ISSN 1977-074X

Il-Ġurnal Uffiċjali

tal-Unjoni Ewropea

L 249
European flag  

Edizzjoni bil-Malti

Leġiżlazzjoni

Volum 58
25 ta' Settembru 2015

Werrej

 

II   Atti mhux leġiżlattivi

Paġna

 

 

REGOLAMENTI

 

*

Regolament ta' Delega tal-Kummissjoni (UE) 2015/1604 tat-12 ta' Ġunju 2015 li jemeda r-Regolament (KE) Nru 809/2004 li jimplimenta d-Direttiva 2003/71/KE tal-Parlament Ewropew u tal-Kunsill fir-rigward ta' elementi relatati mal-prospetti u r-reklami ( 1 )

1

 

*

Regolament ta' Delega tal-Kummissjoni (UE) 2015/1605 tat-12 ta' Ġunju 2015 li jemenda r-Regolament (KE) Nru 1569/2007 li jistabbilixxi mekkaniżmu għad-determinazzjoni tal-ekwivalenza għall-istandards tal-kontabbiltà applikati mill-emittenti tal-pajjiż terz ta' titoli skont id-Direttivi 2003/71/KE u 2004/109/KE tal-Parlament Ewropew u tal-Kunsill ( 1 )

3

 

*

Regolament ta' Implimentazzjoni tal-Kummissjoni (UE) 2015/1606 tat-23 ta' Settembru 2015 li jemenda r-Regolament (KE) Nru 1484/95 dwar l-iffissar tal-prezzijiet rappreżentattivi fis-setturi tal-laħam tat-tjur u l-bajd kif ukoll tal-albumina tal-bajd

5

 

*

Regolament ta' Implimentazzjoni tal-Kummissjoni (UE) 2015/1607 tal-24 ta' Settembru 2015 li jemenda l-Anness I tar-Regolament (KE) Nru 669/2009 li jimplimenta r-Regolament (KE) Nru 882/2004 tal-Parlament Ewropew u tal-Kunsill dwar iż-żieda fil-livell tal-kontrolli uffiċjali mwettqa fuq l-importazzjoni ta' ċertu għalf u ikel ta' oriġini mhux mill-annimali ( 1 )

7

 

*

Regolament tal-Kummissjoni (UE) 2015/1608 tal-24 ta' Settembru 2015 li jemenda l-Anness IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għall-aċidu kapriku, għaż-żejt tal-paraffina (CAS 64742-46-7), għaż-żejt tal-paraffina (CAS 72623-86-0), għaż-żejt tal-paraffina (CAS 8042-47-5), għaż-żejt tal-paraffina (CAS 97862-82-3), għall-kubrit tal-ġir u għall-urea f'ċerti prodotti jew fuqhom ( 1 )

14

 

*

Regolament ta' Implimentazzjoni tal-Kummissjoni (UE) 2015/1609 tal-24 ta' Settembru 2015 li japprova l-propikonażol bħala sustanza attiva eżistenti għall-użu fil-prodotti bijoċidali għall-prodotti tat-tip 7 ( 1 )

17

 

*

Regolament ta' Implimentazzjoni tal-Kummissjoni (UE) 2015/1610 tal-24 ta' Settembru 2015 li japprova s-sustanza Pythium oligandrum tar-razza M1 bħala sustanza attiva għall-użu fil-prodotti bijoċidali għall-prodotti tat-tip 10 ( 1 )

20

 

 

Regolament ta' Implimentazzjoni tal-Kummissjoni (UE) 2015/1611 tal-24 ta' Settembru 2015 li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

23

 

 

DEĊIŻJONIJIET

 

*

Deċiżjoni ta' Implimentazzjoni tal-Kummissjoni (UE) 2015/1612 tat-23 ta' Settembru 2015 li temeda d-Deċiżjoni 2008/961/KE dwar l-użu, min-naħa ta' emittenti ta' titoli ta' pajjiżi terzi, tal-istandards nazzjonali tal-kontabbiltà ta' ċerti pajjiżi terzi u l-istandards internazzjonali tar-rappurtar finanzjajru biex jippreparaw ir-rapporti finanzjarji konsolidati tagħhom (notifikata bid-dokument C(2015) 6369)  ( 1 )

26

 

*

Deċiżjoni (UE) 2015/1613 tal-Bank Ċentrali Ewropew tal-10 ta' Settembru 2015 li temenda d-Deċiżjoni (UE) 2015/5 dwar l-implimentazzjoni tal-programm ta' xiri ta' titoli ggarantiti minn assi (BĊE/2015/31)

28

 

 

(1)   Test b'rilevanza għaż-ŻEE

MT

L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat.

It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom.

II Atti mhux leġiżlattivi

REGOLAMENTI

25.9.2015   

MT

Il-Ġurnal Uffiċjali tal-Unjoni Ewropea

L 249/1

REGOLAMENT TA' DELEGA TAL-KUMMISSJONI (UE) 2015/1604

tat-12 ta' Ġunju 2015

li jemeda r-Regolament (KE) Nru 809/2004 li jimplimenta d-Direttiva 2003/71/KE tal-Parlament Ewropew u tal-Kunsill fir-rigward ta' elementi relatati mal-prospetti u r-reklami

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2003/71/KE tal-Parlament Ewropew u tal-Kunsill tal-4 ta' Novembru 2003 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ u li temenda d-Direttiva 2001/34/KE (1), u partikolarment l-Artikolu 7(1) tagħha,

Billi:

(1)

Ir-Regolament tal-Kummissjoni (KE) Nru 809/2004 (2) jirrikjedi lill-emittenti minn pajjiżi terzi jippreparaw l-informazzjoni finanzjarja storika fil-prospetti għal offerta ta' titoli lill-pubbliku jew għall-ammissjoni ta' titoli għan-negozjar f'suq regolat skont l-Istandards Internazzjonali tar-Rappurtar Finanzjarju (IFRS) jew skont standards nazzjonali tal-kontabbiltà ta' pajjiż terz, sakemm dawn ikunu ekwivalenti għal dawn l-istandards.

(2)

Sabiex tiġi vvalutata l-ekwivalenza tal-Prinċipji tal-Kontabbiltà Ġeneralment Aċċettati (GAAP) ta' pajjiż terz mal-IFRS adottati, ir-Regolament tal-Kummissjoni (KE) Nru 1569/2007 (3) jipprovdi għad-definizzjoni tal-ekwivalenza u jistabbilixxi mekkaniżmu għad-determinazzjoni tal-ekwivalenza tal-GAAP ta' pajjiż terz. Skont il-kondizzjonijiet tal-mekkaniżmu għall-ekwivalenza, emittenti minn pajjiżi terzi jistgħu jitħallew jużaw il-GAAP ta' pajjiżi terzi li kienu qed jikkonverġu jew li kkommettew ruħhom li jadottaw l-IFRS għal perjodu tranżizzjonali li jispiċċa fil-31 ta' Diċembru 2014. Huwa importanti li jiġu vvalutati l-isforzi ta' dawk il-pajjiżi li ħadu l-passi biex jikkonverġu l-istandards tal-kontabbiltà tagħhom mal-IFRS jew biex jadottawhom. Għalhekk, ir-Regolament (KE) Nru 1569/2007 għandu jiġi emendat biex jestendi dan il-perjodu tranżizzjonali sal-31 ta' Marzu 2016. Il-Kummissjoni qieset ir-rapport ipprovdut mill-Awtorità Ewropea tat-Titoli u s-Swieq (ESMA) f'Ottubru 2014 dwar l-Indja, li kienet ngħatat perjodu tranżizzjonali mid-Deċiżjoni tal-Kummissjoni 2008/961/KE (4) u mir-Regolament (KE) Nru 809/2004 adottati skont il-mekkaniżmu tal-ekwivalenza.

(3)

Il-Gvern tal-Indja u l-Indian Institute of Chartered Accountants impenjaw ruħhom pubblikament li sal-31 ta' Diċembru 2011 jadottaw l-IFRS bil-għan li l-GAAP Indjani jkunu konformi bi sħiħ mal-IFRS sa tmiem dak il-programm. Dan il-proċess ittardja. F'Ottubru 2014, l-ESMA ssottomettiet lill-Kummissjoni rapport dwar l-ekwivalenza tal-GAAP Indjani. F'dan ir-rapport, l-ESMA osservat li l-GAAP Indjani jidher li fihom għadd ta' differenzi mill-IFRS li jistgħu jkunu sinifikanti fil-prattika.

(4)

F'Marzu 2014 l-Indian Institute of Chartered Accountants ippubblika pjan direzzjonali ġdid għall-implimentazzjoni tal-konverġenza tal-GAAP Indjani mal-IFRS. F'Jannar 2015, il-Ministeru tal-Affarijiet Korporattivi tal-Indja ħabbar pjan direzzjonali rivedut għall-implimentazzjoni tal-GAAP Indjani li se jiġu konverġuti mal-IFRS. Dan il-pjan direzzjonali jipprevedi l-użu obbligatorju tal-GAAP Indjani, konverġuti mal-IFRS, mill-kumpaniji elenkati kollha għall-perjodi tal-kontabbiltà li jibdew fl-1 ta' April 2016 jew wara. Madankollu, għad hemm inċertezzi dwar l-iskeda għall-implimentazzjoni tas-sistema tar-rappurtar konformi mal-IFRS u dwar l-infurzar tal-IFRS.

(5)

Għalhekk, huwa xieraq li l-perjodu tranżizzjonali jiġi estiż sa mhux aktar mill-1 ta' April 2016, sabiex l-emittenti ta' pajjiżi terzi jkunu jistgħu jippreparaw ir-rapporti finanzjarji annwali u ta' kull sitt xhur tagħhom skont il-GAAP tal-Indja għall-użu fl-Unjoni. Dan il-perjodu addizzjonali għandu jkun biżżejjed biex jippermetti lill-awtoritajiet Indjani jlestu l-konverġenza tal-GAAP Indjani mal-IFRS.

