurtati mill-Istati Membri, billi tissottoponidawk is-sustanzi għal miżuri ta' kontroll fl-Unjoni kollha. Billi ġew issodisfati l-kondizzjonijiet u l-proċedura biex jiġi attivat l-eżerċizzju ta' tali setgħat ta' implimentazzjoni, għandha tiġi adottata deċiżjoni ta' implimentazzjoni sabiex il-25I-NBOMe, l-AH-7921, l-MDPV u l-metossetamina jitqiegħdu taħt kontroll fl-Unjoni kollha.

(34)

Fis-sentenza tagħha tas-16 ta' April 2015 fil-Każijiet Magħquda C-317/13 u C-679/13 (3), il-Qorti tal-Ġustizzja tal-Unjoni Ewropea kkonkludiet li qabel ma jadotta deċiżjoni ta' implimentazzjoni abbażi tal-Artikolu 8(3) tad-Deċiżjoni 2005/387/ĠAI, il-Kunsill għandu jikkonsulta l-Parlament Ewropew. Id-Deċiżjoni ta' Implimentazzjoni tal-Kunsill (4) ġiet adottata mingħajr tali konsultazzjoni minn qabel u b'konsegwenza hija invalidata minħabba difett proċedurali. Id-Deċiżjoni 2014/688/UE għandha, għaldaqstant, tiġi sostitwita b'din id-Deċiżjoni.

(35)

Sabiex tkun żgurata l-kontinwità tal-miżuri ta' kontroll fl-Unjoni kollha, kif ukoll l-osservanza tal-obbligi tal-Istati Membri taħt il-Konvenzjoni tan-Nazzjonijiet Uniti tal-1971 dwar is-Sustanzi Psikotropiċi u taħt il-Konvenzjoni Unika tan-Nazzjonijiet Uniti tal-1961 dwar id-Drogi Narkotiċi fir-rigward tal-4-iodjo-2,5-dimetossi-N-(2-metossibenzil)fenetilamina (25I-NBOMe), 3,4-dikloro-N-[[1-(dimetilamino)ċikloessil]metil]benzamida (AH-7921), 3,4-metilenediossipirovaleron (MDPV) u 2-(3-metossifenil)-2-(etilamino)ċikloessanon (metossetamina), din id-Deċiżjoni ma għandhiex tippreġudika l-obbligi tal-Istati Membri fir-rigward tal-limitu ta' żmien li fih dawk is-sustanzi psikotropiċi ġodda għandhom jiġu sottoposti għal miżuri ta' kontroll u pieni kriminali fil-liġijiet nazzjonali tagħhom, kif stabbilit fl-Artikolu 2 tad-Deċiżjoni 2014/688/UE.

(36)

Id-Danimarka hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(37)

L-Irlanda hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(38)

Ir-Renju Unit m'huwiex marbut bid-Deċiżjoni 2005/387/ĠAI u għalhekk mhux qed jieħu sehem fl-adozzjoni ta' din id-Deċiżjoni li timplimenta d-Deċiżjoni 2005/387/ĠAI u mhux marbut biha jew soġġett għall-applikazzjoni tagħha,

(a)

4-iodjo- 2,5-dimetoksi-N-(2-metoksibenzil) fenetilamina (25I-NBOMe);

(b)

3,4-dikloro-N-[[1-dimetilamino)ċikloeksil]metil]benżamid (AH-7921);

(c)

3,4-metilenediossipirovaleron (MDPV);

(d)

2- (3-metossifenil)-2-(etillamino)ċikloeżanon (metossetamina).

20.10.2015   

MT

Il-Ġurnal Uffiċjali tal-Unjoni Ewropea

L 275/43

(1)

Rapport ta' Valutazzjoni tar-Riskji dwar is-sustanza psikoattiva ġdida 5-(2-amminopropil)indol skont l-Artikolu 6 tad-Deċiżjoni 2005/387/ĠAI ġie mfassal mill-Kumitat Xjentifiku estiż taċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA) matul sessjoni speċjali, u sussegwentement ġie ppreżentat lill-Kummissjoni u lill-Kunsill fis-16 ta' April 2013.

(2)

Is-sustanza 5-(2-amminopropil)indol hija derivattiv sintetiku tal-indol sostitwit fin-naħa tal-fenil fis-sistema taċ-ċrieki tal-indol. Jidher li hija sustanza stimulanti li jista' jkollha wkoll effetti alluċinoġeniċi. Il-5-(2-amminopropil)indol nstabet l-aktar f'forma ta' trab, iżda wkoll f'forma ta' pilloli u kapsuli. Hija kummerċjalment disponibbli fuq l-internet u minn “head shops”, kummerċjalizzat bħala “kimika għar-riċerka”. Ġiet individwata wkoll f'kampjuni ta' prodott mibjugħ bħala “stimulant legali” msejjaħ “Benzo Fury”, u f'pilloli li jixbhu l-ecstasy.

(3)

L-informazzjoni u d-data eżistenti jissuġġerixxu li t-tossiċità akuta tal-5-(2-amminopropil)indol tista' toħloq effetti negattivi fil-bniedem bħal pereżempju t-takikardja u l-ipertermija, u tista' wkoll tikkawża midrijasi, aġitazzjoni u tregħid. Il-5-(2-amminopropil)indol tista' tinteraġixxi ma' sustanzi oħra, inklużi prodotti mediċi u stimulanti li jaġixxu fuq is-sistema monoaminerġika. Huwa diffiċli li jiġu determinati l-effetti fiżiċi speċifiċi tal-5-(2-amminopropil)indol fil-bniedem għaliex ma hemmx studji ppublikati li jivvalutaw it-tossiċità akuta u kronika tagħha, l-effetti psikoloġiċi u fuq l-imġiba, jew il-potenzjal tad-dipendenza, u minħabba l-informazzjoni u data limitati disponibbli.

(4)

Minn April sa Awwissu 2012 kien hemm total ta' 24 każ ta' mewt irreġistrati f'erba' Stati Membri, li b'konnessjoni magħhom il-5-(2-amminopropil)indol weħidha, jew flimkien ma' sustanzi oħra, ġiet individwata f'kampjuni meħuda post mortem. Filwaqt li mhuwiex possibbli li jiġi ddeterminat b'ċertezza r-rwol tal-5-(2-amminopropil)indol fl-imwiet kollha, f'xi każijiet ġiet speċifikament indikata fil-kawża tal-mewt. Jekk din is-sustanza psikoattiva ġdida ssir aktar faċilment disponibbli u tintuża b'mod aktar komuni, l-implikazzjonijiet għas-saħħa tal-individwu u pubblika jistgħu jkunu sinifikanti. Ma hemm l-ebda informazzjoni disponibbli dwar ir-riskji soċjali tal-5-(2-amminopropil)indol.

(5)

Disa' pajjiżi Ewropej irrappurtaw lill-EMCDDA u lill-Uffiċċju Ewropew tal-Pulizija (Europol) li huma rrappurtaw l-individwazzjoni tal-5-(2-amminopropil)indol. Mhix disponibbli data dwar il-prevalenza tal-użu tal-5-(2-amminopropil)indol, iżda mill-informazzjoni limitata li teżisti jidher li tista' tiġi kkunsmata f'ambjenti simili bħalma jiġri għal stimulanti oħra, bħal fid-dar, fil-bars u n-nightclubs jew fil-festivals tal-mużika.

(6)

Ma hemm l-ebda informazzjoni li tissuġġerixxi li l-5-(2-amminopropil)indol hija manifatturata fl-Unjoni, u ma hemm l-ebda evidenza li tissuġġerixxi l-involviment tal-kriminalità organizzata fil-manifattura, it-tqassim jew il-provvista ta' din is-sustanza psikoattiva ġdida.

(7)

Is-sustanza 5-(2-amminopropil)indol ma għandha l-ebda valur jew użu mediku magħruf, stabbilit jew rikonoxxut, u ma hemm l-ebda awtorizzazzjoni ta' tqegħid fis-suq li tkopri din is-sustanza psikoattiva ġdida fl-Unjoni. Minbarra l-użu tagħha bħala standard ta' referenza analitiku u fir-riċerka xjentifika, ma hemm l-ebda indikazzjoni li qed tintuża għal skopijiet oħra.

(8)

Is-sustanza 5-(2-amminopropil)indol ma kinitx, u attwalment lanqas ma qed tiġi vvalutata mis-sistema tan-Nazzjonijiet Uniti, kif definit fid-Deċiżjoni 2005/387/ĠAI. Żewġ Stati Membri jikkontrollaw din is-sustanza psikoattiva ġdida taħt il-leġiżlazzjoni nazzjonali tagħhom bis-saħħa tal-obbligi tagħhom taħt il-Konvenzjoni tan-Nazzjonijiet Uniti dwar is-Sustanzi Psikotropiċi tal-1971. Ħames pajjiżi Ewropej japplikaw il-leġiżlazzjoni nazzjonali dwar sustanzi psikoattivi ġodda, oġġetti perikolużi jew mediċini biex jikkontrollaw il-5-(2-amminopropil)indol.

(9)

Ir-Rapport ta' Valutazzjoni tar-Riskji juri li hemm evidenza xjentifika limitata disponibbli rigward il-5-(2-amminopropil)indol u jindika li hemm bżonn aktar riċerka biex jiġu determinati r-riskji għas-saħħa u soċjali li ġġib magħha. Madankollu, l-evidenza u l-informazzjoni disponibbli jipprovdu raġuni suffiċjenti biex l-5-(2-amminopropil)indol tiġi sottoposta għal miżuri ta' kontroll fl-Unjoni kollha. Bħala riżultat tar-riskji għas-saħħa li din iġġib magħha, kif iddokumentat permezz tal-individwazzjoni tagħha f'diversi każijiet rappurtati ta' mewt, tal-fatt li l-utenti jistgħu jikkunsmawha bla ma jafu, u tan-nuqqas ta' valur jew użu mediku, il-5-(2-amminopropil)indol għandha tiġi sottoposta għal miżuri ta' kontroll fl-Unjoni kollha.

(10)

Minħabba l-fatt li sitt Stati Membri diġà jikkontrollaw il-5-(2-amminopropil)indol permezz ta' tipi differenti ta' dispożizzjonijiet leġislattivi, il-fatt li din is-sustanza tiġi sottoposta għal miżuri ta' kontroll fl-Unjoni kollha jgħin biex jevita li jfiġġu ostakli fl-infurzar transkonfinali tal-liġi u l-kooperazzjoni ġudizzjarja, u biex jipproteġi lill-utenti kontra r-riskji li l-konsum tagħha tista' ġġib magħha.

(11)

Id-Deċiżjoni tal-Kunsill 2005/387/ĠAI tikkonferixxi setgħat ta' implimentazzjoni lill-Kunsill bil-ħsieb li jkun hemm reazzjoni rapida u bbażata fuq kompetenza esperta fil-livell tal-Unjoni għal meta jfiġġu sustanzi psikoattivi ġodda li jkunu ġew individwati u rrappurtati mill-Istati Membri, billi tissottoponi dawk is-sustanzi għal miżuri ta' kontroll fl-Unjoni kollha. Billi ġew issodisfati l-kondizzjonijiet u l-proċedura biex jiġi attivat l-eżerċizzju ta' tali setgħat ta' implimentazzjoni, għandha tiġi adottata deċiżjoni ta' implimentazzjoni sabiex il-5-(2-amminopropil)indol titqiegħed taħt kontroll fl-Unjoni kollha.

(12)

Din id-Deċiżjoni tissostitwixxi d-Deċiżjoni ta' Implimentazzjoni tal-Kunsill 2013/496/UE (2) li ġiet annullata mill-Qorti tal-Ġustizzja tal-Unjoni Ewropea (“il-Qorti”) fis-sentenza tagħha tas-16 ta' April 2015 fil-Kawża C-679/13 (3). F'dik is-sentenza, il-Qorti żammet l-effetti tad-Deċiżjoni 2013/496/UE sad-dħul fis-seħħ ta' atti ġodda maħsubin biex jeħdulha postha. Għaldaqstant, mill-jum tad-dħul fis-seħħ ta' din id-Deċiżjoni, id-Deċiżjoni 2013/496/UE tieqaf tipproduċi effetti.

(13)

Sabiex tiżgura l-kontinwità ta' miżuri ta' kontroll fl-Unjoni kollha fir-rigward tal-5-(2-amminopropil)indol, din id-Deċiżjoni għandha tkun mingħajr preġudizzju għall-obbligi tal-Istati Membri fir-rigward tal-limitu ta' żmien li fih dik is-sustanza psikoattiva ġdida għandha tiġi sottoposta għal miżuri ta' kontroll u pieni kriminali fil-liġijiet nazzjonali tagħhom, kif stipulat fl-Artikolu 2 tad-Deċiżjoni 2013/496/UE.

