ANNESS

Deskrizzjoni tal-prodotti	Klassifikazzjoni (Kodiċi tan-NM)	Raġunijiet
(1)	(2)	(3)
Prodott (“ktieb ta' taħbil il-moħħ”) li jikkonsisti f'logħob ta' taħbil il-moħħ, testi, mapep u stampi edukattivi oħra marbutin flimkien, li jkun magħmul mill-kartun u jkun ta' madwar 34 b'24 cm, u li jkollu 14-il paġna. Kull paġna jkun fiha logħba ta' taħbil il-moħħ b'madwar 40 biċċa, li turi mappa b'informazzjoni u stampi fuq sfond ta' lewn wieħed. Il-logħbiet ta' taħbil il-moħħ għandhom x'jaqsmu mat-testi, il-mapep u l-istampi edukattivi fuq il-paġni ta' faċċata, u jikkompletawhom. (Ara r-ritratt) (*1)	9503 00 69	Il-klassifikazzjoni qed issir skont ir-regoli ġenerali 1, 3(c) u 6 għall-interpretazzjoni tan-Nomenklatura Magħquda (GIR), u skont il-kliem tal-kodiċijiet tan-NM 9503 00 u 9503 00 69 . Mad-daqqa t'għajn il-prodott jista' jiġi kklassifikat taħt l-intestatura 4901 bħala ktieb stampat jew materjal stampat simili, jew taħt l-intestatura 9503 bħala logħba ta' taħbil il-moħħ. Madankollu, l-ebda waħda minn dawn iż-żewġ intestaturi ma tista' titqies li tipprovdi deskrizzjoni aktar speċifika ta' dan il-prodott fi ħdan it-tifsira tal-GIR 3(a). Minħabba li ma jistax jiġi stabbilit jekk humiex it-testi, il-mapep u l-istampi edukattivi (l-intestatura 4901 ) jew il-logħob ta' taħbil il-moħħ (l-intestatura 9503 ) li jagħtu lill-prodott il-karattru essenzjali tiegħu fi ħdan it-tifsira tal-GIR 3(b), il-prodott għandu jiġi kklassifikat taħt l-intestatura li tiġi l-aħħar fl-ordni numerika fost dawk il-prodotti li jistħoqqilhom jitqiesu bl-istess mod. Għalhekk, l-oġġett qed jiġi kklassifikat taħt il-kodiċi tan-NM 9503 00 69 bħala logħob ieħor ta' taħbil il-moħħ.

---

(*1)  Ir-ritratt qed jingħata għal skopijiet tat-tagħrif biss.

ANNESS

Deskrizzjoni tal-merkanzija	Klassifikazzjoni (il-kodiċi NM)	Raġunijiet
(1)	(2)	(3)
Oġġett li għandu jintuża biex jgħin fit-tkabbir tal-pjanti fuq ġewwa u jistimulahom jikbru. Bejn wieħed u ieħor, id-daqs tal-oġġett hu 80 cm bi 80 cm b'160 cm, u hu magħmul minn qafas ta' tubi vojta tal-azzar u ġnub, bil-wiċċ u l-qiegħ tad-drapp, jistgħu jingħalqu għalkollox u għandhom kisja li tirrifletti d-dawl fuq ġewwa. Id-drapp għandu fetħiet għall-ventilazzjoni, l-ilma u l-elettriku u ma jħallix l-ilma, id-dawl u l-arja jgħaddu minnu. Id-drapp għandu ż-żippijiet biex jagħti aċċess għan-naħa ta' ġewwa tal-oġġett minn kull naħa. Ara l-istampa (*1).	6307 90 98	Il-klassifikazzjoni jiddeterminawha r-regoli ġenerali Nru 1, 3(b) u 6 għall-interpretazzjoni tan-Nomenklatura Magħquda, u l-kliem tal-kodiċijiet NM 6307 , 6307 90 u 6307 90 98 . L-oġġett ma jistax jiġi kklassifikat taħt il-kodiċi 9403 bħala “tip ta' għamara oħra” għax m'għandux jintuża bħala għamara għal djar privati, lukandi, uffiċċji, skejjel, knejjes, ħwienet, laboratorji u postijiet simili oħrajn, iżda għandu jintuża biex jgħin fit-tkabbir tal-pjanti fuq ġewwa u jistimulahom jikbru (ara wkoll in-Noti ta' Spjegazzjoni tas-Sistema Armonizzata b'rabta mat-tieni paragrafu tal-intestatura 9403 ). L-oġġett ma jistax jiġi kklassifikat taħt il-kodiċi 9406 bħala “bini prefabbrikat” għax il-binja tiegħu tindika li huwa għall-użu fuq ġewwa. Il-kisja ħafifa li tirrifletti d-dawl fuq in-naħa ta' ġewwa tad-drapp u l-fetħiet għall-ventilazzjoni, l-ilma u l-elettriku li għandu l-oġġett hemm bżonnhom għan dawn jgħinu lit-tkabbir tal-pjanti ġo dan l-oġġett. Għalhekk lill-oġġett, id-drapp jagħtih in-natura essenzjali tiegħu skont ir-regola ġenerali Nru 3(b) għall-interpretazzjoni tan-Nomenklatura Magħquda. Għalhekk, l-oġġett għandu jiġi kklassifikat taħt il-kodiċi NM 6307 90 98 bħala “oġġett tad-drapp ieħor manifatturat”.

---

(*1)  L-istampa qed tingħata biss għall-informazzjoni.

ANNESS I

Mudell għad-dikjarazzjoni tar-responsabbiltajiet ta' ġestjoni

Jien/aħna, is-sottoskritt/i (isem, l-ewwel isem, it-titlu(i) jew il-funzjoni(jiet)), il-Kap tal-awtorità ta' ġestjoni, għall-programm operazzjonali (isem il-programm operazzjonali, is-CCI)

abbażi tal-implimentazzjoni ta' (isem il-programm operazzjonali) matul is-sena fiskali li ntemmet fit-30 ta' Ġunju (sena),

abbażi tal-ġudizzju tiegħi/tagħna u tal-informazzjoni disponibbli għalija/għalina fid-data tal-kontijiet ippreżentati lill-Kummissjoni, inklużi r-riżultati minn verifiki ta' ġestjoni mwettqin b'konformità mal-Artikolu 32(5) tar-Regolament (UE) Nru 223/2014 u mill-awditi u l-kontrolli fir-rigward tan-nefqa inkluża fl-applikazzjonijiet għal pagament ippreżentati lill-Kummissjoni fir-rigward tas-sena ta' kontabilità li ntemmet fit-30 ta' Ġunju … (sena),

u waqt li nqis/inqisu l-obbligi tiegħi/tagħna skont ir-Regolament (UE) Nru 223/2014 u b'mod partikolari l-Artikolu 32 tiegħu,

b'dan niddikjara/w li:

—	l-informazzjoni fil-kontijiet hija ppreżentata b'mod xieraq, komplut u preċiż b'konformità mal-Artikolu 49(1) tar-Regolament (UE) Nru 223/2014,

—	in-nefqa mdaħħla fil-kontijiet intużat għall-iskop intiż tagħha, kif definit fir-Regolament (UE) Nru 223/2014, u skont il-prinċipju ta' ġestjoni finanzjarja soda,

—	is-sistema ta' ġestjoni u kontroll stabbilita għall-programm operazzjonali tagħti l-garanziji meħtieġa fir-rigward tal-legalità u tar-regolarità tat-tranżazzjonijiet sottostanti, b'konformità mal-liġi applikabbli.

