ISSN 1977-074X |
||
Il-Ġurnal Uffiċjali tal-Unjoni Ewropea |
L 183 |
|
Edizzjoni bil-Malti |
Leġiżlazzjoni |
Volum 58 |
Werrej |
|
II Atti mhux leġiżlattivi |
Paġna |
|
|
DEĊIŻJONIJIET |
|
|
* |
Deċiżjoni tal-Kummissjoni (UE) 2015/1091 tad-9 ta' Lulju 2014 dwar il-miżuri SA.34191 (2012/C) (ex 2012/NN) (ex 2012/CP) implimentati mil-Latvja għal A/S Air Baltic Corporation (airBaltic) (notifikata bid-dokument C(2014) 4552) ( 1 ) |
|
|
* |
Deċiżjoni tal-Kummissjoni (UE) 2015/1092 tat-23 ta' Lulju 2014 dwar l-għajnuna mill-Istat SA.34824 (2012/C), SA.36007 (2013/NN) SA.36658 (2014/NN), SA.37156 (2014/NN), SA.34534 (2012/NN) implimentata mill-Greċja għall-Grupp National Bank of Greece relatata ma': |
|
|
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI |
|
|
* |
|
|
|
(1) Test b'rilevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
DEĊIŻJONIJIET
10.7.2015 |
MT |
Il-Ġurnal Uffiċjali tal-Unjoni Ewropea |
L 183/1 |
DEĊIŻJONI TAL-KUMMISSJONI (UE) 2015/1091
tad-9 ta' Lulju 2014
dwar il-miżuri SA.34191 (2012/C) (ex 2012/NN) (ex 2012/CP) implimentati mil-Latvja għal A/S Air Baltic Corporation (airBaltic)
(notifikata bid-dokument C(2014) 4552)
(It-test bl-Ingliż biss huwa awtentika)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b'mod partikolari l-Artikolu 62(1)(a) tiegħu,
Wara li kkunsidrat id-deċiżjoni li permezz tagħha l-Kummissjoni ddeċidiet li tibda l-proċedura stipulata fl-Artikolu 108(2) tat-Trattat dwar il-Funzjonament tal-Unjoni Ewropea, fir-rigward tal-għajnuna SA.34191 (2012/C) (ex 2012/NN) (ex 2012/CP), (1)
Wara li stiednet lill-partijiet interessati biex jissottomettu l-kummenti tagħhom skont id-dispożizzjonijiet iċċitati hawn fuq u wara li kkunsidrat il-kummenti tagħhom,
Billi:
1. PROĊEDURA
1.1. IL-PRE-NOTIFIKA — SA.33799 (2011/PN)
(1) |
Permezz tan-notifika SANI Nruo6332 tat-18 ta' Ottubru 2011, irreġistrata fl-20 ta' Ottubru 2011, il-Latvja nnotifikat minn qabel lill-Kummissjoni self ta' LVL 16-il miljun (EUR 22,65 miljuni) (2) favur il-Korporazzjoni A/S Air Baltic (“airBaltic” jew “il-kumpanija”). L-awtoritajiet Latvjani kienu tal-fehma li s-self ma kienx jikkostitwixxi għajnuna mill-Istat iżda madankollu xorta nnotifikatu minn qabel għal raġunijiet ta' ċertezza u trasparenza legali. Din il-pre-notifika kienet irreġistrata bin-numru ta' referenza SA.33799 (2011/PN). |
(2) |
Fis-27 ta' Ottubru 2011, saret laqgħa mal-awtoritajiet Latvjani u l-konsulenti tagħhom, li warajha l-awtoritajiet Latvjani ssottomettew informazzjoni supplimentari permezz ta' ittra tas-7 ta' Novembru 2011. Il-Kummissjoni talbet informazzjoni addizzjonali permezz tal-posta elettronika tas-16 ta' Novembru 2011, is-17 ta' Novembru 2011, l-1 ta' Diċembru 2011, u d-9 ta' Diċembru 2011, li għalihom l-awtoritajiet Latvjani rrispondew rispettivament permezz tal-posta elettronika tas-16 ta' Novembru 2011, it-22 ta' Novembru 2011, is-7 ta' Diċembru 2011, u t-13 ta' Diċembru 2011. |
(3) |
Fl-4 ta' Jannar 2012, il-Latvja ssottomettiet informazzjoni addizzjonali u spjegat li s-self ta' LVL 16-il miljun — imsemmi fil-paragrafu 1.1 hawn fuq — kien diġà ngħata lill-kumpanija fil-21 ta' Ottubru 2011 mingħajr l-awtorizzazzjoni minn qabel tal-Kummissjoni. Barra minn hekk, fit-13 ta' Diċembru 2011, l-Istat tal-Latvja ddeċieda li jżid il-kapital tal-kumpanija u fl-14 ta' Diċembru 2011 ta t-tieni self lill-airBaltic. |
(4) |
Fid-dawl tal-fatt li l-miżura ngħatat lill-kumpanija u ta' lment li wasal fid-9 ta' Jannar 2012 (ara t-taqsima 1.2 hawn taħt), l-awtoritajiet Latvjani rtiraw il-pre-notifika tagħhom permezz tal-posta elettronika tal-21 ta' Frar 2012. Il-każ ta' għajnuna mill-istat SA.33799 (2011/PN) kien amministrattivament magħluq fis-27 ta' Frar 2012. |
1.2. L-ILMENTI — SA.34191 (2012/C) (ex 2012/NN) (ex 2012/CP)
(5) |
Fid-9 ta' Jannar 2012, il-Kummissjoni rċeviet ilment imressaq minn kumpanija privata SIA Baltijas aviācijas sistēmas (“BAS” jew “l-ilmentatur”), eks azzjonist tal-airBaltic, fir-rigward ta' numru ta' miżuri allegatament ipprovduti lill-airBaltic mill-Istat tal-Latvja. |
(6) |
Permezz tal-ittra tat-23 ta' Jannar 2012, il-Kummissjoni bagħtet l-ilment għal kummenti lil-Latvja, li rrispondiet fit-13 ta' Marzu 2012. Permezz tal-ittra tal-14 ta' Mejju 2012, il-Kummissjoni talbet informazzjoni addizzjonali mil-Latvja, li ġiet ipprovduta fis-16 ta' Lulju 2012. |
(7) |
Permezz tal-ittra tat-18 ta' Lulju 2012, irreġistrata fl-20 ta' Lulju 2012, il-Kummissjoni rċeviet ilment ġdid mis-Sa Inga Piterniece, eks membru tal-bord tal-BAS, rigward miżura addizzjonali allegatament mogħtija mill-Istat tal-Latvja lill-airBaltic. Permezz tal-posta elettronika tal-24 ta' Lulju 2012, il-Kummissjoni bagħtet l-ilment ġdid għall-kummenti lil-Latvja, li wieġbet fit-22 ta' Awwissu u l-4 ta' Settembru 2012. |
(8) |
Il-laqgħat mal-awtoritajiet Latvjani, il-konsulenti tagħhom u r-rappreżentanti tal-airBaltic saru fil-5 ta' Lulju u s-17 ta' Awwissu 2012. |
(9) |
Permezz tal-ittra ddatata 20 ta' Novembru 2012, il-Kummissjoni infurmat lil-Latvja li kienet iddeċidiet li tibda l-proċedura stabbilita fl-Artikolu 108(2) tat-Trattat dwar il-Funzjonament tal-Unjoni Ewropea (“TFUE”) fir-rigward tal-għajnuna (“id-deċiżjoni tal-ftuħ”). Il-Latvja ssottomettiet kummenti dwar id-deċiżjoni tal-ftuħ permezz tal-ittra ddatata 23 ta' Jannar 2013. Il-Kummissjoni talbet informazzjoni lil-Latvja permezz tal-ittra tas-6 ta' Marzu 2013, li ngħatat risposta għaliha fit-8 ta' April 2013. Barra minn hekk, saret laqgħa mal-awtoritajiet Latvjani fil-25 ta' Ġunju 2013, li warajha l-Latvja ssottomettiet informazzjoni addizzjonali fl-14 ta' Awwissu, it-18 ta' Settembru, id-9 u l-25 ta' Ottubru 2013. Laqgħat addizzjonali mal-awtoritajiet Latvjani u r-rappreżentanti legali tagħhom saru fit-22 ta' Ottubru u t-22 ta' Novembru 2013, kif ukoll fl-10 ta' Jannar 2014. Il-Latvja ssottomettiet informazzjoni addizzjonali fis-7 u t-8 ta' Novembru, it-2, it-13 u l-20 ta' Diċembru 2013, u fit-28 u l-31 ta' Jannar, it-28 ta' Frar, l-24 u s-26 ta' Marzu, id-9 ta' April u s-16 ta' Mejju 2014. |
(10) |
Id-deċiżjoni tal-Kummissjoni li tibda l-proċedura ġiet ippubblikata f'Il-Ġurnal Uffiċjali tal-Unjoni Ewropea (3) fit-8 ta' Marzu 2013. Il-Kummissjoni stiednet lill-partijiet interessati biex jippreżentaw il-kummenti tagħhom dwar il-miżuri. |
(11) |
Il-Kummissjoni rċeviet osservazzjonijiet mir-Ryanair u l-airBaltic, kif ukoll mingħand tliet individwi f'isem il-kredituri tal-airBaltic (FLS, AB Jet u Eurobalt Junipro). Il-Kummissjoni għaddiet dawn l-osservazzjonijiet lil-Latvja, li ngħatat l-opportunità li tagħti r-risposta tagħha; il-kummenti tal-Latvja waslu permezz ta' ittra tas-27 ta' Mejju 2013. |
(12) |
Permezz tal-ittra ddatata 4 ta' Lulju 2014, il-Latvja qablet li tirrinunzja għad-drittijiet tagħha derivati mill-Artikolu 342 TFUE flimkien mal-Artikolu 3 tar-Regolament (KE) Nru 1/1958 u li din id-deċiżjoni tiġi adottata u nnotifikata bl-Ingliż. |
2. IS-SUQ TAT-TRASPORT BL-AJRU TAL-LATVJA
(13) |
Is-suq tat-trasport bl-ajru tal-Latvja espanda b'mod mgħaġġel minn mindu l-Latvja ngħaqdet mal-UE. Bejn l-2003 u l-2007, il-medja annwali tat-tkabbir tal-passiġġieri fl-Ajruport Internazzjonali ta' Riga — inklużi passiġġieri minn punt għal ieħor u passiġġieri fi tranżitu — laħqet 47 %, jiġifieri minn madwar 700 000 passiġġier fl-2003, għaddiet għal 3,2 miljuni fl-2007. Id-dħul ta' trasportaturi bi prezz baxx, speċjalment ir-Ryanair, ikkontribwixxa għat-tkabbir tas-suq peress li nħolqot domanda ġdida sostanzjali bil-ftuħ ta' rotot ġodda. |
(14) |
Il-kriżi ekonomika globali tal-2008-2009 laqtet ħażin ħafna t-tkabbir ekonomiku tal-Latvja u konsegwentement is-suq tat-trasport bl-ajru tagħha. Bħala riżultat tal-kriżi, in-numru ta' passiġġieri minn punt għal ieħor fil-Latvja naqas minn 3,2 miljuni fl-2008 għal 2,7 miljuni fl-2009, għalkemm in-numru totali ta' passiġġieri kompla jikber permezz tat-trasferiment tal-passiġġieri. |
(15) |
Mill-2010, issokta t-tkabbir ġenerali tas-suq, u dan laħaq medja ta'tkabbir annwali ta' 12 %. Filwaqt li s-suq tal-passiġġieri minn punt għal ieħor żdied b'medja ta' 9 % fis-sena, iż-żieda fis-suq tat-trasferiment tal-passiġġieri laħaq it-18 % fis-sena. Fil-futur, huwa mistenni li s-suq tal-Latvja tat-trasport tal-passiġġieri bl-ajru sejjer ikompli jikber bir-rata ta' tkabbir annwali ta' % bejn l-2012 u l-2015. |
(16) |
L-ajruport Internazzjonali ta' Riga jinsab fuq quddiem nett fir-reġjun Baltiku. Fl-2011, madwar 5,1 miljun passiġġier ivvjaġġaw minn/lejn Riga, meta mqabbel mal-1,9 miljun passiġġier li vvjaġġaw minn/lejn Tallinn u 1,7 miljun passiġġier li vvjaġġaw minn/lejn Vilnius. Fl-2011, l-airBaltic trasportat 66 % tal-passiġġieri li jtiru minn Riga, filwaqt li r-Ryanair, it-tieni l-ikbar operatur u l-kompetitur ewlieni tal-airBaltic, ittrasporat 20 %. 15-il kumpanija oħra joperaw minn/lejn Riga (fornituri ta' servizz komplut u trasportaturi bi prezz baxx) u dawn jammontaw għal 14 % tal-passiġġieri kollha. (4) |
3. IL-BENEFIĊJARJU
(17) |
L-airBaltic twaqqfet fl-1995 permezz ta' impriża konġunta bejn Scandinavian Airlines SAS u l-Istat Latvjan. F'Jannar 2009, SAS biegħet is-sehem kollu tagħha fil-kumpanija (47,2 %) lil BAS. |
(18) |
Mill-informazzjoni ppubblikata mill-istampa jidher li BAS twaqqfet bħala kumpanija privata li hija proprjetà sħiħa tas-Sur Bertolt Flick sa Diċembru 2010, meta 50 % tal-ishma tagħha ġew ittrasferiti lill-kumpanija rreġistrata l-Bahamas Taurus Asset Management Fund Ltd (“Taurus”). (5) |
(19) |
Minn Ottubru 2011, l-azzjonisti tal-airBaltic kienu l-Istat tal-Latvja — permezz tal-Ministeru tat-Trasport — b'52,6 % tal-ishma u BAS b'47,2 %, il-kumplament (0,2 %) kienu tal-linja tal-ajru Russa Transaero. F'dak iż-żmien, il-President u l-Kap Eżekuttiv tal-airBaltic kien is-Sur Bertolt Flick. Mill-1 ta' Novembru 2011, il-Kap Eżekuttiv tal-airBaltic huwa s-Sur Martin Gauss, eks Kap Eżekuttiv ta' Malév. |
(20) |
Abbażi tal-informazzjoni pprovduta mill-awtoritajiet Latvjani, jidher li BAS kienet rahnet is-47,2 % tal-ishma tagħha fl-airBaltic bħala kollateral lil Latvijas Krājbanka, is-sussidjarja Latvjana tal-bank Litwan Snoras (6). Fis-16 ta' Novembru 2011, Snoras ikkollassa u ġie nazzjonalizzat. (7) Fis-17 ta' Novembru 2011, il-Kummissjoni Finanzjarja u tas-Swieq Kapitali tal-Latvja (“FCMC”) ordnat limitazzjoni tal-operazzjonijiet bankarji ta' Latvijas Krājbanka li jaqbżu l-EUR 100 000. (8) B'ordni mill-FCMC tal-21 ta' Novembru 2011, l-operazzjonijiet ta' Latvijas Krājbanka ġew sospiżi u nħatar maniġment ta' trustees. (9) |
(21) |
Skont l-informazzjoni pprovduta, jidher li l-BAS kienet inadempjenti fuq xi obbligi finanzjarji tagħha lejn Latvijas Krājbanka. Bħala riżultat, fit-30 ta' Novembru 2011, Latvijas Krājbanka biegħet l-ishma kollha minbarra sehem wieħed li qabel kienu tal-BAS lill-Ministeru tat-Trasport għall-valur nominali tagħhom, li jlaħħqu t-total ta' LVL 224 453 (EUR 317 787). (10) Bħala riżultat, l-ishma tal-Latvja fl-airBaltic żdiedu għal 99,8 %, filwaqt li l-BAS żammet sehem wieħed biss. |
(22) |
Mill-istampa jidher ukoll li l-azzjonisti tal-BAS rahnu wkoll l-ishma tagħhom fil-BAS bħala sigurtà ma' Latvijas Krājbanka. (11) Fis-6 ta' Frar 2012, fil-kuntest tal-proċeduri tal-insolvenza relatati mal-BAS, (12) sussidjarja ta' Latvijas Krājbanka ħadet l-ishma tal-BAS mill-azzjonisti preċedenti tagħha u ħatret maniġment ġdid. |
(23) |
Fl-aħħar nett jidher li fit-8 ta' Ġunju 2012, l-Istat Latvjan xtara mill-BAS l-uniku sehem tagħha fl-airBaltic għal LVL 1. Għalhekk, minn din id-data, il-BAS ma baqgħetx azzjonist tal-airBaltic. (13) |
(24) |
Fir-rigward tas-sitwazzjoni finanzjarja tal-airBaltic, l-awtoritajiet Latvjani spjegaw li d-diffikultajiet tal-kumpanija bdew fl-2008, minħabba r-reċessjoni ekonomika globali u ż-żieda qawwija fil-prezz taż-żejt. Bħala riżultat, fl-2008 l-airBaltic kellha telf ta' LVL 28 miljun (EUR 39,64 miljuni). Madankollu, fl-2009 il-kumpanija reġgħet lura għal profit ta' LVL 14-il miljun (EUR 19,82 miljuni). (14) Fl-2010, l-airBaltic reġgħet għamlet telf ta' LVL 34,2 miljuni (EUR 48,42 miljuni). F'Ġunju 2011, il-Ministru tal-Ekonomija tal-Latvja qal li l-airBaltic operat b'telf ta' LVL 18-il miljun (EUR 25,48 miljuni) fl-ewwel ħames xhur tal-2011 u kienet viċin li tfalli. (15) Fil-21 ta' Settembru 2011, l-airBaltic għamlet talba għal protezzjoni ġuridika mill-kredituri tagħha. (16) Ir-riżultati awditjati tal-2011 urew telf ta' LVL 83,5 miljuni (EUR 118,22 miljuni). |
(25) |
Fis-27 ta' Awwissu 2012, il-Latvja ppubblikat stedina għal investituri potenzjali biex jesprimu l-interess tagħhom biex jakkwistaw 50 % tal-voti minbarra vot wieħed tal-kapital tal-airBaltic, (*) għalkemm ma ġewx esklużi tranżazzjonijiet ta' natura differenti. Il-kriterji ewlenin sabiex jintgħażel investitur sejrin ikunu l-kapaċità li jiġi appoġġjat l-iżvilupp tal-airBaltic, ir-reputazzjoni u l-esperjenza tal-investitur kif ukoll ir-riżorsi finanzjarji tiegħu. Il-proċess huwa mmirat li jiġi konkluż fl-2014. |
4. DESKRIZZJONI TAL-MIŻURI
4.1. IL-FTEHIM TAT-3 TA' OTTUBRU 2011: L-EWWEL SELF MILL-ISTAT U S-SELF MILL-BAS
(26) |
Abbażi tal-ftehim iddatat 3 ta' Ottubru 2011 (“il-Ftehim”), il-Latvja qablet li tipprovdi lill-airBaltic b'self ta' LVL 16-il miljun (EUR 22,65 miljuni) (“l-ewwel self mill-Istat”, miżura 1) flimkien ma' self ieħor ta' LVL 14-il miljun (EUR 19,82 miljuni) mill-BAS (“is-self mill-BAS”). Il-kundizzjonijiet taż-żewġ selfiet kienu relatati u identiċi, u r-rata tal-imgħaxinizjali ġiet stabbilita fil-livell ta' [11 — 13] (17) %. Madankollu, fiż-żmien meta ngħata s-self lill-airBaltic, il-BAS irrinunzjat għad-dritt tagħha li jkollha s-self mill-BAS kollateralizzat. |
(27) |
Il-Ftehim stipula wkoll li sa mhux iktar tard mill-15 ta' Diċembru 2011, l-Istat jagħti self ieħor lill-airBaltic ta' ammont mhux determinat bi proporzjon għad-drittijiet ta' votazzjoni tiegħu, bl-istess kundizzjonijiet tal-ewwel self mill-Istat. Iż-żewġ selfiet mill-Istat kellhom jiġu kapitalizzati jekk jiġu ssodisfati numru ta' kundizzjonijiet, li fosthom hemm l-approvazzjoni mill-bord tal-airBaltic ta' pjan ta' negozju/ristrutturar. |
(28) |
L-Artikolu 7 tal-Ftehim stipula l-kundizzjonijiet għaż-żieda fil-kapital tal-airBaltic fil-futur. B'mod partikolari, l-Artikolu 7.3 jgħid li “is-self mill-Istat u s-self mill-BAS […] jista' jiżdied mas-somma li għandha tiġi kapitalizzata”. Skont l-Artikolu 7.4, il-BAS impenjat ruħha li tivvota għall-kapitalizzazzjoni tas-self u għaż-żieda fil-kapital. F'każ li l-BAS ma tissodisfax l-impenji tagħha, l-Artikolu 7.4 ipprovda lill-Istat id-dritt li jixtri mill-BAS, l-ishma tagħha fl-airBaltic għal LVL 1. (18) |
(29) |
Il-Latvja tat l-ewwel self mill-Istat lill-airBaltic fil-21 ta' Ottubru 2011 (ara l-premessa 3 hawn fuq). Il-BAS tat is-self mill-BAS fl-1 ta' Novembru 2011. |
(30) |
Fit-13 ta' Diċembru 2011, ladarba l-ishma tal-Latvja fl-airBaltic kienu żdiedu għal 99,8 % (ara l-premessa 21 hawn fuq), il-Gvern tal-Latvja ddeċieda li jawtorizza rata tal-imgħax imnaqqsa għall-ewwel self mill-Istat minn [11 — 13] % għal [2 — 4] %. Minħabba li l-ewwel self mill-Istat u s-self mill-BAS kienu marbuta (ara l-premess 26 hawn fuq), l-istess tnaqqis fir-rata tal-imgħax kien applikat għal dan tal-aħħar. |
4.2. IT-TIENI SELF MILL-ISTAT TAT-13 TA' DIĊEMBRU 2011
(31) |
Fit-13 ta' Diċembru 2011, fl-istess żmien tat-tnaqqis tar-rata tal-imgħax tal-ewwel self mill-Istat (ara l-premessa 30 hawn fuq), il-Gvern tal-Latvja ddeċieda li jagħti self konvertibbli lill-airBaltic ta' LVL 67 miljun (EUR 94,86 miljuni) b'rata tal-imgħax ta' [9 — 11] % diviż f'żewġ segmenti (“it-tieni self mill-Istat”, miżura 2). (19) |
(32) |
L-ewwel segment tat-tieni self mill-Istat ta' LVL 41,6 miljuni (EUR 58,89 miljuni) sar disponibbli immedjatament għall-Baltic bi ftehim tal-14 ta' Diċembru 2011. It-tieni segment ta' LVL 25,4 miljuni (EUR 35,96 miljuni) sar disponibbli għall-kumpanija fl-14 ta' Diċembru 2012, jiġifieri wara li l-Kummissjoni adottat id-deċiżjoni tal-ftuħ tagħha. |
4.3. ŻIEDA FIL-KAPITAL TAL-AIRBALTIC MIFTIEHMA FIT-22 TA' DIĊEMBRU 2011
(33) |
Matul il-laqgħa tal-azzjonisti tal-airBaltic tat-22 ta' Diċembru 2011, l-Istat tal-Latvja u l-BAS — minkejja li dak iż-żmien kellha sehem wieħed biss fil-kumpanija — qablu li jżidu l-kapital b'LVL 110 miljuni (EUR 155,74 miljuni) (“iż-żieda fil-kapital”, miżura 3). Dan kellu jintlaħaq permezz tal-konverżjoni f'kapital tal-ewwel self mill-Istat, l-ewwel segment tat-tieni self mill-Istat, u s-self mill-BAS, flimkien ma' kontribuzzjoni fi flus mill-BAS ta' LVL 37,7 miljuni (EUR 53,38 miljuni). |
(34) |
L-Istat tal-Latvja eżeġwixxa d-deċiżjoni tiegħu biex jipparteċipa fiż-żieda fil-kapital tal-airBaltic fid-29 ta' Diċembru 2011 u pproċeda biex jikkonverti f'kapital l-ewwel self mill-Istat u l-ewwel segment tat-tieni self mill-Istat. |
(35) |
Permezz tal-ittra tal-4 ta' Jannar 2012, il-Ministeru tat-Trasport tal-Latvja talab li l-BAS tipparteċipa fiż-żieda fil-kapital billi tikkonverti s-self mill-BAS u billi tinjetta l-flus. Minkejja t-talbiet tal-awtoritajiet Latvjani, il-BAS ma dehritx li kellha rieda biex tissodisfa l-ftehim milħuq fil-laqgħa tal-azzjonisti. Tabilħaqq, permezz tal-ittri ddatati mis-6 sas-26 ta' Jannar 2012, il-BAS ikkontestat l-akkwist tal-Istat minn Latvijas Krājbanka tal-ishma tal-airBaltic li l-BAS kellha qabel (ara l-premessa 21 hawn fuq) u talbet li l-Istat ma jadottax deċiżjonijiet dwar bidliet fil-kapital tal-airBaltic. Fid-19 ta' Jannar 2012, l-FCMC ħarġet projbizzjoni formali lill-BAS u lill-airBaltic dwar l-inklużjoni tas-self mill-BAS bħala parti miż-żieda fil-kapital. |
(36) |
Sat-30 ta' Jannar 2012, jiġifieri t-tmiem tal-ewwel stadju tal-perjodu ta' implimentazzjoni tas-sottoskrizzjoni għaż-żieda fil-kapital, il-BAS kienet la kkonvertit is-self tagħha u lanqas injettat il-flus. |
4.4. L-ILMENT MILL-BAS U L-AVVENIMENTI SUSSEGWENTI
(37) |
L-ilment ippreżentat lill-Kummissjoni fid-9 ta' Jannar 2012 kien jikkonċerna l-ewwel u t-tieni self mill-Istat kif ukoll iż-żieda fil-kapital. Barra minn hekk, il-BAS ilmentat dwar żewġ miżuri oħra li potenzjalment jikkostitwixxu għajnuna lill-airBaltic, jiġifieri l-akkwist mill-Istat ta' bonds ta' kupun ta' 0 % mill-airBaltic f'April 2010 (miżura 4) u l-ħlas ta' EUR 2,8 miljuni minn Latvijas Krājbanka lill-airBaltic fil-21 u t- 22 ta' Novembru 2011 (miżura 5). |
(38) |
Il-Latvja spjegat li l-miżura 4 tinkludi l-akkwist ta' LVL 30 miljun (EUR 42,47 miljuni) ta' bonds ta' kupun ta' 0 % mill-airBaltic mill-maġġoranza tal-azzjonisti fl-airBaltic dak iż-żmien, jiġifieri, l-Istat tal-Latvja u l-BAS. Il-parti korrispondenti għal-Latvja ma kinitx sottoskritta direttament mill-Ministeru tat-Trasport — is-sid reali tal-ishma tal-airBaltic — iżda mir-Radju u ċ-Ċentru tat-Televiżjoni tal-Istat tal-Latvja (“LVRTC”), kumpanija 100 % tal-Istat. Il-bonds kienu akkwistati b'valur nominali ta' LVL 1 kull waħda u ma kellhom ebda mgħax, u nxtraw mil-Latvja u l-BAS bi proporzjon għall-ishma tagħhom. Dan jirriżulta fl-akkwist min-naħa tal-Istat tal-Latvja ta' bonds b'imgħax ta' 0 % mingħand l-airBaltic f'ammont ta' madwar LVL 15,78 miljuni (EUR 22,34 miljuni) u l-akkwist ta' madwar LVL 14,22 miljuni (EUR 20,13 miljuni) min-naħa tal-BAS. Il-bonds għandhom jiġu kkonvertiti f'kapital fl-1 ta' Lulju 2015, bir-rata ta' sehem wieħed għal kull bond. |
(39) |
Fir-rigward tal-miżura 5, l-awtoritajiet Latvjani spjegaw li ma sar ebda pagament lill-airBaltic fil-21 u t-22 ta' Novembru 2011 kif allegat mill-ilmentatur. Madankollu, l-airBaltic issottomettiet tliet ordnijiet ta' ħlas lil-Latvijas Krājbanka qabel id-deċiżjonijiet tal-FCMC tas-17 ta' Novembru 2011 sabiex tillimita l-operazzjonijiet bankarji ta' iktar minn EUR 100 000 u sabiex twaqqaf l-operazzjonijiet kollha ta' Latvijas Krājbanka fil-21 ta' Novembru 2011 (ara l-premessa 20 hawn fuq). Dawn l-ordnijiet ġew eżegwiti minn Latvijas Krājbanka jiem wara. B'mod partikolari, l-operazzjonijiet inkwistjoni kienu żewġ pagamenti ta' USD […] miljuni lill-IATA Clearing House u ta' EUR […] miljuni lill-Ajruport Internazzjonali ta' Riga li saru fil-25 ta' Novembru 2011, u trasferiment ta' EUR […] miljuni lejn kont bankarju alternattiv tal-airBaltic fi Swedbank fit-30 ta' Novembru 2011. |
4.4.1. Il-pjan ta' “riForma” ta' Marzu 2012
(40) |
F'Marzu 2012, l-airBaltic adottat pjan imsejjaħ “riForma”. Il-pjan jipprevedi numru ta' miżuri, inkluż ix-xiri ta' ajruplani iktar effiċjenti (20) u l-għeluq ta' ċerti rotot, li jippermetti lill-kumpanija biex ikollha ekwilibriju fl-2014 fix-xenarji realistiċi u ottimisti. Madankollu, f'xenarju pessimist, l- l-EBIT tal-airBaltic ikun tal-inqas negattiv sal-2016. |
(41) |
Il-pjan ta' riForma jipprevedi li minbarra l-LVL 83 miljun (EUR 117,51 miljuni) diġà impenjati lill-kumpanija, (21) sejjer ikun meħtieġ finanzjament addizzjonali ta' LVL [45 — 55] miljun (EUR [64 — 78] miljun) […] f'xenarju realistiku. Dan l-ammont jonqos għal LVL [5 — 15]-il miljun (EUR [7 — 21] miljun) fix-xenarju ottimist iżda jiżdied għal LVL [135 — 145] miljun (EUR [192 — 206] miljuni) f'xenarju pessimist. |
4.5. L-ILMENT TAT-18 TA' LULJU 2012
(42) |
Minbarra l-Latvja u l-BAS, numru ta' investituri oħra kienu wkoll partijiet mill-Ftehim. Dawn l-investituri qablu li jagħtu żewġ selfiet sindikati lill-airBaltic ta' EUR 35 miljun kull wieħed b'rata tal-imgħax inizjali ta'[5 — 7] %. L-ewwel self sindikat kellu suppost li jiġi pprovdut minn Latvijas Krājbanka u l-bank tal-Litwanja Snoras. It-tieni self sindikat kellu suppost jiġi pprovdut minn diversi kumpaniji, fosthom Taurus. Dawn is-selfiet sindikati kellhom jingħataw sabiex jiġu sostitwiti diversi pretensjonijiet li dawk l-investituri privati kellhom kontra l-airBaltic. F'każ li l-BAS ma tissodisfax l-impenji tagħha skont dan il-Ftehim, b'konformità mal-Artikolu 7.4 tiegħu, l-investituri li kellhom jagħtu lill-airBaltic it-tieni (2) self sindikat — inkluż l-azzjonist tal-BAS Taurus — qablu li “jassenjaw u jagħtu lura lill-Istat jew lill-kumpanija nnominata tiegħu għas-somma ta' LVL 1 il-pretensjonijiet kollha li jirriżultaw mill-[…] is-self pendenti [sindikat] nru 2”. |
(43) |
Fit-18 ta' Lulju 2012, il-Kummissjoni rċeviet ilment addizzjonali (ara l-premessa 7 hawn fuq) rigward l-obbligu tal-investituri skont l-Artikolu 7.4 tal-Ftehim sabiex jiġu assenjati u mgħoddija lill-Istat jew lill-kumpanija nnominata tiegħu, il-pretensjonijiet kollha li jirriżultaw mit-tieni (2) self sindikat għal LVL 1 biss (ara l-premessa 28 hawn fuq). L-ilmentatur jallega li permezz tal-ittri tad-9 ta' Frar 2012 u t-12 ta' Ġunju 2012 l-Istat tal-Latvja kien iddeċieda li l-pretensjoni ta' EUR 5 miljuni għall-airBaltic għat-tieni (2) self sindikat — il-parti mogħtija minn Taurus, minn total ta' EUR 35 miljun — għandha tiġi assenjata lill-airBaltic għall-prezz ta' LVL 1 (miżura 6). |
5. ID-DEĊIŻJONI TAL-FTUĦ
(44) |
Fl-20 ta' Novembru 2012, il-Kummissjoni ddeċidiet li tiftaħ proċedura ta' investigazzjoni formali. Fid-deċiżjoni tal-ftuħ, il-Kummissjoni waslet għall-opinjoni preliminari li l-airBaltic tista' titqies bħala ditta f'diffikultà fiż-żmien meta ġew ipprovduti l-miżuri identifikati. Il-Kummissjoni esprimiet ukoll dubji fir-rigward tas-sitt miżuri li qegħdin jiġu vvalutati u waslet għall-konklużjoni preliminari li kollha kienu jinkludu għajnuna mill-Istat. |
(45) |
Il-Kummissjoni l-ewwel innotat li l-ewwel self mill-Istat (miżura 1) kien ipprovdut mill-Istat fl-istess żmien bħas-self mill-BAS — bi proporzjon għall-ishma tagħhom — u b'kundizzjonijiet identiċi, li għall-bidu jidher li jissuġġerixxi li s-self ingħata fuq termini pari passu. Madankollu, il-Kummissjoni osservat li ma setgħetx tivvaluta l-ewwel self mill-Istat u s-self mill-BAS waħedhom iżda f'kuntest globali tad-dispożizzjonijiet tal-Ftehim. Għaldaqstant, il-Kummissjoni nnotat li mill-Ftehim ma jirriżultax li, minbarra s-self mill-BAS, il-BAS kellha toħroġ ukoll self konvertibbli lill-airBaltic flimkien mat-tieni self mill-Istat u li l-Istat kien għamel impenji li kienu differenti u ekonomikament iktar sinifikanti minn dawk li għamlet il-BAS. Il-Kummissjoni osservat ukoll li d-deċiżjoni tal-BAS li tinvesti fl-airBaltic ittieħdet f'kuntest li fih l-awtoritajiet pubbliċi kienu diġà urew ir-rieda tagħhom sabiex jappoġġjaw finanzjarjament lill-kumpanija. |
(46) |
Fir-rigward tar-rata tal-imgħax tal-ewwel self tal-Istat u t-tnaqqis tar-rata tal-imgħax ta' [5-15] punti perċentwali li seħħ f'Diċembru 2011 (ara l-premessa 30 hawn fuq), il-Kummissjoni kkunsidrat bħala dubjuż li r-rati applikati jkunu fil-livell tas-suq fid-dawl tad-diffikultajiet sinifikanti tal-airBaltic f'dak iż-żmien. |
(47) |
Fir-rigward tat-tieni self mill-Istat (miżura 2) il-Kummissjoni l-ewwel osservat li dan kien diġà previst fil-Ftehim, għalkemm f'ammont mhux determinat u suġġett għal numru ta' fatturi. Skont il-Kummissjoni, it-tieni self mill-Istat ma setax jitqies li huwa pari passu minħabba li mill-Ftehim ma kienx isegwi — għall-kuntrarju ta' dak li argumentat il-Latvja — li, minbarra s-self mill-BAS, il-BAS kellha wkoll toħroġ self konvertibbli għall-airBaltic. Barra minn hekk, il-Kummissjoni enfasizzat li meta l-Latvja ddeċidiet li tipprovdi t-tieni self mill-Istat lill-airBaltic, ma hemm ebda konkomitanza possibbli min-naħa tal-BAS minħabba li ma għandha ebda obbligu biex tipprovdi kwalunkwe self ieħor lill-airBaltic. |
(48) |
Fir-rigward tar-rata tal-imgħax tat-tieni self mill-Istat ([9 — 11] %), il-Kummissjoni esprimiet dubji li investitur privat ikun ipprovda lill-kumpanija b'self bit-tali rata tal-imgħax fid-dawl tad-diffikultajiet li l-airBaltic kienet qiegħda taffaċċja u l-fatt li l-kollateral użat kien l-istess bħal dak mogħti fir-rigward tal-ewwel self mill-Istat. |
(49) |
Rigward iż-żieda fi-kapital miftiehma fit-22 ta' Diċembru 2011 (miżura 3), il-Kummissjoni nnotat li fiż-żmien meta ttieħdet id-deċiżjoni tar-rikapitalizzazzjoni, il-BAS kienet tilfet l-ishma kollha tagħha minbarra sehem wieħed fl-airBaltic (minħabba li l-Istat kien akkwistahom minn Latvijas Krājbanka). Bħala riżultat, l-Istat żied l-ishma tiegħu fil-kumpanija għal 99,8 % (ara l-premessa 21 hawn fuq). Għalhekk, il-konverżjoni kellha ftit sens ekonomiku għall-BAS, li — sabiex terġa' tikseb l-ishma preċedenti tagħha — intalbet biex mhux biss tikkonverti f'kapital is-self mill-BAS iżda biex tinjetta wkoll LVL 37,7 miljuni (EUR 53,38 miljuni) fi flus, dan kollu b'possibbiltajiet limitati li l-ekwità tipprovdi biss xi redditu f'terminu ta' żmien qasir u medju fid-dawl tad-diffikultajiet tal-kumpanija. Barra minn hekk, il-Kummissjoni esprimiet dubji dwar id-data li fiha l-miżura 3effettivament ingħatat. |
(50) |
Il-Kummissjoni nnotat ukoll li l-BAS u l-Istat kellhom ċertu perjodu ta' żmien — wieħed jassumi sat-30 ta' Jannar 2012, jiġifieri fl-aħħar tal-ewwel stadju tal-perjodu ta' implimentazzjoni tas-sottoskrizzjoni għaż-żieda fil-kapital — biex jinjettaw il-kapital fl-airBaltic. Madankollu, l-Istat għamel dan fid-29 jew it-30 ta' Diċembru 2011, filwaqt li l-BAS eventwalment qatt ma kkonvertiet is-self tagħha jew injettat il-flus. Skont il-Kummissjoni, qabel ma kkonvertiet is-self, il-Latvja missha stenniet sakemm jiġi żgurat b'mod raġonevoli li l-BAS kienet sejra tagħmel dan. Abbażi ta' dan, il-Kummissjoni kienet tal-opinjoni li l-miżura 3 ma kinitx tidher li tikkonforma mal-MEIP. |
(51) |
Fir-rigward tal-akkwist ta' LVL 30 miljun (EUR 42,47 miljuni) f'bonds ta' kupun ta' 0 % mill-airBaltic f'April 2010 (miżura 4), il-Kummissjoni enfasizzat li dawn il-bonds, fid-dawl tal-karatteristiċi tagħhom, kienu paragunabbli ma' injezzjoni ta' kapital. Minħabba li mill-bidu nett ġiet eskluża l-profittabbiltà, peress li ma kien marbut ebda mgħax għall-bonds u li l-profittabbiltà futura wara l-konverżjoni dehret mhux probabbli minħabba d-diffikultajiet tal-kumpanija, is-sitwazzjoni tal-industrija tal-linji tal-ajru, u n-nuqqas, f'dak iż-żmien ta' pjan sabiex il-kumpanija terga' ssir profittabbli, il-Kummissjoni qajmet dubji dwar il-konformità mas-suq tal-miżura 4. Barra minn hekk, il-Kummissjoni ma setgħetx teskludi li l-BAS akkwistat il-bonds minħabba l-interess qawwi li wriet il-Latvja fl-airBaltic qabel il-ħruġ tal-bonds. |
(52) |
Rigward il-pagamenti ta' EUR 2,8 miljuni minn Latvijas Krājbanka (miżura 5), il-Kummissjoni ma setgħetx tikkonkludi b'ċertezza jekk — fiż-żmien meta seħħew dawn il-pagamenti — l-azzjonijiet ta' Latvijas Krājbanka, minħabba li kien bank 100 % tal-Istat, kinux indipendenti minn dawk tal-Istat. F'dan ir-rigward, il-Kummissjoni osservat li l-Latvja ma kinitx ipprovdiet ebda evidenza li l-airBaltic issottomettiet il-pagament u l-ordnijiet ta' trasferiment qabel id-deċiżjoni tal-FCMC tas-17 ta' Novembru 2011 sabiex jiġu limitati l-operazzonijiet bankarji għal kull klijent ta' iktar minn EUR 100 000. |
(53) |
Fl-aħħar, rigward il-pretensjoni ta' EUR 5 miljuni attribwita lill-airBaltic (miżura 6), il-Kummissjoni spjegat fid-deċiżjoni tal-ftuħ li bis-saħħa tal-Artikolu 7.4 tal-Ftehim, il-Latvja ddeċidiet li pretensjoni ta' EUR 5 miljuni għall-airBaltic għat-tieni (2) self sindikat — il-parti mogħtija minn Taurus, ta' total ta' EUR 35 miljun — kellha tiġi assenjata lill-airBaltic għall-prezz ta' LVL 1. Il-Kummissjoni enfasizzat li f'termini ekonomiċi, din l-operazzjoni kienet simili ħafna għal revoka ta' dejn, li permezz tagħha l-Latvja kienet qiegħda teħles lill-airBaltic mill-obbligi tagħha biex tħallas l-imgħax u tirrimborża parti mit-tieni (2) self sindikat lill-portatur tal-pretensjoni. Barra minn hekk, il-Kummissjoni kkonkludiet li l-miżura 6 ma kinitx tikkonforma mal-MEIP minħabba li airBaltic ma kinitx intitolata skont il-Ftehim sabiex tikseb il-kreditu għal LVL 1. |
(54) |
Fir-rigward tal-bqija pretensjonijiet skont it-tieni (2) self sindikat li jammonta għal total ta' LVI 30 miljun (EUR 42,47 miljuni) (ara l-premessa 42 hawn fuq), il-Kummissjoni nnotat li r-raġunament ta' hawn fuq kien ikun japplika mutatis mutandis għal dawn il-pretensjonijiet. |
(55) |
Għalhekk, il-Kummissjoni waslet għall-konklużjoni preliminari li s-sitt miżuri li qegħdin jiġu vvalutati kienu jinkludu għajnuna llegali mill-Istat, minħabba li kienu ngħataw bi ksur tan-notifika u l-obbligi ta' sospensjoni stabbiliti mill-Artikolu 108(3) TFUE. |
(56) |
Il-Kummissjoni esprimiet ukoll dubji dwar il-kompatibbiltà mas-suq intern tas-sitt miżuri li qegħdin jiġu vvalutati, b'mod partikolari minħabba li l-awtoritajiet Latvjani ma pprovdew ebda raġuni possibbli għall-kompatibbiltà. Mir-raġunijiet possibbli tal-kompatibbiltà, il-Kummissjoni — fid-dawl tad-diffikultajiet tal-airBaltic — b'mod preliminari kkunsidrat li l-uniċi kriterji applikabbli kienu dawk li jikkonċernaw għajnuna għas-salvataġġ u r-ristrutturar ta' ditti f'diffikultà skont l-Artikolu 107(3)(c) TFUE abbażi tal-linji gwida tal-Komunità dwar l-għajnuna mill-Istat għas-salvataġġ u r-ristrutturar tad-ditti f'diffikultà (22) (“il-Linji Gwida R&R”). F'dan ir-rigward, abbażi tal-informazzjoni disponibbli f'dak iż-żmien, il-Kummissjoni kienet tal-opinjoni li l-kundizzjonijiet għall-għajnuna għas-salvataġġ ma jidhirx li kienu ssodisfati, u li l-pjan ta' riForma ma kien jinkludi ebda wieħed mill-elementi meħtieġa sabiex jiġi kkunsidrat pjan ta' ristrutturar skont it-tifsira tal-punt 3.2 tal-Linji Gwida R&R. |
6. KUMMENTI DWAR ID-DEĊIŻJONI TAL-FTUĦ
6.1. KUMMENTI MIL-LATVIA
(57) |
Fil-kummenti tagħha dwar id-deċiżjoni ta' ftuħ tal-Kummissjoni, il-Latvja tinnota li l-miżuri 1, 2, 3 u 6 kienu interdipendenti u li huma derivati mill-Ftehim, u għaldaqstant essenzjalment jikkostitwixxu l-istess tranżazzjoni finanzjarja li għandha tiġi vvalutata fiż-żmien meta l-Ftehim daħal fis-seħħ jiġifieri, it-3 ta' Ottubru 2011. Abbażi ta' dan, il-Latvja tikkonkludi li dawn il-miżuri huma konkomittanti u jikkonformaw mal-MEIP, u b'hekk jeskludu għajnuna mill-Istat. |
(58) |
Il-Latvja targumenta li l-BAS kienet l-inizjatur tal-Ftehim u attwalment talbet lill-Istat biex jipparteċipa fiż-żieda kapitali. Eventwalment, l-Istat qabel li jinvesti suġġett għal kundizzjonijiet stretti stipulati fil-Ftehim. Wieħed mill-elementi ewlenin tal-Ftehim kien l-injezzjoni mill-Istat u l-BAS ta' madwar LVL 100 miljun (EUR 141,58 miljuni f'żewġ stadji: (i) LVL 30 miljun (EUR 42,47 miljuni) fil-forma tal-ewwel self mill-Istat u s-self mill-BAS, u (ii) madwar LVL 70 miljun (EUR 99,1 miljuni) li għandhom jiġu pprovduti mill-Istat u l-BAS skont il-parteċipazzjoni azzjonarja tagħhom. Għalhekk, skont il-Latvja, il-BAS kellha obbligu kuntrattwali biex tinjetta kapital addizzjonali fl-airBaltic proporzjonalment għall-parteċipazzjoni azzjonarja tagħha. Il-Latvja tislet din il-konklużjoni mill-Artikolu 7.2 tal-Ftehim, li jistabbilixxi li l-Istat jipprovdi t-tieni self lill-airBaltic “proporzjonalment għad-drittijiet ta' votazzjoni tiegħu”, li fil-fehma tal-Latvja ifisser li l-BAS kellha wkoll tinjetta flus proporzjonalment għall-parteċipazzjoni azzjonarja tagħha. |
(59) |
Il-Latvja nnotat ukoll li l-Ftehim jipprevedi numru ta' miżuri ta' kontinġenza mmirati biex jipproteġu l-interessi finanzjarji tal-Istat f'każ li l-BAS tonqos mill-tissodisfa l-obbligi tagħha: (i) id-dritt tal-Istat li jakkwista l-ishma mill-BAS għal LVL 1 (2), (ii) l-obbligu tal-investituri privati li taw it-tieni (2) self sindikat lill-airBaltic biex jattribwixxu l-pretensjonijiet tagħhom kontra l-airBaltic lill-Istat taħt ċertu ċirkostanzi, kif ukoll (iii) l-obbligu għall-investituri li jikkumpensaw lill-airBaltic għal ċerti obbligi li ma jidhrux fuq il-karta tal-bilanċ li jammontaw għal madwar EUR […] miljuni. (23) Il-fatt li l-BAS u l-investituri aċċettaw dawn il-miżuri ta' kontinġenza huwa, fl-opinjoni tal-Latvja, prova li l-investituri kienu kunfidenti li l-BAS kienet sejra tissodisfa l-obbligi tagħha. Abbażi ta' dan, il-Latvja tqis li l-miżuri 1, 2 u 3 kienu konkomittanti u razzjonali għall-MEIP. Barra minn hekk, minħabba li l-miżura 6 kienet korollarja tal-miżuri ta' kontinġenza, il-Latvja sostni li din il-miżura ma tikkostitwixxix għajnuna lanqas. |
(60) |
Barra minn hekk, rigward il-miżura 1, il-Latvja żżid li r-rata tal-imgħax kienet konformi mal-MEIP u l-Komunikazzjoni tar-Rata ta' Referenza (24) u targumenta li t-tnaqqis fir-rata tal-imgħax minn [11 — 13] % għal [2 — 4] % kien ekonomikament razzjonali għall-Istat sabiex inaqqas l-ispejjeż tal-finanzjament tal-airBaltic (li f'dak iż-żmien diġà kellha 99,8 % tagħha). Rigward il-miżura 2, il-Latvja hija tal-opinjoni li r-rata tal-imgħax kienet tikkonforma mal-MEIP. |
(61) |
Fir-rigward tal-miżura 3, l-awtoritajiet Latvjani jargumentaw li l-konverżjoni f'kapital tal-ewwel self mill-Istat u l-ewwel segment tat-tieni self mill-Istat saru abbażi tad-deċiżjoni konkomittanti mill-BAS biex tikkonverti s-self tal-BAS u tinjetta LVL 37,7 miljuni (EUR 53,38 miljuni) fi flus, li saret waqt il-laqgħa tal-azzjonisti tal-airBaltic tat-22 ta' Diċembru 2011. L-awtoritajiet Latvjani jtennu li l-miżuri 1, 2 u 3 ma għandhomx jiġu vvalutati waħedhom iżda biss flimkien mat-tranżazzjoni usa' li jiffurmaw parti inseparabbli minnha. Minħabba li din it-tranżazzjoni kienet miftiehma mill-BAS u l-Istat b'konkomittanza sħiħa, il-Latvja teskludi l-preżenza tal-għajnuna. Il-Latvja targumenta wkoll li l-fatt li l-BAS ma ssodisfatx l-impenn tagħha sal-aħħar tad-data ta' skadenza (jiġifieri t-30 ta' Jannar 2012) huwa irrelevanti u li l-Istat ma kellu ebda għażla ħlief li jikkonverti l-ewwel self mill-Istat u l-ewwel segment tat-tieni self mil-Istat f'kapital — huwa għamel dan fid-29 ta' Diċembru 2011. Barra minn hekk, il-Latvja, tispjega li l-Istat ħa l-passi kollha possibbli sabiex il-BAS tiġi sfurzata tissodisfa l-impenn tagħha. |
(62) |
F'dak li għandu x'jaqsam mal-miżura 6, il-Latvja żżid li l-attribuzzjoni tal-pretensjonijiet lill-airBaltic kienet korollarju tal-miżuri previsti fl-Artikolu 7 tal-Ftehim. Skont il-Latvja, dan jiżgura li l-Ftehim kollu huwa pari passu, minħabba li l-assenjazzjoni tal-pretensjoni lill-airBaltic tiggarantixxi li l-investituri privati jagħmlu kontribuzzjoni proporzjonata għall-injezzjoni finanzjarja fl-airBaltic. |
(63) |
Fir-rigward tal-miżura 4, il-Latvja hija tal-fehma li l-ħruġ ta' bonds ta' kupun ta' 0 % sar, b'mod konkomittanti mill-Istat u l-BAS skont kundizzjonijiet identiċi u b'hekk jeskludi l-preżenza ta' għajnuna mill-Istat. Il-Latvja tispjega wkoll li d-deċiżjoni biex jinħarġu bonds ittieħdet bl-inizjattiva tal-BAS. Rigward il-fatt li dawn il-bonds ma offrew ebda profitt, il-Latvja ssostni li l-Kummissjoni għandha tikkunsidra l-hekk imsejjaħ “effett tas-sid” u tikkunsidra li li l-Istat, bħala azzjonist tal-airBaltic, kellu inċentivi differenti minn investituri barranin. |
(64) |
Fl-aħħar, rigward il-miżura 5, il-Latvja hija tal-fehma li ma kienu involuti ebda riżorsi tal-Istat u li fi kwalunkwe każ, l-azzjonijiet tal-FCMC ma jkunux imputabbli lill-Istat. |
(65) |
Fid-dawl tal-fehma tagħha li ma kien hemm ebda għajnuna mill-Istat, il-Latvja inizjalment ma pprovdietx argumenti dwar il-kompatibbiltà tal-miżuri mas-suq intern. Madankollu, matul il-kors tal-proċedura ta' investigazzjoni formali, il-Latvja pprovdiet argumenti f'dan ir-rigward u nnotat li jekk kien hemm għajnuna mill-Istat, din kienet għajnuna ta' ristrutturar kompatibbli mal-Linji Gwida R&R. |
(66) |
Abbażi ta' dan, f'Diċembru 2013, il-Latvja ssottomettiet pjan ta' ristrutturar li jgħid li r-ristrutturar tal-airBaltic beda f'April 2011, meta l-ewwel verżjoni tal-pjan kienet ippreżentatata lill-maniġment tal-kumpanija. Dan id-dokument identifika xi dgħufijiet tal-airBaltic u stabbilixxa li kienu meħtieġa EUR [175 — 185] miljun f'kapital. Din l-ewwel verżjoni tal-pjan evolviet fil-pjan ta' riForma ta' Marzu 2012, li skont il-Latvja kien il-pass preliminari għall-pjan ta' ristrutturar sottomess f'Diċembru 2013. |
(67) |
Il-pjan ta' ristrutturar jipprevedi perjodu ta' ristrutturar ta' 5 snin minn April 2011 sa April 2016 u spejjeż totali għar-ristrutturar ta' LVL [150 — 170] miljun (EUR [214 — 242] miljun). Il-pjan ta' ristrutturar jipprevedi tliet tipi ta' miżuri ta' ristrutturar: (i) l-ottimizzazzjoni tal-introjtu u l-ispejjeż tal-operazzjonijiet eżistenti; (ii) ir-rikonfigurazzjoni tan-netwerk, li jirriżulta f'aġġustament tad-destinazzjonijiet, il-frekwenzi u ż-żmien; kif ukoll (iii) ottimizzazzjoni tan-netwerk u tal-flotta. Il-pjan ta' ristrutturar jinkludi total ta' 26 inizjattiva li jindirizzaw l-introjtu u l-ispejjeż, flimkien ma' inizjattivi addizzjonali fil-qasam tar-rikonfigurazzjoni tan-netwerk u t-tiġdid tal-flotta. Rigward ir-restawr tal-vijabbiltà tal-airBaltic, il-pjan jistenna li b'dawn l-inizjattivi, il-kumpanija sejra tilħaq ekwilibriju fl-2014 u wara tibqa' profittabbli, bl-EBIT jilħaq LVL [1 — 3] miljuni (EUR [1,4 — 4,2] miljuni) fl-2014 u LVL [9 — 12]-il miljun (EUR [12,8 — 17]-il miljun) fl-2016. Il-pjan ta' ristrutturar jinkludi wkoll previżjonijiet finanzjarji riveduti abbażi ta' xenarji realistiċi, pessimisti u ottimisti, li huma suġġetti għal analiżi ta' sensittività sabiex jiġu vvalutati r-riskji u l-impatt possibbli tagħhom. |
(68) |
Il-pjan jippreżenta wkoll numru ta' miżuri kumpensatorji: (i) it-tnaqqis tal-flotta b'27 %; (ii) iċ-ċediment ta' 14-il rotta profittabbli; kif ukoll (iii) iċ-ċediment ta' […] pari ta' slotts f'ajruporti kkoordinati. Bejn l-2011 u l-2016, l-airBaltic sejra tnaqqas il-kapaċità tagħha bi [17 — 20] % f'termini ta' ASK (25) ([7 — 10] % meta jiġu kkunsidrati r-rotot profittabbli biss). Skont il-Latvja, tali tnaqqis fil-kapaċità sejjer ikun konformi ma' każijiet preċedenti. Barra minn hekk, il-pjan ta' ristrutturar jinkludi r-rilaxx ta' […] pari ta' slotts minħabba l-għeluq ta' diversi rotot. |
(69) |
Il-pjan ta' ristrutturar jistma li l-ispejjeż tar-ristrutturar jilħqu LVL [150 — 170] miljun (EUR [214 — 242] miljun), li sejrin jintużaw sabiex jitħallas is-self ta' partijiet terzi, biex jiġu kkunpensati telfiet minn inġenji tal-ajru li gradwalment ma jibqgħux jintużaw u minn inġenji tal-ajru li jiġu skartati, ħlasijiet għal tkeċċijiet, ix-xiri ta' inġenji tal-ajru ġodda eċċ. |
(70) |
Fid-dawl tal-ispejjeż totali għar-ristrutturar, il-kontribuzzjoni proprja proposta mill-airBaltic skont il-pjan ta' ristrutturar tammonta għal LVL [100 — 110] miljuni (EUR [141 — 155] miljun), jiġifieri. [60 — 70] % tal-ispejjeż totali kollha għar-ristrutturar. Skont il-pjan tar-ristrutturar, il-kontribuzzjoni proprja sejra tirriżulta f'diversi injezzjonijiet minn partijiet privati (inklużi l-faċilità ta' likwidità u pagamenti bil-quddiem), selfiet privati, ftehim ta' kiri ta' inġenji tal-ajru ġodda u t-tħassir ta' dejn ma' żewġ banek. |
6.2. KUMMENTI MINN PARTIJIET INTERESSATI
(71) |
Matul il-proċedura ta' investigazzjoni formali, il-Kummissjoni rċeviet kummenti mir-Ryanair u l-airBaltic, kif ukoll minn tliet individwi f'isem il-kredituri ta' airBaltic. |
(72) |
Ryanair qablet mas-sejbiet preliminari tal-Kummissjoni li l-miżuri li kienu qegħdin jiġu vvalutati huma inkonsistenti mal-prinċipju tal-investitur f'ekonomija tas-suq (“MEIP”) u inkompatibbli mas-suq intern. Ir-Ryanair madankollu targumenta li l-valutazzjoni tal-Kummissjoni tal-MEIP ma kinitx kompluta fid-deċiżjoni tal-ftuħ, minħabba li l-Kummissjoni missha kkunsidrat jekk investitur privat kienx jagħżel li jillikwida lill-airBaltic minn qabel minflok ma jipprovdiha b'kapital addizzjonali. (26) Ir-Ryanair targumenta wkoll li l-Kummissjoni missha vvalutat fid-deċiżjonijiet tal-ftuħ tagħha jekk il-likwidazzjoni tal-airBaltic kinitx iktar profittabbli għall-Istat milli l-provvediment ta' fondi addizzjonali. Għalkemm ir-Ryanair tqis li ma kellhiex biżżejjed informazzjoni biex tikkummenta dwar il-pjan ta' riForma, hija tinnota d-dubji tagħha kemm l-airBaltic terġa' tibda tagħmel profitt u kkunsidrat li l-kumpanija missha ġiet illikwidata. |
(73) |
Ir-Ryanair targumenta wkoll li kwalunkwe għajnuna lill-airBaltic tagħmel ħsara lill-pożizzjoni tas-suq tagħha minħabba li r-Ryanair topera 13-il rotta minn Riga, li minnhom iktar minn nofshom huma f'kompetizzjoni diretta mal-airBaltic. |
(74) |
Fil-kummenti tagħha, l-airBaltic tenfasizza li r-raġunijiet għad-diffikultajiet tal-kumpanija kienu minħabba l-imġiba tal-maniġment preċedenti u d-deċiżjonijiet sfortunati tas-Sur Flick qabel Ottubru 2011, li — skont l-airBaltic — iffoka fuq strateġija kummerċjali bbażata biss fuq l-espansjoni u mhux fuq il-profittabbiltà. Barra minn hekk, l-airBaltic tispjega li l-maniġment preċedenti tal-kumpanija daħal f'ħafna kuntratti żvantaġġużi u kkonkluda tranżazzjoni mingħajr rationale, kummerċjali minbarra li stabbilixxa struttura korporattiva u organizzazzjonali mhux trasparenti. |
(75) |
Barra minn hekk, skont l-airBaltic, meta l-Latvja ddeċidiet li tipparteċipa u teżegwixxi l-Ftehim, hija aġixxiet bħala investitur privat razzjonali. L-airBaltic tinnota li l-investiment tal-Latvja kien konkomittanti ma' dak tal-BAS u li kien jitlob sagrifiċċji kbar mill-BAS u investituri privati oħra. Barra minn hekk, il-Ftehim inkluda salvagwardji suffiċjenti biex jiġi żgurat li l-interessi tal-Latvja kienu protetti għal kollox kontra l-BAS; l-użu ta' dawn is-salvagwardji kien — skont l-airBaltic — iktar razzjonali għal-Latvja milli tikser l-impenji ta' investiment tagħha, u b'hekk tikkawża li l-kumpanija tfalli, teqred il-valur tal-azzjonisti eżistenti u tesponi lilha nnifisha għal pretensjonijiet ta' dannu mill-investituri privati. Abbażi ta' dan, l-airBaltic tikkonkludi li d-deċiżjoni tal-Latvja biex tidħol fil-Ftehim ma jinkludix elementi ta' għajnuna mill-Istat. |
(76) |
Fir-rigward tal-akkwist mill-Istat ta' bonds ta' kupun ta' 0 % mill-airBaltic f'April 2010 (miżura 4), l-airBaltic hija tal-fehma li kien ekonomikament vijabbli u investiment konkomittanti għal kollox tal-Istat u l-BAS u b'hekk tikkonkludi li ma kienx għajnuna mill-Istat. Fir-rigward tal-pagament ta' EUR 2,8 miljuni minn Latvijas Krājbanka lill-airBaltic fil-21 u t-22 ta' Novembru 2011 (miżura 5), l-airBaltic tikkunsidra li dawn kienu deċiżjonijiet meħuda fil-perkors tan-negozju tal-airBaltic u li jikkonċernaw fondi privati, li b'hekk jeskludu l-preżenza tar-riżorsi mill-Istat. |
(77) |
Fl-aħħar, l-airBaltic tenfasizza r-rwol tal-airBaltic biex iżżomm lil-Latvja konnessa mal-kumplament tal-UE u tipprovdi xi informazzjoni dwar l-implimentazzjoni tal-pjan ta' riForma mill-maniġment il-ġdid tal-kumpanija. |
(78) |
Fir-rigward tal-kummenti pprovduti minn tliet individwi f'isem il-kredituri tal-airBaltic, dawn kellhom struttura simili. Il-kredituri lmentaw f'termini ġenerali dwar il-miżuri suġġetti għad-deċiżjoni tal-ftuħ, b'mod partikolari rigward il-miżura 6. Barra minn hekk, huma għamlu referenza għal ċertu dejn mhux imħallas tal-airBaltic li jidher li kien joriġina mill-ftehim u li allegatament wassal lil xi kredituri għal insolvenza. |
6.3. OSSERVAZZJONIJIET TAL-LATVJA DWAR IL-KUMMENTI TA' PARTIJIET TERZI INTERESSATI
(79) |
Fl-osservazzjonijiet tagħha dwar il-kummenti ta' partijiet terzi, il-Latvja qablet mal-opinjonijiet tal-airBaltic li l-miżuri vvalutati ma kinux jinkludu għajnuna mill-Istat. |
(80) |
Fir-rigward tal-kummenti tar-Ryanair, il-Latvja tosserva li l-ġurisprudenza enfasizzata mir-Ryanair — tissuġġerixxi li l-Istat kellu jillikwida lill-airBaltic minflok jipprovdiha b'fondi — mhix applikabbli, minħabba li f'dak iż-żmien, l-Istat ma kienx il-kreditur ewlieni tal-airBaltic iżda sempliċement azzjonist. Skont il-Latvja, it-test tal-kreditur privat mhux adegwat biex jivvaluta r-razzjonalità tad-deċiżjonijiet ta' investiment tal-Istat f'dan il-każ. Barra minn hekk, il-Latvja targumenta li meta hija ddeċidiet li tidħol fi Ftehim, hija għażlet li tagħmel telf għal perjodu ta' żmien qasir bl-għan li terga tagħmel profitt fuq terminu ta' żmien twil u dawn id-deċiżjonijiet ta' investiment ittieħdu bl-inizjattiva tal-BAS. Il-Latvja tinnota wkoll li t-telfiet ta' airBaltic tnaqqsu u injorat l-argumenti tar-Ryanair bħala mingħajr bażi. |
(81) |
Fl-aħħar nett, f'dak li jirrigwarda l-kummenti tal-individwi f'isem il-kredituri ta' airBaltic, il-Latvja tikkunsidra li mhumiex relatati mal-miżuri stabbiliti fid-deċiżjoni tal-ftuħ u li jidhru li huma mmirati biex itejbu l-pożizzjoni tal-kredituri fil-litigazzjonijiet kummerċjali tagħhom ma' airBaltic. |
7. VALUTAZZJONI TAL-MIŻURI
(82) |
Din id-deċiżjoni tindirizza bħala punt preliminari l-kwistjoni dwar jekk l-airBaltic hijiex ditta f'diffikultà skont it-tifsira tal-Linji Gwida R&R (taqsima 7.1 hawn taħt). Hija mbagħad tanalizza jekk il-miżuri li qegħdin jiġu eżaminati jikkostitwixxux għajnuna mill-Istat lill-airBaltic skont it-tifsira tal-Artikolu 107(1) TFUE (taqsima 7.2 hawn taħt) u jekk tali għajnuna hix legali (taqsima 7.3 hawn taħt) u kompatibbli mas-suq intern (taqsima 7.4 hawn taħt). |
7.1. DIFFIKULTAJIET TAL-AIRBALTIC
(83) |
Kif diġà ġie indikat fid-deċiżjoni tal-ftuħ, l-awtoritajiet Latvjani stess spjegaw li d-diffikultajiet tal-airBaltic bdew fl-2008, minħabba r-reċessjoni ekonomika globali u ż-żieda qawwija fil-prezz taż-żejt. Bħala riżultat, fl-2008 l-airBaltic għamlet telf ta' LVL 28 miljun (EUR 39,64 miljuni). Fl-2009 il-kumpanija għamlet profitt ta' LVL 6 miljuni (EUR 8,49 miljuni). Madankollu, fl-2010, l-airBaltic reġgħet ġarrbet telf ta' LVL 34,2 miljuni (EUR 48,42 miljuni), li żdiedu għal LVL 84,7 miljuni (EUR 119,2 miljuni) fl-2011. Il-Kummissjoni tfakkar li l-Ministru tal-Ekonomija tal-Latvja f'Ġunju 2011 ddikjara li l-airBaltic kienet viċin li tfalli, (27) filwaqt li l-istampa rrapportat li l-kumpanija talbet protezzjoni legali mill-kredituri tagħha fil-21 ta' Settembru 2011. (28) |
(84) |
Il-kontijiet annwali awditjati tal-airBaltic juru li l-kumpanija kellha ekwità negattiva matul il-perjodu 2009-2012, li barra minn hekk żdiedet kull sena. Tabilħaqq, l-airBaltic kellha ekwità negattiva ta' LVL 19,2 miljuni (EUR 27,18 miljuni) fl-2009, li żdiedet għal LVL 23,3 miljuni (EUR 32,99 miljuni) fl-2010, għal LVL 105,6 miljuni (EUR 149,51 miljuni) fl-2011 għal LVL 125,1 miljuni (EUR 177,12 miljuni) fl-2012. Tabella Id-dejta finanzjarja ewlenija tal-airBaltic 2007 — Ġunju 2011 (eluf ta' LVL)
|
(85) |
Il-punt 10(c) tal-Linji Gwida R&R jistipula li kumpanija titqies f'diffikultà meta hija “tissodisfa l-kriterji skont il-liġi lokali talli tkun is-suġġett ta' proċeduri ta' insolvenza kollettiva”. Dan jidher li huwa l-każ tal-airBaltic tal-inqas mill-21 ta' Settembru 2011 — jekk mhux qabel — meta talbet għall-protezzjoni legali mill-kredituri tagħha. Il-Kummissjoni madankollu nnotat li l-Qorti allegatament ċaħdet il-protezzoni legali ftit jiem wara, apparentement minħabba n-negozjati bejn il-Latvja u l-BAS li kkulminaw fil-Ftehim. Irrispettivament minn dan, il-Kummissjoni tikkunsidra li, fi kwalunkwe każ, jidher li l-airBaltic hija ditta f'diffikultà skont it-tifsira tal-punt 11 tal-Linji Gwida R&R |
(86) |
B'konformità ma' dik id-dispożizzjoni, ditta tista' tiġi kkunsidrata f'diffikultà “meta jkunu preżenti sinjali normali ta' ditta li tkun f'diffikultà, bħal telf dejjem jiżdied, tnaqqis fil-fatturat, inventarji ta' stokk li jiżdied, kapaċità eċċessiva, inqas fluss ta' flus, iktar dejn, tariffi tal-imgħax ogħla u valur tal-assi netti li jonqos jew li sar żero”. Mit-tabella ta' hawn fuq, b'mod ċar jidher li l-airBaltic kienet ilha tagħmel it-telf mill-2008 (minbarra fl-2009). Madankollu, jidher li l-airBaltic irnexxielha tagħmel profitt fl-2009 minħabba t-tnaqqis straordinarju fil-prezz tal-fjuwil biss. Għalhekk, kif inhu indikat fid-deċiżjoni tal-ftuħ, jidher li r-ritorn għall-profittabbiltà fl-2009 kien okkorrenza ta' darba minħabba ċirkustanzi straordinarji u mhux xejra strutturali. Id-dejn tal-kumpanija u l-ispejjeż finanzjarji żdiedu b'mod sinifikanti bejn l-2008 u l-2009 iżda b'mod partikolari bejn l-2009 u l-2010, meta l-ispiża għall-finanzjament żdiedet minn LVL 3,8 miljuni (EUR 5,38 miljuni) għal LVL 17,4 miljuni (EUR 24,64 miljuni). (29) Jirriżulta wkoll li l-varjabbli relatati mal-ispejjeż tal-airBaltic żdiedu bir-rata ta' [5-10] % fis-sena, jiġifieri, b'mod b'iktar rapidu mill-varjabbli relatati mal-introjtu li żdiedu [2 — 7] % fis-sena. Fl-aħħar, il-Kummissjoni ttenni s-sejba fid-deċiżjoni tal-ftuħ li t-telf tal-airBaltic kien tant kbir li fl-2010 l-ekwità negattiva tagħha ammontat għal madwar LVL 23,3 miljuni (EUR 32,99 miljuni), li żdiedet għal madwar LVL 105,6 miljuni (EUR 149,51 miljuni) minħabba t-telfiet addizzjonali fl-2011. Meta wieħed jikkunsidra l-fatturi kollha msemmija hawn fuq, jidher li ġew issodisfati l-kriterji fil-punt 11 tal-Linji Gwida R&R. |
(87) |
Għalhekk, il-Kummissjoni tasal għall-konklużjoni li l-airBaltic kienet ditta f'diffikultà skont it-tifsira tal-Linji Gwida R&R tal-inqas mill-2011. |
7.2. EŻISTENZA TA' GĦAJNUNA MILL-ISTAT
(88) |
Bis-saħħa tal-Artikolu 107(1) TFUE, kwalunkwe għajnuna mogħtija minn Stat Membru jew permezz ta' riżorsi tal-Istat fi kwalunkwe forma li tgħawweġ jew thedded li tgħawweġ il-kompetizzjoni, billi tiffavorixxi ċerti impriżi jew il-produzzjoni ta' ċerti oġġetti, sakemm taffettwa l-kummerċ bejn l-Istati Membri, għandha tkun inkompatibbli mas-suq intern. |
(89) |
Sabiex jiġi konkluż jekk hix preżenti għajnuna mill-Istat, il-Kummissjoni għandha tivvaluta jekk il-kriterji kumulattivi stabbiliti fl-Artikoli 107(1) TFUE (jiġifieri trasferiment tar-riżorsi tal-Istat, vantaġġ selettiv, tgħawwiġ potenzjali tal-kompetizzjoni u l-effett fuq il-kummerċ ġewwa l-UE) ġewx issodisfati għal kull waħda mis-sitt miżuri vvalutati. |
7.2.1. Miżuri 1, 2, 3 u 6 bħala tranżazzjoni unika
(90) |
Il-Latvja targumenta li l-miżura 1 għandha tiġi vvalutat flimkien mal-miżuri 2, 3 u 6 minħabba li kienu miftiehma fl-istess data, jiġifieri fit-3 ta' Ottubru 2011, f'punt meta l-Latvja u l-BAS it-tnejn kienu azzjonisti ewlenin tal-airBaltic. |
(91) |
Il-Kummissjoni taqbel mal-awtoritajiet Latvjani li l-ewwel self mill-Istat (miżura 1) u s-self mill-BAS ma jistax jiġi vvalutat waħdu u għalhekk għandu jiġi kkunsidrat bħala parti mill-kuntest kumplessiv tal-Ftehim, li abbażi tiegħu ġew ipprovduti ż-żewġ selfiet. Madankollu, il-Kummissjoni ma taqbilx mal-argument tal-Latvja li l-miżuri l-oħra għandhom jiġu valutati flimkien bħala tranżazzjoni waħda. |
(92) |
Il-Kummissjoni hija tal-fehma li fit-3 ta' Ottubru 2011, meta daħal fis-seħħ il-Ftehim, il-BAS u l-Istat impenjaw ruħhom b'ċertezza assoluta li jipprovdu l-ewwel self mill-Istat (miżura 1) u s-self mill-BAS. Għalhekk, jista' jingħad li dawk il-miżuri ngħataw f'dik id-data. Madankollu, l-ammonti eżatti tat-tieni self mill-Istat (miżura 2) u taż-żieda fil-kapital (miżura 3) ma jistgħux jiġu aċċertati b'ċertezza mill-informazzjoni fil-Ftehim. B'mod partikolari, fir-rigward tal-miżura 2, il-Ftehim sempliċiment jgħid li l-Latvja tipprovdi self fi proporzjon mal-ishma tagħha iżda ma tikkwantifikahx. F'dan ir-rigward, il-Kummissjoni tosserva li l-Artikolu 7.1 tal-Ftehim jgħid li ż-żieda tal-ekwità prevedibbli (li tirriżulta mill-kapitalizzazzjoni tal-ewwel u t-tieni self mill-Istat u s-self mill-BAS, flimkien ma' kontribuzzjoni addizzjonali fi flus mill-BAS) ma taqbiżx LVL 100 miljun (EUR 141,58 miljuni). Madankollu, għandhom jiġu nnotati l-punti li ġejjin. L-ewwel, is-self mill-Istat biss u s-self mill-BAS kienu kkwantifikati fil-Ftehim, fil-livell ta' LVL 16-il miljun u LVL 14–il miljun. Iċ-ċifra ta' LVL 100 miljun kienet sempliċement previżjoni, stima ta' x'jista' jkun meħtieġ jew mistenni f'termini ta' żieda tal-ekwità sal-aħħar tas-sena; l-ammont taż-żieda tal-ekwità ma kienx determinat b'mod ċar fil-Ftehim. Tabilħaqq, l-ammont attwali taż-żieda fl-ekwità miftiehma f'Diċembru 2011 fil-fatt kien ta' LVL 110 miljuni (ara l-paragrafu 33 hawn fuq), jiġifieri, iktar minn dak li kien previst fil-Ftehim. Il-Kummissjoni hija tal-opinjoni li l-ammonti tal-Miżuri 2 u 3 ma kinux determinati jew aċċertati f'Ottubru 2011. |
(93) |
Bl-istess mod, fir-rigward tal-miżura 6, il-Kummissjoni tosserva li meta l-Ftehim daħal fis-seħħ fit-3 ta' Ottubru 2011, l-Istat ma kienx jaf jekk kienx sejjer jagħmel użu mill-Artikolu 7.4 tal-Ftehim u sejjer ikollu l-pretensjonijiet tal-investituri privati assenjati lilu. Barra minn hekk, l-Istat ma kienx obbligat li jassenja lill-airBaltic il-pretensjonijiet li jirriżultaw mit-tieni self sindikat. L-assenjazzjoni tal-pretensjonijiet tal-investituri privati lill-Istat kienet sempliċiment eventwalità suġġetta għall-BAS li ma kinitx qiegħda tissodisfa l-obbligi tagħha skont il-Ftehim, xi ħaġa li ma kinitx magħrufa u li ma kienx hemm raġuni għalfejn wieħed jissuspetta fit-3 ta' Ottubru 2011. Għal din ir-raġuni, il-miżura 6 ma tistax tiġi kkunsidrata bħala li ngħatat fil-mument li ġie ffirmat il-Ftehim u għalhekk ma jistax jiġi kkunsidrat bħala pari passu mal-ewwel self mill-Istat u s-self mill-BAS. |
(94) |
Barra minn hekk, il-Latvja targumenta li l-biċċa l-kbira tal-pretensjonijiet tal-investituri privati li suppost kienu sostitwiti biż-żewġ selfiet sindikati, ma kinux assigurati, u li kieku l-Istat ħalla lill-kumpanija tfalli, l-investituri privati kienu jfittxu lill-Istat għad-danni, li kienet tkun iktar għalja għall-Istat milli jipprovdi l-bqija tal-miżuri għall-airBaltic. |
(95) |
Fil-fehma tal-Kummissjoni, il-pretensjoni li l-investituri privati kienu jfittxu lill-Istat għad-danni, kienet purament ipotetika u mhux appoġġjata mill-ebda evidenza. Barra minn hekk, xejn ma juri li l-Latvja attwalment qieset dawn il-kunsiderazzjonijiet meta pprovdiet appoġġ lill-airBaltic. |
(96) |
Fid-dawl ta' dak imsemmi hawn fuq, il-Kummissjoni tasal għall-konklużjoni li l-argument ta' konkomittanza imqajjem mill-awtoritajiet Latvjani ma għandux bażi. Għal din ir-raġuni, il-Kummissjoni tikkonkludi li miżuri 1, 2, 3 u 6 ma jistgħux jiġu kkunsidrati bħala li jikkostitwixxu tranżazzjoni unika deċiża fit-3 ta' Ottubru 2011 u għaldaqstant sejra tivvalutahom b'mod separat. |
7.2.2. L-ewwel self mill-Istat (miżura 1)
(97) |
Il-Kummissjoni tinnota li l-ewwel self mill-Istat ingħata direttament mil-Latvja permezz tat-Teżor tal-Istat wara li saret talba mill-Ministeru tat-Trasport. Dan intqal b'mod ċar fil-Ftehim. Għaldaqstant huwa ċar li l-miżura 1 tikkostitwixxi riżorsi tal-Istat u hija imputabbli għall-Istat. Il-Latvja ma tikkontestax dan il-punt. |
(98) |
Sabiex jiġi vvalutat jekk il-miżura 1 kinitx tinkludi vantaġġ selettiv mhux dovut lill-airBaltic, il-Kummissjoni l-ewwel osservat li l-ewwel self mill-Istat u s-self mill-BAS ġew miftiehma fit-3 ta' Ottubru 2011, jiġifieri d-data tal-iffirmar tal-Ftehim. F'dak iż-żmien, il-Latvja u l-BAS kienu l-azzjonisti ewlenin tal-kumpanija u s-selfiet kienu pprovduti proporzjonalmrnt għall-parteċipazzjoni azzjonarja tagħhom (52,6 % u 47,2 % rispettivament), u b'kundizzjonijiet identiċi u relatati. |
(99) |
Kif indikat fil-premessa 45 hawn fuq, il-Kummissjoni fid-deċiżjoni tal-ftuħ kienet osservat li d-deċiżjoni tal-BAS biex tinvesti fl-airBaltic setgħet ġiet influwenzata mir-rieda tal-awtoritajiet pubbliċi biex jappoġġjaw finanzjarjament lill-kumpanija. Madankollu, filwaqt li huwa veru li l-Gvern tal-Latvja kien esprima l-interess tiegħu li jżomm lill-airBaltic bħala t-trasportatur nazzjonali, (30) il-Kummissjoni tosserva li l-Istat tal-Latvja kien qiegħed jinnegozja u kien għadu mhux determinat u suġġett għall-kundizzjonijiet. Abbażi ta' dan, il-Kummissjoni ma tistax teskludi li l-ewwel self mill-Istat u s-self mill-BAS kienu pprovduti b'mod konkomittanti, u b'hekk teskludi l-preżenza ta' għajnuna. Kif iċċarat il-Qorti Ġenerali, “is-simultanjetà ma tistax fiha nnifisha, anki meta jkunu saru investimenti privati sinifikanti, tkun biżżejjed għal sejba li ma kien hemm ebda għajnuna skont it-tifsira tal-Artikolu [107(1) TFUE] mingħajr ma jiġu kkunsidrati fatti u punti tal-liġi rilevanti oħra”. (31) |
(100) |
Il-Kummissjoni għalhekk ivvalutat ukoll jekk ir-rata tal-imgħax miftiehma ta' [11 — 13] % għall-ewwel self mill-Istat (u s-self mill-BAS) tistax tiġi kkunsidrata li hija fil-livell tas-suq. |
(101) |
Matul il-proċedura ta' investigazzjoni formali, il-Latvja ssottomettiet evidenza rigward il-valur tal-kollateral (marki ta' ditti u riċevibbli) li kien ivvalutat minn awditur indipendenti […] bħala parti minn eżerċizzju tal-awditjar tal-kumpanija li nbeda fis-sajf tal-2011. Minħabba li r-riċevibbli (mit-30 ta' Settembru 2011) kienu parti minn informazzjoni finanzjarja rilevanti, huma kienu wkoll suġġetti għal evalwazzjoni minn […]. Rigward il-marki kummerċjali, il-valur tagħhom kien ibbażat fuq il-prezz li bih l-airBaltic kienet xtrat lura l-marki kummerċjali mill-BAS. Sabiex jiġi determinat il-valur tal-likwidazzjoni tal-kollateral, il-Latvja applikat rata ta' skont ta' […] % f'konformità mal-metodoloġija interna tal-valutazzjoni tal-kollateral tat-Teżor tal-Latvja, li l-Kummissjoni tqis li hija adegwata fid-dawl tan-natura tal-kollateral. Abbażi ta' dan, il-valur tal-likwidazzjoni kien LVL [15 — 25] miljun (EUR [21,3 — 35,5] miljuni) li kien [15 — 25] % ogħla mill-ammont tal-ewwel self mill-Istat. |
(102) |
Barra minn hekk, il-Kummissjoni tosserva li fid-dawl tal-kollateral sinifikanti dwar l-ewwel self mill-Istat, l-applikazzjoni ta' rata tal-imgħax ta' [11 — 13] % tkun konformi mal-Komunikazzjoni dwar ir-Rata ta' Referenza. (32) L-asserzjoni li rata tal-imgħax [11 — 13] % kienet ir-rata tas-suq hija madankollu msaħħa wkoll mill-fatt li l-BAS (investitur privat) kien irrinunzja għad-dritt tiegħu li jkollu s-self mill-BAS ikkollateralizzat (ara l-premessa 26 hawn fuq): is-self mill-BAS għalhekk kien iktar riskjuż milli s-self mill-Istat iżda ngħata bl-istess rata tal-imgħax. |
(103) |
Meta wieħed iżomm f'moħħu l-livell ta' kollateralizzazzjoni u r-rata tal-imgħax applikata, il-Kummissjoni tikkonkludi li l-miżura 1 ma kinitx tikkostitwixxi vantaġġ selettiv lill-airBaltic u li l-preżenza ta' għajnuna mill-Istat tista' tiġi eskluża, mingħajr ma jkun meħtieġ li jiġi vvalutat iktar jekk il-bqija tal-kundizzjonijiet kumulattivi tal-Artikolu 107(1) TFUE ġewx issodisfati. (33) |
It-tnaqqis tar-rata tal-imgħax tal-ewwel self mill-Istat minn [11 — 13] % għal [2 — 4] %
(104) |
Fit-13 ta' Diċembru 2011, jiġifieri meta l-ishma tal-Latvja fl-airBaltic żdiedu għal 99,8 % (ara l-premessa 21) hawn fuq), il-Gvern tal-Latvja ddeċieda li jawtorizza tnaqqis fir-rata tal-imgħax fuq is-self mill-Istat — u għalhekk anki tas-self mill-BAS — ta' [9 — 11] punti perċentwali li jikkorrispondu għall-primjum tar-riskju, minn [11 — 13] % għal [2 — 4] %. |
(105) |
Il-Latvja tikkunsidra li t-tnaqqis tar-rata tal-imgħax kienet iġġustifikata minħabba li s-self kien ħieles mir-riskju, minħabba li l-valur tal-likwidazzjoni tal-kollateral kien stmat li hu LVL [15 — 25] miljun (EUR [21,3 — 35,5] miljuni), jiġifieri [15 — 25] % ogħla mill-ammont tal-ewwel self tal-Istat (ara l-premessa (101) hawn fuq). |
(106) |
Il-Kummissjoni mhix konvinta mill-argumenti tal-Latvja meta tgħid li bit-tnaqqis tar-rata tal-imgħax, l-Istat naqqas l-ispejjeż tal-finanzjament tal-airBaltic (minħabba li r-rata tal-imgħax tas-self mill-BAS tnaqqset ukoll), li dak iż-żmien kienet kważi esklussivament il-proprjetà tal-Istat b'99,8 % tal-ishma. Din kienet — skont il-Latvja — deċiżjoni razzjonali għall-Istat minħabba li l-introjtu predeterminat għall-Istat fil-forma ta' mgħax kien kkumpensat mill-vantaġġ li l-Istat, bħala azzjonist ewlieni tal-airBaltic, kien qiegħed jieħu mill-kumpanija billi kien qiegħed iħallas imgħax iktar baxx. |
(107) |
Min-naħa l-oħra, il-Kummissjoni tfakkar li fiż-żmien meta ngħata l-ewwel self mill-Istat u s-self mill-BAS, il-Ftehim kien jistipula li l-kundizzjonijiet tat-tnejn kienu identiċi u relatati, u għalhekk kwalunkwe bidla f'wieħed mis-self kienet tirriżulta f'bidla identika tas-self l-ieħor. It-tnaqqis tar-rata tal-imgħax għalhekk kienet tirrifletti fuq iż-żewġ selfiet u l-livell sinifikanti ħafna tal-kollateralizzazzjoni tas-self u l-fatt li s-self mill-BAS ma kienx ikkollateralizzat jibqgħu l-istess. Minħabba li l-BAS kienet qablet minn qabel li torbot il-kundizzjonijiet tas-self mill-BAS ma' dawk tal-ewwel self mill-Istat, il-Kummissjoni ma għandha ebda raġuni biex tqis li din ma tkunx deċiżjoni konformi mas-suq. |
(108) |
Abbażi ta' dan, il-Kummissjoni tikkonkludi li anki b'kunsiderazzjoni għat-tnaqqis tar-rata tal-imgħax, il-miżura 1 ma tikkostitwixxix vantaġġ selettiv lill-airBaltic u l-preżenza ta' għajnuna mill-Istat tista' tiġi eskluża. |
7.2.3. It-tieni self mill-Istat (miżura 2)
(109) |
It-tieni self mill-Istat kien ipprovdut direttament mil-Latvja permezz tat-Teżor tal-Istat, b'deċiżjoni tal-Gvern Latvjan tat-13 ta' Diċembru 2011 li tawtorizza lill-Ministru tal-Finanzi biex jipprovdi fil-baġit tal-Istat self konvertibbli lill-airBaltic ta' LVL 67 miljun (EUR 94,86 miljuni). Għalhekk, il-miżura 2 tinkludi riżorsi mill-Istat u hija imputabbli għall-Istat. |
(110) |
Il-Kummissjoni tosserva li fiż-żmien meta kien ipprovdut it-tieni self mill-Istat, jiġifieri fit-13 ta' Diċembru 2011, il-BAS kienet tilfet il-parteċipazzjoni azzjonarja kollha tagħha fl-airBaltic, minbarra sehem wieħed biss, u l-Istat issa kellu 99,8 % tal-kumpanija. Għalhekk, l-Istat u l-BAS ma kinux iktar f'pożizzjoni paragunabbli bħala azzjonisti. |
(111) |
Il-Latvja targumenta li skont l-Artikolu 7.2 tal-Ftehim, li jgħid li l-Latvja għandha tipprovdi self lill-airBaltic “bi proporzjon għall-ishma tagħha”, il-BAS kienet obbligata li tipprovdi fondi lill-airBaltic f'ammont li jikkorrispondi għan-numru tal-ishma tagħha. Dan sar mill-BAS fiż-żmien tal-injezzjoni tal-kapital ta' Diċembru 2011 fil-forma ta' flus. Madankollu, il-Kummissjoni tinnota li fit-13 ta' Diċembru 2011 il-BAS kellha sehem wieħed biss fl-airBaltic. Minn dan isegwi li l-Istat kien imissu adotta l-pożizzjoni ta' investitur prudenti fl-ekonomija tas-suq u vvaluta jekk, minħabba l-bidla fiċ-ċirkostanzi tal-ishma, il-BAS kellhiex inċentiv li tinjetta flus fil-kumpanija fiż-żmien taż-żieda fil-kapital. Fil-fatt, l-Istat kien ippreveda din il-possibbiltà u inkluda diversi miżuri ta' kontinġenza fil-Ftehim — b'mod partikolari fl-Artikolu 7.4 — f'każ li l-BAS naqset milli tissodisfa l-impenji tagħha. Barra minn hekk, kif tirrikonoxxi l-Latvja, it-tieni segment tat-tieni self tal-Istat kellu jiġi rilaxxat f'każ li l-BAS naqset milli tipprovdi fondi addizzjonali. |
(112) |
L-Artikolu 7.4 tal-Ftehim jagħti lill-Istat id-dritt li jixtri mill-BAS l-ishma kollha tagħha fl-airBaltic għal LVL 1. Fiż-żmien meta ġie ffirmat il-Ftehim, dan kien ifisser garanzija għall-Istat li l-BAS tissodisfa l-impenji tagħha jew inkella titlef l-ishma kollha tagħha fl-airBaltic. Madankollu, is-sitwazzjoni nbidlet radikalment fit-30 ta' Novembru 2011 meta Latvijas Krājbanka biegħ l-ishma kollha minbarra wieħed tal-airBaltic li kienu tal-BAS lill-Istat tal-Latvja (ara l-premessa 21 hawn fuq). F'dan il-kuntest ġdid, l-Artikolu 7.4 kien imċaħħad mit-tifsira tiegħu. Tabilħaqq, b'sehem wieħed biss, il-BAS kellha ftit inċentiv biex tissodisfa l-obbligi tagħha: il-konsegwenzi jekk ma tagħmilx dan kienu jfissru biss li titlef l-uniku sehem tagħha fl-airBaltic. Operatur prudentifis-suq kien jikkunsidra b'attenzjoni jipprovdix fondi addizzjonali lill-airBaltic taħt dawk iċ-ċirkostanzi ġodda u, tal-inqas, kien jistaqsi lill-parti l-oħra (jiġifieri lill-BAS) għal assigurazzjoni li verament kienet sejra talloka fondi lill-kumpanija. Il-Kummissjoni barra minn hekk, tinnota li ma jidhirx li huwa probabbli li tali assigurazzjoni kienet tingħata minħabba li l-BAS kienet meħtieġa tinjetta somma ta' flus kbira ħafna — ħafna iktar minn dak li oriġinarjament kien stmat — sabiex terga' tikseb il-parteċipazzjoni azzjonarja li kellha qabel ta' 47,2 % jew kwalunkwe livell sinifikanti ieħor ta' ishma fl-airBaltic. |