(14)

Id-Danimarka hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(15)

L-Irlanda hi marbuta bid-Deċiżjoni 2005/387/ĠAI u għalhekk qed tieħu sehem fl-adozzjoni u l-applikazzjoni ta' din id-Deċiżjoni li timplimenta d-Deċiżjoni 2005/387/ĠAI.

(16)

Ir-Renju Unit mhuwiex marbut bid-Deċiżjoni 2005/387/ĠAI u għalhekk mhux qed jieħu sehem fl-adozzjoni ta' din id-Deċiżjoni li timplimenta d-Deċiżjoni 2005/387/ĠAI u mhux marbut biha jew soġġett għall-applikazzjoni tagħha,

20.10.2015   

MT

Il-Ġurnal Uffiċjali tal-Unjoni Ewropea

L 275/46

(1)

Fit-2 ta' Awwissu 2011, il-Kummissjoni rċeviet ilment mingħand il-fond ta' investiment S.C. Fondul Proprietatea S.A. (“l-ilmentatur”) rigward ix-xiri tal-elettriku ta' S.C. Hidroelectrica S.A. (“Hidroelectrica”) mingħand fornituri tal-elettriku bi prezzijiet allegatament ogħla mil-livell tas-suq.

(2)

Fil-25 ta' April 2012, il-Kummissjoni għarrfet lir-Rumanija li kienet iddeċidiet li tibda l-proċedura stabbilita fl-Artikolu 108(2) tat-Trattat fir-rigward tal-kuntratti li permezz tagħhom Termoelectrica S.A. (“Termoelectrica”) u S.C. Electrocentrale Deva S.A. (“Electrocentrale Deva”) fornew l-elettriku bl-ingrossa lil Hidroeletrica, minn hawn 'il quddiem imsejħa d-“Deċiżjoni tal-Ftuħ”.

(3)

Id-Deċiżjoni tal-Ftuħ ġiet ippubblikata f'Il-Ġurnal Uffiċjali tal-Unjoni Ewropea. (2). Il-Kummissjoni stiednet lill-awtoritajiet Rumeni u lill-partijiet interessati sabiex jissottomettu l-kummenti tagħhom.

(4)

Fit-23 ta' Lulju 2012, l-Awtoritajiet Rumeni taw il-kummenti preliminari tagħhom lill-Kummissjoni dwar id-Deċiżjoni tal-Ftuħ.

(5)

Il-Kummissjoni rċeviet biss kummenti preliminari mingħand Termoelectrica, datati l-11 ta' Ġunju 2012, u mingħand Electrocentrale Deva, datati t-12 ta' Ġunju 2012, li l-Awtoritajiet Rumeni għaddew lill-Kummissjoni fis-26 ta' Lulju 2012. L-Awtoritajiet Rumeni reġgħu għaddew l-istess kummenti preliminari lill-Kummissjoni fit-2 ta' Awwissu 2012.

(6)

Fit-12 ta' Frar 2013, il-Kummissjoni għarrfet lill-Awtoritajiet Rumeni li ma kienet irċeviet l-ebda kumment mingħand il-partijiet interessati.

(7)

Fl-24 ta' Marzu 2013, l-Awtoritajiet Rumeni tennew il-pożizzjoni preliminari tagħhom b'rabta ma' dan il-każ.

(8)

Il-Kummissjoni talbet iżjed informazzjoni mingħand l-Awtoritajiet Rumeni permezz tal-ittri datati d-29 ta' Lulju u l-11 ta' Settembru 2013, it-3 ta' Marzu, is-6 ta' Awwissu u l-25 ta' Settembru 2014 u d-19 ta' Jannar 2015. L-Awtoritajiet Rumeni taw informazzjoni ulterjuri fil-11 ta' Settembru 2013, fl-24 ta' Marzu, fl-14 ta' Mejju, fit-3 ta' Settembru, fit-22 ta' Settembru, fl-10 ta' Ottubru u fil-21 ta' Ottubru 2014 u fl-20 ta' Frar 2015.

(9)

Fis-16 ta' April 2015, ir-Rumanija rrinunzjat għad-drittijiet tagħha skont l-Artikolu 342 tat-Trattat flimkien mal-Artikolu 3 tar-Regolament Nru 1 (3) biex id-deċiżjoni tiġi adottata bir-Rumen u qablet li d-deċiżjoni tiġi adottata bl-Ingliż.

(10)

Din it-Taqsima tiddeskrivi l-partijiet kontraenti (jiġifieri: Hidroelectrica, Termoelectrica, u Electrocentrale Deva), ġeneraturi tal-elettriku oħrajn, il-kuntratti għax-xiri tal-elettriku fil-kuntest tas-suq tal-elettriku Rumen u żviluppi u interkonnessjonijiet differenti bejn l-allegati benefiċjarji.

(11)

Hidroelectrica twaqqfet fl-2000. Hidroelectrica hija kkontrollata mid-dritt ordinarju tal-kumpaniji. Il-kapital azzjonarju tagħha huwa f'idejn l-Istat Rumen permezz tal-Ministeru tal-Ekonomija u l-Kummerċ (80,06 %) u l-ilmentatur (19,94 %). L-Istat Rumen huwa rrappreżentat fil-Bord tal-Laqgħat tal-Azzjonisti ta' Hidroelectrica. Skont l-Artikoli ta' Inkorporazzjoni ta' Hidroelectrica, id-Direttur Ġenerali jmexxi u jirrapreżenta n-negozju ta' kuljum tal-kumpanija u jieħu deċiżjonijiet b'mod indipendenti dwar kwistjonijiet minbarra dawk irriżervati għal-Bord tal-Laqgħat tal-Azzjonisti u l-Bord tad-Diretturi. Fil-prattika, id-Diretturi ta' Hidroelectrica għaqqdu l-funzjonijiet mal-karigi governattivi (4).

(12)

Hidroelectrica hija l-ġeneratur tal-elettriku ewlieni tar-Rumanija b'kapaċità tal-produzzjoni annwali ta' madwar 17,5 TWh f'sena idroloġika normali. Hidroelectrica tipproduċi l-elettriku permezz ta' digi u ta' impjanti tal-ġenerazzjoni bil-fluss tal-ilma. Madankollu, din il-produzzjoni hija soġġetta għal varjazzjonijiet kbar skont il-kundizzjonijiet idroloġiċi: fl-2009, il-produzzjoni ta' Hidroelectrica kienet ta' 16,4 TWh, fl-2010 kienet ta' 21,3 TWh u fl-2011 kienet ta' 14,7 TWh. Fl-2013, is-sehem mis-suq ta' Hidroelectrica kien ta' 28,24 %, ikbar minn dak ta' Complexul Energetic Oltenia, produttur tal-elettriku ibbażat fuq il-faħam termali, b'sehem mis-suq ta' 20,83 % u Nuclearelectrica b'sehem mis-suq ta' 20,65 %, it-tnejn li huma kumpaniji tal-Istat.

(13)

Hidroelectrica tpoġġiet taħt proċeduri ta' insolvenza fis-26 ta' Ġunju 2012. (5) u tneħħew fis-26 ta' Ġunju 2013 (6). Fil-25 ta' Frar 2014, Hidroelectrica reġgħet tpoġġiet taħt proċeduri ta' insolvenza.

(14)

Il-fornituri li magħhom Hidroelectrica daħlet fil-kuntratti investigati huma Termoelectrica u Electrocentrale Deva, żewġ produtturi tal-elettriku bbażati fuq il-faħam, it-tnejn kompletament tal-Istat, direttament jew indirettament, b'kapaċità tal-produzzjoni annwali fid-data tal-iffirmar tal-kuntratti ta' 1,7 TW u 1,3 TW rispettivament u ishma mis-suq ta' 3 % u 5 % fl-2009. (7) u ta' 1,9 % u 4,1 % fl-2011 (8). Termoelectrica u Electrocentrale Deva biegħu elettriku prodott minn faħam indiġenu għali u mhux kompetittiv (9).

(15)

Electrocentrale Deva kienet diviżjoni ta' Termoelectrica sal-aħħar ta' Diċembru 2001 meta ġiet inkorporata bħala kumpanija separata, flimkien ma' diviżjonijiet oħra tal-Istat (CE Craiova, Electrocentrale Bucuresti, CE Rovinari eċċ). L-uniku azzjonist ta' Electrocentrale Deva kien Termoelectrica sas-27 ta' Marzu 2012.

(16)

Il-ġenerazzjoni tal-elettriku fir-Rumanija hija ddominata minn kumpaniji tal-Istat, li flimkien għandhom sehem mis-suq ta' madwar 90 %. (10) Fl-2011 il-ġenerazzjoni netta totali tal-elettriku fir-Rumanija ammontat għal 60,38 TWh. It-taħlita ta' ġenerazzjoni tikkonsisti l-aktar minn impjanti tal-enerġija bbażati fuq l-idroenerġija (madwar 28 % tal-ġenerazzjoni totali), l-enerġija nukleari (madwar 18 %) u l-karburanti fossili (madwar 51 %). (11)

(17)

Is-suq Rumen huwa interkonness, b'mod partikolari, mal-Bulgarija, b'kapaċità ta' trasferiment netta ta' 400 MW fl-2009-2010 u l-Ungerija, b'kapaċità ta' trasferiment netta ta' 500-800 MW fl-2009-2010 Il-kapaċità netta tal-interkonnessjoni ma' dawn l-Istati Membri ma ntużatx kollha f'dak il-perjodu, minħabba konġestjoni. Matul il-perjodu 2009-2011, il-flussi tal-importazzjonijiet u l-esportazzjonijiet tal-elettriku lejn u mir-Rumanija kienu dawn li ġejjin: (i) fl-2009, l-importazzjonijiet tal-elettriku ammontaw għal 676 GWh, filwaqt li l-esportazzjonijiet ammontaw għal 3 154 GWh (madwar 4,8 % tal-elettriku kollu prodott fir-Rumanija); (ii) fl-2010, l-importazzjonijiet tal-elettriku ammontaw għal 943 GWh, filwaqt li l-esportazzjonijiet ammontaw għal 3 854 GWh (madwar 3,4 % tal-elettriku kollu prodott fir-Rumanija); (iii) fl-2011, l-importazzjonijiet tal-elettriku ammontaw għal 1 036 GWh, filwaqt li l-esportazzjonijiet ammontaw għal 2 942 GWh (madwar 2,8 % tal-elettriku kollu prodott fir-Rumanija).

(18)

Il-kuntratt ma' Termoelectrica ġie konkluż fit-30 ta' Lulju 2008 (12), filwaqt li l-kuntratt ma' Electrocentrale Deva ġie konkluż fid-9 ta' Ġunju 2009 (flimkien imsejħin “il-Kuntratti” f'din id-Deċiżjoni), għal durata ta' għaxar snin. Il-Kuntratti ġew terminati minn Euro-Insol, l-amministratur ġudizzjarju ta' Hidroelectrica, matul il-proċedura ta' insolvenza ta' Hidroelectrica, fl-aħħar ta' Awwissu 2012. (13).

(19)

Permezz ta' noti lill-Ministeru tal-Ekonomija u l-Kummerċ Rumen, Termoelectrica u Electrocentrale Deva talbu approvazzjoni minn dan il-Ministeru għall-iffirmar tal-Kuntratti, kif stabbilit fil-premessi 20 sa 22:

(20)

Fil-15 ta' Lulju 2008 permezz tan-nota numru 7323, Termoelectrica iddikkjaraw dan li ġej: “(…) Termoelectrica SA analizzat diversi metodi biex issolvi din il-problema urġenti u l-uniku varjant bi kwalunkwe prospett ta' suċċess fil-pront u li ma kienx jeħtieġ l-approvazzjoni tal-UE huwa dan li ġej: L-iffirmar ta' kuntratt fit-tul (ta' 10 snin) bejn Termoelectrica SA u Hidroelectrica SA għax-xiri tal-elettriku prodott mill-unità ta' ġenerazzjoni nru 4 ta' CET Paroșeni. Il-prezz tal-kuntratt se jkun il-prezz għal CET Paroșeni stabbilit mill-ANRE fis-suq irregolat, ibbażat fuq l-ispejjeż ġustifikati ta' Termoelectrica SA;, u l-Iffirmar ma' Compania Națională a Huilei Petroșani ta' kuntratt fit-tul (ta' madwar 10 snin) għall-akkwist tal-faħam. Għal Termoelectrica SA (SE Paroșeni) u anke għal Compania Națională a Huilei (14), dan (…) jiżgura l-futur fit-tul taż-żewġ kumpaniji li jinsabu fil-Wied Jiu”.