Jiena/aħna nikkonferma/w li l-irregolaritajiet identifikati fir-rapporti finali ta' verifika jew kontroll fir-rigward tas-sena ta' kontabilità u rrapportati fis-sommarju annwali mehmuż ma' din id-dikjarazzjoni kif meħtieġ skont l-Artikolu 32(4)(e) tar-Regolament (UE) Nru 223/2014, ġew ittrattati b'mod xieraq fil-kontabilità. Fejn kien meħtieġ, sar segwitu adegwat għad-defiċjenzi fis-sistema ta' ġestjoni u kontroll irrapportati f'dawn ir-rapporti, jew qed isir bħalissa fir-rigward tal-azzjonijiet ta' rimedju meħtieġa li ġejjin: … (jekk xieraq, indika liema azzjonijiet ta' rimedju jinsabu għaddejjin bħalissa, fid-data tal-iffirmar tad-dikjarazzjoni).

Jiena/aħna nikkonferma/w ukoll li n-nefqa li bħalissa hija suġġetta għal valutazzjoni dwar il-legalità u r-regolarità tagħha ġiet eskluża mill-kontijiet sakemm tkun konkluża l-valutazzjoni, għall-inklużjoni possibbli f'applikazzjoni ta' pagament interim f'sena ta' kontabilità sussegwenti, kif previst fl-Artikolu 49(2) tar-Regolament (UE) Nru 223/2014.

Barra minn hekk, jiena/aħna nikkonferma/w l-affidabilità tad-dejta dwar l-indikaturi [, (għal PO I biss), inkluż, fejn rilevanti, tad-dejta bbażata fuq stimi infurmati b'konformità mar-Regolament Delegat (UE) Nru 1255/2014 (1)]/[(għal PO II biss) u tad-dejta relatata mal-progress tal-programm operazzjonali, meħtieġa skont l-Artikolu 32(2)(a) tar-Regolament (UE) Nru 223/2014]. Jiena/aħna nikkonferma/w li miżuri effettivi u proporzjonati kontra l-frodi skont l-Artikolu 32(4)(c) tar-Regolament (UE) Nru 223/2014 huma fis-seħħ, u li nieħu/nieħdu inkonsiderazzjoni r-riskji identifikati u li jien/aħna ma naf/u b'ebda materjal mhux żvelat relatat mal-implimentazzjoni tal-programm operazzjonali li jista' jkun ta' ħsara għar-reputazzjoni tal-Fond għal Għajnuna Ewropea għall-Persuni l-Aktar fil-Bżonn.

Data

Firma/firem

---

(1)  Ir-Regolament ta' Delega tal-Kummissjoni (UE) Nru 1255/2014 tas-17 ta' Lulju 2014 li jissupplimenta r-Regolament (UE) Nru 223/2014 tal-Parlament Ewropew u tal-Kunsill dwar il-Fond għal Għajnuna Ewropea għall-Persuni l-Aktar fil-Bżonn billi jistabbilixxi l-kontenut tar-rapporti annwali u finali ta' implimentazzjoni, inkluża l-lista ta' indikaturi komuni (ĠU L 337, 25.11.2014, p. 46).

ANNESS II

Mudell għall-istrateġija tal-awditjar

1.   INTRODUZZJONI

Din it-taqsima għandha tinkludi l-informazzjoni li ġejja:

—	Identifikazzjoni tal-programm(i) operazzjonali (titolu/i (u CCI(s) (1)), u l-perjodu kopert mill-istrateġija ta' verifika.

—	Identifikazzjoni tal-awtorità tal-awditjar responsabbli mit-tfassil, mill-monitoraġġ u mill-aġġornament tal-istrateġija tal-awditjar u ta' kwalunkwe korpi oħrajn li kkontribwew għal dan id-dokument.

—	Referenza għall-istatus tal-awtorità tal-awditjar (korp pubbliku nazzjonali, reġjonali jew lokali) u l-korp li tinsab fih.

—	Referenza għad-dikjarazzjoni tal-missjoni, jew karta ta' awditu tal-leġiżlazzjoni nazzjonali (fejn applikabbli) li tistabbilixxi l-funzjonijiet u r-responsabilitajiet tal-awtorità ta' awditjar u tal-korpi l-oћra li jagћmlu l-awditi taћt ir-responsabilità tagћha.

—	Konferma mill-awtorità tal-awditjar li l-korpi li qegħdin iwettqu awditi skont l-Artikolu 34(2) tar-Regolament (UE) Nru 223/2014 għandhom l-indipendenza funzjonali rikjesta (u l-indipendenza organizzattiva, fejn applikabbli taħt l-Artikolu 31(5) tar-Regolament (UE) Nru 223/2014).

2.   VALUTAZZJONI TAR-RISKJI

Din it-taqsima għandha tinkludi l-informazzjoni li ġejja:

—	Spjegazzjoni tal-metodu ġenerali ta' valutazzjoni tar-riskju segwit.

—	Proċeduri għall-aġġornament tal-valutazzjoni tar-riskju.

3.   METODOLOĠIJA

Din it-taqsima għandha tinkludi l-informazzjoni li ġejja:

3.1   Ħarsa ġenerali

—	Referenza għal manwali jew proċeduri tal-awditjar li jkun fihom deskrizzjoni tal-passi prinċipali tax-xogħol ta' awditu, inklużi l-klassifikazzjoni u t-trattament tal-iżbalji misjuba.

—	Referenza għall-istandards tal-awditjar rikonoxxuti f'livell internazzjonali li l-awtorità tal-awditjar għandha tqis għal dan ix-xogħol ta' awditjar, kif stabbilit fl-Artikolu 34(3) tar-Regolament (UE) Nru 223/2014.

—	Referenza għall-proċeduri fis-seħħ għat-tfassil tar-rapport ta' kontroll u l-opinjoni tal-awditjar li għandhom jiġu sottomessi lill-Kummissjoni b'konformità mal-Artikolu 34(5) tar-Regolament (UE) Nru 223/2014.

3.2   Awditi dwar il-funzjonament tas-sistemi ta' ġestjoni u kontroll (awditi tas-sistemi)

Indikazzjoni tal-korpi li għandhom jiġu awditjati u r-rekwiżiti ewlenin relatati fil-kuntest tal-awditi tas-sistemi. Fejn applikabbli, referenza għall-korp ta' awditjar li fuqha l-awtorità tal-awditjar sserraħ biex jitwettqu dawn l-awditi.