(113) |
Il-Latvja tindika wkoll li t-tieni self mill-Istat ingħata skont termini tas-suq, u b'hekk teskludi kwalunkwe vantaġġ mhux dovut lill-airBaltic. |
(114) |
Rigward il-kollateral, il-Latvja tinnota li t-tieni self mill-Istat kellu l-istess kollateral bħall-ewwel self mill-Istat, jiġifieri riċevibbli u marki kummerċjali tal-airBaltic. Kif spjegat fil-premessa 101 hawn fuq, il-valur tal-likwidazzjoni tal-kollateral kien stmat għal LVL [15 — 25] miljun (EUR [21,3 — 35,5] miljuni). Għalhekk, jidher li l-livell ta' kollateralizzazzjoni disponibbli għat-tieni self mill-Istat kien sejjer ikun baxx. Barra minn hekk, ma hemm ebda raġuni sabiex wieħed jassumi li operatur privat fis-suq kien sejjer jaċċetta li s-sigurtà diġà stabbilita fuq l-ewwel self mill-Istat titnaqqas taħt tal-inqas 100 %. |
(115) |
Sabiex tiġi aċċertata l-konformità mas-suq tar-rata applikata għall-ewwel segment tat-tieni self mill-Istat, il-Kummissjoni sejra tuża bħala l-aħjar prokura disponibbli, ir-rata li tirriżulta mill-applikazzjoni tal-Komunikazzjoni tar-Rata ta' Referenza. Ir-rata ta' bażi għal-Latvja fit-13 ta' Diċembru 2011 kienet 2,2 %. Ma' din iċ-ċifra, għandu jiżdied marġni skont il-klassifikazzjoni tal-benefiċjarju u l-kollateralizzazzjoni tas-self. Kif indikat fil-paragrafu preċedenti, il-livell ta' kollateralizzazzjoni huwa baxx. Minħabba d-diffikultajiet tal-airBaltic dak iż-żmien, mill-Komunikazzjoni tar-Rata ta' Referenza isegwi li għandhom jiżdiedu 1 000 punt ta' bażi mar-rata ta' bażi, li jirriżultaw f'rata ta' 12,2 %. Għaldaqstant jidher li r-rata tal-imgħax ta' [9 — 11] % fuq l-ewwel segment tat-tieni self mill-Istat ma jistax jiġi kkunsidrat li jikkonforma mas-suq. |
(116) |
It-tieni segment tat-tieni self mill-Istat kien sar disponibbli għall-kumpanija fl-14 ta' Diċembru 2012 b'rata tal-imgħax ta' [6 — 8] %. Il-Latvja targumenta li din ir-rata tal-imgħax hija ogħla minn dik li tirriżulta mill-Komunikazzjoni tar-Rata ta' Referenza u għalhekk tikkonforma mal-MEIP. |
(117) |
Skont il-Komunikazzjoni tar-Rata ta' Referenza, ir-rata ta' bażi applikabbli għal-Latvja fl-14 ta' Diċembru 2012 kienet 1,91 %. Il-marġni li għandu jiżdied ma' dik ir-rata ta' bażi jiddependi fuq il-klassifikazzjoni tal-benefiċjarju u l-livell ta' kollateralizzazzjoni. Kif spjegat fit-taqsima 7.1 hawn fuq, il-Kummissjoni hija tal-opinjoni li l-airBaltic kienet ditta f'diffikultà tal-inqas mill-2011. Barra minn hekk, it-tieni segment kellu bħala kollateral ir-riċevibbli u l-marki kummerċjali tal-airBaltic. L-argumenti dwar l-insuffiċjenza tal-kollateral sejrin japplikaw mutatis mutandis, u għalhekk, għandu jiżdied marġni ta' 1 000 punt ta' bażi. Għaldaqstant, ir-rata ta' referenza li tirriżulta tkun 11,91 %, ħafna ogħla minn [6 — 8] % attwalment applikata. |
(118) |
Meta wieħed iqis dan kollu, il-Kummissjoni tikkunsidra li operatur ekonomiku fis-suq ma kienx jipprovdi t-tieni self mill-Istat lill-airBaltic. |
(119) |
Abbażi ta' dan, il-Kummissjoni tikkonkludi li l-miżura 2 tat vantaġġ mhux dovut lill-airBaltic. Dan il-vantaġġ kien selettiv fin-natura minħabba li l-benefiċjarju uniku tiegħu kienet l-airBaltic. |
(120) |
Il-Kummissjoni għandha tikkunsidra wkoll jekk il-miżura 2 kinitx probabbilment tgħawweġ il-kompetizzjoni u taffettwa l-kummerċ bejn l-Istati Membri, billi tipprovdi lill-airBaltic b'vantaġġ fuq il-kompetituti tagħha li ma jirċevux appoġġ pubbliku. Jidher ċar li l-miżura 2 setgħet taffettwa l-kummerċ u l-kompetizzjoni ġewwa l-UE minħabba li l-airBaltic tikkompeti ma' linji tal-ajru oħra tal-UE, b'mod partikolari minħabba d-dħul fis-seħħ tat-tielet stadju ta' liberalizzazzjoni tat-trasport bl-ajru (“it-tielet pakkett”) fl-1 ta' Jannar 1993. Barra minn hekk, għal ivvjaġġar ta' distanzi relattivament iqsar fl-UE, l-ivvjaġġar bl-ajru qiegħed jikkompeti mat-trasport bit-triq jew bil-ferroviji, u għalhekk it-trasportaturi bit-triq jew bil-ferroviji jistgħu jiġu affettwati wkoll. |
(121) |
Għalhekk, il-miżura 2 ippermettiet lill-airBaltic tkompli topera sabiex ma jkollhiex taffaċċja konsegwenzi normali derivati mis-sitwazzjoni finanzjarja diffiċli tagħha. Abbażi ta' dawn il-kunsiderazzjonijiet stabbiliti hawn fuq, il-Kummissjoni tasal għall-konklużjoni li l-miżura 2 involviet għajnuna mill-Istat għall-benefiċċju tal-airBaltic skont it-tifsira tal-Artikolu 107(1) TFUE. |
7.2.4. Iż-żieda kapitali miftiehma fit-22 ta' Diċembru 2011 (miżura 3)
(122) |
Kif indikat hawn fuq, l-ewwel self mill-Istat u l-ewwel segment tat-tieni self mill-Istat jinkludu riżorsi mill-Istat u huma imputabbli għall-Istat. Il-konverżjoni tagħhom f'kapital kienet deċiża mill-Ministeru tat-Trasport tal-Latvja, jiġifieri 99,8 % tal-parteċipazzjoni azzjonarja fl-airBaltic mit-30 ta' Novembru 2011. Għalhekk, il-miżura 3 tinkludi wkoll riżorsi mill-Istat u hija imputabbli għall-Istat. |
(123) |
Il-Kummissjoni mhix tal-istess opinjoni bħall-awtoritajiet Latvjani li l-miżura 3 ma tikkostitwixxix għajnuna. L-ewwel nett, il-Kummissjoni ttenni li l-konklużjonijiet milħuqa fit-taqsima 7.2.1 hawn fuq huma applikabbli għall-miżura 3. Barra minn hekk, il-Kummissjoni tqis li l-miżura 3 ma ngħatatx fit-22 ta' Diċembru 2011 (jiġifieri d-data tal-laqgħa tal-azzjonisti tal-airBaltic) iżda fid-29 ta' Diċembru 2011, id-data li fiha l-Istat ikkonverta s-selfiet tiegħu. Tabilħaqq, skont l-informazzjoni pprovduta mill-awtoritajiet Latvjani matul il-proċedura ta' investigazzjoni formali, skont ir-regoli applikabbli, il-BAS u l-Istat kellhom sat-30 ta' Jannar 2012 biex jifformalizzaw il-konverżjoni deċiża waqt il-laqgħa tal-azzjonisti tal-airBaltic. |
(124) |
Il-Kummissjoni tinnota wkoll li fid-29 ta' Diċembru 2011, il-Latvja setgħet kellha dubji raġonevoli dwar ir-rieda tal-BAS li tissodisfa l-impenji tagħha. Tabilħaqq il-BAS kienet diġà tat indikazzjonijiet li ma kinitx sejra tikkonverti s-self tagħha. Il-Latvja stess tammetti li t-tieni segment tat-tieni self mill-Istat, deċiż fit-13 ta' Diċembru 2011, kien previst preċiżament minħabba l-eventwalità li l-BAS ma tissodisfax l-impenji tagħha. Barra minn hekk, mit-30 ta' Novembru 2011 l-Istat u l-BAS ma kinux iktar f'pożizzjoni paragunabbli bħala azzjonisti minħabba li l-BAS kienet tilfet il-parteċipazzjoni azzjonarja kollha tagħha fl-airBaltic minbarra sehem wieħed u l-Istat kellu 99,8 % tal-kumpanija. |
(125) |
Fid-dawl ta' dawn l-iżviluppi l-Istat, qabel ma effettivament ikkonverta s-selfiet tal-Istat, missu ddeduċa — jew tal-inqas kellu raġunijiet biex jissuspetta — mill-azzjonijiet tal-BAS, li din ma kellhiex l-intenzjoni li tissodisfa l-obbligi tagħha (ara l-premessa 35 hawn fuq). Barra minn hekk, minħabba li l-BAS kienet tilfet l-ishma kollha tagħha fl-airBaltic minbarra wieħed, ir-rimedju previst fl-Artikolu 7.4 tal-Ftehim — jiġifieri d-dritt tal-Istat li jixtri mill-BAS l-ishma kollha tagħha fl-airBaltic għal LVL 1 — spiċċa ma jfisser xejn: l-Istat kien tilef il-mezzi li permezz tagħhom seta' jisforza lill-BAS biex tikkonforma ma' dak li kienet ftehmet dwaru. |
(126) |
Jekk wieħed iżomm f'moħħu l-elementi indikati hawn fuq, il-Kummissjoni tasal għall-konklużjoni li operatur ekonomiku prudenti fis-suq ma kienx jikkonverti s-selfiet tiegħu f'kapital qabel ma jkun żgur li l-parti l-oħra ikkonvertiet is-self tagħha u injettat il-flus, u f'dak il-kuntest ikun ivvaluta b'attenzjoni l-inċentivi tal-parti l-oħra biex tissodisfa l-impenji tagħha. |
(127) |
Barra minn hekk, il-Kummissjoni tosserva li, anki li kieku rrispettat il-ftehim milħuq waqt il-laqgħa tal-azzjonisti, il-BAS ma kinitx tikseb l-ishma preċedenti li kellha fl-airBaltic. Sabiex tilħaq il-livell ta' 47,2 %, il-BAS kien ikollha tinvesti ħafna iktar mill-ammonti miftiehma waqt dik il-laqgħa. Għalkemm il-Kummissjoni hija tal-fehma li l-Istat aġixxa b'konformità mal-MEIP, huwa kellu jikkunsidra b'attenzjoni jekk il-BAS kinitx sejra tinvesti ammonti sinifikanti ta' flus — is-self mill-BAS u flus li jammontaw għal LVL 37.7 miljuni (EUR 53,38 miljuni) — sabiex tikseb parteċipazzjoni azzjonarja minuri fl-airBaltic. |
(128) |
Bħala argument addizzjonali, il-Latvja tispjega li l-obbligu tal-BAS li tinjetta l-flus u tikkonverti s-self tal-BAS kien ikkonfermat mill-eżistenza ta' garanzija mill-imprenditur Russu, is-Sur Vladimir Antonov, li qabel li jagħmel il-pagamenti meħtieġa f'isem il-BAS. (34) Madankollu, jidher li mill-informazzjoni disponibbli lill-Kummissjoni, fil-fatt il-garanzija qatt ma ġiet ipprovduta. |
(129) |
Il-Latvja indikat ukoll li l-prekundizzjonijiet għall-kapitalizzazzjoni tas-selfiet tal-Istat mitluba mill-Artikolu 7.2 tal-Ftehim kienu ġew issodisfati fit-13 ta' Diċembru 2011, meta ġiet ippreżentata bi pjan ta' direzzjoni tan-negozju li juri ritorn għall-profittabbiltà tal-airBaltic fl-2015 u tissuġġerixxi li d-deċiżjoni li s-selfiet mill-Istat jiġu kkonvertiti f'kapital kienet għaldaqstant konformi mal-MEIP. Il-Kummissjoni madankollu tibqa' mhix konvinta mill-argumenti tal-Latvja, minħabba li l-pjan ma kienx komplut u operatur privat razzjonali ma kienx iserraħ fuqu sabiex jinjetta ammonti sinifikanti ta' kapital f'ditta li tinsab f'diffikultà. |
(130) |
Abbażi ta' dak li ntqal hawn fuq, il-Kummissjoni tikkonkludi li l-Latvja ma aġixxietx f'termini pari passu meta kkonvertiet is-self tagħha u għalhekk żiedet il-kapital tal-airBaltic. Barra minn hekk, l-imġiba tal-Istat ma kinitx f'konformità mat-test MEIP. Għalhekk, l-airBaltic irċeviet vantaġġ mhux dovut li jirriżulta mill-miżura 3, li huwa selettiv minħabba li l-kumpanija kienet l-uniku benfiċjarju. |
(131) |
Il-Kummissjonu għandha tikkunsidra wkoll jekk il-miżura 3 kinitx probabbli li tgħawweġ il-kompetizzjoni u taffettwa l-kummerċ bejn l-Istati Membri, billi tipprovdi lill-airBaltic b'vantaġġ fuq kompetituri li ma jirċevux appoġġ pubbliku. Il-konklużjonijiet milħuqa fil-premessa 120 hawn fuq japplikaw mutatis mutandis. |
(132) |
Il-Kummissjoni għalhekk tikkonkludi li l-konverżjoni f'kapital tal-ewwel self mill-Istat u l-ewwel segment tat-tieni self mill-Istat kienet tikkostitwixxi għajnuna mill-Istat lill-airBaltic skont it-tifsira tal-Artikolu 107(1) TFUE. |
7.2.5. Il-bonds ta' kupun ta' 0 % (miżura 4)
(133) |
Kif diġà ġie indikat fid-deċiżjoni tal-ftuħ, mill-Ftehim tat-30 ta' April 2010 li jifformalizza x-xiri tal-bonds ta' kupun ta' 0 % isegwi li x-xerrej tal-LVRTC (ara l-premessa 38 hawn fuq) aġixxa f'isem l-Istat tal-Latvja. Barra minn hekk, il-Latvja targumenta li l-bonds inxtraw minn LVRTC għal raġunijiet baġitarji. Għalhekk huwa ċar li l-miżura 4 tikkostitwixxi riżorsi tal-Istat u li huma imputabbli għall-Istat, punti li l-Latvja ma tikkontestax lanqas. |
(134) |
Matul il-proċedura ta' investigazzjoni formali, il-Latvja pprovdiet evidenza li turi li kemm l-Istat kif ukoll il-BAS akkwistaw il-bonds bi proporzjon għall-ishma tagħhom fl-airBaltic u bl-istess kundizzjonijiet. Barra minn hekk jidher li l-Istat ma pprovdiex finanzjament għall-airBaltic qabel l-2010, filwaqt li l-BAS effettivament investiet ammonti sinifikanti fil-kumpanija qabel dik id-data. Fl-aħħar, mill-investigazzjoni ħareġ li l-ftehim ta' ħruġ ta' bonds ġie adottat fuq inizjattiva tal-BAS u tal-maniġment tal-airBaltic, li kienu diġà ssuġġerixxew lill-Istat f'April u Ġunju 2009 żieda fil-kapital fil-kumpanija bi proporzjon għall-parteċipazzjoni azzjonarja tagħhom. |
(135) |
Kif enfasizzat fid-deċiżjoni tal-ftuħ, il-Kummissjoni hija tal-fehma li x-xiri ta' bonds ta' kupun ta' 0 % ma kienx investiment tipiku minn operatur prudenti fis-suq. Madankollu, il-Kummissjoni tinnota li l-Latvja u l-BAS kienu f'dak iż-żmien azzjonisti ewlenin tal-airBaltic u d-deċiżjoni ta' investiment tagħhom għandha tiġi vvalutata minn din il-perspettiva mhux mill-perspettiva ta' investitur estern biss. Tabilħaqq, jidher razzjonali li jiġi konkluż li s-sidien tal-airBaltic ma kinux qegħdin ifittxu profitt għal tul ta' żmien qasir f'dak iż-żmien, iżda kienu interessati li jżommu lill-kumpanija biex ma tfallix. |
(136) |
Abbażi ta' dak li ntqal hawn fuq, il-Kummissjoni tasal għall-konklużjoni li l-Latvja aġixxiet bħala operatur prudenti fis-suq meta xtrat bonds ta' kupun ta' 0 % flimkien mal-investitur privat BAS. Il-Kummissjoni għalhekk teskludi l-preżenza ta' vantaġġ mhux dovut fir-rigward tal-miżura 4, u valutazzjoni ta' kundizzjonijiet kumulattivi oħra stipulati fl-Artikolu 107(1) TFUE dwar il-preżenza ta' għajnuna mill-Istat hija żejda. |
7.2.6. Il-pagamenti ta' EUR 2,8 miljuni minn Latvijas Krājbanka (miżura 5)
(137) |
Il-Miżura 5 hija relatata mal-pagament ta' EUR 2,8 miljuni minn Latvijas Krājbanka lill-airBaltic fil-21 u t-22 ta' Novembru 2011. Kif spjegat fil-premessa 39 hawn fuq, l-airBaltic issottomettiet tliet ordnijiet ta' ħlas lil Latvijas Krājbanka qabel id-deċiżjonijiet tal-FCMC fis-17 ta' Novembru 2011 sabiex jiġu limitati l-operazzjonijiet bankarji ta' iktar minn EUR 100 000 u tal-21 ta' Novembru 2011 biex jitwaqqfu l-operazzjonijiet kollha ta' Latvijas Krājbanka. Il-Latvja tikkunsidra li ma kienu involuti ebda riżorsi tal-Istat meta wieħed iqis li l-operazzjonijiet kienu jikkonċernaw tliet ordnijiet ta' ħlas tal-airBaltic lill-IATA Clearing House, lill-Ajruport Internazzjonali ta' Riga u lill-kont bankarju alternattiv ta' airBaltic f'bank differenti (ara l-premessa 39 hawn fuq). Dawn kienu, skont il-Latvja, sempliċiment operazzjonijiet bankarji komuni ta' fondi privati tal-airBaltic. Il-Latvja targumenta wkoll li d-deċiżjonijiet tal-FCMC ma kinux imputabbli għall-Istat. |
(138) |
Il-Latvja spjegat li t-trasferiment ta' fondi kien joriġina minn ordnijiet ta' ħlas sottomessi mill-airBaltic qabel l-FCMC ordnat is-sospensjoni tal-attivitajiet ta' Latvijas Krājbanka fil-21 ta' Novembru 2011. Latvijas Krājbanka eżegwixxa t-tranżazzjonijiet fil-25 u t-30 ta' Novembru 2011. |
(139) |
Barra minn hekk, skont il-Liġi tal-FCMC tal-1 ta' Ġunju 2000, l-FCMC tieħu d-deċiżjonijiet tagħha mingħajr ma jkollha għalfejn tikkunsidra kwalunkwe rekwiżit jew struzzjoni ta' kwalunkwe awtorità pubblika oħra. Barra minn hekk, il-finanzjament tal-FCMC ma jiddependix fuq l-Istat, minħabba li l-attivitajiet tal-FCMC huma ffinanzjati permezz ta' pagamenti minn partijiet attivi fis-swieq finanzjarji u kapitali Latvjani. Jidher ukoll mil-liġijiet applikabbli li l-Istat mhux involut fl-eżekuzzjoni tas-setgħat u d-drittijiet tal-FCMC relatati mas-superviżjoni tagħha tal-istituzzjonijiet ta' kreditu. |
(140) |
Abbażi tal-evidenza li għandha għad-dispożizzjoni, il-Kummissjoni hija tal-fehma li t-trustees maħtura mill-FCMC aġixxew b'mod indipendenti mill-Istat, li jeskludu l-imputabbiltà tal-azzjonijiet tagħhom għal-Latvja. |
(141) |
Abbażi ta' dak li ntqal hawn fuq, il-Kummissjoni tikkonkludi li l-miżura 5 ma tikkostitwixxix għajnuna mill-Istat skont it-tifsira tal-Artikolu 107(1) TFUE. |
7.2.7. Pretensjoni ta' EUR 5 miljuni minn Taurus attribwita lill-airBaltic (miżura 6)
(142) |
L-ilment ta' segwitu li wasal fit-18 ta' Lulju 2012 jirreferi għall-obbligu tal-investituri skont l-Artikolu 7.4 tal-Ftehim li jgħaddu lill-Istat jew lill-kumpanija nnominata tiegħu — taħt ċertu ċirkostanzi — il-pretensjonijiet pendenti li jirriżultaw mit-tieni self sindikat għal LVL 1 (ara l-premessa 42 hawn fuq). |
(143) |
B'konformità mal-Artikolu 7.4 tal-Ftehim, Taurus assenjat lil-Latvja l-pretensjoni ta' EUR 5 miljuni li kellha kontra l-airBaltic għal LVL 1. Sussegwentement, il-Latvja assenjat il-pretensjoni lill-airBaltic. |
(144) |
Fir-rigward għall-pretensjonijiet li fadal, li jammontaw għal EUR 30 miljun (EUR 42,47 miljuni), li suppost kellhom jiġu sostitwiti fil-kuntest tat-tieni self sindikat, l-awtoritajiet Latvjani talbu lill-investituri permezz tal-ittra tad-9 ta' Frar 2012 biex jassenjawlha l-pretensjonijiet rispettivi tagħhom għal 1 LVL kull wieħed. Barra minn hekk, il-Latvja ressqet azzjoni quddiem il-Qorti Reġjonali ta' Riga fir-rigward ta' tliet investituri sabiex tinforza l-Artikolu 7.4 tal-Ftehim. Il-Latvja indikat l-intenzjoni tagħha biex tattribwixxi wkoll dawn il-pretensjonijiet lill-airBaltic. |
(145) |
Il-Latvja targumenta li l-assenjazzjoni tal-pretensjoni ta' EUR 5 miljuni lill-airBaltic kienet miżura ta' kontinġenza mmirata biex tipproteġi l-interessi finanzjarji tal-Istat u għandha tiġi kkunsidrata bħala miżura pari passu skont il-Ftehim, u għaldaqstant teskludi għajnuna mill-Istat. |
(146) |
Il-Kummissjoni tinnota li mill-Artikolu 7.4 tal-Ftehim isegwi b'mod ċar li l-pretensjonijiet rilevanti kellhom jiġu assenjati jew mgħoddija “lill-Istat jew il-kumpanija nnominata tiegħu għas-somma ta' LVL 1”. Għalhekk, minħabba li d-deċiżjoni biex il-pretensjoni ta' EUR 5 miljuni tiġi attribwita lill-airBaltic ittieħdet mill-Istat, din id-deċiżjoni hija imputabbli għalih u tikkostitwixxi riżorsi tal-Istat. |
(147) |
Mill-proċedura ta' investigazzjoni formali rriżulta li l-ftehimiet għal selfiet sindikati qatt ma ġew iffirmati. Madankollu, mill-evidenza sottomessa mil-Latvja jidher li l-qrati rrikonoxxew il-validità tal-Ftehim fir-rigward tal-obbligu tal-investituri privati li jassenjaw lill-Istat jew lill-kumpanija nnominata tiegħu il-pretensjonijiet li jirriżultaw mit-tieni (2) self sindikat. |
(148) |
F'dan ir-rigward, il-Latvja tindika li, skont diversi sentenzi tal-qrati tal-Latvja, is-sid tal-pretensjoni ta' EUR 5 miljuni ma għandux dritt jitlob ripagament ta' dan l-ammont iżda biss li jitlob ishma fl-airBaltic li jirriflettu pagament bil-quddiem ta' EUR 5 miljuni f'kapital azzjonarju tal-kumpanija. Minħabba li l-Istat diġà kellu 99,8 % tal-ishma tal-airBaltic, il-Latvja targumenta li l-intitolament għal ishma addizzjonali ma jirrappreżenta ebda valur ekonomiku sinifikanti għall-Istat. |
(149) |
Il-Kummissjoni tinnota li kuntrarju għal dak li tissuġġerixxi l-Latvja, filwaqt li l-qrati setgħu rrikonoxxew id-dritt tal-Istat biex jieħdu l-pretensjonijiet li jirriżultaw mit-tieni (2) self sindikat b'konformità mal-Artikolu 7.4 tal-Ftehim, dan ma jfissirx li l-Latvja kienet obbligata li tattribwixxi dan lill-pretensjoni lill-airBaltic. Il-Kummissjoni tinnota li operatur ekonomiku prudenti fis-suq ma kienx jassenja l-pretensjoni lill-airBaltic għal LVL 1. Il-Latvja ma pprovdietx evidenza għaliex l-Istat kien imur aħjar jekk jgħaddi l-pretensjoni lill-airBaltic milli jżommha jew jużaha għal finijiet oħra. Bħala riżultat tal-assenjazzjoni, il-Latvja poġġiet lill-kumpanija f'pożizzjoni iktar favorevoli minn dik tal-kompetituri tagħha. |
(150) |
Barra minn hekk, il-Kummissjoni ma taqbilx mal-argumenti tal-awtoritajiet Latvjani u tenfasizza li kwalunkwe sehem addizzjonali fl-airBaltic ikollu valur addizzjonali għall-Istat, anke jekk żgħir, b'tali mod li l-preżenza ta' għajnuna ma tistax tiġi eskluża. (35) Barra minn hekk, billi l-pretensjoni tingħata lill-airBaltic, l-Istat ċeda mhux biss il-pretensjoni iżda wkoll kwalunkwe dritt għal imgħax bir-rata ta' [5 — 7] % fuqha. |
(151) |
Fl-aħħar nett, il-Latvja targumenta li l-miżura 6 għandha tiġi kkunsidrata bħala li ngħatat, għall-finijiet tal-liġi tal-għajnuna mill-Istat, fit-3 ta' Ottubru 2011, jiġifieri fid-data tal-iffirmar tal-Ftehim, flimkien mal-miżuri 1, 2, u 3. |
(152) |
Il-Kummissjoni ttenni li l-konklużjonijiet milħuqa fit-taqsima 7.2.1 hawn fuq, jiġifieri, meta l-Ftehim daħal fis-seħħ fit-3 ta' Ottubru 2011, l-Istat ma kienx jaf jekk kienx sejjer ikun jeħtieġ li jagħmel użu tal-Artikolu 7.4 tal-Ftehim. Barra minn hekk, l-Istat ma kienx obbligat li jassenja lill-airBaltic il-pretensjonijiet affettwati bl-applikazzjoni ta' dik id-dispożizzjoni. |
(153) |
Fl-aħħar nett, il-Kummissjoni tosserva li l-Latvja ma ssostanzjatx il-pretensjoni tagħha li l-fini tal-Artikolu 7.4 tal-Ftehim kien li jiġi salvagwardjat l-investiment tal-Istat fl-airBaltic billi jiġi evitat kwalunkwe dannu għall-Istat f'każ ta' inadempjenza tal-BAS. |
(154) |
Għalhekk, il-Kummissjoni tikkonkludi li billi jipprovdi l-miżura 6, l-Istat ma aġixxiex bħala investitur tal-ekonomija tas-suq u l-operazzjoni ma kinetx pari passu mal-miżuri 1, 2 u 3. Għalhekk, il-Kummissjoni, hija tal-fehma li l-miżura 6 ikkonferixxiet vantaġġ mhux dovut lill-airBaltic. Dan il-vantaġġ kien selettiv fin-natura meta wieħed iqis li l-airBaltic kienet il-benefiċjarju uniku tiegħu. |
(155) |
Għar-raġunijiet stabbiliti fil-premessa 120 hawn fuq, il-miżura 6 probabbilment tgħawweġ il-kompetizzjoni u taffettwa l-kummerċ bejn l-Istati Membri. |
(156) |
Abbażi tal-argumenti msemmija hawn fuq, il-Kummissjoni tasal għall-konklużjoni li l-miżura 6 involviet għajnuna mill-Istat għall-benefiċċju tal-airBaltic skont it-tifsira tal-Artikolu 107(1) TFUE. |
7.2.8. Konklużjoni dwar l-eżistenza tal-għajnuna
(157) |
Il-Kummissjoni tikkonkludi li l-miżuri 1, 4 u 5 ma kinux jikkostitwixxu għajnuna mill-Istat għar-raġunijiet spjegati hawn fuq. |
(158) |
Madankollu, il-Kummissjoni tikkunsidra li l-miżuri 2, 3 u 6 jikkostitwixxu għajnuna mill-Istat għall-airBaltic. Sabiex jiġi determinat l-ammont tal-għajnuna li diġà ngħata lill-airBaltic, il-Kummissjoni tosserva li l-miżura 3 ikkonsistiet fil-kapitalizzazzjoni tal-ewwel self mill-Istat ta' LVL 16-il miljun (EUR 22,65 miljuni) u l-ewwel segment tat-tieni self mill-Istat ta' LVL 41,6 miljuni (EUR 58,89 miljuni). It-tieni segment tat-tieni self mill-Istat ta' LVL 25,4 miljuni (EUR 35,96 miljuni) li sar disponibbli għall-airBaltic fl-14 ta' Diċembru 2012 — jiġifieri il-kumplament tal-parti tal-miżura 2 li ma kinitx kapitalizzata — għandu jiżdied ma' dak l-ammont, flimkien mal-EUR 5 miljuni attribwiti lill-airBaltic bħala l-miżura 6. L-ammont totali kumplessiv tal-għajnuna mill-Istat mogħti lill-airBaltic għalhekk huwa madwar LVL 86,53 miljuni (EUR 122,51 miljuni). |
7.3. LEGALITÀ TAL-GĦAJNUNA
(159) |
L-Artikolu 108(3) TFUE jgħid li Stat Membru ma għandux idaħħal fis-seħħ miżura ta' għajnuna qabel ma l-Kummissjoni tkun adottat deċiżjoni li tawtorizza din il-miżura. |
(160) |
Il-Kummissjoni tosserva li l-Latvja tat il-miżuri 2, 3 u 6 lill-airBaltic mingħajr ma nnotifikathom lill-Kummissjoni għall-approvazzjoni. Il-Kummissjoni jiddispjaċiha li l-Latvja ma kkonformatx mal-obbligu ta' sospensjoni u għalhekk kisret l-obbligu tagħha skont l-Artikolu 108(3) TFUE. |
(161) |
Rigward l-intenzjoni tal-awtoritajiet Latvjani biex jagħtu lill-airBaltic EUR 30 miljun li jirriżultaw mit-tieni (2) self sindikat u marbuta mal-miżura 6, il-Kummissjoni tfakkar l-obbligu tal-awtoritajiet Latvjani skont l-Artikolu 108(3) TFUE biex jinfurmaw lill-Kummissjoni, fi żmien suffiċjenti sabiex jippermettulha tissottometti l-kummenti tagħha, dwar kwalunkwe pjan biex jagħtu għajnuna. |
7.4. KOMPATIBBILTÀ TAL-GĦAJNUNA
(162) |
Sa fejn il-miżuri 2, 3 u 6 jikkostitwixxu għajnuna mill-Istat skont it-tifsira tal-Artikolu 107(1) TFUE, għandha tiġi vvalutata l-kompatibbiltà tagħha fid-dawl tal-eċċezzjonijiet stipulati fil-paragrafi 2 u 3 ta' dak l-Artikolu. Kif indikat fid-deċiżjoni tal-ftuħ, fid-dawl tan-natura tal-miżuri u tad-diffikultajiet tal-airBaltic, l-uniku kriterju ta' kompatibbiltà rilevanti jidher li huwa dak li jikkonċerna għajnuna għas-salvataġġ u r-ristrutturar ta' ditti li jinsabu f'diffikultà skont l-Artikolu 107(3)(c) TFUE abbażi tal-Linji Gwida R&R, u b'mod partikolari d-dispożizzjonijiet dwar l-għajnuna għar-ristrutturar. |
(163) |
L-awtoritajiet Latvjani inizjalment kienu tal-fehma li ebda mill-miżuri ma kienu jikkostitwixxu għajnuna mill-Istat. Madankollu, abbażi tad-dubji mqajma mill-Kummissjoni fid-deċiżjoni tal-ftuħ tagħha, il-Latvja pprovdiet argumenti ta' kompatibbiltà u argumentat li l-miżuri jikkostitwixxu għajnuna għar-ristruttrar kompatibbli. |
(164) |
B'mod partikolari, il-Latvja pprovdiet pjan ta' ristrutturar aġġornat f'Diċembru 2013, ikkumplimentat mis-sottomissjonijiet tat-28 ta' Jannar, it-28 ta' Frar u l-24 ta' Marzu 2014. Il-Latvja tinnota li r-ristrutturar tal-airBaltic beda fit-18 ta' April 2011, meta ġie sottomess l-ewwel pjan lill-maniġment tal-kumpanija. Dan l-ewwel pjan, li kien sottomess lill-Kummissjoni, identifika, xi dgħufijiet tal-airBaltic u stabbilixxa li kienu meħtiega madwar EUR [175 — 185] miljuni f'kapital azzjonarju biex il-kumpanija tkun tista' ġġedded il-flotta tagħha u jippermettulha li tikkompeti b'mod effettiv mat-trasportaturi bi prezz baxx. Il-Latvja targumenta li minn April 2011, ittieħdu diversi azzjonijiet, inkluż l-għeluq tal-ċentru tal-airBaltic f'Vilnius u l- kanċellazzjoni ta' rotot, u b'hekk beda l-proċess tar-ristrutturar tal-airBaltic. Sabiex jiġi garantit ir-ritorn tal-airBaltic għall-profitt, ġie żviluppat sett komprensiv ta' inizjattivi li jkopru l-introjti, l-operazzjonijiet, in-netwerk, il-flotta u l-organizzazzjoni ġenerali fl-istadju iktar tard (il-pjan ta' riForma). |
(165) |
Dan l-ewwel pjan ġie żviluppat fl-2011, u inkluda l-aspetti finanzjarji prinċipali tar-ristrutturar. Skont il-Latvja, dan wassal għad-dħul fis-seħħ tal-Ftehim u eventwalment irriżulta fil-pjan ta' riForma ta' Marzu 2012. |
(166) |
L-argumenti tal-Latvja sejrin jiġu vvalutati fit-taqsimiet li ġejjin. |
7.4.1. Eliġibbiltà
(167) |
Skont il-punt 33 tal-Linji Gwida R&R, ditti f'diffikultà skont it-tifsira tal-punti 9 sa 13 tal-Linji Gwida R&R biss huma eliġibbli biex jirċievu għajnuna għar-ristutturar. Il-Kummissjoni diġà kkonkludiet li l-airBaltic kienet ditta f'diffikultà minn tal-inqas l-2011 (ara l-premessa 87 hawn fuq). |
(168) |
Il-Punt 12 tal-Linji Gwida R&R jgħid li ditta ġdida li għadha kemm inħolqot mhix eliġibbli għal għajnuna ta' salvataġġ jew ta' ristrutturar anki jekk il-pożizzjoni finanzjarja inizjali tagħha ma kinitx sigura. Fil-prinċipju, ditta hija kkunsidrata bħala ġdida għall-ewwel tliet snin wara l-bidu tal-operazzjonijiet tagħha fil-qasam rilevanti tal-attività. L-airBaltic ġiet stabbilita fl-1995 u ma tistax titqies bħala ditta ġdida. Barra minn hekk, l-airBaltic ma tagħmilx parti minn grupp kummerċjali skont it-tifsira tal-punt 13 tal-Linji Gwida R&R. |
(169) |
Il-Kummissjoni għaldaqstant tikkonkludi li l-airBaltic hija eliġibbli għall-għajnuna għar-ristrutturar. |
7.4.2. Il-validità tal-pjan tar-ristrutturar
(170) |
Il-Kummissjoni tinnota li r-ristrutturar tal-airBaltic beda f'April 2011, meta l-maniġment tal-kumpanija prepara l-ewwel pjan ta' ristrutturar. Dan il-pjan prinċiparjament iffoka fuq l-ottimizzazzjoni tal-flotta u l-bżonn li l-inġenji tal-ajru tal-kumpanija jiġu sostitwiti b'ajruplani iktar effiċjenti, li huwa wkoll il-qofol tal-pjan ta' riForma li ġie iktar tard. Fl-istess ħin, iċ-ċentru ta' Vilnius ingħalaq. Diversi ġimgħat wara, wara li saret analiżi minn […], il-maniġment tal-airBaltic inkluda fil-pjan tnaqqis tal-persunal ta' [8 — 12] %. |
(171) |
Il-pjan tal-2011 ġie aġġornat fil-forma tal-pjan ta' riForma, imsemmi hawn fuq u formalment adottat matul l-ewwel kwart tal-2012. Kif innotat fil-premessa 164 hawn fuq, f'Diċembru 2013 l-awtoritajiet Latvjani ssottomettew pjan għar-ristrutturar lill-Kummissjoni, li jaġġorna l-pjan ta' riForma. |
(172) |
Il-Kummissjoni tinnota li f'April 2011, il-pjan ta' ristrutturar stabbilixxa l-bżonnijiet ewlenin tal-airBaltic. Għalkemm ma kienx żviluppat għal kollox, il-pjan ikkostitwixxa l-ewwel bażi għad-determinazzjoni tal-bżonnijiet ta' ristrutturar tal-airBaltic u li jiżgura li l-airBaltic terġa' ddur għall-vijabbiltà. Barra minn hekk ikkostitwixxa l-bażi għall-pjan ta' riForma, li kien qiegħed jitħejja fiż-żmien meta ġie ffirmat il-Ftehim (jiġifieri t-3 ta' Ottubru 2011) u ġie ffinalizzat f'Marzu 2012. |
(173) |
Fil-prattika preċedenti tagħha, il-Kummissjoni aċċettat li l-pjanijiet tar-ristrutturar jiġu ddefiniti matul iż-żmien u kkunsidrat il-pjanijiet inizjali bħala l-punt tat-tluq tal-perjodu ta' ristrutturar. Pereżempju fid-deċiżjoni Varvaressos (36), il-Kummissjoni kkunsidrat li l-miżuri mogħtija lil din id-ditta bejn l-2006 u l-2009 kellhom jiġu vvalutati bħala parti mill-continuum ta' ristrutturar abbażi tal-pjan ta' ristrutturar iddatat 2009 (li jkopri l-perjodu 2006-2011). B'mod simili għall-każ tal-airBaltic, il-pjan ta' ristrutturar tal-2009 ta' Varvaressos kien l-evoluzzjoni ta' “pjan strateġiku u ta' direzzjoni tan-negozju” li jmur lura għall-2006. |
7.4.3. Restawr tal-vijabbiltà għal żmien twil
(174) |
Skont il-punt 34 tal-Linji Gwida R&R, l-għoti ta' għajnuna għar-ristrutturar għandha tkun kundizzjonali fuq l-implimentazzjoni ta' pjan ta' ristrutturar li għandu jiġi approvat mill-Kummissjoni fil-każijiet kollha ta' għajnuna individwali. Il-Punt 35 jispjega li l-pjan ta' ristrutturar, li għandu jdum l-iqsar żmien possibbli, għandu jġib lura l-vijabbiltà għal tul ta' żmien twil tad-ditta f'perjodu ta' żmien raġonevoli u abbażi tal-preżunzjonijiet realistiċi dwar il-kundizzjonijiet ta' operat futuri. |
(175) |
Skont il-punt 36, il-pjan għandu jiddeskrivi ċ-ċirkostanzi li wasslu għad-diffikultajiet tal-kumpanija u jikkunsidraw l-istat attwali u l-prospetti tas-suq fil-futur bl-aħjar xenarji, l-agħar xenarji u x-xenarji ta' bażi. |
(176) |
Il-pjan għandu jipprovdi għal bidla totali li sejra tippermetti lill-kumpanija, wara li ttemm ir-ristrutturar tagħha, tkopri l-ispejjeż kollha tagħha inklużi d-deprezzament u t-tariffi finanzjarji. Ir-redditu mistenni fuq il-kapital għandu jkun għoli biżżejjed biex jippermetti lid-ditta ristrutturatatikkompeti fis-suq bil-mertu proprju tagħha (punt 37). |
(177) |
Il-Kummissjoni tosserva li l-pjan ta' ristrutturar jiddeskrivi ċ-ċirkostanzi li wasslu għad-diffikultajiet tal-airBaltic, li prinċiparjament kienu kkawżati mill-kriżi ekonomika globali tal-2008-2009, li kellha impatt sinifikanti fir-reġjun Baltiku, u li affettwat ukoll is-settur tal-linji tal-ajru. |
(178) |
Barra minn hekk, il-pjan ta' ristrutturar jispjega li l-istrateġija kummerċjali segwita fil-passat kif ukoll numru ta' deċiżjonijiet mill-maniġment preċedenti tal-airBaltic ikkontribwixxew iktar għad-diffikultajiet tal-kumpanija. B'mod partikolari, rigward l-istrateġija kummerċjali tal-airBaltic, il-pjan ta' ristrutturar jenfasizza li fil-passat kien iffukat biss fuq l-espansjoni u mhux fuq il-profittabbiltà, u b'hekk espona lill-kumpanija għal nefqa għolja mhux sostenibbli. Barra minn hekk, l-ispejjeż kienu żdiedu ħafna minħabba l-flotta, li inkludiet erba' tipi differenti ta' inġenji tal-ajru, kif ukoll spejjeż għoljin għall-kiri tal-ajruplani. Ir-rotot infetħu mingħajr ma saret valutazzjoni adegwata tal-profittabbiltà tagħhom, u ħafna minnhom kienu qegħdin jagħmlu t-telf. |
(179) |
Il-pjan ta' ristrutturar ikopri perjodu ta' ħames (5) snin li jibda minn April 2011 u jassumi r-ritorn tal-airBaltic għal vijabbiltà għal żmien twil sa mhux iktar tard minn April 2016, għalkemm skont ix-xenarju ta' bażi, fl-2014 l-airBaltic hija mistennija li terġa' tagħmel profitt. Il-perjodu ta' ristrutturar għalhekk huwa ta' massimu ta' ħames (5) snin, skont prattika preċedenti fis-settur tat-trasport tal-passiġġieri bl-ajru. (37) Tabilħaqq, il-Kummissjoni kienet konsistentement tal-fehma li, fiċ-ċirkostanzi ekonomiċi attwali, huwa importanti li tiġi evitata bidla totali sempliċiment għal żmien qasir u minflok tinħoloq bażi soda għal tkabbir futur. F'dak il-kuntest, l-istabbilizzazzjoni meħtieġa tal-prestazzjoni operazzjonali u tas-servizzi sejra tieħu diversi snin. |
(180) |
Il-pjan ta' ristrutturar jenfasizza l-bidla fl-istrateġija kummerċjali tal-airBaltic, li għandha l-għan li ssir linja tal-ajru ibrida, li jkollha fil-mira klijenti li jrendu iktar permezz tal-biċċa l-kbira tas-servizzi tradizzjonalment offruti minn trasportaturi tan-netwerk filwaqt li tfittex kost-effiċjenzi li huma ġeneralment żviluppati mit-trasportaturi bi prezz baxx. Din l-istrateġija diġà ġiet implimentata sa ċertu punt sinifikanti mill-maniġment il-ġdid tal-kumpanija minn Ottubru 2011. Barra minn hekk, il-pjan ta' ristrutturar jipprevedi tliet tipi ewlenin ta' miżuri ta' ristrutturar: (i) l-ottimizzazzjoni tal-introjtu u l-ispejjeż tal-operazzjonijiet eżistenti; (ii) ir-rikonfigurazzjoni tan-netwerk, li tirriżulta fl-aġġustament tad-destinazzjonijiet, il-frekwenzi u l-ħin sabiex jiġi ottimizzat l--RASK u s-CASK (38) fil-livell tar-rotta; kif ukoll (iii) l-ottimizzazzjoni tan-netwerk u l-flotta, bl-objettiv ta' reviżjoni u d-definizzjoni tal-aħjar network u daqs tal-flotta. B'kollox, ġew żviluppati 13-il inizjattiva li jindirizzaw l-introjtu u 13-il inizjattiva li jindirizzaw l-ispejjeż, filwaqt li ġew żviluppati żewġ inizjattivi addizzjonali fil-qasam tar-rikonfigurazzjoni tan-netwerk u t-tiġdid tal-flotta. |
(181) |
Rigward l-ottimizzazzjoni tal-flotta, il-Kummissjoni tosserva li l-flotta varjata u li qiegħda teqdiem tal-airBaltic hija inqas effiċjenti f'termini ta' fjuwil u teħtieġ manutenzjoni iktar intensivaminn dik ta' kompetituri, u dan iwassal għal iktar spejjeż. Matul l-2012 u l-2013, l-airBaltic iddeċidiet li topera biss parti mill-inġenji tal-ajru disponibbli tagħha sabiex tnaqqas l-ispejjeż. Fl-2013, sabiex tagħmel tajjeb inparti għat-telf fil-kapaċità minħabba t-tneħħija tal-flotot Fokker u Boeing 757, l-airBaltic żiedet żewġ ajruplani Q400 Bombardier mal-flotta tagħha. Barra minn hekk, fid-dawl tas-sostituzzjoni tal-flotta, il-kuntratti attwali tal-kiri ġew innegozjati mill-ġdid b'termini iktar favorevoli sakemm il-Bombardier CS300 il-ġdid isir disponibbli fl-[…] jew […]. Sal-aħħar tal-2014, l-airBaltic sejra topera 25 inġenju tal-ajru u sejra tkompli b'dan il-livell sal-aħħar tal-perjodu ta' ristrutturar fl-2016. F'termini ġenerali, sejjer jkun hemm tnaqqis ta' 27 % fil-flotta tal-inġenji tal-ajru matul il-perjodu ta' ristrutturar. |
(182) |
Fir-rigward tar-rikonfigurazzjoni tan-netwerk, il-Kummissjoni tosserva li fl-2013 in-netwerk il-ġdid iġġenera LVL [16 — 21] miljun (EUR [22,7 — 29,8] miljuni addizzjonali fil-livell C1 (39) meta mqabbel mas-sena ta' qabel, inter alia minħabba l-kanċellazzjoni ta' rotot mhux profittabbli (pereż. […]) u t-tnaqqis fil-frekwenzi ([…] f' […], […] u […]). |
(183) |
L-inizjattivi tal-introjtu jinkludu l-introduzzjoni ta' strutturi ġodda ta' biljetti jew l-ottimizzazzjoni tal-istruttura tat-tariffi tal-bagalji. Barra minn hekk, sejjer jiġi promoss iċ-check-in online, filwaqt li l-persunal tal-kabina u l-persunal li jaħdem fit-taqsima tal-bejgħ sejrin jaħdmu b'rimunerazzjoni flessibbli. Fir-rigward tal-inizjattivi tal-ispejjeż, dawn jinkludi n-negozjar mill-ġdid tal-prezzijiet tal-fjuwil mal-fornituri attwali u tal-kuntratti tal-iċċekkjar u tar-reviżjoni tal-magni, l-ottimizzazzjoni tal-kiri u t-tnaqqis tal-ispejjeż tal-hangars u l-ispejjeż relatati mal-użu tal-lukandi mill-persunal. Barra minn hekk, il-ftehimiet attwali mal-fornituri tal-groundhandling sejrin jerġgħu jiġu nnegozjati. |
(184) |
Il-biċċa l-kbira tal-miżuri tar-ristrutturar deskritti fil-paragrafi preċedenti diġà ġew implimentati. Bħala riżultat tal-inizjattivi tal-ottimizzazzjoni tal-introjtu u l-inizjattivi biex jitnaqqsu l-ispejjeż, kif ukoll it-tiġdid tal-flotta u r-rikonfigurazzjoni tan-netwerk, l-airBaltic temmet l-2012 b'EBIT negattiv ta' LVL 30 miljun (EUR 42,47 miljuni) għall-kuntrarju ta' EBIT negattiv ibbaġitjat ta' LVL 38 miljun (EUR 53,8 miljuni). Fl-2013, l-EBIT negattiv tnaqqas għal LVL 7,7 miljuni (EUR 10,9 miljuni), iktar mill-mira. Huwa mistenni li l-kumpanija sejra tilħaq ekwilibriju fl-2014 u sejra tibqa' tagħmel profitt minn hemm 'il quddiem, b'EBIT jilħaq LVL [1 — 3] miljuni (EUR [1,4 — 4,2] miljuni) fl-2014 u LVL [9 — 12] miljun (EUR [12,8 — 17]-il miljun) fl-2016. Ir-redditu fuq l-ekwità (ROE) huwa mistenni li jilħaq [3 — 6] % sal-2014 u [18 — 21] % sal-2016. |
(185) |
Il-pjan ta' ristrutturar jinkludi previżjonijiet finanzjarji riveduti abbażi ta' xenarji pessimisti u ottimisti bbażati fuq preżenzjonijiet affidabbli. Pereżempju, ix-xenarju realistiku jassumi tkabbir tas-suq ta' [6 — 8] %, filwaqt li jillimita t-tkabbir tal-airBaltic għal [1 — 3] % fl-2014 u għal [2 — 4] % fl-2015 u l-2016, b'rata ta' inflazzjoni ta' [1 — 3] % fis-sena u spejjeż tal-fjuwil li qegħdin jiżdiedu, minn [950 — 1000] USD/t fl-2014 għal [1 000 — 1 050] USD/t fl-2016. Il-fattur tat-tgħabija jvarja minn [69 — 71] % fl-2014 għal [71 — 75] % fl-2016. F'dan ix-xenarju, l-implimentazzjoni tal-inizjattivi sejra tippermetti lill-airBaltic biex fl-2014 tilħaq ekwilibriju (b'EBIT ta' LVL [1 — 3] miljuni (EUR [1,4 — 4,2] miljuni)), filwaqt li l-kumpanija sejra tibqa' tagħmel profitt minn hemm 'il quddiem, b'EBIT ta' LVL [6 — 9] miljuni (EUR [8,5 — 12,8] miljuni) fl-2015 u ta' LVL [9 — 12]-il miljun fl-2016 (EUR [12,8 — 17]-il miljun). |
(186) |
Fix-xenarji kollha, l-EBIT tal-airBaltic sejjer ikun pożittiv sal-2016, u sejjer ivarja minn LVL [10 — 15]-il miljun (EUR [14,2 — 21,3] miljuni) fix-xenarju ottimist għal LVL [5 — 10] miljuni (EUR [7,1 — 14,2] miljuni) fix-xenarju pessimist. Ix-xenarji huma suġġetti wkoll għal analiżi tas-sensittività sabiex jiġu vvalutati r-riskji u l-impatt possibbli tagħhom sal-2016, b'mod partikolari meta wieħed jikkunsidra r-riskji tal-munita (apprezzament/deprezzament tal-USD kontra l-LVL u l-EUR) u bidliet fil-fatturi tat-tgħabija, il-prezz tas-suq tal-fjuwil, ir-rendita u n-numru ta' passiġġieri. |
(187) |
Il-Kummissjoni vvalutat il-pjan ta' ristrutturar u hija tal-fehma li għandha tippermetti lill-airBaltic tilħaq ir-redditu mistenni għall-vijabbiltà għal żmien twil sa mhux iktar tard minn April 2016. Il-pjan ta' ristrutturar jinkludi valutazzjoni ddettaljata taċ-ċirkostanzi li wasslu għad-diffikultajiet tal-airBaltic, li huma indirizzati b'mod xieraq bħala riżultat tal-miżuri tar-ristrutturar fil-forma ta' inizjattivi tal-introjtu u l-ispejjeż kif ukoll inizjattivi fil-qasam tal-konfigurazzjoni tan-netwerk u t-tiġdid tal-flotta. |
(188) |
Barra minn hekk, il-Kummissjoni tikkunsidra li l-pjan ta' ristrutturar sottomess mil-Latvja jikkwantifika b'mod xieraq l-impatt tad-diversi miżuri tar-ristrutturar, li l-preżunzjonijiet huma adegwati u xierqa għall-kuntest tas-settur tat-trasport bl-ajru tal-passiġġieri, u li l-vijabbiltà hija prevista f'livelli adegwati fix-xenarji kollha matul il-perjodu tar-ristrutturar kollu. L-analiżi tas-sensittività hija adegwata u turi li l-impatt fuq l-EBIT tal-fatturi kkunsidrati sejjer ikun limitat. |
(189) |
Għalhekk, fid-dawl tal-miżuri tar-ristrutturar meħuda u tal-progress li sar s'issa, il-Kummissjoni tqis li l-pjan ta' ristrutturar sejjer jippermetti lill-airBaltic terġa' takkwista l-vijabbiltà tagħha f'perjodu ta' żmien raġonevoli. |
(190) |
Barra minn hekk, l-evidenza pprovduta mil-Latvja turi li l-airBaltic bħalissa tinsab f'perkors tajjeb sabiex tilħaq il-biċċa l-kbira tal-għanijiet stabbiliti fil-pjan ta' ristrutturar, li huwa indikatur addizzjonali tal-affidabbiltà tal-pjan. |
7.4.4. Evitar ta' tgħawwiġ mhux dovut tal-kompetizzjoni (miżuri kompensatorji)
(191) |
Skont il-punt 38 tal-Linji Gwida R&R, għandhom jittieħdu miżuri kompensatorji sabiex jiġi żgurat li l-impatti negattivi fuq il-kundizzjonijiet kummerċjali jitnaqqsu għal livell aċċettabbli. Dawn il-miżuri jistgħu jinkludu diversi assi, tnaqqis fil-kapaċità jew preżenza jew tnaqqis tas-suq tal-ostakli tad-dħul fis-swieq ikkonċernati (punt 39). |
(192) |
F'dan ir-rigward, l-għeluq ta' attivitajiet li jagħmlu telf li xorta jkunu meħtieġa sabiex titreġġa' lura l-vijabbiltà mhux sejjer jiġi kkunsidrat bħala tnaqqis tal-kapaċità jew preżenza tas-suq għall-finijiet tal-valutazzjoni tal-miżuri kompensatorji (punt 40). |
(193) |
Il-Latvja tipproponi bħala miżuri kompensatorji għall-airBaltic il-kanċellazzjoni ta' rotot profittabbli, li jwassal għal tnaqqis fil-kapaċità, u ċ-ċediment ta' pari ta' slotts f'ajruporti kkoordinati. |
(194) |
Minbarra l-abbandun tar-rotot mhux profittabbli kif mitlub għar-ritorn tal-vijabbiltà, il-pjan ta' ristrutturar jipprevedi ċ-ċediment ta' 14-il rotta profittabbli (40) f'termini ta' marġni ta' kontribuzzjoni C1. Hija prattika tal-Kummissjoni, li tikkunsidra rotot bħala profittabbli jekk kellhom marġni ta' kontribuzzjoni C1 fis-sena qabel iċ-ċediment tagħhom (41). Il-kontribuzzjoni C1 tikkunsidra l-ispejjeż tat-titjiriet, tal-passiġġieri u tad-distribuzzjoni (jiġifieri spejjeż varjabbli) attribwibbli għal kull rotta individwali. Il-kontribuzzjoni C1 hija ċ-ċifra xierqa minħabba li tikkunsidra l-ispejjeż kollha li huma marbuta mal-ispejjeż fissi tal-kumpanija. |
(195) |
Rigward il-kapaċità, il-pjan ta' ristrutturar għalhekk jipprevedi li l-kapaċità totali tal-kumpanija kienet ta' [5 — 5,5] biljuni ASK f'April 2011, filwaqt li fl-aħħar tal-perjodu tar-ristrutturar f'April 2016, il-kapaċità tal-airBaltic hija mistennija li tkun [4 — 4,5] biljuni ASK, jiġifieri tnaqqis ta' [17 — 20] %. Il-Kummissjoni tinnota f'dan ir-rigward li b'mod partikolari fil-kuntest tat-ritorn għall-vijabbiltà għal żmien twil, il-flotta sejra titnaqqas minn 34 inġenju tal-ajru f'April 2011 għal 25 inġenju tal-ajru sal-aħħar tal-2014 u sejra tibqa' f'dak il-livell sal-aħħar tal-perjodu tar-ristrutturar f'April 2016 (ara l-premessa 181 hawn fuq). Meta jiġu kkunsidrati biss rotot profittabbli, it-tnaqqis tal-kapaċità huwa ta' [7 — 10] %. |
(196) |
Barra minn hekk, il-Kummissjoni tosserva li l-airBaltic ikkanċellat numru ta' rotot li joperaw mill-ajruporti kkoordinati b'mod sħiħ (42) ta' […]. Bħala riżultat, […] il-pari tal-islotts fl-ajruporti kkoordinati b'mod sħiħ ġew rilaxxati fl-2011 u l-2012, fattur li joħloq opportunitajiet ġodda ta' negozju għal-linji tal-ajru kompetittivi li joperaw rotot minn u lejn dawn l-ajruporti u biex tiżdied il-preżenza tagħhom fihom. |
(197) |
Meta jiġi vvalutat jekk il-miżuri kompensatorji humiex xierqa, il-Kummissjoni sejra tikkunsidra l-istruttura tas-suq u l-kundizzjonijiet ta' kompetizzjoni sabiex jiġi żgurat li kwalunkwe tali miżura ma twassalx għad-deterjorazzjoni tal-istruttura tas-suq (punt 39 tal-Linji Gwida R&R). Il-miżuri kompensatorji għandhom ikun proporzjonati għall-effetti tad-distorsjoni tal-għajnuna u, b'mod partikolari, għad-daqs u l-importanza relattiva tad-ditta fis-suq jew swieq. Il-grad ta' tnaqqis għandu jiġi stabbilit fuq bażi ta' każ b'każ (punt 40 tal-Linji Gwida R&R). |
(198) |
Il-Kummissjoni tosserva li l-airBaltic hija attur żgħir ħafna fis-suq tal-avjazzjoni Ewropew, billi tirrappreżenta 0,5 % tal-produzzjoni tal-industrija Ewropea tal-linji tal-ajru kollha. |
(199) |
Barra minn hekk, il-Kummissjoni tasal għall-fehma li t-tnaqqis fil-kapaċità ta' [7 — 10] % tal-airBaltic mhix insinifikanti meta wieħed iqis id-daqs relattivament żgħir tal-airBaltic meta mqabbel mal-kapaċità produttiva tal-industrija Ewropea tal-linji tal-ajru u l-produzzjoni f'termini ta' passiġġieri. Għal trasportatur relattivament żgħir bħall-airBaltic, tnaqqis ulterjuri fil-flotta u fill-kapaċità jista' jipperikola r-ritorn tagħha għall-vijabbiltà għal żmien twil mingħajr ma jipprovdi ebda opportunità sinifikanti tas-suq għall-kompetituri. Barra minn hekk, għalkemm l-airBaltic hija l-ikbar trasportatur bl-ajru fil-Latvja, is-suq tagħha f'Riga sejjer jonqos minn [65 — 70] % fl-2011 għal [55 — 60] % fl-2016. |
(200) |
Barra minn hekk, il-Kummissjoni tosserva li l-Latvja hija żona assistita għall-finijiet ta' għajnuna għall-investiment reġjonali skont l-Artikolu 107(3)(a) TFUE. (43) Skont il-punt 56 tal-Linji Gwida R&R, “il-kundizzjonijiet għall-awtorizzazzjoni tal-għajnuna [f'żoni assistiti] jistgħu jkunu inqas stretti fir-rigward tal-implimentazzjoni ta' miżuri kumpensatorji u d-daqs tal-kontribuzzjoni tal-benefiċjarju. Jekk il-bżonnijiet tal-iżvilupp reġjonali jiġġustifikawh, f'każijiet li fihom tnaqqis tal-kapaċità jew il-preżenza tas-suq jidhru li huma l-iktar miżuri xierqa sabiex jiġu evitati distorsjonijiet tal-kompetizzjoni, it-tnaqqis meħtieġ sejjer ikun iżgħar f'żoni assistiti milli f'żoni mhux assistiti”. |
(201) |
Il-Kummissjoni kkunsidrat ukoll il-partikolaritajiet ta' dan il-każ meta vvalutat l-idoneità tal-miżuri kumpensatorji proposti, meta wieħed iqis is-sitwazzjoni ġeografika periferali tal-Latvja u l-aċċessibbiltà għall-bqija tal-Unjoni Ewropea. F'dan ir-rigward, il-Kummissjoni tinnota li l-biċċa l-kbira tas-sistema ferrovjarja tal-Latvja tuża l-kejl Russu li huwa usa' mill-kejl Standard użat fil-parti l-kbira tal-UE, u b'hekk jinħolqu problemi ta' interoperabbiltà mal-pajjiżi ġirien tal-UE. It-trasport bil-baħar ukoll joffri grad limitat ta' sostitwibbiltà mat-trasport bl-ajru, b'mod partikolari għat-trasport tal-passiġġieri. Fl-aħħar, il-Kummissjoni tosserva li l-eqreb ajruporti internazzjonali li jistgħu jintlaħqu bit-trasport bit-triq huma dawk ta' Vilnius u Tallinn, li huma madwar 300 km 'il bogħod minn Riga, u b'hekk jikkostitwixxu ċentri alternattivi konvenjenti, b'mod partikolari għat-trasport kummerċjali tal-passiġġieri. |
(202) |
Għalhekk, il-Kummissjoni hija tal-fehma li l-miżuri kumpensatorji adottati mill-airBaltic, jiġifieri t-tnaqqis fil-kapaċità b'[7 — 10] % u ċ-ċediment ta' slotts f'ajruporti kkoordinati, huma aċċettabbli fiċ-ċirkostanzi ta' dan il-każ. Il-miżuri kumpensatorji proposti mil-Latvja għalhekk huma suffiċjenti skont il-Linji Gwida R&R sabiex jiġi żgurat li l-effetti negattivi fuq il-kundizzjonijiet kummerċjali li jirriżultaw mill-għoti ta' għajnuna għar-ristrutturar lill-airBaltic jitnaqqsu għal livell aċċettabbli. |
7.4.5. Għajnuna limitata għal minimu (kontribuzzjoni proprja)
(203) |
Skont il-punt 43 tal-Linji Gwida R&R, sabiex jiġi limitat l-ammont ta' għajnuna għal minimu strett, hija neċessarja kontribuzzjoni sinifikanti għall-ispejjeż għar-ristrutturar mir-riżorsi proprji tal-benefiċjarju. Dan jista' jinkludi l-bejgħ ta' assi li mhumiex essenzjali għas-sopravivenza tad-ditta, jew finanzjament estern bil-kundizzjonijiet tas-suq. |
(204) |
Il-kontribuzzjoni proprja għandha tkun reali, jiġifieri attwali, minbarra l-profitti futuri kollha bħall-fluss tal-flus (punt 43 tal-Linji Gwida R&R). Inerentement, il-kontribuzzjoni proprja ma għandhix tinkludi ebda għajnuna mill-Istat. Għal ditti kbar, il-Kummissjoni ġeneralment tikkunsidra li kontribuzzjoni ta' mill-inqas 50 % tal-ispejjeż għar-ristrutturar tkun xierqa. Madankollu, f'ċirkostanzi eċċezzjonali, u f'każijiet ta' diffikultà partikolari, il-Kummissjoni tista' taċċetta kontribuzzjoni iktar baxxa (punt 44 tal-Linji Gwida R&R). |
(205) |
Il-pjan ta' ristruttar jistma l-ispejjeż għar-ristrutturar fil-livell ta' LVL [150 — 170] miljun (EUR [214 — 242] miljun), ibbażat fuq il-fondi meħtieġa għar-ripagament ta' selfiet ta' partijiet terzi (LVL [5 — 15]-il miljun (EUR [7,1 — 21,3] miljuni)), kumpens għal telf li jirriżulta mill-eliminazzjoni gradwali jew id-disponiment ta' ċerti inġenji tal-ajru (LVL [15 — 25] miljun (EUR [21,3 — 35,5] miljuni)), provvediment għal dejn mitluf li l-kumpanija ma tkunx tista' tirkupra (LVL [5 — 10] miljuni (EUR [7,1 — 15,3] miljuni)), pagamenti għal sensji (LVL [1 — 4] miljuni (EUR [1,4 — 5,6] miljuni)), ix-xiri ta' inġenji tal-ajru ġodda, b'mod partikolari […] Bombardier Q400NG u […] Boeing 737-500 (għal total ta' LVL [50 — 60] miljun (EUR [71,1 — 85,3] miljuni)), ix-xiri mill-ġdid tal-marki kummerċjali mill-BAS (LVL [5 — 15]-il miljun (EUR [7,1 — 21,3] miljuni)), obbligazzjonijiet mhux previsti li ma jidhrux fil-karta tal-bilanċ li jirriżultaw minn pretensjoni minn […] (LVL [5 — 15]-il miljun (EUR [7,1 — 21,3] miljun)), u LVL [45 — 55] miljun (EUR [64 — 78,2] miljun) sabiex jagħmlu tajjeb għat-telf mhux mistenni sakemm l-airBaltic terġa' lura għall-profittabbiltà. |
(206) |
Fid-dawl tal-ispejjeż totali għar-ristrutturar ta' LVL [150 — 170] miljun (EUR [214 — 242] miljun), il-kontribuzzjoni proprja proposta tal-airBaltic skont il-pjan ta' ristrutturar tammonta għal LVL [100 — 110] miljuni (EUR [141 — 155] miljun), jiġifieri [60 — 70] % tal-ispejjeż totali għar-ristrutturar. Ir-rendikont tal-kontribuzzjoni proprja hija kif ġej:
|
(207) |
Rigward l-injezzjonijiet finanzjarji privati msemmija fil-punt (i) hawn fuq, il-Latvja uriet li l-BAS għamlet pagamenti bil-quddiem fl-ekwità tal-kumpanija ta' LVL [7 — 9] miljuni (EUR [10 — 13]-il miljun) bejn Ġunju u Lulju 2011. Il-Kummissjoni hija tal-fehma li dawn il-pagamenti jikkostitwixxu kontribuzzjoni proprja skont it-tifsira tal-punt 43 tal-Linji Gwida R&R, minħabba li l-BAS kienet operatur privat fis-suq u l-Kummissjoni ma għandha ebda raġuni għalfejn tikkunsidra li ma kinitx qiegħda taġixxi skont il-loġika tas-suq. L-istess konklużjoni tapplika għal-LVL [6 — 8] miljuni (EUR [8,5 — 12,3] miljuni) ipprovduti minn Transatlantic Holdings bi skambju għal […] ishma pendenti mhux imħallsa fl-airBaltic, li seħħ f'Settembru 2011. |
(208) |
Rigward il-punt (ii) hawn fuq, il-Kummissjoni hija tal-fehma li s-self ta' LVL 14-il miljun (EUR 19,82 miljuni) mogħti mill-BAS, jiġifieri s-self mill-BAS jikkostitwixxi finanzjament estern fit-termini tas-suq li jista' jiġi aċċettat bħala kontribuzzjoni proprja minn investitur privat li dak iż-żmien kien azzjonist tal-kumpanija. |
(209) |
Rigward il-ftehimiet tal-kiri għal inġenji tal-ajru ġodda fl-ammont ta' LVL [45 — 55] miljun (EUR [64 — 78] miljun) (punt (iii) hawn fuq), il-pjan ta' ristrutturar jispjega li f'Marzu 2013, l-airBaltic ikkonkludiet ftehimiet ġodda għall-kiri ta' inġenji tal-ajru ma' kontrapartijiet privati bħala parti mit-tnaqqis fil-flotta u l-ottimizzazzjoni tal-programm. Il-ftehimiet huma relatati mal-kiri-nett ta' […] tal-inġenji tal-ajru Bombardier Dash 8 Q400NG għal perjodu ta' 10 snin għall-ammont totali ta' madwar USD […] miljuni (EUR […] miljuni), jiġifieri kera ta' kull xahar ta' madwar USD […] (EUR […]). |
(210) |
Skont il-pjan ta' ristrutturar, il-kiri ngħata bil-kundizzjonijiet tas-suq minn […]. Il-kera fix-xhar hija intenzjonata li tkopri l-ammortizzazzjoni tal-prezz tax-xiri li minnu jitnaqqas il-valur residwali fl-aħħar tal-għaxar (10) snin tal-inġenji tal-ajru rilevanti (flimkien ma' ċertu perċentwal addizzjonali biex ikopri […] spejjeż ta' finanzjament u għall-operat kif ukoll marġni tal-profitt), u b'hekk effettivament il-prezz tax-xiri tal-inġenju tal-ajru ġdid jiġi ndaqs. |
(211) |
Il-Kummissjoni tinnota li l-ftehimiet ta' kiri bħala tali huma forma ta' finanzjament fl-industrija tal-linji tal-ajru u jistgħu jiġu attribwiti għal selfiet ipprovduti lil kumpanija li għaddejja minn ristrutturar. Il-fatt li hemm kollateral li jkorpi parti sinifikanti tas-self ma jipprekludix li s-self jiġi kkunsidrat bħala “kontribuzzjoni proprja”. Barra minn hekk, il-Latvja kkonfermat li l-ftehimiet ta' kiri huma suġġetti għal kollateralizzazzjoni standard (jiġifieri li l-kapaċità li jinqabad ajruplan f'każ ta' inadempjenza u depożitu ta' sigurtà fi flus). Għalhekk, il-lokatur għandu ċertu grad ta' riskju tal-kreditu minħabba li jbati telfiet konsiderevoli f'każ ta' inadempjenza mill-airBaltic, jiġifieri t-telf immedjat ta' introjtu mill-kera, li jkompli sakemm l-inġenju tal-ajru jkun jista' jerġa jinkera lil klijent ġdid, kif ukoll spejjeż imġarrba sabiex l-inġenju tal-ajru jerġa' jiġi rikonfigurat għall-operatur li jmiss. (44) |
(212) |
Abbażi ta' dak li ntqal hawn fuq, il-Kummissjoni tinnota li l-ftehimiet ta' kiri juru li l-airBaltic setgħet tikseb finanzjament estern bil-kundizzjonijiet tas-suq. Għalhekk, il-ftehimiet tal-kiri jistgħu jitqiesu bħala prova li s-suq jemmen fil-vijabbiltà għal żmien twil tal-airBaltic, minħabba li l-ftehimiet jiġu żgurati biss bit-tip standard tal-kollateral u l-finanzjatur xorta għandu ċertu grad ta' riskju. Dan huwa konformi mal-punt 43 tal-Linji Gwida R&R, li jgħid li kontribuzzjoni proprja għandha toriġina mill-finanzjament estern bil-kundizzjonijiet tas-suq u hija sinjal li s-suq jemmen fil-fattibbiltà tar-ritorn għall-vijabbiltà previst. Għaldaqstant, il-Kummissjoni tikkunsidra kirjiet ta' LVL [45 — 55] miljuni (EUR [64 — 78] miljun) bħala parti mill-kontribuzzjoni proprja. Dan huwa konformi wkoll mal-prattika preċedenti tal-Kummissjoni, f'pereżempju l-każ tal-Czech Airlines. (45) |
(213) |
Madankollu, il-Kummissjoni għandha dubji dwar xi tipi ta' kontribuzzjoni proprja fil-pjan ta' ristrutturar, kif spjegat hawn taħt. |
(214) |
Fir-rigward tal- pagament bil-quddiem fl-ekwità tal-airBaltic ta' LVL […] miljuni (EUR […] miljuni) li sar minn […] f'Lulju 2011, mill-informazzjoni sottomessa mil-Latvja jidher li dan huwa direttament relatat mal-miżura 6, li ġie konkluż li tinkludi għajnuna mill-Istat. Għalhekk, il- pagament bil-quddiem fl-ekwità tal-airBaltic li sar minn […] ma jistax jitqies bħala kontribuzzjoni proprja, li neċessarjament għandha tkun ħielsa minn għajnuna mill-Istat. |
(215) |
Inkwantu għall-faċilità ta' likwidità ta' LVL […] miljuni (EUR […] miljuni) mogħtija minn […] bejn April u Ġunju 2011 għax-xiri ta' spare parts, l-awtoritajiet Latvjani ma pprovdewx evidenza li tippermetti lill-Kummissjoni biex ikollha fehim ċar ta' din il-miżura u s-sinifikat tagħha f'termini ta' twemmin fir-ritorn għall-vijabbiltà tal-benefiċjarju. Il-Kummissjoni għalhekk ma tistax tikkonkludi b'ċertezza li din il-faċilità hija aċċettabbli bħala kontribuzzjoni proprja. |
(216) |
Fir-rigward tas-self mill-bejjiegħ ta' LVL [5 — 15]-il miljun (EUR [7,1 — 21,3] miljun) mill-BAS lill-airBaltic għax-xiri mill-ġdid tal-marki kummerċjali, il-Latvja ma pprovdiet ebda evidenza li s-self kien effettivament ipprovdut. |
(217) |
Abbażi ta' dak li ntqal hawn fuq, il-Kummissjoni ma tqisx li l-pagament bil-quddiem fl-ekwità tal-airBaltic ta' LVL […] miljuni (EUR […] miljuni) li sar minn […] f'Lulju 2011, il-faċilità ta' likwidità għal LVL […] miljuni (EUR […] miljuni) mogħtija minn […] bejn April u Ġunju 2011 għax-xiri ta' spare parts, is-self mill-bejjiegħ ta' LVL [5 — 15]-il miljun (EUR [7,1 — 21,3] miljuni) mill-BAS lill-airBaltic għax-xiri mill-ġdid ta' marki kummerċjali u t-tħassir parzjali tad-dejn ta' LVL […] miljuni (EUR […] miljuni) huma aċċettabbli bħala kontribuzzjoni propjra. Il-Kummissjoni tiddubita wkoll, b'mod partikolari abbażi tal-informazzjoni inkonklussiva pprovduta f'dak ir-rigward (natura mhux ċara tad-dejn inkwistjoni, inklużi diversi pretensjonijiet u marki kummerċjali tal-airBaltic) jekk l-LVL […] miljuni (EUR […] miljuni) f'dejn parzjalment imħassar miż-żewġ banek jistax jgħodd bħala kontribuzzjoni proprja. |
(218) |
Fi kwalunkwe każ, il-Kummissjoni tinnota li l-miżuri l-oħra proposti bħala kontribuzzjoni proprja xorta huma konformi mal-punt 43 tal-Linji Gwida R&R u li l-livell ta' kontribuzzjonijiet proprji huwa għaldaqstant aċċettabbli. Huma jammontaw għal LVL [75 — 85] miljun (EUR [107 — 120] miljun), ekwivalenti għal madwar [48 — 50] % tal-kosti tar-ristrutturar. Għal ditta kbira bħall-airBaltic, il-livell ta' kontribuzzjoni proprja normalment għandu jkun ta' 50 %. Madankollu, skont il-punt 56 tal-Linji Gwida R&R, il-Kummissjoni tista' tkun inqas stretta rigward id-daqs tal-kontribuzzjoni proprja fiż-żoni assistiti, kif kien il-każ għal-Latvja fiż-żmien li ngħataw il-miżuri (ara l-premessa 200 hawn fuq). |
(219) |
Għalhekk, il-Kummissjoni tqis li r-rekwiżiti tal-punt 43 tal-Linji Gwida R&R ġew issodisfati. |
7.4.6. Il-prinċipju “darba, l-aħħar darba”
(220) |
Fl-aħħar, għandu jiġi osservat il-punt 72 tal-Linji Gwida R&R, li jipprevedi li kumpanija li rċeviet għajnuna ta' salvataġġ u għar-ristrutturar fl-aħħar għaxar snin mhix eliġibbli għal għajnuna ta' salvataġġ u għar-ristrutturar (il-prinċipju “darba, l-aħħar darba”). |
(221) |
Minħabba li l-miżuri 1, 4 u 5 ma jikkostitwixxux għajnuna mill-Istat, huma ma għandhomx jitqiesu għall-finijiet tal-prinċipju “darba, l-aħħar darba”. Barra minn hekk, l-awtoritajiet Latvjani kkonfermaw li l-airBaltic ma bbenefikat minn l-ebda għajnuna ta' salvataġġ jew għar-ristruttura fl-aħħar għaxar (10) snin. Għalhekk, il-Kummissjoni tqis li l-prinċipju “darba, l-aħħar darba”, ġie osservat. |
7.5. KONKLUŻJONI DWAR IL-MIŻURI 2, 3 U 6
(222) |
Fid-dawl ta' dak li ntqal hawn fuq, il-Kummissjoni ssib li l-Latvja implimentat il-miżuri 2, 3 u 6 illegalment favur l-airBaltic, bi ksur tal-Artikolu 108(3) tat-Trattat dwar il-Funzjonament tal-Unjoni Ewropea. Madankollu, il-Kummissjoni tqis li l-miżuri u l-pjan ta' ristrutturar jissodisfaw il-kundizzjonijiet meħtieġa mil-Linji Gwida R&R. Il-Kummissjoni għalhekk tikkunsidra li l-għajnuna hija kompatibbli mas-suq intern. |
(223) |
Fl-aħħar, il-Kummissjoni tinnota li l-Latvja qablet li din id-deċiżjoni tiġi adottata u nnotifikata bl-Ingliż. |
ADOTTAT DIN ID-DEĊIŻJONI:
Artikolu 1
L-ewwel self mill-Istat ta' LVL 16-il miljun li r-Repubblika tal-Latvja tat lill-airBaltic fl-2011, kif ukoll l-akkwist mill-Istat ta' bonds ta' kupun ta' 0 % mill-airBaltic f'April 2010 u l-pagament ta' EUR 2,8 miljuni minn Latvijas Krājbanka lill-airBaltic f'Novembru 2011, ma jikkostitwixxux għajnuna skont it-tifsira tal-Artikolu 107(1) tat-Trattat dwar il-Funzjonament tal-Unjoni Ewropea.
Artikolu 2
It-tieni self mill- Istat ta' LVL 67 miljun u ż-żieda fil-kapital tal-airBaltic, li r-Repubblika tal-Latvja implimentat fl-2011, kif ukoll l-attribuzzjoni lill-airBaltic tal-pretensjoni ta' EUR 5 miljun, li r-Repubblika tal-Latvja implimentat fl-2012, jikkostitwixxu għajnuna skont it-tifsira tal-Artikolu 107(1) tat-Trattat dwar il-Funzjonament tal-Unjoni Ewropea.
Din l-għajnuna hija kompatibbli mas-suq intern skont it-tifsira tal-Artikolu 107(3)(c) tat-Trattat dwar il-Funzjonament tal-Unjoni Ewropea.
Artikolu 3
Din id-deċiżjoni hija indirizzata lir-Repubblika tal-Latvja.
Magħmul fi Brussell, id-9 ta' Lulju 2014.
Għall-Kummissjoni
Joaquín ALMUNIA
Viċi President
(2) Rata tal-kambju ta' EUR 1 = LVL 0,7063. Rata tal-kambju medja għall-2011 ippubblikata mill-Bank Ċentrali Ewropew, disponibbli fuq http://sdw.ecb.europa.eu/reports.do?node=100000233.
(3) Cf. in-nota ta' qiegħ il-paġna 1.
(4) Sors: Il-Ktieb Annwali tal-2011 tal-Ajruport Internazzjonali ta' Riga, disponibbli minn http://www.riga-airport.com/en/main/about-company/gada-gramata.
(5) Ara http://bnn-news.com/airbaltic-shareholders-structure-11608. L-istampa tirrapporta xi rabtiet bejn Taurus u l-imprenditur Russu s-Sur Vladimir Antonov.
(6) L-eks azzjonist ewlieni u president tal-bank Litwan Snoras kien is-Sur Vladimir Antonov.
(7) Il-Bank Ċentrali tal-Litwanja spjega li kellu jinnazzjonalizza Snoras minħabba li naqas milli jissodisfa rekwiżiti regolatorji, naqas milli jipprovdi l-informazzjoni mitluba u minħabba l-kundizzjoni ħażina tal-assi. Ara http://en.rian.ru/ business/20120523/173624459.html u http://www.bloomberg.com/news/2011-12-19/antonov-says-he-invested-50-million-euros-in-latvia-s-airbaltic.html.
(8) Ara http://www.lkb.lv/en/about_bank/news/archyve?item=2022&page=6.
(9) Ara http://www.fktk.lv/en/publications/other_publications/2012-02-07_jsc_latvijas_krajbanka_c/.
(10) Il-Ministeru tat-Trasport spjega li l-għan tal-akkwist kien li jipproteġi d-depożitaturi ta' Latvijas Krājbanka. Apparentement, il-problemi finanzjarji ta' BAS kienu qegħdin jheddu lill-Istat milli jinvesti fil-kapital tal-airBaltic u għalhekk il-Gvern iddeċieda li jieħu azzjoni biex jiddefendi l-interessi tiegħu u jieħu l-kontroll tal-airBaltic. Ara http://www.bloomberg.com/news/2011-12-01/latvia-buys-out-minority-shareholder-in-airbaltic-ministry-says.html u http://www.sam.gov.lv/?cat=8& art_id=2598.
(11) Ara http://www.baltic-course.com/eng/transport/?doc=54423. L-istampa tirrapporta wkoll li l-BAS allegatament kellha tagħti LVL 14-il miljun lil Latvijas Krājbanka (ara pereżempju http://www.baltic-course.com/eng/transport/?doc=53861).
(12) Skont il-Latvja, minn Awwissu 2013, il-BAS ma kinitx iddikjarata falluta minkejja tentattivi minn diversi kredituri tagħha.
(13) Barra minn hekk, jidher li tal-inqas mill-2010, l-azzjonisti ewlenin tal-airBaltic — l-Istat tal-Latvja u l-BAS — baqgħu f'kunflitt: l-istampa tirrapporta dwar diversi azzjonijiet legali bejn l-Istat tal-Latvja u l-BAS (ara pereżempju http://atwonline.com/airline-finance-data/news/airbaltic-files-bankruptcy-0921).
(14) Ara http://centreforaviation.com/analysis/airbaltics-restructuring-plan-is-in-full-swing-but-competition-from-estonian-air-is-rising-74754.
(15) Ara http://www.eurofound.europa.eu/emcc/erm/factsheets/18371/Air%20Baltic%20Corporation? Template=searchfactsheets&kSel=1 u http://www.baltic-course.com/eng/transport/?doc=42089.
(16) Ara https://www.airbaltic.com/en/bottom_menu/press-room/press_releases/2011/airbaltic-files-for-legal-protection-airbaltic-to-continue-operations.
(*) Il-Ministru tat-Trasport tal-Latvja għamel reklam fl-edizzjonijiet Ewropej u Ingliżi tal-Financial Times fis-27 ta' Awwissu 2012 u stieden espressjonijiet ta' interess mhux vinkolanti biex wieħed jipparteċipa fil-bejgħ ta' ishma maħruġa mill-airBaltic. Ara http://prudentia.lv/upload_file/27082012-ABC%20ad%20EN.pdf.
(17) Sigriet kummerċjali.
(18) L-Istat tal-Latvja apparentement eżerċita dan id-dritt fit-8 ta' Ġunju 2012 (ara l-premessa 23 hawn fuq).
(19) Għall-kuntrarju ta' dak li ntqal fil-premessa 80 tad-deċiżjoni tal-ftuħ, matul il-proċedura ta' investigazzjoni formali, il-Kummissjoni osservat li l-BAS ma kinitx obbligata skont il-Ftehim li tipprovdi self konvertibbli b'termini pari passu flimkien mat-tieni self mill-Istat.
(20) Fl-10 ta' Lulju 2012 l-airBaltic iffirmat ittra ta' intenzjoni ma' Bombardier biex takkwista 10 ajruplani CS300 u jieħu d-drittijiet tax-xiri fuq 10 CS300 jetliners oħra. Abbażi tal-lista tal-prezzijiet tal-ajruplani CS300, kuntratt ta' ordni ta' ditta sejjer jiġi vvalutat madwar USD 764 miljun (EUR 621,74 miljuni), u jista' jiżdied għal USD 1,57 biljuni (EUR 1,28 biljuni) jekk id-drittijiet tax-xiri jiġu kkonvertiti għal ordnijiet ta' ditta. Ara http://www.airbaltic.com/public/49780.html. Rata tal-kambju ta' EUR 1 = USD 1,2288 — rata tal-kambju medja għal Lulju 2012 ppubblikata mill-Bank Ċentrali Ewropew, disponibbli minn http://sdw.ecb.europa.eu/reports.do?node=100000233.
(21) L-ewwel self mill-Istat ta' LVL 16-il miljun u t-tieni self mill-Istat ta' LVL 67 miljun (inkluż it-tieni segment ta' LVL 25,4 miljuni, li wara l-pjan ta' riForma kien ipprovdut lill-kumpanija fit-tieni nofs tal-2012).
(22) ĠU C 244, 1.10.2004, p. 2.
(23) Iċ-ċifra ta' EUR […] miljuni hija mitluba mil-Latvja iżda ma tirriżultax mill-Ftehim.
(24) Komunikazzjoni mill-Kummissjoni dwar ir-reviżjoni tal-metodu sabiex jiġu stabbiliti r-referenzi u r-rati tal-iskont (ĠU C 14, 19.1.2008, p. 6).
(25) ASK ifisser kilometri disponibbli għal kull seat (seats li jittajru mmultiplikati bin-numru ta' kilometri li jittajru). ASK huwa l-iktar indikatur tal-kapaċità importanti ta' linja tal-ajru kif imħaddem mill-industrija tat-trasport bl-ajru u mill-Kummissjoni stess f'każijiet ta' ristrutturar preċedenti fis-settur tat-trasport bl-ajru.
(26) Ir-Ryanair irreferiet għal Kawża C-405/11 P, Buczek Automotive, li għadu mhux ippubblikat fil-Ġabra, il-paragrafi 55-57.
(27) Ara http://www.eurofound.europa.eu/emcc/erm/factsheets/18371/Air%20Baltic%20Corporation?Template=searchfactsheets&kSel=1 u http://www.baltic-course.com/eng/transport/?doc=42089.
(28) Ara http://atwonline.com/airline-finance-data/news/airbaltic-files-bankruptcy-0921.
(29) Sors: Rapport annwali tal-airBaltic għall-2011.
(30) Ara pereżempju l-istqarrija għall-istampa tal-Kabinett tal-Ministri tal-Latvja tas-7 ta' Settembru 2011 (http://www.mk.gov.lv/en/aktuali/zinas/2011/09/070911-cm-01/), fejn il-Prim Ministru dak iż-żmien ġie rrapportat li qal li “huwa essenzjali li l-airBaltic tinżamm bħala l-operatur tal-ajru nazzjonali li joħloq vantaġġi sostanzjali għal-Latvja fl-oqsma tal-loġistika, tal-attrazzjoni turistika u bħala impjegatur sinifikanti, madankollu, enfasizza l-bżonn li jintagħżlu s-soluzzjonijiet li huma l-iktar favorevoli għall-interess pubbliku”.
(31) Kawża T-565/08 Corsica Ferries vs il-Kummissjoni, sentenza tal-11 ta' Settembru 2012, li għadha mhix irrapportata, paragrafu 122.
(32) Ara n-nota ta' qiegħ il-paġna 24. Ir-rata tal-bażi għal-Latvja fit-3 ta' Ottubru 2011 kienet 2,2 %. Ma' din iċ-ċifra għandhom jiżdiedu 400 punt ta' bażi, meta wieħed iqis id-diffikultajiet tal-airBaltic f'dak iż-żmien u l-livell sinifikanti tal-kollateralizzazzjoni tas-self, li jirriżulta fir-rata ta' 6,2 %.
(33) Il-Kummissjoni xorta waħda tosserva li l-ewwel self mill-Istat kien kapitalizzat fid-29 ta' Diċembru 2011 bħala parti mill-miżura 3. Il-valutazzjoni tal-miżura 3 hija ppreżentata fit-taqsima 7.2.4 hawn taħt.
(34) L-ittra ta' garanzija, iddatata 3 ta' Ottubru 2011, tgħid li l-garanzija ma tapplikax jekk l-Istat “uża d-drittijiet tiegħu skont […] il-Klawżola 7.4 [tal-Ftehim] u l-Istat sar azzjonist ta' mhux inqas minn 99,78 % tal-azzjonijiet bi dritt tal-vot tal-[airBaltic]”. Tabilħaqq, il-Latvja saret azzjonist ta' 99,8 % tal-ishma tal-airBaltic fit-30 ta' Novembru 2011.
(35) Kawża C-280/00, Altmark Trans GmbH u Regierungspräsidium Magdeburg v Nahverkehrsgesellschaft Altmark GmbH (Altmark), [2003] Ġabra I-7747, paragrafu 81.
(36) Deċiżjoni tal-Kummissjoni 2011/414/UE tal-14 ta' Diċembru 2010 dwar għajnuna mill-Istat C 8/10 (ex N 21 09 u NN 15/10) implementata mill-Greċja favur Varvaressos S.A. (ĠU L 184, 14.7.2011, p. 9).
(37) Ara d-deċiżjoni tal-Kummissjoni fil-kawża SA.30908 — CSA — Czech Airlines — Pjan ta' Ristrutturar, paragrafu 107 u d-deċiżjoni tal-Kummissjoni fil-kawża SA.33015 — Air Malta plc., paragrafu 93. Ara wkoll id-deċiżjonijiet tal-Kummissjoni 2010/137/KE tat-28 ta' Awwissu 2009 dwar l-Għajnuna mill-Istat C 6/09 (ex N 663/08) — Austria Austrian Airlines — Pjan ta' Ristrutturar (ĠU L 59, 9.3.2010, p. 1), fil-paragrafu 296 u Deċiżjoni tal-Kummissjoni 2012/542/UE tal-21 ta' Marzu 2012 dwar il-miżura SA.31479 (2011/C) (ex 2011/N) li r-Renju Unit qed jippjana li jimplimenta għar-Royal Mail Group (ĠU L 279, 12.10.2012, p. 40), fil-paragrafu 217.
(38) Rispettivament introjtu minn kull kilometru għal kull seat disponibbli (RASK) u l-ispiża għal kull kilometru għal kull seat disponibbli (CASK).
(39) Ara l-premessa 194 hawn taħt.