(21)

Fis-27 ta' Mejju 2009, permezz tan-nota numru 10855 Electrocentrale Deva, talbet dan li ġej: “(…) Sabiex il-kumpanija ma tfallix u sabiex jinħolqu l-kundizzjonijiet meħtieġa sabiex jiġu ffinanzjati u implimentati l-investimenti meħtieġa għall-issoktar tal-operat, nitolbukom tagħtuna l-approvazzjoni tagħkom għan-negozjar u l-konklużjoni ta' kuntratt ta' 10 snin bejn Electrocentrale Deva u Hidroelectrica București għall-bejgħ lil Hidroelectrica ta' kwantità tal-elettriku li tikkorrispondi għal enerġija medja ta' 150 MW flimkien mal-kwantità mwassla fis-suq irregolat u bi prezz approvat mill-ANRE li se jkopri l-ispejjeż tal-produzzjoni ġustifikati”.

(22)

Iż-żewġ Noti ġew approvati mir-rappreżentanti tal-Ministeru Rumen tal-Ekonomija u l-Kummerċ, fil-livell tal-Ministru u/jew tas-Segretarju tal-Istat. Il-Kuntratti jgħidu li dawn kienu konklużi fuq il-bażi ta' dawn in-noti.

(23)

Fil-kuntratt ma' Termoelectrica, la Hidroelectrica u lanqas Termoelectrica ma kellhom il-possibbiltà li jitterminaw il-kuntratt. Fil-kuntratt ma' Electrocentrale Deva, kemm Hidroelectrica kif ukoll Electrocentrale Deva kellhom il-possibbiltà li jitterminaw il-kuntratt fiċ-ċirkostanzi li ġejjin: (i) it-tel.f mill-parti l-oħra tal-kwalità tagħha bħala prodottur, fi żmien 5 ijiem tax-xogħol mid-data li fiha tintilef dik il-kwalità; (ii) ir-rifjut minn kwalunkwe waħda mill-partijiet milli tikkonkludi kuntratt ġdid jew li temenda l-kuntratt eżistenti, fil-każ ta' bidla fiċ-ċirkostanzi ekonomiċi u tekniċi eżistenti fid-data tal-konklużjoni tiegħu; (iii) f'każijiet oħra stipulati minn kwalunkwe liġi jew regolament applikabbli. (15).

(24)

Il-kuntratt ma' Termoelectrica kellu d-dettalji li ġejjin: (i) il-prezz kuntrattwali jiġi stabbilit kull sena mill-Awtorità Regolatorja tal-Enerġija Rumena (“ANRE”) fuq il-bażi tal-ispejjeż tal-produzzjoni ġustifikati minn Termoelectrica; (ii) Hidroelectrica tixtri l-elettriku kollu prodott mill-Impjant ta' Paroseni kull xahar. (16) Mid-data tal-iffirmar tiegħu u sat-terminazzjoni tiegħu mill-amministratur ġudizzjarju, il-kuntratt kien immodifikat 8 darbiet (seba' addenda li jikkonsistu f'aġġustamenti fil-prezzijiet). (17)

(25)

Il-kuntratt ma' Electrocentrale Deva kellu d-dettalji li ġejjin: (i) il-prezz tal-kuntratt jiġi stabbilit mill-ANRE abbażi tal-ispejjeż tal-produzzjoni ġustifikati minn Electrocentrale Deva; (ii) jekk l-ANRE ma tibqax tirregola l-prezzijiet tal-elettriku, il-prezz kellu jiġi nnegozjat mill-partijiet u ma kellux ikun inqas mill-prezz tal-kuntratt fis-sena ta' qabel; (iii) il-partijiet kuntrattwali ma jimponux xi penali jew imposta oħra f'każ li l-bejjiegħ jonqos milli jforni l-kwantità stipulata fil-kuntratt tal-elettriku jew jekk il-bejjiegħ jonqos milli jħallas il-prezz tal-kuntratt. (18) Mid-data tal-iffirmar tiegħu u sat-terminazzjoni tiegħu mill-amministratur ġudizzjarju, il-kuntratt ġie mmodifikat 5 darbiet. (19) (il-bidliet kollha kienu jikkonsistu f'aġġustamenti fil-prezzijiet).

(26)

Minkejja dispożizzjonijiet ċari fiż-żewġ Kuntratti, li skont dawn il-prezz tal-kuntratt kellu jiġi stabbilit mill-ANRE, bħala regola ġenearli, fil-prattika l-aġġustamenti fil-prezzijiet saru bl-approvazzjoni minn qabel tal-Ministeru tal-Ekonomija u l-Kummerċ, bi tliet eċċezzjonijiet (20).

(27)

Pereżempju, permezz ta' nota (b'data li ma tinqarax), Hidroelectrica fittxet l-approvazzjoni mill-Ministeru tal-Ekonomija u l-Kummerċ għall-aġġustament tal-prezzijiet għall-perjodu mill-1 ta' Awwissu 2009 sal-31 ta' Diċembru 2009, minħabba “żidiet fl-ispejjeż tal-produzzjoni”. Fl-istess nota, semmiet biċ-ċar li l-“iskop tal-konklużjoni u t-twettiq taż-żewġ kuntratti huwa li jinbiegħ fis-suq kompetittiv ammont ta' elettriku bbażat fuq il-faħam iebes imħallat mal-idroenerġija, kif ukoll li jipprovdu ż-żewġ produtturi tal-enerġija termali b'kuntratt aċċettat mill-istituzzjonijiet finanzjarji bħala ipoteka, sabiex jiksbu s-self fuq perjodu twil meħtieġ ħalli jagħmlu l-investimenti meħtieġa biex iżommu l-liċenzji tal-ġenerazzjoni tal-elettriku”.

(28)

B'mod simili, permezz ta' nota oħra, Hidroelectrica fittxet l-approvazzjoni tal-Ministeru tal-Ekonomija u l-Kummerċ sabiex iżżomm il-prezz tal-2009 ta' 230 Ron/MWh għall-perjodu bejn l-1 ta' Jannar 2010 u l-31 ta' Marzu 2010 sabiex “niksbu d-dħul meħtieġ biex inkomplu bir-ristrutturar kontinwu tal-produttur tal-faħam iebes għall-produzzjoni tal-elettriku u tal-produttur tal-enerġija termali (…).”

(29)

Barra minn hekk, wara l-konklużjoni tal-Kuntratti, permezz tan-nota numru 6547 tal-2011, Hidroelectrica fittxet l-approvazzjoni tal-Ministru tal-Ekonomija u l-Kummerċ biex taġġusta l-prezzijiet għas-sena 2011 sabiex Termoelectrica u Electrocentrale Deva jkunu jistgħu: “jiksbu s-self fit-tul meħtieġ biex jagħmlu l-investimenti meħtieġa biex iżommu l-liċenzji tal-ġenerazzjoni tal-elettriku kif ukoll biex jiksbu d-dħul meħtieġ għar-ristrutturar tal-produttur Compania Nationala a Huilei”.

(30)

Dawn in-noti kollha jsostnu biċ-ċar ukoll li Hidroelectrica kienet qed tfittex l-approvazzjoni tal-Ministeru tal-Ekonomija u l-Kummerċ “sabiex tawtorizza l-maniġment eżekuttiv tat-tliet produtturi tal-elettriku ħalli jiffirma l-addenda li jikkonċernaw il-prezzijiet il-ġodda”.

(31)

Barra minn hekk, l-addenda kollha għall-Kuntratti relatati mal-aġġustamenti fil-prezzijiet jirreferu għan-noti interni maħruġa minn Hidroelectrica u approvati mill-Ministru tal-Ekonomija u l-Kummerċ jew inkella mis-Segretarju tal-Istat fil-Ministeru tal-Ekonomija u l-Kummerċ bit-tliet eċċezzjonijiet imsemmija fil-premessa (26), li abbażi tagħhom kienu approvati tali aġġustamenti fil-prezzijiet. (21).

(32)

Il-kwantitajiet tal-elettriku mixtrija u l-prezzijiet medji mħallsa skont il-Kuntratti bejn l-2009 u l-2011 huma dawn li ġejjin (22):

(33)

Il-kummerċ tal-elettriku fir-Rumanija jseħħ l-aktar f'żewġt iswieq: (i) is-Suq tal-Elettriku Regolat li fih l-elettriku jiġi nnegozjat fuq il-bażi ta' tariffi u kundizzjonijiet regolati u (ii) is-Suq tal-Elettriku Kompetittiv li fih l-elettriku jiġi nnegozjat liberalment, inkluż permezz ta' żewġ tipi ewlenin ta' kuntratti: kuntratti bilaterali relattivament standard innegozjati fis-suq ċentralizzati u kuntratti bilaterali nnegozjati liberalment, l-hekk imsejjaħ suq għal kuntratti nnegozjati direttament.

(34)

It-tranżazzjonijiet fis-Suq tal-Elettriku Regolat huma implimentati permezz tal-ftehimiet ta' qafas fuq il-bejgħ u x-xiri konklużi bejn il-ġeneraturi/produtturi tal-elettriku attivi fis-suq regolat, inkluż Hidroelectrica, u l-“fornituri tal-aħħar għażla”, li jiżguraw id-distribuzzjoni tal-elettriku lill-utent aħħari. Il-klijenti eliġibbli jixtru l-elettriku bit-tariffi regolati. Fis-suq regolat, l-ANRE tistabbilixxi l-prezzijiet u l-volumi li jridu jitwasslu mill-ġeneraturi/produtturi tal-elettriku ex-ante kull sena. Sal-2009-2010, meta bdew jiġu implimentati l-kuntratti eżaminati, 56-61 % tal-elettriku kkunsmat fir-Rumanija kien innegozjat fis-suq regolat.

(35)

Sa mill-2005, is-Suq tal-Elettriku Kompettiv fir-Rumanija kien diviż f'ħamest iswieq speċifiċi: (i) is-swieq ċentralizzati amministrati mill-OPCOM; (ii) is-suq għal kuntratti nnegozjati direttament; (iii) is-suq tas-servizzi anċillari; (iv) is-suq tal-ibbilanċjar, u (v) is-suq tal-esportazzjoni.

(36)

Is-swieq ċentralizzati huma amministrati mill-OPCOM. OPCOM twaqqfet fl-2001 skont id-Deċiżjoni tal-Gvern Nru 627/2000, bħala kumpanija b'ishma konġunti u sussidjarja kollha kemm hi proprjetà ta' Transelectrica, l-operatur tas-sistema ta' trażmissjoni. Permezz tal-liċenzja mogħtija mill-ANRE, l-OPCOM ġiet imfassla bħala l-pjattaforma għan-negozjar tal-elettriku fir-Rumanija fil-livell tal-operaturi. OPCOM hija l-unika borża tal-enerġija fir-Rumanija, li tipprovdi ċentru għan-negozjar tal-elettriku u li għandha rwol ta' faċilitatur.

(37)

Hemm ħames tipi ta' segmenti tas-suq fl-OPCOM: (i) is-suq ta' ġurnata bil-quddiem; (iii) is-suq tal-istess ġurnata (23), (iii) is-swieq bilaterali ċentralizzati, jiġifieri, suq ċentralizzat għal kuntratti bilaterali permezz tal-irkant pubbliku “OPCOM-PCCB” u suq ċentralizzat għal kuntratti bilaterali permezz tan-negozjar kontinwu — CMBC-CN; (iv) is-suq ċentralizzat għaċ-ċertifikati ekoloġiċi u (v) il-pjattaforma tan-negozjar għaċ-ċertifikati tal-emissjonijiet tal-gassijiet b'effett ta' serra. It-tranżazzjonijiet fuq OPCOM bdew biss fl-2005 u fis-segmenti tas-suq ta' ġurnata bil-quddiem u tal-OPCOM-PCCB biss.

(38)

Il-Kuntratti kienu konklużi fis-suq għal kuntratti negozjati direttament fir-Rumanija, li huwa s-segment tas-suq rilevanti għall-valutazzjoni f'dan il-każ.

(39)

Fis-segment tas-suq tal-OPCOM-PCCB, l-OPCOM torganizza l-irkantijiet pubbliċi għall-bejgħ u x-xiri tal-elettriku. L-offerti tal-bejgħ/tax-xiri minn kull produttur/fornitur/konsumatur jiġu sottomessi lill-operatur tas-suq. Kull offerta trid tispeċifika dan li ġej: (i) jew il-prezz minimu li bih kull parti sejra tbigħ l-elettriku jew il-prezz massimu li bih sejra tixtri l-elettriku u (ii) il-ftehim qafas li skontu l-parti li tagħmel l-offerta biħsiebha tforni/tixtri l-elettriku. L-offerti tal-bejgħ u x-xiri jispeċifikaw il-kundizzjonijiet tal-provvista inkluż l-ammont tal-elettriku, id-durata (mhux inqas minn xahar u sa sena), kif ukoll il-ftehim qafas ippjanat. Il-prezz isegwi l-prinċipji tal-aħjar prezz offrut. Sal-2009 u l-2010, meta bdew jiġu implimentati l-Kuntratti, il-bejgħ fis-suq OPCOM-PCCB kien jammonta għal inqas minn 7 % tal-elettriku prodott fir-Rumanija.