(6)

Minħabba li l-perjodu li matulu l-Kummissjoni poġġiet fis-seħħ kundizzjonijiet għall-għoti tal-ekwivalenza tal-Prinċipji tal-Kontabbiltà Ġeneralment Aċċettati (GAAP) ta' pajjiżi terzi skada fil-31 ta' Diċembru 2014, dan ir-Regolament għandu japplika mill-1 ta' Jannar 2015 u jidħol fis-seħħ mingħajr dewmien. Dan huwa meħtieġ sabiex tingħata ċertezza legali lill-emittenti mill-pajjiżi terzi rilevanti elenkati fl-Unjoni u biex jiġi evitat ir-riskju li dawn jista' jkollhom jirrikonċiljaw ir-rapporti finanzjarji tagħhom mal-Istandards Internazzjonali tar-Rappurtar Finanzjarju (IFRS). Id-dispożizzjoni tar-retroattività għalhekk ittaffi kwalunkwe piż potenzjali fuq l-emittenti kkonċernati.

(7)

Ir-Regolament (KE) Nru 809/2004 għalhekk għandu jiġi emendat kif xieraq,

ADOTTAT DAN IR-REGOLAMENT:

Artikolu 1

Fil-paragrafu 5a tal-Artikolu 35 tar-Regolament (KE) Nru 809/2004, ir-referenzi kollha għad-data tal-1 ta' Jannar 2015 jinbidlu mid-data tal-1 ta' April 2016.

Artikolu 2

Dan ir-Regolament jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Hu jibda japplika mill-1 ta' Jannar 2015.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta' Ġunju 2015.

Għall-Kummissjoni

Il-President

Jean-Claude JUNCKER

(1)   ĠU L 345, 31.12.2003, p. 64.

(2)  Ir-Regolament tal-Kummissjoni (KE) Nru 809/2004 tad-29 ta' April 2004 li jimplimenta d-Direttiva 2003/71/KE tal-Parlament Ewropew u tal-Kunsill dwar l-informazzjoni inkluża fil-prospetti u kif ukoll il-format, l-inkorporazzjoni b'referenza u l-pubblikazzjoni ta' prospetti bħal dawn u d-disseminazzjoni tar-reklami (ĠU L 149, 30.4.2004, p. 1).

(3)  Ir-Regolament tal-Kummissjoni (KE) Nru 1569/2007 tal-21 ta' Diċembru 2007 li jistabbilixxi mekkaniżmu għad-determinazzjoni tal-ekwivalenza għall-istandards tal-kontabbiltà applikati mill-emittenti tal-pajjiż terz ta' titoli skont id-Direttiva 2003/71/KE u 2004/109/KE tal-Parlament Ewropew u tal-Kunsill (ĠU L 340, 22.12.2007, p. 66).

(4)  Id-Deċiżjoni tal-Kummissjoni tat-12 ta' Diċembru 2008 dwar l-użu, min-naħa ta' emittenti ta' titoli ta' pajjiżi terzi, tal-istandards nazzjonali tal-kontabbiltà ta' ċerti pajjiżi terzi u l-istandards internazzjonali tar-rappurtar finanzjajru biex jippreparaw ir-rapporti finanzjarji konsolidati tagħhom (ĠU L 340, 19.12.2008, p. 112).

25.9.2015   

MT

Il-Ġurnal Uffiċjali tal-Unjoni Ewropea

L 249/3

REGOLAMENT TA' DELEGA TAL-KUMMISSJONI (UE) 2015/1605

tat-12 ta' Ġunju 2015

li jemenda r-Regolament (KE) Nru 1569/2007 li jistabbilixxi mekkaniżmu għad-determinazzjoni tal-ekwivalenza għall-istandards tal-kontabbiltà applikati mill-emittenti tal-pajjiż terz ta' titoli skont id-Direttivi 2003/71/KE u 2004/109/KE tal-Parlament Ewropew u tal-Kunsill

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2003/71/KE tal-Parlament Ewropew u tal-Kunsill tal-4 ta' Novembru 2003 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ u li temenda d-Direttiva 2001/34/KE (1), partikolarment l-ewwel subparagrafu tal-Artikolu 20(3) tagħha,

Wara li kkunsidrat id-Direttiva 2004/109/KE tal-Parlament Ewropew u tal-Kunsill tal-15 ta' Diċembru 2004 dwar l-armonizzazzjoni tar-rekwiżiti ta' trasparenza f'dak li għandu x'jaqsam ma' informazzjoni dwar emittenti li t-titoli tagħhom huma ammessi għall-kummerċ f'suq regolat u li temenda d-Direttiva 2001/34/KE (2), u b'mod partikolari r-raba' subparagrafu tal-Artikolu 23(4) tagħha,

Billi:

(1)

L-Artikolu 23(4) tad-Direttiva 2004/109/KE jeżiġi li l-Kummissjoni twaqqaf mekkaniżmu għad-determinazzjoni tal-ekwivalenza tal-informazzjoni, kif meħtieġ minn din id-Direttiva. Il-Kummissjoni hi meħtieġa tadotta miżuri biex tistabbilixxi kriterji ġenerali tal-ekwivalenza fir-rigward tal-istandards tal-kontabbiltà rilevanti għall-emittenti ta' iktar minn pajjiż wieħed. L-Artikolu 23(4) tad-Direttiva 2004/109/KE jitlob ukoll lill-Kummissjoni tieħu deċiżjonijiet marbuta mal-ekwivalenza ta' standards tal-kontabbiltà użati minn emittenti ta' pajjiż terz, u jippermetti lill-Kummissjoni tippermetti l-użu ta' standards tal-kontabbiltà ta' pajjiż terz tul perjodu tranżizzjonali xieraq. Minħabba r-rabta mill-qrib tal-informazzjoni meħtieġa skont id-Direttiva 2004/109/KE mal-informazzjoni meħtieġa skont id-Direttiva 2003/71/KE, huwa xieraq li l-istess kriterji għad-determinazzjoni tal-ekwivalenza japplikaw fil-qafas taż-żewġ Direttivi.

(2)

Għalhekk, ir-Regolament tal-Kummissjoni (KE) Nru 1569/2007 (3) stabbilixxa l-kundizzjonijiet għall-aċċettazzjoni ta' standards tal-kontabbiltà ta' pajjiż terz għal perjodu limitat li jiskadi fil-31 ta' Diċembru 2014.

(3)

Il-Kummissjoni evalwat l-utilità u t-tħaddim tal-mekkaniżmu tal-ekwivalenza għal perjodu limitat ta' żmien u kkonkludiet li għandu jiġi estiż sal-31 ta' Marzu 2016. Minħabba li l-perjodu li għalih il-Kummissjoni poġġiet fis-seħħ kundizzjonijiet għall-għoti tal-ekwivalenza tal-Prinċipji tal-Kontabbiltà Ġeneralment Aċċettati (GAAP) ta' pajjiżi terzi skada fil-31 ta' Diċembru 2014, dan ir-Regolament għandu japplika mill-1 ta' Jannar 2015 u jidħol fis-seħħ mingħajr dewmien. Dan huwa meħtieġ sabiex tingħata ċertezza legali lill-emittenti mill-pajjiżi terzi rilevanti elenkati fl-Unjoni u biex jiġi evitat ir-riskju li dawn jista' jkollhom jirrikonċiljaw ir-rapporti finanzjarji tagħhom mal-Istandards Internazzjonali tar-Rappurtar Finanzjarju (IFRS). Id-dispożizzjoni tar-retroattività għalhekk ittaffi kwalunkwe piż addizzjonali potenzjali fuq l-emittenti kkonċernati.

(4)

Ir-Regolament (KE) Nru 1569/2007 għandu għalhekk jiġi emendat kif xieraq,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1569/2007 huwa emendat kif ġej:

(a)

Fil-paragrafu 1 tal-Artikolu 4 id-data 31 ta' Diċembru 2014 tinbidel bid-data 31 ta' Marzu 2016;

(b)

Fil-punt (a) tal-Artikolu 4(1), id-data 31 ta' Diċembru 2014 tinbidel bid-data 31 ta' Marzu 2016;

(c)

Fil-punt (i) tal-Artikolu 4(1)(a), id-data 31 ta' Diċembru 2014 tinbidel bid-data 31 ta' Marzu 2016;

(d)

Fil-punt (b) tal-Artikolu 4(1), id-data 31 ta' Diċembru 2014 tinbidel bid-data 31 ta' Marzu 2016.

Artikolu 2

Dan ir-Regolament jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Japplika mill-1 ta' Jannar 2015.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta' Ġunju 2015.

Għall-Kummissjoni

Il-President

Jean-Claude JUNCKER

(1)   ĠU L 345, 31.12.2003, p. 64.

(2)   ĠU L 390, 31.10.2004, p. 38

(3)  Ir-Regolament tal-Kummissjoni (KE) Nru 1569/2007 tal-21 ta' Diċembru 2007 li jistabbilixxi mekkaniżmu għad-determinazzjoni tal-ekwivalenza għall-istandards tal-kontabilità applikati mill-emittenti tal-pajjiż terz ta' titoli skont id-Direttiva 2003/71/KE u 2004/109/KE tal-Parlament Ewropew u tal-Kunsill (ĠU L 340, 22.12.2007, p. 66)

25.9.2015   

MT

Il-Ġurnal Uffiċjali tal-Unjoni Ewropea

L 249/5

REGOLAMENT TA' IMPLIMENTAZZJONI TAL-KUMMISSJONI (UE) 2015/1606

tat-23 ta' Settembru 2015

li jemenda r-Regolament (KE) Nru 1484/95 dwar l-iffissar tal-prezzijiet rappreżentattivi fis-setturi tal-laħam tat-tjur u l-bajd kif ukoll tal-albumina tal-bajd

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 183(b) tiegħu,

Wara li kkunsidrat ir-Regolament (UE) Nru 510/2014 tal-Parlament Ewropew u tal-Kunsill tas-16 ta' April 2014 li jistabbilixxi l-arranġamenti kummerċjali applikabbli għal ċerti prodotti li jirriżultaw mill-ipproċessar tal-prodotti agrikoli u jħassar ir-Regolamenti tal-Kunsill (KE) Nru 1216/2009 u (KE) Nru 614/2009 (2), u b'mod partikolari l-Artikolu 5(6)(a) tiegħu,

Billi:

(1)

Ir-Regolament tal-Kummissjoni (KE) Nru 1484/95 (3) stipula regoli dettaljati għall-implimentazzjoni ta' sistema ta' dazji addizzjonali fuq l-importazzjoni u ffissal-prezzijiet rappreżentattivi fis-setturi tal-laħam tat-tjur u l-bajd kif ukoll tal-albumina tal-bajd.