(40) B'mod partikolari r-rotot bejn […]. Il-Kummissjoni tifhem li l-għeluq ta' dawn ir-rotot huwa miżura kompensatorja biss minħabba li xejn ma jissuġġerixxi li huma ngħalqu bħala konsegwenza neċessarja tat-tnaqqis fil-flotta.
(41) Ara d-deċiżjoni tal-Kummissjoni fil-kawża SA.30908 — CSA — Czech Airlines — Pjan ta' Ristrutturar, il-paragrafi 130 u 131.
(42) Ajruporti ikkoordinati b'mod sħiħ huma ddefiniti fl-Artikolu 2(g) tar-Regolament tal-Kunsill (KEE) Nru 95/93 tat-18 ta' Jannar 1993 dwar ir-regoli komuni għall-allokazzjoni ta' slots f'ajruporti tal-Komunità (ĠU L 14, 22.1.1993, p. 1). Skont l-Artikolu 3(4) tar-Regolament (KEE) Nru 95/93, dawn l-ajruporti jesperjenzaw, tal-inqas matul ċerti perjodi, limitazzjonijiet tal-kapaċità.
(43) Ara d-deċiżjoni tal-Kummissjoni tat-13 ta' Settembru 2006 fil-każ ta' għajnuna mill-Istat N 447/2006 — Latvja — Mappa tal-Għajnuna Reġjonali 2007-2013.
(44) L-ispejjeż totali għat-tranżizzjoni tal-inġenju tal-ajru minn operatur inadempjenti biex jissodisfa r-rekwiżiti għall-klijent ġdid faċilment jistgħu jitilgħu sa […] % tal-valur kontabilistiku tal-inġenju tal-ajru.
(45) Ara d-deċiżjoni Czech Airlines, paragrafi 119 u 145.
10.7.2015 |
MT |
Il-Ġurnal Uffiċjali tal-Unjoni Ewropea |
L 183/29 |
DEĊIŻJONI TAL-KUMMISSJONI (UE) 2015/1092
tat-23 ta' Lulju 2014
dwar l-għajnuna mill-Istat SA.34824 (2012/C), SA.36007 (2013/NN) SA.36658 (2014/NN), SA.37156 (2014/NN), SA.34534 (2012/NN) implimentata mill-Greċja għall-Grupp National Bank of Greece relatata ma':
— |
Rikapitalizzazzjoni u ristrutturar ta' National Bank of Greece S.A.; |
— |
Riżoluzzjoni ta' First Business Bank S.A. permezz ta' ordni ta' trasferiment lil National Bank of Greece S.A.; |
— |
Riżoluzzjoni ta' Probank S.A. permezz ta' ordni ta' trasferiment lil National Bank of Greece S.A. |
— |
Riżoluzzjoni tal-Bank Kooperattiv ta' Lesvos-Limnos, tal-Bank Kooperattiv ta' Achaia u tal-Bank Kooperattiv ta' Lamia |
(notifikata bid-dokument C(2014) 5201)
(It-test bl-Ingliż biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b'mod partikolari l-Artikolu 62(1)(a) tiegħu,
Wara li stiednet lill-Istati Membri u lil partijiet interessati oħrajn sabiex jissottomettu l-kummenti tagħhom skont dawk id-dispożizzjonijiet,
Billi,
1. PROĊEDURA
1.1. PROĊEDURA RELATATA MAL-NATIONAL BANK OF GREECE GROUP (1) (“IL-BANK”).
(1) |
Permezz ta' deċiżjoni tad-19 ta' Novembru 2008, il-Kummissjoni approvat skema intitolata “Miżuri ta' Appoġġ għall-Istituzzjonijiet ta' Kreditu fil-Greċja” (l-“Iskema ta' Appoġġ lill-Banek Griegi”) maħsuba biex tiżgura l-istabbiltà tas-sistema finanzjarja Griega. L-Iskema ta' Appoġġ lill-Banek Griegi tippermetti li l-għajnuna tingħata taħt it-tliet miżuri kostitwenti tagħha, jiġifieri miżura ta' rikapitalizzazzjoni, miżura ta' garanzija u miżura ta' self obbligazzjonarju tal-gvern (2). |
(2) |
Il-premessa (14) tad-Deċiżjoni tad-19 ta' Novembru 2008 irreġistrat li għandu jiġi nnotifikat pjan ta' ristrutturar lill-Kummissjoni fir-rigward tal-benefiċjarji tal-miżura ta' rikapitalizzazzjoni. |
(3) |
F'Mejju 2009, il-Bank ġie rikapitalizzat taħt il-miżura ta' rikapitalizzazzjoni tal-Iskema ta' Appoġġ għall-Banek Griegi. |
(4) |
Fit-2 ta' Awwissu 2010, l-awtoritajiet Griegi ssottomettew pjan ta' ristrutturar fir-rigward tal-Bank lill-Kummissjoni. Il-Kummissjoni rreġistrat dak il-pjan, l-aġġornamenti sussegwenti tiegħu, kif ukoll l-informazzjoni addizzjonali mibgħuta mill-awtoritajiet Griegi bħala l-Każ SA.30342 (PN 26/2010) u mbagħad bħala l-Każ SA.32788 (2011/PN). |
(5) |
F'Diċembru 2011, il-Bank kien rikapitalizzat mill-ġdid mill-Greċja taħt il-miżura ta' rikapitalizzazzjoni. Fit-22 ta' Diċembru 2011, il-Kummissjoni approvat it-tieni rikapitalizzazzjoni tal-Bank (3). |
(6) |
Il-Bank ripetutament ibbenefika minn garanziji Statali fuq strumenti tad-dejn u self ta' bonds tal-gvern skont l-Iskema ta' Appoġġ għall-Banek Griegi (4). Huwa bbenifika wkoll minn assistenza ta' likwidità f'emerġenza ggarantita mill-Istat (“ELA garantita mill-Istat”). |
(7) |
Fit-18 ta' Marzu 2012, il-Bank of Greece pproċeda bl-irtirar tal-liċenzji ta' tliet Banek Kooperattivi (“it-tliet Banek Kooperattivi”), jiġifieri l-Bank Kooperattiv ta' Lesvos-Limnos (“Lesvos-Limnos Bank”), il-Bank Kooperattiv ta' Achaia (“Achaia Bank”) u l-Bank Kooperattiv ta' Lamia (“Lamia Bank”) u poġġihom f'likwidazzjoni. |
(8) |
Il-Kummissjoni rreġistrat l-informazzjoni li rċeviet b'mod informali mill-Greċja dwar ir-riżoluzzjoni tal-Banek Kooperattivi bħala l-Kawża SA.34534 (2012/NN). |
(9) |
Fit-23 ta' Marzu 2012, il-Bank of Greece pproċeda bit-trasferiment tal-obbligazzjonijiet magħżula tat-tliet Banek Kooperattivi lill-Bank u ddetermina l-ammont ta' diskrepanzi tal-likwidità (5) li jiġu koperti mill-Fond Elleniku għall-Istabbiltà Finanzjarja (“HFSF”) skont il-liġi 4051/2012 (6). Id-diskrepanzi tal-likwidità kienu ugwali għall-valur tal-obbligazzjonijiet ittrasferiti minħabba li ma seħħ ebda trasferiment ta' assi tat-tliet Banek Kooperattivi. |
(10) |
Fl-20 ta' April 2012, l-HFSF ipprovda lill-Bank b'ittra li fiha impenja ruħu li sejjer jipparteċipa f'żieda ppjanata tal-kapital azzjonarju tal-Bank. Fit-28 ta' Mejju 2012, l-HFSF ta rikapitalizzazzjoni tranżitorja ta' EUR 7 430 miljun lill-Bank (“l-ewwel rikapitalizzazzjoni tranżitorja”). |
(11) |
F'Mejju 2012, l-awtoritajiet Griegi nnotifikaw lill-Kummissjoni bl-ittra ta' impenn li ġiet ipprovduta mill-HFSF lill-Bank. Il-Kummissjoni rreġistratha bħala għajnuna mhux innotifikata (il-Kawża SA.34824 (2012/NN)) minħabba li l-miżura kienet diġà ġiet implimentata. |
(12) |
Permezz ta' deċiżjoni tas-27 ta' Lulju 2012, il-Kummissjoni fetħet proċedura ta' investigazzjoni formali fuq l-ewwel rikapitalizzazzjoni tranżitorja (“id-Deċiżjoni ta' Ftuħ ta' NBG”) (7). |
(13) |
F'Diċembru 2012, l-HFSF ta t-tieni rikapitalizzazzjoni tranżitorja ta' EUR 2 326 miljun lill-Bank (“it-tieni rikapitalizzazzjoni tranżitorja”). (8). L-awtoritajiet Griegi nnotifikaw dik il-miżura lill-Kummissjoni fis-27 ta' Diċembru 2012. Il-Kummissjoni rreġistrat dawn i-miżuri bħala l-każ SA.36007 (2013/NN). |
(14) |
F'Ġunju 2013, il-Bank ħabbar it-tlestija b'suċċess tal-ħruġ tiegħu ta' drittijiet ta' EUR 1 079 miljun (9) filwaqt li l-HFSF ikkonverta parzjalment l-ewwel u t-tieni rikapitalizzazzjonijiet tranżitorji f'ekwità (“ir-rikapitalizzazzjoni tar-Rebbiegħa 2013”, li tinkludi kemm il-ħruġ ta' drittijiet ta' EUR 1 079 miljun u l-konverżjoni tal-ewwel u t-tieni rikapitalizzazzjoni tranżitorja). L-ammont totali tar-rikapitalizzazzjoni tar-Rebbiegħa 2013 kien ta' EUR 9 756 miljun, li EUR 8 677 miljun minnhom kienu injettati mill-HFSF (il-“parteċipazzjoni tal-HFSF fir-rikapitalizzazzjoni tar-Rebbiegħa 2013”). |
(15) |
Fid-19 ta' Diċembru 2013, l-awtoritajiet Griegi ppreżentaw informazzjoni lill-Kummissjoni rigward it-termini tar-rikapitalizzazzjoni tar-Rebbiegħa 2013. |
(16) |
Fil-25 ta' Ġunju 2014, l-awtoritajiet Griegi ssottomettew pjan ta' ristrutturar finali għall-Bank (“il-pjan ta' ristrutturar”) lill-Kummissjoni. Fl-istess data, huma pprovdew informazzjoni dwar l-ELA garantita mill-Istat. Indikaw li riedu jkomplu jipprovdu lill-Bank b'dan l-appoġġ ta' likwidità, kif ukoll b'garanziji Statali fuq l-istrumenti tad-dejn u b'self ta' bonds tal-gvern skont l-Iskema ta' Appoġġ għall-Banek Griegi.Il-Kummissjoni rreġistrat in-notifika skont in-numru SA.34824 (2012/C). |
(17) |
Il-Kummissjoni kellha diversi laqgħat, telekonferenzi u skambji ta' emails mar-rappreżentanti tal-awtoritajiet Griegi u l-Bank. |
(18) |
Il-Greċja taċċetta li, b'mod eċċezzjonali, din id-Deċiżjoni tiġi adottata bil-lingwa Ingliża biss. |
1.2. PROĊEDURA RELATATA MAN-NEGOZJI AKKWISTATI
1.2.1. Proċedura relatata ma' First Business Bank S.A.
(19) |
F'Lulju 2009, First Business Bank S.A. (“FB Bank”) kien rikapitalizzat mill-Ġreċja taħt il-miżura ta' rikapitalizzazzjoni tal-Iskema ta' Appoġġ għall-Banek Griegi (10), għal ammont ta' EUR 50 miljun. |
(20) |
Fir-Rebbiegħa 2013, il-Bank of Greece ddeċieda li jipproċedi bir-riżoluzzjoni ta' FB Bank permezz tal-proċedura ta' Xiri u Suppożizzjoni (11). |
(21) |
Fl-1 ta' Mejju 2013, il-Bank of Greece stieden lill-akbar erba' banek fil-Greċja sabiex jissottomettu offerti mhux vinkolanti għal portafoll tal-assi u l-obbligazzjonijiet ta' FB Bank. Fl-ittra tiegħu lill-offerenti, il-Bank of Greece ddikjara li l-HFSF għandu, qabelxejn u minbarra d-diskrepanza tal-likwidità, ikopri l-ħtiġijiet kapitali tal-akkwirent, li kienu relatati mal-assi ttrasferiti minn FB Bank. |
(22) |
Fit-8 ta' Mejju 2013, il-Bank u bank ieħor ippreżentaw l-offerti preliminari tagħhom. |
(23) |
Fl-10 ta' Mejju 2013, il-Bank irreveda l-offerta tiegħu. |
(24) |
Fl-istess data, il-Bank of Greece, ipproċeda bir-riżoluzzjoni tal-FB Bank u t-trasferiment tal-assi u l-obbligazzjonijiet magħzula lill-Bank. |
(25) |
Fill-11 ta' Mejju 2013, l-awtoritajiet Griegi ppreżentaw informazzjoni lill-Kummissjoni rigward ir-riżoluzzjoni tal-FB Bank. Il-Kummissjoni rreġistrat dik l-informazzjoni u s-sottomissjonijiet sussegwenti mill-awtoritajiet Griegi bħall-Kawża SA.36658 (2014/NN). |
(26) |
Fit-28 ta' Ġunju 2013, l-HFSF żborża żewġ terzi tad-diskrepanza tal-likwidità kif kienet stmata inizjalment. |
(27) |
Fid-29 ta' Lulju 2013, l-awtoritajiet Griegi nnotifikaw lill-Kummissjoni l-finanzjament tad-diskrepanza tal-likwidità għal ammont totali ta' madwar EUR 524 miljun, kif stmata fiż-żmien tar-riżoluzzjoni abbażi tad-dejta disponibbli fil-31 ta' Marzu 2013. |
(28) |
Fis-7 ta' Novembru 2013, il-Bank of Greece ffinalizza l-kalkolu tat-total ta' diskrepanza tal-likwidità, li kien jammonta għal EUR 457 miljun (12). |
(29) |
Fit-13 ta' Novembru 2013, l-HFSF ħallas il-bilanċ li kien għad fadal tad-diskrepanza tal-likwidità lill-Bank. |
(30) |
Fil-25 ta' Ġunju 2014, l-awtoritajiet Griegi nnotifikaw lill-Kummissjoni li l-Bank ma għandux il-ħsieb illi jitlob lill-HFSF sabiex jinjetta l-ammont tal-ħtiġijiet kapitali maħluqa bl-akkwist tal-assi ta' FB Bank fil-Bank. |
1.2.2. Proċedura relatata ma' Probank S.A.
(31) |
Fl-10 ta' Mejju 2013, il-Bank of Greece ħatar Kummissarju fi Probank S.A. (“Probank”). |
(32) |
F'Lulju 2013, il-Bank of Greece ddeċieda li jipproċedi bir-riżoluzzjoni ta' Probank, permezz tal-proċedura ta' Xiri u Suppożizzjoni. |
(33) |
Fit-22 ta' Lulju 2013, il-Bank of Greece stieden lill-akbar erba' banek fil-Greċja sabiex jissottomettu offerta għal portafoll tal-assi u l-obbligazzjonijiet ta' Probank. Fl-ittra tiegħu lill-offerenti potenzjali, il-Bank of Greece ddikjara li l-HFSF għandu, qabelxejn u minbarra d-diskrepanza tal-likwidità, ikopri l-ħtiġijiet kapitali tal-akkwirent, li kienu relatati mal-assi ttrasferiti minn Probank. |
(34) |
Fl-24 ta' Lulju 2013, bank issottometta abbozz ta' offerta u fil-25 ta' Lulju 2013 il-Bank issottometta l-offerta vinkolanti tiegħu. |
(35) |
Fis-26 ta' Lulju 2013, il-Bank of Greece pproċeda bir-riżoluzzjoni ta' Probank u t-trasferiment tal-assi u l-obbligazzjonijiet magħżula lill-Bank. |
(36) |
Fid-29 ta' Lulju 2013, l-awtoritajiet Griegi nnotifikaw lill-Kummissjoni l-finanzjament tad-diskrepanza tal-likwidità għal ammont totali ta' EUR 238 miljun, kif stmata mill-Bank of Greece abbażi tad-dejta disponibbli fil-31 ta' Marzu 2013. Il-Kummissjoni rreġistrat dik in-notifika u l-informazzjoni sussegwenti ppreżentata mill-awtoritajiet Griegi bħall-Kawża SA.37156 (2014/NN). |
(37) |
Fid-9 ta' Awwissu 2013, l-HFSF żborża żewġ terzi tad-diskrepanza tal-likwidità kif kienet stmata inizjalment. |
(38) |
Fit-30 ta' Diċembru 2013, il-Bank of Greece iffinalizza l-kalkolu tat-total tad-diskrepanza tal-likwidità, li kien jammonta għal EUR 563 miljun. |
(39) |
Fil-31 ta' Diċembru 2013, l-HFSF ħallas il-bilanċ li kien għad fadal tad-diskrepanza tal-likwidità lill-Bank. |
(40) |
Fl-istess data, il-Bank of Greece pprovda lill-Kummissjoni b'aktar informazzjoni dwar il-finalizzazzjoni tad-diskrepanza tal-likwidità. |
(41) |
Fil-25 ta' Ġunju 2014, l-awtoritajiet Griegi nnotifikaw lill-Kummissjoni li l-Bank ma għandux il-ħsieb illi jitlob lill-HFSF sabiex jinjetta l-ammont tal-ħtiġijiet kapitali maħluqa mill-akkwist tal-assi ta' Probank fil-Bank. |
2. DESKRIZZJONI
2.1. IL-BANK U D-DIFFIKULTAJIET TIEGĦU
2.1.1. Il-kuntest ġenerali tas-settur bankarju Grieg
(42) |
Il-prodott domestiku gross (“PDG”) reali tal-Greċja naqas b'20 % mill-2008 sal-2012, kif muri fit-Tabella 1. B'riżultat ta' dan, il-banek Griegi ffaċċjaw rata ta' inadempjenza li kompliet tiżdied b'mod rapidu fuq is-self mogħti lill-familji u lill-kumpaniji Griegi (13). Dawk l-iżviluppi affettwaw ir-rendiment tal-assi tal-banek Griegi b'mod negattiv u jiġġeneraw telf kbir minn self. Tabella 1 It-Tkabbir Reali tal-PDG fil-Greċja, 2008-2013
|
(43) |
Barra minn hekk, fi Frar 2012, il-Greċja implimentat skambju ta' bonds fis-settur privat magħruf bħala Parteċipazzjoni tas-Settur Privat (“il-programm PSI”). Il-banek Griegi kienu involuti fil-programm PSI, li matulu l-gvern Grieg offra lid-detenturi tal-bonds privati eżistenti b'titoli ġodda (inklużi Bonds tal-Gvern Grieg (“GGBs”) ġodda, titoli marbuta mal-PDG u noti ta' ħlas tal-PSI maħruġa mill-Fond Ewropew għall-Istabbiltà Finanzjarja (“EFSF”)) inkambju għall-GGBs eżistenti, bi skont nominali ta' 53,5 % u maturitajiet itwal (14). L-awtoritajiet Griegi ħabbru r-riżultati ta' dak l-iskambju ta' bonds fid-9 ta' Marzu 2012 (15). L-iskambju rriżulta f'telf sinifikanti għad-detenturi tal-bonds (stmat mill-Bank of Greece bħala 78 % tal-ammont nominali tal-GGBs l-antiki bħala medja għall-banek Griegi) u ħtiġijiet kapitali li kienu rreġistrati b'mod retroattiv fir-rapporti finanzjarji tal-banek Griegi għall-2011. Tabella 2 Telf totali tal-banek Griegi ewlenin minħabba l-PSI (f'miljuni ta' EUR)
|
(44) |
Peress li l-banek Griegi ffaċċjaw nuqqasijiet sostanzjali fil-kapital b'riżultat tal-programm PSI u r-riċessjoni kontinwa, il-Memorandum ta' Politiki Ekonomiċi u Finanzjarji (“MPEF”) tat-Tieni Programm ta' Aġġustament għall-Greċja bejn il-Gvern Grieg, l-Unjoni Ewropea, il-Fond Monetarju Internazzjonali (“FMI”) u l-Bank Ċentrali Ewropew (“BĊE”) datat il-11 ta' Marzu 2012, għamel il-fondi disponibbli għar-rikapitalizzazzjoni ta' dawk il-banek. L-awtoritajiet Griegi stmaw li l-ħtiġijiet tar-rikapitalizzazzjoni u l-ispejjeż tar-riżoluzzjoni totali tal-bank, li għandhom jiġu ffinanzjati taħt dak il-programm, kienu ta' EUR 50 biljun (17). Dak l-ammont kien ikkalkolat fuq il-bażi ta' test tal-istress imwettaq mill-Bank of Greece għall-perjodu li beda f'Diċembru 2011 u li jiġi fi tmiemu f'Diċembru 2014 (“it-test tal-istress tal-2012”), li kien jiddependi fuq il-previżjoni tat-telf mis-self imwettqa minn Blackrock (18). Il-fondi għar-rikapitalizzazzjoni tal-banek Griegi huma disponibbli permezz tal-HFSF. It-tabella 3 tiġbor fil-qosor il-kalkolazzjoni tal-ħtiġijiet kapitali għall-banek Griegi ewlenin kif jirriżultaw mit-test tal-istress tal-2012. Tabella 3 Test tal-istress tal-2012: Il-ħtiġijiet kapitali tal-banek Griegi ewlenin (f'miljuni ta' EUR)
|
(45) |
Skont l-MPEF, “il-banek li jissottomettu pjanijiet vijabbli ta' ġbir tal-kapital jingħataw l-opportunità li japplikaw għal u jirċievu appoġġ pubbliku b'mod li jippreserva inċentivi fis-settur privat għall-injezzjoni ta' kapital u b'hekk jitnaqqas il-piż għall-kontribwenti” (19). Il-Bank of Greece sab li l-akbar erba' banek biss (Eurobank, National Bank of Greece, Piraeus Bank u Alpha Bank) huma vijabbli (20). Huma rċevew l-ewwel rikapitalizzazzjoni mill-HFSF f'Mejju 2012. |
(46) |
Id-depożiti domestiċi fil-banek fil-Greċja naqsu b'37 % b'kollox bejn l-aħħar tal-2009 u Ġunju 2012 minħabba r-reċessjoni u l-inċertezza politika. Dawk il-banek kellhom iħallsu rati ta' mgħax ogħla sabiex jippruvaw iżommu d-depożiti. L-ispejjeż tad-depożiti żdiedu, filwaqt li l-marġini tal-imgħax nett tal-banek naqas. Minħabba li l-banek Griegi ma komplewx joperaw fis-swieq tal-finanzjament tal-operaturi, huma saru kompletament dipendenti fuq il-finanzjament tal-Eurosistema (21), li porzjon dejjem jikber minnu kien fil-forma ta' ELA garantita mill-Istat mogħtija mill-Bank of Greece. |
(47) |
Fit-3 ta' Diċembru 2012, il-Greċja nediet programm ta' xiri lura fuq il-GGBs ġodda riċevuti mill-investituri fil-qafas tal-programm PSI, bi prezzijiet li jvarjaw minn 30,2 % sa 40,1 % tal-valur nominali tagħhom (22). Il-banek Griegi pparteċipaw f'dak il-programm ta' xiri lura li kkristallizza t-telf ulterjuri fuq il-karti tal-bilanċ tagħhom, minħabba li ħafna mit-telf tal-kontabbiltà (jiġifieri, id-differenza bejn il-valur fis-suq u l-valur nominali) irreġistrat fuq dawk il-GGBs ġodda fiż-żmien tal-programm PSI kien sar definittiv u irriversibbli (23). |
(48) |
F'Diċembru 2012, l-akbar erba' banek Griegi rċevew it-tieni rikapitalizzazzjoni tranżitorja mill-HFSF. |
(49) |
Fir-Rebbiegħa tal-2013, ir-rikapitalizzazzjonijiet tranżitorji tal-erba' banek ġew ikkonvertiti f'rikapitalizzazzjonijiet permanenti f'ishma ordinarji, bl-HFSF iżomm aktar minn 80 % tal-parteċipazzjoni azzjonarja ta' kull wieħed mill-erba' banek. Għall-banek li rnexxielhom jattiraw ammont stabbilit minn qabel ta' kapital privat, l-HFSF irċieva ishma mingħajr vot, filwaqt li l-investituri privati li injettaw flus ġodda flimkien mal-HFSF ingħataw ċertifikati tal-ishma miksuba mill-HFSF. |
(50) |
F'Lulju 2013, il-Bank of Greece kkummissjona konsulent sabiex iwettaq studju dijanjostiku fuq il-portafolli tas-self tal-banek Griegi kollha. Dak il-konsulent wettaq projezzjonijiet tat-telf ta' kreditu (“CLPs”) fuq il-kotba tas-self domestiċi kollha tal-banek Griegi, kif ukoll fuq is-self li jġorr riskju Grieg fil-fergħat barranin u s-sussidjarji fuq medda ta' tliet snin u nofs u fuq orizzont tul il-ħajja ta' self. L-analiżi pprovdiet CLPs taħt żewġ xenarji makroekonomiċi, xenarju bażi u xenarju avvers. Is-CLPs għall-portafolli tas-self barranin ġew stmati mill-Bank of Greece permezz ta' kontribut mill-konsulent. |
(51) |
Abbażi tal-valutazzjoni tas-CLPs mill-konsulent, il-Bank of Greece nieda eżerċizzju ġdid ta' test tal-istress fil-Ħarifa 2013 (“it-test tal-istress tal-2013”) sabiex jivvaluta r-robustezza tal-pożizzjoni kapitali tal-banek Griegi kemm taħt xenarju bażi kif ukoll taħt xenarju avvers. Il-Bank of Greece wettaq il-valutazzjoni tal-ħtiġijiet kapitali bl-appoġġ tekniku tat-tieni konsulent. |
(52) |
Il-komponenti ewlenin tal-valutazzjoni tal-ħtiġijiet kapitali skont it-test tal-istress tal-2013 kienu (i) is-CLPs (24) fuq il-portafolli tas-self tal-banek fuq bażi kkonsolidata għar-riskju Grieg u għar-riskju barrani, nett tar-riżervi tas-self eżistenti, u (ii) il-profittabbiltà operattiva stmata tal-banek għall-perjodu minn Ġunju 2013 sa Diċembru 2016, abbażi ta' aġġustament konservattiv tal-pjanijiet ta' ristrutturar li ġew sottomessi lill-Bank of Greece matul ir-raba' kwart tal-2013. It-tabella 4 tiġbor fil-qosor il-kalkolazzjoni tal-ħtiġijiet kapitali għall-banek Griegi ewlenin fuq bażi kkonsolidata taħt ix-xenarju bażi għal dak it-test tal-istress tal-2013. Tabella 4 Test tal-istress tal-2013: Il-ħtiġijiet kapitali tal-banek Griegi fuq bażi kkonsolidata fix-xenarju bażi (f'miljuni ta' EUR)
|
(53) |
Fis-6 ta' Marzu 2014, il-Bank of Greece ħabbar ir-riżultati tat-test tal-istress tal-2013 u talab lill-banek sabiex jissottomettu, sa nofs April 2014, il-pjanijiet tagħhom għall-ġbir tal-kapital sabiex ikopru l-ħtiġijiet kapitali taħt ix-xenarju bażi. |
(54) |
Bejn l-aħħar ta' Marzu 2013 u l-bidu ta' Mejju 2014, il-banek ipproċedew b'żidiet kapitali. |
2.1.2. Il-benefiċjarju
(55) |
Il-Bank jipprovdi servizzi bankarji universali prinċipalment fil-Greċja, it-Turkija, u pajjiżi oħra fl-Ewropa Ċentrali, tal-Lvant u x-Xlokk (Ċipru, ir-Rumanija, il-Bulgarija, is-Serbja, l-Albanija u l-ex Repubblika Jugoslava tal-Maċedonja (“FYROM”)). Huwa joffri firxa sħiħa ta' prodotti u servizzi bankarji u finanzjarji lil familji u negozji. Huwa attiv f'operazzjonijiet bankarji korporattivi u privati kif ukoll f'dawk għall-konsumatur, l-immaniġġjar tal-assi, l-assigurazzjoni, it-teżor, is-swieq tal-kapital u servizzi oħra. Il-Bank huwa inkorporat fil-Greċja u l-ishma tiegħu huma elenkati fuq il-Borża ta' Ateni. Fit-30 ta' Settembru 2012, il-Bank impjega total ta' 37 831 ruħ (28), li minnhom madwar terz kienu impjegati fil-Greċja, u terz fit-Turkija, filwaqt li t-terz l-ieħor kienu impjegati f'pajjiżi oħra, prinċipalment l-Ewropa tax-Xlokk. |
(56) |
Il-Bank ipparteċipa fil-programm PSI, skambja GGBs u self relatat mal-Istat b'valur nominali ta' EUR 14 749 miljun. Il-ħlas totali tiegħu relatat mal-PSI kien jammonta għal madwar EUR 11 735 miljun qabel it-taxxa u kien kompletament irreġistrat fil-kontijiet tiegħu għall-2011. (29). Matul il-programm ta' xiri lura ta' Diċembru 2012, il-Bank biegħ il-GGBs ġodda li kien irċieva fil-qafas tal-PSI bi skont qawwi għall-valur nominali. Dak il-bejgħ ikkristallizza t-telf tiegħu fuq il-GGBs il-ġodda. |
(57) |
Il-figuri ewlenin tal-Bank f'Diċembru 2010, Diċembru 2011, Diċembru 2012 u Diċembru 2013 (dejta kkonsolidata skont id-dikjarazzjonijiet finanzjarji annwali) huma ppreżentati fit-Tabella 5. Tabella 5 Il-figuri ewlenin tal-Eurobank, 2010, 2011, 2012 u 2013 (30)
|
(58) |
It-Tabella 5 tispjega li, minbarra t-telf qawwi li rreġistra fl-2011 minħabba l-programm PSI (EUR 11 735 miljun (32)), il-Bank sofra minn tnaqqis fid-dħul (minħabba, fost raġunijiet oħrajn, l-ispejjeż ogħla tad-depożiti) u minn telf għoli u dejjem jiżdied minn indeboliment fuq il-portafolli tas-self tiegħu fil-Greċja u barra l-pajjiż. Il-pożizzjoni tal-likwidità tal-Bank intlaqtet mill-ħruġ tad-depożiti iżda il-proporzjon self-depożitu nett tagħha baqa' relattivament baxx meta mqabbel ma' banek Griegi oħra (118 % fil-31 ta' Diċembru 2012 (33)). |
(59) |
Wara t-test tal-istress tal-2013, li r-riżultati tiegħu wrew li l-ħtiġijiet kapitali tal-Bank kienu stmati bħala EUR 2 183 miljun fix-xenarju bażi, il-Bank fittex li jżid EUR 2,5 biljun ta' kapital fis-suq. |
(60) |
Fis-6 ta' Mejju 2014, il-Bank ħabbar it-tnedija ta' eżerċizzju ta' bini tal-kotba (34) għal ammont ta' EUR 2,5 biljun (35). |
(61) |
Fid-9 ta' Mejju 2014, il-bank ħabbar il-ħruġ u l-istazzjonar ta' 1 136,4 miljun ishma ordinarji ġodda, bi prezz ta' EUR 2,20 għal kull sehem għal rikavat gross totali ta' EUR 2,5 biljun (36). Iż-żieda tal-kapital azzjonarju twettqet permezz tal-kanċellazzjoni tad-drittijiet ta' prelazzjoni għall-azzjonisti eżistenti, kif ġie deċiż mil-laqgħa ġenerali tal-azzjonisti li saret f'Ateni fl-10 ta' Mejju 2014 (37). L-HFSF approva ż-żieda tal-kapital azzjonarju fuq il-bażi taż-żewġ rapporti ta' evalwazzjoni mwettqa minn esperti indipendenti skont il-liġi 3864 (38). |
2.2. L-AKKWIŻIZZJONIJIET MILL-BANK TAL-ATTIVITAJIET BANKARJI GRIEGI
2.2.1. L-akkwiżizzjoni ta' obbligazzjonijiet magħżula tat-tliet Banek Kooperattivi
(62) |
Fit-18 ta' Marzu 2012, il-Bank of Greece innota li t-tliet Banek Kooperattivi ma ssodisfawx ir-rekwiżiti tal-adegwatezza kapitali u kkonkluda li dawn mhux ser ikunu jistgħu jżidu l-kapital tagħhom. Għalhekk, il-Bank of Greece ddeċieda li jirtira l-liċenzji tagħhom u jpoġġihom f'likwidazzjoni. |
(63) |
Il-Bank of Greece kien tal-fehma li t-teħid ta' miżuri ta' riżoluzzjoni u, b'mod partikolari, l-irkantar tad-depożiti fil-kuntest tal-qafas tar-riżoluzzjoni (l-Artikolu 63(D) tal-liġi 3601/2007), kif ukoll il-finanzjament tad-diskrepanza tal-likwidità rilevanti, kienu kruċjali sabiex jinżammu ż-żidiet fil-fiduċja tad-depożituri li seħħew bħala konsegwenza tal-konklużjonijiet b'suċċess tal-PSI u t-Tieni Programm ta' Aġġustament u li, minkejja l-bidla riċenti tas-sentiment tas-suq, tali sentiment kien fraġli. Il-Bank of Greece għamel stima li, fid-19 ta' Marzu 2012, l-ammont totali ta' depożiti tal-klijenti (abbażi tad-dejta mhux ivverifikata fit-30 ta' Settembru 2013) f'dawk it-tliet Banek Kooperattivi kien jammonta għal madwar EUR 325 miljun. |
(64) |
Il-Bank of Greece ipproċeda bi proċedura ta' Xiri u Suppożizzjoni fejn id-depożiti kollha, inklużi d-depożiti interbankarji, u l-pretensjonijiet u l-obbligazzjonijiet lejn il-Fond Elleniku ta' Garanzija tad-Depożiti u l-Investimenti (“HDIGF”) iżda ebda self ma jiġi ttrasferit lil akkwirent. Fl-20 ta' Marzu 2012, il-Bank of Greece stieden lill-akbar ħames istituzzjonijiet ta' kreditu Griegi f'dak iż-żmien sabiex jissottomettu l-offerti tagħhom. Il-Bank u tliet banek oħra ssottomettew offerti vinkolanti. L-offerta tal-Bank kienet dik ippreferuta, f'termini tal-kunsiderazzjoni u ż-żmien meħtieġa għall-konklużjoni tat-trasferiment. Il-Bank offra li jħallas bħala kunsiderazzjoni ammont ugwali għal […] (*) % tad-depożiti ttrasferiti u stima li t-trasferiment jista' jitlesta fi żmien jum tax-xogħol. |
2.2.1.1. Bank Kooperattiv ta' Lesvos-Limnos (“Lesvos-Limnos Bank”)
(65) |
Fit-23 ta' Marzu 2012, il-Bank of Greece ddeċieda li d-depożiti u l-pretensjonijiet u l-obbligazzjonijiet ta' Lesvos-Limnos Bank lejn l-HDIGF kellhom jiġu ttrasferiti lill-Bank (39). Skont il-Bank of Greece (40), il-valur ġust tal-obbligazzjonijiet ittrasferiti ammonta għal EUR […] miljuni, filwaqt li ma ġew ittrasferiti l-ebda assi. Il-kunsiderazzjoni ġiet ikkalkolata (41) bħala EUR […] miljun, jiġifieri, […] % tad-depożiti ttrasferiti. Id-diskrepanza tal-likwidità ġiet koperta mill-HFSF skont l-Artikolu 63D(13) tal-liġi 3601/2007. Fl-10 ta' April 2012, l-HFSF ħareġ żewġ terzi mid-diskrepanza tal-likwidità sħiħa f'Noti tal-EFSF filwaqt li ħa impenn li jħallas l-ammont li jifdal mal-istabbiliment finali tad-diskrepanza tal-likwidità. Fit-22 ta' Ġunju 2012, il-Bank of Greece stabbilixxa li d-diskrepanza tal-likwidità finali ta' Lesvos-Limnos Bank kienet tammonta għal EUR 56,6 miljun. L-HFSF kopra l-parti mhux maħruġa tad-diskrepanza tal-likwidità fl-20 ta' Lulju 2012. |
(66) |
Fi żmien ir-riżoluzzjoni tiegħu, Lesvos-Limnos Bank kien iħaddem 37 persuna u kellu 3 fergħat. Il-Bank ma ħa ebda fergħa ta' Lesvos-Limnos Bank u l-impjegati tiegħu ngħataw sensja. |
2.2.1.2. Bank Kooperattiva ta' Achaia (“Achaia Bank”)
(67) |
Fit-23 ta' Marzu 2012, il-Bank of Greece ddeċieda li d-depożiti u l-pretensjonijiet u l-obbligazzjonijiet ta' Achaia Bank lejn l-HDIGF kellhom jiġu ttrasferiti lill-Bank (42). Skont il-Bank of Greece (43), il-valur ġust tal-obbligazzjonijiet ittrasferiti ammonta għal EUR […] miljuni, filwaqt li ma ġew ittrasferiti l-ebda assi. Il-kunsiderazzjoni ġiet ikkalkolata (44) bħala EUR […] miljun, jiġifieri, […] % tal-kapital tad-depożiti ttrasferiti. Id-diskrepanza tal-likwidità ġiet koperta mill-HFSF skont l-Artikolu 63(D)(13) tal-liġi 3601/2007. Fl-10 ta' April 2012, l-HFSF ħareġ żewġ terzi mid-diskrepanza tal-likwidità sħiħa f'Noti tal-EFSF filwaqt li ħa impenn li jħallas l-ammont li jifdal mal-istabbiliment finali tad-diskrepanza tal-likwidità. Fit-22 ta' Ġunju 2012, il-Bank of Greece stabbilixxa li d-diskrepanza tal-finanzjament finali ta' Achaia Bank kienet tammonta għal EUR 212,9 miljun. L-HFSF kopra l-parti mhux maħruġa tad-diskrepanza tal-likwidità fl-20 ta' Lulju 2012. |
(68) |
Fi żmien ir-riżoluzzjoni tiegħu, Achaia Bank kien iħaddem 103 persuna u kellu 13-il fergħa. Il-Bank ma ħa ebda fergħa ta' Achaia Bank u l-impjegati tiegħu ngħataw sensja. |
2.2.1.3. Bank Kooperattiva ta' Lamia (“Lamia Bank”)
(69) |
Fit-23 ta' Marzu 2012, il-Bank of Greece ddeċieda li d-depożiti u l-pretensjonijiet u l-obbligazzjonijiet ta' Lamia Bank lejn l-HDIGF kellhom jiġu ttrasferiti lill-Bank (45). Skont il-Bank of Greece, il-valur ġust tal-obbligazzjonijiet ittrasferiti kien jammonta għal EUR […] miljun, filwaqt li ma ġewx ittrasferiti assi. Il-kunsiderazzjoni ġiet ikkalkolata (46) bħala EUR […] miljun, jiġifieri, […] % tal-kapital tad-depożiti ttrasferiti. Id-diskrepanza tal-likwidità ġiet koperta mill-HFSF skont l-Artikolu 63(D)(13) tal-liġi 3601/2007. Fl-10 ta' April 2012, l-HFSF ħareġ żewġ terzi mid-diskrepanza tal-likwidità sħiħa f'Noti tal-EFSF filwaqt li ħa impenn li jħallas l-ammont li jifdal mal-istabbiliment finali tad-diskrepanza tal-likwidità. Fit-22 ta' Ġunju 2012, il-Bank of Greece stabbilixxa li d-diskrepanza tal-likwidità finali ta' Lamia Bank kienet tammonta għal EUR 56,3 miljun. L-HFSF kopra l-parti mhux maħruġa tad-diskrepanza tal-likwidità fl-20 ta' Lulju 2012. |
(70) |
Fi żmien ir-riżoluzzjoni tiegħu, Lamia Bank kien iħaddem 47 persuna u kellu 5 fergħat. Il-Bank ma ħa ebda fergħa ta' Lamia Bank u l-impjegati tiegħu ngħataw sensja. |
(71) |
L-ammonti tad-diskrepanzi tal-likwidità tat-tliet Banek Korporattivi huma ppreżentati fit-Tabella 6. Tabella 6 Id-diskrepanzi tal-likwidità finali tat-tliet Banek Kooperattivi
|
2.2.2. L-akkwiżizzjoni ta' assi u obbligazzjonijiet magħżula ta' First Business Bank
(72) |
FB Bank kien bank żgħir b'karta bilanċjali totali ta' EUR 1,4 biljun fiż-żmien tar-riżoluzzjoni tiegħu, u b'sehem mis-suq ta' inqas minn 1 % f'self u f'depożiti. Fil-31 ta' Diċembru 2012, FB Bank kellu 19-il fergħa madwar il-Greċja u kien jimpjega 260 impjegat. |
(73) |
Taħt l-Iskema ta' Appoġġ lill-banek Griegi, FB Bank irċieva (i) injezzjoni ta' kapital ta' EUR 50 miljun mill-Istat Grieg f'Lulju 2009, (ii) it-Titoli tal-Gvern Grieg jammontaw għal EUR 60 miljun f'Mejju 2012 (47) u (iii) garanzija mill-Istat għal bonds maħruġa b'valur nominali ta' EUR 50 miljun f'Marzu 2011. |
(74) |
FB Bank ipparteċipa fil-programm PSI, u skambja GGBs b'valur nominali ta' EUR 70 miljun. Kif muri fit-Tabella 2, il-ħlas totali tiegħu relatat mal-PSI kien jammonta għal madwar EUR 49 miljun qabel it-taxxa. Kif muri fit-Tabella 3, il-ħtiġijiet kapitali ta' FB Bank kienu stmati bħala EUR 168 miljun fit-test tal-istress tal-2012. |
L-akkwist ta' First Business Bank
(75) |
Fit-8 ta' Novembru 2012, il-Bank of Greece talab lil FB Bank biex jikkompleta ż-żieda fil-kapital sat-30 ta' April 2013 sabiex ireġġa' lura l-proporzjon tiegħu ta' kapital tal-Grad 1 ta' ekwità komuni. |
(76) |
Minħabba li FB Bank naqas li jżid il-kapital meħtieġ sat-30 ta' April 2013, il-Bank of Greece ddeċieda li jipproċedi bl-irtirar tal-liċenzja ta' FB Bank u jpoġġih f'likwidazzjoni. |
(77) |
Il-Bank of Greece kien tal-fehma li t-teħid ta' miżuri ta' riżoluzzjoni permezz ta' proċedura ta' Xiri u Assorbiment, b'mod partikolari l-finanzjament tad-diskrepanza tal-likwidità rilevanti u l-kopertura assoċjata tal-ħtiġijiet kapitali relatati mal-assi ttrasferiti, kien kruċjali sabiex tinżamm il-fiduċja tad-depożituri fis-sistema bankarja Griega u, b'hekk, sabiex tiġi ppriservata l-istabbiltà finanzjarja. Il-Bank of Greece għamel stima li, fil-31 ta' Diċembru 2012, l-ammont totali ta' depożiti tal-klijenti f'FB Bank kien jammonta għal madwar EUR 1 278 miljun, li EUR 830 miljun biss minnhom kienu garantiti mill-HDIGF. Għalhekk, li kieku FB Bank tpoġġa f'likwidazzjoni mingħajr l-applikazzjoni ta' miżuri ta' riżoluzzjoni, madwar EUR 448 miljun tad-depożiti ma kinux jiġu koperti. |
(78) |
Għal dawk il-kunsiderazzjonijiet tal-istabbiltà finanzjarja, il-Bank of Greece pproċeda bl-irkant tal-assi u l-obbligazzjonijiet magħżula ta' FB Bank, inklużi d-depożiti. Madankollu, l-akkwist tal-assi ta' FB Bank seta' ħoloq aktar ħtiġijiet kapitali għall-akkwirent u, b'hekk, ebda bank ma jaċċetta li jakkwista l-assi u l-obbligazzjonijiet magħżula. Fl-ittra tiegħu lill-HFSF datata t-8 ta' Mejju 2013, il-Bank of Greece indika li huwa kien tal-fehma li huwa xieraq li l-HFSF għandu jkopri dawk il-ħtiġijiet kapitali bħala parti mill-ispejjeż tar-riżoluzzjoni. Fl-offerta vinkolanti finali tiegħu datata l-10 ta' Mejju 2013, il-Bank talab sabiex il-ħtiġijiet kapitali maħluqa bl-akkwist tal-assi ttrasferiti minn FB Bank jiġu koperti mill-HFSF. L-ammont ta' dawk il-ħtiġijiet kapitali kien stmat f'madwar EUR 100 miljun mill-Bank of Greece fiż-żmien tar-riżoluzzjoni (48). |
(79) |
Fit-8 ta' Mejju 2013, il-Bank u bank ieħor biss ippreżentaw offerti mhux vinkolanti.L-offerti taż-żewġ banek kienu bbażati fuq l-għarfien li l-HFSF għandu jkopri kemm id-diskrepanza tal-likwidità kif ukoll il-ħtiġijiet kapitali relatati mal-assi ttrasferiti. Fl-10 ta' Mejju 2013, il-Bank issottometta l-offerta finali tiegħu. Il- Bank of Greece ddeċieda li jittrasferixxi l-assi u l-obbligazzjonijiet ta' FB Bank lill-Bank, li l-offerta tiegħu tqieset bħala dik ippreferuta. |
(80) |
Is-self tal-klijenti (minbarra dawk b'mod permanenti f'arretrati) u l-maġġoranza tal-flus fl-idejn, kif ukoll l-assi intanġibbli u l-avvjament, id-drittijiet tal-proprjetà, il-kuntratti relatati mal-kiri jew ix-xiri tal-proprjetà, l-obbligazzjonijiet interbankarji u d-depożiti tal-klijenti kienu ttrasferiti lill-Bank. |
(81) |
Skont il-valutazzjoni inizjali tal-Bank of Greece fi żmien ir-riżoluzzjoni (49), il-valur tal-obligazzjonijiet ittrasferiti minn FB Bank lill-Bank kien stmat f'EUR 1 402 miljun filwaqt li l-valur tal-assi ttrasferiti kien stmat f'EUR 878 miljun, id-differenza tkun id-diskrepanza tal-likwidità ta' EUR 524 miljun. Id-diskrepanza tal-likwidità ġiet koperta skont l-Artikolu 63D(13) tal-liġi 3601/2007 mill-HFSF, li fit-28 ta' Ġunju 2013 ħallas iż-żewġ terzi tad-diskrepanza tal-likwidità stmata, li jfisser EUR 349,6 miljun. Wara l-finalizzazzjoni tal-kalkolazzjoni tad-diskrepanza tal-likwidità mill-Bank of Greece fis-7 ta' Novembru 2013, (50) f'EUR 457 miljun, fit-13 ta' Novembru 2013 (51) l-HFSF ħallas lill-Bank il-bilanċ ta' EUR 107,4 miljun. |
2.2.3. L-akkwiżizzjoni ta' assi u obbligazzjonijiet magħżula ta' Probank
(82) |
Probank kellu netwerk ta' 112-il fergħa madwar il-Greċja u kien jimpjega 1 087 persuna (52) fil-31 ta' Marzu 2013. |
(83) |
Il-karta bilanċjali ta' Probank kienet ta' madwar EUR 3,2 biljun fit-30 ta' Ġunju 2013 (53). Fil-31 ta' Marzu 2013, Probank kellu sehem mis-suq ta' 1,1 % f'self u sehem mis-suq ta' 1,7 % f'depożiti. |
(84) |
Probank ipparteċipa fil-programm PSI, fejn skambja GGBs b'valur nominali ta' EUR 415 miljun. Kif muri fit-Tabella 2, il-ħlas totali tiegħu relatat mal-PSI kien jammonta għal madwar EUR 295 miljun qabel it-taxxa. Kif muri fit-Tabella 3, il-ħtiġijiet kapitali ta' Probank kienu stmati bħala EUR 282 miljun fit-test tal-istress tal-2012. |
Akkwiżizzjoni ta' Probank
(85) |
Fis-26 ta' Ottubru 2012, il-Bank of Greece talab lil Probank biex iżid il-kapital tiegħu b'EUR 282 miljun. |
(86) |
Billi Probank naqas milli jżid il-kapital tiegħu, f'Lulju 2013 il-Bank of Greece ddeċieda li jipproċedi bl-irtirar tal-liċenzja tiegħu u jpoġġih f'likwidazzjoni (54). B'mod aktar preċiż, il-fondi proprji ta' Probank kienu negattivi u kienu stmati f'madwar EUR -16-il miljun abbażi tad-dejta disponibbli fil-31 ta' Marzu 2013 fuq bażi konsolidata. Għalhekk, Probank ma ssodisfax ir-rekwiżiti kapitali minimi tiegħu u l-fondi proprji tiegħu kienu aktar baxxi mill-kapital azzjonarju minimu għal kwalunkwe bank, kif stabbilit fl-Artikolu 5(4)(a) tal-liġi 3601/2007. |
(87) |
Il-Bank of Greece kien tal-fehma li l-miżuri ta' riżoluzzjoni kienu kruċjali sabiex tinżamm il-fiduċja tad-depożituri fis-sistema bankarja Griega u, b'hekk, sabiex tiġi ppriservata l-istabbiltà finanzjarja. Il-Bank of Greece għamel stima li, fil-31 ta' Marzu 2013, l-ammont totali ta' depożiti tal-klijenti fi Probank kien jammonta għal madwar EUR 3 123 miljun, li EUR 1 998 miljun biss minnhom kienu garantiti mill-HDIGF. Għalhekk, li kieku Probank tpoġġa f'likwidazzjoni mingħajr l-applikazzjoni ta' miżuri ta' riżoluzzjoni, madwar EUR 1 125 miljun tad-depożiti ma kinux jiġu koperti. |
(88) |
Għal dawk il-kunsiderazzjonijiet tal-istabbiltà finanzjarja, il-Bank of Greece pproċeda bl-irkant tal-assi u l-obbligazzjonijiet magħżula ta' Probank, inklużi d-depożiti. Madankollu, l-akkwist tal-assi ta' Probank seta' ħoloq aktar ħtiġijiet kapitali għall-akkwirent u, b'hekk, ebda bank ma jaċċetta li jakkwista l-assi u l-obbligazzjonijiet magħżula. Għalhekk, fl-offerta vinkolanti finali tiegħu datata l-25 ta' Lulju 2013, il-Bank talab sabiex il-ħtiġijiet kapitali maħluqa bl-akkwist tal-assi ttrasferiti minn Probank jiġu koperti mill-HFSF. L-impenn mitlub sabiex jiġu koperti dawk il-ħtiġijiet kapitali ttieħed f'kunsiderazzjoni mill-HFSF meta ġie biex jivvaluta l-offerti li rċieva. L-ammont ta' dawn il-ħtiġijiet kapitali kien stmat f'EUR [180 sa 280] miljun (55). |
(89) |
Fl-24 ta' Lulju 2013, bank Grieg kbir ieħor issottometta abbozz ta' offerta u fil-25 ta' Lulju 2013 il-Bank issottometta l-offerta tiegħu.L-offerti taż-żewġ banek kienu bbażati fuq l-għarfien li l-HFSF għandu jkopri kemm id-diskrepanza tal-likwidità kif ukoll il-ħtiġijiet kapitali maħluqa mill-assi ttrasferiti. Il-Bank of Greece ddeċieda li jittrasferixxi l-assi u l-obbligazzjonijiet ta' Probank lill-Bank, li l-offerta tiegħu tqieset bħala dik ippreferuta. |
(90) |
Is-self tal-klijenti (minbarra dawk b'mod permanenti f'arretrati) u l-maġġoranza tal-flus fl-idejn, kif ukoll l-assi intanġibbli u l-avvjament, id-drittijiet tal-proprjetà, il-kuntratti relatati mal-kiri jew ix-xiri tal-proprjetà, l-obbligazzjonijiet interbankarji u d-depożiti tal-klijenti kienu ttrasferiti lill-Bank. |
(91) |
Skont il-valutazzjoni inizjali tal-Bank of Greece fi żmien ir-riżoluzzjoni (56), il-valur tal-obligazzjonijiet ittrasferiti minn Probank lill-Bank kien stmat f'EUR 3 198,9 miljun filwaqt li l-valur tal-assi ttrasferiti kien stmat f'EUR 2 961,4 miljun, id-differenza tkun id-diskrepanza tal-likwidità ta' EUR 237,6 miljun. Id-diskrepanza tal-likwidità ġiet koperta skont l-Artikolu 63D(13) tal-liġi 3601/2007 mill-HFSF, li fid-9 ta' Awwissu 2013, ħallas fi flus kontanti iż-żewġ terzi tad-diskrepanza tal-likwidità stmata, li jfisser EUR 158,4 miljun. Id-diskrepanza tal-likwidità, li l-kalkolazzjoni tagħha ġiet iffinalizzata mill-Bank of Greece fit-30 ta' Diċembru 2013, kienet tammonta għal EUR 562,7 (57). Fil-31 ta' Diċembru 2013, l-HFSF ħallas lill-Bank il-bilanċ ta' EUR 404,4 miljun fi flus kontanti (58). |
2.3. IL-MIŻURI TA' GĦAJNUNA
2.3.1. Miżuri ta' għajnuna mogħtija lill-Bank taħt l-Iskema ta' Appoġġ lill-Banek Griegi (miżuri L1 u A)
(92) |
Il-Bank kiseb diversi forom ta' għajnuna taħt il-miżura ta' rikapitalizzazzjoni, il-miżura ta' garanzija u l-miżura ta' self obbligazzjonarju tal-gvern tal-Iskema ta' Appoġġ lill-Banek Griegi. |
2.3.1.1. Appoġġ ta' likwidità mill-Istat mogħti bil-miżura ta' garanzija u l-miżuri ta' self ta' bonds tal-gvern (miżura L1)
(93) |
Il-Bank ibbenefika u għadu jibbenefika minn għajnuna taħt il-miżura ta' garanzija u l-miżuri ta' self ta' bonds tal-gvern. Dik l-għajnuna sejra tiġi deskritta f'din id-Deċiżjoni bħala l-“miżura L1”. Fit-30 ta' Novembru 2013 (59), il-garanziji mogħtija lill-Bank ammontaw għal madwar EUR 14,8 biljun. F'dik id-data, is-self pendenti tal-bonds tal-gvern lill-Bank kien jammonta għal EUR 847 miljun. Mill-15 ta' April 2011, il-Bank kien irċieva self ta' bonds tal-gvern li jammontaw għal EUR 787 miljun u l-garanziji Statali li jammontaw għal EUR 12,9 biljun. |
(94) |
Fil-pjan ta' ristrutturar għall-Bank, li ġie sottomess mill-awtoritajiet Griegi lill-Kummissjoni fil-25 ta' Ġunju 2014, l-awtoritajiet Griegi ssinjalaw l-intenzjoni tagħhom li jkomplu jagħtu garanziji u jsellfu bonds tal-gvern lill-Bank taħt l-Iskema ta' Appoġġ lill-Banek Griegi matul il-perjodu tar-ristrutturar. |
2.3.1.2. Rikapitalizzazzjoni mill-Istat mogħtija taħt il-miżura ta' rikapitalizzazzjoni (il-miżura A)
(95) |
F'Mejju 2009 u Diċembru 2011, il-Bank irċieva mingħand il-Greċja, taħt il-miżura ta' rikapitalizzazzjoni, injezzjonijiet kapitali ta' EUR 350 miljun u EUR 1 000 miljun, rispettivament, li jammontaw għal total ta' EUR 1 350 miljun (il-miżura A), ekwivalenti għal madwar 2 % tal-assi mwieżna għar-riskji (“RWA”) tal-Bank f'dak iż-żmien. |
(96) |
Ir-rikapitalizzazzjoni ħadet il-forma ta' ishma privileġġati sottoskritti mill-Greċja, li kellhom kupun ta' 10 % u maturità ta' ħames snin. Fl-2010 id-durata tal-ishma privileġġati kienet estiża, filwaqt li r-rimunerazzjoni tagħhom żdiedet. Minn tmiem il-perjodu inizjali ta' ħames snin, jekk l-ishma ta' preferenza ma jkunux mifdija u l-ebda deċiżjoni ma tkun ittieħdet mil-laqgħa ġenerali tal-azzjonisti dwar il-fidi ta' dawk l-ishma, il-Ministru tal-Finanzi Grieg iżid il-kupun bi 2 % kull sena fuq bażi kumulattiva (jiġifieri, kupun ta' 12 % għas-sitt sena, ta' 14 % għas-seba' sena, eċċ…). |
2.3.2. ELA garantita mill-Istat (miżura L2)
(97) |
ELA hija miżura eċċezzjonali li tippermetti lil istituzzjoni finanzjarja solventi, li tkun qiegħda tiffaċċja problemi ta' likwidità temporanji, sabiex tirċievi finanzjament mill-Eurosistema mingħajr ma tali operazzjoni tkun parti mill-politika monetarja unika. Ir-rata tal-imgħax imħallsa minn istituzzjoni finanzjarja għal ELA hija […] punti bażi (“bps”) ogħla mill-imgħax li tħallas għal rifinanzjament regolari mill-BĊE. |
(98) |
Il-Bank of Greece huwa responsabbli mill-programm ta' ELA, li jfisser li kwalunkwe spiża ta', u r-riskji li jirriżultaw mill-provvediment ta' ELA jinġarru mill-Bank of Greece (60). Il-Greċja tat lill-Bank of Greece garanzija mill-Istat li tapplika għall-ammont totali ta' ELA mogħtija mill-Bank of Greece. L-adozzjoni tal-Artikolu 50(7) tal-liġi 3943/2011, li emendat l-Artikolu 65(1) tal-liġi 2362/1995, ippermettiet lill-Ministru tal-Finanzi jagħti garanziji f'isem l-Istat lill-Bank of Greece bil-għan li jissalvagwardja l-pretensjonijiet tal-Bank of Greece kontra l-istituzzjonijiet ta' kreditu. Il-banek li jibbenifikaw minn ELA għandhom iħallsu miżata ta' garanzija lill-Istat li tammonta għal […] bps. |
(99) |
Fil-31 ta' Jannar 2012, il-Bank ibbenifika minn EUR 8,6 biljun ta' ELA garantita mill-Istat (61), filwaqt li fil-31 ta' Diċembru 2012, il-Bank ibbenefika minn EUR 30,9 biljun ta' ELA garantita mill-Istat (62). |
2.3.3. Miżuri ta' għajnuna mogħtija lill-Bank permezz tal-HFSF (miżuri B1, B2 u B3)
(100) |
Sa mill-2012, il-Bank ibbenifika minn diversi miżuri ta' appoġġ kapitali mogħtija mill-HFSF. It-Tabella 7 tipprovdi ħarsa ġenerali lejn dawk il-miżuri ta' għajnuna. Tabella 7 Il-miżuri ta' għajnuna mogħtija lill-Bank permezz tal-HFSF
|
2.3.3.1. L-ewwel rikapitalizzazzjoni tranżitorja (il-miżura B1)
(101) |
Il-premessi 14 sa 33 tad-Deċiżjoni tal-Ftuħ ta' NBG jagħtu deskrizzjoni ddettaljata tal-ewwel rikapitalizzazzjoni tranżitorja ta' Mejju (63) 2012 (miżura B1). L-isfond u l-karatteristiċi ewlenin ta' dik il-miżura huma stabbiliti f'din it-taqsima. |
(102) |
Fl-20 ta' April 2012, l-HFSF ipprovda ittra lill-Bank li fiha impenja ruħu li sejjer jipparteċipa f'żieda ppjanata ta' kapital azzjonarju tal-Bank għal ammont sa EUR 6,9 biljun. |
(103) |
Taħt il-miżura B1, l-HFSF ittrasferixxa EUR 7,4 biljun ta' bonds tal-EFSF lill-Bank fit-28 ta' Mejju 2012, b'konformità mad-dispożizzjonijiet għar-rikapitalizzazzjonijiet tranżitorji stipulati fil-liġi 3864/2010, li tistabbilixxi l-HFSF (il-“liġi dwar l-HFSF”). Fil-premessa 50 tad-Deċiżjoni ta' Ftuħ ta' NBG, il-Kummissjoni diġà stabbilixxiet li “Ir-rikapitalizzazzjoni tranżitorja ffinalizzata fit-28 ta' Mejju 2012 hija l-implimentazzjoni tal-obbligu mwettaq fl-ittra ta' impenn u, b'hekk, hija kontinwazzjoni tal-istess għajnuna”. Il-Bank of Greece kkalkula kemm l-ammonti pprovduti fl-ittra ta' impenn kif ukoll dawk ipprovduti fl-ewwel rikapitalizzazzjoni tranżitorja bil-għan li jiżgura li l-Bank laħaq proporzjon kapitali totali ta' 8 % mill-31 ta' Diċembru 2011, li hija d-data tar-reġistrazzjoni retroattiva tar-rikapitalizzazzjoni tranżitorja fir-reġistri tal-Bank. Kif jista' jidher mit-Tabella 3, il-miżura B1 ma kinitx tkopri kompletament il-ħtiġijiet kapitali identifikati mit-test tal-istress tal-2012. Il-Bank kien mistenni li jiġġenera aktar kapital permezz ta' żieda kapitali futura u r-rikapitalizzazzjoni tranżitorja kienet intiża biss biex tippreserva l-eliġibbiltà tal-Bank għall-finanzjament tal-BĊE sakemm saret dik iż-żieda kapitali. |
(104) |
Għall-perjodu bejn id-data tal-ewwel rikapitalizzazzjoni tranżitorja u d-data tal-konverżjoni tal-ewwel rikapitalizzazzjoni tranżitorja f'ishma ordinarji u strumenti finanzjarji konvertibbli oħrajn, il-ftehim ta' qabel is-sottoskrizzjoni bejn il-Bank u l-HFSF stipula li l-Bank kellu jħallas lill-HFSH miżata annwali ta' 1 % fuq il-valur nominali tan-noti tal-EFSF u li kwalunkwe pagamenti ta' kupuni u mgħax akkumulat għan-noti tal-EFSF għal dak il-perjodu għandhom jitqiesu bħala kontribuzzjoni kapitali addizzjonali mill-HFSF lill-Bank (64). |
2.3.3.2. It-tieni rikapitalizzazzjoni tranżitorja (il-miżura B2)
(105) |
Il-Bank irreġistra aktar telf fil-ħarifa tal-2012. Għalhekk, il-kapital tiegħu reġa' waqa' taħt ir-rekwiżiti kapitali minimi sabiex huwa jkun jista' jibqa' eliġibbli għal rifinanzjament mill-BĊE. |
(106) |
B'riżultat ta' dan, saret neċessarja t-tieni rikapitalizzazzjoni tranżitorja. Fil-21 ta' Diċembru 2012, l-HFSF implimenta t-tieni rikapitalizzazzjoni tranżitorja ta' EUR 2 326 miljun (il-miżura B2), li għal darba oħra tħallset permezz tat-trasferiment tal-bonds tal-EFSF lill-Bank. |
(107) |
It-total taż-żewġ rikapitalizzazzjonijiet tranżitorji (miżuri B1 u B2) fisser li l-ħtiġijiet kapitali totali identifikati mit-test tal-istress tal-2012 (EUR 9,76 biljun (65)) kienu diġà żborżati mill-HFSF fil-21 ta' Diċembru 2012. |
2.3.3.3. Il-parteċipazzjoni tal-HFSF fir-rikapitalizzazzjoni tar-Rebbiegħa 2013 (il-miżura B3)
(108) |
Fit-22 ta' Mejju 2013, il-Bord tad-Diretturi tal-Bank ħabbar il-ħruġ ta' 2 274,1 miljun ta' ishma ġodda b'valur nominali ta' EUR 0,30 u bi prezz ta' EUR 4,29 għal kull sehem (66). |
(109) |
Fil-21 ta' Ġunju 2013 (67) il-Bank ħabbar il-pagament sħiħ taż-żieda totali fl-ishma għal ammont totali ta' EUR 9 756 miljun, inkluż l-ammonti ta' primjum. Il-parteċipazzjoni privata totali fiż-żieda tal-kapital azzjonarju tal-Bank kienet tammonta għal EUR 1 079 miljun (68). Il-parteċipazzjoni tal-HFSF fiż-żieda tal-kapital azzjonarju tal-Bank kienet tammonta għal EUR 8 677 miljun (miżura B3). |
(110) |
Dak l-ammont huwa daqs is-somma tal-miżuri B1, B2 u B2, wara li jitnaqqas l-ammont tal-parteċipazzjoni privata.Permezz taż-żieda tal-kapital azzjonarju, l-ewwel u t-tieni rikapitilazzjonijiet tranżitorji (miżuri B1 u B2) ġew parzjalment ikkonvertiti f'rikapitilazzjoni permanenti. |
(111) |
Il-prezz tal-ishma l-ġodda kien stabbilit bħala 50 % tal-prezz medju tal-istokks ippeżat skont il-volum fuq il-perjodu ta' 50 jum tan-negozjar qabel id-determinazzjoni tal-prezz tal-offerta. B'riżultat ta' qsim invers tal-ishma u tnaqqis tal-kapital azzjonarju tal-Bank, li t-tnejn ġew deċiżi mil-laqgħa ġenerali straordinarja tal-azzjonisti fid-29 ta' April 2012 (69), il-prezz ta' ishma ġodda kien iffissat għal EUR 4,29 għal kull sehem. |
(112) |
Immedjatament wara r-rikapitalizzazzjoni tar-Rebbiegħa 2013, l-HFSF sar l-azzjonarju ta' maġġoranza tal-Bank b'sehem ta' 84,39 % (70). L-HFSF ħareġ 245 779,6 miljun ċertifikat u ta lill-investituri privati ċertifikat wieħed għal kull sehem sottoskritt, għall-ebda kunsiderazzjoni (71). Kull ċertifikat jinkorpora d-dritt li jinxtraw 8,23 ishma tal-HFSF, f'intervalli speċifikati u bi prezzijiet tal-eżerċitar. L-ewwel data tal-eżerċizzju kienet is-26 ta' Diċembru 2013, u mbagħad iċ-ċertifikati jkunu eżerċitabbli kull sitt xhur sas-26 ta' Diċembru 2017. Il-prezz tal-eżerċizzju huwa ugwali għall-prezz tas-sottoskrizzjoni ta' EUR 4,29 miżjud b'rata tal-imgħax annwali (4 % għall-ewwel sena, 5 % għat-tieni sena, 6 % għat-tielet sena, 7 % għar-raba' sena u mbagħad 8 % annwalizzata għall-aħħar sitt xhur) (72). |
(113) |
Il-liġi dwar l-HFSF kif emendata fl-2014 tistabbilixxi li huma biss il-prezzijiet tal-eżerċitar taċ-ċertifikati li jistgħu jiġu aġġustati f'każ ta' ħruġ ta' drittijiet. Barra minn hekk, l-aġġustament għandu jseħħ ex post u biss sal-ammont tal-proċeduri realizzati mill-bejgħ ta' drittijiet ta' prelazzjoni tal-HFSF. Ma huwa previst ebda aġġustament f'każ ta' żieda fil-kapital azzjonarju mhux ta' prelazzjoni. |
2.3.4. Miżuri ta' għajnuna għan-negozji akkwistati
2.3.4.1. Għajnuna mill-Istat lit-tliet Banek Kooperattivi
(114) |
Kif diġà ntqal fis-sezzjoni 2.2.1, id-diskrepanzi tal-likwidità ta' Lesvos-Limnos bank, Achaia Bank u Lamia Bank ta' EUR 56,6 miljun, EUR 212,9 miljun u EUR 56,3 miljun rispettivament, kienu koperti mill-HFSF. Għalhekk, l-ammont totali tad-diskrepanzi tal-likwidità ġie stmat għal EUR 325,8 miljun. |
2.3.4.2. Miżuri ta' għajnuna għal FB Bank
(115) |
Sa mill-2009, FB Bank ibbenefika minn diversi miżuri ta' għajnuna. It-Tabella 8 tipprovdi ħarsa ġenerali lejn dawk il-miżuri ta' għajnuna. Tabella 8 Ħarsa ġenerali lejn il-miżuri ta' għajnuna għal FB Bank
|
2.3.4.2.1
(116) |
F'Lulju 2009, il-Greċja injettat EUR 50 miljun f'FB Bank, li kien ekwivalenti għal madwar 3 % tal-RWA tiegħu f'dak iż-żmien. Dik l-injezzjoni fil-kapital ġiet magħmula bil-miżura tar-rikapitalizzazzjoni li tagħmel parti mill-Iskema ta' Appoġġ għall-Banek Griegi. Ir-rikapitalizzazzjoni ħadet il-forma ta' ishma privileġġati. |
2.3.4.2.2
(117) |
FB Bank ibbenefika wkoll minn miżuri ta' għajnuna għal-likwidità taħt il-miżura ta' garanzija u ta' self ta' bonds tal-gvern li huma parti mill-Iskema ta' Appoġġ għall-Banek Griegi. F'Jannar 2009, FB Bank irċieva titoli mill-gvern Grieg li kienu jammontaw għal EUR 60 miljun, li mmaturaw f'Diċembru 2011 (il-Miżura FB2). F'Mejju 2012, huwa rċieva titoli mill-gvern Grieg li kienu jammontaw għal EUR 60 miljun, li suppost kellhom jimmaturaw f'April 2015 iżda ġew ikkanċellati fit-23 ta' Mejju 2013 (il-Miżura FB3) (73). F'Marzu 2011, FB Bank irċieva wkoll garanzija mill-Istat għall-bonds maħruġa b'valur nominali ta' EUR 50 miljun. |
2.3.4.2.3
(i) Kopertura tad-diskrepanza tal-likwidità minn FB Bank lill-Bank għal ammont ta' EUR 456,97 miljun (miżura FB4)
(118) |
L-HFSF kopra d-diskrepanza tal-likwidità (74) tal-assi ttrasferiti minn FB Bank lill-Bank. B'konformità mad-deċiżjonijiet tal-Bank of Greece tal-10 ta' Mejju u tas-7 ta' Novembru 2013, l-HFSF ħallas l-ammont totali ta' EUR 456,97 miljun f'żewġ pagamenti akkont, fis-26 ta' Lulju u fit-13 ta' Novembru 2013 (75). |
(ii) Impenn tal-HFSF sabiex jiġu koperti l-ħtiġijiet kapitali relatati mal-assi ttrasferiti (il-miżura FB5)
(119) |
Taħt il-proċedura ta' riżoluzzjoni, l-HFSF impenja ruħu li jkopri l-ħtiġijiet kapitali li jirriżultaw mill-akkwiżizzjoni tal-assi ttrasferiti minn FB Bank. Għalhekk, l-HFSF ser jintalab jinjetta ammont ta' kapital ekwivalenti għal 9 % tal-RWA ttrasferiti fil-Bank. Fiż-żmien tar-riżoluzzjoni, il-ħtiġijiet kapitali relatati mal-assi ttrasferiti kienu stmati f'madwar EUR 100 miljun. |
(120) |
Kif issemma diġà fil-premessa 30, l-HFSF mhux ser jinjetta aktar kapital fil-Bank, minħabba li l-Bank, fil-pjan ta' ristrutturar tiegħu, jirrinunzja d-dritt tiegħu li jitlob lill-HFSF sabiex ikopri l-ħtiġijiet kapitali potenzjali relatati mal-assi ttrasferiti. |
2.3.4.3. Il-miżuri ta' għajnuna għal Probank
(121) |
Probank ma bbenefika minn ebda miżura ta' għajnuna taħt l-Iskema ta' Appoġġ għall-Banek Griegi. It-Tabella 9 tagħti ħarsa ġenerali lejn il-miżuri ta' għajnuna l-oħra li bbenefika minnhom Probank. Tabella 9 Ħarsa ġenerali lejn il-miżuri ta' għajnuna għal Probank
|
2.3.4.3.1.
(122) |
L-HFSF iffinanzja d-diskrepanza tal-likwidità tal-assi ttrasferiti minn Probank lill-Bank. B'konformità mad-deċiżjonijiet tal-Bank of Greece tas-26 ta' Lulju u tat-30 ta' Diċembru 2013, l-HFSF ħallas l-ammont totali ta' EUR 562,73 miljun f'żewġ pagamenti akkont, fid-9 ta' Awwissu u fil-31 ta' Diċembru 2013. |
2.3.4.3.2.