(40)

Wara l-pubblikazzjoni tad-Deċiżjoni tal-Ftuħ, il-Kummissjoni adottat Deċiżjoni skont l-Artikolu 102 tat-Trattat li fiha sabet li l-borża tal-enerġija ġestita mill-OPCOM tikkostitwixxi suq tas-servizzi rilevanti, li fih l-OPCOM hija attur dominanti, separat mis-suq tal-kuntratti negozjati direttament. (24).

(41)

Is-suq għal kuntratti negozjati direttament huwa suq ħieles li mhuwiex regolat mill-ANRE. Il-partijiet kontraenti jinnegozjaw il-kwantitajiet, il-prezzijiet u klawżoli oħra kuntrattwali b'mod bilaterali. Dan jagħti lill-partijiet livell ogħla ta' flessibbiltà fin-negozjar tal-patti u l-kundizzjonijiet tal-kuntratti tal-bejgħ. Il-patti u l-kundizzjonijiet tal-kuntratti huma kunfidenzjali.

(42)

Permezz ta' ittra iddatata l-21 ta' Frar 2014, il-Kummissjoni talbet lill-Awtoritajiet Rumeni jipprovdu informazzjoni dwar il-kuntratti negozjati bilateralment konklużi fis-suq Rumen, minbarra l-Kuntratti, b'durati u kwantitajiet ta' provvista tal-elettriku komparabbli. It-talba tal-Kummissjoni kopriet il-fornituri kollha tal-elettriku Rumeni, kemm jekk tal-Istat jew privati. Fl-14 ta' Mejju 2014, l-Awtoritajiet Rumeni taw l-elementi prinċipali mitluba tal-kuntratti kollha ffirmati mill-akkwirenti tal-elettriku b'konsum tal-elettriku annwali ta' iżjed minn 150 GWh għal kull waħda mis-snin mill-2009 sal-2011. (25).

(43)

L-Awtoritajiet Rumeni saħqu li l-kuntratti kollha konklużi fis-suq tal-konsumaturi bil-kundizzjonijiet kompetittivi minn konsumaturi mhux domestiċi fil-perjodu ta' żmien rilevanti kienu soġġetti għall-ġbir ta' dejta ad hoc mitlub mill-Kummissjoni. B'mod partikolari, l-Awtoritajiet Rumeni ssottomettew 75 sett ta' dejta annwali mill-kuntratti fis-seħħ għal sena jew iżjed matul il-perjodu 2009-2011 relevanti għal dan il-każ. Il-Kummissjoni tifhem li l-Awtoritajiet Rumeni ssottomettew id-dejta rilevanti dwar il-kuntratti kollha li jissodisfaw il-kriterji meħtieġa mill-Kummissjoni (durati u kwantitajiet paragunabbli) għall-perjodu rilevanti 2009-2011. Il-Kuntratti ammontaw għal madwar 17 % mill-volum totali tal-elettriku soġġett għal kuntratti negozjati direttament konklużi matul il-perjodu 2009-2011 u pprovduti mir-Rumanija.

(44)

Id-dejta sottomessa mill-Awtoritajiet Rumeni turi l-livell tal-ogħla prezzijiet imħallsa fis-suq ħieles għall-bejgħ bl-imnut tal-elettriku matul il-perjodu 2009-2011, kif ġej: għall-2009: 266,5 RON/MWh; għall-2010: 229,96 RON/MWh u għall-2011: 232,33 RON/MWh. Madankollu, kull wieħed minn dawn il-kuntratti meqjus waħdu ammonta għal kwantitajiet inqas minn kull wieħed mill-Kuntratti.

(45)

Analiżi tal-informazzjoni dwar il-kuntratti li daħlu fihom fornituri oħra minbarra Termoelectrica u Electrocentrale Deva turi li, fl-2009, meta bdew jiġu implimentati l-Kuntratti, l-ebda fornitur ieħor ma kkonkluda kuntratt ta' provvista li huwa biżżejjed simili għal dawn iż-żewġ Kuntratti fir-rigward tal-kwantitajiet (madwar 900 GWh u 500 GWh, kull wieħed) u d-durata (10 snin). Tqabbil kompletament sinifikanti mal-Kuntratti huwa possibbli biss għal kuntratti oħra għall-istess kwantitajiet, durata u/jew data tad-dħul fis-seħħ. Ladarba ma kien jeżisti l-ebda kuntratt kompletament paragunabbli, hemm bżonn li ssir analiżi ekonometrika tad-differenzi fil-kuntratti, li r-raġunijiet u r-riżultati tagħha jintwerew fil-premessi 77-80 u fl-Anness.

(46)

Matul il-perjodu 2009-2011, Hidroelectrica kienet għadha qed tbigħ madwar 60 % tal-elettriku tagħha lil akkwirenti privati oħra permezz ta' kuntratti fit-tul ta' bejgħ bl-ingrossa u bl-imnut, li qed jiġu investigati mill-Kummissjoni. (26) Il-prezzijiet tal-bejgħ ta' Hidroelectrica f'dawk il-kuntratti kienu iżjed minn 40 % inqas mill-prezzijiet tax-xiri bl-ingrossa mħallsa bħala medja minn Hidroelectrica lil Termoelectrica u lil Electrocentrale Deva. Bħala eżempju, l-ogħla prezz tal-bejgħ għall-elettriku skont dawn il-kuntratti kien ta' 159,8 RON/MWh fl-2009 u 168 RON/MWh fl-2010.

(47)

Hidroelectrica kkonkludiet kuntratti ta' bejgħ tal-elettriku ma' partijiet oħra wkoll (27), għal kwantitajiet inqas. L-ogħla prezz tal-bejgħ għall-elettriku skont dawn il-kuntratti tal-bejgħ bl-imnut għall-perjodu rilevanti kien ta' 185 RON/MWh fl-2009, 190 RON/MWh fl-2010 u 160 RON/MWh fl-2011, jiġifieri medja ta' madwar 13 % inqas mill-prezzijiet tax-xiri bl-ingrossa mħallsin minn Hidroelectrica lil Termoelectrica u lil Electrocentrale Deva.

(48)

L-Impjant ta' Paroseni ta' Termoelectrica, li fil-fatt forna kwantità tal-elettriku mixtrija bil-Kuntratt ma' Termoelectrica, sar entità separata u ġie inkorporat fir-Reġistru tal-Kummerċ Rumen bl-isem ta' Electrocentrale Paroseni, fil-11 ta' Lulju 2011 (28). Fit-22 ta' Settembru 2011, Electrocentrale Paroseni ħadet id-drittijiet u l-obbligi kollha ta' Termoelectrica taħt il-Kuntratt tagħha ma' Hidroelectrica. Electrocentrale Paroseni forniet l-elettriku lil Hidroelectrica f'Settembru u Ottubru 2011, għalkemm il-kwantitajiet kienu negliġibbli.

(49)

Fid-data tal-waqfien tal-provvista skont il-Kuntratti, Termoelectrica kienet għadha l-uniku azzjonist ta' Electrocentrale Deva kif ukoll ta' Electrocentrale Paroseni.

(50)

Permezz tal-Ordinanza ta' Emerġenza Nru 84/2011 (29), ġie implimentat skambju ta' dejn ma' ekwità bejn Termoelectrica u l-Istat. Għalhekk, Termoelectrica ttrasferixxiet l-ishma tagħha f'kumpaniji differenti (Electrocentrale Deva, Electrocentrale Paroseni u Electrocentrale Bucuresti) lill-Istat, bħala pagament għad-djun tagħha mal-Istat. Dan it-trasferiment tal-ishma sar abbażi ta' rapporti ta' evalwazzjoni, li saru minn evalwatur indipendenti.

(51)

Electrocentrale Paroșeni u Electrocentrale Deva ġew fużi f'entità legali waħda jisimha Complexul Energetic Hunedoara (“CEH”), kumpanija kompletament tal-istat, irreġistrata fir-Reġistru tal-Kummerċ Rumen fl-1 ta' Novembru 2012. CEH ħadet f'idejha d-drittijiet u l-obbligi kollha ta' Electrocentrale Paroseni u Electrocentrale Deva. Fl-1 ta' Awwissu 2013, CEH ħadet f'idejha wkoll lis-Societatea Nationala a Huilei, li rriżultat mid-diviżjoni tal-minjieri tal-kumpanija tal-Istat Compania Nationala a Huilei li kienet tforni l-faħam lil Termoelectrica u Electrocentrale Deva. Fil-preżent, it-tliet kumpaniji kollha jikkwalifikaw bħala fergħat ta' CEH, mingħajr personalità ġuridika.

(52)

Termoelectrica qed tiġi llikwidata (30) u għandha assi b'valur tas-suq ta' madwar EUR 80 miljun u valur ta' likwidazzjoni ta' madwar EUR 60,5 miljuni skont rapport datat l-1 ta' Ottubru 2013. Madankollu, id-djun ta' Electrocentrale Deva, Electrocentrale Paroseni u Electrocentrale Bucuresti baqgħu ta' Termoelectrica.

(53)

L-iżviluppi ta' wara l-2011 fir-rigward ta' Termoelectrica u Electrocentrale Deva, kif ukoll l-interkonnessjonijiet differenti spjegati fil-premessi 48 — 52 huma murijin għal referenza fil-grafika li ġejja:

(54)

Fid-Deċiżjoni tal-Ftuħ, il-Kummissjoni esprimiet dubji dwar jekk il-prezzijiet għax-xiri tal-elettriku stipulati fil-Kuntratti kinux jikkonformaw mas-suq u dwar jekk kinux jikkostitwixxu għajnuna mill-Istat. Fil-każ tal-aħħar, il-Kummissjoni esprimiet dubji dwar jekk tali għajnuna hijiex kompatibbli mat-Trattat.

(55)

Il-Kummissjoni qabblet il-prezzijiet stipulati fil-Kuntratti mal-prezzijiet li bihom l-elettriku kien innegozjat fuq l-OPCOM-PCCB u osservat li l-prezzijiet li bihom Hidroelectrica xrat l-elettriku mingħand l-allegati benefiċjarji kienu bejn 40 % u 55 % ogħla mill-prezz prevalenti tal-elettriku fis-suq tal-kambju miftuħ tal-elettriku tal-OPCOM-PCCB. Kien jidher li, għalhekk, Hidroelectrica ġarrbet spejjeż ogħla minn dawk meħtieġa, filwaqt li l-allegati benefiċjari ngħataw għajnuna li żiedet id-dħul tagħhom, mingħajr ma kien maħsub li jinkiseb xi għan speċifiku ta' interess komuni. Għalhekk, il-Kummissjoni kienet tal-fehma preliminari li l-allegati benefiċjarji kellhom vantaġġ indebitu fil-forma ta' prezzijiet tal-elettriku miżjuda artifiċjalment fil-Kuntratti tagħhom u l-emendi suċċessivi għalihom.

(56)

Il-Kummissjoni waslet għall-konklużjoni preliminari li t-tariffi tal-elettriku li qed jiġu eżaminati kienu ta' natura selettiva, minħabba li kienu japplikaw biss għal ċerti intrapriżi.

(57)

Barra minn hekk, il-Kummissjoni waslet għall-konklużjoni preliminari li t-tariffi tal-elettriku preferenzjali jistgħu jinvolvu trasferiment ta' riżorsi tal-Istat li huma imputabbli għall-Istat minħabba li Hidroelectrica kienet ikkontrollata mill-Istat Rumen (80,06 % tal-kapital azzjonarju tagħha kien tar-Rumanija). Barra minn hekk, il-Kummissjoni rreferiet għall-Ordni Ministerjali Nru 445/2009, li permezz tiegħu r-rappreżentanti tal-Ministeru tal-Ekonomija, il-Kummerċ u l-Ambjent tan-Negozju, il-membri tal-Bordijiet tal-Amministrazzjoni tal-kumpaniji tal-elettriku tal-Istat, kienu obbligati jiżguraw li mill-31 ta' Marzu 2010 l-elettriku ddestinat għas-suq tal-operaturi jkun innegozjat esklussivament fuq l-OPCOM.

(58)

Bħala konsegwenza, ir-rappreżentanti tal-Ministeru tal-Ekonomija u l-Kummerċ kellhom kontroll, jew tal-anqas influwenza, fuq il-prattika tal-ikkuntrattar tal-kumpaniji tal-Istat, inkluż il-prattika tal-ikkuntrattar ta' Hidroelectrica. Dan jista' jkollu effettu fuq il-kummerċ intra-UE, skont it-tifsira tal-Artikolu 107(1) tat-Trattat

(59)

Il-konklużjoni preliminari tal-Kummissjoni kienet li jekk il-Kuntratti kienu jinkludu għajnuna mill-Istat dawn kienu jiġu kkunsidrati bħala għajnuna mogħtija bi ksur tal-obbligi ta' notifika u waqfien stabbiliti fl-Artikolu 108(3) tat-Trattat.