(2)

Minn kontroll regolari tal-informazzjoni li abbażi tagħha jiġu stabbiliti l-prezzijiet rappreżentattivi għall-prodotti tas-setturi tal-laħam tat-tjur u tal-bajd kif ukoll għall-albumina tal-bajd, jirriżulta li l-prezzijiet rappreżentattivi għall-importazzjoni ta' ċerti prodotti għandhom jiġu emendati biex jitqiesu l-varjazzjonijiet fil-prezzijiet skont l-oriġini.

(3)

Għaldaqstant, ir-Regolament (KE) Nru 1484/95 għandu jiġi emendat skont dan.

(4)

Minħabba l-ħtieġa li jiġi żgurat li din il-miżura tibda tapplika mill-aktar fis wara li toħroġ l-informazzjoni, jeħtieġ li dan ir-Regolament jidħol fis-seħħ dakinhar li jiġi ppubblikat,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 1484/95 qed jinbidel bit-test stabbilit fl-Anness ta' dan ir-Regolament.

Artikolu 2

Dan ir-Regolament jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-23 ta' Settembru 2015.

Għall-Kummissjoni,

F'isem il-President,

Jerzy PLEWA

Direttur Ġenerali għall-Agrikoltura u l-Iżvilupp Rurali

(1)   ĠU L 347, 20.12.2013, p. 671.

(2)   ĠU L 150, 20.5.2014, p. 1.

(3)  Ir-Regolament (KE) Nru 1484/95 tal-Kummissjoni tat-28 ta' Ġunju 1995, li jistabilixxi regoli dettaljati għall-implimentazzjoni ta' sistema ta' dazji addizzjonali fuq l-importazzjoni u jiffissa dazji addizzjonali tal-importazzjoni fl-oqsma tal-laħam tat-tjur u l-bajd u għall-albumina tal-bajd, u jħassar ir-Regolament Nru 163/67/KEE (ĠU L 145, 29.6.1995, p. 47).

ANNESS

“ANNESS I

Kodiċi tan-NM

Deskrizzjoni tal-prodotti

Prezz rappreżentattiv

(f'EUR/100 kg)

Garanzija msemmija fl-Artikolu 3

(f'EUR/100 kg)

Oriġini (1)

0207 12 10

Karkassi tat-tiġieġ, preżentazzjoni 70 %, iffriżati

127,6

0

AR

0207 12 90

Karkassi tat-tiġieġ, preżentazzjoni 65 %, iffriżati

148,8

173,2

0

0

AR

BR

0207 14 10

Qatgħat mingħajr għadam ta' sriedaq jew ta' tiġieġ, iffriżati

297,7

210,6

367,3

282,7

1

27

0

5

AR

BR

CL

TH

0207 14 60

Koxxox tat-tiġieġ, iffriżati

133,9

3

BR

0207 27 10

Qatgħat mingħajr għadam ta' dundjani, iffriżati

386,3

307,8

0

0

BR

CL

0408 91 80

Bajd, mhux fil-qoxra, imnixxef

434,8

0

AR

1602 32 11

Preparazzjonijiet nejjin ta' sriedaq u ta' tiġieġ

264,2

7

BR

(1)  Nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi ‘ZZ’ ifisser ‘oriġini oħrajn’.”

25.9.2015   

MT

Il-Ġurnal Uffiċjali tal-Unjoni Ewropea

L 249/7

REGOLAMENT TA' IMPLIMENTAZZJONI TAL-KUMMISSJONI (UE) 2015/1607

tal-24 ta' Settembru 2015

li jemenda l-Anness I tar-Regolament (KE) Nru 669/2009 li jimplimenta r-Regolament (KE) Nru 882/2004 tal-Parlament Ewropew u tal-Kunsill dwar iż-żieda fil-livell tal-kontrolli uffiċjali mwettqa fuq l-importazzjoni ta' ċertu għalf u ikel ta' oriġini mhux mill-annimali

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u l-welfare tal-annimali (1), u b'mod partikolari l-Artikolu 15(5) tiegħu,

Billi:

(1)

Ir-Regolament tal-Kummissjoni (KE) Nru 669/2009 (2) jistipula r-regoli dwar il-livell miżjud ta' kontrolli uffiċjali li jridu jitwettqu fuq l-importazzjonijiet ta' ċertu għalf u ikel li ma joriġinax mill-annimali mniżżel fl-Anness I tiegħu (“il-lista”), fil-punti tad-dħul fit-territorji msemmija fl-Anness I tar-Regolament (KE) Nru 882/2004.

(2)

L-Artikolu 2 tar-Regolament (KE) Nru 669/2009 jipprevedi li l-lista għandha tiġi analizzata fuq bażi regolari, u tal-anqas kull tliet xhur, filwaqt li jitqiesu mill-inqas is-sorsi tal-informazzjoni msemmija f'dak l-Artikolu.

(3)

L-okkorrenza u r-rilevanza tal-inċidenti riċenti dwar l-ikel innotifikati permezz tas-Sistema ta' Twissija Bikrija għall-Ikel u l-Għalf, is-sejbiet tal-awditi mwettqa f'pajjiżi terzi mill-Uffiċċju Alimentari u Veterinarju, kif ukoll ir-rapporti ta' kull tliet xhur dwar il-kunsinni tal-għalf u tal-ikel li joriġina mill-annimali ppreżentati mill-Istati Membri lill-Kummissjoni skont l-Artikolu 15 tar-Regolament (KE) Nru 669/2009, jindikaw li l-lista trid tiġi emendata.

(4)

B'mod partikolari, għall-kunisnni ta' karawett u l-prodotti derivati li joriġinaw mill-Gambja u l-lampun li joriġinaw mis-Serbja, is-sorsi rilevanti ta' tagħrif jindikaw li tfaċċaw riskji ġodda li jeħtieġu l-introduzzjoni ta' livell miżjud ta' kontrolli uffiċjali. Għaldaqstant, l-annotazzjonijiet dwar dawn il-kunsinni għandhom jiġu inklużi fil-lista.

(5)

Barra minn hekk, il-lista għandha tiġi emendata billi jitħassru l-entrati għall-komoditajiet li għalihom l-informazzjoni disponibbli tindika livell ġenerali sodisfaċenti fil-konformità mar-rekwiżiti ta' sikurezza rilevanti stipulati fil-leġiżlazzjoni tal-Unjoni u li għalihom ma għadhiex ġustifikata żieda fil-kontrolli uffiċjali. L-entrati fil-lista li jikkonċernaw frott tad-dielja mill-Uzbekistan, il-weraq tal-betel mit-Tajlandja u n-nagħniegħ mill-Marokk għandhom għalhekk jitħassru.

(6)

Sabiex tkun żgurata l-konsistenza u ċ-ċarezza, jixraq li l-Anness I tar-Regolament (KE) Nru 669/2009 jinbidel bit-test stabbilit fl-Anness ta' dan ir-Regolament.

(7)

Għaldaqstant, ir-Regolament (KE) Nru 669/2009 għandu jiġi emendat skont dan.

(8)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 669/2009 qed jibidel bit-test stabbilit fl-Anness ta' dan ir-Regolament.

Artikolu 2

Dan ir-Regolament jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Japplika mill-1 ta' Ottubru 2015.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta' Settembru 2015.

Għall-Kummissjoni

Il-President

Jean-Claude JUNCKER

(1)   ĠU L 165, 30.4.2004, p. 1.

(2)  Ir-Regolament tal-Kummissjoni (KE) Nru 669/2009 tal-24 ta' Lulju 2009 li jimplimenta r-Regolament (KE) Nru 882/2004 tal-Parlament Ewropew u tal-Kunsill dwar iż-żieda fil-livell tal-kontrolli uffiċjali mwettqa fuq l-importazzjoni ta' ċertu għalf u ikel ta' oriġini mhux mill-annimali u li jemenda d-Deċiżjoni 2006/504/KE (ĠU L 194, 25.7.2009, p. 11).

ANNESS

“ANNESS I

Għalf u ikel li ma joriġinax mill-annimali li għalih se jiżdied il-livell ta' kontrolli uffiċjali fil-punt tad-dħul deżinjat

Għalf u ikel

(użu maħsub)

Kodiċi tan-NM (1)

Sottodiviżjoni tat-TARIC

Pajjiż tal-oriġini

Periklu

Frekwenza tal-kontrolli fiżiċi u tal-identità (%)

Għeneb imnixxef (frott id-dielja)

0806 20

 

L-Afganistan (AF)

Okratossina A

50

(Ikel)

 

 

—

Lewż bil-qoxra

—

 0802 11

 

L-Awstralja (AU)

Aflatossini

20

—

Lewż bla qoxra

—

 0802 12

 

(Ikel)

 

 

—

Karawett bil-qoxra

—

 1202 41 00

 

Il-Brażil (BR)

Aflatossini

10

—

Karawett bla qoxra

—

 1202 42 00

 

—

Butir tal-karawett

—

 2008 11 10

 

—

Karawett ippreparat jew ippreservat mod ieħor

—

2008 11 91 ;

2008 11 96 ;

2008 11 98

 

(Għalf u ikel)

 

 

—

Fażola twila jarda

(Vigna unguiculata spp. sesquipedalis)

—

ex 0708 20 00 ;

ex 0710 22 00

10

10

Il-Kambodja (KH)

Residwi tal-pestiċidi (2)  (3)

50

—

Brunġiel

—

0709 30 00 ;

 

ex 0710 80 95

72

(Ikel — ħaxix frisk, imkessaħ jew iffriżat)

 

 

Karfus Ċiniż (Apium graveolens)

ex 0709 40 00

20

Il-Kambodja (KH)

Residwi tal-pestiċidi (2)  (4)

50

(Ikel — ħxejjex aromatiċi friski jew imkessħin)

 

 

Brassica oleracea

(Brassica oħra li tittiekel, ‘Brokkli Ċiniż’) (5)

ex 0704 90 90

40

Iċ-Ċina (CN)

Residwi tal-pestiċidi (2)

50

(Ikel — frisk jew imkessaħ)

 

 

Te, sew jekk aromatizzat u sew jekk le

0902

 

Iċ-Ċina (CN)

Residwi tal-pestiċidi (2)  (6)

10

(Ikel)

 

 

—

Brunġiel

—

0709 30 00 ;

 

Ir-Repubblika Dominikana (DO)

Residwi tal-pestiċidi (2)  (7)

10

ex 0710 80 95

72

—

Bettieħ morr (Momordica charantia)

—

ex 0709 99 90 ;

ex 0710 80 95

70

70

(Ikel — ħaxix frisk, imkessaħ jew iffriżat)

 

 

—

Fażola twila jarda

(Vigna unguiculata spp. sesquipedalis)

—

ex 0708 20 00 ;

ex 0710 22 00

10

10

Ir-Repubblika Dominikana (DO)

Residwi tal-pestiċidi (2)  (7)

20

—

Bżar (ħelu u mhux) (Capsicum spp.)