(123) |
Taħt il-proċedura ta' riżoluzzjoni, l-HFSF impenja ruħu li jkopri l-ħtiġijiet kapitali tax-xerrej li jirriżultaw mill-akkwiżizzjoni tal-assi ttrasferiti ta' Probank. Għalhekk, l-HFSF ser jintalab jinjetta ammont ta' kapital ekwivalenti għal 9 % tal-RWA ttrasferiti fil-Bank. Fiż-żmien tar-riżoluzzjoni, il-ħtiġijiet kapitali relatati mal-assi ttrasferiti kienu stmati f'madwar EUR [180 sa 280] miljun. |
(124) |
Kif issemma diġà fil-premessa 41, l-HFSF mhux ser jinjetta aktar kapital fil-Bank, minħabba li l-Bank, fil-pjan ta' ristrutturar tiegħu, jirrinunzja d-dritt tiegħu li jitlob lill-HFSF sabiex ikopri l-ħtiġijiet kapitali potenzjali relatati mal-assi ttrasferiti. |
2.4. IL-PJAN TA' RISTRUTTURAR
(125) |
Fil-25 ta' Ġunju 2014, il-Greċja ssottomettiet il-pjan ta' ristrutturar tal-Bank, li spjega kif il-Bank, bħala entità kkombinata li rriżultat mill-akkwiżizzjonijiet ta' FB Bank, Probank u t-tliet Banek Kooperattivi, kien beħsiebu jikseb lura l-vijabbiltà tiegħu fit-tul. |
2.4.1. Operazzjonijiet domestiċi
(126) |
Permezz tal-pjan ta' ristrutturar, il-Bank se jiffoka fuq l-attivitajiet bankarji ewlenin tiegħu fil-Greċja u fit-Turkija. |
(127) |
Fir-rigward tal-Greċja, il-prijorità ewlenija tal-Bank hija li jerġa' jġib l-operazzjonijiet bankarji Griegi lura għall-profittabbiltà b'saħħitha u vijabbiltà sal-aħħar tal-perjodu ta' ristrutturar, jiġifieri l-31 ta' Diċembru 2018. Għal dak il-għan, il-pjan ta' ristrutturar jinkludi għadd ta' miżuri li huma mmirati biex itejbu l-effikaċja operattiva u l-marġini tal-imgħax nett tal-Bank, kif ukoll miżuri li jsaħħu l-pożizzjoni kapitali u l-istruttura tal-karta bilanċjali tiegħu. |
(128) |
Fir-rigward tal-effikaċja operattiva, il-Bank diġà beda programm vast ta' razzjonalizzazzjoni. Mill-31 ta' Diċembru 2009 sat-30 ta' Diċembru 2012, il-Bank naqqas l-impronta tiegħu fil-Greċja. Naqqas in-numru ta' fergħat tiegħu minn 575 fl-2009 (76) għal 511 fl-2012 (77) u naqqas ukoll il-forza tax-xogħol tal-attivitajiet bankarji Griegi (minn 12 534 f'Diċembru 2009 (78) għal 11 230 f'Diċembru 2012 (79)). |
(129) |
Minn Diċembru 2012 sa tmiem l-2017, il-Bank għandu l-pjan li jkompli jnaqqas in-numru ta' impjegati fil-Greċja (minn 13 675 sa […]) (80) minkejja l-impatt tal-akkwisti ta' FB Bank u Probank, li kienu jimpjegaw 260 u 1087 impjegat (81) rispettivament. Id-differenza bejn il-forza tax-xogħol tal-attivitajiet bankarji Griegi fil-31 ta' Diċembru 2012 (11 230) u l-forza tax-xogħol Griega totali fi tmiem l-2012 (13 675) hija dovuta għall-għadd ta' attivitajiet mhux bankarji bħall-assigurazzjoni (Ethniki Hellenic General Insurance S.A.), it-turiżmu (Astir Palace Vouliagmenis S.A.) jew il-proprjetà immobbli (NBG Pangaea Reic). |
(130) |
Minn Diċembru 2012 sal-aħħar tal-2017, il-Bank ser jissokta bir-razzjonalizzazzjoni tan-netwerk domestiku tiegħu. L-għadd ta' fergħat ser jiżdied bi […] minn 511 għal […]. Huwa mfakkar li fl-2013 il-Bank akkwista n-netwerks ta' FB Bank u Probank b'19-il fergħa u 112-il fergħa, rispettivament. |
(131) |
L-effikaċja miżjuda f'termini tal-fergħat u l-persunal ser tgħin biex ibaxxi l-ispiża totali tal-attivitajiet Griegi minn […] % minn EUR 1 301 miljun fuq bażi pro forma fl-2012 għal EUR […] miljun fl-2017 (82). B'riżultat ta' dan, il-proporzjon spejjeż-dħul mistenni tal-attivitajiet bankarji Griegi tiegħu sejjer jinżel taħt […] % fi tmiem il-perjodu tar-ristrutturar. |
(132) |
Il-pjan ta' ristrutturar jiddeskrivi wkoll kif il-Bank sejjer inaqqas l-ispejjeż tal-finanzjament tiegħu, li huwa kruċjali għat-treġġigħ lura tal-vijabbiltà. Il-Bank qiegħed jistenna li jkun jista' jħallas rati tal-imgħax aktar baxxi fuq id-depożiti tiegħu fl-isfond tal-ambjent aktar stabbli u, b'mod partikolari, l-istabbilizzazzjoni u l-irkupru antiċipati tal-ekonomija Griega, li mistennija terġa' tikber mill-2014 'il quddiem. Il-marġini mħallsin fuq id-depożiti (medja ta' depożiti b'terminu, depożiti ta' domanda u rati ta' tfaddil) huma mistennija li jonqsu fil-Greċja. Bl-istess mod, id-dipendenza tal-Bank fuq ELA ggarantit mill-Istat u l-finanzjament usa' mill-Eurosistema sejrin jonqsu matul il-perjodu ta' ristrutturar. |
(133) |
Il-pjan ta' ristrutturar jantiċipa li l-Bank sejjer isaħħaħ ukoll il-karta bilanċjali tiegħu. Il-proporzjon self-depożitu nett tiegħu fil-Greċja ser ikompli jonqos, filwaqt li l-adegwatezza kapitali tiegħu ser titjieb (minn proporzjon tal-Grad Ewlieni 1 ta' 8,4 % fil-livell ta' grupp fil-31 ta' Diċembru 2013). |
(134) |
Prijorità oħra tal-Bank hija l-immaniġġjar tas-self improduttiv. Il-Bank sejjer itejjeb il-proċessi tal-krediti tiegħu kemm fir-rigward tal-oriġini tas-self (kopertura kollaterali aħjar, limiti mnaqqsa) kif ukoll fir-rigward tal-immaniġġjar ta' self improduttiv. Ir-rata ta' self mhux produttiv se […], b'rata mistennija ta' […] % fl-aħħar tal-perjodu ta' ristrutturar (83). L-ispiża tar-riskju (indebolimenti tat-telf mis-self) sejra tonqos minn EUR 2 biljun fl-2012 għal inqas minn EUR […] biljun fl-2018 (84). |
(135) |
It-titjib tal-effikaċja operattiva, iż-żieda tal-marġini tal-imgħax nett u l-ispiża dejjem tonqos tar-riskju għandhom jippermettu lill-Bank sabiex iżid il-profitabilità tiegħu. Il-Bank jantiċipa li l-profitti tiegħu fil-Greċja se jammontaw għal EUR […] miljun u EUR […] miljun fl-2014 u fl-2018 rispettivament. Ir-redditu fuq l-ekwità se jilħaq […] % fl-2017 għall-attivitajiet Griegi (85), li huwa suffiċjenti meta wieħed iqis il-profil tar-riskju tal-Bank f'dak iż-żmien (86). |
2.4.2. Attivitajiet bankarji internazzjonali (għajr it-Turkija)
(136) |
Il-Bank diġà beda d-diżingranaġġ u r-ristrutturar tan-netwerk internazzjonali tiegħu. L-għadd ta' fergħat fl-Ewropa tax-Xlokk tnaqqas b'170 mill-2009 (87). |
(137) |
Il-Bank ser ikompli bir-ristrutturar u d-diżingranaġġ tan-netwerk internazzjonali tiegħu. B'mod partikolari, il-Bank ser ibiegħ is-sussidjarji barranin tiegħu fi […] u jiżvesti l-fergħat tiegħu fi […]. Dawk l-iżvestimenti kienu jirrappreżentaw […] % tal-assi tal-Bank barra l-Greċja u t-Turkija, jiġifieri EUR […] miljun minn fost EUR 12,101 miljun fi tmiem l-2012. |
(138) |
Il-fergħat fi […] u […] kif ukoll is-sussidjarji fi […] ser ikunu […]. |
(139) |
Bħala riżultat ta' dawk l-iżvestimenti, il-finanzjament prinċipali nett ser jiġi eliminat sal-aħħar tal-perjodu tar-ristrutturar. |
2.4.3. It-Turkija
(140) |
Il-Bank għandu l-ħsieb li jnaqqas is-sjieda tiegħu f'Finansbank għal 60 %[…]. |
(141) |
[…] ser jipprovdi lil Finansbank b'[…] u jsaħħaħ l-impenn tal-Bank illi jipprovdi […] lil Finansbank matul il-perjodu tar-ristrutturar. |
(142) |
Il-Bank qed jippjana li Finansbank ser jikber b'mod sinjifikanti matul il-perjodu tar-ristrutturar. Huwa ser jimplimenta wkoll pjan għall-kontroll tal-ispejjeż. Fl-2014, Finansbank għandu l-ħsieb li […] u li […]. Fis-snin ta' wara, il-[…], li jirriżultaw fi tnaqqis fil-proporzjon ta' spejjeż-introjtu minn […] għal […] fi tmiem il-perjodu tar-ristrutturar (88). |
(143) |
Il-pjan tar-ristrutturar jipprevedi skrutinju mill-qrib tar-riskji meħuda minn Finansbank. Huwa mistenni li l-indebolimenti jammontaw għal inqas minn […] % tas-self lill-klijenti mill-2014 sal-2018, bir-redditu fuq l-assi mistenni jkun ta' […] % fl-2018. Ir-redditu fuq l-ekwità ta' Finansbank ser jibqa' għoli matul il-perjodu. |
(144) |
Il-Bank biegħ in-negozju tal-assigurazzjoni Tork tiegħu (tal-ħajja u mhux tal-ħajja) fl-2012 bi profitt kapitali ta' EUR […] miljun (89). |
2.4.4. Attivitajiet mhux bankarji: il-bejgħ […] tal-attivitajiet tal-proprjetà immobbli:
(145) |
Il-Bank naqqas is-sjieda tiegħu fis-sussidjarju tal-proprjetà immobbli tiegħu Pangea taħt il-35 % b'impatt pożittiv fuq il-proporzjon ta' Kapital tal-Grad 1 tal-Bank. (90) Il-Bank għandu wkoll il-pjan li jbigħ […] sa […] u s-sussidjarji tal-ekwità privata tiegħu sal-[…]. |
2.4.5. Il-ġbir tal-kapital privat u l-kontribuzzjoni mill-azzjonisti eżistenti u mill-kredituri subordinati
(146) |
Il-Bank irnexxielu jiġbor ammonti sinifikanti ta' kapital fis-suq u b'hekk naqqas l-ammont ta' għajnuna mill-Istat li kellu bżonn. |
(147) |
L-ewwelnett, fl-2009, il-Bank ġabar xi kapital privat bi ħruġ ta' drittijiet b'valur ta' EUR 1 247 miljun. Fl-2010, il-Bank ġabar mill-ġdid EUR 1 815-il miljun (91) f'kapital privat mis-suq. Kif issemma' fil-premessa (109), il-Bank irnexxielu jiġbor ukoll kapital ta' EUR 1 079 miljun mingħand investituri privati permezz tar-rikapitalizzazzjoni tar-Rebbiegħa 2013. L-azzjonisti, li inkludew dawk li pparteċipaw fiż-żidiet kapitali tal-2009 u tal-2010, ġew dilwiti sew mir-rikapitalizzazzjoni tar-rebbiegħa 2013: l-HFSF irċieva 84,4 % tal-ishma tal-Bank u l-investituri ġodda rċevew 10,5 % tal-parteċipazzjoni azzjonarja, li jħalli lill-azzjonisti diġà eżistenti b'parteċipazzjoni azzjonarja ta' 5,1 % biss. Ma tħallas ebda dividend lill-azzjonisti ordinarji mill-2007 jew lill-azzjonisti preferenzjarji tal-Istati Uniti mill-2009 (92). |
(148) |
F'Mejju 2014, il-Bank ġabar EUR 2,5 biljun ta' kapital mis-suq. Il-Bank għandu l-ħsieb li […]. |
(149) |
Fir-rigward tal-kontribuzzjoni mid-detenturi tad-dejn ibridu u subordinat, fit-3 ta' Jannar 2012, il-Bank offra li jixtri lura t-titoli ppreferuti bi prezzijiet li jvarjaw minn 45 % sa 70 % tal-valur nominali ta' dawk it-titoli. F'dik l-okkażjoni, il-Bank xtara lura wkoll il-bonds koperti. Għal kull wieħed mir-riakkwisti, il-prezz ġie stabbilit fuq il-bażi tal-valur tas-suq tal-istrumenti u fih primjum ta' mhux iktar minn għaxar punti perċentwali, li żdied sabiex l-investituri jitħeġġu sabiex jieħdu sehem fir-riakkwist. Ir-rata ta' aċċettazzjoni kienet ta' 44 % u ż-żieda ġenerali fil-kapital kienet ta' EUR 302 miljuni. (93). |
(150) |
Aktar tard fl-2012 u fl-2013, il-Bank nieda eżerċizzji addizzjonali ta' ġestjoni tal-obbligazzjonijiet fuq it-titoli maħruġa lill-investituri, inklużi bonds koperti, strumenti ibridi, strumenti tal-Grad 2 u ishma preferenzjarji maħruġa fl-Istati Uniti. Dak ix-xiri lura ġġenera kapital addizzjonali ta' EUR […] miljun. B'mod ġenerali, il-Bank qiegħed jindika li l-ammont totali ta' kapital iġġenerat mill-eżerċizzji ta' ġestjoni tal-obbligazzjonijiet matul is-snin riċenti jammonta għal madwar EUR […] miljun (94). Bis-saħħa ta' dawk ir-riakkwisti, fil-31 ta' Diċembru 2013, l-ammont pendenti tad-dejn subordinat u ibridu naqas għal EUR 293 miljun. |
2.5. IMPENJI TAL-AWTORITAJIET GRIEGI
(151) |
Fil-25 ta' Ġunju 2014, il-Greċja tat l-impenn tagħha li l-Bank u l-affiljati tiegħu se jimplimentaw il-pjan ta' ristrutturar mibgħut fil-25 ta' Ġunju 2014 u tat iktar impenji dwar l-implimentazzjoni tal-pjan ta' ristrutturar (“l-Impenji”). L-Impenji, li jinsabu fl-Anness, huma miġbura fil-qosor f'din it-taqsima. |
(152) |
L-ewwel il-Greċja tat l-impenn li l-Bank se jirristruttura l-operazzjonijiet kummerċjali tiegħu fil-Greċja, jistabbilixxi numru massimu ta' fergħat u impjegati, kif ukoll ammont massimu tal-kostijiet totali li għandhom jinkisbu sal-31 ta' Diċembru 2017. (95). |
(153) |
Il-Greċja tat ukoll l-impenn li l-Bank se jnaqqas l-ispiża tad-depożiti miġbura fil-Greċja u se jikkonforma ma' proporzjon massimu ta' self nett għad-depożiti. (96) il-31 ta' Diċembru 2017. (97). |
(154) |
Rigward is-sussidjarji barranin tal-Bank, il-Greċja tat impenn li l-Bank mhux se jipprovdi […], u li hija se tagħmel żvestiment ta' sehem minoritarju f'dik is-sussidjarja. Il-Greċja tat impenn ukoll li l-Bank se jwettaq diżingranaġġ ta' għadd ta' sussidjarji barranin sat-30 ta' Ġunju 2018. (98). |
(155) |
Il-Greċja tat impenn li l-Bank sejjer jagħmel żvestiment […] u s-sussidjarja tal-ekwità privati tiegħu, kif ukoll għadd ta' titoli. Barra minn hekk, il-Bank mhuwiex sejjer jixtri titoli fi grad mhux ta' investiment, b'xi eċċezzjonijiet limitati (99). |
(156) |
Il-Greċja tat numru ta' impenji relatati mal-governanza korporattiva tal-Bank. Hija impenjat ruħha li tillimita r-rimunerazzjoni tal-impjegati u tal-maniġers tal-Bank (100). |
(157) |
Il-Greċja tat ukoll impenn li l-Bank sejjer itejjeb il-politika ta' kreditu tiegħu, sabiex jiżgura li d-deċiżjonijiet dwar l-għoti u r-ristrutturar tas-self ikunu mmirati biex jimmassimizzaw il-vijabbiltà u l-profittabbiltà tal-Bank. Il-Greċja wegħdet li l-Bank sejjer jikkonforma mal-istandards għoljin li jirrigwardjaw il-monitoraġġ tar-riskju ta' kreditu, kif ukoll ir-ristrutturar tas-self (101). |
(158) |
Numru ta' impenji jittrattaw l-operazzjonijiet tal-Bank mal-mutwatarji konnessi. Dawk l-impenji għandhom l-għan li jiżguraw li l-Bank ma jiddevjax mill-prattiki bankarji prudenti meta jagħti jew jirristruttura self lill-impjegati, lill-maniġers u lill-azzjonisti tiegħu, kif ukoll lil entitajiet pubbliċi, partiti politiċi u kumpaniji tal-midja (102). |
(159) |
Fl-aħħarnett, il-Greċja tat impenn li l-Bank sejjer jikkonforma ma' xi limitazzjonijiet komportamentali, bħal projbizzjoni fuq il-kupuni u d-dividendi, projbizzjoni fuq l-akkwiżizzjoni u projbizzjoni fuq ir-reklamar tal-appoġġ mill-Istat (103). |
(160) |
Dawk l-impenji sejrin jiġu mmonitorjati sal-31 ta' Diċembru 2018 minn trustee tal-monitoraġġ. |
(161) |
Separatament, il-Greċja indikat li hija sejra tfittex l-approvazzjoni tal-Kummissjoni qabel kwalunkwe xiri lura taċ-ċertifikati mill-Bank jew minn kwalunkwe entità tal-Istat, inkluż l-HFSF (104). |
3. IR-RAĠUNIJIET GĦALL-BIDU TAL-PROĊEDURA TA' INVESTIGAZZJONI FORMALI FUQ L-EWWEL RIKAPITALIZZAZZJONI TRANŻITORJA
(162) |
Fis-27 ta' Lulju 2012, il-Kummissjoni fetħet il-proċedura ta' investigazzjoni formali sabiex tivverifika jekk il-kondizzjonijiet tal-Komunikazzjoni Bankarja tal-2008 (105) ġewx issodisfati fir-rigward tal-adegwatezza, in-neċessità u l-proporzjonalità tal-ewwel rikapitalizzazzjoni tranżitorja pprovduta mill-HFSF favur il-Bank (il-miżura B1). |
(163) |
Fir-rigward tal-adegwatezza tal-miżura, il-Kummissjoni, fid-dawl tal-fatt li l-għajnuna waslet wara rikapitalizzazzjonijiet u għajnuna ta' likwidità minn qabel u minħabba l-perjodu ta' salvataġġ imtawwal, esprimiet dubji dwar jekk itteħdux l-azzjonijiet kollha possibbli mill-Bank sabiex jevita li terġa' tkun meħtieġa għajnuna fil-ġejjieni (106). Barra minn hekk, il-Kummissjoni ma kinitx ċara dwar min ser ikun qiegħed jikkontrolla l-Bank ladarba l-ewwel rikapitalizzazzjoni tranżitorja tiġi sostitwita minn rikapitalizzazzjoni permanenti (107) billi l-Bank jista' jsib ruħu jew taħt il-kontroll jew tal-Istat jew ta' sidien privati minoritarji. Il-Kummissjoni nnotat li tixtieq tiżgura li l-kwalità tal-ġestjoni tal-Bank u b'mod partikolari l-proċess tas-self tiegħu ma jmorrux għall-agħar fl-ebda wieħed miż-żewġ każijiet. |
(164) |
Fir-rigward tan-neċessità tal-ewwel rikapitalizzazzjoni tranżitorja, fil-premessa 67 tad-Deċiżjoni tal-Ftuħ ta' NBG, il-Kummissjoni staqsiet jekk itteħdux il-miżuri kollha possibbli sabiex jiġi evitat li l-Bank jerġa' jkollu bżonn l-għajnuna fil-ġejjieni. Minbarra dan, billi t-tul tal-perjodu tar-rikapitalizzazzjoni tranżitorja kien inċert, il-Kummissjoni ma setgħetx tasal għal konklużjoni jekk dan kienx suffiċjenti u konformi mal-prinċipji tar-rimunerazzjoni u tal-kondiviżjoni tal-piżijiet skont ir-regoli tal-għajnuna mill-Istat. Barra minn hekk, billi t-termini tal-konverżjoni tal-ewwel rikapitalizzazzjoni tranżitorja f'rikapitalizzazzjoni permanenti ma kinux magħrufa fiż-żmien li ġiet adottata d-Deċiżjoni tal-Ftuħ ta' NBG, il-Kummissjoni ma setgħetx tivvalutahom. |
(165) |
Fir-rigward tal-proporzjonalità tal-miżura, il-Kummissjoni esprimiet dubji dwar jekk is-salvagwardji (il-projbizzjoni fuq ir-reklamar tal-għajnuna mill-Istat, il-projbizzjoni fuq il-kupuni u d-dividendi, il-projbizzjoni fuq opzjoni eżerċitabbli u l-projbizzjoni fuq ix-xiri lura kif deskritti fil-premessa 71 tad-Deċiżjoni tal-Ftuħ ta' NBG) kinux suffiċjenti b'rabta mal-ewwel rikapitalizzazzjoni tranżitorja. Barra minn hekk, fil-premessa 72 tad-Deċiżjoni tal-Ftuħ ta' NBG, il-Kummissjoni ddikjarat li d-distorsjonijiet tal-kompetizzjoni jistgħu jkunu kkawżati minn nuqqas ta' regoli li jimpedixxu lill-HFSF milli jikkoordina l-akbar erba' banek Griegi (jiġifieri, il-Bank, Alpha Bank, Eurobank u Piraeus Bank) u n-nuqqas ta' salvagwardji adegwati sabiex jiġi evitat milli huma jikkondividu informazzjoni kummerċjalment sensittiva. Il-Kummissjoni għalhekk ipproponiet il-ħatra ta' fiduċjarju ta' sorveljanza li jkun fiżikament preżenti fil-Bank. |
4. KUMMENTI MILL-PARTIJIET INTERESSATI DWAR IL-PROĊEDURA TA' INVESTIGAZZJONI FORMALI FUQ L-EWWEL RIKAPITALIZZAZZJONI TRANŻITORJA
Kummenti minn bank Grieg
(166) |
Fit-3 ta' Jannar 2013, il-Kummissjoni rċeviet kummenti mingħand bank Grieg rigward id-Deċiżjoni tal-Ftuħ ta' NBG. Dak il-bank Grieg ikkummenta li r-rikapitalizzazzjoni tal-banek Griegi mill-HFSF kienet tikkostitwixxi, fil-prinċipju, pass mixtieq lejn sistema bankarja aktar b'saħħitha u vijabbli u ma esprima ebda oġġezzjoni għar-rikapitalizzazzjoni tal-Bank. |
(167) |
Madankollu, filwaqt li esprima l-appoġġ kollu tiegħu għall-prinċipju tar-rikapitalizzazzjoni tal-banek Griegi mill-HFSF, dak il-bank Grieg spjega li, sabiex jitnaqqsu d-distorsjonijiet tal-kompetizzjoni u tiġi evitata d-diskriminazzjoni, huwa kien qiegħed jistenna li r-rikapitalizzazzjoni mill-HFSF tkun miftuħa għall-banek kollha li joperaw fil-Greċja taħt kondizzjonijiet simili. |
5. KUMMENTI MILL-GREĊJA DWAR IL-PROĊEDURA TA' INVESTIGAZZJONI FORMALI FUQ L-EWWEL RIKAPITALIZZAZZJONI TRANŻITORJA
(168) |
Fil-5 ta' Settembru 2012, il-Greċja ssottomettiet il-kummenti tagħha, li tħejjew mill-Bank of Greece u mill-HFSF. |
5.1. KUMMENTI MILL-BANK OF GREECE
(169) |
Rigward l-adegwatezza tal-ewwel rikapitalizzazzjoni tranżitorja, il-Bank of Greece nnota li l-ammont ta' EUR 18-il biljun ta' kapital li bih l-HFSF irrikapitalizza l-ikbar erba' banek Griegi f'Mejju 2012 kien inqas mill-ammont finali li kien meħtieġ sabiex dawk il-banek gradwalment jilħqu u jżommu proporzjon ta' kapital tal-Grad 1 ta' ekwità komuni stabbilit għal 10 % sa Ġunju 2012 u proporzjon ta' kapital tal-Grad 1 ta' ekwità komuni stabbilit għal 7 % f'xenarju avvers ta' stress ta' tliet snin. Huwa nnota wkoll li l-ewwel rikapitalizzazzjoni tranżitorja kienet temporanja, peress li l-proċess tar-rikapitalizzazzjoni se jiġi konkluż b'żidiet fil-kapital azzjonarju minn dawk l-erba' banek. |
(170) |
Il-Bank of Greece osserva wkoll li r-rikapitalizzazzjoni tal-ikbar banek Griegi hija parti mir-ristrutturar fuq żmien itwal tas-settur bankarju Grieg. Huwa nnota li meta bank jibqa' f'idejn il-privat, probabbilment il-ġestjoni tibqa' l-istess, filwaqt li jekk il-bank isir tal-Istat (jiġifieri, proprjetà tal-HFSF), l-HFSF jista' jaħtar ġestjoni ġdida li fi kwalunkwe każ, tiġi vvalutata mill-Bank of Greece. Il-Bank of Greece rrimarka li huwa jivvaluta l-qafas tal-governanza korporattiva, l-adegwatezza tal-ġestjoni u l-profil tar-riskju ta' kull bank fuq bażi kontinwa bil-għan li jiżgura li ma jitteħdux riskji eċċessivi. Huwa rrimarka wkoll li l-HFSF kien diġà ħatar rappreżentanti fil-Bord tad-Diretturi tal-banek rikapitalizzati. |
(171) |
Fir-rigward tan-neċessità tal-ewwel rikapitalizzazzjoni tranżitorja, il-Bank of Greece osserva li r-rikapitalizzazzjoni tal-Bank kienet limitata sabiex b'hekk jiġi żgurat li jintlaħqu r-rekwiżiti kapitali minimi applikabbli (8 %). Huwa ddikjara wkoll li l-perjodu ta' żmien imtawwal qabel ir-rikapitalizzazzjonijiet kien dovut għad-deterjorazzjoni qawwija tal-ambjent operattiv fil-Greċja u għall-impatt tal-programm PSI, għall-kumplessità tal-proġett kollu u għall-ħtieġa li tiġi mmassimizzata l-parteċipazzjoni tal-investituri privati fiż-żidiet ta' kapital azzjonarju. |
(172) |
Fir-rigward tal-proporzjonalità tal-ewwel rikapitalizzazzjoni tranżitorja, il-Bank of Greece indika li l-implimentazzjoni sħiħa tal-pjan ta' ristrutturar li għandu jintbagħat lill-Kummissjoni, hija ssalvagwardjata mill-fatt li s-sospensjoni tad-drittijiet tal-vot tal-HFSF jitneħħew jekk, fost l-oħrajn, il-pjan ta' ristrutturar jinkiser b'mod sostantiv. Il-Bank of Greece osserva wkoll li d-diffikultajiet tal-Bank la kienu dovuti għal sottovalutazzjoni tar-riskji mill-maniġment tal-Bank u lanqas għal azzjonijiet kummerċjalment aggressivi. |
5.2. KUMMENTI MILL-HFSF
(173) |
Fir-rigward tal-adegwatezza tal-ewwel rikapitalizzazzjoni tranżitorja, sabiex tiġi indirizzata l-kwistjoni tal-interferenza potenzjali mill-Istat f'każ li l-Istat jipprovdi ammonti għoljin ta' għajnuna mill-Istat permezz tal-HFSF u l-HFSF ikollu drittijiet sħaħ tal-vot, l-HFSF iddikjara li l-banek iffinanzjati mill-HFSF mhumiex meqjusa bħala entitajiet pubbliċi jew taħt il-kontroll tal-Istat u li mhux ser ikunu kkontrollati mill-Istat wara li jkunu ġew rikapitalizzati b'mod permanenti mill-HFSF. L-HFSF irrimarka li huwa entità legali indipendenti għal kollox li hija rregolata mil-liġi privata b'awtonomija li tieħu deċiżjoni. L-HFSF mhuwiex soġġett għal kontroll mill-gvern, skont l-Artikolu 16C(2) tal-liġi dwar l-HFSF, li jgħid li l-istituzzjonijiet ta' kreditu li lilhom l-HFSF ikun ipprovda appoġġ kapitali mhumiex parti mis-settur pubbliku usa'. Huwa rrefera wkoll għall-istruttura tat-tmexxija tal-HFSF. |
(174) |
Fir-rigward tal-intervent tal-HFSF fil-ġestjoni tal-Bank, l-HFSF indika li huwa jirrispetta l-awtonomija tal-Bank u li mhux sejjer jinterferixxi fil-ġestjoni ta' kuljum tiegħu minħabba li r-rwol tiegħu huwa limitat għal dak stipulat fil-liġi dwar l-HFSF. Huwa ddikjara li mhux ser ikun hemm interferenza jew koordinazzjoni mill-Istat u li d-deċiżjonijiet tal-Bank fir-rigward tal-proċess tas-self (fost l-oħrajn fuq il-kollateral, l-ipprezzar u s-solvenza tal-mutwatarji) għandhom jittieħdu fuq il-bażi ta' kriterji kummerċjali. |
(175) |
L-HFSF indika li l-liġi dwar l-HFSF u l-ftehim ta' qabel is-sottoskrizzjoni stabbilew salvagwardji adegwati sabiex jipprevjenu azzjonisti privati eżistenti milli jieħdu riskju eċċessiv. Huwa għamel referenza għal elementi bħal (i) il-ħatra tar-rappreżentanti tal-HFSF bħala membri mhux eżekuttivi indipendenti tal-Bord tad-Diretturi tal-Bank u l-preżenza tagħhom fil-kumitati, (ii) it-twettiq ta' diliġenza dovuta mill-HFSF fil-Bank u (iii) il-fatt li, wara r-rikapitalizzazzjoni finali, id-drittijiet tal-vot tiegħu sejrin ikunu ristretti biss sakemm il-Bank ikun konformi mat-termini tal-pjan ta' ristrutturar. |
(176) |
Rigward il-ħtieġa tal-ewwel rikapitalizzazzjoni tranżitorja u b'mod partikolari, rigward il-livell tar-rimunerazzjoni tal-għajnuna, l-HFSF iddikjara li r-rimunerazzjoni ġiet miftiehma mar-rappreżentanti tal-Kummissjoni, il-BĊE u l-FMI. Dak il-livell maqbul qies li l-ewwel rikapitalizzazzjoni tranżitorja se tinbidel f'rikapitalizzazzjoni permanenti qabel it-30 ta' Settembru 2012, skadenza li kienet stabbilita f'Marzu 2012 fil-MPEF bejn il-Kummissjoni, il-BĊE, l-FMI u l-Greċja. |
(177) |
Rigward il-proporzjonalità tal-ewwel rikapitalizzazzjoni tranżitorja, l-HFSF innota li l-miżuri li adotta, bħal dawk deskritti fil-Premessa 175, huma salvagwardji biżżejjed fid-dawl tal-ammonti kbar ta' għajnuna riċevuta u l-perjodu ta' riskju mtawwal. Barra minn hekk, l-HFSF qal li hemm miżuri xierqa fis-seħħ li huma maħsuba biex jiggarantixxu li l-banek li fihom jipparteċipa l-HFSF ma jikkondividux informazzjoni kummerċjalment sensittiva bejniethom. Barra minn hekk, l-HFSF iddikjara li hemm miżuri adegwati stabbiliti sabiex ikun żgurat li l-banek li fihom jipparteċipa l-HFSF ma jaqsmux informazzjoni kummerċjalment sensittiva bejniethom. Barra minn hekk, l-HFSF qal li huwa ma jeżerċitax id-drittijiet tiegħu fir-rigward tal-banek b'mod li jista' jipprevjeni, jirrestrinġi, ifixkel jew inaqqas jew jimpedixxi b'mod sinjifikanti l-kompetizzjoni effettiva. Fl-aħħarnett, l-HFSF irrimarka li l-membri tal-Bord tad-Diretturi tiegħu, flimkien mal-impjegati tiegħu, huma soġġetti għal regoli stretti ta' kunfidenzjalità u doveri fiduċjarji, kif ukoll huma marbutin b'dispożizzjonijiet li jikkonċernaw is-segretezza professjonali fir-rigward tal-affarijiet tiegħu. |
6. VALUTAZZJONI TAL-GĦAJNUNA RELATATA MAN-NEGOZJI AKKWISTATI
6.1. VALUTAZZJONI TAL-GĦAJNUNA MILL-ISTAT RELATATA MAR-RIŻOLUZZJONI TAT-TLIET BANEK KOOPERATTIVI
6.1.1. L-eżistenza u l-ammont ta' għajnuna
(178) |
L-ewwel, il-Kummissjoni trid tivvaluta jekk l-appoġġ mill-Istat marbut mar-riżoluzzjoni tat-tliet Banek Kooperattivi (jiġifieri l-finanzjament tad-diskrepanzi ta' likwidità li ppermettew li jsir it-trasferiment tad-depożiti) jikkostitwixxix għajnuna mill-Istat skont it-tifsira tal-Artikolu 107 (1) tat-Trattat. Skont dik id-dispożizzjoni, għajnuna mill-Istat hija kwalunkwe għajnuna mogħtija minn Stat Membru jew permezz ta' riżorsi tal-Istat fi kwalunkwe forma li tgħawweġ jew thedded li tgħawweġ il-kompetizzjoni, billi tiffavorixxi ċerti impriżi sakemm taffettwa l-kummerċ bejn l-Istati Membri. |
(179) |
Il-Kummissjoni ser tibda billi tivvaluta jekk il-benefiċjarji potenzjali li ġejjin ibbenefikawx jew le minn vantaġġ għall-benefiċjarji potenzjali li ġejjin: (i) il-Banek Kooperattivi u l-“attivitajiet” potenzjalment ittrasferiti lill-Bank; u (ii) il-Bank. |
(i) Eżistenza ta' għajnuna lit-Tliet Banek Kooperattivi u l-attivitajiet potenzjalment ittrasferiti lill-Bank
(180) |
Fir-rigward tal-Banek Kooperattivi, il-Kummissjoni tosserva li Lesvos-Limnos Bank, Achaia Bank u Lamia Bank tqiegħdu f'likwidazzjoni u l-liċenzji bankarji tagħhom ġew irtirati. Għalhekk, mhux ser jibqgħu jwettqu attivitajiet ekonomiċi fis-suq bankarju. |
(181) |
L-għajnuna mill-Istat, jiġifieri l-finanzjament tad-diskrepanzi ta' likwidità, tikkostitwixxi għajnuna mill-Istat għall-pretensjonijiet u l-obbligazzjonijiet ittrasferiti skont it-tifsira tal-Artikolu 107(1) tat-Trattat biss jekk flimkien huma jikkostitwixxu impriża. Il-kunċett ta' impriża jinkludi kwalunkwe entità li twettaq attività ekonomika, ikun xi jkun l-istatus legali u l-mod li bih hija ffinanzjata. Kwalunkwe attività li tikkonsisti fl-offerta ta' prodotti jew servizzi f'suq partikolari titqies li hija attività ekonomika. Għalhekk, sabiex jiġi konkluż jekk hemmx għajnuna lil impriża, għandu jiġi vvalutat jekk it-trasferiment tal-pretensjonijiet u l-obbligazzjonijiet jinvolvix it-trasferiment ta' attività ekonomika. |
(182) |
Kif intqal fit-taqsima 2.2.1, wara r-riżoluzzjoni tat-tliet Banek Kooperattivi, id-depożiti, l-obbligazzjonijiet interbankarji u l-pretensjonijiet u l-obbligazzjonijiet biss lejn il-HDIGF ġew ittrasferiti lill-Bank. It-tliet Banek Kooperattivi kienu jħaddmu 187 impjegat u kellhom 21 fergħa b'kollox. Ta' min jinnota li ma kien hemm ebda trasferiment awtomatiku ta' fergħat jew kuntratti tax-xogħol jew self bejn it-tliet Banek Kooperattivi u l-Bank.Għalhekk, il-fatt li s-self mhuwiex ittrasferit lill-Bank iżda jibqa' mat-tliet Banek Kooperattivi f'likwidazzjoni, il-fatt li ma ġiet ittrasferita ebda fergħa u n-nuqqas ta' trasferiment awtomatiku tal-kuntratti tax-xogħol jikkontribwixxu (108) għall-konklużjoni li ma hemm ebda trasferiment ta' attività ekonomika. L-obbligazzjonijiet ittrasferiti (jiġifieri d-depożiti) ma jistgħux jitqiesu li huma l-benefiċjarji tal-appoġġ mill-Istat, peress li ma jikkostitwixxux “impriża”. |
(183) |
Fi ftit kliem, it-tliet entitajiet ġuridiċi eżistenti tqiegħdu f'likwidazzjoni u ma għadhomx iwettqu xi attività bankarja. Fl-istess ħin, l-obbligazzjonijiet ittrasferiti ma jikkostitwixxux attività ekonomika. |
(184) |
Għalhekk, huwa konkluż li l-għotja ta' bonds tal-EFSF mill-HFSF lill-Bank sabiex tiġi koperta d-diskrepanza ta' likwidità tal-assi u l-obbligazzjonijiet akkwistati tat-tliet Banek Kooperattivi ma tippermettix li jitkomplew l-attivitajiet ekonomiċi ta' dan tal-aħħar. Għalhekk, l-appoġġ tal-HFSF la jikkostitwixxi għajnuna lill-entitajiet likwidati u lanqas għajnuna lill-assi u l-obbligazzjonijiet ittrasferiti. |
(ii) Eżistenza ta' għajnuna mogħtija lill-Bank
(185) |
Fir-rigward ta' jekk il-bejgħ tal-assi u l-obbligazzjonijiet tat-tliet Banek Kooperattivi jinvolvix għajnuna mill-Istat lill-Bank, il-Kummissjoni trid tivvaluta jekk humiex issodisfati ċerti rekwiżiti u, b'mod partikolari jekk i) il-proċess ta' bejgħ kienx wieħed miftuħ, bla kundizzjonijiet u nondiskriminatorju; ii) il-bejgħ seħħx bit-termini tas-suq; u iii) l-Istat kisibx l-ogħla prezz tal-bejgħ għall-assi u l-obbligazzjonijiet involuti (109). |
(186) |
Kif issemma diġà fil-premessa 64, il-Bank of Greece kkuntattja biss lill-akbar ħames istituzzjonijiet ta' kreditu Griegi li kienu joperaw fil-Greċja f'dak iż-żmien. Is-sett limitat ta' xerrejja li ġew ikkuntattjati ma jistax jeskludi li l-offerta kienet miftuħa meta wieħed iqis li huma kienu l-uniċi istituzzjonijiet ta' kreditu li huma mistennija li jkunu interessati li jissottomettu offera. Tabilħaqq, il-pakkett għall-bejgħ kien jinkludi biss depożiti. Għalhekk, sabiex wieħed jibbenifika minn sinerġiji fuq dawk id-depożiti, huwa neċessarju li dan jopera fiż-żona ġeografika kkonċernata. Bank mingħajr ebda preżenza f'dawk iż-żoni ma jkunx jista' joffri servizzi lid-depożituri, sabiex b'hekk iż-żamma tad-depożiti tkun waħda minima u l-akkwirent jispiċċa jsostni l-ispiża għall-akkwist tad-depożiti mingħajr ebda benefiċċju. Għalhekk, il-Bank of Greece jista' b'mod raġonevoli jassumi li, fid-dawl tal-limitu ta' żmien qasir disponibbli għalih sabiex jirrisolvi t-tliet Banek Kooperattivi, ser ikunu biss l-istituzzjonijiet ta' kreditu li l-mudelli kummerċjali tagħhom kienu konsistenti mal-provvista ta' servizzi lil dawk id-depożituri li jista' jkollhom interess fl-akkwist ta' dawk l-assi. Il-Bank u tliet banek oħra ssottomettew offerti vinkolanti. L-offerta tal-Bank kienet dik ippreferuta, f'termini tal-kunsiderazzjoni u ż-żmien meħtieġa għall-konklużjoni tat-trasferiment. Il-Bank offra li jħallas bħala kunsiderazzjoni ammont ugwali għal […] % tad-depożiti ttrasferiti u stima li t-trasferiment jista' jitlesta fi żmien jum tax-xogħol. |
(187) |
Fuq il-bażi ta' dan ta' hawn fuq, il-Kummissjoni tikkonkludi li l-għajnuna lill-Bank tista' tiġi eskluża, skont il-punt 20 tal-Komunikazzjoni dwar ir-Ristrutturar u l-prattika deċiżjonali tal-Kummissjoni (110). |
(iii) Konklużjoni dwar l-eżistenza tal-għajnuna
(188) |
L-appoġġ mill-Istat involut fil-bejgħ tat-tliet Banek Kooperattivi ma jikkostitwixxix għajnuna mill-Istat lit-tliet Banek Kooperattivi, lill-assi ttrasferiti jew lill-Bank. Għalhekk, il-miżura ma tikkostitwixxix għajnuna skont it-tifsira tal-Artikolu 107 (1) tat-Trattat. |
6.2. VALUTAZZJONI TAL-GĦAJNUNA RELATATA MA' FIRST BUSINESS BANK
6.2.1. L-eżistenza u l-ammont ta' għajnuna
(189) |
Il-Kummissjoni trid tivvaluta jekk il-miżuri jikkostitwux għajnuna mill-Istat fis-sens tal-Artikolu 107(1) tat-Trattat. |
6.2.1.1. L-eżistenza tal-għajnuna fil-miżuri mogħtija taħt l-Iskema ta' Appoġġ lill-Banek Griegi (miżuri FB1, FB2 u FB3)
(190) |
L-injezzjoni ta' kapital ta' EUR 50 miljun mill-Greċja f'FB Bank f'Lulju 2009 (miżura FB1), it-titoli tal-gvern Grieg li ammontaw għal EUR 60 miljun f'Mejju 2012 (Miżura FB2) u garanzija Statali mogħtija lil FB Bank għall-bonds maħruġin b'valur nominali ta' EUR 50 miljun f'Marzu 2011 (Miżura FB3) ingħataw bl-Iskema ta' Appoġġ lill-Banek Griegi. (111). Fid-deċiżjoni li tapprova dik l-iskema, il-Kummissjoni kkonkludiet li l-miżuri mogħtija b'dik l-iskema jikkostitwixxu għajnuna mill-Istat. |
(191) |
Għalhekk, il-Kummissjoni tinnota li l-attivitajiet ittrasferiti ma jibqgħux jeżistu mingħajr dawk il-miżuri. Dawk il-miżuri kkontribwixxew għall-istabbilizzazzjoni u l-kontinwazzjoni tal-attivitajiet ekonomiċi li aktar tard kienu ttrasferiti lill-Bank u, għalhekk, il-Kummissjoni hija tal-fehma li minnhom ibbenifikaw l-attivitajiet ekonomiċi ta' FB Bank, li aktar tard kienu ttrasferiti lill-Bank u li jikkostitwixxu għajnuna mill-Istat skont it-tifsira tal-Artikolu 107(1) tat-Trattat. |
6.2.1.2. L-eżistenza tal-għajnuna fil-miżuri mogħtija minħabba r-riżoluzzjoni ta' FB Bank (miżuri FB4 u FB5)
(192) |
Il-Kummissjoni tinnota li l-HFSF hija entità stabbilita u ffinanzjata mill-Greċja biex tappoġġja banek u għalhekk, il-miżuri FB4 u FB5 jinvolvu riżorsi tal-Istat. Il-Kummissjoni tinnota wkoll li l-miżuri FB4 u FB5 huma selettivi fin-natura tagħhom, minħabba li minnhom jibbenifikaw biss l-attivitajiet ta' FB Bank. |
(193) |
Barra minn hekk, il-Kummissjoni hija tal-fehma li l-miżuri FB4 u FB5 jipprovdu lill-attivitajiet ta' FB Bank b'vantaġġ ċar billi jżommuhom ħajjin. F'dak il-każ, l-ordni tat-trasferiment hija tabilħaqq bejgħ “en bloc”. Filwaqt li l-ekwità u d-dejn subordinat mhumiex ser jiġu ttrasferiti, l-assi bankarji produttivi ewlenin ser jiġu ttrasferiti (fergħat, depożiti u self). Għalhekk, il-miżura FB4 tipprovdi lill-attivitajiet ittrasferiti b'vantaġġ billi tipprovdi biżżejjed assi sabiex jiġu koperti d-depożiti u l-attivitajiet ittrasferiti jkomplu jeżistu minħabba l-bejgħ tal-assi en bloc ta' FB Bank. |
(194) |
Barra minn hekk, mingħajr il-miżura FB5, il-bejgħ ma jistax ikun possibbli minħabba li t-trasferiment ikollu impatt negattiv potenzjali fuq il-proporzjon tal-adegwatezza kapitali tal-akkwirent. Għalhekk, l-attivitajiet ittrasferiti ma jibqgħux jeżistu u, b'hekk, il-miżuri FB4 u FB5 jipprovdulhom vantaġġ ċar. |
(195) |
Il-Kummissjoni hija tal-fehma li l-miżuri FB4 u FB5 mhumiex konformi mal-prinċipju ta' investitur f'ekonomija tas-suq (“MEIP”). Fil-fatt, l-HFSF ma għandu ebda prospett li jagħmel profitt fuq il-kontribuzzjoni tiegħu: fi skambju għall-kontribuzzjoni tiegħu, huwa ma rċieva ebda pretensjoni kontra l-Bank, iżda biss pretensjoni kontra l-entità taħt likwidazzjoni, jiġifieri FB Bank (112). Għalhekk, l-HFSF probabbilment mhuwiex ser jirkupra kompletament il-flus kontribwiti. |
(196) |
Il-vantaġġ selettiv li l-miżuri FB4 u FB5 jipprovdu jfixkel il-kompetizzjoni billi jżomm attivita bankarja waħda ħajja, u jippermettilha topera fis-suq u tikkompeti ma' banek oħrajn, inkluż sussidjarji ta' banek barranin, li huma attivi fil-Greċja jew potenzjalment interessati li jidħlu fis-suq Grieg. Għalhekk, il-miżuri FB4 u FB5 għandhom effett fuq il-kummerċ bejn l-Istati Membri u potenzjalment ifixklu l-kompetizzjoni. |
(197) |
Għalhekk, il-Kummissjoni tikkonkludi li l-kopertura mill-HFSF tad-diskrepanza fil-finanzjament ta' ammont ta' EUR 456,97 relatat mal-assi ttrasferiti minn FB Bank lill-Bank u l-ħtiġijiet kapitali relatati ma' dawk l-assi, li jistgħu jammontaw għal EUR 100 miljun, jikkostitwixxu għajnuna mill-Istat skont it-tifsira tal-Artikolu 107(1) tat-Trattat. |
Benefiċjarju tal-miżuri FB4 u FB5
(198) |
Kif diġa ġie spjegat fil-premessa 193, il-Kummissjoni tqis li l-attivitajiet ta' FB Bank huma l-benefiċjarji tal-miżuri FB4 u FB5, hekk kif l-għajnuna ppermettiet il-kontinwazzjoni ta' dawk l-attivitajiet ekonomiċi fil-Bank. |
(199) |
Dwar jekk il-bejgħ tal-attivitajiet ta' FB Bank jinvolvix għajnuna mill-Istat lill-Bank, f'konformità mal-punt 49 tal-Komunikazzjoni Bankarja tal-2008, il-Kummissjoni teħtieġ li tevalwa jekk intlaħqux ċerti rekwiżiti. Teħtieġ li teżamina b'mod partikolari jekk (i) il-proċess tal-bejgħ kienx mifuħ u mhux diskriminatorju; (ii) il-bejgħ twettaqx fuq termini tas-suq; u iii) l-istituzzjoni finanzjarja jew il-gvern immassimizzawx il-prezz tal-bejgħ għall-assi u l-obbligazzjonijiet involuti. |
(200) |
Il-Bank akkwista l-pakkett tal-assi u l-obbligazzjonijiet ta' FB Bank għaliex issottometta l-offerta ppreferuta fil-qafas ta' proċedura tal-offerti mhux diskriminatorja miftuħa għal banek oħrajn. Il-Bank of Greece ddeċieda li jikkuntattja biss lill-akbar erba' banek domestiċi li joperaw fil-Greċja, li minnhom kienu biss il-Bank u bank ieħor li ssottomettew offerti mhux vinkolanti. Il-Bank of Greece stieden liż-żewġ offerenti sabiex jissottomettu offerti mtejba. Il-Bank of Greece għażel lil NBG minħabba li l-offerta tiegħu kienet tinvolvi inqas spejjeż ta' riżoluzzjoni (113). |
(201) |
Il-Kummissjoni tosserva li l-Bank of Greece kkuntattja biss erba' banek (114). Is-sett limitat ta' xerrejja kkuntattjati ma jistax jeskludi li l-offerta kienet miftuħa, minħabba n-nuqqas ta' banek oħrajn li joperaw fil-Greċja b'daqs suffiċjenti sabiex jassorbu l-assi offruti u b'kapital adegwat fiż-żmien tar-riżoluzzjoni, kif ukoll minħabba l-interess limitat muri fiż-żmien tar-riżoluzzjoni mill-istituzzjonijiet finanzjarji u ta' kreditu barranin fl-involviment tagħhom f'attivitajiet bankarji fil-Greċja. Barra minn hekk, il-Bank of Greece stabbilixxa minn qabel il-portafoll tal-assi u l-obbligazzjonijiet li għandhom jiġu ttrasferiti u l-iskeda ta' żmien li għandhom jissodisfaw l-offerti sabiex ikunu validi. Il-Kummissjoni tqis li l-proċess tal-bejgħ kienx mifuħ u mhux diskriminatorju. |
(202) |
Il-prezz negattiv (jiġifieri, meta titqies id-diskrepanza fil-finanzjament u l-kopertura tal-ħtiġijiet kapitali msemmija fuq) għall-assi u l-obbligazzjonijiet ta' FB Bank ma jipprekludix li l-prezz tal-bejgħ jirrifletti l-valur tas-suq tan-negozju (115). Il-Kummissjoni ma għandha l-ebda raġuni biex tikkunsidra li l-offerta magħmula u l-prezz imħallas ma kinux jirriflettu l-prezz tas-suq tan-negozju. Huwa mfakkar li, skont il-liġi Griega, il-valur ġust tal-assi ttrasferiti l-ewwel jiġi stmat mill-Bank of Greece u mbagħad jiġi vverifikat u aġġustat minn esperti esterni matul is-sitt xhur ta' wara. B'konsegwenza ta' dan, il-Kummissjoni tqis li l-bejgħ ma sarx fuq termini tas-suq. Fuq il-bażi ta' dan ta' hawn fuq, u b'mod konformi mal-punt 49 tal-Komunikazzjoni Bankarja tal-2008, il-punt 20 tal-Komunikazzjoni ta' Ristrutturar u l-prattika ta' teħid ta' deċiżjonijiet tagħha (116), il-Kummissjoni tikkonkludi li l-għajnuna mill-Istat lill-Bank tista' tiġi eskluża. |
6.2.1.3. Konklużjoni dwar l-eżistenza u l-ammont totali tal-għajnuna riċevuta
(203) |
Fuq il-bażi tal-premessi 190 sa 197, il-Kummissjoni tħoss li l-miżuri FB1, FB2, FB3, FB4 u FB5 kollha jissodisfaw il-kundizzjonijiet stabbiliti fl-Artikolu 107(1) tat-Trattat u jikkostitwixxu għajnuna mill-Istat. |
(204) |
Għalhekk, il-Kummissjoni tikkonkludi li l-attivitajiet ta' FB Bank irċevew għajnuna mill-Istat fil-forma ta' appoġġ kapitali ta' EUR 606,97 miljun (miżuri FB1, FB4 u FB5), minbarra s-self tat-titoli tal-gvern Grieg ta' EUR 60 miljun (miżura FB2) u t-titoli Statali ta' EUR 50 miljun (miżura FB3), kif miġbura fit-Tabella 10. Tabella 10 Ħarsa ġenerali lejn l-għajnuna totali tal-attivitajiet ta' FB Bank
|
6.2.2. Il-bażi legali tal-valutazzjoni tal-kompatibbiltà
(205) |
L-Artikolu 107(3)(b) tat-Trattat jagħti s-setgħa lill-Kummissjoni sabiex issib li l-għajnuna hija kompatibbli mas-suq intern jekk din tkun intiża “biex tirrimedja taqlib serju fl-ekonomija ta' Stat Membru”. |
(206) |
Il-Kummissjoni rrikonoxxiet li l-kriżi finanzjarja globali tista' toħloq taqlib serju fl-ekonomija ta' Stat Membru u li l-miżuri li jappoġġjaw lill-banek jistgħu jirrimedjaw dak it-taqlib. Dan kien ikkonfermat fil-Komunikazzjoni Bankarja tal-2008, fil-Komunikazzjoni dwar ir-Rikapitalizzazzjoni u fil-Komunikazzjoni dwar ir-Ristrutturar. Il-Kummissjoni għadha tħoss li r-rekwiżiti biex l-għajnuna mill-Istat tiġi approvata skont l-Artikolu 107(3)(b) tat-Trattat huma ssodisfati fid-dawl tat-tfaċċar mill-ġdid ta' stress fis-swieq finanzjarji. Il-Kummissjoni kkonfermat dik il-fehma billi adottat il-Komunikazzjoni dwar l-Estensjoni tal-2011 (117) u l-Komunikazzjoni Bankarja tal-2013 (118). |
(207) |
Fir-rigward tal-ekonomija Griega, fid-deċiżjonijiet tagħha li japprovaw u jestendu l-Iskema ta' Appoġġ għall-Banek Griegi, kif ukoll fl-approvazzjonijiet tagħha tal-miżuri ta' għajuna mill-Istat mogħtija mill-Greċja lil banek individwali 'il-Kummissjoni rrikonoxxiet li hemm theddida ta' tfixkil serju fl-ekonomija Griega u li l-appoġġ Statali lill-banek huwa adegwat biex jirrimedja dak it-tfixkil. Għalhekk, il-bażi legali għall-valutazzjoni tal-miżuri ta' għajnuna għandha tkun l-Artikolu 107(3)(b) tat-Trattat. |
(208) |
B'konformità mal-punt 15 tal-Komunikazzjoni Bankarja tal-2008, sabiex għajnuna tkun kompatibbli skont l-Artikolu 107(3)(b) tat-Trattat, hija għandha tikkonforma mal-kriterji ġenerali għall-kompatibbiltà: (a) Adegwatezza: L-għajnuna għandha tkun immirata sewwa sabiex tkun tista' tilħaq b'mod effettiv l-għan li tirrimedja taqlib serju fl-ekonomija. Dan ma jkunx il-każ jekk il-miżura ma tkunx xierqa sabiex tirrimedja t-taqlib. (b) Neċessità: Il-miżura ta' għajnuna, fl-ammont u l-forma tagħha, għandha tkun neċessarja sabiex tilħaq l-għan. Għalhekk, trid tkun tal-inqas ammont meħtieġ sabiex tilħaq l-objettiv, u tieħu l-aktar forma xierqa sabiex tirrimedja t-taqlib. (c) Proporzjonalità: L-effetti pożittivi tal-miżura għandhom ikunu bbilanċjati b'mod xieraq kontra d-distorsjonijiet tal-kompetizzjoni, sabiex b'hekk id-distorsjonijiet ikunu limitati għall-minimu neċessarju sabiex ikunu jistgħu jintlaħqu l-għanijiet tal-miżura. |
(209) |
Matul il-kriżi finanzjarja, il-Kummissjoni żviluppat kriterji tal-kompatibbiltà għat-tipi differenti ta' miżuri ta' għajnuna. Il-prinċipji għall-valutazzjoni tal-miżuri ta' għajnuna ġew stipulati għall-ewwel darba fil-Komunikazzjoni Bankarja tal-2008. |
(210) |
Il-Komunikazzjoni dwar ir-Rikapitalizzazzjoni tistabbilixxi aktar gwida dwar il-livell ta' rimunerazzjoni meħtieġa għall-injezzjonijiet ta' kapital mill-Istat. |
(211) |
Fl-aħħar nett, il-Kummissjoni fil-Komunikazzjoni dwar ir-Ristrutturar spjegat kif se tivverifika l-pjanijiet ta' ristrutturar. Fil-valutazzjoni tagħha tal-pjan ta' ristrutturar tal-Bank taħt il-Komunikazzjoni dwar ir-Ristrutturar, il-Kummissjoni sejra tieħu f'kunsiderazzjoni l-miżuri kollha li huma elenkati fit-Tabella 10. |
6.2.3. Il-konformità tal-miżuri ta' għajnuna skont il-Komunikazzjoni Bankarja tal-2008 u l-Komunikazzjoni dwar ir-Rikapitalizzazzjoni
6.2.3.1. Il-konformità tal-miżuri FB1, FB2 u FB3 mal-Komunikazzjoni Bankarja tal-2008
(212) |
Il-miżuri FB1, FB2 u FB3 ngħataw taħt l-Iskema ta' Appoġġ lill-Banek Griegi. Il-miżuri inklużi f'dik l-iskema diġà ġew ivvalutati bħala kompatibbli mas-suq intern fid-deċiżjoni tal-Kummissjoni tad-19 ta' Novembru 2008. |
6.2.3.2. Il-konformità tal-miżuri FB4 u FB5 mal-Komunikazzjonijiet Bankarji u ta' Rikapitalizzazzjoni tal-2008
6.2.3.2.1.
(213) |
Fir-rigward tal-adegwatezza tal-miżuri FB4 u FB5, il-Kummissjoni hija tal-fehma li dawk il-miżuri huma xierqa minħabba li huma ssalvagwardjaw lid-depożituri ta' FB Bank u, għalhekk, issalvagwardjaw l-istabbiltà finanzjarja. Dawk l-attivitajiet ma setgħux jissoktaw mingħajr l-għajnuna mill-HFSF, minħabba li FB Bank kellu ekwità negattiva fil-ħin tar-riżoluzzjoni u fil-kundizzjonijiet diffiċli tas-suq prevalenti li mbagħad ippredominaw, ebda bank ma seta' jakkwista portafoll ta' assi u obbligazzjonijiet b'valur negattiv li kien jgħarraq il-pożizzjoni tal-adegwatezza kapitali tiegħu. Il-miżuri b'hekk iżguraw li tinżamm l-istabbiltà finanzjarja fil-Greċja. Fuq din il-bażi, il-Kummissjoni tikkonstata li l-miżuri huma adegwati bħala għajnuna għas-salvataġġ. |
6.2.3.2.2.
(214) |
Skont il-Komunikazzjoni Bankarja tal-2008, il-miżura ta' għajnuna, fl-ammont u l-forma tagħha, trid tkun meħtieġa biex tikseb l-għan tal-miżura. Hija timplika li injezzjoni kapitali trid tkun tal-ammont minimu neċessarju biex jintlaħaq dak l-objettiv. |
(215) |
Kif iddikjara l-Bank of Greece fl-ittra tiegħu tat-8 ta' Mejju 2013, minkejja d-daqs żgħir ta' FB Bank, l-irtirar tal-liċenzja tiegħu mingħajr l-applikazzjoni ta' miżuri ta' riżoluzzjoni seta' xejjen il-fiduċja tad-depożituri fis-sistema bankarja Griega u, b'hekk, seta' jħalli impatt fuq l-istabbiltà finanzjarja. Barra minn hekk, il-Bank of Greece żied li fost l-għażliet ta' riżoluzzjoni differenti, huwa kien favur ir-riżoluzzjoni ta' FB Bank permezz tal-applikazzjoni tal-proċedura ta' Xiri u Assorbiment b'konformità mal-MEFP ta' Diċembru 2012. Huwa kien tal-fehma li dik il-proċedura offriet soluzzjoni immedjata u definita għall-problemi ffaċċjati minn FB Bank. Il-Kummissjoni tħoss li dawk l-elementi ta' stabbiltà finanzjarja jappoġġjaw in-neċessità tal-miżuri FB4 u FB5. |
(216) |
Fir-rigward tal-ammont tal-intervent, fid-deċiżjoni tiegħu 10/1/10.5.2013, il-Bank of Greece ddikjara li ordni ta' trasferiment tal-assi u l-obbligazzjonijiet magħżula kienet is-soluzzjoni ppreferuta, hekk kif din naqqset l-ispiża tar-riżoluzzjoni. Dik id-deċiżjoni kienet konformi wkoll mal-MEFP ta' Marzu 2012. Barra minn hekk, il-Kummissjoni tosserva li l-ammont finali tad-diskrepanza tal-likwidità kien ivvalutat bir-reqqa mill-awtoritajiet Griegi, li ħadu f'kunsiderazzjoni r-rapport ta' evalwazzjoni mħejji minn awditur statutorju. Il-kontribuzzjoni kopriet eżattament id-differenza bejn il-valur ġust tal-assi trasferiti u l-valur tal-obbligazzjonijiet. Barra minn hekk, l-HFSF impenja ruħu li jkopri l-ħtiġijiet kapitali sa 9 % biss tal-assi ttrasferiti, kif stmati mill-Bank of Greece. Il-fatt li kien biss il-Bank, minn fost iż-żewġ offerenti, li qabel li jirrevedi l-offerta tiegħu, jappoġġja l-konklużjoni li l-kontribuzzjoni ma kinitx eċċessiva. |
(217) |
Barra minn hekk, l-ekwità ta' FB Bank ma ġietx ittrasferita u, għalhekk, tħalliet fl-entità likwidata, jiġifieri FB Bank. Għalhekk, l-azzjonisti ser iġarrbu telf sħiħ u l-kontribuzzjoni tal-HFSF mhijiex minfuħa mill-ispiża mġarrba għas-salvataġġ tagħhom. |
(218) |
Fir-rigward tar-rimunerazzjoni tal-għajnuna, kif kien indikat preċedentement fil-premessa (195), wisq probabbli li l-HFSF ma jirkuprax kompletament l-ammont ta' flus li kkontribwixxa (119). Għalhekk, b'mod ċar ma jirċevix remunerazzjoni u l-kontribut tiegħu huwa simili għal għotja. Kif indikat fil-punt 44 tal-Komunikazzjoni dwar ir-Rikapitalizzazzjoni, rikapitalizzazzjoni rimunerata b'mod mhux suffiċjenti tista' tkun aċċettata biss fil-każ ta' banek f'diffikultà li ma jistgħu jħallsu l-ebda rimunerazzjoni. Il-Kummissjoni tqis li dan huwa l-każ ta' FB Bank. L-assenza ta' rimunerazzjoni tqajjem il-ħtieġa ta' ristrutturar fil-fond, f'konformità mal-Komunikazzjoni dwar ir-Rikapitalizzazzjoni. |
(219) |
B'konklużjoni għal dan, il-miżuri FB4 u FB5 huma meħtieġa bħala għajnuna għas-salvataġġ kemm fl-ammont kif ukoll fil-forma tagħha biex jintlaħqu l-objettivi li jiġi limitat it-tfixkil fis-sistema bankarja Griega u l-ekonomija kollha kemm hi. |
6.2.3.2.3.
(220) |
Il-Kummissjoni tinnota li FB Bank ma għadux jeżisti kif kien jeżisti qabel. Il-fatt li l-għajnuna ssalva dawk l-attivitajiet ittrasferiti, fit-teorija tista' toħloq distorsjonijiet tal-kompetizzjoni. Madankollu, il-Kummissjoni tinnota b'mod pożittiv id-daqs żgħir ta' FB Bank u l-proċess tal-bejgħ li fih il-kompetituri kellhom l-opportunità li jagħmlu offerta għal assi u obbligazzjonijiet magħżula ta' FB Bank. Barra minn hekk, immedjatament wara t-trasferiment tagħhom, l-attivitajiet ekonomiċi ta' FB Bank ġew integrati b'mod sħiħ mill-Bank u ma baqgħux jeżistu bħala attività ekonomika separata jew kompetitur. Il-Kummissjoni għalhekk tikkonkludi li l-għajnuna ma toħloqx distorsjonijiet żejda tal-kompetizzjoni. |
Konklużjoni dwar il-konformità tal-miżuri FB4 u FB5
(221) |
Ġie konkluż li l-miżuri FB4 u FB5 huma xierqa u neċessarji u, fid-dawl tad-daqs żgħir ta' FB Bank u l-għajbien tiegħu bħala kompetitur awtonomu permezz tal-integrazzjoni sħiħa tiegħu fil-Bank, huma proporzjonati għall-għan maħsub, b'konformità mal-Komunikazzjoni Bankarja tal-2008 u l-Komunikazzjoni dwar ir-Rikapitalizzazzjoni. |
6.2.4. Il-konformità tal-miżuri ta' għajnuna mal-Komunikazzjoni dwar ir-Ristrutturar
(222) |
Fir-rigward tar-rimunerazzjoni tal-miżura FB4, il-Kummissjoni nnotat fil-premessa (218) li probabbilment l-HFSF mhux ser jirkupra kompletament l-EUR 456,97 miljun li ġew injettati għar-riżoluzzjoni ta' FB Bank (il-miżura FB4). In-nuqqas ta' rimunerazzjoni tqajjem il-ħtieġa għal ristrutturar fil-fond, kemm f'termini ta' miżuri għall-vijabbiltà kif ukoll f'termini ta' miżuri biex jiġu limitati d-distorsjonijiet tal-kompetizzjoni. |
6.2.4.1. Il-vijabbiltà fit-tul tal-attivitajiet ta' FB Bank permezz tal-bejgħ
(223) |
Il-punt 21 tal-Komunikazzjoni dwar ir-Ristrutturar jistipula li meta l-istituzzjoni tal-kreditu f'diffikultà ma tkunx tista' tirritorna b'mod kredibbli għal vijabbiltà fit-tul, għandhom jiġu kkunsidrati l-likwidazzjoni regolari tagħha jew il-bejgħ tagħha b'irkant. L-Istati Membri għalhekk jistgħu jinkoraġġixxu l-ħruġ ta' atturi mhux vijabbli filwaqt li jippermettu li l-proċess tal-ħruġ iseħħ f'qafas ta' żmien adegwat li jippreserva l-istabbiltà finanzjarja. |
(224) |
Madankollu, FB Bank ma kienx vijabbli fuq bażi awtonoma u tpoġġa f'likwidazzjoni. F'dan ir-rigward, il-punt 17 tal-Komunikazzjoni dwar ir-Ristrutturar jikkjarifika li “l-bejgħ ta' bank f'diffikultà lil istituzzjoni finanzjarja oħra jista' jikkontribwixxi għar-ritorn għall--vijabbiltà għal tul ta' żmien, dejjem jekk ix-xerrej ikun vijabbli u kapaċi jassorbi t-trasferiment tal-bank f'diffikultà u jista' jgħin fit-trawwmin mill-ġdid tal-fiduċja fis-suq.” |
(225) |
Kif intqal fis-sezzjoni 7.5.2, fuq il-bażi tal-pjan ta' ristrutturar tiegħu, il-Bank jista' jitqies bħala entità vijabbli. Għalhekk, il-fatt li l-attivitajiet ta' FB Bank ġew trasferiti lill-Bank, jippermetti li tiġi restawrata l-vijabbiltà fit-tul tagħhom. Barra minn hekk, il-fatt li l-attivitajiet ta' FB Bank kienu integrati b'mod sħiħ (120) fil-Bank u waqfu joperaw bħala kompetitur awtonomu, jikkostitwixxi ristrutturar fil-fond kif meħtieġ mir-rimunerazzjoni mhux biżżejjed tal-għajnuna mill-Istat. |
6.2.4.2. Kontribuzzjoni proprja u kondiviżjoni tal-piżijiet
(226) |
Kif ġie spjegat fil-premessa 216, il-mod magħżul għar-riżoluzzjoni ta' FB Bank jiżgura l-limitazzjoni tal-ispejjeż tar-ristrutturar għall-minimu. L-ewwelnett, id-diskrepanza tal-likwidità ġiet ivvalutata bir-reqqa mill-awtoritajiet Griegi, billi ħadu f'kunsiderazzjoni rapport li tħejja minn awdituri indipendenti. Barra minn hekk, l-HFSF impenja ruħu li jkopri l-ħtiġijiet kapitali tax-xerrej li jirriżultaw mill-attivitajiet ittrasferiti biss sal-ammont minimu meħtieġ mil-liġi. Barra minn hekk, l-integrazzjoni tal-attivitajiet ekonomiċi ta' FB Bank f'entità akbar u r-realizzazzjoni simultanja tas-sinerġiji, permezz tar-razzjonalizzazzjoni tan-netwerk ta' fergħat ta' FB Bank, it-tisħiħ tal-infrastruttura tal-IT u t-tnaqqis tal-ispejjeż tal-finanzjament, jgħinu sabiex jillimitaw l-ispejjeż tar-ristrutturar għall-minimu, meta mqabbla ma' xenarju fejn l-Istat ikun ipprova jreġġa' lura l-vijabbiltà ta' FB Bank fuq bażi awtonoma. |
(227) |
L-ekwità u d-dejn subordinat ma ġewx ittrasferiti lill-Bank iżda baqgħu f'FB Bank, l-entità f'likwidazzjoni. B'hekk, il-Kummissjoni hija tal-fehma li l-piż qiegħed jinqasam b'mod suffiċjenti mill-azzjonisti, hekk kif dawn tal-aħħar ikunu intitolati għal rikavati mil-likwidazzjoni biss jekk ir-rikavati jkunu biżżejjed biex l-ewwel jitħallas lura l-HFSF, li għandu pretensjoni ta' prijorità fuq kredituri oħrajn. Għalhekk, minħabba l-iskarsezza tal-assi likwidati, mhuwiex probabbli li l-azzjonisti jieħdu l-investimenti tagħhom lura. |
6.2.4.3. Miżuri maħsubin sabiex jillimitaw id-distorsjonijiet tal-kompetizzjoni
(228) |
Rigward il-miżuri biex jiġu limitati d-distorsjonijiet tal-kompetizzjoni, il-punt 30 tal-Komunikazzjoni dwar ir-Ristrutturar jipprovdi li “il-Kummissjoni tieħu bħala punt ta' bidu għall-valutazzjoni tagħha tal-bżonn għal dawn il-miżuri d-daqs, l-iskala u l-kamp ta' applikazzjoni tal-attivitajiet li l-bank inkwistjoni jkollu mal-implimentazzjoni ta' pjan ta' ristrutturar kredibbli […]. In-natura u l-forma ta' tali miżuri jiddependu fuq żewġ kriterji: l-ewwelnett, l-ammont tal-għajnuna u l-kondizzjonijiet u ċ-ċirkostanzi li taħthom ingħatat u, it-tieni, il-karatteristiċi tas-suq jew swieq li fihom jopera l-bank benefiċjarju.” |
(229) |
L-għajnuna totali rċevuta fil-forma ta' ammonti kapitali għal EUR 606,97 miljun (miżuri FB1, FB4 u FB5), apparati t-titoli tal-gvern Grieg ta' EUR 60 miljun (miżura FB2) u l-garanziji tal-Istat ta' EUR 50 miljun (miżura FB3). Fil-31 ta' Diċembru 2008, il-miżura FB1 kienet tikkorrespondi għal 3,25 % tal-RWA ta' FB Bank. Fil-31 ta' Marzu 2013, il-miżura FB4, li tikkonċerna l-finanzjament tad-diskrepanza tal-likwidità minn FB Bank lill-Bank, kienet tikkorrespondi għal madwar 33,44 % tal-RWA ta' FB Bank. Minnha nnifisha, il-miżura FB5 kienet tikkorrespondi għal 9 % tal-RWA ta' FB Bank ittrasferiti lill-Bank. Dawn l-ammonti ta' għajnuna, flimkien mal-assenza ta' rimunerazzjoni, isejħu għal tnaqqis sinifikanti tal-preżenza fis-suq tal-benefiċjarju. |
(230) |
Rigward is-suq li fih kien jopera FB Bank, il-Kummissjoni tinnota li FB Bank kien bank żgħir ħafna (inqas minn 0,5 % sehem mis-suq tal-assi totali tal-banek Griegi u sehem tas-suq ta' inqas minn 1 % għal self u depożiti fil-Greċja) u konsegwentement, l-assi u l-obbligazzjonijiet ta' FB Bank li ġew trasferiti fil-Bank kienu relattivament żgħar meta mqabbla mad-daqs tas-sistema bankarja Griega. |
(231) |
Barra minn hekk, l-attivitajiet ta' FB Bank ġew offruti lill-kompetituri permezz ta' rkant miftuħ. Wara l-bejgħ tiegħu, FB Bank waqaf jeżisti bħala kompetitur awtonomu minħabba li l-attivitajiet ittrasferiti ġew integrati b'mod sħiħ fil-Bank. |
(232) |
Qiegħed jiġi konkluż li minħabba d-daqs żgħir tal-attivitajiet ittrasferiti, il-proċess miftuħ tal-bejgħ, u l-integrazzjoni sħiħa tal-attivitajiet ta' FB Bank fil-Bank, ma jeżistu l-ebda distorsjonijiet żejda tal-kompetizzjoni, minkejja l-ammont kbir ħafna ta' għajnuna u l-assenza tar-rimunerazzjoni. |
6.2.4.4. Konklużjoni dwar il-konformità mal-Komunikazzjoni dwar ir-Ristrutturar
(233) |
Abbażi ta' dik l-analiżi, huwa konkluż li l-bejgħ tal-assi u l-obbligazzjonijiet ta' FB Bank u l-integrazzjoni tagħhom fil-Bank jiggarantixxu li l-attivitajiet ta' FB Bank jirritornaw għall-vijabbiltà fit-tul tagħhom, li l-għajnuna hija limitata għall-minimu neċessarju u li ma hemm ebda distorsjoni żejda tal-kompetizzjoni, b'konformità mal-Komunikazzjoni dwar ir-Ristrutturar. |
6.2.5. Konklużjoni dwar il-kompatibbiltà tal-għajnuna relatata ma' FB Bank mas-suq intern
(234) |
Il-miżuri ta' għajnuna kollha elenkati fit-Tabella 10 huma għaldaqstant kompatibbli mas-suq intern. |
6.3. VALUTAZZJONI TAL-GĦAJNUNA RELATATA MA' PROBANK
6.3.1. L-eżistenza u l-ammont ta' għajnuna
(235) |
Il-Kummissjoni trid l-ewwel tivvaluta jekk il-miżuri jikkostitwixxux għajnuna mill-Istat fis-sens tal-Artikolu 107(1) tat-Trattat. |
6.3.1.1. L-eżistenza tal-għajnuna fil-miżuri mogħtija minħabba r-riżoluzzjoni ta' Probank (miżuri PB1 u PB2)
(236) |
L-HFSF hija entità stabbilita u ffinanzjata mill-Greċja biex tappoġġja banek. Għalhekk, il-miżuri PB1 u PB2 jinvolvu riżorsi Statali. Il-miżuri PB1 u PB2 huma wkoll selettivi fin-natura tagħhom, minħabba li minnhom jibbenifikaw biss l-attivitajiet ta' Probank. |
(237) |
Barra minn hekk, il-miżuri PB1 u PB2 jipprovdu lill-attivitajiet ta' Probank b'vantaġġ ċar billi jżommuhom ħajjin. F'dak il-każ, l-ordni ta' trasferiment hija bejgħ “en bloc” billi, filwaqt li l-ekwità ma tiġix ittrasferita, l-assi bankarji produttivi ewlenin jiġu ttrasferiti (fergħat, depożiti u self). |
(238) |
Il-miżuri PB1 u PB2 mhumiex konformi mal-MEIP. Fil-fatt, l-HFSF ma għandu ebda prospett li jagħmel profitt fuq il-kontribuzzjoni tiegħu: fi skambju għall-kontribuzzjoni tiegħu, huwa ma rċieva ebda pretensjoni kontra l-Bank, iżda biss pretensjoni kontra l-entità taħt likwidazzjoni, jiġifieri Probank (121). Għalhekk, l-HFSF probabbilment mhuwiex ser jirkupra kompletament il-flus kontribwiti. |
(239) |
Il-vantaġġ selettiv li l-miżuri PB1 u PB2 jipprovdu jfixkel il-kompetizzjoni billi jżomm attivita bankarja waħda ħajja, u jippermettilha topera fis-suq u tikkompeti ma' banek oħrajn li huma attivi fil-Greċja jew potenzjalment interessati li jidħlu fis-suq Grieg. Għalhekk, il-miżuri PB1 u PB2 għandhom effett fuq il-kummerċ bejn l-Istati Membri u potenzjalment ifixklu l-kompetizzjoni. |
(240) |
Għalhekk, qiegħed jiġi konkluż li l-kopertura mill-HFSF tad-diskrepanza fil-finanzjament minn Probank lill-Bank, għall-ammont ta' EUR 562,73 miljun u l-impenn tal-HFSF sabiex ikopri l-ħtiġijiet kapitali relatati mal-assi ttrasferiti, li jistgħu jammontaw għal EUR [180 sa 280] miljun, jikkostitwixxu għajnuna mill-Istat skont it-tifsira tal-Artikolu 107(1) tat-Trattat. |
Benefiċjarju tal-miżuri PB1 u PB2
(241) |
L-attivitajiet ta' Probank huma dawk li bbenifikaw mill-miżuri PB1 u PB2, hekk kif dawn tal-aħħar ippermettew il-kontinwazzjoni ta' dawk l-attivitajiet fil-Bank. |
(242) |
Dwar jekk il-bejgħ tal-attivitajiet ta' Probank jinvolvux għajnuna mill-Istat lill-Bank, f'konformità mal-punt 49 tal-Komunikazzjoni Bankarja tal-2008, il-Kummissjoni teħtieġ li tevalwa jekk intlaħqux ċerti rekwiżiti. Teħtieġ li teżamina b'mod partikolari jekk (i) il-proċess tal-bejgħ kienx mifuħ u mhux diskriminatorju; (ii) il-bejgħ twettaqx fuq termini tas-suq; u iii) l-istituzzjoni finanzjarja jew il-gvern immassimizzawx il-prezz tal-bejgħ għall-assi u l-obbligazzjonijiet involuti. |
(243) |
Il-Bank akkwista l-assi u l-obbligazzjonijiet ta' Probank għaliex issottometta l-offerta ppreferuta fil-qafas ta' proċedura tal-offerti mhux diskriminatorja miftuħa għal banek oħrajn. Il-Bank of Greece ddeċieda li jikkuntattja biss lill-akbar erba' banek domestiċi li joperaw fil-Greċja, li minnhom kienu biss il-Bank u bank ieħor li ssottomettew offerti mhux vinkolanti. Il-Bank kien l-offerent ippreferut f'termini tal-prezz u s-sinerġiji mistennija. |
(244) |
Il-Bank of Greece kkuntattja biss erba' banek. Is-sett limitat ta' xerrejja kkuntattjati ma jistax jeskludi li l-offerta kienet miftuħa, minħabba n-nuqqas ta' banek oħrajn li joperaw fil-Greċja b'daqs suffiċjenti sabiex jassorbu l-attivitajiet offruti u b'kapital adegwat fiż-żmien tar-riżoluzzjoni. Barra minn hekk, sakemm issir ir-riżoluzzjoni ta' Probank, ma kien hemm ebda istituzzjoni finanzjarja u ta' kreditu barranija li ssottomettiet proposta vinkolanti valida għall-akkwist ta' Probank, minkejja l-posponiment ripetut tad-data ta' skadenza. Fiż-żmien tar-riżoluzzjoni, l-interess muri mill-istituzzjonijiet finanzjarji u ta' kreditu barranin fl-involviment f'attivitajiet bankarji fil-Greċja kien limitat ħafna. Barra minn hekk, il-Bank of Greece stabbilixxa minn qabel il-portafoll tal-assi u l-obbligazzjonijiet li għandhom jiġu ttrasferiti u l-iskeda ta' żmien li għandhom jissodisfaw l-offerti sabiex ikunu validi. Għalhekk, il-Kummissjoni tikkonkludi li l-proċess tal-bejgħ kien wieħed mifuħ u mhux diskriminatorju. |
(245) |
Il-prezz negattiv (jiġifieri, meta titqies id-diskrepanza fil-finanzjament u l-kopertura tal-ħtiġijiet kapitali msemmija fuq) għall-assi u l-obbligazzjonijiet ta' Probank ma jipprekludix li l-prezz tal-bejgħ jirrifletti l-valur tas-suq tan-negozju (122). Il-Kummissjoni ma għandha l-ebda raġuni biex tikkunsidra li l-offerta magħmula u l-prezz imħallas ma kinux jirriflettu l-prezz tas-suq tan-negozju. Tabilħaqq, il-valur ġust tal-assi kien stmat mill-Bank of Greece u vverifikat minn awdituri esterni. B'konsegwenza ta' dan, il-Kummissjoni tqis li l-bejgħ ma sarx fuq termini tas-suq. Fuq il-bażi ta' dan ta' hawn fuq, u b'mod konformi mal-punt 49 tal-Komunikazzjoni Bankarja tal-2008, il-punt 20 tal-Komunikazzjoni ta' Ristrutturar u l-prattika ta' teħid ta' deċiżjonijiet tal-Kummissjoni (123), ġie konkluż li l-għajnuna mill-Istat lill-Bank tista' tiġi eskluża. |
6.3.1.2. Konklużjoni dwar l-eżistenza u l-ammont totali tal-għajnuna riċevuta
(246) |
Fuq il-bażi tal-premessi (236) sa (240), il-Kummissjoni tħoss li l-miżuri PB1 u PB2 kollha jissodisfaw il-kundizzjonijiet stabbiliti fl-Artikolu 107(1) tat-Trattat u jikkostitwixxu għajnuna mill-Istat. |
(247) |
Għalhekk, qiegħed jiġi konkluż li l-attivitajiet ta' Probank irċevew għajnuna mill-Istat fil-forma ta' appoġġ kapitali ta' EUR [742,7 sa 842,7] miljuni (miżuri PB1 u PB2), kif miġbura fit-Tabella 11. Tabella 11 Ħarsa ġenerali lejn l-għajnuna totali tal-attivitajiet ta' Probank
|
6.3.2. Il-bażi legali tal-valutazzjoni tal-kompatibbiltà
(248) |
L-Artikolu 107(3)(b) tat-Trattat jagħti s-setgħa lill-Kummissjoni sabiex issib li l-għajnuna hija kompatibbli mas-suq intern jekk din tkun intiża “biex tirrimedja taqlib serju fl-ekonomija ta' Stat Membru”. |
(249) |
Kif spjegat fil-premessi 206 u 207, il-bażi legali għall-valutazzjoni tal-miżuri ta' għajnuna lill-banek Griegi għandha tkun l-Artikolu 107(3)(b) tat-Trattat. |
(250) |
Kif spjegat fil-premessa 208, b'konformità mal-punt 15 tal-Komunikazzjoni Bankarja tal-2008, sabiex għajnuna tkun kompatibbli skont l-Artikolu 107(3)(b) tat-Trattat, hija għandha tikkonforma mal-kriterji ġenerali għall-kompatibbiltà: adegwatezza, neċessità u proporzjonalità. |
(251) |
Il-Komunikazzjoni dwar ir-Rikapitalizzazzjoni tistabbilixxi iktar gwida fuq il-livell ta' rimunerazzjoni meħtieġ għall-injezzjonijiet ta' kapital mill-Istat. |
(252) |
Fl-aħħar nett, il-Kummissjoni fil-Komunikazzjoni dwar ir-Ristrutturar spjegat kif se tivverifika l-pjanijiet ta' ristrutturar. Fil-valutazzjoni tagħha tal-pjan ta' ristrutturar taħt il-Komunikazzjoni dwar ir-Ristrutturar, il-Kummissjoni sejra tqis il-miżuri kollha li huma elenkati fit-Tabella 11. |
6.3.3. Il-konformità tal-miżuri ta' għajnuna taħt il-Komunikazzjoni Bankarja tal-2008 u l-Komunikazzjoni dwar ir-Rikapitalizzazzjoni
6.3.3.1. Adegwatezza
(253) |
Fir-rigward tal-adegwatezza tal-miżuri PB1 u PB2, il-Kummissjoni hija tal-fehma li l-kopertura tad-diskrepanza tal-likwidità u l-impenn sabiex jiġu koperti l-ħtiġijiet kapitali tax-xerrej relatati mal-assi ttrasferiti huma xierqa minħabba li ppermettew li jsir bejgħ, issalvagwardjaw lid-depożituri ta' Probank u, għalhekk, issalvagwardjaw l-istabbiltà finanzjarja. Dawn l-attivitajiet ma kinux ikunu jistgħu jkomplu mingħajr l-għajnuna mill-HFSF, peress li Probank kellu ekwità negattiva fiż-żmien tar-riżoluzzjoni. Fil-kundizzjonijiet diffiċli tas-suq li mbagħad ippredominaw, ebda bank ma seta' jakkwista portafoll ta' assi u obbligazzjonijiet b'valur negattiv li kien jgħarraq il-pożizzjoni tal-adegwatezza kapitali tiegħu. Fl-10 ta' Mejju 2013, il-Bank of Greece ħatar kummissarju fi Probank, li l-kompitu tiegħu kien illi jiżgura li jittieħdu kwalunkwe miżuri neċessarji għall-ikkompletar taż-żieda tal-kapital azzjonarju ta' Probank. Il-fatt li ma kien hemm ebda investitur privat li ssottometta proposta vinkolanti finali għall-akkwist ta' Probank saż-żmien tar-riżoluzzjoni, minkejja l-isforzi tal-kummissarju maħtur fi Probank u l-estensjoni ripetuta tal-iskadenza għaż-żieda tal-kapital azzjonarju ta' Probank, jappoġġja s-sejba li dawk l-attivitajiet ma setgħux jissoktaw mingħajr l-għajnuna riċevuta mill-HFSF. Il-miżura għalhekk żgurat li nżammet l-istabbiltà finanzjarja fil-Greċja. Fuq din il-bażi, il-Kummissjoni tikkonstata li l-miżuri huma adegwati bħala għajnuna għas-salvataġġ. |
6.3.3.2. Neċessità
(254) |
Skont il-Komunikazzjoni Bankarja tal-2008, il-miżura ta' għajnuna, fl-ammont u l-forma tagħha, trid tkun meħtieġa biex tikseb l-għan tal-miżura. Hija timplika li injezzjoni kapitali trid tkun tal-ammont minimu neċessarju biex jintlaħaq dak l-objettiv. |
(255) |
L-MEFP ta' Mejju 2013 stabbilixxa li għal dawk il-banek mhux ewlenin (124) li ma ssodisfawx ir-rekwiżit kapitali tagħhom, il-Bank of Greece, b'koordinazzjoni mal-HFSF, għandu jivvaluta l-għażliet li jnaqqas l-ispiża għall-kontribwenti tat-taxxa, inklużi proċeduri ta' Xiri u Assorbiment, filwaqt li jiggarantixxi s-sigurtà tad-depożituri. |
(256) |
Kif iddikjara l-Bank of Greece fid-deċiżjoni tiegħu tas-26 ta' Lulju 2013 (125), l-irtirar tal-liċenzja ta' Probank mingħajr l-applikazzjoni ta' miżuri ta' riżoluzzjoni seta' jħalli impatt fuq l-istabbiltà finanzjarja. |
(257) |
Il-Kummissjoni tħoss li dawk l-elementi ta' stabbiltà finanzjarja jappoġġjaw in-neċessità tal-miżuri PB1 u PB2. |
(258) |
Fir-rigward tal-ammont tal-miżura, id-diskrepanza tal-likwidità ġiet ivvalutata bir-reqqa mill-awtoritajiet Griegi, billi ħadu f'kunsiderazzjoni r-rapport ta' evalwazzjoni mħejji minn awditur statutorju. Il-kontribuzzjoni kopriet eżattament id-differenza bejn il-valur ġust tal-assi trasferiti u l-valur tal-obbligazzjonijiet. Fid-deċiżjoni tiegħu 12/1/26.7.2013, il-Bank of Greece iddikjara li ordni ta' trasferiment tal-assi u l-obbligazzjonijiet magħżula kienet is-soluzzjoni ppreferuta minħabba li din naqqset l-ispiża tar-riżoluzzjoni. Dik id-deċiżjoni hija konformi wkoll mat-Tieni Programm ta' Aġġustament Ekonomiku għall-Greċja ta' Lulju 2013. Barra minn hekk, l-HFSF impenja ruħu li jkopri l-ħtiġijiet kapitali sa 9 % biss tal-assi ttrasferiti, kif dawn kienu stmati mill-Bank of Greece. |
(259) |
Barra minn hekk, l-ekwità ma ġietx ittrasferita lill-Bank u, għalhekk, ser titħalla fl-entità li tinsab f'likwidazzjoni. Għalhekk, l-azzjonisti ta' Probank ser iġarrbu telf sħiħ u l-kontribuzzjoni tal-HFSF mhijiex minfuħa mill-ispiża mġarrba għas-salvataġġ tagħhom. |
(260) |
Fir-rigward tar-rimunerazzjoni tal-għajnuna, kif kien indikat preċedentement fil-premessa 238, wisq probabbli li l-HFSF ma jirkuprax kompletament l-ammont ta' flus li kkontribwixxa. Għalhekk, b'mod ċar ma jirċevix remunerazzjoni u l-kontribut tiegħu huwa simili għal għotja. Kif indikat fil-punt 44 tal-Komunikazzjoni dwar ir-Rikapitalizzazzjoni, rikapitalizzazzjoni rimunerata b'mod mhux suffiċjenti tista' tkun aċċettata biss fil-każ ta' banek f'diffikultà li ma jistgħu jħallsu l-ebda rimunerazzjoni. Il-Kummissjoni tqis li dan huwa l-każ ta' Probank. L-assenza ta' rimunerazzjoni tqajjem il-ħtieġa ta' ristrutturar fil-fond, f'konformità mal-Komunikazzjoni dwar ir-Rikapitalizzazzjoni. |
(261) |
B'konklużjoni għal dan, il-miżuri huma meħtieġa bħala għajnuna għas-salvataġġ kemm fl-ammont kif ukoll fil-forma tagħha biex jinkisbu l-objettivi ta' limitazzjoni tat-tfixkil fis-sistema bankarja Griega u l-ekonomija kollha kemm hi. |
6.3.3.3. Proporzjonalità
(262) |
Probank ma għadux jeżisti kif kien jeżisti qabel. Il-fatt li l-għajnuna ssalva dawk l-attivitajiet ekonomiċi ttrasferiti lill-Bank, fit-teorija tista' toħloq distorsjonijiet fil-kompetizzjoni. Madankollu, il-Kummissjoni tinnota d-daqs żgħir ta' Probank u l-proċess tal-bejgħ li fih il-kompetituri kellhom l-opportunità li jagħmlu offerta għal assi u obbligazzjonijiet magħżula ta' Probank. Barra minn hekk, immedjatament wara t-trasferiment tagħhom, l-attivitajiet ekonomiċi ta' Probank se jkunu integrati b'mod sħiħ mill-Bank u se jispiċċaw jeżistu bħala attività ekonomika separata jew kompetitur. Il-Kummissjoni għalhekk tikkonkludi li l-għajnuna ma toħloqx distorsjonijiet żejda tal-kompetizzjoni. |
6.3.3.4. Konklużjoni dwar il-konformità tal-miżuri PB1 u PB2 mal-Komunikazzjoni Bankarja u l-Komunikazzjoni dwar ir-Rikapitalizzazzjoni.