(60)

Fid-dawl ta' dak imsemmi hawn fuq, il-Kummissjoni waslet għall-konklużjoni preliminari li hemm il-potenzjal li t-tariffi tal-elettriku preferenzjali jistgħu jinvolvu għajnuna mill-Istat u stiednet lir-Rumanija sabiex tipprovdi biżżejjed informazzjoni li ttaffi dawn id-dubji.

(61)

L-Awtoritajiet Rumeni astjenew milli jagħtu xi osservazzjoni dwar jekk il-Kuntratti kinux jinvolvu għajnuna mill-Istat. Fl-24 ta' Marzu 2013, ir-Rumanija pprovdiet l-osservazzjonijiet tagħha dwar il-kummenti tal-partijiet terzi fuq każijiet oħra li involvew lil Hidroelectrica, li wkoll kienu koperti mill-investigazzjoni tal-Kummissjoni (31). L-Awtoritajiet Rumeni reġgħu astjenew milli jgħidu x'jaħsbu.

(62)

Fil-proċedura ta' investigazzjoni formali, l-Awtoritajiet Rumeni ntalbu jispjegaw ir-raġunijiet ekonomiċi wara l-konklużjoni tal-Kuntratti. Ir-Rumanija ma tatx xi ġustifikazzjoni f'dan ir-rigward. Ir-Rumanija argumentat biss li l-Kuntratti ppermettew lil Hidroelectrica tikkwantifika aħjar valur massimu tal-ispejjeż imġarrba għax-xiri tal-elettriku, billi pprovdewlha protezzjoni kontra l-volatilità tal-prezzijiet fis-suq spot.

(63)

Barra minn hekk, l-Awtoritajiet Rumeni ċċaraw ukoll li l-Kuntratti ma kinux ftehimiet ta' għajnuna kif iddefiniti fir-Rapport tal-Amministratur Ġudizzjarju ta' Hidroelectrica dwar x'kien li kkawża tal-insolvenza ta' Hidroelectrica (32). Skont dak ir-rapport, il-ftehimiet ta' għajnuna huma dawk il-kuntratti konklużi minn Hidroelectrica sabiex tkopri d-diskontinwità fil-produzzjoni tagħha. L-iskop ta' dak it-tip ta' kuntratt huwa li jiġi evitat il-ħlas ta' kwalunkwe dannu mġarrab minħabba n-nuqqas ta' rispett ta' impenn kuntrattwali ta' provvista.

(64)

L-Awtoritajiet Rumeni ċċaraw (33) għaliex, fil-prattika, bl-eċċezzjoni tat-tliet każijiet imsemmija fil-premessa 28, ANRE ma stabbilixxietx il-prezzijiet tal-kuntratt kif stipulat fil-Kuntratti. Kien spjegat li l-Kuntratti ma kinux konklużi fis-suq regolat u, għalhekk, il-prezz ma kienx aġġustat mill-ANRE. L-Awtoritajiet Rumeni spjegaw ukoll li: (i) fil-bidu l-ANRE pprovdiet lill-Ministeru tal-Ekonomija u l-Kummerċ b'livell limitu minimu u massimu li fuqu ġew stabbiliti l-prezzijiet; (ii) tali livelli limitu kienu stabbiliti fuq il-bażi ta' parametri tekniċi ċari speċifiċi għall-produtturi tal-enerġija termali u elettrika; (iii) imbagħad l-ANRE temmet din il-prattika u l-Ministeru tal-Ekonomija u l-Kummerċ ħadha f'idejh, fuq il-bażi ta' prinċipji simili għal dawk użati mill-ANRE.

(65)

Rigward il-Kuntratt ma' Termoelectrica, l-Awtoritajiet Rumeni kkonfermaw li Hidroelectrica kienet l-uniku konsumatur tal-elettriku għall-Impjant ta' Paroseni ta' Termoelectrica. Barra minn hekk, kien iċċarat li Hidroelectrica ma xtratx il-kwantità sħiħa tal-elettriku kif stmat fil-bidu skont il-Kuntratt iżda, minflok, xtrat biss il-kwantità meħtieġa sabiex tkopri kwalunkwe ċaqliqa fil-produzzjoni, minħabba l-evoluzzjoni imprevedibbli tal-kundizzjonijiet idroloġiċi.

(66)

Rigward il-Kuntratt ma' Electrocentrale Deva, l-Awtoritajiet Rumeni ċċaraw li matul il-perjodu rilevanti 2009-2011, Electrocentrale Deva biegħet l-elettriku lil klijenti oħra wkoll minbarra Hidroelectrica. Għalhekk intwera li fis-snin 2010 u 2011, Electrocentrale Deva biegħet kwantitajiet kbar ta' elettriku (kwantitajiet paragunabbli jew saħansitra ogħla) lil klijenti, apparti Hidroelectrica, bi prezzijiet paragunabbli. (34).

(67)

Fl-osservazzjonijiet preliminari tagħhom dwar id-Deċiżjoni tal-Ftuħ, kemm Termoelectrica kif ukoll Electrocentrale Deva sostnew li la l-prezzijiet tal-kuntratt inizjali u lanqas il-bidliet sussegwenti tagħhom ma tawhom xi vantaġġ, u argumentaw li tali prezzijiet kienu stabbiliti mill-ANRE u kkalkolati fuq il-bażi tal-ispejjeż tal-produzzjoni tagħhom.

(68)

Barra minn hekk, ir-Rumanija argumentat li l-bidliet sussegwenti fil-prezzijiet tal-kuntratt kienu determinati miż-żieda fil-prezz taż-żejt (35) jew tal-faħam (36). Electrocentrale Deva sostniet ukoll li madwar 70 % tal-prezz tal-elettriku kien influwenzat mill-prezz tal-faħam.

(69)

F'din id-deċiżjoni, il-Kummissjoni tivvaluta jekk Termoelectrica u Electrocentrale Deva ngħatawx għajnuna mill-Istat skont it-tifsira tal-Artikolu 107(1) tat-Trattat, ara l-premessa 101, u, jekk iva, jekk it-tali għajnuna hijiex kompatibbli mas-suq intern, ara l-premessi 102 sa 105.

(70)

L-Artikolu 107(1) tat-Trattat jistipula li kull għajnuna, ta' kwalunkwe forma, mogħtija minn Stat Membru jew permezz ta' riżorsi tal-Istat, li tfixkel jew thedded li tfixkel il-kompetizzjoni billi tiffavorixxi lil ċerti intrapriżi jew il-produzzjoni ta' ċerti oġġetti u tkun tolqot il-kummerċ bejn l-Istati Membri, tkun inkompatibbli mas-suq intern.

(71)

Il-kundizzjonijiet stabbiliti fl-Artikolu 107(1) tat-Trattat huma kumulattivi u, għalhekk, sabiex miżura tikkwalifika bħala għajnuna mill-Istat il-kundizzjonijiet kollha jridu jkun ssodisfati fl-istess ħin.

(72)

Għall-fini tal-Artikolu 107(1) tat-Trattat, sabiex jiġi stabbilit jekk ingħatax vantaġġ ekonomiku li ma kienx ikun disponibbli bil-kundizzjonijiet tas-suq lil Termoelectrica u Electrocentrale Deva bħala riżultat tal-konklużjoni u l-implimentazzjoni tal-Kuntratti, hemm bżonn li jiġi stabbilit x'kienu l-prezzijiet fil-kundizzjonijiet tas-suq fir-Rumanija fil-perjodu bejn l-2009 u l-2011, għal tranżazzjonijiet simili.

(73)

F'dan ir-rigward, għall-kuntrarju tal-fehma preliminari stipulata fid-Deċiżjoni tal-Ftuħ, l-investigazzjoni wriet li l-patti u d-durati tal-kuntratti tal-provvista tal-elettriku konklużi fl-OPCOM-PCCB mhumiex simili biżżejjed għal dawk tal-Kuntratti, speċjalment fir-rigward tad-durata u l-kundizzjonijiet innegozjati bilateralment personalizzati (il-premessi 18, 23, 24, 25, 39 u 40). Fi swieq tal-elettriku li jiffunzjonaw sew b'likwidità adegwata u strumenti forward li jippermettu li jkunu previsti l-prezzijiet għal kunsinni fil-ġejjieni, il-prezzijiet spot huma indikazzjoni tajba jew li joqorbu lejn il-prezzijiet tas-suq, li jistgħu jintużaw bħala punti ta' riferiment għall-valutazzjoni tal-livelli tal-prezzijiet f'kuntratti speċifiċi. Madankollu, f'dan il-każ, minħabba l-proporzjon relattivament ogħla tad-domanda li kienet servuta bit-tariffi regolati fir-Rumanija fl-2009, il-likwidità limitata tal-pjattaformi tan-negozjar tal-OPCOM fil-perjodu 2009-2011, u l-fatt li l-boroż tal-enerġija ġestiti mill-OPCOM kienu mfassla bħala suq tal-antitrust rilevanti soġġett għal abbuż minn pożizzjoni dominati (il-premessi 34 — 40), xieraq li wieħed joqgħod fuq punti ta' riferiment adattati minbarra l-prezzijiet fl-OPCOM PCCB għall-valutazzjoni tal-preżenza possibbli ta' vantaġġ ekonomiku fuq il-prezzijiet tas-suq.

(74)

Madankollu, f'dak ir-rigward, is-similarità tal-prezzijiet għal dawk imħallsa mill-akkwirenti minbarra Hidroelectrica jew il-ġustifikazzjoni bbażata fuq l-ispejjeż imressqa mir-Rumanija u l-benefiċjari (il-premessi 66-68), mhumiex indikazzjoni valida li l-kundizzjonijiet tal-kuntratt u l-prezzijiet involuti kienu konformi mal-kundizzjonijiet tas-suq.

(75)

Fil-fatt, il-prezzijiet imħallsa minn Hidroelectrica lil Electrocentrale Deva bejn l-2009 u l-2011 kienu simili għall-prezzijiet imħallsa minn kumpaniji oħra tad-distribuzzjoni tal-elettriku, tal-Istat u privati, li kienu qed jixtru l-elettriku minn Electrocentrale Deva. Madankollu, dan ix-xiri kien qed iseħħ bejn Electrocentrale Deva u kumpaniji tad-distribuzzjoni tal-elettriku, li kienu qed ibigħu l-elettriku lid-djar u negozji żgħar fis-suq tal-konsumaturi għal prezzijiet u kundizzjonijiet regolati (il-premessa 34). Hidroelectrica kienet qed tixtri l-elettriku fis-suq tal-operaturi għall-bejgħ mill-ġdid bl-imnut fis-suq kompetittiv lill-konsumaturi industrijali u/jew l-operaturi tas-suq, li fih il-prezzijiet u l-kwantitajiet ma kinux regolati u x-xerrejja setgħu jevitaw li jixtru minn bejjiegħa għaljin, bħal Termoelectrica u Electrocentrale Deva u jagħżlu fornituri orħos, indipendentement mill-ispejjeż tal-produzzjoni tagħha. Għalhekk, anke jekk il-prezzijiet kienu simili u jiġi ssupponut li l-bejgħ ta' Termoelectrica u Electrocentrale Deva fis-suq regolat kien jippermetti li jiġu rkuprati l-ispejjeż, il-prezzijiet imħallsa mill-kumpaniji tad-distribuzzjoni tal-elettriku lil Termoelectrica u Electrocentrale Deva mhumiex paragunabbli ma' u ma jistgħux jikkostitwixxu punt ta' riferiment validu għall-prezzijiet imħallsa minn Hidroelectrica fis-suq ħieles kompetittiv.

(76)

Bl-istess mod, il-ġustifikazzjoni tal-ispejjeż imressqa minn Termoelectrica u Electrocentrale Deva u l-awtoritajiet Rumeni tispjega biss għaliex il-prezzijiet li Termoelectrica u Electrocentrale Deva setgħu jbigħu bihom mingħajr telf kienu għoljin. Din il-ġustifikazzjoni ma turix li dawn il-prezzijiet kienu konformi mal-prezzijiet tas-suq stabbiliti f'kundizzjonijiet kompetittivi bħal dawk li fihom Hidroelectrica suppost ikkonkludiet u implimentat il-Kuntratti, jekk dawn il-Kuntratti kellhom jitqiesu li ma jinvolvu ebda għajnuna mill-Istat.