Indikazzjoni ta' kwalunkwe awditi tas-sistema relatati ma' rekwiżiti ewlenin immirati lejn oqsma tematiċi speċifiċi bħalma huma:

—

il-kwalità tal-verifiki amministrattivi u fuq il-post previsti fl-Artikolu 32(5) tar-Regolament (UE) Nru 223/2014, inkluż b'rabta mar-rispett lejn ir-regoli tal-akkwist pubbliku, l-opportunitajiet indaqs, it-tnaqqis u l-prevenzjoni tal-iskart tal-ikel, u mal-liġijiet tal-Unjoni dwar is-sigurtà tal-prodotti għall-konsumatur;

—	il-funzjonament u s-sigurtà ta' sistemi IT imwaqqfa skont l-Artikoli 28(d), 32(2)(d) u 33(d) tar-Regolament (UE) Nru 223/2014; u l-konnessjoni tagħhom mas-sistema IT, imsemmija fl-Artikolu 30(4) tar-Regolament (UE) Nru 223/2014 (“SFC 2014”);

—	l-affidabilità tad-dejta relatata ma' indikaturi u, għal PO II, dejta dwar il-progress tal-programm operazzjonali b'rabta mal-kisba tal-għanijiet ipprovduti mill-awtorità tal-ġestjoni skont l-Artikolu 32(2)(a) tar-Regolament (UE) Nru 223/2014;

—	ir-rappurtar ta' irtirar u rkupri;

—	l-implimentazzjoni ta' miżuri effettivi u proporzjonati kontra l-frodi mirfuda minn valutazzjoni tar-riskju ta' frodi b'konformità mal-Artikolu 32(4)(c) tar-Regolament (UE) Nru 223/2014.

3.3   Awditjar tal-operazzjonijiet

Deskrizzjoni ta' (jew referenza għal dokument intern li jispeċifika) il-metodoloġija tal-kampjunar li għandha tintuża b'konformità mal-Artikolu 34(1) tar-Regolament (UE) Nru 223/2014 u l-Artikolu 6 tar-Regolament Delegat (UE) Nru 532/2014 (2) u proċeduri speċifiċi oħra li huma mwaqqfa għal awditi ta' operazzjonijiet, b'mod partikolari dawk relatati mal-klassifikazzjoni u t-trattament ta' żbalji misjuba, inkluż frodi suspettata.

3.4   Awditjar tal-kontijiet

Deskrizzjoni tal-approċċ tal-awditjar għall-awditjar tal-kontijiet.

3.5   Verifika tad-dikjarazzjoni tar-responsabbiltajiet ta' ġestjoni

Referenza għall-proċeduri interni li jistabbilixxu l-ħidma involuta fil-verifika tal-affermazzjonijiet li jinsabu fid-dikjarazzjoni tar-responsabbiltajiet ta' ġestjoni, għall-fini tal-opinjoni tal-awditjar.

4.   ĦIDMA TA' AWDITJAR IPPJANATA

Din it-taqsima għandha tinkludi l-informazzjoni li ġejja:

—	Deskrizzjoni u ġustifikazzjoni tal-prijoritajiet u l-objettivi speċifiċi tal-awditjar fir-rigward tas-sena ta' kontabilità kurrenti u s-sentejn ta' kontabilità sussegwenti, flimkien ma' spjegazzjoni tar-rabta bejn ir-riżultati tal-valutazzjoni tar-riskju u l-ħidma ta' awditjar ippjanata.

—

Skeda indikattiva tal-kompiti ta' awditjar fir-rigward tas-sena ta' kontabilità kurrenti u s-sentejn ta' kontabilità sussegwenti għal awditi tas-sistemi (inklużi awditi mmirati lejn oqsma tematiċi speċifiċi), kif ġej: Awtoritajiet/il-Korpi jew l-oqsma tematiċi speċifiċi li għandhom jiġu awditjati CCI Isem il-PO Korp responsabbli mill-awditjar Riżultat tal-valutazzjoni tar-riskju 20xx Objettiv u ambitu tal-awditu 20xx Objettiv u ambitu tal-awditu 20xx Objettiv u ambitu tal-awditu

5.   RIŻORSI

Din it-taqsima għandha tinkludi l-informazzjoni li ġejja:

—	L-organigramma tal-awtorità ta' verifika u l-informazzjoni dwar ir-relazzjoni tagħha fir-rigward ta' kwalunkwe korp ta' verifika li jwettaq awditjar skont kif imsemmi fl-Artikolu 34(2) tar-Regolament (UE) Nru 223/2014, fejn xieraq.

—	Indikazzjoni tar-riżorsi ppjanati li jiġu allokati fir-rigward tas-sena ta' kontabilità kurrenti u s-sentejn ta' kontabilità sussegwenti.

---

(1)  Indika l-programmi operazzjonali koperti minn sistema komuni ta' ġestjoni u kontroll, f'każ fejn strateġija unika ta' awditjar hija mħejjija għal żewġ programmi operazzjonali, kif previst l-Artikolu 34(4) tar-Regolament (UE) Nru 223/2014.

(2)  Ir-Regolament ta' Delega tal-Kummissjoni (UE) Nru 532/2014 tat-13 ta' Marzu 2014 li jissupplimenta r-Regolament (UE) Nru 223/2014 tal-Parlament Ewropew u tal-Kunsill dwar il-Fond għal Għajnuna Ewropea għall-Persuni l-Aktar fil-Bżonn (ĠU L 148, 20.5.2014, p. 54).

ANNESS III

Mudell għall-opinjoni tal-awditjar

Lill-Kummissjoni Ewropea, id-Direttorat Ġenerali …

1.   INTRODUZZJONI

Jiena, li ismi jidher hawn taħt, rappreżentant/a ta' …[isem l-awtorità ta' verifika maħtura mill-Istat Membru], indipendenti skont it-tifsira tal-Artikolu 31(4) [u (5), fejn applikabbli] tar-Regolament (UE) Nru 223/2014, wettaqt awditu tal-kontijiet għas-sena ta' kontabilità li bdiet fl-1 ta' Lulju … [sena] u li ntemmet fit-30 ta' Ġunju … [sena] (1) u bid-data ta' … [data tal-kontijiet sottomessi lill-Kummissjoni] (minn hawn 'il quddiem “il-kontijiet”) il-legalità u r-regolarità tan-nefqa li għaliha ntalab rimborż mill-Kummissjoni b'referenza għas-sena ta' kontabilità (u li ġiet inkluża fil-kontijiet), il-funzjonament tas-sistema ta' ġestjoni u ta' kontroll, u vverifikajt id-dikjarazzjoni tar-responsabbiltajiet ta' ġestjoni, għall-finijiet tal-Artikolu 59(5) tar-Regolament (UE, Euratom) Nru 966/2012 tal-Parlament Ewropew u tal-Kunsill (2)

b'rabta mal-programm operazzjonali …[isem il-programm operazzjonali, in-numru CCI] (minn hawn 'il quddiem “il-programm”),

sabiex noħroġ opinjoni ta' awditjar b'konformità mal-Artikolu 34(5)(a) tar-Regolament (UE) Nru 223/2014.