(263) |
Ġie konkluż li l-miżuri PB1 u PB2 huma xierqa u neċessarji u, fid-dawl tar-ristrutturar profond imbassar għall-Bank, li fih ġew ittrasferiti l-attivitajiet ekonomiċi ta' Probank, huma proporzjonati għall-għan maħsub, b'konformità mal-Komunikazzjoni Bankarja tal-2008 u l-Komunikazzjoni dwar ir-Rikapitalizzazzjoni. |
6.3.4. Il-konformità tal-miżuri ta' għajnuna mal-Komunikazzjoni dwar ir-Ristrutturar
(264) |
Fil-premessa (260), fir-rigward tar-rimunerazzjoni tal-miżura PB1, il-Kummissjoni nnotat li probabbilment l-HFSF mhux ser jirkupra kompletament l-EUR 562,73 miljun li ġew injettati għar-riżoluzzjoni ta' Probank (il-miżura PB1). In-nuqqas ta' rimunerazzjoni tqajjem il-ħtieġa għal ristrutturar fil-fond, kemm f'termini ta' miżuri għall-vijabbiltà kif ukoll f'termini ta' miżuri biex jiġu limitati d-distorsjonijiet tal-kompetizzjoni. |
6.3.4.1. Il-vijabbiltà fit-tul tal-attivitajiet ta' Probank permezz tal-bejgħ
(265) |
Il-punt 21 tal-Komunikazzjoni dwar ir-Ristrutturar jgħid li meta l-istituzzjoni tal-kreditu f'diffikultà ma tkunx tista' tirritorna b'mod kredibbli għal vijabbiltà fit-tul, għandhom jiġu kkunsidrati l-likwidazzjoni regolari tagħha jew il-bejgħ tagħha b'irkant. L-Istati Membri għalhekk jistgħu jinkoraġġixxu l-ħruġ ta' atturi mhux vijabbli filwaqt li jippermettu li l-proċess tal-ħruġ iseħħ f'qafas ta' żmien adegwat li jippreserva l-istabbiltà finanzjarja. |
(266) |
Madankollu, Probank ma kienx vijabbli fuq bażi awtonoma u tpoġġa f'likwidazzjoni. F'dan ir-rigward, il-punt 17 tal-Komunikazzjoni dwar ir-Ristrutturar jikkjarifika li “l-bejgħ ta' bank f'diffikultà lil istituzzjoni finanzjarja oħra jista' jikkontribwixxi għat-treġġigħ lura tal-vijabbiltà fit-tul, jekk ix-xerrej ikun vijabbli u kapaċi jassorbi t-trasferiment tal-bank f'diffikultà u jista' jgħin biex jirrestawra l-fiduċja fis-suq.” |
(267) |
Kif intqal fis-sezzjoni 7.5.2, fuq il-bażi tal-pjan ta' ristrutturar tiegħu, il-Bank jista' jitqies bħala entità vijabbli. Għalhekk, il-fatt li l-attivitajiet ta' Probank ġew trasferiti lill-Bank, jippermetti li tiġi restawrata l-vijabbiltà fit-tul tagħhom. Barra minn hekk, il-fatt li l-attivitajiet ta' Probank kienu integrati b'mod sħiħ (126) fil-Bank u waqaf jopera bħala entità indipendenti, jikkostitwixxi ristrutturar fil-fond kif meħtieġ mir-rimunerazzjoni mhux biżżejjed tal-għajnuna mill-Istat. |
6.3.4.2. Kontribuzzjoni proprja u kondiviżjoni tal-piżijiet
(268) |
Kif ġie spjegat fil-premessa 258, il-mod magħżul għar-riżoluzzjoni ta' Probank jiżgura l-limitazzjoni tal-ispejjeż tar-ristrutturar għall-minimu. L-ewwelnett, id-diskrepanza tal-likwidità ġiet ivvalutata bir-reqqa mill-awtoritajiet Griegi, billi ħadu f'kunsiderazzjoni rapport li tħejja minn awdituri indipendenti. Barra minn hekk, l-HFSF impenja ruħu li jkopri l-ħtiġijiet kapitali tax-xerrej li jirriżultaw mill-assi ttrasferiti biss sal-ammont minimu meħtieġ mil-liġi. Barra minn hekk, l-integrazzjoni tal-attivitajiet ekonomiċi ta' Probank f'entità akbar u r-realizzazzjoni simultanja tas-sinerġiji, b'mod partikolari permezz tar-razzjonalizzazzjoni tan-netwerk ta' fergħat ta' Probank, it-tisħiħ tal-infrastruttura tal-IT u t-tnaqqis tal-ispejjeż tal-finanzjament, jikkontribwixxu għal-limitazzjoni tal-ispejjeż tar-ristrutturar għall-minimu, meta mqabbla ma' xenarju fejn l-Istat ikun ipprova jreġġa' lura l-vijabbiltà ta' Probank fuq bażi awtonoma. |
(269) |
L-ekwità u d-dejn subordinat ma ġewx ittrasferiti lill-Bank iżda baqgħu fl-entità f'likwidazzjoni. B'hekk, il-Kummissjoni hija tal-fehma li l-piż qiegħed jinqasam b'mod suffiċjenti mill-azzjonisti, hekk kif dawn tal-aħħar ikunu intitolati għal rikavati mil-likwidazzjoni biss jekk ir-rikavati jkunu biżżejjed biex l-ewwel jitħallas lura l-HFSF, li għandu pretensjoni ta' prijorità fuq kredituri oħrajn. Għalhekk, minħabba l-iskarsezza tal-assi likwidati, mhuwiex probabbli li l-azzjonisti jieħdu l-investimenti tagħhom lura. |
6.3.4.3. Miżuri maħsubin sabiex jillimitaw id-distorsjonijiet tal-kompetizzjoni
(270) |
Rigward il-miżuri biex jiġu limitati d-distorsjonijiet tal-kompetizzjoni, il-punt 30 tal-Komunikazzjoni dwar ir-Ristrutturar jipprovdi li “il-Kummissjoni tieħu bħala punt ta' bidu għall-valutazzjoni tagħha tal-bżonn għal dawn il-miżuri d-daqs, l-iskala u l-kamp ta' applikazzjoni tal-attivitajiet li l-bank inkwistjoni jkollu mal-implimentazzjoni ta' pjan ta' ristrutturar kredibbli […]. In-natura u l-forma ta' tali miżuri jiddependu fuq żewġ kriterji: l-ewwelnett, l-ammont tal-għajnuna u l-kondizzjonijiet u ċ-ċirkostanzi li taħthom ingħatat u, it-tieni, il-karatteristiċi tas-suq jew swieq li fihom jopera l-bank benefiċjarju.” |
(271) |
Rigward l-ammont ta' għajnuna riċevuta, l-għajnuna totali rċevuta fil-forma ta' kapital ammontat għal EUR [742,7 sa 842,7] miljun (miżuri PB1 u PB2). Miżura PB1, kienet tikkorrespondi għal madwar 21,15 % tal-RWA ta' Probank fit-30 ta' Ġunju 2013. Minnha nnifisha, il-miżura PB2 kienet tikkorrespondi għal […] % tal-assi ttrasferiti minn Probank. Dawn l-ammonti ta' għajnuna, flimkien mal-assenza ta' rimunerazzjoni, isejħu għal tnaqqis sinifikanti tal-preżenza fis-suq tal-benefiċjarju. |
(272) |
Rigward is-suq li fih kien jopera Probank, il-Kummissjoni tinnota li Probank kien bank żgħir ħafna (madwar 1 % tal-assi totali tal-banek Griegi u sehem mis-suq ta' madwar 1 % tas-self u inqas minn 2 % għad-depożiti) u konsegwentement, l-assi u l-obbligazzjonijiet ta' Probank li ġew trasferiti fil-Bank kienu żgħar meta mqabbla mad-daqs tas-sistema bankarja Griega. |
(273) |
Barra minn hekk, l-attivitajiet ta' Probank ġew offruti lill-kompetituri permezz ta' rkant miftuħ. Wara l-bejgħ tiegħu, Probank waqaf jeżisti bħala kompetitur awtonomu minħabba li l-attivitajiet ittrasferiti ġew integrati b'mod sħiħ fil-Bank. |
(274) |
Huwa konkluż li minħabba d-daqs żgħir tal-attivitajiet ittrasferiti, il-proċess miftuħ tal-bejgħ u l-integrazzjoni sħiħa tal-attivitajiet ta' Probank fil-Bank, ma jeżistu l-ebda distorsjonijiet żejda tal-kompetizzjoni, minkejja l-ammont kbir ħafna ta' għajnuna u l-assenza tar-rimunerazzjoni. |
6.3.4.4. Konklużjoni dwar il-konformità mal-Komunikazzjoni dwar ir-Ristrutturar
(275) |
Abbażi ta' dik l-analiżi, il-Kummissjoni tikkonkludi li l-bejgħ tal-assi u l-obbligazzjonijiet magħżula ta' Probank u l-integrazzjoni tagħhom fil-Bank jiżguraw ir-ritorn għall-vijabbiltà fit-tul tal-attiivtajiet ta' Probank, li l-għajnuna hija limitata għall-minimu neċessarju u li ma hemm ebda distorsjoni żejda tal-kompetizzjoni, b'konformità mal-Komunikazzjoni dwar ir-Ristrutturar. |
6.3.5. Konklużjoni dwar il-kompatibbiltà tal-għajnuna relatata ma' Probank mas-suq intern
(276) |
Il-miżuri ta' għajnuna kollha elenkati fit-Tabella 11 għaldaqstant huma kompatibbli mas-suq intern. |
7. VALUTAZZJONI TAL-GĦAJNUNA MOGĦTIJA LILL-BANK
7.1. L-EŻISTENZA U L-AMMONT TA' GĦAJNUNA
(277) |
Il-Kummissjoni trid tistabbilixxi l-eżistenza ta' għajnuna mill-Istat fis-sens tal-Artikolu 107(1) tat-Trattat. |
7.1.1. L-eżistenza tal-għajnuna fil-miżuri mogħtija taħt l-Iskema ta' Appoġġ lill-Banek Griegi L1905
7.1.1.1. L-appoġġ ta' likwidità mogħti mill-Istat taħt il-garanzija u l-miżuri ta' self obbligazzjonarju mill-gvern (il-miżura L1)
(278) |
Il-Kummissjoni diġà stabbilixxiet fid-deċiżjonijiet li japprovaw u jestendu l-Iskema ta' Appoġġ lill-Banek Griegi (127) li l-appoġġ ta' likwidità mogħti taħt l-iskema jikkostitwixxi għajnuna. L-ammont pendenti tal-garanziji mill-15 ta' April 2011 kien EUR 12 873 miljun u laħaq it-EUR 14 798 miljun mit-30 ta' Novembru 2013. F'dawk id-dati, is-self pendenti tal-bonds tal-gvern lill-Bank kien jammonta għal EUR 787 miljun u EUR 847 miljun, rispettivament. L-appoġġ ta' likwidità mogħti fil-ġejjieni taħt l-Iskema wkoll ikun jikkostitwixxi għajnuna. |
7.1.1.2. Rikapitalizzazzjoni mill-Istat mogħtija bl-Iskema ta' Rikapitalizzazzjoni (miżura A)
(279) |
Fid-Deċiżjoni tad-19 ta' Novembru 2008 dwar l-Iskema ta' Appoġġ għall-Banek Griegi, il-Kummissjoni diġà stabbiliet li r-rikapitalizzazzjoni li għandha tingħata bil-miżura ta' rikapitalizzazzjoni inkluża f'dik l-iskema tikkostitwixxi għajnuna. Il-Bank irċieva EUR 1 350 miljun permezz ta' ishma privileġġati, li jirrappreżentaw 2,1 % tal-RWA tal-Bank (128). |
(280) |
Fl-2010, il-Greċja introduċiet diversi bidliet fil-parametri tekniċi ta' dawk l-ishma ta' preferenza li permezz tagħhom, jekk l-ishma ta' preferenza ma jiġux mifdijin fi żmien ħames snin, il-kupun imbagħad jiżdied bi 2 % kull sena. Peress li l-bidliet iżidu r-rimunerazzjoni tal-Istat, fil-każ li dawn ma jiġux mifdija jew konvertiti wara ħames snin, il-Kummissjoni tikkonkludi li l-modifiki tal-parametri tekniċi ma jipprovdu l-ebda vantaġġ lill-Bank u għalhekk ma jinvolvux għajnuna addizzjonali mill-Istat. |
7.1.2. L-eżistenza tal-għajnuna fl-ELA garantita mill-Istat (miżura L2)
(281) |
Fil-punt 51 tal-Komunikazzjoni Bankarja tal-2008, il-Kummissjoni kkjarifikat li l-provvediment tal-fondi tal-banek ċentrali għall-istituzzjonijiet finanzjarji ma jikkostitwix għajnuna jekk jiġu ssodisfati erba' kundizzjonijiet kumulattivi rigward is-solvenza tal-istituzzjoni finanzjarja, il-kollateralizzazzjoni tal-faċilità, ir-rata tal-imgħax imposta fuq l-istituzzjoni finanzjarja u l-assenza ta' kontrogaranzija mill-Istat. Billi l-ELA garantita mill-Istat mogħtija lill-Bank ma tikkonformax ma' dawk l-erba' kondizzjonijiet kumulattivi, b'mod partikolari minħabba li hija garantita mill-Istat u tingħata flimkien ma' miżuri ta' appoġġ oħrajn, ma jistax jiġi konkluż li l-ELA garantita mill-Istat ma tikkostitwixxi ebda għajnuna mill-Istat. |
(282) |
L-ELA garantita mill-Istat tilħaq il-kundizzjonijiet stabbiliti fl-Artikolu 107(1) tat-Trattat. L-ewwelnett, minħabba li l-miżura tinkludi garanzija mill-Istat favur il-Bank of Greece, kwalunkwe telf jitħallas mill-Istat. Għalhekk, il-miżura tinvolvi r-riżorsi Statali. L-ELA ggarantita mill-Istat tippermetti lill-banek jiksbu finanzjament fi żmien meta ma jkollhom ebda aċċess għas-suq tal-finanzjament tal-operaturi u għall-operazzjonijiet standard ta' rifinanzjament tal-Eurosistema. Għalhekk, l-ELA garantita mill-Istat tagħti vantaġġ lill-Bank. Minħabba li l-ELA garantita mill-Istat hija limitata għas-settur bankarju, il-miżura hija selettiva. Minħabba li l-ELA garantita mill-Istat tippermetti lill-Bank ikompli jopera fis-suq u tevita li dan jisfa inadempjenti u jkollu joħroġ mis-suq, mela hija titqies bħala li tfixkel il-kompetizzjoni. Billi l-Bank huwa attiv fi Stati Membri oħrajn u billi l-istituzzjonijiet finanzjarji minn Stati Membri oħrajn joperaw jew potenzjalment ikunu interessati li joperaw fil-Greċja, il-vantaġġ mogħti lill-Bank jaffettwa l-kummerċ bejn l-Istati Membri. |
(283) |
Abbażi ta' dak li ntqal hawn fuq, il-Kummissjoni hija tal-fehma li l-ELA garantita mill-Istat (il-miżura L2) tikkostitwixxi għajnuna mill-Istat. L-ammont ta' ELA garantita mill-Istat varja matul iż-żmien. Fil-31 ta' Diċembru 2012, hija kienet tammonta għal madwar EUR 30,9 biljun. |
7.1.3. L-eżistenza tal-għajnuna fil-miżuri mogħtija permezz tal-HFSF (miżuri B1, B2 u B3)
7.1.3.1. L-ewwel rikapitalizzazzjoni tranżitorja (il-miżura B1)
(284) |
Fit-taqsima 5.1 tad-Deċiżjoni tal-Ftuħ ta' NBG, il-Kummissjoni diġà kkonkludiet li l-ewwel rikapitalizzazzjoni tranżitorja tikkostitwixxi għajnuna mill-Istat. Il-kapital riċevut kien jammonta għal EUR 7 430 miljun. |
7.1.3.2. It-tieni rikapitalizzazzjoni tranżitorja (il-miżura B2)
(285) |
Il-miżura B2 ġiet implimentata bir-riżorsi tal-HFSF, li, kif ġie spjegat fil-premessa 49 tad-Deċiżjoni tal-Ftuħ ta' NBG, involvew ir-riżorsi Statali. |
(286) |
Fir-rigward tal-eżistenza ta' vantaġġ, il-miżura B2 żiedet il-proporzjon tal-kapital tal-Bank għal livell li ppermettielu jkompli jiffunzjona fis-suq u jikseb aċċess għall-finanzjament mill-Eurosistema. Barra minn hekk, ir-rimunerazzjoni tal-miżura B2 tikkonsisti f'imgħax akkumulat fuq in-noti tal-EFSA u miżata addizzjonali ta' 1 %. Minħabba li r-rimunerazzjoni hija evidentement aktar baxxa mir-rimunerazzjoni ta' strumenti kapitali simili fis-suq, ċertament li l-Bank ma kienx ikun jista' jiġbor dak il-kapital fuq tali termini fis-suq. Għalhekk, il-miżura B2 tat vantaġġ lill-Bank mir-riżorsi Statali. Minħabba li l-miżura tpoġġiet disponibbli biss għall-Bank, hija kienet selettiva fin-natura tagħha. |
(287) |
Il-pożizzjoni tal-Bank issaħħet bħala riżultat tal-miżura B2, billi l-Bank kien ipprovdut bir-riżorsi finanzjarji meħtieġa sabiex ikun jista' jkompli jikkonforma mar-rekwiżiti kapitali, sitwazzjoni li b'hekk wasslet għal distorsjonijiet tal-kompetizzjoni. Peress li l-Bank huwa attiv fi swieq bankarji fi Stati Membri oħrajn u minħabba li hemm istituzzjonijiet finanzjarji minn Stati Membri oħrajn li joperaw fil-Greċja, b'mod partikolari fis-suq tal-assigurazzjoni, il-miżura B2 taffettwa wkoll il-kummerċ bejn l-Istati Membri. |
(288) |
Il-Kummissjoni hija tal-fehma li l-miżura B2 tikkostitwixxi għajnuna mill-Istat. Hija kienet innotifikata bħala għajnuna mill-awtoritajiet nazzjonali. Il-kapital riċevut kien jammonta għal EUR 2 326 miljun. |
7.1.3.3. Il-parteċipazzjoni tal-HFSF fir-rikapitalizzazzjoni tar-Rebbiegħa 2013 (il-miżura B3)
(289) |
Il-parteċipazzjoni tal-HFSF fir-rikapitalizzazzjoni tar-Rebbiegħa 2013 (il-miżura B3) hija l-konverżjoni parzjali tal-ewwel u t-tieni rikapitalizzazzjonijiet tranżitorji (miżuri B1 u B2) f'rikapitalizzazzjoni permanenti ta' EUR 8 677 miljun f'ishma ordinarji. Billi l-miżura B3 hija l-konverżjoni tal-għajnuna diġà mogħtija, hija xorta waħda tinvolvi riżorsi Statali, iżda hija ma żżidx l-ammont nominali tal-għajnuna. Madankollu, għal ammont nominali ta' għajnuna mogħtija, hija żżid il-vantaġġ għall-Bank (u, għalhekk, id-distorsjonijiet tal-kompetizzjoni), minħabba li hija rikapitalizzazzjoni permanenti u mhux rikapitalizzazzjoni temporanja bħal fil-każ tal-miżuri B1 u B2. |
(290) |
Dan l-appoġġ ma ngħatax lill-banek kollha li joperaw fil-Greċja. Fir-rigward tad-distorsjonijiet tal-kompetizzjoni u l-effett fuq il-kummerċ, il-Kummissjoni pereżempju tinnota li l-għajnuna ppermettiet lill-Bank li jwettaq l-operazzjonijiet tiegħu fi Stati Membri oħra, bħar-Rumanija jew il-Bulgarija. Likwidazzjoni tal-Bank kienet twassal għat-tmiem tal-attivitajiet tiegħu barra l-pajjiż, permezz tal-likwidazzjoni ta' dawk l-attivitajiet jew l-bejgħ ta' dawk in-negozji. Barra minn hekk, l-attivitajiet tal-assigurazzjoni tal-Bank of Greece jikkompetu mal-attivitajiet tas-sussidjarji tal-kumpaniji tal-assigurazzjoni minn Stati Membri oħra. Għalhekk, il-miżura tfixkel il-kompetizzjoni u taffettwa l-kummerċ bejn l-Istati Membri. Għalhekk, il-Kummissjoni hija tal-fehma li l-miżura B3 tikkostitwixxi għajnuna mill-Istat. |
7.1.3.4. Konklużjoni dwar il-miżuri B1, B2, u B3
(291) |
Il-miżuri B1, B2 u B3 jikkostitwixxu għajnuna mill-Istat skont it-tifsira tal-Artikolu 107(1) tat-Trattat. L-ammont ta' għajnuna mill-Istat inkluż fil-miżuri B1, B2 u B3 huwa ta' EUR 9 756 miljun. Kif ġie indikat fit-taqsima 7.1.3.3, parti biss mill-ewwel u mit-tieni rikapitalizzazzjonijiet tranżitorji (il-miżuri B1 u B2) ġiet ikkonvertita f'rikapitalizzazzjoni permanenti ta' EUR 8 677 miljun (miżura B3), filwaqt li l-bilanċ tħallas lura lill-HFSF sitt xhur wara li ngħata (129). |
(292) |
Il-punt 31 tal-Komunikazzjoni dwar ir-Ristrutturar jindika li, minbarra l-ammont assolut ta' għajnuna, il-Kummissjoni għandha tieħu f'kunsiderazzjoni l-għajnuna “fir-rigward tal-assi mwieżna għar-riskji tal-bank”. Il-miżuri B1, B2 u B3 ingħataw matul perjodu ta' sena, minn April 2012 (130) sa Mejju 2013. Matul dan il-perjodu, ir-RWA tal-Bank inbidel. Għalhekk, qamet il-mistoqsija dwar liema livell ta' RWA għandu jintuża u, b'mod partikolari, jekk l-għajnuna mill-Istat għandhiex tiġi vvalutata b'referenza għall-RWA li kien jeżisti fil-bodu tal-perjodu jew fi tmiem il-perjodu. Il-miżuri B1, B2 u B3 għandhom l-għan li jkopru ħtieġa kapitali identifikata mill-Bank of Greece f'Marzu 2012 (it-test tal-istress tal-2012). Fi kliem ieħor, il-ħtiġijiet kapitali li dawk il-miżuri ta' appoġġ mill-Istat għandhom l-għan li jindirizzaw kienu diġà jeżistu f'Marzu 2012. Għalhekk, il-Kummissjoni tal-fehma li l-ammont ta' għajnuna inkluż fil-miżuri B1, B2 u B3 għandu jitqabbel mal-RWA tal-Bank fil-31 ta' Marzu 2012. Huwa mfakkar ukoll li, wara Marzu 2012 u sar-rikapitalizzazzjoni tar-Rebbiegħa 2013, il-Bank of Greece ma ħax f'kunsiderazzjoni l-akkwiżizzjonijiet magħmula mill-banek Griegi sabiex jaġġusta l-ħtiġijiet kapitali tagħhom 'il fuq jew 'l isfel. Dak il-fattur ikompli juri li l-miżuri B1, B2, u B3 kienu miżuri ta' għajnuna relatati mal-perimetru tal-Bank kif kien jeżisti fil-31 ta' Marzu 2012. |
(293) |
L-ewwel u t-tieni rikapitalizzazzjonijiet tranżitorji flimkien ammontaw għal EUR 9 756 miljun. Dak l-ammont jirrappreżenta 15,3 % tal-assi mwieżna għar-riskju tal-Bank fil-31 ta' Marzu 2012. |
(294) |
Billi l-Bank irnexxielu jattira kapital privat, l-ammont attwali injettat mill-HFSF fil-Bank ammonta biss għal EUR 8 677 miljun, li jirrappreżenta 13,6 % tal-RWA tal-Bank fil-31 ta' Marzu 2012. |
7.1.4. Konklużjoni dwar l-eżistenza u l-ammont totali tal-għajnuna riċevuta mill-Bank
(295) |
Il-miżuri A, B1, B2, B3, L1988 jikkostitwixxu għajnuna mill-Istat skont it-tifsira tal-Artikolu 107(1) tat-Trattat. Dawk il-miżuri huma miġbura fil-qosor fit-Tabella 12. Tabella 12 Ħarsa ġenerali lejn l-għajnuna totali riċevuta mill-Bank
|
7.2. IL-BAŻI LEGALI GĦALL-VALUTAZZJONI TAL-KOMPATIBBILTÀ
(296) |
Kif ġie konkluż fil-premessa 207, il-bażi legali għall-valutazzjoni tal-miżuri ta' għajnuna għandha tkun l-Artikolu 107(3)(b) tat-Trattat (131). |
(297) |
Matul il-kriżi finanzjarja, il-Kummissjoni żviluppat kriterji tal-kompatibbiltà għat-tipi differenti ta' miżuri ta' għajnuna. Il-prinċipji għall-valutazzjoni tal-miżuri ta' għajnuna ġew stipulati għall-ewwel darba fil-Komunikazzjoni Bankarja tal-2008. |
(298) |
Il-gwida għall-miżuri ta' rikapitalizzazzjoni tista' tinstab fil-Komunikazzjoni dwar ir-Rikapitalizzazzjoni u fil-Komunikazzjoni dwar l-Estensjoni tal-2011. |
(299) |
Il-Komunikazzjoni dwar ir-Ristrutturar tiddefinixxi l-approċċ adottat mill-Kummissjoni fir-rigward tal-valutazzjoni tal-pjanijiet ta' ristrutturar, b'mod partikolari l-ħtieġa tar-ritorn għall-vijabbiltà, biex jiġi żgurat kontribut adegwat mill-benefiċjarju u jiġu limitati d-distorsjonijiet tal-kompetizzjoni. |
(300) |
Dak il-qafas kien ikkumplimentat mill-Komunikazzjoni Bankarja tal-2013, li tapplika għall-miżuri ta' għajnuna nnotifikati jew mogħtija mingħajr approvazzjoni minn qabel wara l-31 ta' Lulju 2013. |
7.2.1. Il-bażi legali għall-valutazzjoni tal-kompatibbiltà tal-appoġġ ta' likwidità lill-Bank (il-miżura L1)
(301) |
L-appoġġ ta' likwidità diġà riċevut mill-Bank ġie approvat b'mod definittiv permezz tad-deċiżjonijiet suċċessivi li jawtorizzaw il-miżuri bl-Iskema ta' Appoġġ għall-Banek Griegi u l-emendi u l-estensjonijiet tal-Iskema. (132). Kwalunkwe appoġġ ta' likwidità fil-ġejjieni għall-Bank ser ikollu jingħata taħt skema li tkun debitament approvata mill-Kummissjoni. It-termini ta' din l-għajnuna ser ikollhom jiġu awtorizzati mill-Kummissjoni qabel tingħata u, għalhekk, ma għandhomx bżonn jiġu vvalutati aktar f'din id-deċiżjoni. |
7.2.2. Il-bażi legali għall-valutazzjoni tal-kompatibbiltà tal-ishma privileġġati (il-miżura A)
(302) |
Ir-rikapitalizzazzjoni mogħtija fl-2009 fil-forma ta' ishma privileġġati (il-miżura A) ingħatat taħt il-miżura ta' rikapitalizzazzjoni tal-Iskema ta' Appoġġ lill-Banek Griegi, li kienet approvata fl-2008 skont il-Komunikazzjoni Bankarja tal-2008. Għalhekk, ma għandhiex bżonn terġa' tiġi valutata skont il-Komunikazzjoni Bankarja tal-2008 u għandha tiġi valutata skont il-Komunikazzjoni dwar ir-Ristrutturar. |
7.2.3. Il-bażi legali għall-valutazzjoni tal-kompatibbiltà tal-ELA garantita mill-Istat (il-miżura L2)
(303) |
Il-kompatibbiltà tal-ELA garantita mill-Istat (il-miżura L2) għandha l-ewwel tiġi vvalutata fuq il-bażi tal-Komunikazzjoni Bankarja tal-2008 u l-Komunikazzjoni dwar l-Estensjoni tal-2011. Kwalunkwe ELA garantita mill-Istat mogħtija wara l-31 ta' Lulju 2013 taqa' taħt il-Komunikazzjoni Bankarja tal-2013. |
7.2.4. Il-bażi legali għall-valutazzjoni tal-kompatibbiltà tar-rikapitalizzazzjonijiet mill-HFSF (il-miżuri B1, B2 u B3)
(304) |
Il-kompatibbiltà tar-rikapitalizzazzjonijiet mill-HFSF (il-miżuri B1, B2 u B3), b'mod partikolari fir-rigward tar-rimunerazzjoni, għandha l-ewwel tiġi vvalutata fuq il-bażi tal-Komunikazzjoni Bankarja tal-2008, il-Komunikazzjoni dwar ir-Rikapitalizzazzjoni u l-Komunikazzjoni dwar l-Estensjoni tal-2011. Fid-Deċiżjoni tal-Ftuħ ta' NBG, il-Kummissjoni esprimiet dubji dwar il-kompatibbiltà tal-miżura B1 ma' dawk il-Komunikazzjonijiet. Peress li dawn kienu implimentati qabel l-1 ta' Awwissu 2013, dawn il-miżuri ma jaqgħux taħt il-Komunikazzjoni Bankarja tal-2013. Il-kompatibbiltà tar-rikapitalizzazzjonijiet mill-HFSF (il-miżuri B1, B2 u B3) għandha tiġi vvalutata fuq il-bażi tal-Komunikazzjoni dwar ir-Ristrutturar. |
7.3. KONFORMITÀ TAL-MIŻURA L2 MAL-KOMUNIKAZZJONI BANKARJA TAL-2008, IL-KOMUNIKAZJONI TA' ESTENSJONI TAL-2011 U L-KOMUNIKAZZJONI BANKARJA TAL-2013
(305) |
Sabiex għajnuna tkun kompatibbli skont l-Artikolu 107(3)(b) tat-Trattat, hija għandha tikkonforma mal-kriterji ġenerali għall-kompatibbiltà: l-adegwatezza, in-neċessità u l-proporzjonalità. |
(306) |
Minħabba li l-banek Griegi ma baqgħux joperaw aktar fis-swieq tal-operaturi u saru kompletament dipendenti fuq il-finanzjament mill-bank ċentrali, kif ġie indikat fil-premessa 46, u ladarba l-Bank ma setax jidħol għal self ta' ammont suffiċjenti ta' fondi permezz tal-operazzjonijiet standard ta' rifinanzjament, il-Bank kellu jiddependi fuq l-ELA L2075L2076mekkaniżmu xieraq sabiex jirrimedja t-taqlib serju li seta' jiġi kkawżat mill-inadempjenza tal-Bank. |
(307) |
Billi l-ELA garantita mill-Istat tinvolvi spiża relattivament għolja ta' finanzjament għall-Bank, il-Bank għandu biżżejjed inċentiv sabiex jevita li jkollu jiddependi fuq dak is-sors ta' finanzjament sabiex jiżviluppa l-attivitajiet tiegħu. Il-Bank kellu jħallas rata ta' imgħax ta' […] bps ogħla mill-operazzjonijiet standard ta' rifinanzjament bl-Eurosistema. Barra minn hekk, il-Bank kellu jħallas miżata ta' garanzija ta' […] bps lill-Istat. Bħala riżultat, l-ispiża totali tal-ELA garantita mill-Istat għall-Bank hija ferm ogħla mill-ispejjeż normali tar-rifinanzjament mill-BĊE. B'mod partikolari, id-differenza bejn tal-ewwel u tal-aħħar hija ogħla mil-livell tal-miżata ta' garanzija mitluba mill-Komunikazzjoni dwar l-Estensjoni tal-2011. B'riżultat ta' dan, ir-rimunerazzjoni totali mitluba mill-Istat tista' titqies bħala suffiċjenti. Fir-rigward tal-ammont tal-ELA garantita mill-Istat, dan jiġi rivedut regolarment mill-Bank of Greece u mill-BĊE fuq il-bażi tal-ħtiġijiet proprji tal-Bank. Huma L2092L2093L2094 |
(308) |
Tali skrutinju mill-qrib tal-użu tal-ELA garantita mill-Istat u l-verifika regolari li l-użu tagħha huwa limitat għall-minimu jiżguraw ukoll li l-likwidità tkun proporzjonata u li ma twassalx għal distorsjoni bla bżonn tal-kompetizzjoni. Il-Kummissjoni tinnota wkoll li l-Greċja tat impenn li l-Bank sejjer jimplimenta pjan ta' ristrutturar li jnaqqas id-dipendenza tiegħu fuq il-finanzjament mill-bank ċentrali u li l-Bank sejjer jikkonforma mal-limitazzjonijiet fl-imġiba, kif ġie analizzat fit-taqsima 7.6. Dan jiżgura li d-dipendenza fuq l-appoġġ ta' likwidità sejra tintemm mill-aktar fis possibbli u li tali għajnuna tkun proporzjonata. |
(309) |
Il-miżura L2 għalhekk hija konformi mal-Komunikazzjoni Bankarja tal-2008 u l-Komunikazzjoni dwar l-Estensjoni tal-2011 Peress li li l-Komunikazzjoni Bankarja tal-2013 ma daħħlet l-ebda obbligi ulterjuri f'dak li għandu x'jaqsam ma' garanziji, il-miżura L2 hija konformi ukoll mal-Komunikazzjoni Bankarja tal-2013. |
7.4. IL-KONFORMITÀ TAL-MIŻURI B1, B2 U B3 MAL-KOMUNIKAZZJONI BANKARJA TAL-2008, MAL-KOMUNIKAZZJONI DWAR IR-RIKAPITALIZZAZZJONI U MAL-KOMUNIKAZZJONI DWAR L-ESTENSJONI TAL-2011
(310) |
Kif indikat fil-Premessa 305, sabiex għajnuna tkun kompatibbli skont l-Artikolu 107(3)(b) tat-Trattat, trid tkun kompatibbli mal-kriterji ġenerali għall-kompatibbiltà (133): l-adegwatezza, in-neċessità u l-proporzjonalità. |
(311) |
Il-Komunikazzjoni dwar ir-Rikapitalizzazzjoni u l-Komunikazzjoni dwar l-Estensjoni tal-2011 jistabbilixxu iktar gwida fuq il-livell ta' rimunerazzjoni meħtieġ għall-injezzjonijiet ta' kapital tal-Istat. |
7.4.1. Adegwatezza tal-Miżuri
(312) |
Il-Kummissjoni tikkunsidra r-rikapitalizzazzjonijiet tal-HFSF (miżuri B1, B2 u B3) adegwati għaliex jipprevjenu l-falliment tal-Bank. Mingħajrhom, l-attivitajiet tagħhom ma setgħux ikomplu peress li l-Bank kellu ekwità negattiva fl-aħħar tal-2012. (134). |
(313) |
F'dak ir-rigward, il-Kummissjoni nnotat fid-Deċiżjoni tal-Ftuħ ta' NBG li l-Bank huwa waħda mill-akbar istituzzjonijiet bankarji fil-Greċja, kemm f'termini ta' self kif ukoll f'termini ta' ġbir ta' depożiti. Bħala tali, il-Bank huwa bank sistematikament importanti għall-Greċja. Taħt iċ-ċirkostanzi li kienu prevalenti, l-istituzzjonijiet finanzjarji fil-Greċja kellhom diffikultajiet fl-aċċess għall-finanzjament. Taħt dawk iċ-ċirkostanzi prevalenti, l-istituzzjonijiet finanzjarji fil-Greċja kellhom diffikultajiet sabiex jiksbu aċċess għall-finanzjament. Dak in-nuqqas ta' finanzjament illimita l-abbiltà tagħhom li jipprovdu self lill-ekonomija Griega. F'dak il-kuntest, it-taqlib fl-ekonomija seta' jiġi aggravat mill-inadempjenza tal-Bank. Barra minn hekk, il-miżuri B1, B2 u B3 ġew prinċipalment minħabba l-programm tal-PSI, avveniment straordinarju u inprevedibbli kbir, u mhux primarjament bħala riżultat ta' ġestjoni ħażina jew ta' teħid eċċessiv ta' riskji mill-Bank. B'hekk il-miżuri jindirizzaw prinċipalment mar-riżultati tal-programm tal-PSI u jikkontribwixxu għaż-żamma tal-istabbilità finanzjarja fil-Greċja. |
(314) |
Fid-Deċiżjoni ta' Ftuħ ta' NBG, il-Kummissjoni esprimiet dubji dwar kemm kienu ttieħdu immedjatament il-passi kollha possibbli biex il-Bank ma jkollux bżonn l-għajnuna fil-futur. Kif ġie indikat fil-premessi 156, 157, 158 ta' din id-Deċiżjoni, il-Greċja impenjat ruħha li timplimenta għadd ta' azzjonijiet relatati mal-governanza korporattiva u l-operazzjonijiet kummerċjali tal-Bank. Kif ġie deskritt fit-taqsima 2.4, il-Bank beda jirristruttura wkoll l-attivitajiet tiegħu bi tnaqqis fl-ispejjeż diġà implimentati. Għalhekk, id-dubji tal-Kummissjoni ttaffew. |
(315) |
Fid-Deċiżjoni tal-Ftuħ ta' NBG, il-Kummissjoni esprimiet ukoll dubji dwar jekk kienx hemm biżżejjed salvagwardji f'każ li l-Bank jaqa' taħt il-kontroll tal-Istat jew f'każ li l-azzjonisti privati jżommu l-kontroll waqt li l-maġġoranza tal-proprjetà tinżamm mill-Istat. L-impenji deskritti fil-premessi (156), (157), (158) jiżguraw li l-operazzjonijiet ta' kreditu tal-Bank jitmexxew fuq bażi kummerċjali u li n-negozju ta' kuljum jiġi protett minn interferenza Statali. Il-qafas tar-relazzjoni miftiehem bejn l-HFSF u l-Bank jiżgura wkoll li l-interessi tal-Istat bħala l-azzjonist prinċipali jiġu mħarsa kontra t-teħid ta' riskji eċċessivi mill-maniġment tal-Bank. |
(316) |
Għalhekk, il-miżuri B1, B2 u B3 jiżguraw li tinżamm l-istabbiltà finanzjarja fil-Greċja. Ittieħdu azzjonijiet sinifikanti sabiex jimminimizzaw telf futur u sabiex jiġi żgurat li l-attivitajiet tal-Bank ma jiġux imfixkla minn governanza mhux xierqa. Abbażi ta' dan, il-Kummissjoni ssib li l-miżuri B1, B2 u B3 huma xierqa. |
7.4.2. Neċessità — limitazzjoni tal-għajnuna għall-minimu
(317) |
Skont il-Komunikazzjoni Bankarja tal-2008, il-miżura ta' għajnuna, fl-ammont u l-forma tagħha, tkun tali li permezz tagħha jkun jista' jintlaħaq l-objettiv. Dan ifisser li injezzjoni ta' kapital trid tkun tal-ammont minimu neċessarju biex jintlaħaq it-tali objettiv. |
(318) |
L-ammont ta' appoġġ kapitali kien ikkalkolat mill-Bank of Greece fil-qafas tat-test tal-istress tal-2012 bil-għan li jiġi żgurat li l-proporzjon ta' kapital fil-Grad 1 tal-Bank jibqa' 'l fuq minn ċertu livell matul il-perjodu 2012-2014, kif rifless fit-Tabella 3. Għalhekk, il-miżuri B1, B2 u B3 ma jipprovdux lill-Bank b'kapital żejjed. Kif spjegat fil-Premessa 314, ittieħdu azzjonijiet biex jitnaqqas ir-riskju li l-Bank ikollu bżonn għajnuna addizzjonali fil-futur. |
(319) |
Fir-rigward tar-rimunerazzjoni tal-ewwel u t-tieni rikapitalizzazzjonijiet tranżitorji (miżuri B1 u B2), il-Kummissjoni tfakkar li dawn ingħataw f'Mejju u f'Diċembru 2012 u tħallsu fil-forma ta' noti EFSF. Bħala rimunerazzjoni, l-HFSF, mid-data tal-iżborżament tat-tali noti EFSF sad-data tar-Rikapitalizzazzjoni tar-rebbiegħa 2013, irċieva l-imgħax akkumulat fuq in-noti EFSF u dritt ta' 1 %. (135). Kif ġie enfasizzat fid-Deċiżjoni tal-Ftuħ ta' NBG, dik ir-rimunerazzjoni hija aktar baxxa mill-medda ta' bejn 7 % u 9 % definita fil-Komunikazzjoni dwar ir-Rikapitalizzazzjoni. Madankollu, il-perjodu ta' rimunerazzjoni baxxa kien limitat għal sena waħda għall-miżura B1 u ħames xhur għall-miżura B2 (jiġifieri, sal-konverżjoni tar-rikapitalizzazzjoni tranżitorja f'rikapitalizzazzjoni standard f'ishma ordinarji, jiġifieri l-miżura B3). Filwaqt li l-ewwel u t-tieni rikapitalizzazzjonijiet tranżitorji ma wasslux għad-dilwizzjoni tal-azzjonisti eżistenti, ir-rikapitalizzazzjoni tar-Rebbiegħa 2013, li kienet il-konverżjoni parzjali tal-ewwel u tat-tieni rikapitalizzazzjonijiet tranżitorji, wasslet għal dilwizzjoni qawwija tal-azzjonisti pre-eżistenti, minħabba li s-sehem tagħhom fl-ekwità tal-Bank niżel għal 5,1 %. Is-sitwazzjoni anormali li pprevaliet mid-data tal-ewwel rikapitalizzazzjoni tranżitorja mbagħad ġiet fi tmiemha. Għaldaqstant, id-dubji mqajma fid-Deċiżjoni tal-Ftuħ ta' NBG ttaffew. |
(320) |
Barra minn hekk, minħabba s-sors atipiku tad-diffikultajiet tal-Bank, fejn it-telf prinċipalment jiġi minn rinunzja ta' dejn favur l-Istat (il-programm PSI u x-xiri lura tad-dejn, li jipprovdu vantaġġ sinifikanti lill-Istat, jiġifieri, tnaqqis tad-dejn) u mill-konsegwenzi ta' riċessjoni mtawwla fl-ekonomija domestika tal-Bank, il-Kummissjoni tista' taċċetta devjazzjoni temporanja bħal din mir-rekwiżiti ta' rimunerazzjoni standard stabbiliti fil-Komunikazzjoni dwar ir-Rikapitalizzazzjoni. (136). |
(321) |
Fir-rigward tal-miżura B3, skont il-punt 8 tal-Komunikazzjoni dwar l-Estensjoni tal-2011, l-injezzjonijiet ta' kapital għandhom jiġu sottoskritti bi skont suffiċjenti għall-prezz tal-ishma, aġġustat għall-effett ta' dilwizzjoni, sabiex b'hekk tingħata assigurazzjoni raġonevoli ta' rimunerazzjoni adegwata għall-Istat. Filwaqt li l-miżura B3 ma pprevediet ebda skont sinjifikanti għall-prezz tal-ishma kif aġġustat għall-effett ta' dilwizzjoni, fil-fatt kien impossibbli li jinkiseb skont sinjifikanti għall-prezz teoretiku qabel il-ħruġ ta' ishma bi dritt. (137). Qabel ir-rikapitalizzazzjoni tar-rebbiegħa 2013, il-kapital tal-Bank kien negattiv u l-kapitalizzazzjoni tas-suq tiegħu kienet biss frazzjoni tal-ammont taż-żieda kapitali li għandha ssir. F'ċirkostanzi bħal dawn, tqum il-kwistjoni dwar jekk l-azzjonisti eżistenti kellhomx jiġu eliminati għal kollox. Il-Kummissjoni tinnota li l-prezz tal-ħruġ kien stabbilit bi skont ta' 50 % għall-prezz medju tas-suq fuq il-perjodu ta' ħamsin jum qabel id-determinazzjoni tal-prezz tal-ħruġ. Il-Kummissjoni tinnota wkoll li d-dilwizzjoni tal-azzjonisti diġà eżistenti kienet enormi, peress li wara r-rikapitalizzazzjoni kellhom biss 5,1 % tal-parteċipazzjoni azzjonarja tal-Bank. Għalhekk, l-applikazzjoni ta' skont ieħor fuq il-prezz tas-suq ikollha biss impatt limitat fuq ir-rimunerazzjoni tal-HFSF. Fid-dawl tas-sitwazzjoni speċifika tal-banek Griegi spjegata fil-premessa 320 u minħabba l-fatt li l-ħtieġa għall-għajnuna ġejja minn rinunzja tad-dejn favur l-Istat, il-Kummissjoni hija tal-fehma li l-prezz tal-ħruġ tal-ishma sottoskritti mill-Istat kien baxx biżżejjed. |
(322) |
L-HFSF ħareġ ukoll ċertifikati u ta ċertifikat wieħed għal kull sehem ġdid sottoskritt minn investitur privat li jipparteċipa fir-rikapitalizzazzjoni tar-Rebbiegħa 2013. L-HFSF ta dawk iċ-ċertifikati mingħajr ebda kunsiderazzjoni. Kif ġie spjegat fil-premessa 112, kull ċertifikat jinkorpora d-dritt li jinxtraw 8,23 ishma tal-HFSF f'intervalli speċifikati u bi prezzijiet tal-eżerċitar. Il-prezz tal-eżerċitar huwa ugwali għall-prezz tas-sottoskrizzjoni tal-HFSF miżjud b'marġini annwali u kumulattiv (4 % għall-ewwel sena, 5 % għat-tieni sena, 6 % għat-tielet sena, 7 % għar-raba' sena u mbagħad 8 % annwalizzati għall-aħħar sitt xhur). Ir-rimunerazzjoni riċevuta mill-HFSF fuq l-ishma li jippossjedi hija de facto limitata għal dawk il-livelli. Dik ir-rimunerazzjoni hija aktar baxxa mill-medda ta' bejn 7 % u 9 % definita fil-Komunikazzjoni dwar ir-Rikapitalizzazzjoni. Madankollu, minħabba li dawk iċ-ċertifikati kienu fattur ewlieni fis-suċċess tal-ħruġ tad-drittijiet u tal-kollokament privat imnedija mill-Bank qabel ir-rikapitalizzazzjoni tar-Rebbiegħa 2013, il-Kummissjoni hija tal-fehma li dawk iċ-ċertifikati ppermettew lill-Bank tnaqqas l-ammont ta' għajnuna b'EUR 1 079 miljun. Tabilħaqq, minħabba l-proporzjon ta' kapital baxx tal-Bank qabel ir-rikapitalizzazzjoni u l-inċertezza għolja li kienet prevalenti f'dak iż-żmien, is-simulazzjonijiet li kienu disponibbli wrew li mingħajr iċ-ċertifikati, l-investituri privati ma setgħux jiksbu ritorn suffiċjenti u ma kinux jipparteċipaw. Għar-raġunijiet spjegati fil-premessi 313 u 320, minħabba li l-HFSF jirċievi rimunerazzjoni pożittiva minima jekk jiġu eżerċitati ċ-ċertifikati u minħabba li kien objettiv tal-MPEF li jattira xi investituri privati sabiex jinżammu xi banek taħt maniġment privat, kif ukoll sabiex jiġu evitati sitwazzjonijiet fejn is-settur bankarju kollu jkun ikkontrollat mill-HFSF, il-Kummissjoni tista' taċċetta tali devjazzjoni mir-rekwiżiti tar-rimunerazzjoni standard stabbiliti fil-Komunikazzjoni dwar ir-Rikapitalizzazzjoni. Dik l-aċċettazzjoni hija bbażata wkoll fuq il-fatt li l-liġi tal-HFSF, kif emendata f'Marzu 2014, ma tipprevedi ebda aġġustament taċ-ċertifikati f'każ ta' żieda fil-kapital azzjonarju mhux ta' prelazzjoni, kif ukoll li f'każ ta' ħruġ ta' drittijiet, huwa biss il-prezz tal-eżerċitar skont iċ-ċertifikat li jista' jiġi aġġustat u l-aġġustament jista' jsir biss ex-post u biss sal-ammont tar-rikavat realizzat mill-bejgħ ta' drittijiet ta' prelazzjoni tal-HFSF. Barra minn hekk, l-impenn mogħti mill-Greċja li hija sejra tfittex l-approvazzjoni tal-Kummissjoni qabel kwalunkwe xiri lura taċ-ċertifikati maħruġa mill-HFSF jippermetti lill-Kummissjoni tiżgura li kwalunkwe ri-akkwist potenzjali fil-ġejjieni ma jkomplix inaqqas ir-rimunerazzjoni tal-HFSF u jżid ir-rimunerazzjoni tad-detenturi taċ-ċertifikati. |
(323) |
Fir-rigward tal-fatt li l-ishma tal-HFSF huma ishma mingħajr id-dritt ta' votazzjoni, il-Kummissjoni tfakkar li l-ħtieġa għall-għajnuna ma tiġix primarjament mit-teħid ta' riskji eċċessivi. Barra minn hekk, kien objettiv tal-programm bejn il-gvern Grieg, l-Unjoni, l-IMF u l-BĊE li xi banek jinżammu taħt maniġment privat. Barra minn hekk, il-qafas tar-relazzjoni u l-introduzzjoni awtomatika mill-ġdid tad-drittijiet ta' votazzjoni f'każ ta' nuqqas ta' implimentazzjoni tal-pjan ta' ristrutturar jipprovdu salvagwardji kontra t-teħid ta' riskji eċċessivi fil-ġejjieni minn maniġers privati. Fl-aħħarnett, il-PSI u x-xiri lura ta' Diċembru 2012 huma tip ta' rimunerazzjoni lill-Istat, minħabba li dan tal-aħħar gawda minn tnaqqis tad-dejn tiegħu lejn il-Bank b'bosta biljuni ta' euros. Għal dawn ir-raġunijiet kollha, il-Kummissjoni tista' taċċetta li l-HFSF jirċievi ishma mingħajr id-dritt ta' votazzjoni. Għalhekk, il-Kummissjoni tikkonkludi li l-miżura B3 kienet meħtieġa. |
(324) |
Bħala konklużjoni, il-miżuri B1, B2 u B3 huma meħtieġa bħala għajnuna ta' salvataġġ kemm fl-ammont kif ukoll fil-forma tagħhom. |
7.4.3. Proporzjonalità — miżuri li jillimitaw effetti negattivi li jinfirxu
(325) |
Il-Bank irċieva ammont kbir ħafna ta' għajnuna mill-Istat. Għalhekk, dik is-sitwazzjoni tista' twassal għal distorsjonijiet serji tal-kompetizzjoni. Madankollu, il-Greċja tat impenn li timplimenta numru ta' miżuri li jimmiraw biex inaqqsu l-effetti konsegwenzjali negattivi. B'mod partikolari, l-impenji jistabbilixxu li l-operazzjonijiet tal-Bank ikomplu jitmexxew fuq bażi kummerċjali, kif ġie spjegat fil-premessi 157 u 158. Il-Greċja impenjat ukoll li ddaħħal projbizzjoni tal-akkwist, kif ukoll numru ta' ċessjonijiet barra u f'attivitajiet mhux bankarji fil-Greċja, kif stabbilit fil-Premessa 159. Il-limiti għad-distorsjonijiet tal-kompetizzjoni sejrin ikomplu jiġu vvalutati fit-taqsima 7.6. |
(326) |
Fil-Bank inħatar trustee tal-monitoraġġ sabiex jimmonitorja l-implimentazzjoni korretta tal-impenji dwar il-governanza korporattiva u l-operazzjonijiet kummerċjali. Dan għandu jevita kwalunkwe bidla detrimentali fil-prattika kummerċjali tal-Bank u b'hekk jitnaqqsu l-effetti konsegwenzjali negattivi potenzjali. |
(327) |
Fl-aħħarnett, fil-25 ta' Ġunju 2014 ġie sottomess pjan ta' ristrutturar komprensiv ġdid lill-Kummissjoni. Dak il-pjan ta' ristrutturar sejjer jiġi vvalutat fit-taqsima 7.6. |
(328) |
Bħala konklużjoni, id-dubji mqajma fid-Deċiżjoni tal-Ftuħ ta' NBG ttaffew. Il-miżuri B1, B2 u B3 huma proporzjonati fid-dawl tal-punt 15 tal-Komunikazzjoni Bankarja tal-2008. |
7.4.4. Konklużjoni dwar il-konformità tar-rikapitalizzazzjonijiet tal-HFSF mal-Komunikazzjoni Bankarja tal-2008, mal-Komunikazzjoni dwar ir-Rikapitalizzazzjoni u mal-Komunikazzjoni dwar l-Estensjoni tal-2011
(329) |
B'hekk ġie konkluż li r-rikapitalizzazzjonijiet tal-HFSF (il-miżuri B1, B2 u B3) huma xierqa, neċessarji u proporzjonati, fid-dawl tal-punt 15 tal-Komunikazzjoni Bankarja tal-2008, tal-Komunikazzjoni dwar ir-Rikapitalizzazzjoni u tal-Komunikazzjoni dwar l-Estensjoni tal-2011. Għalhekk, il-miżuri B1, B2 u B3 jikkonformaw mal-Komunikazzjoni Bankarja tal-2008, mal-Komunikazzjoni dwar ir-Rikapitalizzazzjoni u mal-Komunikazzjoni dwar l-Estensjoni tal-2011. |
7.5. IL-KONFORMITÀ TAL-AKKWIŻIZZJONI TA' TLIET BANEK KOOPERATTIVI, FB BANK U PROBANK MAL-KOMUNIKAZZJONI DWAR IR-RISTRUTTURAR
(330) |
Il-punt 23 tal-Komunikazzjoni dwar ir-Ristrutturar jispjega li l-akkwiżizzjonijiet ta' impriżi minn banek megħjuna ma jistgħux jiġu ffinanzjati permezz ta' għajnuna mill-Istat sakemm dan ma jkunx essenzjali għat-treġġigħ lura tal-vijabbiltà ta' impriża. Barra minn hekk, il-punti 40 u 41 tal-Komunikazzjoni dwar ir-Ristrutturar jgħidu li l-banek ma għandhomx jużaw l-għajnuna mill-Istat għall-akkwiżizzjoni ta' negozji kompetituri, sakemm l-akkwiżizzjoni ma tkunx parti minn proċess ta' konsolidazzjoni meħtieġ għat-treġġigħ lura tal-istabbiltà finanzjarja jew għall-iżgurar ta' kompetizzjoni effettiva. Barra minn hekk, l-akkwiżizzjonijiet jistgħu jipperikolaw jew jikkomplikaw it-treġġigħ lura tal-vijabbiltà. Għalhekk, il-Kummissjoni għandha tivvaluta jekk l-akkwiżizzjonijiet magħmula mill-Bank jistgħux jiġu rrikonċiljati mal-Komunikazzjoni dwar ir-Ristrutturar. |
7.5.1. Il-konformità tal-akkwiżizzjoni tal-obbligazzjonijiet magħżula tat-tliet Banek Kooperattivi mal-Komunikazzjoni tar-Ristrutturar
7.5.1.1. L-effett tal-akkwiżizzjoni fuq il-vijabbiltà fit-tul tal-Bank
(331) |
L-akkwiżizzjoni tal-assi u l-obbligazzjonijiet magħżula tat-tliet Banek Kooperattivi ssaħħaħ il-vijabilità tal-Bank għal żmien twil. |
(332) |
B'mod aktar preċiż, fiż-żmien tal-akkwist, il-banek Griegi kienu diġà osservaw ħruġ ta' depożitu sinjifikanti bejn l-2010 u nofs l-2012 u kienu esklużi mis-swieq tal-finanzjament internazzjonali. Din hija r-raġuni għaliex erba' minn fost l-akbar ħames banek Griegi ssottomettew offerti sabiex jakkwistaw id-depożiti tat-tliet Banek Kooperattivi. L-integrazzjoni tad-depożiti tat-tliet Banek Kooperattivi fil-karta bilanċjali tal-Bank kienet ta' benefiċċju fil-profil ta' likwidità tiegħu. Li kieku l-Bank ma akkwistax id-depożiti tat-tliet Banek Kooperattivi, il-proporzjon self-depożiti nett tal-Bank kien ikun ogħla. |
(333) |
Barraminhekk, il-Bank malajr integra d-depożiti akkwistati mingħajr ma ħa taħt idejh xi infrastruttura jew netwerk ta' fergħat li jiswewh ħafna flus. Barra minn hekk, il-Bank ma ħa ebda self; b'hekk, l-akkwist ma żiedx ir-riskji tiegħu jew ir-rekwiżiti kapitali tiegħu. |
7.5.1.2. L-effett tal-akkwiżizzjoni fuq l-ammont ta' għajnuna meħtieġa mill-Bank
(334) |
B'konformità mal-punt 23 tal-Komunikazzjoni dwar ir-Ristrutturar, l-għajnuna għar-ristrutturar ma għandhiex tintuża għall-akkwiżizzjoni ta' kumpaniji oħrajn, iżda sempliċiment biex tkopri l-ispejjeż tar-ristrutturar li huma meħtieġa sabiex titreġġa' lura l-vijabbiltà tal-Bank. F'dan il-każ, għalkemm l-akkwiżizzjoni għandha implikazzjonijiet pożittivi għall-vijabbiltà tal-Bank, mhijiex essenzjali għall-vijabbiltà tiegħu skont it-tifsira tal-punt 23 tal-Komunikazzjoni dwar ir-Ristrutturar. |
(335) |
Madankollu, il-prezz tax-xiri kien baxx ħafna. Il-korrispettiv imħallas mill-Bank għall-akkwiżizzjoni tal-assi u l-obbligazzjonijiet ittrasferiti lit-tliet Banek Kooperattivi kollha ġie stabbilit għal […] % tal-valur tad-depożiti ttrasferiti u kien jammonta għal inqas minn EUR […] miljun, ekwivalenti għal madwar [0 sa 0,02] % tal-assi totali tal-Bank f'Diċembru 2011. Għalhekk, dik il-kunsiderazzjoni tista' titqies waħda żgħira ħafna. |
(336) |
Ġie konkluż li l-akkwiżizzjoni tat-tliet Banek Kooperattivi ma fixklitx il-limitazzjoni tal-ispejjeż ta' ristrutturar għall-minimu neċessarju. |
7.5.1.3. L-effett distortiv tal-akkwiżizzjoni fuq il-kompetizzjoni
(337) |
F'konformità mal-punti 39 u 40 tal-Komunikazzjoni dwar ir-Ristrutturar, l-għajnuna mill-Istat ma għandhiex tintuża għad-detriment ta' kumpaniji mhux megħjuna għall-akkwist ta' negozji kompetituri. Punt 41 tal-Komunikazzjoni dwar ir-Ristrutturar jgħid ukoll li l-akkwisti jistgħu jkunu awtorizzati jekk ikunu parti minn proċess ta' konsolidazzjoni għat-treġġigħ lura tal-istabbiltà finanzjarja jew biex tiġi żgurata l-kompetizzjoni effettiva, li l-proċess ta' akkwist għandu jkun ġust u li l-akkwist għandu jiżgura l-kundizzjonijiet tal-kompetizzjoni effettiva fis-suq rilevanti. |
(338) |
Il-Bank of Greece qies li t-tliet Banek Kooperattivi ma kinux vijabbli u li l-adozzjoni tal-miżuri ta' riżoluzzjoni kienet meħtieġa sabiex tinżamm stabbiltà finanzjarja. L-akkwist tat-tliet Banek Kooperattivi għalhekk jista' jiġi kkunsidrat li huwa parti minn proċess ta' konsolidazzjoni li huwa meħtieġ għat-treġġigħ lura tal-istabbiltà finanzjarja tat-tip deskritt fil-punt 41 tal-Komunikazzjoni dwar ir-Ristrutturar. |
(339) |
Fl-aħħarnett, il-prezz tax-xiri kien baxx ħafna. Ma kien hemm ebda offerent mhux megħjun li ssottometta offerta valida sabiex jakkwista l-assi u l-obbligazzjonijiet tat-tliet Banek Kooperattivi, u l-proċess tal-bejgħ kien wieħed miftuħ, trasparenti u mhux diskriminatorju. L-akkwiżizzjoni tal-assi u l-obbligazzjonijiet magħżula ta' Achaia Bank mill-Bank kienet awtorizzata wkoll (138) mill-Awtorità tal-Kompetizzjoni Ellenika (139). Għalhekk, jista' jiġi preżunt li l-eżitu tal-proċess tal-bejgħ ma jipperikolax il-kompetizzjoni effettiva fil-Greċja. |
(340) |
Għalhekk, l-akkwiżizzjoni taqa' taħt l-eżenzjoni fil-punt 41 tal-Komunikazzjoni dwar ir-Ristrutturar. |
7.5.1.4. Konklużjoni dwar l-akkwiżizzjoni tal-assi u l-obbligazzjonijiet magħżula tat-tliet Banek Kooperattivi
(341) |
Ġie konkluż li, fid-dawl tas-sitwazzjoni unika tal-banek Griegi (140) u l-ispeċifiċitajiet tal-akkwiżizzjoni tat-tliet Banek Kooperattivi, dik l-akkwiżizzjoni hija konformi mar-rekwiżiti stipulati fil-Komunikazzjoni dwar ir-Ristrutturar. |
7.5.2. Il-konformità tal-akkwiżizzjoni ta' FB Bank mal-Komunikazzjoni dwar ir-Ristrutturar
7.5.2.1. L-effett tal-akkwiżizzjoni ta' FB Bank fuq il-vijabbiltà fit-tul tal-Bank
(342) |
Fit-termini tal-profitabbiltà operattiva, l-akkwiżizzjoni ta' FB Bank sejra ttejjeb ir-ritorn tal-Bank għall-vijabbiltà fit-tul għaliex l-amalgamazzjoni ta' żewġ banek fl-istess suq ġeografiku tagħti l-opportunità li jitwettaqu sinerġiji sinifikanti. B'mod partikolari, fiż-żmien tal-akkwist, il-Bank antiċipa l-kisba ta' sinerġiji permezz ta' razzjonalizzazzjoni tan-netwerk ta' fergħat, allinjament tal-offerta ta' prodotti u politiki kreditizji, is-simplifikazzjoni u l-konsolidazzjoni tal-pjattaforma tal-IT. Fl-offerta finali tiegħu, il-Bank għamel stima li huwa ser jelimina l-biċċa l-kbira tal-ispejjeż operattivi ta' FB Bank, filwaqt li antiċipa l-allinjament tal-ispiża tad-depożiti ttrasferiti mal-politika dwar ir-rata tal-imgħax tal-Bank, jiġifieri, permezz tat-tnaqqis tar-rata tal-imgħax imħallsa fuq id-depożiti ta' FB Bank għal-livelli mħallsin mill-Bank fuq id-depożiti tiegħu, filwaqt li jinżammu l-klijenti eżistenti ta' FB Bank. |
(343) |
F'termini tat-telf mis-self fil-ġejjieni, il-Bank jakkwista s-self ta' FB Bank b'valur ġust, u mhux bil-valur kontabilistiku. Dak il-fattur jillimita r-riskju ta' indebolimenti fil-ġejjieni. |
(344) |
F'termini tal-pożizzjoni ta' likwidità, l-akkwiżizzjoni għandha effett pożittiv fuq il-Bank minħabba li hu akkwista aktar depożiti minn self nett. |
(345) |
F'termini tar-rekwiżiti kapitali, huwa mfakkar li l-offerta tal-Bank kienet kundizzjonali fuq il-kopertura mill-HFSF tal-ħtiġijiet kapitali maħluqa bl-akkwist tal-assi ta' FB Bank. Eventwalment, il-Bank ma għamilx użu minn dik il-possibbiltà minħabba li rnexxielu jiġbor biżżejjed kapital privat mis-suq f'Mejju 2014. |
(346) |
Għalhekk, il-Kummissjoni tikkunsidra li l-akkwist huwa pożittiv għat-treġġigħ lura tal-vijabbiltà fit-tul tal-Bank. |
7.5.2.2. L-effett tal-akkwiżizzjonijiet fuq l-ammont ta' għajnuna meħtieġa mill-Bank
(347) |
B'konformità mal-punt 23 tal-Komunikazzjoni dwar ir-Ristrutturar, l-għajnuna għar-ristrutturar ma għandhiex tintuża għall-akkwiżizzjoni ta' kumpaniji oħrajn, iżda sempliċiment biex tkopri l-ispejjeż tar-ristrutturar li huma meħtieġa sabiex titreġġa' lura l-vijabbiltà tal-Bank. F'dan il-każ, għalkemm l-akkwiżizzjoni għandha implikazzjonijiet pożittivi għall-vijabbiltà tal-Bank, mhijiex essenzjali għall-vijabbiltà tiegħu skont it-tifsira tal-punt 23 tal-Komunikazzjoni dwar ir-Ristrutturar. |
(348) |
Il-Bank ma kkunsidrax li jixtri l-assi u l-obbligazzjonijiet magħżula ta' FB Bank. Barra minn hekk, l-offerta tal-Bank kienet kundizzjonali fuq il-kopertura mill-HFSF tal-ħtiġijiet kapitali maħluqa bl-akkwist tal-assi ta' FB Bank. Għalhekk, l-akkwist ma wassalx sabiex l-akkwirent ikun jeħtieġ aktar għajnuna mill-Istat. Fir-rigward tal-ħtiġijiet kapitali potenzjali fil-ġejjieni maħluqa bl-akkwist, kien osservat li l-assi ġew akkwistati b'valur ġust, li jillimita r-riskju ta' telf addizzjonali fil-ġejjieni. |
(349) |
B'konklużjoni għal dan, il-Bank ma użax l-għajnuna biex jiffinanzjaa l-akkwiżizzjoni ta' FB Bank u li dik l-akkwiżizzjoni ma tiksirx il-prinċipju li l-għajnuna għandha tkun limitata għall-minimu neċessarju |
7.5.2.3. L-effett distortiv tal-akkwiżizzjonijiet fuq il-kompetizzjoni
(350) |
F'konformità mal-punti 39 u 40 tal-Komunikazzjoni dwar ir-Ristrutturar, l-għajnuna mill-Istat ma għandhiex tintuża għad-detriment ta' kumpaniji mhux megħjuna għall-akkwist ta' negozji kompetituri. Punt 41 tal-Komunikazzjoni dwar ir-Ristrutturar jgħid ukoll li l-akkwisti jistgħu jkunu awtorizzati jekk ikunu parti minn proċess ta' konsolidazzjoni għat-treġġigħ lura tal-istabbiltà finanzjarja jew biex tiġi żgurata l-kompetizzjoni effettiva, li l-proċess ta' akkwist għandu jkun ġust u li l-akkwist għandu jiżgura l-kundizzjonijiet tal-kompetizzjoni effettiva fis-suq rilevanti. |
(351) |
Kif imsemmi fil-premessa 76, FB Bank ma kienx bank vijabbli fuq bażi awtonoma. L-MEFP ta' Diċembru 2012 ippreveda r-riżoluzzjoni tal-banek sottokapitalizzati permezz ta' proċedura ta' Xiri u Assorbiment jew, bħala t-tieni l-aqwa għażla, permezz tal-ħolqien ta' bank tranżitorju. Kif ġie ddikjarat fil-premessa 77, u b'konformità mal-MEFP, il-Bank of Greece innota li l-adozzjoni ta' miżuri ta' riżoluzzjoni kienet kruċjali sabiex tinżamm il-fiduċja tad-depożituri fis-sistema bankarja Griega. Għalhekk, it-transizzjoni tista' titqies bħala parti minn proċess ta' konsolidazzjoni li huwa meħtieġ għat-treġġigħ lura tal-istabbiltà finanzjarja tat-tip deskritt fil-punt 41 tal-Komunikazzjoni dwar ir-Ristrutturar. |
(352) |
Ma kien hemm ebda offerent mhux megħjun li ssottometta offerta valida sabiex jakkwista lil FB Bank, u l-proċess tal-bejgħ kien wieħed miftuħ, trasparenti u mhux diskriminatorju. Għalhekk, ma tħalla barra eba offerent mhux megħjun mill-Bank. L-akkwiżizzjoni ta' FB Bank kienet awtorizzata mill-Awtorità tal-Kompetizzjoni Ellenika (141). Għalhekk, jista' jiġi preżunt li l-eżitu tal-proċess tal-bejgħ ma jipperikolax il-kompetizzjoni effettiva fil-Greċja. |
(353) |
Fid-dawl ta' dawk l-elementi, jista' jiġi konkluż li l-akkwiżizzjoni ta' FB Bank taqa' taħt l-eżenzjoni fil-punt 41 tal-Komunikazzjoni dwar ir-Ristrutturar. |
7.5.2.4. Konklużjoni dwar l-akkwiżizzjoni ta' FB Bank
(354) |
Ġie konkluż li, fid-dawl tal-ispeċifiċitajiet tal-akkwiżizzjoni ta' FB Bank, dik l-akkwiżizzjoni hija konformi mar-rekwiżiti stipulati fil-Komunikazzjoni dwar ir-Ristrutturar. |
7.5.3. Il-konformità tal-akkwiżizzjoni ta' Probank mal-Komunikazzjoni dwar ir-Ristrutturar
7.5.3.1. L-effett tal-akkwiżizzjoni ta' Probank fuq il-vijabbiltà fit-tul tal-Bank
(355) |
F'termini ta' profittabbiltà operattiva, l-akkwiżizzjoni ta' Probank għandha ttejjeb ir-ritorn tal-Bank għal vijabbiltà fit-tul minħabba li l-Bank sejjer jikseb sinerġiji li jagħmlu sens. B'mod partikolari, fiż-żmien tal-akkwist, il-Bank antiċipa li s-sinerġiji annwali tiegħu kienu ser jilħqu EUR […] miljun sal-aħħar tal-2015 (142). Il-Bank kien qiegħed jistenna li jaqbad dawk is-sinerġiji billi jirrazzjonalizza n-netwerk ta' fergħat u jnaqqas il-persunal tal-entità kkombinata, permezz ta' amalgamazzjoni tal-funzjonijiet korporattivi u t-tisħiħ tas-sistemi tal-IT u l-operazzjonijiet ċentralizzati. Barra minn hekk, il-Bank antiċipa li jikseb parti sinjifikanti mis-sinerġiji permezz ta' allinjament tal-ispiża tad-depożiti ttrasferiti mal-politika dwar ir-rata tal-imgħax tal-Bank, jiġifieri, billi jnaqqas ir-rati tal-imgħax imħallsin fuq id-depożiti ta' Probank għal-livelli mħallsin fuq id-depożiti tal-Bank. |
(356) |
Fir-rigward tar-riskju tat-telf mis-self fil-ġejjieni, il-Bank akkwista s-self ta' Probank b'valur ġust, u mhux bil-valur kontabilistiku. Dan jillimita r-riskju ta' indebolimenti fil-ġejjieni. |
(357) |
F'termini tal-pożizzjoni ta' likwidità, l-akkwiżizzjoni għandha effett pożittiv fuq il-Bank minħabba li hu akkwista aktar depożiti minn self nett. Għalhekk, l-akkwiżizzjoni tikkontribwixxi għat-titjib tal-proporzjon self-depożitu tal-Bank. |
(358) |
F'termini tar-rekwiżiti kapitali, huwa mfakkar li l-offerta tal-Bank kienet kundizzjonali fuq il-kopertura mill-HFSF tal-ħtiġijiet kapitali maħluqa bl-akkwist tal-assi ta' Probank. Eventwalment, il-Bank ma għamilx użu minn dik il-possibbiltà minħabba li rnexxielu jiġbor biżżejjed kapital privat mis-suq f'Mejju 2014. |
(359) |
Għalhekk, il-Kummissjoni tikkunsidra li l-akkwist huwa pożittiv għat-treġġigħ lura tal-vijabbiltà fit-tul tal-Bank. |
7.5.3.2. L-effett tal-akkwiżizzjonijiet fuq l-ammont ta' għajnuna meħtieġa mill-Bank
(360) |
B'konformità mal-punt 23 tal-Komunikazzjoni dwar ir-Ristrutturar, l-għajnuna għar-ristrutturar ma għandhiex tintuża għall-akkwiżizzjoni ta' kumpaniji oħrajn, iżda sempliċiment biex tkopri l-ispejjeż tar-ristrutturar li huma meħtieġa sabiex titreġġa' lura l-vijabbiltà tal-Bank. F'dan il-każ, għalkemm l-akkwiżizzjoni għandha implikazzjonijiet pożittivi għall-vijabbiltà tal-Bank, mhijiex essenzjali għall-vijabbiltà tiegħu skont it-tifsira tal-punt 23 tal-Komunikazzjoni dwar ir-Ristrutturar. |
(361) |
Il-Bank ma kkunsidrax li jixtri l-assi u l-obbligazzjonijiet magħżula ta' Probank. Barra minn hekk, l-offerta tal-Bank kienet kundizzjonali fuq il-kopertura mill-HFSF tal-ħtiġijiet kapitali maħluqa bl-akkwist tal-assi ta' Probank. Għalhekk, l-akkwist ma wassalx sabiex l-akkwirent ikun jeħtieġ aktar għajnuna mill-Istat. Fir-rigward tal-ħtiġijiet kapitali potenzjali fil-ġejjieni maħluqa bl-akkwist, kien osservat li l-assi ġew akkwistati b'valur ġust, li jillimita r-riskju ta' telf addizzjonali fil-ġejjieni. |
(362) |
B'konklużjoni għal dan, il-Bank ma użax l-għajnuna biex jiffinanzjaa l-akkwiżizzjoni ta' Probank u li dik l-akkwiżizzjoni ma tiksirx il-prinċipju li l-għajnuna għandha tkun limitata għall-minimu neċessarju |
7.5.3.3. L-effett distortiv tal-akkwiżizzjoni fuq il-kompetizzjoni
(363) |
F'konformità mal-punti 39 u 40 tal-Komunikazzjoni dwar ir-Ristrutturar, l-għajnuna mill-Istat ma għandhiex tintuża għad-detriment ta' kumpaniji mhux megħjuna għall-akkwist ta' negozji kompetituri. Punt 41 tal-Komunikazzjoni dwar ir-Ristrutturar jgħid ukoll li l-akkwisti jistgħu jkunu awtorizzati jekk ikunu parti minn proċess ta' konsolidazzjoni għat-treġġigħ lura tal-istabbiltà finanzjarja jew biex tiġi żgurata l-kompetizzjoni effettiva, li l-proċess ta' akkwist għandu jkun ġust u li l-akkwist għandu jiżgura l-kundizzjonijiet tal-kompetizzjoni effettiva fis-suq rilevanti. |
(364) |
Kif issemma fil-premessa 86, Probank ma kienx vijabbli fuq bażi awtonoma. L-MEFP ta' Mejju 2013 ippreveda r-riżoluzzjoni tal-banek sottokapitalizzati permezz ta' proċedura ta' Xiri u Assorbiment. Kif ġie ddikjarat fil-premessa 87, il-Bank of Greece innota li l-adozzjoni ta' miżuri ta' riżoluzzjoni kienet kruċjali sabiex tinżamm il-fiduċja tad-depożituri fis-sistema bankarja Griega. L-akkwist għalhekk jista' jiġi kkunsidrat li huwa parti minn proċess ta' konsolidazzjoni li huwa meħtieġ għat-treġġigħ lura tal-istabbiltà finanzjarja tat-tip deskritt fil-punt 41 tal-Komunikazzjoni dwar ir-Ristrutturar. |
(365) |
Ma kien hemm ebda offerent mhux megħjun li ssottometta offerta valida sabiex jakkwista lil Probank, u l-proċess tal-bejgħ kien wieħed miftuħ, trasparenti u mhux diskriminatorju. Għalhekk, ma tħalla barra eba offerent mhux megħjun mill-Bank. L-akkwiżizzjoni ta' Probank kienet awtorizzata wkoll mill-Awtorità tal-Kompetizzjoni Ellenika Għalhekk, jista' jiġi preżunt li l-eżitu tal-proċess tal-bejgħ ma jipperikolax il-kompetizzjoni effettiva fil-Greċja. |
(366) |
Fid-dawl ta' dawk l-elementi, jista' jiġi konkluż li l-akkwiżizzjoni ta' Probank taqa' taħt l-eżenzjoni fil-punt 41 tal-Komunikazzjoni dwar ir-Ristrutturar. |
7.5.3.4. Konklużjoni dwar l-akkwiżizzjoni ta' Probank
(367) |
Ġie konkluż li, fid-dawl tal-ispeċifiċitajiet tal-akkwiżizzjoni ta' Probank, dik l-akkwiżizzjoni hija konformi mar-rekwiżiti stipulati fil-Komunikazzjoni dwar ir-Ristrutturar. |
7.6. IL-KONFORMITÀ TAL-MIŻURI A, B1, B2 U B3 MAL-KOMUNIKAZZJONI DWAR IR-RISTRUTTURAR
7.6.1. Sorsi tad-diffikultajiet u l-konsegwenzi fuq il-valutazzjoni skont il-Komunikazzjoni dwar ir-Ristrutturar
(368) |
Kif ġie indikat fit-taqsimiet 2.1.1 u 2.1.2, id-diffikultajiet iffaċċjati mill-Bank ġejjin primarjament mill-kriżi sovrana Griega u mir-reċessjoni profonda fil-Greċja u fin-nofsinhar tal-Ewropa. Fir-rigward tal-fattur imsemmi l-ewwel, il-gvern Grieg tilef l-aċċess għas-swieq finanzjarji u finalment kellu jinnegozja ftehim mal-kredituri domestiċi u internazzjonali tiegħu, il-programm PSI, li rriżulta f'telf impost fuq il-pretensjonijiet miżmuma kontra l-Istat bi 53,3 %. Barra minn hekk, 31,5 % tal-pretensjonijiet ġew skambjati għall-GGBs ġodda b'rati tal-imgħax aktar baxxi u maturitajiet itwal. Dawk il-GGBs inxtraw lura mill-Istat mingħand il-banek Griegi f'Diċembru 2012 bi prezz ta' bejn 30,2 % u 40,1 % tal-valur nominali tagħhom, sabiex b'hekk kien ikkristallizzat telf ulterjuri għall-banek Griegi. Minbarra l-impatt tal-programm PSI u x-xiri lura tad-dejn fuq il-pożizzjoni kapitali tiegħu, il-Bank osserva wkoll ħruġ sinfikanti ta' depożiti bejn l-2010 u nofs l-2012 minħabba r-riskju li l-Greċja tista' toħroġ miż-żona tal-euro bħala konsegwenza ta' dejn pubbliku insostenibbli u r-reċessjoni ekonomika. |
(369) |
Il-miżuri B1, B2 u B3 jammontaw għal EUR 9 756 miljun, li huwa inqas mill-ammont tat-telf ipprenotat wara l-programm PSI (EUR 11 735 miljun). F'każ bħal dan u jekk id-diffikultajiet ma jiġux primarjament minn imġiba ta' teħid ta' riskju eċċessiv, il-punt 14 tal-Estensjoni ta' Komunikazzjoni 2011 jgħid li l-Kummissjoni se tħaffef ir-rekwiżiti tagħha. |
(370) |
Il-Kummissjoni tirrikonoxxi li parti mir-rekwiżiti tal-kapital tirriżulta mill-espożizzjoni standard ta' istituzzjoni finanzjarja għar-riskju sovran tal-pajjiż domestiku tagħha. Dak il-fatt kien enfasizzat ukoll fil-premessi 60 u 71 tad-Deċiżjoni tal-Ftuħ ta' NBG. B'konsegwenza ta' dan, hemm inqas bżonn li l-Bank jindirizza kwistjonijiet ta' periklu morali fil-pjan ta' ristrutturar tiegġu milli għal istituzzjonijiet finanzjarji megħjuna oħra li kellhom riskji eċċessivi akkumulati. Għalhekk, billi l-miżuri ta' għajnuna huma inqas distortivi, il-miżuri meħuda sabiex jillimitaw id-distorsjonijiet tal-kompetizzjoni għandhom isiru inqas stretti b'mod proporzjonali. Minħabba li l-programm PSI u r-riakkwist tad-dejn jikkostitwixxu rinunzja tad-dejn favur l-Istat, ir-rimunerazzjoni tal-Istat għar-rikapitalizzazzjoni tal-Bank tista' tkun aktar baxxa. Madankollu, il-Kummissjoni tosserva li l-espożizzjoni tal-Bank għar-riskju sovran Grieg kienet akbar mill-espożizzjoni ta' xi banek Griegi kbar oħrajn. Bħala riżultat, mhux it-telf kollu fuq il-GGBs jista' jiġi attribwit għall-espożizzjoni standard ta' istituzzjoni finanzjarja għar-riskju sovran tal-pajjiż domestiku tagħha. |
(371) |
It-tieni sors ta' telf għall-Bank huwa t-telf fuq is-self lid-djar u l-korporazzjonijiet Griegi. Il-Kummissjoni tikkunsidra li dan it-telf huwa prinċiplament minħabba t-tnaqqis eċċezzjonalment qawwi u mtawwal fil-PDG ta' madwar 25 % fuq ħames snin u mhux minħabba l-prattiċi riskjużi ta' self mill-Bank. B'riżultat ta' dan, l-għajnuna mogħtija sabiex tkopri dak it-telf ma toħloq ebda periklu morali, li huwa l-każ meta l-għajnuna tipproteġi lil bank mill-konsegwenzi ta' mġiba riskjuża fil-passat. Għalhekk, l-għajnuna hija inqas distortiva (143). |
(372) |
Madankollu, parti mill-ħtiġijiet kapitali u mit-telf fuq is-self tal-Bank ġejja minn xi sussidjarji internazzjonali.Pereżempju, fl-2012, l-attivitajiet fir-Rumanija u fil-Bulgarija kienu qed jagħmlu t-telf. L-assi barranin wasslu wkoll għal tnaqqis gradwali fil-likwidità minħabba li l-finanzjament intra-grupp ammonta għal madwar EUR […] biljun fil-31 ta' Diċembru 2012. |
(373) |
Bħala konklużjoni, parti sinifikanti mit-telf u l-ħtieġa għall-għajnuna jaqgħu taħt il-punt 14 tal-Komunikazzjoni dwar l-Estensjoni tal-2011, li jippermetti lill-Kummissjoni tħeffef ir-rekwiżiti tagħha. Parti mill-ħtieġa għall-għajnuna ġejja mit-telf mis-self tal-Greċja minħabba r-riċessjoni profonda u twila b'mod eċċezzjonali u mhux minn self riskjuż. Tali għajnuna ma toħloq ebda periklu morali u, għalhekk, hija inqas distortiva. |
(374) |
Fl-aħħarnett, parti limitata mill-ħtieġa għall-għajnuna ġejja mit-teħid ta' riskju mill-Bank stess. |
(375) |
Madankollu, peress li l-ekonomija Griega naqset b'madwar 25 % mill-2008, il-Bank għandu jaddatta l-organizzazzjoni tiegħu, l-istruttura tal-ispejjeż u n-netwerk kummerċjali tiegħu għall-ambjent il-ġdid, sabiex jirrestawra profitabbiltà suffiċjenti. Għalhekk, minkejja l-fatt li ħafna mill-għajnuna ma toriġinax minn teħid eċċessiv ta' riskju, il-Bank irid jirristruttura l-operati tiegħu fil-Greċja biex jiżgura l-vijabbiltà fit-tul tiegħu. |
7.6.2. Vijabbiltà
(376) |
Pjan ta' ristrutturar għandu jiżgura li l-istituzzjoni finanzjarja tkun tista' treġġa' lura l-vijabbiltà fit-tul tagħha sal-aħħar tal-perjodu tar-ristrutturar (it-taqsima 2 tal-Komunikazzjoni dwar ir-Ristrutturar). Fil-każ inkwistjoni, il-perjodu ta' ristrutturar huwa definit bħala l-perjodu ta' bejn id-data tal-adozzjoni ta' din id-Deċiżjoni u l-31 ta' Diċembru 2018. |
(377) |
B'konformità mal-punti 9, 10 u 11 tal-Komunikazzjoni dwar ir-Ristrutturar, il-Greċja ssottomettiet pjan ta' ristrutturar komprensiv u ddettaljat li jipprovdi informazzjoni kompleta dwar il-mudell kummerċjali tal-Bank. Il-pjan jidentifika wkoll il-kawżi tad-diffikultajiet iffaċċjati mill-Bank, kif ukoll il-miżuri meħuda bil-għan li jindirizzaw il-kwistjonijiet kollha ta' vijabbiltà li kellu jiffaċċja. B'mod partikolari, il-pjan ta' ristrutturar jiddeskrivi l-istrateġija magħżula biex tippriserva l-effiċjenza operattiva tal-Bank u biex tindirizza livell għoli ta' self mhux produttiv, il-likwidità vulnerabbli tiegħu u l-pożizzjonijiet tal-kapital u n-negozji barranin tiegħu, li ddipendew fuq il-kumpanija prinċipali għall-iffinanzjar u l-kapital tagħhom. |
7.6.2.1. Attivitajiet bankarji Griegi
(378) |
Fir-rigward tal-likwidita' u d-dipendenza tal-Bank fuq il-finanzjament tal-Eurosistema, il-pjan ta' ristrutturar jipprevedi tkabbir limitat tal-karta bilanċjali fil-Greċja, filwaqt li l-bażi tad-depożiti għandha terġa' tikber. Id-dipendenza fuq għajnuna b'likwidità ta' emerġenza, li diġà naqset, mistennija tkompli tonqos aktar. (144) sitwazzjoni li għandha tgħin lill-Bank sabiex inaqqas l-ispiża tal-finanzjament tiegħu. |
(379) |
L-impenn tal-proporzjon self-depożiti msemmi fil-premessa 153 jiggarantixxi li l-istruttura tal-karta bilanċjali tal-Bank tibqa' sostenibbli fl-aħħar tal-perjodu tar-ristrutturar. Il-bejgħ tat-titoli u ta' attivitajiet mhux ewlenin oħrajn għandu jsaħħaħ ukoll il-pożizzjoni tal-likwidità tal-Bank. Minħabba l-ambjent li għadu fraġli tas-settur bankarju Grieg, il-Kummissjoni tista' taċċetta t-talba tal-awtoritajiet Griegi li tkun awtorizzata biex tipprovdi likwidità lill-Bank bil-miżura ta' garanzija u tas-self ta' bonds tal-gvern tal-Iskema ta' Appoġġ għall-Banek Griegi. |
(380) |
Bil-għan li tnaqqas l-ispejjeż tal-finanzjament tagħha, il-Greċja pprovdiet ukoll impenn li l-Bank għandu jkompli jnaqqas ir-rati tal-imgħax li qiegħed iħallas fuq id-depożiti fil-Greċja, kif deskritt fil-premessa 153. L-ilħuq ta' tali tnaqqis fl-ispiża tad-depożiti sejra tkun kontribuzzjoni kruċjali għat-titjib tal-profittabbiltà ta' qabel il-proviżjonament tal-Bank. |
(381) |
Sa mill-bidu tal-kriżi, il-Bank beda jirrazzjonalizza n-netwerk kummerċjali tiegħu fil-Greċja, permezz ta' tnaqqis fin-numru ta' fergħat u impjegati Sal-31 ta' Diċembru 2017, l-ispejjeż totali tal-Bank mistennija jonqsu aktar. Għal dak il-għan, il-Greċja impenjat ruħha li l-Bank sejjer inaqqas il-fergħat u l-impjegati tiegħu fil-Greċja għal […] u […] rispettivament fil-31 ta' Diċembru 2017, bi spejjeż totali massimi fil-Greċja li jammontaw għal EUR […] miljun. Il-proporzjon spiża-dħul mistenni se jkun inqas minn […] % fl-aħħar tal-perjodu ta' ristrutturar. Il-Kummissjoni tqis li l-pjan tar-ristrutturar jiżgura l-effikaċja tal-Bank fl-ambjent tas-suq il-ġdid. |
(382) |
Qasam ewlieni ieħor huwa t-trattament tas-self improduttiv. Il-Bank qiegħed jippjana li jsaħħaħ l-attività prinċipali sabiex inaqqas it-telf tiegħu. Taħt il-mudell operattiv ġdid tiegħu, il-Bank ser jiġġestixxi s-self improduttiv permezz ta' taqsima ddedikata, li l-prijorità tagħha hija li timmassimizza l-irkupri għall-Bank u li tnaqqas is-self improduttiv permezz ta' ristrutturar sostenibbli. Il-Greċja tat ukoll impenn li l-Bank għandu jikkonforma mal-istandards għoljin fir-rigward tal-politika kreditizja tiegħu sabiex jimmassimizza l-valur għall-Bank f'kull stadju tal-proċess tal-kreditu, kif deskritt fil-premessa 157. |
7.6.2.2. Governanza korporattiva
(383) |
Punt ieħor ta' attenzjoni huwa l-governanza tal-Bank minħabba li l-HFSF jippossjedi l-maġġoranza tal-ishma tal-Bank wara ż-żieda fil-kapital azzjonarju tal-2014, iżda b'setgħa ta' votazzjoni ristretta. Barra minn hekk, uħud mill-azzjonisti privati għandhom ukoll ċertifikati u b'hekk jiggwadanjaw il-benefiċċju sħiħ li kieku l-prezz tal-ishma kellu jogħla matul il-perjodu tar-ristrutturar. Minħabba li s-sitwazzjoni tista' toħloq periklu morali, fl-2013 intlaħaq qbil fuq qafas tar-relazzjoni speċifiku bejn il-Bank u l-HFSF. Dak il-ftehim jipproteġi l-ħidma ta' kuljum tal-Bank minn kwalunkwe interferenza mill-azzjonisti prinċipali tiegħu, filwaqt li jiggarantixxi li l-HFSF ikun jista' jissorvelja l-implimentazzjoni tal-pjan ta' ristrutturar u jipprevjeni t-teħid ta' riskji eċċessivi mill-maniġment tal-Bank permezz ta' proċeduri ta' konsultazzjoni xierqa. Il-Bank impenja ruħu wkoll li jissorvelja mill-qrib l-espożizzjoni tiegħu għall-mutwatarji konnessi. Il-Kummissjoni tinnota b'mod pożittiv il-fatt li l-HFSF awtomatikament se jerġa' jikseb id-drittijiet tal-voti kollha jekk il-Bank ma jibqax jimplimenta l-pjan ta' ristrutturar tiegħu. |
7.6.2.3. Attivitajiet internazzjonali
(384) |
Uħud mill-attivitajiet internazzjonali tal-Bank ġabu fix-xejn il-kapital, il-likwidità u l-profitabilità tal-Bank fil-passat, kif spjegat fil-premessa 372. |
(385) |
Il-pjan ta' ristrutturar jipprevedi tranżizzjoni lejn enfasi akbar fuq is-suq domestiku tiegħu u t-Turkija. Il-Bank diġà beda jirrazzjonalizza wkoll lis-sussidjarji barranin, bil-għan li jsaħħaħ il-proċess tas-sottoskrizzjoni tas-self u jnaqqas id-diskrepanza fil-finanzjament tas-sussidjarji. Il-Greċja tat impenn li l-Bank sejjer ibiegħ il-[…] tiegħu u s-sussidjarji barranin tiegħu fi […]. |
(386) |
Għalhekk, l-ammont totali ta' assi barra mill-Greċja u t-Turkija ser jonqos bi […] % mill-31 ta' Diċembru 2012 sal-31 ta' Diċembru 2017. |
(387) |
Il-Greċja tat ukoll impenn li l-Bank sejjer inaqqas is-sehem tiegħu fis-sussidjarja Torka tiegħu Finansbank permezz ta' […]. […] milqugħin minħabba li dawn sejrin isaħħa l-pożizzjoni kapitali tal-Bank. Fir-rigward tal-fatt li l-Bank qiegħed jipprevedi li jżomm sehem maġġoritarju f'Finansbank, il-Kummissjoni tosserva li Finansbank baqa' profittabbli b'mod stabbli matul is-snin riċenti. Il-Kummissjoni tosserva wkoll li l-Bank qiegħed jipprevedi monitoraġġ mill-qrib tal-ispejjeż ta' Finansbank u tar-riskji meħuda minn dak is-sussidjarju.L-impenn li l-Bank mhux se jipprovdi […] lil Finansbank jiżgura li Finansbank […]. Fid-dawl ta' dawk l-elementi, il-Kummissjoni hija tal-fehma li ż-żamma ta' sehem maġġoritarju f'Finansbank ma tipperikolax it-treġġigħ lura tal-profittabbiltà. |
(388) |
Għalhekk, ġie konkluż li l-Bank għandu jirristruttura b'mod suffiċjenti l-operazzjonijiet barranin tiegħu u jnaqqas l-espożizzjoni tiegħu għal dawk inqas vijabbli. |
7.6.2.4. Konklużjoni dwar il-vijabbiltà
(389) |
Il-pjan ta' ristrutturar juri li l-Bank kapaċi jirreżisti ammont raġonevoli ta' stress minħabba li, fix-xenarju avvers, huwa jibqa' profittabbli fl-aħħar tal-perjodu tar-ristrutturar u jżomm proporzjon ta' Kapital tal-Grad 1 suffiċjentament għoli. (145). |
(390) |
L-ammont ta' kapital addizzjonali li nġabar fl-2014, jiġifieri EUR 2 500 miljun, huwa biżżejjed sabiex ilaħħaq max-xenarju bażi tat-test tal-istress tal-2013. Fil-valutazzjoni tal-ħtiġijiet kapitali taħt ix-xenarju bażi, il-Bank of Greece diġà introduċa bosta aġġustamenti li wasslu għal żieda fil-ħtiġijiet kapitali stmati mqabbla mal-ħtiġijiet kapitali stmati mill-Bank fi ħdan ix-xenarju bażi tiegħu stess. Il-ħtiġijiet kapitali tal-linja bażi stmati mill-Bank of Greece għalhekk jassumu ċertu livell ta' stress. Sabiex tikkonkludi li l-Bank huwa vijabbli, il-Kummissjoni ma teħtieġx li l-Bank ikollu biżżejjed kapital minn qabel biex ikopri r-rekwiżiti tal-kapital tax-xenarju stressjat mill-Bank of Greece, billi l-livell stmat jirrappreżenta livell għoli ta' stress. |
(391) |
Barra minn hekk, huwa pożittiv li l-Bank mhuwiex ser jagħmel investimenti addizzjonali f'dokument mhux fi grad ta' investiment, fatt li għandu jgħinu sabiex jippreserva l-kapital u l-pożizzjoni tal-likwidità tiegħu. |
(392) |
Għalhekk, il-Kummissjoni tista' tikkonkludi li l-miżuri ta' ristrutturar previsti fil-pjan ta' ristrutturar huma biżżejjed sabiex titreġġa' lura l-vijabbiltà tal-Bank. |
7.6.3. Kontribuzzjoni proprja u kondiviżjoni tal-piżijiet
(393) |
Kif ġie ddikjarat fit-taqsima 3 tal-Komunikazzjoni dwar ir-Ristrutturar, il-banek u l-partijiet interessati tagħhom għandhom jikkontribwixxu għar-ristrutturar kemm jista' jkun sabiex jiżguraw li l-għajnuna tkun limitata għall-minimu neċessarju. Għaldaqstant, il-banek għandhom jużaw ir-riżorsi proprji tagħhom biex jiffinanzjaw ir-ristrutturar, pereżempju billi jbiegħu l-assi, filwaqt li l-azzjonisti għandhom jassorbu t-telf tal-bank, fejn ikun possibbli. L-impenji magħmula mill-Greċja għandhom jiżguraw li r-riżorsi tagħhom jintużaw u li l-azzjonisti oriġinali u l-investituri privati, iżommu kapital ibridu tal-Bank, jikkontribwixxu għar-ristrutturar. |
7.6.3.1. Kontribuzzjoni proprja mill-Bank: divestimenti u tnaqqis tal-ispejjeż
(394) |
Il-Bank diġà żvesta xi negozji żgħar bħall-attivitajiet tal-assigurazzjoni fit-Turkija u sehem maġġoritarju fis-sussidjarju tiegħu fis-settur tal-proprjetà immobbli. |
(395) |
Il-pjan ta' ristrutturar jipprevedi l-bejgħ ta' sehem minoritarju f'Finansbank, kif deskritt fil-premessa 387, li sejjer jippermetti lill-Bank sabiex jiġġenera l-kapital internament. Il-Bank ser ibiegħ ukoll […] kif ukoll is-sussidjarju tal-ekwità privata tiegħu u titoli oħrajn. Meta wieħed iqis id-diżingranaġġ u d-divestimenti diġà implimentati, kif ukoll wara l-implimentazzjoni tal-impenji relatati mad-diżingranaġġ u mad-divestimenti tan-negozji barranin, il-Bank ser ikun iġġenera ammont sinifikanti ta' kapital.It-tnaqqis fl-assi internazzjonali tal-Bank għandu jwassal ukoll għal tnaqqis sinjifikanti tar-riskju kontinġenti li tkun meħtieġa l-għajnuna fil-ġejjieni. Għalhekk, dan jgħin sabiex l-ammont tal-għajnuna jitnaqqas għall-minimu. |
(396) |
Bil-għan li jillimita l-ħtiġijiet kapitali tiegħu, il-Bank mhuwiex sejjer juża […], kif deskritt fil-premessa (154). Barra minn hekk, l-impenji magħmula mill-Greċja jipprovdu li l-Bank ma jagħmilx akkwiżizzjonijiet għaljin. |
(397) |
Il-Bank involva ruħu wkoll fi programm ambizzjuż ta' tnaqqis tal-ispejjeż, kif indikat fit-taqsima 2.4.2. L-ispejjeż tiegħu sejrin ikomplu jonqsu sal-2017. Il-forza tax-xogħol tiegħu qiegħda titnaqqas u ħafna mis-salarji qegħdin jiġu aġġustati 'l isfel. |
7.6.3.2. Kondiviżjoni tal-piżijiet mill-azzjonisti storiċi u kapital ġdid miġbur fis-suq
(398) |
L-azzjonisti eżistenti tal-Bank ġew dilwiti suċċessivament permezz tal-ħruġ tad-drittijiet fl-2009 u fl-2010 (146) u mbagħad permezz tar-rikapitalizzazzjoni tal-HFSF (il-miżura B3). Is-sehem miżmum mill-azzjonisti tal-Bank tnaqqas minn 100 % qabel ir-Rikapitalizzazzjoni tar-rebbiegħa 2013 għal 5,1 % biss minn hemm 'il quddiem. Barra minn hekk, ma tħallas ebda dividend lill-azzjonisti ordinarji mill-2007 jew lill-azzjonisti preferenzjarji tal-Istati Uniti mill-2009. Apparti dik il-kondiviżjoni tal-piżijiet mill-azzjonisti storiċi, il-Bank ġabar ammont sinifikanti ta' kapital privat minn mindu bdiet il-kriżi tard fl-2008, jiġifieri EUR 1 247 miljun fl-2009, EUR 1 815-il miljun fl-2010, EUR 1 079 fl-2013 u EUR 2 500 miljun fl-2014. Dak il-kapital miżjud ikkontribwixxa għat-tnaqqis tal-ammont tal-ħtiġijiet kapitali li kellhom jimtlew permezz tal-għajnuna mill-Istat. |
7.6.3.3. Kondiviżjoni tal-piżijiet mid-detenturi tad-dejn subordinat
(399) |
Id-detenturi tad-dejn subordinat tal-Bank ikkontribwixxew għall-ispejjeż tar-ristrutturar tal-Bank. Il-Bank wettaq bosta eżerċizzji ta' ġestjoni tal-obbligazzjonijiet bil-għan li jiġġenera l-kapital, kif deskritt fil-premessi 149 u 150. |
(400) |
L-istrumenti li sa issa għadhom pendenti huma soġġetti għall-projbizzjoni fuq il-kupuni msemmija fil-premessa (159). Għalhekk, il-Kummissjoni hija tal-fehma li kondiviżjoni tal-piżijiet adegwata mill-investituri ibridi privati tal-bank hija garantita u li r-rekwiżiti tal-Komunikazzjoni dwar ir-Ristrutturar f'dak ir-rigward qegħdin jiġu ssodisfati. |
7.6.3.4. Konklużjoni dwar il-kontribuzzjoni proprja u l-kondiviżjoni tal-piżijiet
(401) |
Il-Kummissjoni tosserva li, meta mqabbla mar-rikapitalizzazzjoni tal-Istat totali riċevuta, il-kontribuzzjoni proprja u l-kondiviżjoni tal-piżijiet fil-forma tal-bejgħ tal-assi u t-tnaqqis fin-numru tal-impjegati huwa ħafna inqas mil-livelli li l-Kummissjoni normalment tikkunsidra bħala biżżejjed. Pereżempju, il-pjan ta' ristrutturar ma qiegħed jipprevedi ebda tnaqqis tal-attivitajiet bankarji Griegi u qiegħed jipprevedi ż-żamma ta' sehem maġġoritarju f'Finansbank. Madankollu, fir-rigward tal-elementi żviluppati fit-Taqsima 7.6.1, li fiha l-Kummissjoni tista' taċċetta kontribuzzjoni proprja u kondiviżjoni tal-piżijiet iktar baxxa, il-pjan ta' ristrutturar jista' jiġi kkunsidrat li jipprovdi miżuri biżżejjed ta' kontribuzzjoni proprja u kondiviżjoni tal-piżijiet. |
7.6.4. Miżuri maħsubin sabiex jillimitaw id-distorsjonijiet tal-kompetizzjoni
(402) |
Il-Komunikazzjoni dwar ir-Ristrutturar tirrikjedi pjan ta' ristrutturar li jipproponi miżuri intiżi biex jillimitaw id-distorsjonijiet tal-kompetizzjoni u jiggarantixxu settur bankarju kompetittiv. Barra minn hekk, dawk il-miżuri għandhom jindirizzaw ukoll il-kwistjonijiet ta' periklu morali u jiżguraw li l-għajnuna mill-Istat ma tintużax sabiex tiffinanzja mġiba anti-kompetittiva. |
(403) |
Il-Punt 31 tal-Komunikazzjoni dwar ir-Ristrutturar jiddikjara li meta jiġi vvalutat l-ammont ta' għajnuna u d-distorsjonijiet tal-kompetizzjoni li jirriżultaw, il-Kummissjoni għandha tikkunsidra kemm l-ammont relattiv kif ukoll dak assolut tal-għajnuna mill-Istat riċevuta, kif ukoll il-livell tal-kondiviżjoni tal-piżijiet u l-pożizzjoni tal-istituzzjoni finanzjarja fis-suq wara r-ristrutturar. F'dak ir-rigward, il-Kummissjoni tfakkar li l-Bank irċieva appoġġ kapitali mill-Istat ekwivalenti għal 17,3 % tal-RWA tiegħu (147). Barra minn hekk, il-Bank kiseb garanziji ta' likwidità li ammontaw għal EUR 12 900 miljun fil-15 ta' April 2011 u għal EUR 14 798 miljun fil-31 ta' Diċembru 2013. Il-pjan ta' ristrutturar irċieva wkoll self ta' bonds tal-gvern għal EUR 847 miljun f'dik id-data, kif ukoll ELA ggarantita mill-Istat li fil-31 ta' Diċembru 2012 kienet tammonta għal EUR 30,9 biljun. Il-ħtieġa li jiġu implimentati miżuri biex jillimitaw distorsjonijiet tal-kompetizzjoni potenzjali għalhekk hija ġġustifikata fir-rigward tat-tali ammont kbir ta' għajnuna. Barra minn hekk, is-sehem mis-suq tal-Bank fil-Greċja huwa kbir, b'ishma tas-suq ta' 22 % għal self u 25 % għal depożiti fil-31 ta' Diċembru 2013. (148). |
(404) |
Il-Kummissjoni tfakkar li d-diffikultajiet tal-Bank prinċipalment jiġu minn xokkijiet esterni bħal kriżi sovrana tal-Greċja u r-riċessjoni mtawwla li ilha tisfratta l-ekonomija Griega sa mill-2008. Dan ġie nnotat ukoll fil-premessa 68 tad-Deċiżjoni tal-Ftuħ ta' NBG. Għalhekk, b'konsegwenza ta' dan, il-ħtieġa li jiġu indirizzati l-kwistjonijiet ta' periklu morali naqset. Kif ġie diskuss fit-taqsima 7.6.1, l-effett distortiv tal-miżuri ta' għajnuna huwa inqas fid-dawl ta' dawk il-fatturi, bħalma hija l-ħtieġa għal miżuri intiżi biex jillimitaw id-distorsjonijiet tal-kompetizzjoni. Għal dawn ir-raġunijiet, il-Kummissjoni tista' eċċezzjonalment taċċetta li minkejja l-ammont għoli ta' għajnuna, il-pjan ta' ristrutturar ma jipprevedi l-ebda tnaqqis tal-karta tal-bilanċ u s-self fil-Greċja. |
(405) |
Madankollu, il-Kummissjoni tinnota li r-rikapitalizzazzjonijiet tal-Istat ippermettew lill-Bank ikompli bl-attivitajiet bankarji tiegħu fis-swieq barranin. |
(406) |
F'dak ir-rigward, il-Kummissjoni tinnota li, minbarra d-diżingranaġġ u r-ristrutturar implimentati diġà, l-impenn li jiġu disvestit l-assi barranin […] sat-30 ta' Ġunju 2018 (149). Għalhekk, l-għajnuna ma għandhiex tintuża sabiex tfixkel il-kompetizzjoni f'dawk is-swieq barranin. |
(407) |
Il-Greċja impenjat ukoll li l-Bank mhuwiex ser jagħmel akkwiżizzjonijiet sabiex b'hekk tiżgura li l-Bank ma jużax l-għajnuna mill-Istat riċevuta għall-akkwist ta' kwalunkwe negozju ġdid. Dak l-impenn jikkontribwixxi sabiex jiżgura li l-għajnuna tintuża strettament biex tappoġġja t-treġġigħ lura tal-vijabbiltà tal-attivitajiet bankarji Griegi u mhux, pereżempju, għal tkabbir fis-swieq barranin. |
(408) |
L-impenn li jitnaqqas l-imgħax imħallas fuq id-depożiti Griegi minn livelli għoljin b'mod mhux profittabbli jiggarantixxi wkoll li l-għajnuna ma tintużax sabiex tiffinanzja strateġiji ta' ġbir tad-depożiti li jfixklu l-kompetizzjoni fis-suq Grieg. B'mod simili, l-impenn biex jiġu implimentati linji gwida stretti fir-rigward tal-ipprezzar tas-self ġdid (150), abbażi ta' valutazzjoni xierqa tar-riskju tal-kreditu, għandu jipprevjeni lill-Bank milli jfixkel il-kompetizzjoni fis-suq Grieg bi strateġiji ta' pprezzar inadegwati fuq is-self lill-klijenti. |
(409) |
L-impenn għall-iżvestiment ta' […] jiżgura wkoll li l-għajnuna ma tintużax għat-tkabbir f'dak is-suq għas-spejjeż tal-kompetituri mhux megħjuna. |
(410) |
Meta wieħed iqis is-sitwazzjoni speċifika deskritta fit-taqsima 7.6.1 u l-miżuri previsti fil-pjan ta' ristrutturar, il-Kummissjoni hija tal-fehma li hemm biżżejjed salvagwardji li jillimitaw id-distorsjonijiet tal-kompetizzjoni. |
7.6.5. Monitoraġġ
(411) |
B'konformità mat-taqsima 5 tal-Komunikazzjoni dwar ir-Ristrutturar, huma meħtieġa rapporti regolari li jippermettu lill-Kummissjoni tivverifika li l-pjan ta' ristrutturar qiegħed jiġi implimentat kif suppost. Kif ġie ddikjarat fl-impenji (151), il-Greċja għandha tiżgura li t-Trustee tal-Monitoraġġ, li nħatar mill-Bank bl-approvazzjoni tal-Kummissjoni, jissorvelja l-impenji mogħtija mill-Greċja fuq ir-ristrutturar tal-attivitajiet fil-Greċja u barra minnha, kif ukoll fuq il-governanza korporattiva u l-operazzjonijiet kummerċjali, sal-aħħar tal-perjodu tar-ristrutturar, jiġifieri, il-31 ta' Diċembru 2018. Il-Kummissjoni għalhekk tikkonstata li l-monitoraġġ adegwat tal-implimentazzjoni tal-pjan ta' ristrutturar huwa żgurat. |
7.6.6. Konklużjoni dwar il-konformità tal-miżuri A, B1, B2 u B3 mal-Komunikazzjoni dwar ir-Ristrutturar
(412) |
Il-Kummissjoni ssib li l-pjan ta' ristrutturar, meta kkunsidrat flimkien mal-impenji fl-Anness għal din id-Deċiżjoni, jiżgura t-treġġigħ lura tal-vijabbiltà fit-tul tal-Bank, huwa suffiċjenti fir-rigward tal-kondiviżjoni tal-piżijiet u l-kontribuzzjoni proprja u fih miżuri suffiċjenti sabiex jillimita d-distorsjoni tal-kompetizzjoni. Il-pjan ta' ristrutturar u l-impenji sottomessi jissodisfaw il-kriterji tal-Komunikazzjoni dwar ir-Ristrutturar. |
8. KONKLUŻJONI
(413) |
Il-Kummissjoni jiddispjaċiha li l-Greċja implimentat b'mod illegali l-miżuri ta' għajnuna B1, B2, B3, FB4, FB5, PB1, u PB2, bi ksur tal-Artikolu 108(3) tat-Trattat, minħabba li dawn ġew implimentati qabel in-notifika formali tagħhom. Madankollu, dawn il-miżuri, kif ukoll il-miżuri l-oħrajn analizzati f'din id-Deċiżjoni, jistgħu jitqiesu bħala kompatibbli mas-suq intern, |
ADOTTAT DIN ID-DEĊIŻJONI:
Artikolu 1
1. Il-miżuri li ġejjin, implimentati jew ippjanati mill-Greċja jikkostitwixxu għajnuna mill-Istat fit-tifsira tal-Artikolu 107(1) tat-Trattat:
(a) |
l-assistenza ta' likwidità ta' emerġenza pprovduta lin-National Bank of Greece S.A. (“NBG”) mill-Bank of Greece u ggarantita mill-GreċjaL2547 |
(b) |
it-tieni rikapitalizzazzjoni tranżitorja ta' EUR 2 326 miljun mogħti mill-Fond Elleniku għall-Istabbiltà Finanzjarja (“HFSF”) lil NBG f'Diċembru 2012 (miżura B2); |
(c) |
ir-rikapitalizzazzjoni ta' EUR 8 677 miljun mogħtija mill-HFSF lil NBG fir-Rebbiegħa 2013 (il-miżura B3); |
(d) |
il-finanzjament tad-diskrepanza ta' finanzjament totali ta' EUR 456,97 miljun mill-HFSF relatat mal-attivitajiet trasferiti minn First Business Bank S.A. (“FB Bank”) lil NBG, f'Ġunju u f'Ottubru 2013 (miżura FB4); |
(e) |
l-impenn sabiex tiġi koperta l-ħtieġa kapitali ta' NBG kien relatat mal-akkwist tal-assi ttrasferiti minn FB Bank lil NBG, f'Mejju 2013, għal ammont ta' EUR 100 miljun (il-miżura FB5); |
(f) |
il-finanzjament tad-diskrepanza ta' finanzjament totali ta' EUR 562,73 miljun mill-HFSF relatati mal-attivitajiet trasferiti minn Probank S.A. lil NBG, f'Awwissu u Diċembru 2013 (miżura PB1); u |
(g) |
l-impenn sabiex tiġi koperta l-ħtieġa kapitali ta' NBG kien relatat mal-akkwist tal-assi ttrasferiti minn Probank lil NBG, f'Lulju 2013, għal ammont ta' EUR [180 sa 280] miljun (il-miżura PB2). |
2. Il-finanzjament mill-HFSF tad-diskrepanza tal-likwidità totali ta' EUR 325,8 miljun, fil-qafas tat-trasferiment ta' ċerti assi u obbligazzjonijiet tal-Cooperative Bank of Lesvos-Limnos, Cooperative Bank of Achaia u Cooperative Bank of Lamia f'Marzu 2013, ma jikkostitwixxix għajnuna mill-Istat skont it-tifsira tal-Artikolu 107(1) tat-Trattat.