(77)

Sabiex jiġi stabbiliti jekk il-prezzijiet tal-kuntratt kinux konformi mal-kundizzjonijiet tas-suq fir-Rumanija, xieraq li dawn jitqabblu mal-kundizzjonijiet tal-prezzijiet prevalenti għal kuntratti oħra negozjati bilateralment li saru fl-istess żmien tal-Kuntratti fis-suq ħieles. Il-Kummissjoni użat is-sett tad-dejta pprovdut mill-awtoritajiet Rumeni, minħabba li dan tqies bħala l-aħjar sors disponibbli ta' evidenza li tirrifletti l-kundizzjonijiet tas-suq fir-Rumanija (il-premessi 42-45). Kif indikat fil-premessa 45, l-ebda kuntratt fit-tul konkluż jew fis-seħħ fl-2009 ma jirrepplika l-karatteristiċi tal-Kuntratti. Għalhekk, il-Kummissjoni wettqet analiżi ekonometrika sabiex tistima punt ta' riferiment tal-prezzijiet ibbażat fuq kuntratti tal-elettriku kontemporanji għall-Kuntratti matul il-perjodu rilevanti. Fl-Anness hija pprovduta deskrizzjoni teknika dettaljata tal-analiżi ekonometrika u r-riżultati tagħha.

(78)

Fin-nuqqas ta' referenza definittiva biex jiġu stabbilitti l-“kundizzjonijiet tas-suq”, sabiex jiġi vverifikat jekk il-Kuntratti kellhomx prezzijiet ogħla mil-livell tas-suq, intuża punt ta' riferiment tal-prezzijiet tas-suq bħala indikatur, b'suppożizzjonijiet konservattivi, jiġifieri billi ttieħed kont tad-devjazzjonijiet importanti 'l fuq mill-prezz tas-suq stmat. Abbażi ta' dan l-approċċ konservattiv, il-Kummissjoni għamlet paragun tal-prezzijiet tal-Kuntratti mal-prezz tas-suq ta' riferiment, għal kull sena bejn l-2009 u l-2011. Il-paragun twettaq għal kull sena minħabba li l-prezzijiet tal-bejgħ taħt il-Kuntratti żdiedu kull sena.

(79)

L-analiżi turi li, abbażi tal-prezzijiet ta' riferiment u b'suppożizzjonijiet konservattivi, il-prezzijiet mitluba minn Termoelectrica li Hidroelectrica kienu ogħla mill-prezzijiet tas-suq. Jekk tingħata l-kunsiderazzjoni dovuta lill-fatt li l-paragun tat-tranżazzjonijiet fil-livell tal-operatur għall-Kuntratti jitwettaq ma' kuntratti fil-livell tal-konsumatur, u jekk jiġi miżjud marġini għall-bejgħ bl-imnut ta' 5 % mitlub bħala medja mill-operaturi tas-suq fis-suq Rumen, id-differenza fil-prezzijiet tas-suq hija: 18,8 RON/MWh fl-2010 u 19,8 RON/MWh fl-2011 għal Termoelectrica u 17,5 RON/MWh fl-2010 u 13,9 RON/MWh fl-2011.

(80)

Għalhekk, l-analiżi ekonometrika tagħti l-ewwel indikazzjoni li l-Kuntratti taw vantaġġ ekonomiku lil Termoelectrica u Electrocentrale Deva fuq il-kundizzjonijiet tas-suq. Madankollu, is-sempliċi fatt li l-prezzijiet skont il-Kuntratti kienu vvalutati bħala ogħla mill-prezzijiet ta' riferiment ta' kuntratti simili mhuwiex biżżejjed biex jistabbilixxi li operatur tas-suq li qed jaġixxi minflok Hidroelectrica ma kienx jidħol u jżomm fis-seħħ dawn il-kuntratti. Raġunijiet oġġettivi xorta jistgħu jfissru li l-livelli għoljin tal-prezzijiet waħedhom ma jistgħux jitqiesu li jagħtu vantaġġ ekonomiku ogħla mill-kundizzjonijiet tas-suq lill-bejjiegħa tal-elettriku. Għalhekk hemm bżonn li r-robustezza tar-riżultati tal-analiżi ekonometrika tkun ikkorroborata minn evidenza addizzjonali ta' prezzijiet ogħla mill-kundizzjonjiet tas-suq.

(81)

F'dan ir-rigward, xieraq li jiġi stabbilit jekk Hidroelectrica aġixxietx b'mod paragunabbli ma' dak ta' operatur tal-ekonomija privata f'sitwazzjoni simili (“it-test ta' operatur f'ekonomija tas-suq”/“MEOP”) (37). Għalhekk, il-Kummissjoni vvalutat jekk operatur privat li jsib ruħu f'sitwazzjoni simili kienx iġib ruħu bl-istess mod bħal Hidroelectrica meta jidħol u jżomm fis-seħħ il-Kuntratti. F'dan il-kuntest, iċ-ċirkostanzi li ġejjin deskritti hawn taħt fil-premessi 82 — 85 u li jikkonċernaw il-konklużjoni u l-implimentazzjoni tal-Kuntratti huma rilevanti.

(82)

L-ewwel, fid-data tal-konklużjoni tal-Kuntratti Hidroelectrica kellha għad-dispożizzjoni tagħha fis-suq sorsi oħra tal-elettriku li kienu orħos; pereżempju: fl-2008-2009, Nuclearelectrica offriet l-elettriku għal 153 RON/MWh mqabbel ma' 227 RON/MWh għal Termoelectrica u 230 RON/MWh għal Electrocentrale Deva (38).

(83)

It-tieni, Hidroelectrica setgħet tbigħ l-elettriku mixtri mingħand Termoelectrica u Electrocentrale Deva lill-partijiet terzi b'telf biss. Kif muri fil-premessi 46 u 47, il-prezzijiet tal-bejgħ fil-livell tal-konsumatur ta' Hidroelectrica fis-suq ħieles kienu ferm inqas minn dawn il-prezzijiet tax-xiri bl-ingrossa u l-ogħla prezz li bih Hidroelectrica reġgħet biegħet l-elettriku fis-suq tal-kuntratti nnegozjati direttament kien ta' 190 RON/MWh, fl-2010, imqabbel ma' prezz tax-xiri ta' 230 RON/MWh għal Termoelectrica u 234 RON/MWh għal Electrocentrale Deva. Minn dan isegwi li, fuq il-bażi ta' dawk il-prezzijiet kull MWh mixtrija mingħand Termoelectrica u Electrocentrale Deva reġa' nbiegħ minn Hidroelectrica b'telf.

(84)

F'dak ir-rigward, l-investigazzjoni ma tat l-ebda spjegazzjoni għaliex Hidroelectrica qablet li tixtri l-produzzjoni sħiħa tal-impjant tal-enerġija ta' Paroseni ta' Termoelectrica (il-premessa 24). Impenn biex tixtri kull tip ta' produzzjoni li jipproduċi impjant tal-enerġija fuq terminu twil ta' għaxar snin huwa indikazzjoni b'saħħitha li Hidroelectrica ma kinitx teħtieġ il-kuntratti biex tonora l-obbligi tal-kuntratt ta' provvista tagħha. Dawn huwa kkonfermat mir-Rumanija wkoll (il-premessa 63). Għall-kuntrarju, il-ħtieġa li jingħata appoġġ lill-operat għali u mhux kompetittiv taż-żewġ kumpaniji u l-minjieri tal-faħam li kienu jfornuhom tressqet mill-maniġers tal-kumpaniji ta' Termoelectrica (il-premessa 20) u Electrocentrale Devo (il-premessa 21) lill-Ministru responsabbli bħala r-raġuni għaliex Hidroelectrica għandha tidħol fil-Kuntratti.

(85)

Madankollu, meta jidħlu fi tranżazzjonijiet kummerċjali, jekk l-intrapriżi pubbliċi jqisu kunsiderazzjonijiet ta' appoġġ lil kumpaniji jew setturi f'diffikultà għal raġunijiet politiċi soċjali jew ekonomiċi li huma esterni għall-interessi kummerċjali tagħhom u jidħlu f'tali tranżazzjonijiet f'kundizzjonijiet li operatur normali tas-suq ma kienx jaċċetta, il-kundizzjonijiet aċċettati, rigward il-prezzijiet tax-xiri minn Hidroelectrica f'dan il-każ, jistgħu jinvolvu vantaġġ ekonomiku mhux dovut għall-parti jew għall-partijiet l-oħrajn, li jissodisfa waħda mill-kundizzjonijiet ta' applikazzjoni tal-Artikolu 107(1) tat-Trattat.

(86)

Minn dan isegwi li meta daħlet u żammet il-Kuntratti, Hidroelectrica ma aġixxietx bħala operatur f'ekonomija tas-suq. Għaldaqstant, dan it-test jikkorrobora wkoll b'mod kwalitattiv ir-riżultat tal-analiżi ekonometrika li jindika li l-Kuntratti taw vantaġġ ekonomiku lil Termoelectrica u Electrocentrale Deva li ma kienx ikun disponibbli fil-kundizzjonijiet tas-suq.

(87)

Id-dejta pprovduta mill-awtoritajiet Rumeni ma koprietx il-kuntratti fit-tul li kellhom l-istess kundizzjonijiet eżatti, fir-rigward tal-kwantità u d-durata, bħal dawk tal-Kuntratti. Għalhekk, fin-nuqqas ta' referenza definittiva biex jiġu stabbiliti l-“kundizzjonijiet tas-suq”, il-Kummissjoni qabblet, kull sena, il-prezzijiet tal-kuntratti mħallsa minn Hidroelectrica mal-ogħla prezzijiet applikati fir-Rumanija bejn l-2009 u l-2011 f'kuntratti tal-bejgħ fil-livell tal-konsumatur fit-tul pprovduti mir-Rumanija (ara l-premessi 42 sa 45).

(88)

Dan il-paragun jistrieħ fuq is-suppożizzjoni konservattiva li Termoelectrica u Electrocentrale Deva setgħu jibdlu l-Kuntratti tagħhom ma' Hidroelectrica b'diversi kuntratti ma' akkwirenti oħra fis-suq li joffru l-ogħla prezzijiet u huwa konservattiv ħafna: minflok jieħu bħala l-prezz tas-suq il-medja, il-medjan jew il-modalità fi tranżazzjonijiet paragunabbli, jieħu bħala l-prezz tas-suq l-ogħla prezz li jinstab f'diversi tranżazzjonijiet mhux kompletament paragunabbli. Minħabba n-nuqqas ta' omoġeneità tat-tranżazzjonijiet, u l-eżistenza ta' fatturi jew anomalitajiet potenzjali li jistgħu jgħinu jispjegaw il-livell tal-prezz miftiehem fit-tranżazzjonijiet bl-ogħla prezzijiet meħuda bħala referenza, dan l-approċċ jiffavorixxi l-benefiċjarji, għaliex jista' jissottovaluta l-vantaġġ riċevut. Il-prezzijiet medji ponderati għall-kwantitajiet tal-elettriku forniti effettivament lil Hidroelectrica minn Electrocentrale Deva u Termoelectrica bejn l-2009 u l-2011 (il-premessa 32) kienu dawn li ġejjin:

(89)

Meta mqabbla skont dawn is-suppożizzjonijiet konservattivi, il-prezzijiet medji mħallsa minn Hidroelectrica lil Termoelectrica u Electrocentrale Deva xorta jibqgħu ogħla minn dawk l-ogħla prezzijiet fl-2010 u l-2011, u dan jikkorrobora s-sejbiet tal-analiżi ekonometrika. Il-prezzijiet mitluba minn Termoelectrica lil Hidroelectrica kienu 16,6 RON/MWh aktar mill-ogħla prezzijiet fl-2010 u 14,3 RON/MWh fl-2011, filwaqt li l-prezzijiet mitluba minn Electrocentrale Deva lil Hidroelectrica kienu 9,8 RON/MWh aktar mill-ogħla prezzijiet fl-2010 u 4,4 RON/MWh fl-2011.

(90)

Fid-dawl ta' dan li ntqal hawn fuq, jista' jiġi konkluż li l-Kuntratti kienu jiffavorixxu lil Termoelectrica u lil Electrocentrale Deva billi tawhom vantaġġ ekonomiku li ma kienx ikun disponibbli fil-kundizzjonijiet tas-suq.

(91)

Għalhekk, il-Kummissjoni tikkonkludi li Hidroelectrica ma aġġixxietx bl-istess mod bħal operatur f'ekonomija tas-suq fiċ-ċirkostanzi u li din tat vantaġġ ekonomiku mhux dovut lil Termoelectrica u Electrocentrale Deva.

(92)

Sabiex titqies bħala għajnuna fis-sens tal-Artikolu 107(1) tat-Trattat, miżura trid tingħata direttament jew indirettament mir-riżorsi tal-Istat u għandha tkun imputabbli għall-Istat.

(93)

Kif muri fil-premessa 11, Hidroelectrica hija kkontrollata direttament mill-Istat Rumen. Isegwi li dawk ir-riżorsi rrinunzjati minn Hidroelectrica jammontaw għar-riżorsi mill-Istat irrinunzjati mir-Rumanija. L-Istat Rumen jaħtar ukoll id-Diretturi għall-Bord tagħha. Barra minn hekk, dawk id-Diretturi kellhom ukoll fl-istess ħin responsabbiltajiet politiċi fil-Ministeru li jikkontrolla l-ishma tal-Istat f'Hidroelectrica.