2.   RESPONSABILITAJIET TAL-AWTORITAJIET TA' ĠESTJONI U TA' ĊERTIFIKAZZJONI

…[isem l-awtorità ta' ġestjoni], maħtura bħala l-awtorità ta' ġestjoni tal-programm, u l-…[isem l-awtorità ta' ċertifikazzjoni], maħtura bħala l-awtorità ta' ċertifikazzjoni tal-programm, huma responsabbli sabiex jiżguraw it-tħaddim xieraq tas-sistema ta' ġestjoni u ta' kontroll f'dak li jirrigwarda l-funzjonijiet stabbiliti bl-Artikoli 32 u 33 tar-Regolament (UE) Nru 223/2014.

B'mod partikolari, hija r-responsabilità ta' …[isem l-awtorità ta' ċertifikazzjoni], maħtura bħala l-awtorità ta' ċertifikazzjoni tal-programm, li tfassal il-kontijiet (skont l-Artikolu 49 tar-Regolament (UE) Nru 223/2014) u li tiċċertifika l-kompletezza, il-preċiżjoni u l-veraċità tagħhom, kif stipulat fl-Artikolu 33(b) u (c) tar-Regolament (UE) Nru 223/2014.

Barra minn hekk, skont l-Artikolu 33(c) tar-Regolament (UE) Nru 223/2014 hija r-responsabilità tal-awtorità ta' ċertifikazzjoni biex tiċċertifika li n-nefqa rreġistrata fil-kontijiet tikkonforma mal-liġi applikabbli u tkun tħallset fir-rigward ta' operazzjonijiet magħżula għall-finanzjament skont il-kriterji applikabbli għall-programm operazzjonali u li jikkonformaw mal-liġi applikabbli (3).

3.   IR-RESPONSABILITAJIET TAL-AWTORITÀ TA' AWDITJAR

Kif stabbilit mill-Artikolu 34(5)(a) tar-Regolament (UE) Nru 223/2014, ir-responsabilità tiegħi hija li nesprimi opinjoni dwar jekk il-kontijiet jagħtux stampa ċara u ġusta, jekk in-nefqa li fir-rigward tagħha ntalab rimborż mill-Kummissjoni u li hija ddikjarata fil-kontijiet hija legali (4) u regolari, u jekk is-sistema ta' ġestjoni u kontroll stabbilita tiffunzjonax b'mod adegwat. Ir-responsabilità tiegħi hija li ninkludi wkoll fl-opinjoni dikjarazzjoni dwar jekk ix-xogħol tal-awditjar iqajjimx dubju dwar l-affermazzjonijiet li saru fid-dikjarazzjoni tar-responsabbiltajiet ta' ġestjoni (5).

L-awditi fir-rigward tal-programm saru skont l-istrateġija tal-awditjar u kkunsidraw l-istandards internazzjonali tal-awditjar aċċettati f'livell internazzjonali. Dawn l-istandards jeżiġu li l-awtorità ta' verifika tikkonforma mar-rekwiżiti tal-etika u li tippjana u twettaq ix-xogħol ta' verifika sabiex tikseb assigurazzjoni raġonevoli għall-fini tal-opinjoni tal-awditjar.

Awditu jinvolvi t-twettiq ta' proċeduri biex tinkiseb evidenza xierqa suffiċjenti bħala appoġġ għall-opinjoni stabbilita hawn taħt. Il-proċeduri mwettqa jiddependu fuq id-deċiżjoni professjonali tal-awditur, inkluża l-valutazzjoni tar-riskju ta' nuqqas ta' konformità materjali, kemm jekk minħabba frodi jew inkella żball. Il-proċeduri tal-awditjar li wettaqt huma dawk li nemmen huma xierqa fiċ-ċirkostanzi.

Jiena tal-fehma li l-evidenza għall-awditjar miksuba hija biżżejjed u xierqa biex tipprovdi bażi għall-opinjoni tiegħi [f'każ li hemm limitazzjonijiet tal-ambitu:] ħlief għal dik imsemmija fit-taqsima 4 “Limitazzjonijiet tal-ambitu”.

Ir-riżultati ewlenin li ġejjin minn verifiki fir-rigward tal-programm huma rrappurtati fir-rapport ta' kontroll annwali mehmuż skont l-Artikolu 34(5)(b) tar-Regolament (UE) Nru 223/2014.

4.   LIMITAZZJONIJIET TAL-AMBITU

Jew

Ma kien hemm ebda limitazzjonijiet tal-ambitu tal-awditjar.

Jew

L-ambitu tal-awditjar kien limitat mill-fatturi li ġejjin:

(a)

…

(b)

…

(c)

….

[Indika kwalunkwe limitazzjoni għall-ambitu tal-awditjar, pereżempju kwalunkwe nuqqas ta' dokumentazzjoni ta' appoġġ, każijiet taħt proċeduri legali, u agħti stima taħt “Opinjoni kkwalifikata” hawn taħt, l-ammonti tan-nefqa u tal-kontribuzzjoni tal-Unjoni affettwati u l-impatt tal-limitazzjoni tal-ambitu fuq l-opinjoni ta' awditjar. Spjegazzjonijiet ulterjuri f'dan ir-rigward jiġu pprovduti fir-rapport ta' kontroll annwali, kif xieraq.]

5.   OPINJONI

Jew

(Opinjoni mhux ikkwalifikata)

Fl-opinjoni tiegħi, u fuq il-bażi tal-ħidma tal-awditjar imwettqa:

—	il-kontijiet jagħtu stampa vera u ġusta, kif stabbilit bl-Artikolu 7(5) tar-Regolament Delegat (UE) Nru 532/2014;

—	in-nefqa fil-kontijiet li għaliha ntalab rimborż mill-Kummissjoni hija legali u regolari,

—	is-sistema ta' ġestjoni u ta' kontroll fis-seħħ jiffunzjonaw b'mod xieraq.

Il-ħidma tal-awditjar imwettqa ma tpoġġix f'dubju d-dikjarazzjonijiet magħmula fid-dikjarazzjoni tar-responsabbiltajiet ta' ġestjoni.

Jew

(Opinjoni kwalifikata)

Fl-opinjoni tiegħi, u abbażi tal-ħidma tal-awditjar imwettqa:

—	il-kontijiet jagħtu stampa vera u ġusta, kif stabbilit bl-Artikolu 7(5) tar-Regolament Delegat (UE) Nru 532/2014;

—	in-nefqa fil-kontijiet li għaliha ntalab rimborż mill-Kummissjoni hija legali u regolari;

—	is-sistema ta' ġestjoni u ta' kontroll fis-seħħ jiffunzjonaw b'mod xieraq,

ħlief f'dawn l-aspetti li ġejjin:

—	fir-rigward ta' kwistjonijiet materjali relatati mal-kontijiet: … u/jew [ħassar kif xieraq]

—	fir-rigward ta' kwistjonijiet materjali relatati mal-legalità u r-regolarità tan-nefqa fil-kontijiet li għalihom intalab rimborż mill-Kummissjoni: …

—	u/jew [ħassar kif xieraq] b'rabta ma' kwistjonijiet materjali relatati mal-funzjonament tas-sistema ta' ġestjoni u ta' kontroll (6): ….

Għaldaqstant jien nistma li l-impatt tal-kwalifikazzjoni(jiet) huwa [limitat]/[sinifikanti]. [ħassar kif jixraq]

Dan l-impatt jikkorrispondi għal … [ammont f'EUR u %] tan-nefqa totali ddikjarata. Għalhekk il-kontribuzzjoni tal-Unjoni affettwata hija ta' … [ammont f'EUR].