3. Fid-dawl tal-pjan tar-ristrutturar li għandu x'jaqsam mal-Grupp NBG li jinkludi lin-National Bank of Greece u lis-sussidjarji tiegħu kollha (sussidjarji u fergħat Griegi u mhux Griegi, kemm bankarji u mhux bankarji) mibgħut fil-25 ta' Ġunju 2014 u l-impenji mogħtija mill-Greċja fl-istess ġurnata, l-għajnuna mill-Istat li ġejja hija kompatibbli mas-suq intern:
(a) |
l-injezzjoni ta' kapital ta' EUR 1 350 miljun mogħtija mill-Greċja lil NBG f'Mejju 2009 u f'Diċembru 2011 fil-forma ta' ishma ta' preferenza taħt l-Iskema ta' Rikapitalizzazzjoni (il-miżura A); |
(b) |
l-assistenza ta' likwidità f'każ ta' emerġenza pprovduta lil NBG mill-Bank of Greece u garantita mill-Greċja sa minn Lulju 2011, għal ammont ta' EUR 30,9 biljun fil-L2558 |
(c) |
l-ewwel rikapitalizzazzjoni tranżitorja ta' EUR 7 430 miljun mogħtija mill-HFSF lil NBG f'Mejju 2012 (miżura B1); |
(d) |
it-tieni rikapitalizzazzjoni tranżitorja ta' EUR 2 326 miljun mogħtija mill-HFSF lil NBG f'Diċembru 2012 (miżura B2); |
(e) |
ir-rikapitalizzazzjoni ta' EUR 8 677 miljun mogħtija mill-HFSF lil NBG fir-Rebbiegħa 2013 (il-miżura B3); |
(f) |
l-injezzjoni ta' kapital ta' EUR 50 miljun mogħtija mill-Greċja lil FB Bank f'Lulju 2009 (miżura FB1); |
(g) |
il-finanzjament tad-diskrepanza ta' finanzjament totali ta' EUR 456,97 miljun mill-HFSF relatati mal-attivitajiet trasferiti minn FB Bank lil NBG, f'Ġunju u Ottubru 2013 (miżura FB4); |
(h) |
l-impenn sabiex jiġu koperti l-ħtiġijiet kapitali ta' NBG kien relatat mal-akkwist tal-assi ttrasferiti minn FB Bank lil NBG, f'Mejju 2013, għal ammont ta' EUR 100 miljun (il-miżura FB5); |
(i) |
il-finanzjament tad-diskrepanza ta' finanzjament totali ta' EUR 562,7 miljun mill-HFSF relatati mal-attivitajiet trasferiti minn Probank lil NBG, f'Awwissu u Diċembru 2013 (miżura PB1); u |
(j) |
l-impenn sabiex tiġi koperta l-ħtieġa kapitali ta' NBG kien relatat mal-akkwist tal-assi ttrasferiti minn Probank lil NBG, f'Lulju 2013, għal ammont ta' EUR [180 sa 280] miljun (il-miżura PB2). |
Artikolu 2
Din id-Deċiżjoni hija indirizzata lir-Repubblika Ellenika.
Magħmul fi Brussel, it-23 ta' Lulju 2014.
Għall-Kummissjoni
Joaquín ALMUNIA
Viċi President
(1) National bank of Greece S.A. u s-sussidjarji kollha tiegħu
(2) Id-Deċiżjoni tal-Kummissjoni tad-19 ta' Novembru 2008 fl-għajnuna mill-Istat N 560/08 “Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 125, 5.6.2009, p. 6). Hija ġiet attribwita taħt in-numru SA.26678 (N 560/08). Dik l-iskema kienet sussegwentement ġiet imtawla u emendata kif deskritt fin-nota f'qiegħ il-paġna 4.
(3) Ara d-Deċiżjoni tal-Kummissjoni tat-22 ta' Diċembru 2011 fl-għajnuna mill-Istat SA.34064 (11/N) “It-tieni rikapitalizzazzjoni ta' salvataġġ ta' NBG taħt l-iskema ta' rikapitalizzazzjoni Griega” (ĠU C 99, 3.4.2012, p. 4).
(4) Fit-2 ta' Settembru 2009, il-Greċja nnotifikat numru ta' emendi biex tappoġġja l-miżuri u prolongazzjoni sal-31 ta' Diċembru 2009 li ġew approvati fit-18 ta' Settembru 2009 (Ara d-Deċiżjoni tal-Kummissjoni tat-18 ta' Settembru 2009 dwar l-Għajnuna mill-Istat N 504/09 “Prolongazzjoni u emenda tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 264, 6.11.2009, p. 5)). Fil-25 ta' Jannar 2010, il-Kummissjoni approvat it-tieni prolongazzjoni tal-miżuri ta' appoġġ sat-30 ta' Ġunju 2010 (Ara d-Deċiżjoni tal-Kummissjoni tal-25 ta' Jannar 2010 dwar l-Għajnuna mill-Istat N 690/09 “Prolongazzjoni tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 57, 9.3.2010, p. 6)). Fit-30 ta' Ġunju 2010, il-Kummissjoni approvat numru ta' emendi għall-miżuri ta' appoġġ u estensjoni sal-31 ta' Diċembru 2010 (Ara d-Deċiżjoni tal-Kummissjoni tat-30 ta' Ġunju 2010 dwar l-Għajnuna mill-Istat N 260/10 “Estensjoni tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 238, 3.9.2010, p. 3)). Fil-21 ta' Diċembru 2010, il-Kummissjoni approvat prolongazzjoni tal-miżuri ta' appoġġ sat-30 ta' Ġunju 2011 (Ara d-Deċiżjoni tal-Kummissjoni tal-21 ta' Diċembru 2010 dwar l-Għajnuna mill-Istat SA 31998 (2010/N) “Ir-Raba' estensjoni tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 53, 19.2.2011, p. 2)). Fl-4 ta' April 2011, il-Kummissjoni approvat emenda (Ara d-Deċiżjoni tal-Kummissjoni tal-4 ta' April 2011 dwar l-Għajnuna mill-Istat SA.32767 (11/N) “Emenda għall-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 164, 2.6.2011, p. 8)). Fis-27 ta' Ġunju 2011, il-Kummissjoni approvat prolongazzjoni tal-miżuri ta' appoġġ sal-31 ta' Diċembru 2011 (Ara d-Deċiżjoni tal-Kummissjoni tas-27 ta' Ġunju 2011 dwar l-Għajnuna mill-Istat SA.33153 (11/N) “Il-Ħames estensjoni tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 274, 17.9.2011, p. 6)). Fis-6 ta' Frar 2012, il-Kummissjoni approvat prolongazzjoni tal-miżuri ta' appoġġ sat-30 ta' Ġunju 2012 (Ara d-Deċiżjoni tal-Kummissjoni tas-6 ta' Frar 2012 dwar l-Għajnuna mill-Istat SA.34149 (11/N) “Is-Sitt estensjoni tal-Miżuri ta' Appoġġ għall-Istituzzjonijiet ta' Kreditu fil-Greċja” (ĠU C 101, 4.4.2012, p. 2)). Fis-6 ta' Lulju 2012, il-Kummissjoni approvat prolongazzjoni tal-miżuri ta' appoġġ sal-31 ta' Diċembru 2012 (Ara d-Deċiżjoni tal-Kummissjoni tas-6 ta' Lulju 2012 fil-Każ dwar l-Għajnuna mill-Istat SA.35002 (12/N) — Greċja “Prolongazzjoni tal-Iskema ta' Appoġġ għall-Istituzzjonijiet ta' Kreditu fil-Greċja” (ĠU C 77, 15.3.2013, p. 14)). Fit-22 ta' Jannar 2013, il-Kummissjoni approvat prolongazzjoni tal-Iskema ta' Garanzija u tal-Iskema ta' Self ta' Bonds sat-30 ta' Ġunju 2013 (Ara d-Deċiżjoni tal-Kummissjoni tat-22 ta' Jannar 2013 fil-Każ dwar l-Għajnuna mill-Istat SA.35999 (12/N) — Greċja “Prolongazzjoni tal-Iskema ta' Garanzija u tal-Iskema ta' Self ta' Bonds għall-Istituzzjonijiet ta' Kreditu fil-Greċja” (ĠU C 162, 7.6.2013, p. 6)). Fil-25 ta' Lulju 2013, il-Kummissjoni approvat estensjoni tal-Iskema ta' Garanzija u tal-Iskema ta' Self Obbligazzjonarju sal-31 ta' Diċembru 2013 (Ara d-Deċiżjoni tal-Kummissjoni tal-25 ta' Lulju 2013 fil-kawża dwar l-Għajnuna mill-Istat SA.36956 (2013/N) — il-Greċja “Estensjoni tal-Iskema ta' Garanzija u tal-Iskema ta' Self Obbligazzjonarju għall-Istituzzjonijiet ta' Kreditu fil-Greċja”, (ĠU C 141, 9.5.2014, p. 3)). Fl-14 ta' Jannar 2014, il-Kummissjoni approvat estensjoni tal-Iskema ta' Garanzija u tal-Iskema ta' Self Obbligazzjonarju sat-30 ta' Ġunju 2014 (Ara d-Deċiżjoni tal-Kummissjoni tal-14 ta' Jannar 2014 fil-kawża dwar l-Għajnuna mill-Istat (SA). 37958 (2013/N) — il-Greċja “Estensjoni tal-Iskema ta' Garanzija u tal-Iskema ta' Self Obbligazzjonarju għall-Istituzzjonijiet ta' Kreditu fil-Greċja”, li għadha ma ġietx ippubblikata.
(5) “Diskrepanza tal-likwidità” tirreferi għad-differenza bejn il-valur tal-assi u l-valur tal-obbligazzjonijiet ittrasferiti lill-bank.
(6) Il-liġi 4051/2012 dwar ir-regoli relatati mal-pensjonijiet u regoli urġenti oħrajn relatati mal-applikazzjoni tal-Memorandum ta' Qbil tal-liġi 4046/2012.
(7) Ara d-Deċiżjoni tal-Kummissjoni tas-27 ta' Lulju 2012 fl-Għajnuna mill-Istat (SA). 34824 (2012/C), “Ir-Rikapitalizzazzjoni tal-National Bank of Greece mill-Hellenic Financial Stability Fund” (ĠU C 359, 21.11.2012, p. 4).
(8) Stqarrija għall-istampa tal-HFSF, l-24 ta' Diċembru 2012, disponibbli onlajn fuq: http://www.hfsf.gr/files/press_release_20121224_en.pdf.
(9) Ir-rapport finanzjarju interim tal-Bank tat-30 ta' Ġunju 2013, Awwissu 2013, p. 9 disponibbli online fuq: https://www.nbg.gr/english/the-group/investor-relations/financial-information/annual-interim-financial-statements/Documents/Annual%20and%20interim%20financial%20statements/Financial%20Report%20NBG%20GROUP-BANK%2030%2006%202013_EN%20FINAL.pdf.
(10) Ara n-nota ta' qiegħ il-paġna 2.
(11) Xiri u Suppożizzjoni hija proċedura ta' riżoluzzjoni li tikkonsisti fl-identifikazzjoni, f'entità legali taħt likwidazzjoni, tal-assi u l-obbligazzjonijiet ta' kwalità għolja u l-irkant tagħhom sabiex jiġu ttrasferiti lil kumpanija vijabbli.
(12) HFSF, Annual Financial Report for the year ended 31 December 2013, Ġunju 2014, p. 8.
(13) Il-Kummissjoni Ewropea — id-Direttorat Ġenerali għall-Affarijiet Ekonomiċi u Finanzjarji. It-Tieni Programm ta' Aġġustament Ekonomiku għall-Greċja — Marzu 2012, p. 17, disponibbli onlajn fuq: http://ec.europa.eu/economy_finance/publications/occasional_paper/2012/pdf/ocp94_en.pdf.
(14) Ara t-taqsima II “Ir-ristrutturar tad-Dejn Sovran Grieg” tar-Rapport dwar ir-Rikapitalizzazzjoni u r-Ristrutturar tas-Settur Bankarju Grieg, Bank of Greece, Diċembru 2012, disponibbli onlajn fuq: http://www.bankofgreece.gr/BogEkdoseis/Report_on_the_recapitalisation_and_restructuring.pdf.
(15) Stqarrija għall-istampa tal-Ministeru tal-Finanzi tad-9 ta' Marzu 2012, disponibbli onlajn fuq: http://www.pdma.gr/attachments/article/80/9%20MARCH%202012%20-%20RESULTS.pdf.
(16) Il-proporzjon tal-Grad 1 Ewlieni ta' bank huwa wieħed mill-proporzjonijiet kapitali regolatorji ssorveljati mis-superviżur bankarju fil-qafas tad-Direttiva dwar ir-Rekwiżiti ta' Kapital.
(17) Ara n-nota 13 f'qiegħ il-paġna, p. 106.
(18) Ara n-nota 14 f'qiegħ il-paġna.
(19) Ara n-nota 13 f'qiegħ il-paġna, p. 104.
(20) Ara n-nota 14 f'qiegħ il-paġna.
(21) Il-Bank Ċentrali Ewropew u l-banek ċentrali nazzjonali flimkien jikkostitwixxu l-Eurosistema, li hija s-sistema tal-banek ċentrali taż-żona tal-euro.
(22) Stqarrija għall-istampa tal-Ministeru tal-Finanzi tat-3 ta' Diċembru 2012, disponibbli onlajn fuq: http://www.pdma.gr/attachments/article/248/Press%20Release%20-%20December%2003.pdf. Dak ix-xiri lura tad-dejn tiegħu stess bi prezz ferm taħt il-valur nominali ġġenera tnaqqis sinifikanti tad-dejn għall-Greċja.
(23) Fin-nuqqas ta' tali xiri lura, il-valur fis-suq ta' dawk il-GGBs ġodda seta' jiżdied skont l-evoluzzjoni ta' parametri tas-suq bħar-rati tal-imgħax u l-probabbiltà ta' inadempjenza tal-Greċja.
(24) Is-CLPs jinkludu t-telf mistenni mill-produzzjoni ġdida ta' self fil-Greċja matul il-perjodu minn Ġunju 2013 sa Diċembru 2016.
(25) L-impatt tas-CLPs għal riskju barrani ġie kkalkolat wara t-taxxa barranija u b'kunsiderazzjoni tal-impenji ta' disponiment diskussi mad-Direttorat Ġenerali tal-Kummissjoni għall-Politika tal-Kompetizzjoni f'dak iż-żmien.
(26) Ir-riżervi tat-telf mis-self ta' NBG fit-30 ta' Ġunju 2013 proforma tad-dispożizzjonijiet ta' First Business Bank u Probank.
(27) Ir-riżervi tat-telf mis-self ta' Eurobank fit-30 ta' Ġunju 2013 proforma tad-dispożizzjonijiet ta' New Hellenic Postbank u New Proton Bank, li ġew akkwistati f'Awwissu 2013.
(28) http://www.nbg.gr/wps/wcm/connect/91c0c238-1219-4f87-b0d6-0a3e9c62f4c3/Summary+financial+data+30+09+2013_EN.pdf?MOD=AJPERES&CONVERT_TO=url&CACHEID=91c0c238-1219-4f87-b0d6-0a3e9c62f4c3.
(29) Ara t-Tabella 2.
Sorsi:
l-2012 u l-2013: Riżultati finanzjarji 2013 — Rapporti finanzjarji konsolidati, p. 42-43
2011: Riżultati finanzjarji 2012 — Rapporti finanzjarji konsolidati, p. 44-45
2010: Riżultati finanzjarji 2010 — Rapporti finanzjarji konsolidati: p. 42-43.
(31) Dawk l-ammonti ta' ekwità jinkludu:
— |
għall-2010, EUR 350 miljun ta' ishma ta' preferenza mogħtija mill-Greċja fl-2009; |
— |
għall-2011, l-2012 u l-2013, EUR 1 350 miljun ta' ishma ta' preferenza mogħtija mill-Greċja fl-2009 u l-2011; |
Dawn l-ammonti ma jinkludux żewġ rikapitalizzazzjonijiet tranżitorji riċevuti mill-Bank fl-2012, għall-ammont ta' EUR 9 756 miljun.
(32) Ara t-Tabella 2.
(33) Skont id-dikjarazzjonijiet finanzjarji konsolidati għall-2012.
(34) Eżerċizzju ta' bini tal-kotba jikkonsisti mill-ikkuntattjar lill-investituri potenzjali sabiex jirreġistraw l-ordnijiet tax-xiri tagħhom fil-ktieb tal-ordnijiet, fid-dawl tal-ikkompletar taż-żieda tal-kapital.
(35) https://www.nbg.gr/english/the-group/press-office/press-releases/Documents/Launch_press_release.06.05.2014.pdf.
(36) https://www.nbg.gr/english/the-group/press-office/press-releases/Documents/20140509%20Pricing%20Press%20Release_%ce%95%ce%9d.pdf.
(37) https://www.nbg.gr/en/the-group/press-office/press-releases/update-regarding-the-egm-10-5-14.
(38) http://www.hfsf.gr/files/press_release_20140509_en.pdf.
(*) Informazzjoni kunfidenzjali
(39) Id-Deċiżjoni 1/4/23.3.2012 tal-Kumitat tiegħu għall-miżuri ta' Riżoluzzjoni tal-Bank of Greece.
(40) Deċiżjoni 1/6/23.3.2012 tal-Kumitat għall-Miżuri ta' Riżoluzzjoni tal-Bank of Greece.
(41) Id-Deċiżjoni 1/5/23.3.2012 tal-Kumitat għall-Miżuri ta' Riżoluzzjoni tal-Bank of Greece.
(42) Id-Deċiżjoni 1/1/23.3.2012 tal-Kumitat tiegħu għall-Miżuri ta' Riżoluzzjoni tal-Bank of Greece.
(43) Id-Deċiżjoni 1/3/23.3.2012 tal-Kumitat għall-Miżuri ta' Riżoluzzjoni tal-Bank of Greece.
(44) Id-Deċiżjoni 1/2/23.3.2012 tal-Kumitat għall-Miżuri ta' Riżoluzzjoni tal-Bank of Greece.
(45) Id-Deċiżjoni 1/7/23.3.2012 tal-Kumitat tiegħu għall-Miżuri ta' Riżoluzzjoni tal-Bank of Greece.
(46) Id-Deċiżjoni 1/8/23.3.2012 tal-Kumitat tiegħu għall-Miżuri ta' Riżoluzzjoni tal-Bank of Greece.
(47) FB Bank irċieva Titoli mill-Gvern Grieg f'Jannar 2009, li mmaturaw f'Diċembru 2011.
(48) Posta elettronika tal-Bank of Greece lill-Kummissjoni, 11 ta' Mejju 2013.
(49) Id-Deċiżjoni 10/2/10.5.2013 tal-Kumitat għall-Miżuri ta' Riżoluzzjoni tal-Bank of Greece.
(50) Id-Deċiżjoni 13/1/7.11.2013 tal-Kumitat għall-Miżuri ta' Riżoluzzjoni tal-Bank of Greece.
(51) Ir-Rapport tal-Attivitajiet tal-Fond tal-Hellenic Financial Stability għall-perjodu Lulju — Diċembru 2013, disponibbli online fuq: http://www.hfsf.gr/files/HFSF_activities_Jul_2013_Dec_2013_en.pdf.
(52) L-offerta tal-Bank tal-25 ta' Lulju 2013, ibbażata fuq id-dejta pprovduta mill-Bank of Greece, fil-31 ta' Marzu 2013.
(53) Dejta pprovduta mill-Bank of Greece fit-2 ta' April 2014.
(54) Id-Deċiżjoni 85/1/26.7.2013 tal-Kumitat għall-Kreditu u l-Assigurazzjoni tal-Bank of Greece.
(55) HFSF, Probank — Analiżi tal-offerti sottomessi, il-25 ta' Lulju 2013.
(56) Id-Deċiżjoni 12/2/26.7.2013 tal-Kumitat għall-Miżuri ta' Riżoluzzjoni tal-Bank of Greece.
(57) Id-differenza rriżultat primarjament mill-fatt li l-ammont attwali ta' self gross ittrasferit kien inqas minn dak inizjalment stmat mill-ammont ta' EUR 197 miljun, mill-fatt li l-provvedimenti għas-self żdiedu wkoll b'EUR 141 miljun, mit-tnaqqis fil-valutazzjoni tal-portafoll tal-bonds u l-ekwità u mit-tnaqqis fil-valutazzjoni tal-obbligazzjonijiet u primarjament id-depożiti.
(58) Ir-Rapport tal-Attivitajiet tal-Fond tal-Hellenic Financial Stability għall-perjodu Lulju — Diċembru 2013, disponibbli online fuq: http://www.hfsf.gr/files/HFSF_activities_Jul_2013_Dec_2013_en.pdf.
(59) Skont ir-rapport dwar l-użu tal-miżura ta' garanzija u l-miżura ta' self obbligazzjonarju mibgħuta mill-Greċja fit-13 ta' Diċembru 2013.
(60) Skont l-ittra tal-Bank of Greece tas-7 ta' Novembru 2011, “Il-Garanziji japplikaw fuq l-ammont totali tal-Assistenza ta' Likwidità f'Emerġenza (ELA)”.
(61) Informazzjoni sottomessa fin-notifika fil-25 ta' Ġunju 2014.
(62) Pjan ta' ristrutturar sottomess fil-25 ta' Ġunju 2014, Anness I, p. 24.
(63) Kif ġie spjegat fil-premessa 101 u 102, l-impenn ingħata f'April 2012 u r-rikapitalizzazzjoni effettivament seħħet f'Mejju 2012.
(64) Il-ftehim ta' qabel is-sottoskrizzjoni stabbilixxa li: “Ir-Riskju Effettiv pagabbli lill-Bank għandu jinkludi l-bonds tal-EFSF u kwalunkwe pagamenti ta' kupuni u imgħax akkumulat għall-bonds tal-EFSF għall-perjodu mill-ħruġ tal-bonds sal-konverżjoni tal-Avvanz f'kapital azzjonarju u strumenti finanzjarji konvertibbli oħrajn kif preskritti hawnhekk”.
(65) Ara t-Tabella 3.
(66) http://www.nbg.gr/wps/wcm/connect/71b1f08a-2c84-4cfe-a368-f985c93d2da9/20130523_Announcement_Cut+Off+Date+and+Subscription+Period_final+clean+...%283%29_EN.pdf?MOD=AJPERES.
(67) http://www.nbg.gr/wps/portal/en/the-group/Press-Office/Press-Releases/content/Press-Releases/anakoinosi-21-6-2013.
(68) http://www.hfsf.gr/files/HFSF_activities_Jan_2013_Jun_2013_en.pdf.
(69) http://www.nbg.gr/wps/portal/en/the-group/Press-Office/Press-Releases/content/Press-Releases/reverse-split.
(70) http://www.hfsf.gr/files/HFSF_activities_Jan_2013_Jun_2013_en.pdf.
(71) http://www.nbg.gr/wps/wcm/connect/af79cd67-5fd6-4811-bd70-2b493cf5c205/Announcement+Commencement+of+Trading_EN.pdf?MOD=AJPERES.
(72) Pereżempju, il-prezz tal-eżerċizzju fis-26 ta' Diċembru 2013 kien EUR 4,3758, fis-26 ta' Ġunju 2014 kien EUR 4,4616, fis-26 ta' Diċembru 2014 sejjer ikun EUR 4,5689, fis-26 ta' Ġunju 2015, sejjer ikun EUR 4,6761 u jibqa' jiżdied b'dan il-mod.
(73) Dak l-ammont ta' EUR 60 miljun f'titoli tal-gvern Grieg kien allokat u mogħti lill-Bank f'Settembru 2013, wara d-deċiżjoni 73/1/10/05.2013 tal-Kumitat għall-Kreditu u l-Assigurazzjoni tal-Bank of Greece u d-deċiżjoni 10/1/10.5.2003 tal-Kumitat għall-Miżuri ta' Riżoluzzjoni tal-Bank of Greece.
(74) Għaldaqstant, it-terminu “diskrepanza tal-likwidità” jista' jqarraq peress li jiddeskrivi miżura ta' appoġġ kapitali u mhux appoġġ ta' likwidità.
(75) HFSF, ir-Rapport tal-Attivitajiet tal-Fond tal-Hellenic Financial Stability għall-perjodu Lulju — Diċembru 2013, Marzu 2014, pg. 4, disponibbli online fuq: http://www.hfsf.gr/files/HFSF_activities_Jul_2013_Dec_2013_en.pdf.
(76) Rapport Annwali tal-2010 https://www.nbg.gr/english/the-group/investor-relations/annual-report-offerring-circular/Documents/73301T05_CNB.pdf.
(77) Rapport Annwali tal-2012, https://www.nbg.gr/english/the-group/investor-relations/annual-report-offerring-circular/Documents/NBG%20Form%2020-F.PDF
(78) Rapport Annwali tal-2010 https://www.nbg.gr/english/the-group/investor-relations/annual-report-offerring-circular/Documents/73301T05_CNB.pdf
(79) Rapport Annwali tal-2012, https://www.nbg.gr/english/the-group/investor-relations/annual-report-offerring-circular/Documents/NBG%20Form%2020-F.PDF
(80) Pjan ta' ristrutturar sottomess fil-25 ta' Ġunju 2014, p. 30 (il-figuri jirreferu għall-operazzjonijiet domestiċi, inklużi, pereżempju, is-sussidjarji attivi fl-assigurazzjoni, fil-proprjetà immobbli u fit-turiżmu).
(81) Ara l-Premessi 72 u 82.
(82) Pjan ta' ristrutturar sottomess fil-25 ta' Ġunju 2014, p. 30.
(83) Pjan ta' ristrutturar sottomess fil-25 ta' Ġunju 2014, Anness I, p. 11.
(84) Pjan ta' ristrutturar sottomess fil-25 ta' Ġunju 2014, Anness I, p. 9.
(85) Pjan ta' ristrutturar sottomess fil-25 ta' Ġunju 2014, Anness I, p. 11.
(86) Ir-redditu fuq l-RWA, li mhuwiex affettwat b'mod negattiv mill-adegwatezza kapitali għolja tal-Bank, ser jilħaq […] % fi tmiem il-perjodu tar-ristrutturar.
(87) Pjan ta' ristrutturar sottomess fil-25 ta' Ġunju 2014, p. 13.
(88) Pjan ta' ristrutturar sottomess fil-25 ta' Ġunju 2014, p. 34.
(89) Pjan ta' ristrutturar sottomess fil-25 ta' Ġunju 2014, p. 12.
(90) Il-profitt fil-proporzjon tal-Grad Ewlieni 1 huwa stmat bħala li kien ta' 35 bps fl-2013, skont is-sottomissjoni tal-awtoritajiet Griegi fil-21 ta' Novembru 2013.
(91) Rapport Finanzjarju 2010, p. 44.
(92) Pjan ta' ristrutturar sottomess fil-25 ta' Ġunju 2014, p. 12.
(93) http://www.barchart.com/plmodules/?module=secFilings&filingid=8338505&type=HTML&popup=1&override=1&symbol=NBG.
(94) Pjan ta' ristrutturar sottomess fil-25 ta' Ġunju 2014, p. 11.
(95) Ara l-Impenji fl-Anness, il-kapitolu II.
(96) Is-swaps tar-rati tal-imgħax maqbula mar-Repubblika Ellenika skont ftehim tal-ISDA, inklużi dawk titolizzati permezz ta' Titlos Plc, ser jiġu esklużi mis-self nett għall-finijiet tal-kalkolazzjoni tal-proporzjon self-depożitu nett.
(97) Ara l-Impenn fl-Anness, il-kapitolu II.
(98) Ara l-Impenji fl-Anness, il-kapitolu II.
(99) Ara l-Impenji fl-Anness, il-kapitolu II.
(100) Ara l-Impenji fl-Anness, il-kapitolu III, taqsima A.
(101) Ara l-Impenji fl-Anness, il-kapitolu III, taqsima A.
(102) Ara l-Impenji fl-Anness, il-kapitolu III, taqsima A.
(103) Ara l-Impenji fl-Anness, il-kapitolu III, taqsima Ċ.
(104) Ittra tal-Greċja lill-Kummissjoni datata l-25 ta' Ġunju 2014: “Fl-aħħarnett, fir-rigward taċ-ċertifikati maħruġa mill-HFSF, għandu jiġi kkjarifikat li r-Repubblika Ellenika għandha tfittex l-approvazzjoni tal-Kummissjoni Ewropea qabel kwalunkwe ri-akkwist taċ-ċertifikati minn NBG jew minn kwalunkwe entità tal-Istat (inkluż l-HFSF), sabiex b'hekk il-Kummissjoni Ewropea tkun tista' tivverifika li x-xiri lura previst taċ-ċertifikati ma jmurx kontra r-rekwiżiti tar-rimunerazzjoni tal-Istat skont ir-regoli dwar l-għajnuna mill-Istat.”
(105) Komunikazzjoni mill-Kummissjoni — L-applikazzjoni ta' regoli dwar l-għajnuna mill-Istat għal miżuri meħuda fejn jidħlu istituzzjonijiet finanzjarji fil-kuntest tal-kriżi finanzjarja globali attwali (ĠU C 270, 25.10.2008, p. 8).
(106) Il-Premessa 59 tad-Deċiżjoni tal-Ftuħ ta' NBG.
(107) Il-Premessa 63 tad-Deċiżjoni tal-Ftuħ ta' NBG.
(108) Ara l-Premessa 146 tad-Deċiżjoni tal-Kummissjoni tat-12 ta' Novembru 2008 fil-Kawża tal-għajnuna mill-Istat SA. 510/08 — Italia “Vendita dei beni della compagnia aerea ALITALIA” (ĠU C 46, 25.2.2009, p. 6).
(109) Ara l-punt 49 tal-Komunikazzjoni Bankarja tal-2008 u punt 20 tal-Komunikazzjoni ta' Ristrutturar.
(110) Ara d-Deċiżjoni tal-Kummissjoni tal-25 ta' Jannar 2010 f'Għajnuna mill-Istat kawża NN 19/09 — Għajnuna għar-Ristrutturar lil Dunfermline Building Society, premessa (47) (ĠU C 101, 20.4.2010, p. 7). Id-Deċiżjoni tal-Kummissjoni tal-25 ta' Ottubru 2010 f'Għajnuna mill-Istat kawża N 560/09 — Għajuna għal-likwidazzjoni ta' Fionia bank, premessa 55 (ĠU C 76, 10.3.2011, p. 3). Id-Deċiżjoni tal-Kummissjoni tat-8 ta' Novembru 2010 f'Għajnuna mill-Istat Kawża N 392/10 — Ir-Ristrutturar ta' CajaSur, premessa (52) (ĠU C 357, 30.12.2010, p. 12).
(111) Ara n-noti ta' qiegħ il-paġna 2 u 4.
(112) Ara l-Artikolu 9(15) tal-Liġi 4051/2012 u l-Artikolu 13 A(4) tal-Liġi 3746/2009.
(113) Ittra tal-Bank of Greece lill-Kummissjoni Ewropea datata l-14 ta' Mejju 2013.
(114) B'kuntrast ma' dak li sar għar-riżoluzzjoni tat-tliet Banek Kooperattivi, Emporiki Bank ma ġiex ikkuntattjat minħabba li sadanittant huwa ttieħed minn Alpha Bank.
(115) Ara wkoll il-premessa 82 tad-Deċiżjoni tal-Kummissjoni tat-28 ta' Novembru 2012 f'Għajnuna mill-Istat SA. 34053 (12/N) — Ir-Rikapitalizzazzjoni ta' Spanja u r-Ristrutturar tal-Banco de Valencia S.A. (ĠU C 75, 14.3.2013, p. 3).
(116) Ara n-nota f'qiegħ il-paġna 103.
(117) Komunikazzjoni mill-Kummissjoni dwar l-applikazzjoni, mill-1 ta' Jannar 2012, ta' regoli dwar l-għajnuna mill-Istat li huma maħsuba biex jappoġġjaw il-miżuri favur l-istituzzjonijiet finanzjarji fil-kuntest tal-kriżi finanzjarja (“Komunikazzjoni ta' Estensjoni tal-2011”), ĠU C 356, 6.12.2011, p. 7.
(118) Il-Komunikazzjoni tal-Kummissjoni dwar l-applikazzjoni, mill-1 ta' Awwissu 2013, tar-regoli dwar l-għajnuna mill-Istat biex isostnu miżuri favur banek fil-kuntest tal-kriżi finanzjarja (“il-Komunikazzjoni Bankarja”) (ĠU C 216, 30.7.2013, p. 1).
(119) Fir-rigward tal-miżura FB4, l-HFSF jippossjedi pretensjoni ta' EUR 457 miljun lejn l-entità f'likwidazzjoni. Fil-31 ta' Diċembru 2013, l-indebolimenti pprenotati fuq dik il-pretensjoni kienu jammontaw għal EUR 377 miljun fid-dikjarazzjonijiet finanzjarji tal-HFSF.
(120) Pjan ta' ristrutturar sottomess fil-25 ta' Ġunju 2014, p. 17.
(121) Ara l-Artikolu 9(15) tal-Liġi 4051/2012 u l-Artikolu 13 A(4) tal-Liġi 3746/2009.
(122) Ara n-nota f'qiegħ il-paġna 109.
(123) Ara n-nota f'qiegħ il-paġna 103.
(124) Fil-valutazzjoni tal-vijabbiltà tiegħu mwettqa fl-2012, il-Bank of Greece identifika l-akbar erba' banek fil-Greċja bħala kandidati xierqa għar-rikapitalizzazzjoni mill-HFSF, filwaqt li l-banek l-oħrajn, dawk “mhux ewlenin”, tqiesu bħala li ma kinux eliġibbli għar-rikapitalizzazzjoni mill-HFSF.
(125) Id-Deċiżjoni 12/1/26.7.2013 tal-Kumitat għall-Miżuri ta' Riżoluzzjoni tal-Bank of Greece.
(126) Pjan ta' ristrutturar sottomess fil-25 ta' Ġunju 2014, p. 15.
(127) Ara n-noti ta' qiegħ il-paġna 1 u 3.
(128) Ara d-Deċiżjoni ta' Ftuħ ta' NBG, premessa 38.
(129) HFSF, Annual Financial Report for the year ended 31 December 2013, June 2014, p. 6.
(130) Ara n-nota f'qiegħ il-paġna 56.
(131) Huwa nnotat ukoll li l-Greċja tat l-għajnuna lill-Bank taħt l-Iskema ta' Appoġġ lill-Banek Griegi, li kienet awtorizzata mill-Kummissjoni fuq il-bażi tal-Artikolu 107(3)(b) tat-Trattat, kif ukoll permezz tal-HFSF, li l-kriterju tiegħu kien approvat ukoll minn deċiżjoni tal-Kummissjoni.
(132) Ara n-noti ta' qiegħ il-paġna 2 u 3.
(133) Ara l-premessa 41 tad-Deċiżjoni tal-Kummissjoni fil-Kawża NN 51/08 Skema ta' garanzija għall-banek fid-Danimarka (ĠU C 273, 28.10.2008, p. 2).
(134) Ara d-dikjarazzjonijiet finanzjarji tal-2013, p. 42.
(135) Ara l-premessa 104: l-imgħaxijiet akkumulati jitqiesu bħala kontribuzzjoni addizzjonali mill-HFSF u, għalhekk, żiedu l-ammont ta' ħlas irċevut mill-HFSF wara r-rikapitalizzazzjoni tar-Rebbiegħa 2013.
(136) Ara wkoll it-Taqsima 7.6.1.
(137) Il-prezz teoretiku qabel il-ħruġ ta' ishma bi dritt (theoretical ex-right price — “TERP”) huwa metodoloġija ġeneralment aċċettata fis-suq għall-kwantifikazzjoni tal-effett ta' dilwizzjoni taż-żieda tal-kapital azzjonarju.
(138) Id-deċiżjoni 542/VII/19.6.2012 tal-Awtorità Ellenika għall-Kompetizzjoni, ippubblikata fil-Gazzetta tal-Gvern Grieg (FEK B' 238/8.2.2013), disponibbli online fuq: http://www.epant.gr/img/x2/apofaseis/apofaseis696_1_1362562606.pdf.
(139) L-akkwiżizzjonijiet tal-assi u l-obbligazzjonijiet ittrasferiti ta' Lamia Bank u Lesvos-Limnos Bank ma ġewx innotifikati lill-Kummissjoni tal-Kompetizzjoni Ellenika peress li l-fatturat tal-parti ttrasferita ta' kull Bank Kooperattiv ma kienx qabeż il-livell limitu ta' EUR 15-il miljun stabbilit mill-Artikolu 6(1) tal-liġi 3959/2011 f'kombinazzjoni mal-Artikolu 10(3)(a) tal-istess liġi.
(140) Ara wkoll it-Taqsima 7.5.1.
(141) Id-deċiżjoni 568/VII/15.7.2013 tal-Awtorità Ellenika għall-Kompetizzjoni kif ippubblikata fil-Gazzetta tal-Gvern Grieg (FEK B' 2460/1.10.2013), disponibbli online fuq: http://www.epant.gr/img/x2/apofaseis/apofaseis707_1_1381133065.pdf
(142) Ara l-preżentazzjoni tal-Bank “NBG-Probank, Creating Value” datata l-24 ta' April 2013, p. 8.
(143) Ara l-punt 28 tal-Komunikazzjoni dwar ir-Ristrutturar u ara l-premessa 320 tad-Deċiżjoni tal-Kummissjoni 2011/823/UE tal-5 ta' April 2011 dwar il-miżuri C 11/09 (ex NN 53b/08, NN 2/10 u N 19/10) implimentati mill-Istat Olandiż għal ABN AMRO Group NV (maħluq wara l-fużjoni bejn Fortis Bank Nederland u ABN AMRO N) (ĠU L 333, 15.12.2011, p. 1).
(144) Il-Kummissjoni tosserva wkoll li parti mill-ħtiġijiet tal-likwidità tal-Bank ġejja mill-forma atipika tal-parteċipazzjoni tal-HFSF fl-ewwel u fit-tieni rikapitalizzazzjonijiet tranżitorji, kif ukoll fir-rikapitalizzazzjoni tar-Rebbiegħa 2013. Tabilħaqq, bħala korrispettiv għall-parteċipazzjoni tiegħu, l-HFSF ittrasferixxa lill-Bank noti tal-EFSF minflok flus kontanti. Il-Bank għandu ammont kbir ta' noti tal-EFSF fuq perjodu ta' żmien medju u twil, li jżidu l-ħtiġijiet tal-finanzjament tiegħu meta mqabbla ma' sitwazzjoni fejn ir-rikapitalizzazzjoni kienet titħallas fi flus kontanti. Dik il-parti tal-ħtiġijiet tal-likwidità ma tirriflettix mudell ta' negozju jew struttura ta' karta bilanċjali mhux xierqa. Hija tgħib awtomatikament meta n-noti tal-EFSF jimmaturaw.
(145) Il-projezzjonijiet finanzjarji rrapportati fil-pjan ta' ristrutturar ivarjaw mill-eżitu tat-test tal-istress tal-2013 imwettaq mill-Bank of Greece, peress li dan tal-aħħar ma kienx imsejjes fuq l-istess sett ta' suppożizzjonijiet u kkalkola aġġustamenti oħrajn li saru mill-Bank of Greece.
(146) Ara l-premessa 147.
(147) Meta tiġi eskluża l-għajnuna mħallsa lura fi żmien sitt xhur, l-ammont tal-għajnuna jitnaqqas għal 15,6 % tal-RWA tal-Bank.
(148) Rapport Annwali ta' NBG għas-sena li għalqet fl-2013.
(149) Ara s-seba' impenn fil-Kapitolu II tal-lista ta' Impenji pprovduta fl-Anness.
(150) Ara r-raba' impenn fil-Kapitolu II tal-lista ta' Impenji pprovduta fl-Anness.
(151) Ara l-ħdax-il impenn fil-Kapitolu III tal-lista ta' Impenji pprovduta fl-Anness.
ANNESS
IR-REPUBBLIKA ELLENIKA
IL-MINISTERU TAL-FINANZI
IS-SEGRETARJU ĠENERALI TAL-UFFIĊĊJU
Ateni, Ġunju 2014
National Bank of Greece — Impenji mir-Repubblika Ellenika
Ir-Repubblika Ellenika għandha tiżgura li l-Bank qed jimplimenta l-pjan ta' ristrutturar mibgħut fl-24 ta' Ġunju 2014. Il-pjan ta' ristrutturar huwa bbażat fuq suppożizzjonijiet makro-ekonomiċi kif ipprovduti mill-Kummissjoni Ewropea (il-“Kummissjoni”) fl-Appendiċi I, kif ukoll fuq suppożizzjonijiet regolatorji.
B'hekk, ir-Repubblika Ellenika tipprovdi l-impenji li ġejjin (l-“Impenji”), li huma parti integrali mill-pjan ta' ristrutturar. L-impenji jinkludu l-impenji rigward l-implimentazzjoni tal-pjan ta' ristrutturar (l-“Impenji tar-Ristrutturar”) u l-Impenji dwar il-Governanza Korporattiva u l-Operazzjonijiet Kummerċjali.
L-impenji għandhom jidħlu fis-seħħ fid-data tal-adozzjoni tad-deċiżjoni tal-Kummissjoni li tapprova l-pjan ta' ristrutturar (id-“Deċiżjoni”).
Il-perjodu tar-ristrutturar għandu jintemm fil-31 ta' Diċembru 2018. L-impenji japplikaw matul il-perjodu ta' ristrutturar sakemm l-impenn individwali ma jiddikjarax mod ieħor.
Dan it-test għandu jiġi interpretat fid-dawl tad-Deċiżjoni fil-qafas ġenerali tal-liġi tal-Unjoni u b'referenza għar-Regolament tal-Kunsill (KE) Nru 659/99 (1).
KAPITOLU I. DEFINIZZJONIJIET
Għall-finijiet tal-Impenji, it-termini li ġejjin għandhom ifissru:
(1) Bank : National Bank of Greece S.A. u s-sussidjarji kollha tiegħu. Għalhekk jinkludi l-Grupp kollu tan-National Bank of Greece, bis-sussidjarji u l-fergħat Griegi u mhux Griegi tiegħu kollha, kemm bankarji kif ukoll mhux bankarji.
(2) Offerta kapitali miżjuda b'mod gradwali fis-settur bankarju : offerta li tirriżulta f'żieda fil-proporzjon tal-kapital regolatorju tal-Bank, b'kunsiderazzjoni tal-elementi rilevanti kollha, b'mod partikolari l-profitt/it-telf ipprenotat fuq it-tranżazzjoni u t-tnaqqis tal-RWA li jirriżulta mill-bejgħ (jekk meħtieġ ikkoreġut għaż-żieda tal-RWA li tirriżulta mil-links tal-finanzjament li jifdal).
(3) Offerta kapitali miżjuda b'mod gradwali fis-[…] : offerta li tirriżulta f'żieda fil-proporzjon tal-kapital regolatorju tal-Bank. Kwalunkwe offerta ogħla mill-valur kontabilistiku […] fil-kont tal-Bank awtomatikament tiġi stmata bħala kapital akkrexxittiv.
(4) Għeluq : id-data tat-trasferiment tat-titolu legali tan-Negozju tad-Divestiment lill-Akkwirent.
(5) Negozju ta' Divestiment : in-negozji u l-assi kollha li l-Bank jimpenja ruħu li jbiegħ.
(6) Data Effettiva : id-data tal-adozzjoni tad-Deċiżjoni.
(7) Tmiem il-perjodu tar-ristrutturar : Il-31 ta' Diċembru 2018.
(8) Assi barranin jew assi mhux Griegi : assi relatati mal-attivitajiet ta' klijenti barra l-Greċja, indipendentement mill-pajjiż fejn jitniżżlu l-assi. Pereżempju, l-assi mniżżla fil-kotba fil-Lussemburgu iżda relatati mal-attivitajiet ta' klijenti fil-Greċja mhumiex inklużi fil-kamp ta' applikazzjoni ta' din id-definizzjoni. Għall-kuntrarju, l-assi mniżżla fil-kotba fil-Lussemburgu jew fil-Greċja iżda relatati mal-attivitajiet ta' klijenti f'pajjiżi oħrajn tal-SEE jitqiesu bħala assi barranin u huma inklużi fil-kamp ta' applikazzjoni ta' din id-definizzjoni.
(9) Negozji barranin : sussidjarji u fergħat bankarji u mhux bankarji barranin tal-Bank.
(10) Sussidjarji barranin : is-sussidjarji bankarji u mhux bankarji kollha tal-Bank barra mill-Greċja.
(11) Attivitajiet bankarji Griegi : l-attivitajiet bankarji Griegi tal-Bank, indipendentement mill-pajjiż fejn jitniżżlu l-assi.
(12) Attivitajiet mhux bankarji Griegi : l-attivitajiet mhux bankarji Griegi tal-Bank, indipendentement mill-pajjiż fejn jitniżżlu l-assi.
(13) Sussidjarji Griegi : is-sussidjarji bankarji u mhux bankarji Griegi kollha tal-Bank.
(14) Trustee tal-Monitoraġġ : persuna jew persuni fiżika/fiżiċi jew ġuridika/ġuridiċi, indipendenti mill-Bank, approvata/i mill-Kummissjoni u maħtura mill-Bank; it-Trustee tal-Monitoraġġ għandu d-dover li jissorvelja l-konformità tal-Bank mal-Impenji.
(15) Akkwirent : persuna jew persuni fiżika/fiżiċi jew ġuridika/ġuridiċi għall-akkwist, b'mod sħiħ jew parzjalment, tan-Negozju ta' Divestiment.
(16) Bejgħ : il-bejgħ ta' 100 % tal-parteċipazzjoni azzjonarja miżmuma mill-Bank, sakemm l-Impenn individwali ma jiddikjarax mod ieħor.
Għall-finijiet tal-Impenji, is-singular ta' dawk it-termini għandu jinkludi l-plural (u viċi versa), sakemm l-Impenji ma jistabbilixxux mod ieħor.
KAPITOLU II. IMPENJI TA' RISTRUTTURAR
(1) |
In-numru ta' fergħat fil-Greċja: In-numru ta' fergħat fil-Greċja għandu jammonta għal massimu ta' […] fil-31 ta' Diċembru 2017. |
(2) |
In-numru ta' impjegati fil-Greċja: In-numru ta' ekwivalenti għall-full time (“l-FTEs”) fil-Greċja (attivitajiet bankarji u mhux bankarji Griegi) għandhom jammontaw għal massimu ta' […] fil-31 ta' Diċembru 2017. |
(3) |
L-ispejjeż totali fil-Greċja: L-ispejjeż totali fil-Greċja (attivitajiet bankarji u mhux bankarji Griegi) għandhom jammontaw għal massimu ta' EUR […] miljun fil-31 ta' Diċembru 2017. (2) |
(4) |
L-ispejjeż tad-depożiti fil-Greċja: Sabiex titreġġa' lura l-profittabbiltà ta' qabel il-proviżjonament tiegħu fis-suq Grieg, il-Bank għandu jnaqqas l-ispiża tal-finanzjament permezz tat-tnaqqis tal-ispiża tad-depożiti miġbura fil-Greċja (inklużi t-tfaddil, id-depożiti liberi u b'terminu u prodotti simili oħrajn offruti lill-klijenti u li l-ispejjeż tagħhom jitħallsu mill-Bank) […]. |
(5) |
Il-proporzjon self-depożiti nett fil-Greċja: Għall-attivitajiet bankarji Griegi, il-proporzjon self-depożiti totali nett għandu jammonta għal massimu ta' 115 % fil-31 ta' Diċembru 2017. […] |
(6) |
Appoġġ għall-operazzjonijiet fit-Turkija: Sat-30 ta' Ġunju 2018, il-Bank ma għandux jipprovdi […] addizzjonali. Il-Bank ma għandux jappoġġja lil Finansbank indirettament bi trasferiment ta' self jew kwalunkwe assi oħrajn lil entità oħra tal-Bank. |
(7) |
Id-disponiment ta' […] ta' […] negozji barranin u […] ta' Finansbank sat-30 ta' Ġunju 2018: Il-Bank għandu jbiegħ (jiffirma) sat-30 ta' Ġunju 2018 is-sussidjarji barranin tiegħu fi […] u l-fergħa tiegħu li topera fi […] sabiex inaqqas l-attivitajiet internazzjonali tiegħu.
|
(8) |
Il-bejgħ ta' […]: […] |
(9) |
Il-bejgħ ta' titoli: Il-portafoll tat-titoli elenkati, definit kif ġej, għandu jiġi divestit bi […], filwaqt li l-portafoll tat-titoli mhux elenkati għandu jiġi divestit bi […]: dawn il-portafolli jinkludu l-investimenti tal-ekwità kollha akbar minn EUR […] miljun, kif ukoll l-investimenti kollha f'bonds subordinati u bonds ibridi, għajr […]. |
(10) |
Id-disponiment ta' sussidjarju ta' ekwità privata: Il-Bank għandu jiżvesti l-Fondi tal-Ekwità Privata ta' NBG bi […]. […] |
(11) |
Għal kwalunkwe bejgħ b'dawn l-impenji, ir-Repubblika Ellenika timpenja ruħha li:
|
(12) |
Politika ta' investiment: Sat-30 ta' Ġunju 2017, il-Bank ma għandux jakkwista titoli fi grad mhux ta' investiment. Dan l-Impenn ma għandux japplika għat-titoli li ġejjin (it-Titoli Eżentati):
|
(13) |
Limitu massimu tas-salarju: Sa […], il-Bank ma għandux iħallas rimunerazzjoni annwali totali (paga, kontribuzzjoni tal-pensjoni, bonus) ogħla minn […] lil xi impjegat jew maniġer. F'każ ta' injezzjoni ta' kapital mill-HFSF, il-limitu massimu tar-rimunerazzjoni sejjer jiġi evalwat mill-ġdid skont il-Komunikazzjoni Bankarja Ewropea tal-1 ta' Awwissu 2013. |
KAPITOLU III. IMPENJI FUQ IL-GOVERNANZA KORPORATTIVA U L-OPERAZZJONIJIET KUMMERĊJALI — ESTENSJONI U EMENDI
(1) |
Il-Bank għandu jkompli jimplimenta l-Impenji fuq il-Governanza Korporattiva u l-Operazzjonijiet Kummerċjali, kif sottomessi mir-Repubblika Ellenika fl-20 ta' Novembru 2012, bl-emendi sussegwenti pprovduti fil-Kapitolu III tal-Impenji, sat-30 ta' Ġunju 2018. […] |
(2) |
F'każ li Impenn individwali ma japplikax fil-livell tal-Bank, il-Bank ma għandux juża s-sussidjarji jew l-attivitajiet mhux koperti minn dak l-Impenn individwali sabiex jaħrab mill-Impenn. |
It-Taqsima A. It-twaqqif ta' organizzazzjoni interna effikaċi u adegwata
(3) |
Il-Bank, minbarra s-sussidjarji barranin tiegħu, għandu josserva f'kull ħin id-dispożizzjonijiet kollha tal-liġi 3016/2002 dwar il-Governanza Korporattiva u tal-liġi 2190/1920 dwar is-Sociétés Anonymes u, b'mod partikolari, id-dispożizzjonijiet b'rabta mal-funzjonijiet ta' korpi korporattivi bħal-laqgħa tal-azzjonisti u l-Bord tad-Diretturi sabiex jiżgura distribuzzjoni ċara tar-responsabbiltajiet u t-trasparenza. Is-setgħat tal-laqgħa tal-azzjonisti għandhom ikunu ristretti għall-kompiti ta' laqgħa ġenerali b'konformità mal-liġi dwar il-kumpaniji, b'mod partikolari fir-rigward tad-drittijiet relatati mal-informazzjoni. Setgħat aktar estensivi, li jippermettu influwenza mhux xierqa fuq il-ġestjoni, għandhom jitwaqqfu. Ir-responsabbiltà għall-ġestjoni operattiva ta' kuljum għandha tkun b'mod ċar f'idejn id-Diretturi eżekuttivi tal-Bank. |
(4) |
Il-Bank, minbarra s-sussidjarji barranin tiegħu, għandu dejjem jikkonforma mal-Qafas tar-Relazzjoni tal-Fond Elleniku għall-Istabbiltà Finanzjarja (l-“HFSF”). |
(5) |
Il-Bank għandu josserva d-dispożizzjonijiet tal-Att tal-Gvernatur 2577/9.3.2006 fis-seħħ, bil-għan li jżomm, fuq bażi individwali u kollettiva, struttura organizzattiva effettiva u Sistema ta' Kontroll Intern adegwata, inklużi t-tliet pilastri ewlenin, jiġifieri l-funzjonijiet tal-Verifika Interna, tal-Ġestjoni tar-Riskji u tal-Konformità u l-aqwa prattiki internazzjonali ta' governanza korporattiva. |
(6) |
Il-Bank għandu jkollu struttura organizzattiva effiċjenti, sabiex ikun jista' jiżgura li d-dipartimenti tal-Verifika Interna u tal-Ġestjoni tar-Riskju jkunu indipendenti b'mod sħiħ min-netwerks kummerċjali u jirrapportaw direttament lill-Bord tad-Diretturi. Kumitat tal-Verifika u Kumitat tar-Riskju — maħluqa fi ħdan il-Bord tad-Diretturi — għandhom jivvalutaw il-kwistjonijiet kollha mqajma minn dawk id-dipartimenti rispettivi. Karta adegwata dwar il-Verifika Interna u Karta adegwata dwar il-Ġestjoni tar-Riskju għandhom jispeċifikaw ir-rwoli, ir-responsabbiltajiet u r-riżorsi ta' dawk id-dipartimenti. Dawk il-karti għandhom jikkonformaw mal-istandards internazzjonali u jiggarantixxu indipendenza sħiħa lid-dipartimenti. Politika Kreditizja għandha tipprovdi gwida u struzzjonijiet rigward l-għoti tas-self, inkluż dwar l-ipprezzar tas-self u r-ristrutturar tas-self. |
(7) |
Il-Bank għandu jippubblika u jibgħat lill-awtoritajiet kompetenti l-lista ta' azzjonisti li għandhom mill-inqas 1 % ta' ishma ordinarji. |
It-Taqsima B. Il-prattiki kummerċjali u l-monitoraġġ tar-riskji
Prinċipji ġenerali
(8) |
Il-Politika Kreditizja għandha tispeċifika li l-klijenti kollha għandhom jiġu ttrattati b'mod ġust permezz ta' proċeduri mhux diskriminatorji għajr dawk relatati mar-riskju ta' kreditu u l-abbiltà li jħallsu. Il-Politika Kreditizja tiddefinixxi l-limiti massimi li l-għoti tas-self 'il fuq minnhom għandu jiġi approvat minn maniġment f'livelli ogħla. Għandhom jiġu definiti limiti massimi simili rigward ir-ristrutturar tas-self u l-immaniġġjar tal-pretensjonijiet u l-litigazzjonijiet. Il-Politika Kreditizja għandha tiċċentralizza f'ċentri magħżula l-proċess tat-teħid tad-deċiżjonijiet fil-livell nazzjonali u tipprovdi salvagwardji ċari li jiżguraw l-implimentazzjoni konsistenti tal-istruzzjonijiet tagħha fi ħdan l-attivitajiet bankarji Griegi kollha. |
(9) |
Għall-attivitajiet bankarji Griegi kollha, il-Bank għandu jinkorpora b'mod sħiħ ir-regoli tal-Politika Kreditizja fis-sistemi tagħhom ta' żborżament u fluss tax-xogħol tar-rifinanzjament tas-self u tal-oriġini tas-self. |
Dispożizzjonijiet speċifiċi
(10) |
Id-dispożizzjonijiet speċifiċi elenkati fil-paragrafi (8) sa (18) tal-Kapitolu III tal-Impenji għandhom japplikaw għall-attivitajiet bankarji Griegi, sakemm ma jingħadx mod ieħor b'mod espliċitu |
(11) |
Il-Politika Kreditizja għandha tesiġi li l-ipprezzar tas-self u tal-ipoteki jkun konformi ma' linji gwida stretti. Dawk il-linji gwida għandhom jinkludu l-obbligu li jiġu rrispettati strettament it-tabelli standard tal-politika kreditizja fir-rigward tal-faxex (firxiet) tar-rati tal-imgħax skont il-maturità tas-self, il-valutazzjoni tar-riskju tal-kreditu tal-klijent, il-potenzjal tal-irkupru mistenni tal-kollateral mirhun (inkluż il-qafas taż-żmien għal likwidazzjoni potenzjali), ir-relazzjoni ġenerali mal-Bank (eż. il-livell u l-istabbiltà tad-depożiti, l-istruttura tal-miżati u attivitajiet oħrajn ta' bejgħ trasversali) u l-ispiża tal-finanzjament tal-Bank. Jiġu ġġenerati klassijiet speċifiċi ta' assi ta' self (eż. self kummerċjali, ipoteki, garantiti/mhux garantiti, eċċ.) u l-qafas tal-ipprezzar tagħhom jiġi strutturat f'tabella xierqa tal-Politika Kreditizja li għandha tiġi aġġornata fuq bażi regolari mill-Kumitat tal-Kreditu. Kwalunkwe eċċezzjoni għandha tkun debitament awtorizzata mill-Kumitat tal-Kreditu, jew f'livell aktar baxx ta' awtorità meta dan ikun permess mill-Politika Kreditizja. Tranżazzjonijiet imfassla apposta, bħal self sindakat jew finanzi ta' proġett, għandhom jirrispettaw l-istess prinċipji, billi tingħata attenzjoni xierqa lill-fatt li dawn jistgħu ma jadattawx tajjeb fit-tabelli standardizzati tal-politika kreditizja. Kwalunkwe ksur ta' dik il-politika dwar l-ipprezzar għandu jiġi rrapportat lit-Trustee tal-Monitoraġġ. |
(12) |
Id-Dipartiment tal-Ġestjoni tar-Riskji għandu jkun responsabbli mill-valutazzjoni tar-riskju ta' kreditu u mill-istima tal-kollateral. Meta jiġi biex jivvaluta l-kwalità tas-self, id-Dipartiment tal-Ġestjoni tar-Riskji għandu jaġixxi b'mod indipendenti, billi jipprovdi l-opinjoni tiegħu bil-miktub bil-għan li jiżgura li l-kriterji użati fil-valutazzjoni jiġu applikati b'mod konsistenti matul iż-żmien u fost il-klijenti u fir-rigward tal-politika kreditizja tal-Bank. |
(13) |
Fir-rigward tas-self lil individwi u entitajiet legali, għall-attivitajiet bankarji Griegi kollha, abbażi tal-aqwa prassi internazzjonali, il-Bank għandu japplika limiti individwali u aggregati stretti li jirregolaw l-ammont ta' self massimu li jista' jingħata għal riskju ta' kreditu wieħed (jekk dan ikun permess skont il-liġi Griega u tal-UE). Dawk il-limiti għandhom jieħdu f'kunsiderazzjoni l-maturità tas-self u l-kwalità ta' kwalunkwe kollateral/titolu pprovdut u għandhom jiġu stabbiliti fl-isfond ta' punti ta' riferiment ewlenin, inkluż il-kapital. |
(14) |
L-għoti tas-self (4) sabiex il-mutwatarji jkunu jistgħu jakkwistaw ishma jew strumenti ibridi tal-Bank u ta' banek oħrajn (5) għandu jiġi pprojbit, irrispettivament minn min ikunu dawk il-mutwatarji (6). Din id-dispożizzjoni għandha tapplika u tiġi ssorveljata fil-livell tal-Bank. |
(15) |
It-talbiet kollha għal self minn mutwatarji mhux konnessi akbar minn [[…] % tal-RWA tal-Bank] jew għal kwalunkwe self li jżomm l-espożizzjoni għal grupp wieħed (definit bħala grupp ta' mutwatarji konnessi li jirrappreżentaw riskju ta' kreditu waħdieni) ogħla minn [[…] % tal-RWA tal-Bank] għandhom jiġu rrapportati lit-Trustee tal-Monitoraġġ, li min-naħa tiegħu jista', jekk ma jidhirx li l-kundizzjonijiet ikunu ġew stabbiliti b'mod distakkat jew jekk ma tkunx ġiet ipprovduta biżżejjed informazzjoni lit-Trustee tal-Monitoraġġ, jipposponi l-għoti tal-linja ta' kreditu jew tas-self bi […] jiem tax-xogħol. F'każijiet ta' emerġenza, it-tali perjodu jista' jitnaqqas għal […] jum ta' ħidma sakemm tkun ingħatat informazzjoni biżżejjed mill-Fiduċjarju ta' Sorveljanza. Dak il-perjodu jippermetti lit-Trustee tal-Monitoraġġ jirrapporta l-każ lill-Kummissjoni u lill-HFSF qabel tittieħed kwalunkwe deċiżjoni definittiva mill-Bank. |
(16) |
Il-Politika Kreditizja għandha tagħti struzzjonijiet ċari dwar ir-ristrutturar tas-self. Hija tiddefinixxi b'mod ċar liema self huwa eliġibbli, taħt liema ċirkostanzi u tindika t-termini u l-kundizzjonijiet li jistgħu jiġu proposti lill-klijenti eliġibbli. Għall-attivitajiet bankarji Griegi kollha, il-Bank għandu jiżgura li r-ristrutturar kollu jimmira li jtejjeb l-irkupri futuri mill-Bank, sabiex b'hekk jiġi ssalvagwardjat l-interess tal-Bank. Il-politika dwar ir-ristrutturar f'ebda każ ma tipperikola l-profittabbiltà futura tal-Bank. Għal dak il-għan, id-Dipartiment tal-Ġestjoni tar-Riskji fi ħdan il-Bank għandu jkun responsabbli sabiex jiżviluppa u jiskjera mekkaniżmi adegwati ta' rapportar tal-effettività tar-ristrutturar, iwettaq analiżi profonda tal-aqwa prassi interni u/jew esterni, jirrapporta s-sejbiet tiegħu mill-inqas fuq bażi trimestrali lill-Kumitat tal-Kreditu u lill-Kumitat tar-Riskju tal-Bord, jissuġġerixxi titjib azzjonabbli għall-proċessi u l-politiki involuti u jissorvelja u jirrapporta l-implimentazzjoni tagħhom lill-Kumitat tal-Kreditu u lill-Kumitat tar-Riskju tal-Bord. |
(17) |
Għall-attivitajiet bankarji Griegi kollha, il-Bank għandu jippromulga politika ta' pretensjoni u litigazzjoni li jkollha l-għan li timmassimizza l-irkupru u li tipprevjeni kwalunkwe diskriminazzjoni jew trattament preferenzjali fl-immaniġġjar tal-litigazzjonijiet. Il-Bank għandu jiżgura li jittieħdu l-azzjonijiet kollha meħtieġa sabiex ikun jista' jimmassimizza l-irkupri għall-Bank u jipproteġi l-pożizzjoni finanzjarja tiegħu fit-tul. Kwalunkwe ksur fl-implimentazzjoni ta' dik il-politika għandu jiġi rrapportat lit-Trustee tal-Monitoraġġ. |
(18) |
Il-Bank għandu jissorvelja r-riskju ta' kreditu permezz ta' sett żviluppat sewwa ta' twissijiet u rapporti, li jippermettu lid-Dipartiment tal-Ġestjoni tar-Riskji: (i) jidentifika s-sinjali bikrija tal-indeboliment tas-self u l-avvenimenti ta' inadempjenza; (ii) jivvaluta l-potenzjal ta' rkupru tal-portafoll tas-self (inkluż iżda mhux limitat għal sorsi alternattivi ta' ħlas lura, bħal ko-debituri u garanti, kif ukoll il-kollateral mirhun jew disponibbli iżda mhux mirhun); (iii) jivvaluta l-espożizzjoni globali tal-Bank fuq bażi ta' klijent individwali jew ta' portafoll; u (iv) jipproponi azzjonijiet ta' korrezzjoni u titjib lill-Bord tad-Diretturi, skont kif meħtieġ. It-Trustee tal-Monitoraġġ għandu jingħata aċċess għal dik l-informazzjoni. |
Dispożizzjonijiet li japplikaw għall-mutwatarji konnessi
(19) |
Id-dispożizzjonijiet kollha li japplikaw għall-mutwatarji konnessi għandhom japplikaw fil-livell tal-Bank. |
(20) |
Fi ħdan il-Politika Kreditizja, għandha tiġi ddedikata taqsima speċifika għar-regoli li jirregolaw ir-relazzjonijiet mal-mutwatarji konnessi. Il-mutwatarji konnessi jinkludu impjegati, azzjonisti, diretturi, maniġers, kif ukoll il-konjugi, it-tfal u l-aħwa tagħhom, kif ukoll kwalunkwe entità legali kkontrollata direttament jew indirettament minn impjegati ewlenin (jiġifieri impjegati involuti fil-proċess tat-teħid tad-deċiżjonijiet tal-Politika Kreditizja), azzjonisti, diretturi jew maniġers jew il-konjugi, it-tfal u l-aħwa tagħhom. Permezz ta' estensjoni, kwalunkwe istituzzjoni pubblika jew organizzazzjoni kkontrollata mill-gvern, kwalunkwe kumpanija pubblika jew aġenzija tal-gvern għandha titqies bħala mutwatarja konnessa. Il-partiti politiċi għandhom jiġu ttrattati wkoll bħala mutwatarji konnessi fil-Politika Kreditizja. Għandha ssir enfasi partikolari fuq id-deċiżjonijiet li jirrigwardjaw kwalunkwe ristrutturar u tniżżil fil-valur tas-self lil impjegati, diretturi, azzjonisti u maniġers attwali jew preċedenti, u qraba tagħhom, kif ukoll fuq il-politiki segwiti fl-adegwatezza, fl-evalwazzjoni u fir-reġistrazzjoni tal-ipoteki u l-esklużjoni tal-kollateral tas-self. Id-definizzjoni ta' mutwatarji konnessi kompliet tiġi speċifikata f'dokument separat. |
(21) |
Id-Dipartiment tal-Ġestjoni tar-Riskji għandu jkun responsabbli għall-immappjar tal-gruppi konnessi kollha ta' mutwatarji li jirrappreżentaw riskju ta' kreditu waħdieni bil-għan li jissorveljaw kif suppost il-konċentrazzjoni tar-riskju ta' kreditu. |
(22) |
Fir-rigward tas-self lil individwi u entitajiet legali, il-Bank, fuq il-bażi tal-aqwa prassi internazzjonali, japplika limiti individwali u aggregati stretti li jirregolaw l-ammont ta' self massimu li jista' jingħata għal riskju ta' kreditu wieħed li jkun relatat mal-mutwatarji konnessi (jekk dan ikun permess skont il-liġi Griega u tal-UE). |
(23) |
Il-Bank għandu jissorvelja separatament l-espożizzjoni tiegħu għall-mutwatarji konnessi, inklużi entitajiet fis-settur pubbliku u partiti politiċi. Il-produzzjoni ġdida tas-self (7) lil mutwatarji konnessi (% annwali ta' stokk Y – 1 (8)) ma għandhiex tkun ogħla mill-produzzjoni ġdida tal-portafoll tas-self totali fil-Greċja (% annwali tal-istokk Y – 1). Dak l-Impenn għandu jiġi rrispettat separatament għal kull tip ta' mutwatarju konness (impjegati, azzjonisti, maniġers, entitajiet pubbliċi, partit politiku). Il-valutazzjoni tal-kreditu tal-mutwatarji konnessi, kif ukoll il-kundizzjonijiet tal-ipprezzar u r-ristrutturar possibbli offrut lilhom, ma għandhomx ikunu aktar vantaġġjużi meta mqabbla mal-kundizzjonijiet offruti lil mutwatarji simili iżda mhux konnessi, sabiex b'hekk jiġu assigurati kundizzjonijiet ekwi fl-ekonomija Griega. Dak l-obbligu ma japplikax għall-iskemi ġenerali eżistenti li minnhom jibbenifikaw l-impjegati, li joffrulhom self issussidjat. Il-Bank għandu jirrapporta kull xahar dwar l-evoluzzjoni ta' dik l-espożizzjoni, l-amont tal-produzzjoni ġdida u t-talbiet riċenti akbar minn [[…] % tal-RWA tal-Bank] li għandhom jiġu indirizzati waqt il-laqgħa tal-kumitat tal-Kreditu. |
(24) |
Il-kriterji tal-kreditu applikati għall-impjegati/maniġers/azzjonisti ma għandhomx ikunu inqas stretti minn dawk applikati għal mutwatarji mhux konnessi oħrajn. Jekk l-espożizzjoni tal-kreditu totali għal impjegat/maniġer/azzjonist wieħed taqbeż ammont ugwali għal [[…]] ta' salarju fiss għas-self garantit u ammont ugwali għal [[…]] ta' salarju fiss għas-self mhux garantit, l-espożizzjoni għandha tiġi rrapportata fil-pront lit-Trustee tal-Monitoraġġ, li min-naħa tiegħu jista' jintervjeni u jipposponi l-għoti tas-self skont il-proċedura deskritta fil-paragrafu (25) tal-Kapitolu III tal-Impenji. |
(25) |
It-talbiet kollha għas-self mingħand dawk li jisselfu konnessi, iktar minn [[…] % tal-assi mwieżna għar-riskju tal-Bank] jew kwalunkwe self li jżomm l-espożizzjoni għal grupp wieħed (definit bħala grupp ta' dawk li jisselfu konnessi li jirrappreżentaw riskju ta' kreditu wieħed) ogħla minn [[…] % tal-assi mwieżna għar-riskju tal-Bank] għandhom jiġu rrappurtati lill-Fiduċjarju ta' Sorveljanza, li jekk il-kundizzjonijiet ma jidhrux li huma stabbiliti b'mod indipendenti jew jekk ma tkunx ingħatat informazzjoni biżżejjed lill-Fiduċjarju ta' Sorveljanza, jistgħu jipposponu l-għoti tal-linja ta' kreditu jew is-self b'[…] jum ta' ħidma. F'każijiet ta' emerġenza, it-tali perjodu jista' jitnaqqas għal […] jum ta' ħidma sakemm tkun ingħatat informazzjoni biżżejjed mill-Fiduċjarju ta' Sorveljanza. Dak il-perjodu jippermetti lit-Trustee tal-Monitoraġġ jirrapporta l-każ lill-Kummissjoni u lill-HFSF qabel tittieħed kwalunkwe deċiżjoni definittiva mill-Bank. |
(26) |
Ir-ristrutturar tas-self li jinvolvi mutwatarji konnessi għandu jikkonforma mal-istess rekwiżiti applikabbli għall-mutwatarji mhux konnessi. Barra minn hekk, l-oqfsa u l-politiki stabbiliti li jittrattaw l-assi danneġġati għandhom jiġu vvalutati u mtejba, jekk ikun meħtieġ. Madankollu, huwa mistenni li s-self ristrutturat tal-mutwatarji konnessi jiġi rrapportat separatament, mill-inqas għal kull klassi tal-assi ta' self u għal kull tip ta' mutwatarju konness. |
Taqsima C: Restrizzjonijiet oħrajn
(27) Projbizzjoni fuq id-Dividendi, il-Kupuni, ir-Riakkwist, is-Sejħa u x-Xiri Lura : Sakemm il-Kummissjoni ma taqbilx mod ieħor għal eżenzjoni, ir-Repubblika Ellenika timpenja li:
a. |
Il-Bank ma għandux iħallas kupuni fuq strumenti kapitali ibridi (jew kwalunkwe strumenti oħrajn li l-ħlas b'kupuni għalihom huwa diskrezzjonarju) jew dividendi fuq strumenti ta' fondi proprji u strumenti ta' dejn subordinat, ħlief meta jkun hemm obbligu legali li jsir dan. […] Il-Bank ma għandux jirrilaxxa riżervi sabiex ipoġġi lilu nnifsu f'pożizzjoni bħal din. F'każ ta' dubju dwar jekk, għall-finijiet tal-Impenn preżenti, jeżistix obbligu legali, il-Bank għandu jissottometti l-ħlas propost b'kupun jew dividend lill-Kummissjoni għall-approvazzjoni tagħha; |
b. |
Il-Bank ma għandux jirriakkwista kwalunkwe mill-ishma tiegħu stess jew jeżerċita opzjoni eżerċitabbli fir-rigward ta' dawk l-istrumenti ta' fondi proprja u l-istrumenti ta' dejn subordinat; |
c. |
Il-Bank ma għandux jixtri lura strumenti kapitali ibridi. |
(28) Projbizzjoni fuq l-Akkwiżizzjonijiet : Ir-Repubblika Ellenika timpenja li l-Bank ma għandu jikseb ebda sehem f'ebda impriża, kemm jekk ikun assi jew trasferiment ta' ishma. Dik il-projbizzjoni fuq l-akkwiżizzjonijiet tkopri kemm impriża li għandha l-forma legali ta' kumpanija, kif ukoll kwalunkwe pakkett ta' assi li jifforma negozju (9).
i. Eżenzjoni li teħtieġ l-approvazzjoni minn qabel tal-Kummissjoni : Minkejja dik il-projbizzjoni, il-Bank jista', wara li jikseb l-approvazzjoni tal-Kummissjoni u, fejn xieraq, fuq proposta tal-HFSF, jakkwista negozji u impriżi jekk, f'ċirkostanzi eċċezzjonali, dan ikun neċessarju sabiex titreġġa' lura l-istabbiltà finanzjarja jew sabiex tiġi żgurata l-kompetizzjoni effettiva.
ii. Eżenzjoni li ma teħtieġx l-approvazzjoni minn qabel tal-Kummissjoni : Il-Bank jista' jikseb ishma f'impriżi, bil-kundizzjoni li:
a. |
Il-prezz tax-xiri mħallas mill-Bank għal kwalunkwe akkwiżizzjoni jkun inqas minn [[…] %] tad-daqs tal-karta bilanċjali (10) tal-Bank fid-Data Effettiva tal-Impenji (11); u |
b. |
Il-prezzijiet tax-xiri kumulattivi mħallsa mill-Bank għal dawn l-akkwisti kollha li jibdew mid-Data tad-Dħul fis-Seħħ tal-Impenju sa tmiem il-perjodu ta' ristrutturar, huma inqas minn [[…] %] tad-daqs tal-karta tal-bilanċ tal-Bank fid-Data tad-Dħul fis-Seħħ tal-Impenji. |
iii. Attivitajiet li ma jaqgħux taħt il-projbizzjoni fuq l-akkwiżizzjoni : Il-projbizzjoni tal-akkwist ma għandhiex tkopri akkwisti li jseħħu fil-kors ordinarju tan-negozju bankarju fil-ġestjoni ta' pretensjonijiet eżistenti lejn ditti f'diffikultà.
(29) Projbizzjoni fuq ir-reklamar : Ir-Repubblika Ellenika timpenja li l-Bank għandu joqgħod lura minn reklamar li jirreferi għall-appoġġ mill-Istat u milli jadotta strateġiji kummerċjali aggressivi li ma jistgħux iseħħu mingħajr l-appoġġ tar-Repubblika Ellenika.
KAPITOLU IV. TRUSTEE TAL-MONITORAĠĠ
(1) |
Ir-Repubblika Ellenika timpenja li l-Bank għandu jemenda u jestendi l-mandat tat-Trustee tal-Monitoraġġ approvat mill-Kummissjoni u maħtur mill-Bank fis-16 ta' Jannar 2013 sal-aħħar tal-perjodu tar-ristrutturar. Il-Bank għandu jwessa' wkoll il-kamp ta' applikazzjoni ta' dak il-mandat sabiex jinkorpora l-monitoraġġ (i) tal-pjan ta' ristrutturar u (ii) tal-Impenji kollha stipulati f'dan il-katalogu. |
(2) |
Erba' ġimgħat wara d-Data Effettiva tal-Impenji, ir-Repubblika Ellenika għandha tissottometti lill-Kummissjoni t-termini sħaħ tal-mandat emendat, li għandhom jinkludu d-dispożizzjonijiet kollha meħtieġa sabiex jippermettu lit-Trustee tal-Monitoraġġ jissodisfa d-doveri tiegħu skont dawk l-Impenji. |
(3) |
Id-dispożizzjonijiet addizzjonali dwar it-Trustee tal-Monitoraġġ huma speċifikati f'dokument separat. |
Is-Segretarju Ġenerali
Christina PAPAKONSTANTINOU
(1) Regolament tal-Kunsill (KE) Nru 659/1999 tat-22 ta' Marzu 1999 li jistabbilixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (ĠU L 83, 27.3.1999, p. 1).
(2) Dan l-ammont ma jinkludi ebda spiża ta' TEKE/Skelos Exygiansis (skema għar-riżoluzzjoni tal-banek).
(3) Dan ma japplikax għall-bejgħ ta' proprjetà immobbli, f'liema każ il-Bank jista' jipprovdi finanzjament lill-Akkwirent, jekk dan is-self ġdid isir b'konformità ma' prattika tas-self prudenti. Għall-finijiet tal-verifika tal-konformità mal-impenn fuq id-diżingranaġġ ta' assi mhux Griegi, għandu jiġi kkunsidrat kwalunkwe self ġdid li jaqa' taħt id-definizzjoni ta' assi mhux Griegi.
(4) Għall-fini ta' dak l-Impenn, it-terminu “self” għandu jiġi interpretat largo sensu, bħal kwalunkwe tip ta' finanzjament, eż. faċilità ta' kreditu, garanzija, eċċ.
(5) Għall-finijiet ta' kjarifika, it-terminu “banek oħrajn” jirreferi għal kwalunkwe bank — istituzzjoni finanzjarja fid-dinja.
(6) Għall-finijiet ta' kjarifika, il-mutwatarji kollha, inklużi l-klijenti bankarji privati tal-Bank, huma koperti minn dak l-Impenn.
(7) Għall-finijiet ta' kjarifika, il-produzzjoni ġdida tas-self tkopri wkoll ir-rifinanzjament tas-self u r-ristrutturar tas-self eżistenti.
(8) Għall-finijiet ta' kjarifika, “% annwali ta' stokk Y-1” tirreferi għall-produzzjoni ġdida bħala perċentwal tal-istokk fi tmiem is-sena preċedenti. L-ammont ta' RWA huwa dak li jiġi kkalkolat fl-aħħar tas-sena.
(9) Għall-finijiet ta' kjarifika u ta' dak l-Impenn, in-negozju tal-Ekwità Privata/Kapital ta' Riskju tal-Bank għandu jiġi eskluż mill-kamp ta' applikazzjoni ta' dak l-Impenn. F'dak ir-rigward, il-Bank għandu jagħmel talba formali lill-Kummissjoni, li għandha tinkludi pjan ta' direzzjoni tan-negozju għal dik l-entità.
(10) Għall-finijiet ta' kjarifika u ta' dak l-Impenn, id-daqs tal-karta bilanċjali huwa ugwali għall-assi totali tal-Bank.
(11) Għall-finijiet ta' kjarifika, f'każ li l-approvazzjoni tal-Kummissjoni sabiex titneħħa l-projbizzjoni fuq l-akkwiżizzjonijiet tinkiseb skont il-punt i., tal-paragrafu (28), Chapter III tal-Impenji, il-karta bilanċjali tal-Bank fid-Data Effettiva tal-Impenji għandha tiġi kkalkolata sabiex jiġu inklużi wkoll l-assi tal-entitajiet akkwistati jew l-assi akkwistati fid-data tal-akkwiżizzjoni.
Appendix I
IL-PROJEZZJONIJIET MAKROEKONOMIĊI GĦALL-OPERAZZJONIJIET DOMESTIĊI GRIEGI
% ta' tkabbir annwali (sakemm ma jiġix iddikjarat mod ieħor) |
2012 |
2013 |
2014 |
2015 |
2016 |
2017 |
Rata ta' tkabbir kumulattiv għall-perjodu 2013-2017 |
PDG reali |
– 6,4 |
– 4,2 |
0,6 |
2,9 |
3,7 |
3,5 |
6,4 |
Tkabbir tas-self nominali Greċja |
– 6,4 |
– 4,2 |
0,6 |
2,9 |
3,7 |
3,5 |
6,4 |
Deflatur tal-PDG |
– 0,8 |
– 1,1 |
– 0,4 |
0,4 |
1,1 |
1,3 |
1,3 |
Il-prezzijiet tal-proprjetà |
– 11,7 |
– 10 |
– 5 |
0 |
2 |
3,5 |
|
Introjtu disponibbli nominali tal-unitajiet domestiċi |
– 8,8 |
– 9,5 |
– 0,3 |
– 0,4 |
2,6 |
3,6 |
– 4,5 |
Depożiti fis-Settur Privat |
– 7 |
1,3 |
1 |
3,4 |
5 |
5 |
16,6 |
Il-qgħad (%) |
24,2 |
27 |
26 |
24 |
21 |
18,6 |
|
Ir-rata ta' rifinanzjament mill-BĊE (%) |
0,75 |
0,5 |
0,5 |
1 |
1,5 |
1,75 |
|
Il-quċċata tal-formazzjoni tal-NPL |
|
|
2H2014 |
|
|
|
|
3 xhur ta' Euribor (medja, %) |
|
0,24 |
0,43 |
0,75 |
1,25 |
1,80 |
|
Aċċess għas-swieq kapitali — repos |
|
IVA-Ebda Limitu Massimu |
|
||||
Aċċess għas-suq kapitali — kopert/prijoritarju mhux assigurat |
|
IVA — sa EUR 500 miljun kull wieħed |
IVA — sa EUR 1 biljun kull wieħed |
IVA — Ebda Limitu Massimu |
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
10.7.2015 |
MT |
Il-Ġurnal Uffiċjali tal-Unjoni Ewropea |
L 183/91 |
It-testi oriġinali tan-NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament għandhom jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html.
Ir-Regolament Nru 95 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni tal-vetturi fir-rigward tal-protezzjoni tal-okkupanti fil-każ ta' kolliżjoni laterali [2015/1093]
Jinkorpora t-test validu kollu sa:
Suppliment 4 tas-serje ta' emendi 03 — Data tad-dħul fis-seħħ: l-10 ta' Ġunju 2014
WERREJ
REGOLAMENT
1. |
Kamp ta' applikazzjoni |
2. |
Definizzjonijiet |
3. |
Applikazzjoni għall-approvazzjoni |
4. |
Approvazzjoni |
5. |
Speċifikazzjonijiet u testijiet |
6. |
Modifika tat-tip ta' vettura |
7. |
Konformità tal-produzzjoni |
8. |
Penali għan-nuqqas ta' konformità tal-produzzjoni |
9. |
Produzzjoni mwaqqfa għalkollox |
10. |
Dispożizzjonijiet tranżitorji |
11. |
Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip |
ANNESSI
1 |
Komunikazzjoni |
2 |
Arranġamenti tal-marka tal-approvazzjoni |
3 |
Proċedura biex jiġu ddeterminati l-punt “H” u l-angolu effettiv tat-torso għall-pożizzjonijiet bil-qiegħda fil-vetturi bil-magna |
4 |
Proċedura tat-test ta' kolliżjoni |
5 |
Karatteristiċi tal-ostaklu mobbli deformabbli |
6 |
Deskrizzjoni teknika tal-manikin tal-impatt laterali |
7 |
Installazzjoni tal-manikin tal-impatt laterali |
8 |
Test parzjali |
9 |
Proċeduri tat-test għall-protezzjoni, tal-okkupanti ta' vetturi li jaħdmu bl-enerġija elettrika, minn vultaġġ għoli u minn tixrid tal-elettrolit |
1. KAMP TA' APPLIKAZZJONI
Dan ir-Regolament japplika għall-komportament f'kolliżjoni laterali tal-istruttura tal-kompartiment tal-passiġġieri tal-vetturi tal-kategoriji M1 u N1 (1), fejn il-punt “R” tal-aktar sit baxx ma jkunx aktar minn 700 mm mil-livell tal-art, meta l-vettura tkun fil-kundizzjoni korrispondenti għall-massa ta' referenza ddefinita fil-paragrafu 2.10 ta' dan ir-Regolament.