(94)

Skont ġurisprudenza stabbilita, il-kapaċità tal-Istat li jikkontrolla l-entitajiet involuti fl-għoti tal-miżuri ma jiġġustiffikax awtomatikament is-suppożizzjoni li l-azzjonijiet tal-entitajiet huma imputabbli għall-Istat. Il-Qorti tal-Ġustizzja tal-Unjoni Ewropea spjegat il-kunċett tal-imputabbiltà għall-Istat tad-deċiżjonijiet li jinvolvu l-fondi ta' intrapriżi pubbliċi fis-sentenza Stardust Marine. Ir-riżorsi ta' intrapriża pubblika għandhom jitqiesu bħala riżorsi tal-Istat u l-azzjonijiet li jikkonċernawhom għandhom jitqiesu bħala imputabbli għall-Istat jekk l-Istat ikun kapaċi, billi jeżerċita l-influwenza dominanti tiegħu fuq tali intrapriża, li jidderieġi l-użu tar-riżorsi tagħha. (39).

(95)

Il-Qorti tal-Ġustizzja tat indikaturi biex tiġi stabbilita l-imputabbiltà għall-Istat li huma: l-integrazzjoni tal-intrapriża pubblika fl-istrutturi tal-amministrazzjoni pubblika; in-natura tal-attivitajiet tagħha; l-istatus ġuridiku tal-intrapriża; l-intensità tas-superviżjoni eżerċitata mill-awtoritajiet pubbliċi fuq il-maniġment tal-intrapriża jew kwalunkwe indikatur ieħor li juri l-involviment mill-awtoritajiet pubbliċi fl-adozzjoni ta' miżura jew in-nuqqas ta' probabbiltà li dawn ma jkunux involuti. F'dan il-każ trid tingħata kunsiderazzjoni wkoll lill-firxa tal-Kuntratti, il-kontenut tagħhom jew il-kundizzjonijiet li fihom.

(96)

Għalhekk huwa neċessarju li jiġi eżaminat jekk l-Awtoritajiet Rumeni għandhomx jitqiesu bħala li kienu involuti, b'xi mod jew ieħor, fil-konklużjoni u ż-żamma tal-Kuntratti fis-seħħ u fil-modifika tal-prezzijiet tal-kuntratt.

(97)

F'dan ir-rigward, il-Ministeru tal-Ekonomija u l-Kummerċ kien involut attivament fil-proċess ta' teħid tad-deċiżjonijiet rigward il-konklużjoni tal-Kuntratti u l-aġġustamenti sussegwenti mill-ġdid tal-prezzijiet tal-kuntratt. B'mod partikolari, Termoelectrica u Electrocentrale Deva rċevew l-approvazzjoni tal-Ministeru tal-Ekonomija u l-Kummerċ biex jiffirmaw il-Kuntratti ma' Hidroelectrica li jimplika de facto li huwa l-Istat Rumen li fl-aħħar mill-aħħar eżerċita l-influwenza deċiżiva fuq dawn tal-aħħar (il-premessi 19-22). Dan huwa kkonfermat ukoll mill-fatt li Hidroelectrica fittxet direttament l-approvazzjoni tal-Ministeru Rumen tal-Ekonomija u l-Kummerċ għall-aġġustamenti mill-ġdid tal-prezzijiet (il-premessi 26-31).

(98)

Din l-evidenza diretta hija kkorroborata min-natura ta' telf tax-xiri ta' Hidroelectrica u n-nuqqas ta' raġunijiet ekonomiċi għall-impenn tagħha biex tixtri l-produzzjoni sħiħa tal-impjant tal-enerġija ta' Paroseni (il-premessi 84-85). Il-Kuntratti jidhru li huma mmotivati mis-sitwazzjoni finanzjarja delikata taż-żewġ ġeneraturi l-oħra tal-Istat u l-kunsiderazzjonijiet soċjali dwar il-produzzjoni tal-faħam (il-premessi 20-21). Fl-aħħar mill-aħħar, it-tliet ġeneraturi tal-elettriku tal-Istat, kif ukoll il-minjieri tal-faħam tal-Istat, kienu tal-Istat u taħt ir-responsabbiltà tal-Istat li minnu Termoelectrica u Electrocentrale Deva fittxew mezz biex jiffinanzjaw l-operazzjonijiet kurrenti tagħhom.

(99)

Dan ta' hawn fuq jikkonferma l-fehma preliminari espressa mill-Kummissjoni fid-Deċiżjoni tal-Ftuħ li l-Kuntratti u l-eżekuzzjoni tagħhom ma kinux deċiżjonijiet kummerċjali razzjonali u indipendenti ta' Hidroelectrica iżda rriżultaw mill-eżerċitar ta' influwenza dominanti mill-Istat Rumen.

(100)

Għalhekk, il-Kummissjoni tikkonkludi li hemm evidenza diretta li turi li l-konklużjoni tal-Kuntratti u l-implimentazzjoni tagħhom huma imputabbli għall-Istat Rumen. Barra minn hekk, meta jitqies li l-konklużjoni u l-implimentazzjoni tal-Kuntratti jinvolvu telf tar-riżorsi ta' Hidroelectrica, li hija intrapriża pubblika, il-Kummissjoni tikkonkludi li dawk il-miżuri ngħataw permezz tar-riżorsi tal-Istat.

(101)

Sabiex titqies bħala għajnuna mill-Istat, miżura trid tkun speċifika jew selettiva fis-sens li trid tiffavorixxi biss lil ċerti intrapriżi jew il-produzzjoni ta' ċerti prodotti.

(102)

Il-Kuntratti kienu konklużi ma' żewġ fornituri speċifiċi, Termoelectrica u Electrocentrale Deva, li tawhom b'mod individwali vantaġġi ekonomiċi indebiti. L-ebda fornitur ieħor tal-elettriku lil Hidroelectrica ma bbenefika minn kundizzjonijiet simili għal dawk ipprovduti fil-Kuntratti. Għalhekk, il-vantaġġi ekonomiċi li rriżultaw mill-prezzijiet tal-kuntratt eċċessivament għoljin huma selettivi.

(103)

Meta l-għajnuna mogħtija minn Stat Membru ssaħħaħ il-pożizzjoni ta' intrapriża meta mqabbla ma' intrapriżi oħrajn li jikkompetu fil-kummerċ intra-UE, dawn tal-aħħar għandhom jitqiesu bħala affettwati minn dik l-għajnuna. B'mod partikolari, jitqies li hemm tfixkil tal-kompetizzjoni skont it-tifsira tal-Artikolu 107(1) tat-Trattat meta l-Istat jagħti vantaġġ ekonomiku lil intrapriża f'settur liberalizzat fejn hemm, jew jista' jkun hemm, il-kompetizzjoni. (40)

(104)

Termoelectrica u Electrocentrale Deva joperaw f'suq għall-bejgħ tal-elettriku li huwa miftuħ għall-kompetizzjoni (il-premessi 35-38). Kwalunkwe benefiċċju ekonomiku mogħti lil tali intrapriżi jista' jagħtihom vantaġġ fuq kompetituri oħrajn li ma jkunux ingħataw prezzijiet bħal dawn bil-kundizzjonijiet tas-suq. Fil-każ inkwistjoni, l-appoġġ kien maħsub biex jiffavorixxi l-produzzjoni tal-elettriku bbażata fuq il-faħam, li jista' joħloq tfixkil tal-kompetizzjoni bejn il-produtturi tal-elettriku. Barra minn hekk, is-suq Rumen issa huwa (u kien ukoll fiż-żmien tal-fatti) interkonness ma' Stati Membri oħra u jesporta l-elettriku lilhom (il-premessa 17).

(105)

Fid-dawl ta' dak imsemmi hawn fuq, il-Kummissjoni tikkonkludi li l-Kuntratti jistgħu joħolqu tfikxil tal-kompetizzjoni u jista' jkollhom effett fuq il-kummerċ bejn l-Istati Membri skont it-tifsira tal-Artikolu 107(1) tat-Trattat

(106)

Minħabba l-argumenti deskritti hawn fuq fil-premessi 72 — 105, il-Kummissjoni tikkonkludi li ż-żewġ Kuntratti jinvolvu l-għoti ta' għajnuna mill-Istat lil Termoelectrica u Electrocentrale Deva skont it-tifsira tal-Artikolu 107(1) tat-Trattat. Ir-Rumanija ma rrispettatx l-obbligu ta' waqfien skont l-Artikolu 108(3) tat-Trattat. Għalhekk, l-għajnuna mill-Istat mhix skont il-liġi.

(107)

Minħabba li l-miżura implimentata mir-Rumanija għal Termoelectrica u Electrocentrale Deva tikkostitwixxi għajnuna mill-Istat skont it-tifsira tal-Artikolu 107(1) tat-Trattat, il-kompatibilità tagħha trid tiġi vvalutata fid-dawl tal-eċċezzjonijiet stabbiliti fil-paragrafi 2 u 3 ta' dak l-Artikolu.

(108)

F'dan il-każ, l-għajnuna pprovdiet lill-benefiċjari bid-dħul mill-operat kurrenti, u ma kinitx speċifikata għal kwalunkwe investiment partikolari li kien ikun kapaċi jtejjeb il-produzzjoni jew id-distribuzzjoni tal-elettriku. Il-kompatibilità mas-suq intern tal-għajnuna operatorja ta' dan it-tip skont l-Artikolu 107(2) jew (3) tat-Trattat trid tiġi vvalutata b'mod ristrett, f'kundizzjonijiet stretti. L-għajnuna operatorja rikorrenti u dejjiema involuta fuq perjodu ta' sentejn ma tidhirx li hija meħtieġa, lanqas ma tidher li tikkontribwixxi għal xi objettiv ċar ta' interess komuni tal-Unjoni. Lanqas il-proporzjonalità tal-għajnuna ma hija stabbilita. Barra minn hekk u f'kull każ, skont il-ġurisprudenza stabbilita tal-Qorti tal-Ġustizzja, huwa f'idejn l-Istat Membru li jinvoka r-raġunijiet possibbli ta' kompatibilità u li juri li ġew issodisfati l-kundizzjonijiet għat-tali kompatibilità. (41)

(109)

L-Awtoritajiet Rumeni ma invokaw l-ebda raġuni possibbli li abbażi tagħha l-għajnuna mill-Istat tista' titqies kompatibbli mas-suq intern u l-Kummissjoni ma identifikat l-ebda raġuni possibbli għall-kompatibilità.

(110)

Fid-dawl ta' dak imsemmi hawn fuq, il-Kummissjoni tqis li l-għajnuna mill-Istati allokata permezz tal-Kuntratti hija inkompatibbli mas-suq intern.

(111)

Skont it-Trattat u l-ġurisprudenza stabbilita tal-Qorti, il-Kummissjoni għandha l-kompetenza li tiddeċiedi li l-Istat Membru kkonċernat irid jabolixxi jew jimmodifika l-għajnuna meta ssib li din hija inkompatibbli mas-suq intern. (42) Il-Qorti sostniet ukoll b'mod konsistenti li l-obbligu fuq Stat Membru li jabolixxi l-għajnuna li l-Kummissjoni tqisha inkompatibbli mas-suq intern huwa mfassal biex jistabbilixxi mill-ġdid is-sitwazzjoni kif kienet qabel. (43) F'dan il-kuntest, il-Qorti ddeċidiet li dan l-objettiv jintlaħaq meta r-riċevitur ikun ħallas lura l-ammonti mogħtija bħala għajnuna illegali, u b'hekk jitlef il-vantaġġ li jkun ibbenefika minnu minflok il-kompetituri tiegħu fis-suq, u tkun ġiet irkuprata s-sitwazzjoni ta' qabel il-ħlas tal-għajnuna. (44)

(112)

B'konformità mal-każistika, l-Artikolu 14(1) tar-Regolament tal-Kunsill (KE) Nru 659/1999 (45) jgħid li “fejn jittieħdu deċiżjonijiet negattivi f'każijiet ta' għajnuna llegali, il-Kummissjoni għandha tiddeċiedi li l-Istat Membru kkonċernat għandu jieħu l-miżuri kollha meħtieġa sabiex jirkupra l-għajnuna mill-benefiċjarju […]”.

(113)

Għalhekk, minħabba li l-għajnuna mill-Istat inkwistjoni ma kinitx innotifikata lill-Kummissjoni, bi ksur tal-Artikolu 108 tat-Trattat, u għalhekk għandha titqies mhux skont il-liġi, u minħabba li l-għajnuna hija wkoll inkompatibbli mas-suq intern, l-għajnuna trid tiġi rkuprata sabiex tkun ġiet irkuprata s-sitwazzjoni li kienet teżisti fis-suq qabel ma ngħatat l-għajnuna. L-irkupru għandu jkopri ż-żmien minn meta l-vantaġġ beda jakkumula għall-benefiċjarji, jiġifieri meta l-għajnuna tqiegħdet għad-dispożizzjoni tal-benefiċjarji, sakemm intemmu l-kunsinni fl-aħħar tal-2011 (46), u s-somom li jridu jiġu rkuprati għandhom jinkludu l-imgħax sal-irkupru effettiv.