—

0709 60 10 ;

 

ex 0709 60 99

20

(Ikel — ħaxix frisk, imkessaħ jew iffriżat)

—

0710 80 51 ;

 

ex 0710 80 59

20

Frawli (friski)

0810 10 00

 

L-Eġittu (EG)

Residwi tal-pestiċidi (2)  (8)

10

(Ikel)

 

 

Bżar (ħelu u mhux) (Capsicum spp.)

0709 60 10 ;

 

L-Eġittu (EG)

Residwi tal-pestiċidi (2)  (9)

10

ex 0709 60 99 ;

20

(Ikel — frisk, imkessaħ jew iffriżat)

0710 80 51 ;

 

ex 0710 80 59

20

—

Karawett bil-qoxra

—

 1202 41 00

 

Il-Gambja (GM

Aflatossini

50

—

Karawett bla qoxra

—

 1202 42 00

 

—

Butir tal-karawett

—

 2008 11 10

 

—

Karawett ippreparat jew ippreservat mod ieħor

—

2008 11 91 ;

2008 11 96 ;

2008 11 98

 

(Għalf u ikel)

 

 

Weraq tal-betel (Piper betle L.)

ex 1404 90 00

10

L-Indja (IN)

Salmonella (10)

50

(Ikel)

 

 

Żerriegħa tal-ġulġlien

1207 40 90

 

L-Indja (IN)

Salmonella (10)

20

(Ikel — frisk jew imkessaħ)

 

 

—

Capsicum annuum, sħiħ

—

 0904 21 10

 

L-Indja (IN)

Aflatossini

20

—

Capsicum annuum, imfarrak jew mitħun

—

 ex 0904 22 00

10

—

Frott imnixxef tal-ġeneru Capsicum sħiħ, minbarra l-bżar ħelu (Capsicum annuum)

—

 0904 21 90

 

—

Noċemuskata

(Myristica fragrans)

—

0908 11 00 ;

0908 12 00

 

(Ikel — ħwawar imnixxfin)

 

 

Enzimi; enzimi ppreparati

3507

 

L-Indja (IN)

Kloramfenikol

50

(Għalf u ikel)

 

 

—

Noċemuskata

(Myristica fragrans)

—

0908 11 00 ;

0908 12 00

 

L-Indoneżja (ID)

Aflatossini

20

(Ikel — ħwawar imnixxfin)

 

 

—

Piżelli fil-miżwed (mhux imfosdqa)

—

 ex 0708 10 00

40

Il-Kenja (KE)

Residwi tal-pestiċidi (2)  (11)

10

(Ikel — frisk jew imkessaħ)

 

 

Għeneb tal-mejda

0806 10 10

 

Il-Perù (PE)

Residwi tal-pestiċidi (2)  (12)

10

(Ikel — frisk)

 

 

Lampun

0811 20 31 ;

 

Is-Serbja (RS)

Norovirus

10

(Ikel — frisk)

ex 0811 20 11 ;

ex 0811 20 19

10

10

Żrieragħ tad-dulliegħ (Egusi, Citrullus lanatus) u prodotti li ġejjin minnhom

ex 1207 70 00 ;

ex 1106 30 90 ;

ex 2008 99 99

10

30

50

Sjerra Leone (SL)

Aflatossini

50

(Ikel)

 

 

—

Karawett bil-qoxra

—

 1202 41 00

 

Is-Sudan (SD)

Aflatossini

50

—

Karawett bla qoxra

—

 1202 42 00

 

—

Butir tal-karawett

—

 2008 11 10

 

—

Karawett ippreparat jew ippreservat mod ieħor

—

2008 11 91 ;

2008 11 96 ;

2008 11 98

 

(Għalf u ikel)

 

 

Bżar (minbarra dak ħelu) (Capsicum spp.)

ex 0709 60 99

20

It-Tajlandja (TH)

Residwi tal-pestiċidi (2)  (13)

10

(Ikel — frisk jew imkessaħ)

 

 

—

Fażola twila jarda

(Vigna unguiculata spp. sesquipedalis)

—

ex 0708 20 00 ;

ex 0710 22 00

10

10

It-Tajlandja (TH)

Residwi tal-pestiċidi (2)  (14)

20

—

Brunġiel

—

0709 30 00 ;

 

ex 0710 80 95

72

(Ikel — ħaxix frisk, imkessaħ jew iffriżat)

 

 

—

Berquq imnixxef

—

 0813 10 00

 

It-Turkija (TR)

Sulfiti (15)

10

—

Berquq ippreparat jew ippreservat mod ieħor

—

 2008 50 61

 

(Ikel)

 

 

—

Bżar Ħelu (Capsicum annuum)

—

0709 60 10 ;

0710 80 51

 

It-Turkija (TR)

Residwi tal-pestiċidi (2)  (16)

10

(Ikel — ħaxix frisk, imkessaħ jew iffriżat)

 

 

Weraq tad-dwieli

ex 2008 99 99

11 19

It-Turkija (TR)

Residwi tal-pestiċidi (2)  (17)

50

(Ikel)

 

 

—

Pistaċċi bil-qoxra

—

 0802 51 00

 

L-Istati Uniti (US)

Aflatossini

20

—

Pistaċċi bla qoxra

—

 0802 52 00

 

(Ikel)

 

 

—

Berquq imnixxef

—

 0813 10 00

 

L-Uzbekistan (UZ)

Sulfiti (15)

50

—

Berquq ippreparat jew ippreservat mod ieħor

—

 2008 50 61

 

(Ikel)

 

 

—

Weraq tal-kosbor

—

 ex 0709 99 90

72

Il-Vjetnam (VN)

Residwi tal-pestiċidi (2)  (18)

50

—

Ħabaq u ħabaq sagru

—

ex 1211 90 86 ;

ex 2008 99 99

20

75

—

Nagħniegħ

—

ex 1211 90 86 ;

ex 2008 99 99

30

70

—

Tursin

—

 ex 0709 99 90

40

(Ikel — ħxejjex aromatiċi friski jew imkessħin)

 

 

—

(Ikel)

—

 ex 0709 99 90

20

Il-Vjetnam (VN)

Residwi tal-pestiċidi (2)  (18)

50

—

Bżar (minbarra dak ħelu) (Capsicum spp.)

—

 ex 0709 60 99

20

(Ikel — frisk jew imkessaħ)

 

 

—

Pitaħaja (frott tad-dragun)

—

 ex 0810 90 20

10

Il-Vjetnam (VN)

Residwi tal-pestiċidi (2)  (18)

20

(Ikel — frisk jew imkessaħ)

 

 

(1)  Meta jkun meħtieġ li jiġu eżaminati biss ċerti prodotti li jidħlu f'kodiċi tan-NM partikulari u ma tkun teżisti l-ebda sottodiviżjoni speċifika f'dak il-kodiċi, il-kodiċi tan-NM jiġi mmarkat bl-ittri ‘ex’ quddiemu.

(2)  Ir-residwi ta' mill-inqas dawk il-pestiċidi elenkati fil-programm ta' kontroll adottat skont l-Artikolu 29(2) tar-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (ĠU L 70, 16.3.2005, p. 1) li jistgħu jiġu analizzati b'metodi multiresidwi bbażati fuq il-kromatografija b'fażi gassuża/spettrometrija ta' massa u fuq il-kromatografija likwida/spettrometrija tal-massa (il-pestiċidijridu jiġu mmonitorjati fil-prodotti li joriġinaw mill-pjanti jew fuqhom biss).

(3)  Residwi tal-klorbufam.

(4)  Residwi tal-fentoat.

(5)  Speċijiet ta' Brassica oleracea L. convar. Botrytis (L) Alef var. Italica Plenck, cultivar alboglabra. Magħrufa wkoll bħala ‘Kai Lan’, ‘Gai Lan’, ‘Gailan’, ‘Kailan’, ‘Chinese bare Jielan’.

(6)  Residwi tat-Trifluralin.

(7)  Ir-residwi tal-Aċefat, l-Aldikarb (is-somma tal-aldikarb u tas-sulfossidu u s-sulfon tiegħu, mogħtija bħala aldikarb), l-Amitraz (amitraz li jinkludi l-metaboliti li fihom il-frazzjoni ta' 2,4 -dimetilanilina mogħtija bħala amitraz), id-Diafentjuron, id-Dikofol (is-somma tal-isomeri p, p′ u o,p′), id-Ditijokarbamati (id-ditijokarbamati mogħtija bħala CS2, inklużi l-maneb, il-mankożeb, il-metiram, il-propineb, it-tiram u ż-żiram) u l-Metijokarb (is-somma tal-metijokarb u tas-sulfossidu s-sulfon tiegħu, mogħtija bħala metijokarb).