Il-ħidma tal-awditjar imwettqa ma tpoġġix/tpoġġi [ħassar kif xieraq] fid-dubju d-dikjarazzjonijiet magħmulin fid-dikjarazzjoni tar-responsabbiltajiet ta' ġestjoni.

[Meta x-xogħol tal-awditjar iqajjem dubju dwar l-affermazzjonijiet li saru fid-dikjarazzjoni tar-responsabbiltajiet ta' ġestjoni, l-Awtorità ta' verifika għandha tiżvela f'din it-taqsima l-aspetti li jwasslu għal din il-konklużjoni.]

Jew

(Opinjoni negattiva)

Fl-opinjoni tiegħi, u msejsa fuq il-ħidma tal-awditjar imwettqa:

—	il-kontijiet jagħtu/ ma jagħtux [ħassar kif xieraq] stampa vera u ġusta, kif stabbilit mill-Artikolu 7(5) tar-Regolament Delegat (UE) Nru 532/2014;

—	in-nefqa fil-kontijiet li għaliha ntalab rimborż mill-Kummissjoni hija/ mhijiex [ħassar kif xieraq] legali u regolari;

—	is-sistema ta' ġestjoni u ta' kontroll stabbilita taħdem/ ma taħdimx [ħassar kif xieraq] kif suppost.

Din l-opinjoni avversa hija bbażata fuq dawn l-aspetti:

—	fir-rigward ta' kwistjonijiet materjali relatati mal-kontijiet: …. u/jew [ħassar kif xieraq]

—	fir-rigward ta' kwistjonijiet materjali relatati mal-legalità u r-regolarità tan-nefqa fil-kontijiet li għalihom intalab rimborż mill-Kummissjoni: … u/jew [ħassar kif xieraq]

—	fir-rigward ta' kwistjonijiet materjali relatati mal-funzjonament tas-sistema ta' ġestjoni u kontroll (7): …

Il-ħidma tal-awditjar imwettqa tpoġġi f'dubju l-asserzjonijiet magħmula fid-dikjarazzjoni tar-responsabbiltajiet ta' ġestjoni rigward l-aspetti li ġejjin: …

[Il-korp indipendenti ta' awditjar jista' jinkludi wkoll enfasi dwar kwistjoni, li ma jaffettwax l-opinjoni tiegħu, kif stabbilit fl-istandards tal-awditjar aċċettati internazzjonalment. Ċaħda tal-opinjoni tista' tiġi prevista f'każijiet eċċezzjonali (8).]

Data

Firma

---

(1)  Sena ta' kontabilità tfisser il-perjodu mill-1 ta' Lulju sat-30 ta' Ġunju, ħlief għall-ewwel sena ta' kontabilità, li fir-rigward tagħha din tfisser il-perjodu mid-data tal-bidu għall-eliġibilità tan-nefqa sat-30 ta' Ġunju 2015. Is-sena finali ta' kontabilità għandha tkun mill-1 ta' Lulju 2023 sat-30 ta' Ġunju 2024.

(2)  Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1).

(3)  Kif definit fl-Artikolu 5(12) tar-Regolament (UE) Nru 223/2014.

(4)  Kif stipulat mill-Artikolu 5(12) tar-Regolament (UE) Nru 223/2014.

(5)  Skont l-Artikolu 59(5) tar-Regolament (UE, Euratom) Nru 966/2012.

(6)  F'każ li s-sistema ta' ġestjoni u ta' kontroll huma affettwati, indika fl-opinjoni l-korp jew korpi u l-aspett(i) tas-sistemi tagħhom li ma kienx/kinux konformi mar-rekwiżiti u/jew li ma opera(w)x effettivament, ħlief fejn din l-informazzjoni hija diġà żvelata biċ-ċar fir-rapport ta' kontroll annwali u l-paragrafu li fih l-opinjoni li tirreferi għal taqsima/taqsimiet speċifika/ċi ta' dan ir-rapport fejn tinsab din l-informazzjoni.

(7)  L-istess rimarka bħan-nota ta' qiegħ il-paġna preċedenti.

(8)  Dawn il-każijiet eċċezzjonali għandhom ikunu relatati ma' fatturi esterni mhux prevedibbli, li jinsabu 'l barra mill-mandat tal-awtorità tal-awditjar.

ANNESS IV

Mudell għar-rapport ta' kontroll annwali

1.   INTRODUZZJONI

Din it-taqsima għandha tinkludi l-informazzjoni li ġejja:

1.1	Identifikazzjoni tal-awtorità tal-awditjar responsabbli u ta' korpi oħrajn li kienu involuti fit-tħejjija tar-rapport.

1.2	Il-perjodu ta' referenza (jiġifieri s-sena ta' kontabilità (1)).

1.3	Il-perjodu tal-awditjar (li matulu seħħet il-ħidma tal-awditjar).

1.4

Identifikazzjoni tal-programm(i) operazzjonali kopert(i) mir-rapport u tal-awtoritajiet ta' ġestjoni u ta' ċertifikazzjoni tiegħu/tagħhom. [Fejn ir-rapport ta' kontroll annwali jkopri aktar minn programm wieħed, l-informazzjoni għandha tkun ikklassifikata skont il-programm, filwaqt li l-informazzjoni li hija speċifika għall-programm għandha tiġi identifikata f'kull taqsima, ħlief fil-każ tat-taqsima 10.2, fejn tali informazzjoni għandha tiġi pprovduta fit-taqsima 5.]

1.5	Deskrizzjoni tal-passi meħuda għat-tħejjija tar-rapport u għat-tfassil tal-opinjoni ta' awditjar.

2.   TIBDIL SINIFIKANTI FIS-SISTEMA(I) TA' ĠESTJONI U TA' KONTROLL

Din it-taqsima għandha tinkludi l-informazzjoni li ġejja:

2.1

Dettalji ta' kwalunkwe tibdil sinifikanti fis-sistemi ta' ġestjoni u ta' kontroll relatati mar-responsabbiltajiet tal-awtoritajiet ta' ġestjoni u ta' ċertifikazzjoni, b'mod partikolari fir-rigward tad-delega ta' funzjonijiet lil korpi intermedji ġodda, u konferma tal-konformità tagħhom mal-Artikoli 28 u 29 tar-Regolament (UE) Nru 223/2014 abbażi tal-ħidma tal-awditjar imwettqa mill-awtorità tal-awditjar skont l-Artikolu 34 ta' dak ir-Regolament.

2.2	Informazzjoni relatata mal-monitoraġġ tal-korpi maħtura skont l-Artikolu 35(5) u (6) tar-Regolament (UE) Nru 223/2014.

2.3	Id-dati li minnhom japplika dan it-tibdil, id-dati tan-notifika tat-tibdil lill-awtorità tal-awditjar, kif ukoll l-impatt ta' dan it-tibdil fuq il-ħidma tal-awditjar għandhom jiġu indikati.