(114)

L-ammont li jrid jiġi rkuprat għandu jkun id-differenza bejn il-medja annwali tal-prezz li bih Hidroelectrica xtrat l-elettriku mingħand Termoelectrica u Electrocentrale Deva kif stabbilit fil-premessa 32 u l-ogħla prezzijiet applikati fis-suq kull sena għall-kwantitajiet kollha pprovduti minnhom. Din id-differenza hija stabbilita fil-premessa 89. Fuq il-bażi tad-differenzi fil-prezzijiet applikabbli fl-1 ta' Jannar 2010 u l-1 ta' Jannar 2011 matul il-perjodu annwali, għal finijiet ta' simplifikazzjoni, l-ammonti li jirriżultaw li jridu jiġu rkuprati huma RON 3 656 675 għal Electrocentrale Deva u RON 22 619 821 għal Termoelectrica. Inkella, l-awtoritajiet Rumeni jistgħu jagħtu stima tal-ammonti fuq il-bażi tal-prezzijiet attwali mitluba lil Hidroelectrica fuq ammont ta' xhur (pereż fix-xahar, kull xahrejn).

(115)

L-imgħax jiżdied ma' dawn l-ammonti, skont liema miż-żewġ metodi għall-kalkolu jintuża, abbażi tal-iskeda tal-kunsinni attwali fix-xahar tal-elettriku lil Hidroelectrica bejn l-2009 u l-2011, filwaqt li tittieħed inkonsiderazzji d-differenza mal-prezzijiet tas-suq imsemmija fil-premessa 89.

(116)

Xieraq ukoll li, fid-dawl tal-fatti ta' dan il-każ, jiġi eżaminat jekk l-obbligu tal-irkupru għandux jiġi estiż għal jew għandux jitwettaq minn waħda jew iżjed mill-entitajiet ġuridiċi minbarra Termoelectrica u Electrocentrale Deva, permezz tas-suċċessjoni ġuridika jew il-kontinwità ekonomika ma' intrapriża differenti minn Termoelectrica u Electrocentrale Deva li magħha jkun hemm kontinwità ekonomika, fil-każ li dawn ma jkunux jistgħu jissodisfaw l-obbligi tal-irkupru. F'dan ir-rigward, il-każistika mill-Qrati tal-UE identifikat diversi kriterji li l-Kummissjoni tista' tieħu f'kunsiderazzjoni, flimkien jew waħedhom, sabiex tistabbilixxi l-kontinwità ekonomika bejn żewġ intrapriżi differenti. (47).

(117)

Kif deskritt fil-premessa 52, Termoelectrica hija kumpanija li qed tiġi llikwidata. Skont ġurisprudenza stabbilita sew, il-fatt li kumpanija hija insolventi u ma tistax tħallas lura l-għajnuna mhijiex raġuni biex din tiġi eżentata mill-irkupru. F'każijiet bħal dawn, fil-prinċipu, l-irkupru tas-sitwazzjoni ta' qabel u l-eliminazzjoni tat-tfixkil tal-kompetizzjoni jistgħu jinkisbu permezz tar-reġistrazzjoni tal-obbligazzjoni relatata mal-ħlas lura tal-għajnuna fl-iskeda tar-obbligazzjonijiet. (48) Meta l-awtoritajiet tal-Istat ma jkunux jistgħu jirkupraw l-ammont sħiħ tal-għajnuna, ir-reġistrazzjoni tar-responsabbiltà tista' tissodisfa l-obbligu tal-irkupru biss jekk il-proċeduri ta' insolvenza jirriżultaw fil-waqfien definittiv tal-attivitajiet tal-intrapriża. (49). Madankollu, meta l-intrapriża li rċeviet l-għajnuna illegali tkun insolventi u tkun inħolqot kumpanija biex tkompli wħud mill-attivitajiet tal-intrapriża insolventi, l-insegwiment ta' dawk l-attivitajiet jista', fejn l-għajnuna konċernata ma tiġix irkuprata kompletament, idewwem it-tfixkil tal-kompetizzjoni miġjuba mill-vantaġġ kompetittiv li dik il-kumpanija gawdiet fis-suq meta mqabbla mal-kompetituri tagħha. Għaldaqstant, tali kumpanija maħluqa mill-ġdid tista', jekk iżżomm dak il-vantaġġ, tkun meħtieġa tħallas lura l-għajnuna inkwistjoni. (50). Dan jista' pereżempju jkun il-każ jekk, qabel il-likwidazzjoni tal-benefiċjarju tal-għajnuna, l-assi li bbenefikaw mill-għajnuna huma ttrasferiti, bħala avvjament, lil kumpanija sussidjarja maħluqa biex tkompli l-attività tal-benefiċjarju (suċċessjoni ekonomika). Barra minn hekk, jekk l-intrapriża benefiċjarja tiġi fuża ma' intrapriża oħra, biex b'hekk id-drittijiet u l-obbligi kollha tagħha jiġu ttrasferiti lill-entità fuża, l-obbligu tal-ħlas lura tal-għajnuna jiġi ttrasferit ukoll lil din tal-aħħar (suċċessjoni ġuridika).

(118)

Fil-każ preżenti, fin-nuqqas tal-irkupru tal-ammont sħiħ tal-għajnuna, li bbenefikaw lill-attivitajiet ta' Termoelectrica, hemm bżonn li jiġi eżaminat jekk ikunx hemm kontinwità ekonomika u/jew kontinwità ġuridika bejn Termoelectrica u kumpaniji oħrajn.

(119)

Fir-rigward tal-kontinwità ekonomika, kif stipulat fil-premessi (48 u 51), f'Settembru 2011 Termoelectrica ħolqot sussidjarja, Electrocentrale Paroseni, li lilha ttrasferixxiet (fl-istess grupp tal-Istat) l-impjant tal-enerġija li attwalment ipprovda l-kwantità mixtrija ta' elettriku taħt il-Kuntratt ma' Termoelectrica (il-premessi 48 — 65), inklużi d-drittijiet u l-obbligi kollha ta' Termoelectrica li jirriżultaw minn dan il-Kuntratt, u kompliet tbiegħ l-elettriku lil Hidroelectrica taħt dan il-Kuntratt sa Ottubru 2011 (meta ġiet fuża ma' CEH). Għalhekk, Electrocentrale Paroseni ħadet f'idejha u kompliet bl-attivitajiet li bbenefikaw mill-għajnuna mill-kumpanija prinċipali Termoelectrica. Għalhekk għandha titqies bħala s-suċċessur ekonomiku ta' Termoelectrica.

(120)

Imbagħad, f'Novembru 2012, Electrocentrale Paroseni ġiet fuża ma' Electrocentrale Deva fil-kumpanija maħluqa ġdida CEH. Permezz ta' din il-fużjoni, CEH ħadet f'idejha d-drittijiet u l-obbligi kollha ta' Electrocentrale Paroseni, li ma baqgħetx teżisti bħala entità ġuridika distinta. Minn dan isegwi li hemm kontinwità ġuridika bejn Electrocentrale Paroseni, li ħadet f'idejha l-attivitajiet li bbenefikaw mill-għajnuna, u CEH, li ġiet fuża fiha fl-1 ta' Novembru 2012 u li ħadet f'idejha d-drittijiet u l-obbligi kollha tagħha.

(121)

L-obbligu tal-irkupru tal-għajnuna mogħti lil Termoelectrica għalhekk għandu jiġi estiż għal CEH.

(122)

Kif deskritt fil-premessa 51, Electrocentrale Deva, li bbenefikat bis-sħiħ mill-għajnuna bħala entità ġuridika indipendenti, għalkemm ikkontrollata minn Termoelectrica, ma għadhiex teżisti bħala entità indipendenti. Madankollu hemm kontinwità ġuridika bejn Electrocentrale Paroseni bħala l-entità ġuridika li bbenefikat mill-għajnuna u CEH, li ġiet fuża fiha fl-1 ta' Novembru 2012 u li ħadet f'idejha d-drittijiet u l-obbligi kollha tagħha.

(123)

Barra minn hekk, bosta elementi juru l-eżistenza ta' kontinwità ekonomika bejn Electrocentrale Deva u CEH, pereżempju: (i) wara l-fużjoni bejn Electrocentrale Deva u Electrocentrale Paroseni, il-kumpanija maħluqa ġdida CEH ħadet f'idejha ż-żewġ kumpaniji minn Awwissu 2012, flimkien mal-assi operazzjonali u l-impjegati tagħhom; (ii) il-kumpanija maħluqa ġdida CEH kellha l-ġenerazzjoni tal-elettriku bħala l-attività ekomomija ewlenija tagħha fl-2012, bħalma kellha Electrocentrale Deva; (iii) iż-żewġ kumpaniji huma kumpaniji kompletament tal-Istat: kif muri fil-premessa 50 fid-data li fiha l-kunsinni tal-elettriku taħt il-Kuntratti waqfu, Termoelectica, intrapriża kompletament tal-Istat, kellha fil-pussess tagħha 100 % ta' Electocentrale Deva u Electrocentrale Paroseni; (iv) il-kumpanija maħluqa ġdida CEH hija wkoll 100 % tal-Istat.

(124)

Fid-dawl ta' dak imsemmi hawn fuq, il-kontinwità ġuridika u ekonomika bejn, minn naħa waħda, Electrocentrale Deva, Termoelectrica, permezz ta' Electrocentrale Paroseni u, min-naħa l-oħra, CEH hija stabbilita. F'dak ir-rigward, l-iskambju ta' dejn ma' ekwità bbażat fuq valutazzjoni indipendenti tat-trasferiment tal-ishma, li ppreċeda l-fużjoni ta' Electrocentrale Deva u Electrocentrale Paroseni ma' CEH (il-premessa 50), ma jinterrompix il-kontinwità bejn it-tliet intrapriżi kkonċernati. Ftehim ta' negozju tal-ishma ma jinfluwenzax l-identità tel-benefiċjarju/i tal-għajnuna, lanqas il-benefiċċji miżmuma minnu u ttrasferiti irrispettivament mill-identità tal-azzjonist li, barra minn hekk, f'dan il-każ huwa fl-aħħar mill-aħħar l-Istat Rumen qabel l-2011 u wara l-fużjoni ma' CEH. Minn dan isegwi li l-obbligi tal-irkupru fir-rigward ta' Electrocentrale Deva u Termoelectrica għandhom jiġu estiżi għal CEH.

(125)

Fil-prinċipju, l-ammont tal-għajnuna (mingħajr l-imgħax) li jrid jiġi rkuprat għandu jkun ta' RON 3 656 675 għal Electrocentrale Deva u RON 22 619 821 għal Termoelectrica. Fid-dawl tal-kontinwità ġuridika u ekonomika stabbilita bejn Electrocentrale Deva, Termoelectrica u CEH, l-obbligu tal-irkupru miż-żewġ benefiċjarji għandu jkun estiż għal CEH.

(126)

Il-Kuntratti konklużi minn Hidroelectrica ma' Termoelectrica u Electrocentrale Deva kien fihom fis-snin 2010 u 2011 tariffi tal-elettriku preferenzjali li jiffavorixxu l-intrapriżi tal-aħħar. Dawn kienu jikkostitwixxu għajnuna mill-Istat skont it-tifsira tal-Artikolu 107(1) tat-Trattat. Ir-Rumanija implimentat dik l-għajnuna mhux skont il-liġi, bi ksur tal-Artikolu 108(3) tat-Trattat. L-għajnuna hija inkompatibbli mas-suq intern.

—

l-ammont totali (il-kapital u l-imgħax fuq l-irkupru) li jrid jiġi rkuprat mingħand kull benefiċjarju;

—

deskrizzjoni dettaljata tal-miżuri diġà meħudin u ppjanati għall-konformità ma' din id-Deċiżjoni, inkluża l-prova li l-ordni ta' rkupru ġiet irreġistrat fi klassifikazzjoni xierqa fil-proċess ta' likwidazzjoni ta' Termoelectrica;

—

jekk mhuwiex possibbli li Termoelectrica tissodisfa l-ordni ta' rkupru, l-ordni li saret kontra Termoelectrica biex tillikwida l-kumpanija kif ukoll prova li Termoelectrica toħroġ definittivament mis-suq.

—

dokumenti li juru li l-benefiċjarji ġew ordnati jħallsu lura l-għajnuna.

20.10.2015   

MT

Il-Ġurnal Uffiċjali tal-Unjoni Ewropea

L 275/68

20.10.2015   

MT

Il-Ġurnal Uffiċjali tal-Unjoni Ewropea

L 275/68

20.10.2015   

MT

Il-Ġurnal Uffiċjali tal-Unjoni Ewropea

L 275/68