(8)  Ir-residwi tal-Eżaflumuron, il-Metijokarb (is-somma tal-metijokarb u tas-sulfossidu u s-sulfon tiegħu, mogħtija bħala metijokarb), il-Fentoat u t-Tijofanat metil.

(9)  Ir-residwi tad-Dikofol (is-somma tal-isomeri p, p′ u o,p′), id-Dinotefuran, il-Folpet, il-Prokloraż (is-somma tal-prokloraż u tal-metaboliti tiegħu li fihom frazzjoni ta' 2,4,6-Triklorofenol mogħtija bħala prokloraż), it-Tijofanat metil u t-Triforina.

(10)  Il-metodu ta' referenza EN/ISO 6579 jew metodu vvalidat miegħu, kif imsemmi fl-Artikolu 5 tar-Regolament tal-Kummissjoni (KE) Nru 2073/2005 tal-15 ta' Novembru 2005 dwar kriterji mikrobijoloġiċi għall-oġġetti tal-ikel (ĠU L 338, 22.12.2005, p. 1).

(11)  Residwi tal-Aċefat u tad-Diafentjuron.

(12)  Residwi tal-Etefon.

(13)  Residwi tal-Formetanat: is-somma tal-formetanat u tal-imluħ tiegħu mogħtija bħala (kloridrat tal-) formetanat, Protijofos u Triforina.

(14)  Ir-residwi tal-Aċefat, tad-Dikrotofos, tal-Protijofos, tal-Kwinalfos u tat-Triforina.

(15)  Metodi ta' referenza: EN 1988-1:1998, EN 1988-2:1998 jew ISO 5522:1981.

(16)  Residwi tad-Diafentjuron, tal-Formetanat Is-somma tal-formetanat u tal-imluħ tiegħu mogħtija bħala (kloridrat tal-)formetanat, u tat-Tijofanat metil.

(17)  Ir-residwi tad-Ditijokarbamati (id-ditijokarbamati mogħtija bħala CS2, inklużi l-maneb, il-mankożeb, il-metiram, il-propineb, it-tiram u ż-żiram) u l-Metrafenon.

(18)  Ir-residwi tad-Ditijokarbamati (id-ditijokarbamati mogħtija bħala CS2, inklużi l-maneb, il-mankożeb, il-metiram, il-propineb, it-tiram u ż-żiram), il-Fentoat u l-Kwinalfos.”

25.9.2015   

MT

Il-Ġurnal Uffiċjali tal-Unjoni Ewropea

L 249/14

REGOLAMENT TAL-KUMMISSJONI (UE) 2015/1608

tal-24 ta' Settembru 2015

li jemenda l-Anness IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għall-aċidu kapriku, għaż-żejt tal-paraffina (CAS 64742-46-7), għaż-żejt tal-paraffina (CAS 72623-86-0), għaż-żejt tal-paraffina (CAS 8042-47-5), għaż-żejt tal-paraffina (CAS 97862-82-3), għall-kubrit tal-ġir u għall-urea f'ċerti prodotti jew fuqhom

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b'mod partikolari l-Artikolu 5(1) tiegħu,

Billi:

(1)

Għall-aċidu kapriku, għaż-żejt tal-paraffina (CAS 64742-46-7), għaż-żejt tal-paraffina (CAS 72623-86-0), għaż-żejt tal-paraffina (CAS 8042-47-5), għaż-żejt tal-paraffina (CAS 97862-82-3), għall-kubrit tal-ġir u għall-urea, ma ġew stabbiliti ebda MRLs speċifiċi u s-sustanzi ma ġewx inklużi fl-Anness IV tar-Regolament (KE) Nru 396/2005, japplika l-valur prestabbilit ta' 0,01 mg/kg stipulat fl-Artikolu 18(1)(b) ta' dak ir-Regolament.

(2)

L-aċidu kapriku huwa approvat skont id-Direttiva tal-Kummissjoni 2008/127/KE (2). Ebda impuritajiet relevanti ma ġew identifikati għal dik is-sustanza. Barra minn hekk, l-esponiment naturali għall-aċidu kapriku huwa ferm ogħla minn dik marbut mal-użu ta' dik is-sustanza bħala prodott għall-protezzjoni tal-pjanti. Fid-dawl ta' dan, jitqies xieraq li din is-sustanza tiġi inkluża fl-Anness IV tar-Regolament (KE) Nru 396/2005.

(3)

Għaż-żejt tal-paraffina (CAS 64742-46-7), għaż-żejt tal-paraffina (CAS 72623-86-0), għaż-żejt tal-paraffina (CAS 8042-47-5) u għaż-żejt tal-paraffina (CAS 97862-82-3) (3) (4), l-Awtorità kkonkludiet li jekk jintwera li ż-żjut tal-paraffina huma ta' purità għolja, ma jkunx hemm lok għal tħassib tossikoloġiku u ma jkunux meħtieġa d-doża aċċettabbli ta' kuljum (ADI), il-livell aċċettabbli ta' espożizzjoni tal-operaturi (AOEL) u d-doża akuta ta' referenza (DAR). Fl-20 ta' Novembru 2012, il-Kumitat Permanenti dwar il-Katina Alimentari u s-Saħħa tal-Annimali ħa nota ta' verżjoni emendata tar-rapporti ta' analiżi li fihom huwa spjegat li l-ispeċifikazzjonijiet tekniċi jikkonformaw ma' grad farmaċewtiku (purità għolja). Fid-dawl ta' dan, jitqies xieraq li dawn is-sustanzi jiġu inklużi fl-Anness IV tar-Regolament (KE) Nru 396/2005.

(4)

Għall-kubrit tal-ġir (5), l-Awtorità ma setgħetx tasal għal konklużjoni dwar il-valutazzjoni tar-riskju tad-dieta għall-konsumaturi peress li xi informazzjoni dwar il-preżenza potenzjali tar-residwi tal-polisulfat ma kinitx disponibbli. Madankollu, ir-residwi tal-kubrit u tal-kalċju mill-użu ta' kubrit tal-ġir (polisulfat tal-kalċju) jinsabu kullimkien fl-ambjent. Fid-dawl ta' dan, jitqies xieraq li din is-sustanza tiġi inkluża temporanjament fl-Anness IV tar-Regolament (KE) Nru 396/2005 sakemm tiġi ppreżentata l-opinjoni motivata tal-Awtorità skont l-Artikolu 12(1).

(5)

Għall-urea (6), l-Awtorità kkunsidrat li valutazzjoni tar-riskju kwantitattiva tad-dieta tal-konsumatur ma kinitx meħtieġa minħabba metodi speċifiċi ta' applikazzjoni ta' dik is-sustanza. L-urea (karbamida) hija approvata bħala addittiv tal-ikel skont ir-Regolament tal-Kummissjoni (UE) Nru 1129/2011 (7). Barra minn hekk, l-esponiment naturali għal dik is-sustanza huwa ħafna ogħla minn dak marbut mal-użu tal-urea bħala prodott għall-protezzjoni tal-pjanti. Fid-dawl ta' dan, jitqies xieraq li din is-sustanza tiġi inkluża fl-Anness IV tar-Regolament (KE) Nru 396/2005.

(6)

Abbażi tal-konklużjoni tal-Awtorità u b'kunsiderazzjoni tal-fatturi rilevanti tas-suġġett ikkunsidrat, il-modifiki xierqa tal-MRLs jissodisfaw ir-rekwiżiti rilevanti tal-Artikolu 5(1) tar-Regolament (KE) Nru 396/2005.

(7)

jista' jenħtieġ ukoll li s-sustanzi elenkati fl-Anness IV tar-Regolament (KE) Nru 396/2005 ikunu konformi mar-rekwiżiti pprovduti fil-leġiżlazzjoni tal-Unjoni dwar l-ikel u/jew l-għalf. Fid-dawl ta' dan, jitqies xieraq li jiġi mmodifikat it-test tan-nota f'qiegħ il-paġna 2 f'dak l-Anness biex tirreferi għal leġiżlazzjoni speċifika oħra dwar l-ikel u/jew l-għalf tal-Unjoni. Tali leġiżlazzjoni tista' wkoll tibda tapplika għal sustanza wara l-inklużjoni tagħha fl-Anness IV tar- Regolament (KE) Nru 396/2005. Fid-dawl ta' dan, huwa xieraq li dik in-nota f'qiegħ il-paġna ssir applikabbli għas-sustanzi kollha inklużi fl-Anness IV.

(8)

Għaldaqstant, ir-Regolament (KE) Nru 396/2005 għandu jiġi emendat skont dan.

(9)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness IV tar-Regolament (KE) Nru 396/2005 huwa emendat skont l-Anness ta' dan ir-Regolament.

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta' Settembru 2015.

Għall-Kummissjoni

Il-President

Jean-Claude JUNCKER

(1)   ĠU L 70, 16.3.2005, p. 1.

(2)  Id-Direttiva tal-Kummissjoni 2008/127/KE tat-18 ta' Diċembru 2008 li temenda d-Direttiva tal-Kunsill 91/414/KEE għall-inklużjoni ta' bosta sustanzi attivi (ĠU L 344, 20.12.2008, p. 89).

(3)  Il-konklużjoni tal-evalwazzjoni bejn il-pari dwar il-pestiċidi fir-rigward tal-valutazzjoni tar-riskju tas-sustanza attiva taż-żjut tal-paraffina (CAS 64742-46-7, 72623-86-0 u 97862-82-3). Rapport Xjentifiku tal-EFSA (2008) 216, 1-59.

(4)  Il-konklużjoni tal-evalwazzjoni bejn il-pari dwar il-pestiċidi fir-rigward tal-valutazzjoni tar-riskju tas-sustanza attiva taż-żjut tal-paraffina (CAS 8042-47-5, tulijiet tal-ktajjen C18-C30, informazzjoni affidabbli dwar il-punti tat-togħlija mhix disponibbli). Rapport Xjentifiku tal-EFSA (2008) 219, 1-61.

(5)  L-Awtorità Ewropea dwar is-Sigurtà fl-Ikel; Il-konklużjoni dwar l-evalwazzjoni bejn il-pari tal-valutazzjoni tar-riskju għall-pestiċidi tas-sustanza attiva kubrit tal-ġir. EFSA Journal 2010;8(11):1890. [45 pp.]. doi:10.2903/j.efsa.2010.1890.