2. DEFINIZZJONIJIET
Għall-finijiet ta' dan ir-Regolament:
2.1. |
“Approvazzjoni ta' vettura” tfisser l-approvazzjoni tat-tip ta' vettura fir-rigward tal-komportament tal-istruttura tal-kompartiment tal-passiġġieri f'każ ta' kolliżjoni laterali. |
2.2. |
“Tip ta' vettura” tfisser kategorija ta' vetturi bil-magna li ma jvarjawx f'tali aspetti essenzjali bħal:
|
2.3. |
“Kompartiment tal-passiġġieri” tfisser l-ispazju għall-akkomodazzjoni tal-okkupanti, magħluq permezz tas-saqaf, l-art, il-ħitan tal-ġnub, il-bibien, it-twieqi ta' barra u l-paratija ta' quddiem (front bulkhead) u l-pjan tad-diviżjoni tal-kompartiment ta' wara jew il-pjan tal-appoġġ tad-dahar tas-sit ta' wara.
|
2.4. |
Il-“punt R” jew il-“punt ta' referenza għas-sits” tfisser il-punt ta' referenza speċifikat mill-manifattur tal-vettura li:
|
2.5. |
Il-“punt H” huwa kif stabbilit mill-Anness 3 ta' dan ir-Regolament. |
2.6. |
“Kapaċità tat-tank tal-fjuwil” tfisser il-kapaċità tat-tank tal-fjuwil kif speċifikata mill-manifattur tal-vettura. |
2.7. |
“Pjan trasversali” tfisser pjan vertikali perpendikulari għall-pjan medjan lonġitudinali vertikali tal-vettura. |
2.8. |
“Sistema ta' protezzjoni” tfisser apparati maħsuba biex irażżnu u/jew jipproteġu lill-okkupanti tal-vettura. |
2.9. |
“Tip ta' sistema ta' protezzjoni” tfisser kategorija ta' apparati ta' protezzjoni li ma jvarjawx f'aspetti essenzjali tagħhom bħal:
|
2.10. |
“Massa ta' referenza” tfisser il-massa mingħajr tagħbija tal-vettura miżjuda b'massa ta' 100 kg (jiġifieri l-massa tal-manikin tal-impatt laterali u l-istrumentazzjoni tiegħu). |
2.11. |
“Massa mingħajr tagħbija” tfisser il-massa f'kundizzjoni ta' sewqan mingħajr sewwieq, passiġġieri jew tagħbija, imma bit-tank tal-fjuwil mimli sa 90 fil-mija tal-kapaċità tiegħu u s-sett normali ta' għodod u l-istepni fuq il-vettura, fejn dan ikun applikabbli. |
2.12. |
“Ostaklu mobbli deformabbli” tfisser l-apparat li bih tintlaqat il-vettura tat-test. Dan huwa magħmul minn troli u impattur. |
2.13. |
“Impattur” tfisser sezzjoni li titgħaffeġ immuntata fuq in-naħa ta' quddiem tal-ostaklu mobbli deformabbli. |
2.14. |
“Troli” tfisser qafas bir-roti liberu li jitmexxa fuq l-assi lonġitudinali tiegħu fil-punt tal-impatt. Il-parti ta' quddiem tiegħu ssostni l-impattur. |
2.15. |
“Vultaġġ għoli” tfisser il-klassifikazzjoni ta' komponent jew ċirkwit elettriku diment li l-vultaġġ operattiv tiegħu ikun > 60 V u ≤ 1 500 V b'kurrent dirett (DC) jew > 30 V u ≤ 1 000 V b'kurrent alternat (AC) root — mean — square (rms). |
2.16. |
“Sistema ta' ħażna ta' enerġija rikarikabbli (REESS)” tfisser is-sistema ta' ħażna ta' enerġija rikarikabbli li tipprovdi enerġija elettrika għall-propulsjoni. |
2.17. |
“Ostaklu għall-protezzjoni elettrika” tfisser il-parti li tipprovdi l-protezzjoni mill-kuntatt dirett mal-partijiet “live” ta' vultaġġ għoli. |
2.18. |
“Sistema tal-motopropulsjoni elettrika” tfisser iċ-ċirkwit elettriku li jinkludi l-mutur(i) tat-trazzjoni, u jista' jinkludi wkoll ir-REESS, is-sistema tal-konverżjoni tal-enerġija elettrika, il-konvertituri elettroniċi, il-kablaġġ u l-konnetturi assoċjati, u s-sistema tal-akkoppjament biex tiġi ċċarġjata r-REESS. |
2.19. |
“Partijiet live” tfisser il-parti(jiet) konduttiva/i maħsuba biex jiġu enerġizzati elettrikament fl-użu normali. |
2.20. |
“Parti konduttiva esposta” tfisser il-parti konduttiva li tista' tintmiss skont id-dispożizzjoniet tal-grad ta' protezzjoni IPXXB, u li tiġi enerġizzata elettrikament f'kundizzjonijiet ta' nuqqas ta' iżolament. Din tinkludi partijiet taħt għata li tista' titneħħa mingħajr għodda. |
2.21. |
“Kuntatt dirett” tfisser il-kuntatt ta' persuni ma' partijiet “live” b'voltaġġ għoli. |
2.22. |
“Kuntatt indirett” tfisser il-kuntatt ta' persuni ma' partijiet konduttivi esposti. |
2.23. |
“Grad ta' protezzjoni IPXXB” tfisser il-protezzjoni minn kuntatt ma' partijiet “live” b'vultaġġ għoli provduta minn ostaklu jew kaxxa għall-protezzjoni elettrika u li tiġi ttestjata permezz ta' Suba' tat-Test Artikolat (Jointed Test Finger) (grad IPXXB) kif deskritt fil-paragrafu 4 tal-Annex 9. |
2.24. |
“Vultaġġ operattiv” tfisser l-ogħla valur tal-vultaġġ root-mean-square (rms) ta' ċirkwit elettriku speċifikat mill-manifattur, li jista' jkun hemm bejn il-partijiet konduttivi f'kundizzjonijiet ta' ċirkwit miftuħ jew f'kundizzjonijiet ta' tħaddim normali. Jekk iċ-ċirkwit elettriku jkun diviż permezz ta' iżolazzjoni galvanika, il-vultaġġ operattiv jiġi ddefinit għal kull ċirkwit diviż, rispettivament. |
2.25. |
“Sistema ta' akkoppjament biex tiġi ċċarġjata s-sistema ta' ħażna ta' enerġija rikarikabbli (REESS)” tfisser iċ-ċirkwit elettriku użat biex tiġi ċċarġjata r-REESS minn provvista esterna tal-enerġija elettrika inkluża l-plakka tal-vettura. |
2.26. |
“Xażi elettriku” tfisser sett magħmul minn partijiet konduttivi konnessi flimkien bl-elettriku, li l-potenzjal elettriku tiegħu jittieħed bħala referenza. |
2.27. |
“Ċirkwit elettriku” tfisser assemblaġġ ta' partijiet “live” b'vultaġġ għoli, konnessi flimkien, iddisinjat biex ikun enerġizzat elettrikament waqt it-tħaddim normali. |
2.28. |
“Sistema ta' konverżjoni tal-enerġija elettrika” tfisser sistema (eż. ċellula tal-fjuwil) li tiġġenera u tipprovdi l-enerġija elettrika għall-propulsjoni elettrika. |
2.29. |
“Konvertitur elettroniku” tfisser apparat li jista' jikkontrolla u/jew jikkonverti l-enerġija elettrika għall-propulsjoni elettrika. |
2.30. |
“Kaxxa” tfisser il-parti li tagħlaq l-unitajiet interni u li tipprovdi protezzjoni minn kwalunkwe kuntatt dirett. |
2.31. |
“Assemblaġġ b'vultaġġ għoli” tfisser iċ-ċirkwit elettriku, inkluża s-sistema ta' akkoppjament biex tiġi ċċarġjata r-REESS li titħaddem b'vultaġġ għoli. |
2.32. |
“Iżolatur solidu” tfisser il-kisja ta' iżolazzjoni tal-kablaġġ, ipprovduta sabiex tgħatti u tipprevjeni l-partijiet “live” b'vultaġġ għoli minn kwalunkwe kuntatt dirett. Dan jinkludi l-kisi għall-iżolazzjoni tal-partijiet “live” b'vultaġġ għoli tal-konnetturi, kif ukoll il-verniċ jew iż-żebgħa għall-fini ta' iżolament. |
2.33. |
“Skonnettur awtomatiku” tfisser apparat li meta jitħaddem, jissepara galvanikament is-sorsi ta' enerġija elettrika mill-bqija taċ-ċirkwit b'vultaġġ għoli tas-sistema tal-motopropulsjoni elettrika. |
2.34. |
“Batterija ta' trazzjoni tat-tip miftuħa” tfisser tip ta' batterija li taħdem bil-likwidu u li tiġġenera l-gass tal-idroġenu rilaxxat fl-atmosfera. |
2.35. |
“Sistema tal-illokkjar tal-bieb attivata awtomatikament” tfisser sistema li tillokkja l-bibien awtomatikament b'veloċità stabbilita minn qabel jew fi kwalunkwe kundizzjoni oħra kif definit mill-manifattur. |
3. APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni tat-tip ta' vettura fir-rigward tal-protezzjoni tal-okkupanti fil-każ ta' kolliżjoni laterali għandha tiġi ppreżentata mill-manifattur tal-vettura jew mir-rappreżentant akkreditat tiegħu.
3.2. Din għandha tkun akkumpanjata mid-dokumenti msemmija hawn taħt, fi tliet kopji, u mid-dettalji li ġejjin:
3.2.1. |
Deskrizzjoni dettaljata tat-tip ta' vettura fir-rigward tal-istruttura, id-dimensjonijiet, il-linji u l-materjali kostitwenti tagħha; |
3.2.2. |
Ritratti u/jew dijagrammi u disinji ta' vettura li juru t-tip tal-vettura b'elevazzjoni minn quddiem, mill-ġenb u minn wara u d-dettalji tad-disinn tal-parti laterali tal-istruttura; |
3.2.3. |
Dettalji tal-massa tal-vettura kif iddefiniti mill-paragrafu 2.11 ta' dan ir-Regolament; |
3.2.4. |
Il-linji u d-dimensjonijiet ta' ġewwa tal-kompartiment tal-passiġġieri; |
3.2.5. |
Deskrizzjoni tal-fittings tal-intern tal-ġenb rilevanti u tas-sistemi ta' protezzjoni installati fil-vettura; |
3.2.6. |
Deskrizzjoni ġenerali tat-tip tas-sors ta' enerġija elettrika, il-post u s-sistema tal-motopropulsjoni elettrika (eż. ibrida, elettrika). |
3.3. L-applikant għall-approvazzjoni għandu jkun intitolat li jippreżenta kwalunkwe dejta u riżultati ta' testijiet imwettqa li jagħmluha possibbli li jiġi stabbilit, bi grad suffiċjenti ta' preċiżjoni, li l-vetturi prototipi jistgħu jissodisfaw ir-rekwiżiti meħtieġa.
3.4. Vettura li tirrappreżenta t-tip li għandu jiġi approvat għandha titressaq lis-Servizz Tekniku responsabbli għat-twettiq tat-testijiet tal-approvazzjoni.
3.4.1. Vettura li ma tinkludix il-komponenti kollha xierqa għat-tip tista' tiġi aċċettata għat-testijiet kemm-il darba jista' jintwera li n-nuqqas tal-komponenti mhux inklużi ma għandu l-ebda effett detrimentali fuq il-prestazzjoni preskritta fir-rekwiziti ta' dan ir-Regolament.
3.4.2. Għandha tkun ir-responsabbiltà tal-applikant għall-approvazzjoni li juri li l-applikazzjoni tal-paragrafu 3.4.1 ta' hawn fuq hija konformi mar-rekwiżiti ta' dan ir-Regolament.
4. APPROVAZZJONI
4.1. Jekk it-tip ta' vettura mressqa għall-approvazzjoni skont dan ir-Regolament jissodisfa r-rekwiżiti tal-paragrafu 5 ta' hawn taħt, għandha tingħata l-approvazzjoni għal dak it-tip tal-vettura.
4.2. F'każ ta' dubju, meta tkun qed tiġi vverifikata l-konformità tal-vettura mar-rekwiżiti ta' dan ir-Regolament, għandu jittieħed kont ta' kwalunkwe dejta jew ta' riżultati ta' testijiet ipprovduti mill-manifattur li jistgħu jitqiesu fil-validazzjoni tat-test tal-approvazzjoni mwettaq mis-Servizz Tekniku.
4.3. Għandu jiġi assenjat numru tal-approvazzjoni għal kull tip approvat. L-ewwel żewġ ċifri tiegħu (bħalissa 03 li jikkorrispondi għas-serje ta' emendi 03) għandhom jindikaw is-serje ta' emendi li jinkorporaw l-emendi tekniċi l-aktar reċenti u importanti magħmula għar-Regolament fiż-żmien tal-ħruġ tal-approvazzjoni. L-istess Parti Kontraenti ma tistax tagħti l-istess numru ta' approvazzjoni lil tip ieħor ta' vettura.
4.4. Notifika ta' approvazzjoni jew ta' estensjoni jew ta' rifjut ta' approvazzjoni ta' tip ta' vettura skont dan ir-Regolament għandha tiġi kkomunikata lill-Partijiet għall-Ftehim li japplikaw dan ir-Regolament permezz ta' formula konformi mal-mudell fl-Anness 1 ta' dan ir-Regolament, flimkien ma' ritratti u/jew dijagrammi u disinji pprovduti mill-applikant għall-approvazzjoni, f'format mhux akbar minn A4 (210 × 297 mm) jew mitwijin għal dak il-format u fuq skala xierqa.
4.5. Għandha titwaħħal marka ta' approvazzjoni internazzjonali, fejn tidher u f'post li jkun faċilment aċċessibbli kif speċifikat fil-formula tal-approvazzjoni, ma' kull vettura li tikkonforma mat-tip ta' vettura approvat skont dan ir-Regolament, li tkun magħmula minn:
4.5.1. |
Ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni (2); |
4.5.2. |
In-numru ta' dan ir-Regolament, segwit mill-ittra “R”, sing u n-numru tal-approvazzjoni, fuq il-lemin taċ-ċirku kif preskritt fil-paragrafu 4.5.1 ta' hawn fuq. |
4.6. Jekk il-vettura tikkonforma ma' tip ta' vettura approvat skont Regolament ieħor jew Regolamenti oħra annessi mal-Ftehim, fil-pajjiż li ta l-approvazzjoni skont dan ir-Regolament, is-simbolu preskritt fil-paragrafu 4.5.1 ta' hawn fuq ma għandux għalfejn jiġi ripetut; f'dak il-każ, in-numri tar-Regolament u tal-approvazzjoni flimkien mas-simboli addizzjonali tar-Regolamenti kollha li skonthom ingħatat l-approvazzjoni skont dan ir-Regolament għandhom jitqiegħdu f'kolonni vertikali fuq in-naħa tal-lemin tas-simbolu preskritt fil-paragrafu 4.5.1 ta' hawn fuq.
4.7. Il-marka tal-approvazzjoni għandha tkun tinqara b'mod ċar u ma tkunx tista' titħassar.
4.8. Il-marka tal-approvazzjoni għandha titqiegħed qrib ta' jew fuq il-pjanċa tad-dejta tal-vettura mwaħħla mill-manifattur.
4.9. L-Anness 2 ta' dan ir-Regolament jagħti eżempji ta' marki tal-approvazzjoni.
5. SPEĊIFIKAZZJONIJIET U TESTIJIET
5.1. Il-vettura għandha tgħaddi minn test skont l-Anness 4 ta' dan ir-Regolament.
5.1.1. It-test għandu jitwettaq fuq in-naħa tas-sewwieq sakemm strutturi asimetriċi tal-ġenb, jekk hemm, ma jkunux tant differenti li jaffetwaw il-prestazzjoni f'impatt laterali. F'dak il-każ waħda jew l-oħra mill-alternattivi fil-paragrafu 5.1.1.1 jew 5.1.1.2 jistgħu jintużaw bi ftehim bejn il-manifattur u l-Awtorità tal-Approvazzjoni tat-Tip.
5.1.1.1. Il-manifattur għandu jipprovdi lill-awtorità responsabbli għall-approvazzjoni b'informazzjoni rigward il-kompatibilità ta' prestazzjonijiet imqabbla man-naħa tas-sewwieq meta t-test ikun qed jitwettaq fuq dik in-naħa.
5.1.1.2. L-Awtorità tal-Approvazzjoni tat-Tip, jekk tkun ikkonċernata dwar il-kostruzzjoni tal-vettura, għandha tiddeċiedi li t-test isir fuq in-naħa opposta tas-sewwieq, minħabba li din titqies bħala l-inqas favorevoli.
5.1.2. Is-Servizz Tekniku, wara konsultazzjoni mal-manifattur, jista' jesiġi li t-test jitwettaq bis-sit f'pożizzjoni oħra differenti minn dik indikata fil-paragrafu 5.5.1 tal-Anness 4. Din il-pożizzjoni għandha tiġi indikata fir-rapport tat-test (3).
5.1.3. Ir-riżultat ta' dan it-test għandu jitqies sodisfaċenti jekk il-kundizzjonijiet stabbiliti fil-paragrafi 5.2 u 5.3 ta' hawn taħt jiġu ssodisfati.
5.2. Kriterji tal-prestazzjoni
Barra minn hekk, il-vetturi mgħammra b'sistema tal-motopropulsjoni elettrika għandhom jissodisfaw ir-rekwiżiti tal-paragrafu 5.3.7 ta' hawn taħt. Dan jista' jsir permezz ta' test tal-impatt separat fuq talba tal-manifattur u wara l-validazzjoni mis-Servizz Tekniku, u dan kemm-il darba l-komponenti elettriċi ma jinfluwenzawx il-livell ta' protezzjoni tal-okkupant tat-tip ta' vettura kif definit fil-paragrafi minn 5.2.1 sa 5.3.5 ta' dan ir-Regolament. F'każ li l-kundizzjoni tkun tali, ir-rekwiżiti tal-paragrafu 5.3.7 għandhom jiġu ċċekkjati skont il-metodi stabbiliti fl-Anness 4 ta' dan ir-Regolament, għajr għall-paragrafi 6 u 7 u l-Appendiċi 1 u 2. Iżda l-manikin tal-impatt laterali għandu jkun installat fis-sit ta' quddiem fuq in-naħa tal-impatt.
5.2.1. Il-kriterji tal-prestazzjoni, kif iddeterminati għat-test ta' kolliżjoni skont l-Appendiċi 1 tal-Anness 4 ta' dan ir-Regolament għandhom jissodisfaw il-kundizzjonijiet li ġejjin:
5.2.1.1. Il-kriterju tal-prestazzjoni tar-ras (HPC — Head Performance Criterion) għandu jkun inqas minn jew daqs 1 000; fejn ma jkun hemm l-ebda kuntatt tar-ras, allura l-HPC ma għandux jitkejjel jew jiġi kkalkulat imma rreġistrat bħala “L-ebda Kuntatt tar-Ras.”
5.2.1.2. Il-kriterji tal-prestazzjoni tat-toraċi għandhom ikunu:
(a) |
Kriterju tad-Deflessjoni tal-Kustilji (RDC — Rib Deflection Criterion) inqas minn jew daqs 42 mm; |
(b) |
Kriterju tat-Tessuti tal-Ġisem (li la fihom għadam u lanqas huma kartilaġinużi) (VC) inqas minn jew daqs 1,0 m/sec. |
Għal perjodu tranżitorju ta' sentejn wara d-data speċifikata fil-paragrafu 10.2 ta' dan ir-Regolament, il-valur V * C ma jkunx kriterju ta' suċċess/falliment fl-ittestjar għall-approvazzjoni, iżda dan il-valur għandu jiġi rreġistrat fir-rapport tat-test u jinġabar mill-awtoritajiet tal-approvazzjoni. Wara dan il-perjodu tranżitorju, il-valur tal-VC ta' 1,0 m/sec għandu japplika bħala kriterju ta' suċċess/falliment sakemm il-Partijiet Kontraenti li japplikaw dan ir-Regolament ma jiddeċidux mod ieħor.
5.2.1.3. Il-kriterju tal-prestazzjoni tal-pelvi għandu jkun:
Forza Massima fuq is-Simfisi Pubika (waħda miż-żewġ għadmiet li jiffurmaw iż-żewġt iġnub tal-pelvi, PSPF — Pubic Symphysis Peak Force) inqas minn jew daqs 6 kN.
5.2.1.4. Il-kriterju tal-prestazzjoni tal-addome għandu jkun:
Forza Massima fuq l-Addome (APF — Abdominal Peak Force) inqas minn jew daqs forza interna ta' 2,5 kN (ekwivalenti għal forza esterna ta' 4,5 kN).
5.3. Rekwiżiti partikolari
5.3.1. L-ebda bieba ma għandha tkun miftuħa waqt it-test.
5.3.1.1. Fil-każ ta' sistemi tal-illokkjar tal-bieb attivati awtomatikament li jkunu installati b'mod opzjonali u/jew li jistgħu jiġu diżattivati mis-sewwieq, dan ir-rekwiżit għandu jiġi verifikat permezz ta' waħda minn dawn iż-żewġ proċeduri tat-test, fuq għażla tal-manifattur:
5.3.1.1.1. Jekk l-ittestjar jitwettaq skont il-paragrafu 5.2.2.1 tal-Anness 4, il-manifattur għandu wkoll juri għas-sodisfazzjon tas-Servizz Tekniku (eż. permezz ta' dejta interna tal-manifattur) li, fin-nuqqas tas-sistema jew meta s-sistema tkun diżattivata, l-ebda bieba ma tinfetaħ f'każ ta' impatt.
5.3.1.1.2. Jekk l-ittestjar jitwettaq skont il-paragrafu 5.2.2.2 tal-Anness 4, il-manifattur għandu wkoll juri li r-rekwiżiti għat-tagħbija tal-inerzja tal-paragrafu 6.1.4 tas-serje ta' emendi 03 tar-Regolament Nru 11 huma ssodisfati għall-bibien mhux illokkjati (rilaxxati) fuq in-naħa mhux milquta bl-impatt.
5.3.2. Wara l-impatt, il-bibien laterali fuq in-naħa mhux milquta bl-impatt ma għandhomx jibqgħu llokkjati.
5.3.2.1. Fil-każ ta' vetturi mgħammra b'sistema tal-illokkjar tal-bieb attivata awtomatikament, il-bibien għandhom ikunu llokkjati qabel il-mument tal-impatt u rilaxxati wara l-impatt mill-inqas fuq in-naħa mhux milquta bl-impatt.
5.3.2.2. Fil-każ ta' sistemi tal-illokkjar tal-bieb attivati awtomatikament li jkunu installati b'mod opzjonali u/jew li jistgħu jiġu diżattivati mis-sewwieq, dan ir-rekwiżit għandu jiġi verifikat permezz ta' waħda minn dawn iż-żewġ proċeduri tat-test, fuq għażla tal-manifattur:
5.3.2.2.1. Jekk l-ittestjar jitwettaq skont il-paragrafu 5.2.2.1 tal-Anness 4, il-manifattur għandu wkoll juri għas-sodisfazzjon tas-Servizz Tekniku (eż. permezz ta' dejta interna tal-manifattur) li, fin-nuqqas tas-sistema jew meta s-sistema tkun diżattivata, il-bibien laterali tan-naħa mhux milquta bl-impatt jiġu rilaxxati wara l-impatt.
5.3.2.2.2. Jekk l-ittestjar jitwettaq skont il-paragrafu 5.2.2.2 tal-Anness 4, il-manifattur għandu juri wkoll li meta tiġi applikata t-tagħbija tal-inerzja tal-paragrafu 6.1.4 tas-serje ta' emendi 03 tar-Regolament Nru 11, il-bibien mhux illokkjati fuq in-naħa mhux milquta bl-impatt jibqgħu mhux illokkjati.
5.3.3. Wara l-impatt, għandu jkun possibbli li mingħajr l-użu ta' għodod:
5.3.3.1. |
Jinfetħu numru suffiċjenti ta' bibien ipprovduti għad-dħul u għall-ħruġ normali tal-passiġġieri, u jekk ikun neċessarju jiġu inklinati d-dahrien tas-sits jew is-sits sabiex tkun possibbli l-evakwazzjoni tal-okkupanti kollha; |
5.3.3.2. |
Il-manikin jiġi rrilaxxat mis-sistema ta' protezzjoni; |
5.3.3.3. |
Il-manikin jitneħħa mill-vettura; |
5.3.4. L-ebda apparat jew komponent tal-intern ma għandu jinqala' b'tali mod li jżid sew ir-riskju ta' korriment minn partijiet li jisporġu 'l barra u li jaqtgħu jew xfar bil-ponta;
5.3.5. Ksur li jirriżulta minn deformazzjoni permanenti huwa aċċettabbli, sakemm dan ma jżidx ir-riskju ta' korriment;
5.3.6. Jekk ikun hemm tnixxija kontinwa ta' likwidu mis-sistema ta' alimentazzjoni tal-fjuwil wara l-kolliżjoni, ir-rata ta' tnixxija ma għandhiex tkun ta' aktar minn 30 g/min; Jekk il-likwidu mis-sistema ta' alimentazzjoni tal-fjuwil jitħallat ma' likwidi mis-sistemi l-oħra u l-likwidi differenti ma jistgħux jiġu separati u identifikati faċilment, il-likwidi kollha miġbura għandhom jiġu kkunsidrati fil-valutazzjoni tat-tnixxija kontinwa.
5.3.7. Wara li jkun twettaq it-test skont il-proċedura definita fl-Anness 4 ta' dan ir-Regolament, is-sistema tal-motopropulsjoni elettrika li topera b'vultaġġ għoli u l-komponenti u s-sistemi b'vultaġġ għoli, li huma konnessi galvanikament mal-assemblaġġ b'vultaġġ għoli tas-sistema tal-motopropulsjoni elettrika, għandhom jissodisfaw dawn ir-rekwiżiti:
5.3.7.1. Protezzjoni minn xokk elettriku
Wara l-impatt, irid ikun ġie ssodisfat tal-inqas wieħed mill-erba' kriterji speċifikati fil-paragrafi 5.3.7.1.1 sa 5.3.7.1.4.2.
Jekk il-vettura jkollha funzjoni ta' skonnessjoni awtomatika, jew apparat(i) li jiddividu galvanikament iċ-ċirkwit tas-sistema tal-motopropulsjoni elettrika waqt il-kundizzjoni tas-sewqan, wara li tiġi attivata l-funzjoni ta' skonnessjoni, għaċ-ċirkwit skonness jew għal kull ċirkwit diviż, individwalment, għandu japplika tal-inqas wieħed mill-kriterji li ġejjin.
Madankollu, il-kriterji definiti fil-paragrafu 5.3.7.1.4 ma japplikawx jekk ikun hemm iktar minn reżistenza waħda ta' parti mill-assemblaġġ b'vultaġġ għoli li ma tkunx protetta bil-kundizzjonijiet tal-grad ta' protezzjoni IPXXB.
Jekk it-test jitwettaq bil-kundizzjoni li l-part(ijiet) tas-sistema b'vultaġġ għoli ma jkunux enerġizzati, il-protezzjoni minn xokk elettriku għandha tiġi ppruvata jew skont il-paragrafu 5.3.7.1.3 jew il-paragrafu 5.3.7.1.4. għall-part(ijiet) rilevanti.
Għal sistema ta' akkoppjament biex tiġi ċċarġjata r-REESS, li ma tkunx enerġizzata waqt kundizzjonijiet ta' sewqan, tal-inqas għandu jiġi ssodisfat wieħed mill-erba' kriterji speċifikati fil-paragrafi 5.3.7.1.1 sa 5.3.7.1.4 ta' hawn taħt.
5.3.7.1.1. Assenza ta' vultaġġ għoli
Il-vultaġġi Vb, V1 u V2 tal-assemblaġġi b'vultaġġ għoli għandhom ikunu daqs jew inqas minn 30 VAC jew 60 VDC kif speċifikat fil-paragrafu 2 tal-Anness 9.
5.3.7.1.2. Enerġija elettrika baxxa
L-enerġija totali (TE) fl-assemblaġġi b'vultaġġ għoli għandha tkun inqas minn 2,0 joules meta mkejla skont il-proċedura tat-test kif speċifikat fil-paragrafu 3. tal-Anness 9 bil-formula (a). Alternattivament, l-enerġija totali (TE) tista' tiġi kkalkulata bil-vultaġġ imkejjel (Vb) tal-assemblaġġ b'vultaġġ għoli u l-kapaċitanza tal-X-kapasiters (Cx) speċifikata mill-manifattur skont il-formula (b) tal-paragrafu 3. tal-Anness 9.
L-enerġija maħżuna fil-Y-kapasiters (TEy1, TEy2) għandha tkun ukoll inqas minn 2,0 joules. Din għandha tiġi kkalkulata billi jitkejlu l-vultaġġi V1 and V2 tal-assemblaġġi b'vultaġġ għoli u x-xażi elettriku, u l-kapaċitanza tal-Y-kapasiters speċifikata mill-manifattur skont il-formula (c) fil-paragrafu 3 tal-Anness 9.
5.3.7.1.3. Protezzjoni fiżika
Għall-protezzjoni minn kuntatt dirett ma' partijiet “live” b'vultaġġ għoli, għandu jiġi pprovdut il-grad ta' protezzjoni IPXXB.
Barra minn hekk, għall-protezzjoni minn xokk elettriku li jista' jirriżulta minn kuntatt dirett, ir-reżistenza bejn il-partijiet konduttivi esposti u x-xażi elettriku għandha tkun inqas minn 0,1 ohm meta jkun hemm fluss ta' kurrent ta' mill-inqas 0,2 ampere.
Dan ir-rekwiżit jiġi ssodisfat jekk il-konnessjoni galvanika tkun saret bil-welding.
5.3.7.1.4. Reżistenza tal-iżolament
Il-kriterji speċifikati fil-paragrafi 5.3.7.1.4.1 u 5.3.7.1.4.2 ta' hawn taħt għandhom jiġu ssodisfati.
Il-kejl għandu jitwettaq skont il-paragrafu 5. tal-Anness 9.
5.3.7.1.4.1. Sistema tal-motopropulsjoni elettrika magħmula minn assemblaġġi DC jew AC separati.
Jekk l-assemblaġġi b'vultaġġ għoli AC u l-assemblaġġi b'vultaġġ għoli DC ikunu iżolati minn xulxin galvanikament, ir-reżistenza tal-iżolament bejn l-assemblaġġ b'vultaġġ għoli u x-xażi elettriku (Ri, kif definit fil-paragrafu 5 tal-Anness 9) għandu jkollha valur minimu ta' 100 Ω/V tal-vultaġġ operattiv għall-assemblaġġi DC, u valur minimu ta' 500 Ω/V tal-vultaġġ operattiv għall-assemblaġġi AC.
5.3.7.1.4.2. Sistema tal-motopropulsjoni elettrika magħmula minn assemblaġġi DC jew AC kkumbinati.
Jekk l-assemblaġġi b'vultaġġ għoli AC u l-assemblaġġi b'vultaġġ għoli DC ikunu konnessi ma' xulxin galvanikament, ir-reżistenza tal-iżolament bejn l-assemblaġġ b'vultaġġ għoli u x-xażi elettriku (Ri, kif definit fil-paragrafu 5 tal-Anness 9) għandu jkollha valur minimu ta' 500 Ω/V tal-vultaġġ operattiv.
Madankollu, jekk il-grad ta' protezzjoni IPXXB ikun issodisfat għall-assemblaġġi b'vultaġġ għoli AC kollha inkella l-vultaġġ AC ikun daqs jew inqas minn 30 V wara l-impatt tal-vettura, ir-reżistenza tal-iżolament bejn l-assemblaġġ b'vultaġġ għoli u x-xażi elettriku (Ri, kif definit fil-paragrafu 5 tal-Anness 9) għandu jkollha valur minimu ta' 100 Ω/V tal-vultaġġ operattiv.
5.3.7.2. Tixrid tal-elettrolit
Fil-perjodu ta' bejn l-impatt u 30 minuta wara ma għandu jinxtered ebda elettrolit mir-REESS fil-kompartiment tal-passiġġieri u mhux iktar minn 7 fil-mija ta' elettrolit ma għandu jinxtered mir-REESS ħlief batteriji ta' trazzjoni tat-tip miftuħa barra mill-kompartiment tal-passiġġieri. Fil-każ ta' batteriji ta' trazzjoni tat-tip miftuħa, ma għandux jinxtered iktar minn 7 fil-mija, b'massimu ta' 5,0 litri, barra l-kompartiment tal-passiġġieri.
Il-manifattur għandu juri l-konformità mal-paragrafu 6 tal-Anness 9.
5.3.7.3. Ritenzjoni tar-REESS
Ir-REESS li jkunu fil-kompartiment tal-passiġġieri għandhom jinżammu fejn ikunu ġew installati u l-komponenti tar-REESS għandhom jibqgħu fil-limiti tar-REESS.
Ebda part ta' xi REESS li tkun tinsab barra l-kompartiment tal-passiġġieri għall-valutazzjoni tas-sikurezza elettrika ma tista' tiddaħħal fil-kompartiment tal-passiġġieri waqt it-test tal-impatt jew warajh.
Il-manifattur għandu juri l-konformità mal-paragrafu 7 tal-Anness 9.
6. MODIFIKA TAT-TIP TA' VETTURA
6.1. Kwalunkwe modifika li taffettwa l-istruttura, in-numru u t-tip ta' sits, il-finitura jew il-fittings tal-intern, jew il-pożizzjoni tal-kontrolli tal-vettura jew tal-partijiet mekkaniċi, u li tista' taffettwa l-kapaċità ta' assorboment ta' enerġija tal-ġenb tal-vettura għandha tinġieb għall-attenzjoni tal-Awtotità tal-Approvazzjoni tat-Tip li tagħti l-approvazzjoni. L-Awtorità tal-Approvazzjoni tat-Tip imbagħad tista' jew:
6.1.1. Tqis li l-modifikazzjonijiet li saru mhux probabbli li jkollhom effett avvers apprezzabbli u li fi kwalunkwe każ il-vettura xorta hija konformi mar-rekwiżiti; jew
6.1.2. Titlob li jsir rapport ieħor tat-testijiet mis-Servizz Tekniku responsabbli mit-twettiq tat-testijiet;
6.1.2.1. Kwalunkwe modifika tal-vettura li taffettwa l-forma ġenerali tal-istruttura tal-vettura jew kwalunkwe varjazzjoni fil-massa ta' referenza ta' aktar minn 8 fil-mija li fil-fehma tal-awtorità tista' tinfluwenza sew ir-riżultati tat-test għandha teħtieġ ripetizzjoni tat-test kif deskritt fl-Anness 4.
6.1.2.2. Jekk is-Servizz Tekniku, wara konsultazzjoni mal-manifattur tal-vettura, jikkunsidra li l-modifiki fuq tip ta' vettura ma humiex suffiċjenti biex jiġġustifikaw li t-test jerġa' jitwettaq kompletament, ikun jista' jintuża test parzjali. Dan ikun il-każ jekk id-differenza fil-massa ta' referenza ma tkunx ta' aktar minn 8 fil-mija mill-vettura oriġinali jew in-numru tas-sits ta' quddiem ma jitbiddilx. Il-varjazzjonijiet fit-tip ta' sit jew fil-fittings tal-intern ma għandhomx jimplikaw awtomatikent li jetwettaq mill-ġdid it-test komplet. Eżempju ta' kif għandha tkun ittrattata din il-problema jingħata fl-Anness 8.
6.2. Konferma jew rifjut ta' approvazzjoni, fejn tiġi speċifikata l-modifika, għandha tiġi kkomunikata permezz tal-proċedura speċifikata fil-paragrafu 4.4 ta' hawn fuq lill-Partijiet għall-Ftehim li japplikaw dan ir-Regolament.
6.3. L-Awtorità tal-Approvazzjoni tat-Tip li toħroġ estensjoni tal-approvazzjoni għandha tagħti numru tas-serje lil kull formola ta' komunikazzjoni li ssir għal estensjoni ta' dan it-tip.
7. KONFORMITÀ TAL-PRODUZZJONI
Il-proċeduri tal-konformità tal-produzzjoni għandhom ikunu konformi ma' dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2) bir-rekwiżiti li ġejjin:
7.1. Kull vettura approvata skont dan ir-Regolament għandha tkun manifatturata b'tali mod li tkun konformi mat-tip approvat billi tissodisfa r-rekwiżiti stabbiliti fil-paragrafu 5 ta' hawn fuq.
7.2. Id-detentur tal-approvazzjoni għandu jiżgura li tal-inqas għal kull tip ta' vettura jitwettqu t-testijiet li jikkonċernaw it-teħid ta' kejl.
7.3. L-Awtorità tal-Approvazzjoni tat-Tip li tat l-approvazzjoni tat-tip tista', fi kwalunkwe waqt, tivverifika l-metodi tal-kontroll tal-konformità applikati f'kull faċilità ta' produzzjoni. Il-frekwenza normali ta' dawn il-verifiki għandha tkun ta' darba kull sentejn.
8. PENALI GĦAN-NUQQAS TA' KONFORMITÀ TAL-PRODUZZJONI
8.1. L-approvazzjoni mogħtija għal tip ta' vettura skont dan ir-Regolament tista' tiġi rtirata jekk ma jkunx hemm konformità mar-rekwiżit stabbilit fil-paragrafu 7.1 ta' hawn fuq jew jekk il-vettura jew il-vetturi magħżula ma jgħaddux mill-kontrolli preskritti fil-paragrafu 7.2 ta' hawn fuq.
8.2. Jekk Parti Kontraenti għall-Ftehim li tapplika dan ir-Regolament tirtira l-approvazzjoni li tat qabel, għandha mill-ewwel tgħarraf b'dan lill-Partijiet Kontraenti l-oħra li japplikaw dan ir-Regolament permezz tal-formola tal-komunikazzjoni konformi mal-mudell fl-Anness 1 ta' dan ir-Regolament.
9. PRODUZZJONI MWAQQFA GĦALKOLLOX
Jekk id-detentur tal-approvazzjoni jwaqqaf għalkollox il-manifattura ta' tip ta' vettura approvata skont dan ir-Regolament, huwa għandu jgħarraf b'dan lill-Awtorità tal-Approvazzjoni tat-Tip li tkun tat l-approvazzjoni. Malli tirċievi l-komunikazzjoni rilevanti, dik l-Awtorità għandha tavża b'dan lill-Partijiet għall-Ftehim tal-1958 li japplikaw dan ir-Regolament permezz ta' formola ta' komunikazzjoni li tkun konformi mal-mudell fl-Anness 1 ta' dan ir-Regolament.
10. DISPOŻIZZJONIJIET TRANŻITORJI
10.1. Mid-data uffiċjali tad-dħul fis-seħħ tas-Suppliment 1 tas-serje ta' emendi 02, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjonijiet skont dan ir-Regolament kif ġie emendat bis-Suppliment 1 tas-serje ta' emendi 02.
10.2. Minn 12-il xahar wara d-dħul fis-seħħ tas-serje ta' emendi 02, il-Partijiet Kontraenti li japplikaw dan ir-Regolament għandhom jagħtu l-approvazzjonijiet biss lil dawk it-tipi ta' vetturi li jikkonformaw mar-rekwiżiti ta' dan ir-Regolament kif emendat mis-serje ta' emendi 02.
10.3. Minn 60 xahar wara d-dħul fis-seħħ tas-serje ta' emendi 02, il-Partijiet Kontraenti li japplikaw dan ir-Regolament jistgħu jirrifjutaw l-ewwel reġistrazzjoni nazzjonali (l-ewwel dħul fis-servizz) tal-vetturi li ma jissodisfawx ir-rekwiżiti ta' dan ir-Regolament kif emendati mis-serje ta' emendi 02.
10.4. Minn 36-il xahar wara d-dħul fis-seħħ tas-Suppliment 1 tas-serje ta' emendi 02, il-Partijiet Kontraenti li japplikaw dan ir-Regolament għandhom jagħtu l-approvazzjonijiet biss lil dawk it-tipi ta' vetturi li jikkonformaw mar-rekwiżiti ta' dan ir-Regolament kif emendat mis-Suppliment 1 tas-serje ta' emendi 02.
10.5. Minn 84 xahar wara d-dħul fis-seħħ tas-Suppliment 1 tas-serje ta' emendi 02, il-Partijiet Kontraenti li japplikaw dan ir-Regolament jistgħu jirrifjutaw l-ewwel reġistrazzjoni nazzjonali (l-ewwel dħul fis-servizz) tal-vetturi li ma jissodisfawx ir-rekwiżiti ta' dan ir-Regolament kif emendat mis-Suppliment 1 tas-serje ta' emendi 02.
10.6. Mid-data uffiċjali tad-dħul fis-seħħ tas-serje ta' emendi 03, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjonijiet skont dan ir-Regolament kif ġie emendat bis-serje ta' emendi 03.
10.7. Minn 24 xahar wara d-data uffiċjali tad-dħul fis-seħħ tas-serje ta' emendi 03, il-Partijiet Kontraenti li japplikaw dan ir-Regolament għandhom jagħtu l-approvazzjonijiet biss lil dawk it-tipi ta' vetturi li jikkonformaw mar-rekwiżiti ta' dan ir-Regolament kif emendat mis-serje ta' emendi 03.
Madankollu, fil-każ ta' vetturi li jkollhom sistema tal-motopropulsjoni elettrika li taħdem b'vultaġġ għoli, jingħata perjodu addizzjonali ta' 12-il xahar kemm-il darba l-manifattur juri, għas-sodisfazzjon tas-Servizz Tekniku, li l-vettura tipprovdi livelli ekwivalenti ta' sikurezza għal dawk meħtieġa skont dan ir-Regolament kif emendat mis-serje ta' emendi 03.
10.8. Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet għall-approvazzjonijiet maħruġa lis-serje preċedenti ta' emendi għal dan ir-Regolament, u dan meta din l-estensjoni ma tkunx tinvolvi xi bidla lis-sistema tal-propulsjoni tal-vettura.
Madankollu, wara li jgħaddu 48 xahar mid-data uffiċjali tad-dħul fis-seħħ tas-serje ta' emendi 03, ma għandhomx jingħataw estensjonijiet għall-approvazzjonijiet maħruġa mis-serje preċedenti ta' emendi fir-rigward tal-vetturi li jkollhom sistema tal-motopropulsjoni elettrika li taħdem b'vultaġġ għoli.
10.9. Jekk fiż-żmien tad-dħul fis-seħħ tas-serje ta' emendi 03 ta' dan ir-Regolament ikunu jeżistu rekwiżiti nazzjonali biex jindirizzaw id-dispożizzjonijiet ta' sikurezza ta' vetturi li jkollhom sistema tal-motopropulsjoni elettrika li taħdem b'vultaġġ għoli, dawk il-Partijiet Kontraenti li japplikaw dan ir-Regolament jistgħu jirrifjutaw l-approvazzjoni nazzjonali ta' tali vetturi li ma jissodisfawx ir-rekwiżiti nazzjonali, sakemm dawn il-vetturi ma jkunux approvati għas-serje ta' emendi 03 ta' dan ir-Regolament.
10.10. Minn 48 xahar wara d-dħul fis-seħħ tas-serje ta' emendi 03 ta' dan ir-Regolament, il-Partijiet Kontraenti li japplikaw dan ir-Regolament jistgħu jirrifjutaw approvazzjoni tat-tip nazzjonali jew reġjonali u jistgħu jirrifjutaw l-ewwel reġistrazzjoni nazzjonali jew reġjonali (l-ewwel użu) ta' vettura li jkollha sistema tal-motopropulsjoni elettrika li taħdem b'vultaġġ għoli li ma tissodisfax ir-rekwiżiti tas-serje ta' emendi 03 ta' dan ir-Regolament.
10.11. L-approvazzjonijiet tal-vetturi għas-serje ta' emendi 02 ta' dan ir-Regolament li mhumiex affettwati mis-serje ta' emendi 03 għandhom jibqgħu validi u l-Partijiet Kontraenti li japplikaw dan ir-Regolament għandhom ikomplu jaċċettawhom.
10.12. Sa 18-il xahar wara d-data tad-dħul fis-seħħ tas-Suppliment 3 tas-serje ta' emendi 03 ta' dan ir-Regolament, il-Partijiet Kontraenti li japplikaw ta' dan ir-Regolament jistgħu jkomplu jagħtu approvazzjonijiet tat-tip skont is-srje ta' emendi 03 ta' dan ir-Regolament mingħajr ma jitqiesu d-dispożizzjonijiet tas-Suppliment 3.
11. ISMIJIET U INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TAL-APPROVAZZJONI, U TAL-AWTORITAJIET GĦALL-APPROVAZZJONI TAT-TIP
Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni, u lil min għandhom jintbagħtu l-formoli li jiċċertifikaw l-approvazzjoni jew ir-rifjut jew l-estensjoni jew l-irtirar tal-approvazzjoni, maħruġa f'pajjiżi oħra.
(1) Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.3, para. 2 — www.unece.org/trans/main/wp29/wp29wgs/wp29gen/wp29resolutions.html
(2) In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev. 3, Anness 3 — www.unece.org/trans/main/wp29/wp29wgs/wp29gen/wp29resolutions.html
(3) Sat-30 ta' Settembru 2000, għall-finijiet tar-rekwiżiti tat-test, il-medda tal-aġġustamenti lonġitudinali normali għandha tkun limitata b'tali mod li l-punt H ikun jinsab fit-tul tal-fetħa tal-bieb.
ANNESS 2
ARRANĠAMENTI TAL-MARKA TAL-APPROVAZZJONI
MUDELL A
(Ara l-paragrafu 4.5 ta' dan ir-Regolament)
Il-marka tal-approvazzjoni ta' hawn fuq, imwaħħla ma' vettura, turi li t-tip tal-vettura kkonċernat, fir-rigward tal-protezzjoni tal-okkupanti fil-każ ta' kolliżjoni laterali, ġie approvat fin-Netherlands (E 4) skont ir-Regolament Nru. 95 bin-numru tal-approvazzjoni 031424. In-numru tal-approvazzjoni jindika li l-approvazzjoni nħarġet skont ir-rekwiżiti tar-Regolament Nru 95 kif emendat mis-serje ta' emendi 03.
MUDELL B
(Ara l-paragrafu 4.6 ta' dan ir-Regolament)
Il-marka tal-approvazzjoni ta' hawn fuq imwaħħla ma' vettura turi li t-tip ta' vettura kkonċernat ġie approvat fn-Netherlands (E 4) skont ir-Regolamenti Nru. 95 u 24 (1). L-ewwel żewġ ċifri tan-numri tal-approvazzjoni jindikaw li, fid-dati meta ngħataw dawn l-approvazzjonijiet, ir-Regolament Nru 95 kien jinkludi s-serje ta' emendi 03 u r-Regolament Nru 24 kien jinkludi s-serje ta' emendi 03.
(1) Dan in-numru tal-aħħar hu mogħti biss bħala eżempju.
ANNESS 3
Proċedura biex jiġu ddeterminati l-punt “H” u l-angolu effettiv tat-torso għall-pożizzjonijiet bil-qiegħda fil-vetturi bil-magna (1)
Appendiċi 1 — |
Deskrizzjoni tal-maġna tridimensjonali għall-punt “H” (il-magna 3-D H) (1) |
Appendiċi 2 — |
Is-sistema ta' referenza tridimensjonali (1) |
Appendiċi 3 — |
Dejta ta' referenza dwar il-pożizzjonijiet bilqiegħda (1) |
(1) Il-proċedura kif deskritta fl-Anness 1 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (dokument ECE/TRANS/WP.29/78/Rev.3). www.unece.org/trans/main/wp29/wp29wgs/wp29gen/wp29resolutions.html
ANNESS 4
PROĊEDURA TAT-TEST TA' KOLLIŻJONI
1. INSTALLAZZJONIJIET
1.1. Il-post fejn isir it-test
L-erja tat-test għandha tkun kbira biżżejjed li fiha toqgħod is-sistema ta' propulsjoni tal-ostaklu mobbli deformabbli u tippermetti l-ispostament, wara l-impatt, tal-vettura milquta u l-installazzjoni tat-tagħmir għat-test. Il-parti li fiha jseħħu l-impatt u l-ispostament tal-vettura għandha tkun orizzontali, ċatta u mhux ikkontaminata u rappreżentattiva ta' superfiċje ta' triq normali, xotta u mhux ikkontaminata.
2. KUNDIZZJONIJIET TAT-TEST
2.1. Il-vettura li trid tiġi ttestjata għandha tkun wieqfa.
2.2. L-ostaklu mobbli deformabbli għandu jkollu l-karatteristiċi stabbiliti fl-Anness 5 ta' dan ir-Regolament. Ir-rekwiżiti għall-eżami jingħataw fl-appendiċi tal-Anness 5. L-ostaklu mobbli deformabbli għandu jkun mgħammar b'apparat xieraq li jħallix iseħħ it-tieni impatt fuq il-vettura milquta.
2.3. It-trajettorja tal-pjan medjan vertikali lonġitudinali tal-ostaklu mobbli deformabbli għandha tkun perpendikulari mal-pjan medjan vertikali lonġitudinali tal-vettura milquta.
2.4. Il-pjan medjan vertikali lonġitudinali tal-ostaklu mobbli deformabbli għandu jikkoinċidi, b'varjazzjoni ta' ± 25 mm, ma' pjan vertikali trasversali li jgħaddi mill-punt R tas-sit ta' quddiem ta' maġenb in-naħa milquta tal-vettura ttestjata. Il-pjan medjan orizzontali llimitat mill-pjani laterali vertikali esterni tal-wiċċ ta' quddiem fil-mument tal-impatt għandu jkun bejn żewġ pjani ddeterminati qabel it-test u li jinstabu 25 mm 'il fuq u 'l isfel mill-pjan iddefinit qabel.
2.5. L-istrumentazzjoni għandha tkun konformi mal-ISO 6487:1987, sakemm ma jkunx speċifikat mod ieħor f'dan ir-Regolament.
2.6. It-temperatura stabbilizzata tal-manikin tat-test fil-ħin tat-test tal-impatt laterali għandha tkun 22 ± 4 °C.
3. VELOĊITÀ TAT-TEST
Il-veloċità tal-ostaklu mobbli deformabbli fil-mument tal-impatt għandha tkun 50 ± 1 km/h. Din il-veloċità għandha tkun stabbilizzata mill-inqas 0,5 m qabel l-impatt. Il-preċiżjoni tal-kejl: 1 fil-mija. Madankollu, jekk it-test ikun twettaq b'veloċità tal-impatt ogħla u l-vettura ssodisfat ir-rekwiżiti, it-test għandu jitqies sodisfaċenti.
4. L-ISTAT TAL-VETTURA
4.1. Speċifikazzjoni ġenerali
Il-vettura tat-test għandha tkun rappreżentattiva tal-produzzjoni tas-serje, għandha tinkludi t-tagħmir kollhu li jkun installat normalment u għandha tkun f'kundizzjoni ta' sewqan normali. Xi komponenti jistgħu jitneħħew jew jiġu sostitwiti b'mases ekwivalenti, meta jkun ċar li din it-tneħħija jew sostituzzjoni ma għandha l-ebda effett fuq ir-riżultati tat-test.
Bi ftehim bejn il-manifattur u s-Servizz Tekniku tista' ssir xi modifika lis-sistema tal-fjuwil hekk li jkun jista' jintuża ammont xieraq ta' fjuwil biex titħaddem il-magna jew is-sistema ta' konverżjoni tal-enerġija elettrika.
4.2. Speċifikazzjoni tat-tagħmir tal-vettura
Il-vettura tat-test għandu jkollha l-arranġamenti jew il-fittings opzjonali kollha li probabbilment ikollhom influwenza fuq ir-riżultati tat-test.
4.3. Massa tal-vettura
4.3.1. Il-vettura li trid tiġi ttestjata għandu jkollha l-massa ta' referenza kif iddefinita fil-paragrafu 2.10 ta' dan ir-Regolament. Il-massa tal-vettura għandha tkun aġġustata għal ± 1 fil-mija tal-massa tar-referenza.
4.3.2. It-tank tal-fjuwil għandu jkun mimli bl-ilma b'massa daqs 90 fil-mija tal-massa ta' tank mimli għalkollox kif speċifikat mill-manifattur, b'tolleranza ta' ± 1 fil-mija;
Dan ir-rekwiżit ma japplikax għat-tankijiet tal-fjuwil tal-idroġenu.
4.3.3. Is-sistemi l-oħra kollha (tal-brejk, tat-tkessiħ, eċċ.) jistgħu jkunu vojta; f'dan il-każ, il-massa tal-likwidi għandha tkun ikkumpensata.
4.3.4. Jekk il-massa tal-apparat tal-kejl fil-vettura teċċedi l-25 kg konċessi, din tista' tiġi kkumpensata bi tnaqqis li ma jkollux effett evidenti fuq ir-riżultati tat-test.
4.3.5. Il-massa tal-apparat tal-kejl ma għandhiex tbiddel kull tagħbija ta' referenza tal-fus b'aktar minn 5 fil-mija, b'kull varjazzjoni ma teċċedix l-20 kg.
5. PREPARAZZJONI TAL-VETTURA
5.1. It-twieqi tal-ġnub, tal-inqas fuq in-naħa milquta, għandhom ikunu magħluqa.
5.2. Il-bibien għandhom ikunu magħluqa imma mhux illokkjati.
5.2.1. Madankollu, fil-każ ta' vetturi mgħammra b'sistema tal-illokkjar tal-bieb attivata awtomatikament, għandu jiġi żgurat li qabel it-test il-bibien tal-ġnub kollha jkunu msakkra.
5.2.2. Fil-każ ta' vetturi mgħammra b'sistema tal-illokkjar tal-bieb attivata awtomatikament, li tkun installata b'mod opzjonali u/jew li tista' tiġi diżattivata mis-sewwieq, għandha tintuża waħda minn dawn iż-żewġ proċeduri, skont kif jagħżel il-manifattur:
5.2.2.1. |
Il-bibien tal-ġnub kollha għandhom jiġu llokkjati manwalment qabel ma jibda t-test. |
5.2.2.2. |
Għandu jiġi żgurat li, qabel l-impatt, il-bibien tal-ġnub fuq in-naħa milquta ma jkunux illokkjati u l-bibien tal-ġnub fuq in-naħa mhux milquta jkunu llokkjati; is-sistema tal-illokkjar tal-bieb attivata awtomatikament tista' ma tintużax għal dan it-test. |
5.3. It-trażmissjoni għandha tkun fil-pożizzjoni newtrali, u l-brejk tal-parking diżattivat.
5.4. L-aġġustamenti tas-sits għal pożizzjoni komda, jekk ikun hemm, għandhom ikunu aġġustati għall-pożizzjoni speċifikata mill-manifattur tal-vettura.
5.5. Is-sit li fih il-manikin, u l-elementi tiegħu, jekk ikun aġġustabbli, għandhom jiġu aġġustati kif ġej:
5.5.1. |
L-apparat għall-aġġustament lonġitudinali għandu jitqiegħed, bl-apparat tal-illokkjar attivat, fl-eqreb pożizzjoni għan-nofs ta' bejn il-pożizzjoni l-aktar 'il quddiem u dik l-ak tar lura; jekk din il-pożizzjoni tkun bejn żewġ talli, għandu jintuża t-tall li jkun l-aktar lura. |
5.5.2. |
It-trażżin tar-ras għandu jiġi aġġustat b'tali mod li s-superfiċje ta' fuq tkun livell maċ-ċentru tal-gravità tar-ras tal-manikin; jekk dan mhux possibbli, it-trażżin tar-ras għandu jkun fil-pożizzjoni l-aktar 'il fuq. |
5.5.3. |
Sakemm il-manifattur ma jispeċifikax mod ieħor, id-dahar tas-sit għandu jitqiegħed b'tali mod li l-linja ta' referenza tat-torso tal-magna tridimensjonali għall-punt H tkun isettjata f'angolu ta' 25° ± 1° lejn in-naħa ta' wara. |
5.5.4. |
L-aġġustamenti l-oħra kollha tas-sit għandhom ikunu fil-punt tan-nofs ta' kemm jista' jitmexxa; madankollu, l-aġġustament tal-għoli għandu jkun fil-pożizzjoni li tikkorrispondi mas-sit fiss, jekk it-tip ta' vettura tkun disponibbli kemm b'sits aġġustabbli kif ukoll b'sits fissi. Jekk ma jkunux disponibbli pożizzjonijiet ta' llokkjar fil-punti tan-nofs rispettivi ta' kemm jistgħu jitmexxew, għandhom jintużaw il-pożizzjonijiet li huma l-eqreb għan-naħa ta' wara, ta' isfel jew ta' barra. Għal aġġustamenti ta' rotazzjoni (inklinazzjoni), id-direzzjoni għall-aġġustament lura għandha tkun dik li tmexxi r-ras tal-manikin lura. Jekk il-manikin jisporġi 'l barra mill-volum normali tal-passiġġier, pereżempju r-ras fil-kisi ta' ġewwa tas-saqaf, allura għandu jiġi pprovdut spazju ta' 1 cm permezz ta': aġġustamenti sekondarji, l-angolu tad-dahar tas-sit, jew l-aġġustament 'il quddiem u lura f'dik l-ordni. |
5.6. Sakemm il-manifattur ma jispeċifikax mod ieħor, is-sits l-oħra ta' quddiem għandhom, jekk ikun possibbli, jiġu aġġustati għall-istess pożizzjoni bħas-sit li fih il-manikin.
5.7. Jekk ir-rota tal-isteering tkun aġġustabbli, l-aġġustamenti tal-istering kollha għandhom ikunu fil-pożizzjoni ċentrali tagħhom.
5.8. It-tajers għandhom jintefħu skont il-pressjoni speċifikata mill-manifattur tal-vettura.
5.9. Il-vettura tat-test għandha titqiegħed f'pożizzjoni orizzontali fuq l-assi tat-tidwir tagħha u tinżamm minn appoġġi f'dik il-pożizzjoni sakemm il-manikin tal-impatt laterali jkun f'postu u wara li jitlesta x-xogħol kollu ta' preparazzjoni.
5.10. Il-vettura għandha tkun fil-pożizzjoni normali tagħha li tikkorrispondi għall-kundizzjonijiet stabbiliti fil-paragrafu 4.3. ta' hawn fuq. Il-vetturi b'sospensjoni li tippermetti li jiġi aġġustat l-ispazju mill-art għandhom jiġu ttestjati taħt il-kundizzjonijiet tal-użu normali b'veloċità ta' 50 km/h, kif iddefinit mill-manifattur tal-vettura. Dan għandu jiġi assigurat permezz ta' appoġġi addizzjonali, jekk ikun meħtieġ, imma tali appoġġi ma għandu jkollhom l-ebda effett fuq il-komportament tal-vettura tat-test waqt l-impatt.
5.11. Aġġustament tas-sistema tal-motopropulsjoni elettrika
5.11.1. Ir-REESS għandha tkun fi kwalunkwe stat ta' ċċarġjar, li jippermetti t-tħaddim normali tas-sistema tal-motopropulsjoni elettrika kif rakkomandat mill-manifattur.
5.11.2. Is-sistema tal-motopropulsjoni elettrika għandha tiġi enerġizzata bit-tħaddim tas-sorsi oriġinali tal-enerġija elettrika jew mingħajru (eż. il-ġeneratur tal-magna, ir-REESS jew is-sistema ta' konverżjoni tal-enerġija elettrika), madankollu:
5.11.2.1. |
Bil-Ftehim bejn is-Servizz Tekniku u l-manifattur, għandu jkun possibbli li t-test jitwettaq bis-sistema tal-motopropulsjoni elettrika kollha, inkella b'partijiet tagħha, li ma jkunux qegħdin jiġu enerġizzati sakemm dan ma jħallix influwenza negattiva fuq ir-riżultat tat-test. Għall-partijiet tas-sistema tal-motopropulsjoni elettrika mhux enerġizzati, il-protezzjoni minn xokk elettriku trid tiġi ppruvata bi protezzjoni fiżika jew b'reżistenza tal-iżolament u b'evidenza addizzjonali xierqa. |
5.11.2.2. |
Fil-każ fejn tkun ipprovduta skonnessjoni awtomatika, fuq talba tal-manifattur għandu jkun possibbli li t-test jitwettaq bl-iskonnessjoni awtomatika attivata. F'dan il-każ irid jintwera li l-iskonnessjoni awtomatika kienet tiffunzjona waqt it-test tal-impatt. Dan jinkludi s-sinjal ta' attivazzjoni awtomatika kif ukoll is-separazzjoni galvanika, fejn jitqiesu l-kundizzjonijiet osservati waqt l-impatt. |
6. IL-MANIKIN TAL-IMPATT LATERALI U L-INSTALLAZZJONI TIEGĦU
6.1. Il-manikin tal-impatt laterali għandu jkun konformi mal-ispeċifikazzjonijiet indikati fl-Anness 6 u jiġi installat fis-sit ta' quddiem fuq in-naħa tal-impatt skont il-proċedura indikata fl-Anness 7 ta' dan ir-Regolament.
6.2. Għandhom jintużaw iċ-ċinturini tas-sikurezza jew sistemi oħra ta' trażżin li huma speċifikati għall-vettura. Iċ-ċinturini għandhom ikunu ta' tip approvat, konformi mar-Regolament Nru. 16 jew ma' rekwiżiti oħra ekwivalenti u jkunu mmuntati fuq ankraġġi li jkunu konformi mar-Regolament Nru. 14 jew ma' rekwiżiti oħra ekwivalenti.
6.3. Iċ-ċinturin tas-sikurezza jew is-sistema tat-trażżin għandhom jiġu aġġustati b'mod li joqgħodu sew fuq il-manikin skont l-istruzzjonijiet tal-manifattur; jekk ma jkunx hemm struzzjonijiet tal-manifattur, l-aġġustament tal-għoli għandu jiġi ssettjat fil-pożizzjoni tan-nofs; jekk din il-pożizzjoni ma tkunx disponibbli, għandha tintuża l-pożizzjoni li tinsab eżatt taħtha.
7. IL-KEJL LI GĦANDU JSIR FUQ IL-MANIKIN TAL-IMPATT LATERALI
7.1. Il-qari meħud mill-istrumenti tal-kejl li ġejjin għandu jiġi rreġistrat.
7.1.1. Il-kejl fir-ras tal-manikin
L-aċċellerazzjoni triassali riżultanti, b'referenza għaċ-ċentru tal-gravità tar-ras. L-istrumentazzjoni tal-kanal tar-ras għandha tkun konformi mal ISO 6487:1987 bi:
|
CFC: 1 000 Hz, u |
|
CAC: 150 g |
7.1.2. Il-kejl fit-toraċi tal-manikin
It-tliet kanali għall-kejl tad-deflessjoni tal-kustilji tat-toraċi għandhom ikunu konformi mal-ISO 6487:1987
|
CFC: 1 000 Hz |
|
CAC: 60 mm |
7.1.3. Il-kejl fil-pelvi tal-manikin
Il-kanal tal-kejl tal-forza fuq il-pelvi għandu jkun konformi mal-ISO 6487:1987
|
CFC: 1 000 Hz |
|
CAC: 15 kN |
7.1.4. Il-kejl fl-addome tal-manikin
Il-kanali tal-kejl tal-forza fuq l-addome għandhom ikunu konformi mal-ISO 6487:1987
|
CFC: 1 000 Hz |
|
CAC: 5 kN |
Appendiċi 1
ID-DETERMINAZZJONI TAD-DEJTA TAL-PRESTAZZJONI
Ir-riżultati meħtieġa tat-testijiet huma speċifikati fil-paragrafu 5.2 ta' dan ir-Regolament.
1. IL-KRITERJU TAL-PRESTAZZJONI TAR-RAS (HPC)
Meta jkun hemm kuntatt tar-ras, dan il-kriterju ta' prestazzjoni jiġi kkalkulat għad-durata totali ta' bejn il-kuntatt inizjali u l-aħħar mument tal-kuntatt finali.
L-HPC huwa l-valur massimu tal-espressjoni:
fejn a hija l-aċċellerazzjoni li tirriżulta fiċ-ċentru tal-gravità tar-ras (f'm/s2) diviża b'9,81 u rreġistrata bħala funzjoni tal-ħin u ffiltrata bi klassi ta' frekwenza tal-kanal ta' 1 000 Hz; t1 u t2 huma kwalunkwe żewġ ħinijiet bejn il-kuntatt inizjali u l-aħħar mument tal-kuntatt finali.
2. IL-KRITERJI TAL-PRESTAZZJONI TAT-TORAĊI
2.1. Id-deflessjoni tas-sider: id-deflessjoni massima tas-sider hija l-valur massimu tad-deflessjoni ta' kwalunkwe kustilja kif iddeterminata mit-transdjusers ta' frekwenza tal-ispostament tat-toraċi, iffiltrata bi klassi ta' frekwenza tal-kanal ta' 180 Hz.
2.2. Il-kriterju tal-viskożità: il-valur massimu tar-reazzjoni viskuża huwa l-valur massimu tal-VC ta' kwalunkwe kustilja li jiġi kkalkulat mill-prodott istantanju tal-kompressjoni relattiva tat-toraċi relatata ma' nofs it-toraċi u l-veloċità ta' kompressjoni derivata mid-divrenzjar tal-kompressjoni, iffiltrat bi klassi ta' frekwenza tal-kanal ta' 180 Hz. Għall-fini ta' dan il-kalkolu, il-wisa' standard ta' nofs il-qafas tat-toraċi hija 140 mm.
fejn D (metri) = id-deflessjoni tal-kustilja
L-algoriżmu tal-kalkolu li għandu jintuża huwa stabbilit fl-Appendiċi 2 tal-Anness 4.
3. IL-KRITERJU TAL-PROTEZZJONI TAL-ADDOME
Il-forza massima fuq l-addome hija l-valur massimu tas-somma tat-tliet forzi mkejla mit-transdjusers immuntati 39 mm 'l isfel mis-superfiċje fuq in-naħa tal-impatt, b'CFC ta' 600 Hz.
4. IL-KRITERJU TAL-PRESTAZZJONI TAL-PELVI
Il-forza massima fuq is-simfisi pubika (PSPF) hija l-forza massima mkejla minn ċellula tat-tagħbija fuq is-simfisi pubika tal-pelvi, iffiltrata bi klassi ta' frekwenza tal-kanal ta' 600 Hz.
Appendiċi 2
IL-PROĊEDURA GĦALL-KALKOLU TAL-KRITERJU TAL-VISKOŻITÀ GĦALL-EUROSID 1
Il-Kriterju tal-Viskożità, VC, jiġi kkalkulat bħala l-prodott istantanju tal-kompressjoni u r-rata ta' deflessjoni tal-kustilji. It-tnejn li huma jiġu derivati mill-kejl tad-deflessjoni tal-kustilji. Ir-reazzjoni tad-deflessjoni tal-kustilji tiġi ffiltrata darba bi Klassi ta' Frekwenza tal-Kanal ta' 180Hz. Il-kompressjoni fil-ħin (t) tiġi kkalkulata bħala d-deflessjoni minn dan is-sinjal iffiltrat espressa bħala l-proporzjon ta' nofs il-wisa' tas-sider tal-EUROSID 1, imkejla fil-kustilji tal-metall (0,14 metri):
Il-veloċità tad-deflessjoni tal-kustilji fil-ħin (t) tiġi kkalkulata mid-deflessjoni ffiltrata bħala:
fejn D(t) hija d-deflessjoni fil-ħin (t) f'metri u ∂t huwa l-intervall ta' ħin f'sekondi bejn il-kejl tad-deflessjoni. Il-valur massimu ta' ∂t għandu jkun ta' 1,25 × 10– 4 sekondi.
Din il-proċedura ta' kalkolu hija indikata fid-dijagramma ta' hawn taħt:
ANNESS 5
KARATTERISTIĊI TAL-OSTAKLU MOBBLI DEFORMABBLI
1. IL-KARATTERISTIĊI TAL-OSTAKLU MOBBLI DEFORMABBLI
1.1. L-ostaklu mobbli deformabbli (MDB) jinkludi kemm l-impattur kif ukoll it-troli.
1.2. Il-massa totali għandha tkun ta' 950 ± 20 kg.
1.3. Iċ-ċentru tal-gravità għandu jkun fil-pjan medjan vertikali lonġitudinali b'tolleranza ta' 10 mm, 1 000 ± 30 mm wara l-fus ta' quddiem u 500 ± 30 mm 'il fuq mill-art.
1.4. Id-distanza bejn il-faċċata ta' quddiem tal-impattur u ċ-ċentru tal-gravità tal-ostaklu għandha tkun ta' 2 000 ± 30 mm.
1.5. L-ispazju mill-art, tal-impattur, għandu jkun ta' 300 ± 5 mm imkejjel f'kundizzjonijiet statiċi mix-xifer ta' taħt tal-pjanċa ta' quddiem, qabel l-impatt.
1.6. Il-wisa' tal-korsa ta' quddiem u ta' wara tat-troli għandha tkun ta' 1 500 ± 10 mm.
1.7. Il-bażi tar-roti tat-troli għandha tkun ta' 3 000 ± 10 mm.
2. IL-KARATTERISTIĊI TAL-IMPATTUR
L-impattur huwa magħmul minn sitt blokki individwali ta' aluminju f'arranġament ta' sezzjonijiet eżagonali, li jkunu ġew ipproċessati sabiex jagħtu livell ta' reżistenza li tiżdied b'mod progressiv maż-żieda fid-deflessjoni (ara l-paragrafu 2.1). Il-pjanċi tal-aluminju ta' quddiem u ta' wara jitwaħħlu mal-blokki tal-aluminju f'arranġament ta' sezzjonijiet eżagonali.
2.1. Il-blokki f'arranġament ta' sezzjonijiet eżagonali
2.1.1. Il-karatteristiċi ġeometriċi
2.1.1.1. L-impattur huwa magħmul minn 6 taqsimiet magħquda ma xulxin li l-forom u l-pożizzjonijiet tagħhom huma indikati fil-Figuri 1 u 2. Id-daqs ta' dawn it-taqsimiet huwa definit bħala 500 ± 5 mm × 250 ± 3 mm fil-Figuri 1 u 2. Il-500 mm għandhom ikunu fid-direzzjoni W u l-250 mm fid-direzzjoni L tal-kostruzzjoni tal-aluminju f'arranġament ta' sezzjonijiet eżagonali (ara l-Figura 3).
2.1.1.2. L-impattur huwa maqsum f'2 fillieri. Il-filliera ta' taħt għandha tkun għolja 250 ± 3 mm, u fonda 500 ± 2 mm wara l-proċess tat-tgħaffiġ minn qabel (ara l-paragrafu 2.1.2), u aktar fonda mill-filliera ta' fuq b'60 ± 2 mm.
2.1.1.3. Il-blokki jridu jkunu ċċentrati fuq is-sitt taqsimiet definiti fil-Figura 1 u kull blokka (inklużi ċelluli mhux kompleti) għandha tkopri kompletament l-erja definita għal kull taqsima).
2.1.2. Tgħaffiġ minn qabel
2.1.2.1. Il-proċess tat-tgħaffiġ minn qabel għandu jitwettaq fuq is-superfiċje tal-arranġament f'sezzjonijiet eżagonali li magħha jkollha mwaħħla l-folji ta' quddiem.
2.1.2.2. Il-blokki 1, 2 u 3 għandhom jiġu mgħaffġa b'10 ± 2 mm fuq is-superfiċje ta' fuq qabel l-ittestjar sabiex jinkiseb fond ta' 500 ± 2 mm (il-Figura 2).
2.1.2.3. Il-blokki 4, 5 u 6 għandhom jiġu mgħaffġa b'10 ± 2 mm fuq is-superfiċje ta' fuq qabel l-ittestjar sabiex jinkiseb fond ta' 440 ± 2 mm.
2.1.3. Il-karatteristiċi tal-materjali
2.1.3.1. Id-dimensjonijiet taċ-ċellula għandhom ikunu ta' 19 mm ± 10 fil-mija għal kull blokka (ara l-Figura 4).
2.1.3.2. Għall-filliera ta' fuq, iċ-ċelluli jridu jkunu magħmula mill-aluminju 3003.
2.1.3.3. Għall-filliera ta' taħt, iċ-ċelluli jridu jkunu magħmula mill-aluminju 5052.
2.1.3.4. Il-blokki tal-aluminju f'arranġament ta' sezzjonijiet eżagonali għandhom ikunu pproċessati b'tali mod li l-kurva tal-forza/deflessjoni meta mgħaffġa b'mod statiku (skont il-proċedura ddefinita fil-paragrafu 2.1.4) tkun fil-firxiet ta' limiti definiti għal kull waħda mis-sitt blokki fl-Appendiċi 1 ta' dan l-anness. Barra minn dan, il-materjal ipproċessat f'arranġament ta' sezzjonijiet eżagonali użat fil-blokki eżagonali li jkunu ser jintużaw għall-bini tal-ostaklu, għandhom jitnaddfu sabiex jitneħħa kwalunkwe fdal li seta' ġie prodott waqt l-ipproċessar tal-materjal naturali f'arranġament ta' sezzjonijiet eżagonali.
2.1.3.5. Il-massa tal-blokki f'kull lott ma għandhiex tvarja b'aktar minn 5 fil-mija tal-massa medja tal-blokka għal dak il-lott.
2.1.4. Test statiku
2.1.4.1. Kampjun meħud minn kull lott ta' materjal f'arranġament ta' sezzjonijiet eżagonali pproċessat għandu jiġi ttestjat skont il-proċedura tat-test statiku deskritta fil-paragrafu 5 ta' dan l-anness.
2.1.4.2. Il-kurva tal-forza/kompressjoni għal kull blokka ttestjata għandha tkun fil-firxiet ta' limiti tal-kurva tal-forza/deflessjoni ddefiniti fl-Appendiċi 1. Il-firxiet ta' limiti statiċi tal-kurva tal-forza/deflessjoni huma ddefiniti għal kull blokka tal-ostaklu.
2.1.5. Test dinamiku
2.1.5.1. Il-karatteristiċi dinamiċi tad-deformazzjoni, meta milquta skont il-protokoll deskritt fil-paragrafu 6 ta' dan l-anness.
2.1.5.2. Id-devjazzjoni mill-firxiet ta' limiti tal-kurva tal-forza/deflessjoni li jikkaratterizzaw ir-riġidità tal-impattur — kif iddefinit fl-Appendiċi 2 ta' dan l-anness — tista' tkun permessa sakemm:
2.1.5.2.1. Id-devjazzjoni sseħħ wara l-bidu tal-impatt u qabel ma d-deformazzjoni tal-impattur tkun 150 mm;
2.1.5.2.2. Id-devjazzjoni ma teċċedix 50 fil-mija tal-eqreb limitu istantanju preskritt tal-firxa ta' limiti;
2.1.5.2.3. Kull deflessjoni li tikkorrispondi għal kull devjazzjoni ma teċċedix 35 mm ta' deflessjoni, u s-somma ta' dawn id-deflessjonijiet ma teċċedix 70 mm (ara l-Appendiċi 2 ta' dan l-anness);
2.1.5.2.4. Is-somma tal-enerġija derivata mid-devjazzjoni barra mill-firxa ta' limiti ma teċċedix 5 fil-mija tal-enerġija totali għal dik il-blokka.
2.1.5.3. Il-blokki 1 u 3 huma identiċi. Ir-riġidità tagħhom hija tali li l-kurvi tal-forza/deflessjoni tagħhom ikunu fil-firxiet ta' limiti tal-Figura 2a.
2.1.5.4. Il-blokki 5 u 6 huma identiċi. Ir-riġidità tagħhom hija tali li l-kurvi tal-forza/deflessjoni tagħhom ikunu fil-firxiet ta' limiti tal-Figura 2d.
2.1.5.5. Ir-riġidità tagħhom hija tali li l-kurvi tal-forza/deflessjoni tagħhom ikunu fil-firxiet ta' limiti tal-Figura 2b.
2.1.5.6. Ir-riġidità tagħhom hija tali li l-kurvi tal-forza/deflessjoni tagħhom ikunu fil-firxiet ta' limiti tal-Figura 2c.
2.1.5.7. Il-forza/deflessjoni tal-impattur kollu kemm hu għandha tkun bejn il-firxiet ta' limiti tal-Figura 2e.
2.1.5.8. Il-kurvi tal-forza/deflessjoni għandhom jiġu verifikati permezz tat-test dettaljat fil-paragrafu 6 tal-Anness 5, li jikkonsisti f'impatt tal-ostaklu kontra ħajt dinamometriku b'veloċità ta' 35 ± 0,5 km/h.
2.1.5.9. L-enerġija dissipata (1) mill-blokki 1 u 3 waqt it-test għandha tkun 9,5 ± 2 kJ, għal dawn il-blokki.
2.1.5.10. L-enerġija dissipata mill-blokki 5 u 6 waqt it-test għandha tkun 3,5 ± 1 kJ, għal dawn il-blokki.
2.1.5.11. L-enerġija dissipata mill-blokka 4 għandha tkun 4 ± 1 kJ.
2.1.5.12. L-enerġija dissipata mill-blokka 2 għandha tkun 15 ± 2 kJ.
2.1.5.13. L-enerġija dissipata totali waqt l-impatt għandha tkun 45 ± 3 kJ.
2.1.5.14. Id-deformazzjoni massima tal-impattur mill-punt tal-ewwel kuntatt, ikkalkulata mill-integrazzjoni tal-aċċellerometri skont il-paragrafu 6.6.3 ta' dan l-anness, għandha tkun 330 ± 20 mm.
2.1.5.15. Id-deformazzjoni statika residwa finali tal-impattur, imkejla wara t-test dinamiku fil-livell B (il-Figura 2), għandha tkun 310 ± 20 mm.
2.2. Il-pjanċi ta' quddiem
2.2.1. Il-karatteristiċi ġeometriċi
2.2.1.1. Il-pjanċi ta' quddiem huma wesgħin 1 500 ± 1 mm u għoljin 250 ± 1 mm. Il-ħxuna hija 0,5 ± 0,06 mm.
2.2.1.2. Meta mmuntat, id-dimensjonijiet totali tal-impattur (iddefiniti fil-Figura 2) għandhom ikunu: wisa' ta' 1 500 ± 2.5 mm u għoli ta' 500 ± 2.5 mm.
2.2.1.3. Ix-xifer ta' fuq tal-pjanċa ta' taħt ta' quddiem u x-xifer ta' taħt tal-pjanċa ta' fuq ta' quddiem għandhom ikunu bi dritt xulxin, b'varjazzjoni ta' 4 mm.
2.2.2. Il-karatteristiċi tal-materjali
2.2.2.1. Il-pjanċi ta' quddiem huma manifatturati minn aluminju tas-serje AlMg2 sa AlMg3 b'elongazzjoni ta' ≥ 12 fil-mija, u UTS ta' ≥ 175 N/mm2.
2.3. Il-kontrapjanċa (back plate)
2.3.1. Il-karatteristiċi ġeometriċi
2.3.1.1. Il-karatteristiċi ġeometriċi għandhom ikunu skont il-Figuri 5 u 6.
2.3.2. Il-karatteristiċi tal-materjali
2.3.2.1. Il-kontrapjanċa għandha tkun magħmula minn folja tal-aluminju ta' 3 mm. Il-kontrapjanċa għandha tkun manifatturata minn aluminju tas-serje AlMg2 sa AlMg3 b'ebusija ta' bejn 50 u 65 HBS. Din il-pjanċa għandha tkun imtaqqba b'toqob għall-ventilazzjoni: il-pożizzjoni, id-dijametru u d-distanza bejn it-toqob huma indikati fil-Figuri 5 u 7.
2.4. Il-pożizzjoni tal-blokki b'arranġament ta' sezzjonijiet eżagonali
2.4.1. Il-blokki b'arranġament ta' sezzjonijiet eżagonali għandhom ikunu ċċentrati fuq iż-żona mtaqqba tal-kontrapjanċa (il-Figura 5).
2.5. Adeżjoni
2.5.1. Kemm għall-pjanċa ta' quddiem u kemm għall-pjanċa ta' wara, l-adeżiv għandu jiġi applikat b'mod uniformi f'massimu ta' 0,5 kg/m2 direttament fuq is-superfiċje tal-pjanċa ta' quddiem, sa ħxuna massima tal-film ta' 0,5 mm. L-adeżiv li jintuża fil-proċess kollu għandu jkun poliuretan magħmul minn żewġ partijiet {bħal pereżempju reżina Ciba Geigy XB5090/1 bis-sustanza li twebbes XB5304} jew ekwivalenti.
2.5.2. Għall-pjanċa ta' wara, is-saħħa minima tal-adeżjoni għandha tkun 0.6 MPa, (87 psi), ittestjata skont il-paragrafu 2.5.3.
2.5.3. It-testijiet tas-saħħa tal-adeżjoni:
2.5.3.1. Għall-kejl tas-saħħa tal-adeżjoni tal-adeżivi skont l-ASTM C297-61, jintuża l-ittestjar tat-trazzjoni perpendikulari.
2.5.3.2. Il-parti ttestjata għandha tkun 100 mm × 100 mm, u 15 mm fonda, u mwaħħla ma' kampjun tal-materjal tal-kontrapjanċa vventilata. L-arranġament b'sezzjonijiet eżagonali użat għandu jkun rappreżentattiv ta' dak fl-impattur, jiġifieri inċiż b'mod kimiku għal grad ekwivalenti ta' dak viċin il-kontrapjanċa tal-ostaklu iżda mingħajr il-proċess ta' tgħaffiġ minn qabel.
2.6. Traċċabbiltà
2.6.1. L-impatturi għandu jkollhom numri konsekuttivi tas-serje stampati, inċiżi jew imwaħħlin b'xi mod ieħor, b'mod permanenti, li minnhom jistgħu jiġu stabbiliti l-lottijiet tal-blokki individwali u d-data tal-manifattura.
2.7. It-twaħħil tal-impattur
2.7.1. It-twaħħil fuq it-troli għandu jsir skont il-Figura 8. Għat-twaħħil jintużaw sitt boltijiet M8, u ebda parti ma għandha tkun akbar mid-dimensjonijiet tal-ostaklu ta' quddiem ir-roti tat-troli. Għandhom jintużaw spejsers xierqa biex joħolqu spazju bejn il-flanġ ta' taħt tal-pjanċa ta' wara u l-faċċata tat-troli sabiex ikun evitat li titgħawweġ il-kontrapjanċa meta l-boltijiet tal-irbit jiġu ssikkati.
3. IS-SISTEMA TA' VENTILAZZJONI
3.1. L-interfaċċa bejn it-troli u s-sistema ta' ventilazzjoni għandha tkun solida, riġida u ċatta. L-apparat tal-ventilazzjoni huwa parti mit-troli u mhux mill-impattur kif provdut mill-manifattur. Il-karatteristiċi ġeometriċi tal-apparat tal-ventilazzjoni għandhom ikunu skont il-Figura 9.
3.2. Il-proċedura tal-immuntar tal-apparat tal-ventilazzjoni.
3.2.1. Immonta l-apparat tal-ventilazzjoni mal-pjanċa ta' quddiem tat-troli;
3.2.2. Żgura ruħek li f'ebda punt ma jista' jiddaħħal gejġ ta' 0,5 mm bejn l-apparat tal-ventilazzjoni u l-faċċata tat-troli. Jekk ikun hemm spazju akbar minn 0,5 mm, il-qafas tal-ventilazzjoni ikollu jinbidel jew jiġi aġġustat sabiex joqgħod fil-post mingħajr spazju ta' > 0,5 mm.
3.2.3. Żarma l-apparat tal-ventilazzjoni minn-naħa ta' quddiem tat-troli;
3.2.4. Waħħal ssaff oħxon 1,0 mm ta' sufra mal-faċċata ta' quddiem tat-troli;
3.2.5. Erġa' mmonta l-apparat tal-ventilazzjoni mal-parti ta' quddiem tat-troli u ssikka sabiex tneħħi l-ispazji tal-arja.
4. KONFORMITÀ TAL-PRODUZZJONI
Il-proċeduri għall-konformità tal-produzzjoni għandhom ikunu konformi ma' dawk stabbiliti fil-Ftehim, Appendiċi 2 (E/ECE/324-E/ECE/TRANS/505/Rev.2), skont dawn ir-rekwiżiti:
4.1. Il-manifattur għandu jkun responsabbli għall-konformità tal-proċeduri tal-produzzjoni u għalhekk għandu b'mod partikolari:
4.1.1. Jiżgura l-eżistenza ta' proċeduri effettivi ħalli l-kwalità tal-prodotti tkun tista' tiġi eżaminata;
4.1.2. Ikollu aċċess għat-tagħmir tal-ittestjar neċessarju sabiex tiġi eżaminata l-konformità ta' kull prodott;
4.1.3. Jiżgura li r-riżultati tat-test jiġu rreġistrati u li d-dokumenti jibqgħu disponibbli għal perjodu ta' żmien ta' 10 snin wara t-testijiet;
4.1.4. Juri li l-kampjuni ttestjati huma kejl affidabbli tal-prestazzjoni tal-lott (eżempji ta' metodi ta' kampjunar skont il-produzzjoni tal-lott jingħataw aktar 'l isfel).
4.1.5. Janalizza r-riżultati tat-testijiet sabiex jivverifika u jiżgura l-istabbiltà tal-karatteristiċi tal-ostaklu, filwaqt li jagħmel konċessjoni għall-varjazzjonijiet ta' produzzjoni industrijali, bħat-temperatura, il-kwalità tal-materja prima, il-ħin ta' immersjoni fil-kimika, il-konċentrazzjoni tal-kimika, in-newtralizzazzjoni eċċ, u l-kontroll tal-materjal proċessat sabiex jitneħħa kull residwu mill-ipproċessar.
4.1.6. Jiżgura li kwalunkwe sett ta' kampjuni jew partijiet ittestjati li jagħtu evidenza ta' nuqqas ta' konformità iwasslu għal aktar kampjunar u ttestjar. Iridu jittieħdu l-passi kollha neċessarji biex terġa' tinkiseb il-konformità tal-produzzjoni korrispondenti.
4.2. Il-livell ta' ċertifikazzjoni tal-manifattur irid ikun mill-inqas tal-istandard ISO 9002.
4.3. Il-kundizzjonijiet minimi għall-kontroll tal-produzzjoni: id-detentur ta' ftehim għandu jassigura l-kontroll tal-konformità skont il-metodi deskritti hawn taħt.
4.4. Eżempji ta' kampjunar skont il-lott
4.4.1. Jekk minn blokka oriġinali ta' aluminju b'arranġament ta' sezzjonijiet eżagonali joħorġu diversi eżemplari ta' tip wieħed ta' blokka u kollha jiġu trattati fl-istess kontenitur tat-trattament (produzzjoni parallela), wieħed minn dawn l-eżemplari jista' jintagħżel bħala l-kampjun, sakemm tingħata attenzjoni sabiex jiġi żgurat li t-trattament jiġi applikat b'mod uniformi lill-blokki kollha. Jekk le, jista' jkun meħtieġ li jintagħżel aktar minn kampjun wieħed.
4.4.2. Jekk għadd limitat ta' blokki simili (ngħidu aħna minn tlieta sa għoxrin) jiġu trattati fl-istess kontenitur (produzzjoni f'serje), allura l-ewwel u l-aħħar blokka trattati f'lott, kollha kemm huma magħmula mill-istess blokka oriġinali ta' aluminju b'arranġament ta' sezzjonijiet eżagonali, għandhom jittieħdu bħala kampjuni rappreżentattivi. Jekk l-ewwel kampjun ikun konformi mar-rekwiżiti imma l-aħħar wieħed ma jkunx, jista' jkun meħtieġ li jittieħdu kampjuni oħra minn produzzjoni preċedenti sakemm jinsab kampjun li jkun konformi. Il-blokki prodotti bejn dawn il-kampjuni biss għandhom jitqiesu bħala approvati.
4.4.3. Ladarba tinkiseb esperjenza fil-konsistenza tal-kontroll tal-produzzjoni, jista' jkun possibbli li jiġu kkombinati ż-żewġ metodi ta' kampjunar, u b'hekk aktar minn grupp wieħed ta' produzzjoni parallela jkunu jistgħu jiġu kkunsidrati bħala lott, dejjem jekk il-kampjuni mill-ewwel u mill-aħħar lottijiet tal-produzzjoni jkunu konformi.
5. TESTIJIET STATIĊI
5.1. Għandhom jiġu ttestjati kampjun wieħed jew aktar (skont il-metodu tal-lott), meħuda minn kull lott ta' aluminju b'arranġament ta' sezzjonijiet eżagonali pproċessat, skont il-proċedura tat-test li ġejja:
5.2. Id-daqs tal-kampjun tal-aluminju b'arranġament ta' sezzjonijiet eżagonali għal testijiet statiċi għandu jkun id-daqs ta' blokka normali tal-impattur, jiġifieri 250 mm × 500 mm × 440 mm għall-filliera ta' fuq nett u 250 mm × 500 mm × 500 mm għall-filliera ta' taħt nett.
5.3. Il-kampjuni għandhom jiġu kkompressati bejn żewġ pjanċi tat-tagħbija paralleli li jkunu mill-inqas 20 mm akbar mis-sezzjoni trasversali tal-blokka.
5.4. Il-veloċità tal-kompressjoni għandha tkun ta' 100 millimetru kull minuta, b'tolleranza ta' 5 fil-mija.
5.5. Id-dejta dwar il-kompressjoni statika għandha tittieħed bi frekwenza minima ta' 5 Hz.
5.6. It-test statiku għandu jitkompla sakemm il-kompressjoni tal-blokka tkun mill-inqas ta' 300 mm għall-blokki 4 sa 6 u ta' 350 mm għall-blokki 1 sa 3.
6. TESTIJIET DINAMIĊI
Għal kull 100 faċċata ta' ostaklu prodotti, il-manifattur għandu jagħmel test dinamiku wieħed kontra ħajt dinamometriku sostnut minn ostaklu riġidu fiss, skont il-metodu deskritt aktar 'l isfel.
6.1. Installazzjoni
6.1.1. Il-post fejn isir it-test
6.1.1.1. L-erja tat-test għandha tkun kbira biżżejjed li jkun hemm spazju għall-korsa tar-rankatura tal-ostaklu mobbli deformabbli, għall-ostaklu riġidu u għat-tagħmir tekniku meħtieġ għat-test. L-aħħar parti tal-korsa, għal mill-inqas 5 metri qabel l-ostaklu riġidu, għandha tkun orizzontali, ċatta u lixxa.
6.1.2. L-ostaklu riġidu fiss u l-ħajt dinamometriku
6.1.2.1. Il-ħajt riġidu għandu jkun magħmul minn blokka ta' konkrit rinfurzat wiesgħa mhux inqas minn 3 metri u għolja mhux inqas minn 1,5 metri. Il-ħxuna tal-ħajt riġidu għandha tkun tali li dan ikun jiżen mill-inqas 70 tunnellata metrika.