3.   TIBDIL FL-ISTRATEĠIJA TAL-AWDITJAR

Din it-taqsima għandha tinkludi l-informazzjoni li ġejja:

3.1	Dettalji ta' kwalunkwe tibdil li sar fl-istrateġija tal-awditjar, u spjegazzjoni tar-raġunijiet. B'mod partikolari, indika kwalunkwe bidla fil-metodu tal-kampjunar użat għall-awditu tal-operazzjonijiet (ara t-taqsima 5 iktar 'l isfel).

3.2

L-awtorità tal-awditjar tagħmel differenza bejn il-bidliet magħmula jew proposti fi stadju iktar tard, li ma jaffettwawx il-ħidma magħmula matul il-perjodu ta' referenza, u l-bidliet magħmula matul il-perjodu ta' referenza, li jaffettwaw il-ħidma tal-awditjar u r-riżultati. Huma inklużi biss il-bidliet imqabbla mal-verżjoni preċedenti tal-istrateġija tal-awditjar.

4.   AWDITI TAS-SISTEMA

Din it-taqsima għandha tinkludi l-informazzjoni li ġejja:

4.1

Dettalji tal-korpi li wettqu verifiki tas-sistemi (inkluża l-awtorità tal-awditjar innifisha), li wettqu awditjar fuq il-funzjonament tajjeb tas-sistema ta' ġestjoni u ta' kontroll tal-programm (kif stipulat fl-Artikolu 34(1) tar-Regolament (UE) Nru 223/2014) — minn hawn 'il quddiem “awditi tas-sistema”.

4.2

Deskrizzjoni tal-bażi għall-awditi mwetqa, inkluż referenza għall-istrateġija ta' awditjar applikabbli, b'mod iktar partikolari għall-metodoloġija tal-valutazzjoni tar-riskju u għar-riżultati li wasslu biex jiġi stabbilit il-pjan ta' awditu tas-sistemi. F'każ li l-valutazzjoni tar-riskju tkun ġiet aġġornata, dan għandu jiġi deskritt fit-taqsima 3 aktar 'il fuq li tkopri t-tibdil fl-istrateġija tal-awditjar.

4.3	Fir-rigward tat-tabella fit-taqsima 10.1 ħawn taħt, deskrizzjoni tas-sejbiet ewlenin u tal-konklużjonijiet miġbuda mill-awditi tas-sistema, inklużi l-awditi mmirati lejn oqsma tematiċi speċifiċi, kif definit fit-taqsima 3.2 tal-Anness II ta' dan ir-Regolament.

4.4	Indikazzjoni dwar jekk kwalunkwe problemi identifikati ġewx ikkonsidrati li huma ta' karattru sistemiku, u dwar il-miżuri meħuda, inkluża kwantifikazzjoni tan-nefqa irregolari u kwalunkwe korrezzjonijiet finanzjarji relatati, b'konformità mal-Artikolu 5(5) tar-Regolament Delegat (UE) Nru 532/2014.

4.5	Informazzjoni dwar is-segwitu tar-rakkomandazzjonijiet tal-awditjar minn verifiki tas-sistemi minn snin ta' kontabilità preċedenti.

4.6	Livell tal-assigurazzjoni miksub wara l-awditi tas-sistema (baxx/medju/għoli) u ġustifikazzjoni.

5.   AWDITI TAL-KAMPJUNI TAL-OPERAZZJONIJIET

Din it-taqsima għandha tinkludi l-informazzjoni li ġejja:

5.1	Indikazzjoni tal-korpi (inkluż l-awtorità tal-awditjar) li wettqu l-awditi tal-operazzjonijiet (kif stipulat fl-Artikolu 34(1) tar-Regolament (UE) Nru 223/2014 u fl-Artikolu 5 tar-Regolament Delegat (UE) Nru 532/2014).

5.2	Deskrizzjoni tal-metodoloġija tal-kampjunar applikata u informazzjoni dwar jekk il-metodoloġija hijiex konformi mal-istrateġija tal-awditjar.

5.3

Indikazzjoni tal-parametri użati għall-kampjunar statistiku tal-awditjar u spjegazzjoni tal-kalkoli sottostanti u tal-ġudizzju professjonali applikati. Il-parametri tal-kampjunar tal-awditjar jinkludu: il-livell limitu ta' materjalità, il-livell ta' kunfidenza, l-unità ta' kampjunar, ir-rata mistennija ta' żball, l-intervall tal-kampjunar, id-daqs tal-popolazzjoni, id-daqs tal-kampjun, informazzjoni dwar l-istratifikazzjoni (jekk applikabbli). Il-kalkoli sottostanti għall-għażla tal-kampjun u r-rata totali ta' żball (kif definit fl-Artikolu 6(14) tar-Regolament Delegat (UE) Nru 532/2014 huma żvelati fit-taqsima 10.3 aktar 'l isfel, f'format li jippermetti l-fehim tal-passi bażiċi meħuda, b'konformità mal-metodu ta' kampjunar speċifiku użat.

5.4

Rikonċiljazzjoni bejn in-nefqa totali ddikjarata f'EUR lill-Kummissjoni fir-rigward tas-sena ta' kontabilità u l-popolazzjoni minn fejn ittieħed il-kampjun każwali (il-kolonna “A” tat-tabella fit-taqsima 10.2 hawn taħt). Elementi li jirrikonċiljaw jinkludu elementi negattivi fejn saru korrezzjonjiet finanzjarji fir-rigward tas-sena ta' kontabilità.

5.5

Fejn hemm elementi negattivi ta' kampjuni, konferma li dawn ġew ittrattati bħala popolazzjoni separata skont l-Artikolu 6(7) tar-Regolament Delegat tal-Kummissjoni Nru (UE) 532/2014. Analiżi tar-riżultati ewlenin tal-awditi ta' dawn l-unitajiet, l-iktar li jiffukaw fuq il-verifika jekk id-deċiżjonijiet li jiġu applikati korrezzjonijiet finanzjarji (meħuda minn Stat Membru jew mill-Kummissjoni) ġewx irreġsitrati fil-kontijiet bħala rtirar jew irkupru.

5.6

Fil-każ tal-użu ta' kampjunar mhux statistiku, indika r-raġunijiet għall-użu tal-metodu bi qbil mal-Artikolu 34(1) tar-Regolament (UE) Nru 223/2014, il-perċentwal ta' operazzjonijiet/nefqa kopert permezz tal-awditi, il-passi meħuda sabiex tkun żgurata l-każwalità tal-kampjun (u għalhekk ir-rappreżentattività tiegħu) u sabiex ikun żgurat daqs suffiċjenti tal-kampjun li jippermetti lill-awtorità tal-awditjar li tfassal opinjoni ta' awditjar valida. F'każ ta' kampjunar mhux statistiku tiġi kkalkulata wkoll rata ta' żball ipproġettata.