(6)  L-Awtorità Ewropea dwar is-Sigurtà fl-Ikel; Il-konklużjoni dwar l-evalwazzjoni bejn il-pari tal-valutazzjoni tar-riskju għall-pestiċidi tas-sustanza attiva urea. EFSA Journal 2012;10(1):2523. [35 pp.] doi:10.2903/j.efsa.2012.2523.

(7)  Ir-Regolament tal-Kummissjoni (UE) Nru 1129/2011 tal-11 ta' Novembru 2011 li jemenda l-Anness II għar-Regolament (KE) Nru 1333/2008 tal-Parlament Ewropew u tal-Kunsill billi jistabbilixxi lista tal-Unjoni ta' addittivi tal-ikel (ĠU L 295, 12.11.2011, p. 1).

ANNESS

L-Anness IV tar-Regolament (KE) Nru 396/2005 huwa emendat kif ġej:

(1)

l-entrati “aċidu kapriku”, “żejt tal-paraffina (CAS 64742-46-7)”, “żejt tal-paraffina (CAS 72623-86-0)”, “żejt tal-paraffina (CAS 8042-47-5)”, “żejt tal-paraffina (CAS 97862-82-3)”, “kubrit tal-ġir (1)” u “urea” huma miżjuda, f'ordni alfabetika.

(2)

it-test tan-nota f'qiegħ il-paġna 2 jinbidel b'dan li ġej:

“(2)

 Is-sustanzi inklużi fl-Anness IV, mingħajr preġudizzju għal-leġiżlazzjoni speċifika oħra dwar l-ikel u/jew l-għalf, pereżempju dwar l-addittivi tal-ikel, l-addittivi tal-għalf, is-supplimenti tal-ikel, l-aromatizzanti, eċċ.”.

(3)

jitħassru r-referenzi għan-nota f'qiegħ il-paġna 2 wara l-entrati.

(4)

tiżdied referenza għan-nota f'qiegħ il-paġna 2 wara t-titolu.

25.9.2015   

MT

Il-Ġurnal Uffiċjali tal-Unjoni Ewropea

L 249/17

REGOLAMENT TA' IMPLIMENTAZZJONI TAL-KUMMISSJONI (UE) 2015/1609

tal-24 ta' Settembru 2015

li japprova l-propikonażol bħala sustanza attiva eżistenti għall-użu fil-prodotti bijoċidali għall-prodotti tat-tip 7

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (1), u b'mod partikolari t-tielet subparagrafu tal-Artikolu 89(1) tiegħu,

Billi:

(1)

Ir-Regolament ta' Delega tal-Kummissjoni (UE) Nru 1062/2014 (2) jistabbilixxi lista ta' sustanzi attivi eżistenti li għandhom jiġu evalwati bil-ħsieb li possibbilment jiġu approvati għall-użu fil-prodotti bijoċidali. Dik il-lista tinkludi l-propikonażol.

(2)

Il-propikonażol ġie evalwat għall-użu fi prodotti tat-tip 7, il-preservattivi għall-pellikoli, kif iddefiniti fl-Anness V tar-Regolament (UE) Nru 528/2012.

(3)

Il-Finlandja ntgħażlet bħala l-awtorità kompetenti tal-evalwazzjoni u fis-6 ta' Novembru 2013, bagħtet ir-rapport tal-valutazzjoni flimkien mar-rakkomandazzjonijiet tagħha.

(4)

Fl-4 ta' Diċembru 2014, l-opinjoni tal-Aġenzija Ewropea għas-Sustanzi Kimiċi ġiet ifformulata mill-Kumitat tal-Prodotti Bijoċidali skont l-Artikolu 7(1)(b) tar-Regolament ta' Delega tal-Kummissjoni (UE) Nru 1062/2014, fid-dawl tal-konklużjonijiet tal-awtorità kompetenti tal-evalwazzjoni.

(5)

Skont dik l-opinjoni, il-prodotti bijoċidali li jintużaw għall-prodotti tat-tip 7 u li fihom il-propikonażol jistgħu jkunu mistennija li jissodisfaw ir-rekwiżiti stabbiliti fl-Artikolu 19(1)(b) tar-Regolament (UE) Nru 528/2012, diment li jkunu konformi ma' ċerti kundizzjonijiet dwar l-użu tagħhom.

(6)

Għaldaqstant, huwa xieraq li l-użu tal-propikonażol fil-prodotti bijoċidali għall-prodotti tat-tip 7 jiġi approvat, soġġett għall-konformità ma' ċerti speċifikazzjonijiet u kundizzjonijiet.

(7)

Billi l-propikonażol tissodisfa l-kriterji bħala sustanza persistenti ħafna (vP) skont l-Anness XIII tar-Regolament (KE) Nru 1907/2006 tal-Parlament Ewropew u tal-Kunsill (3), u tissodisfa l-kriterji għall-klassifikazzjoni bħala sensitizzatur tal-ġilda kategorija 1 kif definit fl-Anness I tar-Regolament (KE) Nru 1272/2008 tal-Parlament Ewropew u tal-Kunsill (4), l-oġġetti trattati bil-propikonażol jew oġġetti li jinkorporaw din is-sustanza għandhom ikunu tikkettati kif jixraq meta jitqiegħdu fis-suq.

(8)

Għandu jitħalla jgħaddi perjodu ta' żmien raġonevoli qabel sustanza attiva tkun approvata, biex il-partijiet interessati jkunu jistgħu jieħdu l-miżuri preparatorji biex jissodisfaw ir-rekwiżiti l-ġodda.

(9)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

ADOTTAT DAN IR-REGOLAMENT:

Artikolu 1

Il-propikonżol għandu jiġi approvat bħala sustanza attiva għall-użu fil-prodotti bijoċidali għall-prodotti tat-tip 7, soġġett għall-ispeċifikazzjonijiet u l-kundizzjonijiet stabbiliti fl-Anness.

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta' Settembru 2015.

Għall-Kummissjoni

Il-President

Jean-Claude JUNCKER

(1)   ĠU L 167, 27.6.2012, p. 1.

(2)  Ir-Regolament ta' Delega tal-Kummissjoni (UE) Nru 1062/2014 tal-4 ta' Awwissu 2014 dwar il-programm ta' ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).

(3)  Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta' Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

(4)  Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta' Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).

ANNESS

Isem Komuni

Isem tal-IUPAC

Numri tal-Identifikazzjoni

Grad minimu ta' purità tas-sustanza attiva (1)

Data tal-approvazzjoni

Data tal-iskadenza tal-approvazzjoni

Tip ta' prodott

Kundizzjonijiet speċifiċi

Propikonażol

Isem tal-IUPAC:

1-[[2-(2,4-diklorofenil)-4-propil-1,3-diossolan-2-il]metil]-1H-1,2,4-triażol

Nru tal-KE: 262-104-4

Nru tal-CAS: 60207-90-1

960 g/kg

L-1 ta' Diċembru 2016

It-30 ta' Novembru 2026

7

Fil-valutazzjoni tal-prodott għandha tingħata attenzjoni partikolari għall-esponimenti, ir-riskji u l-effikaċja marbuta ma' kull użu kopert minn applikazzjoni għall-awtorizzazzjoni, iżda mhux indirizzat fil-valutazzjoni tar-riskju fil-livell tal-Unjoni tas-sustanza attiva.

L-awtorizzazzjonijiet għal-prodotti bijoċidali huma soġġetti għall-kundizzjonijiet li ġejjin:

(1)

Għandhom jiġu stabbiliti proċeduri operattivi sikuri u miżuri organizzativi adegwati għall-utenti industrijali jew professjonali. Il-prodotti għandhom jiġu użati bit-tagħmir protettiv personali adegwat meta l-esponiment ma jkunx jista' jitnaqqas għal livell aċċettabbli b'mezzi oħrajn.

(2)

Sakemm ma jintweriex li r-riskji jistgħu jitnaqqsu għal livell aċċettabli b'mezzi oħrajn, u filwaqt li jitqiesu r-riskji għall-kompartiment tal-ħamrija, it-tikketti, u jekk jiġu pprovduti, l-iskedi tad-dejta tas-sikurezza tal-prodotti għandhom jindikaw li waqt l-applikazzjoni fuq barra tat-taħlitiet priservati, għandhom jittieħdu miżuri għall-protezzjoni tal-ħamrija biex jiġi evitat ir-rilaxx u biex jitnaqqsu l-emissjonijiet fl-ambjent.

(3)

Sakemm ma jintweriex li r-riskji jistgħu jitnaqqsu għal livell aċċettabli, u filwaqt li jitqiesu r-riskji għall-kompartiment akkwatiku, il-prodotti ma għandhomx jiġu awtorizzati għall-preservazzjoni tat-taħlitiet użati għall-applikazzjoni fuq barra fuq superfiċji minerali.

It-tqegħid fis-suq ta' oġġetti trattati huwa soġġett għall-kundizzjoni li jmiss:

Il-persuna responsabbli għat-tqegħid fis-suq ta' oġġett trattat bil-propikonażol jew oġġett li jinkorpora l-propikonażol, għandha tiżgura li t-tikketta ta' dak l-oġġett trattat tkun tipprovdi l-informazzjoni mniżżla fit-tieni subparagrafu tal-Artikolu 58(3) tar-Regolament (UE) Nru 528/2012.

(1)  Il-purità indikata f'din il-kolonna kienet il-grad minimu ta' purità tas-sustanza attiva użata għall-evalwazzjoni li saret skont l-Artikolu 16(2) tad-Direttiva 98/8/KE. Is-sustanza attiva fil-prodott imqiegħed fis-suq jista' jkollha l-istess purità jew purità differenti jekk ikun ġie ppruvat li hija teknikament ekwivalenti għas-sustanza attiva evalwata.