6.1.2.2. Il-faċċata ta' quddiem għandha tkun vertikali, perpendikulari għall-assi tal-mogħdija tar-rankatura u mgħammra b'sitt pjanċi taċ-ċelluli tat-tagħbija, b'kull waħda kapaċi tkejjel it-tagħbija totali fuq il-blokka xierqa tal-apparat tal-impatt tal-ostaklu mobbli deformabbli fil-mument tal-impatt. Iċ-ċentri taż-żona tal-impatt tal-pjanċa taċ-ċelluli tat-tagħbija għandhom ikunu bi dritt dawk tas-sitt żoni tal-impatt tal-faċċata tal-ostaklu mobbli deformabbli. Ix-xfar tagħhom għandhom ikunu 20 mm 'il bogħod miż-żoni ta' maġenbhom b'tali mod li, fit-tolleranza tal-allinjament tal-impatt tal-MDB, iż-żoni tal-impatt ma jiġux f'kuntatt maż-żoni ta' maġenbhom tal-pjanċa tal-impatt. L-immuntar taċ-ċelluli u s-superfiċji tal-pjanċi għandhom ikunu skont ir-rekwiżiti stabbiliti fl-anness tal-istandard ISO 6487:1987.
6.1.2.3. Il-protezzjoni tas-superfiċje, inkluża l-faċċata tal-plywood (bi ħxuna ta': 12 ± 1 mm), tiġi applikata ma' kull pjanċa taċ-ċelluli tat-tagħbija b'tali mod li ma tiddegradax ir-reazzjonijiet tat-transdjuser.
6.1.2.4. Il-ħajt riġidu għandu jkun jew ankrat fl-art jew imqiegħed fuq l-art, u jekk ikun meħtieġ, ikollu apparati addizzjonali li jorbtuħ sabiex jillimitaw id-deflessjoni tiegħu. Jista' jintuża ħajt riġidu (li miegħu jitwaħħlu ċ-ċelluli tat-tagħbija) li jkollu karatteristiċi differenti iżda li jagħti riżultati li huma tal-inqas daqstant ieħor konklużivi.
6.2. Il-propulsjoni tal-ostaklu mobbli deformabbli
Fil-mument tal-impatt, l-ostaklu mobbli deformabbli ma għandux jibqa' suġġett għall-azzjoni ta' xi apparat addizzjonali ta' gwida jew propulsjoni. Dan għandu jasal fuq l-ostaklu fuq rotta perpendikulari għas-superfiċje ta' quddiem tal-ħajt dinamometriku. L-allinjament tal-impatt għandu jkun preċiż b'varjazzjoni ta' mhux aktar minn 10 mm.
6.3. Strumenti tal-kejl
6.3.1. Veloċità
Il-veloċità tal-impatt għandha tkun ta' 35 ± 0,5 km/h, fejn l-istrument użat għar-reġistrar tal-veloċità fil-mument tal-impatt ikollu preċiżjoni b'varjazzjoni ta' mhux aktar minn 0,1 fil-mija.
6.3.2. Tagħbijiet
L-istrumenti tal-kejl għandhom jissodisfaw l-ispeċifikazzjonijiet stabbiliti fl-ISO 6487:1987
CFC għall-blokki kollha |
: |
60 Hz |
CAC għall-blokki 1 u 3 |
: |
200 kN |
CAC għall-blokki 4, 5 u 6 |
: |
100 kN |
CAC għall-blokka 2 |
: |
200 kN |
6.3.3. Aċċellerazzjoni
6.3.3.1. L-aċċellerazzjoni fid-direzzjoni lonġitudinali għandha titkejjel fi tliet pożizzjonijiet separati fuq it-troli, waħda ċentrali u waħda fuq kull naħa, f'postijiet mhux suġġetti għal liwi.
6.3.3.2. L-aċċellerometru ċentrali għandu jkun f'pożizzjoni mhux iktar minn 500 mm mill-pożizzjoni taċ-ċentru tal-gravità tal-MDB u għandu jkun fi pjan vertikali lonġitudinali li jkun ± 10 mm miċ-ċentru tal-gravità tal-MDB.
6.3.3.3. L-aċċellerometri tal-ġnub għandhom ikunu fl-istess għoli b'varjazzjoni ta' ± 10 mm u fl-istess distanza mis-superfiċje ta' quddiem tal-MDB b'varjazzjoni ta' ± 20 mm.
6.3.3.4. L-istrumentazzjoni għandha tkun konformi mal-ISO 6487:1987 bl-ispeċifikazzjonijiet li ġejjin:
|
CFC ta' 1 000 Hz (qabel l-integrazzjoni) |
|
CAC ta' 50 g |
6.4. Speċifikazzjonijiet ġenerali tal-ostaklu
6.4.1. Il-karatteristiċi individwali ta' kull ostaklu għandhom ikunu konformi mal-paragrafu 1 ta' dan l-anness u għandhom jiġu rreġistrati.
6.5. Speċifikazzjonijiet ġenerali tal-impattur
6.5.1. L-idoneità tal-impattur fir-rigward tar-rekwiżiti tat-test dinamiku għandha tiġi kkonfermata meta l-outputs mis-sitt pjanċi taċ-ċelluli tat-tagħbija lkoll jipproduċu sinjali konformi mar-rekwiżiti kif indikat f'dan l-anness.
6.5.2. L-impatturi għandu jkollhom numri konsekuttivi tas-serje stampati, inċiżi jew imwaħħlin b'xi mod ieħor, b'mod permanenti, li minnhom jistgħu jiġu stabbiliti l-lottijiet tal-blokki individwali u d-data tal-manifattura.
6.6. Il-proċedura għall-ipproċessar tad-dejta
6.6.1. Dejta mhux ipproċessata: Fil-ħin T = T0, il-kumpensi (offsets) kollha għandhom jitneħħew mid-dejta. Il-metodu li bih jitneħħew il-kumpensi għandu jkun irreġistrat fir-rapport tat-test.
6.6.2. Filtrar
6.6.2.1. Id-dejta mhux ipproċessata tiġi ffiltrata qabel ma jsiru l-ipproċessar/il-kalkoli.
6.6.2.2. Id-dejta tal-aċċellerometru għall-integrazzjoni tiġi ffiltrata b'CFC ta' 180, skont l-ISO 6487:1987.
6.6.2.3. Id-dejta tal-aċċellerometru għall-kalkoli tal-impulsi tiġi ffiltrata b'CFC ta' 60, skont l-ISO 6487:1987.
6.6.2.4. Id-dejta taċ-ċellula tat-tagħbija tiġi ffiltrata b'CFC ta' 60, skont l-ISO 6487:1987.
6.6.3. Kalkolu tad-deflessjoni tal-faċċata tal-MDB
6.6.3.1. Id-dejta tal-aċċellerometru mit-tliet aċċellerometri individwali (wara l-iffiltrar b'CFC ta' 180), tiġi integrata darbtejn sabiex tinkiseb id-deflessjoni tal-element tal-ostaklu deformabbli.
6.6.3.2. Il-kundizzjonijiet inizjali għad-deflessjoni huma:
6.6.3.2.1. Veloċità= veloċità tal-impatt (mill-istrument tal-kejl tal-veloċità).
6.6.3.2.2. Deflessjoni= 0
6.6.3.3. Id-deflessjoni fuq in-naħa tax-xellug, fil-linja tan-nofs u fuq in-naħa tal-lemin tal-ostaklu mobbli deformabbli tiġi mmarkata fi graff imqabbla mal-ħin.
6.6.3.4. Id-differenza bejn id-deflessjoni massima kkalkulata minn kull wieħed mit-tliet aċċellerometri ma għandhiex tkun aktar minn 10 mm. Jekk dan ma jkunx il-każ, il-valur anomali mill-kejl għandu jitneħħa u d-differenza bejn id-deflessjonijiet ikkalkulati miż-żewġ aċċellerometri l-oħra tiġi kkontrollata sabiex ikun żgurat li l-varjazzjoni ma tkunx aktar minn 10 mm.
6.6.3.5. Jekk id-deflessjonijiet kif imkejla mill-aċċellerometri tan-naħa tax-xellug, tan-naħa tal-lemin u tal-linja tan-nofs ikollhom varjazzjoni ta' mhux aktar minn 10 mm, għall-kalkolu tad-deflessjoni tal-faċċata tal-ostaklu għandha tintuża l-aċċellerazzjoni medja tat-tliet aċċellerometri.
6.6.3.6. Jekk id-deflessjoni minn żewġ aċċellerometri biss tissodisfa r-rekwiżit tal-10 mm, għall-kalkolu tad-deflessjoni tal-faċċata tal-ostaklu għandha tintuża l-aċċellerazzjoni medja ta' dawn iż-żewġ aċċellerometri.
6.6.3.7. Jekk id-deflessjonijiet ikkalkulati mit-tliet aċċellerometri kollha kemm huma (tan-naħa tax-xellug, tan-naħa tal-lemin u tal-linja tan-nofs) MA JISSODISFAWX ir-rekwiżit tal-10 mm, id-dejta mhux ipproċessata għandha tiġi riveduta sabiex jinstabu l-kawżi ta' din il-varjazzjoni tant kbira. F'dan il-każ il-kumpanija individwali tal-ittestjar tiddetermina liema dejta tal-aċċellerometru għandha tintuża biex tiġi ddeterminata d-deflessjoni tal-ostaklu mobbli deformabbli jew jekk l-ebda wieħed mill-qari tal-aċċellerometri ma jista' jintuża, f'liema każ, it-test ta' ċertifikazzjoni ikun irid jerga' jsir. Għandha tingħata spjegazzjoni dettaljata fir-rapport tat-test.
6.6.3.8. Sabiex jinkiseb ir-riżultat tal-kurva tal-forza/deflessjoni għal kull blokka, id-dejta medja tal-kurva tad-deflessjoni/ħin tiġi kkombinata mad-dejta tal-kurva tal-forza/ħin tal-ħajt taċ-ċelluli tat-tagħbija.
6.6.4. Kalkolu tal-enerġija
Għal kull blokka u għall-faċċata kollha tal-MDB, l-enerġija assorbita għandha tiġi kkalkulata sal-punt tad-deflessjoni massima tal-ostaklu.
Fejn:
t0 |
huwa l-ħin ta' meta kien jseħħ l-ewwel kuntatt |
t1 |
huwa l-ħin ta' meta t-troli jieqaf, jiġifieri meta u = 0, |
s |
hija d-deflessjoni tal-element deformabbli tat-troli kkalkulata skont il-paragrafu 6.6.3. |
6.6.5. Verifika tad-dejta tal-forza dinamika
6.6.5.1. Qabbel l-impuls totali, I, ikkalkulat mill-integrazzjoni tal-forza totali tul il-perjodu tal-kuntatt, mal-bidla fil-momentum matul dak il-perjodu (M*)V).
6.6.5.2. Qabbel il-bidla totali fl-enerġija mal-bidla fl-enerġija kinetika tal-MDB, mogħtija minn:
fejn Vi hija l-veloċità tal-impatt u M hija l-massa sħiħa tal-MDB
Jekk il-bidla fil-momentum (M*)V) ma tkunx daqs l-impuls totali (I) ± 5 fil-mija, jew jekk l-enerġija totali assorbita (E En) ma tkunx daqs l-enerġija kinetika, EK ± 5 fil-mija, id-dejta tat-test trid tiġi eżaminata sabiex tinstab il-kawża ta' dan l-iżball.
Figura 1
Id-disinn tal-impattur (2)
Test ta 'immaġni
Figura 2
Il-wiċċ ta' fuq tal-impatt
Test ta 'immaġni
Figura 3
L-orjentament tal-aluminju b'arranġament ta' sezzjonijiet eżagonali
Test ta 'immaġni
Figura 4
Id-dimensjoni taċ-ċelluli tal-aluminju b'arranġament ta' sezzjonijiet eżagonali
Figura 5
Id-disinn tal-kontrapjanċa
Test ta 'immaġni
Figura 6
It-twaħħil tal-kontrapjanċa mal-apparat tal-ventilazzjoni u l-pjanċa tal-faċċata tat-troli
Test ta 'immaġni
Figura 7
Id-distanza bejn it-toqob għat-toqob ta' ventilazzjoni tal-kontrapjanċa
Il-flanġi ta' fuq u ta' taħt tal-kontrapjanċa
Nota: It-toqob għall-irbit fil-flanġ ta' taħt jistgħu jitwessgħu u jsiru xquq, kif muri hawn taħt, biex jiffaċilitaw it-twaħħil, basta jkun hemm qabda biżżejjed li ma jseħħ ebda distakk waqt it-test tal-impatt.
Figura 8
Test ta 'immaġni
Figura 9
Il-frejm tal-ventilazzjoni
L-apparat tal-ventilazzjoni huwa struttura magħmula minn pjanċa bi ħxuna ta' 5 mm u wisa' ta' 20 mm. Il-pjanċi vertikali biss huma mtaqqba b'disa' toqob ta' 8 mm sabiex l-arja tkun tista' tiċċirkola b'mod orizzontali.
Test ta 'immaġni
(1) L-ammonti ta' enerġija indikati huma l-ammonti ta' enerġija dissipati mis-sistema meta l-impattur ikun mgħaffeġ l-aktar.
(2) Id-dimensjonijiet kollha huma f'mm. It-tolleranzi indikati għad-dimensjonijiet tal-blokki jagħtu konsiderazzjoni għad-diffikultajiet fil-kejl tal-aluminju b'arranġamenti ta' sezzjonijiet eżagonali maqtugħ. It-tolleranza indikata għad-dimensjoni globali tal-impattur hija inqas minn dik għall-blokki individwali minħabba li l-blokki b'arranġementi ta' sezzjonijiet eżagonali jistgħu jiġu aġġustati, anki jekk ikun hemm bżonn li jitrikkbu, sabiex tinżamm dimensjoni tal-impatt tal-faċċata aktar definita.
Appendiċi 1
IL-KURVI TAL-FORZA/DEFLESSJONI GĦAL TESTIJIET STATIĊI
Figura 1 a
Blokki 1 u 3
Figura 1b
Blokka 2
Figura 1c
Blokka 4
Figura 1d
Blokki 5 u 6
Appendiċi 2
IL-KURVI TAL-FORZA/DEFLESSJONI GĦAL TESTIJIET DINAMIĊI
Figura 2a
Blokki 1 u 3
Figura 2b
Blokka 2
Figura 2c
Blokka 4
Figura 2d
Blokki 5 u 6
Figura 2e
Total tal-blokki
Appendiċi 3
IL-VERIFIKA TAL-OSTAKLU MOBBLI DEFORMABBLI
1. AMBITU
Dan l-appendiċi fih preskrizzjoni għall-verifika tal-ostaklu mobbli deformabbli. L-Awtorità tal-Approvazzjoni tat-Tip hija responsabbli li tara li l-ostaklu mobbli deformabbli jissodisfa l-ispeċifikazzjonijiet, billi tittestjah kontra ħajt dinamometriku sostnut minn ostaklu riġidu fiss.
2. INSTALLAZZJONI
2.1. Il-post fejn isir it-test
Iż-żona tal-ittestjar għandha tkun kbira biżżejjed biex takkomoda l-korsa tar-rankatura tal-ostaklu mobbli deformabbli, l-ostaklu riġidu u t-tagħmir tekniku meħtieġ għat-test. L-aħħar parti tal-korsa, għal mill-inqas 5 m qabel l-ostaklu, għandha tkun orizzontali, ċatta u lixxa.
2.2. L-ostaklu riġidu fiss u l-ħajt dinamometriku
2.2.1. L-ostaklu riġidu għandu jkun magħmul minn blokka ta' konkrit rinfurzat wiesgħa mhux inqas minn 3 metri fuq quddiem u għolja mhux inqas minn 1,5 metri. Il-ħxuna tal-ostaklu riġidu għandha tkun tali li dan ikun jiżen mill-inqas 70 tunnellata metrika. Il-faċċata ta' quddiem għandha tkun vertikali, perpendikulari mal-assi tal-korsa tar-rankatura u miksija b'ċelloli tat-tagħbija li kapaċi jkejlu t-tagħbija totali ta' kull blokka tal-impattur tal-ostaklu mobbli deformabbli fil-mument tal-impatt. Iċ-ċentri taz-zoni tal-pjanċa tal-impatt għandhom ikunu allinjati ma dawk tal-barriera mobbli deformabbli magħżula; ix-xfar tagħhom għandhom ikunu 20 mm 'il bogħod miż-żoni ta' maġenbhom. L-immuntar taċ-ċelluli u s-superfiċji tal-pjanċi għandhom ikunu skont ir-rekwiżiti stabbiliti fl-anness, skont l-ISO 6487:1987. F'każijiet fejn tiġi miżjuda protezzjoni tas-superfiċje, din ma għandhiex tiddegrada r-risponsi tat-transdjuser.
2.2.2. L-ostaklu riġidu għandu jkun jew ankrat fl-art jew imqiegħed fl-art, jekk meħtieġ, b'apparati addizzjonali li jżommuh biex jillimitaw iċ-ċaqliq tiegħu. Jista' jintuża ostaklu riġidu b'ċelluli tat-tagħbija li jkollhom karatteristiċi differenti imma li jagħtu riżultati li jkunu tal-anqas ugwalment konklussivi.
3. IL-PROPULSJONI TAL-OSTAKLU MOBBLI DEFORMABBLI
Fil-mument tal-impatt, l-ostaklu mobbli deformabbli ma għandux jibqa' suġġett għall-azzjoni ta' xi apparat addizzjonali ta' gwida jew propulsjoni. dan għandu jilħaq l-ostakolu f'korsa perpendikulari għall-ostaklu tal-kolliżjoni. L-allinjament tal-impatt għandu jkun preċiż b'varjazzjoni ta' mhux aktar minn 10 mm.
4. STRUMENTI TAL-KEJL
4.1. Veloċità
Il-veloċità tal-impatt għandha tkun 35 + 2 – 2 km/h. L-istrument li jintuża biex jirreġistra l-veloċità fil-mument tal-impatt għandu jkun preċiż b'varjazzjoni ta' mhux aktar minn 1 %.
4.2. Tagħbijiet
L-istrumenti tal-kejl għandhom jissodisfaw l-ispeċifikazzjonijiet stabbiliti fl-ISO 6487:1987
CFC għall-blokki kollha |
= |
60 Hz |
CAC għall-blokki 1 u 3 |
= |
120 kN |
CAC għall-blokki 4, 5 u 6 |
= |
60 kN |
CAC għall-blokka 2 |
= |
140 kN |
4.3. Aċċellerazzjoni
L-aċċellerazzjoni fid-direzzjoni lonġitudinali għandha tiġi mkejla f'post mhux suġġett għal-liwi. L-istrumentazzjoni għandha tkun konformi mal-ISO 6487:1987 bl-ispeċifikazzjonijiet li ġejjin:
|
CFC ta' 1 000 Hz (qabel l-integrazzjoni) |
|
CFC ta' 60 Hz (wara l-integrazzjoni) |
|
CAC ta' 50 g |
5. SPEĊIFIKAZZJONI ĠENERALI TAL-OSTAKLU
5.1. Il-karatteristiċi individwali ta' kull ostaklu għandhom ikunu konformi mal-paragrafu 1. tal-Anness 5 u għandhom jiġu rreġistrati.
6. SPEĊIFIKAZZJONI ĠENERALI TAT-TIP TA' IMPATTUR
6.1. L-idoneità tat-tip ta' impattur tiġi kkonfermata meta l-outputs ta' kull waħda mis-sitt ċelloli tat-tagħbija jipproduċu sinjali li jkunu konformi mar-rekwiżiti indikati fil-paragrafu 2.2 tal-Anness 5, meta rreġistrati.
6.2. L-impatturi għandu jkollhom numri serjali konsekuttivi, inkluż id-data tal-manifattura.
ANNESS 6
DESKRIZZJONI TEKNIKA TAL-MANIKIN TAL-IMPATT LATERALI
1. ĠENERALI
1.1. Il-manikin tal-impatt laterali preskritt f'dan ir-Regolament, inkluż l-istrumentazzjoni u l-kalibrar, huwa deskritt f'disinji tekniċi u f'manwal tal-utent. (1)
1.2. Id-dimensjonijiet u l-mases tal-manikin tal-impatt laterali jirrappreżentaw 50 fil-mija tal-irġiel adulti, mingħajr il-parti ta' isfel tad-dirgħajn.
1.3. Il-manikin tal-impatt laterali huwa magħmul minn skeletru tal-metall u tal-plastik mgħotti b'gomma li timita l-laħam tal-ġisem, bi plastik u b'fowm.
2. KOSTRUZZJONI
2.1. Għal deskrizzjoni ġenerali tal-manikin tal-impatt laterali, ara l-Figura 1 għall-iskema, u t-Tabella 1 ta' dan l-anness għat-tqassim tal-partijiet.
2.2. Ir-ras
2.2.1. Ir-ras hija indikata bħala l-parti Nru 1 fil-Figura 1 ta' dan l-anness.
2.2.2. Ir-ras hija magħmula minn qafas tal-aluminju mgħotti b'ġilda flessibbli tal-vinil. L-intern tal-qafas huwa kavità li takkomoda fiha l-aċċellerometri triassali u l-ballast.
2.2.3. Fl-interfaċċa ta' bejn ir-ras u l-għonq hemm inkorporata parti li tissostitwixxi ċ-ċellula tat-tagħbija. Dan il-parti tista' tiġi sostitwita b'ċellula tat-tagħbija fuq in-naħa ta' fuq tal-għonq.
2.3. L-għonq
2.3.1. L-għonq huwa indikat bħala l-parti Nru 2 fil-Figura 1 ta' dan l-anness.
2.3.2. L-għonq huwa magħmul minn interfaċċa ta' bejn ir-ras u l-għonq, interfaċċa ta' bejn l-għonq u t-toraċi u sezzjoni ċentrali li tgħaqqad iż-żewġ interfaċċi flimkien.
2.3.3. L-interfaċċa ta' bejn ir-ras u l-għonq (il-parti Nru. 2a) u l-interfaċċa ta' bejn l-għonq u t-toraċi (il-parti Nru. 2c), it-tnejn huma magħmula minn żewġ diski tal-aluminju marbuta flimkien permezz ta' vit b'forma emisferika u tmien molol mewwieta tal-gomma.
2.3.4. Is-sezzjoni ċilindrika ċentrali (il-parti Nru. 2b) hija magħmula mil-gomma. Fiż-żewġ naħat, hemm iffurmata diska tal-aluminju tal-interfaċċi, fil-parti tal-gomma.
2.3.5. L-għonq jiġi mmuntat fuq il-brekit tal-għonq, indikat bħala l-parti Nru 2d fil-Figura 1 ta' dan l-anness. Dan il-brekit jista' jiġi sostitwit opzjonalment b'ċellula tat-tagħbija fin-naħa ta' isfel tal-għonq.
2.3.6. L-angolu bejn iż-żewġ uċuħ tal-brekit tal-għonq huwa ta' 25°. Minħabba li l-blokka tal-ispalla hija inklinata 5° lura, l-angolu li jirriżulta bejn l-għonq u t-torso huwa 20°.
2.4. L-ispalla
2.4.1. L-ispalla hija indikata bħala l-parti Nru 3 fil-Figura 1 ta' dan l-anness.
2.4.2. L-ispalla hija magħmula minn kaxxa tal-ispalla, żewġ klavikoli u minn spatola tal-fowm.
2.4.3. Il-kaxxa tal-ispalla (il-parti Nru 3a) hija magħmula minn blokka spejser tal-aluminju, bi pjanċa tal-aluminju fuqha u pjanċa tal-aluminju oħra taħtha. Iż-żewġ pjanċi jkollhom kisja tal-politetrafloworoetilen (PTFE).
2.4.4. Il-klavikoli (il-parti Nru 3b), magħmula minn reżina kkastjata tal-poliuretan (PU), huma ddisinjati biex jevolvu fuq il-blokka spejser. Il-klavikoli jinżammu lura fil-pożizzjoni newtrali tagħhom permezz ta' żewġ kordi tal-lastku (il-parti Nru 3c) li jiġu marbuta ma' wara tal-kaxxa tal-ispalla. Ix-xifer ta' barra taż-żewġ klavikoli huwa maħsub biex jippermetti li d-dirgħajn jitqiegħdu f'pożizzjonijiet standard.
2.4.5. L-ispatola (il-parti Nru 3d) hija magħmula minn gomma tal-poliuretan ta' densità baxxa u titwaħħal mal-blokka tal-ispalla.
2.5. It-toraċi
2.5.1. It-toraċi huwa indikat bħala l-parti Nru 4 fil-Figura 1 ta' dan l-anness.
2.5.2. It-toraċi huwa magħmul minn kaxxa tas-sinsla toraċika riġida u tliet moduli tal-kustilji identiċi.
2.5.3. Il-kaxxa tas-sinsla toraċika (il-parti Nru 4a) hija magħmula mill-azzar. Fuq is-superfiċje ta' wara tal-ispejser tal-azzar tiġi mmuntata kontrapjanċa (il-parti Nru 4b) li tkun ikkurvata u magħmula minn reżina tal-poliuretan (PU).
2.5.4. Is-superfiċje ta' fuq tal-kaxxa tas-sinsla toraċika hija inklinata 5° lura.
2.5.5. Fil-parti ta' isfel tal-kaxxa tax-xewka tad-dahar tiġi mmuntata ċellula tat-tagħbija T12 jew sostituzzjoni ta' ċellula tat-tagħbija (il-parti Nru 4j).
2.5.6. Il-modulu tal-kustilji (il-parti Nru 4c) huwa magħmul minn qafas tal-kustilji tal-azzar miksi b'fowm tal-poliuretan (PU) biċ-ċelluli miftuħa li jimita l-laħam tal-ġisem (il-parti Nru 4d), assemblaġġ ta' sistema ta' gwida lineari (il-parti Nru 4e) li jgħaqqad flimkien il-kustilji u l-kaxxa tas-sinsla, smorzatur idrawliku (il-parti Nru 4f) u molla iebsa tal-ismorzatur (il-parti Nru 4g).
2.5.7. Is-sistema ta' gwida lineari (il-parti Nru 4e) tippermetti lin-naħa sensittiva tal-kustilji (il-parti Nru 4d) tintlewa fir-rigward tal-kaxxa tas-sinsla (il-parti Nru 4a) u n-naħa mhux sensittiva. L-assemblaġġ tas-sistema tal-gwida huwa mgħammar b' needle bearings lineari.
2.5.8. Fl-assemblaġġ tas-sistema ta' gwida (il-parti Nru 4h) ikun hemm molla għall-ittjunjar.
2.5.9. Jista' jiġi installat transdjuser għall-ispostament tal-kustilji (il-parti Nru 4i) fuq il-parti tas-sistema ta' gwida mmuntata fuq il-kaxxa tas-sinsla (il-parti Nru 4e) u konessa man-naħa ta' barra tas-sistema ta' gwida fin-naħa s-sensittiva tal-kustilji.
2.6. Id-dirgħajn
2.6.1. Id-dirgħajn huma indikati bħala l-parti Nru 5 fil-Figura 1 ta' dan l-anness.
2.6.2. Id-dirgħajn għandhom skeletru tal-plastik miksi b'“laħam tal-ġisem” tal-poliuretan (PU) u “ġilda” tal-klorur tal-polivinil (PVC). Il-“laħam” huwa magħmul mill-parti ta' fuq li hija kast tal-poliuretan (PU) ta' densità għolja u mill-parti ta' isfel li hija tal-fowm tal-poliuretan (PU).
2.6.3. Il-ġog tal-ispalla mad-driegħ jippermetti pożizzjonijiet diskreti ta' 0, 40 u 90 fir-rigward tal-linja tat-torso.
2.6.4. Il-ġog tal-ispalla mad-driegħ jippermetti biss rotazzjoni ta' flessjoni/estensjoni.
2.7. Is-sinsla lumbari
2.7.1. Is-sinsla lumbari hija indikata bħala l-parti Nru 6 fil-Figura 1 ta' dan l-anness.
2.7.2. Is-sinsla lumbari hija magħmula minn ċilindru solidu tal-gomma b'żewġ pjanċi interfaċċi tal-azzar f'kull tarf, u kejbil tal-azzar ġewwa ċ-ċilindru.
2.8. L-addome
2.8.1. L-addome huwa indikat bħala l-parti Nru 7 fil-Figura 1 ta' dan l-anness.
2.8.2. L-addome huwa magħmul minn parti ċentrali riġida u kisja tal-fowm.
2.8.3. Il-parti ċentrali tal-addome hija magħmula minn forma tal-metall (il-parti Nru 7 a). Fuq din il-forma tiġi mmuntata pjanċa li tgħattiha.
2.8.4. Il-kisi (il-parti Nru 7b) huwa magħmul minn fowm tal-poliuretan (PU). Fil-kisi tal-fowm, fuq iż-żewġ naħat, tiġi integrata blokka kkurvata tal-gomma, mimlija b'boċċi taċ-ċomb
2.8.5. Bejn il-kisja tal-gomma u l-forma riġida fuq kull naħa tal-addome, jistgħu jiġu mmuntati jew tliet transdjusers tal-forza (il-parti Nru 7c) jew tliet unitajiet ta' sostituzzjoni li ma jkejlux.
2.9. Il-pelvi
2.9.1. Il-pelvi huwa indikat bħala l-parti Nru 8 fil-Figura 1 ta' dan l-anness.
2.9.2. Il-pelvi huwa magħmul minn blokka tas-sakru, żewġ ġwienaħ iljaċi, żewġ assemblaġġi tal-ġogi tal-ġenb u kisja tal-gomma li timita l-laħam tal-ġisem.
2.9.3. Is-sakru (il-parti Nru 8a) huwa magħmul minn blokka tal-metall bil-ballast u pjanċa tal-metall immuntata fuq din il-blokka. Fuq in-naħa ta' wara ta' din il-blokka hemm kavità biex tiffaċilita l-applikazzjoni tal-istrumentazzjoni.
2.9.4. Il-ġwienaħ iljaċi (il-parti Nru 8b) huma magħmula minn reżina tal-poliuretan (PU).
2.9.5. L-assemblaġġi tal-ġogi tal-ġenb (il-parti Nru 8c) huma magħmula minn partijiet tal-azzar. Dawn huma ffurmati minn brekit tal-wirk ta' fuq u l-ġog b'forma ta' ballun konnessi mal-fus li jgħaddi mill-punt H tal-manikin.
2.9.6. Is-sistema tal-laħam tal-ġisem (il-parti Nru 8d) hija magħmula minn ġilda tal-klorur tal-polivinil (PVC) mimlija bil-fowm tal-poliuretan (PU). Fil-pożizzjoni tal-punt H il-ġilda hija sostitwita minn blokka kbira tal-fowm b'ċelluli miftuħa tal-poliuretan (PU) (il-parti Nru 8e), appoġġata bi pjanċa tal-azzar imwaħħla fuq il-ġwejnaħ iljaku permezz ta' fus ta' sostenn li jgħaddi mill-ġog b'forma ta' ballun.
2.9.7. Il-ġwienaħ iljaċi jitwaħħlu mal-blokka tas-sakru fin-naħa ta' wara u jintrabtu flimkien fil-pożizzjoni tas-simfiżi pubika bi transdjuser tal-forza (il-parti Nru 8f) jew b'sostituzzjoni ta' transdjuser.
2.10. Ir-riġlejn
2.11. Ir-riġlejn huma indikati bħala l-parti Nru 9 fil-Figura 1 ta' dan l-anness.
2.11.1. Ir-riġlejn huma magħmula minn skeletru tal-metall miksi b'fowm tal-poliuretan (PU) li jimita l-laħam b'ġilda tal-klorur tal-polivinil (PVC).
2.11.2. Il-laħam tal-koxxa ta' fuq tar-riġlejn huwa rappreżentat minn forma tal-poliuretan (PU) b'densità għolja b'ġilda magħmula mill-klorur tal-polivinil (PVC).
2.11.3. L-irkoppa u l-ġog tal-għaksa jippermettu biss rotazzjoni ta' flessjoni/estensjoni.
2.12. Ilbies
2.12.1. L-ilbies mhux indikat fil-Figura 1 ta' dan l-anness.
2.12.2. L-ilbies huwa magħmul mill-gomma u jgħatti l-ispallejn, it-toraċi, il-parti ta' fuq tad-dirgħajn, l-addome u s-sinsla lumbari, u l-parti ta' fuq tal-pelvi.
Figura 1
Kostruzzjoni tal-manikin tal-impatt laterali
Tabella 1
Komponenti tal-Manikin tal-Impatt Laterali (Ara l-Figura 1)
Parti |
Nru |
Deskrizzjoni |
Għadd |
|
1 |
|
Ras |
1 |
|
2 |
|
Għonq |
1 |
|
|
2a |
Interfaċċa ta' bejn ir-ras u l-għonq |
|
1 |
|
2b |
Sezzjoni ċentrali |
|
1 |
|
2c |
Interfaċċa ta' bejn l-għonq u t-toraċi |
|
1 |
|
2d |
Brekit tal-għonq |
|
1 |
3 |
|
Spalla |
1 |
|
|
3 a |
Kaxxa tal-ispalla |
|
1 |
|
3b |
Klavikoli |
|
2 |
|
3c |
Korda elastika |
|
2 |
|
3d |
Spatola tal-fowm |
|
1 |
4 |
|
Toraċi |
1 |
|
|
4 a |
Sinsla toraċika |
|
1 |
|
4b |
kontrapjanċa (ikkurvata) |
|
1 |
|
4c |
Modulu tal-kustilji |
|
3 |
|
4d |
Qafas tal-kustilji miksi bil-laħam |
|
3 |
|
4e |
Assemblaġġ tal-pistuni/ċilindri |
|
3 |
|
4f |
Smorzatur |
|
3 |
|
4g |
Molla iebsa tal-ismorzatur |
|
3 |
|
4h |
Molla tat-tjuning |
|
3 |
|
4i |
transdjuser tal-ispostament |
|
3 |
|
4j |
Ċellula tat-tagħbija T12 jew sostituzzjoni ta' ċellula tat-tagħbija |
|
1 |
5 |
|
Dirgħajn |
2 |
|
6 |
|
Sinsla lumbari |
1 |
|
7 |
|
Addome |
1 |
|
|
7a |
Forma ċentrali |
|
1 |
|
7b |
Kisi tal-laħam |
|
1 |
|
7c |
Transdjuser tal-forza |
|
3 |
8 |
|
Pelvi |
1 |
|
|
8 a |
Blokka tas-sakru |
|
1 |
|
8b |
Ġwienaħ iljaċi |
|
2 |
|
8c |
Assemblaġġ tal-ġogi tal-ġenb |
|
2 |
|
8d |
Kisi tal-laħam |
|
1 |
|
8e |
Blokka tal-fowm tal-punt H |
|
2 |
|
8f |
Transdjuser tal-forza jew sostituzzjoni tiegħu |
|
1 |
9 |
|
Riġel |
2 |
|
10 |
|
Ilbies |
1 |
|
3. L-ASSEMBLAĠĠ TAL-MANIKIN
3.1. Ras-għonq
3.1.1. It-torque meħtieġ fuq il-viti emisferiċi għall-assemblaġġ tal-għonq huwa 10 Nm.
3.1.2. L-assemblaġġ taċ-ċellula tat-tagħbija fuq ir-ras u l-parti ta' fuq tal-għonq jiġi mmuntat b'erba' viti mal-pjanċa tal-interfaċċa ta' bejn ir-ras u l-għonq.
3.1.3. Il-pjanċa tal-interfaċċa ta' bejn l-għonq t-toraċi tiġi mmuntata b'erba' viti mal-brekit tal-għonq.
3.2. Qħonq — spalla-toraċi
3.2.1. Il-brekit tal-għonq jiġi mmuntat b'erba' viti fuq il-blokka tal-ispalla.
3.2.2. Il-blokka tal-ispalla tiġi mmuntata bi tliet viti fuq is-superfiċje ta' fuq tal-kaxxa tas-sinsla toraċika.
3.3. Spalla-driegħ
3.3.1. Id-dirgħajn jiġu mmuntati mal-klavikoli tal-ispalla u aġġustati permezz ta' vit u bering assjali. Il-vit għandu jiġi ssikkat biex tinkiseb forza ta' reżistenza ta' 1–2 g fuq il-pern tad-driegħ.
3.4. Toraċi-sinsla lumbari-addome
3.4.1. Id-direzzjoni tal-immuntar tal-moduli tal-kustilji fit-toraċi għandha tiġi adattata skont in-naħa tal-impatt meħtieġa.
3.4.2. Adapter għas-sinsla lumbari jiġi mmuntat b'żewġ viti fuq iċ-ċellula tat-tagħbija T12 jew fuq is-sostitutuzzjoni taċ-ċellula tat-tagħbija fil-parti ta' isfel tas-sinsla toraċika.
3.4.3. L-adapter għas-sinsla lumbari jiġi mmuntat b'erba viti mal-pjanċa ta' fuq tas-sinsla lumbari.
3.4.4. Il-flanġ tal-immuntar tal-forma tal-addome ċentrali jiġi marbut bejn l-adaptor tas-sinsla lumbari u l-pjanċa ta' fuq tas-sinsla lumbari.
3.4.5. Il-pożizzjoni tat-transdjusers tal-forza fuq l-addome għandha tiġi adattata skont in-naħa tal-impatt meħtieġa.
3.5. Sinsla lumbari-pelvi-riġlejn
3.5.1. Is-sinsla lumbari tiġi immuntata bi tliet viti mal-pjanċa li tgħatti l-blokka tas-sakru. Fil-każ li tintuża ċ-ċellula tat-tagħbija tal-parti ta' isfel tas-sinsla lumbari, jintużaw erba' viti.
3.5.2. Il-pjanċa ta' isfel tas-sinsla lumbari tiġi mmuntata bi tliet viti mal-blokka tas-sakru tal-pelvi.
3.5.3. Ir-riġlejn jiġu mmuntati b'vit wieħed mal-brekit tal-wirk ta' fuq tal-assemblaġġ tal-ġog tal-ġenb tal-pelvi.
3.5.4. Il-konnessjonijiet bejn l-irkoppa u l-għaksa fir-riġlejn jistgħu jiġu aġġustati biex tinkiseb forza ta' reżistenza ta' 1–2 g.
4. KARATTERISTIĊI PRINĊIPALI:
4.1. Massa
4.1.1. Il-mases tal-komponenti prinċipali tal-manikin huma murija fit-tabella 2 ta' dan l-anness.
Tabella 2
Il-Mases tal-Komponenti tal-Manikin
Komponent (parti tal-ġisem) |
Massa (kg) |
Tolleranza ± (kg) |
Kontenuti prinċipali |
Ras |
4,0 |
0,2 |
L-assemblaġġ komplet tar-ras, inkluż l-aċċellerometru triassali u ċ-ċellula tat-tagħbija fuq il-parti ta' fuq tal-għonq jew is-sostituzzjoni tagħha |
Għonq |
1,0 |
0,05 |
L-għonq, mhux inkluż il-brekit tal-għonq |
Toraċi |
22,4 |
1,0 |
Il-brekit tal-għonq, l-ispatola, l-assemblaġġ tal-ispalel, il-boltijiet tal-irbit tad-dirgħajn, il-kaxxa tas-sinsla, il-kontrapjanċa tat-torso, il-moduli tal-kustilji, it-transdjusers tad-deflessjoni tal-kustilji, iċ-ċellula tat-tagħbija tal-kontrapjanċa tat-torso jew is-sostituzzjoni tagħha, iċ-ċellula tat-tagħbija T12 jew is-sostituzzjoni tagħha, il-forma tal-addome ċentrali, it-transdjusers tal-forza fuq l-addome, 2/3 tal-ilbies |
Dirgħajn (kull wieħed) |
1,3 |
0,1 |
Id-driegħ ta' fuq, inkluż il-pjanċa tal-pożizzjonament tad-driegħ (kull wieħed) |
L-addome u s-sinsla lumbari |
5,0 |
0,25 |
Il-kisi tal-laħam tal-addome u s-sinsla lumbari |
Pelvi |
12,0 |
0,6 |
Il-blokka ras-sakru, il-pjanċa tal-immuntar tas-sinsla lumbari, il-brekits tal-wirk ta' fuq, il-ġwienaħ iljaċi, it-transdjuser tal-forza fuq il-pubis, il-kisi tal-laħam tal-pelvi, 1/3 tal-ilbies |
Riġel (kull wieħed) |
12,7 |
0,6 |
Is-sieq, fuq u isfel tar-riġel u l-laħam sal-ġunżjoni mal-wirk ta' fuq (kull wieħed) |
Totali tal-manikin |
72,0 |
1,2 |
|
4.2. Dimensjonijiet prinċipali
4.2.1. Id-dimensjonijiet prinċipali tal-manikin tal-impatt laterali (inkluż l-ilbies) abbażi tal-Figura 2 ta' dan l-anness, huma indikati fit-Tabella 3 ta' dan l-anness.
Id-dimensjonijiet jitkejlu mingħajr l-ilbies.
Figura 2
Il-kejl tad-dimensjonijiet prinċipali tal-manikin
(Ara t-Tabella 3)
Tabella 3
Id-Dimensjonijiet Prinċipali tal-Manikin
Nru |
Parametru |
Dimensjoni (mm) |
1 |
Għoli f'pożizzjoni bilqiegħda |
909 ± 9 |
2 |
Mis-sit sal-ġog tal-ispalla |
565 ± 7 |
3 |
Mis-sit sal-wiċċ ta' fuq tal-kaxxa tas-sinsla toraċika |
351 ± 5 |
4 |
Mis-sit sal-ġog tal-ġenb (ċentru tal-bolt) |
100 ± 3 |
5 |
mill-qiegħ tas-sieq sas-sit, bilqiegħda |
442 ± 9 |
6 |
Il-wisa' tar-ras |
155 ± 3 |
7 |
Il-wisa' bejn l-ispalel/dirgħajn |
470 ± 9 |
8 |
Wisa' tat-toraċi |
327 ± 5 |
9 |
Il-wisa' tal-addome |
290 ± 5 |
10 |
Il-wisa' tal-pelvi |
355 ± 5 |
11 |
Il-fond tar-ras |
201 ± 5 |
12 |
Il-fond tat-toraċi |
276 ± 5 |
13 |
Il-fond tal-addome |
199 ± 5 |
14 |
Il-fond tal-pelvi |
240 ± 5 |
15 |
Minn wara tan-natka sal-ġog tal-ġenb (ċentru tal-bolt) |
155 ± 5 |
16 |
Minn wara tan-natka sa quddiem tal-irkoppa |
606 ± 9 |
5. ĊERTIFIKAZZJONI TAL-MANIKIN
5.1. In-naħa tal-impatt
5.1.1. Il-partijiet tal-manikin għandhom jiġu ċċertifikati fuq in-naħa tax-xellug jew fuq in-naħa tal-lemin, skont il-ġenb tal-vettura ta' fejn iseħħ l-impatt.
5.1.2. Il-konfigurazzjonijiet tal-manikin fir-rigward tad-direzzjoni tal-immuntar tal-moduli tal-kustilji u l-pożizzjoni tat-transdjusers tal-forza fuq l-addome għandhom jiġu adattati skont in-naħa tal-impatt mixtieqa.
5.2. Istrumentazzjoni
5.2.1. L-istrumentazzjoni kollha għandha tiġi kkalibrata b'konformità mar-rekwiżiti tad-dokumentazzjoni speċifikata fil-paragrafu 1.1. ta' dan l-anness.
5.2.2. Il-kanali kollha tal-istrumentazzjoni għandhom ikunu konformi mal-ispeċifikazzjonijiet għar-reġistrar tad-dejta tal-ISO 6487:2000 jew tas-SAE J211 (Marzu 1995)
5.2.3. L-għadd minimu ta' kanali meħtieġa għall-konformità ma' dan ir-regolament huwa għaxra:
|
Aċċellerazzjonijiet tar-ras (3), |
|
Spostamenti tal-kustilji tat-toraċi (3), |
|
Tagħbijiet fuq l-addome (3); u |
|
Tagħbija fuq is-simfiżi pubika (1). |
5.2.4. Huma wkoll disponibbli għadd ta' kanali opzjonali tal-istrumentazzjoni (38):
|
Tagħbijiet fuq il-parti ta' fuq tal-għonq (6), |
|
Tagħbijiet fuq in naħa ta' isfel tal-għonq (6), |
|
Tagħbijiet fuq il-klavikoli (3), |
|
Tagħbijiet fuq il-kontrapjanċa tat-torso (4), |
|
Aċċellerazzjonijiet T1 (3), |
|
Aċċellerazzjonijiet T12 (3), |
|
Aċċellerazzjonijiet tal-kustilji (6, tnejn fuq kull kustilja), |
|
Tagħbijiet fuq is-sinsla T12 (4), |
|
Tagħbijiet fuq in naħa lumbari ta' isfel (3), |
|
Aċċellerazzjonijiet tal-pelvi (3); u |
|
Tagħbijiet fuq il-wirk (6). |
Huma wkoll disponibbli erba' kanali opzjonali għall-indikazzjoni tal-pożizzjoni:
|
Rotazzjoniji tat-toraċi (2); u |
|
Rotazzjoniji tal-pelvi (2) |
5.3. Kontrolli viżwali
5.3.1. Il-partijiet kollha tal-manikin għandhom ikunu vverifikati viżwalment għal xi ħsara, u jekk ikun meħtieġ jinbidlu qabel it-test taċ-ċertifikazzjoni.
5.4. Konfigurazzjoni ġenerali tat-test
5.4.1. Il-Figura 3 ta' dan l-anness turi l-konfigurazzjoni tat-testijiet kollha ta' ċertifikazzjoni fuq il-manikin tal-impatt laterali.
5.4.2. L-arranġamenti tal-konfigurazzjoni tat-test taċ-ċertifikazzjoni u l-proċeduri tal-ittestjar għandhom ikunu skont l-ispeċifikazzjonijiet u r-rekwiżiti tad-dokumentazzjoni speċifikata fil-paragrafu 1.1.
5.4.3. It-testijiet fuq ir-ras, l-għonq, it-toraċi u s-sinsla lumbari jitwettqu fuq subassemblaġġi tal-manikin.
5.4.4. It-testijiet fuq l-ispalla, l-addome u l-pelvi jitwettqu bil-manikin komplet (mingħajr l-ilbies, żraben u ħwejjeġ ta' taħt). F'dawn it-testijiet il-manikin jitqiegħed bilqiegħda fuq superfiċje ċatta b'żewġ folji tal-polifluworoetilen (PTFE) ta' ħxuna ta' 2 mm jew inqas imqiegħda bejn il-manikin u s-superfiċje ċatta.
5.4.5. Qabel ma jsir it-test, il-partijiet kollha li jridu jiġu ċċertifikati għandhom jinżammu fil-kamra tat-test għal perjodu ta' mill-inqas erba' sigħat f'temperatura ta' bejn (u li tinkludi) 18 u 22 °C u umidità relattiva ta' bejn (u li tinkludi) 10 u 70 fil-mija.
5.4.6. Il-ħin bejn żewġ testijiet ta' ċertifikazzjoni fuq l-istess parti għandu jkun ta' mill-inqas 30 minuta.
5.5. Ras
5.5.1. Is-subassemblaġġ tar-ras, inkluż is-sostitutuzzjoni taċ-ċellula tat-tagħbija fuq il-parti ta' fuq tal-għonq, jiġi ċċertifikat f'test fejn jitwaqqa' minn 200 ± 1 mm fuq superfiċje tal-impatt ċatta u riġida.
5.5.2. L-angolu bejn is-superfiċje tal-impatt u l-pjan saġittali medjan tar-ras huwa ta' 35 ± 1°, li jippermetti impatt fuq in-naħa ta' fuq tar-ras (dan jista' jsir permezz ta' sling harness jew brekit ta' appoġġ għall-waqgħa tar-ras b'massa ta' 0,075 ± 0,005 kg.).
5.5.3. L-aċċelerazzjoni tar-ras massima riżultanti, iffiltrata skont l-ISO 6487:2000 b'CFC ta' 1 000, għandha tkun bejn (u tinkludi) 100 g u 150 g.
5.5.4. Il-prestazzjoni tar-ras tista' tiġi aġġustata biex tissodisfa r-rekwiżiti billi jiġu mmodifikati l-karatteristiċi tal-frizzjoni tal-interfaċċa ta' bejn il-ġilda u l-kranju (pereżempju permezz ta' lubrikazzjoni bit-trab tat-talkum jew sprej tal-politetrafluworoetilen (PTFE)).
5.6. Għonq
5.6.1. L-interfaċċa ta' bejn ir-ras u l-għonq tiġi mmuntata ma' forma tar-ras ta' ċertifikazzjoni speċjali b'massa ta' 3,9 ± 0,05 kg (ara l-Figura 6), permezz ta' pjanċa interfaċċa bi ħxuna ta' 12 mm u b'massa ta' 0,205 ± 0,05 kg.
5.6.2. Il-forma tar-ras u l-għonq jiġu mmuntati ta' taħt fuq mal-qiegħ ta' pendlu tal-għonq (2) li tippermetti l-moviment laterali tas-sistema.
5.6.3. Il-pendlu tal-għonq huwa mgħammar b'aċċellerometru uniassali skont l-ispeċifikazzjoni tal-pendlu tal-għonq (ara l-Figura 5).
5.6.4. Il-pendlu tal-għonq għandu jitħalla jaqa' liberament minn għoli predeterminat sabiex tintlaħaq veloċità tal-impatt ta' 3,4 ± 0,1 m/s imkejla fil-pożizzjoni tal-aċċellerometru tal-pendlu.
5.6.5. Il-pendlu tal-għonq jiġi deċellerat mill-veloċità tal-impatt għal żero permezz ta' apparat xieraq (3), kif deskritt fl-ispeċifikazzjoni tal-pendlu tal-għonq (ara l-Figura 5), li jwassal għal kurva tat-tibdil fil-veloċità/ħin fil-firxiet ta' limiti speċifikati fil-Figura 7 u t-Tabella 4 ta' dan l-anness. Il-kanali kollha għandhom jiġu rreġistrati skont l-ispeċifikazzjonijiet għar-reġistrar tad-dejta tal-ISO 6487:-2000 jew tas-SAE J211 (Marzu 1995) u ffiltrati diġitalment skont l-ISO 6487:2000 b'CFC ta' 180 jew is-SAE J211:1995 b'CFC ta' 180. Id-deċellerazzjoni tal-pendlu għandha tiġi iffiltrata skont l-ISO 6487: 2000 b'CFC ta' 60 jew is-SAE J211:1995 b'CFC ta' 60.
Tabella 4
Il-firxa ta' limiti tal-kurva tat-tibdil fil-veloċità/ħin tal-pendlu għat-test taċ-ċertifikazzjoni tal-għonq
Il-limiti ta' fuq ħin (s) |
Veloċità (m/s) |
Il-limiti ta' isfel ħin (s) |
Veloċità (m/s) |
0,001 |
0,0 |
0 |
– 0,05 |
0,003 |
– 0,25 |
0,0025 |
– 0,375 |
0,014 |
– 3,2 |
0,0135 |
– 3,7 |
|
|
0,017 |
– 3,7 |
5.6.6. L-angolu tal-flessjoni massimu tal-forma tar-ras relattiv għall-pendlu (Angolu dθA + dθC fil-Figura 6)) għandu jkun bejn (u inklużi) 49,0 u 59,0° u jseħħ bejn (u inklużi) 54,0 u 66,0 m/s.
5.6.7. L-ispostamenti massimi miċ-ċentru tal-gravità tal-forma tar-ras imkejla fl-angoli dθA u dθB (ara l-Figura 6) għandhom ikunu: Angolu bażi ta' quddiem tal-pendlu dθA ta' bejn (u inklużi) 32,0 u 37,0° li jseħħ bejn (u inklużi) 53,0 u 63,0 ms u angolu bażi fuq wara tal-pendlu dθB ta' bejn (u inklużi) 0,81 * (angolu dθA) + 1,75 u 0,81 * (angolu dθA) + 4,25° li jseħħ bejn (u inklużi) 54,0 u 64,0 ms.
5.6.8. Il-prestazzjoni tal-għonq tista' tiġi aġġustata bis-sostituzzjoni tat-tmien molol mewwieta ta' sezzjoni f'forma ta' ċirku b'molol mewwieta ta' ebusija Shore oħra.
5.7. Spalla
5.7.1. It-tul tal-korda tal-lastku għandu jiġi aġġustat b'mod li biex il-klavikola timexxa 'l quddiem tkun meħtieġa forza ta' bejn (u inklużi) 27,5 N u 32,5 N applikata 'l quddiem, 4 ± 1 mm mix-xifer ta' barra tal-klavikola fl-istess pjan tal-moviment tal-klavikola.
5.7.2. Il-manikin jitqiegħed bilqiegħda fuq superfiċje ċatta, orizzontali u riġida mingħajr appoġġ għad-dahar. It-toraċi jiġi pożizzjonat vertikalment u d-dirgħajn jiġu ssettjati fl-angolu ta' 40 ± 2° 'il quddiem mal-vertikali. Ir-riġlejn jitqiegħdu f'pożizzjoni orizzontali.
5.7.3. L-impattur huwa pendlu b'massa ta' 23,4 ± 0,2 kg u b'dijametru ta' 152,4 ± 0,25 mm u x-xifer tiegħu jkollu raġġ ta' 12,7 mm (4). L-impattur jiġi sospiż minn pernijiet riġidi permezz ta' erba' wajers, u l-linja taċ-ċentru tal-impattur tkun tal-inqas 3,5 m aktar 'l isfel mill-pernijiet riġidi (ara l-Figura 4).
5.7.4. L-impattur huwa mgħammar b'aċċellerometru sensittiv fid-direzzjoni tal-impatt, li jitqiegħed fuq il-fus tal-impattur.
5.7.5. L-impattur għandu jitbandal liberament għal fuq l-ispalla tal-manikin b'veloċità tal-impatt ta' 4,3 ± 0,1 m/s.
5.7.6. Id-direzzjoni tal-impatt hija perpendikulari għall-assi anterjuri-posterjuri tal-manikin u l-fus tal-impattur jikkoinċidi mal-assi tal-pern tal-parti ta' fuq tad-driegħ.
5.7.7. L-aċċellerazzjoni massima tal-impattur iffiltrata skont l-ISO 6487:2000 b'CFC ta' 180, għandha tkun bejn (u inklużi) 7,5 u 10,5 g.
5.8. Dirgħajn
5.8.1. L-ebda proċedura ta' ċertifikazzjoni dinamika ma hi definita għad-dirgħajn.
5.9. Toraċi
5.9.1. Kull modulu tal-kustilji jiġi ċċertifikat b'mod separat.
5.9.2. Il-modulu tal-kustilji jitqiegħed f'pożizzjoni vertikali fuq il-bank tat-test ta' tfigħ u ċ-ċilindru tal-kustilji jitwaħħal sew ma' dan il-bank tat-test.
5.9.3. L-impattur huwa massa ta' waqgħa libera ta' 7,78 ± 0,01 kg b'wiċċ ċatt u b'dijametru ta' 150 ± 2 mm.
5.9.4. Il-linja taċ-ċentru tal-impattur għandha tiġi allinjata mal-linja taċ-ċentru tas-sistema ta' gwida tal-kustilji.
5.9.5. Is-severità tal-impatt tiġi speċifikata mill-għoli tal-waqgħat ta' 815, 204 u 459 mm. Dan l-għoli tal-waqgħat jirriżulta f'veloċitajiet ta' madwar 4, 2 u 3 m/s rispettivament. L-għoli tal-waqgħat għandu jiġi applikat bi preċiżjoni ta' 1 fil-mija.
5.9.6. L-ispostament tal-kustilji għandu jitkejjel, pereżempju bl-użu tal-istess transdjuser tal-ispostament tal-kustilji.
5.9.7. Ir-rekwiżiti meħtieġa għaċ-ċertifikazzjoni tal-kustilji huma indikati fit-Tabella 5 ta' dan l-anness.
5.9.8. Il-prestazzjoni tal-modulu tal-kustilji tista' tiġi aġġustata bis-sostituzzjoni tal-molla tat-tjuning ġewwa ċ-ċilindru b'oħra li jkollha ebusija differenti.
Tabella 5
Rekwiżiti għaċ-ċertifikazzjoni tal-modulu tal-kustilji sħiħ
Sekwenza tat-test |
L-għoli tal-waqgħa (bi preċiżjoni ta' 1 %) (mm) |
Spostament minimu (mm) |
Spostament massimu (mm) |
1 |
815 |
46,0 |
51,0 |
2 |
204 |
23,5 |
27,5 |
3 |
459 |
36,0 |
40,0 |
5.10. Sinsla lumbari
5.10.1. Is-sinsla lumbari tiġi mmuntata mal-forma tar-ras ta' ċertifikazzjoni speċjali b'massa ta' 3,9 ± 0,05 kg (ara l-Figura 6), permezz ta' pjanċa interfaċċa bi ħxuna ta' 12 mm u b'massa ta' 0,205 ± 0,05 kg.
5.10.2. Il-forma tar-ras u s-sinsla lumbari jiġu mmuntati ta' taħt fuq mal-qiegħ ta' pendlu tal-għonq (5) b'mod li jippermetti moviment laterali tas-sistema.
5.10.3. Il-pendlu tal-għonq huwa mgħammar b'aċċellerometru uniassali skont l-ispeċifikazzjoni tal-pendlu tal-għonq (ara l-Figura 5).
5.10.4. Il-pendlu tal-għonq għandu jitħalla jaqa' minn għoli predeterminat sabiex tintlaħaq veloċità tal-impatt ta' 6,05 ± 0,1 m/s imkejla fil-pożizzjoni tal-aċċellerometru tal-pendlu.
5.10.5. Il-pendlu tal-għonq jiġi deċellerat mill-veloċità tal-impatt għal żero permezz ta' apparat xieraq (6), kif deskritt fl-ispeċifikazzjoni tal-pendlu tal-għonq (ara l-Figura 5), li jwassal għal kurva tat-tibdil fil-veloċità/ħin fil-firxa ta' limiti speċifikata fil-Figura 8 u t-Tabella 6 ta' dan l-anness. Il-kanali kollha għandhom jiġu rreġistrati skont l-ispeċifikazzjonijiet għar-reġistrar tad-dejta tal-ISO 6487-2000 jew tas-SAE J211 (Marzu 1995) ffiltrata diġitalment skont l-ISO 6487:2000 b'CFC ta' 180 jew is-SAE J211:1995 b'CFC ta' 180. Id-deċellerazzjoni tal-pendlu għandha tiġi iffiltrata skont l-ISO 6487: 2000 b'CFC ta' 60 jew is-SAE J211:1995 b'CFC ta' 60.
Tabella 6
Il-Firxa ta' Limiti tal-kurva tat-Tibdil fil-Veloċità/Ħin tal-Pendlu għat-Test taċ-Ċertifikazzjoni tas-Sinsla Lumbari
Limitu ta' fuq tal-ħin [s] |
Veloċità [m/s] |
Limitu ta' taħt tal-ħin [s] |
Veloċità [m/s] |
0,001 |
0,0 |
0 |
– 0,05 |
0,0037 |
– 0,2397 |
0,0027 |
– 0,425 |
0,027 |
– 5,8 |
0,0245 |
– 6,5 |
|
|
0,03 |
– 6,5 |
5.10.6. L-angolu tal-flessjoni massimu tal-forma tar-ras relattiv għall-pendlu (Angolu dθA + dθC fil-Figura 6) għandu jkun bejn (u inklużi) 45,0 u 55,0° u jseħħ bejn (u inklużi) 39,0 u 53,0 ms.
5.10.7. L-ispostamenti massimi miċ-ċentru tal-gravità tal-forma tar-ras imkejla fl-angoli dθA u dθB (ara l-Figura 6) għandhom ikunu: Angolu bażi ta' quddiem tal-pendlu dθA ta' bejn (u inklużi) 31,0 u 35,0° li jseħħ bejn (u inklużi) 44,0 u 52,0 ms u angolu bażi fuq wara tal-pendlu dθB ta' bejn (u inklużi) 0,8 * (angolu dθA) + 2,00 u 0,8 * (angolu dθA) 4,50° li jseħħ bejn (u inklużi) 44,0 u 52,0 ms.
5.10.8. Il-prestazzjoni tas-sinsla lumbari tista' tiġi aġġustata billi tiġi mmodifikata t-tensjoni tal-kejbil tas-sinsla.
5.11. Addome
5.11.1. Il-manikin jitqiegħed bilqiegħda fuq superfiċje ċatta, orizzontali u riġida mingħajr appoġġ għad-dahar. It-toraċi jitqiegħed f'pożizzjoni vertikali, filwaqt li d-dirgħajn u r-riġlejn jitqiegħdu f'pożizzjoni orizzontali.
5.11.2. L-impattur huwa pendlu b'massa ta' 23,4 ± 0,2 kg u b'dijametru ta' 152,4 ± 0,25 mm u x-xifer tiegħu jkollu raġġ ta' 12,7 mm (7). L-impattur jiġi sospiż minn pernijiet riġidi permezz ta' tmien wajers, u l-linja taċ-ċentru tal-impattur tkun tal-inqas 3,5 m aktar 'l isfel mill-pernijiet riġidi (ara l-Figura 4).
5.11.3. L-impattur huwa mgħammar b'aċċellerometru sensittiv fid-direzzjoni tal-impatt, li jitqiegħed fuq il-fus tal-impattur.
5.11.4. Il-pendlu huwa mgħammar b'faċċata tal-impattur ta' “fejn jistrieħ id-driegħ” orizzontali ta' 1,0 ± 0,01 kg. Il-massa totali tal-impattur bil-faċċata ta' fejn jistrieħ id-driegħ hija ta' 24,4 ± 0,21 kg. L-“apparat fejn jistrieħ id-driegħ” riġidu huwa għoli 70 ± 1 mm, wiesa' 150 ± 1 mm u għandu jkun jista' jippenetra tal-inqas 60 mm ġewwa l-addome. Il-linja taċ-ċentru tal-pendlu tikkoinċidi maċ-ċentru ta' “fejn jistrieħ id-driegħ.”
5.11.5. L-impattur għandu jkun jista' jitbandal liberament għal fuq l-addome tal-manikin b'veloċità tal-impatt ta' 4,0 ± 0,1 m/s.
5.11.6. Id-direzzjoni tal-impatt għandha tkun perpendikulari għall-assi anterjuri-posterjuri tal-manikin u l-assi tal-impattur għandha tkun allinjata maċ-ċentru tat-transdjuser tal-forza ċentrali fuq l-addome.
5.11.7. Il-forza massima tal-impattur, miksuba mill-aċċelerazzjoni tal-impattur iffiltrata skont l-ISO 6487:2000 b'CFC ta' 80 u mmultiplikata bil-massa tal-impattur/ta' fejn jistrieħ id-driegħ, għandha tkun bejn (u inklużi) 4,0 u 4,8 kN, u sseħħ bejn (u inklużi) 10,6 u 13,0 ms.
5.11.8. Ir-reġistrar tal-kurvi tal-forza/ħin imkejla bit-tliet transdjusers tal-forza fuq l-addome għandhom jiġu magħduda u ffiltrati skont l-ISO 6487:2000 b'CFC ta' 600. Il-forza massima ta' din is-somma għandha tkun bejn (u inklużi) 2.2 u 2.7 kN, u sseħħ bejn (u inklużi) 10.0 u 12.3 ms.
5.12. Pelvi
5.12.1. Il-manikin jitqiegħed bilqiegħda fuq superfiċje ċatta, orizzontali u riġida mingħajr appoġġ għad-dahar. It-toraċi jitqiegħed f'pożizzjoni vertikali filwaqt li d-dirgħajn u r-riġlejn jitqiegħdu f'pożizzjoni orizzontali.
5.12.2. L-impattur huwa pendlu b'massa ta' 23,4 ± 0,2 kg u b'dijametru ta' 152,4 ± 0,25 mm u x-xifer tiegħu jkollu raġġ ta' 12,7 mm (8). L-impattur jiġi sospiż minn pernijiet riġidi permezz ta' tmien wajers, u l-linja taċ-ċentru tal-impattur tkun tal-inqas 3,5 m aktar 'l isfel mill-pernijiet riġidi (ara l-Figura 4).
5.12.3. L-impattur huwa mgħammar b'aċċellerometru sensittiv fid-direzzjoni tal-impatt, li jitqiegħed fuq il-fus tal-impattur.
5.12.4. L-impattur għandu jkun jista' jitbandal liberament għal fuq il-pelvi tal-manikin b'veloċità tal-impatt ta' 4,3 ± 0,1 m/s.
5.12.5. Id-direzzjoni tal-impatt għandha tkun perpendikulari għall-assi anterjuri-posterjuri tal-manikin u l-assi tal-impattur għandha tkun allinjata maċ-ċentru tal-kontrapjanċa tal-punt H.
5.12.6. Il-forza massima tal-impattur, miksuba mill-aċċelerazzjoni tal-impattur iffiltrata skont l-ISO 6487:2000 b'CFC ta' 180 u mmultiplikata bil-massa tal-impattur, għandha tkun bejn (u inklużi) 4,4 u 5,4 kN, u sseħħ bejn (u inklużi) 10,3 u 15,5 ms.
5.12.7. Il-forza massima fuq is-simifisi pubika, iffiltrata skont l-ISO 6487:2000 b'CFC ta' 600, għandha tkun bejn (u inklużi) 1,04 u 1,64 kN u sseħħ bejn (u inklużi) 9,9 u 15,9 ms.
5.13. Riġlejn
5.13.1. L-ebda proċedura ta' ċertifikazzjoni dinamika ma hi definita għar-riġlejn.
Figura 3
Dehra ġenerali tal-konfigurazzjoni tat-test taċ-ċertifikazzjoni tal-manikin tal-impatt laterali
Figura 4
Sospensjoni tal-impattatur f'forma ta' pendlu ta' 23,4 kg
Xellug: |
Sospensjoni b'erba' wajers (il-wajers trasversali mneħħija) |
Lemin: |
Sospensjoni bi tmien wajers |
Figura 5
Il-firxa ta' limiti tal-kurva tad-deċellerazzjoni/ħin tal-pendlu għat-test taċ-ċertifikazzjoni tal-għonq
Figura 6
Il-firxa ta' limiti tal-kurva tad-deċellerazzjoni/ħin tal-pendlu għat-test taċ-ċertifikazzjoni is-sinsla lumbari
Figura 7
Il-firxa ta' limiti tal-kurva tat-tibdil fil-veloċità/ħin tal-pendlu għat-test taċ-ċertifikazzjoni tal-għonq
Figura 8
Il-firxa ta' limiti tal-kurva tat-tibdil fil-veloċità/ħin tal-pendlu għat-test taċ-ċertifikazzjoni tas-sinsla lumbari
(1) Il-manikin jikkorrispondi mal-ispeċifikazzjoni tal-manikin ES-2. In-numru tal-werrej tal-kontenuti tad-disinn tekniku huwa: Nru E-AA-DRAWING-LIST-7-25-032 iddatat fil-25 ta' Lulju 2003. Is-sett sħiħ ta' disinji tekniċi ES-2 u l-Manwal tal-Utenti ES-2 jinsabu għand il-Kummissjoni Ekonomika għall-Ewropa tan-Nazzjonijiet Uniti (NU/KEE), Palais des Nations, Ġinevra, l-Iżvizzera u jistgħu jiġu kkonsultati fuq talba lis-segretarjat.
(2) Pendlu tal-għonq skont l-American Code of Federal Regulation 49 CFR. Kapitlu V, Parti 572.33 (Edizzjoni 10-1-00) (Ara wkoll il-Figura 5).
(3) L-użu ta' arranġament ta' sezzjonijiet eżagonali ta' 3 pulzieri huwa rrakomandat (ara l-Figura 5).
(4) Pendlu skont l-American Code of Federal Regulation 49 CFR Kapitlu V, Parti 572.36(a) (Edizzjoni 10-1-00) (Ara wkoll il-Figura 4).
(5) Pendlu tal-għonq skont l-American Code of Federal Regulation 49 CFR Kapitlu V, Parti 572.33 (Edizzjoni 10-1-00) (Ara wkoll il-Figura 5).
(6) L-użu ta' arranġament ta' sezzjonijiet eżagonali ta' 6 pulzieri huwa rrakomandat (ara l-Figura 5).
(7) Pendlu skont l-American Code of Federal Regulation 49 CFR Kapitlu V, Parti 572.36(a) (Edizzjoni 10-1-00) (Ara wkoll il-Figura 4).
(8) Pendlu skont l-American Code of Federal Regulation 49 CFR Kapitlu V, Parti 572.36(a) (Edizzjoni 10-1-00) (Ara wkoll il-Figura 4).
ANNESS 7
INSTALLAZZJONI TAL-MANIKIN TAL-IMPATT LATERALI
1. ĠENERALI
1.1. Il-manikin tal-impatt laterali kif deskritt fl-Anness 6 ta' dan ir-Regolament għandu jintuża skont il-proċedura tal-installazzjoni li ġejja.
2. INSTALLAZZJONI
2.1. Aġġusta l-ġogi tal-irkoppa u tal-għekiesi b'mod li jsostnu biss il-parti ta' isfel tar-riġel u s-sieq meta din tkun estiża orizzontalment (aġġustament ta' 1 sa 2 g).
2.2. Iċċekkja jekk il-manikin huwiex adattat għad-direzzjoni tal-impatt mixtieqa.
2.3. Il-manikin għandu jkun liebes qalziet, tal-qoton jiġġebbed u li joqgħodlu ssikkat, sa nofs il-pexxun, u jista' jitlibbes qmis tal-qoton jiġġebbed u li toqgħodlu ssikkata, bil-kmiem qosra.
2.4. Kull sieq għandha titlibbes żarbuna.
2.5. Qiegħed il-manikin fis-sit ta' quddiem tan-naħa ta' barra fuq in-naħa tal-impatt kif deskritt fl-ispeċifikazzjoni tal-proċedura tat-test tal-impatt laterali.
2.6. Il-pjan tas-simetrija tal-manikin għandu jikkoinċidi mal-pjan medjan vertikali tal-pożizzjoni bilqiegħda speċifikata.
2.7. Il-pelvi tal-manikin għandu jitqiegħed b'tali mod li linja laterali għaddejja mill-punti H tal-manikin tkun perpendikulari mal-pjan taċ-ċentru lonġitudinali tas-sit. Il-linja għaddejja mill-punti H tal-manikin għandha tkun orizzontali b'inklinazzjoni massima ta' ± 2° (1).
Il-pożizzjoni korretta tal-pelvi tal-manikin tista' tiġi ċċekkjata relattivament mal-punt H tal-Manikin tal-Punt H bl-użu tat-toqob M3 fil-kontrapjanċi tal-Punt H fuq kull naħa tal-pelvi ES-2. It-toqob M3 huma indikati b' “Hm”. Il-pożizzjoni “Hm” għandha tkun f'ċirku b'raġġ ta' 10 mm madwar il-punt H tal-Manikin tal-punt H.
Il-pożizzjoni korretta tal-pelvi tal-manikin
2.8. Il-parti ta' fuq tat-torso għandha tiġi milwija 'l quddiem u wara titqiegħed lura b'mod ferm mad-dahar tas-sit (ara n-nota 1). L-ispallejn tal-manikin għandhom jitqiegħdu għalkollox lura.
2.9. Irrispettivament mill-pożizzjoni bilqiegħda tal-manikin, l-angolu ta' bejn id-driegħ ta' fuq u l-linja ta' referenza tad-driegħ tat-torso fuq kull naħa għandu jkun 40° ± 5°. Il-linja ta referenza tad-driegħ tat-torso hija ddefinita bħala l-intersezzjoni tal-pjan tanġenzjali mas-superfiċje ta' quddiem tal-kustilji u l-pjan vertikali lonġitudinali tal-manikin li fih hemm id-driegħ.
2.10. Għall-pożizzjoni bilqiegħda tas-sewwieq, mingħajr ma tqanqal xi moviment tal-pelvi jew tat-torso, qiegħed is-sieq il-leminija tal-manikin fuq il-pedala tal-aċċeleratur mhux magħfusa bl-għarqub iserraħ 'il quddiem kemm jista' jkun fuq l-art. Qiegħed is-sieq ix-xellugija perpendikulari mal-parti ta' isfel tar-riġel bl-għarqub iserraħ fuq l-istess linja laterali bħall-għarqub tal-lemin. Qiegħed l-irkopptejn tal-manikin b'tali mod li s-superfiċji ta' barra tagħhom ikunu 150 ± 10 mm mill-pjan tas-simmetrija tal-manikin. Jekk ikun possibbli, f'dawn il-limitazzjonijiet, qiegħed il-koxox tal-manikin f'kuntatt mal-kuxxin tas-sit.
2.11. Għal pożizzjonijiet bilqiegħda oħra, mingħajr ma tqanqal xi moviment tal-pelvi jew tat-torso, qiegħed l-għarqbejn tal-manikin 'il quddiem kemm jista' jkun fuq l-art mingħajr ma tikkompressa l-kuxxin tas-sit aktar milli jingħafas bil-piż tar-riġel. Qiegħed l-irkopptejn tal-manikin b'tali mod li s-superfiċji ta' barra tagħhom ikunu 150 ± 10 mm mill-pjan tas-simmetrija tal-manikin.
(1) Il-manikin jista' jkun mgħammar b'sensuri tal-inklinazzjoni fit-toraċi u l-pelvi. Dawn l-istrumenti jistgħu jgħinu biex tinkiseb il-pożizzjoni mixtieqa.
ANNESS 8
TEST PARZJALI
1. GĦAN
L-għan ta' dawn it-testijiet huwa li jiġi vverifikat jekk il-vettura modifikata tippreżentax tal-inqas l-istess karatteristiċi (jew aħjar) ta' assorbiment ta' enerġija tat-tip tal-vettura approvat skont dan ir-Regolament.
2. PROĊEDURI U INSTALLAZZJONIJIET
2.1. Testijiet ta' referenza
2.1.1. Filwaqt li jintużaw il-materjali ta' pedding inizjali ttestjati fl-approvazzjoni tal-vettura, immuntati fi struttura laterali ġdida tal-vettura li għandha tiġi approvata, iridu jitwettqu żewġ testijiet dinamiċi, bl-użu ta' żewġ impatturi differenti (il-Figura 1).
2.1.1.1. L-impattur b'forma ta' ras, iddefinit fil-paragrafu 3.1.1 ta' hawn taħt, għandu jolqot, b'veloċità ta' 24,1 km/h, l-erja milquta mir-ras EUROSID waqt it-test tal-approvazzjoni tal-vettura. Ir-riżultat tat-test għandu jiġi rreġistrat, u l-HPC ikkalkulata. Madankollu, dan it-test ma għandux jitwettaq meta, waqt it-testijiet deskritti fl-Anness 4 ta' dan ir-Regolament: ir-ras ma tkun ġiet f'ebda kuntatt, jew meta r-ras tkun ġiet f'kuntatt mal-ħġieġ tat-tieqa biss, sakemm il-ħġieġ tat-tieqa ma jkunx ħġieġ illaminat.
2.1.1.2. L-impattur f'forma ta' blokka tal-ġisem, iddefinit fil-paragrafu 3.2.1 ta' hawn taħt, għandu jolqot, b'veloċità ta' 24,1 km/h, l-erja laterali milquta mill-ispalla, id-driegħ u t-toraċi EUROSID waqt l-approvazzjoni tal-vettura. Ir-riżultat tat-test għandu jiġi rreġistrat, u l-HPC ikkalkulat.
2.2. Test tal-approvazzjoni
2.2.1. It-testijiet speċifikati fil-paragrafi 2.1.1.1 u 2.1.1.2 għandhom jiġu ripetuti, fejn jintużaw il-materjali ta' pedding, sits, eċċ. ġodda ppreżentati għall-estensjoni tal-approvazzjoni, u mmuntati fi struttura laterali ġdida tal-vettura, u r-riżultati l-ġodda jiġu rreġistrati, u l-HPC tagħhom ikkalkulat.
2.2.1.1. L-estensjoni għandha tingħata, jekk l-HPC ikkalkulat mir-riżultati taż-żewġ testijiet tal-approvazzjoni jkun inqas mill-HPC miksub waqt it-testijiet ta' referenza (imwettqa bl-użu tal-materjali ta' pedding jew is-sits tat-tip oriġinali approvat).
2.2.1.2. Jekk l-HPC il-ġodda jkunu ogħla mill-HPC miksuba waqt it-testijiet ta' referenza, għandu jitwettaq test ġdid komplet (bl-użu tal-pedding/sits/eċċ. proposti).
3. TAGĦMIR TAL-ITTESTJAR
3.1. L-impattur f'forma ta' ras (il-Figura 2)
3.1.1. Dan l-apparat huwa magħmul minn impattur lineari totalment iggwidat, riġidu, b'massa ta' 6,8 kg. Is-superfiċje tal-impatt tiegħu għandu forma ta' emisfera b'dijametru ta' 165 mm.
3.1.2. Il-forma ta' ras għandha tiġi ffittjata b'żewġ aċċellerometri u strument tal-kejl tal-veloċità, li kollha jkunu kapaċi jkejlu l-valuri fid-direzzjoni tal-impatt.
3.2. L-impattur f'forma ta' blokka tal-ġisem (il-Figura 3)
3.2.1. Dan l-apparat huwa magħmul minn impattur lineari totalment iggwidat, riġidu, b'massa ta' 30 kg. Id-dimensjonijiet u s-sezzjoni trasversali tiegħu huma ppreżentati fil-Figura 3.
3.2.2. Il-blokka tal-ġisem għandha tkun mgħammra b'żewġ aċċellerometri u strument tal-kejl tal-veloċità, li kollha jkunu kapaċi jkejlu valuri fid-direzzjoni tal-impatt.
ANNESS 9
PROĊEDURI TAT-TEST GĦALL-PROTEZZJONI, TAL-OKKUPANTI TA' VETTURI LI JAĦDMU BL-ENERĠIJA ELETTRIKA, MINN VULTAĠĠ GĦOLI U MINN TIXRID TAL-ELETTROLIT
Dan l-anness jiddeskrivi l-proċeduri tat-test bħala prova tal-konformità mar-rekwiżiti dwar is-sikurezza elettrika tal-paragrafu 5.3.7. Pereżempju, il-kejl bil-megommetru u l-ossilloskopju huma alternattiva xierqa għall-proċedura deskritta hawn taħt għall-kejl tar-reżistenza tal-iżolament. F'dan il-każ jista' jkun hemm bżonn li tiġi deattivata s-sistema ta' monitoraġġ tar-reżistenza tal-iżolament fil-vettura.
Qabel isir it-test tal-impatt tal-vettura, il-vultaġġ tal-assemblaġġ b'vultaġġ għoli (Vb) (ara l-Figura 1) għandu jitkejjel u jiġi rrekordjat sabiex jiġi kkonfermat li jkun fil-limiti tal-vultaġġ operattiv tal-vettura kif speċifikat mill-manifattur tal-vettura.
1. IL-KONFIGURAZZJONI U T-TAGĦMIR TAT-TEST
Jekk tintuża l-funzjoni ta' skonnessjoni ta' vultaġġ għoli, il-kejl irid jittieħed miż-żewġ naħat tal-apparat li minnu tintuża l-funzjoni ta' skonnessjoni.
Madankollu, jekk l-iskonnessjoni ta' vultaġġ għoli tkun integrata fir-REESS jew is-sistema ta' konverżjoni tal-enerġija u l-assemblaġġ b'vultaġġ għoli tar-REESS jew is-sistema ta' konverżjoni tal-enerġija ikollha grad ta' protezzjoni IPXXB wara t-test tal-impatt, il-kejl jista' jsir biss bejn l-apparat li minnu tintuża l-funzjoni ta' skonnessjoni u t-tagħbijiet elettriċi.
Il-voltmetru użat f'dan it-test għandu jkejjel il-valuri DC u jkollu reżistenza ta' mill-inqas 10 MΩ.
2. GĦALL-KEJL TAL-VULTAĠĠ, JISTGĦU JINTUŻAW DAWN L-ISTRUZZJONIJIET LI ĠEJJIN:
Wara t-test tal-impatt, iddetermina l-vultaġġi tal-assemblaġġ b'vultaġġ għoli (Vb, V1, V2) (ara l-Figura 1).
Il-kejl tal-vultaġġ irid isir mhux aktar kmieni minn 5 sekondi imma mhux iktar tard minn 60 sekonda wara l-impatt.
Din il-proċedura ma tapplikax jekk it-test isir f'kundizzjoni fejn is-sistema tal-motopropulsjoni elettrika ma tkunx enerġizzata.
Figura 1
Il-kejl ta' Vb, V1, V2
Test ta 'immaġni
3. PROĊEDURA TA' VALUTAZZJONI GĦAL ENERĠIJA ELETTRIKA BAXXA
Qabel l-impatt, swiċċ S1 u reżister ta' skariku magħruf Re jiġu konnessi b'mod parallel mal-kapaċitanza rilevanti (ara l-Figura 2).
Mhux aktar qabel minn 5 sekondi u mhux aktar tard minn 60 sekonda wara l-impatt, is-swiċċ S1 għandu jingħalaq filwaqt li jitkejlu u jiġu rreġistrati l-vultaġġ Vb u l-kurrent Ie. Il-prodott tal-multiplikazzjoni tal-vultaġġ Vb u l-kurrent Ie għandu jiġi integrat fuq perjodu tal-ħin; jibda mill-mument meta jingħalaq is-swiċċ S1 (tc) sakemm il-vultaġġ Vb jiġi taħt il-limitu ta' vultaġġ għoli ta' 60 V DC (th). Il-valur riżultanti tal-integrazzjoni huwa l-ekwivalenti tal-enerġija totali (TE) f'Joules.
(a) |
Meta Vb jitkejjel f'ħin ta' bejn 5 sekondi u 60 sekonda wara l-impatt u l-kapaċitanza tal-X-kapasiters (Cx) tkun speċifikata mill-manifattur, l-enerġija totali (TE) għandha tiġi kkalkulata mill-formula li ġejja: |
(b) |
TE = 0,5 × Cx × (Vb 2 – 3 600) Meta V1, V2 (ara l-Figura 1) jitkejlu f'ħin ta' bejn 5 sekondi u 60 sekonda wara l-impatt u l-kapaċitanzi tal-Y-kapasiters (Cy1, Cy2) ikunu speċifikati mill-manifattur, l-enerġija totali (TEy1, TEy2) għandha tiġi kkalkulata mill-formuli li ġejjin: |
(c) |
TEy1 = 0,5 × Cy1 × (V1 2 – 3 600) TEy2 = 0,5 × Cy2 × (V2 2 – 3 600) Din il-proċedura ma tapplikax jekk it-test isir f'kundizzjoni fejn is-sistema tal-motopropulsjoni elettrika ma tkunx enerġizzata. |
Figura 2
Eż. il-kejl tal-enerġija tal-assemblaġġ b'vultaġġ għoli maħżuna fl-X-kapasiters
Test ta 'immaġni
4. PROTEZZJONI FIŻIKA
Wara t-test tal-impatt tal-vettura, il-partijiet li jista' jkun hemm madwar il-komponenti b'vultaġġ għoli għandhom jinfetħu, jiżżarmaw u jitneħħew mingħajr l-użu ta' għodod. Il-partijiet kollha li jkun hemm madwar il-komponenti jitqiesu bħala parti mill-protezzjoni fiżika.
Is-saba' tat-test artikolat deskritt fil-Figura tal-Appendiċi ta' dan l-Anness għandu jiddaħħal fl-ispazji jew fil-fetħiet tal-protezzjoni fiżika b'forza tat-test ta' 10 N ± 10 fil-mija, għall-valutazzjoni tas-sikurezza elettrika. Jekk isseħħ xi penetrazzjoni parzjali jew sħiħa fil-protezzjoni fiżika mis-saba' tat-test artikolat, is-saba' tat-test artikolat għandu jitqiegħed f'kull pożizzjoni speċifikata hawn taħt.
Minn pożizzjoni wieqfa, iż-żewġ ġogi tas-saba' tat-test għandhom jiddawru progressivament f'angolu li jasal sa 90° mal-assi tas-sezzjoni li tmiss tas-saba' u għandhom jitqiegħdu f'kull pożizzjoni possibbli.
L-ostakli interni għall-protezzjoni elettrika jitqiesu parti mill-kaxxa.
Jekk ikun xieraq, provvista b'vultaġġ baxx (ta' mhux anqas minn 40 V u mhux aktar minn 50 V) għandha titqabbad f'serje ma' lampa adatta, bejn is-suba' tat-test artikolat u l-partijiet “live” ta' vultaġġ għoli fl-ostaklu jew fil-kaxxa ta' protezzjoni elettrika.
4.1. Kundizzjonijiet għall-aċċettazzjoni
Ir-rekwiżiti tal-paragrafu 5.3.7.1.3 għandhom jiġu kkunsidrati bħala ssodisfati jekk is-saba' tat-test artikolat deskritt fil-Figura tal-Appendiċi ta' dan l-anness ma jkunx jista' jiġi f'kuntatt mal-partijiet “live” b'vultaġġ għoli.
Jekk ikun meħtieġ tista' tintuża mera jew fiberskopju sabiex issir spezzjoni jekk is-Suba' tat-Test Artikolat imissx l-assemblaġġ b'vultaġġ għoli.
Jekk dan ir-rekwiżit jiġi vverifikat minn ċirkwit ta' sinjali bejn is-saba' tat-test artikolat u l-partijiet “live” b'vultaġġ għoli, il-lampa ma għandhiex tixgħel.
5. REŻISTENZA TAL-IŻOLAMENT
Ir-reżistenza tal-iżolament bejn l-assemblaġġ b'vultaġġ għoli u x-xażi elettriku tista' tintwera jew billi titkejjel jew permezz ta' kumbinazzjoni ta' kejl u kalkolu.
L-istruzzjonijiet li ġejjin jintużaw f'każ li r-reżistenza tal-iżolament tintwera billi titkejjel.
|
Kejjel u rreġistra l-vultaġġ (Vb) bejn il-pol negattiv u dak pożittiv tal-assemblaġġ b'vultaġġ għoli (ara l-Figura 1); |
|
Kejjel u rreġistra l-vultaġġ (V1) bejn il-pol negattiv tal-assemblaġġ b'vultaġġ għoli u x-xażi elettriku (ara l-Figura 1): |
|
Kejjel u rreġistra l-vultaġġ (V2) bejn il-pol pożittiv tal-assemblaġġ b'vultaġġ għoli u x-xażi elettriku (ara l-Figura 1): |
Jekk V1 ikun ikbar minn jew daqs V2, daħħal reżistenza magħrufa standard (Ro) bejn il-pol negattiv tal-assemblaġġ b'vultaġġ għoli u x-xażi elettriku. Bir-reżistenza installata (Ro), kejjel il-vultaġġ (V1′) bejn il-pol negattiv tal-assemblaġġ b'vultaġġ għoli u x-xażi elettriku tal-vettura (ara l-Figura 3). Ikkalkula r-reżistenza tal-iżolament (Ri) mill-formula murija hawn taħt.
Ri = Ro * (Vb/V1′ – Vb/V1) or Ri = Ro * Vb * (1/V1′ – 1/V1)
Iddividi r-riżultat Ri, li huwa l-valur tar-reżistenza tal-iżolament elettrika f'ohms (Ω), bil-vultaġġ operattiv tal-assemblaġġ b'vultaġġ għoli f'volts (V).
Ri (Ω/V) = Ri (Ω)/Vultaġġ operattiv (V)
Figura 3
Il-kejl ta' V1′
Test ta 'immaġni
Jekk V2 ikun ikbar minn jew daqs V1, daħħal reżistenza magħrufa standard (Ro) bejn il-pol negattiv tal-assemblaġġ b'vultaġġ għoli u x-xażi elettriku. Bir-reżistenza installata (Ro), kejjel il-vultaġġ (V2′) bejn il-pol pożittiv tal-assemblaġġ b'vultaġġ għoli u x-xażi elettriku (ara l-Figura 4).
Ikkalkula r-reżistenza tal-iżolament (Ri) mill-formula murija hawn taħt.
Ri = Ro * (Vb/V2′ – Vb/V2) or Ri = Ro * Vb * (1/V2′ – 1/V2)
Iddividi r-riżultat Ri, li huwa l-valur tar-reżistenza tal-iżolament elettrika f'ohms (Ω), bil-vultaġġ operattiv tal-assemblaġġ b'vultaġġ għoli f'volts (V).
Ri (Ω/V) = Ri (Ω)/Vultaġġ operattiv (V)
Ri = Ro * (Vb/V2′ – Vb/V2) or Ri = Ro * Vb * (1/V2′ – 1/V2)
Figura 4
Il-kejl ta' V2′
Test ta 'immaġni
Nota: Ir-reżistenza magħrufa standard Ro (f' Ω) għandha tkun il-valur tar-reżistenza tal-iżolament minima meħtieġa (f' Ω/V) multiplikat bil-vultaġġ operattiv (f'V) tal-vettura ± 20 fil-mija. Mhux meħtieġ li l-valur ta' Ro ikun eżatt daqs dan il-valur minħabba li l-ekwazzjonijiet huma validi għal kwalunkwe Ro; madankollu, valur ta' Ro f'din il-medda ta' valuri għandu jagħti riżoluzzjoni tajba għall-kejl tal-vultaġġ.
6. TIXRID TAL-ELETTROLIT
Jekk ikun meħtieġ, il-protezzjoni fiżika għandha tingħata kisja biex tiġi vverifikata kwalunkwe tnixxija tal-elettrolit mir-REESS wara t-test tal-impatt.
Sakemm il-manifattur ma jipprovdix mezzi biex jidentifika t-tnixxija ta' likwidi differenti, it-tnixxija ta' kull tip ta' likwidu għandha titqies bħala tnixxija tal-elettrolit.
7. IL-KONFORMITÀ TAŻ-ŻAMMA TAR-REESS GĦANDHA TIĠI STABBILITA PERMEZZ TA' SPEZZJONI VIŻWALI.
Appendiċi
SUBA' TAT-TEST ARTIKOLAT (GRAD TA' PROTEZZJONI IPXXB)
Figura
Suba' tat-test artikolat
Test ta 'immaġni
Materjal: metall, ħlief meta speċifikat mod ieħor
Dimensjonijiet lineari f'millimetri
Tolleranzi fuq id-dimensjonijiet mingħajr tolleranza speċifika:
(a) |
Fuq l-angoli: 0/– 10° |
(b) |
Fuq id-dimensjonijiet lineari
|
Iż-żewġ artikolazzjonijiet għandhom jippermettu moviment fl-istess pjan u l-istess direzzjoni f'angolu ta' 90° b'tolleranza ta' minn 0 sa + 10°.