5.7

Analiżi tar-riżultati prinċipali tal-awditi tal-operazzjonijiet, li jiddiskrivu n-numru ta' elementi tal-kampjun awditjati, l-ammont rispettiv u t-tipi (2) ta' żbalji skont l-operazzjoni, kif ukoll in-natura (3) tal-iżbalji misjuba, ir-rata ta' żbalji skont l-istratum u n-nuqqasijiet jew irregolaritajiet ewlenin, (4) il-limitu ta' fuq tar-rata tal-iżbalji (fejn applikabbli), il-kawżi ewlenin, il-miżuri korrettivi proposti, (inklużi dawk maħsuba biex jimmitigaw dawn l-iżbalji f'applikazzjonijiet ta' pagament sussegwenti) u l-impatt fuq l-opinjoni tal-awditjar. Fejn meħtieġ, ipprovdi spjegazzjonijiet ulterjuri fuq id-dejta ppreżentata fit-taqsimiet 10.2 u 10.3 hawn taħt, b'mod partikolari dik li tikkonċerna r-rata totali ta' żball.

5.8

Spjegazzjonijiet dwar il-korrezzjonijiet finanzjarji li jirrigwardaw is-sena ta' kontabilità kurrenti u implimentati mill-awtorità ta' ċertifikazzjoni/awtorità ta' ġestjoni qabel is-sottomissjoni tal-kontijiet finali lill-Kummissjoni, u li jirriżultaw mill-verifiki tal-operazzjonijiet, inklużi korrezzjonijiet b'rata fissa jew estrapolati, kif muri fit-tabella taħt it-taqsima 10.2 hawn taħt.

5.9	Paragun bejn ir-rata totali ta' żball u r-rata totali residwa ta' żball (5) (kif muri fit-taqsima 10.2 hawn taħt) bil-livell ta' materjalità stabbilit, sabiex ikun aċċertat jekk il-popolazzjoni hix materjalment iddikjarata b'mod żbaljat jew le u l-impatt fuq l-opinjoni tal-awditjar.

5.10	Informazzjoni dwar ir-riżultati tal-awditu tal-kampjun komplimentari (kif stabbilit fl-Artikolu 6(12) tar-Regolament Delegat (UE) Nru 532/2014), jekk ikun hemm.

5.11	Dettalji dwar jekk kwalunkwe problemi identifikati kinux ikkunsidrati li huma ta' natura sistemika, u dwar il-miżuri meħuda, inkluża kwantifikazzjoni tan-nefqa irregolari u kwalunkwe korrezzjonijiet finanzjarji relatati.

5.12	Informazzjoni dwar is-segwitu tar-riżultati ta' verifiki tal-operazzjonijiet li twettqu fi snin preċedenti, b'mod partikolari dwar nuqqasijiet ta' natura sistemika.

5.13	Konklużjonijiet miġbuda mir-riżultati globali tal-verifiki tal-operazzjonijiet fir-rigward tal-effettività tas-sistema ta' ġestjoni u ta' kontroll.

6.   AWDITJAR TAL-KONTIJIET

Din it-taqsima għandha tinkludi l-informazzjoni li ġejja:

6.1	Indikazzjoni tal-awtoritajiet/korpi li wettqu awditi tal-kontijiet.

6.2

Deskrizzjoni tal-approċċ ta' awditjar użat biex jivverifika l-elementi tal-kontijiet definiti fl-Artikolu 49 tar-Regolament (UE) Nru 223/2014. Din għandha tinkludi referenza għall-ħidma tal-awditjar imwettqa fil-kuntest ta' awditi tas-sistema (spjegati fit-taqsima 4 hawn fuq) u l-awditi tal-operazzjonijiet (spjegati fit-taqsima 5 hawn fuq) b'rilevanza għall-assigurazzjoni rikjesta fuq il-kontijiet.

6.3

Indikazzjoni tal-konklużjonijiet miġbuda mill-awditu fir-rigward tal-kompletezza, il-preċiżjoni u l-veraċità tal-kontijiet, inkluża indikazzjoni dwar il-korrezzjonijiet finanzjarji magħmula u riflessi fil-kontijiet bħala segwitu għar-riżultati tal-awditi tas-sistema u/jew tal-awditu fuq l-operazzjonijiet.

6.4	Indikazzjoni dwar jekk kwalunkwe problemi identifikati kinux meqjusa li huma ta' natura sistemika, u l-miżuri li ttieħdu.

7.   IL-KOORDINAZZJONI BEJN IL-KORPI TAL-AWDITJAR U L-ĦIDMA SUPERVIŻORJA MILL-AWTORITÀ TAL-AWDITJAR (fejn applikabbli)

Din it-taqsima għandha tinkludi l-informazzjoni li ġejja:

7.1	Deskrizzjoni tal-proċedura għall-koordinazzjoni bejn l-awtorità tal-awditjar nazzjonali u kwalunkwe korp tal-awditjar li jwettaq awditi kif previst fl-Artikolu 34(2) tar-Regolament (UE) Nru 223/2014, fejn xieraq.

7.2	Deskrizzjoni tal-proċedura għas-superviżjoni u għar-reviżjoni ta' kwalità applikati mill-awtorità tal-awditjar fuq tali korp/i tal-awditjar.

8.   INFORMAZZJONI OĦRA

Din it-taqsima għandha tinkludi l-informazzjoni li ġejja:

8.1

Fejn applikabbli, informazzjoni dwar frodi u suspetti ta' frodi rrappurtati miskjuba fil-kuntest tal-awditi mwettqa mill-awtorità ta' awditjar (inkluż il-każijiet irrappurtati minn korpi nazzjonali oħra jew korpi tal-Unjoni u relatati ma' operazzjonijiet awditjati mill-awtorità ta' awditjar), flimkien mal-miżuri meħuda.

8.2

Fejn applikabbli, avvenimenti sussegwenti li seħħew wara li ġew ippreżentati l-kontijiet lill-awtorità tal-awditjar u qabel it-trażmissjoni tar-rapport ta' kontroll annwali taħt l-Artikolu 34(5)(b) tar-Regolament (UE) Nru 223/2014 lill-Kummissjoni u kkunsidrati meta ġie stabbilit il-livell ta' assigurazzjoni u opinjoni mill-awtorità tal-awditjar.

9.   LIVELL ĠENERALI TA' ASSIGURAZZJONI

Din it-taqsima għandha tinkludi l-informazzjoni li ġejja:

9.1

Indikazzjoni tal-livell ġenerali tal-assigurazzjoni dwar il-funzjonament xieraq tas-sistema ta' ġestjoni u ta' kontroll (6), u spjegazzjoni dwar kif dan il-livell inkiseb mill-kombinazzjoni tar-riżultati tal-awditi tas-sistema (kif rifless fit-taqsima 10.2 hawn taħt) u awditi tal-operazzjonijiet (kif rifless fit-taqsima 10.3 hawn taħt). Fejn rilevanti, l-awtorità tal-awditjar tieħu inkonsiderazzjoni wkoll ir-riżultati ta' ħidma oħra tal-awditjar nazzjonali jew tal-Unjoni mwettqa fir-rigward tas-sena ta' kontabilità.

9.2	Il-valutazzjoni ta' kwalunkwe azzjonijiet ta' mitigazzjoni implimentati, bħalma huma korrezzjonijiet finanzjarji u l-valutazzjoni tal-ħtieġa ta' kwalunkwe miżuri korrettivi addizzjonali neċessarji, kemm minn perspettiva tas-sistema kif ukoll minn perspettiva finanzjarja..