25.9.2015   

MT

Il-Ġurnal Uffiċjali tal-Unjoni Ewropea

L 249/20

REGOLAMENT TA' IMPLIMENTAZZJONI TAL-KUMMISSJONI (UE) 2015/1610

tal-24 ta' Settembru 2015

li japprova s-sustanza Pythium oligandrum tar-razza M1 bħala sustanza attiva għall-użu fil-prodotti bijoċidali għall-prodotti tat-tip 10

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (1), u b'mod partikolari l-Artikolu 90(2) tiegħu,

Billi:

(1)

Fit-12 ta' Lulju 2005, ir-Repubblika Ċeka rċeviet applikazzjoni, skont l-Artikolu 11(1) tad-Direttiva 98/8/KE tal-Parlament Ewropew u tal-Kunsill (2), għall-inklużjoni tas-sustanza attiva Pythium oligandrum tar-razza M1 fl-Anness I tagħha għall-użu fi prodotti tat-tip 10, priservattivi tal-ġebla tax-xogħol tal-bini, kif definiti fl-Anness V ta' dik id-Direttiva, li jikkorrispondu mal-prodotti tat-tip10 kif iddefiniti fl-Anness V tar-Regolament (UE) Nru 528/2012.

(2)

Fl-14 ta' Mejju 2000, is-sustanza Pythium oligandrum tar-razza M1 ma kinitx fis-suq bħala sustanza attiva ta' prodott bijoċidali.

(3)

Fit-8 ta' Novembru 2011, f'konformità mal-Artikolu 11(2) tad-Direttiva 98/8/KE, ir-Repubblika Ċeka bagħtet rapport ta' valutazzjoni flimkien mar-rakkomandazzjonijiet tagħha, lill-Aġenzija Ewropea għas-Sustanzi Kimiċi.

(4)

L-opinjoni tal-Aġenzija Ewropea għas-Sustanzi Kimiċi ġiet ifformulata fit-2 ta' Diċembru 2014 mill-Kumitat dwar il-Prodotti Bijoċidali, fid-dawl tal-konklużjonijiet tal-awtorità kompetenti tal-evalwazzjoni.

(5)

Skont dik l-opinjoni, il-prodotti bijoċidali li jintużaw għall-prodotti tat-tip 10 u li fihom is-sustanza Pythium oligandrum tar-razza M1, jistgħu jkunu mistennija li jissodisfaw ir-rekwiżiti stabbiliti fl-Artikolu 19(1)(b) tar-Regolament (UE) Nru 528/2012, diment li jkun hemm konformità ma' ċerti kundizzjonijiet li jikkonċernaw l-użu tagħhom.

(6)

Għaldaqstant, huwa xieraq li jiġi approvat l-użu tas-sustanza Pythium oligandrum tar-razza M1 fil-prodotti bijoċidali għall-prodotti tat-tip 10, soġġett għall-konformità ma' ċerti speċifikazzjonijiet u kundizzjonijiet.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

ADOTTAT DAN IR-REGOLAMENT:

Artikolu 1

L-użu tas-sustanza Pythium oligandrum tar-razza M1 bħala sustanza attiva fil-prodotti bijoċidali għall-prodotti tat-tip 10 għandu jiġi approvat, soġġett għall-ispeċifikazzjonijiet u l-kundizzjonijiet stabbiliti fl-Anness.

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta' Settembru 2015.

Għall-Kummissjoni

Il-President

Jean-Claude JUNCKER

(1)   ĠU L 167, 27.6.2012, p. 1.

(2)  Id-Direttiva Nru 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).

ANNESS

Isem Komuni

Isem tal-IUPAC

Numri tal-Identifikazzjoni

Grad minimu ta' purità tas-sustanza attiva (1)

Data tal-approvazzjoni

Data ta' skadenza tal-approvazzjoni

Tip ta' prodott

Kundizzjonijiet speċifiċi

Pythium oligandrum tar-razza M1

Mhux applikabbli

L-ebda impurità rilevanti

L-1 ta' Jannar 2016

Il-31 ta' Diċembru 2025

10

Fil-valutazzjoni tal-prodott għandha tingħata attenzjoni partikolari għall-esponimenti, ir-riskji u l-effikaċja marbuta ma' kull użu kopert minn applikazzjoni għall-awtorizzazzjoni, iżda mhux indirizzat fil-valutazzjoni tar-riskju fil-livell tal-Unjoni tas-sustanza attiva.

Għall-prodotti bijoċidali, l-awtorizzazzjonijiet huma soġġetti għal din il-kundizzjoni:

Għandhom jiġu stabbiliti proċeduri operattivi sikuri u miżuri organizzativi adegwati għall-utenti industrijali jew professjonali. Il-prodotti għandhom jiġu użati bit-tagħmir protettiv personali adegwat meta l-esponiment ma jkunx jista' jitnaqqas għal livell aċċettabbli b'mezzi oħrajn.

(1)  Il-purità indikata f'din il-kolonna kienet il-grad minimu ta' purità tas-sustanza attiva użata għall-valutazzjoni li saret skont l-Artikolu 16(2) tad-Direttiva 98/8/KE. Is-sustanza attiva fil-prodott imqiegħed fis-suq jista' jkollha l-istess purità jew purità differenti jekk ikun ġie ppruvat li hija teknikament ekwivalenti għas-sustanza attiva valutata.

25.9.2015   

MT

Il-Ġurnal Uffiċjali tal-Unjoni Ewropea

L 249/23

REGOLAMENT TA' IMPLIMENTAZZJONI TAL-KUMMISSJONI (UE) 2015/1611

tal-24 ta' Settembru 2015

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas- 17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),

Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,

Billi:

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta' Settembru 2015.

Għall-Kummissjoni,

F'isem il-President,

Jerzy PLEWA

Direttur Ġenerali għall-Agrikoltura u l-Iżvilupp Rurali

(1)   ĠU L 347, 20.12.2013, p. 671.

(2)   ĠU L 157, 15.6.2011, p. 1.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)

Kodiċi tan-NM

Kodiċi tal-pajjiż terz (1)

Valur standard tal-importazzjoni

0702 00 00

MA

210,4

MK

49,4

TR

81,7

XS

41,5

ZZ

95,8

0707 00 05

MK

46,1

TR

137,2

ZZ

91,7

0709 93 10

TR

138,3

ZZ

138,3

0805 50 10

AG

150,3

AR

137,5

BO

138,3

CL

147,7

UY

118,3

ZA

131,6

ZZ

137,3

0806 10 10

EG

170,2

MK

32,3

TR

121,7

ZZ

108,1

0808 10 80

AR

209,4

CL

164,9

NZ

132,8

US

142,9

ZA

137,8

ZZ

157,6

0808 30 90

AR

88,2

CL

148,3

NZ

175,8

TR

120,2

ZA

172,2

ZZ

140,9

0809 30 10 , 0809 30 90

MK

84,1

TR

154,3

ZZ

119,2

0809 40 05

BA

56,0

MK

38,7

XS

61,9

ZZ

52,2

(1)  In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.

DEĊIŻJONIJIET

25.9.2015   

MT

Il-Ġurnal Uffiċjali tal-Unjoni Ewropea

L 249/26

DEĊIŻJONI TA' IMPLIMENTAZZJONI TAL-KUMMISSJONI (UE) 2015/1612

tat-23 ta' Settembru 2015

li temeda d-Deċiżjoni 2008/961/KE dwar l-użu, min-naħa ta' emittenti ta' titoli ta' pajjiżi terzi, tal-istandards nazzjonali tal-kontabbiltà ta' ċerti pajjiżi terzi u l-istandards internazzjonali tar-rappurtar finanzjajru biex jippreparaw ir-rapporti finanzjarji konsolidati tagħhom

(notifikata bid-dokument C(2015) 6369)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2004/109/KE tal-Parlament Ewropew u tal-Kunsill tal-15 ta' Diċembru 2004 dwar l-armonizzazzjoni tar-rekwiżiti ta' trasparenza f'dak li għandu x'jaqsam ma' informazzjoni dwar emittenti li t-titoli tagħhom huma ammessi għall-kummerċ f'suq regolat u li temenda d-Direttiva 2001/34/KE (1), u b'mod partikolari t-tielet subparagrafu tal-Artikolu 23(4) tagħha,

Billi:

(1)

Skont l-Artikolu 23 tad-Direttiva 2004/109/KE, l-emittenti ta' pajjiżi terzi jistgħu jiġu eżentati mir-rekwiżit li jippreparaw kontijiet konsolidati skont l-Istandards Internazzjonali tar-Rappurtar Finanzjarju (IFRS) adottati fl-Unjoni, jekk il-Prinċipji ta' Kontabbiltà Ġeneralment Aċċettati (GAAP) tal-pajjiżi terzi inkwistjoni jistipulaw rekwiżiti ekwivalenti. Sabiex tiġi vvalutata l-ekwivalenza tal-GAAP ta' dak il-pajjiż terz mal-IFRS adottati, ir-Regolament tal-Kummissjoni (KE) Nru 1569/2007 (2) jipprovdi għal definizzjoni tal-ekwivalenza u jistabbilixxi mekkaniżmu għad-determinazzjoni tal-ekwivalenza tal-GAAP ta' pajjiż terz.

(2)

Huwa importanti li jiġu vvalutati l-isforzi ta' dawk il-pajjiżi li ħadu l-passi biex jikkonverġu l-istandards tal-kontabbiltà tagħhom mal-IFRS jew biex jadottaw lil dawn tal-aħħar. Għaldaqstant, ir-Regolament (KE) Nru 1569/2007 għandu jiġi emendat biex il-perjodu ta' ekwivalenza temporanja jiġi estiż sal-31 ta' Marzu 2016.

(3)

Id-Deċiżjoni tal-Kummissjoni 2008/961/KE (3) ipprovdiet li qabel is-snin finanzjarji li jibdew fl-1 ta' Jannar 2015 jew wara, l-emittenti ta' pajjiżi terzi jitħallew jippreparaw ir-rapporti finanzjarji konsolidati annwali u ta' kull sitt xhur tagħhom skont il-GAAP tal-Indja.