10.   ANNESSI GĦAR-RAPPORT TA' KONTROLL ANNWALI

10.1.   Riżultati tal-awditi tas-sistemi:

Entità Awditjata

Titlu tal-awditu

Data tar-rapport tal-awditu

Programm Operazzjonali: [CCI u Isem tal-PO]

Valutazzjoni ġenerali (kategorija 1, 2, 3, 4) [kif definit fit-Tabella 2- Anness II tar-Regolament Delegat (UE) Nru 532/2014]

Kummenti

Ir-rekwiżiti ewlenin (kif applikabbli) [kif definit fit-Tabella 1 tal-Anness II tar-Regolament Delegat (UE) Nru 532/2014]

KR 1

KR 2

KR 3

KR 4

KR 5

KR 6

KR 7

KR 8

KR 9

KR 10

KR 11

KR 12

KR 13

MA

IB(s)

CA

Nota: Il-partijiet bil-griż fit-Tabella ta' hawn fuq jirreferu għal rekwiżiti ewlenin li mhumiex applikabbli għal entità awditjata.

10.2   Għal verifiki ta' operazzjonijiet:

Numru tal-Programm (CCI)	It-titolu tal-programm	A	B		C	D	E	F	G	H
		Ammont f'EUR li jikkorrispondi għall-popolazzjoni li minnha ttieħed il-kampjun  (7)	Nefqa b'referenza għas-sena ta' kontabilità awditjata għall-kampjun aleatorju		Ammont ta' nefqa irregolari fil-kampjun aleatorju	Rata totali ta' żball  (8)	Korrezzjonijiet implimentati bħala riżultat tar-rata totali ta' żball	Rata totali residwa ta' żball	Infiq ieħor awditjat  (9)	Ammont ta' nfiq irregolari f'infiq ieħor awditjat
			Ammont  (10)	%  (11)

10.3   Kalkoli sottostanti tal-għażla tal-kampjun aleatorju u tar-rata totali ta' żball ipproġettata

---

(1)  Kif definit fl-Artikolu 2(14) tar-Regolament (UE) Nru 223/2014.

(2)  Każwali, sistemiku, anomalu.

(3)  Pereżempju: eliġibilità, akkwist pubbliku.

(4)  Ir-rata ta' żball tal-istrat għandha tiġi żvelata meta l-istratifikazzjoni tkun ġiet applikata skont l-Artikolu 6(10) tar-Regolament Delegat (UE) Nru 532/2014, li jkopri sottopopolazzjonijiet b'karatteristiki simili, bħal operazzjonijiet li jikkonsistu f'kontribuzzjonijiet finanzjarji għal elementi ta' valur għoli.

(5)  Żbalji totali mingħajr il-korrezzjonijiet imsemmija fit-taqsima 5.8, diviżi bil-popolazzjoni totali.

(6)  Il-livell globali ta' aċċertament jikkorrispondi għal wieħed mill-erba' kategoriji definiti fit-Tabella 2 tal-Anness II tar-Regolament Delegat (UE) Nru 532/2014.

(7)  Il-kolonna “A” tirreferi għall-popolazzjoni li minnha ttieħed il-kampjun aleatorju, jiġifieri l-ammont totali ta' nefqa pubblika eliġibbli mdaħħla fis-sistema ta' kontabilità tal-awtorità ta' ċertifikazzjoni li ġiet inkluża f'applikazzjonijiet ta' pagament ippreżentati lill-Kummissjoni (kif stabbilit permezz tal-Artikolu 49(1)(a) tar-Regolament (UE) Nru 223/2014), wara li jitneħħew l-unitajiet ta' kampjunar negattivi, jekk ikun hemm. Fejn applikabbli, se jingħataw spjegazzjonijiet fit-taqsima 5.4.

(8)  Ir-rata totali ta' żball hija kkalkulata qabel ma jiġu applikati kwalunkwe korrezzjonijiet finanzjarji b'rabta mal-kampjun awditjat, jew b'rabta mal-popolazzjoni li minnha jkun ittieħed il-kampjun aleotorju. Meta l-kampjun aleotorju jkopri aktar minn Fond jew programm wieħed, ir-rata totali ta' żball (ikkalkulata) ippreżentata fil-kolonna “D” tikkonċerna l-popolazzjoni kollha. Fejn tintuża stratifikazzjoni, fit-taqsima 5.7 għandha tiġi pprovduta informazzjoni ulterjuri skont l-istrat.

(9)  Fejn applikabbli, il-kolonna “G” tirreferi għan-nefqa awditjata fil-kuntest ta' kampjun kumplimentari.

(10)  Ammont tan-nefqa awditjata (f'każ li jiġi applikat is-sottokampjunar skont l-Artikolu 6(9) tar-Regolament Delegat (UE) Nru 532/2014, huwa biss l-ammont tal-unitajiet ta' nefqa awditjati b'mod effettiv skont l-Artikolu 5 ta' dak ir-Regolament Delegat li għandhom jiġu inkjlużi f'din il-kolonna).

(11)  Perċentwal tan-nefqa awditjata fir-rigward tal-popolazzjoni.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	MA	159,2
	ZZ	159,2
0709 93 10	TR	124,7
	ZZ	124,7
0805 50 10	AR	127,9
	BO	146,4
	CL	160,0
	TR	109,0
	UY	125,7
	ZA	149,7
	ZZ	136,5
0806 10 10	EG	290,0
	MA	158,2
	TR	116,3
	ZZ	188,2
0808 10 80	AR	108,9
	BR	89,0
	CL	142,0
	NZ	137,8
	US	162,6
	ZA	123,1
	ZZ	127,2
0808 30 90	AR	112,9
	CL	136,5
	CN	95,2
	MK	62,9
	NZ	146,7
	TR	140,8
	ZA	115,9
	ZZ	115,8
0809 30 10 , 0809 30 90	MK	76,3
	TR	134,9
	ZZ	105,6
0809 40 05	BA	46,7
	IL	141,4
	MK	39,3
	XS	57,7
	ZZ	71,3

---

(1)  In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.

ANNESS

Fir-rigward tar-Regoli ta' Proċedura għall-Konferenza tal-Istati Partijiet għat-Trattat dwar il-Kummerċ tal-Armi (“l-ATT”) li għandhom jiġu adottati fl-ewwel sessjoni tal-Konferenza fl-24-27 ta' Awwissu 2015 fil-Messiku, l-Istati Membri li huma Stati Partijiet għall-ATT, li jaġixxu b'mod konġunt fl-interess tal-Unjoni, għandhom jagħmlu l-aħjar li jistgħu biex jiżguraw li l-interessi tal-Unjoni jiġu preservati u salvagwardjati b'mod adegwat fl-adozzjoni tar-Regoli ta' Proċedura fl-ewwel Konferenza tal-Istati Partijiet għall-ATT. B'mod partikolari, l-Istati Membri għandhom jagħmlu mill-aħjar li jistgħu biex jiżguraw li r-Regoli ta' Proċedura jippermettu li l-interessi tal-Unjoni jiġu preservati u salvagwardjati b'mod adegwat fid-deċiżjonijiet tal-Konferenzi tal-Istati Partijiet.