(4)

Il-Gvern tal-Indja u l-Indian Institute of Chartered Accountants impenjaw ruħhom pubblikament li jadottaw l-IFRS sal-31 ta' Diċembru 2011 bil-għan li sa dakinhar il-GAAP Indjani jkunu konformi għalkollox mal-IFRS. Dan il-proċess iddewwem. F'Ottubru 2014, l-Awtorità Ewropea tat-Titoli u s-Swieq (ESMA) issottomettiet lill-Kummissjoni rapport dwar l-ekwivalenza tal-GAAP Indjani. F'dan ir-rapport, l-ESMA osservat li l-GAAP Indjani jidher li fihom għadd ta' differenzi mill-IFRS li fil-prattika, jistgħu jkunu sinifikanti.

(5)

F'Marzu 2014 l-Indian Institute of Chartered Accountants ippubblika pjan direzzjonali ġdid għall-implimentazzjoni tal-konverġenza tal-GAAP Indjani mal-IFRS. Fit-2 ta' Jannar 2015, il-Ministeru tal-Affarijiet Korporattivi tal-Indja ħabbar pjan direzzjonali rivedut għall-implimentazzjoni tal-GAAP Indjani li se jiġu konverġuti mal-IFRS. Dan il-pjan direzzjonali jipprevedi l-użu obbligatorju tal-GAAP Indjani, konverġuti mal-IFRS, mill-kumpaniji elenkati kollha għall-perjodi tal-kontabbiltà li jibdew fl-1 ta' April 2016 jew wara. Madankollu, għad hemm inċertezzi dwar l-iskeda għall-implimentazzjoni tas-sistema tar-rappurtar konformi mal-IFRS u tl-infurzar tal-IFRS.

(6)

Għalhekk, huwa xieraq li l-perjodu tranżizzjonali jiġi estiż sal-31 ta' Marzu 2016, sabiex jippermetti lill-emittenti ta' pajjiżi terzi jippreparaw ir-rapporti finanzjarji annwali u ta' kull sitt xhur tagħhom skont il-GAAP Indjani fl-Unjoni. Dan il-perjodu addizzjonali għandu jkun biżżejjed biex jippermetti lill-awtoritajiet Indjani jlestu l-konverġenza tal-GAAP Indjani mal-IFRS.

(7)

Peress li l-perjodu tranżizzjonali li matulu d-Deċiżjoni 2008/961/KE tat ekwivalenza lill-GAAP Indjani ntemm fil-31 ta' Diċembru 2014, għar-raġuni taċ-ċertezza legali, din id-Deċiżjoni għandha tapplika mill-1 ta' Jannar 2015.

(8)

Għalhekk, id-Deċiżjoni 2008/961/KE għandha tiġi emendata skont dan.

(9)

Il-miżuri previsti f'din id-Deċiżjoni huma skont l-opinjoni tal-Kumitat Ewropew tat-Titoli,

ADOTTAT DIN ID-DEĊIŻJONI:

Artikolu 1

Fit-tielet paragrafu tal-Artikolu 1 tad-Deċiżjoni 2008/961/KE, id-data l-1 ta' Jannar 2015 tinbidel bid-data l-1 ta' April 2016.

Artikolu 2

Din id-Deċiżjoni hija indirizzata lill-Istati Membri.

Din id-Deċiżjoni tapplika mill-1 ta' Jannar 2015.

Magħmul fi Brussell, it-23 ta' Settembru 2015.

Għall-Kummissjoni

Jonathan HILL

Membru tal-Kummissjoni

(1)   ĠU L 390, 31.12.2004, p. 38.

(2)  Ir-Regolament tal-Kummissjoni (KE) Nru 1569/2007 tal-21 ta' Diċembru 2007 li jistabbilixxi mekkaniżmu għad-determinazzjoni tal-ekwivalenza għall-istandards tal-kontabilità applikati mill-emittenti tal-pajjiż terz ta' titoli skont id-Direttiva 2003/71/KE u 2004/109/KE tal-Parlament Ewropew u tal-Kunsill (ĠU L 340, 22.12.2007, p. 66).

(3)  Id-Deċiżjoni tal-Kummissjoni 2008/961/KE tat-12 ta' Diċembru 2008 dwar l-użu, min-naħa ta' emittenti ta' titoli ta' pajjiżi terzi, tal-istandards nazzjonali tal-kontabbiltà ta' ċerti pajjiżi terzi u l-istandards internazzjonali tar-rappurtar finanzjajru biex jippreparaw ir-rapporti finanzjarji konsolidati tagħhom (ĠU L 340, 19.12.2008, p. 112).

25.9.2015   

MT

Il-Ġurnal Uffiċjali tal-Unjoni Ewropea

L 249/28

DEĊIŻJONI (UE) 2015/1613 TAL-BANK ĊENTRALI EWROPEW

tal-10 ta' Settembru 2015

li temenda d-Deċiżjoni (UE) 2015/5 dwar l-implimentazzjoni tal-programm ta' xiri ta' titoli ggarantiti minn assi (BĊE/2015/31)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,

Wara li kkunsidra l-Istatut tas-Sistema Ewropea ta' Banek Ċentrali u tal-Bank Ċentrali Ewropew, u b'mod partikolari t-tieni subparagrafu tal-Artikolu 12.1 flimkien mal-ewwel inċiż tal-Artikolu 3.1, u l-Artikolu 18.1 tiegħu,

Billi:

(1)

Fl-4 ta' Settembru 2014 il-Kunsill Governattiv iddeċieda li għandu jinbeda programm ġdid ta' xiri ta' titoli ggarantiti minn assi (ABSPP). Fit-2 ta' Ottubru 2014, il-Kunsill Governattiv ħabbar id-dettalji tal-ABSPP u ddeċieda li l-kriterji ta' eliġibbiltà għal segmenti intermedji ggarantiti ta' titoli ggarantiti b'assi (ABS) għandhom jiġu kkomunikati fi stadju aktar tard.

(2)

Fit-18 ta' Marzu 2015, il-Kunsill Governattiv iddeċieda li s-segmenti intermedji ta' ABS għandhom jiġu kkunsidrati għal xiri taħt l-ABSPP jekk dawk is-segmenti intermedji jkunu ggarantiti b'garanzija adattata li tikkonforma mal-kriterji tal-qafas tal-kollateral tal-Eurosistema. Id-Deċiżjoni BĊE/2014/45 (1) tirrigwarda l-implimentazzjoni tal-ABSPP u huwa meħtieġ li din id-Deċiżjoni tiġi aġġornata sabiex tirrifletti dawn il-bidliet.

(3)

Għalhekk, id-Deċiżjoni BĊE/2014/45 għandha tiġi emendata kif meħtieġ,

ADOTTA DIN ID-DEĊIŻJONI:

Artikolu 1

Emendi

Id-Deċiżjoni BĊE/2014/45 hija emendata skont kif ġej:

1.

fl-Artikolu 2, il-punt 2 huwa ssostitwit b'dan li ġej:

“(2).

 Minbarra kif huwa pprovdut fil-punt 1 iktar 'il fuq u l-punt 9 iktar 'l isfel, l-ABS jissodisfaw il-kriterji tal-eliġibbiltà applikabbli għall-ABS sottomessi bħala kollateral għal operazzjonijiet tal-politika monetarja tal-Eurosistema kif stipulat fil-Linja Gwida BĊE/2014/60 (*1).

(*1)  Linja Gwida (UE) Nru 2015/510 tal-Bank Ċentrali Ewropew tad-19 ta' Diċembru 2014 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (ĠU L 91, 2.4.2015, p. 3).”;"

2.

Fl-Artikolu 2, huwa miżjud il-punt 9 li ġej:

“(9).

 Ir-rekwiżiti stipulati fl-Artikolu 77 tal-Linja Gwida BĊE/2014/60 ma għandhomx japplikaw għal segmenti intermedji ta' ABS li jkunu eliġibbli biss għal xiri taħt l-ABSPP jekk ikunu:

(a)

iggarantiti b'garanzija:

(i)

li tissodisfa r-rekwiżiti għal garanziji ta' assi negozjabbli kif stipulat fl-Artikoli 114, 115, 117 u 118 tal-Parti Erbgħa, Titolu IV tal-Linja Gwida BĊE/2014/60; u

(ii)

maħruġa minn garanti b'valutazzjoni tal-kreditu skont l-Artikolu 83(c) tal-Linja Gwida BĊE/2014/60 u pprovduta minn ta' mill-inqas sistema ECAI aċċettata waħda, espressa fil-forma ta' klassifikazzjoni ta' kreditu pubblika, f'konformità, bħala minimu, mal-pass 3 tal-kwalità tal-kreditu fl-iskala ta' klassifikazzjoni armonizzata tal-Eurosistema; u

(b)

jissodisfaw il-kriterji l-oħrajn kollha ta' eliġibbiltà applikabbli għal xiri taħt l-ABSPP.

Għall-finijiet ta' din id-Deċiżjoni, ‘segment intermedju’ tfisser segment ta' ħruġ ta' ABS li, skont il-prijorità tal-ħlasijiet ta' wara l-infurzar, u jekk applikabbli, il-prijorità tal-ħlasijiet wara l-aċċelerazzjoni kif stipulat fil-prospett:

(a)

tkun ikklassifikata taħt is-segment jew subsegmenti mhux subordinati tal-istess ħruġ ta' ABS kif stipulat fl-Artikolu 77 tal-Linja Gwida BĊE/2014/60; u

(b)

tkun ikklassifikata 'l fuq mis-segment l-aktar subordinat jew subsegmenti li jkunu l-ewwel li jbatu telf imġarrab fuq l-iskoperturi titolizzati u li b'hekk jipprovdu protezzjoni lit-tieni telf u, fejn relevanti, segmenti jew subsegmenti ta' grad aktar għoli.”

Artikolu 2

Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Frankfurt am Main, l-10 ta' Settembru 2015.

Il-President tal-BĊE

Mario DRAGHI

(1)  Deċiżjoni (UE) 2015/5 tal-Bank Ċentrali Ewropew tad-19 ta' Novembru 2014 dwar l-implimentazzjoni tal-programm ta' xiri ta' titoli ggarantiti minn assi (BĊE/2014/45) (ĠU L 1, 6.1.2015, p. 4).